Bible

Titus

Chapter 1

¹Umpatn Paulus, hamba Allah ge rasul Kristus Yesus , da gatn ngutus demi iman sook da Allah milih ge pegetahuan dak kebenaran da mimpin ka kesalehan. ²Supaya ayo'ak kaat pengharapan da kekal, da nik janji waktu tinga pamule zaman oleh Allah da ti suah laceh. ³Pada waktu'ak , Inik nganyata firman'a umpatn kabar da nik mecaya ka iko sesuai nige perintah Allah, Juruselamat ite.⁴Ka Titus, anak'a da sah sadatn iman ite samaan. Anugerah ge damai sejahtera umpatn Allah' Bapa , ge Yesus Kristus, Juruslamat ite. Tugas-tugas Titus untuk mamilih panatua ka Kreta.

⁶Ini'k harus'a sok da kati bacela, banun umpatn nyungan saut, umpu anak-anak da pecaya, ge kati gat nuduh karna idup da kati sanunuh ato ngelawan. ⁷Sbab, sook da ngawas jemaat arus'a sook da kati bacela sebage pelayan Allah, kati'k sumbong, kati capat baji, nya pemabuk, kati suka badaru, ge kati srakah nige najo untung.⁸Sebalik'a , suka mangkatn tumpangan , suka jai da bait, bijaksana, adil, saleh, ge kaatn nguasa adup'a. ⁹Ini bajinte teguh ka saratn da abak da mecaya, sasuai nige da laka da ngajar, sehingga ini'k kaatn mangkatn nasehat menurut pengajaran da sehat ge nagor ayoa'k da membantah'a.¹⁰Sbab, ani karah sok da malawan, suka ngumong kusong, ge panipu, khusus'a ayo sook da barasal umpatn kalompok sok da baturih. ¹¹Ayoa'k pantas gatn nutup baba'a karna ayoak manyusah samaan kluarga nige ngajar da kati seharus'a ayoa'k ngajar.¹²Nyungan umpatn ayoa'k , koh lah nabi adup ayoa, nyansana,"Dasar ayo sok Kreta laceh, ulah binatang buas da jahe'k, ge palahap da malas. ¹³Kesaksian diah taman. Karna lakoh, nagorlah ayoak nige karas supaya ayoak jadi sehat sadatn iman.¹⁴Iyak mile dongeng-dogeng sok Yahudi ge perintah ayo sok da nolak da taman¹⁵Bagi da murni, samaan murni. Namun, bagi ayoak da najis ge kati pecaya, kati ani nyeteng pun da murni karna bait pikiran atopun ate nurani ayoak najis. ¹⁶Ayoa'k ngaku ngenal Allah, tapi nige parbuatan'a ayoa'k nyangkal Allah. ayoa'k menjijikkan, kati taat, ge kati sanggup umas jaipun da bait.

Chapter 2

¹Akan tetapi, akupm, ngajarlah hal-hal da sasuai nige pengajaran da sehat. ²Are-are da lebih ama harus kaatn nahan adup'a , nige sehat sadatn iman, sadatn kasih, ge sadatn katekunan.³Uga, mahu-mahu da lebih ama harus angkatn tingkah laku da saleh,inya da suka fitnah ato hamba anggur, tapi harus ngajar jai da bait. ⁴Sak lakoh, ayo'a kaatn nasehat mahu-mahu da angot untuk nyayang banun'a, nyayang anak-anak'a, ⁵menguasai adup, saleh, ngurus ruakng ramin'a , ramah, ge tunduk ka banun'a , supaya firman Allah kati di maliceh.⁶Lakoh uga, nasehatlah ayo sok angod supaya ni kaatn menguasa adup'a. ⁷Sadatn segala hal, jadilah adupmu teladan sadatn perbuatan-perbuatan da bait. Sadatn pengajaran, nampillah da jujur, da hormat, ⁸nyansana da taman da kati ngutor sehingga para lawan aok jadi mangun karna kati kaatn ngumong hal da jahe tentang ite.⁹Hamba-hamba harus tunduk ka tuan-tuan'a sadatn hal jai pun, barusahalah supaya ayo'a auhatn, ge kati melawan. ¹⁰Usah nangko, tapi nampillah bahwa akupm kaat da mecaya supaya sadatn jai pun ayoa'k memulia ajaran Allah, Juru Selamat ite.¹¹Sbab, anugrah Allah da minsak keselamatan nga nyata bagi samaan sok,

