Bible

2 Pita

1¹Saimoi Pita e dua a bobula ka i Apositolo i Jisu Karisito, ki vei ira ra ciqoma a talei ni vkabauta, me vaka a wetou ciqoma a vakabauta i na i volavola dodonu ni weta Kalou kei na i vakabula ko Jisu Karisito. ²Me vakalevutoki a loloma kei na vakacegu i na i vakarau ni ona kilai a Kalou ko Jisu a weta turaga.³Ina ona kaukauwa va Kalou, a meca taucoko ni bula kei no bula vakalou e soli kina vei keta ena vukuna ka kacivi keto ina ona lagilagi kei na on a dokai. ⁴Ena vuku ni veimecci iei e solia kina vei keta a yalayala e malie ka rewaicake me rawa kina ni keta wasei talega kina ena meca vakalou, ka atuba laivi mai na veiwetei ni vuravurei ka vu mai na gagadre ca.⁵Ena vuku ni meca iei saga sara mo ko tomana a omu vakabauta ina valavala vinaka, ka tomana ai valavala vinaka ena vuku. ⁶Tomana a vuki ina i valavala malua, a i valavala i na vosota, a vosota tomana i na valavala vakalou, a i valavala vakalou tomana ina veilomonivaka veitacini kei na veilomani vakaveitacini tomana in a loloma. ⁷Xxx⁸Kevaka sa na tu i lomamu a veimeca i ei, ka na bula vei iko, era na maroroi iko mai na omu lala se tawa vua a ona kilo a weta Turaga ko Jisu Karisito. ⁹Ia ko koya sa sega bau vei ko koya a meca iei ena vakadjiova toka ga ena tawa boka, ni na tawa ligoca ni ko koya sa vakasavasavataki oji mai, a ona i valavala ca.¹⁰Ko i koya o na ma iei, taciqu, valata sara a omu vinaka kina kaci kei na djigidjigi donu, baleta kevaka ko valata a meca iei, ko na tawa caroba. ¹¹I na wakolo iei e na vakarautaki vakayauyau vei iko a katuba kina matanitu tawamudu ni weta turaga kei na i vakabula ko Jisu Karisito.¹²Ko i koya ma iei au no dau tu vakarau tu meu na vakananumi iko ena veimeca taucoko ga, veitalia sara ni ko sa kilo tu, ka veitalia ni ko sa kaukauwa ina omu djina jiko ina gauna iei. ¹³A qou nanuma ni sa rauji au keu sa jikega ina ralelaca ka iei, meu tolora kini iko cake tokoga me rawa ni ko nanuma jiko. ¹⁴Niu sa kila ni sa voleka ni mai biu laivi a qou valelaco baleta sa vakaraitakinag vei au ko Jisu Karisito a weta Turaga. ¹⁵Au na saga sara vakaukauwa meu na raica ni bera niu biubiu me ko no dau nanuma jiko a meca taucoko iei.¹⁶Ni keimami ka tawa muria a i tukuni buli vakavuku ena gauna keimami a vakotakea ki vei kemunu a kaukauwa ni ona a lako mai a weta Turaga ko Jisu Karisito, ia keimami sa boka kai vakodjinadjina ni ona vakaturagotaki. ¹⁷Ni a ciqoma a ona rokovi ka vakalagi lagi, mai na Kalou ko tomana ni aco mai vei ko koya a rorogo ni domo logi lagi vakoturoga ko kaya, “Ka iei aqou gone ni toko, au sa dau vinakaji ko koya. ¹⁸Keimomi rogoco a domo ka lako mai lomalagi na gauna keimami jiko vata kina kei koya mai na ulunivanua tabu.¹⁹Ni a tu talega vei keimami a vosa ni parofisai ka vakodeitakina, me ko valata a meca vina ka ka kau waitakina me vaka a cina narama e na venua butobuto me yacova a mataka kei na kalokalo ni mataka ka cadra i yalomu. ²⁰A ona i lutua moko kila ni tawa dua parofisai ni voso ni Kalou e lako mai na ona vakadewatakina e dua. ²¹E sega bau a parfisai e lako mai ino lewa vabotomata i a a tamata e vosa mai kina a Kalou ena ona veivakouji a Yalo tabu.

