1کتاب تاریخچَه ی عیسی مسیح پُسِ داوود پُسِ ابراهیم 2ابراهیم اِسحاق شُواُو اِسحاق یعقوب را و یعقوب یهودا و کاکاییاش 3یهودا فِرص و ِزِراح را از تامار شُواُو. فِرص حِصرون را و حِصرون رام را4رام، عَمّیناداب شواو عَمّینادابنَحشون را ونَحشون سَلمون را 5سَلمون بوعَز را از راحاب شُواو و بوعَز عوبید را از روت .عوبید، یَسا را شُواو، 6و یَسا، داوود پادشاه را. داوود، سلیمان را از زن اوریا شواو7سلیمان، رِحُبعام را شواو رِحُبعام، اَبیّا را، و اَبیّا، آسا را. 8آسا، یَهوشافاط را شُواو یَهوشافاط، یورام را، و یورام، عُزّیا را.9عُزّیا، یوتام را شُواو یوتام، آحاز را، و آحاز، حِزِقیا را. 10حِزِقیا، مَنَسی را شُواو مَنَسی، آمون را، و آمون، یوشیا را. 11یوشیا، یِکُنیا و برادرانش را در اِ زَمانی یهودیا اَ بابل تبعید بُودِن12بعد از تبعید بُودَی یهودینیا اَ بابل یِکُنیا، شِئَلتیئیل را شُواو و شِئَلتیئیل، زروبابِل را. 13زروبابِل، اَبیهود را شُواووالیاقیم عازور را. 14عازور ، صادوق راشُو او صادوق، اَخیم را، و اَخیم، اِلیود را شُواو15اِلیود، اِلعازار را شُو او اِلعازار، مَتّان را و مَتّان، یعقوب را. 16یعقوب، یوسف همسر مریم را شُواو که عیسی ملقّب به مسیح از اَنَ متولد بُویس 17پس از زمان ابراهیم تا داوود اَ لو هم چهارده نسل و از داوود تا زمان تبعید یهودینیا به بابِل، چهارده نسل، و از زمان تبعید تا مسیح چهارده نسل بُودِه18تولد عیسی مسیح اِندِه بُدِه: مریم، نَنَه عیسی، نامزد یوسف اَند. امّا پیش از اِده که با هم ازدواج بُکُونِن، مَعلوم بویس که مریم از روحالقدس اَوسَن اِسی. 19از اَنکَه که شوش یوسف مردی پارسا اَند و اُشناویس مریم را رسوا بُکُن، قرار بویس که بی سر و صدا از اَنَ جدا بوبو.20امّا چون ای تصمیمی اُش گِرِت یَکدَفَه فرشتۀ خداوند در خواب بر انَ ظاهر بُویس و اُش گُت «اَی یوسف، پُس داوود، از گِرَتَی زن خُوت مریم مترس، چُو اَمی که در بَطنُش قرار اُش گِرِتِه، از روحالقدس اِسی. 21اَنَ پُسی به دنیا داره و تو اسمُش عیسی اَنِسِش چُو اِدِ قوم خُوش را از گناهیاشو نجات اَدِه22اِ هَمَهَ رُخُش دا تا اَمدِ که خداوند اَ زبوِن نَبیُش گُوته، به حقیقت بپیوندد که: 23«باکِرِه اُوسَن بُودِه، پُسی اَ دُنیا دارِه و اِسمُوش عِمانوئیل اَنِسِه ،» که بهمعنی ’خدا با اَما‘ اِسی.24چو یوسف از خوُو وارُوُسا اَمدِ که فِرشتَه خداوند فرمانُش دَیسُون اَنجامُش دا زن خُوشُوش گِرِت 25اما با اَنَ هَم بَستر نِبُویس تا اَنَ پُس خُوش به دنیا بیارِه وَ یوسف اِسمُوش عیسی اُشنا
1چُوعیسی دَر دوران هیرودیسِ پادشاه دربیت لِحِم یهودیه اَدُنیا اُند هان چَند مُغ از مشرق زمین به اورشلیم اُندِن 2و پرسیدند اَکُوی اَنَا مُولودی که پادشاه یهود اِسی ؟ چو ستاره ایشو را در مشرق بینَدِه و بَرَی پَرَستشِ اَنَا اُندِسِم 3چُو ای خَبَری اَگُوشِ هیرودیس پادشاه رسید اَنا وَهَمَه اُورشلیم با وی مضطرب بُسِن4پس اِدِه هَمَه گَپییای کاهنیا و علمای دین قوم را فَراشو خواند واِز اَنَیا پرسید مسیح باید کجا اَدُنیا بیا؟ 5اُشو گُت در بیت لِحِم یهودیه چون نبی در این باره چنین اُوشنِوشتِه 6ای بیت لِحِم که در سرزمین یهودایی تو در میونِ فرمانروایانِ یهودا به هیچ روی کمترین نیستی زیرا از تو ظهور خواهد کرد که قوم من اسراییل راشبانی خواهد کرد7پس هیرودیس مجوسیان رادر خلوت اَپِشِ خوُش فَرا اُش خَواند وزمان دقیق ظهور ستاره را اَز اِدَیاجویا بویس 8سپس اَنَیا شَه بیت لِحِم فِرِسا وشَه اِدَیا گُت اُچی ودَربارَی اَنَا بِچوُ به دقت تحقیق بُکُنی چون که پَیداتو کِه اَمَه بُوگُی تا مَه بَیم اَنَ پرستِشُش بُکُنِم9اِدَییا پَس اَز شِنیدَنِه گَپ پادشاه روانه بُدِن و اَمی ستاره ای که در مشرق شوُ بینیسُن جلو تَر از اَنَییا اَچُو تا بلاخَرَه اَ بَرَی جایی که بِچوُ اَند وَیسا 10اِ دَییا با دیدَنِ ستارَه بی نهایَت شاد بُدِن11چون وارده خونَه بُدِن بِچ با نَنَش مَریم شو بینا سِرَه بَر زَمی شو نا بچو پرستش شو که سپس صندوق چَییای خُوشو باز شو کِه و هدیهَ ییایی اَز طلا وکُندُر و مُربه وی پیشکشوکه 12و چون دَر خَوُ وحی شو وارَسی که اَپِشِ هیرودیس نِجِن اَز راه دِگَه رهسپار دیار خود بِبِن13پَس اَز چِدَی مجوسیان فرِشتَی خداوند در خَوُ ظاهر بُیس و اُش گُت بَرخیز بِچ وَنَنش اُشواسی وبه مصر فرار بُکُن و در اَنکَه ویسا تا اَتو خبر آدَم چون هیرودیس اَ دُومِه بِچو اِسی تاش بُکُش 14پس شُو بلند وابُیس بِچ ونَنَش اُش واسِه وَروانه مصر بُیس 15وتا مُردَی هیرودیس در اَمکِه واموند اِ گَپی که خداوند به زَبونَبی اُش گُوتِسون تحقق پیدا بُکُن پُس خوُم اَز مِصر فرا اُم خَند16چون هیرودیس اُش فَمَیس که مَجوسیان فَریب شو دَدِه خَیلی عصبانی بُویس وَاُش فِرسا هَمَی پُسی یای دو سالَه وَکَیدوتَرکه در بیت لِحِم وَاَدُورو بَر اَندِن طبق زمانی که مجوسیان تحقیق شو کِردِسون شُو بُکُش17اَمدهِ که به زبوی ارمیای نبی اُش گُتِسون حقیقت پیداش کِه 18صدایی اَز رامَه اَ گوش اَرَسه صدای شیوَن وزاری وماتمی عظیم راحیل بَرَی بِچییاش گریخ اَکردُوی وتسلیش نی چون دیگَه نیسِن19پَس از مُردَی هیرودیس فرشتَی خداوند در مصر اَ خُوِ یوسف اُند 20و اُش گُت بُلند وابَش بِچ ونَنَش اُش واسی و اَسرزمین اسراییل برو چون کِسیای که قصد جون بِچو شو اَند مُردِسِن 21پَس اَنا بلند وابُویس بِچ وَنَنَش را اُش واسه و به سرزمین اسراییل چو22اماچون اُشنوفت آرکِلائوس اَ جوی بواش هیرودیس اَ یهودیه حُکم اَکُن اُش تَرسی اَ اَنکَه اُچو وچون دَر خُو هشدارُش دا ، اَ سَمتِ نواحی جلیل چو 23و در شهری بنام ناصره سکونتش کِه . اِده واقع بویس تا کلام انبیا اَ حقیقت بپیونده که شُو گُتِسون ناصری خَواندَه خواهَد شُد
1در آن روزیا یحیای تعمید دهندهَ ظهورُش کِه . اَنادر بیابو یهودیَه موعظَه شَه کِ و 2شَه گُت : توبه بُکُنید زیرا پادشاهی آسمو نزدیک بُدِه . 3اِدِه اَمی اِسی که اشعیای نبی دربارش اَگُوتُی« ندای آن که در بیابو فریاد اَزِتُوی :راه خداوند را آمادهَ بُکُنید طریقهای او را هموار بُکُنید »4یحیی جَمَی اَز پَشمِ شُتر اَتنُشَن وکمربندی چرمی شَه کَمر اَبَست وَخُوراکُش مشلشخ وعسلِ صحرایی اَند 5مَردمیای اُرشلیم وسَراسَر یَهودیَه و تمامی نواحی اطرافِ رود اُردُن همگی اَپِشِ اَچِدِن 6اَ گناهیای خُوشُو اعتراف شا کِه ، دَر رودِ اُردن اَز اَنَا تَعمید شا گِرِت7اما یحیی چون بسیاری از فریسیا وصدوقیا را اُش بینا که به اَمکِه که تعمید شا دا داندِن ، شَه اَنیا گُت :اَی اَفعی زادییا چه کَسی اَشما هشدارش دا تا اَ غضبی که اَ پیشِ اِسی فرار بُکُنید؟ 8پس ثمری شایستۀ توبه بیاری 9و با خوت مَگویی" بوا اَما ابراهیم اِسی "چون اَشما اَگواَم خدا قادر اِسی از ای سَنگیا فرزندیای بَرَی ابراهیم اَوجود بیارِِه.10حالا تیشَه بَر ریشَی درخت یاشو نَدِه. هَر درختی که میوَی خَش نِدِه بُریدَه اَبو ودر تَش اَبَین . 11مَن شمایا را بَرَی توبَه با آوُ تعمید اَدَیم اما اَمی که پَس از مَه دا تَواناتر از مَه اِسی وَمَه حَتی شایستَی بَر گِرفتَی اُرسیاش نیسِماَنا شمایا را با روح القدس و آتیش تعمید شَوی آدِه . 12اَنا کَج بیل خُوش اَدست باره و خَرمَنگاه خُوش را پاک اَکُن و گَندمِ خُوش را در انبار ذَخیرَه اَکِردوُی اما کاه را دَرتَشی که خاموشیش نی اَسوخَنِه13آنگاه عیسی اَجَلیل به رود اردن اُند تا اَز یحیی تعمید اَگیره . 14ولی یحیی تلاشش کِه اَنا منصرِفُش بُکُن و اَاَنَش گُت : "مَه اِسِم کِه باید اَتو تعمید بِگِرِم ،و حال تو اَپِشِ مَه دایش" ؟ 15عیسی دَر جوابُش گُت : "اُونِس الان اِندِه بُو ، چون شایسته اِسی که ما پارسایی را به کمال تحقق بَخشیم ." پس یحیی رضایتُش دا.16چون عیسی تعمید اُش گِرِت ،فوراً اَز اُو دَراُند . هَمُو وَقتی آسمو باز بُیس وَاَنا روحِ خدا را اُش بینا که همچو کبوتری اَزیر اُند و اَ وی قرارُش گِرت . 17سپس صدایی اَآسمو رسید که "اِدِه اِسی پُسِ مَحبوبُم که اَز اَنا خوشنودِم
1آنگاه روح ،عیسی را اَ بیابو هدایت اُش کِه تا ابلیس وَسوَسَش بُکُن . 2عیسی پس از اِینکه چهل شبانه روز در روزَه سِپریش کِه گُرُسنَ بُویس . 3آنگاه وَسوَسه گَر اَ پِش اُند وَاُش گُت "اَگَر پُس خُدا اِسِش اَ اِ سَنگیا بِگوُنوُ بِبِن ". 4عیسی در جوابُش گُت : نِوَشتَ بُودهِ که انسان تنها به نوُزِندَه نی ، بلکه به هر کلامی که از دهَنِ خدا صادِر اَ بُو5سپس اِبلیس اَنا شَه شهرِ مقدَس بُواَ وَرِ معبد قَرارُش دا 6وَشَه اَنا گُت : اَگَه پُس خدا اِسِش خُوت اَ زیر اُوبی چون که نَوِشتَه بُدِه . فِرِشتَیا ی خُوت دَر بارَه ی تو فَرمُو اَدِه واَنَیا تو را بَر دَستیاشو اَگِرِن ، نِکُنِه پات اَ سَنگی بِزَنِش7عیسی شَه اَنَه جَواب دا : اِدِ هَم نِوشتَه بُودِه که خداوند خدای خُوت را میازما. 8یَک بارِه دِگَه ابلیس اَنَه شَه وَر کوه گَپتَر بُو و هَمَی حکومَتیای دُنیا وَ تمامِ شکوه وَجَلالُشو شَه اَنه نِشو دا 9وَاُشگُت اَگِه اَ مَه سِجدَه بُکُنِش اِدَیا هَمَه اَ تو اَبَخشِم10عیسی شَه اَنَه گُت : دوُر بِبَش اَی شَیطان چون کِه نِوشتَه بُده خداوند خدای خوت را بپرست وَتنها اَنَه عبادَت بُکُن . 11دَر اَمی مُوقَع ابلیس اَنَه وِلُش کِه وَفِرشتیا اُندِن خدمَتُش شو کِه12چون عیسی اُش شُنُوفت که یحیی گِرفتار بُوده اَجلیل واگِشت ، 13پس ناصرهَ تَرکُش کِه واَ کَفرناحوم چو و در اَمکِه ساکن بُویس14اِندِه واقع بویس تا کلام اشعیای نبی اَ حقیقت بپیوندِه کِه اُش گُتِسون 15"دیار زبولون ونفتالی راه دریا فراسوی اردن جلیل ملتیا " ، 16مردمی که در تاریکی شا سَرَبو نوری عظیم شو بیناواَنیایی که در دیارِ سایه مرگ ساکِن اَندِن نوری دِرَخشی17اَز اَمی موقَع عیسی به موعظَه ای پیامی آغازُش کِه که توبَه بُکُنی که پادشاهی آسمو نزیک بُودِه18چون عیسی اَ کنارِ دریاچه جلیل راه اَچو، دو برادر اُش بینا به نامیای شمعون، ملقب به پطرُس،و براسوش آندریاس ، که تور اَدریا اَبِساین ، چون ماهیگیر اَندِن . 19شَه اِدَیا گُت :" اَز پَیِ مَه بَی که شُمایا را صیاد مَردُمیا اَکُنَم ". 20اَنیا بی دِرَنگ توریای خُوشِشو نا وَپَی اَنَا چِدِن21َشَه راهِ خُوش اِدامَه دا ، دوبرادردِگَه یعنی یعقوب پُسِ زِبِدی وبِراسوش یوحنا اُشبینا که با بواشو درقایق اَندِن وتوریای خوشو آمادهَ شا کِه . از اِدَیاش خواس ، 22اَ نیا بی درنگ قایقِ بواشو وِلشُوکِه و از پی اَنهَ چِدِن23عیسی اَهَمِه جای جلیل اَگِشت و در کنیسَیای اَنَیا تعلیم شَه دا وَ بشارَتِ پادشاهی را اعلام شَه کِه و هر دَرد وبیماری مردمیا را شفا شَه دا . 24پس اسمُش در سرتاسر سوریه پیچی ومردم هَمَه ی مَریضیاشو که به هَمَه نوع مرض و دردها دچار اَندِن ، ونیز دیوزدیا ومصروعیا و فَلَجیا شا پَلو اَدُو و اَنَیا راشفا شَه دا. 25پس جَماعَتیای گَپ اَ جلیل ودیکاپولیس اورشلیم ویَهودییَه و دورو بَرِ اُردُن اَ پیِ اَنا روانَه بُودِن
1چون عیسی جماعت اشُ بینا اَ بَرَی کو چو وَ شِه . شاگردیاش شَه پَهلو اُندن 2وتعلیم شروش کِه و اُش گُت : 3خوشبحال فقیریا در روح زیرا پادشاهی آسمو از آن اِدَیا اِسی 4خوشبحال ماتمیان چون اَنَیا تَسلی اَگِرِن .5خوشبحال حلیمان چون اَنَیا زمی را اَ میراث اَبُرِن 6خوشبحال گرسنیا وتشنیای عدالت زیرا اَنَیا سیر اَبِن 7خوشبحال رحیمیا زیرا بر اَنَیا رحم اَبُو 8خوشبحالِ پاکدلیا چون خدا را اَبینِن9خوشبحال صلح جویا چون اَنَیا فرزندیای خدا خواندَه اَبِن 10خوشبحال اَنَیا کِه دَر راه پارسایی آزار اَبینِن چون پادشاهی آسمو اَز آن اِدَیا اِسی11خوشبحال شمایا وقتی کِه مردم بخاطر مَه اَشما دُشنام اَدَین وَآزار اَرَسَنِن وهَرحَرفِ بدی اَ دوروغ عَلیُتو اَگُواِن . 12خُوش بی وَ شادی بُکُنی چون پاداشتو در آسمو گَپ اِسی اَمدِ کِه پیامبرای پیش از شما اَندِن آزار شو رَسَنا13شما نَمکِ جهان اِسی اَما اَگر نمک خواصیتوش از دَس آدِه چگونه ماشا اَنا دوباره نمکیش بُکُنَم دیگَه اَ کاری نِدا جُز کِه اَدَر ریختَه بِبُو وپایمالِ مردم بِبُو 14شما نور جهان اِسی شهری کِه بَر فَرازِ کوهی بَنا بُدِه مو ناشا قایم بُکُنَم15هیچ کسی چراغ را روشن ناکُن تا اَنا اَ زیر کاسه ای اُونِسِه، بلکه اَنا اَ چراغدو اَنِسِه تا نُورِش بَر هَمَی اَنَیا که اَخونَه اِسِن بِتابِه . 16پَس اُونِسید نور شمایا اَ مَردُم بِتابِه تا کاریای نیکِتو را بِبینن و بوای شمایا را که در آسمو اِسی تَمجید بُکُنن17فکر اَکِردای که اُندِسِم تا تورات یا نِوِشتَیای پیامبریا را باطل بُکُنَم. نیوندِسِم تا باطِلُش بُکُنِم، بَلکِه تَمومُش بُکُنِم. 18زیرا آمین اَ شمایا اَگُوم ، تا آسمو و زمین زایل نِبو، نقطه یا هَمزَی از تورات هرگز زایل نابو تا اِنکه هَمَه بِه اَنجام بِرَسِه19پَس هر که یکی از کوچکترین اِ احکامی را کم اهمیت بُکُن وَ اَ کَسیای دِگَه اِندِه اَیاد آدِه در پادشاهی آسمو کیدوترین اَشُمار دا . اما هر که اِ اَحکامی اجرا بُکُن وَ اَنَیا را اَ کِسای دِگَه یاد آدِه اَنا دَر پادشاهی آسمو بُزرگ خواندِه اَبُو . 20اَ شُمایا اَگُوم تا پارسایی شما برتر از پارسایی علمای دین و فریسیان نِبو هرگِز اَپادشاهی آسمو داخل نابی21تُشُنُفتِه که اَ پیشینان شُگُتِه قتل مِکن وهر که قتل بُکُن سزاوار محاکِمَه اِسی 22اما مَه اَ شمایا اَگُوم هر که بَر برادر خُوش خشم بِگِرِه سزاوار محاکمه اِسی و هر که اَ برادَر خُوش راقا بِگو سزاوار محاکِمَه در پِشِ شُور اِسی23و هر که اَبرادَر خُوش احمَق بِگو سزاوار آتَشِ جهنم اِسی . پَس اَگَه هنگام تقدیم هَدیَه ات اَ مَذبح ، اَ یادِت اُند که برادَرت اَز تو چیزی اَ دِلوشِه ، 24هدیه ات را اَ مَذبح اُنِس و اول بُرو وبابرادر خوت آشتی بُکُن وبعد بیا و هدیه ات را تقدیم بُکُن25با شاکیت که تو اَ مُحاکِمَه اَبُوی تا وقتی که اَتِه راه اِسِی صُلح بُکُنی نِکُنِه تو اَ قاضی آدِه و قاضی تو اَ تحویل نِگَبان آدِه واَ زندان بِکِوِش . 26آمین اَتو اَگوُم که تا قِرونِ آخر پرداخت نَکُنِش اَ زندان اَدر نِدایش .27تُوشُنُفتِه که گُتَه بُودِه "زنا مَکُن ". 28اَما مَه اَ شمایا اَگُواِم ، هر کِه با شهوَت اَ زنی نِگا بُکُن ، هَمو مُوقی با اَنا زِناش کِردِه .29پس اَگَه چشم راستُت تو اَلغزَنِه ، اَنَا اَ دَر بیا واَدَر اُوبی ، چون که بهتر اِسی که عضوی اَز اَعضا ت نابود ببو تا که تمام بدَنُت اَ دوزخ بِکِت . 30و اَگَه دست راستُت تو را اَ لغزَنه اَنَه قَطع بُکُن و اَ دوراُبی ، چون که بهتر اِسی که عضوی از اَعضات نابود ببو تا که تمام بدَنُت اَ دوزخ بِکِت31اَمدِه گُتَه بودِه هر که زن خوُش طلاق آدِه باید اَ اَنا طلاقنامَه ی آدِه . 32اَما مَه اَشما اَگوُام هر که زِن خوُش را بخاطر بی عفتی طلاق آدِه باعث زنا بودَی اَنا اَبو وهر که زن طلاق داده بودَه اَزنی بِگِره زنا اَکِردوی33باز تو شُنُفتِه که اَ پیشینیان گُتَه بُودِه سوگنده دوروغ مَخو بلکه اَ سوگندیای خوت اَخداوند وفا بُکُن . 34اَما مَه اَشمایا اَگُوام هیچ وقت سوگند مَخُوری نه به آسمو چون که تخت پادشاهیه خدا اِسی 35و نه به زَمی چون که کرسی زیر پای اَنَی ونه به اُورشلیم چون که شهر آن پادشاه بزرگ اِسی36و نه اَسَر خوت سوگند مَخُو چون حتی موی را اُت ناشا سیاه یا سفید بُکُنِش . 37پس اُو شما هَمی اُو بُو و نه شما نه نه ، چون زیادتر اَز اِدِه شیطانی اِسی38باز تُو شُنُفته که گُتَه بُودِه " چِشم اَ عَوَض چِشم وَ دَندو اَ عَوَضِ دَندو ." 39اما مَه اَشما اَگُوام ، در برابر شخصِ شریر ایستادگی مَکُنید . اگر کَسی اَ گونِه راست تو سیلی بِزِن ، گونه دیگتم واگَردَن40وَ اَگَه کِسی شَوی تو اَمحکمَش کَشِدِه تا قبات واسی عبات اَدَر بیا وَ شادِه . 41اگَه کسی مجبورُت بُکُن که یَک میل با اَنَا اُچِش دو میل شَمرَه برو . 42اگَه کسی اَز تو چیزیش خواست شادِه و کسی از تو شَوی قرض بِگِرِه روی مَگَردَن43توُ شُنُفتِه که گُتَه بودِه ، هَمسایَت را محبت بُکُن و بادُشمَنُت دُشمَنی بُکُن 44اما مَه اَ شما اَگُواِم دُشمنیای خوتو را محبت بُکُنی و بَرَی اَنَیا که اَ شما آزار اَرَسَنن دُعای خَیر بُکُنی 45تا بَرَی بوای خوتو که در آسمو اِسی فرزندیا بی . چون اَنَا آفتو خوت را بَر بَدیا ونیکیا اَتابَنِه وَ بَرو خوش را بَر پارسایا و بدکاریا اَبارَنِه46اَگَه تنها اَنَیایی که محبت بُکُنی که اَ شما محبت اَکُنِن چه پاداشی تُوء ؟ آیا خَراجگیریا اِندِه ناکُنِن ؟ 47واَگَه تنها برادریای خوت را سلام بُکُنی چه برتری بَر دیگَریا تُوء ؟ مَگَه حتی قومیای بُت پَرَست اِ ندِه ناکُنِن ؟ 48پس شما کامل بی چون که بوای آسمونی شما کامل اِسی
