¹Hakuvaleka, Njambi uatangele melu na mavu. ²Mavu akele amupolongua. milima yakele helu liaseta muzimu ua njambi ua kuenda helu lia mema.³Njambi uahandekele ngueni, ''kukale cieke,'' kaha kucakele. ⁴Njambi uamuene kumunika, kaha ngue caviuka. Njambi ua hangunuine cieke na milima. ⁵Njambi ualukile kumunika ngueni, ''mutana,'' kaha ua lukile milima ''vutsiki.''Evi viakele cinguezi na cimene, litangue lia mucimo.⁶Njambi ua handekele ngueni, ''kukale lihangununo hakati kamema, linga lihangunune mema ku mema,'' ⁷Njambi ua pangele lihangununo na kuhangununa mema akale muitsi ya lihangununo ku mema akale helu lia lihangununo. cakele ngoco. ⁸Njambi ua lukile lihangununo ngueni, ''lilu.'' Evi viakele cinguezi na cimene, litangua lia mucivali.⁹Njambi ua handekele ngueni, ''mema ali muitsi ya lilu alikungulule kuhela umo, linga ntunda ituhuke.''cakele ngoco. ¹⁰Njambi ua likile ntunda ngueni, ''mavu,'' kaha mema aze alikunguluile ua alukile ngueni, ''tulunga ndonga.'' Njambi ua muene ngueni caviuka.¹¹Njambi ua handekele ngueni, ''mavu vavuambule vasika: visoka via kutuhula mbuto na miti ya vusuku yekuima mbuto omuo mbuto yaco yakala muikeyo, imo na imo kuta namuyati uayo,'' mucakele. ¹²Mavu atuhukile visoka, visoka viatuhuile mbuto ya kumiyati yavio, namiti ye kuima visuka omuo mbuto yakele mu ikeyo, na miyati yaco. NJambi ua muene nguni caviuka. ¹³Kaha kuakele cinguendzi kaha kuakele cimene muli tangua lia mucitatu.¹⁴Njambi ua handekele ngueni, '' kukale vieke muilu via hangununa ku vutsiki na kukala vimueso, via zitsimbu, via matangua na miaka. ¹⁵Vikale mimuni muvuntangantanga vihie cieke mu mavu.'' cakele ngoco.¹⁶Njambi ua pangele vieke via kama vivali cieke ca kama kuhiana ca kuyula litagua, cieke ca mueseke ca kuyula vutsiki. ua pangele tuntangantanga naua. ¹⁷Njambi ua visetekele muilu linga vihie cieke ha mavu, ¹⁸Viyule kumutana na kavutsiki, na kuhangununa cieke kumilima. Njambi ua cimuene ngueni caviuka. ¹⁹Eci cakele cinguezi na cimene, litangua lia muciuana.²⁰Njambi ua handekele ngueni, mumema musule kuhiama na viuma via muono, na tuzila vapululuke helu lia mavu muli hangununo muilu. ²¹Njambi uatangele tusitu vamu tulunga ndonga vakama na cuma cose camuono na muyati uaco, viuma viekuenda na kusula kuose mumema, na tuzila vose vamavava na muyati uaco. Njambi uacimuene ngueni caviuka.²²Njambi ua vavezikisile, nguni, ''mukasemunuina na kulana, kusulisa tulunga ndonga. Tuzila vakalana hamavu.'' ²³Eci cakele cinguezi na cimene, litangua lia mucitanu.²⁴Njambi ua handekele ngueni, ''Ecenu, mavu atuhule viuma via muono, cimo na cimo kueseka na muyati ua uo, vimuna, viuma viakuhalala, na tusitu vahamavu kueseka na muyati uaco,'' cakele ngecize vene. ²⁵Njambi ua pangele tusitu vahamavu mumiyati yavo, vimuna mumiyati yavo, na viose vie kukalava hamavu mumu yati uaco. Uacimuene ngueni caviuka.²⁶Njambi ua handekele ngueni, tuvumbienu muntu nua kulifua netu, mucifua cetu. vakafungulule vatsi va mutulunga ndonga, natuzila va muilu, na umuna, hamavu hose, na viuma viakuhalala vize vieku kalava hamavu. ²⁷Njambi ua tangele muntu ua kulifua neni. Mucifua ceni uavumbile muntu. Yala na mpuevo ua vavumbile.²⁸Njambi ua vavezikisile na kuhandeka kuli vakevo ngueni, '' Mukasemuniuna na kulana. Mukasulise cifuti na kucononuesa. Mukafungulula vatsi vamu kulunga ndonga, na tuzila va muilu, na viuma viose via muono vize viekuenda hamavu.'' ²⁹Njambi ua handekele ngueni, tala, ''Njina kuavela miti yose yekuima mbuto yakala hamavu, vikakala via kulia kuliove.³⁰Kutusitu vose vahamavu, kutuzila vose va muilu, na kuviuma viose vie kukalava hamavu, naku viuma viose via kutanga viekuhuima njina kuhie viose visoka vintontola vikale kulia cove.'' cakele ngoco vene. ³¹Njambi ua muene viose via vumbile. Talenu, caviukele kuhiana. Eci cakele cinguezi na cimene, litangua lia mucitanu na limo.

¹Kaha melu na mavu ahuile, kaha na civunga cao cose. ²Hali tangua lia mucitanu na avali Njambi ua vippangi viakele naku nakupanga, kaha ua huimine hali tangua lia mucitanu na avali kuvipangi vieni viose. ³Kaha Njambi ua vizikisile litangua lia mucitanu na avali nakuli lelesa, muomu hali tangua eli hakeko ha huimine kuvipangi vieni viose via pangeli.⁴Eci cikeco vusangumukilo vua melu na mavu, omo muva atangele. kuli tangua olio Yehova Njambi ua pangele mavu na melu. ⁵Na cisoka nacimo cahi cakele hamavu, kaha na cisoka cahi camulihia catuhukile, muomu Yehova Njambi te kanda anokesa mema helu lia mavu, kaha kakuakele muntu akele nakulima ha mavu. ⁶Vunoni kuakondokele mbundu ha mavu naku zulisa helu lia mavu ose.⁷Yehova Njambi uapangele muntu kufuma kulukungu lua mavu, haka ua huiminine mumi zulu yeni muku ua muono, kaha muntu akele na muono. ⁸Yehova Njambi ua tambekele lihia ku kukuiza calitangua, mu Endene, kaha ahakele muntu uze ya pangele.⁹Kufuma kulivu Yehova Njambi uasokesele muti uose ua kuviuka kumona kaha naua uacili mukulia. Eci kuhakelako muti ua muono uze uakele hakati ka lihia lia Endene, kaha na muti ua kuntantekeya viacili nevi via vipi. ¹⁰Ndonga ua fumine ku Endene mukutu tukumuina lihia. Kufuma kuze ua litepele uasemene va ndonga va uana.¹¹Lizina liou ua katete ikeye Pisone. ikeye ou ua zingilikile cifuti cose ca Havila, kuze kuakele olu. ¹²Olu yelize lifuti yakele ya cili. kaha kuakele Mbendelio na livue lia onikisi.¹³Lizina lia ndonga uamu civali ikeye Ngihone. ikeye vene uze a zingilikile cifuti cose ca Kuse. ¹⁴Lizina lia ndonga uamu citatu ikeye Hindekele, kaha ikeye uze ahita kumutamba ua Asilia.na ndonga uamu cuana ikeye Yufelate.¹⁵Yehova Njambi uanonene yala uze nakumu haka mulihia lia Endene nakupanga na kuviukisamu. ¹⁶Yehova Njambi ua sikile yala, ngueni, ''Ku miti yose yamulihia ukuasa kulia. ¹⁷Vunoni ku muti ou uaku ntantekeya kuviuka na vupi kuliako cahi.¹⁸Kaha Yehava Njambi ua handekele ngueni, kacikuviuka yala akale likalieni. Njiku mupangela mukuasi uaku mufua ikeye. ¹⁹Kufuma kulivu Yehova ua mungile tusitu vamu lihia na tuzila va muilu. Kaha uavanehele kuli yala mangana auane muakuva sanena vakeko. Muose uze yala muali kuva tumbila mazina haka situ haka situ, akeko akukala mazina ovo. ²⁰Yala avatumbile muzina kuvimuna vose, nakutuzila vamuilu, natusitu vose vamu musenge. Vunoni kuli yala ivene vauanene kakuakele muka kumukuasa uaku mufua ikeye.²¹Yehova Njambi uamu kosesele yala, mutulo vakama kaha uakosele tulo. Yehova Njambi uanonene lumpanti lumo ha zimpanti zikuavo kaha uafuikile ntsitu muku sintsisa. ²²Kulu mpanti luze luafumisile kuli yala, ua pangele mpuevo nakumuneha kuli yala. ²³Kaha yala uahandekele ngueni, ''Ino ntsimbu, ou cintsiha ku vintsiha viange, na ntsitu ya ntsitu yange. vaka musana nguavo 'mpuevo,' muomu vamufumisile kuli yala.''²⁴Ngoco vane yala aka seza ise na naye, aka kakatela mpueyeni, kaha vakakala ntsitu imo. ²⁵Kaha vose vakele vuntselentsele yala na mpue yeni, kavavuile ntsoni.

