Anyau Yohanis Pembaptis ¹Hana we yampa, Yohanes Pembaptis ria sanyau ro mapang Yudea. ²Tito me sainto, "Minantaweri wu Allah," wo mananu ro rora pia kikieuto". ³Wo yohanisi ti woming Allah. Yesayai pia yei yang me sainto,"Hinon raupui pa hanti tito ro mapang, me sainto,"mintarong nanuha rayang pa we mamaran yahei, minanari rayang pa hari wang wei." Yesaya 40:3⁴Me, Yohanisi mantauni ingkai hisung asung we nyari ro unta rerawa mepio kepang hane rabuyang wa wei ro wai. Roweang we sampe no kera hami kong Amung kondoi karu. ⁵Interi hinontarai Israel wau hinda wureima, kong Yudea tantenang, kong Yordani awarekahi. ⁶Woroi wame hinda we Yohanisi ma sakawawu hioru song hioru himuntoura ro Yordan, me hingkai himpaya piwe hirona mahiwapa.⁷Tope ampa, inte Yohanisi rima reho mananu we hindu wahang baba ro hinontarai parisi kong hinontarai Saduki pa hioru, tutu hindesisang piwe Yohanesi sonapa, impa tito we hioru, me sainto, mintoro wo siosi tawai beludaki, matei samina mintoru manambawu waruhi huhi we ingkai ramawane ? ⁸Topeampa, piwe mintaropa webong parari wewe ro manampika tata pa. ⁹Me, remuho hanentatuata ro mantau aupe,"Wo antaru antane anantamani Abraham anantame¹⁰Anantamami we pampong, wo Yau ipaya weau kamerane, Allah sona tawaha we Abraham antung ¹¹Yau tarai watang Hawang rutu mintoru ro wepiboki ro minane tatapa, mena ingkai we rima pai wo anti ne mambiri waruhi Yaupa, we patara ae bang pa nou we mahi peha we Yesaparawa. I wo sawang rutu mintoru ro Allahi ruai nunung mamarang kong ro aunang. ¹²Piwe sentiria pei ri warawawong wanei imbaro sentompapi piwe sendoyarapai me ingkai. riuri kui gandumi to ahiuri we seso kuireipa. Interi Iwo ingkai pire pihapai ro auntang we ehi sayoi wa.Yesusi Mintoura ro Yohanisi Aroropa¹³Interi Yesusi rio ro Galilea to Yordan wo Yohanesi wotei Yohanesi sonei miuntoura paina. ¹⁴Mena, Yohanesi hanetatuata imba tei tito wei me sainto,"Yaweno imbe muntoura Yaupe mena wereria me au ruawe yau muna mapa ? ¹⁵Interi Yesusi rioa metito weiya sainto,"Ranewo tarakei wo topenato we ingkai tandeho ro tatoru pena, imba mamarang ne we mahiwau tarong pararia pena, impa Yohanesi pikarei.¹⁶Interi Yesusi miung to ura rawehu me sopa taweri maei soha, inte reaeimo rora yahei tuseparai me reho Allahi riu ainunung mamarang wiama parariape andowa mandung pehi wurei mawehu." ¹⁷Me, hinon raupui pehi rorora yahei we raupui me sainto,"Roma we yonei pei ranei, ro I wo eha hindeho Yau to."

Hinonbatan Saha Yesus (Markus 1:12-13; Lukas 4:1-13) ¹Interi Allahi nuanun Mamarang saruarei to mapang we hinombatan pai sahari roh roh pa ²Konta sampi wa hape koiru, rowi pe piakoiru hai sonamo wiriwang pa. ³Interi ria sahari matitowe Yesusi "Auwo Allah Antung tia au mo woya hoa kami pa we roweyang ⁴Tope yampa tito mai saing to Ai wong kamanpa rowian pa sona mo hinontarai pa tambiheng tato mamarang we Allah Piayapa (Ulangan 8:3)⁵Interi hinonbatan pai kiowi to Bendari wi mimaran pa kiowia sone soha roh Allah ne manu mamarang ne wawuyang. ⁶Interi tito hoi me saingto, "Au wo Allah ne romawa tiau, kiau ro wawong ne towawon bau pa kimanato.⁷Yesus piya Wehiyoru, nanina muna ! Hai kimana wane minantaraho seng Allah. (Ulangan 6:16) ⁸Naria muna, hinonbatan Kio Yesus Wu tawui we tirai pa mesanyau Nune wara kai ⁹Me piya, sainto tuan hatea womi weyau.¹⁰Interi Yesus tito wei me sainto, "ruanto, hinonbatan tiau ! Piana hintoi to, mintoru mo mina somi Tuhan Allah impeino tasomi weipe." (Ulangan 6:3) ¹¹Interi hinonbatan ria waruhi Yesusi, meminandeho manatao hindama hisomi weiYesusi, Interi sanyau na Galilea (Mrk 1:14-15; Luk 4:14-15)¹²Interi Yesus taraho Yohanes pa hintapuri to impaina Yesusi riato Galilea. ¹³Ria warahi Nasaret me rioro Kapernaum, ro ruru satiwe Zebulom kong Naftali¹⁴Imbaromi ne tato pai pirari woming Yesaya sona pa ¹⁵Kakopa Zebulom kong kakopa Naftali, ne rayang kong ruru, ro Yordan, Galilea, interi rahora we hinontari Yahudi hinewe ¹⁶Kaawasa tau we hindeho weberoranpa hindeo we deapa we baba mae hindoro hintaroho tato wau pa ? hindoro Nua nunua karia we dea pai piana riamato (Yesaya 9:1-2)¹⁷Royampa mantupa Yesus titoa sainto mintamarori to imbaromi we wiheng ria we mintoru ma.Retenang Pai Hioru (Mrk. 1:16-20; Luk 5:1-11)¹⁸Interi Yesus ria ro ruru Galilea, I wo reho mambeneta pehuru, Simon we rihang we Petrusi, neta Andarias, pa huru, hunda ingkia herang ro ruru pai harawa huru wo hinotarai we mamumpi. ¹⁹I wo tito we hioru, "Mundama munda kong Yau imbaromi herang yampa muronei meremun hinontarai. ²⁰²¹Interi ira, I wo reho mambeneta pai hura Yakobus romawa Zebedius kong Yohanes neta pa huru. Hindoro wa kosiri kong Zebedius, tamani mo song herang Interi hihau hioru ²²Interi hindawarui wah pai tamani wo riororo, hinda kon Yesusi.Yesus Sanyau kong song we hisui Himpanan²³Yesus ria wari kakopa Galilea me sanyau ro manu mamarang interi himbuwua weraung mamarang wau kong sanya wa huhi patau bai we hiria ruita ro hinontarai hinem pa. ²⁴Kong, arera we tei himpato siria, kon hinkowu hinontarai we hisuhi hioru, we hirariu pimati, kong ira ru huhi we himpaya, interi song hioru himpanang ²⁵Hinontarai we himpau hindaro Galilea, Dekapolis, Yerusalem, Yudea, kong wewe hindoro Yordan hinda kontei.

Anyau Wesona ¹.Wana sihiu ro pi we Allaho hanetatuatapa we hinontarai, remo ho woria me wainto imbaromi aha hirainto au wombi hyeng pa. Rawau mo, mentoru mentarariuta wewihyeng pa wato ro tamamui ro rora. ². Rawan mo, ha we tei minta ro napa mo, minandeho mina sahau wape roro newa imparari we hirahiahari hirona ro manu hiresomihs kong ro rayang imbaro hirainto hiokei. Allahi sainto pia minandu piwawori paito.³. Ingkau minta rong pi wa wori yari pamo wonei ro maramu ro sowiri warau sowatan reho piwe wona pawa. ⁴.Imbaro piwe nimta rona rp we ainaniwara yam papa, Ingkai sona piwawori we mintoru pa.Anyau Tanta To Ko Allah⁵. Interi minantato Ko Allah mo tp perane, minandeho minarong parari wehirahiahari pe wo hioru hiroha hintato konh Allah ro manu hiresomiah .konh rp rayang harawa imbaro eha indeho hioru. ⁶. Interi minantato ko Allah mo, minasua to ahiru puiya me minasuhi aturarei pa, interi minasomi we tamamui ro rora mihoi ro rahora we ainiwa, imbaro tamamamui we we rora ya b ei anti reho we ainiwa papa inhkai sona pi wawori pa we au pa. ⁷. Kong minanto to ko Allah mo, minandeho minantatu tato we mah wape, pararia pe hinontarai we hisiwiai. Allah wa, interi hirenim bato hintato pau kai Allah tara no rahi.⁸. Impaina minandeho mintarang parari hiope wo tainamui pia reho piwe minasa netatuata pato, impa minta rewara wamimo tamamui pia rehoto ⁹. minantato ko Allah mo, to perane . Iyai anantamami Auro Rora, Hanomuwe mamarang ¹⁰. Tei rama mananu nemupa, para riap riape weha nemu tatuatapa ro kakopa wawong nei para riape we wero rorapai.¹¹. wonawe antoru rohanei roweang peha mahiha. ¹². kota puriri anane tata pitau we anata ronane pariri antoru tato anampariri we hirong mara anturi wa. ¹³. Kong remuho ko antoruwu we marawa wanepe makeito warangka antoru waraho we marawampa tuto Auwo nemu mananu baba konta nemu payapa kongta mararising wewe piboki. rohanei kea o raintahowane.¹⁴. Impatei minamipariri eha hine tati pani p tamamui ro rora pariri nemu tata pa tato. ¹⁵. Me tei minam parir eha hine tatapa wamo, tamamui tati piriri minane tatapa wa.Piwe Hanemuahowa¹⁶. Interi ro we hanemuahoi wa pamo, minandeho minam pariri we hiraihi ahari oe wo hioru wo hirong weri hinde kamipa imbaro mi eha hirainto hioru hi sane ahoi pa. yau wo ipaya we mahi mantaung pa we mintoru wo piani hirariu hine piwawori peto. ¹⁷.impa nine wo tei mina saneaho piampa wamo, wong maning ho riu munadaung pai kong ruipiremu ropa. ¹⁸. Imbaro mi piwe hanemu ahopa, imgkai ro tamamui we rioro ro nu we ai niwapa. imbaro tamamui anti reho piwe wona ainaniwara yampapa ingkai sona taweri wurau mantu.Ruri Pi Nemu Ro Rora¹⁹. remujo tuau pinemu pauro munei wawonh pe, wo nunei we hawe kong pitata, kongnuwe we mananapi hintota kong himanana. ²⁰. ma keitu ruri kikui pi nemu ro Rorayang hei wa nuwe wemanapi hintotei kong himanana pi roi wa. ²¹. Wo ro nu nehane pinemu pa roro ro yampa hanemu rarong riorotina.²². Renkami pawo ma ro nentarai. Ipa rengkami pa hanai mora, nentarai pai dea tantenang. ²³. Interi nine wo reung kami pa mamuna, nentarai pai berorang tantenang. Impaina dea tara we ro au pa iwo we berorang impa mentarai pai berorang kamo rarabui. ²⁴. eha hioru himmariwa we manunu koiru pe wo ingkai hane kahihiou mananu pehi me haneho mananu pea hioru, ete ingkai rioa ho mananu kosiri mw ria ho eha hio wape. Mintoru ingkai mina somi we Allai wa kong hinombatang. Remuho Hanemu Haherau Pe²⁵." Tope ampa I tato mintoru, remuho hanemu haherau ro manu rarong pape, ro piwe minatarangpape ete pi we mintarunung pape. Ro nentarai tati, ho piwe husuna pape. Ete haseng paimihitarai warubi roweang papae, kong nentarai mini tarai waruhi roweang asung papae? ²⁶. Remuho andawa,ro wawong yahei iwo tintanang wa, kong kio pieomi wa, ong riuri kikui. piromi to manu rarong wa, me yai rorora songhio hirampi. Impa mintoru mintaraiuta weeihieng waruhi hioru?²⁷. MIntoru matei ti hane haherei oaria nehapa haneapone? ²⁸. Interi rong asung, hanemuhaheraupa? Remu aho pitantang bakung wanei ro mapang, tope nehanemo wiwapa, hioru himariwa wa kong hirai nuanug wa. ²⁹. impa ipaya we mintoru wo salomoi ro pitau we nemparone asung we sawara pa ehi hinai parari pitantang bakung wa neiwa.³⁰. Impa, ingkai nanempung ro mapang, suwa ro hanei me riahamo hisowei to auntan wanei apui,Allahi mirandini a hinai, me mintoru imbae, wo mintoru , mina sane huntuina e? ³¹. Tope ampamo minande ho minasane hahera me minarainto, "pipa nehai ingkai antarane?, ete, pipa nehai ingkai antaru nung ne?, ete, pipa nehai antanene?³². Wo kawasa hasire hisera pitau rawau tamamui ro rora haneaho pitau we minanempato. ³³. Me ma keito, mina serape mananu kong we mahi yai, wo pitay yampa ra wu mintoma. ³⁴Impaina remuho hanemu haherau ro harie hawaneipe wo ha rieha wanei ingkai hane hane waweriei. Mahina to ha pehi ro newe hasieung pa ma me hari".

