Kolobolon: Bible for 1 Thessalonians, 2 John, 2 Peter, 3 John, Philemon

Formatted for Translators

©2022 Wycliffe Associates
Released under a Creative Commons Attribution-ShareAlike 4.0 International License.
Bible Text: The English Unlocked Literal Bible (ULB)
©2017 Wycliffe Associates
Available at https://bibleineverylanguage.org/translations
The English Unlocked Literal Bible is based on the unfoldingWord® Literal Text, CC BY-SA 4.0. The original work of the unfoldingWord® Literal Text is available at https://unfoldingword.bible/ult/.
The ULB is licensed under the Creative Commons Attribution-ShareAlike 4.0 International License.
Notes: English ULB Translation Notes
©2017 Wycliffe Associates
Available at https://bibleineverylanguage.org/translations
The English ULB Translation Notes is based on the unfoldingWord translationNotes, under CC BY-SA 4.0. The original unfoldingWord work is available at https://unfoldingword.bible/utn.
The ULB Notes is licensed under the Creative Commons Attribution-ShareAlike 4.0 International License.
To view a copy of the CC BY-SA 4.0 license visit http://creativecommons.org/licenses/by-sa/4.0/
Below is a human-readable summary of (and not a substitute for) the license.
You are free to:
The licensor cannot revoke these freedoms as long as you follow the license terms.
Under the following conditions:
Notices:
You do not have to comply with the license for elements of the material in the public domain or where your use is permitted by an applicable exception or limitation.
No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.

1 Thessalonians

Chapter 1SODAMOLEK MA HALAMAKSI NIMI PAULUS

1neme Paulus, Silwanus, ma Timotius neu salanik nai Tesalonika, Fo manai Manetualain dalek ma nae Lamatuak dalek. Babaek ma soda molek nok e.2Ai moke makasih neu Manetualain soa neu e basan, ma seseik o naden ne huhule hala doik dale, 3Ai masa neda ue namahehelek, susuek ma nakatatakak, o nama hena nai mane Tualain dalek, Lamatuak, ma Amak matan .4Tolano- tolano nggalen fa Mantualain ana suek, ei bubuluk ana hele nala ei. 5Hu, Lamatuak halan. ai ta mai ne o nai kada de de'a kokolak te nai dulak dalek; no namahenak samak leo ei bubuluk hataholi - hataholi bek ai ia nai ei laladan, hu ei hihin.Ei dadik neu hataholi manatudu dalak neu ai ma Lamatuak hu kada ei simbok Lamatuak halan nai doi dosok no'ouk no namahokok neme dulak mai. 7Ei dadik neu manatudu dalak neu basa hataholi kamahelek nai Makedonia no Akhaya.Hu, nimi o mai Lamatuak halan nana benggak ta kada nai Makedonia no Akhaya, te nai mamanak lala'en, o namahehelen neu Manetualain ana nggeggela hu ndia ai ta bisa kokolak hata - hata esa boe. 9Hu, ala tuin neu ai boema leobek ndia ei masafali nini Manetualain nimi sosonggok ma miu tungga seluk Manetualain fo kasodak ma ndoos. 10 Soa neu nahani Anan mamain neme nusasodak mai, fo ni fofo'a falik neme mamates mai fo ndia Lamatuak, fo manafe ita sodak fo natambo'ik ita neme Manetualain nasan mai.
Chapter 2Paulus Uen Neu Salanik Manai Tesalonika

