Bible

Luka

1¹Baito likam baosila okota oemalisa bombila loka lo mbeko yeke itomoaka loka liso, ²kee beke bakaenaka ta baiso bibo oakola ta liako, beke bakasona bakeleli ba lioi, bakafesu yo.³Kolaongoma, Teofili,butu a lokuku, mbisa yange iyolinga linga litina li ye mbeko itotina, ei aleko lokaenyela mbo losonelowe loksa loka loyamo itotina. ⁴Kolaongoma otolembela lamba mbeko ikaekisomo lao imbe omongo wewe.⁵Tambile eya Elode bokata bo Yuda, imbaka la kanga emoi, lina linde mbo Yekalia, buto a kalasi eya Abia. Boali inde ambaka buto a bofindi boya Alona, lina linde mbo Elisabeta. Bo abaele bambaka baengani ta baiso baya Mungu, bambaka batokenda la tokpelo la tokela toya Ngene ndoena bobe. ⁷Baitimba la wana loka mbo Elisabeta ambaka bokomba; la bo atotina bambaka batolo.⁸Lisiyo limoi ta lisangi li kalasi inde, Yekalia ambaka atokela likua linde li kanga felo iya Mungu, ⁹ta bofono bo bokanga, la ikaenganela ye mbo aote ta eseke lotanu loya Ngene otumba bobele bo liesa. ¹⁰Likama li baito limbaka lousa batosembola ta mbile oetumba bobele bo liesa.¹¹Bokitomo boya Ngene akaenamana linde ta etumbelo lo bobele ta boo bolome. ¹²Ekaenaka Yekalia ongoma, kabanga la bowa bokaotela ye. ¹³Ndjo Bokitomo akabeka linde mbo, oibangaka, Yekalia, loka mbo lisemboli liao lifokana, la boali ao Elisabeta atobotelo we wanabotolome, la otota ye la lina mbo Yoani.¹⁴Liomali la limengo lifi litomba lao, la baito likama batooka limengo ta libotomu linde. ¹⁵Loka mbo atomba butu bofi ta baiso baya Ngene, aitomwa baana, lamba leka lo lewisa; la atowala la Bolimo Botanu kota solo eya inango inde.¹⁶Atobinoisa baito ba Isalaele likama ambe Ngene Mungu ibo. ¹⁷Ye aleko atoka felo inde la bolimo la bofoka boya Eliya. Atobinoisa betema be ba ise ambe bana, la baito ba tale ta ndole e liengani, loka lokomanyela Ngene bofindi boengani.¹⁸Yekalioa akabeka la Bokitomo mbo, loto lembela yeke isani? loka mbo loomba botolo, la boali ange aleko amba inunu. ¹⁹Bokitomo akabinoisa bonoko mbo, Ei Gabaliele, ono atoemala felo iya Mungu, la lotomomo oya beka lao la otondolelo we ye mbeko. ²⁰Ndjo ko kanikani otomba ebebe, oito beka kota lisiyo lieke litotomoa ye mbeko, loka oikaimila baoi bange, beke batoengana ta elaka lamo.²¹Baito baumba kela Yekalia la bakamwala mbo aokolo ta eseke lotanu, ²²Ndjo oko etomoaka ye aikaluwa obekana libo, la baka lembela mbo aene lienesi ta eseke lotanu.Ye aleko aka mbaka atofefia bo ndembe ndjo akatikala ebebe. ²³Oko esilaka basiyo binde balikuwa, akaka ta mbele inde.²⁴Mbisa i basiyo be boali inde Elisabeta akanya lieme, la akaisa tengai liondo. Akabeka mbo, ²⁵Ngene aosila okelelei ani ta basiyo be,oko akamoilekei, loka lofoya soni yange ta baito.²⁶Ta tengai eliambe, bokitimo Gabaliele aka tomomo la Mungu oka ta boki bomoi bo Gallilai, la lina liko Nasalete, ²⁷ambe boseka bomoi ono aitoka luwa botolome ta bopfindi boya Dawidi. Lina liya bolome mbo Yosefe, la lina liya botaali Malia. ²⁸Akaota elo embe ye, la akabeka mbo kalibo! botaali a ngbengbele, Ngene ambo lao. ²⁹Ndjo akabamba la bowa ta bonoko wamo, la akamba la toloi lamba kalibo amo ilangi obeka isai.³⁰Bokitomo akabeka linde mbo, Ndo banga, Malia, loka mbo ofoanya ngbengbele ambe Mungu. ³¹Tene, otoanya lieme,la otobota wana botolome, la otota ye lina mbo Yesu. ³²Ye atomba bofi la atotomo mbo wana aya ono Aeti likolo. Ngene Mungu atofa ye kiti ebokota eya Dawidi ise inde. ³³Atomba bokota ta mbele eya Yakobo omongo, la bokota winde boitomba la tunga.³⁴Malia akabeka la bokitomo mbo, yeke itomba isai eke eitaka lalei la botolome? ³⁵Bokitomo aka binoisela ye mbo,Bolimo Botanu atoya liokolo liao, la bofoka boya Ono-Aeti likolo itoufo we. Yamo yoko wana botanu ono ato botomo atotomo wana aya Mungu.³⁶Tene Elisabeta boboto wao, ye aleko afoanya lieme li wana botolome ta botoolo winde, la tengai ene embe tengai inde ee liambe ono atomoko mbo aitobota. ³⁷Loka mbo ambe Mungu mbeko itotina iyengani okelomo. ³⁸Maliya akabeka mbo, tene, ei bokowa boya Ngene, tikaka mbo ikomelei kani ekaosila obekowe. La bokitomo akatika ye akaka.³⁹Ta mbile amo Maliya akaemala la akaka mangu ta boki bomoi ta longo lo Yuda. ⁴⁰Akaota ta mbele eya Jekaliya, la akafa Elisabeta kalibo. ⁴¹Ekaokaka Elisabeta kalibo eya Maliya, wana ta soolo inde akatila, la Elisabeta akawalisomo la Bolimo Botanu,⁴²akamama la limiki lifi mbo, Owe ofoutchelomo ta bataali la wana ta solo ao afoutchelomo. ⁴³Loka loingi lobeko leke lo'otomoelei mbo inango aya Ngene ange aoya ambei? ⁴⁴Tene, oko ekaokana limiki li kalibo ao katikati ta batoi bange, wana kati ee solo ange aotila la liomali. ⁴⁵Liomali ta botaali omo akaimilomo, loka mbo baoi bakabeka Ngene inde bafoenganisomo!⁴⁶Maliya akabeka mbo, Liwawi liange liosimola Ngene, ⁴⁷bolimo wange bofo'omala la Mungu Bouwesi wange.⁴⁸Loka mbo aomoila boeno bo lokuku boya bokowa winde, tene koakola kanikani befindi betotina batotangei mbo buto a limengo. ⁴⁹Loka mbo Ono aeti Bofi aokelelei mbeko ifi fafo, la lina linde limbe botanu.⁵⁰Ngandi inde imbe loka lo beke batobanga ye, befindi la befindi. ⁵¹Ta boo winde akakela bofoka, aomelanisa baito beke bakaenyelisa baenyeli ba lofolo ta betema bibo,⁵²la aofoya baito ba bofoka ta keka ee bokota, aikalilisa baito ba lokuku. ⁵³Aowalisa baito la semba ta biongo bilo, la aobinoisa baito ba lifoka baoo bule.⁵⁴Aosunga Isalaele bokuwi winde, afoenyelisa ngandi inde, ⁵⁵(ani ebekaka ye la bangau biso) loka loya Abalayama la bofindi winde layalaya.⁵⁶Malia akaumoa linde eseke lomoi lamba tengai isaso, la akabinoa ta mbele inde. ⁵⁷Lisangi liya Elisabeta obota wana likaengana, la akabota wana botolome. ⁵⁸Kendesani linde la befindi binde bakaoka mbo Ngene afokela ye ngandi fafo, la bakaomala linde.⁵⁹Mbisa ibasiyo bonanei bakatena wana itombe, la bakakola ota ye mbo Yekalia, kee ani embe lina liya ise inde.⁶⁰Ndjo inango inde akabinoisa bonoko mbo, tingalo,atotomo mbo Yoani.⁶²Baka kelela ise inde ndembe lamba alangi ota wana la lini lina. ⁶³Akalengila lombao losonela, la akasona mbo lina linde mbo Yoani.⁶⁴La bonoko winde la lolame linde bokalikoa la mangu, la akabeka, akasimola Mungu. ⁶⁵Bowa bokamba libo atotina beke bambaka onga, la mbeko yeke itotina imbaka bo bato beka ta boki bo longo loto tina lo Yuda. ⁶⁶Batotina beke bakao kaka yo bakaisa yo ta betema bibo, obeka mbo, kolaongoma, wana ono atoma ndai? Loka mbo wewe boo boya Ngene lombaka linde.⁶⁷Yekalia ise inde aka walisomo la Bolimo Botanu, la akanagola mbo, ⁶⁸Ngene Mungu a Isalaele asimolo moko loka mbo aomoila baiti binde la aokomanya liendolomu libo.⁶⁹Aotomelesu bouwesi bofoka ta mbele eya Dawidi bokowa winde. ⁷⁰Kanda emoi ani ebekaka ye koala ta benoko be betondoli binde batanu mbo, ⁷¹atouwise su ta beke batonanise su la ta bao ba baiyani biso batotina, la aleko mbo.⁷²Atokela bakuwa ba ngandi ta bangau biso, la atoenyelisa liokamani linde litanu, ⁷³Ko lolapi leke atenaka ambe Abalayama ngau iso. ⁷⁴Mbo tofoyomo ta bofoka bo baiyani biso loka kembo tokuwele ye ndoena bowa. ⁷⁵La botanu la liengani felo inde bassiyo biso batotina.⁷⁶Owe Wana, ombo tomoko bonangoli boya Ono Aeti likolo, loka kembo optoka felo iya Ngene okomanya ndole inde,⁷⁷oluwisa baito binde loka lo liwisomu la lomesilomo lo bobe wibo.⁷⁸Loka lo botema bo ngandi boya Mungu iso. La ngandi yamo, buse botondjele esu la bose, ⁷⁹Loka lo liangangi li beke bangali ta lotiyo, la katikati i lilima li lingba, la loka lokendisa bkolo biso ta ndole ekimia.⁸⁰Wana akakonda, la akanya bofoka ta Bolimo, la akangala ta liombele tii kota lisiyo linde liyoenena ta Isalaele.

2¹Ta elo mbile, elo Kaisala Ogisito, akata ekela mbo baito batotina ba wenda basonomo baina ta kasa mbo batangomo loketi libo. ²Lotangomo lo felo lotangomoko ani Kuliniuv ambe bokota bo yese iko Sulio, ³batotina bakaka okasonomo baina, buto la buto la boki winde.⁴Yosefu aleko alilaka ta Galilaya, ta boki bo Nasaleta, loka bake ta Yudeya, ta boki boya Tawiti, bokumo Beteleyeme, loka ambaka buto a bofindi boya Tawiti. ⁵Mbo ake okasonomo la Maliya baemo binde ono ambaka la lieme,⁶ta mbile embaka onga, mbile ee yelo lo'lobota loya Maliya lokaengana. ⁷La akabota wana inde afelofelo botolome, akalingila ye la bolekani, akalalisa ye ta wato, loka elela loitimba ta mbele ee beenda.⁸Imbaka, la batchungani ba bekoko balalaka lousa ta bilanga lotiyo loka lo lomoilo bekoko. ⁹La tene, bokitomo boya Ngene bokatomoela bo futuku, la liangangi liya Ngene likalingila bo.¹⁰Kola ongoma bokitomo akabeka libo mbo: Oibangakai; loka lo yele'nu mboli itanu, iyaii, ye itomba loka lo baito batotina; liomali lifi. ¹¹La boni, ta boki boya Tawiti, aobotomole'nu Bouwisi, Masiya, Ngene. ¹²La tene ndembe ene etoluwise'nu: Otoanyai wainenge alingilomu la bolekani la alalisomu ta elelo lo nama.¹³Ta mbile ekabekaka bokitomo, futuku botuku bo bakitomo bokatomowa ta lobola ani bato simola Mungu, bo mbo: ¹⁴Bofoka boya Mungu ta bilela bieti likolo, la kimia ta nyele aiteni ii baito bee aomali libo.¹⁵Ta mbile bakitomo bakafowa mbo bainowe ta lobola, batingani ba bekoko bakabeka amoi mbisa ii buto linde: Tokei teee kota Beteleme, la ye tokaena taye ikaya, yeke Ngene akaenise'su. ¹⁶Bakaka mangu: La baka anya Maliya la Yosefu, la wana alali se ta elelo lo bekoko.¹⁷Mbisa ioena, bakasemowa itotina ye ikabekomoko loka lo wana oko. ¹⁸Batotina beke baokaka bambakata limwali loka lo mbeko ye ibekaka batingani ba bekoko. ¹⁹Maliya akakuka mbeko ye itotina ta botema. ²⁰La batingani ba bekoko bakainowa la liomali la ochwela Mungu beele ta itotina ye ikaena bo la ikaoka bo, la bakabeisa beke ba beisaka bo.²¹Basio bonanei, beke wana aenganisaka lotonemo itombe, bakaengana, bakafa ye lina mbo Yesu, lina lie bokitomo abekaka afaka ye felo mbo inango a'anye lieme.²²La, mbile ee basiyo ba lia'anisomu likaenganisomo, kotutana la bikela biya Mose, Yosefu la Maliya bakatola ye ta Yelusaleme, mbo batike wana ambe Ngene. ²³Otutana la ye isonomu, ta bikela biya Ngene batolome batotina ba felofelo batofomo la Ngene. ²⁴La lifaefi li wana a ngombe, kee bana baele ba ɛkuku, ani esonomu yo ta bikela biya Ngene.²⁵La tene, imbaka ta Yelusaleme, buto amoi akumo Simeona, buto oko ambaka buto botanu la liengani, Mungu abekaka mbo aitongba sakolo koane Bouwisi Masiya Yesu. ²⁶Abeisomoko la Bolomo boya Mungu mbo aimbongba ko aene Masiya Ngene.²⁷Akandjomu la Bolimo ta esondjamelo. La, ani baboti binde batolab wana Yesu mbo baenganise tokpelo to ekela. ²⁸Akatola ye ta boo winde, akasimola Mungu ye mbo: ²⁹Kanikani, Ngene, tikaka bokowa wao mbo ake la kimia, kotutana la baoi bao.³⁰Lokabaiso bange bafoena Bouwesi, ³¹liuwisi lie likakomio mbo liouwisa baito batotina. ³²Liangangi mbo liangange ta yese itotina, la liangangi li Isalaele, baito bao.³³Ise inde la inango bambaka ta limwali ani etobeka bo linde yo mbeko. ³⁴Simeona akautcha ye, la akabeka la Maliya inango: Tene wana ono ambe botchakolomu mbo aesi lokpeso, la loemaliso baito babule ba Isalaele. ³⁵La ambowe angene: Akpaka atotoba botema wao, mbo baenyeli ba baito babule la betema beuwe.³⁶Imbaka aleko la botondoli amoi, Ana, boseka aya Penuele, ta bofindi boya Azele, ambaka botoolo la miaka br bule, auwaka la bolome inde miaka bosambale, kota boseka winde. ³⁷Akatikala ndoena bolome, la miaka tuku bonanei, aitifowa ta mbele eya Mungu, la akelaka likuwa liokuela Mungu lotio la lowa la lokilio bieka la basomboli. ³⁸Kota elo mbile akaya, akalengila Mungu kelekele, la akabeka loka loya Yesu, ta itotina ye ikaoka ye ta Yelusaleme.³⁹Ta mbile ekaenganisaka bo, yeke ikabeka Ngene ta bikela, Yosefu la Maliya bakainowa ta Galilaya ta Nasalete, boki wibo. ⁴⁰Wana akakonda la bofoka, la ayali fuu la weli, la ngbengbele eya Mungu embaka linde.⁴¹Baboti baya Yesu ba'kaka-kaka kila mwaka ta Yelusaleme, ta fete ee lieti. ⁴²Kola ongoma embaka ye la miaka liou la yele akaka kotutana la asili ibo. ⁴³Ongoma, ta mbile basio bakaeta, la bakainowa, wana Yesu akatikala ta Yelusaleme; ise inde la inango inde baiti luwa mbo aotika. ⁴⁴Bato enyela mbo ta bolenga bo lokendo, bakakela lisio limoi la ndole, la bakaluka ye ta befindi bibo, la baluwani.⁴⁵Kola ongoma, baiti anya ye, bakabinowa ta Yelusaleme okaluka ye. ⁴⁶Ta basio basoso, bakafoeta, baka anya ye ta esondjamelo angali se aiteni ii baekesi ba bikela batolaila ye la bato fela fela ye felo. ⁴⁷Batotina bee baokaka ye bakaumomo la baoi binde. Loka lo weli winde, la bamutoli binde.⁴⁸Mbile ba ise binde baka'anya ye bakamba la limwali. inango inde, ee mbo: Wana bofelo bo'ingi o'okela ani? Tene, ise ao lange totolingowe la ngandi. ⁴⁹Akabeka mbo: Otolingeni bofelo bo boingi? Oiluwilei mbo iyengani mbo lokelo mbeko iya Afa? ⁵⁰Baiti lembela yeke abekaka libo.⁵¹Kola ongoma, akaka libo bolenga bomoi ta Nasaleta, la akalitisa inango inde, akaisa yeb itotina ta botema. ⁵²La Yesu akondaka la weli. La lilatemi, la ngbengbele felo iya Mungu la felo ii baito.

3¹Mwaka bo liou la liondo ta talaa eya bokota Tibele Kaisala, ta mbile Pilato bokota bofi bo Yudeya, Elode ono ambaka bokota bo Galilaya, nduku inde Filipo bokota bo Itula la Tulakaniti, Lisaniya ambaka bokota bo Abilene. ²Ana la Kaifafe bambaka kanga ifi iya Mungu. La lioi liya Mungu ikaya ambe Yoani, wana aya Zakaliya ta liombele.³Akakenda ta beki betotina fangi ee libande li Yaladene, atonangola mbo: Kikolakai liwawi, la lifiomokoi loka lo limesilomu li bobe wino.⁴Ani isonomoko ta lokasa loya bonangoli Isaya: Imbe limiki liya bomami ta liombele: Komiakai ndole eya Ngene, bunakai fongo.⁵Biseke bitotina bi bakemba bitowalisomo, fongo ifi la ye ike itomba baala; batoenganisa ndole ibe.⁶La baito batotina batoena eni kanda Mungu atouwisa bo.⁷Atobeka la linginda lieke bambaka batoya loka lo'olufiomo: Bofindi bo fele! Ndai akaekise'nu mbo okimbiyei lisomi liya Mungu lie litoya?⁸Enisakai touma tolo mbo o'osilai okikola liwawi, la ndobekai ta botema wino mbo tombe la ngau iso akumo Abalayama, loka lotobeka lino mbo, kota bee batale Mungu aengani okikola bo baana loka lya Abalayama.⁹Ikomba iyosila otomo ta litina li isandu: Isandu itotina ye yeitibota touma toolo itotenomo la itokusomo ta imbe.¹⁰Linginda bakafela ye bo, mbo: Tokele ase isani? ¹¹Ye akamutoela bo mbo: Ono ambe la tulu simusi yele afeke ono aiti la lamo, la ono ambe la bieka a'anele bio la baito.¹²Balipisi ba banjanja bakaya lokalo'osha lilufi, la bakaoyola Yoani:b Boekesi, tokele ingi? ¹³Ye akabeka libo mbo: Ndolipisai baito banjanja koeta ani ekabeka ekela.¹⁴Basola aleko akaiyola ye: Loka liso, towe isani? Akabeka libo mbo: Ndonokilai leka lo buto la bofoka, la ndoibai, kanga mbo oumbakelei ango lilipi lino.¹⁵ Ani embaka baito battoumbakela, la batotina bakaiyolamana mbo Yoani aiti Kilisito, ¹⁶akabeka libo batotina mbo: Ɛi lotolufie'nu ta baye; ndjo ono atoya, ono ambe la bofoka koetei, loiyengani ango osombula boliki bo bilato binde. Ye, atolufie'nu ta Bolimo Botamu la imbe.¹⁷Ambe la loungu ta boo winde; atofefia mbeku, la atoisa mbeku ta eiselo linde, la atofetcha mboso ta imbe ye yeitotiamaka ango.¹⁸Aniki ndjo Yoani anangolaka mboli itanu ta baito, la akabeisa bo mbeko isiya iofana bofoka. ¹⁹Yoani akabekela Elode ta litina liya boali aya nduku inde Elodiya, la bakuwa basiya babe beke akelaka, ²⁰Elode akataliya bakuwa babe, la yeke aotisaka Yoani ta bonyololo.²¹Baito batotina balufiomoko, Yesu aleko alufiomoko; la, ta mbile asembolaka, lobola lokalikolomo, ²²la Bolimo Botanu bokasuluwa ambe ye ta bofono bo lokomba kee ekuku. La limiki likaokana ta lobola mbo: Ombe Wana ange bosamomu; ambe ye losami ye likama.²³Yesu ambaka la miaka tuku isaso mbile eyakolaka ye likuwa, ta baenyeli ba baito ye ambaka wana aya Yosefu, wana aya Eli, ²⁴wana aya Matita, wana aya Lewi, wana aya Melekiya, wana aya Yonai, wana aya Yosefu,²⁵wana aya Matatiya, wana aya Amosa, wana aya Nahuma, wana aya Asaliya, wana aya Nanga, ²⁶wana aya Mata, wana aya Matatiya, wana aya Simei, wana aya Yosefu,²⁷wana aya Yada, wana aya Yoana, wana aya Lesa, wana aya Selubabela, wana aya Salatiele, ²⁸wana aya Neliya, wana aya Meleka, wana aya Adi, wana aya Kosama, wana aya Elomodada, ²⁹wana aya Eli, wana aya Yosuwa, wana aya Elieseke, wana aya Yolima, wana aya Matita, wana aya Lewi,³⁰wana aya Lewi, wana aya Simeona, wana Yuda, wana aya Ysefu, wana aya Yoname, ³¹wana aya Eliakima, wana aya Meleya, wana aya Matata, wana aya Natana, ³²wana aya Tawiti, wana aya Yese, wana aya Obede, wana aya Boasa, wana aya Salamona, wana aya Nasona,³³wana Nasona, wana aya Aminadaba, wana aya Adamini, wana aya Alona, wana aya Eselone, wana aya Pelese, ³⁴wana aya Yuda, wana Yakobo, wana aya Isaka, wana aya Abalayama, wana aya Tela, wana aya Nayolo, ³⁵wana aya Selungu, wana aya Leu, wana aya Pelenge, wana aya Ebele,³⁶wana aya Sela, wana aya Kenana, wana aya Alufasada, wana aya Sheme, wana aya Noa, ³⁷wana aya Lemeke, wana aya Metusala, wana aya Enoka, wana aya Yalete, wana aya Mahalalele, ³⁸wana aya kenana, wana aya Sete, wana aya Adamu, wana aya Mungu.