1"آگاه بی که پارسایی خوت را در برابر دیدگان مَردُم اَ جا میاری ، اَ اِ قَصدی که شما را بِبِینِن ، وَگر نه پَلوی بوای خوت که در آسمو اِسی پاداشی تو نی 2پس هنگامی که صَدَقَه اَدِدایش جار مَزَن چون که ریا کاریا در کَنیسَیا و کوچَیا اَکُنِن تا مَردُم اَز اَنَیا تعریف بُکُنِن آمین اَ شما اَگُواِم اِدَیا اَجرِ خوشو شو گِرِته3پس تو چون صَدَقَه اَدَیش ، اِندِه بُکُن که دَست چَپُت اَز آنچه دستِ راسُوت اَکُنِه، نِفَمِه . 4تا صدَقه تو در نهان بو ، آنگاه بوای نهان بین تو اَتو پاداش اَدِه5موقعی که دعا اکُونِش مثل ریا کاریا مَبَش که دوس اَدَرَن در کِنیسه یا وسَر کوچیا وَیسِن دعا بُکُنِن تا مردم اَنَیا رابِبینِن . آمین اَ شما اَگُوام اِدَیا پاداش خوشو شُگِرِتِه 6اما تو وقتی دعا اَکُنِش اَ اُتاقِ خوت برو دَر آبَن وَپِشِ بوای خوت که دَر نُهان اِسی دعا بُکُن دِگَه بوای نهان بین تواَ تو پاداش اَدِه 7اَمدِه موقع دعا عبارتیای تو خالی تکرار مَکُنِی ، اَمدِه که قومِ بُت پَرَست اَکُنِن چون فکر اَکُنِن به سببِ زیادِه گُتِه، مستجاب ابو8پَس مِثل اِدَیا مَبی ، چون بوای شما پیش اَز انکه دَرخواست بُکُنِش ، نیازیای شما را افَمِه . 9پس شما اَمدِه دعا بُکُنی : ای بوای اَما کِه اَ آسمونِش نامِ تو مُقدس اِسی . 10پادشاهی تو بیا اِرادَی توچون که در آسمواَ اَنجام اَرَسِه ، بَر زَمی نیزاَ اَنجام بِرِسِه11نونِ روزانه اَما را اِروزاَما آدِه. 12و قَرضیای اَما را بِبَخش، چون که اَما قَرضداریای خُمُو اَبَخشم. 13وَ اَما را اَ آزمایش مَیا، بلکه از شریر رهاایمو آده. [ چون مَلَکوت و قوت و جَلال تا اَبد الاباد از آنِ تو اِسی آمین.]14چون اَگَه خطایای مردم را بِبِخشی، بوای آسمونی شما نیز شما ابخشه . 15اما اَگَه خَطاایای مردم را نبخشی بوای شما نیز خطاایای شما نا بخشه16هنگامی که روزَه اَگیری مانند ریاکاریا ترشرو مَبی چون اَنَیا حالَتِه چِرَی خوشو دِگَرگون اَکُنِن تا اَ پِش مردم روزَه دار نشو آدَین ، آمین تا گواِم که پاداشِ خوشو به تمامی شو گِرِتِه . 17اما تو چون روزَه اَگرِش اَ سَر خوت روغَن بِزَن وَصورَتِ خوت بِشو 18تا روزَی تو بَر مردم اَعیان نِبو بلکِه بَر بوای تو که در نهان اِسی ، وبوای نهان بین تو اَ تو پاداش اَدِه19گَنجیای خوتو بر زَمی مَیَندوزی جایی که بید وزنگ زیان اَرَسَنِه و دُوزیا نَقب اَزَنِن وسرقَت اَکُنِن 20بلکه گنجِ خوت دَر آسمو اَندوختَه بُکُنی ، اَمکِه که بید وزنگ زیان نارَسَنِه و دُوزیا نَقب نازَنِن وَ سرقَت ناکُنِن. 21چون هر جا گنجِ تو اِسی دِلِ تو نیز اَمکِه اِسی22چِش چراغِ بَدَن اِسی اَگَه چِشُوت سالم بو تمامِ وُجودُت روشَن اَبو 23اما اَگَه چِشوت فاسِد بو تمامِ وُجودُت ظُلمَت اَگِرِه . پس اَگَه نوری که در تو اِسی ظُلمَت بو چه ظُلمَتِ عَظیمی اِسی . 24هیچکی اُشناشا دو اَرباب خِدمَت بُکُن ، چون از یکی نفرت پَیدا اَکُن وَ اَز دیگَری مِهر اَوَرزِه ویا سَرسِپُردَی یکی اَبو ودیگری را خوار اَشمُورِه توُ ناشا هم بندَی خدا بی هم بندَی پوُل25پس اَشما اَگُواِم نگَرانِ زندگیِ خوت مَبی که چه اَخوری یا چه اَنوشی ونه نگرانِ بدن خوت که چه اَپوشی . آیا زندگی اَز خوراکُ و بَدن اَز پوشاک مهمتر نی ؟ 26پَرَندَیای آسمو بنگَری که نه اَکارِن ودِرو اَکُنِن ونه در اَنبار ذَخیرَه اَکُنِن وبوای آسمونی شما اَ اَنَیا روزی اَدِه. آیا شما از اَنَیا با ارزشتر نیسی ؟27کِه اِسی اَز شما کِش بِشا با نگرونی ساعتی اَ عمرِ خوش اَفزودَه بُکُن ؟ 28وچرا بَرَی پوشاک نِگَران اِسی ؟ سوسَنیای صحرا بِبینی که چگونَه نِمو اَکُنِن . نِه زحمَت اَکِشِن ونِه اَریسَنِن . 29اَ شما اَگوُام که حتی سلیمان نیز با هَمَی شُکوه وَجلالُش مِثلِ یکی از اِدَیا آراستَه نِبُیس30پَس اَگَه خدا علفِ صحرا که اِروُز اِسی وَصَبا در تنور اَبی اِندِه اَپوشَنِه، ای کم ایمانیا آیا شما به مراتب بهتَراُشناشابِپوشَنِه ؟ 31پس نگران مَبی وَمَگوی چه بُخِورَم یاچه بِنوشَم ویا چه بپوشَم32چون اقوامیای بُت پَرَست اَ پِیِ هَمَی ایگونَه چیزیا اِسِن، اما پدرِ آسمونیِ شما اَدَنِه که بدین هَمَه نیازتواِ . 33بلکه اول در پِیِ پادشاهیِ خدا و عدالَتِ او بی . آنگاه هَمِیِ اِدَیا اَ شما عطا اَبو. 34پس نگرانِ فردا مَبی ، زیرا فردا نگرانیِ خوت را اُشِه . مشکلیای اِروز بَرَی اِروز کافی اِسی.
1داوری مَکُونی تا بر شما داوری نِبو. 2اَمدِه که اَ هَمَکِس داوری اَکُونی اَ شما هم داوری اَبو با اَمی پِیمانَه وَزن بُکُنی بَرَی شما وَزنَ بو3چرا پَرِ کاه در چِشِه برادَرُت اَبینِش اما اَز چوبی که دَر چِشِه خوت اُتِه غافِلِش ؟ 4چطور تَشا اَبرادَرُت بُگواش اُنِس پر کاه اَ چِشُوت اَدَر بیارِم اَمدِه که چوبی دَر چِشِه خوت اُوتِه؟ 5اَی ریا کاریا اول چوب اَز چِشِه خوت اَدر بیا دِگَه بهتر اَبینِش تا پر کاه را اَز چِشِه برادَرُت اَ در بیارِش6هَر چی مقدس اِسی اَ سگیا مَدَی و مرواریدیای خوت اَپِشِ خوکیا مَبَی نِکُنِه اَنَیا پایمال بُکُنِن و واگَردِن و شما را بِدَرِن7بِخوای که اَشما دادَه اَبو بِطلبی که پَیدا اَکُنی بِکوبی که در تا زرو باز اَبو . 8زیرا هر کِش بِبو اَ دَس دارِه هر که بِطلَبه پیدا اَکُن و هر که بِکوبِه در شَه رو باز اَبو . 9کدام یک اَ شما اگَه پُسوش اَز اَنا نوش شَوی سنگ اَ اَنا اَدِه ؟ 10یا اَگَه مَیی شَهوی مار اَ اَنا اَدِه11پَس اَگَه شما با هَمَی بَد سیرَتیتو اَدَنی که باید اَ بِچیای خوتو هَدیییای خَش اَدِی ، چِقَد بیشتر بوای شما که در آسمو اِسی اَ اَنَیا که از اَنا شاوی ، هَدییَیای نیکو اَدِه . 12اَمدِه با مردم رفتار بُکُنی که تاو وی با شما رفتار بُکُنن اِدِه اِسی خلاصه تورات و نِوِشتِه اَنبیا13اَز دَر تنگ اَجا بَی چون فَراخ اِسی وَاَنَه دَری وسیع اِسی واَ هلاکت منتهی اَبو وداخل بُدَیا خَیلی اِسِن . 14اما تنگ وَ دشوار اِسی اَنَه راهی که بِه حیات منتهی اَبو ویابندیای اَنا کَم اِسِن15از پیامبریای دروغی بَر حَذر بی اَنَیا در لباسِ گوسفندی اَ پَلوُ شما داین اَما دَر باطِن گُرگیای دَرَنده اِسن . 16اَنیا از میوَیا شو شاش ناسَم . آیا اَنگوررا از بوتَی خار وانجیر را از علفِ هرز اَچینِن؟ 17اَمدِه اِسی که هر درخت نیکو میوَی نیکو اَدِه ، اما درختِ بد میوَی بد.18درختِ نیکو اُش ناشا میوَی بد آدِه ودرختِ بد نیز اُوش میوَی بد آدِه . 19هر درختی که میوَی خَش نِدِه بریدَه و در تَش بِسَه اَبو . 20اَمی اِسی که اَنَیا اَز میوَییاشو اَشناسی21نه هَر که اَمَه سروَرَم سَروَرم بِگو اَپادشاهی آسمو راه پیدا اَکُن ، بلکه تنها اَنیا که ارادَی بوای مَه که در آسمو اِسی اَجا بیاره. 22در اَمی روزی خیلی اَمَه اَگُواِن سَروَر اَما سَروَراَما آیا اَ نامِ تو نبُوت مُنِکِه ؟آیا اَنامِ تو دیویا ما دَر نِکِه آیا اَ نامِ تو مُعجزی زیادی انجام مو نِدا ؟ 23اما اَ اَنَیا اَ صراحَت اَگُواِم ، هیچوقت شما اُم نِشِناخت از مَه دوُر ببی اَی بَد کارِیا .24پس هر کِه سُخنیای مَه بِشنُوه و اَ اَنَیا عمل بُکُن مِثِ مَردِ دانایی اِسی که خونَی خوش بَر سنگی بناش کِردِه 25چون بَرُو بیا و سَیلیا رَوان بِبو وَ بادیا بِوَزِه و اَاَنا خونَی زور بیارِه ، خَراب نابوچون که بر سنگ بَنا بُدِه26اما هَر که سُخَنیای مَه بِشنَوِه و اَ اَنَه عَمَل نِکُن مِثِ مَردِ نادونی اِسی که خونَی خُوش بَر شِن بَناش کِردِه . 27چون بَرُو بیا وَ سَیلیا رَوان بِبو وَبادیا بِوَزِه وَاَاَنَه خونَی زور بِیاره و خراب اَبو و خَرابیش زیاد اِسی28چون عیسی اِ سُخَنیا تَمُوم اُشکِه مَردُم از تعلیمِ اَنَه در شِگِفت اَندِن، 29چون با اقتدار تَعلیمشَ اُش دا نِه مِثِ عُلَما
1چون عیسی اَز کوه اَزیر اُوند جماعَتیای بزرگ شَمرَه اُندِن 2در اَمی موقَع مَردِ جُذامی شَه پَلو اُند وَدر روبَروش زانوُش زَد و اُش گُت سَروَرَم اَگَه تَوی تَشا پاکُم بُکُنِش . 3عیسی دَسِ خوُش دِرازُش کِردِه و اَنَه لَمسُش کِه وَش گُت ، مَوی پاک بِبِش دَر دَم پاک بُویس4پَس عیسی شَه اَنَه گُت آگاه بَش که دَر این بارَی اَکِسی چیزی مَگوبلکه برو خوت را اَکاهِن نِشو آدِه وَ هَدیه ی که موسی اُش گُتِ شادِه تا بَرَی اَنَیا گَواهی بو5چون عیسی وارِدِ کَفَرناحوم بُویس، یَک نِظامی رومی شَه پَلو اُند وَ با اِلتِماسُوش 6گُت سروَرِ مَه خِدمَتکارم مفلوج در خونَه خَتِه وَسَخت دَرد اَکَشیدوی . 7عیسی اُش گُت مَه دااِم وَاَنا شفا اَدَیم8نظامی پاسُخُش دا: سَروَرَم شایستَه نیسِم اَ زِرِسَقفِ مَه بَیش . فقط سُخنی بِگو که خدمتکارَم شفا اَگیرِه . 9چون مَه خوت مَردی اِسم زیرِ فَرمو . سربازانی نیز زیر فَرمو خوت اُمِه. اَ یکی اَگُواَم بُرو اَچو ، وَ اَدیگَری اَگوُاَم بیا دُندُی. اَ غلامِ خوت اَگواَم اِ کاری بُکُن وَ اَکُن. 10عیسی چون سُخنیای اَنَش اُششُنُفت ، متعجِب بُویس و به هَمراییای خُوش گُت : آمین اَشما اَگُواَم ، چنین ایمانی را حتی اَ اسراییل هَم اُم نِدِدِه11و اَشما اَگواَم که بسیاری اَز شَرق وغرب خواهند اُند و اَپادشاهی آسمو با ابراهیم و اسحاق و یعقوب بَر سَر یک سُفره اَنَین ، 12اما فرزندیای این پادشاهی اَ تاریکی اَ دَر داین جایی که گیریخ وَدَندو بَر هم ساییدَه اَبو . 13شَه نظامی گُت برو مطابِقِ ایمانُت اَ تو دَدَ بُویس اَمی مُوقع خدمَتکارُش شفا پیداش کِه14چون عیسی اَ خوُنَی پطرُس چو مادرزنوش اَش بینا که تاواُوش کِردِه و در بَستَر اِسی 15عیسی دَسُش لَمسُش کِه و تاوُش قطع بُیس پس اَنَه بُلند وابُویس و پذیرایی اُوش کِه16وقتی غروب بُویس خیلی از دیو زَدَیا شا پَلو آو و اَنَه با کلامِ خوش ارواح از اَنَیا شَه دَر کِه و هَمَی بیماریا شَفاش دا . 17واقع بُیس پیشگویی اَشعیای نَبی : اَنَه ضَعفیای اما اوش گِرِت وبیماریای اَما حَملُش کِه18چون عیسی اُش بینا گروهِ زیادی شَه پَلو اُندِسِن ، اُوش گُت: اَندَی دریا اُوچَم . 19اَمی مُوقَی یکی اَز عُلما شَه پَلو اُند و اُوش گُت : اَی اُستاد هر جا اُوچِش نو را پیرَوی اَکُنِم 20عیسی پاسِخُش دا روبایا را لانَیا وَ مرغیای هوا آشیانَیا اَما پُوسِ انسان را جای سَر نِدَه نی21شاگِردی دِگَه شَه وَی گُت ، سروَرَم رُخصَت آدِه تا اُوچِم بوای خُوم اَ خاک بُکُنِم . 22اما عیسی شَه اَنا گُت: از مَه پیرَوی بُکُن وَاُنِس مُردَیا ، ُُمُردَیای خُوشو اَخاک بُکُنِن23چون عیسی اَسوارِ قایقی بُویس وَشاگِردیاش شَه دُم چِدِن. 24اَمُو مُوقَی طوفانِ شَدیدی اُند طُوری بُیس کِه نَزدیک اَند مُوج قایق غَرق بُکُن اما عیسی دَر خاُو اَند 25پس شاگردیا اُندِن اَنَه بیدارشو کِه وَ شوگُت ، سَروَر اَما چیزی نِوامُندِه کِه غَرق بِبَم نِجاتمو آدِه26عیسی جوابُش دا ای کَم ایمانیا چرا اِندِه تَرسِدِسی؟ سپس بلند وابُیس باد وامواج را نَهیبُش زَد وآرامِشِ کامل حکمفرما بُویس . 27اَنَیا شِگِفت زَدَه از یَک دِگَه شو پُرسی اِ چِطور شَخصی اِسی ؟ حَتی باد و اَمواج از اِدِه فَرمو اَبُرِن28اَمی مُوقَی کِه اَ ناحیه ی جَدَریان در اَندَی دریا رَسِدِن ، دو مَرد دیو زَدَه که از گورِسو اَ دَر داندِن شو بینا اَنَه دوتای به قدری وَحشی اَندِن که هیچکس اُوش ناشَیس اَز اَمکِه رَد بِبِن . 29اَنَیا فَریاد شا زَد تو با اَمایا چه کاری اُوتِه اَی پُوس خدا آیا اُندِسِش تا اَما قبل از وَقت عَذاب آدَیش؟30کَمی دور تر اَز اَنَیا گَلَی گَپی از خوکیا مَشغولِ چِرا اَندِن 31دیویا التماسشُو کِه اَعیسی شو گُت ، اَگَه ما دَر اَکُنِش اَ داخلِ گَلَی خوکیا بِفِرِس . 32شَه اَنَیا گُت اُچی : دیویا اَ در چِدِن و اَ داخلِ خوکیا بُودِن و هَمَی گَلَه از سرازیری تَپَه اَ درون دریا هجوم شُو بَو وَدَر آو هلاک بُدِن33خوکبانیا فرارشو کِه اَ شَهر چِدِن و هَمَی اتفاقیای کِه بَرَی دیو زَدیا کَتِسون شو گَت. 34سپس هَمَی مَردُم شَهر بَرَی دِدَی عیسی اَدَر اُندِن و چون اَنَه شو بینا اَ اَنَه التماسشو کِه از اَنَه ناحیه ی اُچو
1پس عیسی سوار قایق بُیس واَندَی دریا اَشهر خُوش چو. 2اَمی مُوقَی مردی مفلوج که اَ دُشَکی خَتِسُن شا پَلو آوعیسی چون ایمان اِدیا اُ شبینا اَ مفلوج اُش گُت دِل قوی بُکُن فرزندم گنایات آمرزیدَه بُویس3در اِ مُوقَع بعضی از علمای دین با خُشو شو گُت اِ مَردی کُفر اَ گُتُای 4عیسی فکرشواُش خَند و اُشگُت : چواِ فِکرِ پلیدی اَ دلِ خوت را اَدِدای 5شوگُت کُدُم آسونتر اِسی اِدِ اِسی که گنات آمرزیدَه بویس یا اِدِه که بلند وابَش و اَ راه بُرو. 6اِدِه تا بِفَمی که پُوس انسان بَر زَمی اقتدارِ آمرزِشِ گُنایا اُوشه اَ مَفلوجُ اُشگُت بلند وابَش دُشَکِ خوت واسی وَ اَ خونَه بُرو7اَنَه مَردو بُلَند وابُیس و اَ خونَه چو . 8چون مَردُم اِدِشو بینا تَرسِدِن و خدایی را که اِ قُدرَتی اَ انسان اُش بَخشِدِه تَمجید شو کِه . 9چون عیسی اَمکِه تَرکُش کِه مَردی اَشبینا مَتی نام که در خَراجگاه اُداسُن اَ اَنَه اُشگُت اَ دُمِ مَه بِدا اَنَه بُلند وابُیس و شَه دُم چو10روزی عیسی اَ خونِه مَتی بر سَر سُفره اُداسُون که بسیاری از خراجگیریا و گناکاریا اُوندِن و با اَنَه وشاگردیاش هم سُفرَه بُودِن. 11چون فَریسیا اِدِشو بینا ، به شاگردیای اَنَه شوگُت : چرا استادِ شما با خراجگیریا و گناکاریا غذا اَخَردُوی؟12چون عیسی اِدِه اُششُنُفت، گُت : مَریضیا اِسِن که به طَبیب نیاز شواِ نه تَندُرستیا. 13اُچید و مفهومِ اِ کلامی را درک بُکُنید که "رحمَت راپَسَند اَکُنِم نه قوربونی را." چون مَه نیوندِسِم تا پارسایا بلکه گناکاریا را دعوت بُکُنَم14آنگاه شاگردیای یحیی اَ پِشِ عیسی اُندِن و شوگُت : " چرا اَما وفریسیا روزَه اَگِرَم ، اما شاگردیای تو روزَه ناگِرِن؟ " 15عیسی پاسُخُش دا : "آیا اَبو مِمونیای عَروسی تا وقتی که دَما با اِدَیا اِسی سوگواری بُکُنِن؟. اما ایامی دا که دَما اَ اِدَیا گِرِتَه اَبو آنگاه روزَه اَگیرِن .16هیچ کی پارچه ی نواَ جَمی کُنهَ وصله نازِن چون که وصله اَ جَمَه کندهَ اَبوپَریش بیشتر اَبو17و نیز شرابِ نو در مَشکیای کُنَه ناریزِن ، چون مَشکیا پارَه اَبو وَ شراب اَریزه و مَشکیا از بین اَچِن. شرابِ نو را در مَشکیای نو اَریزِن تا هر دو مَحفوظ بِن18در اِ مُوقَی که عیسی این سُخَنیا بَرَی اَنَیا تعریف اَکُردُی، یکی از رئیسیا اَپِشِ اَنَه اُند و اَ مُقابِلُش زانوش زَد وَاُشگُت: " دُتُم اَمی اَلانَی مُرد. پَس اَمی اَلان بِدا و دَسِه خوت بَراَنَه اُونِس که زِندَه وابو" 19عیسی بلند وابُیس وبا شاگردیاش با اَنَه چو .20دَر اَمی موقَی زَنی که دَوازدَه سال از خونریزی رَنج اَبُردُی، اَ پُشتِ سَرَه اَ عیسی نَزدیک بُیس و لَبَی رَدایِ اَنَه را لَمسُش کِه. 21اَنَه با خوش گُتِسُون : " اَگَه حَتی به رَداش دست بِزَنِم ، شفا اَگِرِم " 22عیسی واگِشت اَنَش بینا وَاُشگُت: " دُتُم دِل قَوی بِدَر ایمانُت تو را شَفاش دَدِه" اَمو ساعتی زَن شَفاش گِرِت.23و چون عیسی واردِ خونِی اَنا رئیس بویس و نوحَگَریا و کَسای که شیوَن اَکِرداین اُشبینا " 24اَشگُت، اَ دَر اُچید اِ دُتی نِمُردِه بلکه خَتِه " اما اَنَیا اَ اَنَه خَنَشو کِه25چون مَردُم اَدَر کِه، عیسی داخِل بُیس وَ دَسِه دُتُوش گِرِت و اَنا بلند وابُیس. 26خَبرِ اِ واقِعه در سرتاسَرِ آن ناحیَه پَخش بُیس27مُوقی که عیسی اَنَه مکانی تَرکُش کِه ، دو مَردِ کور اَ دُمِ اَنا فریاد شو زَد: "ای پُسِ داوود اَ مایا رَحم بُکُن ". 28چون اَ خونِه دَر اُند، اَنَه دو مَردی اَپِش اُندِن. عیسی اَ اَنَیا سُوال اُشکِه: " آیا ایمانِتو اِسی کِه مَشا این کاری انجام آدَیم؟" جَوابشو دا " بَله سروَرا"29پَس عیسی چِشمیاشو لَمسُش کِه وَ اُشگُت" بنا بَر ایمانِتو براتو انجام بِبو ." 30یَکدَفَی چِشمیاشو باز بُیس. عیسی اَ اَنَیا اِصرارُش کِه وَ اُشگُت " مراقب بی کَسی اَ اِ موضوع ای آگاه نَبو". 31اما اَنَیا که اَ دَر چِدِن، اَنَه در تمام آن نواحی شهرتشو دا32در هَمو لَحظَه کِه اَنَیا اَ دَر اَچِدِن ، مَردی دیو زَتَه را کِه لالَم بُدِه ، اَ پِشِ عیسی شو آو . 33چون عیسی دیو را اَز اَنَه بیرونُش کِه ،زبونِ اَنَه مردِ لال باز بُیس مردم حیرت زَدَه شاگُت اِندو چیزی در اسراییل دِدَه نَبُدِه 34اما فریسیا شُگُت اَنَه دیویا اَ یاریِ رییس دیویا اَ دَر اَکُن35عیسی هَمی شَریا و روستایا اَگِشتِه در کِنیسه یا اَنیا تعلیم شَدا و بشارت پادشاهی اعلام شَکِه هر درد و بیماری شفا شَه دا 36و چون اَنبو جماعت اُشبینا دِلُش بَرَی اَنیا سُوت چون مِثِ گوسفَندیای بی شبان پریشون و دَرمانده اَندن37شَه شاگردیاش گُت محصول زیاد اِسی اما کارگر کم 38پس از مالک محصول تُبِوی کارگریا بَرَی درو محصول خوت بِفرسه
