Loloda: Bible for 2 John, 2 Thessalonians, 3 John, Jude, Philemon, Titus

Formatted for Translators

©2022 Wycliffe Associates
Released under a Creative Commons Attribution-ShareAlike 4.0 International License.
Bible Text: The English Unlocked Literal Bible (ULB)
©2017 Wycliffe Associates
Available at https://bibleineverylanguage.org/translations
The English Unlocked Literal Bible is based on the unfoldingWord® Literal Text, CC BY-SA 4.0. The original work of the unfoldingWord® Literal Text is available at https://unfoldingword.bible/ult/.
The ULB is licensed under the Creative Commons Attribution-ShareAlike 4.0 International License.
Notes: English ULB Translation Notes
©2017 Wycliffe Associates
Available at https://bibleineverylanguage.org/translations
The English ULB Translation Notes is based on the unfoldingWord translationNotes, under CC BY-SA 4.0. The original unfoldingWord work is available at https://unfoldingword.bible/utn.
The ULB Notes is licensed under the Creative Commons Attribution-ShareAlike 4.0 International License.
To view a copy of the CC BY-SA 4.0 license visit http://creativecommons.org/licenses/by-sa/4.0/
Below is a human-readable summary of (and not a substitute for) the license.
You are free to:
The licensor cannot revoke these freedoms as long as you follow the license terms.
Under the following conditions:
Notices:
You do not have to comply with the license for elements of the material in the public domain or where your use is permitted by an applicable exception or limitation.
No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.

2 Thessalonians

Chapter 1Tabea kejamaat bendar Tesalonika

1Tabea paulus ino, siliwanus, detimotius, jamaat tesalonika ajiama daku sorogaka, demajou yesus kristus. 2cocatu dedamai sejahtera kengini na Ama daku sorogaka,dema jou yesus kristus.3Harus salalu wa bersukur majou ika ke ngini,Riaka nongoru,de harus komage. sababu ani iman ima dadi de ingoa de kasih yang nya make ino moi de moi terhadap ani sesama inasongo ilamoko.4oleh sababu mage,ngomi mi bicara de womaie maruku ngini jemaat-jemaat majou lata ALLAH ai bionoka karna ai kuasa de ani iman dadiira de kangela ma dongirabaka yang make.TENTANG PENGHAKIMAN ALLAH5Mane adalah bukti penghakiman toigogongu majou lata Allah ino,bahwa ngini inibi anggap layak niosama majou lata Allah ai kerajaan ika karna ngini talalu ni kangela.6Sababu igogongu majou ika ojasi gilioro ke ino ika yang inibisi kangela 7deonibiike sanangi ngini yang inibisikangela dengomi ino oli,meoras majou ai kuasa madojaka uku isosaraka,8de Aakana osigilioro ke ona ika yang joholuku inako majou lata Allah dejoholuku jomateke na jou yesus Ai dodotoko.9Ona jamake susah sigado gadonika,kai Kakuru demajou de to una ai mulia de dodagi 10Mamoyoka una osuwutu isi mulia di antara nyawa-nyawa kudus somage isiarene ingodumu nyawa jo ngaku sebab mage kesaksian ngomi jongaku.11somanena ngomi salalu mi sambayang ngo naika,somage ma jou ona anggap jaloloa de Aiggajoko ATonomo una da omage akana jaloloa de Ai manarama iman de ai kuasa.
Chapter 2Mangagogado Nyawa MA doro

