¹ Tsamba yekubarwa kwa Jesu kristu, mwana waDahavhidha, mwna waAbrahama. ² Abrahama wakabara Isaka, naIsaka wakabara Jakobe, naJakobe wakabara Judha newanukuna wake; ³ NaJudha wakabara Farezi naZara Waakaita na Tamari, naFarezi wakabara Hezironi, naHezironi wakabaraAramu; ⁴ NaAramu wakabara Aminadhabhi, naAminadhabhi wakabara Nasoni, naNasoni wakabara Sarimini; ⁵ naSarimoni wakabara Bhoazi waakaita na Rahabi, naBhoazi wakabara Obhedhi waakaita na Rute, naObhedhi wakabara Jesi, ⁶ naJesi wakabara Dhavhidha uwo wainga ari mambo. NaDhavhidha mambo wakabara Soromoni nemukadzi uwo wainga ari waUria. ⁷ NaSoromoni wakabara Rehobhoamu, naRehobhoamu wakabara Abhia, naAbhia wakabara Asa. ⁸ na Asa wakabara Jehoshafati, naJehoshafati wakabara Joramu, naJoramu wakabara Uzia. ⁹ NaUzia wakabara Jotamu, naJotamu wakabara Ahazi, naAhazi wakabara Hezekia. ¹⁰ NaHezekia wakabara Manase, naManase wakabara Amoni, naAmoni wakabara Josia, ¹¹ naJosia wakabara Jekonia nevanukuna wake, panguva yekutorwa kuenda Bhabhironi. ¹² Ngesure kwokutorwa kuenda Bhabhuroni, Jekonia wakabara Saratieri, naSaratieri wakabara Zerubhabheri. ¹³ NaZerubaberi wakabara Abhiudhi, naAbhiudhi wakabara Eriakimu, naEriakimu wakabara Azo; ¹⁴ naAzo wakabara Zadoki, naZadoki wakabara Akimu, naAkimu wakabara Eriudhi; ¹⁵ NaEriudhi wakabara Eriazari, naEriazari wakabara Matani, naMatani wakabara Jakobe, ¹⁶ naJakobe wakabara Josefa, mwamuna waMaria, uwo wakabara Jesu unozwi Kristu. ¹⁷ Mibarirwana yeshe kubva kunaAbrahama kuguma kuna Dhavhidha, yaka ita gumi nemirongomuna, kubvira kunaDhavhidha kuguma pakutorwa kuenda Bhabhironi mibarirwana yaka ita gumi nemirongomuna, nokubvira paakatorwa kuenda Bhabhironi metsa kuguma panaKristu madzinza gumi nemirongomuna. ¹⁸ Kubarwa kwaJesu Kristu kwakadai: Maria, mai ake wainga aemeserwa Josefa, vasati vasangana, ena wakaoneka aanemimba yoMweya Wakachena. ¹⁹ NaJosefa mwamuna wake, ngokuti wainga ari munhu wakanaka, asikadi kumunhadzisa, waida kuti amurambe nokufishika. ²⁰ Paainga etchikarakadza ndizvo, ngirosi yaMambo yakaoneka kwaari nokurota yechiti: “Josefa, mwana waDhavhidha, usatyka kutora Maria mukadzi wako, nekuti mimba iyo yaanayo ngeyoMweya Wakachena. ²¹ Unozobara mukomana; newe unozodudza zita rake kuti Jesu nekuti ndiye unozoponesa vanhu vake kubva kuzvishaishi zvavo”. ²² Zveshe izvi zvakaitika kuti zvizadzisike izvo zvakareketwa ndiMambo kubudikidza nemuprofeti echiti: ²³ itchaita mhandara inozoita mimba, nekuzo bereka mwana we mukomana, navo vanozodudza zita rake kuti Emanueri” riunoti, “Mwari unesu”. ²⁴ Josefa paamuka kudva muhope, wakaita kudai ngokuronza kwengirosi yaMambo, wakatora mukadzi wake. ²⁵ Naye aazi kusangana naye metsa wakabara mwanakomana; naye wakadudza zita rake kuti Jesu.

¹ Pakubva kubarwa kwa Jesu muBeterehema reJudhia ngemazuva aHerodhi mambo, kwakauya vazii vaidzidza ngezvenyeredzi vechibva kumabvazuva vakaguma Jerusarema, Vechiti: ² “Uri pari uwo wakabarwa Mambo wavaJudha? Nokuti takaona nyeredzi yake kumabvazuva, nesu tauya kuti timudire.” ³ Herodhi mambo pakazwa izvo, wakatambudzika neveJerusarema veshe naye. ⁴ Herodhi wakaunganidza pamwepo vapristi vakuru veshe nevanyori vevanhu, akavabvunza kuti, “Unozobarwa pari Kristu? ” ⁵ Avo vakati kwaari, “MuBetherehema reJudhia; nokuti kwakanyorwa nemuprofetita etchiti: ⁶ ‘Iwewe Betherehema, nyika yaJudha, ausi mudoko pakati pemadhorobha avaJudha; nokuti kwouri kunozobuda mutungamiriri uwo unozoita muushi wevanhu vangu vaIsuraeri.’ ⁷ Apo Herodhi wakadhaidza vazii vaidzidza ngezvenyeredzi ngokufishika, akanasa kubvunzisisa kwavari nguva weyakaoneka nyeredzi. ⁸ Naye wakavatuma muBetherehema, akati, “Endai munase kutsvakisisa uwo mwana mudoko; kuti mukamuona mundivunze, kuti neniwo ndiende ndimudire”. ⁹ Apo pavakapedza kuzwa mambo, vakaenda, nyeredzi iyo yevakaona kumabvazuva yakavatungamirira metsa yakaguma pandau apo painga nemwana mudoko. ¹⁰ Apo pavakaona nyeredzi vakadakara nokudakara kukuru. ¹¹ Vakangena mumhatso, vakaona mwana mudoko naMaria mai ake; navo vakakotama pashi, vakamudira.Vakabeura pfuma yavo vakamupa zvipo, mukore, makha nemhura. ¹² Mwari akavapangwa mukurota kuti vasatchahwirira kunaHerodhi, vakaenda ngenjira imweni kunyika yavo. ¹³ Pavakaenda, ngirosi yaMambo yakaoneka kunaJosefa mukurota yechiti, “Muruka, utore mwana mudoko namai ake, utizire Egipite, ugare apo metsa ndikuronzere, nekuti Herodhi unozotsvaka mwana mudoko kuti amuuraye”. ¹⁴ Ena wakamiruka, akatora mwana mudoko namai ake usiku, wakaenda Egipite. ¹⁵ Naye wakagareyo metsa kufa kwaHerodhi. Kuti zvidzadzisike izvo zvakareketwa ndiMambo kubudikidza nemuprofeti echiti: “Ndakadaidza mwana komana wangu kuti abude Egipite”. ¹⁶ Apo Herodhi paakaona kuti wakaitirwa jee ngevazii vaidzidza ngezvenyeredzi, wakanhangadzwa kukuru. Akaauraisa vadoko veshe vevakomana vainga vari muBetherehema nenharaunda yaro yeshe, avo vainga vaane makore mairi nevainga pashi paawo, kudai nenguwa iyo yaainga akanasa kubvunzisisa vazii. ¹⁷ Asi Zvakazadzisika izvo zvakareketwa kubudikidza ndiJeremia muprofeti echiti: ¹⁸ “Izkwi rakazwika muRama, kuchema nokutsumba kukuru, Racheri echichemera vana vake, asikatendi kuembedzerwa, nokuti vainga vasisipo”. ¹⁹ Asi apo Herodhi afa, ngirosi yaMambo yakaoneka mukurota kunaJosefa ari muEgipite yechiti: ²⁰ “Muruka, utore mwana mudoko namai ake, uende munyika yeIsuraeri; ngokuti avo vaitsvaka kuuraya mwana mudoko vakafa.” ²¹ Josefa wakamuruka, akatora mwana mudoko namai ake, akauya munyika yeIsuraeri. ²² Asi paakazwa kuti Akirausi wainga mambo weJudhia pandau yababa ake Herodhi, wakatkya kuendeyo; echinyowedzwa mukurota, wakapaukira kunyika yeGarire, ²³ wakauya akagara muguta rinozwi Nazaretha; kuti rizadzisike izwi rakaereketwa ngevaprofeti kuti, “Unozozwi muNazaretha”.

¹ Pamazuawo, pakaoneka Johani muBhabhatidzi etchiparidza mushango mweJudhia ² etchiti: “Tendeukai; ngokuti umambo hwomudenga waa phaduze”. ³ Nokuti uyu ndiye waakareketwa ndi Isaya muprofeti echiti: izwi rounodaidzira mushango: “Nasirirai njira yaMambo, thobhesai njira dzake”. ⁴ Johani waisimira chipfeko chakanasirwa ngemamviri ekamera, nebhande redoo muchiunu chake nokurha kwake kwainga makwiza neuchi womushango. ⁵ Kwakauya kwaari veJerusarema neveshe veJudhia nevenharaunda yeshe yeJorodhani, ⁶ navo vakabhabhatidzwa ndiye murwizi reJorodhani, vechitenda zvishaishi zvavo. ⁷ Asi etchiona vajinji vevaFarisi nevaSadhusi, vechiuya kurubhabhatidzo rwake, wakati kwavari: “Imwimwi vana vemabuura, ndiani akamuitisa kuti mutize ushungu hunouya? ⁸ Ndizvo, kubarwa kwemuchero inoonisa kutendeuka. ⁹ Musafunga mwechiti mukati mwenyu, ‘Tina Abrahama baba edu.’ Nekuti ndinoti kwomuri Mwari unesimba rekumuitira vana kunaAbrahama kana nemapuwe aya. ¹⁰ Sandho raiswa pandzinde dzemumbuti. Ndizvo mʹmbuti weshe usikabereki muchero yakanaka unotemerwa pashi, nekukandirwe mumwoto. ¹¹ Inini ngegwinyiso ndinomubhabhatidza mumvura, kuita chioniso tchekutendeuka, asi iyo unouya sure kwangu unesimba kupinda inini, andinakodzero yekutwara magwada ake. uyu ndiye unozomubhabhatidza ngoMweya Wakachena nemwoto. ¹² foshoro iri munyara yake, nayo unozonasa kutsvaira mbuwa yake nokuunganidza koroni yake mudura, asi unozopisha makoto ngomwoto usikadzimi”. ¹³ Apo Jesu wakauya Jorodhani kunaJohani echibva Garire, koobhabhatidzwa ndiye, ¹⁴ Asi Johani wakada kumurambira etchiti, “Inini ndinodha kuti ndibhabhatidzwe ndiwe, newe wouya kwendiri here?” ¹⁵ Asi Jesu wakapingura etchiti kwaari, “Wetchitenda zvino, nokuti nekudaro kunodikanwa kuti tidzadzise kunaka kweshe.” Apo Johani wakamutendera. ¹⁶ Apo Jesu paakabva kubabhatidzwa, wakabva mumvura, apo denga rakavurika kwaari, naye wakaona Mweya waMwari wemata kudai ngenjia, wechiuya padera pake. ¹⁷ Izwi rechibva mudenga rakati, “Uyu ndiye mwanakomana wangu, andinodhisisa. Kwaari ndinodakara ndiye.

¹ Apo Jesu wakakweiwa neMweya kuenda mushango kuti aedzwe ndiDhiabhorosi. ² Paakabva ko tsanha mazuva makumi marongomuna masikati nousiku, ena wakazwa nzara. ³ Muedzi wakauya kwaari akati, “Kuti iwewe uri Mwanakomana waMwari, chironzera aya mapuwe aite zvingwa”. ⁴ Asi ena wakamupingura akati, “Kwakanyorwa kuti munhu aazorarami ngechingwa chega, asi ngemazwi eshe anobuda Mwanakomana waMwari"'. ⁵ Apo Dhiabhorosi wakamutora kuenda naye kudhorobha rakachena, wakamuisa padera peTemberi ⁶ akati kwaari, “Kuti iwewe uri Mwanakomana waMwari, dzikandire pashi, nekuti kwakanyorwa kuti, ‘Unozoronzera ngirosi dzake ngendaa yako, nadzo dzinozokubata ngenyara dzadzo, kuti usazokuwara tsoka yako pabuwe. ⁷ Jesu wakati kwaari, “Kwakanyorwazve kuti, ‘Usazoedza Mambo Mwari wako. ⁸ Zve, Dhiabhorosi wakamutora kuenda pamutunhu wakanyanya kureba, wakamukombidzira umambo weshe wenyika noutende wahwo. ⁹ Naye wakati kwaari, “Izvi zveshe ndinozokupa, kudai wetchizogwadama pashi nokundidira”. ¹⁰ Apo Jesu wakati kwaari, “Ibva Sathani, nokuti kwakanyorwa kuti, ‘Unozodira Mambo Mwari wako nokumushandira ena ega. ¹¹ Saka, apo sathani waka musia, ngirosi dzika uya nekumu shandira. ¹² Apo Jesu paakazwa kuti Johani wakasungwa, wakahwirirazve Garire. ¹³ Echibva Nazaretha, wakauya akagara muKhapernaume, rinogara phaduze peruandhle, munharaunda dzeZebhuruni neNafitari. ¹⁴ Kuti rizadzisike izwi iro rakareketwa ndiIsaya muprofeti echiti: ¹⁵ “Nyika yeZebhuruni nenyika yeNafitari, panjira inoenda kuruandhle, seri kweJorodhani, Garire revanhu vemadzinza. ¹⁶ Vanhu avo vainga vakagara muchidima vakaona kujeka kukuru; naavo vainga vakagara munyika nomubvute rokufa, kujeka kwakavabudira”. ¹⁷ Kubvira neiyo nguwa Jesu wakatanga kuchumaira etchiti, “Tendeukai; nokuti umambo womudenga waa phaduze”. ¹⁸ Etchihamba phaduze peruandhle reGarire, wakaona vakoma vairi, Simoni unozwi Petro, naAndreu munukuna wake, vechikandira nhaa yavo muruandhle; nokuti vainga vari vabati vehove. ¹⁹ Wakati kwavari, “Teerai sure kwangu, neni ndinozomuita vabati vevanhu”. ²⁰ Kubvaapapo vakasia nhaya dzavo vakamuteera. ²¹ Echibva apo wakaona vakoma vamweni vairi, Jakobe mwanakomana waZebhedhi ne munukuna wake Johani, vari mungarava pamwepo nababa avo Zebhedhi vechinasira nhaya dzavo; naye wakavadaidza. ²² Apo wakabva vakasiya ngarava nababa avo, vakamuteera/. ²³ NaJesu wakahamba-hamba muGarire mweshe, etchidzidzisa mumhatso dzavo dzokudira nokuchumira vhangeri roumambo, nokurapa mbeu dzeshe dzokurwara nembeu dzeshe dzenhenda mukati mwevanhu. ²⁴ Nembiri yake yakateketeswa munyika yeshe yeSiria, navo vakaunza kwaari veshe vairwara avo vainga nemadenda dzakaparadzana, nevainga nezvinorwadza, naavo vainga vane madhimoni, navo vainga nenhutu, naavo vainga vakaoma muiri, ena wakavaponesa. ²⁵ Yakamuteera mbungano huru yevanhu vechibva Garire, Dhekaporisi, Jerusarema, Judhia noruseri rweJorodhani.

¹ Apo Jesu paakaona mbungano zhinji, wakakwira mutunhu, noapo akagara pashi, nevadzidzi vake vakauya kwaari. ² Wakashama muromo wake, wakavadzidzisa echiti: ³ Vakatchena varombo vomweya, nokuti ngewavo umambo womudenga. ⁴ Vakatchena vanotsumba, nokuti vanozoembedzerwa. ⁵ Vakatchena vakapfaa, nokuti vanozogara nhaka yomunyika. ⁶ Vakatchena avo vane nzara nenyota nokuda kutenda, nokuti vanozogutiswa. ⁷ Vakatchena avo vanenyasha, nokuti vanozoitirwa nyasha. ⁸ Vakatchena avo vanemwoyo wakachena, nokuti vanozoona Mwari. ⁹ Vanomuchena vaiyanisi, nokuti vanozozwi vana Mwari. ¹⁰ Vanomuchena avo vanotambudzwa ngendaa yokutndeka, nokuti umambo womudenga ngewavo. ¹¹ Munomuchena apo mwootukwa, mwootambudzwa, mwooreiwa mazwi eshe akashata okunyepa ngepamusoro pangu. ¹² Dakarai, mwechidakara kakuru; nokuti mubhairo wenyu mukuru mudenga; ngokuti nokudaro vakaterwa nekutambudzwa vaprofeti avo vakauya imwimwi musati. ¹³ Imwimwi muri munyu wenyika, asi kuti munyu warasha kunaka kwawo, ungachazorungwa ngenyi? Sure kweizvi autchanakiri tchiro, kwega kurashwa kubanze nokutsikwa-tsikwa ngevanhu. ¹⁴ Imwimwi muri chiedza tchenyika. Guta rakaakwa padera pemutunhu aringafishiki. ¹⁵ Akuna anobasira chibani nekutchichiisa pashi pechitundu, asi, kunze kwazo, tchino iskwa pachigadzikiro pacho, nacho chinojekisa veshe vari mumhatso. ¹⁶ Nokudaro ngakujeke kujeka kwenyu pamberi pevanhu, kuti vaone mushando yenyu yakanaka, nekurumbidza Baba enyu vari kudenga. ¹⁷ Musafunga kuti ndakauya kuzoparadza Mupango kana kuti vaprofeti; andizi kuuya koparadza, asi kuzvizadzisa. ¹⁸ Ngegwinyiso ndinoti kwomuri, metsa denga nenyika zvipinde, apana chiro chidoko chinozachinjwa kubva muMupango metsa zveshe zvaitika. ¹⁹ Zwakadaro kunyazwi ndiani unozogura chimwe chidoko cheiyi mupango, echidzidzisa vanhu kuita kudaro, iye unozoita mudoko wokupedzisira muumambo wekudenga. Asi uyo unozonguarira mupango nekuzvidzidzisa, unozozwi mukuru muumambo wekudenga. ²⁰ Ngokuti ndinoti kwomuri, kudai kutendeka kwenyu kusikapindi kutendeka kwevanyori nekwevaFarisi, amutongozopindi muumambo wekudenga. ²¹ “Mwakazwa zwakaronzwa kwavari panguva dzekare kuti: ‘Usazouraya.’ Neuwo unozouraya unozoa nendaa yokutongwa. ²² Asi inini ndinoti kwomuri munhu weshe uwo anonhangadzirwa munukuna wake unozoa nendaa yokutongwa, nouwo unozotuka munukuna wake kuti, ‘Munhu usinashwiro’, unozoa nendaa yokutongwa ngemakota, nouwo unozoti: ‘Iwewe benzi’, unozoa nendaa yokurashwa muGehena remwoto. ²³ Ndizvo kudai wotchitora chipo chako paarita, apo ukakarakadza kuti munukuna wako unetchichaichi newe, ²⁴ siya chipo chako pamberi pearita, uende; kutanga kuirirana nemunukuna wako, kubva apo unozopetua nekuzoundza chipo chako. ²⁵ Tenderana negaa rako nekukasira, uchiri munjira naro, kuti kunyazwi ngouri mukuwo gaa rako risazokuhina kumutongi, nomutongi akuhine kunejoni, newe uiswe mudjere. ²⁶ Ngegwinyiso ndinoti kwouri, ‘Autongozobudimwo metsa waripa nekamare kokupedzisira. ²⁷ “Mwakazwa kwakaronzwa kuti: ‘Usazoomba’. ²⁸ Asi inini ndinoti kwomuri, kunyazwi ndiani unomuningira mukadzi nekuemura, watoomba naye mumwoyo mwake. ²⁹ Asi kudai dziso rako rokumurhyo rechikutadzisa, ribvite, urirashe kubva kwouri; nokuti kwakapinda kunaka kwouri kuti chimwe chihengo chemuiri wako chife, kunekuti muiri wako weshe ukandirwe muGehena. ³⁰ Kuti nyara yako yokumurhyo rechikutadzisa, iteme, uirashe kubva kwouri; nokuti kwakapinda kunaka kwouri kuti chimwe chihengo chemuiri wako chife, kunekuti muiri wako weshe urashwe muGehena. ³¹ Kwakaronzwawo kuti: ‘Uwo unoramba mukadzi wake, ngaamupe tsamba yokuparadzana.’ ³² Asi inini ndinoti kwomuri, ena unoramba mukadzi wake asina ndaa yokuomba, unomuitisa muombi, nouwo unomuroora uwo wakarambwa unoomba. ³³ Zve, Mwakazwa zwakaronzwa kwavari panguva dzekare kuti: ‘Usazopika wechinyepa, asi unozoita kunaMambo mhiko dzako. ³⁴ Asi inini ndinoti kwomuri, musazopika nakamwe, kunyazwi nokudenga, nokuti riri dendemaro raMwari ³⁵ kunyazwi ngenyika, nokuti iri chitambarariro chetsoka dzake; kunyazwi ngeJerusarema, nokuti riri dhorobha raMambo mukuru. ³⁶ Kunyazwi ngesoro rako, ngokuti aungakoni kuita kuti rubvudzi rimwe ruchene kana risvipe kana kutchena. ³⁷ Asi kureketa kwenyu ngakuite, ‘Eya, eya,’ nekuti, ‘Haiwa, haiwa;’ nookuti zveshe izvo zvinopinda izvi zvinobva kuneuwo wakashata. ³⁸ Mwakazwa kuti kwakaronzwa kuti: ‘Dziso ngee dziso, ne zino ngee zino. ³⁹ Asi inini ndinoti kwomuri, usarwisana neuwo wakashata. Asi ena anozokutchaya padama rako rekumurhyo, wechipindurira kwaari rimwenizve. ⁴⁰ Kuti aripo unozokumangarira nekutora hembe yako, ipa kwaarizve nejazi rako. ⁴¹ Neuwo unozokumanikidza kuenda naye khiromitha rimwe, enda naye makhiromitha mairi. ⁴² Ipa kwaari uwo unokumbira kwouri, neuwo unoda kukwereta kwouri, usamurambira. ⁴³ Mwakazwa kuti kwakaronzwa kuti: ‘Ida umweni wako ne kuzonda muwengi wako. ⁴⁴ Asi inini ndinoti kwomuri, idai vavengi wenyu ne kuvakumbirira avo vanomutambudza, ⁴⁵ kuti muite vana vaBaba enyu ari mudenga; nekuti ena unoita kuti zuva rake ribude padera pevakashata nevakanaka, nokunaisa mvura padera pevakatendeka nevasikazi kutendeka. ⁴⁶ Ngokuti kudai mwechida basi avo vanomuda imwimwi, munozoashira mubairo wenyi? Andizvopi here zvevanoita vatheresi? ⁴⁷ Kudai mwechichingamidza hama dzenyu dzega, munopinda vamweni ngokuitaani? Andizvopi zvinoitanevemadzinza here? ⁴⁸ Ndizvo imwimwi itai vakaperera, kudai ndiBaba enyu ari kudenga vakaperera. Chumairo Inoendemberi.

¹ Wonai kuti musaita mushando yekutendeka kwenyu pamberi pevanhu, kuti vamuone, nekuti mwechizodaro, amuzooni mubhairo kunaBaba enyu ari kudenga. ² Saka mukazoopa zvipo zvenyu kuvarombo, usaridza gwama pamberi penyu imimi, kudai ngezvevanoita vadziitisi mumhatso dzemumapato ne mumapato, kuti varumbidzwe ngevandhu. Ngegwinyiso ndinoti kwomuri, vatoashira mubhairo wavo. ³ Asi, woopa zvipo zvako kuvarombo, usatendera kuti nyara yako yokumuoshwe izie chinoitwa ngenyara yako yokumurhyo, ⁴ kuti zvipo zvako zvipuwe ngokufishika; naBaba ako vanoona mukufishika vanozokupawo. ⁵ Apo mwookumbira, musazodai ngevadziitisi, ngokuti vanoda kukumbira vechiema mumhatso dzokudira nepamhararano mumapato, kuti vaoneke ngevanhu. Ngegwinyiso ndinoti kwomuri, vatoashira mubhairo wavo. ⁶ Asi iwewe, apo wookumbira, potera mukamera rako repakati, naapo konya musiwo, kumbira kunaBaba wako vari mukufishika, naBaba ako vanoona mukufishika vanozokupawo. ⁷ Asi mukukumbira kwenyu musazohwirinzira mashoko asina shwiro, kudai ngezvevanoita vemadzinza; ngokuti vona vanofunga kuti vanozozwiwa ngokuwanda kwemashoko avo. ⁸ Ndizvo musazodai ndivo, ngokuti Baba enyu vanozia izvo zvomunotama musati mwakumbira kwaari. ⁹ Ndizvo kumbirai ngeiyi njira: “Baba edu vari kudenga, zita renyu garikudzwe. ¹⁰ Umambo wenyu ngahuuye. Kuda kwenyu ngakuitwe munyika kudai ngomudenga. ¹¹ Tipei kudya kwedu kwezuva nyamashi. ¹² Tirekererei zvitadzo zvedu kudai tisu takarekerera avo vano tadzaa kwetiri. 1 ¹³ Musatipinza mukuedzwa, asi tinunurei kubva kuneuwo wakashata. ¹⁴ Ngokuti kudai imwimwi mwechirekerera vanhu zvichaichi zvavo, Baba enyu ari kudenga vanozomurekererawo nemwi. ¹⁵ Asi kudai musikarekereri vanhu zvichaichi zvavo, naBaba enyu avazomurekereriwo imwimwi zvichaichi zvenyu. ¹⁶ Kunze kwe izvo, mukazo tsanya, musasunga hope dzenyu kudai ngevadziitisi, ngokuti vanodzishaisha hope dzavo kuti vaoneke ngevanhu kuti vari pamutsanyo. Ngegwinyiso ndinoti kwomuri, vatoashira mubhairo wavo. ¹⁷ Asi kwamuri, mukazo tsanya, dzodzai musoro dzenyu, nekushamba muhope menyu. 1 ¹⁸ Kuti musazooneka ngevanhu kuti muri pamutsanyo, asi ndiBaba venyu vari pakafishika, naBaba venyu avo vanoona mukufishika, vanozokupawo. ¹⁹ Musadziunganidzira upfumi munyika, apo unundu nengura zvinozvishaishira, apo mbavha dzinopwanya nekube. ²⁰ Asi unganidzai upfumi kudenga, apo unundu nokuti ngura zvisikazvishaishiri, apo mbavha adzizo pwanyi nekube. ²¹ Ngokuti panenge pane upfumi wako, apo ndipo panozowavo nemwoyo wako. ²² Chibani chomuiri idziso, ndizvo kudai dziso rako riri dziso kwaro, muiri wako weshe unozozara ngokujeka. ²³ Asi kuti dziso rako rakashata, muiri wako weshe unozozara ngechidima. Ndizvo kudai kujeka kuri mukati mwako kuri chidima, kukuranyi kwechidima icho! ²⁴ Akuna munhu angakona kushandira madzimambo mairi, ngokuti unozonyenyeredza umwe, ade umweni, nokuti unozoshoora umwe abatirire kunoumweni. Amungashandiri Mwari nemare. ²⁵ Ngendaa yeichi ndinoti kwomuri, musadembatemba mundaramo yenyu, kuti munozoryei nokuti munozomwei nokuti ngendaa yemuiri wenyu, kuti munozopfekei. Kutendeka akupindi kurya here, nemuiri aupindi zvokupfeka here? ²⁶ Ningirai shiri dzomudenga kuti adzikushi, adzivhunizve, nokuti kuunganidza mumatura; asi Baba enyu ari kudenga unodzipa zvokurya. Imwimwi amuna kukosha kukuru kupinda idzo here? ²⁷ Ndiani kwomuri ngokudembatemba ungakona kututsira zuva rimwe rekupona kwake. ²⁸ Nemwi munodembatemba ngeyi ngezvokufuka? Pinimidzai ngeminyimbiri yomushango kumera kwayo, aishandi, airukizve, ²⁹ asi inini ndinoti kwomuri, naSoromoni muutende wake weshe aazikupfekezka kudai ngoumwe wayo. ³⁰ Asi kudai Mwari echipfekedza kudaro mwenje womushango, uwo uripo nyamashi, mangwani unokandirwa muchoto, aazopindi here kukuru kumupfekedza, imwimwi mune kutenda kudokodoko? ³¹ Ndizvo musadembatemba mwechiti, ‘Tinozoryei?’ nokuti, ‘Tinozomwei?’ nokuti, ‘Tinozopfekei?’ ³² Ngokuti vemadzinza vanotsvaka izvi zveshe, ngokuti Baba enyu vari kudenga vanozia kuti munozvitama izvi zveshe. ³³ Asi tsvakai kutanga umambo wake nekutenda kwake, neizvi zveshe zvinozotutsirwa kwomuri. ³⁴ Ndizvo musazodembera mangwani, ngokuti mangwani unozodzidembera. Kutambudzika kwezuva kunokwana zuvaro.

¹ Musatonga, kuti musazotongwawo, ² Nokuti nekutonga kwomunotonga ndikwo, munozotongwawo, neicho chipimo tchamunopima ndicho, ndicho tchamunozopimirwawo ndicho. ³ 3 Unoningireyi chitsepedzo chiri mudziso romukoma wako, asi auoni danda riri mudziso mwako? ⁴ Ungaita mareketerei kunemukoma wako kuti: ‘Rekera, ndiduse chitsepedzo chiri mudziso rako,’ apo ningira danda riri mudziso rako. ⁵ mudziitisiǃ Tanga kudusa danda riri mudziso rako nekuti eapo unozonasa kukona kudusa chitsepedzo chiri mudziso romukoma wako. ⁶ Musapa izvo zvakachena kunembwa, kanazve, musakandira mapherere enyu pamberi penguruve, kuti dzisazoatsika-tsika pashi petsoka dzadzo dzipetukekwomuri dzimurume. ⁷ 7 Kumbirai, munozopuwa; tsvakai, munozoona; gogodzai, munozobeurirwa. ⁸ Ngokuti weshe unokumbira, unoashira; naye unotsvaka, unoona; nokwaari unogogodza, unozobeurirwa. ⁹ Kana kuti, ndiani mundhu pakati penyu, unoti mwana wake angamukumbira chingwa, unozomupa buwe? ¹⁰ Nokuti etchikumbira hove, unomupa nyoka? ¹¹ 11 Ndizvo kudai imwimwi, mutori vakashata, mwetchizia kupa zvipo zvakanaka kuvana venyu, kunozopinda kwakaitaani Baba enyu vari mudenga kuvapa zvakanaka avo vanokumbira kwaari? ¹² Ndizvo izvo zveshe zvomunoda kuti vanhu vaite kwomuri, itaiwo kudaro kwavari, ngokuti ichi chiri kuzadzisika kweMipango nezvidzidziso zvevaprofeti ¹³ Pindai ngepamusiwo wakamanikana; ngokuti musiwo wakapamhama nenjira yakapamhama inoenda mukuparadzwa, navo vanopinda ndiyo vazhinji. ¹⁴ Ngokuti musiwo wakamanikana nenjira yakatsonga, iyo inoenda mukurarama, navo vanoiona vashomani. ¹⁵ 15 Ngwarirai vaprofeti vokunyepa, avo vanouya kwomuri vakapfeka makushe emakwai, asi ngomukati vari mathika anokara. ¹⁶ Muchavazia ngemuchero yavo. Vandhu vangakaya here muchero yomuvhini paminzwa nokuti maonde parukato? ¹⁷ Ngokudaro m'mbuti weshe wakanaka inobereka muchero wakanaka; asi m'mbuti wakashata unobereka muchero wakashata ¹⁸ M'mbuti wakanaka aungakoni kubereka muchero wakashata, nemumbuti wakashata aungakoni kubereka muchero wakanaka. ¹⁹ M'mubuti weshe usikabereki muchero yakanaka unotemerwa pashi nekukandirwa mumwoto. ²⁰ Ndizvo munozovazia ngemuchero yavo ²¹ Andivopi veshe vanoti kwendiri, ‘Mwari, Mwari’, vanozopinda muumambo wekudenga, asi uyo unoita kuda kwaBaba angu vari kudenga. ²² Vajinji vanozoti kwendiri pa zuva rinoguma: ‘Mambo, Mambo, atizi kuprofeta here ngezita renyu, ngezita renyu atizi kudzinga madhimoni here, ngezita renyu atizi kuita mushando yakawanda ine simba here? ²³ Apo ndinozovaronzera kuti: ‘Andizii. Ibvai kwendiri, imwimwi munoshanda zvakashata ²⁴ Ndizvo kunyazwi ndiani anozwa mashoko angu aya nekumaita, unoedzaniswa nomundhu akangwara, uwo wakaaka mbhatso yake padera poruware. ²⁵ Nemvura yakanaya nendambi yakauya nomubvumo wakavhuvhuta, wakarova padera peiyo mbhatso, yona aizi kuwa, nekuti yainga yakaakwa paruware ²⁶ Kunyazwi ndiani uwo unozwa mashoko angu aya, asikamaiti, unoedzaniswa nemundhu uri bhenzi, wakaaka mbhatso yake pajecha. ²⁷ Nemvura yakanaya nendambi yakauya nomubvumo wakavhuvhuta, wakarova padera peiyo mhatso, nayo yakawa, nokuwa kwayo kwayia kukuru ²⁸ Kwakaitika apo Jesu apedza mashoko aya, mbungano yakashamiswa ngokudzidzisa kwake. ²⁹ Ngokuti wakavadzidzisa kudai ngounesimba, asikaiti kudai ngevanyori.

¹ 1 Apo Jesu wadzaka kubva pamutundhu, mbungano huru yakamuteera. ² Saka mundhu wainga nemapere wakauya kwaari, akamugwadamira etchiti: “Mambo, dai wechida ungandirapa.” ³ Jesu wakatambanudza nyara yake, akamugwama etchiti: “Ndinoda, krapwa.” Paripopo mapere ake akarapwa ⁴ Jesu wakazoti kwaari: “Ngwara kuti usazovundza mundhu. Teera njira yako, udzikonbedzere kumupristi, nokupa chipo icho chaakaronza Mosis kuti chiite chapupu kwavari.” ⁵ Apo Jesu paakangena muKhapernaume, kwakauya kwaari nduna yezana yechimukumbira, ⁶ yechiti: “Mambo, muchandi wangu wakaata mumbhatso echirwara ngokuoma muiri.” ⁷ Jesu Wakati kweiri, “Inini ndinozouya, ndimuponese echirwadziwa kukuru.” ⁸ Asi nduna yezana yakadaira, ikati: “Haiwa, Mambo, handina kodzero yekuti imwimwi mupinde pambhatso pangu, asi reketai ngeizwi rega nomushandi wangu unozoponeswa, ⁹ Nokuti ininiwo ndiri mundhu unotongwa, ndine majoni ari pashi pangu; neni ndinoti kuneuyu, ‘Enda,’ ena unoenda; nokuneumweni, ‘Uya,’ ena unouya; nekumushandi wangu, ‘Ita ichi,’ ema unochiita.” ¹⁰ Jesu paakazwa izvi, wakashama, akati kwavari kune vaimuteera: “Ngegwinyiso ndinoti kwamuri andizi kumboona kutenda kukuru kwakadai, haiwa kunyangue kuvaIsuraeri ¹¹ Neni ndinoti kwomuri: kuti vajinji vanozouya kubva kumabvazuva nokumabirirw, vanozogara pashi pedhiri naAbrahama naIsaka naJakobe muumambo wekudenga. ¹² Asi vana veumambo vanozokandirwa muchidima chiri kubanze, kunozoita kutchema nokukwetchana kwemazino.” ¹³ NaJesu wakati kunduna yezana: “Enda, ngakuitwe kwouri kudai ngokutenda kwako.” Nemuchandi wakaponeswa panguva imweyo ¹⁴ Apo Jesu paakangena mumbhatso yaPetro, wakaona mbuya vake vakaata vechirwara nekupicha muviri. ¹⁵ Jesu wakabata nyara yake, nomutsarara wakavasiya; navo vakamuruka, vakamushandira ¹⁶ Kwoita madeekoni, vakaunza kwaari vajinji vainga nemadhimoni, ena wakamabudisa akamadzinga ngeizwi rake, akaponesa veshe vairwara, ¹⁷ zwakadai, kwazadziskwa kureketwa kwakaizua ndiIsaya muprofeti echiti: “ena emene wakatora zwinda dzedu, akatwara kurwara kwedu.” ¹⁸ Apo Jesu paaingaechiona mbungano huru yechimutendenedza, wakapanga kuti vaambuke seri. ¹⁹ Kwakauya kwaari munyori, akati kwaari, “Mudzidzisi, ndinozokuteera apo paunoenda.” ²⁰ NaJesu wakati kwaari: “Hava dzine mirindi neshiri dzemudenga dzine zvisaki; asi Mukororo woMunhu aana nepokutsamira soro rake ²¹ Mumwe wevadzidzi wakati kwaari, “Mambo, kutanga nditendere kuti ndiende nditsire baba angu.” ²² Asi Jesu wakati kwaari, “Nditeere, urekere vakafa kuti vatsire vakafa vavo.” ²³ Apo Jesu paakapinda mungarava, vadzidzi vake vakamuteera. ²⁴ kwakabuda mubvumo mukuru muruandhle, nekudaro ngarava yakadumaidzwa ngemafungo; asi ena wainga wakaata. ²⁵ Vakauya kwaari, vakamumusa vechiti, “Mambo, tiponese; tofa.” ²⁶ Jesu wakati kwavari, “Munombotkya ngei, imwimwi munekutenda kudoodoko?” apo wakamuruka, akakaraidza mubvumo noruandhle; kwakaapo kuterama kukuru. ²⁷ Nevandhu vakashamisika vechiti: “Uyu mundhu uri wakaitawani, kuti mubvumo noruandhle zvinomunozwa ²⁸ Apo Jesu paakaguma seri munyika yavaGadhareni, kwakasangana naye vandhu vairi vainga nemadhimoni vechibva mumaiba, vane ushungu unotkisa, nokudaro kwainga kusina nomundhu waingaachahamba ngeiyo njira. ²⁹ Ningirai, vakadaidzira vakati: “Tineyi newe, iwewe Mwanakomana waMwari? Wauya panapa kutishwinyisa isati yaguma nguva here?” ³⁰ Zvino kwaiyapo danga renguruve jinji dzechifura kanharauko kubva kwaari. ³¹ Nemadhimoni akamukumbira etchi: “Kudai wechitibudisa, titumei tiyende mudanga renguruve.” ³² Jesu wakati kwavari, “Endai.” Nawo akabuda, akangena munguruve. danga reshe rakadzaka ngepamakaha muruandhle, rakafa mumvura ³³ Avo vaiusha vakatiza, vakaenda mudhorobha, vakaronza zveshe izvo zvainga zvaitwa kuneavo vainga nemadhimoni. ³⁴ Vedhorobha weshe vakabuda koosangana naJesu. Kwakati vechimuona, vakamunyengerera kuti abve mumigano yavo.

¹ Jesu wakapinda mungarava, akaambuka seri, nekuguma kuguta rekwake. ² Vakaunza kwaari munhu wairwara ngedenda rekuoma muiri, akaata pabhonde. NaJesu etchiaona kutenda kwavo, wakati kuneuwo ainga nedenda rekuoma muiri, “Mwana, shinga; zvishaishi zvako zvarekererwa.” ³ Asi vamweni vevanyori vakati pakati pavo, “Munhu uyu urikutuka.” ⁴ NaJesu waizia kufunga kwavo, wakati kwawari: “Munofungireyi zvakashata mumwoyo dzenyu? ⁵ Ngetchiri chikapinda kureruka, kureketa kuti: ‘Zvishaishi zvako zvarekererwa,’ nokuti, ‘Muruka uhambe?’ ⁶ Asi, kuti muzie kuti Mwanakomana woMunhu unesimba munyika rokurekerera zvishaishi…” ‒ apo wakati kuneuwo wainga nedenda yokuoma muiri, ‒ “Muruka, tora bhondei rako uende kumbhatso kwako.” ⁷ 7 Naye wakamuruka, akaenda kumbhatso kwake. ⁸ apo mbungano yazviona, yakatya, ikakudza Mwari, uwo ainga apa nekukombedza simba rakadai kuvanhu. ⁹ Etchibva apo, wakaona munhu unozwi Mateu, akagara pandau yekubadharisa muthero, nekuti kwaari: “Nditeere.” Naye wakamuruka, akamuteera ¹⁰ Kwakaitika Jesu ari paimwe mumbhatso, akagara patafura echida kurha, vatheresi nevashaishi vajinji vakauya vakagara pashi naJesu nevadzidzi vake. ¹¹ VaFarisi vechiona izvo, vakati kunevadzidzi vake, “Ngeyi Mudzidzisi wenyu echidya vatheresi nevashaishi?” ¹² Asi Jesu echizwa izvo wakati: “Avo vakatamba avangadhi murapi, asi avo vanorwara. ¹³ Imwimwi munozofanera kudzidza kuti zvinoronzenyi izvi: ‘Ndinoda nyasha, haiwa kupirwa mubairo.’ Ngokuti andizi kuuya kuzodaidza vakatendeka, asi vashaishi.” ¹⁴ Apo vakaguma kwaari vadzidzi vaJohani vechiti: “Isusu nevaFarisi tinogara takatsanya nguva dzeshe, asi vadzidzi vako vasikatsanyi?” ¹⁵ Jesu wakati kwavari: “Vembhatso yanyamuroorwa vangatsumba here apo mukwambo achinavo? Asi mazuva anozouya apo okuti mukwambo unozoduswa kwavari, apo vanozotsanya. ¹⁶ Apana munhu unoisa chitembwe chitsva pajira rakatsakara, ngokuti icho chinoiswa kuinamira, chinobaurisa kubva kweiri, neburi rinozopinda kukura. ¹⁷ Zve, avaisi vhini idzva mumbudu dzakatsakara; ngokuti mbudu dzinozoputiswa nevhini rinozodururika nembudu dzinozoparadzwa. Asi vanoisa vhini idzva mumbudu itsva, nazvo zveshe zvinozongwaririka. ¹⁸ Achareketa izvi kwavari, wakauya mutongi, wakamugwadamira, akati kwaari, “Mwana wangu womusikana watofa, asi chiuya uise nyara yako padera pake, naye unozopona''. ¹⁹ Jesu wakamuruka, akaenda naye, nevadzidzi vake. ²⁰ Mumwe mukadzi wainga nedenda rekubuda ngazi makore gumi namairi emakore, wakauya ngesure kwaJesu, akabata mupendero wedjira rake; ²¹ Nokuti iye wakati mukati mwake: “Ndingabata kwega djira rake, ndinozoponeswa.” ²² Asi Jesu echikunukuka, wamuona, wakati: “Muanasikana, shinga, Kutenda kwako kwakuponesa.” Nedzimai iro rakaponeswa kubvira apapo. ²³ Apo Jesu etchingena mumbhatso yomutongi, wakaona varidzi veminanzi nembungano yechiita musindo. ²⁴ Wakati: “budaipano, ngokuti mwanasikana uyu aazi kufa, asi wakaata.” Navo vakamusheka. ²⁵ Apo abudisa mbungano kubanze, wakangena mukati, wakamubata ngenyara nemwanasikana wakamuruka. ²⁶ Nembiri yacho yakateketeswa munyikamwo mweshe ²⁷ Apo Jesu achapinda kuenda mberi kubva apo, mapofu mairi akamuteera, echidaidzira echiti: “Iwewe Mwana waDhavhidha, tiitire nyasha.” ²⁸ Jesu paakapinda mumbhatso, mapofu akauya kwaari, naJesu wakati kwaari: “Munotenda here kuti ndine simba rokuita ichi?” Vakati, “Eya, Mambo ²⁹ Saka Jesu wakabata madziso avo, akati: “Ngaku izwi, kuda nekutenda nekutenda kwenyu.” ³⁰ Apo madzisso avo akavurha. Jesu akava avaronzera etchiti: Vonai kuti pasaoneka munhu anozia izvi.” ³¹ Asi vabvapo, vakateketesa mbiri yake munyikamwo mweshe. ³² Vachabuda kubvapo, kwakaunzwa kwaari chimumumu chainga nedhimoni. ³³ Apo dhimoni rakadzingua kubva kwechiri, chimumumu chakareketa. Nembungano yakashamiswa yechiti: “izwi azwisati zwa kutongombooneka uIsuraeri.” ³⁴ Asi vaFarisi vakati: “uyo unorasha madhimoni ndimambo wemadhimoni ³⁵ NaJesu wakahambahamba mumadhorobha eshe nomumaguta eshe, echidzidzisa mumhatso dzavo dzokudira, echiparidza vhangeri roumambo, echirapa mbeu dzeshe dzedenda nekurwara kweshe. ³⁶ Asi pakaona mbungano, wakavazwira urombo ngokuti vaidezwaira nokupepesheka kudai ngemakwai asina muushi. ³⁷ Ena wakati kuvadzidzi vake: “hukukuru wakawanda, asi vashandi vashomani. ³⁸ Ndizvo kumbirai kunaMambo wokukukura kuti atumire vashandi mukukukura kwake.”

¹ Jesu waunganidza vadzidzi vake gumi navairi, akavapa simba padera pemweya ine tsvina kuti vadzinge nokurapa ndhenda dzeshe nokurwara kweshe ² Aya ndiwo sunga mazita evapostori gumi navairi: uwo wokutanga ndiSimoni waizwi Petro, naAndreu munukuna wake; naJakobe mwana waZebhedhi, naJohani munukuna wake; ³ Firipi, naBhathoromeu; Thomasi naMateu mutheresi; Jakobe mwana waArifeusi, naThadheusi; ⁴ Simoni, Zeroti, naJudhasi Isikarioti uwo aizomutengesa ⁵ Ava gumi navairi Jesu wakavatuma; akavapanga echiti: “Musaenda munjira yevemadzinza, musapinda muguta kunyazwi ngeriri revaSamaria. ⁶ Panekudaro, endai kunemakwai akarashika eimba yaIsrael ⁷ Muchienda paridzai mwechiti: ‘Umambo wokudenga wakwedzera.’ ⁸ Mwechirapa vanorwara, mwechimusa vakafa, mwechitchenesa vanemapere, nekudzinga madhimoni. Mwakapuwa ngenyasha, mwechipawo ngenyasha. ⁹ Musatora mukore nokuti sirivha kanakuti thusi muzvikwama zvenyu; ¹⁰ Pasina chikwama parwendo renyu, kana mabhachi mairi, kana magwada kana ndonga, ngokuti mushandi unokodzero yekupuwa kurha kwake. ¹¹ Kunyazwi mudhorobha kana mundaraunda momutchapinda, tswagai ndiani uri mukati mwaro unotenda apo, nekuti garai metsa mubvemwo. ¹² Mwoopinda mumbhatso itchungamidzei. ¹³ Nokuti mbhatso iyo yechikodzera, kunyarara kwenyu ngakuuye padera payo; asi kuti isikasisiri ngakuhwirire kwomuri. ¹⁴ Kunyazwi waiani usikazomuashiri kana kuzkwa mashoko enyu, mwechibudemwo mumbhatso iyo kana dhorobha iro, zuwai bukuta kubva patsoka dzenyu. ¹⁵ Ngegwinyiso ndinoti kwomuri, kunozopinda kureruka kunenyika yeSodhoma neyeGomora ngezuva rekutongwa kuneiro dhorobha ¹⁶ Ningirai, ndinomutuma semakwai mukati mwemathika. Ndizvo gwarai kudai inganyoka, nekupfaa kudai ngenjia. ¹⁷ Asi ngwarai vanhu, ngokuti vanozomupira kubangano revatongi, avo vanozomurova mumbhatso dzavo dzokudira. ¹⁸ Ngendaa yangu imwimwi munozounzwa pamberi pemakota nepemadzimambo, nokuita chapupu kwavari nokumadzinza. ¹⁹ Asi apo voomupiira, musazodembatemba kuti kudini kana chiinyi tchamunozoreketa, ngokuti muchazo piwa mazwi amuchareketa panguvayo. ²⁰ Ngokuti andimwipi munozoreketa, asi Mweya waBaba enyu unoreketa uri mukati mwenyu. ²¹ Nemukoma unozopira munukuna kuti afe, ngokudaro baba mwana wavo, nevana vanozomukira vabari nokuvauraya. ²² Nemwi munozovengwa ndivo veshe ngendaa yezita rangu, Asi uwo unoshingirira metsa kumagumo, unozoponeswa. ²³ Apo vakazomutera mudhoroba iri, tizirai kune rimweni, ngokuti ngegwinyiso ndinoti kwomuri: amuzopedzi kuhamba madhorobha eshe aIsuraeri, asati auya Mwanakomana woMunhu. ²⁴ Mudzidzi aasi mukuru panemudzidzisi wake, nemuranda aasi padera pamambo wake. ²⁵ Kune mudzidzi, zvakamukwanira kuti adai ngomudzidzisi wake, nemuranda kuti adai ndimambo wake. Kudai vakadudza munewemhatso kuti Bheerizebhuri, vanozopinda kwakaitawani kuvadudza kudaro avo vari vemhatso yake! ²⁶ Ndizvo musavatya, ngokuti apana chiro chakafishika chisikazooneki, nokuti chakafishiridzwa achisikazoziikanwi. ²⁷ Icho chendinomuronzera muchidima, chironzei mukujeka, neicho chamunozwa ngevherevhere, mwechichichumaira muri padera pechachungu chembhatso ²⁸ Musatya avo vanouraya muiri, asi vasina simba rokuuraya mweya. Asi mutye uwo unesimba rokuparadza zveshe mweya nomuiri muGehena. ²⁹ Zviwanzaburi zviiri azvitengiswi ngesendi here? Nechimwe chazvo achizowi pashi pamavhu pasina ruzivo raBaba enyu. ³⁰ kana nebvudzi remusoro mwenyu rakaerengwa reshe. ³¹ Musatya, muri vanopinda kudikanwa kunezviwanzaburi zvakawanda. ³² “Ndizvo kuneweshe uwo unozonditenda pamberi pevanhu, neniwo ndinozomutenda pamberi paBaba angu vari kudenga. ³³ Asi kune uwo unozondiramba pamberi pevanhu, neniwo ndinozomuramba pamberi paBaba angu vari kudenga. ³⁴ Musafunga kuti ndakauya kuzounza runhararo padera penyika; andizi kuuya kounza runyararo, asi shoko. ³⁵ kuti ndakauya kuzoparadzanisa munhu nababa vake, nemwanasikana namai wake, nomunyamwana namazvarira ake. ³⁶ Nemagaa omunhu anozoita avo vari vembhatso yake. ³⁷ Iyo unopinda kuda baba kana mai kuneinini, aazi kundifanira. Naye unopinda kuda mwanakomana kana mwanasikana kuneinini, aazi kundifanira. ³⁸ Neuwo asikazotori muchinjikwa wake nekunditeera, aazi kundifanira. ³⁹ Uyo anoona kurarama kwake unozokurasha, nouwo unozorasha kurarama kwake ngepamusoro pangu unozokuona. ⁴⁰ Uyo unomuashira imwimwi unondiashira inini, nouwo unondiashira, unoashirawo uwo wakandituma. ⁴¹ Uyo unoashira muprofeti ngetina romuprofeti, unozoashira mubhairo womuprofeti; nouwo unoashira munhu wakatedeka ngezita romunhu wakatendeka, unozoashira mubhairo womunhu wakatedeka. ⁴² 42 Nouwo unozopa kana imwe tsani yemvura kune umwe wevadoko ava, ngekuita ena umwe mudzidzi, ngegwinyiso ndinoti kwomuri: aatongozorashikirwi mubhairo wake kana.”

¹ Paakapedza Jesu kupanga vadzidzi vake gumi navairi, wakabvepo, akaenda koodzidzisa nokuparidza mumadhorobha avo. ² Zvino apo Johani azwa ari mutirongo mabhasa a Kristu, wakatumira ngevadzidzi vake kuti vamuvundze kuti: ³ Ndiwe here uwo unouya, kanakuti tichagarira umweni? ⁴ NaJesu wakavapingura, etchiti: Endai, muronzere Johani izvo zvomunozwa nezvomunoona: ⁵ Mapofu oona, nezvirema zvohamba, nevanemapere vocheneskwa, nemadziiranzee ozwa, nevakafa vanomuswa, nevarombo vane vhangeri rinochumairwa kwavari. ⁶ Unomuchena uwo usikapumhunwi ndini. ⁷ Apo vachaenda, Jesu wakatanga kureketa kumbungano ngendaa yaJohani, wakati: Mwakaenda mushango kooneyi? Itsanga yakazungunyiswa ngedutu here? ⁸ Asi mwakaenda kooneyi? Munhu wakapfekeswa ngemachira akapfaa here? Ndivo avo vanopfeka machira akapfaa vari mumhatso dzemadzimambo ⁹ 9 Asi mwakaendeyo kooneyi? Muprofeti here? Eya, ndinoti kwomuri, nouwo unonyanya kupinda muprofeti. ¹⁰ Uyu ndiye wevakanyora kuti: ndinotuma mutumi wangu pamberi pehope yako, uwo unozonasira njira yako pamberi pako. ¹¹ Ngegwinyiso ndinoti kwomuri, ‘Pakati peavo vakaberekwa ngevakadzi, akuzi kutomboita mumwe mukuru kupinda Johani Mubhabhatidzi; Asi uyo ari mudoko muumambo hwokudenga mukuru kwaari. ¹² Kubvira kumazuva aJohani Mubhabhatidzi metsa zvino, umambo hwokudenga hunopambwa ngezvigebengwa zvinohutora ngesimba. ¹³ Ngokuti vaprofeti veshe neMupango vakaprofeta metsa Johani. ¹⁴ Kudai mwechitenda kuchiashira, ‘Uyu ndiye Erija, uwo aizo uuya. ¹⁵ Uwo unenzee dzekuzwa ngaazwe. ¹⁶ Asi ndouedzanisa neyi uyu mubarirwana? Wakadai ngevana vanogara pandau dzomusika, vechidaidzira kunevangani vavo vechiti: ¹⁷ Takaridza minanzi kwomuri, nemwi amuzikutamba; takaita chiriro, nemwi amuzikubonda ¹⁸ Ngokuti Johani wakauya, asikarhi kana kumwa, avo vakati, ‘Unedhimoni. ¹⁹ Mwanakomana woMunhu wakauya echirha nokumwa, avo vakati: mubhoki nomumwisi wevhini, shamwari yevatheresi neyevashaishi! Asi kungwara kunopembedzwa ngemabasa yake. ²⁰ Apo Jesu wakatanga kuganyira madhorobha umwo mwainga mwaitwa mabasa majinji yake inesimba, ngokuti avazi kutendeuka. ²¹ Kune uyo kwouri, Khorazini! kune uyo kwouri, Bhethisaidha! Ngokuti kudai mushando unesimba yainga yakaitwa muThire neSidhoni, iyo yakaitwa mukati mwenyu, vaidai vakatotendeuka kuretu, vane masaka nemarota ²² Kani hai, ndinoti kwomuri, Kunozopinda kureruka kuneThire neSidhoni ngezuva rokutongwa kunekwomuri ²³ Newe Khapernaume, unozokuriswa mudenga here? Unozodzaswa pashi kuHaidhesi; Ngokuti kudai mushando unesimba wainga wakaitwa muSodhoma, iyo wakaitwa mukati mwako, raidai riripo nanyamashi. ²⁴ Kani hai, ndinoti kwomuri kuti kunozopinda kureruka kunyika yeSodhoma ngezuva rokutongwa kuneiwewe.” ²⁵ Ngouwo nguva Jesu wakapingura, akati: “Ndinokutenda, Baba, Mambo wokudenga newenyika, ngokuti iwewe wakazvifisha izvi kune vakangwara nevanekuzia, wakazvipangidzira vadoko. ²⁶ Eya, Baba, ngokuti chainga chinodakadza mukuona kwako. ²⁷ Zviro zveshe zvakapiwa kwendiri ndiBaba angu; Akuna unozia Mwanakomana, ndiBaba ega. Akunazve unozia Baba, asi Mwanakomana ega, nouwo waanoda kukombidzira Mwanakomana. ²⁸ Uyai kwendiri imwimwi mweshe makaremba neku dvinhirirwa, inini ndinozomuzorodza. ²⁹ Mwechitora joka rangu padera penyu, mudzidzai kwendiri, ngokuti inini ndakapfaa mumwoyo, nemwi munozoona kuzorora kumweya yenyu. ³⁰ Ngokuti joka rangu rakanaka, nomutwaro wangu wareruka.

¹ Ngenguwa iyo Jesu wakahamba ngomuminda yekoroni ngezuva reSabatha; Nevadzidzi vake vainga vanenzara, vakatanga kupurura mitsonzoti yekoroni vechirya. ² Asi apo vaFarisi vechivaona izvo, vakati kwavari: Ningira, vadzidzi vako varikuita zwisikatenderwi ngeMupango kuti chiitwe ngeSabatha. ³ Asi Jesu, ena wakati kwavari: “Amuzikudzidza here icho chaakaita Dhavhidha, apo paainga aaita nzara, ena ne vangani vake? ⁴ vaka ngena mumhatso yaMwari, ne kurya zvingwa izvo zvaipangidzirwa, zvainga zvisikatenderwi kuti ena azvirye, kana avo vainga vanaye, asi ku vapristi wega. ⁵ Zve amuzikufunda here muMupango kuti muMasabatha vapristi vari muTemperi vanogura Sabatha, nekugara vasina ndaa? ⁶ Asi ndinoti kwomuri chiri panapa chiro chinopinda Temperi kukura. ⁷ Asi dai mwaizia kuti zwinobuyei: Ndinoda nyasha, haiwa kuzwipira mubairo, mwaizodai musikazi kuvaitira ndaa avo vasina ndaa. ⁸ Ngokuti Mwanakomana woMunhu ndiye Mambo weSabatha. ⁹ Kubvira apapo Jesu wakangena mumhatso yavo yekunamata. ¹⁰ Apo, paiva pane murume vainga anenyara imwe yakaonyana; nekuti avo vechidha ku pumha Jesu, vakamubvunza wechiti: Kunotenderwa here kuponesa muMaSabatha? ¹¹ Ena wakati kwavari: Ndiani pakati penyu munhu, anenge anegwai rimwe, kuti iro rikazowira mudzara ngezuva yeSabatha, aazoribati here kuribudisa? ¹² Ndizvo, munhu wakapinda kukosha kune gwaiǃ Ndizvo kunotenderwa ngeMupango kuita zvakanaka muMaSabatha. ¹³ 13 Apo Jesu wakati kunemunhu uwo: Tambanudza nyara yako. Naye wakaitambanudza, nayo yikaponeswa kudai ngeimweni. ¹⁴ NevaFarisi vakabuda, vakaita bangano ndiye, kuti vangamuita mauraireyi. ¹⁵ Asi Jesu echizia wakabvepo nembungano huru yikamuteera, akayiponesa yeshe. ¹⁶ Wakaziisa kuti vasazoita kuti aziikanwe; ¹⁷ Kuti rizadzisike izwi rakareketwa ndiIsaya muprofeti echiti: ¹⁸ 18 Ningirai muranda wangu wendakaketa, mudikani wangu, uwo mweya wangu unodakara ndiye. Ndinozoisa mweya wangu padera pake, naye unozoteketesa kutonga kwakatendeka kumadzinza. ¹⁹ Aazorwi kana kudaidzira, zve akuna unozozwa izwi rake mumapato. ²⁰ Aazorivhuni rutsanga rwakabenda, netonje rinopwititika aazoridzimi, metsa atume kutonga kwakwo kuti kunyise; ²¹ Vemadzinza vanozogonda kunezita rake. ²² Apo kwakaunzwa kwaari umwe wainga nedhimoni, ari bofu nechimumumu. Ena wakamuponesa, ngokudaro chimumumu chakareketa nokuona. ²³ Nevanhu vajinji veshe vakashamiswa, vakati: Uyu andiyepi here Mwanakomana waDhavhidha? ²⁴ Asi vaFarisi Pavakazwa izvo vakati: Uyu munhu unodzinga madhimoni ngesimba raBheerizebhuri, mambo wemadhimoni. ²⁵ Jesu echizia ndangariro yavo, wakati kwavari: Umambo weshe unodziparadza hunozopera; nemadhorobha eshe nokuti mhatso zvinodziparadza azvizoemi. ²⁶ Nokudai Sathani echidzinga Sathani, unonge echi dziparadza. Ndizvo umambo wake hungazoita maemereyi? ²⁷ Kudai inini ndechidzinga madhimoni ngesimba raBheerizebhuri, ndizvo vanakomana venyu vanoadzinga ndiani? Ndizvo vachaita vatongi venyu. ²⁸ Asi kuti inini ngoMweya waMwari ndechidzinga madhimoni, ndizvo umambo hwaMwari wauya kwomuri. ²⁹ Munhu ungaita manguenereyi mumhatso yeuwo unesimba, nekumubira zviro zvake, kuti asati atanga kusunga uwo unesimba? Apo azoona kumu bhira mhatso yake. ³⁰ Uyo usiri neni unorwa neni neuyo asikaunganidzi neni, unoparadzira. ³¹ Ndizvo, ndinoti kwomuri: kushaisha kweshe ne zvituko zveshe zvinozorekererwa kuvanhu, asi kutukwa kwe mweya akurekererwi. ³² Neuyo unoreketa shoko rakashata kune Mwana Wemunhu, unozorekererwa, asi uyo unoreketa shoko rakashata kune Mweya Wakachena, aazorekererwi munyika muno kana munyika inouya. ³³ 33 Itai muti wakanaka, nemuchero yawo unonaka. Kana kuti itai muti wakashata, nemuchero yawo unoshata. Ngokuti muti unoziikanwa ngemichero yawo. ³⁴ Imwimwi vana vemabuura, mungaita mareketereyi zvakanaka, muri vakashata? Ngokuti muromo unoreketa kubva kunezvakawanda zviri mumwoyo. ³⁵ Munhu wakanaka kubva kuupfumi wakanaka unobudisa zvakanaka, Nomunhu wakashata kubva kuupfumi hwakashata unobudisa zvakashata. ³⁶ Asi inini ndinoti kwomuri, mazwi eshe asina shwiro anozoreketwa ngevanhu, vanozobvunzisiswa ndiwo ngezuva rekutongwa. ³⁷ Ngokuti ngemazwi ako unozopembedzwa, zve ngemazwi ako unozopariswa ndaa.” ³⁸ Apo vamweni vevanyori nevaFarisi vakamupingura vechiti: Mudzidzisi, tinoda kuona chioniso chinoitwa ndimwi. ³⁹ Asi ena wakapingura akati kwavari: dzindza rakashata neupoombwe rinotsvaka chioniso; asi akuna chioniso chinozooniswa kwouri, asi kuna Jona muprofeti. ⁴⁰ Ngokuti kudai ndiJona wakapedza mazuva matatu nemasiku matatu mundani yehove huru, ngokudaro Mwana woMunhu unozogara mazuva matatu nemasiku matatu ari mumwoyo wenyika ⁴¹ Vanhu veNinevhe vanozomuruka pazuva rekutongwa pamwepo neiri dzindza, nokuripomera ndaa; ngokuti vona vakatendeuka ngokuparidza kwaJona. Ningirai, chiri panapa chiro chikuru chinopinda Jona. ⁴² Mambokadzi wokubani unozomiruka ngezuva rokutongwa pamwepo nedzindza iri nokuipoomra ndaa. Ngokuti ena wakabva ari kumagumo enyika kuuya koozwa ngokungwara kwaSoromoni. Ningirai, chiri panapa chiro chikuru chinopinda Soromoni. ⁴³ Asi apo mweya unetsvina wakabuda kumunhu, unohamba ndau dzisina mvura, wechitsvaka kuzorora, usikakuoni. ⁴⁴ 4Apo unoti: Ndinozohwirira kumhatso kangu, uko kundakabva. Apo paakaguma wakaiona isina chiro, yakatsvairwa nekurongedzwa. ⁴⁵ Apo unoenda wotorazve mweya imweni minomwe, inoupinda ngokushata, nayo inongena yechigara powo; Nokupedzisira, kugara kwouwo munhu kunozopinda kushata kunekugara kwokutanga. Kunozodarowo nokuneuyu mubarirwana wakashata. ⁴⁶ Apo achareketa kumbungano,vainga vakaema ngekubanze, mai ake nevanukuna vake, vechitsvaka kuti varekete naye. ⁴⁷ Noumweni wakati kwaari: Ningirai, mai ako nevanukuna vako vakaema kubanze vechitsvaka kureketa newe''. ⁴⁸ Asi ena wakapingura akati kuneuwo wakamuronzera, “Ndiani mai angu, ndianizve vanukuna vangu? ⁴⁹ Naye wakatambanudzira nyara yake kunevadzidzi vake akati: Ningirai, mai angu nevanukuna vangu! ⁵⁰ Ngokuti uwo unozoita kuda kwaBaba angu vari kudenga, ndiye munukuna wangu, hanzvadzi namai.

¹ Ngeiro zuva Jesu wakabuda mumhatso, akagara ngeparuandhle. ² Kwakaungana kwaari mbungano jinji, ndizvo akangena mungarava, akagara nembungano yeshe yakaema ngepamhiri. ³ Ena wakavareketera zviro zvakawanda ngemuedzaniso, etchiti: Ningirai, kwakabuda musimi koosima. ⁴ Kwakati mukusima kwake mbeu dzimweni dzakawira munjira, shiri dzakauya dzikadzirya. ⁵ Nedzimweni dzakawira pamapuwe apo pedzaiya dzisina mavhu majinji: dzikamera ngokukasira, ngokuti dzainga dzisina mavhu akadzika. ⁶ Apo zuva parakwira dzakapishwa, ngokuti dzainga dzisina nzinde, dzikaoma. ⁷ Dzimweni dzakawira pane minzwa; neminzwa yakakura yakadzizingizira. ⁸ Nedzimweni dzakawira mumavhu akanaka, nadzo dzakabereka tsangu, dzimweni zana rakapetwa, dzimweni makumi matanhatu akapetwa nedzimweni makumi matatu akapetwa. ⁹ Uwo unenzee dzekuzwa, ngaazwe.” ¹⁰ Nevadzidzi vakauya kwaari, vakavundza: Ngeyi unoreketa kwavari ngemiedzaniso? ¹¹ Jesu akapingura akati kwavari: Ngokuti kunopuwa kwomuri kuzia zvakafishika zvoumambo hwokudenga, asi kwavari avo akuzi kupuwa. ¹² Ngokuti kwaari unacho kunozopuwazve, nekuzoa nezvakawanda; Asi uwo usina neicho chaanacho chinozoduswa kwaari. ¹³ Ndiyo ndaa ndeshireketa kwavari ngemuedzaniso, ngokuti vechiona avaoni, vechizwa avazwi, zve avazwisisi. ¹⁴ Kwavari kwakazadziska kuprofeta kwaIsaya, ukwo kunoti: Ngokuzwa munozozwa, nemwi musikazwisisi, mwechiona munozoona, musikaonisisi. ¹⁵ Ngokuti mwoyo yaavo vanhu yakaita gwizhimbira, nenzee dzavo dziri madziiranzee, nemadziso avo akatswatira, kuti pamweni vangazoona ngemadziso avo, vazwe ngenzee dzavo nokuzwisisa ngemwoyo yavo, vatendeuke, neni ndivaponese ¹⁶ Asi anomuchena madziso enyu, ngokuti anoona, nenzee dzenyu, ngokuti dzinozwa. ¹⁷ Ngokuti ngegwinyiso ndinoti kwomuri, vaprofeti vajinji nevanhu vakatendeka vakadisisa kuona zvomunoona imwimwi, nekuti avazi kuzviona, nokuzwa zvomunozwa navo avazi kuzvizwa. ¹⁸ Ndizvo, izwai muedzaniso womusimi. ¹⁹ Munhu weshe nyange eizwa shoko roumambo, nekusarizwisisa, apo panouya uwo wakashata unovhomora izvo zvakasimwa mumwoyo mwake; uyu ndiye wakakushwa panjira. ²⁰ Nouwo wakasima pamapuwe, uyu ndiye unorizwa shoko, nekuriashira ngekudakara. ²¹ Asi aana kuita nzinde mukati mwake, pakutanga geenguva doko; nekupona mukutambudzwa nekuteerwa ngendaa yeshoko, ngokukasira unopumhunwa. ²³ Iyo yakasimwa pakati pe muminzwa, uyu ndiye unorizwa shoko, asi kudembatemba ngezvenyika nokuchengedzerwa kwoupfumi kunodzipa shoko, naro aribereki. ²² Asi iyo yakasimwa pamavhu akanaka, uyu ndiye unorizwa shoko, nekurizwisisa; zve unobereka muchero, umwe unobereka zana rakapetwa, amweni makumi matanhatu akapetwa, neamweni makumi matatu akapetwa. ²⁴ akawapa zve Muedzaniso umweni kwavari echiti: Umambo hwokudenga hunoedzaniswa nomunhu wakasima mbeu dzakanaka mumunda wake. ²⁵ Asi apo vanhu vachaata, muengi wake wakauya, akasimawo senga mukati mwezviyo, akaenda. ²⁶ Asi apo miningwi yakamera, yechi tanga kutumbuka, apo senga rakaonekawo ²⁷ Apo varanda vomunikazi wemhatso vakauya, vakati kwaari: Mambo, amuzi kusima mbeu dzakanaka mumunda yenyu here? Ndizvo senga rakabva pari? ²⁸ Asi ena wakati kwavari: ‘Mumwe muvengii wakaita izvi. Ndizvo varanda vakati kwaari: Mungada here kuti tiende koribvita? ²⁹ Asi ena wakati: ‘Haiwa, ngekuti apo mwechibvita senga mungabvita nekoroni. ³⁰ Zvirekerei zveshe zvikure pamwepo metsa nguva yekukukura. Panguva wekukukura ndinozoti kuvakukuri, mwechiunganidza senga kutanga, murisunge kuita mwanda kuti ripishwe. Asi unganidza koroni mutsapi yangu. ³¹ Wakavapa Muedzaniso umweni echiti: Umambo wokudenga unoedzaniswa ngetsangu yomustadhi, iyo yaakatora munhu, akaisima mumunda wake. ³² Iyo ngegwinyiso idoko kunetsangu dzeshe; asi ingakura inopinda mapfiba eshe kukura, inozoitwa m`mbuti, kuti shiri dzemudenga dziuye, dzimate nokuaka zvisaki munhai dzawo. ³³ Muedzaniso umweni wakati kwavari echiti: Umambo wokudenga unoedzaniswa nomumera uwo waakatora mudzimai, akauisa mukati mwemutani mutatu youskwa metsa weshe wafema''. ³⁴ Izvi zveshe Jesu wakazvireketa kunembungano ngemiedzaniso, pabanze pemiedzaniso aazikureketa kwavari nachimwe. ³⁵ kuti kuzadzisike shoko iro rakareketwa ngomuprofeti echiti: Ndinozovura muromo wangu ngemuedzaniso, ndinozoonisa zvakafishika kubvira pakusikwa kwenyika''. ³⁶ Apo Jesu wakaendisa mbungano, akabgena mumhatso. Vadzidzi vake vakauya kwaari, vakati: Tidudzire muedzaniso wesenga romumunda. ³⁷ Naye wakapingura akati kwavari: Uyo inosima mbeu dzakanaka ndiye Mwanakomana woMunhu. ³⁸ Munda inyika; Mbeu dzakanaka vana veumambo, senga vana veuwo wakashata ³⁹ Gaa iro rakarisima ndiDhiabhorosi. Nokukukura kuri kupera kwenyika, nevakukuri ingirosi. ⁴⁰ Ndizvo kudai ngesenga rinounganidzwa pamwepo rechipishwa ngemwoto; ndizvo zvinozoitwa mukupera kwenyika. ⁴¹ Mukororo woMunhu unozotuma ngirosi dzake, nadzo dzinozounganidza kubva muumambo hwake zveshe zvinopumhunisa, naavo veshe vanoita zvinonyangadza. ⁴² Nadzo dzinozovakandira muchoto chomwoto. Kunozoiteyo kuboorera nokukwetsana kwemazino. ⁴³ Naapo vakarurama vanozojeka kudai ngezuva muumambo hwaBaba avo. Uwo unenzee ngaazwe. ⁴⁴ Zve, umambo hwomudenga hunoedzaniswa noupfumi hwakafishwa mumunda; uhwo hwaakaona munhu akahufishazve, ngokudakara kwake unoenda nokutengesa zveshe zvaanazvo, echitenga uwo munda. ⁴⁵ “Zve, umambo hwomudenga hunoedzaniswa nomunhu mutengisi unotsvaka mapuwe akanaka. ⁴⁶ Uwo apo aona buwe rimwe rinomutengo mukuru, wakaenda, akatengesa zveshe zvaaiya nazvo, akaritenga. ⁴⁷ Zve, umambo hwomudenga hunoedzaniswa nechitaa chakakandirwa muruandhle, nacho chakaunganidza mbeu dzeshe dzehove. ⁴⁸ Icho apo chazara vakachikweera kuhumbikumbi, vakagara pashi, vakaunganidza dzakanaka muzvidziyo, asi dzakashata vakadzirasha. ⁴⁹ Ndizvo zvinozoitika mukupera kwenyika; ngirosi dzinozobuda dziparadzanise vakashata kubva mukati mwevakarurama, ⁵⁰ dzivakandire muchoto chomwoto. Kunozoiteyo kuboorera nokukwetsana kwemazino. ⁵¹ Mwanasa kuzwa izvi zveshe here?” Navo vakati kwaari, “Eya''. ⁵² Jesu Wakati kwavari, “Ndizvo munyori weshe uwo wakadzidziswa ngezvoumambo hwomudenga, wakadai ngomunhu uri munewemhatso, uwo unobudisa kubva kwoupfumi hwake zviro zvitsva nezvekaretu''. ⁵³ Kwakaitika apo Jesu apedza iyi miedzaniso, wakabvapo. ⁵⁴ Naapo Jesu auya kunyika yake, wakavadzidzisa mumhatso yavo yokudira, zvakaita kuti vashamiswe, vakati, “Kunobva kuri uku kungwara kwouyu munhu neiyi mishando yesimba? ⁵⁵ Uyu andiyepi here mukororo womutsetsi? Mai ake avadaidzwi kuti Maria here? Nevanun'una vake ndiJakobe, Josefa, Simoni naJudhasi here? ⁵⁶ Nehanzvadzi dzake dziri panapa nesu dzeshe here? Ndizvo iye wakazviona pari izvi zveshe?” ⁵⁷ Navo vakapumhuniswa ndiye. Asi Jesu wakati kwavari, “Muprofeti aarekeri kuremeredzwa kwega munyika mwake nomumhatso yake''. ⁵⁸ Naye aazi kuita apo mishando ine simba yakawanda ngendaa yokusikatenda kwavo.