1عیسی شَه داوزده شاگرد خوش اُشگُت بی وشَه اَنیا اقتدار داتا ارواح پلید اَدَر بُکنن وهردرد بیماری شفاآدین2اِسمیای داوازده رسول اِده اِسی اول شمعون معرف اَ پترس وبِراسوش اَندِریاس یعقوب پُس زیدی وبِراسوش یوحنا 3فیلپس وبرتولما توماومتای خراجگیریعقوب پُس حلفای وتدای 4شمعون غیورویهودایاسخریوطی که عیسی تَسلیم دشمن اُشکه5اِدوازده تا عیسی اُش فِرِسا وشَه اِدیا گُت اَپَلو غیر یهودیا مَچی واَ شهریای سامریا داخل مَوی 6اُچی اَ پَلوگوسفندیای گم بودَه قوم اسراییل اُچی 7وقتی اَچی ا پیامی موعظه بُکنی کهُ پادشاهی آسمو نزدیک اِسی8بیماریا شفا آدی مردیا زنده بکنی جذامیا پاک بکنی دیویا ادر بکنی مفت توواجسه ومفت آدی 9طلا یا نقره یا مس در کمربندیای خوت منسی 10وبری سفرکوله باریا جمی اضافی یا کفش یاچوب دسی مواسیچون که کارگر مستحق11اَ هَر شَهریا روستایی که وارد اَبی فردی خَش پیدا بُکُنید و تا وقتی که تَوی اُچِش اَ خونَش اونَیش 12چون اَ خونَی اَچی بُگُوی سلام برشما 13اَگَه اَنَه خونَی شایستَ بو سلامِ شما قَبول اَکُن وَ اَگَه قبول نَکُن اَ شما اَ واگَردِه14اَگَه کِسی شما قَبول اُشنِکِه و حرفیَای تو گوشُش نِدا ، موقَع تَرک خونَه یا شهر،خاک پای یای خوتو بِتَکَنی . 15آمین اَ شماییا اَگواِم در روز داوری تَحملِ مجازات بَرَی سُدوم و غَمورَه آسونتر اَ بو تا بَرَی اَنَه شهری16مَه شُماییا را مِثِه گوسفندیا اَ میونِ گُرگیا اَفِرِسِم پَس مِثه مار هوشیار بی و مِثه کبوتر سادَه . 17اَز مَردُم بَر حَذَر بی اَنَیا شما را اَ مَحکَمَه اَبُرِن و در کَنیسَیای خوشو تازیانَه اَزَنِن ، 18بخاطر مَه شما را اَ پَلوی والیا و پادشایا اَبُرِن تا در بَرابَر اَنَیا تا در میونِ قومیای دُنیا شهادَت آدَی19اما چون شما را تسلیم اَکُنِن نِگران مَبی که چگونَه یا چه بُگُوی در اَمی موقع اَمی که تاوی بُگُی اَ شما عَطا اَ بو ، 20چون گویندَه شما نیسی بَلکه روحِ پدَرِ شما اِسی که اَ زَبو شما سُخَن اَگو21برادر برادر را وَ بوا بِچُش را تسلیمِ مَرگ اَکُن بِچیا اَ والدَینِ خوشو اَ وارُسِن و موجباتِ قَتلِ اَنَیا را فَراهَم اَکُنِن هَمَی مَردُم 22بِخاطِر نامِ مَه اَ شما مُتِنَفِر اَبِن اما هَر که تا آخَر پایدار وامَنِه ، نِجات پیدا اَکُن . 23چون در شهری اَ شما آزار اَرَسَنِن اَ شَهرِ دیگَه اُچی . آمین اَ شما اَگواِم ، پیش اَز اِنکِه تُبِشا اَ هَمَی شَهریای اسراییل اُچید ، پُسِ انسان دا24شاگرد اَز استادِ خود بَرتَر نی و نه غلام اَز اربابِ خود بَراتَر . 25کافیِه شاگرد مِثِ استادِ خوُش بِبوو غلام را که چون اربابِ خوُش بِبو . اَگَه رییسِ خُونَه را بَعلزَبُول اَخَنِن ، سایرِ افرادیای خونَه چِه اَخَنِن26دِگَه اَ اَنَیا مَتَرسید ، هیچی پنهون نی کِه آشکار نبووَ هیچی پوشیدَه نی کِه مَلوم نَبو . 27آنچه در تاریکی اَشما اُمگُتِه ، در روشنایی بُگُویید و آنچه در گوشِتو گُفتَه بُویس ، اَ بَرَی بامیا اعلام بُکُنید28از کَسیایی که جسم را اَکُشِن اما قادر اَ کُشتَن روح نیسِن مَتَرسید، از اَنَه بِتَرسید که قادر اِسی هَم روح و هم جِسمِ شمایا را در جَهَنَم هلاک بُکُنِ . 29آیا دو گنجشک را به یک پولِ سیاه نافِرِشِن؟ با اِ هَمَه ، حتی یَک گُنجشک نیز بدونِ خواستِ بوای شما اَ زَمی ناکِت 30حتی مویهای سَر شما اَ تمامی شُمُردَه بُدِه. 31پس مَتَرسید چون ارزشِ شما بیش از هزاران گنجشک اِسی32هر که اَ پش مردم اَ مه اِقرار بُکن مَه اَ پِشِ بوای خوم که آسمو اِسی اَنَ اقرار اَکُنم 33اَما هر که پِش مردم اِنکار بُکن مَهَ اَ پِش خداخوم که در آسمو اِسی انکار شَکُنم34فکر نکنی اُندِسِم صلح اَ زمی بیارِم نیوندِسِم تا صلح بیارِم بَلکه شمشیر بیارِم 35چون اُندِسِم پُس را اَ بوآ دُت اَ مادر و عروس اَ نَنَی شو جدا بُکنم 36دشمنیای شخص اَلِه خونَی خوش اِسی37هر که بوآ، ننی خوش بیشتراز مَه دوس بِدَرِه شایسته مَه نی و هر که پُس یا دُتِه خُوش بیشتَر اَز مَه دوس بِدَرِه شایستَی مَه نی 38هَر که صلیب خوش نِواسی پشت مَه نیا شایستَی مَه نی و 39هر که شوی جون خوش حفظ بُکن اََنه از دَس اَدِه وهر که جون خوش رابِه خاطرمَه از دَس آده اَنَه حفظشَ کُن40هَر که تو بِپَذیره مَش پَذیرُفتِه و کِسی که مَم بِپَذیرِه فِرِستَندِی مَش پَذیرُفتِه. 41هَر که پیامبری را از آن رو که پیامبر اِسی بِپَذیرِه پاداش پیامبر را دریافت اَکُن هر که پارسایی را از آن رو که پارسا اِسی بِپَذیرِه پاداشِ پارسایی اَگیرِه42وَ هر که به اِ کَیدونیا از آن رو که شاگردِ مَه اِسِن حتی کاسه اُو سَرد آدِه آمین اَ شما اَگواِم بی پاداش نَوامَنَه
1پَس اَز اِدِه که عیسی از دَادَی اِ فَرمانیا اَ دوازده شاگِردِ خوش فارِق بُویس اَز اَمکَه چو تا در شهریای اَنَیا اَ تَعلیم وَ موعِظَه بِپَردازِه . 2چون یحیی اَ زندان وصفِ کاریای مسیح اُ شُشُنُفت شاگِردیای خوش اَ پَلوی اَنَش فِرِسا 3تا بِپُرسِن آیا تو اَمی اِسِش که باید داندِش یا منتظره کِسِ دِگَه بَم؟4عیسی در جواب اُشگُت اُوچی هر چه اَبینی وَاَشنُوی اَ یحیی بُگُوی 5که کوریا بینا اَبِن لَنگیا را اَچِن جُذامیا پاک اَبِن کَریا شنوا اَبِن و مُردَیا زِندَه اَبِن و فقیریا بشارت اَدََین 6خوشبحالِ کسی که اَ سَبَبِ مَن نِلَغزه7چون شاگردیای یحیی اَچِدِن عیسی در بارَی یحیی سُخن آغاز اُشکِه و شَه جَماعَت گُت بَرَی دیدنِ چه چیزی اَ بیابو چِسی ؟ بَرَی دِدَی نی ای که از باد در حرکت اِسی ؟ 8اَگه نَه بَرَی دیدَنِ چه چِسی؟ بَرَی دیدَنِ مَردی که جَمَی جُوشَه بَرِه؟ اَنَیا که جَمَی جُو اَبَر اَکُنِن در کاخیای پادشا اِسِن9پس بَرَی دِدَی چه چِسی ؟ بَرَی دِدَی پیامبَر ؟ بله اَ شما اَگُواِم کسی که از پیامبر بَرتَر اِسی . 10چون اَمی اِسی که در بارَش شو نِوِشته اینَک پیام آوَر خوت را جِلو تَر اَز تو اَفِرِسِم تا راهُت را پیشِ روت مُحیا بُکُن11آمین اَشما اَگوُام که گَپتَر اَز یحییِ تَعمید دهندَه از مادر زادَه نِبودِه ، اما کیدوتَرین دَرِ پادشاهی آسمو اَز اَنَه گَپتَر اِسی 12از زمان یحیی تَعمید دهَندَه تا الان پادشاهی آسمو نیرومَندانَه اَپِش اَچو وَ زور آوَریا اَنَه تصاحُب اَکُنِن13زیرا هَمَی پیامبَریا وَ تورات تا زمان یحیی نبوت شاکِه 14و اَگَه تا وی بِپَذیری یحیی اَمی ایلیا اِسی که باید داآند . 15هر که گوشِ شنوا اُشِه بِشنُوِه16اِ نَسلی اَ چه تَشبیه بُکُنِم ؟ مِثِ طفلی اِسِن که در بَزال اَنَین هَمبازییای خوشو صدا اَکُنِن ، 17بَرَی شما نَی موزَد نِرَقصدی نوحَه موخَند سینَه تو نِزَد18چون یحیی اُند که نَه شَخَه ونه شَه پوشی ، شا گُت دیوُشِه 19پُس اِنسان اُند که شَخَه وَ شَه نوشی شا گُت مردی اِسی پُرخور میگُسار دوسِه خَراجگیریا وَ گُناکاریا . اما حقانیتِ حِکمَت را اعمالِ اَنَه اَ نَبوت اَرَسَنِه20اَمی موقَی عیسی اَ شهریایی مَلامَتُش کِه ، که بیشتَرین معجزَیاش در اَمکِه انجامُش دَیسوُن 21وای بر تو ای خورزین وای بر تو ای بیت صیدا زیرا اَگَه معجزی یای که در شما اَنجام بُدِه در صور وصیدون روی شَه دا مَردُمِ اَمکِه مدتیای پیش در پلاس و خاکستَر توبَه شو کِردِسون 22اما یقین بِدَنی که در روزِ داوَری تحمل مجازات بَرَی صور و صیدون آسونتر اَبوتا بَرَی شما23و تو ای کفرناحوم آیا تا اَ فَلَک سَرَ واسَیش؟ هیچ موقَه بلکه تا اعماقِ هاویَه فرو اَچِش زیرا اَگَه اِ معجزیا که در تو انجام بُدِه در سدوم رُخشَ دا تا اِروز اَجا اَوامُند . 24اما باوَر بُکُن که دَر روزِ داوَری تَحَمُلِ مجازات بَرَی سدوم آسونتر اَبو تا بَرَی تو25در اَنَه وَقتی عیسی اظهارُشَن ای پدَر مالکِ آسمونُ زَمی تو را اَپَرَستِم که اِ حقایقی را اَز دانایا و خِرَدمَندیا پِنهانُش کِردِه و بَرَی بیچیا آشکارُش کردِه 26اُ ای بوا چون خوشنودیِ تو در اِدِه اِسی 27بوای مه هَمَه چی شَه مَه سِپُردِه هیچ کَس پُس ناشناسِه جُز بوا و هیچ کَس بوا ناشناسِه جُز پُس و اَنَیا که پُس شا وی بَرَی اَنَیا آشکار اَکُن28بَی اَپَلُویِ مَه اَی هَمَی زَحمَتکِشیا و گِرانباریا که مَه اَ شما آسایش اَدَیم . 29یوغِ مَه اَدوش بِگیری و از مَه تعلیم بِگِری چون که حَلیم وافتادَه دِل اِسِم، و در جونیای خویش آسایش اَرَسی ، 30چرا که یوغِ مَه راحَت اِسی و بارِ مَه سَبُک
1در اَمی زمانی عیسی در روز شبات از میون مزارع گندم رَد اَ بُیس شاگردیا ی انهبه علتِ گُشنِگی شروع اَ چِدَی خوشه یای گندُم و خَردَی اَنَیاشو کِه 2فریسیا چون شُبینا شُگُت نگاه بُکُن شاگردیات کاری اَکِرداین که در روز شَبات جایز نی3اُشگُت مَگه تو نِخَندهِ که داود چوشکهِ خوش ویاریاش گُشنَه اَندِن 4اَ خونه ی خدا چِدِن وخوش ویاریاش نوُ حضور شُخَه هر چند خَردَی اَنه بِرَی اَنه ویاریاش جایز نیَند چون که فقط بَرَی کاهنیا مجاز اَند5مَگَه در تورات تُنخواندهِ که در روزیای شبات کاهنیادر مَعَبد حرمت شبات را نگه ناَدرن بی گناه اِسن 6اَشما اَگُواِم کسی در اِنکِه اِسی که گَبتَر از مَعبد اِسی7اَگه مَفهوم اِ کلامی درک تا که رحمت مَوس نه قربانی، دگه بی گنایا محکوم توناکه 8چونکه پُس انسان صاحب شَبات ِاسی9ازاَنکهَ چِِدهِ اَ کنیسه ی اَنیا اَ دَر اُند 10درکنیسه مردی اَند که یک دَستش خُشک بُسن از عیسی شُه پرسی آیا شفادَدَ در روزشبات جایز اِسی اِدهِ شُوگُت تا بهونی بَرَی مُتَهم کِردی اَنَه پَیدا بُکُنِن11اَنَا شَه اَنیا گُت اَگَه یکی از شما یا گوسفندی اُش بو و اَنه گوسفندی در رُز شَبات در چاهی بِکت آیا اَنه نوآسی واز چاه اَدَر بیاره؟ 12پس انسان چقدر با اَرزشتر از گوسفند اِسی. پس نیکوی کِردَه دَر رُزه شَبات جایز اِسی13پَس شَه اَنهَ مَردو گُت دَسُت دراز بُکن واََنَه دَسُش دِراز اُشکهِ و اَنه دَسی مِث دَسه دِگََش سالم بُویس . 14اَما فَریسیا اَدَر چِِدن و با هم دِگَه مشورت شوکهِ که چِجوری اُشبُکُوشِن1517عیسی اُشفَمَیس ، اَمی مَکانی ترک اُشکه اَما عدی زیادی شَه پُشت سَرَش چِدِن و هَمَی اَنیا شفا اُشدا 16و شَه اِدَیا قَدِغَن اُشکه که اَنَه شُهرت نِدَین . اِ واقع بُیس تا گفته اشعیا نبی اَ انجام برسه18اِدِ اِسی خادمِ مَه که اِدِ اُمَبَرگُزدهِ محبوب مَه اِسی که جان مَه از اَنه خُشنود اِسی . روح خُوم بَر اَنه َاَنِسِم و اَنه عدالت را اَ قومیا اعلام اَکُن19نزاع نا کُن فریاد نازن و کسی صداش در کوچیا ناشنووِن 20نی خُرد بُودَ را ناشکَنِه و فِتیلَی نیم سوختَه را خاموش ناکُن تا عدالت را اَ پیروزی بِرَسَنِه 21نام انه مایه ی امید بَرَی هَمَی قومیا اِسی.22یَکَشی مَردی دیو زَتَه که کور و لال اَند شا پَلو آو و عیسی شفا اُشدا به طوری که اُشیس ببینه و حرف بِزِن 23پَس هَمَی جماعت تعجب شُکِه و شُگُت پس آیا ا مَرد پُسِ داود نی؟24اما چون فَریسیا شُشنُفت شُگُت اَ یاریِ بَعلزَبول رییس دیویا اِسی که دیویا اَدَر اَکُن 25پس عیسی فکر اَنیا اُشفَمی و شَه اَنَیا گُت هر حکومتی که بَر ضِد خُوت تَجزیَه بِبو پا بر جا نَوا مَنِه و هر شهر یا خونه ی که بَر ضِدِ خوت تَجزیه بِبو پا بَر جا نَوا مَنِه26اگه شیطون شیطون اَدَر بُکن بر ضد خوت تجزیه بُدِه پس چگونه حکومَتُش پا بر جا اَ وامَنِه 27و اگه مه اَ یاری بعلزبول دیویا اَدَر بُکُنم شاگردیای شما اَ یاری اَنیا اَدَر داین پس ادیا خُشو داوریای شما اَبِن28اگه مه به واسطه ی روح خدا دیویا ادر بکنم یقین بدنی که پادشاهی خدابر شماانده 29چگونه کسی ششا ا خونه ی مردی نیرومندادر بیا واموالش غارت بکن مگه اده که انه مردو شابنه واموالش غارت بکن 30هر که بامه نی بر ضد مه اسی وهرکه با مه جمع نکن پراکنده ابو31پس ا شما اگم هر نوع گناه وکفری که انسان مرتکب ببوآمرزیده ابواما کفر ا رو امرزیده نابوو 32هر که حرفی بر ضد پس انسان بگو آمرزده ابو اما هر که بر ضدروح القدس سخن بگونه درا عصر و نه در انه عصر آینده امرزیده نابو33اگه میوه ی نیکو تاوی درخت شما باید نیکوبو چون که درخت بد میوه ی بد اده چون درخت از میوَیاش شناخته ابو 34ای افعی زادگان چگونه ماشا نیکو سخن بُوگُوَم و حال انکه بد اِسی زیرا که زَبو از زیادتی دل سخن اگو 35مرد نیکو از خزانه نیکو دل خُوش چیزیای خوب دارِه و مرد بد از خزانه بد چیز های بد اَ دَر دارِ37اما اَ شما اَگُمِ که مردم بری هر گَپ پوچ که 36اَ زَبو بیارِن در رُز داوری حساب اَدَین چون باگپ خوت تبریه اَبی وبا گَپ خوت محکوم اَبی383940یَکشی عدهَ ی ازعلمای دین و فَریسیاشه اَنه گُت اَی اُستاد ماوی آیی از تو ببینم جواب اُش دا نسل شرات و زنا کار آیاتی شاوی اَما آیاتی اَ اِدیا داده نابو بِجز آیی یونس نبی اَمده که یونس سه رُز و سه شودر اَشکم مَی گَپی اَند پُس انسان هم سه رُز سه شَودر دل زَمی اِسی41مردم نینوا در رُز داوری با اِ نسلی بلند اَ وابِن و محکوم شو اَکن چون که اَنیا بر اثر موعظه یونس تو به شُو که وحالا کسی بزرگتر از یونس ِانکهِ اِسی42ملکه جنوب در رز داوریبا ا نسلی بلند اوابوومحکومشو اکن چون کههَمی موقعی که روی پلید از کِسی اَدَر دااَ 43مَکانیای خشک بایر اَچو تا جای بَری اِستراحت واجوی امانَواجی پس 44اَگواَ خونَه ی که از اَنه اُندِسم اُچِم اَمکهَ اَرسهِ وخونه خالی و رُفته وآراسته اَبینه 45و اَچو هفت رو بدتر از خوش داره و همه داخل اَبن و سکونت اَکُنن و در نتیجه سرانجام اَنه شخص بدتر از حالت اَولش اَبو عاقبت اِ نسل شریر اِنده اَبو46در هَمی موقع که عیسی با مردم گَپ شَزد نَنَش و بَرادَریاش اَدَر ویسَیسُنن و شاوس با اَنه گفتگو بُکنن 47پس شخصی شَه اَنه خبر دا که نَنه و بَرادَریات اَدَر ویسیسِن و شاوی باتو گفتگو بکنندر جواب قایل اُش گُت، نَنَه مَ و براسوام 48کیا اِسِن؟ 49و دست خوش سمت شاگِردیاش دراز اُش کِ، اُش گُت، اِدَییا نَنَه و بِراسویام اِسِن. 50زیرا هر که ارادَهٔ ی پدر مرا که در آسمو اسی بجا بیاره، همان برادر و خواهر و مادر مَن اسی.
