¹Matangero gho mbudhi dha Jesusi kristus, mwana Nyambi. ²Thika di ghadhitjanga mwaIsaiah gho muporofeta , mukenge,Nakutuma muyuvithi kughutho dhenu,oyu mbogheya mukuroyitha mayira ghenu. ³Diywi dyakukugherera mumaboreya; muroyithe ndhira dhaFumu; mughorore mandhira ghendi.''⁴Apa eyire Johanesi, awa yoyire mumuthitu ndani nokuwa honga maywi omakunyatho othivi. ⁵Ditunga dyodiheya dya judiya ndani noditunga dyodiheya dya jerusarema hayendire kwendi. Hayoyiwire kwendi murware rwa jodani, kuwa shwayitha yivi yao. ⁶Johanesi avatire thitumba tho ngamene ndani nomuya wendi mumbunda, ndani ngadyanga mbathimbathi no wiki.⁷Ayaurire, ''Umweya nganyi a kwiye munyimadhange oyu adi nongcamu kupita me; mbadiwa kukona nishuture tuodhi toma kuha endi. ⁸Kona kukuyowa nomeyu, Mara nganyi akukuyowe nomupepo okupongoka.''⁹Yahokokire moaya mayuwa apa ashwayere Jesusi mu Nazareti omu Galalia, ndani ayoyiwire kwa Johanesi murware rwa Jodani. ¹⁰Mu kushwaa kwendi Yesusi mumeyu, amonine diwiru dinayandhuruka ndani mupepo weyire kwendi yira dikutji. ¹¹Diywi dyashwayire mudiwiru, ''Yowe mwanange nahaka thikuma. Nahafa thikuma noye.''¹²Mupepo wendi wamutwarire mumuthitu. ¹³Akakarire mo mumuthitu ma yuwa makumi mane, pakamuyereka shatani. Akakarire noyiyama yomumuthitu ndani mangeloi amukungire .¹⁴Keho apa hakwatire Johanesi, Jesusi ashwayerere mu galalie paku yaura diywi dya nyambi. ¹⁵Aambire, ''Nako dhinapu kuroyitha, ndani u Fumu wa Nyambi ne pepi udi. Mukunyathe ndani omutawe thiruwana.''¹⁶Apa ghayendire kumbadi dhodikuruviya dya Galileya, gha monine Simoni na Andriyasi hanakuvukuma dikwe mudikuruviya yoyishi hakarire hakwati thi. ¹⁷Jesusi ghawaningire eshi,''Mwiye munikuthe , nikamutende mwakwati hanu.'' ¹⁸Popo vene hathiyire makwe no hamukuthire.¹⁹Mukuyenda kwendi Yesusi kambiru kambiru, amonine jemusi mwana zebedia ndani johanesi mukurwendi; hakarire muwato pakuroyitha makwe ao. ²⁰Awethire ndani hathiyire wihao zebedia muwato ndani nohamweya kahariremo, nao oha mukuthire.²¹Heyire kare muKapenauni, ndani mudiyuwa dyo Sabata, Yesusi ayendire muyigongi ndani nokahonga. ²²Hatetukire muyihonga yendi, awa hongire yira muguva ya adi nongcamu kadi yira wa hombuthi.²³Mukafumu ashwayire muyinagoge oyu akarire noyimupepo yoyi mango ayene adirire, ²⁴aambire shi, ''Nyetwakona kutenda noye, Jesusi muka nazareti? Kou neya notupaye? Nayidimukashi yowedye. Yowe nyambi okupongoka!'' ²⁵Yesusi emekire madimona ndani aambire, ''Muyoyo ndani omushwaye mwendi!'' ²⁶Yimupepo yoyimango yamuwithere pamuve ndani oyashwayire mumwendi pakudira thikuma nodiywi dyodikuru.²⁷Owa heya haguva hatetukire, oha kwipure hathinda, Yinye yi? Ngcamu dhomahongo omapya! Anatandwera noyimupepo yoyimango ndani oyina muyuvera!'' ²⁸Mudhi dha yendire muditunga dyodiheya dya galalie.²⁹Apa ashwayire muyinagoge, ohayendire kare munhduo dha Simoni ndani Andiriasi, pepi na Jemusi ndani Yohanesi. ³⁰Ngumwenya Simoni akarire anarara pakukora fiva, ndani hatongwere Yesusi kuaamana yendi. ³¹Podiyo eyire, amukwatire no nyara, ndani amwimekire; fiva amushwayire, ndani atamekire kumuruanena.³²Moro runguro padya kawire diyuwa, Hamuretere keheyu anakukorwa ndani yu adi nomadimona. ³³doropa omuheya akupakerere pofotji pathero. ³⁴A porithire hohengi awa hakarire noyi korwa yokukutjatjaka ndani ashwayithire owa hakarire nomadimona, mara mbadi atawedhire madimona aambe yoishi yayi dimukire.³⁵Akutahanere kwimana, oku shime runguro; athiyire ndani nokuyenda kuthivaka thimweya oku akaraperire. ³⁶Simoni ndani nowahakarire nendi hamutondire, ³⁷Hamu wanine oha aambire kwendi, Keheyu kuna kukutonda.''³⁸Aambire , ''Tuyende kumweya, mukatji komadoropa, podiyo shi nakayawereko nako. Yodiyo nakushwayera pano.'' ³⁹Hayendire Galalea omuheya, Kuwa yawera muyinagoge ndani nokushwayitha madimona.⁴⁰Musinyi eyire kwendi. A mutangire; A tongamine ndani aambire kukwendi, ''Ngeshi nauyikone, kona unitende nikene.'' ⁴¹Ayendire nothihemo, Yesusi aororire dyoko dyendi ndani amukwatire, aambire kukwendi, ''Kukona niyikone. Kene.'' ⁴²wanguwangu popo yimupepo yoyimango oyamushwayire, ndani oa karire mukenu.⁴³Yesusi amutongwere ndani nokumutuma ayende. ⁴⁴A ambire kwendi, ''Kare noushemwa mbadi waka tongwere keheyi ko keheyu, mara yende, kaku needhe othinda kwa purisiteri, nokatapa ukenu oye ou aambire Mosesi.⁴⁵Mara ayendire ndani nokatapa maywi kokuheya, thikumenena eshi Yesusi mbadi ayendaurire thikuma muma doropa mara kwahakire thikuma kumayimbo. Shime karo haguva hakeyire kwendi hokeheku.

¹Munyima dho mayuwa omapu apa ahukire ku kapenaumi, ayuvekire shi ngakumu kudimbo. ²thingi thowanu hapongire kukwendi kare hamwe hapirire dyango, nopathero temba, ndani Yesusi aambire diywi kwao.³kweyire harume kukwendi owa haretire mukorwi, harume hane hamushimbire. ⁴kadi hakarire pepi nendi dibaka shi hengi haguva hakarire po, hashwayithire dinaha apa hakumene pepi nendi Yesusi. opa hawanine ndhira, hadiyarire pamuve ararepo yo murume omukorwi.⁵Pakumona matawero ao, Yesusi aambire nomukorwi ,''Mwana, ''yivi yoye yinapu kuthiyerera, ⁶''Kwakarire noha kamutjangi, ndani hakwipurire mumitjima dhao, ⁷''Ngepi di sha ambe yu murume kenge? A nyathire! Yidye okukona ku swarera thivi shimengwa nyambi pithendi?''⁸Pawangu wangu Yesusi adimukire yiayara yao, A ambire kwao,''Yinye muna kuyedhekera mumitjima dhenu? ⁹thipi thothiredhu kuamba nothirema, ''Yivi yoye yinapu kuthiyerera, ndi kuamba shi 'Pinduke , ushimbe disharo dyoye, ndani uyende'?¹⁰Pathitambo shi haguva Hatawe ngeshi mwana munu ne akara nongcamu dhokuthiyerera thivi muno muditunga, ''Aambire kuthirema, ¹¹''Kukoye naku amba, ndani nokuyenda kudhuo dhoye.'' ¹²Apindukire ndani popo wanguwangu ashimbire disharo dyendi, ndani nokushwaa mundhuo kuutho dhoha guva waheya, podiyo hakomokere hamweya ndani podiyo hatawire mwanyambi, ndani haambire, ''Mbaditwamona yinu yokenge yii.''¹³Aye ayendire karo kudiviya, ndani haguva hamukuthire no kawahonga. ¹⁴Apa apitire, amonine levi mwana alufeasi ahungumanine nomuka kuteritha ndani aambire kwendi, ''Nikuthe me.'' Emanine ndani nokumukutha .¹⁵Yesusi adire yidya munduo tha Levi ndani hakakuteritha ndani hayipithi hamushwenine ndani hakathishonge thendi, hakarire hohengi ndani hamukuthire. ¹⁶Hakamutjangi hoha Farisi, apa monine shi Yesusi ne kuna kudya noha tenda yivi, ndani nohateri, ohaambire kwaka thishongero thendi, ''Yinye pa anakudya nohateri ndani nohatenda yivi?''¹⁷Apa ayiyuvire kemo Yesusi aambire nao, ''Haguva hokutanara mbadi hadira nganga; shimengwa okushana nganga ne mukorwi. Mbadi nakwiyera kunetha haguva homwene. ene hatenda yivi.¹⁸Haka thishongero tha Johanesi ndani noha Farisi hakarire kumathirereketho. Haguva hamwe heyire ndani hana aambire kukwendi, ''Haguva hepurire eshi nye hakathishongero tha Yohanesi ndani ha Farisi opa hana kuthirerekedha?'' ¹⁹Jesusi aambire nao, ''Ngepi haka difesite opa anakupira kudya oku hadi nohagenda? uwa vene shi hadi nohagenda kadi hakona kudya.²⁰Mara kuna kwiya ruvedhe opa mbohatunda mo, ndani moaya mayuwa, nga hakudhirerekedhe. ²¹Mbadiko okukona afumene kapisi kothikehe koka pyaa pa thivata thokare. Ngeshi kemo thitamba thiya thakona kujajuka po, thothipyaa kuthipaka nothothi kurukuru, opone kupayuka kupayukerera.²²Eshi mbadiko okukona ature waine umupyaa muwaine omukurukuru.Ngeshi kemo waine kona ayipithe yirama ndani kupakerera noyirama yothitumba thoye yoyiheya kuyongara. shimenga kutura waine omupyaa muyirama yoye.''²³Mumapeu Yesusi kwapitire mumapya otumbi, nohakathi shongero thendi hatamikire kutora mitwi dhotumbi, ²⁴Ha Farisi ha ambire kukwendi, ''Mone, nyepa hanakuruwana yinu eyi yapira kutawedhera mudiyuwa dyo Sabata?''²⁵A ambire kwao, ''Watoya rumweya eyi atendire dafita opa akarire mukushana ndani ndhara ye-ndani harume wa karire nendi- ²⁶ngepi ayendire mundhuo tha nyambi opa karire Abiata muu purisiteri, adire yidya yi yaroera mupurisiteri shokuru, ndani hapireko nowa hakarire nendi?''²⁷Yesusi aambire, '' Sabata hadhitendera munu, mbadi munu odyo Sabata. ²⁸Kutunda po, Mwana Murume ne Fumu, nogho diyuwa dyo Sabata.

¹Yesusi ayendire musinagoge, Pakarire katuuru othihwere dyoko. ²hanu hamukengurire thikuma amone shi nanyi amwirure mudiyuwa dyo Sabata podiyo shi hamurundere.³Yesusi aambire nomukatuuru omuhwere dyoko, ''Wimane ndani okemane mukatji kao,'' ⁴Aambire mukatji kao, ''Murandu kutenda yoyiwa diyuwa dyo Sabata endi kuyipitha; kukunga uparo endi kupaa?'' Mara haporere tete.⁵Awa kengire noupata mukatji kao, ndani eshi akashire mutjima wendi pakumona ukenya omitjima dhao, atongwere yo murume, ''Orore dyoko dyoye. ''A orore naye, dyoko dyendi dyaporire. ⁶Ha Farisi kokushwaa kwao wangu wangu akakupakere nawa ka herodesi hakuyonge shi ngepi dyokukona hamuture muyifa.⁷Ndani Yesusi, nakathishingero, kukuyenda kwao kudikuruviya, ndani wingi wa guva omukuthire omu Galalia no mu Judia. ⁸ndani nomu Jeruraserama ndani nomu Idumeya pepi norware rwa Jodani na Tayire ndani sidoni. Apa hayuvire koyo yinu atendire, mbunga dha keyire kukwendi.⁹Atongwere hakathishongero thendi hakutukiseze wato oumbiru kodivaka dyo mbunga, podiyo shi mbadi hamunyathe. ¹⁰Aporithire hohengi, eshi keheyu adi noyikorwa pamukwata akona kupora vene.¹¹Apa yamumonine yimupepo yoyi mango, hawire waheya shime ndani hadirire, ndani ambire, ''Omwana nyambi.'' ¹²Awa tomgwere shi mbadi hamudimukithe kwawanu.¹³Koku yenda kwendi kudirundu, ko kwitha kwendi hanu waha ashanine, ndani oheyire kukwendi. ¹⁴Ethire haguva hodikumi noyiwadi (Owa hethiwire shi hapositola) podiyo shi hakare nendi ndani kukona awa tume hakayaure matjangwa, ¹⁵ndani hakare nongcamu kushwayitha madimona. ¹⁶Ethire wa harume ho kwokonoyiwadi: Simoni, koyu atire Peturusi.¹⁷Jemusi mwana Zebedia, ndani Johanesi Mukurwa Jemusi, oyu atire dina dyo Boanerigesi, oyone, mwana mushoro; ¹⁸na Andiriasi, Philip, Barthilomewi, Mateusa, Tomasi, Jemusi mwana Alufeasi, Tadaeusi, Simoni muka ziolot, ¹⁹ndani judasi Isikarioti, Oyu hamu nyandekire.²⁰Hayendire kudimbo, ndani mbunga dheyire pofotji karo, mbadi hadire karo uroto. ²¹Apa hayuvire hakadiko dyendi yokuamana koyi, oha aambire, '' Eshi alyangana mumutwi,'' ²²Hakamutjangi owa hashwayire mu Yerusarema haambire eshi, ''Thirumba thakumu petha'' ndani ''Mukuvusa koyimupepo yoyimango ayene kuyishwayitha.''²³Yesusi awethire waheya ndani aambire nao kodi thaano, ''Ngepi dyokukona akushwayithe Satani mu mwendi Satani? ²⁴Ngeshi diwiru dyakuhangura dyothinda, Odyo diwiru mbadi wakukona dimane dyo thinda, ²⁵Ngeshi ndhuo thakuhangura dhathinda, odho ndhuo mbadiwakukona dhimane.²⁶Ngeshi Satani ana kutapa pa pendi yithinda nokukuhangura, mbadiwa kukona emane, Mara kuhuka kuma pwero hendi. ²⁷Mbadiko okukona angene mundhuo dho murume ongcamu edhe mbadi unamu aanga yo murume oku gora pakutanga, ndani mbotjora ndhuo thendi.²⁸Ushemwa nakumutongwera, yoyi heya yivi yo mwana murume nambo ha yithiyererepo, noha ka mbuthi nao mbo hanapu kuthiyereriwa, ²⁹Mara keheyu anakuamba umbuthi ku mupepo okupongaka mbadi mboa pwa kuthiyeyerera, kuku yuva umango kumaharwero hoye.'' ³⁰Jesusi ambire kemo yoyishi hambire, ''adi yimupepo yoyimango.''³¹Nyina naminendi kweyire kunemana panunda. Kokumutumena, nahamu ambaurithe. ³²Mbunga dha karire pepi nendi ndani ohambire kukwendi, ''Nyoko ndani namukuroye panunda hadi, yowe hana kushana.³³Awa tawire, ''Yidye nawe ndani namukurwange?'' ³⁴Akengire mukatji kowo hahungumanine kumudhingwemwetedha ndani aambire, ''Mone, Nawe yupa ndani hakurwange wapa! ³⁵Keheyu anakutenda thiruwana tha Nyambi, oyo muguvane mukurwange, minange, ndani nawe.

¹Karo atangire kuhonga muthambo dhodikuruviya, ndani haguva hohengi hakarire hanamudhingwemwetwedha. Emanine muwato ouwakarire pawiru dhodiwate, ndani ahungumaninemo. Wingi waguva hakarire kumbadi dhodiwate, ²Ghawatongwerire yinu yoyingi muyithimwetwedha,Ndani muyihonga yendi,oyi yoyighamba ghaghambire kukwagho.³Mutegherere! Ndjimi ayendire akakune mbuto dhendi. ⁴Apa akunine, Dhimwe mbuto dhawerere mundhira, ndani yinyunyi yeyire kunadhidya. ⁵Mbuto thimweya thawerere mumawe, omudhadhirire kuwana muve mwene. Wangu wangu odhafire, yoyishi kadidhawanine mununo mumuve.⁶Mara apa dyavire diyuwa, yimena yaferere, ndani pamurandu kadi yakarire nomithi, yakukutere. ⁷Dhimweya mbuto dhawerere mumakona. Makona akurire ndani oya ferere mo, ndani mbadi yashemine.⁸Mbuto dhimweya dhawerere mumuve ghoghuwa nodhayangurire yimena yakurire nokwingipa nokukuwedherera makumi, mahatu, ndani makumikwokonodikumi ngambi mathere rwingi.'' ⁹Karo aambire, ''Keheyu ghakara nomatwi, ngoakona kuyuva!''¹⁰Apaghakarire Jesusi pithendi, ghawahakarire pepi nendi ndani dikuminohawadi hepure kwendi yokuhatera kuthithimwetwedha thothifupi thitha kara noghudhindo. ¹¹Awatongwerire, '' Kukwenu muna piwa ghushwii noghutungi wanyambi. Ene kowa hadi panunda yoyiheya yinakukara thithimwetwedha thothifupi thithakara noghudhindo, ¹²podiyoshi apashahayimone, ee hanayimono, ene mbadi shohamone, ndani nopa shohayuve, ee ngahayuve, ene mbadi shohayuve, endi aroghera hakuthighure podyoshi Nyambi ghawathiyererepo.''¹³Aaghambire kukwagho, '' Kadi muna kuyuva di dithaano? Ngepi shomudiyuvithithe dyo dithaano?'' ¹⁴Mukuni akunine diywi. ¹⁵Owane hodiyo hadi mundhira, opa dyakuniwire diywi. Apa ayuvire, Shatani heyire wangu wangu nashwayithe diywi edi akunine mumwao.¹⁶Ndani mbuto dhihakunine mumawe, yidye, Opa hayuvire diywi wanguwangu atamburire noruhafo. ¹⁷Ene mbadi hakara nomidhi mumwao hathinda, mara hadhiyamine motho nako. Munyima dhoruvedhe hanyandire pamwe kuwahumbitha mumaywi, nowangu wangu ashwayire po.¹⁸Shime hamweya hakune mumakona. Pohadi hamweya hayuvire maywi, ¹⁹mukukunga kaye kapire umbango outungi noyihaka yimweya yoyingi kwiyeramo nokushayeka diywi, nombadiko yokuretamo. ²⁰Owa hakunine mumuve ouwa hodiyo hayuvire maywi, kuyitambura ndani yimenwa yombuyo, Makumi mahatu, Makumi kwoko ndani nomathere wingi.²¹Yesusi aambire nao, ''Munareta diraiti mundhuo nomuture mwishi dhotafure endi mwishi dhoudidi? Mushwayithe mwishi omuture pa tishi amuneke. ²²Kadiko ethi thahorekiwa thokupira kudimuka, ndani kadiko sikiriti okupira kushwaa mukaciketu. ²³Ngeshi keheyu akara nomatwi, muthiye ayuve!''²⁴Aambire kwao, ''Mutokomene koyimuna kuyuva, momu unakuyikumetera na mboha kayikumetere nowe ndani nokakuwedherera yoyingi we. ²⁵Yoyishi oyu adi noyinu, mumwendi naa mbohamupe yoyingi, ndani oyu apira yinu, ngambi kehethi adi natho ngathakushimbiwe.''²⁶Aambire karo, ''Ufumu wa Nyambi ne yira murume anakukuna nanda thendi mudingcanda. ²⁷Ayene kurara uthiku nokupinduka mutenya, ndani nanda dhamenine nokukura, ngambi mbadi ana dimukashi ngepi. ²⁸Kaye kukwimena mbuyo kathinda, Thokutanga ne kamushongo, ndani matwi, ndani mbuyo dhokutanara. ²⁹Apa hayangurire yidya, hatambukire kutuma yoyishi hamanine kupokora.''³⁰Aambire shime, ''Yotwakuswanitha yira ufumu wanyambi, endi dithaano munye dyotwakona turuwanithe mukutarusa diywi dya Nyambi? ³¹YIra nanda dhokukuna, Odhi, othi hakunine, ouhumbiru onanda muditunga. ³²Shime, apa dhakuniwire, dhamenine ndani odha kurire kupita mapya omaheya, ndani oya shemine mahako omakuru, podiyo shi yinyunyi yomuditunga yakona kukara mumumbure.''³³Muma thaano okenge yira a awatongwerire, wingi komu hayuvere ene hayuvithithire, ³⁴ndani kadi ambire nao kokupira dithaano. Mara apa akarire pithendi, atarusere yoyiheya kwa wahongi.³⁵Mudiyuwa diya, oparwakeyire runguro, ambire kwao, ''Mutuyende kumutara umweya.'' ³⁶Podiyo hathiyire mbunga, Ayendire Jesusi nao, dyodi akarire, muwato. Mawato amweya ayendire nao. ³⁷Podiyo hakuwanekere nomaukutu, ndani manyiwe awanyungire mawato momu ayare meyu.³⁸Mara Yesusi ithinda akarire muyirota, ararire musisepe. Hamupinduthire, kuamba shi, ''Muruti, kadi wakuviraera shi pepi tudi nokufa?'' ³⁹A pindukire, nokwimeka mupepo, ndani aambire kudiwate. Uwa! Kare kengeyo!'' Ndani mupepo wahurire, Ndani owaporere tete.⁴⁰Aambire kwao karo, ''Yinye muna yapa?'' Shime karo kadimudi nomatawero?'' ⁴¹Hakuyuvire oma shemwa ndani nokuamba kwao athinda, ''Yidye nane yu, Yoyishi ngambinga mupepo no manyiwe kuhura?''

