Bible

Levítico

1¹Yaawä ye´jumm´coomo ácamo cajiichana Waanadi Moisés cöna´deu´jai, cöna´döa´cä. ²Israelitacoomo wäiñe edääje caichä´de: cajiichana Wanaadi wä täjee´da tuemö a´dhanta´woonoiñe ae´ja dhan´cwa wä enee´ajäcä, ñäädä tä´cönö tonitäjeeda tu´emäje ene´neijödö ñaano jaca chudaadai acancomo.³Nöiäda täcönö Jaaca yacwaajä eneeájäcä tööwö ujaiña dhanwa cädääijemjönö. We´jummatojo nata´tajonno tönecamma cönäjato. Cajiichana Waanadi eje´taca wä ashicha yäneedo wetä. ⁴Yaawä töwö täjee´da tu´emö enee´neijödö iju´jäde´wä tamäädö nödö´a´de yaawä yääje yeijäcä ñäädä tameedä choneenadiyö täncwanno jo na´de yätä´de´amma.⁵Yääje'je cajiicha na Wanaadi neene döje toro amiñä'cajaiña. Ñaanno Aaron naoucomo Wanaadi wwä töwa'dewwamo, yääje yeijäcä we'ju'matojo nata'tajo ya'cwatojo tö'döa'jä waadädä adä'täcade yawä yää munu que encushimadö wetä. ⁶Yaawä ñäädä taje'da u'ajä ajuucajä ishaatä'cä'de yawä ijoocadö weetä wetä.⁷Yääje ñanno Aarón nacoomo cajiicha wanaadi wwä töwa'dewwamo töna'dä töweiye cönä'jato ya'cwa'tojo de'wä nödö'atode nicheme'ta'tode yawä. ⁸Ñaano Aarón nacoomo wanaadi wwä töwa'dewamo edääje nichonecatode chäwadäi tö'däjeiñe ijujämmödö chaatö mmaja yää ya'cwatojo a'tänchajä de'wä. ⁹Yaawä'ne iwencwa ca chocată'cä'de ijetö'jödö mmaja tuna que cho'catä'cäde. Yää'jeje wanaadi wwa töwadewamo niyacwato'de tameedä ya'cwatojo tödöajä de'wä na'de'dö ta'jeda u'ajä ya'cwatä'cäde. Mädä naade caado ijoodö nijo'tade öwwä; määdä naa'de wa'toque ya'cwajä täje'da u'ajä öwä.¹⁰Ñäädä äcudaadai acano aheecöno aju'cajä täje'da u'ajä, ñäädä oveja jaca nnedöcä töwö u'jaiña dhanwa'cä cädäijemjonö. ¹¹Töwö aminñäcajaiña ya'cwatojo tödö'ajä shii womontojo döse Wanaadi je'taca. Ñaanno Aarón nacoomo, Wanaadi wä töwa'deuamo nencushii'matode munuque acäichea ije'dö wadäi nencushimade chä'wada'i.¹²Yää'jeje töwö acä'jä'jaiña iju'jämjödö chatöjö mmaja Wanaaadi wä töwa'deuwamo nichonecajä'ato'de waito cheme'tajä de'wä yää ya'cwa tojo atäi ye'wa tödö'ajä. ¹³Yaawä tameedä cho'cadä tujuunne na dhacanñe nadö ijetö'jödö mmaja. Yää'jeje Wanaadi wäno wa'deu'wödo nu'ade niya'cwade yaawä ya'cwatojo a'täi tödö'äjä de'cwä edä cado ijodö nödö'ade cajiichana Wanaadi wonooje; chäwonoje täje'da u'ajäne yeiyajä wa'toque one'jajä yeitajä.¹⁴Yää täje'da äntudu cajiichana wä Wanaadi wä tadiñe möcä täje'da tödha'cwamöje ene'ajäcä, ene'jai mma yaawä macaano nedöcä ñäädä ne täjee'da miyaa'cwa'to'de. ¹⁵Yaawä ñäädä Wanaadi töwa'deumö ya'cwatojo tödö'ajä wadädä adäjaiña, nijöncä'ade yaawä ya'cwadö wetä ya'cwatojo de'wä. Yä'je'je yää munu tönajächö'coomo que ya'cwatojö a'täi awodhe'cacä nöjö'jä'ade.¹⁶Töwö chacajaiña tameedä iwenwaca naadö yuduumoijö'da mmaja, ya'cwatojo o'wawä tödöödö wetä, yää wedeennäje tödöötojo dö'tä. ¹⁷Ñäädä yatoocajaiña annai dhajäsai mmaja töjäncajä'eda, yawääne shancwajojai aca'töcäwacä. Yää'je'je Wanaadi wono wa'deu'wädö niya'cwade ya'cwa'tojo de'wa. Yää na'de tä'jeda u'ajä ya'cwajä, yää nijota'de yaawä cadp cajiichana wanaad wwä; määdä na'de täje'da u'ajä chäwwä wa'to ai oneeja'jä.

2¹Yaa'wä tää'jeda tú'emö dhadödö eneejödawä caajichana wanaadi waadädä, iyä täjeda u'a'jä yeichö tuujun'ne'na dhaadödö aashiichato a'jo'ajä, tööwö acaa'jaiña chatö ye'cäcä ijodö'maaja ye'cäcä töödöjaiña. ²Tööwö naadä'ade iyä tää'jeda u'ajä Aarón naacomo waadädä, Wanaadi woi'jacomo, yäatä Wanaadi anoonö najäi'yade taamädö aca iyä dhaadödö ajo'ajä aashichado chaatö jadä ijo'dö nödöö'ade ye'cäcä yääjeje ñäädä Wanaadi anonö niiyacwatode iyä tääjeda u'ajä yaacwa'toyo taacä tääne'mööje, määdäje cado ni'jo'jade Wanaadi wwä edä na'de tää'jedä u'ajä wääto que töödöa'jä. ³Yää'tää'jeda u'ajä dhadödö naade Aarón wonoo'je anñaacomo wondo'jeem'jönö cajiichaana Wanaadi woono'je tääjeda u'aajä watoo'ai tee'jadatää jödö.⁴Yaawä tääjeda u'a'jä dhaadödö umman'nä'catojo'jemjönö asucaajä taanato a'ca, iyä pán yei'chö tujunne cönääjacä taajichödhe dhadödö ajo'a'jä ashichato ai'maajä chatö'jaadä, pan tai'jaato umman'näcaa'tojo'jemmönö, oimajä chatö'que. ⁵Iyää tä'je'da ontudu dhadödö taasuca yeiya'jäcä shanna'caatojo sejadadi aca a'jo'ajä yeichö tujunne'nä ashichato, un'mannä'catojojada, cha'tö jadää'oimaajä.⁶Tuudä'jenñe yaatojo'tödö tu'junne'na äwä chaatö aa'cadöweetä yeecäcä. Edää'yä tääjeda u'a'jä dhadödö. ⁷Yää täjeeda ontuudu taanä yei'ya jääcä shanna'catojo'aca, ashiichato a'jo'ajä weei'chö tujunne'na chatö'maaja.⁸Amäädä enee'jaima tää'jeda on'tudu dhadödö edää maa'tawono tööwä'tue cöönä'jacä Wanaadi a'deuddu ecamman'naamo wäiinñe, enejedö wee'tä yacwatojo taaca. ⁹Yääjeje tö'wö Wanaadi adeedu ecam'manei naajäi'yade iyä tää'jeda uu'a'jä aadödö tää'je'da in'waacano'je tuntuduje, töwö niyacwade yaawä yacwa'tojo'aca. Iyä tää'jeda uu'ajäna'de yacwajä, na'de caadoijoodö Wanaadi wä. ¹⁰Yää tä'jeeda dha'döödoö u'a'jä wää'de'tööjödö Aarón wo'noaje na'de inñaa'como woono'je mmaaja. Iyää'na ashiicha'to'je cajiichana Wanaadi'wä, iyä'tääjeda u'a'jä na'de waato'acano'jödö Wanaadi'wo'no'je.¹¹Tooni'chä tää'jeda u'a'jä dhaadödö Wanaadi'wä u'jaicha maato, un'man'nä'catojo jaano töödö'a'jä maane aijaiña, un'man'nääcaa'tojo jaano yaacwa'jaicha aweii'chomijäcä, waanä eecudui'jeda mmaja, wato'wacaamo'jöödöne ei'jaiña tää'jeda u'a'jä Wanaadi'wä. ¹²Än'wanno tää'jeda mu'a'tode a'waadeto adödö, tööna'tötä'mö jönö'ne cado ijotadö'weta yacwa'tojo taca. ¹³Än'wanno tää'jem'jönö u'a'jä dhadödö awadäiñe oi'maajai maato sayu jadä. An'wanno yei'chöödäje tödöö'jojaicha maato wää'tutojo satu'jano dhadödö jedada yei'chö tu'junnena Wanaadi wono. Tameedädä tää'jeda u'a'jä sayujano ecam'majai maato.¹⁴Änwan'no tää'jeda u'a'jääcä awaadeto dhadödö weejacadö Wanaadi'wä, utääcä edu'wato'jato'ne sha'udajä wato'que aju'juña'jä'a'jä äwan'shiije. ¹⁵Yää'jeje, ejo'döque töödö'jaima chaatö jadä ye'cäcä. Edää'yä tä'jem'jönö u'a'jä dhadödö. ¹⁶Yää'jeje Wanaadi'wä tööwa'deu'wemö tää'jeda u'a'jä acanno yata'jujuñajä niyacwade chatö'que ijodö'que eumasama'döjo yei'chojo'dötä. Edää'yä täjeda u'a'jä waato a'cano jödö Wanaadi woono'je.

3¹Edäje dhanwa sacrificio töjaima adaijoto odocajato tönamiñäca täncanodeda toweidnocomoje, dañwjeñema. Wodi jeñema tönaminäca cönäjato cödäijemjöncomo tunue conäjato cajichana wanadiwä. ²Töwö tamodönöade jujä jäcä amiñäcadö wetatäjeda tuemöje, yäwä töwö namiñäcadë maa wejummätojo natatadö dötä. Yätänno sacerdote Aron nacomo tönencushima cönäjato daquiyöjöque täjemmöjönö ucatojo awodecäcä.³Dhänwa sacrificio ñiyzcwade täncanodeda töweichojoje iyä töwejadäe conäjaca wato wätudeajä aicajichana wanadi wonoje. Chatö iwenwacano ejonä ajäyajä wanadi wonoje nóta, ⁴anädä chuncuniyö jocono mmaja, chatöchäwatö jäcäncomo jödö mmaja, tämedä mädä nejodöjade chuncuniyöjödö jadä. ⁵Yotonno Aron nacomo Asichato uajä niyacwatode yacwatojo dewä, wato chemetajä acä. Yawä wanadiwä cado nijotade iyä yatudu,yäje töjemmjönö yacwajä cajichna wanadi wanojena.⁶Äcönö iñejencaja Danwa sacrificioje tönnöe cönäjacä täjemjönöje täncanodede toweichojojo; Danwa, woodi jeiñema tunue cönäjato sacrificioje codäijemjönö. ⁷Obeja nedöcä sacrificioje yeiyajäcä wanadi wonoje tunue cönäjato. ⁸Töwö tamadö nödöaje ijujä dewä, yawä tönaminñäca cönäjacä mma wejummatojo dötä. Yäjeje Aron nacomo mumuque tönencushima cönäjto yacwatojo todöajä töjöjotojoje dawodecäcä.⁹Nädä danwa nuare sacrificio täjemjönö tuemöje täcanodeda töweichojoje iyä yacwadö tujunnena cajichana wanadi waanoje. Tamedächatö dhacödö acätädö nacäatode inwajujä watamedö dötänno chatäucadö wetä. Tamedä chocadö tujunnena chäwadäi tamedä chatö chäjöjäcă nadö wadäi chocadö tujunnena, ¹⁰anädäncädä chatö chuncemiyö jöcöno mmaja, chäwatö jäcäno mmaja, chadedö jäcänö mmaja, madänejodöjade chuncuniyöcomo jödö jadä yawä. ¹¹Yäjeje sacerdote niyacwade yacwatojo tödöajä dewä, äwanshije nödöade iyä täjemjönö watoque onejajä, cajiichaana wanadi emjatawä.¹²Danwa täjemjonö töweeiye yeiyajäcä, cajichana wanadi adäjäiña. ¹³Yawä cabra ijuja dewätamodö nödöa amiñacadö wetä wejummatojo jetaca. yäjeje Aron nacomo munuque nencushimatode täjeda uajä yacwatojo awodecäcä. ¹⁴Watoque yacwajä jañone danwa nuade cayichana wanadiwä. Töwö tamedä nichocade chatä iwwwacano, tamedä chatö iwewaca nädä nichocade.¹⁵Yajeje töwö dea chuncuniyö nichocade chäjacöncomo chatö majä chäwatöjödö jäcäno mmaja, chadedöjödö, chuncunijödö mmaja. ¹⁶Tamedä mädä sacerdote niyacwade yacwatojo tödöajä dewä, iyä yacwajä tönnöe conäjato äwanshije, iyä jodö acwanije cönäjacä. Chatö mane cajichana wanadi wonoje cönäjacä. ¹⁷Edä wanontädö nade äwätäsetotocomoje, acude adhatödö wätäsetoto como jemmaja töjatadöcomo wadöi, madäje änwano odhowanäcäñe nade munu tänäjacha aweichöcomo chatö mmaja.

4¹Yaawä Moises wwä, CAJIICHAANA WANAADI cöna'deuwöi, cönäädöacä: ²Ñanno soto wäiñe ecamma'cä'de: yaawä tödööse'da töweichaame conemjönö nödöäadö, yää CAJIICHAANA WANAADI anööj'da nadö towaanäcä'da yeichaame ane'jammädä tödööaajä, yää tänoiñaato tödöemjönö tödöaajäcä, yaawä de amma tödööjaiña ecomma'jaadö. ³Ñäädä Wanaadi wä töwaadeuwemö edhaajätoncomo conenijänö tödöaajäcä, mädäjemmaja ñanno soto conemjönö tödöaajäcä eneejai natoodea, yaawäne mädäje töconeenadi yöö como u'jai naato yaawä, tooni todo nuude'cä imeenudu jemjönö CAJIICHAANA WANAADI wä täje'da tu'emö töcone'naadi encwannojotojoje.⁴Yaawä todo muude'cä ene'jai nato yää Wanaadi wä, wa'deutojo naata'toadö ai, ñädä todo muude'cä imeenudu jemjönö amoojaiña ye'juma'cä diñña, CAJIICHAANA WANAADI je'taca, e'ne'jaiña nädä wanaadi wono wa'deuwödö wdhaajäton como töwö tamoodö nödöa'de amiñäcadö wetä CAJIICHAANA WANAADI je'taca. ⁵Töwö CAJIICHANA WANAADI wä e'taja naadäa'de ñäädä todo muude'cä aquiyö Wanaadi wä wa'deutojo taca.⁶Töwö CAJIICHAANA WANAADI wä töwa'deuwemö tamoodö dhadaadö munu aca nemmonga'de taawä töwö nencushinmai yää munuque acä amoojatode CAJIICHAANA WANAADI neneedöje, yää aashichatoiña woomontojo cönä'ja'cä dhaidutu tödöajä. ⁷Yaawä töwö Wanaadi wä töwa'deuweemö nödööa'de munu ye'cäcä yää aashichaato tödöötojo de'wä CAJIICHAANA WANAADI neneedöje, yaawä töwö Wanaadi weichoojo taca nijo'jato'de ye'jumma'como, töwö nöjööa'de yää todo muude'cä aquiyöque yää aashiichaato tödötojo ejudu a'tei mmaja, yää täje'da u'waajä niiya'cwato'de, Wanaadi wä wa'cteutojo naata'taajo yoomontojo awä ye'juuma'como naatatodö mmaja.⁸Töwö todo muude'ca catä tameedä nicho caato'de täje'da tu'emöje conemjönö encwannojotoojoje; tameedä ijummacä dhaca no'jödö äne'da näjannö, ⁹anä'dä chuncuniitö jocomo mmaja yää chaatö como naadö chocacäde, chä'wa'to jocono mmaja yää chädeedö mmaja, anädä chuncuniiyö, jäcä naadö chocacä'deede tameedá mädä. ¹⁰Mädäje töwö nicho'ca'de tameedä, chocacä'deede ñäädä todo muude'cä sacrificiaje täje utuudu wetä töncanoode'da. Yaawäne töwö Wanaadi wä töwa'deuweemö niiya'ewa yää aashiichato tödöötojo de'wä täje ya'cwadö we'tä.¹¹Ñäädä todo muude'cä ji'jämjöödö tameedä yäädetöaajä iju'jä jadä i'judu mmaja töwö dhacanojöödö iwetö'jöödö mmaja, ¹²tameedä yääde'töaajä todo muude'cä jocono'jöödö, nadäaato tameedä jato tö'cäi yää yencho como eijaña no'saje'da öwwonone yeiyajä, ä'sha yä'meetojonai yää wedennäjato; tönwanno tauda yätä wedennäjato nööja'aato'de.¹³Tameedä soto ye'juma'como conemjönö tödöa'jäcä, towaanäcäiñe'da conemjönöje yeichä yeichaame yaawä we'juumanaawä conemjönö towaanä'da yeichö yeichaame mmaja yää CAJIICHAANA WANAADI necammadö aneeja mädä tödöaajäcä conemjöjena, ¹⁴yaawäne ächänawä conemjönö cönnöicho yää towaanojöönöcomo yaawäne we'juumana awä, yäätä ecammajaina, tooni todo muude'cä ene'jaiña täje tu'emööje töcoone'naadiyö encwannojootojoje mmaja, neneejöñooje'de Wanaadi wä wa'deutojo taca ye'jumma'com je'taca. ¹⁵Ñanno inchoncomo we'juuma'como amiñä'cääjai naato nädä todo muude'cä CAJIICHAANA WANAADI je'taca, töwö todo muude'cä naminñä'cade yaawä.¹⁶Wanaadi woono wa'dewwädö e'tajäje naadö neene'a'de toro akiiyö she'casa'cä soto we'jumato'como taca, ¹⁷Wanaadi woono wa'dewwödö tamäädö dhadaadö namonnäja'de muunu aca nencushima'de aacä amoojatode Wanaadi neneedöje, wentanna a'dutu owaajo.¹⁸Muunu nödööa'de she'casa'cä, Wanaadi weichojo owaajo iji'jämjödö tödöajä naadö jäcä, we'jumatoojo dö'tä naadö, töwö nemeecanta'de muunu tameedäädä, täjemjönö u'ajä ya'cwajä ke, mädä ye'jumato'como taca yomonto'como dö'tä mmaja. ¹⁹Töwö nacä'a'de chaatö'jödö tamedäädä niyacwa'de Wanaadi wa'deutojo dö'tä.²⁰Mädääje töwö nödööa ñädä toro ke. Ñä dä täje'da toro u'ajä cönnöichöje mmaja ñädä conemjönö tödö'jödö jäcäichädoto cuntuichoodö, mädäjö mmaja töwwö nödöa'dea toro ke Wanaadi woono wa'dewödö nödöa'de tamedä soto jäcäichädäiñe, töngwanne nato'de chene'nadiyöcomo tängcwanno'jo. ²¹Töwö nadäa'de ñädä toro chuu taca, ni ya'cwade awa'deto toro cönña'cwaichöje mmajo, mädä täjemjönö u'ajä yamedä soto jäcäichädä'como.²²Ñädä faata eda'chänei wä conemjönö tödoöa'jäcä, tödö'seda töweichaame, nödööanei, conemjönö nödöa, CAJIICHANA WANAADI nanontädö she'casa'cä ännödana, töwö chäwwäno mädä yaawä, ²³mädääje chone'nadiyö täne nä'döa, töwö ene'jaiña sacrificio tu'emö toni cabro dhangwa imenuduje'da naa dö.²⁴Töwö tamäädö tödöjaiñña cabro iju'jä de'wä yä'jäje naminñä'ca tönaaminñä'ca weneenetodö döiñña dea , iyä täje'da ya'cwajä u'tojo CAJIICHAANA WANAADI wä tunu'e weneenetodö döiñnadea mädä iyä täje'da u'ajä conemjönö tödöneijödö wä. ²⁵Wanaadi woono wa'dewwödö muunu najäiya conemjönö tödööneijödö nutuudu, tamäädö dhadaadöke, nödööa yaawä iji'jänejödö de'wä täjemjönö ya'cwajä u'tojo de'wä, muunu nemeecanta dea täjemjönö u'tojo de'cääcä.²⁶Töwö chaatö niyacwa'de tameedädä, täjemjönö u'tojo de'wä mädääje chaatö'jödö sacrificio je nödööa täncanode'da weichojooje. Wanaadi woono wa'dewwödö nödöa'de ñädä sacrificio tu'emöje naadö, ñanno faata e'seetännamo choone'nadiyöcoomo ñontancädä, yaawä faata e'seetännamo coneenadiyöcoomo nätängewano'jade.²⁷Äneeja soto conemjönö nödööa töwwä täcade'da, töwö nödööadea äneejacomocä mmaja, CAJIICHAANA WANAADI necammadöna iññamädä'da eichä, yaawä töwö nädanta conemjönö tönnöe töweichö, ²⁸mädääje choone'nadijöna, töwwö töcoonenadiyö towaanäcä nödööa, töwwödea ene'jaiñña toni cabra sacrificio tödööemöje wodi aashichaato, töcoone'nadiyö encwannäjoyoojoje.²⁹Töwwö taamädö nödöa'de ñäädä täje'da tu'emö iju'jä de'wä töwwödea naminñäca'de täje'da ya'cwajä u'tojo döiññadea. ³⁰Wanaadi woono wa'dewwödö najäiya'de muunu she'casa'cä tamäädö dhadaadöke, töwwö nödöa'de iji'jämmjödö de'wä täjemjönö ya'cwajä u'tojo de'wä. Töwwö nemecanta'de muunu tameedä yätä naadö Wanaadi wä wa'deutojo de'cääcä.³¹Töwö nacä'jäa'de chaatö'jödö tameedädä, mädä chaatö'jödö acä'jäajä sacrificio je nödööa, täjemjönö utuudu wetä, täncanode'a weichojooje. Wanaadi woono wa'dewwödö niyacwa'de, Wanaadi wä wa'deutojo de'wä CAJIICHAANA WANAADI woono wa'dewwödö nödöa'de sacrificio dhangwa etöjoi, choone'nadiyö ätäncwano'joiye.³²Dhangwa wä ene'ajäcä toni oweja sacrificio tödööemöje, täje'da utudu wetä, töcone'nadiyö encwano'jotojooje, töwwö ene'jaiñña toni wodi oweja cädäijemjönö. ³³Töwwö tamäädö nödöa'de täje'da tu'emmö de'cäcä, töwwö dea namiññä ca'de täjemjönö tönaamiñña weneenetodö döiñña dea täjemjönö ya'cwajä u'tojo döiñña.³⁴Wanaadi woono wa'dewwödö najäiya muunu she'casa'cä täje'da tu'emöje, tamäädö dhadaadöke töwwö nödöa'de iji'jämjö de'wä Wanaadi wä wa'deutojo de'cääcä iyä täjemjönö ya'cwajä u'tojo, töwwö nemeecanta muunu tamedädä Wanaadi wä wa'deutojo de'cääcä. ³⁵Töwwö nacäjäa'de chaatö'jödö tamedäädä, mädäje oweja catö'jödö acäjäätödö sacrificio tödöemöje, täje'da utuudu wetä täncanode'da weidojooje, Wanaadi woomo wa'dewwödö niya'cwadea Wanaadi wä wa'deutojo de'cääcä, täjemjönö u'ajä de'cääcä mmaja. CAJIICHAANA WAANADI wa'to wedemmödö de'wä nä'döa. Töwwö Wanaadi woono wa'dewwödö nichamjiyaca odocojatoke, conemjönö encwanojotojoje, ñädä dhangwa cone'nadijö täncwannojona.