1Oras mane to una aigogado de majou gi kirimoi oras jorimoi de ngone ina ngo domu de ona jogoloko de riaka nongoru. 2Ngini uwa itaiti ni temo ai singia,uwa no ma susa no isene to ona ay oras osuwutu guruimi itetebinino.3uwa ninongorika matengo isisusa de okia mangale ange manena isuwutu kuasa dorou nyawa mangasingia ngona ngowaka . 4ilawan imakurutie ijangodumu josuba njawa de jajie gogere de ayama daku sorogaka isidumutu mangaroese ke majoika.5Nisingia ngini,ngoji Yohanes tosidemo kenginika 6ngini nisiodaka oia icoho una sigadono orasmamanena una done omasi dumutu.7Sababu dorou jomau jomanarama,una ositingaka8Maduru nyawa madorou mage imasidumutu una,done ojatoma ,mangagomasa mangauruoka una osuwutu.9nyawa madorou imatero demanarama tokata,de isemoteke rupa-rupa kuasa de nonako-nonako iyofiuwa.10Ingodumu jo babalifuta de singia jatorou ona jobinasa makarana ona itila,deidora,dejosalamat.11De makarana mage,majou lahataalah osiokoto bahaya onaika ,sigadongo jongaku ke jokukulaika .12Sigadono ona ijangodumu jamake hukuman enagena ona jongakua aidodotoko de ona jomorene kederoika .13Riaka nongoru de to una ai dora ngomi miatede miasukur kemajou madutu ie mangale ngone ai ngoa-ngoaka ona paliharaka ,sababu majou madutu oni iriki ngini manonoumaika salamat mage masihino de ngomasa atau guruminino ijitetebinino14untuk mage majou madutu oni biajoko ngini de touna aidodotoko kenginika osidemoka ngone uamake to una ai kuasa masisiata .15ino riaka nogoru siap womayoko demasicoho ai dodotoko ina sidotokoka ngona ino jaloloa demo-demo debejejongo.16oras manena majou madutu de majou gikirimoi mangadora ina ikeloloa sigagado-gadi nika.17woja sibuturungu mangasingia madojaka,ma nga manarama de mangademo jaloloa.
Chapter 3Paulus aigagajoko sambayang

1Riaka nogoru sambayang kengomino nako Majou ai demo itaiti iaisimorene maruka idadi kainginioka.2Dela ngomi imipidili nyawa-nyawa yokakajamu de yoruruta ino.karena angodumua mamaiman meiya.3Yesus manege osatia unadone ini sibuturungudeoni bigogomo iruruta ino.4Ngomi mia pake ngangaku mayo ino mangale ngini niaakana okia pareta ngomino.5Kolaika ma yesusu isidumutu niasingia kemayou madudutu ika watahan kemakristus ika.Riaka nongoru,manena minisiademo ke nginika, Majou ro mangaka, yesus kristus ,supaya nimasitingaka nariaka nongoru ino yang yopopamalas de imakadaenua dedodotoko yang nadodotoko ngini terima ngomino.7ngini sandiri nisiodaka sokonoke ngini niaturu musti nimituru ngomi sababu ngomi mipamalakauwa ngomi minimoteke.8Ngomilah mia oyomo masomoa mainomo nako mifanguikauwa, ikilioroli, ngomi miusaha de mimanarama igogong ange denaru langini uwa nimakana niyasisusa kenyawaika.9tomanege ngomi mikanua to ona mamahak malabang miaike tongomi miaroese masiretene idadi contoh moi kengeniuku dengini nia moteke.10ngomi kawo makokomotekekesiloh, ngomi miaike pareta ini nako sonyawa yoholuku yo manarama ,uaojomo.11Sababu, ngomi miisene magenaga amurunaga ini bimoteke ona yosahu de hal-hal manguna meija.12Nyawa sokamanege ngomi miyapareta de ngomi miyaike mangale de yesus kristus ai romanga de ni mnarama niyanouku de niaoyomo tongini niaroti13Sadangkan ngini, riaka nongoru,uwa inibinomoyo niakana yaloloa.14nakoso nyawa yotaat kauwa okia misidemo surat madoyaka manena,nyawa sokamanege niyaike nonako deuwa nimakoko moteke deona menege supaya una manege imajeke.15Deuwa nijaakana ke nia musuh,tatapi niyatawanono maruka nianongoru.16Majou ai da mai de sananga kalaha ani beke damai kaitaurika de sagala kan dadi Majou ani bimoteke ngini ingonauru.17ngoji paulus,talefo aji tabea manena de tongoji aji giama masiretene maruka ka aji surat madutu,soko manegelah ngoji ta lefo.18cocatu Majou ino,de ma yesus kristus, oni bimoteke ngini inibingodumu.