Yesus piriri kong song wehiuhi pai pinang (Mrk. 2:1-12; Luk. 5:7-26) ¹Interi hiua to wapai, Yesus sawoya kutu ruru pai to bendari nempai ²kong rehowe hingko wu reima hinontarai we piaya pehi wata ro au we. Interi reho isane rarong we himpau Yesus tito we hinontarai we paya haneimo nemo karariha pa kaito.³Hintato, ro isane wai rarong mo, "I wo song pihe mahiwa ! ⁴Yesusi piana rebuhu isane wai rarong, me sainto pipae nahanti sona mo mintane sane rarong pa mara wa ? na mintane sane wai rarong pa. ⁵Wewe mawa wau me tito, "Karariha nemu pa kai to mae tito Tuha me rua ? ⁶Interi mintande ho we I pino roipapi tata. "Interi Yesus tito hinontarai we piaya pa turaha to ruha, piwe wena rohi pa kou rua.⁷Interi tinaha ria taweri. ⁸Hinontarai we himpau hindeho we toperawau hiraparanding Allahi wewe song we hanai wai we hinontarai wau tatoru.Matius wewe ria kio hawaweri ria kong Yesusi (Mrk. 2:13-17; Luk. 5:27-32) ⁹Yesusi tiwa ha ria waruhi rahora yampa, reho nari hinontarai hisahaurei we Matius wewe mihoi ro newe hindiru kikui hawaweri. Interi Yesus titowei. "Raia kong yau" Interi Matius saho me ria kong Yesusi.¹⁰Tawe Yesusi mihoi sampi ro manu pehi rarong, reho hinontarai we hinduri kikuira hawaweri hingko hinontarai we himahi wa pa hioru hindamahirampi kong Yesusi neta pa hioru. ¹¹Kong hinontarai farisi hindeho torawau pa mora hintato we Yesusi neta pa hioru, me hirainto. "Pina hai sona mo minane baba wanei sampi kong wewe hinda hindiri hawaweri kon hinontarai we himahi wape hioru."¹²Mena, Yesus taraho rawau, Impaina tito, "We himpanang wau hioru wo hisera we himbe uba wau hioru wa, wo wehisuhi peha hioru peha. ¹³Mena minandangkai minaranyau pinahae I' Tatoa toperawau, "Yau wejanyawe peno hanoho hioru, me hine hawaweri wau wa tutu yau Iramaranemo I' hahau we himahi wau hioru wa, me tei I' hahaupe hinontarai we himahiwa."Autang we Hanewa Piwa (Mrk. 2:18-22; Luk. 5:33-39) ¹⁴Interi Yohanes ne romawa hindawe Yesusi hirautang ne anturu. konta hinontarai Farisi pai hioru haneuwo piha, Interi Yesus ne murid-murid hioru himparari antoru we yam pa mo ? ¹⁵Yesusi tito we hioru, wehindidau pehuru temahui usane huru rone ranei manei mo rio kong hioru rai ? Interi rane mo ha pe nanto. Mawang yampai mo ingko waruhi hioru ima hoi topeyang¹⁶Hinontarai pehi kio hasun waworu sawa konta kong we tawapai, Interi hasun we tahabu kong we tiwa pai taha bu baba.¹⁷Ranei mo hinontarai pai hioru wereriato isita anggur wawuru pai to rotang we tiwa pai. Interi rotang we tihabu anggur we mihiha pai. Yampamo hinontarai pai hioru hirariumberi anggur wewaworu pai to rotang we waworu, imbaromi hurong nunuhara kuiraYesus Sonei Tiwaha Interi sonei pinang (Mrk. 5:21-43; Luk. 8:40-54)¹⁸Interi Yesus tito we hioru, minandeho hinontarai weriu ro Manu we mamarang riama hiomi wei interi tito, "Romawa wawing pai kirya. Interi ruama ruwahara waramu pai ho riu kami pai interi tiwaha. ¹⁹Interi Yesus tiha ria kong hinontarai wane tutu ne romawa wane hioru.²⁰Interi remuho wawing be hiura tutu kangkaman pai hioru purya pe haura he kouru kikeu we Yesusi karu puyang pai kong saka wawura hasun we hisuna pa. ²¹Interi wawing yampai tito ro hanewai rarong, "Jau Jeira iru ro hasun pa mo ipanang pena. ²²Yesus sadai weria hioru wawing yampai tito wei, "Nundung hanemu wai rarong pai romawa pa au, hanemu kangkuna imbaromi punang." Yampaino pinang pa.²³Interi Yesus ria maho manu mamarang pai reho we himbui kawuwu rabuyang pai hioru interi hindo kuira hintaraho we hindu hahaya pai hioru. ²⁴Interi titowe hinontarai we him apu hioru, "Mintanda wo romawa wawing yampai kirya wa, iwo sena, me hinontarai we pau himari Yesusi.²⁵Interi hirontai we pau pa hioru sasawa hioru to wondi, Yesus hua riu romawa pai warang, romawa wawing yampai tiwaha. ²⁶Tato rene apai wari nene awa reka hiu.Yesus sona hinontarai humbe koiru hindekami pai hunde ho²⁷Interi Yesus ria, me hinde pipu pai huru, huru parei interi hu sahu wei, "hanemu wo uru wae, romawa Daud." ²⁸Yesus hiua ro manu yampai hinontarai we hunde pipu hunda were ma interi sautang huru, "Mundeho wewiheng we yona we muru ne ?" Hirautang " We, Yesusi !"²⁹Interi Yesus sakara riu hunde kami pa, Yesus tito we huru, "Dararia pe Musa wai rarong pa." ³⁰"Hunde darang" Yesus titi we huru me sainto eha hindeho pe. ³¹Interi humati hunda umberoana ro neinei aware kaiyu.³²Interi hinontarai koiru humati, remuho, Hinontarai hingko hinontarai we tito we. We Yesusi. ³³Interi we marawa pa mati waru hei we wah mamon pa tito mae hinontarai we pau pai hioru isa ro kutuya hintato, "we rane heha ma tandeho ro Israeli." ³⁴Hinontarai fari hintato I wo sasawa we marawa pa warui hioruWe tangko wau pau me wetarona wau Babawa ³⁵Yesus ria wari bendari tau weronune yakai ria sanyau ro manu mamarang pa ro sinagoge interi sona we hisui pa himpanang. ³⁶Yesus reho hinontarai we pau pa hioru hane ho hioru reho hioru ma hinumar yowa parari piaung domba pai hioru.³⁷Interi tito we ne romawa pai hioru. Interi we tangko wau pau ne we tarona wau babawa. ³⁸Interi wewara kong Yesusi antine wewihempa. Interi sanatua we hindipi ne hioru.

¹. Interi, Yesusi hihau ne woming haura heha kuira pa hioru me sona mambri pa wehioru imba hirentasawa hinong watan kong hiren tau huhi konta huhi pampinoma.². Renewo hinosanong woming haura heha koiru pe hirena : weretenang mo simoni we hisau wei we Petrus, kong Andariasi neta peina, kong Yakobusi roma Zebedeus, kong Yohanisi netapeina, ³. Filipusi, kong Bartelomeusi, Tomasi, kong Matius we ria riuri hawa weri, Yakobusi kong Alffeus kong Tadeusi, ⁴. Simon hino tarai zelori leong Yudas Iskarioti we wio Yesusi Pao.⁵Yesusi satatang woming haura heha koiru pa hioru me samiha hioru hinda," Minandeho minandato rayang kawasa prha himbihiei pe ete mina suatu bendati hinontarai Samaria pa hiope, ⁶. Me minanda wuea pe hinontrau pitau bai we hisasieung ro hinontarai Israeli pa hioru ⁷. Me ingkai tei minandama minampaua ya minatato topeno," Mananu Rora pia kikieuto.'⁸. Mintarong panang we wehisuhi mintarong we hingkaria hintawaha, mintarupi piwe husihi huhi paputa kong minarasawah we hisuhi hinombatang. Mintaru minangko ro we pinoma, mintaronaro wepina. ⁹. Minan deho minang ko emasi pe, ete parelaei,ete tembaga ro wai wemintare kanota minasane rabu yang pape, ¹⁰. Ete kaketa we minakoro rara rapape, ete asung keri kuiru, ete pata ra mina saebang, ete aisoi wo wemiriwa yampai wo sampi ro pena.¹¹. Ro bendari ete ro pandu nehane munampa ro mina sua ropa, minan dehu matei sona yampa kea o minan taweri muna. ¹². Interi tei mina sua ro manu yampamo minta rewara nanuhara. ¹³. Me manu yampai wihieng mo mamarang ne wehipa wata kong hioru, me tei werera mo mamarang newe wihiengpa kuo taweri.¹⁴. Me matei tei riaho minto wapa ete tei rioho pi puyapa wamo, tei mutiro manu yampai ete bendari yampai mo aembaha wawu peha ro woha ropa. ¹⁵. Yau wo ipaya we mahi weau wo ro ha Mamarang rima wanei, kakopa Sodom kong Gomoro ingkai hurariu wetapiha waruhi bendari yampai.Pi We Hasieung We Ingkai Hisarotara¹⁶." Remuho, Yau yumiha mintoru parari domba to wo hinang we hirairayati pahioru. Impaina mina sane wayang parari tawai kong mina na marha parari andowo mandung. ¹⁷. Mena ingkai minaranasihiau ho hinontarai wo kioru ingkai hingko mintoru to mananu baba sanhrin me hindarubaba mintoru ro manu we hisomi Roro wane. ¹⁸. Kong mintoru wo hingko minto ro to we hindu mananu baba, ro hanou nepe, imba hirarari we eha hioru ro pandura tau eha rawanepe.¹⁹. Mena, tei hironh mintoru apui mora minandeho minasane hihia minto pe wo pipa nahai minam payayopa ro yampa mo minan paya kei parari piwe tei minam paya topa. ²⁰. Wo, ingkai minto minantata pawa, me iwo tamai rianung anti tito riwang minto pa.²¹. mintoro ikai mina sarewa mina neta pa hioru wu kairiam pa. Me, roma pa hioru iang kai hindua ho paitung pa hiowa me himung wioru. ²². Mintoru ingkai hiane mara mintoru kuira ro hanoune, me we hindu kepang nake rainta ho wane ingkai himbi hieng. ²³. Me tei hirong ninyayang mintoru ro bendari kosiri mo, minam bawu to Bendari peha muna. Yau ipaya we mahipa we mintoru wo ingkai minanda kai ho bendari. Israel pawa keo Allai antung rima.²⁴. Romawa anyau ingkai kiopa heha we sanyawi paima, parariape we we woming pai kiopa heha, ne babahio paiwa. ²⁵. Mahiha pewe romawa remuho turiai rawaein we sanyau au pai pe, kong weming remoho ruriai raraweing babahihio pai pe. Ingkai eha hisuwau we bab hihio manu rarong Beelzebul mo, mara wa kahira ro manurarong nempai kea."Mutaita Pe Allah Me Remuho Mutai Hinontaraipe²⁶. Impaina, minandeho mina matai eha hiope wo pianeha rowe ainani wara mo ingkai himpayaya wa, ete we ainani wara wau ingkai his siwiai howa. ²⁷. Pipa nehai ipaya we au ro weberong pamo, Puyaya ro we dea. Kong pipa nahai taramuho hindauhahaya ro turang kambirei pa mo, puya kama mana ro nandaung wawong manu pa.²⁸. Minandeho mina matai we himunh tane taraipe, wo ingkai himung haseng nei wa, makeito tama taita pe Mamarang we ingkai miung hasung,kong tane tarai kakopah ro auntang we sang rowi rieha. ²⁹. Topenane andowa pit pe koiru himbowa mo sariu hawaweri kosiri? Me, ingkai kosirimo hiuto kakopa wawong wa ro woni waruhi tamamui wa. ³⁰. Wo, riumu ramdaung ro riungkamipai pia haneatora to. ³¹. Tope ampa mo, remu ho mutai pe, wo mintoru minamahi mataung waruhi andowa pit pa hiopa".Waparanding Yesusi Ro Eha Hisasaro Pong Ro Pa.³². Imoa, ro hinontarai we hiraparanding Yau ro hinom taraipa hisaropong ro pa, Yau tato ingkai Yaparanding nei Ro Iyai aro ropa ro rahora we mamarang. ³³. Me, matei ti hane paran dehi Yau ro hinontarai pa hisaropong ropa, Yau tato ingkai hanouoarandei ro Iyai aaro ropa ro rahora we mamarang Yahei.³⁴. "minandeho minasane tatua we .Yau wo irama we iko mahihoi ro nuneipe. Yau wo irama we iko maihoi kuirawa. ³⁵. Wo, Yau irama Yong pira roma mawang pai waruhi tamani roma wawing pao warui hinani rewang wawing pai waruhi neoni wawing pai, ³⁶. Kong we hane karasisung ro manu rarong Yampai.³⁷Matei haneeho tamanioa ete hinani pai waruhi Yau, mo mihi weyau wa. Kong matei haneho kahi roma mawang ete neroma wawing pai waruhi Yau, MO sariu we kong Yau-wa. ³⁸. Kong matei hirio aitabapai kong Yau wapa kong ria kong Yauwa, ariu we mahi peha kong Yau-wa ³⁹. Mateti riu kepanh nehaseng paipa ingkai hasung pairio waru hiei, ne matei ti hasung pai rio waru hiei ro hanou ne pa ing sariuta haseng pai taweri rahi".Nemu Hamayah We Raroh Allah.⁴⁰. 'Matei ti pindui kui mintopa, pundui Yau-to. Kong matei ti pindui Yaupa, mo pindui Mamarang we samiha Yau-nei ⁴¹. Matei ti pindui nabi ro hinohanong nabi ingkai sariu Hamaya ro nabi. Me, matei pindui hinontarei we mahi ro hinohanong we mahi ingkai sariu Hamaya we mahi. Me, matei ti song⁴².Me matei ti song romawa marere pa hirububg mare peha ro nyopikain kosiri mare weraha ro, woming kosiri hanog pa, Yau ipayaya we mahi we mintopa, iwo ingkai ne hamaya pa rowa."