¹Vunoni linoka ua vangulikile cikuma kutusitu vose va mumusenge va pangele Yehova Njambi. Ua handekele kuli mpuevo ngueni, ''Cili Njambi na handeka ngueni, 'Kati mulie kala muti ua muihia'?'' ²Mpuevo ua handekele kuli linoka ngueni, ''Tunahase kulia vusuka vua kumiti ya muihia, ³Vunoni ha vusuka vuakumuti uli mukatikati kalihia, Njambi ua handekele ngueni, ''kati muakalioke, amba kukuatako, ngoco ukatsa.'''⁴Linoka ua handekele kuli mpuevo ngueni, ''Vusunga vene kaukutsa. ⁵Muomu Njambi nantentekeya kuviuka na vupi.'' ⁶Omuo mpuevo ua muene muti kuviuka, na kuviuka kumeso, kaha naua muti uakele uakulema kuuana mana, uambatele vusoko na kulia. kaha naua uahiele vumo kuli yalieni yakele neni, kaha ua lile.⁷Vose vavali meso avo emukile, kaha vantantekeyele nguavo vali vuntselentsele. Vatongele mefuo a mukuyu vose na kupanga via kuli mbandeka viavo vavene. ⁸Vavuile cizimo ca yehova Njambi akuenda muihia mucinguezi ca litangua, kaha yala na mpueyeni vavandele kumeso a Yehova Njambi mumiti ya muihia.⁹Yehova Njambi uasanene kuli yala nakuhandeka kuli ikeye ngueni, ''uli kuli?'' Yala ua handekle ngueni, ''Uli kuli?'' ¹⁰Yala ua handekele ngueni, ''Njakuvuile muihia, kaha njavuile vuoma, muomu njakele vutseletsle. kaha hanjikuvanda.'' ¹¹Njambi ua handekele ngueni, ''Iya ua kulekele ngueni uli vutsetsele? unali kumuti unjakusikile nguange kati ukalieko?'''¹²Yala ua handekele ngueni, ''Mpuevo iuahiele kukala nange, ua njihiele vusuka vuakumuti, kaha njalile.'' ¹³Yehova Njambi ua handekele kuli mpuevo ngueni, ''Vika evi viunalingi?'' Mpuevo ua handekele ngueni, ''Linoka na liongele kuliange, kaha njalile.''¹⁴Yehova Njambi ua handekele kuli linoka ngueni, ''Muomu unalingi eci, unapu una kusingiua ha vimuna vose nahatusitu vose va muihia. ukendela hazimo liove, kaha ukalia likungu matangua ose a muono uove. ¹⁵Njikahaka vutozi hakati kove na mpuevo, nahakati kambuto yove na mbuto yeni. Akatika mutue uove, kahove ukamusuma kutsitsino.''¹⁶Kuli mpuevo ua handekele ngueni, ''Njikalanesa kuvavala ha kusema cove vana; muvivavala mukeko muukasemena vana. ukatsa yaliove vunoni akakuyula.''¹⁷Kuli Andama ua handekele ngueni, ''Muom vuila lizi lia mpuevo, na kulia kumuti, unjakusikile, nguange, 'kati ukalieko,' mavu asingiue hamulonga uove; kumilimo yakukola kukeko kuukalia matangua a muomu uove ose. ¹⁸Vikakuimina mingonga na tundzata kaha ukalia visoka via kumiti yamumusenge. ¹⁹Kumatukuta akumeso ove ukalia mbolo, nomuukahiluka kulivu, muomu kukeko kuuafumine. muomu ulukungu, kaha naua kulukungu ukahiluka.''²⁰Yala ualukile lizina mpueyeni Eva muomu uakele naye uava kuakuyoya. ²¹Yehova Njambi ua vapangelele va Andama na mpueyeni vuzalo vua vilambu na kuvazika.²²Yehova Njambi ua handekele ngueni, ''Vunoni yala napu laza mucifua cetu, kuziva vuviuke na vupi. ngecize kavatela kumutavesa kuolola livoko lieni, kumbata ku muti ua muono, na kulia, na kuyoya cahiaya miaka yose.'' ²³Ngecize Yehova Njambi ua mufumisile muihia lia endene, na kulima livu lize kuvamufumisile. ²⁴Ngecize Njambi uafumisile yala muihia, na kuhaka selumbini kumuntuntuko ua lihia lia endene, na musukumo ua mpoko yavuvela kuvali ya kualumuna kuose, linga aniunge ndzila ya kuya kumuti ua muono.

¹Yala ua limuene na mpueyeni Ava kaha mpuevo uemitile na kusema Kena. mpevo ua handekele ngueni, ''Njatuhula yala mumvukuaso vua Yehova.'' ²Kaha mpuevo uasemukile muanaye Avele. kaha Avele uakele kaniungi, vunoni Kena uakele mukakulima vimbuto.³Muyahetele ntsimbu Kene uanehele vumo vukuasi vua kufuma kulivu kupua nkombelo kuli Yehova. ⁴Vunoni Avele, ikeye uanehele vamo vantuantua vaku vuntnga na amo mazi. Yehova uatavele Avele na vuana vueni, ⁵Vunonu Kena na vuana vieni ua vumuene. Ngecize kena ua liniengele cikuma, ua hombele.⁶Yehova ua handekele kuli Kena ngueni, ''ua liniengele vika kaha naua vika vi ua hombela? ⁷Ngue ukulinga muavusunga, vaka kuku tavela? Vunoni ngue kaukulinga muavusunga, indzi inavutama ha cikolo na kutsa ikuyula, vunoni unapande kuiyula.''⁸Kena ua handekele kuli muanaye Avele muihia, Kena uavumbukilile muanaye Avele na kumutsiha. ⁹Kaha Yehova uahandekele kuli Kena ngueni, ''Muanoko Avele ali kuli?'' Kena uahandekele ngueni, '' kanjantentekeyele. Yange kaniungi ka muanoko?''¹⁰Yehova uahandekele ngueni, vika viualingi? maninga a muanoko ali na kusana kufuma ha mavu kuliange. ¹¹Ngecize unapu umuka kusingiua hamavu, aua anasokolola mukanua na kutambula maninga amuanoko mulivoko liove. ¹²Mu ukalima ha mavu, kufuma kulelo kaukatia kuzindzili ziove. ukapua umu kuaku njambangela na mukua kulumbuangela hamavu.¹³Kena uahandekele kuli yehova ngueni, ''kusungamese cange cina kana kupulaka nomu munjili kuci hase. ¹⁴Vusunga una njifumisaho hano hamavu, kaha njikapua ua kuvanda ku cihanga cove. Njikapua uakunjambangela namu kua kulumbuangela hamavu, kaha naua uose akanji uana aka njitsiha. ¹⁵''Yehova ua handekele kuli ikeye ngueni, ''Uose akatsiha Kena, vakamuhiluisila lutanu naluvali.''Ngecize Yehova uahakele kantantekeyeso hali kena, linga uose uze akua kumuuana, kati aka muvulumuna.¹⁶Ngecize Kena ua fumine kumeso a Yehova naku kala kucifuti ca Nonde, kuvucelo vua Endene. ¹⁷Kene uali muene na mpueyeni kaha mpuevo uemitile. Hali kusema Enoke. uatungile limbo liakuma na kulihindula lizina lia muaneni Enoke.¹⁸Kuli Enoke kuasemukile Ilande. Ilande uakele Ise ya Mehunjaele. Mehunjaele uakele Ise ya Metusaele. Metusaele uekele Ise ya Lameke. ¹⁹Lameke ua mbatele va mpuevo vavali. lizina lia umo lia kele Anda, kaha lizina liamukuovo liakele Zila.²⁰Anda uasemene Yavele. ikeye uakele Ise yavaze va kukala muzi mblaka vaze vakele navimuna. ²¹Lizina lia muanaye liakele Yuvale. Uakele Ise yavaze va kusika ka lialia na mbendo. ²²Ngue kuli Zila, via vutale na vunengu. Muaneye ya Tumba - Kena ua mpuevo ikeye Nama.²³Lameke ua handekele kuli va mpuezieni ngueni, ''Anda na Zila, ivuililenu kulizi liange; Enu va mpueziange Lameke, ivuilila kulievi vinji kuhandeka. na muaa yala ou na nji puesula. ²⁴Ngue Kena va kamupihisa lutanu na luvali, kaha Lameke vakamuhiluisila makumi atanu na vali na litanu na luvali.''²⁵Andama ualimuene na mpueyeni ceke, kaha naua hali kusema muana uayala ueka. kaha uamulukile lizina ngueni Sete na kuhandeka ngueni, ''Njambi nanjihie muana ueka ua yala kusitsisa muli Avale, muomu kena uamutsihile.'' ²⁶Muomu uayala uasemukile kuli Sete kaha uamu likile lizina ngueni Enose. Hatsimbu ize vantu vaputukile kusana halizina lia Yehova.

¹Ou mukanda ua mazimo a Andama. kulitangua olio omu Njambi mua pangele muntu. ua vapangele mucifua ceni. ²Yala na mpuevo ua vapangele. uavavezikisile naku valuka mazina mu cifua ceni muze mua vapandele.³Kaha Andama ua yoyele miaka nkulukazi na makumi atanu, kaha uasemene mua uamucifua cenu, kaha ua uamulukile lizina lieni ngueni Sete. ⁴Hanima Andama uakele Ise ya Sete, uayoyale miaka makulukazi atanu na atatu. uakele cisemi cavana vavamala na vava mpuevo. ⁵Andama ua yoyele makulukazi atanu na uana namakumi atatu, kaha uatsile.⁶Kaha Sete ua yoyele miaka nkulukazi imo na miaka itanu, kaha ua semene Enose. ⁷Hanima yakusema Enose, uayoyele mankulukazi atanu na atatu na miaka itanu na ivali kaha uasemene vana vavengi vavamala na va mpuevo. ⁸Sete ua yoyele mankulukazi atanu na uana na miaka likumi na ivali, kaha uatsile.⁹Kaha Enose ua yoyele makumi atanu na uana amiaka, ua semene kenane, ¹⁰Hanima yakusema Kanane, Enose ua yoyele mankulukazi atanu na atatu na likumi na itanu ya miaka. uasemene vana vavengi vavamala nava mpuevo. ¹¹Enose uayoyele mankulukazi atanu na uana na miaka itanu, kaha ua tsile¹²Omuo Kenane ua yoyele makumi atanu na avali uasemene Mahalalel. ¹³Hanima yakusema Mahalalel, Kenane ua yoyele mankulukazi atanu na atatu na makumi auana amiaka. ukale cisemi cavana vakuovo vava mala nava mpuevo, ¹⁴Kaha ua yoyele mankulukazi atanu na auana nalikumi lia miaka, kaha ua tsile.¹⁵Omu Mahalalel mua yoyele miaka makumi atanu nalimo na itanu, ua semene Yalende. ¹⁶Hanima yakusema Yalende, Mahalalel uayoyele mankulukazi atanu na atatu na makumi atatu. ua semene vanakuavo vava mala nava mpuevo. ¹⁷Mahalalel ua yoyele mankulukazi atanu na makumi atanu na auana na miaka itanu. kaha ua tsile.¹⁸Omu Jelande ua yoyele miaka nkulukazi imo na makumi atanu na umo na miaka ivali, uakele cisemi ca Enoke. ¹⁹Hanima yakusema Enoke, Jelande ua yoyele mankulukazi atanu na atatu amiaka. ua semene vana vakuuavo vava mala nava mpuevo. ²⁰Jelande uayoyele mankulukazi atanu na uana na makumi atanu na umo na ivali ya miaka, kaha uatsile.²¹Omu Enoke muayoyele makumi atanu na umo na miaka itanu, ua semene Matusela. ²²Enoke uendele na Njambi mankulukazi atatu hanima ha semene Metusela . uakele cisemi ca vana vakuavo vavamala nava vavampuevo. ²³Enoke uayoyele miaka mankulukazi atatu namakumi atanu naumo na miaka itanu. ²⁴Enoke uendele hamo na Njambi, kaha uaile muilu, Njambi uamutambuile.²⁵Omu Matusela ua yoyele nkulukazi imo na makumi atanu na atatu na itanu na ivali ya miaka, kaha ua semene Lameki. ²⁶Hanima ya kusema Lameki, Matusela ua yoyele mankulukazi atanu na ivali ya miaka, uakele cisemi ca vana vavakuavo vavamala nava vavampuevo. ²⁷Mahalalel ua yoyele mankulukazi atanu na uana na makumi atanu naumo na itanu na iuana ya miaka.²⁸Kaha Lameki ua yoyele nkulukazi imo na makmi atanu na atatu na ivali, uakele cisemi ca muana umo. ²⁹Uamulukile lizina ngueni, Noa, nakuhandeka,'' Ou akatuhia kuhuima kufuma kuvipangi naku vavala kuvipangi kumavoko, ovio vitulinakupanga kumavu aze Yehova asingile!³⁰Lameki ua yoyele mankulukazi atanu namakumi atanu na uana namiaka itanu hanima ya kusema Noa. uasemene vanavakuavo vavamala nava vavampuevo. ³¹Lameki uayoyele mankulukazi atau na ivali na makumi atanu na avali natanu na ivali a miaka. kaha ua tsile³²Hanima Noa uayoyele mankulukazi atanu amiaka, ua semene vana Shema, Hamu na Jofeli.