Titus

Chapter 1Tabea kema Titusika

1Paulus sino, ngoji manena ma Jou Madutu dema Kristus Yesus ai susuloko, labari mamaiman ifero nyawa-nyawa salaku ma Jou madutu ai ngingiriki de janako ibobanari la ijatuda ke jaloloaika. 2Supaya ona jamake ngonganono de ango ikokakali, de jaji manege dunia lo idadi wasi de jokulaiua. 3Maorasi imasiadono, ma Jou Madutu osi sapolo ai demo de ai pareta salaku tongone na juruselamati.4Ngoji talefo surati kengonaika Titus, mangale ngona manege igogoungu maruka tongoji aji ngowaka, cocatu de damai ma Jou Madutuino, mia ama, de Yesus Kristus mia Jurusalamati. Titus ai manarama ojairiki jamaati mabalusu dokama Keretaka. 5Karana tomanenalah ngoji tinimaja dokama Keretaka, la deaje ngini nisisoboloto okia jaaturu de ijagoraka jamaat mabalu-balusu dokama bendarioka toimatitingakika, maruka kangoji tobejejongo ngona ika.6Una harusu ua omasidodorouku, mamawejeka kamoi, mamangowaka bulasu jongaku, mamaango bulasu itiahi, de ua jopopoloi. 7Sababu odadi, jamaat mabalusu, ua akana dorou, mangale una manege ma Jou Madutu ai leleaini, ua imalohi, ua ijatabadojata, ua ijadadaluku, ua jo popoloi, de ua ija totokana de ononu untung.8Ikilioro jakaino, salingofu ona wojasingosama wolaino, womagae tojaloloa, isiodaka isinonu maakali, adil, itetebini mamaango, de isiodaka mamaroese jojaga. 9Una bulasu omasigocoho japuturungu demo-demo ika de jongaku, de okia dodotoko mademo ika, sahingga ijaike mangale de jamoteke dodotoko isesehati, de ona ijatawanono jotabacacapuaika.10Sababu, nyawa kaijangoe ona jo popoloi, de kajososomoa, de jotitipu, de ona manege mama asali sunat maaturan ja momoteke. 11Ona paralu mama uru isikatamunuku mangale ona isi susa mama keluarga ijangodumu de dodotoko ijasi dotokua, mangale ijagakana ona ijamajeke.12Omatengo manege omasiromanga nabi, de una otemo, bari Kereta nia nyawa ijatotagarongo, maruka ka binatang iruruta, de jatotokana de ipopamalas. 13Carita manege igogoungu, sababu manege, bulasu nijatawanono nimapoputurungu supaya isehat toona mama iman.14Ua ni isene carita igogonguwa Yahudi mamanyawa ino de toona mamapareta bari jatarimauwa ibobanari.15Nako sojaloloa, ingodumu jaloloa, de nagongo jofafaja de jongakuikauwa, kamoilo jaloloa meia, mamapikiranioka de mamasinyiaka, tomanegelah jatotorou. 16Ona imangaku ma Jou Madutu inako, tapi de toona mamaparabuatang kaimasipongono ma Jou Madutuika, ona manege imaporosono, jotaatikauwa, de ona joholuku jakana okia to jaloloa.
Chapter 2Dodotoko Ibobanari

