¹Awadene yaajäntadawä Wanaadi cönamodenäi caju nono mmaja. ²Chäänonge tödööeda cönäjaacä yaawa nono tasseda mmaja tööjema cönäjaacä tuna decäcä Wanaadi amodedä töwadema cönäjaacä täjato ai tuna ejoodhacääcä³Wanaadi cönädöacä Tawaanato töweiye nädöñojo que cönädöacä tawane conodoi yaawa. ⁴Ashicha Wanaadi wwä cönääneacä yää tawaanato yaawä töwö yää tawanato cönsacwajoi töjaato acä yeicho jonno. ⁵Yää tawaanato Wanaadi cönetöi yaawä anootoje yää tööjato mmane cönetöi coijaichoje määdä yää awadeenato anooto wanaadi nanodenöjödö.⁶yääjema yaawä wanaadi cönädöadea Töweiye nädönñojo tuna antawä tuna shancwajoonei .que cönädöacä ⁷.Wanaadi cönnöi yaawä sancwajotojo,cösancwajoichea tuna toni ijujä yeichö jonno shancwajotojo yaawä wanaadi wädööjödö ⁸nönge.Wanaadi cönetöi yaawä yää shancwajonei cajuuje mädä cönäjacä acääto anooto.⁹Wanaadi cönädöacä,tunacomo cajuu onä naadö nejummañojo tooni ijuujö mma yeicho wetä,nono sedejjato ejacaiye yaawä que cönädöacä,mädääje cönejadötöi yaawä wanaadi wödäjödö ¹⁰nönge.Wanaadi cönetöi yaawä sedejjato nonoje tuna wejummajä mmane damaje cönetäi ashicha wanaadi wä cönääneacä yääje yeichö.¹¹Wanaadi cönädöaca ,chuutacomo mmaja namoodetañojode eduuwa nono dewä ännenejödöödä,woi mmaja ,dee täjujäcacomo mmaja dhadöödö jacomo mmaja chääwaadäiñe yeichöwacä que cönädöacä,mädääje cönejadötai yaawä wanaadi wodäjödö nönge. ¹²Nono dewä chutacomo cönejacajötoi yaawä äneenejödöödö ,woi mmaja dee täjujäcacomo mmaja dhadädäjacomo mmaja chääwadäiñe yeichö wacä ashicha wanaadi wwä cönääneacä yääje yeichö. ¹³Määdä cönäjacä aaduwaawoto anooto awä wanaadi namodenöjödö.¹⁴Wanaadi cönädöaca tawanato töweiye nödöñojo cajunña ,anooto acä cojaicho töudäje tädöjonnamoje ,anooto wätadö enejutotoje eiye ,wedu wötotojo enejutojoje mmaja. ¹⁵Nono decäi awananöcaneije neñojo cajunñano que cönädöacä mädääje conejadötöi wanaadi wädöjödö nönge.¹⁶Wanaadi cönaamodenöi aacä yeijonei adaijocomo, toni adaijoto cönnöi anooto yeijonei ,toni mmane coijaicho yeijoneije, shiidiichä mmaja cönamodenoichodea. ¹⁷Määdä wanaadi cönöi cajunña,nono yeijoneije. ¹⁸Anooto yeijoneije,cojaiccho yeijoneije mmaja ,anooto shancwajoneije yeicho wetä ,ashicha wanaadi wä cönääneacä yoije yeichö. ¹⁹Määdä cönäjacä acächeato anoototo awä wanaadi namodenöjödö.²⁰Wanaadi cönädöaca ,Nacwancomo mmaja töweye nädöñato wanna ,ännenejödöödä tadiiñaamo mmaja nädöñatode nono ejodhacääcä töwaiñöngaamo que cödäacä. ²¹Mädääje wanaadi cönaamodenoicho tameedä ñanno damacwawoncomo ajocomo wiyu ,tameedä na´cwacancomommaja änneene´jöödä,töwä´´jimiche naatodö chääwaadäiñe yeichö woije.²²Towö ashichatoje cönaadewöi cönädöacä,jooje adhejaantäcä dama chucamöiye tadiiñamo mmaja nejammiñatode edää nono dewä töweiyamö que cönädöacä wanaadi. ²³Määdä cönäjaacä ijaatoodeato anoototo ai.²⁴Wanaadi cönädöacä ,,nono dewä nädöñato odoocoja´como äcöönö mmaja,chutacomo mmaja töweenöca´como wötäädö,ännene´jödödöödä,chäwadäiñe yeicho wa´cä que cönädöacä wanaadi mädääje cönädöi yaawä wanaadi wödöjödö nönge. ²⁵Mädääje wanaadi cönamode´noicho tameedä odööcojacomo ,äcöönö mmaja chuutacomo mmaja töwenöcacomo wötäädö ännenejöödä naatodö chääwadeiñe yeichö wa´cä aashicha wanaadi wwä cönääneacä yääje yeichö.²⁶Wanaadi cönädöacä ''Eduuwaane sooto cänaamodenätäiye cönängeiñe cöödötäiye ,cöweichocomo nöngene,ñäädä sooto na´de tameedä amodenacomo adhajotoncomoje ,ñanno nacwacancomo tadiiñamojo mmaja äcöönö ,chuutacancomo mmaja ,towenöcacomo wötäädö adhajotoncomoje mmaja'' que cönädöacä wanaadi. ²⁷Mädäje wanaadi tönönge soto cönamodenäi yaawä wanaadi nönge dea cönamodenäi dhanwa wodi acä cönamodenöicho.²⁸Towö aashichatoje cöna'deuwöi yaawa chäwwäiñe cönädöacä ''jooje adhejantöcä nono chucannojotöcä,nono edhajöje eichäcäde ,nacwacancomo edhajotoncomooje mmaja ,tadiiñamo mmaja ,nono de'woncomo odoocoja'como mmaja '' que cönädöaca wanaadi ñanno aaco'como soto tönaamode'nädö wäiñe. ²⁹Yääjeje edääje mmaja wanaadi cönädöacä chöwäiñe enecäjan'mma äwäiñe wu'a tameedä naatö dhatöödö'jano ,dee chäjödädäjacomo mmaja adhewanshicomoje wetä.³⁰Ñanno odoocajacomo chuutacancomo ewashi'ñocomoje mmane chuuta manne wua ,ñanno töwenöcacomo wötädö mmaja tadiiñamo mmaja ,que cönädöacä wanaadi soto wwäiñe yääje cönädöacä yaawä. ³¹Wanaadi cöneenemacä yaawä tameedä tönamodenöjödö joje aashicha cönäneacä chääwä.

¹Yääjemma yaawä caaju nono tödödö cönääcai tameedä nono dewä natodö. ²Aacä amoojato anoototo ai wanaadi cönäcai yaawä tameedä tönnödö amoode'nädö jäcä towö cönädetai yaawä. ³Yää aacä amoojadoto anooto aashichatoje cönnöi ,aashichatoje tödötojoje mmaja yää anooto töwodetajödö weijöcä tameedä tönamodenöjödöcä jäcä.⁴Mädääje na mädä yää wätunnä caju amode'nä'jödä jäcä yeichö,nono amoode'näjödö jäcä yeichö mmaja mädääje cönnöi yaawä wanaadi caju amoode'nädawa nono amooode'nädaawä mmaja. ⁵Chuuta'je'da cönä'jacä chuu wejantijojeda mmaja cajichaana wanaadi nono de'wa conoojo äninñanöjoda dea cönöjacä sotojedä dea töwetadacwajomö yeijäcä mmaja. ⁶Yaawäne nono acanno,tuna töweeja'ca cönä'jaacä tameedä ennäichaneije.⁷yääjemma yaawä cajiichaana wanaadi dhanwa cönamodenäi nonoque cönajimmai yaawä chäännadö'ai nuudä yeichojoje määdäje dhanwa nudotoje cönädöi. ⁸Cajiichaana wanaadi audaajä cönnöi eden ña shii weja'catoojo do'se yää audaajä awä ñäädä dhanwa, tönaamode'nädö cönnäi.⁹Yaaawä cajiichaana wanaadi ännenejödöödä chuuta cönataanöjojotöi iinñataja'como wönedö aashicha tamemöje mmaja yää audaajä annawääne wanaadi cönnöichea wechojo ejeedödö ejö anejja chuuta mmaja cönnöi chea yää ashichato conemjönö chöötametojo mmaja. ¹⁰Tuna tööwejaca cönääjacä edeenñanno iiyä natö ñaatötajä töjötojoje iiyä töwäämencantä cöönäjacä acai'cheeato tunaa'cä'wacä.¹¹Yää awadeto tuna etäna pisonje määdä tuna neja'doa tameedä javilanñano nonodöichöcä yää oro jano. ¹²Ashichato oro weichö inñana yätä tööweiye naadea debelio tooju onise weicho mmaja.¹³Acäto tuna eetö mane Guijonje , määdä tuna nejadöa cuss ñanno nonodöichacä. ¹⁴Aduwawoto tuuna etöömane'na tigris je määdä neja'döa Asiriñano shii wejacatojo suudawawö acäicheato tuna etöömanena yaawä Eufrateje.¹⁵yawää töwö cajichaana wanaadi cönädöi ñäädä dhanwa ädhajä aacä täwetadawacajomöje edachöneije mmaja. ¹⁶Edääje wanaadi cönaanontäi yaawä dhanwa tameedädä audajö awä naadö amejaima töncanodeda. ¹⁷yaawone conemjonö ashichato chötametojommane manameiche .awä ameea'jöcä yää anootoi'chädö jonno aneemai'chada määma'de que cönädöacä wanaadi dhanwa wwä.¹⁸yaawä cajichana wanaadi cönädöaca chäänönge'dana määdä dhanwa töjääcäjeene yeicho yääcä yeichacoono wanaamode'näiye iwatäneije que cönädöacä. ¹⁹Madääje cajichaana wannadi tameedä odocaja'como cönaamode'noicho edää nono dewä natodö tameedä tadiinñamo mmaja dhamwa döiña cönadoicho chuutacomo etäädäcomo wetä mädäje chutacomo na eduuwa Adan cönatoichodöje. ²⁰Ñäädä dhanwa chääwadäiñe chätöcoomo cönetöi yaawä ñanno acöönöje töweiyaamo eetöcoomo chuutacomo eetöcomo mmaja tameedä tadiinñamo mmaja cönetocho dea yaawonw dhanwa wechaconoje töweyemö mmane anedantäda cöneiyacä.²¹yääje'mma yaawä cajichana wanaadi dhanwa söje cönnö'näjöi yaawä innñotame toni shuudadö cunucai yawädeamma cönejiinñäcai. ²²Yaa dhanwa sudadö tunucadäque töwö cajiichana wanaadi wodii cönamode'nöi cönnejö yaawä dhanwa wadädä. ²³Dhanwa cönädöaca mädöne ñäädä juunu aeejäde'amma mmaja wodiije chöötö neñojo dhanwa jonno weajä yeijäcä.²⁴Yääje yeijäcä dhanwa tumä nishancwade senö mmaja töjiinñamo jadä töwä'dödö wettä yaawä aacä töweichaamenñe tooniño nönge natode. ²⁵Tönwanno anöödä töwonquenñeda töweiye cönäjato dhanwa ijiinñamo mmaja töjiiyeda cönäjato.

¹yaawä ñäädä äcäyu joje tösedujä'ne cönäjacä tameedä anejacomo odocoja'como wanaadi namode nädöe'jode'cä töwö cönädöacä wodiwä ¿yääje damma wanaadi cönädöacä ''tameedä mädä dee ejedödö amejai'chamato? que . ²Yaawä wodi cöneccujäacä önjä tameedä dee ejedödö anejai ñää weichamene. ³Audaajä annawa naadö mmaane amejaicha ñaa na wanaadi yää anamejoda ñaa wä anajojoda maja ñaa wämadöqueiñe que cönädöacä wodi.⁴Yaawä äcoyu cönädöacä wodi wä yäjeda yeichame amäädä awechaameiñe. ⁵Töwö wanaadi dhowanäcä na tönönge adäjai awechaco tösedujane yää ejedödö ameajäcä äwäiñe,ashichato chötammejai mato yaawä conemmjönö mmaja. ⁶Yaawä wodi cöneneacä yää dee ajeedödö inñataje tamemje ,yäje yeijöcä cömjötäi yaawä cönämai yää jeje töino wwä cuntui iiño daja cönamechea yaawä.⁷Yaawä dea mma cönääwushichoicho töwonquedanñe cönädantoicho yaawä yäje mma yawä higuera adö cönsocaicho tuwejuichomoje. ⁸Yaawä tönwanno cönetäi cajiichaana wanaadi wäämannäjödö audajä ai chomomödawä yäjemma yaawä dhanwa wodi mmaja cönotonetoicho andajä aca chutadotaca wanaadi tänedöcomo queiñe.⁹Yawä cajichana wanaadi dhanwa cönadejai cönädöacä ¿äsha manä? que. ¹⁰Dhanwa cönädöacä audajä ai awäämannöjö wetanä tösade wäjanä töwonqueda weijöcä yäje yeijäcä wotonetai. ¹¹Wanaadi cönädöacä ¿änäcöca töwonqueda aweichö necammai äwä? ¿yää'da mamei dee ejedödö awä anamejoda wäjaquennö?.¹²Dhanwa cönädöaca määdä wodi wechaconoje öwwä munedö yää tamemö nutui äwä öwö wamei yaawä. ¹³Yaawä cajichana wanaadi cönädöacä wodi wää ¿anecätojo yää mädöi? que wodi cönädöacä äcoyu yencutäi yäje yeijäcä.¹⁴¹⁵cajichana wanaadi cönädöaca äcäyuwä määdä tödojödö weijaca äwä amäädä tameedä anejacomo odocajacomo ejoddecä mäntunanöade awenöque mötade nono

¹Dhanwa cönnöcöi töjiñamo Eva acä wodi cönwensutai cönennui yaawä Cain wodi cönädöaacä niñencadö na danwa wanaadi niwatadöque. ²Yää jemaja cönennuchai dacono Abel da'ja yawä Abel cönädöi oveja edajotoncomoje Cain mane cönetadawacacä nono jacä.³Cönejadäacä yawä numa yeije Cain cönnejä tönnätötädö ejedödö dhame ofrendaje tödödö wetä wanaadi wä. ⁴Abel daja quene cönnejä awadeto wennuajä täcönö tönedachädo inñataje tönenemadö towö wanaadi cönajoi Abel ofrenaichödö mmaja. ⁵Cain mane iyää ofrenda iñödö, towö anajäi'cha cöneiyacä mädäje Cain cöcäjacö joje töwätöma täniyude cönäjacä.⁶Towö wanaadi cönädöacä Cain wä ¿anecotojo ca töwotäma manä täniyude mmaja?. ⁷Ashicha awä tödöajäcä ¿anajächa cä eichö weiya? coneda awä tödoajäcä mane conemjönöjemma na yawä amädämma chonecasemma yawä yawäne amädä ma awantañajai ma.⁸Cain cönadewöi tacono Abel wä yäätä cönejadäadawä tönwanno cöcäjato adaja aca Cain cönammäi tacono Abel wadödä cönemai yawä. ⁹Yääjemma yawä töwö wanaadi cönadewöi Cain wä ¿Ashicha adhacono Abel nai? towö cönödöacä yowanöcäda ¿Öwö ne ñädä yacono edachäne?¹⁰Töwö wanaadi cönädöacä ¿Anecämö ca mödöi? adacono aquiyö yadeja nono de'wonno . ¹¹Eduuwa mane emajödöje ma nono dewä äntadö maducaichö äwä ajäichö wetä adamädöque adacono acöquiyi . ¹²Yaawä awä ñatötädawä nono dewä, edä jonno mane töwö awö ontuda nade töjodudu yanejea'jä inñanmodoto je made nono dewä.¹³Cain cönädöacä wanaadi wä yentunmanjödö adaijödeja nadea öwä adädö etode. ¹⁴Chänönge mmaja yawä amäädä cöjacanujoi edä anto edä nono jonno öwö mane wotonetade wade ojonno öwö wade yäne jeajö iyamotoje nono dewä ñädö yedantadedö yemade. ¹⁵Töwö wanaadi cönädöacä ñädä Cain nemadedö , ñädä jäcö nejadöade acä anooto dewä chuseijadö yawä wanaadi cönnadacañai Cain jäcä enejutojoje aneja wä edantajäcä ñäädä sooto amanmämchade yeichö wetä.¹⁶Madäje Cain cöntömä wanaadi jonno nudä cönäjacä Nod nono dö dewä Eden wötödö. ¹⁷Cain cönnöcöi töjinñamo acä töwö wodi cönwensutai wodi cönenuchai yawä Enoc ,Cain cönajontäi jata cönetäi yawä tönnedö etöjöi Enoc.¹⁸Enoc cönennacai cönenui yawä Irad, Irad cönäjacä Metusael ämöje Metusael mane cönäjacä Lamec amöje. ¹⁹Lamec mane acä töjiinñantocomo cönöi chätö cönäjacä Ada je yäjato atö quene Zila.²⁰Adan cönenuchai yawä Jabal töwö jonöjacä ñonno ejematotojo aca töweiye cönöjatodö jaca jacomo mmaja ömötäncomoje cönöjacä. ²¹Dhacono etää mane cönäjacä Jubal töwö cönäjacä arpa sam juda yecwanamo ömötoncomo je. ²²Zila mane cönennuchai Tubal Cain töwö cönäjacä tamedää täijacomo töjecomo edhajoje Tubal Cain jaduicho mane cönäjacä Naama.²³Lamec cönädöacä töjiinñantocomo wä Adan y Zila yadedu etatöcä änwanno lamec jiñantomo etatöcä äwänñe yetunuchöjodö weijäcä dhamwa medecä yaijujötojodö weijöcä. ²⁴Cain mane cönjotoicho acä amodoto wacä mädäje mmaja Lamec nijotatode acä amojato sototacwacö.²⁵Adan cönächea töjiinñamo acä töwö wodi cöneinuchai aneja tönnedö töwö chötä cönetäi Seth cönädöacä wanaadi önnedö cuntui anejadaja Abel önwacanojödö Cain wä ne ematödä. ²⁶Cönennui yawä Seth nedö mmaja töwö chötö cönetäi Enos iiyää anooto weichö soto cönajontojocho töwadewödöcomo wanaadi etö joi.

¹Edää yää Adan atöödö etöcomo imennajä yawä wanaadi dhanwa amoode'nä daawä tönönge cönamodenäi. ²Dhanwa cönamodenäi ,wodi mmaja ashichato cönnöichä jäcäiñe yää anooto awä dhanwa amoodenädaawäiñe Adanje cönetocho.³Adan cönäjacä 130 wedu inñedö awadeto cönennuadawä Setje cönetäi. ⁴Set wenujeje 800 wedu Adan cönäjacä yawä yää jeje cönennecai dhanwacomoje ,wodiñamoje mmaja . ⁵Adan nudä cönäjacä 930 wedu cönämai yawä.⁶⁷⁸Set cönäjacä 105 wedu inñedö Enos cönennuadaawä. Yää jeje Enos wennutoje 807 wedu Set nudä cönäjacä.

¹Noé jäcä Wanaadi cöntö'tai yaawä, jaadaca aca tameedä odocaja'como chuutacancomo jadäiñe yeichö jäcä, odocaja'como inñejenca'como jadäiñe yeichö jäcä mmaja. Yääje yeijäcä jejeichä Wanaadi cönne'joi joojato nono de'cäi, tuna cönaajäntäi yaawä töseede'tadö. ²Nono o'nono tuna weejödö cöneedennai yaawä, conoojo mmaja cöneedennai chea, töwiiñadö cönä'cai yaawä. ³Tuna chuumaajä jo'wadootoje cönse'de'taacä yaawä, ciento cincuenta anoototoai cönsede'tai.⁴Jaadaca cönsede'tai yaawä aacä amäjato (7)nuunätoai, amoojadooto de'wä aacä amäjato anoototoai yeichö, jöö Araratjödö de'wä. ⁵Tuna jo'wadootoje cönsede'tai amoojadooto nuunä (decimo) aca tödöjoone. Jööcomo cöneeja'cajäätöi chea yaawä tooni nuunä anoototoai.⁶Cuarenta anoototoai yeichö yaawä, Noé cöna'ducai jaadaca mentaanai'chädööje inñödö cönä'ja'dö. ⁷Cönanñö'jojoi yaawä tonoodo judumato jödo'na, ñäädä tonoodo cönämamnäjöi yaawä cacääcäi nono sede'tadö jonaane.⁸Yaawä jaduuma daaja cönanñö'joi chea, tuna töwa'dhana yeichö eneedö wetä töwwä, ⁹yaawä'ne jaduuma anendatä'da cöneiyacä töwä'totoojo, cönennacai chea yaawä yöiña mmaja jaadaca döiña, sö'je deea yeijödö weijäcä tuna. Noé tajäädöque cönänwojoi chäwwadäädä, cönaamonno'joi yaawä töjaadä jaadaca aca.¹⁰Aacä amoojato anooto mmaja cönwomoocöi chea yaawä, jaduuma anñö'jodö wetä yaawä töwwä. ¹¹Jaduuma cönnenacai chäwwadäädä yaawä cho'mamöödawä. Eneecä'ma, oliva adö ajamjacaanö dha'me cönä'jaacä töjootödö jäcä. Mädääje Noé towaanäcä cönnöi tuna töseede'ta yeichö. ¹²Töwö conwomoocöi chea yaawä aacä amoojato anooto mmaja, jaduuma anñö'jodö wetä mmaja yaawä töwwä. Yaawäne jaduuma ennaca'da cöneiyacä chäwwadäädä mmaja.¹³Yaawä seisciento uno wedu Noé weichö, nono cönsede'tai, yää cönä'jaacä awa'deeto nuunä yeichö, yää awa'deenato anooto nuunäichädö yeichö. Noé cöna'ducai yaawä jaadaca a'duneije cönä'ja'dö, cöneene'mai yaawä jödo'na, cöneeneaacä yaawä nono sedeeje yeichö. ¹⁴Aacä nuunätoai, veintisiete anootoichädö awä, nono sedeeje cönä'jaacä yaawä.¹⁵Wanaadi cönä'döaacä Noé wwä: ¹⁶"Adheeja'cacä jaadaca acanno amäädä, ajinñamo mmaja, ännacoomo mmaja, ännacoomo jinñantomo mmaja. ¹⁷Ajaadä u'cacääto tameedä canno odo'caja'como, tadiiñaamo mmaja, nono de'wä töweenöca'como wötäädö mmaja, ejaamöiyeto tameedä nono weichö wa'cä," quee cönä'döaacä.¹⁸Mädääje Noé cöneeja'cai töjinñamo acä, tönnacoomo mmaja, inñacoomo jinñantomo jadäiñe mmaja. ¹⁹Tameedä odocajaacomo mmaja, tameedä töweenöca'como wötäädö mmaja, tadiiñamo mmaja, tameedä yää jaadaca aca cönä'ja'todö cönä'toicho.

¹canno ñanno noe atödö weijäcomo

¹Yää'jeje Moisés wääma'jäcä ñäädä Wanaadi anoonö, Wanaadi cönadewöi Josue wä Nun needö, ñädä inwacano adhajä Moisés jeje Töweiyemö cönädöacä: ²"Yanonö Moisés töwäma na eduuwa. Jääje yeijääcä anöncä, iyääcä edä Jordan amädä a do coto canno soto nono wuadö Israel weichö wänñe. ³Öwwä tuena chäwadaínñe yeicho'coomo iyää chuta netajatodö. Äwä wuadö, Moisés wä wecammanedö'jemmaja.Shii wejacatojo jäcä ämudaatö do'se cönäncui En-Seme ña cönta cä yää ⁶Yäätädä eíchä, jä'dujem maja. Amä'dä mödöa'de canno soto nono dö' cömoje ñannö awa'de'camowä tue möje wecamimane'dö. ⁷Yäätädä eíchä, jä'dujemja. Odho wa´dädä eíchä'de Moisés tame´dä wanontä'nä cönecammaichö tödödö' jäcä. Chojonnomma mäcumeche ämuda'to ämudemjö´nödöse jenñemma, äwä chanaca'dö weetä mö'ta'dö döö'ña.⁸Yeichöje adha'deucuiä'de edä ja'je'da wanontanä jä'cä. Chä'jä'cä ätöta'jäcä'de, ano' coijaimaja, äwwä tödödö weetä tameedä chä'jaä'caä imennajä naadö. Yaawä, Taewaíñe maa'de chanacaneijemmaja. ⁹¿Mä'däje jönca mananontäne? ¡Yäjeyeijä'cä jäduje eíchä'de yää'tä'dä maja! Tösa'de'da eíchä. Cado'damma mä'döjoi'che. Adhedhajä Wanaadi ajadä na' anenñaja ätädö wadäi."¹⁰Yää'jemma jaawä Josué cöna'non toi'echo Ñanno soto edhajo'ton'como: ¹¹"Ojon'como sooto na'to'dö'döña ecammatä'cä, chäwwäiñe: 'Täwan'shiiyi'como anejodöyeto aduuwa'wä anototo'ai edä Jordan niyää'ato'de nomongato'de yaawä tö'nono'dö' comoje tödödö weetä iyää nono adhedhajä Wanaadi Nuua chädhajäje aweichö'como weetä."¹²Canno Ruben weichö duwenita, cadita, Manase wäjímmätädö wäiñe Josué cönädöa'cä: ¹³"Ätö'tatäcä Moisés wa'dewö'jödö. Ñädä Wanaadi sotoi, chäwäíñe cönecammai edääje cönädöa'dawä: Adhedajoton como Wanaadi äwäiñe Nuua ajädudu'como töwö Nuua edä nono.¹⁴Ajinñan'ton'como, ännacontoncomo adhecono'como maja naa'tode iyää nono Moisés äwäiñe cuntuichö Jordan mänsedä'cä. Ñanno jädu'ja'como adha'contomo Jadä nötato'de níwata'to'de, ¹⁵adhedhajonton'como adha'conto'mowä wäde'ta'to'como cuntuíchö jedea äjimmäton'como wwäiñe yääde' tato'como u'a'jäcä, tönonoodö como chäwäiñe edhajä'tajäcäiñe maja. Ñääda cajííchana awanaadíyö'como Nuua. Yaawä änwanno adhenaca'tode ononodö'como Neene de cäi esetädö weetä äwäíñe, iyää ononodö'como Moisés wä cantuíchö Jordan mänsedäcä shii weejaca'tojo dööse naadö."¹⁶Ñanno cönecujä'to yaawä Josué cönä'döato chääwä ñaa nöödöa'demma'ne tameedä äwwä ñaa anontä'jödö, äwä ñaa anontädö wadäi ñaa nöta'de. ¹⁷Owoije ñaa na'de Moisés woíje ñaa cönä'ja'döje mmaja. Yäämma ñaa nijumma, adhedhajä Awanaadiyö ajaadä yeíchö Moisés jadä cönä'ja'döje mmaja. ' ¹⁸Ñäädä äjääcä nä'jädu'taadö, Näädä owoije'da naadö, nääma'ñojode. Yäätädä jäduujedä aweichömma ñaa nijumma."

¹Yääje mma yaawä, Nun, nnedö Josué, cönenno'jaicho tacaade'da aacä dhanwaacomo. Sitim ñaancomo, cuimencädö´wetä chä wwäiñe. Edääje cönä' döaacä. Nono eneetantäcä, Jericó ñano jata mmaja. "Tönwanno cöntonto cönä'döicho yaawä masudui e'saca Rahab tätö coijaicho ija'do'jodo wetä, tötöejemojonu. ²Cönecämaicho Jericó ñano cajiichaana waä: Enecä'ma dhanwa'como Israel weíchö cönonodö'como emmenca cö'nejoto que cöwädöato. ³Cajiicha'ana Jericó ñano cönaanontäi Rahab döiña: "Ija'canö'jocooto ñanno dhanwaacomo adhe'saca naatoodö, tönwanno cöneejoto cönonodö'como emmenca, que cönadöato."⁴Yaawäne' Ñäädä Ñanno wodía'cädhanwa'como cönä'doicho cönetonetoicho yaawa. Wodi cönä'döaacä chäwäíñe: "Ee döoiñaane' dhanwaacomo cööne'jotone; yaawää'ne, yoowanääcä'da näjaanä ääshancomo ca nä'jantodöjäcä. ⁵Cho'monga' jäcä mma cöontonto, jata nata' tado ädutogo cuinädö acä yä döä' jäca. Yoowanääcä da na, ääsha cöntonto dööjääcä. Tamja'ne ääta' comjäcä ejoodöjai maato; chöjamodawa, que cönöaio moyaatata watadudu owajo."⁶Yaawäne määdä wodi cönadoicho maa decaí, acaanataato de' wä ctoone'tädöcoomo wwetälcudaawa Ecajä töonjacadö dotaca. ⁷Mädääje ñanno dhanwaacomo ajecanamo cönaajecaicho Jordán' ewaca wöyootojo jona tödöene. Jata acanno yeeja caconjäca deamma jata nata'tadö cönaata'dui.⁸Woodi eneiñe cönön cuicha wä änealadea cönäjato Ñanno dhanuacomo etonetacomo. ⁹Yawä tööwö cönä döaacä: "Yoowanaäcä na äwwäiñe edä nonoodö, ecamma jödö cajichana awanaduiyo como wwä. Tööwö ñaäda Wanaadi cabono cajunña'no cojodenñano maaja.¹⁰Ñaa cöneetai, awedäto'comooje sewechato cujäi sede'namjö jödö cajichana awanadäyöcomo wwä, Egipto ñanno awejaca comojeje. Ñaa cöneetai chea acä cajiichaanacoomo amorreo töjaajo'jocoomo äwwäiñe, ñanno Sehón, Og, Jordán mänsemjo. ¹¹Mädääje adheecadööcomo eta'jö'cä jooje tääwanö jäcä tösaade ñaa na ñaa jäädudu cönaätamei, ñäädä cajichana awanadiiyöcomo täwä nääda Wanaadi cajuña naado, edänono de'wä naadö mmaja.¹²Yääje yeijäcä cajichana Wanaadi etöjoi ecammatäcä öwwä ashicha junca ajääcainñe waanä öwö, niäädajemmaja anwanno ashiicha cijal nato dea jaaja nödödö jäcä ¹³jaaja ewaanacaajai aweichö como, maama mmaja, yaacontomo mmaja."¹⁴Ñaanno dhanwacoomo cöneccujä'a'to cönä'döa'to: "¡Chäängena! Adheewontajaiñe ñaana töwämadö jonaae, anecjacoomo wwaiñe ñaa ecamma'da weiya'jäcä. Yaawä ñaa nonoodöje cdä nono wäjäcä Wanaadi wä, aashicha ñaa m1nnöaato'de."¹⁵Ñää dä woodi mmai amääajä cönä'jaacä jata cudaadai de' wä. Yääje yeijäcä töwö ato que cöneenö' täicho menyaana tai. ¹⁶Tööwö Cönädöaacä chäwwäiñe: "Jöödo'taca äjäncomo adheedantätäñei' da eiyeto ädheuujiiñamo. Iiña ootone' tätää'cä'deaaduwaawä anooto' cäwa'cä, adhuujiiña amo yennacaadöcoomo wa' cä. Yää'jeje aäma'tajai maato' dea." ¹⁷Ñaanno dhanwacomo cöönädö' a'to chääwwä: "Chäänönse töwaa camma'jödö ñaa nödöäde, yää ñaa wwä me'catäicho.¹⁸Yaawä edä jataacä ewa'täcä'de ñaa wennaca' jäcä edä ato seweichato inchö'dääcä'de mentaana, jäcä chaojoi, ñaa manö'täichö dea, äm mai ene'ju'tojooje. Yaawä adhe'saca I' juu ma tcooto'de oomo, aanö mmaja adhaacontomo mmaja tameedä oomo wä'jimnä' tädö mmaja. ¹⁹Anceja adhe'sacanno yeeja'caaja ääma wadäädä, yääma'jäcä, yoijatooje na'de, ñaa woijatoojönö.²⁰Aneejacomo wwäiñe ñaa ceamma'jä' jäcä, töwääcomma'jödö nönge ännö'da eijai ñaa na yaawä. ²¹Chäänönge na Aneecammadööcomo nönge nei'nojo'de; quee cönä döaacä Rahab. Yejaäcadawwaiñe. Cöntonto yaawä. Yää'jeje tööwö yääato seweichato cöuinchö däi mentaana' jäcä.²²Tönwanno cöntonto yaawä jöö do'taca yäätä cönä'jaato aaduwaawä anootato' cä'cuia'cä ujiinñamo' jödö wennacol'dö como' cäwa'cä. Ñaanno ujiinñamo aquee' cunujicho' tamedä yeíchö wa'cä.²³Ñaanno aacä dhanwa'como cönä'täicho jöö do'tacanno Josué döiña cönennacaícho, Näädä Nuu Needö chäwwä cöneecammajäätöicho tameedä töjääcäiñe jeeja'dätä'jödö. ²⁴Edääje cönä'döa´to Josué wä: "Chänöonga'todamma ca'nna mä'dä nono cajiichaana nu tuudu cöwäiñe. Taamedä yää jaatawon'como tösa'denaato cöjäcäiñe.

¹Yää jenamma naadöje tööjenaacadä Josue' cönä'jäi Sitim ñanno cönejacaicho yaawä. Tuna Jordán wadädä cöntonto, töwötameedä Israelita töjaadä cönadoicho yäätä cönäädeetaícho tuna iyätäädä owaajo.²Yaawä aaduwaawä anoototo ai, Ñanno ädhamo cönaademaicho soto wejaata'ta'como waadäi; ³edääje soto cönaanon täicho: "Äwwäiñe eneeajäcä acajiichanaichomo Wanaadi wääcamma'jödö ewöötö jatuuwa adä'dö äwwäiñe eneajä'cä Ñanno sacerdote Levita weichö wwäine inchäcäiñe ojoncomode. ⁴Chuu'nädöje yeichö tu'junne'na adhantawäiñe noventa metroto'cäwa'cä. Joojemma chä'wadädä mötätäiche, awäiñe' tääne jeíchö weetä ätoto'como odhowanääñeda'ne edä äma yeiyajä."⁵Josué cönä'döaacä soto wwäiñe: "Änwanno' jedea adheeconeecatääcä jenamma acajiiehanaíchomo täneemö nödööa äjäcäiñe." ⁶Yääjeje sacerdote wwäiñe Josué cönädöaacä: "Jatuuwa Wanaadi wääcamma'jödö ewöötö annätäcä soto owaajoiñe ädöötä'cä." Määdäje yää jatuuwa Wanaadí wääcamjödö ewöö'tö cönanäjöicho cöntonto yaawä soto owaajoiñe.⁷Cajiichaana cönädööacä Josué wwä: "Edää anooto jonno joaje täneeque männöa'de tameedä israelita emjataawäiñe mädääje dhowaanäcäí na'de ajaadä weíchö Moisés jadä wä' jaa ejuennöje mmaja. ⁸Amäädä anontäcooto'de, Ñanno sacerdote coomo Wanaadí wä'camma'jödö jatuuwa adännamo'je naato'dö: 'Yaawä tu'na Jordán jawä äwädöa' comjä'cä na'ewa nedenna'ña'to'de."⁹Yääjemma yaawä Josué cönä'döaacä israelita wwäiñe: "Ä'täcä, sa'dä acajiichanai'chomo Wanaadi a'deddu metääeäiye. ¹⁰Yääjeje edä wejadäa'jäcä odhowanääcäiñe nädöa'de Wanaadi Nudä'to adhantäwäiñie yeichö töwö odhoowajoiñe nijaacanö'jaato'de ñanno cananeo, hitita mmaja, heveo ferezeo, gergeseo, amorreo, jebuseo mmaja. ¹¹¡Eneetäcä! Ma, tameedä edä nono. Edhaajä wääcamma'jödö odhoowajoiñe na'däato'de Jordán Iyää'tädawä. Odhowajoiñe jaatuwa Nadä'ato'de iyä Wanaadí wä'cammajödö.¹²Amoojadooto (doce) de'wä aacä dhanwaacomo ane'tä cooto, eduuwa toonishai israelita weichö. ¹³Yäawä Ñanno sacerdote jatuuwa adäänna'mo nacwa yäätaja' comjä'cä Jordán nedhaatoca'de. Tuna ö'jodheedä'no nedenna'de yaawä yää jäduujeca'wä I'chä'dö nädame'wa'jade too'niyaä, tuna dhooco'cono, jäduuje Inchä'dö nedenna'dede.¹⁴Yaawä, Jordán i yä täädö wetä israelita wääma'tacomjäcä, sacerdote dhowaajoiñe cönta'to jatuuwa dha'me, ää Wanaadi wädcamma' jödö imennaajä ewöötö. ¹⁵Yääjeje Ñanno jatuuwa adäännamo Jordán cwawä cönäädöicho (Nacwa yäta'jacom' jäcädeamma cönsedetai tu'cuma Jordán cönäjaacä yäawä äiña aiyotoojo cuñadaawä yci'jäcä), ¹⁶öjonaadä töde'que tuna we'juuma' jädö weijäcä Adán ñano mänseedä'cä yää Saretán ñano jata. Jö' wacaada wötäänäje dea tuna cönä'jaacä Araba ña tödööene yää saayu'jano Dawa. Yaawä soto Jordán määnsenjoona cöne'dätoicho. Jericón ñaano jaaca amoncheda.¹⁷Ñaanno sacerdote jaatua cajiichana wäcammajödo ewöötö adään'namo cöneedennaicho nono sedeetajä annawääne iya Jordán tameedä Ñanno Israel wedäätädööcomo cwaacä mänsenjona.

¹Yääwä tameedä soto wwäiñe Jordán i' yä' a'jäcä, cajichana Wanaadi cönädöaacä Josué wwa: ²"Amoojadooto de'wä aacä dhanwaacomo ane'täcooto, tooni shai iju'jäcoomo waadäi. ³Manontäiyeto yaawä Amoojadooto de'wä aacä, täju eiye, Jordán annawääne, sacerdote weden'na'como naatoodö döötä nono sedeja'to'dewä adääjai maate yaawä yäätä coíjaícho ämjado'joto'como döötä."⁴Yääjä'jeje, Josué cöna'deejaícho ñanno amoojadooto de'wä aacä'como töne'tä'jödö; Israel weíchö toonishai chääwa'däiöe äneetoichodö. ⁵Chäwwäiñe Josué cönä'döaacä: "Cajiichana Awaanadiiyöcoomo wä'cammajö'dö ewötö owa'jo ojoncomo Jordán anna'wäne. Awaadäiñe täju anannä' täcä omootaichomo de'wä, amoojadooto de'wä aacä tuju yeichö wetä, israelita ju'jäcoomo naadö'cäwa'cä.⁶Edää ätö'tato'comooje naa'de, yaawä äcuude edääje änna'contoncomowwä adheecamma'ja'comjäcä naadönaane': ¿Aaqueene töwä' dö'se yeíchö mäda täju awwä yeíchö? ⁷Edääje ä'döjai maato yaawä: 'Tuna Jordán cöneedhatoocai jatuuwa cajííchaana wä' cammajö'dö ewötö owajo, yaawä Jordán cwa'wäimäädä cöneja'dätäichawä tuna Jordán cöneedhatoocai. Mädä tuju na yeichöje israelita tö'tato'comooje yää jenaadä yeeja'dätä'jödöjäcä."⁸Ñanno cönnöícho yaawä Josué wwä ta nontä'jocoomo nönge, tönwanno amoojadooto de'wä aacä täju cönnancuicho Jordán anna'wä'nee, Josué wä cajíí chaana cö'ne'camma i chöje. Tooníshai israelita ju'jäcoomo naadö' cäwä'cä. Yäätäju cönaadäícho yaawä töweejata'toto'como döiña. ⁹Yääjeje Josué cöni'juuma täju amoojadooto de'wä aacä tuna Jordán annawääne, sacerdote wedena'como cönäja'dö dö'tä. Eduuwa na'dö jooha tödöene yää ñiju'mmaju' como yäätädäna eduuwa.¹⁰Ñanno sacerdote, Wanaadi jatuuwaí dha'me cönä'ja'todö, yäätäädä cönä'ja'to Jord'an annawääne, israelita wwäiñe tödöötaame tameedä Wanaadi waanontä'jödö, yää Josué wwä cöneecammaichö, tameedä Moisés wanontä'jödö mmaja. ¹¹Soto tamjäine cöne' dätoicho yaawä.¹²Rubén weichö, Gad weicho, Manasés annaichocä wacä conejadotoicho Israelitadomo owajo tawewa¿änätamo nöngne cönäjato, Moisés cönädöadöje chawaiñe. ¹³Cajichana Wanaadi emjatawä (cuarenta mil 40000) sotocomocwacä chöimöngue yädöacomo töwewänätamo Wanaadi emjatawä cönejadotoicho töwewanätädöcomowetä nono acanajato jedicoñano nono dö dewä. ¹⁴Yää anoto cajichana Wanaadi Josué tacade connoi Israelitacomo emjatawä tönnonto cönäjato, Moisés tö´nnontä cönäjatodojemmaja nudä yeichö Wanadädä. Tönnönto cönäjato. Möises tönnontä.¹⁵Yääjeje cajichana Wanaadi cönadewö Josué wwä: ¹⁶Anontocoto canno Sacerdotes arca adännamoje natoodö, yejacadö comowötä jodadan ñaanno que cönödöacä.¹⁷Mädäye Josué cönanontäi Sacerdotecomo, cönädöacä: "adhejacatäjodadan jodadan ñaanno que cönädöacä." ¹⁸Yawä ñanno Sacerdotes cajichaana Wanaadi nödödö arca adännamoje cönäjatodö cönejacaicho jodadaiñanno, yejacadöcomojedeamma ijuducoomo nono Sedejato conetajaicho yaawö tuna jodadan cönäjadöjemmaja cönädöichea acachea anoto owajo cönäjadöjemmaaja.¹⁹Ñanno soto cönejacaicho jodadan ñaanno amojadä anototoai Diez 10 yeichö awadenato nunä. cönädöicho yaawä Gilgaiña jedicoiña shi wejacatojo dööse. ²⁰Amojadoto dewä acä tojucadaichomo cunucaichodöö jodadan ñaanno, Josué cönnöy Gilgaiña. ²¹Towö cönädöaca Israelita wäiñe wawö äwäjimmatädö tömötonco'mo ecammajajäcä ocude "¿Aqueneto ediä tojuco'mo määdä?²²Edääje edeje adötäcade chäwäiñe: "Edääi Israelita quiniyätoicho jodadan ecu'du tujuduuco'moque nono sedejatoai dewä." ²³Acajichamei Wanaadi jodadan e'cuudu cöönsedenamjööi owonoje, awedätädöwetää sedejato dewä yääje maja töwödea acajichanaai Wanaadi cönnöchejeda yää (daamää seweichato), towö Wanaadi cösedenamjöi cöjäcänchädaiñe cöwejadätädöco'mo watää. ²⁴Määdäje, tamedä soto towanäcaiñe cödöato cajiichaana Wanaadi jodujatoje yeicho änwanno mmeja acajiichaanaichono Wanaadi ashicha todötoojo äwaiñena jeichöje.

¹Yaawä amorreos cajiichanaanaichomo, ñanno tuna Joodadan dö'se cönä'ja'todö wäiñe eta'jäcä, tameedä cananeos cajichaanaichomo, Mar Mediterraneo ña cönä'ja'todö wäiñe eta'jäcä mmaja, iyää Wanaadi Joodadan inshe'namjö'dö, Israelita we'dätäädöcoomo wetä, shaadöcoomo cöneejä, töweewä'täse'daiñe tödöene, Israelitacoomo nontädööje.²Iyää anooto Cajiichana Wanaadi cönä'döaacä Josue wä: " Täju cömö'cäje ännöcä, tameedäädä dhanwaacomo Israelita circuncidhaaje tödööjocooto'de yaawä" quee cönä'döaacä. ³Mädääje Josue täju cömö'cäje cönnöjoojätöi, circuncidhaaje cönnöjoojätöicho yaawä tameedä dhanwaacomo Israelitacoomo, colina de Aralot ña.⁴Edääje yeijäcä Josue circundhaaje ñanno cönnöjoojätöicho: tameedä dhanwaacomo Egipto ñanno cöneeja'caichodö, yä'jajo'jocoomo weijäcä jata jemjönö aca Egipto ñanno töweeja'ca'jejeiñe. ⁵Circuncidhaaje tödööe yeijäcoomo yeichaame ñanno tameedä dhanwaacomo Egipto ñanno cöneeja'caichodö, ñanno tameedä mudeshichä jata'jemjönö aca cönennuichodö mmaane circuncidhaaje tödööe'da cönä'ja'to⁶Israelitacoomo cönoojoimaicho jata'jemjönö aca cuarenta añoto'cäwa'cä, soto cönä'jajoicho dea yaawä ñanno tameedä töweewänä'taamo cöneeja'caichodö Egipto ñannode, Cajiichaana Wanaadi a'deddu woije ännö'da yeijäcoomo weijäcä. Cajiichana Wanaadi ta'deddu cuntui yaawä nono aneenejo'da töweichojo chäwwäiñe, iyä nono ñeecammadö cönä'ja'dö dhadaijocoomo wäiñe, inñataaje natö wa'tatoojo ñano, inñataaje äcöönö inñejencatoojo ñano mmaja. ⁷Ñanno nacoomo'jödö janñoone Cajiichana Wanaadi circuncidhaaje cönnöjoicho Josue wwä, circuncidhaaje tödööe'da yeijäcoomo weijäcä jata'jemjönö aca cönoojoima'todaawä.⁸circundhaaje tameedä töwä'döja'jäcäiñe, tä'sacaiñe cönä'ja'to yaawä tameedäädä, töwääjöchö'tädööcomo'cä wa'cä. ⁹Cajiichana Wanaadi cönä'döaacä yaawä Josue wwä: "Edä anooto awä ema'jödööje äwä'döjoodöcoomo Egipto ñancomo wä wacoichaja" quee cönä'döaacä. Mädääjeene eduuwa yää Gilgal ñanooje chäätö na, eduuwa naadö jona tödööene.¹⁰Israelitacoomo cöneejata'toicho Gilgal ña. Celebraaje cönnöicho ääma'da wei'jä anootoichädö, amoojadooto de'wä acäichea anooto yeichö, cho'mamöödawä, yäätä yeejataata'como cönä'ja'dö dö'ta acaanajato Jerico ñano de'wä. ¹¹Yää jenamma yaawä ääma'da wei'jä celebraaje tödö'jeje, yää anooto awä dea, cönääwashinchoicho yää nono de'wäno äwanshiche, pan levadura'jemjönö cönä'jaacä, änña shaddaajä mmaja.¹²Iyää anooto awä mmaja, mana töwä'medö cönä'cai, yää nono de'wäno äwanshi ameea'jäcä chäwwäiñe. Mana cönaatamei yaawä Israelitacoomo ewanshöyööje cönä'ja'dö, yaawä'ne yää wedu cönääwashinchoicho Canaan ñano äwanshi yeeja'caajäque.¹³Josue amoiche'da yä'döa'jäcä Jerico ñano jäcä, töwö ene'madö cönaajäntäi, cöneeneaacä yaawä tooni dhanwa towaajo, yaanöngajä jiidi, töcöömöi dha'me. Josue cöntämä yaawä chäwwadäädä, cönä'döaacä: "¿Iñaa jadääca manä, iñaa tu'detomo jadääne manä? quee cönä'döaacä.¹⁴Töwö cöneccujä'acä cönä'döaacä: "Ajaadoncomoojönö öwö, ätu'de'tomo jadoncomoojönö mmaja. öwö ñäädä Cajiichana Wanaadi sotoi edhaajätoncomo. Yääje yeijäcä weejä sadä" quee cönä'döaacä. Yaawä Josue tä'mudhe cänä'döi töjeecaichöque noono tajoojoone ije'taca, tönoiñe eneedöque, cönä'döaacä yaawä chäwwä: "Yaanontäjätö'se aweiya'jäcä, canontäjä'cä, osootoi öwö." quee cönä'döaacä. ¹⁵Cajiichaana Wanaadi sotoi edhaajätoncomo cönä'döaacä Josue wä: "Asaajatui u'cacä, äwätajaajä naadö dö'tä nossaje je'da weichojo madä", quee cönä'dööacä. Mädääje Josue tösaajatui cunu'cai yaawä.

¹Eduwa, Jedicónñano womontojo mönaatatacoomo cönatadujätöi isdaedita töwenätamo jacänchädänñe, ane'ja ejacajaicha cönäjacä, ane'ja omonjacjammaja. ²Töwö Wanaadi Josué wä cönädöacä: "Ätö'tä'cä',a, Jericonñano adhenwawä untujödö chädhajontocomo mmaja shotoichomo töwewänätamo judujacomo maja."³Jata awodhecäcä ä'tädö como tujunne'na, ñanno dhanwa'como towewänä'tamo wö'ta'tode jata awodhecäcä anoto wadäi. Acä amojato ewacä mädä tödötäcäde. ⁴Acä amojato yeijocomo ñanno Wanaadi wä töwade'wamo acä amojatonmaja carnero detaichomo'jödö tätöe'mö chawäinñe adädö tujunne cönäjacä jatua. Adännamo owajo. Acäamojato anoto yädöa'jäcä awodentä'cäde dhaeodecäcä acäamojato'de, yaawä ñanno Wanaadi' wä töwadewamo netönñatode iyä tätö'emo⁵Tönwanno iyä tätö'emö carndo detaijödö numache netuña'to'de, yawä etödö chäwänñe yätajäcä tamedä soto juduje nichätömönña'tode, yawä ichudadachäjöö'dö wejucadö weetä. Yawä ñanno Israel nacontoncomo, niwää'näta't'de, töwadänñe chäwadädänñe nöta'to'de."⁶Yawä Josué Nun ne'dö, Wanaadi' wä töwadewamo wanñe cönädöa'ca: "Jatua a'däta'cä iyä Wanaadi wäcammajö'dö, Wanaadi' wä töwadewamo aca' amojato nenñato iyaä carnero detaichomo'jödo tätö'emö adäyeto Wanaadi wäcamma'jödö jatuwai owajo adäye'to." ⁷Madäje soto wänñe cönädöa'cä: "Ojoncomo awodhentäcä jata awodhecäcä, ñanno dhanwacomo töwewänätamo nötä'ña' to'de iyä Wanaadi wäcammajödö jatuwai owayo."⁸Josué töwänñe yädöjödö nonge ñanno soto, acä' amojato Wanaadi wä töwadewamo cönadocho acä amojato carnero detaijödö tätö'emö Wanaadi owajo. Ichädöcomo wadäi iyä tätöemö cönetöa'to. Iyä Wanaadi wäcamonajödö jatua inchäcädänñe cönadä'a'tp tönwanno. ⁹Ñanno dhanwacomo töwewänätamo Wanaadi' wä töwadewamo owajo cöntato, tönwanno cönetö'a'to iyää tönetödäcomo, ñanno Wanaadi' wä töwadewamo cöntato iyä jatua Wanaadi wäcamma'jödo adädön cäcä tönetödö'como wenñaje etöancädä.¹⁰Yawä Josué cönanontocho ñanño soto, cönädöacä chäwänñe: "Tacadeda awodhentäcä, acatönto'como anotochädö öwä ecammadöcwacä. Yawäne acätömödö comomma tödöjaí mato." ¹¹Mädäje Josué cönnöi iyä Wanaadi jatuwai cömjacai jata awodhecäcä toniemma iyää anoto awä. Yäjeje tönwanno cönomomö'chä töweichocomo taca yätä coijaicho cömjadojoicho.¹²Yäwä jednadädä yawanadawä Josué cönäjäi yawä ñanno Wanaadi' wä töwadewamo Wanaadi jatuwai cönadocho. Ñanno acä amojatoto como Wanaadi' wä töwadewamo cönadä'a'to'dö iyä carnedo detaijödö tätö'e'mö, Wanaadi jatuwai dowajonñe cänadä'a'to, äcumejä tö'da cönojoimato, töshiwoichomo etöancädä cöntato. ¹³Ñanno töwewänätamo juduya'como dhowajonñe contato, ñanno anejacomo mmane iyä jatuwa Wanaadi wacamma'jödöncäcä cöntato, iyä tätöe'mö cönätacä wenñäje. ¹⁴Yäjenamma nadöje jaata awoodhecäcä cönawodhenmöncho toniye, yäjeje cönennacaicho töwecho'como donña. Mädäje tönwanno connöcho acä amojatoto anoto.¹⁵Yawä acä amoja'to anoto yädöa'jäcä shii we'ja'cadö owajodä jenadädä'cä cönäjoicho, cöntonto yawä jata awodhecäcä töwawodhenmödö' como wetä awade connöchodöjd mmaja, yawääne acä amojatoto anoto ewacä cönawodhemöncho. Iyä anoto awä tönwanno cönawodhenmöicho aca amojatoto' cwacä iyä jaata awodhecäcä. ¹⁶Yawä acä amojatoto anoto yadö'a'jacä, ñanno Wanaadi wä töwadewamo tishiwoichomo cönetöicho. Yawä Josué cönanontoicho ñanno soto cönädöacä: "¡Äcätöntäca! Eduwa äwanñe Wanaadi nutui edä jata."¹⁷Wanaadi canontätäne, tamedädä jata como, tamedä dhacancomo mmaja, acocha'jo'tä'de. Ñädä Rahab'mma masudwijato manematäiche tamedä ñanno chäsacomcomo mmaja. Ñanno dhanwacomo cönennojajo'como etonetäjocomo weijäcä. ¹⁸Änwanno maane, odhowadadanñe eichacä iyä tödöjä'a'jä yonomjä'töjöjöjäcä, äwanñe iwänätadawä, annödö'cocojemma männötäche. Määdäje tödöajä'cä, conemjönö äjäcanñe nade Israel weichöjäcä yäje yeijäcä tamedädä acochajodö tujumne'na. ¹⁹Tamedädä iya jödaata, oro mmaja wodonce tödö'jä'a'jä mmaja saja'dadichomo mmnae tödäje tödödö tujunnena Wanaadi wä tuemöje. Mädä äwanñe adädö weta Wanaadi wwä u'a'jä shomatojo taca."²⁰Yawä soto wänñe iya tätöe'mö yäta'jäcä, tujuma tameda concätömöncho yawä iya imududu'chomo cönejucai tonwanno cönomomöcho yawa jatacä, sadonna töwadäñne cöntonto chäwadädäñne. Mädaa'je jata töwän'comoje cönnöicho. ²¹Tamedädä cönacocha'joicho soto ñanno iyä jatawa cönäja'todö tösadächo moque, dhanwacomo wodiinñamo mmaja, mödeshi mmaja incho como'cämmaja, chäcönöcomo bueye mmaja, oweja, burro mmaja.²²Yawä Josué cönadöacä ñanno acä dhanwacomo nono emmenca cönatanontojoichodo wänñe: "Masudui esa'ca ojoncomo. Ucata'cade ñada woodi tamedä ñanno chäjada natodö chäwä mädöaquennö jedea."²³Mädaje ñanno äjömanö como nono emmecanna' mojödö chäsa'ca cönomo möicho Rahab ucadö wwetä. Tönwanno yömö'cä yenö'cä mmaja dhacontomo maja tamedä ñanno yäjimmä'tädö chäjadä cönä'jato'dö. Tönwanno cönadoicho anenñeja isadaedita weichocomo cönäjadö dönña'da anenñaja. ²⁴Jata cönñacwacho tamedä dhaca cöna'jadö. Jödatamma odo mmaja tödöjä'ajä ewötö vodonee sajadadi mmaja cönsomaicho Wanaadi wä täjenjönö wajä shomatojo maa taca.²⁵Mädäje Josué cönewanacai ñädä Rahab wodii masuduijato tameda ñanno yäjimmätädö mmaja, amädä yeichö'como wetä. Eduuwa nadö jona tödöe'ne isadaedita como jadänñe dhadaichö como nato, ñanno aca dhanwacomo nono emmecanamo Josue anonö etonetä'jocomo weija'ca Jedicó nñano emancanna'mo'jödo.²⁶Mädaje yawä Josué tadedu cuntui cönecamamaichea cönädö'acä: "Coneda ñädä dhanwa na'de etä jata amäa'jä'cä Jediconña. Awadeto inñedö imududu amotojo ewacatojo aca nätämaja'de dhaconocammane inñatatajo näma'de." ²⁷Josué jadä Wanaadi töweiye cönäjacä yawä tamedä jata weichö wacä chöötö tacade cönaja'cämono de'wä.

¹Yaawäne ñanno Israelitacomo chänöngejönö cännöicho iyää tödöajä shancwajajä acoichajotocomoje eijaicho cänajojoicho. Acán, Carmi nedö, Zabdi nedö, Zera nedö maaja, Judá weichö, quencicho iyää inñödöcomo shancwajö, yääje yeijäeä CAJICHANA WANAADI cänätömai Israelitacomo jäcaiñe.²Yääjemma yawä Josué ñanno dhancwacomo cönennojaicho Jericoñanno Haiña, tödöene, yää cänöjacä Bet Avén jäcä amoicheda shii wejacatojo sudawawä. Edääje töwö cänödöacä: "Ojoncomo enetantäcä iyää nono." Mädäje ñanno dhanwaacomo cäntonto Haiñanno cäneneato yawä. ³Yaawä tönwanno cänennacaichodea Josué döiña cänödöato chääwä: "Tamedöda soto ennojacoto Haiña. Acä mide o aduwawämiide mma ennojacoto Haiñano yänötädö wetä chäwäiñe. Tamedääda dhamma chadawacajocotode iyää wäänö aca. Wannadamma töncwanno nato.⁴Mädääje yaawä aduawä miide tocwacämma cäntonto ñanno töwewänötamo, yawäne tönewanno maane cänönejeicho ñanno Haiñancomo dhanwacomo nontädäcomoje. ⁵Ñanno dhanwacomo Haiñancomo cänmajoicho toni sototo dewä amojadoto dewä toni amojato (36) dhanwacomo towewänätamo tönwanno cänajecaicho iyää jaya natatadö Sebaim jonno, tääjwjano jonaa tödöene yawä tönwanno wäätänöje cänöjato jöö jananno yäätö cänmajoicho. Mädäje ñanno soto tösade cönajato täwanöcomo jadädä cänejäducajoichodea.⁶Yawä Josué töwomö cänshiichai. Töwö, ñanno maaja inchoncomo Israelita tujujocomo decäcä cännöicho yää wedennäta, Wanaadi jatuai jetaca tämudhe cänödöicho yäätä cänöjato chomomädä jona tödöene. ⁷Yawä Josué cänödöacä: "¡CAJICHANA WANAADI! ¿Anecotojo canno soto waiñe Jordán miyääjone? ¿Mädäje ñaautudu weta canno amorreo wäiñe ñaa jajodä wetä? ¡Jordán mänsemmo deammane ononmojai ñaa cänöjacä!⁸¡CAJICHANA! ¿Aaquene ädööjai waanä, eduuwane daja Isadaditacomo töwäcanacajonato cänönejeichodea tutudetännamo owaajo queja? ⁹Eduuwamane tamedä ñanno cananeocomo tamedä nono dewäncomo maja etataicho ñaa jäcäyejadötöjödö. Tönwanno ñaa awodentatode mädäje tönwanno nödöatode ñaa etöjäcä yencuachöjödöcomo wetä tamedä ñanno soto edä nono dewoncomo. Yääje yeijäcä, ¿anecämö mädötai edduwa amädä adetö jäcäichödä?"¹⁰CAJICHANA WANAADI cänödöacä Josuewä: "¡Anöncä! ¿Anequenei tämudhe maanö ajedö nono jäcä tajojone? ¹¹Conenjönö töwacä Israelita cännöicho. Tönwanno yadhedu ännöda cäneiyato iyää wanontöjödö. Yää shomajä cänöjadö cänemenmäcäicho. Tönwanno cänemenmöicho yää dewä maajajene töconenadiyöcomo cänmomedoichodea, yää tämenöcomo tönnöjötödöcomo jadä quenejodöjoicho. ¹²Yääje yeijäcä, canno Israelita tutudedöcomo chanacajaicha naato. Yääje yeijäcä cänönejeicho tutudetönnamo jonnoiñe, tönwanno deamma cänejodöjoicho töwatametocomo. Yawäne ajadäiñe waade, iyää tödöajö anetonetädäcomo naadö chonemajocä¹³ianäncä! ematäcoto canno sotoi eca'macä chäwäiñe: jena'matoje yesomajötädäcumo wetä ecocaiyetode. määdäje cajichana Wanaadi nädöa Israelitacomo wä "adantawäiñe dea na iyää ´tödäajö" shomajö cänäjadä ñanno acoichojotocomo Israel ewänötöjaichadea nato ñanno tutudedö jadäiñe. töweiñe yyää tödöäjä samajö cänäjadö utuducäwacä imyää acoichöcomo.¹⁴yääje yeijäcä jena'ma tamedä yeichöcomo tuja'ne naato soto adaichöcomo wadäi cajichana netadö täwäji'mätädäjadä yejödä tuju'nena. Ñanno cajichama netädä tämedä dhanwacomo tonishai yejödöcomo tuju'ne naato. ¹⁵Mädäje yejadotojona ñädä etajö iyää tädäajö emenmecajö chäwä yeiyajäñäädä yacwadä wetä töwäma jöno chäsadä, tamedä chäwä madää maja cajichana töjadaiñe yeichö jonno yäsacwajojödä wajäcä, cone'jö´nö´maja tödöjödö weijöcä Israel antawaiñe.¹⁶yäje'ma yawä jenadäne Josué cänöjöi jenadädäcä, cännejoto ñanno Israel amoicheda tödöene dhadaichöcomo wadäi yäje'ma yawä juda atödä cänätotojoi. ¹⁷Judá wäji'mätädä cänejöto Josué amoicheda tödöene, Zera wäjimätödä maja cänetoichodea cännejoto tomishai Zera wäji'mätädä: Zabdi cänötogoichea. ¹⁸töwä cännejoto Zabdi wäjimätädä tonishai soto maja, ñädä Acán Carmi nedö, Zabdi medö maja juda weichö cänetoicho¹⁹Yäje'ma yawä Josué cänödöacä Acán wä önnedö chönnöato'ma eca'macä cajichama Israelita wanadicomo jetaca, äca'macä echäwä Por favor eca'macä ¿anecämä mädäne? monojenä. ²⁰Acán cäne'cwäjötöi: chänöato mädä cone'jönö Edä iyö ännöjödä: ²¹Yawä wädäntöne shamajö camisha dewono Babiloniañano iñataje, acääto cäcwacä jädata, Oro tödöajö maja inyötamiñe yeichö cänöjacä kilo anaichocäawacä, wenemame wajäiñe yawä. mätä metonetödöna monoaca campamentoiamawäne, iyöä jadata dhonänä."²²Yawä Josué tösotoi cäne'nojaicho, eänccatömöicho campacuto inyödö aca yawä yöta cänöjacä iyää tödöjöajä. cäne'mencaicho, cänedanfoicho etonetajä iyää campamento iñödö aca, iyöa jadata cänajacä dhonö. ²³Töwanno cänajoicho iyää tödöajä cänäjadä Campamento annawöne, cännejoto yawä Josué döiña, tamedä ñanno soto israelitacomo döiña, tönwanno yäötä canamichaicho cajichana jetaca.²⁴Yöje ma yawä tamedä ñenno soto iraclitacomo Josué judä cänöjato, cänajoicho yawa ñädä Acán Zera nedö, jadata, camisha, oro inñacomo dhanwacomo, wodiñamo maja, chöcäntomo jaca, mula, oveja, oveja, chösadö tamedö chowä cänöjadä tamedädä cänadoicho inñä valle de Acorña.²⁵Yäje'ma yawä Josué cänö´döaca. "Anecotojo mädä añña wadädä menene cone'jönö, chajichana nenc'ade cne'jönö äjäcä eduuwa tödö'ene. Tamedä Israel täjuque töwöjötödö cänajätoicho cäiñacwaicho yawä. ²⁶Mädäje tönwanno yewä cännöicho yötäna cänäcai tädecwade töwcichö jonno. Mädäje yeijäcä eduuwa tödöene iyää etöna valle de Acor.