1Tolano - tolano nggalen, ei mesangge bubuluk hu ai na totonggon neu o,o talok.2Leo mae ai mameda soba dok, sama leo ei bubuluk nana nakatotoak, nakamamaek nai Filipi, ai maena nambalanik nai Manetualain dalek soa tui bengga Manetualain halalin soa neu o, nai ita musu non laladan.3Hu ai nanolin tanimi pepekok mai taneme putapaik mai boema do neme manggalauk mai. 4Te hu leo bek ndia Manetualain nahik ai soa halalin nananamahelek, leo ndiak ai mafada, ta soa neu namahoko hataholi te soa neu namahoko neu Manetualain.5Ai tamai no dedea kokolafufudik, leo ei bubuluk, do masapepekok ma manadalehedik Manetualain ndia ai sakasin. 6Ai boe ta sangga kokoak neme hataholi mai, mae neme ei mai, do neme hatoli fe'ek mai, leo mae ai tao leo ndiak sama leo Lamatuak nadedenun ala.7Ai boe matudu susek neu ei sama leo inabonggik ko'o ifa anan. 8Nai susuelalai ina huk soa neu o, ai mahik fe o takada Manetualain hihin te ai sodan boe hu ai sue ei. 9Hu ei masaneda, tolano - tolano nggalein ai tao ues mbilu mbusek lele'do leodaek suek ai tatao nasambute ei nai ai tui mafada Manetualain halan soa neu o.10Ei ia manatuibengga, boe ma Manetualain, malalaok, ndoos, ma tanataosalak ai ma soda nai ei kamahelekala laladan. 11Sama leo ei bubuluk, ai manoli, kokoe, nadenu ei esa - esa, leo amak esa no anan. 12Suek ei masoda tungga Manetualain fo, mana nanggo o neni nusasodak dalek neu ma ndela sa'an na.13Ai boe moke makasi neu Manetualain hu dedeak ia, faik fo ei simbok Manetualain halan fo ei mamanenek nimi ai mai, ei simbon taneme halahataholik mai, te neme Manetualain halan mai fo na ue na ledi nai ei hataholi kamahelek.14Tolano - tolano, nggalein ei dadik neu hataholi- hatoli fo mana tungga salanik- salanik Manetualain nai Lamatuak fo manai Yudea, hu ei boe mameda mita to'a tak fo sama, neme o hataholin seluk mai, leo ala la'o ladi neme hataholi - hataholi Yahudi. 15Ala tao lisa Lamatuak ma malangga inahukala, ala husi heni ai. Manetualain tana hi sala ala musu lo basa hataholilah. 16Ala kena laka lele fo ai boso kokolak mia hataholi - hataholi ta Yahudila suek sila hambu sodak. Leo ndiak ala tao sala makadotok bali, te hu ndia de Manetualain niminasa de ana huku sala.Paulus Nahik na tonggoseluk no salanik manai Tesalonika17Tolano -tolano nggalein, hatematek ia ai makadodok neme ei mai tungga aombak, tano dulak ai mahik masale matak neu o. 18Hu ai mahik mai neu o, au, Paulus, la'i hi'da ia so te hu nitu nikilele au, 19Hu, se ndia namahena, namahokok, do solangga na senggik nai Lamatuak matan nai fai mamain? ei do ? 20Ei ndia be na malole ma ai mamahoko.
Chapter 3DEDE'A MALOLE NEME TIMOTIUS SOA NEU SALANIK MANAI TESALONIKA

1Hu ndia, neu ledoeik fo ai ta makatataka so, ai hai nakeketuk soa neu ai mesangga leo nai Atena, 2Boe ma haitua Timotius, ai tolano fo Mantolain atan no nonon lai Lamatuak halan lain, soa neu o mate'tea fa manoli ma'tutik neu o nama hehe'len, Fo ta ma3 esa boe fo ta hambu esa boe fo ninggeo sosoba dodok iala. Boema, o mesang nggo bubuluk ita nanggatutun soa neu ndia.4neu, ledek na ai mia o, ai mafada mahele o fo ita leo ladi sosoba susudik, bo ma ndia an dadi leo neu hata fo e bubuluk.5hu ndia de, neu ledo eik fo au takatataka so, au fe o mu fo malelak o nama hehelen. Au bi, neu mandudunggu fo ala dudunggu o boe ma ai sosota mamanggun no sosoan nda-nda tak.6Leo ,mae hatematek ia,Timotius ana fali nini ai mai nimi o mamanan mai, ana mai nini dedea neu lauk soa neu o namahehelen o susuen neu ai, bo ma e m'bebeda nasa neneda neu lauk soa neu ai boe ma ai ma hik ma tonggo mia e. 7hu ndia, tolano-tolano, nae basa dale hedik ma toa tak, ai mateteak tungga o nama hehelen.8Hate matek ia, ai ma soda sadi ei mambadeik matea nai Lamatuak dalek. 9Hu, hala makasi bek ndia ai tu nu hotu soa neu Manaduk hu ei? 10Leledo leodaen ai hule no tebe-tebe ai bisa matonggo seluk no o, to tao natetu hata fo beta mandaik neu o namahehelen.11Hatamatek ia, elaloben na Amak Manatualain mesa kan no ita Lamatuan , natudu ai dalan neu o. 12Elaleobena Lamatuak ana tao eifoa boema henuk susuek neme hataholi esa nini esa neu, boema basa hataholi , sama leo ai soan neu o. 13Elaleo bena natetea o dalen malole no malalaok nai ita Aman Manetualain matan neu ita Lamtuan mamain, sama no Hataholi-hataholi malalaon a.
Chapter 4SODAK FO ANAFE LAMATUAK DALEN ANATESA