¹Oheyire kumbadi dho diwate, mu ditunga dya Gerasenesi. ²Yesusi apa ashwyire muwato, Popo wangu wangu hayendire kumavita ku murume oyu hakarire nodhi mupepo dhodhimango.³Murume oyu aparire muma vita. Mbadiko yu amukonine, kadiko ngambinga no dyenge. ⁴Ha muangire rorwingi nomiodhi ndani no meenge. A tjinune menge ndani noyi avatire yokudjadjauka. kadiko yu akarire no ngcamu dhokumushwaithamo⁵Uthiku nomutenya mumavita vene ndani nomuma rundu, Adirire ndani aku tetaurire yithinda nomawe oma twe. ⁶Apa amonine Yesusi anakuyendera popepi amutjirere nokamutongamena.⁷A dirire nodiywi dyodikuru, ''Nye shonitende noye , Yesusi, Mwana Fumu Nyambi? Nakandera nyambithinda, mbadi uninyandeke.'' ⁸Amutongwere, ''Shwaye moyu murume, Owe yipepo yoyi mango.''⁹Amwipurire, eshi yowedye dina dyoye?'' DIna dyange ne yame Legioni, Twahengi.'' ¹⁰NIna kanderera nina kanderera mbadi uwa tume kumatunga okayenda.¹¹Yinguru yoyingi eyiya dyerere mumarundu, ¹²Yimupepo yoyimango yamukumbere, kuamba shi, tutumene muyinguru; tungene mwayo.'' ¹³Ayitawedhire ; yimupepo yoyimango yashwayire noya ngenine muyinguru, Ndani oyaurumukire kutjirera kudiwate, YInguru mayovi mawadi yaka hwerere mudiwate.¹⁴Hakakuditha yinguru hohaka tjirire ndani hoha katongore eyi yahokokire Mudoropa ndani kumatunga omumbadi, popo haguva hayendire kokamona eyi yahokokire. ¹⁵Hakeyire kwa Yesusi Ndani hana monine murume okupuka, oyu akarire kuyendithiwa kuyimupepo yoyimango, hungumane pa, avatire nomaono endi omwene; ene hayapire.¹⁶Owa hamonine eyi yahokokire kumurume okupuka haka tongorire yokuyara mumwao, ndani ohawatongwere yokuhatera kuyinguru. ¹⁷Ohatamekire kumuromba ashwaye muditunga dyao¹⁸Apa adhinine muwato, murume okupuka amurombire shi ngoa kare nendi. ¹⁹Mara Yesusi mbadi amutawedhire, Ene aambire kukwendi, ''Kayende kundhuo dhoye ndani kwa guva oye ndani okawa tongwere shi nye anakuruwanena Fumu nyambi, Ndani ngepi anakuneedha thihemo thendi,'' ²⁰Ayendire ndani nokatameka katongora mauyi akarire papendi Noyi amutendere Yesusi, Waheya hatetukire.²¹Opa areyire rware kumutara umweya Yesusi nowato, Mbunga dhothingi dhamukarere, oku kumbadi tho meyu adi. ²²Mupiterithi omukuru wa Sinagoge oyu ha tire jaurusi akeyire, ene pa amumonine, anawerere pamadhi endi. ²³Amurombire nokumuromba, kuamba shi, ''Mwanange omumbiru ne pepi hadi nokufa. Enikuromba wiye nomukandadheke nomoko hoye okupongoka podiyo shine akare thiwana noa pare,'' ²⁴Ayendire nendi, ndani mbunga dhamukuthire hohakarire nendi popepi.²⁵Kwarire mukamadi oyu akarire kuthidhira muma mwaka odikumi noyiwadi. ²⁶Anyandire thikuma muma nganga omengi noa ayongarithire yinu yendi yoyingi ene mbadi anakupora. mukuhima shi akare hasha mara kokukara keho wesi. ²⁷Apa ayuvire yitenda ya Yesusi, Akeyire naye munyima dhombunga nokuna mukwata pamapadhi.²⁸Aambire, ''Opa shonikwate pathivata thoye, Nakona kwiruka.'' ²⁹Opa amukwatitire kemo, kuhoya okwashayekire, ndani akuyuvire muyirama yendi yira aneruka kuyikorwa yendi eyi yamupethire.³⁰Yesusi adimukire shi maata ne anashwaya mumwendi. Apirukire nokukenga mukatji ko mbunga ndani aambire, ''Yidye anakwata kuthivata thange?'' ³¹Hakathishongero thendi hambire kwendi, ''Unamono shine mbunga dhina kwimanena, owene kunakuamba shi, 'Yidye ananikwata me?''' ³²Ene Yesusi apirukire nokukenga oyu ayitendire.³³Mukamadi, Adimukire eyi yahokokire kukwendi, ayapire no kukuyera. Akeyire nokuna wera pepi nendi nokumutongwera ushemwa wendi. ³⁴Aambire kukwendi, ''Mwange, matawero oye anakutendi thiwana. Yende nothihemo ene okapore kuyikorwa yoye.³⁵Pakuambanga, haguva hamweya hakashwayire kumuyendithi omu sinagoge, hambire shi, '' Mwanoye omukamadi anafu. Yinye unakupethera muhongi karo?''³⁶Ene pa ayuvire Yesusi kuyiamba yao eyi haambire, Aambire kumuyendithi omukuru waka sinagoge, ''Mwa yapa. Ene mutawe vene.'' ³⁷Mbadi hatongwere keheyu muguva shi haruane nendi shimengwa peturusi, Jemusi, ndani Yohanesi, mukurwa Jemusi. ³⁸Ha keyire kundhuo dha muyendithi omu Sinagoge ndani amonine haguva hana kutenda muyoyo; hamweya hadirire nokutenda muyoyo.³⁹Apa hangenine mundhuo, aambire kukwao, ''Nyepa munalyangana no kudira? Mwanuke mbadi anafu mara kuna rara.'' ⁴⁰Oha muhekire, Ene hawa turire panunda ndani ashimbire wiha mwanuke nanyina mwanuke nowa hakarire nendi ndani hayendire oku akarire mwanuke.⁴¹Akwatire dyoko dya mwanuke noku aamba nendi, Talita, Koum!'' Oyu hana tarusa, ''Mukamadiana, Noye nakuaamba, wimane.'' ⁴²Popo mwanuke emanine nokuyenda ( oma mamwaka dikuminoyiwadi). Hakuwanekere noyitetukitha yoyi kuru. ⁴³Awa tongwere shi mbadiko yu akona kayitongora yi. ndani awaningire shi hamupe yidya adye.

¹Ashwayire mo nokuhuka kudoropa oku ashwaa, haka thishongero thendi hamukuthire. ²Diyuwa dyo mapeu padya vire, ahongire musinagoge. hengi haguva hamuyuvire ndani hatetukire. haambire, ''Kupi awanine a mahongo?'' ''Oune utali munye ou awanine ?'' ''Oyine yitetukitha munye oyi aruananga munyara dhendi?'' ³''Mbadi muyuwi, mwana Maria namukurwendi Jemusi na Josesi na Judasi na Simoni? Hakurwendi mbadi nao tudi?'' Halyanganithiwire kwa yesusi.⁴Yesusi aambire nao, ''Muporofita ne mbadi adi nodikuto, shimengwa muditunga dyendi no hakadiko dyendi ndani nohaka diimbo dyendi.'' ⁵Mbadiakonine kuruwana thiruwana thothi kuru, shimengwa kukambeka dyoko dyendi kwa haguva ohapu noku waporitha. ⁶Ene yamutetukithire mukupira kutawa kwao. podiyo ayendire muma yimbo kahonga.⁷Hethire harume dikumi noyiwadi, nokutameka hawatume hawadi hawadi, ndani hawapire ngcamu okupitakana yimupepo yao yoyimango, ⁸nokuwatongwera shi mbadi hakona kushimba yinu muruyendo rwao, shimenga yoyi hanavata, mbadiko uroto, mbadiko njato, mbadiko masherenyi mumarimba ao, ⁹mara kuvata masandara, mbadi kuvata yiwadi yitere.¹⁰Aambire kwao, ''Opa shomungene mundhuo, mukare kate mwakuyende momovene. ¹¹Ngeshi keheyu doropa mbadi akumuamuhera endi kuterera kukwenu,diyuwa mwakuthiya tho thivaka tho mwakukuyowe kumapathi enu podiyo shi mwakatongwere hamweya.¹²Ashwaiyire nokahonga haguva hanyathe muma uyi ao. ¹³Hakashwayithire madimona, noka tura maathi omeyu pamutwi dho akorwi ene ha porire.¹⁴Apa ayuvire Herodesi kemo, kuamana nodina dya Yesusi' dina dyendi dyayuvekire. Hamweya haambire shi, ''Yohanesi muyowi apindukire muyifa yendi, Eshi shira pa akumoneka mangcamu oyitetukitha yakuruwana mumwendi.'' hamweya hambire shi Elija.'' ¹⁵Ndani hamweya hambire, Muporofita, yira muporofita okare.¹⁶Mara Herodesi opa ayuvire kemo ambire shi, ''Yohanesi, oyu natetire, hanapinduka.'' ¹⁷Herodesi atumine hanu hakakwate Yohanesi nokumu twara mudorongo mudivaka dya mundambo wendi (mundambo wamukurwendi Filipisa), yoishi hakuyekire.¹⁸Yohanesi atongwere herodesi, ''kadiko murandu kukara nomundambo wamukuroye.'' ¹⁹Mara herodesi apatire ndani ashanine kumupayaa, mara kadi atendire kemo, ²⁰Herodesi ayapire Yohanesi; adimukire shi muguva homuwawa akara ndani nomupepo oku pongoka, amukungire thiwana. Kuteerera muyiamba yendi yamutwarire kukulyangana, oku yene amuyuva kare.²¹Diyuwa dyodiwa dyeyire apakarire herodesi mudiyuwa dyo mashamurukero ndani hatendere yidya hagenda hendi ndani nohayendithi ndani noha piterithi ho mu galalia. ²²Mwana herodesi omukamadi yithinda akeyire mukatji ndani nokuna kina mukatji kao, ndani ahengaurire herodesi noha genda hendi, Fumu aambire kwamukamadiana, ''Nirombe keheyi una kushana ene kona niyikupe.²³Akwedhire kuambashi, ''Keheyi unakushana kuniromba, ndani kona nikupe, kare hafu ou Fumu wange. '' ²⁴Ayendire noka aamba kwa nyina, Yinye shonimurombe yu?'' Aambire, ''Mutwi wa johanesi muyowi.'' ²⁵Atambukere kuhuka kwa Fumu, ndani akepurire shi, ''Nashana unipe, popano, mutwi wayohanesi muyowi pa parupasha rothitondo.''²⁶Ngambishi yapambanithire Fumu, ngombadi ashwenine makurombero endi yoyishi amutawedhire makurupero endi ndani pamurandu hoha genda hendi. ²⁷Ndani Fumu atumine musorondate okushwayerera mwaruwani hendi ndani amutongwere shi amuretere mutwi wa Yohanesi. Muruwani ayendire ndani nokamuteta mutwi mudorongo. ²⁸Aretire mutwi parupasha ndani autapire kwamukamadiana aye autapire kwa nyina. ²⁹Opa hayiyuvire hahongi hendi, heyire podiyo hanashimbire yirama yendi haka muvumbeke kumambira.³⁰Ha positili heyire pofotji na Yesusi ndani hamutongwere eyi atenda ndani noyi hahongire. ³¹Aambire kwao,'' Wiye othinda kare kumamboreya noturumuthe kamanana,'' Hengi heyire ndani hengi hayendire, nombadi hawanine ruvedhe rokudya. ³²Hayendire muwato kumamboreya komwao athinda.³³Hamonine opa hanakayenda ndani hengi hawa nongononine mukatji kao, ndani hatjirereko nomapadhi haka madoropa waheya, hodiyo hakakumine okuone hashime kakumako. ³⁴Apa hakokeere kumbadi dho diwate, amonine mbunga dhohanu nowe rira njwi ndani akuyuvire mbiri pakuwamona apira mupiterithi wao. Atamekire kuwahonga yinu yoyingi.³⁵Opa thapitire nako, hahongi hendi heyire kukwendi ndani hana aambire shi, Munone muma mboreya ndani ruvedhe runapiti. ³⁶Watume hayende kumatunga opepi no mayimbo, noha kaku urere yidya yao hathinda hadye.³⁷Ahuthire ndani aambire kwao, ''Wape yidya hadye.'' Haambire kwendi, ''Kukona tuyende tukahure uroto oma theremawadi nokuna wapa hadye?'' ³⁸Aambire kukwao, ''Mangatji mauroto mudi nao? Muyende mukamone.'' Opa hakashanithithire, haambire, ''Mauroto kwoko ndani thii dhiwadi.''³⁹Atongwere haguva waheya hahungumane mumbunga mukatji komuhonyi othina mahako. ⁴⁰Hahungumanine mumbunga thomathere nomakumi kwoko. ⁴¹Hashimbire mauroto kwoko ndani thii dhiwadi, Adiyamene kuwiru ayikandadhekire ndani atjorire kuuroto ndani atapire kwaka thishongero thendi. Awa tapere thii dhiwadi waheya.⁴²Waheya hadire nohakutire. Nohatore yipindhi youroto, ⁴³Hashimbire yipindhi youroto, Yivani yokuyara eyiyakarire dikuminoyiwadi, pindhi youroto dikumi noyiwadi, ndani noyipindhi yothii. ⁴⁴Mayovi kokwo guva wahadire muroto.⁴⁵Poro ruvedhe hashimbire hahongi hendi kuwa dhineka muthikepa ndani hoha katamekire kumutara umweya, ku Bethisaide, moro ruvedhe oku yene atumine mbunga kare. ⁴⁶Opa hayendire, Aye' ayendire kumarundu akaraperere. ⁴⁷Panako dhorunguro, Poro ruvedhe wato okushime pakakatji wakuyendera dhodiwate, Ene mumuthitu pithendi akakarire mo.⁴⁸Awa monine shi kuna kuwapetha thikuma thirapo, Ene mupepo wawa katadhire thikuma, Pakatji konako dhokumafo outhiku' Akeyire kwao, pakuyendera pawiru dho meyu, Ene ashanine kuwapitakana. ⁴⁹Mara opa hamumonine anakuyendera pawiru dho meyu, Haayarire shi ungwa thirumba ndani hahayukire kudira, ⁵⁰Yoyishi hamumonine ndani hakatadhiwire kuyinu. Popo wangu wangu ambire kukwao, ''Mukuore! Yame! mwayapa!''⁵¹Ashwiyre muwato nao, Ene mupepo washayekire kupunga. Hakomokire shemwa. ⁵²Mbadi hadimukire eshi nye uroto nane, Ene, mutjima dhao dhakuhoreka.⁵³Apa hareyire kengeyo rware, Hakeyire muditunga dya Genesareti ndani hana parekire wato wao. ⁵⁴Apa hashwayire muwato, Haguva hamunongononine wangu wangu, ⁵⁵Ndani hoha tjirereko haguva hongi muditunga dyodiheya ndani hatamikitre kareta hakorwi pamanaha ao oku karire Yesusi.⁵⁶Kehe mayimbo apitire, kapa maadoropa, kapa mukatji koditunga, Hakarire kutura hakorwi hao muyitanda. Hamurombire eshi hamukwate kuu hura oyitere yendi, Ene momuheya hamukwatere hakonine kupora.