¹töwö cajichana cänödöácä Josué wä: "Tasadeda eicho, ejöduque jöda maja eichödes. Tamedö ñanno soto töwewönötamo adocoto ajadä. ädhänu'täcä. enecäma, öwä wune cajichana Haiñano. iyää jata mono maja. ²änwanno mädöato´de jericoñano jata mödötänecdöje dea, chajichanaichomo mädötöhedäjé maja. Eduuwamame adöjai mato inshomadöcomo'jödö chääcönööcomo'jödö maja ännödöcomoje. jata cadecäcä adheconecatöcä minñöshiehätäiye"³Yääje'ma yawä Josué cänämatai tamedä tösotoi töweewänätamo jadäiñe Haiñano jata äwänötödö wetä. Yawä Josué tösotoi cänmencaicho 30 aduwa'wä midetocwacä (treinta mil, 30000) ñanno dhanwacamo jädajacomo jädujacomo dhea'ma coijai che'amma töwö cäne'nojaicho. ⁴Edaje töwö cänödöacä Enetöca'ma, cänwano quinñoshitäiye mädä jata inchadecäcä cäweichöcomo que. Amoiche'ma mätöiche jata jonno, chönönge töwödöedhe'mma eichöcä.⁵öwö ñanno maja jadä natodö iña nötade jata ca. Yawä iña wadödä yejacaco'möcä. yawä iña wadödä yejacaco'möcä ña wönötödö weta iña necatön'adhe töwänejedä wetä chojo'noiñe. ⁶Tönwanno ñaa ajecatodhe, jata jonno amoiche ñaa wödödö jonane- Yawa tönwanno nödöatode "Yönejedöcomo määdä cänontädöcumaje awadene cänöjatodöje'maja" yäje yeijäca quecatöntöiye cänejetöiye. ⁷Yawä önwanno adhejacatode owotonetacomo jonno. mädöje majöiyatode iyöö jata. töwö cajichana Wanaadi nuadhe öwöiñe iyöö jata.⁸Yawä äwäine iyoöä jata chanacajöcä yacwatöcäde yawä. cajichana neca''majädä nöngedea. mädäje'ma wädose wöjanä. ⁹Josué cäne'nojaicho cäntonto yawä towä töwennoshichotocomo döiña, yäätä cänotonetoicho yawä Betelñano Haiñano yeichöantawä, iyää jata haiñano jäcä shii womontojo judoiñe.¹⁰Josué mame yää jenamma naadöje tööjenacadä cönäjai, mädäje chönönge tösotui töwödoe yeichöcomo cäne'mencai. yääjeje Josué, inchoncomo Israeldañancomo, cänwänötoicho iyää jata Haiñano. ¹¹Yaawä tamedä dhanwacomo töwewönötamo chääjadö cänöjatodo jata wadädä contonto. yäädä cänejatatoicho yawä, shii weja'catojo suda'wawä ämu'demjönö dö'se. Yaa cönäjacä acaanajaato, jöö antawä, Haiñanojata je'taca. ¹²Töwö täjadö tösotoi cänetoicho o ijaatodea miide. yätä eönnöicho wennoshichönöje, Betelñanoäcä Haiñano yeichö antawä, jata jäcä shiiwomontojo döse.¹³Tamedä töwewönötamo cämatatöicho ñädä chädajotoncom cänöjacä shii wejacatoja suda'wawä, dhantai töwewönötamo mane cänöjato shii womontojo döse. Josué mame iyää coijaicho cänmadojoi acanajato awä. ¹⁴Yäje'ma yawä cafichana Haiñano cäneneato ñanno Israelitacomo we'juuma'como. Yääje yeijäca töwö cönejacai yawä iwänätäiñe, yätä Jordán nacwatädö jetaca. Töwö dhowanä cäda cänöjacä jatancadedö wennoshichänöje yeichö como.¹⁵Yawä Josué tamedä ñanno Israelitacomo yöcanacajojöcomo nönge cänencutoicho cänö´nejeicho yawä dhowayoiñe jata'jemänä aca. ¹⁶Yawä iyää tamedö jatawoncomo cänatadejajoicho ajecadöcomo wetä, Josué ajecadö weetä yawä, mädäje cöntonto amonche iyää jata jonno. ¹⁷Tonichö dhanwa ononjoda cänciyacä Haiña, Betelña maja. Israelita ajecadööcomo jäcäichädä, mädäje iyää jata cännömoicho taduqueda.¹⁸Yawä cajichana cänödöacä Josué wä "Asucujiyo adenwawö nadä ijotötäcä Haiñano wadödö. öwö wuade Haiñano" yaje'mma yawä Josué tösuucujiyö tönwawöcönöjadö cömjotö'täi jata wadödö. ¹⁹Yawä ñanno sudaocomo yätä yutonetacomo cänöjatodö inñoshichädäje, tamjäne cönejacaicho iyää inñadädä iitötädä ene'ajäca, töwaiñe. tonwanno cänecatömöicho, cönomomöicho o yawä iyää jataca, yawä dea mma jata cänñacwaicho.²⁰Yawä ñanno dhanwacomo Haiñancomo cänöjedenacaicho, cäneneato täncadedöiñe. cänedantoicho wedeichö wejacädö iyää jata acanno, cajuña dädä quenejacacä wedeichö mädäje yönejetocomo jeda cänödöjoi. Mädäje ñanno Israelitacomo Soldados cänönejeatodö jata jeimänö acä cänennacaicho dea yawä iwänötödöcomowetä. ²¹Josué²²Ñanno anejacomo sudao Isaraeritañancomo ñanno cöno cönejacäicho yänäfanñe ñanno dhariwacomo hainñancomo yätan como cönäjajicho sudao Isadaeritacomowa annejacomo esento dhantaia ai manse nnammaja jhantai, isadaerita cöneonotoicho hainñancomo tonichä ö detodanconeinyacä änejadam maja. ²³Ñadämma nudä cönnöncho cajichana hai ñandma ñada cönajaichadö cönnejoto Josué Jeteca.²⁴Yawa yä wejadätajäje, Isada'edita cöna coichajö soto töjajodöcomo haiñancomo jatadö yä jatajemajonö amoncheda cönajecaichodö, tamedädä yäcädöcomo dönñasucurji cöneinscsicho haiña, tönwanno cönwonoteicho sucujiche. ²⁵Ñanno itä anoto cönejucaichodo dhanwacomo wodiñamo'maja , cönajato amojadoto dewä acä mide, tamwdä haí jata oncomo. ²⁶Tajädö anenötädä Josué cöneiyacä iyä sucuje tömännajödö ariemajoda co'neiyacä Haiñancomo acoichapodo janne²⁷Yawa ñanno Isawrita'como tacönöcomije cömnöicho chäcönöcomoje cömnöicho chäcönöcomo jödö, mädäje töwö cajichana cönanontäi Josué. Madäje Josué cöiñawai Hañanco jata yeichödaje tamäda yeichöwet madäjetöwö cajichana cönanontäinJosué. ²⁸Madäje Josué cöiñawai Hañanco jata yeichödaje tamäda yeiwetá madäje iyä jata cönetämaicho. eduwä nadö jona tödöene.²⁹Yawä ñadä cajichana haiñano ñadä cajichana Haiñano cömjoncö caicho de ajadäi tödödöjo, chomomomödö jonane yawä shiwomomödawä, Josué cönanontäi cajichanä equejödö enötä chuta jocomo cönemaicho yawä iyä jata natatajo. yätätoju quiníjummaicho chäquejödö deedä madaje chuta täju jato yatädäna eduwa nado jana tödöene.³⁰Yajema yawä Josué cönö saqrificio dötojo cajichana isaraerita'cama wicnadöyö wonojw, Evaijödo dewä. ³¹Ñädä chanenaata cajichana ononö Moisés mädaje wanontanä cönnöi ñanno isaerita comowaiñe mädaje imennajä cönajacä wanontanä ajedaichadö jacä iyä Moisés ninajödö. saquidificion dötoro tödöjamatö taju yajödäto ewacäjönö que sejadadiche chonecajä jönömmaja. Cajichana wonoje ofrenda cönñawaicho aneje saquificio maja connöchodea, iyä ashicha weña cutädö. ³²Yadä soto nenedöcomoje. Ñamno cönmeiñä toju jacä cönejoincäi moisés wanontasö.³³Jäjemma yawä isaraeitañancomo. cajichana como maja Wanadí jatuwai dötä, yää yäcammäjödö imennaajä ewötö, sacerdote enwawä cönajadö Dhantai jatuwa wesedä cöñä'jaito, Ebal'jödö dösedaja ajicato chäjacnñe cönnöicho iyä isaerita jatacooncomo.Moisés cönanontaiche jedea, Wanadí yäje cönahonta'i.³⁴Yää¿jeje Josué tameedä wanontäjä imennajä cöna'de'tä; yawä, yää jajedä jäcä nnadö töwö cöna'detai aashichato we'jödö maja conenmojörö wei jödömaja mädaje yä jajedä wanunntädä jajedai'chadö imema'ja' cönäjacä, ³⁵Tamedadä Moisés wanontäjödötöwöcöna detoroi anäntaiñoncada. Tamedä isaraerita comonejräöjona maja.

²Yääjemma yawä yää nono de'woncomo cajichanacomo cöneetaicho Israelita yäcaiñe yeeja'to hitita weichö , amorreo mmaje cananeo, ferezeo heveo, jebuseo maja. ¹Yatä cönenumäicho maa tawa Josué wänätotojo jacä isaraeta maja.³Yawä cabaón ñaneoma cö´neyaicho jericöña Josué nödö'jödä haiñancono maja. ⁴mädaje tönoanna cöntätamme, cöicho töweichocomo. tamon'täamo nön'ee tönwanno cñncwontäjatöicho, camisha jenadojocomo awä täcönöcomodewä cönnoichosacu jenadojo. Jenadojo wino ewötöjödö cännöichodea yecone'majatöjödö atäjäaajä maja. ⁵tösajatuchamo maja cönewaicaichomo maja cönewacaicho dea jenadojo shojo ajä maja towomöcomö qwajenadojo awa'nemoicho tameda iyä yudacomo snawashinö como tösadtahäe cñnojace camadaje'maja,⁶Madaje tönwanno cöntonno Josué wejatatajä cönä jadödöiñä Gilgaiña tönwanno cönadöato Isaraeritacomowä: amonchanno iña nejä yaje yeijäcä ajadäiñe töwadeuwöseiñanä otödedö eda cöweichöcomo weta. ⁷Yäjemma yawä dhanwacomo Isaraeritacomo cönädöato ñanno Heveo wäinñe: sadoncomo jeíñenma anwannö, ämoncheda iñajäcä. aquene majä otudedö jeda cöweichocomo iña adeufätödödedez. ⁸yawä ñanno cönadöato Josuewä adanonöcomoje iñana; yawä anäcamo ¿änwanno? ashánno ¿ metäne?.⁹Ash'annu ¿metäne? tönwanno cönecoato yawäiña cönejä, sadä tödöene acajichanaí Wanadí ecadö etajäcä. Ejitonña inñöjödö iña cönetai, ¹⁰Awäiñe Amorreo cajichanaíchomo töjajojo'como maja Jordan manscmjo, ñanno Sehón, Hesbonñano, Og maja Basanñano, Astarotña ijatadö cönajadö¹¹Yaje yeijacä iña edhamo inchoncomo iña ennojaneto, tamedä iña nonodö dewoncomo maja, eaaje cönadöato iñawä: adewanshiyö como dame amatätäcä, tamedä ätädawaiñe tujunnato dhame'maja, chajadänñe adhnuma'täeade edäje caichacade osotoi iña yajeyeijäcä adheconecatäcä iña jadä. ¹²täsacanno iña cönejaichawä sädä töwejödö wetä. eda iña udu cöna'jacä ecaweno hoje eduwammane, tötäijamma ena töcamada maja. ¹³Edä vino ewötö tödöenoje cönäjacä awadene adötä dawa. enecäma eduwammane töweshijäena iña womö, iña zajatni maja, töwatame'jäena amonchanno iña wejöjödö weijacä.¹⁴Yañanno Isaraerita cönunejaicho chawanshiñö como cajichana ecammajo'döjodä. ¹⁵yajemma yawä Josué cönnöi yancanoneda chajadänñe töweichocomo chäjajadöiñe oludedöjeda tñweichocomo cönecammi'chea töjaemnejada yeicho'como maja, ñanno soto edhajotoncomo maja cönäcammai'cha chawañe.¹⁶Yawä aduwawa anototoai Isaraerita Wadewöjocomoje chajadönñe, towanacaiñe cöinöicho amoincheda töjäcäñe Yeichö como. ¹⁷Yäjemma yawä aduwawä anutotoai Isaraeritá cöntonto ijatacäiñe iyä ijatada como cönäjacä Gabaonñano cafiraña, Beretñano, kiriat.jearimñano maja.¹⁸Ñanno Isaraerita töjajaiñeda cönajato chädhajotoncomo jadañe töwäcamma'jocomo werjaca cajichana Isaraerita coneda töwadeuwö'como jacä. ¹⁹Yajamma yawä chädhajutuncomo cönadöacä tamedä sotowaiñe: cöncuanno cäcammatäne cöcajichanachomo Isarael Wanadíyöcomo atöjoí yaje yeijaacä conenjönö tödöjaicha cato eduwa.²⁰Edä cödöatode ehäjacaiñe, conenjöna Ejadätäda yeichö wetä cöjäcaiñe cade'ducomo utujödö yeijäca cöwäiñe; nudä cödöatode. ²¹Cajichanacomo cönädöato tösotoichomowä "nudääneñato" yääje ñanno gobonitacomo cönejato wato eiñämo, tuna adännamoje maja isadaditacomo wadädä. Yääje, cajichanacomo wädöjödö nönge. chäjäciñe.²²Josué cönadejaicho yawä, cönädöacä chäwaiñe. ¿anocotojo iña mencutätäne edeje mädöaquennawä amonchacomo iñä etänno, amonchwda aweichameiñe iña jäcä?. ²³Eduwa mädäjäcänchadä, emajocomoje matode dantai äncwanno shotoichomoje matode, wato acänamoje tuna adännamoje Wanaadi maichaca.²⁴Töncwanno cönecwäjäato cönädöto Josuéwä. Osotäwä ecammajä cönäjadöje cajichana Wanaadi cönecamanmai tösotoi moijeswä nono utudä vhäwä. yää nono dewäncomo acoichajödö como moja yaäjä yeijäcä tösade ñaacönäjacä ñaatö jajiñe awcijäcäiñe. yääje mädä ñaa cönnöi. ²⁵Enecama Eduwa ajadänoje ñaana eduwa, yää chanönge äwä nichötadöje ñaa dötojo tödöcade.²⁶Mädäaje Josué cönnöi chäjacänñe, cunummicaiche Isadaditacomo wääñe yeichöcomo jonne ämjajodañe Isadaditacoo cöneiyato. ²⁷Yää amoto awä Josué ñaanno ijummannamojemmaja jatä nödödö. cajichana Wanaadi yademetojo döiñamojo. Edää anoto nadö jona tödöene. yeichocomo cajichana Wanaadi necamadö

¹Yawä Adonisedec, jedusadenñao cajichana, cönetai Josué wä Hai ñanno jaata acoichojödö töjajocomo mmaja, yää jaata jedicoñanno cönnöichodöjemmaja towö cönetai chea gabaón ñancomo jadäiñe Israelita wadeuwöjocomo ätudedöjeda töweichöcomojädä chäjadäiñe. ²Yäje yeijäcä Jerusalenñano jata jaata tösade cönäjacä yää Gabaónñanno jaata adaijotoje yeijäcä, haiñanno ejodhecä tomedä jodujeiñe cönäjato dhanwacom yää jatawoncomo.³Yäje yeijäcä cajichaana Jerusalenñano Adonsedec tosotoi cönanantoicho yäitoncomo cajichanacom döiñañe Hoham, Hebronñano, Pirean ñano jarmut ñanno, Laquis ñammo, Debir cajichana Eglón ñanno mmaja. ⁴ätäcä öwodädä cöwänätantäiye Gabaónñancomo Josué jadä cönadewöicho Israelita jadäiñe otudedöjeda toweichöcomo wetä.⁵Yäjeje maja ñanno ijatodea cajichanacom amorreo weicho dea: cajiichaana Jeruseleñano, cajiichaam Hebrónñanno maja, cajichaana Eglón ñano maja cönejoto tösötoichomo töwewänä-tamo jadä Gabaónñancomo cönanontoicho yawä.⁶Gabaón ñancomo tanonöcomo cönanontoicho Josué döiña, Gilgal töwewänätacomo mmaja que cönädöatö: madacä ñaa watäcä ñaa ewaewanacatantäcä, tamedä canno ñamno jöö dewoncomo amorreo cajichanacomo töwojodöe naato. ⁷Josué cononcui Gilgaiña tamedä tösotoi töwewänätacomo jadäine jodujacomo mmaja.⁸Yäjeje mmaja cajiichaama Wanaadi cönädö Josué wää: "Tösadeda eichä monentoido canno chanacatocomo awää wua, ajuntacano jedu naade acanacanei jeda mmajä.⁹Yawä jadhedä Josué cönädöi Gildalñanno coijaicho wadadädä töwejöjäje. ¹⁰Cajichaana Wanaadi cönsadöjanäcai chudedö Israelita emjatawä ñanno cönamöiñacaichodö adaijoto wewänäque Gabaónñanno cöntajecajoichodö yää ämatai töjaancädäiñe cönajecaicho Bet Horón ñano emadö tai azeca, Macedainña tödöene maja.¹¹Yawä tönwamno cöñanejata israelita jonnoiñe cönatato jöö Bet Horón ai, cajichana Wanaadi conenojai toju adaijocomo cajuñanno chäjacciiñe Azecaiña tödöene cönäjajoicho yawai. tönwanno jojecaijene cönäjajoicho toju wamedö añodöje, Israelita töwachädöeo'moque imjajocomo ejadhecä¹²yäjeje Josué cönadewoi cajiichaana Wanaadi wää yää anooto cajiichana Wanaadi cuntui Israelitacomo dhamwacomo wäiñe chanacatojo Amorreos jäcäiñe mädäje Josué cönädöaca Israelita emjatawäiñe: "Shi adhedennacä Gabaonña nunci adhedenacä Ajaloiña."¹³Shi cönedenai nunämaja cönedenaichea soto wojotedöcomowaää tududedöcomojäeä. ¿Tomenäda canai Jaser jajedäi jäcä? shi cönedenai caju antawä; äncödöda cönäjacä yawä Israelita wojotädöcomo cwacä. ¹⁴Määdä nöngato ejadätädä cönäjacä jenadä, mädäje ejadätäda nadede cajichaana Wanaadi soto woije önñöjödo Israelita jucäinchädäinñe yewänätäjödö weijäcä¹⁵Josué Israelita jadäiñe cönenacaicho Gilgañancomo wäidetatocomo aca. ¹⁶Cajiichanaeomo Ijatodeatocwacä cönänejeicho cönotonetoicho yawä nono töcajäca macedaiña. ¹⁷Josué towanäcä cönedantoicho yawä nono töcajäi aca macedaiña."¹⁸Josué cönädöacä: "Tojuu adaijocom esecatäcä nono töcajäaca tödöene suddau mäitä tödötäcä yawä edachänamoje. ¹⁹Yätädädä eichäca otudetoncomo chanacatacä cajiichaana Wanaadi nua awäiñe chanacatojo" que cönädöacä.²⁰Mädäje Josué tamedä shtoi Israelita como maja cönäcaichoo tutudetomo töjajodöcomo acochajai tödöjone wannadamma cönäwenacaicho jataca cönädöcho yawa. ²¹Mädäje yäjeje Josué, tamedä shotoimaja cönenacaicho täncanodeda täwejatatacomo cönajado döiña macedaiña; Aneja adeujaicha cönäjäcä yawä coneda Israelitacomo jäcä.²²Yäjeje Josué cönädöaca: "Aducatäcä madä nono töcajä enetäcä yawä ijatodea cajichanacomo natadö." ²³Tönwamno cönöiche yawä Josué waije. cönejato ijatodea cajichaanacomo nono töcajä acanno; cajiichana Jerusaleiñano maja, cajichaana Henbrón ñano maja, cajichaana jamutñano maja cojichana Laquis ñono maja, cajichana Eglón ñano maja.²⁴Eneajäcä chawäiñe cajichanacomo Josué wadädä töwö Josué cönadejaicho tösoi Israelitacomo, cönädöacä yawä suddau adhejotocomo wäiñe ñenno ewänätä chäjadä cöneyatodö, edäje: ijuducomo shimöcomodewaiñe tödötäcä que cönädöacä mädäje cönnoicho yawä töwö yaije. ²⁵Yäjeje cönädöacä cönädöacä chawaiñe: "Tösadeda eichäca äcatoncada maja. joduje eichäcä tösadeda maja. madä cajichaana Wanaadi nödöade ätudedöcomo jadä awewänätädäwäiñe" que cönädöcä.²⁶Yää jemma yawä. Shii omomjai yä'döa'jäcä josue cönanontäideejäcänno enötojodöcomo. yadö acachäquejödöcomo cönnöjoi yotonetotomoje cönäjado aaca. ²⁷yää'jeje yadö naa'tado cönaducho täju adai'jotoque. yätädeana yäätäju eduwa nadö jona tödöene.²⁸Yäwa yää anoto awä dea Josué cöcana'caiche Maceda nano Jata. Sauda'oue cönjajoicho tamedädä, chädajotoncomo maja, tooni'cha nudä ännä'da cö´neiyacä. chajichaanaichomo cönnöi yawa Jerico'ñana cajichana cönnöichojemmaja.²⁹Maceda ñanno Josué cöntämä yawä Libnaña, tö´sootoi Israelita Jadäiñe. Yotonno cöntämä Libnañancomoiwänätäiñedata. ³⁰Cajiehana wanadi cuntui Israelita'como waiñe chajichanaichomo chanacatojo maja. Tonicha nudäto andetöda cönei'yato yaawä Josue chajichaanaichomo cönnöi Jericó ñano cajichana cännöichoje'monaja.³¹Yääjeje Libna ñanna Josué cöntämä Israelitajadäiñe laguisña. yäätä töwädöajäcä jaata töwä cönejatatoicho. Yätänno cönewänatäicho yawächäjäiñe. ³²Cajichana wanadi cuntui Israelita'como waiñe Laguisñana tönwanno sauda que cömjajoicho yääjatawoncomo, chäcönöcomo maja. Tamedä mädä cönejadätäi aacoto anototoai. yawä Libna ñancomo cönnöchodoje nimajañanno Israelita Laquis ñancomo cönnöichodea.³³Yawä Horam, Gezer ñano cajichana conejä tö´sotoi töwewönätämö jadiñe, Laquis ñancomo iwatäñe ñanno maja Josué wa cönäcana'cajoichodea,tame'dädä Josué cömjajoicho.³⁴Yää jeje Laquis ñanno Josué contämä Israelita jadañe; Eglan ña cöntänto. yawä jata töwä cönejatatoicho: yotonno cönewänä'täicho yawá chajadäiñe. ³⁵Yää anoto awädea cöncana'caicho. Sauda que cömjajoicho tamedädä. tamedädä cönacoichajoicho. Laquis ñancomocönnöichodöjemmaja.³⁶Yää'mma yawä Eglonñanno Josué contämä Israelita Jadäiñe, Hebrón ña cöntämä yätäncomo Jadañe cönewänätäicho yawä. ³⁷Tamedädä Saudaque cönjajoicho'chajichanai chomo jadädä cömjajoicha'dea ñanno ijatadöcomo jäcä amoncheda cönäjatodo. Tamedä chäcönöcomo mmaja, shecä tadonñato ännäconeiyacä, Egon ñanncomo cönnöchodöjemma'ja.³⁸Yätänno Josué cönenacai Israelitajadäñe, debir ñano dötäcä cöntämä chäjadäñe cönewonotoicho yätäcä towejadätädawäwäiñe. ³⁹yää täcomo tamedädä cönanoichaicho chajichanaichomo mmaja, cömjajoichodea ñanno ijatadócomojäcä amoncheda cönäjatodö maja. Sauda que cömjajoicho tamedädä tacoichaneiña. chäcönöcomo maja Josué nudoto änämäda queneiyacä, Hebrón ñancomo, Libna ñancomo cönnöchodöjemma'maja, chajichanaichomo jadäjödödä cönjajoicho.⁴⁰Mädäje Josué concanacai tamedä ñonodäcomo. töwö cöncanacai tamedä jöö dotacancomo jadädä. Néguevñamo maja, woichawoncomo maja. Tamedä cajichanacomo necetädäcömoje cönäjadö. Tameda concanacaicho tadoñato jeda tödöene. Shecä aquetödöene, cajichana wanadi wä tanontäjödö nöng'e dea ñäda Israelita wanadi'yöcomo. ⁴¹yawa dea Josué sauda que cöncanacai cabes bames ñana, Gaza nano jona tödöene, tameda ñonodö´comommaja, Gsen ñanno, Gabaon Jona tödöene.⁴²töwö Josué cajichanacomo cöna'joicho, tamedä ñonodöcomo cajichana wanaadiwä töwatäjödö weijäcänäda Israelita'como wanaadiyöcomo. ⁴³yääje'mma yawä Josué tamedädä Israelita'como maja cönennacaicho Gilga ña töwejatatacomo döiña.

¹Yää´Jemma yawä näda Jabín Hazor ñano cajichanai chädö cönetai tamedä nädä wejadötajödö yääjeyeijäcä töwö tösotoi conanontoicho cajichana'como'wä ecamma,tujumua tuwejummadöcomo wetä ñanno cajichanacomo cönöjato, Jobab, madon'ñano, Simrón ñano cojchana maja, Acsaf ñano maja. ²Jöö dota'cancomo cajichanacomo wäämmaja cönecamjoichea. shii wejaca'tojo suda wawono wadädä Jordanñano wadädä maja, cineret'ñano wädädä maja, shiiwadädä maja, Dor ñano cajichana wadädä maja, nädä shii wejacatojo Suda'wawä nada. ³Cananeo wadädäñe mmaja cönanontoichodea, ñannonanno shii wejacajo dösencomo, Amorreo'ñancomo maja, Hititacomo, wadädä maja, ñanno jöödotacancomo, Hermón Jödö dewoncomo. ñanno mizpa ñano nonodö dewä natodö waädä'ñemaja.⁴Tamedä cajichana'como cöne'jummaicho töwewano'tamo jodäñe: Imecutädö ejodhe ñanno töwewonotamo cönäjato, dama jawäno sadada toweiye naichö wacä. joje Caballo chäwäiñe cönäjato, tadada maja, iyää yewä wewonototojo. ⁵Tamedä tönwano cönojodöicho yawä, Israelita'como iwänätadö´como wetä, tö´nwano conejatatoicho yawä, Merom ñano jawa, Israelita yänätädöcomo wetä.⁶Yawä cajichana Wanaadi cönä döacä Josué wä; "hocotoncache: Jenamma eduwa nadäje tamedädäcanno wöö jacatode äwäñe." chäcönöcomo Caballo judu aiyocäde, tadada yau'cwajäcäde yawä. ⁷Yawä Josué tamedä tösotoi töwewänätamo connejoto, yätä Meron ñano jawä, yääta cönwonotoicho yawä.⁸⁹cajichana Wanaad ñano cana'cato como cuntui Israelita como waiñe. Cajichana Wanaadi wä tanontäjödö nöng'e Josué cönnöi, Caballo Judu como cönacäjätoi, tadada maja cönñaewajñtñi'che.¹⁰Yää jemma yawä Josué töwennacada wä Hazor conemai ñädä töwanontämäje cönäjado chajichanaicho mmaja sauda que quenemaicho. ¹¹Yawä sauda que tamedädä cö´njajoicho, tamedä iñojätödöcomo jadädä, shecä nudäto onomjoda queneiyadä, töwäcadöje, jazor cöñaewa yawä.¹²¹³Määdäje'mmaja Josué anejajata connöchea cajichana'como jadädä töwä sauda que cojajoicho tamedädä ñanno chajichanaichomo. Moisés wä tanontäjödö nög'edea ñädä Wanaadi anoña. Yääje Yichame jöö de'wono jata änñacwada Israelita töweiye cönäjato, yäämma jöö dewono cönñacwaicho, Nazor ñano mma.¹⁴Yääje mma yawä Israelita cöncanacaicho tamedä jata chäcönöcomo jadädä sauda que cömjajoicho tamedädä, tonichä nudoto ännämädä queneiyato. ¹⁵Jenadä cajichana Wanaadi wanontä'na conecammai Moisés wä, Moisés cuene'cammai, Yawä Josué wä. nädä janñone tamedä chänöng'e connöi wanotänä atainñocancädäda.¹⁶Josué cöncanacai tamedädä ñonodöcomoje cönä'jadö, Jöö como mmaja, Néguev ñano mmaja cöncana'caichea tamedä Gosén ñano mmaja, Jordán ñano nonodö maja, tamedä Israel ñajöö cönäjädö mmaja, woichomo mmaja. ¹⁷Cöncana'caicho tamedä chajichanaichomo. Ñanno jatadöcomo cönäjaca Halac Edom ñano jäcä amoncheda, Baal Gad ñano jona tödöenc. yää Libano woichö awä nadä Hermon Jödö o'nänado.¹⁸Numa Josué cönewänätai tamedä cajiehacacacomo jadaine. ¹⁹Tonichäjata econecada coneiyacä ñanno töwewänätamo Isadaditaco Jadäiñe. ñanno heve cowoma cöneconedicho Gabonña cönäjatodö. tamedäjata cönäjadö.cönatajoi, jaicho wänäque Isaaita cowowaiñe., ²⁰Cajichana Wadaddi chea chäwanöcomo cöntäijannäcaí, wänä wejödäwetäi yäädödö wetä acö chajodö wetä tamedäda wentenje äneta töweicö amenejöda, Moiseswä cönäadöje. cönädöadöjedea.²¹yääjomeaua yäwä anedawä aneto anea Josué cönejä anaceo cönacöichajolcho yäwää. Edääcönnöi Hebro nonodö dewä waja, tamedä isadaditacomo nonodö deapä acojaque tödñene Josué conacoichajoí Jatacomo. ²²Tonicha anacro adetöda cöneiyacä Isaditacamo nonodö dewä, Gazañawa, Gatñawaja, asdedña cönädetö.²³Mädäje Josué tawedänana cönajai, cajíchana Wanadi cönödödöje Moisés. Josué cuntuí casaímjääje Isadael waiñe comecamoi chäwaadäiñe adadachoncune wcichö Wadäi. Mädäje mono cöñändetaí wänä jäca Yeicho.

¹Caanoñanno Edwwa cajichamacome Edä nono Edewäncomo ñaanno Issadaditaco como cöncanaconmo Isadatitacomo cönajäieno conedajatäichodea Jordan nonodä shii wejadatojo wadädä, shicoejaeatojo döse. arwen ñaano tuna Jacäcä, Hermonjädäña tödöene. tawedä adawäño maja shiwejacatojo döse. ²Sehan, amoreo como cajichavaichomo wejatatajä cönäjäcä Hesbónña töwö töwanontä cönäjacä aroerñanno. yääna arnónñano nonodö ejiyööje yää nonodö annawäna. amoncheaa amonitacomojäcä.³Sehón cönanontöcha arabaña cineretñano dama cucaca tödöene shii wejacatojo döse, Dama.Araba dama nono dönä tödoene daama sayujan shi wejacatejo döse Bet jesimot dööña tödöene shi womontojo Wadädä amoncheda pisga jödö jäcä. ⁴Og Basáñane cajichana, refalitacomo wädetöja como täöö yaatadö cönäjäcä astorotña Edreiñanaja. ⁵Töwö töwaBnanta cönäjacä Hermon jöödöña solcaña tamedä Basán maja gusureo maacateos jatadö wäcuenätädö yööña tödöene. Galaad annawa sehon monodöaca tödöene ñäädä cajichawa heslanlano.⁶Moisés cajichana Wanadí sotor, esdadiyacomo wajo cöncanacaicho. Moisés cajichana Wanadí cuntuí yää nono Rubenitacomo weiechocomeje, gaditacomo wää maja Manasés weichö annaicho wäcä natodö.⁷Canno ñaano cajichama como Edä nono dewänvomo ñaano Josué Isdaditacma maja cöncanacaivhodö Jordanña shii wajacatojo döse. Baal Gad jonnotödödä libano nonodö Halac jödöiña tödöene seir jäcä amoncecha Josué cuntuí nono esadaditoco wää yeichoconaje. ⁸Töwö euntuí jöcomo acacawo maja arabäñano maja jöö maja Neguey yää Hitatacando amorreo como cananeomo,Ferezeeocomo, Heveocomo, Jebuseoscomo nonodö.⁹Comno cajichama como jadä cönäjadea, ¹⁰cajichana Jericoñano, cajichana Haiñano yää Beterlñano näcä nadö. ¹¹Cajichana Jedusaleñano cajichana Hebronlano. Cajichana Jakmutñano, cajichana iaquiñano ¹².Cajichana Eglonñano, cajichana Jezerñano¹³Cajichana Debirñano cajichana Gederñano. ¹⁴Cajichana Hormañano, cajichana aradñano ¹⁵Cajichana libnañano, cajichana aradñano. ¹⁶Cajichana Macedañano, cajichana Betelñano.¹⁷Cajichana Tapuañane, cajichana Heferñano. ¹⁸Cajichana afecñano cajichan Jaronñane, ¹⁹Cajichana madenñane cajichana Hazorñano. ²⁰Cajichan simron cajichana acsaf.^21222324Cojichana taanacñano, cojichana jocneam carnueloñano Cojichana dorlamo dor nomodö dewano, cajichana tirsañano maja tamedädäeo cajichana como cönäjato el tocwacä.

¹Josue inchomje cönä'döi yaawä, Cajiichana Wanaadi cönä'döaacä chawwä: "Inchomje mma eduuwa, yaawä'ne jooje deea na yaawä nono töcaana'caamö.²Edä yää nono töcaana'caamöje naadö: filisteo nonoodöcoomo tamedäädä, tamedäädä mmaja gesuritas nonoodöcoomo, ³(Sihor ñanno, yää jata Egipto ñano shii weja'catoojo dö'se naadö, Ecron ñano wötätojo cu'nädö aca tödöene, yää shii weja'catoojo suda'wawä naadö mmaja, yää cananeocoomo tönnödööcomo je töne'tä weneenetoodö; Edä jataacomo mmaja chaanacadö a'que naadea ijaatodea filisteo cajiichanaichomo weicho'comooje naadö, Gaza ñano, Asdod ñano mmaja, Ascalon ñano mmaja, Get ñano mmaja, Ecron ñano mmaja, aveos nonoodöcoomo jadä'jödöödä mmaja).⁴Shii womontojo suda'wawääncomo mmaane, tameedäädädeea a'que na chaana'cadö cananeo nonoodöcoomo, Mehara ñano mmaja, yää sidonios wäncomooje naadö, Afec ñano chaanacadö mmaja a'que naadea, yää amorreos ñano cu'nädö aca tödöene naadö; ⁵giblitas nonoodöcoomo mmaja, tameedäädä libano ñano mmaja, yää shii womontojo suda'wawoono, Baal Gad ñanno mmaja yää jöö hermonjödö o'nä naadö, Lebo Hamet ña tödööene.⁶Jöö Libano'jödönña naatoodö mmaja, Misrefot Maim ña tödöene, tameedä Sidon ñancomo jadäädä. öwö wija'canöjaato'de canno, osootoi israelitacoomo owaajonñe. Asegudaaje maane tödöötäcä'de Israelita wäiñe u'tojo ñoonodööcomo önñödööcomooje neene je, öwö wecammaneedöje. ⁷Yääje yeijäcä yaawä, u'jä'täcä'de edä nono aacäichea amoojato tribus natoodö wäiñe, annai Manases weichö naatoodö wäiñe mmaja." quee cönä'döaacä.⁸Yeichacoono annaicho Manases weichö, Ruben weichö jadäiñe, Gad weichö jadäiñe mmaja, chäwwäiñe cönä'tui shii weja'catoojo dö'seeno nono joodadan ñano, Moises necaamo'jödö woije, ⁹ñoonodööcomo cönä'jaacä yaawä Aroer jonno, yää Arnon eccudu wääcumeedö jäcä naadö, (jata annawääne naadö jadäädä) acaanajaato Medeba ña tödööene, Dibon ñano wa'cä amoinche yeichö;¹⁰tamedäädä jataacomo Sehon chäädhaajääje cönä'ja'dö, ñäädä amorreos cajiichanaichomo, Hesbon ñano, amonitas nonoodöcoomo cu'nädö aca tödööene; ¹¹Galaad nonoodöcoomo jadäädä mmaja, yää gesuritas weicho'comooje cönä'ja'dö, maacateos weicho'comooje mmaja, tameedä Jöö hermonjödö ñanno, tameedäädä mmaja Basan ñano, Salca ña tödööene; ¹²tamedäädä Og ne'se'tädööje cönä'ja'dö mmaja, ñäädä cajiichana je cönä'ja'dö Astarot ña, Edrei ña mmaja (canno cönä'jato refaitas weichö wäädetö'jäcoomo) Moises nichaana'ca'jocoomo cönä'ja'to, imja'canö'jä'jocoomo mmaja.¹³Yaawääne' gesuritacoomo ämja'canö'jo'daiñe Israelita cöneiya'to, maacateos ämja'canö'jo'daiñe mmaja. Eduuwa naadö jona tödöene Gesur, Maaca mmaja Israelita antawäiñe naato.¹⁴Levi weichö wwä mma Moises äntu'da cöneiyacä ñoonodööcomo. önñödööcomooje yeichojo cönäätäcammai, täjemjönö Cajiichaana Wanaadi wono u'ajä, ñäädä Israel Wanaadiyö wwä, töwö Wanaadi cönecammaichöje Moises wwä.¹⁵Moises cuntui Ruben weichö wäiñe ñoonodööcomo, yä'jimmä'tädööcomo wanna yeichö woije. ¹⁶Ñoonodööcomo cönä'jaacä yaawä Aroer jonno, yää Arnon eccudu wääcumeedö jäcä naadö, jata annawääne naadö jadäädä acaanajaato Medeba ña tödööene.¹⁷Ruben wwä mmaja cuntuicho deea Hesbon ñano, tameedä jataacomo acaanaja'como naadö mmaja, Dibon ñano mmaja, Bamot Baal ñano mmaja, Bet Baal Meon ñano mmaja, ¹⁸Jahaza ñano mmaja, Cademot ñano mmaja, Mefaat ñano mmaja, ¹⁹Quiriataim ñano mmaja, Sibma ñano mmaja, yää jöö de'wäno Zaret Sahar ñano mmaja²⁰Ruben wwä mmaja cuntuicho deea Bet Peor ñano, Pisga ñano mmaja yaato, Bet Jesimot ñano mmaja, ²¹tamedäädä jataacomo Sehon chäädhaajääje cönä'ja'dö, ñäädä amorreos cajiichanaichomo, Hesbon ñano, Ñanno Moises cöncana'caichö Madianñancomo cajiichaanacoomo, cajiichaana Evi, Requem mmaja, Zur mmaja, Hur mmaja, Reba mmaja, ñanno cönä'jato cajiichaanacoomo Sehon ne'se'tädööje.²²Israelitacoomo deea cöneemaicho töcöömöichomoque Balaam, Beor nedö, ñäädä chö'tamme'neije töweiye cönä'ja'dö, töjimmä jadäiñe yäätä. ²³Ruben weichö weicho'como cu'nädö yää tuna Jodadan ñano, mädä yää chu'nädö. Mädä cönä'jaacä Ruben weichö wwä nono u'ajä, cönä'tujäätöi yä'jimmä'tädö wanna yeichö woije, jata adaijäcoomo, jata she'cäncomo'cä mmaja.²⁴Edää yää Moises nutu'jödö Gad weichö wäiñe, yä'jimmä'tädö wanna yeichö woije: ²⁵Ñoonodöcomooje cönä'jaacä Jazer ñano, Galaad ñano jataacomo tamedäädä, annaicho'cä wa'cä amonitas nonoodöcoomoje cönä'ja'dö mmaja, Aroer ña tödööene, yää Raba ña naadö shii weja'catoojo dö'se. ²⁶Hesbon ñano jonnoto'jödöödä, Ramat Mizpa ña tödööene, Betonim ña tödööene mmaja, Mahanaim ñanno mmaja, Debir nonoodö de'cäi tödööene.²⁷Acaana jaato dö'seeno mmaane Moises cuntui chäwwä, Bet Aram ñano, Bet Nimra ñano mmaja, Sucot ñano mmaja, Zafon ñano mmaja, yää cönä'jaacä yaato Sehon ne'se'tädööje cönä'ja'dö mmaja, ñäädä cajiichaana Hesbon ñano, tuna jodadan ñano chu'nädööje, Dama Cineret ñano wä'tädö jona tödööene, yää Jodadan ñano shii weja'catoojo dö'seeno. ²⁸Mädä cönä'jaacä Gad weichö nonoodöcoomo je u'ajä yä'jimmä'tädö wanna yeichö woije, jata adaijäcoomo jadä, jata she'cäncomo'cä jadä mmaja.²⁹Edää yää Moises nutu'jödö annai Manases weichö nonoodöcoomo je. Cönä'tui annai Manases weichö wäiñe, yäjimmä'tädö wanna yeichö woije. ³⁰Ñoonodööcomo cönä'jaacä Mahanaim jonno, tamedäädä Basan ñano, tameedä Og ne'se'tädööje cönä'ja'dö mmaja, tameedä jataacomo Jair ñano mmaja, yää Basan ña naadö, yää sesenta jataacomo naadö; ³¹annaicho'cä wa'cä Galaad ñancomo jata, Astarot ñancomo mmaja, Edrei ñancomo mmaja ( jataacomo Og ne'se'tädööje cönä'ja'dö Basan ña). Mädä cönä'jaacä Maquir wä'jimmä'tädö wä u'ajä, ñäädä Manases nedö (annaicho'cä wa'cä Maquir wä'jimmä'tädö wäiñe u'ajä, chääwadäiñe).³²Edää yää Moises nutu'jödö chäwwäiñe ñoonodööcomooje acaana jaato Moab ñanno, yää Jodadan maadädä'cä naadö Shii weja'catoojo dö'seeno Jerico ña. ³³Moises äntu'da cöneiyacä Levi weichö nonoodöcoomo. Cajiichaana Wanaadi, ñäädä Israel Wanadiyö, ñäädä chäwwoncomooje töweiyemö, aashichaato, töwö cönä'da'döje chäwwäiñe.

¹Eedä iiyä caa'se'njä nono Israelitacomo wäiñe cöönätuichö cananñano nonodö deewä naadö. Wanaadi wono Waa'de'wödö Eleazar ecöö'necamoi Josué wä maaja näädä Nun needö´, Israelitacomo aadaichomo jeenadojocomo ädhamowäinñe cönätuichea.²Jää caa'sem'ja chäwwäiñe tuemöjecönäjadö wääcanacanäque cuntuicho aacäshea amojato jata weichö wacä, ainaicho jata weichö wacä maja, määdäje cajichaana Wanaadi ta'de'ddu cönecamajoi Moisés wä. ³Moisés wä ua'jä cönä'ja'ca caa'sem'jä acä iiju'jä soto weichö cwa'cä Jodanñano maadädä dä anaicho soto weichöcomo cwacä maäja, yaawäne levitawäine caa'sem'jä äätuda cööneiya'ca. ⁴José wääjinmätödä maane aeämma cöönä'ja'cä. Manasés Efraín maaja yöönono caa'sem0ja toni yaatoca'jä äätuda cööneiyaca Levita wäiñe, yaawäne yeichocoomo mane cönätai jata Wadäi, nono chöcönöcoomo weichocomo maja töwoijenñe tönödöcoomo ejodötojo maja. ⁵Israelitacoomo cönnöicho Wanaadi necanmajödö nönge moise wä mädäje nono cö´nätui yääwäñe.⁶⁷Yäätonno, Judá atödo cöntonto Josué, waadädä Gilgal ña, Jefone nedö cönääja'cä Caleb, Cenezeo cönädö acä chäwwä; odhowaacä na Alannadi wadeewö'jödö Moisés näädä Wanaadi anoonö wä, äjääcä öwö jäcä mmaja Cades Barmeaña. Moisés cönää'jada wä wä'jaaquene aacä soto wedu, ñäädä wanaadi anoonö, Cades Barnea ñanno yenno'jane nono emencadö, wetä täcammamö dhame wejä, yewanö jäcä cönä'doje wecammane yaawä.⁸Ñanno jjimmä jjadä soto weanöcoomö cöneecato'ncaicha cönwansumaicho tösaade yechö'como wetä, yaawäne cajuchana wanaadi jaadä'dea wäjaquene. ⁹Yaawä Moisés cönääcammai yää anoto awä, conädo acä, yää nono metaajaaneedö onoonodöö'je na'de ännacoomo nonoodöcooje mmaja na'de yeichööje, yäätäädä Cajiichaana Wanaadiyä jaadä, aweijäcä.¹⁰¡Enecämma! aacä sotooto de'wä ijaatoodea wedu wa cajiichanaa nuudä yödödö jedea na, töwö cönecamma döje, jenaadä Moises wä cajiichaana cönee camadö jedea cönaadeuwöo, jaata jemjöno ai Israelita wötätamenñe ¡enecä ma eduuwa! acäichea sotoo de wä ijatodea wedu wwa eduuwa. ¹¹Jädujedeawä awaadene Moisés yanontänjä aquenö awoto nö dea ayäätädä jaduudu'na awaade wääjaquennöjedea, awaade j1duudu cönääjadä wacädea eduuwaujä juudura ewänätä täjaiwa ennacajai mmaja¹²Eduuwa, yäje yeijäcä yää nono jöö jana, yää jenaadä cajuchaana öwwa cöneecamaichö yää anoto awä. Yää anooto awä metaquennö anaceo coomo yäätä yeichöcoomo ada'ijä mmaja ija'tado'coome tucuudadaicha mmaja, yäätöne öwä cajichana yeishe, iijacanäjodöcono weta öwä cajichana que'necamadöjedeo.¹³Yaawä Josué ashichato cömöi Caleb jäcä, ñädä Jefone nnedö Hebrón ñanno ñoonodöje cuntui. ¹⁴Yääje yeijöcä, Hebrón ñano Caleb nonoodöje cömädöi, ñädä jefone nnedä enezeo yeichö eduwa nadö jona tödöene Israelita wanaadi yööcomo jadö tätä yeijädö yeijäcä. ¹⁵Hebrón ñano e'tä cönäjacä awadene Quiriat Arba que yäje iyeijäcä wewänätäjeje täncanodede nono'na.

¹Edä yää Judá weichö norroodöcoomo ecammajä, yäjiimmätädowä u'ajä, adaijä yeichö cönäjacä Edom ñaano Wäcu'nacadö joona shii womontojo sudaawawä ämu'dato döse, yää zin ñaa'no chu'tajemjönö jaadä; yääje yeichame amoiche'cä'dea jene cönä jaaccä shii womontojo Wadädä cönajacä. ²Dama sayu jano jo'na todööene cönäjacä shii womontojo shudaawawä ämu'demjönö do'se yäcadö, bahia jonno jäwacaadädä.³Yäjeje amonche yeichö cönääjacä shii womontoojo jöö Acrabim jödö zin jödö töjaadä emmaja cöñäjade'a, shii Woomontojo sudaawawä ämu'demojonö döse ju'du wadädä cades Barneaña, Hez Jaadä, Adar judu, carca wädadä ädödadä. ⁴Asmo'n töjaadä'ene mmja Egipto näno tuna jacäcä'dötäcä daama joonaa tödö'e'ne määdä yää chu'nädö shii woomontojo do'se.⁵Daama sayuujano jona tödöö'ene tajujiíñe yeichö, Jordán cucwa yequencadö shii wejaacatojo amuudato do'se bahia jonno daama Jordán cu'ca töque'ncajo'ne. ⁶Cänäänucacä Bet Hogla. Bet araba töja'da'ene mmaja shii womontojo ämuuda'to do'se. Yääjemma yaawä Rubén needä ñäädä Bohán cunänucacä täju de'cäi.⁷Yaäjemma yaawä yäcu'nadö cöna'nuca'cä Debir jonaa tödö'ene yätoonno Acor, Wadädä, yätonno shi wejaacatoojo sudawaawä ämu'daato döse Gilgal waadädä Adamin jödö dacäcä cönäjäcä yää na jööcomo do'tä, yatonno tuna ju'ducomo semes töjaadäe cönäjacä Rogel dönña todöe'ne. ⁸Yääjeje Ben Hinom jödöjoichaja cänämucadea yää jaata jebu's ñaa na'dö shii womontojo sudawawä amudaro do'se (yää Jerusalén ña'no)yäätonno cönänucadea jöödecäi tödöeme yätonno cönä'nuca'dea Hinom decäichaja, shii womontojo ämuda'to natame'adö shii womontojo ämuda'to dö'se.⁹Yääje mma yaawä, yää tonno yäcunacadö cö'näja'cä jöö coomo' cä jadä nonoacanno tuna wejaaca'dö yää Neftoa nñano, yäätonno cöntacä jatacomo Wädädä yää monte Efrón nñano, Baala awoodhe'cäcä cönääcumeacä (Quiriat Jearim que mmaja chäätö). ¹⁰Shii womontojo su'dawa'wä ämu'dato dö'se (edä'jemaja chä'tö Quesalón) !quee! Bet Semes, timnajo'dö de'cäcä mmaja,¹¹Ecrón dö'täca cöne'jacacä yäcunacadö. Sicron Wadädä yäcumedo Monte Baala jödñ tö'jadäe'ne mmaja, yä'tonno cönä'jacä Jabneel jo'na tödö'e'ne. Daama jo'na tödö'e'ne. ¹²Yää chu'nädo cöna'jacä Mar Grande Waadäda shii womoontojo ämu'da'to dö'se ija'cä'ca mmaaja. Määdä cönä'ja'cä Judá weichö awo'dhecä'cä'ñe yäcu'nacadö, tönwano'jedea yeejaangacoomo.¹³Chänge Josué wwä cajiichana Wanaadi Wanoontä'dö tödo'tojo, Josué nutuu'jödö Caleb wwä, ñä'ädä jefone ne'dö, JudáWichö anta waiñe nono cönemmai, Quiriat arba, Hebron je mmaja (Arba cöna'ja'cä Anac umö). ¹⁴Yääjemma yaawä Anac nacomo Caleb aduwäncä'dä cömjacanöjoicho Yätonno: Sesaí, Ahíman, Talmai mmaja, Canno cönäja'to Anac weichö. ¹⁵Mädä jonto'jödä Debir Wäjiimä tädö chu'dedöje cö'näja'to (Dwbie edäje mmaja chaä'tö Quirit Se'fer)¹⁶Galab nedö "Ñäädä dhanwä Quirial Sefer" najäi'yadedö, chääwwä wu'ade önnedö Acsa jinñamoje. ¹⁷Yaawä Otoniel, ñäädä Quenaz,ne'dö, Caleb acono. ñäädä cönajäi, Caleb tönne'dö cuntui ñäädä Acsa jiñamooje yeichö wettä.¹⁸äcu'de'cä yaawä, Otoniel waadädä Acsa cöneejä töwö cönaquimai nono dato ecätödö jacä töomö wä. yääwö woodö cönotö; cawadö chö nöngato dewonno, Caleb tönedööwö cönädöacä ¿anecömö mijunmanö?.¹⁹Acsa cänecujötäi cänödöaca: "Ashichaato ännöcä jäcä, öwä uetäda yää Néguev nonodö, tuna juducä maaja änucä öwä." Yääjemma yaawä Caleb cuntui tunajudui yääcänöjacä cawä, nonojo maaja.²⁰Yää cänöjacä Judá nacomo nödödöcomojödö yääjimmätadä wäiñe cänötujätäi yawä.²¹Judanacomo jatadöcomo cänöjacä shii womontojo döse amoiche yeichö, Edom, eran Caseel, Edar, Jagur, ²²Cina, Dimona, Adda, ²³Cedes, Hazor, Itnán, ²⁴Zif, Telem, Bealot nonödö wäeodö jona tödöene.²⁵HAzar Hadata, Queriot Hezrón, (edäje töwädöse yeichö Hazar), ²⁶Aman, Sema, Moladä, ²⁷Hazar Gada, Hesmón, Bet pelet, ²⁸Hazar sual, Beerseba, Bizatia,²⁹Baala, lim, Esem, ³⁰Eltolad, Quesil, Horma, ³¹Siclag, Madmana, Sansana, ³²Lebaot, Silhim, Ain, Rimónñana: maja tamedädöto tooni sototo dewä acächea amojato(29) jatacomo iyää jatacomocä jadä yoojöajä.³³Jöö como dötäcä cöñäjäcä jo shii womontojo wadäädä Estaol. Ñacomo cönäjato. Zora, Asena, ³⁴Zanoa, En-Ganim, tapúa, Enam, ³⁵Jarmut, Adulam, soco, Azeca, ³⁶Saaraím, Aditam, Gedera mmaja (Aanecämö mädä Gederotaim). amajadoto dewä achächea imecatädöcä wacä, jatacomo cönäjacä jatacomocä jadäädä majä.³⁷Zenán, Hadasa, Migdal, ³⁸Dileán, Míspa, Lacteel. ³⁹Laquis, Bascat, Eglon.⁴⁰⁴¹Cabón Lahman, Quitlis, Gederoth, Betgagón, Naama y Maceda. mädäcä wacä jujatonnoto tooni (16) chocä imecutädöcä wäcä cöñäjäcä jata como jatacomo jadäädä maja.⁴²Libna, Eter, Asán, ⁴³Jifza, Asena,Nezib ⁴⁴Keila, Acib Maresa, ñano mmaja mädäcä jatcomo cönäjaca aacächea amojato(9) tamedäädä jatacomocä jadäädä.⁴⁵Ecrón, ñano awodhecäcä jatacomocä cöñäjadö ⁴⁶yotonno Ecrón ñano dama adaijoto jona tödöene, tamadäädä ñänno amoncheda cäñäjato Hsdodñano dötä tamedäädä maja. ⁴⁷Asdod ñano jatacomocä dhawqdhecäcä nadö tamedäädä iyätä jatacomocä nadö maja:Gazañano, Jatacomocä awadecäcä iyää jatacomocä maja tunacäcä Egipto ñano Wadaadandö Dama adaijato Wadäädä Dama ¡jacä! tödöene.⁴⁸yäätämjööcomo, Samir, Jatir, Soco, ⁴⁹Dana, Quiriat sana (edä iyäDebri). ⁵⁰Anab, Estemoa, Anin. ⁵¹Gosén, Holón Giloñano maja. mädäcäwacä cönäjacä Jatacomo amojadoto dewä tooni´(11) iyä jatacomocä jaadä.⁵²Arab, Duma Esán, ⁵³Janum Bet tapäa, Afeca, ⁵⁴Humta, Quiriat Arba, edäiyä Hebrón Ziori maja edäcäwacä cönäjacä acächea amojato(9) cönäjacä jatacomo, tamedäädä jatacomocä jadä.⁵⁵Maön, Carmel, Zif, Juta, ⁵⁶Jezreel,Jocdeam, Zanoa, ⁵⁷Caín Guibeá y timna. mmaja edäcäwäcä cönäjacä amojadä(11) jatacomo weijödö, tamedäädä jata comocä jadä.⁵⁸Halhul, Betsur. Gedor. ⁵⁹Maarat, Bet Anot y Eltecon mmajá. jata shimäñaacomo.⁶⁰Quriat Baal, (Qiriat Jearim ñanno que töwädösechi) Rabá maja. Jata aacä too waacä cöönajaca, jate coomo cöjadä jödädö. ⁶¹Chuta jenmönömña cönäjcä Bet arabá, Midin, Secaca. ⁶²Nibsán, sayujanö toni amajadö to cuacä jata, má wanamjänä comocö jadädä.⁶³Jebuseos como mane, Jerusalenña cöna todö, Juda atödö,, ämacanö joda cöneyato, Juda atödö Jebuseo como Jadänñe töweiyöcö edduwa jona tödöene.

¹Jose weichö nono ecanmadö, Jordan ojonno adäijä cönödo, shi wejacatojo döse tunacoomo judönña nadö, chuta jenmaña womomödäwä, yaä jatä jä dötaca Betelñano nadö antai. ²Betel jonno Luz jona tödöene, Ataro täjadöene nöwe yeichö, arquitacomo nanodö,³jöwacadö Jafletitas nonodöcomo shii womontojo wadödö, jöcödä Bet- Horón nonodö como jona, Gezer jona maja, näca däma jacä. ⁴edä nadöje José atödö, Manasés Efrain maja cönajoicho tönonodio como.⁵Efraín atädö nonodö. Yäjinmä todö wanñe cönötui: shi wejacäcätojo döceno noño wocänö tödo cönajacä atarot Adar öjanadä, janno. ⁶Yotono dama jona tödäene. Micmetat, jonno, ijuntai wadädä shi wejacatojo döce tanat siló jóna tödöene Jonoa ñano töja döene maja. ⁷Janoa Jonno jöwacadä Atarot jona tädöene Naarat maja Jerico täjadöene, Jordan Jona tädöene.⁸Tapúa jonna yocuniöcadö conäjacä tanäcöcöö cañä däma jonna tödöene. Mödöje cönäjacö Efraín atödö wäiñe, ⁹Manase atöodö wäiñe, uajo cönajadö wäiñe ijatäda como cöcöjadea jatacomo jadä¹⁰ñanno Cananeo ämajacanöjoda coneiyaato Gerzer ñanno. Mödaje cänaneo comö nata Efrain jadönñe edö anoto ñadä jona. tödöene. yaawäne. yaawäne yaanao soto yayedanñe tänta dawacajo cöñajato ñamincha döcomoay,

¹Edääje cönäjacä Manases atädö wä nono ecamajä (awadeto cönajacä José nedö ), edoje na Maquir cöna jaeä awadeto Manasés nedö, towö cönäjacä Galaad öömö. Galaad Basan ñaano nonodö cöna jacoi ecamaja Maquir wajnmätödö wänne, danwa töwewänä tooto Maquir cönäjacä. ²Nono cönotjötä ñanno Manasés atädö wänñe chäwadanñe, Abiezer, Helec, Asriel, Siquem, Hefer Semida Maja. canrilo cönajato Danwacomo Manasés nacomo José nedä, etacomo yajumätädö wänñe.³Zelofehad cönajacö Hefer needö, Galad jadö, Maquir needö, Manasés needö. Danwa jedä inñadö cöanajecä woödöña,onma inñäcomo woodöñamo cönajacä Malaa, Noa, Hogla, Milka Tirsa mäja. ⁴Ñaadä Eleazar zacerdote woodöñamo cönejoto chäwadödö Josué Nun needö ädajö como döñña maja yääje cönödöato. Waanadöñamo wänñe tömö acontomo jadänñe.⁵Yää nono amojaadä yato yatoajä ecämajä cönajadö Manasés wä Galaadña Basanña maja, Jordanñano mänsenjö näädö. ⁶Ñanno woodö Manasés nacomo cönäjochodea tönancontoncomo jaadä. yää nono Galaadñano Manasés datö atöodö wwönñe cönotuichea.⁷Manasés nonodö cöönejamö Aser jonno Micmetat jana tödöene, Siquem ñanno shi Wejacatajo cönäjadö döse. yääje yeijaacä yöcunucadö. . ⁸(tapua nonoodö Manases wonooje cönä'jaacä, yaawäne' jataacomo tapuanña cönä'ja'dö yää Manases nonoodö cu'nädö awäiñe maane, Efrain weichö nödöödöcoomo je cönä'ja'cä.)⁹Cananñano cu'jäi wedha'to'cadö jona'to'dö ene, edä jaata'como shii we'jaca'tojo tu'na wadäädä Manasés jaatadö'como Efraín wano cönä'jacä. Manasés nonodö wä'cadö cönäjacä shii womontojo tuna wa'däädä yääca'dö cönä'jacä dama jona tödö'ene. ¹⁰Iyää nono shii we'ja'catojo döse cönä'jadö Efraín wo'no iyää cönä'jacä, Manasés nono,dö cönä'jacä shii womonto'jo döse dama jona tödöene. Inña shii womontojo wadäädä, mäsenna ojodö´jojai cönäjacä Isacar maáne shii womontojo suda'wadä wadäädä cönäjaca.¹¹Yää jemmaja Isacadenña Aser ña maja, Manasés waiñe cönä'jacä Bet Sean ijatadö'como maja, Ibleam jatadö'como maja,ñaannu dornña'como soto jaatadö como maja, ñanno tannacmñan'como soto joatado'como maja, ñaanno Meguido nña'como soto ijaatado'como maja. (iyää aduwawädeto jaata Náfet jaatadö'como). ¹²Yaawä Manasés wäjimmä'tadö äncana'cada cöneiya'cä iyää jaata'como, ñanno canane'como yääta'dea yei jö'como weijäcä.¹³Yaawä ñanno Israelita'como wäjudu'ta'comjäcä, tönwanno canaeo'como tada'wajuichomo joje'cäjene cuntui'cho yaawä yaawä'ne tameedädä amja'canö jodaiñe cöneiya'to.¹⁴Yää jemma yaawä José wäjimmätädö conä'do a to Josué wä cönä'dö ato: ¿aquene yeijäcä toonimma inña wänoje töweiyemö tooni shaimma mua'ne'a. Jooje iña weicha'me ñecuta'como tuju'ma iña weichame ashichato wannadi tönnöe weneene iña jäcä? ¹⁵Josué cönädöacä chäwäiñe: "Joja'como soto aweiya'comjä'cä yääje yeiya jäcä änwannode'ane ojon'coma chuta'ca yaawä mätonno äwanno ija'canö jojaimaato tönono'do'como dewä yeicho como jonno, canno ferezeo'como canno maja Refaias como mmaya määdäje tödö täcä, Efraín nono'dö sheeca sacä de'ja nadea äwanno aweicho'como"¹⁶José wäjimätädo cönä'döato: "Edä chultä'ja no chäwacäda cöweicho'como na canno canane'como maane tameedä carro seja'dadi, chäwäiñe töweiye'na yewä'nätoto'como, canno Bet Seán ñan'como, nato döje maja, ñanno Jezreel ñan'como nato'döje maja ¹⁷Yaawä Josué cönä'döacä, José esacan'como wäiñe Efraín waiñe maja, Manasés wäine maja: "äwanna ñanno soto wanna'como jädu'jacomo amädä äwä'nojede'amma määdä nono uajä tödö jaichama" ¹⁸määdä jöö'jano äwäno jem maja na deede chuu'ta jano yeicha'me, mija'canöjatode äwäiñe yeichö weetä yäätä amon'checäjene yääcadöjona tödöene määdäje äwanno mija'canö jato'de ñanno cananco, carro seja dadi yewänä'toto'como töweiye yeicha'me chäwäiñe tö wanno jäduje yeichamenñe.