2¹Era na lako mai ko ira a parofita daidai ki vei ira a tamata, ka ra na lako talega mai vei iko ko ira a i vakavuvuli daidai. Era na kauta lo mai a veicaji ka veiwetei ka ra na ba takina a Turaga ko koya ka voli ira. Era sa vakusakusatakina ga yani vei a malaia. ²E levu ra sa muria ga a odra gangaro e na vukudra e na vakacalai kina a wakolo ni djina. ³ Ina odra kocokoco era na vakayagatakini iko e na rosa ni lawakica. A odra veiwetei sa balavu a ona lako jiko mai, kei na odra veivakarusai e tawa moce.⁴Io kevaka ka tawa vakabulai ira a Agilosi i valavala ca a Kalou, ka biuji ira ki eli me ra vesu ena sinucodo ni butobuto me yacova na veilewai, ⁵Ia kevaka tawa vakabulai ira a ka i vuravura makawa, ia sa maroroi Noa ga, e dua na dauvakacaucau ni i valavala dodonu, vata kei na vitu tale e nona luvuco na nodra vuravura na tawa i valavala vakalou. ⁶Kevaka sa vakalailaitakina na koro ko Sotoma kei Komora me dravusa ka vakacataicini rau me rau rusa me i vakaitakilakila ni meca e na yaco vei ira tawa vakalou,⁷Ia a vakabulai Loti na yalododonu, o koya ka vakasaurarataki e na odra valavala na tamata ca ⁸Ko koya a tamata yalododonu mai ei, ejiko vata kei ira ena veisiga, e vakasaurarataki ena ona yalododonu ena ona raica, ka rogoca a odra valavala tawa dodonu ⁹Ia kevaka a Kalou ka valata jiko meca iei, ena kila talega a meca me valota me vueji ira kina a tamata vakalou mai na veivakatoro lei kei na odra vesuki a tamata tawa i volavala dodonu. Ki na veilewai me ra na totogitoki ena siga ni lewa.¹⁰Ka iei e djina vei ira ka ra dau muria gangaro ca ni yagodra ka ra dau a lewa. E ra doudou ka vakadonui ira, e ra tawa rereni ra vosa vakacatakini ira era sa cecere. ¹¹O ira na Agilosi e vakaitamera a odra kaukauvoa kei na qaqa, ia era tawa kauta mai a rosa ca ni vakalelewa me veitakini kina a Turaga.¹²Ia ko ira a tamata ka iei era sa vaka a manumanu tawa vuku, ra sucu ga me veipono ka ra veivakarusai. E ra tawa kila a cava era wetea. Ina veivakanisai ko ira talega era na rusa, ¹³A i sau ni valavala tawa dodonu a rarawa. Era nanuma ni ka reki e na siga na marau.Era qeleqelewa ka gogo. Era marautaka na nodra valavala veivakaisini ni ra sa kananata jiko kei iko. ¹⁴Sa sinai na matadra ena dau yalewa; e na tawa vakacegu rawa e na valavala ca. Era dau vakacalai ira na yalo tawa dei me ra valata a meca ca, ka ra vakavulica a yalodra i na kocokoco. Era sa gone dau vosa muritaki!¹⁵Era sa biuta a wakolo dodonu kalako se se, ni ra muri a i vakavunili i Pelami na luvei Piori, o koya ka dau vinakata me taura a i sau ni valavala tawa dodonu. ¹⁶Ia sa yaco me tagatuvi laivi i na vuku ni ona i valacala piaci = a vosa ni assa galu i na domo vaka tamata qai tarora a riva ni parofita.¹⁷Ko ira a Turaga era sa matani wai maca kei kabu sa vakauji ena cava. Na papaku ni butobuto loaloa sa warakini ira. ¹⁸Era rosa dokodoka walega. Ena garogaro ni yago kei na i valavala vakasisila e ra vakawaini ira kina na tamata ka ra sa via tubatakina ira ka cala a odra i valavala. ¹⁹Era yalatakina a bula galala vei ira, ia ko ira mada ga era bobula ni rusa. A tamata e bobula ki na cava ga e rawai Koya.²⁰Ia kevaka era sa batakina a polo[oloa ni vuravura ni ra sa kila ra tunaga kei na vabula ko Jisu Karisito ka ra qai tao tale vei ina ena veira wai, sa na qai ca vakalevu vei ira na i ojioji ni gauna mai na i vakatekivu. ²¹Ka vinaka cake me ra a kakua ni kila a wakolo ni valavala dodonu mai na odra sa kila ka qai vuki laivi na i vakaro tabu ka vakau yani vei ira. ²²Na i vosa vakaibalebale ka iei e djina vei ira: “E lesu tale a koli kina ona lua, kina puaka sa sisili oji e lesu tale kina pela.”