1و در همان روز، عیسی از خانه اَ دَر اُند، اَ کنارهٔ دریا نشست 2و گروهی بسیار بَرَی اَنَ جمع بُودِن، بقسمی که اَنَ به کشتی سوار بُویس، قراراُش گِرِت هَمَشو بر ساحل وَیسَدِن؛و معانی بسیار به مَثَلها برای ایشان اُش گُت، 3وقتی برزگری بجهت پاشیدنِ تخم اَدَر چُو. 4و چون تخم شَپاشی، قدری اَ راه چو و مُرغیا اُندِن، اَنَیا شو خَ. 5و بعضی بر سنگلاخ جایی که خاک زیادیش نیَند کَت، و زودی سبز بوُیس، چونکه زمین عمق اُش نیَند ، 6و چون آفتاب اَ دَر اُند سوُتِن و چون ریشَه شوُ نیَند خُشک بُدِن.بَعضیا اَ مِیونِ خاریا ریختَه بُیس و خاریا گَپ بودِن 7واَنیا خَفَه شُکه 8و اما بَقیه ی بَذریا اَ زَمی خَش کَتِن وبار اُشکه بعضی صد برابر وبعضی شصت برابرو بعضی سی 9هر که گُش اُشه ِبشنُوهاَمی موقع شاگردیا اُندِن اَ وی شُگُت از چه جَهتی 10اِ مَثَلیا اَ گُتایش 11در جواب اِدیا اُشگُت درک رازیای ملکوت اسمو اَ شماعطا بُده اما نه اِدَیا 12هر که اُشه اَنه داده اَبوتا اَ فراونی اُشبو و اَنه که اُشنی اَمی که اُشه از اَنه گِرته اَبواز اِ جهتی با اِدیا با مثلیا سخن اَگُمِ چون که 13نگران اِسن ونابینن و شنوا اِسن وناشُنون و نافَهِمن و 14در حق اِدیا نبوت اشعیا تمام اَبو که اَگو اَ گوش خوت اَشنوی اما هیچ نافهمی اَ چِش خوت اَبینی اما هیچ درک ناکنی15چون دل اِقومی سنگین بُودهِ گوشیاشو سنگین بُوده و چشمییای خوشو شُبَسهِ نِکُنهِ با چشیاشو بِبِینن و با گوشیاشو بِشنون ودر دلیای خشو بِفَهمن و واگردِن وشفا شوآدهلیکن خوشابحال چشیای شما و 16گُوشُوتوُ زیرا که اَشنُوِن 17زیرا هرآیه به شما مُگُتِ بسا انبیا و عادلان شَخواسته که آنچه شما اَبینِش، ببینِن و شُنِبینا و آنچه اَشنُفی، بشنُفِن و شُنشنُفتِ.18پس شما معنی مَثَل برزگر را بشنُوی . 19هنگامی که کِسی کَلامِ پادشاهی آسمو را اَشنُوِه اما اَنَه دَرک ناکُن ،شَریر دا وَ هَر چی دَر دِلِ او کاشتِه بُدِه اَدُزِه . اَدِ اَمی بَذری اِسی که دَر راه کاشتَه بُده20واما بَزری که بَر زَمیِ سَنگُلاخ کَت کِسی اِسی که کلام رو اَشنُوه وَ زودی اَنَه باشادی قَبولَ کُن 21اما چون در خوت ریشَش نی تنها یَک کَمی دوام دارِه وقتی بِسببِ کلام سختی یا آزاری بروز اَکُن دَر دَم اَکِوِن22بَذری که در میونِ خاریا کاشتَه بویس کِسی اِسی که کلام را اَشنُوه اَما نِگَرانی های اِ دنیا وَ فَریبَندِگیِ ثروت اَنَه خَفَه کُن و بی ثَمَر اَکُن. 23اما بَزری که دَر زَمیِ نیکو کاشتِه اَبو ، کسی اِسی که کلام را اَشنُوِه و اَنَه اَفَمه و باروَر اَبو صد ، شَصت، یا سی برابر ثَمَر دارِه24عیسی مَثَلِ دیگَه بَرَی اِدَیا شُو پادشاهی آسمو همانندِ مَردی اِسی که در مزرَعه خوُش بَزرِ خَشُ اُشپاشی ، 25هنگامی که مَردمیا اَ خُو اَندِن دُشمَنُش اُند وَ در میونِ گندم علفِ هرز اُش کاشت و چو. 26چون گندم سبز بویس و خوشَه شو علفَ هرز نیز پیدا بویس27غلامیای صاحب خونَه اَ پِشِ اَنَه چِدِن وَ شو گُت آقا مَگر تو بَذرِ خَش دَر مَزرَعَت اُت نِکاشتِه؟ پس علَفِ هرز اَز کُجا اُند 28دَر جواب اُش گُت اِ کارِ دُشمن اِسی غلامیا اَز اَنَه شو پرسی آیا تَوی اُچَم اَنَیا جَمع بُکُنَم؟29اُشگُت نَه اَگر تا وی علفیای هرز را جَمع بُکُنی ممکن اِسی گَندم از ریشَه بِکَنی. 30اونِسی هر دو تا فصلِ درو با هم رُشد بُکُنِن . در اَمی زمان اَدرو گریا اَگواِم که اول علفیای هرز را جمع بُکُنِن دَسَه بُکُنِن تا بِسوخَنِه پس گندمیا جَمع بُکُنِن اَ انبارِ مَه بیارِن31عیسی بَرَی اَنَیا یَک مَثَلِ دیگَش اَو پادشاهی آسمو هَمچون دانَی خَردلی اِسی که کسی اَنَش اُش واسِه و در مزرعَش اُش کاشت . 32با اِدِه که دانه خَردَل اَز همَی دانَیا کَیدوتَر اِسی ، اما چون رشد اَکُن گَپتَر اَز هَمَی گیایای باغ اَبُواَ درختی بَدَل اَبو چنانکه پرندیای آسمو دااِن در شاخیاش آشیونَه اَسازِن33سپس بَرَی اِدَیا مَثَلِ دِگَشو اُشگُت پادشاهی آسمو مِثِ خمیر مایَی اِسی که زِنی اُش واسِه با سه کیسَی گَپ آرد مَخلوط اُشکِه تا تمامِ خمیر وَراُند35عیسی هَمَی اِ مطلبیا را با مثَلیا بَرَی جماعت بیانُش کِه و بدونِ مَثَل اَ اَنَیا هیچیش نِگُت ، 34اِ واقَع بُیس تا کلامِ نبی انجام بِرَسِه کِه اُش گُتِسون دَهَنِ خوت اَ مَثَلیاباز اَ کُنِم و هَر چه اَز آغازِ جهان مُخفی بُدِه بیان اَکُنِم36پس عیسی جمعیت را تَرکُش کِه و داخل خونَه چو هَمی موقَع شاگِردیاش شَه پَلو چِدن وَ شوگُت مَثشل علفهای هَرزِمَزرَعَه بَرَی اَما شَرح آدِه . 37اَنا در پاسُخُش گُت ، شخصی که بَذر خَش در مَزرَعَه اَکارِه پُسِه اِنسان اِسی ، 38و مَزرَعَه اِ جهانی اِسی وَبَذر خَش فرزندیای پادشاهی آسمونِن ،علفیای هرز فَرزندیای اَنَه شَریرِن. 39و دشمنی که اَنَیا اَکارِه اِبلیس اِسی فصلِ درو پایانِ اِ عصری اِسی و دروگَریا فرشتیا اِسِن40اَمدِه که علفیای هرز جَمع کُنِن و در تَش اَسُخَنِن ، در پایان اِعصری اِندِه اَبو ، 41پُسِه انسان فرشتیای خوش اَفِرِسه و اَنَیا هَر چه که باعِث گناه اَبو و نیز تمام بَد کاریا اَز پادشاهی اَنَه جَمع اَکُن 42و اَنَیا را در کورَی تَش اَبی، جایی که گریخ و دَندواَ دَندو سایدَه اَبو 43پس پارسایا در پادشاهی بُوای خُت هَمچون خورشید اَدِرَخشِن هر که گوشُشه بِشنُوِه44پادشاهی آسمو مِثلِ گَنجی اِسی پِنهون دَر دِلِ زَمی که شَخصی اَنَه پیدا اَکُن سپس دوباره پنهون شَکُن و از خوشحالی اَچو و هر چی اُشِه اَفِرِشِه و اَنَه زمینی اَخِلِه . 45اَمدِه که پادشاهی آسمو مانند تاجری اِسی جویای مرواریدیای نفیس 46پس چون مرواریدیای بسیار با اَرزشی پیدا اَکُن اَچو هر چی اُشه اَفِرِشه و اَنَه مروارید را اَخِله47و باز پادشاهی آسمو مثل توری اِسی که اَ دریا اَبَین و همَی گونَه مَی{ماهی} داخل اَنَه اَچو 48همی موقَی که تور پُر اَبو اَنَه اَساحل اَکَشَنِن سپس اَنَین خَشیا دَر سَبد جَمع اَکُنِن اَما ذبَدیا اَ دُور اَبَین49در پایانِ اِ عَصری اِندِه اَبو فرشتیا دااِن و بد کاریا را اَز میونِ درستکاریا اَدَر اَکُنِن ، 50و اَنَیا در کورَی تَش اَبَین، جایی که گریخ ودندو اَ دَندو ساییدَه اَبو51پس اُش پُرسی ، آیا هَمی اِ مَطلبی را دَرکتو که ؟ پاسُخشو دا ، اُ . 52عیسی اُش گُت پس هر عالِم دین در بارَی پادشاهی آسمو تعلیمُش گِرِته مِثِ صاحب خونَی اِسی که از خَزونَی خوش چیزیای نو و کُهنَه اَ دَر دارِه 53و چون عیسی اِ مِثَلیا تَمومُش که هَمی مکانی تَرکُش که54و اَشهرِ خوش چو ،ودر کَنیسه اَ تعلیمِ مردم مَشغول بُویس ، مردم در شگِفت اَندِن و شا پرسی اِمردی اِ حِکمت و قدرتِ انجام معجزیا را از کجا کَسبُش کِرده؟ 55مَگَه اَنَه پُسِ نجار نی ؟مَگَه اسمِ نَنَش مریم نی؟ وبرادریاش یعقوب و یوسف وشمعون ویهودا نیسِن؟ 56مَگَه هَمَی خواهریاش در میونِ اَما زندگی ناکُنِن ؟ پس اِدَیا را اَز کجا کَسبُش کِردِه؟57پس اَنَظَرشو ناپسَند اُند . اما عیسی شَه اَنَیا گُت: "نبی بی حُرمَت نابو جز اَشهر خوش و خونَی خویش ". 58و در اَنکَه بخاطِر بی ایمانیِ اَنَیا معجزاتِ زیادی اُشنِکِه
1در اَنَه زَمانی آوازَی عیسی اَگُوشِ هیرودیسِ حاکم رَسی ، 2واَنا شَه خادمیای خوش گُت ، اِیحییِ تَعمید دَهندَه اِسی که از مُردگان بُلَند وابُدِه و بِخاطرِ اَمی اِسی که اِ قُدرتیا از اَنَه ظاهِر اَبو3و اَما هیرودیس بِخاطر هیرودیا که قَبلَا زَنِ کاکاش فیلپُس بُودِه یَحیی رو اُشگِرت واَنَش بَست و شَه زندان بِس . 4چون که یحیی شَه اَنَا اَگُت ، حلال نیسی تو با اِ زَنو بِش . 5شَوِس یحیی رو اُش بُکُش اما اَز مَردم اَتَرسی چون یحیی را اَ پیامبری قبول شُواَند6در روزِ جَشنِ میلاد هیرودیس ، دُتِ هیرودیا در مجلس رَقصی وچنان دلِ هیرودیس رو شادُش که 7سوگَند اُشخَه هر چی اُشبِوی شادِه8دُت اَ تحریکِ نَنَش اُشگُت سَر یحیی تَعمید دَهَندَه اَمی اِنکِه در طَبقی اَ مَه آدِه . 9پادشاه ناراحَت بُیس اما چون قَسَمُش خَردِسون و بِه احترامِ مِهمونیاش دَستورُش دا که اَ اَنَه آدَین10پس اُش فِرسا سَرِ یحیی رودر زندان جدا بُکُنِن 11و اَنَه در طَبقی شاواَدُتشو دا واَنَه اَپَلو نَنَش بو . 12شاگردیای یحیی اُندِن و بَدَنِ اَنَشو بو و شا خاک سِپُرد و چِدن شو عیسی خبر دا.13چون عیسی اِدِه اُششُنوُفت سَوارِ قایق بُویس از اَمکِه اَمکانی دور اُفتادَه وخلوَت چو اما مَردُم باخَبَر بُدِن اَز شهریای خوت پای پیادَه از پیِ اَنَه چِدِن 14چون عیسی از قایق پیادِه بویس جمعیت بسیاری اُشبینا دِلُش بَرَی اَنَیا اَ رَحم اُند بیماریاشو شَفا اُشدا15نَزدیکِ غروب شاگردیا شَه پَلو اُندِن و شُگُت اِنکِه مَکانی دورافتادَه ، ودیر وَقت نیز اِسی. مَردُم را روانَه بُکُن تا اَ روستاییای اطراف اُچِن و بَرَی خوت خوراک بِخِلِن16عیسی شَه اَنَیا گُت نیازی نی مَردُم اُچِن شُما خودت اَاِدَیا خوراک آدَی . 17شاگردیاشو گُت در اِنکِه چیزی جز پنج نوُ و دو ماهی مُنی عیسی 18اُشگُت اَنَیا اَ پَلو مَه بیاری19پَس شَه مَردُم گُت تا اَ سَبزَیا اُنَین اَمی موقَع پَنج نو و دو ماهی اُشگِرِت و اَ آسمو نگاش کِه بَرکَتُش دا پس نونیا پَرَش کِه و شَه شاگردیا دا و اَنَیا شا مَردُم دا. 20هَمَه شو خَه وَ سیر بُدِن و از خوردیایِ باقی موندَه دوازدَه سبد پُر شُواسِه. 21شمارِ خورندَیا بِجز زِنیا و کودکیا پنج هزار مَرد اَندِن22عیسی بی درنگ اَ شاگردیای خوش اصراراُشکِه در اَمی موقَی که مردم مُرخص شَکِه سوارِ قایق بِبِن و پیش از اَنَه اَ اَنطَرَفِ دریا اُچِن. 23پَس از مرخص کِردَی مَردُم خوش اَ کوه چو تا اَ تنهایی دعا بُکُن شاو بویس و اَنَه اَنکَه تنها اَند . 24در اَمی موقع قایق از ساحل خیلی دور بُسُن ودچارِ طوفان بویس چون باد مخالف بَراَنَه اَوَزی25در پاسِ چهارم اَز شاو عیسی گام زنان اَ رویِ آو اَ طرَفِ اَنَیا چو. 26چون شاگردیا اَنَه در حالِ راه چِدَه رویِ آو شُبینا تَرسِدِن و شُگُت شَبَح اِسی و از تَرس فریاد شُزَت. 27اما عیسی بیدرنگ شَه اَنَیا گُت دِل قوی بِدَری مَه اِسِم مَتَرسی28پطرس جوابُش دا : سروَرُم اَگَه تو اِسِش اَمَه بِفرما تا اَرو آو اَ پَلو تو بَیم، 29اُشگُت " بدا " اَمی موقع پطرس از قایق اَدَر اُند و اَرویِ آو اَ طرفِ عیسی اَرو کَت . 30اما چون باد اُشبینا ، تَرسی و اَمدِ که در آو فرو اَچو ، فریادُش زَد :" سَروَرُم نِجاتُم آدِه"31عیسی زود دَسِ خوش درازُش کِه و اَنَه اُشگِرِت و اُشگُت : " ای کَم ایمان چرا شَکُت کِه؟" 32چون اَ قایق اُندِن باد تَموم بویس 33.پس اَنَیای کِه اَ قایق اَندِن اَ بَرابَر عیسی سَر اَ زَمی شونا، وَ شوگُت : براستی که تو پُس خدا اِسِش34پس چون اَطرفِ دِگَه رَسِدِن اَ ناحیه جنیسارِت وارد بُدِن . 35مَردُمیای اَمکِه عیسی رو شو شِناخت و کِسیای که همَی نواحی اُش فِرِسَیسُن بیماریا شو پَلو آو ، 36اَنَیا از اَنَه خواهش شا کِه اجازه آدِه تا فقط گوشَی رداش لَمس بُکُنِن و هر لَمس شَکه شَفا شا گِرِت
1پس گروهی اَز فریسیا و علمای دین اَ اُرشلیم اَ پَلو عیسی اُندِن وشوگُت 2چرا شاگردیای تو سُنَت مَشایخ اَ زِرِ پا اَنِسِن اَنیا دَسیای خوشو قبل از غذا خَردَه ناشُرِن ؟ 3اَنَه در پاسُخُش گُت ، و شما چرا بَرَی حفظِ سُنَتِ خُتو حکمِ خدا رو اَزِرِ پا اَنِسی؟4زیرا خدا اُشگُتِ بوا و نَنَی خوت گرامی بِدَری و نیز هر که بوا یا نَنَی خوش ناسزا بِگو البته باید کُشتَه بِبو 5اما شما اَگویی اَگَه کِسی اَ بوا یا نَنَش بِگو هر کمکی که ممکن اِسی از مَه دریافت بُکُنی وقفَ خدا اِسی 6در اِ صورَت دِگَه بَر اَنَه واجب نی اِندِه بوای خوش گرامی بِدَرِه اِندِه اِسی که شما بَرَی حفظِ سُنَتِ خویش کلامِ خدا را باطِل اَشمُری.7ای ریا کاریا اَشعیا دربارَی شما چه خوب پیشگویی اُشکِردِه اَمی کِش گُتِ ، 8اِ قُومی با لَبیای خُت حُرمَت اَدَرِن اما دِلِشو از مَه دور اِسی 9اَنَیا بیهودَه اَمَه عبادَت اَکُنِن و تَعلیموشو چیزی جز فرایضِ بَشری نی10پس اَمی جماعت اَ پَلو خُش فراش خَند و اُشگُت گُش فرا آدَی و بِفَهمی ، 11نَه اَمی که اَ دَهَنِ آدمی داخِل اَبو اَنَه نَجِس اَکُن بلکه اَمی که از دَهنِ اَنَه اَدَر دا اَمی اِسی که آدمی را نَجِس اَکُن12اَمی موقَع شاگردیا شَپَلو اُندِن و شو گُت آیا اَفَمِش که اِ سُخَنِ تو اَ فریسیا ناپسَند اُندِه؟ 13عیسی پاسُخُش دا هر نُهالی که پدرِ آسمانیِ مَه اُش نِکاشته ریشه کَن اَبو 14اَنیا اَ حالِ خُش اَنِسِه اَنَیا راهنمایی های کورِن هر گاه کوری عصا کِشِ کورِ دیگَری بُیس هَر دوشو اَ چاه اَکِوِن15پطرُس اُشگُت ، اِ مَثَلی بَرَی اَما شَرح آدِه. 16عیسی جَوابُش دا : آیا شما هنوز دَرک ناکُنی؟ 17آیا نافَمی کِه هَر چی اَز دَهَن داخِل اَبو اَشِکَم اَچو و دَفع اَبو ؟20هر چی از دَهَن اَدَر دا از دِل سَرچِشمَه اَگِرِه و اَدِه اِسی کِه آدمی را نَجِس اَکُن . 19چون از دِل اِسی که اَفکارِ پلید ،قتل ،بی عفتی، دزدی، شهادتِ دروغ، و تهمَت سرچِشمَه اَگِرِه ، 18اِدَیا اِسی که شَخص و نَجِس اَکُن نِه غذا خَردَه با دَستیای نِشُسَه21عیسی اَنکِه تَرکُش کِه و اَمَنطَقی صور وصَیدون چو 22روزی زَنی کَنعانی از اَهالیِ اَمکِه شَه پَلو اُند فَریاد زَنونُش گُت ، سَرورِه مَه اَی پُسِ داوود اَ مَه رَحم بُکُن دُتُم سَخت دیو زَتَه بُدِه 23اما عیسی هیچ جوابیش ندا تا اِنکِه شاگِردیا اَ جلو اُندِن و از اَنَه خواهِش شو کِه و شوگُت اَنا مُرَخَص بُکُن فریاد زَنون از پَیِ اَما دُندُی24اَنَه دَر جَواب اُشگُت، مَه تنها بَرَی گوسفندیای گُم بُودَی بنی اسراییل فرستادَه بُسِم. 25و اَنا زَنو اُند اَ روبروش زانوش زَت و اُشگُت سَروَرِ مَه اَ مَه یاری بُکُن اَنَه 26در جواب اُشگُت " نوِ فرزندیا گِرِتَه وَ پِشِ سَگیا بِسَه روا نی27ولی زَنو اُشگُت اُ سَروَرُم ، اما سَگیا نیز از خوردَیای کِه از سُفرَی صاحبیاشو اَکِت اَخُرِن . 28اَمی موقَع عیسی اُشگُت ، ایمانِ تو عظیم اِسی خواهشِ تو براوَردَه اَبو اَمی موقَع دُتِ اَنَه شفا پیداش کِه29عیسی از اَمکِه چو و کِنارَه دریاچِه جلیل رَد بُیس اَ کوهسار رَسی و اَمکِه شِه . 30جماعتی گَپ شَه پَلو اُندِن و با خوشو لنگیا و کوریا وفَلجیا و گُنگیا و بیماریای دِگَه شو آردِسُن ، اَ پِشِ پای عیسی شونا و اَنَیا شفا اُشدا، 31مردُم چون شو بینا که گنگیا حرف اَزِتاین و فلجیا تندُرُست بُسِن لنگیا اَ راه اَچِداین و کوریا بینا اَبوداین تَعجبشو که خدای اسراییل را تمجیدشو که.32عیسی شَه شاگردیای خوش گُت بَین ، و اُشگُت ، دلُم بَرَی مردُم اَسُتای چون اَکنون سِه روز اِسی که با مَه اِسِن و چیزی بَرَی خَردَشو نی اُمنُوی اِدَیا گُشنَه اُچِن نِکُنِه اَتِه راه از پا بِکِوِن 33شاگردیا شوگُت در اِ بیابو از کجا ماشا نوِ کافی بَرَی سیر کِردَی اِ جَمعیتی فراهم بُکُنَم ؟ 34اُشگُت چَنتا نوتواِ؟ اُشگُت هَفتا نو و چنتا مَی کَیدو . 35عیسی اَ مَردُم اُشگُت تا اَزَمی اُنَین36اَمی مُوقَع هَفتا نو وَ چَند مَی اُشگِرِت شُکرگُزاریش که اَنَیا پَرَش که اَ شاگردیای خوشُش دا و اَنَیا شا مَردُم دا 37هَمَه شُخَه و سیر بُدِن و شاگردیا هفت زنبیل پُر از خوردَیای باقی مُوندَه شو واسِه . 38تعداد کسیای که خوراک شُو خَردِسُن غَیر از زِنیا و بِچیا چهار هزار مَرد اَند . 39پَس از اِدِه که عیسی مَردُم مُرِخَص اُشکِه سوارِ قایق بُویس اَناحیَه ی مَجدان چو