1Done tanu ngini ni jasidemo okia toi ofi de dodoko toi sesehat. 2Naoriaka ngogoru ngona woriaka musti womakesabar lainatede de inatedeie lahuntuk naroese, de kawosasanang de na iman madojaka de nasabar.3Ngini ngowejeka-wejeka niririaka nisidumutu matabea tolafiua nyawa wojasidemo bolo woudomo anggur enagena wojadotoko okia toiofi. 4Somage onaisidemo kengowejeka-wejeka supaya nijahoromati rokatahoromati ngowaka-ngowaka. 5Naroese wojaga, de waurus na rumah tangga de anisinyia maloa de nosubah ani rokatika lah dodotoko ma Jou ua wibalifuta.6Komageoli wojasidemo kenyawa yang nonongoruoka supaya ya jamake momaroese isiodaka jamake. 7Ingodumu mage idadi aniroesoka teladan iyofi. supaya nosidumutu ani jujuru de ani horomati. 8Ani demo igogong yang ikulaiua sigadono nalawan ijamajeke sababu jamakeua demo hal yang jatorou ngoneino.9Gilalongo-gilalongo ngone womaruku nabalusika, sigado-gadonika lahjarasa ijangodumu de jocapuaua. 10Ua wototojiki lah wosidumutu, lah ngone wamake ngangaku sigado-gadonika, lah japuji dodotoko ma Jou gikirimoi.11Sababu, ngone ino ma Jou aao salamatika idadioka ngone ino. 12Soona ikeoka, watila okia yang madorou; bolo nyafisu dunia, sigadono ngone wamakeango inakuasa naango, tetebini oras manena. 13Maorasi manena ngone wodama ngonganono de barakati, manegelah ai gogadono ma Jou Madutu ino, de na Jurusalamati, Yesus Kristus.14Una aikeoka ai roese ngone ino bari atuhsu tongone naparabuhatan totorou, bari isitiodo to una Ai roese, umati moi Una aingingiriki yang giat manarama to jaloloa15Wojadotoko ingodumu lah de wojasi demo de, demo deingodumu; ua demena nyawa yang inna sitiwawouku.
Chapter 3Nanga hidup harus jaloloa

1paulus onasidemo, ngone musti wojaga gisene nanga pemerintah wojagisene yang okia jaakana. 2Ua oja sidedemo, uwa wo capua musti nangasinyia imehe kenyawaika.3Sababu ngone wosiodakua, wongakua wodomoteke ua nangamau, odomoteke nangasinyia maruta de wotomou.4Duru sababu MaJou gikirimoi ai sinyia maloloa jadi ngone onasayang, MaJou onaike 5Ngone nangaloloa mangale una aisinyia jaloloa unaike salamat, unaike sasayang onasiojoki waktu ohlahir deRoh itetebini6Majou gikirimoi outi sebagai Juruselamat 7Sababu Majou onasayang jadi ngone womasinganono dedeuna dewamake nanga hidup madodogumu8Bicara manena igogoungu, jadi ngone musti wamoteke dewongaku Majou ika dewosabar wodama nyawaka.9Duru watingaka usul asal detomou yang wosiodakua done maguna meia deparacuma hukum taurat. 10sababu done keinasidorou nanga dongomu jaloloa mamoi atau masinoto omasiresene barang yang jatorou. 11Sebab ngone wosiodaka nako wojadomoteke ngone wasala dedosa madojaka.Aji dodotoko madodogumu deaji tabea12ngoji tisuloko artena bolo tikikus ngona saling ngofu nomausaha notagi kenikopolis, done ngoji tosidemoka tomanoa sigadono ajioras jaadono 13Deaji buturungu done tiriwo senas, una balusu apolos uwa sigadono mangaodagi madojaka done ona jamakeua susah.14Ngone nyawa womadotoko wosabar nanga leleanika yang jaloloa sigadono nanga kurang done jaloloa wamake.15Ngone inangodumu womakomoteke wosiadono nanga tabea sigadono nanga tabea onaika yang oja sayang denanga ngaku Majou aianugrah dengone inangodumu.

Philemon

Chapter 1Pilemon pasage moi tabea de filemon.