¹ Ngouwo mukuwo Herodhi mutongi wematunhu marongomuna wakazwa mbiri yaJesu. ² Naye wakati kuvaranda vake, “Uyu ndiJohani Mubhabhatidzi; wamuka kwevakafa. Ndizvo mishando iyi ine simba inoitwa ndiye''. ³ Ngokuti Herodhi waiya akamubata Johani, akamusunga, akamuisa mutirongo ngendaa yaHerodhiasi mukadzi womunun'una wake Firipi. ⁴ Ngokuti Johani waiya akati kwaari, “Autenderwi ngezvironzo kuti umuroore''. ⁵ Naapo aida kumuuraya, wakatya mbungano ngokuti vaiti muprofeti. ⁶ Asi apo zuva rokuberekwa kwaHerodhi raguma, mwanasikana waHerodhiasi wakazvina pakati pavo, naye wakadakadza Herodhi. ⁷ Ndizvo iye wakagondisa ngokupika mhiko kuti unozomupa kunyazwi chiinyi chaaizokumbira. ⁸ Naye echiangiridzwa ndimai ake, wakati, “Ndipe panapa muchidziyo soro raJohani Mubhabhatidzi''. ⁹ Namambo wakakurudzwa; asi ngendaa yokupika kwake, nendaa yaavo vaigara naye panokudya, wakapanga kuti rihinwe kwaari. ¹⁰ Naye wakatuma kuti Johani agurwe soro mutirongo. ¹¹ Nesoro rakaunzwa riri muchidziyo rikapuwa kumusikana, naye wakariunza kunamai ake. ¹² Nevadzidzi vake vakauya vakatora muiri wake, vakauika, navo vakaenda vakaronzera Jesu. ¹³ Zvinopano Jesu azwa izwi wakabvapo ngengarava kuenda kundau iri yega ari ega. Naapo mbungano yazwa ndizvo, yakamuteera ngetsoka, yechibva kumadhorobha. ¹⁴ Naye wakabuda akaona mbungano huru, wakavazwira urombo naye wakaponesa vairwara vavo. ¹⁵ Kwakati aamadeekoni vadzidzi vake vakauya kwaari vechiti, “Panapa muri pandau iri yega nomukuwo watopera zvinopano. Ndizvo chiparadza mbungano kuti vaende mumaguta vadzitengere zvokudya''. ¹⁶ Asi Jesu wakati kwavari, “Avasisiri kuenda; vapei imwimwi zvokudya''. ¹⁷ Navo vakati kwaari, “Panapa tine zvingwa zvishanu zvega nehove mbiri''. ¹⁸ Naye wakati, “Zviunzenyi panapa pendiri''. ¹⁹ Naye wakapanga mbungano kuti igare pashi pamwenje, atora zvingwa zvishanu nehove mbiri, wakaringira mudenga, akazvibonga, akazvigura, akazvihina kunevadzidzi, nevadzidzi vakahina kune mbungano. ²⁰ Navo veshe vakadya, vakaguta, navo vakatonhera matsekeneswa ezvaiwarakatika vakazadza zvitundu gumi nazviiri. ²¹ Naavo vakadya vaiya vanoda kuita mazana makumi mashanu evamuna, ngepabanze pevakadzi nevana. ²² Paripo iye wakaronzera vadzidzi vake kuti vapotere mungarava, vatungamire kuambuka ruseri, achiendesa mbungano. ²³ Naapo aendesa mbungano, wakakwira pamutunhu ari ega kookumbira. Kwoita madeekoni waiya aripo ega. ²⁴ Asi zvinopano ngarava yaiya yaane mastadhia akawanda kubva kuhumbikumbi, yechikandirwa apo naapo ngemafungu, ngokuti dutu raipesana navo. ²⁵ Panguva yokurinda yechirongomuna yousiku iye wakauya kwavari, echihamba padera peruandhle. ²⁶ Asi vadzidzi vechimuona echihamba padera poruandhle vakatyiswa vechiti, “Idzimudzangara.” Navo vakadaidzira ngokutya. ²⁷ Asi paripo Jesu wakaereketa kwavari echiti, “Shingai, ndini hangu, musatya''. ²⁸ NaPetro wakamupingura echiti, “Mambo, kuti uriwe, ronza kuti ndiuye kwouri padera pemvura''. ²⁹ Naye wakati, “Uya.” Naapo Petro adzaka kubva mungarava, wakahamba padera pemvura kuuya kunaJesu. ³⁰ Asi echiona dutu rine simba rechipesana naye, wakatya; naye echitanga kudzemera, wakadaidzira echiti, “Mambo, ndiponese''. ³¹ Asi paripo Jesu wakatambanudza nyara yake, akamubata, akati kwaari, “Iwewe unokutenda kudoodoko, wagononda ngenyi?” ³² Kwakati apo vakwira mungarava, dutu rakaterama ³³ Naavo vaiya mungarava vakamudira, vakati, “Ngegwinyiso iwewe uri Mukororo waMwari''. ³⁴ Naapo vakaambuka ruseri vakaguma munyika yeGenesareta., ³⁵ Naapo vanhu vomunyikamwo vamuzia, vakaziisa munyika mweshe, vakaunza kwaari veshe avo vaiya nenhenda. ³⁶ Navo vakamupota kuti ava vatenderwe kwega kubata mupendero wegauni rake. Naavo veshe vakaubata vakaponeswa yaamho.

¹ Zvinopano kwakauya kunaJesu vaFarisi nevanyori vechibva Jerusarema vechiti, ² “Ngenyi vadzidzi vako vechigura tsika dzevakuru, ngokuti avashambi nyara dzavo apo vechidya chingwa'' ³ Asi Jesu wakavapingura, akati kwavari, “Imwimwi nemwi munogura ngenyi mupango waMwari ngetsika dzenyu? ⁴ Ngokuti Mwari wakati, ‘Remeredza baba ako namai ako, nouwo unotuka baba nokuti mai, ngaafe. ⁵ Asi imwimwi munoti, iye unozoti kunababa ake nokuti kunamai ake, ‘Chiro chiri nechiri icho chemwaida kudetserwa ndicho ndini chaachipo kunaMwari'', ⁶ aachatamiki kuremeredza baba ake nokuti mai ake. Ndizvo ngokudaro munoita kuti izwi raMwari riite risina shwiro ngetsika dzenyu. ⁷ Imwimwi vadziitisi, Isaya wakanasa kuprofeta ndimwi echiti ⁸ ‘Vanhu ava vanondiremeredza ngemiromo yavo, asi mwoyo yavo iri kuretu kwendiri. ⁹ Asi vanotera kundidira, vechidzidzisa kuita zvidzidziso mipango yevanhu''. ¹⁰ Naye echidaidza pamwepo mbungano, wakati kwavari, “Izwai muzwisise. ¹¹ Andichopi akadi chinopotera mumuromo chinosvipisa munhu, asi icho chinobuda mumuromo, ndicho chinosvipisa munhu. ¹² Naapo vakauya vadzidzi vake, vakati kwaari, “Auzii here kuti vaFarisi vapumhuniswa ngokuzwa izwi iri? ¹³ Asi Jesu wakapingura, akati, “Chisimwa cheshe chisikazi kusimwa ndiBaba angu vari mudenga chinozobvitwa. ¹⁴ Varekerenyi, vari mapofu anokweya mapofu. Nokudai bofu rechikweya bofu, eshe anozowira mukati mwerindi''. ¹⁵ NaPetro wakapingura, akati kwaari, “Tidudzire muedzaniso uyu''. ¹⁶ Asi wakati, “Imwimwi nemwi hamusati mwanasa kuzia here? ¹⁷ Amuzwisisi here kuti icho chinopotera ngepamuromo chinoenda mundani, chinorashwa mushango? ¹⁸ Asi izvo zvinobuda kumuromo zvinobva mumwoyo. Izvi zvinomusvipisa munhu. ¹⁹ Ngokuti mumwoyo munobva mirangariro yakashata, kuuraya, kuomba, kuhura, umbavha, uchapupu hwokunyepa, kutuka. ²⁰ Izvi ndizvo zvinomusvipisa munhu. Asi kudya ngenyara dzisikazi kushambwa akusvipisi munhu akadi''. ²¹ Naapo Jesu wakabvapo, wakaenda munyika yeThire neyeSidhoni. ²² Penya dzimai reKhenani rakabva kundau iyo, rakadaidzira rechiti, “Ndiitire nyasha, Mambo, Mukororo waDhavhidha. Mwanasikana wangu unotambudzwa kakurutu ngedhimoni''. ²³ Asi Jesu aazi kuripingura neizwi. Nevadzidzi vake vakauya kwaari, vakamupota vechiti, “Wechimuendesa, ngokuti unodaidzira sure kwedu''. ²⁴ Asi Jesu wakapingura, akati, “Ndakatumirwa kwega kumakwai akarashika emhatso yaIsuraeri''. ²⁵ Asi uwo wakauya akagwadama, akati, “Mambo, ndidetsere''. ²⁶ Asi wakapingura, akati, “Akuzi kunaka kutora chingwa chevana nokuchikandira kuzvimbwa''. ²⁷ Asi uwo wakati, “Eya, Mambo, kunyazwi zvituhwa zvembwa zvinodya matsekeneswa anowarakatika patafura ramambo wazvo''. ²⁸ Naapo Jesu wakapingura, akati kweriri, “A dzimai, kutenda kwako kwakakura! Ngakuitike kwouri kudai ngezvounoda.” Nemwanasikana waro wakaponeswa kubvira ngeawa iro. ²⁹ NaJesu wakabvapo, wakauya pasinde peruandhle rweGarire; wakakwira pamutunhu, akagara apo. ³⁰ Nembungano huru yakauya kwaari, inazvo zvirema nemapofu nevakakuvara nezvimbungumbungu, nevamweni vazhinji, vakavaisa pashi kutsoka dzake, naye wakavaponesa. ³¹ Ngokudaro mbungano yakashamiswa apo yaona zvimbungumbungu zvichiereketa nevakakuvara vechiponeswa nezvirema zvechihamba nemapofu echiona. Navo vakakudza Mwari waIsuraeri. ³² Naapo Jesu wakadaidza vadzidzi vake kwaari, akati, “Mwoyo wangu unovazwira urombo, ngokuti vaiya neni mazuva matatu vasina zvokudya. Neni andizovaendesi vasikazi kudya, ngokuti vangazodemera munjira''. ³³ Nevadzidzi vake vakati kwaari, “Ngepari petingaona zvingwa zvakawanda murubaya muno zvinokwanisa kugutisa vanhu vazhinji vakadai?'' ³⁴ NaJesu wakati kwavari, “Munezvingwa zvinganai?” Navo vakati, “Zvinomwe nezvihove zvishomani''. ³⁵ Naye wakaronzera mbungano kuti igare pashi. ³⁶ Naye wakatora zvingwa zvinomwe nehove, akazvibonga, akazvigura, akahina kunevadzidzi, nevadzidzi vakazvihina kune mbungano. ³⁷ Navo vakadya veshe, vakaguta. Navo vakatonhera matsekeneswa akasara, zvitundu zvinomwe zvakazara. ³⁸ Naavo vakadya vaiya vamuna mazana makumi marongomuna, ngepabanze pevakadzi nevana. ³⁹ Naye Jesu wakaendesa mbunganu, wakapotera mungarava, akauya kumigano yeMagadhana.

¹ VaFarisi nevaSadhusi vakauya vechimuedza, vakakumbira kuti avaitire chioniso chinobva mudenga. ² Asi iye wakapingura, akati kwavari, “Kwooita madeekoni munoti, ‘Kubanze kunozoara, ngokuti mudenga mwakatsvuka. ³ Nomumangwanani munoti, ‘Kunozonaya nyamashi, ngokuti mudenga mwakatsvuka muneruseto.’ Munozia kududzira hope yomudenga, asi amukoni here kududzira zvioniso zvemikuwo? ⁴ Mubarirwana wakashata nounoomba unotsvaka chioniso, akuna chioniso chinozoitwa kwouri, asi kwega chioniso chaJona.” Jesu wakavasiya akaenda. ⁵ Naapo vadzidzi vake vaguma ruseri vaiya variyarwa kutora zvingwa. ⁶ NaJesu wakati kwavari, “Wonai mungware mumera wevaFarisi newevaSadhus''. ⁷ Navo vakapangana pakati pavo, vakati, “Unodaro ngokuti atizi kutora zvingwa''. , ⁸ NaJesu echizia izvo, wakati, “Munopangana ngenyi pakati penyu, imwimwi munokutenda kudoodoko, ngokuti amuna chingwa? ⁹ Amuzii nazvinopano here nokuti kukarakadza ngezvingwa zvishanu zvakapuwa vanhu makumi emazana mashanu, nezvitundu zvinganai zvemwakatonhera matsekeneswa? ¹⁰ Zve, nokuti zvingwa zvinomwe zvevanhu vaiya makumi emazana marongomuna, nezvitundu zvinganai zvemwakatonhera matsekeneswa? ¹¹ Amuzi kuzwisisa ngenyi kuti andizi kuereketa kwomuri ngezvingwa? Asi mungware mumera wevaFarisi newevaSadhusi''. ¹² Naapo vakanasa kuzwisisa kuti aasaivapanga kuti vangware ngomumera wezvingwa, asi kuti vangware kudzidzisa kwevaFarisi nekwevaSadhusi. ¹³ Zvino Jesu auya munyika yeSizaria Firipi, wakabvunza vadzidzi vake echiti, “Vanhu vanoti Mukororo woMunhu ndiani?'' ¹⁴ Navo vakati, “Vamweni vanoti ndiJohani Mubhabhatidzi, nevamweni vanoti ndiErija, nevamweni vanoti ndiJeremia nokuti umwe wevaprofeti''. ¹⁵ Iye wakati kwavari, “Asi imwimwi munoti ndiri anani?” ¹⁶ Simoni Petro wakapingura, akati kwaari, “Iwewe uri Kristu, Mukororo waMwari Unopona''. ¹⁷ NaJesu wakapingura, akati kwaari, “Unomuchena iwewe Simoni, mukororo waJona, ngokuti nyama nengazi azvizi kuonisa ichi kwouri, asi Baba angu vari mudenga. ¹⁸ Neni ndinoti kwouri, ‘Iwewe uri Petro, nepadera peiri buwe ndinozoaka chiara changu; nezvimana zveHaidhesi azvizochinyisi''. ¹⁹ Neni ndinokupa makii oumambo hwomudenga; neicho chounozosunga munyika, chinozosungwa mudenga. Neicho chounozosunhura munyika, chinozosunhurwa mudenga''. ²⁰ Naapo wakapanga vadzidzi vake kuti vasazoronzera munhu naumwe kuti ndiye Kristu. ²¹ Kubvira ngouwo mukuwo Jesu wakatanga kuonisa kuvadzidzi vake kuti kunosisira kuti aende Jerusarema, atambudzike ngezvakawanda ngevakuru nevapristi vakuru nevanyori, aurawe nezuva rechitatu amuswe. ²² Naapo Petro wakamutora dumba, akatanga kumupanga echiti, “Mwari ngaaite kuti chisaitika icho kwouri, Mambo. Ichi achizoitiki kwouri nariin''. ²³ Asi iye wakakunukuka, akati kunaPetro, “Ibva sure kwangu, Sathani. Uri mupumhunisi kwendiri; ngokuti aunyeri ngeizvo zvaMwari, asi ngeizvo zvevanh''. ²⁴ Naapo Jesu wakati kuvadzidzi vake, “Kunyazwi ndiani unoda kuuya sure kwangu, ngaadzirambe atore muchinjiko wake, anditeere. ²⁵ Ngokuti iye unoda kuuyirwa ngendaramo yake, unozorashikirwa ndiyo; nouwo unozorasha ndaramo yake ngepamusoro pangu, unozoiona. ²⁶ Munhu unozouyirwa ngenyi kudai echiona nyika yeshe, akarashikirwa ngendaramo yake? Nokuti munhu unozoita mutenganisonyi nendaramo yake? ²⁷ Ngokuti Mukororo woMunhu unozouya muutende hwaBaba ake pamwepo nengirosi dzake; naapo unozopa munhu weshe kudai ngemishando yake. ²⁸ Ngegwinyiso ndinoti kwomuri, varipo vamweni venyu vanoema panapa, avo vasikazozwi kufa metsa vaona Mukororo woMunhu echiuya muumambo hwake''.

¹ Ngesure kwemazuva matanhatu Jesu wakatora Petro, Jakobe naJohani, munun'una wake, wakavatungamira akakwira navo padera pomutunhu wakareba, vari vega. ² Naye wakatsandudzwa pamberi pavo, nehope yake yakajeka kudai ngezuva, nezvokufuka zvake zvakachena kudai ngokujeka. ³ Penya, kwakaoneka kwaari Mosi naErija, vechiereketa naye. ⁴ NaPetro wakati kunaJesu, “Mambo, kwakanaka kwetiri ngokuti tiri panapa. Kudai wechida, ndinozoaka pano zvitumba zvitatu, chimwe chako, chimweni chaMosi nechimweni chaErija''. ⁵ Apo achaereketa, penya gore rinon'anikira rakavatibikira, penya izwi rakabva mugore rechiti, “Uyu ndiye Mukororo wangu, wendinoda, wendinonasa kudakara ndiye; mwechimuzwa''. ⁶ Naapo vadzidzi vazwa izvi, vakadzikandira pashi vakatsikitsira hope dzavo pamavhu, vakatya kakurutu. ⁷ NaJesu wakauya, akavabata, akati, “Mirukai, musatya''. ⁸ Naapo vamirudza madziso avo, avazi kuona munhu, kwega Jesu. ⁹ Vachadzaka kubva padera pomutunhu, Jesu wakavapanga echiti, “Musazoronzera munhu naumwe ngendaa yechioniso metsa Mukororo woMunhu amuka kwavakafa. ¹⁰ Nevadzidzi vake vakamubvunza vechiti, “Ndizvo, ngenyi vanyori vanoti, ‘Kunosisira kuti Erija atange kuuya?’ ¹¹ Naye wakapingura echiti, “Ngegwinyiso Erija unouya aunzidzire zveshe. ¹² Asi ndinoti kwomuri, Erija wakatouya hake, navo avazi kumuzia, asi vakaita kwaari zveshe izvo zvevakada. Ngokudaro Mukororo woMunhu naye unozotambudzwa ndivo''. ¹³ Naapo vadzidzi vakazwisisa kuti wakaereketa kwavari ndiJohani Mubhabhatidzi. ¹⁴ Vaguma kunembungano kwakauya kwaari munhu, akamugwadamira pashi echiti, ¹⁵ Mambo, wechimuitira nyasha mwana wangu; ngokuti unenhutu, unotambudzika kakurutu. Ngokuti kazhinji unowa mumwoto nekazhinjizve mumvura. ¹⁶ Neni ndamuunza kunevadzidzi vako, navo vakorera kumuponesa''. ¹⁷ Jesu wakapingura, akati, “A! Mubarirwana usikatendi nounopauka, ndinozogara nemwi mukuwo wakaitawani? Ndinozomusengerera mukuwo wakaitawani? Wechimuunza pano kwendiri''. ¹⁸ NaJesu wakakaraidza iro dhimoni; naro rakabuda kubva kwaari. Nomurumbwana wakaponeswa kubvira ngeawa iro. ¹⁹ Naapo vadzidzi vakauya kunaJesu, ari ega, navo vakati, “Ngenyi isusu takorera kuridzinga?'' ²⁰ Naye wakati kwavari, “Ngendaa yokutenda kwenyu kudoko, ngokuti ngegwinyiso ndinoti kwomuri, kudai munokutenda kudai ngetsangu yomustadhi, mungaronza kuneuyu mutunhu kuti, ‘Ibva panapa, uende apo;’ nawo unozobva apo; kusina chiro chisikazoitwi ndimwi. ²¹ Asi iyi mbeu aibudi kwega ngokukumbira nangokuera kudya. ²² Navo vachaungana pamwepo muGarire, Jesu wakati kwavari, “Mukororo woMunhu unozohinwa munyara dzevanhu. ²³ Navo vanozomuuraya, naye ngezuva rechitatu unozomukazve.” Navo vakatambudzika kakurutu. ²⁴ Naapo vauya muKhapernaume, avo vaiashira chibharo vakauya kuna Petro, vakati, “Mudzidzisi wenyu aadusi chibharo chemare chinozwi dhidhirakama here?” ²⁵ Wakati, “Eya.” Kwakati apotera mumhatso Jesu wakatanga kuereketa kwaari echiti, “Unopinimidzenyi, Simoni? Madzimambo enyika vanoashira kunaani murimwa nokuti chibharo? Kunevakororo vavo nokuti kuvapara here?” ²⁶ Petro wakati kwaari, “Kuvapara.” Naapo Jesu wakati kwaari, “Ngokudaro vakororo vavo vari vakasunungurwa. ²⁷ Asi kuti tisazovapumhunisa, enda iwewe kuruandhle, ukandire chitebo, utore hove iyo inotanga kubatwa. Naapo wabeura muromo wayo, unozoona chigurwa chemare yesirivha chinozwi sitatera; icho unozochitora uhine kwavari ngepamusoro pangu nepako.

¹ Panguva iyo vadzidzi vakauya kunaJesu, vakati, “Ndiani wakakurisisa muumambo hwomudenga?” ² NaJesu wakadaidza kwaari mwana mudoko, wakamuisa pakati pavo. ³ Akati, “Ngegwinyiso ndinoti kwomuri, musikatenderuki, muite kudai ngevana vadoko, amutongozopindi muumambo hwomudenga. ⁴ Ndizvo iye unozodzipfaisa kudai ngouyu mwana mudoko, iye ndiye wakakurisisa muumambo hwomudenga. ⁵ Nouwo unozoashira umwe mwana mudoko wakadai ngouyu ngezina rangu, unondiashira inini. ⁶ “Asi kunyazwi ndiani unozoita kuti umwe wevadoko vakadai vanonditenda vashaishe, kunopinda kumunakira iye kuti guyo gurutu risungirwe muhuro mwake, kuti anzvaidzwe muudzamu rworuandhle. ⁷ Ihehe kunyika ngendaa yezvipumhuniso! Ngokuti kunotamika kuti zvipumhuniso zviuye; asi ihehe kwaari munhuwo unoita kuti vanhu vashaishe!, ⁸ Kuti nyara yako dangani rutsoka rwako rwechikuita kuti ushaishe, ruteme, ururashe kubva kwouri. Kunopinda kunaka kwouri kuti upotere mukurarama uri chirema nokuti wechikumhina, kunekuti unenyara mbiri dangani tsoka mbiri ukandirwe mumuriro usikadzimi. ⁹ Nokudai dziso rako rechikuita kuti ushaishe, ribvite, urirashe kubva kwouri. Kunopinda kunaka kwouri kuti upotere mukurarama uri jochotore kunekuti unemadziso mairi ukandirwe mumuriro weGehena. ¹⁰ Ngwarai kuti musazoshoora umwe weava vadoko. Ngokuti ndinoti kwomuri, mudenga ngirosi dzavo dzinogara dzechiona hope yaBaba angu vari mudenga. ¹¹ Ngokuti Mukororo woMunhu wakauya kuponesa avo vakarashika. ¹² Munopinimidzenyi? Kuti munhu anezana remakwai nerimwe rawo rarashika, aasii here arimakumi mapfumbamwe nepfumbamwe, aende mumitunhu kutsvaka iro rakarashika? ¹³ Kudai kwechiitika kuti unoriona, ngegwinyiso ndinoti kwomuri, unopinda kudakara ngeiro kunemakumi mapfumbamwe nepfumbamwe asikazi kurashika. ¹⁴ Ngokudaro andikwopi kuda kwaBaba enyu vari mudenga kuti umwe weava vadoko arove. ¹⁵ Kudai munun'una wako echizokushaishira, enda umuonise ndaa yake pakati penyu muri mwega. Kudai iye echizopurutana, wauyirwa ngomunun'una wako, ¹⁶ Asi kuti asikazopurutani, tora umwe dangani vairi kuenda newe, kuti ngemiromo yevairi dangani yevatatu vanoita chapupu, mazwi eshe angagwinyiswa. ¹⁷ Asi kuti iye echizoramba kuvapurutana, wechironzera vechiara. Asi kudai echizoramba kupurutana kunyazwi kunevechiara, ngaaite kwouri kudai ngewevemadzinza nokudai ngomubharisi. ¹⁸ Ngegwinyiso ndinoti kwomuri, ‘Kunyazwi chiinyi chomunozosunga munyika, chinozosungwawo mudenga. Neicho chomunosunhura munyika, chinozosunhurwawo mudenga. ¹⁹ Zve ndinoti kwomuri, kudai vairi venyu vanozotenderana panyika ngechiro chevanozokumbirira, chinozoitwa kwavari ndiBaba angu vari mudenga., ²⁰ Ngokuti apo vairi nokuti vatatu vechiungana pamwepo ngezina rangu, ndiripo pakati pavo''. ²¹ Naapo Petro wakauya echiti kwaari, “Mambo, munun'una wangu unozondishaishira kanganai ndechimurekerera? Metsa mikuwo minomwe here?” ²² Jesu wakati kwaari, “Andironzi kwouri kuti, metsa mikuwo minomwe akadi; asi metsa mikuwo iri makumi manomwe akapetwa kanomwe. ²³ Ndizvo umambo hwomudenga hunoedzaniswa nomunhu uri mambo, uwo waida kuerengerana nevaranda vake chikwereti. ²⁴ Naapo atanga kuerenga, umwe wakaunzwa kwaari anechikwereti chematarenda makumi emazana gumi. ²⁵ Asi ngokuti iye waiya asina chokuripira ndicho, mambo wake wakapanga kuti atengeswe nomukadzi wake nevana vake nazvo zveshe zvaaiya nazvo, kuti chikwereti chiripwe. ²⁶ Ndizvo muranda uwo wakawa pashi ngemabvi, akamupota echiti, ‘Wechindikungurira, neni ndinozokuripira zveshe''. ²⁷ Naapo mambo wouwo muranda wakamukungurira, akamusunhura, akamurekerera chikwereti. ²⁸ Asi uwo muranda wakabuda, akaona umwe wevaranda mungani wake, uwo waakakweretwa ndiye zana remadhinari;[16] naye wakamubata ngenyara, akamudzipa pahuro echiti, ‘Ripa kwendiri chikwereti chako''. ²⁹ Ndizvo muranda uwo mungani wake wakawa pashi, akamupota echiti, ‘Wechindikungurira, neni ndinozokuripira''. ³⁰ Asi aazi kutenda. Asi wakaenda akamuisa mutirongo, metsa aripa icho chikwereti. ³¹ Ndizvo varanda vangani vake, vechiona icho chakaitika, vakasvipa mwoyo kakurutu, vakauya, vakaronzera mambo wavo izvo zveshe zvakaitika. ³² Naapo mambo wake amudaidza, wakati kwaari, ‘Iwewe muranda wakashata, ndakakukungurira chikwereti icho cheshe, apo wandipota. ³³ Usaisisa newe here kuti ukungurire muranda uwo mungani wako, kudai ndini ndakakukungurira iwewe?’ ³⁴ Namambo wake wakatseneka, akamuhina kuvashwinyisi metsa aripa izvo zveshe zvaaiya nechikwereti kwaari ndizvo. ³⁵ Ngokudaro Baba angu vari mudenga vanozoita kwomuri, kuti imwimwi musikakunguriri munun'una wenyu ngomumwoyo mwenyu''.

¹ Kwakatika apo Jesu apedza kuereketa aya mazwi, wakabuda muGarire, wakauya kumigano yeJudhia, ruseri rweJorodhani. ² Mbungano huru yakamuteera, naye wakavaponesa apo. ³ NevaFarisi vakauya kwaari, vechimuedza vechiti, “Kunotenderwa here ngezvironzo kuti munhu arambe mukadzi wake ngendaa kunyazwi ngeiri? ⁴ Jesu wakapingura, akati, “Amuzikudzidza here kuti uwo wakavasika pakutanga, wakavasika mwamuna nomukadzi. ⁵ Akati, ‘Ngeiyi ndaa munhu unozosiya baba ake namai, unozonamatira kumukadzi wake neava vairi vanozoita nyama imwe''. ⁶ Ndizvo avachaiti vairi, asi nyama imwe. Ndizvo icho chaakasunganidza Mwari, munhu asasunhura''. ⁷ Vakati kwaari, “Ndizvo ngenyi Mosi akapanga kuhina tsamba yokuparadzana nokumuramba?” ⁸ Wakati kwavari, “Mosi ngendaa yokukonza kwomwoyo yenyu wakamutendera kuti murambe vakadzi venyu. Asi kubvira pakutanga zvaiya zvisikazi kudaro. ⁹ Asi inini ndinoti kwomuri, kunyazwi ndiani uwo unoramba mukadzi wake isiri ndaa yokuomba, aroore umweni, unoomba''. ¹⁰ Vadzidzi vakati kwaari, “Kuti yakadaro ndaa yomunhu nomukadzi wake, akuzi kunaka kuroora''. ¹¹ Asi Jesu wakati kwavari, “Veshe avangaashiri izwi iri, asi kwega kwavari avo vakaripuwa. ¹² Ngokuti varipo vari ngomwa kubva mundani dzemadzimai avo; varipozve mitenwa avo vakatenwa ngevanhu, varipozve vakadziitisa ngomwa ngepamusoro poumambo hwomudenga. Iye unesimba rokuashira, ngaariashire''. ¹³ Naapo vakaunza kwaari vana vadoko, kuti aise nyara dzake padera pavo, avakumbirire. Asi vadzidzi vakavarambidza''. ¹⁴ Asi Jesu wakati, “Tenderai vana vadoko kuti vauye kwendiri, musavarambidza, ngokuti umambo hwomudenga ngehwevakadaro''. ¹⁵ Naye wakaisa nyara dzake padera pavo, akabva apo. ¹⁶ Penya, umwe wakauya kwaari Jesu, akati, “Mudzidzisi, chiinyi icho chakanaka chendingaita kuti ndizoona kupona kusikaperi?” ¹⁷ Jesu wakati kwaari, “Unondibvunza ngenyi ngendaa yechakanaka? Uripo umwe wakanaka, asi kudai wechida kupotera mukupona wechingwarira mipango''. ¹⁸ Wakati kwaari, “Mipango iri?” NaJesu wakati, “Usazouraya, usazoomba, usazoba, usazoita chapupu chokunyepa, ¹⁹ remeredza baba ako namai, unozoda muakirwana wako kudai ngokudzida iwewe''. ²⁰ Jaha rakati kwaari, “Ndakazvingwarira izvi zveshe. Chiinyi chasara kuti ndiite?” ²¹ Jesu wakati kweriri, “Kuti wechida kuita wakaperera, enda utengese zveshe zvounazvo, uhine kuvarombo, newe unozoona upfumi mudenga, uuye unditeere''. ²² Asi apo jaha razwa izwi iro rakaenda rechitambudzika; ngokuti raiya noupfumi hwakawanda. ²³ Naapo Jesu wakati kuvadzidzi vake, “Ngegwinyiso ndinoti kwomuri, kwakakonza kunegurudza kuti ripotere muumambo hwomudenga. ²⁴ Zve ndinoti kwomuri, kwakapinda kuita nyore kuti kamera ripotere ngepauri renaiti, kunekuti gurudza ripotere muumambo hwaMwari''. ²⁵ Apo vadzidzi vazwa izvi, vakashamiswa kakurutu, vakati, “Kuti zvakadaro, ndiani ungaponeswa?” ²⁶ Asi Jesu echivaringira, wakati kwavari, “Kunevanhu ichi achiitiki; asi kunaMwari zveshe zvinoitika''. ²⁷ Naapo Petro wakapingura, akati kwaari, “Ringira, isusu takasiya zveshe, tikakuteera; ndizvo tinozoonenyi?” ²⁸ Jesu wakati kwavari, “Ngegwinyiso ndinoti kwomuri, munyika itsva, apo Mukororo woMunhu paanozogara padera pedendemaro routhende hwake, imwimwiwo mwakanditeera munozogarawo padera pemadendemaro gumi namairi, mwechitonga madzinza gumi namairi aIsuraeri. ²⁹ Nemunhu weshe wakasiya mhatso, nokuti vanun'una, nokuti hanzvadzi, nokuti baba, nokuti mai, nokuti vana, nokuti minda, ngepamusoro pezina rangu, unozoashira zvakapetwa kuita zana, naye unozogara nhaka yokupona kusikaperi. ³⁰

¹ Ngokuti umambo hwomudenga hunoedzaniswa nomunhu uri mune wemhatso, uwo wakafumira mangwanani maishi kootora vashandi vomunda wake vemivhini. ² Naapo atenderana nevashandi ngechigurwa chesirivha ngezuva, wakavatuma kumunda wemivhini. ³ Naye wakabudazve rooda kuita awa rechitatu, akaona vamweni vakaema pandau yomusika, vasikashandi. ⁴ Wakati kwavari, ‘Mwechiendawo mumunda wemivhini, neicho chinomusisira ndinozomupa.’ Navo vakaenda. ⁵ Wakabudazve rooda kuita awa rechitanhatu nerechipfumbamwe, wakaitazve kudaro. ⁶ Rooda kuita awa rechigumi narimwe wakabuda, akaona vamweni vakaema, akati kwavari, ‘Munoema panapa ngenyi zuva reshe musina chomunoshanda?’ ⁷ Vakati kwaari, ‘Ngokuti apana munhu watitora.’ Wakati kwavari, ‘Mwechiendawo mumunda wemivhini''. ⁸ Kwaita madeekoni mambo womunda wemivhini wakati kunenhunge yake, ‘Daidza vashandi, uvape misharo yavo, utange ngouwo wokugumisira metsa kuguma kunouwo wokutanga''. ⁹ Kwakati vechiuya avo vakatorwa ngeawa rechigumi narimwe vakaashira chigurwa chesirivha. ¹⁰ Kwakati avo vokutanga voouya vakapinimidza kuti vangatutsirwa; navo ngokudaro vakaashira munhu weshe chigurwa chesirivha. ¹¹ Naapo vaashira, vakavhuruvhutira munewemhatso, ¹² vechiti, ‘Ava vokupedzisira vashanda awa rimwe rega, newe waita kuti vaedzane nesu, isusu takatwara mutwaro nokupisha kwezuva''. ¹³ Asi iye wakapingura, akati kunoumwe wavo, ‘Mungani, andizi kukuitira chakashata. Auzi kutenderana neni here ngechigurwa chesirivha? ¹⁴ Tora icho chiri chako uende. Ndinoda kumupawo uyu wokupedzisira kudai ndiwe. ¹⁵ Akutenderwi here kwendiri kuti ndiite icho chendinoda ngezviri zvangu? Nokuti dziso rako raita godo ngokuti inini ndakanaka here?’ ¹⁶ Ndizvo avo vesure vanozoita vepamberi, nevepamberi vanozoita vesure''. ¹⁷ Apo Jesu akwira Jerusarema, wakatora vadzidzi gumi navairi vari vega munjira, naye wakati kwavari/ ¹⁸ “Penyai, tinokwira Jerusarema; noMukororo woMunhu unozohinwa kuvapristi vakuru nevanyori, navo vanozomutongera rufu. ¹⁹ Navo vanozomuhina kunevemadzinza kuti aitirwe jee nokuchaiwa nokukohomerwa, ngezuva rechitatu unozomuka''. ²⁰ Naapo kwakauya kwaari Jesu mai evakororo vaZebhedhi, pamwepo nevakororo vake, akagwadama, echikumbira kwaari chiro. ²¹ Naye wakati kwaari, “Chiinyi chomunoda?” Wakati kwaari, “Ronza kuti ava vakororo vangu vairi vagare umwe ngokumudyo kwako noumweni ngokumuoshwe kwako muumambo hwako''. ²² Asi Jesu wakapingura, akati “Amuzii chomunokumbira. Munokona here kumwa kutsani yendichamwa inini?” Vakati kwaari, “Tinokona''. ²³ Iye wakati kwavari, “Ngegwinyiso munozomwa kutsani yangu; asi kugara ngokumudyo kwangu nokuti ngokumuoshwe kwangu, andikwopi kwangu kuhina, asi ngekwaavo vakakunasirirwa ndiBaba angu''. ²⁴ Naapo varigumi vazwa, vakatsenekera avo vakoma vairi. ²⁵ Asi Jesu wakavadaidza kwaari, akati, “Munozia kuti vatongi vemadzinza vanotonga padera pavo, nevakuru vavo vanesimba padera pavo. ²⁶ Asi akuzodaropi pakati penyu; asi iye unoda kuti aite mukuru pakati penyu ngaaite mushandiri wenyu. ²⁷ Nouwo unoda kuita wokutanga pakati penyu ngaaite muranda wenyu. ²⁸ Kudai ngoMukororo woMunhu aazi kuuya kushandirwa, asi kushandira nokuhina kupona kwake kuita muripo wevazhinji''. ²⁹ Navo vachabuda kubva muJerikho mbungano huru yakamuteera. ³⁰ Penya, mapofu mairi akagara panjira, apo akazwa kuti Jesu waizopindapo, akadaidzira echiti, “Mambo, Mukororo waDhavhidha, tiitire nyasha''. ³¹ Nembungano yakaakaraidza kuti anyarare. Asi akapinda kudaidzisa echiti, “Mambo, Mukororo waDhavhidha, tiitire nyasha''. ³² NaJesu wakaema, akaadaidza, akati, “Munoda kuti ndimuitirenyi?” ³³ Akati kwaari, “Mambo, kuti madziso edu apembenudzwe''. ³⁴ Ndizvo Jesu wakaazwira urombo, akagwama madziso awo; paripo madziso awo akapembenudzwa, nawo akamuteera.

¹ Naapo Jesu vakwedzera pasinde peJerusarema, vaguma Bhethifaje, kuMutunhu wemaOrivhi, Jesu wakatuma vairi vevadzidzi vake. ² Wakati kwavari, “Endai kuguta iro remwakaringirana naro, paripo munozoona mbongoro yakasungwa netsiru pamwepo nayo; mwechidzisunhura, mudziunze kwendiri. ³ Kuti aripo unozoereketa chiro kwomuri, munozoti, ‘Mambo unodzitama,’ chiriporipo unozodzitumira''. ⁴ Ichi chakaitika kuti kuzadzisike ukwo kwakaereketwa ngomuprofeti echiti, ⁵ “Ronzerai mwanasikana weZioni. Penya, Mambo wako unouya kwouri, ari wakapfaa, echigadha padera pembongoro nepadera petsiru rechifuyo chemitwaro''. ⁶ Nevadzidzi vakaenda, vakaita kudai ngezvaakavapanga Jesu. ⁷ Navo vakaunza mbongoro netsiru rayo, vakaisa zvokufuka zvavo padera padzo, vakamugadzika padera payo. ⁸ Norupande ruzhinji rwembungano rwakachinga zvokufuka zvavo munjira; nevamweni vakatema matai emiti, vakaawara munjira. ⁹ Nembungano yaihamba pamberi paJesu, neiyo yaiteera ngesure, yakadaidzira yechiti, “Hosana kuMukororo waDhavhidha! Unomuchena uwo unouya ngezina raMambo! Hosana mudengadenga''. ¹⁰ Naapo Jesu apotera muJerusarema, vedhorobha reshe vakaita nyongano vechiti, “Ndiani uyu?” ¹¹ Nembungano yakati, “Uyu muprofeti Jesu, unobva Nazaretha reGarire''. ¹² NaJesu wakapotera muTemperi, wakabudisa avo veshe vaitengesa naavo vaitenga muTemperi, naye wakapinduridza matafura eavo vaitenganisana mare nezvigaro zvaavo vaitengesa njia. ¹³ Wakati kwavari, “Kwakanyorwa kuti, ‘Mhatso yangu inozozwi imhatso yokudira; asi imwimwi mwaiita bako rembavha.''. ¹⁴ Mapofu nezvirema zvakauya kwaari muTemperi, naye wakavaponesa. ¹⁵ Asi apo vapristi vakuru nevanyori vaona izvo zvinoshamisa zvaakaita, nevana vaidaidzira muTemperi vechiti, “Hosana kuMukororo waDhavhidha,” vakatseneswa, ¹⁶ navo vakati kwaari, “Unozwa here icho chevanoereketa ava?” NaJesu wakati kwavari, “Eya. Amuzi kutongodzidza here, kuti kubva kumiromo yendumure neyevanoamwa unoashira kukudzwa kwakaperera?” ¹⁷ Naye wakavasiya, akabuda mudhorobha, akaenda Bhethani, naye wakaata apo. ¹⁸ Mangwanani apo echihwirira kudhorobha waiya nenzara. ¹⁹ Naapo aona muonde pasinde penjira, wakaguma kwouri, akaona usina chiro, asi mashakani ega, naye wakati kwouri, “Michero isachazoberekwa kwouri kunoti mhera nariini.” Paripo muonde wakazeketera. ²⁰ Kwakati vadzidzi vaona, vakashamiswa vechiti, “Muonde wazeketera ngokukasira ngenyi?” ²¹ Jesu wakapingura, akati kwavari, “Ngegwinyiso ndinoti kwomuri, kudai munokutenda musikagonondi, amungazoiti chega icho chakaitwa kunemuonde, asi kunyazwi mwechizoti kunouyu mutunhu, ‘Ibva panapa, ukandirwe muruandhle,’ chinozoitika. ²² Nazvo zveshe zvomunozokumbirira mumikumbiro ngokugonda, munozozviashira''. ²³ Naapo Jesu angena muTemperi, vapristi vakuru nevakuru vevanhu vakauya kwaari achadzidzisa, vakati, “Ngesimba raani rounoita izvi ndiro? Ndiani wakakupa simbaro?” ²⁴ Jesu wakapingura, akati kwavari, “Inini ndinozomubvunzawo chiro chimwe, kuti mukandironzera, ndinozomuronzerawo kuti isimba raani rendinoita izvi ndiro., ²⁵ Rubhabhatidzo rwaJohani rwakabva kuri? Rwakabva mudenga here, nokuti rwakabva kuvanhu?” Navo vakapangana pakati pavo vechiti, “Kuti tikaronza kuti, ‘Rwakabva mudenga,’ unozoti kwetiri, ‘Ndizvo amuzikumutenda ngenyi?’

¹ NaJesu wakapingura, akaereketazve kwavari ngemiedzaniso echiti, ² “Umambo hwomudenga hunoedzaniswa nomunhu uri mambo, wakaitira mukororo wake dhiri romuchadho. ³ Naye wakatuma varanda vake kudaidza avo vakakokwa kudhiri romuchadho, navo avazi kuda kuuya. ⁴ Wakatumazve varanda vamweni echiti, ‘Ronzerai avo vakakokwa kuti, penyai ndanasirira kudya kwangu; n'ombe dzangu nedzakanuna dzangu dzaurawa, nazvo zveshe zvanasirirwa; uyai kudhiri romuchadho''. ⁵ Asi avo vakazvirerusa, vakaenda, umwe kumunda wake noumweni kootengesa kwake, ⁶ navo vakasara vakabata varanda vake, vakavashononesa, vakavauraya. ⁷ Naapo mambo azwa izvi wakatseneka, naye wakatuma hondo dzake, akavauraya avo vaurayi, akapisha dhorobha ravo. ⁸ Naapo wakati kuvaranda vake, ‘Dhiri romuchadho ranasirirwa, asi avo vakakokwa vaiya vasikasisiri. ⁹ Ndizvo endai pamhararano dzenjira, navo veshe vomunozoona, mwechivakoka kuti vauye kudhiri romuchadho''. ¹⁰ Naavo varanda vakabuda, vakaenda munjira, vakaunganidza veshe avo vevakandoona, veshe vakashata nevakanaka; mhatso yedhiri romuchadho yakazara ngevaeni. ¹¹ Asi apo mambo apotera kuringira vaeni, wakaona munhu waiya asikazi kupfeka bhachi romuchadho. ¹² Naye wakati kwaari, ‘Hama, waita mapoterenyi muno usina bhachi romuchadho?’ Asi iye wakanyarara. ¹³ Naapo mambo wakati kuvaranda vake, ‘Mwechimusunga tsoka nenyara, mwechimukandira muchidima chiri kubanze; kunozoiteyo kuboorera nokukwetsana kwemazino''. ¹⁴ Ngokuti vazhinji vanodaidzwa, asi vashomani vanotsanangurwa ¹⁵ Naapo vaFarisi vakaenda, vakaita bangano rokuti vamuteye mukuereketa kwake. ¹⁶ Navo vakatumira kwaari vadzidzi vavo pamwepo nevaHerodhi vechiti, “Mudzidzisi, tinozia kuti iwewe uri wegwinyiso, unodzidzisa njira yaMwari ngegwinyiso, autunhumadzi munhu; ngokuti aupenyi hope yomunhu. ¹⁷ Tironzere zvinopano unopinimidzenyi. Ndizvo here kuti tibhadhare chibharo kunaSiza nokuti tisabhadhara? ¹⁸ Asi Jesu, echizia kushata kwavo, wakati, “Munondiedza ngenyi, imwimwi vadziitisi? ¹⁹ Ndipangidzirenyi mare yechibharo.” Navo vakaunza kwaari chigurwa chemare chinozwi dhinariusi. ²⁰ Naye wakati kwavari, “Ngowaani uyu mutodzaniso nouku kunyorwa? ²¹ Vakati, “NgezvaSiza.” Naapo wakati kwavari, “Ndizvo mwechihina kunaSiza zvaSiza, nokunaMwari izvo zviri zvaMwari''. :22 ²² Naapo vazwa, vakashamiswa, vakamusiya vakaenda. ²³ Ngezuva ndiro ndiro, vaSadhusi avo vanoti akuna kumuka kwevakafa, vakauya kwaari, vakamubvunza. ²⁴ vechiti, “Mudzidzisi, Mosi wakati, ‘Kuti munhu akafa, asina vana, munun'una wake unozoroora mukadzi wake aberekere mukoma wake vana''. ²⁵ Ndizvo kwaiyapo nesu vakoma vanomwe; nouwo wokutanga wakaroora, wakafa asina vana, wakasiya mukadzi wake kune munun'una wake. ²⁶ Ngokudarozve newechipiri newechitatu, metsa kupedzisira ngowechinomwe. ²⁷ Napakugumisira kwavo veshe mukadzi wakazofawo. ²⁸ Ndizvo mukumuka kwevakafa, unozoita mukadzi waani kwavari vanomwe? Ngokuti veshe vakamuroora''. ²⁹ Jesu wakapingura, akati kwavari, “Munokangaidzwa ngokusikazia zvinyorwa nokuti simba raMwari. ³⁰ Ngokuti mukumuka kwavakafa, avaroori, zve avaroorwi, asi vari vakadai ngengirosi dziri mudenga. ³¹ Asi ngendaa yokumuka kwevakafa, amuzi kutongodzidza here icho chakaereketwa kwomuri ndiMwari echiti, ³² ‘Inini ndiri Mwari waAbrahama naMwari waIsaka naMwari waJakobe?’ Mwari aasiri Mwari wevakafa akadi, asi wevanopona''. ³³ Naapo mbungano yazwa izvi, yakashamiswa ngokudzidzisa kwake. ³⁴ Asi apo vaFarisi vazwa kuti waiya anyararisa vaSadhusi, vakaungana pamwepo. ³⁵ Umwe wavo waiya gweta, wakamubvunza mubvunzo, echimuedza echiti, ³⁶ “Mudzidzisi, ngouri mupango mukuru muMipango?” ³⁷ Jesu wakati kwaari, “Unozomuda Mambo Mwari wako ngomwoyo wako weshe, ngomweya wako weshe nemirangariro yako yeshe''. ³⁸ Ichi chiri mupango mukuru nowokutanga. ³⁹ Newechipiri wakadai ngouyu, “Unozomuda muakirwana wako kudai ngokudzida iwewe. ⁴⁰ Kuneiyi mipango miiri ndipo pasingwisingwi yeMipango yeshe nevaprofeti''. ⁴¹ Zvinopano vaFarisi vachaungana, Jesu wakavabvunza; ⁴² echiti, “Munopinimidzenyi ndiKristu? Mwana waani?” Vakati kwaari, “Mukororo waDhavhidha.''. ⁴³ Wakati kwavari, “Ndizvo ngenyi Dhavhidha, ari muMweya, unomudaidza kuti Mambo echiti, ⁴⁴ ‘Mambo wakati kunaMambo wangu, gara ngokumudyo kwangu, metsa ndiite magaa ako chitambarariro chetsoka dzako? ⁴⁵ Ndizvo, kuti Dhavhidha akamudaidza kuti Mambo, zvino uri mukororo wake ngokuitawani?” ⁴⁶ Kwaiya kusina munhu waikona kumupingura neizwi, zve, kwaiya kusina munhu kubvira ngezuva iro waishinga kuchamubvunza mibvunzo.

¹ Naapo Jesu wakaereketa kumbungano nokuvadzidzi vake, ² echiti, “Vanyori nevaFarisi vanogara pachigaro chaMosi. ³ Ndizvo zviro zveshe zvevanomupanga, zviitei muzvingwarire; asi musaita kudai ngemishando yavo; ngokuti vanotera kuereketa vasikazviiti. ⁴ Ngokuti vanosunga mitwaro inorema, inokonza kutwara nokuiisa pamapfudzi evanhu, asi ivo vemene avatendi kumirudza chinwe chavo kuvadetsera kutwara mitwaro iyo. ⁵ Asi mishando yavo yeshe vanoiita kuti vaoneke ngevanhu; vanosungira zvibhokisi zvikuru zvine mavhesi pahuma dzavo, vechikurisa mipendero yemagauni avo. ⁶ Vanoda zvigaro zvepamberi mumishongano yokudya nezvigaro zvepamberi mumhatso dzokudira, ⁷ nokuchingamidzwa pandau dzemisika, nokudaidzwa ngevanhu kuti ‘Rabhi''. ⁸ Asi imwimwi musatenda kudaidzwa kuti ‘Rabhi;’ ngokuti umwe uri Mudzidzisi wenyu neimwimwi mweshe muri hama. ⁹ Musadaidza munhu kunyazwi ngouri munyika kuti ‘Baba,’ ngokuti umwe uri Baba enyu, vari mudenga. ¹⁰ Zve musadaidzwa kuti ‘Matenzi,’ ngokuti Tenzi wenyu umwe ndiKristu. ¹¹ Asi iye uri mukuru pakati penyu unozoita muranda wenyu. ¹² Kunyazwi ndiani unozodzikurisa iye unozopfaiswa; nouwo unozodzipfaisa unozokuriswa. ¹³ Asi ihehe kwomuri vanyori nevaFarisi, vadziitisi! Ngokuti munokonyera umambo hwomudenga kuvanhu ngokuti amupoteri imwimwi, zve amutenderi avo vanoda kupotera kuti vapotere. ¹⁴ Ihehe kwomuri vanyori nevaFarisi, vadziitisi, ngokuti munopedza mhatso dzeshirikadzi, ngokudziitisa munoita mikumbiro yakareba, ndizvo munozoashira kutongwa kwakapinda kukura. ¹⁵ “Ihehe kwomuri vanyori nevaFarisi, vadziitisi! Ngokuti munoambuka ruandhle nenyika kutsvaka mudzidzi umwe, naapo atenderuka, munomuita kakapetwa kairi kuita mukororo weGehena kupinda imwimwi. ¹⁶ “Ihehe kwomuri imwimwi vatungamiriri mapofu, imwimwi munoti, ‘Kunyazwi ndiani unopika ngeTemperi, aanandaa; asi uwo unopika ngomukore womuTemperi, ndiye unendaa yemhiko yake''. ¹⁷ Imwimwi mapenzi mapofu; ngechiri chakapinda kukura, mukore nokuti Temperi, iro rinochenesa mukore? ¹⁸ Zve munoti, ‘Kunyazwi ndiani unopika ngearita, aanandaa; asi kunyazwi ndiani unopika ngechipo chiri padera paro, unendaa'. ¹⁹ Imwimwi mapofu; ngechiri chakapinda kukura, chipo nokuti arita iro rinochenesa chipo? ²⁰ Ndizvo uwo unopika ngearita, unopika ndizvo zveshe zviri padera paro. ²¹ Nouwo unopika ngeTemperi, unopika ndiro nouwo unogara mukati mwaro. ²² Nouwo unopika ngedenga, unopika ngedendemaro raMwari nouwo unogara padera paro. ²³ Ihehe kwomuri vanyori nevaFarisi, vadziitisi! Munohina chimwe chegumi cheminte neanise nokumini, nemwi mwarekera kuita zvakakura zveMipango, kutonga kwakwo nenyasha nokugondeka; kwaisisira kuti muzviite izvi, musikasii zvimweni zvisikazi kuitwa. ²⁴ Imwimwi vatungamiriri mapofu, munohluza nhunzi mwechitangurira kamera. ²⁵ Ihehe kwomuri vanyori nevaFarisi, vadziitisi! Ngokuti munosuka kubanze kwetsani nekwendiro, asi mukati mwakazara ngokukara nokudzida. ²⁶ Iwewe muFarisi uri bofu, suka kutanga mukati mwetsani nemwendiro kuti kubanze kwadzo kuchenewo. ²⁷ “Ihehe kwomuri vanyori nevaFarisi, vadziitisi! Ngokuti mwakadai ngemaiba akacheneswa, awo ngegwinyiso anooneka akanaka ngokubanze, asi ngomukati akazara ngemagodo evakafa nezveshe zvinetsvina. ²⁸ Ngokudaro nemwi kubanze munooneka muri vakarurama kunevanhu, asi ngomukati mwakazara ngokudziitisa nokushata. ²⁹ “Ihehe kwomuri vanyori nevaFarisi, vadziitisi! Ngokuti imwimwi munoaka maiba evaprofeti nokunemesa maiba evakarurama. ³⁰ Nemwi munoti, ‘Kudai taiyapo ngemazuva emadzibaba edu, tingadai tisikazi kutenderana navo mukuparadza ngazi yevaprofeti''. ³¹ Ndizvo munodzipupurira kuti imwimwi muri vakororo vaavo vakauraya vaprofeti. ³² Zadzisai imwimwi chipimo chemadzibaba enyu. ³³ Imwimwi nyoka, imwimwi vana vemabuura, mungaita mapokonyokerenyi kubva mukutongwa nokukandirwa muGehena? ³⁴ Ndizvo, ringirai ndinotuma kwomuri vaprofeti nevakangwara nevanyori; vamweni vavo munozovauraya nokuvakohomera; nevamweni vavo munozovarova mumhatso dzenyu dzokudira nokuvatambudza kubva kudhorobha rimwe kuenda kunerimweni, ³⁵ kuti padera penyu iuye ngazi yeshe yevakarurama yakaparadzwa munyika, kubvira kungazi yaAbheri wakarurama, metsa kuguma kungazi yaZekharia, mukororo waBharakia, uwo wemwakauraya pakati peruwanze nearita, ³⁶ Ngegwinyiso ndinoti kwomuri, izvi zveshe zvinozoitika kunouyu mubarirwana. ³⁷ Jerusarema, Jerusarema, iwewe unouraya vaprofeti, wechivaponda ngemapuwe avo vanotumwa kwouri, kuwandanyi kwemikuwo yendakada kuunganidza vana vako pamwepo, kudai ngemhambo inounganidza zvitiyo zvayo pashi pemaphaphiro ayo, nemwi amuzikutenda! ³⁸ Penyai, mhatso yenyu yasiiwa kwomuri iri dongo., ³⁹ Ngokuti ndinoti kwomuri, amuchatongozondioni metsa munozoti, ‘Unomuchena uwo unouya ngezina raMambo.

¹ Jesu wakabuda muTemperi; oenda vadzidzi vake vakauya kwaari kuti vamupangidzire mhatso dzeTemperi, ² Naye wakapingura, akati kwavari, “Amuoni izvi zveshe here? Ngegwinyiso ndinoti kwomuri, arizosiiwi panapa buwe padera pebuwe rimweni risikazoputsirwi pashi''. ³ Jeasu achagara paMutunhu wemaOrivhi, vadzidzi vake vakauya kwaari ari ega vechiti, “Tironzere, izvi zvinozoitika riini? Zve chiinyi chinozoita chioniso chokuuya kwako nechokuguma kwenyika''. ⁴ Jesu wakapingura, akati kwavari, “Ngwarai kuti musazopaukiswa ngomunhu. ⁵ Ngokuti vazhinji vanozouya ngezina rangu vechiti, ‘Inini ndiri Kristu’, vanozorashikisa vazhinji., ⁶ Nemwi munozozwa ngokuambana nemawirira okuambana; ngwarai kuti musazotambudzika; ngokuti kunosisira kuti zveshe zviitike, asi magumo aasati aguma, ⁷ Ngokuti dzinza rinozomukirana nedzinza, noumambo hunozomukirana noumambo; kunozoapo nzara nokuzungunyika kwenyika kundau dzakaparadzana. ⁸ Izvi zveshe zviri zvokuamba kwemadambudziko. ⁹ Izvi zveshe zviri zvokuamba kwemadambudziko. ¹⁰ Naapo vanozomuhina mukutambudzwa, navo vanozomuuraya; nemwi munozonyenywa ngemadzinza eshe ngepamusoro pezina rangu. Naapo vazhinji vanozopumhunwa, vanozohinana umwe noumweni nokunyenyana., ¹¹ Nevaprofeti vokunyepa vazhinji vanozoapo, navo vanozorashikisa vazhinji. ¹² Ngokuti kushaisha kunozowanda, rudo rwevazhinji runozopora. ¹³ Asi iye unozoshingirira metsa kumagumo unozoponeswa. ¹⁴ Neiri vhangeri roumambo rinozochumairwa munyika dzeshe kuita chapupu kumadzinza eshe; naapo kupera kunozoguma. ¹⁵ Ndizvo apo mwozoona chinyangadzo chokuparadza chaakaereketa ndicho Dhanieri muprofeti chechiema mundau yakachena, (uwo unodzidza ngaazwisise), ¹⁶ naapo avo vari muJudhia ngavatizire kumitunhu. ¹⁷ Naye uri padera pechachungu chemhatso, asadzaka kutora zviro zviri mumhatso yake. ¹⁸ Naye uri mumunda asahwirira sure kootora bhachi rake. ¹⁹ Asi ihehe kwavari avo vaanemimba naavo vanoamwisa ngaao mazuva!, ²⁰ Kumbirai kuti kutiza kwenyu kusazoitika ngenguva yechando nokuti ngezuva reSabatha. ²¹ Ngokuti kunozoapo kutambudzika kukurutu, ukwo kusikazi kumboitika kwakadaro kubvira mukuamba kwenyika metsa kuguma zvinopano, zve, akuchatongozoitiki zvakadaro. ²² Kudai mazuva awo asikazofupiswi, akuna nomunhu unozoponeswa; asi ngepamusoro pevakatsanangurwa, awo mazuva anozofupiswa., ²³ Ngouwo mukuwo kuti aripo munhu unozoti kwomuri, ‘Penyai, Kristu uri panapa’, nokuti ‘Apo’, musazozvitenda. ²⁴ Ngokuti vanozoapo vaKristu vokunyepa nevaprofeti vokunyepa, navo vanozoita zvioniso zvikuru nemishamiso, kupaukisa, kudai zvechiitika, eya nevakatsanangurwa. ²⁵ Penyai, ndamuronzera izvi ngepamberi. ²⁶ Ndizvo kuti vechizoti kwomuri, ‘Penyai, uri mushango,’ musaendeyo. ‘Penyai, uri mukamera romukati,’ musazotenda. ²⁷ Ngokuti kudai ngemheni inobva kumabvazuva, inojekisa metsa kuguma kumabirirazuva; kunozodaro nokuuya kwoMukororo woMunhu. ²⁸ Ngokuti apo panemiiri yakafa, ndipo pedzinoungana ngwanga. ²⁹ Ngokukasira ngesure kwokutambudzika kwemazuva awo, zuva rinozoita chidima, nemwedzi auzojeki, nenyeredzi dzinozowa kubva mudenga, nesimba reshe romudenga rinozozungunyiswa. ³⁰ Naapo kunozooneka chioniso choMukororo woMunhu mudenga, nemadzinza eshe enyika anozobonda, nawo anozomuona Mukororo woMunhu echiuya padera pemakore omudenga, anesimba nouthende hukuru. ³¹ Naye unozotuma ngirosi dzake ngokuridzwa kukurutu kwegwama, nadzo dzinozounganidza vakatsanangurwa vake kubva kumadutu marongomuna, kubva kumagumo amwe omudenga metsa kuguma kumagumo amweni. ³² Zvinopano dzidzai muedzaniso kumuti womuonde; apo dai rawo riri mbishi, rechiburikira mashakani, imwimwi munozia kuti zienza raapasinde. ³³ Ngokudaro imwimwiwo, apo mwoona izvi zveshe, munozia kuti uri pasinde pamisiwo. ³⁴ Ngegwinyiso ndinoti kwomuri kuti uyu mubarirwana auzopindi metsa izvi zveshe zviitike. ³⁵ Denga nenyika zvinozopinda, asi mazwi angu aatongozopindi akadi. ³⁶ Asi ngendaa yezuva iro neawa iro akuna naumwe unozia, kunyazwi ngirosi dzomudenga nokuti Mukororo, kwega Baba. ³⁷ Ngokuti kudai ngemazuva aNoa, kunozodarozve kuuya kwoMukororo woMunhu. ³⁸ Ngokuti ngemazuva awo ngepamberi pendambi, vakadya, vechimwa nokuroora nokuroodza, metsa rakaguma zuva iro raakapotera ndiro Noa mungarava. ³⁹ Navo avazikuzia metsa ndambi yakaguma, yakavatora veshe, kunozodarowo kuuya kwoMukororo woMunhu., ⁴⁰ Naapo vanhu vairi vanozoapo mumunda, umwe unozotorwa noumweni unozosiiwa. ⁴¹ Vakadzi vairi vechikuya paguyo, umwe unozotorwa noumweni unozosiiwa. ⁴² Ndizvo rindai; ngokuti amurizii zuva raanozouya Mambo wenyu. ⁴³ Asi mwechizia ichi, kuti kudai munewemhatso aizia mukuwo weinouya ndiwo mbavha iye waizorinda, asikatendi kuti mhatso yake ipwanyiwe, ⁴⁴ Ndizvo itai vakanasirirwa; ngokuti ngeawa romusikapinimidzi Mukororo woMunhu unouya. ⁴⁵ Ndizvo ndiani uri muranda unogondeka newakangwara, uwo mambo wake wakamuemesa kuita mutongi padera pemhatso yake, kuti avape kudya kwavo ngenguva kwayo? ⁴⁶ Unomuchena muranda uwo apo mambo wake ouya unozomuona echiita kudaro. ⁴⁷ Ngegwinyiso ndinoti kwomuri, unozomuemesa kuti aite mutongi padera peizvo zveshe zvaanazvo. ⁴⁸ Asi kuti uwo muranda wakashata unozoti mumwoyo mwake, ‘Mambo wangu unononoka kuuya; ⁴⁹ naye atange kurova varanda avo vari vangani vake, adye echimwa pamwepo nezviradza, ⁵⁰ mambo wouwo muranda unozouya ngezuva raasikakariri neawa raasikazii. ⁵¹ Naye unozomutema kuita zvigurwa, aemese kwaari chikoaniswa chake pakati pevadziitisi. Unozoiteyo kuboorera nokukwetsana kwemazino.

¹ Zvino umambo womudenga hunoedzaniswa nevasikana varigumi, avo vakatora zvibani zvavo, vakabuda koossangana nemukwambo. ² Vashanu vavo vainga mapenzi nevashanu vainga vakangwara. ³ Ngokuti avo vainga mapenzi vakatora zvibani zvavo, avazikutora mafuta navo. ⁴ Asi vakangwara vakatora mafuta mukati mwezvio zvavo, pamwepo nezvibani zvavo. ⁵ Apo mukwambo achanonoka, vakakutsira veshe vakaata. ⁶ Asi pakati pousiku kwakadaidzirwa kuti, ‘mukai, mukwambo! Budai koossangana naye. ⁷ Apo vasikana veshe vakamuruka, vakanasirira zvibani zvavo. 8 ⁸ Nemapenzi akati kunevakangwara, ‘Tipenyiwo mafuta enyu; ngokuti zvibani zvedu zvinodzima''. ⁹ Asi vakangwara vakapingura: Azvingadaropi, ngokuti aazokwani isusu nemwi. Asi mwechienda kuneavo vanotengesa, mudzitengere''. ¹⁰ Asi vachaenda kootenga, mukwambo wakauya; naavo vainga vakanasirira vakangea naye mumuchadho, nomusiyo wakakonywa. ¹¹ Ngepasure, kwa kauyawo vasikana vamweni vechiti: ‘Mambo, Mambo, tibeurire''. ¹² Asi ema wakapingura echiti: ‘Ngegwinyiso ndinoti kwomuri, anditongomuzii''. ¹³ Ndizvo rindai imwimwi ngokuti amuzii zuva kana nguva. ¹⁴ Ngokuti zvakadai ngomunhu wakatikuti echida kuenda kunyika imweni, wakadaidza varanda vake, akatemba kwavari zviro zvake. ¹⁵ Nokuneumwe wakatemba matarenda ari mashanu, nokuneumweni wakamutemba mairi, nokuneumweni rimwe; kuneumwe ngaumwe wavo wakatembwa kudai ngokukona kwake kushandisa, akaenda rwendo rwake. ¹⁶ Paripo uwo wakaashira matarenda mashanu wakaenda akaaberekesa, akauyirwa ngemashanu amweni. ¹⁷ Ngokudarozve uwo wakaashira mairi, wakauyirwazve ngemairi. ¹⁸ Asi ena wakaashira rimwe, akaenda, akatsira mumavhu, akafisha mare yamambo wake. ¹⁹ Ngesure kwomukuwo wakareba mambo wevaranda avo wakauya, akavaerengera. ²⁰ Nouwo wakaashira matarenda mashanu wakauya, akaunza matarenda amweni mashanu echiti: ‘Mambo, wakatemba kwendiri matarenda ainga mashanu, vonai, ndakauyirwa ngeamweni matarenda mashanu’. ²¹ Namambo wake wakati kwaari, ‘Wakashuma, iwewe muranda wakanaka nounogondeka; wakagondeka padera pezvishomani, ndinozo kuemesa padera pezvakawanda; pinda mukudakara kwamambo wako’. ²² Wakauyawo uwo wakaashira matarenda mairi, akati: ‘Mambo, wakahina kwendiri matarenda mairi; penya, ndakauyirwa ngematarenda amweni mairi''. ²³ Mambo wake wakati kwaari, ‘Wakashuma, muranda wakanaka nounogondeka; iwewe wakagondeka ngezvishomani, ndinozokuemesa padera pezvakawanda, pinda mukudakara kwamambo wako. ²⁴ Wakauyawo uwo wakaashira tarenda rimwe, akati: ‘Mambo, ndakakuzia iwewe kuti uri munhu wakakonza, unokukura pousikazi kusima nokuunganidza pousikazi kuparadzira. ²⁵ Neni ndakatya, ndikaenda, ndikafisha tarenda rako mumavhu. Zviri apa zviri zwako'. ²⁶ Asi mambo wake wakapingura, akati kwaari: ‘Iwewe muranda wakashata nounenungo! Waizia here kuti ndinokukura pendisikazi kusima nokuunganidza pendisikazi kuparadzira? ²⁷ Ndizvo kwaifanira kuti uise mare yangu kwavari vebhange, kuti mukuuya kwangu ndaizovashirazve yangu nokuuyirwa kwayo. ²⁸ Ndizvo torai kwaari tarenda, mupe kwaari unematarenda gumi. ²⁹ Ngokuti kwaari weshe unacho unozohinwa, naye unozoa nezvakawanda. Asi kunouwo usina, eya, neicho chaanacho chinozobviswa kwaari. ³⁰ Mwechirasha muranda uwo usikadetseri chiro muchidima chiri kubanze. Kunozoiteyo kuboorera nokukwetsana kwemazino;;. ³¹ Asi apo Mwanakomana woMunhu oouya muuthende hwake nengirosi dzeshe naye, apo unozogara padera pedendemaro routhende wake. ³² Nepamberi pake anozounganidzwa madzinza eshe, naye unozovaparadzanisa umwe kuneumweni kudai ngomuushi unoparadzanisa makwai kubva kunembudzi. ³³ Naye unozoisa makwai ngokumudyo kwake, asi mbudzi ngokumuoshwe kwake. ³⁴ Naapo Mambo unozoti kwavari vari ngokumudyo kwake: ‘Uyai, imwimwi mwakadakadziswa ndiBaba wangu, mugare nhaka youmambo hwakanasirirwa imwimwi kubvira pakusikwa kwenyika. ³⁵ Ngokuti ndaiya ndinenzara nemwi mwakandipa kudya, ndaiya ndinenyota nemwi mwakandipa chokumwa, ndaiya ndiri mupfumba nemwi mwakandiashira, ³⁶ Ndainga ndiri mitu nemwi mwakandifukidza, ndairwara nemwi mwakandihambira, ndainga mugehena nemwi mwakauya kwendiri''. ³⁷ Apo vanozomupingura vakarurama vechiti: ‘Mambo, takakuona riini unenzara tikakupa kudya? Nokuti unenyota tikakupa chokumwa? ³⁸ Takakuona riini uri mupfumba, tikakuashira? Nokuti uri mutitinini tikakufukidza? ³⁹ Takakuona riini wechirwara nokuti uri mutirongo tikauya kwouri? ⁴⁰ NaMambo unozopingura echiti kwavari: ‘Ngegwinyiso ndinoti kwomuri, kudai ngezvemwakaita kuneumwe weava vadoko vanukuna vangu, mwakachiita kwendiri.’ ⁴¹ ’41 Naapo unozoti kwavari vari ngokumuoshwe kwake, ‘Ibvai kwendiri, imwimwi mwakatukwa, muende mumwoto usikaperi, uwo wakanasirirwa Dhiabhorosi nengirosi dzake. 42 ⁴² Ngokuti ndainga nenzara amuzi kundipa kudya, ndaiya ndine nyota amuzi kundipa chokumwa, 43 ⁴³ ndainga ndiri mupfumba amuzikundiashira, ndaiya ndiri mutitinini amuzikundifukidza, ndairwara, ndaiya mutirongo amuzi kundihambira''. ⁴⁴ Apozve avo navo vanozomupingura vechiti: ‘Mambo, takakuona riini unenzara, nokuti unenyota, nokuti uri mupfumba, nokuti uri mitu, nokuti wechirwara, nokuti uri mugehena, nesu atizikukushandira?’ ⁴⁵ Apo ena unozovapingura echiti: ‘Ngegwinyiso ndinoti kwomuri, kudai ngezvemusikazi kuitira kuneumwe weava vadoko vanun'una vangu, amuzi kuchiitira kwendiri.’ ⁴⁶ Apo vanozoenda mukuororwa kusikaperi, asi vakarurama mukupona kusikaperi''.

¹ 1 Naapo Jesu aiya apedza eshe mazwi aya, wakati kuvadzidzi vake, ² “Munozia kuti ngesure kwemazuva mairi Phasika rinozoapo, noMukororo woMunhu unozopirwa kuti akohomerwe''. ³ Naapo vakaungana vapristi vakuru nevakuru vevanhu kungome yomupristi mukuru, uwo waidaidzwa kuti Kaiafasi. ⁴ Navo vakaita bangano rokuti vabate Jesu ngourimbwi, vamuuraye. ⁵ Asi vakati, “Haiwa ngemazuva omushongano wokudya, kuti isazoapo hohoho pakati pevanhu. ⁶ Naapo Jesu ari muBhethani mumhatso yaSimoni uwo waiya nemapere, ⁷ kwakauya kwaari dzimai raiya nenhera yearibhasitera yemakha anomutengo mukuru, naro rakaadurura musoro mwake, achatseama pakudya. ⁸ Asi apo vadzidzi vake vaona, vakarurumwiswa vechiti, “Kurashanyi uku? ⁹ Ngokuti aya aizotengeswa ngomutengo mukuru uhinwe kuvarombo''. ¹⁰ Asi Jesu echizia, wakati kwavari, “Munoritambudzirenyi dzimai? Ngokuti naro rashanda mushando wakanaka kwendiri. ¹¹ Ngokuti munavo varombo nguva dzeshe, asi inini amuneni akadi nguva dzeshe. ¹² Ngokuti radurura makha aya padera pomuiri wangu, raita kunasirira muiri wangu kuikwa., ¹³ Ngegwinyiso ndinoti kwomuri, kunyazwi ngepari perinozochumairwa vhangeri munyika dzeshe, ichiwo cheraita dzimai iri chinozoereketwa ndicho, kuita chicherechedziso kweriri''. ¹⁴ Naapo umwe wegumi navairi, unozwi Judhasi Isikarioti, wakaenda kuvapristi vakuru. ¹⁵ Naye wakati kwavari, “Chiinyi chomunozondipa kuti ndikazomuhina kwomuri?” Navo vakamuerengera zvigurwa zvesirivha makumi matatu. ¹⁶ Kubvira ngouwo mukuwo iye wakatsvaka nguva yokuti amupire. ¹⁷ Zvinopano ngezuva rokutanga rokudya zvingwa zvisina mumera, vadzidzi vakauya kunaJesu vechiti, “Unoda kuti tikunasirire pari pokudyira Phasika?” ¹⁸ Naye wakati kwavari, “Endai muguta kunemunhu wakatikuti, mwechiti kwaari, ‘Mudzidzisi unoti nguva yangu yaapedo; ndinozodyira Phasika kumhatso yako nevadzidzi vangu.''. ¹⁹ Nevadzidzi vakaita kudai ngezvaakavapanga Jesu, vakanasirira Phasika. ²⁰ Zvino apo kwaita madeekoni, wakatseama pakudya nevadzidzi varigumi navairi. ²¹ Kwakati vachadya, wakati kwavari, “Ngegwinyiso ndinoti kwomuri, umwe wenyu unozondipira.” ²² Navo vakatambudzika kakuru, vakatanga kuronza kwaari umwe ngaumwe kuti: “Ndini here, Mambo?” ²³ Naye wakapingura, akati: “Uwo washeya ngenyara yake muchidziyo neni, ndiye unozondipira. ²⁴ Mwanakomana woMunhu unoenda kudai ngezvakanyorwa ndiye. Asi kuneuwo munhu waanozopirwa ndiye Mwanakomana woMunhu! Kwaizopinda kunaka kunouwo munhu dai asakabarwa”. ²⁵ NaJudhasi uwo wakamupira wakapingura, akati: “Rabhi, ndini here?” Iye wakati kwaari: “Watoronza''. ²⁶ Vachadya, Jesu wakatora chingwa, akachiropafadza, akachigura; ena wakachipa kwavari echiti: “Torai, mudye; ichi muiri wangu.” ²⁷ Wakatora tsani, akairopafadza, akapa kwavari echiti: “Imwai mweshe kweiri. ²⁸ Ngokuti iyi ingazi yangu yechitenderano, inoparadzirwa ngepamusoro pevazhinji kuita kurekererwa kwezvishaishi. ²⁹ Asi ndinoti kwomuri andichazomwi ngesure kwouku kumichero iyi yomuvhini metsa zuva rendinozorimwazve idzva muumambo hwaBaba angu”. ³⁰ Apo vainga vaemba ruyo, vakabuda kuenda kuMutunhu wemaOrivhi. ³¹ Apo Jesu wakati kwavari: “Imwimwi mweshe munozopumhuniswa ndini usiku uno; ngokuti kwakanyorwa kuti, ‘Ndinozorova muushi nemakwai edanga anozopararira.’ ³² Asi ngesure kwokumuka kwangu ndinozoenda pamberi penyu muGarire”. ³³ Asi Petro wakapingura, akati kwaari, “Kunyazwi veshe vanozopumhuniswa ndiwe, inini anditongozopumhuniswi.” ³⁴ Jesu wakati kwaari: “Ngegwinyiso ndinoti kwouri, usiku huno, risati rarira jongwe, iwewe unozondiramba katatu” ³⁵ Petro wakati kwaari: “Kunyazwi ndechizofa newe, anditongozokurambi.” Nevadzidzi veshe vakaronza kudaro. ³⁶ 36 Naapo Jesu wakauya navo kundau inozwi Getsemani, akati kuvadzidzi vake, “Garai panapa imwimwi ndichaendapo kookumbira.” ³⁷ wakatora naye Petro nevanakomana vairi vaZebhedhi, naye akatanga kutsamwa nokutambudzika kakuru. ³⁸ asi akati kwavari: “Mweya wangu unotambudzika kakuru metsa kufa. Garai panapa, murinde neni''. ³⁹ paaienda mberi adoko, akawa ngehope yake, akakumbira echiti: “Baba angu, kudai kungaitika, tsani iyi ngaibve kwendiri; asi kusaita kudai ngokuda kwangu, asi kudai ngokuda kwenyu.” 40 ⁴⁰ Ena wakauya kunevadzidzi vake, akavaona vakaata, akati kuna Petro, “Ndizvo mwakorera kurinda neni awa rimwe here? ⁴¹ Rindai, mwechikumbira, kuitira kuti musapinda mukuedzwa; mweya ngegwinyiso unotenda, asi nyama aina simba''. ⁴² Zve ngokwechipiri wakaenda echiti, “Baba angu, kudai iyi isikapindi ngokubanze kwokuti ndiimwe inini, kuda kwako ngakuitike''. ⁴³ Wakauyazve akavaona vakaata, ngokuti madziso avo aiya echiremerwa, ⁴⁴ Naye wakavasiyazve, akaenda, akakumbira ngokwechitatu, echironza mazwi ndiwo ndiwo., ⁴⁵ Naapo wakauya kuvadzidzi, akati kwavari, “Muchakaata here zvinopano, mwechizorora? Penyai mukuwo waapasinde, noMukororo woMunhu unohinwa munyara dzevashaishi. ⁴⁶ Mirukai, tiende; penyai, waa pasinde uwo unondipira''. ⁴⁷ Achaereketa, penya, Judhasi, umwe wevanegumi navairi, wakauya, nayo mbungano huru vaneshoti nenduku, vechibva kuvapristi vakuru nevakuru vevanhu. ⁴⁸ Zvinopano uwo wakamupira, waiya avapa chioniso echiti, “Uwo wendinozochingamidza ngomuromo ndiye; mwechimubata. ⁴⁹ Paripo wakauya kunaJesu, akati, “Mwauya, Rabhi”; naye wakamuchingamidza ngomuromo. ⁵⁰ Jesu wakati kwaari, “Hama, ita icho chewahambira kuita.” Naapo vakauya, vakamubata Jesu ngenyara dzavo, vakamutora. ⁵¹ Penya umwe weavo vaiya naJesu wakatambanudza nyara yake, akashwamura shoti yake, wakatema muranda womupristi mukuru, akagura nzee yake. ⁵² Naapo Jesu wakati kwaari, “Hwirinza shoti yako mundau mwayo; ngokuti avo veshe vanotora shoti vanozopera ngeshoti. ⁵³ Aupinimidzi here kuti ndingakumbira kunaBaba angu, naye ungatuma zvinopano ngirosi dzinopinda hondo dzirigumi nambiri ngokuwanda? ⁵⁴ Asi kuti zvakadaro zvinyorwa zvingazoita mazadzisikirenyi, zvinoti kunosisira kuti zviitike kudaro?” ⁵⁵ Ngeawa ririro Jesu wakati kumbungano, “Mwabuda here muneshoti nenduku kuti mundibate kudai ngevanorwa negandanga? Ndakagara nemwi mazuva eshe ndechimudzidzisa muTemperi, nemwi amuzi kundibata. ⁵⁶ Asi izvi zveshe zvakaitika kuti kuzadzisike izvo zvakanyorwa ngevaprofeti.” Naapo vadzidzi vake veshe vakamusiya, vakatiza. ⁵⁷ Naavo vaiya vamubata Jesu vakamukweya kuenda kunaKaiafasi mupristi mukuru, apo pevaiya vakaungana vanyori nevakuru. ⁵⁸ Asi Petro wakamuteera ari kuretu, metsa kuguma kungome yomupristi mukuru, naye wakapotera mukati, akagara pashi nevadzimbabwe kuti aone magumo azvo. ⁵⁹ Nevapristi vakuru nemakurukota eshe vakatsvaka chapupu chokunyepa kumuitira ndaa Jesu kuti aurawe. ⁶⁰ Asi avazi kuiona; kunyazwi zvizhinji zvapupu zvokunyepa zvakauya, asi avazi kuiona. Pakugumisira kwakauya zviiri zvapupu zvokunyepa. ⁶¹ Avo vakati, “Uyu wakati, ‘Ndinesimba rokuputsa Temperi raMwari, nangemazuva matatu ndinozoriakazve''. ⁶² Nomupristi mukuru wakamiruka, akati kwaari, “Aupinguri chiro here? Chiinyi chevanopupura ava kukuitira ndaa?” ⁶³ Asi Jesu wakanyarara. Nomupristi mukuru wakati kwaari, “Ndinokuphikisa ndiMwari Unopona, kuti utironzere kuti uri Kristu here, Mukororo waMwari?”, ⁶⁴ Jesu wakati kwaari, “Watoronza; kani hai ndinoti kwomuri, ngesure kweizvi munozoona Mukororo woMunhu echigara pashi ngokumudyo kwoUnesimba, echiuya ari padera pemakore omudenga''. ⁶⁵ Naapo mupristi mukuru wakabaura zvokufuka zvake echiti, “Waereketa kutuka. Tichatama ngenyi zvimweni zvapupu? Penyai zvinopano mwazwa kutuka kwake, ⁶⁶ Munopinimidzenyi imwimwi?” Navo vakapingura, vakati, “Unosisira kufa. ⁶⁷ Naapo vakamupfirira muhope mwake, vakamupamhadza, vakamurova ngendonga, ⁶⁸ vechiti, “Profeta kwetiri, iwewe Kristu, kuti ndiani wakurova?” ⁶⁹ NaPetro waiya akagara pashi kubanze paruwanze; nomusikana wakauya kwaari echiti, “Iwewewo waiya naJesu weGarire''. ⁷⁰ Asi iye wakaramba pamberi pavo veshe echiti, “Andizii chounoreketa''. ⁷¹ Naapo abuda kuenda muberere, musikana umweni wakamuona, akati kuneavo vaiyapo, “Uyu naye waiya naJesu weNazaretha''. ⁷² Zve wakaramba ngokupika mhiko kuti, “Andimuzii munhuwo''. ⁷³ Ngesure kwekamukuwo vakauya avo vaiema apo, navo vakati kuna Petro, “Ngegwinyiso iwewe newe uri umwe wavo, ngokuti kuereketa kwako kunopangidzira kudaro''. ⁷⁴ Naapo wakatanga kutuka nokupika kuti, “Anditongomuzii munhuwo.” Paripo jongwe rakarira. ⁷⁵ NaPetro wakakarakadza izwi raJesu, iro raakaereketa kuti, “Risati rarira jongwe, iwewe unozondiramba katatu.” Naye wakabuda kubanze, akachema kakurutu.