1Tolano - tolano nggalein, ai moke fo manoli ai nai Lamatuak dalen, suek ndia sama leo e,.. hahambun nimi au mai, leo bek ndia e sodan na tesa nai Amakmantolain dalen, tao ndia seluk bali.2Na e bubuluk basa palenda - palenda la so, fo au fen na neu e,, so nini tungga Lamatuak koasa na.3Hu, Amakmantolain hihi nanaun; o malalaon e makadodok e aon nimi dede'a manggalauk. 4Te hu e bassangge e bubuluk leo bek ndia e manea ao ina hehelin nai malalaok ma holomata.5Tanai ani hahae masok dale sama leo hatoli - hatoli tamanamalelak Manetoalain.6Suek boso hambu hatoli fo lao lena, ma ana kekedi nala tolanon nai dedeak ia dalek. Hu Lamatuak mana bala nai basa ia, samak leo ai mafada soa neu e nasanenedak no tebe - tebe soa neu o.7Manetualain ninggo ita no malalaok, fo suek ndia na ita musi ta soda no malalaok. 8Hu ndia, se tana nau naena nananolik ia, ta simbok hataholi. te hu ana tana simbok Manetualain, fo mana ba'e Duluk soa neu o.9Te hu la'e susuek neu tolanok ai tamasalai neu hataholi esa boe fo ana sulak neu o. 10Te hu ei tao tungga neu basa tolanok fo manai Makedonia. Te hu tolano - tolano nggalen ai moke soa neu fosuek ndia na ai tao ia seluk bali. 11Boema ana nasoda no ndos, makaneni o dede'a hehelin boema ma ue maledi fo eliman sama leo ai madenu o. 12Suek ndia e bisa la'o ladi sodak ma malole nai hataholi - hataholi deak mai ma ta to'a ta hata - hataLAMATUAK MAMAIN13Tolano - tolano nggalen, ai tanau e ta bubuluk hu hataholi -hataholi fo manamatek, suek e boso dale hedi sama leo hataholi - hataholi tana maena namahenak. 14makaneni ma ita tamahele hu Lamatuak ana mate ma ana fo'a fali, ita boe tamahele Mantolain nakabubua hataholi manamatek nai Lamatuak dalek sama - sama no ndia 15Aimafada dede'ak soa neu o fo Lamatuak halan, leo ita tasoda, hu ita bekasodak kala boema be hambu losa Lamatuak ana mai.16
17Boema, ita kasodak ala, fo be manamahanik, nan suek sama - sama nai koa's lain, no hataholi fo natonggo ala.Hu ndia, Lamatuak , nai lalai, leo ndiak ita sama - sama to Mantolain. 18Hu ndia, kokoe nanasi esa no esa dede'ak kokolak ia.
Chapter 5MANEA NEU LAMATUAK MAMAIN

2Boema, e mesan bubuluk Lamatuak ana mai samak leo nao nae fai leo daen. 3 Neu faik fo Hataholi-hataholi la fada, mole ma dame, hukudokik ana mai neu sala kaiboboianak, leo ina nimeda hedi bobonggik, boe ma talabisa timba heni sana.4Hu ndia, Tolano-tolano nggale, ei ta masoda nai makiuk dale losa faik ndia ana mai neu ei samak leo nao. 5Ei basan ngge kakana manggaledok ma kakana leledok. Ita ta teme leo daek mai ndo makiuk mai. 6Hu ndia, boso ita sunggu leo Hataholi-hataholi fe'ek ala, te mai fo ita tanea tahele. 7Hatoli mana sunggu, sunggu na leodaek ma hatoli man mafuk ,boe ana mafuk nai ladaen.Leo mae, ita kakanak manggaledok, mai ita tamedak pake badu musuh namahelek no susuek ma pake solangga musuh ma namahenak neu soda molek. 9 Amakmanetualain ta na nanggatutu ita fo hambu nasak te hu suek ndia hambu soda molek tungga ita Lamatuak, Yesus Karistus, 10Anamate soa ita,suek ita, leo mae tanea do ita sunggu, ita leo toon. 11Huu ndia de mate tea esa no esa ma fo'a leo, leo etaon hate matek ia. NANANOLIK MATE'EK MA SODA MOLEK12Tolanok - tolanok, ai moke o'o fe hadak neu hataholi ma'ue maledik nai olaladan boe ma nakala'laok o nai Lamatuak dalek, boema ana ka'i o. 13Fe hadak neu sala tebe - tebe nai susuek dale hu sila ue ledin. masoda nai mole esa no esa. 14Ia tumbu ne o, tolano -tolano mafada hatoli mana mbela tua la beoma matetea mana dale kadi'ik klala, fali mana ma'a malek, ma makatataka no basa hatoli la.15Mete fo hatoli boso esa soli salak esa no esa, boe ma ala tao dede'a niulauk nai o ma basa hataholi lalae'n. 16Mamahoko mahele. 17 Hule hala doi mahele. 18 Moke makasi neu basa dedeak lalaen. Hu ndia, de Amakmanetualain hihin nanaun neu o nai Lamatuak dalek.19Boso makamate Dulak! 20Boso makadadaek Ndia kokolan! 21Te hu soba neu basa dedeak lalaen! to u mahele beek fo malole! 22Makadodok neme basa dedeak manggalauk mai!23Ela leo be na Manetualain soda molen mesak kana ni lalao e basangge. Ela leo be na Dulak ma, soda samanek ma, ao mbak nanakaboik, tano salak fo neu faik ita Lamatuan Yesus Karistus fai mamain. 24Ninnggo ei dadik neu hatoli manatunggak, losa Manetualain fai mamain.25Tolano - tolano hule hala doi neu ai! 26Ba'e fe soda molek neu basa tolanok ala! 27Au oke o no Manetualain Naden , suek les susulak ia neu basa tolano manai ele la. 28Soda molek neme Manetualain, Yesus Karistus, nok o.

