¹Paul, Nekambombisi Yesu - Kristu, bane, bhu yanengwe Timothee, bhu PHILEMON,gwe bainei naapu Nomuomuombie bhue yangweimoolilia anenesiateluoo. ²Ne ngado Apphia, bhu Archippe neyangwe baineinaapru andre bhu tangeledjoi inoubandru udjoto. ³ina nodhioi noumbrwuandre bhu nodhio amoho neigbandre mila bhou Angele, napa bhaine bhutao neinjhwi bhaine Yesu - Krsitu!⁴Maatua andhinga pite noubruobwo Angeleo, bho netu bandrane noyandrepa tousemya. ⁵Ina sedruamaho bho andreisu ina Angele andrengwa Yesu-nodhadha ombie tetere bhu tao esantu pite. ⁶Maniane bho noopuopu bhandrune nobhupa nekpakpara tembandai Kristo bhane, ameita adhio bali pite. ⁷Ima, gbagba, mabologa neidjadja mootu, bhandreisu owa mito yandrangwe, bhu todhio moho.⁸Bhadri, Nobhutapu si neisu yangelodhianye obhuo mebali. ⁹Ina tomuyi eru anye bhu neisu baliandre bhadri mangadho miyo amania miyo nousemia bisiobhua simadri. Polo, Nekumu Inagai otune nekambombie Yesu-Kristu bhane.¹⁰Mangoni miho nousemia ngwangwe iandra nei mahi bru tadhingai mabuto to olokpo t'Onesime. ¹¹Nombi obru mio tapu iseele ne, tao gaidri anemolo bhu miho bhu ima. ¹²Mangatindila ne, Obuameye bhandraneanako gbagba. ¹³Imaba anomu bhomari ne tandrabe todhioibho ne ewama tandruome, tadhinga mabhuai to Olokpo ane madha nodhio iyangele bhane.¹⁴Nanyo kana, amomu ndo yosiodio anaa maimie, sodhiabalii nyesine angobhubhele siesami gbaragbara, aniabho snyesi anesu bali. ¹⁵Atadhinyakine kandibu bhane atadhinya piidhi, bhe nyugoba bhone atezegbe. ¹⁶Aneabhobha se modjegwe, sisoi ne yangwei komone pimane otuodre sima bhuimi nobhua tepi, nobhu, nobhu atenye.¹⁷Nyagbama sombie Nyomwane pinane kapine sisima. ¹⁸Obhubhibwo angesimi amebilitine, obhubwo bho natu mio nedhune ketu tanaru. ¹⁹Ima Polo, ahasima anoo teoro ageba moga, sima dhomiando nya mba mone. ²⁰Siso, yaragwo atabho mabhamito nodhoi bali, ateoi Nenye bhane.²¹Atedredre yibhadrune amei niama a tomiore se meitia bho nyesibaa sangafu neiyi madhimione. ²²Siatadhingane kembemo ne dhame, simamba bho no semiabharu ne aya wamala nodhoi bali.²³Ephafura nangwei be karuba Yesu-Kristu. ²⁴Moyami pa bhu Mako, Aristoka, Dema, Luka nangwe ii ne molane. ²⁵Noomoi neinye bhe ne Yesu-Kristu nobhu androdhudhuro.