¹ Kwaedza vapristi vakuru veshe nevakuru vevanhu vakaita bangano ndiJesu kuti vamuuraye. ² Naapo vaiya vamusunga, vakamukweya kuenda naye kunaPiratu mutongi. ³ Naapo Judhasi, uwo wakamupira, aona kuti Jesu wakaitirwa ndaa, wakatenderuka, akaunzazve zvigurwa zvesirivha makumi matatu kuvapristi vakuru nevakuru, ⁴ echiti, “Ndakashaisha ngokupira ngazi isina ndaa.” Asi vakati, “Chinenyi icho kwetiri? Wechidzionera wemene.''. ⁵ Naye wakakandira zvigurwa zvesirivha muTemperi, akaenda akadzisungira. ⁶ Nevapristi vakuru vakatora zvigurwa zvesirivha, vakati, “Akutenderwi kuti tizviise mubhokisi remare yezvipo, kwechioneka kuti imare yengazi''. ⁷ Vakaita bangano, vakatenga ndizvo munda womuumbi wehari, kuti vaikemwo vapara. ⁸ Ndizvo uwo munda unodaidzwa metsa nanyamashi kuti, Munda weNgazi. ⁹ Naapo rakazadzisika izwi iro rakaereketwa ndiJeremia muprofeti echiti, “Navo vakatora zvigurwa zvesirivha makumi matatu, mutengo wakatenderwana ngevamweni vevana vaIsuraeri kuti vamutenge ndiwo. ¹⁰ Navo vakazvipa kutenga munda womuumbi wehari, kudai ngezvaakandipanga Mambo''. ¹¹ NaJesu wakaema pamberi pomutongi. Nomutongi wakamubvunza echiti, “Iwewe uri Mambo wevaJudha here?” Jesu wakati, “Watoronza kudaro''. ¹² Naapo aitirwa ndaa ngevapristi vakuru nevakuru, aazikupingura chiro. ¹³ Zvino Piratu wakati kwaari, “Auzvizwi here izvo zvakawanda zvevanokuitira ndaa ndizvo?” ¹⁴ Naye aazi kupingura neizwi, ngokudaro mutongi wakashamiswa kakurutu. ¹⁵ Zvinopano pamushongano wokudya, mutongi waindosunhurira vanhu bhanditi rimwe, iro revaida., ¹⁶ Ngouwo mukuwo vaiya nebhanditi raiya nembirikira, raizwi ndiBharabhasi. ¹⁷ Ndizvo apo vakaungana pamwepo, Piratu wakati kwavari, “Munoda kuti ndimusunhurire anani, Bharabhasi nokuti Jesu unozwi Kristu?” ¹⁸ Ngokuti iye waizia kuti yaiya ndaa yendurumwa yavakamupira ndiyo. ¹⁹ Apo agara pashi padendemaro rokutonga, mukadzi wake wakatumira kwaari echiti, “Usaa nechiro chounoita kunouno munhu wakarurama; ngokuti ndatambudzwa ngezvakawanda nyamashi mukurota ngendaa yake''. ²⁰ Asi vapristi vakuru nevakuru vevanhu vakanyengerera mbungano kuti ikumbire Bharabhasi nokuuraya Jesu. ²¹ Mutongi wakati kwavari, “Ndiani pakati paavo vairi womunoda kuti ndimusunhurire?” Navo vakati, “Bharabhasi''. ²² Piratu wakati kwavari, “Ndizvo ndinozoitenyi ndiJesu, uwo unozwi Kristu?” Veshe vakati, “Ngaakohomerwe''. ²³ Naye wakati, “Ngenyi? Kushatanyi kwaakaita?” Asi avo vakapinda kudaidzira kuti, “Ngaakohomerwe.”, ²⁴ Naapo Piratu aona kuti asaikona kudetsera chiro, asi kwega kuti hohoho yaimuswa, wakatora mvura, akashamba nyara dzake pamberi pembungano echiti, “Inini andina ndaa yengazi youyu munhu. Dzionerenyi pachenyu imwimwi''. ²⁵ Nevanhu veshe vakapingura, vakati, “Ngazi yake ngaiuye padera pedu nepadera pevana vedu.''. ²⁶ Naapo wakavasunhurira Bharabhasi. Naapo aiya ashwapura Jesu yaamho, wakamuhina kuti akohomerwe. ²⁷ Naapo majoni omutongi akatora Jesu kuenda naye mumhatso yokutongera, akaunganidza pamberi pake chikwata cheshe chemajoni. ²⁸ Nawo akamukumura, akamupfekedza gauni rakatsvukuruka. ²⁹ Naapo varuka dzungudza reminzwa, vakariisa musoro mwake, norutsanga munyara yake yokumudyo; navo vakagwadama pashi pamberi pake, vakamuitira jee vechiti, “Mwauya, Mambo wevaJudha!” ³⁰ Navo vakamupfira mata, vakatora rutsanga vakamurova musoro. ³¹ Naapo vaiya vamuitira jee, vakakumura gauni, vakamupfekedza zvokufuka zvake, navo vakamukweya koomukohomera. ³² Naapo vachabuda kubanze vakaona munhu weKureni, zina rake raizwi Simoni; uwo wavakaangiridza kuti atware muchinjiko wake. ³³ Naapo vaguma kundau inozwi Gorogotha, ukwo kunoti, Ndau yeDehenya, ³⁴ vakamupa vhini rakakumanidzwa nezvinozhazha kuti arimwe. Kwakati araira, wakaramba kurimwa. ³⁵ Naapo vaiya vamukohomera, vakakoanisana zvokufuka zvake, vechiita mabhigidha.. ³⁶ Navo vakagara pashi, vechimurindapo. ³⁷ Navo vakaisa padera pesoro rake mazwi endaa yake, yakanyorwa kuti, “UYU NDIJESU, MAMBO WEVAJUDHA''. ³⁸ Naapo kwakakohomerwa naye magandanga mairi, rimwe ngokumudyo nerimweni ngokumuoshwe. ³⁹ Navo vaipinda ndipo vakamutuka, vechigudwaira masoro avo, ⁴⁰ vechiti, “Iwewe unoputsa Temperi nokuriaka ngamazuva matatu, dziponese. Kuti uri Mukororo waMwari, dzaka pamuchinjikopo''. ⁴¹ Ngokudarowo vapristi vakuru vakamuitira jee, pamwepo nevanyori nevakuru vevanhu vechiti, ⁴² “Iye wakaponesa vamweni, asi aakoni kudziponesa. NdiMambo waIsuraeri, ngaadzake pashi zvinopano kubva pamuchinjiko, nesu tinozomutenda. ⁴³ Iye wakagonda kunaMwari; ngaachimununura zvinopano, kuti echimuda; ngokuti wakati, ‘Inini ndiri Mukororo waMwari''. ⁴⁴ Nemagandanga awo akakohomerwa naye akamutukawo zvimwezvo ⁴⁵ Zvinopano kubvira ngeawa rechitanhatu chaiyapo chidima padera penyika yeshe metsa kuguma awa rechipfumbamwe. ⁴⁶ Rooita awa rechipfumbamwe Jesu wakadaidzira ngeizwi guru echiti, “Eloi, Eloi, Lama Sabakathani?” Uko kunoti, “Mwari wangu, Mwari wangu, wandisiya ngenyi?” ⁴⁷ Vamweni avo vaiema apo vazwa, vakati, “Uyu unodaidza Erija''. ⁴⁸ Paripo umwe wavo wakarumba wakatora siponji, wakainyika muvhini rinorungura, wakariisa parutsanga, akamuita kuti amwe. ⁴⁹ Asi vamweni vakati, “Murekerei, ngatione kuti Erija unouya here koomuponesa''. ⁵⁰ Naapo Jesu adaidzirave ngeizwi guru, wakafa. ⁵¹ Penya, jira reTemperi rakabaurwa kuita mairi, kubvira ngedera metsa kuguma pashi; nenyika yakazungunyika nemapuwe akamweka, ⁵² nemaiba akabeurwa nemiiri mizhinji yevakafa vakarurama yakamuswa. ⁵³ Navo vakabuda mumaiba ngesure kwekumuka kwake, vakapotera mudhorobha rakachena, vakaoneka ngevazhinji. ⁵⁴ Zvinopano apo nduna yezana, naavo vaiya nayo, vechirinda Jesu, vaona kuzungunyika kwenyika neizvo zvakaitika, vakatya kakurutu vechiti, “Ngegwinyiso uyu waiya Mukororo waMwari! ⁵⁵ Kwaiyapo madzimai mazhinji vairingira vari kuretu, avo vaiya vakamuteera Jesu kubva Garire, vechimushandira, ⁵⁶ Pakati pavo kwaiyapo Maria Magadhareni, Maria mai aJakobe naJosefa, namai evana vaZebhedhi. ⁵⁷ Kwooita madeekoni kwakauya gurudza reArimathia, zina raro raizwi Josefa, iro naro raiya mudzidzi waJesu. ⁵⁸ Iro rakaenda kunaPiratu, rikapota kupuwa muiri waJesu. Naapo Piratu wakapanga kuti riupuwe. ⁵⁹ Naapo Josefa aiya atora muiri uwo, wakauputira ngejira rakachena, ⁶⁰ Naye wakamuisa muiba idzva raiya rake, iro raiya akatsa pabuwe; naye wakamburumbudzira buwe guru pamuromo weiba akaenda. ⁶¹ Kwaiyapo Maria Magadhareni naMaria umweni vakagara ngepamberi peiba. ⁶² Nechimangwani ngesure kwezuva rokunasirira Phasika, vapristi vakuru nevaFarisi vakaungana kunaPiratu, ⁶³ vechiti, “Changamire, tinokarakadza kuti uwo muchengedzi wakati achapona, ‘Ngesure kwemazuva matatu ndinozomukazve''. ⁶⁴ Ndizvo panga kuti iba rigwinyisiswe metsa kuguma zuva rechitatu, kuti vasazouya vadzidzi vake usiku, vamube nokuronza kune vanhu kuti, ‘Wakamuka kwevakafa.’ Nokuchengedza kwokugumisira kungapinda kushata kunoukwo kwokutanga''. ⁶⁵ Piratu wakati kwavari, “Imwimwi munavo varindi. Endai mwechirigwinyisisa kudai ngezvomunokona''. ⁶⁶ Ndizvo vakaenda, vakagwinyisisa iba, vechinamira namo pabuwe, varindi varipo navo.

¹ Ngesure kweSabatha, mumambakwedza ngezuva rokutanga revhiki, kwakauya Maria Magadhareni noumweni Maria koona iba. ² Penya, kwaiya kuriyo kuzungunyika kukurutu kwenyika; ngokuti ngirosi yaMambo yakadzaka kubva mudenga, yakauya yakamburumbudza ikabusa buwe, nayo yakagara padera paro. ³ Kuoneka kwayo kwaiya kwakadai ngemheni, nezvokufuka zvayo zvaiya zvakachena kudai ngechando. ⁴ Ngokuitya varindi vakahuta, vakaita kudai ngevakafa. ⁵ Nengirosi yakati kumadzimai, “Musatya imwimwi; ngokuti ndinozia kuti munotsvaka Jesu uwo wakakohomerwa. ⁶ Apachina panapa akadi; ngokuti wamuka, kudai ngezvaakaronza. Uyai muone pandau apo paaiya akaata. ⁷ Kasirai muende muronzere vadzidzi vake kuti, ‘Wamuka kwevakafa, penyai, unomutangira kuenda Garire; naapo munozomuonapo! Ringirai, ndamuronzera!'' ⁸ Navo vakaenda ngokukasira vechibva paiba, vanokutya nokudakara kukurutu; vakarumba kooronzera vadzidzi vake. ⁹ Penya, Jesu wakashongana navo, akati, “Mwauya.” Navo vakauya vakabata tsoka dzake, vakamudira. ¹⁰ Naapo Jesu wakati kwavari, “Musatya; endai mwooronzera vanun'una vangu kuti vaende Garire, vanozondionapo''. ¹¹ Naapo vachaenda, penya vamweni vevarindi vakauya kudhorobha, vakaronzera vapristi vakuru zveshe izvo zvakaitika. ¹² Naapo vakaungana pamwepo nevakuru vevanhu, apo vaiya vapangana, vakahina mare yakawanda kumajoni, ¹³ vechiti, “Ronzai imwimwi kuti vadzidzi vake vakauya nousiku, vakamuba takaata. ¹⁴ Kudai izvi zvikanyazwika ngomutongi, tinozonasirisa kuti musaa nendaa''. ¹⁵ Navo vakatora mare iyo, vakaita kudai ngezvevakapangwa, neizwi iri rakashumirwa pakati pevaJudha metsa nanyamashi. ¹⁶ Nevadzidzi gumi naumwe vakaenda muGarire, pamutunhu apo paakavaronzera Jesu. ¹⁷ Naapo vamuona vakamudira. Asi vamweni vakagononda. ¹⁸ NaJesu wakauya kwavari, akaereketa kwavari echiti, “Simba reshe rakapuwa kwendiri mudenga nomunyika. ¹⁹ Ndizvo endai, mwechiita vadzidzi kumadzinza eshe, mwechivabhabhatidza ngezina raBaba neroMukororo neroMweya Wakachena, ²⁰ mwechivadzidzisa kungwarira zviro zveshe zvendakamupanga; penyai, ndinemwi mazuva eshe metsa kuguma kwenyika''.

¹ Kutanga kwevhangeri raJesu Kristu, Mwana waMwari. ² Kudai ngezvezvakanyorwa munaIsaya muprofeti:“Ningirai, ndinotuma munyai wangu pamberi pehope yako, uyo unozonasirira njira yako. ³ Izwi rounodaidzira mushango kuti:"Nasirirai njira yaMambo, ruramisai makwara ake.” ⁴ Wakauya Johani uwo waibhabhatidza mushango, echichumaira rubhabhatidzo nokutendeuka nokurekererwa zvishaishi. ⁵ Vakabuda kuenda kwaari venyika yeshe yeJudhia, navo veshe veJerusarema; navo vakabhabhatidzwa ndiye murwizi rweJorodhani, vechitenda zvishaishi zvavo. ⁶ NaJohani waiya akafuka jira remamviri engamera anebhande redoo muchiunu chake, naye wakadya ndongwe neuchi womushango. ⁷ Naye wakaparidza echiti:“Iye unouya sure kwangu unesimba kupinda inini, andisisiri kuti nditsikitsire ndisunhure rusinga rwemabutsu ake. ⁸ Inini ndakamubhabhatidza mumvura; asi ena unozomubhabhatidza ndiMweya Wakachena.” ⁹ Ngemazuva awo, Jesu wakabva Nazaretha reGarire, akabhabhatidzwa ndiJohani muJorodhani. ¹⁰ Paripo Jesu achabuda kubva mumvura wakaona denga rechibeurwa, noMweya wechidzaka padera pake kudai ngenjia. ¹¹ Neizwi rechibva mudenga rechiti:“Iwewe ndiwe Mukororo wangu unodikanwa, uwo wendinonasa kudakara ndiye.” ¹² 12Paripo Mweya wakamusundira mushango. ¹³ Waiyamwo mushango mazuva makumi marongomuna, echiedzwa ndiSathani, naye waiya pamwepo nezvikara zvomushango, nengirosi dzakamushandira. ¹⁴ Ngesure kwokusungwa kwaJohani, Jesu wakauya muGarire echichumaira vhangeri raMwari. ¹⁵ Echiti:“Nguva yasvika noumambo waMwari waapasinde; tendeukai, mutende vhangeri. ¹⁶ Echipinda ngepaduze peruandhle rweGarire, wakaona Simoni naAndreu mununguna waSimoni vechikandira majuya muruandhle; ngokuti vaiya vabati vehove. ¹⁷ Jesu wakati kwavari: “Nditeerei neni ndinozomuita vabati vevanhu.” ¹⁸ Paripo vakasiya majuya avo vakamuteera. ¹⁹ Echipinda mberi papfupi, wakaona Jakobe mwana waZebhedhi naJohani mununguna wake, vaiya muchikepe vechinasirisa majuya avo. ²⁰ Paripo wakavadaidza; vakasiya baba avo Zebhedhi nevaranda vari muchikepe, navo vakamuteera. ²¹ Vakahamba kuenda muKhapernaume, paripo ngezuva reSabatha wakapinda mucheshi akadzidzisa. ²² Vakashamiswa ngokudzidzisa kwake, ngokuti wakavadzidzisa kudai ngounesimba asikaiti kudai ngevanyori. ²³ Paripo waiyapo munhu mushechi yawo, waiya nomweya une wakashata. ²⁴ Naye wakadaidzira echiti:“Tinenyi isusu newe, Jesu weNazaretha? Wauya kutiparadza here? Ndinokuzia kuti urianani, uri Wakachena waMwari.” ²⁵ Jesu wakamukaraidza echiti:“Nyarara, buda kubva kwaari.” ²⁶ Nomweya wakachata wakamusukumidza, ukaboorera ngeizwi guru, ukabuda kubva mwaari. ²⁷ Navo veshe vakashamiswa, ngokudaro vakabvunzisana vechiti:“Chiinyi ichi? Kudzidzisa kutsva kakatenderwa? Unopanga kunyazwi mweya yakachata, nayo inomuzwa.” ²⁸ Paripo mbiri yake yakapararira kunyika dzeshe dzakatendenedza Garire. ²⁹ Paripo abuda kubva mucheshi, wakapinda mumhatso yaSimoni naAndreu, pamwepo naJakobe naJohani. ³⁰ Ambuya ache vaSimoni vaiya vakaata vechirwara ngemutsarara, paripo vakamuronzera ndivo. ³¹ Naye wakauya kavari, akavabata ngenyara, akavamirudza; nemutsarara wakavasiya, navo vakavashandira. ³² Madeekoni zuva rabira vakaunza kwaari veshe vairwara nevaiya nemadhimoni. ³³ Nevedhorobha reshe vakaungana pamusiwo. ³⁴ Naye wakaponesa vajinji vairwara ngendhenda dzakaparadzana, akadzinga madhimoni majinji, asikatenderi kuti madhimoni aerekete, ngokuti aimuzia. ³⁵ Mumangwanani maishi wakamiruka, akabuda akaenda pandau iri yega, akakumbira aripo. ³⁶ Simoni naavo vaiya naye vakateera vechimutsvaka. ³⁷ Vakamuona, vakati kwaari:“Veshe vanokutsvaka.” ³⁸ Wakati kwavari, “Ngatiende kumaguta amweni, kuti ndimbochumairazve iyoyo, ngokuti ngezvandakauyira.” ³⁹ Wakahamba echichumaira mumhatso dzavo dzokudira muGarire mweshe, echidzinga madhimoni., ⁴⁰ Wakauya kwaari munhu waiya nemapere, akamugwadamira, echimupota echiti kwaari:“Kudai wechida ungandimhodyosa. ⁴¹ Naye wakamuzwira urombo, wakatambanudza nyara yake, akamubata akati kwaari:“Ndinoda, mhodyoswa.” ⁴² Paripo mapere akabva kwaari, naye wakamhodyoswa., ⁴³ JesuWakamupangirisa, akamuendesa paripo. ⁴⁴ Akati kwaari:“ Hona! Ngwara kuti usazoronzera munhu ngeizvi; asi enda, udzipangidzire kunemupristi, uhine ngendaa yokumhodyoswa kwako izvo zvaakaemesa Mosi, kuita chapupu kwavari.” ⁴⁵ Asi iye wakabuda, akatanga kuchumaira kakurutu nokureketa ngeizvi, ngokudaro Jesu waiya asikachakoni kupinda mudhorobha pamhene, asi waiya kubanze pandau iri yega; navo vakauya kwaari kubva kundau dzeshe.

¹ Naapo aiya apoterazve mukhaPernaume ngesure kwemazuva, kakazua kuti arimubhatso. ² vajinji wakaungana pamwepo ngokudaro pakatamika nendau, nendau kunyazwa pamusiwo, Jesu vakashumaira izvi kwevari. ³ Vandhu wamweni vakauya kuna Jesu akauya naye nemuisa. anga akaoma mutezo, andhu varongomuna waimutekateka. ⁴ Asi ena ainga asikakoni kuguma paduzenaye ngekuti paiwadiwa apapo akavhisa denga rembhatso yainga ina Jesu, akaita murindi, wakadzaka kunemurume akinga akaoma mutezo vakadziradzika. ⁵ Wakaona kugonda kwake vakareketa kuneuyo wakaoma:"mwana zvishayishi zvarekererwa". ⁶ Asi payinga newemhuri vamweni vainga vakagara, yechizvivhunzisa mumwoyo mawo eiti. ⁷ "Ngei uyu Muisa achibuiya kudhai? Unotuka! ndiani anokona kurekerera zvichaishi asiri Mwari yega? ⁸ Ipapo, Jesu echiziya mumwoyo zvanorangarira pazveshe vakati kwawari:" ngei meirangarira mukati memwoyo dzenyu? ⁹ Chini chakapinda kureruka kuronzera kune kumarundzera kuti:'zvishaichi zvako zvarekererwa', kana kuti:"Simuka, bata mudondoro, habha?" ^{10 11 12} Asi, kuti muziye kuti mwanakomana waMwari ane simba munyika yekurekerera zvishaichi, "vakareketa kunauyo vairwara. 11Inini ndinokurondzera kuti tora mudondoro uyende kumuzi kwako. 12Ena vakasimuka paguwa iyoyo wakabata mudondoro wake akabhuda mubhatso pamberi pavo veshe, apapo veshe vakashamisua zvikuru vakarumbidza Mwari veiti:"atisanti tambouona zvakadai." ¹³ Naye wakabhudazve kuyendazve kuruadhle, yeshe mbhungano yakauya kwayari naye vakaidzidzisa. ¹⁴ Painga yeidarika vakaona murevi, mwana Arifeu, ainga akagara pachigaro chekubadarisa mutyero, akamuti:"Nditere! Ena wakasimuka akamuteyera." ¹⁵ Kwakaitika kuti Jesu painga pakurwa munbhatso ma Levi, vatheresi vajinji nevashaishi vakagara pashi na Jesu, newadzidzi wake, ngokuti vaiya vajinji waimuteyeera. ¹⁶ Wanyori vewaPfasi, vsechina kuti vaidya nevachaishi, nevatheresi, vakati kunevadzidzi vake:"Ngei eshindya nevatheeresi nevashaishi?." ¹⁷ Naapo Jesu azwa, vakati kwavari:"vadhu wakapona yawayendi kushipitari, asi yavo vanorwara. Andizi kuuya kudaidza vandhu vakarurama, asi vashaichi. ¹⁸ Vadzidzi vaJohani nevaPfarisi vaiwa veshiyera kurwa, navo vakauya vakati kwaari:"Ngenyi vadzidzi vaJohani nevadzidzi vevaPfarisi veshiyera kurwa, asi vadzidzi vako avayeri?". ¹⁹ Jesu akati kwavaari:"mukadhaidzua nyamuroora vanoera ere kurwa, mukwambo wanaye?" wona vanemuroora, avadikani wanoyera kurwa. ²⁰ Asi mazuva anozouya apommukwambo unozodhuswa, kuzva kwavari, naapo vanozoera kurwa ngeiro zuwa. ²¹ Apana mundhu unotungira chitembwe chitsva padera pejira ratsakara, kuti zvakadaro, ishi chitsva chakatungirwa, apa nokufatuka kwakapinda kuchata kunozoitika. ²² Akuna mundhu unoisa wayeni izvsa, muchiwende chikatsakara, kuti zvakadaro, rinozorashika pamwepo, nenyare, ASi wayeni izvsa rinoiswa munyede itvsa. ²³ zvakaita, ngezuva reSabatha, Jesu paidharika paminda yekoroni, vadzidzi wake wakatanga kukupupura muitsonzoti yekoroni veshihamba. ²⁴ VaPfarisi vakati kwaari:" ringira vanoitingenyi ngezuva reSabatha ishochisikatenderwi? ²⁵ Wakati kwavari:" amusati mayerenga isho chakaita Dhavida, apo aitama apfukama, iye naavo vaiya naye,? ²⁶ Wakapinda sei mumhatso yaMwari ngemazuva aAbhiathara muPrisita mukuru akarwa zvingwa zvikapirwa izvo, zvisikanderwi kudviva asi ngewapristi vega, akapa zve awo vaiya naye? ²⁷ Jesu Wakati kwavari:"sabatha rakaitirwa vandhu. haiwa kuti vanhu kuSabatha. ²⁸ Ndizvo mukororo womundhu ndimambo weSabatha."

¹ Wakapindazve pasinagogo, painga panemuisa munhu waiya nenyara yakaremara. ² Navo vakamuringisisa, kuona kuti unozomuponesa here ngezuva reSabatha, kuti vamuparise ndaa. ^{3 4} Jes wakati kunemuisa vainga anenyara Yakaremara:"muruka uuye pakati pedhu.” 4Naizvo. wakati kwavari:“zvinotendedzua yere kuita zvakaanaka ngeSabatha, kuita zvakanaka nokuti zvakashata, kuponesa munhu nokuti kuuraya?” Asi vakanyarara. ⁵ Naapo aiya avaringisisa ngoushungu, echisvipa mwoyo ngokukonza kwomwoyo yavo, wakati kumunhuwo:“Tambanudza nyara yako.” Naye wakaitambanudza. Nenyara yake yakaponeswa. ⁶ VaFarisi vakabuda, paripo vakapangana nevekwaHerodhi, kuti vangamuita maurairenyi., ⁷ Jesu wakabvapo nevadzidzi vake, akaenda kuruandhle, nembungano huru yakabva Garire yakamuteera; neyaibvawo Judhia. ⁸ Jerusarema, Idhumia, neyaibva ruseri rweJorodhani, nevanotendenedza Thire neSidhoni, mbungano huru yechizwa ngezviro zvikuru zvaakaita, yakauya kwaari. ⁹ Wakakumbira kuvadzidzi vake kuti chikepe chidoko chimugarire ngendaa yembungano, kuti isazomutsikirira. ¹⁰ Ngokuti waiya akarapa vajinji, veshe avo vaiya nenhenda vakamutsikirira kuti vamubate. ¹¹ Nguwa yeshe Mweya yakachata apo yamuona, yakawa pamberi pake, ikaboorera yechiti:“Iwewe uri Mwana waMwari.” ¹² Naye wakaikaraidza kuti isazoita kuti asaziikana. ¹³ Wakakwira mumutunhu, akadaidza kwaari avo vaaida, navo vakauya kwaari. ¹⁴ Wakaemesa vanegumi navairi (awo akawadaidzira mapostori) kuti wagare naye,awatime kutiwavangere ckoko. ¹⁵ Nokuvapa simba rokudzinga madhimoni. ¹⁶ Wakanongedza wanegumi nawairi:"Wakadudza Simoni kuti Petro. ¹⁷ wakadudza Jakobe naJohani mununguna wake vakororo vaZebhedhi kuti Bhoanegesi, kuronza kuti, Vana voKutinhira; ¹⁸ Andreu, Firipi, Bhatoromeu, Mateu, Thomasi, Jakobe, muwana waArifeusi, Thadheusi, Simoni muKhenani, ¹⁹ naJudhasi Isikarioti, uwo wakamupira., ²⁰ Zvino wakapinda mumhatso; neungano yakaunganazve, ngokudaro vakakorera nokudya chingwa. ²¹ Naapo hama dzake dzazwa, dzakabuda kuuya koomubata, ngokuti vakati:“Ena urikumbhadze kako.” ²² Nevanyori avo vakadzaka kubva Jerusarema vakati,:Una Bheerizebhuri, naye ngesimba romuzvare wemadhimoni unodzinga madhimoni. ²³ Jesu wakavadaidza kwaari, akaereketa kwavari ngemiedzaniso akati: “Sathani ungaita marashirenyi Sathani? ²⁴ Kudai umambo hwechidziparadza ngekwawo, uwo umambo ahungakoni kuema. ²⁵ Nokudai mhatso ikadziparadza ngekwayo, iyo mhatso aingakoni kuema., ²⁶ Kana Sathani echidzimukira, echidziparadza, aangakoni kuema, asi unoguma kumagumo. ²⁷ Asi apana munhu ungakona kupinda mumhatso youwo unesimba, nokuparadza nhumbi dzake, kuti asikazi kutanga kusunga uwo unesimba; naapo unozoparadza mhatso yake ²⁸ “chokwadi chokwadi ndinoti komuri, zvishaishi zveshe nokutuka kweshe kwevanozotuka ndikwo zvinozorekererwa zvewana vevanhu; ²⁹ Asi kunyazwi ndiani unozotuka Mweya Wakachena, aazorekererwi, asi unendaa yechishaishi chemhera nariini. ³⁰ Jesu wakabuya izvo Ngokuti ivo vakati, “Une mweya unetsvina.”, ³¹ Kwakauya mai ake nevanun'una vake, vechiema ngokubanze, vakatumira kwaari kumudaidza. ³² Nembungano yaiya yakagara naye, yakati kwaari: “Ringira, mai ako nevanunguna vako vari kubanze vanokutsvaka.”, ³³ Naye wakavapingura akati:“Ndiani mai angu nevanunguna vangu?." ³⁴ 4Ena wakaningira kuneavo vaiya vakagara vakamutendenedza, wakati: “Ringirai mai angu nevanunguna vangu!. ³⁵ Kunyazwi ndiani unozoita kuda kwaMwari uwo ndiye munun'una wangu, mukunda namai.”

¹ Wakabuda kubvapo, akaguma munyika yekwake, nevadzidzi vake vakamuteera. ² pakaguma pa Sabatha, raguma wakadzidzisa mumhatso yokudira, nevazhinji vechimuzwa vakashamiswa. Vakati, “Munhu uyu wakazviona pari zveshe izvi? Kungwaranyi kwakapuwa kuneuyu munhu? Mishamiso yakakura yakadai inoitwa ngenyara dzake!, ³ Uyu andiyepi here mutsetsi, mwana waMaria, mukoma waJakobe, Jose, Judha naSimoni? Nevakunda vake avari pano nesu here?” Navo vakapumhunwa ndiye., ⁴ Jesu wakati kwavari, “Muprofeti aarekerwi kuremeredzwa, asi kwega munyika yake nokuhama dzake nomumhatso yake.” ⁵ Ena wainga asingafaniri kuita zvichamiso apapo asi akaisa nyara dzakepamusoro pevanhu wairwara vangaponeswa. ⁶ Wakashamiswa ngokusikatenda kwavo. Naye wakahamba pakati pemaguta avo echidzidzisa. ⁷ Wakadaidza kwaari vane gumi nevairi, akatanga kuvatuma vairi vairi, naye wakavapa simba rokukurira mweya yakashata. ⁸ Akavapanga kuti vasazotora chiro parwendo rwavo, asi mudondoro wega; vasatora chingwa nokuti nyede nokuti mare muzvikwama zvavo. ⁹ Asi kuti vapfeke magwada, vasazopfekazve mabhachi mairi. ¹⁰ Wakati kwavari, “Kunyazwi ngepari pomunopotera mumhatso, garaipo metsa mubvepo. ¹¹ Kunyazwi ngeiri ndau yomusikazoashirwi nokuti kupurutanwa, mwoobvapo zuwai bukuta pashi petsoka dzenyu kuti riite chapupu kwavari. ¹² Vakabuda, vakachumaira kuti vanhu vatenderuke. ¹³ Vakadusa madhimoni mazhinji, vakadzodza mafuta vazhinji vairwara, vakavaponesa. ^{14 15} 14Mambo Herodhi wakazvizwa, ngokuti zina raJesu raiya rateketeswa. vangwe Vaiti: “Johani Mubhabhatidzi wamuka kwevakafa, ndizvo mishando iyi ine simba inoshandwa ndiye.” 15 Asi vamweni vakati, “NdiErija.” Nevamweni vakati, “Muprofeti wakadai ngoumwe wevaprofeti vekare. ¹⁶ Ngekuti uyu Herodhi azwa wakati: “NdiJohani, uwo wendakagura soro inini, wamukazve.” ¹⁷ Ngokuti uyu Herodhi waiya akatuma kumubata Johani kuti amuyise mujere, ngenyayaye pamusoro paHerodhiasi mukadzi waFiripu munun'una wake, ngokuti iye waiya amutora. ¹⁸ 18Ngokuti Johani waiya akati kunaHerodhi:“Akutenderwi kwouri kuti utore mukadzi womunununa wako.” ¹⁹ NaHerodhiasi waiya akamuzonda, akadisisa kumuuraya, asi wakakorera. ²⁰ Herodhi waimutya Johani, echizia kuti waiya munhu wakarurama, wakacheneswa, wakamungwarira. Apo amuzwa, wakatambudzika kakurutu, asi wakamuzwa ngokudakara. ²¹ Asi raguma zuva rakanaka, apo Herodhi ngezuwa rokubarwa kwake wakaitira dhiri nhunge dzake nenduna dzake nevakuru vegarire. ²² Mwanasikana waHerodhiasi wakapotera akazvina, akamudakadza yaamho Herodhi naavo vaitseama naye pakudya; namambo wakati kunemusikana:“Kumbira kwendiri kunyazwi chiinyi chounoda, ininindinokupa. ²³ Naye wakapika kwaari kuti: “Kunyazwi chiinyi chounozokumbira kwendiri ndinozochipa kwouri, kunyazwi rupande rwoumambo hwangu.” ²⁴ Wakabuda, akati kunamai ake, “Ndokumbirenyi?” Naye wakati, “Soro raJohani Mubhabhatidzi.” ²⁵ Paripo wakapotera kunamambo ngokukasira, akarikumbira akati, “Ndinoda kuti mundipe zvinopano mundiro soro raJohani Mubhabhatidzi.” ²⁶ Namambo wakasvipa mwoyo kakurutu; asi ngendaa yekupika kwake nendaa dzavo yaichama nayo pakarwa, aazi kuda kumurambira. ²⁷ Paripo mambo wakatuma umwe wevarindi vake, akapanga kuti riunzwe soro raJohani. Naye wakaenda akagura soro rake arimujere. ²⁸ Wakaunza soro rake riri mundiro, akapa musikana, nomusikana wakaripa kunamai vake. ²⁹ Naapo vazwa vadzidzi vake vakauya, vakatora muiri wake, vakauisa muguwa. ³⁰ Navapostori vakaungana kunaJesu, vakashuma kwaari panezveshe nezvevaiya vadzidzisa. ³¹ Naye wakati kwavari:“Uyai imwimwi muri mwega pandau iri yega, mumbozorora padoko,” Ngokuti vazhinji vaiuya nokuenda, navo vaiya vasina nenguva yokudya. ³² Navo vakaenda ngechikepe kundau iri yega varivega., ³³ Nevanhu vazhinji vakavaona vechienda, vakavazia, vakarumba ngetsoka vechibva kumadhorobha eshe, navo vakavatangira kuguma. ³⁴ Abuda wakaona mbungano huru, wakakurudzwa ngepamusoro payo, ngokuti yaiya yakadai ngemakwai asina muushi; naye wakatanga kuidzidzisa zviro zvakawanda. ³⁵ Naro zuva rooda kubira, vadzidzi vake vakauya kwaari vechiti, “Panapa indau iri yega nezuva rotoda kubira. ³⁶ Vaendese munharaunda nomumizi, vadzitengere zvokudya. ³⁷ Asi iye wakavapingura akati kwavari:“Vapei imwimwi vadye.” Navo vakati kwaari:“Tinozoenda here isusu tivatengere zvingwa zvezvigurwa zvesirivha mazana mairi, tivape kuti vadye?”. ³⁸ Asi iye wakati kwavari, “Munezvingwa zvinganai? Endai muone.” Naapo vazvizia vakati, “Zvishanu nehove mbiri.” ³⁹ Wakavapanga kuti veshe vagare pashi ngezvikwata zvikwata padera pemwenje muishi. ⁴⁰ Navo vakagara pashi ngezvikwata zvemazana nezvemakumi mashanu. ⁴¹ Echitora zvingwa zvishanu nehove mbiri, wakaringira mudenga, akazvibonga. Wakagura zvingwa, akazvipa kuvadzidzi kuti vaise pamberi pavo; nehove mbiri akadzikoanisira veshe ⁴² Veshe vakarwa, vakaguta. ⁴³ Vakatonhera matsekeneswa akazara zvitundu gumi nazviiri ezvingwa nehowe. ⁴⁴ Navo vakarwa zvingwa vaiya vamuna makumi emazana mashanu. ⁴⁵ Paripo wakaangiridza vadzidzi vake kuti vapotere mungarava nokutungamira kuenda ruseri rweBhethisaidha, iye emene echiendesa ungano eshe. ⁴⁶ Pawakabidisa wakaenda pamutunhu kookumbira. ⁴⁷ Amadhekoni, chikepe chaiwa pakati poruandhle, naye waiya ega panyika. ⁴⁸ Echivaona vechitambudzika ngokuhluza ngarava, ngokuti dutu raiya rechipesana navo, kwaa kuda kuita murindo wechina wousiku, iye wakaguma kwavari echihamba padera poruandhle. Waida kuvapinda. ⁴⁹ Asi apo vechimuona echihamba ngepadera poruandhle, vakakarakadza kuti raiya dzimudzangara, navo vakakarara. ⁵⁰ Ngokuti pavakamuzwa veshe, vakatwa. Asi paripo yena wakachingisa kwavari echiti, “Shingai, ndini, musatwa.” ⁵¹ Naye wakakwira kwavari mungarava nedutu rakaterama. Navo vakashamiswa kakurutu mukati mwavo. ⁵² Ngokuti avazi kuzwisisa ngendaa yezvingwa, ngokuti mwoyo yavo yaiya yakakonziswa. ⁵³ Apo vaambuka ruseri vakaguma kunyika yeGenesareta, navo vakasungira ngarava pahumbikumbi. ⁵⁴ Naapo vabuda kubva mungarava, paripo vanhu veyo vakamuzia. ⁵⁵ Navo vakarumba nhau yeshe, vakatanga kutwara ngemisengere avo vairwara, kuvaisa apo pevakazwa kutindipo paari. ⁵⁶ Kunyazwi ngepari paakapinda mumuzi nokuti mumadhorobha nokuti mundau, vakavaradzika vairwara pamusika, vakamupota kuti vabate kunyazwi mupendero wegauni rake; naavo veshe vakamubata vangaponeswa.

¹ VaFarisi nevamweni vevanyori vakabva Jerusarema vakaungana kaari Jesu. ² Vakaona kuti vamweni vevadzidzi vake vairya chingwa ngenyara dzaka swipa, ukwo kunoti dzisikazi kushambwa. ³ (Ngokuti vaFarisi nevaJudha veshe avadyi vasikazi kunasa kushamba kakurutu nyara dzavo, vechibatirira mitoo yemadzibabamukuru. ⁴ Naapo vabva kumusika, avarwi vasikazikushamba; neimweni mitoo mijinji iripo yevakaashira kuingwarira, kudai ngokusuka tsani nehari nendiro dzethusi.) ⁵ VaFarisi nevanyori vakamubvunza Jesu vechiti:“Vadzidzi vako avateeri ngenyi mitoo yemadzibabamukuru, asi vanorwa chingwa ngenyara dzine tsvina?”, ⁶ Wakati kwavari:“Isaya wakanasa kuprofeta ndimwi, imwimwi vadziitisi, kudai ngezvezvakanyorwa kuti, “ ‘Ava vanhu vanondiremeredza ngemiromo yavo, asi mwoyo yavo iri kuretu neni. ⁷ Asi vanotera kundidira, vechidzidzisa tsika dzevanhu kudai ngezvidzidzo kwazvo.’ ⁸ “Munorekera mipango yaMwari, mwechibatirira mitoo yevanhu.” ⁹ Wakati kwavarizve:“Munoramba yaamho mipango yaMwari, kuti mubatirire tsika dzenyu! ¹⁰ Ngokuti Mosi wakati, ‘Remeredza baba ako namai ako,’ zve, ‘Naye unotuka baba kunyazwi mai ngegwinyiso ngaafe mukufa.’ ¹¹ Asi imwimwi munoti, ‘Kudai munhu echiti kunababa ake nokuti kunamai ake, icho chewaida kuuyirwa ndicho kwendiri chiri Korbhani,’ (ukwo kunoti, ‘Chakapirwa kunaMwari.’), ¹² Ngokudaro amuchamutenderi kuti aitire chiro kunababa nokuti mai., ¹³ Ngokudaro munoita kuti izwi raMwari riite risina shwiro ngendaa yemitoo yenyu yemwakaashidzana. Nezvimweni zvizhinji zvakadaro zvomunoita.” ^{14 15 16} Wakadaidzazve mbungano kwaari akati kweiri, “Ndizwenyi, imwimwi mweshe, muzwisise. 15 Apana chiro chinobva ngokubanze kwomunhu cheshipinda mukati mwake chingamusvipisa, asi izvo zviro zvinobva mukati mwomunhu ndizvo zvinomusvipisa. 16[“Iye unenzee dzokuzwa ngaazwe.”] ¹⁷ Apo apotera mumhatso, abva kunembungano, vadzidzi vake vakamubvunza ngomuedzaniso uyu. ¹⁸ Naye wakati kwavari, “Nemwiwo amuna kuzwisisa here? Amuoni here kuti kunyazwi chiinyi chinobva ngokubanze chechipotera mumunhu achingakoni kumusvipisa, ¹⁹ ngokuti achipinda mumwoyo mwake, asi mundani mwake, chechibudiswa mushango.” (Ngokudaro Jesu unochenesa kudya kweshe.) ²⁰ Wakati, “Icho chinobuda kubva kumunhu ndicho chinomusvipisa. ²¹ Ngokuti mukati mumwoyo yevanhu kunobuda mikarakadzo yakashata, kuhura, kuba, kuuraya, ²² kuomba, mbau, matsambo, kuchengedzera, kuemura, kutuka, kudzikudza, upenzi. ²³ Izvi zviro zveshe zvakashata zvinobuda kubva ngomukati, ndizvo zvinosvipisa munhu.” ²⁴ Wakamiruka kubvapo pavainga, akaenda kumigano yeThire neSidhoni. Wakapinda mumhatso, asaida kuti aziikanwe ngomunhu; asi aazi kukona kuti afishike. ²⁵ Paripo dzimai raiya nemwanasikana waro mudoko waiya nomweya wakashata, razwa ndiye Jesu, rakaguma rikawira patsoka dzake. ²⁶ Asi dzimai iro raiya muGiriki, ngokubarwa raiya muSurofoenikia. Naro rakamupota kuti aduse dhimoni kubva kumwanasikana waro. ²⁷ Iye wakati kweriri:“Vana ngavagutiswe kutanga, ngokuti akuzi kunaka kutora chingwa chevana kuchikandira kumatuhwa embwa.” ²⁸ Asi rakapingura, rikati kwaari: “Eya, Mambo; matuhwa embwa anodya pashi petafura matsekeneswa evana. ²⁹ Wakati kweriri: “Ngendaa yeizwi iri, enda; dhimoni rabuda kubva kumwanasikana wako.” ³⁰ Rakaenda kumhatso yaro, rakaona mwana akaradzikwa pamubhedhu, nedhimoni raiya rabuda kubva kwaari. ³¹ wakabudazve kubva kumigano yeThire, wakahamba ngepakati peSidhoni metsa kuguma kuruandhle rweGarire, kupotya pakati pemiganu yeDhekaporisi. ³² Vakaunza kaari umwe waiya dziiranzee raiya mbeveve, navo vakamupota kuti aise nyara yake padera paro. ³³ Wakaritora riri rega kubva pakati pembungano, wakaisa zvinwe zvake munzee dzaro, wakapfira mata, akagwama rurumi rwaro. ³⁴ Echiringira mudenga, wakaita mahwema, akati keriri:“Efata!” ukwo kunoti, “Beuka!.” ³⁵ Apapo nenzee dzaro dzakabeurwa, nemusungo worurumi rwaro wakasunhuka, naro rakaereketa zvinozwika. ³⁶ Iye wakavapanga kuti vasazoronzera munhu; asi echinyanya kuvapanga, vakanyanyisawo kuzviteketesa. ³⁷ Navo vakashamiswa kunopinda binzo vechiti:“Iye wakaita zveshe kuti zvinake; unoita kuti nedziiranzee rizwe nechimumumu kuti chierekete.”

¹ Na Jesu akati kwavari:"nge chokwadi ndinomubuira, wamweni wenyu varipano avazoyedzi kufa vasati vayona kuyuuya kweyumambowamwari". ² Padarika mazuva machanu naringwe, Jesu vakaenda naye Pita, Jakobo, na Joni, vakavatora variwega akayenda navo kugomo guru. Apapo vakachinja pamberi pavo. ³ machira ake akabva ajekesesa, akachenesesa, akapinda kuchena neguti chero musuki yemunyica vaizokonakumachenesa. ⁴ Apapo Eria na Mozisi vakauya vakareketa na Jesu. ⁵ Pita vakadaira akati kuna Jesu:"Mufundis, pakanaka kunga tiripanapa, toita matende matatu:'ringwe rako, ringwe ra Mozisi, nerimwe ra Eria". ⁶ (Ena ainga asikashaziyi zvekubuya, ngekuti vainga vatya) ⁷ Gore rimwe rakauya ringawafukidza. Apapo izvi rakabva pagore:"uyundiye mwanakomana wandinoda. muzwei," ⁸ Apapo vakaningira paduze pavo, awana kuzoyona neumwe vawo, kunze ka Jesu. ⁹ Wechidzuka mugomo, Ena vakawatuma kuti vasazobuyira umwe mundhu zvainga zvaitika ngekuti, asati mwana vemukomana amuka kune vakafa. ¹⁰ Saka vona vakangwarira zvaingazvaitika pavari, asi vaireketa ngekuda kusiya kumuka kevakafa". ¹¹ Vona vakamubvunza:"ngei vanyori veiti Eria unofarira katanga kuyuya?". ¹² Jesu akawadaira:"Eria zvemene vatanga kuuya kugadzirira zviro zveshe, saka ngei zvakanyorua kuti mwanakomana unofarira kutambudzika nekuyeisua? ¹³ Asi inini ndinomureketera kuri Eria vakauya mukamuyiita zvamaida naye, sezvinyorwa zvinobhuiya ngezvake. ¹⁴ pavakapetuka kainga newangweni vadzidzisi, vakayona vandhu vakawanda wakavatenderedza vanyori vashireketedzana navo. ¹⁵ vandhu pavakamuona, vakadakara vakarumba kwayari komutekesa. ¹⁶ Ena vakadvunza kuvadzidzi vake :"chinyi chemurikureketedzana navo?" ¹⁷ Umwe vevandhu vakamudhaira:"mudzidzisi nini ndaunzisa mwana vangu vangu, ena unemweya wembeweveve. ¹⁸ Ena unotshuya unova pachi nekubuda pfuro pamuromo, achiruma mazino, nekuita simba. ndakumbira wadzidzi wako vabundhise, asi vona vazvikorera. ¹⁹ Ena akadaira akati:dzinza risikatendi, ndichagara rini nemwi? koguma rini ndechimuitira zveshe? munzei kendiri. ²⁰ Vona vakayunzisa chikomana. mweya pavakayona Jesu apapo vakatanga kutshuya . Chikomana chakawa pachi cheyebuda mapfuro pamuromo. ²¹ Jesu akadvunza kuna baba ake:"kutangira achiri mwana mudhoko. ²² kajinji zvinomukandirisa pamotokana mumvura.zveshiyedza kumuyuraya. kana iwewe weshikona kuita shiro, izwa tsitsi nesu utibatsire. ²³ Jesu akati:"kuti iwewe veshikona! zveshe zviro zvinoitika pano anotenda. ²⁴ Apapo apapo, baba veshikomana wakakumbira, akati:" ndonogonda! ndibatsirewo nekusatenda kangu." ²⁵ Jesu apapo akaona wandhuveshiuya kwainga ari, akabvisa mweya vakashata, akati:" mweya wembeveve, ndinokuti ubve maari usazopinda zve maari kanazve." ²⁶ Vakadaidzira zvikuru cheshitshuya chikomana apapo akabuda maari. Vaita ingatei mundhu vafa nekuti vandhu vajinji vaiti:"ena vafa" ²⁷ Asi Jesu wakamumurudza ngenyara dzake, chikomana chikayema. ²⁸ Jesu pakapinda mumbatso, wadzidzi vake vakamubvunza vari vega:"ngei tisingamubudisi?" ²⁹ Ena akareketa kuti:"zvakadai ngeizwi azvibudizwi pasina munamato?. ³⁰ Veibva iyo, vakadarikira ngepa Gaririya, Jesu ainga asingadi kuti vaziye kawainga wari. ³¹ Ngekuti wayidzidzisa vadzidzi wake yechiti:"mwanakomana uchatengeswa mumayoko yewandhu, vatsha muyuraya. Ena angauraiwa papera mazuwa matatu uchamuka. ³² Asi wona avana kuzwisisa zvakareketa ngekuti vainga veitya kumubvunza. ³³ Vakayenda ku Cafarnau. Ena painga ari kumuzi vakabvunza vadzidzi vake:"chini chamuri kureketedzana munjira?". ³⁴ Asi vona vakaramba vakanyarara kekuti vaireketa umwe neumwe ngenyaya yekuti ndiyani mukuru. ³⁵ Ena vakagara akadaidzira gumi navayiri akati:"kana umwe wenyu anoda kuita wekutanga, uchazoita wekupedzisira, yeshiyita zve mushandi vemundhu veshe. ³⁶ Ena vakabhata mwana mudhoko munyaradzake akamuyisa pakati pawo: akati ³⁷ "veche uyani achayachira mwana umwe, akadai nge muzitarangu, uyu aandiyachiri, asi anoyachira uyone akandituma. ³⁸ Jonh akamuti:'mudzidzisi, toyona umweni ayibvisa mweya vakashata muzita rako tikamurambidza, ngei asikangatiteyeri". ³⁹ Asi Jesu akati:"musamurambidza. ngekuti akuna angaita chishamiso muzita rangu apedza ureketa zvakashata kwangu. ⁴⁰ Ndiani asirianesu, airitenga. ⁴¹ Ani nani achimupa komechi yevhura yekumwa ngekuti muri vacristo, ngechokwadi ndinomubuyira kuti azotami mubairo vake. ⁴² Uyani akaita kuti wana vanodhoko vanotenda kwendiri zvakanaka kaari ange akasungira buye guro pamutsipa pake akandirwe muvhura yeruvadhle. ⁴³ kana nyara yako yeikuita kuti uchaishe, isheke. zvakanaka kauri unge nendaramu nenyara imwe pasina pane kuva ngenyara mbiri uchaenda kugehena, kumuriro usingadzimi. ⁴⁴ kune honye dzisingafi nemuriro usingadzimi (zvinyorwa izwi mumagwaro hekare zvakadzimwa). ⁴⁵ Kana tsoka yako yechiyita kuti ushaiche icheke. Zvakanaka kuti unge nendaramu urichigono, pane kuva netsoka mbiri, uye ukandirwe mugehena. ⁴⁶ Kunehonye dzisingafi nemuriro usingadzima(zvinyorwa izwi mumagwaro hekare zvakadzimwa). ⁴⁷ Kana dziso rako reita kuti uchaishe. Ribvise zvakanakahazvo kupinda muhumambo waMwari nedziso rimwe pane mayiri ukandirwe mugehena. ⁴⁸ Kunehonye dzisingafi, hemuriro usingadzimi. ⁴⁹ Ngekuti umwe neumwe ucharungwa nemoto. ⁵⁰ Munyu vakanaka, asi ukanga vapera kunaka kawo, munozoita kudini, kuti urungezve? ivai nemunyu nemi, raramai nerugare nevamwe venyi."

¹ Jesu wakaziya ndau iyi akaenda kunyika ye Judia, mufuya we Jorodani, wanhu vakawanda wakauya kwaari. akawadzidzisa zvaaimboita. ² Wapfarisi vakakwedzerawo kwaari vakabvunza: " zviripamutemo here kuti murume arambe mukadzi wake?" ³ Jesu akadaira akati: " Mozisi wakamudzidzisei?" ⁴ Vona wakadairawo vakati: "Mozisi wakati murume unofanira kunyora rugwaro rekurambana, wapedza woramba mukadzi?". ⁵ Jesu vakati kwari: " inyaya yemoyo dzenyu dzakaoma zvakaita kuti Mozisi anyore rugwaro. ⁶ Asi kubva pakutanga, Mwari wakaita muisa nemudzimai. ⁷ Zvakadaro muisa ushasiya baba na mai vake kuti abatanidzwe nemudzimai wake. ⁸ Vairi ava vachawa nyama imwe. avasisiri vairi asi nyama imwe. ⁹ Zvakadaro chabatanidzwa ndi Mwari achiparadzaniswi nge munhu. ¹⁰ Pavanga wachiri pamuzi, vadzidzi vakabvunza zve. ¹¹ Jesu wakati: "weshe wanoramba mukadzi wake, anga roora umweni mukadzi unomuitisa upombwe. ¹² Mukadziwo anoramba murume wake akaroorwa ngeumweni unoitisa murume wake upombwe. ¹³ Varauya kwaarine vana vanga enda panaJesu, wadzidzi vangavarambidza. ¹⁴ Jesu pavakaona izvizvo avana kuzvidakarira, angati kwavari: regerai wadoko vauye kwandiri musawarambidza, umambo wekudenga ngewevadai. ¹⁵ Chokwadi ndinoti kwamuri: weshe asingaashiri umambo waMwari kudai ngemwana aanga koni kupinda muumambo wekudenga. ¹⁶ Wakatora vana angawaisa mumaoko ake akavakomborera akaisa muoko wake pavari. ¹⁷ Wakaenderera nekuhamba kwavo, pane muisa akauya eshirumba, wakagwadama pamberi pake anga bvunza:"mudzidzisi ngezviri zvandingaita kuti ndipinde mukupona kusingaperi"? ¹⁸ Jesu akapingura akati:"Ngei meinditi ndakanaka? apana akanaka kunze ka Mwari wega. ¹⁹ iwe unoziyamurairo:" usauraya, usapomba, musaba, usanyepera wekwako, usareya, reremekedza baba na mai wako". ²⁰ Muisa wakati:"mudzidzisi izvi zveshe ndinozviita kubva ndirimudoko. ²¹ Jesu akaningira mwaari angamuda , wakati kwaari:"pane zvirikushota, enda utengese zveshe zvaunazvoupe kuvarombo, uphimi wako uchawa kudenga", wapedza unditewera." ²² Asi muisa uyu aana kudakara ngemashoko aya mgekuti wanga akabudirira. ²³ Jesu wakaningira kwaabva akati kuwadzidzi vake:"zvakaoma kuti mungani apinde muhuumambo wamwari!". ²⁴ Wadzidzi wakatya ngenyaya iyi. Asi Jesu wakati kwawari zve:"vana zvakaoma maningi kupinda muumambo wekudenga! ²⁵ Asi zvakareruka kuri kamera ripinde ngepa buri pe naiti, pane kuti muganyi apinde muumambo wekudenga." ²⁶ Wakavhiringika vangatanga kureketa mumwe kune mumwe:"saka ndiani achaponeswa?" ²⁷ Jesu akaningira, akati:" kuvanhu azvingaiti asi kunaMwari. ngekuti munaMwari zveshe zvinoita. ²⁸ Pita wakatanga kuti:'nokuti isusu takasiya zveshe tingamutevera". ²⁹ Jesu wakadaira akati:"zvechokwadi ndinoti kwamuri, hapana aksiya Muzi, Wanunguna,Vakoma, Baba, nem vana, kana nyika ngendaa yangu neyo vhangeri. ³⁰ Asingapuwi zvakapetwa ka gumi, zvinezvi munyika, muzi vakoma, vakunda, mai, Baba, vana, nyika nekuteererwa munyika wachaona upenyu usingaperi. ³¹ Asi vajinji vai vekutanga vachava vekupedzisira nevekupedzisira vachava wekutanga. ³² Vainga vari munjira, weinkwidza ku Jerusarema, Jesu Vanga ari pamberi pavo. vaimuteera wakakaruka vwshidana. Jesu wakadaidza Gumi navairi pambiri angatanga kubuia isho chishaitika. ³³ Apa veshikwidza kuenda Jerusarema uchaiswa mumaoko evakuru veprisita neva nyori. vona wakamutongera rufuvangamuyendesa kuva hedeni. ³⁴ vakamucheka wangamuphirira, wangamuuraya. Asi kupera komazuwa matatu, uchamuka." ³⁵ Jakobo na Johani, wana waZebedia vakauya kwaari vangati:'mudzidzisi tinokumbira kuti muyashire zvishemo zvatichazobuya". ³⁶ Jesu wakati:" munoda kuti ndimuitirei?'" ³⁷ Wakapindura:"titenderei kuti tigare namambo munyasha umwe kumuryo umweniwo kumuboshwe." ³⁸ Jesu vakadaira angati:" amuzii zvamunoda kukumbira. munofanira kumwa mukombe wandishamwawo mushingai rubabatidzo ramuchababatidzwa naro?". ³⁹ Vangadaira vangati:" isusu tingaita". Jesu vakati:"pamukombe wandichamwa , nemwiwo muchamwawo, nerubabatidzo randaka babatidzwa naro, nemwi muchababatidzwa naro. ⁴⁰ Azvinei neni kuti ndiyani achagara kumuryo kana kumubochwe, asi zviri kune uwo akagadzirira. ⁴¹ Wamwe gumi rewadzidzi pewakazua izvi, wakagara vasikazvizvisisi na Jakobo na Johani. ⁴² Jesu wakavadzidza akati:'zve munoziya kuti madzimambo evahedeni vaingavei vatonga. ⁴³ Saka pakati penyu ngazviregere kudaro. weshe anoda kuita wekutanga unofaneya kuita mushandi. ⁴⁴ Uyezve uyo anoda kuita okutanga pamuri meshe unofanira kuita mushandi wenyu meshe. ⁴⁵ Asi mwanakomana aazi kuuya kuzonamatwa, asi kunamata, nekupa upenyu wake uye rusununguro rewakanda. ⁴⁶ Vakaenda Jeriko. pavakadva Jesu Jeriko nevadzidzi vake nevandhu wakavanda, pane umweni muisa waizvi Batimeu mwana wa Temio, Rainga bofu wainga akagara panjira. ⁴⁷ Pakazua kuti ndi Jesu, wenazareta ari kuguma, wakatanga ku daidzira eiti:"Jesu mwana wa David ndizvirei nyasha". ⁴⁸ Vakawanda wakamubvunza kuti anyarare. Asi ena waka bangira kudaidza. mwanakomana wa David nditirewo nyacha. ⁴⁹ Apapo wakaema Jesu, angati mudaidzei. vakadaidza bofu ringati:" tsunga! muruka! urikudaidzwa." ⁵⁰ Apapo wakarasha bashi rake, angamuruka angaenda kuna Jesu. ⁵¹ Jesu wakadaira akati:"chini chaunoda kuti ndikuitire?" bofu rakati" Rabi ndinoda kuti ndione". ⁵² Jesu akati:"enda, kutenda kwako kakuponesa". chiripo wakaona wakamuteera.

¹ Pawaikwedera paJerusarema, paduze ne Betfage Betani, pagomo re Oriva, Jesu wakatuma wairiwevadzidzi wake. ² Angavavhunza kuti:" endai paguta iro ririmberi kwenyu, Mungapinda muchaona chidoki chisati chakambogadwa. mochisunundhura mouya nacho. ³ Mungavhunzwa kuti:" Ngei meshidaro? munodaira mechiti:"ishe warikurida, vachazoriwirinza, futi unono". ⁴ Vakayenda vakaona chidoki chainga chakasungurwa pamusiwo, munjira vakachisunundhura. ⁵ vamweni vainga varipo ndokuvavhunzisa:"chinhi shamurikuita meshisunundhura chidoki? ⁶ vakadaira semabuiro ainga aita Jesu, ndokuwasiya vachiyenda. ⁷ vadzidzi vairi vakatora chidoki voendesa, kuna Jesu, vangatora machira avo voisa padera pechidoki, Jesu obva agada. ⁸ 8Vandhu vajinji waichingira mashira vawo munjira wamweni vachiisa ndhai dzewanga vatema muchango. ⁹ 9vainga warimberi kake newaimuteera waiti:" hosana! zvakakomborerwa zvinouya ne zita ra iishe! ¹⁰ wakakomborerwa umambo unouya ngekuna baba vedu Dhavida! hosana kudenga!" ¹¹ Ipapo Jesu akapinda muJerusarema, akapinda muTemperi; naapo aringaringa zviro zveshe, zuva rabira wakabuda kuenda muBhethani pamwepo nevanegumi navairi. ¹² Nechimangwani voobva Bhethani, iye wakazwa nzara. ¹³ Vakati echiona muonde kuretu unemashakani avo ngekuretu, wakenda kwouri kuti pamweni ungaona michero kwouri. Naapo aguma kwouri aazi kuona michero, kwega mashakani, ngokuti yaiya isati yaanguva nguwa. ¹⁴ Wakati kumuonde, “Apana munhu uchazodya michero kubva kwouri mhera nariini.” Nevadzidzi vake vakazvizwa. ¹⁵ Ndokuuya kuJerusarema. Apotera muTemperi, Jesu wakatanga kudzinga avo vaitengesa nevaitenga muTemperi, naye wakapinduridza matafura eavo vaitenganisana mare nezvigaro zveavo vaitengesa njia. ¹⁶ Naye aazi kutendera naumwe kutwara chidziyo kunyazwi ngechiri muTemperi. ¹⁷ Aiwakavadzidzisa, akati kwavari, “Akuzi kunyorwa here kuti, “Mhatso yangu inozozwi imhatso yokudira yemadzinza eshe? Asi imwimwi mwaiita chiwande chembavha.” ¹⁸ Vapristi vakuru nevanyori vakazvizwa, navo vakatsvaka kuti vangamuita maurairenyi; ngokuti vaimutya, ngokuti mbungano yeshe yakashamiswa ngokudzidzisa kwake. ¹⁹ pakabira vakabuda kubva mudhorobha. ²⁰ Chomangwanani maishi vechipinda ndipo, vakaona muonde wazeketera metsa kunzinde. ²¹ Petro echikarakadza wakati kwaari, “Rabhi, penya Muonde wewakatuka wazeketera.” ²² Jesu akamudaira, akati kwavari: “iwai nokutenda munaMwari. ²³ Ngegwinyiso ndinoti kwomuri, kunyazwi ndiani unozoti kuneiri dunhu:"Bvitwa, uposherwe muruandhle,’ asikagonondi mumwoyo mwake, asi echigonda kuti icho chaaronza chinozoitika, Mwari uchazviita. ²⁴ 24 Ndizvo ndinoti kwomuri, zveshe zvomunokumbira nezvomunokumbirira, gondai kuti mwaashira, munozoa nazvo. ²⁵ Naapo mwaema mwechikumbira, rekererai, kunyazwi ndiani unendaa kwomuri; kuti Baba enyu arimudenga amurekererewo zvishaishi zvenyu. ²⁶ Asi kudai musikarekereri, naBaba enyu arimudenga aazomurekereri zvishaishi zvenyu. ²⁷ Vakapetuka Jerusarema. Naapo echihamba puTemperi, vakauya kwaari vapristi vakuru nevanyori nevakuru wetemberivakaenda kaari. ²⁸ Navo vakati kwaari: “ngemutoo uri unoita zviro izvi?Ndiyani akutendera kuti uzviite ?” ²⁹ Jesu wakati: “Neniwo ndinozomubvunza mubvunzo umwe; kudai mwechizondipingura, ndinozomuronzera anonditendera kuita zviro izvi. ³⁰ Rubhabhatidzo rwaJohani rwakabva mudenga here nokuti kuvanhu? Ndipingurenyi. ³¹ Navo vakapangana pakati pavo vechiti, “Kuti tikati, ‘Rwakabva mudenga,’ iye unozoti, ‘Ndizvo amuzi kumutenda ngenyi?: ³² Asi tikati, ‘Rwakabva kuvanhu,’ ” vaitya mbungano ngokuti veshe vaitenda kuti Johani waiya muprofeti wegwinyiso. ³³ Ndizvo vakapingura Jesu vakati, “Atizii.” NaJesu wakati kwavari, “Neni andizomuronzeri kuti isimbaraani rendinoita ndiro izvi zviro.”

¹ Ngokuti vanhu vazhinji vakaedza kurongedza tsamba ngendaa yezviro zvakaitika pakati pedu, ² kudai ngezvezvakapuwa kwetiri ngaavo kubvira pakutanga vaiya zvapupu zvakaona ngemadziso nevashandi veizwi, ³ kwakandinakira ininiwo, apo ndaiya ndanasa kuringisisa ngokwakaperera zviro zveshe kubvira pakutanga, kuti ndinyore ngokuteererana kwomuri, imwimwi makosi Theofirusi, ⁴ kuti muzie gwinyiso remazwi awo emwakadzidziswa. ⁶ Ngamazuva aHerodhi, mambo weJudhia, waiyapo mupristi waizwi ndiZekharia, webingo raAbhia, waiya nomukadzi wake waiya mukunda weverudzi rwaAroni, nezina rake raiya Erizabhethi. ⁵ Navo veshe vaiya vakarurama pamberi paMwari, vechingwarira mipango nezviemeso zveshe zvaMambo Mwari vasina ndaa., ⁷ Navo vaiya vasina mwana, ngokuti Erizabhethi waiya ngomwa, navo vaiya vakura yaamho veshe. ⁸ Zvino achaita mushando woupristi pamberi paMwari ngokuteererana kwebingo rake, ⁹ kudai ngomushuma woupristi, bingo rake raiya rokupotera muTemperi raMambo Mwari nokupisha mutombo unegwema rakanaka., ¹⁰ Nembungano yeshe yevanhu yaikumbira kubanze ngeawa rokupisha mutombo unegwema rakanaka. ¹¹ Kwakaoneka kwaari ngirosi yaMambo Mwari yakaema ngokumuryo wearita rokupishira mutombo unegwema rakanaka. ¹² Zekharia wakatambudzika ngokuiona, nokutya kwakamugumira. ¹³ Asi ngirosi yakati kwaari, “Usatya, Zekharia, ngokuti kukumbira kwako kwakazwika, nomukadzi wako Erizabhethi unozokubarira mukororo, newe unozodudza zina rake kuti Johani. ¹⁴ Newe unozodakara nokudakadzwa, navazhinji vanozodakara ngokubarwa kwake;, ¹⁵ ngokuti iye unozoita mukuru mukuona kwaMambo Mwari, naye aazomwi vhini nokuti zvinoradzisa, naye unozozadzwa ngoMweya Wakachena, eya kubvira mundani yamai ake. ¹⁶ Naye unozotenderudzira vazhinji vevana vaIsuraeri kunaMambo Mwari wavo, ¹⁷ naye unozohamba pamberi pehope yake ngomweya nesimba raErija, kutenderudzira mwoyo yemadzibaba kunevana, nevasikapurutani kuti vahambe mukungwara kwevakarurama, kunasirira vanhu kuti vaite vakanasirirwa Mambo Mwari”. ¹⁸ NaZekharia wakati kunengirosi, “Ndinozozia ngenyi ichi? Ngokuti ndakura yaamho nomukadzi wangu wakura yaamho”. ¹⁹ Nengirosi yakamupingura yechiti kwaari, “Ndiri Gabhurieri, uwo unoema pamberi paMwari, neni ndatumwa kuti ndierekete kwouri nokukuunzira aya mashoko akanaka. ²⁰ Penya, unozoita chimbungumbungu usikakoni kuereketa metsa rigume zuva iro rezvinozoitika izvi, ngokuti auzi kugonda mazwi angu, awo anozoitika ngenguva yawo”. ²¹ Nevanhu vechigarira Zekharia vakashamiswa ngokunonoka kwake muTemperi. ²² Naapo abuda, waiya asikachakoni kuereketa kwavari, navo vakazia kuti iye waiya aona chioniso ari muTemperi; naye wakaereketa kwavari ngenyara, akagara ari chimbungumbungu. ²³ Naapo mazuva okushanda kwake apera, wakaenda kanyi kwake. ²⁴ Naapo abuda, waiya asikachakoni kuereketa kwavari, navo vakazia kuti iye waiya aona chioniso ari muTemperi; naye wakaereketa kwavari ngenyara, akagara ari chimbungumbungu., ²⁵ “Ndizvo Mambo Mwari wakaita ichi kwendiri ngamazuva awo aakandiringira ndiwo, kuti aduse chimene changu pakati pevanhu”. ²⁶ Ngomwedzi wechitanhatu ngirosi Gabhurieri yakatumwa kubva kunaMwari kuenda kudhorobha reGarire raizwi Nazaretha, ²⁷ kumhandara yaiya yakaemeserwa munhu zina rake raizwi ndiJosefa, worudzi rwaDhavhidha, nezina remhandara iyo raizwi Maria. ²⁸ Nayo yakapotera kwaari ikati, “Mwauya, iwewe waona nyasha, Mambo Mwari unewe!”. ²⁹ Asi iye wakatambudzika kakurutu ngokuereketa kwayo, akapinimidza kuti uku kuchingamidza kunoronzenyi. ³⁰ Nengirosi yakati kwaari, “Usatya, Maria, ngokuti iwewe waona nyasha kunaMwari., ³¹ Penya, unozoita mimba newe unozobara mukororo, unozodudza zina rake kuti Jesu., ³² Naye unozoita mukuru, unozozwi Mukororo woUwo Uripadera pazveshe; naMambo Mwari unozomupa dendemaro rababa ake Dhavhidha, ³³ naye unozotonga padera pemhatso yaJakobe mhera nariini; noumambo hwake ahutongozoa nemagumo”. ³⁴ Maria wakati kunengirosi, “Ichi chingaita maitikirenyi ndisina mwamuna?” ³⁵ Ngirosi yakapingura, ikati kwaari, “Mweya Wakachena unozouya padera pako, ndizvo uwo unozobarwa unozozwi wakachena, Mukororo waMwari. ³⁶ Penya, Erizabhethi hama yako unemimba yomukororo, akura yaamho; nouyu waamwedzi wechitanhatu kwaari uwo waizwi ingomwa. ³⁷ Ngokuti kunaMwari apana chinokorereka”. ³⁸ NaMaria wakati, “Penya, ndiri murandakadzi waMambo Mwari; ngakuitike kwendiri kudai ngeizwi rako.” Nengirosi yakabva kwaari. ³⁹ NaMaria wakamiruka ngaawo mazuva, wakaenda ngokukasira kunyika yezvimitunhu, kuguta reJudhia, ⁴⁰ naye wakapotera mumhatso yaZekharia, akachingamidza Erizabhethi. ⁴¹ Kwakaitika apo Erizabhethi azwa kuchingamidza kwaMaria, mwana wakanyanduka mundani mwake; naErizabhethi wakazadzwa ndiMweya Wakachena. ⁴² naye wakadaidzira ngeizwi guru echiti, “Unomuchena iwewe pakati pevakadzi. Unomuchena uwo unozobarwa mundani mwako ⁴³ :Chaitika ngenyi ichi kwendiri, kuti mai aMambo wangu auye kwendiri? ⁴⁴ RNgokuti penya, apo izwi rokuchingamidza kwako razwika munzee dzangu, mwana wakanyanduka mundani mwangu ngokudakara. ⁴⁵ :Unomuchena uwo wakatenda kuti kunozoapo kuitika kweizvo zvakaereketwa kwaari zvechibva kunaMambo Mwari”. ⁴⁶ Maria wakati, “Mweya wangu unokurisa Mambo, ⁴⁷ nomweya wangu unodakara kukurutu kuna Mwari, Muponesi wangu, ⁴⁸ ngokuti iye wakaringira upashi hwomurandakadzi wake. Ngokuti ringira, kubvira zvinopano yeshe mibarirwana inozondierenga kuti ndinomuchena. ⁴⁹ ngokuti uwo unesimba wakaita zvikuru kwendiri, nezina rake riri rakachena. ⁵⁰ Nenyasha dzake dziri padera pavo vanomutya kubvira kumubarirwana kuenda kumubarirwana. ⁵¹ Iye wakaonisa simba rake ngomuoko wake, wakaparadza avo vanodzikudza ngokupinimidza kwomwoyo yavo. ⁵² Wakadzasa pashi vane simba kubva pamadendemaro avo, akakurisa avo varipashi, ⁵³ wakagutisa avo vanenzara ngezvakanaka, akaendesa makurudza asina chiro. ⁵⁴ Wakadetsera muranda wake Isuraeri, kuti akarakadze nyasha dzake, ⁵⁵ kudai ngezvaakaereketa kunemadzibaba edu, kunaAbrahama nokurudzi rwake mhera nariini”. ⁵⁶ NaMaria wakagara naye kwaida kuita mwedzi mitatu, naye wakapetuka kanyi kwake. ⁵⁷ Zvinopano mukuwo waErizabhethi wakasvika wokuti abare, naye wakabara mukororo. ⁵⁸ Nevaakirwana vake nehama dzake vakazwa kuti Mambo Mwari waiya akurisa nyasha dzake kwaari, navo vakadakara pamwepo naye. ⁵⁹ Kwakaitika ngezuva rechisere kuti vakauya kuzocheka mwana, navo vaida kumududza zina rake kuti ndiZekharia, kudai ngezina rababa ake., ⁶⁰ Asi mai ake vakapingura vakati, “Haiwa; asi unozodudzwa kuti Johani”. ⁶¹ Navo vakati kwaari, “Apana naumwe wehama dzenyu wakambodudzwa ngeiro zina”. ⁶² Navo vakakopera kunababa ake, kuti vazwe kuti ungada kuti adudzwe kutinyi. ⁶³ Naye wakakumbira pokunyorerapo, wakanyora kuti, “Zina rake ndiJohani.” Navo veshe vakashamiswa. ⁶⁵ Paripo muromo wake wakabeurwa norurimi rwake rwakasunhurwa, naye wakaereketa, echikudza Mwari ⁶⁴ . Nokutya kwakagumira avo veshe vaigara pasinde pavo. Nemashoko eizvi akashumirwa munyika yeshe yezvimitunhu zveJudhia, ⁶⁶ navo veshe vakazvizwa vakazvingwarira mumwoyo yavo vechiti, “Uyu unozoita mwana wakaitawani?” Ngokuti nyara yaMambo Mwari yaiya naye. ⁶⁷ Nababa ake Zekharia wakazadzwa ndiMweya Wakachena, naye wakaprofeta echiti. ⁶⁸ “Unomuchena Mambo Mwari waIsuraeri, ngokuti iye wakahambira nokuripira vanhu vake. ⁶⁹ naye wakatimirudzira runyanga rworuponeso mumhatso yomuranda wake Dhavhidha, ⁷⁰ kudai ngezvaakaereketa ngomuromo wevaprofeti vakacheneswa vake vekaretu, ⁷¹ kuponeswa kubva kumagaa edu nokubva kunyara yaavo veshe vanotinyenya. ⁷² kuonisa nyasha kunemadzibaba edu, nokukarakadza chitenderano chake chakachena,, ⁷³ mhiko iyo yaakapika kunababa edu Abrahama, ⁷⁴ yokuti isusu, techinunurwa kubva munyara yemagaa edu, timushandire tisina chokutya, ⁷⁵ mukucheneswa nomukururama pamberi pake mazuva eshe okurarama kwedu. ⁷⁶ Iwewe, mwana, unozozwi muprofeti woUwo Uripadera pazveshe; ngokuti iwewe unozohamba pamberi pehope yaMambo Mwari kunasirira njira dzake, ⁷⁷ kupa ruziyo rworuponeso kuvanhu vake ngokurekererwa kwezvishaishi zvavo. ⁷⁸ Ngendaa yokupfaa kwenyasha dzaMwari wedu, naapo kuedza kwezuva kunobva mudenga kunozotihambira, ⁷⁹ kujeka padera paavo vanogara muchidima nomubvute rokufa, kutungamirira tsoka dzedu munjira yokunyarara''. ⁸⁰ Mwana wakakura, wakagwinya mumweya, waiya mushango metsa rorooguma zuva rokuoniswa kwake kunevaIsuraeri.