¹Ha Farisi nawa kakutjanga owa hashwayire mu Yerusarema hana pongire kukwendi.⁴⁴⁶yire mu Yeriko. Apa ha shwayire mu yeriko noha kathishongero hendi ndani nombunga dhodhingi, Murume okufa meho, ahungumanine pepi nothitavura. ⁴⁷Apa hayuvire shi Yesusi omu nazareni anakumu, atangire kukuyera nokuamba shi, ''Yesusi, Mwana Davida kare nothiñeke kwange!'' ⁴⁸Hengi hashayekithire murume okufa meho, kumutongwera shi aporere. ''Mwana Davida, kare nothiñeke nange!''⁵Ha Farisi nohakamutjangi hepurire Yesusi, ''Nye hakathishongero thoye yokupira kukutha thizo thakuru wao. Mara one kudya nodidhiro ngambi mbadi hakuyowo kunyara?''⁶Mara aambire kukwao, ''Isaya aporofitire yenumwe mwaka mwipo. Dyodi yoidi vene, 'Owa haguva ne hanikutekera nomiromo mara mitjima dhao ne kayenda nange. ⁷Mbadi hana kuniraperera, muushemwa kuna kuhonga mirao dha hanu yira thothihonga.⁸Mwareya mirao dha nyambi ndani omwakutura yomuthizo thenu.'' ⁹Aambire kukwao, ''Uwa munye okukona shi muthiye murao wange kupita mutende yomuthitjo thenu. ¹⁰Mosesa aambire, 'Kuteke wiho ndani okuteke nyoko,' Ndani, 'Keheyu anakuamba yoyimango nawihe na nyina nganyi akufe.¹¹Mara kowakuamba shi, 'Ngeshi murume anakuamba na nyina na wihe, ''Kehedhi tuso unakuwana kukwange dhidi mundhira''' (oyone kuyiamba ngeno), 'Yitape kwa Nyambi'), ¹²Keho kadi mwakumutawedhera shi atendere thinu nyina ndi wihe. ¹³Kuna kuwitha diywi dya Nyambi kuthitjo thenu noyingi eyi mwatenda pamuve. Ndani yingi yimweya twakutenda.''¹⁴Hethire mbunga karo ndani aambire kukwao,'' Muterere ku kwange, Mwaheya, ndani omuyuve. ¹⁵Kadiko yopa nunda dhamuguva yokukona kumuyipitha ngeshi ana ngeni mumwendi. Oyi yakara mwamuguva ne yodiyo yokukona yipithipithe muguva. ¹⁶Owa hadi nomatwi hayuve.¹⁷Keho Yesusi apaathire mbunga ndani angenine mundhuo, Hakathishongero thendi amwipure yoku amena kudithaano. ¹⁸Yesusi aambire, ''Namwe shime mbadi muna kuyuvithitha? Mbadi muna kumona shi kehethi tha kungena mwishi no panunda mbadi wakukona thiyipithe yirama yamunu, ¹⁹Yoyishi mbadi yakuyenda kumutjima wendi, Mara koya kuyenda mudira dyendi noka shwaayera kunyima dhendi?'' Eshi moyi yiamba Jesusi ambire shi kehethi tho kungena muyirama yamunu ne thikenu.²⁰Aambire, Yiyethekera yamuguva yoyimango yodiyo yokukona yimuyipithe. ²¹Keheyu muguva, Mumutjima yakushwaya, Kuyenda noyiyedhekera yoyimango, Widhi, Kupaa, ²²Ruhonda, Kurumbera, Uva, Mbuthi, Kukumonekitha, Meho pyuu, Kuhopa, Kukuwa, Uyero. ²³Omaheya a mauyi ashwayerera mumwetu, ndani hodiyo hanakutuyipitha twakuva.''²⁴Ashwayirepo nokuyenda muditunga dimweya dya Taire ndani Sidomu. Akayendire mundhuo, mbadi ashanine shi aguva hadimuke shi kupiku adi, ngambi kengeyo mbadi akonine kukuhoreka. ²⁵Popo vene mukamadi akarire no mwana omupepo ouyi apa yuvire yoku hamena kwa Jesusi, Podiyo ayendire nokawera pamapadhi endi. ²⁶Mukamadi yone mu giriki, Amurombire kushwayitha madimona kwa mwanendi omukamadi.²⁷Aambire kukwendi, ''Mupe tango mwanuke adye. Mbadi thiwana shi yidya yamwanuke muyimwayere mbwa.'' ²⁸Mara awa tawire no kuamba kwao,'' Yii, Fumu, ngambinga mbwa mwishi dho tishi dhina dyanga yidya yohanuke.²⁹Aambire kukwendi, ''Pamurandu oyi una amba , Unashutuka kona uyende, Yimupepo yoyi mango yina shwaya kwa mwanoye omukamadi.'' ³⁰Ahukire ku ndhuo dhendi ndani hakawanine mwanuke anarara paudidi, ndani yimupepo yoyimango yamushwayire.³¹Opa ashwayire muditunga dya Tayire, ndani apitire tho ditunga dya Sidoni dho diwate dya Galia kare muditunga dya Dekapolisi. ³²Hamuretere muguva umweya okufa matwi ndani akarire noukukutu okuamba, ndani hamurombire Jesusi amukambeke nyara dhendi.³³Amushwayithire mukatji ko mbunga ko sikiriti, ashimbire munwe wendi noku utura muditwi dyendi, ndani athipire nokukwata diyuru dyendi. ³⁴Adiyamene kuwiru, Amonine, no ambire kwendi, ''Ephphatha,'' ³⁵kuyiamba ngeno, ''Yandhuruke!'' Pororo ruvedhe ayandhurukire. Thidimi thendi thathiyiweriwe, Podiyo atangire kuamba thiwana.³⁶Jesusi awatongwere eshi mbadi hakona kutongwera hamweya, Momu anakuwa shingithirera modiyo hanakuyitongora thikuma. ³⁷Hatetukire thikuma, nokuamba shi, ''Ana tendi yinu yoyiheya thiwana. Mbesi nomukakufa matwi anatendi ndani haporere kuamba.''

¹Moo mayuwa, kwakakarire nombunga dho dhingi, ene hapirire yokudya. Yesusi ethire hakathishongero thendi ndani aambire nao, ²Nidi nothiyaudhi kumbunga dhi Yoyishi hakarire nange mayuwa mahatu mara mbadiko kudya. ³Ngeshi haniwatumu kumayimbo hao mbadi hanadi, Kona hapwerere mundhira. Hamweya kayenda hatunderere.'' ⁴Ha kathishongero hamuhuthire, Kupi okukona tuwane yidya yohashako muno muma mboreya twikutithe haguva?''⁵Awepurire, ''Mangatji mauroto mudi nao?'' Haambire, ''Kwoko nomawadi.'' ⁶Atongwere mbunga dhihungumane pamuve. Ashimbire mauroto makwoko nomawadi, ndani atapire ndangi, awa tjodhawere uroto. Awa tapere hakathishongero thendi hadye hekute, Ene hadire kwikuta kare kuthiyarapo yimweya mumbunga.⁷Hakarire nothii dhothi mbiru, opa amanine kutapa matumero kukwao, Atongwere hakathishongero thendi hapake thiwana eyi yathiyarirepo yoyipu. ⁸Hadire waheya noha kutire waheya, ndani hatoratorire yipindhi eyi yathiyarire po, mavani kwoko noyiwadi. ⁹Momu harikanye ku mayovi mane haguva wapo. Ndani awatumine hayende. ¹⁰Popo wangu wangu athinine muwato na kathishongero thendi, podiyo hayendire muditunga dya Dalmanutha.¹¹Ha Farisi heyire nokumu kanyekitha, Hashanine thisupo kukwendi thokutunda kudiwiru, hamuyereke. ¹²Amonine thikuma mumupepo wendi noa ambire shi, ''Nye rurudhi oparwakushana thisupo? Ushemwa nakumutongwera, Mbadiko thisupo ethitha kona kupiwa moru ruthi.'' ¹³Awa thiyire, Nokadhina muwato karo, nokayenda kumutara umweya.¹⁴Hakathishongero thendi havuramine kuyenda noyidya yao. Mbadi hakarire nothidya temba muwato. ¹⁵Awa needhire, mukuwatongwera shi, ''Mukenge muya 'nomuya ndani omukumamere kuamana nombunga dhawa Farisi ndani nombunga dha herodesi.''¹⁶Hakathishongero thendi hakwipure hathinda,'' yoyishi mbadiko yokudya.'' ¹⁷Yesusi ayidimukire yoyiheya yi, ndani aambire kukwao, ''Yinye mwakukwipaura kuamana noyo uroto? Shime mbadi munakumona? Shime mbadi munakuyuva? Mitjima dhenu shime dhakarera ukukutu?¹⁸Mudi no meho, Mbadi munakumona? Mudi nomatwi, Mbadi muna kuyuva? Mbadi muna kuyedhekera? ¹⁹Opa natjorawere uroto mukatji kohaguva homa yovi kwoko, mangatji mavani okuyara oyi pindhi youroto eyi mwashimbire?'' Hamuhuthire eshi, '' Dikumi noyiwadi.²⁰''Opa natjorawere uroto mukatji kohaguva homayovi mane, Mangatji mavani okuyara oyi pindhi youroto eyi mwashimbire?'' Hambire kukwendi, ''kwoko noyiwadi.'' ²¹Aambire, ''Shime mbadi muna kuyuvithitha?''²²Heyire ku besayide. Haguva hamuretere murume okufa meho ndani hamurombire eshi amukwate. ²³Yesusi akwatire murume no nyara dhendi, amushwayithire mudimbo. Apa athipere mumeho hendi ndani amukambekire moko hendi papendi, A mwipure, ''Una kumona thimweya?²⁴A kengire kuwiru, ndani ambire, ''Enimona murume yira thitondo thina kunayenda. ²⁵Amukwatire karo mumeho nonyara dhendi, Murume amonine, meho hendi erukire, ndani amonine yinu yoyiheya muukenu. ²⁶Yesusi amutumine kudimbo dyendi ndani aambire eshi, ''Mbadi ukangene mudoropa.''²⁷Yesusi ashwayiremo nohakathi shongero thendi ayendire kare kumayimbo a Caesarea Philippi. Mundhira dhao pakuyenda epurire hakathishongero thendi, ''Eshi yamedye nane hanakunitoyanga haguva?'' ²⁸Oha mutawire noku aamba shi, ''Yohanesi muyowi. Hamweya hambire shi, 'Elijah,' ndani hamweya, 'Muporofita umweya.²⁹Awepurire, ''Mara yamedye mwakunitoya?'' Peturusi ambire kwendi, ''Yowe kiritusi.'' ³⁰Yesusi awatongwere shi mbadi mutongwere haguva kuamana noyitenda yange.³¹Atangire kuwa honga shi mwana murume ne akona kunyanda muyinu yoyingi, ndani nganyi akumushingithe hakuru no hakuru oha purisiteri ndani nohatjangi, ene akona kumupaa, muma yuwa mahatu. ³²Aambire o maywi koukenu. Ashimbire peturusi kumbadi nokutameka kumushaekitha.³³Mara Yesusi apirukire ndani akengire ha kathishongero thendi ndani ashingithire Peturusa no aambire shi, ''Mwiye munyima dhange, Satan! Mbadi unakutura maano pathitenda tha Nyambi, Mara payinu yawa guva.'' ³⁴Ethire mbunga ndani nohakathishongero thendi, ndani aambire kukwao, ''Keheyu anakushana anikuthe, Akushweneke yithinda, Ashimbe thifapano thendi, ndani anikuthe.³⁵Keheyu anakushana kukunga huparo wendi naambo umuthiye, Keheyu ana kufera muushemwa wange naambo akungiwe. ³⁶Uwa munye okushimbeera ditunga dyodiheya nokupetha uparo oye? ³⁷Makutjinjo munye okukona uroyithe uparao oye?³⁸Keheyu anakufa honyi kuutho wange ndani maywi hange muruhonda rwendi ndani nothivi thoruthi rwendi, mwana Fumu naakamufe honyi naye kuutho wa Wihe noha Engeli hokupongoka.

¹Aambire kukwao, ''Ushemwa nakumutongwera, kohadi hamweya wa hakupira kufa shime mbadi hana shana ufumu okuwiru wa nyambi nongcamu.'' ²Mumayuwa kwoko nothokutanga, Yesusi ashimbire peturusa na Jemusi na Yohanesi naye hayendire kudirundu dyodire, Pithao hathinda. awa tongwere ñando. ³Yitere yendi yakarire yikenu, kumoneka kuvenya, Kuvenya kupita kehethi thokuvenya muditunga.⁴Ndani Elija na Mosesi opahakumine kukwao, ene Haambaurire na yesusi. ⁵Peturusa ahuthire nokuaamba kwa Yesusi shi, ''Rabbi, Uwa shemwa kukwetu opatuneya kuno, Tutende mumvure thihatu, umweya oye, umweya Mosesi, umweya wa Elija.'' ⁶(oyu anakupira kudimuka yi anakuamba, Oyone ayongara.)⁷Mavuyi eyire ndani anawathikire. Diywi dyashwayire muma vuyi, ''Oyune yo mwanange nahaka. Mumuterere.'' ⁸Thiwana shemwa, apa hakengire muya, mbadi hamonine muguva karo mukatji kao, shimengwa Yesusi.⁹Apa haka hurumukire kumarundu, awatongwere shi mbadi hakatongore eyi hanamono shimengwa mwana nyambi anapinduka muyifa yendi. ¹⁰Podiyo hahorekire yi hayuvire, Mara hambaurire mukatji kao koukwipura eshi ngepi anapinduka'' kona kutarusa thimweya.¹¹Hamwipure, ''Yinye pashaku aamba hatjangi shi Elia atangerere kwiya?'' ¹²Aambire kukwao, ''Elija mbadi yodiye atangere kuporitha. Nye payakara shi mwana murume akona kunyanda nokuyipithiwa dina? ¹³Mara enimutongwera shi Elija ngana kumu, ene hatendire eyi ahimine yoyiheya, Thika dyodi yakarire pakutanga.''¹⁴Apa heyire kwakathishongero thendi, amonine haguva hohengi thikuma mukatjikao, ndani hakamutjangi kuna kukukananitha. ¹⁵Apa hamonine Yesusi, mbunga dhodhiheya dha tetukire Ndani oha mutjirere hakamukwate nokamumorora. ¹⁶Epurire hakathishongero, ''Yinye pa munakuku kanyekitha yo wato?''¹⁷Umweya mukatji kao kumbumga amutawire, ''Muruti, Nina reta mwanange kukoye. adi noyimupepo yoyimango eyi yakupira kumu aambitha. ¹⁸Yamuangire ndani oyamuvukumene pamuve, Ashwaya nga difudhi mukanwa nokuku kotjora nomayeo, Noku kara mukamuyoyo, Eni romba hakathishongero thoye hamushwayithe yimupepo yoyimango, mara mbadi atendire kemo.'' ¹⁹Awatawire shi? Rudhi rwadhira kutawa, Rungatji shonimutongwere? Rungatji shonimuyuve yange? Mumurete kuno kwange.''²⁰Haretire yo mungau kukwendi. Mupepo wamonine yesusi, popo wangu wangu kokushwaya mumwendi. Mungau awerere pamuve ndani nokushwaya difudhi muka nwaa kendi. ²¹Yesusi hepurire wiha mwanuke, ''Mangatji mayuwa adi nao pakumu petha yii?'' Wihe aambire ngeno, ''Kutunda pawanuke wendi. ²²Yamuvukumene mumudiro ruvedhe rumweya ndani mumeyu ndani oyamuyipithire. Ngeshi kukona utende thimweya, Tufere ñeke ndani otu amwene.''²³Yesusi aambire kwao, '''Ngeshi kukona'? Yinu yoyiheya yapira ukukutu ngeshi watawa.'' ²⁴Popo wangu wangu wiha mwanuke adirire noa ambire shi, ''Enitawa kemo! Niamwene mukupira kutawa kwange!'' ²⁵Yesusi pamonine mbunga dhakutjirera kukwao, Awa shayekithire nodhimupepo dhao dhodhi mango noa ambire, ''Una porera ndani dhimupepo dhokupira kuyuva, Eni mutongwera, mushwaye, ndani mbadi mwakungene mwao karo.''²⁶Adirire noku pwerera mungau ndani washwayire panunda. Mungau amonahare yira muguva anafu, Hengi haambire, '' Eshi anafu.'' ²⁷Mara Yesusi amukwatire nonyara dhendi ndani amuyeyure muwiru, ene mungau emanine²⁸Apa heyire Yesusi mundhuo, Hakathishongero thendi hamwipure udhindo, ''Nye pa twakupira kuyishwayitha?'' ²⁹Ha aambire kukwao, ''Eshi oyi yinu yokenge yine mbadiwa kukona kuyishwayidha shimengwa kurapera.³⁰Hashwayirepo ndani apitire dha Galalia. Mbadi ashanine shi haguva hadimuke eshi kupi adi, ³¹Ahongire hakathishongero thendi . aambire kukwao, ''Mwana munu nganyi akupiwe muma nyara omurume, ndani nganyi akumuture muyifa. Opa akuturiwa muyifa, mara nganyi akupinduke muma yuwa mahatu.'' ³²Mara mbadi ahayuvire thitambo, mara hayapire kumwipura.³³Hoheyire kukapenauma. Apa angenine mundhuo epure kwao, ''Nye mwaamba urire mundhira?'' ³⁴mara hakarire tete vene. Shime hakukanyekithire athinda mundhira yokuamana kuyiwana yoyingi. ³⁵Kukara pamuve, ethire waheya odikuminoyiwadi ndani aambire kukwao, ''Ngeshi keheyu anashana kukara oukutanga, akona kukara ouhura ndani hapika.³⁶Ashimbire mwanuke omumbiru ndani amushimbire kumutura mukatji kao. amukurekire aambire kukwao shi, ³⁷''keheyu okutambura mwanuke okengeya name ananitambura; oyu anakunitambura mbadi yame vene anakutambura ene noyu anitumine.''³⁸Yohanesi aambire, ''Muruti, twa monine umweya anakutjidha mupepo ouyi mudina dyoye ndani twamushayekithire, Yoyishi mbadi atukuthire.'' ³⁹Mara Yesusi aambire, ''Wamushayekitha, mbadiko yu akutenda yiruwana mudina dyange oku aamba yoyimango kuamena mwange.⁴⁰Kehe ana kupira ukukutu nange ne oyo wange. ⁴¹Keheyu anakukupa meyu mudina dyange oyone muhateri wa yesusi kristus, Ushwemwa nakumutongwera, mbadi akupira kuwana mauwa endi.⁴²Keheyo okuretashi ne hohambiru owahatawa mumwange eshi hahukere munyima, ñanyi kwakukare hasha kou okukuhangerera ndani nokumu mwayera mudiwate. ⁴³Ngeshi dyoko dyoye dinakuyipithera, ditete ko,. uwa kangena nodyokodyofotji muufumu wanyambi ndani nokuyenda kwa shatani, kamwayera mumudiro. ⁴⁴Ngeshi dinyara dyoye dyakuku petha dishwayitheko hasha ukare thihwere kupita shi ukare nomanyara mawadi ukangene mumudiro ororure.⁴⁵Ngeshi diuru dyoye dinakuyipithera, diteteko. uwa kungena widiwiru nodiuru dyofotji kupita kuyenda noma huru mawadi ene kapyaa mudiro. ⁴⁶Mokupira kufa divinyo dyawo karo nomokupira kudhimitha mudiro.⁴⁷Ngeshi meho oye anakuyipithera, djadjuremo dyofotji. uwa kangena muu fumu wa Nyambi nodiho dyofotji kupita kapyaa mudiro, ⁴⁸Omu yidi yiuyokatji mbadiwakufa, mudiro ne mbadimo.⁴⁹Keheyu nganyi akururupe mumudiro. ⁵⁰Mungwa ne uwa, mwara ngeshi mungwa unapiri hururu wao mbadiko kuyuva utowi? Mukare nomungwa mukatji kenu, omukare pofotji nothiñeke.