¹Nouge, imi Kyria, Karuami ne, bhu edjandre si bhandrene, Esi moomuahe pima a todhio nzudha ne, bhe abhama pie moomuahe ne, mabhu esi koomwa nodhio nzudhane. ²Atodhio nzudha awodria amooto ne, bho bhuba amoro ateizekpe ne. ³Nodhio noumbwu andre, modhioi nodandre bhu nodhia moho, nobhu anyoro, aterusi Angele Napa nhane bhu atesi Yesu-Kristu nengwangwe i Napa bhane, atodhio nzudha bhu noomu i anemolobi!⁴Neidjadja ma bamaro amoutu atedjandre si bhandruene si awoolia atodhio nzudha, bhu noubhwoi magbabhu uu Napa bhane. ⁵Idri, gaiidri, nodhioi maumaniamu ne, Kyria,-kabha noubwuo adia, ina nei magbabhu eiselene, amoomue ayeiri ombiakuwe bhau akuwe ala. ⁶Noomu, manolioli atoubhwa. Noobhwo ne anei aata bhanyoli tone, si mugabhu eisele.⁷Si aambambai ootu kabekinye atapegoi. Esi kaapibho Yesu Kristu ekobhu ateepi ne. nombi djne ina naambambombie bhu netiombie (antechrist) ⁸Karindru kpara, ingeiro bhele eibhuebhukpo si emoloi bhandru ndhubhu.⁹Nombii owa amendrondro bhodria ataadhoi Kristu bhanene, kainoro Angele; Nombii odria atadhone ne, ma anapa bhu Nengwangwe. ¹⁰Nombi ekua huu nyai, bhekuwa anadhone ne, mingapi ne bhele atedjoi bhakiene, bhe mingo dhio noo bhele bho: Mingeeku! ¹¹Si Nombi oyane bho; Mingeku ne! awoosandre atemolobi bitisi bhandrene.¹²Bisenga obhuasi manodhio ootu si bho mahenyane, kamoomu ndo mesi he ane [papierrbhu ne encre] ne; Nonyoma kana oomwa ndo mao huu bhakie, emadhianyala androoturo, bhe neidjadjai bhaene obhua mombe pima ¹³Edjandre si andruendra bhane, Noruombie koouyamipa.

¹Naugé Gauis, nomwombie i momwane atodio nzudha. ²Noomwombie ania nolo, nekperé atodio pke, andruepi mombe, bhu andrua dhudhu. ³Mabaà naidjadja-kpara, aladhis yangwe kapubainé, bhu noliame i bandruene atodio nzudha. ⁴Kaimaro odiokpokpo ja fwa bhomaga bho edjandresi bandrane kau holia otodio nzudha.⁵Noowombié kuindru nyaa mombe bhau angwe kai, bhu atombia meku. ⁶Atadhingai kagai nohiame bali bhandruene atamei Angele bhane; kesi mombe atooli banyene atohiame bali Angele androtodio. ⁷Autone si kowa Yezu- Kristu anatoru anehaagbadhu otopagano anyete. ⁸Oniabho amapié ata igo hi bhene, amabhi aro emoloi atodio nzudha!⁹Mabamango-é , etuandre Nangele le djoo Bhe Diotrephe jomwa bondrobhu nombiameka tanyaigone kapiama. ¹⁰Badri maumekwa hu- nyai emairuba odiosi sawesia, ananda aeru, kaita idjadaj kaapi Angwe, odiodi komunga bonyesi ne, kapi bho kesi badjae ata ngeledjo.¹¹Akiomui, mikodhiikibele atohime biti, amuiki mombe. Nombi yesio dio baline inei y'Angele bhane Nombi yesia amada ne kayo guo Angele. ¹²Ombikpe atoldio nzudha kawupia Demetruse ama-oro, mapiabuamane, kaili bho napiapine beene, ina nzudha.¹³Abuba anodiootu ndo ma- é miyo, kamasi ndo ma e,e, ane barua guo, bua mikere kpoi ko-a -none, (ancre x plume). ¹⁴Ambando mau mekwa gai einyai, bhe maadioba agotikpo, nodia mo-o, noobhu miro, angwe kauyamipa ahui angwe kana kama.