3¹O iko sa lomani, oqo na i karua ni vola au vola yani voi iko, o rau ruarua qori me rau vakananumi iko ena vakayavalaji ni omu lea vakasama ²Me rawa ni ko nanuma jiko a veivosa ka ra cavuta a parofita savasava e na gauna sa sivi kei na i vakaro ni weta sava e na gauna sa sivi kei na i vakaro ni weta turaga kei na i vakabula ka ra solia mai a i Apositolo.³Mo kila mada, ni ra na lako mai dau veivakararawataki ena i vakataojioji ni gauna. Era na vaka yacora jiko a veivakararawataki ms K v lomxd. ⁴Era na kaya,”I vei a yalayala ni ona lesu mai? Mai na gauna era se moce tu kina a tamada, a meca taucoko e dua tuga, mai na i vakatekivu ni veibulu.”⁵Era sa tawa nanuma a vosa ni Kalou mai na gauna makawa sara e a buli kina a lomalagi kei na vuravura mai na wai kei na loma ni wai. ⁶Mai na gauna talego mai ei ka vakarusai kina a vuravura, ni a luvuci ena wai. ⁷Ena vosa vata talega mai ei a lomalagi kei na vuravura e rau tu vakawawa tu kina buka, ka ra maroroi tu kina siga ni veilewai kei na vakarusai ni tamata tawa qaravi Kalou.⁸Mo kakua ni lecava, ko iko sa lomani, ni dua na siga vata kei na turaga sa tautauvata kei na dua na udolu na yabaki, kei na dua na yabaki sa tautauvata kei na dua na siga. ⁹Na Turaga e tawa bera ni vakayacora a ona yalayala me vaka eso na nanuma sa berabera. Io, e sa vosota jiko baleji iko, e tawa yalona me dua vei keta me mate, ia me keta veivutuni taucoko.¹⁰Ia, na siga ni turaga e na lako mai vale a e dua a dau drivadriva. Na lomalagi e na lako laivi yani e dua a rorogo vakaitamera. A veimeca taucoko e na udre ena buka, a vuravura kei na meca sa tu kina sa na tu walega.¹¹“Me vaka ni meca tacoko iei sa na vakaqeavutaki vaka iei, sa na qai mataqali tamata vakaivei ko iko? Ko iko e dodonu ni o ko bula savasava kei na bula vakalou. ¹²Ko iko dodonu mo ko namakina ka warakina a ona lako tale ai a Kalou. Ena siga mai ei, na omalagi ena vaqeavutaki i na bukawaqa kei na meca taucoko era na waicala ena kaukauwa ni katakata. ¹³Me vaka ga a ona yalayala keta sa warakina jikoga a lomalagi vou kei na kuravura vou, ko koya katu kina a i valavala dodonu.¹⁴Ko ikoya ona mai ei, ko iko sa lomani, me vaka ni ko sa namakina a veimeca iei, valata a omu vinaka me ko na na laubo ni ko tawa qeleqelewa ka vakacegu ni do sa beitaki e matana. ¹⁵Mo ko vakasamatakina mada a ona vosota a weta turaga me veivakabulai, me vaka a ona vola yani ko Paula a tacida lomani, me vaka a vuku sa soli vei ko koya. ¹⁶E vosa jiko ko Paula e na meca taucoko iei ena ona i vola, ena vuku ni so a meca e dredre me kilai. Ko ira a tamata vei leca yaki ka tawa olei e ra kautarakatani a veimeca ka iei, e na odra valata tale eso a i vola ni Kalou, me vaqeavutakini ina.¹⁷Ko koya mai iei ni sa bera ni yaco, qarauni ino me ko kakua ni vakagolei laivi mai na odra veivakasini a tamata beca a lawa ka vakayalia a omu yalodjina. ¹⁸Ia mo ko tubu e na loloma soli wale kei na kilaka ni weta turaga kei na i vakabula ko Jisu Karisito. Me ona jikoga a lagilagi vata iei kei na siga e tawa mudu. Emeni!