5¹Äneeja wwä conemjönö tödöö a'jäcä, änee camma'da yeiya'jäcä, iyä conemjönö tönnö'jödö ecammadö tuiunnena, ñäädä etaanci'jödö mädääjäcä, töwö chowwono madä yaawä. ²Äneejawwä wanaadi ecaanö'a'jäcä, conemjönö aca töweicho jonno, odoocajaato wää maajä yeiya'jäcä tönoinñato töwö, nossaje töwööna ñäädä yäämaajä äneeja vaca wämaajä mmädä, töwenöcaato wötäädö jenñemma, ajoojo'se'da töweichaame najoojaadö iyä nossajaato töwö choone'nadiiyö.³Yää nossajaato ajooja'jäcä äneeja nödöödö, nossajaato mmädä jeinñema, töwö towaanojöönö nödööa mädääje yeijäcä jeene conemjönö nödööa, töwwä täne yä'döa'jäcä towaanäcä nödööa. ⁴Äneeja yääcammajäcä naadönaane töntadööque nääcammajäcä choonc'madö mmädä nichoone'ma, aashichaato tödöödö atäi necaanö'a, äneeja'cämmädä dhangua wwä ecamma'jäcä töwödöjööque nichä'tönngaadö, töwääcamadaawä towaanäcä'da töweiyancädä nödööa, mädääjejeene conemjönö nödööa.⁵Yaawäne äneeja choone'nadööyö töweiye, yeiya'jäcä eetä naadö, töwö ecammajaiña äneejacä mmädä conemjönö tönnö'jödö. ⁶Mädääjeene töwö nenc'a täje'da tu'emö cajiichaana wanaadi wwono töcoone'nadööyö encwannojotoojoje, tooni odoocajaato wodi, tooni oveja jeinñema cabra jeinñema, täje'da tu'e mööje töcoone'nadööyö encwannojotoojoje, ñäädä wanaadi wwono wa'deu wödö nödööa ñäädä odoocajaato tämeeta caano'jödöje conemjönö encwanno'jotooje.⁷Ejeemajaicha töweiya'jäcä ñäädä odoocajaato töwö ene'jaiña täje'da tu'e mööje aacä jaduuma mude'cä dea mma cajiichaana wanaadi neneedöje, tooni mmane nene'a täje'da tu'emööje töcoone'nadööyö encwanno'jotoojoje, tooni'chene täjemjönö tödha'cwamöje. ⁸Töwö nene'a wanaadi wwono wa'deu, wödö wadäädä, täje'da tu'emööje töcoona'nadööyö encwannojotoojo'je töwö najäiya'de iju'jä ecuumödö wetä anaacä'jätö'dammaane yeichojoona chääjö. ⁹Yä'jäje töwö nöjööjä'a munuuque täje'da u'ajä yäätä naadö wanaadi wwä wa'deutojonnäcä, töwö tameedä munuuque nödöa'de wanaadi wwä wa'deutojo e'seji mädä iyä conemjönö encwannojotoojoje.¹⁰Yä'jäje nene'a tadinñemö täje'da tu'e mööje tödha'cwamöje, waanontänä imennaajä nä'döadöje, wanaadi wwono wa'deuwödö nichamjiyaaca'de tadinñe möque choone'nadiiyö encwanno'jotojoje, ñäädä soto chone'nadiiyö täncwanno'joona.¹¹Yaawäne aacä jaduuma mude'cä ejemajaicha töweiya'jäcä töwö enejaiña sacrifisiooje tu'emööje töcone'nadööyö encwanno'jotoojoje 3,7kg harina tajichö' dhato täje'da tu'emööje töcoonenadööyö encwannojotooje. Töwö tödööjai'chana chaatö äneeja catö tödööe'da mmaja. chääjäcä choone'nadiiyö encwannojotojo u'ajääje yeijäcä.¹²Töwö ene'jaiña wanaadi wwono wa'deuwödö wadaädä, ñäädä wanaadi wwono wa'deuwödö najäiya tamoco'taca iyää täje'da u'ajä, yä'jäje niya'cwa wanaadi wwä wa'deutojo dö'tä, täjemmjönö u'ajä de'wämmaja cajiichaana wanaadi wwä caado nijoota, mädä iyä täjemjönö u'ajä choone'nadiiyö encwannojotojoje. ¹³Töwö wanaadi wwono wadeuwödö nichamjiyaaca'de äneejaque soto cone'nadiiyö encwannojotoojoje yeijäcä, ñäädä soto cone'nadööyö tänscwano'jona. Wanaadi woono wa'deuwödöje töwö yeijäcä chäwwä yäädetö'jödööna dhadöödö täjemjönö u'ajääje naadöjemaja".¹⁴Yä'jäje cajiichaana wanaadi cöna' deuwö Moisés wwä cönä'döaacä: ¹⁵"Äneeja wwä täje'da edä waanontänä tödööa'jäcä conemjönö nödööa cajiichaana wanaadi waanontädö je yeijäcä yaawäne töwö nödöi inña mädä mädäjene töwö nene'a täje'da tu'emó, cajiichaana wanaadi weichojo döinña. Ñäädä täje'da u'ajä eijaiña tooni oveja imenudu'jemjönö ne; täje yeichö eijainña amoojadäto de'wä tooni acäichea (11,4kg) jödaata cä wa'cä, täje'da u'ajä eijainña chonenadiiyö encwanno'joto'me. ¹⁶Töwö cajiichaana wanaadi ya'däjaiña conemjönö tödöödö weijäcä töwwä, conemjönöje'da ätätajaichana, töwö ni yewononta ijaatodeato'cä wa'cä annai, nu'a yaawä wanaadi wwono wadeuwödö wwä. Mädääje töwö wanaadi wono wa'deuwödö nichamjiyaaca'de odoocajaatoque täjemjönöje u'ajääje yeijäcä, töwö chone'nadööyö täncwannojoona yaawä.¹⁷Äneeja conemjönö tödööa'jäcä aneejam mädä tödöö'a'jäcä jeinñema cajiichaana wanaadi waanontädö anñö'dana töwö, towaanäcä'da yeiyancädä nödööa, choone'nadiiyö mädä töwö chowwono mmaja mädäädea. ¹⁸Töwö ene'jaiña tooni oveja, tömenuque mmjönö täje tödööajä eduuwatoje, täjemjönö u'ajääje yeijäcä, wanaadi wono wa'dewwödö wä. Yaawäne ñäädä wanaadi wwono wadeuwödö nichamajiyaca'de odocajaatoque tämétacaa'no'jödööje, conemjönö tödööjödö encwannojotoojoje yei jäcä towaanäcä'da yeiyancädä conemjönö tödööjödö weichaame chone'nadööyö tancwannojona'de. ¹⁹Mädä täjemjönö utuuduna ñäädä conmjönö tödööneijödö cone'nadiiyö encwannojotooje, cajiichaana wanaadi emjataawä".

6¹Yawä Cajiichaana Wanaadi cönadewwöi Moises wä, cönädöacä: ²"Anejawwä conemjönö tödöajacä, Cahichana wanontädö shadäja jäcä jeiñemma, iyä töweichacona coneda tödödö, ememmecödö jeiñeima, töweichacono imaminchadö jeiñeima, ³töweichadö nödödö edantäjödö weichame ijomeänei, chänongato wacäto wacamadömaja, tame`dä edäcomo tödödöque soto conemjönö nödöa, ⁴yawä conemjönö tödöajäcä, yoijatoje yeiyajäcä jeiñeimma, inña maya chäwwä tödödö tujunne nadea, yoijeda ñeijödö yeiñemma, tönnödöjönö edanta jödö yeiya jäcä maja.⁵Chäwwä ijomedäjödö yeiya jäcä, tamedä chäwwä inñacadö tujunnena ejemadö jeiñemma, ñäda töneje quenäjödö wä yawä yoijatoje yejacajäcä. ⁶Yawä töwö täjemjönö Cajiichaana Wanaadi wadädä enejaiña: nädä carnero yecodoiña jödö jemjönö iyä täje yeichö ejemadö cäwacä, Wanaadi wä töwadeuwemö, täjemjönö tunue töweiye naichöje. ⁷Ñädä Wanaadi wä töwa'deuwemö sacrificio nödöade wanaadi jetaca, yawä tamedä chänongenjönö inñöjödö woije täncwannojo nade."⁸Yäwä Cajiichaana Wanaadi cönadeuwöi chea Moises wwä, cönädöacä: ⁹Aarón, inñacomo moya anontocoto, edäje caichäde: edä iyä wanontäna, täjeda tuemö tödötojo: iyä täjemjönö yacwajä ashichato tödötojo dewä tödödö eijaiña, coijaichodadä yawanadö jonane, wato emjannajä maja tännedä yeichö tujunnena iyä ashichato tödötojo dewa.¹⁰Yawä tajededato töwomö awä Wanaadi wä töwa'deuwemö newontade. Iyä täjemjönö yacwajä wädetöjödö wendennäje yädöajä ancudu wetä töwwä, yawä töwö nödöade ashichato tödötojo nnäcä. ¹¹Töwö töwomö nucade, aneja töwomö daja ewacadö wetä töwwä, iyä töweichocomo jonno adädö wetä chäwwä.¹²Wato wemjangaja tännedä nade, unquecajodö tujunneda nade, yawä Wanaadi wä töwa'deu wenö deecomo nucajäadede, ätunquejöda yeichojo, jennaneto wadäi, Cajiichaana Wanaadi wä tanontädö woije. ¹³Iyä wato wemjangajä tännedä nade yeichödäje, yätunquejodö tujunnedanade.¹⁴Edä iyä wanontänä täjeda tuemö dhadödö jäcä. Ñanno Aarón nacomo täjemjönö nuatode Wanaadi wä iyä ashichato tödötojo dötä. ¹⁵Yawä Wanaadi wä töwadeuwemö dhadödö tajichödhato toni ajäiiödö najäiyade, chatö maja, töjocato ijodömaja maja, iyä dhadödö tajemjönö tuemö aca nadö töwö niyacwade yatä ashichato utojo dötä, cadono ijodöje yadödö wetä, täjemjönö tuemöje yeichö chawwäiñe.¹⁶Tamedä iyä täjemjönö tuemö wädetöjödö aca nawashinchatode Aarón inñacomo maja. Ummannäcatojomenjönö wäwashinchotojoje nade iyä ashichato weichojo taca. Tönwanno näwashinchatode wejummatojo jödodoichädö awä. ¹⁷Iyä unmannäcatojo jeda yeichö tujunne nade. Öwwä tuena chäwwäiñe, iyä täjemjönö tuemo ashichato watoque tödäajä. Conemjönö tödöjödö ejematojo töweiye naichöje. ¹⁸Tamedä yeichödäje, ajatawä awajimmä tädä natodö, äncäcä neatodö maja, ñanno dhanwacomo Aarón nacomo maja äwashinchäiyetode, iyä Wanaadi wä täjemjonöje tödöajä nadö, watoque. Ñädä anejammädä najojadö ashichatoje maya nädäade.¹⁹Yawä Cajiichaana Wanaadi cönadewwöichea Moises wä, cönadöacä, ²⁰Edä iyä täjemjönö tuemö Aarón wä inñacomo wwä maja, tönwanno Cajiichaana Wanaadi wä nuatode, tamedä chäwwä tödönnamoje yätuacomjacä: tönwanno nuatode iyä dhadödö tayichodhato döojä, jenadäne annaichocä wacä chomomödawä annaicho cä wacä maja.²¹Iyä tödödö nade, shaddotojo dewä chatö que shimijancadä, yawä chänönge yädöajäcä täjemjönö tuemöje madäade yatocajatödöjo, iyä dhadödö cadono ijodö döajä Wanaadi wonoje. ²²Ñädä tamedä chojedhenñe nöchötadö änönge dea iyä täjeda tuemö nuade. yeichödäje ecammajä nadö nönge, tamedä Cajiichaana Wanaadi wonoje tödhaewa yeichö tujunne na. ²³Iyä dhadödö täjemjönö tuemö, tameda chäwadäiñe tödhacwa yeichö tujunne na tamemjedä nade.²⁴Yawä Cajiichaana Wanaadi cönadeuwoichea, Moises wä, cönädöacä: ²⁵Aarón wä adhadeucä de eduwa inñacomo wwämaja edäje caichä chäwwäiñe: Eda yää wanontänä, täjeda tuemö tödötojo conemjönö tödöajäcä, tämamö jena, yätä Wanaadi jetaca täjeda tuemö yacwatojo tacaashichatone yeiyajä. ²⁶Ñädä conemjönö jotädöje tajedatuemö unei näwashinchade. Ashichatoiña wäwashinchotojoje nade yää yatä wejummatojo jödodoichädö awä.²⁷Aneja wämmädä ajojajäcä yää ijunu jödö ashichatoje maja nädöade, yawäne munuque yomö yecodoiñajodö töweiye yeiya jäcä choccadö tujunne na, yecodoiña jödö nadö dötä, ashichato weichojoiña. ²⁸Yää jadancana nono döajä chomocatojoje tödöaja cönäjadö emojaiña yawä. Yää quene jadancana sejadadi döajä, tuna ashichato quemma tatöemjena.²⁹Ñanno Wanaadi wä töwadeuwamo wäjimmätädö maja äwashinchajai nato dea, ashichato je tödöajäne yeiyajä. ³⁰Yawäne yää conemjönö jotädöje täjeda tuemö tödöajä nadö tamenjeda na, yäaä ñädä Wanaadi wa töwadeuwemo weconecatojo je tönadä cönajadö ashichato weichojo taca. Ñädä Wanaadi wa töwadeuwemö tödhacwamöje nödöade yää.

7¹Edää iyää töjeda tuemö (culpabilidad) mädö iyää chönöngato ²Emadö chöwönñe tujunnena iyää töjedä tuemö (culpabilidad) yäätö ematojo dätö,yaawo töwanno cönshimijoicho ashichato utojoca munuque ³Tameedädä iyää chatö tuemöjena:shidöi catö, tameedädä chatä dhacancomo maja ⁴Chöwajucunu a´cäto chatö chöjadonoje nadö maja imotai dötönadö ,chädeedöjödö quenewontoi chöwajucunu que tameedödö mädö ajodö tujumnena.⁵Yacwuadö tujunnena eduuwa tameedödö mädö ajoajö sacerdote wo yäätö ashichaato utojo dötö töjeda tuemö nönge cajichana wo .Edä iyää töjeda tuemö (culpabilidad). ⁶Dhanwacomo sacerdote antawonñe natodö äwashinchajainato sacrificio tödöajäjödö aca ,yowoshinchödöcomo tujunnena ashichato dötö, ashichatoje yeijöcä töwö⁷Täjemjönö utudu conemjönö tödöjödö woije, töjeda utudu (culpabilidad) änönge dea töwö na yötösetödö,chowonojena sacerdote conemjönö encwanojoto tödödö wetö. ⁸Töwö sacerdote nua töjeda tuemö yacwajö shijöjocomojödö maja.⁹Töjemjönö tuemö (grano) asucatojoca tönasuca cönöjato, tamedödö tunasuca cönöjato jadancanaca, sarten shannacatojoca maaja, sacerdote wono mädö töwö töjemjönö Tuemö nua. ¹⁰Töjemjönö tuemö (grano) sedejato, aceite jadö tödöajö, Aaron nacomo nödödöcomo mädö önöngenñe.¹¹Edää iyää ñecammadö sacrificio jäcä Wanaadi cajiichana jetaca. ¹²Ashichaato utudu edä sacrificio yeiyajöcä, u'unmanocatojojenjönö maja utöcödede aceite jano amudajö, u' unmanocatojojenjönö aceite'que shimijajö, u'unmanocatojojenjönö harina inñatajotoque tödöajö maja.¹³Ashichaato utudu'jenmaja, töwö utudu tujumnena yää töncanodeda töjeda tuemö, u'unmanöcatojojemjönö maja. ¹⁴Töwö nua sacrificio chäwadöi nadö, töjeda utudu nönge Cajichaana jetaca,töwö necammade sacerdotecomo nishimijatode yääwö munuque töjeda tuemö ashichaato tödötojo dötö.¹⁵Soto necanmato yää töjeda tuemö ashichato utojo, yoshinchödöcomo tujunnena tameedädä taacoichane jenammatojeda tödöene. ¹⁶Yääwö sacricifio töjeda tuemö yawö , töwö töwöije töjenjönö utudu, shunujädö woshinchönö tujunnena yaawö töjenjönö utudawö, yödetöa'jäcö yoshinchödöcomo tujunnena yaawö iiyäjenammanadeje.¹⁷Yaawöne aduwawö anototo awö töweiye shunujödö yeiyajö yacwuadö tujunnena. ¹⁸Shunujödö sacrificio tödöajö aduwawö anototo ai tänöajöcö chönöngeda yeichojona töjeda tuemö nöngeda maja ,nosaje yeichojona conemjönö'je maja.¹⁹Ñäädö conenjönö ja'no shunujödö ajojajachana yacwuadö tujumnena yäwö ,Yää conenjönö'jano anajodanadö iyää mane ötönöjaiña ñäädö inñatajenadö conenjönöje'da. ²⁰Yaawöne ñäädö soto conemjönö jedanadö töncanodeda tönöjaiña ñäädöna yaawö cajichaana Waanadi jadönoje.²¹Ñäädö conemjönö ja'no najojadö, conenjönö jacomo jadönñe neñojo ,odocajacomo tönonñacomo jadönñe jenñemma, tödöajö nosato jadö maja, yaawö töwö ajöiyajöcö iyää töjeda utudu töncanodeda weichojoje cajichaana Wanaadi wonoje nadö, conemjönö jacomo jono ichödö tujumnena.²²Yojenma yaawö cajichaana Wanaadi cönadewöi Moisses wö ,cönädöacö yaawö : ²³Isaraelita conmowönñe edeje ädötöcö: önwanno öwashinchajacha mato odoocajacomo catö aca. ²⁴Sacrificaje tödöeda cönömaichö chatö, odocajato catö acöjö'jö odocajacomo tönonñacomo wö, aneja tödötojoje eijainña, önwanno mane owashinchacha mato mädö aca.²⁵Ñäädö odocajato catö aca nowoshinchadö ujai mato sacrificioje cajichaana Wanaadi wo , medejato töjaiña conenjönö jacomo jonno. ²⁶önwanno munuca owashinchajacha mato edesacanñe, tadöñamo. odocajacomo jenñema. ²⁷Medejato inchödö tujunnena töjataconño.²⁸Yojenma yaawö cajichaana Wanaadi cönadewöi Moises wö, edoöje cönödöacö: ²⁹Adhadecwuo israelitacomo woinñe edeje ädöcö: ñäädö töjeda tuemö töncanodeda wechojoje nuadö cajichaana Wanaadi wo, ³⁰Sacrificio ändö muadede chöwö. Yacwuajö Wanaadi wo töjeda tuemö, töwö tätö tamädödewö adödä tujunnena, töwö chatö iyojödö adödö tujunnena , iyojödö ewäñadö wetö töjeda tuemö je yeijäcö cajichaana Wanaadi jetaca.³¹Töwö sacerdote chatö yacwuadö tujunnena ashichaato utojo dewö, iyooji'dö mane Aaron wono mädö inñacontoncomo wonoje maaja. ³²önwanno mane ijetöjödö omudenjönö dösato muato sacerdote wo töjeda tuemöje sacrificio jadöno jönö, iyää töjeda tuemöje töncanodeda weichojoje.³³Töwö sacerdote,Aaron nedä toni, nua munu töjeda tuemö töncanodeda weichojoje, chatö maja ijetöjödö omudenjönö döse chöwö nade töjeda tuemöje. ³⁴Yawone israelitañancomo ja'dö nato, iyo'jö'dö ewö'ña'jö, ijetöjödö töcacomä maja, tönwänno cuntucho Aaron wo sacerdote, inñacomo woiñe maja shecäcä.³⁵Edää yää shecäcä Aaron wono inñacontoncomo wonoje maja töjeda tuemö yacwuajö cajichaana Wanaadi wö, yaawö yää anoto Moises cuntui cajichaana Wanaadi yademetojo sacerdote wetaduwacojotojoca. ³⁶Edää tuemö secäcä cajichaana wanontöjödö israeltacomo woinñe tuemö, yää anootoawö acerdotecomo cönsimijoicho aceite que, yeichöje nade mödä secäcä adhadachomo woiñe.³⁷Edää yää wanontönö töjeda tuemö yacwuajö, töjeda tuemö (granos), täjemjönö utudu conemjönö tödöjödö woije, täjemjönö utudu ementödö, töjeda tuemö owotutojoje, sacrificio töjeda utudu töncanodeda wechojoje. ³⁸Yaawö sinaijödö decäi cajichaana Wanaadi cuntui wanontönö Moises wö, yää anooto awö cajichaana Wanaadi quenecammai israelita como woiñe sacrificio inñidöcomo utojo Wanaadi wö jatajemjönö sinaijödö decäi.

8¹Cajiichana Wanaadi cönaadeuwöi Moises wwä: ²"Aaron ajaadä tödööcoto inñacomo mmaja chääjadä tödööcoto´de yoomöcomo, aceite mmaja ijeedichato'como, toro tödööcäde täjemjönö tuemö je conemjönö encwannojotojo je. Ñanno acä carnero, pan levadura jemjönö mmaja chäwöötö aca tödöcä'de. ³i'jummacoto tameedädä awejummatocomo taca yää tabernaculo weichojo womontojo nataatajo."³Edääje ädäcäde israelitañancmo Soto wäiñe: Cabra dhamwa anajöichöcä conemjönö tödöjódö, töje'mönö tuemöje tooni mmaja becerro tooni mmaja ternero, yää wedu jäcäcomodea nosaje'mönócomo, töje'mönö tödacwamœje; ⁴jaaca, tooní Cordero mmja anajöchö töje'mönöje töncanodeda weiñä enejutojoje sacrificio tœdöcäde CAJICHANAANA jetaca, yää mmaja töje'mönö ännöcäiñe". ⁵Yääje yeijäcä tönwanno cännejoto tamedä Moisé wanontädö nönge yää tabernacurlo yejummatocomo taawä, tamedä ñanoo israelita wejummacomo amoichedaiche cönejoto cönede'naicho yaawä CAJIICHAANA WANAADI Jetaca.⁴Mädääje Moises cönnöi Cajiichana Wanaadi nanoontä'jödö nönge. Mädääje cöneejoto tujuuma tabernaculo womontojo döiña cöneejummaicho. ⁵Yaawä Moises cönä'döa'cä soto wejummacomo wwäiñe: "Määdä yää Cajiichana Wanaadi necammadö tödööemö tödöötäcä'de quee."⁶Moises cönnejä Aaron inñacomo jadä cöncocaicho yaawä tuna quee. ⁷Aaron jäcä cönnöi cöninchödäi chäcunu awoodhecäcä yaawä yoomö awä, yoomö de'wono awä mmaja yontonno yoomö de'wono jaiñone cöneewacai chea. Yää'jeeje cöninchödäi yoomö de'wono awodhecäcä cönnöi yä'catojoje töca'ajä quee cönä'cöcai yaawä.⁸Töwö tödojodo woomö cöneewacai töwö tödoojödö woomö cönneewacai töwö tödoojödö woomö cönnöi yä urim tumin mmaja. Töwö tuju'jä cönwantäi tujujä woomö que tööjecaichö cönwontäi chea töjecaichö woomo'que. ⁹Tööwö cönnäi jadaaji dorado jato, ashichato jeemö mmaja, määdäje cajicha wanaadi wanontädö nönge.¹⁰Moises aceite cönannäjäi shiimijadö wetä, tabernaculo cönshimijoi tameedäädä yeichojo cönshimijoi ashichato cajiichana wanaadi woono töödötojoje cönsancwajoi yaawä. ¹¹Töwö aceite qu cömjöi dha'täi aacä amoojatode tameedädä jadajichomo wasa, cushiya como a'ttäichomo weichojo cönshimijajätöi cöncoaichea yeichojo, shancwajodoö wetä cajiichana wanaadi wonooje.¹²Töwö Aaron tu'jä cömjö aceite que cönacai cönshimijoi yaawä wanaadi sotoije yeichö wetä. ¹³Aaron naacamo Moises cönnejoto cönwontoicho yaawä woomö nuuwato awä töwö cömmöjätoicho yaawä chäcunucomo de'cäcä tawodeentane iju'jäcomo de'cäcä camisha lino cömöjätäi cajiichana wanaadi nanontädö nönge.¹⁴Moises cönnejä toto ofrenda tödöö emmöje, conemjönö encwannojota jooje, ñäädä Aaron tónnacomo jadä toro ju'jä de'wä tamäädö como cönnöicho toto e'neajä cónääjadö tääjeda tódóemmöje conemjönö enewannojatajoje ¹⁵Töwö cönaaminñäcai yaawä dhaquiyö cönaajäi cönnöjatö yaawä ye'taichomo wadäi yää dha'täichomo tamäädö dhaadadöque dha'täi cönocai muuna que cömjö yeichajo a'täi cajiicha wanaadi wonoje cönnöi, sacrificio ya'cuewatojoje conmjönö tödööjödö enewanno jotoojoje chäwwäñe.¹⁶Töwö tameedädä chaatö cönaajäi caaca cönaajäi chaaca cönääjadö, chäädedö jäcä conääjadö; anäädäncädä chäwajucunu Jäcä chaatö co'nääjado' mmaja, tamedädä Moises cunnucai yaawä dha'täi de'wä. ¹⁷Yaawä ñäädä toro, jijä, ijunu jödö; töjooque, yeijäcä cunncaicho amonche töweichocomo jonno cajiichana wanaadi nanontädö nönge.¹⁸Töwö cänaminñäcai jaaca, oveja mmaja, täncanodeda weiñä jäconoje yää sacrificioje cönnöi, Soto jäcäichodocomoje. Ñanno Aarón nacomo cuntuicho chääwä muunu, yääque töwö cömmöjötöi äjaatoncadöiñe yää altar. ¹⁹Yääje'mma yaawä tönwanno cänacäjötöicho toro catöjódö mmaja, iwenwaca chaatö tönadue naichö mmaja yää chäwajucunu, chädedöjödö mmaja.²⁰Töwö carneo cönaacäjätöi iju'jä cönaasucai tönaacä jätödö chaatö mmaja. ²¹iwenwaca cöncocai ijetöconio mmaja tuna que, dha'täi de'wä ñäädä carneo tameedädä cönñacwai . Eedä cönääjacä ashicha yacucwajä cadaona ijodowacä; ashichato tödööajä wanaadi wono cajiichana wanaadi nanontäjödö nönge cönnöi Moises²²Yaawä Aarón tamädö cönannöi Soto wadädäiñe Ashiichato cönnöi chäjöcäiñe; yaawä töwö cänötöi töjemönö eca'mma yää conemjönö jäcänchödoto, töcanodeda weiñä jöcänchodoto mmaja. ²³Yaawä Moises, Aarón cänomomöicho töwejummatocomo taca. Cänejacaicho dea yaawä, ashiichato cönnöcho dea soto jäcäiñe, yaawä ashiicha CAJIICHAANA WANAADI weichö cänönejoi tamedä soto wäiñe. ²⁴Waato cänejacai CAJIICHANA jonno yää töjemmö Altar dewä cönöjadö mmaja. Yaawä tamedä soto yää cöneneato, tœnwanno cäncätömöicho cänöjeduicho yaawä nonojo töjedöcomo tajojone.²⁵Moises cönaajäi chaatö, dhacoodö tajuiyato, tamedädä chaatö cönaajadö iwenwaca, chäädedö cönaadua'do' mmaja, anããdãncãdã chãwajuucuna chaato' ch'ja'ca' co'nããjadõ, ijetojödö mmaja amudemjo'no' dö'seno ²⁶Yää pau ammanna'catojo jemjo'no', tooni ecauwo'jõdö pan simijajä, tooni ecauwöjödöcä mmaja, chaatö de'wä cönnoi ijeto'j'do' ämu'demjõnö dö'seno ²⁷ṭöwö tameedädä Aaron enwawä cantui, inñacomowä mmaja cuntuichea cajiichana wanaadi emjatawã co'najiimmaicho măădăje ashichato täjeeda caituicho cajiichana wanaadi emjatawä²⁸yääjemma yaawä Moises cónaajai ñanno enwawonocamo cönñacwai yaawä yacwatojo a'ttäi de'wä ashichaato tääjeda tuemoöje. yää co'nääjacä cadoono ijodö wa'cä tacwaiñe co'nääjacä chjiichana wanaadi tooni täje'da tuemötödhacwa möje yeijäcäcönee chäwänoje ²⁹Moises iyojödö cönaainäjöi cöneewinñai mädäje cönñatocaicho carneo Moisewä tuemö ñanno sacerdote choneecato co moje chiichana wanaadi nano'täjödö woije³⁰Moises aceite cönannäjöi yää que shiimijotojo, muuna mmaja cönaannä jöichea dha'täi dötä cönääjadö, Aaron de'cäcä, inña como deecäcä mmaja, inña coo womö como de'cäcä mmaja mädääje Aaron coneenadiyö cönnecewannojoi cönecocai yomö como mmaja, inñacomo, wamöcomo mmaja, chaiiichana wanaadi wonoje cönnädöcha³¹Madäje Moises cönäädö acä Aaron wä, inñacomowä mmaja, "ijuunu jödö anäätäcä, aeejumma tocomo natatajo yäätä äwashinchätäcäde, yäätäna pan chäwöötö aca tönñoiñe enetäcäde, ³²Yää ijuunujödö wädeetöjödö pan wädeetöjödömmaja yacwatäcäde ³³Yää aweejumma tocomo natatadödöto nomma möötätäche acä amoojato anooto to'cä wa'cä, yää anooto aca yäädöädö wa'cä. Cajiichana wanaadi ashiichato nödöade äjääcäñe aacä amoojato anoototacä waacä³⁴yää anooto mädöötäne'dö cajiichana wanaadi cönencwanojoi äjääcäncädäiñe. ³⁵Aawanno maatode aacä amoojato anooto aacä amoojato coijaicho mmaja awejummatocomo wamontojo dötä mishomato'de cajiichana wanaadi waanontädö, ämaada aweichöcomo weetä, mädäje wanontäjödö weijäcä. ³⁶"Määdäje Aaron inñacomo mmaja cönnöcho, tameedädä cajiicha wanaadi tanontojacommo nöngö Moises ai.