¹Kaha cakele ngecize omo vantu vavalekele kulanahano hamavu navana vava mpuevo vasemukile kuli vakekovo, ²Vaze va Njambi vamuene nguavo vana vava mpuevo vavantu vaviuka. kaha vali mbatele muvumpuevo , Uose iva hangula kuli vakeko. ³Yehova uahandekele, ''Muzimu uange kau kasala mumuntu haya miaka, muomu mukeko vaka tumama miaka 120 ''⁴Vikisikisi vakele hamavu muma tangua aze, na kutualelaho. evi via solokele omu vana va Njambi vambatele vana va vantu, vasemene vana navakevo. ava vakele va mala va zindzili, vamala vakutsimana.⁵Yehova ua muene ngueni vupi vuakamena muvantu hano hamavu, kaha naua visinganieka vivavalekele navio mukati kamitima yavo yaipi yatualeleleho. ⁶Kaha Yehova nua lisimuine ha panga ceni vantu hano hamavu, kaha canehele ciniengo kumutima ueni.⁷Kaha Yehova ua handekele, ''Njika zimangana muntu Ou inja vumbile kufuma helu lia mavu muntu na tusitu, na viuma viekukalava na tuzila va muilu muomu nja lisisimuona omo nja va pangele. ⁸Vunoni Noa uamuene kavumbi kumeso aYehova.⁹Evi vikeko viuma via pandamesele kuli Noa. Noa ukele muntu mukatsiliela, kaha kakele na mulonga hakati ka vantuhatsimbu yeni. Noa uandele hamo na Njambi. ¹⁰Noa uakele cisemi ca vana vatatu: Seme, Hame, na Yafeta.¹¹Kaha naua mavu apihile kumeso a Njambi, kaha asulile na luozi. ¹²Njambi uamuene mavu; kutala, apihia, muomu mivila yose ya pihisile njila yavo hano hamavu.¹³Kaha Njambi ua handekele kuli Noa, ''njamono ngecize e i ntsimbu yakumanesa mivila yose, muomu mavu ana suluka na luozi kuli vakeko. cili vene, njika vanieka hamo na mavu. ¹⁴Lipangele vuato vua muti ua ngofele. tungenu zihondo mu vuato, kaha uka uzike na ngongsi, muntima na hambandza. ¹⁵Kaha mukemo mu ukafunga: mukulava ca vuato vukakale 300 zikuvitu; namu vuihi vuavo makumi atanu azikuviti, na mukutuntuka cavuo makumi atatu a zikuvitu.¹⁶Pangeni ciluli ca ha vuato, naku manesa zikuvuti imo ukamanese kufumama halu lia cihanda ukahaka lipito kumukulo ya vuoto na zihondo ya kuintsi, ya hakati, kaha nei yahelu. ¹⁷Ivuilila, holo njineha livazi lia mema hamavu, na kuenieka mivila yose ize ili na muomu muitsi ya lilu.viose vilihamavu vikatsa.¹⁸Vunoni njikatunga litavasianonove. mukakovela muvuato, nove,na vana vose, na vampuevo ziove, na vampuevo zia vana vove. ¹⁹Kuviose kuyoya viantsitu vavali vakumuyati uose ukaneha muvuato, muku vayoyesa hamo nove, vose vayala vampuevo.²⁰Kutu zila kumuyati uavo, na kutsitu kuyati uavo, na kuviuma viose via kukalava hamavu kumuyati uavo, vavali kufuma kukuhangula vikeza kuliove mukuviyoyesa. ²¹Likunguluiile ove livene muyati ya via kulia vive kulia, kaha uviunge, linga vikakale viakulia viose navakeko.'' ²²Mukeko mualingile Noa. ngue muze mua mukambele Njambi kaha ua lingilemo.

¹Kaha Njambi ua vezikisile Noa na vana veni, na kuhandea navo ngueni, ''kasemanu, mukulilanesa, nakusulisa mavu. ²Kuku vuila vuoma na cangasisi vika kala kuli uose kasiti muka kuyoya hamavu, naha vatsi vose va mukalunga ndonga. vanavihana muli voko liove. ³Cuma cose cakuenda cize caku yoya cipue cikupua kulia covo. Ngue omuo munjakuhiele visako vintontola, ange njina kuhie viose.⁴vunoni kati ukalie ntsitu na muono uayo akeko maninga ayo - alimo. ⁵Vunoni maninga ove njika lengeleyala fueto muomu.⁶Noa uayoyele mankulukazi atanu na limo amiaka mukeko na livazi liezile hamavu. ⁷Noa, navana veni, na mpueyeni, nava mpuevo vavana veni vose vengilile mu vuato muomu ha mema alivazi.⁸Kutusitu vakulela na tusitu kavalelele, natuzila, navize via kuhalala helu lia mavu. ⁹Vavali na vavali, mkomba na luhavo, vezile kuli Noa na kuingila mu vuato, kueseka nomu muamusikile Noa. ¹⁰Kaha cakele hanima ya matangua atanu na avali, mema ali vazi ezile hano hamavu.¹¹Mankombakzi atanu na limo ya miaka yayoyele Noa, mungonde ya mucivali, mumatangua likumi na atanu na avali mungonde, hali tangua olio vene, zindundzi ziose zia zingi zia sokolokele. ¹²Kaha mema aputukile kunoka hamavu makumi auana amatangua na makumi auana avutsiki.¹³Hali tangua lize vene Noa na vana veni, Shame, Hame, na Yafuate na mpuevo ya Noa, nava mpuevo vatatu vavana vani hamo navo vengilile mu vuato. ¹⁴Vengilile hamo na kutusitu vose vamumusenge kueseka na miyati yavo. na vimuna vose vekuhalala hamuvu nakumiyati yavo, na vose mutamba ua tuzila naku miyati yavo, namiyati yose ya vaze vakala na mavava.¹⁵Vavali kuntsitu yose ize na mouno ua kuhuima vezile kuli Noa kaha vakovelele muvuato muvuato. ¹⁶Tusitu vaze vengilile, vakele nkomba na luhavo kuntsitu yavo, vengilile kueseka nomu Njambi muamu sikile. kaha Yehova ua vasokelelemo.¹⁷Kaha livazi liezile hamavu ha matangua makumi auana, kaha namema alaneneko nakuzundula vuato helu lia mavu. ¹⁸Namema alondele na kuzukisa hamavu, na vuato vua humuokele helu lia mema.¹⁹Namema alanene cikuma hamavu naize mintsinda yalaha ize yakele muitsi ya lilu yose ya lifuikile. ²⁰Mema helu zikuvitu likumi na zitanu na mintsinda ya lifuikile.²¹Viuma viose via kuyoya viakuenda hano helu lia mavu viatsile - tuzila, vimuna, tusitu va mumusenge, na viuma viose via kuyoya vize via lanene hano hamavu, na vantu. ²²Viose viaku yoya viakele muntunda, vize via kuhuima mukuyoya kuhitila mumazuluavo, viatsile.²³Kaha viose viakihuima kuyoya viakele helu lia mavu vavi kombeleho, vantu natusitu na viuma via kuhalala na tuzila va muilu. vose vaveniekele kufuma hamavu. Noa lika navaze vakele navo muvuato vasaleho. ²⁴Mema akele hamavu matangua nkulukazi imo na makumi atanu.