1 Joni

1¹Ma iei i na i vakatekivu, mai iei keta sa rogoca mai ei keta sa boka i na matada, ei keta vakaraica ka tara a ligada, me baleta a vosa ni bula. ²A bula e vakatakei, keta sa boka ka vakadjinadjinatavcina ka kaya vei iko na bula tawa mudu, ka tu vata kei tamaqu, ka sa vakatakei vei keimami.³Ko mai ei keta sa boka ka rogoca ka vakotakea talega vei iko, ko iko talega me ko vei tokani kei keimami. Keimami veitokai vata kei na tamana kei na luvena, ko Jisu Karisito. ⁴Mai ei ona, keimami sa vola yani kina a meca kai ei vei iko me rawa ni taucoko kina a weimami marau.⁵Ka iei a i tukutuku ka keimami rogoca mai vei ko koya ka vakatakea vei iko. A rarama a Kalou, e sega bau vei koi koya a butobuto. ⁶Keraka keta koya ni keto vei tokoni jino kei koya, keta qai lako jiko ina butobuto, keta sa daidai ka tawa vakatavulica jiko djina. ⁷Ia kevaka keta lano jiko ina rarama me voka ni ko koya a rarama, keta veitokoni vata kei ko koya, kei na dra i Jisu a luvena e na derei keta mai na i valavala taucoko ga.⁸Kevaka keta kaya ni sega bau a weta i valavala ca, keta sa vakaisini keto jinoga vakai keta, a djina e sega bau vei keta. ⁹Ia kevaka keta vakatusa a weta i valavala ca, e sa yalodjina ka yalododonu me vosoji keta kei na weta i valavala ca me vakasavasavatakini keta mai na weta valavala tawa dodonu taucoko sara. ¹⁰Kevaka keto kaya ni keta tawa i valavola ca, keta sa via valata me daidai ko koya, ka tawa tu vei keta a ona vosa.

2¹Kemudou na gone, au sa vola yani a veimeca ka ici vei kemudou me kemudou na kakua ni valavala ca. Ia kevaka e dua vei kemudou e valavala ca, edua a wetou daunitataro vata kei tomaqu, ko Jisu Karisito ko koya a yalododonu. ²Ko koya a i soro ni ona sorovaki ni wetou i valavala ca, e tawa wetou walego e baleji vuravura taucoko. ³Keitou kila ni keitou sa kilai ko koya, kevako keitou maroroya a ona i vunau.⁴A onna e kaya, “Au kila a Kalou” ka tawa maroroya a ona i vunau a tamata daidai, ena sega bau vei ko i koya a djina. ⁵Ia ko koya e maroroya a ona vosa, e na vukuna, so vakamalataki vakadjing a loloma ni Kalou ko koya mai ei keitou sa kila kina ni keitou sa tu vei ko koya: ⁶Ko koya ga e kaya nitu vata kei na Kalou o dodonu me lako jiko vaka a ona lokolako me lako jiko vako a ona i lakolako.⁷Ko iko sa daulomoni, au tawa vola yani e dua vunau vou vei iko, ai vunau makawa ga ko koya ga satu vei kemudou mai na i vakatekivu. Na i vunau makawa maiei a vosa dou a rogoca. ⁸Ia ka iei au sa vola veiiko ai uinau vou, Karisi to ka djino vei iko, baleta sa takali a butobuto, ka sacila tu a rarama djina.