Philemon

Chapter 1SODA MOLEK NEU FILEMON

1Soda molek neme Paulus, hatoli nanahukuk hu kada Lamatuak Yesus Karistus. boe ma nimi Timotius mai fo ita tolanon.neu Filemon, nonon no ata fo ai sue, 2ma neu Apfia, no ita feton, ma Arkihipus, ma ita tolanano manama esa nala, ma neu Salanik fo ma nakabubua nai o uman.3Susuek lalaik neme ita Aman Manetualain mai, ma neme Lamatuak mai. MAKASIH NEU NAMAHEHELEK MA SUSUE LALAIK FILEMON4Au ama hoko neu au Aman Mantualain neu faik fo au nasaneda ei neu au huhule hala doin, 5Hu au nama nene neu ei nama hehelen ma susue lalaik nae Lamatuak na Yesus dalek ma neu hataholi man tao ndos. 6Au hule hala doin fo o nae esan nama helen ndia an dadik neu lauk fo henuk no dedea malole fo mane ita hu Karistus. 7Au hama hoko au ta dale neu o susuen tungga ei, tolano, ma hataholi-hataholi manalauk dalen nana fofoa falik. HUHULE PAULUS NEU ONESIMUS8Hu ndia, nama hehele mate nae Manaduk dalek ma au fe palendah neu soa tao tungga neu soda tungga faik , 9te u susule lalaik, au oke neu ei tungga au paulus, fo nae fai lasin, ma hatematek ia nanahukuk hu Lamatuak.10au hule nei o soa au anan, Onesimus, fo bek ndia au hambu nai mamana huhukuk, 11nae maka hulun ma sosok ta so nei o, te hata matek ia ka sosoak, leo mae ne o te leo mae ne au. 12Au fe au anan ndia , an fali neni o neu, 13Leo tetebe na au wa hik kain soa leo sama -sama no au suek ana bisa nggati au ue ledin faik fo au be nai buidale hu hala lin.14Tehu, ta noo o hihin, au ta nau tao bek neu dedea nu lauk tan dadik neu nakasetik te ana dadik neu namahokok.15fo o bisa dudu'a hu hatina de Onesimus ana bingga neu o ledoeik ia suek ndia e bisa simbok falik kana losa dodona.16neu faik fo ta dadik ataso, te ana lena heni ndia, ndia tolano susue, takada soa au te ana lena heni ndia au ua o te neu aombak ma samanek nai Lamatuak nadendale.17te leo mae ei tao au leo bali ei nono ue ledin, no simbok mala Onesimus sama ei simbok au.18tehu ndia ana tao ni sala neu o do ni huta bek neu o, na lembas mala ndia neu au.19Au, Paulus, sulak aon nenik au liman: au tao atetun ma tan sesek dedea hutak neu au, fo o sodan.20O au tolanon, suek ndia au hambu neu neu lauk neme o sodan nai Mantualain dalek.21hu au namahehenan neu o namahehelen, au sulak susulak ia soa neu o, hu au bubuluk ei tao lena heni hata fo au okek.22ledoeik ndia, hu amahena nesik o huhule haladoin, au bisa fali uni o u. Susue mate,ek23Eprafas, au nono buin nai Lamatuak Yesus dalek, ana fe sodamolek neu o,24leondiak boe Markus,Aristarkus, Demas, no Lukas ma nono manamaesan.25Susue lalaik neme ita Amakmantualain mai, Lamatuak Yesus, fo dulak nahele o.