¹³sementara ite nganti pengharapan da panhu barakat, koh lah pajutukng da panhu kemuliaan umpatn Allah Da Maha Besar, ge Juru Selamat ite, Kristus Yesus.¹⁴Ini nga laka mangkatn Adup'a bagi ite yak menebus ite umpatn samaan perbuatan da jahe ge yak menyucikan bagi Adup'a, suatu umat pilihan'a da bagiat melaku perbuatan da bait.¹⁵Ngajarlah samaan diah. Nasehat ge nagorlah nige sgala kewibawaan. Usah ani sok da ngarendah kupm.

Chapter 3

¹Nyanuutlah ayo'a sak ni tunduk ka pemerintah ge panguasa, taat ge siap ngelaku setiap perbuatan da bait, ²kati'k memfitnah asi pun, kati badaru, ramah, ge taman-taman bersikap rangut terhadap samaan sok.³Sbab, ite idu uga baga, kati taat, sasat, gat ngabudak oleh bamacam nafsu ge kesenangan , idup sadatn da jahat ge iri ate, gatn rusi ge saling ngerusi.⁴Akan tetapi, sak kemurahan ge kasih Allah, Juru Slamat ite, gatn nyata. ⁵Ini nyelamat ite, nya karna barbuat da taman da ite ngelaku, melainkan karna belas kasih'a lewat pembasuhan lahir malik ge pembaruan Roh Kudus.⁶da Ini nyura atas ite nige marabeh lewat Kristus Yesus, Juru Slamat ite. ⁷Jadi, laka dibenarkan nige anugra'a , ite jadi ahli waris sasuai nige pengharapan idup da kekal.⁸Saratn diah sungguh taman. Tentang hal diah iko ngate akupm taman-taman yakin supaya ayo'a da nga laka pecaya ka Allah kaat tekun ngelaku perbuatan da bait. Hal-hal diah bait ge bagune bagi samaan sok.⁹Akan tetapi, ngajauhlah badebat-debat, batitis-batitis, perselisihan, ge badaru da baga tentang Hukum Taurat karna dakoh kati ani gune'a ge sia-sia. ¹⁰Untuk sok da nyebab perpecahan , mangkatnlah ini'k peringatan asa ato dua kali, laka dakoh ngajauhlah ini'k . ¹¹Sbab, kupm pane sok da samu dakoh laka dinyasat ge panhu duse, inik mendatangkan hukuman atas adup'a. Patunjuk da Trakhir ge Salam.¹²Sak laka iko ngutus Artemas ato Tikhikus ka kupm, barusahalah untuk utuk ka iko ka Nikopolis karna iko nga laka mutus untuk madi'k ka tetn salama musim panut jana'k. ¹³Nige sakuat tanagamu'k , bantulah Zenas. si ahli hukum dakoh, ge Apolos da ani ka sadatn perjalanan supaya ayoa kati'k kakurangan nyiteng jai pun.¹⁴Haruslah ayo sok ite belajar batekun dalam melaku pekerjaan da bait supaya ayoa kaatn menuh kabutuhan idup bilang kano ge kati idup nige kati babuah.¹⁵Samaan sok da ani gek iko nyampe salam untuk imu'k. Nyampe salam'ko ka ayoa'k da mengasihi kai sadatn iman. Anugrah menyerta ayo kupm samaan.

Bakati’, Rara: Bible for Titus

Formatted for Translators

Titus