Sosiau Parari weriayang kumawiri bong. ¹Ro harawawei, Yesusi miti waruhu manupai kong mihoi ro rurupai harawa. ²Konta hinongtarai wepaupa hioru hinda kuira wereima. Interi I wo sautato wapai Ayei konta mihoi, konta hingkai hinong taraipa himpau impaena Hiroha ro rurupai harawa.³Konta I wo tito patau we hioru ro perumpamaan, tito mehinongtarai we ria hihau weraung mamarang antiria hihau wepa. ⁴Hawe ramampa iwo ria tito waraungpa, piwe piyapa parariape benih wewe huro rayang harawa, andowapa hindama konta hirang nakai. ⁵Beni peha huro nu wewe kami, wewe sariuta kakopa peha konta mararu taria mena nekakopa pa eha babawa. ⁶Aena mena nuwewe wopai sauta roipai, pitantang eha mangkakopi. Interi sariuta wowapehawa, impaena pitantangnan yampa wo maha.⁷Beni peha wihyei huro aipa rarong, konta nupa narawena Tariai mena aipa warawewura impaena maha. ⁸Interi beni we eha pawo huro kakopa wehainaipa wawa ro wepiboki konta we wiwong impaena ehaeno sariuta piaring kosiru, konta hae sariuta pia toru. konta ehaena sariuta pia rehi heha harua. ⁹Matuti wetarakambireipamo iwo taraho.Yesusi Sanyau ro sosiau¹⁰konta woming Yesusi rima sautang we Yesusi,"Pianehaena Au tato we hioru ro perumpamaena ? Piehawa hinani konta neta Yesusi Hiraingto I wo mihawa konta hoiru hine tatopeha we hingkowi taweri. ¹¹Yesusi sautang hioru, wea mantu piana wariuta we piboki imbaromi hanemu tatuata rayang we apaito kerajaan sorga wane, mene wu hiorua imbaromi hirariuta we piboki peha. ¹²Interi hinongtarai we hinepi, we hioru ingkai sona konta Iwo ingkai sariuta pitaubai interi Iwo nepiehawa mo wonawe wehingkiari pa hioru, imbaromi hirariuta. Impaena heiwo nepiehamo, mena parari Nepieha ingkai hingko piwewe nempa warihui.¹³pianehamo, yau itato wu hioru to rarong we sosiaupa interi iwo rehoi, hioru wo hindehoiwa, konta hinowo hintorahoiwa konta hisane apong hoiwa. ¹⁴Tite hioru, parariape piwewe nabi Yesayai tito hopa interi taraho, mintoru ingkai menangtaraho, menahaneapon howa. konta reho, hioru ingkai hindehoi mena ingkai hisane waniewa.¹⁵Impaena hanou rarong nei mena tipapei, tarakambirei ro hioru hingkorarapi hing tarahope, konta hioru wo hinde karuna. mena wereria ingkai hioru tato hindeho rohioru konta hintaraho ro hintarakambirei hinemwane hineng wanekonta hisane tatuata ra mahito. Interi menantaweri wu yauma. (Yesayai 6:9-10)¹⁶Impaena ro wewihyempa, rengkamipa remu roroto, tarangkambireipa piana taramuhoto. ¹⁷Yau ipaya wewe mahine we au wo pitau hinongtarai Nabi pitau wewe hisane kam kama we tei hindeho. Piwene minang deho wau, mena hindehowa konta hisane we piwe minangtarahopa mena hingtara ho muna.Anyau Parari Sosiau Kumawiri Bong¹⁸Interi tope yampamo taranua arari wero sosiauwane tito kamanei sainto panaburi tina. ¹⁹Impaena hinongtarai hintaraho weraung mamarang nei konta hioruwo wereria hisane kaen, hinongtarai parari wewe rioro rayang.²⁰tato wemahi we hintanam ro nuwe kamipai parariape hinongtarai, we hintaraho werang manarangne tarohoi ro wepiboki. ²¹mena I wo wewowawa ro tanetarai newe konta, Tonina neroroiwa ro katehakei, konta wewe marawa wane ramerauma hirongkankani au tutu weraung mamarangnei ingkai hurahi.²²Tato mamarang wewe huro airarong, parariape honing tarai wewe hintaraho weraung mamarang, mehisane wai rarong newo sonung tutu pitau bai wewe hisane tatuata ronunei wawong nenei konta hioru hirahyahori hirona weraung mamarangne sararo wemahi pehawa. ²³Interi hinongtarai we hisane waiwairarong parari kakopa wepiboki mora pitantanampa wawa piboki parari hinongtarai wewe taraho weraung mamarang konta sempararie imbaromi sariuta wehaipa we pia ring we kosiri sariuta piatoru, sariuta piarehi heha harua.Sosiau Parari nanempung Pinoma kong Gandum ²⁴Yesusi piyakamana sosiau pai wu eha hioru titoa, Kerajaan Sorga piraria pe sosiau we saingto, wonanuha pi imbaromi wariuta wewihyen pa. ²⁵Tope yampa hinteri hinongtarai hirena, raipa hindama konta hingkowi benih lalang, interi keri gandung riangto. ²⁶Interi pitantanang pa tariai mena ne wowa pehawa. interi potang paiyo hindehoi tato.²⁷Interi mananu manu mamarang pahioru hindama ro wene romi pai rima sautang wu nioruaauwo tuanan pitantang pa me ingkai marawa. ro nehine riaro mapa lalang pai. ²⁸Iwo toti we Hioru, hinongtaraiwe mirawa piana rima sona pe sonapato. impaena himtato wei, hiraingto ingkai anturo ananda anarongkui eha.²⁹Interi Tuanni tito, wihyengkei wo hawe minasokui potang/lalang paimo mingtoru minam pating gandum pai konta. ³⁰Aenama himbawa kuira kui me hawe tei himpatiri wanei mo hinteri himpating kui hura.Mananu Allahi Parari Sawi Karemang kong Ragi³¹Interi Yesusi piya sosiaupehi wihiei wehioru, tato me sainto Karajaan Sorga rawaneiwo pirariape Aiboi sesawipai we hingkoa hinongtarai pa hioru hintanang ro mi hineng wawe. ³²Aiboi yampaiwo mioma wahai waruhu Aiboi Nekuira Hisauwei we aiboi, Interi wiwa, me Tiriai biba warahu pitantanang bau kuira me wearandawang impaena andowa hi sapoma hinari nekarami roroi.³³Interi Yesusi piya hari sosiau pehi naroria muna hioru mesaingto " Kerajaan Sorga weweiwo pirariape "Ragi" Wawei. Interi hinongtarai wiakimpehi hingkowia hironetoraran wu Adonan paia pui, imbaromi tepung pai piau we botoru sukat ke kai adonan hirendu weweri ragi.³⁴Pitau ranei Yesusi piyakoma we hinongtarai wepau ro sosiaupa konta Iwo kirarapi tito wehiorupe wo tei hindoa hu Nesosiau pawapaiena. ³⁵Interi ninewo piana mahito parariape tato wewe Nabipa himpaya. Yau yonau ingkai tuto ro huampanpai parariape sosiau weyona waromi minampaya piwe ainiwara ro hawe ramampa ronunei hawe mamarang Allahi samuepa.SosiaU Parari Nanempung we sowa roromi³⁶Interi Yesusi riawaruhu hinongtarai wepau pa hioru me hiua wu manupai aupui. Newomingpa hioru hinda wareima kong hion tato wei me hiraingto,"Puya weroang sosiau ranei we antoru parai lalang pai rioro romipai. ³⁷konta titoaho hinongtarai wewe wiuwu weraungne iwo Anak Manusia wew hiraingto Yesusi. ³⁸konta ladan neiwo Nuneina Benih wewihyen mora Roma Kerajaan konta lalang bawei morah Romawa we himarawa. ³⁹konta wewe tintanam peiti Iblisi wawei marepi neimo ingkai hingkowui rope akhir zaman interi wewe hirento manatau wera rorara.⁴⁰wew parari lalang paimo hisoni kuirei interi himparei ro autangpai, impaena piwewe hirona ro Akhir zaman pena. ⁴¹Romawa hinongtarai pai ingkai somiha ne woming pa hioru hinda hirongkueri kami sandungan pai konta hinongtarai wewe hinari wemara wapa hioru waruhu Kerajaan Hinempai. ⁴²Interi hiso hioru to wawu aungtang waneiya ronu yampei tarariuta wemarawa. ⁴³Impaena hinongtarai wehimahipa hionemo hinetarai pai dea parari wo Jahei ro rarong Kerajaan Bapa Ro Surga . Matei we tara kambirei papa Iwo Taraho.Mananu Rora Parari piwe Ainiwa kong Mutiara ⁴⁴Kerajaan sorga we papari harta we roro woung bau ro ladang, we hindeho hinontarai inter hirainiwa konta wewe himararising, iwo interi hinda hiranwayang pihiempa interi ladang rawawu ⁴⁵Impaena kerajaan sorga wopirari hinongtarai pedegang weia hierai Mutiara we hanai. ⁴⁶Interi iwo sariutei mutiara wehinai konta ne hawaweri wau tariai iwo ria sawayang pitau we nem bau interi sawayang mutiara wawei.⁴⁷Topena kerajaan surga wo pararia pe jala we setewi towodau, kpnta hindurikui tian pampinoma. ⁴⁸Interi Jala pai sanungi hioru hin poti to korendeiya mora mihoi riuriku tean we pibohipa to nawa wehibe interi hingki tiang we marawapa.⁴⁹Impaena Etorane Ae ingkai sariuta ro hawe akhir jaman wane, interi manatau werorora wo miti konta sati waweta wewe hanai kinta wewe marawa. ⁵⁰Konta hiso hinongtarai we mimuna paito sawu aungtang wanei ro nu yampai wo mira konta wesasari⁵¹Interi mintoru menasaneariuta pira wau kiura e hiora hintat we Yesusi ⁵²Kinta Yesus tito we hioru, tape yampamo Ahli Taurat anti pirari we woming kerajjan surga. iwo pirari tuan wene mawe sing penengpa wo piwe weworu konta piwe tawa rope kangkehang nemupat.Yesusi HIrawan Pirei Ro Bendari Nengwanei ⁵³INteri Yesusi sane kaito saiaupa iwo riawaru rawa ne.⁵⁴Impaena iwo kateha katu i ingkai rima ro bendari nenei ia, sanyau ro sinagoge hioru imbaromi takjub konta tito, ⁵⁵ronehinema hinontarai ranei sariuta kebijasanaan konta mujizati rane. ⁵⁶Iwa me neta konta wawing we rio ko tatoru interi hinongtarai riampenoi, ingaki manararita hinongtarau we sariuta⁵⁷Konta hioru hisane wai mara, interi Yesus hioru hinongtari nabi anenawa, rawau ae hintuang weipawa iwo nuneiwe pira ranae aea impaena ro manu mantau ni ⁵⁸Kon Iwo kirarapi so muzijat we paupe rorawanu hantu sarei muna mato