2 Peter

Chapter 1

1Neme Simon Petrus ata no hataholi nadedenuk neme Lamatuak Tuhan Yesus, soa neu hataholi fo mana simbok namahehelek samak leo ai hambuk tungga Amak Manetualain dede'a kokolan neme Amak Manetualain fo mana tefa soi neu ita salan fo Lamatuak Tuhan Yesus. 2Ela leo be na baba'ek ma sodamolek nana ba'ek soa neu o ma namahehelek neu Amak Manetualain ma ita Lamatuan Tuhan Yesus.Hataholi nana nokek boe ma nana helek neme Lamatuak mai 3Palenda inahuk nana ba'ek neu ita basan dede'ak lala'en nitetu no sodak ma ndos tungga nalelelak neme ndia mai ma noke ita teni ndete sa'an ma dede'a neulauk neu. 4Tungga ndia fo ana ba'e fe ita hehelu hehelu ianahuk ma kabelik ma suik ndia hehelu heheliuk lala'en ei ha'i mala basa nalelelak lala'en nemi ndia mai boe ma ei ndia be na ei maka dodo heok neme basa soe silaka ma nasa botolik5Soa neu ndia sosoan na ma o maue ma osa no tebe tebe soa ana tamba o nama hehelen no o tatao nono'i neulauk, no o dudu'a afin. 6No o bubulun ma no o namemedan neu o soda hehelin ma no o namahehelen. 7Susue lalaik neu o tolanon ma boso sue lai neu kada o aoina heli helin.8Makaninim ma basa ia la lai o ao inan na boe ma basa sala ala- ala hene bano,u boe ma o ta tuka te ma o ta saleh dale na o sodan sosoan ta. 9tehu mae leondiak, hataholi fo tamanamaena basa sila ndia be na hataholi fo nita no kambalek boe ma mbokek boe ma nifilende heni ndia nanalalaok neme kilu sala mana basak kala.10Hu ndia tolano - tolanong nggalein tungga sangga neulalau suek ndia e bubuluk tebe - tebe enanokek ma enantengga helek nenik ndia ei tao tunggan na ei ta bisa ei tuda. 11No dalak ndia lelesu nini Lamatuak fo ita hu masodan Lamatuak Tuhan Yesus nusa namon nana buka maloa soa neu o.12Hu ndia de auahik au fe nasanenedak neu ei lala,en, leo mae ei bubuluk basa boe ma ei foa ma ei mambadek matea nai dede,a ndos fo hatematek ia ei maena ia. 13Leo ndiak au be asoda nai daebafok ia au ahik au le,a nole ei ma au fe ei nasanenedak, 14Nenik ndia au bubuluk mae tak o au la,o ela mamanak ia samak leo nanatuduk neu au no manggaledok neme ita Lamatuan Tuhan Yesus. 15Boe ma au tungga sangga no au dale katema tuan soa ana tao nala o masanenedak basa - basa iala nai ledoek fo au la,o.Sakasi mata nitan Lamatuak mandela masaan.16Hu ndia de ai tatao tungga tutuik - tutuik ta tetebes neu nalelelak neu o soa au a tudun neu o palenda boe ma Lamatuak Tuhan Yesus mamain tehu ai ia sakasi - sakasi tetebes nai mamana mandela masa'ak. 17Nai ledoek fo Lamatuak Tuhan Yesus ana simbok nala dede'a ndetesa'ak neme Amakmantolain mai, samak leo neu ledoek fo nifada neu Lamatuak neme Amakmantolain mai." ia ndia be na au ana susuen soan neun fo au amahenan". 18Ai boe aimamanene halak neme nusa sodak mai nai ledoek fo ai sama - sama mian nai lete malalaok.19Ai boe o ai nananateteak neme dede'a kokolak fo ela leo be boe o ei tao dalek no neulauk, samak leo ita tao dalek neu ha'i banduk fo ana mbia nai mamana makiuk losa fafaik boe ma nduk dulu fula ana moli nai o dalen dale. 20Atehu ma dedea neulauk fo ela leo bena ei malelak ndia tahambu dede'a nanaheluk nai susulak malalaokfo neme nalelelak hataholi mai, 21Nenik ndia tehu ma ta hambu tutui bebenggak esa boe nanatuduk neme hihi hataholik mai, leo ndiak boe o hataholi hataholi fo nikokola tungga Amak Manetualain naden a na ndia na le'a nolek neme Dula Male Malalaok mai.
Chapter 2Huhukuk Neu Mese - Mese Pepekok