¹Yudi, nemolombie i Yesu-Kristu bhane, bhu Yakobo yanengwe, Atesi kaabono he, bhe, bhe inawariahe Yesu-Kristu. ²Nodioi nodandre, nodhia moho, bhu noomu nengbu aanyooto.³Nombwombié, si moomwa pima bho ma hényala atarai bhaené, ési à kpara ndo mési so, ato mbandai bho amundre atapiapi androdhio, néi aubhrundre ombia mongo ala amemuru kana né. ⁴Si ombi akuwe kabekinye aanyooto, esi kabofo anye ngbanga siatane, ombi biti, esi kepela moomuya Angele bhune (grace) bhe keita Naadhadhombié bhu Neinyi kani bhaené Yesu-Kristu.⁵Oomwa ndo maamba nyala, aàmisi miitia adhio hé mombé né. Neinyi atadhingai éirai ombi bheidia he atapegoi Neizipeto andre né; bhopwua ombibiti, ⁶ésiétuahe bho onuo nengbanga i netiané kpokpoqndre aneotiahe ateizekpe okinibodi, aangelu si kabhuari anyedidili bhe kabhabrwu nodriamei bhanyenené;⁷Ne Sodomo bhue Gomorro ane anegboto siatabe si bha nyenené esia aubhwunye atésiesi biti esi kabhwu aatenye né, keesi ka awa nyodhio [exemple] bho kopeba a taagoi eizekponye. ⁸Bisiobhuaso, Anasi bhuhe, Ecdhasiaberene, aneokpa ebho Kobhunaa aneopwanyeepi, aneiza, anonzia he, Aneiria anye Kpokpo.⁹Gini, Angelu Michel, tadhingai Kagbadru Kapwanye bhuope. Nabho Moise andrabru tamodio, odhiosi Kabafo ne amopru. ¹⁰I he, Nodhio ayongolo, Bhaagbadru odhia etu tiiti, odhio nganga. ¹¹Nodo bhanye todhio i Baalam bhane. Aazinga tombi damba sie Coré ane.¹²Ina medamba todhio si bhakiene, Kane esia adhion biti. Namondukubha tapu Kaigwo, Nambimbato, Aki Kpokpo ameti momondru. ¹³Egwo edha Kpokpo momopo, esibi momondru, Nekinibodi nengbondili.¹⁴Baihoto hiso si Enoka noombi ameteama negi kana, Angele odiobru noto, bhamugwo nai y'angeku anombisihotu. ¹⁵Bhondraafu néngbanga yombikpe anye, bhé ndraawa ombiadaa hala si, ataigoi banyene hala noodu, si emolobi biti si bhanye ne, si kaudhobune, bue molo biti bhanyene; ¹⁶ié; kamwaumwanye, atohiamesi banyene, kau wolia ateihae si bhanyene. anjetikpo biti, kapia ombi atemo si bhanyene.¹⁷Ndo, bhaami, kiomwi anzaai mba odiosi kodiobunje iseelene, audruamisi nainyii bhene Yezu-Kristu bhane. ¹⁸Abodio nyala, bhadhinga si hu zaane, bhombisi kahudhhombi ne, kolia ate, iaé bitisi bhanyene kauwe kuba. ¹⁹Ka esi kabita nandiandi kaaneepi gbegbele, kai oro naudhudhu.²⁰Obhuami né Noomuombii, Kapandru Kpara atapiapi mombe i bhandruene bhu nousemia atoudhubhu mongo. ²¹Kapandru atoomu y'Angele bhane, ngane muwa nadhio yo dandei neingii bhaené Yesu-Kristo atorai eize kpane.²²Koungba esia kawetiane. ²³Keira akuwe nyane mupwu ahe ataanoré, atakiye kubhu anodo aosandre anodo, bha etia noyi blanyenei awawua tanyeepi.²⁴Nondhio kkana, mombii awe Waami atodhéndubhu né, eidibaami atoubhwuobwo ootuné bhu ateiobja. ²⁵Angele o kana, neirarambie bheene, Yesu-Kristo, neinyii bheené, noubhwordre, neinyi kpokpo, Nekpakpara [force et puissance] nei eiseclé ya adhi nganye kpe, iddrigaiohi, bhu ateranga outri [tous les siècles] notohuso [amen]