¹Kaha Njambi vulukile Noa, na tusitu vose na vimuna, vaze vakele navo muviato. Njambi ua uahitisile luhundzi ha mavu kaha mema a huvulukile. ²zindundzi naua zia ndzinga na zinjanena zia lilu zia lisokelele na mema a ku noka muilu a likelele. ³Kaha livazi lia mema lia huvulukile kufuma ha mavu, ntsimbu yose namuku manesa cihita na makumi atanu ku matungua mema a tepulukile.⁴Kaha vuato vua tumamene ku ngonde, ya mu citanu na zivali na zivali lia ngonde ha mincinda ya Alalate. ⁵Kaha mema atualeleho naku tepuluka ntsimbu yose nakuheta ku ngonde ya muli kumi, ku ngonde yamuli kumi kuli tangua lia mucimo lia ngonde vamuene milundu ya mincinda.⁶Kaha cakele ngecize mukumanesa matungua auana Noa uasokoluele njanena ya vuato vua pangele ivene. ⁷Uatumine tumine likololo ua pululukile na kuhitanga noku noku noho mema omine kufuma ha mavu.⁸Kaha uatumine livembe nakutala ngue mema atepuluka helu lia mavu, ⁹vunoni livembe kauanene naha hakuliata mikono yeni hahi, kaha uahilukile kuli ikeye mu vuato, muomu mema akele hamavu hose. kaha ikeye uoluele livoko lieni, naku mukuata naku muhuiluisa muvuato na ikeye.¹⁰Ua vandamenene matangua atanu na vali kaha ua tumine livembe naua kufuma mu vuato. ¹¹Kaha livembe ua hilukile kuli ikeye na cinguendzi. Tala! Kukanua keni kuakele lifo lia olivela lia kutomona. Ngoco Noa uantantekeyele ngueni mema anafumu hamavu. ¹²Ua vandameneneko naua matangua atanu na vali, uatumine naua livembe. Kahilukile naua kuli ikeye.¹³Kaha cakele ngecize kumuaka ua mu vihita vitanu na cimo, na muaka umo kungonde ya mucimo kuli tangua lia mu cimo lia ngonde mema omine hamavu. Kaha Noa uafumisile cifuiko ca vuato, nakutalaho, kaha tala, hamavu hanomu. ¹⁴Mungonde yamucivali, hama tangua makumi avali namatangua a tanu navali, mavu omine.¹⁵Njambi ngueni, ¹⁶''Tuhuka mu vuato, mpueyove, va mpuevo zia vana vove vava mala. ¹⁷Tuhuisa hamo nove va muono vali nove na ntsitu yose na tuzila na vimuna na tulume vose veku kalava ha mavu linga va semunuine cikumakuma hamavu na kulilanesa nakuli kulisa ha mavu.¹⁸Kaha Noa ua tuhukile navana veni, mpueyeni nava mpuevo zia vana veni vava mala hamo neni. ¹⁹tusitu vose na vose veku kalava na tuzila, vose, vose vekuenda ha mavu, ku miyati, yavo va tuhukile mu vuato.²⁰Kaha Noa ua tungilile Yehova mutula kaha ua nonene ku tusitu vose va kulela na ku tuzila, vose vakulela naku kombeleya vikombelo via ku tsimika ha mutula. ²¹Yehova ua nikile vueko vue kulembuluka kaha Yehova ua handekele mumi tima ueni ngueni, ''Kanjikasinga mavu naua muomu muntu omo ciyongola ca mutima ua muntu, cikeko cacipi kufuma kuvunike vueni. Cipue kanjikaveta naua vose vali na muono, ngue munjalingile. ²²Omu mavu a akutumama ntsimbu yakukava naku tia, masika na mutana luindza, na lusiho litangua na vutsiki kavi kalikela

¹Kaha Njambi ua vezikisile Noa na vana veni, na kuhandeka navo ngueni, ''kasemenu, mukalilanese, naku sulisa mavu. ²Kuku vuilila vuoma na ca ngasisi vika kala kuli uose kasitu mukaku yoya ha mavu, hali uose kazila ua muilu , hali vose hetsi lia mavu, vana vihana muli voko liove.³Cuma cose cekuendacizi caku yoya cikupua kulia cove. Ngue omuo munjakuhiele visoka vintontola, ange njina kuhie viose. ⁴Vunoni kati ukalie ntsitu na muomu uayo akeko maninga ayo - alimo.⁵Vunoni maninga ove njika lengeleyeya fueto muomu uli mumaninga , ngecize njika alengeyela fueto. kufuma kulivoko lia vose kasitu njika alengeyelako . kufuma kulivoko lia uose ouo muntu, cikeko, kufuma kulivoko liou na tsihi muanaye, njika lengeya bulumbuuisi vua muono ua uze muntu. ⁶Uose ouo akamuania maninga muntu, na muntu vamu pangele mucifua ca Njambi. ⁷Vunoni enu, kasemenu na kuli lemesa, tandenu hamavu na nakulilanesaho.''⁸Ngecize Njambi, ua handekele kuli Noa na kuli vana veni vakele navo, ngueni, ⁹''Vunoni ange, ivuilila! Njika kolesa lusiko luange nove kaha na cisemunuino vana va vana vove munima yove, ¹⁰na viose via muono vili uli avio, tuzila, vimuna, na viose via hamavu viali navio, kufuma kuviose vize via tuhukile muvuato, kuli uose muka kuyoya ha mavu.¹¹Hano njilina na kukolesa lusiko luange nenu, ngecize kanjikanongesa naua ntsitu yose na mema ali vazi. kakukakala naua livazi lia kuenieka mavu.'' ¹²Njambi ua uandekele ngueni, ''Eci cikeko cimueso ca lusiko luange olu lunjili na kulinga nenu na kuli mukakuyoya uose ou ali nenu, ku zitsimbu ziose zia kutuhula: ¹³Njina hake nkongolo uange muliselua, ngecize a kapua cimueso calusiko hakati kange na mavu.¹⁴Cikasolaka omuo munjikaneha liselua helu lia mavu na nkongolo na soloka mu liselua, ¹⁵Kaha njika vuluka lusiko luange, olu luli hakati kange nenu naha kati kamuvila uose ua muono. Mema kakala naua livazi lia kuenieka mula uose. Nkongolo akukala muma selua kaha njikamona, maka vuluka lusika luze luakuhona kuhua hakati ka Njambi na mivila yose ya muono via hano ha mavu.''¹⁶Nkongolo akukala muma selua kaha njikamona, maka vuluka lusika luze luakuhona kuhua hakati ka Njambi na mivila yose ya muono via hano ha mavu.'' ¹⁷Kaha Njambi ua handekele kuli Noa ngueni, ''Eci cikeko cimueso ca lusiko luange lunjina kolesa hakati kange na mivila yose ili ha mavu.''¹⁸Vana va Noa veze vatuhukile ma vuato vakele Seme, Hame, na Yafete. Hame ua kele Ise ya Kanana. ¹⁹Ava vavantu vakele vana va Noa, kaha kufuma kuli ava cifuti cose va cilanesele. Noa ua valekele kukala ndimi, kaha ua tombekele lihia lia miviniu.²⁰Noa ua valekele kukala ndimi, kaha ua tombekele lihia lia miviniu. ²¹Ua nuine ku vimo viniu kaha ua pandele. ua kosele ua kufuka mumbalaka yeni.²²Kaha Hamme, ise ya Kanana, ua muene vuntselele vua Ise kaha ua lekele va muanaye uakele ha mbandza. ²³Ngecize Seme na Yafeta va nonene civuvo naku cala vose havitsizi viavo, nakuenda cifutanima na kufuika vuntelenstele vua Isiavo. valumuine vihanga viavo kutala kueka, linga kati vamone vuntsentsele via Isiavo.²⁴Omuo Noa ua hindukile kufuma kuviniu vieni, ua tantekeyele viize via na lingi muneni uaka sulansongo kuli ikeye. ²⁵Ngecize uahandekele ngueni, ''uakusinga kanana, Akapua ndungo kuva ngamba zia va muanaye.''²⁶Ua handekele naua ngueni, ''Ecenu Yehaho, Njambi ya Seme, akale uakuvezika, kaha ecenu kanana akakala ngamba yeni. ²⁷Ecenu Njambi a kutanduvula muhela ua Yafeta, na lulingisa kutunga limbo liene mu zimbalaka zia Seme. Ecenu kanana akakale ngamba yeni,''²⁸Munima ya livazi, Noa ua yoviele miaka vihita vitatu na makumi atanu. ²⁹Miaka ya Noa Yose ya kele vihila vitanu na viuana na makumi atanu, kaha ua tsile.

¹Evi vikeko visemunuino via vana va Noa, vakeko ava, sema, Hane, na Yefeta. Vana vasemukile hanima yalivazi.²Vana va Yafeta vakele Ngomele,Mangonge, Yavene, Tumbale, Meseke na Tilase. ³Vana va Ngomele vakele Asekenaze, lifate, na Tangolame. ⁴Vana va yavene vakele Elisa, Talisi, Kitima, na Ndondanime. ⁵Kufumaha vantu vakele mumhela uamuciulo vahandekele na kuya kumafuti avo, uli uose muyati ueni, kuesekesa na lilimi liavo, nakumafuti avo.⁶Vana va hame vakele kuse, Mizelaime, pute, na kanana. ⁷Vana va kuse vakele seva, Havila, Sambeta, Lamana Sambeteka. vana va Lama vakele Seva na Ndendane.⁸Kuse uakele Ise ya Nimelonde, uze akele uakulivanga kukala mukua vukame hano hamavu. ⁹Akele ciyambi uakama kumeso a Yehova. Ngoco vahandekele, ''ngue Nimelonde, ciyambi uakama kumeso a Yehova. ¹⁰Vusungumukilo uakulivanga ua vuangana ueni uekele Mbambete, Eleke, Akande na Kalene, mucifuti ca Sinale.¹¹Kufuma kucifuti cize uaile ku Acilia kaha atungile Ninivayi na Lehovote na kala, ¹²Na Lesene, viakele hakati ka Ninivayi na Kala. yakele mbaka ya kama. ¹³Mizelaime uakele Ise ya Lundime, na Anamime, na Lehambime, na Nafutuhime, ¹⁴Nava Patulusime, nava Kasuluhime (kukeko kuezile va Faliseo), nava kafotolime.¹⁵Kanana uakele Ise ya Sindone, muomu uandala, na Hete, ¹⁶Kaha naua va yandesele, va ka Amuleu, va Ngilengaseu, ¹⁷Va Hevelu, va Sineu, ¹⁸Va Alevandeu, va Zemaleu nava Hamateu. kufuma haze Miyate yava kanana yatandeleleko.¹⁹Na Zindinda zia va kanana zia fumine ku Sindone, kutalekesa ku Ngelale, kulako ngue ku ngaza, kaha omu muaile kutalekesa ku Sondome, Ngomola, Andema na Zemboime, kulaku ngue Lase. ²⁰Ava vakeko vana va Hame, kumiyati yavo, kumalimi avo, kuvihela viavo, na kumafuti avo.²¹Vana vasemukile naua kuli Seme muanaye ua mukulutu ua Yafete. Seme uakele naua ntsekulu ua vantu vose va ku Evele. ²²Vana va Seme vakele Elame, Asulu, Alepacande, Lundu, na Alame. ²³Vana va Alame uakele uze, Hulu, Ngetele, na Manase.²⁴Alepacande uakele Ise ya Sele, kaha uakele Ise Evele. ²⁵Evele uakele navana vava mala vavali. umo lizina lieni ikeye Pelenge, muomu kumatangua eni mavu alipangele. Na lizina lia muanaye likeko Yoketane.²⁶Yoketane uakele Ise ya Alemondande, Hazalamavete, Yela, ²⁷Handolame, Uzale, Ndikela, ²⁸Ovale, Avimaele, Seva, ²⁹Ofile, Havila, na Yambambe. vose ava vakele vana va Yaketane.³⁰Kaha muhele vukalo uavo mua fumine ku mesa, Hantunda ya kufuma ku Sefate, muncinda ua kuucelo. Ava ³¹vakele vana va Seme, kukala ngue kumiyati yavo na kumalimi avo, kumihela yavo, kuesekesa na mafuti avo.³²Eyi ikeko miyati ya vana va Noa, kuesekesa naku mazimo avo, ku mafuti avo. kufuma halievi mufuti ali handunuine nakundanda hamavu hanima ya livazi.