1Nai lele makahulun, hambu mese - mese Pepekok nai ana-ana Amak mantolain, samak leo hatematek ia hambu mese - mesen masa pepekok nai ei basang ei fo nifuni ei nanolik fo malutuk, boe ma nilelesi neu Lamatuak fo ana tefa soi neu ei boe ma nitudu nakalulutuk neu sila ao mba heli - helin seluk. 2Boema, hambu hataholik no,uk ala tungga sila tatao nono,in taneulauk , nenik hataholi sila, boema hu sila la, dala ndos nana nakamutik. 3No fe henik neme sila mai ala ha,i nanalak neme o mai no kokolak - kokolak fo henuk no pepekok, huhuku neu sila fo nana sadiak soa nai lele makahulun fo tana nana nggatik, boema nakalulutuk neme sila mai tanana mbo,ik.4Hu, leo kada Amak mantolain tana bisa niki tataka nai ledo,eik fo ata - ata manaduk manatao sala, malolenak mbia sala leni naraka dalek neu boema fe sala leni langge besi ma kiuk soa lahani neu nakeketuk, 5boema leo Amak mantolain tana suek daebafok makahuluk buluk ko Nuh, hataholi mantui bengga dedea ndos esa ana sama-sama no hataholik fe,ek hitu, te hu ana fe fa tua nini daebafok fo tana nilelak Amak mantolain,6boema Amak mantolain ana huku nggolok Sodom ma Gomora ninik dalak ana tao lakalulutuk nggolok kaduak sila losa ana dadik afu, boema niki dadadik kasaleo man matudu neu hata fo ana dadik neu hataholi - hataholi makanisak fo mana masodak nai lele manama,ik ia,7boema leo Amak mantolain ana fe soda ndos, hataholi ndos ndia, fo mana doi doso hu dala sodak taneulauk neu hataholi - hataholi fo ta nilelak neu hoholok.8Nai ledo,eik ndia , Lot ni soda nai sila laladan tungga faik, boema sodan fo ndos ana doi doso hu nita boema niminene tatao nono,ik manggalauk fo ndia nitak boema niminenen.9Boe ma Amak mantolain tanaeta o ana bubuluk leo bek ndia niti mbo,ik hataholi-hataholi ndos neme sosoba susudik boema ana ela hataholi-hataholi makanisak soa nana hukuk nai fai nakeketun,10nikilena neu sila ala tao latetu sila aomban tungga sila hihi nanaun boema laka dada,ek neu palenda boema lamadedema aon tungga koaok, mese-mese pepekok sila talabi lakadada,ek neu Amak mantolain lima kuku dokin, 11la,e neu ata nusa sodak fo leo mae sila kuasan inahuk lenan sila kuasan tehu tala kokolak nakadada,ek la,e neu salai nai Lamatuak matan.12Mese-mese pepekok kala sila samak leo banda fo duduan ta nana bonggik soa nana mbaak ma nana halak, ala lakamuti ma lakadadaek neu hata fo tala bubuluk, boe ma nana taok nakalulutuk tungga ala tao lisan.13Sila nana fek tungga dedea manggalauk fo dadik neu ngadi neu sala neme sila tatao nonoi manggalauk ala tao mamafuk ndia nai fai leledok ana dadik neu namahokok. Sila ndia bena nggenggeok boema makamutik mamahoko nai dedea sosoatak ledo,eik fo la,a lakabubuak lo o.14Sila laena mata fo henuk no hihi hohonggek boema tala hahae tao salak, ala fufudi hataholi fo dale kadi,i anak, boe ma dale nanananoli basak nai dedea dalehedik. Sila ndia kakana-kakanan fo nana fe kutuk15Ala lao ela dalak makandok boe ma ala tungga dalak makabiak, ndia dalak Bileam Bin beor, fo ala hi,i ala simbo nggadi soa tatao nonoin fo manggalauk. 16Leo mai ana hambu tokokai mabela neu sila tatao salan neme keledai fo hala tak , tehu fo boe ma ana hahae tatao nonoi kamuluk neu ata ndia .17Hataholi-hataholi ia leo oematak fo mana madak boe ma leo ko,as nana fuk neme ani mai. makiuk fo nana sodiak soa sila.18No dedea kokolak koaok, tehu lok ala hengge hataholi - hataholi fo nana mbo,ik henik neme sila fo kasodak fo mana lao salak tungga hihi-hihik aomban.19Mese-mese pepekok ala helu-hehelu nata mbo,ik te nate sila ndia be na ala dadik neu ata neme mamates mai. Nenik ndia, hata ndia ana dadik nakabibik neu hataholi soa neu hataholi ndia ana dadik neu ata.20Mete ma mbo,i heni sila neme dedea kokolak daebafok ma manggalauk tungga lalelak neu Lamatuak fo ita manaso,in fo ndia Yesus Karistus tehu basa boe ma ala fali leni daebafok masalak ndia fo soa nana palendak ala, boema sila ala dadik neu manggalauk lena heni sososan.21Malolenak leo boso lalelak dalak neulauk ndia ate leo mae lalelak tehu ala lasa fali neme hoholok fo nana fek la,e soa neu sala.22Sila ndia bena salaok neme dedea neulauk ia mai, basa ana fali neni mutas neu seluk ma bafi fo nana nalaok ana fali neu seluk dano mbuk.
Chapter 3