9¹Aduawö amoujato anoototo ai, Moisé cönadejai Aarón, inñacomo mmaja, ñammo inchococä israelitañancomo mmaja. ²Töwö cönädöacä Aarón wwä: "Adecänö jaaca nedö anajöichä täje'mänö jäcäichodotoje, tooni mmaja ñäädä cordero nosajemmönö töje'mönö tödhacwamöje, CAJICHANA wonoje ucäde yaawä³Edääjeädääje ädäcäde israelitañancmo Soto wäiñe: Cabra dhamwa anajöichöcä conejönö tödöjödö, töddacwamöje; ⁴jaaca, tooní Cordero mmja anajöchö töje'mönöje töncanodeda weiñä enejutojoje sacrificio tödöcäde CAJICHANAANA jetaca, yää mmaja töje'mönö ännöcäiñe". ⁵Yääje yeijäcä tönwanno cännejoto tamedä Moisé wanontädö nönge yää tabernaculo yejammatocomo taawä, cönede'naicho yaawä CAJICJAANA WANAADI Jetaca.⁶Yääje'ma yaawä Moisé cönädöacä: "Edää tödödöje töwö CAJIICHAANA WANAADI adanontato Ashiicha töweichö enejodä wettä äwäiñe. ⁷Moise eönädöacä Aarón wää "amoicheda acääde altar jäcä, ucä yaawä yää täjemönö ännejödö yää conemjönö täjemödö jäcono, töjemönö yacwajö ännejödö mimaja. tödöcä sacrificio äjäcäichœdeamima, soto jäcächödöiñe mmaja, ucäʌ sacrificio soto jäeäichödöiñe CAJICHAANA manontadöje⁸yääjema yaawä Aaróncötämä altar jäcä amoicheda jaaca nedöcä cänamiñöcai yaawä conejönö tödöjödö jöcäichädä, töjöconoje mmja. ⁹Aarón nacoomo mane cäneejoto chäwadödö muunu, yääque töwö tamödö cönennöichai, yää cunumichai altar detai dewä, yaawä töwö muunu quinichomoi altar weichojo decäcä.¹⁰Moises aceite cönannäjäi shiimijadö wetä, tabernaculo cönshimijoi tameedäädä yeichojo cönshimijoi ashichato cajiichana wanaadi woono töödötojoje cönsancwajoi yaawä. ¹¹Töwö aceite qu cömjöi dha'täi aacä amoojatode tameedädä jadajichomo wasa, cushiya como a'ttäichomo weichojo cönshimijajätöi cöncoaichea yeichojo, shancwajodoö wetä cajiichana wanaadi wonooje.¹²Aaron cönaaminñäcai täjee tödha'cwa'mö, inñacomo mmane cönnejoto muunu, yääque töwö cömjöjätöi altar de'cäcä äjaatoncädä. ¹³Yaawä tönwanno cuntuicho chäwwä täjemjönö jadä, töwö cönna'cwai yaawä altar de'wä. ¹⁴Töwö iwenwaca cönco'cai, ijeetöjödö cönäjaadö iyä de'wä mmaja cönna'cwai yaawä. Aaron cuntui sacrificio je ñäädä cabrio, soto jäcänch¹⁵Aarón cuntui sancrificioje ñäädä chamoa cabrio, Soto jäcänchödocomoje töwö cänei töconenadiyö jöconoje töwö sacrificio cönnöi, awaadeto cabra cännöchö nönge mmaja. ¹⁶Töwö cuntui yää töjemmönö ya'cwajö, cäneea'mai yaawä CAJIICHAANA wanontöjö nönge ¹⁷grano mmaja töje'mönoje cönnejödea iyääque töwö tamädä cuntucannojoi cänñacwai yaawä altar dewä, töjemmönö jenadäne yacawajö jadä cänejododäjoi yaawä.¹⁸Töwö cänaminñäcai jaaca, oveja mmaja, täncanodeda weiñä jäconoje yää sacrificioje cönnöi, soto jäcäichodocomoje. Ñanno Aaron nacomo cuntuicho chääwä muunu, yääque töwö cömmöjötöi äjaatoncadöiñe yää altar. ¹⁹Yääje'mma yaawä tönwanno cänacäjötöicho toro catöjo'dö mmaja, iwenwaca chaatö tönadue naichö mmaja yää chäwajucunu, chädedöjödö mmaja.²⁰Tönwanno cönajoicho acäjötödöjödö waadöi, cunumichaicho yaawä iyojödö jaadä, ²¹yaawä Aarón cänñacwai chatö Altar dewä. Aarón cänewöiñai iyää iyojödöjödö, jietö ewiñajöje yeichö wettä CAJIICHAANA WANAADI jetaca, Moise eänanontöichöje.²²Yaawä Aarón tamädö cönannöi Soto wadädäine Ashiichato cönnói chäjöcäiñe; yaawä töwö cänötöi töjemönö eca'mma yää conemjönö jäcänchödoto, töcanodeda weiña jöcänchodoto mmaja. ²³Yaawä Moisés, Aarón cänomomöicho töwejummatocomo taca. Cänejacaicho dea yaawä, ashiichato cönnöcho dea soto jäcäiñe, yaawä ashiicha CAJIICHAANA WANAADI weichö cänönejoi tamedä soto wäiñe. ²⁴Waato cänejacai CAJIICHANA jonno yää töjemmö Altar dewä cönöjadö mmaja. Yaawä tamedä soto yää cöneneato, toenwanno cäncätömöicho cänöjeduicho yaawä nonojo töjedöcomo tajojone.

10¹Yaawä ñanno Aaron nacoomo, Nadab, Abiu mmaja, töwaadäiñe cönaajoicho iyä tönna'cwato'como, cönemjannoicho yaawä ya'cwadö wetä mmaja. Yä'jeje tönwanno aashichato cunu'a'to Cajiichana wwä iyä tödha'cwajönö, yawääne Wanaadi cömjo'mai tönecammajödö nönge'da yeijödö weijäcä. ²Yaawä Wanaadi cönennojai wa'to chäwwadädäiñe, cönnatuicho yaawä mädääje cönä'jajoicho Cajiichana emjatawä.³Yääje mma yaawä Moises cönä'döa'cä Aaron wwä: "Edä Cajiichana tönecamma cönä'jacä töwö töwä'döe cönä´jacä: 'Aashichato je weichö weneejade ñanno ö'wwadädä ne'atodö wwäiñe. Mädääje wademecatode tameedä soto emjatawäiñe.''' Aaron äne'cujä'töda cöneiyacä. ⁴Yaawä Moises cöna'dejaicho Misael, Elzafan mmaja, ñanno Usiel nacoomo, ñäädä Aaron wodö, cönä'döa'cä chäwwäiñe: "Ä'täcä sadä äjimmätoncomo madätäiye edä tabernaculo tacanno."⁵Mädääje tönwanno cöneejoto, iyä sacerdote womö'como awäiñedä, cönaadäicho yaawä yätonno, Moises necamma'jödö nönge. ⁶Yä'jeje, Moises cönä'döa'cä Aaron wwä ñanno inñacomo Eleazar, Itamar wwäiñe mmaja: "Äju'jädöcoomo mma tajoijoda männötä'che, äwomööcomo mmaja mänshichatäche'de, ä'jajooda meichäiye yaawä, Cajiichana äjäcäiñe äätömada mmaja. Yawääne tameedä äjimmä'toncomo Israel ñancomo, aamojai naato ñanno waato que Cajiichana cömjajoichodö jäcäiñe. ⁷Yaawä änwanno ejaacajaicha maatode iyä Cajiichana Wanaadi wwä wa'detojo womontojo tai, ämajai aweichomjäcä, iyä aceite aashichato tödötojo ade'cäcäiñe tödö'e yeijäjäcä Cajiichana Wanaadi wwä." Mädääje tönwanno cönnöicho Moises wwä tanonto'jocomo nönge.⁸Yääje mma yaawä Cajiichana Wanaadi cönaadeuwöi Aaron wwä cönä'döa'cä: ⁹"Vino mma manentä'che aneeja tängemö jeiñe mma, amäädä ännacomo mmaja, ñanno ajaadäncomo, yaawä owoomonga'jäcäiñe Cajiichana wwä wade'tojo tawä mädääje ämaada aweichöcomo wetä. Edä na'de äwwäiñe tödö'emö je, ännacontoncomo wwä tödöemö je mmaja, ¹⁰mädääje owaanäcäiñe yeichö wetä ñanno Wanaadi woija'como yoijemjöncomo mmaja, dhowanäcä yeichö wetä chäjadäncomo, chäjadä'da natoodö mmaja, ¹¹mädääje owaanomadöcomo wetä tameedädä ñanno Israelita ñancomo iyä manontänä Moises nowaanoma'jödö Wanaadi nutuudu."¹²Yaawä Moises cönä'deuwöi Aaron wwä, inñacoomo Eleazar, Itamar wwäiñe mmaja, ñanno yä'cajäcomo inñacoomo: "Ajääichä mädä dhadöödö ucaa'jä aashichato u'ajä Wanaadi wwä, unmannä'catojoje'da äwashinchäcä yaawä iyä dhadöödö chänönge tödö'a´jä aca, aashichato u´tojo dö´tä. ¹³Aashichato weichojo tacä oowashinchäcä'de, iyä Wanaadi wwäno ya'cwajä u'ajä aca, ännacomo mmaja, edä iyä Wanaadi yanontä'jödö äwwä ecammadö.¹⁴Yääje mma yaawä iyä Wanaadi wwä u'ajä odocajato ödojöödö, chetöjödö mmaja, tänä'täcä'de inñataajato weichojo taca, Cajiichana wwänoje. Amäädä ännacomo dhanwacomo, wodiiñamo mmaja tänäädö tujunne na iyä asu'caajä, äwwä u'ajä ännacomo wwäiñe mmaja, iyä dea jöönö Israelita wwäiñe u'ajä cönä´jadö jönö täncano'de'da weichojo. ¹⁵Iyä shetö'jödö, iyojödö'jödö mmaja, shatöjödö mmaja eneejödö tujunne na, oimadö wetä Cajiichana je´taca. Edä yeichöje na'de äwwänoje, ännacomo wwänooje mmaja Cajiichana necammajödö nönge."¹⁶Yääje mma yaawä, Moises cönecammajoi ñäädä cabrio jäcä, aashichato tödötojo conemjönö encwannojotojo, yaawä töwö cöneedantäi tödha'cwa. Mädääje töwö cönä´tömai Aaron nacoomo jääcä ñanno yä'cajödö inñacomo Eleazar, Itamar mmaja; Töwö cönä'döa'cä chäwwäiñe: ¹⁷"¿Ane'cotojo äwashinchäda maato, aashichato tödö'ajä conemjönö encwannojotojo aca, mädä chänöngato tödö'ajä, Wanaadi nutuudu äwwäiñe aweconecato'como, mädääje Wanaadi encwannojodö wetä oconenadiyöcomo? ¹⁸Ene'täcäma, ane'cänei imuunöi ännejöda meiyaquene awe'jummatocomo taca, necammadö nönge owoshinchädö'como wetä."¹⁹Yaawä Aaron cöne'cujätöi Moises: "Meneeanä, önnacomo wwäiñe aashichato tödöödö, töconeenadiyöcomo encwannojotojo, yääjeda edä anooto nejaadätäi yaawä jäcä. Yawääne edä anooto wäwashinchajäcä öwö, ¿Cajiichana nenedöje öwwä tödö'ajäcä aashichajeene eijai nä'janä? ²⁰"Moises iyä töwwä etaajäcä, ta'cwaiñe mma cönä´jacä yaawä.

11¹Cajiichana wanaadi cönadewöi Moise wä Aarón wwä maja cönädöa'cä: ²Ecamma'cä Israelita nñancomo soto wäinñe: canno'nñanno tänämö odocajacemo äwöinñe tänäjai: matadö, tamedö odecajacemo edöö nono dewä natodö.³Änwanno tönöjai:mato nñanno odocajacomo chäjichäcamo tösan'cwuajöe natodö nñanno maja töwenadudu amenna'mo. ⁴Yaawäne, dhantai odocaja'como, töwenadudu como amennamo nädä chänjächócomo tösan'cwuajäe natadö mane, tänäjaicha mmato, nñano odocajacemo camello nöngato, töwenadudu tame ye'ijäcä yawäne chänjichö tösan'cwuajöed'na yäje yeijäcä nosato mödä camello äwäinñe.⁵Ñädä conejo töjuu decocono maja, täwanshiyö tönamejädö töwena'cua yeijö, yawöne chämjichä tösancuajöedana, mödöje nosoje na äwäiñe. ⁶Ñädä conejo, töwanshiyö töwennacuajö amenei yawäne ijudu emjichö tujuma'däna, nosajato mödä äwäiñe. ⁷Cushii, ijudu enjichö tuyumada, täwedatajödö anameda töweichame maja, nasajato'je na äwäiñe. ⁸Änwanno tänäjoicha mata shunu'jödö, yämäjä ajojojaicha'maja. Nosacamo'je yeijäcä äwäiñe.⁹Ñanno na'cwancoomo tunaca natodö dhajösaija'como, shijä jacoomo maja canno yamedo tönöja; mato, dama caancemo tuna'cancoome maja. ¹⁰Yawöne tamedödö amodenäcamo nudä natoodö dajäsaijem'jönö como shijäjemjönö como maja , dama'cwua natodö tuna a'ca maja, töwäjimiche natodö maja tuna a'ca tadoiñe natadömaja änwanno imencajai mato.¹¹Mödöje imencacomo tönöjaicha mato änwanno, yeejo imenca'camo maja. ¹²Tamedö ñanno dajäsaijem'jö'nö como shijäjem'jö'nö como maja tuna a'cancomo imencajai'mato¹³Canno tadinñamo imencajai mato canno tadinñamo 'mane tänä'jaicha mato jiyana, cadacadii maja, ¹⁴ñayudi maja falcon maja tamedä yeichö wacä, ¹⁵tamedä ñanno chätajö tönönnamo, ¹⁶uwau maja mödoo maja, cacubetadi maja tamedö jiyana weichö änene.¹⁷Änwanno maja enmencajai matodea jiyana shim'mnacomo'cä weichö jiyana adaijoto maja dimushi maja, ¹⁸jiyana tajetedato aneja jiyana weichö maja ñädä ye'ja shacwuanei, ¹⁹cashudajo maja ajisha mödö maja dede maja.²⁰Tamedö canno odocojacomo dötäcäine nötäjäatodö imencajaimato. ²¹Yääje ye'chame änwanno tänäjai mato tadiinñe natodö töwajoima natadö maja acäichea ijudu camo natodö maja canno ijuducamo yajanöntocomo'je nadö, nano dewä. ²²Tänä'jai maja mato'dea canno cödatai shidishidi maja cädatai shiminñacomo'cä. ²³Yawañe tamedä ñanno cashishi tadiñacomo acächea'como ijuducomo emencajai mato.²⁴Änwanno nosaje matode töcomannojane canno odocojacömo ajojajä'cäiñe. ²⁵Ñäädä mmädä najoja'dä töwoomö chocajaiña mädäje nosaje töwö naade töcomannojone.²⁶Ñanno odocaja'como ijuducoco tösan'cwuojadanñe nadö töwenatajödö ameneijönö maja nosajeenñe natode äwäiñe. Ñanno najojatodö nosaje natode. ²⁷Tamedö ñanno odocajacomo tänjiichacamo ñomannöato'dö acächea ijuducamo , canno nosaje natode äwäiñe, ñädä yämajö najojadö nosaje nade töcomannojone. ²⁸Tamedö ñanno yöja'acomo amunnamo töwomö'coma chocajai nato mädöje ñanno nosaje natode töcomannojone.²⁹Canno töwenöca'como wötädö öwöiñe nasaje nade: topo maja asäcä maja temedä yeichö wacä macashana adaijoto maja, ³⁰comucumudi maja waducu maja macashana maja äcäyu maja yamanadi.³¹Tamedö ñanno töweño'cacomo que wötädö äwäiñe nosaje nade. Aneja'mädä maja yämajä equejödö ajoajö'cä chamomödö jonane nosaje na. ³²Aneja wömajö'cö, chöjöcö yeyadöa'jöcö maja nosaje nade de'e tödöajö ye'chame maja, janñu maja jiijä maja ishacu'mödö majanyeichö woije äwätujenne naadö tuna'aca tödödö yeichö tujunne'na töcomannojone nosaje yeijö'cä mädöje necocade. ³³Tamedö cancuduu nosaje nade yaawä dhaca maja ye'cäcä maja äänene nasajato yecäcä yejuca'jäcämaja cancudu'cäye'chame nosaje nade yöje yeijöcö cancudu chanemajai mato.³⁴Tamedö öwanshi nosajenjono inconecadö untudu maja, yaawäne nasajaato tuna yejucajö'cö nosaje nade. ³⁵Tamedö odocaja'to equejödö weducajä'cä nasaje'na yawä asucatajo dewä maja jadancana maja imojojai maja matodea nosaje yeijö äwäiñe.³⁶Tuna wetojo, önadö'como ewötö jenñema inataje yeichö tujunne'na nosajate weducadöquenñe dhäca yaawä odocaja'to equejödö ajoja'jäcä tunaca nadä nosaje'na. ³⁷Aneiñaja maja odocaja'to equejödö wejuca'jäcä ñatötajö dewä nosaje'na yawä, mädänatötaja nosaje'na yawä. ³⁸Yaawä dhadödö tuna a'ca tödöajä'cä, nosajaato wejucajöcömaja, nosaje na,³⁹Ñädä odocaja'to töweichacono wämajä tänänei nämade äquejö wämajö maja nosaje na töcomannojone. ⁴⁰Ñädä äquejö tänänei töwomö chocajainä, nosaje na yawö töwö töcomannajane.⁴¹Tamedä töwenöcacomo wätädö ätänäjaicha na. ⁴²Ännene töwenö ca'coma wötädö maja äcöcheacomo ijuducomo maja wannacomo ijuducomo canno tamedö adocajacomo töwenöca'como wötädö majo tönöjaicho matö. töja'amaje yeijócä.⁴³Önwano jedea ecodonjaicha mato töwenöca'como wötädö como'que mödöje'maja nosaje matode. ⁴⁴Öwö ñädä cajichana Awanaadiyö, änwanno ashichato tödödö'jedea eichäcä yaawä onwanno ashichato tödödöje'dea echäca, yaawö önwanno ashicha'mato, ashichane weijajä öwö, änwanno econemajaicha maato odocojato nono dewö nadö que. ⁴⁵Acajichanaichamo öwö Egipto ñanno nonodö dewono adhenejoneichomo'jödö yäje yeijäcä ashichatoje eichäcä ashichataje weijäcä⁴⁶Edää yä wanantänä odocajacomo , tädinñacamo, tamedä nacucwancomo, tamedä töwenöcacomo wötädö maja. ⁴⁷Imencadöcomo wetä ashicha como deama conenjönöcomo jonnoiñe nudö'como tänämö'je natadö maja.

12¹CAJICHANA WANAADICÖNÄDÖ'ACÄ Moises wää: ²Adhadeucwäde isaadaedita'como wañe edöi'je öidöcöi'de. Woodi wendutajöcä iñedö'cä dhanwa wennua'jacä, Töwö woodi nosaje nade acä amojato anoto'cwacä, nunä wadäi munuje woodi weichawa' nosaje töweite naichö nönge a. ³Yawä aduwawä amojato anotoai shichucä jocono ji'jä acä'tädö tujunnena.⁴Yawä ñädä yenö yeco'ca'dö tujunnena munuje töweichö wada'dädä aduwawä toni soto dewa amojadä aduwawä anoto c'wacä. Töwö ajo'ja'chana tamedä ashichato tödö'ajä, omonma'ja'chamaja nadea wanaadi weíchogo ta'ca töwe'cocadö anoto watamedö c'wacä. ⁵Yawä'ne íñedö wennuajäcä woodichä, nosaje töwö woodi teíchojo'na amojato dewä acäi'chea semana, munuje töweichö wadadodoto nönge, yawa yenö weco'cadö tujunnena aduwawo sototo amojadäto dewä toni amojato anoto.⁶Yawä teco'ca'dö anoto watameajäcä, dhanwacä íñedö jäcä'chädä woodi iñedö jäcä'chädä maja, töwö enejaiña yawä oweja toni weduto täjeda ya'cwato'jo dame ädöwocä maja täjeda utudu wetä chonenadiyö ejemotojo'je yää wanaadi weichojo natata'jo ta'ca sacerdote döña.⁷Tawä töwö CAJICHANA WANAADI jetaca nuade, nícho'cojade töwö neco'cade munu'je töwei'je, mädä tää wanontänä ñädä woodi tönnedö dhanwa'cä, woodi'chä enunchareijödö jäcä tädödö. ⁸Tawä töwö woodi ejemajaicha teitajäcä oveja nedöcä, töwö adöjai'ña tawa acä macanacä acä ädöwo maja toni täjeda töda'cwamö toni mane täjeda utudu wetä chonenadöyö ejemotojo'je mädäje ñädä wanaadi wä töwade'wemö ni'cho'cajade nosaje te'ichö janno yää ñädä woodi nosajenade.