1اَمی مُوقَع فَریسیاوصدوقیا اَ پَلوعیسی اُندِن تا آزمایشُش بُکُنِن اَ ِامَنظوراز اَنَه شو خواست تا آییی آسمونی اَ اَنَیا نِشو آدِه. 2در جوابُش گُت وقتِ غروب اَگو هوا خَش بو چون آسمو سرخ اِسی3اَنَه صُبح اَگو اِروز هوا بد اَبو چون آسمو سُرخ و گرفتَه اِسی شما خوب اَفَمی چگونَه صورتِ آسمو تَعبیر اَکُنی اما از تعبیرِ نشانَیای زَمانیا ناتوانی . 4نَسلِ شرارَت پیشَه و زناکار آییی شا وی اما آیی اَ شما دادَه نابو جز آیی یونُسِ نبی پَس اَنَیا تَرکُش کِه و اَ راهِ خوش چو5چون اَ اَندَی دریا چِدِن شاگردیا فراموش شو که با خوشو نو واسَین. 6عیسی شَه اَنَیا گُت آگاه بی ذو از خمیر مایه ی فریسیا و صدوقیا دوری بُکُنی 7پس اِدیا در میونِ خوشو بحث شاکه شاگُت با خومو نومو نیاردِه . 8عیسی اُش فَمی و شَه اِدَیا گُت اَی سست ایمانیا چوهِ دربارَی اِدِه که نوتو نی با هم بَحث اَکِردوی؟9آیا اَیاد نِداری اَنَه پَنج نو و پنج هزار تن و چند سبد که تو واسِه ؟ 10یا اَنَه هَفت نو و چهار هزار تن و چند زَنبیل که تو واسِه؟11پس چرا درک ناکُنی که با شما در بارَی نو حرفُم نِزَت بلکه اُمگُت که از خمیرمایی فریسیا وصدوقیا دوری بُکُنی 12اَمی موقع درک شو که اِدیا دربارَی تعلیم فریسیا وصدوقیا هشدار اُشدَدِ نه دربارَی خمیرمایی نو13چون عیسی اَ نواحیِ قیصریه فلیپی رَسی از شاگردیای خوش اُش پُرسی ، اَ گُفتَی مَردُم پُسِ انسان کِه اِسی ؟ 14اَنَیا جواب شودا بَرخی اَگُون یحیی تعمیددَهَندَه اِسی بعضی دِگَه اَگُون ایلیا و عده ای نیز اَگُون ارمیا یا یکی اَ اِ پیامبریا اِسی . 15عیسی اُش پُرسی شما چه اَگُوی ؟ بنظرِشما مَه کِه اِسِم ؟ 16شمعونِ پطرس جواب اُشدا، تو مسیح اِش پُسِ خدای زندَه17عیسی اُش گُت خوشبحالِ تو ای شمعون پُسِ یونا چون اِ حقیقت را جسمُ خون بَر تو آشکار اُشنِکِه بلکه بوای مَه که در آسمو اِسی . 18مَه نیز اَگُوم که تو اَی پطرُس ،وبر اِ صخرَی کلیسای خوت رابنا اَکُنِم و در دروازیایِ هاویه بَر اَنَه استیلا نابو19کلیدیایِ پادشاهیِ آسمو اَ تو اَدَیم ، هر چه بر زَمی آبَنِش در آسمو بَسته اَبو و هر چی بَر زمی باز بُکُنِش در آسمو گُشودَه اَبو . 20اَمی موقَع شاگردیا ی خوش را مَنع اُشکِه اَ هیچکَس مَگُوی اَنَه مَسیح اِسی21از اَمی موقَع عیسی اَ آگاه ساختَنِ شاگردیای خوش اَ اِ حقیقت آغازُش کِه لازم اِسی اَ اُرشلیم اُچو و اَنکَه از مشایخ و سران کاهنیا و علمای دین آزار بسیار اَبینِه وکُشتَه اَبو و در روزِ سوم بلند اَوابو 22اما پطرس اَنَه اَ کناری بو و سرزنش کنانُش گُت دور از تو سرورُم مبادا که چنین چیزی هرگز بر تو واقَع ببو 23عیسی روش واگَردَنا و شَه اَنَه گُت دور بِوَش از مَه اَی شیطان تو مانِعِ راهِ مَه اِسِش چون افکار تو انسانی اِسی نه الهی24سپس رو شَه شاگردیا که وَ اُش گُت اَگَه کِسی شَوی از مَه پیروی بُکُن باید خوش انکار بُکُن صلیبِ خوش واسی و از پی ِ مَه بیا . 25چون هر که شَوی جانِ خوش را نجات آدِه از دَست اَدِه اما هر که بخاطرِ مَه جونِ خوش از دست آدِه اَنَه باز پیدا اَکُن. 26انسان را چه سودکه تمامِ دنیا را بِبُی اما جونِ خوش را بِبازِه؟ انسان بَرَی بازیافتَنِ جونِ خوش چه شَه شا آدِه؟27چون پُسِ انسان در جلالِ بوای خوش همراه فِرشتَیای خوش دا و هر کسی بَرَی اعمالُش پاداش اَدِه . 28آمین اَ شما اَگُوم برخی اِنکِه ویسیسِن که تا پُسِ انسان نِبینِن که در پادشاهی خوش دا طعمِ مرگ را شُناشا بِچِشِن
1بعد از شیش رُز عیسی پطرس و یعقوب وبرادرش یوحنا اُش واسِه و اَنَیا با خوش اَ بَرَی کوهِ بلندی اَ خلوت اُشبو . 2اَنکَه در حضورِ اِدَیا سیمای اَنَه دگرگون بُیس چهرَش مثِ خورشید اَدِرَخشی و جَمَش مِثِ نور سفید بُسُن3در اَمی موقَع موسی وایلیا در برابر چِشمیای اِدَیا ظاهر بودِن و با عیسی حرفشو زَت 4پطرس اَ عیسی اُشگُت، اَی سَروَرُم بودَن اَما در اِنکِه نیکو اِسی اَگر تَوی سه سرپناه اَسازِم یکی بَرَی تو یکی بَرَی موسی ویکی بَرَی ایلیا5هنوز اِ حرفی بر زبانِ پطرُس اَند که اَمی موقع ابری درخشان اِدَیا در بَرُش گِرِت و ندایی از ابر در رَسی که اِدِه اِسی پُس محبوبُم که از اَنَه خُشنودِم اَ اَنَه گُش فرا آدَی 6با شُنُفتَنِ اِ ندا شاگردیا سخت تَرسِدِن و اَ رویِ خاک کَتِن 7اما عیسی نزدیک بُیس دَس بَر اَنَیاش نا و اُشگُت بُلَند وابی نَترسی 8چون چشمیای خوشو باز شو که ، هیچکِسِ دِگَشو نِبینا جز عیسی و بَس9هنگامی که اَ کوه اَزیر داندِن عیسی شَه اَنَیا گُت هر چه تودِدِ بَرَی کِسی بازگو مَکُنی تا زمانی که پُسِ انسان از مرگ بلند وابو. 10شاگردیا از اَنَشو پرسی چرا علمای دین اَگُون باید ایلیا بیا ؟11پاسُخُش دا البَته که ایلیا دا و هَمه چی را اصلاح اَکُن 12اما اَ شما اَگوم ایلیا اُندِه ولی اَنَه تُنَشناخت و هر چه تا وِس با وی تو که بَرَی اَمی پُسِ انسان نیز اش دَسِ اَنیا آزار اَبینِ 13اَمی موقع شاگردیا شو فَمی که دربارَی یحیی تَعمید دَهندَه با اَنَیا حَرف اَزِتای14وقتی اَ پَلو جماعت اُندِن ، مَردی اَ عیسی نزدیک بویس و در برابَرِ اَنَه زانوش زَت و اُشگُت : 15سَرورُم اَ پُسِ مَه رَحم بُکُن اَنَه صرعُشِ و خَیلی سخت رنج اَکََشِِدوی . گاهی در تَش ودر آو اَکِت. 16اَنَه اَ پَلو شاگِردیات مَو ولی شو نِشیس شفا شا دَین17عیسی در پاسُخُش گُت ای نسل بی ایمان و منحرف تا به کَی با شما بِم و تَحملتو بُکُنم اَنا اَ پَلو مَه بیاری . 18پس عیسی اَ دیو نَهیبُش زت ودیو از پُس اَ در چو و اَنَه در اَمی موقَع شفا پیداش که .19اما شاگردیا اَ پَلو عیسی اُندِن و در خلوت از اَنَه شو پرسی چو اَما مُنِشَیس اَنَه دیو اَ در بُکُنَم ؟ 20پاسُخُش دا از اَمی رو که ایمانتو کَم اِسی آمین اَ شما اَگوام اگر ایمانی اَ کَیدونیه دانَی خَردل تو بو تا شا اَ کوه بُگُی از اِنکه به اَنکَه اُچوو هیچ امری بَرَی شما نا ممکِن نابو 21اما اِ جِنسی جز با روزَه ودعا اَ در ناچو22هنگامی که اَ جلیل گرد هم اُندِن عیسی اَ اِدَیا اُشگُت : پُسِ انسان اَ دَسِ مَردُم تسلیم اَبو 23اَنَیا اَنَش شَکُشِن اَنَه در رُزِ سوم بُلند اَوابو شاگردیا خَیلی اَندوهگین بُدِن24چون عیسی و شاگردیاش اَ کَفرناحوم رَسِدِن ماموریای اَخذِ مالیات دو دِرهَم پَلو پطرُس اُندِن و شُگُت آیا استادِ شما مالیات معبَد پرداخت ناکُن؟ 25اَنا جوابُش دا البتَه که پرداخت اَکُن چون پطرس اَ خونَه اُند ، پیش از اِنکِه چیزی بِگو عیسی شَه اَنَه گُت ای شَمعون پادشاهی یای دنیا اَ چه کَسای باج و خراج اَگِرِن؟ اَز بیچیای خوش یا بیگانَیا؟26چه اَگُواِش پطرس جوابُش دا از بیگانَیا . عیسی شَه اَنَه گُت پَس بیچیا معافِن 27اما بَرَی اِنکِه اِدَیا شُو نَرَنجَنَم ، اَ کنارِ دریا برو و قلابی اُبی اولین ماهی که اُتگِرِت دَهَنُش باز بُکُن سِکَی چهار دِرهَمی پیدا اَکُنِش با اَنَه سَهمِ مَه وخُت اَ اِدَیا آدِه
1در اَمی موقَع شاگردیا اَ پَلو عیسی اُندِن و شو پُرسی ، چه کَسی در پادشاهی آسمو گَپتَر اِسی ؟ 2عیسی شَه بِچی گُت بِدا و اَنَه در میونِه اِدَیا قَرارُش دا 3و اُشگُت ، آمین اَ شما اَگُوام تا تَغییر نِکونی و مِثِ بِچ نِبی هیچ وقت اَ پادشاهیِ آسمو راه پیدا ناکُنی4پس هر که خوش مِثِ اِ بِچ فروتَن بُکُن در پادشاهیِ آسمو گَپتر اَبو . 5و هر که چنین بِچی اَ نامِ مَه بِپَذیرِه مَش پَذیرُفتِه. 6اما هر که سَبَب بِبو یکی اَ اِ کَیدونیا که اَ مَه ایمانشو اِ لَغزِش بُخوی اَنَه بِهتَر اِسی که سنگِ آسیابی گَپ اَ گَردَنُش بَسَه در اعماقِ دریا غرق بِبو7وای بَر اِ دُنیا اَ سَبَبِ لَغزِشیا ، چون که لَغزشیا اجتناب ناپَذیرِن اما وای بشر اَنَیا که سَبَب بُسِن . 8پس اَگَه دَسُت یا پات تو را اَلَغزَنِه اَنَه قَعط بُکُن وَ دور اُبی چون تو را بِهتَر اِسی که لَنگ یا شَل اَ حیات را پیدا بُکُنِش تا اِنکه با دو دَس یا دو پا در تَشِ اَبَدی اَفکَندِه بِبِش9و اَگَه چِشُت تَلَغزَنِه اَنَه اَ دَر بیا و اَ دور اُبی چون تو را بهتَر اِسی که با یَک چِشم اَ حیات اُچِش تا اِنکِه با دو چِشم اَ تَشِ دوزَخ اَفکَندِه بِبِش10آگاه بی که هیچ یک اَز اِ کَیدونیا را تحقیر مَکُنی چون اَ شما اَگواِم که فرشتیای اِدَیا در آسمو هَمیشَه روی بوای مَه که در آسمو اِسی چون اَبینِن 11چون پُسِ انسان اُندِه تا گُمشدَیا نجات بِبَخشِه12چه گُمان اَکُنی؟ اَگَه مَردی صَد گوسفَند اُشبو و یکی اَز اَنَیا گُم بُبو آیا اَنه نود و نه گوسفند در کوهسار نانِسِه و اَ جُستجویِ اَنَه گُم بُدَه ناچو ؟ 13آمین اَ شما اَگواِم که اَگَه اَنَه پَیدا بُکُنی بَرَی اَنَه یَک گوسفند بیشتر شاد اَبی تا بَرَی نودونه گوسفندی که گُم نِبُسِن . 14همچنین ارادِه بوای شما که در آسمو اِسی اِدِ نی که حتی یکی از اِ کَیدونیا اَز دست اُچو15اَگَه برادَرُت اَ تو گناه وَرزِدِه شَه پَلو بُرو و میونِ خوت و اَنَه خَطاش را اُشبِگو اَگَه سُخَنُت اُش پَذیرُفت برادرُت را باز پیدات کِردِه 16اما اَگَه قَبولُش نِکِه یَک یا دو نفردِگَه با خوت بُبوتا هر سُخَنی یا گواهی دو یا سه شاهد ثابت بِبو17اَگَه اُشنُوس اَ اَنَیا گُش آدِه اَ کلیسا بِگو و اَگَه کلیسا را قبولُش نِکِه اَمی موقَع اَنَه اَجنبی یا خراجگیر تلقی بُکُن18آمین اَشما اَگواِم هر چه بر زَمی آبنی در آسمو بَسَه اَبو و هر چه بر زمی بگشایی در آسمو گشودَه اَبو . 19باز اَشما اَگواِم که هر موقَع دُو نفر از شما بر روی زَمی در بارَی هرمسئلَی که در خصوصِ اَنَه سوال اَکُنِن با هم موافق بِن اَمدِه که از جانِبِ بوای مَه که در آسمو اِسی بَرَی اِدیا اَ انجام اَرَسِه 20چون جایی که دو یا سه نفر در نامِ مَه جَمع بُسِن مَه اَمکِه در میونِ اِدَیا اِسِم21سپس پطرس اَ پَلو عیسی اُند و اُشگُت، سَروَرِ مَه تا چند بار اَگَه برادرُم اَمَه گناه بُکُن باید اَنَه بِبَخشِم آیا تا هفت بار؟ 22عیسی اُشگُت ، اَ تو اَگُواِم نه هفت بار بلکه هفتادُ هفت بار23از این رو ماشا پادشاهی آسمو را اَ شاهی تَشبی بُکُنَم که تصمیم اَگِرِِه با خادمیای خوش تصفیه حساب بُکُن . 24پس چون شروع اَ حساب رَسیش که شَخصی شا پَلو آوکه ده هزار قنطاراَ اَنَه بِدِهکارَن . 25چون اُشناشَیس قرضُش آدِه اربابُش دستوراُشدا اَنَه با زَن و بِچیاش و تمامِ دارایش بِفِرِشِن و طلب را وصول بُکُنِن26خادِم اَپِشِ پای ارباب اَزانو کَت و التماس کنان اُشگُت ، اَمَه مهلَت آدِه تا هَمی قرضِ خوت آدَیم 27پس دِل ارباب اَ حالِ اَنَه سُت و قرضِ اَنَش بَخشی و آزادُش که28اَمی موقَع که خادم اَ دَر اَچو یکی از همکاریای خوش اُشبینا که صد دینار اَ اَنَه بدهکاراَند پس اَنَه اُشگِرِت و گلوش فشارُش دا و اُشگُت قرضُت مادِه 29همکارُش پِشِ پای اَنَه زانوش زَت و التماس کنان اُشگُت اَمَه مهلت آدِه تا همَی قرضیای خوم پرداخت بُکُنِم30اما اَنَه قبول اُشنِکِه بلکه چو اَنَه شَه زندان بِس تا قرضِ خوش آدِه . 31اَمی موقع که سایر خادمیا اِ واقعه شو بینا ناراحت بُدِن اَپِشِ اربابِ خوشو چِدِن و تمام ماجرا را بازگو شو که32پَس ارباب اَنَه خادِم اَ پَلو خوش فَراش خَواند و اُشگُت ، ای خادمِ شریر مَگه مَه محضِ خواهش تو تمام قرضِت اُم نِبَخشی؟ 33آیا اُتنُوِس تو نیز اَ همکارِ خوت رحم بُکُنِش اَمدِه که مَه بر تو رَحمُم که؟34پس ارباب خشمگین بُیس اَنَه شَه زندان بِس تا شکنجَه بِبو و هَمَی قرضِ خوت آدِه. 35اَمدِه پدرِ آسمونی مَه نیز با هر یک از شما اِ رفتاری اَکُن اَگَه شما نیز برادر خوت اَز دل نِبَخشی
1اَمی موقَع که عیسی اِ حَرفی تَمومُش که ، اَز جلیل چو اَ طَرفِ رود اُردُن اَ نواحیِ یَهودیَه اُند 2جَمعیتِ زیادی در پیِ اَنَه روانِه بُدِن و اَنَه اِدَیا در اَمکِه شفاش دا3فریسیا شَه پَلو اُندِن تا دامتحانُش بُکُنِن اَنَیا شُپُرسی آیا جایز اِسی که مَرد زَنِ خوش به هر دلیلی طلاق آدِه 4عیسی در پاسُخُش گُت ، مَگَه تُنِخَندِه که آفرینَندَی در آغاز اِدَیا را مَرد و زن شَه آفرید5و اُشگُت از هَمین رو مَرد بوا و نَنَی خوش ترک بُکُن اَ زَنِ خویش بِپیوَنده و اَنَه دو تا یکی بِبِن؟ 6بنا بر اِدِه از اِ پَس دِگَه دو تا نابِن بلکه یَک تَن اَبِن پس آنچه را خدا اُشپیوَست انسان اُشناشا جدا بُکُن7اَ وَی شوگُت ، پس چرا موسی اَمر اُشکه که مرد اَ زنِ خوش طلاقنامه آدِه و اَنَه رهاش بُکُن ؟ 8شَه اِدَیا گُت ، موسی اَ سبَبِ سنگدلی شما اِندِش کِه که زنِ خوت طلاق آدَی ، اما در آغاز اِندِه نِبودِه 9اَشما اَگواِم هر که زنِ خوت را به علتی غیر اَز خیانت در زنا شویی طلاق آدِه و زَنِ دِگَه بِگِرِه زِناش کِردِه10شاگردیاش شَه اَنَه گُت ، اَگه وضعِ مَرد در قبالِ زنِ خوش اِندِه اِسی پس ازدواج نِکِردَه بِهتر اِسی . 11عیسی اُشگُت هَمَه شُناشا اِ کلامی قبول بُکُنِن مَگَه کِسیای که اَ اِدَیا عطا بُدِه . 12چون بَعضی خواجه اِسِن از اِ رو که اش شِکَمِه مادر اِندِ متولد بُسِن بعضی دِگَه اَ دَسِ مَردم مقطوع النسل بُسِن و برخی نیز بخاطرِ پادشاهی آسمو از ازدواج چشم اَپوشِن هر که شَشا بِپَذیرِه اُنِس چنین بُکُن13اَمی موقع بِچیا شا پَلو عیسی آو تا بر اَنَیا دَس اُنِسِه ودعا بُکُن اما شاگردیا مَردم را سَرزنش شُکِه . 14عیسی اُشگُت ، اُنِسی بِچیا اَ پَلو مَه بَین و اِدَیا را مَنع مَکُنی چون پادشاهی آسمو از آنِ چنین کِسیا اِسی 15پس بر اَنَیا دَس اُشنا و از اَمکه چو16یک رُزی مَردی اَ پِشِ عیسی اُند و اُشپُرسی اَی اُستاد چه کار نیکویی اَنجام آدَیم تا حیاتِ جاودان اُمبو؟ 17پاسُخُش دا چوِ دربارَی کار نیکو اَ مَه سوال اَکُنِش ؟ تنها یکی اِسی که نیکو اِسی . اَگر تَوی اَ حیات وارد بِوِش احکام را اَ جا بیا18اَنَش پُرسی کُدوم احکام؟ عیسی اُشگُت قتل مَکُن زنا مَکُن دزدی مَکُن شهادَتِ دروغ مَدِه 19بُوا وَ نَنَه ی خوت را گرامی بِدَر و همسایه ات را مثلِ خوت مُحَبَتُش بُکُن20جَوون اُشگُت ، هَمَی اِ اَحکام مَه جا آردِه دِگَه چه کَم اُمِه ؟ 21عیسی پاسخُش دا اَگَه تَوی کامل بِوِش برو هر چی اُتِه بِفِرِش و اَ فَقیریا آدِه که در آسمو گَنجی اُتِه اَمی مُوقع بدا و اَز مَه پیروی بُکُن . 22جَوون چون اِدِش شُنُفت ، ناراحت بُیس و اَز اَمکِه چو چون ثروتِ زیاد اُشَند23اَمی موقع عیسی اَ شاگردیای خُش اُشگُت ، آمین اَ شما اَگواِم راه پیدا کِردَی ثروَتمندیا اَ پادشاهیِ آسمو بَس دشوار اِسی . 24باز تَاکید اَکُنِم رَد بُدَی شُتر اَ سوراخِ سوزَن آسونتر اِسی اَز رایابیِ شخص ثروتمند اَ پادشاهی خدا25شاگردیا چون اِ مَطلبی شُشُنُفت شِگِفت زَدَه بُدِن و شو پُرسی پس چه کِسی شَشا نجات پیدا بُکُن ؟ 26عیسی اَ اِدَیا نِگاش کِه و اُشگُت ، اِدِه بَرَی انسان نا ممکن اِسی اما بَرَی خدا هَمَه چی ممکن اِسی . 27پطرس اُشگُت ، اَما اَمَی چی ترک مُکِردِه و اَز تو پیروی اَکُنُم پس جه نَصیبِ اَما اَبو؟28عیسی اَ اِدَیا اُشگُت آمین اَ شما اَگواِم در جهانِ نوین هنگامی که پُسِ انسان بر تَختِ شُکوهمَندِ خوت اُنی شمایا که اَز مَه پیرَوی تُکِردِه بَر دوازدَه تَخت اَنَی و بر دوازدَه قَبیلَی اسراییل داوَری اَکُنید29و هَر کِه بخاطِرِ نامِ مَه خونَه یا برادر یا خواهر یا بوا یا نَنَه یا فَرزند یا املاکِ خوش ترکُش کِردِسبو صد برابر اَواجُی و حیات جاودان را اَ دَس دارِه 30اما بسیاری که اول اِسِن آخَرین اَبِن و آخَرینیا اَولین