¹Yaawä cöne'jummaicho tameedäädä Israelitacoomo Silo ña. ²Yäätä tönwanno cönaamäicho mmaa a'dhato mma töwe'jummato'comooje, nono cönaajoicho deea ñeenedööcomooje.³Yaawa Josué cönä'döaacä ñanno soto israelita coomo wäiñe. ¿Ane'cäämö miyomocato aaquene yeijäcä ononodööcomooje annöda maato madä nono adhaadai'choncomo uwä cajichana wanaadi cöneecammaichö? ⁴Aduawa danwacoomo äneedantä tääca äju, jäcomo matoodö waaoläi, ñanno wanontäiyeta yaawa nono enmeca, mädä täcaamo'da naodö yää'jeje äwwä ecammajäätöiyeto.⁵Tönwano aacä amoojato cäwa'cä yaatocaajai ñaato, Judá atöödö mmane tönoonodöö cano deiwa dea eijai ñaato yää shii weja'catoojo jäcä ämu'dato dö'se naadö José atöödo mmaja tönoonodööcomo de'wa dea eijai ñaato, ydä shii weja catoojo suda'wawä amu'demjönö döse naadö. ⁶Yaawä änwanna aacä amoojato'cäwa'ca yaatocaajai maato Sodä öwwä ecammajä tantäcä de yaawä mono weicho, cöwaanadii yöcoomo Jehová owaadäädä äwwäneomooje wichu'näcaajä tö'ye yaawa.⁷Canno Levita wwaiñe mmaane nono ä'tu'da na'de. Sacerdote je yeichö coomo mma cha'seimjä döö comooje na'de. Gad weicho, Rubén weichö mmaja tönono dööcomo de'wa naato, Jordán mänsemjo, shii weja'catoojo döse naadö yää Moises chäwwaiñe cuntuichö, näädä wanaadi anoonö que cönä döaacä Josué israelita wwäiñe.⁸Ñanno nono emmenca töttaamoje cönä'ja'todö cöneesomaajätöicho töwääma tä dööcomo wetä yaawä Josué cöñä döaacä chäwwaiñe: Tameedä nono weichö wa'cä nono eneetantäcä. Iyaatocaadö jäcä äwä'ca'comjacä sadä adhennacaatäca'de Silo ña, öwö yää nono jäcä wä'cana'canä wödöiye'de Jehová owaadäädä; quee cönä'dö aacä Josué chawwaiñe. ⁹Ñanno djanwaacomo cötonto yaawä tameedä yää nono wadaadäädä cönäämannöjöicho yaawä cönä'ja'dö tönwanno cöiñatoo jätöicho. Jajeeda jäcä cömmennäichö yaawä yää'jeje cönennacaicho yaawä silo ña, Josué wejaata'ta'como doiña.¹⁰Yaawä yäätä siloña Josué yää nono cöneecamoi israelita waadäiñe, wanaadi owaadäädä wä'cana'canä todöödö'jo yaawä yäätä siloña.¹¹Benjamín atöödö wwaiñe cönecaamaii yää nono cöönatui iyäjimmätädä iju'jä wwadaiñe yää nono ecamma'ja cönä'jaacä Judá wääjimätödö wadädä José wääjimätödö wadädä mmaja. ¹²Yää shii weja'catoojo jäcä ämu'dato do'se naadö, Jorda jonno yocunacadö wajontädöjonno shii weja'catoojo jacä ämu'dato döse nada Jericó jonno, shii womomtojo döse naadö jöö como naodö wadäödö dä jonna tödööene Bet-avén ñajata'jemmönö jonane.¹³Shii weja'ca'tojo jäcä ämuden jönä dö'se yocunnacadö nuato (yää dea Betel ña nadä de a). Yää yocunacadö cänäjaacä Atorot-Adar ña tödöene, shii weja catojo jacä amuden jönnö döse Bet-Horón jööcomo Jonane. ¹⁴Yocunacaolö cönesadömicha yawa: shi womontoja sudäwawä ämudenjono dö'se jööcomo Bet-Horón geltacanno. mädä yocunan'cadö cönäjaca Quiniat-Baal ña tödöene (Juda atöödö toni jata cönäjacä shii womontojo do'se määdä yocunacadö cönäjacä.¹⁵Shii wejacatojo jäcä omudenjönö dö'se Quiriat-Jearim ña cöna jantäi Ecron jonno yocunacadö cönajäntai, Neftón na'cutadö mmaja. ¹⁶Jööcomo janane yocunacadö jona tödöene jööcomocä anta wä iñe Ben-Hinomña jumtaca'dä, jööcomo cä antawwä Refaimña shii wejacotojo jacä omuda to do'se töjado jone cönöjacä Hinom ña jöcomocä ocoocä cöñä jaacä, Jebuseocoomo tuna jacääca shii wejacatojo jacä omudenjönö döse, En-Rogel ña jöö'wacäädä cötaacä.¹⁷Shii wejacatojo jäcä ämudaatö do'se cönäncui En-Seme ña cönta cä yää wadäädä cönejacai geliotñanno wadädä mmaja Adumin junta'dä cönonucaca uju'na'dä Bohan ñanna tooju wadädä daja, Ruben neduwä ¹⁸Bet-Arabá risco omudato döse, sudawawa Arabá ocäcä todöene mmaja.¹⁹Bet-Hogla sudawawä yocunätädö cönäja cä daama sayujano bahia omudato cläse sudawawa yäcanatödö cönäcai, omuden'jönö döse sudawawä Jordan inchomodadö cwacä. ²⁰Shii wejacatojo döse Jordan ñano jona tödöene mädä conojaca Benjamín atödö nonodä uajä yäjimotödö wadai tonishai cönotui, tamedada dawedecäcä maja.²¹Benjamín atödö mane jätado coomo na, ya nadö ya jimätädä cönöjacä Jericó, Bet Hogla, Emec Casis, ²²Bet Arabá, Zemaraim, Betel, ²³Avim, Pará, Ofra, ²⁴Quefar Haamoni, Ofni, Geba maja yääwä.²⁵Töweiye cönöjadea jatacoomo Gabaón, Ramá, Beerot, ²⁶Mizpa, Cafira, Mozah, ²⁷Requem, Irpeel, Tarala, ²⁸Jerusalén ñano dea mädä Zela, Elef, Jebús Guibeá Quiriat maja. Amojadota dewa acächea cönäjaca jatacoomo yää jatacomocä maja mädä cönäjacä nono Benjamín atödö woncoomo.

¹Simeón aacädeto cönäjäi, tonishai chäwadaiñe datödöwä conotui Judá atödö antawä datödöcoomo cönöjacä.²Datödöcoomo cönöjadea, Berseba, Seba, Molada, ³Hazar Sual, Bala, Ezem, ⁴Eltolad, Betul y Horma.⁵Simeón wä töweiyw cönäjadea sacag ñano, Bet-Marcabot ⁶Bet-Lebaot, Saruhén mmaja. amojadoto cwacä aaduuwawä jatacoomo cönäjacä, jatacoomo cä mmaja. ⁷Ain, Remón, Eter, Asán mmaja Simeón wä, cönäjadea dacächea jatacoomo cönöjacä jatacoomo mmaja.⁸Edä jatacomo cönäjacä Baalat. beer (iyää Ramat cönöjadä Neguey ña nonña). Edä cönöjacä simeón casemjödä töweichöwönñe cuntui tñwñ jinmä tödöwö cunto yea. ⁹Judeá ñancomo wechocomoje cönödäi, Simen casanjödä dhatödäwonñe. cönödöcho nono maja adaijo nono vajä yeijöcä juda atödä wönñe, Simeon wo cönotuisasenjo juda utödö ai..¹⁰Zabulón atödö wö cönotuii adöawö deto wocanaca tojo, conatui yöjöönmöto döwö. Casenmjö cunödä cönäjacö sadi täcöi tödöene. ¹¹Madädä yejodocadä shi womontojo Wadädä tajojone tuna töcoi tödäene jocheam jetaca nadä.¹³Sariñanno cunödä cänäjacä shi wejacatojo sudäwawo, Quislot tobar cunädä jenodä yötonno Deberatnña wadödä jafionñä tödöene. ¹²Yotonno shiwecacatojo dösenno jedanñanona iyö jeje ita-cazinñowadädä; neañanno wadädä.¹⁴Mödä yocinöcadä cönnäi shi womontojo shudawäwo wadädä hanaton wadädä maja acanajato nono döto natamea yää jettenñadä. ¹⁵Acä aamojadotodewö acä cönojacä, jatocomo katañano, naglaal, simron, idala Belenñano maja. Shatodö como maja. ¹⁶Eda iyä Zabulón weichö casemjö cunotuchö, jatacomo shatadö como maja.¹⁷Isacar wö acochia to wocanacatojo cönotui, yöjömötodöwö conotuchea. ¹⁸Ñanno jezreel, Quesulot sunem maja ñonodö como maja. ¹⁹Hafaraim, Sihon Anaharat maja.²⁰Rabit maja, Quisión Abe maja. ²¹Remet Ganim ñano, Hadan ñono. ²²Sahazima, Bet semes cunödäaca conajacä tobor töcäi tödöene, Jordan jacäi jödäene maja.²³Isacar weichöwö edä casennjö cönotui yäjönmö tödö wönñe moja, jata como, shatadö como maja.²⁶²⁴Haser weichö shatodöoto wocana catojo cänajoi yöjör mötodönñe cöalamelec, anuchea. ²⁵Edä jata como maja Helca, Beten, Acsaf. Alamelec Amad, Miseal ñamo maja. shi womontoja dö'senno carmelojödä sijor libnat nano Wadädä chunodäna.²⁷Bete dagon shi wejacotojo yöjjedehacadä na mädöje amunchena Zabulonña tödöene, ²⁸yotonno acanajato jafe wadädä. shii wejacatojo nña tödöene Bet cmec Meiel ñano maja tñdñene.²⁹Rama cunödö wocumedö wadädä yöjeje jörtificada tiro jata wadädä, Hosa ñanno cuhodö wadädänocumea Aezib ñano nonodö ahama janone, ³⁰Uma, Afec Rehob ñano maja,(22) jata cönöjacä shatadöcomo maja.³¹Edä iyä Aser wichö caseimjä yöjömmötödöwönñe Cönotachö maja jata como, shata döcomo maja.³²Neftali weichöwö cönotui shatodea toni amojato cöneducai wocanacatojo, yöjömmotodö wönñe maja cuntui. ³³Hele ñanño chunödö como cönojacä saananim weichö jonno, adami neceb wadädä jobneel wadädä lacm jonno amunche cönöjacä,; Jordan töcäi tödöene. ³⁴Chunödä wojedena cadana Aznot Tobar Hucocnña hödäene Zabulón tajojone shi womontojo döse, Aset dönña tödöene shi wonnfojo shudawawö juda ñano cönajacä jordan wäwä.³⁵Jota jodujacomo cönöjacä Sidim, Zer, Hamat, Racat , Cineret ³⁶Adama, Ramá, Hazor, ³⁷Cedes, Edrei Hazor ñanno yawö³⁸Iran ñamo maja cönöjadea Migdael, Horem, Bet Anat Bet Semes ñanno maja. Amajadote dewo acöchöa jata, shatadöcomo maja. ³⁹Mädä cönöjacö casejmjö Neftali weichö wö yöjömmö tödö wonmaja, jata como maja shatadöcomo jadödä.⁴²⁴⁰Dan weichö wö cöneducai(7) wocanacatojo, yöjömmötö döwö cönatui chea. ⁴¹Casemjöje yonadö como conitui Zora, Estaol, Irsemes jadädä.

¹Yääjemma yaawä cajiichana Wanaadi cönädö'aacä Josué wwä: ²"Israeditacoomo wäiñe edaje a'dha'deucwäde: 'Annajäichäcä yää jaatacoomo Moisés wwä wecaamane'döjedea. ³Määdä töödötäcää'de ñääda soto töwoijeda töweichacono emaneijödö yeichocoomoje. Määdä jaatacoomo naade yotoone'toto'comoje ñäädä ujiiñeije na'de'dö wwä soto waama'jödö jo'tä'nei.⁴Ñaadä tooni jaata'ca näneejea'de yää jaata nataatajo nedeennade yaaeä, necammajä'aade yaawä töjäcä yeejadä'dö yää jaatawoncomo inchoncomo wääiñe mmaja. Yaaje yeijäcä jaataca namännä aato'de yeichojo nu'aatode yaawä töjaadä'ñe yeichö weetä.⁵Näädä soto aneeja we'aajäcä ñäädä soto wäämaajö'dö jo'täneije, yääje yeijäcä ñaanno yää jaataeooncoomo äntu'da naato'de cajichanacoomo wäiñe ñääädä soto emneijödö. Ñ'anno määdä tödöojaicha naato, yaaje yeijäca näädä töwiuje'da töweichacoono emaaneijödöje yeijäcä chu'de'tancäädä'da emaneijödö yeijacä mmaja. ⁶Ñäädä soto emaaneijödö yää jaatawä yeichö tujunnena ñanno a'ca'maajonnamo chääjä'cä yaa'deujätödöcoomo yäca'döcomo cä'wacä, ñäädä yää anooto Wanaadi wwä töwa'deuwemöje naadö wämadö joona tödöene. Näädä töwoijeeda töweichacoono emaaneijödö tööja'tacäi ennacajai nadea, töwääneje'jödö jonno."'⁷Yääje yeijäcä israedita'coomo cöne'toicho Cedes Galilea nña Neftalí noonodö antawä, Siquem ñaano cönäjaacä Efraín noonodö Quiriat-arba ñoonodö aacä yeichö antawä (Hebrón nñano naadöjermmaja) Judá nñano noonodö antawä. ⁸Jordán nñano manse'däcä cönääjacä Jericó ñaano shiiwoontojo sudaawa'wä, Beser nñano cönajoichodea chuta jemjono aca jöö cönä'ja'dö yää cönajaacä Rubén weichö noonodö; Ramot cönajacä daja Galaad nña Gad weichö; Golán cönäjacä Basaña Manasés weichö.⁹Määdä yää tameeda jaatacomo israeditacoomo waiñe edhaajä'täjä'ajä ñanno töjaadäiñe anenñajancoomo natodö weichocomoje, ñäädä aneeja täweichacono emaneijödöje nadö yää jaataca täjaiña ane'ja'jato töjacä eja'dadä'täda yeichö weta. Näädä yämaajodö jo'tanei wwä äämada yeichojona ñädä soto emaaneijödö, äcaamajonnamo wäiñe ecammadö'joonane.

¹Yaawä levita wä'jimmä'tädö edhaajätoncomo cöneejoto Wanaadi wä töwa'deuwemö Eleazar wadäädä, Josue Nun nedö wadäädä mmaja, Israelitacoomo antawäiñe yä'jimmä'tädöcomo ju'jäje cönä'ja'todö wadäädäiñe mmaja. ²Tönwanno cönä'döa'to chäwwäiñe edääje: "Cajiichaana Wanaadi cönaanontäi Moises ai, iñaa jataadö u'tojo äwwäiñe, ñaa weichojooje, nono saddu jano iña ecöntomo ewanshiñö töweiye yeichö wetä", quee cönä'döa'to.³Mädääje Cajiichaana Wanaadi waanontä'jödö woije, Israelitacoomo cuntuicho töwwäncomooje Wanaadi nutuudu jataacomo, saddu'ja'como nono jadä, levita weichö wäiñe.⁴Edä yää yeedenna'jödö yaawä sorteo tödöödö que coatitas wä'jimmä'tädö wäiñe: Wanaadi wä töwa'deuwaamo Aaron wä'jimmä'tädö Wanaadi tadaawajui tödönnamooje cönä'jatodö wäiñe cönä'tui, amoojadooto de'wä aaduwaawä jata u'ajä cönä'ja'dö Juda weichö wwä, Simeon weichö wwä mmaja, Benjamin weichö wwä mmaja. ⁵Ñanno dhantai coatitas wä'jimmä'tädö wäiñe mmaane cönä'tui sorteo tödö'jeje, amoojadä jataacomo, Efrain weichö wäiñe u'ajä cönä'ja'dö, Dan weichö wwäiñe mmaja, annai Manases weichö wäiñe mmaja.⁶Gerson wä'jimmä'tädö wäiñe mmaane cönä'tui, amoojadooto de'wä aaduwaawä jataacomo, Isacar weichö nödöödöcoomoje cönä'ja'dö, Aser weichö nödöödöcoomoje mmaja, Neftali weichö nödöödöcoomo mmaja, annai Manases weichö nödöödöcoomo mmaja Basan ña. ⁷Merari wä'jimmä'tädö wäiñe maane cönä'tui amoojadooto de'wä aacä jataacomo, Ruben weichö nödöödöcoomoje cönä'ja'dö, Gad weichö nödöödöcoomoje mmaja, Zabulon weichö nödöödöcoomoje mmaja.⁸Israelitacoomo cuntuicho sorteo tödööe Wanaadi tadaawajui tödönnamo wäiñe edä jataacomo, nono saddu jano jadäädä, Cajichaana Wanaadi wanontä'jödö cönä'ja'döje Moises ai. ⁹Juda weichö wäiñe, Simeon weichö wäiñe mmaja, cuntuicho edä jataacomo nonoodö, chäätöcoomo waadäi eetä na yaawä. ¹⁰Mädä jataacomo cönä'tujäätöi Aaron wä'jimmä'tädö wäiñe, ñanno coatitas antawäiñe cönä'ja'todö, Levi weichöje mmaja cönä'ja'todeea tönwanno. Tönwanno awa'deetoje sorteaje yä'döjo'jocoomo weijäcä.¹¹Israelitacoomo cuntuicho Quiriat Arba ñano (Arba cönä'jaacä Anac ömööje), yää Hebron ñanooje naadö, Juda nonoodö jööcomo' jano antawä naadö, saddu' jano dawoodhecääcä. ¹²Yaawääne' jataawono natööcomo mmane, jataacomo'cä mmaja, tu'e cönä'jaacä Caleb wwä, ñäädä Jefone nedö wwä, inñödööje.¹³Aaron Wanaadi wä töwa'deuwemö, wä'jimmä'tädö wäiñe, cuntuicho Hebron ñano, saddu' jano jadäädä, yää cönä'jaacä jata, wäänejeetojooje, ñäädä töwoije'da soto emaanei'jödö weichojooje, Libna ñano mmaja saddu' jano jadäädä, ¹⁴Jatir ñano mmaja saddu' jano jadäädä, Estemoa ñano mmaja saddu' jano jadäädä. ¹⁵Holon ñano mmaja cuntuicho deea saddu' jano jadäädä, Debir ñano mmaja saddu' jano jadäädä, ¹⁶¹⁷Benjamín atödo Gabaonwä ñonodö cuntuicho Adaijä jodhatomaja, töwö, Geba nonodö maja adaijä jodhemmaja. ¹⁸Anatot nonodö adaijäjodhemmaja Almón nonodö adajaäcönäjäcöäjaca jata jonno. Jödana, acächea jata weijödö. ¹⁹Wanadíweno Wadewödö wäinñe jatacomo vajä cönäjacä Aarón atödö tönwano tamedädäto jata cönäjacä amojato aduwawä ñonidöcomo maja adaijocomo.²⁰Mädäjenmaja coat weichö yädetääcomo wäiñe, coat wichö jadä natodö dewita weichöcomo wäiñe jöweiye cönäjacajatacomo chäwwäiñe wajä wacanacnä que, Eraín atödöwonnaiñe. ²¹Siguenñano chäwäiñe cönätai nönöjadädä Efrain nonodö antawä yää jata cönöjacä wotonetotoje godä töwoijeda soto nemadö Gezer ñonodö adaijä jodhemaja. ²²Kibsaim nonodöadaija cönäjacä jodhe maja Bet Horon adaijäjodhe maja, aeächea jata tämedädädo cönätui.²³Danatödöwä coat weichäwä cönätui el teque nono adaijö jodhemmaja, ²⁴Aajalon nonodö adaijä jedhemaja Gat Rimon nonodö adäijä Jodhe maja. acachea tamedädoto jata cönäjacä.²⁵Manasés weichö anaicho, coat weichöwä cönätui taanac'wä nonodaijä jodhe maja Gat Rimón wä maja nono adaijä jodhemaja, acä jata wicho wacä. ²⁶Toni amojato cönäjacä tamedädoto jata coalitas wäjínmätodö wäiñe, nona jadädä.²⁷Manasés weichö annaicho, Gersón wäjinmätädömaja, canno cönäjato anejacomo levita wäjinmätädö tñnwanno cuntuicho golanwä Belsanña ñonodöcomo Jadädä töwoijeda aneja emaneijödö wotonetotoje yää jata, Beester'a maja ñanodö Jadadä. Acäjata tamedäoto.²⁸Gersón atödöwä cisónñano cuntuicho Isacar weichöcomo nonojadädä deberatñanómaja nonojadädä. ²⁹Jarmuthñamo nonjadädä En-ganínñanomaja nonjada, acäichea jatatocwacä. ³⁰Aser weichöwä cuntucho Miseal Nonojadäda, Abdonñano nonojadadä maja, ³¹Helcatñano nonojadädä Rehob ñano maja nonojadadä, acaichea jatatocwacä.³²Neftali weichö cuntuicho Gersón wajínmatädödöwäiñe cede Galileañano nonojadä. wotenetotoje toni jafa anejacomo töwaijedaiñe tönema cönöjatodö; Hamot-dor nonojadädä cartonñano maja nonojadädä aduwawa jata tanudädoto cönäjacä. ³³Amajadoto aduloaloä tamedödoto jata cönäjacö tamwdädä Gerson loäjinmatädö weno nono dicomo maj.³⁴Amojadoto aduloaloä toimedödoto jata cönäjäcö tanedädä Gersón luäjinmatädö neno. Nonodicemo maja. Levíta como wädetöjocomo, Erari wäjimatädömaja, Zabulón wichö wä cuntuicho:Jocneam nono jadädä, cartañano nono jadädämaja. ³⁵Dimna nono Jadädämaja Naabil ñamo maja nonojadädä, ocächea jata tamedädoto eönäjocä.³⁶merari wäjinmätädö cuntuicho rube wichö waiñe:Beser nono jadädä, Jahaza nano nono Jadädä maja, ³⁷Cademotñamo nono Jadädä maja Mafaa nonojadädä maja Mafaa maja nonojadä maja, Acächca jatatocwcä. ³⁸Gad weichö, cantwicho Ramot ñamo Galaadnña nonojadädä, jöwoijeda soto emanäjö dö wuelocomojo tonijato töweiye cönäjacä Mahanaimñano nonojadadä.³⁹Marari wäjinmätädöwä Hesbón maja chäwwai ñe cöñötui ñonodöcomo, Jazerñano nono jadädä maja. acaichea jatatowacä tanedädoto cönäjaca. ⁴⁰Merari wäjininätödö otoichamowä cönätui edä tatacomo, Levita weichö cönäjätodö, toni amojato acä jata tamedädato. Cuntuido wäcanacanöque chäwäiñe.⁴¹Levita Jatadöcomo ajaíyaja Ismelitacomo Jatodö annawöine. aca soto toni amajato cänäjacä jata ñonodöcomo maja. ⁴²Edä jatacomo chäwasai töweiye cöñäjacä ñonodöcomo . Madäje cönäjäca tanedä jata como jäcä.⁴³Madäje cajichana cuntui Israelitacomo nonodö töwadewöjödö nöngedea utajojäcä dhadaichomowä Isaelitacomo töwwaiñe edhajätogäcä. ⁴⁴Yäjeje cajiwana yadetatocomo cuntui yaichocomo Wadia , dhadaichomowä töwäcämmajödö nönge, ehudetomotonichä aque chanacajaicho tamedä cajichana cuntui chudetonco chänwawäiñe. ⁴⁵Cajichana wadewöjödö chäwäiñe cönäjacä imencacäda, atanedä öshichato töncammajödönönge. ännödada cöneiyacä tamedä cönnöi.

¹Mädä cönejadöawa Josué cänadejajoicho Rubenitacomo, Gasitas coiia maja Manase wichö ainacho moja. ²Chäwäiñe töwä cönädöaca:" chänönge nödötäne ainwanno tamedä Moisés nanontäjödö cafichana anoniänwanno yadeddu voije nödötäne neeanmojödö nönge. ³Edä anoto Jonane anwamo äjinmätonconuo änsacwada mato, Edawa nadö jonane. cajichana Wanadi wanontödo nödötäne äwwaiñe maja nadöje.⁴⁵Tödöene tödötäcäde wanontänä Wanaadi sotoi necammajödä, cajiichana Wanaadi ijummacä. Ye'cheke yoije e'chäde, yanontäjädö shomacä, tödöancädä mmaja, ya'demecancädä mmaja adhewano jadädä, ätötajätödö jadädä mmaja. ⁶Mädäje Josué ashichato quee cönäsancwai tönwa'nno cönennacaicho dea töjatacaiñe mmaja.⁷Yaawane, Manasés weichä anaichocwacä Moisés cuntui ñowodöcomo ecammajä cänäjadä Besenña, ñanno yaato que'ne, Josué ñonodöcomo cuntui ijinmotocomo jäädä, Jordán mänsenjo. Mädäje Josué ashichato cönnäi, shatacönñe cäänennojaicho yaawa. ⁸Cönäädöa'cä chä'waiñe: "Ajatacönñe adhennacatacä äjädötaichomo dha'me, adhecöntomo mmaja, jödata tödöajä mmaja, oro mmaja, bronce mmaja, hierro, jojato camisha mmaja. Ecamotäcäde ajinmotoncomo jaadä, iyä ätödetomo nödödöcomo jäädä."⁹Yääje mma yaawä Ruben weichö, Gad weichö mmaja Manasés weichö annaichocwäcä cänennacaicho tööjayacänñe, Silonña israelitacomo ñämädöcomoje, iyä Canaan ñaano noonodö de'wä. Tomwanno cöntonto Galaad ñaano waadodo, tönonodöcomo de'cäi, iyä cha'waiñe yätuajä cänäjäda cajichana wwä contuichö.¹⁰Yaawä towwanno cönejotodawä Canaan ñano noono naa'dö, Ruben weichöcomo gaditas weichacomo mmaja, Manasés wajinmätodö annaichococwacä mmaja, tönwanno cönnöicho sacrificio tödötojo Jordán mänsenjona, adäijä sacrificio tödötojo tädö'a'jä cönäijacä. ¹¹Israelitacoomo töwäiñe etajäcä iiyäjäcä edäje cönädöa'to: "¡Enetäeamma anwanno Rubén, Gad, Manasés weichö annaichocoomo anwanno mödöto sacrifio tödötojo Cananñanonodö wäcunätädö aawä, Galanña nnadö, Jordanñano jäcä amoncheda naadö, Israel nonodö dösetöwö na."¹²Israelitacoomo waäiñe edä etajäcä Silonña weejumanä cönnöicho taamedädä cönejumaicho, yaawä tönwannocontonto wänä äjäcäiñe tödödö wetä.¹³Yääjeje israelitacomo cöneinojaichodea wätunnä ecammanei rubenitacoomo wadädänñe, galitanñacoomo Manasés weichö annuicho wadädänñe mmaja, Galanñano nonodö decäi mmaja tönwanno mmaja cänennojaicho ñäädä sacerdote Eleazar ne'dö Finees täätö. ¹⁴Chääjadä cöntonto tooni amojatocwacä ädhamo, chäwadänñe cajichanacomo jenadojocomo israelitacomo, ädhamoje cönäjato israelitacomo jatawä.¹⁵Tönwanno cönejoto Rubén wadädä, Gad, Manasés weichö annaichocöcwacä canödöato chawwaiñe: ¹⁶"Edääje nädöato Wanaadi jadoncomo wejunmadö: '¿Aqueene yeijäcä yätädäda ätötajätödöcomo ännöda maato que israelita wanaadöojo, juntacadädä mmato edä anato töwasancww mmato coojichäna Wanaadi jaadö aweichöcoomo, ääänwanno sacrificio äännödöcomo tödötajo määdötäne edä anoto maatodö eajichaana Wanaadi jääcä töwöjudutä mmat?¹⁷¿Coonemjönäjaiñone ca iña conenadöyönai chäwacäda yeichö wetä? Yääje yeiyajäcä conemjöno jonno eco'cadedeaca iiña nai. Määdä conemjönö jääcä cönejä cajinoi Wanaadi jadoncamo wejumacoomo waadädä. ¹⁸¿Eedä anoto jonnoca cajichaana Wanaadi jono mänsacwato? Cajichano Wnaadi jäcä majoi mäjadaratodea eda anoto, töwätäma jenanma yeichojona israelitacono wejunacoono jäcöiiñe.¹⁹Yää anonodöcomo töconema yeiyajäca, äjaneomode yawä yää nono cajichawo Wanaadi tabernáculo nadö dööta. Yatä eichäcäda edajatätäcade ännödöcomoje. Cajichana Wanaadi jäcomma mäjädutätäche. Ñaa jäcä maja mäjädutätächede Wanaadi yademetojo tödäje amädö jäcä, cajichana Wanaadi yademetojo töweiye yeichamemoja. ²⁰¿Conemjönö ännödaca Acán cöneiyacä ñädä Zera nedö cönamenmöichawä, Wanaadi wä uäjäjäcä? ¿Conmjönodaca cönejadätai isadaditacomo jäcäiñe? Acán cönämai töconedadiyöque.²¹Yääjemma yawä Rubén wajimmatädö, Gad wäjimmatädö annaicho wacä Manasés wäjimmatädö maja cönecujäatp ñanno isadaditacomo edäjotoncomo: ²²¡Cajichana Wanaadi jädujato! ¡Cajichana Wanaadi jädujato! Töwö dowaneque, isadaditacomowä dowanequeiñe tönnöjo maja, Ojode cöweichöcomo yeijödö yeiyajäcä cadeducomo ännöda cöweijocomo yeijödö yeiyajäcä jeinñemma Wanaadi juntaca, cäwanacatäiñedaña edä anoto awa ²³altar tädöajäcä cöwaiñe ofrenda tödötojoje täncanodeda weichojo jäca, mädä cajichana Wanaadi nejemajade cöwaiñe²⁴¡Ng'jn! Mädä iñaa cömnöi äcude ännacontoncomo icammajainato yejadatäjödö iñää nacowowä: '¿Anecämö nejadäanä äjäcaiñe cajichana Wanaadi jäcä.²⁵Yääje yeijäcä cajichana Wanaadi cönnöi Jordán, yäcunacadöje ajädänñe iña weichojo. Äncäanno Ruben weichö Gad weichö maja cajichana Wanaadi jadäncomo jönä äncwanno yäje yeijäcä änacontoncomo iñaa nacomo nowanomato cajichana Wanaadi yademecödöje.²⁶Yawä iñaa cönäacä: 'Altar cännötäyo ofrenda tñdñtojo jönö, sacrificio tödötojo jönö maja. ²⁷dowanequeiñe yeichö wetä iñaa, äncwanno maja iñaa cäcä natodedömmaja, cajichana Wanaadi wä tödöjai iñaa weichö, iñaa ofrendai, iñaa sacrificioo, ofrenda täncanodeda weiña jacano maja, ännacontomo anecammada yeichö wetä acudu iñaa nacomowä; "Wanaadi jadancomojeda yeichöcomo.'"²⁸Yawä iña cönädöacä: 'M1d1 iñaa wä täcamma yeiyajäcä, iñaa wäjimmatädö waiñe acude, edeje iñaa ädöjaiña: "¡Enetäcama cajichana Wanaadi altar nöngatoma mädä ñanno jenadojäcomo nödödöcomo jödö ofrenda tödötojojönö, sacrificio tödötojojöcömaja ajadäiñe iñaa weichö enejutojomma. ²⁹Amonche iñaa jäcä neñojo cajichana Wanaadi jäcä iñaa watömatojo, eduwa iña näsanuaja chäjadä iña wötadñ wetä, altar tödödö wetä ofrenda tödötojo, sacrificio, tödötojo, tödäje cajichana Wanaadi altar jönö yää tabernáculo dötänadö.³⁰Yawä Finees ñadä sacerdote, adamo jatawäncomo maja, isadaditacomo wajimmatädö maja chajadäiñe cönäjato, tömcwanno cönetato Ruben weichö, Gad weichö, Manasés weichö wadewödöcomo maja, cönädöato, ashichaca näneanto. ³¹Finees, Eleazar nedö sacerdote cönädöacä Rubén sotoi waiñe, Gad sotoi waiñe, Manasés sotoi waiñe maja cajichana Wanadi cöjadaiñe yeichö conenjönö annödane aweiyacomo cajichana isadaditacomo mewanacatane Wanaadi encwawänno."³²Yäjemma yäwä Finees, Wanaadiwäno wadenwödö nedö Eleazar, Rubenitañancomo jödö cajichanacomo cönennacato Gaditañancomo maja, Galañano nonodö dewänno cöntonto, Cananñano nonodö decäi cönennacaicho, isadaditacomo wadädä tadenjäcomo iññacadöwetä. ³³Wanaadi cmjatawä ashicha cönäjacä yää ñecammadöcomo isadaditacomo waiñe. Ashichoto Wanaadi cönnöi isadaditacomo jäcäñe wänatödö jacä adewöda cöneiyacä Rubenita ñonodöcomo acoichajodö yäta yejatatacomo cönäjatodö.³⁴Rubenitacomo Galitañancomo maja sacrificio tödötojo cönetäicho: "Eneijödöje", edje töcwanno cönädöato: "Eneneijödö cantawaiñe töweiyena nädä cajichana Wanaadi täto.

¹Yaawä wanna anoto yejadätötöjeje. WANAADI cuntui Israelita waiñe yödetatocomo tamedä chudetomo antawaiñe, yaawä Josué inchomme cänöjacä. ²Yawä Josué cänadejaicho tamedä ñanno Israelitacomo, inchomcomo, cajichanacomo, emmecannamo, töwewänötamo edhajötoncomo maaja cönödöacä chäwaiñe: "Inchommewa eduuwa. ³änwanno tamedä tönene mänetöne cajichana AWANAADIYöCOMO tönnöe yeicho tamedö jata weicho waacää ashicha aweichöcomo weta, CAJICHANA AWANAADIYöCOMONE ajadäiñe yewönötajo⁴iEnetäcäma! öwö äwainñe wunee jata töcanacajönö önnacontoncomo wäiñe töweiyemöje, tamedä yää jata wacoichajonedö jadädä, Jordán jonno Dama adhaijoto jona tödöene shii womontojo wädädä. ⁵Töwö cajichana AWANAADIYö nijacanöjatode. ajäcänchödöiñe töwö nennojatode, töwö CAJICHANA najöiyade yää nono, yaawä änwanno mäjädutatode, CAJICHANA CAWANAADIYöCOMO necammajödö mönge yeichö wetä.⁶Yääje yeijäcä äjädutätäcä, yätädä eichäcä de yawä tamedä tödötäcäde yää wanontönö jajeda jäcä tamedä tödötäcäde yää wanontönö jajedajäcä Moisés nimennöjödö nadä, mäjedennacäiche adamädöcomo ämudenmö jönö dööse ämudato dööse jadäjödö maaja, ⁷Canno soto ajadöiñe cönommoichodö jadä mojodötäiche, yanadiyöcomo jadäjödödö etöjaicha maato, chötöcomo joi jadäjödödö äcammajaicha maato, yademejaicha tämudhe ädöjaicha maaja. ⁸CAJICHANA WANAADI wadädämane tämudhe adöäjai maato tönnöe mänetönedöjeedää anoto jonane.⁹Mädääje töwö CAJICHANA ojonnoñe cämmacanöjoicho ñanno soto ojodhacoomo jädujacomo maaja. eduwa maane tonichö aquena ajäcäiñe töwöjödutömö. ¹⁰Mäcäcämmödä dhanwa yeichame jojacomo ätudetännamo nönejeatode, CAJICHANA WANAADIÑE Ajadäiño yewönötajö, töwö CAJIHANA, tadhedu cuntuichöje. ¹¹Yääje yeijöca etatöcä, jimmatäca CAJICHANA WANAADI.¹²Yawääne äncadedöiñe tödöajöcä, tämudhe äwädöacommöcä ñanno yäädetöjöcomo ajadänñe naatodö jetacamñe, chöjadäiñe äwädäacommöcä, owojodöacommöcä änwanno tönwanno maja. ¹³Yääje yeijäcä adhowanäcäiöñe neñojo CAJICHANA WANAADI änucada natode canno soto ajadononñe. Tönwanno quene trampa aca neducatode nataijujäjatode chäwänñe inchacotawäiñe adhesocatode wesocaque, öwamadöcomo jonane eichacäde eda nono dewä eichäcäde WANAADI¹⁴Eduuwa maane tamedä edää nono emadätai wööta, anwanno tamedö adhowanöcäinñe adewanöcomo odotadöcomo jadädä tonicho tadhedu äwänñe tönecammajödö ännödada CAJICHANA WANAADI yeichö. Tamedä öwänñe töwätuena yää. aquena inchudujönö jedada. ¹⁵Yaawöne tamedä CAJICHANA WANAADI tadhedu cänecammai, määdäje töwö CAJICHANA awadädäiñe neneadhe tamedä conenjönö töwö CAJICHANA WANAADI cuntui äwäiñe töwö CAJICHANA dea nacoichajade edää nono.¹⁶CAJICHANA WANAADI määdä nödöade ajäcänñe äwänñe ennomajäcä yää tadhedu cuntuichö, töwö cänanntöi yätädä aweichöcomo jäcä. Awanno ätacommöcä nadänane yanadiyö como wadädä yademeque tämudhe ödöemmaja jitacanñe, yawäne CAJICHANA ajäcaiñe nötämade, yawä mäjaatode tanmöne yää nono ashichato CAJICHANA cuntuicho janno.

¹Yaawä Josué conejummai isadaeditocomo jadäiñe, siquemñano jatawä. töwö cönadejaicho ñanno Isaeditacomo inchoncomocä, tädhamo jadä annencannamo, suddau edhajotoncomo jada maja, tonwanno cönädöacä Wanaadi emjatawä. ²Josué cönädöacä tamedä soto waiñe: "Edä iyä cajichana isadaeditacomo wanadöyö nee cammadö: "Mädäje jenadä adhadachoncomo toweiye conajato, Nacor umotoncomo tonwanno chataja tönwademeque cönäjato. que cönädöaca.³Yawa öwö omotoncono wadejane Eufratenñanno, canaánñano nonodö decäi wadane inñedö isaac aaijojedhatödö wune. ⁴Isaac wä wuneto jacobo Esaú maja. Esaú wä mame seir nonodö wune ñonodö neneje, Jacobo nacomo mane cönäjato Egipto namcomoje que cönädöaca cajichana wanadi.⁵Moisés mane wadojone Aarón maja Egipto ñano conemijönö aca. mädäjejeyätonno manucane yawä. ⁶öwö wädäneto adhadachoncomo Ejitonñano nonodö jonno, tuna dinña conejoto yawa. Ejitonameomo cönajecaicho tadada dewa esetannamo maja amunche tuna seweichato dötä tödöjone.⁷Yawä cöntötacho Wanaadi wa töwadeuwodocomo, töwö cönnöi tojato ejitonancomo antawäiñe maja. tuna cönnejoi chäwadädäiñe inñadödöcomo wetä äwwamno meneaquene ejito ñancomo jaca wodömedö. yäjeje tönnöjae majaquene jatajemjöñö aca numa.⁸öwö weneneto Amorreo nonodö decäi Jordan mansenjo yatadöcomk cönäjatodö tönwano cönewonotocho ajadänñe, chanwawaiñe manutäne yaawä awwanne majaichäne ñonodöcomo öwö iyä wacoichajone anwanno adhowajodaiñe.⁹Yawä Balac ñadä zipor nedö, Moabñano cajichana, Israelitacomo jäcä cöñädutäi, töwö cönennojai Balaam ñadä Beor nedö caneda yadeuwödö wetä. ¹⁰Yäje yeichame Baam wadeuwödö anetada weiyaquene, ashatone töwö cönnö, yae yeijaca chäjadonnoiñe yeichö wewanacane.¹¹Madaje Jericoña mädötäne Jordán dötäcä änwamno. Jericonancomo cajchana awanatätäne, Amorreonanco jadaine, Ferezeo, Cananeo, Hitita, Gereseos, Heveo, Jebuseo ñancomo maja, äwwäiñe chanacatojo wune, adhonoiñe wödöneto. ¹²Odhowajoine sanwa wennojaneta, tönwamno cönadoichodö, ñamno acä (2) Amorreo ñancomo cajichanachadö, yänejedöcomo wetä. ñadä cönejadätäi yaichadöco, shimadaichomo jäcä maja.¹³öwö ononodöcomo wune iya tacutäjönö iyä jatawä ännöda meiyaquemnö maja. Eduwane täncanodeda matode, mäwashinchäatode uva ejedödöque oliva ñatödajä maja¹⁴Eduwa mane Cajichana Wanaadi ñontätäcäde, yademetäcädede tamedä awenchöco jadä, chanönge aweichocomoque maja: chutajäjonno asacwajotäcä; adhadachocomo tönwademeque cönajatodo Eufrate mansedä Ejitoña maja, Cajichana Wanaadi mane yademejai mato eduwa. ¹⁵Yadaquene äwwañne chänöngeda Wanaadi yademecödö yäneajäcä änwannomma michitamecato änäcö miyademecato chutajajä adhadachoncomo tönwademeque cönäjatodö Eufrates mänsedä, Amorreo Wanaadiyñcomone iyä matodö nonodö dewä, "yawane ñaa mane cajichana Wanaadi niyademecade¹⁶Shotoi cönecujooto yawä cöna'döa'to: "Cajiichaana Wanaadi änsancwada inñaa naade aneja chutajä wadädä tötädöquee, ¹⁷cajiichaana Wanaadi cönne'jä cöwadädäiñe cädachoncomo Egipto ñanno nonodö jonn, shotoichomoje coweichöcomo, jonno tänemö cönenojoi cöwaiñe cadachätäne dea sadä cöwädödöcomo jonane. ¹⁸Cajiichaana Wanaadi cunucaicho tamedä soto inña owadädä amorreañancomo mmaja. Inña mmaja cajiichaana Wanaadi niyademecadede, inña cajiichaanai mädä Wanaadi." Quee cönädoato.¹⁹Yawäne Josue cñnädöacö soto wäiñe: "Änwanno cajiichaama Wanaadi wadädä täjaichamaato, Wanaadi conemjönö jemjönöje yeiyäjäcä töwö Wanaadi; töneñatoje yeijäcä maja towö Wanaadi; towö anencwanojoda nade conenjonö anödöcomo. ²⁰Enomjajäcä awäiñe cajiichaana Wanaadi, chuyajä yademeca jäcä maja äwäiñe ajadäñeda Wanaadi weichojo nade yaawä amaminchatodede. Towö adhacoichajatodede ashichato tödöjeje äjacainñe quee cönädöacä."²¹Yawä ñanno soto Josue wä cönä'a'to: "Ng'jn', iña Wanaadi niwademe'ca'de." ²²Soto wanñe Josué cönadöa'cä: "Änwanno dea mma enennajojädöje Ma'tode, anwanno owuijenñe Wanaadi yademecö." Jödö äwanñe yeijäcä tönwanno cönädöato: "Inña dea'mma eneneijödöje naade." ²³Josué cönädöacä chawänñe: "Eduwadeamma, anejacomo Wanaadiyö' como awanñe nadö enonjatäcä, adhewanö' como jadäda Wanaadi ijunmatacä ñadä Israede Wanaadiyö'como,"²⁴Edää'je ñanno soto Josué'wä cönadö'ato: "Inña Wanaadi niya'de'meca töwanaadiyö'je yeijäcä. Dhadee'du iña neta'de." ²⁵Yawä Josué tade'du cuntui soto wänñe iya anoto awä. Towö cönnöi tacadeda wanontänä Siquenña. ²⁶Josué cönmenäi wanontänä Wanaadi jajedai jacä töwö täju adaijoto cönanna'jöi yäta connöi yawä, iyä chuta roble o'nä Wanaadi weichojo yönonñato acodane.²⁷Josué tameda soto wanñe cönädöacä: " Eneetaca'ma edä täju' na'de cötötato'como connöjocomo ecamma neije iya Wanaadi wadewö'jödö cöwänñe. Maadä na'de ujuntaconñe töweiye möje, anedawa ijomedajäca owanaadiyö'como je yeicho jonno." ²⁸Mädaje Josué cönenno jaicho ñanno soto amonche, ixa chäwadänñe ñonodöcomo nene ecammajä cönajadö dönña.²⁹Yaawä edäjeje, Nun nedö Josué, Wanaadí anonö, cönämai 110 wedu töweichö. ³⁰Töwanno cönewa'caicho tönono' döcomo uäjä wäca'döaca yääya Timnat Sera weíjö'como Efraín weíjö'como jööjanoaca, Gaas ñanno chuuta shii womontojo wadäädä.³¹Ñanno Israelita'como anooto wadäi Wanaadi tönwa'demeque töweiye cönä'jato Josué jaadä anooto wadäi ñanno incho'comocä töwee cönä'jato Josué wadädä; ñanno tameedä israelita'como jäcäiñe Wanaadi tönnöe cönä'jadö enennamo'jödö.³²José yeejo'como, iyää ñanno soto judú Egiptonñanno yeejä cunu'caichodö, tönwanno cönewacaícho yaawä Siquemña, iyää Jacobo she'casacä cönejemmaíchö Hamor naacomo wäiñe, Siquem ömö wä, töwö cöne'jemai cien jödata weíjödö cä'wa'cä määdaje inñödö'como töweíye cönädöi José nacomo nödödö'je töweiyemöje. ³³Ñääda Aarón needö Eleazar cönä maíchea yaawä. Töwanno cönewa'caicho chäquejödö Guibeanña, iyää chäwä wajä cönä'jadö. Iyää Efraín jaatadö jö'dota'ca cönäjadö.

¹Yääje mma yaawä Ana edääje odaaje cönädöacä: "Yewanö jäcä tacwaiñe wa Jehová nutuudu woije. Töwö yoije dea wäjäduta. Joonada naato ñanno tu´detännamo, chäwwä yeewanaacajödö weijäcä.²A´quena yotonnogeda Ashichato Cajiichana, A´quena yotonnogeda änöngato, a´quena tääju nönagato cäwanaadiyö¨como."³Ojodhe aweichömma mäntö´tammecäi, wäquimajänä mmaja äntai mänjacanöjoiche. Cajiichana Wanaadi tameedä dhowanäcäna töwö cöweichöcomo ne´menca yaawä. ⁴Ñanno dhanwacomo jäädujacomo naiyoatode shimaada ejuudu aiyodö nönge´ma, yaawäne töwö jäduje nödöatode ñanno jädujemjönocomo⁵Ñanno ämijeda töweichameiñe cönetadawacajoicho tuducomo jäcäichädä; ñanno que´ne ämiije cönäjatodö ämiijeda cönädöjoicho. öWö queene ennecajönö yennecane siete tocwacä, yaawä ñäädä woodi jojacomo inñacomo, jädöjeda cönädöjoi.⁶Töwö Wanaadi ämatäna weiñä tunue mmaja. töwö tödenötäna äwaa aca tödöene tönadonca mmaja. ⁷Töwö cajiichana Wanaadi wentumme dö´jotäna tönsomaque döjotä mmaja. dho´noncomoje dötä mmaja, yawääne adaijä dötä mmaja nadea.⁸No´sajato acanno wentumjato tönannäe mmaja töwö. wedennä acanno ijummanei tönannäe töwö ajimadö wetä Cajiichanacomo jadäiñe yaawä töwö najäiya taatei ashichato. Yaawäne nono atäi Cajiichana wwono määdä, tamedä yewä töwö cönnöi.⁹Töwö nedachade tösotoi chänönöacomo juducomo, yaawäne ñanno conenjönöcomo mane töjato aca nodöatode täjäduduque eijacha weiñäna.¹⁰Ñanno Cajiichana juntaca natodö, nätämaminchajatode; yaawä töwö nennojade yetötömadö cajuñanno. Töwö Cajiichana nemencade nono dhacosadöcomo wadäi. Töwö Cajiichanaje tönetädö wä ijäduudu nuade yaawä adaijä ijäduudu nödöade ñädä töneichöwä.¹¹Yää´jeje, Elcana cöntämä Ramaña, täsaca. töwö mudecäcä töwetadawacajo cönäjacä Cajiichana wonoje Sacerdote Elí chäjadä töweiye cönäjacä.¹²Yääje mma yaawä Elí nacomo dhanwacomo cönäjato conedaiñe. Tönwanno dhowanäcäiñeda cänäjacä Cajiichana Wanaadi. ¹³Määdäje ñanno töweiye cönäjato Sacerdote como sooto jadäiñe anemmädä dhanwa töjenjönö utudawä, ñanno Wanaadiwoncomo wade´wödö jadäncomo wetadawacajodö töwee cönäjato aduawoto yedö ashatojo dhame iyä juinujödö yesedötame. ¹⁴Ñäädä mma ashatojo ewacajai töweiye cönäjacä adinñö aca, tamedädä iyä tönasha cönäjacä, yaawä Wanaadiwono wadeuwädä töwonoge deamma töneiye cänäjacä. tönwanno mädä tönnöe cönäjato Silon ña tamedä ñanno tö´tä cönäjato inña.¹⁵Määdäje mmaja chaatö asu´cadö owajo Wanaadi wono wadeuwödö anoonö iiña täwädöe cönäjaacä: " edääje töwädöancädä Wanaadi wono wadeuwödö wänoje ijuunu tasu´cajöönö ännecä, asucajä ämjummada töwöna, tasuucajönö mmane." ¹⁶Yääje ñäädä dhanwa töwädöe cönäjacä chäwwä: " chaatö ya´cwacä awade, yääjejene ämjummadö wacä maadöiye yaawä." Yääjeje töwö nödöa: " äjö, yääjeje ucäde öwwä, yääjeda yeiyajäcä jäduuduque mane´wajinñade". ¹⁷Ñanno dhanwacomo äjömanöcomo conenadiyö cönäjacä jooje Cajiichana Wanaadi emmatawä, tönquinñemeque cönäjatodea Wajiichana wä töje´mjönö uajö.¹⁸Yaawäne Samuel mude´cä´cäje töweichame Cajiichana wonoje tönnöjäe cönäjacä yomö täjeto cönäjacä yade´wödawoto. ¹⁹Töwö yenö yomäcä töncae cönäjacä. Weedu waadöi töiño acä täje´mjönö tödöe töwoncudawä, chääwwänooje tönnee cänäjacä.²⁰Elí ashichato tunue cönäjacä Elcana wä jinñamo wä mmaja yaawä cönödöacä: " Cajiichana nuade jojecäjene ännacomo määdhä woodi aca, Cajiichanane töwö ecaetöda ". Yääjeje tönwanno cänennacaicho täsacaiñe mmaja. ²¹Yotonnomaajajene töwö Cajiichana Ana cöniwatäichea, yääjeje mmaja cänwensutaichea. töwö tönnacomo cönennuichaicho aduuwawä dhanwacomocä, acä wodiinñamo mmaja. Samuel nejeedö mmane Cajiichana owaadädä cönaatönöacä.²²Elí mmane inchomje cänöjacä, yaawä töwö cänetai tamedä iyä tönnacomo cönnöatodö ñanno Israelitacomo jäcäiñe, tönwanno tönnöque cönäjato ñanno woodinñamo mma wejunmmatojo natatajo töweiye cänäjatodö jadäiñe. ²³töwö cönädöacä tönnacomo wäiñe: "¿Anecätojoje määdäje tönnöe mänetäne?" Tameedä ännödöcomo sooto öwwä necammajäato coneda aweichöcomo. ²⁴ng´jn, önnacomo; Coneda adhecadöcomo weetane. Änwanno cone´jönö mödöjato Cajiichana sotoi wäiñe.²⁵"Dhanwa cone´jönö tödöajäcä aneja dhanwa jacä, Wanaadi nenmencade, Yawääne toni dhanwa cone´jönö tödöajäcä Cajiichana jäcä, ¿Änäcö adeujaiñai iwatädöje?" Yawääne tönwanno anetada cänäjato tumutoncomo adeddu mädäjene Cajiichana necanmadö yeiyetöda yäja´tocomo. ²⁶Samuel nejedö mmane ashicha cönennejencacä Cajiichana wa´cöje soto wacö´jeiñe mmaja.²⁷Yääjemma yaawä Wanaadi anonö cönädöi Elí döiña cönädöacä: "Edääje Cajiichana nädöa:´¿Adhaadaichoncomo wäiñe tä´ne änejodaca töweiye wäjaquene Faraón anonöcomoje Egipto ña yeichöcomo? ²⁸Öwä töwadeuwamoje we´täneto tamedä Israel atödöcomo antawäiñe, töwomöcomo awä yewontädöcomo iyää Sacerdote wo´mö awä i´chädöcomo wetä, Sacrificio dötoojo de´wä soto nenedöcomo öwänoje chäwwäiñe utuudu wetä, ashichato ijodö yacwadö wetä mmaja. Chääwanshiñööcomoje töweiyemö cönäjacä yää sotoi Israelita nutuuducomo.²⁹¿Anecäämö e´nei ö´wäno täjenjönö uajä töncöiñemeque mänetäne, yää weichojo tawä tönnöjo wäänenedö? ¿Ännacomo woijeiñe mödöjato, umjummadö nöngeda, anecämö e´nei Israelita nutuducomo ashichato jäcuinche adhejuiyato änwanno?. ³⁰Eedääje Cajiichana Israel Wanaadiyöcomo nä´döa: ´Eduuwa mmane edä ännöda wade, ashichato wödöade ñanno ashicha yödönnamo jäcäiñe, yawääne quinñemenamo jojedaiche wiijummatode.³¹Enecä´ma, iyä anoto aca yädöödö mädä, yaawä öwö manenwejiñade äjädudu que omo wäjimmätädä jädudu mmaja, soto nosamme yädöajäjeda nade adhatödö antawä. ³²Mäncädöade tödötojojeda aweichame weichojo dötä. Israelitacomo wä ashichato eneejotame, ööntontanö aneneda maade adhesaca. ³³Änwanno tameedäda mänjacanöjotäne yää yaatei döajä jonno, adheenödu aneneda wödöade yaawä senato ai aweichö na´de. Tameedä ä´maichawä nennuatodö äwäjimmätädö näjaatode.³⁴Edää iyää ääwä wenejadö, ännacomo acää natodö Ofni, Finees jäcäiñe töwejadäemö: Tönwanno a´nädäcädä näjaatode iyää anoto dea. ³⁵Öwö wene´tade öwwöno wadeuwödö chänöngato, töwä töjatadö nönge nödöade yewanö jäcä naadöje mmaja. Täige inmai wamäade; töwö yowajo nämannäade töwö Cajiichana ne´tädöje na´de yeichödäje.³⁶Tameedä adhesawä nu´dä yonomjacomo natodö, tä´mudhe jietaca äädöe neatode, tooni jödata cä, tuducomo cä mmaja ecatädö wetä yaawä nädöatode: "Yääcä, sacerdoteje weiñä tadawajöi änucä tuducä chanacadö we´tä".

¹Mudecäcäje töweichö Samuel töwetadawacajo cönäjacä Wanaadi wänoje. Elí anonöje, yää anooto awä Wanaadi a´deddu weiñäje ä´tada töweiye cönäjacä, wänetönä´ai anenedammaja. ²Yaawä yää anooto awä Eli, tänuque wädönäje cönäjacä, töcamai de´wä cönädetacä. ³yaawä Wanaadi wäno adhawa ätunquejöda dea yeichö, Samuel mane Wanaadi weichojo taca wönönäje cönäjacä, Wanaadi arcai jäcä amoncheda. ⁴Yaawä Wanaadi cöna´deejai Samuel, töwö edääje cöne´cujäacä:"E´täwa"; quee.⁵Elí döiña Samuel cönecatömöi yaawä, edääje cänä´döacä: "Eetä wwa, cadeejanäcä". Elí cönädöacä, Adhadejada weiya, ännötade quee cönädöacä, mädäje Samuel önöque cöntännea. ⁶Yääje mma yaawä Wanaadi cöna´deejaichea: "Samuel". Edääje Samuel cönädöacä "Elí etä wa cadeejanäca" Elí cönecujäacä adhadeujadawa, ännötade quee cönädöacä."⁷Yää anooto awä Samuel Wanaadi jooje dhowanäcäda cänäjacä. Wanaadi tö´wadewe yeichö dhowanäcäda cänäjacä. ⁸Yääwä aduwaawädeeto Wanaadi Samuel cönadejai. Samuel cönammöichea yaawä, Eli döiña tötädöjemma. cönädöacä: " Eetä wa cadejaanäca ". Yaawä Elí cöntötai Wanaadi wä mudecäcä adeejadöje yeichö.⁹Edääje Elí cönädöacä Samuel wwä "ännötade, eduuwa adhadeja´jäcä, edääje caichäde: Adhadeucä Wanaadi, öwö adhanonö etadöjewa". Samuel önöque cöntännea yaawä töweichojo döiña mmaja.¹⁰Yääje mma yaawä Wanaadi cönädöi Samuel döiña. Tönadejatöjedea Samuel cönädejai "Samuel, Samuel", yaawä Samuel cönädöacä. "Adhadeucä öwö adhanonö etadöjewa que cönädöacä". ¹¹Yaawä Wanaadi cönädöacä Samuel wwä: Etacä eduuwa Israelña äwwä tödöemöjena, tamedä etannamo ijaa´nai yäcatoncamo ñanno etannamo nichätänön´atode.¹²Yää anooto awä Elí juntaca wädöade tamedä yäjimmätädö mmaja, wecammanedö wödöade yaajäntäjödö jonno yäcadö joona tödöene. ¹³öwö edääje wädöaquene, öwö chäwwä wecanmane tömichomoje yeichöcomo tamedä yäjimmätädö conemjönö dhowano jäcänchädä, inñacomo conemjönö cönnejoto towadädäñe töwö anene´nanöjodaiñe cöneiyacä. ¹⁴Mä´dä woijato ännödada wa´de Elí wäjimmätädö jäcä, chonenadiyöcomo yeichöje täncwannojoda naade chonada sacrificio uutudu eijaiña, ofrenda utuudu mmaja; quee cönädöacä.¹⁵Yaawä Samuel cönnöcöi jenadäne tödöene; Wanaadi weichojo natatadö cönaducai yaawä. Samuel tösaade cönäjacä Elí wwä tönenejödö ecammaseda. ¹⁶yaawä Elí, cönadejai Samuel cönädöacä: " önnedö, Samuel ". Samuel cönecujäacä: " Eetä waa ".¹⁷Elí cönädöacä "¿Aqueene äwwä nödöanä Wanaadi?Dhadedu öwwä manetonetäi. Wanaadi mma amaminchano joojecäjene. toni´chä äwwä ñeecammadö jäcä momjome´däi tadedu necammachöje äwwä, quee cönädöacä. ¹⁸Yaawä Samuel tamedä conecammajätöi, etoonetancädäda. Elí cönädöacä: " Wanaadi tunjummadö nönge nödöa chänongato dö´se.¹⁹Yaawä Samuel ashicha cönennacai Wanaadi töjadä yeijäcä. Tamedä dhadedu sooto wäiñe ñecammajödö ejadätädada töweiye cönäjacä. ²⁰Tamedä Israel, Dan ñanno Beersebaña tödöene, sooto owaanöcäiñe cönäjacä Samuel Wanaadi anonöje yeichö dhadedu ecammaneije, neeneje yeichö mmaja. ²¹Määdäje Silo ña Wanaadi töwänejodö cänajäntäi chea Samuel wwä, ta´dedu ecammajä´ancädä.