¹Yesusi apa ashwayire mumukunda noa ayendire kuditunga dya judia ndani akapitire kumikunda tho rware rwa Jodani, ndani mbunga dheyire kukwendi karo. Awa hongire karo, thikadi atwayera kutenda. ²Ha Farisi heyire kuna muyereka noha namwipure, ''kengene kwatawethiwa shi mukafumu ne kona ashwene mundawendi. ³A tawire shi, ''Yinye amutongwere Mosesi?'' ⁴Hambire shi, ''Mosesi atawedhire harume hatjange mbapira dhokuku shwena ndani no kumutuma ahuke kwao.''⁵Pamurandu omitjima dhenu dhothi kukutu yodiyo amutjangere uya murao,'' Yesusi aambire nao. ⁶Mara kumatamekero oditunga, 'Nyambi atendire murume ndani mukafumu.'⁷Pamurandi wo mukafumu nganyi mboha thiye nyina na wihe akukuwanekere pofotji na munuwendi, ⁸Hawadi wa mbadi mboha kara hawadi ene thirama thofotji. ⁹keho ne othi atura nyambi nokuthikopanera, wathiya murume umweya akupite kuutho.''¹⁰Opa hakarire mundhuo, Hakathishongero thendi hamwipure karo yokuhamena koyi. ¹¹Aambire kukwao, ''Keheyu okushwena munu wendi no kuyeka mukamadi wayenaye anareyi murao. ¹²Ngeshi ana thiyi munu wendi nokuyeka umweya mukafumu, anareyi murao.''¹³Hamuretere hanao hoha mbiru podiyo shi awakwate, mara hakathishongero ha wemekire. ¹⁴Mara Yesusi apa ayidimukire, akuyuvire umango shemwa no awa tongwere shi, ''Mutawethere hanuke ohambiru heye kukwange, Mbadi uwa tende umango, Ufumu wa nyambi wahaka yira haguva hokukara kemo.¹⁵Ushemwa nakumutongwera, kehe yuno yu akupira kutambura ufumu wa Nyambi yira mwanuke mbadi aku ungena.'' ¹⁶Ashimbire hanuke mumoko endi nokuwa fiyera thika diaturire manyara endi papao.¹⁷Opa atamekire ruyendo rwendi, murume umweya amutjirere ndani amutongamene oepurire, ''Muruti omuwa, yinye nakutenda shi niyore uparo ororuhe?'' ¹⁸Yesusi aambire, ''Nye pa wakunitoya uwa? Mbadiko omuwa shimengwa nyambi pithendi. ¹⁹Mwadimuka murao; 'Mbadi upaye, Wahondapa, Wedha, Watongora yombuthi, Wanyatha umweya, Kuteke Wiho na Nyoko.''²⁰Murume aambire, ''Muruti, Yoyiheya yi natawa kutunda paungau wange,'' ²¹Yesusi amukengire ndani amuhakire. Aambire kukwendi, ''Thinu thofotji thothikukutu, Urithe yinu yoyiheya udi nayo ndani oyipe hahepwe, ene nganyi wakawane mauwa oye mudiwiru. Wiye, nikuthe,'' ²²Mara pamurandu oyiaamba ya Yesusi amonahare kutokota ndani ayendire nothitukutjima, Yoyishi akarire no ushwi.²³Yesusi akengure nokuamba kwaka thishongero thendi, ''Ukukutu shemwa shi mutungi angene mumbara dha Nyambi!'' ²⁴Hakathishongero hendi hatetukire koo mwaywi. Mara Yesusi aambire kwao, ''Hanuke, kana ukukutu kungena mumbara dha Nyambi! ²⁵Kana uredhu ngameno angene mudiho dyothonga kupitashi mutungi angene mumbara dha Nyambi.''²⁶Hatetukire nokuamba mwao hathinda, ''Ndani dye akuparithiwa? '' ²⁷Yesusi awakengire ndani aambire, ''kwa wa guvane mbadiwa kuyikumithamo, Mara mbadi na Nyambi. ²⁸Peturusa atamekire kuamba nendi, ''Mone, twathiya yoyihe nokuku kutherera.''²⁹Yesusi aambire, '' Ushemwa nakumutongwera, kadiko okukona athiye ndhuo dhendi endi hakurwendi noha ndumbudhendi ndani wihe na nyina no hanendi ndani muve pamurandu wange nomaywi a Nyambi, ³⁰oyu mbwapira kutambura mafere kowingi muditunga; Ma ndhuo noha kurwa ndani noha ndumbudhenu noha nyokwenu nohanenu no muve wenu, no manyando enu, uparo ororuhe. ³¹Mara wingi owa hadipautho nganyi hakuhurere, ndani haka munyima omboha kara kuutho.''³²Mundhira hakarire kuyenda ku Yerusarema, Yesusi akarire kuutho dhao. Hakathishongero thendi hatetukire, nowa hamukuthire munyima hayapire. Yesusi ashimbire wa hodikuminoyiwadi Kumbadi ndani atamekire kuwatongwera eyi yakuhokoka kukwendi. ³³''Mumone, kotwa kuyenda kare mu Yerusarema, mwana munu akupiwe kwa Purisiteri hashokuru noha tjangi. Hakumunyandeke kate kuyifa no kumutapa kwa wanu. ³⁴Hakumushwahure, kumuthipera, kumumwashura, nokumu paa. Mara mumayuwa mahatu ngakupinduke.''³⁵Jemusi na Yohanesi, mwana Zevedia, wiye kukwendi ana aambire, ''Muruti, tunashana ututendere yoyiheya yituna kukuromba.'' ³⁶Awatawire, ''Nye munashana eyi shonimutendere?'' ³⁷Haambire, ''Tutawedhe kukara noye muthishe thoye, ofotji kudyoko dyoye dyorudyo ndani hamweya kodyorumoho.''³⁸Mara Yesusi awatawire shi, Muna dimuka eyi muna kuromba. kukona munwene mukopi yunakunwa ndi kupita mudiyoero di nakuyoyiwa?'' Haambire kukwendi, ''Ngatukone.'' ³⁹Haambire kukwendi, ''Kopi yu shoninwene, ngamunwe, ndani nodiyoero edi nayoyiwire, namwe mwakona kupwa kuyoyiwa. ⁴⁰Mara okukara kurudyo rwange ndani kurumoho rwange mbadi apwakupiwa kwange. Mbadi yame okuyitapa ene yapwa kutorora.⁴¹Opa hayuvire hakathishongero hendi yokuamana koyi, Oha tamekire kupata na Jemusi ndani Yohanesi. ⁴²Yesusi awethire yithinda noaambire, ''Mwadimuka wa hanakumonahara shi hayendithi hawanu, kuwapitakana nawakadikuto kuna kuneedha ngcamu dhao papao.⁴³Mara mbadi yakukara kemo kukwenu, Oyu anakushana akare mukuru shimengwa akwate mutjima wendi, ⁴⁴Noyu anakushana akare okutanga akona akare thingamba. ⁴⁵Mwana munu ne mbadi heya kuna muruwananena, mara kumuruwanena, nokutapa uparo wendi shi hafutere hanu waheya.''⁴⁶Heyire mu Yeriko. Apa ha shwayire mu yeriko noha kathishongero hendi ndani nombunga dhodhingi, Murume okufa meho, ahungumanine pepi nothitavura. ⁴⁷Apa hayuvire shi Yesusi omu nazareni anakumu, atangire kukuyera nokuamba shi, ''Yesusi, Mwana Davida kare nothiñeke kwange!'' ⁴⁸Hengi hashayekithire murume okufa meho, kumutongwera shi aporere. ''Mwana Davida, kare nothiñeke nange!''⁴⁹Yesusi emekire ndani awatongwere ye shi akona kwithiwa. Ohethire murume okufa meho, pakuamba shi, ''Wayapa! Pinduke! Kuna kukwitha.''⁵⁰Amwayire nguo wendi, emanine, ndani akeyire kwa Yesusi.⁵¹Yesusi awatawire shi, ''yinye munakushana nimutendere ?'' Murume okufa meho aambire shi, ''Rabbi, Ninashana kumona.'' ⁵²Ndani Yesusi aambire kukwendi, ''Yende. Matawero oye anakuporitha.'' Popo wangu wangu amonine, ndani awa kuthire mundhira.

¹Opahakeyire mu Yerusarema, pepi hakarire nomu kunda Bethphage na bethani pa dirundu dya Olivi, Yesusi atumine hawadi pakathishongero thendi, nona ²ambire kwao, ''muyende muma yimbo opepi netu. Opa shomuka ngene, nganyi muka wane thidongi haana ethi hathira kuthina, Muthishimbe ndani omuthirete kukwange. ³Ngeshi kwaadi yu sha aambe nenu, Nye muna kuyitendera kemo? muaambeshi, 'Fumu anakuthi shana ndani ñanyi athi tume thihuke karo.⁴Hashwayirepo ndani hakawanine thidongi ana thiaanga pathero dho pa nunda mumayimbo, hathishutununine. ⁵hamweya hemanine popo noha ambire shi, ''Yinye muna kutenda?'' ⁶Awa tongwere dyodi awarayere Yesusi, Ene haguva awathiyire nokayenda.⁷Aretire thidongi kwa yesusi ndani hoha mwayere po yivata yaho, ahungumanine pamoongo watho, ⁸wingi waguva hamwayire yitere yao mukwakwa, Ndani hamweya hamwayire muthitavura mite dhoyitondo eyi haka tjorire kumapya ao. ⁹Owa hakutangedhire kuyenda ndani wa hakuthire hatendire muyoyo, ''Hosanna! Dhikare thiyauthi koyu akayeya mudina dya fumu nyambi. ¹⁰Dhikare thiyauthi dhou fumu wa tate Davida! Hosanna muukuru wendi.¹¹Yesusi angenine mu Yerusarema ndani akangenine mungirishe kakenga muya nomuya kuyinu yoyiheya. Dhakupitire nako, Ayendire ku bethani noha guva hendi hokwoko nohawadi. ¹²Diyuwa dyokuva ko pahayendire ashwayerere mubethani, Afire ndhara.¹³Kwamonine koka yenda thitondo tho feiga nomahako atho, Ayendire akakengeko pamwe nganyi akawane ko mbuyo, kadiko yi akawanine ko shimengwa mahako vene, Eshine mbadi mwaka okwima mbuyo. ¹⁴ambire kukwatho, ''kadiko yu akudya mbuyo kuthitondo thi,'' ndani haka thishongero hendi ayiyuvire.¹⁵Hakeyire ku Yerusarema, ndani akangenine mutempeli aka tamekire kashwayitha haurithi, hauri, momo mutempeli. Apirure matishi hoha kakutjinja masherenyi noka hunguma na po haurithire maputukuwa. ¹⁶Kadi atawedhire keheyu shi ashimbemo yinu mutempeli endi thokauritha.¹⁷Awahongire noa ambire shi, ''Mbadiyidi kemo, 'Ndhuo dhange ñadha kwithiwe ndhuo kurapera matunga omaheya'? Mara mwathi tendere dho kwidha hedhi.''¹⁸Hapiterithi hohakuru nokahamutjangi apa hayuvire yii, Oha shanaurire ndhira dhokumu pyaa.¹⁹Hamuyapire nombunga dhothi heya²⁰Oku wo pakuyenda mathikuthiku, hamonine thitondo thoghukuyu thina kukuta no midhi dhatho. ²¹Petrusi kokuvuruka nokughamba eshi,''Muhongi,kenge! Thitondo thoghukuyu thiya wakutire ne thina kukutera.''²²Jesusi kokuhutha kukwagho eshi,''Mukare nomatawero mwaNyambi. ²³Ghushemwa nakumutongwera eshi ngeshi keheyuno ghaghambe kodi dirundu,'wimane noghukuvukumene mudikuruviya,'no ngeshi mbadi ghana kutamangera mumutjima wendi ene nomatawero eshi yi ghanakughamba nanyi yihokoke, eyi yogha kutenda Nyambi.²⁴²⁶Podiyo nakughamba kukwenu: Kukehe yinu muna kurapereritha nokwipura, tawe eshi mboghunayiwana no mboyinakara yoye. ²⁵Pakwimana nokuraperera, wakona kuthigherera keheyino wakuharwera nakeheyuno, podiyo eshi wiho ghomudiwiru ghakuthigherere naye maharwero ghoye.''²⁷Gheghire kuJerusalema karo. Oku Jesus pakuyenda mutembeli,haruti hashokuru,hakamarukwaro,no hakuru heghire kukwendi. ²⁸Haghambire kukwendi,''Pangcamu munye ghuna yirughanena yinu yi. no dye ghakupa matawedhero ghuyirughane yinu yi?''²⁹Jesusi ghaghambire kukwagho eshi,''Nakumwipura dipwero dyofotji. Munitongwere no nanyi nimutongwere eshi pangcamu munye nayitendanga yinu yi. ³⁰Diyoghero dyaJohanesi ne kwashwaghere kuwiru ndi endi kwawanu? Munihuthere.''³¹Hakuyongire mukatjikawo nokukukanana no kughamba eshi,''Ngeshi tughambe,'kudiwiru, nanyi ghaghambe,''Nyekeho twapirire kumutawa?' ³²Ene ngeshi tughambe,'Kwa wanu,'....'' Hayapire hanu,no kehe yuno ghadimukire eshi Johanesi ne muporofita. ³³Podiyo ghahuthere Jesusi no kughaba eshi,''Mbadi shoni mutongwere eshi pangcamu munye nayitenderanga yinu yi.''

¹Jesusi ghatangire kuwahonga nomataghadhi. Ghaningire eshi,''Katughuru ghatendire thinnyamo tho vinyu,ghaturireko ruthito,ghathimine dikwina dyo kutendera vinyu, ghatendire mishoke ghokukungera noghathitapire kwahandjimi kokuyenda kwendi muruyendo. ²Apa rwakuminepo ruvedhe ghatumine mupika kwahandjimi gakashimbeko mbuyo dhimwe mu thinyamo. ³Ene hakamushimbire, kamupuma,nokamituma ghahuke nyara-nyara.⁴Ghatumine karo mupika ghumweya, oyu ne hakamuremekire mumutwi nokamufitha honyi. ⁵Kokutuma shimwe ghumwe, oyu ne hakamupayire. Nohohengi hakatendire kemo,kupuma no kupagha hamweya.⁶Ghakarire noghumwe ghokutumako,mwanendi ghomhakwa. Yo ghoghuhura kutumako. Ghaningire eshi,''Hanakakufumaneka ghomwanange.'' ⁷Ene handjimi hakuyuvire mumwagho hathinda eshi,''Oyu ne yomupingi. Mwiye,tumupaghe,no ghupingwa wendi ghukare wetu.'⁸Hakwatire,kokumupagha,nokumuvukuma ghashwayemo muthinyamo. ⁹Ngepi keho, nye shoghatendeko thinda shathinyamo? Ghana kwiya nokuna hanyaghurapo handjimi nokuthitapa thinyamo kwahamwe.¹⁰Mbadi mwatoya matjangwa ndi? 'Diwe di hanyathire hombi haditenda dikare diwe dyo mudishonga. ¹¹Oyi ne kwaFumu yatunda, noya rogha mumeho ghetu.''' ¹²Munyima hapiterithi wawayuda hashanine ndhira hakwate Jesusi yoyishi hatjwathanine eshi ghana ghamba mataghadhi kukwagho, ene hayapire mbunga. Hamuthiyire ghakayende.¹³Hatumine hamwe hafarasayi nohanyathi hakamukwate kumanando ghendi. ¹⁴Opa heyire,haghambire kukwendi eshi,''Muhongi twadimuka eshi kadiwakukudhekera kuyithinganyekera kuyithinganyeka yokehe yuno, nombadiko mandorwera kwawanu. Owe kuhonga ghushemwa ndhira dhaNyambi. Yahungama eshi kutapa diketo kwafumu ndi? Tutape endi twatapa?'' ¹⁵Ene Jesusi ghadimukire difurumekero dyagho no ghaghambire eshi,''Pashanye muna kuniyerekera? Murete dinyinga nanikengepo.''¹⁶Haretire dinyinga kwaJesusi. Ghawa ningire esh,''Thishwi thadye hafaneka popa?'' Hahuthire eshi,''Thafumu.'' ¹⁷Jesusi ghaghambire eshi,''Mutape kwafumu yoyi yaroghera kwafumu, no ngambi muyi tape kwaNyambi.'' Hatetukire.¹⁹Hayuda, awo haghambire eshi kadiko muvumbukero,heyire kukwendi. Hamwipure ghuninga eshi, ¹⁸''Muhongi, Mosesi ghatutjangere eshi,'Ngeshi minoye gho katughuru gha fu kokuthiya mbuyama wendi oku kadi hawanako mwana, katughuru ghakona kushimba muna minendi,no kukuritha mbuto dhaminendi.'²⁰Pakarire hatutughuru kwoko nohawadi;ghokutanga ghatumbure mbuyama,nogha fire, no mbuto temba ghthiya. ²¹Karo ghokurandako ghamushimbire nokufa kadi ghathighirepo mbuto, noghoghuhatu naye thikadyo. ²²Paghuhura, mbuyama naye ghafire. ²³Kumuvumbukero,ghopa mbohavumbuka, wadye mboghakara yu mukamadi? Waheya wa kwoko nohawadi hakarire nendi eshi munuwagho.''²⁴Jesusi ghaghambire eshi,''Othi mbadi thothitambo muna kwirera, yoyishi mbadi mwatjwathana thiparatjangwa ndi ngcamu dhaNyambi? ²⁵Pamuvumbukero munu mwawafu mbadiko karo kuyeka ndi ghengene muyikuyeka, ene wahe kupitura haEngeli homudiwiru.²⁶Ene kwawafu awa mbohavumbuka, mbadi mwatoya mumbapira dhaMosesi,kukutha kumarawero ghopathipumbu, Nyambi ghamuningire eshi,''Yame nyambi waAbraham noNyambi waIsaka noNyambi waJakopu?' ²⁷Aye mbadi Nyambi wawafu , ene nyambi wahayumi,mwakwira thikuma.''²⁸Ghumwe ghopakamarukwaro gheyire noghanayuvire yikuhonga yawo. Ghamonine eshi Jesusi ghana hutha thiwana. Ghamwipurire eshi,''Muragho munye ghomudyo kupitakana dhimweya?'' ²⁹Jesusi ghahuthire eshi''Ghomudyo pone ghuno,'Muyuve mwakaIsrael,Fumu Nyambi weti,fumu ne ghofotji. ³⁰Hake fumu Nyambi ghoye nomutjima ghoye ghoghuhe,no mudhimu ghoye ghoghuhe,nomaghano ghoye ghomahe,nomangcamu ghoye ghomahe.' ³¹Muragho ghoghuwadi ne ghuno,'Hake muyendhoye thika kenge di wakuhaka ghothinda.' Mbadiko karo muragho ghokupitakana dhi.''³²Mukamarukwaro ghaghambire eshi,''Ghuhunga, Muhongi! Ghuna ghamba ghushemwa eshi Nyambi ne yofotji,nombadiko karo ghumwe kutundithako ye. ³³Mukumuhaka nomutjima ghoghuhe,noyitjwathana yoyihe,nomangcamu ghomahe,nokuhaka muyendhoye thikaghothinda yapiterera yitapa yo muyambo gho kukonera no ndupu.'' ³⁴Apa ghayimonine Jesusi eshi ghanahutha dihuthero dyoghunyanyami ghaghambire kwendi eshi,''Mbadi ghudi ghufumu wanyambi kayenda.'' Munyima dhopombadiko karo yu ghatjimapire kwipura Jesusi kehe ghano mepwero.³⁷Oku shime ghahongo Jesusi mudyango dyo ngirishe ghaningire eshi,''Pashanye haghambera haka marukwaro eshi Kristus mwaknaDavid?'' ³⁶David thinda ghamutoyire eshi ³⁵Fumu,' Ngepi shakare Kristus mwanaDavid?'' Mbunga dhodhikuru dhashambererire apa hamuyuvire.³⁸Muyihonga yendi Jesusi ghaghambire eshi,''Mutakamithe hakamarukwaro owa hayenganga mumapurpure nokuwa morora mumango ghomaghurithero, ³⁹nohakara noyipura yomudyo mumasinagoge nokudyango dyofumwa kumukandi. ⁴⁰Nokaro kukwingenena mumayuwo ghawa didhi,no kuraperera mandapero ghamare podiyo eshi hanu hawamone. Hanu wa mbohanawana ndhango dhodhikuru.''⁴¹Munyima dhapo Jesusi ghahungumanine kumbadi dhothimbangu thomuyambo mudyango dyongirishe. Aye pakukengera hanu oku hana kutura manyinga pathikote thomuyambo. Thingi thawatungi haturirepo manyinga ghomengi. ⁴²Munyima dhopo mudidhi ghomuhepwe gheyire noghaturirepo ghupu ghokurikanya padipeni.⁴³Aye ghethire haksthishongero wendi noghawatongwerire eshi,''Ghushemwa nakumutongwera mudidhi yu ghanatapa kupiterera waheya awa hananatura muthimbangu thomuyambo. ⁴⁴Kwawaheya awa hanana tapa hanatapa kukutha dihayiwana. Ene mudidhi yu, kukutha mughuhepwe wendi,ayene ghana tapa masherenyi ghendi ghomahe gho kukona eshi ngoghaparithe.''