¹ Ngaawo mazuva chakabuda chironzo chechibva kunaSiza Agustusi kuti nyika yeshe inyorwe mazita. ² Nouku kunyorwa kwaiya kwokutanga kwakaitika apo Kureniusi ari mutongi weSiria. ³ Navo veshe vakaenda koonyorwa, munhu weshe kudhorobha raakabarirwa. ⁴ NaJosefawo wakakwira echibva Garire, mudhorobha reNazaretha, akaenda Judhia, kudhorobha raDhavhidha raizwi Bhetherehema, ngokuti iye waiya wemhuri norudzi rwaDhavhidha,, ⁵ kuti anyorwe pamwepo naMaria, uwo waiya chigango chake, akurirwa ngemimba. ⁶ Naapo vechiguma kuBele, mazuva akakwana okuti Maria abereke. ⁷ Naye wakabara dangwe rake romukororo, naye wakamuputira ngejira, akamuradzika muchidziyo chen'ombe, ngokuti kwaiya kusina ndau yavo mumhatso yevaeni. ⁸ Kwaiya nevaushi munyikeyo, vaigara mushango vechingwarira makwai avo usiku. ⁹ Nengirosi yaMambo Mwari yakaoneka kwavari, noumambo hwaMambo Mwari hwakajeka kuvatendenedza, navo vakatya kakurutu. ¹⁰ Nengirosi yakati kwavari, “Musatya; ngokuti penyai, ndinomuunzira mashoko akanaka, anodakadza kakurutu awo ari evanhu veshe. ¹¹ ngokuti mwaberekerwa nyamashi mudhorobha raDhavhidha Muponesi, ndiye Kristu Mambo. ¹² RNeichi chinozoita chioniso kwomuri; kuti munozoona mwana akaputirwa ngejira akaradzikwa muchidziyo chen'ombe''. ¹³ Paripo yaiyapo nengirosi mbungano huru yehondo yomudenga yechikudza Mwari yechiti, ¹⁴ “Ngaakudzwe Mwari mudengadenga, nokunyarara munyika pakati pevanhu, avo vaanonasa kudakara ndivo”. ¹⁵ Naapo ngirosi dzaenda mudenga kubva kwavari, vaushi vakati umwe kunoumweni, “Ngatiende Bhetherehema, toona ichi chaitika, chaaziisa Mambo kwetiri'. ¹⁶ Navo vakaenda ngokukasira, vakavaona veshe Maria naJosefa, nomwana akaradzikwa muchidziyo chen'ombe. ¹⁷ Naapo vechimuona vakaziisa mashoko awo akaronzwa kwavari ngendaa yemwana uyu. ¹⁸ navo veshe vakazwa vakashamiswa ngeizvo zvevakaronzerwa ngavaushi. ¹⁹ Asi Maria wakangwarira izvi zveshe, echizvitsengesesa mumwoyo mwake. ²⁰ Nevaushi vakahwirira, vechikurisa nokukudza Mwari ngeizvo zveshe zvevakazwa nezvevakaona, kudai ngezvezvakaronzwa kwavari. ²¹ Naapo mazuva masere apera okuti achekwe, vakadudza zina rake kuti Jesu, iro rakadudzwa ngengirosi isati yaapo mimba yake. ²² Naapo apera mazuva okucheneswa kwavo, kudai ngeMipango yaMosi, vakakwira naye Jerusarema kuti vamupire kunaMambo Mwari. ²³ Kudai ngezvezvakanyorwa muMipango yaMambo Mwari kuti, “Vanakomana veshe varimatangwe vanozozwi vakachena kunaMambo Mwari'. ²⁴ nokupira mudiro kudai ngezvezvakaronzwa muMipango yaMambo Mwari, “Wemagora mairi nokuti mabwipwi mairi enjia'. ²⁵ Penya, kwaiyapo munhu muJerusarema zina rake raizwi ndiSimeoni, nomunhu uyu waiya akarurama nowaidira Mwari, echigarira kuembedzerwa kwaIsuraeri, noMweya Wakachena waiya padera pake. ²⁶ Nakwo kwakaoniswa kwaari ngoMweya Wakachena kuti aatongozofi asati aona Kristu waMambo Mwari. ²⁷ Echikweiwa ndiMweya wakauya muTemperi; naapo vabari vaunza mwana Jesu, kuti vaite kwaari kudai ngomushuma weMipango,, ²⁸ Simione wakaashira Jesu, akakudza Mwari echiti; ²⁹ Mambo Mwari, zvinopano tendera kuti muranda wako aende ngokunyarara, kudai ngeizwi rako. ³⁰ Ngokuti madziso angu aona ruponeso rwako, ³¹ urwo rwewakanasirira pamberi pehope yevanhu veshe; ³² Kujeka ukwo kunovhenekera vemadzinza, kuri uthendezve kuvanhu vako Isuraeri'. ³³ Baba ake namai ake vakashamiswa ngeizvo zvakaereketwa ngepamusoro pake. ³⁴ NaSimeoni wakavafumisa, akati kunamai ake Maria, “Penya, mwana uyu wakaemeserwa kuwa nokumuka kwevazhinji muIsuraeri, nokuitazve chioniso chinozorambwa ³⁵ (eya neshoti inozobayawo mweya wako) kuti mipinimidzo yomwoyo mizhinji ioniswe. ³⁶ Kwaiyapozve Ana muprofeti womukadzi, mwanasikana waFanueri wedzinza raAsha. Waiya aamusharuka, iye waiya akagara nemwamuna wake makore manomwe sure kwousikana hwake. ³⁷ Naye wakaita shirikadzi makore makumi masere namarongomuna. Aazi kutongobuda kubva muTemperi, echidira nokuera kudya nokukumbira usiku nemasikati. ³⁸ Naye echiuya ngeiro awa wakabonga Mwari, wakaereketa ndiye kwavari veshe vaigarira kuripirwa kweJerusarema. ³⁹ Naapo vapedza kuita zviro zveshe kudai ngezvaidiwa ngeMipango yaMambo Mwari, vakahwirira Garire, kudhorobha ravo Nazaretha. ⁴⁰ Nomwana wakakura, akagwinya, aneungwaru; nenyasha dzaMwari dzaiya padera pake. ⁴¹ Nevabereki vake vakagara vechindoenda makore nemakore Jerusarema kumushongano wokurya wePhasika. ⁴² Naapo Jesu aanemakore gumi namairi, vakakwira kudai ngomushuma wokuenda kumushongano wokudya. ⁴³ Naapo vapedza mazuva awo voopetuka, murumbwana Jesu wakasara sure muJerusarema. Nevabari vake avazi kuzvizia. ⁴⁴ Asi vechipinimidza kuti uri mukati mwembungano, vakahamba muhambo wezuva rimwe, navo vakamutsvaka mukati mwehama dzavo neshamwari dzavo. ⁴⁵ Naapo vasikamuwoni, vakapetuka Jerusarma veimutsaka. ⁴⁶ Ngesure kwemazuva matatu vakamuona ari muTemperi, akagara mukati mwevadzidzisi, echivazwa nokuvabvunza mibvunzo. ⁴⁷ Navo veshe vakamuzwa vakashamiswa ngokuzia kwake nokupingura kwake. ⁴⁸ Naapo vakati vechimuona vakahahairwa; namai ake vakati kwaari, “Mwana, watiitira zvakadai ngenyi? Penya, baba ako neni taikutsvaka techitambudzika”. ⁴⁹ Naye wakati kwavari, “Mwainditsvaka ngenyi? Musaizia here kuti kunosisira kuti ndiwe mumhatso yaBaba angu?”. ⁵⁰ Navo avazi kuzwisisa izwi iro raakaereketa kwavari. ⁵¹ Naye wakadzaka navo, akaguma Nazaretha, wakavapurutana. Namai ake vakangwarira mazwi eshe aya mumwoyo mwavo. ⁵² NaJesu wakakura muungwaru nomuiri, nomukudiwa ndiMwari nevanhu.

¹ Ngegore regumi namashanu rokutonga kwaThibheriusi Siza, Phontiusi Piratu mutongi weJudhia, naHerodhi sadunhu weGarire, nomunun'una wake Firipu sadunhu wenyika yeIturia neyeTrakhonitisi, naRusaniasi sadunhu weAbhirene, ² Anasi naKaiafasi, vari vapristi vakuru, izwi raMwari rakauya kuna Johani mukororo waZekharia ari mushango. ³ Naye wakauya kunyika yeshe inotendenedza Jorodhani, echichumaira rubhabhatidzo rwokutenderuka kwokurekererwa kwezvishaishi. ⁴ Kudai ngezvezvakanyorwa mubhuku remazwi aIsaya muprofeti kuti, “Izwi rounodaidzira mushango kuti: Nasirirai njira yaMambo Mwari, ruramisai makwara ake. ⁵ Mabani eshe anozozadzwa, nemitunhu yeshe nezvimitunhu zvinozodzaswa pashi, nenjira dzakabenda dzichazo thobwa, nenjira dzakaita marindi dzinozoserereswa;, ⁶ nevanhu veshe vanozoona ruponeso rwaMwari”. ⁷ Ndizvo Johan wakati kuvazhinji avo vakabuda kuuya kuzobhabhatidzwa ndiye, “Imwimwi vana vemabuura! Ndiani wakamunyowedza kuti mutize ushungu hunouya? ⁸ Ndizvo mwechibara michero inoonisa kutenderuka, musatanga kukarakadza mukati mwenyu kuti, tina Abrahama baba edu, ngokuti ndinoti kwomuri, Mwari unesimba kumusira vana kunaAbrahama ngaaya mapuwe. ⁹ Sandho ratoiswa panzinde dzemiti; ndizvo muti weshe usikabari michero yakanaka unotemerwa pashi nokukandirwa mumwoto''. ¹⁰ Nembungano yakamubvunza yechiti, “Ndizvo tinozoitenyi? ¹¹ Naye wakapingura, akati kwavari, “Uwo unemabhachi mairi, ngaakowane nousina; nouwo unezvokudya ngaaitewo kudaro”. ¹² Nevabhadarisi vemuthero vakauyawo kuti vazobhabhatidzwa, vakati kwaari, “Mudzidzisi, isusu tinozoitenyi?” ¹³ Wakati kwavari, “Musapamba zviro zvinopinda izvo zvakaemeserwa kwomuri”. ¹⁴ Masojdja nawo akamubvunzawo, akati, “Nesuwo tinozoitenyi?” Naye wakati kwavari, “Musazotorera munhu chiro ngesimba nokuti musazoitira munhu ndaa yokunyepa, asi mwechigutiswa ngekuhola kwenyu”. ¹⁵ Naapo vanhu vachakarira, navo veshe vaidzibvunza mumwoyo ngendaa yaJohani, kuti pamweni ndiye Kristu. ¹⁶ Johani wakapingura echiti kwavari veshe, “Inini ndinomubhabhatidza ngemvura, asi unouya uwo unondipinda ngesimba, uwo wendisikasisiri nokusunhura rusinga rwemagwada ake. Unozomubhabhatidza ndiMweya Wakachena nemwoto. ¹⁷ Ena unefochoro munyara dzake, kuti anase kutsvaira mbuwa yake nokuunganidza koroni mudura rake; asi makoto unozoapisha ngomwoto usikadzimi. ¹⁸ Ndizvo wakachumaira mashoko akanaka nezviro zvimweni zvakawanda kuvanhu echivapanga. ¹⁹ Asi Herodhi sadunhu, arambidzwa ndiye ngendaa yaHerodhiasi, mukadzi womunun'una wake, zve ngendaa yezveshe zvakashata zvaaiya akaita Herodhi, ²⁰ wakatutsira ichi chiro padera pazvo zveshe, kuti wakakonyera Johani mutirongo. ²¹ Naapo vanhu veshe veibhabhatidzwa ndi johani, na Jesu wakabhabhatidzwawo, achakumbira, denga rakabeurwa, ²² noMweya Wakachena, wairingirika wakadai ngenjia, wakadzaka padera pake, neizwi rakauya rechibva mudenga rechiti, “Iwewe uri Mukororo wangu, unodikanwa, ndinonasa kudakara ndiwe''. ²³ Jesu wsakatanga kudzidzisa anemakore anoda kuita makumi matatu, ari mukororo waJosefa, mukuona kwevanhu, uwo waiya mukororo waHeri,, ²⁴ mwana waMathati, mwana waRevhi, mwana waMereki, mwana waJanai, mwana waJosefa. ²⁵ mwana waMatatiasi, mwana waAmosi, mwana waNahumi, mwana waEsiri, mwana waNagai, ²⁶ mwana waMaathi, mwana waMatathiasi, mwana waSemeini, mwana waJoseki, mwana waJodha. ²⁷ mwana waJohanani, mwana waResa, mwana waZerubhabheri, mwana weShearatieri, mwana waNeri, ²⁸ mwana waMereki, mwana waAdhi, mwana waKhosami, mwana waEramadhamu, mwana waEri, ²⁹ mwana waJoshua, mwana waErieza, mwana waJorimu, mwana waMathati, mwana waRevhi. ³⁰ mwana waSimeoni, mwana waJudha, mwana waJosefa, mwana waJonamu, mwana waEriakimu, ³¹ mwana waMerea, mwana waMena, mwana waMatatha, mwana waNathani, mwana waDhavhidha, ³² mwana waJesi, mwana waObhedhi, mwana waBhoazi, mwana waSara, mwana waNashoni. ³³ mwana waAminadhabhi, mwana waAdhimini, mwana waArni, mwana waHezironi, mwana waPerezi, mwana waJudha, ³⁴ mwana waJakobe, mwana waIsaka, mwanma waAbrahama, mwana waThera, mwana waNahori, ³⁵ mwana waSerugi, mwana waReu, mwana waPheregi, mwana waEbha, mwana waShera, ³⁶ muwana waKhenani, mwana waArifakisadhi, mwana waShemu, mwana waNoa, mwana waRameki, ³⁷ mwana waMethusera, mwana waEnokhi, mwana waJaredhi, mwana waMaharareri, mwana waKhenani, ³⁸ mwana waEnosi, mwana waSethi, mwana waAdhamu, mwana waMwari.

¹ NaJesu, azadzwa ndiMweya Wakachena, wakahwirira kubva Jorodhani, wakasundwa ndiMweya kuenda kushango. ² Wakapedza mazuva makumi marongomuna mushango echiedzwa ndiDhiabhorosi. Naye aazi kudya chiro ngaawo mazuva; naapo apera, wakafukama. ³ Dhiabhorosi wakati kwaari, “Kudai uri Mukororo waMwari, panga buwe iri kuti riite chingwa”. ⁴ Jesu wakamupingura akati, “Kwakanyorwa kuti, ‘Munhu aazoponi ngechingwa chega''. ⁵ Dhiabhorosi wakamukwidza pamutunhu, akamupangidzira umambo hweshe ngekamukuwo kadoko, ⁶ naye wakati kwaari, “Ndinozopa kwouri iri simba reshe nouthende hwazvo, ngokuti rakapuwa kwendiri, kunyazwi ngouri wendinoda ndinozomupa. ⁷ Ndizvo kudai iwewe wechizondidira zveshe zvinozoita zvako”. ⁸ NaJesu wakamupingura akati kwaari, “Kwakanyorwa kuti, ‘Unozodira Mambo Mwari wako, umushandire iye ega''. ⁹ Diabhurosi wakatora Jesu kuenda Jerusarema, akamuisa padera pechachungu cheTemperi, akati kwaari, “Kudai uri Mwana waMwari, dzikandire pashi kubva panapa, ¹⁰ ngokuti kwakanyorwa kuti, ‘Iye unozopanga ngirosi dzake ngepamusoro pako, kuti dzikungwarire. ¹¹ Nomunyara dzadzo dzinozokubata, kuti kunyazwi ngouri mukuwo usapumhunwa tsoka yako pabuwe''. ¹² NaJesu wakapingura akati kwaari, “Kwakanyorwa kuti, ‘Usazoedza Mambo Mwari, Mwari wako”. ¹³ Naapo Dhiabhorosi aiya apedza zviedzo zveshe, wakabva kwaari kwekamukuwo., ¹⁴ Jesu wakahwirira Garire ari musimba roMweya, nembiri yakateketeswa ngendaa yake munyika dzeshe dzinotendenedza. ¹⁵ Naye wakadzidzisa mumhatso dzavo dzokudira, echikudzwa ngevanhu veshe. ¹⁶ Naye wakauya Nazaretha, padhoroba raakakurira; ena wakangena mumhatso. ngezuwa reSabhatha, apapo wakamuruka kuti aerenge zvinyorwa. ¹⁷ Kwakapuwa kwaari bhuku romuprofeti Isaya. Naye wakabeura bhuku, akaona apo pakanyorwa kuti, ¹⁸ “Mweya waMambo Mwari uri padera pangu, ngokuti iye wakandidzodza kuchumaira vhangeri kuvarombo. Wakandituma kuteketesa kusunhurwa kumabhanditi nokusvinurwa madziso emapofu, kusunhura avo vakatsikirirwa, ¹⁹ kuteketesa gore rinoashirika raMambo Mwari”. ²⁰ Naye wakakonya bhuku, akarihwirinza kunemuranda, akagara pashi. Nemadziso eavo veshe vaiya mumhatso akamuringira. ²¹ Naye wakatanga kuereketa kwavari kuti, “Nyamashi ichi chinyorwa chazadzisika munzee dzenyu” ²² Veshe vakamupupurira zvakanaka, vakashamiswa ngemazwi enyasha akabva kumuromo wake; navo vakati, “Uyu andiyepi ere mwana waJosefa?”. ²³ Naye wakati kwavari, “Ngegwinyiso munozoti kwendiri ngeichi chisana kuti ‘N'anga dziponese iwewe. Izvo zvetakazwa kuti wakazviita muKhapernaume, chizviitazve panapa munyika yekwako ”. ²⁴ Wakati, “Ngegwinyiso ndinoti kwomuri, akuna muprofeti unoashirika munyika yake. ²⁵ Asi ngegwinyiso ndinoti kwomuri, vaiya vazhinji vaiya shirikadzi muIsuraeri ngemazuva aErija, apo denga rakakonywa makore matatu nemwedzi mitanhatu, kwakaita nzara huru padera penyika yeshe. ²⁶ Asi Erija aazi kutumwa kunoumwe wavo, asi kwega kuZarefathi, munyika yeSidhoni, kunedzimai raiya shirikadzi. ²⁷ Panguwa yamuprofita Erisha, Vaiyapo vazhinji vaiya namapere muIsuraeri, asi umwe ndiye akarapwa, Naamani ega muSiria”. ²⁸ Navo vakazara veshe ngoushungu vaiya mumhatso yokudira, apo vazwa izvi zviro. ²⁹ Navo vakamuruka, vakamubudisa kubanze kwedhorobha, vakamukweyera kuruwere rwomutunhu apo paiya pakaakiwa dhorobha ravo, kuti vamukandire pashi. ³⁰ Asi iye wakahamba ngepakati pavo akaenda. ³¹ Naye wakadzaka Khapernaume, dhorobha reGarire. Waivadzidzisa ngezuva reSabatha., ³² Navo vakashamiswa ngokudzidzisa kwake, ngokuti mazwi ake aiya nesimba., ³³ Mumhatso kwaiyapo munhu unemweya wedhimoni unetsvina. Naye waka daidza ngeizwiguru, ³⁴ Tinenyi isusu newe, iwewe Jesu weNazaretha? Wauya here kutiuraya? Ndinokuzia kuti urianani, ndiwe Wakachena waMwari”. ^{36 35} Asi Jesu wakadaira dhimoni akati, “Nyarara, buda kubva kwaari!” Naapo dhimoni rakamukandira pashi pakati pavo, rakabuda kwaari, risikazi kumuremadza.v 36 Vakashamiswa veshe navo vakaereketa umwe noumweni vechiti, “Izwi iri rinoronzenyi? Ngokuti unopanga mweya ine tsvina ngesimba, nayo inobuda”. ³⁷ Mbiri yake yakateketeswa munyika dzeshe dzakatendenedza. ³⁸ Naye wakamuruka kubuda mumhatso, akapotera mumhatso yaSimoni. Ambuya vaSimoni vaiya nokudziyamuiri kukuru, navo vakamupota ngepamusoro pavo. ³⁹ Jesu wakakotama ngedera kwakewakanyaradza kudziya muiri, kungadarika. Paripo wakamuruka, akavashandira. ⁴⁰ Naapo zuva roopota, avo veshe vaiya nevanorwara ngenhenda dzakaparadzana, vakavaunza kwaari; naye wakaisa nyara dzake padera poumwe ngaumwe wavo, akavaponesa. ⁴¹ Nemadhimoni akabudawo kubva kuvazhinji, echizhambarara echiti, “Iwewe uri Mukororo waMwari!” Asi wakaakaraidza, aazi kuatendera kuti aerekete, ngokuti aimuzia kuti ndiKristu. ⁴² Naapo kwaedza iye wakabuda, akaenda murubaya musina vanhu. Vanhu vakamutsvaka, vakauya kwaari vechida kumubatiridza kuti asabva kwavari. ⁴³ asi wakati kwavari, “Kunosisira kuti ndichumaire vhangeri roumambo hwaMwari mumadhorobha amweniwo, ngokuti icho ndicho chendakatumirwa”. ⁴⁴ Naye waichumaira mumhatso dzokudira dzeJudhia.

¹ Naapo mbungano yakamanikana kuti izwe izwi raMwari, iye wakaema pagandwa reGenesareta. ² Naye wakaona ngarava mbiri dzakaema pagandwa, asi vabati vehove vaiya vabuda mungarava vechisuka nhaa dzavo. ³ Naye wakakwira kuneimweni yengarava, yaiya yaSimoni, wakamukumbira kuti aisundire mugandwa kadodoko kubva pahumbikumbi. Naye wakagara pashi, akadzidzisa mbungano ari mungarava. ⁴ Naapo apedza kudzidzisa, wakati kunaSimoni, “Sundira kwakadzama mwechidzasa nhaa dzenyu koobata hove”. ⁵ Simoni wakapingura akati, “Mambo, tashanda usiku hweshe, atizi kubata chiro! Asi ngeizwi rako ndinozodzasa nhaa”. ⁶ Naapo vaita kudaro, vakatendenedza hove zhinji, nenhaa dzavo dzaibauka. ⁷ Vakakopera vamweni vavo vaiya mungarava imweni kuti vauye vavadetsere. Navo vakauya, vakazadza ngarava dzeshe mbiri, nadzo dzakatanga kunyura. ⁸ Asi Simoni Petro aona wakadzirigira pashi pamabvi aJesu echiti, “Mambo, ibva kwendiri, ngokuti ndiri munhu wakashata”. ⁹ Ngokuti iye wakashamiswa, naavo veshe vaiya naye ngokuwanda kwehove dzevaiya vabata. ¹⁰ Ndizvo zvakaitikawo kunaJakobe naJohani, vakororo vaZebhedhi, avo vaiya shamwari dzaSimoni. NaJesu wakati kunaSimoni, “Usatya; kubvira zvinopano unozobata vanhu”. ¹¹ Naapo vaunza ngarava dzavo kuhumbikumbi, vakasiya zveshe, vakamuteera. ¹² Naapo ari munerimwe remadhorobha, penya, kwakauya munhu waiya nemapere muiri wake weshe; naapo aona Jesu, wakawa pashi ngehope yake, akamupota echiti, “Mambo, kudai wechida, ungandimhodyosa”. ¹³ Jesu wakatambanudza nyara yake, akamubata, akati, “ichi ndicho chidochangu.” Paripo mapere akapera. ¹⁴ Naye wakamupanga kuti asazoronzera munhu naumwe; asi wakati, “Enda, udzipangidzire kumupristi, upe mubairo ngendaa yokumhodyoswa kwako, kudai ngezvaakapanga Mosi, kuita chapupu kwavari”. ¹⁵ Asi mbiri yake yakaangirira kuteketeswa. Nembungano huru yakaungana pamwepo kuzwa nokuponeswa nhenda dzayo. ¹⁶ Asi iye wakadzipaura kuenda murubaya kookumbira. ¹⁷ Ngerimweni remazuva awo, Jesu echidzidzisa, vaiyapo vaFarisi nevadzidzisi veMipango vakagarapo, avo vaiya vakauya kubva kumaguta eshe eGarire, Judhia neJerusarema; nesimba raMambo Mwari rokuponesa raiya naye. ¹⁸ Apapo, vamweni varume vakaunza munhu wairwara ngokuoma muiri, ari pamusengere, navo vakatsvaka kuti vamungenese mukati nokumuradzika pamberi paJesu. ¹⁹ Vasikaoni njira yokumungenesa ndiyo mukati ngendaa yembungano, vakakwira padera vakaita buri padenga remhatso, vakamudzasa pashi ari pamusengere pakati pevanhu pamberi paJesu. ²⁰ Iye echiona kugonda kwavo wakati, “Mwamuna, zvishaishi zvako zvarekererwa kwouri”. ²¹ Vanyori nevaFarisi vakatanga kubvunzana pachavo vechiti, “Ndiani uyu unoereketa zvituko? Ndiani ungakona kurekerera zvishaishi, kwega Mwari”. ²² Asi Jesu echindozia kupinimidza kwavo, wakapingura akati kwavari, “Munobvunzana ngenyi mumwoyo yenyu;? ²³ Chiinyi chinopinda kureruka, kuronza kuti, ‘Zvishaishi zvako zvarekererwa kwouri,’ nokuti kuronza kuti, ‘Miruka uhambe?’ ²⁴ Asi kuti muzie kuti Mwana woMunhu unesimba munyika rokurekerera zvishaishi, Ndinoti kwouri, ;muruka utore musengere wako, uyende kumhatso kwako”. ²⁵ Paripo wakamuruka pamberi pavo, wakatora icho chaaiya akaata padera pacho, akaenda kumhatso yake echikudza Mwari. ²⁶ Navo veshe vakabatwa ngokushamiswa, navo vakakudza Mwari, vakazara ngokutya vechiti, “Taona zvinoshamisa nyamashi”. ²⁷ Ngesure kweizvi Jesu wakabvapo, akaona mubharisi zina rake ndiRevhi, akagara pandau yokubhadarisa muthero, wakati kwaari, “Nditeere”. ²⁸ Levi wakasiya zveshe, wakamuruka, akamuteera. ²⁹ NaRevhi wakaitira Jesu dhiri guru mumhatso yake; vaiyapo vazhinji vevabharisi nevamweni avo vaaigara navo pakudya. ³⁰ VaFarisi nevanyori vavo vakavhuruvhutira vadzidzi vake vechiti, “Munodya nokumwa ngenyi nevabharisi nevashaishi?”. ³¹ Jesu wakapingura, akati kwavari, “Avo vakapona avatami n'anga, asi avo vanorwara, ³² andizi kuuya kudaidza vakarurama akadi, asi vashaishi kuti vatenderuke”. ³³ Navo vakati kwaari, “Vadzidzi vaJohani vanogara nguwadzeshe variparutsanyo vechikumbira, ngokudarozve naavo vevaFarisi, asi vadzidzi vako vanorya nokumwa”. ³⁴ Jesu wakati kwavari, “Mungakona here kuita kuti vemhatso yanyamuroorwa vaere kurya apo mukwambo achinavo? ³⁵ Asi mazuva anozouya apo mukwambo unozoduswa kwavari, naapo vanozoera kudya ngaawo mazuva”. ³⁶ Jesu wakavaronzera muedzaniso echiti, “Akuna munhu unobaura chitembwe pajira idzva kuchitungira pajira ratsakara; echiita kudaro, unozoshaishira jira idzva nechitembwe chitsva achizotodzani nejira rakatsakara. ³⁷ Apana munhu unoisa vhini idzva mukati mwenyede dzatsakara; echiita kudaro, vhini idzva rinozoputisa nyede nevhini rinozorashika nenyede inozotsakatika. ³⁸ Asi vhini idzva rinoiswa munyede itsva. ³⁹ Zve apana munhu wakambomwa vhini rekare, paripo orooemura idzva; ngokuti unoti, ‘Rekare rakapinda kunaka''.

¹ Ngezuva reSabatha, echihamba ngomukati mweminda yekoroni, vadzidzi vake vakavhuna mitsonzoti yekoroni, vakapukutira panyara dzavo vechidya. ² Asi vamweni vevaFarisi vakati, “Munoita ngenyi icho chisikatenderwi mumipango kuitwa ngezuva reSabatha? ³ Jesu wakapingura, akati kwavari, “Amusati mwatongodzidza here icho chakaitwa ndiDhavhidha apo aiya nenzara, iye naavo vaiya naye? ⁴ kupotera kwaakaita mumhatso yaMwari, akatora, akadya zvingwa zvakapirwa kunaMwari, akapawo kuneavo vaiya naye, izvo zvisikatenderwi mumipango kuti zvidyiwe, asi kwega ngevapristi. ⁵ Jesu akati kwavari, “Mukororo woMunhu ndiMambo weSabatha”. ⁶ Ngezuva rimwenizve reSabatha, apo Jesu paakangena mumhatso yokunamatira, akadzidzisa. Waiyapo munhu uwo waiya nenyara yokumudyo yakaoma. ⁷ Vanyori nevaFarisi vakamurinda, kuti vaone kuti unozomuponesa here ngezuva reSabatha, vechitsvaka chokumuparisa ndaa ndicho. ⁸ Asi Jesu waizia mikarakadzo yavo, akati kunemunhu uwo waiya nenyara yakaoma, “Uya ueme panapa.” Naye wakamiruka, akaemapo. ⁹ Asi Jesu wakati kwavari, “Ndinomubvunza kuti, kunotenderwa here ngezuva reSabatha kuita zvakanaka nokuti kuita zvakashata? Kuponesa ndaramo nokuti kuiuraya?” ¹⁰ Naye wakavaringisisa veshe, akati kwaari, “Tambanudza nyara yako.” Naye wakaita kudaro, nenyara yake yakaponazve. ¹¹ Asi vakazadzwa ngoushungu, vakapangana pakati pavo ngechevangaita kunaJesu. ¹² Ngaawo mazuva Jesu wakakwira pamutunhu kookumbira; naye wakakumbira usiku hweshe kunaMwari. ¹³ Naapo kwaedza, wakadaidza vadzidzi vake, naye wakatsanangura kubva pakati pavo gumi navairi, avo vaakadudzazve kuti vapostori: ¹⁴ Simoni, uwo waakadudza kuti Petro, naAndreu munun'una wake, Jakobe, Johani, Firipu, Bhathoromeu, ¹⁵ Mateu, Thomasi, Jakobe mukororo waArifeusi, Simoni uwo waizwi muZeroti, ¹⁶ Judhasi mukororo waJakobe, naJudhasi Isikarioti, uwo wakapira Mambo. ¹⁷ Naye Jesu wakadzaka navo, akaema pandau yakaterama, nembungano huru yevadzidzi vake nembungano huru yevanhu vakabva Judhia kweshe neJerusarema nenharaunda dzeshe dzokuruandhle dzeThire nedzeSidhoni, avo vakauya kumuzwa nokuponeswa nhenda dzavo. ¹⁸ naavo vakatambudzwa ngomweya inetsvina vakaponeswa. ¹⁹ Nembungano yeshe yakaedza kumubata, ngokuti simba raibva kwaari rechivaponesa veshe. ²⁰ Naye wakaringira vadzidzi vake, akati: “Munomuchena imwimwi muri varombo, ngokuti umambo hwaMwari ngohwenyu. ²¹ Munomuchena imwimwi munofukama zvinopano, ngokuti munozogutiswa. Munomuchena imwimwi munochema zvinopano, ngokuti munozosheka. ²² Munomuchena imwimwi apo vanhu vanozomunyenya nokuparadzana nemwi, nokumukaraidza nokurasha zina renyu kudai ngerakashata, ngendaa yoMwana woMunhu. ²³ Dakarai ngeiro zuva mwechinyanduka ngokudakara, ngokuti ringirai, musharo wenyu mukuru mudenga; ngokuti madzibaba avo vakaita kudarowo kunevaprofeti. ²⁴ Asi hezvo kwomuri imwimwi vapfumi, ngokuti imwimwi mwatoashira musharo wenyu. ²⁵ Hezvo kwomuri munogutiswa zvinopano, ngokuti munozofukama. Hezvo kwomuri imwimwi munosheka zvinopano, ngokuti munozotsumba nokuchema. ²⁶ Hezvo kwomuri apo vanhu veshe vooereketa zvakanaka ndimwi, ngokuti madzibaba avo vakaereketa kudaro kunevaprofeti vokunyepa. ²⁷ Asi inini ndinoti kwomuri imwimwi munondizwa, idai magaa enyu, muite zvakanaka kwavari avo vanomunyenya, ²⁸ 6:28 fumisai avo vanomutuka, kumbirirai avo vanomutambudza. ²⁹ Nokwaari unokurova padama, mupindurire rimwenizve, nokwaari uwo unokutorera bhachi rako, mupe nehembe yakozve. ³⁰ Wechipa kwavari veshe vanokumbira kwouri, nokwaari uwo unotora zviro zvako, usazviteerazve. ³¹ Kudai ngezvomunoda kuti vanhu vamuitire, itaiwo kwavari zvakadaro., ³² Kudai mwechivada avo vanomuda, munenyi chomungazobongwa ndicho? Ngokuti nevashaishi vanovada avo vanovadawo. ³³ Nokudai mwechiitira zvakanaka kwavari avo vanomuitira zvakanaka, munenyi chomungazobongwa ndicho? Ngokuti nevashaishi vanondoitawo zvakadaro. ³⁴ Nokudai mwechikweretwa ngaavo vomunogonda kuzoashirazve kwavari, munenyi chomungazobongwa ndicho? Ngokuti nevashaishi vanokweretwa ngevashaishi kuti vandozoashira zvakadaro kubva kwavari. ³⁵ Asi idai magaa enyu, muvaitire zvakanaka, mwechivakweretesa musikakariri kupetudzirwa, nomusharo wenyu unozoita mukuru, nemwi munozoita vana veUwo Uripadera pazveshe; ngokuti iye unenyasha kwavari vasikabongi nekwavari vakashata. ³⁶ Itai vane nyasha, kudai ndiBaba enyu vane nyasha. ³⁷ Musatonga, nemwi amuzotongwi; musaparisa ndaa, nemwi amuzopariswi ndaa; rekererai, nemwi munozorekererwa. ³⁸ ipai, nakwo kunozopuwawo kwomuri. Chipimo chakanaka, chakarondwa, chakazunguzirwa nechinerushangu, vanozotindikira kwomuri. Ngokuti ngeicho chipimo chomunozopima ndicho, chinozopimirwawo kwomuri. ³⁹ Naye wakaronza muedzaniso kwavari echiti, “Bofu ringatungamirira bofu here? Avazowi veshe murindi here? ⁴⁰ Mudzidzi aari padera pomudzidzisi wake akadi, asi mudzidzi weshe apedza kudzidza unozodai ngomudzidzisi wake. ⁴¹ Unopenyerenyi chitsepedzo chiri mudziso romukoma wako, asi usikaoni danda riri mudziso rako? ⁴² Nokuti ungazoita maronzerenyi kunemukoma wako kuti, ‘Mukoma, tenda kuti ndibvise chitsepedzo chiri mudziso rako,’ apo iwewe wemene usikaoni danda riri mudziso rako wemene? Iwewe mudziitisi, tanga kubvisa danda riri mudziso rako, naapo unozonasa kuona pamhene kubvisa chitsepedzo chiri mudziso romukoma wako. ⁴³ Ngokuti akuna muti wakanaka ungabereka michero yakashata, nokutizve muti wakashata aungabereki michero yakanaka. ⁴⁴ Ngokuti muti weshe unoziikanwa ngemichero yawo. Ngokuti vanhu avakayi maonde kubva pamiti yeminzwa, nokuti parukato avakayi michero yemavhini. ⁴⁵ Munhu wakanaka kubva paupfumi hwokanaka hwemumwoyo mwake unobudisa icho chakanaka, nomunhu wakashata kubva paupfumi hwakashata hwemumwoyo wake unobudisa icho chakashata; ngokuti muromo unoereketa kubva kunezvakawanda zviri mumwoyo. ⁴⁶ Munondidaidza ngenyi kuti, ‘Mambo, Mambo,’ musikaiti izvo zvendinomuronzera? ⁴⁷ Munhu weshe unouya kwendiri echizwa mazwi angu, echiaita ndinozomupangidzira uwo waanotodzana naye. ⁴⁸ Unodai ngomunhu echiaka mhatso, uwo wakatsa akadzamisa, akaisa tsikiro paruware; naapo ndambi yakwira, yakarova iyo mhatso, yaiya isina simba rokuikutukusa, ngokuti yaiya yakanasa kuakwa. ⁴⁹ Asi iye unozwa asikaiti, wakadai ngomunhu wakaaka mhatso padera pevhu isina tsikiro; naapo ndambi yakarova iyo mhatso, paripo yakawa, nokuwa kweiyo mhatso kwaiya kwakakura.

¹ Naapo Jesu apedza mazwi ake eshe mukuzwa kwevanhu, wakangena muKhapernaume. ² Hloko yenduna yezana, yaidikanwa ndiye, yairwara, iri paduze pokufa. ³ Naapo yazwa ndiJesu, yakatuma kwaari vakuru vevaJudha yechikumbira kuti auye aponese hloko yayo. ⁴ Naapo vakaguma kunaJesu, vakamupota kakurutu vechiti, “Iyo inosisira kuti uyiitire ichi, ⁵ ngokuti inoda dzinza redu, nayo yakatiakira mhatso yedu yokudira”. ⁶ NaJesu wakaenda navo. Naapo aapasinde pemhatso, nduna yezana yakatuma hama dzayo yechiti kwaari, “Mambo, usadzinesa, ngokuti andisisiri kuti iwewe upotere pashi pedenga rangu. ⁷ ndizvo ndapinimidza kuti andisisiri kuuya kwouri ndemene. Asi ronzai izwi, nomuranda wangu unozopona., ⁸ Ngokuti inini neniwo ndiri munhu wakaemeswa pashi pesimba, ndine masoja pashi pangu; neni ndinoti kuneiri, ‘Chienda,’ naro rinoenda, nokunerimweni, ‘Chiuya,’ naro rinouya, nokunemuranda wangu, ‘Chiita ichi,’ naye unochiita. ⁹ Naapo Jesu azwa ichi wakashamiswa ndiyo, naye wakakunukukira kune mbungano yaimuteera, akati kweiri, “Ndinoti kwomuri, andizi kutongomboona kutenda kukurutu kwakadaro, kunyazwi muIsuraeri”. ¹⁰ Naavo vakatumwa vapetuka kumhatso, vakaona muranda apona. ¹¹ Paripo ngesure kweizvo, Jesu wakaenda kudhorobha rinozwi Naini, nevadzidzi vake vakaenda naye nembungano huru. ¹² Naapo echikwedzera pamusiwo wedhorobha, penya, munhu wakafa waitwarwa kubva mudhorobha, uwo waiya ari mukororo umwe ega wamai ake, vaiya shirikadzi; nevanhu vazhinji vedhorobha vaiya naye. ¹³ Naapo Mambo amuona, wakamuzwira urombo, akati kwaari, “Usachema”. ¹⁴ Naye wakakwedzera, akabata ruhlaka, nevatwari vakaema. Wakati, “Jaha, ndinoti kwouri, muka”. ¹⁵ Nouwo waiya afa wakamuka akagara, akatanga kuereketa. Naye wakamupa kunamai ake. ¹⁶ Kutya kwakabata veshe; navo vakairikidza Mwari vechiti, “Muprofeti mukuru wakabuda pakati pedu!” “NaMwari wakahambira vanhu vake”. ¹⁷ Nembiri iyi yakateketeswa ngendaa yake muJudhia mweshe nomunyika dzeshe dzaitendenedza. ¹⁸ NaJohani wakaziiswa izvi zviro zveshe ngevadzidzi vake. NaJohani, echidaidza kwaari vadzidzi vake vairi, ¹⁹ wakavatuma kunaMambo echiti, “Ndiwe here uwo unouya, nokuti ticharindira umweni? ²⁰ Naapo vanhu avo vaguma kwaari, vakati, “Johani Mubhabhatidzi wakatituma kwouri echiti, ‘Ndiwe here uwo unouya, nokuti ticharindira umweni? ²¹ Ngeiro awa wakaponesa vazhinji vairwara ngenhenda nomweya yakashata, nevazhinji vaiya vari mapofu wakavapembenudza. ²² Jesu wakapingura, akati kwavari, “Endai muronzere Johani zvemwaona nezvemwazwa: mapofu anosvinurwa, zvirema zvinohamba, vane mapere vanoshambidzwa, madziiranzee anozwa, vakafa vanomuswa nevarombo vane mashoko akanaka anochumairwa kwavari. ²³ Naye unomuchena usikapumhunwi ndini”. ²⁴ Naapo nhumwa dzaJohani dzaiya dzaenda, Jesu wakatanga kuereketa kune mbungano ngendaa yaJohani echiti, “Mwakabuda kuenda mushango koopenyei? Rutsanga rwakazungunyiswa ngedutu here? ²⁵ Asi mwakabuda kuenda koonenyi? Munhu wakapfekeswa ngemachira akapfaa here? Penyai avo vanopfeka machira akapfaa vanogara mungome. ²⁶ Asi mwakabuda kuenda koonenyi? Muprofeti here? Eya, ndinoti kwomuri nouwo unonyanya kupinda muprofeti. ²⁷ Uyu ndiye wakanyorwa ndiye kwechizwi, ‘Penyai, ndinotuma nhumwa yangu pamberi pehope yako, uwo ndiye unozonasirira njira yako pamberi pako. ²⁸ Ndinoti kwomuri, mukati mwaavo vakaberekwa ngevakadzi akuna mukuru kupinda Johani; asi uwo uri mudoko muumambo hwaMwari uri mukuru kupinda Johani”. ²⁹ Vanhu veshe apo vazwa izvi pamwepo nevabharisi, navo vakatenda kururama kwaMwari, ngokuti vakabhabhatidzwa ngorubhabhatidzo rwaJohani. ³⁰ Asi vaFarisi nemagweta vakadzirambira zano raMwari, vakaramba kubhabhatidzwa ndiJohani. ³¹ ''Ndizvo ndovaedzanisa nenyi vanhu vomubarirwana uyu, vanotodzaniswa nenyi? ³² Vanotodzaniswa nevana vanogara pandau yomusika, vechidaidzana vechiti, ‘Takaridza kwomuri, nemwi amuzi kuzvina; takabonda, nemwi amuzi kuchema’. ³³ Ngokuti Johani Mubhabhatidzi wakauya asikadyi chingwa nokuti kumwa vhini, mwakati, ‘Une dhimoni’. ³⁴ Mwana woMunhu wakauya echidya nokumwa, nemwi mwakati, ‘Penyai, munhu unemakaro nomumwisi wevhini, shamwari yevabharisi neyevashaishi!’ ³⁵ Nokungwara kunopembedzwa ngevana vakwo veshe”. ³⁶ Umwe wevaFarisi wakakumbira kuti adye naye, naye wakapotera mumhatso youwo muFarisi, akagara patafura. ³⁷ Painga nemudzimai womudhorobha, waiya mushaishi, naapo azia kuti wakagara patafura panekudya mumhatso yomuFarisi, wakaunza nhera yemafuta anonuhwira, ³⁸ naye echiema ngesure kwetsoka dzaJesu, echichema, wakatanga kunyakatisa tsoka dzaJesu ngemasodzi ake, akadzipukuta ngebvudzi resoro rake, akachingamidza tsoka dzake ngomuromo, akadzidzodza ngemafuta. ³⁹ Asi muFarisi uwo wakakoka Jesu echiona, wakati mukati mwake, “Uyu munhu dai aiya muprofeti, waidai azia kuti ndiani, nokuti mudzimai uyu wakadini unomubata, ngokuti mushaishi”. ⁴⁰ NaJesu echipingura wakati kwaari, “Simoni, ndinacho chokuereketa newe.” Naye wakati, “Mudzidzisi, chierekete”. ⁴¹ Jesu wakati ''Kwaiyapo munhu wakakweretwa ngevanhu vairi. Umwe wavo wakamukwereta zvigurwa zvesirivha mazana mashanu, noumweni zvigurwa zvesirivha makumi mashanu. ⁴² Naapo vasina chokuripira ndicho, iye wakavarekerera veshe. Ndizvo ndiani kwavari unozopindisisa kumuda? ⁴³ Simoni wakapingura akati, “Ungaita uwo wakarekererwa zvakapinda kuwanda.” Wakati kwaari, “Wanasa kutonga”. ⁴⁴ Jesu echikunukukira kunemudzimai wakati kunaSimoni, “Unomuona here uyu mudzimai? Inini ndapotera mumhatso yako, auzi kundipa mvura yokushamba tsoka dzangu, asi iye wanyakatisa tsoka dzangu ngemasodzi ake, akadzipukuta ngebvudzi rake. ⁴⁵ Iwewe auzi kundipa kisi, asi iye kubvira mukuwo wendapotera ndiwo aazi kurekera kuchingamidza tsoka dzangu ngomuromo. ⁴⁶ Iwewe auzi kudzodza soro rangu ngemafuta, asi iye wadzodza tsoka dzangu ngemafuta. ⁴⁷ Ndizvo ndinoti kwouri, zvishaishi zvake zvakawanda zvarekererwa kwaari, ngokuti iye wada kakurutu. Asi kwaari warekererwa zvishomani, iye unondodawo zvishomani”. ⁴⁸ Naye wakati kwaari, “Zvishaishi zvako zvarekererwa kwouri”. ⁴⁹ Zvino navo vaigara naye patafura panekudya vakatanga kuereketa mukati mwavo vechiti, “Ndiani uyu unokona kurekerera zvishaishi? ⁵⁰ Naye wakati kuno mudzimai, “Kugonda kwako kwakuponesa; enda ngokunyarara”.

¹ Apapo ngesure kweizvo, Jesu wakahamba ngomukati mwemadhorobha nemaguta, echichumaira nokuunza mashoko akanaka oumambo hwaMwari. Nevarigumi navairi vaiya naye, ² nevakadzi avo vaiya vaponeswa mweya yakashata nenhenda: Maria Magadhareni, uwo wakabviswa madhimoni manomwe, ³ naJoana mukadzi waChuza, muranda waHerodhi, Suzana nevazhinji vamweni, avo vaimushandira ngezviro zvavo. ⁴ Naapo mbungano yaungana pamwepo nevanhu vakauya kwaari kubva kumadhorobha eshe, Jesu wakavaronzera muedzaniso echiti. ⁵ “Mukushi wakabuda kookusha mbeu dzake. Naapo achakusha mbeu, dzimweni dzakawira panjira; nadzo dzakatsikwatsikwa ngetsoka, neshiri dzomudenga dzakadzidya. ⁶ Nedzimweni dzakawira paruware; paripo dzakamera dzikazeketera, ngokuti dzaiya dzisina mwando. ⁷ Dzimweni dzakawira mukati mweminzwa; neminzwa yakakura pamwepo nadzo, yakadzizingizira. ⁸ Dzimweni dzakawira mumavhu akanaka, dzakakura, dzikabereka tsangu zana rakapetwa.” Jesu achaereketa izvi wakadaidzira echiti, “Uwo une nzee dzokuzwa, ngaazwe”. ⁹ Naapo vadzidzi vake vakamubvunza kuti muedzaniso uyu biningidzo rawo ngerenyi, ¹⁰ Jesu wakati kwavari, “Kwakapuwa kwomuri kuzia zvakafishika zvoumambo hwaMwari; asi kunevamweni kuti vazwe ngemiedzaniso, kuti, ‘Vechinyaona avaonisisi, vechinyazwa avazwisisi. ¹¹ Zvinopano muedzaniso ndiwo uyu: Mbeu izwi raMwari. ¹² Neidzo dziri pamhiri penjira, ndivo avo vakazwa; naapo Dhiabhorosi unouya nokubvisa izwi kubva mumwoyo yavo, kuti vasazotenda nokuponeswa. ¹³ Neidzo dziri paruware, ndivo avo vanozwa izwi, vanoriashira ngokudakara; navo avana nzinde, vanotenda mukuwo mudoko, ngenguva yokuedzwa vanopumhunwa. ¹⁴ Mbeu dzakawira mukati mweminzwa, ndivo vandhu vanozwa, vechienda mberi vanozingizirwa ngokudembatemba noupfumi, zvidakadziso zvendaramo ino nemichero yayo. ¹⁵ Asi mbeu dzakawira mumavhu akanaka, ndivo avo vanozwa izwi ngomwoyo usina kuchengedza nowakanaka, vanobereka michero ngokusengerera. ¹⁶ Akuna munhu unoti abasa chibani, unozochidumaidza ngechidziyo nokuti kuchiisa pashi pomubhedhi, asi unochiisa padera pechigadzikiro chechibani, kuti avo vanopotera vaone kujeka. ¹⁷ Ngokuti akuna chiro chakafishika chisikazooniswi, nechakadumaidzwa chisikazoziikanwi, chisikazobudi mukujeka., ¹⁸ Ndizvo ngwarai ngenjira dzokuzwa kwomunoita; ngokuti kunyazwi ngouri unacho, kunozotutsirwa kwaari, asi iye usina, kunozotorwa kubva kwaari neicho chaanopinimidza kuti unacho”. ¹⁹ Naapo mai ake nevanun'una vake vakauya kwaari, asi ngendaa yembungano avazi kukona kuguma paari. ²⁰ Wakaronzerwa kuti, “Mai ako nevanun'una vako vakaema kubanze, vanoda kukuona”. ²¹ Asi Jesu wakapingura kwavari akati, “Mai angu nevanun'una vangu ndivo avo vanorizwa izwi raMwari nokuriita”. ²² Zuva rimweni Jesu wakapotera mungarava nevadzidzi vake, naye wakati kwavari, “Ngatiambuke ruseri rwegandwa.” Ndizvo vakahluza. ²³ Asi vachahluza Jesu wakabatwa ngehope. Kwakadzaka mubvumo wedutu padera pegandwa, ngarava yakatanga kuzara ngemvura, navo vaiya mungozi. ²⁴ Navo vakauya kwaari Jesu, vakamumusa vechiti, “Mambo, Mambo, tofa!” Naye wakamuka, akakaraidza dutu nemafungu emvura; nawo akaterama, kwakaapo kunyarara. ²⁵ Naye wakati kwavari, “Kugonda kwenyu kuripari?” Navo vakatya nokushamiswa, vechiti umwe kunoumweni, “Uyu ungaita anani, unopanga dutu nemvura, nazvo zvechimupurutana?'' ²⁶ Naapo vaguma kunyika yeGerasa, iyo yakaringirana neGarire. ²⁷ Naapo Jesu paakabuda mungarava nokutsika panyika, wakashongana nomunhu waibva mudhorobha, waiya nemadhimoni; kwomukuwo wakareba aazi kusimira zvokufuka, naye waiya asikagari mumhatso, asi mumaiba. ²⁸ Naapo aona Jesu wakazhambarara, akawa pashi pamberi pake, akati ngeizwi guru, “Ndinenyi newe, Jesu, iwewe Mukororo waMwari Uripadera pazveshe? Ndinokupota, usandishononesa”. ²⁹ Ngokuti Jesu waiya apanga dhimoni rine tsvina kuti ribude kubva mumunhu. (Ngokuti kazhinji raimubata; naye waingwarirwa ngevarindi, akasungwa ngemaketani nemanguri, asi waidambura zvisungo izvo, echisundwa kuenda mushango ngedhimoni. ³⁰ Jesu wakamubvunza, akati, “Zina rako ndiani?” Naye wakati, “Ndiri Hondo.” Ngokuti madhimoni akawanda aiya akapotera mukati mwake. ³¹ Nawo akamupota kuti asazoapanga kuti aende murindi. ³² Raiyapo danga renguruve dzakawanda dzaifura padera pomutunhu; nawo akamupota kuti aatendere kuti apotere mwedziri. Naye wakaatendera. ³³ Nemadhimoni akabuda kubva kunemunhu, akapotera munguruve. Nedanga iro rakarumba kudzaka ngepamakaha kupotera mugandwa, nadzo dzakanzvaira dzikafa. ³⁴ Naapo vaushi vaona zvakaitika, vakatiza, vakateketesa zvakaitika mudhorobha nomunharaunda. ³⁵ Navo vakabuda kuenda koona zvakaitika, vakauya kunaJesu, vakaona munhuwo wakabviswa madhimoni akagara patsoka dzaJesu, asimira aterama. Navo vakatya. ³⁶ Naavo vakazviona vakavaronzera ngenjira yaakaponeswa ndiyo uwo waiya nemadhimoni. ³⁷ Naapo vanhu veshe venharaunda dzenyika yevaGeraseni vakakumbira kuti jesu abve kwavari; ngokuti veshe vakabatwa ngokutya kukurutu. Apapo Jesu wakapotera mungarava, akahwirira. ³⁸ Asi munhu uwo wakabviswa madhimoni wakamupota kuti agare naye; asi Jesu wakamuendesa echiti,, ³⁹ “Hwirira kumhatso yako, uvaronzere ngokukura kweizvo zvaakakuitira Mwari.” Naye wakahamba echiteketesa mudhorobha reshe kukura kweizvo zvaakaita Jesu kwaari., ⁴⁰ Naapo Jesu auyazve, mbungano yakamuashira ngokudakara, ngokuti veshe vaiya vakamugarira. ⁴¹ Naapo kwakauya munhu zina rake raizwi ndiJairosi, naye waiya mukuru wemhatso yokudira; naye echiwira patsoka dzaJesu wakamupota kuti auye kumhatso yake, ⁴² ngokuti waiya nemwanasikana umwe ega, waiya anemakore anoda kuita gumi namairi, naye waiya oodakufa. Naapo echienda, mbungano yakamutsikirira. ⁴³ Nedzimai raibuda ngazi makore gumi namairi, iro raiya rapedza zveshe zveraipona ndizvo ngeman'anga pasina waikona kumurapa. ⁴⁴ Iro rakauya ngesure kwaJesu, rakabata mupendero wechokufuka chake; paripo nhenda yaro yokubuda ngazi yakapora. ⁴⁵ NaJesu wakati, “Ndiani uwo wandibata?” Naapo veshe varamba, Petro naavo vaiya naye vakati, “Mambo, mbungano inokutsikirira nokukupfanyirira”. ⁴⁶ Asi Jesu wakati, “Uripo wandibata; ngokuti ndinozwa kuti simba rabuda kwendiri”. ⁴⁷ Naapo dzimai raona kuti arizi kufishika, rakauya rechihuta, rakawa pashi pamberi paJesu, rikaronza zveshe pamberi pevanhu veshe kuti ramubata ngendaa yenyi, nokuti raponeswa chiriporipo., ⁴⁸ Jesu wakati kweriri, “Mwanasikana, kugonda kwako kwakuponesa; enda ngokunyarara”. ⁴⁹ Achaereketa Jesu kwakauya umwe echibva kumhatso yomukuru wemhatso yokudira echiti, “Mwanasikana wako watofa; usachanesa Mudzidzisi”. ⁵⁰ Asi Jesu echizwa, wakapingura kwaari echiti, “Usatya. Kwega tenda, naye unozoponeswa”. ⁵¹ Naapo Jesu aguma kumhatso, aazi kutendera kuti munhu apotere naye, kwega Petro, Johani, Jakobe, nababa omusikana namai ake., ⁵² Navo veshe vaimuchema vechimutsumba; asi wakati, “Musachema; ngokuti aazi kufa, asi wakaata”. ⁵³ Navo vakamusheka, vechizia kuti watofa. ⁵⁴ Asi iye echimubata ngenyara wakadaidzira echiti, “Musikana, muka” ⁵⁵ Mweya wake wakauyazve, naye wakamuka chiriporipo. Iye wakapanga kuti apuwe chokudya. ⁵⁶ Vabereki vake vakashamiswa; asi wakavapanga kuti vasaronzera munhu ngeizvo zvaitwa.

¹ Jesu wakadaidza pamwepo gumi navairi, akavapa simba rokukurira madhimoni eshe nokurapa nhenda, ² Naye wakavatuma kuenda koochumaira umambo hwaMwari nokurapa vanorwara. ³ Wakati kwavari, “Musatora chiro parwendo rwenyu, haiwa ndonga, nokuti nyede, nokuti chingwa, nokuti mare; zve, musatora mabhachi mairi. ⁴ Kunyazwi ngeyani mhatso yomunozopotera, garaimwo metsa mubve muripo. ⁵ Naavo vasikazomuashiri, mwoobva mudhorobha iro, munozoguwa bukuta pashi petsoka dzenyu kuita chapupu chokuvaitira ndaa”. ⁶ Navo vakaenda, vakahamba mumaguta eshe, vechichumaira vhangeri nokuponesa vanhu kundau dzeshe. ⁷ Zvinopano Herodhi sadunhu, azia zveshe zvaiya zvaitika, wakatambudzika, ngokuti vamweni vakaronza kuti Johani wamuswa kubva kwevakafa, ⁸ vamweni vaiti Erija wakaoneka, nevamwenizve vaiti umwe wevaprofeti vekare wakamukazve. ⁹ Herodhi wakati, “Ndakagura soro raJohani; asi uyu ndiani, uwo wendinozwa ndiye zviro zvakadai?” Naye wakaedza kuti amuone Jesu. ¹⁰ Vapetuka vapostori vakamushumira zveshe izvo zvevakaita. Naye wakavatora, Jesu akaenda navo vari vega kudhorobha raizwi Bhethisaidha. ¹¹ Naapo mbungano yazvizia, yakamuteera. Naye wakavaashira ngokudakara, akaereketa kwavari ngoumambo hwaMwari, naye wakaponesa avo vaitama kuponeswa. ¹² Naapo zuva ratanga kubira, vanegumi navairi vakauya, vakati kwaari, “Wechiendesa mbungano, vaende mumaguta nomunharaunda inotendenedza, vaatemwo nokuona zvokudya; ngokuti tiri murubaya rusina vanhu. ¹³ Asi iye wakati kwavari, “Mwechivapa imwimwi zvokudya.” Vakati, “Atina zvimweni zvinopinda zvingwa zvishanu nehove mbiri, asi kuti tikaenda kootengera vanhu ava veshe kudya''. ¹⁴ Ngokuti vaida kuguma makumi emazana mashanu evamuna. Naye wakati kuvadzidzi vake, “Mwechivagarisa pashi ngezvikwata, chimwe chinoda kuita makumi mashanu”. ¹⁵ Navo vakaita kudaro, vakavagarisa pashi veshe. ¹⁶ Naye echitora zvingwa zvishanu nehove mbiri, wakaringira mudenga, akazvibonga, akazvigura, wakazvipa kuvadzidzi kuti vaise pamberi pembungano. ¹⁷ Navo vakadya, vakaguta veshe. Navo vakaunganidza matsekeneswa, vakazadza zvitundu gumi nazviiri. ¹⁸ Zvinopano kwakaitika kuti Jesu echikumbira ari ega, vadzidzi vake vaiya naye; naye wakavabvunza echiti, “Mbungano inoti inini ndirianani?” ¹⁹ Navo vechipingura vakati, “Johani Mubhabhatidzi; asi vamweni vanoti ndiErija; asi vamweni vanoti umwe wevaprofeti vekare wamukazve”. ²⁰ Naye wakati kwavari, “Imwimwi munoti inini ndirianani?” NaPetro echipingura wakati, “Iwewe ndiwe Kristu waMwari”. ²¹ Asi wakavaronzera nokuvapanga kuti vasazoronzera munhu naumwe ichi, ²² echiti, “Kunosisira kuti Mukororo woMunhu atambudzike ngezvakawanda, arambwe ngevakuru nevapristi vakuru nevanyori, aurawe, ngezuva rechitatu amuswe”. ²³ Kudai aripo munhu unoda kuuya sure kwangu, ngaadzirambe, atore muchinjiko wake zuva ngezuva anditeere. ²⁴ Ngokuti kunyazwi ndiani ungada kungwarira kurarama kwake, unozorashikirwa ndikwo; asi kunyazwi ndiani unozorasha kurarama kwake ngepamusoro pangu, ndiye unozokuponesa. ²⁵ Ngokuti unodetserwa ngenyi munhu kudai echizouyirwa ngenyika yeshe, asi arashikirwe ngokupona kwake? ²⁶ Ngokuti iye unozoita nyowa ndini nemazwi angu, Mukororo woMunhu unozoitawo nyowa ndiye, apo ouya muuthende hwake nehwaBaba nehwengirosi dzakachena. ²⁷ Asi ndinomuronzera ngegwinyiso, kuti varipo veavo vanoema panapa, avo vasikazorairi rufu metsa vaona umambo hwaMwari. ²⁸ Zvinopano kwaakuda kuita mazuva masere ngesure kweaya mazwi,Jesu wakatora naye Petro, Johani naJakobe, akakwira pamutunhu kookumbira. ²⁹ Echikumbira, kuoneka kwehope yake kwakatsandudzwa, nezvokusimira zvake zvakachena zvechin'anikira. ³⁰ Vanhu vairi vaiereketa naye, Mosi naErija,, ³¹ avo vakaoneka vari muuthende, vakaereketa ngendaa yokuenda kwake, ukwo kwaaizoita muJerusarema. ³² Petro naavo vairi vaiya naye vakabatwa ngehope, asi pevakamuka, vakaona ukuru wa Jesu nevanhu vairi avo vainga naye., ³³ Naapo vanhu avo vooparadzana na Jesu, Petro wakati kunaJesu, “Mambo, kwakanaka kwetiri kuti tigare panapa; ngatiake zvitumba zvitatu, chimwe chako nechimweni chaMosi nechimweni chaErija,” asikazii chaaiereketa. ³⁴ Naapo achaereketa izvi, gore rakauya, rikavatibikira; navo vakatya apo vambonywa ngegore. ³⁵ Neizwi rakabuda rechibva mugore rechiti, “Uyu ndiye Mukororo wangu, uwo wakatsanangurwa; mwechimupurutana. ³⁶ Naapo izwi rapinda, Jesu wakaoneka ari ega. Navo vakanyarara, avazi kuronzera munhu ngaawo mazuva ngechimwe cheizvo zvevakaona. ³⁷ Mangwani wachona, apo vadzaka kubva pamutunhu, mbungano huru yakashongana naye. ³⁸ Penya, munhu waibva mukati mwembungano wakadaidzira echiti, “Mudzidzisi, ndinokupota kuti uringire mukororo wangu, ngokuti ndiye ega mwana wangu. ³⁹ Penya, mweya unomubata, paripo ngokukasira unoboorera, nawo unomuhutisa kumuita kuti abudise mafuro, unoramba wechimukuadza kakurutu, aumurekeri. ⁴⁰ Neni ndapota vadzidzi vako kuti vaudzinge, asi vaukorera. ⁴¹ Jesu wakapingura, akati, “A mubarirwana usikatendi nounopauka, ndinozogara nemwi mukuwo wakaitawani ndechitsengerera? Unza panapa mwana wako''. ⁴² Naapo achauya, dhimoni rakamupwamhwatisa pashi, rikamuhutisa kakurutu. Asi Jesu wakakaraidza mweya wakashata, akaponesa murumbwana, akamupazve kunababa ake. ⁴³ Navo veshe vakashamiswa ngoukuru hwaMwari. Naapo veshe vachashamiswa ngezviro zveshe zvaakaita ndiJesu, wakati kuvadzidzi vake, ⁴⁴ “Mazwi aya ngaapinde munzee dzenyu; ngokuti Mwana woMunhu unozopirwa munyara dzevanhu”. ⁴⁵ Asi avazi kuzwisisa izwi iri, rakafishika kwavari kuti vasazorizia; navo vakatya kumubvunza ngeiri izwi. ⁴⁶ Kwakamuka hasha pakati povadzidzi kuti ndiani wavo unozoita mukuru. ⁴⁷ Asi apo Jesu aona kupinimidza kwomwoyo yavo, wakatora mwana mudoko, wakamugadzika parutii pake. ⁴⁸ Wakati kwavari, “Uwo unoashira mwana uyu mudoko ngezina rangu unondiashira inini, nouwo unondiashira inini unoashirawo uwo wakandituma; ngokuti uwo uri mudoko mukati mwenyu mweshe, ndiye mukuru''. ⁴⁹ NaJohani wakapingura, akati, “Mambo, takaona munhu echirasha madhimoni ngezina rako, nesu takamurambidza, ngokuti aazi kukuteera nesu”. ⁵⁰ Asi Jesu wakati kwaari, “Musazomurambidza; ngokuti usikaambani nemwi, unomurwira imwimwi''. ⁵¹ Naapo mazuva ookwedzera okuti aashirwe mudenga, wakaringira hope yake kuenda Jerusarema. ⁵² Naye wakatuma nhumwa pamberi pake, navo vakapotera muguta revaSamaria kuti vamunasirire. ⁵³ Asi avazi kumuashira, ngokuti hope yake yairingira kuenda Jerusarema. ⁵⁴ Naapo vadzidzi vake Jakobe naJohani vaona ichi, vakati, “Mambo, unoda here kuti tironze kuti muriro udzake kubva mudenga, uvapedze?” ⁵⁵ Asi Jesu wakakunukuka, akavadaira. ⁵⁶ Navo vakaenda kuguta rimweni. ⁵⁷ Vachahamba munjira, munhu umweni wakati kwaari, “Ndinozokuteera kunyazwi ngepari pounoenda''. ⁵⁸ NaJesu wakati kwaari, “Hava dzine mirindi neshiri dzomudenga dzine zvisaki, asi Mukororo woMunhu aana nopokutsamira soro rake''. ⁵⁹ Naye wakati kuneumweni, “Nditeere iwewe.” Asi iye wakati, “Mambo, tenda kuti ndiende kutanga ndimbotsira baba angu''. ⁶⁰ Asi wakati kwaari, “Siya vakafa kutsira vakafa vavo; asi iwewe enda uteketese umambo hwaMwari''. ⁶² Munhu umweni wakati, “Ndinozokuteera, Mambo; asi kutanga tenda kuti ndiende ndivhaise vemhatso yangu''. ⁶¹ Asi Jesu wakati kwaari, “Akuna munhu wakamboisa nyara yake kubata badza ren'ombe echiringira sure ungasisira umambo hwaMwari.

¹ Ngesure kweizvi Mambo wakaemesa vamweni makumi manomwe, naye wakavatuma vairi vairi pamberi pake kumadhorobha eshe nokundau dzeshe, apo paaida kuguma emene. ² Naye wakati kwavari, “Kukukura kwakakura, asi vashandi vashomani; ndizvo kumbirai kunaMambo wokukukura kuti atume vashandi mukukukura kwake. ³ Endai! Penya, ndinomutuma muri vakadai ngevana vemakwai mukati mwemathika. ⁴ Musatora chikwama nokuti nyede nokuti magwada. Musachingamidza munhu munjira. ⁵ Kunyazwi ngeiri mhatso yomunozopotera, kutanga mwechiti, ‘Kunyarara ngakua kuneiyi mhatso!. ⁶ Kuti aripo mukororo wokunyarara, kunyarara kwenyu kunozoa padera pake; asi kuti asipo, kunyarara kwenyu kunozohwirira kwomuri. ⁷ Garai mumhatsomwo, mwechidya nokumwa izvo zvevanozomupa. Ngokuti mushandi unosisira muthuso wake. Musazohamba-hamba mwechibva pamhatso imwe mwechienda pane imweni. ⁸ Kunyazwi ngomuri mudhorobha mwomunozopotera, navo vechimuashira, mwechidya izvo zvinoiswa pamberi penyu. ⁹ Mwechiponesa vanorwara varimwo, mwechironza kwavari kuti, ‘Umambo hwaMwari hwakwedzera kwomuri’. ¹⁰ Asi kunyazwi ngeriri dhorobha romunozopinda, navo vasikazomuashiri, budai muende mumapato aro mwechiti, ¹¹ ‘Eya, kunyazwi nebukuta redhorobha renyu, iro rinonamira kutsoka dzedu, tinorizuwira kwomuri; asi mwechizia ichi, kuti umambo hwaMwari hwakwedzera pasinde’. ¹² Ndinomuronzera, kunozopinda kurerukira Sodhoma ngeiro zuva kune iro dhorobha. ¹³ “Hezvo kwouri, Khorazini! Hezvo kwouri, Bhethisaidha! Ngokuti kudai mishando yesimba iyo yakaitwa kwomuri, yaiya yakaitwa muThire neSidhoni, vaizodai vakatenderuka karetu, vechigara mumarota vakasimira masaka. ¹⁴ Asi kunozopinda kurerukira Thire neSidhoni ngezuva rokutongwa kuneimwimwi. ¹⁵ Iwewe, Khapernaume, unozokuriswa mudenga here? Iwewe unozodzaswa pashi muHaidhesi. ¹⁶ Iye unomuzwa imwimwi unondizwa inini. Naye unomuramba imwimwi unondiramba inini. Nouwo unondiramba inini unoramba uwo wakandituma. ¹⁷ Makumi manomwe vakapetuka ngokudakara vechiti, “Mambo, nemadhimoni aitipfaira ngezina rako”. ¹⁸ Wakati kwavari, “Ndakamuona Sathani echiwa kubva mudenga, akadai ngemheni. ¹⁹ Penyai, ndakamupa simba rokutsika nyoka nezvinyaada, nepadera pesimba reshe regaa; akuna nechiro nachimwe chinozomuremadza. ²⁰ Zvakanyadaro musadakara ngeichi, kuti mweya inomupfaira; asi dakarai ngokuti mazina enyu akanyorwa mudenga”. ²¹ Ngeawa iro iye wakadakara muMweya Wakachena, akati, “Ndinokubonga Baba, Mambo womudenga nenyika, kuti wakazvifisha izvi kunevakangwara nevanozia ukazvionisa kunevana vadoko; eya Baba, ngokuti mwakazviona izvi zvakanaka mukuona kwenyu., ²² Zveshe zvakapuwa kwendiri ndiBaba angu; akuna naumwe unozia Mukororo kuti ndiani, kwega Baba, nokuti Baba kuti ndiani, kwega Mukororo nouwozve waanoda Mukororo kuti amuonise kwaari Baba.”, ²³ Naye wakakunukukira kuvadzidzi vake, ngokufishika akati, “Anomuchena madziso awo anoona zvomunoona imwimwi. ²⁴ Ngokuti ndinoti kwomuri vaprofeti vazhinji nemadzimambo vaiya nechidisiso chokuona zvomunoona, navo avazi kuzviona, zve, nokuzwa zvomunozwa, navo avazi kuzvizwa''. ²⁵ Penya, gweta rakamiruka rechimuedza, rikati, “Mudzidzisi, chiinyi chendinozoita kuti ndigare nhaka yokupona kusikaperi?”, ²⁶ Iye wakati kwaari, “Chiinyi chakanyorwa muMipango? Unodzidzenyi?'' ²⁷ Naro rechipingura rakati, “Unozomuda Mambo Mwari wako ngomwoyo wako weshe nomweya wako weshe nesimba rako reshe nokurangarira kwako kweshe; nomuakirwana wako kudai ngokudzida kwako''. ²⁸ Naye wakati kwaari, “Wanasa kupingura; ita kudaro, newe unozorarama''. ²⁹ Asi iro rechida kudzipembedza rakati kunaJesu, “Ndiani muakirwana wangu?” ³⁰ Jesu wakapingura, akati, “Munhu waidzaka echibva Jerusarema kuenda Jerikho, naye wakashongana namadzongoni awo akamukhumura zvokufuka zvake, akamurova, akaenda, echimusiya ooda kufa. ³¹ Zvinopano mupristi wakatikuti waidzaka ngeiyo njira; naapo echimuona wakapwashira ngokurutii rumweni. ³² Ngokudarozve muRevhi, naapo aguma echimuona, wakapwashira ngokurutii rumweni. ³³ Asi muSamaria, echihamba rwendo, wakagumapo paaiya; naapo amuona, wakamuzwira urombo, ³⁴ wakauya kwaari, akapomba maronda ake, echidurura mafuta nevhini. Naye wakamugadzika pachifuyo chake, akamuunza kumhatso yevaeni, akamungwarira. ³⁵ Nechimangwani wakabudisa zvigurwa zvesirivha zviiri, wakazvipa kunemuna wemhatso, akati, ‘Wechimungwarira; neicho chounozotutsira kubhadhara, inini apo ndouyazve ndinozokuripira. ³⁶ Ngouri kwavari vatatu, mukupinimidza kwako, wakaita muakirwana kwaari uwo wakawira pakati pemadzongoni? ³⁷ Naro rakati, “Uwo wakamuitira nyasha.” NaJesu wakati kwaari, “Enda, uite kudaro newe''. ³⁸ Zvinopano vachahamba murwendo rwavo, vakaguma muguta, nomudzimai unozwi Maritha wakamuashira mumhatso mwake. ³⁹ Naye waiya nemunun'una waizwi Maria, iye wakagara patsoka dzaMambo, echipurutana kudzidzisa kwake. ⁴⁰ Asi Maritha wakaneseka ngemishando yakawanda; naye wakauya kwaari, akati, “Mambo, amunawo ndaa ndizvo here kuti munun'una wangu wandisiya ndechishanda ndega? Ndizvo muronzerei kuti andidetsere''. ⁴¹ Asi Mambo wakapingura, akati kwaari, “Maritha, Maritha, unodembatemba nokuneseka ngezviro zvakawanda, ⁴² asi chiro chimwe chinodikanwa. Maria watsanangura rupande rwakanaka, rusikazoduswi kubva kwaar''.