1پادشاهی آسمو مثِ صاحبِ باغی اِسی که صبحِ زود اَ دَر اَچو تا بَرَی تاکستانِ خوش کارگریایی با مزد اَگِرِه . 2اَنَه با اَنَیا تَوافق اَکُن که رُزی یک دینار بابت کار در تاکستان اَ هر یک آدِهپس اَنَیا شَه تاکستانِ خوش فِرسا3نزدیک ساعتِ سوم دوبارَه اَ در چو و عدَی که در میدونِ شهر بیکار وَیسَیسُنِن اُش بینا . 4شَه اَنَیا گُت ، شما هم اَ تاکستانِ مَه اُچی و هر چه حقِ شما اِسی اَ شما اَدَیمپس اَنَیا چِدِن5باز نزدیک ساعتِ ششم و نهم اَ در چو وَ اِندِش که . 6در حدودِ ساعتِ یازدَهم نیز اَ در چو و باز چند تایِ دِگَه بیکار وُیسِیسِنِن اُش بینا اَز اَنَیا اُشپرسی چوِ تمامِ رُز اِنکِه بیکار ویسِیسی ؟ 7پاسُخشو دا چون هیچ کی اما به مزد اُش نِگِرِت . شَه اَنَیا گُت ، شما نیز اَ تاکستانِ مَه اُچی و کار بُکُنی8مُوقعِ غروب صاحبِ تاکستان اَ مباشِرِ خوش اُشگُت ، کارگریا را فرا اوخَن و اَز آخری شروع اُشکِه تا اولی مزدشو آدِه . 9کارگریای که در حدود ساعتِ یازدَه اَ سر کار اُندِسُنِن هر کُدوم یک دینار شُگِرِت 10چون نوبت اَ کِسیایی رِسی که پیش از هَمَه اُندِسُنِن گمان شُکِه بیشتر از اَنَیا اَگِرِن اما هر یک از اَنَیا نیز یک دینار شو گِرِت11چون مزدِ خُشِشو گِرِت لب اَ شکایت باز شُکِه 12اَ صاحبِ باغ شُگُت اِدَیا که آخر اُندِسِن فقط یک ساعت کارشو کِردِه و تو اَنَیا را با اَما که تمامِ رُز زِرِه آفتو سوزان زَحمَت مُکَشِدِه برابرُت که ؟13اَنَه رو اَ یکی اَ اَنیا اُشکه و اُشگُت ای دوست مَه اَ تو ظلمی اُمنِکِردِه مَگَه قرارِ اَما یک دینار نِبُدِه؟ 14پس حقِ خوت بِگی وبرو . مَه مَوی اَ اِ آخری مانند تو مزد آدَیم.15آیا حَقُم نی با پولِ خُم هر چی مَوی بُکُنِم ؟ آیا چشمِ دِدَی سخاوَتِ مَه تونی ؟ 16پس آخریا اول اَبِن و اولیا آخر17موقعی که عیسی اَ طرفِ اُرشلیم اَچو در راه دوازده شاگردِ خوش را اَ کناریش بو و شَه اَنَیا گُت ، 18حالا اَ اُرشلیم اَچَم در اَمکه پسِ انسان را اَ سرانِ کاهنیا و علمایِ دین تسلیم اَکُنِن اَنَیا اَنَه به مرگ محکوم اَکُنِن 19و اَ اقوامِ بیگانَه اَسپُرِن تا استهزا ببو و تازیانَه بُخوی و بر صلیب اُچو اما در روز سوم بلند اَوابو.20اَمی موقع نَنَی پسیای زبدی با دو پُسُش اَ پَلو عیسی اُندِن و در برابرِ اَنَه زانوش زَت و از اَنَه درخواست اُشکه که آرزوش براوَردَه بُکُن 21عیسی اُشپرسی ، آرزو تو چه اِسی ؟ اُشگُت عطا بُکُن که اِ دو پُسِ مَه در پادشاهیِ تو یکی بر جانب راست و دیگری بر جانبِ چپِ تو اُنَین22عیسی در جوابُش گُت ، شما نافَمی چه تا وی . آیا تا شا اَ جامی که مَه بَه زودی اَنوشِم بنوشی پاسُخشو دا اُ ما شا 23عیسی اُشگُت شکی نی که از جامِ مَه تا شا بنوشی اما بِفَمی که نِشِسَه بر جانبِ راست و چَپِ مَه در اختیارِ مَه نی تا اَنَه اَ کَسی بِبَخشِم اِ جایگاه اَذانِ کسیای اِسی که بوام بَراشو فراهم اُشکِرده 24چون ده شاگردِ دِگَه از اِ امر آگاه بُدِن بر دو برادر خشم شو گِرِت25عیسی اِدَیا صداش زَت وَ اُشگُت شما اَفَمی که حاکمیای دِیگَرقومیا بَر اِدَیا سَروری اَکُنِن و بُزرگیاشو بَر اِدَیا فرمو اَدَین 26اما در میونِ شما اِندِه نِبو هر که شَوی در میونِ شما بُزُرگ بو باید خادِمِ شما ببو 27وَ هر که شَوی در میونِ شما اول بو باید غلامِ شما ببو 28چون که پُسِ انسان نیوند که خدمَتُش بُکُنِن بلکه اُند تا خدمت بُکُن و جونُش در راهِ بسیاری فدا اَکُن29موقعی که عیسی و شاگردیاش اریحا را تَرک شُکه عدَی زیادی از پیِ اَنَه روانَه بُدِن . 30در کنارِ راه دو مَردِ کور اُداسُنِن چون که شُنُفتِسُن عیسی از اَمکه رَد اَبو فریاد شو زَت سرورِ اما ای پُسِ داوود بر اَما رحم بِکُن 31جمعیت از اَنَیا اُشخواست که چی نِگواِن اما اِدَیا بیشتر فریادشو زَت که سروَر اما ای پُسِ داوود بَر اَما رَحم بُکُن32عیسی وَیسا و اَنَه دوتا فراش خواند و اُشپرسی چه تا وی بَرَی شما بُکُنِم ؟ 33پاسُخ شُدا سروره اَما ما وی چشمیامو باز ببو 34عیسی دلسوزانَه چشمیای اَنَیا لَمسوش کِه و اَمی موقع بینا بُدِن و از پیِ اَنَه چِدِن
1چون اَ اُرشلیم نَزیک بُدِن و اَ بیت فاجی در دامَنَی کوهِ زیتون رِسِدِن ، عیسی دو تن از شاگردیای خوش اُش فرسا 2شَه اَنَیا گُت : "اَ دِهکَده ای که پِشِ رویِ شما اِسی اُچی . اَ مَحضِ ورود الاغی را با کُره اَش بسَه اَبینی اَنَیا باز بُکُنی و اَ پَلو مَه بیاری. 3اَگَه کسی سخنی شَه شما اُشگت بُگوی خداوند اَ اَنَیا نیازُشِ و اَنَه بیدرنگ اَنَیا اَفِرسه4اِ امر واقع بُیس تا اَمی که نبی اُشگُتِسُن تَحَقق پیدا بُکُن 5اَ دُتِ صهیون بُگُوی حالا پادشات اَ پَلو تو دا فروتن و سوار بر کُره الاغ7اَنَه دو شاگرد چِدِن و طبقِ فرمونِ عیسی عمل شوکه 6اَنَیا الاغ و کُره اش شو آو و ردایایِ خُشو بر اَنَیا شو نا و اَنَه بر ردایا شِه 8جمعیتِ زیادی نیز ردایای خوشو بر سرِ راه پَهن شو که و عِدَی نیز شاخی یای درختیا شو بُری و در راه شا نا9جمعیتی که پیشاپیشِ اَنَه اَچِدِن و گروهی که پَس از اَنَه داندِن فریاد کنان شا گُت ، هو شیعانا بر پُسِ داوود مبارک اِسی اَنَه که اَ نامِ خداوند دا هوشیعنا در عرشِ بَرین 10چون اَنَه واردِ اُرشلیم بُیس شورو شوق هَمَی شهر فراش گِرِت مردم شا پرسی اِدِه کَی ؟ 11و اَنَه جماعت پاسُخ شا دا اِدِه اِسی عیسیِ پیامبر از ناصرَی جلیل12اَمی موقع عیسی اَ معبدِ خدا چو و کسیایی که در اَمکه دادو سِتَد شا کِه شَه در که و تختیای صرافیا و بساطِ کبوتر فروشیا واژگون اُشکه 13و شَه اَنَیا گُت ، نوشتَه بُدِه خونه ی مَه خونه ی دعا خواندَه اَبو . اما شما اَنَه لانَه ی راهزنیا تُکِردِه. 14در معبد نابینایا و لنگیا شَه پَلو اُندِن و اَنَه اِدَیا را شفاش دا15اما چون سرانِ کاهنیا و علمای دین اعمالِ خالق العادَه ی اَنَه شُبینا و نیز شُبینا که کودکیا در معبد فریاد اَزِتاین هو شیعانا بر پُسِ داوود خشمناک بُدِن 16شَه اَنَه گُت آیا اَشنُودایش اِدَیا چه اَگُتاین ؟ پاسُخُش دا مَگَه تُنِخَندِه از زبونِ شیرخوارگایا ستایش رامهیا اُتکه 17پس عیسی اِدَیا را ترکُش که و از شهر خارج بُیس اَ بیت عنیا چو و شو در اَمکه شَسر بو18بامدادان عیسی در راه واگِشتَه اَ شهر گُشنه بُیس 19در کنارِ راه درختِ انجیری اُشبینا و اَ طرفِ اَنَه چو اما جُز بَرگ چیزی بر اَنَه اُشنِبینا . پس خطاب اَ درخت اُشگُت ، از این به بعد دِگَه هرگز میوه ای از تو اَ بار نِدادر هَمی موقع درخت خُشک بُیس20شاگردیا که از دِدَی اِ واقعَه ی حیرت شُکِردِسون از اَنَه شُپرسی چگونَه درختِ انجیر اِندِه زود خُشک بُیس 21عیسی در پاسُخ اَ اَنَیا اُشگُت ، آمین اَ شما اَگوام اَگَه ایمان تواِ شک مَکُنی نه تنها تاشا اَمی که بر درختِ انجیر بُیس انجام آدَی بلکه هر گاه اَ اِ کوی بُگُی از جا کَندَه بِبَش اَدریا افکَندِه بِبَش اِندِه اَبو 22اَگَه ایمان تو بو هر چه در دعا درخواست بُکُنی پیدا اَکُنی23اَمی موقع عیسی وارد معبد بُیس وَ تعلیم مَردُمُش دا در اَمی موقع سرانِ کاهنیا و مشایخ قوم اَ پَلوی اَنَه اُندِن ، و شُگُت ، به چه اجازَه ی اِ کاریا اَکُنِش چه کِسی اِ اقتدار شَه تو دَدِه 24عیسی در پاسُخُش گُت ،مَه نیز اَ شما پُرسشی اُمِه اَگَه پاسُخ تو گُت مَه نیز اَ شما اَگواِم با چه اقتداری اِ کاریا اَکُنم25تعمیدِ یحیی از کجا اَند ؟ از آسمو یا از انسان ؟ اَنَیا بینِ خوشو بحث شُکِه و شُگُت ، اَگه بُگوام از آسمو اَند اَ ما اَگُواِن پس چوِ اَ اَنَه ایمان تو نییاو ؟ 26و اَگه بُگوام از انسان اَند از مردم بیم مواِ چون هَمَه یحیی را پیامبر ااَدَنن . 27پس شا عیسی گُت نادَنَم عیسی اُشگُت ، مَه نیز اَ شما ناگوام با چه اقتداری اِ کاریا اَکُنم28نظر شما چَی ؟ مَردی دو پُسُ اُشَند پَلو پُسِ نخستِ خوت چو و اُشگُت پُسُم اِرُز اَ تاکستانِ مَه برو و اَ کار مشغول بِبَش . 29پاسُخُش دا ناچِم اما بعد تغیرِ عقیدَش دا و چو . 30بوا پَلو پُسِ دِگَه چو و اَمی شَه اَنَه گُت پُس پاسُخُش دا ، اَچِم آقا اما نِچو31کدام یِک از اِ دو پُس خواستِ بوای خوش شَه جا آو ؟ پاسُخ شُدا اَولی . عیسی شَه اَنَیا گُت آمین اَ شما اَگوام خراجگیریا و فاحشَه یا اَ پادشاهی خدا راه پیدا اَکُنِن 32چون یحیی اَ طریقِ پارسایی اَ پَلو شما اُند اما اَ اَنَه ایمان تو نیاوولی خراجگیریا و فاحشَه یا ایمان شو آو اما شما با اِنکه تو بینا تغیرِ عقیدَه تو نِداو اَ اَنَه ایمان تو نیاو33َاَ مَثَل ِدگَه گُش فرا آدی صاحب ملکی تاکستانی غَرس اُشکه ودورِ اَنَه دیوار اُشکَشی چَرخُشتی در اَنش کَند وبُرجی بنا اُشکه پس تاکستان اَ چند باغبو اِجارَش دا وخوش اَ سفرچو 34چون مُوسِم برداشت محصول بُیس غلامیای خوش اَپَلو باغبونیاش اُشفرسا تا میوه ی اَنَه اَ تحویل بِگِرن35اما باغبونیا غلامیای اَنَه شُگِرِت یکی شُزَت و دیگَری شُکُشت و سومی را سنگسار شُکِه . 36بار دِگَه غلامیای بیشتری اَ پَلو اَنَیا اُشفرسا اما باغبونیا با اَنَیا همانگونَه رفتاراُشکِه . 37بالاخَرَه پُسِ خوش اَپَلو باغبونیا اُشفِرسا و با خوش اُشگُت پُسُم را حُرمَت اَکُنِن38اما هنگامی که باغبونیا پُسِ اَنَه شُبینا اَ یَک دِگَه شُگُت اِ وارِث اِسی بَی اِدِش اُشبُکُشَم و میراثُش تصاحُب بُکُنَم 39پَس اَنَه شُگِرِت و از تاکستان شُدَر بوو شُکُشت40وقتی صاحبِ تاکستان بیا با اِ باغبونیا چه اَکُن؟ 41پاسُخ شُدا اَنَه افرادیای بی رحم را با بیرحمی تمام نابود اَکُن و تاکستان را اَ باغبونیای دِگَه اجاره اَدِه تا میوه ی اَنَه در فَصلُش اَ اَنَه آدَین42عیسی شَه اَنَیا گُت ، آیا تا بِه حال درکُتُبِ مقدس تو نِخَندِه که سنگی که معماریا رَد بُکُنِن مهمترین سنگِ بنا اَبو خداوند اِندِش کِرده و در نظر اَما شِگفت اَکُن43پَس اَ شما اَگواِم که پادشاهی خدا از شما گِرِتَ اَبو و اَ قومی دادَه اَبو که میوه ی اَنَه آدَین هر که بر سنگ بِکِت خُرد اَبو 44و هر موقع اَنَه سنگی بر کسی بِکِت اَنَه در هم اَشکَنه45و چون سران کاهنیا و فریسیا مثلیای عیسی را شُشُنُفت شُفشمی که دربارِه ی اَنَیا حَرف اَزِتُی . 46پس بر اِدِه بُدِن که اَنَه گرفتارش بُکُنِن اما از مردُم اَتَرسِدِن چون انَیا عیسی را پیامبر شا دَنَیس
1عیسی باز اِ مَثَلیا با اِدیا حَرفُش زَت و اُشگُت 2پادشاهی آسمو را ماشا اَ شاهی تَشبیه بُکُنَم که بَرَی پُسِ خوت جَشنِ عروسی برپاش که 3و خادمیای خوش را اُشفِرسا تا دعوت شُدَیا اَ جشن دعوت بُکُن اما اَنیا شُناوس بَین4پس خادمیای دِگَش فرسا و اُشگُت اَ دعوت شُدَیا بُگُی حالا سُفرَی جشن آمادَه اُمکِردِه . گاویا و گوسالَیا پرواری سَر اُم بُلِدِه و هَمَه چی آمادَه اِسی پس اَ جشنِ عروسی بَی5اما اَنَیا اعتنا شُنِکه و هر که به راه خوش چو یکی اَ مزرعه و دِگَری اَ تجارتِ خوش 6وبعضیا شو خادمیا ی اَنَه شُگِرِت و آزارشُدا و شُکُشت . 7شاه چون اِدِش شُنُفت خَشمگین بُیس سپایای خوش اُشفرسا و قاتلیا اُشکُشت و شهرِ اَنَیا شَه تَش کَشی8پس شَه خادمیای خوش گُت جشن عروسی آماده اِسی اما دعوت بُدَیا شایستگیِ حضور در اِدِه شُنیَند 9پس اَ میدونِ شهر اُچی و هر که تو بینا اَ جَشن عروسی دعوت بُکُنی . 10غلامیا اَ کوچیا چِدِن و هر که را شُبینا چه خَش و چه بَد با خوشو شو آو و تالار عروسی از مهمونیا پر بُیس11موقعی که شاه بَرَی دِدَی مهمونیا واردِ مجلس بُیس ، مَردی اُشبینا که جَمَی عَیشی شَه بَر نیَن . از اَنَش پُرسی : 12ای رفیق چِوِ بدون جَمَی عروسی اَ اِنکه اُندِسِش اَنَه مَردو پاسُخی اُشنیَن13اَمی موقع پادشاه اَ خادمیای خوش اُشگُت ، دَسُ وپاش آبَنی و اَنَه در تاریکی اَ دَر اُبَی، اَجایی که گریخ و دَندو اَ دَندو ساییده ببو . 14چون دعوت شُدَیا بسیار اِسِن اما برگزیدَیا کم15پس فریسیا اَ در چِدِن و شور شُکِه تا بِبینِن چطور شاشا اَنَه با حرفیای خوش اَ دام اُبَین . 16اَنَیا شاگردیای خُشوهَمرَی هیرودیان اَ پَلو اَنَه شُفرسا ، و شُگُت ، اُستاد اَفَمَم مَردی صادق اِسِش و راه خدا را اَ درستی تعلیم اَدَیش و از کسی باک اُتنی چون اَ صورَتِ ظاهر خلق نظر ناکُنِش 17پس رای خُت اَما بِگو آیا پرداختِ خراج اَقیصر روا اِسی یا نه ؟18عیسی اَ بد اَندیشیِ اَنَیا پَی اُشبو و اُشگُت ، ای ریا کاریا چوِ مَه آزمایش اَکُنی ؟ 19سکه ای که با اَنَه خراج اَدَی اَ مَه نِشو آدَی اَنَیا سکه یَک دیناری اَ اَنَه شُدا20از اِدَیا اُشپرسی نقشُ و نامِ رویِ اِ سِکَه ازآنِ کِه اِسی 21پاسُخ شُدا از آنِ قیصر . اَ اَنَیا اُشگُت ، پس مالِ قیصر رو اَ قیصر آدَی و مالِ خدا را اَ خدا 22چون اِدِه شُشُنُفت ، تَعجب شو که و چِدِن23در اَمی رُزی صدوقیا ن که منکِر قیامت اِسی شَه پلو اُندِن و سوالی از اَنَه شُکه 24و شُگُت استاد موسی شَه اَما گُتِه ، که اَگَه مردی بی اولاد بِمیری برادَرُش باید اَنَه بیوَه اَ زنی بِگِرِه تا از اَنَه بَرَی برادرِ خوت نسلی اَ جا اُنِسِه25اُ در میونِ اَما هفت برادر اَندِن برادر اولی زَنی اُشگِرت و مُرد و چون فرزندی اُشنیَن زنِ بیوَش بَرَی برادرِ خوش باقی اُشنا . 26همچنین دومی و سومی تا هفتمی 27بالاخرَه زَنو اَم مُرد 28حالا در قیامت ، اَنَه زَنو همسر کدام یک هفت برادَر اَبو چون هَمَی اَنَیا اَ زَنیشو گِرِتِسُن29عیسی در جواب اُشگُت ، گمراه اِسی چون نه از کُتُبِ مقدس آگاه اِسی نه از قدرتِ خدا 30در قیامت نه کسی زن اَگِرِه و نه شو اَکُن بلکه هَمَه مثِه فرشتیای آسمو اَبِن31اما دربارَی قیامتِ مُردَیا تُنِخَندِه که خدا اَ شما چِش گُتِه اَنَش گُتِ که 32مَه اِسم خدای ابراهیم وخدای اسحاق وخدای یعقوب اَنَه خدایِ مُردَیا نی بلکه خدای زِندیا اِسی . 33مَردم اَ شُنُفتَی اِ حرفیا اَ تعلیمِ اَنَه در شِگفت اَندِن34اما چون فریسیا شُشُنُفت که عیسی چگونَه با جوابِ خوشو دَهَنِ صدوقیا اُشبَسه دورِ هَم جَمع بُدِن 35یکی از اَنَیا که فقیه اَندبا اِ قصدی که عیسی را اَ دام اُبَین از اَنَشو پرسی 36اَی استاد گَپترین حکم در شَریعت چه اِسی؟37عیسی اُشگُت خداوند خدای خوت را باتمامی دل و تمامی جو و با تمامی فکر خوت محبت بُکُنی . 38اِدِه اولی و گَپرین حکم اِسی39دومین حکم هم مِثِ حکمِ اولی اِسی همسایِه ات مِثِ خوت محبت بُکُن 40تمام شریعتِ موسی و نوشتَیای پیامبریا بَر اِ دو حکم استوار اِسی41موقعی که فریسیا دور هَم جَمع بُدِن عیسی از اَنَیا اُشپرسی 42نظر شما چه اِسی ؟ اَنَه پُسِ کَی ؟ شُگُت پُسِ داوود43عیسی اُشگُت ، پس چطور داوود در روح اَنَه خداوند اَخَنِه ؟ چون اَگو 44خداوند اَ خدای مَه اُشگُت اَ دَسِ راسِ مَه اونی تا اَمی موقعی که دشمنیات اَ کرسیِ زِرِ پات بُکُنِم45اَگَه داوود اَنَه خدا اَخَنِه چطور اَنَه شَشا پُسِ داوود بو اَمدِ 46که هیچکه یاریِ پاسُخ گویی اِدِه نیَنو از اَمی موقع دِگَه کِسی جرات اُشنِکِه پُرسشی از اَنَه بُکُن