13¹Cajichana wanaadi cönadewö Moises, Aarón waiñe cönädöacä: ²Aneja täweiye yeiyajäcä chäjö yawoajä, yätunuchäjödö yejöajä jenñemma, chunnuajä ieenñemma töwotodoäntä yeiyajäcä, cädä, cädäi töweiye mmaja chäjö jäcä adädö tujunnena Aarón döina ñääda wanaadiwwi töwadewmö edhajätocoomo, inñacomo wadädä jeinñema ñanno wanaadi wää töwadewadeuwamo.³yääjejewanaadiwä töwadewemö nemencode chäjöjäcä chädäichö naadö yää juu chäjöjocono tajedede yeijaiäcä cäädäi söje yotodonontajä, yääjeye i yajäcä chäjöjäcä, cädäi töwäjöncatojena yawwä. yääjeje wanaadiwä töwäjöncatojena yawwä. Yääjeej wanaadiwä töwadewemö tämmencajäcä, töwö yäacammadö tujunnena nosojatoje töweichö ⁴yää chunnujäajä täneto chäjöjäcä nuandö tajedede yeiyajäcä, sojeda yänedö yeiyajäcämmaja chäjöjäcä, yää juu tajedede ädöda yeiyajäcämmaja wanaadi wää töwadewemö tudäje tödödö tujunena chäwwä soto jonoinñe acä amajato anototo cwacä.⁵Acä amojato anototo ai, ñäadä wanaadi wwä tœwadewemö nemencadea yaawä chädäichö enedö etä chäwwä joojecä chädädöe yeichö mmaja. Ächädäjemma edantajäcä yawwä, ⁶wanaadiwwä töwadewemö necammade yawwa nosajemjönöje yeichö töwäjöchötä yeichö yänamjöjödó weijäcä chunnujotödö cadäjatojodö töwomö chocadö tujunnena yaawä mädäje töwö nosada yeichojo na yaawä⁷yadaquene chunnuajä dhaimmaja yämencatajäcä chäjöjäcä, nossajeda töwäcammajödö yeichame wanaadi wää tœwadewemö wwä töwö öchädö tujunne nadea eduwa dhaimmaja wanaadi wää töwadewemö döiña ⁸Wanaadiwää tœwadewemö ennencadö tujunnena ñäädä cädäjato enedö wwetä chäwwä chunnujotödö töwämencatä yeichö chäjöjacä. Töwämencatä edantajäcä wanaadi wää töwadewwemö ecammadö tujunnena yawä sooto waiñe nossajatoj ñäädä yää cädäi töwäjöncato yeiyajäcä, adädö tujunnena ñäadä wanaadi wää töwadewemö wadädä.⁹Anejajäcä yää cädäi töwajöwadewemö wadädä wanaadi wää tọwadewemö wadädä ¹⁰wanaadi wää töwadewemö nemenca yawä ñääda cädäijato enedö wetä yawoajä tajedede yeichö chäjöjäcä, yawaajäjäcammaja yätunuchäjödö. ¹¹Töweiye yeiyajäcä yawä, cädäi äjöjä emanei yää, yäjeyeiya'jäjcä wanaadiwa tœwadewemö ecammadö tujunnena yawä soto wainñe no'sajatoje ñäädä yeichœ. änsancajoda tọwọ na sooto jonoinñe nosotaje töwö ecammajä yeiyäjäcä.¹²Wanaadiwää töwadewemö jooje edantajäcä chäwä yää cädäi yämencatajä shijäjäcä shijäjäcä shujää joconno ijudujona tödöjone, ¹³wanaadi wää töwadewemö emencadö tujunnena yawää ñäädä cädäijato enedö wetä chäwää yää cädäi töwemecantä yeichö chäjö wadadädä. yawää töwö ecamajaiña nosajemjönöje yeicho Nosajemjœnöje töwö yeichojona yawää cadäcä ¹⁴yawää mmame chäjöjäcä chunnuajä yejacajäcä towö chọjäcä, towö nosajena yawää.¹⁵Wanaadi wää töwadewemœ enedö tujunnena chäjö jeicä chunnuajä nadö ecommadœ tujunnena yawää häjö jäcä chunnuajä nosatoje yeicho mädä yää cädäi töwäjöncato. ¹⁶Yanaadi wää tœwadewemö dönña. ¹⁷wanaadi wää tödödö yeijäcä chawää wanadi wää töwadewemö necamma sooto nosajemjönöje.¹⁸Yawää sooto tucunnojoatoje yeiyajäcä chäjö jäcä ächeidä yädöajä, ¹⁹tucunnojoato chäjäcä yeiyajäcä töwawojoato tajededato jenñemma, chunnuajä tänetoje yeiyajäcä mmaja enejodö tujunneca yawää Wanaadi wää töwadewemo wää. ²⁰Wanaadi wää töwadewemö nemenca yawää enedö wetä chäwä söje yeichö ijijä'jäcä, ijotö tajedede töwädöe yeichömmaja. Yä'je tödödöjo Wanaadi wää töwadewemö necammade yawää nosatoje yeichö ñäädä cadäijato cädäi towäjöncato chäjäcäna, chunnujätöjödö dötä yejacajä yeijäcä.²¹Yawääne Wanaadi wää töwadewemö emencajäcä ijo'tö tajededa edantajäcä yawää, jooje ejamöda mmaja ijjijäcä, Wanaadi wää töwadewemö nishancwajade yawää acä amojato anototo cwacä. ²²Jooje yejañajä yeiyajäcä shijäca, Wanaadi wää töwadewemo necammade nosajatoje yeichö yawää. ²³Yäwääne chunnujätödö yäätädä yeiyajäcä ejamödammaja Wanaadi wää töwadewemö nosajemjönöje ecammadö tujunnena chäwä chunnujätödömma yeijäcä.²⁴shijä dhatuajä yeiyajacä jooje yawää shunu seweciche tödöjone tajedede jeneñemma ²⁵Wanaadi wää towadewemö nemencade yawää ijo'tö tajedede töwädöeatooje yeicho enedö, sœje yeichö enedö mmaja shijäjäcä. Yääje yeiyajäcä cädäi töwäjöncatooje yeichömädä yawää yatujudu jäcä yejanäjää yeiyajäcä wanaadi wää töwadewemö nasajatoje necamma yawää cädäi töwäjöncato chäjäcä yeiyajäcä²⁶Yawääne Wanaadi wää töwadewemö emencajäcä tajedede ijötö ädöda yeichö edantajäcä, shijä jäcä yeichö towatamemmaja, Wanaadi wää töwadewemö shancwajodö tujunnena yawää aacä amojato anototo cwacä ²⁷Aacä amajato anatoto ai Wanaadi wää towadewwemö emencadö tujunne nadea yawä töwotodonäntä eneajäcä shijä jäcä Wanaadi wää towadewwemö necammade yawä nossajatoje yeichö cädäi töwäjöncato chäjäcä yeijäcä. ²⁸Yadaquene otodonontäda yeiyajäcä, töwatamemma yatameajä, yatujudu wawoajämma yää yawä, yäje yeijäcä Wanaadi wää töwadewwemö ecammadö tujunnena yawä nossajeda yeichö yatujudujemma yeijäcä.²⁹Aneja dhanwa wodi jenñemma cädäi töwöjöncato töweiye yeiyajäcä shujäjocomo jäcä chätamujotöcomo jäcä jenñemma, ³⁰emmencadöcomo tujunnena yawä chadäichöcomo Wanaadi wää töwadewwemo wää, enedo wetä chäwwä jooje yeichö, ijo'tö cönoto acödöje yadöajä yeichö. Yaje yeiyajäcä, Wanaadi wää töwadewwemö nossaje yeichöcomo, töshiato cädäi yää, shujädö como jäcä naadö chätamujatöjäcä jenñemma.³¹Wanaadi wää enmencajäcä yää cädäi tishiato, eneajäcä yawä chäwwä ijijä jäcä ätädä yeichö, tujuqueda yeichö mmaja, Wanaadi wää töwadewwemö nishancwajade yawä soto cädäije naadö aacä amojato anototo cwacä.³²Wanaadi wää töwadewwemö aacä amojato anototo ai emencadö tujunnena yää cädäi töwämecantä yeichö. Ijotö cönätacödöjato jeda chäjäcä yeiyajäcä yää cädäi shijä jäcämma yejacajä yeiyajäcä, ³³töcadö tujunnena yawä shujädö yää cädäi naadö dötämma töcada, Wanaadi wää töwadewwemö shancwajodö tujunnena yawä aacä amojato anototo cwacä mmaja.³⁴Aacä amojato anototo ai Wanaadi wää töwadewwemö emencadö tujunnena yää cädäi yamencatajä töwedenna yeichö chäjä jäcä. Sööje ejacada yeiyajäcä chäjö jäcä yawä Wanaadi wää töwadewwemö necamma nossajemjönöje ñäädä soto töwomö choccadö tujunnena mädäje nossajeda na yawä.³⁵Yadaquene yää cädäi töshiato yämecantajä adaijä yädöajä yeiyajäcä chäjöjäcä wanaadi wää towadewwemö nossajeda etäjödö yeichame, ³⁶yäje yeiyäcä yawä Wanaadi wää towadewwemö emencadö tujunnena dhaimmaja. Yää cädäi töwämecantä yeichö chäjö jäcä, Wanaadi wää töwadewwemö uujiyjachana ijotö cönotacödöjacomo wadäi. Ñää soto nossajato. ³⁷Wanaadi wää towadewwemö emjatawä yää cädäi töshöato töwedenna yeiya jäcä yämencatädö ijotö judumatö töwatana yawä yeichojo dötä, yää cädäi töwäjöchötä na nossajemjönö towö. Ñääda Wanaadi wää töwadewwemö nossajemjönöje necamma yawä.³⁸Dhanwa, woodi jenñemma chunnujoajä tajededato yeiyajäcä chäjö jäcä, ³⁹Wanaadi wää töwadewwemö emencadö tujunnena yawä ñäädä cädäijato enedö wetä chäwwä chunnuajä tajedede yeichö äneda, shijä jocono chunnujotödömma yeijäcä. Towö na yawä nossajeda.⁴⁰Soto jujädö töwäme yeiyajäcä, tödejushe yeichömma mädä yawane, nossajeda mmane yawä. ⁴¹Shujä towäme yeiyajäcä ijecaichö ejodheno, töjecaiche yeichömma iyää, nossajeda töwö na.⁴²Yawäne chunnuajä seweichato toweiye yeiyajäcä tödejushe yeichöjäcä, ijecaichö jäcä jenñemma cadäi towäjoncato yää yawä yejan'ajä chäjäcä. ⁴³Wanaadi wää töwadewwemö emencadö tujunnena ñäädä cadäijato, ennedö wetä chäwwä chädäichö yawoajä shujä jäcä shecaichö jäcä jenñemma cädäi töwajaiyato äjöjoconno nönge yeichö. ⁴⁴Yäjeywiyajäcä, cädäi töwajäiyatoje yeichö mädä, nossaje töwöna yawä. Wanaadi wää töwadewwemö nossajatoje ecammadö tujunnena soto wainñe ijujä jäcä chädäichö yeijäcä.⁴⁵Ñädä soto dhunnuajä ja'no chädächö yomö yeshijä'ajä eijaiña, shuujä tömöeda maja, töjedö adujaiña tännadömaja, nichä tömjä'a yawä nosajato, nosajato. ⁴⁶Anoto wadai chädä'chö chunnujäajä chäjäcä yeiyajäcä nosaje'na. Töwö nosajena yawö chädä'chö ämecantajai yaijacä töwö töjäcäjene ejaiña yawä madäje töwö yää jata wonno täjai'na yawä.⁴⁷Yäö womo wecodonñajäcä cädäi äjichötäjönö que, yomö iji'jä tödöajä maja, womötäjeto maja, ⁴⁸atanwaca tödööjäajaä daanä töcajäajä maja womö täjeto maja, ijijä maja iji'jä que tödöjäajä maja ⁴⁹yää yecodonñäjä töweiye yeiyacäjä sheene seweiche maja womo jacä, iji'jäcämaja imiajä jacö maja töca'ajä maja anejanmädä iji'jäque töca'ajä maja, cädäi äjichitäjö'nö que töwecodonñana, wanaadi wono wadeuwödö döiña enejodö tujunema.⁵⁰Ñadä Wanaadi wono wadeuwödö emencajañai yawä tomedä wono womo täjecomo plaja'je yeiyajäcä, töwö tundäje tödöjaina yawä yöä plaga jano acä amojadä anoto. ⁵¹Dai maja töwö emencajainade'a acä amojadä anoto, yää wämencantajä töweiye teichö womoja'cä töcajäajä daana tino maja iji'jä maja anejammädä iji'jäcä tönnöe madö maja, tää ajichötäjönö cädäi conemaneije'na tamedö tää mösoma'como nosaje na. ⁵²Töwö yää mösoma'comno ya'cwajai'na yawä, yää maja töcajäajä dana maja tino maja ijijä que tödöjäajä maja yäöcomo aca edantajäcä plaga chonmmannamo, chädä'chajaiña yawäjaima yawä.⁵³Ñädä Wanaadi wä töwadeuwemö emencajaina yawä tamedä mösoma, nenea yawä plaga wämencatajä tää misoma jäca tomedä yää töcajä ajä womö shojäajö maja lino maja tamedä tää iji'jä tödöjäajä, ⁵⁴mädaje töwö nanontato cho'cadöje yä mösoma'como yää cädäi ajichötänöje, mädäje töwö tö'däje tödöjai mato acä amojadä anoto dewäjene. ⁵⁵Mädäje ñädä Wanaadi wä töwade'wemö emencajai'na yäö mosoma chocajojo'je. Ñädä plaga imendu ecamjiacada teitajäcä, amecäntada teichame, nosaje dea'na, yää mösoma ya'cwajaiña yawä, conedada plaga que yecodoiñajä yeichame.⁵⁶Töwö Wanaadi wä töwadeuwemö emencajäcä yää misoma nenea imendujeda teichö cho'cajojo'je, mädäje töwö shichajaiña yää mösoma iji'jä'como muja tamedä töcajäajä maja. ⁵⁷Chäjäcäiñe töweiyedea yeiyajäcä plaga, tomedä töcajöajä imijäajä mada tää iji'jä tödöjäajä maja wömencatänäje teitajäcä, amädä majai'ma tawä mösoma plaga jano. ⁵⁸Yää mösomacomo, töcajöajä, maja ijijä tödöjäajä maja öwä cho'cajäcä tamedayäö plagaje yeichö neco'ca, mädäje acöde eco'cäjäjaina tawä nosajeda na yawä.⁵⁹Mädä yää wanontäna plaga jäcä teichö tää misoma dana lino maja tamedä töcajäoja ijijä tödöjäajä jäcä, mädäje änwamno mecamjätaiyede noseda yeichö, nosaje yeichö maja.

14¹Yaawä Cajiichaana Wanaadi cönadeuwöi, Moisés wwä, cönä'döaacä: ²"Soto cädäijato wecoccatoojo anotoichädaawä, edääje waanontänä na'de. Töwö ene'jödö tujunnena Wanaadi wwä töwa'deuwemö wadäädä.³Sacerdote neja'ca'de campamento acanno, ñäädä soto ene töwe'jöe yeichö ene, yää chäjö jocono chäädäichö. ⁴Yä'jeje sacerdote deea necamma'de, ñäädä yecoccajä wwä, aacä tadinñamo nossajemjöncomo ajäi'chojo, maduudaimä que tauda döaajä mmaja, jacuudimmötö seweichato mmaja, hisopo mmaja. ⁵Yaawä töwö sacerdote tooni tadiinñemö naminñä'caja'de, ashichato tuuna ejodhe, yää tuuna ewöötö, nono amode'naajä ejoodhe.⁶Sacerdote najäiya'de yaawä tadinñemö nudooto, madudaimä que tauda döaajä mmaja, jacuudimmötö seweichato mmaja, hisopo mmaja, tamedäädä mädäcomo töwö newaaca'de, tadiinñemö nudooto jadä, tadiinñemö aquiiyö a'ca, ñäädä cönamiñäcaichö tuuna ashichato ejoodhe. ⁷Yä'jeje sacerdote yää tuuna nencushinma'de acä amojato tödödö'cäcwa'cä, sacerdote necamma'de yaawä töwecocca yeichö ñäädä soto cädäijato. Yaawä sacerdote ta'dinñemö nudooto nunmichade jödoodo awä.⁸Soto wecoccanääje naadö, tameedä töwoomö nichoccajä'a'de yaawä, töde'caiche tuju'jadö nöca'dede, tuuna aca ne'jiya'dede, mädääje töwecocca töwö yechojoona. Campamento aca ne'a'de töwö soto, yaawä mädä tödö'jeje, yääje yeichaame aacä amoojato anooto, tömmaichaca'da na'de. ⁹Aacä amoojato anooto wejadätä'jeje, töwö töde'caiche tuju'jadö töcaadö tujunnena, tätamu'jätö mmaja töcaadö tujunne naadea, tämöösa'jotö mmaja. Tameedä tuju'jadö chäwwä töcaadö tujunnena, tameedä töwoomö choccajäätödö mmaja tujunne naadea, tuuna aca ye'jöyö mmaja; yaawääne töwecocca töwö ye'chojoona.¹⁰Aacä amoojato anooto weja'dätä'jeje töwö najäiya'de aacä oweeja nacoomo'cä dhanwacomoodea nossajemjöncomo, tooni oweja nedö'cä wodi tooni weduto nossajemjönö, tooni amoojatooto de'wä toni oneeja'jödö'cäcwacä harina täjeto chatöque oimajä mmaja, dhadöödö täje'da tu'emööje mmaja, tooni canncudu chatö yei'jödö mmaja yaawä. ¹¹Tamedäädä mädäcomo dö'tä, sacerdote nanömja'de ñäädä soto töcoccaamö, Cajiichaana Wanaadi dö'tä, yää Wanaadi weichojo nata'tajo.¹²Sacerdote najäiyade tooni oweeja nnedö'cä dhanwa täjemjönööje utuudu wetä conemjönö encwanno'jotoojoje, chaatö cancudu acaano jadä; täjemjönööje nu'a'de töwö tameedä Cajiichaana Wanaadi wwä tamäädöque e'winñancädä. ¹³Töwö naminñäca'de oweeja nedö'cä dhanwa, aminñäcatoojo döaajä dö'tä täjemjönö Wanaadi wwä u'tojo de'wä conemjönö encwanno'jotoojoje, täjemjönö Wanaadi wwä tödha'cwa tödöötojo de'wä, Wanaadi weichojo'dodoi aca töweiye cönä'ja'dö aca, sacerdote weichojojeene täjemjönö u'ajä yeiyajä yää cone'nadi encwanno'jotoojoje tönaadä cönä'ja'todö, aashichaatoje yeijäcä.¹⁴Sacerdote najäiyade she'casa'cä oweeja nedöcä aquiyö, yää täjemjönöje u'ajä cone'nadi encwanno'jotoojoje, soto töwecoccamö janaadö jotöödö de'wä tödöödö wetä töwwä, dhamäädö dhadaadö umö ämu'demjönö de'wä tödöödö wetä, i'judu dhadaadö umö ämu'demjönö de'wä tödöödö wetä mmaja. ¹⁵Yaawä sacerdote chaatö cancudu acaano najäiya'de tamäädö dhadaadö ämu'dato de'cäcä accadö wetä töwwä, ¹⁶tamäädö dhadaadö ämu'demjönö dö'seenoque niijiya'de aceite aca yää ämu'dato tamäädö dhadaadö que tönaajäcchö, tamäädö dhadaadö que nencushiima'de yää chatö acä amojato'cä cwacä Cajiichaana Wanaadi dö'tä.¹⁷Yaawä sacerdote chatö acoijä tänwawä nadöque,soto töwecoccamö janadö jotödö dewä nödöade, dhamädö dhadadö umö dewä, ijudu dhadadö umö dewä'mmaja. Oweja nedöcä aquiyö täjemjönöje uajä, conenjönö encwannojotojoje ejodhe, nödöade töwö yää chatö. ¹⁸Yää chaatö acoijä yäädetö'jödö sacerdote enwawä naadöque, töwö soto töwecoccamö ju'jä de'wä nödöa'de, sacerdote dea täjemjönö nu'a'de soto cone'nadiiyö encwanno'jotoojoje Cajiichaana Wanaadi dö'tä.¹⁹Yaawä sacerdote nu'a'de yää täjemjönö u'ajä conemjönö encwanno'jotoojoje, mädääje nencwannä'jäja'de töwö choonenadiiyö, töcocca yeichö wetä yaawä, nossaje yeichö jonno, yää'jeje täjemjönö nu'a'de odoocajaato ya'cwadööque. ²⁰Yaawä sacerdote deea täjemjönö nu'a'de, odocojaato ya'cwadööque, chääjedöödö ya'cwadööque mmaja, täjemjönö u'tojo de'wä. Wanaadi'wä töwa'deuwemöödea, täjemjönö nu'a'de, soto cone'nadiiyö encwanno'jotoojoje, mädääje töwö töcocca yeichojoona.²¹Yaawääne', soto a'cato yeiyajäcä'maane, tameedä täjemjönö u'tojo, ejeematoojo'je'da jenñenma, töwö adääjai ña yaawä, tooni oweeja nedö'cä dhanwa, täjemjönööje tu'emö, töconenadiiyö encwanno'jotoojoje, yää u'meancädä tönnöe cönäjatodö, aaduwaawä onejajödö'cwacä harina aashichaato we'chö chaatö jadä oimaajä, trigo adöödö mmaja, tooni oneeja'jödö'cwacä yää chaatö, ²²aacä macaana jadä aacä jaduuma yanwaichadööcomo'cä jenñenma, töwö ejoodöjai yeichö woije; tooni tadinñemö u'ajä cone'nadi encwanno'jotoojoje na'de, tooni'chene yaawä ya'cwadööque. ²³Aaduwaawä amoojato anooto wejadätä'jäje töwö Wanaadiwä töwa'deuwemö wadäädä eneejödö tujunnena töwecoccadö wetä, Wanaadi we'chojo nata'tajo Cajiichaana Wanaadi dö'tä.²⁴Wanaadi wwä töwa'deuwemö najäiya'de oweeja nedö'cä täje'da tu'emööje, töwö dea najäiya'de tooni onejajödö'cwacä odiiwo catö, töwö nannä'a'de yaawä cajunñadäädä täjenjönööje utuuduje Cajiichaana Wanaadi wadäädä. ²⁵Oweeja nedö'cä töwö naminñä'ca'de täje'da tu'emööje conemjönö encwanno'jotoojoje, töwö najäiya'de oweeja nedö'cä aquiiyö soto töcoccaamö janaadö jotöödö ämu'demjönö dö'se tödöödö wetä, dhamäädö dhadaadö umö'jödö de'wä tödöödö wetä, i'judu dhadaadö umö'jödö ämu'demjönö dö'se tödöödö wetä mmaja.²⁶Yä'jeje sacerdote tamäädö de'wä ämu'dato dö'se nacca'de chaatö she'caasa'cä, ²⁷nencushiima'de yaawä töwö tooni tamäädö dhadaadö ämu'demjönö dö'seenoque aacä amojato'cwacä Wanaadi dö'tä yää chaatö tamäädö ämu'dato dö'sennoque , tamäädö ämu'demjönö dö'senno tönaajäichö que.²⁸Yaawä sacerdote soto töweecoccaamö janaadö ämu'demjönö jotöödö de'wä nödöa'de chaatö tamäädö de'wä tönajäichö que, dhamäädö dhadaadö umö'jödö ämu'demjönö de'wä nödöa'de, i'judu dhadaadö umö'jödö ämu'demjönö dö'se tödöödö wetä mmaja, tameedä täjemjönö tuntu'jödö taquiiyatooque dö'tä nödöa'de. ²⁹Töwödea naccade yää chatö acoijä tamädö dewä tönajä'chöque soto töweco'camö jujä dewä chonenadiyö encwanno'jojodö wetä yawä wanaadi'wä.³⁰Wanaadi wwä töwa'deuwemö dea täje'da nu'a'de aacä jaduuma yanwaichadööcomo'cä, soto töwecoccaamö nejodödö woije, ³¹tooni täje'da nu'a'de conemjönö joojato encwanno'jotoojoje tooni'chene nu'a'de täje'da u'ajä tödha'cwaamöje, dhadöödö ene'ajä jaadä yää täje'da u'ajä. Yä'jeje sacerdote conemjönö necwanno'joja'de töwecoccaamö jäcä Cajiichaana Wanaadi wwä. ³²Edää yää wanontänä ñäädä cädäijato töweewomaato chäädäichöje naadö iji'jä jäcä wätä'se'tätoojo, ñäädä täjemjönööje tu'emööje Wanaadi wwä ejoodöjai'cha naadö töweco'ccatoojo". quee cönä'döaacä Cajiichaana Wanaadi.³³Cajiichaana Wanaadi cöna'deuwöi chea Moisés wwä Aaron wwä mmaja, cönädöacä: ³⁴''Canaán ñano nonoodö ca äwäädöa'jäcäiñe yää onoonodööcomooje wu'nedö aca, cädäi äjuunucoomo chäädä'ñänei ejannä'ca'jäcä öwwä ämmaichomooca onoonodööcomooje wu'nedö aca anaamädööcomo, ³⁵yaawä ñäädä yää mmaa edhaajä yeejödö tujunne na sacerdote wwä ecamma. Edäje yädödö tujunne'na: 'Cädäi soto ji'jä chädä'ñänei ye'saca töwä'döe nöchö'ta'. Quee yä'dödö.³⁶Yä'jeje sacerdote naanonta'de yeeja'caadöcomo wetä chäwänñe, yää ä'sa acanno cädäi soto ji'jä chädä'ñänei eneedö tö'wä owajo, yää ä'sa acancomo cädäichadöcomo quenñe. Yä'jeje sacerdote womomödö tujunnena yää ä'sa aca. ³⁷Töwö jää'judu enmencadö tujunnena cädäi soto ji'jä chäädäi'ñänei töweiye ye'chö eneedö wetä, jää'judu de'cäcä sheene yeichö enmencadö wetä, seweiche yeichö enmencadö wetä jenñenma. ³⁸Cädäi soto ji'jä chädä'ñänei'je yeichö yää maa edanta'jäcä chäwwä, yää ä'sa a'dudu chäwwä tujunne na aacä amoojato anoototo'cäcwa'cä.³⁹Aacä amoojato anoototo ai sacerdote nennaca'de yää cädäi soto junu chädäi'ñänei töweejange yechö eene jääjudu jäcä inmaichomo jäcä. ⁴⁰Töwwä edanta'jäcä soto junu chäädäiñänei töweiye yeichö, sacerdote naanonta'de tä'ju jääjuduje tödöajä u'cadö yää cädäi jano emaadö wetä yaawä jata tö'cäi nossajaato töja'tojooca.⁴¹Mädääje deea töwö nicho'caja'de tameedä jääjudu, cho'cannamo'jödö dea yää cho'cajödö nöja'aato'de yaawä tameedä no'sajato, jata tö'cäi, no'sajato töjatojooca. ⁴²Chäwwäiñe amuucudu tujunne na yaawä, aneejja täjucomo, awade'como'jödö wei'jödö dö'tä ajoijojootödö wetä töwwäiñe, mädäje mmaja jääjudu amäädö tujunne nadea, chäwwäiñe, anejja nono aashichaato que.⁴³Yääje yeichaame, yää maa aca cädäi waajänta'jäcä mmaja yaawä, yätä täju ashichacomo tödööjätö'jödö dö'tä, jääjudu tödöeenö jäcä yaajänta'jäcä jeiñenma, ⁴⁴sacerdote nomonga'de yaawä maa taca cädäi soto ji'jä chäädäiñänei töweejan'ge yeichö ene. Töweejange edanta'jäcä, cädäi äjichö'täjöönöje necamma'de töwö, nossaje ä'sa weichö mmaja necanma'dede.⁴⁵Yääje yeijäcä, yää maa ema'jodö tujunne na. Tameedä jääjuduuje tödöajä, tä'jucomo mmaja, tauda'como jenñenma, töjaajodö tujunne na jaata töcäi, no'sajato tö'jatojo aca. ⁴⁶Mädääje mmaja ñäädä, ä'sa nossajaato aca nomom'gaadö, ta'duque yeichame, töweecodoiña yeichojo na cho'mamjai yä'dödö joonane. ⁴⁷Töwoomöcoomo choccajäätödö tujunne na, ñäädä, yää ä'saca nönö'caadö wwä, mädääje mmaja ñäädä yää maa aca nääwashinchaadö, töwoomöcoomo choccajäätödö tujunne na dea.⁴⁸Ta'duque ä'sa yei'jeje yää maa aca sacerdote womonga'jäcä, yää cädäi soto junu chäädäiñänei töwejan'ge yeichö ene, cädäi je'da yeichö edanta'jäcä yaawä chaaca, nossaje'da yää ä'sa töwö necanma'de.⁴⁹Mädääje mmaja yaawä, sacerdote nichocca'de yää maa, acä tadinñemööque, madudaimä tauda amodenajäque mmaja, jacudinmötö seweichatoque jeiñema, hisopo que mmaja. ⁵⁰Aasichaato tuna e'joodhe naminñä'ca'de tooni tadinñemö. ⁵¹Mädä tödö'jeje, tadinñemö aquiiyö tuuna que tönoimadö aca newaaca'de yaawä, tauda madudaimä döajä, hisoopo, jacudinmötö seweichato, toni tadinñemö nudooto, mädääque jeene aacä amoojato tödö'jödö nencushima'de yaawä yää maa.⁵²Töwö nichocca'de yää maa, tadinñemö aquiiyö que, tuna aashichaato que mmaja, tadiiñemö nudooto que mmaja, tauda madudaimä döaajäque mmaja, hisoopo que mmaja, jacudinmötö seweichatoque mmaja. ⁵³Yääje yeichame, jata tö'cäi, jödoodo awä töwä'dödö'jo, nennoja'de tadiiñemö nudooto. Mädääje töwö conemjönö nencwannä'jaja'de, töcocca yeichö necanma'dede yää ä'sa.⁵⁴Edä yää cädäi soto junu chädäi'ñäneije yeichawä äwätä'se'toto'como, anejja mädä cädäi ejoodöjooneije naadö e'se'totoojo mmaja, tishi'ato'je weiñä mmaja, ⁵⁵anejja cädäi mmaja, maa chädä'ñäjaicho owoomöcoomo chädäi'ñäjaicho mmaja. ⁵⁶Töwaawojä'e weiñä ese'totoojo mmaja, tucunnujä'e weiñä e'se'totojo mmaja, töwäätudeejä'atoje weiñä jeiñenma, ⁵⁷ecanmatoojoje yeichö wetä yaawä, cädäi äjichö'täjöönö je yeichö töwääjächö'tooto je yeichö jeiñemma, nossajje yeichö ecammatoojo mmaja yaawä.