¹Mukushwagha kwendi Jesusi mungirishe, ghofotji ghopa wakathishongero wendi kokughamba kukwendi eshi,''Kenge kumawe nomuwo ghomawa!'' ²Kokuhutha kwendi eshi,''Yoyi mumona kumayuwo ghomakuru ndi?'' Mbadiko diwe edi dyakuthighara pamuyendhadyo edi dyakupira kupwa kwitha.''³Apa ghahungumanine padirundu dyaOliva kumbadi dhongirishe,Petrusi, Jakobusi, Johanesi naAndriasi hamwipurire mughudhindo ,'' ⁴Tutongwere eshi ruvedhe munye yakuhokoka yinu yi?'' Yidimukitho munye yakukarapo apa yakuninga eshi tamba yihokoke?''⁵Jesusi ghatangire kuwatongwera eshi,'' Murawe podiyo eshi noyofotji temba shogha mupemukithe.'' ⁶Hengi mboheya mudina dyange, nokughamba eshi,''Yame ye,no mbohana pemukitha hohengi.''⁷Opa mwakuyuva yita,no mambudhi ghoyita,mwakudhekera; yinu yi yakona kuhokoka,ene mbadi ghoghuhura shime. ⁸Mako mboghakwimanganyena nomako ghamweya noghufumu nagho mboghuna kwimanganyena noghufumu ghumweya. Makineno ghomuve mboghunakara kumako ghoghengi,noyinyanda. Ghaghane gho matangero gho tjitju dhomushamurukero.⁹''Murawe! Mbohana mutapa kundhango, nakumu mwashwera mu masinagoge no mbohana mutwarawa mangughuru nomafumu, mudina dyange, mboghuna kakara ghothishupo kukwagho. ¹⁰Ene mbudhi dhaNyanbi dhakona kupwa kuyuvitha kumako ghomaheya.¹¹Ngeshi hanakukwata,nokukutapa,wakudhekera eyi shokaghambe, yoyishi muviri dhiya eyi mbokaghamba mboghanayikupa; mupepo ghokupongoka. ¹²Mukurwa munu mboghana tapa minendi kuyifa, nowihamunu ne mwana. Hana mbohanemanganyena hawihawo nohanyokwagho, eyi yaretedherirepo eshi hawapagha. ¹³Hengi mbana munyengi mudina dyange. Ene oyu mboghadhidhimeka kate paghuhura,mboghana pu kughamwena.¹⁴''Apa mbomumona maghukukutu gho mahanyaghukero eshi ghaneya kudyango di ghadhira kuhokokera,'' ¹⁵muthiye ghowa hadi muJudea hatjirere mumarundu, ¹⁶mwatopera oyu ghadi pamutuya ghaghurumukere mundhugho no mbadi ghakona kuhuka mundhugho nokushimbamo kehethino, noyu ghadi mudipya mbadi ghakona kuhuka ghakashimbe yivata yendi.¹⁷Ene ghukukutu keho kwawambuyama awa hadi mughuremu,nowahakukara notumbututu mumayuwa gha. ¹⁸Murapere eshi,yambahokoka pakufu. ¹⁹Mbo ghana kara mayuwa gho makuthakuthero ghomakuru gho ghadhira kukarako kutunda pamatangero, opa ghavarekire Nyambi kaye,kate popano nombadi mboyihokoka karo. ²⁰Ngeshi mbadi ghakufufupitha mayuwa,mbadiko thipo end thirama ethi thakuthiyarapo.²¹Ngeshi haghamba ghumweya eshi,''Mumone Kristusi yu!'ngambi eshi:Oya kuya! Mwayitawa. ²²Yoyishi mbopana kara haKristusi hombango nohaporofeta hombango. ²³Mukoneke! Namana kuyimutongwera yoyiheya yi kughutho ghoruvedhe.²⁴Ene munyima dhomakuthakuthero ghomayuwa ghaya diyuwa dina kukara kumakokore nokaghonda mbadi mbakatapa mwedhi. ²⁵Nungwedhi mbodhinaghu kuwiru nomangcamu ghomudiwiru mboghanashekesha. ²⁶Munyima mbanamono mwanamunu, ghana kwiya mumavuyi nongcamu dhodhikuru nofumwa. ²⁷Munyima mboghanatumu haEngeli wendi nokukongawedha awa hapwa kutorora, kutundakuthiyegheka muto,ghuhura ghokaye endi ghuhura ghodiwiru.²⁸Mukuhongere mudidhidhimbi dyoghukuyu. Kenge vene ghunakukura mute, nokshwaghitha mute,nokushwaghitha mahako,ghoghuna dimuka eshi diyenya pepi didi. ²⁹Kemo dyo mboghadimuka eshi opa mboyihokoka yinu yi,eshi pepi ghadi pathero.³⁰Shemwa nakumutongwera, hanahoka wanomba kupiterera kuyinu badi yina hokoka. ³¹Diwiru nomuve mboyinahuru, ene manando ghange mbadi mboghapwa. ³²Ene yokuhatera diyuwa di endi viri,noghofotji temba ghayidimuka shimenga tate.³³''Murawe! Yoyishi mbadi muna dimuka ruvedhe, no nakomuye mboyikara yi. ³⁴Yakara yira kwamunu gho muruyendo ghoyu ghanathiyi ndhugho dhendi kwawapikendi, kehe yu nothirughana thendi, nokurawera mukungi ghakare ghana rawa.³⁵Mukukunge mwathinda, yoyishi mbadi muna dimuka ruvedhe oru mbogheya thinda shandhugho;kukona gheye runguro,pakatji koghuthiku,murughura ngambi pamathikuthiku. ³⁶Ngeshi ghakutjavukera, mwaninga eshi namuwane muna rara. ³⁷Eyi nakughamba kukwenu kuna kuyighamba kwakeheyuno: Murawe!''

¹Yakarire keho eshi mayuwa mawadi kughutho ghaPaska nomukandi ghoghuroto ghothuthunyunyi. Hapristeri shokuru nohakamarukwaro ngahanomenanga ruvedhe roruwa oru hakumukwata Jesusi no kumupagha. ²Awo haghambangire eshi,''Mbadi paruvedhe romukandi,yoyishi mbadi hashanine kuretapo ndjoronganyi mukatji kawanu.³Oku shime ghakarere Jesusi muBethani mudighumbo dyaSimoni ghomukayinondwe,oku shime ha hungumanena kutishi,peyire mbuyama nodikende dyendi dyomaghadhi ghondhiro. Ghawithire dikende di no kutera maghadhi kumutwi wendi. ⁴Ene pakarire hamwe awa hapatire. Nohavungutire mumwagho eshi,''Thitambo munye tho kupethera kenge?'' ⁵Oyo sende ne ngokuna kamughuritha nomadenarii ghokupitakana pamathere mahatu nokughatapa kwawahepwe.'' Munyima hamupiraghukithire kemo.⁶Ene Jesusi ghaghambire eshi,''Mumuthiye,yinye muna kumushedhawera? Aye ghana rughana thinu thomudyo kukwange. ⁷Amwe mwakara kare nawahepwe henu, no nge muna shana kukona muwarughanene ghuwa, ene mbadi mwakukarera nange. ⁸Ghana rughana eyi ghana kono. aye ghana wethera yirama yange kumahoreko. ⁹Ghushemwa nakumutongwera, kehe ku hakayuvitha mbudhi dhi muditunga dyodihe, eyi ghana rughana yu mbuyama ne mbohanakayighamba mumavurukero ghendi.''¹⁰Munyima Judas Iscariot, ghumwe ghowa dikumi nohawadi ghayendire kwawapristerishokuru eshi ghakamuhete Jesusi. ¹¹Apa hayiyuvire hapristeri hashokuru, haghamberire nohamukurupethire eshi mbohana mupa manyinga. Ghashanine kushana kambenene ghakumughurithe.¹²Mudiyuwa dyokutanga dyo ghuroto ghathuthunyunyi, apa hatendire muyambo gho ndjwi paPaska, hakathishongero wendi hamutongwerire eshi,''Kupi wakushana tuyende tukarongathane podiyo ghudye nowe murarero ghoPaska?'' ¹³Ghatumine hakathishongero wendi hawadi nokuwatongwera eshi,''Muyende mumbara,nanyi ghukawane katughuru oyu ghadi nokandimbe komeyu. Mukamukuthe. ¹⁴Apa shoghakengene mundhugho,mukamukuthe nomukaghambe nathinda shandhugho eshi,'Muhongi ghana ghamba eshi,''Kupi dhidi ndhugho dhawagenda omushonikadyere Paska nawakathishongero wange?'''¹⁵Nanyi ghaka amuneghedhe ndhugho dhokuwiru edhi dhina pu kuyenga thiwana. Mukaturoyithere yoyiheya koko.'' ¹⁶Hakathishongero hashwayire nohayendire kumbara. Hakawanine yoyiheya thikadi ghayiwatongwere,nohakaroyithire yidya yoPaska.¹⁷Parunguro, ghakeyire nawadikumi mohawadi. ¹⁸Apa hahungumanine kutishi hadye, Jesusi ghaghambire eshi,'' Ghushemwa nakumutongwera, ghumwe ghopapenu oyu ghana kudya nange nanyi ghani hete.'' ¹⁹Wahe haguvire, noyofotji yofotji ghambire nendi eshi,''Ghushemwa mbadi yame?''²⁰Jesusi ghawahuthire ghuninga eshi,''Ghofotji ghopapenu,oyu ghana kudova nange ghuroto papurayiti. ²¹Yoyishi mwana munu mboghana yendi thikadi hayitjanga. Ene dihudhi thikuma kwakatughuru yu ghana kuheta mwana munu. Ngo hasha vene eshi mbadi hamwereka.''²²Apa hadire,Jesusi ghatumburire ghuroto, ghaghu andadheke no kughugonyona. Ghaghuwapire nokughamba eshi,''Mushimbe. Eyi ne yirama yange.'' ²³Ghashimbire kopi,noghatapire matumero,no gha ghuwapire, nowahe hanwine mo. ²⁴Ghawatongwere eshi,''Agha ne manyinga ghange ghothithithatero manyinga agha ghayarekera nawengi. ²⁵Ghushemwa nakumutongwera, mbadi shoni nwe karo mukopi gho mbuyo dhovinyu.,kare modiya diyuwa apa mboni kamunwa mughufumu waNyambi ghoghupya.''²⁶Apa hamanine kwimba dimbo, hayendire kudirundu dyondhwe. ²⁷Jesusi ghawatongwere eshi,''Mwahe mbo muna ghu,thikadi hayitjanga,'mbonahomokera mudidhi no ndjwi dhodhihe mbodhina kuharanganya.'²⁸Apa na kavumbuka, nanyi mbo niyende kughutho wenu muGalileya.'' ²⁹Petrusi ghamuhuthire eshi,''Ngambi ngohakuwe wahe, ame ne mbadi na kuwa.''³⁰Jesusi ghamuhuthire eshi,''Ghushemwa nakukutongwera,dyarero,ghoghuthiku kughutho ghokwiya ngondovoro ruwadi,ghuna kuni hamura paruhatu.'' ³¹Ene Petrusi gha ghambire eshi,''Ngeshi ni fe noye,mbadi shonikone kukuhamura.'' Wahe hatapire mukurupero ghokemo.³²Heyire kudyango edi hatoyire eshiGesthsemane, no Jesusi ghaghambire eshi,''Muhungumane tango popa tango niyende ni karaperere.'' ³³Ghashimbire Petrus,Jacobus,naJohanesi no ghatangire kukudhekera noghandundumene thikuma. ³⁴Ghaghambire kukwagho eshi,''Mudhimuwange ne ghuna tokokota thikuma kushana kufa. Muthiyare popano nomukengerere.''³⁵Ghahenyine kughutho kamanana, Jesusi kokukuvaama pamuve nogharapererire eshi ngeshi kukona edhi viri kukona dhimukeruke . ³⁶Ghaghambire eshi,''Tate wange tate wange yinu yoyiheya yiredhu kukoye. Shwaghithe thinwithi thino kukwange. Mbadi pamahimeno ghange ene ghoye.''³⁷Ghakahukire nokuna wawana hana rara,no kughamba kwaPetrus eshi,''Ghuna rara ndi? Mbadi wakukona we kukenga muviri dhofotji? ³⁸Kenge no raperere podigho shi mbadi wingene mumayerekero. Mupepo ne ghuna shana ene nyama ne dhina kasha. ³⁹Ghashwaghirepo karo noghayendire karo ghakaraperere,gharughanithire manando ghofotji.⁴⁰Apa ghakhukire karo, ghana wawanine karo hana rara, no meho ghawo ne shime muturo. Mbadi hadimukire eshi ngonye shohakone kughamba kukwendi. ⁴¹Ghakahukire karo roghuhatu no kuna ghamba kukwagho eshi,''Shime mwararera no kuturumtha ndi? Keho! Nako ne dhineya. Mukenge! Mwana munu ne ghana pu kutapa mumoko ghawa yiharuri. ⁴²Mwimane;Tuyende. Mumone, mukakuheta ne pepi ghadi.''⁴³Oku shime kuna kughamba, Judasi, ghumweya ghopowa dikumi nohawadi,ghana kumine,mbunga dhodhingi dhakarire nendi nomamende nomamburo,kutangerera kwawaruti hashokuru, hakamarukwaro no mayami. ⁴⁴Mutapi wendi kokutapa thidimukitho, ghughamba eshi,''Oyu shonincumite ne yodiye. Mumukwate no mumutware.'' ⁴⁵Apa ghana kumine Judasi, popo kokuhenya kwaJesusi no kughamba eshi,''Muhongi,'' pogha muncumitire. ⁴⁶Hakambekire moko ghawo no kumukwata.⁴⁷Ghumwe ghopapagho ghapweyure thimende thendi no ghavorire mupika wamupristeri shokuru nokuteta ditwi dyendi. ⁴⁸Jesusi ghawatongwere eshi,''Muna niyera yira noshondoro noyimende nomiramo mukuna ni kwata? ⁴⁹Oku nenu nakarire kehe nadiyuwa no nganihonganga mutembeli, ene mbadi mwani kwatire. Ene yi yina pu kutenda podigho shi matjangwa ne gha kumenenemo.'' ⁵⁰Wahe wa hakarire naJesusi hamuthiyire no hatjirire.⁵¹Mutjaha ghumwe,oyu ghakudhingire dirwakani ghakuthire Jesusi. Apa hatutughuru hamukwatire ⁵²hathighire dirwakani nogha tjirire muherehere.⁵³Hapiterithire Jesusi kwamupristeri shokuru. Hapongire waheya nohapristeri shokuru,mayami nawakamarukwaro. ⁵⁴Petrus ghawa kuthire muthinema, kayenda nodirapa dyamupristeri shokuru. Ghahungumanine mukatji kawakungi,awa hakarire pepi nomudirohana kuyota.⁵⁵Popo hapristeri hashokuru nondhango dhawaJuda hashanine ghushupi waJesusi hakamupaghe. Ene kadi hawanine keheghuno. ⁵⁶Hengi haretire ghushupi gho mbudhi ghokukwendi,ene maghushupi ghagho kadi ghakuwire.⁵⁷Hamwe hemanine nokureta ghushupi ghombudhi kukwendi;nohaghambire, ⁵⁸'Twa muyuva ghakughamba,'Ame nanyi niyungure tembeli dhi hatenda nonyara ,nomumayuwa mahatu mbona tendi tembeli dhokupira kutenda nonyara.''' ⁵⁹Ene ngambi kemo ghushupi nagho kadi wakuwire.⁶⁰Mupristeri shokuru ghemanine noghepurire, Jesusi eshi,''Kadi ghudi nodihuthero? Nyeyi hanakushupa waharume yokukoye?' ⁶¹Ene ghaporere no kadiko yighamuhuthire. Ndani mupristeri shokuru ghamwipure noghaghambire eshi,''Yowe Kristus, mwana mupongoki?'' ⁶²Jesusi ghaghambire eshi,''Yame;Ndani nanyi wakumone mwana munu apa ghakuhungumana kudyoko dyorudyo dyo ngcamu no nanyi ghakwiye nomavuyi ghodiwiru.''⁶³Mupristeri shokuru ghadjadjaghure dirwakani dyendi noghaghambire eshi,''Tuna nyanda shime hashupi ndi? ⁶⁴Muna yuvu dishamu dyendi. Nye muna tokora?'' Wahe hamundhanyine yira munu yu yina roghera yifa. ⁶⁵Hamwe hatangire kumuthipera no kufika rupara rwendi nokumumwashura nokumutongwera ,''Pumbe!'' Hamaporitha hamushimbire nokumupumura.⁶⁶Oku Petrusi yene pamuve mudirapa,mupika ghomukamadi wamupristeri shokuru gheyire kukwendi. ⁶⁷Ghamonine Petrus ghana kukughenyeka, nogha mukengurure pepi nendi noghaghambire eshi,''Yowe ghumwe naJesusi ghomukaNazareti.'' ⁶⁸Ene gha kananine, ghughamba,'' Kadi namudimuka nokutjwathana eyi wakughamba.'' Noghashwaghire panunda dhothero.⁶⁹Ene mupika ghomukamadi ghamumonine no ghatangire kughamba kowa hemanine eshi.''Oyu ne ghofotji ghopapagho!'' ⁷⁰Ene ghakananine karo. Kapupi kamanana awa hemanine paya haghambire kwaPetrusi eshi,''Yoshemwa ghofotji ghopapagho yu, nowe mukaGalileya.''⁷¹Ene ghatangire kukutura muyikuto no medhero.'' Ame mbadi namudimuka yo murume muna kughamba.'' ⁷²Ngondovoro kokwiya roghuwadi. Ndani Petrusi ghavurukire manando ghaJesusi agha ghaghambire kukwendi: ''Kughutho ghokwaya ngondovoro ruwadi,ghuna kunihamura paruhatu,''