¹Samuel cönadeuwöi tameedä Isdaeditacoomo wää. Isdaeditacoomo nejacaicho eduuwa Filisteo jadäiñe töwewänäätädöcomo wetä. Tönwanno cönejatatäicho Ebenezer ña, Filiteocoomo mane cönejatatäicho Afec ña. ²Filiteocoomo chänönge cöneconecajätöicho töwewänätädöcoomo wetä Isadaeditacoomo jadäiñe, wänä wajäntajäcä, Filiteocoomo cöncanacaicho ñanno Isadaeditacoomo acäichea miide soto cönäjajoicho wänä aca.³⁴Yääwä soto wädöacomjäcä töweichocoomo döiña inchocoomo Isadaeditaiñan coomo cönädöato: "¿Ane´cä´menei Cajiichana Wanaadi cöcanacajoto eduuwa Filiteocoomo wäiñe? Eichantäcä Cajiichana Wanaadi jatuwai Sidon ña nadö, etä yeichöwetä cödötäiñe cädachäneichomooje cutudetäneichomo jonno." Yaawä cönanontoicho dhanwacomo Sidon ña; Inñanno cönnejato Cajiichana Wanaadi amodecoomo edhajätoncomo jatuwai, yää dewä cönäjato Que

¹Wanaadi jatuuwai emenme´cajä´cä Fidiiteo wäiñe, Ebenezer ñanno cönäädöicho Adod ña. ²Töwanadiiyöcoomo Dagón maichaca cönaamänäjöicho yaawä, Dagón wötaajä nnäcä cönnöicho. ³Yää jenamma naadöje Asdod ñancomo wä´jäa´comjäcä, Dagón cöneedantäicho Wanaadi jatuuwai je´taca nonojo yeejuccajä. Cönannäjöicho yaawä yeichojo döötä mmaja tödöödö wetä.⁴Yää jenamma naadöje mmaja töwä´jä´comjäcä yeichojo taca Dagón do´tadömma cöneedantöicho, Wanaadi jatuuwai o´wawä nonojo yejuccaajä. Töjöncä´e cönä´jaacä, dhamäädö a´nädäncädä tacä´e mmaja, mönaatata o´nä yä´meaajä. ⁵Yääje yeijäcä eduuwa naadö jo´na tödööene, Dagón weichojo ta´ca töwoomomööda wäiñe, mönaatata o´nä äätaja´da naato Asdod ñancomo sacerdotecoomo, shootoichomo mmaja.⁶Yaawä yä´ja´to´comooje Wanaadi töwaawojä´eiñe cöncädä´ñaicho ñanno Asdod ñancomo, ijaatadööcomo awoodhecääcäiñe cönä´jatodö mmaja. ⁷Yää enea´jäcä töwwäiñe, tönwanno cönä´döa´to; "Israelita wanaadiyööcomo jatuuwai sadä eija´cha na, cöjääcäiñe cone´da yeijäcä, cöwaanadiyöcoomo Dagon jäcä mmaja."⁸Tameedä tädhajätoncomo cönijuumaicho yaawä ñanno Filisteos weichö; Cönädöato chäwwäiñe: "¿Aaquene cöödöato Israelita Wanaadiycomo jatuuwai?" Tönwanno cone´cwajäato: "Gat ña adööjätäcä, quee." Gat ña cönaadäicho yaawä Israelita Wanaadiyööcomo jatuuwai. ⁹Iiña chäwwäiñe adää´jajäcä Wanaadi chääjäcäiñe cone´da jeene cönä´jacä. Tameedä yää jatawäncomo dhanwacomo cönaawojäätöicho yaawä inchoncomo, mudeeshi´chä jadäiñe jödöödä.¹⁰Wanaadi jatuuwai cönaadäjoicho yaawä Ecrón ña. Iiña yä´döa´jäcä ñanno Ecrón ñancomo cöncätömuicho, edääje töwädöancädäiñe: "Cödöiñanñe nädöi Wanaadi jatuuwai cöwä´jaatocomoje, tameedä cöjatawoncomo wä´ja´tocomoje mmaja; quee töwädöancädäiñe.¹¹Tameedä Filisteos edhaajätoncoomo cöni´juumaicho yaawa. Cönä´döato chäwwäiñe:"Yeichojo ta´ca Israelita Wanaadiyööcomo jatuuwai adääjotääcä, tameedä cäja´to´no, cöjimmätoncomo mmaja;" quee cönä´döa´to. Tameedä yää jataawäncomo jooje tösaade cönä´ja´to Wanaadi töjääcäiñe cone´da yeijäcä. Jooje cönäntunaanö´a´to. ¹²Ñanno dhanwacomo ä´jajo´da cöneiya´todö töwaawojä´eedä cönä´ja´to. Caju ña tödööene yeecadautöödöcoomo cönäätaacä.

¹Aacä amoojato (7) nuunä wanaadi jatuuwai cönä´jacä Filiisteo noonodöcomo de´wä. ²Yääjemma yaawä ñanno Filisteocomo, cönadejaicho ñanno Wanaadi wä töwadeuwamo chötanmenamo mmaja; Edääje cöna´dö´a´to: ¿Aaquene cöödöato eduuwa Wanaadi jatuuwai jäcä? Iiña wä ecammatäcä aquene inñacajain iñanai yeichojo dönña mmaja.³Ñanno Wanaadi wä töwadeuwamo chötameenamo mmaja edääje cönädöato: "Wanaadi jatuuwai äwwäiñe adääja´jäcä, tasse´da mma manadojotäiche, aashiichato äntuuducoomo je´damma manadojotäiche. Iyää conemjönö ännöjo´coomo chäjäcä, mädääje änwanno mäjiichö´tato´de, odhoowanäcäiñe nö´döa´de yaawä ane´cäämö e´nei amaaminchaato ñäädä iwanadiiyöcoomo." ⁴Tönwanno cönä´döa´to: "¿Aane´cäämö ashiichato ujai caato conemjönö cönnöjoocomo jaatuwa jäcä inña´cada´wä tadojoomö?" tönwanno cöneccujä´ato: "ijatodea tumor odooje tödö´ajä, ijatodea asööcö cu´ta´a´jä odoje tödöajä mmaja, ijatodea Filiteo edhajätoncomo weichö cutä´döje cönä´jacä, määdä oodo döajä que cönä´dö´ato määdä cädäichedea cönwanno Filisteo edhajätoncoomo mmaja cäätämaminchajaato.⁵Yääje yeijäcä änwanno äcunnöjä´tojocoomo chu´tätäcä asööcäcoomo cutajä mmaja mädä soto chädäñaneichämoje nadö ashiichato uancädä Israelita Wanadiiyöcoomo wä. Mädääje äjimmätoncoomo maminchadööcoomo töwö e´nomjajai naichö jääcä, onoonodöcoomo awaanadiyöcoomo maminchadööcomo mmaja. ⁶¿Ane´cätoojoje adhewanöcomo mäntäijanöca tädödeade, Egipto ñancomo, Faraon nöngenñe mmaja? Yaawä Israel wanaadiyöcomo wwä cönätämamichajoi choda´wä; ¿Yaawäne; chäwwä töwäätä´maminchajoodöcomo quee cömjacanöjoicho jönca?.⁷Tadaada anaamode´nätääcä tödöenöne adännamooje i´wadö´tääcä´de yaawä aacä jaaca tönneca´como, nono shaca´nödö onoonejaajöncomo, iiña cöntonto adätä´cäde chäwötö´como taca chojonnoiñe amunche. ⁸Yaawä Wanaadi jatuuwai annu´täcäde tadaada de´wä. Iiñäcä aneeja jatuuwa´cä aca conemjönö ejeematoojo oodo ewaacancädä unmichatäcä´de yaawä. Ennojatäcä´de yaawä chämadö tai.⁹Ene´madööje eichäcä´de yaawä; Yeichojo wadäädä jatuuwa chäwwäiñe adää´a´jäcä, yää Bet Semes ñano eemadötai, cowanäcäiñe na´de yaawä woijatooje edä cädäi weichö. Aneiñaja icha´comjäcä mmane, cowaanäcäiñe na´dede yaawä jönaawänooje yeichö, quee cönä´döa´to jöwaiñamo Filiteocoomo.¹⁰Ñe´cammajocoomo nönge ñanno dhanwaacomo cönnöicho; Aacä jaaca cöniwadö´täicho iiñacoomo cä´jacomo quiniwadötoicho yaawä cadeeta jäcä iinñacontoncomocä chä´sa´caiñe yeichöcomo taca cönaduicho. ¹¹Wanaadi jatuuwai tadaada de´wä cönannucuicho yawwä, aneeja jatuuwa´cä aca wawoojänä cu´taajä mmaja.¹²Bet Semes ñadäädä cönäma´toicho yaawä. Yää äämätaichea ñanno jaaca sa´donna cöntonto, töweecadaujä´ancädäiñe, ämu´dato dö´se ääseca´da, ämu´demjönö dö´se ääseca´da mmaja. Filisteos inchäcäiñe cöntonto dea Bet Semes ña tödööene.¹³Yäätä ñanno Bet Semes ñancoomo trigo cönaamu´ca´to. Tönwanno cönanmäicho cönäje´dennacaicho jatuuwa eneedö weetä cönau´cwaichaicho yaawä.¹⁴Iyää tadaada wä´döa´jäcä Josué nonoodö´jödö Bet Semes ñanno aaca yomon´a´jäcä, yäätä cönedennai yaawä, tooja adaijoto döötä tadaada cönaacä´jätöicho wa´toje Wanaadi wwänooje jaaca sacrificio je tödödö we´tä. ¹⁵Wanaadi jatuuwai Levitacoomo cöneenötoicho, iyää jatuuwa´como chäjadä cönä´jadö oodo tödööjä´a´jä ewöötö´como tooja adaijoto de´wä cönnö´jätöicho. Ñanno dhanwacoomo Bet Semes ñancomo yää anootodeamma ashichaato cuntuicho täjemjönö yacwadöque Wanaadiwä.¹⁶Yää eneeajä´cä, ñanno ijaatodea´como Filisteo edhaajätoncomo Ecron ña cönennacaicho.¹⁷Edä yää ñanno Filisteocoomo ädha´mo oodo döajä Wanaadiwä cuntuicho´dö conemjönö tödö´jödö eje´jödööje: Tooni Asdod nutuuduje, tooni Gaza nutuuduje, tooni Ascalón nutuuduje, tooni Gat nutuuduje, Ecrón nutuuduje mmaja. ¹⁸Chädhajäätoncoomo waadäi yää asööcö cu´taajä oodo döa´jä cönäja´dea Filisteo jataadöcoomo ä´wäncomo ejiichö´täjooto´como yää jaata tumu´duduicha´como, tumu´duduicha´como mmaja. Yää tooja, Josúe nonoodö´jödö awä Wanaadi jatuuwai a´teije cönä´ja´dö, Bet Semes ña dea na, eduuwa naadö jona tödööene.¹⁹Yää´jeje Wanaadi woije cönä´jajoicho 50.070 dhanwaacomo Bet Semes ñancomo, Wanaadi jatuuwai aca töwwäiñe ene´ma´jödö weijäcä. jooje soto cönamoicho Wanaadi wä wanna soto töjajo´como weijäcä. ²⁰Ñanno Bet Semes ñancomo dhanwacomo cönä´döa´to: "'¿Änä´caamo shinchäjai naicho Wanaadi ashichaato jadä weiñä?¿Änä´cö wadädäädä ijaatuwai adojojai caato e´tonno quee cönä´döa´to?"²¹Tönwanno tanoonöcoomo cönennojaicho soto Quiriat ñancoomo, Jearim ña´ncoomo dinñanñe, edääje cönä´döa´to: "Sadä Wanaadi jatuuwai Filisteo´como cönnejoicho; enötätääcä ajadäiñe ajatacäiñe madäätäiye quee cönä´döa´to.

¹Quiriat Jearim ñanno dhanwacoomo cönejoto Cajiichana arca chädö we´tä. Abinadab e´saca cönadoicho jööjano döiña. Tönwanno cönconecaicho tönnacontoncomo Eleazar Cajiichana arca chädö edachäneije yeichö wetä. ²Iiyä anoto joonotojödödä, arca cönäjacä Quirat Jearim ña, wanna anoto cönäjacä, toni soto weduto cwacä (20). Tameedä Israelitacoomo wentunje cönäjato Wanaadi tunujiye cönäjato.³Edääje Samuel cönädöacä Israelitacoomo wäiñe: " Adhewanöcoomo jadädä Wanaadi wadädä aweacomjäcä, shancwatäcä wanadichomo anejacoomo mmaja, juanñamo adhantawäiñe wenenetodö mmaja, Wanaadi wadädä aweacomjäcä adhewanöcoomo jadädä awwäiñe töwömma yademacajäcä, adhewanacatode Filisteo jonnoiñe." ⁴yäjenma yawä, Israelitacoomo töwanadöyöcoomo cönenomjaicho Baales juwaiñamo töntötamecacoomo mmaja Cajiichana Wanaadi mma tönwademeque cönäjato yaawä.⁵⁶Yääjeje Samuel cönä´döacä: " Nejunmañato

¹Yaawä Samuel inchomje töwädöa´jäcä tönnacoomo cöneewaacaicho Israelita emmencannamooje. ²Iinñedö awadeeto cönöjaacä Joel, yää jejaato eetö cönäjaacä Abías. Beerseba ña emmencannamooje tönwanno cönäjato. ³Yaawääne; tumöötoncomo nönge´da tönwanno cönäjato, chäänöngeda tönemmencaiñe cönäjato, Wanaadi woijeda mmaja cönäjatodea, täjeemadööcomo woijeima, ashichato ännöda mmaja.⁴Yääje mma yaawä tameedä Israelita edhaajätoncomo Ramá ña cönejuumaicho Samuel jadä töwadeuwödööcomo wetä. ⁵Cönädöato chawwä: Edääje äwwä töwädöse ñaana. "Amäädä inchomje ma eduuwa, ännacomo naato amäädä aweijödö nöngeda. Yääje yeijäcä ñaa cajiichanaije aneeja e´täjaima ñäädäne ñaa emmencaiyede, taneedä aneejacoomo jataacomo naatodöje mmajane: quee cönädöato."⁶Yääje yädöödöcomo Samuel yacöjeda cönäjacä: "aneeja ñaa emmencaneije Cajichana anetäcäde," quee yädöjocoomo. määdäje Samuel cönadeuwöi yaawä Wanaadi wwä. ⁷Wanaadi cönädöacä Samuel wwä: " sooto wa´deuwödööcomo woijedea tödööcäde; chäwwäiñe tuujennedea amäädä aweijäcä ", öwööne jo´maato, töcaajichaanaichomoojeda weichö wetä.⁸Egipto ñanno öwwä töjacajocomo jonno tojödöödä eduuwa naadö joona tödööene, töweijocoomo nöngedä naato eduuwa. Aneejacoomo wanaadijacomo wwäiñe tödöödö wetä yenomjatä weneeneto. Yääje mmaja ädhödöatodea amäädä eduuwa. ⁹Dhadedducoomo meta´de; yaawääne chäwwäiñe sadonna ecammajaima töcaajichaanaichomo wwä yädöjootocomo, chäänönge yäätuujancädäiñe.¹⁰Tameedä Wanaadi wadeuwöjödö töwwä Samuel cöneecammajäätöi yaawä ñanno töwwä töcajichanaichomo e´canamo wwäiñe. ¹¹Edääje cönädöacä: Edääje na´de ñäädä cajiichana, adheedhajäätoncomooje töweiyemö. Ännacontoncomo tönnödö tadaada aca newaacato´de, täcöönñcoomo cawaayu de´wäiñe nödööato´dede, tadaada adännamooje. ¹²Suddau edhaajätoncomooje ne´taatode, dhanwaacomo anejacomo anejacomo, aacä soototo de´wä amojadäcoomo. edhajotoncomooje naa´de. cajiichaanacomo netatode miidecomo suddau. Anejacomo naato´de ñatöödö edaichännamoje, amu´namoje mmaja. Towaanojonacomo ne´taatode shimada, tadaada amoode´nännamooje.¹³Ännacontoncomo wodiñamo maane nadäatode juushimijotoojo tödönnamo je, äwanshi ejodönnamoje, uu ecaunamooje mmaja. ¹⁴Onoono dööcomo ashichaato neijä´a´tode, anaudädööcomo, anaatödööcomo jadä´jödöödä, tanoonöcoomo wwäiñe tu´jäemö¨je. ¹⁵Trigo, vino mmaja amoojadotocwacä naatö ejedöödö muatode, acushanaacomo ejeemato´comooje , dhanoonöcoomo ejeemato´comooje mmaja.¹⁶Adhaanonööcomo ääjömaanamo aashichacomo chäwwänooje netaadawacajaatode, tömmai amännamooje mmaja nödööato´dede adheecönööcomo burro mmaja, netadawacajatode chowwonoje. ¹⁷Töwö neiyade tooni amojatotocä wa´cä adhecönöcomo ovejacomo, änwanno maatode yaawä dhanoonöje. ¹⁸Yää anooto awö Wanaadiwä töcäde awadeutaameiñe, aneetada nade töwö, quee cönädöacä Samuel sooto wwäiñe.¹⁹Samuel wwä töwäätuujadöcomo eta´seda, sooto cönäjato yaawä cönädöato: "'¡Anejja cajiichana weichö ämjunmada iiña naa! ²⁰Aneejacoomo nöngeiñe tuwe´she ñaa na, tädhajä cajiichaana ñaa nijumma ñaa owaajo ewäänätä töweejacamöje: quee cönädöato.²¹Tameedä yääje ya´deuwödööcomo Samuel cöneetai, yääjeje yaawä Wanaadiwä Samuel cönecammaichea. ²²Yaawä Wanaadi cönädöacä Samuel wwä: "Dha´dedducoomo ane´täcäde: quee cönädöacä" Yääje mma yaawä Samuel cönädöacä ñanno dhanwaacomo Israel wwäiñe: "Awaadäiñe ajaatacäiñe täájai maato eduuwa quee."

¹David cöntämä yotonno töwootenetädö wetä yaadö acä yää Adulam je chäätö cönä´ja´dö yää eta´jäcä, yuichomo, tameedä yuumö wä´jimmä´tädö mmaja, yöiña cänä´döicho chääjadä töweichöcoomo wetä. ²Tameedädä ñanno yäntunamjödööcomo, töwwäiñe täjemaamö ejeemajaichojöncomo mmaja ñanno ta´cwaiñeda cönä´ja´todö mmaja, Tameedädä tönwanno tujuuma chääjadä cönejunmaicho. Chäädhajäätoncomoje David cänä´döi yaawä, chäjaadä cönä´jato yaawä 400 dhanwaacoomo.³Yaawä David cöntämä Mizpa ña, yää Moab ñaano jata, töwö cönädöacä Moab ñaano cajichaana wwä: " Jaaja, maama mmaja jaadä naato. Ajaadäiñe nötä´ñato, Wanaadi wwä yäädötoojo yoowanääcä yä´dödö wa´cä. ⁴Töwö cönnomoicho Moab ñano Cajichaana jadä yuumö, yeenö cönonomjoicho chäjadä, yaadö tawä David weichö wadaadädä. ⁵Yääje mma yaawä ñäädä Wanaadi wa´deuwödö ecammajä´nei Gad, cönä´döacä David wwä: "Yaadö awä´daane eichä´de eduuwa adhejacacä, äjäne yaawä Judan ña. Yäätonno David cäntämä, Haret ñaano chuutaca tö´täädä wetä.⁶Saul cönetai David ecaadö eta´jäcä töwwä tösootoi jadäiñe, yaawä Saul shuucu cönä´ja´cä Guibea ña, natö tamarisco o´nä Ramá ña, tusuucujiiyö dha´me, jooje shootoi dhawoodhecääcä cönä´ja´to.⁷Saul cönä´döacä tösotoi wäiñe ñanno dhawodhecääcä cönäjatodö: "¡Etaatäcä eduuwa änwanno Benjamin atöödöcoomo!" ¿Isai ne´dö u´jai äwwäiñe nai onoonodööcomo anaatödööcomo mmaja?¿Töwö nödö´a´tode tameedädä änwanno töweewänä´taamo, miide (1.000) wa´cä´como edhaajätoncomooje jeiñe mma, ⁸Änwanno tameedädä öwwä anecamma´da mato önnedö tadeddu utuudu näädä Isaí ne´dö wä. Cönontäda mato änwanno tameedädä. Ane´que´nei änwanno anecammada maato önnedö ni´wa´tädööje yaanonö jääcä nöjoduta. Eduuwa töwö notoneta, womo´ca äwwadödö yojudutädö we´tä."⁹Yaawä Doeg, ñäädä Edom ñano, ñanno Saul sotoichomo jadänñe, cöneccujä´acä: "Isaí nnedö weneeaqueene Nob ña yä´döaajä, Ahimelec ñäädä Ahitob ne´dö. ¹⁰Töwö cönecatäi Wanaadi wä tö´wa´tädö we´tä. Äwanshi cuntui cömö mmaja Goliat wä ñäädä Filisteo weichö."¹¹Yaawä Cajiichana cönanontäi tösotoi adeja´jo Ahitob ne´dö Ahimelec, tameedä yuumö wä´jimmä´tädö mmaja, Nob ñancomo Wanaadi a´deddu ecammanamo mmaja. Cajiichana wadädä cöneejoto tameedäädä. ¹²Saul cönä´dö´a´cä chäwwä: " Etacä eduuwa amäädä Ahitob nnedö." Töwö cönecwajätöi: "Eetäwa, yeedhajä. ¹³Saúl cönä´dö´a´cä chäwwä: "¿Ane´cätoojoje jääcä aata´deucwe mädötääne Isaí nnedö acä? Uu mu´ne chäwwä, sauda mmaja, oodaje mä´döne Wanaadi öwatädä wetä jääcä yä´jödu´tädö wetä Jehova wwä chäwwonooje ecamajäancädä eduuwa naadöje tödöjoone?"¹⁴Yaawä Ahimelec Cajiichana cöneccujä´töi cönä´döacä: "¿Änäcä adhanonööcoomo antawaiñe David wa´cä ashichaato tönnöe weneene, änö´cöcä Cajiichana jonöje nai, äwoije chäänonge tödöönei adhe´saca chänönge tödöemö jaiñoone. ¹⁵¿Awadenato odaje wädöanö Wanaadi äwatädöcoomo wetä? ¡Jääcä amöinche neiñojo määdäje weichojo!. Yää äjääcä töwojudu´tä mecammadö ñaa owanöcä´da cönä´jaacä jaaja wäjimmätädö wwäiñe tacaade´da cönäja´dea. medeeje osootoi dhowanöcänñeda na edä weja´tädö."¹⁶Cajiichana cöneccu´jätöi: "Äwä´ja´tocoomo määdä eduuwa, Ahimelec, tameedä oomo wäjimmä´tädö mmaja. ¹⁷Töwö Cajiichana cönä´döacä töjadäncoomo suddau wwäiñe: "Ojoncoomo töja´tantäcä Wanaadi a´deddu ecammanamo, David jadäncomoone yeiya´coomo, töwö dhowanäcä yäneje´jädö, öwwä aneecama´da cöneiya´to." Yääje yeichame Cajiichana sootoi ämjajoda cöneiyato ñanno Wanaadi a´deddu ecammanamo.¹⁸Yaawä Cajiichana cönä´döacä Doeg wä: " Yääje yeiya´jäcä amädääne töja´coto Wanaadi wä töwa´dewamo." Yää anoto awä sauda quee Doeg cömjajoicho (85) to´cwa´cä Wanaadi a´deddu ecammanamo ñanno tajeede´dato yoom´coomo. ¹⁹Nob ña Doeg cöntämä yaawä yää Sacerdoote jataadöcoomo. Iiña mmaja sauda quee dhanwacomo, wodiiñamo cömjajoicho, mudeshi´chä mmaja, shushu jäcuncha´como jadäiñe´jödöödä oveja, jaaca, cawayu mmaja cönamöiñä´caichodea.²⁰Tooni mma Ahimelec needö, ñäädä Ahitob needö, Abiatar täätö, cönänejei David öncäcä. ²¹Abiatar cönecammai David wwä Wanaadi a´deddu ecammanamo töjaajo´jocoomo Saúl wwä.²²David cönä´döacä Abiatar wwä: " Yäätä Doeg Edom ñaano eneea´jäcä yoowanöcä cönä´jacä Saúl wwä ecammatojo chäwwä. ¡Woijatooje cönä´jajoicho tameedä oomo wäjimmätädö! ²³Tösade´daane eichä jaadä´nooje eichä´de mäwanacaiye. Ñäädä yema´senaadö adhe´mase mmaja nadea."

¹Yaawä täwanö jonno David cöntö´tajäacä: "Aneedawä anoto awä Saul amädö canaadöje wämade; A´quena ashichato jeda öwwä, cone´dada eijaiña Filisteo nonodöcomo de´cäi wänejedö, yaawä Saúl yencanotäda eijai nichöta, Yaawä Israel nonodö wadädä weiyajäcä yujijaicha nöchö´ta; Mädääje änejejai yaawä äwanacajai mmaja chänwawonno quee cöntötajäacä."²Yaawä David cöntämä 600como dhanwacoomo jadäiñe ñanno chäjadä cönäjatodö, ñäädä Aquis mmaja Moac ne´dö, cajiichana Gat ñano. ³David cöneejatatäi Aquis jadä Gat ña, ñanno tösotoi jadäiñe, chäwadäiñe chäsadöcomo cönäjacä, töwö David a´nä´dä töjinñantomo jadä cönäjacä, ñaadä Ahinoam Jezreelita ñano, ñaadä Abigail mmaja Carmel ñano, Nabal jinñamo jödö. ⁴Mädääje Saúl wwä cönecanmaicho, David wänejejödö Gat ña ujuichö cöne´nomjai yaawä.⁵Yaawä David cönädöacä Aquis wä: "jääcä ashichato enejoacä, anecanmaacä jata woi ja´no yäätä yejata´täiye: ¿Ane´cotojo cajiichana jatäcäi weichödeade chänönge´da nichöta öwwä. ⁶Yää anoto awä Aquis cuntui Siclag ñano chäwwäiñe; Yääje yeijäcä eduuwa na Siclag, Judá ñancomo cajiichanacomo jataadöcomoje edä anoto tödöene. ⁷Yäätä David yejatatajä cönäjacä tooni weduuto de´wä aacäichea nuunä, Filisteocoomo nonodö de´wä.⁸David tösotoi jadäiñe cönwänätäi jatacomo, ñonodöcomo edhajätancädä mmaja, ñanno Guesuritacomo, guerzitascomo, Amalecitacomoscomo mmaja; Jenaadä yeichö jonnoto jödöödä tönwanno iyää nono de´wä töweiye cönäjato, Shur ñano, Egiptoñano amuinche nadöje mmaja. ⁹Tameedä David yää nono de´woncomo tömjaiñe toweiye cönäjato, ñanno dhanwacomo, wodiiñamo mmaja tonichä ännämäda; Chääcönöcomo jadä tönadä cönäjato, ñanno ovejas, bueyes, burros, camellos mmaja, yoomöcoomo ja´däiñe jödö´dä, Aquis döiña töweiye cönäjacä yaawä.¹⁰Aquis töwä´döe cönä´jacä. "¿Ä´sha ewänätä weiye eduuwa?" David töne´cujäe cönäjacä, "Sur ña weiya, iyää Judá ñano nonoodö," "iyä Jeremeel," "Quenitas nonoodö coomo de´wä quee jeiñe mma.¹¹David toonichä dhanwa, wodi nu´dä ännömä´da töweiye cönäjacä, "Gat ñancomo wwäiñe täcammajätödö queiñe, ´mädääje David cönnöi." Mädääje dea töwö töweiye cönäjacä Filisteo jadäiñe töweichö wadadädä. ¹²Yaawä David ade´ddu Aquis cönecamjäi, cönädöacä, "määdä töjatadö Israel ñano wacö´jönö cönnöi; yääje yeijäcä yeichöje sotoije wödöa.

¹²Yaawä Filisteocoomo cöne´jummaicho töwewono´tamo jadäiñe Afec ña; yaawä israelita cöne´jatatoicho tuna töötota Jezreel ñano dötä Yäjemma yaawä Cajiichana´coomo Filisteo jadoncomo cönedhatocaicho cien to´cwa´cä mil to´cwacä mmaja töwewonotamo Aquis jadoncomo, David jadoncomo mmaja dhanwa´como töwädachä cönäjato töwä´mannäancädäiñe Aquis jadä.³Yäjemma yaawä töwewä´nätamo edhajotoncomo Filisteo cönädöacä, "¿Anecämö nödöanto canno Hebreo etä?" Aquis cönädöacä aneja cajichana Filisteo´ñano wä. ¿Ñädä jönö´ca määdhä Israel cajiichanai, jadä töweiye cönä´jadö, iyä año dea, anedantäda weiyaquene conenjönö inñödö döiña yädöjödö jona tödöeene?.⁴Ñäädä Filisteo edhajätoncomo cone´da cänä´jacä chäjäcä; tönwanno cönädöato: Nötoñojo mädä dhanwa, enna ´caiyede iyä jata munedöiña; iña jadämma manennojai ewänätä, iña tudedö´jemma ädöno wewänätänä wadadädä, ¿yäjene eijaiña täncano´deda tädhajä dötä? ¿adädöne ojumma´dana töwewänätamo jadaiñe?⁵¿Ñäädä jönöca mädhä David, töwecantaña cönäjadö töwänwan´cädä Saúl cömja´joicho miles´tocwacä quee töwädöancädä, David mmane diez mil to´cwacä quee?⁶Yäjemma yaawä, Aquis cönadejai David cönädöacä chäwwä: "Cajiichana Wanaadi nudä nadöje mmaja aashicha madea amädä, mädäje mmaja jadä aweichawä töwewänätämöje aashicha töwäne mänene yem´jatawä; Cönem´jönö anedantädawa ajäcä döiña awejöjödö jonnoto´jödödä eduuwa jona tödöene, yawääne cajiichanacoomo mmane ajadäda naato." ⁷Yääje yeijäcä tämcanodeda adhennacacä eduuwa, Filisteo cajiichanacoomo anaquinmadaiñe aweichö wetä.⁸David cönädöacä Aquis wä, "¿anecämö´ca wödöne? ¿anecämö´ca wenejoone äwwä osotoije wädöjonnnotojödödä eduuwa nadö joona tödöene, ewänätäda weijödö cajii´chanai tude´tomojadä?" ⁹Aquis cöneu´cwajä´acä yaawä David; yaawäne Filisteocoomo cajiichanaichomo mane edääje nädöato: "Mädä wänä aca täja´cha na iya jaadä."¹⁰Yääje yeijäcä ä´jäcä jenadädä acajiichanai sotoi menene´todö jadänñe; Jenadädä äwäjajäcä jeiñe mma äjäne´de." ¹¹Yäjemma yaawä David cänä´jäi jenadädä´cä, shotoi mmaja, jenadädä tö´tädöcoomo wetä, Filisteo nonodöcoomo de´cäi tö´tädöcoomo wetä. Yawääne Filisteocoomo mane cöntonto Jezreel ña.

¹Yääje mma yaawä aduwawä anototo ai, tösootoi jadäiñe David cönädöi Siclag ña töjatadö tödha´cwa cönedantäi Amalecitas wäiñe tönwanno cönwonotoicho Neguev ñano, Siclag mmaja. ²Yaawä cönädöicho wodiñamo tameedä yäätä cönäjatodö, mude´shiichä, adaijocomo mmaja. Tonichä ämjajoda cöneiyato, yawäne mmane cönadäicho tö´tädawäiñe.³Yaawä David shootoi mmaja cönädöicho töjaatacaiñe, todha´cwajäe cönedantoicho, yaawä töjiñantoncomo, tönnacontoncomo mmaja, tadä cönedantoicho jedeesuje. ⁴Yääje´ma yaawä David ñanno soto chäjadä cönäjatodö mmaja, cönamoicho, tänacuducomo jeeda tudö´ene.⁵A´nädäncädä David jiiñantomo tadä cönä´jato jedeesuje, Ahinoam ñädä Jezreelita, Abigail mmaja ñäädä Nabal jiiñamo carmelita ñano. ⁶David tösaade cönä´jacä yaawä, täjuque töwäjötödöqueiñe, täämadä jäcä soto wadeuwödöcomo weijäcä, tameedä ñanno soto coneda cönä´jato, tönnacontoncomo jumnei; Yaawä David cänäjödutäi töwanadiiyo jääcä.⁷Yaawä David cänädöacä Abiatar wä, ñäädä sacerdote Ahimelec ne´dö: " Sacerdote womö eneecä ö´waadädä; quee." Yaawä Abiatar cönnejä David wadädä. ⁸Yaawä David cönadeuwäi Wanaadi wä cönecammajoi, cönädöacä: " Töwewänätamo äwwä ajecajäcäiñe, ¿Ejoodöjaiñeca wanä?" Töwö Cajiichana cöne´cwajäacä cönädöacä: "Ee ajeecacäto, mejoodöatode, "Adääacomo mewanacatode yaawä, quee cönädöacä."⁹Mädääje David cönämatäi yaawä 600 co´mo tösotoi jadäiñe. Besor soodö de´cäi cönä´döicho, yäätä dhantai cäno´nomjoicho. ¹⁰Yaawäne David mane mänseedäcä ajecadöcomooje cöntämä ñanno 400 co´mo dhanwacomo mane cönonomjoicho töquincha töweijäcäiñe Besor soodö iyäjaicha cönäjato.¹¹Wooi awä cönedantäicho dhanwa Egipto ñano, yaawä cönnejoto David wadädä; tuna yocödöje cuntuicho, yuudu mmaja cunntuicho dea cönäwashinchäi yaawä. ¹²Yaawä tönwanno cuntuicho dea hijos panje tödöajä tonichä yatocajödö, acä uva cä ejedödö mmaja. Tuwasuta cönäjacä ämiicanaadöje mmaja, aaduwawä anoto, aaduwawä coijaicho mmaja. Yaawä töwäwashinchäjeje töwö cönäjödutäi.¹³David cönädöacä chäwwä: ¿Änäcö jadoonoca amäädä?¿äshanno meene? töwö cönädöacä: " Ejipto ñano dhanwa äjömanö öwö, amalcita anonö öwö, aduuwawä anoto wa cädäichajödö määdäje yedaajä nänne etää. ¹⁴Neguev iyä cereteos ñano ñaa cönwänätäi, Juda ñancoomo mmaja, Neguev Caleb ñano mmaja, Siclag ñano ñaa cönna´cwai yaawä.¹⁵David cönädöacä: "¿iiña adäjai maanö ñanno döiñaiñe? töwö cönädöacä" Wanaadi etöjoi äwäcamajäcä yema´da aweichojo, yeedhajäjödö´wä yuutu´da aweichojo mmaja, yööiñaiñe adhadäjaiñe wa, quee cönädöacä.¹⁶Yääñaiñe cänädöicho yaawä ñädä egipto ñano, yäätä ñanno cone´jöncomo cönäjato yämecantacoomo, töneijätö´jocomo ca wäwashinchänäje cönäjato töwocödöcomo enöödöje mmaja. ¹⁷Yää anoto jonno yääjenammato coomomödö jona tödöene David cönwänätäicho. Tonichä änejeda cöneiyacä, ñanno 400 como äjömanamo mmane camello de´wä cönänejeicho.¹⁸David cönewanacaicho tameedä ñanno amalecita nadä´jocomo; anädäncädä töjimñantomo David cönewanacaicho yaawä. ¹⁹Tamedädä cönewanacaicho, inshomadöcomo, iñacontoncomo mmaja, ñanno woodiñamo cä, dhanwacomo cä mmaja. Töwennacadawä David cönnejätöi tameedä chäwwäncomo jödö. ²⁰Täcönöcomo mmaja cönadoicho dea, ñanno oveja, jaaca mmaja, ñanno dhanwacomo dhawajoiñe cöntatodö töcä´de cönecammato. Tönwanno cönädöato: "Edää iyää David newanacadö tönsomadö."²¹Yaawä David cöneejä Besor soodöña ñanno 200 coomo dhanwacomo yonomjo´como döiñaiñe töquincha töweijäcäiñe yäätä cönäjatodö. Ñanno dhanwacomo dhowajoiñe cöntonto töwojodödöcomo wetä David jaadä, sotoi chäjadä cönäjatodö jadäiñe mmaja. Yaawä töwojodöacäiñe cönadejaicho. ²²Yaawä ñanno conemjönöcomo David jaadä cönewonotoichodö cönädöato: "Canno dhanwacomo tä´da cöjadäiñe cöneiyato. Yääje yeijäcä dhäwäiñe tu´emjeda na cöncanacadöcomo, iyää mösooma. Töjiiñantoncoomo mma nadäiñato, tönnacontoncomo mmaja, nötäñato yaawä."²³Yaawä David cönädöacä: "Mädäjedane eijai caato jimmä, Cajiichana Wanaadi cöwwäiñe inchöödu jäcä. Tameedä cutudetännamo nadääjätö´como quichanacatodö, Töwö dea cädaichätäne ñanno conenjömcomo cöjajodöcomoqueiñe. ²⁴¿Änäcö mädääje awa´deuwödöcomo anetadö deade? Canno cönsomadöcomo edaichä´namojödö wääiñe utuudu tujunnena cöncanacadöcomo, töweewänötamojödö nöngeiñe dea; Mädääje dea nödöatode tonwanno. ²⁵"Mädääje David wanontänä cönnöi, wätäsetotojo Israel ña eduuwa joona tödöene tödöene mädääje na.²⁶Siclag ña David wä´döajäca, töwö cönadojoi täjemjönö töncanacadöcomo töjimmä inchoncomo Judañancomo wadädäiñe, edääje töwädöancädä: "Edää iyä täjemjönö awwäiñe ñaa nutuudu Cajiichana tudetännamo wännoiñe ñaa nichanacajödö; quee." ²⁷Betel ñancomo inchoncomo wadädä mmaja cönadojoi chea, Ramot ña mmaja, iyää Negueg ñano jata, Jatir ña mmaja, ²⁸Aroer, Sifmot, Estemoa ñancomo wadädä mmaja.²⁹Töwö cönadojoichea Racal ñancomo inchoncomo wadädä, Jerameelitas, Quenitas ñancomo wadädä mmaja. ³⁰Ñanno wadädäiñe mmaja Horma ñancomo, Corasán ñancomo, Atac ñancomo mmaja. ³¹Hebron ña inchoncomo cönäjatodö wadädäiñe mmaja, töwö David cönadäjojätöi tösotoi jadaiñe töweijödö wadäi.

¹Saul wääma´jeje, Amalecita cana´cadööcomo´jo, David cönennacai Siclag ña. Acä anooto yäätä töwö cönä´jacä yaawä. ²Aaduwaawä anoototo aiSaulsotoi´jödö cönä´döi, töwoomö töshiijä´e nono tuju´jä de´wä mmaja. David wadäädä töwä´döa jäcä, ñontädö eneejodööje tä´mudhe cönä´döi.³David cöneecamma´joi: "¿Ashannoto we´ajä amäädä?" Töwö cöne´cujäacä: "Israelita wejaata´ta´como awänno wäänejeeajä öwö. ⁴David cöneecammajoi yaawä: "Aaquene mäjaatäne aneene´jödö ecammajä´cä." Töwö cöne´cujäacä: Wänä jonno Israelita cönäänejeicho. Jooje soto cönä´jajoicho, Saul iiñedö Jonatan jadä´jödöödä, quee cönä´döacä. ⁵Yaawä David cönä´döacä wätunnä ecammajä´nei wä: " ¿Aaquene odhowanäcä cönä´döi Saul, iiñedö Jonatan wä´jajo´jocoomo? quee cönä´döacä.⁶Ñäädä ääjömaanö cöne´cujä´acä: "Gilboa jödö de´cäcä wäämannäjöödawä, Saul wedatäne, tä´se´jiiyöje tusuucujiiyö ajäichöje, tadaada de´wäncoomo wwäiñe taje´cadööje, cawaayu de´wäncomo wwäiñe mmaja. ⁷Töwö cönä´jedennacai yaawä ya´deejadööje. 'Eetä wa'; quee we´cujä´ne.⁸Töwö yeecamma´jone: '¿Äänäcö jaiñoone amäädä?' quee. Öwö we´cujä´ne: "Amalecita öwö quee.' ⁹Yaawä töwö cönä´döacä: 'Ä´cäde, äsuucujiiyö quee cämaata, nudä dea wa. Jooje niye´nunga wä´jödö. ¹⁰Ye´wä jiidi wammödö´jo, wemaane yaawä, yoowanääcä yeijödö weijäcä aadoncajaicha yeijödö. Iju´jä de´wäno jemöi wu´cane yaawä, dhajä´möichö´jodö mmaja, äwwänooje sadä eneejödö wetä, amäädä yedhajä," quee cönä´döacä ñäädä amalecita.¹¹Yääje mma yaawä David, chääjadäncomo mmaja, töwoomöcoomo cönshichajätöicho. ¹²Saul, Iiñedö Jonatan junneiñe wentumje töwaamoancä däiñe cönäänema´to töco´mannä´ene, Jehova sotoi Israelita junneiñe mmaja, sauda canaadöje yä´ja´jocoomo weijäcä. ¹³Yääje mma yaawä David cönä´döacä, ääjömanö wwä, ñäädä Saul wääma´jödö ecammajänei: "Ääshannoto we´ajä amäädä?" Töwö cöne´cujä´acä: "Amalecita öwö, aneiñajaano we´ajä nnedö; quee cönä´döacä.¹⁴David cönä´döacä; "¿Aaquene Wanaadi ne´tädö emaadö onnontäda meiyaqueene?" quee cönä´döacä. ¹⁵Yaawä David tanoonö cöna´deejai cönä´döacä chäwwä. "Mää´dä emaata, quee." Töwö cömwäi yaawä emaadöje mma. ¹⁶David cönä´döacä chäwwä: "Owooijato mä´dä awäämadö, mädääje äwä´cammajödö weijäcä Wanaadi enjatawä wemaane; Quee.'''¹⁷Yaawä David edääje cöneecanta´ñaacä Saul iiñedö Jonatan junneiñe. ¹⁸Chääjäcä Juda atöödöcomo owaanomadöcomo cönaannontäi yaawä. Edääje Jaser jaje´da´chädö jäcä imennajä na. ¹⁹"¡Jööcomo de´wä töwännanö´e naato ñanno Israelita tacaada´camo! ¡Aaqueene mädääje cöne´du´caicho ñanno jädu´ja´coomo! ²⁰Gat ña maneecammajä´täi´che, Ascalon ñano jataacoomo awä maneecammatäi´chede, a´cwaicha´noto ñanno Filisteo wodiiñamo, ta´cwaiñe änwa´notoode ñanno circuncidaje ä´döjöncomo nnacoomo.²¹Äawanno Gilboa jödö juu de´woncomo, ääde´cäcäiñe conoojo iiñaiche, Wanaadi weichojo ta´ca äde´wänno amu´cajä anaadäjä´töicho´dede, iiña ñäädä jäduuja´como edhajätoncomo wääma´jödö weijäcä, Saul woowontotojo töshiimi´joda yeijödö nönge na eduuwa. ²²Jonatan töjaayai dha´me töwennaca töweiye cönä´jaacä soto aquiiyö ämjajo´dada, tutu´de´tännamo ämjajo´da´da mmaja, Saul tösaudai dha´me töwennaca cönä´ja´dea.²³Cö´wwäiñe tujunne cönä´jato Saul, Jonatan mmaja, soto wacö´jeiñe. Nudä töweichawäiñe tujuuma töwäämannä´e cönä´jato, töwä´jajoodawäiñe mmaja, ä´sancwa´da. Dimooshi e´jodheiñe tamjä´ne töötä cönä´jato, mado e´jodheiñe mmaja ijääduduucomo. ²⁴Änwanno wodiiñamo Israelita, Saul junne aamotääcä, ñäädä iiñataaje owontä´täiñe cönä´jadö, ñäädä owo´moodöcomo oodo döajä tunu´e cönä´jadö.²⁵¡Aaquene mädä wacä töwä´ja´e naicho ñanno töweewänä´taamo tösaademjöncomo! Jöö de´wä Jonatan cä cönäämai. ²⁶Äjääcäichädä yeewanö niye´nunga amäädä weichacoono Jonatan. Caado cönä´jacä öwwä adhaacä weichö. ¨Äwwä jummadö mmaja, woodi acä wä´jummanä e´jodhecä. ²⁷¡Aaquene mädä wa´cä töwä´ja´e naicho toweewänätamo jäduujacomo, töwännanö´e naato tamedädä, quee cöneecantaañacä David!"

¹Yää´jeje David Wanaadi cöneecamma´joi cönä´döacä; "¿Juda ñano jataaca änu´jai wanä?" Wanaadi cönä´döacä chäwwä: "Iiña ädhäänu´cä," David cönä´döacä: "¿Ääshäno jataaca ñaa nänu´canä?" Wanaadi cöne´cwajäätöi: "Hebron ña." quee cöne´cwajäätöi. ²Iiña David cönä´secai töjiiñantomo jadäiñe, Ahinoham tätö Jesreel ñano, Abigail mmaja ñäädä Carmel ñano jiiñamo´jödö. ³Tösootoi David cönaadäicho dea, chääwadäiñe ijiimmätoncomo mmaja. Tönwanno cöneejatatäicho Hebron ñano jataacomo awä.⁴Yääje mma yaawä Judá ñancomo David döiña cönä´döicho. David cöne´täicho Juda atöödöcoomo cajiichaanaichomooje, i´ju´jä de´wä aceite a´cancädä. Yaawä tönwanno cönä´döa´to David wä: "Jabes Galaad ñancomo ñanno Saul equeejädö aashiicha ewaacannamo´jödö." ⁵Yaawä David tanoonöcoomo cönenno´jaicho Jabes Galaan ña edääje cönä´döa´cä chäwwäiñe: "Aashicha Wanaadi ädhöödötäi´ñojo, cöcaajichaanaichomo jödö äwwäiñe wentunje ene´jödö weijäcä. änwanno aashicha mewaacatääne Saul equeejödö.⁶Eduuwane, töwö Wanaadi nödö´ñojo iyä tenecamma´jädä äwwäiñe. Öwö mmaja weneejade äwwäiñe aashicha wätäsetä´dö iyä ännöcommo jäcänchädä. ⁷Yääje yeijäcä äjädu´tätääcä änwanno. Tösaade´daane eichäcä; Adhedhajäätoncomo Saul wäämajädö weijäc, Judä ñancomo wwäiñe töcaajichaichomooje tä´tä wa öwö eduuwa."⁸Yääje mma yaawä Ner ne´dö Adner, Mahanaim ña cönäädäi, Saul nnedö Isboset. Cajiiichanaje Saul cönä´ja´dawä ñäädä, Adner cönä´jaacä shootoi töweewänätaamo edhaajätoncomooje. ⁹Yäätä Israel ñancomo cajiichanaichomooje töwö cöneëwaacai Isboset, ñanno Galaad ñancomo, Efrain ñancomo, Benjamin Ñancomo mmaja.¹⁰Aacä soto wedu (40) Saul ne´dö Isboset cönä´jaacä, töwö Israel cajiichana´chädöje cönä´jaacä aacä wedu to´cwa´cä. Judá ñancomo mmane David dea. ¹¹Hebron ña Judá atöödöcomo cajiichanaichomoje David cönä´jacä aacä amoojato (7) weduuto de´wä tooni amoojato (6) nuuma.¹²Yääje mma yaawä Ner ne´dö, ñäädä Abner cöne´ja´cai Saul nnedö Isboset sotoi jadäiñe Mahanain ñanno Gabaon ña tö´tädö wetä. ¹³Servia nnedö Joab cöneeja´cai chea yaawä, David sootoi jadäiñe. Isboset sootoi cöneejodöicho Gabaon tuna wa´donnatojo dö´tä. A´nädäncädä yäätä cöneedennaicho ääje´taca, tuna ewöötö tantawäiñe.¹⁴Yääje mma yaawä Abner cöná´döa´cä Joab wä: "Nammöiñato canno ääjömaanamo, cöwwäiñe töne´mataameiñe ä´cana´caiyeto." Joab cöne´cwajäacä: "Nammöi´ña´to," quee. ¹⁵Cönammöicho yaawä ä´cwa´cäi wanna yeichöcomo, amoojadoto de´wä aacä (12) Benjamin atöödöcoomo, ñanno Saul nnedö Isboset sotoi, amoojadoto de´wä aacä (12) mmaja David sotoi.¹⁶Äätäwaadäi tuju´coomo jäcä cönaatajoicho yaawä, tösaudaichomo quee tusuudadööcomo jäcä töweewädöcomooje. Määdäje tooniyä tujuuma cönä´jajoicho tameedädä. Yääje yeijäcä yeeja´dätä´jödö nono eetö na Hebreo a´de´cweiñe: "Helcat Hazurim," yää Gabaon ña naadö. ¹⁷Yää anooto awä jäduuje cöneewänä´täicho, David sotoi wwäiñe, Abner sotoi Israelita cönä´jajooicho.¹⁸Yäätä cönä´jato aaduwaawä Sarvia ñancomo: Ñanno Joab, Abisai mmaja, Asael mmaja. Cawaadi wa´cä tamjä´ne cönä´ja´cä Asael weca´tömöödö. ¹⁹Asael cönä´je´cai Abner amuncheda sadonna ocumejä´töda.²⁰Yaawä Abner töncadheedä cöneene´a´cä cönä´döa´cä: "¿Asael ca amäädä?" Töwö cöne´ccujätäi: "Ee, ñäädä öwö." ²¹Yääwä Abner cönä´döa´cä chäwwä: "Aneiñajaane adheeca´töncä aneejaane maneemaiye, yaichadö jödö eichö jemma." Asael mmane aje´cadö etöö´ma´se´da cönä´jäcä.²²Dhai mmaja Abner cöna´deuwäi yaawä cönä´döa´cä: "yaaje´cadö etöömacä. ¿Ane´cätoojo adhemajai wanä? ¿A´queene ädui Joab emjataawä töjöiyeda eijai wanä?" quee Abner cönä´döa´cä Asael wwä. ²³Tätööma´seda yeijäcä, Abner cönwäi shuudadö ai, inchadeeju´jä ai tösuucujiiyö töja´canöjoone. Yäätä deamma Asael töwääma cöne´du´cai. Yää´jeje tameedä yää ääma taichomo wötäädöcoomo Asael equeejödö eene´ cöneedennaicho.²⁴Yääwä Joab, ñäädä Abisai mmaja, Abner cönä´je´cato. Cho´momöödawä cönä´döicho Amma jödöiña, yää Gebeon ñano jata´jemjönö eemadö´tai Gia ñano je´taca naadö. ²⁵Tameedä Benjamin atöödöcoomo jööde´cäi Abner jadä cöne´juumaicho yäätä cöneedennaicho yaawä.²⁶Yaawä Abner cöncä´tämöi Joab wädäädä cönä´döa´cä: "¿Yeichödääje ca cönwannoje dea wä´ja´näje eijai caato?¿Cone´da cöweichö´coomoje yeichö odhoowanääcä´da ca nai?¿Äachännawä´cätooje töjimmätoncoomo aje´cadö osootoi wäiñe aneedennanö´jo´da maanä?" quee cönä´döa´cä Abner. ²⁷Yaawä Joab cöne´ccujäacä: "¡Wanaadi yeichödoto, määdäje ä´dö´da mei´jo mmane, jenaadääne tödöjoone sotoi töjimmä´toncomo aje´cadööcoomo neiyato!" Wanaadi dhowaanäcä yääje yeichö, quee cönä´döa´cä Joab.²⁸Yaawä Joab täätöemö cöneetöi tösootoi edennanö´jodööcomo je. Israelita anaaje´cadaiñe cöneiya´to yaawä, änwänä´tätäiñe´da mmaja. ²⁹Yaawä yää coijaicho wadadädä Abner tösootoi jadäiñe contonto Araba chä´cä, Jordan na´cwatadö quiniiyätäicho dea, mädääje cöntonto Mahanaim ña tödö´ene.³⁰Joab cönennacai Abner aje´canei´jödö. Tösootoi quiinijunmaicho, Yaawä Asael a´quee cönä´jacä chäjadäiñe, David sotoi töwe´wänätamo mmaja diecinueve to´cwacä. ³¹David sotoi cömjajoichodö mmane cönä´jato 360, ñanno Abner sotoi, Benjamin atöödö mmaja. ³²Asael equeejödö cönaadoicho yaawä Belen ña, yuumö ewaadö dö´tä ewaacadö wetä. Yää coijaicho wadaadädä Joab tösootoi jadäiñe contämä, Hebron ña cönaawanaicho yaawä.

¹Nuuwa wewänätänä cönäjacä Saul sotoi jaadä David sotoi jadäiñe. David jädujecämma cönä´döa´cä, Saul quene shotoi töweejäducäe´cämma cönä´döato.²Hebron ña David cönä´jadawä cönennojaicho inñacomo. Awadeeto inñedö cönä´jacä Amnon, Ahinoam ne´dö cönä´jacä Jezreel ñano. ³A´cäädeto inñedö, Quileab, Abigail ne´dö, Nabal jinñamojädö töwö cönä´jacä Carmel ñano.⁴A´cäächeato David ne´dö cönä´jacä Adonias, Haguit ne´dö. Shatodeato que´ne Sefatia ñäädä Abital ne´dö. ⁵Toni amoojatoto (6) quene Itream Egla ne´dö David jinñamo töwö cönä´jacä. Canno ñanno David nacoomo Hebron ña cönenuichodö.⁶Edä mmaja cöne´jadäadea Saul sotoi wäiñe David sotoi wänä´tädäwä Abner cönä´judutäi Saul sotoi antawäiñe. ⁷Saul jadoono töweiye cönä´jacä Rizpa chätö, ñäädä Aja ne´dö. Edääje Isboset cönä´döa´cä Abner wä: "¿Ane´cotojo omo jadono jödö enawä ännöcöi?" que cönä´döacä.⁸Yääje mma yaawä Abner joje cönä´tömai yäje Isboset töwwä wadeuwöjödö yeijäcä, edääje cönä´döacä: "¿Öwö ñäädä sö´na ju´jä Juda ñanno? Eduuwa weneja oomo Saul sotoi wäiñe yäätädä weichö, dhacontomo wäiñe tameedä yeichacontomo wäiñe mmaja, yääje yeijäcä David wwä ädhutudaiñe wa. ¿Eduuwa quene cämenta chänönge´nöque määdä wodi jäcä? que conä´döacä Abner.⁹Edääje mmaja Abner cönä´döa´dea, mädääje jeiñe mma Wanaadi cusejaiñojo. Jojecäjene eijaiña David cajiichanaje ännöjoda weiyajäcä Wanaadi tadeddu inchujödö nönge. ¹⁰Saul nutu´ñojo cajiichana je töweichö, mädääje David Israelitacomo cajichanaije ädöiye Juda ñancomo mmaja Dan ñano jonno Beerseba tödöene." ¹¹Ane´cwajutöda Isboset cöneiyacä Abner wadeuwödö, tösademma cönä´jacä.¹²Yääje mma yaawä Abner cöne´no´jaicho Tanönö David döiña tadeddu edääje eecammajodö wetä: "¿Änääcö nonoodöca eedä? Yaacä adha´deddu äänönge cöödöiye, Yaawä amäädä menea´de öwwä äwaatädö tameedädä Israelita weejödö äwwadädä. ¹³Chänönge na quee cönä´döa´cä David: "Caadeddu chänöngatoje cödöiye. Yawääne yäämma we´caa äwwä, Mical ännejöda aweiyajäcä ñäädä Saul ne´dö yenejacha dea ma."¹⁴Yääjemma yaawä David cönennojai tanoonö Isboset döiña, Saul ne´dö edääje töwä´döancädä: "Jiiñamo Milca eene´cä, chääjäcä weejemanedö ijaatodea soto (100) Filisteo anwawäncomo jotöödöji´jä. ¹⁵Mädääje Isboset cöönei´joi Milca iiño jonno, Lais nne´dö Paltiel tätö. ¹⁶Chääjadä iiño cöntämä, tö´tancädä cöna´moacä Bahurim Ña tödööene. Yääje yaawä edääje Abner cönä´döa´cä chäwwä: "Ämmai chaca adhennaca´cä quee". mädääje yaawä töwö cönennacai.¹⁷Israelitacomo iinchoncomo wäiñe Abner cönaadeuwäi cönä´döa´cä: "Jenadojo jonnotojödödä acaajichanaichomoje David töödöse maato. ¹⁸Eeduwane tödö´täcä. Mädääje cajiichana wädöetödä David jääcä: 'Yaanonö David wwä sotoi wewanacaajade Filisteo Jonnoiñe, tameedä ñanno chu´de´tännamo jonnoiñe mmaja quee.'''¹⁹Totoiño Abner cönä´deuwäi chea Benjamin jaatawoncomo wwä. Mädääje Abner cöntämä hebronña David wä a´deuwe, ecammajätödö we´tä tameedä Israelitacomo wäiñe, tamedädä mmaja Benjamin esacancoomo töödöse naatodö jääcä. ²⁰Yaawä Abner toni soto´coomo towa´cä (20) tösootoi jaadäiñe cönä´döicho Hebron ña David ene´dö wetä, chääwashucomo David nöcho´necadö cönä´jacä.²¹Abner cönecanmajätöi David wwä: "Äwö wanönga´de tameedä Israelitacoomo wi´jummatode äwwänoje, amäädä yedhajä caajiichanai, tönwanno atade´cwe ä´döiyeto adhacä änjummadö woije ñaa caajichanaije meiye. quee cönä´döa´cä Abner." Mädääje David cönennojai Abner, täncanoode´da Abner cöntämä yaawä.²²Yääjemma yaawä David sotoi Joab mmaja cönä´döicho ewänätäneijödö, joje cönnejoto iinñäjätödöcomo jödö. Yawääne David jadä´dä Abner cönä´jacä Hebron ña, David amuinche cönennojai, mädääje täncanode´da Abner cöntämä. ²³Yaawä Joab cönä´döi chawä töwewänätamo dha´meiñe, edääje tönwanno Joab wä: "Abner ñäädä Ner ne´dö cajiichana David döiña cöneiyacä, yaawä cajiichana cönennojajoi Abner, täncanode´da töwö cönennacai.²⁴Yääjemma yaawä Joab cöntäma cajiichana döiña edääje töwö cänä´döa´cä: "¿Ane´cämö amäädä mödöi? ¡Ene´cäma, Abner ädöiña neiya! ¿Ane´cotojo mennojaichea, töwö nötämä eduuwa? ²⁵¿Odhowanä´cäda ca nai määdä Ner ne´dö Abner, neiya töwö adhencutä´dö wetä mädääje towaanäcä tödödö wetä tödö´se maadö, tameedä mödöa´dö mmaja?" ²⁶Yaawä David e´sacanno Joab cöne´jädawä, töwö tösotoi cönennojaicho Abner ncäcä, Yaawä tönwanno cönnejoto Abner Sira cu´jäi wadädä, yawääne David dhowanäcäda cänä´jacä.²⁷Hebron ña Abner cöönenacaichawä, Joab cönä´döï mönatata adoijoto annawäne tacadeda chäwwä töwa´deuwödö wetä. Määtä Joab cönwääi shootö jäcä mädääje töwö cönäämai. Mädääje töwö tacoono Asael emaajödö cömjotäi.²⁸Edääje töwö David cönä´döa´cä mä´dä töwwö etajääcä: "Necetädöje naatodö öwö mmaja toowänchadä ñaana cajiichana ñäädä Ner ne´dö. Quee cönä´döa´cä David. ²⁹Abner wäämajödö nä´dhemaiñojo´de Joab jujä´decäcä yoijatoje yeijäcä tameedä, yöömö e´saca natoodö mmaja. Tameedä Joab wäjiinmätädö aque´dada meoñojo´de cäädäi tätämjönö, woijano, secumjato mmaja, tääsejichaato wä´jeimadö." ³⁰Mädääje yeijäcä Abner cönemaicho tacontoncomo Abisai emääjödö weijäcä Gabaon ña wäänä awä.³¹David cönä´döa´cä Joab wä, tameedä soto chääjadä cönäjatodö wwä mmaja: "Oowomöcoomo shiijätäcä, adhewontätäcä womú tajichödhato awädä Abner equejödö döö´tä wentumje eichäcä." Cajiichana David cönojjoimai äquejä adädö ncäcä äwä döiña tödöene. ³²Hebron ña Abner equejödö tönwanno cönewacaicho. Cajiichana David cöönamoi jääduje cöncätömöi Abner ewaadö dötä, yäätä soto cönä´jatodö tameedä cönamoicho´dea.³³Cajiichana David wentumje cönä´jacä Abner jääcä edääje cönecanta´ñäi: "¿Mädääje ca Abner wäämatojo cönä´jacä tääne´juquenjönö wämaadö nönge? ³⁴Töömöeda adhamädö cönä´jäcä. Sejaadadi atajädaicho quee ä´judu tömöedä mmaja. Dhanwa conemjönö tödöneijödö töwe´du´ca töweiye naichöje." Cönaamoa´to dea yaawä tameedä soto Abner junne.³⁵Tameedä soto cöne´joto David wäwashinchädö wetä ano´dea cönä´jacä, David ta´deddu chänöngatoje cönnöi: "Tumjumadö woije yöödöñöjo Wanaadi, ane´jajato mmaja nödö´ñöjo jäcä, uu aneja, aneja mmaja öwä onejajäcä shii womomödö owajädä quee cönä´döa´cä David." ³⁶Tameedä soto wacö´comje cönä´jäcä David cönnö´a´dö, mädääje yacötöcomo cönnöi, yääje yeijäcä tameedä cajiichana cönnöa´dö soto wacö´jeiñe cönä´jacä.³⁷Yääje yeijäcä soto tameedä Israelitacoomo yää anooto awä towanöcäiñe cönnöicho, Cajiichana nijummadöjönö cönä´jacä Abner emäädö ñäädä Ner ne´dö. ³⁸Tanonö wäiñe cajiichana cönä´döa´cä: "¿Odhowanäcäiñe´da ca nai toni dhanwa tacaadato täne´jucato mmaja edä anooto yäämajödö Israelita ña? ³⁹Edä anooto jodujeda wa, cajiichana weichame chänönge amoichajä. Canno dhanwacomo Sarvia ñancomo, äwwä yeichö conemjumcomoje naato. Cajiichana nichuseijaatode choonediiyö coomo woije, choonasene mädääje nädöja´tode.