¹Kaha mavu ose akele na namuyati na umo lika na mezi amolika. ²Kaha cakele ngecize, omu muvaile kuvucelo vauanene cana cimo mulifuti lia Sinale kaha vatumamene kuze.³Kaha valihandekesele umo namukuavo nguavo, ''Tatiyenu tupangienu zindopi naku zitsimika muacili.'' Kaha vazipangele na zindopi ngue mavu kaha vapagele na mbitume ngue nate. ⁴Kaha vahandekele nguavo, ''Tatiyenu tulitungulienu limbo na cimpaka ca kuntuntuka ntsongo yaco ihete muilu, nakuli tsimanesela lizina. Kutina tukusanduoka hano hamavu hose.''⁵Kaha Yehova uasulukile nakutala cifuti na cimpaka cakuntuntuka viva tungile vana va Adam. ⁶Yehova ua handekele ngueni, ''Tala, vana va muyati umolika, kaha va valeka kupanga evi! vuavuno navimo viahi vivakahonoua. ⁷Tatiyenu, tusukienu kaha tungasiane lilimi liavo kuze, mangana vahone kuivuilila umo namukuavo.''⁸Ngoco Yehova uava sanduuele kuze hona hose ha mevu kaha valikekelele kutunga limbo lize. ⁹Ngoco vene vali lukile lizana lialio Mbambele, muomu kuze Yehova ua tanganesele lilimi lia mavu ose nakuze Yehova ua vasanduuele hano hose hamavu.¹⁰Kaha ekeo mazimo a Sema. Sema uakele nacihiti ca miaka, kaha ua semene Alepacande miaka ivali ku nima livazi. ¹¹Kaha Sema fume haku semuka Alepacande. ua yoyele vihita vitanu via miaka nakusema vana vava mala nava mpuevo.¹²Kaha Alepacande ua yoyele ua yoyele makumi atatanu a miaka na itanu kaha ua semene Sela. ¹³Alepacande ua yoyele miaka vihita viuana via miaka na itanu naku sema vana vava mala nava mpuevo.¹⁴Kaha Sela ua yoyele makumi atatu amiaka kaha ua semene Avele. ¹⁵Kaha Sela ua yoyele vihita viuana via miaka na itatu nakasema vana vava mala nava mpuevo.¹⁶Kaha Avele uayoyele makumi atatu a miaka na iuana kaha ua semene Pelenge. ¹⁷Kaha Avele kufuma hakusema Pelenge uayoyele vihita viuana via miaka na makumi atatu nakusema vana vavamala nava mpuevo.¹⁸Kaha Pelenge ua yoyele makumi atatu a miaka kaha ua semene Leu. ¹⁹Kaha Pelenge hakufuma kumeso a Leu ua yoyele vihita vivali via miaka na itanu na iuana naku sema vana vava mala nava vampuvo.²⁰Kaha Leu ua yoyele makumi atatu a miaka na ivali kaha ua semene Selunge. ²¹Kaha Leu hakufuma kusema Selunge ua yoyele vihita vivali via miaka na itanu na ivali nakusema vana vava mala nava mpuevo.²²Kaha Leu Selunge ua yoyele ua yoyele makumi atatu a miaka kaha ua semene Nahole. kaha ua semene vana vava mala nava mpuevo. ²³Kaha Selengu kufuma hakusema Nahole ua yoye vihita vivali via miaka nakusema vana vava mala nava va mpuevo.²⁴Kaha Nahole ua yoyele makumi avali a miaka na itanu na iuana kaha ua semene Tela. ²⁵Kaha Nahole hakufuma kusema Tela ua yoyele cihita ca miaka na likumi na itanu na iuana nakusema vana vava mala nava va mpuevo. ²⁶Kaha Tela ua yoyele mukumi atanu na vali a miaka kaha ua semene Avilama, Nahole, na Halane.²⁷vuno aua mazimo a Tela. Tela ua semene Avilama, Nahole, na Halane kaha Halane ua semene Lote. ²⁸Kaha Halane ua tsile kumeso a ise Tela micifuti ca cisemua ceni mu Ule ya vaKalendeu.²⁹Kaha Avilama na Nahole va vambatele va mpuevo. lizina lia mpuevo ya Nahole likelio Salai na lizina lia mpuevo ya Nahole likelio Mileka muana Halane ikeye ise ya Mileka na ise ya Iseka. ³⁰Kaha Salai uakele ntsimpi kakele na muana.³¹Kaha Tela ua tambuile Avilama muaneni na, Lote muana Halane, muzukulueni na Salai nemueno mpuevo ya muaneni, Avilama kaha va tuhukile navo ku Ule ya vaKalendeu, mukuya kucifuti ca Kanana. kaha va hetele ku cifuti ca Halane naku tumama kuze. ³²Kaha matangua a Tela a kele vihita vivali via miaka na itanu kaha Tela ua tsile mu Halane.

¹Vunoni Yehova ua handekele kuli Avilama ngueni, ''Hamoye kuifiti cove, na vavusoko vuove, na kufuma kuvaka ndzivo ya Iso, nakuya kucifuti cize cinjikuku leka. ²Njika kukutenga cifuti cakama, kaha njikaku vezikisa, na kukamesa lizina liove kaha ukakala ua kuvezika. ³Njikakaku vezikisa vaze vakakuezikisa, olondzo uosiouo akakusaula njikamusinga. kuhitila muliove vuntanga viose viaha mavu zikakala zia kuvezika.''⁴Kaha Avilama uaile, ngecize Yehova ua mulekele kulinga, kaha na Loti uaile neni. Avilama ualekele na miaka makumi atunu na avali na atanu musemuka fumine muafumine ku Halane. ⁵Kaha Avilama, uaile na Salai mpueyeni, naloti muana (muanaye) muanaye, na vipite viose vuva pitile na vantu vaze vavapitile kuhalane. vafumine na kuya kucifuti ca kanana, nakuheta mucifuti ca kenana.⁶Avilama uahitile mucifuti coso kuheta kulako ku Shechemu, na kusonga ya moleti. Itali ezi ntsimbu vaka kenana vakele (vatumamene) muze mucifuti, ⁷Yehova ua solokele kuli Avilama, nakuamba ngueni. ''cino cifuti njikucihia kuvaka cisemuniuna cenu kaha Avilahaman uatungile mutula ua Yehova, uze uasolokele kuli ikeye.⁸Kufuma kuze uaole kucifuti ca mincinda kumuntuntuka ua Betelu, kua lemene mbalaka yeni, hakati ka Betulu kumulahuko na Al kuze ku kumuntuntuko. kaha kuze vene ua tngile mutula ua Yehova na kusana lina lia Yehova. ⁹Kaha Avilama ua tualeleleho na vungendzi vueni, vua kuya ku Nengevu.¹⁰Mumuakele ndzala mucifuti, kaha Avilama ua sikumukile mu Ingito naku kalamo, muomu mucituti muakele ndzala yakamu, ¹¹Kaha omu mua hetele muhiehi na kukekovela mu Ingito, ua handekele kuli mpueyeni Salai ngueni, ''tala kuno, nja ntentekeya nguange ou mpuevo uacili.'' ¹²Kaha ngueni omu vakakumona vaka Ingito, vakamba nguavo, ou ikeye mpueyeni; kaha vaka njitsiha, olondzo, ove vaka kulama na muono. ¹³Ukavaleka nguove umuanetu, mangana njika yoyele ha mulonga uove, kaha muono uange vaka uniunge muomu yove.¹⁴Muya hetele ntsimbu ya Avilama ya kuingila mu Ingito va muene nguavo Salai uacili cikuma. ¹⁵Vana va muangana Faloa va mumuene naku mu zumbangeya kuli Faloa, kaha va mutualele mundzivo ya Faloa. ¹⁶Faloa ua niungile muacili Avilama mulonga ua Salai na Avilama ua tumbuile vampanga vava mala, vangamba vava mpuevo, cimbulu ualuhavo na tumelu.¹⁷kaha Yehova ua yandesele Faloa nandzivo yeni na masingo muomu ua Salai, mpuevo ya Avilama. ¹⁸Faloa muana Sanena Avilama, nakuenda ngueni,'' vika ivi viualingi kuliange? mulonga uka uahonene kunjileka anga nguove ou mpueyove? ¹⁹Mulonga uka handekelele nguove, muanetu; mangana njimutenge kukala mpueyange? Vunoni cipue ngoco, mpueyove ou mumbate, ha moye. ²⁰Kaha Faloa ua sikile vantu zieni hali ikeye, nakumu sekula hamolika na mpueyeni na viose vivakelenavio.