1Tabea da paulusu maruka nyawa omtenggo buioka mangale majou yesus kristus, desababu timotius, riaka nongoru iman moingone, defilemon, nangga dodiawo majelisi dengomi mini dora ini ngodumu. 2Dekomage lo ngona Aplian, nanga birangga, komagelo ngona Arkipus,nanga dodiawo do dagi mai ngone dengini jamaat nigabeti nia wolaka inigodumu. 3Anugra dedora ngonauku, demasihino demajou lata ALLAH dema jou yesus kristus.Wogajoko sukuru iman majou oka defilemon aidora.4Ngoji itaurika toma sigajoko ajisukuru kemajou madutu enanege majou lata ALLAH daku sorga aka, mamoi oka detinisinjia ngini maruka aji sambayang madojaka. 5Sababu ngoji toisene maruka iman dedora ngini nia make dejou yesus dengone inagodumu nyawa itetebini.6 Ngoji tomasigajoko supaya dodongomu itetebini deani iman imadadi iofi untukku dodotoko done kehal jaloloa ika demakristus.7Ngoji tomorene detosanang sababu anidora tongona tosisapolo ngini ika riaka nongoru nia sinia itetebini de irorasai.Pulusu keone simus.8 Sababu tosiodaka aji ngongaku demakristus,aisusuloko okia done aje niakana imadadi nia manarama. 9Sababu maruka dora, ifoloi jaloloa nakoso ngoji togajoko ngona ika,ngoji paulus ijipereki oka, demanena imadadi nyawa deiji sibui sababu yesus kristus.10Noji togajoko ajingoaka onesimus,nako ngoji tamake madekana bui ma dojaka. 11ijojoma ijibaraguna ua kengona ika tatapo manena kai ofi kengini dengoji .12 ngoji tosuloko una, aji ngowaka, noma kilioro kengoji ino. 13Tanu aji siniaka ngoji tinitumungu lanogogere dengoji, sababu una akunu oni tagali aji leleani ngoji aji dekana bui oka sababu injil.14 Duru womasikedemo ua de ngoji tohuluku taakana okia naga supaya jaloloa mage ngini nia akana nako idadiua niakana denisidogunaja ika sababu omagae. 15 Tataka siri aisinyia onesimus omau ojisitingaka dari una tilahi ange moi, sinoto supaya ngini nitarima ali iturus ika,16 uamaruka yongos,done ifoloi demage sababu maruka riaka nogoru womakodora uatilahi kengoji tapi ifoloi kengona, jaloa maruka aji roese deajilakeme komagelo de majou Yesus.17Nako ngini nisiodaka ngoji niadodiawo manaramamui,nitarima onesimus maruka kangini oli niji tarima ngoji 18Nako souna akanaka dorou kengini ika okia deokianaga kengini ika, mage singofu nia fanggu ngini denosidemo ungoji ino 19Ngoji paulusu, talefo manena deaji giama ngoji done aje tatusu. 20Hei aji nogoru, akunu ngone demajou ngoji tamake jaloloa ngonaino kai ofi denosiputurunggu aji sinyia uku majou madojaka.21Karana ajingonanono de aji gogisene aje tosidumutu ngoji talevo surat kengona ika, sababu ngoji tininako ngini tosiodaka niaakana de ifoloi ngoji togajoko. 22Madewi-dewi aje nosi mana ika kamar tilahi ngoji karana ngoji tonganono nia sambayang ngoji done iji pake oli kengini ika.Tabea madodogumu.23 Epafras, aji dodiawo bui moy dalam Yesus Kristus tosiokoto aji tabea tilahi ngona.24 Komangelo maruka markus, ARIS tarkus, Demas, Delukas aji dodiawo dodagi moi.25 pahala de majou Yesus Kristus, kalaha ina diawo deguruminggi itetebini.

2 John

Chapter 1

1Ma penatua, de oja tumutu mangangina de ami ngoa ngoaka, nako ija dora dodotoko itete bini, marabaka, kangojiua, tatapu ina ngodumu wosiodaka dodotoko itetebini. 2karana dodotoko itetebini igogere ngone oka ina ngodumu iteka tekanoka. 3Anugerah, dora masarta de morene de Majou lata Allah, de ai ngoaka Tuhan Yesus Kristus ina moteke dodotoko jaloloa madojakaNa nga ango de Majou ai susuloko4Ngoji tomorene Mangale to siodaka to ngona ani ngoaka manga ango jamoteke majou ai susuloko yang wajie, 5 oras mane togoloko ngonaika, ina, idadiua nalefo susuloko jaloloa sababu susuloko manonomaika wosiodaka de wo makodora,. 6manena nanga dora, nanga ango ina ngodumu, namoteke Majou ai susuloko, manena ai susuloko wosiodaka nege-negei nosi nanga ango madojaka.7mangale nyawa jo babalifuta jo suwutu ona jo ngakua Yesus Kristus okaino oma dadi maruka nyawa. ona manege jo babalifuta de Majou inakoua. 8Ngini mi mahetiari la uaiijinga okia yang idadioka supaya nia jie ma sewa ingodumu9Ngone nyawa tagide de wusupu daje wosamua majou ai dodotoko madojaka manege ngone nane Majou ai ngawakua, tatapu nyawa manuka jo manoa ai dodotoko madojaka ona mane. Majou ai ngoaka. 10Nako de nyawa ja kaino ngona ino de jaaoua dodotoko mane, ua la noja tarima de ua jo osama de ua jo tabea. 11sababu nago ngomoi jajie manarama jatotorou una manege ai bobula aakana ja torou madojakaTabea Madodogumu12Hali mangoe nakowalefo keunaika, tatapu ngoji toholuku toakana de kartasi de tinta. Ngoji tonganono nakaino de nosidemo womakadalarino lamasimorene de mena ngone oka. 13Ngoa-ngoaka de bira-biranga nako ina tumutu woosidemo tabea unaika.