Mananu Herodesi Taraho Andera wemananubaba Yesusi ¹Ro Ha Yampai, Herodesi wemananu royampa ! Taraho arari wehanombe Yesusi. ²Konta iwo tito we ne woming pa hioru, "Andanei Yohanisi wewe sona Yesusi kiuwira peina. Iwo tiwaha waruhu hinongtarai we hingkariampa hioru. "wewe rawau ae sonamo tarapipiori ho piwe sona ro netarai Nembawei"Peristiwa Kematian Yohanis Pembaptis³Ae sonamo, Herodesi mantau tipuri Yohanisi, sawiti interi sanei to mandarong bui pai apui wo Herodiasi, Filipusi wawini rarong pei Herodesi. ⁴Interi Yohanisi wo piana tito weito "Au wo wereria hani wariuta Herodiasi wa. ⁵Topena herodiasi wo hane kangkuna we sei miung Yohanisi Iwo mitai we hinongtarai we himpau pap hioru impaena hirangto Yohanisiwo mananu baba tina.⁶Interi hawa we Herodesi ne hapamo rima, impaina antu wawing bawei Herodiasi pihihya ro hinongtarai pa hisaropon imbaromi tamati Herodesi hanewai rarong haha. ⁷Interi iwo piora imbaromi sei sompi wewe wiatum pai sewarapa wei⁸Iwo hinani hurairorei imbaromi wiatung nei tito me sewera piwe tei hirona weipa raroneto riukami ro Yohanesi Pembaptisi pai mihoi ro kadera pehi. ⁹Interi manunu Raja pai hanerarong papea topena wo piorawo interi sampe konta hinongtarai pa hioru muna I tati huapuiha hioru imbaru hirong piwe himpaya¹⁰Iwo samiha hioru imbaromi hintekutu Yohanisi ruikami ro wangka. ¹¹Interi Yohanisi ruikamipai hiongkowia rio wawong nampan, hironei we wiatumpai kiowia soneiho hianai hura. ¹²Kateha woming ro Yohanisi pa hioru hindama hingko netarapaiya hisiraiye, interi hinda himpaya weroanei we manuru baba Yesusi.Roti Boring konta Tian Koiru imbaromi Hinontarai Ribu Boring Wane Hirang¹³Interi Yesusi taraho pewiwe torane, I pitou netarai warihu wahpai, to nowe namanopi Interi miehari wepira waming me hinongtarai hintaraho paena hinda hisaemi me hiruparei ya hope bendori wane. ¹⁴Interi Yesusi ria, iwo reho hisori wari hinongtarai beba konta song tato wewe mahi pa we hioru, konta himpanang ro huhi hinempa.¹⁵Hane kikieu we rowito, nowoming pa Hioru hinda wu Yesusi ma hintato wei "Nuraneiwo minanopi konte hanei teirowito. wamiha hinontarai we paupahioru hintaweri to rahora himeng wanea me mantau himbori roweampeha hirang ro hioru.¹⁶Impaina Interi Yesusi tato we Hioru "Hioru Hindeho hindampe" mintoru metarong reweang peha we hioru ¹⁷hioru hintato weima, "Rorane Antane piehawa wewe antanempa rotipe boring konta tiang pe koiru ¹⁸Interi tito we hioru, "Kuo torane wu Yauma."¹⁹Interi Iwo samiha hinontarai pa wepaupa hioru himahoi ro nanimpungpa interi Iwo rotipe boring konta tiang koiru, interi soha reta rorayajahei konta soyaho mora interi piobabahu ropipa interi sonawu ne woming pa hiorua interi newoming pa hioru wu hinontarai wepau pa hirua. ²⁰interi hioru hingkai hirampia himohi, impaena hingko hopapepa taweria hisonia mo sang piwawinta pe haura heha koiru me honung. ²¹konta hioru hirampia kai interi hisane tatuata, wawing mawang ramawa himpau botoneha hirato kuihioru mo himpau ribu pe boring.Mananu Yesusi Riaro ro marepai wawong²²Yesusi sairora ne womingpa hioru husua to wapai konta himpamponei to sarawanei, interi iwo samiha hinong tarai we paupa hioni hintaweri. ²³Piana Yesusi samiha hinontarai wepaupa hintaweri Iwo sauta to tawui yeia memihari interi suang me kiruna piana sei rowito, Iwo rioro mehari rorawane. ²⁴Interi wapei ria riu rawanang rabuyang kiepang wondei pehawa interi tarowa baba me auta wapoi terari konta wanampang pai wia pampinoma.²⁵piana rowi herato saraka pai ria we boati, Iwo hinteri ria wu hioruma me riaro marenei wawong ma. ²⁶Interi ne woming ne hioni hindea hoi soha riaro marenei wawong ma, Impaina hioru himataiya hirong babawa me hi sahau "Rawaneiwo wori" me hioni hiranana pe hiranane wo himatai herepaena. ²⁷topeyampa Yesusi kikieu interi tito we hyoru sainto, "minasamewai rarong paya, Iwa jawena, menindeho minamataipe."²⁸Interi newoming Petrusi titowei saingto Paituani awenantoe samiha jau ira wurau mantu ro marenei wawong. ²⁹Mananu Yesusi tito, "Rumato" Hinteri Petrusi ria waruhu wanei me soha ria ro marene wawang wu Yesusi ³⁰Tepe yampa reho wanangpai, yampaeno mitai paena hirewa. Iwo samana "Paituaniwo ruwaha yauwo"³¹Interi Yesusi hirewe warampa wareuya riu Petrusi me titowei "Auwo hanemurarong paya" pinehae sonamu hanemu rarong hiutungnai pa? ³²Interi hioru hi sua to rarong wu wapai wanang pai tikutu. ³³wewe hindoro wanei hioro hisomi we Yesusi, interi kawio "Topenangto Auwo Allahi antungtiau."Yesusi Muangso Hinongtarai Wehisuhi Himpanang ³⁴Interi hindakutua, hioru hinda hisuro ro kakopa genesareti. ³⁵Tapowa hinontarai wewe roro nu yampai hindeweroa nea, hioru himpaya weroanei tate nuwawe kaiya imbaromi wewe hisuhipa hioru heinda hingkai we Yesusi ma. ³⁶Hioru hirewara we Yesusi Imbaromi hirongtui hasung baba we hisunei wanei mo pinangto.

ANANG ALLAH KONG KANANG HINONTARAI( Mrk. 7:1-23) ¹. Interi, hinontarai Farisi peha hioru kong mananu taurat ro Yerusalem hinda ma me hirainto, ². “Pinehang sona mo Ne-mu woming pa hirong raweinan kanang ro anantapu woriai hiopa? Wo hioru hindeho hindoi himbarami pe tei hirang roti waumo ! “ ³. Interi, Yesusi sautang me tito we hioru me sainto, “Mena neon mintorang raweina Allah ne anyau wau ro mina ne kanang wau ne?⁴. Wo Allah piya, “ Tuambe Tamamui kong hinamui wo matei ti kiuta tamani kong hinani pamo ingkai himuni kiria." ⁵Me minantato minarainto," minturu matei tito we tamani kong hinani ete, wo pipa nehal we aupa mo pia hurentapo rawe Allah to, ⁶. Iworeho suang we tamani kong hinani huruwa. Topeampamo mina soweta weraung mamarang nei minane kanang pa.⁷. Mintoru wo hinontarai we minarai hihakari, wo mahiro piwe Yesayai kimana ro mintoru pa: ⁸. Pandura ranei hituang we Yau ro hisuapami hinempa, me hisane wairarongpa woroi waruhi Yau. ⁹. Me, mahi waro hisomi Yau pa me hisanYau ro paya hinontarai.¹⁰. Interi, Yesusi hihau hinontarai pitau pa hioru me sainta, “Mintarahu me minasane tutuata ! ¹¹Piwe hua ro tasuapami, rane onamo tarong we mahi wawe hinontarai pawa, me pipa ne hai mati ro hua pang paipa ai onamo ong memahiwe hinontarai pa”¹². Impaina, Yesusi ne womingpa hirautang weiya me hiraito “ Hu wiai ho hinontarai Farisi hisane kahio tutu piwe puyaya pa aina ? ¹³. Mena, Yesusi tito me saito, “Ro pitantang we iyai sanang wapa ro rora yahei ingkai piating tutu wowapa. ¹⁴. Minampika hioru. Hioru wo wehinda tutu we hinde pipu hirena. Impaina, we hindepipu pa hioru hindu tutu we hindepipa mora, ingkai hunda usu kuira ro kambireipa.¹⁵. Petrusi tito wei ya mesainto “Puya kamamang sosiau yampai we antoru” ¹⁶. Impa Yesusi tito mesainto “Impana mintowo minasane kaeng rahie ? ¹⁷. Impaina mina sane kaeng ho pitau we hua ro mina suapang pa ingkai wiato mina san waipa me ingkai minangkia ro nyai nipai ?¹⁸. Maina mana, pipanehai mati ro huampampai tawaha ro hanemu, yampa wo we marawa we hinontarai pena. ¹⁹. wo ro tisane wairarong tawaha piwe tasanetatuata marawapa, mamuna, tasanekangkong pi, tandoaho anyau wawupawa, tamananapi, tantato pampinong tato kong tantatipa hinontarai. ²⁰. Piwe rane ona mo koanati marawa we hinontarai, me tarami tandoi tambarami wamo koanati marawa we hinontarai.(Yesus Haneho Wawing Kanaan)(Mrk. 7:24-30)²¹. Interi, Yesusi ria ro yampama riawaruhi nu Tirus kong Sidom. ²². Me, Wawing Kanaan kosiri iwo riorope nu yampai me titu sainto, “Hanemu ho Yau, Yesus, Roma Daud ! Nou roma wawing hinombatang hisua hoi hiuhi hera”. ²³. Mena, Yesusi piya piane ha we Wawing paiwa, ma tito katehawa. Interi ne womingpa hindama hirona hoi, me hiraito. “Wamihe ria wo hihau pampang ro tangkarupui ro wane paina”²⁴. Interi, Yesus tito me sainto “ Yau wo ira wepe domba we hindo ro hinontarai Israeli pahioru” ²⁵. Katu keime, wawing pai riama suya ra miho Yesusi reropa me sainto, Tuhan, hanemuho yau wu !. ²⁶. Mena, Yesus tito me sainto, “ rane marawa minang ko roti we roma hinempa me mina soa wu wona rawane hioa”²⁷. Wawing wawei tito me sainto, “Mahi Tuhan, mena wona pa hioru wo hirang karariha we huro patara tariai ro babahi hio pa paina. ²⁸. Interi, Yesusi tito weiya me sainto, “Wawing pa au, hanemu kangkunapa baba! Ingkai parariape we hanemu ahopa, “Rope yampa to roma pai pinang ro katu tanta to wau.(Yesusi Song Madupehi Himpanang)²⁹. Yesusi ria ro yampa, mo riarirurang ruru Galilea. Interi sauta to bongkori pai aei, Mihoi roroi. ³⁰. Topeampa, hinontarai madupehi hindawurei ma, me hingko we paya pa hioru, we hinontarai mahi wa pa hioru, we hinde pipu, we hi sua mamong kong hinong tarai madupehi muna. Interi, hirong hinontarai pa hioru himbaro Yesusi ae ropa me song hio himpanang. ³¹. Impaina hinon tarai pitau pa hisarokutuya wo hinde ho we hisau mamong hinta, we hintarakinkiain pa himpang, we hi sawaya hinda, kong we hinde pipu pa hinde pira. Interi hiraparandina Allah Israel !.(Yesusi Song We Hirampi Himbe, Pia Haura We Haura We Kuiru)(Mrk. 8:1-10)³². Topeampa, Yesusi hihau ne woming pa hioru me tito sainto, “Yau hanouho hinontarai rawane hioru wo pia hindoro kong Yau hape botoru to me hine ro weang peha wa. Me ikarapi yong hioru hintaweri hisane mariwang pew o sona ne eha hinde kiari hisuro raying rabuyang pe.” ³³. interi, newoming pa hinta to weiya mehirainto, “Rone hine ingkai tarariu roti wepau pe hane wo nuninei minanopi roti nehane pau maiha hinontarai pitau rane hioru imba hisane rarong haha ne.” ³⁴. Yesusi sautang we hioru mesainto, “Roti bote neha minanempa ? “ Hindoa me hirainto, “Boitu” kong tiang anti tui mai sawe hane.” ³⁵. Interi, Yesusi samiha hinontai pitau yampa hintuya ra himahoi ro kakopa wawong pai.³⁶. Impaina, inte Yesusi kio roti boitu kong tiang maisau wau. Me sentaparanding Mamarang yahei. Pio babahua, sona we ne woming pa hioru, interi ne woming pahioru hirona hirembiwo hinontarai pitau pa hioru. ³⁷. Ingkai hirampia himohi kuira. Me hingko kikui hopape we ho wau, mo piwawinta pe boitu onu. ³⁸. we hirampiwau mawang babape himbe pia haara we haura we koiru, wawing kong romawa wau hioru hirato konta wa. ³⁹. Interi hiramiha, hinontarai pa hintaweri, Yesusi sauta hu wapai me himbo to nu Magadan.