¹Yääje mma yaawä tameedä Israelitacomo cöne´joto iju´jäcoomo waadäi David wadädä Hebron ña cönä´döa´to chäwwä: "Eduuwa ädöiña ñaa nädöi, äwäjimmätädöje ñaa na. ²Jenaadä dea, ñaa cajiichanaije määdöne Saul cajiichanaje yeichawä dea, töwewänätamo edhajotoncomoje ñaa wwänoje aasshicha töwewänätä mäjaquene. Äwwä dea Cajiichana Wanaadi cönä´döa´cä: 'Amäädä chäädhajätoncomoje ma´de sootoi Israelita meda´chaatode quee, soto cönä´döa´cä David wä."³Mädääje Hebron ña cönä´döicho tameedä Israelita edhajätoncomo, David wä a´deu´we, yäätä cajiichana Wanaadi wwänoje David cönä´cammai chäwwäiñe. Mädääje töcajiichaichomoje cöneewaacaicho yaawä. ⁴Tooni sotooto de´wä amoojadä (30) wdu David cönä´jacä cajiichanaje töwäwaacadawä, aacä sotooto wedu (40) cajiichanaje cönä´jacä. Hebron ñancomo, Juda ñancomo mmaja cajiichanaichomoje cönä´jacä aacä amoojato (7) weduuto de´wä tooni amoojato (6) to´cwa´cä nuuma. ⁵Yaawä Jerusalen ña, juda ñancomo jadäiñe Israel ñancomo cajiichanaichomoje cönä´jacä tooni sotooto de´wä amoojadääto de´wä aaduwawä (33) wedu.⁶Yääje mma yaawä Jerusalen ña Cajiichana David cöntämä sotoi jadäiñe, Jebusita iwänätäiñe, Jerusalen ñancomo mmaja, ñanno yää de´wä cönä´jatodö. Tönwanno cönä´döa´to David wä: "Sadä ä´döjacha maa amäädä David, jáääduuje´da maato etääncomo tänuquemjönöcomo acaana´cajaiñe naato, secumjacomo mmaja." David eijaicha na sadä. ⁷Yääje yeichame, David yää cöncanacai Zion ñano mädääje töjatadöje tödödö wetä.⁸Yää anooto awä David cönä´döa´cä: "Ñanno Jebusitas iwänätä nötatodö, nötä´ñato, tuna wötotojai najecañato ñanno tonunquenjöncomo ñanno secumjacomo mmaja, änäcamo ñanno David tude´tomo." Yääje yeijäcä soto yääje nä´döato: "Tänuquemjönö secumjaton mmaja mma taca ämonjachana. ⁹Mädääje David yäätä cöne´jatatäi Zion ñano jatawä täijato mududu tawä, cönetäi yaawä yää jata David jatadö quee. Täijecä jene cönconecai mududucomo cönnöjä´täi jata awodhecäcä, mma awodhecäcä mmaja täije cönnöjätäi chea, tamedädä dhaca mmaja. ¹⁰David jooje´cä jeene joduuje cönä´döa´cä, joojecäjene täne´juque mmaja, cajiichana Wanaadi anonö edhajatoncomo chäjadä yeijacä.¹¹Yääje mma yaawä Tiro ñano cajiichana Hiram tösotoi cönennojaicho David wadäädä, dee cönä´däjoi tabla tödhatocamö, mma amännamo caja tödö´jänamo mmaja. Mädääje tönwano David mmai cönä´mäicho. ¹²David dhowanäcä cönä´jacä Wanaadi woije Israel ñancomo cajiichanaije töwä´döjödö.¹³Yaawä Hebron ñanno cöntämä Jerusalen ña cönä´döi, joojecä mma woodiñamo töjiiñantomoje cönnöicho inña Jerusalen ña, yäätä töweichö jooje cönennecaicho yaawä jooje dhanwacomo, wodiiñamo mmaja. ¹⁴Canno ñanno inñacoomo Jerusalen ñancomo wennua´como: Samua, Sobab, Natan, Salomon, ¹⁵Ibar Elisúa, Nefeg, Jafía, ¹⁶Elisama, Eliada, Elifelet.¹⁷Yaawä Israelita cajiichanaichomoje David ewaacajödö etajäcä, Filisteo wwäiñe, cöntonto yaawä iwä´nätä. Yää etajäcä töwwä cönätäi yää wäänä awä töweichojo taca. ¹⁸Filisteo cönä´döicho yaawä Refaim ñano woichö wadaadädä.¹⁹Yääje mma yaawä David cönä´deuwöi Cajiichana Wanaadi wä. Töwö cönä´döa´cä: "¿Filisteo ca wiwänätanto? ¿Chanacato´como ca iña wä mutai? Cajiichana Wanaadi cönä´döa´cä David wä: "Iwänätäcoto, Yaawä wua´de äwwä Filisteo chanacatocomo." ²⁰Mädääje David cönwänätäi Baal Perazim ñano, cöncanacaicho yaawä. Töwö cöne´cujä´acä:" Yoowajodä tude´tännamo Wanaadi niwäänätäicho tuuna wadonnajä jadhedä töweconge töweiye naichöje quee cönä´döa´cä." Mädääje yeijäcä yää Baal Perazim je jata cöne´täi yaawä David. ²¹Yäätädä töwaanadiiyöcomo cutaajä Filisteo cönnämoicho, David sotoi cömjacaicho yaawä.²²Yää´jeje Filisteo cöne´jummaicho dea Refaim woichö awä töwewänätädöcomo wetä. ²³David cönä´deuwöi chea Cajiichana Wanaadi wä, Cajiichana Wanaadi cöne´cujäa´cä: "Ñenedöcomoje´da ädötäcä, tawodhentäne awodhentätäcä chuta dö´senno ejoodötäcäde.²⁴Yaawä yejöödöcomo nönge yätajäcä chutacomo dotai jäduuje iwänätätäcäde yaawä. ²⁵Mädääje David cönnöi Cajiichana necammajödö nönge, töwö Filisteocomo cömjajoicho, Geba ñancomo, Gezer ñano jona tödö´ene.

¹Yaawä David quinijunmaicho dea tameedä ñanno dhanwacomo Israelita ñancomo e´tacomo. Tooni sotooto de´wä amoojadä miide (30.000). ²David töwäjudutädöjo cöönämatäi tameedä tösotoi jadäiñe Baala ñano, Juda ñano eneejödö wetä Wanaadi wanontädö imennajä ewötö, Cajiichana Wanaadi angede edhajotoncomo e´tööjoi e´täjä naadö. Angede (querubines) antawä tödöajä naadö.³Jatuuwa cönannucuicho yaawä, tadaada tödö´eno de´wä, tönwanno Abinadab maichacanno cunucaicho, jöö de´wä cönä´jadö. Uza, Ahio mmaja, nacoomo tadaada tödöenö adännamoje cönä´jato. ⁴Tönwanno cunucaicho yää tadaada tödöenö Jatuuwa yewäädä iyää Abinadab mai jöö de´wä cönä´jadö owaajo. Yääje mma yaawä tameedä Israel mai jöö de´wä cönä´jadö. Ahio cööntämä jatuuwa adäädö owaajo. ⁵Yääje mma yaawä tameedä Israel mai acancomo David mmaja cöönajontoicho yecwadö Cajiichana Wanaadi wää cönwademecato dee amoodenöjäajä quee, iyää arpas, liras, pandereta, cascabeles, cimbalos mmaja.⁶Nacon niñatöötädö aca cönäädäichodawä, bueye como cöönejucotoicho, yaawä Nacon cönonwojoi Jatuuwa ajäichö we´t, yääje cöönäjäi. ⁷Yääje mma yaawä Wanaadi Cajiichana cönä´tömai Uza jääcä. Wanaadi cönmamiichai chonenadiyö jotäädöje. Jatuuwa nnäcä Uza cönämai yaawä.⁸David töwäätöma cönä´jacä Uza maminchajödö weijäcä Cajiichana Wanaadi wwä. Töwö cönetai yaawä yäätä Perez Uza ña noje. Mädääje chäätö na eduuwa Perez Uza ña nooje edä anoto naadö jona töödöene. ⁹Yää anoto David cöönontäi Cajiichana Wanaadi. yääje tööwö cönä´döacä: "¿Aquene öwadädä jatuuwa e´jai ñai eduuwa?.¹⁰Yääje yeijäcä David adä´jacha cönä´jacä yää Jatuuwa tööjatacäi. Yää önwacanojödö, Obed Edom ñäädä geteo weichö mai nääcä cönummichai. ¹¹Yää Jatuuwa aduwawä nunooto cwacä cönä´jacä Obed Edom geteo weichö mai chaca, yääje yeijäcä töwwö Cajiichana Wanaadi aashichato cönnöi chääjäcä tameedä ñanno chä´sacancomo mmaja.¹²Yaawä cajiichana David wä cönä´döa´to: "Cahiichana Wanaadi aashichato nöödöi Obed Edom jääcä tameedä ñanno chäjadoncomo mmaja yää Jatuuwa imaichaca yeijäcä," Yää Jatuuwa weetä cöneiyacä Obed Edom maichacanno David jaatadö ña cönäädöi tacwaiñe. ¹³Yaawä ñanno Jatuuwa adä´daawä tooni amoo jatooto´cwacä yäätaja wäiñe, tooni buey sacrificio tooni cuushi toojuyaato mmaja.¹⁴David cöönänwai Cajiichana Wanaadi nenedöje tameedä tööweichöque; Sacerdote woomö aawä tääjeto. ¹⁵Yää´je, David tameedä Israelitacomo mmaja, yää Jatuuwa cönaadöicho tamäädöcomo aai töshiiwoichomo e´töa´ncädä.¹⁶Yaawä yää Jatuuwa woomomö´dawä David jatacäi, Mical ñäädä Samuel ne´dö, mentanatai cöne´nemacä. Ñäädä woodi cajiichana David wajaanömjätödö yäänwadö mmaja cööneneacä, Wanaadi nene´döje. Ñäädä wodi täwaanö jonno quinquinñemecöi. ¹⁷Ñanno cönäädöicho cönamäänöjöicho, yaawä cönnöicho yeichojo dö´tä, Yaatä David namäädö yeichojo cönä´jadö tawä. Yääje mma yaawä David tääjemanjönö yacwajä cuntui. Tääjenjönö tääncano´deda weichojo mmaja, ñäädä Cajiichana Wanaadi wwä.¹⁸Yaawä David aashichato tääjemjönö ya´cuajä tääncanodeda weichojo mmaja sacrificioje töödödö tööwä´cajäcä, töwö aashichato cönnöi jaata jääcä, ñäädä Cajiichana Wanaadi Angede edhajotoncomo e´töjoi. ¹⁹Yaawä töwwö cöönecamoi tameedä sooto wäiñe, ñanno jojaacomo, tameedä Israel wäiñe mmaja, tameedä dhanwacomo woodinñamo mmaja, yääje tamedä sooto cöntonto, töwaadäiñe cöntäjätöicho täsadöcomo wadäi.²⁰Yääje mma yaawä David cöönennecai töjinmä döiñaiñe aashichato tödödö weetä. Mical ñäädä Saul needö, cöntämä David acä töwäädantädö weetä yääje cönä´döacä: ''¡Iiñataje nä´nejoi Israelita cajiichanaichomo edää anoto, toonicomo nacoomo nene´dö coomoje, ñäädä iiñamoodoto ishejöödö nönge töjöiyeda, töwoije dea töwewoncajäe töweiye naichöje. quee cönä´döa´cä!"²¹Yääje David cöne´cwajä´acä ñäädä Mical: "Määdä wödööne cajiichana Wanaadi nene´döje, töwö ye´tääne oomo edääje tameedä yäjiimmätädö mmaja, töwö yetääne Wanaadi sotoi edhajätoncomo, Israel ña yeichö. ¡Ta´cwaiñe waade Cajiichana Wanaadi emjatawä! ²²Öwöö wa´de edää wödöichö ejodhecä, weneade conemjönö töödödö jääcä. Ñanno yanonö nacoomo jäcä adha´deuwöichö, aashicha dea yödöatode. ²³Mädääje Mical, ñäädä Saul ne´dö, ennecada cönä´mai.

¹Yaawä Wanaadi nutuudu woije tutu´detännamo cana´ca´joocomo weijäcä, tömmai chaca täncanoode´da cajiichana wäädeeta´jäcä. ²Cajiichana cönä´döa´cä Natan wwä: "Ene´cäma, cedro döaajä ömmaije yeichame, Wanaadi jatuuwai tödö´ajä cönä´jacä camisha ewötö antawä."³Yaawä Natan cönä´döa´cä cajiichana wwä: "Äjääne, adhewanö jäcä ätö´tajäätödö woije tödööcä, Cajiichana Wanaadi ajaadä na." ⁴Yää cöijai chawä Jehova a´deddu Natan wwä cönäätai, cönä´doa´cä: ⁵"Yaanonö David wwä edääje ya´deddu ecammata, 'Edääje nä´döa Jehova: ¿Weichojoje ömmai amä´se ca ätö´tajä´anä?⁶Egipto ñanno Israelita ija´canöjo´jocomo jonnotojödöödä eduuwa jona tödöene mma taca eecha wa, öwö ö´tancädä wännene camisha ewötö ca. ⁷Israel atödöcomo jadäiñe weichö wadadädä, ¿adhedhajotoncomo wwäiñe mädääje töwä´döe ca wa´nö, öwö Israel atödöcomo wajäiñe pastoriaje tödödö wetä töwä´döancädä: "Ane´cäämö e´nei cedro döajä ömmai anaamäda mato?"'⁸Eduuwane yäje ca´chä´cä yanonö David wwä: Edääje nä´döa Amoode edhajätoncomo Jehova: 'Oveja edaichädöcomo jonno mänu´cane sootoi Israelitacomo edhajätoncomoje aweichö wetä. ⁹Ajaadä wäänene, awaademaadö waadäi, odhowajo ätu´de´tännamo cana´cancädäiñe töneejuque männöne dea, edä nono de´wäncoomo täneejuca´como antawäiñe.¹⁰Öwö Israelita nonodöcomo wuade yeichöje yäätädä täncanode´da yeichöcomo wetä conemjönö como wwäiñe . Awaadene cönäjatodö´jedane yei´shenñe wä. ¹¹Untudu woije ämencannamo sotoije töweichawäiñe. Ätudetännamo jonnoiñe äwädeetatocomo wua´de mädääje odhowanäcä tödööcä Jehova wwä adhatödö aashicha tödöötocomo mma töweiye naichöje.¹²Aweduchädö watamea´jäcä adhadaichamo döiñaiñe äwä´döajäcä, amäädä adhatödö dea änwacanooje wewa´cade sootoi cajichanaichomoje. ¹³Töwö yeetöjoi weichojo namääade. Öwö wöije dea tumu´dei de´wä Cajiichanaje na´de yeichöje. ¹⁴Yuumöje wa´de awö, töwömmane önnedöje, conemjönö chäwwä tödööa´jäcä imaaminchannamoje soto wödööato´de, dee ajäädö quee mude´cäcä aiju´jätöödö töweiye na´chäje.¹⁵Yääje yeichame wentumje dea weneea´de ane´nomja´da Saul we´nomjaneedöje´daane. ¹⁶Äncäcäädä adhatödö dea naatode yeichödäje na´dede yaanontodöcomo. ¹⁷Tameedä mädä a´deu Natan cönecammajätäi David wwä. Wäneetönä nöngato töneene´jödö chäwwä ecammancädä mmaja.¹⁸Yaawä David ä´saca cönoomomöi Jehova wwä a´deuwe cönä´döa´cä yedhajä Jehova: "¿Änäcä jaiñoone öwö, änä´camo mmaja ñanno wäjimmätädö mädä wa´cä eduuwa naadö tödööene yeedachädö wetä? ¹⁹Yaawäne, edä yää she´casa cä adhenjatawä, Cajiichanai Wanaadi. ¡Amäädä tönecamma mma ñanno osotoi weichocomo, töne´nejo mmaja madädä yeichojo, amäädä yedhajä Wanaadi! ²⁰¿Chääwacä äwwä wa´de´tojojeda wa tötajätödö odhowanöcä na yedhajä Jehova?²¹Adhewanö jäcä ätötajätödö woije, tameedä mä´dä joojato michö´tammene öwö ecammajätödö wetä. ²²Ojodhato danma amäädä Cajiichana Wanaadi. Änöngato jeda na edä nono de´wä aneeja Wanaadi je´da na ñaa wwä tacadato. ²³¿Osootoi Israelita nöngacomo jeda mmaja nato dea edä nono de´wä. Ñaa mma töjää´cäjene osootoije ñaa na amäädä anewanaacadö? Edä amäädä mödööne tameedä äwwänoje yeichöcomo wetä, tönoiñe tänemäje mmaja yää ajaatawä. Ñää jummajödö weijäcä Egipto ñano ñaa mijacanö´joone anejacomo soto jonnoiñe iwanadiiyöcomo jonnoiñe mmaja.²⁴Amäädä Jehova osootoije ñaa mödööne yeichöödäje ñaa Wanaadiyöje aweichö wetä. ²⁵Eduuwane, amäädä Jehova yeichödäje yää awa´deuwöjödö nönge chäänönge tödö´cäde. Yää öwä anecammajätödö, osootoi jäcäiñe mmaja. ²⁶Yeichöje täneejuque aweichö wetä, edääje soto nä´döatode yaawä, 'Israelita cajiichanaichomoje na ñäädä amoode edhajotoncomo,' öwö jimmä mmane ñanno osotoi David atöödö, joduuje naato´de.²⁷Amäädä amoode edhajätoncomo, Israelita Wanaadiyöcoomo, adhanonö ai mecammane immai amä´tojo. Yääje yeijäcä öwö adhanonö edääje e´catädö onnontäda wä´janä. ²⁸Yaawäne, Cajiichana Wanaadi ñäädä mma amäädä chänöngato dha´deddu, yää aashichato mädöne adhanonö wä mecamma ne´dö. ²⁹Yääje yeijäca eduuwane we´ca´a aashicha yäätädä äwwä tödööto´como, yeichödäje adhenjatawä eiyeto´de, yääje äwädöjödö weijäcä amäädä Wanaadi, aniwatädöque aashicha ñe´ñatode ñanno ömmai chawä naato´de yeichödäje.

¹Yääjemma yaawä yää´je´je David cönwänätäicho Filisteo coomo a´quee cönä´döjoicho. Määdäje David cönaajäi Gat ñano dhawodecäcä cönä´jadö mmaja, Filisteo coomo cönäätänwajiiña joicho chäwwä.²Yää´jeje Moab ñancoomo a´quee cönä´döjoicho dea, yaawä dhanwacoomo tösoi cönoonejaicho nonoojo töweemotädö coomojo. Mädääje töwö cönonejaicho aca yesadiimincha jocomo´cwacä töwä´jaamo, toni yesadiimincha jocomo´ mmane töwäwanacomo. Mädääje Moabitas ñacomo David sotoi je cönä´döicho cöna´jäntäicho yaawä ejeemadö täjemjönö u´tuudu mmaja.³Mädääje dea David cönwänätäi Hadad Ezer ñäädä Renob ne´dö, cajiichana Soba ñano, ñäädä Hadad-Ezer mmane cöntämä tönoonodö inñacase töwwä yeicho wetä mmaja iyää tuuna Eufrates Jadädä. ⁴David jedeesuje cönä´jäicho tooni soto miide (20.000)to´cwacä töweewänätamo, 1700 to´cwacä cawaayu de´woncoomo mmaja. Cawaaju töwwö cönnöi tadaada mmaja, amoojato sotooto de´wä (100) mma töwewänätamo je yeichöcomo wetä.⁵Yaawä Arameos ñancoomo Damasco ñancomo mmaja, cöneejoto Hadab-Ezer ñäädä cajiichana Soba ñano iwa´täiñe. Töwö David cömjajoicho 25 mil to´cwacä Aremeos coomo. ⁶Yäätä Aram ña, Damasco ña mmaja, David tösotoi töwewänätamo cönnöicho, ñanno Arameos coomo mmane chäjaadoncoomoje cänä´döicho täjemjönö cönnejoto dea chäwwädädä. Mädääje Wanaadi tu´nue cönä´jacä David wä chanacatojo i´chäädö waadäi.⁷Yaawä David cönannäjäi escudo oro duajä, ñanno Hadab-Ezer sotoi woncomo jädä cönnejä yaawä Jerusalen ña. ⁸Mädääje mmaja Beta ñanno Berotai naño mmaja, iyää Hadab-Ezer naño jata, töwö David cönnejä jooje bronce coomo.⁹Yaawä cajiichana Toi ñäädä Hamat naño, Hadad-Ezer ñancomo wätujocomo David wwä, töwwö e´tajäcä, ¹⁰Yääwä cajiichana Toi cönennojai tönnedö Joram, aashichaato uu´e David wä ta´cwaiñe töweichöque, Hadad-Ezer ñancomo chanacajödö weijäcä chäwwä. Töwö Joram cuntui chäwwä mösooma jödaata döaajä, oro döaajä mmaja, Bronce döaajä mmaja.¹¹Yaawä cajiichana David yää cönnöi Wanaadi wänooje, tameedä jata töncanacajätöjödö iyää plata döaajä, oro mmaja. ¹²Yäätä Aram, Moab ñano, Amón jataawä cönejummaicho, ñanno Filisteo, amalecitas mmaja, Hadad-Ezer mmaja, ñäädä Rehob ne´dö, cajiichana soba ñano.¹³Mädääje David täneejuque cönä´döi, yaawä töwennacadawä arameos ñancoomo töwwö chanacajeje, tösotoi jadäiñe ñanno 18 mil coomo. ¹⁴Yaawä Edom ña, tösotoi töwewänotamo cönnomoicho dea, mädääje tösootoije Edom ñancomo tösotoije tödöödöcomo wetä. Wanaadi tunu´e cönä´jacä David wä chanacatojo i´chäädö wadäi.¹⁵Yaawä Israelita coomo cajiichanaije David cönä´jacä, sooto emmencaneichomoje mmaja, aashiicha yätäsetäseiñe töwö cönä´jacä. ¹⁶Shotoi töwe´wänä´tamo edhajotoncomoje cönä´jacä Sarvia ñäädä Joab ne´dö, Acu´shana weichö imennänei cönä´jäcä Ahilud ne´dö ñäädä Josafat. ¹⁷Sacerdote je mmane cönä´jato, Sadoc ñäädä Ahitob ne´dö, Ahimelec mmaja, ñäädä Abiatar ne´dö, imennäneije cönä´jacä Seraía. ¹⁸Benaía mmane cönä´jacä cajiichana eda´chännamo edhajätoncomoje, David nacoomo mmane cönä´jato cajiichana coomo yäätujaneichomoje.

¹David cönä´döacä: "Töweiyee canai aneeja Saul wäjimmö´tädö, Jonatan tumjuma wichöque, aashichato tönnöe wäneenedö weneejoiye? ²Saul wäjimmätädö töweiye cönä´jacä, dhanonö´jödö Siba je chäätö, ñäädä cöna´deujaichodö David eneedö wetä chäwwä. cajiichana cöne´canmajoi: "¿Siba ca amäädä?" Töwö cöne´cujä´a´cä, "Ee öwö ñäädä adhanonö".³Yääje mma yaawä cajiichana cöneecamma´joi: "¿Saul wä´jimmä´tädö töweiye dea caanai, chäwwä weneejoiye aashichato tönnöe weichö Wanaadi wä?'' Siba cöne´cujä´acä ñädä Cajiichana: "Jonatan ne´jödö töweiye dea na ñädä secumjato". ⁴Cajiichana cönä´döacä: "¿Ääsha ca töwö nai?" Siba cöne´cujä´acä ñäädä Cajiichana: "Ene´cäma, Maquir e´saca töwö na ñäädä Amiel ne´dö Lodemar ñano".⁵Yääje mma yaawä, cajiichana David cönaanontäi eneejödö wetä, Lodemar ñanno, Amiel needö Maquir mmai taacanno. ⁶Mädääje cöneejä Mefiboset ñäädä Jonatan ne´dö, Saul ne´dö mmaja, David döiña cönä´döi tä´mudhe cönä´däi chäwwadädä, töjeecaichö quee nono tajoojone, David tönoiñe töneene töweichö eneejodö cönä´jacä chäwwä. David cönä´döa´cä: "Mefibose". Töwö cöne´cujä´acä: "¡Ene´cäma, öwö ñäädä adhanonö!''⁷David cönä´döa´cä: "Määcatonca´che oomo Jonatan tumjuma weijäcä, aashichato äjäcä tödö´se wa, ataamudu Saul nonodö´jödö äwwä wu´ade, yeichöje mäwashincha´de meesai de´wä". ⁸Mefiboset tä´mudhe cönä´döi cönä´döa´cä: "¿Äänäcö ca öwö, adhanonö tacä öwööde mädä´wa´cä aashicha yödöödö wetä äwwä, sö´na wäämajödö nöngato?".⁹Yääje mma yaawä cajiichana cönaadejai Siba, Saul anoonö´jödö cönä´döa´cä chäwwä: "Tameedä Saul wä cönä´ja´dö,yäjimmä´tädö wäiñe wu´a´de, adhedhajä jano jaadö´jödö wwä mmaja. ¹⁰Amaadä, ännacomo, osotoi mmaja niiñatö´ta´tode noonodö aaca, yää naatö ejeedödö namu´cato´de adhedhajä jaadö´jödö chäwanshiiñö töweiye yeichö wetä, Mefiboset adhedhajä jaadö´jödö mmane yeichöje näwashiincha´de meesai de´wä". Yaawäne Siba nacoomo cönä´jato (15), shootoi mmane cönä´jato tooni soto to´cwacä (20).¹¹Yääjemma yaawä Siba cöne´cujä´acä ñäädä cajiichana: "Osootoi je naadö tameedä nödö´ade cajiichana naanontäjö woije." Edääje mmaja cajiichana cönä´döa´dea: "Mefiboset mmane cajiichana nacoomo nöngeiñe dea meesai de´wä näwashiincha´de quee, cönä´döa´cä." ¹²Mefiboset ne´dö cönä´jacä tooni ñäädä Micaía tä´tö. Tameedä ñanno soto, Siba e´saaca tönnöque cönä´jatodö Mefiboset sotoi je cönä´jato. ¹³Mädääje Mefiboset cöneejata´täi Jerusalen ña, yeichö je töwa´washiinchä töweiye cönä´jacä cajiichana meesai de´wä, a´nädä tu´juudeque ä´taaja´da töweichame.

¹Yaawä cajiichana Amon ñano wäma´jeje inñedö Hunun, cajiichanaje cänä´wacai inwacanoje. ²David cönä´doa´cä: "Aashicha weichö wenejade Hunun wä, ñäädä Nahas ne´dö, aashicha töweichö yuumö enejo´jödö weijäcä öwä." Yääje mma yaawä David cönennojai tösotoi Hanun döiña wentumje yeichö iwatä, yuumö wämajädö´jäcä. Shootoi cönomomöicho Amon ñancomo nonodö de´cäi. ³Yaawä Amon ñancomo cajiichanacomo cönä´döa´to tädhajätoncomo Hanun wä: "¿wentumje owo enedö´que ca tösotoi enno´jajödö meca´nöanä David wä?" ¿Jata wänä´tädö owajo emmencadööje´da ca nichö´tanä? quee cönä´döa´to.⁴Yää etaadö´jo Hanun cönajoicho ñanno David anoonö, annai chätamu´jotöcomo cöncajoi, yomöcomo mmaja shidiiyööcomo tö´cäcä cönaa´cojojotöi chea, yaawä töwö cönennojaicho yätänno. ⁵Yaawä tönwanno cönecammajätöicho David wä, yaawä töwö cönennojaicho chäjadäiñe ojoodö´e. yaawä ñanno dhanwacomo töjöiye cönä´jato jooje. Yääje cajiichana cönä´döa´cä: "Jericon ña yomotäcä adheta´mujotö´como wa´tadö wa´cä. Yaawäne ennacajai mato dea.⁶Töjäcäiñe David töwä´töma yeichö towanäcäiñe yädöa´jäcä Amon ñancomo tanonöcomo cönanontäicho, täjemamoje cöne´catoicho Arameo ñancomo, Bet Rehob wä, soba wä mmaja, 20,000 töweewänätamo, Maaca ñano cajiichana wwä 1,000 to´cwa´cä cönecatoicho, Tob wä mmane 12,000 mil töwewänätamo. ⁷Yaawä David wä yää eta´jäcä, Joab cönennojai tösotoi töwewänä´tamo jadäiñe. ⁸Yaawä ñanno Amonita cönejacaicho cönesa´dimiichaicho dea, töwewänätätocomo nönge iyää jata natatajo, yääje ñanno weichameiñe Arameo soba ñancomo, ñanno dhanwacomo tob sotoi mmaja, Maaca sotoi mmaja, woi awä tönwanno yejatatacomo cönä´jato.⁹Yaawä Joab cönedantäicho ñanno töwewänätamo towajo inchadhedäiñe mmaja yesadiminchacomo, töwö cönmencaicho Isaraelitacoomo wewänätänäjäcä towanojo´nacomo deamma, yäätä töwö cönnöicho arameo jadäiñe yewänätädöcomo wetä. ¹⁰Ñanno töwewänätamo wädetöjocomo mmane tacono Abisai wä cunummichaicho Amon ñancomo wänä´tädöcomo wetä.¹¹Joab cönä´doa´cä, "Arameo canacadöje yeiya jäcäiñe, cöwatätäcäde. Yaawäne Amon ñancomo acanacadöje yäneajäcäiñe öwö´daja maniwatade. ¹²Ä´jädutäcä quenejotäiye cöjäduducomo quijimmätoncomo wä, cöjatadöcomo Wanaadi nutuudu jäcänchädä, töwö cajiichana töwoije cödä´a´tode."¹³Yaawä Joab cöntämä tösotoi jadäiñe Arameo döiñaiñe ewänätä, töwä´nejemma tönwanno cönä´nejeicho ñanno töwewänätamo Israelita nontädöcomoje. ¹⁴Yaawä yää arameo wänejedöcomo ene´ajäcä Amon ñancomo wäiñe, tönwanno mmaja cönä´nejeicho dea, Abisai sotoi nontädöcomoje, yaawä cönennecaicho töjatacäiñe. Yääjemma yaawä Joab cönennacai chea Jerusalen ña.¹⁵Yaawä Israelita wwäiñe töwä´canacäjodöcomo edanta´jäcä ñanno Arameo cönejummaicho dea. ¹⁶Yää´jeje Hadad Ezer cönennojaicho töwewänätamo Arameo, ñanno Eufrates mänsenjoncomo. Ñanno cönennacaicho Helam ña, Sobac töcajichanaichomoje, ñäädä Hadad Ezer sotoi töwewänä´tamo edhajotoncomo.¹⁷Yaawä David töwwä ecammajäcä, töwö quinijummaicho tameedä Israelitacomo, chäwwäiñe Jordan iyä´a´cä Helam ña cönä´döicho. ¹⁸Ñanno Arameo cönesadiminchaicho täwewänätädöcomo wetä David jadä. Ñanno Arameo cönä´nejeicho Israel ñanno. Yäätä David cömjajoicho 700 töwe´wänätamo tadada de´woncomo, 40,000 mil töwe´wänätamo cawaju de´woncomo. Ñäädä chädhajotoncomo Sobac, cönwoicho cönämai yaawä yäätä. ¹⁹Yaawä ñanno cajiichanacomoje cönä´jatodö Hadad Ezer dö´senno, cöneneato Israelita wäiñe yäcanacajodöcomo, mädääje tönwanno atade´cwe cönä´döicho Israelita jadäíñe, shotoichomoje mmaja. Yaawä Amon ñancomo iwatä´sedaiñe mma cönä´döjoicho ñanno Arameo tösadöcomo e´nei.

¹Yaawä weedu wajäntädawä, cajiichanacoomo töötä cönä´jato töweichöcoomoje ewäänätä, David tanonö cönanontäi Joab tameedä ñanno Israelitacomo töwewänätamo mmaja. Tönwanno cömjajoicho Amon ñancomo töwewänätamo. Yaawä Raman ñano cönaawodhentäicho. David mmane cönonomjoi Jerusalen ña.²Iyää coijaicho awä David cönammöi töcamai de´wonno, tömmai jödoodoi cawääto de´cäcä cönademacä, yäätonno wodi inñatajato wejiyö cöneeneacä. ³Yääje mma yaawä, David cönanontäi, töwö soto cönecammajo´ato ñäädä wodi dhowanäcäiñe yeichö. Yaawä aneejammädä cöne´cujäa´cä: "¿Betsabe jönöca määdä, Eliam ne´dö, ñäädä ne´cä Urias jiiñamo hitita ñano?" quee.⁴Ta´deddu ecamnei David cönennojai, yaawä ñäädä cönnejoto chäwädädä. Töwö cönä´döi ije´taca, yaawä töwö cönnöcöi dha´cä (tucu´nädä ä´camje töwö cönä´jacä). Yääje mma yaawä töwö cönennacai chea tä´saca mmaja. ⁵Ñäädä wodi cönwensutai, yaawä ta´deujödö cönadojoi David wadädä cönä´doa´cä: "wensuude waa quee."⁶Yääje mma yaawä David cönennojai ñäädä Joab cönä´doa´cä: "Enee´jocä Urias ñäädä Hitita ñano." Yääje mma Joab cönennojai Urias David wadäädä. ⁷Yaawä Urias cönä´döi David cönecammajoi, aaquene Joab nääjanö, aqueene nääjanto ñanno töwewänätamo, aqueene mmaja nääjannea iyää wänää. ⁸Yaawä David cönä´döa´cä Urias wä: "Äjääne adhe´saca, ääjudu cho´cacäde yaawä quee." Yääje mma yaawä Urias cömtämä cajiichana e´sacanno, yaawä Urias wennacadawä cajiichana täjem´jönä conadoloi chäwwä.⁹Yaawä´ne Urias mmane cajiichana nata´tajo cönnöcäi täädajä sotoi jadäiñe, tää´saca tä´dä töwö cöneiyacä. ¹⁰Yaawä cönecammaicho David wä, "Urias tääda tää´saca cöneiyacä quee," David cöna´doacä chäwwä, ¿äwä´dödö jönä´ca määdä?¿Ane´cämenei adhe´saca tädä meiya dea? ¹¹Urias cöne´ccujätöi David cönä´döa´cä: "Ä´sa tawä Wanaadi jatuwai weichame, osotoi Israelita, Juda ñancomo mmaja, yedhajä Joab jadäjödödä, woi awä yeichameiñe. ¿A´queene mädääje yeichameiñe öwö ye´saca ämonjai wänä äwäshinchä, jiiñamo enaawä önnöcödö wetä mmaja? Nudä aweichödä, edääje wäcamma, määdä tödöjacha wa öwö, quee cöneccujäa´cä Urias.¹²Yaawä David cönä´döa´cä Urias wä, "Eetä eichä eduuwa, jenamma mmaja, yaawä jeene manenno´ja´de." Mädääje Urias cöno´nomjoi yaawä aacä anooto. ¹³Yaawä David cöna´dejai Urias tömmai cha´ca yääwashinchädö wetä, tödä´cwato enöödö wetä mmaja, David cöne´daujoi yaawä. Yää coijaichawä tädhajä anoonöcoomo jadaiñe Urias töcamai de´wä cönnöcäi, tömmai chaaca ä´tä´da mma cöneiyacä.¹⁴Yääjemma yaawä yää jenamma naadöje Joab wadäädä David jajeda cömmennäi, Urias wä cöna´dojoi yaawä. ¹⁵Edääje David commennäi: "Töwewänätamo owajoiñe Urias tödö´cäde jojato wänä awä chäjadonno ä´secacäde yaawä aijujätöiyeto yämaadö jonane."¹⁶Yääje´mma yaawä Joab cönenemacä yää jata awodhentajä, towanäcä suddau jäduujacomo yeijäcä ijetacaiñe Urias cönanontäi. ¹⁷Yaawä yää jatawoncomo dhanwacomo wejaca´comjäcä, Joab sotoi jadäiñe cöne´wänätoicho, wannada mma David sotoi cönä´jajoicho yaawä, Urias mmaja cönemaicho yäätä ñäädä Hitita ñano.¹⁸Yääje mma yaawä David wadädä tameedä wä´nä yeejadätädö ecammajä´e tanonö Joab cönennojai. ¹⁹Töwö cönä´döa´cä tanonö wä: "yaawä cajiichana wä ecammadö äwä´cajäcä iyää tameedä wä´nä wejadätädö, ²⁰cajiichana ätömajai nichö´ta, yaawä töwö adhecammajotai; '¿A´neecotojo amuicheda jata jäcä mötäne dea?¿odhowanäcä´da ca cönä´jacä jää´judu döösenno äwäjaiñe yeichö?²¹¿Äanä´cö ca cöneemai Abimelec ñäädä Jerobaal ne´dö?¿odhowanäcäda caanai wodi wä tääju emajödö iijujä de´cäi, jä´judu dö´senno, mädääje töwö cönämai Tebes ña?¿Ane´cämö e´nei imu´dudui jäcä amoicheda deja mäja´quennea?' yaawä amäädä e´cujäcäde: 'Adha´nonö Urias ñäädä Hitita ñano mmaja töwäma nadea quee.'''²²Yääje mma yaawä Joab anoonö cöne´jacai cömtämä David döiña, yaawä töwö cönecammajätäi tanontäjödö nönge. ²³Yaawä ñäädä shotoi cönä´döa´cä David wä: "Ñano iña tu´de´tomo jädäjeiñe cönä´jato, awaanede ñaa weijädö nönge; Tönwanno iña wadädä cönejacaicho, yaawäne ñaa ene´döjo inñadädä mmaja cönennacaicho dea tönnatatadöcoomo wadädä mmaja.²⁴Yaawä ñanno inñatatajoncomo cönwäjätöicho osotoi töwewänätamo imududui de´wonno, wanna´damma cönä´jajoicho ñanno osotoi, adhanonö Uria ñäädä Hitita ñano mmaja cönemaicho dea." ²⁵Yääje mma yaawä, David cönä´döa´cä Joab anoonö wä: "Edääje caichä´de Joab wwä: 'Cone´da mma meiche, cu´naichane wewänätänawä wä´manä yeiyajä. täwäjudutäne ä´judutäcä, jata michana´caiye,' amäädäne Joab jädu´täneije meiye." quee cönä´doa´cä David.²⁶Yääje mma yaawä Urias wäma´jödö shinñamo cöne´tai, jooje wentumje cönä´däjoi yaawä töiño junnei. ²⁷Yaawä yää wejadä´täjeje, David cönanontäi chääwetä tä´saca yeicho wetä, yaawä shinñamoje töwö cönä´döi, inñedöje cönennecai yaawä. Yawääne Cajiichana Wanaadi mmane yacöjeda cönä´jacä yää David cönnöicho.

¹Yääje mma yaawä Cajiichana Wanaadi Natan cönenno´jai David döiña a´deu´we. Yöiña töwä´döa´jacä yääje cönä´döacä: "Ane´ja jatawä cönäjato aacä dhanwacomo. ²Tooni cönä´jacä töjöödötai chaato, tönsomaaque mmaja, yeichacoono mmane cönäjaacä wentunjato. Ñäädä dhanwa töjöödataichato chääcöntomo jooje cönä´jato oveja, jaaca mmaja. ³Ñäädä quene dhanwa wentumjato wä cönä´jacä, tooni oveja ne´dö cä mma, ñejeemadö cönä´jacä, ñäädä oveja cä chäjaadä cönennejäncai inñacomo jadä mmaja. Tänaawä inñö´näjödö, tänaawä töjaadä mmaja ñeewashinchädö, yää mmaja yocödööje, inñacomo enaawäiñe töweiye cönä´ja dea.⁴Aneedawä anooto awä, dhanwa cönä´döi tönsomoocato mai chaaca. Ñäädä tönsomoocato tacoono aminñä´ca´seda cönä´jacä. Chäcönö oveja quee wentumjato cönenwäjöi ñai yaawä, tömmai chaaca yä´döa´jä ewaashinchätoojeje." ⁵David jooje cönä´tamai yaawä ñäädä töjöödötaichato jäcä, yaawä jäduuje cönadeuwöi Natan wä: "Wanaadi nudä yeichö joi wecamma, töwämaamöje na ñäädä mädääje tödöneijödö. ⁶Ñäädä määdä nejeemade aacäichea oveja nacomo´cä quee ñäädä wentumjato tijöiyeda mädääje tödöneijödö."⁷Yaawä Natan cönä´döa´cä David wä: "¡Amäädä ñäädä dhanwa! Edääje Cajiichana Israelita Wanaadiyöcomo nö´döa: 'Awä mane´täne Israelita cajiichanaichomo je Saul jonno manewanacade. ⁸Öwwä wune adhedhajä esadöjödö, wu´ne dea adhedhajä jiiñantomo jödö mmaja. Tameedä Israelita, Juda ñancomo jadäiñe jödödä mmaja. Chäwacäda dea yää äwwä chötajäcä joojecäjene utuudu weiyaquene.⁹Yääje yeijäcä, ¿A´necätojooje Cajiichana Wanaadi a´deddu michöiñemene, yää conemjönö chämjatawä mödö´nedö? Urias hitita memajone ijiñamo ijiiñamo äwwä tödödö wetä. Amäädä memajoone Amon sotoi jadäiñe yewänätädawäiñe. ¹⁰Yääje yeijäcä eduuwa mmane yää sauda adhatödö jonnoiñe atameda na´de yeichödäje, cujummada aweijödö weijäcä, Urias hitita jiiñamo äwä eijödö weijäcä mmaja.'¹¹Edääje Cajiichana Wanaadi nä´döa: 'Ene´cäma ä´mai chaca dea cönemjönö äjääcä na´de. Adhemjata wä dea ajunñantomo wua´tode ädö´tono wwä, a´no chänawäiñe nänu´catode. ¹²Amäädä mödööne tacade´da cönemjönö. Öwö mmane a´no mämjöichade tameedä Israelitanñancomo nene´dööcomoje.''' ¹³Yääje mmaja David cönä´döa´cä Natan wä: "Cajiichana Wanaadi ocone´nadiiyö cönencuannojoi amaadä awichö mmaja.¹⁴Yääje yeichame edä conemjönö mödö´nedö Cajiichana Wanaadi jäcä, ñäädä ännedö wennuajä nääma´de. ¹⁵Yaawä Natan cönennacai chea tömai chaca. Yääje Cajiichana Wanaadi shichu´cä wennuajä cöncädäñäi, ñäädä Urias ijumñamojödö David wä cöntuicho.¹⁶David yääje töwäänemancädä chääjäcä odaaje cönä´döa´cä, nonojo töweemo´täjödödä Cajiichana Wanaadi coijaicho cömja´däjoi. ¹⁷Iimaichawoncomo inchoncomocä chäwwadädä cöntonto annä´jödö wetä, töwonmö´seda töwö cönä´jacä chäjadäiñe towääwashinchä´seda mmaja. ¹⁸Yaawä aacä amoojato anoototo ai shichucä cönäämai. Ñanno David sotoichomo tösade cönä´jato ecamma´seda shichucä wämajödö, tönwannoje dea cönä´dewaato: "Shichucä nudä yeichö töwade´we chäwwä cäjaatäne, töwömmane ca´dedducomo anetada cönä´jacä. ¿¡Töwacöje ca eduuwa cone´da ä´döjoojai ñai shichucä wämaajödö ecammajäcä cö´wäiñe?!¹⁹Tönwannoje dea ya´deujä tödöcomo eta´jäcä David wä. Töwö David dhowanäcä cönä´döi töwääma yeichö. Tösotoichomo wä yääje cönä´döa´cä: "töwääma ca shichucä nai." Ee, töwääma na quee cöne´cujäato. ²⁰Yaawä nonojo töweichö jonno David cönänmöi, cönejä yaawä töwoomö cöncamjiyacai cöneeshimijoi chea yaawä. Yääje cönomomöi, Cajiichana Wanaadi weichojo taca yäätä cönwademecöi, yää´jeje tönmaichaca cönennacai chea, yaawä töwö täwanshiyö cöneecatäi cönä´washinchäi yaawä.²¹Yaawä dhanonöcomo chäwwä cönä´döa´to: "¿Ane´cotojo ca mädä mödööne? Amäädä mänemane mamonedea shichucä nudä cönä´jadawä, yää´je shichucä wämajäcä amädä adhanmi mäwashinchäi chea quee." ²²David cone´cujäacä: "Yaawä shichucä nudä cönä´jadawä wänemane waamoacäne dea. Edääje wödöaquene: '¿Cajiichana Wanaadi wentumje yenea´jäcä shichucä adoncajai ña quee'? ²³Eduuwa mmane töwääma na, ¿Ane´cotojo wänemaadö deade eduuwa? ¿Yäämajä jonno adoncajai wänä? Awä yöiña wöta´de, töwö mmane döiña ennacajaicha na quee."'²⁴Yää´jeje David töjinñamo Betsabe enaawä cönnöcöi iwadödä wetä. yääje ijiiñamo inñedöcä dhanwa cä cönennui, Salomon je cöne´täi ñäädä shichucä. Cajiichana Wanaadi cumjunmacä ñäädä shichucä. ²⁵Cajiichana Wanaadi a´deu cönadäjoi profeta Natan ai, chätö e´tädö wetä Jededias je, yääje yeijäcä Cajiichana Wanaadi cumjunmacä jooje.²⁶Yääje mma yaawä Joab cönewäänätäi Raba ñancomo juntaca iyää Amon jataadö neene. ²⁷Yaawä Joab tanoonö cönennojaicho David wadädä edääje cönä´döa´to: "Raba jadäiñe iña cönewonätäi, ñaa cöncanacai yaawä. Yää tuna jadäjödädä ñaa wääna. ²⁸Yääje yeijäcä tameedä osotoichomo ijummacäto yää jata miwäänätätäiye edhajätätäcäde yaawä, öwö mmane waneedhajätono, öwö yetöjoi määdä täiye yaawä.²⁹Yääje mma yaawä tamedädä David tösotoichomo cönijummaicho yaawä. ³⁰Yää´je David corona cönajäi Cajiichana nödö' jödö yää corona cönä´jacä oodo döajä inñatajacomo täjucomocä mmaja, yääje iñä corona David jujä cönnöicho yaawä, yää jata inshomajätödö cönajä´chea.³¹Töwö David yätääncomo soto jooje cönadäicho yoijeda chaduawacojodöcomo wetä, serrucho, wöwö quee, pico sejadadi tödöajä mmaja. David dea cöntadawacojoicho hornos, ladrillos tödö jäcä. Mädääje dea cönnöicho tameedä Amonita ñancomo jadä jödödä. Yääje David cönennacai tösotoicho jadäiñe Jerusalen ña mmaja.

¹Yääjemma yaawä yää´jeje Amnon, David ne´dö tudöi Absalón jaduichö Tamar, tumjumma cönä´jacä jooje inñataje cönä´jacä töwö Tamar. ²Amnón jooje töcädäichane jödödä töjadu´chö cumjummacä, dhanwa acä eijönö cönä´jacä töwö, yääje yeijäcä tödötojojeda cönä´jacä Amnon wä.³Amnon weichacomo töweiye cönä´jacä Jonadab ñäädä Simea ne´dö, töwö David dui. Jonadab cönä´jacä dhanwa tösejecato. ⁴Jonadab cönä´döacä Amnon wä: "Ane´quenei anooto wadäi wentunje manä?¿öwä ecamcase´da ca manö? Amnon cöne´cwajäacä: "Dui Adsalom jaduichö Tamar wijumma jooje.⁵Yääjemma yaawä Jonadab cönä´döacä chäwwä: "Acamai de´wä adhemotäcä cädäijato nönge mänejoiye yaawä. Oomo wea´jäcä adhene ecammajocäde: '¿Jaduichö Tamar ennojaicha ca manä, yeewashiñö anejodöiye nenedöje, tänwawonoque yewashinchäiye?''' quee caichäde. ⁶Amnon cönemotäi yaawä chädäichajä nönge, yaawä cajiichana cöne´jä enee. Amnon cönä´döacä cajiichana wä: "Jaduichö Tamar nejöiñojo döiña yewanshiiyä anejodöiye tönwawonno yewashinchäiye yaawä que cönä´döacä.⁷Yaawä David Tamar e´saca cöntämä cönä´döacä chäwwä: "Äjäiyö Amnon mai chaca äjääne chäwanshiyö manejodöiye quee cönä´döacä." ⁸Yaawä Tamar cöntämä töjäiyö Amnon e´saca, töcamai de´wä cönä´jacä töwö töwemotä. Chämjatawä yuduu cöneca´wöi yaawä. ⁹Yaawä sarten de´wänno uu enö´tajäcä cunuacä yaawä chäwwä, to´caseda töwö cönä´jacä yaawä. Yaawä Amnon cönä´döacä neja´caiñato tameedä etä natoodö que, mädääje tameedä cöne´jacäicho yaawä.¹⁰Yääjemma yaawä Amnon cönä´döacä Tamar wä: "Sadä´ne uyu ene´cä ännötojo taca´ne, adhenwawonno cäwashinchäiye." Tamar tönecauwödö cönannäjöi yaawä, Amnon wönö´tojo ta´ca cönamännöjöi yaawä. ¹¹Äwanshi tö´wadädä adä´dawä töwö Tamar cönajäi, cönä´döacä chäwwä: yenawä ädhonu´cä jaduichöcä que cönä´döacä." ¹²Töwö cöne´cwajäacä: "Määdäje neiñojo, yayacä woijeda canajäi, mädäjeda weiñö nai Israel ña. Jäcämma conemjönö männöi.¹³¿A´quene yeconecaiyede weconemajä? ¿amäädä na? ¡Israelitacomo antawäiñe cone´da adhecadö eijai na dea yaawä! Cajiichana wä adhade´cwäde yenwontäda ca eijai nichötano äwä. que cönä´döacä. ¹⁴Yaawäne etaseda Amnon cönä´jacä, jäduuje töwö cönä´jacä Tamar ejodhe´cä tänawä cönnöjöi yaawä.¹⁵Yaawä Amnon Tamar e´wöse cönä´jacä jooje. E´wöse cönä´jacä tumjumma töweijödö ejodhe´cä jeene, Amnon cönä´döacä chäwwä: "Aanöncä äjääne quee cönä´döacä." ¹⁶Töwö cöne´cwajäacä: "¡ön´jö! conedajeene eijai ña yennojadö eduuwa yödöjödö ejodhe´cä quee cönä´döacä!" Yää aneetada amnon cönä´jacä. ¹⁷Yaawä tanonö cönä´dejai cönä´döacä chäwwä: "Ijaacanö´jäcä mädhä wodi sadänno mönatata a´ducäde yaawä inchäcädä.¹⁸Yääjemma yaawä dhanonö cömjacanöjoi jödona mönatata cönadui yaawä. Tamar womö cönä´jacä sewechato inñatadö, iyää cajiichana ne´dö dhanwa acä eijönö womö´como. ¹⁹Yaawä Tamar tujujä cönajäi wedennuque töwomö cönshichaichea. Tamädö tuju´jä de´wä cönejacai, töwamoancädä cöntämä yaawä.²⁰Jiyöö Adsalon cönä´döacä chäwwä: "¿Adhacä cä näjanä ajiiyö Amnon? yääje yeijäcä ä´cwätädä eichä jaduichö. Äjöiyö mä´dä yääje yeijäcä conedamma ätö´tajätäiche." Yaawä Tamar cönä´jacä töjöiyö Adsalon maichaca. ²¹Yaawä tameedä iyää eta´jäcä cajiichana David cönä´tamai jooje. ²²Absalon anecammada cöneiyacä Amnon wää, Absalon töwäätäma cönä´jacä chäjääcä töjaduichö Tamar woijeda yeijödö weijäcä.²³Yääjemma yaawä aacä weduutoai Absalon sotoi cöneejoto oveja ijootödöcomo cöncato Baal Hazor ña, yää Efrain nonodö dö´täno. Absalon tameedä cajiichana nacoomo cönadeejaicho. ²⁴Cajiichana döiña Absalon cöntämä yaawä cönä´döacä chäwwä: "Ene´cöma osotoi yecöntomo jotöödö töcadöje nato. Jaadä machomo änwanno adhanonöcomo mmaja.²⁵Cajiichana cöne´cwajäacä: "Tääda ñaana adhaquiñuducomo jemma ñaa eiño." quee cönä´döacä weiñäje tadätame cajiichana tö´täseda cönä´jacä. Ashichaato jemmane chääjäcä cöna´dewöi. ²⁶Yääjemma yaawä Absalon cönä´döacä: "Ä´täseda aweiyajäcä yacoono Amnon ñötäñojo ñaa jaadä." Cajiichana cönä´döacä: "¿Ane´cotojo Amnon ajaadä täjaiña ajaadä?"²⁷Absalon weiñäje David cöne´cammajacä, mädääje Amnon cönennojai yaawä dhacontomo mmaja. ²⁸Absalon tösotoi cönanontäicho yaawä cönä´döacä: "Aashicha etatäcä. Amnon töwädacudu yajäntajucä vino quee, edääje wädöade: ' Amnon aijutäcä quee,' yawädeamma ematäcäde. Tösadeda eichäcäde. ¿äwäjönö ca mananontato? Äjädutätäcä tösa´deda mmaja eichäcäde." quee cönä´döa Absalon. ²⁹Mädääje Absalon sotoi ñecammajödö nönge cönnöicho. Yaawä tameedä cajiichana nacono täcönöcomo cawayu de´wäiñe cönänejeicho.³⁰Yääjemma yaawä ämatai i´chädöcomo awää deamma David wä cönätai edääje: "Absalon cömjajoicho cajiichana nacomo tameedädä tonichä ä´detöda cöneiyacä. ³¹Yääjemma yaawä Cajiichana cönammöi, töwomö cönshichai nono de´wä cönemotäi yaawä; Tameedä shootoi chääjadä cönä´jato töwomöcomo tishiijäe mmaja.³²Jonadab Simea ne´dö, David acoono cöne´cwajäacä cónä´döacä: "Mä´dä manecamjäi cajiichana tameedä ännacomo yäjajojocomo, Amnon mmane töwäma na. Absalon jenaadä cöntötamecöi Amnon emaatojo, töjaduichö Tamar tänawä cönnönäjöicha wä. ³³Yääje yeijäcä cajiichanai jooje mma manemjäiche, tameedä ännacomo wäja, ´jojocomo, Amnon mmane töwämana.³⁴Absalon cöntämä cönä´nejei yaawä. Cajiichana sotoi enemadöje cönä´jadö cönedantäicho soto wejöcomo äämatai, jöö dösenno shii wejacatojo dösenno. ³⁵Yaawä Jonadab cönä´döacä cajiichana wä; "Ene´cäma cajiichana nacomo wejödö. Chäänöngato damma osotoi necammanö." ³⁶Yääjemma yaawä yadeuwödö wäcadöje deamma cajiichana nacoomo cönä´döicho, jooje täta cöna´moicho yaawä. cajiichana mmaja, shootoi mmaja cöna´moato dea wentumje töweichöcomo quee.³⁷Yaawä Absalon cönä´nejei töwö cöntämä Talmai döiña, ñäädä Amiud ne´dö, cajiichana Gesur ñano. David wentumje cönä´jacä tönnedö jäcäichädä anooto wadäi. ³⁸Yääjemma yaawä Absalon cönänejei Gesur ña cömtämä inña cönä´jäcä aduwawä wedu to´cwacä. ³⁹Cajiichana David tö´tajätödö cönä´jacä Absalon döiña tö´täse e´ne, wentumje yeichö töwejadäe cönä´jacä yaawä, tönnedö Amnon wä´majödö jäcä.

¹Yää´jeje Absalon tadaada chänönge cönnö´jätöi, cawayu mmaja, aacä sotooto de´wä amoojadä (50) dhanwacomo mmaja dhawaajo töötä cönä´jato. ²Ñäädä Absalon jenaadäneeto waadäi jata nata´tajo töwö´dö´e cönä´jaacä. Ääma tawä töwaatajiima cönä´jaacä soto a´deejadöcomooje. Tameedä ñanno cajiichana döiña wätä´cujänä jäcä töwäätämmencajaamo wwäiñe töwö aashicha töwa´deuwe cönä´jacä, edääje töwä´döancädä: !¿Ääshannoto we´ajä amäädä? quee. Ñäädä dhanwa edääje cöne´cujä´acä: "Yää Israel ñano jataawäno öwö; quee yä´döa´jäcä."³Absalon töwä´dö´e cönä´jacä chäwwä: "Adha´deddu aashicha na, chäänönge mmaja. Yaawäne: cajiichana täde´da na, ä´wa´täjaicha, quee töwä´dö´e cönä´jacä." ⁴Edääje mmaja töwä´döe cönä´jacä: "¡Jataawä ämencaaneije ye´tä´se jeene, öwwadädääne töwäätä´cujä´amo eejöiyeto, öwööne aashicha emmencajaiñe wa yaawä, quee töwä´dö´e cönä´jacä!"⁵Aneeja töwwadädä tä´mudhe töwä´dö´se yeichawä, töwö dhamäädö tönajäiñe cönä´jacä shumuumadö wetä. ⁶Mädääje tönnöe töwö cönä´jacä tameedä cajiichana wwä ätämmencajo yä´döa´como, Israelita tö´tajäätödööcomo chaana´cancädä.⁷Aacäichea weduuto ai Absalon cönä´döacä cajiichana wwä: "Hebron ña wötä´ñojo, Wanaadi wwänooje wääcamma´jödö täjemjönö wutuiye. ⁸Siria ñanno Gesur ña wä´jaaquennawä, öwö adhaanonö wääcammane edääje: 'Cajiichana Wanaadi wwä Jerusalen ña önnaca´jäcä, aashichato chäwwä wänu´a´de, quee wäcammane, quee cönä´döacä Absalon David wwä.'''⁹Cajiichana cönä´döa´cä chäwwä: "Täncanoode´da ma´che." Töwö cönääma´täi yaawä Hebron ña töö´tädö wetä. ¹⁰Yääje mma yaawä Absalon tanoonöcoomo cönenno´jaicho tameedä Israel ña. Edääje cönä´döato soto wäiñe: "Jana´cwa äwwäiñe eta´jäcä, edääje caichäcä´de: 'Absalon cajiichanaje na Hebron ña, quee caichäcä´de.'''¹¹Jerusalen ñanno amoojadä sotooto cwa´cä(200) dhanwacoomo Absalon jadä cöntonto, töwö ña´deejadöcöcoomo. Täwoichadöiñe tönwanno cönä´jato, chö´tajäätödöcomo dhowaanäcäiñe´da. ¹²Sacrificio tödöödawä Absalon wwä, töwö cöna´dejai Gilonita Ahitofel. Ñäädä David wätujaanei. Absalon jadä aata´deu´cwe yä´döa´como jooje jeene cönä´jato yaawä.¹³Yaawä jeene anontaajä David döiña cönä´döi cönä´döacä: "Tameedä Israelita Absalon nijummaato,quee." ¹⁴Yääje mma yaawä David cönä´döacä tösootoi wwäiñe, ñanno Jerusalen ña cönä´jatodö: "Äämatätääcä cäänejetäiye, Absalon wä´dödö owaajo cääwanaacatäiye. Tamjä´ne quejacatäiye, jadheedä cojoodöto´no cöjaajodöcomooje mma, mädääje cöjaatawäncomo sauda quee ämjajo´daiñe eijai ña." ¹⁵David sotoi cönä´döato: "Ñaa anontäcä, tameedä aneecammadö woije ñaa nödööa´de, quee cönä´döacä."¹⁶Cajiichana cöneeja´cai yaawä, tameedä töwä´jimmä´tädö jadäiñe, tömmai eda´chännamooje amoojadä töjiiñamooja´como´jödö ñängancädäiñe. ¹⁷Tameedä tösootoi jadäiñe Jerusalen ñanno David cöneeja´cai yaawä, mänseedäcä töweejata´tädöcomo wetä. ¹⁸Chää´jadä cönoojoima´to tameedä dhanonöcomo, tameedä cereteocomo mmaja, peleteos, geteo coomo mmaja, dhowajoiñe cönta´to 600 dhanwacomo, Gat ñanno yoojoima´jocoomo.¹⁹Yaawä David cönä´döacä Itai wä ñäädä Geteo weichö: "¿Ane´cämö e´nei amäädä mmaja ñaa jadä mötannea? Adhennacacä cajiichana jadä meiye, aneiñajanno we´ajääne aweiyajä, ñaa jataawä noojönö. ²⁰Eduuwaiche mma mädö´ne. ¿Äwwä aashicha ca nichö´tano ñaa jadä ä´täädö? Yoowanäcäda na eduuwa ää´tätoojo. Adhennacacä äjiimä jadäiñe moojodöiyede. Yaawä ajummancädä Wanaadi aashicha ädhöödöi´ñojo´de, quee cönä´döacä David."²¹Itai cajiichana cöne´cujä´acä cönä´döäca: ''Nudä aweichö joi mmaja, ää´täjätödö wadäi öwö adhanonö wö´tade, nudä weichojoje yeiya´jäcä, wäämatoojoje jeiñe mma; quee cönä´döacä Itai.'' ²²Yaawä David cönä´döacä chäwwä: "Yääje yeiya´jäcä ma´cheene´quene.'' Itai ñäädä Geteo cönä´matäi yaawä tösootoi jadäiñe, tameedä töjimmä jadäiñe mmaja. ²³Töcä´de töwaamoancädäiñe tameedä ñanno soto Cedron soodö cöni´yätäicho cajiichana jadä, jata´jemjönö wwadädä töö´tädööcomoje.²⁴Yaawä Sadoc cönäänejoi, levitacoomo mmaja, Wanaadi wääcamma´jödö imennajä dha´me. Yäätä cöneenötoicho yaawä, Abiatar tameedä soto ncäcäiñe cöne´acä. ²⁵Yääje mma yaawä cajiichana cönä´döa´cä Sadoc wwä: "Wanaadi jatuuwai jataaca iiñacaatäcä. Wanaadi wacö´je weiya´jäcä töwö yoije yennaca´de. Wanaadi weichojo tawä´jaatuwai weneea´dede yaawä. ²⁶Yaacöje´da weiyajäcä. Eetä wa tumjummadö woije yöödöi´ñojo; quee cönä´döacä."²⁷Yaawä cajiichana cönä´döacä sacerdote Sadoc wwä: "¿Äneenei jönca amäädä? Jataaca töncanode´da canno ännedö Ahimaas, Abiatar nnedö Jonatan mmaja. ²⁸Etaatäcä´ma, etä woi awä wiyoomo´ca´de aneecujätödö weichojo yoowanääcä yeichö wetä. ²⁹Jerusalen ña Wanaadi jatuuwai Sadoc, Abiatar mmaja, cöniiñacaicho, yäätä cöno´nomjoicho yaawä.³⁰David cönäncui yaawä Olivo jödö de´cäi, tööwamoancädä cönoojoimacä, tuju´jä ta´due tösaajatuiche´da mmaja. Tameedä chääjadäncomo töje´duca´como tuju´jäcoomo ta´due cönäncuicho dea jooje cönaamoa´to. ³¹Yaawä David wwä cöneecammaicho edääje: "Ahitofer ñanno Absalon jadä aata´deu´cwe yädöa´como antawäiñe na; quee. David cönä´döacä: "Amäädä Wanaadi, Ahitofel niyäätuujadö i´jedääjäcä; quee cönä´däcä."³²Wanaadi ya´deme´cöjöödö de´cäi David wä´döacä jäcä, Husai arquita cöneeja´cai ejoodödö wetä, nono´je tuju´jädö, töwoomö töshiichammaja. ³³David cönä´döacä chäwwä: " Jaadä ääta´jäcä, tadäämöje mma aweichojo na. ³⁴Dha´daquene jataaca awennaca´jäcä, edääje äwä´döa´jäcä Absalon wwä: "Cajiichana adhanonöje wa´de, oowajaano anoonöje wä´jaaquennöje, quee ca´jäcä äwwä, Ahitofel niyäätuujadö owaatäjai ma.³⁵¿Yäätä jönca naicho ñanno Sacerdote Sadoc, Abiatar mmaja? Cajiichana mai chaca tameedä metaajä´a´dedö chäwwäiñe ecammajä´cä´de. ³⁶Yäätä naato dea iiacontoncomo Sadoc ne´dö Ahimaas, Abiatar nnedö Jonatan mmaja. Ñanno wwäiñe yää metaajä´a´dedö öwwä ecammajoojä´ta´de'''. ³⁷Mädääje David jadääno Husai Jerusalen ña cönä´döi Absalon wä´dödö owaajädä.