3 John

Chapter 1Tabea de siarene ke Gayus

1Mapenatua ino ke Gayus tidodora, tidora igogoungu. 2Nongoru tonidora, ngoji togoloko kalaha ngini kainibiloloa kalaha ngini niaroese kaipoputurungu, maruka de ka nia jiwa. 3Sababu ngoji tomorene oras riaka- nongoru niakaino nisidemo niagogoungu, konoke ange manena neango igogoungu madojaka. 4Ngoji tomorene ifoloi waktu toisene aji ngowa-ngowaka nitagi igogoungu madojaka.5Nongoru toni dora, ngini nialeleani de niadangaro ingodumu nia manarama ke nariaka- nongoruika, ngaro ona nyawa masomoa. 6Ona isidemoka tongini nia dora jamaat mamabionoka. Ngini done niaakana jaloloa nakoso nijariwo ona jadowama nia dodagi imakadaene ke Ma Jouika.
8Sababu manege ngini muse nijariwo nyawa-nyawa maruka ona supaya ngone idadi mamadodiawo leleani-leleani igogongu.Diotrefes de Demitrius9 Ngoji talefoka surati ke jamaat, duru Diotrefes, omagae osidumutu ailohi onaika, ngomi omingakua. 10Sababu manege, nakoso ngoji tosuwutu, ngoji done to sidemo ai tabiat, romanga ma dorou omigakana de demo-demo jatotorou! kamageua, unalo oholuku ojatarimaua riaka-nongoru josuwutu de ojasimahaua ona ijatatarima riaka-nongoru manege de ojasitingaka jamatino.11Ajidodiawo tonidora, ua namoteke jatotorou tatapi jaloloa. Nyawa yang jakana jaloloa manege Majou ino, tatapi nyawa yang jakana jatotorou, ona ilegawasi Majou. 12Nyawa ijangodumu isidemo jaloloa mangale Demitrius, de igogongu osidemo komage. Ngomilo misidemo, de nginilo nisiodaka mia demo igogongu.Tabea madodogumu13Hal kaingoe ngoji talefo kengonaika, duru ngoji talefoua ngonaika pena de tinta. 14Ngoji tonganono womakamake itaiti de ngona womakisidemo biono de biono. 15Sanangi de loloa kengona. Dodiawo-dodiawo maneoka misiokoto tabea kengonaika. Nosiadono mia tabea ke nariaka-nongoruika dokamaka.