⁹Ko koya ka kaya ni tu i no rarama ka cota a tacino e sa tu go iei e na butobuto. ¹⁰Ko koya ka lomana a tacino ka tu go e no rarama e no tawo dua a meca me na vakotatao takini ko i koya. ¹¹Ia ko koya e cata a tacina ka tu e na butobuto e no lako tu ga e na butobuto;e na tawa kila a vanua e lako jiko kina baleta a butobuto ena vakamataboko taking a motona.¹²Au sa volavola yoni vei kemunu ra gone, baleta a omunu i valavala ca sa vosoji ina yacana. ¹³Au sa volavola yani vei kemunu a tama, baleta kemunu kilai ko koya mai na vakatekivu. Au sa volavola yani vei kemunu a cawavou, baleta ni kemunu sa rawaji ko koya a yaloca. Au sa volavola yani vei kemunu, ra gone, baleta nikemunu kila a tamada. ¹⁴Au sa volavola yani vei kemunu, a tama, baleta kemunu kilai ko koya mai na i vakatekivu. Au sa volarola vei kemuni a turago uabula, baleta ni kemunu kaukauwa, ka tu ga vei kemunu a vasa ni Kalou, ka kemunu sa rawaji ko koya a yalo ca.¹⁵Kakua ni domona a vuravura se meco era tu i vuravura. Keva ka e dua e domoni vuravura, e na tawa tu veiko koya a loloma ni Kalou. ¹⁶A meca taucoko ka tu i vuravura a vakai ni yagoda, a vakai ni matada, kei no vakai ni bula-e tawa lako mai vei tamada ia e lako mai vuravura. ¹⁷A vuravura kei na ona gagadre e na takali yani. Ia ko koya e valata a lomani Kalou e na tudei ka tawa mudu.¹⁸Rogone, sa i gioji ni aua me vaka ko sa rogoca ni sa bko mai na Karisito daidai, ka iei so levu a Karisito daidai era sa lako mai ko koya ono maiei keta sa kila kina ni sa ojioji ni aua. ¹⁹Ero sa lako laivi mai vei keta, ni sa tawa mai vei keta. Kevaka ka kei keta vata ke ra a jiko vato ga kei keta.²⁰Ia ko iko ko lumuj, mai vei ko koya a yalo savasava, ka kemunu sa kila taucoko. ²¹Au tawa volavola yani vei iko baleta ai ko tawa kila a djina e baleta ni ko kila ka tawa dua talega a dai mai na djina.²²Ko cei a daidai a ona ka caki takina ni ko Jisu a Karisito? A tomata maiei a Karisito daidai, me vaka ni cakitaking a tamana kei na luvena. ²³E tawa dua me cakitakina a luvena me jiko vei koya a tamana. A ona e vakotusa a tuvenge jiko talega vei ko koya a tamana.²⁴Ia ko iko, a meca ga ko rogoca mai mada me tuga vei iko, kong qai tu vata kei na luvena kei na tamana. ²⁵Mai ei a yalayala ka solia vei keta _____bula tawo mudu. ²⁶Au sa vola yani a meca iei vei iko baleti ira ka ra kauji iko vakotani.²⁷Ia vei iko, a i lumu ko sa ciqoma me tuga vei iko, ka tawa yaga tale me dua e vakavulici iko. Me vaka ni ona i lumu ka vakavulica vei ino a meca taucoko ka djina ka tawa dai, me vaka saraga a ona vakavulici ino, e tu talega vei ko koya. ²⁸Kaiei, ragone, tu vata ga kei ko koya me na gauna e bo mai king keta na doudou ka taawa madua i matana ni sa na lako mai. ²⁹Kerana ko kila ni ko koya a i yalododonu, ko na kila ni ko ira taucoko e ra valata a meca dodonu e ra sucu mai vei ko koya.