¹Kaha Avilama vaile ku Ingito kaha uaile mu Nevele, ikeye, na mpueyeni, kaha naviose vize viakele navio. Lote neni uaile navo. ²Kaha Avilama uapitile cikuma muvimuna, mu palata na mu olu.³Uatualeleho navungendzi vueni kufuma ku Nevele nakuya ku Mbetele, kucihela kuze mbalaka yeni kuyakele laza, kukati ka Mbesele na Ayi. ⁴Uaile kucihela kuze kuakele mutula uakele uatungile laza kuze kuasanene lizina lia Yehova⁵Kaha Lote, uze ua kuenda na Avilama, Naikeye uakele namatanga, na milaka, kaha nazi mbalaka. ⁶Cifuti kacasele kuvakuasa vose kuyoyela muhiehi hamolika, muomu vikuatakuata viavo vialanene, mangana vahone kutumama hamolika. ⁷Naua, kuakele kulizungila mukati ka tuniungi tuavimuna va Avilama na tuniungi tuavimuna va Lote. vaka Kanana navaka Pelizeu vakele mucifuti cize hali ize ntsimbu.⁸Kaha Avilama ua handekele kuli Lote ngeni, ''Kati mukale kulizoza mukati kove nange, namukati katuniungi tuove na tuniungi tuange; muomu, muvusoko vuetu. ⁹Keti cifuti cose cove? Tualelaho kuli fumusa ove liavene kuliange kucilio. cipue ngue ukaya kucilio, kaha ange njikuya kucimosue.''¹⁰Kaha Lote uatalele talele kaha uamuene ngueni cuma cose ca Yondau muakele mema kuose munjila yaku Ziongua muliakele lihia lia Yehova, ngue lifuti lia Ingito. Omu ntsimbu kanda Yehova kuenieka sondoma na ngomola. ¹¹Kaha Lote uahanguile liavene cana cose ca Yondau nakuya kuvucelo, kaha vavusoko valitepele.¹²Avilama uatumamene muli futi lia Kanana, kaha Lote uatumamene muzi mbaka zia mucana. uahakele zimbalaka zieni kulako kufuma ku sondoma. ¹³Kaha vantu va sondoma vakele vaka indzi na vupi vua Kanana hali Yehova.¹⁴Yehova ua handekele kuli Avilama hatsimbu ize Lote uafumine kuli liakeye, ''Tala kufuma kucihela kuuamene kuli Lote, nakusulu, nakuvucelo nakuvutokelo. ¹⁵Lifuti liose eli livamona, njika kuavela ove navaka cisemunuino cove ca miaka yose.¹⁶Njikavalingisa vamu cisemuniuno cove kukala vakulana ngue makulana ngue mavu ahamavu, navaka cisemua cove vakahasa kuvatanda navo. ¹⁷Katuka, Enda muvulahe vuaco namu vuihi vuaco vuamuli futi, muomu njikakuavelaco.'' ¹⁸Kaha Avilama uambatele mbalaka yeni, kaha uaile nakuyoyela kumiti ya Osiki ya mamele, ikeyo ili ku Hevelone, kaha kuze ua tungile mutula kuli Yehova.

¹Kaha cakele ngecize muma tangua a Amalafele, muangana ua ku Sinale, Alioke, muangana ua ku Elasale, Kendolaome, muangana ua ku Alame, na Tindale muangana naua ua ku Ngoyime, ²valingile ndzita na Mbela, muangana ua ku Sondama, kaha na Mbelesa muangana ua ku Ngomola, Sinave muangana muangana ua ku Andema, na Semevele muangana ua ku Zemboime, kaha na muangana ua ku Mbela ( likelio Zoale).³Ava vose valipandakanene hamo mu cimbonga ca Sindime ( cikeko cisali ca muongua). ⁴Miaka likumi na ivali va pangele Kendolaome, vunoni mu muaka uamu likumi na miaka itatu vakatuile ndzita. ⁵Kaha mu muaka uamu likumi na miaka iuana, Kendolaome na miangana vaze vakele na ikeye vezile nakutingula Lefaime mu Asetelote Kanaime, nava Zuzime mu Hame, nava Emime mu Seva Keliataime, ⁶kaha vaHolete mucifuti cavo ca muncinda, halako ngue El Palane, cakala muhiehi na mpambo.⁷Kaha vahilukile vezile ku Ene misipate ( cikeco kandese), kaha va tinguile cifuti cose cava Amalekita, kaha naua vaAmole vaze vakele mu Hazazone Tamale. ⁸Kaha muangana ua ku Sondoma, na muangana ua ku Ngomola, na muangana ua ku Andema, na muangana ua ku Zemboime, kaha na muangana ua ku Mbela (likelio Zoale) vatuhukile na kuta mukana nakulua navo mu cimbongo ca Sindimi ⁹kulua na Kendolaome, muangana ua ku Elame, Tindale muangana ua ku Ngoyime, na Amelafele, muangana ua ku Sinale, na Alioke muangana ua ku Elasale; miangana va uana kulua na vatanu.¹⁰Vunoni cimbongo ca Sndimi casulile na vipuke via mbitume, kaha viangana va ku Sondoma na Ngomola va tinine, kaha va uile navaze vali supileho va tinine kumuncinda. ¹¹Ngecize miangana vambatele vikuata viose via Sondoma na Ngomola na viakulia viavo viose, kaha vaile kuavo. ¹²Omu mavaile, vambatele naua Lote, muana muanaye ya Avilahama, uze akele nakuyayela mu Sondoma, navi kuata vieni kaha ua fumineko.¹³Umo uze uapitkile uezile nakuleka Avilama kaHevelu. Ikeye uakele kumiti ya kaluvaliu ua Mamele, kaAmoleu, munaye ya Esekole na muanaye ya Anele, nava vakele tusendo tuava Avilama. ¹⁴Kaha omo Avilama muavuile nguavo vana tuala muanaye kuli vitondzi ua tualele vamala veni vakakuli longesa kulua ndzita vaka kakuseua mu ndzivo yeni, vihita vitatu na likumi na navatanu na vatatu nakukavako nakuheta ku Ndane.¹⁵Kaha uali hangunuine mukulua navo kuvutsiki, ikeye na vangamba zieni, kaha ua va tinguila nakuva kavangeya naku Hova, cikeko cili ku cimosue ca Ndamasiku. ¹⁶Kaha uahikile navi kuata viose, kaha ua hilukile naua nava muanaye Lote na navi kuata vieni, nava mpuevo vavo na vantu.¹⁷Hanima yakuhiluka Avilama mua tsihile Kandolaome na miangana vaze vakele na ikeye, na muangana ua ku Sondama vaile nakuli uana na ikeye ku cimbongo ca Save ( cikekeo cimbonga ca muangana). ¹⁸Melekezendeke, muangana ua ku Saleme, uanehele mbolo na viniu. Akele sasendeto ua Njambi muka ku Hiana.¹⁹Uamu vezikisile naku handeka ngueni, ''Vamu vezikisa Avilama kuli Njambi mukaku Hiana, uapangele luli na mavu. ²⁰Vamu vezikise Njambi mukaku Hiana, uze nahie vitozi muli vako liove.''²¹Kaha muangana ua ku Sondoma ua handekele kuli Avilama ngueni. ''Njihie vantu, kaha vikuata tambula ove yavene.'' ²²Avilama ua handekele ngueni, ''Ange njazundula mavoko ange kuli Yehova, Njambi mukaku Hiana, Ua pangele lilu na mavu, ²³ngecize ka njika tambula ntindi cipue mukole, sapato, cipue viuma vali viose vize viove, mangnana ukahone kuhandeka nguove, 'Ange njamulingisa Avilama kukala mpiti.' ²⁴Ange novio vinjika mbata viahi kufumisako kaha vize viva lile va kuendze na kupangeziela kuva mala vaze va njiile navo. Eca Anele, Esekole, na Mamele vakevo vatambule vimo viovo.''

¹Hanima yevi viuma lizi lia Yehova liezile kuli Avilama mucimona, ngualio, '' Kati uivue, vuoma Avilama! Yange ntelo yove na cilunguiso cove cakama.'' ²Avilama ngueni, ''Mukuluntu Yehova, vika vimukunjihia, muomu njatualelela cakuhona muana, na suana uamu ndzivo yange ikeye Eliezele ua ku Dameseka?'' ³Avilama ngeni, ''Muomu kauanjihiele cikota, tala, umo akasemuka mundzivo yange akakala suana yange?''⁴Kaha, tala, lizi lia Yehova liezile kuli ekeye, ngualio, ''uyala kakakala suana yove; olondzo cipue ou akafuma kumuvila uove livene akakala suana yove.'' ⁵Kaha ua mutuhuile hambandza, na kuhandeka ngueni, ''Tala kuilu, na kuntunda zintanga ntanga, ngueni ukuasa kuvatanda.'''kaha uahandekele kuli ekeye ngeni, ''kaha nacikota cove mucikakala.''⁶Kaha ua tsilielelele, muli Yehova, kaha cikeko camu tandeleleko kuvusuga. ⁷Ua handekele kuli ekeye ngueni, ''Yenge Yehova, ua kufumisile mu Uli yavaku Calidene, nakukuhia cifuti ciuka suanamo.'' ⁸Ua handekele ngueni, ''Muata Yehova, ''njaka ntantekeya vati ngeni njika suana?''⁹Kaha ua handekele kuli ikeye ngueni, ''njinehele ngombe ua citole ua miaka itanu, mpembe ua miaka itanu, na livembe na nualivembe.'' ¹⁰Kaha ua nehele evi viose, naku viteta havali, nakutalasiana vihandua, olondzo kahanguile tuzila. ¹¹Umuo muvasulukile tuzila hamavu hali ntsitu, Avilama uava sekuile.¹²Umo litangua lia lahukile hamavu, Avilama ua lahukile mutulo kaha, tala, milima yakama ya muzingilikile naku muvuisa vuoma vuakama. ¹³Kaha Yehova ua handekele kuli Avilama, ''Ntantekeya mpunda nguove cikota cove cikakala cavu ngendzi mucifuti cize kati cavo, kaha vakakala vandungo naku vayandesa ha miaka makulukazi auana.¹⁴Njika sompesa cifuti cize civaka pangelamo kaha kunsongo vakatuhukamu na vufuko vuavo vuingi. ¹⁵Olondzo mukaya kuli vaisuenu muku unda,, kaha vakamitsinda muvia cili via vuzinakazi. ¹⁶Kaha mu cisemuniuna camu ciuana vakahiluka kuno naua, muomu vupi vuavaka Amolite kanda vuheta na ntuintui yavo.''¹⁷Kaha uno lia lahukile tangua kualavele, talenu, ndoho yatuhia nakukakumuka muisi na mumuni ua hitile ha kati ka vivalavala via ntsitu. ¹⁸Halitangua lize Yehova ua kutile civuasiano na Avilama, ngueni, ''Kuli vaka cikota, kufuma ku ndonga ya Ingito sui na kundonga uakama, ua Eliphate - ¹⁹va Kenite, vaka kenizete, vaka kadimonite, ²⁰Vaka Hitile, vaka Peizete, vaka Refate, ²¹Vaka Amolite, vaka Kanana, vaka Gigashite, nava Njevusite.''