1اَمی موقع عیسی اَ مَردم و شاگردیای خوش اِدِشگُت 2علمایِ دین و فریسیا بر مَسنَدِ موسی اُداین . 3پس هر چی اَ شما اَگواِن نِگَه بِدَری و اَ جا بیاری اما مِثِ اَنَیا عمل مَکُنی چون هر چه تعلیم اَدَین خوشو اَ جا نِدارِن4باریای توانفرسا اَبَنِن و بر دوشِ مَردم اَنِسِن اما خوشو حاضر نیسِن بَرَی حَرکت دَدَی اَنَه حتی انگُشتی تکون آدَین 5هر چه اَکُنِن بَرَی اَنَه اِسی که مردم اَنَیا را بِبینِن آیه دانیای خوشو گَپتر و دامَن ردای خوشو را پَنتَر اَسازِن6دوس اَدَرِن در ضیافَتیا بَرَی مجلس اُنَین و در کنیسَیا بهترین جا شو بو 7و مردم در کوچه و بازار اَ اَنَیا سلام بُکُنِن و استاد بُگواِن8اما شما استاد خواندَه مَبی چون تنها یک استاد تواِ و هَمَی شما برادر اِسی . 9هیچ کِسی بَر رویِ زَمی پِدر مَخَنی چون تنها یَک پدر تواِ که در آسمو اِسی . 10و نیز معلم خَواندَه مَبی چون فقط یَک معلم تواِ که مسیح اِسی11اَمی که در میون شما از هَمَه گَپتر اِسی خدمتگذار شما اَبو 12چون هر که خوش گَپ بُکُن پَست اَبو و هر که خوش را فروتن بُکُن سرافراز اَبو13وای بر شما ای علمای دین و فریسیا ریاکار شما دَرِ پادشاهی آسمو اَ رویِ مَردم اَبَنی نه خوت داخل اَبیو نه اَنِسی کسیای که در راه اِسن داخل بِبِن . 14وای بر شما ای علمای دین و فریسیای ریا کار شما از طرفی خونَه ی بیوَه زَنیا غارَت اَکُنی و از طرفِ دِگَه بَرَی تظاهُر دعای خوتو طول اَدَی بخاطر اَمی مکافاتیا سَختتر اَبو 15وای بر شما ای علمای دین و فریسیای ریاکار شما دریا و خشکی اَگَردی تا یَک نفر اَ دینِ خوت بیاری وقتی اِندِه تُکه اَنَه چنان بدتر از خوتو فرزندِ جهنم اَکُنی16وای اَ شما ای راهنمایای کور که اَگواِن اَگَه کسی اَ معبد سوگند بُخوی باکی نی اما اَگه اَ طلای معبد سوگند بُخوی باید اَ سوگند خوت وفا بُکُن 17ای نادونیای کور کدام برتر اِسی ؟ طلا یا معبدی که طلا را تقدیس اَکُن18و نیز اَگوای اَگَه کسی اَ مذبَح سوگند بُخوی باکی نی اما اَگَه هدیه ای که انکَه اَنِسِن سوگند بُخورِن باید اَ سوگند خوش وفا بُکُن 19ای کوریا کدام برتر اِسی هدیه یا مذبحی که هدیه تقدیس اَکُن20پس کسی که اَ مذبح سوگند اَخوی به اَنَه و هر چی که اَمکه اِسی سوگند اُشخَرده . 21وهر که اَ معبد سوگند اَوخی اَ معبد و هر چی که در اَنَه اِسی سوگند اُشخَرده . 22و هر که اَ آسمو سوگند بُخوی اَ تخت خدا و اَمی که بر اَنَه اُدای سوگند اُشخَرده23وای اَ شمایا ای علمای دین و فریسیای ریا کار شما از نعنا و شِوِد و زیرَه ده یک اَدَی امااحکامِ شریعت که اَمی عدالت و رحمت و امانت اِسی نادِدَه اَگِری اِدَیا را باید اَ جا بیاری و اَنَیا را فراموش تو ناکه . 24ای راهنمایای کور شما پَشَه اَ صافی اَکُنی ، اما شتر اَ بلعنید25وای اَ شما ای علمای دین و فریسیای ریاکار شما اَ درِ پیالَه و بشقاب را پاک اَکُنی اما داخلِ اَنَه مملو از طمع و ناپرهیزی اِسی . 26ای فَریسی کور اول داخلِ پیالَه و بشقاب را پاک بُکُن که اَ دَرُش پاک اَبو27وای اَ شمایا ای علمای دین و فریسیای ریا کار شما مِثِ گوریای اِسی که سفید کاری بُدِه اَ دَرُش جو اَ نَظر دا اما داخل اَنَیا پر از استخوانیای مُردَیا و انوای نجاسَتیا. 28اَمدِه اِسی که شما هَم خوتو اَ مَردُم پارسا نِشو اَدَی اما در باطن پُر از ریاکاری و شرارت اِسی29وای اَ شما ای علمای دین و فریسیای ریا کار شما بَرَی پیامبریا مَقبَرَه اَسازی و آرمگاهِ پارسایا زینَت اَدَی 30و اَگوی اَگه در زمان پدریای خومو اَندَم هیچ وقت اَ کُشتن پیامبریا با اِدیا شریک نابُدَم 31اِنده اِسی بر ضد خوت شهادت اَدی که بچیای قاتلیای پیامبریا اِسی32آلا که اِندِه اِسی پس هر چی پدریاتو آغازشو کِردِه شما اَ کمال تو رَسَنَده 33ای ماریا ای افعی زادیا چطور از مجازاتِ جهنم فرار اَکُنی ؟34چون که مَه انبیا و حکیمیا وعلما اَ پَلو شما اَفِرسِم و شما بعضی از اَنَیا اَکُشی و اَ صلیب اَکَشی و بعضی در کَنیسَیای خوت تازیانَه اَزَنی و شهر بِه شهر تعقیب اَکُنی 35پس هَمَی خونِ پارسایا که اَ زَمی لِتَه اَبو از خون هابیلِ پارسا گِرِتَه تا خونِ زکریا ابن برخیا که اَنَه بینِ محرابگاه و مذبح تو کُشت اَ گردنِ شما اِسی 36آمین اَ شما اَگواِم هَمَی اِدیا دامنگیر اِ نسلی اَبو37اَی اورشلیم اَی اورشلیم ای قاتلِ پیامبریا و سنگسار کُنندَی رسولیای که اَ پلو تو فِرستاده اَبِن چند بار مَوِس مِثِ مرغی که جوجَی یاش اَ زِرِه بالیای خوش جَمعَ کُن فَرزندیای تو جمع بُکُنِم اما اُتناوِس 38آلا خونَه ی شما بَرَی خوتو ویران اَنِسَم . 39چون اَ شما اَگواِم که از این به بعد دِگَه مَه اُم نابینی تا رُزی که بُگوی مبارک اِسی اَنَه که اَ نامِ خداوند دا
1موقعی که عیسی معبد تَرک اُشکه اَ راه خوش اَچو شاگردیاش شَه پَلو اُندِن تا نظر اَنه اَ بنایای معبد جلب بُکُنِن 2عیسی شَه اَنَیا گت هَمی اِدیا اَبیندای؟ آمین اَ شما اَ گَوام سَنگی اَ سنگ دِگَه باقی نَوامَنه بلکه هَمی ِاِدیا ِلتهَ اَبو3وقتی عیسی اَ کوهِ زیتون اُداسُن شاگردیاش در خلوت اَ پَلو اَنَه اُندِن شُگُت، اَ اَما بِگو اِ وقایع کَی رُخ اَدِه نِشونَی اُندَی تو و پایانِ اِ عصری چه اِسی ؟ 4عیسی پاسُخُش دا اَ هوش بی تا کسی گُمراتو نِکُن 5چون خیلی اَ نامِ مَه دااِن و اَگواِن مَه مسیح اِسم ، و خیلیا گمراه اَبِن6اَمدِ در بارَی جنگیا اَشنُوی و خبر جنگیا اَ گوشِتو اَرَسِه اما نگران مَبی چون اِ اتفاقی رُخ اَدِه ولی هَنوز آخَرُش نِرَسِدِه . 7نیز قومی اَ قومِ دِگَه و حکومتی اَ حکومتی دِگه بلند اَ وابِن و قحطیا و زلزلیا اَ هَمی جا دا . 8اما هَمَی اِدَیا تنها اولِ دردِ زایمو اِسی9در اَنَه زمانی شما را تسلیم اَکُنِن تا آزارِ زیادی بِبینی و شما را اَکُشن هَمَی قومیا اَ خاطر نامِ مَه اَ شما نفرَت شواِ 10در اَنَه رُزیا خیلیا اَز ایمانِ خوشو اَواگَردِن اَ یَک دِگَه خیانت اَکُنِن و از یک دِگَه متنفر اَبِن 11پیامبریای دروغینِ زیادی بلند وابِن خیلیا را گمراه اَکُنِن12بخاطر شرارَت زیاد محبتِ بساری اَ سَردی اَچو . 13اما هر که تا آخر پایدار وامَنِه نجات پیدا اَکُن . 14و اِ بشارتِ پادشاهی در سراسرِ جهان اعلام اَبو تا شهادتی بَرَی هَمَی قومیا بو اَمی موقع پایان فرا اَرَسه15پس اَمی که دانیالِ نبی مکروه و ویرانگر اُشگُتِه در مکانِ مقدس بر پا اَبو ببینی . 16خواننده دقت بُکُن اَمی موقع هر کی در یهودیَه اِسی اَ کویا بُگُریزِه . 17و هر که اَ بامِ خونَیا بو بَرَی واسِسَی چیزی اَ زیر نیا 18و هر که در مزرعه اِسی بَرَی گِرِتَی قبای خوش اَ خونَه نَواگَردِه19وای اَ زَنیای اُوسَن و مادریای شیردِه 20در اَمی زمان دعا بُکُنی که فرار شما در زمِسو یا در رُزِ شبات نِبو 21چون در اَمی زمان چنون مصیبت عظیمی روی اَدِه که مانندُش از آغازِ جهان تا آلا روش نِدَدِه و هرگز اَمدِه روی نادِه 22اگه اَمی رُزیا کوتاه نابُیس هیچ بشری جونِ سالم اَ دَراُش نابو اما بخاطرِ برگزیدَیا کوتاه اَبو23دراَمی زمان اَگَر کسی اَ شما بِگو ببینی مسیح اِنکه اِسی یا مسیح اَنکَه اِسی باور مَکُنی 24چون مسیحیای کذاب و پیامبریای دروغین بلند وابِن آیات و معجزَیای عظیم اَ ظهور دارِن تا اَگَه ممکن بو حتی برگزیدَیا را گمراه اَکُنِن ببینی 25جلوتر اَ شما اُمگُتِه26پس اَگَه اَشما بُگُواِن اَنَه در بیابان اِسی اَنکَه مَچی و اَگَه بُگواِن اَ داخلِ خونَه اِسی باور مَکُنی 27چون اَمدِه که صاعِقَه اَ شرقِ آسمو دا و نورُش تا اَ غرب اَرَسِه ظهورِ پُسِ انسان اِندِه اِسی 28هر جا لاشَه ی بو لاشخوریا در اَمکِه جَمع اَبِن29فورا پس از مصیبت اَنَه رُزیا خورشید تاریک اَبو و ماه دِگَه نورُش نی سِتارَیا از آسمو اَ زیر اَکِوِن و نیروهای آسمو اَ لَرزَهَ اَ دَر داین30اَمی موقع نشانه پُسِ انسان در آسمو ظاهر اَبو و هَمَی طوایفِ دنیا اَ سینَی خوشو اَزَنِن و پُسِ انسان را اَبینِن که با قدرت و جلالِ عظیم بر ابریای آسمو دا 31اَنَه فرشتَیای خوش را نفیرِ بلند شیپور اَفِرِسِه و اَنَیا بَرگزیدَیا اَنَه از چهار گوشَی جهان از یَک کرانِه آسمو تا یَک کرانَه دِگِه گِردِ هم جَمع اَبِن32آلا از درختِ انجیر اِ درسی بِگِری بِمحضِ اِدِه که شاخَیا ی اَنَه جونَه اُشزَتِه اَفَمی که تاواِسونَزدیک اِسی . 33پس هرگاه اِ چیزیا تو بینا اَفَمی که اَنَه نزدیک بلکه بر دَر اِسی34آمین اَ شما اَگواِم تا اِدِه واقع نِبو اِ نسلی از میون ناچو 35آسمو و زَمی زایل اَبِن اما حرفیای مَه هرگز زایل نابو36هیچ که اَنَه رُز و ساعت را نادَنِه جز پدر حتی فرشتَیای آسمو و پُس نیز از اَنَه آگاه نیسِن37زمان ظهورِ پُسِ انسان مِثِ روزگارِ نوح اِسی 38در روزیایِ پیش از طوفان قبل از اِدِه نوح اَ کشتی اُچو مَردُم شا خَه وشا نوشی و زن شا گِرِت و شووشا کِه 39و شو نا فَمی چه در پیش اِسی تا اِدِه که طوفان اُند و هَمَه با خوشُش بو ظهورِ پُسِ انسان نیز اَمدِه اِسی40از دو مَرد که در مزرعه اِسی یکی گِرِتَه ابو و دِگَری اَنِسِه . 41و از دو زن دستاس اَکُنَن یکی گِرِتَه اَبو و دِگَری اَنِسِه 42پس بیدار بی چون نادَنی سرورِ شما چه رُزی دا43اِدِه بفهمی که اَگَه صاحب خونَه شَه فَمی دزد در چه پاسی از شو دا بیدار اَ وامُند اُشنااِشت اَ خونَش دستبرد بِزَنِن 44پس شما هم آمادَ بی چون پُسِ انسان ساعتی دا که انتظار رُش تُنی45پس اَنَه غلامِ امین و دانا کِه اِسی که اربابُش اَنَه اَ سرپرستی خانوادی خوش اُشنَدِه تا خوراکِ اَنَیا اَ موقع آدِه 46خوشابحالِ اَنَه غلامی که چون اربابُش واگَردِه اَنَه مَشغولِ اِ کاری بِبینِه 47آمین اَ شما اَگواِم که اَنَه بَر هَمَی مایملَکِ خوت اَنِسِه48اما اَگَه اَنَه غلام شَریر بو وبا خوت فِک بُکُن اربابُم تاخیرُش کِردِه 49واَ اَذیت کِردَی همکاریای خُش بِپردازِه و با میگساریا مشغولِ خَردَه و نوشیدَه بِبو 50یَکدَفَی اربابُش در رُزی که انتظارُش نی اَند و در ساعتی که از اَنَه آگاه نی دا 51و اَنَه از میون دو پَرَش که در جایِ ریاکاریا اَبی جایی که گیریخ و دَندواَ دَندو ساییدَه اَبو
1در اَمی رُزی پادشاهی آسمو مِثِ دَه باکرَه دا که چراغیای خوشو شُواسسِه اَ استقبالِ دَما اَ دَر چِدِن 2پنج تا از اَنَیا دانا و پنج تای دِگَه نادون اَندِن 3باکرَیای نادون چراغیای خُشو شُواسِه اما روغن با خُشو شُنِبو 4ولی دانایا با چراغیای خوت ظرفیای پر از روغن شو بو5چون اُندَی دَما اَ درازا اُشکَشی چِشمیای هَمَه سنگین بُیس اَ خو چِدِن 6در نیمه یای شو صدای بلند اَ گُش رَسی که شَگُت دَما اُندُی اَ پیشوازِ اَنَه اُچی7اَمی موقع هَمَی باکریا بیدار بُدِن و چراغیای خوشو آمادَه شو کِه 8نادونیا اَ دانایا شُگُت اِقَدِکو از روغنِ خوت اَما آدَی چون چراغیای اَما رو اَ خاموشی اِسی 9اما دانایا پاسُخ شو دا نادییَم چون روغن بَرَی هَمَی اَما کافی نی اُچی و از فروشَندَیا بَرَی خوتو بِخِلی10اما موقعی که اَنَیا بَرَی خریدِ روغن چِدِن دَما رَسی و باکریای که آمادِه اَندِن با اَنَه اَ ضیافتِ عروسی چِدِن و در بَسَه بُیس 11پَس از اَنَه باکِریای دِگَه نیز رَسِدِن و شُگُت سرورِ اَما سرورِ اَما در بَرَی اَما باز بُکُن اَما 12اَنَه شَه اَنَیا گُت آمین اَ شما اَگواِم مَه شما ناشناسِم 13پس بیدار بی چون از اَمی رُز و ساعت خَبر تو نی14پادشاهی آسمو مِثِ مَردی اِسی که قصدِ سَفر اُشِه اَنَه خادمیای خوش اُشگُت بَی و اموالِ خوش اَ اَنَیا اُش سِپُرد اَ فَراخورِ قابلیتِ هر خادِم اَ 15یکی پنج قَنطار اُشدا اَ یِکی دو و اَ دِگَری یَک قَنطار اَمی موقع راهی سَفر بُیس 16مَردی که پنج قنطار اُش گِرِتِسُن زود با اَنَه تِجارَت اُشکِه و پَنج قَنطارِ دِگَه سود اُشکه17بَر اَمی منوال اَنَه که دو قَنطاراُشَن دو قَنطارِ دِگَه اَ دَس شَاو 18اَما اَنَه که یَک قنطار اُش گِرِتِسون چو و زَمی اُشکَند و پول اربابُش قایم اُشکه19پَس از زمانی دراز اربابِ اَنَه خادمیا اُند و از حِساب اُش خواس 20مَردی که پَنج قنطار اُش گِرِتِسون پَنج قنطار دِگَه نیز با خوت شاو و اُشگُت سروَرا اَمَه پنج قَنطار اُتسِپُرد اِ هَم پَنج قنطارِ دِگَه که سود اُمکِردِه . 21سروَرُش جواب اُشدا آفرین اَی خادِمِ نیکو و اَمین در چیزیای کَم اَمین اَندِش پَس اَ تو کاریای بسیاری اَدَیم بِدا و در شادی اربابِ خوت شریک بِبَش22خادمی که دو قنطار اُش گِرِتِسُن اَ جلو اُند و اُشگُت اَمَه دو قنطار اُتسِپُردِسُن اِ هَم دو قنطارِ دِگَه که سود اُمکِردِه . 23سُروَرُش پاسُخ اُشدا آفرین اَی خادِمِ نیکو و اَمین در چیزیای کَم اَمین اَندِش پَس اَتو کاریای بسیاری اَدَیم بِدا و در شادیِ اربابِ خوت شَریک بِبَش24اَمی موقع خادِمی که یَک قنطار اُش گِرِتِسُن نَزیک اُند و اُشگُت چون مَه اُمفَمَیس مَردی تند خو اِسِش از جایی که اُت نِکاشته دِرو اَکُنی و از جایی که اُت نپاشِدِه جَمع اَکُنی 25پس تَرسِدِم و پولِ تو در زَمی پنهان اُمکِه اِ هَم پولِ تو26اما سرورُش پاسُخ اُشدا اَی خادِمِ بدکارَه و تنبل تو که تَفَمی اَ جایی که اُت نِکاشتِه می دِرَوَم و اَز جایی که اُت نَپاشِدِه جَمع اَکُنِم . 27پس چواِ پولِ مَه اش صرفیا اُت نِدا تا از سفر واگَردِم اَنَه با سودُش پس بِگِرِم28آلا قنطار از اَنَه بِگِری و به اَنَه که دَه قنطار اُشِه آدَی . 29چون اَ هر که اُشِه بیشتر دادِه اَبو تا اَفراونی اُشبو اما اَنَه که اُشنی اَمی که اُشِه از اَنَه گِرِتَه اَبو. 30اِ خادِمِ بی فایدَه اَ تاریکی اَ در اُبَی جایی که گیریخ و دَندو اَ دَندو ساییدَه اَبو31موقعی که پُسِ انسان با شکوه و جلالِ خوت اَ هَمرَی هَمَی فرشتیا دا اَ تختِ پُر شکوهِ خوت اَنی 32و هَمَی قومیا در برابرِ اَنَه حاضر اَبِن و اَنَه مِثِ شبانی که گوسفندیا را از بُزیا جدااَکُن . مردُمیا اَ دو گروه تقسیم اَکُن 33گوسفندیا در سمتِ راست و بُزیا در سمتِ چپ خوت قرار اَدِه34پَس اَ اَنَیا که در سمتِ راستِ اَنَه اِسِن اَگو بَی اَی بَرکَت یافتَیا از بوای مَه وپادشاهی اَ میراث بُبُری که از آغازِ جهان بَرَی شما آمادَه بُدِه . 35چون گُشنَه اَندِم اَ مَه خوراک تو دا تِشنه اَندِم اَ مَه آو تو دا قریب اَندِم اَ مَه جاتو دا 36عریان اَندِم مَه تو پوشَنا مریض اَندِم عیادَتُم تو کِه اَ زندان اَندِم اَ دیدَنُم اُندی37اَمی موقع پارسایا پاسُخ اَدَین سَروَرِ اَما کَی تو گُشنَه مُبینا و اَ تو خوراک مُدا یا تِشنَه مُبینا و اَ تو آو مُدا 38کَی تو قریب مُبینا و اَ تو جا مُدا و یا عریان و تو مُپوشَنا؟ 39کَی تو مریض و یا در زندان مُبینا اَ دیدارُت اُندَم 40پادشاه در پاسُخ اَگو آمین اَ شما اَگواِم هر چی بَرَی یکی از کَیدوترین بَرادَریای مَه تو کِردِه در واقَع بَرَی مَه تو کِردِه41اَمی موقَع اَنَیا که در سمت چَپِ اَنَه اَندِن اَسِن اَگو اَی ماعونیا از مَه دور بِبی و اَ تَشِ جاودانی اُچی که بَرَی اِبلیس و فرشتیای اَنَه آمادَه بُدِه . 42چون گُشنَه اَندِم خوراک تو نِدَدِم تِشنِه اَندِم آو تو نِدَدِم 43قریب اَندِم جا تو نِدَدِم عریان اَندِم مَه تُنِپوشَنَدِم مریض و زندانی اَندِم اَ دیدَنُم نیُندی44اَنَیا پاسُخ شو دا سَروَرِ اَما کَی تو گُشنَه و تِشنَه و قریب و عریان و مَریض و در زندان مُبینا و خدمَت مُنِکِه 45در جواب اَگو آمین اَ شما اَگواِم هر چه بَرَی یکی از کیدونیا تونِکِه در واقَع بَرَی مَه تو نِکِردِه 46پَس اَنَیا اَ مُجازاتِ جاودانی داخل اَبِن اما پارسایان اَ حیات جاودانی
