Bible

तीतस

1¹परमेश्‍वरका सेवक र येशू ख्रीष्‍टका प्रेरित पावल, परमेश्‍वरद्वारा चुनिएका मानिसहरूको विश्‍वासकाे लागि र सत्यताको ज्ञानकाेलागि स्थापित गर्न जुन भक्‍तिसित सहमत हुँदछ, ²अनन्त जीवनको आशामा, झुटरहित परमेश्‍वरले समयका सबै युगभन्दा पहिले प्रतिज्ञा गर्नुभयो । ³ठिक समयमा, हाम्रा मुक्‍तिदाता परमेश्‍वरको आदेशअनुसार मलाई प्रचार गर्न सुम्पिएको सन्देशद्वारा उहाँले आफ्नो वचन प्रकट गर्नुभयो ।⁴हाम्रो साझा विश्‍वासमा साँचाे छोरा तीतसलाई, पिता परमेश्‍वर र हाम्रा मुक्‍तिदाता ख्रीष्‍ट येशूबाट अनुग्रह, र शान्ति । ⁵किनकि अझै पूरा नभएका कुराहरूलाई तिमीले व्यवस्थित गर्न सक र मैले तिमीलाई निर्देशन गरेबमोजिम हरेक सहरमा एल्डरहरू नियुक्‍त गर्न सक भन्‍ने उद्देश्यले मैले तिमीलाई क्रेटमा छोडें ।⁶एल्डर दोषरहित, एकै पत्‍नीका पति, दुष्‍ट वा अनुशासनहीनको दोष नलागेका विश्‍वासयोग्य छोराछोरीहरू भएको हुनुपर्छ । ⁷परमेश्‍वरको घरानाका व्यवस्थापकको रूपमा बिशपका लागि दोषरहित हुनु आवश्‍यक छ । तिनी नझर्कने, छिटाे क्रोधित नहुने, मद्यको लत नलागेको, झैंझगडा नगर्ने र लोभ नगर्ने मानिस हुनुपर्छ ।⁸बरू तिनी अतिथि सत्कार गर्ने र जे असल छ सोको मित्र हुनुपर्छ । तिनी संवेदनशील, धर्मी, पवित्र र आत्मसंयमी हुनुपर्छ । ⁹तिनी सिकाइएकाे भरोसायोग्य वचनमा दह्रोसँग लाग्‍नुपर्छ, ताकि तिनले अरूहरूलाई उचित शिक्षाले उत्साह दिन सकून् र तिनको विरोध गर्नेहरूलाई सुधार्न सकून् ।¹⁰किनकि त्यहाँ धेरै अनुशासनहीन मानिसहरू , खाली कुरा गर्नेहरू र छल गर्नेहरू, विशेष गरी ती खतना गरेकाहरू यस्तै छन् । ¹¹तिनीहरूलाई रोक्‍न आवश्यक छ । तिनीहरूले निर्लज्‍ज लाभका निम्ति सिकाउनु नहुने कुरा सिकाउँदै सम्पूर्ण परिवारलाई बर्वाद पारिरहेका छन् ।¹²तिनीहरूका आफ्नै अगमवक्ताहरूमध्येएकजनाले भनेका छन्, “क्रेटका मानिसहरू सधैं झूटो बोल्नेहरू, खराब जनावरहरू, अल्छी घिवुवाहरू हुन् ।” ¹³यो भनाइ सत्य छ । त्यसैकारण तिनीहरूलाई कडाइका साथ सुधार ताकि तिनीहरू विश्‍वासमा ठिक हुन सकून्, ¹⁴र यहूदी झूटा कहानीहरू वा सत्यबाट टाढा हुने मानिसहरूका आदेशहरूमा कुनै ध्यान नदेऊन् ।¹⁴यहूदीहरूका दन्त्य कथामा र सत्यताबाट तर्केर गएका मानिसहरूका आदेशहरूमा समय खेर नफाल ।¹⁵शुद्ध हुनेहरूका निम्ति सबै थोक शुद्ध हुन्छन् । तर भ्रष्ट र विश्‍वास नगर्नेहरूका निम्ति भने केही पनि शुद्ध हुँदैन, बरु तिनीहरूका मन र विवेक दुवै भ्रष्ट भएका हुन्छन् । ¹⁶तिनीहरूले परमेश्‍वरलाई चिनेको छु त भन्छन्, तर तिनीहरूका कामले उहाँलाई इन्कार गर्छन् । तिनीहरू घृणित र अनाज्ञाकारी हुन्छन् अनि कुनै पनि असल कामका लागि योग्यका ठहरिंदैनन् ।