¹Jöö de´cäcä David wedeetönnacadawä, Mefiboset anoonö Siba ñäädä David a´deeja cöneeja´cacä, aacä cawaayu töjaadä; Tönwanno cönä´döa´to 200 uu ecauwöjödö, 100 dha´jäsedeichö uva sede´nanö´ajä, higo sede´nanö´ajä chääwacä mmaja, tooni ji´jämjödö vino mmaja. ²Cajiichana cönä´döa´cä Siba wwä: "¿Aaqueneto edä meneejädö?" töwö cöne´cujäa´cä: "Äajimmä adännamo canno cawaayu, osootoi ewanshiñööcomo mädä uu, tameemö mmaja, vino mmane eijai ña jata´jemönö awä yasutacoomo wöcödöcoomo je, quee cönä´döa´cä"³Cajiichana cönä´döa´cä: "¿Ñäädä´na, adheedhajä jaano jadö´jödö ääsha nai töwö? Siba cöne´cujä´acä: "Jerusalen ña töwö cöno´no´mjoi, edääje cönä´döa´cä: 'Eduuwa jaaja nwacaanoje Israelita cajiichanai chomooje ye´taato´de." Yaawä cajiichana Siba wä cönä´döa´cä: ⁴"Ene´cäma, tameedä Mefiboset wwä naadö äwwä tödö´cäde." Siba cöne´cujätöi: O´jodhe tö´tajäancädädä tömudhe wädöa äwwädädä, amäädä yedhajä Cajiichana."⁶Yaawä Bahurim ña yä´döa´jäcä Gera ne´dö, Simei cöneejacai, David euwancädä. Töwö cönä´jacä Saul wäjimmä´tädö. ⁵David wadädä tääju cömja´acä, shootoi inñäcä toweewänä´tamo wadädäiñe mmaja, ñanno ääjato ämu´demjönö dö´se, ämu´dato dö´se mmaja cönä´jato döö.⁷E´wödööje Simei cöncä´tömöi cönä´döa´cä, "¡Äjääne amäädä, dhanwa conemjönö, soto töja´namo! ⁸Wanaadi nojo´ta Saul sotoi äwwä töja´jo´jocoomo, ñäädä inwacaano cajiichanaje maadö. Töwö Wanaadi ännedö Absalon cajiichanaje newaaca eduuwa. Ene´cöma soto töja´namooje aweichö tacade yädöajä na."quee cönä´döa´cä Simei.⁹Yaawä Sarvia nnedö Abisai cönä´döa´cä cajiichana wä: "¿Ane´cätoojoje mä´dä sö´na wäämajä yedhajä neuwanä? Wijöncä´to´ñojo, quee cönä´döacä Abisai." ¹⁰Cajiichana cöne´cujä´acä: "¿Ane´cämenei äjä´cäiñe eijai tu´tano änwanno Seruvia nnacomo? Wanaadi woijeene yeuwanä, änääcö mmaja edääje chäwwä ä´dödö deade: 'Ane´cätooje mädääje adha´deuwänä; quee cönä´döa´cä David.¹¹Abisai wwä David cönä´deuwöi yaawä, tösootoi wwäiñe mmaja, cönä´döa´cä: "Ene´cömä, amäädä önnedöcä ane´cotoojo yema´se manä. ¿Töwa´cöje mma mä´dä Benjamin atöödö? Cone´dada yeuwöiñojoode, Wanaadi woijato jeene yeiyajä. ¹²Wäntunamjödö Wanaadi naichö jäcä, aashichato quee yeejemadö wetä; quee cönä´döa´cä David."¹³Ääma tai tösootoi jadäiñe David wötäädawä, Simei dhowaajoiñe jöö de´cÄcä cöntaacä David e´wancädä, täju emaajätöödö quee sa´dada emeecantancädä mmaja. ¹⁴Yaawä David tameedä ñanno chäjadäncomo mmaja töquincha cönä´döicho, cönäädeetato yaawä coijai.¹⁵Absalon mmane, chääjadäncomo Israelita mmaja, Jerusalen ña cönä´döicho, Ahitofel töjadäiñe. ¹⁶Yaawä Husai ñäädä arquita David weichacoono, Absalon wwadädä cönä´döi, cönä´döa´cä: ¡Cajiichana aashichato!, ¡cajiichana aashichato!"¹⁷Absalon cönä´döa´cä Husai wä: "¿Mädääje aweichacono mejeemanä? ¿Ane´cäämö e´nei aweichacoono jadä tä´da meiya? Quee cönä´döa´cä. ¹⁸Husai cöne´cujäacä: "¡Wanaadi newaacadö anoonöje wa´de öwö, soto newaacadöcomo dea, chäwä tödööneije.¹⁹¿Äänäcö anoonöje ca weichojo nai?¿Iiñedö anoonöje töweiyemö jönö´ca öwö? Oomo emjaatawä dhanoonöje wä´jaaquennöje dea, amäädä dhanonööje weichojo na; que cönä´döa´cä.²⁰Yääje mma yaawä Absalon cönä´döa´cä Ahitofel wwä: "Iiña wä ecammacä ane´cämö cöödöato eduuwa." ²¹Ahitofel cönä´döa´cä Absalon wwä: "Oomo jiiñantoncomo enaawäiñe ädhäänu´cä´de. Tameedä soto dhowaanäcäiñe na´de yaawä oomo wacö´jeda äwä dö´se aweichö. Mädääje ajaadäncomo jooje´cä nä´jädutato´de quee cönä´döa´cä Ahitifel ñäädä Absalon wwä."²²Yaawä ä´saca cönaajujiiñaicho cajiichana mai jödoodoi cawääto de´wä. Yäätä Absalon tömö jiiñantocomoja´como enaawäiñe cönnöjätöi tameedä Israelita neneedöcoomoje. ²³Ñäädä Ahitofel niwä´tuujadö aashicha töneeta soto töweiye cönä´jato, Wanaadi a´deddu etaadö wa´cä dea, cajiichanaje David weichawä, Absalon weicha wä mmaja.

¹David cömmecutoicho ñanno tösotoi töwe´wänätamo töjaadäncomo neene, cajiichanacomo miide como, cajiichanacomo ciento como mmaja yeewäiñe yeichö. ²Yää´jeje David cönennojaicho ñanno ñanno töwewänätamo, aduuwawä yatocajödö´ to´cwa´cä Joab nesetäädöje, yaato queene cöntonto Abisai nesetäädöje daja, ñäädä Servia ne´dö, Joab acoono, yaato quene Itai nesetäädöje daja cönä´jato ñäädä Geteo ñanno. cajiichana cönä´döa´cä töwewänätamo wäiñe: "chäänönge mma yääje wä´döa, ajadääiñe wöta´de.³Yaawä dhanwacomo cönä´döa´to: "amäädä ewäänätä täjai´chama, Ñaa wäänejeajäcä chojonnoiñe chäwwäiñe cöne´dada eijaiña, yaada quene anaicho´cwa´cä iña wäjaajäcä cone´dada na iñaa wä. ¡amäädäne ñaawä täje´ma, amoojadä miide ñaa weijödö´cwa´cä! Yaawäne aashicha jene nichöta töncanode´da aweichö, woowononä jedeamma jata wonnone ñaa miwatäiye. ⁴Mädääje cajiichana cöneccujätöicho: "Öwö wödö´a´de aashicha öwwä yäänedö woije, töwö cajiichana wanön´ajä cönä´jacä jaata naatatadö naatatajo, yaawä töwewänätamo cöneejacato cien mil ñe yaatocacomo, joojecäjeene cönejaacato yaawä miles jene mmaja jeene.⁵Ñäädä cajiichana cönanontoicho, Joab, Abisai, Itai mmajacönä´döa´cä chäwwäiñe: "Aashicha tödötäcäde yetööjoi ñäädä äjöömanö Absalon." Tamedäädä soto cönetaicho mädääje cajiichana wanontädö ñäädä Absalon jääcä yeichö.⁶Mädääje ñanno töwewänätamo cöntonto chutai Israel wänä´täiñe; Yewäänätädawäiñe joojecämma ñaano töwewänätamo cönejamöicho yaawä Efrain noonodö de´wä. ⁷Ñanno töwewänätamo Israel cönä´canacajoicho ñaano David sotoi wäiñe; Yäätä iyä anooto dea jooje cönä´jajoicho viente mil töwewänätamo. ⁸Cöneewänätoicho cönäjajoicho yaawä chuu´taca töweichöcomo canadöje, sauda canaadöje töwäjaajojocomo ejodhe´cä.⁹Edääje cönejadäacä, ñäädä Absalon cönedantoicho ñanno David sotoi. Absalon wänu´cajä cönä´jacä täcönö mula de´wä, cöne´jadäá´a´cä chuta ajäädö adaijoto o´cäcä cöntämä adaijä yää chuta cönä´jacä, a´cäde dee yeijädö wäcä, ijujädö cönatashichudäi dee ajäädö adaijoto ajädö jääcä. Mädääje tö´tädö cönacoichäjoi, nono ejodhe cönä´jacä sanneque ca´wä, ñäädä mula yeewä cöntadö cöntämä edennada mädääje cönonomjoi chäwwä. ¹⁰Aaneja cöneneacä cönä´döa´cä Joab wä, "¡Ene´cäma, Absalon wädhannetajä weneanä dee adaijoto jäcä!" ¹¹Joab cönä´döa´cä ñäädä dhanwa cä cönecammaichö wä Absalon weichö jäcä. "¡Ene´cäma! ¡amäädä ca meneanä! ¿Ane´cotojo anaijucuda meiya dea noonojo mema´joiye yaawä? Äwwä utuudu weiya amoojadä jöödata, tooni mmaja ä´dhamötö.¹²Ñäädä dhanwa Joab cöne´cujätöi, "Yääje mil jöödata öwwä u´tame, yamäädö anannäjöda dea eichö weiya, ajoojocha mmaja cajiichana ne´dö wäjanä, Edääje yeijäcä, tameedädä cönwanno queta´quene cajiichana wä´dödö äwwä, Abisai wä, Itai wä mmaja, cönä´döacä, 'manajoojotäiche ñäädä äjöömanö Absalon, quee.' ¹³Öwö mmaja wäda´cha´dea aquene etoneetootojojeda, cajiichana emjatawä määdäje amäädä yenomjadö meiyaqueene."¹⁴Yaawä Joab cönä´döa´cä: "Tääde´dawä öwö, owomoocööda waade." Mädääje Joab aduuwawä tösaudai tänwawä cönannäjöi Absalon cönwäi chäwaanö jäcä, nudä´dea yeichö yädhannetajä. ¹⁵Yääjemma yaawä amoojadä dhanwacomo cönä´jato Joab waichadö dha´me, cönawädhentoicho yaawä Absalon töwä´jätödö jemma, cönemaicho yaawä.¹⁶Yääjemma yaawä Joab cöne´töjoi corneta, Ñanno töwe´wänätamo cönennacaicho dea, Israelita ajecannamo. Joab jadäncomo töwe´wänätamo. ¹⁷Tönwanno Absalon cönewacaicho ya´tadö adaijoto aca chuu´taca; cöna´duicho tääju täde´que cönñewonotoicho chä´quejädö dee´wä. Israelitacomo dhanwacomo cönä´nejeicho tä´sadöcomo wadäi.¹⁸Yaawä Absalon nuudä töweichö tääjuque cönamojoi adaijä caawä, cajiichana woicho awä töwö cönä´döa´cä: "Önnedö jedana öwö yetöjoi tää´tämö chä´tajätöcomo je´da. Määje¹⁹Yaawäne Ahimaas, ñäädä Sadoc ne´dö cönä´döa´cä: "Yeecatömöiñojo cajiichana wätunnä wecammaye, cajiichana Wanaadi wä chude´tomo chanacatocomo utuujudö. ²⁰Joab cöne´cujäac: "Edä anooto awä wätunnä ecamma täja´cha ma cajiichana needö wämaajödö weijäcä.²¹Yaawä Joab cönä´döa´cä cusita wä: "Äjääne amäädä aneenejödö nönge cajiichana wä mecammaiye." Joab wadädä tomudhe töwädödöjä ñäädä cusita cönecatömöi. ²²Yääjemma yaawä Ahimaas acädeto jaiñone Joab wä cönä´döa´cä: "Yääje yeichame wötoñojo cusita ncäcä wajecaañojo." Joab cöne´cujätöi: "¿Önnedö, ane´cädöe mötäädö deade, aashichato äwwä tuemö´je yeichöjönö määdä ecammajädö?" ²³"Yääje yeichame" quee cönä´döa´cä Ahimaas: Yecatömöñojo." Yaawä Joab cöne´cujäa´cä: "Adhecatöncä." Yääje Ahimaas cöneecatömöi äämatai, woi ai cusita cönejodöi cömjadätäi yaawä.²⁴Yaawä David wataajimajä cönä´jacä mönaatata jödonaano acä äsacä yomomödö yeichö antawä. Ñäädä jata eda´chänei mmane caawä cönoncui mönaatata jääjuduí´chädö de´wonno ene´madö wetä. Yäätonno töwwä ene´madawä cönedantäi tooni dhanwa wenääje, tamjäne, töjä´quejene. ²⁵Ñäädä jata eda´chänei cöncätömöi yaawä cajiichana wä cönecamai chea. Yaawä deamma cajiichana cönä´döa´cä: "Töjä´quejene yeiyajäcä aashichato wätunnä ecamma nea." Töwö töwecatön´emöö cönäädöi amoncheda jata jäcä.²⁶Yaawä töwö jata eda´chänei, aneeja dhanwa wejöödo da´ja cönedantäichea töweecatönge mmaja, mönatata edachänei töwö cöna´dejai cönä´döa´cä chäwwä: "Ene´cäma aneeja dhanwammaja neadea dha´cä." Cajiichana cönä´döa´cä: "Mää´dä mmaja aashichato wätunnä nenea dea." ²⁷Edääje jata edachänei cönä´döa´cä: "Edääje öwö tötajä´a mää´dä awaade necatö´adö öwwä nä´nea Ahimaas nönge ñäädä Sadoc ne´dö." Cajiichana cöne´cujäacä: "Mä´dä ñäädä aashichato soto, aashichato wätunnä dhame nea."²⁸Yaawä deamma Ahimaas cönaadejai cönä´döacä cajiichana wä: "¿Aashicha tameedädä maato." Cönootommoi cajiichana jee´ta ca tööjedö nono wadädä cönä´döa´cä: "Aashichato cajiichana Awanaadiyö, ñäädä äwä cuntuichö cajiichana tu´de´tännamo cana´catoojo." ²⁹Mädääje cajiichana cöne´cujätöi: "¿Aashicha ca tameedädä maato, ñäädä äjömanö Absalon mmaja?" Ahimaas cöne´cujätöi yaawä: "Yaawä iña Joab wä ñaa anontajäcä, joojato wewoodoichanä weneeaquene yoowanäcäda näjanä yeejadäätädö. ³⁰Yaawä cajiichana cönä´döa´cä: "Määtä jiidi eichä a´dhe." Mädääje Ahimaas a´dädäiche cönä´döi chea, yääta jiidi yanöönga´jä cönä´jacä yäätädä.³¹Yaawä´che deamma cusita cönä´döi cönä´döa´cä: "Aashichato wecamma äwwä eduuwa cajiichana, Wanaadi äwwä nuutui ätude´tännamo chanacatocomo." ³²Yaawä deamma cajiichana cönä´döa´cä cusita wä: "¿Aashicha tameedädä maato, ñäädä äjömanö Absalon mmaja? "Ñanno cajiichanai tuude´tomo, tameedä chäjäcä näjudu´tajäa´to dömmaja, nä´jaato de määdä äjömanö nönge." ³³Yaawä ñäädä cajiichana cöne´da cönä´döjoi, cöntämä cönääncui ca´wä möönatata ejodhe cönääjadö taca. Wemtuje töweijäcä: "¡Önnedö Absalon, önnedö, önnedö! ¡Öwöne äämajai wä´jaquene änwacanojödöje önnedö, Absalon!"

¹Edä mmaja yäätä cööneja´dätäi, tööweiye cönä´jacä watansu´dänä töödönei Seba quee töwö chäätö, Bicri ne´dö töwö, Benjamin atöödö töwö cönä´jacä. Jaanau´cwa töwö cöneetöi edääje cönä´döa´cä: "David jaadoncomo jönö cönwanno, ca´semjäjeeda mmaja caato Isai needö wonno. Yääje yeijäcä tameedä dhanwacomo Israelitacoomo nötä´ñato tömmaichomo waadäi." ²Mädääje tameedä Israelitacomo dhanwacomo David cönsa´cwaicho, Seba tönwanno cönajecaicho amuncheda äämatai cönta´to, Jordan jonno Jerusalen ña tödö´ene.³Yaawä David cönä´döi Jerusalen ña tömmai iiñata´jaato a´ca, tösotoi töwö töjiiñantomo amoojadocomo cöneicho, ñanno cönnöicho maa taca edachännamoje töwö cönnöi. Tameedä töwö chäwwäiñe tujunnato tunu´e cönä´jacä, yaawäne öncöda mmane chänawäiñe cönä´jacä. Mädääje tönwanno tunnujutä töweiye cönä´jato, iiñojenjuncomo nönge yääjajodöcomo jonane.⁴Yaawä cajiichana cönä´döa´cä Amasa wä: "Aaduwaawä anooto ai adejacotode dhanwacomo Judha ñancomo ye´jummadöcoomo wetä, amäädä mmaja yäätä aweichojo na´dea. Quee cönä´döa´cä cajiichana David." ⁵Mädääje Amasa cömtämä Judha ñancomo a´dejadöcomo wetä ijummadö wetä mmaja töwö mmane cönonomjoi numa´cäiche cajiichana nanontädö woije.⁶Edääje David cönä´döa´cä Abisai wä: "Eduuwa mmane Seba ñädä Bicri ne´dö joje´cäjene conemjönö cööjäcäiñe nöödö´ade. Absalon jääcä cönnöichöje mmaja. Yääje yeijäcä adhedhajä sotoi aneichooto. Äwä suddau mmaja, äwwä ajeca´dö wetä, jäjudujanomma jata anedantono mädääje cönwäiñe ä´nejo´da ä´döjono. Quee cönä´döa´cä cajiichana David." ⁷Yääje´je dhanwacomo jäädu´jacomo töwewänotoco mmaja cöntonto Joab sotoi, cereteo sotoi mmaja. Seba Ajecadö wetä töwwäiñe ñädä Bicri ne´dö, Jerusalen ñanno tönwanno cöntonto.⁸Yaawä tääju adaijoto döötä töweicha wäiñe, yää Gabaon ña naadö, Amasa cöneejä chääjadäiñe töwojödödö wetä. Joab wewonototojo awä wewontänäje cönäjacä, Yää deewä cönä´jacä yoomö chöcatojo, yää töcömöi ewötö mmaja tödhau´cäcä cönmöi chea. Dhowajoiñe töö´tä´dawä chöömöi cöne´du´cai.⁹Yääje´je Joab cönä´döa´cä Amasa wwä: "¿Chäänönge ca manä, yaaconocä?" Shummadöque Amasa cönajäi chäätamujä´tö jäcä äämu´denjönö taamädöque töwwä shumadö wetä. ¹⁰Amasa aneneda cöneiyacä dhaamä´dö äämudato döse cöömö´nedö cä dha´me Joab weichö. Amasa töwö cönwäi iwe´nö jääcä shootö cönä´mei nono de´wä. Yää´je je Joab äänwä´da cööneiyacä, mädääje Amasa cönä´mai. Yääje mma yaawä Joab Absai aacä, ñäädä dhacono Seba cönajecaicho ñäädä Bicri ne´dö.¹¹Yääje mma yaawä, toni Joab sotoi cönammöi Amasa döötä, edääje töwö dhanwa cönä´döa´cä: "Ñäädä Joab woije naadö, ñäädä David jadä naadö, nejiiñojo Joab wa´dä´dä. Quee." ¹²Ääma annawäne Amasa cönä´jacä wäncödönäje dea taquiyö aca, Joab sotoi cöne´neacä tameedä soto yedennadöcomo ene´madö wetä. Mädääje töwö Amasa tänaawä cönaadäi ääma´naacäi cöneesecai woi awä cönnöi. Yeewä ñejoonö töwö cönnöi yäätäcä töwejadätädöcomo wadäi soto ene´madö wetä. ¹³Äämatawonno Amasa ese´ca´jäcä tameedä soto Joab jadä cönejacaicho, Seba ajeecadö wetä töwwäiñe ñäädä Bicri ne´dö.¹⁴Seba cöne´jadhatäi tameedä Israel wäjimmätädö waadäi Abel döiña tödö´ene Bet Maaca döiña tödö´ene mmaja. Tameedä Bicri tanñano nonodö dewä naatodö naatodö mmaja canno jaiñone cönojodöicho Seba ajecadö wetä töwwäiñe. ¹⁵Tönwanno cönejodöicho yaawä cönawodhentäicho Abel ñano Bet Maaca ñano mmaja. Tönwanno cönnöicho jaata cudadaichädö jäädujato tödöajä deewä, tameedä tööwewänätamo Joab jaadä cöönä´jatodö jää´judu cöneemajato. ¹⁶Yääje mma yaawä toni wodi tösejecaato cöncätömöi jatawono jödo´nanno: "¡ Etaatäcä, etaatäcä´quene, Joab etaacä! ¡Äcääde amuncheda öwwadädä adhacä waadeu´wödö wetä!"¹⁷Mädääje Joab chäwwädädä cöntämä yaawä edääje wodi cönä´däcä: !¿Amäädä ca ñäädä Joab?" töwö cöne´cujäacä: "ñäädä öwö quee." Yääjemma yaawä edääje wodi cönä´döacä: "Etaacä osotoi ade´ddu quee." Töwö cöne´cujäacä: "Öwwä etaadö määdä quee." ¹⁸Yäjemma yaawä töwö cönä´döa´cä: Jenadä soto edääje töwädöe cönä´jato: "Abel niwä´tujadö jeiñe mma cunäjato,' inwätujadö mmane chänöngemönö acoichojojai yeiyajä, quee cönä´döa´cä. ¹⁹Töweconecacoomo jatawono ñaa, Israelitacomo yäätädäcomo. Amäädä mmane Israelitacoomo jataadö chone´mase ma. ¿Ane´cotojo Cajiichana Wanaadi nutuudu chone´mase manä a´que tödö´se mmaja?"²⁰Yaawä Joab cöne´cujäacä cönä´döa´cä: "Amunche määdä jäcä na, amunche mmaja jääcä naa´dea chonemase weichö a´que tödödö mmaja. ²¹Chäänöngato jönö määdä. Yaawäne tooni dhanwa Efran ñano jöö jaano, Seba quee chätö, Bicri ne´dö töwö, cajiichana jääcä cönä´judutäi David jäcä cönä´judutäi. Uucä mädä wwä jatajoono wötäiye yaawä." Edääje wodi cönä´döa´cä Joab wä: "Jääjudu deewonno ääwadädä iju´jämjödö nätääma´de quee cönä´döa´cä ñäädä wodi." ²²Töösejedö quee wodi cöntämä tameedä soto wadädäiñe. Yaawä tönwanno Seba juujä cömjöncätäicho, ñäädä Bicri ne´dö, Joab wadädä iju´jämjödö cöneemaicho. Yaawä jana´cwa töwö cöneetäi Joab sotoi jata jonno cöntonto, tömmaichomo waadäi soto cuntäjä´töicho, Joab Jerusalen ña cönennacai töcajiichanai wadädä mmaja.²³Joab cönä´jacä töwewä´tamo Israelitacomo edhajätoncomoje Benaia mmaja, Joiada ne´dö cönä´jacä cereteos edhajätoncomoje. ²⁴Adoram cönä´jacä tadawajo jädu´jaato tödönnamo edhaajotoncomoje Josafat queene Ahilud nedö töwö. Tacaada´como wejaadä´töjödö imennäneije. ²⁵Seba mmane cönä´jacä imennäneije, Sadoc queene Äbiatar acä Wanaadi wono wa´deuwödö. ²⁶Ira jaireo ñano cönä´jacä David jaadäncoomo cajiichana edhajätoncoomo je.

¹Edä yää töwä´cadö David wa´deuwö´jödö ñäädä Isai nnedö David, ñäädä o´jodhe Wanaadi cönnöichö, Jacob Wanaadiyö ne´tä´jödö, Israel ñano caado töwecantaña cönä´jadö. ²"Öwö taai espiritu santo cöna´dewöi, dha´deddu töneecammajä´e wäänene.³Israelita Wanaadiyöcomo cönä´deuwöi ñäädä Israelita wäncomo täju nöngato cänä´döa´cä: 'Chäänöngatooje acu´shana eijai ña Wanaadi nontänei. ⁴Töwö na´de jenanneto wawaanadö nönge anooto ca´dutu´jemjönö awä shii niweijodö nönge mmaja, natö tönatanöjo conoojo töweiye naichöje mmaja.⁵Medeejedane Wanaadi emjataawä waanontädö na. ¿Yääje yeichame aashichato wäcammanä yaacä cönnöi?¿Tadeu´jödö antuda yeichödöto cöneiyacä öwwä?¿Tameedä umjummadö ejööse´tada yeichame yää aashicha jeene weichojo?⁶Wanaadi onnontäjöncomo nätu´cajato´de wesooca u´cajäätödö töweiye naichöje tamäädö que tajaiyemjeda tönwanno naato. ⁷Sucuuji sejaadadi döajä quee mmane e´jodhenchadööcomo töweiye nai. Yeicho´como acoodö ya´cwadöcomo we´tä yää´jeje.⁸Canno ñanno David sotoi tösaadenjöncomo: Joseb, basebet, ñäädä Tacmonita cajiichanacomo edhajotoncomo. Yää anooto awä dea 800 dhanwacoomo cömjajoichomo yaawä.⁹ñäädä´ jeje cönä´jaacä Dodo nedö Eleazar ñäädä Ahohita nedö. Tameedä israelita wäinñe tätöömo´jäcoomo jeje, aduwawä tösaadem jöncomo Filisteo we´juumacomo cönwänä´ta´to. Ñanno antawäiñe Eleazar cönä´jacä. ¹⁰Eleazar Filisteo cömjajoicho wanna, taamäädö töquinchanö´joone, tösaudai ummichajaicha tödööene. Yää anooto awä Jehová cuntui chäwwäiñe tutu´de´tännano cana´cato´como. Töweewänä´taamo yöiña cönennacaicho yaawä Filisteo önsomadö comojödö eijätödö wetä.¹¹Yää´jeje töweiye cönä´jadea Age nnedö Sama, ñäädä ararita. Ane´dawä anooto awä Filisteo cöne´juumaicho, Yäätä cönä´jacä natö´cä, lenteja natö´tajä Filisteo nomtädööcomooje chäädhajä wäneje´jädö. ¹²Töwö yää natö enwontädöje dhantawä jiidi cönämmöi, jooje Filisteo cömjajoicho Wanaadi wwä chanacatocomo utu´jödö weijäcä.¹³Tooni sotooto de´wä amoojadä (30) töwewänätamo edhajotoncomo cönä´jato dhantawäiñe cönä´jato aduwawä imennäcomo. Amu´tojo cu´nädawä Adulam ñano yadö tawä David weichö tönwanno yöiña cöntonto Refaim woichö awä Filisteo tujuuma cönä´jato yaawä. ¹⁴Belen ña mmaja Filisteo cönä´jato yadö jädu´tajä tawä David cönä´jacä yaawä.¹⁵Yääje mma yaawä David cönä´döacä: "¡Wocöödö tuna aneeja näntuñojo, yää Belen ñano nata´tajoono tuna wa´donnajä acanno!" quee cönä´döa´cä. ¹⁶Yaawä deamma ñanno aaduwawä´como tösademjöncomo Filisteo wejata´tacoomo dötäiñe cöneeja´dätäicho. Yää Belen ñano nata´tajono tuna wa´donatojo acanno tuna cönammöicho David wadädä cönadoicho yaawä, Yää enö´seda töwö cönä´jacä yaawä. Jehova wänooje nonojo mma cöna´cai. ¹⁷Edääje töwä´döa´cädä: "Mä´dä emjaicha wa, amäädä Jehova amunche jäcä aweijödödä, ¿Mädä´ca emjai wanä dhanwacomo wä´jajojocomo aquiiyöcomo ?" Quee cönä´döa´cä ane´nöda töweiyancädä. Yää cönnöicho ñanno dhanwacomo aduwawocoomo tösademjöncomo.¹⁸Sarvia ne´dö Abisai, ñäädä Joab acoono cönä´jacä yäätä ädhajä´je. Töwö aneedawä anooto cöne´wänätäi tusuucujiyöque cömjajoicho 300 dhanwacomo ñanno aduwawäcämo jadäiñe tänejuque töwädödö wetä. ¹⁹Ñanno toni sototo de´wä amojadocomo (30) antawäiñe tacade jeene Abisai cönä´jacä chädhajotoncomoje töwä´döene, Yääje yeichame ñanno aduwawoncomo wa´cäiñe jene tänejuque ä´döda cöneiyacä.²⁰Tänejuque mmaja cönä´ja dea ñäädä dhanwa Joiada nedö Benaia tä´tö Cabseel ñano. Töwö cönjaicho Ariel nacoomo ä´dädä ñäädä Moab ñano. Yää jeje i´chädawä töcaajä aca cönä´täi mado amöiñäcadöje mmaja. ²¹Egipto ñano cawooto mmaja töwö cöneemai chea. Ñäädä sucuuji nuwato dha´ma´no töwwadädä yeajäcä, dee quee dhamädö cönaijucöi, shucuujiyö quee emaadöje´mma.²²Mädääje cönnöi ñäädä Joiada nedö Benaia, tacade cönä´jacä yaawä aduwawocomo jadäiñe. ²³Tänejuque cönä´jacä ñanno toni sototo de´wä amojadocomo (30) antawäiñe ñanno aduwawäcomo wacäda yeichame David cönnöi yaawä täda´chännamo edhamoje.²⁴Ñanno tooni sotooto de´wä amojadocomo antawäiñe cönäjato´dea: Joab acono Asael, ñäädä Dodo ne´dö Elhanan mmaja Belen ñano, ²⁵Sama ñäädä harodita, Elica mmaja, ²⁶Heles mmaja ñäädä el paltita, Iques nedö mmaja Ira ñäädä tecoita, ²⁷Abiezer ñäädä anatotita, Mesunai mmaja ñäädä husatita, ²⁸Salmon ñäädä Ahihita, Maharai mmaja ñäädä netofatita;²⁹Baana nedö Heleb ñäädä netofatita, Ribai nnedö Itai ñäädä guibea ñano Benjamin atöödö, ³⁰Benaía ñäädä piratonita, Hidai mmaja ñäädä Gaas cwawääno, ³¹Abi Albon ñäädä arbatita, Azmavet ñäädä barhumita, ³²Eliaba ñäädä saalbonita, Jasen nacoomo, Jonatan mmaja Sama ne´dö ñäädä ararita;³³Ahiam ñäädä Sarar nedö ararita ñano, ³⁴Elifelet mmaja ahasbai nedö ñäädä el maaca, Eliam ñäädä Ahitofel nedö el gilonita, ³⁵Hesrai ñäädä carmelita, Paarai ñäädä arbita ñano, ³⁶Igal ñäädä Natan nedö Soba ñano, Bani mmaja Gad atöödö weichö.³⁷Selec ñäädä amonita, Naharai ñäädä beherotita, Joab wowontotojo adonei (Joab cönä´jacä Sarvia nedö), ³⁸Ira ñäädä itrita, Gereb mmaja ñäädä itrita, ³⁹Urias mmaja ñäädä hitita weichö cönä´jato 37 tamedädäto.

¹Mädääje Salomón cönaajäntäi Wanaadi mmai amäädö, mädä cöneeja'dätäi 480 wedu yeichö, Israelita weja'ca'jocoomo'jeje Egipto nonoodö de'wänno, Salomón acäichea wedu cajiichanaje yeichö cönä'jaacä Israelitacoomo jadäiñe Zif nuunä yeichö, aacädeeto nuunä ai. ²cajiichaana Salomón Wanaadi mmai cönaamäi tooni sotooto de'wä aacä amoojato nuwee yeichö, aacäichea amoojato tajuujuñe yeichö, amoojadooto de'wä aaduwaawä, töwäädetööe cawä yeichö cönä'jaacä.³Jääjudu cönä'jaacä Wanaadi mmai chaca awa'deene womontojo dö'se, aacäichea amoojato nuwee yeichö cönä'jaacä, yää'cä wa'cä mmaja tajuujiñe yeichö, aacäichea töwäädetööe ye'wä, nono aca ewacaajä cönä'jaacä yää chä'sejei. ⁴mmaa mentaanai cönnöjäätöi she'caasa'cäiñemma jödo'nano o'nä mma.⁵Jääjudu dawä awa'deene womontojo dö'se mmaa'cä cönaamäi, ä'sacoomo'cä cönä'jaacä dhawoodhe'cääcä amääjä'ajä tawoodhentääne. ⁶Nono de'wä ä'sa cönä'ja'dö mmaane aacä metro, tooni sotooto de'wä ijaatodea centimetros tajuujiñe yeichö, aanawääne cönä'jaacä aacä metro, tooni sotooto de'wä aacä amojato tajujiñe yeichö, aaduwaawäto cönä'jaacä aaduwaawä metro, juujatonnä tajuujiñe yeichö. Jödoo'na mmaane cönnöi taawa'cä jääjudu jäcä tajoijojä'e mmaa tawoodhentääne, mädääje deecomo'cä täwaaca'da cönä'jaacä jääjudu angwaca.⁷Mmaa amäajä cönä'jaacä täju que, yäätä deamma täju u'catoojo cönä'jaacä, mädääje cönä'caicho amäädö. Ääta'da cönä'jaacä yää ä'saca maaditiiyuque ewaacadö, wööwö que yaacadö ääta'da mmaja, anejja sejaadadi wä'dhecwadö ääta'da mmaja, mmaa amäädö wadadäädä. ⁸Shii weja'catoojo dö'se mmaa taca womontojo cönä'jaacä nonoojo'chä, cadeeda joi annawä, aaduwaawä annawoono mmaja.⁹Mädääje Salomón cönaamäi Wanaadi weichojo, chänönge cönnöi chea, dee acä'jä'ajä que, dee adaijäcoomo yaatocaajä'ajä que mmaja. ¹⁰Töwö cönaamäjäätöi Wanaadi weichojo taca womontojo dö'tä aacä metro to'cä wa'cä tooni shai amoinche yeichö, tooni sotooto de'wä ijaatodea cawä yeichö; töwoojodööe cönä'jaacä mmaa tauda'jano amääajä acä.¹¹Wanaadi cöna'deuwacä Salomón wwä cönä'döaacä: ¹²"Tönoinñe weneea madä mmaa namääaatoodö, waanontänä wä'dödö woije yeijäcä, aashichaato tödöödö mädä, waanontädö wä'dödö woije mädä nöta, mädääje wödöa'de äjääcä, oomo David jäcä wödöönedööje mmaja. ¹³Öwö wa'de Israelita jadäiñe, ane'nomja'da mmaja waato'dede", quee cönä'döaacä.¹⁴Mädääje Salomón cönaamäi mmaa, cönä'caichea yaawä. ¹⁵Yä' jeje cönaamäichea töwö jääjudu ncadheedä, mmaacä dee yaatojä'ajääque, nono jonnoto'jödöödä cawä yeichö, taudaque cönnöi chaaca, töwö cönnöichea taudaque dea wäätäjatojooje.¹⁶Töwö cönaamäi aacäichea metro, mmaa ncadheedä, taudaque nono jonnoto'jödöödä, cawä tödöene, töwö cönaamäi chea mmaa'cá tönoinñe täneemöje. ¹⁷Awa'deene womontojo cönä'jacä tönoinñe täneemö, juujatonnoto de'wä aaduwaawä metro nuwe yeichö. ¹⁸Töweiye mmaja cönä'ja'dea ä'saca weiyama nönge tödöajä, chääjedöödö weichojo je, ta'duqueiñe'da tödöjä'ajä cönä'jaacä. Tamedäädä tödöajä cönä'jaacä taudaque chaaca, jödo'na jonnoto'jödöödä täju töwääne töweiye cönä'jaacä.¹⁹Salomón cönconeecai ä'saca womontojooje chaaca cönnöichea ä'saca jeene, caaja'cä Wanaadi nödöödö tödöötojo ewöötö. ²⁰Ä'saca womontojo cönä'jaacä aacäichea amoojato metro nuwee yeichö, aacäichea amoojato metro mmaja tajuujiñe yeichö, aacäichea amoojato metro mmaja cawä yeichö cönä'ja'dea. Salomón jääjudu cönnöi oodoque, täjuuque cönnöichea, taudaque mmaja.²¹Salomón cönnöichea Wanaadi ya'deme'tojo taca oodo que mmaja, jödo'na weja'catoojo cöna'duichea sejaadadiiche, oodo döaajä cönä'jaacä yää mönatata awa'deene womontojo, oodo que mmaja cönnöichea. ²²Töwö tamedäädä Wanaadi ya'deme'tojo cönä'cai oodo tödööjä'ajääque cöninñataamajäätöi, ä'sacoomo waadäi.²³Salomón cönnöichea aacä amoode cu'tacomo olivo tauda yaatocaajäque, tooni shai yeichö cönä'jaacä aacäichea metro töwäädetööene nuwe yeichö ä'saca cönä'ja'dö mmaja. ²⁴Awa'deeto amoode ajä'sai cönä'jaacä aacä metro tooni sotooto de'wä ijaatodea centimetro nuwee yeichö, yä'cä'wa'cä mmaja cönä'ja'dea ijaatono aacä metro tooni sotooto de'wä ijaatodea centimetro nuwe yeichö. Mädääje dhajä'saichomo jotöödö jonno, yeichacoono jotöödö jona tödöjoone cönä'jaacä. ²⁵Yeichacoono amoode ajä'sai cönä'jaacä aacäichea metro töwäädetööene, a'nädä äänöngeñe cönä'ja'to, ääwa'cäi mmaja cawä yeichöcoomo. ²⁶Nuwee amoode weichöcoomo cönä'jaacä aacäichea metro töwäädetöene, yä'cäwa'cä mmaja ñäädä yeichacoono amoode cönä'ja'dea.²⁷Salomón amoodecoomo cönnöicho tönoiña'como ä'saca. Amoode ajä'saichomo töjäädaca cönä'jaacä, mädääje tooni dhajä'sai jääjudu tajojoone cönä'jaacä, mädääje mmaja yeichacoono amoode ajä'sai jääjuudu tajojoone cönä'ja'dea, dhajä'saichomo a'nädä töwoojodööe cönä'jaacä, tönoiñato ä'saca yeichö. ²⁸Salomón amoodecoomo cönnöicho oodo döaajäque.²⁹Töwö cönnöjäätöi tameedä a'deu ä'saca, mmaa awoodhecääcä amoodecoomo'cä cu'taajä que, deecomo que, dhadöcomo que mmaja, chääjödö ta'duquemjönö que mmaja, jödo'na, ä'sacoomo waadäi mmaja. ³⁰Salomón cönnöichea ä'sa nonoichädö oodo que, a'nädäncädä chaaca, jödo'na mmaja.³¹³²Salomón cönnöi aacä mönaatata tauda olivo yaatocaajä que awa'deene womontojo ä'sa cuartu chaacaancomo a'dutuuje mmaja. ijaatodea mönaatata cönä'jaacä.

¹Acab wääma'jeje Moabñancomo cönä'jädutäicho Israelita jäcäiñe. ²Aneedawä anooto awä Samaria ñano tä'sawä cajiichaana Ocozías cönä'ja'dawä mentaana tai nonoojo cöneejuccai, cöncädäichai yaawä. Yääje yeijäcä tanoonöcoomo Ecrón ña cönenno'jaicho yaawä, cönä'döaacä chäwwäiñe: "Äjoncomo, Baal-zebub ecamma'jotantäcä, ñäädä Ecrón ñancomo wanaadiyööcomo, waadoncatai'checa edä cäädäichö jonno que yeichö", quee cönä'döaacä³Yaawäne' Wanaadi amoodedö cönä'döaacä Elías wwä ñäädä Tisbia ñano: "Ääma'täcä, Samaria ñano cajiichaana anoonöcoomo mejoodöiyeto, edääje caichä'de chäwwäiñe: '¿Israel ña Wanaadi je'da caanai, Ecrón ñancomo wanaadiyööcomo Baal-Zebub ecamma'jodö wetä awwäiñe? quee caichä'de. ⁴Edääje mmaja ä'döcä'dede chäwwä, öwö Cajiichaana Wanaadi edääje wä'döa chäwwä: 'Adhe'wötö jonno ä'tä'da ma'de, aadonca'da ma'de, yäätä mmädä äwäämatoojo na,' quee caichä'de", quee cönä'döaacä. Määdäje Elías cöntämä yaawä yää ecamma.⁵cajiichana Ocozías döiña mmaja dhanoonöcoomo wennaca'comjäcä töwö cajiichana cönä'döaacä chäwwäiñe: "¿Ane'que'nei mädä wa'cä tamjä'ne meiyato?" quee cönä'döaacä. ⁶Tönwanno cöneccujä'a'to: "Dhanwa ñaa ejoodöne, töwö cönä'döaacä ñaa wwä: 'cajiichaana döiña adhennacaatäcä, ñäädä adhanontätäänedö, edääje caichäcä'de yaawä chäwwä: "Edääje nä'döa Wanaadi: '¿Israel ña Wanaadi'je'da ca nai, Ecrón ñancomo wanaadiyööcomo Baal-Zebub ecamma'jodö wetä? yääje yeijäcä adhe'wötö jonno ä'tä'da ma'de, yäätä mmädä äwäämatoojo na', quee nä'döa Wanaadi; quee cöneccujä'a'to.⁷Yaawä cajiichaana Ocozías cönä'döaacä tanoonö wäiñe: "¿Aaqueneeto nä'jaanä ñäädä mejoodötoodö, yääjato a'deu äwwäiñe necammajäätöichö? quee cönä'döaacä. ⁸Tönwanno cöneccujä'a'to: "Töwö nä'jaanä odoocojaato'jotö awä yeewontaajä, odoocojaato ji'jä i'ya'mötööje," quee cöneccujä'a'to. Yaawä cajiichaana cönä'döaacä: "Elía ñäädä, tibia ñano", quee cönä'döaacä.⁹Yä'jeje cajiichaana suddau edhaajätoncomo cönaanontäi, aacä sotooto de'wä amoojadä (50) suddau jadäiñe Elía ajäichö wetä. Suddau edhaajätoncomo cönäncui yaawä Elía döiña tödöene, jöö de'wä shuucu töwö Elía cönä'jaacä. Yaawä suddau edhaajätoncomo cönä'döaacä chäwwä: "Amäädä Wanaadi anoonö, cajiichaana adhaadäja, ä'cäde ñaa jadä mötäiye," quee cönä'döaacä. ¹⁰Elías cöneccujä'acä, cönä'döaacä suddau edhaajätoncomo wwä: "Wanaadi anoonö neeneje weiya'jäcä, wa'to cajuñanno nä'täi'ñojo adheematoojoje, osootoi töja'to'comooje mmaja", quee cöneccujä'acä. Yaawä deamma jadheedä wa'to cönä'täi cajuñanno, ñäädä ya'cwadööje, ñanno aacä sotooto de'wä amoojadä (50) shootoi ya'cwadööcomooje mmaja.¹¹Aneeja suddau edhaajätoncomo daja cajiichaana cönaanontäi chea yaawä, shootoi aacä sotooto de'wä amoojadä (50) suddau jadäiñe mmaja, suddau edhaajätoncomo cönä'döadea Elías wwä edääje: "Amäädä Wanaadi anoonö, cajiichaana edääje nä'döa awwä: 'ma'da'cä ädhäätäcä eduuwa' quee; quee cönä'döaacä. ¹²Elías cöneccujä'acä yaawä cönä'döaacä chäwwäiñe: "Wanaadi anoonö neeneje weiya'jäcä wa'to cajuñanno nä'tä'ñojo adheematoojoje, osootoi töja'to'comooje mmaja canno aacä sotooto de'wä amoojadä (50) naatoodö" quee cönä'döaacä. Mädääje jadheedä wa'to cönä'täi chea cajuñanno, ñäädä ya'cwadööje, shootoi ya'cwadööcomooje mmaja.¹³Aaduwaawädeeto Ocozías suddau cönenno'jaicho deea aacä sotooto de'wä amoojadä (50) mmaja, chäädhaajätoncomo jadäiñe, ñäädä tooni chäädhäjätoncomo cönäncui, tä'mudhe cönä'döi yaawä Elías je'taca, cönä'döaacä: "amäädä Wanaadi anoonö, äwwä we'ca'a wentumje yeenedö, sootoi wentumje eneedöcoomo mmaja, canno aacä sotooto de'wä amojado'como (50). ¹⁴Ñaa owaanäcä na, ñanno yoowajoncomo weejö'jocoomo suddau de'cäcäiñe cajuñanno wa'to yeejucca'jödö. Ñaa maane wentumje ñaa eneecä ä'jajo'da ñaa eiye", quee cönä'döaacä ñäädä Suddau edhaajätoncomo.

¹Wanaadi a'deddu ecammannamo nacontoncomo cönä'döa'to Eliseo wwä: "Ñña mmai weichojo dö'tä cöwa'cäiñe'dana amäädä ajaadä cöweicho'como. ²Aashichaato tödööcä, ñaa adoojäcä Jordancwaca, inña töwaadäiñe dhanwacomo dee nacä'aato cömmaichomo amäätojo, yää que caamäaato inña cöweicho'como", quee cönä'döa'to. Eliseo cöneccujä'a'to: "Änwanno täjai maato awa'de" quee cönä'döaacä. ³Tooni ijimmätoncomo cönä'döaacä: "Aashichaato tödööcä, ma'che ñaa jadä osootoi jadäiñe" quee cönä'döaacä. Eliseo cöneccujä'acä: "Wöta ajaadäiñe" quee cönä'döaacä.⁴Mädääje töwö cöntämä chääjadäiñe, Jordacwaca tönwanno cönä'döicho, yaawä deamma dee acäätädö cönaajäntoicho. ⁵Yaawäne' tooni cönaajäntaacä dee acäätädö, wööwö ejuudu cöneemaichajoi, jadheedä wööwö ejuudu cöne'ducai na'cwaca; töwö cöncä'tömöi cönä'döaacä: "¡Cajaa yeedhajä, a'dhato e'ca'ajä nä'jaanä madä! quee cönä'döaacä.⁶Mädääje ñäädä dhanwa Eliseo Wanaadi anoonö cönä'döaacä: "¿ä'chä nejuccai? quee cönä'döaacä, töwö cöneecaimai yaawä yeejuca'jödö dö'tä Eliseo wwä. Töwö yä'jeje dee cönaacätäi, na'cwaca cöneemai yaawä, yämma sejaadadi cöntawa'näi. ⁷Eliseo cönä'döaacä chäwwä: "Ajäichä" quee. Mädääje ñäädä dhanwa cönonwojoi, cönaajäi yaawä tamäädö que.⁸Yaawä ñäädä cajiichaana Aram ñano, Israelitacoomo cönwänä'ta'todaawä, töwö tösootoi jadäiñe cönä'jaacä, edääje cönä'döaacä: "öwö ömmai na'de, umjummadö woije wa'de yäätä", quee cönä'döaacä. ⁹Mädääje ñäädä dhanwa Eliseo Wanaadi anoonö, cönaanontäi Israelita cajiichaanaichomo, edääje cönä'döaacä: "Maadä mötäi'che tönoiñato mädä, arameos weicho'como, maadä nä'taato", quee cönä'döaacä.¹⁰Yä'jeje Israelita cajiichaanaichomo tanoonö dhanwacomo cönenno'jaicho, ñäädä Wanaadi tanoonö wwä töneecamma cönä'jaacä weiñäje. Tooni yä, aacäde jeiñemma, cajiichaana nötäämä maadä, töwö nä'jaanä waadiyaaje. ¹¹Cajiichaana Aram ñano töwäätäncano'tä töweiye cönä'jaacä, weiñäje ecammadö weijäcä, töwö tösootoi cöna'dejaicho, edääje cönä'döaacä chäwwäiñe: "¿Ane'cääme'nei ecamma'se'da maato ñäädä Israelita jadäiñe yoojodöajä naadö tacaade'da cantawäiñe?" quee cönä'döaacä.¹²Yääje mma yaawä tooni shootoi cönä'döaacä: "¡öng'jö amäädä cajiichaana, edääjeene na, töweiye na Wanaadi wono wa'deuwödö, ñäädä Eliseo Israelitaa töne'tä weneeneto Israelita cajiichaanaichomoje, töwö töneecamma weneene töcaajichaanai wwä amäädä awa'deuwö'jödö!", quee cönä'dööaacä. ¹³Töwö cajiichaana cöneccujä'acä: "Eneeta ñäädä Eliseo döiña, wanontaato maane yaawä canno dhanwacomo ñäädä ajäiyeto" quee cönä'döaacä. Cönäätäcammai yaawä chäwwä edääje: "Eneecääneja'ma, eetä'da töwö na Dotan ña", quee.¹⁴Mädäjeene ñäädä cajiichaana tösootoi cönaanontäicho Dotan ña, jooje cönä'ja'to ñanno töweewänä'taamo cawaayu de'wäncomo, tadaada de'wäncomo mmaja, tönwanno coijai jataaca cönä'döicho, jata cönaawädhentäicho yaawä. ¹⁵Wanaadi wono wa'deuwödö sotoi, jenadäädä'cä cönä'jäi, jödo'na cöne'ja'cai, cöneedantäicho jata awoodhecääcä yä'döa'como, ñanno töweewänä'taamo cawaayu de'wäncomo, tadaada de'wäncomo mmaja, shootoi cönä'döaacä: "¡Oh, cajiichaana! ¿ane'cäämö cöödöaato eduuwa cönwanno?" quee cönä'döaacä. ¹⁶Eliseo cöneccujä'acä: "Tösaade'da eichä, cönwanno eetä caatoodö cho'jodhenñe'cäjeene wanna caato, töweewänä'taamo e'jodhenñe'cä", quee cönä'döaacä.¹⁷Yaawä Eliseo cöna'deuwöi Wanaadi wwä, cönä'döaacä: "Amäädä Waanadiiyö, äwwä we'ca'a mä'dä enuudu a'ducaacä, eneedö wetä chäwwä", quee cönä'döaacä. Yä'jeje Wanaadi cöna'ducai ñäädä shootoi enuudu, töwö cöneeneaacä yäätä, cawaayu jooje yeichöcoomo jöö de'cäcä, tadaada wa'to wa'cä cönääneaacä Eliseo awoodhecääcä. ¹⁸Yaawä aramaeos wä'ta'jäcä töwwadäädäiñe, Eliseo cöna'deuwöi Wanaadi wwä, cönä'döaacä: "Aneene'da nädöiñaato canno canno soto, öwö we'ca'a äwwä", quee cönä'döaacä. Mädääje Wanaadi ñanno cöneenu'däicho, Eliseo ne'catäädö woije. ¹⁹Yä'jeje Eliseo cönä'döaacä aremeoscoomo wäiñe: "Ääma jöönö edä, jatajönö mmaja edä dea, ä'täcä öncäcä öwööne manadätäiye ñäädä dhanwa mujiyatoodö döiña", quee cönä'döaacä. Samaria ña töwö cönaadäicho yaawä.²⁰Samaria ña töwä'döa'comjäcä Eliseo cönä'döaacä yaawä Wanaadi wwä edääje: "Cajiichaana Wanaadi, canno dhanwacomo enuudu a'ducaacäde eduuwa, töneene ä'döiyetoode", quee cönä'döaacä. Mädääje Wanaadi cöna'ducaichea chäänuduucomo, töneene cönä'döicho yaawä, mädääje cönäädantäicho Samaria ñano jataawä töweichöcoomo. ²¹Israelita cajiichaanaichomo cönä'döaacä yaawä Eliseo wwä, ñanno eneea'jäcäiñe töwwä: "¿wöja'janto ca, jaaja'cä?¿wöja'janto?" quee cönä'döaacä²²Eliseo cöneccujä'acä: "amäädä mmaane canno mämja'joicho'de, ¿emaajai cha ätö'taanä ñanno wänä awä soto ajäiya'comjäcä äwwä, asaudai che, äshiimadaiche jeiñemma? yuduucomoone tödööcä ije'tacaiñe, yoocödööcomo mmaja, ääwashinchäiyeto, töwoocödööcomo aneenöiyeto, ennacaiyeto yaawä tädhaajätoncomo döiña", quee cönä'döaacä. ²³Mädääje cönnöjoi ñäädä cajiichaana, jooje chääwanshiyööcomo cöneejodööjoi, cönääwashinchäicho yaawä, töwoocödööcomo cöneenöicho deea, yä'ca'comjäcä cönennojaicho chäädhajätoncomo wadäädä mmaja, ñanno waadiya arameocoomo numa e'jö'da töweiye cönä'ja'to, Israelita nonoodöcoomo de'cäi.²⁴Yä'jeje yaawä äcuude Aram ñano cajiichaana, Ben Adad täätö, tösootoi quini'jummaicho tamedäädä, ñanno töweewänä'taamo, Samariañano cönwänä'täicho, yää jata cönaajäicho yaawä. ²⁵Mädääje Samaria ñano jataawä jooje ämi cönä'jaacä yaawä, täje weiñä yeijäcä, tönwanno töneejemaajo cönä'ja'to burro ju'jä'jödö acäichea sotooto'cä wa'cä (80)jödaata tödöjoone, tooni waajädäcanä o'nä (1.23litros), jaduuma wetö eje'jödö mmaane cönä'jaacä ijaatodea (5) jödaata. ²⁶Israelita cajiichaanaichomo wääwannä'taame tömmai mu'dudui de'cäcä, wodi cöncä'tömöi chäwwadäädä, cönä'döaacä: "cö'wa'täcä amäädä cajiichaana", que cönä'döaacä.²⁷Israelita cajiichaanaichomo cöneccujä'acä: "Cajiichana Wanaadi ä'wa'tä'da yeiya'jäcä, töwaacö'jemma öwö ä'wa'täjai'chawa, a'que na natö äwanshije tödöemö, uva a'que mmaja vino je tödööemö", quee cönä'döaacä. ²⁸Edääje mmaja cajiichaana cönä'döa'dea: "¿Ane'cäämö äjääcä neja'dä'anä?" quee cönä'döaacä. Ñäädä wodi cöneccujä'acä: "määdhä wodi edääje cönä'döaacä öwwä: 'ännedö ene'cä'de cotööcooje ca'nätäiye edä anooto, önnedö daja jenamma ca'naatodea cotööcomooje' quee cönä'döaacä. ²⁹Mädääje jeene önnedö'cä ñaa cöna'näi totööje, tänäädö wetä, aneedawä anooto awä öwö daja edääje wä'döaaquene chäwwä: 'amäädä ännedö daja ene'cäde eduuwa, ca'nätäiye cotööcomooje', quee. Yaawäne' töwö tönnedö mmaane cöneetone'täi yaawä" quee cönä'döaacä ñäädä wodi.³⁰mädääje ñäädä wodi wa'deuwödö eta'jäcä cajiichaana wwä, töwoomö cönshinchai, dho'näno yaamoto'como yoomö täne cönä'jaacä (tömmai mu'dudu de'cäcä yaademaadawä), soto cöneene'ma'to yoomö yaajoi yeichö. ³¹Yä'jeje töwö cönä'döaacä: "Eduuwa deamma Eliseo ju'jä wijöncä'ja, Wanaadi maamichanñojo yaawä, yeema'ñojo jeiñenma mädä annö'da weiya'jäcä edä anooto", quee cönä'döaacä.³²Eliseo maane tömmai chaca cönä'jaacä shuucu yaatajimaajä, inchoncomo mmaja cönä'ja'todeea chääjadä yaatajiima'como. cajiichaana tooni dhanwa tanoonö cönaanontäi towaajo, yaawäne' ñäädä dhanwa dhanoonö wä'dödö owaajo yönñanñe, Eliseo cönä'döaacä inchoncomo wwä: "Eneetäcä'ma, mä'dä cajiichaana conemjönö, yeemadö wetä tösootoi nenno'jai öwwadäädä, etaatäcä eduuwa, sadä yä'döa'jäcä mä'dä dhanoonö, mönatata a'dutääcä'de yaawä täije omoomö'da yeichö wetä. cajiichaana maane inchäcäiche deamma yä'dötoojo na", quee cönä'döaacä. ³³Mädääje ya'deutaame deamma chäwwäiñe, cönä'döi ñäädä cajiichana anoonö yöiñanñe, cajiichaana cönä'döaacä: "Eetä conemjönö naadö Wanaadi woijato mädä, yääje yeijäcä ¿ane'cääme'nei yoomojai wanä eduuwa ö'wa'tädö Wanaadi wwä?", quee cönä'döaacä.