¹Vunoni Salai, mpuevo ya Avilama, kamu semenene vana, vunoni akele na ngamba ua mpuevo, akele muka Ingito, lizena lieni ikeye Hangale. ²Kaha Salai ua handekele kuli Avilama ngueni, ''Tala vunoni, Yehova na njiniunga cakuhona muana. Njakuvundila hamoye kuli ngamba yange. Hamosi njikukala na muana kuli ikeye.'' Avilama uevuililile kulizi lia Salai. ³Cakele kufuma hanima ya Avilama te nayoya miaka makumi likumi mucifuti ca Kanana muze Salai, mpuevo ya Avilama, uahiele Hangale, ngamba yeni ka Ingito kuli ikeye kukala mpueyeni. ⁴Kaha ikeye ua kovelele kuli Hangale, kaha uemitile. Omu muamiene ngueni nemita, kukueni uasahukile kumeso eni.⁵Kaha Salai ua handekele kuli Avilama ngueni, ''Mulonga uange ukale hali ove.njihiele ngamba yove kuntulo yove, kaha omo muamuene ngueni nemita, Ange njasuhikile kumeso eni. Eca Yehova asompe hakati kove nange.'' ⁶Vunoni Avilama ua handekele kuli Salai ngueni, ''Tala kuno, ngamba yove ua mpuevo ali mu zindzili ziove, linga viose viua singanieka.'' Kaha Salai uavuile kupihia na ikeye, kaha uamu tinine.⁷Kaha kangelo ua Yehova ua mumiene ku ndundzi ya mema mu zindinda ka ndzundzi mu njila ya ku Sulu. ⁸Kaha uahandekele ngueni, ''Hangale, ngamba ya Salai, uafuma kuli kaha unakuya kuli?'' Kaha uahandekele ngueni, ''Ange njinakutina kumeso akuku Salai.''⁹Kaha kangelo ua Yehova ua handekele kuli ikeye ngueni, ''Hiluka kuli kukuove, ukalionuonuese kumeso eni.'' ¹⁰Kaha kangelo ua Yehova ua handekele kuli ikeye ngueni, ''Njikalanesa mbuto yove, linga kava kaitonda omo kulana cayo.¹¹Kaha kangelo ua Yehova naua ua handekele kuli ikeye ngueni, ''Zangama, uli na lizimo kaha ukusema muana uayala, kaha ukamuluka lizina nguove Ismeale, muomu Yehova nevu kayondo kove. ¹²Kaha ikeye akakala ngue cimulu uaku musenge hakati kavantu livoko lieni likalua nava mala vose nali voko lia mala vose likalua neni kaha ikeye akakala kuvucelo vua va muanaye vose.¹³Kaha uahiele lizina kuli Yehova ikeye ua handekele neni, ''Ove yove Njambi uakutala ange, ''muomu ua handekele, ''Linga Ange njikutualeleho nakutala, amba hanima nakunjitala ange?'' ¹⁴Ngoco vene valukile ndundzi oyo Mbele Halai loi; tala ili naha kati kakonde na Mbelende¹⁵Hangale uasemene Avilama, muana uayala na Avilama ualukile muaneni uayala, uze yasemene Hangale, Ismeale. ¹⁶Avilama uakele na miaka makumi atunu na atatu a miaka a itanu na umo omo Hangale uasemene Avilama Ismeale.

¹Muahetesele Avilama miaka yaku semuka atanu na iuana - naitanu nai uan, Yehova uasolokele kuli Avalamu kaha ua mbele ngueni, ''Yenge Njambi ua ndzili ziose. Enda kumeso ange kaha kati ukakale na hakukuuanena mulonga. ²Kaha njika tavesa ci vuasiano cange mukati kevo nange, kaha njika milanesa kuhiana.''³Avilama ua ntsikamene uatalele hamavu kaha ua handekele na Njambi, ngueni, ⁴''Ngece muange, ukakala Ise yamafuti a engi. ⁵Kaha kunahu lizina liove kali kakala naua Avilama, vunoni lizina liove likakala Avilahama - hakukala njakusakula linga akakale Ise ya mafuti ose. ⁶Njika kulingisa uvisuka vakutualelaho, njika kuviukisa mafuti kaha na miangana vakafuma kuliove.⁷Njika soluesa ci vuasiano mukati kange nove nacikota cove cize cikeza hanima yove, kuhita namu mazimo hacivuasiano ca miaka yose na yose, kukala Njambi kuliove naku kucikota cize cikeza ha nima yove. ⁸Njika kuavela naku cikota cove cize cikeza hanima yave, cifuti cize ciunaku yoyela, cifuti cose ca kanana, ha kufuma ca miaka yose na yose, kaha ange njika kakala Njambi yove.''⁹Kaha Njambi uambele kuli Avilahama, ''ngece muove, uapandele kulama civuasiano cange , yove navikota viove vize cikeza hanima yove muma zimo avo. ¹⁰Eci cikeko civuasiano cange, ciua pande kuniunga, mukati kange nove: Yala uose mukati kenu uapandekumu sava. ¹¹Uapande kusaveua kutsitu yaku mulungu ua muvila, kaha eci cikakakala cimueso ca civuasiano mukati kange nove.¹²Uose uayala mukati kenu ua matangua atanu natatu aku semuka uapande ku saveua, kuhita muvisemuniuna via vantu vose. Eci ca pandesiana na uze na semukila mundzivo. Yove kaha nauze ivalanda na zimbongo kufuma ku cifuti cika uze kesi uamu vikota viove. ¹³Ou ua semukile mundzivo yove nauze ucikulanda na zimbongo ziove uapande kusaveua. kufumaho civuasiano cange cika kala mum suni uove ngece civuasiano ca miaka na miaka yose. ¹⁴Kumulungu ua kamuvila ueni, vaka muhangulako kufuma ku vantu Zieni. Ikeye napokola civuasiano.''¹⁵Njambi ua handekele kili Avilahama, ''ngece mua Sai mpuevo, kati uka musane Sai ceka. Vunoni lizina lieni likakala Sala. ¹⁶Njika muvezikisa, kaha akakala naye uamiyati. Miangana ziavantu vakatuhuka mili ikeye.''¹⁷Kufuma haze Avilahama ua ntsikamene kaha uatalele meso eni hamavu, ''Muana akuahasa vati kusemuka kuyala ua miaka likulukazi? kaha vati Sala, ou ali na miaka makumi atanu nai uana, Asulumune muana uayala?'' ¹⁸Avilahama ua handekele kuli Njambi, ''Vantu ngue muze Ishimaele uayoyela kumeso ove!''¹⁹Njambi uambele, ''Cahi, vunoni Sala mpueyove aka kusulumuina muana ua yala, kaha kuvanga uka muluke lizina lia Isake. Njika zimbula civuasiano cange kuli ikeye ngece civuasiano ca miaka na miaka yose kuvi kota vieni. ²⁰Ngece mua Ishimaele, Njakuivu. Tala, njamuvezikisa kaha njamulingisa vusuka kaha njika muhianese kusemunuina. Akakala Ise ya vana va Miangana vava mala vakuheta ku likumi na vava vali, kaha njika mulingisa muyati uakama. ²¹Vunoni civuasiano cange njika cizimbula na Isake, ou yali kasulmuna Sala mutsimbu ino mkolosika.''²²Mua kumisile kuhandeka na ikeye, Njambi ua fumineko kuli Avilahama. ²³Kaha Avilahama ua mbele Ishimaele muaneni ua yala, navose vaze vasemukilileho mundzivo yeni, kaha navose vaze valandele na zimbongo zieni, Uose yala mukati kava mala vamundzivo ya Avilahama, kaha vaka saveua kumilngu ya mivila yavo hali lize litangua, ngece muamulekele Njambi.²⁴Avilahama uakele na miaka yaku semuka makumi atanu na auana - nai tanu nai uana hakeko hava musavele musuni ua mulungu uaku muvila ueni. ²⁵Ishimaele muaneni ua yala uakele na miaka yakusemuka likumi nai tanu ikeko ntsimbu iva musavele musuni uamulungu uakumuvila ueni. ²⁶Hatangua lize vene Avilahama na Ishimaele muaneni ua yala vava savele hamo. ²⁷Vamala vose vamu ndzivo yeni vava savelele hamo neni, kuhakelaho naua vaze vasemukila mundzivo yeni navaze valandele na zimbongo kufuma kulingendzi.