¹Mathikuthiku thikuma, hapristeri shokuru hakuwanine pofotji nohakuru nohakamarukwaro nomayami ghomahe ghaJuda. Nohamughangire Jesusi no hamushwaghithirepo. Hamutapire kwaPilatus. ²Pilatusi ghamwipure eshi,''Yowe fumu wawaJuda ndi?'' Ghamuhuthire eshi,''Thikadi ghana ghamba.'' ³Hapristeri shokuru hamurundere yinu yoyingi.⁴Pilatusi shime ghamwipurire eshi,''Eyighuna kupira kuhutha?'' Mone keho yoyiheya eyi hanakukurundera! ⁵Ene Jesus norofotji temba mbadi ghamuhthere Pilatus,yoyishi yamuhakamanithire.⁶Paruvedhe ro mukandi,Pilatusi ghakawashwaghithere mukadorongo, mukadorongo oyu hakumberire , ⁷pakarire murume oyu hatoyanga eshi Barabbasi oyu ghakarire mukashitiko pofotji nawamashurundate awa hakarire hapaghi muruvedhe ro memanganyeno. ⁸Dikidi dyawanu dyeyire kwaPilatusi noghatangire kumwipura ghayiwatendere thika edi ghayitendie pakutanga.⁹Pilatusi ghawahuthere karo no ghaghambire karo eshi; munashana nimushwayithere Fumu wawaJuda?'' ¹⁰Yoyishi ghayinongononine eshi pamurandu gho nya dhawapristeri hahakuru yohamutapere Jeusi.'' ¹¹Hapristeri hohakuru kuwiru dho dikidi no hakughererire thikuma eshi hawashwayithere barnabasi.¹²Pilatusi ghwahuthere karo noyighamba eshi; yinye karo shonitende nafumu wawaJuda?'' ¹³Hakughererire shime eshi; ''Mumupamarere!''¹⁴Pilatusi gha ghambire kukwagho eshi,''Ghuyi munye nga tendi?'' Ene hakughererire eshi,''Mumupamarere.'' ¹⁵Pilatusi ghashanine kukumithamo yihima yombunga, noghaghuwashwaghithere Barabbasi. Noghashwaghithire Jesusi no kumutapa hamupamarere.¹⁶Hashurundate hamurawere mwishi dhoditete, nohethire mbunga dhodhihe dhawamushurundate. ¹⁷Hamuturire dipurapure Jesusi, hadhingire nata dhomakona nohadhimuvatekire. ¹⁸Hatangire kumusherera no ghughambe eshi,''Heyili, fumu wawaJuda!''¹⁹Hamumwashurire mumutwi no mburo dhombu mohamuthipera. Hatongamenine no hafumberire kukwendi. ²⁰Apa hamutukire,hamushuturire mukata nohadimukurekire dipurapure dyendi nohamupiterethire hakamupamarere. ²¹Katughuru ghumwe, Simoni waCyrene,ghoye ghaye gheyire kutunda muditunga diya (Aye wiha Alexander naRufus), nohamuthinenekire ghashimbe thikurushe.²²Mashurundate ghatwarire Jesusi kudyango dyaGolgota (edi hatoya eshi''Dyango dyo Kateneghere''). ²³Hatapire vinyu oyu havungire no mira, ene mbadi ghayinwine. ²⁴Hamupamarere nohataghure mapurapure muwingi wawo podiyo mashurundate ghakutapere yipindhi yo muthithi wendi.²⁵Dhakarire viri dhoghuhatu apa hamupamarere. ²⁶Pathikurushe hatjangirepo yidimukitho eshi,''Fumu wawaJuda.'' ²⁷Naye hamupamarere no hedhi hawadi, ghumwe kurudyo rwendi noghumwe kurumoho rwendi. ²⁸Matjangwa ghapwire kuyaritha agha ghaninga eshi,''Ghapwire kutara nawa kakupira kukumithamo muragho.'³⁰Ghowa hamupitirepo hamushererire, ghupunga muwi dhagho ghughamba eshi,''Aha ! Owe waghambire eshi kukona kuyungurura ngirishe dhaNyambi nokudhitenda mumayuwa mahatu, ²⁹kughamwene ghothinda noshwaghe pathikurushe!''³¹Thikakenge di hamushererire hakuru wawaruti nawamweya,pofotji nawakamarukwaro nohaningire eshi,''Ghaghamwene hamweya ene mbadi kukughamwena yithinda. ³²Muthiye Kristusi, Fumu wawaIsraeli, ghashuruke popano pathikurushe podiyo tumone notuyitawe. Awa hamupamarerire nawo hamusherere.³³Muviri dhoghukwoko nodhofotji,dikokore dyangambwathane muve ghoghuhe kate viri dhoghukwoko noghune . ³⁴Muviri dhoghukwoko noghune Jesusi ghadirire thikuma noghuyukire ghughamba eshi,''Eloi,Eloi lama sabachthani?'' oyi yakutongora eshi,''Nyambi wange nye ghuna nimwagherera kemo?'' ³⁵Hamwe awa hemanine pepi nendi hayuvire manando ghendi ghana kughamba eshi,''Mumone kuna kwitha Eliya.''³⁶Ghumweya ghatjirire, ghaturire vinyu ghomasheshe pathihina no ghathimupire no ghanwe.. Katughuru ghaghambire eshi,''Ninge tumone ngeshi ghana kwiya Eliya naghamushwagheko. ³⁷Podiyo ghaadirire Jesusi thikuma wiyuka noghafire. ³⁸Dikehe dyongirishe dyapayukire pawadi kutunda kuwiru kate pamuve.³⁹Hakuru wawamashurundate hemanine ghukengerera nohamonine eshi dhondhira ghafire dyo ghaghambire,''Yaghushemwa oyu ne mwanaNyambi ghakarire.'' ⁴⁰Pakarire hambuyama awa hakengireko ene hakarire kayenda. Mukatji kawo mwakarire Maria Magdalena, Maria (Nyina Jacobusi ghomina Joses), naSalome. ⁴¹Apa ghakarire muGlileya hamukuthire nohakamughamwenine. Thingi thawambuyama hamwe nawo heyire kuJerusalema.⁴²Parunguro,diyuwa di dyakarire dyokukuroyithera, dyodiyuwa dyakarire kughutho ghoSabbata, ⁴³Joseph gho mukaArimathea gheyireko. Munu yu ghakutekerire mbunga dhawakareripo awa hatatere ghufumu waNyambi. Ghayendire noghutjima kwaPilatus ghakepurire yirama yaJesusi. ⁴⁴Pilatusi yamutetukithire pakuyuva eshi Jesusi ne ngafu kare; ghethire hakuru wawamashurundate no kuwepura eshi,''Ghana fu Jesusi ndi?'⁴⁵Apa ghayidimukire Pilatus kwaMashurundate eshi Jesus ne ngafu,ghatapire yirama yendi kwaJoseph. ⁴⁶Joseph ghakarire nodikehe. Ghamushwaghithire kuthikurushe nohamudhingire dikehe, no hakamuturire mumbira edhi hatjokire mawe,hoghagharumweneko kufero dhombira. ⁴⁷Maria Magdalena naMaria ghonyina Joses ghamonine oku ghaka muhorekire.

¹Apa dyapwire diyuwa dyoSabata ,Maria Magdalena, Maria gho nyina Jakobus naSalome haghurire munde eshi heye no kunawetha yirama yaJesusi. ²Mathikuthiku thikuma mudiyuwa dyo kutanga muthivike, hayendire kumbira apa dyashwayire diyuwa.³Hakuningangire hathinda eshi,''Yidye shogha tundandumweneko diwe dishwaghe kuthero dhombira?'' ⁴Apa hakapukire, hamonine eshi diwe dinapu kushwayithako,adyo dyakarire dyodikuru,⁵Hengenine nohamonine katughurughana yughavatire dipurapure dyodikenu, ghahungumanine kumutara ghorudyono hayapire. ⁶Ghaghambire kukwagho ,''Mwayapa. Muna shana Jesusi ghomuka Nasareti, oyu hapamarerire. Ghana pu kuvumbura! Mbadimo muno. Mukenge padyango apa hana murangekire. ⁷Ene muyende, mukatongwere hakathishongero wendi naPetrusi,'Ghana mupiterera kuGalileya. Oko ne nanyi mukamumone, thikakenge ghayimutongwere.⁸Hashwayire mumbira ghutjira; hatutumine nohayapire thikuma.⁹Mathikuthiku thikuma mudiyuwa dyokutanga muthivike apa ghavumbukire,ghatangere kumoneka kwaMaria Magdalena ghoyu ghashwayithire mipepo dhodhimango kwoko no dhiwadi. ¹⁰Ghayendire noghakatongwere kowa hakarire nendi, oku wo hanaguvu nokudira.'' ¹¹Hayiyuvire eshi muyumi ndani ghamumonine, ene mbadi hayitawire.¹²Apa yapitire yi,ghahokokire muthishwi thokukutjaka kwahashawadi oku wone kuna kuyenda hengene muditunga. ¹³Hayendire no hakatonwere hakathishongero hokuthiyarako ene kadi hakayitawire.¹⁴Jesusi ghamonekire kwawadikumi noyofotji oku wo kuna kudya patishi, noghawagcavire kukupira kutawa kwagho no kuku kukutitha mitjima, yoyishi mbadi hatawire wa hamumonine apa ghavumbukire mwawafu. ¹⁵Ghaghambire kukwagho eshi,''Muyende mukaye kokaheya, nomukayaghure mbudhi dhodhiwa kumihoko dhodhiheya. ¹⁶Oyu ghokutawa nokupwa kuyogha mboghanapu kughamwena, noyu ghokupira kutawa mboghana yongara.¹⁷Thidimukitho thino mbothina yendi nowa hokutawa: Mudina dyange mbohanapu kutjidha mipepo dhodhimango. Mbohana ghamba mandimi ghomapya. ¹⁸Mbo hanayeyura yiyoka nonyara dhagho, no ngeshi mbo hanwe kehe yino yokufa mbadi mboyiwepitha. Mbohana kambeka nyara dhawo pawakorwi no mbohaneruka.''¹⁹Pakumana kughamba nagho fumu, hamuyeyurire mudiwiru noghakahugumanine kudyoko dyorudyo dyaNyambi. ²⁰Hakathishongero hayendire no hakayaghurire kokuheya, oku Fumu gharughanine nagho no ghakengurure manando mu thidimukitho ethi hayendire natho.

¹Ghushupi gho kupwa natjangire, Theophilus, gha tongwerire yoyiheya oyi gha tangire kutenda no kuhonga Jesusi, ²kate mudiyuwa edi ha mushimbire mudiwiru, pakumana kutapa marawero kupitera mwa mupepo gho kupongoka kwawa-apostoli awa gha torora. ³Munyima dhoyinyanda yendi, gha kuniyire thinda eshi muyumi kukwagho, noghushupi gho kupira kukanana. Mumayuwa makumi mane gha hokokire kukwagho nogha ghambire yo kuhatera kughufumu waNyambi.⁴Apa nga kuwanekeranga nawo, gha ghawa rawere eshi mbadi ha kushwaye muJerusalema, ene hakona kutaterera yitoyedhera yokwawihe, oyi gha ghambire eshi, ''Mwayuva kukwange ⁵eshi Johanesi yashemwa gha yoyire nomeyu, ene mbi muna pu kuyogha pamupepo gho kupongoka mumayuwa ghomapu.''⁶Apa ha kukongwedhire pofotji, ha mwipurire eshi, ''Fumu, oru ne roruvedhe wa kutendurura ghufumu waIsraeli ndi?'' ⁷Gha ghambire kukwagho eshi, ''Mbadi yenu yo kudimuka maruvedhe endi yivaka eyi gha tokora Tate pamangcamu ghendi. ⁸Ene mbo muna wana ngcamu apa mbo gheya mupepo mupongoki papenu, no mbo muna kara mwashupi wange kutunderera muJerusalema noJudeya ghomuheya nomuSamaria n kughuhura gho kaye.''⁹Apa gha manine Fumu Jesusi kughamba yinu yi, apa gha diyamenine kuwiru, nodivuyi dyamungambwathanine kumeho ghawo. ¹⁰Oku shime hanungurukera thikuma kudiwiru oku aye pakayenda, kapupi kamanana hatutughuru hawadi hawemanene muyitere yoyikenu.'' ¹¹Haghambire kukwagho eshi. ''Amwe mwarume ghomu Galileya, pashanye munemanena pano ghukengerera mudiwiru, mbo ghana ka huka karo dyodiya muna mumono ghana kayenda mudiwiru.''¹²No ha hukire kuJerusalema kutunderera kudirundu edi hetha eshi dirundu dyondhwe, edi dyakara pepi naJerusalema, ruyendo ro mudiyuwa dyoSabata. ¹³Apa ha ka kumine, ha kengenine mundhugho dhokuwiru, omu nga ha karanga. Awo ne Petrusi. Johanesi, Jacobusi, Andreyasi, Simon ghomuZiloti, naJudasi ghomwana Jacobusi. ¹⁴Wahe ha kuturirewmo nothitambo thofotji tho kuraperera, pofotji nawa mbuyama, haMaria gho nyina Jesusi no ha kurwendi.¹⁵Mumayuwa gho Petrusi ghemanine mukatji kawa mina nawa kurwendi, hanu hokukuma ku120, no gha ghambire eshi, ¹⁶''Mwamina nomwakurwa , yakarire mudyo eshi matjangwa gha kumemo, eyi ghaghambire mupepo gho kupongoka kughutho mukanwa kaDavida, yo kuhatera kwaJudasi oyu gha pitere awa ha ka kwatire Jesusi.¹⁷Aye gha karire ghofotji gho papetu nogha wanineko thitapa muthishongero thetu.'' ¹⁸(Katughuru yu gha ghurire dipya noyiwana eyi gha wanine mughuyi wendi, popo vene kokuwa kwendi nomutwi, noyirama yendi yapayukire, yihoye yendi yoyihe yashwayire. ¹⁹Wahe awa ha tungire muJerusalema hayi yuvire yinu yi, nga ha toyanga dipya diya mundimi dhawo eshi, ''Akaldema'', kutongora eshi, ''Dipya dyothinyinga.''²⁰''Ayo yapwa kutjanga mumbapira dhawaka Pisalemi eshi, ''Ninge dipya dyendi dipire matungo, mwa tawedhera noyofotji temba munu kutunga mo'; 'Muninge munughumwe gha shimbe dyango dyendi dyoghupiterithi.'²¹Mudyo keho eshi, ghofotji ghopatutughuru wa oyu nga yendanga netu ruvedhe roruheya aye Fumu Jesusi ne nga yendanga mwishi nopanunda mukatji ketu. ²²Kutunderera kudiyoghero dyaJohanesi kudiyuwa edi ha mushimbire muwiru kutunderera kukwetu, kare gho mushupi netu kumuvumbukero wendi.'' ²³Ha turire kughutho ha tutughuru hawadi, Josef oyu hetha eshi Barsabbasi, oyu ha tire karo eshi Justus endi Matiyasi.²⁴Harapererire no kughamba eshi, ''Yowe, Fumu, wadimuka mitjima dhawanu wahe, hokore eshi katughuru munye pakatji kowa hawadi oyu ghuna torora, ²⁵mu kushimba dyango muthishongero thetu nothituma thetu mudyango dyaJudasi oyu gha pirukire gha huke kudyango dyendi.'' ²⁶Hawa tendere fungu-fungu, no fungu-fungu dhi dhawerere paMatiyasi, no ha mutarire pofotji no ha-apostoli.