3¹Raica a mataqali loloma vakaivei ka solia vei keta ko tamada, me keta vakatokai kina me luve ni Kalou, ko i koya sa mai ko keta tu kina iei. Ko i koya ona, ka tawa kilai keta kina ko vuravura, baleta e tawa kila ko koya. ²Ko iko sa lomani, kaiei keta sa luve ni Kalou, e sa bero ni vakatakei se keta na qai vakaivei. Keta sa kila ni na basika mai a Karisito, keto na tautauvata vata kei ko koya, ni keta na boki ko koya me vako ko i koya ga. ³Ko ira taucoko era namakini no koya sa vakasavasavatakini ira me vaka a ona savasava.⁴Ko iro taucoko era i valavala e ra sa volata a i valavala vakasisila, baleta a i valavala ea e vakosisito. ⁵Moko kila ni Karisito ka vakatakei ga me kauta yawa a i valavala ca, ia ko koya e tawo dua a ona i valavala ca. ⁶E tawadua e tu vata kei ko koya me na valavala ca jikoga. E tawci dua e valavala ca jikoga e sa boki ko i koya se kilai ko i koya.⁷Ragone kakua ni vakatara e dug me kauji iko akatani. Ko koya ga ei yalododonu e dodonu, me vaka ni dodonu a Karisito. ⁸A ona e valata jiko a i valavala ca e sa mai vua a teroro, boleta a teroro ei valavala ca tu mai mada. Ma iei a vuna ko vakatakei kina a luve ni Kalou, me vakoqeavutakina a cakocaka ni tevoro.⁹Ko koya e vaka sucumi mai na Kalou e na tawa valavala ca jikoga, baleta sa na tu vei ko koya a vua ni Kalou. E sa na tawa rawa ni valavala ca jiko baleta ni vakosucumi mai na Kalou. ¹⁰Ka iei era sa na laubo kina a luveni Kalou kei na luveni teroro: Ko ira ga e ra tawa valata a meca dodonu ra tawa mai vua a Kalou e vaka talega kina a ona e tawa lomana a tacina.¹¹Kaiei a tukutuku dou a rogoca mai na i vakatekivu: Me keta dau veiloani vakai keta. ¹²Me keta kakua ni vaka i Keni, ko koya kei laba a tacing ena ona yaloca. A cava ka laboji ko koya king? Baleta a ona cakaaka e ca, ia a tacina e dodonu.¹³Dou kakua ni lomaleqa, kemudou a taciqu, keraka e caui kemudou ko vuravura. ¹⁴Keta sa kila ni keta sa lako siviji keta ka mate keta sa bula, baleta ni keta klomani ira a tacida. Ko koya e tawa dau loloma e na tuga e na mate. ¹⁵Ko koya e cata a tacina a dau laba. Mo no kila ni sega bau a tamata dau labo me tu vei ko koya a bula tawa mudu.¹⁶Ko koya maiei keta sa kilo king a loloma, baleta a Karisito sa mai sdia ci ona bula ina vukuda. Ko koya mai e dodonu me keta na solia talega kira a weta bula e na vukudra a tacida. ¹⁷Ia kevaka e dua e tu vei ko koya a i yau ni vuravura, ka raica tu a tacina ni leqa tu, ka sogota tu ga a yalona me lomana kina, e na tu rawa vakaivei vei ko koya a loloma ni loloma? ¹⁸Kemudou a gone, me keta kakua ni loloma ga vakavosa se akayame, ia me vakai valavala kei na djina.¹⁹Ka iei keta sa kila kina ni keta sa mai vei ko koya na kjina, ka keta sa vakcidetitakina a yaloda vei ko koya. ²⁰Kevaka sa baitakini keta a yalodo, a Kalou e vakoitamera sara mai na yaloda, ka kila a meca taucoko ga. ²¹Raica, kevaka e tawa beitakini keto a yaloda, keta so qai doudou kina Kalou. ²²Na cavo ga keta na kerea, keta na rawata mai vei ko koya; baleta keta maroroya a ona i vunau ka valata a meca e vaka a lomana.²³Kaiei a ona i vunau: Me keta vakabauta a yaca niluvena ko Jisu Karisito ka veilomani vakai kemudou, me vaka sara ga a i vunau ka solia ko koyo. ²⁴A ona e maroroya a i vunau ni Kalou e tu ga vei ko koya, e na tu vata talega kei ko koya a Kalou. Ko koya maiei keta kila kina ni tu vata kei keta, ina yalo ka solia vei keta.