Lamatuak Neuko ana Falimain 1Tolano- tolano susuenggalein, ia susulak ka duan fo au sulak neu o.Mai susula ka duan ndia, au ahik afofo,a neu o dudua afin nilauan no ia nasanenedak neu o, 2suek ndia ei masanenedak neu nafafadak -nafafadak nai makan hulun fo nana tuik neme ata- ata malalaok ala mai, boe ma palenda-palenda neme lamatuak fo manatefasoi ndia tungga hataholi nadedenun nalan.3Andadik sososak neu ei, soa ei bubuluk nai ledo,eik mate,en te, mana muti muk ala mai soa ala tungga hihi aombak kasalan nala.4Boema lafada , nai be ndia heheluk nae ana falimain? hu neme ita bei ba,in mana matek ala , basasala bei alalaok leo sososan fo nakadadadin.5Hu ala tao leo alaliliheni mana dadik ndia hu tungga hala lin , lalai ana dadi neme makahulun ele mai boema daebafok nana nakadadadik neme oe mai boema tungga oe. 6No oe ndia boe, daebafok, fo nai lelek ndia nana nakalulutuk neme fa tuak mai. 7Boema no ma halalin seluk, lalai ma daebafok hatematak ia nana mbedak soa nana hotuk neme ha,i mai nai ledo,eik nakeketuk ma nakalulutuk soa neu hataholi-hataholi manggalauk.8Tolano- tolano sususe nggalein , boso lili heni mana dadik esa ia soa neu Lamatuak, faik esa sama leo teuk lifun esa ma teuk lifun esa sama leo faik esa. 9Lamatuak tana hambu niki e esok soa ana tao nitetu hehelun samak leo nana metek neme hataholi hidahulu mai fo ni mata ao leo niki e esok boe tehu nikitataka soa o, hu ana ta nau hataholi esa boen fo ana mate, te hu suek ndia na basa hataholi la ala fali mai no tuketeik.10Faik fo Lamatuak ana fali main te samak leo na,o boema lalai neko ana basa no ala inahuk.Ma basa hata fo manai lalai ndia be na neko nana hotuk basa boema an fa no ha,i matobik, boema daebafok no basa isin nana hotu henik.11Metema basa hatalalaen nan tao nakalulutuk, leo iak , na leo bek ndia ei masodan ? Te leo ei masoda ndos no ei makaluku neu Amak mantulain.12Boema la hani no lai-laik neu ledo,eik fo Amak mantualain ana fali main ? Neu Lamatuak fain, te lalai neuko nikilulutuk neme ha,i mai , boema basa hatalala, en fo manai lalai alafa hu matobik.13Boema nitetu leo Amak mantualain hehelun soa tahani neu lalai beuk ma daebafobeuk, mamanak fo neu basa hataholi ndos ala .14Tolano-tolano susuenggalein , hu no ita tahani neu dedeak ia , te ela leo bena maue maosa no dalek, suek ndia na Amak mantualain ana hambu nala ei nai kilu salak dale te mole dame mia Amak mantualain.15Makadadadik Lamatuak nakatatakan ndia ana dadik neu ledo,eik soa ita simbok soda molek sama leo Paulus, ita tolano susuen ndia ma sulak soa o , no nalelelak fo nana fek neme Amak mantualain soa neun. 16Ndia boe ana kokolak dedea-dedeak ia nai basa ndia susula fe,en nala boema memak hambu dedea-dedeak fo tanana nalelak . Boema nana fae nasa falik neme hataholi-hataholi nggoak ala mai ma , namahehelek kadi,ik ala sila boe ala taon nai babae- babae fe,ek neme susula malalaok fo nini mamates la,e neu sila seluk.17Tolano-tolano susuenggalein, hu ei bubuluk neu dede,ak ia , de matalolole suek ei boso nana nok nini salak dalek neu, fo neme hataholi-hataholi tamana malelak neu hoholok de boso fe ei nama hehelen ana tuda.18De ela leo bena ma hu ma maoka nai baba,ek ma nalelelak neu Lamatuak fo ita manasoin ndia , kokoak ma kikiok neu Yesus Karistus neme hatematak ia losa nala dodonaneu .