¹Apa dya kumine mo diyuwa dyoPendekosita, wahe ha pongire mudyango dyofotji. ²Kapupi kamanana weyire mughuma kushwagha mudiwiru yira mupepo gho kukona kuhanyaghura, wayarire mundhugho mu ha hungumanine. ³Ha tangire kughamba mandimi yira gho mudiro ogha hawapire, no wa karire pakehe yu. ⁴Wahe ha yarire noMupepo gho kupongoka no ha tangire kughamba ghamwe, dyodi wawapiterithire Mupepo mupongoki.⁵Hakarire haJuda awa ha tungire muJerusalema, ha tutughuru waNyambi, kukehe diko dyo pamuve. ⁶Apa hayuvire mughuma, hanu hohengi heyire pofotji no ha karire thivunganyi yoyishi kehe yuno gha yuvire hana kughamba kehe yunu mundimi dhendi. ⁷Ha tetukire nohayapire; ha ghambire eshi, ''Awa wahe mbadi hana kughamba ruGalileya?⁸Pashanye tuna kuwa yuvere? Kehe yu mundimi dhetu dho ka koghatji? ⁹Partianus naMedesi naElamitesi, nowa hatunga muMesopotamiya naJudeya na Cappadosiya, naPontusi naAsia, ¹⁰Phrygia naPamphlia muEgipute nomutara waLibya ghutambe kuSirene no hadhinguri ho kuRoma, ¹¹haJuda no hama Proselytesi, Cretansi no haka Arabiya, kuwa yuva hana kughamba mundimi dhetu yo kuhatera kungcamu dhoyirughana yaNyambi.¹²waahe ha tetukire no kuyovara; ha ghambathanine mukatji kawo eshi, ''Yinye yina kutongora yi?'' ¹³Hamwe hawa hekire no kughamba eshi, ''Hana terera novinyu ghomupya.''¹⁴Ene Petrusi ghemanine no hasha dikumi noyofotji, gha yeyure diywi dyendi, no kughamba kukwagho eshi, ''Mwanu homuJudeya no mwahe mwe mwa tunga muJerusalema, mudimuke yinu yino; mu tape thinga kunando dhange. ¹⁵Hanu wane mbadi hana terera dyodi mwa kuyithinganyeka, yoyishi viri dho ghuhatu ngenyu mudiyuwa.¹⁶Ene eyi ne yo ha ghambire kupitera mwamuporofeta Juweli: ¹⁷'Dyoya kukara mumayuwa ghoghuhura,' Nyambi ha ghamba eshi, mbo na tumu mupepo wange pakehe yu. Hanenu ho ha tutughurughana na ho hakamadighana mbo hana pumbu, hoha tutughurughana mbo hana roto yirota.¹⁸Ghushemwa poha pika wange no ha pika wange hohambuyama mumayuwa gho mbona mbona tumu mupepo wange, nonanyi ha kupumbe. ¹⁹Mbo na negfhedha yitetukitha muwiru no yidimukitho pamuve, manyinga, mudiro nomwithi gho kududumuka.²⁰Diyuwa nanyi dya kukutjindje kumakokore nokaghonda kumanyinga kughutho gho kwiya diyuwa dyaFumu dyongcamu nodyodikuru. ²¹Nga ya kukare eshi kehe yu mbo ghetha dina dyaFumu mbo ghana pu kughamwena.'²²Mwanu ho muIsraeli, muyuve manando ghano: Jesusi gho muka Nasareti kwakarire katughuru oyu gha tumine kukwenu Nyambi nongcamu dhokutombora, noyitetukitho noyidimukitho eyi gha rughane Nyambi kupitera mumwendi mukatji ketu, dyo di mwayi dimuka mwahe. ²³Katughuru yu gha tapire Nyambi no ya pwire kurongeka no kudimuka kughutho gho kahokoka; ene mwe, munyara dho ha tutughuru ho hayi, mwa mutwarire kuyifa pakumu pamarera pathikurushe. ²⁴Ene Nyambi gha mu tumune, gha mu shuture kutjitju dhoyifa, yoyishi mbadi ya konine kumukwata.²⁵Davita gha ghambire yino kukwendi, 'Ame kehe pano kumona Fumu kughutho wange, Aye kehe pano kumutara gho rudyo rwange podigho eshi mbadi hani henyithe. ²⁶Podigho mutjima wange washambererire norudimi rwange rwa kuyire. Munyima yirama yange yina kupara muma kurupero.²⁷Owe mbadi mbo mwayerera mudhimu wange mumamboreya, no mbadi wa kutawedhera hapongoki hoye horwe. ²⁸Wani dimukitha mayira gho ghuparo; mbo ghuna ni tendi ni yare no yishamberera kurupara roye.'²⁹Mwashere, ghuwa thikuma kukwange ni ghambe kukwenu noghutjima yo kuhatera kwakerekandongo wetu Davita, naye ghafire nohamuvumbekire, nombira dhendi nadho tudi kudyarero. ³⁰Podigho eshi, gha karire muporofeta nogha dimukire eshi Nyambi gha tenda mawethero kukwendi eshi nanyi gha kuture yofotji gha padiko dyendi mukukara padipuna diyuwa dimwe. ³¹Gha monine eyi ya ka hokoka kughutho no gha ghambire yo kuhatera kumuvumbukero waKristusi, eshi mbadi ha mu mwayerera kuyifa, endi yirama yendi kukufuta.³²Oyu Jesusi-Nyambi gha mu tumune, eyi yidi eshi twahe twashupi wayo. ³³Podigho, ghana muyeyura kughutho kurudyo rwaNyambi no ghana kutambura makuruperitho gho Mupepo gho kupongoka kutunderera kwaWihe no gha tutumena keho eyi mwa kumona no kuyuva.³⁴Kukwendi Davita mkbadi gha dhinine mudiwiru, ene gha ghambire eshi, 'Fumu gha ghambire kwaFumu wange, ''Hungumane kurudyo rwange ³⁵kate na kutende ha ka nore dhoye yidjatero yo kumapadhi ghoye.''' ³⁶Podigho eshi, ninge kehe dhino ndhugho dhawa ka-Israeli ha dimuke eshi Nyambi gha mutenda Fumu noKristusi, yoyu Jesusi mwa pamarere.''³⁷Apa ha yiyuvire yi, yawa twire kumitjima dhawo, na ha ghambire kuwaPetrusi no kwawa apostoli wahe eshi, ''Mwayendhange yipi sho tutende?'' ³⁸Munyima Petrusi ghaghambire kukwagho eshi, ''Mupiruke no mupwe kuyogha, no keheyu gho pakatji kenu, mudina dyaJesusi Kristusi ghomathiyerero gho maharwero ghenu, munyima mbo muwana yitapera yaMupepo mupongoki. ³⁹No makuruperitho ne kukwenu no kwahanenu nokawa hadi kayenda, nothingi thawanu awa mbo ghetha Fumu Nyambi.''⁴⁰No manando ghomengi gha nongononithire no kuwatjokedha ghuninga eshi, ''Mupwe kughamwena koghu muhoko gho ghumango.'' ⁴¹Ha tamburire nando dhendi no ha pwire kuyogha, no hawa wedherere kuthivarero thomidhimu dyo diyuwa tho kukuma kumayovi mahatu. ⁴²Ha kuturiremo hathinda kuyihonga yawa apostoli nokukupakerera pofotji nomakupakerero, mukuyondora ghuroto nomumandapero.⁴³Woma weyire mukehe mudhimu, noyitetukitha noyidimukitho yoyingi yapwire kutenda kupitera mwa wa apostoli. ⁴⁴Wahe awa ha tawire hakarire pofotji noha kuwire muyitambo yawo, ⁴⁵noha ghurithire yiwana yawo no hayi kutapere mumwawo hathinda, kukutha kuyinyanda yawo.⁴⁶Kemo diyuwa tunda diyuwa ha kuturiremo hathinda nothitambo thofotji mungirishe. Ha yondorire ghuroto mumaghumbo ghawo, no ha kutapere yidya pofotji noyi shamberera nomitjima dhokukumbirupitha, ⁴⁷kukugha Nyambi no ha karire ghuwa nawnu wahe, no kehe diyuwa Nyambi ghawedhere kuthivarero thawo awa ha pwire kughamwena.

¹Munyima Petrusi naJohanesi hayendire kuwiru dhongirishe paviri dhomandapero, paviri dhoghukwoko nodhoghune. ²Munyima katughuru oyu gha karire murema kushwayera mumukogha wanyina oyu nga ha retanga kungirishe paheka apa hethangire eshi, Ghuwa. Awo nga ha muturanga popo kehe nadiyuwa eshi ngo gha kumbere masherenyi kwawa hana kwingena mungirishe. ³Apa gha monine Petrusi naJohanesi hana kushana kwingena mungirishe, gha wepure ko maghamweno.⁴Petrusi, gha topere meho ghendi papendi, naJohanesi gha ghambire eshi, ''Tukenge.'' ⁵Katughuru gho murema gha wa kengire, ghutaterera kuwana maghamweno kukwawo. ⁶Ene Petrusi gha ghambire eshi, ''Siriveri no ngorondo mbadi nidi nayo, ene eyi nidi nayo nanyi nikupe. Mudina dyaJesusi Kristus ghomuka Nasareti, yende.''⁷Hamukwatire kudyoko dyorudyo, Petrusi gha mwimekire, popo vene maghuru nomangongotji gha katughuru yu gha tanarire. ⁸Katughuru yu ghemanine no kuregha muwiru no gha tangire kuyenda; ghengenine naPetrusi naJohanesi mungirishe, ghuyenda no kukugha Nyambi.⁹Hana wahe ha mumonine ghana kuyenda noha kuyire Nyambi. ¹⁰Ha nongononine eshi yo katughuru oyu nga karanga ghukumbera hanu maghamweno kuheka dhodhiwa dhongirishe.'' Awo hayarire nothitetu yoyishi koyoyi ya hokokire kukwendi.¹¹Kenge gha gorere paPetrus nopaJohanesi, hanu wahe ha tjirere kukwagho mukara oghu hethangire eshi, Solomon ghukuru ghothitetu. ¹²Apa gha yi monine Petrusi, gha wa huthire eshi, ''Amwe mwa hanu waIsreali, pashanye muna kutetukera? Pashanye muna kutu nungurukera twe, yira yatwe tuna mu ningitha eshi gha yende pamangcamu ghetu endi paghukushuki wetu?¹³Nyambi waAbraham, no waIsaaki, no waJakop, Nyambi wawakerekandongo wetu, ghana fumaneka muruwaneni wendi Jesusi. Oyu mwa tapire no kuhamura kughutho waPilatus, apa gha tokore eshi gha mu shuture. ¹⁴Mwa shwenine mupongoki nomuhungami, no mwa kumberire hamushwayithere mupayi mudyango dyendi.¹⁵Mwa payire mutangeri gho yipara, oyu gha vumburire Nyambi mwawafu, no atwene twashupi kuyinu yi. ¹⁶Nopa didhi dyomatawero mudina dyendi, dina dyendi dina shutura yu katughuru mwa kumona no kudimuka. Matawero gho kupitera mwaJesusi ghana mupa ghundjewa-ndjewa wendi gho kuyarerera kughutho wene mwahe.¹⁷Keho, mwashere, na dimuka eshi mwa yitendere mukunyatha, thika edi mwa tendire kwawaraghuri wenu. ¹⁸Ene yinu yaNyambi eyi ha mu tongwera kupitera mutunwa twawa pumbi wahe, eshi Kristusi wendi gha kona kunyanda ne, ghana yikumithamo.¹⁹Mupiruke, podigho eshi mirandu dhenu dhipwe kuthiyerera, podigho eshi dha kwiye nako dho kupeperera kughutho waFumu. ²⁰no gha kutume Kristus oyu ghapwa kutorora kukwenu Jesusi.²¹Aye yodiye ghofotji oyu dya kona katambura diwiru kate ruvedhe romarughuthururo gho yoyiheya, koyi gha ghambire Nyambi pakare kupitera mutunwa twawaporofeta wendi ho kupongoka. ²²Mosesi ghushemwa gha ghambire eshi, 'Fumu Nyambi mbo ghana yeyura muporofeta yira yame mukatji kenu mwashere. Mwa kona ka tegherera kuyoyihe eyi mbo ghaka mu ghambitha. ²³Mbo yina kahokoka eshi kehe yuno munu gha ka pira kategherera muporofete yu mbo ghana pu kuharanganya mukatji kawanu.'²⁴Nhii, noha porofeta wahe kutunderera kwaSamuwel nowa heyire munyima dhendi, ha ghambire no kuyuvithya ghano mayuwa. ²⁵Yamwe mwahana wawaporofeta noho ghundambo oghu gha tendire Nyambi nawa kerekandongo wenu, dyodi gha ghambire kwa-Abraham eshi, ''Murunanda roye mako ghomahe pamuve mbo ghana pukutungeka.' ²⁶Nyambi munyima gha yeyurire murughani wendi, gha mu tumine kuwenu pamutango, podigho eshi mu pwe kutungeka mukushwayitha kehe yu gho papenu kughuyi wenu.''

¹Oku shime gha karera Petrusi naJohanesi kuna kughambitha hanu, hapristeri namukuru gho tembeli nawaSadusayi heyire kukwagho. ²Ha tokotire thikumenena, yoyishi Petrusi naJohanesi kwa karire kuna kuhonga hanu no kuyuvitha mbudhi dhaJesusi no muvumbukero wawafu. ³Ha wa kwatire no kuwa tura mukashitiko kate mathiku-thiku gho kurandako, ruvedhe ru ne runguro. ⁴Ene wingi wahanu awa ha yuvire mbudhi dhi hatawire; thitara thawa ha tawire tha kumine kumayovi kwoko.⁵Nodiyuwa dyo kurandako haraghuri wagho, mayami, nawaka marukwaro hapongire pofotji muJerusalema. ⁶Annas mupristeri shokuru pogha karire, naKayifasi, naJohannesi, ndani naAlesanderi no wahe ha ka diko dya mupristeri shokuru. ⁷Munyima dho kureta haPetrusi naJohannesi mukatji kawo, hawepurire eshi, ''Pangcamu dhadye, nomudina dyadye, muna yirughana yi?''⁸Petrusi, gha yarire nomupepo gho kupongoka, no ghawa tongwerire eshi, ''Amwe mwa raghuri ghowanu, namwe mwa piterithi, ⁹ngeshi twene munwato tudi dyarero kuhatera yoyiwa kwamurume yu gha karire noyikorwa, nopangcamu dhadye murume yu gherukere, ¹⁰mwa kona kuyitjwathana mwahe nokwahanu wahe homu Israeli eshi, ghono katughuru ghanemana kughutho wenu mundjewan-djewa mudina dyaJesusi Kristusi gho muka Nasareti oyu mwa pamarere, oyu gha vumbure Nyambi mwawafu.¹¹Jesusi Kristusi ne yodiye diwe edi hanyathire hambi, ene dyo ha ditendire mudishonga. ¹²Mbadiko makamweneno mwa kehe yuno munu, nombadiko dina mwishi dhodiwiru ha tapa mukatji kohanu omu sho tupwe kushutura.''¹³Apa ha monine matjimapero ghaPetrusi naJohanesino kunongonona eshi awo hanu honyara-nyara, mbadi ha kuhonga ene hanu vene, ha tetukire, no kunongonona eshi eshi haPetrusi naJohanesi hakarire pofotji naJesusi. ¹⁴Yoyishi ha monine murume oyu gherukire ghanemana nawo, mbadiko eyi gha konine kughamba kuyinu yi.¹⁵Munyima dho kuraweera ha apostoli ha shwaye mundhango, ha kuyongire mumwagho hathinda. ¹⁶Ha ghambire eshi, ''Yinu munye sho tu tende na wanu wa? Ghushemwa eshi thitetu tho thikuru thina hokoka kowa hatunga muJerusalema nombadi twa kona kuthiwa shwenena. ¹⁷Ene mu kuninga eshi mbudhi dhi mbadi kuhanye mwawanu, twa kona kuwashinga kughamba kwakehe yu no kughamba karo mu dina di.'' ¹⁸Munyima ha wethire no kuwa rawera eshi mbadi ha kona karo kughamba endi kuhonga yinu mudina dyaJesusi.¹⁹Petrusi naJohanesi hawa huthire eshi, ''Yarogha kughutho waNyambi kufumaneka munu endi yodiye amwe mwa panguri. ²⁰Mbadi sho tukone kushayeka kughamba yinu eyi twa mona no kuyuva.''²¹Pakumana kuwashinga haPetrusi naJohanesi, hawa thiyire ha ka yende. Mbadi ha konine kuwana kehe ghuno, murandu mukuwahumbitha, yoyishi hanu wahe ha tumerire Nyambi kuyinu eyi ya hokokire. ²²Katughuru yu gha wanine thitetu tho merukero gha karire no myaka kupitakana makumi mane.²³Munyima dho kuwashutura haPetrusi naJohanesi heyire kohanu wawo nohana thimwetwedhire yoyihe eyi haghambire hapristeri nawa mayami kukwawo. ²⁴Apa ha yiyuvire, ha yeyurire maywi ghawo nothitambo thofotji tho kutumera Nyambi ghuninga eshi, ''Fumu, watendire diwiru nomuve nodikuruviya noyo yiheya eyi ya karamo. ²⁵Owene wa ghambire naMupepo gho kuponga kupitera mukanwa kamupikoye Davida kerekandongo wetu, pashanye hana karera hahayidena thivunganyi, nohanu hana pemukitha maghano ghawo?''²⁶Waghambire eshi, ''Hafumu hopamuve ha kukwatire pofotji, nawa raghuri ha kukongwedhire pofotji hemanganyene Fumu, no kwimanganyena Kristusi.²⁷Ghushemwa, wahe haHerodesi naPontius, pofotji nawa hayidena nohanu homuIsaraeli ha kupakerire pofotji modhi mbara no kwimanganyena mupongoki ghoye Jesusi mukareri ghoye oyu wa wethere. ²⁸Ha kukongwedhire pofotji mukutenda yoyihe eyi waruwane nonyara dhoye, no yi turithapo waghayarire kughutho eyi mbo yi hokoka.²⁹Keho, Fumu, kenge kumashingero hana tapa kwawa kareri ghoye mukughamba nando ghutjimapa. ³⁰Ghonyonone dyoko dyoye no kwirukitha no kutapa yidimukitho noyitetukitho kupitera mudina dyamupongoki ghoye no mukareri ghoye Jesusi.'' ³¹Munyima dho kumana kuraperera, dyango edi ha pongire pofotji dyandandamene, no hayarire wahe no mupepo gho kupongoka noha ghambire nando dhaNyambi nongcamu.³²Wingi wawaheya awa ha tawire ha karire nomutjima nomudhimu ghofotji. Mbadiko oyu gha ningire eshi eyi ghadi nayo ne yendi, ene hayi kuyarekere wahe pofotji. ³³No ngcamu dhodhikuru ha-apostoli ha hongire ghushupi wagho no muvumbukero waFumu Jesusi no thineke thothikuru ethi thakarire papawo wahe.³⁴Karo mbadiko munu pakatji kawo oyu gha nyandire thinu, wahe ha karire nodipwa ngambi ndhugho gha ghurithire no kureta manyinga kuyinu eyi gha ghurithire, ³⁵nohana yiturire kughutho wawa-apostoli, na ha yi kutaperire dyodi ha yi nyandire.³⁶Joseph, oyu hethangire eshi apostoli Barbabasi (oyu ha shingonone eshi mwana gho matjimapero), mu Livite katughuru gho mu Syprus, ³⁷gha ghurithire dipya dyendi no gha retire manyinga naghana gha tapire kwawa apostoli.