15¹Cajichana Wanadi cönadeuwä Moisés y Aarón waiñe cönädöacä: ²Adhadeucwä israelita como wäiñe, edäje caichäcäde: Ñädä dhanwa chädäichö tucunnuatoje yeiyajäcä chäjö jocono nosajenä yawä. ³Yää tucunnuatoje yeichö enei töwö nosajena. Yäa chäjöjocono chunnuajä yätädä yeiyajäcä nosajena.⁴Tämedä inñötojo yemototojo, yatajimatojo jadä jödödä nosaje'na töwö. ⁵Ñädä inñoto ajojoneijödö towömö chocajaiña, ejijai, majanadea tunaque, nosajena chomomödö jona tödöene.⁶Ñädä soto tucunnuato jano yeijödö dötä natajimadö jeiñemma, töwö soto töwomö chocajaiña, ejijai maja nadea yaawä dea'mma tuna que, töwö nosajena yawä chomomödö jo'na tödöene. ⁷Ñädä tucunnuatojano ejö ajojonei jödö töwomö chocajaiña eijaimaja nadea tuna que, nosaje töwö naa yawä chomomödöjo'na tödöene.⁸Ñädä tucunnuato'jano wää, etadajacä soto nosajemjö, nö töwomö chocajaiña ejijai maja nadea tuna que nosaje töwö na chomomö jo'na todöene. ⁹Ñädä tucunnuato'jano watajimajäcä soto watajimatocomo dewä nosaje maja watajimatojo nädöa yawä.¹⁰Yaawä ñädä nosajato najojojödö ajöjoneijödö nosajetöwöna yawä, chomomödö jona tödöene, ñädä nosajato jano adäneijödö töwömö chocajaiña ejijaimaja nadea tuna que chomomödo jona tödöene. ¹¹Ñädä tucunnuatojano ajojojaichana änwatödadä ñädä ñajojojödö töwömö chocajaiña ejijai maja nadea nosaje töweijä chomomödö jo'na tödöene. ¹²Ñädä tucunnuato'jano waä acancuduichamo ajojajacä imojotäcäde, äcushadiachomo maja dee, tödöjäajä tamedä tödöjäajä ashatojo maja atötöjätäcade tuna que.¹³Yaawä ñädä tucunnuajäato chocajäcä, tucunnujäe yeichö, yaawäne töwö deamma chötammejaiña acä amojato anoto cä wacä töwecocatojo; yäjeje töwomö chocajaiña töwö täjö maja tuna jadujato wotädö aca. Yawane töwö töwecocana nosajeda. ¹⁴Yawä aduwawä amojato anototoai töwö nuade acä macanacä o acä adöwocäjeiñe mma inñacomo cäiche nene'ade yawä cajichana Wanaadi wadädä yejummato comonatatajo yätä töwö nuade tadinñamocä Wanaadi wwä töwadeuwemö wwä. ¹⁵Wanaadi wwä töwadeuwemö nuade yawä, toni täjemjönö chonenadiyö adotojoje toni mmane chonenadiyö yacwatojo, Wanaadi wwä töwadeuwemö chunnujätöjö nichocajade cajichana Wanaadi jetaca nödöade yawä.¹⁶Aneja dhanwa adhantawaiñe töweiye yeiyajäcä tucudu que yecodonñajä töwö tamedätajö chocajaiña tuna que; töwö nosaje'na yawä chomomödö jona tödöene. ¹⁷Tamedä awewontotocomo, ajijocomo majä nosaje yeiyajä cutaje chocaimato yawä tuna que; nosajetöwöna yawä anonñadädä chomomödö jonane. ¹⁸Yaawä toni wodi dhanwa acä inñocajäcä, ñadä wodi chuduje töwöna yawä, anädätönwanno ecocajai nato yawä tuna que, nosaje nato yawä chomomödö jo'na tödöene.¹⁹Yaawä toni wodi munuje yädöajäcä nosaje töwö nöta yawä, acä amojato anotocä wacä, ñädä ajojoneijödö nosajena yawä chomomödö jo'na tödöene. ²⁰Ñädä wodi munuje yeijajäcä yää wadadädä nosaje na, yamedä ñanno yatajimajödö de'wä natodö nosaje natode yawä.²¹Aneja adhantawaiñe inñötojo ajojajäcä töwomö chocajaiña yawä ejijaimaja nadea tuna que, töwö soto nosaje'na yawä chomomödö jona ne. ²²Aneja soto wwä yatajimma'ja nadea tuna que; töwö na yawa nosaje chomomödö jo'na todöene. ²³Inñotojo dewämma yeijödö yeichame, yatajimajödö de'wä jeiñemma, ajojajäcä töwö soto wää nosaje'na yawä chomomödö jo'na tödöene.²⁴Aneja dhanwa ñadä acä inñöcajä, yää nosajato ajojajacä, töwö nosaje na yawä acä amojato anotocä wacä. Tamedä inñötojo jadä jödödä nosajena yawä.²⁵Toni wodi nosaje yeiyajäcä munu'je, wanna anoto, tanotochädö awädä munu'je yeiyajäcä yada quene munuje yeichojo na'wä nosajatoje yeiyajacä, yäje töweichö wadadädä töwö na yawä nosaje. Töwö na'de yawä munuje töweichö nön'edea nosaje. ²⁶Tamedä äwatä ñajojojödöje nadö, tamedä yää munuje töweichö ñajojojätöjödö yatajimajödö mmaja nosajena munuje yeichö ajojojödö weijäcä. ²⁷Anejawä ajojajäcä yää ñajojätöjödö nosaje nade, töwö chocajaiña yawä töwomö, ejijai maja nadea tuna que, nosaje töwöna yawä chomömö jo'na tödöene.²⁸Yawä munuje töweijeje jecocajäcä yawä töwö nimecutade acä amojato anoto, yawane töwö nosaje'da nade. ²⁹Yawä aduwawä amojato anoto ai töwönadäade acä macanacä, acä, jaduma maja iñacomocäiche nadäatode yawä, wesumatojo natatajo Wanaadi wä töwadeuwemö wää utudu wetä. ³⁰Yotonno Wanaadi wä töwadeuwemö toni tadinñemöcä nuade täjemjönö mane nuade tödhacwamöje madä nencuannäjade chonenäditö cajichana Wanaadi jetaca mädäje munuje töweichö wadadä dä yeijödö necocade.³¹Yäjeyeijäcä änwanno israelita como ojodöjacha mato nosajato jadä, mädäje tönwanno äjajoda eijainato nosajato anajojoda töweichö como que mädäje öwö jadä awesummatocomo onconemada eijai mato, öwö ne yätä aladäiñe weiyaja.³²Mädä yää äwätäsetotocomo, änwanno nosajeiñe matodö, ñädä dhanwa chudu toweatonosajena. ³³Adhantawaiñe wodi tucunädö awä, yeiyajäcä nosajena yawä ñadä nönato dhanwawää ajojajacä anädä nosaje nato yawa.

16¹Cajiichaana Wanaadi cöna'deuwöi Moisés wwä, mädä cönä'jaacä aacä Aarón nacoomo wä'jajo'jejeiñe, tönwanno Wanaadi wadäädä cöneejoto, cönä'jajoicho yaawä. ²Cajiichaana Wanaadi cönä'döaacä Moisés wwä: "Adhaacono Aarón wwä adha'deucä, eejö'da neiñojo'de tumjummadö woije sadä nossaje'da weichojo taca cortina öncadheedä, yää sacrificio tödöötojo a'duto emjaataawä naadö. Yääje'da tödööa'jäcä chäwwä, nääma'de yaawä, öwö yäätä weijäcä ca'dutuuje yää sacrificio tödöötoojoo a'dutu de'wä.³Edääje Aarón womoomödö tujunne na yää nossaje'da weichojo taca. Töwö yoomomöödö tujunne na toro dha'me yää täje'da tu'emö conemjönö tönnö'jödö ejeematoojoje, tooni carnero yaawä täje'da tu'emö tödha'cwaamöje. ⁴Yeewontädö tujunne na dea yää lino tödöajä yoomö nossajemjönööque, töwoije dea ewaacadö tujunne na töwoomö o'näno lino tödöajä, faja lino tödöajä awä töwö yeewontaajä yeichö tujunne na, iju'jä womö lino döaajä awä mmaja. Tuna que yeeconcadö tujunne na yaawä, töwenwontädö wetä töwoomö awä. ⁵Töwö dea adäädö tujunne aacä chivo soto neneejödööcomo acanno täje'da tu'emööje conemjönö tönnö'jödö ejeematoojoje, tooni mmaja oveeja nedö'cä täje'da tu'emö tödha'cwaamöje.⁶Yä'jeje, Aarón toro dha'me iichädö tujunne na tä'je'da tu'emööje conemjönö tönnö'jödö ejeematoojoje, yää na'de chääjäcaichädäätoje, yäjimmä'tädö jäcäichädootoje mmaja. ⁷Yaawä töwö aacä chivo adäädö tujunne na, Cajiichaana Wanaadi emjataawä tödöödö wetä, yää Wanaadi weichojo nata'tojo.⁸Yä'jeje, sorteaaje tödöödö tujunne na Aarón wwä aacä odocajaato, tooni yeichö wetä CAJIICHAANA WANAADI wonooje, yeichacoono'quene cone'nadi adääneije. ⁹Aarón wwä adäädö tujunne na ñäädä odocajaato CAJIICHANA WANAADI wonooje cöneeja'caichö sorteaje tödöödawä, emaadö wetä chäwwä täje'da conemjönö tödö'jödö ejeematoojoje. ¹⁰Ñäädä'quene odocajaato cone'nadi adääneije cöneeja'caichö sorteaje tödöödawä, eneejödö tujunne na nudäädä CAJIICHAANA WANAADI je'taca, cone'nadi adäädö wetä chäwwä ñäädä odoocajaato jata'jemjönö aca ennojadööque.¹¹Yä'jeje, Aarón wwä adäädö tujunne na toro, täje'da tu'emööje conemjönö tönnö'jödö ejeematoojoje. Töwö mädä tödöödö tujunne na chäwwä töjääcäichädä, töwäjimmä'tädö jäcäichädä mmaja, yääje yeijäcä toro emaadö tujunnena chäwwä täje'da tu'emööje conemjönö tönnö'jödö ejeematoojoje.¹²Aarón yää ya'cwa'toojo ewöötö eseecadö tujunne na yää wa'to cadanchudu dhaca naadö, caadono ijoodö tamooco'taca yeiyancadä, eneejöiye yaawä tödöajä cortina aca tödöödö'jo. ¹³Yäätä töwö tödöödö tujunne na ta'nato de'wä caadono ijoodö Wanaadi emjataawä, caadono ijoodö que aijodö wetä yää conemjönö tödö'jödö encwanno'jotoojo a'dutu de'wä. Mädä töwö tödöödö tujunne ääma'da yeichö wetä yaawä.¹⁴Yaawä, töwö toro aquiyö shecasa ajä'chöjo, tooni tamädö dhadadöque nencushimaade yää, täjeda tuemö aduutu Wanaadi wwää deecäcä. Töwö encushimadö tujunnena, taquiyatoque, acä amojato cwa'cä, yää täje'eda tuemö aduutu Wanaadi deecäcä.¹⁵Yä'jeje, cabra dhanwa aminñäcadö tujunnena chäwwä, täje'da tu'emööje yeichö wetä soto conenadiyö'como encwannojotojoje, dhaquiyö adädö weetä yaawä cortina ncadhedä. Yäätä, toro aquiiyö cönnöichöje mmaja yää muunu tödödö chäwwä tujunnena nadea: Töwö encushimadö tujunnena yää täjeda tuemö aduutu decäcä wanaadi wwä. ¹⁶Töwö, täjemjönö utudu tujunnena conemjönö ejematojoje , ashichato nonodö dewä töwe'chomjäcä , israelitacomo conenadiyö ejematojoje mmaja, anetada yeichomjäcä mmaja tamedädä chonenadiyöcomo jäcächädä mmaja. Mädä dea töwejummatocomo aca chäwwä tödöödö tujunne nadea, Cajichaana Wanaadi tantawänñe ye'chojo dötä, ñanno conemjönö tödönnamo neneedöje.¹⁷Anejja yäätä yeichö tujunne'da na Aarón womoomödaawä cone'nadi encwanno'jojo adäädawä yää aashicha weichojo taca, yeeja'cadö jonaane, yä'cadö jonnane mmaja töcoone'nadiiyö encwano'jojoodö, töwä'jimmä'tädö nödö'jödö mmaja, tameedä soto nödö'jäcoomo mmaja. ¹⁸Töwö yeeja'cadö tujunne na täje'da u'tojo a'täi dönñano yää Cajiichaana Wanaadi emjataawä naadö, yäätä cone'nadi choccajoodö wetä töjääcäichädä, adäädö tujunne nadea chäwwä toro aquiiyö, she'cä cabra dhanwa weichö aquiiyö mmaja, altar esquinaichädö wadadäädä tödöödö wetä chäwwä. ¹⁹Töwö ennöichadö tujunne yää munuuque tamäädö dhadaadö she'cä, aacä amoojatooto'cäcwacä choccatoojo je, Wanaadi wonnoje yeichö wetä, amoinche soto israelita nossaja'como jäcäiñe.²⁰Yä'ca'jäcä yaawä cone'nadi choccajoodö yää aashicha weichojo tacaano jäcä, we'jumma'toojo ä'sa jäcä mmaja, täje'da u'tojo a'täi jäcä mmaja, adäädö tujunne na chäwwä yaawä cabra dhanwa weichö. ²¹Aarón a'nädä tamäädö tödöödö tujunne na ñäädä cabra dhanwa weichö ju'jä de'wä, ecammadö wetä yaawä ye'cäcä' töwaajäiyancädä tameedä israelita cone'nadiiyöcoomo. Määdäje töwö nunmicha'de yää conemjönö cabra dhanwa weichö ju'jä jäcä, enno'jadööjemma yaawä amoinche, anejja soto enwawä chäänönge yä'döaajä jata'jemjönö aca adäänei. ²²Mädääje ñäädä cabra dhanwa weichö adäädö tujunne na chäwwä tameedä soto cone'nadiiyöcoomo weichojo soto'jemjönö aca. Yäätä jata'jemjönö aca, ñäädä ädäänei soto nishaaca'de yaawä ñäädä odocajaato täncanoode'da yeichö wetä.²³Yä'jeje Aarón wennacaadö tujunne nadea yaawä we'jummatoojo ä'sa taca, u'cadö wetä töwwä yää töwoomö lino tödööajä que cöneewontäichö töwoomomöödö owaajo aashichaato weichojo taca, yäätä tödöödö tujunne na yää wewontotoojo. ²⁴Töwö yeecoccadö tujunne na tunaaque yää aashichaato weichojo taca, töweichojo töwoomö awä mmaja yeewontädö wetä yaawä; töwö yeeja'cadö tujunne na yaawä utuudu wetä chäwwä tönnödö täje'da tu'emö ya'cwaajä, täje'da tu'emö ya'cwaajä soto nödöödöcoomo mmaja, mädääje tödöödö wetä töcoone'nadiiyö jäcäichädä, soto cone'nadiiyöcoomo jäcäichädäiñe mmaja.²⁵Töwö täje'da u'tojo a'täi de'wä ya'cwadö tujunne na täje'da tu'emö chaatö conemjönö jäcäichädääto. ²⁶Ñäädä soto jata'jemjönö aca cabra dhanwa weichö ädäänei'jödö, töwoomö choccadö tujunne na, täjö choccadö mmaja tunaaque; yä'jeje, töwö ennacaajai ña yaawä tä'saca.²⁷Ñäädä toro tä'je'da tu'emööje cönnejäätodö, cabra dhanwa weichö cönnejootodö mmajaa, munu cone'nadi ejeematoojo je Aarón cönnejäädö mmaja, adäädö tujunne na amoinche ä'sa jäcä. Yäätä ya'cwatääcä'de iji'jäcoomo, shuunu mmaja, iweetöcoomo mmaja. ²⁸Ñäädä soto mädä'como ya'cwaneijödö, töwoomö choccadö tujunne na, täjö choccadö mmaja tunaaque; yä'jeje, töwö ennacaajai ña yaawä tä'saca.²⁹Yeichöje mädä na'de äwäätä'se'totocomooje aacä amoojato nuunä yä'dödö waadäi, yää nuunä amoojadooto anooto awä, änwanno ämjummadööcomo woije meichäiche, etaadawa'cajoojai'cha mmaja, eetä yennuaajä, ye'ajä mmaja ajaadäiñe naadö. ³⁰Mädä na'de edääje yeijäcä, yää anooto awä Aarón ocoone'nadiiyöcoomo nencwannä'jaja'de, töcocca aweichöcoomo wetä conemjönö jonno, nossaje'da aweichöcoomo wetä yaawä Cajiichaana Wanaadi emjataawä. ³¹Wäädetatoojo anooto tönoiñe tödöemööje na'de mädä äwwäiñe, änwanno ämjummadööcomo woije meichäiche, etaadawa'cajoojai'cha mmaja. Mädä na'de äwäätä'se'totoocomooje yeichöje adhantawäiñe.³²Wanaadi wwä töwa'deuwaamo edhaajätoncomo, ñäädä chäädhajätoncomooje töweiyemööje ecammaajä naadö, tumö önwacaanoje töweiyemööje ecammajä jeiñemma, ñäädäne tödöjai ña cone'nadi encwanno'jojotojo tödööjoneije, ewontäjai mmaja nadea wewontotoojo lino tödöajä awä, wewontotoojo aashichaato je yeijäcä. ³³Töwö dea tödööjai ña cone'nadi encwanno'jätoojo aashichaato weichojo jäcä; Töwö dea tödööjai ña cone'nadi encwanno'jätoojo we'jummatoojo ä'sa jäcä, täje'da u'tojo a'täi jäcä mmaja, Töwö dea tödööjai ña cone'nadi encwanno'jätoojo Wanaadi wwä töwa'deuwaamo jäcäiñe mmaja, tameedä soto jäcäiñe mmaja.³⁴Mädä na'de äwäätä'se'tätoojoje, cone'nadi encwannojojoodö soto cone'nadiiyöcoomo, tooniye wedu waadäi" quee cönä'döaacä Wanaadi. Mädä cönä'döi Cajiichaana Wanaadi necamma'jödö nönge Moisés wwä.

17¹Yääje'mma yaawä CAJIICHAANA WANAADI cönadeuwöi Moise wwä cönädöacä: ²Aarón wwä adhadeucä inñacoomo wwä, tamedä soto Israelitañancomo wäiñe mmaja. Edääje ecammacä CAJIICHAANA WANAADI wanontödö: ³Anya'mädä dhanwa Israel weichö jaaca, oveja cabra mmaja aminñö cajäcä, edää jeiñemma sacrificaje todödö wettä ⁴ännejöda yeiyajäcä WANAADI weichojo natatajo töjedatuemöje sacrificioje CAJIICHAANA WANAADI weichojo taaca, ñäädä dhanwa yoijatoje naade yää muunu töjajojödö töwöne yää muunu töjaaetöda yääje yeijäcä ñäädä dhauwa ennojaadö tujumnena soto jonnoiñe.⁵Edää wanontönö tödödö tujumnena Israelitacomo wäiñe, sacrificio eneejödö CAJIICHAANA WANAADI wadädä yää wejummatojo natatajo sacerdote wä utudu wettä, töjeda tuee'naö töncadodeda aweconecatojoje. ⁶Ñäädä WANAADI woono wadheuwödö muunuque nöjöjäade yää CAJIICHAANA WANAADI wwä wadeutojo, wejummatojo natatajo mmaja; töwö niyacwade iyää chaatöjödö caro jiotadö wettä CAJIICHAANA WANAADI wwä.⁷Ñanno soto äntuda naatode eduuwo sacrificio chutajö wadädä, tönwanno weneneto dhanwa töjiiñamo jonno tömasuuduichato nönge, edää wanontönö naade chäwäiñe yeichöje ñanno dhatödöcomo jona tödöene.⁸Mädäje eca'macä chäwäiñe: Anejammädö dhanwa Israel weichö, aneñajano chäjadöiñe yäätä yeiyajäcä mmaja töjeda tuemö yacwajö uajöcä sacrificioje, ⁹ännejöda yeiyajäcä mma wejummatojo naatatajo CAJIICHAADA WANAADI wwä sacrificioje, ñäädä dhanwa soto jonnoiñe töjacanöjomena yäätä eicha yeichöwetta.¹⁰Yaawä Israelitañano, aneñajano weajö chääjöcä wishancwade yaawä, soto jadonnoiñe wishancwajadede. ¹¹Odoocojato aquiyö acana yää nudä yeichojo. Yääje yeijäcä äwäiñe muuna wune altar dewä tödöemoje oconenadiyöcomo chocatojoje aweichöcomo jäcäichödö, yää muunune conmjönö chocatojoje yeiyajä, nudä weichojone mädä muunu.¹²Yääje yeijäcä edääje wädäaque ñanno Israelitañancomo wääiñe, tomichä adhantawäiñe jiunujödö tönöjachana taquiyato, chönönge mmaja anenñajanö weajö adhautawaiñe naadö tänöjacha mmaja naadea. ¹³Tamedä ñanno Israelitacomo, aneñajancomo ajatawaiñe naatodö mmaja, yesenöngaco'mäcä adhocojato aminñöcajöcä, taadiñömö jeiñema tänömöje naadö; ñäädö soto töjaajaiña yää muunu adudu wettä yaawä nonoque.¹⁴Dhaquiyö nudä nödöa ñäädä odhocojato. Yääje yeijäcä yääje woidöaquene Israelitañancomo wwä, "Tänöjacha maato taquiyato odoocojato, tamedö ñanno nuudö naato taquiyöcomo que. Ñäädä nönöadö jiatadö jonno ennjatöcä töjäcäjene neiñojo yaawä.¹⁵Tamedä ñanno soto, odoocojato wäämajö, odoocojato naamiñacadä tänöneijano weajö adhantawäiñe yeiyajäca jeiñemma, töwoomö nichocañojodhe, näjiñojodede naacuewa, nosaje naade yaawä, chomamödö jonane. Yaawäne nosajeda naade. ¹⁶Yaawä töwoomö oncocada yeiyajäcä, äjiicha mmaja, yaawä töwö töwoijato yää conemjönöje maade.