4¹Yesu, akawala la Bolimo Botanu, atofowa ta Yolodani, la akatolomo la Bolimo ta liombele, ²elo akakotomo la Satana basiyo tuku inati, ndola, ndomwa, mbisa ibo basiyo, akaoka semba.³Satana akabeka linde: Yomba mbo ombe Wana aya Mungu, esaka ishosha ta lie litale likindowe bokati. ⁴Yesu akabinoisela ye: Isonomu mbo: Buto aiyengani ouwa ango loka lo boila.⁵Satana, akaila ye likolo, akaenisa ye la mala emoi bekota betotina be wenda, ⁶la akabeka linde mbo: Lombofaka lao bofoka bototina, la talaa iye bekota bie; loka ifomo lange, la lotofa la ono lotolanga. ⁷Yomba mbo otokuamelei, itotina yokomba yao.⁸Yesu akamutoela ye mbo: Atosuluwela Ngene, Mungu ao, la otokuwela ye angene.⁹Satana akakesa ye lisiya ta Yelusaleme, akata ye likolo li mbele ee Mungu, la akabeka linde mbo: Yomba mbo ombe Wana aya Mungu, kusamaka eke kota nyele; loka isonomu mbo: ¹⁰Atoesa toshosha ta bakitomo ta litina liao, loka bamoile owe; ¹¹la batotolo'we ta bao, loka kembo bakolo bao baiumunaka ta litale.¹²Yesu akabinoisela ye mbo: Oiyengani okota Ngene, Mungu ao. ¹³Mbisa iyokota ye ta baenyeli batotina bee, Satana aka'aka esika linde kota mbile emoi elo.¹⁴Yesu, awali la bofoka bo Bolimo, akabinowa ta Galilaya, la lokuku linde lokameyana ta beki betotina. ¹⁵Akaekisa ta bisondjamelo, la akasimolomo la baito batotina.¹⁶Akaaka ta Nasaleta elo akondaka, la otutana la asili inde, akaota ta esondjamelo lisiyo li Yenga, akaemala loka lo'otanga, ¹⁷la bakafa ye lokasa loya botondoli Isaya. Ekalikolaka ye, akaosha eseke leke lokasonomo mbo:¹⁸Bolimo boya Ngene bombe ambei, loka afo'uwei la baina loka lonangole mboli itanu ta tobube; aotomei loka lo'ouwisabeke betema bbibo bekaobuneya, ¹⁹loka lobeke lisombulomu li bakandomu, la ta betuku baene, loka losombula bekowa, loka lobeke mwaka bomoi bo ngbengbele eya Ngene.²⁰La mbisa, aka kanda lokasa, akafa lo ambe bokowa, la akangala'se. Batotina beke bambaka ta esondjamelo bakamba ango batoimila ye. ²¹Kola yamo aka'akola obekela bo: Laboni lie lioi li tosiyo, yeke okaokai, lifoenganisomo. ²²La batotina bakabeka loka linde, bakambaka batomwala ta baoi ba ngbengbele beke bambaka batotomowa ta bonoko winde.²³Yesu akabeka libo: Ndoena fiye otobekai lange weke bombila mbo: Bonganga, uwisaka owe angene; la otobekai langa mbo: Waka aleko eke ta boki wao ani ekaoke'su ani oko'owa ta Kapelanauma. ²⁴La akataliya, lotobeka lino mbo ta wewe otobotondoli ono ambe la lokuku ta boki winde.²⁵Lotobeka lino ta wewe mbo: Ikambaka Eliya, la mbile ekandomoko lobola miaka besaso la tengai liambe la semba fafo ta wenda bototina; ²⁶la Eliya aikatomomo ango ta amoi ibo, sakolo kota oko botaali, ta Salapata, ta boki bo Sidona. ²⁷Imbaka aleko la baito ba baandi; la ango amoi ibo aititanisomo, sakolo ko Namana buto a Asuliya.²⁸Bakasoma bo'atotina ta esodjamelo, ta mbile eokaka bo yo mbeko. ²⁹Bakaemala, bakasaya ye ta boki, la bakaka linde kota isoko ii longo yeke boki boshomoko, loka basuluwise la sekala. ³⁰Ndjo Yesu akaeta aiteni ibo, akaka.³¹Akasuluwa ta Kapalanaume, boki bofi bo Galilaya; la akaekisa lisiyo li Yenga. ³²Bakaumana la libeki linde; loka ambaka atobeka la ki'bokota.³³Ikambaka la buto amoi ono ambaka la bolimo bobe ta esondjamelo, la atomama la limiki lifi mbo: ³⁴Aisai! Ingi imbeaiteni iso lao Yesu a Nasaleta?³⁵Yesu akasaya ye, akabeka: Kandaka bonoko, la tomowaka aiteni iya ono buto, la bolimo bobe bokakusama aiteni ii esondjamelo, la akatomowa, ndoena ango okela ye wale. ³⁶Batotina bakamwala, la bakabeka amoi la amoi mbo: Eni kanda ee lioi ene? Atobeka la ki'bokota la bafpka ta belimo bebe, la batotomowa!³⁸Ekatomowaka ye ta esondjamelo, akaka ta mbele eya Simona. Bobili aya Simona ambaka la bomusi bo likama, bakalombokola ye ta litina linde. ³⁹Akakoma likolo linde, akasaya bomusi, la bomusi bokatika ye. Kota mbile amo, akaemala, la akakuwela ye.⁴⁰La bokolase kolase, batotina ne bambaka la bemusi likama bakayela ye libo. Akataliela amoi la amoi bao, la bakauwa. ⁴¹Belimo bebe aleko bekatomowa ta bee baito likama, batomama la batobeka mbo: Ombe Wana aya Mungu. Akasaya bo la aikalanga mbo ba beke, loka bakaluwaka mbo ambe Kilisito.⁴²Mbile ekandjaka bose, akatomowa la akaka ta eseke lomoi lo liombele. Embili lo baito bakaluka ye, la bakakoma ko'oko embe ye; bakamba la yeme iongala linde, loka aitikaka ale bo. ⁴³Ndjo akabeka libo mbo: Iyengani lange longalo ta beki befi besiya mboli itanuiya Mungu, loka lo yamo ndjo lokatomomo. ⁴⁴La akanangola ta bisondjamelo bi Galilaya.

5¹Ani embaka Yesu mbale ebaye tina la Genesaleta, la baito babule akasuma mbale inde loka loumbakela lioi liya Mungu, ²Auwaka mbale ibasuwa baele, ongo embaka baluwi biengo loka loosala biengo. ³Akalila ta lisuwa limoi, lieke limbaka Simona, la akasombola esika la nyele. La akangalase ta lisuwa, la akeikisaka baito babula.⁴Ani etikaka obeka, akabeka la Simona:susamaka ta baye, la kusakai biengo loka oluwei. ⁵Simona akamutolae:boekesi to'oluwa biengo lotiyo lototina ndoena ango imai'imai,la,loka lo lioi liyao lombokuka wengo ta baye .⁶Akakusa wengo ta baye, bakaita likama lisuwe, la wengo winde bowalaka fuuu la suwe. ⁷Bakabeisa ba kendani baye oya sunga bo. bakaya la bakawalisa basuwa baele, la suwe.⁸Tambile enaka bo ongoma, Simona Petelo akangalase ta baluwi baya Yesu, la akabeka: Ngene, susamaka esika lange, loka lombe buto a bobe. ⁹Mbile eokaka be baiti la liimemeli,la batotina be bambaka linde, ta litina li oluwa wengo weke boluwakae. ¹⁰La imbaka namo na emoi ke iya Yakobo la Yoani, bana baya Zebedeya, basamomu boya Simona. la ongoma Yesu akabeka la Simona oibangaka leka ango lomoi, koandja laboni omba boluki bo baito. ¹¹La,akaesa lisuwa la ngonge, lokatika itotina, la bakatutae.¹²Yesu ambaka ta boki bofi, la enakai, botolome amoi ambe la baendi, akaena e, akangalase felo inde,la akamba elae: Ngene, yomba mbo osami,okoengana otanisei. ¹³Yesu akataliyelae boo, akamwala linde, la akabeka: lombe la yeme, la mangu baendi bakafoa.¹⁴La akabeisabo mbo baibeisaka buto ango amoi,mbo, abekaka,kaaka la oenise bakanga,la bafayoe loka lo litanusomu lieke Moize abekaka ta tunga mbo yamo itosunga loka lo lilendelu.¹⁵Lina linde likafafana mala lamala, la baito bakaya babule loka loumbakelae loka bouwisomo la biale bibo. ¹⁶La linde, akaka ta liombele, la asombolaka.¹⁷Lisiyo limoi Yesu aekisaka bo. la bafalusai la baekisi ba bikela ba mbaka onga bangalise,bayaka ta beki betotina Galilaya, la Bayuda, la Bayelusalema: la baya Ngene bo enisamanaka la luwisi.¹⁸La moilaka,baito, bakatola buto amoi ta litamba ono alengetani, oluka otisae la osela sekala ibaiso ba ya Ngene. ¹⁹Ani eitiluwa eseke lota, ta ani embaka baito babule, bakalila likolo li losambo,la bakasuwa la ofungola, la litamba linde aiteni inyele, felo iya Yesu.²⁰Akaena lienesi libo, Yesu akabeka: botolome, bobe wao bo onesilomo. ²¹Baandiki la Bafalusaya ba kaimaima la loenyelo la obeka mbo; ono ambe ndai, e ono atofeka bobe? ndai koengana omesila bobe,ani yeiti ko Mungu engene?²²Yesu oluwa baenyeli bibo, akabeka libo; bani baenyeli bambe lino ta betema bino? ²³Ini imbe la kimia, la oleka; bobe bo omesilomo, la obeka: emalaka, la kendaka? ²⁴Ongoma,la mbo oluwei mbo wana a buto ambe ta nyele isaso iyo mesila bebe: la totomoe, akabeka ta buto ono alengetani, emalaka, la osaka itoko yao, la kaaka ta mbele.²⁵La, umbakela,akaemala felo inde, akatola itoko yeke alalelaka, la akaka ta mbele inde talaa iya Mungu. ²⁶Batotina bambaka ta limwali,la talaa talaa iya Mungu, bakawala la boa, bakabeka:tofoena la boni isika.²⁷Mbisa iya iyamo, Yesu akatomowa, la akaena baito babule lina linde Lewi,angalise ta eseke loba Peyayeya. Akabeka linde, tutekei. ²⁸La, akatika itotina, la akaemala,la akatutae.²⁹Lewi akafaye likama felo ta mbele inde, la baito babule la basiya baito bambaka linde ta mesa emoi. ³⁰Bafalusaya la basoni bakaimaima, la lobeko la baeki binde mbo: Loka loingi otolai la otomwai la baito ba lingali libe? ³¹Yesu, akabeka lioi, akabeka libo mbo: Yeiti bo beke batolaka la weli bambe la yeme ii bonganga, loka lo baito ba biale ndjo. ³²Loiyeli oyate'nu lioi loka lo likalanganyili baito ba wewe, kanga ango loka lo baito babe.³³Bakabeka linde: Baeki baya Yoani, kee bo bee ba Bafalusaya, botokila mbile etotina la ani batosombola, la libo basiya batola la batomwa. ³⁴Akamutola mbo: Oengani okila baito lange ba libala ta mbile ee libala libo? ³⁵Basiyo batoya oni bolome ambo emalaka, kola ongoma batokila ta basiyo bamo.³⁶Akabeka libo la bombila: Buto ango amoi aimbofaa tuluekakani la betuku loka imbe tulu ene ekafoumowa; ta mbile, embofoaka tulu ekanikani, la betuku la aimbosambo atomowe ta baito batoolo.³⁷Buto ango amoi aimbota baana bayai ebengu losiya; bofono bosiya, baana bayai batoseisa basiya, batomeanisa, la baito basiya batobunga; ³⁸lambo iyengani ota baana bayai ta basiya bayai. ³⁹La buto, mbisa iyomwa baana bayai, la aofeka omwa baana bayai, lokambo, atobeka, baana bee bakafoumowa bambe balo.

6¹Ta lisiyo li sabata akaeta ta bilanga bi bakoke. Baeki binde bembaka batobuna bakoke lani batola, lani bato finya yo la bao bibo. ²Bamoi ta Bafalisai baka beka mbo, loka loingi otokelai yeke yeiyengani lisiyo li sabata?³Yesu aka binoisela bo mbo, osilai osomai yeke ikelaka Dawidi oko eokaka ye semba la beke bembaka linde eske lomoi? ⁴mbo akaota ta mbele Mungu, akasa bolia boke ndjomomo, akala, la akafa la beke bambaka linde eske llomoi, ene embaka mbo buto asiya ailaka, sakolo ko bakanga. ⁵Akabeka aleko libo mbo, Wana a buto ambe Ngene a sabata.⁶Ta sabata esiya akaota ta esongamelo la akaekisa, la buto amoi ambaka onga, boo winde bo bolome bokafomela. ⁷Bandiki la Bafalisai batokuka ye, oena lamba atouwisa ye ta sabata, loka banye ndole eositaka ye. ⁸Ye akalembela baenyeli bibo la akabeka la bltolome ono aomeli boo mbo, Emalaka la katikati! La akaemala ongoma.⁹Yesu akabeka libo mbo, lotofelenu mbo, iyengani okela likuwa libe ao lilo lisiyo li sabata? Iyengani ouwisa liwawi, lamba oseisa lio? ¹⁰Mbisa iyo moila bo batotina, akabeka libo mbo, Ilaka boo wao likolo! Akakela kongoma, la boo winde bokauwa. ¹¹Bakawala la lisomi kofu, la bakabekamana lamba batokelela Yesu loni lobeko.¹²Ta basiyo bamo akatomoa la akaka ta longo oka sembola. Akakolo elo lotiyo lototina losembolo Mungu. ¹³Ekandjaka nongo akata baeki binde elo embe ye, la akachakola liou la baele katikati ibo, la akata bo mbo Baeki.¹⁴Simona ono atomoko mbo Petelo, la Andelea nduku inde, la Yakobo, la Yoani, la Filipo, la Balatelemi, ¹⁵la Matayo, la Toma, la Yakobo wana a Alafai, la Simona ono atomoko mbo Moselote, ¹⁶la Yuda wana a Yakobo, la Yuda buto a Keliota ono aungisaka ye.¹⁷Akasulua la be eseke lomoi, la akaemala ta eseke lo fololo, la linginda lifi li baeki binde bembaka, la likama li baito beke bafoaka ta Yuda, la Yelusaleme, la wenda bo bomongo bo Tulo la Sidona. Bakaya oya okaye la louwisomo la biale bibo. ¹⁸Beke bambaka la belimo bebe bakauwisomo. ¹⁹likama li baito bakatokta ounda ye, loka bofoka bokambaka botofoa ye la louwiso bo batotina.²⁰Akaila baiso binde ambe baeki binde la akabeka mbo, Liomali lino tobube, loka mbo Bokota boy Mungu bombe wino. ²¹Liomali lino baito otokai semba kanikani, loka mbo otokumai solo. Liomali lino baito otolelai kanikani, loka mbo otosekai.²²Liomali lino oko otoiyana baito lino, la oko bato kilenu, la oko etofoya bo lina lino kee lina libe loka loya wana a buto. ²³Omalakai ta lisiyo liamo la tilakai la liomali, loka mbo lilipi lino limbe lifi elo ta Lobola, loka mbo bangau bibo bekelaka kongoma ta banangoli.²⁴Ngandi lino bafoka loka ofomoi bofoka wino. ²⁵Ngandi lino baito beke okaokumai solo kanikani, loka mbo ombo kakai semba. Ngandi lino baito beke otosekai kanikani, loka mbo otombai la ngandi la otolelai.²⁶Ngandi lino yomba kembo baito batotina batobeka bolo loka lino, loka bangau bibo bekelaka banangoli la lolanga kongoma.²⁷Ndjo lotobeka lino baito be otokai mbo, samakai baiyani bino; kelaka bolo ta beke batoiyana lino; ²⁸Simolakai beke batolakelenu bobe.²⁹Yomba mbo buto aka foumowe lobaka ta likeka limoi, enisaka ye likeka lisiya. Yomba mbo buto akaopko lowe tulu ao, oifekilaka ye la mokoto wao. ³⁰Faka libo yeke batolengilo we. Ndo lingale biengo biao ta bakpoliki.³¹Kanda emoi embenu la yeme mbo baito bakelelenu, kelelaka bo kongoma. ³²Yomba mbo otosamai basamomu bino, ombei la lini lilipomu? Loka mbo baito ba bobe batosama basamomu bibo. ³³Yomba mbo otokelai bolo ta beke baka kelelenu bolo, ombei la lini lilipomu? Baito ba bobe batokelaka aleko ongoma. ³⁴Yomba mbo okao kopishai bieka bi baito, beke ombei la lilendelu lionya bieka bibo, ombei la lini lilipomu? Baito ba bobe batokopisha bieka mbo loka banye bieka kanda yamo la mbisa.³⁵Ndjo samakai baiyani bino, la kelaka bolo la kopishakai baito,ndjo oitakai botema mbo otoanyai leka, la lilipomu lino litomba lifi, la otombai bana baya Ono-Aeti likolo, loka kembo ye ambe la botema bolo ambe be baenu losamo la baito babe. ³⁶Mbaka la ngandi kani embe Ise ino la ngandi.³⁷Ndo tongai buto loka mbo oitongomokoi aleko. Ndosuluwisai loka mbo oisuluwiso mokoi. Mesilakai loka mbo omesilomoi aleko.³⁸Fayakai la itofomo lino aleko. katikati ibao bino otofai ipimo ilo i keni ikasila loamomo la loyeyemo la loutomose. Loka mbo bato pimelenu ta ipimo yeke oka pimakai.³⁹Akabekela bo bombila mbo, buto a botuku aengani okendisa botuku lemo? Batotina baele baitokpase ta likemba? ⁴⁰Boeki aiyeti boekisi winde, ndjo buto la buto, ono akaosila; oeka itotina, atomba kee boekesi winde.⁴¹Otomoila litoko ta liso liya nduku ao ndjo oitoena lofututu ta liso liao angene loka loingi? ⁴²Oengani obeka la nduku ao mbo, nduku, tikaka lofoye lofututu ta liso liao, ani koni oitakaena litoko ta liso liao? Buto a lolanga! foyaka koni lofututi ta liso liao, ndjo lambisa otoena fololo otomoisa litoko ta liso liya nduku ao.⁴³Loka mbo isandu ilo yeito bota touma tobe, la isandu ibe yeitobota touma tolo. ⁴⁴Isandu la isandu itoluamana kota yuma inde. Loka mbo baimbo buna suke ta bekeke, la baimbo buna miwiti ta liwa koliokolio.⁴⁵Buto bolo atotomoisa ko bolo ta mbeko ilo isami ta botema winde, la buto bobe atotomoisa ko bobe ta mbeko ibe, loka bono winde bobeka mbeko yeke iwali ta botema winde.⁴⁶Loka loingi ototei Ngene, Ngene ani oitokelai mbeke yeke loka beka? ⁴⁷Loka lo buto la buto ono akaya ambei la afoka mbeko yange la ye kolitisa yo, lotoenise nu lamba ambe kee ndai. ⁴⁸Ambe kee buto akaswa mbele, ono akabusha bakemba, akalinda la bolundu, la akata liako likoo li batale. Tambile ekaya fela, libande lika tomboka ta mbele amo, ndjo yeikangana oyeyisa yo , loka kembo ishomo la weli.⁴⁹Ndjo ono aitoka baoi bande, la ailitisi yo, ambe kee buto ono akashwa mbele ndoena liako, likolo li nyele; libande likaya fela likolo linde, la likaukowa la mangu lobunowo lo mbele amo lombaka lofi fafo.