2¹तर तिमीले विश्‍वासयोग्य सिद्धान्तसँग मिल्ने कुरो बाेल। ²वृद्ध पुरुषहरूलाई संयम, प्रतिष्‍ठित, समझदार, विश्‍वासमा, प्रेममा र धैर्यमा पक्‍का हुन सिकाऊ।³त्यसैगरी वृद्ध स्‍त्रीहरूलाई आदरणीय प्रस्तुत हुन सिकाऊ, कुरौटे होइन, वा धेरै मद्य पिइरहने होइन तर असल कुराको शिक्षकहरू बन्न सिकाऊ, ⁴र जवान स्‍त्रीहरूलाई आफ्ना पतिहरू र बालबालिकाहरूलाई प्रेम गर्न , ⁵समझदार हुन, शुद्ध, असल गृहिणी र तिनीहरूका आफ्ना पतिहरूका आज्ञा पालन गर्न सिकाऊ ताकि परमेश्‍वरको वचनको निन्दा नगरियोस् ।⁶त्यसैगरी जवान पुरुषहरूलाई समझदार हुनलाई प्रोत्साहान गर । ⁷सबै कुरामा आफैलाई असल कामहरूको एउटा नमूनाको रूपमा प्रस्तुत गर । तिमीले सिकाउँदा इमान्दारीता, प्रतिष्‍ठा र निन्दा गर्न नसक्‍ने सही सन्देश देखाऊ, ⁸ताकि तिम्रो विरोध गर्न प्रयास गर्नेसँग हाम्राे बारेमा भन्‍ने कुनै पनि खराब कुरा नभएकोले त्याे शर्ममा पराेस् ।⁹दासहरूलाई हरेक कुरामा तिनीहरूका मालिकहरूका आज्ञा पालन गर्न, तिनीहरूलाई खुसी पार्न र तिनीहरूसँग विवाद नगर्न, ¹⁰र तिनीहरूबाट चोरी नगर्न सिकाऊ, तर यसको सट्टा सबै असल विश्‍वास प्रकट गर्न सिकाऊ , ताकि तिनीहरूले हाम्रा मुक्‍तिदाता परमेश्‍वरबारेको हाम्रो शिक्षालाई हरतरहले आकर्षक बनाऊन् ।¹¹किनकि सबै मानसहरूकाे मुक्‍तिको लागि परमेश्‍वरको अनुग्रह देखा परेको छ। ¹²यसले हामीलाई अधार्मिकता र संसारिक इच्छाहरूलाई इन्कार गर्न, र यस युगमा आत्मासंयमी, धार्मिक र ईश्‍वरीय जीवन जिउन तालिम दिन्छ, ¹³जब हामी धन्यको आशा अर्थात् हाम्रा महान् परमेश्‍वर र मुक्‍तिदाता येशू ख्रीष्‍टको महिमा प्रकट हुने कुराको प्रतिक्षा गर्छौं ।¹⁴हामीलाई सबै अधार्मिकताबाट स्वतन्‍त्र पार्न, र आफ्नै निम्ति असल काम गर्न इच्छुक महत्‍वपूर्ण मानिसहरूलाई शुद्ध बनाउन येशूले आफैंलाई हाम्रो निम्ति दिनुभयो ।¹⁵यी कुराहरू भन, र मानिसहरुलाई यो गर्न उत्साह देऊ, र सारा अधिकारसहित सच्याऊ । तिमीलाई कसैले अनादर नगरोस् ।