2 John

Chapter 1Soda molek

1Neme ata Lamatuak,neu mama fo nana helek ma neu anan - anan nala, fo au sue sa lai ndos dale, boe ma ta kada au, te basa hataholi fo ma na malelak dedea ndos, 2hun dos fo mana leo nai ita dalek boe ma ana esa no ita losa don.3Babaek, susue malalai, no mole dame neme Amak mantolaiboe ma neme Lamatuak Tuhan Yesus, fo manaduk anan, lopolinu ita nai ndos ma susuek dalek .Masoda Tungga Amak Mantolai Palendan4Au amahoko alan seli hu au bubuluk o anan hida hulu lasoda lai ndos dale, sama leo palenda fo ita simbok neme Amak mai.5hate matak, au oke neu o, mama, taleo au sulak palenda beuk esa, te palenda so ita hambu nai maka hulun,fo ita ta sue ta lai 6ao. Boe ma ia ndia be na susuek, hu ita ya soda tungga palenda- palendan. Palendan ndia , samak leo fo ei mama nenek so nai lele sosasak sue ndia ei masoda ndia dalek.7Hu mana masaneneleok mouk ala titoda leni daebafok mai, sila tala nau lalelak Lamatuak samak leo manaduk, fo ana mai leo hataholi.Sila ndia be na mana fufudi mamana masapepekok.8Mata neneuk leo fo ei boso mamopo hata fo ita tao talak kala, malolenak ita simbok basa babae basan.9Soa hataholi fo mana laok deak neu boe ma tana leo nai nanonolik Lamatuak ndia na ndia tana hambu Amak mantolain.te hu, se ndia ana leo nai nanonolik neu laok ndia ana ni ena Amak boe ma anak.10leo hambu hataholi fo nini o matan neti boe ma tana meni nanonolik ia , boso simbok ndia neni o uman dale neti do fen soda molek hata esa boe.11Te,se ndia fo ana simbok ndia ana ha i babaek nai ues hataholi manggalauk ndia.Soda Molek Mateek 12Dedeak nouk ka au ahik sulak fen neu o, te au ta nau au tao na ninik susulak no tinta . Leo amahena au bisa neti boe ma au a kokolak asasalematak suek ndia na ita hambu namahokok. 13Kakanak-kakanak neme o tolanon mai fo nana helek soa laka lolosak, soda molek neu o.

3 John

Chapter 1Sodamolek no koa kiok soa neu Gayus

1Neme ata Lamatuak ala neu Gayus ana susuek nai dedea ndos dalek. 2Au tolanon susuen, au hule hala doi fo e soda ladan neulauk basa basan, boe ma e ao mban neulauk samak leo e soda samanen neulauk. 3au amahoko an seli neu tolano manamaikala ala tui dedea ndos, fo e tao noik nai e masodan nai ndos dale. 4Au ta aena dedeak namahoko inhuk esa boen ana lena henin au amanene au anan ala laok lai dedea ndos dalek.5Au tolano susuen ala, Otao leo hatoli kamahelek, Otao dedeak esa neu hatoli hatolila leo mae hatoli sila hatoli manamai. 6Ala tui beng'ga dedeak susuek fo o taon neu s'lanik ala mata na. fo dedeak neulauk ala soa neu sila lalaon dale fo dedeak nanahik neme Manetualain mai. 7Hu no N'dia nadena ata ala laok neu mai tala simbo hata esa bo neme hatoli hatoli ta kamahelek. 8Hu ndia, fo ita dadik neu hatoli hatoli manasuelaik neu hatoli hatoli la fo ita dadik neu nono man tao ndos.9Au tao susulak neu salanik, tehu diotrefes, mana so'u aok no hata holi mana no n'dia tama nau simbok ai.10Hu ndia neu faik fo au mai, au fe nasanedak neu ndia tatao nonoin ana kokolak mutimuk no dedeak salak boe ma ta kada ndia te tana nau simbok tolanok tolanok mana maik ala boe ma ana kai hataholi mana simbok ai boema ana kadidi'i sila lai salanik ala matan.11Au tolano susuen, boso tunga dedea manggalauk,ka'da dedea neu lauk, Hataholi mana tao neulauk ana dadik neme amakmentualin mai, boema hataholi manatao salak,beta nita lae amakmantualain. 12Boema Demetrius basa hataholi mana tui ala tui deddea neulauk, boema dedea ndos ana fe tutuik leondiak boe. no o bubuluk tutuik neme ai mai tetebes.Hala Mate'ek13Leo hata na dedeak nouk ka au sulak elan neu e, te hu au ta nau sulak soa neu e tungga susula engge. 14Au aena nahik atonggo e ledo eik ia fo au kokolak neu e matan natonggo matak no matak. 15Soda Molek ana tungga e, soda molek neme ita tolano tolanon ma ne ia soa eee . Makalolosak soda molek neu tolano tolanok esa esa ele.