7¹Mbisa iyosilisa linangoli litotina felo ii baito beke bambaka bato'oka, Yesu akaota ta Kapelanaume.² Bokowa boya Kapiteni amoi a basilikani ambaka la wale tinatina la lingba. Kapiteni asamaka ye likama, ³ La ekaokaka ye mboli iya Yesu, akatomela ye batolioso ba Bayuda olengila linde mbo aye oyauwisa bokowa winde. ⁴ Bo bakaya ambe Yesu la bakalombokola likama mbo, Aengani mbo okelele ye ongoma, ⁵ Loka mbo ambe la losamo ta bofindi wiso, aoshwelesu Esongamelo.⁶Yesu, akaka libo, ani aitakaka esika la mbele, mbile bokota bo basilikani miya akatoma basau loka babeke linde mbo: Ngene oiyenaka ango wale bofi; loka loiyengani lokambo o'ote ta mbele ange. ⁷La loka lo'ongoma aleko ndjo loikaimila loke eiyangane ambe owe. La bekaka ango lioi limoi, la bokowa wange atouwa. ⁸Loka, ei ono lombe sekala ii beke bambe likolo liange, lombe la basilikani sekala ii toshosha chuange; lotobeka la amoi: Kaaka! La atoka; la ono moi: Yo'oko! La atoya; la bokowa wange: Kelaka ani! La atokela.⁹Mbile Yesu akaoka bo baoi, akamwala bokota bo basola, la, akatimba elo ta linginda lieke batutaka ye, akabeka mbo: Lotobeka lino, imbe ende ta Isalaele loiyoshi liimeli lifi ani. ¹⁰Ekabinowaka ye ta mbele, baito beke bokota bo basola miya atomaka bo bakaosha bokowa ono ambaka la bomusi akafouwa.¹¹Lisiyo li mbisa, Yesu akaka ta boki bomoi bokatomo mbo: Naina, baeki binde la linginda lifi bakakenda linde ndoleemoi. ¹²Mbile ekomaka ye tinatina la boindabo boki, tene, bakatolaka ta nyele boliyo bomoi, wana ko'amoi ainango inde, ono angbeloko bolome, la akambaka la baito ba bule ba boki. ¹³Ngene, akaena yee, akaoka ngandi loka linde, la akabeka lindembo: Oilelaka! ¹⁴Akaka tina, la akaunda sanduku, beke batolaka bakaemala. Akabeka mbo: Wainenge, lotobeka lao emalaka! ¹⁵La boliyo akangala'se, la aka'akola obeka, Yesu akakesa ye ambe inango inde.¹⁶Batotina bakambaka la bowa, la bakasimola Mungu, obeka mbo: Bonangoli bofi afoenena ambe'su, la Mungu aokendela baito binde. ¹⁷Lioko lioi loka loya Yesu likameyana ta Yudeya itotina la ta beki betotina be tina-tina.¹⁸Yoani akabeisomo tayo mbeko itotina la baeki binde. ¹⁹Akata baele, la akatoma bo ambe Yesu, loka lo'obeka linde mbo: Ombe ono atoya, lamba toumbakele asiya? ²⁰Bakakoma tina la Yesu, bakabeka mbo: Yoani Bolufii akatome'su ambowe, loka tobeka mbo: Ombe ono atoya lamba toumbakele asiya?²¹Kota mbile amo, Yesu akauwisa baito ba bule ba biale, bitukulu, la belimo bebe, la akalikola baiso ba betuku be bule. ²²Akamutoela bo mbo: Kakai okabeisa la Yoani yeke okaenai la yeke okaokai: Betuku bafoena, bitukulu baokenda, baito ba baandi baotanisomo, beoko bafooka, bangbei baofufuka, mboli itanu iyonangolomo ta tobube. ²³Liomali ambe ono loikamba likula loka linde.²⁴Mbile ekaka batomomu baya Yoani, Yesu akabeka la linginda, loka loya Yoani mbo: Okei okaena ndai ta liombele? Lokoli leke lotoyeyemo la lofofo? ²⁵Ndjo, okei okaena ndai? Buto ono abati tulu ilo? Tene, beke batobata tulu ilo, la batouwa ta bolo, bambe ta ba mbele ii bekota. ²⁶Okeiase okaenai ndai? Botondoli amoi? Iiih, lotobeka lino, lamba ono aiti botondoli:²⁷ Loka linde, ani ikaosila osonombo ta litina linde mbo, Tene, lotoma botomomu wange felo yao, la ye atokomanya ndole ao felo yao. ²⁸ Lotobeka lino mbo ta beke bakabotomo la bataali, buto aoeta Yoani aiti, ndjo ono aeti boke ta bokota noya Mungu aeti ye la bofi.²⁹ Baito batotina, kola bokongoli bo lindjandja, beke baokaka ye, bakalongisa Mungu, eke elufiomoko-bo la lilufi liya Yoane. ³⁰ Kola Bafalisai, la Baekisi ba bikela bakafeka lisangi liya Mungu ta liitna libo, loka baitilufiomo linde.³¹ Loenganise baito ba Bofindi we la loni leka? Bambe kee ingi? ³² Bambe kee bana be bangalise ta liongo, batoota baito libo mbo, Tokaumelekenu filimbi, ndjo oikabinakai; tokalela bongbei, oika lelakai.³³ Loka Yoani bolufi akaya, aitila boila la aitimwa vinya, la okabekai mbo, Ambe la bolimo bobe! ³⁴ Wana a buto aoya, aola la aomwa, la obekai mbo, Tene bolei la bolewi, botcthaki bo bakongoli ba lindjandja la baito ba bobe! ³⁵ Weli aolonga loka lobana binde batotina.³⁶Buto amoi ta Bafalisai akata Yesu mbo ale linde bieka eseke lomoi. Akaota ta mbele eya Bofalisai wamo la akangala ta mesa. ³⁷ Botaali amoi ta boki, botaali bo bobe, akaluwa mbo Yesu angalise ta mbele eya Bofalisai, akaya la bonyongo la baina ba liesa. ³⁸ Akaemala mbisa inde ta bakolo binde akalela, akakola otokisa bakolo binde la baye babaiso, la akaombula yo la sowe i bakolo binde, la ouwa la baina ba liesa.³⁹ Oko eenaka Bofalisai, ono ataka ye ongoma, akabeka ta botema winde mbo, loka lo buto ono, amba koimbu Bonangoli, ani aoluwa mbo ono botaali akaunda ye ambe boni bomuna, loka ambe botaali bo bobe. ⁴⁰ Yesu akbeka linde mbo,Simona, lombe la lobeko lomoi lobeka lao. Akabeka mbo, bekaka bao, Boekesi.⁴¹Bokopisi amoi ambaka la baito baele ba bolima. Amoi a bolima ambaka la bieto mia liondo, asiya bieto tuku yele. ⁴² Baitimba la leka lo lipa, la akamesila bo batotina baele.Kolaongoma, ndai kati ibo oni buto atosama ye? ⁴³ Simona akabinoisa bonoko mbo, lofoenyela kembo ono akamesila bolima afoeta bofi. Akabeka linde mbo, otena wéwé.⁴⁴ Kolaongoma, akakikowa ambe botaali akabeka la Simona mbo, otoena botaali ono? losiota ta mbele ao oikafei baye loka losoola bakolo bange; ye aotokisa bakolo bange la foo inde la afoomba yo la sowé inde. ⁴⁵ Oikafei litukumeli, ndjo ye kota lioti liange eke ye aitiki otukumaeli bakolo.⁴⁶ Okauwa botchwé wandela baina, ndjo ye afouwa bakolo bange la baina baliesa. ⁴⁷ Yamo yoko lotobeka lao mbo, bobe winde likama yo mesilomo, loka ambe la losamo likama. Ndjo ono akamesilomo iniyo ambe la losamo loke.⁴⁸ Akabeka la botaali mbo bobe wao bomesilomo. ⁴⁹ Beke bangalaka linde eseke lomoi, bakakola obeka mbo, ono ambe ndai, ono atomesila batchwanilo? ⁵⁰ Ye akabeka la botaali mbo, limeli liyao liosila ouwiso we; kaaka yao la lilatemi.

8¹Kola ongoma Yesu akaka ta beki befi la beki bekikelike, okanangola la okabeka mboli iyai iya Mungu. ²Baeki liou la yele bambaka linde, la baali beke bauwaka la belimo bebe, la biale: Maliya ono a Mangandala, ono afoyomoko belimo bosambale. ³Yoana boali aya chusa, bofaya'faya boya bokota Elode, la Susana, la bataali basiya babeele bee basungaka bo la biongon bi bieto bibo.⁴ Eko etoamanaka linginda li baito, baito bafoaka ta wenda la wenda loka looya ambe ye, akabeka libo la bembila mbo, ⁵ Bolobi atomoaka akaloba mbeku inde. Ta boloba winde, mbeku isiya ikakpasé mbale endole, la tokamatelomo, la noli i likolo bakala yo. ⁶ Mbeku isiya ikakpasé likolo li batale la etomoaka yo, ikafia loka lo boeno bo baye.⁷Bosiya bokakpase ta keke; keke ikaama wo, la boikondi. ⁸Bosiya bokakpase ta nyele ta mbile ekakonda wo, bokabota touma miya la miya. Mbisa iobeka ongoma, Yesu akabeka la limiki lifi: Ono ambe la batoi bao'oka aokeke!⁹Baeki binde bakaiyola ye laomba litina libombila limbe isani. ¹⁰ Ye akasanoela bo mbo baisomu i bokta boya Mungu yosila ofomo lino loka oluwei, ndjo ta basiya kola bembila, loka etomoila bo, baiyenaka, la etooka bo , bailuwaka litina.¹¹Tene litina li wo bombila: Boloba bombe lioi liya Mungu. ¹²Boloba we bo ndole, imbe bee bato'oka lioi la Satana ye koya, la ye kofoya lioi ta betema bibo, la bowa bo baiyimilaka la louwisomo. ¹³Boloba we bombe ta litale, imbe beke bakaoka lioi, la bakaoka la limengo; kolaongoma baiti la beiili, bakokonda ango iniyo ii mbile, bo kotukowa ta mbile ee lofofo.¹⁴Yeke ikapkase ta keke, imbe beke, bakaoka lioi, la bakaita lio la yeme, bofono la bofono, bo ndo bota touma toengani. ¹⁵Boloba we bokapkase ta nyele, imbe beke bakaoka lioi, la botema bolo, bakatola lio ta botema, la bakabota touma la bofilili.¹⁶Buto, mbisa iobaanisa tala, ee ndoufa amo ta tulu, ee ndota sekala ii mesa, kolaongoma akota likolo li mesa mbo beke bato'ota la mbele baene liangangi. ¹⁷Loka ndoena ango lomoi lo isami leee loitoenena, ndoena ango sekala emoi etoisama. ¹⁸Kelakai keba la bofono we boto'okenu; loka belafaka ono ambe la lelo la ango aundi bokonokila ye itoenyela mbo inde.¹⁹Inango la bitungani biya Yesu bakaya oya anya ye: Baiti anyamana linde loka lo baito ba bule. ²⁰Bakabeka linde mbo: Inango ao la bitungani biao bambe lousa, bambe la yeme baeno we. ²¹Kola ongoma akamutoela bo mbo: Inango ange la bitungani biange, imbe beki bie bato'ika baoi baya Mungu, la bo kokuela bo.²²Lisio limoi, Yesu akalila ta longo lomoi la baeki binde. Akabekelabo; etakai fangi elibande lifi. La bakaeta. ²³Eakolaka bo loluko, Yesu akakpa ilo, lofofo la ngumba ekamba ta libande lifi, la wato bakawala la baye, la bakabanga.²⁴Bakaya ambe ye la bakafoya ye, la bakabeka mbo,Boekesi! Boekesi! Tongba! Ye akalingoa ta ilo la akafekila lofofo la lotomboko lo baye. Ikatika kolaongoma loemalo lokaya.²⁵Kolaongoma akabeka libo mbo, Limeli lino limbe endei? Ndjo baka banga la bakamwala, la baka bekana mbo, Ono ambe ase ndai ani? Loka aobeka la lofofo la baye baolitisa ye.²⁶Bakakoma ta yese iba Gelaseni, imbaka tinatina la Galilaya. ²⁷Mbile efoaka Yesu ta wato, buto amoi aboki bofi, ono ambaka la likama libelimo bebe. Ko felo aitibata tulu, la aitimba okpa ilo ta mbele, lilali linde ko ta mbila.²⁸Mbile enakaye Yesu, akamama, akangalase ta bakolo baya Yesu, la akabeka la limiki lifi; ei mbo tombe laloni lobeko, Yesu, Wana aya Mungu a Likolo? Lolangi mbo, oifekei litchwanelo. ²⁹Kolaongoma Yesu akabekela bolimo bobe bofowe ambe botolome amo, loka bolimo wamo boiumoaka linde mbile esa bakande bakolo la bonyololo, ango ongoma ko atotena bonyololo, la bolimo bobe bombaka okendisae ta lokonda.³⁰Yesu akaiolae; lina liao ndai? Ye mbo; likama, abekaka ongoma loka belimo bebe'otoka likama ta lokomba linde. ³¹Belimo biamo la Yesu mbo biekaka ta likemba.³²Be bambaka elo, ta longo, likula lingulube lifi-lifi. La belimo bebe'akalengila la Yesu looka beote ta likula lingulube. Akabekela bio beote ta likula. ³³Belimo bekafowa ta botolome amo, bekaota ta ngulube, la ngulube ikaka mangu ta loongo, la ikakusama ta baye, la ikangba.³⁴Mbile'enaaka baito be bakuka ngulube' mbo iokame, bakaka mangu okabeka mboli ta boki bofi, mbo biseke bisiya. ³⁵Baito bakaka okaena mbeko ye ikakoma, bakakoma'ambe Yesu, la bakaosha butu ono belimo bebe befoaka'ambeye angalakase ta bakolo baya Yesu, abati tulu la'ambaka la baenyeli balo, baito bakabanga ye.³⁶Baito batotina be baenaka ikesi yamo iyetaka, bakabeisa baito kanda euwaka ono buto a belimo bebe. ³⁷Baito batotina ba yese ii Bakelasene bakasemboela Yesu mbo ake esika libo, loka bambaka la bowa bo likama.³⁸Buto'ono afoyomoko belimo bebe akalengila ishosha iotika ta eseke linde. Kolaongoma Yesu akatomae, akabeka. ³⁹Binoaka ta mbele ao, la beisaka baito mbeko ye Mungu akakeleloe. Akaka, la'akabeka ta beki betotina ye Yesu akakelae.⁴⁰Ta lobinowo linde, Yesu akanyangelomo la la likama libaito,oka baumbakelakae. ⁴¹La tene, akaena botolome amoi, lina linde Yailo, ambaka bokota bo esondjemelo. Akakusama la nyele ta bakolo baya Yesu, la'akabeka la Yesu mbo ake tambele inde, ⁴²Loka'ambaka la boseka koamoi ono ambaka la miaka liou labiele alangi ongba. Ekendaka Yesu ta ndole, embili libaito litotutana linde.⁴³Kumbi botaali amoi ono aumoaka la wale bongelo miaka liou la biele, la'silisaka falanga inde ta benganga, ndoena liuwisi ango limoi. ⁴⁴Akashushama la mbisa, la'akaunda yombo itulu eya Yesu. Kota mbile amo ngelo ikatena.⁴⁵Kolaongoma Yesu akabeka; ndai akaundei? Baito batotina bakaanganya, Petelo labe bambaka bakabeka; bokota, baito balingeli owe, la baami owe, la otobeka mbo; ndai aka undei? ⁴⁶Kolaongoma Yesu akamutola; amoi aundei, loka loka loluwi mbo bofoka botofowa ambei.⁴⁷Botaali akaena mbo aluomo, akaya la lobilimo oya kusama ta bakolo ba Yasu, la'akabeka felo ibaito batotina litina lie likauwisomo ye mangumangu. ⁴⁸Yesu akabekelae; wana'ange botaali, liimeli liao lisiuwisoe, kaka la aiï.⁴⁹Mbile embaka etobeka Yesu, buto amoi ato fowa ta eseke loya bokota bo esondjemelo atobeka; boseka'aö aongba; oitungisaka'ango boekesi. ⁵⁰Kolaongoma Yesu akaoka lioï liamo, akabeka la bokota bo esondjemelo; oibangaka leka, enyeleka'ango, la atouwa.⁵¹Mbile akomaka ta mbele, aitisama mbo buto aote linde, akata'ango Petelo, Yoani, Yakobo, la ise awana, la inango awana. ⁵²Batotina bakalela la loetiso foo ta baiso. Yesu akabeka; oilelakai; Aingbeli, ambe ta ilo. ⁵³Labakasekaë, oka baluaka mbo aosila ongba.⁵⁴Yesu akaunda boo bo wana, la'akabeka la limiki lifi; wana, emalaka. ⁵⁵La bolimo winde boka, la'akalingoa,kolaongoma Yesu aka ishosha iofae bieka. ⁵⁶Ise la Inango bakamwaala, la Yesu akabeka libo mbo baibeisaka buto ango amoi lobeko lee lokakelomo.