18¹Cajichana Wanaadi cönadewöi Moises wä cönädöacä. ²Adadecwä isaadaedita como waiñe edäje ädöcäde: öwö ñädä cajíchana awanaadiyö. ³amädä mane mädä Tödö jaichama Egiptoñan como soto nödöatodö, jenadä tönnöe cönäjatodö döña. änwanno maja mädä tödöjaicha mato canaanñan como nöngemeichäche.⁴Wanunto´dö nönge tödötäcä. Wanonto´dö maja shomatäcä´de yää woije matesetätäite, cajichana awanaadiyö comoje weijäcä. ⁵yääje yeijäcä, änwanno shomajai mato wanontoto´jo, wanontädö maja, tooni soto tätäsetajäcä, töwö nudä nade yää woije. öwöñädä cajichana.⁶Aneja önöjaichana töwäjimmätädöje tönetä´dö acä. Cajichanane weijä öwö. ⁷omotoncomo monnoncatäi anötoncomo acä anöcödöcomo ´que. Anöne töwö yeiya´jä, mädäje anö ñoncajaíchama. ⁸omo jinyanto´mo jadä önöjai chama; amädä omo ñoncajaichama yää tödödö´que.⁹ajaduchomo´je anetadö jadäiñe önö jaichama, omo nacomo´je yeijäcäñe anö nacomo´je yeijäcämaja, adhesacada yennejecajö´dö weichamenñe ojonno amunche. yäje yeíjäcö ajaduchomo jadaiñe önöjaichama. ¹⁰ännacomo dhanwa nacomo woodiñamo jadäiñe önöjaichama ännacomo woodiñamo nacomo jadäiñe maja önöjaicha maja madea mädä ö´jichanojotojo´je nade. ¹¹Omo jinñamo nedö acä önöjachama, omo nedöje yeíjäcä ajuduichö´dea töwö nä, mädäje amädä dacõi önöjaichama.¹²omo jaduichö acä önöjaichama. Omo wäjinmätödö´je yeijäcä. ¹³anö aconocä acä önöjaichama, anö wäjinmätädö´je yeijäcä. ¹⁴omo aconocä mononcaiche, jinñamo a' cä annöcödö'que. Mädä'je aweishe aweicho que chä'wadädä mötäiche. anö'je dea etädö weijäcä.¹⁵ajadanö a'cä önöjaichama. ännedö jinñamo yeijäcä dacä önöjaichama. ¹⁶ajinñamo acono'cä a'cä önöjaichama, mädä'jemmä'dä töwöñoncajaichama.¹⁷Woodi a'Cä önöjaichama inñedö maja. Woodiiñedö nedö maja. Tönwanno nato woodi wäjinmätädö'je. chänawäine annöcajäcä, conemjönö'como'je matoode. ¹⁸amädä ädöjaichama ajinñamo acono'cä jadä acoto ajinñamoje tödöjaicha maja, da'cä änawä önöjaichama ajinñamo nudä yeichame.¹⁹Woodi munuje teicha wä chänawä önöjaichama nosaje töwöna täje töweicho wadadädä. ²⁰aweichacono jinñamo a'cä annö'che. mädäje aweichöque.²¹änwanno ännacantocomo toonicha möda adäjaicha mato wato wotudedö a'cä saquidifioje utudu wetä moloc wä. madä'je anwanno Wanaadi etö shomajaicha mato öwö ñädä cajichana.²²dhanwa a'cä dea dhanwa önöjaichana woodi a'ca töweichö nönge conemjönö'jena yawä. ²³odho'cajato a'ca önöjaicha jaolä'jödödä'ma. mädä tödödö'que nosajajena yawä. Woodi odhoca'jato wä ato'jojojaicha na, mädä tödödö'que nosajajena Yawä.²⁴Mädäje änwanno econemajaicha mato mä'dä tödödö'que , yäje yeíjäcä jata töweconema wenene yawä öwö jata weiyade. ²⁵yää nono maja cönecone namai'chea. mädä'je wichu'seijane chonenadiyö'como que tawa wiwena'cwaneto yää nono dewonno.²⁶ämädä mane, shomajaíma wanontädö wanontoto'jo maja, ämädämane mädä conemjönö tödöjojaichama isada editacomo waíñe maja adanta waíñe natodö. ²⁷Mädä yää conemjönö soto nödöjödöcomo nono dewa töweicomo. Ñanno odowajaíñe nudä cönäjatodö, mädäje nono cöneconemai. ²⁸Mädä'je yeíjäcä odhowadädäiñeda e'chäcä nono dewä nadö mane awena'cwatono yää onconema dö'como ñanno cönwenna'cwa'cho döje odhowajäiñe jenadä cönäjatodö.²⁹anejammamaja yää conemjönö tödöajäcä, tacäjäe soto nematode yää jatawä. ³⁰Yawäne a'nwanno shomajai mato wanontä'dö. Conemjono jenado'jo ännöda aweíchö'como que, ñanno odhowajaiñe tonnö'e cönäja'todö, mädäje econemada meicha'ye yää tödödö que. öwö ñädä cajichana awanaaditicomo.

19¹Yaawã cajichana Wanaadi cõnaadewöi Moiseswä, cönäädö acä, ²"Tameedãdã soto we'jummacomo naatodõ canno Israelita wäñe adhadeucäde edääje caichäde: änwanno conemjönõ jeda eichãcä, Cajichana Wanaadi öwö ³Awanaadiyö öwö ashichato. äwwanno tameedädä aanötoncomo ootoncomo tõnonñe eneetäcä, wãdeetatojo anooto awä tõdõõe tõödõcãde Cajiichana Wanaadi õwõ Awanaadi. ⁴Chuutajä inñamodoto wadããdãmma mõõtätäche eduuwa, änwcunnoma oro ma mãnnõtäche Awanaadiyo'como, öwöne ñäädä öwõne ñaadä Cajichanaichomo Wanaadi.⁵Yaawä ecaatãdawä Cajichana Wanaadiwä täncaanódeda aweichocomo, utu'se aweicho'que u'cã utuuye yaawä, ⁶Aanecato jocomo anooto awäde amma äwaashinchätäcãde, yääjenamma jeiñema, aduuwawã anooto yääjenamma jeiñema, aduuwawã anooto yäädetõjõdõ yeiyajäcä yacwatäcäde. ⁷Aaduuwawã anootojõdö aca awäwashicha comjäcä, Cajichana Wanaadi Wacööje'dana, ⁸ñanno tameedadã cõnääwashinchodo' conemjõnõ nõõdõaato ashichatone Cajiichana Wanaadi yeiyajä, canno soto edã jatawonno ennojadõcomo tujuunenato.⁹yaawa iñatõtãdawä onoonodõ de'wä, tameedãdãma onoonodö de'wä iñaatötäcäde, ijuntaichomo wadäichamma maanejodo'joiche yãã ännatõtãdõ. ¹⁰uva ñatõtaja anejodojode eichäcäde noonojo anemajoojoda eichãcã chãwõtõ ocanno. Wentumjacomowã tuemõje yeacomowã mmaja owõ ñäädã chijichana Awanaadidö.¹¹maneememecöi, mätäncutäi aweichacomo manencutäi. ¹²ääwätäncutot como jemma yeetöjoi mããcammatäiche Cajiichana Wanaadi öwö öwö ñäädä Cajiichana Wanaadi.¹³ämmai dö'tono maanaquimmai maneememmecöi, oshotoi adha'ato ejematojo, coijaicho wadaadädäma äwwä männöi yääjejato anooto'dhe joona tõdõõenemma. ¹⁴Näädã tõöjanaquemjönö ijocqueda tõdõdõjaichama yeju'cotojo dhwajo tõdõõjaicha tããnuquemjönö owaajo ṭõdõõjaicha tããnuquemjönö owaajo tõõdõjaicha mmaja. tääsecane esecacä, ashichato Cajiichana Wanaadi wonooje mõdõye öwö ñaäädä Cajiichana Wanaadi.¹⁵Iinñamãdã ementä jaichama, amäädä änejoojaichama ämjummadama wentumje yeijäcä. Amääda mãneeja ijummadõse aweicho inñõdõ jãcäichäma äämmai dötono manememcai yö'tä. ¹⁶Iinñamädäto wãtunna mänemecatätäche ajaatawãñe. ämmadõ'tono ujichä iwatotojo Cajiichana Wanaadi Owö.¹⁷Aweichacono mäntudet'tä adheewanõ jadäädä amãädã chäuwä adhadeucwã coneda aweiyajäcä amäädä econecada aweiyajä dhacä conemjõnõ mmaja mödõöadea chãäjäcä. ¹⁸ääwwä mängöche wojotänä monsomache soto jäcäñe coneeda aweichö aweichacono ijumnacã äwäjummadõ nöngedea. Cajiichana Wanaadi õwõ.¹⁹ääwwanno shomaatãcã wanontädö. adheecõnõcomoma maniyojotäiche annenejõdõcomoma maniyojotäiche annenejõdõdä odocoojacomo mmaja. otoimma monoimatäiche dhadõõdöcomo yaawä onoonodõcomo de'wä iñatötädawä. tooni weichö owoomö tõdõõcãde aneeja weichöma, maneewacaiche.²⁰ñãädä tõsotoi ajoojone towaanäcä yeichame tõiñoque yeichõ dhowaanäcä cõnããjacä tä'ncanode dada yeichö, määdã nõngato näcuseijaja, wamaanã quedamma tãncadodedaada tõwõ cõnääjacä. ²¹tooni dhanwa Cajiichana Wanaadiwä nuua tääjeda tuuemö encuwannojotojoje tõweejummatoco woomontocomo dötã tooni carneo nõõdõa ta'äjeda, tõconee diyõ encwannojotojoje. ²²yääjeje ñããdä sacerdote acone'nadiyö encwannojoto jooje ñãã carnero täjeeda nuua Cajiichana Wanaadi wä. yãã conemjõnõ cõnnõichõ. Yaawäne, yäã conemjõnõ cõnnõichõ. Yaawäne, yäã conemjõnõ annõjõdõ tãnewannojo na.²³Yaawã edã noono de'wã owoomon gacomjãcã, tõcone'mana, tameedã yeichõ wãcã chuuta awanshi. Yaawãne mããdãje yeichö chõ'tammecä ñaatötajã tõñoiñatoje yeichö tameemmeda. Eedã chããjedõdõna tõnooñena äwwañe, aduuwawã weedu. ameejacha maato. ²⁴Yaawã acãichea weedu yädo'ajäcä yaawãne ashichatoje na'de, yaawä taäjeda äntuduucomo Cajiichana Wanaadiwawä. ²⁵Iijaatodea weedu yäädõajäcä yaawãne äwwano määdä chääjedõdä ameejai maato. äwwäiñe töweiyena tõwoomo'quemõ, määdãje chuuta na'tade jooje, õwõ ñäädä Cajiichana Awanaadi yõ.²⁶Ijuunu muumu ja'no mããnãtãche. jöõwaiñamomma manecammajoicho mãnaji aneejajoicha ãtãsetojocä edã noono de'wancomo queda ãtãsetojocä. ²⁷Wanaadi dhowaano joncomo nõõdõatodõmma männõche ijatonnomma tuujujã tõcado', adhetamujãtö to'cadö dhawodhecäcäma. ²⁸Hadhejõ manaacãjãtõ yããmaajäwwã mäntui adheejõ mãä'madacaña.²⁹Nännedö maneetö majoi täätö ejemajoneijmina eiño määdä ecoone mano näädä jäta nichanaña yaawä conemjöque. ³⁰Äwwanno yannotaichai äwä ädetaatäcä, cöwaademetacäde aweejammatocomo toca CHIICHANA WHNAADI ÖWÖ.³¹ñaanno wadäädäiñe ma mötäätäche shuutaja econömo wadäädä ñaannoma määmjidäche ätöötajätödöcomoma oconemanoto. öwö ñäädä CAJIICHANA AWANAADIYÖ³²Anömmai naato inchocomocä jeyaca tääje tödöjodö como ñontancädäñe ajadä inchona CAJIICHANA AWANAADI contandädä³³Näädä anenñajano weajä ädöiñane onoonodö como de'wä yäädöajäcä yäätä yädöajäcä coneedamma männötäiche. ³⁴Ñäädä aneiñajano weajö adhantawäiñe naadö, Israelitañano wennuajöje mönge tödötäcä, jiummajai maato äwäjummadöcomo nöngedea, mädäje'maja änwanno määjaquene Egiptoñano nonodö dewä aweichöcomo öwö ñäädä CAJIICHAANA AWANADIYÖCOMO.³⁵Inñamodotomma mononejatöiche onejadawä caawä yeichö; taminñe yeichö, jooje yeichö jeiñe´mma. ³⁶Chönönge'mma tödötöcäde yää onejatojo, chönges'mma ñonejadä, onejatojo wacä'mma. öwo ñäädä CAJIICHANA AWANAADIYöCOMO. Egiptoñamo nonodö dewonno ayucaneichomojödö. ³⁷Tamedä neca'mmajödö woije tödöcäde7 tamedä wanontödö woije mmaja

20¹Yääje mma yaawä Wanaadi cönaadeuwöi Moises cönä'döa'cä: ²"Edääje ecammacä Israelita wwäiñe: 'Aneeja mmädä ajaatawäiñe nä'döa'dö, yäätä naadö jeiñemma tönnedö u'ajäcä ñäädä Moloc wwä, tämaamö je yeichojo na. Yätoncomo soto näwäjä'ato'de täjuuque.³Öwö mmaja ñäädä soto ijumtaca waade, tönnedö u'tujödö weiyajäcä Moloc wwä, wema'de ijaatawä, öwö weichojo chonemajödö weijäcä, yeetö täjeeda tödööjödö yeijäcä mmaja. ⁴Yaawä aneeja yä'tono aneenejönö nönge yeiyajäcä towanäcä yeichame tönnedö u'ajäcä, aneemada yeiyajäcäiñe mmaja, yaawä Öwö mmaja ñäädä soto täjeeda wödö'ade, ⁵Öwö dea töjajaiñe wa ñanno wa, tameedä masuudui ja'como, chu'tajä ecanö'namo mmaja.⁶Ñanno soto yä'jaacomo woncomo wadeuwödö, chäcatoichomo wwä mmaja nimasuduichato, öwö mmaja ñäädä soto täjeeda wödö'ade; Öwö dea mmaja wema'de ñäädä shimmä dö'tonnoiñe. ⁷Yaawääne öwö ñäädä Cajiichana Awanaadiyöcomo, yääje yeijäcä, ä'tutäcä änwanno owoijeiñe dea mma, aashicha meichäiye.⁸Yääje yeijäcä änwanno ajaichäcä iyä wanonntädö, äwwäiñe tödöödö wetä mmaja. Öwö ñäädä Wanaadi, Ajiishichacomo je asancwajotäiñe wänenedö. ⁹Tameedä ñanno omotoncomo, anötoncomo jäcä conemjönö nödö'atodö töwäjaamo je naato. Ñäädä omo, anö jäcä conemjönö tödööneijödö näämade.¹⁰Ñäädä dhanwa aneeja wodi inño'jano aca töweiyato, aneeja töweichacono jimñamo jeiñe mma, ñäädä dhanwa yääjato, wodi mmaja yäämadöcomo tujunne na a'nädäncädä. ¹¹Ñäädä dhanwa tuumö jinñamo acä tönnö'cato, tuumö täjeeda nödö'a. A'nädäncäcä yäämadö'como tujunne na, inñedö yuumö jiiñamo mmaja. ¹²Ñäädä dhanwa töjaadanö acä nönö'cadö, yääjato a'nädäncadä yäämadö'como tujunne na.¹³Ñäädä dhanwa aneeja dhanwa acä tönnö'cato, wodi acä weiñä nönge, a'nädäncädä yäämädö'como tujunne na iyä inñö´jocomo e'nei. ¹⁴Ñäädä dhanwa wodiijadä nä´döa´dö, yeenö jaadä mmaja, conemjönö nödö'a, yä'jato tuuca emaadö'como tujunne na, a'nädäncadä dhanwa, wodi mmaja, mädä'jeeda adhantawäiñe yeichö wetä.¹⁵Ñäädä dhanwa odocajaato acä tönnö'cato, yäämadö tujunne na, odoocajato mmaja. ¹⁶Ñäädä wodi odocajaato acä tönnö'cato, yäämadö tujunne na, odoocajato mmaja. Yää inñö'cojocomo e'nei.¹⁷Ñäädä dhanwa töjaaduichö acä tönnö'cato, tuumö nnedö acä, senö nnedö acä jeiñe mma, a'nädäncädä yääje yeiyacomjäcä, se'nato conemjönö nödö'a. Tönwanno yäämadö'como tujunne na töjiimä owaadädäiñe, töjaaduichö acä tönnöcö'jödö e'nei. ¹⁸Ñäädä dhanwa, wodi acä tönnöcato munuuje yeichö awä, conemjönö nödö'a. A'nädäncäcä ñäädä wodi, dhanwa mmaja yäämadä'como tujunne na.¹⁹Änwanno änööjaicha mato anötoncomo jaduichö acä, omotoncomo jaduichö mmaja, mädääje täjeeda äwä'jimmä'tädö mödööja. Änwanno dea ännöjocomo mejeemato'de. ²⁰Ñäädä dhanwa töwaiñene acä nönö'cadö, täjeeda owoodö mödöa. Tönwanno yäämacomjäcä, öwö wiimaminchato'de, yäämacomjäcä mmaja, öwö dea wajäiyade iyä inñacomowoncomo töweiyemö jödö. ²¹Ñäädä dhanwa tudui jinñamo jada nä'döa'dö, chääjadä yeiyancädä, conenjönö nödö'a. Töwö täjeeda nödöa tudui, öwö wajäiyade iyä omo äwwäiñe inchuudu jatajödö.²²Yääje yeichame änwanno, yätäädä aweichöcomo tujunne na, äwäätäse'tädöcomo mmaja; Änwanno äwwäiñe iyä tödöödö tujunne na, coneedada aweichöcomo wetä yää nono änwaiñe wu'adö awä. ²³Änwanno yääje eijaicha maato, aneejacomo iyä tödönnamo jödö nönge, ñanno nönga'como öwö wacöjeeda naato.²⁴Öwö äwwäiñe wecammane: "Ännödöcomo je na'de nono; Öwö wu'ade äwwäiñe aashichato aweichocomo je. Öwö ñäädä Acaajichanaichomo Awaanadiyöcomo mmaja, aneejacomo antawonnoiñe odhucannamo jödö. ²⁵Änwanno odhowanäcäiñe yeichö tujunne na odoocajacomo aashichacomo, noosajacomo mmaja, tadiiñamo ajiichacomo, noosajemjöcomo mmaja. Änwanno ecoodeiñajaicha mato odoocajacomo queiñe, tadiiñamo noosajemjöcomo queiñe mmaja, aneejacomo töweenöcamo wötäädö queiñe mmädä mmaja, ñanno inñanmädä'como önsancwajoodö äwwoncomo je.²⁶Änwanno chänönge aweichöcomo tujunne na, öwö Awaanadiyöcomo waadöje, öwö mänsancwajotäne aneejacomo jonno, äwwoncomo je aweichocomo wetä.²⁷Ñäädä dhanwa, wodi mmaja yäämajä wwäno wadeuwödö, chuutajä wwäno mmaja, tämaamö je naato ñanno. Soto wwäiñe töwäjä'amo je naatade tönwanno. Mädääje tumja'e cönä´ja'to inñöjocomo jo'tädööje.'''

21¹Yawä CAJIICHAANA WANAADI cönädöacä Moises wwä: "Wanadi wä töwadeuwamo wä adhadeucä ñanno Aarón nacomo, edäje caichä chäwwäiñe, wanno ajatawäiñe yäjaacomo natodö que nossaje meichäiche, ²äwäjimmatädö yeichame omo, anö maja annacomo maja aweichacono maja, ³yäje maja ñädä ajaduichö dhanwa wä tajojojönö, tönnoqueda nadö mädäje maja ñädä que nossaje eijamayawä.⁴Anejacomo wajimmätädöque töwö nossaje eijaicha na, mädäje töwö econemajaiña. ⁵Ñanno Wanaadi wä töwadeuwamo tuhujäcomo, tätamujätocomo maja töcajaicha nato, täjöcomo jäcä atunuchada maja. ⁶Wanaadi wonoje ashicha eijai nato, yoijedada maja eijai nato dea, Wanaadi wä töwadeuwamo ne iyä äwanshö uajä CAJIICHAANA WANAADI wä. Yäje yeijäcä ñanno Wanaadi wä töwadeuwamo ashicha eijainato.⁷Tönwano shötajaicha nato wodi masuduijato jadä, töiño enomjaneijödö jadä maja Wanaadi jonno töwasancwaja nato tönwanno. ⁸Amadä mishancwajade, täwöne täjeda tuemö uneije yeiyajä Wanaadi wä. Töwö ashicha eijaiña äjäca, öwö CAJIICHAANA WANAADI. Ñädä ashicha adhödöadö, öwö maja ashicha yödöadea. ⁹Ñädä CAJIICHAANA WANAADI wa töwadeuwemö nedö, tumö adeddu anetajönö, masuduijato maja, wato que tödhacwamöje mma na ñädä.¹⁰Ñädä Wanaadi wä töwadeuwemö yäjimmätädö antawä Wanaadi wonoje aceite que shujä tödöajä maja Wanaadi wonoje uaja maja, iyä Wanaadi wä töwadeuwamo womöcomo awä töwewontämö maja, tujuja tajammacada nade ñädä, yomö töshijaeda maja. ¹¹Töwö täjaicha nade yämaja tödötojo weichojo döiña, econemejai yeijäcä, yumo yenö wämajä yeichame. ¹²Ñada Wanaadi wä töwadeuwemö, iyä ashichato tödötojo wejummatojo, etömajaichana, chonemajaicha maja, Wanaadi wä ashichato tödötojo, Wanaadi wä towadeuwemöjo iyä aceite que tödöajane yeiyajä. Öwö ñädä CAJIICHAANA WADAANI.¹³Wanaadi wä töwadeuwemö, dhanwa wä tajojäjönö jadä ädöjaiña tijinñamoje tödödö wetä. ¹⁴Inño wämajadö jadä adöjaicha na töwö, töiño enomjaneijödö maja, masuduijato maja. Ñädä töwodöichö dhauwa tajojädönö jadämma töwö ädöjaiña, ¹⁵mädäje töwö tönnacomo onconemada natode, töwäjimmätädö jadä, öwö ñädä CAJIICHAANA WADAANI, chänönge adhödönnamo.¹⁶Yawä CAJIICHAANA WADAANI cönadeuwöi Moisés wä, cönädöaca: ¹⁷Aarón wä adhadeuca edäje caichäde chäwwä: ñädä adhatödö jonnoto, awajimmatadöje nadä maja, chädäichöjano wennuaja, täjeda tuemö Wanaadi jetaca tödöjaichana.¹⁸Ñada dhamwa chädäicho jano wennuaja maja Wanaadi jetaca täjaicha nadea tänuquemjono maja, ojimmajaicha nöchötadö maja. ¹⁹Dhamädo, ijudu chänöngeda nadö jeiñemma, ²⁰ñada dhanwa inchadejuja jäcaä cädäijato, aquedeto maja, tawedato maja, cädäijato chänudu maja, anejajato cädäi jano maja, iyä senato, ijijä jocono maja. ²¹Ñädä Aaron atödö Wanaadi wa töwadeuwemör chädäichö jano wennuaja, ñädä yäjato Wanaadi jetaca iyä täjeda tuamo tödöjaichana.²²Yawäne töwö amejai awanshö iyä wanaadi jetaca täjeda, Wanaadi wä töwadeuwamo ewanshiyocomo chänönge tödöajä maja. ²³Yäje yeichame, töwö omonjacha cänäjacä yätä Wanaadi wä ashichato utojo dötä, chädäichö jene töwö yeiyaya, mädäje öwö weichojo chänöngato onconemada yeichö wetä, öwö ñädä CAJIICHAANA WANAADI, chänongatoje äyödönnamo. ²⁴Mädäje Moise cönadeuwöi Aaron wä inñacomo wwä maja, tamedä ñanno Israelitacomo wwä.

