To view a copy of the CC BY-SA 4.0 license visit
http://creativecommons.org/licenses/by-sa/4.0/
Below is a human-readable summary of (and not a substitute for) the
license.
You are free to:
-
Share — copy and redistribute the material in any medium or
format.
-
Adapt — remix, transform, and build upon the material for any
purpose, even commercially.
The licensor cannot revoke these freedoms as long as you follow the
license terms.
Under the following conditions:
-
Attribution — You must attribute the work as follows: "Original
work available at https://BibleInEveryLanguage.org." Attribution
statements in derivative works should not in any way suggest that we
endorse you or your use of this work.
-
ShareAlike — If you remix, transform, or build upon the
material, you must distribute your contributions under the same
license as the original.
-
No additional restrictions — You may not apply legal terms or
technological measures that legally restrict others from doing
anything the license permits.
Notices:
You do not have to comply with the license for elements of the material in
the public domain or where your use is permitted by an applicable
exception or limitation.
No warranties are given. The license may not give you all of the
permissions necessary for your intended use. For example, other rights
such as publicity, privacy, or moral rights may limit how you use the
material.
2 Thessalonians
Chapter 1
1Paulo, Silvano, ojo Timoteyo, to kelesia no Tessalonika no Hollum Monye hohoi ojo habu Yesu Kristo. 2Isiara hamehini hotowuana ta hatai ojo himwara tara Hollum Monye hohoi ojo Yesu Kristo.3Ewak iyyohoi adule hisiara humo to Hollum te itai, halasira, anyar nia binno nyo obolo huruk nahatai binno, ojo mune nahatai to wati odule hifita to wati innahatai. 4Edule iyyohoi hitidara to hiro nohoi ta wati innohoi to wuana nahatai to hiji ho kelesiaha inno Hollum to dihan ojo huruk nahatai to hiji ho hitigemita innahatai daŋ, iko to hitigemita inno edihu itai. 5Ara inna hutuhuti no obisari ŋoto no Hollum. Etuhutak nia luŋa hijo esiru itai to obie no Hollum ne etabanari itai.6Dede to Hollum henyiahahini hitigiama to ilia etigiama itai, 7Ati hitilek tahatai illo etaban ojo tohoi hedofe, laliew habu Yesu te ido ha anjilohien illohonyie illo ogol. 8Iyya ŋadief no hima, elienyu iso inyia hiyyo illo obe oyyen Hollum ojo hidofe to liyya illo obe awak hitiraŋ to sayye inno habu lohoi Yesu.9Orrumu iso isia hitigiama no losio fur no hitihara nolobe onyiha aŋati ho Habu ojo tara kwatan no dwaran no honyi. 10Ottu iso inyia higem ina lawoŋ inyia to far nyia etihabuori hiyyo illohonyie ojo hidofe omuno to hiyyo daŋ illafa eruk inyia, ara ifa hituhuta nohoi hiruk.11To hiram nia, edule iyyohoi daŋ mojo te itai anyar etisiru Hollum hira nahatai heruhok, hidofe anyar etufutak Hollum wahan no libe ojo igem no huruk to golon. 12Emojo iyyohoi hijo hotohkwata fure no habu lohoi Yesu to itai, hidofe hotokwata itai te inyia, to hamehini no Hollum lohoi ojo Habu Yesu Kristo.