9¹Yesu akatoamanisa Baliou la baele la akafa bo bofoka la ishosha likolo li baloimo babe, la ouwisa biale betotina. ²Akatoma bo bake okanangola Bokota bo likolo boya Mungu, la louwiso biale.³Akabeka libo mbo, oiyosakai leka ango lomoi loka lo lokendo, imbe itumbo, imbe litanga, imbe boila, imbe falanga,lamba tulu yele.⁴Yomba mbo otootai ta eni mbele,ngalakai onga; tii kani embokekenu.⁵Loka lo beke baitotukumaelenu, oko embo foekenu ta boki wamo, kusakai bouta bo bakolo bino loka lokebisa -bo. ⁶Bakafoa onga la bakaeta ta beki beke la bakanangola Mboli itanu la bakauwisa fangi la fangi.⁷Ekaokaka Bokota Elode ye mbeko itotina etomoaka, akakendisa baenyeli likama loka basiya bakabeka mbo Yoani aofufuka ta lingba, ⁸La basiya mbo Eliya aotomowa, la basiya mbo amoi ta Banagoli ba kwala aofufuka. ⁹Elode akabeka mbo, ei lotenaka Yoani botchwé, la ono ambe ndai lotooka ye mbeko ta litna linde? La akalinga ndole eona ye.¹⁰Batomomu bakabinowa la bakabeisa ye mbeko itotina yeke bakelaka. Akaosa bo la akaka, ko bo ta bokibomoi la lina mbo Betesaida. ¹¹Ndjo ekalembelaka linginda ongoma, bakatuta ye. Akatukumaela bo la akasumulia libi lobeko lo Bokota boya Mungu, la akauwisa beke bambaka la yeme iyouwa.¹²Eko esuluwaka lowa, Baliou la baele bakaya linde la bakabeka linde mbo, faka linginda fofe mbo bake ta boki boke la mbele fangi la fangi loka lolalase la ola, loka mbo eke tombe ta lokpangebe. ¹³Ndjo akabeka libo mbo, Enu fakai bo bieka biola. Bobalabeka mbo, Toiti la bieka bisiya sakolo ko beila liondo la suwe yele, ambo tokaoka oka sembela baito batotina bieka. ¹⁴Loka mbo batolome bambaka lamba elefu liondo.Akabeka la Baeki binde mbo, ngalisaka bo ta belenga tuku liondo tuku liondo.¹⁵Bakakela ongoma la bakangalisa baito batotina. ¹⁶Akaosa beila biamo liondo la suwe yamo yele, la akamoila la likolo la akautchela- yo la akabuna- yo. Kolaongoma akafa yo la Baeki loka bate yo felo i linginda. ¹⁷ Bakala la baito batotina bakakuma soolo. La bakasondja tochunga liou la yele ta bikende bieke bitikalaka.¹⁸Oko embaka Yesu atosombola koye angene, baeki binde bambaka linde eseke lomoi, la akaiyola bo bo, Baito baatobeka kono mbo lombe ndai? ¹⁹Bakabinoisela ye bonoko mbo, Yoani bolufi; basiya mbo Eliya; la Basya mbo amoi ta Banangoli ba kwala aofufuka.²⁰Ndjo akabeka libo mbo, Enu ase otobekai mbo lombe ndai? Petelo akabinoisa bonoko mbo, Kilisito a Mungu. ²¹Akakebesa bo la akalaka libo mbo baibeisaka buto ango amoi, ²²La akabeka mbo, iyondu la Wana a buto oena wale ta mbeko lokama,la ofekomo la batolioso ba boki, loitomo la ofufuka ta lisio liasaso.²³Akabeka aleko libo batotina mbo, ono ambe la yeme iyokenda mbisa yange, tikaka mbo afeke koni engene, la aose lieka linde lisiyo la lisiyo, la atutekei.²⁴ Loka mbo ono ambe la yeme iyouwisa liwawi linde, atoseisa yo; la oni buto atoseisa liwawi linde loka lange, ye ndjo atouwisa amo.²⁵Ono atoosa wenda bototina atoseisa yomba mbo akaosesela atomba la lini ltina?²⁶Loka mbo onu buto atooka sooni ta baoi bange, Wana a buto ambokelaka alekoye sooni oko etoya ye ta talaa inde, la Ise inde, la bakitomo batanu. ²⁷Ndjo ltobeka lino wéwé mbo bamoi bibo baemali eke batoena lingba tikani etoena bo Bokota boya Mungu.²⁸Basiyo lamba bonanei mbisa i baoi be, akaosa Petelo la Yoani l Yakobo la akalila ta longo loka losombola.²⁹Ekambaka ye atosombola, bomuna winde bo bombo bokakikowa,la tulu inde ikangenga la bofufou.³⁰Batolomé baele bambaka batobekana linde, Mose la Eliya. ³¹Bo bakaenena la talaa, la bambaka batobeka ta litomoi linde ye ikalingo oenganisa ye ta Yelusaleme.³²Baiso ba Bapetelo bembaka la ilo, bakafowa la bakaena tala inde la batolomé bamo baele beke baemalaka linde eseke lomoi.³³Oko eyananaka bo linde, Petelo akabeka la Yesu mbo, Boekesi, iyengani liso ongala eke, la ifondo mbo tokele bambau basaso, emoi loka lao, emoi loka loya Mose, la emoiloka loya Eliya. Akaluwa yeke itobeka ye.³⁴Ekambaka ye atobeka ye mbeko, lifita lakaya oyaufa bo, la bakamba la bowa oko eotaka bo ta lifita. ³⁵Limiki likatomoa ta lifita mbo, Ono ambe Wana ange, Botshakolomu. Okakai ye! ³⁶Mbisa i limiki obeka, Yesu akaenena ko engene. Bo bakangala hai, la ta mbile amo baikabeisa buto lobeko aango lomoi ta yeke baenaka.³⁷Ta lisiyo limbisa bakasulua ta lonngo, la likama li baito baka toamana linde. ³⁸Botolome amoi ta linginda akamama likama mbo, Boekesi, lolengila lao, tene wanaange botolome, loka ambe wana koamoi ³⁹Bolimo bobe atounda ye la mangu ye komama la ye kokusa ye la bolondi bokotomoa ye tabonoko, la mangu aitotika ye. ⁴⁰Lolengilaka la baeki bao mbo batomoise ye ndjo baitilonga otomoisa ye.⁴¹Yesu akabinoisa bonoko mbo, Enu bofindi boiti la limeli la liseseli! Lombe lino la botema bosa koata eni mbile? Yoko la wana ao eke. ⁴²Eko ekambaka ye atoya, bolimo bobe akakusa ye ta nyele, la akakutsha ye. Ndjo Yesu aka mamila bolimo bobe wamo, la akauwisa wana la akafa ye la ise inde.⁴³Batotina bakamwala bofi boya Mungu. Oko embaka boya totina omwala ta mbeko yeke ikelaka ye, akabeka la baeki binde mbo, ⁴⁴Enu takai batoi bino ta baoi be, loka mbo Wana a buto atofomo ta bao ba baito. ⁴⁵Ndjo baitilembela litina li lobeko lamo. Isamelaka bo mbo bailuaka litina, la bakamba la bowa boiyola ye litina li lobeko lamo.⁴⁶Fiye ikatomoa katikati ibo lamba ndai aeti bofi. ⁴⁷Yesu akalembela baenyeli ba botema wibo, la akaosa wainenge la akaemalisa ye fangi inde, ⁴⁸la akabeka libo mbo, Lamba ndai atotukumaela wainenge ono la lina liange, lamba aleko ndai ato tukumaelei ao tuku maela Botomomu wange. Loka ono ambe boke ambenu ye oko ambe bofi.⁴⁹Yoani akabinoisa bonoko mbo, Boekedi, toene buto amoi atotomoisa belimo bebe la lina liao, la tokafekila ye loka mbo atotuta eseke lomoi liso. ⁵⁰Yesu akabeka libo mbo, Oifekilakai ye, loka mbo atoemelenu ambe lino eseke lomoi.⁵¹Eko imbaka basiyo baya Yesu ake ta lobola ikaengana, akata bombo winde la bofilili oka ta Yelusaleme, ⁵²la akatoma Batomomu felo. Bakakoma ta boki bo Samalia loka bakomanyele ye eseke, ⁵³ndjo baikatukumela ye loka akambaka atomoila ndole oka ta Yelusaleme.⁵⁴Ekaenaka baeki binde Yakobo la Yoani ongoma, bakabeka mbo Ngene, olangi mbo tote imbe ofoa ta lobola isuluwe la iite bo? ⁵⁵Ndjo akakikowa akammila bo, ⁵⁶la bakaka ta wenda bosiya.⁵⁷Oko embaka bo batokenda ta ndole, buto amoi akabeka linde mbo, yomba mbo otoka endei , lototutowe. ⁵⁸Yesu akabeka linde mbo, nama iyokale imbe ta bakemba, la noli i lokonda bambe la ndowe,ndjo wana a buto aiti ango la eseke lota botswe.⁵⁹Akabeka la buto asiya mbo, Tutekei! Ye akabeka mbo, fekei koni ndole loke okaselia ise ange. ⁶⁰Akabeka linde mbo, tikaka bangbei baselie bangbei lemo, ndjo owe kaka okanangola Bokota boya Mungu.⁶¹Buto asiya akabeka mbo, Ngene, lototutowe, ndjo tikekei koni lolakane la beke bambe ta mbele ango. ⁶²Yesu akabeka linde mbo, buto ono akata boo ta weli la atomoila la mbisa aiyengani la Bokota boya Mungu.

10¹Mbisa iyo, Ngene akatchakola aleko baeki tuku liambe, la akatoma bo baele baele felo inde ta beki befi betotina, la ta bilela bitotina bie asamaka loko. ²Akabeka libo mbo: Ɛula lombe lofi, kolaongoma bakuwi bambe bake, totolelikiela Ngene a ɛula mbo atome bakuwi ta ɛula.³Kakai lokendo; tene, lo'otome'nu kee bekoko felo ii koi. ⁴Oitolakai ango tulu, kee litanga, kee bilato, la oifakai boto samo ao kalibo ta ndole.⁵Ta mbele isiya ye ot'otai, bekekei koni mbo: Ɛyai lombeke koni ta ene mbele. ⁶Yomba mbo imbe la wana, a ɛyai, ɛyai lao lombeke ambe ye, yeiti alo, lokoinowa ambe'nu. ⁷Ngalakai ta elo mbele elo, mwakai bieke bitofomo'nu; loka bakuwi baengani la bosombo, oiyotakai ta mbele la mbele.⁸Ta beki befi bemoi bie bito'otenu, la oko batonyangele'nu, lakai bieka bie batofe'nu, ⁹uwisakai baito ba biale beke otoanyai, la bekakai libo mbo: Bokota boya Mungu bombe tina lino.¹⁰Kola ongoma ta beki befi besiya bie bieito'ote'nu, bainyangeli'enu, ka-akai ta ndole, bekakai mbo: ¹¹To'ofufola ambe'nu ango nyele ii boki ye imbe ta batindi biso, la oluwei mbo bokota boya Mungu bombe tina. ¹²La lobekile'nu mbo lobeko lo Sodomo lotomba la bofoka lamo kee tinga lo boki wamo.¹³Ngandi lao Kolaji! Ngandi lao Betesaida! Loka mbo lamba bakuwa ba bofoka baokelomo katikati ino bakuwa bakelomoko ta Tula la Sidona, ndjo ani bakikoliaka betema esiyo, la bangbalaka .... la buta bo imbe. ¹⁴Lisiya lokambo lo Tula la Sidona itomba bofoka ta mbile ee losambisomo le loiti lino. ¹⁵Owe aleko Kapelanauma! Otoilama la likolo? Oto, otosuluwa ta eseke lo bangbei.¹⁶Ono ato'okenu ato'okei, la ono akambwelenu aosabwelei aleko; ndjo ono akasambwelei aosambwela botonomu wange.¹⁷Bo tuku bosambale bainowaka la liomali, la babekaka mbo: Ngene, ango bellimo bebe baolitisa esu loka lo lina liayo. ¹⁸Abekaka libo mbo: Lokaenaka Satana lokpose la likolo kee ikalikali. ¹⁹Tene, lo'osila ofe'nu bokota bo lomatelo fele la tokpakpa, la bokota felo ii tala iya bokota wamo, la leka ango lomoi loimbo okisa enu wale. ²⁰Ango ongoma, oiyomalakai yeke mbo belimo beolitisa enu, ndjo omalakai mbo baina bino baosila osonomo ete likolo.²¹Ta mbile amo aomalaka la Bolimo Botanu, la abakaka mbo: Afa, Ngene a lobola la sekala, lo'osimolowe mbo ofoisa mbeko ii baito ba weli la baito ba loenyelo, la ofoenisa ambe bana bakikelike. Ko'ongoma Afa, loka mbo ifo'omaliso we ko'ongoma.²²Bieka bitotina bifayomoko ei kola ise ange, la buto ailuwi ndai ambe Wana, Yeiti ko Afa, ndai aluwi Afa yeiti ko Wana la ono Wana alangi oenisa ye.²³La akakikowa ambe Baeki, akabeka ta Buto la buto mbo: Liomali ta baiso be bakaena yeke okaenai! ²⁴Loka lobeka lino mbo betondoli likama la bekota bambe layeme ioena ye' enu okaenai la baikaena, la ooka ye itoke'nu, la baiyoki 'yo.²⁵Boekesi amoi a bikela akaemala, la akabeka la Yesu, loka lookota ye mbo:Boekesi lowe, isani loka looshe liwawi li layaya? ²⁶Yesu akabeka linde: Ini isonomu ta lokasa lo bikela? Otangei isani ta yamo? ²⁷Akamutola mbo: Otosama Ngene, Mungu ao, ta botema wao bototina, ta bolimo wao bototina, ta bofoka wao bototina, la baenyeli bao batotina, la otosama bochaki lao lani esamiowe angene. ²⁸Yesu akabekela ye, limutoli liao limbe lilo; waka ongoma, la otouwa.²⁹Ndjo ye, akalinga mbo alonge, la akabeka la Yesu: Ndai ambe nduku ange? ³⁰Yesu akabinoisela ye baoi, la akabeka mbo: Buto atofowa ta Yelusaleme atoka ta Yeliko. Akaoshamana la baito ba liyeye, bakafoya ye tulu, bakakucha ye, bakatika ye tinatina la lingba.³¹Kanga emoi akaeta kotandole amo, akaena buto ono, akaeta fangi esiya.³²Molewi amoi, aka koma aleko ta eseke lamo, akafafa ndole.³³Lisiolie limoi Musamaliya amoi ambe ta lokendo linde, ekomakae onga, akaokela ye ngandi ani aenaka ye. ³⁴Akaya tina linde, la akakanda bafwa binde, la loutoko ye baina la baana la akatola ye tiii kota eseke lo liuwisi, la akaosha liuwisi. ³⁵La nongo, akaosha falanga yele akafa bouwesi uwiselekei ye, la imba mbo isietela, lotofowe falanga isiya ta lobinoo lange.³⁶Ndai ta bo basaso aengani omba bosamomu boya ono bokutchomu ta bao ba baito baliyeye? ³⁷Boekesi akamutola mbo: Ko'ono akakelela buto bolo, kola ongoma Yesu akabeka mbo: Akaaka la kelaka ongoma lisiya.³⁸Oko ekaka Yesu ta ndole la baeki binde, akaota ta boki bomoi bokikelike, la botaali amoi, ako Malata, akanyengela ye ta mbele inde. ³⁹Malata ambaka la etungani linde ako Maliya angalakase ta bakolo baya Ngene, loka aoke baoi baya Yesu.⁴⁰Malata aka'angaika loka lo bakuwa likama, akaemala felo inde, akabeka mbo: Ngene, otoena tale mbo etungani lange atikei eiyangene lokomanye bieka? Bekelaka ye aya sungei. ⁴¹Ngene akamutola ye mbo: Malata, Malata, otowangaika la loto baenyeli ta mbeko likama. ⁴²Leka ango lomoi lombe la litina. Maliya asiosa leka lolo le loiti la kanda eosela ye.

11¹Yesu ambaka atosombola ta eske lomoi,okoesilisaka ye, amoi ta Baeki akabeka linde mbo, Ngene, ekisekesu losombolo, ani ekisaka la Yoani Baeki binde.²Akabeka libo bo, oko etosombolenu, bekakai mbo: Afa! lina liao limbe botanu,la bokta wao boye.³Feke'su boila boengani lisiyo la lisiyo; ⁴Mesilekesu bobe wiso, loka esu totomesila aleko batotina beke bambe la bolima wiso. Oiyotisekesu ta bakoteli.⁵Akabeka libo lisiya mbo, yomba mbo amoi ino ambe la buto linde aokoma ambe ye katikati i lotiyo, la ekobeka linde mbo, buto lange, sungekei la beila besaso, ⁶Loka buto lange asiya ambe ete embei ta lokendo, loiti la leka losela imbu felo inde. ⁷Lambo eko binoisela ye limiki ta katikati e mbele mbo, Ndo kelei ito. Boinda bosila olikomo, la bana bange bambe lange ta litamba. Loiyengani ale otomowa loka lofo yo.⁸Lotobeka lino mbo imbe atotomoa lokalofa ye loka aimbaka nduku inde, atotomoa ofa linde itotina yeke ambe la yeme loka aiti la sooni.⁹Ei lotobeka lino mbo, lengilaka la itofomo lino. ¹⁰Loka bolengeli la bolengeli atoanya, bolingi atoanya,la itolikolomo ta ono atouma.¹¹Yomba mbo wana aya moi ino atolengila suwe ambe ise nde, ekofa ye fele ta eseke lo suwe? ¹²Yomba mbo atolengila like, ekofa ye ikpakpa? ¹³Kolaongoma yomba ombo enu baito babe baluwi ofa bana bibo baano balo, Afa iso a likolo aitofa Bolimo Botanu ta beke baka lengila?¹⁴Ambaka atofoya bolimo bobe.Bolimo wamo bombaka bo ebebe. Eko etomoaka bolimo bobe, ebebe akabeka la likama li baito bakamwala. ¹⁵Bamoi bibo bakabeka mbo,aotomoisa bolimo bobe la bofoka boya Belejebula ngene a belimo bebe.¹⁶Ndjo basiya loka lokota ye, bakalengila ndembe eofowa tla likolo.¹⁷Eluaka ye baenyeli bibo, la akabeka libo mbo, Bokota la bokota we bokaosila owanana botoseisama, la mbele ene ekaowanana, etoukowa.¹⁸Yomba mbo Satana anani katikati inde, bokota winde botoemala kola isani? Loka obekai mbo lotomoisa bolimo bobe la bofoka boya Belejebula.¹⁹Yomba mbo ei lofoye belimo bebe la bofoka boya Belejebula, bana bino batomoise ase belimo bebe la bofoka boya ndai? Bo batomba batosambisesu. ²⁰Yomba mbo lofoye belimo bebe la inekele iya Mungu, bokta boya Mungu botomoelenu.²¹Yomba mbo buto angbulu la nguya inde atokuka mbele inde, biengo bikukomu laweli.²²Eko etoya buto asiya a ngbulu ono aeti ye la ngbulu, la ekobuna ye, eko foya nguwa inde yeke atelaka botema, la ekoana biengo binde.²³Ono aiti lange eseke lomoi atoemaelei, la ono aitokuka eseke lomoi lange atomeanisa.²⁴Tambile etofowa bolimo bobe ambe buto, atokendakenda ta biseke biomeli atolinga etchuelo lo liena; la eitoanya ye, ekobeka mbo,lotobinowa ta mbele elo ekatomoekei. ²⁵Ekoyanya amo ekaosila ombomo la okomanyomo.²⁶Mbisa ekoka okaosa belimo bebe besiya bosambale beke baeti ye la bobe,bokota ongalase onga.Bomuna bo buto amo botomba la tale kooeta kanda ene efelo.²⁷Oko embaka ye atobeka mbeko ye,botaali amoi ta lingida akaila limiki, la akabeka linde mbo, liomali la soolo ene eka botowe la balomi beke bamwesoko'we. ²⁸Ye akabeka mbo,liomali limbe ambe be bakaoka Lioi liya Mungu la baolitisa yo.²⁹Linginda li baito bekatikala ta litoamani, Yesu akakola obeka mbo, Bofindi we bombe bofindi bobe. Batolinga ndembe, la ndembe eimbofomo libo koene ndembe eya Yona. ³⁰ Kanda emoi ani embe Yoani ndembe ta baito ba Niniwe, ko ongoma aleko etomba wana a buto ndeme ta bofindi we.³¹Bokta botaali ta boki bo mbole atofufuka ta mbile e litenomu eseke lomoi la batolomé ba bofindi we, la atosuluwisa bo, loka mbo afoaka ta liko li boki oyaoka weli boya Solomo, tene, ono aeti Solomo ambe.³²Batolomé ba Niniwe batoemala la we bofindi eseke lomoi ta litenomu la batosuluwisa bo, loka bakikole betema bibo ta inangoli iya Yona, tene buto ono akaeta Yona ambe.³³Buto ono akabanisa tala aimbota amo ta eseke loisami, ndjo atota amo likolo ta etelo lo tala loka beke batoota baene liangangi liamo.³⁴Liso liao limbe tala e bindo. Yomba mbo liso liyao limbe lilo, bindo biao bitotina bimbe lowa. Ikaomba bobe, la bindo biao bitotina bimbe lilima.³⁵Kebaka mbo lowa le lombe katikati ao liembaka lilima. ³⁶Yomba mbo bindo biao bitotina la lowa, ndoenango iniyo i lilima, yamo itotina itomba la lowa kee tala ene etobana la liangangi .³⁷Oko embaka ye atobeka, Mofalisai amoi akata ye mbo bale bieka. Akaota la akala, ³⁸la ekaenaka Mofalisai amo, akamwala mbo aola bieka ndo soola bao.³⁹Ndjo Ngene akabeka linde mbo, kanikai enu Bafalisai oto tanisai lousa lino la kopo la saani e baye, ndjo aiteni ino iwali la bolefe la bobe. ⁴⁰Bibebe! ono akakela yo, imbe lousa, aika kela aleko la munga? ⁴¹Fakai ndjo yeke imbelamunga kee liano li ngandi, la mangu bieka bitotina bino bimbe botanu.⁴²Ndjo ngandi lino Bafalisai! loka mbo otoesai botuku bo liou endiosomo,la mpegana, la totaki tototina, la ototikai Lingani la losamo loya Mungu. Ikaenganaka lino okela koni liyengani la losamo loya Mungu la oeno okela mbeko isiya aleko.⁴³ Ngandi lino bafalisai! loka mbo otolangai ko bingaelo bi lokuku ta bituanelo, la kalibo ta baongo. ⁴⁴Ngandi lino! loka ombei kee mbila yeke yeitoenena, la baito baokenda likolo liamo la baito lembela.⁴⁵Amoi ta baekesi ba bikela akabeka linde mbo, Boekesi,etobekowe ye mbeko, otoseole esu. ⁴⁶Akabeka mbo ngandi lino baekesi ba bikela! loka mbo otofai baito belito bembe la bofoka loilo, la enu aleko oitoengani ango ounda yo la tonekele tshuino.⁴⁷Ngandi lino! loka mbo oshwai mbila i banangoli, ndjo bangau bino baitaka bo. ⁴⁸Kolaongoma obekelai loka lo bakuwa ba bangau bino, la ofoimilai yo, loka bo baitaka bo ndjoenu okashwai mbila ibo.⁴⁹Yamo yo weli boya Mungu akabeka mbo, lototomela bo banangoli la batomomu, batoita bamoi bibo la batoenisa basiya bemusi, ⁵⁰loka mbo ngelo i banangoli batotina ye ikautama se oakola ta liako li wenda, baiyolomo ta bofini we. ⁵¹kota ngelo iya Abele tii kota ngelo iya Jekalia ono aitomoko katikati i Etumbelo lo liano ta mbele. Lobeka lino wewe mbo, batoiyolomo ta bao ba we bofindi.⁵²Ngandi lino baekesi ba tokela! loka mbo ofoyai fungola e weli; enu kabisa oiyoti ango, la ofekilai baito beke bakambaka la yeme mbo baote.⁵³Ekafoaka ye onga, Bandiki la Bafalisai bakakola osoma linde la bakaiyola ye litina li mbeko likama, ⁵⁴Kolaongoma bakakota okomanyela ye ilonga loka lounda ye ta baoi binde.