Jude

Chapter 1Ai Tabea Onagugu Yudas

1Onagugu Yudas, ai leleani Yesus Kristus " de ai nogoru Yakobus, nyawa ija ngongoe mamege oja iriki de oja dora ama doku sorogaka, manege de ojato ngomu ma Yesus Kristus. 2Tanu ani dora, de magae de dora igogoe ngomi uku.Ama Daku Sorogaka Oja Sekangela Nyawa Ja Akana Dorou3 Riaka nongoru tini dora, ngoji tomariwo mage tolevo nginika osolamati ngone inagodumu ngoji tomau tolevo nginika de golokolah ngini nimariwo ingogongu nagaku detosia dono mamoi ikakali manege nyawa-nyawa jotetebini. 4Sababu, nyawa-nyawa manege joururu imasiodakua, kanege inokasih ijasitatapua oka ijasika ngela, nyawa-nyawa jo ngakua de dorou joakana anugera Allah kita dejamolo ijapunusoka de jatarimaua moi-moi mapareta de jou gikirimoi.5Ngoji tinisidemo ngaro nianakoka ingodumu , de Majou oja sisalamati okade oja sisupu nyawa-nyawa Mesir matonakinoa, aje domaha maduru Majou ojamo malo ona jo ngangakua. 6De malaekat-malaekat de jamotekua ma ealangi pareta ona, manege jamaja to ona ma mangi, de Majou ojapilikuroka de rante ipupuli okia gamamu madojaka kajeisamamataka ke doroika siggadono ange ilalamokika.7Maruka ka Sodom de Gomora. 8Marupa magelah nyawa-nyawa manena, jasuba to ona ma madoguruga ja faja to ona mamamroese, isimahua mapareta, de jojotorou de morene.9Mikhael mage, malaekat, mabalusu mage ima kangamo de ibilisi mage mayat Musa* jobarani ua jobicara demo-demo madorou keunaika, mage otemo, " Domaha Majou ojangamo ! ". 10Marupa manena, mangale nyawa jobabalifuta dorou ja akana okia ja akana janako ua okia ja akana ka ona janako mamasigia madojaka, maruka kahaewani ma akal meia marupa manenenalah ona jobiauru. 11Bahaya ona ! dejamoteke ngekomo de atagi Kain de iniki itotokana jatotorou akana Beleam de o sotumu mage ongamo maruka Korah.12Ona e maruka gorahe maraba joperjamuan kasihmu, de jadahake ja ojomo inono imakokomoteke-duru ijamodongua, jokalesang ua roeseimatengo, ona ua maruka lobidemeia mabesaka, de wuwulu ja ao isikaika isikaino. Ena maruka gogahu de ua isowoku ma orasi de, isonege sinoto kali i waosigadono mangutuku. 13Ona maruka momoku teongoka de jatotata, dekajeijarisoka tolegaika ona omatega. Ona maruka haewani-haewani de kajeingo ngosama, de ona gamamu de kangela demenaka sigado-gadonika.14Una manena onang Henokh, ai dodadi kemattumudigi Adam, osidemo, " nimalega, Majou oswutu imakokomoteke dema cala-calana nyawa jososalamati; 15Isi dagi mangekomo bari ijahakimi kengone inangodumu; de ijahukum ngone nyawa-nyawa ino wouru mage inangodumu woruruta de ona jaakana mage ai cara de airuta mage osidemoka ngona nyawa jododosa de joruta ke Majou ika. 16Onamage nyawa-nyawa de jomagae gurubungu, janononu kesalahan dejamoteke nyafisu ona imatengo; ona mamauru ilamoko, de ojawiwisi nyawa masemoa omau amake ifoloi osidemo de mangale.Osidemo de Mangale17Riaka nongoru detini dora, ngini salingofu nisingia okia isidemoka rasul-rasul *, Tuhan ngone Yesus Kristus. 18Ona isidemoka ngoneino," done maduru, dimena jouru demanege jamoteke to ona mamanyafisu joruruta". 19Ona mage nyawa-nyawa de japuji de ja aakana dorou, jemotiki nyafisu to dunia, de jaholuku ngomasa itetebini.20Manege, ngini, riaka nongoru detini dora namomiki aniroese ngangaku majokie oka de itetebini de nisembayang roese itetebini madojaka*. 21Napareta ino nia roese madojaka kasih Allah sowodama kasih rahmat Tuhan ngone, Yesus Kristus de ona sidumutu ngone ango sigadonika.22Nia make loloa nia singiaka mage de ona kahima sosingia. 23Nijasisalamatilah nyawa masomoa de nijaorauku o kah!. Manuka ika, najiselega nidora de jamalo ija modongo deaini duhuduk mamakapili de jafaja hawanafsu dunia.Momorene Majou Ika24Keuna, de aipareta ona sisao ua ituere de osisuutu ua wolungu ai bionika de momorene de momorene ilamoko. 25Moi demoi Allah, najuru salamati, ngone, mangale Kristus Yesus, Tuhan ngone, kemuliaan,keagungan,buruturungu, de ai paret itogumua; neokasi, angemanena, sigado-gadonika. Amin*.