¹Aaduwaawä amoojato (8) wedu Josías cönä'jaacä cajiichaanaje cönaajänta'dawä Jerusalén ña, töwö cöne'se'täi yaawä tooni sotooto de'wä amoojadä tooni (31) wedu. ²Chäänöngato tönnöe töwö cönä'jaacä Cajiichaana Wanaadi emjataawä, tadaichö David tönnöe cönä'ja'dö je mmaja töwö cönä'jaacä, ääma chänöngato jonno äsancwajo'da yäätäädä, ämu'demjönö ai, ämu'dato ai que jeiñemma. ³Aaduwaawä amoojatooto wedu cajiichaanaje yeichö, mude'cäje dea töwö yeichö mmaja, tadai'jödö David Wanaadiyö ujiichö yajäntä'jödö weijäcä chäwwä. Amoojadooto dewä aacä wedu yeichö, yaajäntä'jödö weijäcä mmaja töjaajodö chu'taajä ya'deme'tojo a'tei tödöajä, postes asera tödööjä'ajä oro choonecaajä mmaja, Juda ña cönä'ja'dö, Jerusalén ña cönä'ja'dö mmaja.⁴Ñanno soto cöneema'jojätöicho tameedä yää Baales weicho'como'jödö, ñeenedööje; töwö cönaacä'jätöi she'cäiñe'cä yää ya'cwatoojoje ye'wä cönä'ja'dö, töwö cöni'mojoojätöi chea annai yää dee choonecaajä'ajä Asera cu'taajä wadänono, yää mmaja oro choonecaajä mmaja wedennäje tödöeene cöncone'majätöicho, töwö yää chääwadööcomo wedennäque cöna'jäi ñanno wadäädä sacrificaaje tönnö'jöcoomo. ⁵Töwö cönna'cwaicho Wanaadi woncomo wa'deuwödö dhe'jä, Wanaadi wwä wa'deutojo tawä. Edääje töwö cöncocai Juda, yää Jerusalén mmaja.⁶Mädääje dea töwö cönnöi Manases jataawä, Efrain ñäädä Simeón, Neftalí ña tödöjoone, a'que töweiyancädä töweiyancädä tawoodhecääcä. ⁷Töwö cöncadaacajäätöi Wanaadi wwä wa'deutojo, cönaiju'jätöi tameedä, töwö cöneema'jojotöi yää chu'tajä'ajä tönoiña'como wedennä je tödöene, yaawä töwö tameedä yää cöneesejäätöi altares incienso tameedä Israel nonoodö eetöjoi, yaawä töwö cönennacai Jerusalén ña.⁸Yaawä decimo octavo año cajiichaana je e'tä'jödö awä, yä'jeje Josías wwä nono choccajo'dawä, templo mmaja, töwö cönenno'jai Safán, Azalía nedö, Maasías mmaja, cajiichaana jatawono, Joa mmaja, Joacaz nedö secretario mmaja, Wanaadi mmai choonecaaneije. ⁹Tönwanno cöntonto Hilcías ña, ñanno Wanaadi wwä töwa'deuwaamo, yaawä tönwanno cuntuicho jödaata Wanaadi maichacaano ene'jaajä, yaawä ñanno Levita, waadiya mönaatata eda'chännamo cönancuicho Manases wonooje, Efraín mmaja, tameedä Israel weicho'como, tameedä Judá weicho'como, Benjamín mmaja, soto Jerusalén ñancomo mmaja.¹⁰Tönwanno cöneecamoicho yää jödaata, ñanno dhanwacomo Cajiichaana weichojo taca tadawaaju enmencannamooje cönä'ja'todö, ñanno dhanwacomo cöneejemaicho töweetadawa'cajaamo, yää Wanaadi weichojo cönconeecaichodö. ¹¹Tönwanno cöneejemaicho deea ñanno dee joconcomo wetaadawa'cajoodö, amääjä'nnamo mmaja, yää ejemadö wetä täju shacwaajä, dee weichojo mmaja, yää mmaa annä'ajä imu'duduichädö ñanno cajiichaanacoomo Judá ñancomo cöneema'jojoichodö.¹²Yäätäädä ñanno dhanwacomo cönnöichoi tötadawaajuichomo, ñanno enmencannamooje cönä'ja'to Jahat, Abdías mmaja, Levitas weichö Merari nacoomo, Zacarías, Mesulam mmaja, ñanno Coat nacoomo. Levita weichö mmaja, tameedä ñanno cönä'ja'to shiwoo etönnamo aashichaacomo, tönwanno cönese'täicho ñanno töweetadaawa'cajaamo amoiche'da tödöene. ¹³Canno Levita cönä'ja'to ñanno mmaa amääjo'tojo cönijumma'todö edaichännamooje, tameedä anejjacoomo dhanwacomo töweetadaawa'cajo cönä'ja'todö töwoijenñe. Töweiye cönä'ja'to deea Levita imennännamo mädä mmaja, jödaata edaichännamo mmaja, mönatata edaichännamo mmaja.¹⁴Yaawä ñanno wäiñe jödaata ene'a'jäcä yää cajiichaana weichojo taca adäajä cönä'ja'dö, sacerdote Hilcia cöneedantäi yää jajeedä Cajiichaana wanontadö u'ajä cönä'ja'dö Moisés jonnoto. ¹⁵Yaawä Hilcías cönä'döaacä Safán wwä ñäädä imennänei: "Wedantäi yää wanontänä jajedaichädö Cajiichaana weichojo taca", quee cönä'döaacä. Hilcías cönnejä yää jajeeda Safán wadäädä. ¹⁶Safán cönaadäi yaawä yää jajeeda cajiichaana wadäädä, cöneecammaichea chäwwä, cönä'döaacä: "Osootoi mmaane tameedä tödöödöje naato chääjäcäiñe mecaanö'adöje.¹⁷Cönencaicho yää jödaata Cajiichaana weichojo tawä medantäneedö, cuntuicho yaawä ñanno enmencannamo enwawäiñe, töweetadaawa'cajaamo wäiñe mmaja", quee cönä'döaacä. ¹⁸Ñäädä owaanomaanei Safán cönä'döaacä cajiichaana wwä: "Ñäädä sacerdote Hilcías öwwä cuntui jajeeda" quee cönä'döaacä. Yaawä Safán cöna'de'täi cajiichaana netaadöje. ¹⁹Yaawä töwwä eta'jäcä yää wanontänä, cajiichaana töwoomö cönsedeichai.²⁰Töwö cajiichaana cönaanontäi yaawä ñäädä Hilcías, Ahicam Safán nedö mmaja, Micaías nedö mmaja ñäädä Abdón, ñäädä owaanomaanei Safán, Asaías mmaja ñäädä sotoi cheamma cönä'döaacä: ²¹"Ojoncomo yaawä ecamma'jotääcä'de yää jäcä öwwänooje yeichö yää Wanaadi waanontädö, ñanno mmaja yaawä Israel ña yo'nomjo'jocoomo, Judá ña mmaja, yää a'deu jajeeda cöneedantäichodö jäcä naadö. Adai'jä na yää Cajiichaanaa eede'cwadö cöjääcäiñe naadö. Adai'jä na cadai'choncomo deene aneeta'da yeiyeetöcoomo'da yää jajeeda jäcä a'deu naadö tameedä yoije eicha cöneiya'to yää imennaajä cönä'ja'dö nönge", quee cönä'döaacä.²²Yaawä Hilcías, ñanno mmaja cajiichaana cönanontäichodö cöntonto yaawä Hulda döiña ñäädä profetiza, Salum jinñamo ñäädä Ticva nedö, Harhas nedö mmaja, womö shoomanei (Jerusalén töwö yeichö cönä'jaacä aacäto jata) tönwanno cöna'deuwöicho chäwwä yää jäcä.²³Yaawä töwö cönä'döaacä: "edä yää Cajiichana Wanaadi, ñäädä Israel Wanaadiyö wä'dödö: Edääje caichä ñanno dhanwacomo öwwadäädä cönenno'jaichodö wwä, ²⁴edääje Cajiichaana Wanaadi nä'döa: "Eneecä'ma amoiche'da nä'döi yää edä jata ansu'dotoojo, ñanno soto jäcäiñe mmaja tameedä conemjönö yää jajeeda jäcä tömennä naadö, tönwanno mmaja cönade'täichodea cajiichaana Judá ñano je'taca. ²⁵Tönwanno jonno cönä'sancwajoicho incienso mmaja tönna'cwa weneeneto anejja töwaanadiiyöcoomo wonooje, mädääje tönwanno wäätömatojo cöneejodöjoicho, conemjönö tödöödöque töwwäiñe, yääje yeijäcä yeede'cwadö wene'ja'de edä jata jäcä.²⁶Yaawääne Judá ñano Cajiichaanaichädö mmaane ñäädä öwwadäädä adhaanontätäänedö Cajiichaana ecamma'jo chäwwä tödötojo jäcä, edääje ecammatääcä'de chäwwä, edääje cajiichaana, Israel Wanaadiyö nä'döa: "Yää a'deu meta'quennö, ²⁷sacuudajesaane adhewanö yeiyajä, wentumje mmaja töwäänejo määnene dea Wanaadi je'taca, dha'deddu metaanedaawä edä jata juntaca yeichö edä jataawäncomo soto jäcäiñe yeichö mmaja, wentumje öwwä äwäänejo'jödö weijäcä mmaja, owoomö shiicha'jödö weijäcä mmaja, öwö mmaja maneeta dea mädääje Cajiichaana näcamma. ²⁸Eneecäjaane adhaadai'chomo jadä maneejodööja'de. Amäädä adheequejöödö wannä'ja'de, täncanoode'da yeichö wetä, adheenudu aneene'da na'de conemjönö weja'dätäädö yää edä jataajäcä weneeja'dedö ñanno soto jäcäiñe mmaja. Yaawä ñanno dhanwacomo edä a'deu cönaadäicho deea cajiichaana wadäädä.²⁹Yä'jeje yaawä cajiichaana cönaanontäichea tanoonö cöni'jummaicho deea ñanno inchoncomo Judá ñancomo, Jerusalén ñancomo mmaja. ³⁰Yääjemma yaawä cajiichaana cönäncui Cajiichaana Wanaadi weichojo taca, tameedä ñanno Judá ñancomo dhanwacomo, soto Jerusalén ñancomo mmaja, sacerdotecoomo, levitacoomo mmaja, tameedä ñanno soto mmaja, adaijäcoomo, shiminña'como'cä mmaja. Yä'jeje töwö cöna'de'täi soto antawäiñe tameedä yää a'deu jajeeda jäcä utu'jödö cöneedantäichodö yää Cajiichaana Wanaadi weichojo taca.³¹Töwö cajiichaana jöödö cönammöi töweichojo dö'tä ta'deddu cuntui Cajiichaana Wanaadi emjataawä, Cajiichaana Wanaadi ncäcä töttätoojo jäcä, yää yaanontädö yäätäädä tödötojo jäcä mmaja, tameedä täwaanö jadäädä, töweichö jadäädä mmaja, dha'deddu utuajä woije töweicho'como yää jajeeda jäcä tömennä cönä'ja'dö. ³²Töwö cönnöi tameedä ñanno Jerusalén ña cöneedantäichodö, ñanno mmaja Benjamín cöneejodööjoichea yää a'deu utuudu aca. Ñanno Jerusalén ñancomo soto cönnöicho Wanaadi wanontädö woije, yää Wanaadi ta'deddu cuntuichö, ñäädä dhadai'chomo Wanaadiyö.³³Josías cöncoccai tameedä yää conemjönö Israel nonoodöje cönä'ja'dö. Töwö tameedä cönnöi Israel wäiñe Cajiichaana Wanaadi ya'demeecödö wetä, tameedä anooto yeichö wa'cä, tönwanno ane'nomja'da cöneiya'to Cajiichaana Wanaadi jadä töweichöcoomo ñäädä tadai'jäcoomo Wanaadiyö.

¹Yä'jeje soto cönaajäicho nono, Josías nedö Joacaz cajiichaanaje cönnöicho, yuumö emeetacano'jödööje Jerusalén ña. ²Joacaz cönä'jaacä tooni sotooto de'wä aaduwaawä (23)wedu, cajiichaana je töweichö cönaajänta'dawä, aaduwaawä nuunä mma cajiichaana je cönä'jaacä Jerusalén ña.³Egipto ñano cajiichaana cöne'jimö'joi Jerusalén ñano, nono cöneejemaajoi tooni sotooto de'wä amoojadääto de'wä aacäichea jödaata weijödö wa'cä (34 kilogramo de plata), tooni sotooto de'wä ijaatodea, aaduwaawä amoojato oodo (25,8 Kilogramo de oro). ⁴Egipto ñano cajiichaana, Eliaquim cöneewaacai tacoono cahjiichaanaje, Judá weichö Jerusalén ña, chäätö cöncamjiyaacai Joacim, quee chäätö cönä'jaacä yaawä. Yä'jeje Necao cönei Eliaquim acoono, Egipto ña cönaadäi.⁵Joacim cönä'jaacä tooni sotooto de'wä ijaatodea (25)wedu, cajiichaanaje töweichö cönaajänta'dawä, amoojadääto de'wä tooni wedumma töwö cajiichaanaje cönä'jaacä Jerusalén ña, töwö cönnöi conemjönö tödiiyoi Wanaadi emjataawä. ⁶Yä'jeje Nabucodonosor, Babilonia ñano cajiichaana, cöngwänä'täi, cöniiwadö'täi chea sejaadadiche Babilonia ña adäädö wetä. ⁷Nabucodonodor cönaadäichea anejjacoomo tödööjä'ajä'cä Wanaadi weichojo tacaano Babilonia ña, inña cönnöi Babilonia ña inñataajato mmaa taca.⁸Anejjacoomo tödööjä'ajä Joacim nödööjätöödö cönä'jaacä, töwö cönnöi chäänöngemjönö, mädääje cöneedantoicho chäänönge inñö'jödöje'da, eneetäcä'ma, töwö tömennä na Judá, Israel cajiichaanaichomo jajeedai jäcä. Yä'jeje inñedö Joaquín cönääwaacai cajiichaanaje tumö weichojo dö'tä.⁹Aaduwaawä amoojato (8)wedu Joaquín cönä'jaacä, cajiichaanaje töwääwacadaawä, töwö cajiichanaje cönä'jaacä aaduwaawä nunnä mma, Jerusalén ña maane amoojadä anooto mma, töwö cönnöi conemjönö töwaanadiiyö Wanadi emjataawä. ¹⁰Conoojo wajäntadaawä, cajiichaana Nabucodonosor cönaanontoicho dhanwacomo, Babilonia ña cönne'joi, tödööjä'ajä Wanaadi e'saca cönä'jaacä, inñataaja'como tödööjä'ajä Sedequías joi cönnöi, ijaamidiiyai cönä'jaacä ñäädä, Judá weichö cönä'jaacä cajiichaanaje Jerusalén ña.¹¹Sedequías cönä'jaacä tooni sotooto de'wä tooni (21)wedu, cajiichaanaje töwääwacadaawä, töwö cajiichaanaje cönä'jaacä amoojadooto de'wä tooni (11)wedu, Jerusalén ña. ¹²Töwö cönnöi conemjönö töwaanadiiyö Wanaadi emjataawä, töwö töjöiye'da cönä'ja'dea Wanaadi a'deddu ecammanei Jeremías neneedöje, Wanaadi nanontädööje töwa'deuwe cönä'jaacä.¹³Sedequías mmaja cajiichaana Nabucodonosor woije ännö'da cöneiya'dea, töwö cönäcammai Wanaadi netaadöje, Sedequías töjöömödööque Wanaadi nanontädö ännö'da cöneiya'dea, täwaanö jadäädä aneecamjö'da cöneiya'dea Wanaadi nanontä'jödö, ñäädä Israel Wanaadiyö. ¹⁴Yääje mma yaawä, tameedäädä Wanaadi wwä töwa'deuwaamo edhääjätoncomo, ñanno soto cönä'ja'to conemjönö tödönnamo, aashichaato inñödööcomo je'da, tönwanno mädä conemjönö tödöödöje töweiye cönä'ja'to, yää jataadä tönwanno cöncone'maicho Wanaadi e'sadö yää aashichaato tönoiñato mmaja cönä'ja'dea Jerusalén ñano tödöajä.¹⁵Töwö Wanaadi jenaado'jocoomo ijimmä, töwö ta'deujödö cönaadäjoi, chäwwädäädäiñe dha'deujocoomo ecammanei wwä, wannade ta'deujödö cönaadojojätöi töwö cone'da tönnöe cönä'jaacä töjaatadö mädääje yeijäcä, yäätääne töwö ijaatadö weiyajä. ¹⁶Yääwäne' tönwanno tönenno'jä'e cönä'ja'to Wanaadi a'deddu ecammanei, eta'se'da dha'deddu töweiye cönä'ja'to, Wanaadi wwä töwa'deuwaamo tönenno'jä'e cönä'ja'to, mädääjeene Wanaadi cönäätömai tösootoi jäcäiñe, aniiwa'tätäiñe'da töweiye cönä'jaacä.¹⁷Mädääjeene Wanaadi cönnejä, Caldeos cajiichaanaichomo, ñanno yääjöma'como cönjajoicho, cömö nuwaatoque yää satuario tödöötojoque, töwö cone'da'da yääjömaadöcoomo wodiñamo'cä dhanwa'jemjöncomo, inchoncomo'cä ijuujadööcomo juduumeiche cönä'ja'todö. Wanaadi cuntui tameedä chängwawä mädä tödötojo.¹⁸Tameedä tödööjä'ajä'cä Wanaadi e'saca cönä'ja'dö, adaijä'coomo, shiminña'como'cä mmaja, Wanaadi e'sacaano jatuuwa'cä, cajiichaana jatuuwaichomo, waadiya edhaajätoncomo nödöödö mmaja, tameedä yäätä cönä'ja'dö cönaadäjäätöi Babilonia ña. ¹⁹Tönwanno cönna'cwaicho Wanaadi mmai, jääjudu cöni'moicho deea Jerusalén ñano, cönna'cwaicho tameedä inñataajato'jödö, cöneema'jojätöicho tameedä inñataamaajä cönä'ja'dö yäätä.²⁰cajiichaana cönaadäicho Babilonia ña, ñanno cönootone'täichodö cömö nuwaato ñontädööje. Tönwanno dhanoonöje cönä'döjoicho, inñacontoncomo mmaja, cajiichaana Persia ñano anoonöje cönä'döjoicho. ²¹Mädääje cöneeja'dätäi Wanaadi a'deddu necamma'jödö nönge yeichö wetä, ñäädä Jeremías tai töwa'deuwe cönä'ja'nei nono chäänönge yä'dödö wa'cä, yäädetadö wa'cä mmaja. Mädääje cöneene'maicho yäädetadö anootoichädö jona tödöene tätööma cönä'jaacä, setenta wedu yä'dödö wa'cä²²Eduuwa maane wedu wajäntädaawä, cajiichaana Persia ñano, Wanaadi wa'deuwödö ecammanei Jeremías tai töwa'deuwe cönä'ja'nei edääje tönaadä cönä'jaacä Wanaadi aashichaato cönnöi Ciro espiritu ai Persia ñano cajiichaana, tameedä cajiichaanacoomo joi tödöödö wetä, mädä tödöemö ecammaajä, tömennä tödöödö wetä chäwwäiñe, töwö cönä'döaacä: ²³"Mädä iyä Ciro nödöödö, Persia cajiichaanai, edääje nä'döa töwö Wanaadi cajunñano tameedä cuntui, edä nonoodö de'wä cajiichaanaje yeicho'como, töwödea cuntui mmaa amäätojo Jerusalénña, Judá weicho'comooje naadö. Anejja adhantawäiñe naanei töwe'shato yeiya'jäcä, eijai naadea töjaatawääne töweiyajä, ädhäänu'cä nono de'cä Wanaadi yaanadiiyö chääjadä na'de" quee cönä'döaacä

¹yääje ma yäwä Hageo Wanaadi anonö, tönecamajäe cönäjato Israelelita como Wanaadi etöjoi Judiocoomo wä Judaña, Jedusadeña mmaja. ²Zorobabel, Sadatiede nedö Jesúa mmaja, Josadac nedö, Cöntötajolöicho Cönajontochodea Wanaadi weicho amädö Jeduusadeña ñanno awanomanamo Jadaiñe todöse töweichö coomo quee.³Yääjema yääwa Tatnai, Jatacoomo tuna jonno madä cujiichanei, Setar Boznai, jimmä mmaja cönejoto cönädoato dea chäwäiñe : " ¿ änääcö äwäiñe necamai edä mma amootojo edä mu'ddu coomo tödötojo mmaja?. ⁴Tönwano cönädöato dea yaawä : ¿ anäcamo täätöcoomo ñanno edä mma namojatodö?. ⁵yawäne Wanaadi emjatawä cönäjato ñanno inchocomoiä Judiocoomo. Ñanno chudetänanamo anedenanäjoda cöneyato. tönwano cömocato jajeeda imenajä adojodö cajiichana wadädä yää jajeda imennajä ecujätödó daja tönwano cömocato dea.⁶Edä yää jajeda imenanjä tatnai, Star Boznai, jimma, shotoichomo maja nadojodöcomo cajiichana Dario Wadädä. ⁷Tönwano jajeda tömena´docomo cönadojoicho cajiichana Dario Wadädä: " Täncanodedä weiña äwä täweiye neiñojo.⁸Cajiichona wa ecammatäca ñaa wötäjötöjödö Judaña Wabaadi machaca. Yää namäatodö täju adaijocomoque taadä imuduje iñödöcomo. Mädä nödöatodo tamjäneiche namoato ashicha mmaja nödötodea. ⁹Ñaa cönecamajoicho nanno inchocomocä : ¿änäcö äwäiñe cönecamai edä mma amotojo edä muududu tödötojo mmaja? ¹⁰Ñaa mmaja cönecamajoichea chätöcomo odowanäcä yeichö weta chätöcomo odowanäcä yeichö weta chäwadaiöe öanno anontänamojödö.¹¹Töowano cöneccujäato cönodöato : " Ñanno ñaa Waanadi anonö cajuñano nonodewono mmaja edä mma chonecadöje Ñaa na jenadojä mma amäaja cönäjadö yawa israelitacoomo cajiichanai namojocomo töwäcane.¹²Yawäne, ñaa adaichomajödö Wanaadi cajuñano jäcä cönätömaicho, Töwö Nabucodonosor wä cönätömaicho, Babilonia ñano cajiichana, nädä edä mma amäcäneijödö cönadächo yääwä tösotöichomoje Babiloniaña. ¹³Yääwä awadenato wedu awä deama Babiloniaña Ciro cajiichanaje yeichö, wanontä Ciro cömenai dai mmaja Wanaadi mmai amotojo.¹⁴Cajichana Ciro Cönoñacajätöi tameda tödöaja jödata, odo cönäjadö wanaadi mmai esaca yää Nabudoconosor cönejätöichö Wanaadi weichajo tacanno jedusadenñano, Babiloniaña cönäi Töwö cunujätñi sesbasar wä, cajiicanoje töwö cönäichea.. ¹⁵Töwocönädöacä chääwä: " Edä tödojä'ajä äwä tödocä. äjäne inña Jedusadenña Wanaadi mmaichaca mödöjätöiye, Wanaadi mmai tamämöje yeijacä yäätä ".¹⁶yääjema yaawä Sesbasar cöntämä cönäjätöi tameda yää tödöjä'ajä imöque Jedusadeña Wanaadi mmaichaca, amödöjedea natodö döiña.¹⁷Eduuwa mane, cajichana wacöje yeiyajäcä, nujiñato Babiloniaña yää Jajeda weichojo taca , Cajiichana Ciro tñwanontädö imennäjodö töweiye yeichö, Cajiichana Wanaadi mmai tödötojo jaca jedusadenña. Cajiichana nenejoñojo tötötajätödo ña wadädä ".

¹Yääjemma yääwä cajichaana Dario cöönanontäi Babilonianña maa taca shoomajä´a´ jä töödöajä. ²Jajeda iimon´a´jä cöönendantoicho Acmetanña medianñano jaata muudujano: Edääje chää´jä´cä yäädödö;³Awaadeto weedu cajichana Ciro weicho, töwö waanontänä cönnöi maa jääcä Wanaadi esadö Jedusalenña naadö: ´´ Iiyä maa dea neconacañojo saacrificio töödötojoje. Eedäje iwowadö neiñojode, cawä yeichö secentato´cwa´cä imecutäjödö taaaju´ju´ñe yeichö mane secentatocwacä imecutajödö, ⁴Aduwawä shadimiyö tödöotäcäde täju adaijocomo tooni shadimiyö dee shadamajä. Cajichana esacano Jödata edachänei täje yeichö neejemaiñode quee. ⁵Eedäje mmaja, taamedä ninñacañato töödö´a´jä, jöödata, oro mmaja wanaadi maichano tödöajä nabucodonosor cöönnejädö babilonianña töwanadöyöcomo maichacanoje. nadojoñato Jerusalenña mmaja wanaadi maichaca töödötäcäde.⁶Eeduwa quene Tatnai, Setar Boznai, ääjimätoncomo suddawo edhajontocomo mmaja, tuna mänse maatodö; Amonche eichäcä. ⁷Manacömai trabaju tödödö wanaadi maaijääcä. Eetä Acushana naamä´a´de judio inchoncomo Jadä Wanaadi maai.⁸Eedäje ääwö mananonta´to canno inchocoomo Judio tödötocoomo Wanaadi maai amädö jäcä. cajichana judaatai tuun mänsemjo, naadö canno dhanwacoomo ejematocoomoje tödötäcä´de trawaju edennada yeichö weetä. ⁹Chää´wäiñe tujunnaato mmaja, jaaca deedö´cä, carnero cordero weichö jenñema sacrificioje tödhacwamö Wanaadi tuemöje, trigo, sayu, vino chaatöjenñema Wanaadi woncomo wadewödö necaatädöcomo woije Jerusalenña naatodö, anooto waadäi u´täcäde ämudäda ñecatädoccomo. ¹⁰Eedä tödötäcä´de Wanaadi cajuunñano woonoje nadewönñato Jääcä, caajichana jääcä, önnacomo jääcä mmaja.¹¹Eedä waanontädö imennajä eiyoneijödö, tooni inmai dhadadö ucatäcäde iyäque töwätäcä´de. määdä tödöjödö weijäca inmai jäjudu amäcatä´cäde shecäsacä inmaai eiye. ¹²Ñäädä wanaadi yäätä täätö cönnöicho töwö ucajainña caajichanacomo cooneda na´deuwadö wanaadi maai jääcä Jerusalenña na´dö. öwö, Dario määdäje wanonta.¡ Chänönge määdä wanontädö nöö¨dönñojo !¹³Määdäje Tatnai, Setar, Boznai chääjadoncoomo mmaja cönnöicho cajichaana Dario wanontänä inñöjodö. ¹⁴Määdäje ñanno inchoncoomo Judio cönamoicho Hageo, Zacarias, necanmajödö nonge owanomadöcoomo aai, cönecamajoichö. cönamoicho cajichaana Israel wanaadiyöcoomo wanontädä ñönge Ciro, Dario, Artajerjes mmaja persianñano cajichaana. ¹⁵Maa chänönge cönädöi aduwawä nunö,Adar weichö, tooni amoojato Dario cajichaana yeichö mmaja.¹⁶Israel nacoomo, Wanaadi woncoomo wadeu´wödö mmaja, Levitacoomo taamedä ñanno ye´a´como mmaja tacwaiñe töweichöcomo quee cönäwadöñoicho Wanaadi esadö´jäcä. ¹⁷Töönwanno cuntuicho cien (100) carnero, cuatrociento (400) cordero mää´dä cönäjacä Wanaadi maai yademetojo jäcäno. Amojadato de´wä aaca (12) macho cabrio, cuntuicho täjenjönöje Israeliscomo conediiyo jocono jee, Israel nacoomo weichö tooni chäwadäiñe. ¹⁸Wanaadi woncomo wadeu´wödö woiñe contuicho chadawajoichoomo, Levitacoomo queene wowanomanö jääcä mädäje tadawajo tödödö wetä Wanaadi maaichaca Jerusalenña naadö. Moise nimennäjödö nadöje jajeeda jääcä.8¹⁹Yääje yeijäcä ñanno täjatawonnoiñe cönatajoichodö pascua cönwademecöicho amojadoto de´wä acäichea anooto awadeto nunä weejacadawä.²⁰Taamedä Wanaadi woncomo wade´wödö Levitacoomo mmaja cönecocaicho cordero cönaminñäcaicho sacrificio pascua anotochädö awä tamedä ñanno töjatadöcomojonno cönatadojoichodö jadäiñe mmaja.²¹Canno ñanno Israelitacoomo shunujödö cönonoichodö pascua awä töjatacäiñe cönejotodö töwätämaminchadöcomojonno. no´saje töweichöcoomojonno cönäsancwajoichodö soto edä noono de´wä jadonnoiñe mmaja cajichaana Wanadi ujijödö weijäcä. ñäädä Israelitacomo Wanaadiyö. ²²Tönwanno cönäwadiñoicho amojato de´wä acä (7) anooto, uu unmanöcatojojenjönö to´tojo awä, cajiiichana Wanaadi dhacwaniyicomo cuntui chäwwäiñe. Cajichana Wanaadi määdä cönnejä yääwademetocomo Cajiichana Asirianñano ewaanö cöncanmiacai cönjodötöichea Wanaadi maai amäädö jääcä, Israelitacomo Wanaadiyö eesadö.

¹Cajiichana Artajerjes yeichö canno ädhamoje cönäjato Babiloniañano cönejacaichodö jaadä. ²Ñäädä Finees, Gerson weichö. Itama, Daniel weichö mmaja. David, Hatus weichö mmaja. ³Cönääjacä Sacanias weichö, Paros weichö conäjacä; Zacarias mmaja, töwö chääjadä cönämecutoicho aacä amoojato soototo de´wä amoojadä (150) cönäjato.⁴Pahat Moab weichö: Elioenai, Zerahias ne´dö. töwö chääjadä amoojadö soototo´cwacä dhanwancomo cönemennojoicho. ⁵Secanias weichö: Ben Jahaziel. Canno jaadä da´ja amoojato sooto de´wä ijatodea sooto (300) dhanwacomo. ⁶Adin weichö maane: Ebed, Jonatan ne´dö. Aacä soototo de´wä amoojadä (50) dhanwacomo cönämennöjoicho dea. ⁷Elam weichö: Jesaias, Atalias ne´dö. Aaduwawä soototo de´wä amoojadä (70) dhanwacomo cönämennöjoicho.⁸Sefatias weichö: Zebadias, Micael ne´dö. Aacächea sooto (80) dhanwacomo cönämennojoicho. ⁹Joab weichö: Obadias, Jehiel ne´dö. amoojadoto sooto de´wä amoojadä aacä amoojato dhanwacomo cönämennojoicho. ¹⁰Selomit weichö, Josifias ne´dö. aaduwawä amoojato sooto (160) dhanwacomo cönämennojoicho. ¹¹Bebai weichö: Zacarias, Bebai ne´dö, tooni soototo de´wä aduwawä amoojato(28).¹²Azgad weichö: Johanan, Hacatan ne´dö. Ijatoodea soototo de´wä amoojadä (110) dhanwacomo cönämennojoicho. ¹³Adonicam weichö cönejoto dea. Eedä iyä chäätöcomo: Elifelit, Jeiel, Semaias mmaja. Aaduwawä soototo cwacä dhanwacomo cönejoto. ¹⁴Bigvai weichö: Utai, Zabud mmaja. Aaduwawä soototo cwacä amoojadä (70) dhanwacomo cönämennojoicho.¹⁵Esdras cönädöacä: ´´öwö weejodöjoneto tö´tamo Ahavanñano waadädä, aduuwawä anooto cwacä yäätä cöönäjato. Wenmencaneto ñanno sooto Wanaadi ade´ddu ecanmanamo, yaawäne anedantäda weiyaquenee Leví wääjimmätädö yäätä. ¹⁶Yääje yeijäcä wanontäne Eliezer, Ariel, Semaias, Elnatán, Jarib mmaja, Elnatán, Natán, Zacarías, Mesulam mmaja, Cajiichanacomo cönäjato, Joiarib, Natán mmaja, owanomanamooje cönäjato.¹⁷Yääje yeijäcä Iddo döiña wadojeneto, Casifianñano cajiichana waadädä. Edääje Iddo wä yäjimmätädö wäiñe mmaja tamedä Wanaadi yademetojo mmaichaca naatodö casifianña natoodö wäiñe, määdäje naa cöwadädäiñe nenejoicho Wanaadi mmaichaca tödönamo.¹⁸Ashicha Wanaadi yeijäcä cöwadädäiñe cö´nejoicho tooni dhanwa Serebías täätö, dhanwa aashichato. Mahli weichö töwö, ñäädä Leví ne´dö, Israel nedöje naadö. Töwö Cönejä amoojato dewä aduuwawä amoojato (18) iiñacomo dhacontomo mmaja. ¹⁹Hasabías mmaja cönejä dea chäjadöiñe cönäjadea, Merari ne´dö mmaja cönäjadea.Dhacontomo iiñacomo mmaja, tooni soto (20) tamedädäto dhanwacomo cönäjato. ²⁰Chäwäiñe cönätui chäwäiñe tödöemö mmaicha, ñanno David tösotoi jadäiñe cönewanacaichodö: amoojato soototo de´wä tooni soto (200), chäwadädäiñe chäätöcomo joi u´a´jä cönäjacä.²¹Yääje yeijäcä wecanmane wänematojo tuuna Ahava dö´tä tämudhe cöwädötocomo Wanaadi je´taca töwö cöwäiñe utuiyede sa´donna cö´totocomo, mudheshi wäiñe mmaja tamedä cönöjatodöcomo mmaja. ²²Töjöiye wäjaquene cajiichana wwä ecatädö shotoi cawayu dewoncomo ñaa edachäneije yeichöcoomo we´tä ämaatai ñaa ewontädö wetä conenjönö jäcä, Cajiichana wwä ñaa cönecamai: ´´ Wanaadi tönedaichä yeichö ñanno tamedä ujinñamo wäiñe töwacöje ijädudu tädecwade yeichö mmaja töwacöje ñanno chäjäcä chä´tada natoodö´´. ²³Yääje yeijäcä Wanaadi cujichäiyede quecatäiye chäwwä määdä jäcä²⁴Yääje yeijäcä amoojato dewä aacä (12) dhanwacomo we´täneto cajiichana Wanaadi a´deddu ecanmanamo jadäiñe; Serebías, Hasabías amoojato de´wa cönä´jato dhacontomo. ²⁵Wonejane jödata iñödöcomo, oodo tamedä iñödöcomo mmaja täjemjönö Wanaadi e´saca naadö, iiya cajiichana wätujannamo, äädhamo mmaja, tamedä Israelitacoomo nuutudu conenjönöjeda.²⁶Yääje yeijäcä wonejanechä chääwanocomo tooni amoojato soototo de´wä aaca soto amoojadä (650) talento jödata, ijatodea soto cwacä (100) tödöjajä, ijatodea soto cwacä (100) oro talento. ²⁷tooni soto (20), tasacomo täje tödöjäajä miideto cwacä dáricos aacä tödöjäajä ewötö bronce weicho tudinñe tödöajä, inñatajacomo oro nöngacomo.²⁸Edääje wädöaquene chäwwäiñe: ´´Anwanno cajiichana Wanaadi äcönätätäne edä tödöjäajä mmaja, Edä jödatacoomo oro mmaja töwoijato tääjenjönö uajä Cajiichana Wanaadi wwä, jenadäjocomo wäämmaja. ²⁹Äädachätäcäde o´somatäcädede äcunädöcomo aca yädödö cwacä, Wanaadi adeddu ecanmanei ädhamo jatacäiñe adhejadäatode, Levitacoomo tamedä chajiichanaje naatodö töwäjinmätädö jadoncomo Israelitamo ada´chomo naatodö Jerusalenña Wanaadi maai yatocajä ta´ca. ³⁰Wanaadi adeddu ecanmanamo Levitacoomo mmaja, jödata, oro onejajä cönajoicho tödöjäajä mmaja määdäje a´dudu we´tä Jerusalenña iña Wanaadiyo e´saca.³¹Iiña cönejacai tuuna Ahava dötänno amojaadotode´wä acä nuunä weichö Jerusalenña wötänä wetä. Wanaadi amäädö iña jadä cönäjacä, töwö iña enwontäne iiña tudetännamo jäcäiñe, conenjönö iiña jäcä tödöse cönäjaatodö ämatai wötänöawä. ³²Yääje yeijäcä Jerusalenña iiña cönödöi yäätä iiña cönöjacä aduwawä anooto.³³Yääjemma yaawä acäichea anooto awä jödata, oro mmaja, taamedä tödöajä mmaja taamedä cönonejaicho Wanaadi maaichaca cönäjadö Meremot enwawä cönäjadö, Urías needö ñäädä Wanaadi adeddu ecanmanei. Eleazar chääjadä cönäja´dea Finees ne´dö, Jozabad, Jesúa ne´dö, Noadías mmaja, Binúi ne´dö ñäädä Levita weichö. ³⁴Taamedä onejajätöjödö cänämecutäi cönedeinai; Taamedä onejajätödö cñnmenoicho dhanotoicho woije.³⁵Ñanno jedesuje cönäjatodö cönennacaicho, töweijocoomo döönña mmaja, tönwanno täjemjönö yacwajä cuntuicho Israelita wanadiiyöcoomo wwä: Amoojato de´wä acä (12) jaaca nacomocä Israelitawoncomoje, acäichea soto dewä amojadä tooni amojjato (96) carnero, aduuwawä soto dewä acä (12) macho cabrios yää cönäjacä täjemjönö uajä, conenjönö tödöjödö ejematojje. Tamedä iyää cönäjacä töjemjönö uajä yacwajä cajiichana Wanaadi woonoje. ³⁶Yääjemma yaawä tönwanno cuntuicho cajiichana wanontödö imennajä ädhamowäiñe cajiichana jadoncomo tuuna mänsenjo natodö acushanacomo wäiñe tönwanno cöniwatäicho Wanaadi maichaca sooto cönäjatodo.

¹Yawa cönöcächodawa. Sodhoucomo quenejoto dönña yo'je cönödöato yawa: Israelitacomo Sacerdote. Levitacomo maja osancunada töncuanno nato aneja nonoda jonno, Hititas, Fereseos, Jebuseos, Amonitas, Moabitas, Egipcios, Amorrecomo maja. ²Mede töncuanno iñacomo cönnöcho latu ashichacomo cuönñe anejacomo jatacomo adanñe maja, cajichanocomo quintonto awadetoje anecamjöda queneyato yawa.³Yawä cuetanedowä, womi wishijöne jujö wöjönñöjone yetamöjötömaja watajömane wentunje. ⁴Tamedädä tösade cönödöcho yawä Wanaadi adedhu etajöcö anecamjödä yeijocomo jöcä. quenejummacho yawä cuatajöma'jö dätä töjöyenñe. yötä ñaa cönöjacä Sacrificio tödötojo jonane.⁵Tojenjönö tödödö Wadadädä chommödawö yeichä wanönne wöjaquemnödo Wanaadi jetaca wadöne. ⁶Wodöoque yawä: "Wanaadi yijöyewa owoijeda wejödö weijöcä, ñaa conenadiyi jojecömana, ñaa woijato ajetaca tönena.⁷Yää anoto awö ñaa yadachomo ñaa woijato nädä. Ñaa conenadöyi cajichanacomo, Wanaadi adedhu ecammanamo ñaa uneto cajichanacomo wonñe tacadeda, jedesuje dönñamo önwöjiñenamo jadanñe töjiyacomo maja eduwa ñaa nedöje maja.⁸Yoje yeichame, ade eduwa chönöngoto cajichana Wanaadi quineja soto wodätöjocomo cönwönñe quiwatotoconco utudo wetä yää tönoñato taca. Mödö quina Wanadi yicomo cönudecomo yeijodö weta mädäje cöwatajai mayawo yää cöwotömanächodecomo. ⁹Conwanno yanno shotoi chomo, yawane co'Wanaadi yicomo conömjotönñeda mödaje ashicha töwechö cöwemne mejana. dä cöwonñe nödöä ñäädä perciañano emjetewo tojodudu enejodöweta, nadöje amädäweta Wanaadi esadä emajajonno annödä weta. Edo töwö conwanno cöwanodiyicono connai tojöcänñe töije yää imudude toije yeich weta iñña Jerusaleña.¹⁰Eduuwa cönwanno cöwanodiyicono ¿Aquene ödöjoi cato eduwa edajöcä? ñaa cöntöta quejoi awonontödöjöcö, ¹¹Yää wanontönö munedä osotoi wönñe profeta mödö a queyemajo: "Eda nono önwanno matodö owomöncöse matodä conemjönö mädä nono. Töwö töconemana ñaano soyo edödeaoncomo conemjönö tödödöque tönacanno nöchucanojoiche sadä önwanmajo. ¹²Yoje que yawä eduane nuato connacomtocomo, önñacontocomo manajöchai önacontocomoje, chötogötöda eichöcä chiöjöcönñe numa, joduje mechöiye oshicha nonodewanu dewa, Mede önñacomo oshicha yeichöcomo wetä yeichö däje.¹³Mede yeichamenñe cönemjönö tödötame, ñaa woijato medejeña Wanaadi bonenijönö ñaa nödödä majönñe mune yawa yädätöjocomo. ¹⁴¿onnödane quechuntöche dea eduwa yää wanon tono, jötajönö otoi edä nono dödewo? ¿ötömadaca mechai ämjajodanñe maja aque tödöene am jacanöjodanñe maja?¹⁵Cajichana Wanaadi Israelñano, chönöngato amädä, medeje cönonomjocho yonemjacomo jadönñe ñaa amoto ienecö! etä ñaana ajetaca, aquena ajetaca töweyemö mädä jöcänchödä.

¹Edää yäcä Nehemias wa'de'awöjö'dö, hacalías medö cönäjacä töwö: yää, cönee'jadäaacä Quisleu nunä awä toni soto weedu yeicho, yää jata ettö tädachä cönäja'cä. ²Ñanno yacontomo, Hananis, anejaacocoomo soto cönnejooto Judá ñancomo yaawä öwö wecaamajone Judios coomo jääcäiñe töwääneje yeichöcoomo jäca. Judíos wädee'to'jocooma yätä cönäjato'to'dö Jerusalem jäcä mmaja.³Töncwanno öwä cönädöato: "ñanno yäänejeejocoomo Wäde'tööjocoomo jojaato conemjönö, Jerusalemñano muduudui ema'joojä'do weijäcä inñatataat'ado tödha'ewa mmaja."⁴Numa'damma Ya'de'wödöcomo eta'jäcä wataajimmane. wamonee, wanna anooto wentumje wäjaaquene wäneemanä jemmaja Wanaadi cajunñano wwä wa'de'wancödä. ⁵Yä'jeeje wädö'aaquene: "aamädä ñäädä Ojo'dha'to Wanaadi, caju'nñano Wanaadi, Ojo'dha'to Wanaadi ñöngato jemjönö, jemjöno: ta'deu'ddu chänönge täcanöniaamo jääcoiiñe tödöönei awanontänä tödönnamo. jäcäiñe awaanontö jödo chänönge tödonnacomo jacaiñe.⁶Eta'ca äwwä wa'de'uwö'dö cäne'ma'cä, osootoi wa'de'uwödö etaadö wetöi äwwä, conemjönö Israeltacoomo nödöjomo wecamma äwwä, ñaa äjääcä conemjönö cönnöchö, anäädäncada öwö, jaaja maichacancomo conemjönö cönnöe. ⁷äjääco conee'da ñaa cönäjäduutäi amädä awanontä'dö ännö'da cöne'yadea, waanontänä eseetootojo michonecane ñaädä osootoi Moisés wwä.⁸Yääcä ashiichato tödöö'cä, ätö'tajä'tödö u'cä a'dha'deu'du oncoonecädö munedö osotoi Moiseswä. chäämönge'da ane'camjöödö yeiya'jäcä, maneemecanta'tode jatacoomo wadäi Waadäi. ⁹öwwa'daadä awenna'ca'jäcä waanontädö woije tödö'ää yaawä ada'coto'de töwä'mecantä yeichameiñe amoicheiñe edä caju o'na, yääje yeichame wijummaja'tade tämecane yeichöcoomo jonno wene'ato yeicho'coomo öwö necamadöiña yätäädä ye'tö yeicho weta.¹⁰Yääje yeijäcä adhanonöje tönwanno nato osotoije mmaja ñanno mewaanacanetodö yää ada'jooto äjäduuduque adha'mädö jäduudu que mmaja. ¹¹Ojo'dhato Wanaadi, äwwä weeca'a. eta'cä eduuwa adhanoonö wa'de'wöödö osotoi wa'deu'wödö mmaja. Eduuwa mmane adhetöjoi awa'demecade. Eduwwa, mmane osotoi awa'de'meca yäje yeijäcä wentumje äne'tä aweijäcä mädha adhemjata'wä nadö." öwö dea wäjaaquene acu'shana wocödö unei.

¹Nisän Nunäi'cha'dö´awä toni soto (Neite) wedu weichö ñadä Artajerjes, cajichanaje cönäjadö cönmencai cino iya wajäiñe vino iyä wane yawä cajichanawä. eduwa, öwö wentumje echa wänene tinendöje. ²Yawä cajichana cöna döacä öwä "¿aneguenei wenteimje'manä? cadäi'jemjedatecä made. Adhewanöne wentumje nichöta?" madäjäje tösade wajaquicne joje.³Jäje wädöaquene cajichanawä: "iCajichana, yeichödäje nudä neiñojode! ¿wentunje jedö eijatadö. wentumjena muhatata'como'na töweconemäjäe tamedädä."⁴Yäjeje cajichana cönadöacä öwä: "¿anecämö tödöjose manä?" edäje odaje wädöne Wanaadi'wä cajunñano'wä. ⁵Edäje weucäjäne yawä cajichanai "ee chänön'ee eajichanawä yeiya jäcä shotoy chanön'ee yeiyacomjäcä chamjatawä, amadä connojajaimä judanña jaja ewadö jatawä." ⁶Cajichana yecucu'jäne (yätäcönäjadea wodi cajicha watajimaja iññäcä): "¿äwasacä numa eichai jödona aichänna'wäcä enna'cataiche?" cajichana tacuainñe cönä'jaca yenno'jadö yäcä fecha ecamma'jö´dö weijaca öwä.⁷Yajemma yawä wadöaquene cajichana'wä: "ee'cajichana eartai imem'näse yeiyajäcä ööwä tu'eemö cajichana'na'como waiñe iyä juna mansedäcä'jene utaiyeto weja'dotojo ñonodö'como decäca Judá wadädä. ⁸Tödö'Jose wedeä carata Asaf'wäno tuemö, nädä woi watadujö'dö edachanei cajichana sotoiwä. madäje de'e shadajää'jä utuiye yawä munata'ta ejiyo choneca'tojoje iñatamatojo'näcä. jata mududuje, iyä ma'a weichojoje nadedo" madäje ajicha weichö woije Wanaadi jadä'naa. mädäje cajichena ööwä cuntui necatädö.⁹Wötäne tawä cajichana'como döinñanñe iyä tuna töjadäene wune yawä iyäjajeda imemnajä, cajichana'wä yäje cajichana cönenmojai jadä, sudao edhajotoncom cabayu dewancomo meja. ¹⁰Yawä ñadä Sambalat Horonita maja yätä Amonita sotoi cönetaicho yä etadöjo iönwanno coneda cönadöjoicho aneja yejöjödö wejaca Israel jactadö iwatäneije.¹¹Mädäje weiyaquene jedusadinña yätä wäja'quene aduwawä anoto. ¹²wäjäne coijai aneja'como dhawacomo maja jadä conäjato. anecammada wäja'quene anejacomo'wä Wanaadi necam'madö öwä yewanö jäcä Jedusadenñano tödö toro jacä.¹³Yotonno yejacane coijai. mutatá tana wejacato tödöajä döse jata'jemmönö döse. tuna wejacadö döse mönataja jenadojo dösem'maja wenmecane imududui'chomojedusadenñano. iyä taduqueda cönajadö töwesedeijäe maja decomo töwatai'tojo em'majä yä cönconemaicho wato'que. ¹⁴Yajeje wötäne mönatatä esetaje de'cäcä cajichana nadö yeichojo töcajä dötäcä iyä weichojo cöna'jacä shecasa tödöajä odocojato weichojo ñädä yewa wöta quennö wejadotojo'je.¹⁵Madäje yonune jata'jemmönö döse mädäje wenmencane imududui yotonno yenna'cane yomonne yawä chutajato döse medäje yenna'cañe. ¹⁶Ñanno cajichana como dhowanacanñeda cöna'jacä ötäjätöjödö onnö'jödö maja aneca'mmadadea wäjaquene judhio'waiñe, Sacerdote'waiñe maja, ñanno cajichana'como dösencomo waiñe maja cajichana'como waiñe, maja ñanno dhantai tadawaju cönnö'chodö wäiñe majo.¹⁷Yäje wadöá'quene chäwäiñe: "anwanno mene'meto conem'jönö cöjacäiñe nadö mädä Jerusalénñano tacoichajo'na tamedä mönatata'como tödhatuena wato'que. ätäcä quichonecatäiye iyä imadudui'chomo jedusalenñano cöwojotädö'comojeda yeijacä eduwa." ¹⁸yäje wadöa'quene chawanñe ashichato Wanaadi nutudu öwänä cajichana adedujäca maja cönadeuwöi'chea öwä. tönwamo cönadöato: "iñawä onucä chonecatoyo." mädaje töwanno cönojudutoicho tamadö como ajicha töwetadawaca' joto'como maja.¹⁹Yawä sanbalat weichawä Horonita maja Tobias sotoi'chomo ñädä Gesem adaweweichö cönetaicho iyä traju dödö'toja jäcä tön wanno quinquin'maja'ato föije cödö joto que cönedöato: ¿anecamö mödöato? ¿cajichana juntacaca aweshenñe mato? ²⁰Yäje we'uconeto yawä tönwanno: "Wanaadi ne iñaa'wä nua tödötojo yoije tödönna'munma iña madäje iña nanön'aä amädö'wetä. anwanno mane tödö'jojedana awänñe. ecammajäjäicha'jödödä yotunnäi chädö adeujäjaicha'jödöjä Jerusalén'nano jäcä."

¹Yääje ma yawä Eliasib, wanaadi adhedu ecamanei, cönojudutäi tijimma wanadi adhedu ecamanamo jadäiñe tönwano cönnöicho oveja natatadö coomo. Tönoiñe Tönwano cönnöicho yawä yä mönatata cönöatodö. Tönwano amunche cönöicho mma cawoto hamea jödö jonno mma cawoto Hananeel jodö jona todöene. ²Yawané cönetadawacojoicho danwacomo Jerico ñancomo, cönetadawacäjoichea zacur imri nedö.³Senaa nacomo mönatata cönöicho na´cwano tätö. Tönwano cönajoi´jocho mönatata töije iñuju´tojo cönöichodea. ⁴Meremot mane cöconecai yäjato cönäjadö, töwö cönäjacä Urias nedö, cos nedö. Mesulam yäjato cöconecachea. Berequias nedö towö cönäjacä, Mesezabeel nedö. Yäjajato mane Sadoc cöconecai. Baana nedo töwö cönäjacä. ⁵Tecoita como mane yäjato cöconecaicho dea, yawane cajichanacomo tödöseda cönäjato ñanno emencanamo woije.⁶Joiada, Paseah nedö, Mesulam mmaja Besodías nedö jenadojä mönatatacomo ajoijotojo maja. ⁷Yajejata mane Tönwano Melatías Gabaonita weichö, Jadón Meronotita weichö, Gabaón Mispa ñano sotoije cönäjato, cönconecacho tameda mänsemjono tuna cajiichana wejatatajä cönäjadö enwawaiñe.⁸Yääjejato Uzie, Harhaía nedö oro chonecanei, cöconecai, töwö chäjadä cönajacä Hananias, Jushimijotojo amodenänei. Tönwano cönöicho Jedusadeñano amunche yää múdu tajujuñe naichö wacä. ⁹Yääjeje mane Refarías, Hur nedö cöconecato dea. Töwö cönäjacä cajiichana je Jedasadeñano anaicho cwaca. ¹⁰Yää jejato mane cönäjacä Jedaías, Harumaf nedö, cönconecato tön maichomo dötä. Yääjejato Hatús cönconecaichea Hasabnías nedö.¹¹Malquías, Harim nedö, Hasun mmaja Pahat Moab nedö cöconecaicho aneja daja, mma cawoto Hornos ñano. ¹²Yääje´jeto mane cönäjaca Salum, Halohes nedö, Jedusadeñano annacho cwaca yedatocajodö cajiichanaje cöconecaicho tamedä tönnacomo wodi ñamo Jadaiñe.¹³Ñadö Hanún zanoa ñancomo jadäiñe cöconecaicho zanoa womontojo natatadö. Tönwanno cöconecaicho möna tata cönajoichodea inñujutojo cönjodutä jtöichodeayawa. Tonwano cöconecaichodea tooni mide cwaca nue amunche Muladar natatadö Jona tödoene.¹⁴Malquías, Recab nedö, yää jata esetänamo Bet-Haquerem ñano Muladar natatadö cönconecai. Töwö cöconecachea yää mönatata connäjätäi töije cömjodutäjätäi ajoijotojo mmaja. ¹⁵Salum, coi Hoze nedö, Jata Mizpa ñano cajiichanachädö, cönnöi tuna wejacatojo natatadö. Töwö cönä jätäi tameda yää mönatata como iñujutojo ijädu´tojo maja. Töwö dea cönäi Siloe mu´du como cajiicjana natödö ñatötaäja dötä, amunche David jatajödo jona tödöene.¹⁶Nehemiás, Azbuc nedö, Caiichana Bet Su Jata annacha´cwaca ñesetädö, cöconecai chea David ewadö cadeda wajäntä do Jonane, Tuna wejacatojo töcajä ñanno soto nödöcomo, Danwacomo Jodujacomo esadöcomo jona tödöene. ¹⁷Yääjeje töwö je, tevitacoomo cönconecaicho, ñädö mmaja Rehum Bani nedö, canno´jeje, cajiichana Hasabias Jata Keila ñano annacho cwaca cönesetacä, yää jata.¹⁸Töwö jeje cöconecaicho yäjimmätädo, Bavai, Henadad nedö, cajiichana annachocwacä Jata keilañano esetänei. ¹⁹Yää´jeje cönächea Ezer, Jesúanedö, cajiichana Mizpa ñano, cöconecacheea yawä aneja arsenal woncudö dötä cönäjadö, mu´du ijuntaijäcä.²⁰Yää je Baruc, Zabai nedö ashichato cönnöchea, múdu ijjuntaijacä Eliasib mmai jona Tödöene, nädä wanontänä adheu ecamanei. ²¹töwö jeje, Meremot, Urias nedö, cos nedö, cöconecaicho tooni daja, Eliasib mmai iñatataö jonna Tödöene.²²Yääje cönöichea ñanno wanontänä adheu ecammanamo daja, ñanno sooto Jedusadeñano jata awedecäcä cönajatodo cöconecaicho dea. ²³Yääje´je Benjamin daja Hasub mmaja cöconecachodea tönmaichomo döseiñe daja. Canno jeje Azarias mmaja Maasías nedö, Ananías nedö, cönconecaicho dea tönmaichomo dötäeäiñe. ²⁴Yääjeje Bunúi, Henadad medö cöconecaicho dea aneja daja, Azarías mmai jonno cudada múdu ijuntai jonna tödöeñe.²⁵Palal, Uzai nedö cöconecaichodea dojudu juntai jona mma cawoto wadadädä cahiichana mmai, ñadä imai edachänei nonodö jadä cöconecaicho. Yääje´je Pedaias faros nedö cöconcecaichea. ²⁶Eduuwa ñanno danonöcoomo wanaadi Yademetojo tacancoomo Ofel ñandcomo cöconecaicho dea mma cawoto shii wejacatojo döse yää tuna natatadö jona todöene. ²⁷Yääjeje Tecoítas coomo conconecaicho aneeja daja, mma cawoto aneja döse, amunche Ofel mu´ddu Jona tödoene.²⁸Ñanno wanaadi adhedu ecammanamo cöconecaicho dea caballo natatadö jona tödöene töwadöiñe tönmaicho dösenñe. ²⁹Yääje ma yawä, Sadoc, Imer nedö cönconecachea aneja daja tönmai döse. Madaje Samaías, Secanías nedó, mönatata shii wejacatojo döseno edachänei, cönconecachea. ³⁰Yääjeje cönnöchea Hananías, Selemías nedö, Hanún mmaja tooni amoojato Salaf nedö, aneja daja cöconecachea canno jeje daja Mesulam, Berequías nedö cöconecachea tömai dötä.³¹Yääjeje, Malquías, oodo chonecajänei, cönnöchea ñanno wanaadi adhedu sotoi mai chomo dötä, wätäti´jatojo dötä mmaja ñanno edachänamo dötäcäine, imaichomo sudadawa ijuitai dötä tödödoene. ³²Ñanno oodo chonecanamo, ejemojonamo mmaja cönconecaicho tönmaichomo sudawawä ijuntai dona dötä oveja natatadö mmaja coconecacho dea.

¹Yääje'ma yaawä Sanbaat cönetai imudduiñaa wä tödödö. yaawä tötaca tojodhene yätömadö cönejä, Judio e'tanatäjätödöcomo cönajäntäi yawä. ²Tocontomo netadöje Samaria ñancomo töwewänätamo netadöje masa, töwö cönädöacä: ¿anecämö canno jadajemjöncomo Judíos nödöanto? ¿tönwanno dea'ca jata chonecajai naicho? ¿täjemjönö ujaicha nöchötanto? ¿toni anoto ca tadawaju äcajai naicho? ¿tameda iyä taju dhatuajä enejaicha naicho? ³Näädä tobia amonita weichö yätä cönäjacä, cöna döacä: "odocajato wänucajacä mma imu'ddui namäatodö dewä tamedä educajaiña yawä." quee cönädöacä.⁴Wanadiyö, Etaca Eduwa, ñeaa ennojätödö madäje maja inñacacäde yääje maja ucäde tamedä jedesu nonodöcomo dewonno töjacanöjamoje yeichocomo. ⁵Conemjönö inñodöcomo manetonetäi, chonenadiyöcomo maja moncoicaichede adhemjatawa nadö, tönwanno ñejodöjodöcomo ne mädä yeiyayä amännamo döiña tötätöcomo. ⁶yawä tamedä chänönge tödöe cönäjacä tödöse töweichöcomo quene soto tödöetöda iyä tadawaju.⁷Yawäne ñanno sanbalat, Tobia, Arabe maja, amonita weichö mmaja, Asdodeo maja. Jerusalén ñano töwwaiñe eta jäcä töwwädäiñe cñnätömaicho yawä. ⁸Tujuum cönojodoicho yawa ñaa juntacadädä töwajadatadöcomo weta, cönejooto yaawä Jerusalénñancomo jaadä ewänata ashichu däine mmaja. ⁹Yaawääne töcajichanai Wanaadi wä ñaa cönadewwöi, chajannoiñe tädachanei suddau ñaa cönetai yaawä, ano, coijai maja ñaa jäcä coneda yeichom jäcä.¹⁰Yääjeje ñanno Judá nancomo soto cönädäato: tödöjä adännamo jäduducomo nejäduquca, joje deja nosajato nadea, ñonge maja iyä imududui tödöjaicha cato. quee. ¹¹Ñanno cutudetännamo cönnädöato: tönwanno dhowanäcaineda notode, aneneda maja natodede. yönñanñe cöötädöcomo wacä cöjaatode yawää, mädäje tadawaju que dennanöjatode, que cönädöacä.¹²Yawä iyä cönejadäadawä, ñanno Judio como amancheda yejatatacom cönäjatodö tamedä cönejoto töjatadocomo wadäi wannade ñaa'wa cönadeuwöicho amojadoto. cä wacä (Diez 10) ñaa awajo töwejadäemo jäcä ecammancädä. ¹³Yaaje yeijäcä soto wennojaneto yawa iyä imuddui tönonñato owawä. yawä yäjimmatädö como wadi wajäne iyä yaichadöcomo, sucuji shimada maja. ¹⁴Waje dennacane yaawä wanönne dea ñanno chanöngacomo wäiñe wädöaquene ädhamo wäiñe maja, tamedä jatawoncomo waiñe maja, "tösadeda eichäcä. "awanadiyöcomo atotajatodöcomo aca tödötäcä, ñada yatonnojenjonö. äwäjimmatadocomo jacanchadäne adhewanatatacä, annacontoncomo maja, ajinñantoncomo maja ajatadöcomo jäcänchädä maja.¹⁵Yaaje ma yaawä ñanno ñaa tudetännamo cönetaicho iyä tödöemo tödöaja cönajadö. Wanaadi mmane ännöjoda cöneiyacä, ñaa cönennacaichea yawä ñaa wä tödöemo tödödö wetä. ¹⁶Yaaje yeijäcä annaicho'ca waä sotoi cönetadawacajoicho, iyää muddui tödödö jäcä annaichocä wacä maja töwaichadöcomo sucuji, shimada dhame cönäjato, tamedä judanñancomo wäjimmätädö cadhedä.¹⁷Yaawä ñanno imuddui jäcä töwetadawacajamo'dea, tödöajä adätame töwwaiñe, töweichöcom cönedachato. tamedä tönwanno conetadawacajato toni tamädöcomoque, toni tamädöcomoque quene töwa'chadöcomoque conadachato. ¹⁸mädäaje ñanno iyä amannamo cönetadawacajaato töwaichadöcomo tödötäiñe, janacwa etönöimane öwö döta cönajacä.¹⁹Yawä öwö wädöaquene ñanno chänöngacomo waine, suddau adhajotoncomo waiñe maja, tamedä jatawoncomo waiñe maja. tadawaja adaijä na atamejaicha maja, töudäjeiñe cato quijimmotoncomo jäcä amoiche maja. ²⁰Tamjane äsecatäcä yätä janacwa äwwaiñe nätadö döta awejummadöcomo wetä. cöwanadiyöcomo cöjotatode.²¹Madäje maja ñaa tönnöe cönajadea annaichocäwacä sauda dhame cönäjato yawanadö jonnotojödödä shidiichä wejacadö jonane. ²²ijatadöcomo wadai maja wecammanedea: "chawadäiñe osotoichomo dhanwancomo tödötäcä, Coijaicho ijadojonnamoje Jerusalénñano nonodö dewä chawwaiñe Cadachadocomo weta ano Coijai maja. quee wadöaaquene. ²³Yaaje yeiyäcä tameda öwö jadäjödödä yacontomo maja, sotoi maja tameda jadoncomo wämannäjödö maja töwomöcomo äncamjiacada cöneiyato töwadaiñe töwaichadöcomo tönadä ñaa cönäjacä, tuna wötammada ñaa wötätame maja.