Chapter 2
1Iyyania ta hawoŋ no Habu lohoi Yesu Kristo ojo tubai nohoi arabotie he inyia: efia iyyohoi tahatai halasira, 2hijo ibaŋa eruk hitidiaha kuyya hitigiama kuyya to oyiri kuyya no hiro kuyya nobo waraga no owoun iyya ottu tara hohoi, nero hijo eba Yesu.3Hotobiaŋa lobo tuŋani enyiob itai to nobo hikoi. Obe ottu man ottuni tahalu ho hahuye nohonyie, ojo tuŋani olieu lo ebo hifahita, lonyi hetiharani. 4Inyia lia ebo Hollum atta hafita wan nohonye, atta hililoŋo wan nohonye Hollum lia letihabuo hiyo. Ettole inyia to hotwai iko ta haji imojit no Hollum atta ehumak wan nohonye a Hollum.5Ebe itai egilu hijo nafa awuanari naŋ ikatai elimak efa naŋ hirro inia? 6Iyyania eyyen itai hirro inno etilliŋa inyia, hijo anyar oliew inyia ta far no olibo. 7Egiama hifahita inno tuŋani lia iyyania, ati owuon tuŋani le etiliŋa inyia iyane man eyari inyia ade to hikoi.8Atta tuŋani lobe hifahita alieu, lolottohe Yesu to hiyyehita no hutuk nohonyie. Etilitek iso Habu inyia la alieu hawoŋ nohonyi. 9Hawaŋ no lia lolobeŋ hifahi ottu to ogiem no Sitan to golon daŋ, hutuhututa, teler ojo hililiha, 10ojo hinyiebita inno orru inno enyeb illie etaban, nyo obe isia efwotu mune no dede no hetilahini.11To hiram nia, efahak Hollum to hosie hipali hijo anyar eruk isia hinyiaba 12ati anyar oremic isia daŋ to hokum, illie illo obe eruk dede ati omuno biaŋan na manya nalanyar.13Ati anyar esio iyyohoi humo to Hollum to itai, halasira ilo omuno Habu. Onyimu Hollum itai hetera haŋer hiterita illo Loyiri na ara igiem nohonyie hitilahini hijo anyar eruk todede. 14Ellilloŋu inyia itai to sayye nohoi anyar errumu itai lohuo na Habu lohoi Yesu Kristo. 15Iyyania, halasira, itiwetai nologol hidofe iniefu imohiti innafa etiyenu itai to hiro kuya hidofe to waraga nohoi.16Iyyania isiara Habu lohoi Yesu Kristo to wan tonohonyie, Hollum Monye, lomuno iyyohoi, atta hisio iyyohoi golon no osio fur ojo heyik no olibo to hamehini, 17itiliha ojo hidofe itigolo tajia innahatai to igiem no olibo ojo to hiro.
Chapter 3
1Iyyania halasira, itimoje te iyyohoi, hijo hotoruhari hiro no habu hidofe hotokwata iyya to hatai. 2hidofe daŋ hijo hetalini iyyohoi tara hiyyo ille epalita ojo hidofe orru, nyo obe hiyyo daŋ owuon ho huruk. 3Ati obolo huruk no Hollum lo etigol itai ojo hidofe eriria itai tara harruoni.4Edule iyyohoi huruk ta Habu te itai, hijo edule iso itai hihuma hirro innafa elimak iyyohoi itai. 5Isiara Habu hetihutek tajia innahatai to mune no Hollum ojo to dihan no Kristo.6Iyane, elimak iyyohoi itai halasira, to fure na Habu lohoi Yesu Kristo, hijo ibusak lobo ilasi hatai lamanya asi hidofe obe awak nayya to imohiti innafa efwotu itai tara hohoi. 7Eyyen itai to wati innahatai, hijo anyar etiriju itai iyyohoi. Ebe ifa iyyohoi emanya asai nafa ewanari iyohi ikatai. 8Ebe ifa iyyohoi edaha nobo imune no lobo tuŋani ebe iyyohoi eduma. Ati egiama ifa iyyohoi daŋ ta tari ojo ta far ta mai no ogol to higiama hijo hotobiaŋa iyohoi etibana itai. 9Egiem iyyohoi ania obe lojo ebe mahu iyyohoi ewuon ho golon. Ati egiem iyyohoi ania hijo anyar etiyenu itai toro iyyohoi.10Nafa helewuon iyyohoi ikatai, elimak ifa iyyohoi itai hijo, "Lobe lobe awak higiama, hotobiaŋa inyia adaha." 11Etiru iyyohoi hijo ettole illak ania obe awak higiama to hiji hatai. Obe awak higiama ati awak halan. 12Iyyania, ewak iyyohoi hitigol isia to fure to no Habu Yesu Kristo, hijo hegiamai isia to dwai anyar adaha inno egiemu isia to wati innohosie.13Ati itai, halasira, ibaŋa etaban higiama no olibo. 14Lobe lobo abaŋ hiro no waraga inna, itiyyen inyia, atta ebusak inyia anyar ottohe irri inyia. 15Ibaŋa orriŋa inyia amereni, ati itisor inyia iyya ilasi hatai.16Isiara Habu lo himwara to wan nohonyie hesiara itai himwara ta far daŋ ojo te ikota daŋ. Isiara Habu hotowuana daŋ to koi itai. 17Naya, Paulo, Egioro tahatai ta hani naŋnaŋ, ne etuhutak ta waragat innanaŋ. 18Isiara hamehini na Habu lohoi Yesu Kristo hotowuana daŋ hatai. Amen.