¹ Jesu waikumbira pandau imweni, naapo apedza, umwe wevadzidzi vake wakati kwaari, “Mambo, tidzidzisei kukumbira, kudai ndiJohani wakadzidzisa vadzidzi vake''. ² Jesu wakati kwavari, “Naapo mwookumbira, muti: Baba, ngariremeredzwe zina renyu. Umambo hwenyu ngahuuye. ³ Tipei zuva ngezuva kudya kwedu. ⁴ Tirekererei zvishaishi zvedu, ngokuti isusuwo tinorekerera veshe avo vanendaa kwetiri. Musatipinza mukuedzwa''. ⁵ Jesu wakati kwavari, “Ndiani kwomuri uneshamwari, ungati aenda kweiri pakati pousiku echiti kwaari, ‘Shamwari, ndikweretisewo zvingwa zvitatu, ⁶ ngokuti shamwari yangu yaguma kwendiri yechibva parwendo rwayo, neni andina chokuipa chokudya; ⁷ Naye ungapingura arimukati echiti, ‘Usandinesa; musiwo wakonywa zvinopano, nevana vangu vaata neni mumubhedhi; andikoni kumuka kuti ndikupe''. ⁸ Ndinoti kwomuri, kunyazwi asikazomuki amupe ngokuti ishamwari yake, asi ngendaa yokuangirira kwake unozomuka, amupe zveshe zvaanoda. ⁹ Neni ndinomuronzera kuti, kumbirai, kunozopuwa kwomuri; tsvakai, munozoona; dododzai, munozobeurirwa. ¹⁰ Ngokuti munhu weshe unokumbira unozoashira, nouwo unotsvaka unozoona, nouwo unodododza unozobeurirwa. ¹¹ Ndiani baba pakati penyu, apo mukororo wake echikumbira hove, unozomupa nyoka here? ¹² Nokuti kudai echikumbira zanda, unozomupa chinyaada here? ¹³ Ndizvo kudai imwimwi mutori vakashata mwechizia kupa vana venyu zvipo zvakanaka, Baba enyu ari mudenga vanozopinda kwakaitawani kupa Mweya Wakachena kunevanokumbira kwaari? ¹⁴ Zvinopano Jesu waibudisa dhimoni raiya chimumu; naapo dhimoni rabuda, chimbungumbungu chakaereketa, nevanhu vazhinji vakashamiswa. ¹⁵ Asi vamweni vavo vakati, “Iye unobudisa madhimoni ndiBheerizebhuri, muzvare wemadhimoni''. ¹⁶ Naapo vamweni vechimuedza vakatsvaka kwaari chioniso chinobva mudenga. ¹⁷ Asi Jesu echizia mikarakadzo yavo, wakati kwavari, “Umambo hweshe hunodzipaura mukati mwahwo, hunoparara, nemhatso inodzipaura inowa pashi. ¹⁸ Nokudai Sathani echidzimukira ngokwake, umambo hwake hungaita maemerenyi? Ngokuti munoti inini ndinobudisa madhimoni ndiBheerizebhuri. ¹⁹ Kuti inini ndechibudisa madhimoni ndiBheerizebhuri, vakororo venyu vanoabudisa ndiani? Ndizvo ivo vanozoita vatongi venyu. ²⁰ Asi kuti inini ndechiabudisa madhimoni ngechinwe chaMwari, ngokudaro umambo hwaMwari hwauya kwomuri. ²¹ Naapo uwo unesimba, anezvokurwa ndizvo, unongwarira mhatso yake, nenhumbi dzake dzinozongwaririka, ²² Asi kuti umweni unomupinda ngesimba akauya padera pake, amunyise, unozobvuka kubva kwaari zvokurwa ndizvo zvake, izvo zvaaigonda ndizvo, unokoanisira zvakachakatwa zvake. ²³ Iye usipo neni unorwa neni, nouwo usikaunganidzi neni unotatanisa. ²⁴ Naapo mweya unetsvina wabuda kumunhu, unohamba ndau dzisina mvura wechitsvaka kuzorora; usikakuoni unoti, ‘Ndohwirira kumhatso yangu apo pendakabva. ²⁵ Naapo wauyazve, unoiona yakatsvairwa nokurongedzwa. ²⁶ Naapo unoenda worowotorazve mweya imweni minomwe iyo inopinda kushata kuneuwo wokutanga, nayo inopoteremwo nokugara umwo; nokupedzisira kwechiemo chake munhuwo chinozoshata kupinda chiemo chokutanga''. ²⁷ Naapo achaereketa izvi, dzimai raiya pakati pembungano rakadaidzira, rikati kwaari, “Inomuchena iyo ndani yakakubereka nemazamo awo ewakaamwa!'' ²⁸ Asi iye wakati, “Eya, kakurutu vanomuchena avo vanorizwa izwi raMwari vechiringwarira''. ²⁹ Naapo mbungano yechiangira kuungana pamwepo, wakatanga kuti, “Uyu mubarirwana, mubarirwana wakashata; unotsvaka chioniso, asi akuna chioniso chinozopuwa kwouri, asi chioniso chaJona. ³⁰ Ngokuti kudai ndiJona wakaita chioniso kuvanhu veNinevhe, ngokudarozve Mukororo woMunhu unozoita chioniso kuneuyu mubarirwana. ³¹ Mambo womukadzi wenyika yokubani unozomiruka pamwepo nevanhu vomubarirwana uyu ngezuva rokutongwa, naye unozovaparisa ndaa; ngokuti iye wakabva kumagumo enyika, kuenda koozwa kungwara kwaSoromoni. Penyai, mukuru kunaSoromoni uri panapa. ³² Vanhu veNinevhe vanozoema ngezuva rokutongwa pamwepo nouyu mubarirwana, navo vanozouparisa ndaa; ngokuti ivo vakatenderuka ngokuchumaira kwaJona. Penyai, mukuru kunaJona uri panapa. ³³ “Akuna munhu unobasira chibani echichiisa pandau yakafishika nokuti pashi pechitundu, asi pachigadzikiro pacho, kuti avo vanopotera vaone kujeka. ³⁴ Chibani chomuiri idziso rako. Apo dziso rako rakanaka, muiri wako weshe unozara ngokujeka; asi kuti rakashata, muiri wako uri muchidima. ³⁵ Ndizvo ngwara kuti kujeka ukwo kuri mukati mwako kusaita chidima. ³⁶ Ndizvo kudai muiri wako weshe wakazara ngokujeka, pasina rupande runechidima, muiri weshe unozozara yaamho ngokujeka, kudai ngechibani chechinasa kujeka, chinozokujekisa yaamho. ³⁷ Naapo achaereketa, muFarisi wakamukoka kuti arye naye; naye wakapotera, Jesu akagara patafura. ³⁸ MuFarisi aona wakashamiswa kuti iye aazi kushamba asati adya. ³⁹ NaMambo wakati kwaari, “Zvinopano imwimwi vaFarisi munosuka kubanze kwetsani nokwendiro, asi mukati mwenyu mwakazara ngokukara nokushata. ⁴⁰ Imwimwi mapenzi! Iye wakaita zvokubanze, aazi kuitazve zvomukati here? ⁴¹ Asi ipai zviri mukati kuita zvipo kuvarombo; penyai, zveshe zvinochena kwomuri. ⁴² Asi hezvo kwomuri imwimwi vaFarisi! Ngokuti munopa chegumi chemindi nerue nemiriwo yeshe, asi munorekeredza kutonga kwakwo norudo rwaMwari; asi kwaisisira kuti muite izvi, musikarekeri zvimweni. ⁴³ Hezvo kwomuri imwimwi vaFarisi! Ngokuti munoda zvigaro zvepamberi mumhatso dzokudira nokuchingamidzwa pandau dzemisika. ⁴⁴ Hezvo kwomuri! Ngokuti mwakadai ngemaiba asikaoneki, nevanhu vanohamba padera pawo vasikazii. ⁴⁵ Umwe wemagweta wakapingura echiti kwaari, “Mudzidzisi, mwechiereketa kudai, munotitukawo nesu''. ⁴⁶ Jesu wakati, “Hezvo kwomuri nemwi magweta! Ngokuti munotwikisa vanhu mitwaro inodzimbira kuitwara, nemwi mwemene musikaigwami ngechimwe chezvinwe zvenyu. ⁴⁷ Hezvo kwomuri! Ngokuti munoaka maiba evaprofeti, avo vakaurawa ngemadzibaba enyu. ⁴⁸ Ndizvo muri zvapupu nevanotenderana nemishando yemadzibaba enyu; ngokuti ivo vakavauraya, nemwi munoaka maiba avo. ⁴⁹ Ndizvozve ungwaru hwaMwari hwakati, ‘Ndinozotuma kwavari vaprofeti nevapostori, nevamweni vavo vanozovauraya nevamweni vavo vanozovatambudza''. ⁵⁰ kuti ngazi yevaprofeti veshe yakaparadzwa kubvira pakusikwa kwenyika ibvunzisiswe kuneuyu mubarirwana, ⁵¹ kubvira kungazi yaAbhera metsa kuguma kungazi yaZekharia, uwo wakafa pakati pearita neTemperi. Eya ndinoti kwomuri, inozobvunzisiswa kuneuyu mubarirwana. ⁵² Hezvo kwomuri magweta! Ngokuti imwimwi mwakadusa kii rokuzia; amuzi kupotera imwimwi mwemene, naavo vaipotera mwakavarambidza''. ⁵³ Naapo echibva apo, vanyori nevaFarisi vakatanga kumuangiridza kakurutu nokumunyangadza kuti aerekete zviro zvakawanda, ⁵⁴ vechimuteya kuti vamubate ngechiro chinobva pamuromo wake.

¹ Ngouwo mukuwo, naapo vanhu vasikaerengeki vaungana pamwepo vaitsikirirana, wakatanga kuereketa kunevadzidzi vake kuti, “Ngwarai mumera wevaFarisi, uwo uri kudziitisa. ² Ngokuti akuna chiro chakadumaidzwa chisikazoonekwi, nokuti chakafishika chisikazoziikanwi. ³ Ndizvo icho chemwakaereketa muchidima chinozozwika mukujeka, neicho chemwakapangirana munzee mukati mwemakamera akafishika, chinozoteketeswa padera pechachungu chemhatso. ⁴ Ndinomuronzera, shamwari dzangu, musatya avo vanouraya muiri, ngesure kweizvo vasina chevangaita. ⁵ Asi ndinomunyowedza ngouwo womunosisira kutya; mwechimutya uwo ngesure kwokuuraya, unesimba rokurasha mugehena, eya, ndinomuronzera mutyenyi uwo. ⁶ Zviwanzaburi zvishanu azvitengeswi ngemasendi mairi here? Nechimwe chazvo achizoriyarikanwi pamberi paMwari. ⁷ Asi nebvudzi resoro renyu rakaerengwa reshe. Musatya; imwimwi munopinda kudikanwa kunezviwanzaburi zvizhinji. ⁸ Neni ndinomuronzera, kunyazwi ndiani unonditenda pamberi pevanhu, Mswana woMunhu unozomutendawo pamberi pengirosi dzaMwari; ⁹ asi iye unondiramba pamberi pevanhu, ndinozomurambawo pamberi pengirosi dzaMwari. ¹⁰ Nomunhu weshe unoereketa izwi rakashata ngeMwana woMunhu, kunozorekererwa kwaari; asi uwo unotuka Mweya Wakachena akuzorekererwi kwaari. ¹¹ Naapo voomuunza mumhatso dzokudira nepamberi pevatongi nepamberi pevanesimba, musazodembatemba ngenjira yomunozopingura ndiyo nokuti munozopingura ngemazwi akadini nokuti munozoereketenyi, ¹² ngokuti Mweya Wakachena unozomudzidzisa ngeiro awa icho chinosisira kuti muerekete. ¹³ Umwe wembungano wakati kwaari, “Mudzidzisi, wechironzera mukoma wangu kuti tikoane nhaka.'' ¹⁴ Jesu wakati kwaari, “Munhuwe, ndiani wandiemesa kuti ndiite mutongi nokuti mukoanisiri padera penyu?'' ¹⁵ Naye wakati kwavari, “Ngwarai, mwechidzitarausa kubva mukuemura kweshe; ngokuti kurarama kwomunhu akubvi mukuwanda kwoupfumi hwaanahwo.'' ¹⁶ Jesu wakavaronzera muedzaniso akati, “Munda wegurudza wakabereka zvakawanda ¹⁷ naro rakakarakadza mukati mwaro rechiti, ‘Ndinozoitenyi, ngokuti andina ndau yokuisa zviyo zvangu?’. ¹⁸ Naro rakati, ‘Ndinozodai; ndoputsira pashi matura angu, ndiake anopinda kukura, naapo ndinozoisa zviyo zvangu zveshe nezviro zvangu. ¹⁹ Neni ndinozoti kumweya wangu, ‘Une zviro zvakawanda zvakaunganidzirwa kukwanisa makore mazhinji, chigarisika, wechidya, wechimwa, wechidakara. ²⁰ Asi Mwari wakati kwaari, ‘Iwewe benzi! Ngouyu usiku mweya wako unozodaidzwa kubva kwouri. Neizvo zvewakadzingwaririra zvinozoita zvaani?’. ²¹ “Ndizvo zvakaita uwo unodziunganidzira upfumi, asi asiri mupfumi pamberi paMwari''. ²² Jesu Wakati kunevadzidzi vake, “Ngeiyi ndaa ndinoti kwomuri, musadembatemba ngendaa yokurarama kwenyu, kuti munozodyenyi, nokuti ngendaa yomuiri wenyu, kuti munozofukenyi. ²³ Ngokuti kupona kunopinda kudya, nomuiri unopinda zvokufuka. ²⁴ Mwechipinimidza ngemakungu, kuti aakushi nokuti kuunganidza, aana tsapi nokuti matura, asi Mwari unoaburira. Imwimwi munopinda kwakaitawani kudikanwa kuneshiri!, ²⁵ Ndiani kwomuri ngokudembatemba ungatutsira zuva rimwe rokupona kwake? ²⁶ Ndizvo kudai imwimwi musina simba rokuita icho chidodoko, munodembatemba ngenyi ngezvimweni? ²⁷ Pinimidzai ngemaruva, kukura kwaanoita; aashandi, zve, aaruki; asi inini ndinoti kwomuri, naSoromoni muuthende hwake hweshe aazi kumbopfekeswa kudai ngerimwe rawo. ²⁸ Asi kudai Mwari echipfekesa kudaro mwenje worubaya, uwo uripo nyamashi namangwani unokandirwa muchoto, iye unozopinda kwakaitawani kumupfekesa, imwimwi munokutenda kudoodoko! ²⁹ Musatsvaka zvokudya nezvokumwa nokuti musanyunyuta., ³⁰ Ngokuti madzinza eshe enyika anozvitsvaka izvi zveshe, asi Baba enyu vanozia kuti munozvitama izvi zviro. ³¹ Asi tsvakai umambo hwake, neizvi zvinozotutsirwa kwomuri. ³² “Musatya, imwimwi chikwata chidoko, ngokuti chiri chidisiso chaBaba enyu kuti vamupe umambo. ³³ Tengesai zvomunazvo, mukovere varombo; mudziitire zvikwama zvisikatsakari, noupfumi mudenga husikaperi, apo mbavha peisikakwedzeri nokuti unundu pousikaparadzi. ³⁴ Ngokuti apo pouri upfumi hwenyu, apo ndipo panemwoyo wenyu. ³⁵ Zviunu zvenyu ngazvisungiswe nezvibani zvenyu ngazvijeke; ³⁶ nemwi muite kudai ngevanhu vanorindira mambo wavo apo oobva kudhiri romuchadho, kuti apo oouya nokudododza, vamubeurire paripo. ³⁷ Vanomuchena avo varanda apo mambo oouya unozovaona vechirinda; ngegwinyiso ndinoti kwomuri, unozodzisimidza nokuita kuti vagare pashi panekudya, naye unozouya nokuvashandira. ³⁸ Kudai baba echizouya ngomurindo wechipiri nokuti wechitatu, andovaona vakadaro, vanomuchena avo varanda. ³⁹ Asi mwechizia ichi, kuti kudai munewemhatso aiya azia awa iro raiuya ndiro mbavha, waizorinda asikatendi kuti mhatso yake ipwanyiwe. ⁴⁰ Ndizvo imwimwi itai vakanasirirwa, ngokuti Mwana woMunhu unouya ngeawa romusikapinimidzi''. ⁴¹ Petro wakati, “Mambo, unoereketa muedzaniso uyu kwetiri here nokuti kwavari veshe?” ⁴² Mambo wakati, “Ndiani muranda unogondeka newakangwara, uwo mambo wake unozomuemesa padera pemhatso yake, kuti avape kudya kwavo ngomukuwo wakwo? ⁴³ Unomuchena uwo muranda apo mambo wake oouya unozomuona echiita kudaro. ⁴⁴ Ngegwinyiso ndinoti kwomuri, unozomuemesa padera pezviro zveshe zvaanazvo. ⁴⁵ Asi kudai uwo muranda echizoti mumwoyo mwake, ‘Mambo wangu unononoka kuuya,’ orootanga kurova varanda vevamuna nevarandakadzi, adye nokumwa nokuradza, ⁴⁶ mambo womuranda uwo unozouya ngezuva raasikamukariri neawa raasikazii, naye unozomugura kuita zvigurwa zviiri, amuemesere chikoaniswa chake pamwepo nevasikatendi. ⁴⁷ Nouwo muranda waizia chiri kuda kwamambo wake, asi aazi kunasirira nokuti kuita kudai ngokuda kwake, unozoshwapurwa ngemishwapu mizhinji. ⁴⁸ Asi uwo usikazi kuzia, akaita izvo zvinosisira kuti ashwapurwe, unozoshwapurwa ngemishwapu mishomani. Nokwaari uwo wakapuwa zvakawanda, kunozobvunzwa zvakawanda. Nokwaari uwo wevakapa zvakawanda, vanhu vanozobvunza zvakapinda kuwanda. ⁴⁹ “Ndakauya kukandira mwoto padera penyika; neni ndinozodenyi kuti mwoto watobaka nazvinopano. ⁵⁰ Asi ndinorubhabhatidzo rwokubhabhatidzwa ndirwo; ndinokumanikidzwa metsa rwaitika. ⁵¹ Munopinimidza here kuti ndakauya kupa kunyarara munyika? Ndinomuronzera kuti haiwa, asi kuparadzana! ⁵² Ngokuti kubvira zvinopano vanozoapo vashanu mumhatso imweyo vakaparadzana, vatatu vakapesana nevairi, nevairi vakapesana nevatatu; ⁵³ “Baba vanozopesana nomukororo, nomukororo unozopesana nababa, namai vanozopesana nemwanasikana, nemwanasikana unozopesana namai, namazvarira vanozopesana nomuzakazi wake, nemuzakazi unozopesana namazvarira ake''. ⁵⁴ Jesu wakatizve kumbungano, “Apo mwoona gore rechimirukira mudenga ngokumabirirazuva, paripo munoti, ‘Kunoda kunaya,’ nakwo kunonaya., ⁵⁵ Naapo mwoona dutu rechivhuvhuta kubva ngokubani, munoti, ‘Kunozopisha,’ nakwo kunopisha. ⁵⁶ Imwimwi vadziitisi! Munokona kududzira hope yenyika neyomudenga; asi ngenyi musikazii njira yokududzira ndiyo nguva iyi? ⁵⁷ “Amukoni ngenyi ngokwenyu kuparadzanisa icho chakanaka? ⁵⁸ Naapo wechienda negaa rako pamberi pamambo, ita kuti utenderane naro uchimunjira, kuti asazokukweya akuunze pamberi pomutongi, uwo unozokupira kumuphurisa nomuphurisa unozokuisa mutirongo. ⁵⁹ Ndinoti kwouri, autongozobudimwo usati waripa nesendi rokupedzisira.

¹ Vaiyapo ngouwo mukuwo vamweni vakaronzera Jesu ngevaGarire, avo vaiya vakumanidzirwa ngazi yavo nemidiro yavo ndiPiratu. ² Naye Jesu wakapingura, akati kwavari, “Munopinimidza here kuti avo vaGarire vaiya vashaishi kupinda vamweni veshe vaGarire, ngokuti ivo vakaanenhamo yakadaro? ³ Ndinomuronzera, kuti haiwa; asi ngepabanze pokuti mwatenderuka imwimwi, munozoperawo mweshe ngokudaro. ⁴ Nokuti avo varigumi navasere avo vakawirwa padera pavo ngorusvingo rwaiya muSiroamu, rukavauraya, munopinimidza here kuti vaiya vanendaa kupinda vanhu veshe vanogara muJerusarema? ⁵ Ndinomuronzera, kuti haiwa; asi ngepabanze pokuti mwatenderuka imwimwi, munozopera mweshe ngokudaro. ⁶ Jesu wakavaronzera uyu muedzaniso, “Munhu waiya nomuonde wakasimwa mumunda wake wemivhini; naye wakauya echitsvaka michero kwouri, asi aazi kuona chiro. ⁷ Wakati kumurimi wemivhini, ‘Ringira, makore aya matatu ndakauya ndechitsvaka michero kuneuyu muonde, ndisikaioni. Chiutemera pashi; unopedzerenyi kudya mumunda?. ⁸ Nouwo wakapingura, akati kwaari, ‘Mambo, chimborekerai nyamwakazve ndipande pashi pawo kuutendenedza, ndiise mwarira. ⁹ Kudai wechizobereka michero ngesure kweizvi, zvakanaka; asi kudai usikazobereki, unozoutemera pashi!''. ¹⁰ NayeJesu waidzidzisa muneimwe yemhatso dzokudira ngeSabatha. ¹¹ Penya mudzimai waiya nomweya waimurwarisa makore gumi namasere, waiya nenunda, asikakoni napadoodoko kudzitwasura. ¹² Naapo Jesu amuona, wakamudaidza, akati kwaari, “Mudzimai, wasunhurwa kubva kunhenda yako''. ¹³ Naye wakaisa nyara dzake padera pake, paripo iye wakatwasurwa, akakudza Mwari. ¹⁴ Asi mukuru wemhatso yokudira, wakashishwa ngokuti Jesu waiya amuponesa ngezuva reSabatha, wakati kunembungano, “Aripo mazuva matanhatu awo anosisira kuti vanhu vashande ndiwo, ndizvo ngaawo mazuva mwechiuya muponeswe, haiwa ngezuva reSabatha''. ¹⁵ Asi Mambo wakamupingura akati, “Imwimwi vadziitisi! Umwe ngaumwe wenyu aasunhuri here ngezuva reSabatha n'ombe yake nokuti mbongoro yake kubva muchibaya, kuitinha kuenda nayo kumvura? ¹⁶ Akusisiri here kuti uyu mudzimai, mukunda waAbrahama uwo waakasunga Sathani, ringirai, makore aya gumi namasere, asunhurwe kubva mukusungwa uku ngezuva reSabatha?''. ¹⁷ Naapo aiya aereketa izvi, magaa ake akatsverudzwa; mbungano yeshe yakadakara ngendaa yeizvo zveshe zvakanaka yaamho zvakaitwa ndiye. ¹⁸ Ndizvo Jesu wakati, “Umambo hwaMwari hwakadai ngenyi, ndohuedzanisa nenyi? ¹⁹ Hwakadai ngetsangu yomustadhi iyo yaakatora munhu, akaisima mumunda mwake, nayo yakamera, yakaita muti neshiri dzomudenga dzakaaka zvisaki mumatai awo''. ²⁰ Wakatizve, “Ndohuedzanisa nenyi umambo hwaMwari? ²¹ Hwakadai ngomumera uwo waakatora mudzimai, akaufisha mukati mwemitani mitatu yeufu, metsa hwafemeswa hweshe. ²² Jesu wakahamba ngomumadhorobha nomumaguta echidzidzisa, echienda Jerusarema. ²³ Noumweni wakati kwaari, “Mambo, vashomani here vanozoponeswa?''. Jesu wakati kwavari: ²⁴ Shingirirai kupinda ngepamusiwo wakamanikana, ngokuti ndinoti kwomuri vazhinji vanozotsvaka kupinda, navo avazokoni. ²⁵ Naapo amiruka munewemhatso nokukonya musiwo, nemwi mwotanga kuema kubanze nokudododza pamusiwo mwechiti, ‘Mambo, tibeurire.’ Naye unozopingura echiti kwomuri, ‘Andimuzii kuti munobva pari’, ²⁶ Naapo munozotanga kuti, ‘Takadya nokumwa mukuona kwako, newe wakadzidzisa mumapato edu’. ²⁷ Asi unozoti, ‘Ndinomuronzera, andimuzii kuti munobva pari; ibvai kwendiri, imwimwi mweshe vashandi vezvakashata!’. ²⁸ Apo kunozoiteyo kuboorera nokukwetsana kwemazino, naapo mwozoona Abrahama, Isaka naJakobe nevaprofeti veshe muumambo hwaMwari, nemwi mwemene mwarashwa kubanze. ²⁹ Vanozobva kumabvazuva nokumabirirazuva, dera nokubani, navo vanozogara patafura muumambo hwaMwari. ³⁰ Penyai, varipo vamweni vesure vanozoita vepamberi, varipo vamweni vepamberi vanozoita vesure. ³¹ Ngeawa iro vakauya vamweni vevaFarisi vechiti kwaari, “Buda uende kubva panapa, ngokuti Herodhi unoda kukuuraya''. ³² Jesu wakati kwavari, “Endai mwechiti kuneiyo hava, ‘Penya, ndinodzinga madhimoni ndechiponesa nyamashi namangwani, ngezuva rechitatu ndizopedza mushando wangu. ³³ Asi kunodikanwa kuti ndihambe njira yangu nyamashi namangwani nezuva rinoteera; ngokuti azvingaitiki kuti muprofeti afire kubanze kweJerusarema. ³⁴ A Jerusarema, Jerusarema, iwewe unouraya vaprofeti wechivaponda ngemapuwe avo vanotumwa kwouri! Kanganai kendaida kuunganidza vana vako pamwepo kudai ngemhambo inounganidza zvitiyo zvayo pashi pemaphaphiro ayo, nemwi amuzi kutenda. ³⁵ Penyai, mhatso yenyu yasiiwa kuita dongo. Neni ndinoti kwomuri, amuchazondioni metsa munozoti, ‘Unomuchena uwo unouya ngezina raMambo''.

¹ Ngezuva reSabatha rimweni Jesu wakapotera mumhatso yomutongi uwo waiya umwe wevaFarisi, koodya, vaimuringisisa. ² Penya, kwaiyapo pamberi pake munhu waiya nenhenda yechizvimbo. ³ NaJesu wakavunzisa kunemagweta nevaFarisi echiti, “Kunotenderwa here kuponesa ngezuva reSabatha nokuti akutenderwi?” ⁴ Asi ivo vakanyarara. Jesu wakamutora, akamuponesa, akamurekera kuti aende. ⁵ Naye wakati kwavari, “Ndiani kwomuri, unemwana nokuti kabi yake yawa muhunza, usikazoibudisi ngokukasira ngezuva reSabatha?” ⁶ Navo avazi kukona kumupingura ngendaa iyi. ⁷ , Naapo Jesu aona kuti vakakokwa pamutambo vatchatsanangura zvigaro zvepamberi, wakapa mufananidzo kwavari eiti. ⁸ “Naapo wakokwa kudhiri romuchadho, usazogara pashi pandau yepamberi, ngokuti pamweni munhu mukuru kupinda iwewe wakokwawo ndiye. ⁹ nouwo wakakukoka iwewe naye unozouya echiti kwouri, ‘Taraukira uyu agare panapa,’ naapo unozotanga kutsveruka ngekoogara ndau yesure. ¹⁰ Asi apo wakokwa, enda ugare pandau yesure, naapo uwo wakakukoka ouya, ungazoti kwouri, ‘Shamwari, enda pandau yepamberi;’ naapo unozokuriswa mukuona kwavo veshe vanogara newe pakudya. ¹¹ Ngokuti iye unodzikurisa unozopfaiswa, nouwo unodzipfaisa unozokuriswa”. ¹² Jesu wakati kuneuwozve wakamukoka, “Apo wonasira kudya kwemasikati nokuti kwemadeekoni, usazodaidza shamwari dzako nokuti vakoma vako nokuti hama dzako nokuti makurudza ari vaakirwana vako, kuti pamweni vanozokukokawo, nakwo kuite kuhwirinzirwa kwouri. ¹³ Asi apo woonasira kudya iwewe, koka varombo, vakakuwara nezvirema nemapofu, ¹⁴ newe unozofumiswa, ngokuti avo avana chokuhwirinzira kwouri. Ngokuti iwewe unozohwirinzirwa mukumuka kwevakarurama''. ¹⁵ Naapo umwe weavo vaigara naJesu patafura pakudya azwa izvi, wakati kwaari, “Unomuchena uwo unozodya chingwa muumambo hwaMwari!''. ¹⁶ Jesu wakati kwaari, “Munhu wakanasira kudya kwemadeekoni kwakawanda, wakakoka vazhinji; ¹⁷ naye wakatuma varanda vake ngomukuwo wokudya kwemadeekoni kooronza kwavari vakakokwa kuti, ‘Chiuyai; ngokuti zviro zveshe zvanasirwa zvino’. ¹⁸ Asi veshe vakatanga kutendamurandu ngomwoyo umwe. Uwo wokutanga wakati kwaari, ‘Ndakatenga munda, nakwo kunosisira kuti ndiende ndiuone; ndapota ngandirekererwe’. ¹⁹ Noumweni wakati, ‘Ndakatenga kabi dzemajoka mashanu, neni ndinoendayo koodziedza. Ndapota ngandirekererwe’. ²⁰ Noumweni wakati, ‘Ndakaroora mukadzi, ndizvo andingakoni kuuyayo’, ²¹ Nomuranda uwo wakauya akaziisa mambo wake izvi. Naapo mune wemhatso wakatseneka, akati kumuranda wake, ‘Enda ngokukasira mumapato nomunjira dzomudhorobha, uvaunze panapa varombo nevakakuwara nemapofu nezvirema’. ²² Nomuranda wakati, ‘Mambo, icho chewapanga chaitwa, asi ndau ichirimwo’. ²³ Namambo wakati kuno muranda wake, ‘Buda uende munjira nomumarushosha, uite kuti vapotere, kuti mhatso yangu izare. ²⁴ Ngokuti ndinomuronzera kuti, apana munhu naumwe weavo vakakokwa unozoraira kudya kwangu kwemadeekoni. ²⁵ Zvinopano yaihamba naye mbungano hurutu. Jesu wakapetuka, akati kwavari, ²⁶ “Kudai aripo munhu unoda kuuya sure kwangu, asikanyenyi baba ake namai ake, mukadzi wake, vana vake, vakoma vake, hanzvadzi, eya, nokurarama kwakezve, aangakoni kuita mudzidzi wangu. ²⁷ Iye usikatwari muchinjiko wake nokuuya sure kwangu, aangakoni kuita mudzidzi wangu. ²⁸ Ngokuti ndiani kwomuri echida kuaka rusvingo, asikatangi kugara pashi aerenge mare yarwo, kuti unayo here yokurupedza?, ²⁹ Kuti pamweni apedza kuisa madzeyo, asikakoni kurupedza, avo veshe vanoruona vatange kumuitire jee, eiti ³⁰ Uyu munhu wakatanga kuaka, asikazi kukona kurupedza''. ³¹ Nokuti ndiani mambo, uwo echienda kooshongana namambo umweni mukurwa, asikatangi kugara pashi apangane kuti dani unesimba here ane vanhu makumi emazana gumi kushongana nouwo unouya kurwa naye anemakumi emazana makumi mairi evanhu? ³² Nokuti umweni achikuretu yaamho, atume nhumwa kubvunza chaanoda chokuti vaiyane. ³³ Ndizvo kunyazwi ndiani kwomuri usikasii zveshe zvaanazvo, aangakoni kuita mudzidzi wangu. ³⁴ “Munyu wakanaka, asi kuti munyu warasha kunaka kwawo, ucharungwa ngenyi? ³⁵ Auchadetseri chiro kuuisa mumunda nokuti kuita mwarira; vanhu vanourasha kubanze. Uwo unenzee dzokuzwa, ngaazwe''.

¹ Zvinopano vabhadarisi vemuthero nevashaishi veshe vaikwedzera kwaari Jesu kumuzwa, ² VaFarisi nevanyori vakavhuruvhuta vechiti, “Munhu uyu unoashira vashaishi nokudya navo”. ³ Jesu wakavaronzera uyu muedzaniso echiti, ⁴ “Ndiani munhu kwomuri, kudai anezana remakwai, nerimwe rawo rarashika, aasii here makumi mapfumbamwe nemapfumbamwe mushango, aende kootsvaka iro rakarashika, metsa ariona? ⁵ Naapo ariona, unoripakata pamapfudzi ake ngokudakara. ⁶ Naapo aguma kanyi, unodaidza pamwepo shamwari dzake nevaakirwana vake echiti kwavari, ‘Dakarai neni, ngokuti ndariona gwai rangu iro raiya rakarashika. ⁷ Ndinoti kwomuri, ngokudaro kunozoapo kudakara mudenga ngendaa youmwe mushaishi watenderuka kupinda kudakara ngemakumi mapfumbamwe nemapfumbamwe vari vakarurama vasikatami kutenderuka. ⁸ Nokuti ngouri mudzimai, unezvigurwa zvesirivha zviri gumi, kuti akarasha chimwe chazvo, aabasiri chibani here, atsvaire mhatso nokunasa kutsvakisisa metsa achiona?, ⁹ Naapo achiona, unodaidza pamwepo shamwari dzake nevaakirwana vake echiti, ‘Dakarai neni, ngokuti ndachiona chigurwa chesirivha icho chendakarasha’. ¹⁰ Ngokudaro ndinoti kwomuri, kuripo kudakara pamberi pengirosi dzaMwari ngendaa yomushaishi umwe watenderuka''. ¹¹ Jesu wakati, “Munhu umweni waiya nevakororo vairi. ¹² Nomudoko wavo wakati kunababa ake, ‘Baba, chindikoanisirai chikoaniswa chenhaka chendakaemeserwa.’ Naye wakakoanisira kwavari pfuma yake. ¹³ Ngesure kwemazuva mashomani mwana mudoko wakaunganidza zveshe pamwepo, akaenda kunyika iri kuretu, naye wakaparadza nhaka yake ngokupona kwokushaisha. ¹⁴ Naapo aiya apedza zveshe, yakaguma nzara huru munyikamwo, naye wakatanga kutama. ¹⁵ Ndizvo wakaenda akadzipira kunemunhu wenyikayo, naye wakamutuma kuenda murubaya koousha nguruve. ¹⁶ Naye waido kugutisa ndani yake ngemateko aidyiwa ngenguruve; apana munhu waimupa chiro., ¹⁷ Asi apo anasa kuzia pachake wakati, ‘Kuwandanyi kwakaita varanda vababa angu vane chingwa chinokwana nechokusiya, neni ndiri kufa ngenzara panapa! ¹⁸ Ndomiruka ndiende kunababa angu, ndinozoti kwavari: ‘Baba, ndashaisha pamberi paMwari nepamberi penyu; ¹⁹ neni andichasisiri kudaidzwa kuti ndiri mwana wenyu. Chindibatai kudai ngoumwe wevaranda venyu. ²⁰ Djaha rakamuruka, rikauya kunababa varo. Asi apo achikuretu, baba ake vakamuona vakamuzwira nyasha, navo vakarumba, vakamumbundira, vakamuchingamidza ngomuromo. ²¹ Mwana wakati kwaari, ‘Baba, ndakashaisha pamberi paMwari nepamberi penyu; andichasisiri kudaidzwa kuti ndiri mwana wenyu’. ²² Asi baba vakati kuvaranda vavo, ‘Unzai ngokukasira gauni rakapindisisa kunaka, mumupfekese; muise ndandazi pachikunwe chake nemagwada mutsoka dzake, ²³ mwechiunza mhuru inonuna muiuraye, ngatidye tidakare; ²⁴ ngokuti uyu mukororo wangu waiya afa, naye unoponazve; wakarashika, naye waoneka.’ Navo vakatanga kudakara. ²⁵ Zvinopano mukororo wake wedangwe waiya mumunda; naapo achauya echikwedzera kumhatso, wakazwa kuridzwa nokuzvina. ²⁶ Naye wakadaidza umwe wevaranda, akabvunza kuti izvi zviinyi! ²⁷ Naye wakati kwaari, ‘Munun'una wako wauya nababa ako vamuuraira mhuru inonuna, ngokuti vamuashira achangwaririka nokupona. ²⁸ Asi dangwe rakanyangadzwa, akaramba kungena. Nababa ake vakabuda kubanze, vakamunyengerera. ²⁹ Asi mwana wakapingura, akati kunababa ake, ‘Ringirai, makore aya mazhinji ndakakushandira neni andizi kutongogura chimwe chemipango yako; asi auzi kundipa kachimbudzana kuti ndidakare neshamwari dzangu. ³⁰ Asi wauya uyu mukororo wako uwo wakapedza pfuma yako pamwepo nemamhombo, iwewe wamuuraira mhuru inonuna’. ³¹ Asi baba wakati kwaari, ‘Mwana, undori neni nguva dzeshe neizvo zvendinazvo zvindori zvako. ³² Asi kwaisisira kuti tidakare nokudakadzwa, ngokuti uyu munun'una wako waiya afa, naye unoponazve; waiya akarashika, nazvinopano unoonekazve.

¹ jesu wakati kuvadzidzi vake, “Kwaiyapo munhu waiya gurudza, uwo waiya nomungwariri, naye wakaitirwa ndaa yokuti waiparadza pfuma yamambo wake. ² Naye wakamudaidza, akati kwaari, ‘Chiinyi ichi chendinozwa ndiwe? Wechindipa mushumo womushando woungwariri hwako, ngokuti iwewe aungachaiti mungwariri’. ³ Nomungwariri wakati mukati mwake, ‘Ndodini, ngokuti mambo wangu unodusa kwendiri mushando woungwariri hwangu? Andina simba rokurima, ndinenyowa dzokupemha. ⁴ Ndinozia chendinozoita, apo ndadzingwa kubva mumushando woungwariri hwangu, kuti vanhu vazondiashira mumhatso dzavo’. ⁵ Ndizvo mudzwiti echidaidza kwaari veshe vaiya nezvikwereti kunamambo wake umwe ngaumwe, wakati kuneuwo wokutanga, ‘Unechikwereti chakadini kunamambo wangu?’. ⁶ Iye wakati, ‘Zana remabiya emafuta.’ Naye wakati kwaari, ‘Tora tsamba yako ukasire kugara pashi, unyore kuti makumi mashanu’. ⁷ Naapo wakatizve kuno umweni, ‘Iwewe unechikwereti chakadini?’ Naye wakati, ‘Zana rezvitundu zvekoroni.’ Naye wakati kwaari, ‘Tora tsamba yako unyore kuti makumi masere’. ⁸ Namambo wake wakakudza mungwariri wakashata ngokuti yaiya aita ngourimbwi. Ngokuti vanhu veiyi nyika vanopinda kungwara kundanga dzavo kunevanhu vokujeka. ⁹ Neni ndinomuronzera, mwechidziitira shamwari ngoupfumi husikazi kururama, kuti apo hwapera vazomuashira muugaro husikaperi. ¹⁰ Uwo unogondeka ngezvidoodoko unozogondekazve ngezvakawanda; nouwo usikazi kururama ngezvidoodoko aazi kururamazve ngezvakawanda. ¹¹ Ndizvo kuti musikazi kuita vanogondeka ngoupfumi husikazi kururama, ndiani unozomugonda ngoupfumi hwegwinyiso? ¹² Kudai musikazi kuita vanogondeka ngeizvo zvaiya zvevamweni, ndiani unozopa kwomuri izvo zviri zvenyu? ¹³ Apana muranda ungakona kushandira madzimambo mairi; ngokuti unozonyenya umwe ade umweni, nokuti unozobatirira kuneumweni, ashoore umweni. Amungakoni kushandira Mwari neMare”. ¹⁴ VaFarisi, avo vaida mare, vakazwa zveshe izvi, navo vakamusvereredza. ¹⁵ Naye wakati kwavari, “Imwimwi muri avo vanodzipembedza pamberi pevanhu, asi Mwari unozia mwoyo yenyu; ngokuti icho chinoremeredzwa pakati pevanhu, chiri chinonyangadza pamberi paMwari. ¹⁶ Mupango nezvinyorwa zvevaprofeti zvaindoapo metsa kuguma kwaJohani; kubvira ngouwo mukuwo umambo hwaMwari hunochumairwa, nomunhu weshe unopoteramwo ngesimba. ¹⁷ Asi kunopinda kureruka kuti denga nenyika zvipinde, kunekuti kadonhwe kamwe keMipango kakorere kuitika. ¹⁸ Kunyazwi ndiani unoramba mukadzi wake, aroore umweni unoomba, nouwo unomuroora uwo wakarambwa kubva kumwamuna wake unoomba. ¹⁹ Kwaiyapo munhu waiya gurudza, uwo waipfeka machira akatsvukuruka neakachena akanaka echidya zvakanaka mazuva eshe. ²⁰ Kwaiyapozve mupemhi waizwi Razarusi waiiswa pamusiwo wegurudza, akazara ngezvironda, ²¹ waida kudya matsekeneswa aiwa kubva patafura pegurudza; kunyazwi nembwa dzaiuya dzechinambura zvironda zvake. ²² Kwakaitika kuti mupemhi wakafa, akatwarwa ngengirosi kuenda paditi raAbrahama. Negurudza rakafawo rikaikwa; ²³ riri muHaidhesi, rakamirudza madziso aro rechishononwa, rikaona Abrahama ari kuretu naRazarusi ari paditi pake. ²⁴ Naro rakadaidzira rikati, ‘Baba Abrahama, ndiitirei nyasha, tumai Razarusi kuti anyike kumagumo kwechinwe chake mumvura atonhodze rurumi rwangu; ngokuti ndiri mukurwadziwa mumurazvu uyu’. ²⁵ Asi Abrahama wakati, ‘Mwana, karakadza kuti iwewe ngenguva yokupona kwako wakaashira zviro zvako zvakanaka, naRazarusi ngokudaro wakaashira zviro zvakashata; asi zvinopano unoembedzerwa, newe uri mukurwadziwa. ²⁶ Nepadera peizvi zveshe, riripo gaha guru rakaiswa pakati pedu nemwi, kuti avo vanoda kubva uno kuuya kwomuri, avangakoni, zve akuna ungaambuka kubva kwomuri kuuya kwetiri`. <sup>27</sup> Mufhumi wakati, ‘Ndinokupota, baba Abrahama, kuti umutume kumhatso yababa angu,, <sup>28</sup> ngokuti ndine vanun'una vashanu, kuti anase kupupura kwavari, kuti vasazouyawo kundau iyi yokushononwa.’, <sup>29</sup> Asi Abrahama wakati, ‘Vanaye Mosi nevaprofeti; ngavavapurutane`. ³⁰ Asi iye wakati, ‘Haiwa, baba Abrahama; asi kudai umwe akaenda kwavari echibva kwevakafa, vanozotenderuka`. ³¹ Asi iye wakati kwaari, ‘Kudai vasikapurutani Mosi nevaprofeti, avatongozozwi kunyazwi umwe amuka kubva kwevakafa.

¹ Jesu wakati kuvadzidzi vake, “Akungaitiki kuti zvipumhuniso zvisauya; asi ihehe kwaari uwo wezvinouya ndiye!, ² Kurinane kwaari kuti guyo gurutu risungirwe muhuro mwake naye anzvaidzwe muruandhle, kunekuti aite kuti umwe weava vadoko ashaishe. ³ Mwechidzingwarira pachenyu; kudai munun'una wako echishaisha, wechimurambidza, kuti iye echitenderuka, chimurekerera. ⁴ Nokudai echikushaishira kanomwe ngezuva, akakunukuka kwouri kanomwe, naye echiti, ‘Ndinotenderuka,’ newe unosisira kumurekerera''. ⁵ Vapostori vakati kunaMambo, “Wanza kugonda kwedu!” ⁶ NaMambo wakati, “Kudai mwaiya nokugonda kwakadai ngetsangu yemustadhi, mwaizoronza kuneuyu muti womuonde kuti, ‘Bvitwa, usimwe muruandhle,’ nawo waizomupurutana. ⁷ Asi ndiani kwomuri, unemuranda echirima mumunda nokuti kuusha makwai, ungazoti kwaari apo auya echibva kumunda, ‘Uya zvinopano ugare pashi patafura panekudya? ⁸ Aazoti here kwaari, ‘Ndinasirire kudya kwemadeekoni, udzisimidze pachako wechindishandira, metsa ndadya nokumwa; ngesure kweizvi ungazodyawo nokumwawo iwewe? ⁹ Unobonga here uwo muranda ngokuti wakaita izvo zvaakapangwa kuita? ¹⁰ Ngokudaro imwimwi nemwiwo, apo mwazopedza kuita zveshe izvo zvemwakapangwa mwechiti, ‘Tiri varanda vasikadetseri chiro; takaita izvo zvaiya bingo redu''. ¹¹ Vari munjira kuenda Jerusarema Jesu wakahamba ngepakati peSamaria neGarire. ¹² Naapo achapinda muguta, vakashongana naye vanhu gumi vaiya nemapere, vakaema vari kuretu, ¹³ navo vakadaidzira ngemazwi avo vechiti, “Jesu, Mambo, tiitire nyasha''. ¹⁴ Naapo avaona wakati kwavari, “Mwechienda mudzipangidzire kuvapristi.” Naapo vechienda vakamhodyoswa. ¹⁵ Naapo umwe wavo, apo aona kuti wamhodyoka, wakahwirira, echikudza Mwari ngeizwi guru, ¹⁶ naye wakawa ngehope yake patsoka dzaJesu, echimubonga. Iye waiya muSamaria. ¹⁷ Naapo Jesu wakati, “Avazi kumhodyoswa varigumi here? Asi varipari vapfumbamwe?, ¹⁸ Apana wakaoneka echipetuka kookudza Mwari, asi ega uyu mupara here?”. ¹⁹ Naye wakati kwaari, “Miruka, uende; kugonda kwako kwakuponesa''. ²⁰ VaFarisi vamweni vakamubvunza kuti umambo hwaMwari hunozouya riini, Jesu wakavapingura akati, “Umambo hwaMwari ahuuyi ngenjira youngaoneka pamhene. ²¹ akuna naumwe unozoti, ‘Penya, uri panapa!’ Nokuti, ‘Uri apo!’ Ngokuti penyai, umambo hwaMwari huri mukati mwenyu''. ²² Jesu wakati kuvadzidzi: “Mazuva achazouya omunozodisisa kuti muone rimwe remazuva oMukororo woMunhu, nemwi amuzorioni. ²³ Navo vanozoti kwomuri, ‘Penyai apo!’ Nokuti, ‘Penyai, panapa!’ Musazoendapo, nokuti kuvateera. ²⁴ Ngokuti kudai ngemheni inopenya yechijekisa denga yechibva kurupande rumwe rwomudenga kuguma kurupande rumweni rwepashi pomudenga, nokuuya kwoMukororo woMunhu kunozodaro ngezuva rake. ²⁵ Asi kutanga kunosisira kuti ashononeswe ngezvakawanda nokurambwa ngouyu mubarirwana. ²⁶ Kudai ngezvakaitika ngemazuva aNoa, kunozoitikawo ngemazuva oMukororo woMunhu. ²⁷ Vakadya, vakamwa, vakaroora, vakaroodzwa, metsa rakaguma zuva raakapotera ndiro Noa mungarava, nendambi yakauya ikavapedza veshe. ²⁸ Kudaizve ngezvakaitika ngemazuva aRoti, vakadya, vakamwa, vakatenga, vakatengesa, vakasima, vakaaka, ²⁹ asi ngezuva raakabuda ndiro Roti kubva muSodhoma kwakanaya muriro nesorufa zvechibva mudenga zvikavapedza veshe. ³⁰ Izvi ndizvo zvinozoitika ngezuva raanozopangidzirwa Mukororo woMunhu. ³¹ Ngeiro zuva, uwo uri padera pemhatso, nenhumbi dzake dziri mukati mwemhatso, asazodzaka kuti adzitore; nouwo uri mumunda asapetuka. ³² Mwechikarakadza mukadzi waRoti. ³³ Kunyazwi ndiani unozotsvaka kuuyirwa ngokurarama kwake unozokurasha, asi kunyazwi ndiani unozorasha kurarama kwake iye unozokungwarira. ³⁴ Ndinoti kwomuri, ngouwo usiku vairi vanozoapo pamubhedhi umwewo; umwe unozotorwa noumweni unozosiiwa. ³⁵ Vanozoapo vakadzi vairi vechikuya pamwepo; umwe unozotorwa noumweni unozosiiwa''. ³⁶ Naapo vanhu vairi vanozoapo mumunda, umwe unozotorwa noumweni unozosiiwa. ³⁷ Navo vakati kwaari, “Kuri, Mambo?” Naye wakati kwavari, “Apo panomuiri wakafa, ndipo panozoungana ngwanga.

¹ Jesu wakavaronzera muedzaniso, kuti vanosisira kundogara vechikumbira vasazoremba., ² Mudhorobha rimweni waiyapo mutongi uwo waiya asikatyi Mwari, asikaremeredzi munhu. ³ Kwayiapo neshirikadzi mudhorobha iro nayo yakagara yechiuya kwaari yechiti, ‘Nditongere ndaa yangu kunegaa rangu’, ⁴ Kwekamukuwo aazi kutenda; asi ngesure kweizvi wakati mukati mwake, ‘Kunyazwi inini ndisikamutyi Mwari nokuti kuremeredza munhu, ⁵ asi ngokuti shirikadzi iyi inondinesa, ndinozoitongera, kuti isazondishisha ngokundogara yechiuya''. ⁶ NaMambo wakati, “Izwai zvaanoronza mutongi usikazi kururama. ⁷ Mwari aazotongeri here vakatsanangurwa vake, avo vanochema kwaari masikati nousiku? Unozononoka kuvadetsera here? ⁸ Ndinomuronzera, kuti unozovatongera ngokukasira. Zvakanyadaro, naapo Mukororo woMunhu ouya, unozoona kugonda panyika here?”. ⁹ Jesu wakaronzazve uyu muedzaniso kunevamweni avo vakadzigonda kuti vari vakarurama vechishoora vamweni: ¹⁰ ''Vanhu vairi vakakwira muTemperi kookumbira, umwe wavo waiya muFarisi noumweni waiya mubharisi. ¹¹ MuFarisi wakaema, akakumbira pachake, akati, ‘Mwari, ndinokubonga ngokuti andizi kudai ngevanhu vamweni, vane makaro, vasikazi kururama, vanoomba nokunyazwi nouyu mubharisi., ¹² Ndinoera kudya kairi ngevhiki, ndinopa chegumi chezviro zveshe zvendinazvo. ¹³ Asi mubhadarisi wemuthero, echiema ari kuretu, aazi kutenda nokumirudza madziso ake kuringira mudenga, asi wakarova diti rake echiti, ‘Mwari, ndiitire nyasha inini mushaishi’, ¹⁴ Ndinomuronzera, uyu munhu wakadzaka kuenda kumhatso yake echipembedzwa kunoumweni; ngokuti munhu weshe unodzikudza unozopfaiswa, asi uwo unodzipfaisa unozokuriswa”. ¹⁵ Zvinopano vaiunza kwaari vana vadoko kuti avabate; naapo vadzidzi vaona, vakavarambidza. ¹⁶ Asi Jesu wakavadaidza kwaari echiti, “Tenderai vana vadoko kuti vauye kwendiri, musavarambidza; ngokuti umambo hwaMwari ngehwevakadai. ¹⁷ Ngegwinyiso ndinoti kwomuri, uwo usikaashiri umambo hwaMwari kudai ngomwana mudoko, aatongozopoterimwo”. ¹⁸ Vamwe varume wakamubvunza echiti, “Mudzidzisi wakanaka, ndinozoitenyi kuti ndigare nhaka yokupona kusikaperi?”, ¹⁹ Jesu wakati kwaari, “Unondidaidza ngenyi kuti wakanaka? Akuna naumwe wakanaka asi Mwari ega. ²⁰ Unozia mipango: ‘Usaomba, usauraya, usaba, usaita chapupu chokunyepa, remeredza baba ako namai ako’. ²¹ Naye wakati, “Izvi zveshe ndakazvingwarira kubvira muudoko hwangu”. ²² Naapo Jesu azwa izvi, wakati kwaari, “Uchatama chiro chimwe. Tengesa zveshe zvounazvo upe kuvarombo, newe unozoa noupfumi mudenga; uuye, unditeere”. ²³ Asi apo azwa izvi wakatambudzika kakurutu, ngokuti waiya mupfumi mukurutu. ²⁴ Jesu echimuringira wakati, “A, kukonzanyi kwezvakaita kuneavo vane upfumi kuti vapotere muumambo hwaMwari! ²⁵ Ngokuti kunopinda kureruka kunekamera kuti ripotere ngepaburi renaiti kuno kuti mupfumi apotere muumambo hwaMwari”. ²⁶ Avo vakazwa izvi vakati, “Ndizvo ndiani ungaponeswa?” ²⁷ Asi Jesu wakati, “Izvo zvisikaitiki kuvanhu zvinoitika kunaMwari”. ²⁸ NaPetro wakati, “Isusu takasiya mizi yedu tikakuteera”. ²⁹ Jesu wakati kwavari, “Ngegwinyiso ndinoti kwomuri, akuna munhu wakasiya muzi nokuti mukadzi nokuti vakoma nokuti vabari nokuti vana, ngepamusoro poumambo hwaMwari, ³⁰ usikazoashiri ngouyu mukuwo zvakawanda zvakahwirinzirwa, panguva inouya unozoashira kupona kusikaperi”. ³¹ Naye wakatora gumi navairi, wakati kwavari, “tinokwira Jerusarema, nazvo zveshe zvakanyorwa ngevaprofeti ngendaa yoMukororo woMunhu zvinozoitika. ³² Ngokuti unozopirwa kunevemadzinza, naye unozoitirwa jee nokutambudzwa nokupfirwa mata; ³³ navo vanozomurova nokumuuraya, ngezuva rechitatu unozomukazve”. ³⁴ Asi avazi kuzwisisa nachimwe cheizvi zviro; neizwi iri raiya rakafishika kwavari, navo avazi kuzwisisa izvo zvakaereketwa. ³⁵ Naapo Jesu echikwedzera pasinde peJerikho, bofu raiya rakagara panjira rechipemha. ³⁶ rechizwa mbungano yechipinda, rakabvunza kuti, “Chiinyi ichi chiri kuitika?” ³⁷ Navo vakarironzera kuti, “Jesu weNazaretha unopinda ngepanapa”. ³⁸ Naro rakadaidzira rikati, “Jesu, mukororo waDhavhidha, ndiitire nyasha!”, ³⁹ Naavo vaiya pamberi vakarikaraidza, kuti rinyarare; asi rakapinda kudaidzira kakurutu rechiti, “Mukororo waDhavhidha, ndiitire nyasha”. ⁴⁰ NaJesu wakaema, akapanga kuti riunzwe kwaari; naapo rakakwedzera pasinde, wakaribvunza kuti,, ⁴¹ “Unoda kuti ndikuitirenyi?” Naro rakati, “Mambo, kuti ndione”. ⁴² Jesu wakati kweriri, “Chiona; kugonda kwako kwakuponesa”. ⁴³ Paripo rakaona, rakamuteera rechikudza Mwari; nembungano yechizviona, yakairikidza Mwari.

¹ Jesu wakangena muJerikho echipinda ndimwo. ² Paiya nemunhu waizwi Zakheusi; iye waiya mukuru wevabhadarisi vemuthero, waiya gurudza. ³ Naye wakatsvaka kuona Jesu kuti ndiani, asi waiya asikakoni ngendaa yembungano, ngokuti waiya mufupi. ⁴ Ndizvo Zakeu wakarumba kuenda mberi, akakwira mumuonde kuti amuone, ngokuti waipinda ngeiyo njira. ⁵ Naapo Jesu agumapo wakaringira mudenga, akati kwaari, “Zakheusi, kasira kudzaka pashi; ngokuti kunosisira kuti ndigare mumhatso yako nyamashi''. ⁶ Ndizvo wakakasira kudzaka pashi, akamuashira ngokudara, ⁷ Naapo vazviona vakavhuruvhuta veshe vechiti, “Wapotera kuita mueni womunhu mushaishi”. ⁸ NaZakheusi wakaema, akati kunaMambo, “Ringira, Mambo, ndinopa hafu youpfumi hwangu kuvarombo; kudai ndakatora chiro kumunhu ngourimbwi, ndinomuhwirinzira zvakapetwa karongomuna''. ⁹ Jesu wakati kwaari, “Nyamashi ruponeso rwaguma kuneiyi mhatso, ngokuti nayewo mukororo waAbrahama., ¹⁰ Ngokuti Mukororo woMunhu wakauya kootsvaka nokuponesa izvo zvakarashika”. ¹¹ Naapo vachazwa izvi zviro, Jesu wakaangira kuvaronzera muedzaniso, ngokuti waiya pasinde neJerusarema, ngokutizve ivo vaikarira kuti umambo hwaMwari hwaizokasira kuoneka apapo. ¹² Ndizvo wakati, “Munhu mukuru wakaenda kunyika yaiya kuretu kuti andoashira umambo nokupetukazve. ¹³ Wakadaidza varanda vake gumi, akavapa umwe ngaumwe chigurwa chomukore, wakati kwavari, ‘Barisai metsa ndiuye. ¹⁴ Asi vanhu vomunyika yake vakamunyenya, vakatuma vatumwa sure kwake vechiti, ‘Atidi kuti munhu uyu atonge padera pedu. ¹⁵ Naapo oopetuka, aashira umambo, wakapanga kuti avo varanda, vaaiya akapa zvigurwa zvemukore, vadaidzwe kwaari, kuti azie zvevakauyirwa ngokuibarisa. ¹⁶ Uwo wokutanga wakauya pamberi pake, akati, ‘Mambo, mugodi yenyu yawana imweni gumi.’, ¹⁷ Naye wakati kwaari, ‘Wakanasa, iwewe muranda wakanaka! Ngokuti wakagondeka ngezvishomani, wechitonga padera pemadhorobha gumi. ¹⁸ Newechipiri wakauya akati, ‘Mambo, chigurwa chako chomukore chakauyirwa ngezvigurwa zvimweni zvishanu.’, ¹⁹ Naye wakati kwaarizve, ‘Wechitonga padera pemadhorobha mashanu’. ²⁰ Naapo umweni wakauya, akati, ‘Mambo, penya, chigurwa chako chomukore, icho chendakangwarira chiri mudhuku, ²¹ ngokuti ndakakutya, ngokuti uri munhu usikakonwi; unotonhera icho chousikazi kuisa pashi, newe unocheka icho chousikazi kusima’. ²² Wakati kwaari, ‘Ngezvinobuda kubva pamuromo pako ndinozokutonga, iwewe muranda wakashata! Iwewe waitozia kuti ndiri munhu usikakonwi, ndechitonhera icho chendisikazi kuisa pashi, nokucheka icho chendisikazi kusima. ²³ Ndizvo wakarekera ngenyi kuisa chigurwa changu kwavari mubhange, neni mukuuya kwangu ndaizowona icho nokuuyirwa kwacho.’ ²⁴ Naye wakati kuneavo vaiema pasinde, ‘Mutorerenyi kubva kwaari uwo mugodi, mupe kwaari uwo unegumi dzemugodi’. ²⁵ Navo vakati kwaari, ‘Mambo, uwo wanegumi dzemigodi’, ²⁶ Ndinoti kwomuri, ‘Kunemunhu weshe unacho unozopuwa, nokwaari usina, neicho chaanacho chinozotorwa kubva kwaari. ²⁷ Asi ao magaa angu, aiya asikatendi kuti nditonge padera pao, aunzenyi panapa muauraye pamberi pangu''. ²⁸ Naapo aronza izvi, wakatungamira pamberi pavo kukwira Jerusarema. ²⁹ Naapo akwedzera pasinde peBhethifaje neBhethani, ngepaMutunhu unozwi wemaOrivhi, wakatumira mberi vairi vevadzidzi vake, ³⁰ echiti, “Endai muguta iro remwakaringirana naro, umwo mwopindamwo munozoona tsiru rembongoro rakasungwa, iro risikazi kumbogadhwa ngomunhu. Risunhurenyi muuye naro. ³¹ Kudai aripo unozomubvunza kuti, ‘Munorisunhurirenyi?’ Munozoronza kuti, ‘Mambo unorida’. ³² Ndizvo avo vakatumwa vakaenda, vakaona kudai ngezvaakaronza ndiJesu kwavari. ³³ Naapo vachasunhura tsiru, vanikazi varo vakati kwavari, “Munorisunhurirenyi tsiru?” ³⁴ Navo vakati, “Mambo unorida”. ³⁵ Navo vakariunza kunaJesu, vakaisa zvokufuka zvavo padera petsiru, vakakwidza Jesu padera paro. ³⁶ Naapo agadha tsiru, vakachinga zvokufuka zvavo munjira. ³⁷ Naapo echikwedzera pasinde pokudzaka Mutunhu wemaOrivhi, mbungano yeshe yevadzidzi vakatanga kudakara nokukudza Mwari ngeizwi guru ngendaa yemishando yeshe ine simba yevaiya vaona, ³⁸ vechiti, “Unomuchena Mambo uwo unouya ngezina raMambo Mwari! Kunyarara mudenga nouthende mudengadenga!” ³⁹ Vamweni vevaFarisi mukati mwembungano vakati kwaari, “Mudzidzisi, rambidza vadzidzi vako”. ⁴⁰ Jesu wakapingura, akati kwavari, “Ndinomuronzera kuti, kudai ava vaizonyarara, mapuwe emene anozodaidzira”. ⁴¹ Naapo Jesu akwedzera pasinde wakaona dhorobha, wakarichemera, echiti ⁴² Dai waizia ngezuva iri izvo zviro zvingakupa kunyarara kwako! Asi zvinopano zvakafishika kumadziso ako. ⁴³ Ngokuti mazuva anozokugumira, apo magaa ako anozokushoshera rushosha nokukutendenedza, akukonyere mukati kumarutii eshe. ⁴⁴ Anozokupwanyira pashi, nevana vako vari mukati mwako, navo avazosii mukati mwako nebuwe rimwe rakagadzikwa padera perimweni; ngokuti iwewe auzi kuzia mukuwo wokuhambirwa kwako”. ⁴⁵ Jesu wakapotera muTemperi, akatanga kuvadzingira kubanze avo vaitengesa, ⁴⁶ echiti kwavari, “Kwakanyorwa kuti, ‘Mhatso yangu inozozwi imhatso yomukumbiro;’ asi imwimwi mwaiita bako rembavha”. ⁴⁷ Jesu waidzidzisa mazuva eshe muTemperi. Vapristi vakuru nevanyori nevakuru vevanhu vakatsvaka kumuuraya. ⁴⁸ Asi avazi kuona chiro chevangaita, ngokuti vanhu veshe vakabatirira kwaari vechipurutana mazwi ake.

¹ Ngezuva rimweni, Jesu echidzidzisa vanhu muTemperi nokuchumaira vhangeri, vapristi vakuru nevanyori nevakuru vevanhu vakauya kwaari vechiti, ² “Tironzere kuti unoita izvi ngesimba raani? Nokuti ndiani wakakupa iri simba?”. ³ Naye wakavapingura, akati kwavari, “Ininiwo ndinozomubvunza mubvunzo umwe, nemwi ndironzerei zvinopano ⁴ Rubhabhatidzo rwaJohani rwakabva mudenga here nokuti rwakabva kuvanhu?”. ⁵ Navo vakapangana pakati pavo vechiti, “Kuti tikati, ‘Rwakabva mudenga,’ iye unozoti, ‘Amuzi kumutenda ngenyi?’ ⁶ Asi tikati, ‘Rwakabva kuvanhu,’ vanhu veshe vanozotiponda ngemapuwe; ngokuti vanotenda kuti Johani waiya muprofeti”. ⁷ Navo vakapingura kuti avazi kuzia kuti rwakabva kuri. ⁸ Jesu wakati kwavari, “Neniwo andimuronzeri kuti ndinoita izvi zviro ngesimba raani”. ⁹ Jesu wakatanga kuronzera vanhu muedzaniso uyu: “Munhu wakasima munda wemivhini, akaupa kuvarimi, akaenda kunyika imweni koogareyo mukuwo wakareba. ¹⁰ Naapo nguva yaguma, wakatuma muranda kuvarimi, kuti vamupe imweni yemichero yomumunda wemivhini; asi varimi vakamurova, vakamupetudza asina chiro. ¹¹ Naye wakatumazve muranda umweni; nouwozve vakamurova, vakamubata ngenjira yaitsverudza, vakamupetudza asina chiro. ¹² Wakatumazve wechitatu, nayewo vakamukuwadza, vakamurasha kubanze. ¹³ Naapo mambo womunda wemivhini wakati, ‘Ndinozoitenyi? Ndinozotuma mukororo wangu unodikanwa; pamweni vanozomuremeredza’. ¹⁴ Asi apo varimi vamuona, vakapangana pachavo vechiti, ‘Uyu ndiye unogara nhaka; ngatimuuraye, kuti nhaka iite yedu’. ¹⁵ Vakamubudisa kubanze kwomunda wemivhini, vakamuuraya. Ndizvo mambo womunda wemivhini unozoitenyi kwavari? ¹⁶ Unozouya avauraye avo varimi, unozopa munda wemivhini kune vamweni.” Naapo vechizwa izvi vakati, “Mwari, musatendera kudaro!” ¹⁷ Asi Jesu wakavaringira, akati, “Ndizvo chiinyi ichi chakanyorwa chinoti, ‘Buwe iro rakarambwa ngevaaki, ndiro rakaita soro repakona? ¹⁸ Munhu weshe uwo unowira padera pebuwe iro unozoputika kuita zvigurwa; asi iye kwaari werinozowira padera pake rinozomukuya kuita bukuta”. ¹⁹ Vanyori nevapristi vakuru vakaedza kumubata ngeawa iro, asi vakatya vanhu; ngokuti vakazwisisa kuti wakaronza uyu muedzaniso ndivo. ²⁰ Ndizvo vakamurinda, vakatuma vadongoreri, avo vakadziitisa kudai ngevanhu vakarurama, ngokudaro vakamuteya ngemazwi ake, kuti vazomupira kusimba romutongi woumambo. ²¹ Vakamubvunza vakati, “Mudzidzisi, tinozia kuti izvo zvounoronza nokudzidzisa zvakanaka, auketi munhu, asi ngegwinyiso unodzidzisa ngenjira yaMwari. ²² Kunotenderwa here kwetiri kuti tipe muthero kunaSiza nokuti akutenderwi?” ²³ Asi Jesu echizia urimbwi hwavo wakati kwavari, ²⁴ “Ndipangidzirei chigurwa chemare. Chine muedzaniso wehope norunyoro rwaani?” Navo vakati, “Ngezva-Siza”. ²⁵ Jesu wakati kwavari, “Ndizvo mwechipa kunaSiza izvo zviri zvaSiza nokuna Mwari izvo zviri zvaMwari''. ²⁶ Navo vakakorera kumubata ngemazwi okuereketa kwake pamberi pevanhu; navo vechishamiswa ngokupingura kwake vakanyarara. ²⁷ Kwakaguma kwaari vamweni vevaSadhusi, avo vanoti akuna kumuswa kwevakafa, ²⁸ navo vakamuvundzisa vechiti, “Mudzidzisi, Mosi wakatinyorera echiti kuti mukoma womunhu afa, anemukadzi asina vana, munun'una wake unozotora mukadzi abarire mukoma wake vana. ²⁹ Ndizvo vaiyapo vakoma vanomwe; uwo wedangwe wakaroora mukadzi, akafa asina vana;, ³⁰ nouwo wechipiri wakamutora, ³¹ newechitatu wakamutora, ngokudaro veshe vanomwe vakafa avazi kusiya vana. ³² Ngesure kweizvi mukadzi naye wakafawo. ³³ Ndizvo pakumuka kwevakafa, unozoita mukadzi waani kwavari? Ngokuti veshe vanomwe vakamutora kuita mukadzi”. ³⁴ Jesu wakati kwavari, “Vanhu vomunyika muno vanoroora nokuroodzwa. ³⁵ asi avo vanoerengwa kuti vanosisira nyika iyo nokumuka kubva kwevakafa avaroori, avaroodzwizve. ³⁶ Ngokuti avachazofizve, ngokuti vanozodai ngengirosi vaa vana vaMwari, vaa vana vokumuka kwevakafa. ³⁷ Asi kuti vakafa vanomuswa, Mosi emene wakapangidzira kudaro, ngeizwi rinoronza ngendaa yepfiba, apo paakadaidza Mambo Mwari kuti ndiMwari waAbrahama, Isaka naJakobe. ³⁸ Zvinopano andiyepi Mwari wevakafa, asi Mwari wevanopona; ngokuti veshe vanoponera kwaari”. ³⁹ Vamweni vevanyori vakapingura, vakati, “Mudzidzisi, wanasa kuronza”. ⁴⁰ Ngokuti avazi kuchazoshingazve kumubvunza mubvunzo. ⁴¹ Asi Jesu wakati kwavari, “Vanoronza ngenyi kuti Kristu mukororo waDhavhidha? ⁴² Ngokuti Dhavhidha emene mubhuku reNduyo wakaronza kuti, ‘Mambo wakati kunaMambo wangu, gara ngokumudyo kwangu, ⁴³ metsa ndiite magaa ako chitambarariro chetsoka dzako’. ⁴⁴ Ndizvo kuti Dhavhidha echimudaidza kuti Mambo, ungaita mukororo wake ngokuitawani?”. ⁴⁵ Wakati kuvadzidzi vake mukuzwa kwevanhu veshe, ⁴⁶ “Ngwarai vanyori, avo vanodisisa kuhamba vakapfeka zvokusimira zvakareba, vanoda kuchingamidzwa pandau dzemisika nezvigaro zvepamberi mumhatso dzokudira nendau dzepamberi mumishongano yokudya, ⁴⁷ avo vanoparadza mhatso dzeshirikadzi nangokudziitisa vanoita mikumbiro yakareba. Vanozoashira kurashwa kwakanyanyisisa''.

¹ Jesu wakasimuka akaringira, akaona vamfhumi vechiisa zvipo zvavo mundau yezvipo. ² naye wakaona shirikadzi yaiya murombo yechiisawo zvimapeni zviiri zvidoko. ³ Naye wakati, “Ngegwinyiso ndinomuronzera, kuti iyi shirikadzi murombo yaisamwo mare yakapinda kuwanda kupinda vamweni veshe, ⁴ ngokuti avo veshe vaisamwo muzvipo kubva pauwandu wepfuma yavo, asi iye kubva muurombo hwake waisamwo zveshe zvaanopona ndizvo”. ⁵ Naapo vamweni vachaereketa ngendaa yeTemperi, kuti rakanemeswa ngemapuwe akawanda nezvipo, iye wakati, ⁶ Hino Jesu wakati “Ngendaa yeizvi zvomunoona, mazuva anozouya naapo arizosiiwi buwe rimwe rakaturikidzwa padera perimweni risikazowiswi pashi”. ⁷ Navo vakamubvunza vechiti, “Mudzidzisi, izvi zvinozoitika riini? Chiinyi chinozoita chioniso apo zvooda kuitika? ⁸ Jesu wakati, “Ngwarai kuti musazopaukiswa; ngokuti vazhinji vanozouya ngezina rangu vechiti, ‘Ndini aye!’ Nokuti, ‘Mukuwo wakwedzera!’ Musavateera. ⁹ Naapo mwoozwa ngehondo nokumukirana, musazotyiswa; ngokuti kunosisira kuti izvi zviitike kutanga, asi magumo aasati aapasinde”. ¹⁰ Naapo wakati kwavari, “Dzinza rinozomukira dzinza noumambo hunozomukira umambo. ¹¹ kunozoapo kuzungunyika kukurutu kwenyika, nokundau dzakaparadzana nzara nenhenda, nezvinotyisa kakurutu nezvioniso zvakakura zvinobva mudenga. ¹² Asi izvi zveshe zvisati zvaitika vanozomubata, navo vanozomutambudza, vechimupira kumhatso dzokudira nomumatirongo, vechimuunza pamberi pemadzimambo nepevatongi ngendaa yezina rangu. ¹³ Iyi inozoita nguva yenyu yokuita uchapupu. ¹⁴ Ndizvo nasirirai mipinimidzo yenyu, kuti musazodembatemba ngepamberi kuti chiinyi chomunozopingura;, ¹⁵ ngokuti ndinozomupa mazwi nokungwara, akuna naumwe wemagaa enyu ungakona kurwisana nakwo nokuti kuzviemera. ¹⁶ Munozopirwa kuvatongi kunyazwi ngevabereki, vakoma, hama neshamwari, navo vanozoita kuti vamweni venyu vaurawe. ¹⁷ Nemwi munozonyenywa ndivo veshe ngendaa yezina rangu. ¹⁸ Asi akuna nekabvudzi nakamwe kesoro renyu kanozorashika. ¹⁹ Mukusengerera kwenyu munozoponesa ndaramo dzenyu. ²⁰ Asi apo mwoona Jerusarema rechitendenedzwa ngehondo, zvino ziai kuti kuparadzwa kwaro kwaapasinde. ²¹ Naapo vari muJudhia ngavatizire kumitunhu, naavo vari mukati mwaro ngavabudemwo, naavo vari kubanze munharaunda vasazopoteramwo. ²² ngokuti aya ari mazuva okuunzidzirwa, kuti zveshe izvo zvakanyorwa zvizadzisike. ²³ Hezvo kwavari vane mimba naavo vanoamwisa ngaawo mazuva! Ngokuti kutambudzika kukurutu kuchaapo padera penyika noushungu padera pevanhu ava. ²⁴ vanozowa ngokupinza kweshoti, vanozokweiwa kuita hloko kumadzinza eshe; neJerusarema rinozotsikwatsikwa pashi ngevemadzinza, metsa nguva yevemadzinza yazadzisika. ²⁵ Nezvioniso zvinozoitika pazuva, pamwedzi, panyeredzi, nepadera penyika kunozoapo kupera simba nokutyiswa ngendaa yokutinhira kworuandhle nemafungu. ²⁶ Vanhu vachapera simba ngokutyiswa apo vakaringira izvo zvinouya padera penyika; ngokuti masimba omudenga anozozungunyiswa. ²⁷ Naapo vanozoona Mukororo woMunhu echiuya mumakore anesimba nouthende hukurutu. ²⁸ Naapo izvi zviro zvootanga kuitika, ringirai mudenga mumirudze masoro enyu, ngokuti kuripirwa kwenyu kwakwedzera pasinde”. ²⁹ Jesu wakavaronzera muedzaniso echiti, “Ringirai muonde nemiti yeshe; ³⁰ kuti yaburikira mashakani, munodzionera pachenyu, nemwi munozia mwemene kuti zienza zvinopano raapasinde. ³¹ Ndizvozve, apo mwoona izvi zvechiitika, mwechizia kuti umambo hwaMwari hwaapasinde. ³² Ngegwinyiso ndinoti kwomuri, uyu mubarirwana auzopindi akadi zvisati zvaitika izvi zveshe. ³³ Denga nenyika zvinozopinda, asi mazwi angu aatongozopindi akadi. ³⁴ Asi mwechidzingwarira imwimwi kuti pamweni mwoyo yenyu ingazozvimbirwa ngokudyisa nokuraradza nokudembatemba ngezvendaramo iyi, nezuva iro rimugumire ngokukasira kudai ngechirimbana. ³⁵ Ngokuti rinozogumira padera pavo veshe avo vanogara padera penyika yeshe. ³⁶ Asi rindai nguva dzeshe, kumbirai kuti muwe nesimba rokupokonyoka kubva kuneizvi zveshe zvinozoitika, nokuema pamberi poMukororo woMunhu''. ³⁷ Masikati eshe waidzidzisa muTemperi, asi usiku waibuda kuenda kooata muDunhu remaOrivhi., ³⁸ Vanhu veshe vaifumira kuuya kwaari muTemperi koomuzwa.