22¹Cajiichana Wanaadi cöna'deuwöi Moises wwä, cönä´döa'cä: ²"Aaron wwä adhadeucwä inñacoomo wwäiñe mmaja, ecammacä chäwwäiñe amuichaadä neiñaato aashichato weichojo jonno iyä Israel jataadö'como jääcä, iyä öwwänooje ecammaajä naadö, tönwanno chonemajaaicha aashichato ye'tö. Öwö ñäädä Cajiichana Wanaadi. ³Ecammacä chäwwäiñe: 'Aneejacomo weichö töweiye yeiya'jäcä töwö yä'jimmä'tädö jaadäiñe amuincheda nä'döiñato jaata Israel dö´tä iyä shancwaja'jä naadö Wanaadi wwonoje naadö döötä, conemjönö ejadäjaicha na, ñäädä soto nacä´ato'de jeetaca: Öwö ñäädä Cajiichana Wanaadi.⁴Tooni'chä Aaron weichö töweiye yeiya'jäcä cädääijato tucunnujä'ato shijä, chäjö chäädäñä´neije naadö mmaja, toni'chä tänääjaicha na sacrificio Cajiichana Wanaadi wwono tu´emö nnosajeda yäädödö wwacä. Ñäädä nosaaja'to cädäijato yäämadö owaajo ajojoneijödö cädääije mmaja naadede, ñäädä chäjocono'jödö mmaja cädäije naadede chuudu, ⁵ñäädä odoocajato wötäädö ajoja'jäcä mmaja, nossaje mmaja na dea, aneeja mmädä no'sajato ajoja'jäcä mmaja, ⁶ñäädä Wanaadi wwä töwadeuwemö nossajato inñamodoto ajooja'jäcä, nossaje na'de yaawä chomo'mödö jona tödöene. Töwö äwashinchäjaicha na aashichato aca, yaawäne ye'jiiyajäcä mmane tuna aca tujuunu jadäädä äwashinchäjaiña.⁷Yaawä shii aca yä'döa'jäcä, yaawäne nossajeda na, yaawäne chomomö'daawä äwashichäjaiña aashichato aca, mädääne chääwanshiyö je yeiyajä. ⁸Töwö tänääjaicha na yämaajä edantajä chuutacano namiiñä'cadö mmaja, mädääje töwö dea mma neconema. Öwö ñäädä Cajiichana Wanaadi. ⁹Ñanno Wanaadi wwä töwadeuwamo waanontädö woije eijai nato, yääjeda yeiya'comjäcä conemjönö tödönaamoje mmaja naatode ä'jajai naato yaawä conemjönö tödööjödö weijäcä jääcä. Öwö ñäädä Cajiichana Wanaadi aashichato tödöönei.¹⁰A´queedada Wanaadi wwäno wadeuwödö wäjiimmä'tädö, chääjadoncomo mmaja shotoichomo dhanonöcomo yoije tödönnamo mmaja, äwaashichäjai nato aashichato äwanshi aca. ¹¹Yaawä Wanaadi wwä töwaadeuwemö tanoonö ejemaajäcä töjödötaiche, ñäädä tanontäjä'emö äwa'shinchäjaiña Wanaadi wwäno shomaajä, yääjimmä´tädö mmaja Wanaadi woono wadeu'wödö tacaano wennua'jä mmaja, tönwanno mmaja ä'wishin'chäjai naato. chaää'jadä, iyä maa'taca,¹²ñäädä wanaadi woono wadeu'wödö needö wäätinñono'a'jäcä, wanaaadi wädeu'wödö needö wäätinñono'a'jäcä', wanaadi wäätinñono'a'jäcä, wnaadi wää'no wadeu'wödö jöönö acä, ñäadä awa'shinchä'jaichan täjem'jönö a'wan'shi u'ajäi aca. ¹³Yaada'que'ne' wanaadi woono waadeu'wödö ne'dö inño wää'majödö yo'tonom'jajä jei'ñemma, inñe'döjeda töwö yei'ya'jäcä, töwö enna'cajaiña töwö yei'ya'jäcä, töwö enna'cajaiña tömö esa'cajenaadä medä'cäje tö'weijödö nöne' maaja, töwö äwa'shinichäjaiña tö'mö ewan'shiyö'ca yawää'ne ñädä wanaadi a'deedi ecammaneiidiai maane äwashichäjaiña wanaadi adee'du ecammanei ewan'shiiyo a'ca.¹⁴Ñäädä dha'wa iyä ä'wanshi ashi'chato to'wanää'cäda yei'yancädä amenei'jödö inña'cadö echäwä tu'junne'na inwacanoje. towö, cham'jiyaca'jaiña töna'meejödö ejodhe'cäjene wanaadi a'deedu ecammamei wä, ¹⁵Nanno Israel jata'woncomo ashi'chato ñan'näjödö como ca'wä jun'taca eijicha nato iyä wanaadi'wä ecam'maajä. ¹⁶Ton'wanno yoi'jacomo iyä towaanä'cäiñe yei'chaame awan'sha ashicahto na'maatodö, öwöne ñaadä cajiichana wanaadi ashi'cha tödönnamo¹⁷wanaadi cö'nadeuwöi Moise'wä cönää'döacä cha'wwa: ¹⁸Aaron wwä'adha'deucwä inña'comowä mmaja, Israel jataa'woncomo wainñe maj, Edäje adööcä chä'waine: ane'jammädä Israelita, anenña'jano jeiñemma, yaawä sacrificio u'tudawä ä'wwätonnö'e aweichö äne'jocä tääjem'jönö ä'wwä u'tuduque tön'wanno nuta'ñato cajiichana wanaadiwä täjeeda n'ajä yacwajä ¹⁹Ashicha ajäi'chöwetä, tönwanno u'jainaato odocajato dhan'wwa jaca otuna'chäjönö oveja, cabra jeiñemma²⁰Amäädä ecam'majaichema etunuchajä, owö ana'jäicha wwa'de äwwä'no ²¹Nadä äwa'jimmatadö tä'jeda sacrificio nuadö, cajiichana wanaadi'wwä aweichö ene'jodö vetä. tä'jeda ä'wwä utudu, iyä' ashica naajäi'y'atode , chdai'chöjem'jönö yeichö tujunne'na ñääda odocojato.²²Änwanno tänuuquenjönö odoocajato u'jaicha maato, aademajaicho jönö imaaminchajödö jönö jeiñe mma, chunnujä´töjödö jönö mmaja yeshajödö jönö mmaja, änwanno ñäädä mmädä u´jaicha maato Wanaadi wwä Sacrificio tödha'cwamöö je ya'cwatojo de'wä. ²³Änwanno tödööjai maato tääjeda tu'emö je äwwäiñe aashicha aninñejencadöcomo ñäädä nöngato täjeeda u'ajä anaajäicha natoode täjeeto je.²⁴Toniichä mänuutäi odoocajato Wanaadi wwä chomuudu u'cajä, aijujä'ajä, chäädäñajä, yacajä'ajä jeiñe mma. Määdä männäntäiche onoonodöcomo de'wä. ²⁵Änwanno ecammajaicha maato aneeja aneiñajaano enwawonno Wanaadi u´du, ñanno odoocajacomo naato tätunä'chäjä'e tönwanno coneedaiñe naato tönwanno anajäicha natoode.'''²⁶Yaawä töwö Cajiichana cönaadeuwöi Moises wwä cönä'döa'cä: ²⁷"Yaawä tooni becerro, toni oveja, toni cabra yennuajäcä, senö jadö aijaiña aacä amoojato anooto, Yääje yeijäcä aacä anooto yä'döa'jäCä, sacrificio tödöemöje na täjeeda tuemö je Cajiichana wwä.²⁸Jaaca mma manaaminñä'ca'che oveja iinñedö aacä, yää anooto dea. ²⁹Yaawä änwanno sacrificio muuato aashichato Cajiichana wwä yää ännödöcomo aashichato je ä'tujaiña. ³⁰Yää anooto aweichöcomo je mma adhewanshöcomo tödötäcä'de sacrificio tödöjödö anootochädawä mma yäjenanmato je mma monsoma'täiche, öwö ñäädä Awaanadiyöcomo.³¹Mädääje wanontädö tönontämö je tödööjai maato äcuude wätäsetotojo je mmaja, öwö ñäädä Awaanadiyö. ³²Änwanno juntaca eijaicha maato chänöngato je yeetö yeijäcä, änwanno Israelita odhoowanäcäiñe neiñojo aashichato je weichö, öwö ñäädä Awanaadiyö, aashicha ädhödötäiñe wwänenedö. ³³Öwö dea mänuucatä´ne Egipto ñano nonoodö de'wonno Awanaadiyöcomo je weichö wetä, öwö ñäädä Awanaadiyö.''

23¹Cajichaana Wanaadi Moises wo cönadewö: ²Adhadecwo israelitacomowönñe, yöje ödöcä chöwönñe: edää yää wowademenö Wanaadi necanmadö, ashichaato ecatödö'que awejummadö'comoque, canno ñanno wowademenö chönönjemnöiche.³Önwanno etaduwuacojojai mato toni amoojato anototocö wacö, wodetatojo anooto chödö awö mane,wejumatojo tönonñato mädö. etaduacojoda awechöcomo tujumnena yaawö, mädö yää wodetatojo cajichaana Wanaadi nödödö,temeedädä yeichö wacö.⁴Edää yää wowademetojo Wanaadi necanmajödö, ecanmatöcöde wejunmatojo chönögato ecanmajö. ⁵Awadeto nunö awö,(14) anotochädö coijai Wanaadi nödödö wejadötöjä anotochö. ⁶(15) anonototo awö yää nunö jöcädöa, u'unmanöcatojojemjö wowademetojo Wanaadi wonoje. Acä amoojatotocö wacö woshinchönöna u'unmanöcatojojemjönö'ca.⁷Önwanno chönge tödöjaimato awejunmatocomo ,ataduajoichomo ömnöda matode. ⁸Önwanno muato cajichaana Wanaadi jeta yää töjeda tuemö acä amoojatocä wacä, acä amoojato awö wejumatojo tösancujona Wanaadi wonojo yaawö onwanno etaduacojoda matode.⁹Cajichaana Wanaadi cönadewö Moises wö, edäje cönödöacä: ¹⁰Adhadecwö israelitacomo woiñe edääje nödöa, "yaawö edö nonodecäi aweajöcä, wuadö öwönñe , chönönge yödöajä anatödö, sacerdote dönña madöade awadenato natö utudu. ¹¹Töwö na'nnöade yawö awadene natö utudu Wanaadi wadödö shetaca mädöade yaawö, töwö najäiyade edhetöcomojoi, wödetatojo anoto'je sacerdote na'nnöade jeta nödöade yaawö .¹²Yää anooto awö önwanno madöatode jetaca awadenaato natö utudu,öwönñe utudu tujumnena odocajato toni weduto ashichaato cajichaana wö tuemö töjemjönö yacwuajä. ¹³Töjemjö tuemö (grano) yeichö tujumnena aduwawö yatojajödö harina aceite jadö amudajö inñatajato, töjeda tuemö yacwajä cajichaana wonoje, cadono sodö tödödö wetä towö chöjadonojena yaawö toni onejajödö anai chöjödödö e'cu'du. ¹⁴Önwanno u' tojachamato, töijatojönö,(grano) eduatojönö maaja Wanaadi jetaca töjeda tuemö enejö'döcö'wacö. edää yää watösetotojo yechödoto osotoi adhadachomo nädödö.¹⁵Wodetatojo anoto wajäntödawö yaawö awadenato natö utudu töjeda tuemö ewöñajö, imecutätäcö de yaawö acä amoojato anototocä wacö tameedödö. ¹⁶Önwano mimecutatode (50) anototocö wacö yawö wodetatoo awö , yaawöne, onwanno töjeda tuemö (granos) adädö tujunnena cajichaana dönña.¹⁷öwönñe u'cadö tujumnena adesacancomo u' acä acöjö inchoncomo acä aduwawö yatocajö harina , towö tödöajöeijaiña harina inñatajatoque, asucajö unmanöcatojojenjönö que maaja mädö nade töjeda tuemö ewöña'jö ,awadenato natä utudu cajichana wö. ¹⁸Önwanno muato u',acä amoojato odocajato toni weduto inñatajato. toni toro äjömanä, acä carnero maaja, töjeda tuemö yacwajä canno, töjeda tuemö (grano), töjeda tuemö töngemö,töjeda tuemö wutoje,cadono sodö cajichaana wonoje.¹⁹Önwanno muato dhanwa odocajato, täjeda utudu conenjönö tödöjödö woije, acä odocajato toni weduto sacrificaje tödötojoje töjedaja utudu töncanodeda wechojoje. ²⁰Töwö sacerdote ewöñadö chöwo tujumnena yää u', awadenato natö utudu maja cajichana wö, acä odocajacomo maja töjeda tuemö mödö je ashichato. ²¹Önwano yää anoto dea ecanmatöcäde, töweyenade wejunmatojo chönöngato yää anoto etaduacojoda matode, edää yää wanontonä yeichödoto.²²Yaawöne önatötädö chönönge wodödöajöcä, tameedöda önwano mädöatode yää innatötädö nonodö ejiyö,chäjödödö onnatätödö annöjachama, wemtumajacomo,enenñajancomo wonñe mane tödötäcöde, öwö ñäädö acajichaanachomo Wanaadi.²³Cajichaana cönadewöi Moises wö, yöje cönädöacö: ²⁴Adhedecwö israelitacomo wonñe edöje ädöcö yaawö : acä amoojato nunö awö, awadenato anoto, öwodetatocomoje, janacwa wötadö ötötametocomoje nade . awejumatocomo ashichaato maja. ²⁵Önñammödö etaducwacojoda eichäcö töjeda tuemö chacwajä cajichaana wono.²⁶Yaawö cajichaana Wanaadi cönadewöi Moises wö edääje cönädöacö: ²⁷Eduane amojadö anoto acä amoojato nunö awö sacrificio tönnöe cönäjato, wejumatojo ashichaatoje ,töjeda tuemö yacwajä cajichaana jetaca utäcöde.²⁸Önwanno etaduwucojoda eichöcäde töjeda utudu anoto awö ,önwannodeama töjenda tuemö cajichaana Wanaadi wö. ²⁹Ñäädö otuda nadö ichödö tujumnena yotonno.³⁰Ñäädö yää anoto netaducwucajadö, owö cajichaana wöchonemade ajatadöcomo. ³¹Aneja awetadacwucomojo jöcä yää anooto edää nade ecanmajö yeichödöje adhadachoncomo wo tameedö yeichö wacä. ³²Edödö anoto eijaiña öwodetatocomoje tomude odötöcä änwannodea (9) nunoto ai chonmödawö, chomödö wadöi wodetatojo anoto yademecädö.³³Cajichaana Wanaadi cönädewöi Moises wö yöje cönädöacö: ³⁴Edääje israelitacomo wonñe adhadecwö (15) anoto acä amoojato nunö awö tabernaculo anotochädö cajichaana wono acä amoojato anototocä wacö yeichojona.³⁵Awadene anooto awö awejunmatocä ashichaato tödödö tujumnena etaducwacojoda maja ³⁶Acä amoojato anooto awö töjeda tuemö yacwujä Wanaadi wono. (8) anoto awö wejunmatojo ashichaato mädöje töjeda tuemö yacwuajö cajichaana wonoje.³⁷Edä yää wäwademetojo anoto chädö cajichana Wanaadi necammadö aquene mödöato önwanno awejummatocomo ashichato tödötojo sacrificio utojo, cajichaana Wanaadi wato wedeemödö ijojoiye täjemjönö yacwajöcä utuudawö mädä coomo anooto'chädö tödöötäcä. ³⁸Edää yää wowademetojo anoto chädö acadea tödötäcä, cajichaana Wanaadi wowademetojo anotochödö töjemjönö utojo maja äwä'döödöcomo'jo tameedä täjemjönö äntutocomo mmaja yää cajichaana Wanaadi wä täjemjönö tunu'e mänetönedö.³⁹Tabernaculo ya'demetojo tödöajö naadöje aacä amojaato nuunä yeichö jojato anoto awö yaawö änwanno mecato anaatödöcomo änwanno dea tödöjai maato yademetojo, acä amojaato anooto awadeto awö tödötöcäde äwöwademetocomoje aaduwawö amoojato anoto tödötäcöde äwäwademetocomoje.⁴⁰Anooto awadeto awö, änwanno ajöichöcäde chuta ejeedödö aashichacomo dea mma yee ajäädö chuta adö,ashichacomo dea dee adaijäcomo, tuna juducomo'cä naadö dönnña dee ashichaato töweiyena, änwanno ta'cwaiñe mato'de awanaadiyöcomo neenedöje, aacä amojaato anototo ai. ⁴¹Wedu wadäichöna aacä amoojato anoto, änwanno tödöjai maato yademetojo anotochödö , cajichaana Wanaadi wonooje yeichö wetö, mädö yää toni wanontönö yeichödoto dhadaijödö jonnoto wejöjö tameedä nono weichö wacä, ajatadöcomo wadäi matodö aaduwawä amoojato nunä yödöa' jäcä.⁴²Änwanno ajaatadöcomo eijaiña she'ca'sacä owooto ne'täto'como aacä amoojato anotocä wacä tameedö israelitacomoje maatodö weichö comoje maato mädöje ajatadöcomo eijaiña owotonetätocomo acä amoojato anoto wacä. ⁴³Ñäädä dhadaijööjö jonnoto ne'a määdäje owanomajaiña owö wecanmadöje soto nönöjäatode töwotonetä, yaawö Egipto ñano nonodö dewä yeichöcomo jonno owö ñäädö chajichanai yanaadiyicomo. ⁴⁴Määdäjea Moises cönecamai soto woiñe yää cajichaana Wanaadi woije tönnöe cönöjato ya'demetojo.

24¹Edaje cajichana Wanaadi cönädöacä Moisés wä: ²"Edejë Israelita anontäcäde ijenato olivos cato nännöñatode adhawa tödöemöje, numa ätencujäda yeichö wetä.³Madä adhawa yeichö tujunnena cortina tödöajä ämjadätäda, Aarón nacomo chänög'e yeichö emmecanamoje natode, chomomödö jonno, yäje namma tödöjone mädä adhawa tänne yeichö tujunnena cajichana Wanaadi nenedöje, edä wanontänä nade yeichödäje, äcude neatodedö wätäsetotocomo jemmaja. ⁴Ñädä sacerdote tänne adhawa nödöade cajichana Wanaadi jetaca, adhawa atäi cönäjacä ijenato oto tödöajä.⁵Änwanno inñatajato ajoajä ecautäcäde 12 ijujä iyä acanno pan adhajocomo ecautäcäde. Iyä aca tödötäcäde tres cuarto ajoajä weijödö cwacä ecauwajä wadäi. ⁶Yää jeje, anwano chonecajai mato acä chämadö, se ilera weichö cwacä, oro mesa tödöajä dewa Wanaadi jetaca.⁷Cadono jodöque tödöjätäcäde ecauwajä chonecajä awodecäcä chämadö wadöi chänöng'e yänedö wetä. Edä ijodö yacwadö tujunnena Wanaadi wonoje. ⁸Wädetatojo anoto awä Wanaadi wono wadheuwödö nichonecade pan nichonecade cajichana Wanaadi jetaca tödödö owajo, Israelita como wonoje, töwäcammajödö tödödö wetä. ⁹Aarón wonoje täjemjönö tunue cönäjato iñacomo wäncomujemmaja, tönwano näwashichatode ashichato aca, cajichana Wanaadi wonoje uajäyeijaca, watoque onejaja yeijäcä¹⁰Anedä wä anöto awä edä conemjönö cönejadätäi woodi cönennecai Danwaje egicio nedöje, mädäje conenejencai Israelita atawäñe, adaijä töwädajäcä ñädä woodi nedö conotonejai Danwa israelita acä töwejatatacomo dötä. ¹¹Ñädä woodi israelita nedö coneda cajichana Wanaadi jäcä cönadeuwöi, conemjönöje cajichana Wanaadi conetäi. Yääje yeijäcä sooto cönejoto Moisés jetaca, yenö etö cönäjacä Selomitje ñädä cönäjacä Dibri nedö, Dan weichö ¹²Ñädä tämjatawäñe cönöcho cajichana Wanaadi wä ecammadö cwacä yeichojo chäwäñe.¹³Yawä cajichana wanadi cönadeuwoi Moisés wä: ¹⁴"Adäcä mädä Danwa conemjönöje yetäneijödö, jaata jäcänno amonche. Adäcäto ñanno yadeuwödö etannamojödö tamodöcomo que aijucuyeto ijujä decäcä, tamedö yejummacomo täjuque töwäjätöyeto yawä.¹⁵Edäje ecammajätäcäde yawä israelita waiñe: Ñädä coneda nadewadö töwanadiyö jäcä töwö tönejodödö woijedea nämade. ¹⁶Ñädä coneda Wanaadi netadö, ñädä möng'atp tamiñäca eijaiña. Tamedä sooto töwäjäjai nato täjuque, aneñajano yätäno jeiñema maa, mädäje ñädä cajichana Wanaadi jäcäno wadeuwöjödä täma yeichojona.¹⁷Ñädä aneja sooto emaneijödö, töwö maja yämadö tujunne nadea. ¹⁸Ñädä aneja ecönö emaneijödö, yäje mmaja chöcönö tämajödö emai täjai nadea.¹⁹Ñädä tönnäcäno ñaminchaneijödö töwö chäjäcä innöjödö nöng'e mmaja tödötäcäde. ²⁰Ayojäneijödö, taiyojänemmaja nadede, chänudu ucaneijödö tuca mmaja nadede, yedä emaneijödö yedö tomamaja nadede. Töwö iñödö nadö jemmaja tödö tujunne nadea. ²¹Ñädä odocajato emaneijödö neje mañojo, soto emaneijödö täma mmaja nade.²²Edä wanontänä anädätojena, etono, aneiñajano mmaja, öwö awanadiyöje weijäca". ²³Mädäje, Moisés cönadeuwöi israelita waiñe, ñecammajödö nöng'e connöicho, ñädä danwa jata jonno amonche, nädä coneda Wanaadi jäcöno wadeuwöjödö, aijujätödö wetä täjuque. Madäje israelitacomo Wanaadi wanontädö connöicho Moisés necammajödö nöng'e.