¹. Ro yampa, womingpa hinda wu Yesusi ma me hirautang, “Mateiti bibaro mananu rora yaheipa?” ². Interi, Yesusi hibau romawa antitui katehi wurei-Ya, me song romawa katu yampai miho ro hinuraibuyang. ³. Yau ipaya wemahinewe mintoru, tei minanandung mina sane wai rarong minarong parari roma katu ranei wamo, ingkai minasua ro mananu rora yahei wa.⁴. Mateiti nindung hane wairarong parari roma katu ranei mo inkai bibari mananu rorayahei. ⁵. Kong, matei song nanuha roma katu ranei Ro han oune ingkai ne Yau. Arera Ho Onamo Tandoaho Allah Wa . ⁶Impa mateiti, song ruma antitui pehi hisieung ro we ria ho-Yaupa, wi hiengto me iwo tarong kami baba we tantariha pehi taronei hiawa ro raukanang pai me tasa rewarei ro rawanang rabu yang dau kei.⁷. Nunei wo rio kei tutu we hirai hiahari roroine hirena ! wo, we aihiari rawau ingkai tawaha topena, mena we hasieung pa rawu we hingko mapa hioru. ⁸. Impaina tei waramu ete aemupaona we roa ho peha wano, tue katuei me kwiei ya. We hanai peno wewihieng tei raro aumo makeito waramu kababuru kong aemu koiru pa tato. Me hingka to autang we sang rowi rieha wanei.⁹. impa rengkamipa ong we roha ho peha wamo, kwirai paha huru me kwia, wo we hanai pe hu ro wewihieng reng kami so kosiri, me sona wihieng ro rengkami koiru pa mena ingkai kwirai paha kwiato auntang we sang rowi rieha waneipe.¹⁰. Remu tatuata, minandeho mirong pampinog roma antitui kosiri pe. Wo, I paya mintoru ingkai manatau ro rora yahei nanei mahimo hinde tar ape I-Yai ro rora yahei. ¹¹. Wo, Roma hinontarai pia rima song we hindopa hioru himbihieng to.Sosiau we Parari Domb we Rio¹². Parari aumo ? Ingkai ehi ne domb kapu pia ring, mena kosiri ti riopa impa ingkai hinontarai yampai song pia ati heha syiu pa hindoro tawui pai, me ria hiera we rio pai ? ¹³. Me, ingkai sariutei mo, I paya tarai we mintoru, wo mirarising pitarai ro kosiri we riopai ro pia ati heha syiu we hindo wapa hioru. ¹⁴. Topeampa, Allah ro rora we hanetatuata penawa parari roma anti tui pa hioru ing kosiri rio pa.”Houra Hinontarai we Song Piwe Mahiwa( Luk. 17:3 ) ¹⁵. “Impa nemetapai rioaho piwa, rua wanyawa we sona mahiwapa, roau kong ro mantauni pa. impa tei rioaho au mo, pia wariu nemeta patio. ¹⁶. Metei rioa ho au wamo, ru kuo hintarai kosiri ete koiru muna hing kontau imbaromi ro hisau pami pa ma kuira ete botoru hintato, piwe humpaya pa hindoa ho.¹⁷. Me tei riahoakong taraho hiowa, puya yampa we weyampa hioru. Me tei riaho hiowa kong taraho weampa hio wamo, wihieng ingkai hawaweri roe ha hioru.¹⁸. Yau ipaya we mahinewe mintopa wo pipanekai kure ro nunei wawong pa ikai kareba ro rorayahei. Me pipa nehai hue paro nuneipa ingkai tahepara ro rorayahei. ¹⁹. “Ipaya taweri muna, Yau ipaya wemintoru hinontarai koiru ro romingtoru hune tato kosiri ro nunei ho piwe hurewarapa, piampa wo ingkai taweri wurape I-yai ro rorayahe. ²⁰. wo, ronuwe humbe koiru ete himbe toru hindoro hintato ro hanou-Pa, mo Yau iroro kong hiopa. Sosiau Parari We Himpariri Hinontarai²¹. Interi, Petrusi rima we Yesusi me sautang, “Mamarang pa au, ro to neha nemo ingkai ipariri noun eta we ria ho wa ? raho boitu ? “ ²². Yesus tito weiya “Yau ipaya weau we boitu wa, wo we ipaya pe pia itu raho boitu pa.²³. Tope ama to, mananu rora yahei we sosiau parari mananu raja we satato pi ko newoming pahioru. ²⁴. Interi, tei haneatora piampa mo, ehi kio pieha sona pa wureiya. ²⁵. Wo ingkai biata wa paina, me ne mananu pai samihei himbowei, newawing kong neromapahio kuira, kong pitau we nempa, kong wiwai we ingkai sona pa.²⁶. Interi, womingpai mihoi aebu me hiomi ne baba hih opai me sainti, “Auharauwo ingkai ibaita kuira we aumantu rahi.” ²⁷. Interi, Baba hihopai haneho newoming pai, pika reiya, kong song kahio peha wei munawa ro wiwai we biaita wapa.²⁸. Mena interi, woming yampai mitiari mo tito kong woming pehi wihiei mo seng ko hawaweri peha tato, mo dinaripe, pia ring impaina tipuri me kinota woming pai, me tito sainto, “Buaita nou hawaweri pa taweri ro we ko kong Yaupa”. ²⁹. Impaina, woming pai suang me sewara wei sainto, Auharau we yau wo yau ingkai ibaita kuira we au mantu.³⁰. Me imba, riahowa me sawantuba neta pai to manu wangka pai ya wiakeo biaita piwe kio pa kainteri. ³¹. Interi woming eha pahioro hintaraho pirawaupa, hisane hoi me hindama himpaya we hine babahi hiopai tutu piwe tawa ha wau.³². Impaina, baba hihiopai hihau woming retenang me tito wei sainto, “Mintoru woming we murawa. Yau wewara kong yau paina. ³³. Auwo hanemu ho neme ta woming peha hio wae, parariape jau tato pia yangyawa we hanouho aupawae ?³⁴. To peampa, baba hihio pai kihiou kea, impa kio wu we himamuna pa hiorua, impa irteri biaita pitau we kiowau wu baba hihio waweyai. ³⁵. I-Yai ro roro ingkai sona pitau yampa wu rau mantupa, me sonane hanemu ho nemeta pa hioru ru hanemu wairarong pe”

Sosiau Parari We Wiwu Waruhi Wawini ¹Interi Yesusi piwe piyayapa kairope rane, Ria ro Galilea mo ria hope rahara Yudea, ro so mare Yordan. ²Me, hintarai pitau bai hindakontei, me sona hioru himpanang ro rawane.³Hinontarai Farisi peha hindawu Yesusi ma hirautang kangkoanei hirainto," impaina mahi to pena e hinontarai mawang ingkai song wawing wiutipai tiweri ro piwe hane tatuata pae?" ⁴Impa, Yesusi ria me sainto: minasiwaia wae we nyari hinontarai ro pampong nyang, nyari huru mawang kong mawing,⁵Me soyaho," sainto, mawang pau rua waruhi tama mui kong hinamui me we kosisri kong wawimui, me ingkai mumbe kosiri? ⁶Impa huru humbe koiruwa, wo hunetarai kosiri impaina pipanehai Allah nyari pa, hinontara tande rarona kumtatera pe."⁷Hinatato we Yesusi,"Menaneno musai sewara sona warung we himbui kamana we sasawa wawini wau ne? ⁸Yesus tito we hioru sainto," hanemu rarong pai wo kirarihi paina Musai samiha mintoru mintarong wawing minambu pa hintaweri. me pampong pawo tora wau wa ⁹Impa, Ipaya we mintoru, mateiti sasawa wawipa, to we hironraweing wawu, ingkai teri ria wiu wawing pehi muna, yampa wo newe mahi hawa.¹⁰Ne woming hirautang wei-ya, "to yampa mo mawang kong wawing humbe kosiwa /humbu huruwa." ¹¹Mena, Yesus tito we hioru,' hinontarai taurane imbe hindu piwe ipaya ne kuirawa, to we hirariu we mahi pea hio peno. ¹²Impaina, hasire hinr wawu pa hai ro wemahi wopa wo hinani sawinipa topenanto paina, kong hasire hirong nyinyayang hisane ai wawina pa paina to mananu rora. Mateiti sariu piranepa, ingkai sariuta."Yesusi Kong Romawa Antitui Pa Hioru¹³Interi, romawa antitui botone ha hingko hio wurei-ma imbaromi saka wawu hioru eo waam-pa wu roma pa hioru me kiruna we hioru: Mena, ne woming pa hintatowe hinon tarai yampa hioru. ¹⁴Impa, Yesus tito mesainto,'Minampila roma pahioru hinda wu yauma, minandeho minanduwawe hiope minampika hiowu Yau-Ma wo roma rawai hioru hine mananu Rora yaheipa: ¹⁵Tarainto Yesusi wara wawu roma masaupa ro warang-pa, ria waruhi yampa muna.Tope Nehane MO Tarariuta Weweihiempane¹⁶Interi ehi ria wo Yesusi ma sautang me sainto.' We sanyau-pa awen, piwe mahipa nahai yona waromi yaiuta wewihieng pahen?" ¹⁷Inte,Yesusi tito we hinontarai yampai muna mesainto," pipa nehai mintarauta tutu wewihieng pane? kosiri ti hinaipa. MEena tei minasua to wewihieng, mintarong parari anyau pa."¹⁸Hinontari yampai sautang we Yesus muna," anyau pa nehan?' Yesusi riia," Remuho mumuna pe, remuha kuonta ehi newawing paipr, remuho munanapipe, remuho puya pampinong pipe ¹⁹hanemuho tamamui kong hinamui, kong hanemu ho hinontarai peha hioro parai ape hanu waweriu pa."²⁰Aimiomang yampai sautang wurei-ya muna,'Pitau pia yonato, pipa nehai yona wamipa ²¹Yesusi tito wei muna," tei hanembe muhi mora,rua me wuuawa pitau we nemu pai. Interi wona we wehine pieha wawahaipa hioru, me ingkai wariu pinemu rope rora yahei me ruma rua kon-yau" ²²Interi roma waoru yampai taraho pitau yampai mo , ria ro hanerarong we huntuina wo nepi madu pehi paina.²³Topeampa, Yesusi Tito we ne woming pa hioru sainto,; Yai ipaya wemahine we mintoru, hasieung we ne papau wo ingkai huato mananu rora yahei wa. ²⁴Ipaya taweri muna,Yau ipaya au pa wo piboki wepe unta kapukosiri anti hiua ro kambirei piwe hiren tai wa wara pai pe, me hasieung we hinontarai we ne pi pa au huato mananu Allah."²⁵Tarinto ne woming pa hintaraho tato rawau, hisane huntuina, me hintato," to yampa mo, matei sariu we wihieng pa pa? ²⁶Yesusi rero hioru, me sainto," roro hinontarai mo pirane hisane kaena (mustahi) meno Allah piampa topena." ²⁷Interi, Petrusi tito weimuna sainto," remua antoru woanam pika pitau peito me ananda konta-au. Impaina pipa nehai antarariuta kontau ne?"²⁸Impa yesu tito we hioru me sainto," Yau yan yawa we maho taraine we mintoru, wo minanda konYau ronuwe waworu, ingkai Roma hinontarai mihoiro rahora manuna baba-Yai, Mintoru tato ingkai mina mahoi ro haura heha koiru rahira we ingkai hihiria haura heha koiru ro panindura Isarel.²⁹Me, matei ti wiwura manu, neta mawang , neta wawing, tamani, hinani, nero mawa, ete nero ,ipai ro hanau-pa ingkai sariuta pia haura we koiru me ingkai sawuta wewihieng. ³⁰Mena ninewo, pitau pehi himpapong inkai hisutopui, me we pipuipai ingkai pimping."