12¹Tambile amo,baito likamabamkaka eseke lomoi, bambaka batomatekelana, Yesu akakola obeka felo i Baeki binde mbo, Kebakai la fulu e Bafalisai, yeke imbe lolanga.²Yeiti la leka ango lomoi le loisami mbo loimbo enena, la yeke isami mbo yeimboluamana. ³Kolaongoma, itotina yeke otobekai ta lilima itokana ta fololo, la yeke otobekai ta litoi katikati i mbele itonangolomo likolo li mbele.⁴Lotobeka lino be ombei bangani bange mbo: Oibangakai be batoita bindo, lambisa iyonga, baiyengani okela leka ango lomoi loeta. ⁵Lotoenisenu ndai oengani obanga ye. Bangakai ono, mbisa iyoita, ambe la bofoka bokusa ta Geyena; hii, lotobeka lino, ee ndjo oengani obangai.⁶Baitoungisa noli ikikelike liondo la bingbendele biele? Kolaongoma, ango amoi iso aitosolomofelo iya Mungu. ⁷Kola sowe ino ii botchwé itangomu. Oibangakai ango: Ombei la lokuku koeta yo noli ikikelike.⁸Lobeka lino, ono atobeka lange felo ii baito, wana a buto atobekela aleko ye felo ii Bakeitomo baya Mungu. ⁹ Lambo ono atofekei felo ii baito atofekomo felo ii Bakitomo baya Mungu. ¹⁰La ono atobeka bobe oemaela wana aya buto, itomesilomo- we; la ono atomola Bolimo Botanu yeimbomesilomo ye ango .¹¹Mbile batokesenu felo ii bisangamelo, bakumi la bekota, oiyenyelakai ango ani otobekai la okela, ¹²Loka Bolimo Botanu atoekisenu tambile yeke iyengani lino obeka.¹³ Buto amoi akabeka la Yesu, katikati ii linginda mbo: Ngene, bekaka la nduku ange ane lange bondanda wiso. ¹⁴Yesu akabinoisela ye mbo, o buto, ndai akatei loka lomba bokumi wino, la loka lowe liyano lino? ¹⁵La akabeka libo mbo: Kebakai la weli loka lo baenyeli batotina babe; loka liwawi li buto liyeti loka lo biengo binde, ambe ende layo likama.¹⁶ Akabeka libo bombila we mbo: Nele i buto amoi a lifoka ikabotaka mbeku likama. ¹⁷La akabeka ta botema winde angene mbo: Lotowa isani? Loka oiti la esekeloaaota biengo biange. ¹⁸Tene, akabeka, loaatokela ani: Lotobuna likula liange li feloaa, lotoshwa lisiya lifilifi, la lotootisa bieka laaa biengo biange bitotina; ¹⁹La lotobeka la bolimo wange,ombe la bieka likama bimbe loka lo miaka ibule,heumaka,laka,mwaka, la omalaka.²⁰Mungu akabeka linde mbo: Ebebe! kole lotiyo, batolinga Bolimo wao; la yeke okakomanya, bitotikala la ndai? ²¹Imbe aleko ongoma loka loya ono atoisa biengo loka linde angene, la aiti lifoka ambe Mungu.²²Yesu akabeka la Baeki binde mbo: Kolayamo lotobeka lino mbo: Ndo mbai la baenyeli loka loyeke oengani obatai. ²³Loka liwawi lieti bieka, la bindo bieti tulu.²⁴Enyelisaka noli ii likolo mbo baimbo lobaka la baimbobunaka, la baiti la eiselo lamba eseke lo'otela, ndjo Mungu atolesaka bo. Enu oetii loketi lo noli likama! ²⁵Katikati ino ndai aengani lotaliyo lisiyo limoi ta liwawi linde loka lo lotungisano bobeta? ²⁶Yomba mbo oiti la bofoka ta be bieka bieke, loka loingi otoeya-eyai loka lo mbeko isiya?²⁷Moilakai koni batunda ba lokonda batotomowa: Baitowaka likuwa, la baitosolaka bo tulu. La'ni lotobekalino mbo imbe ende Salomona ta bokota winde aikamba la tulu ilo oengana la bee batunda. ²⁸Yomba mbo Mungu atobatisa koni liwa li lokonda, yeke imbe la boni la elongo itokusomo ta imbe, ye aiyengani obatise'nu? Ooh, liimeli lino likombe like.²⁹Oimbakai la baenyeli loka loyeke oennganiolai la yeke otomwaii, la oimbakai la baenyeli loka loyo. ³⁰Bio bieka bitotina, bapakano ba we wenda ndjo bambe layo la yeme. La Ise ino aluwi yeke ombei layo la yeme.³¹La lingakai koni felofelo bokota boya Mungu, itotina itofomo lino lambisa. ³²Oimbakai la bowa, esondjamelo loko! Loka ifo'omalisa Ise ino loka lofe'nu bokota.³³Tchambitchakai yeke ombei layo, la anelakai yo ta tobube. Wakai loka lino litamga li falanga lieke liyeitotobeya la isakai biengo bilo bi loketi ta lobola, elo yeiti la wiba, la yeiti la mbalala, la solila, lamba kpalala yeimbo koma. ³⁴Loka oko embe biongo bino bi litina, botema wino bombe aleko onga.³⁵Tikalaki la tulu ii lokonda, baanisakai tala ino. ³⁶Mbakai kee bakuwi bee batoumbakela Ngene ibo akaka loka lo libala. Ta mbile etoya ye atouma ta boinda, la batolikola ye.³⁷Liomali, ta bekowa bee, ta mile etoya Ngene, ato'osha bo batoumbakela! Lotobeka lino ta wewe mbo, onoatomba la tulu ii lokonda atosela bo ta mesa inde la atoya loka lo'okela bo. ³⁸Lamba eni mbile atoya, lamba aiteni ee lotiyo, lamba ta mbile ee isaso ee nongo, liomali ta bo bekowa ato'osha bo batomoila.³⁹Luwakai la weli mbo: Yomba mbo Ngene a mbele akaluwaka eni mbile etoya wiba, ani aumbakele, ani endo tika mbo abune. ⁴⁰Enu aleko, mbakai la weli, loka Wana buto atoya ta mbile ene oitoluwai.⁴¹Petelo akabeka linde mbo: Ngene, ambe'su ndjo otobeka bombila we, lamba ta batotina? ⁴²La Ngene akabeka linde mbo: Ndai ambe bokowa bo momongo ono Ngene akafa ye likuwa ta baito bindeloka afe amoi la amoi beika ta mbile ene e'engani? ⁴³Liomali ambe bokowa ono ta loyo loya Ngene inde atokela kani abekaka linde mbo akele. ⁴⁴Wewe, lotobeise'nu, Ngene inde atofa yebokota ta yeke itotina ambe lamo.⁴⁵La yomba mbo oko bokowa ekobeka mbo: Ngene ange aitakamba la loyo, la ye kowa kola oenisa wale ta bekowa batolome la bekowa betaali, lomwo, lili, la lolewo, ⁴⁶Ngene inde, atoya ta mbile ene aiti ango la baenyeli, la ta lisiyo lie aitoumbakela. La Ngene inde atofa ye likutchi lifi, la atokela ye kee ani etokelaka bo ta bekowa bebe.⁴⁷Bokowa ono aluwi okela lisangi liya Ngene inde, la aitokela ongoma, la aikeli lisangi liya Ngene inde, ato'osha likutchi li bofili. ⁴⁸La ono ailuwi lisangi liya Ngene inde, atoumomo aleko la bofili iniyo. Yomba mbo buto ambe la ibule batolengila ye ibule, la ono bakafa ye likama, atomba aleko la likama.⁴⁹Lo'oya oyakusa imbe ta wenda, lombe ase la yeme ii ingi ani ikaosila obaana? ⁵⁰Imbe la lilufi limoi liyengani olufiomo, lombe la yeme iyenganisomo!⁵¹Otoenyela mbo loye oyata kimia ta wenda? Yeiti ongoma kanga lianani. ⁵²Kola yamo, kanikani liondo ta mbele emoi batoanana, basaso botoemaela baele, la baele batoemaela basaso, ⁵³ise atoemaela wana, la wana atoemaela ise, ima atoemaela wana, la wana botaali atoemaela inango inde, boilana la boali a wana, la boali a wana atoemaela boilana.⁵⁴Akabeka aleko la linginda: Ta mbile otoenai lifita litoemala, otobekai mbo: Ndaluke etoya'se. La yamo itokoma. ⁵⁵Okafoenai lofofo ta ifitika, enu kobeka mbo: itomba la efufa. La itomba amboko ongoma.⁵⁶Baito ba lolanga, oluwi oetekanisa bonuna bo wenda la lobola; eni kanda oitoluwai ene mbile?⁵⁷La loka loingi oitoluwai enu angene yeke imbe ilo? ⁵⁸Ta mbile otoka la boiyani wao felo ii bakumi, kelaka mbo osilane linde ta ndole, loka mbo aitolokowe ta bakumi, la bakumi baitolokowe ambe sola la sola aikesokowe ta bonyololo. ⁵⁹Lotobeka lao, oitotomowa ani oitaka lipa lofalanga lomoi.

13¹Baito basia bakambaka ongo ta mbile amo ba beisakaye lobeko lo Bagalilai beke Pilato asondjaka ngelo ibo loka lo liano. ²Akainoisela bo mbo, oenyeleï mbo Bagalilai yamo basieta baito batotina la bobe lokambo baosilösha biale yamo? ³Lobeka lino mbo, otokelaï, kolangoma oikikoli bawawi, enu atotina otongbai ongoma.⁴Lokalo ongoma loka libo liou la bonanei beke mbele isa la loselamo ekaukowaka libo la ikaita bo, osienyelaï mbo bo basiete baito batotina bangali ta Yelusaleme la bobe? ⁵Lobeka lino mbo, kolaongoma oikikoli bawawi, enu atotina otongbaï ongoma.⁶Yesu akabeka la bombila weke mbo, buto amoi alobaka isandu iko mosuke ta elanga linde lo bakoke, akaya oya luka touma tayamo aikaosha. ⁷Akabeka la bakuki ba elanga mbo, kanikani loya oyaluka yuma isuke yeke miaka isaso ongoma loitocha. Tenaka yo itoama nyele bule loka loingi?⁸Bokuki akasanoela bo, Ngene, tikaka yo ta mwaka we ikonde, kolaongoma loto'osha fangi itotina, la lo'okusa tobi onga. ⁹Kamba eiboti touma ta mwaka botoya. Yeiti ongoma, ototena yo.¹⁰Akambaka loeniso la amoi ta bisondjamanelo bi Sabata. ¹¹Botaali amoi ambaka la bolimo bolilewi miaka liou la bonanei, bindo binde bika inyama la ongoma eikalua ale loinyamo.¹²Yesu akaenaye la akatayelioï ongoma akabeka mbo, Ima osilo'uwa la lilewi liao. ¹³Akatela ye baö, la aka'emala mala emoi, ongoma aka'inoisela Mungu kelekele. ¹⁴Bokota bo esondjamelo akasoma lokambo Yesu asiuwisa ta Sabata, ongoma akabeka likama mbo: Basio basiengana liambe bisiengana lowo likuwa. La ongoma yokoï owisomoï ta basio bamo ongoma tinga ta lisio li Sabata.¹⁵Ngene akainoisa bonoko mbo, baito ba nanga! Amoi la amoi ino mbo fungolaka elelo lo nama inde, loka aya mwese yo baye lisiyo li Sabata? ¹⁶Botaali weke ambe wana aya Abalayama, ono Satana akandiye miaka liou la bonaneï, iengane mbo afoyomoko ta boliki winde weke ta lisiyo li Sabata mboi?¹⁷Esilisakaë lobeko mbeko ye baemaeli binde batotina bakaena soni, ongoma likama likulu bakambaka lo'omalo la mbeko itotina ilo ikakelomo ta bao binde, bembila be yuma ii sinapo la fulo.¹⁸Kolaongoma Yesu akabeka mbo: Bokata boya Mungu bombeke ingi, la loenganise wo la ingi? ¹⁹Bombeke yuma isinapo, yeke buto akaosa la akaka lokaloba ta elanga linde, yo'okonda la yo'okoma isandu, ongoma noli ii lokonda baongala ta betaä binde.²⁰Akabeka lisia mbo: Loenganise bokota boya Mungu la ingi? ²¹Bombeke fulo weke bataali akaosa la akaisa atiteni ee bipelo mbisa ibefulo, kombile itotomowa yo itotina.²²Yesu akaetaka ta beki befi la beki beke, la ani atoekisa, ani atoka ta Yelusaleme. ²³ Buto amoi akabeka linde mbo: Ngene, yeiti la baito iniyo batouwisomo? Akasanoela bo: ²⁴Wakaï bofoka o'oteï ta boinda bokikelike. Loka, lobeke lino likama olukeï lo'oto, la baitoengana.²⁵La ambe boekesi bo mbele aosilo oemala lokando boinda, la oandja loemalo lousa euma boinda, la obeka mbo: Ngene sombulaka loka liso! Atoinoisele enu bonoko mbo: Loilui enu, kamba o'ofowai endeï. ²⁶Kolaongoma bato akola lobeko mbo: Toka laka la to kamwaka felo yao, la okaekisaka ta ndole iso. ²⁷La akamutola: Lotebeka, loiluwï kamba o'ofowai endeï, fakai lange, enu batotina bakeli ba bobe.²⁸Bileli la losio baino batongala ongo, kamba otoenai Abalayama, la Isaka, la Yakobo, la banangoli batotina aiteni e bokota boya Mungu, ongoma enu oto'tomoisomoi lousa. ²⁹Atoya ta biseke bi etomoelo la mbile, ta biseke bi likolo la mbole, la batongala ta bokota boya Mungu. ³⁰La moilakai, ba mbisa batongala felo, be bafelo batongala mbisa.³¹Ta lisiyo liamo, Bafalisa basiya bakaya ambe ye, ongoma bakabeka mbo: Fowaka eke, la kaaka, loka mbo Elode ambe la yeme iyoitowe. ³²Akamutoela bo mbo: Kakai okabekai la nama a bakolo amo mbo: Laboni lo'obeka lotofoya belimo bebe, la ongoma lotouwisa baito ba biale, lasiyo litoya lotokoma ta liko. ³³Kola ongoma iyengani lange lokende laboni la elongo la basio batoya ongoma mbo iyengani mbo bonangoli aingbaka eseke losiya, kanga ta Yelusaleme.³⁴Yelusaleme, Yelusaleme, owe ono otoitaka banangoli ongoma otouma la babuki beki boto'umomo ambowe, mbile ibule lokambaka la yeme iyosela bana bao kanda emoi kee koko atoselaka bofindi winde sekala ii bambembe binde, la ongoma oikambakai la yeme. ³⁵Tene mbele ino etotikala, la lo'obeka lino mbo: Ono atoya la lina liya Ngene autchelomoko.

14¹Atoka lisiyo limoi ta Sabata,ta mbele ebokota bomoi bo Bafalisai,loka loola bieka ,bakamoilaye. ²La moilaka buto amoi akambaka lawale bo fela akambaka ongo felo inde. ³Yesu akabeka boekesi bo bikela la Bafalisai mbo,ta lisiyo liSabata louwiso buto iengani komba.⁴Akangala aï aka osaye la akauwisae ongoma akafae ndole. ⁵La akabeka ;kamba wana komba ngombe eni buto atitene ino akaya oya kusama ta likemba,aitotomoisaë mangu ta lisiyo liSabata? ⁶La baikalonga ango oinoiselaye ta mbeko yamo.⁷Oka ekaenaka Yesu mbo,batanu bambe looso libonga lilokuku,akabeka libo bombila mbo, ⁸Kamba otomo la buto amoi ta liamo lilibala,oitongala ta libonga lieti la lokuku,loka lomba la bowa kamba buto asia aeti owe la lokuku aosila otoma linde, ⁹La ono akate'enu atoya oya beka lino mbo,faka buto ono eseke, la likuwa ongoma otoandja looko soni losa eseke lombisa momongo.¹⁰Kolaongoma,akatomo,kaaka okangala ta libonga limbisa omongo,la omongo kamba Ngene akatowe atoya, atobeka lao mbo,buto lange etaka elo felo;ongoma lokuku lotongala ta baiso ba baito batotina batola lao eseke lomoi. ¹¹Lokambo ono atosela lokuku,lokuku linde lotofoa,la ono aofeka lokuku,lokuku linde lotangala lofi.¹² Aka beka aloko la ono akatomoko;kamba okaokela lolo la ningo kamba bieka bilikolase,oitaka baito lao kamba basamomu bao kamba baluaini lao kamba baito ba bieto ibube ba tina lao oto,mbo ba tewa lisia la oïimilaka.¹³Kolaongoma akaokela bieke ,taka baito baiti la leka,la bitukulu,la baito ba bilema,la baito ba botutu. ¹⁴Ongoma otomba la liomali loka mbo baito longa loinoiselo eë lisia oto,lokambo otoosha lilipomu atiteni elifoi ta nyele ibaito babe la baito ba fololo iya Mungu.¹⁵Amoi ibo bakambaka lolo bieka eseke lomoi linde akaokaka baoï beke Yesu akabeka linde mbo,la ono atola libinga atiteni ibokota bo ya Mungu!' ¹⁶La Yesu akamutoelaë mbo;buto amoi aka komanya bieke bifi,la akata baito likama. ¹⁷Ta mbile ebieka byamo akatoma bokowa winde obeka la bekeke mbo,yokoi lokambo biosila oengana.¹⁸Amoi amoi ibo ototina basiandja lofeko,ono afelo aobeka linde mbo,lo osomba elanga,ongoma engani lange lofoo okamoila yo,lolengilo mbo oimilelei loko. ¹⁹Asiya akabeka mbo,lo osomba belome lome liondo bi ngombe la engani lange loka lopima bo lolengile eë okelei imbu. ²⁰Asia aobekambo,loosonga bataali,yamoyo yeiyengani langi loyo.²¹Bokowa wamo asi'inowa losemwela ngene inde mbeko yamo la liko boemaeli bombele aka oko lisomi,laongoma akabeka labokowa winde mbo,foaka kanikani atiteni endole ifi,la tondole ndole to boki,ongoma esakae eke baito bakasila bitukulu, la baito ba bilema. ²²Bokowa aobeka mbo,ngene ikabekokowe yosilo okelomo,ongoma eseke lokombe koni.²³Ngene akabeka labokowa mbo,foaka atiteni endole, la biseke ongoma otisaka boo likama mbo mbele ange ewale la baito. ²⁴Lokambo lobeka lino mbo buto ango amoi ibo bakatomo atola ango inio ibieka yange.²⁵Embili lo baito bakambaka losondjamana linde.akakikowa ongoma akabeka libo mbo, ²⁶La amoi aoya ambei aiyani la Ise inde la Inango inde la bana binde la baito linde batolomo labawelo binde bataali la liwawi lio aiyengani ombo boeki wange. ²⁷Ono aitoli lieka liange la aikatutei aiyengani omba boeki wange.²⁸Lokambo buto amoi atiteni ino ambe layeme ioshoâ mbele,atongala felo loosho kamba iyengani looso bieto yamo loka losilisa yamo? ²⁹Yeiti ongoma,ato akola ota bakemba,loka mbo aiyengani losiliso yamo,bo atotina bato moilayo batoandja losekoe, ³⁰Buto ono akakola oshawa aikalongaka osilisa.³¹Lisiya bokota amoi atoka okananisa bokota bosia bitumba,atoakola felo loenyelo kamba la baito miliale liou atoengana loemaelo ono atoya linde la baito miliale tukuyele? ³²Kamba eiyangani koni,la ani ekombee oko esika,atotoma batondoli okaiyola mbeko lalilateni. ³³Kolaongoma ango buto la buto ta atiteni ino aïtofeka bibongo bitotina bimbe linde,aï engani ongola boeki wanga.³⁴Bokpa bombe bolo, yombambo loete lo bokpa lo osila, yamo ito'osha loete la ingi? ³⁵Ei'engani la nyele, kamba la lifuma litobi, ongoma batokusayo lousa. Osalakai mbo ono ambe la batoi baoka aoke.