4¹Ko iko sa lomani, kakua ni vakabauta a veiyalo taucoko ga. Ia mo ko vakatovolea a yalo, me rawa ni do boka se ra sa mai vua a Kalou, baleta sa leevu a parofita daidai ka ra satu e vuravura. Kaiei ko na qai kila kina a yalo ni Kalou – a veiyalo taucoko ka ra vakatusa ni ko Jisu Karisito ka lako mai ena yago vakatamota mai vua a Kalou, ²Xxx ³Kei na veiyalo taucoko eratawa vakatusai Jisu e tawa mai vua a Kalou. Kaiei a yalo mai na Karisito daidai, ko koya ko sa rogoca jiko ni na lako mai, ia kaiei esa jiko i vuravura.⁴Kemunu sa mai vua a Kalou, ragone, ka kemunu sa rawaji ira, baleta a ona ka jiko vei iko e uasivita a ona ka jiko i vuravura. ⁵Ko ira era sa mai vuravura; ko koya ona a meca era kaya e mai vuravura, ia ko vuravura e vakarorogo vei ira. Ko keta sa mai vua a Kalou. Ko koya ga e kila a Kalou ena vakarorogo vei ketatou. Ko koya ga e tawa mai vuo a Kalou ena tawa vakarorogo vei ketatou. Kaiei keta na vila kina a yalo ni djina kei na yalo cala. ⁶xxx⁷Ko iko sa lomani, me keta veilomani vakaiketo, a loloma sa mai vuo a Kalou, ko ira taucoko era daudoma era sucu mai na Kalou ka kila a Kalou. ⁸A tamata tawa dauloloma e tawa kila a Kalou, ni ikoma a Kalou.⁹Baleta a meca iei ka vakatakei kina vei keta a loloma ni Kalou, ni sa tala mai a luvena e dua bauga a Kalou ki vuravura me rawa king ni keta bula i na vukuna. ¹⁰Ka iei ona a loloma, e tawa keta lomana a Kalou, ia ko koya ka lomani keta, ko koya ka tala mai kina a luvena me mai i soro ni weta i valavala ca.¹¹Ko iko sa lomoni, ke sa dau lomani keta a Kalou, ko keta talega me keta dau veilomani vakai keta. ¹²E se bera ni dua e sa boka a Kalou, keraka keta veilomani vakai keta, a Kalou e na dau tuga vata keiketa, a ona loloma e taucoko vei keta. ¹³Kaiei ona keta sa kila kina ni keta sa tu vata kei koya ko koya vei keta, baleta ni sa solia vei keta eso a yalona. ¹⁴Ia, keta sa boka ka vakadjina djina takina ni a tala mai a lulvena ko tamana me i vaka bula kei vuravura.¹⁵Ko koya ga e vakatusa ni ko Jisu a luveni Kalou, ena tuga vei ko koya a Kalou a Kalou talega vei ko koya. ¹⁶Ia, keta sa kila ka vakabauta a loloma ni Kalou vei keta. A loloma a Kalou, kei na ona eno tu ga e na loloma kaiei e na tuga kei na Kalou, a Kalou e tu talega vei ko koya.¹⁷Baleta, a loloma iei e vala me rauji keta vakauinaka, me keta na rawa ni tudei ena siga ni leewa, baleta vaka i ko koya, ka vaka talega kina ko keta e na vuravura kaiei. ¹⁸E tawa dua a rere ina loloma. Ko koya maiei, a loloma djina e na kolotakina yawa mai a rere, baleta a rere ona valata ga a veivakanara wataki. Ia a ona dau rere e tawa buli vakavinaka ena loloma.¹⁹Keta loloma baleta ni a lomani keta i mada a Kalou. ²⁰Ke dua e kaya, “au lomana a Kalou” ka cata a tacina, ni raica jiko, e tawa ni lomana a Kalou a ona ka tawa boko. ²¹Kaiei talega, a i vakaro mai vei ko koya: A ona ga e lomana a Kalou e dodonu me lomana talega a tacina vakaidjina.