Sosiau wu wehimarwa Romi anggur ¹Tutu, mananu rora iwo parariepa weneromi we wiarama kakepang ria hyerai we himariwa hindupi ro neromi Anggur pai. ²Interi piana hine tato kuirato we haweri dinar kositi ingkai sembaita we hioru ro ha korisi. interi samiha hioruto neromi pai.³Kong saraka amberioa botoru mo ria reaho hioru mo hasire hinda hiroha to ro nuwe marawi mariwa kikuira pewane. ⁴Interi tito we hioru me sainto, "Minturu wo minanda to romi waneia kong pinahae mahi kahirawa weyona we mintoru wane. kong interi hirenda to romi waneia.⁵Nariamu ro saraka ambe riao wonang tiong pioa siumo ria, nariamuna ra sontope towau. ⁶kong ro saraka ambe rioa haura heha kosiri. Ria sahiru hioru hirontopeampa impamora titowe hioru me sainto, "pinahai manaroha manirona ro hatantenang raneine ? ⁷Hintato wei mehiranto, "ananda mena ehi song mariwa peha we antoru waiwi we neromi pai tito we hioru me sainto," mintoru tato mananda to nou romi waneia."⁸Wo pai ri tei rowi, weneromipai tito we ne woming we sawani rio retantewan romi pai me sainto, "Huhua we himariwa ro romi wane hioru ma buia we hioru ro werepa pai raintaho we retenang pai. ⁹We hisua ro saraka ambe rioa houra hehe korisi pa hioru mindama ehi kio dimar kosiri. ¹⁰we himariwa pampong wau hioru hirombato ingkai hire hirariuta hane apongpa mena hioru tatoma ehi sariuta, dinar kosiri tato.¹¹hingko hine hawaweri dinar kaikoisaiwau hintatowe weneromi pai. ¹²Hintato me hirainto," hinontarai we himariwa pipuine hioru wo himariwa pipui me wong hioru hine parari antoru yampamo, hirong tato we weneromi pai.¹³Mena weneromi pai tito we hioru ehi me sainto, "Maneta Yau wo yong harata weauwa. tutu piana minangkutu kong yau to hinontarai kosiri mo dinar kosiri? ¹⁴Kuo nemunei me ruanto, wo yau hanouwe tei ibaita we ria pipuinei pararia pe mintoru.¹⁵Impaena Yau wo yonawea we hinontarai we hanou wihyeng hioru ? Ete remu maraha yau wae tutu yong wiheng paina? ¹⁶Impaena werepapai ingkai pimpong me wepimpong pai ingkai pipuiYesus tito naria ro ne kairimpa (Mrk.10:32-34; Luk. 18:31-34)¹⁷Yesusi tei riato Yerusalem, kio neta haura hehe koiru pa hioru, me hio tatera hioru. Rorayangrorang, tito we hioru me sainto, ¹⁸"Minandea, tei tanda to Yerusalem kong Romawa hinontarai ingkai hironei wu babaiho manumarang kong babaiho mananu Agama. himuni ingkai kiria. ¹⁹interi hironei we hinontarai wepau peha hioru me hintatiparei, hindoati kong hironeia hiawa ro aitaba kong hawa botorupai, ingkai tiwaha waruhua kairiampa".Wawing Wesewara weneromawa pahioru (Mrk. 10:35-45)²⁰Interi, Zebediusi wawini kong neromawa hindawu yesusi ma kong hintuang me hirewara we Yesusi. ²¹Kong, Yesusi tito wei meainto, "Pinahae masane we pa ?" wawing yaupei tito me sainto, "wamiha nou romawa kuirune huru imbaro humahoi kontau ro nemu mananupa, hura ehi nero so watang kong huru ehi nero so kaning.²²Mena Yesusi titome sainto, "Minasiwiai piwe mina rewara wau wa. Tarai ? We tutu minarung ro mare mamarang we yunung ninei rahie. hintato we Yesusi mehiranto,"Antarumi rahi." ²³Yesusi tito we hioru mesainto,"tarai ingkai minarumi mena tamahoi ro sowatang eta so kaning romau mo yau yona pawa, me iwo ingkai Allahi ti ingkai retatoata yampa parariape piana retitoata waneto. ²⁴Interi neta bohaura eha pahioru hintaraho, impamora hisuaho mambenataiwau huru.²⁵Mena Yesusi hihau hioru we tito me sainto,"Manandetawana to tutu pandura mananu ro nunei eha hioruwa piana hindu hioruto, kong hinontarai babaiho wau hioru piana hirong rawauto. ²⁶Wetope rawau mo minandeho ro mintorupe, tutu mateiti tei bibapa, mo anti miriwa rewari mintoru pa. ²⁷kong mateiti tei pimpong ro mintoru pamo, I wo song parariape woming watang wahai, ²⁸parariape Romawa, hinontarai werima teisonanuhara. kong song ne haseng pa sembawori himontarai we pauKoiru We humpiputa Humpanang (Mrk. 10:46-52; Luk. 18:35-45)²⁹Kong interi hinda waruhua Yerikho, hinontarai we pau hirurapai, ³⁰Kong hinontarai we hundepipupe humbe koiru humahoi ro rayang wawei harawa, huntara tuwara we Yesusi ria kutua, pamora husahua, me hurainto,"Mamarang pau, Romawa Daud, hanemuho uru ? ³¹hinontarai we hempau hisua weta huru imbaromi aihihi huru, mena interi hundaupuiwau baba mehusahau "mamarang pau Roma Daud," Hanemuho uru."³²Interi Yesusi saho weta me hihau huru mesainto, "Pinahae murainto Yone we murupa ? ³³Huntato we Yesusi me hurainto, "Mamarang pa awene huruwo urainto undekami huepara." ³⁴Yesusi henarorang pai hiutoura me hanejo huru impamora tito we huru kong supi hunde kamipa nayampaito hundekamipa kaha hunderoro pariape topa, me hunda ko Yesusi.

¹Yesusi kiong netapa hiouru hinda tei hingkikeu we Yerusalem Robetfage, no bongkori Zaitun, Yesusi samiha Ne netape humbe koiru ²Tito wehuru toperanw,"Mundato pandu we ro munderoroangwane kong ingkai mundeho keledai pehi hiawa me nero mawapai soha kontei. musepa waipa me mungko huru wu yau ma. ³Me, ehi tei tito tatopeha we murumo, murainto mamrang wanei hanewe; Impaena ingkai sonama.''⁴Rane toperawau imbaromi parariape we hikamana ro werang mamarang woming babapa hioru: ⁵" Mumpaya we wawing sion,"minandea mananu babawenei tei riawu auwa nindung hanerarong , kong sauta ro keledai pehi, ro keledai we biba waoru yampei, ro romawa keledai we minba.⁶Yesusi netapa hiuru horompararia ⁷Hungko keledai hinang pai kong neromawapai, kong hurong hine hasung pa wata ro keledai pai karu puyang mieri Yesusi sautara heiho ro keledai pai. ⁸Hinontarai we himpau pa hoiru hinta bayata hasung hinempa ro rayang pai, kong eha hioru wo hinte kakutu. ai tuwa me hingka kena ro rayang⁹Hinongtari himpau hinda konta ro wapong mo Interi Yesusi. We hiruparei wau hioru hisahau,"Awenanto mambri ro romawa Daud! "Weweihyempa tei wiawu auma ro hinosanong we mamarang" Amenanto au rou rahora wetaria mantaung! ¹⁰INteri Yesusi ria hiua to Yerusalem, Bendari Yerusalem waweiriotu hirauntang," matei na? ¹¹Kong hinontarai we himpau hinotato me hirainto,"Iwo woming Baba Yesus, Riarope Nasaret ro Galilea."Yesusi Piriri Manu Mamarang¹²Interi Yesus hiua to manu mamarang kong sasawa hinontarai we himbowa pi kong hira wayang pi rp manu mamarang , interi Biari baberi pata wehirawayang roro kong we hirendiwang hawa weri kong we hirentawang andawa mandug . ¹³Interi tito we hioru mesainto," piana himbui kamanato," NOU manuhneiwo ingkai hirapoi we pe manu we tang karuna roroitina; mena mina ronei we piwemahiwa ¹⁴Kong hinontarai we hinde pipa kong we himpaya hindawureito manu mamarang mora song hioru hinpanang¹⁵Mena mamanu agama kong woming baba we hindaro ro manu mamarang hinde we sona torawau kong hintaro romawa. we shisahau ro manu mamarang me hirainto,"Auto mambri ro romawa Daud,"Impaena hingkahiou. ¹⁶Impamora hirautang Yesusi Me hirainto." taramuho piwe roma him paya neye. kong Ysusu tio we hioru me sainto," wawo minantaraho kong minaratora war, Ro romawa we momi kong romaw we baba wehirung huhu au wo piana wong rarung mamarang we mantau au? ¹⁷Interi Yesus ria waruhu hioro to bendari Berania kong sena rorawene.Yesus Sanyawa Nemambri Imam¹⁸Ro wiarama Yesusi Tiweri bendari wane mena wieiwang. ¹⁹kong reho ai ara soha ro rayang wawei harawa ria wureia mena reho tito we ai pai mw sainto," we bong wato rohanei kea raintaho woroi!" harawaweito ai ara yampi miaha²⁰Neta pa hoiru hindeho torawau pa mora hinda hiroha hisane hahera hioru kong hirautang, waweri hioru" Topenehanemo Ai ara pai miaha pa? ²¹Kong Yesusi tito we hioru mesainto," itato tao tareinei we mintoru,"Eha au tei hanemu kankuna me hanemu kikoiruwa, mo ingkai piwe remuho we aiara perirane ingkai ro raweina naria muna, tutu tei tuto we tawui pehi me guaninto tupating waruhi rohara anei me me guoha ro wondaurau." ingkai pararia. ²²Kong pinanhae minanewara ro mendekarunapa minasane kangkuna kei wo ingkai minarariuta."Babai Ho Ro Yahudi Hisane KIkoiru No Yesusi Nemambri wau²³Interi Yesusi HIuato manu mamarang manu agama kong paituang hinontarai Yahudi pa hioru hinda wurei ma mo mihio sanya kong sautang Ro mambi mateiti wong piwe torane? ²⁴kong mateiti song mambri wetorawa au we aupa?²⁵Rampenehine mambri we Yohanes sona hinontaraipa himintourapa? Raro roea ete raro hinontarie? kong hintatoa ro hioru mamehari, hirainto," tei taraintp ra ro rona" ingkai sainto menaneno, minandoa ho Yohanes wane? ²⁶Mena, tei tarainto," ra ro hinontarai," tamatai hinontarai we pau piana hindoa ho Yohanes we woming baba. ²⁷Interi hintato we Yesusi," ana siwiaiwa" kong Yesusi tito me sainto," tope ampamo Yau tato ingkai ipaya we mintoruwa ro mambri pinahae yong pitay we raneipa."Sosiau We Romawa Koiru²⁸"Mena pinahae hanemu titoataoa? hinontarai pehi ne-romawa mawang pe koru ruawu we babapai tito me sainto," romawa pa au, rua muriwa rohanei ro romi angguri wanei ²⁹Tito we tamani me saito," Yo ingkai ira," mena interi ria rohawa. ³⁰Interia tamani ria naria muna wu huru we moma pai tito tope toau we huru wemomanei, mena wemomanei titowe tamani ne sainto," kararapi" mena hane bari rui wapa mora interi ria toromi wanei a³¹Rohurumo mateiti song parari piwe tamani kimana waupa? hirainto"huru we mioma pai" Yesus tito we hioru mesainto," itato tarai we mintoru wo wehinda hinduri kui hiwa weri kong wehi mamota ingkai hire hisua waruhu minturo to mananu baba roh Allai ³²Tutu Yohanes ria wwu hintoruma ro rayang we mahi mena minandoa hoiwa, me wehindoahoi pehireno, weinduri kikui bawaweri kong wehimamota. Kong minadeho rawau mena minandia howaSosiau we, weweneromi Kong webiaikutu romi Angguri³³Minantara maho sisiau pehoma. wewe ne ronipehi sanang romi anggturi, kong song warung sapai wisorei. KOng kirai wonyai sengkua angguri kong nyari sorang. Interi sonei eha himbaitei me ria waruhua to rahora we wori. ³⁴Marepi ro romipai ria kea tei hingkou pena weneromipia samiha newoming pa hioru wu we hindoro himariwa rori wau hioru hingko bongwau.³⁵Interi wehindoro hirong romipa hioru hintapu weneromipai newoming pa ehi me himuni me eha pahioruwo hiso hioru ro eiwe maitui. ³⁶Wenero mipai samiha ne woming peha hioru naria muna himpau raweing wehimpampong hioru mena wehindo romi pahioru, hirong hioru topeampa naria muna. ³⁷Impora we neromi pai semiha, nero romawapai wu hiorua, tito mesainto,''mgkai hindoaha nou romawa nei.³⁸Mena, we hindoro romipahioru hintato wawe ria we hioru me hirainto,''Anti ingkai riwang tamanipa, impaena minandama tamuni tangko pi we nengwane. ³⁹Interi hintapu romawawei tamani neromipai, hisowei towandi waruhi romi angguri pai kong himuni.⁴⁰Impamora, wewe neromipai mantau rima, mahai ingkai sona we wewehindo ro neromipai? ⁴¹Hintatowei me hirarinto ''iwo ingkai rima miung wehimarawa kong hirompaninoma pi wau hioru kong. ingkai song neromipai we eha hioru muna. imbaromi weyampa hioru hire hingko bong wane we wene romi paia.⁴²Yesusi tito we hioru me sainto,''Impaena mimara tora wae ro weraung mamarang pi maitui we wehinari manu pa hioru hingka kiapa ingkai we pi maitui we piata nuhope boatine pirawau toperawau raro mamarang jahei imbaromi tandehoro tandekami. Mazmur 118:22-23⁴³Toperawau paena, I'tato we mintoru me yainto'' mananu we rorora ingkai hingkou waruhu mintoru-kong ingkai hirona we eha hioru yaupa hiorumo we hirong nanuha romipai kong hingko bongpa wa we nerompai. ⁴⁴Kong, mateiti hiu wu pimaitui raneia ingkai tibahu pa we muna-munai, kong mateiti pimaitui rane sasawi pa ingkai tibari.⁴⁵Interi mananu agama kong hinontarai we hindo aho Allai wawau hioru interi hisane bahu sosiau wawei, me hiranto Yesusi tito hope hioru. ⁴⁶Mena, interi hunuhahera tei hintapu Yesus, mena himatai wepe hinontarai we pau tutu hinontarai wepau wau hirainto Yesusi wo woming baba tina.