¹Pano keho, katughuru gho dina Ananiyasi, naSapphirasi mundambo wendi, haghurithire dyango dyagho, ²no ha horekire dihenda mughuro (munuwendi naye gha yidimukire), no haretire dihenda dimweya no kuna ditura kumapadhi wa apostoli.³Ene Petrusi gha ghambire eshi, ''Ananiyasi, pashanye gha nengenena shatani mumutjima ghoye eshi wangereke Mupepo gho kupongoka no kuhoreka dihenda dyo paro dho dyango? ⁴Apa dya karire mbadi ghuna dighuritha dya karire dyoye nopa dya pwire kughuritha mbadi mungcamu dhoye dyan karire? Yidye yu ghana tura yirughana yo kemo mumutjima ghoye? Mbadi ghu nangereka munu, ene Nyambi.'' ⁵Pakuyuva manando gha, Ananiyasi ghawire pamuve no kufa, nowoma weyire kwawahw awa ha yiyuvire. ⁶Ha tutughurughana hemanine no kumudhinga, ha mu shwayithire panunda no kamuvumbeka.⁷Munyima dhomaviri mahatu munuwendi ghanengenine, mbadi gha dimukire eyi ya hokokire. ⁸Petrusi gha mu ningire eshi, ''Ni tongwere dhoparo dhodhi muna ghuritha dyango ndi?'' Gha huthire eshi, ''Nhii, dhodiyo.''⁹Petrusi gho gha ghambire kukwendi eshi, ''Ngepi eshi muna kughun pofotji mu kwangera Mupepo waFumu?Mone mapadhi ghawa tutughuru wa hana ka vumbeka munughoye ne muthero ghadi, nonanyi ha kushimbe ha kushwayithe.'' ¹⁰Popo vene gho gha wire pamapadhi ghendi gho gha fire. Apa hengenine ha tutughurughana hana munine ghanafu, hamushimbire hamushwayithe no haka muvumbekire kumbadi dha katughuru wendi. ¹¹Woma gho ghukuru weyire kungirishe dhodhodhiheya no kwawahe awa ha yuvire yinu yi.¹²Yidimukitho no yitetukitha yishawingi ya hokokire mukatji kawanu kupitera mwawa apostoli. Wahe ha karire mumukara gho maghundhi ghaSolomoni. ¹³Ene mbadiko gho pa wamweya gha karire no matjimapero mukuku pakerera nawo; ngambi kemo, hanu hawa pire fumwa dho dhikuru.¹⁴Shime hatawi hohengi ha kuwedherere kwaFumu, mbunga dhawa tutughuru nawa mbuyama, ¹⁵podigho karo ha shimbire hakorwi mumikunda no kuwatura pamaghudidi nopa matemba, podigho eshi pakudhipita Petrusi, mudhidhimbi wendi ghuwa fugherere. ¹⁶Theyire karo thitara tha wanu hohengi awa ha shwayerere mumadoropa ghomumbadi dhaJerusalema, ghureta hakorwi nawa dhapethire mipepo dhodhimango, no wahe herukire.¹⁷Ene mupristeri shokuru ghemanine nawahe awa ha karire nendi (odhi dha karire mbunga dhawa Sadusayi); no hayarire nonya ¹⁸no hakwatire ha apostoli no kuwa tura mukashitiko.¹⁹Ngambi kemo, mughuthiku mu engeli waFumu gha yandhurure mathero gho kashitiko no ghawa shwayithire no gha ghambire esh, ²⁰''Muyende, mukemane mu tembeli no mukaghambe kwawanu manando gho moyo.'' ²¹Apa ha yi yuvire yi, ha kengenine mungirishe mudiyuwa dyodyo no hakahongire. Ene mupristeri shokuru gheyire nowa ha karire nendi, hethire haka muragho pofotji, hakuru wawaIsraeli waheya, no hawa tumine kukashitiko haka rete ha apostoli.²²Ene hamaporitha wa hayendireko mbadi ha ka wawaninemo mukashitiko, no haka hukire no kurapota eshi, ²³''Tuna ka wana kashitiko shime ha ka yandhererera thiwana no hakungi hanemana kuthero, ene apa tuna kayandhurura ko, no yofotji temba tuna ka wana mwishi.''²⁴Apa gha yiyuvire mukuru gho ngirishe nohakuru wawapristeri manando gha, yawa dhodhengire thikuma kuhatera hanu wa eshi ngo yinu munye sho yi randeko. ²⁵Po gheyire ghumwe no ghawa tongwere eshi, ''Ha tutughuru wa mwa turire mukashitiko ne hanemana no kuna kuhonga hanu.''²⁶Mukuru gho tembeli ghayendire nawa ka muragho, ha ka wahuthire, ene mbadi nonyanya, yoyisi awo hayapire eshi pamweya hana kawa vukuma mawe. ²⁷Apa ha ka waretire kukwagho, hawa hungumekire kughutho ghondhango. Mupristeri sho kuru gha wepurire ghuninga ²⁸eshi, ''Twa muraweree nomuragho mukupira kuhonga mudina di, ene shime muna yaritha Jerusalema noyihonga yenu no muna shana kureta thinyinga thoyu katughuru papetu.''²⁹Ene Petrusi nawa apostoli ghawa huthire eshi, ''Twa kona kufumaneka Nyambi mbadi munu. ³⁰Nyambi wawakerekandongo wetu gha vumburire Jesusi, oyu mwa payire pakumukureka kuthitondo. ³¹Nyambi gha muyeyurire kudyoko dyendi dyo rudyo ghakare Fumu ghana noMukomononi, kutapa mapirukero kwaIsraeli no kuthigherera maharwero. ³²Twa shupi muyinu yi, kemo naMupepo gho kupongoka, oghu ghatapa Nyambi kwawa hakara ghutawedhi kwendi.''³³Apa hayiyuvire ha ka ndhango yi, hapatire thikuma no hashanine kupagha ha apostoli. ³⁴Ene muFarasayi gho dina Gamaliyeli, muhongi gho muragho oyu ha kutekerire hanu wahe, ghemanine mwaka ndhango gha rawerire ha apostoli hawa shwayithe panunda kapupi kamanana.³⁵Gho gha ghambire kukwagho eshi, ''Mwaka Israeli, mutegherere thiwana koyi muna shana kutenda nowa hanu. ³⁶Mayuwa agha ghana kapita, Tadeghusi ghemanganyine noghunu mwene, nothitara thawanu mathere mane, ha kupakerere nendi. Ghapwire kupagha nowahe wa ha mukuthire ha kuharanganyine no hakarire nyara-nyara. ³⁷Munyima dho yu katughuru, Judasi gho muka Galileya ghemanganyine mumayuwa gho kutara no ghakughongawedhere hanu hongandji. Naye karo ghafire, no wahe awa ha mu kuthire ha kuharanganyine.³⁸Pano keho kuna kughamba nenu eshi, mushwaye kwawanu wa no muwathiye pithagho, ngeshi dighano di ngambi yirughana yamunu, mbo yina pu kuwitha. ³⁹Ene ngeshi yaNyambi, mbadi sho mukone kuwawitha; no nanyi muka kuwane eshi kuna kurwitha Nyambi.'' Dyo ha pwire kuhongaghura.⁴⁰Po hethire ha apostoli no kuwamwashura no kuwa rawera eshi, mbadi ha kughambe karo mudina dyaJesusi, no hawa thiyire ha kayende. ⁴¹Ha shwayire kughutho wawakandhango ghushamberera eshi hana wa tara mudyo mukunyanda no honyi mudina dyendi. ⁴²Kutunda po kehe diyuwa, mutembeli no kutunda ndhugho yenda ndhugho, ha twarire kughutho kuhonga no kughambughura mbudhi dhodhiwa eshi Jesusi ne Kristusi.

¹Mogho mayuwa, apa thakuwedhere thivarero tha wa ka thishongero, haGresian hohaJuda ha tangire kushivana kwawa Heburayi, yoyishi mbadi hathotere mukughamwena hadidhi no yinu yo kehe nadiyuwa.²Hasha dikumi nahawadi dhawa kathishongero kukwagho no kuwa tongwera eshi, ''Mbadiko kurogha kukwetu mukuyongaritha nando dhaNyambi mukutapera yikoreritha. ³Podigho eshi mwa kona kutorora mumwenu ha tutughuru kwoko noha wadi, hatutughuru ho mi mwene, ho kuyara noMupepo gho kupongoka, homaghano awa sho yupe thirughana thi. ⁴Ene twe, nanyi tu tware kughutho mumandapero no kuyuvitha nando dhaNyambi.''⁵Thighanba thawo tha shambererithire mbunga dhodhihe. Ha tororire Stefanus, katughuru gho matawero gho kuyara noMupepo mupongoki, naFilipusi, Prokorasi, Nikanori, Timoni, Paramenasi naNikolaghusi, oyu gha tundire muAntiyokiya. ⁶Hatawi haretire ha tutughuru wa kughutho wawa apostoli, awa ha wa reperere no kuwa kambeka moko ghawo.⁷Nando dhaNyambi dha kutapathanine kokuheya, nothivarero thawa kathishongero tha kuwedherere thikuma, nohapristeri hohengi ha karire ghutawedhi kumatawero.⁸Stefanusi yu, gha yarire noneke nongcamu, gha tendire yitetukitha yo yikuru noyidimukitho mukatji ka wanu. ⁹Ene pakarire hahati hamwe homu Sinagoge oyu hetha eshi sinagoge waka horo, homu Sirene nomuAleksandriya, hamweya homuSilisiya naAsiya. Hanu wa ha karire munanani naStefanusi.¹⁰Ene mbadi ha mukonine kughunyanyami oghu gha wanine kwaMupepo mupongoki oghu gha ghambithire Stefanusi. ¹¹Kokuruwera kwawo hanu no kuwa ninga ha ghambe ghumbango eshi, ''Tuna muyuvu Stefanusi ghana kushwahura Mosesi naNyambi.''¹²Hatjoka-tjokire hanu, mayami, nawa kamarukwaro, hahenyene Stefanusi no kumukwata no ha muretire kughutho ghondhango. ¹³Ha ka retire kwawo hashupi hombango awa ha ghambire eshi, ''Katughuru yu ne mbadi ghana kushayeka kughamba manando gho kwimanganyena dyango dino dyokupongoka no miragho. ¹⁴Tuna muyuvu ghana ghamba eshi oyu Jesusi gho muka Nasareti mbo ghana yungununa dino dyango no kutjindja miragho edhi gha tupire Mosesi.'' ¹⁵Waheya wa hahungumanine mundhugho hamu kengururire nohamonine rupara rwendi yira rupara rwa mu-engeli.

¹Mupristeri shokuru gha ghambire eshi, ''Oyi yinu ne yashemwa ndi?'' ²Stephanusi gha mu huthire eshi, ''Mwayendhange nomwatate, muni tegherere thiwana: Nyambi gho Fumu gha hokokere kwakerekandongo wetu Abraham oku yene shime muMesopotamiya, kughutho gho kuna tunga muHarani; ³gha mu tongwerire eshi, 'Tunde muditunga dyoye nodiko dyoye, no ghuyende kuditunga edi mbo ni kuneghedha.'⁴Aye ghashwayire mu ditunga dyawaka chaldian no katunga mu Harani; munyima dho kupwa wihe, Nyambi ghamuretire muditunga di omu muna kutunga pano. ⁵Mbadiko yi ghakonine kumupa eshi yoghupingwa kukwendi, no dyango dyoghuturo. Ene ghamukuruperithire ngambi kenge Abraham mbadi ghakarire no mwana temba oku mboghakona kutapa ditunga dikare dyoghupingwa kukwendi no kohanahoka ho munyima dhendi.⁶Nyambi ghaghambire kukwendi ngeno eshi, hanahoka wendi mbohanatungu kapupi kamanana muditunga dyo ghutjwayuki, no muditunga di mbohatunga mbo hanawatura hakare mughupika no kuwapetha momumango mumyaka mathere mane. ⁷'Ene mbona pangura muhoko oghu hana kurughanena,'' dyo ghana kughamba Fumu. Munyima dhopo mbo hana tundumo no kunanikugha me modi dyango. ' ⁸NaNyambi gha tapire kwa Abrahamu gho makeneno, Abrahamu ghakarire wiha Isaki no ghamukenyine mudiyuwa dyoghukwoko nodyoghuhatu. isaki ghakarire wiha Jakopu, no Jakopu wiha wawa kerekandongo wetu dikumi no hawadi.⁹Yoyishi hakerekandongo wetu hakarire nonya kwaJoseph, hamughurithire mu egiputena ene Nyambi ghakarire nendi ¹⁰no ghamughamwenine kumaghukukutu. ghamupire Nyambi ghuwa no manongwahu kughuthio waFaragho, fumu wa egiputena oyu ghakamutendire nguvuru waegitena nomudighumbo dyendi.¹¹Podyeyire diyerenge mu egiputena ghomuheya no mukanani, noyinyanda yoyikuru, hakerekandongo wetu mbadi hakonine kuwana yokudya. ¹²Ene apa ghayiyuvire Jakopu eshi kuegiputena ne koghadi mavumbukiro ne, ghatumineko hakerekandongo wetu ruyendo ro kutanga. ¹³Muthiyendo thawo thoghuwadi, Josefu ghakakudimukithire kwawakurwendi, no diko dyaJoesfu dyapwire kudimukitha kwaFaragho.¹⁴Josefu ghatumine hakurwendi hahuke ha katongwere wihe Jakopu ghakeye ku egiputena, pofotji nohapendi wahe, hanu makumi kwoko nohanu hakwoko kuwapakerera. ¹⁵Jakopu ghaghurumukire kuegiputena noghakafire nawakerekandongo wetu. ¹⁶Hawashimbire kudyango dya shechemu nokawarangeka mumbira odhi ghaghurire Abrahamu noparo dhosiliveri kwa wana Hamori mushechemu.¹⁷Apa rwakokere ruvedhe ro matoghedhero, matoghedhero gha Nyambi ghatendire kwa Abrahamu, hanu hakurire no hakuwedherere mu Egiputena, ¹⁸kare pemanine karo fumu ghumeya , fumu yu ghapirire kudimuka yo kuhatera kwaJosefu. ¹⁹Ghapemukithire hanu wetu no ghathinenekire hakerekandongo wetu mu kushwayitha tumbututu twawo podiyo mbadi hatuthiye ghuyumi.²⁰Paruvedhe ruya Mosesi hamushamurukire; ghamonekire ghuwa kughutho waNyambi no hamuyamwekire tughonda tuhatu mundhugho dhawihe. ²¹Apa hamuturire panunda, mwana Faragho ghombuyama ghamushimbire noghakamurerire yira mwanendi.²²Mosesi ghakuhongire mumanongwahu ghomaheya gha Egiputena, ghakarire ghongcamu mumanando ghendi no muyirughana. ²³Ene paghakarire myaka makumi mane, yeyire mumutjima wendi mu kadhingura hakurwendi, hanahoka waIseraelite. ²⁴Kumona muka Israelite hana kupetha, Musesi ghamughamwenine no kumurwerapo yu hanapethi haka egiputena mukumupumura muka egiputena: ²⁵Ghaghayarire eshi nganyi hatjwathane Nyambi, eshi mudyoko dyendi ghana kuwaghamwenena, ene mbadi hayitjwathane.²⁶Mudiyuwa dyokurandako ghamonine hatutughuru hawadi hana kurwa no ghashanine kureta thiraro pakatji kawo ghuninga eshi; 'tutughuru, mwakaghukurwa mwe; pashanye munakukutjitjupithera mwathinda?' ²⁷Ene oyu ghayipithere muyendhendi ghamuthindekere kuya, nokughamba eshi, ' yidye ghunakutendi muraghuri no mupanguri pakatji ketu? ²⁸Ghunashana kunipagha me, kenge ngaghupagha muka Egiputena peghundha?'²⁹Mosesi ghatjirire apa ghayuvire yinu yi; ghakakarire mutunda kure muditunga dya Midiya, omu ghaka karirwe wiha ghohana hawadi hohatutughuru. '' ³⁰Apa dhapitire myaka makumi mane, muengeli ghamuhokokere mumamboreya ghomudirundu dya Sinayi, mumudiro ghokutumbuka pathipumbu.³¹Apa ghamonine Mosesi mudiro ghu, ghatetukire thikuma kuyimona yi; no apa ghahenyineko ghathikenge, podyeyire diywi dyaFumu, ghuninga eshi; ³²Yame Nyambi wakerekandongo ghoye, Nyambi waAbrahamu, naIsaki, naJakopu, 'Mosesi ghatutumine no mbadi ghakonine karo kukengako.³³Fumu ghaghambire kukwendi eshi, 'Shutureko yisandari kumapadhi ghoye, nodyango di ghunemana ne dyapongoka. ³⁴Namono yinyanda yawanu wange wa hadi muEgiputena; nayuvu madiro ghawo, nonashuruka mukawaghamwena; wiye keho, nganikutume kuEgiputena.³⁵Yoyu Mosesi ghofotji hashwenine, apa ghaghambire eshi; 'Yidye ghakutenda muraghuri nomupanguri?' -Yodighe ghofotji ghatumine Nyambi pofotji muraghuri no mughamweni. Nyambi ghamutumine nodyoko dya muEngeli yu ghakahokokere Mosesi mumuthitu. ³⁶Mosesi ghakawashwayithire muEgiputena, pakamana katenda yitetukitho noyidimukitho muEgiputena, nodikuruviya dyo mbu, nomumamboreya myaka makumi mane. ³⁷''Yo Mosesi ghofotji ghaghambire kwawa Israeli eshi, Nyambi mbo ghana mutendera muporofeta mukatji kawakurwenu, muporofeta yira yame.'

¹Apa dha kuminemo nako fumu Herodesi gha kambekire nyara dhendi pawa hati hamweya homungirishe podigho eshi ghawa pethe. ²Gha payire Jacobusi mina Johanesi no thimende.³Ghopa ghamomine eshi yina washambereritha haJuda, gha rundurukere no gha kwatire Petrusi. Mayuwa gha ghakarire mayuwa ghoghuroto ghothuthunyunyi. ⁴Munyima dhokumukwata hamuturire munwato, nogha mutapire kumambunga mane gho mashurundate ghamukunge; dodighano eshi gha kumuhokore munyima dhopaska.⁵Petrusi ha muturire munwato, ene hamuturire mumandapero kughutho waNyambi kwawaka ngirishe. ⁶Ghuthiku, kughutho Herodesi gha ka mureta kundhango, Petrusi gha rarire pakatji komashurundate mawadi, ghana pu kughanga nomenge mawadi, oku hakungi ne pathero kuna kukunga kashitiko.⁷Yahokokire eshi, popo vene muengeli waNyambi gha hokokire kukwendi nothishe tha mumunekire mungonda dho kashitiko. Gha pyatire Petrusi no kumu pindutha ghu ghamba kwendi eshi, ''Pinduke wangu,'' no menge gha shutukire kumoko ghendi. ⁸Mu-engeli ghaghambire kukwendi eshi, ''Vate yitere yoye novate yisandari yoye.'' Petrusi gha tendire kemo. Muengeli gha muningire eshi, ''Vate dirwakani dyoye no nikuthe.''⁹Kemo, Petrusi gha kuthire mu-engeli kate kashwagha. Mbadi gha dimukire eyi gha tendire mu-engeli eshi ghushemwa. Gha ghayarire eshi kuna kurota. ¹⁰Munyima dho kupita mukungi gho kutanga, noghoghuwadi ha kumine kuthero dhothikuvo edhi dha tamba kuthi thitata; dhawa yandhurukere dhathinda. H shwayire ha kayende muthitavura, popo vene mu-engeli gha muthiyere.¹¹Apa gha hukire Petrusi mumaghano ghendi, ghaghambire eshi, ''kate popano nadimuka eshi Fumu ghana tumu mu-engeli nanishuture mumoko ghaHerodesi, nokuyoyiheya eyi ha ghayara haJuda.'' ¹²Apa gha yi nongonone yi, gha yendire kundhugho dhaMaria gho nyina Johanesi oyu nga hethanga karo eshi, Marukusi, oku ha pongire hanu ghu raperera.¹³Apa gha ngongonine kuthero, mukadhipika gho dina eshi, Rhoda gheyire. ¹⁴Apa gha nongononine diywi dyaPetrusi, dyamukangire kuyandhurura dikungu pamurandu ghoyi shamberera, mudyango dyo kuyandhurura gha hukire ghutjira mundhugho, gha ka tongwerire eshi Petrusi ne ghaneman pathero. ¹⁵Awo ha muhuthire eshi, ''Ghuna ghundumuka.'' Ene yene gha konomekire thikuma. Ha ghambire eshi, ''Oyo ne mu-engeli wendi.''¹⁶Ene Petrusi yene gha konomekire kungongona, apa ha yandhure thero, ha mumonine na ha tetukire. ¹⁷Petrusi ghawa neghedhire nodyoko eshi haporere, no gha wa tongwere eshi ngepi edi ghana mushwayitha Fumu mu ka shitiko. Gha ghambire eshi, ''Mukatongore yinu yi kwaJacobusi no kwawaminendi.'' Gha shwayire po nogha yendire kudyango dimwe.¹⁸Apa dyavire diyuwa, mbadi mwakarire nyungango dhongandji mukatji kawa mashurundate koyi ya hokokire kwaPetrusi. ¹⁹Apa gha mu shanashanine Herodesi mbadi gha muwanine, pogha tangire kwipudhura hakungi no kuwa rawera eshi ha wa paghe. Po gha tundire muJudeya gha yende kuKayesariya no kogha ka karire koko.²⁰Munyima dhopo Herodesi gha torokire nawanu homuTyre nomuSidoni. Ha yendire kukwendi nothitambo thofotji, nopakumana kuhongaghura Blasitusi, mughamweni waFumu, gha wa ghamwene, hepurire thiraro yoyishi awo nga ha wananga yidya yawo kwafumu gho ditunga. ²¹Mudiyuwa edi ha turirepo, Herodesi ghavatire yitere yothifumu nogha hungumanine padipuna; nogha tapire thighamba kukwagho.²²Hanu ha kuyererire eshi, ''Edi ne diywi dyanyambi no mbadi dyamunu!'' ²³Popo vene mu-engeli waNyambi gha mwandurire, yoyishi mbadi gha tapire fumwa kwaNyambi; Mavinyo gha mu dire kate kufa.²⁴Ene nando dhaNyambi dha kuwedhere nodha yeranine kokuhe. ²⁵Apa ha manine haBarnabasi naSaghulusi thitambo thagho, ha hukire kuJerusalema, hashimbire Johanesi oyu hethire karo eshi Marukusi.