3¹शासकहरू र अधिकारीहरूका अधिनमा रहन, तिनीहरूका आज्ञा मान्‍न र हरेक असल कामका लागि तयार बस्‍न, ²कसैको निन्दा नगर्न, झैंझगडा गर्न उत्सुक नहुन, र सबै मानिसहरूप्रति नम्रता देखाउँदै कोमल हुन याद दिलाऊ ।³किनकि एक पटक हामीहरू पनि लापरवाह र अनाज्ञाकारी थियौं । हामी बरालिएका र धेरै प्रकारका खराब इच्छाहरू र विलासिताको दासत्वमा थियौं । हामी दुष्‍टता र ईर्ष्यामा जिउँथ्यौं । हामी घृणित र एक अर्कालाई घृणा गर्ने मानिस थियौं ।⁴तर जब परमेश्‍वर हाम्रा उद्धारकको दया र मानवजातिप्रति उहाँको प्रेम देखा पर्‍यो, ⁵त्याे हामीले धार्मिकतामा गरेका कामहरूद्वारा होइन, तर उहाँको कृपाअनुसार नयाँ जन्मको स्‍नान र पवित्र आत्माको नविकरणद्वारा उहाँले हामीलाई बचाउनुभयो ।⁶परमेश्‍वरले हाम्रा उद्धारक येशू ख्रीष्‍टद्वारा हामीमाथि पवित्र आत्मा प्रशस्त मात्रामा खन्याउनुभयो, ⁷ताकि उहाँको अनुग्रहद्वारा धर्मी ठहरिएर हामी अनन्त जीवनको आशामा उत्तराधिकारीहरू हुन सकौं ।⁸यी वचनहरू विश्‍वासयोग्य छन् । तिमी यी कुराहरूबारे ‍द‍ृढतासाथ बाेलेको म चाहन्छु, ताकि परमेश्‍वरमा विश्‍वास गर्नेहरूले असल कामहरूतिर तिनीहरूका मन लगाऊन् । यी कुराहरू सबै मानिसहरूका लागि असल र फाइदाजनक छन् ।⁹तर व्यवस्थाबारेको मूर्खतापूर्ण वादविवादहरू, वंशावलीहरू, झगडा र द्वन्दबाट अलग रहनू । ती कुराहरू बेफाइदाका र मूल्यहीन छन् । ¹⁰एक या दुई पटकको चेतावनी पश्‍चात् तिमीहरूका बीचमा विभाजन गराउने जो-कोहीलाई इन्कार गर, ¹¹याे जानेर कि यस्तो मानिस सही मार्गबाट भड्केको छ, पाप गर्दैछ र आफैलाई दोष्याउँछ ।¹²जब म अर्तिमास वा तुखिकसलाई तिमीकहाँ पठाउँछु, चाँडो गर, र निकोपोलिसमा आऊ, जहाँ मैले हिउँद बिताउने निर्णय गरेको छु । ¹³वकिल जेनास र अपोल्‍लोसलाई तिनीहरूकाे यात्रामा पठाउनलाई तिमीले गर्न सक्ने सबै थोक गर ताकि तिनीहरूलाई कुनै कुराकाे अभाव नहाेस्।¹⁴हाम्रा मानिसहरू अत्यावश्‍यक खाँचाहरू पूरा गर्ने असल कामहरूमा आफैं लाग्‍न सिक्‍नुपर्छ, ताकि तिनीहरू निष्फल नहोऊन् ।¹⁵मसँग भएका सबैले तिमीलाई अभिवादन पठाएका छन् । विश्‍वासमा हामीलाई प्रेम गर्नेहरूलाई अभिवादन भनिदेऊ । तिमीहरू सबैसँग अनुग्रह रहोस् ।

Nepali: Unlocked Literal Bible for तीतस

Formatted for Translators

तीतस