5¹Ko koya ga e vakadjinata ni ko Jisu a Karisito e cadra mai na Kalou, ia ko koya e lomana a tamana e lomana talega a gone e vakacadrava. ²Kaiei keta kila kina ni keta lomani ira a luveni Kalou: ni keta lomana a Kalou ka muria a ona i vunau. ³Kaiei a lomana a Kalou: me keta maronoya a ona i vunau. A ona i vunau e tawa i colacola bibisara.⁴Ko ira taucoko era cadra mai na Kalou e ra rawaji vuravura. Kaiei talega a qaqa ka rawaji vuravura ka vakakina a weta vaka bauta. ⁵Ko cei ka rawaji vuravura. A ona ga ka vakadjinata ni Jisu a luveni Kalou.⁶Kaiei a ona ka lako mai e na wai, e lako talega mai e na wai kei na dra. A yalo ko koya ka vakatusa, baleta a yalo ko koya a djina. ⁷Maiei e tolu ka ratou vakatusa: ⁸A yalo, a wai kei na dra. Ko iratou iei e ratou sa lomavata.⁹Kevaka keta sa vakadonuya a vakatutusa ni tamata, a vakatutusa ni Kalou e vakaitamera sara. Kaiei a vakatutusa ni Kalou ni vakatusa a meca baleta a luvena ¹⁰A ona ga e vakodjinata a luveni Kalou e na i vakatusai ko koya. A ona ga e tawa vakadjinata a Kalou sa na buli ko koya ga me tamata daidai, baleta e tawa vakadjinata a vakatutusa e valata a Kalou me baleta a luvena.¹¹A vakatutusa kaiei: a Kalou e solia a bula tawa udu, a bula kaiei e jiko ina luvena. ¹²A ona e jiko kina a luvena ejiko kina a bula. A ona e tawa jiko kina a luvena Kalou e tawajiko kina a bula.¹³Au sa vola yani vei iko a meca iei mo ko kila ni do sa rawata a bula tawa mudu – vei iko ka ko vakadjina ta a yaca ni luveni Kalou. ¹⁴Kaiei talega, e vakadoudoutakini keimami ni kevaka keimami kerea e dua a meca me vaka a lomana, e na rogoci keimami ko koya. ¹⁵Kaiei talega, kevaka kila ni sa rogoci keimami = a cava ga keiam i na kerea kina – keimami kila ni na solia vei keimami a meca keimami kerea vei ko koya.¹⁶Kevaka e dua e raica a tacina ni valavala ca jiko ka tawa mate, e dodonu me masu, me rawa ni vakabulai ko koya a Kalou. Au kaya jiko iei me baleji ina ka se taki yacovi ira a mate ira odra i valavala ca. E jiko a i valavala ca ka yaco kina a mate; au tawa kaya me ko masulakina a ona maiei. ¹⁷A i valavala tawa dodonu taucoko e i valavala cak ia e jiko a i valavala ca ka tawa yaco kina a mata.¹⁸Keta kila a ona ga e cadra mai na Kalou e tawa i valavala ca. Ia a ona e cadra mai na Kalou e maroroi ko koya, ka na tawa valaji ko koya rawa a yalo ea. ¹⁹Keta kila ni keta sa mai na Kalou, ka keta ki la talega ni ko vuravura e koto ina kaukauwa i koya a yalo ca.²⁰Ia keta kila ni luveni Kalou e lako mai me solia vei keta a vakasama me rawa ni keta kilai ko koya a djina, ina luvena ko Jisu Karisito. Ko koya kai ei a Kalou djina kei na bula tawa mudu. ²¹Ragone, lako laivi mai na Kalou tani.

Lauan: Bible for 1 Joni, 2 Pita

Formatted for Translators

2 Pita

1 Joni