¹Yäjemma yaawä ñanno dhanwacoomo tööjinñantomo jadä cönanmöicho töwwänñe ada'jä e'catädö wetä ñanno töjiimmä judiocomo. ²Yäjemma yaawä yätä cönä'ja'to dhataí yätä cönädö'to: cöönwanno cönnaconto coomo'ja tönwanno mudeshi. mädäje cödööjato töweiye cööweichöcoomo wetä äwanshi mädäje yätädä eijai cato nudä. ³Tööweiye anejacoomo mmaja cönäädööa'to de a: "cönwano cönatödöcoomo uva ejo" yä cönwano cönmaichomo taca töweiye äwanshi eijaiña mädä ämi Wadädä.⁴Anejacoomo mmaja cönädönä'dö'a'to: tödöjaiñe'caato jodata e'catödö mädä ejematojo cajichana wäcönonodöcoomo de'wä yäcönwanno cönatödöcoomo uva ejö. ⁵Chäwa'cä'daadea shomajäna cönwanno cujucoomo yäcaguíyöcoomo mmaja. mädäjemmaja cönwanno quijinmoton coomo cönwanno cönnacomo cönnacontoncoomo mmaja mädäje jeinñema tanontämöje. ahantai cönnacontoncoomo yäje tönwanno cönwanno cökädududdcoomo niwa'tato'de yaawä. anejacoomo dhanwacoomo wä yeiyajä cönonodöcoomo yä cönatödöcoomo uva ejö.⁶öwö wäjaquene joje töwätöma wä'jaquene. yaawä wetaquennawä adaijä cöneca'acä edä a'deuque. ⁷Yaawä tö'ta'jäa'quene mädäjeconno cajichana coomo wäiñe. wädöaquene chäwäiñe" äwwanna meca'ato inchana'cadöcoomo. chäwäiñe töjimmä Wadai mmaja. yäje wejummanä wödöjone chäjadaiñe ijuntacaiñe. ⁸Yaawä chäwwäñe wädöaquene: cänwannone tödöjai cato, eduwanw que'to ñange tödöe tanontamoje cöjimmotón coomo Judios jadaiñe. ¿änäcä cönejamajoi cönonodöcooma ane'cotojo ejemajojai adhacontomo ajaduichomo täjemaje naato tönwanno täjemajo naato cöjadäñe? tönwanno cänäja'to äucwätä'da anedantäda cöneiya'to töwade'utäcomo ecammatoj'je'da.⁹Edäje wädöa änwanno mödöato hashichatojönö mädä. mädäjedane täjai cato cöwanaadiyöcoomo onotädane tamedä nono weichö wa'ca tätana'täda cöweichöcoomo wetä, cutudeton coomo wäiñe. ¹⁰öwö yacontomo mmaja yanonäje natodö mmaja jädata tuneña wenene, chäwashiñöcoomo mmaja. yä inchana'cadö ännöjödada ñawenene chäwäiñe ña nutu'jödö. ¹¹Yä anoto awädeamma iñacacä ñonodöcomo, uva ejöö ñatötätojo olivia ñatötätojo, imaichomo mmaja. mädä jödata nichana'cadö mmaja äwanshi, vini eduuwato mmaja yäshimi meca'tänedö.¹²Yäjäje tönwanno cönädöa'to: ña ninca'de yäña cöneichö chowonoiñe, ämjamma'da ñanna'de. mädäje ña nödöa'de wanontänä nädöadöje mädöatodöje mmaja. ña näcamma. ¹³öwö mane wätumane mädäje wecammane jimmä wäiñe wödöaquene: Wanandi wä cutumacä jädaje que, ämmaichaconno mmaja mädäje na'de ecammacä tamedä dhacwacoomo wä yätädädane nödöña'to ecammaajä tu'emö: nichu'mañatone tasedammaja. tamedä wejammanawä cönäacä "amen" que cönädöato töwanno cönwa'de me'cato cajichana. ñanno soto cönnöncho yä anoto aeä wötänedawä.¹⁴Mädaje wo'nomjono yäanoto awä wötänedawä mädä mecammadö yowanäcä cönädi cajicha nonodö Juda, yä wedu(toni soto yeicho aduuwä soto weda tödöene) nädä cajichana Artajerjes töwö (doce añi amojadäto de'wä acä), öwö yacontomo mmaja äwashinchäda cöneiya'to tödöse'dane cajichana yeitöda. ¹⁵Mädaje jenadä cajichana cönäjoto yowajä cönnö chodö taminñato tönaadä cönäjato soto de''wäiñe tönajoijo cönäjja'to ñanno,(cuarenta acä soto) yawädhe möjödö jödata ijadajoyöcoomo anoto Wadäi chäwashiñocoomo yä vino. shotoichomo deamma coneda cönnöicho jata. öwö mane anöda, weiyaque tönonñe Wanaadi weneaque. öwö nane wetadawa'cajonojeda.¹⁶öwö mane wetaaduwa cajonojeea wäjanä yä mu'ddudu jäcä. Nono anejamada ña cöneiyacä. Tamedädä töwetadawa'cajomo ne'jumaicho yätä wetadawa'cajonä yaawä. ¹⁷öwö mesai de'wä cönäja'to ñanno judiocoomo cajichana dösencoomo, (ciento cincuenta a'cä amoojato sotoodo de0wä amoojadä). ahacwa coomo, yäde'wäm maja ñanno cönejoto ña mmaja jata awädhecöcöncoomo.¹⁸Eduwamane nato chänögee tödöe ñanno buey cönaja'to anoto waadai,(seis ovejas toni amojato oveja)cönäjato e'caa'coomo tadinñamo mmaja, (cada 10 dias, amoojadä anoto waadai). tomedä yeichö wa'cä vino joje töweiye cönä'jacä, yäje yeichame tamedä öwö yoije'da ane'catäda weiyaque yaawä, mädä cajichana ewaashiño wäja'adetööjodö, ane'cotojo jojedeja töneca'e cönäja'to, jojetätö jata ejodheene mmaja. ¹⁹Tötäjätödö aca eichä amädä Wanaadi, Aashicha weiye, tamedä wödönedö edä jata jäcä que cönädöoca.

¹Edwwa maane Sanbalat, Tobias Gesem mmaja Aranbe töwö. Tameedädä cäwwö'seiöe naatodö cöneetaicho iyää mu'duudu wödöönedö, ädetö'da cöneiyacä toni'chä äsä conemjönö, ännö'dadea wäjaquene mönaaatatacoomo. ²Sabalat Gesem mmaja, öwadädä connenojaicho ta'deu jocomo cönädöato ätäcä yäätä coojedötäiye, acaanajato awä töngwanno cone'da yödöjo'se cönäja'to.³öwö wadoojone ya'deddu ecamanei chäwadääiññe edäje wädöaquene: öwö tödödöje wa tadawaju aja'fäiñño, ä'täjai cha wa yaawä. ¿änecäme'nei que'ja amoichene mädä yeiyajä tadawaju mädäje yeijäcä ä'täjaicha wa ädöiñaññe?. ⁴Töngwanno cönennojaichodea iyäädea ta'deujocomo aacäicheade, öwö maja wecujä'netodea dha'deujoco nöng'e dea.⁵Sanbalat tanonñ cönenno'jai öwadäädä ijaatodeato, iyäädea ta'deufödö, jajeda imennajä ta'duque'da chängwawä cönäjacä. ⁶Edäje imennajä cönä'jaca: Gesen maja mädäje nädöadea ämädä, Judhio coomo maja chäbög'e nä'döato, mädäje yeijäcä mu'duudu tödöje naato. Mädääje necamajä'ato, ämädä ma'de chajichaanaicho moje.⁷ämädä maja me'tänedea Wanaadi a'deddu ecammajä'neije, äjäcä ecamajä'namo Jedusadén ñä edäje mä'döäquene: ¡töwiyena cajichaana Judha weichö! ämädä tödöjaima, ñadä cajichaana etajätöiye ecamajätödö, yääje yeijäcä nä'dewö ña'to tumjumadöcomo woije töwääiññe.⁸Yää jema yawä, öwö waadoojonedea ya'deujödö chäwadäädä wä'döaquene "A'quena iyää ämädä mä'döadöje'da, wädöaquene " A'quena iyää ämädä mä'döadöje'da, adhaewanñ jonno ne'adö iññamäsäto mädä, ⁹Tamedäädä mädääje tödö'se cönä'jato tösa'de cöwichö como wetä, tö'tajätödä mäda: "Töngwanno nijaamato tadawaja e'nonjadö, tödööe'ga yeichö weta". Edwwa mane Wanaadi nu'a fäädudu.¹⁰öwö wötääne Semaias mai chaaca, Delaianedö tömai chaaca. töwö cönä'döacä: Ma'chomo que'jumatäiye Wanaadi mai döiñña, comontäiye Wanaadi mai döiñña, comontäiye Wanaadi ya'deme'tojo taca, ca'duwato dea mönaatata yaawä, töngwanno ne'ato ädheema. ¹¹öwö wecajäne:"öwö nöngato dhangwa änejejai na, äñwjejaicha maane wa yaawä, ¿omomja' waadö'je Wanaadi ya'deme'tojo taca nudä wichö weya? omoomö'da maane wa'de.¹²Weichö'tame'ne maane, Wanaadi jönö cönaanontäi, töwö yeecanö'jone jäcä cone'da yeichö wetä Tobiass Sanbalat acä mädä cönnöicho. ¹³Töngnno cönnöicho mädä, tösa'de weichö wetä, ya'dewödö nöng'e tödöödö wetä öwwä, conemjönö tödöödö weta maja. , mädäje töngwanno cone'da yödöjo'se cönä'jato, mädä ai quimajätö'se cönäja'to. ¹⁴ätö'tajätödö ai wene'neto Tobias Sanbalat maja, öwö Wanaadi yö. töngwanno tamedäädä cönnöichö maja. Mädäje Noadias wene'ne ätö'täjä tödö ai Wanaadi a'deddu ecamannamo ashicha cönnöicho.¹⁵Mädäje cönä'cai mu'duudu tödöödö toni sotootode'wä ijaatodea yeichö, Elul jäcä, aacä sotooto de'wä, amoojadä to de'wä acca yeichö. ¹⁶Yäje ma yäwä, tamedäädä cäwö'seiññe naatodö wa'cä cawoodecäcäiñe näätodö töwäcätonca cönäja'to. Töngwanno cönäcamjöicho aja'ufä töwichö como töwwädäiññe. Edäje yaijäcä dhowaanäcäiññe. Edäje Yeijäcä dhowaanäcaiññe cönäjacä tadawaja tödö'jödö, cöwaanadi yö como ni'watädöje.¹⁷iyää anoto awädea, ñanno Judha weichö ashicha'como, jooje jajeeda aimennajä cönenno'jaicho Tobias wadäädä, Tobias nimennädö maja cönädöichea chäwadäädäiññe. ¹⁸Yää jema yawä, jooje cönäjato judha weichöcomo yäätä chääjdä cajichanaje yäwacadawä, Secanias ijannödöje töwö cönäjacä Aranedö. Johanán nedö töjiiñaamoje cönnöi Mesulam nedö Berequias nedö maja. ¹⁹Töngwanno maja cöna'dewwöichodea öwwä, ashichato tötaadawajuichomo jäcä cöneecammaichodea öwwö ya'deufödö chäwwä, Tobias nimennäjödö cönaadojaicho öwaadääda yecatoncädö wetä.

¹Yawä cudada (muralla) tödödö yäcajäcä öwö mönatata wödöjäne yaichojjo dñtä, iyä Waadäi cönajato edachänamo, yotonno wetäneeto ñanno töwecantañamo Levita maja. ²Jerusalen ñamo edajäje wewacane weichacomo Anani, A.nanias Acä, töwö cönäjäcä maaatäncjucato edachäneije, dhawa tönonñe änenei cönäjäcä Wanaadi ñontänöi maja.³Edäje wädäaquene chäwäiñe:"Jerusalen naño natatadöma Manaducatäche shiwatundö jonane, yätä mönatata Edachännamo Wichawäiñe, chänöng'e adutäcäde mönatata täijemmaja. Jerusale ñanno anetätäcäde sudadawojw, sudadawo Wichocomo acammaja, dhantai tödötäcäde ämmachomo jetaca ". ⁴Edä jata cönäjacä inchomo, adaijä maja, jojeda mmane cönäto iyä jatawä Jojedamma cönäjacä maa chonecajä⁵Wanaadiyö öwä cuntui Ashichacomo soto ijummatocomo, sudadawo Edajotoncomo iyä jatawoncomo chätöcomo imennädö watä yäminmätädö wadöi. öwö wedantäne Jajeda jenadojo imennajä iyä aca cönäjato awaadennacomo yennacajocomo etö, edäje cönäjacä iyä imennajä wädödö.⁶"Edä" Jatawoncomo soto cänätucaicho conemjönö acanno, ñanno Nabucodonosor, cajichana Babilonia ñanno enwawä cönäjatodö. tönwano cönennacaicho Jerusalen ña, Judaña maja, töjatadöcomo wadäi. ⁷Tönwano cöncnnacaicho Zorobabel, Jesúá, Nehemia, Azarias, Raamias, Nahamani, Mardoqueo, Bilsan Misperet, Bigvai Nehum, Baanañan como maja, Edäcwacä conäjato dhawacomo ñanno Israel nonodöcomo acancomo⁸Paros wäjimmätädö, cönajato dos mil ciento setenta y dos. ⁹Sefatias Wäjimmätädö cönajato, trecientos setenta y dos. ¹⁰Ara, wäjimmä cönäjato seisciento cincuenta y dos¹¹Pahat Moab, Wäjimmätädö wojodöacomö cönäjato dos mil ochociento dieciocho. ¹²Elam, wäjimmätädö cönäjato mil docientos ciencuenta y cuatro. ¹³Zatu wäjimmätädö cönäjato, ochocientos cuarenta y cinco. ¹⁴Zacai wäjimmätädö cönäjato setecientos sesenta.¹⁵Binúi wäjimmätadö cönäjato seiscientos cuarenta y ocho. ¹⁶Bebai wäjimnätädö cönäjato, seiscientos veintiocho ¹⁷Azgad wäjimmätädö cönäjato, dos mil trescientos veintidos. ¹⁸Adomicam wäjimnädö, cänäjato seiscientos sesenta y siete¹⁹Bigval wäjimmätädö cönäjato, dos mil esenta y siete. ²⁰Adin wäjimmätädö conäjato, seisciento cincuenta y cinco. ²¹Ater wäjimmätädö Ezequias wäjimmätädö cönäjato, noventa y ocho. ²²Hasum wäjimmätädö cönäjato, trecientos veintiocho.²³Bezai wäjimmätädö cönäjato, trecientos veinticuatro. ²⁴Harif wäjimmätädö cönäjato, ciento doce ²⁵Gabaón noventa y cinco. ²⁶Belen, Netofa wäjimmätädö conäjato, ciwnto ochenta y ocho.²⁷Anatot Jadäncomo cönäjato, ciento veintiocho, ²⁸Bet Azmayet Jadäncomo cönäjato, cuarenta y dos . ²⁹Quiriat Jearim, Cafira, Becrot Jadancomo cönäjato setecientos cuarenta y tres. ³⁰Rama, Geba Jadäncomo cönäjatoseicientos veintiuno.³¹Micmas Jadäncomo cönäjato, ciento veintidos. ³²Betel Jadäncomo, Haijadäncomo maja cönäjato, ciento veintitres. ³³Aneja Nebo Jadäncomo cönäjato, cincuenta y dos. ³⁴Aneja Elam nonodö dewoncomo cönäjato, mil docientos cincuenta y cuatro.³⁵Harim Jadäncomo cönäjato, treciento veinte ³⁶Jerico Jadäncomo cönäjato, treciento cuarenta y cinco ³⁷Lod, Hadid, ono Jadäncomo cönäjato, setecientos veintiuno. ³⁸Senaa Jadäncomo cönäjato, tres mil noveciento treinta.³⁹Sacerdote weichö: Jedaias (Jesúa maa chacacomo ) wäjimmätädö conäjato, novecientos setenta y tres. ⁴⁰Imer wäjimmätädö conäjato, mil cincuenta y dos. ⁴¹Pasur wäjimmätädö cönäjatu, mil docientos cuarenta y siete. ⁴²Harim wäjimmätädö⁴³Canño ñanno Levita weichö:Jesúa wäjimmätädö, cadmiel wäjimmätädö, binai wäjimmätädö hodavia wäjimmätädö, Binui wäjimmätädö Hodavia Wäjimmätädöcaanno wojodöacomo cönäjato setenta y cuatro. ⁴⁴Cantante wichö: Asaf wäjimmätädö cönäjato ciento cuarenta y ocho. ⁴⁵Salum wäjimmätädö, Ater wäjimmätädö, telmon wäjimmätödö, Acab wäjimmätädö Hatita wäjimmätädö, sobol wäjimmätädo, canno wojodöacomo cönäjato, ciento treinta y ocho.⁴⁶Wanaadi yademetojo Acancomo wetadawacajadöcönäjato: Ziha wäjimmätädö, Hasufa wäjimmätädö, ñanno tabaot wäjimmätädö, ⁴⁷Queros wäjimmätädö, Siaha Wäjimmätädö padón wäjimmätädö. ⁴⁸Lebana wäjimmätädö, hagaba wäjimmätädö, Salmai wäjimmätädö. ⁴⁹Hanan wäjimmätädö, Gidel wäjimmätädö, gahar wäjimmätädö maaja.⁵⁰Reais wäjimmätädö, REzin Wäjimmätädö necoda wäjimmätädä. ⁵¹Gazam wäjimnätädö: Uza wäjimmätädö, Paseah. ⁵²Wäjimmätädö, Nefisesin wäjimmätädö maja.⁵³Bacbuc Wäjimmätädö, Hacufa wäjimmätädö, Hacufa wäjimmätädö, harhur. ⁵⁴wäjimmätädö Bazlut wäjimmätädö, mehida wäjimmätädö, Harsa wäjimmätädö, ⁵⁵Barcos wäjimmmätädö, Sisara wäjimmätädö, tema. ⁵⁶wäjimmätädo; Mezia wäjimmätädö hatifa wäjimmätädö.⁵⁷Salomon Sotoi wäjimmätädö: sotai wäjimmätädö, Soferef wäjimmätädö perida. ⁵⁸Wajimmätädö, Jaala wäjimmätädö, Darcon wäjimmätädö, Gidel wäjimmätädö, ⁵⁹Sefatias wäjimmätädö, Hatil wäjimmätädö poqueret-Hazebaim wäjimmätädö, Amon Wäjimmätädö. ⁶⁰Tameda ñanno Wanaadi yademetojo acancomo wetadawacajodö, ñanno Salomon sotoijödö wäjimmätädö cönäjato, treciento novengta y dos.⁶¹Canno soto cönomomöcho, Tel-Mela ñancomo Tel-Harsa ñancomo, Querub nancomo, Adon e Imer ñancomo maja. canno anedantäda quene yato, Israelita como wäjimnätädöje yeichöcomo: ⁶²Delaia wäjimmätädö canno cöñäjäto 642. ⁶³Canno cönäjato sacerdote wäjimmätädö: Habaia wäjimmätädö maja (töwö cöng' nöi töjinñaaatomoje Baziläi, de Galaad nacomo mädäje chätöjoi cönetäjätöcho).⁶⁴Canno aque cönäjato imennajä acada dhadaijocomo jonnoto jödödä, tönwänno anedantäda coneito. Mädäje yeijäca cunucaicho Wanaadiwä töwadeuwamo yeichöcomo jonno, conemjocomo yeichöcomo jonno, conemjöcomoje cönnöocho. ⁶⁵Edäje caajichana cönädöacä cannomma Anajöjoicho de Wanaadi wancomo wadewödö ewanshiñö Ewanshiñö iyä sacrificio jecönäjadö, aneja Wanaadi wano wadewödö, wejacadö cwcz töwö nödöade urim ,tuminche.⁶⁶Cuarenta y dos mil trecientos sesenta Wejummanä chäwacä cönäjacö. ⁶⁷Shotoichomo Jadänñeda, edä ewacä cönäjato siete mil trescientos treinta y siete. tönwano chäjadoncomo cönäjato cuarenta y cinco wodinñamo töwecantañamo.⁶⁸Chäcönöcomo(caballo) conäjato treinta y siete cwacä, mulas mane cönäjato, dosciento cuarenta y cinco. ⁶⁹To'cwacä, chäcönöcomo camello mane cönäjato cuatrociento treita y cinco, chäcñnñcomo burro mane cönäjato seis mil setecientos veinte.⁷⁰Dantai cajichana'je cönäjatodö täjemmjönö cuntucho tadaijöchon'como nödöjödö wetadawacajoto'joje cajichana(gobernador ) mane cuntui täjeto, mil to'cwacä jödata odo'jato, cincuenta nono Amodenajä, quinientos treinta Wanaadi wä wadewödö'como womöcomo. ⁷¹Dantai adhamo täjeto cuntucho tadachon'como Jödataijöcomo tradawaja tödöto'joje, veinte mil jödata odoje tödöajä, jödata mane cönäjacä dos mil dosciento to' cwacä. ⁷²Jatawon'como cuntucho veinte mil jidatato cwacä odo, dos mil to'cwacä jödata'je, sesenta y sietes cwacä Wanadi wä täwade' wamo Womöcomo.⁷³Mädöje ñanno Wanaadi'wä towadewamo, Levitta mmaja, mönata edächänamo mmaja, töwecanta'ñamo maja, Jata woncomo maja, Wanaadi yademetojo acan'como wetadawacajodö'como mmaja, mädäje Israelita como cönnöjätöcho töjata' wäiñe. acä amojato'to nunä wichö Israel cönejata'toicho töjatawäiñe

¹Tamedäädä yää jatawoncomo tooni ijujä cönejummaicho yäätä yeichojo dötä tuna natatadö je'etaca. Edäääje Esdraswä cönadöato ene'cä yää jajeeda wanontänä Moisés nimennäjödö, yää Wanaadi nutuudu Israel wäiñe. ²Yaawä aacä amojato nuunä wajäitädawa, Esdras cönnejä sacerdote töjadä yää wanontänä dhame yejummadöcomo owajo, ñanno dhanwacomo woodiñamo mmaja tamedäädä chäuwäñe etadö wetä mmaja. ³Mädäje töwö connön töweichojo tuna natatadö taduquemjönö jetaca, cönädetäi yaawä jenadäneto jonnotojödödö änunacäi shii tädöene ñanno dhanwacomo, jetacaiñe woodiñamo mmaja anejacomo mädä mmaja etaíyeto. Tamedäädä soto cönetaícho yää jajeda wanontänä imennajä.⁴Yää jatawä wadetojo tödöajä cönäjadö dewä Esdras cönäcui yää imennajä dhame yää jatojedea yäää tödöajä cönäjacä, Sema, Anías, Urías, Hilcías, Maasdías, mmaja, amudemjönö döse cönäjato Pedadías mmaja, Misael, Malquías, Hasum, Hasbadana, Zacarías, Mesulam mmaja ämudato döse daja yannögacomo cönäjatpdea. ⁵Esdras jajeda cönaducai tamedäädä soto nenedöcomoje, yaawä töwö soto ejodheiñe yanöngajä cönäjacä yaawä chäuwä aducajäcä tamedäädä soto cönammöcho.⁶Esdras cönädöacä chänöngena ojodhato Wanaadi tamedäädä soto tamädöcomo nannäjöicho neccujätöicho dea: "¡Amén! ¡Amén!" Yääjemma yaawä amädä chajichana Wanaadi awademecödöje notommojätöicho töjedöcomo que noono Wadäädä que cönädöacä Esdras. ⁷Jesúa, mmaja Bani, Serebías, Jamín, Acub, Sabetai, Hodías, Maasías, Kelita, Azarías, Jozabed, Hanán, Pelaías levitas como mmaja cöniwatoichodea yää jatawoncomo wanontänä etadö jäcä, töweichocomo döta soto yeichameiñe. ⁸Cönadetoícho yää jajeda cajöichana Wanaadi, wanontädö, chanönge tödöancädä ecammadö soto waiñe ashicha adetädö etadö wetä.⁹Nädä acushana Nehemías sacerdote Esdras mmaja ñanno levitacomo wäiñe cönecamjäato soto yätä cönäjatodö waíñe, mmaja edäje cönädöato soto waiñe: "Edä anoto ashichato cajichana Wanaadi anotoichädö edä. Wentumjeda eichacä amoda maja. " Yääje yeichame cönamoato wanontänä etajäcä. ¹⁰Yääjemma yaawä Nehemías cönädöacä chäuwäñe: "Ojoncomo, töcacato mänätäiye tacwötödhato anajäichäcäde, anadojotäcäde ñanno anejodöda natodö waiñe, cöwanadiyöcomo edä anooto anotoichädöje yeijäcä. Wentumjeda eichäcä, cacwaníyöcomo nua cajichana cöwanaadiyöcomo cöjädutänei chomoje mmaja nadea.¹¹Yääjemma yaawä ñanno levita soto äuwätäda cönnöjoicho cönädöacä: "¡Äucätäda eichäcä!" Ashichatone yeiyaja edä anooto. Wentumjeda eichäca." ¹²Tamedäädä soto cöntonto tämadöcomotaí äwashinchä, töwocödöcomo cönenächodea tumjummadöcomo wacä cönäwashinchäicho mädäje cömjadojoicho, jooje cönäwamecöícho töuwäine etajödö weíjäcä yää tacammamö.¹³Aacä anotoao ñanno ädhamo como jenadojäcomo jimmotoncomo mmaja tamedäädä soto, sacerdotecomo levitas, como mmaja, cönädöicho tujuuma Esdras, töwä cönmennäi ashicha yätadö wetä yää wanontänä. ¹⁴Tönwanno cönedantoicho wanontanä imennajä Wanaadi nichonecajödö Moises ai yää Israel jatadöcomo yäätäne eijai naato wäwadiñänäjene aacä amojato nuunä tocä waacä. ¹⁵Mätäne eíjai naato e'canamojene jatacomo Jedusadenña, nadöcömo edaje ädoyai nato: "Ojoncomo chutaca awennacadöcomo awä ännetäcäde olivo ajädö yää olivo chutacano, chäjedäödö mmaja (mirto) chuuta ännetäcäde dee adaijoto weichö edä imennajä wädödö nadöje."¹⁶Soto cöntonto cönennacaicho yaawä yää dhajädocomo dhame yäätä cönnöjätöicho tömmaichomo cänämäjätöicho tönonodöcomo dötä amoncheda Wanaadimai dötä yeichojo dötä tuna natatadö jacä amonchea Efraín dodoi dötä mmaja. ¹⁷Tamedäädä yejummacomo cönäjatodö töwennaca cönäjato cönnatötoicho yaawä tömmaicho cönamäjätöicho yäätä cönejatatoicho, Josué weijocomo dötä dea nädä Nun nedö yawotojödödä soto äwademecöda cönäjato yääje mane adaijoto acwani cönäjacä.¹⁸Yotonno yaawä anoto wadäi awedene yajäntäjödö jonnotojödödö yäcadö jona tödöene, Esdras cönadetäi yää jajeda Wanaadi ade'udu. Yätädä cönäwademecöicho aacä amojato anooto aduuwawä amojato anoto cönejummaicho äucwätäda, ñontancädä yääje yädöjocomo weijäcä

¹²Eduwa toni sototo dewö acöchea anoto iyää nunä jöcö dea, israelita como cönatadejacho tönwono cönönemacho cönewontochodea wedennö que tujucomo dewä maja cönnöchodea. Israelita weichöcomo cönösancwacho yawö tamedädä ñanno anejocomo jonno. Cöno sancwacho, cönecamacho töconenadiyicomo jenadojocomo cönenadiyicomo moja.³Cönonmöcho yawä yätä cönöjatodä dötomno yawade´a acachea anoto awö cönadetocho wanadi wanotodä töcajichanachomo, yawodea tönwanno töconenodiyicomo quenecamacho. Tomudhe cönödächo cojichana wanodhi jetaca. ⁴Levita como , Jesúa, Bani, Cadmiel, Sabanias, Buni, Seberias, Bani Quenani maja cönanmöcho cawoche quenecatocho yawä cajichu töwanadiyi comowo.⁵Yä´jemma yawö levitacomo, Jesúa Cadmiel maja Bani, Hasabnias, Serbias, Hodias, Sabanias Peatis maja, cönöolöato: "ötöcä cajichana Wanadi cöyademetöye yechödöje" adhetöjoi awademequiñato ashicha töwecatañadoque maja. ⁶Cajichona amädä, caju amodenönejädä Tamedä Suddau jadödä, iyaää tamedädä nonodewö nadä do´maa maja Tamedä mädä taddonnñe mödöa osuddau awademecato cojuña.⁷Calichana amädä, Wanadi cönei Abram conucai yawä Ur caldea acano, chötä cuntui Abrahamje. ⁸Cönedantai töwö neneque ñecamjädä, amädä mune adhadeddu inñaacomtocomo wo utudu wetä cananeoñancomo nonodä. Hititañancomo, amorreñoncomo, ferezeonñancomo, jebuseo, gergeseoñono maja, amädä mecanmane ecammaajä tu´emö chönönge aweiyöjäcä.⁹Töwö cönontunamjöi tödochomo Jadöiñe egiptonña, yamodöcomo metanane, tuna caña dätö. ¹⁰Menejone ashichato faraón wönñe, tamedä shotochomo, tomedä sotoi iyää nono dewoncomo maja, odowanöcä amädä cönöjacä egiptoñaoncomo cönedä cönnäi chöjöcänñe, mädäje ämöolä adetä möolöne eduawa jonno tödöene.¹¹Yöjemmu yawä, amädä mösamcaojone tuna shetacanñe tönwanno ywjadotodöcomo wetä, tuna yatocajäainono sedejatodewö cöntonto, möjatöne ñanno cönajecatodä tuna ocoi söje, toju emadö tuna söjatoca nönge.¹²Cönodocho yawä cadutuque tadue anonñadada watoque cönweijocho cojai tötotocomoje medeje mödöque tödawadäcomoque cöntonto. ¹³Sinajödä dewono töwö cönötöi cönadewöi chöwonñe cajunñanno, chöwönñe mune chäänöngato, wanontoné nene, wanontönö imennajö maja.¹⁴Dhowanöcä cönojocho öwödetatojo anoto awä, munei chöwönñe waanantänä imennajö, Moises waanontänä imennajöai maja. ¹⁵Mu´ne chöwänñe chäwanshicomo cajunñanno, toju anñano tuna wecomodä yocödäcomoje maja chöwonñe mädäquene yawä ojoncomo chanacätäntäcä iyöö nono, a´dhodeu munedä chöwönñe munedä.¹⁶Yawone tönwanno cadaijocomo maja cöntonto tönonñeda cujeje, iyää wanontönö anetada queneyato. ¹⁷Tönwanno etaseda cönöjato, äntötamecäda ushichato tödädöjöcä yätönñe, yöje yecheme anetadadea quene´yato, yöje maja töjäädodocomo que töcajichanachomo quenetocho, inña maja Jedesuje töchöcomo jonno töwenacadöcomo weta. Smädä ñödä Wanadi tamedä conemjömö encwanojonei dha´mano, chänöngato, oshicoato enejonei maja, conemjönä´je inño wechome amädä wajummanäje ma inña cösancwadamaja.¹⁸Smädä änsacwada meyaquento jaca nedäcä yacwajä mamodenätäneda wa, mädä tödäjädä awenchamenñe wanadi asancwadanñe wuene yacä, yawä cönädäato " Mödö ñädä wanadi Egipto ñanno adhucanedä" mädeje yädätame wotoncutojo´neje cönöjato. ¹⁹Smädä, wentumje önetö awechö yeijäcä önsancwada meyaquento chutajemmönä acu yeichameiñe, nunä cönadocho yawä chämadä ecammaneije änsanwoda anonñadädä queneiyato, yo´je maja öntontodea coijai chämadacomo yeijancödä wato enmanajaque.²⁰Smädä mune ashicha aweichä ecammadä wetä chöwönñe maja imsancwodä meyaquento yawä, emjätöse yeicöcomo yocuducomo numedea. ²¹Scä soto (40) wedutoco wacä ashichoto cönnäi chöjöcönñe, tujumnatojedada töweiye cönäjacäto, yomöcomo atameda, ijuducomo awojotädä maja.²²Mune yanontädäcomo wetä täsotoijadäinñe nono chöwonñe mune yawa suntachomo wa´däi mede tönwanno cönajöitöcho töjoducamoque Sehon nonodä, Hesbón cajichona chädäi og nonodä maja Basán cajichana cha´dä.²³Smädä mädäne joje inñacomo cajunña siidächä nöneadäcä wacä jeje yeichä meneneto yawä ñonodöcomo dewä. Odomonto ajöchöcä yawä ojoducomoque que cönödäacä jenadojocomo wänñe. ²⁴Mede soto cöntonto nono dänña töjoduducomo que amädämane mödö shetacanñe ñanno soto iyöä nono yejatatacomo cönäjätodä, cananeo ñancomo smädä chöwönñe mune, chödajotoncomo shotochomo maja, israelita tädäiye yawä tunjumadä como wacä.²⁵Tönwanno quönedamtocho jata nono jojato natä ja'no, quö'nedamtocho dea äsa chönönge tödäajä, tuna ewötä'je, Olivo ñatä jajato chöjödadä jano töweiye majo mede tönwanno cönöwoshinechocho joje mede Wanaadi nutudu ashichato cönwademecächo.²⁶Yawöne tönwanno yoijedammaja queneyatodea eduwa, awanontodä täjeda cönnöchö. Tönwano quenemaicho ñanno Wanaadi adhedu ecamjönechomo cannodea quenecamacho yenecadö wetä äwadä tönwanno önötoncetojotöcho. ²⁷Yöje que amädä mune conemjönöcomo wönñe yontunamjödöcomo wetä, yawa cönöntunanä atodawä tónwanno queneato Wanaadi wä töwö cönetacä cajunñanno wannade mewanacaneto cónemjönäcomo jonno ashicha awechö woije.

¹Canno ñanno täätöcoomo ajoinamojödö jajeda imadacañajäcä: Nehemías, Hacalías needö, acushönö, Wanaadi wono wadeuwödo maja sacerdotecoma tötöcomo cämennoicho dea tönwanno cänöjato: Sedequías, ²Seraías, Azarías, Jeremías, ³Pasur, Amarías, Malquías,⁴Hatús, Sebanías, Maluc, ⁵Harim, Meremot, Obadías, ⁶Daniel, Ginetón, Baruc, ⁷Mesulam, Abías, Mijamín, ⁸Maazías, Bilgaí, ñaädämaaja Semaías. Canno ñanno sacerdotecomo yawä cänöjatodö.⁹Levitacomo mane cönöjato: Jesúa, Azanía nedö´, Binúi, Henadad, wäji'mötödä mane, Cadmiel; ¹⁰ñanno levita ji'motoncomo, Sebanías, Hodías, Kelita, Pelaías, Hanán, ¹¹Micaía, Rehob, Hasabías, ¹²Zacur, Serebías, Sebanías, ¹³Hodías, Bani Beninu maaja. ¹⁴Iyää jata cajichanaichödöcomo mane cönöjato: Paros, Pahat, Moab, Elam, Zatu, Bani,¹⁵Buni, Azgad, Bebai, ¹⁶Adonías, Bigvai, Adín, ¹⁷Ater, Ezequías, Azur, ¹⁸Hodías, Hasum, Bezai, ¹⁹Harif, Anatot, Nebai, ²⁰Magpías, Mesulam, Hezir, ²¹Mesezabeel, Sadoc, Jadúa,²²Pelatías, Hanán, Anaías, ²³Oseas, Hananías, Hasub, ²⁴Halohes, Pilha, Sobec, ²⁵Rehum, Hasabna, Maasías, ²⁶Ahías, Hanán, Anán, ²⁷Maluc, Harim Baana maja.²⁸Ñanno yaato iyää jatawä eänöjato sacerdote, tamedöi soto yää jatawoncomo Wanaadi como wadewödö maja levita, mänatata edaichñnamo, töwecantanamo, Wanadi maaichaca töwetadawacajamo, tamedä ñanno eänösancwajoicho amoícheda yääjata cänöjadö jonno yawä tönwanno cänöcamaicho yätädä töweichöcomo Wanaadi wanontödö woije, töjiñantoco, tönnacontocomo, inñacontoncomo maaja, tamedä ñanno maja dowanäcäiñe cänäjatö, töntätameque cänöjatodö maaja, ²⁹yawä cäneju'maicho töji'motoncomo jadäiñe, töjadoncomo chänöngamo jadä maaja atadeuque cänödöicho yawä cone'jömö que tönwanno cänöcamaicho Wanaadi wanontödä woije tötädöcomo wetä iyää Moiséwä cänätuichö ñädä Wanaadi sotoi yää enemadä wetä yoije tamedä cajichana Wanaadi, wanontöda tädödö wetä maaja.³⁰Ññaa tadhchu cuntui tönnedö äntudä ñña weichojo edä nono jatawoncomo wäiñe inñacontoncomo maja anecha iñña nadede. ³¹Mädäjo maja tadedu iña cuntuichea iyää jata nono dcwoncomowä ene'ajäcä nadänane tödöjöajä chöjedödöje'ñemma wädetatojo anotoichödä awä. Anejemada ñña nade, wädetatojo anotoichödä awäda yeichame maja. Acää amojatoto wedu wadäi (séptimo año) iñña nedetanöade tönonodö mädäje ñña nenemade tönejequenöjödö anejacomo judíos nequenöjödö maaja.³²Wanontänö woije tönnöe ñaa wenene yää utudu jiatodeatocwäcä shecä yeichö wedu wadöi cäwanadiyöcomo esadö wätäsetotojoje. ³³Toweiye yeeichö wetä iyää äwanshi, ashichato utudu yeichödäje iyää chöjedödä, ashichato yacwajö utudu wädetatojo omotochödö awä, awedenato nunö wejacadö yademecödö yää maaja yademetojo eca'majö, yää maja töje'mänö tönoiñato, yää maja töje'mänö Israel conenadiyö enmencatojoje, mädäje änön'e tamedö tadawaju cänödöi yää cawanadiyocomo esaaca.³⁴Ñanno sacerdotecomo, levitacomo yää jatawoncomo maaja wäcanacatojoje cännöicho yää ashichato tödödö dee jäcä. Yää wäcanacatojoje cäneca'mai anö´camo ñanno cäjamidiaichomo enetaichode yää dee cäwanadiyö como esaca yää wedu anotoichödö eca'majö nadawä. Yää dee yacwadö wetä sacrificio dötojo dewä cajichana Wanaadi wonoje, mädöje imennnajö wädädä weijäcä. ³⁵Edääje maaja ta'de'ddu iñña cuntuichea cajichana Wanaadi esaca enetojo iyää awadenato chööjedödö ñña nonodö awä ñatötajö. iyää maaja tamedö awadenato chuta wedu wadäi yejösötadö. ³⁶Iyää wanontönä imennajö mödöadöje yödödö wetä, ññaa tadhedu cuntui Wanaadi esaca enejödä ñanno woncomoje maaja sacerdotecomo yötö töwetadawacajo cänöjatodö, ññaa nacomo awadecomo maaja, ññaa ecäntomo maaja.³⁷Ññaa neneadede iyää awadenato äiña täcääajö ñña nuade töje'mönö natö ejedödö, iyää maja tamedö chuta ejedödö, yää maaja uva ecudui eduuwato, chaatö maajo ñaa meneade sacerdotecomo wonoje, yää äwanshi weichojo Wanaadi esaca cänöjadö. Anaichocwacä yatocajö ññaa neneade levita woncomoje, mädöje tönwanno levita tönamuque weneneto tamedä yää jata ññaa wetadawacajotoja wadäi yää yatocajö. ³⁸Toni sacerdote, toni maja Aarón wäji'mä tödö, eijai nato ñanno levita jadöiñe yää ashichato yatojoajö ajäichö wetätowöiññe.Ñanno levita wäiñe enejödö tujumnena Amojadoto annaichocwacä yatocajö cäwanadiyöcomo esaca yää töjeto shomatojo acca.³⁹Yääje yeijöcä israelitañancomo ñanno levi wäjinmätödä maaja eneejai naato yää chöjedödö tuemä, uva eduuwato, chaatö maaja yää maa tönoiñato tödöjöajö shomatojo tava yää sacerdote tönnöjöe cänöjatodö majaa mönata edaichönamo, töwecantañamo yäätö eijai naato. Cäwäiñe edaichödö tujunnena iyää cäwanaadiyöcomo esadä.

¹Jerusalenña, jaata cajichana'chödocomo töweiye cönäjato, ñanno dantai yää yatawoncomo dea mmane wä'cana'canö tönnöe cänä'jato, mädäje amojadoto'cwacä enejödocomo wetä yaawä Jedusadenña yeichäcomo wetä, jata ashichatonña, Ñanno dantai acä'chea amojato mmane, aneja jatawä töweiye cänäjato. ²Mädäje iyäjatawoncomo ashichato tönnöe cänäjato, tamedä ñanno ashicha tötötajätädocomoque, Jedusadenña cäneatodö jäcaiñe.³Canno ñanno noono cajichanachädöcomo, Jedusadenña töweiye cänäjatodö. Yaawäne, Judánonodö a'wä, tameedä yeichä wa'cä, tönonodöcomo dewä töweiye cönäjato, anejacomo israedita weichöcomo mmaja, sacerdotecomo, levita weichö mmaja, Wanaadi weichojo ta'ca töwetadacajamo mmaja, tamedä Salomóm sotoi atödöweichö mmaja. ⁴Jedusadenña dantai Judá atödö toweiye cönäjato, dantai Benjamín atödö mmaja. Anejacomo Judá jatawä töweiye cönäjato dea: Ataías, ñäädä Uzías ne'dö, näädä Zacarías ne'dö, ñäädä Amarías ne'dö, ñäädä Sefatías ne'dö, ñäädä Mahalaleel ne'dö mmaja, ñäädä Fares atödöcomo weichö.⁵Yääje mma yaawä Maasías cänäja dea, ñäädä Baruc ne'dö, ñäädä Col Hoze ne'dö, ñää Hazaías ne'dö, ñäädä Adaías ne'dö ñäädä Joiarib ne'dö, ñäädä Zacarías ne'dö, ñääda Silonita ne'dö mmaja. ⁶Tamedä ñanno Fares nacomo cänäjato 468 yejatatacomo Jedusadenña. Tönwanno cönäjato dhanwacomo towanojonacomo.⁷Canno ñanno Benjamín wäjimmätädö: Salú, näädä Mesulam, ne'dö, ñäädä Joed ne'dö, ñäädä Pedaías ne'dö, ñäädä Colaías ne'dö, ñäädä Maasías ne'dö, näädä Itiel ne'dö, ñäädä mmaja Jesaías ne'dö. ⁸Mädä'je que'ne, tamedädäto cönäjato 928 to'cwacä Gabai, Salai weichöcomo. ⁹Joel, ñäädä Zicri ne'dö, enmencaneije cönäjacä, yawäne, Juda ñäädä Senúa ne'dö, tö'wö cönäjacä acäto cajichanaiyä jatawä.¹⁰Ñanno sacerdote cönäjato: Jedaías, ñääädä Joarib ne'dö, Jaquín. ¹¹Seraías, ñäädä Hilcías ne'dö, ñäädä Mesulam ne'dö, ñäädä Sadoc ne'dö, ñäädä Meraiot ne'dö, ñäädä Ahitob ne'dö mmaja, cajichana, Wanadi mai edhajä. ¹²Ñanno yäjimmatödä mmaja, 822 tocwacä cänetadawacäjoicho dhan'wa'como Wanaadi weichojo ta'ca, Adaías mmaja, ñäädä Jeroham ne'dö, ñäädä Pelaías ne'dö, ñäädä Amsi ne'dö, ñäädö Zacarías ne'dö, ñäädö Pasur ne'dö, ñäädä Malquías ne'dö.¹³Yu'chomo mmane töweichöcomo edhajaje, 242 dhanwa cwomo, Amasai mmaja, ñäädä Azareel ne'dö, ñäädö Azai ne'dö, ñäädä Mesilemot ne'dö, ñäädä Imer ne'dñö, ¹⁴dhaconto'mo mmaja, ñanno soto tösademjuncomo töwewonotamo, 128 töcwacä cönäjato; Zabdiel, cänöjacä chädajotoncomo je, ñäädä Gedolim ne'dö.¹⁵Levita ñancomo mmaja: Semaías, ñäädä Hasub ne'dö, ñäädä Azricam ne'dö, ñäädä Hasabías ne'dö, ñäädä Buni ne'dä mmaja, ¹⁶ñäädä Sabetai mmaja, Jozabad mmaja, tönwanno cänäjato levitanñacomo edhamoje, Wanaadi weichojo tadaeajochädö tödönnamoje mmaja.¹⁷Matanías mmaja, ñäädä Micaía ne'dö, ñäädä Zabdi ne'dö, ñäädä Asaf wäjimmätödö. Mää'dä cönäjacä, awadeto ashichato utudö töwejäntäwö, Bacbuquías mmaja, ñäädä acato shinmotoncomo, Abda mmaja, ñäädä Sanúa ne'dö, ñäädä Galal ne'dö, ñäädä Jedutún ne'dö mmaja. ¹⁸Yaatä inñatajato jata wä, tamedo'to cönäjato 284 tocwacä ñanno levitas weichä.¹⁹Wömontojo edachännamo: Acub, Talmón, shinmotoncomo mmaja, tamedö soto cönäjato 172, ñanno mönatata edachännamo. ²⁰Yaawäne tamedä ñanno israelita, sacerdote mmaja, levitas weichöcomo mmaja, yejatatacomo cänäjato Judá nonodö awö. Yäätä yejatatacomo cänäjato, chäcwänñe ecanmaja cänäjadö dä'tä. ²¹Wanaadi weichojo ta'cancomo wetadawacojodö mmane Ofelña cänäjato, ñanno Ziha, Gispa mmaja chädhamoje.²²Yääje mma yaawä levitas edhajatoncomoje, Jersusadenña cönäjacä Uzi, ñäädä Bani ne'dö, ñäädä Hasabías ne'dö, ñäädä Matanías ne'dö, ñäädä Micaía ne'dñmmaja, Asaf wäjinmätädö, ñanno Wanaadi ma'chaca töwecantañamoje cönäjätodö. ²³Cajichana cuntui chä'cwäñe wanontänä ashichato, tujunne anoto wadäi cänäjadöcwacä. ²⁴Petaías mmaja, ñäädä Mesezabeel ne'dö, ñanno Zera wäjinmätadöcomo, ñäädä Judá ne'dö, cajichana wanontädö tödöjoneije cönäjacä, iyää jatawä.²⁵Yääje mma yääwä iyä jatacomo, ñonodöcomo mmaja, dhantai Judá jimmä, cöntonto Quiriat Arba ña, shatadö manäja, Dibón ñancomo mmaja, shatadöcomo mmaja, Jecabseel mmaja shatadö jadädä. ²⁶Canno Jesúa mmaja, Molada, Bet Pelet, ²⁷Hazar Sual, Beerseba mmaja, tamedä shatadöcomo jadädä.²⁸Siclag mmaja, Mecona, shatadöcomo mmaja. ²⁹Rimón mmaja, Zora, Jarmut, ³⁰Zanoa, Adulam mmaja shatodöjadädä Laquis, Azecajatadö ñonodö mmaja. Yä jemma yääwä tönwanno cönäjato Beerseba ñanno, Hinom tödöene. ³¹Benjamín wajimmatädä mmane cönäjato Geba jonnotojädädä, Micmas, Aía, Betel mmaja, tamedä shatadöcomo mmaja. ³²Anatot mmaja cönäjato dea, Nob, Ananías, ³³Hazor, Ramá, Giraim, ³⁴Hadiel, Seboim, Nebalat, ³⁵Lod, Ono mmaja, tucajänamo weichomo jatawä. ³⁶Ñanno dhantai Judá ña cönäjatodö, levitas weichö cönojodi' ho Benjamín jimmä jadänñe.

¹Canno ñanno WANAADI wää tääwadewamo levitacomo, Zorobabel jadä wöötäjäcomo, Salatiel nedö, Jesúa jadä: maane cöntonto Seraías, Jeremías, Esdras, ²Amarías, Maluc, Hatús, mmaja ³Secanías, Rehum, Meremot, mmaja.⁴Cöönajatö Iddo, Ginetón, Abías, ⁵Mijamín, Maadías, Bilga, ⁶Semaías, conno Joiarib, Jedaías, mmaja, ⁷Salú, Amoc, Hilcías, Jedaías mmaja. Canno ñanno WANAADI wää tööwadewamo edhajacamo chääjadoncomo mmaja Jesúa anotochäädö awää.⁸Ñanno levitacomo cönäjato Jesúa, Binúi, Cadmiel, Serebías, Judá y Matanías mmaja cöönäjatö wecantoñatojo tödöjona moje ashichato utojo jääcä tööjadoncomo jadönñe. ⁹Bacbuquías Uni acä, shinmontoncomo mmaja cöönanmöcho shetacanñe töödödö wadadödö.¹⁰Ñäädä Joiacim cöönäjacä Jesúa ne'dö, cöönöjaca Eliasib äämö, Eliasib, cöönäjaca Joiada äämö. ¹¹Joiada, cöönajacä Jonatán äämö, Jonatán cöönajacä Jadúa äämö-¹²Joiacim dhanotochodö awää, canno cöönäjato sacerdote, jinmä odhajotoncomoje mmaja: Meraías cöönäjaca Seraías edhajäje, Hananías cöönajacä Jeremías edhajäje, ¹³Mesulam cöönajaca Esdras edhajäje, Johanán cöönäjacä Amarías edhajöje, Johanán cöönäjacä Amarías edhajöje. ¹⁴Jonatán cöönajacä Melicú edhajäje, José cöönäjacä Sebanías edhajöje yaawä-.¹⁵Madadacä adäädö weta, Adna cöönajacä Harim edhajöje, Helcan, cöönajacä Meraiot edhajöje, ¹⁶Zacarías cöönajacä Iddo edhajäje, Mesulam cöönäjacä Ginetón edhajäje, ¹⁷Zicri cöönäjacä Abías edhajöje yääwä... Miniamin jonno. Piltai cöönäjacä Moadías edhajäje. ¹⁸Samúa cöönajacä Bilga edhajäje, Jonatán cöönajacä Semaías edhajäje, ¹⁹Matenai cöönäjacä Joiarib edhajöje, Uzi cöönäjäcä Jedaías edhajäje, ²⁰Calai cönäjacä Salai edhajä, Eber cänäjacä Amoc edhajä, ²¹Hasabías cönäjacä Hilcías edhajä, Natanael cönäjacä Jedaías edhajäje mmaja.²²Eliasib, anotochädawä, ñaanno levitas we'chöcomo, Joiada, Johanán, Judúa mmaja cöanatotoicho tijimmotoncomo edhaja'toncomoje, sacerdote mmaja, cönototojoicho dea yaawä Persianñano cajichanaje yeichö. ²³Ñanno Leví wääjinmätädö jinmä edhajötoncomo maja cöönmenocho yää wenña jajedachöödö jaacä ñaadä Johanán Eliasib needö anotochäädo joona töödöene.²⁴Levitacomo edhajotoncomo cöönäjacä Hasabías, Serebías, Jesúa aacä Cadmiel nacontomo, jinmä jadönñe mmaja cöönamöncho ñanno antawänñe yademecödö utudö weto mmaja töwadönñe David, wanontodö ninge Wanaadi sotoi. ²⁵Matanías, Bacbuquías, Obadöias, Mesulam, Talmöon, Acub mmaja canno cöönöijato mösoma ewätö edachänamoje möönatata näöcä. ²⁶Canno töönnöe cöönajato Joiacim anoto chäädö awää Jesúa needö, Josadac jaadö, Nehemías acushanaje yeichö anotochöödö aawä Esdras sacerdoteje owanomannamo.²⁷Jerusalenñano mu'ddu yaadamecödaa wä, sooto Jerusalen ñancomo levitacomo weetä cööneyato imaichomo waadöi, Jerusalenña yädamecödö weta tacwaniyi como que, ashicha tööweichöcomoque, tööwecantañacädönñe töönnecwatocomo que címbalo, arpas, liras maja. ²⁸Tamedö tööwencotañomo cöönejumaichö Jerusalenñano awedhecöcä cöönäjatodo jadöjödöödä Netofatitas jatadöcomoca cöönäjatodö maja.²⁹Bel Gilgal ñancomo mmaja cööneyato Geba Azmavet nonodö acancomo mmaja, tööwencantañamo töjotadö töönme cöönajato Jersusalén awedhecäcä. ³⁰Sacerdotecomo levitacomo mmaja töötötäjatödöcomo cönconecaicho, soto tötä'tödöcomo cööneoneichodea, mönatatocomo mu'ddu como mmaja.³¹Yääjemma yaawä ädhomocomo Judá ñancomo wanujoneto mu'ddui de'wä, wichonecanedea yaawä acä juiyä töwencantañamo ashichacho utuudö weto. Toomjuijä cöntäömä omu'ddemönö döse Muladar määnatata chäädö wa dädä.³³³²Ädhumocomo Judáñacomo anaicho wacä Osaías cöönajecaicho, yääwä inchöcänñe cöntato Azarías, Esdras, Mesulam, ³⁴Judá, Benjamím, Semaías, Jeremías, ³⁵dhantai sacerdote nacoomo mmaja janacwa tänwawänñe, Zacarías mmajo cöönäjaca Jonatán cöönäjacä Semaías needö, cöönajacä Matanías needö, cöönäjacä Micaías nedö, cöönäjaca Zacur needö, tooni Asaf wäjinmätädö cöönäjato yaawä.³⁶Zacarías jinmä cöönäjato dea yaawä, Semaías mmaja, Azareel mmaja, Milalai mmajo, Gilalai mmaja, Maai mmajo, Natanael mmaja, Judá mmaja, Hanani mmaja, cöönadöato töödhecwamö David nöötödhe'cwamö dhame cöönädöato iyä, döjätödö ñäädä Wanaadi sotoi. Ñaadä Esdras imenäneije cöönajadö cööntacä dhowajonñe. ³⁷Fuente määnatatachädö ay cadeda de'cä David jatadä antai mu'ddu wonutojo döötä, David weichojo de'waä, yää möönatata sshi woomontojo sudawawä döötä cönäjadö.³⁸Ñanno tööwencañamo ashichauto utunamoje cöönäjatodo ijunta'ca'dä daja cööntontodea. Ewö mmane soto wää detöjädö como jodönñe wajecaneto mu'ddö de'cäi tödöene, yää ya'cwatojo Maa cawoto döötöcä mu'ddö tajujuñato jona tödöene, ³⁹Efraín natatadö decäcä, nenadojo määnatata de'cacä mmaja, Nacucanoñano Natatadö de'cä majo, Hanaeel öano Maacawoto decäcä mmaja, Cientoñano Natatadä decäcä maja, Ovejañano Natatadö de'cäcä jona tödöene, Guardianñano Natatadö jonno cöönenecaicho yaawä.⁴⁰Yääjo yeijäcä aacä jaja tööwencañamoje ashichato uneije cöönajatodö cöönadöicho tööweichocomo döötä Wanaadi escaa, eewö mmaja weichojo döötä wäädöne ñanno jinmäja'däje jaadä cöönejotodö. ⁴¹Ñanno Wanaadi woncomo wade'wöödö mmaja tööweichocomo döötä cöönädöicho dea: ñanno Eliacim, Maasías, Miniamín, Micaías, Elioenai, Zacarías, Hananías, mmaja janacwa tönwawöñe. ⁴²Canno Maasías, Semaías, Eleazar, Uzi, Johanán, Malquías, Elam, Ezer mmaja. Tööwencatañamo cöönecatañoicho yaawä Izrahías chäädhajotoncomoje.⁴³Töönwa'no joje sacrificio cöönöicho yää anoto, cöönacwanchoicho dea yaawä, Wanaadi acwaimaicomo weijacä joje tacwaine tööwejidöcomo weijäcä mmaja. Ñanno woodiñamo medeshichä mmaja cöönancwaicho dea. Amuncheeno cöönötaaca taacwaine weiña Jerusalenña yeichö.⁴⁴Yää anoto dea cööneitoicho dhonwacomo Maa töödöajä ewöötö ecetäänomoje inchuducomo ewöötö, yää awadenato wootudö, inchanacadöcomo yatojoajä amuera weetä chääwadänñe yatojäajä waanontono wäädödö woije Wanaadi wää tööwadewamo como wää tuemö levitacomo wöönñe tuemö mmaja. Chääwadönñe cöönätui chadwajächömo noono jataacomo jääcä amunchera. Judá ñancomo cöönanewachaicho WANAADI woononcomo wadd'e waadewöödö jaacä ñanno levitacomo dhowajonñe cöönäjatodö. ⁴⁵Ñanno cöönesetoicho tööwanaddiyi como wää tödöemö cöönajadö chääwäiñe tööwodötocomo mmaja cööne cetoicho dea David töönedö Salomón acää waanontodö woije, möödööje ñanno tööwencantañamo möönatata edachöönamo mmaja cöönwademede quiicho dea.⁴⁶Nuuma määdä töödödöje cöönajato David Asaf acää anoto chäädöcomo awää, tööwecantañamo ecetääneichomo tööweiye cöönajacä, WANAADI yademetojo tööweiye cöönäjadea, ashichato utudö mmaja. ⁴⁷Zorobabel anotochäadö awää Nehemías anotochäädö awää mmaja, taamedä Israelñancomo tunue cöönäjato töönatocadöcomo anoto waadöi tööwecontañamo woncomo wono möönatatoi edachänamo woncomoje mmaja. Levita nöödödöcomo mmaja töönatoca cññnäjatodea. Ñanno levitacomo töödeujo töönäa cöönäjato Aarón wäajimätädö como woonoje.

¹Iyää anooto awä Moisés nimennädö jaajeda cönadeetoicho soto netadöcoomeje. Imennajä cönedantoícho ñanno amoabita tonichä yejummadöcomo Wanaadi jadä omomjaicha yeichöcomo. ²Edä cönejadätai ñanno Israel äwanshi, tuna dhameda cönejotodö jäcänñe, coneedamma isadaeritacoomo jäcäänñe tö´wadewödö cönajäntoicho Balaam woije. ³Yääje yeichame, conemjönöje eijaicho ashichaato je Wanaadi cönnöi töwääinñe etajäca dcamma iyää wanontänä ñanno israelita'como cömjacanö'joicho tameda ñanno aneejacomo sooto chäjadäiñe cönäjatodo.⁴Yaawä edä owajo ñaadä Eliasib sacerdote, cönäjaca Wanaado esadö mä tödö'jäajä shomatojo edachäneije, töwö cönajacä Tobías wääjimmatädö. ⁵Eliasib cönconecai shomatojo maa adaijoto iyää ashichaato wajajä shomatojo'je cöönä'jädö chäjedödö, tödööjä ajä, anejamma ja, awaadenato anatödö ejedödö, vino eucudu tödöenö aceite maja, levita wäiñe tuemöje töweiye cönajadö, töwecantañamowä, mönatata edachanamowä mmaja sacerdote como tuemöje töweiye cönäjadö.⁶Yaawä eda cönejadäädawä, Jedusadenña'da wäjaaquene yaawä aduawooto amojadä acä Artajerjes, cajichana Babilonianña yeichö, cajichana dönña weiyaquene. Yäjeeje numacäiche ⁷yäädöajäcä chäjadonno wejaacatojo weecane cajichanawä Jedusadenña yennacane yaawä. Eliasib chänöemjönö inñö'jödö wetane Tobiá wä iyää maa ujäajä shomatajo Wanaadi mai jödodochödä utujödö mmaja.⁸Wäätömane yaawä jooje yaawä tamedä Tobías nödödö shomajä cönäjadö iyää mataca tamedä wöja'ne. ⁹Yaawä wanäntäne iyää maa amoichädö jäcä amochajacä wishomanedea yaawä tameda iyää Wanaadi nödödö, täjenjönö chäjedödö, iyää cadono ijojotojo mmaja.¹⁰Yaawä yowanäcä wödööne dea ñanno anontacomo levita ñödödöcomo ujänamo äntujätöda yeichöcomo, töwadänñe cöntäjätöicho tönadäjocomo aca, ñanno levitacomo töwecantañamo mmaja cönetadawacojoicho. ¹¹Yääje yeijäcä ñanno etaacomo wä joje yadenne wödöaqueene yaawä: "¿Aaquena yeitäcäca mädääwacä odhoeonchadäiñedeja matodea Wanaadi mai jaacä?" mznijunmatäne manetätäne dea aweichocomo utudu weetä.

¹Tänemö Abdias nenejödö. Edääje cajiichana Wanaadi Edomñano jäcä nödöa: Ñaa cönetacä Wanaadiwä ñaa wätuujadö: Tooni dhanonu cönanontoicho jatacomo wadäi. Cönädöacä: ´´! Äjäduutätäcä¡ !Cäjäduutätäiye quewänätätäiye chäjadä¡ ²Enecäma täjeda männöade jaata antawä mänquiñemejadede yacöjenñeda männöade.³Adhewanö jonno ojodhe aweshe aweichöque töwätäncutojomma amadä täjuu dötono immai nadö: Aquene adhewano nichötammecanä: ´´¿Änääcö nonodö joono yucajainai? ´´ ⁴Jiyana caawä töweiye naichö waacä aweichame shidiichä do´taca aweichojo yeichame yotonno manejemade, quee nädöa Cajiichana Wanaadi.⁵Amäädä ädöiña tomenacomo yädöacommjäcä adhememmenamo mmaja coijai, (¡Aqueene äwämatojo eichache!). ¿Ememjejai´cha naicho jooje töwäiñe? Ñanno uva töjänamo neatodö äwwadäädä, ¿Ñänjacha naicho tönwanno dhaadö jadäjödödä?. ⁶Esaú enwajinñajätöjödö nonge ïyää inshomadö täjeeto quee.