¹ Zvinopano mushongano wokudya chingwa chisina mumera wakakwedzera, unozwi Phasika. ² Nevapristi vakuru nevanyori vaitsvaka njira yokumuuraya ndiyo, ngokuti vaitya vanhu. ³ Zvino Sathani wakapotera munaJudhasi uwo waizwi Isikarioti, umwe wevari gumi navairi. ⁴ Jhudas wakaenda kooshongana nevapristi vakuru nevangwariri veTemperi kuti waizomuita mapirenyi kwavari. ⁵ Navo vakadakara, vakaita chitenderano kuti vamupe mare. ⁶ Ndizvo wakatenda, akatsvaka mukuwo wokumupira kwavari pasina mbungano. ⁷ Zvino zuva rechingwa chisina mumera rakaguma, iro raibaiwa gwai rePhasika, ⁸ Jesu wakatuma Petro naJohani echiti, “Endai mutinasirire Phasika kuti tiridye''. ⁹ Vakati kwaari, “Unoda kuti tirinasirire pari?”. ¹⁰ Wakati kwavari, “Penyai, apo mwoopotera mudhorobha, unozoshongana nemwi mwamuna wakatwara hari mwechimuteera kumhatso yaanopotera, ¹¹ nemwi munozoti kumuna wemhatso, ‘Mudzidzisi unoti kwouri, Riripari kamera revaeni, apo pendinozodya Pasika nevadzidzi vangu?’. ¹² Naye unozomupangidzira kamera guru romuturika rakanasirirwa ndizvo zveshe; tinasirirei apo''. ¹³ Navo vakaenda, vakaona kudai ngezvaakaronza kwavari; navo vakanasirira Pasika. ¹⁴ Naapo awa raguma, wakagara patafura nevapostori. ¹⁵ Naye wakati kwavari, “Ngokudisisa ndaida kudya iri Phasika nemwi ndisati ndatambudzika. ¹⁶ ngokuti ndinomuronzera kuti andichazoridyizve, metsa razadzisika muumambo hwaMwari''. ¹⁷ Jesu wakatora tsani, naapo abonga wakati, “Torai ichi, mukoanisirane pakati penyu. ¹⁸ ngokuti ndinomuronzera kuti andichazomwi kumichero yomuvhini metsa hugume umambo hwaMwari''. ¹⁹ Wakatora chingwa, naapo abonga wakachigura, akachipa kwavari, akati, “Ichi chiri muiri wangu, unopirwa ngepamusoro penyu. Mwechiita ichi kundikarakadza inini''. ²⁰ Netsani ngokudaro ngesure kwokudya, echiti, “Tsani iyi inodururirwa imwimwi chitenderano chitsva mungazi yangu. ²¹ Asi ringirai, nyara youwo unondipira ineni patafura. ²² Ngokuti Mukororo woMunhu unoenda kudai ngezvezvakaemeswa; asi hezvo kuneuwo munhu waanozopirwa ndiye!''. ²³ Navo vakatanga kubvunzana pakati pavo kuti ndiani kwavari waizoita ichi chiro. ²⁴ Kwakabudazve hasha pakati pavo yokuti ndiani kwavari unozoita mukuru. ²⁵ Naye wakati kwavari, “Madzimambo emadzinza anotonga padera pavo; vanodaidzwa kuti vadetseri vevanhu. ²⁶ Asi imwimwi amuzodaro akadi; asi uwo wakakurisisa pakati penyu ngaadai ngewakatsongesesa, nouwo uri mutongi ngaadai ngomuranda. ²⁷ Ngokuti ndiani wakapinda kukura, uwo unogara panekudya nokuti uwo unoshandira? Andiyepi here uwo unogara panekudya? Asi inini ndiri pakati penyu ndakadai ngouwo unoshandira. ²⁸ Asi imwimwi muri avo vakagara neni mukuedzwa kwangu. ²⁹ neni ndinomuemesera umambo kudai ndiBaba anguzve vakandiemesera inini, ³⁰ kuti mudye mwechimwa patafura rangu muumambo hwangu, nemwi munozogara pamadendemaro mwechitonga madzinza gumi namairi aIsuraeri. ³¹ Simoni, Simoni, ringira, Sathani wakatenderwa kuti amupuwe, kuti amutsere kudai ngekoroni, ³² asi inini ndakakukumbirira kuti kugonda kwako kusazopera; newe apo watenderukazve, ugwinyise vakoma vako''. ³³ Petro wakati kwaari, “Mambo, inini ndakanasirira kutoenda newe mutirongo nomukufa''. ³⁴ Jesu wakati, “Ndinokuronzera iwewe Petro, jongwe arizoriri nyamashi, usati waramba katatu kuti aundizii''. ³⁵ Jesu wakati kwavari, “Apo zvandakamutuma musina chikwama nenyede nemagwada, mwakatama chiro here?” Navo vakati, “Atina chetakatama''. ³⁶ Naye wakati kwavari, “Asi zvinopano, uwo unechikwama ngaachitore nounenyede ngokudaro. Nouwo usina shoti ngaatengise bhachi rake atenge shoti. ³⁷ Ngokuti ndinomuronzera kuti ichi chinyorwa chinosisira kuti chizadzisike ndini kuti, ‘Naye wakaerengwa pamwepo nevashaishi;’ ngokuti izvo zvakanyorwa ngendaa yangu zvinozoitika''. ³⁸ Navo vakati, “Mambo, ringirai, shoti mbiri dziri panapa.” Naye wakati kwavari, “Zvakwana''. ³⁹ Jesu wakabuda kubanze, wakaenda kudai ngomushuma wake kuMutunhu wemaOrivhi; nevadzidzi vakamuteera. ⁴⁰ Naapo aguma pandau iyo wakati kwavari, “Kumbirai kuti musapinda mukuedzwa''. ⁴¹ Naye wakasiyana navo nharauko inoda kudai ngeekuposhera buwe, wakagwadama pashi, akakumbira, ⁴² echiti, “Baba, dai mwechida, bvisai tsani iyi kwendiri; asi, kusaita kuda kwangu, asi kuda kwenyu ngakuitike''. ⁴³ Yakaoneka kwaari ngirosi yechibva mudenga yechimugwinyisa, ⁴⁴ Asi mukurwadziwa kakurutu, wakagwinyisira kukumbira; nezia rake raiya rakadai ngemadonhwe makuru engazi echibomhera pashi pamavhu. ⁴⁵ Naapo amiruka kubva pamukumbiro, wakauya kuvadzidzi vake, akavaona vakaata hope ngendaa yokusvipa mwoyo, ⁴⁶ naye wakati kwavari, “Munoatirenyi? Mukai, mukumbire kuti musapinda mukuedzwa''. ⁴⁷ Naapo achaereketa, kwakauya mbungano nouwo waizwi Judhasi, umwe wevari gumi navairi, echivatungamirira. Wakakwedzera kunaJesu kuti amuchingamidze ngomuromo. ⁴⁸ Asi Jesu wakati kwaari, “Judhasi, wopira here Mukororo woMunhu ngokuchingamidza ngomuromo?”. ⁴⁹ Naapo avo vaitendenedza Jesu vaona izvo zvaizoitika, vakati, “Mambo, tobaya here ngeshoti?” ⁵⁰ Umwe wavo wakatema hloko yomupristi mukuru, akagura nzee yake yokumudyo. ⁵¹ Asi Jesu wakati, “Zvakwana izvi!” Naye wakabata nzee yake, akamuponesa. ⁵² Jesu wakati kunevapristi vakuru nevangwariri veTemperi nevakuru vevanhu, avo vakauya kurwisana naye, “Ngenyi mwabuda nokuuya kudai ngevanorwa nembavha, muneshoti nenduku? ⁵³ Naapo ndaiya nemwi mazuva eshe muTemperi, amuzi kundibata. Asi iri riri awa renyu neresimba rechidima''. ⁵⁴ Naapo vakamubata, vakamukweya kuenda naye, vakamuunza mumhatso yomupristi mukuru. Asi Petro wakateera ari kuretu. ⁵⁵ Naapo vabasa muriro pakati poruwanze, vakagara pashi pamwepo, Petro wakagara pashi pakati pavo. ⁵⁶ Naapo musikana, echimuona akagara mukujeka kwomuriro, echimuringisisa wakati, “Munhu uyu waiya naye''. ⁵⁷ Asi Petro wakaramba echiti, “Dzimai, andimuzii''. ⁵⁸ Ngesure kwekamukuwo, umweni wakamuona akati, “Iwewe newe uri umwe wavo.” Asi Petro wakati, “Mwamunewe, inini andiri umwe wavo akadi''. ⁵⁹ Ngesure kwomukuwo waida kuita awa, umwenizve wakagwinyisira kuronza echiti, “Ngegwinyiso munhu uyu waiya naye, ngokuti muGarire''. ⁶⁰ Asi Petro wakati, “Mwamunewe, andichizii chounoronza.” Paripo achaereketa, jongwe rakarira. ⁶¹ NaMambo wakakunukuka, akaringira kunaPetro, naPetro wakakarakadza izwi raMambo, ngenjira yaakaronza kwaari kuti, “Jongwe risati rarira nyamashi, unozondiramba katatu''. ⁶² Petro wakabuda kubanze, akachema kakurutu. ⁶³ Nevamuna avo vakabata Jesu vakamuitira jee, vakamurova;, ⁶⁴ vakamufukidza muhope, vakamubvunza vechiti, “Profeta! Ndiani uwo wakurova?'' ⁶⁵ Vakaereketa zviro zvimweni zvakawanda ndiJesu vechimutsambura. ⁶⁶ Naapo kwaedza, vakaunganidza pamwepo vakuru vevanhu nevapristi vakuru nevanyori, navo vakamukweya kuenda naye kubangano ravo vechiti, ⁶⁷ “Kuti uri Kristu, tironzere.” Asi iye wakati kwavari, “Kudai ndanyamuronzera, amuzotendi; ⁶⁸ kunyazwi ndikanyamubvunza, imwimwi amuzopinguri. ⁶⁹ Asi kubvira zvinopano Mukororo woMunhu unozogara ngokumudyo kwesimba raMwari''. ⁷⁰ Navo veshe vakati, “Iwewe zvino uri Mukororo waMwari here?” Jesu wakati kwavari, “Imwimwi mwatoronza kuti ndini inini.”, ⁷¹ Navo vakati, “Tichatama chapupu chimweni ngenyi? Ngokuti isusu temene tazwa kubva pamuromo wake

¹ Naapo mushongano weshe wavo wakamiruka, vakamuunza pamberi paPiratu. ² Navo vakatanga kumuitira ndaa vechiti, “Takamuona uyu munhu echipaukisa dzinza redu, echirambidza kuti chibharo chisabhadharwa kunaSiza, echironza kuti iye emene ndiKristu, mambo ³ NaPiratu wakamubvunza echiti, “Iwewe uri mambo wevaJudha here?” Naye wakamupingura, akati, “Ndizvo zvewaronza''. ⁴ NaPiratu wakati kuvapristi vakuru nokumbungano, “Andioni ndaa kumunhu uyu.”, ⁵ Asi vakapinda kutsamwirira vechiti, “Unovherudza vanhu, echidzidzisa muJudhia mweshe, kutanga ngomuGarire metsa kuguma pandau iyi''. ⁶ Naapo Piratu azwa izvi wakabvunza kuti, “Munhu uyu muGarire here ⁷ Naapo azia kuti waiya woumambo hwaHerodhi, wakamutumira kunaHerodhi, uwo naye waiya muJerusarema ngaawo mazuva., ⁸ Naapo Herodhi aona Jesu wakadakara kakurutu, ngokuti iye waiya nechidisiso chokuda kumuona kubvira mukuwo wakareba, ngokuti iye waiya azwa ndiye, naye waida kuona chioniso chinoitwa ndiye. ⁹ Herodi wakabvunza Jesu ngemazwi akawanda, asi aazi kupingura chiro. ¹⁰ Vapristi vakuru nevanyori vakaema vechitsamwirira kumuitira ndaa. ¹¹ NaHerodhi pamwepo namajoni ake vakamubata ngenjira inotsverudza, akamuitira jee, vakamupfekisa zvokusimira zvinon'anikira, akamutumirazve kunaPiratu. ¹² Herodhi naPiratu vakaiyaniswa ngeiro zuva, ngokuti ngepasure vaiya magaa. ¹³ Piratu wakadaidza pamwepo vapristi vakuru, vatongi nevanhu. ¹⁴ Wakati kwavari, “Imwimwi mwaunza uyu munhu kwendiri mwechiti unopaukisa vanhu. Penyai, inini ndamubvunzisisa pamberi penyu; penya, andizi kuona ndaa kuneuyu munhu ngeizvo zvomunomuitira ndaa ndizvo. ¹⁵ Kunyazwi Herodhiwo, ngokuti wamupetudza kwetiri; ringirai, akuna chiro chakaitwa ndiye chaangatongerwa kuti afe. ¹⁶ Ndizvo ndichamurova ndimusunhure. ¹⁷ Zvinopano waisisira kuti avasunhurire mubhanditi umwe pamushongano wokudya. ¹⁸ Asi vakadaidzira veshe pamwepo, “Bvisa uyu munhu, utisunhurire Bharabhasi''. ¹⁹ Uwo wakakonyerwa mutirongo ngendaa youdzongoni hwaakaita mudhorobha nendaa yokuuraya. ²⁰ Piratu wakaereketazve kwavari, echida kusunhura Jesu., ²¹ Asi vakadaidzira vechiti, “Mukohomere, mukohomere”, ²² Naye wakati kwavari ngokwechitatu, “Ngenyi, wakashaishenyi munhu uyu? Andizi kuona kwaari ndaa yaangatongerwa kuti afe. Ndizvo ndichamurova ndimusunhure''. ²³ Asi paripo vakatsamwirira ngemazwi makuru, vechikumbira kuti akohomerwe. Nemazwi avo akanyisa. ²⁴ NaPiratu wakagura kuti izvo zvevakakumbira zviitike. ²⁵ Naye wakavasunhurira uwo waiya akakonyerwa mutirongo ngendaa youdzongoni nokuuraya, uwo wevakakumbira; asi wakavapa Jesu kuti vaite kuda kwavo ndiye. ²⁶ Naapo vechimukweya kuenda naye, vakabata munhu waizwi ndiSimoni weKurene, echibva munharaunda, vakaisa padera pake muchinjiko kuti autware ngesure kwaJesu., ²⁷ Yakamuteera mbungano huru yevanhu, nevakadzi avo vaimuchema nokumutsumba. ²⁸ Asi Jesu echikunukukira kwavari wakati, “Vakunda veJerusarema, musandichemera inini, asi mwechidzichemera imwimwi nevana venyu. ²⁹ Ngokuti ringirai, mazuva achauya evanozoti, ‘Dzinomuchena ngomwa nendani dzisikazi kumbobereka nemazamo asikazi kumboamwisa’, ³⁰ Naapo vanozotanga kuronza kumitunhu kuti, ‘Tiwirenyi padera pedu,’ nokuzvimitunhu kuti, ‘Tidumaidzenyi’, ³¹ Ngokuti kudai vechiita izvi kumuti muishi, chiinyi chinozoitwa kunewakaoma”, ³² Vairi vamweni, madzongoni, vakakweiwa pamwepo Jesu koourawa., ³³ Naapo vaguma pandau inozwi Denhenya, vakamukohomerapo nevashaishi, umwe ngokumudyo noumweni ngokumuoshwe. ³⁴ Jesu wakati, “Baba, varekererei; ngokuti avachizii chevanoita.” Navo vechikoanisirana zvokufuka zvake pakati pavo, vakaita mabhigidha. ³⁵ Nevanhu vakaema vechiringira; asi vatongi vakamuitira jee vechiti, “Iye wakaponesa vamweni, ngaadziponese, kuti ari Kristu waMwari, wakatsanangurwa wake”. ³⁶ Majoni nawo akamuitira jee, vechiuya kwaari nokumupa vhini rinorungura, ³⁷ vechiti, “Kuti iwewe uri Mambo wevaJudha, dziponese”. ³⁸ Rwaiyapo runyoro ngepadera pake rwaiti, “UYU NDIMAMBO WEVAJUDHA”. ³⁹ Umwe wevashaishi avo vakakohomerwa naye wakamutsambura echiti, “Andiwe here Kristu? Chidziponesa iwewe neisusu”. ⁴⁰ Asi umweni wakapingura echimurambidza, akati, “Aumutyi here Mwari, wechiona kuti uri mukurashwa kumwekwo naye? ⁴¹ Nesu ngegwinyiso tinosisira kurashwa, ngokuti tinoashira zvinosisira zviito zvedu. Asi uyu munhu aazi kuita zvakashata”, ⁴² Naye wakati, “Jesu, ndicherechedzewo apo woopotera muumambo hwako”. ⁴³ Naye wakati kwaari, “Ngegwinyiso ndinokuronzera, kuti nyamashi unozoapo neni muPharadhaisi”. ⁴⁴ Panguva yaida kuita awa rechitanhatu, nechidima chakafukidza nyika yeshe metsa kuguma awa rechipfumbamwe. ⁴⁵ Naapo kujeka kwezuva kwakapera, nejira romuTemperi rakabaurwa ngepakati. ⁴⁶ Apapo Jesu wakadaidzira ngeizwi guru, wakati, “Baba, ndinoisa mweya wangu munyara dzako!” Naapo aronza kudaro, mweya wake wakabuda. ⁴⁷ Naapo nduna yezana yaona zvakaitika, yakakudza Mwari yechiti, “Ngegwinyiso uyu waiya munhu wakarurama''. ⁴⁸ Nembungano yeshe iyo yakaungana pamwepo yechiringira, apo yaona zvakaitika, vakahwirira kanyi vechirova maditi avo. ⁴⁹ Naavo veshe vaiziyana naJesu nemadzimai awo akamuteera echibva Garire vakaema vari kuretu, vechiona zviro izvi. ⁵⁰ Zvinopano waiyapo munhu waizwi ndiJosefa, waibva mudhorobha reJudhia reArimathia. Waiya umwe wenhengo yevatongi, munhu wakanaka newakarurama. ⁵¹ Waiya asikazi kutenderana nebangano nokuita kwavo, akandogarira umambo hwaMwari. ⁵² Munhu uyu wakaenda kunaPiratu, akakumbira muiri waJesu. ⁵³ Naye wakaudzasa pashi, akauputira ngejira rakachena, akauika muiba rakatsiwa pabuwe, umwo musikazi kumboikwa munhu. ⁵⁴ Naro raiya zuva rokunasirira Phasika, neSabatha rooda kutanga. ⁵⁵ Nemadzimai avo vaiya vakabva naye Garire vakateera ngesure, vakaona iba nokuikwa kwomuiri wake. ⁵⁶ Navo vakahwirira, vakanasirira mitombo inegwema rakanaka nemakha. Vakazorora ngezuva reSabatha, kudai ngezvinoronza mupango.

¹ Asi ngezuva rokutanga revhiki, mangwanani maishi, vakauya kuiba, vechiunza mitombo inegwema rakanaka yevaiya vanasirira. ² Navo vakaona buwe ramburumbudzwa kubva paiba. ³ Asi naapo vapotera mukati avazi kuona muiri waMambo Jesu. ⁴ Naapo vachakangaidzwa ndizvo, penya, vamuna vairi vakaema pasinde pavo, vakapfeka zvinon'anikira; ⁵ naapo vechityiswa, vakatsikitsira pashi hope dzavo, vamuna vakati kwavari, “Munotsvaka vanopona ngenyi pakati pevakafa? ⁶ Amuna muno, wamuka. Cherechedzai zvaakamuronzera apo achiri muGarire. ⁷ echiti, ‘Kunosisira kuti Mukororo woMunhu apirwe munyara dzevanhu vakashata, akohomerwe, naye ngezuva rechitatu amuke''. ⁸ Navo vakakarakadza mazwi ake, ⁹ vechipetuka kubva kuiba, vakaronza izvi zveshe kunevarigumi naumwe nokunevamweni veshe. ¹⁰ Zvinopano vaiya Maria Magadhareni, Joana, Maria mai aJakobe, pamwepo nemadzimai amweni, vakaronza izvi kunevapostori. ¹¹ Asi vapostori avana kutenda kuneMadzimai, mazwi aya akaoneka kwavari ari asina shwiro. ¹² Asi Petro wakamiruka, akarumba kuenda kuiba, akaguma, wakakotama, akaringira mukati, akaona machira akachena andori ega; naye wakaenda kanyi kwake, echishamiswa ngeicho chakaitika. ¹³ Pazuva iro vairi vavo vaihamba kuenda kuguta rinozwi Emausi, raida kuita makhiromitha gumi narimwe kubva Jerusarema. ¹⁴ Navo vaiereketa umwe kunoumweni ngeizvo zveshe zvakaitika. ¹⁵ Naapo vachaereketa vechibvunzisana, Jesu emene wakakwedzera kwavari, akahamba navo. ¹⁶ Asi madziso avo akaitiswa rubuma kuti vasamuzia. ¹⁷ Wakati kunaJesu, “Ngerenyi shoko iri romunoereketa umwe kunoumweni mwechihamba?” Vakaema vakanyarara, vane hope dzinotambudzika. ¹⁸ Naapo umwe wavo, unozwi Kreopasi, wakapingura, akati kwaari, “Unogara uri wega here muJerusarema usikazii izvo zvakaitikamwo ngaaya mazuva?'' ¹⁹ Naye wakati kwavari, “Zviro zvenyi?” Vakati kwaari, “Izvo zvaJesu weNazaretha, uwo waiya muprofeti anesimba ngezviito namazwi pamberi paMwari nepamberi pevanhu veshe, ²⁰ nenjira yevakamupira ndiyo vapristi vakuru nevatongi vedu nokugura kuti aurawe ngokumukohomera. ²¹ Asi isusu taigonda kuti ndiye waizoripira Isuraeri. Eya, nepadera peizvi zveshe, nyamashi ratoa zuva rechitatu kubvira panguva yezvakaitika izvi. ²² Uyezve, vamweni vemadzimai vechiunga chedu vatishamisa. Vafumira kuenda kuiba, ²³ naapo vasikaoni muiri waJesu, vakauya vechiti vaona chioniso chengirosi, idzo dzati kwavari unopona. ²⁴ Nevamweni veavo vaiya nesu vakaendawo kuiba, vakaona kudai ngezvevakaronza madzimai; asi iye avazi kumuona''. ²⁵ Iye wakati kwavari, “A! Mapenzi nevanononoka kutenda ngomwoyo izvo zveshe zvakaereketwa ngevaprofeti!, ²⁶ Kwaiya kusikasisiri here kuti Kristu atambudzwe ngeizvi zviro zveshe nokupotera muuthende hwake?” ²⁷ Naye echibva ngezvaMosi nezvevaprofeti veshe wakapangidzira kwavari muzvinyorwa zveshe izvo zvakanyorwa ngendaa yake. ²⁸ Ndizvo vakakwedzera kuguta apo pevaienda. Iye wakaita kudai ngounopinda kuenda mberi, ²⁹ Asi vakamukoka vechiti, “Gara nesu, ngokuti rotengama nezuva rooda kubira.” Naye wakapotera koogara navo. ³⁰ Naapo agara navo pakudya, wakatora chingwa, akachibonga, akachigura, akachipa kwavari. ³¹ Nemadziso avo akapembenuka navo vakamuzia; naye wakanyangarika kubva mukuona kwavo. ³² Navo vakati umwe kunoumweni, “Mwoyo yedu aizi kupisha here mukati mwedu apo achaereketa kwetiri munjira nokupangidzira kwetiri zvakanyorwa?”. ³³ Navo vakamiruka ngeiro awa, vakahwirira Jerusarema; vakaona varigumi naumwe vakaungana pamwepo nevamweni avo vaiya navo, ³⁴ vechiti, “Mambo wamuka ngegwinyiso, naye waoneka kunaSimoni”, ³⁵ Zvino vakaronza izvo zvakaitika vari munjira, nokuziikanwa kwaakaita ndivo ngokugura chingwa. ³⁶ Naapo vacharonza izvi, Jesu emene wakaema pakati pavo, akati kwavari, “Kunyarara ngakugare kwomuri”, ³⁷ Asi vakakaruka, vakatyiswa kakurutu, vakapinimidza kuti vaona dzangaradzimu. ³⁸ Asi Jesu wakati kwavari, “Munotambudzika ngenyi? Inobuda ngenyi mibvunzo iyi mumwoyo yenyu? ³⁹ Ringirai nyara dzangu netsoka dzangu, ndini ndemene. Ndibatei muone; ngokuti dzangaradzimu arina nyama nemagodo kudai ngezvomunoona kuti inini ndinazvo''. ⁴⁰ Naapo aereketa kudaro, wakavapangidzira nyara dzake netsoka dzake. ⁴¹ Naapo vasikagondi ngendaa yokudakara nokushamiswa, Jesu wakati kwavari, “Munazvo here panapa zvokudya?”. ⁴² Vakamupa chigurwa chehove chakasasikwa, ⁴³ Jesu wakachitora, akadya pamberi pavo. ⁴⁴ Naapo wakati kwavari, “Aya ndiwo mazwi endakaereketa kwomuri ndichiri nemwi, kuti kunosisira kuti zveshe zvizadzisike izvo zvakanyorwa muMipango yaMosi nezvevaprofeti nezveNduyo ndini''. ⁴⁵ Naapo wakajekisa mipinimidzo yavo kuti vazwisise zvinyorwa, ⁴⁶ naye wakati kwavari, “Kwakanyorwa kudai, Kristu unozotambudzwa nokumukazve kubva kwevakafa ngezuva rechitatu, ⁴⁷ nokutizve kutenderuka nokurekererwa kwezvishaishi kunosisira kuchumairwa ngezina rake kunemadzinza eshe, kutanga muJerusarema. ⁴⁸ Nemwi muri zvapupu zveizvi zviro. ⁴⁹ Ndinotuma chigondiso chaBaba angu padera penyu; asi garai mudhorobha, metsa mupfekeswe ngesimba rinobva mudenga''. ⁵⁰ Naapo Jesu wakavatungamirira kubuda mudhorobha metsa vaguma Bhethani, naye echimirudza nyara dzake wakavafumisa. ⁵¹ Naapo achavafumisa, wakaparadzana navo, akakwidzwa mudenga. ⁵² Navo vakamunamata, vakahwirira kuenda Jerusarema ngokudakara kukurutu,, ⁵³ navo vakatsamwirira kugara muTemperi vechikudza Mwari.

¹ Pakutanga waiyapo Izwi, neIzwi waiya naMwari, neIzwi waiya Mwari. ² Waiyapo pakutanga naMwari. ³ Zviro zveshe zvakasikwa kubudikidza ndiye, ngepabanze pake paiwa pasina chiro nachimwe chakasikwa cheizvo zvakasikwa ⁴ Mwaari kwaiyamwo kupona nokupona kwaiya kujeka kwavanhu. ⁵ Kujeka kunojeka muchidima nechidima achizi kukudzima. ⁶ Kwaiwapo munhu wakatumwa ndiMwari, zina rate raiya Johani. ⁷ Wakauya kuita chapupu, kuti apupure ngokujeka, kuti vanhu veshe vatende kubudikidza ndiye. ⁸ 8Iye waiya asiriye kujeka, asi wakauya kuti apupure ngokujeka., ⁹ Kujeka ukwo kwaiya kujeka kwegwinyiso, ukwo kunojekisa vanhu veshe vanobarwa munyika. ¹⁰ Waiya munyika, nenyika yakasikwa kubudikidza ndiye, asi nyika aizi kumuzia. ¹¹ Wakauya munezvake, nevanhu vake avazi kumuashira. ¹² Asi kwawari veshe vakamuashira, avo vakatenda muzita rake, wakavapa simba rokuti vaite vana vaMwari; ¹³ avo vasikazi kubarwa ngengazi nokuti ngokuemura kwenyama nokuti ngokuemura kwomunhu, asi vakabarwa ndiMwari. ¹⁴ NeIzwi wakaita munhu, wakagara pakati pedu, nesu takaringira uthende hwake, uthende huri hwouwo wakabarwa ega ndiBaba, akazara ngenyasha negwinyiso. ¹⁵ Johani wakaita chapupu ndiye, akadaidzira echiti: “Uyu ndiye wendakareketa ndiye kuti: ‘Uwo unouya sure kwangu mukuru kupinda inini ngokuti waiwapo ndisati ndaapo.” ¹⁶ Kubva mukuzara kwake isusu teshe takaashira, nyasha padera penyasha. ¹⁷ Ngokuti mipango yakapuwa kubudikidza ndiMosi; asi nyasha negwinyiso zvakaapo kubudikidza ndiJesu Kristo. ¹⁸ Akuna naumwe wakamboona Mwari; Mwana ega, uwo unogara paditi raBaba, ndiye wakamuita kuti aziikanwe. ¹⁹ Neichi ndicho chapupu chaJohani, apo vaJudha vakatuma kwaari vapristi nevaRevhi kubva Jerusarema koomubvunza kuti: “Urianani iwewe?” ²⁰ Naye wakatenda, aazi kuramba, asi wakatenda echiti: “Inini andinipi Kristu akadi.” ²¹ Navo vakamubvunza vechiti, “Wati kudini? Uri Erija here?” Naye wakapingura echiti: “Andiriyepi.” “Uri muprofeti here?” Naye wakapingura echiti: “Haiwa.” ²² Ndizvo vakati kwaari zvino: “Urianani? Tipingure kuti tione chokoopingura avo vakatituma. Unotinyi iwewe pachako?”, ²³ Wakati: “Inini ndini izwi rounodaidzira mushango echiti: ‘Ruramisai njira yaMambo,’ kudai ngezvaakaronza Isaya muprofeti.” ²⁴ Zvino vaiya vakatumwa kubva kuvaFarisi. ²⁵ Navo vakamubvunza, vakati kwaari: “Zvino ngenyi wechibhabhatidza, kuti usiri Kristu nokuti Erija nokuti uwo muprofeti?”. ²⁶ Johani wakavapingura echiti: “Inini ndinobhabhatidza ngemvura; asi pakati penyu panoema uwo womusikazii, ²⁷ Ndiye uwo unouya sure kwangu, wendisikasisiri inini kuti ndisunungure rusinga rwegwada rake.” ²⁸ Izvi zvakaitika muBhethani seri kweJorodhani, apo paaibhabhatidza Johani., ²⁹ Nechimangwani aona Jesu echiuya kwaari, wakati, “Ringirai, Kagwai kaMwari kanodusa kushaisha kwenyika! ³⁰ Uyu ndiye wendakaereketa ndiye kuti: ‘Sure kwangu kunouya munhu uri mukuru kupinda inini, ngokuti waiyapo ndisati ndaapo.’ ³¹ Inini pachangu ndaiya ndisikamuzii; asi ngendaa iyi ndakauya ndechibhabhatidza ngemvura kuti apangidzirwe kuvaIsuraeri.” ³² NaJohani wakaita chapupu echiti: “Ndakaona Mweya wechidzaka kubva mudenga wakadai ngenjia, ukagara padera pake. ³³ Inini pachangu ndaiwa ndisikamuzii; asi iye wakandituma kuti ndibhabhatidze ngemvura wakati kwendiri: ‘Uwo wounozoona Mweya wechidzaka nokugara padera pake, uyu ndiye unobhabhatidza ndiMweya Wakachena.’ ³⁴ Neni ndakaona, ndakapupura kuti uyu ndiye Mukororo waMwari.” ^{36 35} Nechimangwanizve Johani waiya akaema nevairi vevadzidzi vake; naye aona Jesu echihamba, wakati: “Ringirai, Kagwai kaMwari!” ³⁷ Vadzidzi vairi vakamuzwa echiereketa izvi, vakateera Jesu. ³⁹ Jesu wakakunukuka, akavaona vechimuteera, akati kwavari, “Munotsvakenyi?” Vakati kwaari: “Rabhi (ukwo kunoti ngokukumuchwa, Mudzidzisi,) unogara pari?” ³⁸ Wakati kwavari: “Uyai muone.” Ndizvo vakauya vakaona apo paaigara, nawo vakagara naye zuvaro. Raiya rooda kuita awa rechigumi. ⁴⁰ Umwe wevairi avo vakazwa Johani echiereketa, akamuteera, waiya Andreu, munun'una waSimoni Petro. ⁴¹ Iye wakatanga kutsvaka mukoma wake Simoni, akati kwaari, “Tamuona Mesia” (ukwo kunoti ngokukumuchwa, Kristu.) ⁴² Naye wakamuunza kunaJesu. Naapo Jesu amuringira wakati, “Iwewe ndiwe Simoni mukororo waJohani. Unozodaidzwa kuti Khefasi” (ukwo kunoti ngokukumuchwa, Petro.) ⁴³ Nechimangwani wakada kuenda Garire, wakaona Firipu. NaJesu wakati kwaari: “Nditeere.” ⁴⁴ Zvino Firipu waibva Bhethisaidha, dhorobha revaigara Andreu naPetro. ⁴⁵ Firipu wakaona Nathanaeri, akati kwaari: “Tamuona uwo waakanyora ndiye Mosi muMipango nevaprofeti, Jesu weNazaretha, mwana waJosefa.” ⁴⁶ Nathanaeri wakati kwaari: “Kungabvawo chakanaka muNazaretha here?” Firipu wakati kwaari: “Uya uone.” ⁴⁷ Jesu wakaona Nathanaeri echiuya kwaari, akati ndiye: “Ringirai muIsuraeri wegwinyiso, usina kuchengedza mukati mwake!”, ⁴⁸ Nathanaeri wakati kwaari: “Wandiziira pari?” Jesu wakapingura akati kwaari: “Firipu asati akudaidza, uri pashi pomuonde, ndakakuona.” ⁴⁹ Nathanaeri wakapingura akati, “Rabhi, iwewe uri Mukororo waMwari! Uri Mambo waIsuraeri!”. ⁵⁰ Jesu wakapingura, akati kwaari: “Ngokuti ndati kwouri, ndakakuona uripashi pomuonde, unotenda here? Unozoona zviro zvikuru kupinda izvi.” ⁵¹ Wakati kwaari: “Ngegwinyiso ndinoti kwomuri, munozoona denga rakabeuka nengirosi dzaMwari dzechikwira nokudzaka padera poMwana woMunhu.”

¹ Ngezuva rechitatu kwaiyapo muchadho muKhana reGarire, namai aJesu vaiyapo. ² Jesu wakakokwawo nevadzidzi vake kumuchadho. ³ Naapo vhini rapera, mai aJesu vakati kwaari: “Avachina vhini. ⁴ NaJesu wakati kwaari, “Chinenyi ichi kwendiri nokwouri, mai? Awa rangu arisati raguma. ⁵ Mai ake vakati kuvashandi: “Kunyazwi chiinyi chaanoronza kwomuri, itai.”, ⁶ Zvino aiyapo mabiya emapuwe matanhatu emvura kudai ngomuitiro wavaJudha wokushamba, rimwe ngarimwe raipinda nhuvi mbiri nokuti nhatu. ⁷ Jesu wakati kwavari: “Zadzai mabiya ngemvura.” Navo vakaazadza kuti penu. ⁸ Naye wakati kwavari: “Cherai zvino, muende nayo kunenhunge yomuchadho.” Navo vakatora vakaenda nayo. ⁹ Naapo nhunge yomuchadho yaraira mvura iyo yakapindudzwa kuita vhini, isikazi kuzia kuti rabva kuri (asi vashandi avo vakachera mvura vaizia), nhunge yomuchadho yakadaidza mukwambo, ¹⁰ nayo yakati kwaari: “Munhu weshe unobudisa kutanga vhini rakanaka; naapo vanhu vamwa kakurutu, unobudisa iro risikazi kunasa kunaka; asi iwewe wakangwarira vhini rakanasa kunaka metsa zvino.” ¹¹ Jesu wakaita uyu, mushamiso wake wokutanga, muKhana reGarire, wakapangidzira uthende hwake; nevadzidzi vake vakatenda kwari. ¹² Ngesure kweizvi wakadzaka kuenda Khapernaume, iye namai ake nevanunguna vake nevadzidzi vake; navo vakagarapo mazuva asikazi kuwanda. ¹³ NePhasika revaJudha raiya repasinde, naJesu wakakwira kuenda Jerusarema. ¹⁴ Naye wakaona muTemperi avo vaitengesa mwombe, makwai nenjia, nevaitenganisana mare vakagaramwo. ¹⁵ Naapo aiya aita swepu, wakavadzinga veshe kubva muTemperi, zveshe makwai nen'ombe. Wakadurura pashi mare yavaitenganisana, akapinduridza matafura avo. ¹⁶ Naye wakati kuneavo vaitengesa njia: “Dusai izvi zviro kubva pano Musaita mhatso yaBaba angu mhatso yokutengesira” ¹⁷ Nevadzidzi vake vakakarakadza kuti kwakanyorwa kuti: “Kutsamwirira ngendaa yemhatso yako kuchandipedza.” ¹⁸ Ndizvo vaJudha vakamupingura, vakati kwaari: “Muoniso wenyi woungaita kutionisa kuti unesimba rokuita izvi zviro?” ¹⁹ Jesu wakapingura, akati kwavari: “Putsai iri Temperi, ndinozorimirudzazve ngemazuva matatu.” ²⁰ Ndizvo vaJudha vakati: “Temperi iri rakaakwa ngemakore makumi marongomuna namatanhatu, newe ungarimirudza here ngemazuva matatu?” ²¹ Asi iye wakaereketa ngendaa yetemperi romuiri wake. ²² Ndizvo apo amuswa kubva kwevakafa, vadzidzi vake vakakarakadza kuti waiya akaereketa ngeichi; navo vakatenda zvakanyorwa neizwi iro raakaereketa Jesu. ²³ Zvino apo aiya muJerusarema padhiri rePhasika, vazhinji vakatenda zina rake apo vaona mishamiso yaakaita. ²⁴ Asi Jesu aazi kudzipira kwavari, ngokuti iye waizia vanhu veshe ²⁵ waiya asikatami naumwe kuti apupurire kwaari ngendaa yomunhu; ngokuti iye waizia emene izvo zviri mukati mwomunhu.

¹ Zvino painga munhu wevaFarisi, zita rake ndiNikodhemusi, mutongi wevaJudha. ² Uyu munhu wakaenda kunaJesu usiku wakati kaari: “Rabhi, tinozia kuti iwewe uri mudzidzisi wakabva kunaMwari; ngokuti akuna naumwe ungakona kuita iyi mioniso younoita, kwega kuti Mwari arinaye.” ³ Jesu wakapingura, akati kaari: “Ngeshokwadi ndinoti kwouri, kudai munhu asabarwa ngokwomudenga, aakoni kuona umambo hwaMwari.” ⁴ Nikodhemusi wakati kwaari, “Munhu ungaita mabarirwenyizve apo aamusharuka? Ungakona here kuti apotere ngokwechipiri mundani yamai ake, abarwezve?”, ⁵ Jesu wakapingura echiti, “Nge chokwadi, chokwadi, ndinoti kouri: kuti munhu asabarwa ngemvura noMweya, aangakoni kupotera muumambo waMwari. ⁶ Uyana unobarwa nge nyama inyama, unobarwa nge Mweya mweya. ⁷ Usa shamaswa ngokuti ndati kwouri: ‘Kunosisira kuti ubarwezve. ⁸ Mututu unovhuvhuta peunoda, newe unozwa chaungira charo, asi auzii perinobva neperinoenda. Zvakadaro kavari veshe vanobarwa ngomuMweya.” ⁹ Nikodhemusi wakapingura, akati kwaari: “Izvi zvingaita maitikirenyi?” ¹⁰ Jesu wakapingura akati kwaari: “Iwewe uri mudzidzisi waIsuraeri, auzwisisi izvi here?, ¹¹ Nge chokwadi ndinoti kouri, tinoreketa chetinozia, nesu tinopupura ngeicho chetakaona; nemwi amuashiri uchapupu hwedu. ¹² Kuna ndamureketera zviro zvemunyika nemwi amuzi kuzvitenda, hino munozoita matenderenyi kudai ndechimubuira ngezviro zvomudenga? ¹³ Akuna naumwe wakambokwira mudenga, asi uwo wakadzaka kubva mudenga, Mwana wakadzuka. ¹⁴ Kudai ndiMosi wakamurudza nyoka mushango, ngokudaro kunosisira kuti Mwana woMunhu amurudzwe, ¹⁵ kuti kunyazwi ndiani unomutenda aone kupona kusikaperi.” ¹⁶ Ngokuti Mwari wakaida nyika kudai, wakayipa Mwana wake wakabarwa ari ega, kuti veshe vanomutenda vasafa asi vaone kupona kusikaperi. ¹⁷ Ngokuti Mwari aazi kutuma Mwana wake munyika kuti atonge nyika, asi kuti nyika iponeswe kubudikidza ndiye. ¹⁸ Uwo unotenda kaari aatongwi; asi uwo usikatendi watotongwa nazvino, ngokuti aazi kutenda zita rouwo wakabarwa ari ega Mwana waMwari. ¹⁹ Uku ndikwo kutongwa: kuti kujeka kakaguma munyika, nevanhu vakada chidima kakurutu kupinda kujeka, ngokuti mushando yavo yaiya yakashata. ²⁰ Ngokuti weshe unoita zvakashata unozonda kujeka naye aauyi mukujeka, ngokuti mushando yake inozooneka pamhene. ²¹ Asi uwo unoita zvinegwinyiso unouya mukujeka, kuti mushando yake inase kuoneka kuti yakaitwa munaMwari. ²² Ngesure kweizvi, Jesu nevadzidzi vake vakaenda munyika yeJudhia; naye wakagaramo navo echibhabhatidza. ²³ NaJohani waibhabhatidza muAenoni paduze peSarimu, ngokuti yaiapo mvura yakawanda; vanhu vakauya vakabhabhatidzwa. ²⁴ Ngokuti Johani waiya asati aiswa mutirongo. ²⁵ Zvino kwakaapo kuphikisana pakati pevadzidzi vaJohani nomuJudha ngendaa yokucheneswa. ²⁶ Navo vakauya kunaJohani, vakati kwaari:“Rabhi, uwo waiya newe seri kweJorodhani, uwo wowakaita chapupu ndiye, uyu uri pano, unobhabhatidza, navo veshe vanoenda kwaari.” ²⁷ Johani wakapingura, akati: “Munhu aakoni kuashira chiro kunyazwi ngechiri kuti asikazi kuchipuwa kubva mudenga. ²⁸ Imwimwi mwemene mwakaita chapupu ndini kuti ndakati, ‘Inini andiriyepi Kristu, asi ndakatumwa pamberi pake.’, ²⁹ Uwo una nyamuroorwa ngewe muroora; asi shamwari yomuroora, iyo inoema yechimuzwa, inodakara ngendaa yeizwi renyamuroora; ndizvo uku kudakara kwangu kwazadkisika. ³⁰ Zvishafanira kuti iye akuriswe, asi inini ndinofanira kuti nditsonge.” ³¹ Uwo unouya echibva mudenga uri padera pazvo zveshe; uwo unobva munyika ngowenyika, naye unoereketa zvomunyika. Uwo unobva mudenga uri padera pazvo zveshe. ³² Naye unopupura ngeizvo zvaakaona nezvaakazwa, asi akuna munhu unoashira chapupu chake. ³³ Uwo unotenda zvanobuya, wakagwinyisa kuti Mwari igwinyiso. ³⁴ Ngokuti uwo waatuma Mwari unoereketa mazwi aMwari, ngokuti iye aapi kwaari Mweya ngechipimo. ³⁵ Baba vanoda Mukororo, navo vakapa zviro zveshe munyara dzake. ³⁶ Uwo unotenda Mwana waane kupona kusikaperi; nouwo usikatendi Mwana aazooni kupona, asi ushungu waMwari hunozogara padera pake.

¹ zvino apo ishe azia kuti vaFarisi vaiya vazwa kuti Jesu waiita nokubhabhatidza vadzidzi vakawanda kupinda Johani. ² (kunyazwi Jesu emene aazi kubhabhatidza, asi vadzidzi vake). ³ Wakabva Judhia, akaendazve Garire. ⁴ Waisisira kuti ahambe ngomuSamaria. ⁵ Ndizvo wakaguma muguta revaSamaria rinozwi Sikha, pasinde pomunda uwo waakapa Jakobe kune mwana wake Josefa. ⁶ Chinyuka chaJakobe chaiyapo, ndizvo Jesu aremba ngomuhambo wake, wakagara pashi pabhiri pechinyuka. Rooda kuita awa rechitanhatu., ⁷ Kwakagumapo dzimai reSamaria koochera mvura. Jesu wakati kweriri: “Ndipewo mvura ndimwe.”, ⁸ Ngokuti vadzidzi vake vaiya vaenda muguta kootenga zvokurwa. ⁹ Ndizvo dzimai reSamaria rakati kaari: “Ngenjiranyi kuti iwewe, uri muJudha, ukumbire mvura yokumwa kwendiri inini, dzimai reSamaria?” (Ngokuti vaJudha avaiyani nevaSamaria.) ¹⁰ Jesu wakapingura, akati kweriri: “Kudai waizia iwewe chipo chaMwari, nokuti ndiani uwo unokumbira kwouri kuti, ‘Ndipewo mvura, ndimwe’, iwewe waizokumbira kwaari, naye waizokupa mvura yokupona.” ¹¹ Dzimai rakati kwaari: “Mambo, auna chidziyo chokuchera ndicho, nechinyuka chakadzama. Ndizvo mvura yokupona unoiona pari? ¹² Uri mukuru here iwewe kupinda baba edu Jakobe, uwo wakatipa ichi chinyuka, naye wakamwa kwechiri emene, nevana vake nezvifuyo zvake?” ¹³ Jesu wakapingura akati kweriri, “Kunyazwi ndiani unomwa kuneiyi mvura unozozwazve nyota,, ¹⁴ asi kunyazwi ndiani unomwa mvura yendinozomupa inini, aachazozwizve nyota mhera nariini. Mvura iyo yendinozomupa inozoita chinyuka chemvura mukati make, chechivherukira kupona kusikaperi.” ¹⁵ Dzimai rakati kwaari: “Mambo, ndipe mvurayo, kuti ndisachazozwa nyota nokuti ndisachazouya panozve koochera mvura.”, ¹⁶ Jesu Wakati kweriri: “Enda, woodaidza mwamuna wako, muuye pano.” ¹⁷ Dzimai rakapingura rikati kaari: “Andina mwamuna.” Jesu wakati kweriri: “Wanasa kupingura zvakanaka zvewati: ‘Andina mwamuna;’ ¹⁸ ngokuti waimboiya nevamuna vashanu, nouwo woutori naye aasiri mwamuna wakopi! ngeizvi waereketa gwinyiso." ¹⁹ Dzimai rakati kwaari, “Mambo, ndinoona kuti imwimwi muri muprofeti. ²⁰ Madzibaba edu akadira kuneiri dunhu; nemwi munoti muJerusarema ndiyo ndau inosisira kudiriramwo.” ²¹ Jesu wakati kweriri: “Dzimai, nditende, nguva ichauya apo pemusikachazodiriri Baba kuneiri dunhu kunyazwi muJerusarema. ²² Imwimwi munotenda chomusikazii; isusu tinotenda chetinozia, ngokuti ruponeso runobva kuvaJudha. ²³ Asi awa rinouya, nazvino raapano, apo vadiri vegwinyiso vanozodira Baba muMweya nomugwinyiso, ngokuti Baba vanotsvaka vakadaro kumudira. ²⁴ Mwari ndiMweya, naavo vanomudira vanosisira kuti vamudire muMweya nomugwinyiso.” ²⁵ Dzimai rakati kwaari: “Ndinozia kuti Mesia unouya: (uwo unozwi Kristu). “Naapo oouya, unozotironzera zviro zveshe.” ²⁶ Jesu wakati kweriri:“Inini unoereketa newe ndini ndemene.” ²⁷ Panguvayo vadzidzi vake vakauya. Vakashamiswa ngokuti waiereketa nedzimai, asi apana naumwe wakati kwaari: “Unotsvakenyi?” nokuti, “Unoereketa naro ngenyi?”, ²⁸ Dizvo dzimai rakasiya nhuvi yaro yemvura, rakahwirira kuguta, rikati kuvanhu. ²⁹ “Uyai, muone munhu uwo wandironzera zveshe zvendakaita. Uyu ungaita Kristu here?”. ³⁰ Vakabuda kubva muguta vechiuya kwaari., ³¹ Panguva iyo vadzidzi vake vakamukumbira vechiti:“Rabhi, irwai.” ³² Asi wakati kwavari: “Inini ndinakwo kurwa kwomusikazii imwimwi.” ³³ Ndizvo vadzidzi vakati umwe kunoumweni: “Uripo here munhu wamuunzira chokudya?” ³⁴ Jesu wakati kwavari: “Kurwa kwangu ndikwo kuita kuda kwouwo wakandituma nokupedza mushando wake. ³⁵ Amubui here kuti: ‘Kwasara mwedzi mirongomuna, naapo kukukura kwaguma?’ Ndinomuronzera, mirudzai madziso enyu, muringire muminda, ngokuti yachena zvino yoda kukukurwa. ³⁶ Uwo unokukura unoashira misharo, naye unounganidza michero yokupona kusikaperi, ndizvo uwo unosima naye unokukura vadakare veshe pamwepo. ³⁷ Ngokudaro chisana ichi chineshokwadi chinoti: "‘Umwe unokusha noumweni unokukura.’" ³⁸ Ndakamutuma kuti mukukure izvo zvomusikazi kushanda; vamweni vakashanda yaamho, nemwi mwapotera mumushando wavo.” ³⁹ Vanhu vajinji vemuguta revaSamaria vakamutenda ngendaa yeizwi redzimai, rerakapupura rechiti: “Wandironzera zveshe zvendakaita.”, ⁴⁰ Ndizvo apo vaSamaria vaguma kaari, vakamunyengerera kuti agare navo; naye wakagarapo mazuva mairi. ⁴¹ Nevajinji vamweni vakamutenda ngendaa yeizwi rake. ⁴² Navo vakati kunedzimai: “Zvino tinotenda, haiwa ngendaa yemazwi ako, asi ngokuti tadzizwira temene, nesu tinozia kuti uyu ngegwinyiso ndiye Muponesi wenyika.” ⁴³ Ngesure kwemazuva mairi wakabvapo, akaenda muGarire. ⁴⁴ (Ngokuti Jesu emene wakapupura kuti muprofeti aaremekedzwi munyika yake.) ⁴⁵ Ndizvo apo aguma muGarire, vaGarire vakamuashira, ngokuti veshe vaiya vakaona zveshe zvaakaita muJerusarema padhiri, ngokuti navowo vakaenda kudhiri. ⁴⁶ Ndizvo Jesu wakauyazve muKhana reGarire, apo paakapindudza mvura kuita waini. Kwaiyapo nduna yaiya nomwana wayo wairwara muKhapernaume. ⁴⁷ Naapo nduna iyi yazwa kuti Jesu waiya abva Judhia aguma muGarire, yakaenda kwaari, yakamunyengerera kuti adzake aponese mwana wayo, ngokuti waiya ooda kufa. ⁴⁸ Ndizvo Jesu wakati kweiri: “Kuti musikaoni mioniso nemishamiso amuzotendi. ⁴⁹ Nduna yakati kwaari: “Mambo, dzaka mwana wangu asati afa.” ⁵⁰ Jesu wakati keiri: “Enda; mukororo wako unozopona.” Munhuwo wakagonda izwi rakaereketwa kwaari ndiJesu naye wakaenda. ⁵¹ Naapo achadzaka, varanda vake vakasangana naye, vakamurobuira kuti mwana wake wapona. ⁵² Ndizvo wakabvunza awa iro raakatanga kuitanane ndiro, navo vakati kwaari: “Zuro ngeawa rechinomwe mutsarara wakamusiya.” ⁵³ Ndizvo baba akazia kuti ndiro awa raakaereketa Jesu kwaari kuti: “Mukororo wako unozopona.” Naye pachake wakatenda nevemhatso yake yeshe. ⁵⁴ Uyu ndiwo muoniso wechipiri waakaita Jesu, abva Judhia apo aguma Garire.

¹ Sure kweizvi kwaiyapo dhiri revaJudha, naJesu wakakwira Jerusarema. ² Zvino riripo muJerusarema gandwa ngepamusiwo wemakwai, unodaidzwa ngechiHebheru kuti Bhethisaidha, rinemaberere mashanu. ³ Mukati mwawo mwaiata vazhinji vairwara, vaiya mapofu nezvirema, nevakaputa, vechigarira kuvhundurwa kwemvura. ⁴ Ngokuti ngomukuwo wakatikuti, ngirosi yaidzaka mugandwa nokuvhundura mvura. Ndizvo kunyazwi ndiani waitanga kupoteramwo apo mvura yavhundurwa waiponeswa kunyazwi waiya nenhenda yakaitawani. ^{5 6} Kwaiyapo munhu umwe waiya nenhenda yake makore makumi matatu namasere. 6Naapo Jesu amuona akaata, wakazia kuti waiya aripo kwomukuwo wakareba, wakati kwaari: “Unoda kuponeswa here?” ⁷ Munhu wairwara wakapingura kwaari echiti: “Mambo, andina munhu wokundidzasa mugandwa apo mvura yoovhundurwa. Asi mukuenda kwangu, umweni unodzaka kunditangira.” ⁸ Jesu wakati kwaari: “Miruka, utore manhi ako uhambe.” ⁹ Paripo munhuwo wakaponeswa, wakatora manhi ake akahamba. Ngezuva iro raiya Sabatha ¹⁰ Ndizvo vaJudha vakati kwaari uwo wakaponeswa: “Isabatha, autenderwi kuti utware manhi ako.” ¹¹ Asi wakavapingura kuti: “Uwo wakaita kuti ndiponeswe ndiye wakati kwendiri: ‘Tora manhi ako, uhambe.’ ” ¹² Wakamubvunza vechiti: “Ndiani munhu uwo wakati kwouri: ‘Tora manhi ako, uhambe?’ ” ¹³ Asi uwo wakaponeswa aazi kuzia kuti ndiani, ngokuti Jesu waiya angarangaka mumbungano huru yaiyapo pandau iyo ¹⁴ Ngesure kweizvi, Jesu wakamuona ari muTemperi, naye wakati kwaari: “Ringira, wakaponeswa! Usachashaishazve, kuti chiro chakapinda kushata kuneicho chisazokugumira.” ¹⁵ Munhu akaenda, akaronzera vaJudha kuti ndiJesu wakamuponesa. ¹⁶ Ngendaa iyi vaJudha vaitambudza Jesu, ngokuti wakaita izvi ngeSabatha. ¹⁷ Asi Jesu wakavapingura echiti: “Baba angu vanondoshanda wanoshanda nazvino, neni ndinoshanda.” ¹⁸ Ndizvo ngendaa iyi vaJudha vakapindisisa kutsvaka kumuuraya, ngokuti iye aazi kugura Sabatha kwega, asi wakaronzazve kuti Mwari waiya Baba ake vemene, echidziita pachake unoedzana naMwari. ¹⁹ Ndizvo Jesu wakapingura, akati kwavari: “Ngegwinyiso ndinoti kwomuri, Mwana akoni kuita chiro ngokwake, asi icho chega chaanoona Baba vechiita; ngokuti kunyazwi ngechiri chaanoita Baba, Mwana unoitawo ngokudaro. ²⁰ Ngokuti Baba vanomuda Mwana, vanomupangidzira zveshe zvavanoita vemene; vanozomupangidzira mishando mikuru inopinda iyi, kuti mushamiswe. ²¹ Ngokuti kudai ndiBaba vanomusa avo vakafa nokuvapa kupona, ngokudarozve Mwana unopa kupona kuneavo vaanoda. ²² Ngokuti Baba avatongi munhu naumwe, asi vakapa kutonga kweshe kuno Mwana, ²³ kuti veshe varemeredze Mwana, kudai ngezvevanoremeredza Baba. Uwo usikaremeredzi Mwana aremeredzi Baba uwo wakamutuma. ²⁴ Ngegwinyiso ndinoti kwomuri, uwo unozwa izwi rangu, atende uwo wakandituma, waanakwo kupona kusikaperi; aachapindi mukutongwa, asi wadarika kubva mukufa kupotera mukupona. ²⁵ “Ngegwinyiso ndinoti kwomuri, awa rinouya, nazvino raapano, apo vakafa vanozorizwa izwi roMukororo waMwari, naavo vanozorizwa vanozopona. ²⁶ Ngokuti kudai ndiBaba unokupona mukati mwake, ndizvo wakapawo Mukororo kuti aanokupona mukati mwake, ²⁷ naye wakamupa simba rokutonga ndaa, ngokuti iye Mukororo woMunhu. ²⁸ Musashama ngeichi; ngokuti awa rinozouya apo veshe vari mumaiba vanozorizwa izwi rake: ²⁹ navo vanozobudamwo, avo vakaita zvakanaka mukumuka kwokupona, naavo vakaita zvakashata mukumuka kwokutongwa. ³⁰ “Inini andikoni kuita chiro ngesimba rangu. Kudai ngezvendinozwa, ndinotonga; nokutonga kwangu kwakarurama, ngokuti anditsvaki kuda kwangu asi kuda kwouwo wakandituma. ³¹ Kudai inini ndechidzipupurira pachangu, chapupu changu achina gwinyiso. ³² Uripo umwe unoita chapupu ndini, neni ndinozia kuti chapupu chaanopupura ndini chinegwinyiso. ³³ Iye waiya chibani chinobaka chinojekisa, nemwi mwakatenda kuti mudakare kwenguva doko mukujeka kwake., ³⁴ Inini andiashiri chapupu chinobva kumunhu, asi ndinoronza izvi kuti imwimwi muponeswe. ³⁵ Imwimwi mwakatuma kunaJohani, naye wakapupurira gwinyiso. ³⁶ Asi inini ndinechapupu chinopinda kugwinya kunechaJohani; ngokuti mishando iyo yaakandipa Baba kuti ndiipedze, uyo muchando wendinoita, inopupura ndini kuti Baba vakandituma. ³⁷ NaBaba uwo wakandituma wakaita chapupu pachake ndini. Amuzi kumbozwa izwi rake nakamwe nokuti kumboona muemo wake, ³⁸ nemwi amuna izwi rake rinogara mukati mwenyu, ngokuti imwimwi amuzi kutenda uwo waakatuma. ³⁹ Munotsvakisisa zvinyorwa, ngokuti imwimwi munopinikidza kuti mukati mwazvo munokupona kusikaperi; neizvo ndizvo zvinopupurua ndini. ⁴⁰ Asi nemwi amutendi kuuya kwendiri kuti muone kupona. ⁴¹ Andiashiri kukudzwa kunobva kuvanhu. ⁴² Asi ndinomuzia kuti amuna rudo rwaMwari mukati mwenyu., ⁴³ Inini ndakauya ngezina raBaba angu, nemwi amuzi kundiashira; kudai umweni echizouya ngezina rake remene, uwo munozomuashira. ⁴⁴ Mungaita matenderenyi, imwimwi munoashira kuirikidzwa kubva kuno umwe nokuno umweni, musikatsvaki kukudzwa ukwo kunobva kunaMwari ega? ⁴⁵ Musapinimidza kuti inini ndinozomuitira ndaa kunaBaba; ndiMosi unomuitira ndaa, uwo wemwakagonda imwimwi. ⁴⁶ Ngokuti dai mwakatenda Mosi, mwaizodai mwakatendawo inini, ngokuti wakanyora ngendaa yangu. ⁴⁷ Asi kuti musikatendi zvakanyorwa zvake, mungazoita matenderenyi mazwi angu?”

¹ Ngesure kweizvi Jesu wakaambuka ruseri rwoRuandhle rweGarire, urwo ndirwo Ruandhle rweThibheriasi. ² Neungano huru yakamuteera, ngokuti yaiwa yaona zvishamiso zvaakaita kwavari vairwara. ³ Jesu wakakwira mudunhu, akagara pashi nevadzidzi vake. ⁴ Zvino Phasika, dhiri revaJudha, rakakwedzera. ⁵ Ndizvo Jesu amirudza madziso ake, aona kuti mbungano huru yaiya yechiuya kwaari, wakati kunaFiripu, “Tinozotenga pari zvingwa kuti ava vadye?” ⁶ Asi wakareketa izvi kumuedza, ngokuti iye waizia chaanozoita. ⁷ Firipu wakamupingura echiti: “Zvingwa zvemazana mairi ezvigurwa zvesirivha azvivakwani kuti umwe ngaumwe atore kadoodoko.” ⁸ Umwe wevadzidzi vake, Andreu, munun'una waSimoni Petro, wakati kwaari: ⁹ “Uri pano murumbwana unezvingwa zvebhare zvishanu nezvihove zviiri; asi izvi zvingadetserenyi kuvanhu vazhinji vakadai?” ¹⁰ Jesu wakati: “Garisai vanhu pashi.” Kwaiyapo pandau iyo mwenje wakawanda; ndizvo vanhu vakagara pashi, vaida kuita makumi emazana mashanu kuwanda. ¹¹ Ndizvo Jesu wakatora zvingwa, naapo abonga, wakakoanisa kunaavo vaiya vakagara pashi; wakaitazve kudaro nezvihove, veshe vakadya kudai ngezvevaikona. ¹² Naapo vaguta wakati kuvadzidzi vake: “Unganidzai matsekeneswa asara, kuti kusarashwa chiro.” ¹³ Ndizvo vakaunganidza, vakazadza zvitundu gumi nazviiri ngematsekeneswa ezvingwa zvebhare zvishanu akasara kuneavo vaiya vadya. ¹⁴ Ndizvo vanhu avo vaona uyu mushamiso waakaita, vakati, “Ngegwinyiso uyu ndiye muprofeti uwo unouya munyika!” ¹⁵ Ndizvo apo Jesu echizia kuti vodo kuuya kuti vamutore ngesimba kuti vamuite mambo, wakabvapozve akaenda kumutunhu ari ega. ¹⁶ Naapo zuva rabira, vadzidzi vake vakadzaka kuruandhle. ¹⁷ Vakakwira mungarava, vakatanga kuambuka ruandhle kuenda Khapernaume. Kwaiya kwasvipa, naJesu waiya asati aguma kwavari. ¹⁸ Nemafungu oruandhle akakwira ngendaa yedutu guru raivhuvhuta. ¹⁹ Naapo vaiya vahamba paida kuita makhiromitha mashanu nokuti matanhatu, vakaona Jesu echihamba padera peruandhle, echikwedzera kungarava, navo vakatyiswa. ²⁰ Asi wakati kwavari: “Ndini hangu; musatya.” ²¹ Naapo vakadakara kumutora mungarava, paripo ngarava yakaguma kunyika kwavaienda. ²² Nechimangwani mbungano iyo yaiya yakasara ruseri rworuandhle yakaona kuti paiya pasina ngarava imweni, yega imwe iyo yevaiya vapotera kweiri vadzidzi vake, nokuti Jesu aazi kukwira pamwepo nevadzidzi vake mungarava, asi kuti vadzidzi vake vaiya vaenda vari vega. ²³ Kwakauya ngarava dzimweni dzakabva Thibheriasi dzikaguma pasinde pendau apo pavakadya zvingwa ngesure Mambo azvibonga. ²⁴ Ndizvo apo mbungano yaona kuti Jesu paiya pasina apapo nokuti vadzidzi vake, yakakwirawo mungarava yakauya muKhapernaume yechitsvaka Jesu. ²⁵ Naapo waiya wamuona ruseri rworuandhle, yakati kwaari: “Rabhi, waguma pano riini". ., ²⁶ Jesu wakaipingura, akati: “Ngegwinyiso ndinoti kwomuri, amunditsvaki ngokuti mwakaona mishamiso, asi ngokuti mwakadya zvingwa mukaguta. ²⁷ Musashandira kudya ukwo kunopera, asi kudya ukwo kunogara kugumira narinhi, kwaanozomupa Mwana woMunhu; ngokuti padera pake Baba Mwari wakaisa chioniso chake. ²⁸ Ndizvo vakati kwaari: “Tingaitei kuti tishande mishando yaMwari?”. ²⁹ Jesu wakapingura, akati kwavari: “Uyu ndiwo mushando waMwari kuti mutende uwo waakatuma.” ³⁰ Ndizvo vakati kwaari: “Iwewe unoita muoniso wenyi kuti tione, titende kwouri? Unoshandei? ³¹ Madzibaba edu akadya mana mushango; kudai ngezvezvakanyorwa: ‘Wakavapa chingwa chakabva mudenga kuti vadye. ³² Naapo Jesu wakati kwavari: “Ngegwinyiso ndinoti kwomuri, andiyepi Mosi wakamupa chingwa chakabva mudenga, asi Baba angu ndivo vanomupa chingwa chegwinyiso chinobva mudenga.” ³³ Ngokuti chingwa chaMwari chiri uwo wakadzaka kubva mudenga nokupa kupona kunyika.” ³⁴ Ndizvo vakati kwaari: “Mambo, tipei ichi chingwa nguva dzeshe. ³⁵ Jesu wakati kwavari: “Inini ndiri chingwa chokupona; iye unouya kwendiri aatongozwi nzara, nouwo unotenda kwendiri aatongozwi nyota. ³⁶ Asi ndakati kwomuri mwakandiona asi amuzi kunditenda. ³⁷ Zveshe zvaanondipa Baba zvinozouya kwendiri; nouwo unouya kwendiri andizomurashi akadi. ³⁸ Ngokuti andizi kudzaka kubva mudenga kuti ndiite kuda kwangu, asi kuda kwouwo wakandituma; ³⁹ uku ndikwo kuda kwowakandituma, kuti andisisiri kurashikirwa nachimwe chazvo zveshe zvaakandipa, asi kuti ndichimuse ngezuva rokupera.” ⁴⁰ Ngokuti uku ndikwo kuda kwaBaba angu, kuti munhu weshe unoringira Mwana nokutenda kwaari unowanokupona kusikaperi; neni ndinozomumusa ngezuva rokupera.” ⁴¹ Ndizvo vaJudha vakavhuruvhuta ndiye, ngokuti wakati: “Inini ndiri chingwa chakadzaka kubva mudenga". ⁴² Vakati: “Uyu andiyepi here Jesu, mwana waJosefa, baba namai ake vetinozia? Zvino unoita maereketerei kuti: ‘Ndakadzaka kubva mudenga? ⁴³ Jesu wakapingura akati kwavari: “Musavhuruvhuta pakati penyu. ⁴⁴ Akuna naumwe unokona kuuya kwendiri, kudai Baba wakandituma asamukweya; neni ndinozomumusa ngezuva rokupera. ⁴⁵ Kwakanyorwa muvaprofeti kuti: ‘Veshe vanozodzidziswa ndiMwari.’ Ndizvo munhu weshe wakazwa, akadzidza kubva kunaBaba, unouya kwendiri. , ⁴⁶ Andirobui kuti uripo wakaona Baba, kwega iye wakabva kunaMwari; ndiye wakamuona Baba. ⁴⁷ Ngechokwadi ndinoti kwomuri, iye unotenda waanokupona kusikaperi. ⁴⁸ Inini ndiri chingwa chokupona. ⁴⁹ Madzibaba enyu vakadya mana mushango, navo vakafa., ⁵⁰ Ichi ndicho chingwa chinodzaka kubva mudenga, kuti kunyazwi ndiani kwomuri unochidya, aachafi. ⁵¹ Inini ndiri chingwa chokupona chakadzaka kubva mudenga; kuti kunyazwi ndiani unorwa ichi chingwa unozopona kusikaperi; nechingwa chendinozomupa chiri nyama yangu, yendinozopa kuita kupona kwenyika.” ⁵² Ndizvo vaJudha vakaitirana hasha pakati pavo vechiti: “Munhu uyu ungaita mapireyi nyama yake katiri kuti tirwe?” ⁵³ Ndizvo Jesu wakati kwavari, “Ngechokwadi ndinoti kwomuri, kuti musikarwi nyama yemwna woMunhu, musikamwi ngazi yake, amuna kupona mukati mwenyu. ⁵⁴ Uwo unorwa nyama yangu nounomwa ngazi yangu waanokupona kusikaperi, neni ndinozomumusa ngezuva rokupera. ⁵⁵ Ngokuti nyama yangu kurwa yaamho nengazi yangu kumwa yaamho. ⁵⁶ Uwo unorwa nyama yangu nounomwa ngazi yangu, unogara mukati mwangu neni ndinogara mukati mwake. ⁵⁷ Kudai ndiBaba vanopona vakandituma, neni ndinopona ndiBaba, ngokudaro uwo unondirwa, ndiye unozopona ndini. ⁵⁸ Ichi ndicho chingwa chakadzaka kubva mudenga, chisikazi kudai ngechakarwa madzibaba vakafa. Uwo unodya chingwa ichi unozopona mhera nariini. ⁵⁹ Wakareketa izvi echidzidzisa mumhatso yokudira muKhapernaume. ⁶⁰ Ndizvo vazhinji vevadzidzi vake, apo vazwa, vakati, “Iri izwi rakakonza, ndiani unokona kurizwa?” ⁶¹ Asi Jesu, echizia mukati mwake kuti vadzidzi vake vakavhuruvhuta ngeizwi iro, wakati kwavari: “Ichi chinomudanisa here? ⁶² Mungaiteyi kudai mwechiona Mwana woMunhu echikwira apo paaiya pakutanga? ⁶³ NdiMweya unopa kupona, nyama ainyuri chiro. Mazwi endakareketa inini kwomuri ari mweya nokupona. ⁶⁴ Asi varipo vamweni pakati penyu vasikatendi.” Ngokuti kubvira pakutanga, Jesu waindozia kuti ndiani avo vasikatendi nokuti ndiani unozomupira. ⁶⁵ Naye wakati: “Ngeiyi ndaa ndakareketa kwomuri ndechiti, apana unokona kuuya kwendiri kuti asikazi kutenderwa ndiBaba.” ⁶⁶ Ngesure kweizvi vazhinji vevadzidzi vake vakahwirira sure, avazi kuchazohamba naye, ⁶⁷ Ndizvo Jesu wakati kunegumi navairi: “Imwimwi munoda kuendawo here?” ⁶⁸ Simoni Petro wakamupingura akati: “Mambo, tingaenda kunani? Ndimwi munemazwi okupona kusikaperi; ⁶⁹ nesu takatenda, tikazia kuti iwewe uri Wakachena waMwari.” ⁷⁰ Jesu wakavapingura, akati: “Inini andizi kumutsanangura here murigumi navairi, noumwe wenyu uri dhiabhorosi?” ⁷¹ Wakaereketa ndiJudhasi, mwana waSimoni Isikarioti, ngokuti Judhasi ndiye waizomupira, ari umwe wegumi navairi.