15¹Basondji ba bakute be wenda, la baito ba bobe bakambaka bo atotina loyo ambe Yesu loka lo'okaye. ²La Bafalisai la basoni kasa bakambaka lobeko mbeko iniyo iniyo mbisa inde likama mbo: Buto ono afo'omala loyambo baito bobe la ongoma atolala libo bieka eseke lomoi.³Akabeka libo bombila we mbo: ⁴Lamba buto amoi ino ambe la bekoko mia, ongoma bomoi ibo bokaobunga, atotika bo tuku libwa la libwa atiteni ii liombele, kola ongoma aitoka okalinga weke bokabunga kombile eto'osha ye wamo? ⁵Ekaosila o'osha ye wamo, atota wo ta batoto binde la liomali,⁶ongoma etoinowa ye ta mbile atosela bee amoi la basiya, kola ongoma atobeka libo mbo: Omalakai lange, loka mbo losi'osha bokoko wange we bokabungaka. ⁷Lo'obeka lino mbo:Ongoma liomali litongala atiteni ii lobola loka lo buto amoi a bobe ono atokikolia liwawi itoeta liomali loka lo baengani tuku libwa la libwa beke baiti la yeme iyokikolia botema.⁸Lisiya lamba botaali amoi ambe la touma to bakute liou, lamba aleko atokomya yuma imoi, ato'sa lopambolo tala la lo'ombo mbele la atolukaluka kota mbile ene ye aitoanya? ⁹Ekaosila ye lo'anyo, atongalisa baito linde la kendisani inde, la atobeka mbo: Omalaka lange, lokambo lofoanya yuma yeka akabungaka. ¹⁰Lo'obeka lino mbo: Liomali litomba ongoma aiteni ii bakitomo baya Mungu loka lo buto amoi ono a bobe ono akakikolia botema.¹¹Atobeka loka mbo: Buto amoi akambaka la bana batolome baele. ¹²Ono a mbisa aiteni ibo akabeka la ise inde mbo: Afa, fekei iniyo ii bibongo bitoengana lange. Aka anela bo bibongo binde.¹³La liko li basiyo iniyo ango, wana a liko akakanda bibongo bitotina, ongoma akaka ta boki bosiya bo esika, la akaseisa bibongo binde oko ekaka ye ta lokendo la baenyeli baike. ¹⁴Oko esilaka ye bibongo binde bitotina, semba efi aleko ekatomowa ta boki wamo, ye aleko aka'akola lotchango bibongo.¹⁵Kola ongoma akaka la aka'anya likuwa ambe buto a boki bo wenda wamo, la akatoma ye ta bilanga binde loka lo loleso nama ikumo ngulube. ¹⁶Akamba la yeme ii lowaliso solo inde la mbso yeke nama ikumo ngulube batola, la buto aikafayaka ye ango leka.¹⁷Aka enyela ta liwawi la abeka mbo: Bakuwi ba lilipomu baya ise ange likama bambe la beila beike. Kani ei lo'ongba la semba eke. ¹⁸Lotofowa la lotoka ambe ise ange, ongoma lotobeka linde mbo: Afa, lo'okelela lobola bobe, lo'okela bobe ta baiso bao, ¹⁹loiyengani ale otomo wana ao lisiya, selekei kee amoi a bakuwi bao ba lipimomu.²⁰Akafowa, la akakoma ambe ise ende aleko. Kola ongoma la ani akombe esika, ise akaena ye la akaokela ye ngandi; akaka mangu la akatukumaela ye la akaloma ye likeka ani ongoma imbe ndembe ee losamo. ²¹Wana inde aleko akabeka linde mbo: Afa lo'okela bobe ambe lobola, la lo'okela aleko bobe ta baiso bao, loiyengani ale lotomo wana ao lisiya.²²Afa aleko akabeka la bekowa binde mbo: Yokoi la tulu ene e'eti itotina la bolo kani kani lotobatisa ye, la taka ye ikomo ii loketi ta inekele, ongoma batisaka ye aleko lipapa ta bakolo binde, ²³kola ongoma yokoi la wana a bokoko ono ambe la baina la ongoma itakai wo, loka tole, la to'omale, ²⁴lokambo wana ange ono eke akambaka boliyo ongoma akombe la liwawi lisiya: Akambaka bobungi ongoma afoenena. Baka'akola lo'omalo onga.²⁵Ongoma wana inde a felo-felo akambaka ta mbele akaoka be'ele la lobilo lo bisha. ²⁶Akata amoi a bakuwi ambe ye, la akaiyola ye lamba ini mbeko yeke itoeta imbe ini. ²⁷Ye aleko akabeisa ye mbo: Nduku ao aoya, ongoma ise ao akaita wana a bokoko a baina loka mbo asio'anya ye la bindo bi bofoka.²⁸Akaokalisomi aikalanga lo'oto, kola ongoma ise inde akatomowa la akasombolela ye. ²⁹Ye aleko akainoisa bonoko mbo: Enyelaka mbo lo'okelelo we miaka likama ani, nla loikafeka bonoko wao ango lisiyo. Ongoma oikafei ango wana a bokoko ango mbile emoi lokambo lo'omale la baito lange, ³⁰kola ongoma eke akaya wana ao, ono akaosilisa bibongo la bataali ba belefe, osi'itela ye wana a bokoko bo baina.³¹Ye aleko akabeka li nde mbo: Wana, owe ombe lange eseke lomoi mbile itotina, la ongoma bibongo biangebitotina bimbe biao. ³²Kani ekaengana mbo to'omale la tongale la liomali lokambo nduku ao ono akambaka boliyon la ongoma akombe la liwawi lisiya, ambe bobinoi la asioshamana.

16¹Yesu akabeka aleko la baeki mbo: Buto amoi a bakute likama la boemali bo likuwa, boemali wamo akositokomo ambe ye mbo atoseisa bibongo bindebule. ²Akata ye lioi, akabeka linde mbo: Ini mbeko loto'oka loka lo litina liao? Yo'oko oyaesa mboli ii likuwa liao, loka mbo oiyengani ale omba boemaeli bo likuwa.³Boemaeli bo likuwa akabeka ta liwawi linde mbo: Lo'okela ingi? Lokambo ngene ange atofoyei ta likuwa lieyeke limbei boemaeli loiti la bofoka bo lubusho nyele, la lombe la bowa bo loanganyo. ⁴Loluwi yeke itokelei, mbo kamba loka lo lofoyomo ta likuwa liange, baomale alnge aiteni ii mbele ibo aleko.⁵Akata bo beke bakambaka la belima beya ngene ibo, amoi la amoi, ongoma akabeka la ono a felo mbo, ombe la bolima boya ngene ange yange? ⁶Akabeka mbo: Bandjandja mia ba baina, akabeka linde mbo: Osaka lokasa lao. Tiamisaka ye ifelo la andikaka kani tuku liondo. ⁷La liko akabeka la asiya mbo: Owe aleko ombe la bolima bo yanga? Akabeka mbo: Iotunga mia emoi ee bakoke. Akabeka linde mbo: Osaka lokasa lao la sonaka tuku bonanei.⁸Ngene a bokuwi bo likuwa wamo bobe akaila ye likolo loka mbo aokela bolo. Bainenge ba basiyo bee basieta bainenge ba lowa la bieli aiteni ii befindi bibo aleko. ⁹Ei aleko lo'obeka lino mbo: Osakai baito lino loka lino ta mboli ibe mbo lamba ikaosila, batukumaele enu aiteni ii bengaenelo be momongo.¹⁰Ono ambe la momongo ta lobeko loeti lokikelike ambe aleko lala momongo ta lobeko loeti la lokikelike la aiti aleko ta lobeko lofi. ¹¹Kola ongoma yomba oiti la momongo ta mbeko ii bakute babe, ndai atoesa bakute ba'omongo ta baoo bino? ¹²Yomba mbo oiti la omongo ta bieka bi buto asiya, ndai atofe'nu yeke imbe loka lino?¹³Bokuwi aiyengani olitisa bangene baele; loka mbo otoiyana la amoi la ye kola ongoma onomoi, ao koto'amana la amoi la atoseola onomoi. Oengani ndjo olitisa Mungu tinga bakute.¹⁴Bafalisai beke basamaka bakute eokaka bo ye mbeko, la bakaseka Yesu. ¹⁵Akabeka libo mbo: Enu otolongisomoi ta baiso ba baito, ndjo Mungu alembeli betema bino; loka yamo imbe bofi ta baito, ndjo imbe la lilo ta baiso baya Mungu.¹⁶Bikela bi banangoli bimbaka kota mbile eya Yoani, ndjo mbisa ii yamo Mboli Itanu ii Bokota Mungu itonangolomo la baito batotina bafo'otisa yo la bofoka. ¹⁷Lokpose lo likoi limoi li ekela ifoeta lolimowo lo lobola la nyele la bofoka.¹⁸Botolome la botolome ono akafoya boali inde ekosonga botaali asiya, atokela bosambo; la botolome ono atosonga botaali ono akaofoyomo ta botolo asiya, atokela bosambo.¹⁹Buto amoi ambaka lifoka, la abataka tulu enenu elo, la aomalaka lisiyo la lisiyo la lieti lilo. ²⁰La ibube imoi, lina linde mbo Lasalo, alalisomoko ta boinda winde, bindo binde bimbaka la bafwa. ²¹Ambaka la yeme iyosilisa ango semba inde ta mbumbusi yeke imbaka itokpase ta mesa eya lifoka; ndjo ngea imbaka itolauna bafwa binde.²²Ibube akangba la akatolomo la bakitomo ta bokuku boya Abalayama. Buto a lifoka aleko akangba, la akaseliomo. ²³Ambaka ta bomusi ta eseke lo bangbei, akaila baiso binde la akaena Abalayama esika, la Lasalo ta bokuku winde.²⁴Ye akata mbo: Afa Abalayama! Okelekei ngandi! Tomaka Lasalo ate yombo ii inekele inde ta baye la aunde ango lolame lange loka ta bomusi likama ta imbé ye.²⁵Ndjo Abalayama akabeka linde mbo: Wana, enyelaka mbo o'oshaka mbeko yao ilo ta liwawi liao, kola ongoma aleko Lasalo aoshaka mbeko ibe; ndjo kanikani aofomo bofoka la owe ofo'oka bomusi. ²⁶Lisiya aleko mbo katikati ii liso lino likemba lifi limbe, ndjo beke bambe la yeme iyofoka eke loka elo embe'nu, baitoengana, baiyengani aleko olekisa fangi ene embesu.²⁷Akabeka mbo: Kola ongoma, Afa, lo'olengila lao mbo otome ango ye elo ta mbele eya Ise ange, ²⁸loka lombe la banduku batolome liondo, loka baiyaka eke ta eseke lo bomosi.²⁹Abalayama akabeka mbo: Bambe la kasa iya Mose la banangoli, tikaka mbo baoke bo. ³⁰Ndjo akabeka mbo: Tinga alo, Afa Abalayama, yomba mbo buto amoi atofowa ta bangbei loko elo embe bo, batokikolia betema. ³¹Ndjo akabeka linde mbo: Yomba mbo baiyoki Mose, la banangoli, baimboimila aleko imbe ende mbo buto amoi ta bangbei atoyayowa.

17¹Akabeka la baeki binde mbo, Bakulia baitoeno, ndjo ndjo ngandi la ono atoesa yo; ²yomba mbo atoumisa amoi ta beke bake likulia, iyengani linde mbo litali lifi likandomoko ta ngingo inde la akusomoko ta libande lifi.³Kebakai lino! yomba kembo nduku ao aokela bobe, mamilaka ye. Yomba mbo atokikolia botema, mesilaka ye. ⁴Imbe ende mboaokelelo we bobe mala bosambale ta lisiyo limoi, la ekoya ambowe mala bosambaele obeka mbo, lokosa; mesilekei, oengani omesila ye.⁵Batomomu bakabeka la Ngene mbo, talielekesu limeli. ⁶Ngene akabeka libo mbo, yomba kembo otombai la limeli kee yuma i botshitsha, ani oengani obeka la isandu yeke mbo, yolomoko la lobomoko ta baye, la itolitisenu.⁷ Yomba kembo amoi inoambe la bokowa ono atobusha nyele lamba atokuka bokoko, la bokowa atofoa ta elanga oota t mbele, atobeka linde mbo, Yooko mangu ongala ta mesa? ⁸Ndjo aitobeka linde ani mbo; Komanyaka bieka biange biola, bataka tulu, la fekei bieka tii kani etosilei ola la lomwo; lambisa otoola la otomwa aleko.⁹Atofa bokowa kelekele loka aokela likuwa lieke libekakaye? ¹⁰Kolaongoma enu aleko, yomba mbo osilai okela mbeko itotina yeke ika bekelomo enu, bekaka mbo, toiti bekowa belo, tosila okela lotomo liso.¹¹Oko embaka Yesu atoka ta Yelusaleme, akaeta katikati i Samalia la Galilai. ¹²Ekambaka ye atoota ta boki bomoi,batolome liou ba baandi bakatoamna linde. Bakaemala esika. ¹³Bababeka mbo, Yesu! Ngene! Okelekesu ngandi.¹⁴Akamoila bo la akabeka libo mbo, kakai okaenisa bakanga bindo bino. Ekaka bo, bakatanisomo. ¹⁵Amoiibo ekaenaka yeafouwa, akabinowa la akasimolla Mungu la limiki lifi. ¹⁶Akasulua ta bombo winde ta bakolo baya Yesu la akafa ye kelekele. Yeambaka Mosamalia.¹⁷Yesu akabeka mbo, baito liou baitanisomu? Libwa bambe endei? ¹⁸Buto asiya aibinoi oyafa Mungu kelekele, sakolo ko we boenda? ¹⁹Akabeka linde mbo, emalaka, la kaaka eyao. Limeli liao liosila ouwiso we.²⁰Bafalisai bakaiyola ye lamba Bokota boya Mungu botoya ta eni mbile, la akabinoisela bo mbo, Bokota boya Mungu boitoya ta bofono weke otomoilai. ²¹Baimbo beka mbo, tene owe! lamba mbo, Tene oye elo! Lokambo Bokta boya Mungu bombe katikati ino.²²Akabeka la baeki binde mbo, basiyo batoya eko etombenu la yeme iyoena lisiyo limoi ta basiyo ba Wana a buto, ndjo oitoenai yo. ²³Batobeka lino mbo, Tene ye ete! Tene ye ono! Ndo tutai bo. ²⁴Loka kee ani etobana ikalikali, itobana ta fangi e likolo kota fangi esiya, etomba lisiyo li Wana a buto ongoma.²⁵Ndjo iyengani koni linde felo oena wale ta mbeko likama, la ofekomo ta we bofindi. ²⁶Kanda emoi ta basiyo baya Noa, itomba ongoma ta basiyo baya Wana a buto. ²⁷Bambaka batola, batomwa, bakasonga, baka songamana, tii kota lisiyo liotaka Noa ta lisuwa, la fela ekaya oyaita boatotina.²⁸Lisiya kanda emoi ta basiyo baya Lota, balaka, bakamwa, bakasomba, bakaungisa, bakaloba, bakashwa, ²⁹ndjo ta lisiyo lifoaka Loti ta Sodomo, litundulundu li imbe li likolo likayase la ikaita bo batotina.³⁰Itomba kee ye mbeko ta lisiyo litoenena Wana a buto. ³¹Ta lisiyo liamo, ono atomba ta bosambu bo mbele, la biengo binde ta mbele, aitosulua oosa yo; kolaongoma ono ambe ta bilanga aimbo binoa ale.³²Enyelaka boali aya Lota. ³³Yomba mbo oni buto atota botema winde okuka liwawi linde, atoseisa yo; ndjo ono atoseisa liyo, ye ndjo atokuka.³⁴ Lobeka lino mbo ta lotiyo lamo baito baele batomba ta litamba limoi, amoi atosomo la asiya ato tikala. ³⁵Baito baele batomba ta bilanga, amoi atosomo la asiya atotikala.³⁷Bakabinoisela ye mbo, Ngene ambe Endei? Ye akabeka libo mbo, eseke lombe boliyo, oko ndjo etotoamana ndjou.

18¹Akabeka libo bombila bomoi talitina mbo iyengani libo osembela mbile etotina la ndoena kolewa. ² Akabeka mbo bosambisi ambe ta boki bomoi, ono aitibanga Mungu la aitienyela buto angoamoi.³Ndjo ta boki wamo botaali amoi ono angbeloko olome ambaka, akaya ambe ye la akabka mbo, longisekei ta litina li boiyani wange. Felo, akafeka, ndjo ta botema winde akabeka mbo, imbe ende lobangi Mungu, la loiyenyelisi buto, ⁵ndjo loka kembo ono botaali aotungisei, loto longisa ye loka kembo ailewisekei oya eke kila lisiyo.⁶Ngene akabekambo, okaka yeke ikabeka bosambisi bobe. ⁷Mungu aitolongisa batshakolomu binde, beke batota ye lotiyo kee lowa, beke atooka bo la botema bosa? ⁸Lobeka lino mbo atolongisa bo la mangu. Ndjo eko etoya Wana abuto, atoanya limeli eke ta wenda?⁹Akabeka bombila we ta basiya beke bataka betemata mbeko ibo mbo bambe baito balo, la baseolaka baito basiya. ¹⁰Baiti baele bakalila ta Tempelo loka losembola. Amoi Mofalisai asiya Bokongoli bo mpako.¹¹Mofalisai akasembola mbo, Mungu, losimolo we loka loiti kee baito basiya, biba, baito babatshunelo, baito ba bolefe, la loiti aleko kee bokongoli ono a mpako. ¹² Loto kila bieka mala yele kila posho, la lotofa botuku bo liou ta biengo bitotina yeke lotoanya.¹³Ndjo bokongoli bo mpako akaemala esika, aikalanga ango oila baiso la likolo, ndjo akauma bokuku winde la akabeka mbo, Mungu, ngbelekei ngandi ei buto a bobe. ¹⁴Lobeka lino mbo, ta bo abaele, ono kasuluaka ta mbele inde bokaolongisoko, loka mbo ono atoanya lokuku, lokuku linde lotofoa; ndjo ono atofeka lokuku, lokuku linde lotoma lofi.¹⁵Baito bakaya la bainenge ambe Yesu mbo aunde bo, ndjo ekaenaka baeki ongoma, bakamamila bo. ¹⁶Yesu akata bo ambe ye la akabeka libo mbo, Tikaka bainenge baye ambei, ndo fekilai bo, loka mbo Bokota boya Mungu bombe loka lo baito ba bomuna we. ¹⁷Lobeka lino wewe mbo, yomba mbo onu buto aito tukumela Bokota boya Mungu kee wainenge, aitota elo.¹⁸Buto bokonde amoi akaiyola ye mbo, Boekesi Bolo, lokele isai loka loanye liwawi li layalaya? ¹⁹ Yesu akabeka linde mbo, loka longi otetei Bolo? Buto bolo aiti, sakolo ko Mungu ango. ²⁰Olembeli bikela, oiwaka bolefe, oitaka buto, oibaka, ndo beka mbeko i lolanga, litisaka ise ao la inango ao. ²¹Ye akabeka mbo, lolitisi mbeko kani lokmbe wainenge.²²Ekaokaka Yesu ongoma, akabeka linde mbo, leka lomoi lokombe ambowe. Ungusaka bieka bitotina bimbe lao, la anaka yo ta tobube, la otomba la bieka likama bi lokuku ta lobola; la yoko oya tutei. ²³Ekaokaka ye mbeko ye, akamba la ngandi fafo, loka ambaka lifoka li biengo likama.²⁴Yesu, akaena boyaeli winde, akabeka: imbe la tale mbo buto a lifoka aote ta bokota boya Mungu! ²⁵Yeiti la tale la nama ekumo kamela oota ta lifola li sindani kee butoa lifoka oota ta bokota boya Mungu.²⁶Baito be bakaoka baka beka mbo: ndai aengani ouwisomo?²⁷Yesu akamutola, le lombe la tale ambe baito, ambe Mungu loiti la tale.²⁸Petelo akabeka, tene, esu totika itotina la tootuto we.²⁹Kolaongoma Yesu akabekela ye: lobeiso we ta wewe, buto'no akatika mbele ,lamba boali, lamba banduku binde, lamba ise la inango inde, lamba bana binde, loka lo bokota boya Mungu, ³⁰Atoosha likama ta miaka bieke, la miaka bieke bitoya liwawi li layalaya.³¹Yesu akaosa baeki liou la baele eseke lomoi linde, akabekela bo: Tene, totoka ta Yelusaleme, la itotina ye ikasonomo la Batondoli loka lo wana abuto itoenganisomo. ³² Atokusomo ta bapakano; atosekomo, atoutomo soi, atomolomo, ³³ la, mbisa ionga, atoumomo fimbo, batoita ye; la lisiyo li' asaso atofufuka.³⁴La baitoluwa litina li mbeko yamo; imbaka loka libo lioi limoi li boise, baoi be baitiluwa litina.³⁵Ekomaka Yesu tina la Yeliko, bongbei bo baiso amoi angalise mbalé e ndole, la'tolengikila bieka. ³⁶Eokaka ye iyeli' baito batoeta, akaiyola imbe ingi ikaya. ³⁷ Bakabeisa ye mbo: Imbe Yesu a Nasaleta atoeta.³⁸La' kamama mbo: Yesu , wana' ya Dawidi, okelek'ei ngandi!

⁴⁰Yesu, akasikama, akabekela bo baye linde; la, mbile ekomaka ye, ⁴¹akaiyola ye mbo: Osami lowelo ingi? Akabinoisela ye: Ngene,loene lisiya.⁴²Kolaongoma,Yesu akabekela ye: Enaka lisiya; limeli liao lisuwiso we. ⁴³Mala emoi akaena lisiya la'katuta Yesu, lani atofa Mungu lokuku. Baito batotina, be baenaka ongoma, bakasimola Mungu.