Sosiau we Hinontarai we Hisahau Hioruta Roi Wewawu ¹. Yesus tito naria we hioru, ro sosiau pehi mesainto, ². Mananu ro rora iwo parariape babahio we riu mananu we tei song roi we wawu – we neromawa ppau. ³. Kong samiha ne woming pahioru hinda hisabau hinontarai wu roi wawu wawei a, mena hindama wa.⁴. Impamora babaihopai samiha nari newoming peha hioru naria muna me tito wehioru, “Minampaya wehioru minarainto, minandea, yau piana yong roweang peia sura neto. Pinahai tei minarang munampa, lembu mawangkong piaung we himbaba pitau peiti piana himuni himparei ma sura neto, minandama minandato roi wawuneima.⁵. Mena, hindoa howa me hindawaru hua, ehi riato romiwaneia, ehinaria riato mariwa nengwane, ⁶. Kong eha wau hioruwo hintapu babaiho wawei ne woming moru. ⁷. Impamora mananu baba wawei kihiou, impamora samirha ne pimamuna pa hioru himung hinontarai we himung babaihopai newoming pa hioru kong himpare ine bendari pai.⁸. Interi titowe newoming pa hioru mesainto, “roi wawu pei piana tei sara neto, mena hinontarai we ikamang we hioru pe hindawa. ⁹. Impaina mandato raying wanea kong mampaya hinontarai we pau we manda ariu hioru ro rayang mo minampaya we hioru to roi neima. ¹⁰. Impamora, babaihopai new woming pa hioru hirong pararia. Hinda Hinduri kui hinontarai we himbi hebiyeng ko we himarawa. Impaena manu roiwawei ria sihang.¹¹. Mena interi babaihowawei rima hiua wu roi wawei ma tei reho nemarandang werima wawei reho hinontarai pehi rorawane, we hisung hasung hawa ro manu roi pai. ¹². Tito we hinontarai yampei me sainto, “Maneta toperehane kainteri ruma hirato rane mane me husung hasung roi peha wa ? kong hinontarai yampei aihirei.¹³. Interi babaihopai titowe newoming pa hioru me sainto, “Minangkare warangpa kong aempa, kong minasowei to weberarong we ro wondi wanea. Rorawane ingkai wioria rirora. ¹⁴. Tutu, mandupehi tasahawi, mena ingkai wewe tariri hioru wau hioru wo himpauwa”Babaiho ro Yerusalem tei Hisane wau Yesusi¹⁵. Interi hinontarai we hindoa ho Yesusi wapa hioru hinda himpandu hioru imbaromi hintato wau Yesusi ro piwe himpayawau. ¹⁶. Kong hiramiha netapa hioru wu Yesusia, hingko himontarai Herodian. Hintato me hiranto, “We wanyau pa au andehoto auwo hanemurarong pai mihi kong Guanyau Allai nerayampa ro we mahi tato. Auwo mutaiwe ehiwa tutu auwo remuho hinontaraiwa. ¹⁷. Tei toperawau mora, tuto tatoata wehanemu toata weantoro. Renemo anambai hawaweri ne taraiwe Kaisarie ete imbae ?”¹⁸. Mena Yesusi rebahu hisane rarong we marawawauto impaina tito mesainto “Pinahai sonane tei minasane wau yaune, hinontarai we minanu aho Allaiwa nemintoru ? ¹⁹. “Minaranyawa we Yau Hawaweri we Minarebai Pajaki Pai ” impamora hintuwa hawaweri dinar pehi wureia.²⁰. Kong, interi titowe hioru sainto, “Matei rekami we wataro hawaweri ranei?” ²¹. Hintato we Yesusi, mehiranto “Kaisari” Interi Yesusi tito we hioru me sainto, “ Toperaumo, Mimbai wurape Kaisari pinahai kaisari nempa, Kong wewe Allai nempa Minarona wu Allaia “ ²². Hintara tuwa Yesusi tito torawau pamora hiroha hisane hahera hioru, me interi hindawaru Yesusi. Hinontarai Saduki Wehisnewau Yesusi²³. Ro haraweito hinontarai Saduki pa hioru, wehintato me hirainto tongkaria mo tantawaha, hindawu Yesusi ma hirautanei. ²⁴. Hirainto, “Wewanyaupa awene Musai tito topeno tei hinontarai mawang pehi Kiria mo ne romawa mawang pehiwa, mo mawang we kiriampai netapei witnari wawing kabong pai imbaromi sawing riwang neta we kiriampai.²⁵. Impaena ranemo anembe itu. We bibapai, wiwa me kirianto neromawa pehi wami me wawim pai wu netapai nariamuna. ²⁶. Topeampe huru koiru pai, botorupai, rointaho boitupai. ²⁷. Topeampa wawimpa hioru hingkaria tato. ²⁸. Ro hawe hintawa wane, wawing rawawei ingkai matei ti neipa ? tutu himbu kuirei”²⁹. Mena Yesusi titowe hioru me sainto “ Minando reto “ Minasiwiai weraung mamarangnei kong Allai ne mambrine wato. ³⁰. Tutu, hawe hintawa waruhi kairiang wane, mo disiwiai ho himbu hioru towane wato, tuntu himparari Manatau ro rora.³¹. Mena wehingkaria me hintawaha, minaratora wae ro piye Allai titoa we mintorupa. ³². Yau wenanto Allai Abraham, Allai Ishaki, Allai Yakup ? I’wo Allai we kirianawa, I’wo Allai we wihyeng tina. ³³. Hinontarai we himpau hinontarai torawau pamora hiroha hisane hahera hioru tutu wewe sanyawa wau. Kamang Nehanti ria Raweinapa³⁴. Hinontarai wehindoaho Allai wawa hioru hintaraho Yesusi sonara hinontarai sadukipa hioru Aihihi hioru, me hinda hiroha kuira. ³⁵. Interi hioru ehi hinontarai Mananu Agama, sautang taweri naria muna me sainto, ³⁶. Wewanyau pa awena, tato kamang nehanti tiriai raweina kamang ehaneto Kamang nehanti tiriai raweina kamang ehaneto kanang we Musai kiokong Allaipa ?³⁷. Kong interi Yesusi tito me sainto, “Mintoruwo minasaneho Allai ro minasanewau rarong pa, kong rom inane haseng pa, kong we misane tatuata ro minandyukerang pa. ³⁸. Raneimo, kanan baba peina kong we retenang peina.³⁹. Me we koiru peino, wakeito pirari kosiri wawei riotu topeno, “Mintorowo minasaneho hinontarai parariape minasaneho minane tarai minanembaupa” ⁴⁰. Ro tato kanang woiru rane, tato kanang ehawau wo wata ti kanang koiru rane huru kong weraung ro woming baba pa hioru.Autang we Mesiasi⁴¹. Interi ranemo hinontarai we hindoaho Allai wawau hiora, hingkikuira, Yesusi sautang we hioru, ⁴². “Minasane tatuata topeno, Mateiti Kristusi ? Interi matei Ne Romawa yampei ?Hintato wei me hirainto, “Romawa Daud”.⁴³. Tito we hioru me sainto, “Topeampa menaneno, Daud ruainunung, Hiaweiwe, “Babaiho” me sainto, ⁴⁴. Mamurang tito nou babaiho pau, “Muhoiro warau Sowatang, Kea-o Yong Nemu we Hanengka hiou hioru wane hindama hintuang ro oemwawa Wau ? Mazmur 110:1⁴⁵. Tei Daudti hihau Kristus parariape” Babaiho” heromaneye ? ⁴⁶. Hioru ehi ria tito waweri tatopeha mana weiwa kong, harawaweito eha himbe mambiri we hirauntan Nein aria munawa.