1چوعیسی هَمَی اِ حرفیا تَموم اُشکِه اَ شاگردیای خوش اُشگُت 2اَفَمی که دو رُزِ دِگَه فرا اَرَسِه و پُسِ انسان تسلیم اَکُنِن تا بر صلیب اُچو3پَس روئسای کاهنیا و مَشایخ قَوم در کاخِ کاهن اعظَم که قیافا اِسم اُشَن جَمع بُدِن 4و شور شُکِه که چطوری با حیلَه عیسی رو دستگیر بُکُنِن و اَ قَتل بِرَسَنِن 5ولی شا گُت نِه در ایام عَید نِکُنِه مَردُم شورِش بُکُنِن6در اَمی موقع که عیسی دربیت عَنیا در خونَی شَمعونِ جُذامی اَند 7زَنی با ظَرفی بسیار گرو اَ پَلو اَنَه اُند و موقعی که عیسی بَر سَر سُفرَه اُداسُن عطر اَ روی سَرَش اُش ریخت 8شاگردیا چو اِدِه شُبینا اَ خَشم اُندِن شُگُت اِ اسرافی بَرَی چه اِسی ؟ 9اِ عطری اَبُیس اَ بَهایِ گِرونی بِفِرِشَم و اَ فُقَرا آدی یَم10عیسی متوجه بُیس اُشگُت چواِ اِ زن شَه رَنجَنِدُی؟ اَنَه کارِ نیکو اُشکِردِه 11فقیریا هَمیشه با خوت تو اِ اما مَه همیشَه تو نی12اِ زَنو با لِتَی اِ عَطر بر بَدَنِ مَه در واقَع مَه بَرَی تَدفین آمادَش کِردِه 13اَ راستی اَ شما اَگواِم در تمامِ دُنیا هَر جا اِ انجیل مُوعظَه بِبو کار اِ زَنو اَ یادِ اَنَه بازگو اَبو14اَمی موقَع یهودا اَسخریوطی که یکی از دوازدَه شاگرد اَند اَ پَلوی سَریایِ کاهنیا چو 15و اُشگُت ، چه اَ مَه اَدَی اگَه عیسی اَ شما تسلیم بُکُنِم پَس اَنَیا سی سِکَه ی نُقرَه اَ اَنَه پَرداخت شوکِه . 16از اَمی موقَع در پیِ فُرصت اَند تا عیسی رُو تسلیم بُکُن17در اَولین رُزِ عیدِ فَطیر شاگردیا اَ پَلو عیسی اُندِن و شُپُرسی کجا تَوی تَززَر تدارکات بِبینَم تا شومِ پَسَه بُخورِش . 18اَنَه شَه اَنَیا گُت که اَ شَهر اَ پَلو فلان شَخص اُچی و اَ اَنَه بُگوی استاد اَگو وقتِ مَه نَزدیک بُدِه . مَوی فصخ را اَ خونَی تو با شاگردیام نِگَه بِدَرِم 19شاگردیا اَمی که عیسی اُشگُتِسُن شُکِه و فَصَخ را تدارُک شُکِه20شُو بُیس و عیسی با دوازدَه شاگردِ خُش اَ سَرِ سُفرَه شِه 21در موقَعی خَردَی شام عیسی اُشگُت آمین اَ شما اَگواِم یکی اَز شمایا مَه تسلیمِ دُشمَن اَکُن 22شاگردیا خَیلی ناراحت بُدِن یکی پَس از دیگَری از اَنَش پُرسی مَه که اَنَه نیسِم سَروَرُم؟23عیسی جَوابُش دا اَمی که دَسِ خُش با مَه در کاسَه اَبوی اَمی مَه تَسلیم اَکُن 24پُسِ انسان اَمی که دربارَش نِوشتَه بُدِه اَچو .اَما وای بَر اَمی کِسی که پُسِ انسان را تَسلیمِ دُشمن اَکُن بهتراَند که اَ دنیا نیوندِسُن 25اَمی موقَع یَهودا تسلیم کُنَندَی اَنَه در جوابُش گُت اَی اُستاد آیا مَه اِسِم عیسی جوابُش دا تو خوتُ اُتگُت26چون هَنوز مَشغولِ خَردَه اَندِن و پَس از شُکرگزاری پَرَشکِه و اَ شاگردیا اُشدا و اُشگُت بِگیری بُخوری اِ اِسی بَدَنِ مَه27پیالَش گِرِت و پس از شُکرگزاری اَنَه شَه شاگردیا دا و اُشگُت ، هَمَی شما از اِ بِنوشی 28اِ اِسی خونِ مَه بَرَی عهدِ جَدید که بخاطر بسیاری اَ جَهتِ آمرزِشِ گُنایا لِتَه اَبو . 29اَ شما اَگواِم از اِ مَحصولِ مُو دِگَه ناخورِم تا رُزی که اَنَه با شما در پادشاهیِ بوای خوت تازَه بنوشِم30پس از سرود خَندَ اَ سَمتِ کوهِ زیتون چدن 31اَمی مُوقَع عیسی اَ اَنَیا اُشگُت اِشو هَمَی شما بِخاطر مَه اَلَغزی چون نوشتَه بُدِه شبان را اَزَنَم و گوسفندیای گَلَه پراکَندَه اَبِن 32پَس از اَمی که زِندَه بُدِم پیش از شما اَ جلیل اَچِم33پطرُس در جواب اُشگُت ،حتی اَگَه هَمَ اَ سَبَبِ تو بِلَغزِن مَه هَرگِز نالَغزِم . 34عیسی اَ اَنَه اُشگُت آمین اَ تو اَگواِم که اَمی اِشو قبل از که خروس اوخَنِه سه بار اِنکار مَکُنِش اما 35پطرس اُشگُت حتی اَگَه لازِم بو با تو بِمِرِم اِنکارُت ناکُنِم سایر شاگردیای دِگَه هَم اَمی شُگُت36اَمی مُوقع عیسی با شاگردیای خُش اَ مکانی بنام جتسیمانی چو و شَه اِدَیا گُت در اِنکِه اونَی تا مَه اَنکَه اُچِم دعا بُکُنِم 37سپس پطرس و دو پُسِ زِبدی با خُش اُشبو اندوهگین و مضطرب اَند 38شَه اَنَیا گُت از ناراحتی اَ حالِ مرگ کَتِسِم در اِنکِه وَیسی و با مَه بیدار بی39سپس اَ جِلوتر چو و اَ روی خاک کَت و دُعا اُشکِه ای بوای مَه اَگَه اَبو اِ جامی از مَه بِگذَرِه اما نَه بِخواستِ مَه بلکه اَ اِرادَی تو 40اَمی موقَع اَ پَلو شاگردیای خُش اُند و اَنَیا خَتِسونِن پس اَ پطرس اُشگُت آیا تُناشَیس ساعتی با مَه بیدار وامَنی ؟ 41بیدار بی و دعا بُکُنی در آزمایش نِکِوی روح مشتاق اِسی اما جسم ناتوان42پس یَکبارِ دِگَه چو و دعا اُشکِه اَی پدرِ مَه اَگَه ممکن نی اِ جام ننوشدَه از مَه بِگذره پس هر چه ارادَی تو اِسی انجام ببو . 43چون واگِشت اِدَیا هنوز در خوُ اَندِن چون چِشیاشو سَنگی بُسُن 44پَس یَک بارِ دِگَه اِدَیا بِه حالِ خُشو اُشنا و چو بَرَی سومین بار اَمی دعا تکراراُشکِه45اَمی موقع اَ پلو شاگردیا اُند و شَه اِدیا گُت آیا اَنوز اَ خو واستراحت اَکِردُی الان ساعتِ مقرر نزدیک بُدِه و پُسِ انسان اَ دَسِ گناکاریا تسلیم اَبو 46بلند وابی اُچَم حالا تسلیم کُنَندَی مَه از راه اَرَسِه47عیسی اَنوز اَرف شَزَت که یهودا یکی از اَنَه دوازده تَن اَمرَی گروهِ گَپی مُسَلح اَ چماق وشمشیر از طرفِ سریای کاهنیا و مشایخِ قوم از راه رَسِدِن 48تسلیم کنندَی اَنَه اَ اَمرایایِ خُش علامتی اُشدایسون و اُشگُتِسن اَمی کِسی که اَبوسِم اَمی اِسی اَنَه بِگِری49پس با عجلَه اَ عیسی نزیک بُیس و اُشگُت سلام استاد و اَنَه اُش بوسی 50عیسی اَ اَنَه اُشگُت ای رفیق کار خوت انجام آدِه اَمی موقع اَ جاو اُندِن اَ سَرِ عیسی رِختِن و اَنَه گرفتار شو کِه51در اَمی موقع یکی از اَمرَیای عیسی دَس اَ شمشیر اُشکه و اُشکَشی و ضربَی اَ خدمتکارِ کاهن اُشزَت و گُشُش اُش بُلی 52اما عیسی اُشگُت اَ غلاف بُکُن چون هر که شمشیر بِکَشِه اَ شمشیر کُشتَه اَبو 53آیا گمان اَکُنی اُم ناشا از بوای خوم بُگواِم که بیش از دوازده فرشتَه اَ کمکِ مَه بِفرسِه ؟ 54پس چِطوپیش گویای کتبِ مقدس تحقق پیدا بُکُن که اَگواِن اِ وقایَع باید رُخ آدِه55در اَمی موقع شَه جماعت گُت مَگَه مَه راهزَنِم که با چماق و شمشیر بَرَی گِرَتَم اُندِسی مَه اَررُز در معبد اَشِسِم و تعلیم مَدا و مَه تُ نِگِرِت 56اما اِ هَمَه رُخُ اُشدا تا پیشگویای پیامبریا تحقق پیدا بُکُن اَمی موقع هَمَی شاگردیا وِلشو کِه وفرارشو که57اَنیا که عیسی شو گِرِتِسُن اَنَه شا پَلوی قیافا کاهنِ اَعظم شو بو در اَمکِه علمای دین و مشایخ جمع اَندِن . 58اما پطرس دوررادوراز پی عیسی چو تاد مِنِ سراِ خونَی کاهنِ اعظم رِسی پس داخل بُیس و با نگهبانیا شِه تا بِفَمِه چو اَ بُدُی59سریای کاهنیا و تمامی اهلِ شورا اَ دُمِ شهادَتِ دروغ علیه عیسی اَندِن تا اُشبُکُشِن 60اما هر چه شاهدیای دروغ زیاد اَندِن چیزی پیدا شو نَکِه اَمی موقَع دو نفر اُندِن و 61شو گُت اِ مَرد اُشگُتِ مَه مَشا معبدِ خدا را ویران بُکُنِم و ظرفِ سِه رُز اَنَه از نو بِسازِم62اَمی موقع کاهنِ اعظم بلند وابُیس و اَ عیسی اُشگُت هیچ پاسُخی نادَیش ؟ اِ چِه اِسی که بر علیه تو شهادت اَ دِداین ؟ 63اما عیسی هیچی اُشنِگُت کاهن اعظم شَه اَنَه گُت اَ خدایِ زندَه سوگَند تَدَیم که اَ ما بُگُیش آیا تو مسیح پُسِ خدا اِسِش 64عیسی جواب اُشدا تو خوت اِندِه اَگُتایش اَ شما اَگواِم که از اِ به بعد پُسِ انسان اَبینی که اَ دَسِ راسِ قدرت اُدُی بر اَبریای آسمو دا65اَمی موقع کاهن اعظم جَمَی خوش پَرَش که و اُشگُت کفر اَگُتُی دِگَه نیاز اَ شاهد نی ؟آلا که کفر اِدِتو شُنُفت 66حُکمِتو چَی در جواب شو گُت سِزاش مرگ اِسی67اَمی موقع اَ لویِه عیسی آوِ دَهَن شو بِس و شو زَت بَعضیا هم سیلی شو زَت 68شا گُت اَی مسیح نبوت بُکُن چه کِسی شَتوزَت ؟69و اما پطرس اَ در مِنِه سرا اُداسُن که کنیزی شَپَلو اُند اُشگُت تو اَم با عیسیِ جلیلی اَندِش 70اما اَنَه در جلو اَمَه انکار اُشکِه و اُشگُت نادَنِم چه اَگُتایش71پس اَندَی سَرسرایِ خونَه چو در اَمکه خَدَمَی دِگَه اَنَه اُشبینا و شَه اَنَیا گُت اِ مرد نیز با عیسیِ ناصری اَند 72پطرس یک بارِ دِگَه انکار اُشکه قسم اُشخَه که مَه اِ مرد اُشناشناسِم73یَک کمی بعد جمعی که اَنکَه ویسَیسُنِن اَ جلو اُندِن و پطرس شو گُت شکی نی که تو اَم یکی از انَیا بِش از لَجَت پیدا اِسی 74یک کَشی پطرس لعنت اُشکه و قَسم اُشخَه ، اُشگُت اِ مرد ناشناسِم اَمی موقع خروس اُشخَند 75یک کَشی پطرس حرفیای عیسی شَه یاد آو که اُشگُتِسُن پیش از خَندَی خروس سه بار مَه انکار اَکُنِش پس اَ در چو وگیریخُش که
1صُبِ زود هَمَی سَریای کاهنییا و مشایخ جَم بُسُنِن با هَم شُرشو کِه ، که عیسی اُش بُکُشِن 2پس دَسَ بَسَشو بو اَپیلاتوس والی تحویل شو دا3چون یهودا تسلیم کُنندَی اَنَه اُشبینا که عیسی محکوم شو کُردِ از کِردَی خوش پشیمون بُیس و سی سکَه ی نقرَه اَ سرانِ کاهنیا و مشایخ اُش واگردَنا و 4اُشگُت گُنام کِردِ و باعثِ ریختَه بُدَی خونِ بیگناه بُسِم اما اَنَیا جواب شو دا به اَما چه؟ خوت اَفَمِش 5اَمی موقَع یهودا سِکَیا در معبد اَ رو زَمی اُشریخت و اَدر چوو خوش حلق آویز اُشکه6سریای کاهنیا سکَیا از زمی جمع شو که ریختَی اِ سِکَیا در خزانه معبد جایز نی چون خونبها اِسی 7پس از مشورت کِردَه با اَنَه پول مزرعه کوزَه گَر شُخِلی تا گورِسوغریبیا بُکُنن 8از اَمی موقَع ای مکانی تا اِروز اَ مزرعه خون معروف اِسی9اَمی پیشگویی ارمیای نبی اَ حقیقت پیوستَه بُیس که اُشگُتِسُن اَنَیا سی سکَی نقرَه شو واسِسُن یعنی قیمتی که بنی اسراییل بر اَنَشو نا 10و اَنَه به اَمی دلیل مزرعَی کوزه گر شو دا چونکه خداوند اَمَه اَمراُشکردِسُن11اما عیسی اَ حضورِ والی ویسا والی از اَنَش پُرسی آیا تو پادشاهِ یهود اِسِش ؟ عیسی جواب اُشدا تو اَگواِش 12اما موقَعی که سَریای کاهنیا و مشایخ اتهام شو زَت هیچ جوابُش نِدا 13پس پیلاتوس از اَنَش پُرسی ناشنُوِداش چِقَد علیه تو شهادت اَدِداین ؟ 14اما عیسی یَک اتهام هَم پاسُخُش نِدا اَمدِه که والی خیلی تعجب اُشکه15رسم والی اِدِاَند که در عَید یک زندانی به انتخابِ مردم آزاد بُکُن 16در اَمی زمان زندانیِ معروفی بنامِ باراباس در اَبس اَند17موقعی که مردُم جمع بُدِن پیلاطس از اَنَیا اُشپرسی چه کسی تا وی تا زرآزاد بُکُنِم ؟ باراباس یا عیسی معروف اَمسیح را؟ 18اندِش گُت که شَفَمی عیسی را حسادت شا اَنَه تسلیم کِردِه . 19موقعی که پیلاطس اَ مسندِ داوری اُداسُن زِنَش پیغامی بَرَی اَنَش فِرسا که تو با اِ مَردِ بیگناه کاریت نِبو چون اِرُز خوای دربارَی اَنَم اُم بینا که مَه خیلی رَنج اُشدا22اما سریای کاهنیا و مشایخ قوم را تشویق شو که تا آزادیِ باراباس و مرگِ عیسی شو بِوی 21پس چون والی اُش پرسی کدام یک از اِ دو تا تازر آزاد بُکُنِم جواب شو دا باراباس . 20پیلاتُس اُشپرسی پس با عیسیِ معروف اَ مسیح چه بُکُنِم هَمَشو شو گُت اَ صلیبُش بِکَش23پیلاتُس اُشپرسی چواِ؟چه بدی اُشکردِه ؟ اما اَنَیا بلندتر فریادشو زَت اَ صلیبُش بُکُن 24چون پیلاتُس اُشبینا تلاشُش بیهودَه اِسی تَرسی شورش بُکُنِن آو اُش خواس و دستیای خوش در برابر مَردُم اُششو و اُشگُت مَه از خونِ اِ مَردی بَری اِسِم خُتواَفَمی25مَردم هَمَه در جوابشو گُت خونِ اَنَه بر گردَنِ اَما و فرزَندیای اَما بو 26اَمی موقع پیلاتُس را بَراشو آزادُش کِه و اَ عیسی تازیانَشو زَت و اُشگت تا اَ صلیبُش بِکَشِن27سربازیای پیلاتُس عیسی را از صحنِ کاخِ والی شو بو هَمَی گروه سربازیا دُورُش جمع بُدِناَنَیا 28عیسی را عریان شو کِه جَمَی ارغوانی شا بَر کِه 29و تاجی از خار شو بافت شا سِرَه نا و چوبی اَ دَسِ راسُش شو دا اَمی موقع در برابرُش زانو شو زَت واستیزا کنان شا گُت درود بر پادشاهِ یهود30اَ رو اَنَه آو دَهَن شا بِس چوب اَ دسُش شا گِرِت و شا سِرَه اَزَت 31پس از استهزا کِردَش جَمَه شاز بَر اَ دَر آو جَمَی خُوش شو بَر کِه بَرَی صلیب کِردَش شا در بو32وقتی اَ دَر اَچِدِن اَ مردی که از اهالی قیروان اَ نام شمعون بر شو خَه و اَنَه مجبور شو که صلیبِ عیسی را حمل بُکُن 33چون اَ مکانی بنامِ جلجتا که اَ معنیِ مکانِ جمجمه اِسی رَسِدِن 34اَ عیسی شراب آمیختَه اَ زرداب شو دا چون اَنَه مَزَش کِه اُش نِخَه35موقعی که اَ صلیب شا کَشی بَرَی تقسیمِ جَمَش قرعَه شو بِس 36و دَر اَمکِه اَ نگهبانیِ اَنَه شِسِن 37و تقصیر نامَی اَ اِ عبارت بر لوحی شو نَوِشت وَ اَنَه اَ بَرَی سَرَش نَصب شو کِه اِ اِسی عیسی پادشاهِ یهود38دو تا راهزن با اَنَه اَ صلیب بُدِن یکی اَ سَمتِ راست وَ یکی دِگَه اَ سَمتِ چَپِ اَنَه 39رَهگذَریا سَریای خوشو تَکون شا دا ناسزا شا 40گُت ، اَی تو که تَوِس معبَد را ویران بُکُنِش و سه رُزَ اَنَه بازبِسازِش خوت نجات آدِه اَگَه پُسِ خدا اِسِش اَ صلیب اَ زیر بِدا41سَریای کاهنیا و علمایِ دین و مشایخ نیز مَسخَرَش شا که و شا گُت 42مَکِس را نجاتُش دا اما خوش اُش ناشا نجات آدِه اَگَه پادشاهِ اسرائیل اِسِش آلا اَ صلیب اَ زیر بیا تا اَ اَنَه ایمان بیارَم43اَنَه اَ خدا توکُل اُشِه پس اَگَه خدا دوس شَه دَرِه آلا اَنَه نجات شا دِه چون ادعا شَکِه پُسِ خدا اِسی 44اَنَه دو راهزن که با اَنَه اَ صلیب بُسُنِن اَمدِ اَ اَنَه توهین شا کِه45اَز ساعتِ ششم تا نهم تاریکی اَمَی اَنَه سرزمی اُشگِرِت 46نَزیکِ ساعتِ نُهم عیسی با صدایِ بلند فریادُش زَت ایلی ایلی لَما سَبَقتَنی یعنی اَی خدایِ مَه اَی خدایِ مَه چواِ مَه اُت نَدِه 47بعضی اَز اَنَیا که اَندِن چون اِدِ که شُنُفت شُگُت ایلیا صدا اَزِتُی48یکی اَز اَنَیا با عجلَه داوای (دوید) اسفَنجی شَو اَنَه با شَرابِ تُرشیدَه پُراُشکه و اَ سَرِ چوبی اُشکه و اَ پِشِ دَهَنِ عیسی اُشبو تا بُخُی 49اما بَقیَه شو گُت اَنَه اَ حالِ خوش اونِسی تا ببینَم آیا ایلیا اَ نجاتُش دا 50عیسی یَک بارِ دِگَه با صدای بلند فریادُش زَت و روحِ خُش تسلیمُش کِه51در اَمی موقع پردَی معبد از بَرا تا زیر پَرَ بُیس زَمی لرزی و سَنگیا شِکافتَه بُیس 52قبریا باز بُیس وبَدَنیای زیادی از مقدسین که خَتِسُنِن اَنَیا از قبر اَ در اُندِن 53و پَس از رستاخیزیِ عیسی اَ شهرِ مقدس چِدِن و خوت را اَ شماری از مردم شا نِشو دا54چون فرماندَی سربازیا ونفراتِشوکه مامورنگهبانی از عیسی اَندِن زَمی لَرزَه و هَمَی اِ رویدادیا شُبینُیسُن خَیلی تَرسِدِن شُگُت براستی اَنَه پُسِ خدا اَند 55خَیلی زَنیا که اَنکِه اَندِن و از دور نِگاه شا کِه اَنَیا از جلیل اَ دُمِ عیسی اُندِسُنِن تا اَ اَنَه خدمت بُکُنِن 56در میونِ اَنَیا مریمِ مجدلیه اَند ومریم نَنَی یعقوب و یوسف ونیز نَنَی پُسیای زُبِدی اَندِن57موقع غروب مَردی پولدار از اهالی رامَه یوسُف نام که خوش شاگِردِ عیسی بُسُن 58اَ پَلو پیلاتُس چو و جسدِ عیسی طَلَبُ اُشکِه پیلاطوس دستور اُشدا اَ اَنَه آدَین59یوسف جَسَدُش واسِه در کتونیه پاک اُشپیچی 60و در مَقبَرَی تازَی که بَرَی خوش در صَخرَه اُشتراشِدِسُن اُشنا و سَنگی گَپ جِلو دَهَنَی مَقبَرَه اُشنا 61و چومریمِ مجدَلیه و مریمِ دِگَه در اَمکَه روبروی مقبَرَه اُداسُنِن62رُزِ بعد که پَس از رُزِ تهیه اَند سریای کاهَنیا و فریسیا اَ پَلو پیلاطوس اُندِن 63شو گُت سرورِ اَما اَ یاد مواِ اَنَه گمراه کُنندَه وقتی زندِه اَند شَه گُت پَس از سه رُزبُلَند اَ وابِم 64پس دستور آدِه مقبَره تا رُزِ سوم نگهبانی آدَیننِکُنِه شاگردیا بَین جسد بِدُزِن که اَ مَردُم بُگوین که اَنَه از مُردَیا بلند وابُدِه که در اِ صورت اِ فَریبِ آخَر از فَریبِ اول بدتر اِسی65پیلاطس پاسُخُش دا شمایا خوتو نگهبانیا تواِ اُچید و اَنَه هَر طوری که صلاح اَدَنی حفاظَت بُکُنی 66پس چِدِن و سَنگِ مقبَرَه را مهرومومشو کِه و نگهبانیا در اَمکِه شا نا تا از مقبَرَه حفاظت بُکُنِن
1بعد از شبات در سَپیدِه دَم نخستین رُزِ هَفتَه مریمِ مَجدَلیه و اَنَه مَریمَ دِگَه اَ دِدَی مَقبَرَ چِدِن 2یَک کَشی زَمی لَرزَی شَدیدی بُیس چون فِرِشتَی خداوند از آسمو نازل بُیس اَ طرفِ مقبَرَه چو و سنگ اَ برابرِ اَنَیا اُش غَلطَنا و اَرو اَمی شِه3چِرَی اَنَه فِرشتَی مِثِ برقِ آسمو اَدِرَخشی و جَمَش چون برف سفیداَند نگهبانیا 4از دِدَی اِدِه اَ لَرزَه کَتِن مِثِ مُردَیا بُدِن5اَمی موقع فرشتَه اَ زَنیا اُشگُت هراسون مَبی اَدَنِم که در جستجوی عیسی مصلوب اِسی اِدِه 6اِنکه نی چون اَمدِه که اُشگُتِسُن برخاسته بُدِه بَی جایی که خَتِسُن بِبینی 7پس با عجلَه اوچی اَ شاگردیای اَنَه بُگُی که از مردگان بلند وابُدِه و جلو تر از شما اَ جلیل اَچو و اَنکَه اَنَه شَبینیآلا اَ شما اُمگُت8پس زنیا با هراسی آمیختَه با شادیِ عظیم با عجلَه از مقبَرَه روانَه بُدِن و اَطرفِ شاگردیا چدن تا اِ واقعه اَ اَنَیا خبر آدَین 9یکدَفَی عیسی با اَنَیا روبرو بُیس و اُشگُت سلام بر شما بو زنیا اَ پِش اُندِن اَ پایای اَنَه کَتِن و اَنَه پَرَستِش شو کِه 10اَمی موقع عیسی اَ اِدَیا اُشگُت مَتَرسی اُچی و اَبرادَریام بُگُی که اَ جلیل اُچِن در اَنکَه مَه اَبینِن11موقی که زنیا در راه اَندِن عده ای از نگهبانیا اَ شهر چدن اَمَی وقایَع را اَ سریای کاهنیا شو گُت 12اَنَیا نیز پس از دیدار و مشورت با مشایخ اَ سربازیا پولِ زیادی شو دا و 13شو گُت بوگوی که اَما در خو بُسَم جَسَدِ اَنَه شو دُزدیده14و اَگَه اَگُشِ والی بِرَسه اَما خومو راضی شَه کُنَم تا بَرَی شما مشکلی ایجاد نِبو 15پس اَنَیا پول شو گِرِت طبقِ اَمی که شو گُتِسُن عَمل شو کِه و اُ داستان تا به اِرُز در میونِ یهودیا شایع اِسی16اَمی موقع یازدَه شاگرد اَ جلیل اَ کوهی که عیسی شَه اِدَیا گُتِسون چِدِن 17چون در اَنکَه عیسی شو بینا اَنَه پرسِش شو که اَما بعضی شک شو اَند18پس عیسی اَ پِش اُند و شَه اِدَیا گُت تمام قدرت در آسمو و زَمی اَمَه سپردَه بُدِه 19پس اوچی و هَمَی قومیا را شاگرد بُکُنی و اِدَیا را بنامِ پدر پسر وروح القدس تعمید آدَی20و اَنیا تعلیم آدَی و هر چه اَ شما فرمان اُمدَدِه اَ جا بیارِن آلا مَه هر زُز تا پایانِ اِ عصر با شما اِسِم