19¹Yesu akaota ta Yeliko la akambaka atoeta katikati ee boki. ²Botolome amoi, lina linde Zakaï, akambaka onga; ye bokota bo beke batokongokolaka pako, la akambaka lifoka.³Akaluka ndole eona Yesu lamba ambe ndai, loka lo linginda li baito, aikapata fofe loka ye ambaka bouwe. ⁴Akaaka mangu felo la akalila ta isandu loka aene ye loka akambaka mboko la yeme iyo etela ta ndole amo.⁵Yesu akakoma ta eseke lamo, akamoila likoló, la akabeka linde mbo: Zakaï! suluaka mangu, loka iyengani lange ongala ta mbele ao laboni. ⁶Akasulua mangu la akakuamelae la liomali. ⁷Baito batotina beke baenaka ongoma, la baka beka beka mbo, aoka okangala ta mbele ee buto a bobe.⁸Zakaï akaemala la akabeka la Ngene mbo, okaaka Ngene, lotofa la tobube lioshi liange owana mala yele. Yomba mbo lkawaka bobe ta leka lo buto, loto binoiselae mala inati. ⁹Yesu akabeka linde mbo: laboni louwo loya ta mbele ene, loka mbo ye aleko ambe wana aya Abalayama. ¹⁰ Loka wana a buto aye oya luka la ouwisa beke bakaosila osesela.¹¹Ekambaka bo ba tooka ye ndjaso, Yesu akaata bombila bosia loka akambaka tina tina la Yelusaleme la bakambaka la bowa kembo Bokota boya Mungu botoenena kani kani. ¹²Kolaongoma akabeka libo mbo, buto amoi a lokuku akaaka lokendo ta boki bo esika loka loosa bokota la lobinowo.¹³ Akaata bekowa binde liou, la akafa bo touma to palata liou. akabeka libo mbo: wakai liala tii kani loto binowa. ¹⁴Ndjo baito binde ba boki, bakaokae wale, la bakatoma baito mbisa inde, obeka mbo, toilangi buto ono ambe bokota wiso. ¹⁵Mbile bokota akabinowa, mbisa iosha bokota, akabeka mbo bekowa biamo beke bafomoko bieto baotomo ambe ye loka aluwe lamba buto la buto apate yanga ta liala linde.¹⁶Ono a felo felo akaya la akabeka mbo: Ngene, palata yao mia lofosha palata isiya mia. ¹⁷Akabeka linde mbo: Bolo! owe ombe bokowa bolo. mbaka la bokota bo bieki liou, loka okambaka la wéwé ta mbeko ikikelike.¹⁸A baele akaya la akabeka mbo, Ngene, palata yao mia, lofosha palata isiya liondo. ¹⁹Akabeka linde aleko mbo, mbaka bokota bo bieki liondo.²⁰Ono moi akabeka mbo, Ngene, ine palata yao mia oye lokakukaka yo ta itambala, ²¹ loka lokambaka lotobangowe, loka ombe buto a bofoka.otoosa yeke oikaisa, la otobuna oko oilobi.²²Akabeka libo mbo, lotokpesowe ta baoi bao angene. owe bokowa bobe! okaluaka mbo lombe buto a bofoka, lotoosa oko loiyisi, la lotobuna oko loika loba? ²³ Loka loingi oikataka bieto biange ta beke batisaka bieto? Loka lokobinowa looshe yo la botalia?²⁴ Akabeka la beke bakaemalaka onga mbo, kpolakai ye touma to palata mia, lafakai yo ta ono ambe la palata liou.²⁵ Bakabeka linde mbo, Ngene, ambe la palata liou!²⁶Akabeka libo mbo, batofa bieka bisiya ta ambe ono akapata, loka loya ono akakosa, batoosela ye yeke ambe layo. ²⁷Loka lo baiyani bange beke bakalanga mbo lombe bokta wibo, yookoi libo eke embei la itakabo ta baiso bange.²⁸ Ekasilaka Yesu obeka ye mbeko, akakenda felo ooka ta Yelusaleme.²⁹ Akakoma tinatina la Betefage ta Betaniya, ta eseke lo- longo, yeke bakaata mbo, longo lo- Bilaya, la akatoma baeki binde baelé, ³⁰la akabeka mbo, kakai ta katikati ee boki eli etoimoilana lino, la oko etootenu aiteni ee boki, otoshai wana a bokoko ono akandomu, buto aitaka lilelae. sombulakai ye la yokoi linde eke. ³¹Yomba mbo buto akaofelonu mbo otosombulai amo loka loingi? Bekakai mbo, Ngene ambe la yeme lamo.³²Beke bakatomomoko bakaka, bakaosha amo ototana ani ebekaka Ngene libo. ³³ Oko ekambaka bo batosombula wana a bokoko, bangene binde bakaiyola bo mbo, loka loingi otosombulai wana a bokoko? ³⁴Baka beka mbo, Ngene ambe la yeme lamo. ³⁵ Bakaya lamo ambe Yesu, la baka kusa tulu ii bo likoló li- wana a bokoko, la baka lilisa Yesu. ³⁶ Mbile eka kendaaye, bakakendja tulu ii bo ta ndole.³⁷ Akakoma ta eseke le lombe loka losuluwa ta longo lo- Bilaya, la likama li baeki bakakola ofa Mungu lokuku la liomali la bamiki likama loka lo bakuwa baofoka ba limwali bieke bakaena, ³⁸bakabeka, Bokota ono atoya la lina liya Ngene aosheke lokuku! kimia ta bose, la talaa ta biseke bieti likolo!³⁹ Bamoi ta Bafalisai aiteni ii babule bakabeka linde mbo, Boekesi, mamilaka baeki bao! ⁴⁰ Akabinoisa bonoko ye mbo, lotobeka lino mbo yomba mbo beke beke bakaongala haï, imbe batale batomama.⁴¹Ekambaka ye tna la boki, akamoila, la akalela loka lo- boki mbo, imba mbo ta ⁴²lisiyo lie okalukaka mbeko itoesa kimia; la kanikani bafoisama ta baiso bao.⁴³ Lka mbo ta basiyo batoya lao bayinani bao batokela likula lifi ta nyele, la bato lingilowe, la okandaka biseke bitotina; ⁴⁴ batokusowe sekala la bana bao aiteni, la baitotika ango litale limoi liokó li- litale lisiya, loka mbo oikaluaka lisiyo litoya la Mungu ambowe.⁴⁵ Akaota ta Tepelo la akaakola otomoisa baungisi. ⁴⁶ Akabeka libo mbo,isonomu mbo: Mbele ange etomba mbele ee basomboli, limo enu oselai amo eseke lo biba.⁴⁷Akambaka aiteni ee Tepelo basiyo batotina atoekisa, biange bifi, la bandiki, la biange be baito, bakambaka owa mbo bati ye. ⁴⁸ La baikaena fofe lamba batokela isai, loka baito batotina bakambaka batooka ye la yeme likama.

20¹Lisiyo limoi Yesu ambaka ta Tepelo atoekisa baito la lonangolo Mboli Itanu. Bakanbga bafi la Baandiki, la Baoolo ba boki, bakakoma ambe ye, ²La bakabeka linde mbo, beisekesu lamba otonangola mbeko ye ta boni bofoka, la,ba ndai akafowe bofoka wamo.³Akabinoisela bo bonokombo, Ei aleko lotofelenu lobeko lomoi, bekelekeni, ⁴Lilufi liya Yoani lifoywe la likolo lamba ta baito?⁵Bakabekamana bo angene mbo, yomba mbo tokaobeka mbo la likolo, ye kobeka liso mbo, loka loingi oikkaimilai ye? ⁶Yomba mbo tokaobeka mbo ta baito, baito batotina bo kobolesu babuki, loka baodila oimila mbo Yoani ambaka Bonangoli.⁷Bakabinoisa bonoko mbo, toiluwi lamba ifowe endei. ⁸Yesu akabeka libo mbo, ei aleko loitobeisenu lamba lotokela mbeko ye la boni bokota.⁹Yesu akakola obeka bombila we ta baito mbo, buto amoi alobaka Elanga lo miwiti la akafa yo ta bao ba Bakuwi, akaka lokendo loosa.¹⁰Tambile e touma akatoma Bokwa ambe ba Elanga bafe ye iniyo itouma to elanga. Ndjo bakuwi bakakutcha ye la bakabinoisa ye bao bule.¹¹Akatoma bokowa bosiya, bakauma aleko ye, bakamola ye, la bakabioisa ye bule. ¹²Lambisa akatoma bokowa bo asaso, bakaita ye bafuwa,la bakakusa ye lousa.¹³Ngene a elanga akabeka mbo, lokele ase ingi?Lototoma wanange bosamomu, lamba batolitisa ye. ¹⁴Ndjo bakuwi bakaena ye, bakabekamana mbo, ono ambe ngene bondanda, toitekei ye loka bondanda bombe wiso.¹⁵Bakakusa ye lousa lo Elanga, la bakaita ye. Ndjo Ngene a elanga lamo atokela bo ingi? ¹⁶Atoya la atoita bekowa biamo, la atofa elanga ta bao babuto asiya. Ekaokaka bo ongoma, bakabeka mbo, tinga ongoma!¹⁷Akamoila bo, la akabeka mbo, yeke ikaosila osonomo imbe la lini litina? Litale likafekomo la be batoshwa, yosila omba buto a liko. ¹⁸Ono atokpela ltale liamo atobuneya, yomba mbo itokpela oni buto, yokomiaka ye kee bouta.¹⁹Baandiki la Bakanga bafi bakalinga mbo bate ye bao ta mbile amo, ndjo bakabanga linginda; loka baluakambo abeke bombila wamo loka libo. ²⁰Bakamoila ye, la bakatoma Totombi beke balimbaka mbo bambe baito baito ba wewe, loka baunde lioi ta bonoko winde, loka bakese ye la bofoka ta bokota bo ngene awenda.²¹Bakaiyola ye mbo, Boekesi, toluwi mbo otobeka la otoekisa wewe, la oitoenyela lokuku lo buto, otonangola ndole eya Mungu wewe. ²²Iyengani liso olipa Kaisala lindjandja ao yeiyengani?²³Aakalembela weli wibo, la akabeka libo, ²⁴ Enisekeni denali. Imbe la bombo la bolendela boyandai? Bombo, boya Kaisala.²⁵Ndjo ye akabeka libo mbo, lipaka Kaisala biengo biya Kaisala, la iya Mungu biengo biya Mungu. ²⁶Kolaongoma baikaengana okanda bonoko winde ta baiso ba baito, ndjo bakamwala la limutoli linde, la bakangala hai.²⁷Bamoi ta Basdukai bakaya, ani batobeka mbo, lifufukomu lieti, labakaiyola ye mbo , ²⁸ Boekesi, Mose asonelesu mbo, yomba mbo nduku ao botolome akaongba, ono ambaka la boali, ndjo aiboti wana, ndjo nduku inde atosa boali amo loka abotele nduku inde bofindi.²⁹Kolaongoma bambaka banduku bosambaele, ono afelo akasonga botaali, akanbga ndoena wana; ³⁰Ono a baele, la ³¹Ono a basaso bakasonga ye, koongoma ta bo bosambale, baitiki bana, la bakangba. ³²Lambisa botaali aleko akangba. ³³Ndjo ta lisiyo li - lifufukomu, botaali amo atomba boali aya ndai ta ambe bo? Loka akambaka boali ibo bosambale.³⁴Yesu akabeka libo mbo, bana baene fetcho batosonga la batosongisana, ³⁵ Ndjo beke baengani okoma ta mbile amo la ta lifufujomu li bangbei batosonga, la baitosongolomo, ³⁶Lpka baimbo ngbale, bafoengana la Bakitomo; bambe bana ba lifufukomu, la bambe aleko bana baya Mungu.³⁷ Ndjo banbgei batofufuka, la Mose aenise aleko ongoma ta botuku bo isandu, elo etaka ye Ngene, Mungu aya Abalayama la Mungu a Yisaka la Mungu aya Yakobo. ³⁸ Aiti Mungu a bangbei, ndjo ,a baito ba liwawi, loka linde baito batotina bambe la liwawi.³⁹Bamoi ta Baandiki bakabinoisa bonoko mbo, Boekesi, obeka boolo. ⁴⁰Loka baitimbale la kanda, eofela ye lobeko ango lomoi.⁴¹Akabeka libo mbo, batobeka isani mbo Kilisito ambe wana aDawidi? ⁴²Loka Dawidi yeangene abeke ta loksa lo Boele mbo, Ngene aobeka la ngene ange mbo, ngalakase ta boo bolome wange. ⁴³Tikani etotei baiyani bao kee etelo lo bakolo bao. ⁴⁴Kolaongoma Dawidi ateye mbo, Ngene, ekomba aleko wana inde isani?⁴⁵Oko embaka baito batotina batobeka, akabeka la Baeki linde mbo, ⁴⁶Kebakai la Baandiki, beke batokendakenda la tulu isaisa, balangi ofomo kalibo ta baongo, la ongalase ta biseke bi lokuku katikati ii Bisongamelo la tchwenga; ⁴⁷La batoola bieka bi baatali be bakaonbgelo balome la basomboli basasa loka lo limbaka. Beke bambo sambisomoko tale.

21¹Yesu akaila baiso binde likolo la akaena bafoka batota bafaefi bibo ta lisele. ²Akaena aleko botaali amoi ono angbeloko bolome ono ataka ango bakute baele. ³La akabeka: Lotobeka lino, ta wewe mbo, ono botaali ibube aota koeta baito atotina; ⁴loka baese yeke ikambaka libo ibube ta lisele, ndjo ye ate yeke akambaka layo ii litina, itotina inde yeke ambaka lamo loka lo'louwelo.⁵Ani bamoi babekaka loka lo esondjamelo, la yeke imbaka la tongeli-ngembe ta batale balo biongo bitolomoko loka lo bafaefi, Yesu akabeka mbo: ⁶Ta basiyo batoya, ta yeke otoenai, yeitotikala ango litale likolo li litale lieke lieitofoyomo.⁷Bakafela ye mbo: Boekesi, eni mbile itokoma, la ingi itomba ndembe iyo mbeko? ⁸Yesu akabinoisa mbo: Moilakai kembo oiseselakai. Loka likama batoya la lina liange la batobeka mbo: Imbei, la mbile eomba tina. Oitutakai bo. ⁹Ta mbile oto'okai elundi lo bitumba la bayeye, oimbakai la bowa, loka yoko itoya koni felo. La yeitakamba liko.¹⁰La akabeka libo mbo: "Yese imoi itoemaela yese isiya, la bokota botoemaela bokota bosiya". ¹¹Itomba la lobilimo lofi lo wenda, la biseke likama, la semba la tofalala totoenena, mbeko ii tale itokelomo la ndembe ii tale itoenena ta lobola.¹²La felo ii itotina, batounde'nu, la bato'okise'nu wale. batokese'nu ta bisondjamelo, batokuse'nu ta bonyololo, batoka lino felo ii bekota, la felo ii bekota befi, loka lo lina liange. ¹³Yoko itofe'nu ndole ee libekelomu.¹⁴La mbakai la limeli kembo oitibekai enu'angene, ¹⁵loka lombofeke'nu bonoko bosiya la liwawi loka kembo baiyani bino batotina baimbo'engana oemaele'nu.¹⁶Otokesomoi ango la baise bino, banduku, kendisani la bangani, la baitoita likama ambe'nu. ¹⁷Otoiyanai la batotina, loka lo lina liange. ¹⁸La oitobungisai ango losowe lomoi lo bochwe wino; ¹⁹ta ndole ee bofilili wino otouwisai belimo bino.²⁰Ta mbile otoenai lingida li basola ta Yelusaleme, luwakai mbo liseisomu line liomba tina. ²¹Tikaka bangali ba Yudeya bakimbiye ta fongo. Beke batomba ta Yelusaleme batomowe mangu; beke batomba ta bilanga baitobinowa ta boki bofi. ²²Basiyo bo, batomba basiyo ba likuchi ta itotina yeke ikabeka tosiyo itoenganisomo.²³Ngandi, ta basiyo bamo, la bataali ba baeme la beke batomwesa bana! Loka itomba la ngandi ta boki, la lisomi loka lo baito. ²⁴Batopkase la lowelo lo kembe, batomba bakandomu ta yese itotina, la Yelusaleme itomatekelomo ta bakolo ba yese, tiii kani mbile ee yese etoengana.²⁵Itomba la ndembe ta lowa, ta bondofa la tolonge. La ta nyele, itomba la bowa ta befindi baimbo luwa ango batowa isai, ta iyeli ii libande. ²⁶Baito likama batongba loka lo bemusi bieke bitomba wenda bototina, loka bofoka bo likolo botokpase.²⁷La totena Wana a Buto atoya ta bose la bofoka la talaa efi. ²⁸Mbile etokoma yo mbeko, ilaka bochwe la mbakai la bofoka; loka lolikolomo lino lo'omba tina.²⁹Akabeka libo we bombila: Tene isandu ii loduke la tosandu tosiya. ³⁰Ta mbile etotomowa ngoto, otoluwai enu'angene, la loeno mbo mbile ee mbula efoakola. ³¹Kolaongoma, mbile etokoma ye mbeko, luwakai mbo bokota boya Mungu boomba tina.³²Lotobeise'nu ta wewe mbo, fetcho ene eitosila ango, ani yeke mbeko yeitaka koma. ³³Lobola la nyele itoeta baoi bange baimboeta ango.³⁴Kebakai enu angene loka betema bino beimbaka la bolito loka loetisela lili la limwi, la baenyeli ba liwawi, loka lisiyo liamo lieimbaka futuku; ³⁵loka itoya kee wengo ta bangali batotina ta bombo bo wenda.³⁶Moilakai la sembolakai mbile etotina, loka o'oshei bofowi ta yo mbeko imbokomaka, la loemalo felo iya Wana a Buto.³⁷Ta lisiyo, Yesu akaekisa aiteni ee mbele eya Mungu, la akaka okakpa ilo ta longo lokatomo mbo Longo lo Bilaya. ³⁸La baito batotina, nongo-nongo, batoka elo embe ye ta esodjamelo loka lo'oka ye.