¹Interi wiarama pa rama , hinongtarai baba kong asinang wero nu yampei himahoi kuirahikutu tato pawe Yesusi tei himu mi kiriampa ²Ingteri hioru hirawi Yesusi me hingkowi a hiroineiwu mananu baba pilatusi.Yudasi Miun Waweriei³Ingteri Yudasi, we wiuowa Yesusi pai, rehowa Yesusi hirong we mambabati we, satuwari kong song hine hawawari piarehi heha haura pa taweri wu hinontarii baba kong we hindu hioru pa hioru ⁴Tito, yam wo yong sasari tuti yong riawa mahi mahiwa mena hitantato, pipa nahae wona weangtorune? yang pawo romantau au ⁵Interi Yudasi hio hawanweri pato Allah ne manuma ma rangpai rarong me ria kireibu ha ukanang hiawa⁶Interi tope yang pa hinongtarai mananu hingkohawa ri perak mehintato, pirana tarona wata mo mahiwa ro kahyang rarne tuti rane won awan ria." ⁷Interi himahoi kuirahikutu tatopaho hawaweri yangpa, hirona hireng tawayan kakopa periukwe hironawe aisata hinongtarai hinowaha. ⁸Impaena, kakopa yang pa hisahaua we kakopa Ria raingtaho hanei.⁹Tope yangra, hinongtarai baba Yeremiai netatopa mahi Interi hingko perak pe piarehiheha haura weyampawa aiwayang nutaraine we hinong tarai Israel pahisane titoata. ¹⁰Hioruwo hirona keping perak pe piarehi hehe haura hirengtawayang kakopa periuk, parariwe piami piyakamana we yau.Yesusi kong mananu baba Pilatussi¹¹Interi, Yesusi soharo Gubernur haropong kong mananu bab GUbernuri sautang Nei "Auwo mananu baba hinong tarai yahudi tiawe Auwe ? "Yesusi, piya, topena paraiwe mintapayapa. ¹²Mena hintuba kangkena rekamipa hinongtarai baba hio kong asinang tawa I wo tito we tato katehiwa. ¹³Interi, Pilatusi tito we I auwo taramuho tato tau we hirentuwa kakepan naunewae ? ¹⁴tope yampa Yesusi tito tato peha we Pilatussi wa, tato rabuyang kosiri wawahai sonane Gubernuri sapipiori hio.Pilatussi sariuta piehawawe warapika Yesusi¹⁵Interi, rohawe piboki Gubernuri warapi kara we hiori hinongtarai we hipa tua wi sorei pai we hioru. ¹⁶Roha yampai, hine hinangtari we hipatua wisorei mewehanong, we hirahanei we Barabasi.¹⁷Pilatusi sautan hinongtarai we paupa pahioru, mateiti mintarainto yoneito wondi pa, Barasi te Yesusi, wehirahannei we Kristus ? ¹⁸Topeana, Pilatusi reho we hisane karasun Yesusi paenahiko Yesusi weima. ¹⁹Pilatusi mihoiro pata we taria pai, wawini sanatu tatopa wurei ma, remuho wong pie haho hinongtarai we mihipai pe tuti, I huhiho pitauhoi ror mi.²⁰Topeampa, we bab hiho kong asinang pahiuru mingtato kakepan hioru hire wa Barabasi me hinuman Yesusi. ²¹Mananubaba sautan hioru, hingtai koiuru ranehuru huru mateiti yonei wu mingtorune ? menahintato mehirainto Barabasi. ²²Pilatusi tito we hioru, " Topeyangmo pipa nahae Ingkai yona we Yesusi, we hirahan nei Kristusi ? mena hingkai hirainto, tarawihepanneiroai tabapai !²³Pilatusi sautano, pipanahei yonapa? pipahahai song marawahaparane ? mena, ingte hing tabo hihana, hiawaro aitaba ! ²⁴Pilatusi rehowe piwe sona parakaiwaro wemahiwa, me manuni pai soha, kio marepaima rioi warampa ro Kawasa wepau hisaropong metito, yauwo nou piehawaro ria hinongtarai ranei. yampa woro mantau mintoru.²⁵Hinongtarai hingkai hintato, riapai riakong angtoru ma kong antane romawa ²⁶Ingteri pilatusi pikara Barabasi we hioru me Himungtati Yesusi, Pilatusi sonei we hioru a hirawiti hiawa ro aitabapai.Pilatusi ne pimamuna pa hioru Hintatipa Yesusi.²⁷ingteri mananu baba ne pimamuna hingko Yesusi to manu manunu baba nempai hiokikiuira pimamuna Roamwi hisoru warie. ²⁸hioru hingduba Yesusi ne hasumpa me hirong hasung we bohorondaun wei. ²⁹Ingteri hiranung sapewa we hisasina hironeiya Yesusi titaruei ro riukami pai, riu mamurang pai rowarang so watang, hintuang ro aropong, me hintatipa rei, wepiboki we au mananubaba hinong tarai Yahudi.³⁰Hingkonyahu kikaiyei, hingko mamurang paima, hironei hirendoa bahu Riukami pai. ³¹Interi hintatiparei, mehinda hasung bohorondaungpa werihu Yesusi, mehisasuni munatawe ri ro hasung mantau nempa, ingteri hingkowi a hi awaro aitaba pai.Yesusi Hiawaro ataba.³²Hinongtarai pimamuna hioru, himati hinda hirariuta hinongtarai mawai pehi riaro Kirene we hanongpe Simonni. Ingteri hiran Simonni hirio aitaba kong Yesusi. ³³Ingteri hindeho nuwe hanong topena Golgota, we hirahanei Rabuyang wekaria nehina," ³⁴hioru hiron angguri kong piwe sawiri. huatopa reimena kira rapi sunumipe.³⁵Ingteri Yesusi hingkowia hiawa roaitaba, mehimbiwo ne hasungpa mehingki aikaraho. ³⁶Ingteri, Himahoi kontei royampa. ³⁷Roro, riu wawu yan pai, hintu batate rei,Anda nei Yesusi Mananu baba Hinongtai Yahudi.³⁸Royampa, hinongtarai we humamuna humbe koiru husawa ro aitaba ruran Yesusi hureiro so wa tang hurei sokaning. ³⁹Ingteri hinongtarai we hinda royampa hintati perai me hinda hingkuei hindium kami. ⁴⁰Mehintato Au wainto ingkai tuota Allah nema inanu rangpai me ingkai nuari taweri rohape botoru, ingteri Allahi antung tiamo wiawarihu Aitabapai⁴¹Topayampa mananuwe pampon kong asinan pahioru hingtati Yesusi. ⁴²I wo song hinong tarai himbihen menutarai mantau nenei wa were ria. Tei iwo mana baba Israel, namowiawarihu aitaba waneimba baromi tandoa hoi.⁴³I wo rioaho Allahi, impaena ingkai Allahi riama sonei wihien tei Allah hanewihenei wo manta uni piya, Yau wo Allahi antung ti yau. ⁴⁴Wemi muna hiawaro aitabapai kong teipai seng tati parei tato.Yesusi Kiria⁴⁵Interi saraka we tiri pai suba kamaro bowo nang weberareng pai wiso kakota yampai kea saraha pai tiria bosiu pai. ⁴⁶Topeangto, saraka subaraho bo sui pai, Yesusi hihan roraupui riotuhina, Mesainto, Eli, Eli Lama Sabakhtani ? wewe parari, Allah I yo, Allah I yo, pinahae wonamo pikara yeune ? ⁴⁷Himbe toneha, ro hioru hiroharo rawane, hintaho me hintato, hinongrai ranei hihau Eliai.⁴⁸tapo wa me, hioru ei sapai, hio aibupupaima, hio anei wiruang ro Angguri wehiha, me hirawihepaneiro mamuran, mehirone Yesusi sunumi. ⁴⁹Tope yampa, ehapa hirainto, mintandama tandeho eliai riami pikarei. ⁵⁰Ingteri, Yesusi hihau raupui riotu hina kong sone riuai nunpaiy.⁵¹Hndeho, manumamarang tibahu wekoiru, ro wau wong yai aho woung bau, nunei sabaki kong kam-kami pa tababahu. ⁵²Aisatapa tababahu, me hinongtarai we hima marang wehing karia hintawaha. ⁵³Ingteri, himati warihua aisatapa, rorohawe Yesusi, tiwahapai ingkai hisuato rabuyang we mamarang hi ranyawa hiuru we hinongtarai we pau.⁵⁴Ingteri, mananu mamura, kong wehing kontei hing do hiromwiso Yesusi, hindeho mudikong pitau we roroyampa, himataime hintato, Tarai, I wo Allahi Antung na!" ⁵⁵Rorawane, wawing pitauwe hindero woroi, wehinda kong Yesusi ro Galilea mehiron nanuharei. ⁵⁶hiorumo Maria Magdalenai, Maria Yakobus hinani kong Yusuf pi, kong Zebedeus romawa nempa hioru hinani.Yesusi hiratarei⁵⁷Tope ampa hapa rakea terowi, hinongtarai we nepiwe pauriaro Arimatea hanompa Yusuf pi itato riakong Yesusi. ⁵⁸Riawu Pilatussia sewaru Yesusi nutarai pai. Ingteri Pilatusi tito we hioru imbaromi hiron Yesusi nutaraipai wu Yusuf pia.⁵⁹Ingteri Yusuf pi kio Yesusi nutaraipai hisaniro haireilinen wekakowiri. ⁶⁰Ingteri sonei Wiataro Kambirei pai raranwe wiworu, mantau sonei, hirai ro bongkari kami. Interi Yusuf pi kiri rui kami baba mantaunpai wiso kambirei pai me ria. ⁶¹Ingteri, rorawane, Maria Magdalena kong Maria pehi wihie humahoiro aisatapa.Aisata Yesusi hiroha wisora.⁶²Hawe ehipai, iwo ha we te himaman ha we boitu iman-iman kong binog tarai Farisi hinpandura kuira ro Pilatusi ropong. ⁶³Ingteri hintato, antasane aho we piwe saihiahari wihieng pa m, sainto, ingkai hape botouru kai itawe. ⁶⁴Tope ampa, puyawe hioru hiroha wiso aisata wanei kea o habotoru wanei, wo sonane nero mawapa hioru hindamahi mananai pe, me ingkai himpaya we hinong tarai we pau, Iwo tiwa warihu hinong tarai we hing kariang pahioru. ingkai aihiahari weranei mirawa warihua we pampong pa.⁶⁵Pilatusi tito hioru, mintoru mintane wehiron wisora. Mintanda mintaring wisora pari we mintande hopa." ⁶⁶Topeampa hinda, hindoro aisatapa kong ehapa hioru, hingkarui beri kamipai hirentau kepan kambirei pai.

Yesusi Tiweha ¹Interi, ha boitu, kai weharoha retenan pai Maria Magdalena kong Maria pehiwiheite hunda hundeho kamberei aisatapai. ²hindeho mundi baba mantaung tutimpia mine manatau wia rorora, riama kirui beberikami rai, interi mihoi ro wawong.³Nutaraipai pari wiwewria kong hasung pa buha pari kapiou. ⁴Interi hinontarai pahioru himatai hisanehara hioru tuti hinda himpari wetei hing karia⁵Malaikat pai titowe wawing pa hioru, minatande ho mintamataipe wo yau rouho minara wera Yesusi we kiria ro aitaba. ⁶I wo rio ranewa tuti I wo tiwahato parari ape we piya kamanapa. Mindama, minitang deha wiato rorone. ⁷Minta mararuhaira kong minampa weroanawene Romawape hioru, I wo tiwa ha warihua wehing kariampahioru, kong mintandeha, I pinpong mintoruto Galilea Rorawane, ingkai mintandehoi. Remuma, yau ipaya kamona wemintoru.⁸v 8 kong, himaru himbawuraai sataparowe matai kong mararising baba, kong hirapai ya himpawene romawapa hioru. ⁹Yesusui sariuta hioru kong tito, we piboki interi hinda wu Yesusi ma, hingdoru aempa me isomi wei. ¹⁰Interi, Yesusi piya we hioru, mintandeho mingtamapai pe, mintanda mingpa we neta nou wene hioru hindato Galilea, rorowane, ingkai hindeho yau."Himbai we hiroha wiso aisatapa hioru hirai hiahari¹¹Teihinde me, himbe toneharo hinongtarai we hira ha wise ai sata pa hioru hinda keta kong himpaya weroang we mananu pahioru tuti piampa. ¹²Interi hingkai hing kikuira mahimpandura kong we baba hihio pahioru. me interi hintato mahi, hirong hawaweri wedanwe hunontarai pa hioru. ¹³Mintantato, mimpaya toperane, Yesusi ne Romawapa hindama hingko wirowi mo antarena¹⁴Interi wewe ranera tane mananu baba taraho rioaho kong arokutuya wa ¹⁵Onteri hingko hawaweri yampa me hirong pariaria wewe himpaya we hioru pa tato yang pa mo wata humbuwua ro hinontarai Yahudi pa hioru kearaintahaneiYesusi ne Tato we Tariai (Mrk. 16:14-18; Luk. 24:36-49; Yoh 20:19-23; Kis 1:6-8)¹⁶Interi, ne romawa himbehaura heha kosiri pa hioru hingdato Galilea, to bongkori we Yesusi piya kamanei we hioru pai. ¹⁷Ingteri heingdehoi pamo hindama hisomi wei mena, himbebotoneha hine kikouru.¹⁸Interi Yesusi riama tito we hioru, pitau bai nei yau noukuireipa, rorora kong nunei ya hawara kahyu. ¹⁹Interi ninda min tapaya we kawasa himpau pau hioru nou romai wa hirena. mintambararawein hioru ro waha Iyai kong Romawa, kong Riu ai nunung mamarang.²⁰mintaranyau hioru imbaromi hirom parari piwe ipaya we mintorupa, mintandeho, yan Irohong mintoru rohanei keaohawane kai wane.