25¹Töwö CAJIICHAANA WANAADI cäna'deuwöi Moises , wä jöö Sinai jödö de'wä cönä'döaacä: ²"Cöna'deuwöi soto wäiñe ädöcä'de: yaawä amäädä odhoomonga'de yää nono u'a'dö aca yaawäne yää nono tödöaajänadö CAJIICHAANA WANAADI needa'cha tooni anoto nu'a'de äwääde'taato'como.³Aamäädä ñaatö'tääjaima ana'udä'jöödö aca tooni amoojato wedu aamää anatöödö ewötö acoojaima yaawä anatöödö ejedöödö ewötö acoojaima yaawä anatöödö ejedöödö shoomaajaima. ⁴Yaawä acä aamoojato wedu tooni anooto'da mäde'taade muma yää nono eijaina täneemamöje, tooni anooto na'de wa'detaatojooje CAJIICHAANA WANAADI woomo. Aamäädä eijaima anaatödö ewötö acoodöjemmaja.⁵Aamäädä anaco'da aweiya'jacä ñaatö'tääjaichama, anaatödö ewötö oncoonecade aweiyancädä aneeja mädä a'tajaiña owoijaatoje, aamäädä ecammaja'chama ñaatö'täädö oncooneca'da aweiyancädä aneeja wä, uvas, ñaatö'täädö wetä. Edämmane na'de tooni wedu, un año wäde'taatojooje numa nono weichojo. ⁶Yää nono nu'adö woijemma etadaawa'cajoda aweichö waadadäädä adheewashiiñöje na'de aamäädä adhaanooño dhanwacomo wodi ñaamo adhaanomö mmaja ñanno adhaanonö adha'to wetaadawa'cajoodö yaawä ñanno ännacomo ajaadä naatodö ñawaashiichaato'de. ⁷Yaawä aamäädä adheecöntomo odoocaja'como töweiye naato'de ononodö aca, yää tameedä chääjedöödö nadö äwoowashinchooto'comoje na'de änwanno.⁸Aamäädä mime'kutäcä aacä aamoojato wedu äwäde'tatojo eijaiña, määdä aacä aamoojato wedu eijaiña wääde'tatojoje, tameedädoto nao yaawä aacä sototo de'wa aacäichea aamoojato wedu. ⁹Yaawäne aamöödä janaacwa etööjai ma, tameedä yäätäncomo ädööjai naato aacä aamoojato anoto nunä cato quee. Chamjiaacatojo anoto awä janaacwa maa tameedä aamäädä ononodö de'wä.¹⁰Yäje yeijääcä aacä sototo de'wä aamoojadä wedu CAJIICHAANA WANAADI woonoje tödööjai maa täncaanode'da tameedä ononodö de'wä noatodö osotoi natodö mmaja. Ya'deme'jai nato aamäädä mmaja ñano osotoi, amäädä äwä'jimmä mmaja.¹¹Töwö aacä sototo de'wä aamoojadä wedu yeichö ya'deme'jai maato. Aamäädä ñato'taajaicha ma onconeeca'da aweichaame, onconeeca'da aweichaame aamäädä määwashincha anaatödööquedeca, anatöödö ewötö acano natö nadö shoo majaima yaawä. ¹²O'shoono ya'deme'jai maanä aamaadä, aamäädä äwaashinchääjaichama yää anaatö ewöötö aca'da naadö.¹³Aamäädä iñacajaima yää owoono määdäje ya'deeme'jaima tameedä edä wedu. ¹⁴Aamääda ejemojoojaima yaato nono ämai nocoono wä, amai nocoono ejema'se yeiya'jäcä nono, aamäädä encu'täjaichama ñädä aneja.¹⁵Ännäcono nonodö ejemajäcä äwä, yää wedu ñatötajä, amucäde yäsäjato fieta. Awoto je, ñadäännäcono nono ejemadoneijö, mädä dhowanäcä eijaiña yawä. ¹⁶Awade anejemajödö wacä jemeda eduwa täjena yää, nono jojedamma yatamudu que fieta awä mädäje nädanta yawänatö wacöjeda yeichä yäje iyää nono täjedamma nädöi, nato wacöjeda yeijäcä, jojedamma yatamucudu weijäcä fieta tödötojo awä. ¹⁷Äwwädäiñemma mätäncutätäche, ashichatojene Wanaadi etäcä awanadi yöö töwö yeiyaja.¹⁸Mädäje yeijäcä wanontädö tödöjaima, wanontädötödöcäde, ecammajäcädeyawä mädäje ashicha ännöcade ononodö dewä tancanodeda. ¹⁹Noono de'wä töweiye na'de ñaatötajä, ämäädaä määwashingcha'de anoatödööke, mätä ma'de täncanode'da.²⁰Ä määdä edööje ä'döjaima: "¿Äneecämö ke cäwashingchato'de aacä amoojato weduto ai? Eneecäma, cöngwanno ñaatäjaicha caato cönaatödöcoomo, amu'jaicha caatodea." ²¹Öwwö wu'a'de aashichato äwwä toni amoojato weduto ai, ñaatötäcä'de jooje, aaduwawä wedu eiye mädä ädheewangshiñö. ²²Ämäädä miñaatöta'de aaduwaawä amoojato weduto ai, wäwashingchäjeedea ma'de, iyä wedu jäcä, ñaatötädöje mmaja, ädheewangshiñö töweiye yeichö wetä aacäichea amoojato weedu weejödö wa'ca minaatötäiyede anaatödö, ämäädä äwashingchäjaima iyä awa'deto weedu awä miñaatötäneedö kedeea.²³Noono ma mänu'tä'che soyo ädöenö wä, öwwö noonodöne mädä. ängwanno ñanno ye'acoomo etä matoodö noonodö de'wä. ²⁴Ämäädä eneemacä ñanno äneejacoomo wäntunamjödö ädö'tänñe naatodödeamma; ämäädä ñoonodö änu'cä yä'jimmätädödeamma ejeemaiye äñäcö wä mejeemane awa'dene. ²⁵Israelita äweichacoono töjöödataiche'da yeiya'jäcä, änu'cä onoonodö dhaato deamma, mädääje yä'jimmätädö e'jai naadea, ejeemaiye tönoonodöje, awa'de cuntuichödea äwwä.²⁶Toni dhangwa yäjimmä'tädö'jeda yeiyajäcä tömmai neeneje amääjai naadea, yaawäne aashicha eneejäcäjene tömmai namääa tödöötojo töweiye yeiyajä nödööa, ²⁷Yaawäne töwwö chö'tame'jaiña äneecämö weedu yeichö cöneejomajoicho chäwwä, ejeemadö tujunnena ñädä dhangwa cönejemaajoichö wä yaawäjene töwwö ennacajaiña tä'saca. ²⁸Yaawäne töwwö tönoonodö eijaichadeana chäwa'cäda töweijäcä, mädäjene töwwö tönnonodö cöneejemajoi, ñädä wädeana cönejemajoichöwä dea, ejeema'jödö toni wedu yädöödö wa'cä, ñäädä tönoonodö cöneejemajoichö wä, dea nä'tua'de ejeema'jödö cu'nädö aca yädöa'jäcä töwwoö ñoonodö neeneje yeijäcä.²⁹Toni dhangwa nu'a tömmai, taata woono chäsejeije töwö, toni weduyädöa'jäcä, utu'jäje yeichö, töwwö tönoonojemö eijai naadea toni wedune yä'döetö'da. ³⁰Iyää umma äne'chaadea yeiyajäcä toni wedu yädöjödö yeichaame, ñädä tömmai cöneejemajoichö, ejeemaneijödö wädea ne'ñojo, yuumö wäma'jäcä innedö yätä ne'ñojode. Ejeemajo'jödö cu'nädö aca yä'döödö wa'cä.³¹Yaawäne umma tucudaada'chä'da yeiyajäcä dhawoode cääcä woi awoono umma amaääajä töweiye naichöjemma soto nödööato. -iyää ejeemajo'jödö cu'nädö aca yä'döödö wa'cä. ³²Yaawäne Levitas maichoomo mädä umma coomo taata wä naadö äneedawämma töngwanno eijai naato immaichoone yeiyajä.³³Toni Levitas weichö umma eiya jäcä, iyä umma nejeemajoichodö, äshanai eduuwa iyää umma cöneejemajoichodö taata wä amääjä cönä'jadö, ejeemajo'jödö cunädö aca yädöa'jäcä, nutuñojode ñäädä noono edhajä wwä dea, taata wä Levitas coomo maichomoona, ñoonodö coomo neene iyä, Israel taatadö coomo antawä naadö. ³⁴Yaawäne woi awodhecääcä taata naadö, täjeemajomjönö mädä Levitas noonodö coomo je yeijäcä.³⁵Töjödötaicheda aweichacono yeiyajäcä, inñöjätödöjeda jenñenma, tönnöjäjätödö ejematojo, amädä iwatädödö tujunnena yaawä, andhantawänñe ye'ajä iwatädö nöng'edea. ³⁶Ejemajancädäda iwatädö tujunnena, ashichato äjäcä tödödö mmaja yomocancädäda mmaja, ashichatommane Wanaadi wwä ujai'ma, aweichacono ajadä'dea yeichojo jäcä. ³⁷Tönwacamamöjemma, jödata mäntuche, jojecäjene chanacadö wetä äwwä, adhewanshöñö jadäjödödä manejemajoche jooje chanacadö yomocancädä. ³⁸Öwö ñädä Acajichanai Wanaadi, Egitoñano nonodö jonno ajacasnöjoneijödö, Cannanñano ononodöje uneijödö mmaja, Awanadöyöje weichö wetä.³⁹Aweichacono wentumje yeiyajäcä, töjödataicheda, inñöjätödöjeda jenñenma, äwä yätäjemajajäcä, osotoije töweichö wetä, ämmaminchadöjemma männiche. ⁴⁰Äwatäneijene tödödö äwä tujunnena, adhe soto adhesacano wädöajä töweiye na'chöjene dhacä eijaima. Weedu Wädetatojo aca yädödö jonane, ajadä netadawacajade. ⁴¹Yäjenma yawä, tönnacomo jadä aminche nötade, ojonno, töwäjinmätädö dönñanñenmaja nennacade, tumö nonodö decäi.⁴²Sotoi'ne tönwanno yeiyacomo, Egiptoñano nonodö dewonno nuucajocomone. Tönwanno täjemamo jeeda yeichocomona, tanontäjä'amo jeeda mmaja, tömaminchamo jeeda mmaja. ⁴³Äjäduduque esetäjacha maatodea, Wanaadi wwä ashichato utudu äwä tujunnena. ⁴⁴Osotoi ananontäjätödö ejemase aweiyajäcäquene, anenñajano ejemajai'ma, aneja nonodö dewono jenñenma.⁴⁵Aneja jatawoncomo ejemajai maatodea, ananontäjätödöcomo'je mmaja, ñanno adhantawänñe naatodö wänñe; ononodöcomo deewä yennu'acomo, osotoichomo neneje yeichöcomo wetä ananontäjätödöcomo neeneje mmaja. ⁴⁶Ännacontoncomo sotoijedea naatode tönwanno, ñanontäjätödöcomoje mmaja äncäcädä, shotoichomo neneje, ñanontäjätödöcomo neneje mmaja. Canno weichö dea osotoije ejemajai maato, ananontäjätödöje mmaja. Israel weichö mmane, tamedä äwäjimmätädöje naatodö mmaja, äjäduducomoque esetäjacha maato.⁴⁷Yeajä, aneja soto adhesaca wädöajä naadö jenñenma, adhatoje; tönsomaque yädöajäcä, ñädä, yeajä wwää, äwäjimmätädö yäjemajajäcä jenñenma, aneeja yeajä wwä jenñenma. ⁴⁸Israelita ejemajeje, shotoichomojeda ädöjai töwö naadea yaawä, ñanontäjätödöcomojeda mmaja, chäjejödöcwacä ejemadöque. Yäjimmätädö ewanacajaiña töwö.⁴⁹Yodö jenñenma, inwanñäjödö jenñenma, yäjimmätädö jenñenma,. Tönsomacaato yäjinmätädö yeiyajäcä jenñenma, ewanacajai töwöna yaawä. ⁵⁰Yäjinmätädö, ätijäjainña yawä, ñäädä ejemaneijödö acä; tönwanno ñecutäjai naato, yäjemajojödö jonno, Wedu Wädetatojo joonaane. Ewanacajödö jejödö yeichö tujunnena, anoto wadäi töwetadawacajomö ejemadö töweiywe naichö chötamecancädä.Täje yeichö tujunnena naadea yawä, yetadawacajotojo anoto cönäjadö cwacä ñädä ejemaneijödö jadä.⁵¹Jooje anooto dea ñejequenäjödö yeiyajäcä, Wedu Wädetatojo aca tödöjonne, ñejäquenäjödö awadetojödö, awadetojödö chäwwä ejemadö tujunnena, töweichacono ewanacadö wetä; chäje'jödö, jödataque ejemadö tujunnena, chäjadä yetadawacojotojo cönäjadö cwacä, wedu chäjadä yetadawacajotojo tödöajä cönajadö cwacä. ⁵²Ächädämma weedu yetadawacajotojo ecanmajä täjemamöje yeiyajäcä, amincheda weedu wädetatojo jäcä, ejemaneijödö acä yätä'tijadö tujunnena; chäjejödö yeichö tujunnena yawä ejemaneijödö jaadä yetadawacajotojo cönäjadö cwacä, weedu wädetatojo joonane. Weedu yetadawacajotojo ecanmajä cönäjadö cwacä ejemajäcä, töwäwanaca ye'chojona.⁵³Täwanacamöje naadö, töwetadawacajomö tödödö töweiye naichöje tödödö tujunnena. Ñädä töwetadawacojomö, chäjejödö jaano tödödö töweiye naichöje. ⁵⁴Täwa'nacada mädäje yeiyajäcä mmane, töwö yetadawacajodö tujunnena yaawä, Weedu Wädetatojo aca tödöjonne, tönnacomo jaadä. ⁵⁵Sotoi canno Israel atödö, sotoije naato tönwanno, Egipto,ñanno nonodö de'wonno, ucajocomo weijäcä öwä. Acajichanai Wanaadi öwö.

26¹Änwanno mmane chuutajö tödöjaicha maato, anamodenödöcomo annöjaicha jaadöjödödä, tääju owaadö jeiñemma, tääju chonecajö tödööjaicha mmaja matode ononodöcomo dewä, tämudhe äwädötocomoje, öwö ñäädä CAJIICHAANA ÄWANAADIYÖCOMO. ²Änwanno yäätädö tädötäcäde wädetatatojo anotoawä ashiicha tödötäcäde yää weichojo. Öwö näädä CAJIICHAANA.³Wanontödö woije aweiyacommöcä yätäädö wanontödö tödöajöcä, yoije aweiyacommöcä mmaja. ⁴Yaawä wödöade conojo yeiñatojo dötödea; iyää nono naatö wacöje naade, chuuta joje chöjedödö nade.⁵Nono shacanajö yeichödöje nade uva ñatötotojo, yää uva ñatötajö nejangade ñatötotojo anotoichödö aca tödöene. Änwanno chääwacä mäwashiinchatode töncanodeda maatode ä'maichomo amöajöcä yää nono dewä. ⁶Öwö wu'ade töncanodeda aweichocomo yää nono dewä; aquena tösaade aweichocomo ännöcädawäiñe. Öwö wajöiyatode ñanno odoocojacomo tönonñacomo ononodöcomo jonno amoiche wädöatode yaawä yää ononodöcomo ai wätämamichajonö jeda na'de.⁷Änwanno majecatode ñanno ätudedöcomo, yaawä ñanno ätudedöcomo nötujatode äwäiñe. ⁸Adantawonoiñe jiatodea'ma adojotöcäde ajecanñe amoiche yeichö jonada, jiatodea soto adantawonoiñe najecañatode amoojadö mil naatode ñanno, yaawä ñanno ätudedöcomo nötuuatode äwäiñe.⁹Öwö manenematode änwanno, ajadäiñe waade, töwenneca aweichocomo wödöade manejanöcatode yaawä: öwö ajadöiñe waade yadedu wunedöje äwäiñe. ¹⁰Änwanno mäwashinchatode äwanshi jenadojö shomaajö que. Nää äwanshi shomajö ucatöcäde, äwäiñe tujunne yeichojona eduuwato ñatötotojoje.¹¹Öwö adhantawäiñewödöade ämmai wejummatojo, öwö asancwadaiñe wade yaawä. ¹²Öwö ajadöiñe wäämannöade, öwö wade AWANAADIYÖCOMOJE, änwanno maatode sotoije. ¹³Öwö ñäädä CAJIICHANA AWANAADIYÖCOMO, Egiptoñano nonodö dewonno äyuucaneicliomojödö tömaminchamoje aweichöcomo jonno, tömöje äwötömaminchajodöcomo jonno, sadonna ätädöcomo wödönedea.¹⁴Yaawäne yadedu anetada aweyacommöjäcä tamedä edää wanontödö waijeda aweiyacommöcä mmaja. ¹⁵Yää äwaiñe wunedä wanontödö ämjummada, täjeda tödöajäcä yää äwäine wecamanedö tödöemö yawä mäsancwajatode jadonno.¹⁶Edää äwäiñe tödöajäcä, yaawäne edää äwäiñe wädäade: tönoiñato wädöade ajäcäiñe, cäädäi, wedöcä mmaja, adenuducomo wichonemade aweichöcomo wichuseijadede. Töwödö'mma änwanno anatödöcomo ätudedöcomo nameatode. ¹⁷Öwö adenesenñeda wade, yaawä änwanno ätudetöneichomo onö mädäjatode. Dhanwa äjummaneichomojönö acajiichaanaichomoje nade, yaawä änwanno mänejeatode, adacatäiñeda yeichameiñe.¹⁸Wanontödä anetada aweiyacommäcä, yaawäne mäncuseijatode acää amoojatotocwacä oconenadiyöcomo nadö woije. ¹⁹Äjöduduque ojoodhe aweshe aweichöcomo wacoichajade. Öwö cajuwädöade sejadadi nönge, ononodöcomo bronce nönge. ²⁰Inñamädä äjoduducomo macoichajöatode ataada anatödöcomo yeichojo weichame yää ononodöcomo awono, yää chuuta onnodö awä naadö chojedöjeda nade.²¹Jumtacadödö owojoimacommöcä, yetada aweiyacommäcä mmaja, yaawä öwö weneade jöjecäjene äwäntunanötocomo naadö woije. ²²Öwö wenejadote tönoiñacomo odoocojacomo amaminchannamoje, ñanno ännacontoncomo nememmecatode, adecänocomö jaca mmaja nacoichajatode wannada tödöene. Yääje yeijäcä ademadöcomo nödöjade chutajemmönö nönge.²³Mädä yeichame öwöiñe necamajödö, yäjedö ätajäcäiñe öwö juntacadadä, ²⁴yääje yeijäcä öwö maja ajuntacudöiñe wade , öwö dea moncusejatade a'cä amojatotocua'cä oconenadiyö como woije.²⁵Öwö weneade wänä amaminchatöcomo yadeduu shadojajödö weijäcä öwäñe. Önwanno adhejumatode ajatadä'como wadai wadäi wadäjade cödöi adhecäcäiñe yawä anwanne mauatode otudedö'como wäiñe. ²⁶Yawä äwanshii wacojoned'wä ñanno wodinñamo amojado'como pan namodenatode tönwanno necamoatode onejäancödöiñe änwanna möshinchatode chäwacäda.²⁷Yetada aweiyaconjöcö juntacadä jedea ötajäcäiñe, ²⁸yawö wätade ojuntacaiñe, mocunsejatode aquä amajatoto cua'cä a'cä maja, jojecö aconenadiyöcomo queinñe.²⁹Önwanno mönöatode önancontancomo dhanouuacomo junujödö wodinñamo junujödö maja. ³⁰Öwö wacochajade'jöä tamedä dutajö tönwademeque möjaqenñö iwedemmöto'jo maja wöja'ade adhecäjö'como chutajö como decäcä.³¹Öwö wichannemade ajatadöcomo, chutajö önwademeto'como maja, tacuanñeda wade yawä töjennö muatodö jăcä. ³²ononodöcomo maja wichonemadede otudejönnamo maja ñanno jöätä natode'dö töwanno töwäcatanca natode yää chanemajö. ³³Yawö owö jata wadöi weme'cantaja'tode yawä, wucade wanchadö manajecatode ononodöcomo menanjatadede ajatadöcomo chonemajö'dö weijäcä.³⁴Yawä yätädä nano nödetade, a'dhee tätöma ye'jäcö änwanna otudetomo nono'dö dewä aweichaneinñe, yää wadadädä yätädä nono nädeta'de. ³⁵Yäje yeichö wadadädä yädetatojo node yawä, yädetatoja anoteichä dawä anedetajada meiya quenni yawä, yätä aweichicomo wadadödö. ³⁶Änwanno mane, atudetamo nonodö dewä matadö, öwö wadöjade tösade aweichöcomo adhewanöcamo jäcä yawä äwäiñe etadawä chäwadö wotumedö jejenchö wädödawä mocatoncalöiye mädäje mänejetäiye yänejodöcomo nönge sauda jonno äweichamenñe.³⁷Änwanno jeinñe dea conemjänä mädäatode, awecatömödö'como nönge sauda jonno tajeca'da aweichameinñe. Änwanno ojodudu'como jeda nade awanöntocomo ätadedö'como jeta'ca. ³⁸Mäja'atode jata'como antawäiñe, ätudedö'como nonodö dewä adhewacatode. ³⁹Ñanno adhantawaiñe naato'dedö, töwoijenñe conemjönö nödö'atode; tutuu'de'döcomo nonodö de'wa töweichöcoomo weijäcä, tumötoncoomo cone'naadiyö jäcänchädä tönwanno mmaja cone'mjönö je na'todede.⁴⁰Cone'mjoñö tönnöjocomo ecammajödö weichame conemjönö jedea nato'de tumötoncoomo jano jäcänchädä, juntaca nädä aweijocoomo weiyacä, jaadäda ätädöcoomo weijäcä mmaja. ⁴¹Öwö wa'de äjunta'ca' däädäiñe wämanä ade chu'de'döcoomo nono dödecäi mmaja wene'a'tode öwadädä ejöda aweiyacomjäcä jocone'nadiya'como jootädöje tucuse'jadöcoomo towanäcäine tödö'jäcä. ⁴²Yääje yeijäcä öwö töta'de Jacobo wwä wäcamma'jödö, Isaac wwä wäcammäjödö, Abraham wwä waca'ma'jödö mmaja: yätonno yää nono neca'mmajodö jäcä töta'dede.⁴³Määdäje tönwanno nono netömato'de, yääje yeijäcä yää tätöma yeichö wad'da'dä tajo'jada eijaiña yaawä tönwanno je'dammaja eijai nadea yätä. Yaawä ñanno yää neca'mmajödö ännöjöncoomo conemjönö nödo'ato chänönge emjöno'je wanontado nodö ato yaawä.⁴⁴Yääje yeichame äcu'de, tutu'dedöcoomo monodöcomo de'wä na'töde yawä. Öwö adhe'töma'daine wa'de, tamedä adhacochajodöcoomo we'täda mäsancwajo'töde, madääje wäcamma'jodö wödöade. öwö näädä cajiichana awaanadiyö mmaja. ⁴⁵Ashicha aweichö jäcädä. Adhadaichomo wä wäcamma'jödö öwö wödöade, ñanno Egipto ñaano nonode dewonno wene'netodö anejaacomo jata neenedoje, awaanadi yöcomo weichö wetä. Öwö näädä Cajiichana.⁴⁶ääda'coomo yää wanontädö, necaamajojö Sinai jödodewä Moises weichö önmenno'jödö israelita coomo wätäse'totocoomoje

27¹Cajichana cönadewöi Moisés wä cönädöacä: ²"Adhade'cwäde isadaeditacomo waiñe edhä'je adöcäde: Ñädä täjeto uneijödö cajichana Wanaadi wä täjeto'je tödöcä'de³Ñădä dhanwa toni soto wedu nadö aduwawä soto wedu jona'ne täje'na acä sototo dewä amojadä to cwacä jödata. Yää chänöngato acanno jödata. ⁴Mädä'je maja woodi yää wedu dea nadö taje teichö'na toni soto dewä amojadä jödata.⁵Ñanno ijatodea wedu nadö toni soto wedu jona tödöene nadö maja, dhanwa mane tö'je yeichö na toni soto jödata weicho'cwacä woodimane amojado jödata weichö'cwacä. ⁶Ñanno ijatodea toni nunä nadö ijatodea jona tödöene nadö maja, ñäda dhanwa täje yeichöna ijatode jödata weichö'cwacä, woodi mane, aduwawä jödata weichö'awacä.⁷Ñädä a'cä sototo dewä amojadä wedu nadö madädä cäjene wedu nadö, maja, ñädä dhanwa täje yeichöna amojadoto dewä shatodea jödata, woodi tä'je yeichöna amojadä jödata. ⁸Ñädä soto töwäcammajödö weichame ännöda nadö ejemajaichana täje teichö'cwacä, yadaquene ñädä soto nätuadö täjaiña yawä Wanaadi wä töwadewemö täje nödöade ñädä soto täje teichö'cwacä yäcammajödö ejemadö wetä.⁹Aneja soto odocajato sacridicio u'ajäcä cajichana wä, töwö cajicha najäiyade, yawä ñädä odocaja'to nisha'cwato chojonno. ¹⁰Ñädä soto ätämajaichana, odocajato chamjiyacaja'chama, toni ashicato toni conemjönö önwacanojena, toni conemjönö mane toni ashicato önwanojena. Chäwä chamjiacajäcö aneja odocajato que, tawä anädäncädä töwö odocajato acä, tää nichamjiacadö'je, chonenaditöcomo jedana.¹¹Yääje yeichame, ñädä soto nosajato utudu Cajichaana Wanaadi wwä ñedennamjödö yeiyajäcä, Cajichaana Wanaadi ajäijacha naadö mmaja, yawä ñädä soto wwä enejödö tujunnena, odocojato sacerdote wadädä. ¹²Sacerdote neca'mja'de yaawä, ñäädä odocojato ejetö, ejemajotojo judejedia aca. Ye'chö woijemma sacerdote wwä ñädä odocojato ejejödö ecammajäcä, yäje täje yeichö naade. ¹³Sacerdote wwä ewaanacajäcä mmane, täjecäjene näädöade, ijatodea'to cwacä, chäwä ewanacajödö jäcänchädä.¹⁴Täjeda tuemöje, Cajichaana Wanaadi wwä, täsadö tö'däje soto wwä tödöajäcä, sacerdote necammade chajejödö, ashichatoje jenñenma, conenjönöje jenñenma. Yeichö woije mma chäjejödö sacerdote wwä tödöajäcä, yääje chäjejödö naade. ¹⁵Yää maa edhajä wwä, täsadö täjeda tuemöemöje tönecammajödö inñacase yeiyajäcä, chäjejödö annucudu tujunnena chä'wä, ijatodea yeijödö cwa'cä, inñödöje nädöadede yawä.¹⁶Tönonodö dewoono tönnödöñ soto wwää, tö'däje tödöajäcä, yää noono dewä ñatötädö cwacä täje ye'chö naade, cebada encutajä mmane ,370 onejajödö cwacä, acä sototo amojadoto cwacä daaja chäjejödö naade.¹⁷Soto wwä tönoonodö tö'däje tödöajäcä, Wädetatojo Weedu ye'chö, chäjejödö yätädä naade. ¹⁸Dhadaquene, Wädetatojo Wejadätäjeje chäwwä tönonodö tö'däje tödöajäcä, sacerdote wwä yää noono täje ye'chö ucadö tujunnena yawä, yää anoto najäntadö jonno, yää Weedu Wäädetatojo anoto aca tödöjonne, täje ye'chö chäwwä ucadö tujunnena.¹⁹Soto wwä tönonodö tö'däje tönnöjödö inñacase yeiyajäcä, ijatodeato cwacä täje yeichö annucudu chäwää tujunnena, inñödöje yeichoö wetä yawä. ²⁰Yawäne ñädä tönonodöje maja ännöda yeiya jäcä, ameja wä ejemajojödö yeiya jäcä jenñemma, ñonodojema ädöjaicha nade. ²¹Yawä utujödö weduchädö aca yadöajäcä, wanaadi wana, nono ashichatoje nade iya tamedä nono wanaadi wonoje ecammajä nadö, ñädä wanaadi wa töwadeuwemo wonoje nade iyä nono.²²Ñädä tönonodö tönejemadö tätöma nadö, yää yajimmätädö momodö jeda nadö. ²³Yawä wanaadi wätöwadeuwemö täje yeichö ejematojo nödöade, iyä utujödö weduichä dötä yädödö jonane, ñädä chawwa ejemadö tujunne nade iyä ejematojo tödöajä nadöca wacä iyä anoto, wana wä tajeda tuemo uajä töweiye naichöje.²⁴Yawä utujödö weduichädö awä ñädä nono ejemaneijödö ninñacade tonejemajodö wa maja, ñädä iyä nono edhäjä. ²⁵Tamedä iyä täyetoje nadö, santuario jödatachädöcwaca yeichö tujunne na. Iyä toni sototo weijödöcwacä nadö.²⁶Ñanno odocajacomo, awadeto wennuajä wanaadi jonno asancwajoda nade, wanaadi woncomo ne tönwamno yeiyacomo, oveja, buey maja wanaadi woncomo ñanno. ²⁷Odocajato tanamjönö yeiyajäcä quene, ñädä chadhaja ejemajai nadea yawa täje yeichöcäwacä, annaichocä wacä nejodöjatode yää taje yeichocäwacä yada quene ñädä odocajato ewanacajajönö yeiya jäcä, iyä täje yeichö ecammaja nadöca wacä ejemajodö tujunne nade.²⁸Yawäne tamedä soto nuadö wanaadi wa, tameda töwwä nadö shotoichomo, chacantomojeineima, yayimmatadö nonodö jeiñemma atajemajojaichana, atajemajaicha maja. Tamedä CAJIICHAANA WANAADI wä uajä nadö ashichatoje yeijäcä. ²⁹Aneja ewanacaja soto nejemadö uaja nadö töconemamoje, ñädä soto emadö tujunnema.³⁰Tameda iya diesmo edä nono dewä nadö, dhadödö wataja edo nonodö nado, tamedä tamemoje nadö maja CAJIICHAANA WANAADI wonge na. Tönonnatoje na wanaadi wano. ³¹Ñädä soto iya diezmo acanono chanacase nadö ejemadö tujunne na chawwa yewäcä jene.³²Amojadoto acanno anucacä toni ñanno acönö, ñädä anedachadoje nadö acanno CAJIICHAANA WANAADI wonoje tödöcäde. ³³Oveja edachaneichomo ujijaichana inñammodocomo ododccajacomo ashicho jeiñema, chamjiacajachamaja nadea aneja que, chamjiacajaca chäwwä, anädäncädä inchamjiacajödö ashichatoje nadöato ejemajaichana yawa quee dhai maja. Que cönädöacä wanaadi.³⁴Mädä yaa wanontana CAJIICHAANA WANAADI nutujödö Monte Sinai nña Moises wä tamedä Israelitacomo wäiñe.

Maquiritari: Bible for Levítico

Formatted for Translators

Levítico