22¹Ɛlambo lo bokati boiti la bote, ikatomo mbo Ɛlambo lo lieti, lokamba tina. ²Kanga ifi iya Mungu la basoni bakalinga kanda mbo baite Yesu; la'anibakambaka la bowa loka lo baito.³Kumbi Satana akaota ambe Yuda ono atomoko mbo Mokeliota, ambaka amoi ta liou la baele. ⁴Yuda akaokoma la kanga efi la bokota bee bachungi, ta baenyeli baoita ye.⁵Bakambaka ta liomali la bakaokana mbo bafe ye falanga. ⁶Akaimila, la akalinga kanda emoi mbo a'anele bo Yesu ta linginda li baito.⁷Lisiyo li bokati boiti la bote, oko imbaka mbo baite bokoko loka lo Ɛlambo lo lieti, likakoma, ⁸la Yesu akatoma Petelo la Yoani, akabeka mbo: Kakai okakomanyele'su bieka bi Ɛlambo lo lieti, loka mbo tole. ⁹Bakabeka linde: Olangi mbo tokomiye bio endei?¹⁰Akabinoisela bo mbo: Tene, ta mbile oto'otai ta boki bofi, oto'oshai buto amoi atoli baye ta bonyongo; tutakai ye ta ene mbele ato'ota, ¹¹la enu kobekai la ngene a mbele mbo: Ngene aobeka lao mbo: Loni eseke lombolaka Ɛlambo lo lieti la baeki bange?¹²La atoenise'nu mbele efi ee likolo, elo ndjo etokomiye'nu Ɛlambo lo lieti. ¹³BAkaka, la bakaosha mbeko ani abekelaka bo; la bakakomanya Ɛlambo lo lieti.¹⁴Ta mbile ekaya, bakangala ta mesa, la batomomu linde eseke lomoi. ¹⁵Akabeka libo mbo: Lombe la yeme iyola lee Ɛlambo lo lieti lino, felo mbo loene bomusi; ¹⁶loka, lotobeka lino, loimbola ale ango, kota kani itoenganisomo ta bokota boya Mungu.¹⁷La, akaosa kobo la akasembola licholomu, akabeka: Osakai ene kobo, anakai amo ambenu; ¹⁸loka, lotobeka lino mbo, loimbomwa'ale kowakola laboni yuma iye vinyo, tiii kani etoya bokota boya Mungu.¹⁹La mbisa akaosa bokati; akasembola licholomu, akabuna la akafa libo, akabeka: Yeke imbe bindo biange, bikafomo loka lino; kelakai ani loka loenyelisei. ²⁰Akaosa aleko kobo, mbisa ilikolase, la akafa bo, akabeka mbo: Kobo ene imbe liokani li kanikani ta ngelo yange, yeke ikautomose loka lino.²¹Enaka, boo boya ono atoungisei bombe lange eseke lomoi ta ene mesa. ²²Wana a Buto atoka ani embe ongoma. Ndjo ngandi la buto ono atokesa ye. ²³La baka'akola ofelana bo'angene ndai atokela ongoma!²⁴Ikamba aleko ambe baeki la fiye imoi: Ndai ambe bo aengani omba bofi? ²⁵Yesu akabeka libo mbo: Bekota be tchese batoinyamela bo, la beke batomba tolonge batomo baito balo.²⁶Oiwakai kee bo. Ono ambe bofi ambe'nu ambe kee ono bokikelike, la ono atokendisa ambe kee ono atokuwa. ²⁷Ndai ambe bofi, ono ambe ta mesa, lamba ono atokuwa? Oiluwi kembo ono ambe ta mesa? La imbe ei, ani embei aiteni lombe kee ono atokuwa.²⁸Enu, ombei beke bakamba la bofilili lange ta bemusi biange; ²⁹kolayamo lo'ota bokota loka lino, ani ekatika Ise ange, ³⁰loka mbo olei la omwei ta mesa ange ta bokota wange, la loka ongali aleko ta keka loka lo'osambisa befindi liou la biele bee Isalaele.³¹Ngene akabeka: Simona, Simona, Satana ambe la yeme lao, loka lokendisowe kee yuma ibakoke ta bonyongo. ³²Lotosombola loka lao, loka liimeli liao liei seisamaka; la owe, ta mbile otokikowa, owangemisa banduku bao.³³Ngene, Petelo akabeka linde mbo: Lombe kani mbo loke lao ta bonyololo lamba ta lingba. ³⁴La Yesu akabeka mbo: Petelo, lotobeka lao, koko eitota loko-loko ko laboni ani oitaka'anganyei mala isaso mbo loiluwi ye.³⁵Akabeka libo aleko mbo: Ani lotomeke'nu ndoena litanga, ndoena bilato, loni leka oenokoi? Toitieno leka, bakabinoisela ye. ³⁶La akabeka libo mbo: Kani kani, ono ambe la litanga, aoseke, ono ambe la etelo aoseke aleko, la ono aiti la bopanga, aungiseke tulu inde loka lo'osomba emoi.³⁷Loka, lotobeka lino, iyenga mbo lioi liye likasonomo lienganisomo ambei mbo: Atomo ta baito bobe. La yeke imoili ei imbe oko mbo ikome. ³⁸Bakabeka: Ngene, Tene, bepanga biele. Akabeka libo mbo: Yoko ifoengana.³⁹Mbisa iyotomowa, akaka, otutana la asili inde, ta Longo lo Bilaya, baeki binde bakatuta ye. ⁴⁰Ta mbile ekomaka ye ta eseke lamo, akabeka libi mbo: Sembolakai, loka oikpakaise ta lipimomu.⁴¹La akaseyamana libo ta esika lolisase liokusa, la, akasuluwa la baluwi, akasembola, ⁴²akabeka mbo: Afa, okaolanga loyelekei ene kobo! Tinga mbo lisangi liange likelomoko, kanga ndjo lisangi liao.⁴³La bokitomo amoi akaenamana linde loka lofaye bofoka. ⁴⁴Mbile embaka ye ta bowa bofi, akasembola likama, la tokoka chwinde tokamba kee bambimbilika ba ngelo, tokakpase ta nyele.⁴⁵Mbisa iyo-sembola, akaemala, la akaka ambe baeki, akaosha bo bambe ta ilo ii ngandi, ⁴⁶la akabeka libo mbo: Loka loingi ombei ta ilo? Emalakai la sembolakai, loka mbo oiyotakai ta lipimomu.⁴⁷Mbile ebekaka ye lisiya, tene linginda likaya; la ono aomoko Yudasi, amoi ta liou la baele, akambaka felo ii linginda. Akaya tina la Yesu, loka lo'oloma ye likeka. ⁴⁸La Yesu akabeka linde mbo: Yudasi, ta ndole ee kalibo ndjo otoungisa Wana a Buto.⁴⁹Beke bambaka linde, bakaena yeke ikomaka bakabeka: Ngene, tokpeteke bo bopanga? ⁵⁰La amoi ibo akakpeta bokowa bo kanga efi, la akatena ye litoi li boo bolome. ⁵¹La Yesu, akabeka libo: Tikakai, oiwakai! La, akaunda litoi li buto amo, akauwisa ye.⁵²Yesu akabeka la botolioso, la bekota be mbele ee Mungu, la bato'olo, beke bayaka oyaemaela ye mbo: O'oyai, kee ambe wiba, la bepanga, la tosandu. ⁵³Lokambaka basiyo batotina lino ta esondjamelo, la oikatakai boo wino ambei. Ndjo eke mbile ino, la bofoka bo balima.⁵⁴Mbisa iyounda Yesu, bakaka linde, la bakaotisa ye ta mbele ee bokumi bofi. Petelo atotuta la esika. ⁵⁵Baka ba'anisa litundulundu li imbe aiteni ii loya, la bakangala se. Petelo akangala aleko eseke lomoi libo.⁵⁶Bokuwi bomoi botaali, akaena ye angali se felo ii imbe, akamoila ye, la akabeka: Botolome ono akambaka aleko linde. ⁵⁷Aka'anganya ye, akabeka mbo: botaali, loi liwii ye. ⁵⁸Mbisa ionga, asiya, akaena ye, akabeka mbo: Ombe aleko ta bo baito. Petelo akabeka mbo: Botolome, loiti libo.⁵⁹Ikawa mbile emoi mbisa, asiya akabeka, mbo: Ta omongo botolome ono akambaka aleko linde, loka ambe buto a Galilaya. ⁶⁰Petelo akamutoela mbo: Botolome, loiluwi ango ani otobeka. Kota mbile amo, ani ebekaka ye, koko ekata loko-koloko.⁶¹Ngene, akabinowa, akamoila Petelo. La Petelo akaenyellisa lioi lieke Ngene abekelaka ye: Felo ii koko ota lokoloko laboni, otowanganyei mala isaso. ⁶²Ekatomowaka ye, akalela likama fafo.⁶³Baito beke baundaka Yesu bakaseola ye la bakauma ye. ⁶⁴Bakaufa ye bombo, la bakaiyola ye, bakabeka mbo: Nangolaka, ndai akaumo we. ⁶⁵Bakamola ye bimolo likama.⁶⁶Ta mbile bose bokaandja, linginda li bekota be baito, bekota, bekota befi, ba'andiki bakaoshamana eseke lomoi, la bakaaka la Yesu ta beimo bino befi. ⁶⁷Bakaiyola mbo: Yomba mbo ombe Kilisito, beiseke'su, Yesu akamutoela bo mbo: Lokaobeise'nu, oitoimilai; ⁶⁸la, lokafele'nu, oimbo binoisai.⁶⁹Kanikani, Wana a Buto atongala se ta boo bolome bo'ofoka boya Mungu. ⁷⁰Batotina bakabeka linde mbo: Ombe Wana a Mungu? La akamutoela bo mbo: O'obekai, lombe ye. ⁷¹Kola yamo bakabeka mbo: Tokombe ale la yeme ii libekolomu? Tofo'oka ye atobeka la bonoko winde angene.

23¹Lakama litotina libo bakaemala la bakaka linde ambe Pilato. ²Bakakola ositaka ye mbo, tofoanya buto ono atoseselisa bofindi wiso, la ofekila baito mbo bailipaka lindandja liya Kaisala, la obeka mbo ambe Kilisito, bokota.³Pilato akaiyola ye mbo, Owe ombe bokota bo Bayuda? Akabinoisela ye bonoko mbo ongoma. ⁴Pilato akabeka la Bakanga bafi la linginda li baito mbo, Loiyani lobeko ambe buto ono. ⁵Bo bakabeka likama mbo, Atotombokisa baito oekisa ta Yuda etotina, koakola ta Galilaya tii ko eke.⁶Ekaokaka Pilato alo, akaiyola lamba Yesu ambe buto a Galilaya. Ekakokaka ye mbo afowe ta bokota boya Elode, akatoma ye ambe Elode, ono ambaka ta Yelusaleme tambile amo.⁸Ekanaka Elode Yesu, akomala likama, loka akambaka la yeme iyoena ye mbile esa, loka akaokaka mbeko ta litna linde, la akambaka la yeme iyoena ikesa imoi okelomo ta bao binde. ⁹Akaiyola Yesu mbile esa, ndjo aikabinoisela lioi ango limoi. ¹⁰ Bakanga bafi la Baandiki bakaemala elo la bakasitaka ye likama.¹¹Elode la Basikani binde bakasetcha ye la bakaseola ye la bakabatisa ye tulu elo, la bakabinoisa ye ambe Pilato. ¹² Ta lisiyo liamo, Elode la Pilato bakangala eseke lomoi kee banduku, loka felo bambaka baiyani.¹³Pilato akatomanisa Bakanga bafi la Bangene ba baito, ¹⁴La akabeka libo mbo, osila ofei buto ono kee botomboki bo baito, lalosambisa ye felo ino, loiyani lobeko ango lomoi ambeye ta lisitiki lino.¹⁵ Elode aleko ongoma, loka aobinoisa ye eke ambesu lisiya. Ndoena lobeko ango lomoi lo lingba loitokelomo loka linde. ¹⁶Kolaongoma lotouma ango ye bofili. la lototika ye. ¹⁷Ikaenganaka linde otomoisa buto amoi loka libo ta mnbile e Elambo.¹⁸Bkamama likama kee buto amoi mbo, Itaka ye! ¹⁹ Ye Balaba ambaka ono akusomoko ta bonyololo loka lo lotomboko lotomoaka ta boki, la loito lo baito.²⁰Pilato akkat - bo lisiya loka ambaka la yeme iyotomoisa Yesu, ²¹Ndjo bakamama mbo, ta Lieka! Taliaka ye ta Lieka! ²²Ye akabeka libo mala eya saso mbo, Buto ono awe ase boni bobe? Loiyani lobeko ango lomoi loengani la lingba loka linde, ndjo lotouma ye bofili la lototomoisa ye.²³ Bakamaka la limiki likama obeka mbo, ataliomoko ta Lieka; la limami libo lietaka likama. ²⁴ Kolaongoma Pilato akatena mbo baose yeke bakalengila. ²⁵Akatomoisa buto ono ambaka ta bonyololo loka lo litomboki, la loito lo baito, ono balengilaka; la akafa Yesu loka lo yeme ibo.²⁶ Ekambaka- bo batoka linde, bakanya Simona, buto aKulene, ono ambaka atofowa ta bilanga, bakata Lieka linde atolé mbisa iya Yesu.²⁷Likama lifi li baito likambaka otuta ye, la bataali beke bakaumaka bokuku lo lelo ye, ²⁸la Yesu akamoila bataali akabeka: Bataalia ba Yelusaleme, oilelekeni, kola ongoma lelakai loka lino la bana bino aleko.²⁹Loka mbo ta basiyo batoya oko etobeka baito mbo: Limengo la baito baitaka bokota, la bataali baitakabota ta wenda, la beke baitaka mwesaka bana! ³⁰La mbisa bambo bekaka la fongo ififi mbo: Ukowaka lisoo! La tofofongo tokikelike mbo: Ufeke'su! ³¹Loka mbo kamba otokelai ndjaso yeke ta isandu iyesi, ini ase ndjaso itotomowa ta tosandu chweke to'omeli?³²Baito basiya baele, baito babe, bakaosa bo linde eseke lomoi loka baitomo.³³La oko ekomaka bo ta eseke lotomu yuwa ii bochwe, baka'umela ye ta lieka onga, la beke babe, amoi ta boo bolome, la asiya ta boo bo boali. ³⁴Yesu loko akabeka mbo: Afa, mesileka bo loka mbo bailuwi yeke itokela bo. Baka'ana tulu inde la lokuso tokpelo.³⁵Likama li baito baemalaka lomoilo la ani bekota bee Bayuda batoseka ye mbo: Auwisaka basiya, ongoma kamba ye ambe Kilisito aya Mungu, botchakolomu, auwiseke ye angene loko!³⁶Basola loko bakaseka ye, la akaya ambe la bakailela ye baana balikase la iboli, ³⁷la baka beka mbo: Kamba owe Bokota bo Bayuda, uwisomoko owe angene loko! ³⁸Lisonomu li lombao li likolo linde likasonomo mbo: ONO BOKOTA BO BAYUDA.³⁹Amoi a baito babe beke bakatomoko linde ta lieka akaiyola ye mbo: Tingowe ndjo Kilisito? Uwisomoko loko owe angene, la liso! ⁴⁰Kola ongoma ono moi akamamila ye mbo: Owe oito banga ango Mungu, eke embewe la lichanelo la bofono bomoi? ⁴¹La momongo esu toengani la mbeko ikakeleke'su; la ono eke aikeli lobeko ango lomoi lobe.⁴²Akabeka loko mbo: Yesu, oko embokomoko we ta vokota wao, enyelisekei. ⁴³Akabeka linde mbo: Lo'obeka lao wewe mbo, laboni otomba lange eseke lomoi aiteni ii paladizo.⁴⁴La alo imbaka koni tina tina ee mbile ee liambe, la litutu likaufa wenda kola mbile ee libwa, ⁴⁵lowa lokaka, la tulu efiefi ee mbele Mungu eka faama ngambo yele.⁴⁶Yesu akamama la limiki li bofoka mbo: Afa, lototika liwawi liange ta baoo bao. Esilaka ye lobeko ongoma, akangba. ⁴⁷Oko enaka bokota bo basola yeke itomoi, akainoisela Mungu kelekele mbo: La momongo buto ono ambe buto akosi bobe!⁴⁸Likama li baito batotina beke bangalaka eseke lomoi loka lo'omoila ndjaso yamo, bakaena ndjaso itomoi, la bakainowa ta boki la loumo bokuku wibo. ⁴⁹Baluwani la Yesu batotina, la bataali beke batutaka ye ta Galilaya, bakaemala esika la bakaena ndjaso.⁵⁰Botolome amoi akaya, lina linde Yosefu, buto a beimo, bolome bolo bo liengani. ⁵¹Ono aiti'imila lisangi li bakuwa bibo ye ambaka buto a Alimata, boki bomoi bo Bayuda, ono ambaka lomoilelo bokota boya Mungu.⁵²Ye akaka ambe Pilato lolengilo bindo biya Yesu. ⁵³Akauluwisa boliyo, la akaufaka bindo likulu la tulu efufu, la akata bio ta likemba libushomoko ta litale, elo buto ango amoi aititomo elo felo.⁵⁴Imbaka lisiyo li likomanyi li Sabata e'enganaka la lowa. ⁵⁵Bataali beke bakafowa ta Galilaya la Yesu ndole emoi, bakatuta, la bakaena mbila la kanda emoi boliyo winde botomu onga. ⁵⁶Bakainowa la bakakomanya bieka bi liesa, la malasi. Lisiyo li Sabata bakatchwa liena, kee ani ebekaka ekela.

24¹Ta Sabata bakangala se kanda ebekomoko baoi, la oko e'andjaka ningo loeneno ta lisiyo li yenga bakaya ta mbila, la bakaila bieka bi liesa bieke bikomanyaka bo. ²Baka'osha litale likaosila olikolamana ta boinda bo likemba, ³la bakaota elo munga, la ongoma baikaena boliyo boya Ngene Yesu.⁴Embaka bo loenyekelo ta litina li lobeko lamo, batolome baele baka'emala la tulu ii liangangi. ⁵Ongoma bataali bakamba la bowa likama, la baka'inya bembo bibo ta nyele. Batolome bamo baka beka libo mbo: Otolukai buto a liwawi ta bangbei loka lo ingi?⁶Aiti eke, la ongoma aofowa ta nyele. Enyelakai kanda ebekaka ye lino oko al ani embaka ye ta Galilaya, ⁷imbo iengani la Wana a Buto lofomo ta bao ba baito babe lo lolilisomo ta lieka ongoma ta lisiyo li basaso afowe ta nyele.⁸La bakaenyela baoi binde lisiya, ⁹ongoma bakafowa ta mbila loinowo ta boki, la bakabeisa ndjaso yamo ta baeki binde liou la amoi, la baito batotina. ¹⁰Bataali bamo imbaka Maliya Magadala; la Yoana, la Maliya inago aya Yakobo; bataali basiya libo eseke lomoi bakabeisa baeki binde ndjaso yamo.¹¹Ongoma ndjaso yeke iyenenaka libo kanda emoi lobeko-beko, la baofeka loimilo. ¹²Ongoma Petelo akaemala, la akaka mangu ta mbila. Akainyama, la akaena ango tulu ifufu yo angene. Akainowa la akamwala aiteni ii yamo ikatomowa.¹³Ta lisiyo liamo aleko, baele bibo bambaka aleko ta boki bosiya esika la Yelusaleme kilometele tuku liambe, lina li boki wamo Emauwa. ¹⁴Bakamba lotekelano mboli la litina li ndjaso yeke itotina ikaosila otomowa.¹⁵Embaka bo lotomboli la loiyolano, Yesu ye angene aleko akaya ambe bo, la akakenda libo ndole emoi; ¹⁶la baiso bibo bakafelomo mbo, bailuwaka ye.¹⁷Akabeka libo mbo: Ini ndjaso itote'nu mboli ta lokendo? Bakaemala la bembo be ngandi. ¹⁸Kola ongoma amoi ibo, lina linde Kelopoa, akabeka linde mbo: Kowe angene ombe boenda ta Yelusaleme, ono aluwi ndjaso yeke ikatomowa ta basiyo beke?¹⁹Akabeka libo mbo: Ini ndjaso? BO aleko bakabeka mbo: Ndjaso loka lo litina liya Yesu a Nasalete, ono ambaka bonangoli bo bofoka la bakuwa la baoi ta baiso baya Mungu la baito batotina. ²⁰Bakanga ifi la bekota biso ba'anyi ye loka lo litchanelo li lingba, la bakata ye la lieka.²¹Esu ndjo tombaka otela botema mbo ye buto akoluka ofoya Isalaele ta bobe. La loka lo loko la likolo liye itotina, la laboni imbe lisiyo libasaso mbisa ii ndjaso yeke.²²La ongoma bataali basiya aiteni iso baomwalise'su. Bakeli elo ta mbila nongo nongo aleko. ²³La baikaena boliyo winde, ongoma bakainowa la bakabeka mbo basiena lienesi li balikitomo beke bakabeka mbo ambe la liwawi. ²⁴Bamoi ta baito biso aleko bakeli elo ta mbila. Ba'oshi aleko kanda emoi la bataali bee bakeli, la ongoma loka loya Yesu, baka'osha ye.²⁵Ye akabeka libo mbo: Enu baito bakosi bieli! BAito baisami bakuwa ta bawawi aleko loimilo ndjaso itotina ikabeka banangoli! ²⁶Kilisito aikaengana koni oena bomusi ta mbeko itotina felo iyota ta talaa inde? ²⁷Ko'akola ta lokasa loya Mose la oetela ta ye ii benangoli, Yesu akabeisa bo ta tasiyo tototina.²⁸Ta mbilele bakomaka tina la boki weke batoka, akamba la yeme iyoka. ²⁹La felo akaunda bo likama akabeka libo: Tikalakai lange; tene, lisiyo lioka la likolase liomba tina. Akaota la mbele loka longala libo.³⁰Akangala ta mesa libo, akaosa bokati, mbisa iyoutchela, aka'ana la akafa libo. ³¹Baiso bibo bakalikolomo, la bakaluwa la onga, akalimowa felo ibo. ³²Bakabekana bamoi ta basiya mbo: Toiyoki kee imbɛ́ imoi ta botema wiso ta mbile atobekele'su ta ndole la atoenise'su tosiyo?³³Bakaemala kota mbile amo la bakabinowa ta Yelusaleme. Bakaosha bo liou la emoi bambe eseke lomoi la kendisani libo. ³⁴Bakabeka libo mbo: Ngene aofufuka omongo, la akaenena la Simona. ³⁵La baeki baele bakabeka aleko yeke ikaomelaka bo ta ndole la ani baluwaka Yesu ta mbile eyanaka ye bokati.³⁶Ta mbile batobekana bo'angene ongoma, Yesu ye'angeneakaemala aiteni ibo la akabeka libo mbo: Tikaka kimia embe lino! ³⁷Bakamba la bowa la lobilimo, otanga kembo bafoena bolimo bobe.³⁸Loka loingi ombei la baenyeli? Loka loingi betema bino bewali la fiye? ³⁹Moilakai bao bange la bakolo bange, la luwakai mbo imbe ei. Undekeni la moilakai! Loka bolimo boiti la bindo la yuwa. La otoenai la weli mbo lombe lawo. ⁴⁰Ebekelaka ye bo ongoma, akaenisa bo bao binde la bakolo binde.⁴¹Bakambaka la liomali lieke baikambaka ango la liimeli la bakatikala ta limwali. La akaiyola bo mbo: Ombei la leka lo'olaa? ⁴²Bakaenisa ye ekende lo suwe lofoambe. ⁴³Akaosa la akala ta baiso bibo.⁴⁴La akabeka libo: Tene ani lobekaka lino ani lombaka lino: "Iyengani oenganisomo itotina yeke isomomu ta ekela loya Mose, ta benangoli, la ta be'ele"⁴⁵La onga, akalikola bo weli loka baluwe tosiyo. ⁴⁶Akabeka libo mbo: Enakai, tosiyo totoekisa mbo Masiya atoena bomusi, atofufuka lisiyo liyasaso. ⁴⁷La batobekela loka linde befindi betotina, owakola ta Yelusaleme, baengani okikowa loka baosho limesilomu li bobe wibo.⁴⁸Ombei babekeli iyo mbeko. ⁴⁹Loka lange, lototoma kaniakni yeke Afa alakaka'enu. La enu eikalakai eke ta we boki bofi, kota ani otowalisomoi la bofoka bo likolo.⁵⁰La mbisa akatola bo lousa lo boki bofi tinatina la Betaniya la, akaila bao binde likolo, akautchela bo. ⁵¹Mbile autchelaka bo, akatika bo la akailomo ta lobola.⁵²Loka libo, mbisa iyokuwamela ye, bakabinowa ta Yelusaleme, ani botema bowali la liomali. ⁵³La bakaoshamana ta mbile amo ta aiteni ii esondjamelo ani batosimola Mungu.

Lombo: Bible for Luka

Formatted for Translators

Luka