¹ Ngesure kweizvi Jesu waihamba muarire; ngokuti waiya asikachadi kuhamba muJudhia, ngokuti vaJudha vaitsvaka kumuuraya. ² Zvino dhiri revaJudha rematumba raiya pasinde. ³ Ndizvo vanun'una vake vakati kwaari: “Ibva pano uende Judhia, kuti vadzidzi vako vaone mishando younoita. ⁴ Ngokuti akuna munhu unoshanda ngokufishika echitsvaka kuti aziikanwe pamhene. Kudai wechiita izvi zviro, dzipangidzire kunyika.” ⁵ Ngokuti vanunguna vake vaiya vasati vatenda kwaari. ⁶ Ndizvo Jesu wakati kwavari: “Nguva yangu aisati yaguma, asi nguva yenyu yakanaka mukuwo weshe. ⁷ Nyika aikoni kumuzonda imwimwi, asi inondizonda inini ngokuti ndinopupura ndiyo kuti mishando yayo yakashata. ⁸ Imwimwi endai kudhiri. Inini andiendiyo zvino kudhiri iri, ngokuti nguva yangu aisati yaguma.” ⁹ Naapo areketa izvi, wakagara muGarire. ¹⁰ Asi apo vanunguna vake vaiya vaenda kudhiri, wakaendawo, haiwa pamhene, asi ngokufishika. ¹¹ Ndizvo vaJudha vaimutsvaka padhiri vaiti: “Umboripari?” ¹² Kwakaapo kugunun'una kukurutu pakati pevanhu ngendaa yake. Vamweni vakati: “Munhu wakanaka,” vamweni vakati: “Haiwa, asi unopaukisa mbungano.” ¹³ Asi ngendaa yokutya vaJudha apana naumwe wakaereketa ndiye pamhene. ¹⁴ Asi apo dhiri raapakati Jesu wakakwira muTemperi, akatanga kudzidzisa. ¹⁵ Ndizvo vaJudha vakashamiswa vechiti: “Uyu unoita maziirei zvinyorwa, asikazi kudzidza?” ¹⁶ Ndizvo Jesu wakavapingura, akati: “Kudzidzisa kwangu angokwangupi, asi ngokwouwo wakandituma. ¹⁷ Ndizvo Jesu wakavapingura, akati, “Kudzidzisa kwangu angokwangupi, asi ngokwouwo wakandituma; ¹⁸ kunyazwi ndiani unoda kuita kuda kwaMwari, unozozia kuti chidzidziso chinobva kunaMwari here nokuti ndinodziereketera pachangu. ¹⁹ Mosi aazi kumupa Mipango here? Asi apana pakati penyu unongwarira Mipango. Munotsvakirenyi kundiuraya?” ²⁰ ungano yakapingura ikati: “Unedhimoni! Ndiani unotsvaka kukuuraya?”, ²¹ Jesu wakapingura, akati kwavari: “Ndakaita mushando umwe nemwi mweshe mwakashamiswa. ²² Ngeiyi ndaa Mosi wakamupanga kuti muchekwe esi akuzi kubva kunaMosi akadi, asi kwakabva kumadzibaba, nemwi ngezuva reSabatha munocheka munhu. ²³ Kudai munhu echiashira kuchekwa ngezuva reSabatha, kuti Mupango waMosi usagurwa, hino munonditsenekera ngenyi ngokuti ndakaponesa munhu ngeSabatha? ²⁴ Musatonga ngokuoneka kwokubanze, asi tongai ngokutonga kwakarurama.” ²⁵ Ndizvo vamweni vevanhu veJerusarema vakati, “Uyu andiyepi here munhu wevanotsvaka kuuraya? ²⁶ Ringirai, unoreketa pamhene navo avareketi chiro kwaari! Vatongi avazii here ngegwinyiso kuti uyu ndiye Kristu? ²⁷ Asi tinozia paanobva munhu uyu. Naapo Kristu paanozooneka, apana naumwe unozia kuti unobva pari.” ²⁸ Ndizvo Jesu wakadaidzira, ari muTemperi echidzidzisa, akati: “Munondizia, munoziazve pendinobva. Andizi kuuya ngokwangu, asi uwo wakandituma uneshokwadi nemwi amumuzii. ²⁹ Inini ndinomuzia, ngokuti ndinobva kwaari, naye wakandituma.” ³⁰ Ndizvo vakatsvaka kumubata; asi apana naumwe wakaisa nyara padera pake, ngokuti awa rake raiya risati raguma. ³¹ Asi vazhinji veungano vakatenda kwaari; vakati: “Naapo Kristu ouya unozokona here kuita mishamiso inopinda iyi yakaitwa ngouyu munhu?” ³² VaFarisi vakazwa ungano yechiita vherevhere ndiye; vapristi vakuru nevaFarisi vakatuma varindi veTemperi kuti vamubate. ³³ Ndizvo Jesu wakati: “Ndichiri nemwi munguwa mudoko, neni ndinozoenda kuneuwo wakandituma. ³⁴ Munozonditsvaka, asi amuzondioni; nependiri inini, amungakoni kugumapo.” ³⁵ Ndizvo vaJudha vakati pakati pavo: “Unozoenda kuri munhu uyu kwetisikazomuoni isusu? Unozoenda here kunevakapararira pakati pevaGiriki nokudzidzisa vaGiriki? ³⁶ Rinotishinyi izwi iri raakareketa kuti: ‘Munozonditsvaka, asi amuzondioni,’ zve, ‘Pendiri amungakoni kugumapo? ³⁷ Ngezuva rokupedzisira redhiri, zuva guru, Jesu wakamiruka, akadaidzira echiti: “Kunyazwi ndiani unenyota ngaauye kwendiri, amwe. ³⁸ Uwo unotenda kwendiri, kudai ngokuronza kwezvinyorwa, ‘Ndwizi dzemvura yokupona dzinozopopoma kubva mwaari.” ³⁹ Asi wakaereketa izvi ngendaa yoMweya wavanozoashira avo vanotenda kwaari; ngokuti Mweya waiya usati wapuwa, ngokuti Jesu waiya asati airikidzwa. ⁴⁰ Naapo vazwa mazwi aya, vamweni vembungano vakati, “Uyu Muprofeti emene.” ⁴¹ Vamweni vakati, “Uyu ndiKristu.” Asi vamweni vakati, “Kristu ungabva Garire here? ⁴² Zvinyorwa azvizi kuronza here kuti Kristu unozobva kudzinza raDhavhidha nokubva Bhetherehema, muguta mwaaigara Dhavhidha?” ⁴³ Ndizvo kwaiyapo kuparadzana pakati pembungano ngendaa yake. ⁴⁴ Vamweni vavo vakada kumubata, asi apana naumwe wakaisa nyara padera pake. ⁴⁵ Ndizvo varindi vakapetuka kuvapristi vakuru nokuvaFarisi, avo vakati kwavari: “Mwarekera kuuya naye ngenyi?” ⁴⁶ Nevarindi vakapingura, vakati: “Akuna munhu wakamboereketa kudai ngouyu munhu". ⁴⁷ Ndizvo vaFarisi vakavapingura vechiti: “Nemwiwo mwachengedzerwa here? ⁴⁸ 48Uripo here wevatongi nokuti wevaFarisi wakamutenda? ⁴⁹ Asi iyi mbungano isikazii Mipango yakatukwa.” ⁵⁰ Nikodhemusi, uwo wakaguma kwaari pakutanga, uwo waiya umwe wavo, wakati kwavari: ⁵¹ “Mipango yedu inotonga here munhu isati yamuzwa nokuzia chaanoita?” ⁵² Vakapingura, vakati kwaari: “Newe unobva Garire here? Tsvakisisa uone, ngokuti akuna muprofeti unozobuda kubva Garire.” ⁵³ Munhu weshe wakaenda kumhatso yake.

¹ Asi Jesu wakaenda kuMutunhu wemaOrivhi. ² Mangwanani maishi wakauyazve muTemperi; vanhu veshe vakauya kwaari, naye wakagara pashi, akavadzidzisa. ³ Vanyori nevaFarisi vakaunza kwaari dzimai rakabatwa rechiomba; naapo vaiya vaita kuti rieme pakati pavo, ⁴ vakati kunaJesu, “Mudzidzisi, iri dzimai rabatwa rechiomba yaamho. ⁵ Zvino Mosi wakatipanga muMipango kuti madzimai akadaro apondwe ngamapuwe. Ndizvo iwewe unotinyi?". ⁶ Vakaereketa izvi vechimuedza, kuti vaone chokumuparisa ndaa ndicho. Asi Jesu wakakotama pashi, akanyora ngechinwe pamavhu. ⁷ Naapo vaangira kumubvunzisisa, wakatwasuka, akati kwavari,:“Iye usina kushaisha pakati penyu, ngaatange kukandira buwe kumuponda.” ⁸ Wakakotamazve pashi, akanyora pamavhu ngeshikunwe. ⁹ Naapo vazvizwa, vakaenda umwe ngaumwe, kutanga ngevakurutu, metsa Jesu asara ari ega nedzimai rakaema pamberi pake. ¹⁰ Naapo Jesu wakatwasuka akati kweriri: “Dzimai, vari pari avo vakakuitira ndaa? Apana here wasara echikuitira ndaa?” ¹¹ Rakati: “Haiwa, apana naumwe, Mambowoe.” Jesu wakati kweriri: “Neni andikuitiri ndaa; enda usachazoshaishazve.”] ¹² Ndizvo Jesu wakareketazve kwavari echiti: “Inini ndiri kujeka kwenyika; uwo unonditeera aazohambi muchidima, asi unozoa nokujeka kwokupona.” ¹³ Ndizvo vaFarisi vakati kwari: “Unodzipupurira; chapupu chako achina gwinyiso.” ¹⁴ Jesu wakapingura, akati kwavari: “Kunyazwi ndechidzipupurira pachangu, chapupu changu chinegwinyiso, ngokuti ndinozia pendakabva nependinoenda, asi imwimwi amuzii pendakabva nependinoenda. ¹⁵ Imwimwi munotonga ngokwenyama, inini anditongi naumwe. ¹⁶ Asi kunyazwi ndechinyatonga, kutonga kwangu kunegwinyiso, ngokuti andinipi ndega ndinotonga, asi inini naBaba vakandituma. ¹⁷ Kwakanyorwa muMipango yenyu kuti chapupu chavanhu vairi ngeshongwadi.” ¹⁸ inini ndini ndinodzipupurira pachangu, naBaba avo vakandituma vanopupura ndini.” ¹⁹ Ndizvo vakati kwaari: “Vari pari Baba ako?” Jesu wakapingura, akati: “Imwimwi amundizii nokuti Baba angu; dai mwaindizia, mwaizoziazve Baba angu". ²⁰ Jesu wakareketa aya mazwi ari pasinde pebhokisi rinopirwa zvipo, echidzidzisa ari muTemperi; asi apana wakamubata, ngokuti awa rake rainga risati raguma. ²¹ Ndizvo wakatizve kwavari: “Inini ndinoenda, nemwi munozonditsvaka, nemwi munozofira muzvishaishi zvenyu. Pendinoenda, amukoni kuuyapo.” ²² Ndizvo vaJudha vakati: “Unozodziuraya here, ngokuti unoti, ‘Pendinoenda, imwimwi amukoni kuyapo? ²³ Wakati kwavari: “Imwimwi muri vepashi, inini ndinobva mudenga; imwimwi muri venyika iyi, inini andisiri wenyika iyi akadi. ²⁴ Ndakamubuira kuti munozofira muzvishaishi zvenyu, ngokuti kudai musikatendi kuti ndini aye, munozofira muzvishaishi zvenyu". ²⁵ Ndizvo vakati kwari: “Urianani iwewe?” Jesu wakati kwavari: “Ndini uwo wendakamubuira pakutanga. ²⁶ Ndine zvakawanda zvokuereketa ndimwi nokutonga; asi uwo wakandituma uri gwinyiso, neni ndinoreketa kunyika izvo zvandakazwa kubva kwari.” ²⁷ Avazi kuzwisisa kuti waiereketa kwavari ndiBaba. ²⁸ Ndizvo Jesu wakati kwavari: “Naapo mwazomirudza Mwana woMunhu, naapo munozozia kuti inini ndini aye nokuti andiiti chiro ngesimba rangu remene, asi ndinoreketa kudai ngezvendakadzidziswa ndiBaba. ²⁹ Nouwo wakandituma undori neni; aazi kundisiya ndega, ngokuti ndinoita zvinomudakadza mukuwo weshe.” ³⁰ Achareketa izvi, vazhinji vakatenda kwari. ³¹ Ndizvo Jesu wakati kuneavo vaJudha vakatenda kwaari: “Kudai mwechigara mumazwi angu, ngegwinyiso muri vadzidzi vangu. ” ³² Nemwi munozozia chokwadi negchokwadi rinozomusunhura.” ³³ Vakamupingura vechiti: “Isusu tiri mibarirwana yaAbrahama, atizi kumboitwa varanda ngomunhu naumwe. Unodaro ngenyi kuti: ‘Munozosunhurwa?". ³⁴ Jesu wakavapingura echiti: “Ngechokwadi ndinoti kwomuri, kunyazwi ndiani unoita chishaishi, muranda wokushaisha. ³⁵ Muranda aagari mumhatso mhera nariini; mwana unogaramwo mhera narini. ³⁶ Ndizvo kudai Mwana echizomusunhura, munozosunhurwa yaamho. ³⁷ Ndinozia kuti imwimwi muri mibarirwana yaAbrahama; asi munotsvaka kundiuraya, ngokuti izwi rangu arizi kuona ndau mukati mwenyu. ³⁸ Inini ndinoereketa izvo zvendakaona kunaBaba angu, nemwiwo munoita zvemwakazwa kubva kunababa enyu.” ³⁹ Vakamupingura, vakati kwaari: “Abrahama ndibaba edu.” Jesu wakati kwavari: “Kudai mwaiya vana vaAbrahama, mwaizoita mishando yaAbrahama.” ⁴⁰ Asi zvino munotsvaka kundiuraya, munhu wamuronzera gwinyiso, iro rendakazwa kubva kunaMwari; Abrahama aazi kuita zvakadai. ⁴¹ Imwimwi munoita mishando yababa enyu.” Vakati kwaari: “Isusu atizi kubarwa ngokuomba; tinaBaba umwe, ndiMwari. ⁴² Jesu wakati kwavari: “Kudai Mwari aiya Baba enyu, mwaizondida, ngokuti ndakabuda ndechibva kunaMwari; andizi kuuya ngokuda kwangu, asi iye wakandituma. ⁴³ Amuzwisisi ngei zvendinobuya? Ngokuti amukoni kuzwisisa izwi rangu. ⁴⁴ Imwimwi muri vababa enyu Dhiabhorosi, nokudisisa kwenyu kuita kuda kwababa enyu. Uwo waiya muurayi kubvira pakutanga, naye aazi kuema mugwinyiso, ngokuti gwinyiso amuna mukati mwake. Naapo echinyepa, unoreketa kudai ngechibarirwe chake, ngokuti iye uri munyepi nababa emanyepo. ⁴⁵ Asi ngokuti inini ndinobuya chokwadi, amunditendi. ⁴⁶ Ndiani kwomuri ungandionisa ndaa yendakashaisha? Kudai ndechibuya chokwadi, amunditendi ngei? ⁴⁷ Uwo uri waMwari unozwa mazwi aMwari; ngeiyi ndaa imwimwi amundizwi, ngokuti amuri vaMwari akadi.” ⁴⁸ VaJudha vakapingura, vakati kwaari: “Atinasi kurobuya here kuti uri muSamaria newe unedhimoni? ⁴⁹ Jesu wakapingura echiti: “Inini andina dhimoni; asi ndinoremeredza Baba angu, nemwi amundiremekedzi. ⁵⁰ Asi inini anditsvaki kuirikidzwa kwangu; uripo umwe unokutsvaka, naye unoita mutongi. ⁵¹ Ngegwinyiso ndinoti kwomuri, kunyazwi ndiani unongwarira izwi rangu, aatongozooni rufu.” ⁵² VaJudha vakati kwaari: “Zvino tinozia kuti unedhimoni. Abrahama wakafa nevaprofeti ngokudaro; newe unoti, ‘Kunyazwi ndiani unongwarira izwi rangu, aatongozozwi rufu.’ ⁵³ Iwewe uri mukuru here kupinda baba edu Abrahama, vakafa? Nevaprofeti vakafa. Unodziita anani?”. ⁵⁴ Jesu wakapingura echiti: “Kudai ndechidziremeredza pachangu, kudziremeredza kwangu akuna shwiro; ndiBaba angu vanondiremekedza, vomunoti ndivo Mwari wenyu. ⁵⁵ Asi amuzi kuvazia; inini ndinovazia. Kudai ndechiti, andivazii, ndaita munyepi kudai ndimwi. Asi ndinovazia neni ndinongwarira izwi ravo. ⁵⁶ Abrahama baba enyu vakadakara ngokuti vaizoriona zuva rangu, navo vakariona, vakadakara.” ⁵⁷ Ndizvo vaJudha vakati kwaari, “Ausati waguma makore makumi mashanu, newe wakaona Abrahama here?”. ⁵⁸ Jesu wakati kwavari: “Ngegwinyiso ndinoti kwomuri, Abrahama asati aapo, ndaiyapo.” ⁵⁹ Ndizvo vakatora mapuwe kuti vamuponde; asi Jesu wakadzifisha pachake, akabuda kubva muTemperi.

¹ Naapo echipinda, wakaona munhu waiya bofu kubvira pakubarwa kwake. ² Nevadzidzi vake vakamubvunza vechiti: “Rabhi, ndiani wakashaisha, uyu munhu nokuti vabari vake, kuti abarwe ari bofu?”. ³ Jesu wakapingura akati: “Uyu munhu aazi kushaisha nokuti vabari vake, asi kuti mishando yaMwari ioniswe mwaari. ⁴ Kunosisira kuti tishande mishando youwo wakandituma achimasikati; ngokuti usiku hunouya, naapo apana ungakona kushanda. ⁵ Naapo ndichindorimwo munyika, ndiri kujeka kwenyika.” ⁶ Naapo aereketa izvi, wakapfira mata pamavhu, wakakanya matope ngemata, wakadzodza madziso aro ngedope. ⁷ Wakati kweriri: “Enda, ushambe muGandwa reSiroamu.” (Ngokukumuchwa kunoti Wakatumwa.) Ndizvo wakaenda, akashamba, wakauya oona., ⁸ Ndizvo vaakirwana vake naavo vaimuona kare, ari mupemhi, vakati: “Uyu andiyepi here munhu uwo waigara pashi echipemha?”. ⁹ Vamweni vakati: “Ndiye.” Vamweni vakati, “Haiwa, asi unotodzana naye.” Naye wakati: “Ndini.”, ¹⁰ Ndizvo vakati kwaari: “Madziso ako akaita mapembenudzirwenyi?”. ¹¹ Wakapingura, akati: “Munhu unozwi Jesu wakaita matope, akadzodza madziso angu, akati kwendiri: ‘Enda Siroamu ushambe.’ Ndizvo ndakaenda ndikashamba, ndikaona.” ¹² Navo vakati kwaari: “Uri pari munhuwo?” Wakati: “Andizii.” ¹³ Vakaunza kuvaFarisi munhu uwo waiya bofu. ¹⁴ Raiya zuva reSabatha apo Jesu paakaita matope akapembenudza madziso aro. ¹⁵ Ndizvo vaFarisi vakamubvunzazve kuti wakaita mapembenudzirwenyi. Naye wakati kwavari: “Wakaisa matope pamadziso angu; ndakashamba, neni ndinoona.” ¹⁶ Ndizvo vamweni vevaFarisi vakati: “Uyu munhu aabvi kunaMwari, ngokuti aangwariri Sabatha.” Asi vamweni vakati: “Munhu mushaishi ungaita maitirenyi iyi mioniso?” Kwakaapo kuparadzana pakati pavo. ¹⁷ Ndizvo vakatizve kunebofu: “Unotinyi ndiye iwewe, ngendaa yokuti wakapembenudza madziso ako?” Naye wakati: “Muprofeti.” ¹⁸ Ndizvo vaJudha avazi kutenda kuti ndiye waiya bofu nokuti wakapembenudzwa, metsa vakadaidza vabari vouwo wakapembenudzwa. ¹⁹ navo vakavabvunza vechiti, “Uyu mwana wenyu here, uwo womunoti, wakabarwa ari bofu? Ndizvo zvino unoita maonerei?. ²⁰ Ndizvo vabari vake vakapingura vakati: “Chetinozia ngechokuti uyu mwana wedu nokuti wakabarwa andori bofu. ²¹ Asi kuti unoita maonerenyi atizii, nokuti ndiani wakapembenudza madziso ake, atizii. Mubvunzenyi; wabva muzero, unozodziereketera pachake.” ²² Vabereki vake vakarbuya izvi ngokuti vaitya vaJudha, ngokuti vaJudha vaiya vakatenderana kuti kunyazwi ndiani unozomutenda kuti iye ndiKristu, unozodzingwa kubva mumhatso yokudira. ²³ Ngeiyi ndaa vabari vake vakati: “Wabva muzero, mubvunzenyi.” ²⁴ Ndizvo vakamudaidza ngekwechipiri uwo waiya bofu, vakati kwari: “Irikidza Mwari iwewe, isusu tinozia kuti uyu munhu mushaishi.” ²⁵ Ndizvo iye wakapingura, akati: “Kunyazwi mushaishi, andizii. Chiro chimwe chega chendinozia, ngechokuti inini ndaiya bofu, zvino ndinoona.” ²⁶ Ndizvo vakati kwaari: “Wakaitenyi kwouri? Wakaita mapembenudzirenyi madziso ako?”. ²⁷ Wakavapingura echiti: “Ndatomuronzera nemwi amuzi kupurutana. Ngenyi mwechida kuzwazve? Nemwiwo munoda kuita vadzidzi vake here?". ²⁸ Vakamutuka vechiti: “Iwewe uri mudzidzi wake, asi isusu tiri vadzidzi vaMosi. ²⁹ Tinozia kuti Mwari wakareketa kunaMosi, asi uyu munhu, atizii paanobva.” ³⁰ Munhu wakapingura, akati kwavari: “Iri igumo! Kuti amuzii paanobva, asi wakapembenudza madziso angu. ³¹ Tinozia kuti Mwari atendii vashaishi. Asi kunyazwi ndiani unomuremeredza nokuita kuda kwake, Mwari unomupurutana. ³² Kubvira pakutanga akuzi kumbozwika kuti munhu wakambopembenudza madziso owakabarwa ari bofu. ³³ Kudai uyu munhu asikabvi kunaMwari, aangakoni kuita chiro.” ³⁴ Vakamupingura vakati kwaari: “Iwewe wakabarirwa mukushaisha yaamho, newe wotidzidzisa here?” Vakamudzingira kubanze. ³⁵ Jesu wakazwa kuti vaiya vamudzingira kubanze, amuona wakati: “Iwewe unotenda Mukororo woMunhu here?”. ³⁶ Naye wakapingura akati: “Ndiani, Mambo, kuti nditende kwaari?". ³⁷ Jesu wakati kwaari: “Wamuona, ndiyezve unoereketa newe.” ³⁸ Wakati: “Mambo, ndinotenda.” Naye wakamudira., ³⁹ Jesu wakati: “Inini ndakauyira kutonga munyika muno, kuti vasikaoni vaone nevanoona vaitwe mapofu.” ⁴⁰ Vamweni vevaFarisi avo vaiya pasinde naye vakazwa izvi, vakati kwaari:: “Nesuwo tiri mapofu here?". ⁴¹ Jesu wakati kwavari: “Kudai mwaiya mapofu, mwaizodai musina kushaisha. Asi zvino munoti, ‘Tinoona,’ kushaisha kwenyu kunondogara kuripo.

¹ “Ngegwinyiso ndinoti kwomuri, uwo usikapindi ngepamusiwo mudanga remakwai, asi echipinda ngeimweni njira, iye uri mbavha nedzongoni. ² Vazhinji vakatenda mwaari apapo. ³ Naapo abudisa ake eshe, unoatungamirira, nemakwai anomuteera, ngokuti anozia izwi rake. ⁴ Kwaari murindi womusiwo unobeurira muushi, nemakwai anozwa izwi rake, unodaidza makwai ake ngemazina awo nokuatungamirira kubanze. ⁵ Jesu wakaereketa uyu muedzaniso kwavari, asi avazi kuzwisisa izvo zvaakaereketa kwavari. ⁶ Aazoteeri mupara, asi anozotiza kubva kwaari, ngokuti aazii izwi romupara.” ⁷ Veshe vakatanga pamberi pangu imbavha nemadzongoni; asi makwai aazi kuvapurutana. ⁸ Ndizvo Jesu wakaereketazve kwavari echiti: “Ngegwinyiso ndinoti kwomuri, inini ndiri musiwo wemakwai. ⁹ Mbavha inouya kwega kuba nokuuraya nokuparadza; inini ndakauya kuti vaone kupona, vakuone kakurutu. ¹⁰ Inini ndiri musiwo; kunyazwi ndiani unopinda ndini, unozoponeswa, unozopotera nokubuda, aone kudya. ¹¹ “Inini ndiri muushi wakanaka. Muushi wakanaka unoisira pashi kupona kwake ngepamusoro pemakwai. ¹² Asi uwo unoshanda kuti aone muthuso, asiri muushi akadi, uwo makwai aasiri ake akadi, unoona thika rechiuya, unosiya makwai, unotiza; nethika rinoruma nokuaparadza. ¹³ Unotiza ngokuti unoshandira muthuso, aana ndaa nemakwai. ¹⁴ Inini ndiri muushi wakanaka, neni ndinoazia angu, naanguwo anondizia. ¹⁵ Kudai ngezvaanondizia Baba, neniwo ndinovazia Baba, neni ndinoisira kupona kwangu pashi ngendaa yemakwai. ¹⁶ Ndinawo amweni makwai, asiri eiri danga; nawozve ndinosisira kuti ndiaunze, nawo anozopurutana izwi rangu. Nawo anozoita danga rimwe nomuushi umwe. ¹⁷ Ngeiyi ndaa Baba vanondida, ngokuti ndinoisira pashi kupona kwangu, kuti ndikutorezve. ¹⁸ Apana munhu unokutora kubva kwendiri, asi ndinokuisa pashi ngokuda kwangu. Ndine simba rokukuisa pashi, ndine simba rokukutorazve; uyu mupango ndakaupuwa ndiBaba angu.” ¹⁹ Kwaiyapozve kuparadzana pakati pevaJudha ngendaa yemazwi aya. ²⁰ Vazhinji vavo vakati, “Une dhimoni, naye waakupenga. Ngenyi mwechimupurutana?”. ²¹ Vamweni vakati, “Aya mazwi andiopi anoereketwa ngounomuka nedhimoni. Dhimoni ringapembenudza madziso ebofu here?". ²² Waiya mukuwo wedhiri rokupira Temperi muJerusarema; paiya pachando. ²³ naJesu wakahamba muTemperi, muBerere raSoromoni. ²⁴ Ndizvo vaJudha vakamuunganira, vakati kwaari, “Unotiita gariremwo metsa riini? Kuti uri Kristu, tironzere pamhene.” ²⁵ Jesu wakavapingura echiti, “Ndakamuronzera, nemwi amutendi. Mishando yendinoita ngezina raBaba angu, inopupura ndini. ²⁶ Asi imwimwi amutendi ngokuti amusiri vemakwai angu. ²⁷ Makwai angu anozwa izwi rangu, neni ndinoazia, nawo anonditeera. ²⁸ Ndinoapa kupona kusikaperi, nawo aazofi nariini, zve akuna unoabvuka kubva munyara yangu. ²⁹ Baba angu, uwo wakaapa kwendiri, mukuru kwavari veshe, apana naumwe unokona kuabvuka kubva munyara yaBaba. ³⁰ Inini naBaba tiriumwe.” ³¹ VaJudha vakatonherazve mapuwe kuti vamuponde., ³² Jesu wakavapingura echiti,:“Ndakamuonisa mishando mizhinji yakanaka inobva kunaBaba. Ngouri kweiyo mishando womunondipondera ngemapuwe?". ³³ VaJudha vakamupingura vechiti: “Atikupondi ngendaa yomushando wakanaka, asi ngendaa yokutuka Mwari; ngokuti iwewe, uri munhu, unodziita Mwari.” ³⁴ Jesu wakavapingura echiti: “Akuzi kunyorwa here muMipango yenyu kuti: ‘Ndakati, muri zvimwari?’, ³⁵ Kudai akavadaidza kuti zvimwari, kwavari avo kwarakaguma izwi raMwari, (nezvinyorwa azvingadarikwi), ³⁶ Munoereketa ngenyi ndiye, uwo waakaemesa Baba nokumutuma munyika kuti, ‘Unotuka Mwari,’ ngokuti ndakaronza kuti, ‘Inini ndiri Mukororo waMwari?’,, ³⁷ Kudai ndisikaiti mishando yaBaba angu, musanditenda. ³⁸ Asi kuti ndechiiita, kunyazwi musikanditendi, tendai mishando, kuti muzie nokuzwisisa kuti Baba vari mukati mwangu neni ndiri mukati mwaBaba.” ³⁹ Ndizvo vakatsvakazve kumubata, asi iye wakapokonyoka kubva munyara dzavo. ⁴⁰ Naye wakaendazve ruseri rweJorodhani kundau iyo yaaibhabhatidzira Johani pakutanga, wakagarapo., ⁴¹ Vanhu vazhinji vakauya kwaari; navo vakati, “Johani aazi kuita mioniso, asi zveshe zvaakaronza Johani ngendaa youyu munhu zvine gwinyiso.” ⁴² Wakawanda wakatenda kaari Jesu.

¹ Zvino munhu umweni wairwara, waizwi Razarusi weBhethani, guta raMaria nataita ake Maritha. ² Ndiye uyu Maria wakadzodza Mambo ngemafuta, akapukuta tsoka dzake ngebvudzi rake, mukoma wake Razarusi wairwara. ³ Ndizvo hanzvadzi dzake dzakatumira kwaari dzechiti: “Mambo, penya, uwo wounoda unorwara.” ⁴ Asi apo Jesu azvizwa wakati: “Uku kurwara andikwopi kworufu; asi ngokwokukurisa Mwari, kuti Mwana waMwari akuriswe ndikwo.” ⁵ Zvino Jesu wakada Maritha nomununguna wake naRazarusi. ⁶ Ndizvo apo azwa kuti wairwara, wakagara mazuva mairi pandau paaiyapo. ⁷ Ngesure kweizvi wakati kuvadzidzi vake: “Ngatihwirirezve Judhia.” ⁸ Vadzidzi vakati kwaari: “Rabhi, vaJudha vaitotsvaka kukuponda ngemapuwe, wohwirireyozve here?”. ⁹ Jesu wakapingura akati: “Amuna maawa gumi namairi muzuva here? Kudai munhu echihamba masikati aapumhunwi, ngokuti unoona kujeka kwomunyika muno. ¹⁰ Asi kudai munhu echihamba usiku unopumhunwa, ngokuti kujeka amuna mukati mwake.” ¹¹ Wakaereketa izvi, naapo wakati kwavari: “Razarusi shamwari yedu waata, asi inini ndinoenda koomumusa.” ¹² Ndizvo vadzidzi vakati kwaari: “Mambo, kuti akaata, unozoitanane.” ¹³ Zvino Jesu waiya aereketa ngorufu rwake, asi ivo vaikarakadza kuti waiereketa ngokuzorora mukuata. ¹⁴ Naapo Jesu wakanasa kuvaronzera pamhene kuti: “Razarusi wafa; ¹⁵ Ndizvo Thomasi, uwo unozwi Munyambiri, wakati kuvadzidzi vangani vake: “Nesu ngatiendewo, kuti tife naye.” ¹⁶ Neni ndinodakara ngepamusoro penyu ngokuti ndaiya ndisiriyo, kuti mutende. Asi ngatiende kwari.”, ¹⁷ Naapo Jesu aguma, wakaona kuti Razarusi waiya aanemazuva marongomuna muiba. ¹⁸ Bhethani raiya pasinde peJerusarema, pasikagumi makhiromitha matatu. ¹⁹ nevazhinji vevaJudha vaiya vaguma kunaMaritha naMaria, kuti vavaembedzere ngendaa yokufa kwomukoma wavo. ²⁰ Naapo Maritha, azwa kuti Jesu uri kuuya, wakaenda kooshongana naye, asi Maria wakasara akagara mumhatso. ²¹ Ndizvo Maritha wakati kunaJesu: “Mambo, kudai waiya pano, mukoma wangu waidai asikazi kufa. ²² Nazvino ndinozia kuti izvo zvounozokumbira kunaMwari, Mwari unozokupa.” ²³ Jesu wakati kwaari: “Mukoma wako unozomukazve.”, ²⁴ Maritha wakati kwaari: “Ndinozia kuti unozomuka mukumuka kwezuva rokupera". ²⁵ Jesu wakati kwaari, “Inini ndiri kumuka nokupona; uwo unonditenda kunyazwi afa, unozoponazve, ²⁶ Nouwo unopona echinditenda, aatongozofi. Unotenda ichi here?”. ²⁷ Akati kwaari: “Eya, Mambo; inini ndinotenda kuti iwewe ndiwe Kristu, Mwana waMwari, uwo unouya munyika.” ²⁸ Naapo aronza izvi, wakaenda, akadaidza Maria mununguna wake ngokufishika, akati: “Mudzidzisi waapano, unokudaidza.” ²⁹ Naye azwa, wakakasira kumiruka, akaenda kwaari. ³⁰ Naapo vaJudha avo vaiya naye mumhatso vechimuembedzera, vaona kuti Maria wamiruka ngokukasira, akabuda kubanze, vakamuteera, vechikarakadza kuti unoenda kuiba koochemerapo. ³¹ Apo Maria aguma paiya naJesu, amuona wakawa pashi patsoka dzake, akati kwaari: “Mambo, kudai waiya pano, mukoma wangu waidai asikazi kufa.” ³² Zvino Jesu waiya asati aguma muguta, asi waiya achipo paakashongana naMaritha. ³³ Naapo Jesu amuona echichema, nevaJudha vechichema, avo vakauya naye, wakaita mahwema mumweya mwake nokutambudzika; ³⁴ Naye wakati: “Mwakamuradzika pari?” Vakati kwaari: “Mambo, uyai muone.” ³⁵ Jesu wakachema. ³⁶ Ndizvo vaJudha vakati: “Wonai, kumudisisa kwake. ³⁷ Asi vamweni vavo vakati: “Uyu munhu, wakasvinura madziso owaiya bofu, waiya asikakoni here kuita kuti uyu munhu asafa?”. ³⁸ Naapo Jesu, echitambudzika kakurutu mukati mwake, wakaguma kuiba; raiya bako nebuwe raiya rakadumaidza padera paro. ³⁹ Jesu wakati: “Dusai buwe.” Maritha, hanzvadzi youwo wakafa, wakati kwaari: “Mambo, zvino wotonuhwa, ngokuti waane mazuva marongomuna afa.” ⁴⁰ Jesu wakati kwaari: “Andizi kukuronzera here kuti dai wechitenda ungazoona uthende hwaMwari?”. ⁴¹ Ndizvo vakadusa buwe. NaJesu wakaringira mudenga akati: “Baba, ndinomubonga ngokuti mwakandizwa. ⁴² Neni ndinozia kuti unondizwa ngenguva dzeshe. Asi ngepamusoro pembungano yakaema pasinde ndaronza kudaro, kuti itende kuti ndiwe wakandituma.” ⁴³ Naapo aronza izvi, wakadaidzira ngeizwi guru echiti: “Razarusi, buda.” ⁴⁴ Uwo waiya akafa wakabuda, akasungwa tsoka nenyara ngemachira okuikwa nawo, nehope yake yakasungwa ngejira doko. Jesu wakati kwavari: “Musunhurenyi, mumurekere aende.” ⁴⁵ Ndizvo vazhinji vevaJudha avo vakauya kunaMaria, vechiona izvo zvaakaita Jesu, vakatenda. ⁴⁶ Asi vamweni vavo vakaenda kuvaFarisi, vakavaronzera zvaaiya aita Jesu. ⁴⁷ Ndizvo vapristi vakuru nevaFarisi vakaungana pamwepo nevatongi kuita bangano, vakati: “Tinozoitenyi? Ngokuti uyu munhu unoita mioniso yakawanda. ⁴⁸ Kudai techimurekera echiangira kudaro, vanhu veshe vanozotenda kwaari, nevaRoma vanozouya vaparadze zveshe ndau yedu yakachena nedzinza redu.” ⁴⁹ Asi umwe wavo, Kaiafasi, uwo waiya mupristi mukuru ngegorero, wakati kwavari: “Amuzii chiro nachimwe. ⁵⁰ Amuzwisisi kuti zvirinane kwomuri kuti munhu umwe unosisira kufira vanhu vazhinji pane kuti dzinza reshe ripere.” ⁵¹ Aazi kuronza izvi ngokuda kwake, asi ngokuti waiya mupristi mukuru ngegorero, wakaprofeta kuti Jesu unozofira dzinzaro. ⁵² Asi haiwa kufira dzinzaro kwega, asi kuti aunganidzewo pamwepo vana vaMwari avo vakapararira kunyika dzeshe, kuti vaite umwe. ⁵³ Ndizvo kubvira ngezuva iro vakaita bangano pamwepo kuti vamuuraye. ⁵⁴ Ndizvo Jesu aazi kuchahambazve pamhene pakati pevaJudha, asi kubva apo wakaenda kunyika iri pasinde norubaya, kudhorobha rinozwi Efuremu; naapo wakagara nevadzidzi vake. ⁵⁵ Zvino Phasika revaJudha raiya pasinde, vazhinji vakakwira Jerusarema vechibva munyika, Phasika risati raguma, kuti vadzichenese. ⁵⁶ Ndizvo vakatsvaka Jesu, vakaema muTemperi vechiti umwe kune umweni: “Munotinyi? Kuti aazouyi here kudhiri?”. ⁵⁷ Ndizvo vapristi vakuru nevaFarisi vaiya vakaita mupango kuti kunyazwi ndiani unozia paari, ngaaronze, kuti vamubate.

¹ Ndizvo mazuva matanhatu Phasika risati raguma, Jesu akaguma Bhethani, apo paiya naRazarusi, uwo waakamusa kwavakafa. ² Naapo vakamunasirira kudya kwemadeekoni; Maritha wakavaburira, naRazarusi waiya umwe weavo vaigara naye pakudya. ³ Naapo Maria wakatora mafuta anoda kukwana litha okuzora enarde aidhura naye wakadzodza tsoka dzaJesu, akapukuta tsoka dzake ngebvudzi rake; nemhatso yakazara ngegwema rakanaka remafuta. ⁴ Asi Judhasi Isikarioti, umwe wevadzidzi vake, (uwo waizomupira) wakati: ⁵ “Ngenyi asikazi kutengeswa mafuta aya ngemadhora mazana matatu, apuwe varombo?”. ⁶ Izvi wakazvironza, haiwa ngokuti waivada varombo, asi ngokuti waiya mbavha, waingwarira nyede naye waitora zvaiiswamwo. ⁷ Ndizvo Jesu wakati: “Murekerei ari ega. Ngaangwaririre zuva rokuikwa kwangu". ⁸ Ngokuti varombo munavo nguva dzeshe, asi amunenipi nguva dzeshe.” ⁹ Naapo vazhinji veungano yevaJudha vakazia kuti waiyapo, vakauya, haiwa kuti vaone Jesu kwega, asi kuti vaonezve Razarusi, uwo waakamusa kubva kwavakafa. ¹⁰ Ndizvo vapristi vakuru vakapangana kuti vauraye naRazarusiwo, ¹¹ ngokuti ngepamusoro pake vazhinji vevaJudha vaienda vechitenda kunaJesu. ¹² Nechimangwani mbungano huru iyo yakauya kudhiri, yakazwa kuti Jesu unouya Jerusarema. ¹³ Yakatora matai emichindwi, yakabuda kooshongana naye, vakadaidzira vechiti: “Hosana! Unomuchena uwo unouya ngezina raMambo, Mambo waIsuraeri!”. ¹⁴ NaJesu wakaona mwana wembongoro, naye wakagadha padera payo, kudai ngezvezvakanyorwa: ¹⁵ “Usatya, iwewe mukunda weZioni. Ringira, mambo wako unouya, akagadha padera pemwana wembongoro!”, ¹⁶ Vadzidzi vake avazi kuzvizwisisa izvi pakutanga, asi apo Jesu airikidzwa, naapo vakachizokarakadza kuti izvi zvaiya zvakanyorwa ngendaa yake nokuti vakamuitira izvi. ¹⁷ Nembungano iyo yaiya naye apo paakadaidza Razarusi kubva muiba akamumusa kwavakafa yakaita chapupu. ¹⁸ Ngeiyi ndaa mbungano yakaenda kooshongana nayezve, ngokuti yaiya yazwa kuti wakaita mushamiso. ¹⁹ Ndizvo vaFarisi vakati pakati pavo umwe kunoumweni: “Munoona, amungaiti chiro; ringirai, nyika yeshe inomuteera.” ²⁰ Zvino vaiyapo vaGiriki vamweni pakati peavo vakakwira koodira kudhiri. ²¹ Ndizvo ava vakauya kunaFiripu, uwo waibva Bhethisaidha reGarire, vakakumbira kwaari vechiti:“Mambo, tinoda kuona Jesu.” ²² Firipu wakaenda, akaronzera Andreu; Andreu wakaenda naFiripu, vakaronzera Jesu. ²³ NaJesu wakavapingura echiti: “Awa raguma rokuti Mukororo woMunhu akudzwe. ²⁴ Ngegwinyiso ndinoti kwomuri, kudai tsangu yekoroni isikawi mumavhu nokufa, inondogara iriyo yega; asi kuti ikafa, inozobereka tsangu dzakawanda. ²⁵ uwo unoda kupona kwake unozokurasha, nouwo unozonda kupona kwake munyika muno, unozokungwarira kupona kusikaperi. ²⁶ Kudai munhu echindishandira, ngaanditeere, kuti pendiri naye muranda wangu unozoapowo; kuti munhu echindishandira, Baba vanozomuremekedza. ²⁷ “Zvino mweya wangu unotambudzika. Neni ndinozotinyi, ‘Baba, ndiponese kubva kuneiri awa here?’ Haiwa, ndiyo ndaa yendakauyira awa iri. ²⁸ Baba, ngarikudzwe zita renyu:” Apapo rakauya izwi rechibva mudenga rechiti: “Ndakarikudza, neni ndinozorikudzazve.” ²⁹ Nembungano yaiya yakaema apo yakarizwa, yakati: “Kwatinhira.” Vamweni vakati: “Ingirosi yaereketa naye.” ³⁰ Jesu wakapingura akati: “Iri izwi arizi kuuya ngenyaya yangu, asi ngenyaya yenyu. ³¹ Zvino kwaapano kutongwa kwenyika iyi, zvino mutongi wenyika iyi unozorashwa kubanze. ³² Neni, naapo ndamirudzwa kubva panyika, ndinozokweera vanhu veshe kwendiri.” ³³ Wakabuya izvi echionisa njira yokufa kwaaizofa ndikwo. ³⁴ Ndizvo mbungano yakamupingura yechiti: “Takazwa muMipango kuti Kristu unozogara mhera nariini. Zvino unoronzenyi wechiti: ‘Mukororo woMunhu unosisira kuti amirudzwe?’ Ndiani uyu Mukororo woMunhu?” ³⁵ Jesu wakati kwavari: “Inguva doko kujeka kuchipo pakati penyu. Hambai muchinokujeka, kuti chidima chisamubata; nouwo unohamba muchidima aatongozii paanoenda. ³⁶ Muchinokujeka, tendai kujeka, kuti muite vana vokujeka.” Naapo Jesu aronza izvi, wakabvapo akadzifisha kubva kwavari. ³⁷ Kunyazwi aiya aita mioniso mizhinji pamberi pavo, asi avazi kumutenda. ³⁸ Uku kwaiya kuzadzisa izwi raIsaya muprofeti raakaereketa, iro rinoti: “Mambo, ndiani wakatenda izwi redu, nomuoko waMambo Mwari wakaoniswa kunaani?”. ³⁹ Ndizvo vaiya vasikakoni kutenda, ngokuti Isaya unotizve: ⁴⁰ “Uwo wakapofomadza madziso avo, wakakonzisa mwoyo yavo, kuti vasazoona ngemadziso avo, vazwisise ngomwoyo yavo, vatenderuke neni ndivaponese.” ⁴¹ Isaya wakaronza izvi ngokuti wakaona uthende hwake, akareketa ndiye. ⁴² Kunyazwi zvakanyadaro vazhinji vemadzimambo vakamutenda, asi ngendaa yokutya vaFarisi avazi kumutenda ngomuromo, kuti vasadzingwa kubva mumhatso yokudira. ⁴³ Ngokuti vaipinda kuda kukudzwa ngevanhu kunokukudzwa ndiMwari. ⁴⁴ Jesu wakadaidzira akati: “Uwo unonditenda, aatendi inini akadi, asi unotenda uwo wakandituma. ⁴⁵ Nouwo unondiona unoonawo wakandituma. ⁴⁶ Inini ndakauya ndiri kujeka munyika, kuti kunyazwi ndiani unotenda kwendiri asachagara muchidima. ⁴⁷ Kunyazwi ndiani unozwa mazwi angu asikaangwariri, andimutongi inini; ngokuti andizi kuuya kootonga nyika, asi kooponesa nyika. ⁴⁸ Iye unondiramba asikaashiri mazwi angu unaye unomutonga; izwi iro rendakaereketa ndiro rinozomutonga ngezuva rokupera. ⁴⁹ Ngokuti andizi kutera kudziereketera ngesimba rangu; asi Baba uwo wakandituma iye pachake wakandipanga chendinozoronza nechendinozoereketa. ⁵⁰ Neni ndinozia kuti mupango wake uri kupona kusikaperi. Ndizvo izvo zvendinoereketa, ndinozviereketa kudai ngezvandakaronzerwa ndiBaba.”

¹ Zvino nguva yeDhiri rePhasika isati yaguma, apo Jesu echizia kuti nguva yake yaguma kuti abve munyika muno aende kunaBaba, avada vake avo vaiya munyika, wakavada metsa kumagumo. ² Vachadya kudya kwemadeekoni, Sathani waiya atopinda mumwoyo mwaJudhasi, mukororo waSimoni Isikarioti, kuti amupire. ³ Jesu, echizia kuti Baba vaiya vamupa zveshe munyara dzake nokuti wakabva kunaMwari nokuti unoenda kunaMwari. ⁴ wakamiruka kubva pakudya kwemadeekoni, wakakhumura zvokupfeka zvepadera zvake, wakatora jira rokupukuta ndiro, akasungira muchiunu chake. ⁵ Naapo wakadurura mvura muchidziyo chokushambira, akatanga kushamba tsoka dzevadzidzi nokudzipukuta ngejira raaiya akasungira muchiunu. ⁶ Ndizvo wakaguma panaSimoni Petro; Petro wakati kwaari: “Mambo, iwewe unoshamba tsoka dzangu here?”. ⁷ Jesu wakapingura, akati kwaari, “Icho chendinoita inini, iwewe auchizii zvino, asi unozochizwisisa ngesure kweizvi.” ⁸ Petro wakati kwaari, “Auzoshambi tsoka dzangu nariini.” Jesu wakamupingura, akati, “Dai ndisikakushambi, auna chikoaniswa neni.” ⁹ Simoni Petro wakati kwaari: “Mambo, kusachaita tsoka dzangu dzega asi nadzo nyara dzangu nesoro rangu”. ¹⁰ Jesu wakati kwaari: “Iye washambwa muiri weshe aachatami chiro chimweni kwega kushambwa tsoka dzake, asi wacheneswa yaamho. Nemwi mwacheneswa, asi haiwa mweshe.” ¹¹ Ngekuti Jesu waimuzia uwo waizomupira; ndizvo wakati: “Amuzi kucheneswa mweshe.” ¹² Naapo Jesu aiya ashamba tsoka dzavo nokutora zvokupfeka zvake nokugara pandau yake, wakati kwavari: “Munozwisisa here chendaita? ¹³ Munondidaidza kuti Mudzidzisi nokuti Mambo; nemwi munonasa kuronza, ngokuti ndini. ¹⁴ Zvino kudai inini, Mambo noMudzidzisi wenyu, ndashamba tsoka dzenyu, nemwiwo kunosisira kuti mushambane tsoka dzenyu. ¹⁵ Ngokuti ndamupa chionero, kuti nemwi muite kudai ngezvandaita kwomuri. ¹⁶ Ngegwinyiso ndinoti kwomuri, muranda aasimukuru kupinda mambo wake, nokuti wakatumwa aakuri kupinda uwo wakamutuma. ¹⁷ Kudai mwechizia izvi zviro, munomuchena kudai mwechizviita. ¹⁸ Andiereketi ndimwi mweshe akadi; ndinovazia avo vendakatsanangura; asi kuti chinyorwa chizadzisike chinoti: ‘Uwo unodya chingwa changu, wakandimirudzira chisisinho chake kurwisana neni.’ ¹⁹ Zvino ndinomuronzera izvi zvisati zvaitika, kuti apo zvaitika mutende kuti ndini. ²⁰ Ngechokwadi ndinoti kwomuri, iye unoashira uwo wendinotuma unoashira inini; nouwo unondiashira unoashira uwo wakandituma.” ²¹ Naapo Jesu aiya aereketa izvi, wakatambudzika mumweya wake, wakapupura akati: “Ngegwinyiso ndinoti kwomuri, umwe wenyu unozondipira." ²² Vadzidzi vakaningirana vechishamiswa kuti unoreketa ndiani. ²³ Umwe wavadzidzi vake waiya akatseama paditi raJesu, uwo waidiwa ndiJesu. ²⁴ ndizvo Simoni Petro wakamukopera akati kwaari: “Tironzere, ndiani waanoereketa ndiye". ²⁵ Ndizvo uwo wakatseyama paditi raJesu wakati kwaari: “Mambo, ndiani?”, ²⁶ Jesu wakapingura akati: “Ndiye uwo wendinozosheya mushuva ndimupe.” Naapo asheya chigurwa chechingwa wakaupa Judhasi, mwan waSimoni Isikarioti. ²⁷ Naapo ngesure kwechigurwa chechingwa, Sathani wakapotera kwaari. Ndizvo Jesu wakati kwaari: “Izvo zvounoda kuita zviite ngokukasira.” ²⁸ Paiya pasina munhu pakudya wakazia singwisingwi yezvaakaereketa kwaari. ²⁹ Ngokuti vamweni vakapinimidza kuti, ngokuti Judhasi waiya nenyede yemare, Jesu waimuronzera echiti, “Tenga zvetinoda paDhiri rePhasika,” nokuti ape chiro kuvarombo. ³⁰ Ndizvo iye aashira chigurwa chechingwa, paripo wakabuda kuenda. Hwaiya hwaa usiku. ³¹ Naapo aiya abuda, Jesu wakati: “Zvino Mwana woMunhu wakudzwa naMwari wakudzwa mukati mwake. ³² Kudai Mwari akudzwa mukati mwake, Mwari unozomukudzawo mukati mwake emene, naye unozomukudza paripo apapo. ³³ Vana vadoko, inguva doko ndichinemwi. Munozonditsvaka; kudai ngezvandakaronza kuvaJudha, ndizvo ndinoti kwomuri: ‘Pendinoenda, amukoni kuuyapo.’ ³⁴ Ndinomupa mupango mutsva, kuti mudane umwe kunoumweni; kudai ndini ndakamuda, ngokudaro imwimwiwo mudane. ³⁵ Ngeichi vanhu veshe vanozozia kuti imwimwi muri vadzidzi vangu: kudai muno rudo umwe kunoumweni.”, ³⁶ Simoni Petro wakati kwaari: “Mambo, unoenda kuri?” Jesu wakapingura, akati: “Pendinoenda, aukoni kunditeera zvino; asi unozoteera sure kweizvi.” ³⁷ Petro wakati kwaari: “Mambo, andikoni kukuteera zvino ngenyi? Ndinozofa ngepamusoro pako.” ³⁸ Jesu wakapingura, akati: “Unozofa ngepamusoro pangu here? Ngegwinyiso ndinoti kwomuri, jongwe arizoriri usati wandiramba katatu.

¹ “Mwoyo yenyu isatambudzika; tendai kunaMwari, mutendewo kwendiri. ² Mumhatso mwaBaba angu huriyo ugaro hwakawanda. Kudai zvisakadaro, ndaizodai ndisikazi kumuronzera here kuti ndinoenda koomunasirira ugaro? ³ Kudai ndechienda koomunasirira ugaro, ndinozouyazve nokumuashira ndemene, kuti pendiri inini, nemwi mungazoapowo. ⁴ Nependinoenda munoizia njira.” ⁵ Thomasi wakati kwaari, “Mambo, atizii pounoenda. Njira tingaizia ngenyi? ⁶ Jesu wakati kwaari, “Inini ndiri njira negwinyiso nokupona. Akuna unouya kunaBaba, asikauyi ndini. ⁷ Kudai mwakandizia, mwaizodai mwakamuzia Baba anguwo. Kubvira pano munomuzia, nemwi mwamuona. ⁸ Firipu wakati kwaari: “Mambo, tipangidzire Baba, nesu tikwaniswe". ⁹ Jesu wakati kwaari, “Ndakagara nemwi mukuwo wakadai kureba, asi ausati wandizia here, Firipu? Iye wakandiona inini wakaona Baba. Unoronza ngenyi kuti: ‘Tipangidzire Baba? ¹⁰ Autendi here kuti inini ndiri mukati mwaBaba naBaba vari mukati mwangu? Mazwi endinoereketa kwomuri andidziereketeri ngesimba rangu; asi Baba vanogara mukati mwangu ndivo vanoita mishando yavo. ¹¹ Tendai inini kuti ndiri mukati mwaBaba naBaba vari mukati mwangu; asi kudai musikatendi kudaro, tendai ngepamusoro pemishando yemene. ¹² Ngegwinyiso ndinoti kwomuri, uwo unonditenda mishando yendinoita unozoitawo; mishando yakakura kupinda iyi unozoiita, ngokuti inini ndinoenda kunaBaba. ¹³ Kunyazwi chiinyi chomunozokumbira ngezina rangu ndinozochiita, kuti Baba vairikidzwe kubudikidza ngoMwana. ¹⁴ Kudai mwanyazokumbirenyi kwendiri ngezina rangu, inini ndinozochiita., ¹⁵ Kudai mwechindida, munozongwarira mipango yangu ¹⁶ Neni ndinozokumbira Baba, naye unozomupa umweni Muembedzeri, kuti agare nemwi nokusikaperi. ¹⁷ ndiye Mweya wegwinyiso; nyika aikoni kumuashira, ngokuti aimuoni nokuti kumuzia. Imwimwi munomuzia, ngokuti unogara nemwi, naye unozogara mukati mwenyu. ¹⁸ “Andizomusii muri nherera; ndinozouya kwomuri. ¹⁹ Kuchinenguva doko nenyika aichazondioni, asi imwimwi munozondiona; ngokuti inini ndinopona, nemwi munozoponawo. ²⁰ ”Ngeiro zuva munozozia kuti inini ndiri mukati mwaBaba angu, nemwi muri mukati mwangu, neni ndiri mukati mwenyu. ²¹ Uwo unemipango yangu echiingwarira, uwo ndiye unondida; nouwo unondida unodiwa ndiBaba angu, neni ndinozomuda nokudzionisa pachangu kwaari. ²² Judhasi (haiwa Isikarioti) wakati kwaari: “Mambo, unozoita maitirenyi kuti unozodzionisa kwetiri, usikadzionisi kunyika?”. ²³ Jesu wakamupingura, akati kwaari: “Kunyazwi ndiani unondida unozongwarira mazwi angu, naBaba angu vanozomuda, nesu tinozouya kwaari tiite ugaro hwedu pamwepo naye. ²⁴ Uwo usikandidi aangwariri mazwi angu. Neizwi romunozwa arisirangu akadi, asi ngeraBaba avo vakandituma. ²⁵ “Izvi zviro ndamuronzera apo ndichakagara nemwi. ²⁶ Asi Muembedzeri, Mweya Wakachena, waachazotuma Baba ngezina rangu, uwo unozomudzidzisa zviro zveshe, amucherechedzise zveshe zvendakamuronzera. ²⁷ Kunyarara ndinokusiya kwomuri; kunyarara kwangu ndinomupa. Andimupi kudai ngokupa kwenyika. Mwoyo yenyu isatambudzika, isakarukazve. ²⁸ Mwakazwa kuti ndakati kwomuri: ‘Ndinoenda, neni ndinozouyazve kwomuri.’ Kudai mwakandida, mwaizodakara kuti ndinoenda kunaBaba, ngokuti Baba vari vakuru kwendiri. ²⁹ zvino ndamuronzera zvisati zvaitika, kuti apo zvoozoitika mutende. ³⁰ Ngesure kweizvi andichazoereketi zvizhinji nemwi, ngokuti mutongi wenyika iyi unouya. Aana simba padera pangu. ³¹ Asi ndinoita kudai ngezvaakandipanga Baba, kuti nyika izie kuti ndinomuda Baba. Mirukai, ngatibve pano.

¹ “Inini ndiri muvhini wegwinyiso naBaba angu murimi. ² Dhai dzeshe dzirimukati mwangu asikabari michero, unoadusa, nawo eshe anobara michero unoatongora, kuti abare michero yakapinda kuwanda., ³ Imwimwi muri vakatocheneswa ngeizwi rendakaereketa kwomuri. ⁴ Garai mendiri, neni mukati mwenyu. Kudai ngedai risikakoni kubara michero rega, risikagari mukati mwomuvhini, zvakadaro nemwi kudai musikagari mukati mwangu., ⁵ Inini ndiri muvhini, imwimwi muri madhai. Uyo unogara mukati mwangu, neni ndiri mukati mwake, ndiye unobara michero yakawanda, ngokuti ngepabanze pangu imwimwi amungakoni kuita chiro. ⁶ Kunyazwi ndiani usikagari mukati mwangu, unorashwa kubanze kudai ngedai, rinofota; nematai vanoaunganidza, vaaposhere mumuriro nawo anotsva. ⁷ Kudai mwechigara mukati mwangu, nemazwi angu anogara mukati mwenyu, munozokumbira izvo zvomunoda, nazvo zvinozoitwa kwomuri. ⁸ Ngeizvi Baba angu vanokudzwa, kuti mubare michero yakawanda, ngokudaro muite vadzidzi vangu. ⁹ Kudai ndiBaba vakandida, ngokudaro neni ndakamudawo; garai murudo vangu. ¹⁰ Kudai mwechingwarira mipango yangu, munozogara murudo rwangu, kudai ndini ndakangwarira mipango yaBaba angu nokugara murudo rwake. ¹¹ “Ndakaereketa izvi kwomuri, kuti kudakara kwangu kugare kwomuri, nokuti kudakara kwenyu kuzadzisike., ¹² Uyu ndiwo murairo wangu, kuti mudane kudai ndini ndakamuda. ¹³ Akuna munhu unorudo rukuru kupinda urwu, kuti munhu afe ngepamusoro peshamwari dzake. ¹⁴ Imwimwi muri shamwari dzangu kudai mwechiita izvo zvendinomupanga. ¹⁵ Andichamudaidzi kuti muri varanda, ngokuti muranda aazii chinoitwa ndiMambo wake; asi ndakamudaidza kuti muri shamwari, ngokuti zveshe zvendakazwa kunaBaba angu ndakazviziisa kwemuri. ¹⁶ Amusi imwimwi makanditengai asi inini ndakamuketa ini ndaka mutuma kuti muende kobara muchero nekuti muchero yenyu igarei kut kungazwi chini chomunozokumbira kuna baba ngezita rangu , vamupe kwemuri. ¹⁷ Ndinokubvunzai kut mudanane umwe neumwe. ¹⁸ Kana kut nyika yechimuzonda , ziya meiziya kut isat yamundau yakatanga , kuzonda ini. ¹⁹ Kudai muri wmunyika , myika yaida kumuda , kunge muri wavo ; ngendaya yekut amusi wemunyika. Ndakamuketa kuti mubude munyika ²⁰ Rangarirai choko rendakabvubza ; mushand asimukuru kana mambo wake. wakanditera , wachamuterawo kana mukaterera choko rangu achaterawo choko rangu. ²¹ Vana vachaita zveche ngepamusoro pezita rangu , bati avaziyi kuti n diyani wakandituma. ²² Kudai inini ndisina kuya , uzvendaindisina kuwabvunza , vaidai wasina kutadza ; asi zvinzvi avana kukambira zvitadzo zvao. ²³ kune uya unondi zonda , unozonda baba vangu. ²⁴ kudai inini ndisina kuvaititra kwavari iri basa risina kuzva ngeumweni.vaidai vasina kuchaicha , asim zvino vakawana vakazonda teche ininio na baba vangu. ²⁵ Izvi zvinoitika kut machoko akanyorwa mumupango yavo ngekuti , kut zvitike ; vzkandizana pasina nyaya. ²⁶ Paachaya munyaradzi uwo wendinozotuma kwemuri echibva kuna baba, mweya wengwingiso uyu unobva kuna baba , unozondipupurira. ²⁷ Kuna nemwiwo muchazofakaza ngekuti mwauya neni kubvura pekunga

¹ Ndakareketa izvi zveshe kwomuri kuti musapumhuniswa. ² Vanozomudzinga kubva mumhatso dzavo dzokudira; eya, awa richauya apo kunyazwi ndiani unomuuraya, unozopinimidza kuti unoshandira Mwari. ³ Navo vanozoita izvi ngokuti avazi kumuzia Baba nokuti inini. ⁴ Asi ndakamuronzera izvi zviro, kuti apo raguma awa razvo mucherechedze kuti ndakamuronzera ndizvo. “Asi andizi kumuronzera izvi zviro kubvira pakutanga, ngokuti ndaiya ndichinemwi. ⁵ Asi zvino ndinoenda kunouwo wakandituma; akuna naumwe wenyu unondibvunza kuti, ‘Unoenda kuri?’., ⁶ Asi ngokuti ndamuronzera izvi zviro, mwoyo yenyu yazara ngokutambudzika. ⁷ Asi ndinomuronzera gwinyiso; kuti zvakapinda kumunakira kuti ndiende, ngokuti kudai ndisikaendi, Muembedzeri aazouyi kwomuri; asi kuti ndikaenda, ndinozomutuma kwomuri., ⁸ Naapo auya, unozoonisa nyika ngendaa yokushaisha, yokururama nendaa yokutongwa; ⁹ ngendaa yokushaisha, ngokuti avanditendi; ¹⁰ ngendaa yokururama, ngokuti ndinoenda kunaBaba, nemwi amuchazondioni; ¹¹ ngendaa yokutongwa ngokuti mutongi wenyika ino wakatongwa. ¹² “Ndichine zviro zvizhinji zvokumubuira, asi amukoni kuzviashira zvino. ¹³ Naapo Mweya wegwinyiso wauya, unozomutungamirira mugwinyiso reshe; ngokuti aazodziereketeri ngesimba rake, asi zvaanozozwa, ndizvo zvaanozoreketa, naye unozomubuira zviro zvichauya. ¹⁴ Uwo unozondikudza, ngokuti unozoashira zvokwangu nokuzvibuya kwamuri. ^{15 16} Zveshe zvaanazvo Baba ngezvangu; ndiyo ndaa ndakati unozotora zvokwangu nokuzvironza kwomuri. 16Kwenguva doko nemwi amuchazondioni, nenguva dokozve nemwi munozondiona.”, ¹⁷ Vamweni vevadzidzi vake vakareketa pachavo umwe kunoumweni vechiti: “Chiinyi ichi chaanoreketa kwetiri kuti, ‘Inguva doko nemwi amuchazondioni, nenguva dokozve nemwi munozondiona,’ echitizve, ‘Ngokuti ndinoenda kunaBaba?’ ”, ¹⁸ Ndizvo vakati: “Unoronzenyi echiti, ‘Inguva doko?’ Atizii kuti unoronzenyi ¹⁹ Jesu wakazia kuti vaida kumubvunza; naye wakati kwavari: “Munobvunzana here pakati penyu ngeicho chendaronza kuti, ‘Inguva doko nemwi amuchazondioni, nenguva dokozve nemwi munozondiona?’ ²⁰ Ngegwinyiso ndinoti kwomuri, munozochema nokuboorera, asi nyika inozodakara; imwimwi munozotambudzika, asi kutambudzika kwenyu kunozotsandudzwa kuita kudakara. ²¹ Naapo dzimai roopotwa ngokubara rinotambudzika, ngokuti nguva yaro yaguma; asi rabara mwana, arichakarakadzi ngokurwadziwa, ngendaa yokudakara kuti munhu wabarwa munyika., ²² Nemwi munozotambudzika zvino, asi ndinozomuonazve nemwoyo yenyu inozodakara, nokudakara kwenyu akuna munhu unokudusa kubva kwomuri. ²³ Ngeiro zuva amuzondibvunzi chiro. Ngegwinyiso ndinoti kwomuri, kunyazwi chiinyi chomunozokumbira kunaBaba ngezina rangu, unozochipa kwomuri. ²⁴ kuguma nanyamashi amuzi kukumbira chiro ngezita rangu. Kumbirai nemwi munozoashira, kuti kudakara kwenyu kuzadzisike. ²⁵ “Ndakareketa izvi kwomuri ngemiedzaniso. Asi awa rinouya apo andichazoreketi kwomuri ngemiedzaniso, asi ndinozomubuira pamhene ndiBaba., ^{26 27} Ngeiro zuva munozokumbira ngezita rangu; neni andirobuyi kwomuri kuti ndinozomukumbirira kunaBaba; ngokuti Baba vemene vanomuda, ngokuti imwimwi mwakandida nemwi mwakatenda kuti ndakabva kunaMwari. ²⁸ Ndakabva kunaBaba, neni ndakauya munyika; zve, ndinosiya nyika, ndechienda kunaBaba.”, ²⁹ Vadzidzi vake vakati kwaari: “Ringira, zvino worowoereketa pamhene, haiwa ngomuedzaniso. ³⁰ Zvino tinozia kuti unozia zviro zveshe, autami munhu naumwe kuti akubvunze; ngeichi tinotenda kuti iwewe wakabva kunaMwari.” ³¹ Jesu wakavapingura echiti, “Zvino munotenda here?, ^{32 33} Ringirai, awa rinouya, eya ratoguma, naapo munozoparadzirwa munhu weshe echienda kanyi kwake nokundisiya ndega. Asi andiri ndega akadi, ngokuti Baba vaneni. 33Izvi ndakamubuira kuti mwendiri muone kunyarara. Munyika munozoa nemadambudziko. Asi shingai mwoyo; ndainyisa nyika".

¹ pavakabva kubuda izvi, Jesu aereketa mazwi aya, wakamurudza madziso ake mudenga, akati,:“Baba, yakwana nguwa. ropafadzai Mwana wenyu kuti Mwana amuirikidze. ² kudai ngezvemwakamupa simba padera penyama yeshe, kuti avape kupona kusikaperi avo veshe vemwakamupa. ³ Uku ndikwo kupona kusikaperi, kuti vamuzie imwimwi, Mwari ega wegwinyiso, naJesu Kristu uwo womwakatuma. ⁴ Inini ndakamuirikidza munyika, ndakapedza mushando womwakandipa kuti ndiuite. ⁵ Nazvino imwimwi, Baba, ndiirikidzei mwemene ngokuirikidzwa ukwo kwendaiya nakwo nemwi, ngepamberi nyika isati yasikwa., ⁶ “Ndakaita kuti zina renyu riziikanwe kune avo vanhu vomwakandipa kubva munyika. Vaiya venyu, nemwi mwakavapa kwendiri, navo vakangwarira izwi renyu. ⁷ Zvinezvi vanozia kuti zveshe zvemwakandipa zvakabva kwemuri; ⁸ ngei machoko owakandipa ndakaapawo kwavari, navo vakaashira, vakazia ngegwinyiso kuti ndakabva kwomuri; vakatenda kuti imwimwi mwakandituma., ⁹ Ndinovakumbirira; andikumbiriri nyika, asi avo vomwakandipa, ngokuti vari venyu. ¹⁰ Zveshe zvangu ngezvenyu nezvenyu ngezvangu; neni ndinoirikidzwa mwavari. ¹¹ Inini Andichimunhika, asi vachirimwo munyika, neni ndouya kwomuri. Baba Vakachena, vangwarirei muzina renyu, iro romwakandipa, kuti vaite umwe kudai tisu tiri umwe., ¹² Apo ndichinarivo, ndakavangwarira muzita renyu, iro romakandipa. Ndakavarinda, akuna naumwe wavo wakarashika, asi mamwa wokurashwa, kuti zvinyorwa zvizadzisike. ¹³ Asi zvino ndinouya komuri, neizvi zviro ndinoreketa ndizvo munyika, kuti kudakara kwangu kuzadzisike mukati mwavo. ¹⁴ Ndakapa kwavari izwi renyu, nenyika yakavazonda ngokuti avasiri venyika akadi, kudai ndini ndisiri wenyika. ¹⁵ Andikumbiri kuti muvaduse kubva munyika, asi kuti muvangwarire kubva kunouwo wakashata. ¹⁶ Avasiri venyika akadi, kudai ndini ndisiri wenyika. ¹⁷ Vachenesei mugwinyiso; izwi renyu igwinyiso. ¹⁸ Kudai ngezvomwakandituma munyika, ngokudaro neniwo ndinovatuma munyika. ¹⁹ Ngendaa yavo ndinodzichenesa, kuti navowo vacheneswe mugwinyiso. ²⁰ “Andikumbiriri ava vega, asi naavo vanozotenda kwendiri ngeizwi ravo, ²¹ kuti veshe vaite umwe; kudai ndimwi, Baba, muri mukati mwangu, neni ndiri mukati mwenyu, kuti navo vagare mukati mwedu, kuti nyika itende kuti imwimwi mwakandituma. ²² Nouthende hwomwakandipa, ndakahupawo kwavari, kuti vaite umwe kudai tisu tiriumwe; ²³ inini mukati mavo nemwi mukati mwangu, kuti vaitwe vakaperera vari umwe, kuti nyika izie kuti imwimwi mwakandituma nokuti mwakavada kudai ngezvemwakandida inini. ²⁴ Baba, ndinoda kuti avowo vowakandipa vaapo pendiri kuti vaningire uthende hwangu, uhwo hwomakandipa inini, murudo renyu nyika isati yasikwa. ²⁵ Baba vakarurama, nyika aizi kumuzia asi inini ndinomuzia; naava vakazia kuti imwimwi mwakandituma. ²⁶ Neni ndakavaziisa zita renyu, neni ndichaita kuti riziikanwe, kuti rudo uro rwomakandida ndirwo rugare mukati mavo, neni ndigare mukati mavo.”

¹ Naapo Jesu areketa mazwi aya, wakabuda nevadzidzi vake, vakaambuka ruseri rwebani reKedhironi, apo paiya nomunda, wakapotera mukati mwawo nevadzidzi vake. ² Zvino Judhasi, uwo wakamupira, waizia ngendau iyo, ngokuti Jesu waishonganamwo kazhinji nevadzidzi vake. ³ Ndizvo Judhasi wakatora chikwata chemasoja nevarindi vamweni vaibva kuvapristi vakuru nevaFarisi, vakaendapo vanezvibani nemasasi nezvokurwa ndizvo. ⁴ Zvino Jesu, echizia zveshe zvaizomugumira, wakabuda kwavari, akati, “Munotsvaka anani?”, ⁵ Vakamupingura, vakati, “Jesu weNazaretha.” Wakati kwavari: “Ndini.” Judhasi, uwo wakamupira, waiya akaema navo. ⁶ Naapo avaronzera kuti, “Ndini,” vakaita fundamutete, vakawa pashi. ⁷ Ndizvo wakavabvunzazve, akati, “Munotsvaka anani?” Navo vakati: “Jesu weNazaretha.” ⁸ Jesu wakavapingura, akati: “Ndamubuira kuti ndini. Ndizvo, kuti mwechitsvaka inini, rekerai vanhu ava vaende.” ⁹ Izvi kwaiya kuzadzisika kweizwi, iro raakareketa rinoti: “Avo vomwakandipa andizi kurashikirwa naumwe wavo.” ¹⁰ Zvino Simoni Petro waiya aneshoti, wakaishwamura, akatema hloko yomupristi mukuru, akagura nzee yake yokumudyo. Zina rehloko iyo uwo raiya Marikusi. ¹¹ Ndizvo Jesu wakati kunaPetro: “Hwirinza shoti yako mumakara ayo! Tsani yaakandipa Baba andizoimwi here?”, ¹² Ndizvo chikwata chemajoni nenduna nevarindi vevaJudha vakabata Jesu, vakamusunga. ¹³ Navo vakamubuira kutanga kunaAnasi, ngokuti waiya muzvere waKaiafasi, uwo waiya mupristi mukuru ngegorero., ¹⁴ Ndiye Kaiafasi uwo wakanyowedza vaJudha kuti kwaidikanwa kuti munhu umwe afire vanhu., ¹⁵ Simoni Petro wakateera Jesu, nomudzidzi umweni. Zvino uwo mudzidzi waiziikanwa kumupristi mukuru, wakapotera naJesu muruwanze rwomupristi mukuru, ¹⁶ Asi Petro akaema pamusiwo kubanze. Ndizvo mudzidzi umweni, uwo waiziikanwa kumupristi mukuru, wakabuda pabanze, akaereketa kunouwo waingwarira musiwo, akapotedza Petro. ¹⁷ Ndizvo musikana uwo waingwarira musiwo wakati kunaPetro, “Newe auri umwe here wevadzidzi vouyu munhu?” Iye wakati, “Andinipi.” ¹⁸ Zvino varanda nevarindi vakabasira muriro wamasimbe, ngokuti kwaiya nechando, navo vaiya vakaema vechigota muriro pachavo. NaPetro wakaemawo navo, echigota pachake. ¹⁹ Ndizvo mupristi mukuru wakabvunza Jesu ngendaa yevadzidzi vake nokudzidzisa kwake. ²⁰ Jesu wakamupingura, akati: “Inini ndakareketa pamhene kuvanhu venyika; nguva dzeshe ndakadzidzisa mumhatso dzokudira nomuTemperi, apo paiungana veshe vaJudha. Andizi kureketa chiro ngokufishika. ²¹ Unondibvunzirenyi? Bvunza avo vakazwa zvendakaereketa kwavari; vanozia zvendakaereketa inini. ²² Naapo aiya aereketa izvi, umwe wevarindi vaiya vakaema apo wakamakaya Jesu ngepama echiti, “Unopingura mupristi mukuru kudaro here?” ²³ Jesu wakamupingura echiti: “Kudai ndareketa zvakashata, pupura ngezvakashata. Asi kudai ndareketa zvakanaka, unondimamisirei?” ²⁴ Ndizvo Anasi wakamutumira akasungwa kunaKaiafasi mupristi mukuru. ²⁵ Zvino Simoni Petro wakaema echigota muriro. Ndizvo vakati kwaari: “Newe auri umwe here wevadzidzi vake?” Iye wakavapingura, akati: “Inini andisiri umwe wavo.” ²⁶ Umwe wevaranda vomupristi mukuru, waiya hama youwo waakatema nzee Petro, wakati: “Andizi kukuona unaye mumunda here?” ²⁷ Ndizvo Petro wakarambazve; paripo jongwe rakarira., ²⁸ Ndizvo vakakweya Jesu kubva kunaKaiafasi vechienda naye kumhatso yokutongera. Kwaiya achimangwanani. Ivo vemene avazi kupotera mumhatso yokutongera, kuti vasazosvipiswa, asi kuti vadye Phasika. ²⁹ Ndizvo Piratu wakabuda kwavari, akati, “Indaa yenyi yomunoitira uyu munhu?” ³⁰ Vakapingura, vakati kwaari, “Kudai uyu munhu asiri muiti wezvakashata, taidai tisikazi kumupira kwouri.”, ³¹ Ndizvo Piratu wakati kwavari: “Mutorenyi imwimwi pachenyu mumutonge kudai ngemipango yenyu.” VaJudha vakati kwaari: “Akutenderwi kuti isusu tiuraye munhu nokuti ngouri.” ³² Uku kwaiya kuti rizadzisike izwi iro raakareketa Jesu echionisa kuti injiranyi yaaizofa ndiyo. ³³ Ndizvo Piratu akapindazve mumhatso yokutongera, adaidza Jesu, akati kwaari: “Iwewe uri mambo wavaJudha here?”. ³⁴ Jesu wakapingura echiti, “Unoereketa izvi pachako here nokuti wazvibuirwa ngevamweni ngendaa yangu?” ³⁵ Piratu wakapingura, akati: “Inini ndiri muJudha here? Dzinza rako nevapristi vakuru vakakupira kwendiri. Chiinyi chowakamboita?”, ^{36 37} Jesu wakapingura, akati: “Umambo hwangu angohwomunyika muno akadi. Kudai umambo hwangu hwaiya hwomunyika muno, varanda vangu vangadai vakandirwira, kuti ndisapirwa kuvaJudha. Asi zvino umambo hwangu auhuri hwomuno akadi.” 37Ndizvo Piratu wakati kwaari: “Ndizvo uri mambo here?” Jesu wakapingura akati: “Iwewe unorobuya kuti ndiri mambo. Ngeiyi ndaa ndakabarwa, ngeiyi ndaa ndakauya munyika, kuti ndipupurire gwinyiso. Kunyazwi ndiani uri wegwinyiso unozwa izwi rangu.”, ³⁸ Piratu wakati kwaari: “Gwinyiso chiinyi?” Aereketa izvi, wakabudazve kuvaJudha, akati kwavari, “Andioni ndaa kwaari. ³⁹ Asi imwimwi muno mutoo wokuti ndisunhure umwe kwomuri ngePhasika. Ndizvo munoda here kuti ndisunhure kwomuri mambo wevaJudha?” ⁴⁰ Ndizvo vakazhambararazve vechiti: “Haiwa uyu munhu, asi Bharabhasi!” Zvino Bharabhasi waiya dzongoni.

¹ Zvino Piratu wakatora Jesu, akamuchaya. ² Nemasoja akaruka dzungudza reminzwa, akariisa padera pesoro rake, akamupfekesa gauni rakatsvukuruka. ³ Akauya kwaari echiti: “Mwauya, mambo wevaJudha!” Nawo aimuchaya ngenyara dzawo. ⁴ Naapo vapristi vakuru nevarindi vamuona, vakazhambarara vechiti: “Mukohomere, mukohomere!” Piratu wakati kwavari: “Mutorenyi imwimwi mumukohomere, ngokuti andioni ndaa kwaari.” ⁵ NaPiratu wakabudazve, akati kwavari: “Ningirai, ndinomubudisa kwomuri, kuti muzie kuti andioni ndaa kwaari. ⁶ Ndizvo Jesu wakabuda, akapfekeswa dzungudza reminzwa negauni rakatsvukuruka. Piratu wakati kwavari, “Ringirai uyu munhu!”. ⁷ VaJudha vakamupingura, vakati: “Tinechironzo, ngendaa yechironzo icho unosisira kuti afe, ngokuti iye wakadziita Mwana waMwari.” ⁸ Naapo Piratu azwa mazwi aya, wakapinda kutya. ⁹ wakapinda mumhatso yokutongera, akati kunaJesu: “Unombobva pari?” Asi Jesu aazi kumupingura. ¹⁰ Ndizvo Piratu wakati kwaari: “Aundipinguri here? Auzii here kuti ndinesimba rokukusunhura, neni ndine simba rokukukohomera?”. ¹¹ Jesu wakamupingura, akati: “Aungakoni kuanesimba padera pangu kuti usikazi kuripuwa rechibva mudenga; ndizvo uwo wakandipira kwouri unokushaisha kwakapinda kukura.” ¹² Naapo Piratu wakatsvaka kumusunhura, asi vaJudha vakazhambarara vechiti: “Kuti ukasunhura munhu uyu, auri shamwari yaSiza akadi. Kunyazwi ndiani unodziita mambo unoereketa kumukira Siza.” ¹³ Naapo Piratu azwa aya mazwi, wakabudisa Jesu kubanze, wakagara pachigaro chokutongera ndaa, pandau inozwi Yakagangatwa Mapuwe, asi ngokwechiHebheru inozwi Gabatha. ¹⁴ Zvino raiya zuva rokunasirira Phasika, rooda kuita awa rechitanhatu. Wakati kuvaJudha, “Ringirai mambo wenyu. ¹⁵ Ndizvo vakazhambarara vechiti, “Mudusenyi, mudusenyi, mukohomere!” Piratu wakati kwavari, “Ndokohomera mambo wenyu here?” Vapristi vakuru vakapingura vechiti, “Isusu atina mambo asi Siza.” ¹⁶ Ndizvo wakamupira kwavari kuti akohomerwe. Ndizvo vakatora Jesu. ¹⁷ Naye wakabuda echitwara muchinjiko kuenda kundau inozwi Denhenya, iyo inodaidzwa ngokwechiHebheru kuti, Gorogotha. ¹⁸ Apo ndipo pevakamukohomera, pamwepo nevairi vamwe, umwe ngeino noumweni ngeiyo, naJesu ngepakati. ¹⁹ Piratu wakanyorazve chinyorwa, akachiisa padera pomuchinjiko. Uku ndikwo kunyorwa kwacho: “JESU WENAZARETA, MAMBO WEVAJUDHA.” ²⁰ VaJudha vazhinji vakadzidza ichi chinyorwa, ngokuti ndau iyo yaakakohomerwa Jesu yaiya pasinde pedhorobha; nacho chaiya chakanyorwa ngechiHebheru nechiRoma nechiGiriki. ²¹ Ndizvo vapristi vakuru vevaJudha vakati kunaPiratu, “Usanyora kuti, ‘Mambo wevaJudha,’ asi kuti, ‘Iye wakati, ndiri mambo wevaJudha.’ ²² piraatu wakapingura akati: “Chendanyora, ndanyora.” ²³ Naapo masoja aiya akohomera Jesu, akatora zvokufuka zvake, akazvipaura kuita mirwi mirongomuna, soja rimwe ngarimwe murwi waro. Vakatorazve gauni rake; asi gauni rake nehanzu yake raiya risina musono, asi rakarukwa kubvira ngedera kwaro metsa kubani kwaro. ²⁴ Ndizvo vakaronzerana pakati pavo vechiti: “Tisaribaura, asi ngatiite mabhigidha, tione kuti ngerani;” kuti chinyorwa chizadzisike chinoti: “Vakakoanisirana zvokufuka zvangu pakati pavo, negauni rangu rakaitirwa mabhigidha.” Ndizvo masoja akaita izvi., ²⁵ Asi kwaiya kwakaemapo pasinde pomuchinjiko waJesu mai ake, nahurwani amai ake, Maria mukadzi waKropasi, naMaria Magadhareni. ²⁶ Naapo Jesu aona mai ake nomudzidzi uwo waaida vechiema pasindepo, wakati kunamai ake: “Dzimai, wona mukororo wako!” ²⁷ Zvino wakati kunamudzidzi uwo: “Wona mai ako!” Kubvira ngeawa iro mudzidzi uwo wakavatora kuti vagare kanyi kwake. ²⁸ Ngesure kweizvi Jesu, echizia kuti zviro zveshe zvaiya zvaperera, kuti chinyorwa chizadzisike, wakati: “Ndapera ngenyota.” ²⁹ Paiya nechidziyo chakazara ngevhini rairungura; ndizvo vakaisa siponji chakazara ngevhini rairungura pachimuti chehisopi, vakachiisa pamuromo wake. ³⁰ Naapo Jesu aashira vhini rairungura, wakati: “Zvapera.” Wakakotamisa soro rake naye wakapa mweya wake. ³¹ Zvino raiya zuva rokunasirira Phasika. VaJudha vakakumbira Piratu kuti mirenje yavo igurwe, vaduswepo kuti miiri isagara pamuchinjiko ngezuva reSabatha, ngokuti Sabatha iro raiya zuva guru. ³² Ndizvo majoni akauya, akagura mirenje yowokutanga neyoumweni, avo vakakohomerwa naye. ³³ Asi apo vaguma panaJesu, vakaona kuti waiya afa, avazi kugura mirenje yake. ³⁴ Asi umwe wemajoni wakabaya parutii pake ngomukhondo, paripo pakabuda ngazi nemvura. ³⁵ Nouwo wakazviona wakaita chapupu, nechapupu chake chine gwinyiso, naye unozia kuti unoereketa gwinyiso, kuti nemwiwo mutende. ³⁶ Ngokuti izvi zvakaitika kuti chinyorwa chizadzisike chinoti, “Akuna godo rake narimwe rinozogurwa.” ³⁷ Nechinyorwa chimwenizve chinoti, “Vanozomuringira uwo wevakabaya.” ³⁸ Ngesure kweizvi, Josefa weArimathia, uwo waiya mudzidzi waJesu, asi ngokufishika ngokutya vaJudha, wakakumbira Piratu kuti aduse muiri waJesu naPiratu wakamutendera. Ndizvo wakauya, akadusa muiri wake. Nikodhemusiwo wakauya, uwo wakauya kwaari ³⁹ pakutanga usiku, echiunza mutombo wakaita mvemve wemhura nowemuaro, wairema kuda kuguma makhirogiramu makumi matatu. ⁴⁰ Ndizvo vakatora muiri waJesu, vakauputira ngejira rakachena pamwepo nomutombo wemakha unonuhwira, kudai ngomutoo wevaJudha wokuika. ⁴¹ Zvino kwaiyapo munda pandau iyo yaakakohomerwa, nomumunda uwo mwaiya neiba idzva risikazi kumboikwamwo munhu. ⁴² Ndizvo vakaikamwo Jesu, ngokuti raiya zuva rokunasirira revaJudha, ngokuti iba iro raiya pasindepo.

¹ Zvino ngezuva rokutanga revhiki, Maria Magadhareni wakaenda kuiba mangwanani kuchakasvipa, wakaona buwe rakamburumbudzwa kubva paiba. ² Ndizvo wakarumba, akaenda kunaSimoni Petro nokunomudzidzi umweni, uwo waaida Jesu, akati kwavari: “Vakadusa Mambo kubva muiba, nesu atizii pevakamuradzika.” ³ Ndizvo Petro wakabuda noumweni mudzidzi vakaenda kuiba. ⁴ Zvino vakarumba vari pamwepo, asi mudzidzi umweniwo wakarumba akapindira Petro, naye wakatanga kuguma paiba. ⁵ Akakotama pashi, akaringira mukati, akaona machira akachena akaradzikwamwo, asi aazi kupindamwo. ⁶ Ndizvo Simoni Petro wakagumawo, echimuteera, wakapotera muiba. Akaona machira akachena akaradzikwa, ⁷ nedhuku iro raiya rakasungwa musoro mwake, risikazi kuradzikwa pamwepo nemachira akachena, asi raiya rakapetwa riri rega pandau imweni. ⁸ Ndizvo mudzidzi umweni, uwo wakatanga kuguma paiba, wakapoterawo akaona, akatenda. ⁹ ngokuti vaiya vasati vazwisisa chinyorwa chinoti unosisira kuti amuke kubva kwevakafa. ¹⁰ Ndizvo vadzidzi avo vakaenda kanyi kwavo. ¹¹ Asi Maria wakaema kubanze kweiba echichema. Achachema wakakotama, akaringira muiba, ¹² naye wakaona ngirosi mbiri dzakafuka zvakachena, dzakagara imwe ngokusoro neimweni ngokutsoka, apo powaiya wakaradzikwa muiri waJesu. ¹³ Nadzo dzakati kwaari: “Dzimai, unochemenyi?” Wakati kwedziri: “Ngokuti vakadusa Mambo wangu, neni andizii pevakamuradzika.” ¹⁴ Apo areketa izvi, wakakunukukira sure, akaona Jesu akaema, asi aazi kuzia kuti ndiJesu. ¹⁵ Jesu wakati kwaari: “Dzimai, unochemenyi? Unotsvaka anani?” Aye, echipinimidza kuti waiya murimi, wakati kwaari: “Mambo, kudai wakamudusa kubva pano, ndironzere powakamuradzika, neni ndimutore.” ¹⁶ Jesu wakati kwaari: “Maria!” Wakakunukuka, akati kwaari ngechiHebheru: “Rabhoni!” (Ndiwo kuti: Mudzidzisi). ¹⁷ Jesu wakati kwaari: “Usandibata, ngokuti andisati ndakwira kuna Baba. Asi enda kunevanun'una vangu, wooti kwavari, ‘Ndinokwira kuna Baba angu naBaba enyu, nokunaMwari wangu naMwari wenyu.’" ¹⁸ Maria Magadhareni wakauya, akaronzera vadzidzi kuti: “Ndaona Mambo,” nokuti wakaereketa izvi kwaari. ¹⁹ Zvino madeekoni ezuvaro rokutanga revhiki, misiwo yakakonywa umwo mwaiya nevadzidzi ngendaa yokutya vaJudha, Jesu wakauya, akaema pakati pavo, akati kwavari: “Kunyarara ngakugare kwomuri.” ²⁰ Naapo areketa izvi, wakavaonisa nyara dzake norutii rwake. Naapo vadzidzi vakadakara apo vaona Mambo. ²¹ Jesu wakatizve kwavari: “Kunyarara ngakugare kwomuri. Kudai ngezvaakandituma Baba, ngokudaro ndinomutumawo.” ²² Naapo areketa izvi wakavafemera, akati kwavari: “Ashirai Mweya Wakachena. ²³ Kunyazwi ndiani womunozorekerera zvishaishi zvake, zvinozorekererwa; kunyazwi ndiani womusikazorekereri, azvizorekererwi. ²⁴ Zvino Thomasi, umwe wegumi navairi, uwo unozwi Manyambiri, waiya asiripo navo apo Jesu paakauya. ²⁵ Ndizvo vadzidzi vamweni vakati kwaari: “Tamuona Mambo.” Asi iye wakati kwavari: “Kuti ndisaona munyara dzake mauri ezvipikiri, ndipfekemwo chinwe changu mumauri ezvipikiri, ndipfeke nyara yangu parutii rwake, andizotendi.” ²⁶ Ngesure kwemazuva masere, vadzidzi vaiyazve mumhatso naThomasi waiya navo. Jesu wakauya misiwo yakakonywa, wakaema pakati pavo, wakati: “Kunyarara ngakugare kwomuri.” ²⁷ Zvino wakati kunaThomasi: “Isa chinwe chako apa, uone nyara dzangu; utambanudze nyara yako, uipfeke parutii rwangu. Usaita usikatendi, asi unotenda. ²⁸ Thomasi wakapingura, akati kwaari: “Mambo wangu naMwari wangu!”. ²⁹ Jesu wakati kwaari: “Wazotenda ngokuti wandiona here? Vanomuchena avo vanotenda vasikazi kuona.” ³⁰ Zvino Jesu wakaita mioniso imweni mizhinji mukuona kwevadzidzi vake, isikazi kunyorwa mutsamba iyi. ³¹ Asi iyi yakanyorwa kuti imwimwi mutende kuti Jesu ndiKristu, Mwana waMwari, nokuti ngokutenda muone kupona ngezina rake.

¹ Ngesure kweizvi Jesu wakadzionisazve kuvadzidzi vake paRuandhle rweThibheriasi; naye wakadzionisa ngenjira iyi. ² Vaiya vari pamwepo Simoni Petro naThomasi, unozwi Manyambiri, naNathanaeri, uwo waibva Khana reGarire, nevana vaZebedhi, nevamweni vairi vevadzidzi vake. ³ Simoni Petro wakati kwavari: “Ndinoenda koobata hove.” Vakati kwaari: “Nesu tinoendawo newe.” Vakaenda, vakakwira mungarava, asi usikuhwo avazi kubata chiro. ⁴ Asi apo kwooita mambakwedza, Jesu wakaema pahumbikumbi, asi vadzidzi avazi kuzia kuti ndiJesu. ⁵ Ndizvo Jesu wakati kwavari: “Vana, mwabata hove here?” Vakamupingura vechiti: “Haiwa.” ⁶ Wakati kwavari: “Kandirai rutaa ngokurutii rwokumudyo rwengarava, nemwi munozoona.” Ndizvo vakarukandira, vaiya vasina simba rokurukweya ngendaa yokuwanda kwehove. ⁷ Ndizvo mudzidzi uwo waaida Jesu wakati kunaPetro: “NdiMambo!” Naapo Simoni Petro azwa kuti ndiMambo, wakasimira jira rake, ngokuti waiya mupunu, wakadzikandira muruandhle. ⁸ Asi vadzidzi vamweni vakauya vari mungarava, vechikweya rutaa rwakazara ngehove ngokuti vaiya vasiri kuretu nenyika, asi paida kuita zana remamitha. ⁹ Naapo vaguma kuhumbikumbi, vakaona apo muriro wemasimbe, nehove yakaiswa padera pomuriro, nechingwa. ¹⁰ Jesu wakati kwavari: “Unzai dzimweni dzehove dzemwabata zvino.” ¹¹ Simoni Petro wakakwiramwo akakweyera rutaa kuhumbikumbi, rwakazara ngehove huru dzaiya zana nemakumi mashanu nenhatu; kunyazwi dzaiya zhinji kudaro, rutaa aruzi kubauka. ¹² Jesu wakati kwavari: “Uyai mudye.” Apana naumwe wevadzidzi waishinga kumubvunza kuti: “Urianani?” Vaizia kuti ndiMambo. ¹³ Jesu wakauya, akatora chingwa, akavapa, nehove ngokudaro. ¹⁴ Zvino iyi yaiya yaanguva yechitatu yaakadzipangidza Jesu kuvadzidzi, ngesure kwokumuka kwake kwevakafa. ¹⁵ Naapo vapedza kudya kwemangwanani, Jesu wakati kunaSimoni Petro: “Simoni, mwana waJohani, unondida kupinda ava here?” Wakati kwaari: “Eya, Mambo, unozia kuti ndinokuda.” Wakati kwaari: “Usha vana vemakwai angu.” ¹⁶ Wakati kwaarizve ngokwechipiri: “Simoni, mukororo waJohani, unondida yaamho here?” Wakati kwaari: “Eya, Mambo, unozia kuti ndinokuda.” Wakati kwaari: “Ngwarira makwai angu.” ¹⁷ Wakati kwaari ngokwechitatu: “Simoni, mwana waJohani, unondida here?” Petro wakarwadziwa mwoyo ngokuti wakati kwaari ngokwechitatu: “Unondida here?” Naye wakati kwaari: “Mambo, iwewe unozia zveshe; unozia kuti ndinokuda.” Jesu wakati kwaari: “Usha makwai angu. ¹⁸ Ngegwinyiso ndinoti kwouri, apo uchiri mutsva, waidzisimidza, wechihamba kuenda powaida. Asi apo waa musharuka, unozotambanudza nyara dzako, noumweni unozokusimidza nokukuendesa pousikadi.” ¹⁹ Wakaereketa izvi echionisa kuti injira yakaitawani yaizofa ndiyo kuti airikidze Mwari. Apo aereketa izvi, wakati kwaari: “Nditeere.”, ²⁰ Naapo Petro echimuona wakati kunaJesu: “Mambo, uyukee, unozoitenyi?” ²¹ Ndizvo Petro echikunukukira sure, wakaona mudzidzi uwo waaida Jesu echimuteera, aye waiya akatseama paditi rake pakudya kwemadeekoni, uwozve wakati: “Mambo, ndiani unozokupira?”. ²² Jesu wakati kwaari, “Kudai ndechida kuti agare metsa ndiuye, unenyi nazvo iwewe? Nditeere iwewe!” ²³ Ndizvo iri izwi rakapararira pakati pevakoma rokuti uyu mudzidzi aazofi. Asi Jesu aazi kuronza kwaari kuti aazofi, asi kuti: “Kudai ndechida kuti agare metsa ndiuye, unenyi nazvo iwewe?". ²⁴ Uyu ndiye mudzidzi uwo unopupura ngeizvi zviro, nowakanyora izvi zviro, nesu tinozia kuti chapupu chake ngechegwinyiso. ²⁵ Asi zviripo zvimweni zvizhinji zvaakaita Jesu; kudai zvakanyorwa chimwe ngachimwe chazvo, ndinoti pamweni nenyika yemene aingaeneri tsamba dzinganyorwa.

¹ Mudikani Thofireusi, ndakanyora mubhuku rokutanga zveshe zvaakatanga kuita Jesu nokudzidzisa, ² metsa kuguma pazuva iro raakaashirwa mudenga, apedza kupanga kubudikidza ndiMweya Wakachena vapostori avo vaaiya akatsanangura. ³ Kwavari wakadzionisa ari unopona ngesure kwokutambudzika kwake ngenjira dzinoonisa gwinyiso dzakawanda, echioneka kwavari kazhinji pakati pemazuva makumi marongomuna, echiereketa ngendaa youmambo hwaMwari. ⁴ Echigara pamwepo navo wakavapanga kuti vasazobva muJerusarema, asi kuti vagarire chigondiso chaBaba: “Icho chemwakazwa kubva kwendiri; ⁵ ngokuti Johani wakabhabhatidza ngemvura, asi imwimwi munozobhabhatidzwa ndiMweya Wakachena ngesure kwemazuva mashomani.” ⁶ Ndizvo, apo vaiya vaungana, vakamubvunza vechiti: “Mambo, ngouyu mukuwo unozohwirinza umambo kunaIsuraeri here?” ⁷ Wakati kwavari, “Andizvopi zvenyu kuti muzie mikuwo nokuti nguva, izvo zvaakangwarira Baba pashi pesimba rake emene. ⁸ Asi munozoashira simba apo Mweya Wakachena auya padera penyu; nemwi munozoita zvapupu zvangu muJerusarema, muJudhia mweshe, muSamaria nokumagumo enyika.” ⁹ Naapo aiya aronza izvi, vacharingira, iye wakamirudzwa kuenda mudenga, negore rakamuashira kumufisha kubva mukuona kwavo. ¹⁰ Kwakati vacharingisisa mudenga echikwira, penya, vanhu vairi vakaema pasinde pavo, vane zvokupfeka zvakachena. ¹¹ Vakati: “Vamuna veGarire, munoema ngenyi mwechiringira mudenga? Uyu Jesu watorwa kubva kwomuri kuenda mudenga, unozouyazve kudai ngezvemwamuona echienda mudenga.” ¹² Zvino vakapetuka Jerusarema, kubva paMutunhu wemaOrivhi, uri pasinde peJerusarema, muhambo wezuva reSabatha. ¹³ naapo vaiya vapoteramwo, vakakwira mukamera romuturikwa, umwo mwevaigara, Petro, Johani, Jakobe naAndreu, Firipu, Thomasi Bhathoromeu, Mateu, Jakobe, mukororo waArifeusi, Simoni muZeroti naJudhasi, mukororo waJakobe. ¹⁴ Ava veshe vakaangirira kukumbira ngechisungo chimwe, pamwepo nemadzimai, naMaria mai aJesu, nevanun'una vake. ¹⁵ Mumazuva awo Petro wakaema pakati pevatendi, (uwandu hwevanhu vaiyapo hwaiya hwechida kuguma zana nemakumi mairi,) akati: ¹⁶ “Hama, kunodikanwa kuti chinyorwa chizadzisike, icho chakaereketwa karetu ndiMweya Wakachena kubudikidza ngomuromo waDhavhidha ngendaa yaJudhasi uwo wakaita mutungamiriri weavo vakabata Jesu. ¹⁷ Ngokuti iye wakaerengwa pamwepo nesu, akaashira chikoaniswa chake chouyu mushando.” ¹⁸ (Zvino munhu uyu wakatenga munda ngomutuso wokusikarurama kwake; naye echiwa ngetsukupinya wakaputika ndani, nematumbu ake eshe akabuda. ¹⁹ Zvakaziikanwa ngevagari veshe veJerusarema, ndizvo munda uwo wakadudzwa ngorurumi rwavo kuti, “Akeredhama,” ukwo kunoti, “Munda weNgazi.”), ²⁰ “Ngokuti kwakanyorwa mubhuku reNdwiyo kuti, ‘Ugaro hwake ngahuite shango, munhu asagara mukati mwahwo;’ ‘Mushando wake ngautorwe ngoumweni.’ ²¹ kubvira parubhabhatidzo rwaJohani metsa kuguma pazuva raakatorwa mudenga kubva kwetiri, umwe wavo unosisira kuita chapupu nesu chokumuka kwake kubva kwevakafa.” ²² “Ndizvo umwe wevanhu vakahamba nesu ngomukuwo weshe waakapotera nokubuda Mambo Jesu pakati pedu, ²³ Ndizvo vakaemesa vairi, Josefa waizwi Bharsabhasi, uwo mutupo wake waizwi Justusi, naMathiasi. ²⁴ Vakakumbira vakati: “Iwewe, Mambo, unozia mwoyo yevanhu veshe, wonisa pakati peava vairi uwo wewakatsanangura, ²⁵ kuti atore rupande rwouyu mushando noupostori, hwaakapauka Judhasi kubva kwouri, kuti aende kuugaro hwake.” ²⁶ Navo vakavaitira mabhigidha; nemabhigidha akabata Mathiasi; naye wakaerengwa pamwepo nevapostori vari gumi naumwe.

¹ Naapo raguma zuva rePentekosti vaiya vakaungana pamwepo veshe pandau imweyo. ² Paripo rakaguma kubva mudenga bope rakadai ngokuvhuvhuta kwedutu rine simba, naro rakazadza mhatso yeshe apo pevaigara. ³ Kwakaoneka kwavari ndimi, dzakadai ngemirazvu yomuriro, dzakadziparadzanisa pakati pavo, dzikagara padera pavo veshe. ⁴ Navo veshe vakazadzwa ndiMweya Wakachena, vakatanga kuereketa ngendimi dzimweni, kudai ngezvaakapa Mweya kwavari kuti vaerekete. ⁵ Zvino muJerusarema mwaigara vaJudha, vanhu vanodira, vakabva kumadzinza eshe ari pashi pomudenga. ⁶ Naapo iri bope razwika, mbungano yakaungana pamwepo, navo vakashamiswa ngokuti munhu umwe ngaumwe waivazwa vechiereketa ngendimi yake. ⁷ Navo vakashamiswa nokukangaidzwa vechiti: “Ringirai, avo veshe vanoereketa avasiri vaGarire here? ⁸ Nesu teshe tinoita mazwirenyi munhu umwe ngaumwe ngendimi yake yaakabarwa nayo? ⁹ VaPartia, vaMedhe, vaEramu nevagari veMesopotamia, Judhia neKhapadhosia, Pontusi neAsia, ¹⁰ Frigia nePamufiria, Egipite nemarupande eRibhia anotendenedza Kurene, nevaeni vanobva Roma, ¹¹ veshe vaJudha nevemadzinza vanotenda chiJudha, vaKrete nevaArabhia, tinovazwa vechiereketa ngendimi dzedu ngoukuru hwemishando inesimba yaMwari.” ¹² Veshe vakashamiswa nokukangaidzwa, vechiti umwe kunoumweni: “Zvinoronzenyi izvi?” ¹³ Asi vamweni vechiita jee vakati: “Vadhakwa ngevhini idzva.” ¹⁴ Asi Petro, echiema pamwepo nevane gumi naumwe, wakadaidzira ngeizwi rake, echichumaira kwavari echiti: “Vanhu veJudhia nemwi mweshe munogara muJerusarema, izvi ngazviziikanwe kwomuri, mupurutane mazwi angu. ¹⁵ Ngokuti ava avazi kudhakwa, kudai ngezvomunopinimidza; ngokuti richiri awa rechitatu rezuva. ¹⁶ asi izvi ndizvo zvakaereketwa ngomuprofeti Joeri echiti:“ ¹⁷ ‘Mwari unoti, Mumazuva okupedzisira kunozoitika kuti ndinozodurura Mweya wangu padera pevanhu veshe, nevakororo venyu nevasikana venyu vanozoprofeta, nemajaha enyu anozoona zvioniso, neharahwa dzenyu dzinozorota hope. ¹⁸ Kunyazwi nepadera pevaranda vangu vevamuna nepadera pevarandakadzi vangu ndinozodurura ngaao mazuva Mweya wangu; navo vanozoprofeta. ¹⁹ Neni ndinozoonisa zvishamiso mugore nezvioniso munyika: ngazi nomuriro nokupwititika kwechiushi. ²⁰ Zuva rinozotsandurwa kuita chidima nomwedzi kuita ngazi, risati raguma zuva guru nerine mbiri raMambo. ²¹ Kunozoitika kuti kunyazwi ndiani unozodaidza ngezina raMambo unozoponeswa.’ ²² “Imwimwi vamuna vaIsuraeri, izwai mazwi aya. Jesu weNazaretha, munhu wakaoniswa kwomuri ndiMwari ngemishando ine simba nemishamiso nezvioniso, zvaakaita Mwari kubudikidza ndiye pakati penyu, kudai ngezvomunozia mwemene; ²³ uyu Jesu wakapirwa kudai ngokuemeswa kwebangano nokuzia zviri mberi kwaMwari, imwimwi ngenyara dzevanhu vakashata mwakamukohomera nokumuuraya. ²⁴ Asi Mwari wakamumusa, amusunhura pakurwadziwa kworufu, ngokuti azvisaizoitika kuti asungwe ndirwo. ²⁵ Ngokuti Dhavhidha wakaereketa ndiye kuti, ‘Ndakaona Mambo nguva dzeshe andori pamberi pangu; ngokuti iye uri ngokumudyo kwangu kuti ndisazokutukuswa; ²⁶ ndizvo mwoyo wangu wakadakara, norurumi rwangu rwakadakadzwa; kunyazwi nenyama yangu inozogara mukugonda. ²⁷ Ngokuti iwewe auzorekeri mweya wangu muHaidhesi, zve, auzotenderi Wakachena wako kuti aore. ²⁸ Iwewe wakandiziisa njira dzokupona, unozondizadzisa ngokudakara ngokuapo kwako.’ ²⁹ “Hama, ndingaereketa ngokurerukirwa ngendaa yababamukuru Dhavhidha, kuti iye wakafa, akaikwa, neiba rake riri pakati pedu metsa nyamashi. ³⁰ Ndizvo ari muprofeti, echizia kuti Mwari wakapika kwaari ngemhiko kuti unozoemesa umwe wemibarirwana wechiunu chake ngokwenyama kuti agare pachigaro chake choumambo, ³¹ echiona zvaiya pamberi, wakaereketa ngokumuka kwaKristu kubva kwevakafa, kuti aazi kurekerwa ari muHaidhesi, nokuti nyama yake aizi kuora. ³² Mwari wakamusa uyu Jesu kubva kwevakafa, nesu teshe tiri zvapupu zvakwo. ³³ Ndizvo amirudzwa kumudyo waMwari, aashira chigondiso choMweya Wakachena kubva kunaBaba, wakadurura izvi zvomunoona nezvomunozwa. ³⁴ Ngokuti Dhavhidha aazi kukwira mudenga; asi unoti: ‘Mambo Mwari wakati kunaMambo wangu, gara ngokumudyo kwangu, ³⁵ metsa ndaita magaa ako chitambarariro chetsoka dzako. ³⁶ “Ndizvo vemhatso yeshe yaIsuraeri ngavazie yaamho kuti Mwari wakamuita Mambo naKristu, Jesu uyu wemwakakohomera.” ³⁷ Naapo vazwa izvi, vakabaiwa mumwoyo, navo vakati kunaPetro nokunevapostori vamweni: “Hama, tinozoitenyi?” ³⁸ NaPetro wakati kwavari: “Tenderukai, mubhabhatidzwe mweshe umwe ngaumwe wenyu ngezina raJesu Kristu, kuti murekererwe zvishaishi zvenyu, nemwi munozoashira chipo choMweya Wakachena. ³⁹ Ngokuti chigondiso chakagondiswa kwomuri nokuvana venyu nokwavari veshe vari kuretu, veshe avo vaanozodaidza Mambo Mwari wedu.” ⁴⁰ Wakapupura ngemazwi amweni akawanda nokuvapanga echiti: “Dziponesei pachenyu kubva kunouyu mubarirwana wakashongoroka.” ⁴¹ Ndizvo avo vakaashira mazwi ake ngokudakara vakabhabhatidzwa, ngezuva rimwero kwakatutsirwa kwavari vanhu vanoda kukwana makumi matatu emazana . ⁴² Navo vakaangira kungwarira zvidzidziso zvevapostori nokuiyana, mukugura chingwa nomukukumbira. ⁴³ Munhu weshe wakagumirwa ngokutya; nemishamiso yakawanda nezvioniso zvakaitwa kubudikidza ngevapostori. ⁴⁴ Navo veshe vakatenda vaigara pamwepo, nezviro zvavo vakakowerana pakati pavo pamwepo; ⁴⁵ navo vaitengesa upfumi hwavo nenhumbi dzavo, vaizvikoanisira kwavari veshe kudai ngokutama kwomunhu. ⁴⁶ Zuva ngezuva vakagara pamwepo ngechisungo chimwe muTemperi, vechigura chingwa mumizi yavo, vakadya ngokudakara nomwoyo wokuzwanana, ⁴⁷ vechikudza Mwari, vechidikanwa ngevanhu veshe. NaMambo waitutsira kwavari zuva ngezuva avo vaiponeswa.

¹ Zuva rimweni Petro naJohani vaikwira kuTemperi ngeawa rokukumbira, awa rechipfumbamwe. ² Nomunhu waiya chirema kubvira mundani yamai ake waitwarwa, uwo wevaiisa zuva ngezuva pamusiwo weTemperi, unozwi Musiwo Wakanaka, kuti apemhe kunevaipotera muTemperi. ³ Naapo aona Petro naJohani vooda kupotera muTemperi wakapemha. ⁴ Petro echimuringisisa, naJohani, wakati, “Ringira kwetiri.” ⁵ Naye wakavaringira, echikarira kuti unozopuwa chiro ndivo. ⁶ Asi Petro wakati: “Andina sirivha nomukore; asi ndinokupa icho chendinacho. Ngezina raJesu Kristu weNazaretha, miruka uhambe.” ⁷ Naye wakamubata ngenyara yokumudyo, akamumirudza; paripo tsoka dzake nemadziso etsoka dzake zvakagwinyiswa. ⁸ Naye echinyanduka wakaema, akatanga kuhamba, akapotera navo muTemperi, echihamba nokunyanduka, echikudza Mwari. ⁹ Vanhu veshe vakamuona echihamba, echikudza Mwari. ¹⁰ Navo vakazia kuti ndiye uwo waigara echipemha zvipo pamusiwo weThemperi unozwi Musiwo Wakanaka. Vakashamiswa nokukangaidzwa ngeizvo zvaiya zvaitika kwari. ¹¹ Naapo achabata Petro naJohani, vanhu veshe vakarumba kuungana kwavari vari muBerere raSoromoni, vechishamiswa kakurutu. ¹² Naapo Petro azviona, wakaereketa : “Imwimwi vanhu vaIsuraeri, munoshamiswa ngenyi ngeizvi? Nokuti munotiringisisa ngenyi ingatei isimba redu nokuti unaku hwedu zvaita kuti ahambe?, ¹³ Mwari waAbrahama, waIsaka, waJakobe nowemadzibaba edu, wakakudza muranda wake Jesu, uwo wemwakapira imwimwi, mukamuramba pamberi pehope yaPiratu, apo paaiya ada kumusunhura. ¹⁴ Asi imwimwi mwakaramba uwo Wakachena neWakarurama, mukakumbira kuti muurayi apuwe kwomuri. ¹⁵ Mwakauraya Muambi wokupona; uwo waakamusa Mwari kubva kwevakafa. Isusu tiri zvapupu kuneizvi. ¹⁶ Ngokugonda zina rake, zina rake remene raita kuti agwinye, uyu munhu womunoona nowomunozia; kubudikidza ngokugonda munaJesu kwaita kuti agwinye kudai pamberi penyu mweshe. ¹⁷ “Nazvino hama, ndinozia kuti mwakazviita ngokusikazia, kudai ngezvevakaitawo vatongi venyu. ¹⁸ Asi izvo zvaakaronza Mwari ngepamberi ngomuromo wevaprofeti veshe, kuti Kristu wake unozotambudzika, iye wakazvizadzisa kudaro. ¹⁹ Ndizvo tenderukai mukunukukire kunaMwari kuti zvishaishi zvenyu zvitsukutidzwe, ²⁰ kuti nguva dzokugwinyiswa mumweya dziuye dzinobva pamberi paMambo, zve, kuti atume Kristu Jesu uwo wakaemeserwa imwimwi. ²¹ Uwo unosisira kuti aashirwe mudenga metsa nguva yaguma yokumusirirwa kwezviro zveshe, yaakaereketa ndiyo Mwari ngemiromo yevaprofeti vake vakacheneswa kubvira pakutanga. ²² Ngokuti Mosi wakati, ‘Mambo Mwari wenyu unozomumirudzira muprofeti unobva pakati pehama dzenyu, muprofeti wakadai ndini. Munosisira kuzopurutana kuzviro zveshe zvaanozoereketa kwomuri. ²³ Kunozoitika kuti weshe usikazopurutani kunouwo muprofeti, unozoparadzwa kubva pakati pevanhu.’ ²⁴ Eya, nevaprofeti veshe, kubvira kunaSamueri naavo veshe vakateera, vakaronza ngaaya mazuva. ²⁵ Imwimwi muri mibarirwana yevaprofeti nevechitenderano chaakaita Mwari namadzibaba enyu, echiti kunaAbrahama, ‘Ngemibarirwana yako madzinza eshe omunyika anozofumiswa.’ ²⁶ Mwari wakamirudza Muranda wake, akamutumira kwomuri kutanga kuti amufumise, ngokutenderudza umwe ngaumwe wenyu kubva mukushata kwenyu.”

¹ Apo Petro naJohani vachareketa kunevanhu, vapristi nenduna yeTemperi nevaSadhusi vakauya kwavari, ² Vakatsamwa maningi ngokuti vaidzidzisa vanhu nokuchumaira kumuka kwevakafa munaJesu. ³ Navo vakavabata, vakavaisa mujere metsa zuva rechimangwani, ngokuti aiya amadeekoni. ⁴ Asi vazhinji vakazwa izwi vakatenda; nouwandu hwevanhu hwaida kuguma makumi mashanu emazana. ⁵ Ngezuva rechimangwani, vatongi vavo, vakuru nevanyori, vakaungana muJerusarema. ⁶ naAnasi mupristi mukuru, Kaiafasi, Johani naArekizanda, naavo veshe vaiya vemhatso yomupristi mukuru. ⁷ Naapo vaiya vavaemesa pakati pavo, vakavabvunza kuti: “Imwimwi mwaita izvi zviro ngesimba nokuti ngezita raani?” ⁸ Zvino Petro, azadzwa ndiMweya Wakachena, wakati kwavari: “Imwimwi vatongi vevanhu nevakuru, ⁹ kudai isusu techibvunziswa nyamashi ngendaa yomushando wakanaka wakaitwa kunomunhu wakaremara, kuti waponeswa ngenjira yakaitawani. ¹⁰ Ngazviziikanwe kwomuri mweshe nokuvanhu veshe vaIsuraeri, kuti ngezita raJesu Kristu weNazaretha, uwo wemwakakohomera, uwo waakamusa Mwari kubva kwevakafa, kubudikidza ndiye, uyu munhu unoema pamberi penyu apona. ¹¹ Uyu ndiye ‘Buwe rakarambwa ndimwi vaaki, uwo wakaita soro repakona.’ ¹² Akunazve kuponeswa ngoumweni, ngokuti akuna zina rimweni pashi pomudenga rakapuwa kunavanhu kuti tiponeswe ndiro." ¹³ Zvino apo vaona kushinga kwaPetro naJohani, vaona kuti vaiwa vanhu vasikazi kudzidza, vanhutu vasina chevanozia, vakashama; navo vakazia kuti vaiya naJesu. ¹⁴ Vechiona munhu wakaponeswa echiema navo, avazi kukona kuramba chiro. ¹⁵ Asi apo vaiya vavapanga kuti vabve pakati pevatongi, vakapangana pakati pavo. ¹⁶ vechiti: “Tinozoitenyi ngevanhu ava? Ngokuti zvakaoneka pamhene ngevanhu veshe vanogara muJerusarema kuti ngegwinyiso mushamiso unembiri wakaitwa kubudikidza ndivo; nesu atikoni kuramba. ¹⁷ Asi kuti zvisachazopararira pakati pevanhu, ngativakohomedzise kuti vasachazoereketazve kunevanhu kunyazwi ngouri ngezina iri Naapo ¹⁸ vakavadaidza, vakavapangisisa kuti vasachazoereketa nokuti kudzidzisa ngezina raJesu. ¹⁹ Asi Petro naJohani vechipingura vakati kwavari: “Kuti kwakanaka mukuona kwaMwari kupurutana kwomuri kunokupurutana kunaMwari, gurai imwimwi. ²⁰ Ngokuti isusu atikoni kurekera kuereketa ngeizvo zviro zvetakaona nezvetakazwa.” ²¹ Ndizvo apo vaiya vavakohomedzisazve, vakavarekera kuti vaende, vasikaoni ndaa yokuti vavaorore ndiyo, ngendaa yevanhu, ngokuti vanhu veshe vaikudza Mwari ngeizvo zvakaitwa. ²² Ngokuti munhu uwo waiya nemakore anopinda makumi marongomuna okubarwa kwake, uwo chioniso ichi chokuponeswa chakaitwa kwaari. ²³ Naapo varekerwa kuti vaende, vakauya kunevanhu vavo, vakavarobuira zveshe izvo zvakarobuiwa kwavari ngevapristi vakuru nevakuru. ²⁴ Naapo vazvizwa, vakadaidzira kunaMwari ngechisungo chimwe, vakati: “A Mambo, iwewe ndiwe wakasika denga nenyika noruandhle nazvo zveshe zviri mukati mwazvo. ²⁵ iwewe wakaereketa ndiMweya Wakachena kubudikidza ngomuromo womuranda wako, baba edu Dhavhidha kuti: “ ‘Ngeyi madzinza akaita ushungu nevanhu vakapinimidza zvisina shwiro? ²⁶ Madzimambo enyika akadzinasirira pachavo nevatongi vakaungana pamwepo kumukira Mambo Mwari naKristu wake.’ ²⁷ Ngokuti ngegwinyiso vakaungana mudhorobha iri kumukira Muranda wako wakachena Jesu, uwo wemwakadzodza, veshe Herodhi naPhontiusi Piratu, nemadzinza nevanhu veshe vaIsuraeri. ²⁸ kuita zveshe izvo zvakaemeswa ngepamberi ngenyara yako nangokupanga kwako kuti zviitike ²⁹ Zvino, Mambo Mwari, ringira kukohomedzisa kwavo, upe kuvaranda vako kuti vaerekete izwi rako ngokushinga kweshe. ³⁰ Naapo mwechitambanudza nyara yenyu kuponesa, zvioniso nemishamiso zvinoitwa kubudikidza ngezina roMuranda wenyu wakachena Jesu.” ³¹ Naapo vaiya vakumbira, ndau yakazungunyiswa apo pevaiya vakaungana; navo veshe vakazadzwa ndiMweya Wakachena, vakaereketa izwi raMwari ngokushinga. ³² Zvino mbungano yeshe yeavo vakatenda vaiya nomwoyo umwe nomweya umwe, akuna naumwe wavo waironza kuti zviro zvaaiya nazvo zvaiya zvake; asi zveshe zvaiya zvavo veshe. ³³ Ngesimba guru vapostori vakaita chapupu chokumuka kwaMambo Jesu kubva kwevakafa; nenyasha huru dzaiya padera pavo veshe. ³⁴ Ngokuti paiya pasina naumwe pakati pavo waitama, ngokuti vazhinji vaiya neminda nokuti mhatso vakazvitengesa, vakaunza mitengo yeizvo zvakatengeswa ³⁵ vakaiisa patsoka dzevapostori; nazvo zvakakoanisirwa kunaumwe ngaumwe kudai ngokutama kwomunhu. ³⁶ NaJosefa, uwo wakadudzwa ngevapostori kuti, Bhanabhasi, zvinoronza kuti: “Mwana wokuembedzera,” muRevhi, munhu weSaipurasi, ³⁷ wakatengesa munda, naye wakaunza mare, akaiisa patsoka dzevapostori.

¹ Asi munhu waizwi Ananiasi, nomukadzi wake Safira, wakatengesa nhaka. ² Wakasara norupande rwomutengo, nomukadzi wake echizia naye, aunza rupande rwomutengo, wakaruisa patsoka ndzevapostori. ³ Asi Petro wakati: “Ananiasi, Sathani wazadza ngenyi mwoyo wako kuti unyepe kunoMweya Wakachena nokusara norupande rwomutengo womunda. ⁴ Ngenguva uchipo waiya usiri wako here? Nangesure kwokutengeswa kwawo, ausaiya uri pashi pesimba rako here? Wakapinimidza ngenyi izvi mumwoyo mwako? Auzi kunyepera vanhu, asi Mwari.” ⁵ Naapo Ananiasi echizwa aya mazwi, wakawa pashi, akafa. Nokutya kwakakura kwakagumira avo veshe vakazvizwa. ⁶ Majaha akamiruka, akamuputira, akamutwara kuenda kubanze koomuika. ⁷ Ngesure kwomukuwo unoda kuita maawa matatu, mukadzi wake, asikazii izvi zvakaitika, akapoteramwo. ⁸ Petro wakati kwaari: “Ndironzere kuti mwakatengesa munda here ngemare yakadai?” Naye wakati: “Eya, ngemare yakadaro.” ⁹ Asi Petro wakati kwaari: “Mwakatenderana ngenyi kuedza Mweya waMambo? Wona, tsoka dzaavo vaika mwamuna wako dziri pamusiwo, navo vanozokutwara kuenda kubanze.” ¹⁰ Paripo wakawa pashi patsoka dzake, akafa. Naapo majaha apotera akamuona afa, akamutwara kumubudisa kubanze, akamuika paiya nomwamuna wake. ¹¹ Nokutya kwakakura kwakagumira veshe vechiara nepadera peavo veshe vakazwa izvi. ¹² Zvino zvioniso nezvishamiso zvakawanda zvaiitwa ngenyara dzevapostori pakati pevanhu. Navo vaiyapo veshe ngechisungo chimwe muBerere raSoromoni. ¹³ Asi akuna naumwe wechikwata chimweni waishinga kuti apindire mukati mwavo, asi vanhu vakavaremeredza. ¹⁴ Nevatendi vakapinda kututsirwa kunaMambo, vazhinji vamuna nevakadzi, ndizvo vakabudisa mumapato avo vairwara, ¹⁵ vakavaradzika pamanhi nepamisengere, kuti apo Petro echipindapo, bvute rake ritibikire vamweni vavo. ¹⁶ Vakaunganawo vanhu vazhinji vechibva kumadhorobha aitendenedza Jerusarema, vechiunza vairwara ngomweya ine tsvina, navo veshe vakaponeswa. ¹⁷ Asi kwakamiruka mupristi mukuru, naavo veshe vaiya naye, venhengo yechikwata chevaSadhusi, navo vakazara ngendurumwa, ¹⁸ vakabata vapostori, vakavaisa mutirongo risina shwiro. ¹⁹ Asi usiku ngirosi yaMambo yakabeura misiwo yetirongo, ikavabudisa kubanze, nayo yakati: ²⁰ “Endai, mueme muTemperi mwechironzera vanhu mazwi eshe okupona uku.” ²¹ Naapo vazwa izvi, vakapotera muTemperi mangwanani maishi, vakadzidzisa. Naapo mupristi mukuru wakauya naavo vaiya naye, akadaidza pamwepo vatongi veshe nevakuru veshe vevanhu vaIsuraeri, vakatumira izwi kutirongo kuti vavaunze. ²² Asi apo vangwariri veTemperi vakatumwa vagumapo, avazi kuvaona mutirongo, navo vakapetuka vakavaronzera. ²³ vechiti: “Mhatso yetirongo taiona yakakonywa zvakanaka, nevangwariri vakaema pamisiwo; asi apo tabeura atizi kuona munhu mukati.” ²⁴ Zvino apo nduna yeTemperi nevapristi vakuru vazwa mazwi aya, vakakangaidzwa kakurutu ndivo, kuti izvi zvingazoita mapererenyi. ²⁵ Naapo pakauya munhu umweni akavaronzera echiti: “Wonai, vanhu vemwakakonyera mutirongo vanoema muTemperi vechidzidzisa vanhu.” ²⁶ Naapo nduna pamwepo nevangwariri veTemperi vakaenda, vakavaunza, asi avazi kuita zvokuvaangiridza, ngokuti vaitya kupondwa ngemapuwe ngevanhu. ²⁷ Naapo vaiya vavaunza, vakavaisa pamberi pevatongi. Nomupristi mukuru wakavabvunza: ²⁸ echiti, “Takamupangirisisa kuti musazodzidzisa ngeiri zina, zvino wonai, mwazadza Jerusarema ngorudzidziso rwenyu, nemwi munoda kuunza padera pedu ngazi yomunhu uyu.” ²⁹ kutenderuka kuvaIsuraeri nokukungurirwa zvishaishi. ³⁰ Asi Petro nevapostori vakapingura, vakati, “Tinosisira kuti tipurutane Mwari, haiwa kupurutana vanhu. ³¹ Mwari wemadzibaba edu wakamusa Jesu uwo wemwakauraya ngokumuturika pamuti.Iye Mwari wakamumirudza ngokumudyo kwake kuti aite Mutungamiriri noMuponesi, kuti ape. ³² Nesu tiri zvapupu zvaaya mazwi, noMweya Wakachena, uwo waakapa Mwari kwavari vanomupurutana.” ³³ Naapo vazwa izvi, vakazadzwa ngoushungu, vakada kuvauraya. ³⁴ Asi umwe wevaFarisi wakamiruka kubva pakati pevatongi, zina rake ndiGamarieri, mudzidzisi weMipango, uwo wairemeredzwa ngevanhu veshe, naye wakapanga kuti avo vanhu vambobudiswa kubanze kwomukuwo mudoko. ³⁵ Wakati kwavari: “Imwimwi vamuna vaIsuraeri, dzingwarirenyi ngeizvo zvomunoda kuita ngeava vanhu. ³⁶ Ngokuti ngemazuva ekaretu Theudhasi wakamiruka, echiti iye waiya mukuru. Vanhu vaida kuita mazana marongomuna vakamuteera; asi wakaurawa, naavo veshe vakamuteera vakaparadzwa, vakapera. ³⁷ Ngesure kwake Judhasi muGarire wakamiruka ngemazuva okunyorwa mazina, wakakweya vanhu vamweni kuti vamuteere; iye naye wakafa, naavo veshe vakapaukiswa ndiye vakapararira veshe. ³⁸ Ndizvo zvino ndinoti kwomuri, taraukai kubva kuneava vanhu, muvarekere vari vega; ngokuti kudai iri zano nouyu mushando zviri zvevanhu, zvinozoparadzwa. ³⁹ Asi kuti zviri zvaMwari, amuna simba rokuvanyisa. Ngokuti pamweni mungadai mwechirwisana naMwari!” Navo veshe vakatenderana naye. ⁴⁰ naapo vadaidza vapostori kwavari, vakavashwapura, vakapangirisisa kuti vasazoereketa ngezina raJesu, vakavarekera. ⁴¹ Ndizvo vakabva pamberi pevatongi, vechidakara ngokuti vakaerengwa kuita vanosisira kuitirwa zvinotsverudza ngendaa yezina rake. ⁴² Mazuva eshe muTemperi nomumakanyi avazi kurekera kudzidzisa nokuchumaira ndiJesu kuti ndiye Kristu.

¹ Zvino mumazuva aya, apo vadzidzi vaiangira kuwanzwa, vaJudha vaiereketa chiGiriki vakavhuruvhutira vaHebheru, ngendaa yokuti shirikadzi dzavo dzairekeredzwa mukukoanisirwa kwezuva ngezuva., ² Nevari gumi navairi vakadaidza kwavari chiunga chevadzidzi, vakati: “Akusisiri kuti isusu tisiye izwi raMwari, tishande pamatafura. ³ Ndizvo, hama dzangu, tsanangurai vamuna vanomwe kubva pakati penyu vanogondeka, vakazara ndiMweya nokungwara, vetingaemesa padera pouyu mushando ⁴ Asi isusu tinozoangira mukukumbira nomumushando weizwi.” ⁵ Neizwi iro rakadakadza chiunga cheshe, navo vakatsanangura Stefano, munhu wakazara ngokugonda noMweya Wakachena, Firipu, Prokhorusi, Nikano, Thimona, Phamenasi naNikorusi weAntiokhi waiya akatenderukira kuchiJudha. ⁶ Vakavaisa pamberi pevapostori, naapo vaiya vakumbira, vakaisa nyara dzavo padera pavo. ⁷ Neizwi raMwari rakaangira kupararira; chiunga chevadzidzi chakaangira kukura kakurutu muJerusarema; nevapristi vazhinji vakapurutana mukutenda. ⁸ Stefano azara ngenyasha nesimba, waiita mishamiso nezvioniso zvikuru pakati pevanhu. ⁹ Zvino vamweni veavo vemhatso yokudira vanozwi Vanhu Vakasununguka, nevaKurene, nevaArekizanda, neavo vanobva Sirisia, nevaAsia, vakamiruka vechiita hasha naStefano. ¹⁰ Navo avazi kukona kuemesedzana noungwaru noMweya zvaakaereketa ndizvo. ¹¹ Naapo ngokufishika vakanyengerera vanhu kuti vati: “Takamuzwa echireketa mazwi okutuka Mosi naMwari.” ¹² Navo vakavherudza vanhu nevakuru nevanyori, vakamutsotokera, vakamubata, vakamuunza kune vatongi. ¹³ Vakaemesa zvapupu zvokunyepa, izvo zvakati: “Munhu uyu aatongorekeri kuereketa mazwi okutuka iyi ndau yakachena neMipango; ¹⁴ ngokuti takamuzwa echironza kuti, uyu Jesu weNazaretha unozoparadza ndau iyi, nokupinduridza mitoo yaakapa kwetiri Mosi.” ¹⁵ Naavo veshe vaiya vakagara pavatongi, vechimuringisisa, vakaona hope yake yakadai ngehope yengirosi.

¹ Zvino mupristi mukuru wakati: “Izvi zvine gwinyiso here?” ² Naye wakati: “Hama nemadzibaba, purutanai kwendiri. Mwari wouthende wakaoneka kunababa edu Abrahama, apo pevaigara muMesopotamia, vasati vagara muHarani, ³ wakati kwaari: ‘Buda munyika yako nokubva kuhama dzako, uende munyika yendinozokupangidzira. ⁴ Naapo wakabuda kubva munyika yevaKharadhea, akagara muHarani. Ngesure kwokufa kwababa ake, Mwari wakamuthuthisa kubveyo kuti auye munyika iyi yomunogara zvinopano imwimwi. ⁵ naye aazi kumupa nhaka mukati mwayo, haiwa kunyazwi nepanokwana kutsikwa ngetsoka, asi wakamugondisa kuti unozoipa kwaari kuti iite nhaka yake neyorudzi rwake runozouya sure kwake, apo paaiya asati abara mwana. ⁶ NaMwari wakareketa ngenjira iyi kuti: ‘Mibarirwana yake inozoita vanhu vapara munyika yevamweni, avo vachavaita hloko dzavo, vechivabata ngenjira yakashata metsa kupera kwemakore mazana marongomuna. ⁷ Asi ndinozoritonga iro dzinza revanozoitwa ndiro hloko,’ wakaronza Mwari, ‘Nangesure kweizvo vanozobuda, vandidire mundau iyi. ⁸ Naapo wakamupa chitenderano chokuchekwa. Ndizvo Abrahama abara Isaka, wakamucheka ngezuva rechisere; naIsaka wakabara Jakobe naJakobe wakabara madzibaba mukuru gumi navairi. ⁹ “Nemadzibaba mukuru vakaita ndurumwa ndiJosefa, vakamutengesa Egipite; asi Mwari waiya naye,, ¹⁰ Naye wakamununurira kubva kumadambudziko ake eshe, wakamupa nyasha noungwaru pamberi paFaro, mambo weEgipite, uwo wakamuemesa kuti aite mutongi padera peEgipite nemhatso yake yeshe. ¹¹ Zvino nzara yakauya padera penyika yeshe yeEgipite neyeKhenani, nokutambudzika kukurutu; nemadzibaba edu avazi kuona zvokudya. ¹² Asi apo Jakobe azwa kuti yaiyamwo koroni muEgipite, wakatuma madzibaba edu panguva yokutanga. ¹³ Parwendo rwechipiri, Josefa wakaita pachake kuti aziikanwe kuvakoma vake, nehama dzaJosefa dzakaziikanwa kunaFaro. ¹⁴ NaJosefa wakavatuma koodaidza kuti vauye kwaari baba ake Jakobe nehama dzake dzeshe, vanhu makumi manomwe navashanu. ¹⁵ ndizvo Jakobe wakadzaka kuenda Egipite. Naye wakafa, iye namadzibaba edu. ¹⁶ navo vakatwarwa kupetudzwa Shekemi, vakaikwa muiba raakatenga Abrahama ngesirivha kubva kuvakororo vaHamori muShekhemu. ¹⁷ "Naapo wakwedzera mukuwo wechigondiso, chaakapika Mwari kuna Abrahama, vanhu vakaangira kuwanda nokuita vazhinji muEgipite ¹⁸ metsa ‘Kwagadzwa mambo umweni kutonga padera peEgipite, uwo waiya asikazii Josefa.’ ¹⁹ Wakabata dzinza redu ngourimbwi, wakaangiridza madzibaba edu kuti varashe vana vavo, kuti vasapona. ²⁰ Panguva iyi Mosi wakabarwa, naye waiya akanaka kakurutu pamberi paMwari. Wakarerwa mwedzi mitatu mumhatso yababa ake. ²¹ naapo aiswa pabanze, mwanasikana waFaro wakamutonha, akamurera kuti aite mwana wake. ²² NaMosi wakadzidziswa ungwaru hweshe hwevaEgipite, waiya akagwinya mumazwi ake nomumishando yake. ²³ “Naapo aguma makore makumi marongomuna okubarwa, wakada mumwoyo mwake kuti ahambire hama dzake vana vaIsuraeri. ²⁴ Naapo echiona umwe wavo echishaishirwa, wakarwira uwo waitsikirirwa, akauraya muEgipite. ²⁵ Asi wakapinimidza kuti hama dzake dzaizwisisa kuti Mwari waida kuvaponesa kubudikidza ngenyara yake, asi avazi kuzwisisa. ²⁶ Ngezuva raiteera, wakaguma kwavari vechiambana, naye wakaereketa kwavari kuti avaiyanise echiti, ‘Vamuna, muri hama; munoshaishirana ngenyi?’ ²⁷ Asi iye waishaishira muakirwana wake wakamututumidza echiti, ‘Ndiani wakakuemesa kuita mambo nomutongi padera pedu? ²⁸ Iwewe unoda kundiuraya here kudai ngezvewakauraya muEgipite zuro? ²⁹ Naapo Mosi azwa izwi iro wakatiza, akaita chigarandimo munyika yeMidhiani, apo paakabara vakororo vairi. ³⁰ “Naapo makore makumi marongomuna apera, ngirosi yakaoneka kwaari ari mushango roMutunhu weSinai, iri mumirazvu yomuriro. ³¹ Naapo Mosi echiona, wakashamiswa ngechioniso; achakwedzera kuringira, izwi raMambo Mwari rakazwika rechiti: ³² ‘Inini ndini Mwari wemadzibaba ako, Mwari waAbrahama, waIsaka nowaJakobe.’ NaMosi wakahuta, akatya kuringira. ³³ Mambo Mwari wakati kwaari, ‘Dusa magwada kubva patsoka dzako, ngokuti pandau pewakaema pamavhu akachena. ³⁴ Ngegwinyiso ndakaona kutambudzwa kwevanhu vangu vari muEgipite, ndakazwa kugomera kwavo, ndadzaka kuti ndivanunure. Zvino uya, ndinozokutuma Egipite.’ ³⁵ “Ndiye uyu Mosi wevakaramba vechiti: ‘Ndiani wakuita mambo nomutongi?’ Ndiye wakatumwa ndiMwari kuti aite mambo nomusunhuri kubudikidza ngengirosi yakaoneka kwaari mupfiba. ³⁶ Uyu munhu wakavatungamirira kubuda, aita mishamiso nezvioniso munyika yeEgipite nomuRuandhle Rwakatsvuka nomushango kwemakore makumi marongomuna. ³⁷ Uyu ndiye Mosi uwo wakati kuvana vaIsuraeri: ‘Mwari unozomumirudzira Muprofeti kubva muhama dzenyu, wakadai ndini.’ ³⁸ Uyu ndiye waiya mumbungano mushango nengirosi yakaereketa kwaari paMutunhu weSinai, anemadzibaba edu; uwo wakaashira mazwi okupona kuti aape kwetiri. ³⁹ Madzibaba edu akaramba kumupurutana, asi vakamututumidza parutii kubva kwavari, vakakunukudzira mwoyo yavo kuhwirira Egipite. ⁴⁰ vechiti kunaAroni, ‘Tiitire zvimwari zvinozotitungamirira; ngokuti uyu Mosi wakatibudisa kubva kunyika yeEgipite, atizii chakaitika kwaari.’ ⁴¹ Navo vakaumba konyana ngaawo mazuva, vakaita mudiro kunouwo muedzaniso, vakadakara ngomushando wenyara dzavo. ⁴² Asi Mwari wakavafuratira, akavarekera kuti vadire hondo dzomudenga, kudai ngezvakanyorwa mubhuku revaprofeti kuti, “Mwakapira kwendiri here mhuka dzakaurawa nemidiro kwemakore makumi marongomuna muri mushango, imwimwi vemhatso yaIsuraeri? ⁴³ Nemwi mwakatora tende raMorekhi nenyeredzi yechimwari chenyu Refani, miedzaniso yemwakaita kuti muidire; neni ndinozomututisa kuenda mberi kweBhabhuroni. ⁴⁴ “Madzibaba edu vaiya netende rechapupu mushango, kudai ngezvaakaemesa uwo wakaereketa kunaMosi, kuti ariite kudai ngechionero chaakaona. ⁴⁵ Iro rakaashirwa ngemadzibaba edu vakapotera naro naJoshua, apo pevakapotera kugara nhaka yevemadzinza, aakadzinga Mwari kubva pamberi pehope dzemadzibaba edu. Naro rakaapo metsa kuguma kumazuva aDhavhidha, ⁴⁶ uwo wakaona nyasha pamberi paMwari, akadisisa kuti atsvakire mhatso yaJakobe ugaro. ⁴⁷ Asi ndiSoromoni wakazomuakira mhatso. ⁴⁸ Asi Uripadera pazveshe aagari muugaro hwakaitwa ngenyara; kudai ngezvaakaereketa muprofeti echiti. ⁴⁹ “Denga ndicho chigaro changu choumambo, nenyika ndicho chitambarariro chetsoka dzangu. Munozondiakira mhatso yakadini, unoronza Mambo Mwari, nokuti ngeiri ndau yokuzorora kwangu? ⁵⁰ Nyara yangu aizi kuita izvi zveshe here?. ⁵¹ “Imwimwi mune mitsipa yakakukutara, nevano mwoyo nenzee zvisikazi kuchekwa, munondogara mwechirwisana noMweya Wakachena; kudai ngezvevakaita madzibaba enyu, ndizvo zvomunoitawo imwimwi. ⁵² Ngouri wevaprofeti usikazi kutambudzwa ngemadzibaba enyu? Navo vakauraya avo vakavaronzera ngepamberi ngokuuya kwoUmwe Wakarurama, zvinopano imwimwi mwakamupira nokumuuraya. ⁵³ Imwimwi mwakaashira Mipango yakaunzwa ngengirosi, nemwi amuzi kuingwarira.” ⁵⁴ Naapo vechizwa izvi vakanyangadzwa navo vakamukwetsera mazino. ⁵⁵ Asi iye azadzwa ngoMweya Wakachena, akaringira mudenga, akaona uthende hwaMwari naJesu akaema ngokumudyo kwaMwari. ⁵⁶ Akati :“Ringira, ndinoona mudenga mwakabeurwa, noMwana woMunhu akaema ngokumudyo kwaMwari.” ⁵⁷ Asi vakadaidzira ngeizwi guru, vakatsiira nzee dzavo, vakamutsotokera ngechisungo chimwe, ⁵⁸ Navo vakamubudisa kubanze kwedhorobha, vakamuponda ngemapuwe. Nezvapupu zvakaisa zvokufuka zvavo patsoka dzejaha raizwi Sauri. ⁵⁹ Navo vakaponda Stefano ngemapuwe; wakakumbira echiti: “Mambo Jesu, ashirai mweya wangu.” ⁶⁰ Naye wakagwadama pashi, akadaidzira ngeizwi guru echiti: “Mambo, usavaitira ndaa ngouku kushaisha.” Naapo aereketa izvi, wakafa.

¹ NaSauri waiya mubangano rokuurawa kwake. Kwakabuda ngeiro zuva kutambudzwa kukurutu kwechiara chaiya muJerusarema; navo veshe vakapararira munyika yeJudhia neSamaria, kwakasara vapostori vega. ² Nevanhu vaidira vakaika Stefano, vakamuchema kakurutu. ³ Asi Sauri waiparadza chiara, echipotera mumhatso ngemhatso, nokubata ngesimba veshe vamuna nevakadzi nokuvakonyera mutirongo. ⁴ Ndizvo avo vakapararira vakahambira ndau dzeshe vechichumaira izwi. ⁵ Firipu wakadzaka kudhorobha reSamaria, wakachumaira kwavari ndiKristu. ⁶ Vanhu vazhinji vakapurutana ngechisungo chimwe kune izvo zvaironzwa ndiFiripu, apo vazwa, vaona zvioniso zvaakaita. ⁷ Ngokuti kwakabuda mweya yetsvina kubva muvazhinji vaiya nayo, yechidaidzira ngeizwi guru; nevazhinji vaiya vakaoma muiri nezvirema vakaponeswa. ⁸ Kwakaapo kudakara kukuru mudhorobha iro. ⁹ Asi waiyapo munhu umweni, zina rake raizwi Simoni, waikamba mudhorobha iro, echishamisa dzinza revaSamaria, echironza kuti iye waiya mukuru. ¹⁰ Vakamupurutana veshe, kubvira kuvadoko metsa kuvakuru vechiti: “Uyu munhu isimba guru raMwari.” ¹¹ Navo vakamupurutana ngokuti kubvira mukuwo wakareba iye waiya avashamisa ngokukamba kwake. ¹² Asi apo vakatenda Firipu waiya echichumaira mashoko akanaka ngendaa youmambo hwaMwari nezina raJesu Kristu, vakabhabhatidzwa, veshe vamuna nevakadzi. ¹³ Kunyazwi naye Simoni wakatenda. Abhabhatidzwa wakaangira kugara naFiripu; wakashamiswa kakuru echiona zvioniso nemishamiso mikuru yechiitwa. ¹⁴ Naapo vapostori vaiya muJerusarema vazwa kuti vaSamaria vaiya vaashira izwi raMwari, vakatuma kwavari Petro naJohani. ¹⁵ Avo vairi vadzakayo, vakavakumbirira kuti vaashire Mweya Wakachena. ¹⁶ ngokuti waiya usati wadzaka padera poumwe wavo, asi vaiya vakabhabhatidzwa ngezina raMambo Jesu. ¹⁷ Naapo vakaisa nyara dzavo padera pavo, vakaashira Mweya Wakachena. ¹⁸ Zvino apo Simoni aona kuti Mweya wakapuwa kubudikidza ngokuiswa kwenyara dzevapostori padera pavo, iye wakada kuvapa mare. ¹⁹ Echiti: “Ndipeiwo iri simba kuti kunyazwi ndiani wendinozoisa nyara yangu padera pake, unozoashira Mweya Wakachena.” ²⁰ Asi Petro wakati kwaari: “Mare yako ngaipere pamwepo newe, ngokuti wapinimidza kuti chipuwo chaMwari chingatengwa ngemare. ²¹ Iwewe auna rupande nokuti chikoaniswa kuiyi ndaa, ngokuti mwoyo wako auzi kururama pamberi paMwari. ²² Ndizvo tenderuka ubve mukushaisha kwako uku, ukumbire kunaMambo, kuti pamweni kungarekererwa kwouri kupinimidza kwomwoyo wako. ²³ Ngokuti ndinoona kuti uri muchanduru chinovava nomukusungwa ngemaketani okushaisha.” ²⁴ NaSimoni wakapingura, akati: “Ndikumbirirei kunaMambo kuti ndisazogumirwa ngechimwe cheizvo zvemwaereketa.” ²⁵ Ndizvo apo vaiya vaita chapupu nokuereketa izwi raMambo, vakapetuka Jerusarema, vechichumaira vhangeri mumizi mizhinji yevaSamaria. ²⁶ Asi ngirosi yaMambo yakaereketa kunaFiripu yechiti: “Miruka, uende kubani ngenjira inodzaka kubva Jerusarema kuenda Gaza. Iyi injira yomushango.” ²⁷ Naye wakamiruka, akaenda. Ringira, munhu weEthiopia, muthenwa, nduna huru yaKhandase mambokadzi weEthiopia, waingwarira upfumi hwake hweshe, waiya akauya Jerusarema koodira. ²⁸ Iye waipetuka; akagara mungoro yake, naye waifunda bhuku romuprofeti Isaya. ²⁹ NoMweya wakati kunaFiripu: “Kwedzera ushongane nengoro iyi.” ³⁰ Firipu wakarumba kuenda kwaari, wakamuzwa echifunda bhuku raIsaya muprofeti, wakabvunza akati: “Unozwisisa here izvi zvounofunda. ³¹ Naye wakapingura akati: “Ndingaita mazwisisirenyi, asi kuti umwe anditungamirira?” Naye wakapota Firipu kuti akwire, agare naye. ³² Norupande rwezvinyorwa rwaaifunda rwaiya urwu: “Iye wakakweiwa kudai ngegwai koourawa, nokudai ngemwana wegwai rinonyarara pamberi pounorigunda, ngokudaro aabeuri muromo wake. ³³ Mukutsverudzwa kwake kutonga kwakarurama kwakabviswa kwaari. Ndiani unozoronza mibarirwana yake? Ngokuti kupona kwake kwakatorwa kubva munyika.” ³⁴ Nomuthenwa wakapingura kunaFiripu, akati: “Ndinokupota, muprofeti unoereketa izvi ndiani, ndiye emene here nokuti unoereketa ngoumweni?” ³⁵ Naapo Firipu wakabeura muromo wake, akatanga kubvira pachinyorwa ichi, wakachumaira kwaari ndiJesu. ³⁶ Vachahamba munjira, vakaguma pamvura; nomuthenwa wakati: “ningira, mvura iri pano. Chiinyi chinondirambidza kuti ndisabhabhatidzwa?” ³⁷ Firipu wakapingura, akati: “Kudai wechitenda ngomwoyo wako weshe, kunotenderwa.” Naye wakapingura echiti: “Ndinotenda kuti Jesu Kristu Mwana waMwari.” ³⁸ Naye wakapanga kuti ngoro iemeswe. Navo veshe vakadzaka mumvura, Firipu nomuthenwa, naye wakamubhabhatidza. ³⁹ Naapo vabuda kubva mumvura, Mweya waMambo wakabvisa Firipu; nomuthenwa aazi kuchamuona, ngokuti iye wakaenda munjira yake echidakara. ⁴⁰ Asi Firipu wakaoneka ari muAzotusi; echihamba, wakachumaira vhangeri mumadhorobha eshe metsa wakaguma Sizaria.

¹ Asi Sauri echifemurika ngoushungu wokuda kuuraya vadzidzi vaMambo, wakaenda kumupristi mukuru, ² akakumbira kwaari tsamba dzokuenda Dhamasekusi, kumhatso dzokudira, kuti kudai echizoona vateeri veNjira iyi, kunyazwi vamuna nokuti vakadzi, waizovaunza vakasungwa Jerusarema. ³ Zvino echihamba wakakwedzera Dhamasekusi. Paripo kujeka kwakauya kwechibva mudenga ⁴ kumutendenedza: “Sauri, Sauri, unonditambudzirenyi?“ ⁵ Naye wakati: “Urianani, Mambo?” Wakati: “Ndini Jesu uwo wounotambudza; kwakakonza kwouri kupunhura zvibaiso zvinopinza. ⁶ Asi iye echihuta nokushama wakati: “Mambo, unoda kuti ndiiteyi?” NaMambo wakati kwaari: “Asi muruka, upinde mudhorobha, naapo unozobuira iwewe izvi zvinosisira kuti uite.” ⁷ Vaissa vaihamba naye vakaema vasikareketi, vechizwa izwi, asi vasikaoni munhu. ⁸ Sauro wakamuruka kubva pashi, naapo abeura madziso ake, aazi kuona chiro; ndizvo vakamubata ngenyara, vakamuunza muDhamasekusi. ⁹ Naye wakaita mazuva matatu asikaoni, asikazi kudya nokuti kumwa. ¹⁰ Zvino waiyamo mudzidzi muDhamasekusi, zina rake raizwi ndiAnaniasi. Mambo wakati kwaari muchioniso: “Ananiasi,” naye wakati: “Ndiri pano, Mambo. ¹¹ NaMambo wakati kwaari: “Miruka uende mupato rinozwi Rakarurama, ubvunze mumhatso yaJudhasi munhu unozwi ndiSauri weTharsusi; ngokuti, ningira, iye unokumbira, ¹² naye waona muchioniso munhu unozwi ndiAnaniasi, echipinda nokuisa nyara dzake padera pake, kuti aonezve.” ¹³ Asi Ananiasi wakapingura echiti: “Mambo, ndakazwa ngevanhu vazhinji ngendaa yomunhu uyu, ngokuwanda kweizvo zvakashata zvaakaita kune vakacheneswa venyu muJerusarema. ¹⁴ Nepano unaro simba raakapuwa ngevapristi vakuru kuti asunge avo veshe vanokumbira ngezina renyu.” ¹⁵ Asi Mambo wakati kwaari: “Enda, ngokuti mudziyo wakatsanangurwa ndini kuti atware zina rangu kune vemadzinza nemadzimambo nokuvana vaIsuraeri. ¹⁶ Ngokuti inini ndinozomuonisa zveshe zvaanosisira kuzotambudzwa ndizvo ngendaa yezina rangu.” ¹⁷ Ndizvo Ananiasi wakaenda, akapotera mumhatso. Echiisa nyara dzake padera paSauri, akati: “Mukoma Sauri, Mambo Jesu, uwo wakaoneka kwouri munjira yewakauya ndiyo, wandituma kuti uonezve, uzadzwe ndiMweya Wakachena.” ¹⁸ Paripo zvakawa kubva kumadziso ake zviro zvakadai ngemagwamba ehove, naye wakaonazve. Wakamiruka, ¹⁹ akabhabhatidzwa, wakadya zvokudya, akagwinyiswa. Sauri wakagareyo mazuva amweni nevadzidzi muDhamasekusi. ²⁰ Paripo mumhatso dzokudira wakachumaira ndiJesu echiti: “Uyu Mwana waMwari.” ²¹ Veshe vakamuzwa vakashamiswa vechiti: “Uyu andiyepi here wakauraya avo vaikumbira ngezina iro muJerusarema? Naye wakauya pano here ngeichi chizato, kuti aende navo vakasungwa pamberi pevapristi vakuru?.” ²² Asi Sauri wakaramba echigwinyiswa, akanasa kugutsa vaJudha vaigara muDhamasekusi, echikohomedzisa kuti uyu Jesu ndiye Kristu. ²³ Nangesure kwemazuva mazhinji apera, vaJudha vakapangana kumuuraya. ²⁴ asi bangano ravo rakaziikanwa kunaSauri. Vakarinda misiwo masikati nousiku kuti vamuuraye; ²⁵ asi vadzidzi vake vakamutora usiku, vakamubudisa ngepaburi reparukumbati, vakamudzasa ari mudendere. ²⁶ Naapo aguma Jerusarema, wakaedza kuti abatanewo nevadzidzi; navo veshe vakamutya, vasikatendi kuti waa mudzidzi. ²⁷ Asi Bhanabhasi wakamutora, akamuunza kune vapostori, wakadudzira kwavari maonere aakaita Mambo munjira, nenjira yaakareketa ndiyo kwaari, nenjira yaaiya akachumaira ngezina raJesu ngokushinga muDhamasekusi. ²⁸ Ndizvo wakagara navo echihamba kupotera nokubuda pakati pavo muJerusarema, akachumaira ngokushinga ngezina raMambo. ²⁹ Wakareketa echiphikisana nevaJudha vaireketa chiGiriki, asi vakatsvaka mazano okuda kumuuraya. ³⁰ Asi apo hama dzazvizia, vakamudzasa kuenda Sizaria, vakamutumira Tharsusi. ³¹ Ndizvo chiara cheshe chaiya muJudhia nomuGarire neSamaria chakaona kunyarara, chikaakiwa, nacho chechihamba ngokumutya Mambo nomukuembedzerwa ndiMweya Wakachena, chakawandiswa. ³² Kwakaitika kuti Petro echihamba kundau dzeshe pakati pavo veshe wakadzaka kune vakacheneswa vaigara Ridha., ³³ Naapo wakaona munhu waizwi ndiAeneasi, uwo waiya akaata mumubhedhi wake makore masere, ngokuti waiya akaoma muiri. ³⁴ Petro wakati kwaari: “Aeneasi, Jesu Kristu unokuponesa; miruka, unasire mubhedhi wako.” Paripo iye wakamiruka. ³⁵ Naavo veshe vaigara muRidha nomuSharoni vakamuona, vakatenderukira kunaMambo. ³⁶ Zvino kwaiyapo muJopa mudzidzi, zita rake raizwi Thabhitha, ukwo kunoti ngokukumuchwa, Dhokasi. Iri dzimai raiya nemishando yakanaka nokukovera zvipo.” ³⁷ Kwakaitika ngaawo mazuva, kuti rakarwara, rikafa. Naapo vaiya varishambidza, vakariisa mukamera romuturika. ³⁸ Ngokuti Ridha raiya pasinde peJopa, vadzidzi vechizwa kuti Petro waiyamwo, vakatuma vanhu vairi kwaari, vechimupota vechiti: “Usanonoka kuuya kwetiri. ³⁹ Petro wakabudisa veshe pabanze, wakagwadama, akakumbira. Akunukukira kunomuiri, akati: “Thabhitha, muka.” Naye wakasvinura madziso ake, naapo aona Petro, wakamuka, akagara. ⁴⁰ Ndizvo Petro wakamiruka, akaenda navo. Naapo aguma, vakamuunza mukamera romuturika; shirikadzi dzeshe dzakaema pasinde pake dzechichema, dzechipangidzira mabhachi nezvokufuka zvaakaita Dhokasi, achiripo navo. ⁴¹ Naye amubata ngenyara yake wakamumirudza. Naapo adaidza vakacheneswa neshirikadzi wakamuisa pamberi pavo echipona. ⁴² Zvakaziikanwa mukati mweJopa reshe, vazhinji vakatenda kuna Mambo. ⁴³ Naye wakagara mazuva mazhinji muJopa nomunhu unozwi Simoni, musukuti.