¹Kaha Yehova ua solokele kumiti ya kaluvaliu ya Memele omo ua tuamenene mumbelo ya mbalaka omo ntuima ya mutana. ²Kaha uandeuile meso eni nakula kaha tala, vamala vatatu va mene mulutue lueni, kaha omu muava muene kaha ua ntuntile nakuli uana navo mukufuma. ku mbelo ya mbalaka kaha uali kotamesele naha mavu.³Uahandekele ngueni, ''Sukuluange njauana kavumbi kumeso ove, kati upulakane ngamba yove njakuvudila.'' ⁴Vuno vaka hiange tumo tumema mulitanese kuvi liato vienu, kaha muhuime muintsi ya muti. ⁵Vandamenenu ange njiminehele kulia cacindende, mangana mulikolese enu vavene. Kufumaho amba muye munjila yenu, muomu muneza kuli ngamba yenu.'' Vakuaniene nguavo, ''Linga ngue omo muua handeka.''⁶Kaha Avilahama ua ntuntile nakuya ku mabalaka kuli Sala, naku hanendeka ngueni, ''Linga vuasi zinjongo zitatu zia vunga vuacili, vutike, nakupanga mbolo.'' ⁷Kaha Avilahama ua ntuntile nakuya kuvuntanga, nakumbata muana ngombe uakuhindala naku viuka nakumuhia kuli ngamba, kaha uazanguuisile nakumuviukisa. ⁸Kaha ua nonene manteka na mavele na muana ngomba yana vuikisa, kaha uava zumbuilevio, kaha ikeye uamene ha hiehi navo muintsi ya muti kaha valile.⁹Kaha va handekele kuli ikeye nguavo, ''Ini Sala mpueyove ali kuli?'' Uakuniene ngueni, ''Auze, mu mbalaka.'' ¹⁰Kaha ikeye ngenu, ''Muavusunga vene njikuhiluka kuli ove muaka unahiti, kaha tala, Sala mpueyove akukala na muana uayala.''Sala uakele nakuivuilila mu kumbelo ya mbalaka, yakele kunima yeni.¹¹Vunoni Avilahama na Sala vakele akolo, tusinakazi vene, kaha Sala navatuka laza kucilika ca vumpuevo. ¹²Kaha Sala uazolele mumutima uane ngueni, ''Omu munjakula, aua njikevue lisungu sikuluange na kolo?''¹³Yehova uahandekele kuli Avilahama ngueni, ''Muomuo vika Sala nazolele nakuhandeka ngueni, ''Cili vene ange njikaseme muana okuni njakolo'? ¹⁴Kucili eci cakula kuli Yehova? ku tsimbu injambele vene njikahiluke kuli ove. Hali ino ntsimbu muaka ukuizaho Sala akukala na muana uayala.'' ¹⁵Kaha Sala uavianene nakuhandeka ngueni, ''Ange kanjazolele,'' muomu akele na vuoma. uakuaniene ngueni, ''cahi, ove kaua zolele.''¹⁷Kaha vamala vaze vakatukile kuze vatalele kusondama. Avilahama uaile navakeko hamo nakuva zindikiya munjila yavo. ¹⁶Vunoni Yehova uahandekele ngueni, ''Njikamusuekela Avilahama eci cinjili nakutonda kulinga, ¹⁸Muomu Avilahama muavusunga akakala muyati uakama ua zindzili namuyati yose yaha mavu ikavezika ,muli ikeye? ¹⁹Muomuo njina muntantekeya linga asike vana veni na vaka ndzivo yeni munima yeni mangana vaniunge njila ya Yehova mukulinga vuviuke na vuololoke linga Yehova a nehele Avilahama cize cana mufumbuila.²⁰Kaha Yehova ngueni, ''Muomu mutambi ua Sondoma na Ngomula ua kama nomo vupi vuavo vuavukalu cikuma, ²¹Ange vuavuno njisikumuka kuze nakutala kulila cakama hali ikeye uze uneza kuliange, amba vacilingi laza. Nguecahi, Ange njikuntantekeya.''²²Kaha vamala vafumine kuze na kuya kutalesa ku Sondoma, Vunoni Avilahama uasalele hanga namena kumeso a Yehova. ²³Kaha Avilahama ua sueneneko na kuhandeka ngueni, ''Ukanongese mukaviuke hamo na mukavupi?²⁴Mpano muvali makumi atatu ava kavuviuke muimbo olio. ukanangese na kuohiela cihela eci cahi omo makumi atatu ava kavuviuke valimoni? ²⁵Cikakale kula nove kulinga ngecize kutsiha mukua vuviuke hamo na muka vupi ngecize muka vuviuke a lifue na mukavupi cika kala ku laako nove! Ngecize ya mavu ose kalikalinga vusunga ni? ²⁶Kaha Yehova ngueni Ngue njikuuana Musondoma makumi atatu ava kavuviuke muimbo kaha njikohiela cihela cose muomu uava keko.''²⁷Avilahana uakuaniene na kuhandeka ngueni, ''Tala vuno, Ange njina cuka nakuhandeka na Sukulu, ambatuhu Ange yange kaha lukungu na muto! ²⁸Vati ngue vali kaha vatanu kuhambakana makumi likumi vavuololoke? Ukuenieka cifuti cose muomu yava va tanu?'' Kaha ikeye uahandekele ngueni, ''Kanjikucenieka, nguee Ange njikuuana vali makumi auana nava tanu.''²⁹Kaha ua cihandekele neni naua nguen, ''Mpano vaka uanamo makumi auana?'' Kaha ikeye ngeni, ''Kanjikacilinga muomu yave makumi auana.'' ³⁰Kaha ikeye ngueni, ''Sukulu kati upihilile, kaha njina handeka. Mpano vaka uanamo makumi atatu.'' Kaha ngueni, ''Ange kanjikuciliga, ngue Njikuuana makumi atatu kuze.'' ³¹Kaha ua handekele ngueni, ''Tala vunoni, njinakuhandeka na Sukulu! Mpano vaka uana makumi avali kuze.'' Kaha ngueni, ''Kanjikenieka muomu yavaze makumi avali.''³²Kaha ua handekele ngueni, ''Kati upihilile, Sukulu, Ange njikuhandeka evi hanima yavutsiki vumo. Mpano likumi vaka uana kuze.'' Kaha ua handekele ngueni, ''Kanjikenieka muomu yava likumi.'' ³³Yehova uaile munjila yeni muakumisile kuhandeka na Avilahama, na uahilukile kuimbo lieni.

¹Tungelo vavali vezile ku Sondoma mu cinguezi, oku Lote ua tumamene ku mbelo ya Sondoma. Lote ua vamuene, uakatukile nakuli uana navo. kaha ua kutamesele cihanga ceni hamavu. ²Ua handekele ngueni, ''Tala vunoni, mukuluntu uange, njakuvundila alumukila heka mundzivo ya ngamba ziovo, tuandame vutsiki, na kukutanesa vilioto viove. Kaha mukukcusa kuhinda cimenemene na kuya munjila yenu.''Kaha vamu kuaniene nguevo, ''Houe, vunoni tukatumama ku tapalo vutsiki vuose mu mbaka.'' ³Vunoni ikeye uava sindiyile cikumakuma, kaha vaile na ikeye, na kuingila mundzivo. Ua uatelekele ciuano na na kuoca mbolo kayesi na cimbaluila, kaha valile.⁴Vunoni te kanda vakosa, vamala va muimbo, vamala vamu Sondoma, vazingulukile ndzivo, vanike na vakuluntu, vamala vose kufuma kumitamba ya membo. ⁵Vasanene Lote, naku handeka kuli ikeye nguavo, ''Ini vamala vanezile kuliove vutsiki vali kuli? Vatuhule uva nehe kuno kulietu, mangana tuva ntantekeye.''⁶Kaha Lote ua tuhukile kuli vakevo kuli pito na kusoka lipoito kunima yeni. ⁷Ua handekele ngueni, ''Njamivundila va muanetu, kati mulingi muamupi ngecizi. ⁸Vunoni talenu, Ange njili na vana vange vava mpuevo vava vali kanda va ntantekeya yala. Vandamenenu njiva tuhule kulienu, kaha mukulinga viacili kuli vakeko ku meso enu Vahone kulinga amba cimo kuli ava va mala, muomu vaneza ku cimbembe ca ndzivo yange.''⁹Vahandekele nguavo, ''Futukako,'' Kaha nguavo Ou uezilemu kulisuka, kaha ahase kukala ngazi! vuovuno tukulinga nove vuaku hiana.'' vitu kalinga nava kevo Kaha vamu palakanene cikumakuma yala, uze Lote, vene nakusuena naku vatula lipito.¹⁰Vunoni vamala vaze voluele livoko liavo nakuneha Lote mu ndzivo nava keko na kusoka ku lipito. ¹¹Kaha va ngendzi zia Lote va veteke vamala vaze vakele kuli pito lia ndzivo, navu puputa navaze vava ndende navaze vakama , vakatalele na kulengeya lipito.¹²Kaha vamala va handekele kuli Lote nguavo, ''Uliko namukuovo ueka kuno? vasomueno, vana vove vava mpuevo, amba tuhu nkala uose uli neni muimbo, vafumise mucihela cino. ¹³Muomu tuka nongesa cihela cino, muomuo mutambi uavo ualinehesa kuli Yehavo kaha naua uakama sikoha Yehova natutumu ku u nongesa.''¹⁴Lote uakatukile nakuhandeka nava semueno, vamala vasikile kumbata vana veni vava mpuevo, na kuhandeka nguavo, ''Zangulenuko, fumenu mucihela eci, muomu Yehova akanongesa limbo.'' Vinoni kuli va semueno vamuene ngue mukaku sakalala. ¹⁵Kaha mukuacele, tungelo vazingulikile Lote nguavo, ''Katuka, mbata mpueyove na vana vove vavali vava mpuevo ava vali hano, mangana kati vaku kombele kumo muku zangamesa calino limbo cahi.''¹⁶Vunoni ikeye ua tokeleho. Kaha vaze vamala vamu kuatele kuli vako lieni, nakuli voko lia mpueyeni, nakuli voko vana veni vavali vava mpuevo, muomuo Yehova uakele na ngozi hali ikeye. Vava fumisilemu, naku vahaka kumbandza ya limbo. ¹⁷Kaha omu muvava fumisilemu, yala umo ua handekele ngueni, ''Tinenu na miano yenu! Kati mutale hanima, cipue kutumama hali hose mu cana cahi.Tina kasuame kumuncinda kutina vakuku kumba.''¹⁸Lote ua handekele kuli vakeko ngueni, ''Cahi, katimo, sukululuange! ¹⁹Tala vuno, ngamba yove nauana kavumbi kumeso ove, kaha ua njisoluesa ngozi yakama mu kuovola muono uange, vunoni Ange kanjikutinina ku muncinda, muomu kutina vupi vukanji uana njika ntsa. ²⁰Tala vuno, limbo eli lia keha. Sukuluange, njece njitinine kuze - Kati lia li ndende? - kaha muono uange uka yoya.''²¹Ua handekele kuli vakeko ngueni, ''Mukazindzili, njina tava kuca eci naua, kanjika nongesa limbo lize liu na tumbula. ²²Zangulako! tinina kuze, muomu kanji kuasa kulinga vimo kuvanga unahetako kuze.'' Ngoco vene valukile lizina lia limbo lize nguavo Zoale.²³Litangua lia tuhukile helu lia mavu mualingile Lote nahata ku Zoale. ²⁴Kaha Yehova uanokesele ha Sondoma na Ngomola enxofele na tuhia vamuilu vakuli Yehova . ²⁵Ua nongesele membo aze cose, nava ndambo vose va membo, na mihako yasokele ha mavu.²⁶Vunoni mpueyeni, uze ikele munima, ua talele hanima, kaha ualumukile ngundzi ya mongua. ²⁷Avilahama uakandukile cimenemene kucihela cize ua mene kumeso a Yehova. ²⁸Ua talele kaha uatalele ku Sondama na Ngomola nomu muahita cifuti cose ca cana. Ua talele, uamuene muisi uakondokele kufuma mu citi ngue muisi ua lutengo.²⁹Ngecize omo Njambi mua nongesele membo a cana, Njambi ua nukile Avilahama. Kaha uatuhuisike Lote mukati kakunongesela membo aze muakele Lote.³⁰Kaha Lote ua fumine ku Zoale nakukala ku mincinda na vana veni vava mpuevo, muomuo akele na vioma vuaku yoye mu Zoale. Ngecize uaku yoyela mucina, ikeye na vana veni vavali vava mpuevo.³¹Kaha uze ua ntuantua ua handekele kuli ntsongo yeni ngueni, ''Tata nakolo, kaha kakuesi yala naua uakuli mona neni kueseka na cilika ca mavu cose. ³²Tuaya, tuise tata viniu, kaha tukukosa neni, mangana tuniunge mbuto kuhitila muli tata.'' ³³Kaha vanuisile iseavo viniu vutsiki vuze. kaha ua ntuantua ua kovelele mukati na kosa na ise; kantantekeyele ngueni nakosa neni, nomu muahindukile.³⁴Kaha halakaca ua ntuantua ua handekele kuli ntsongo yeni ngueni, ''Ivuilila, kuno Ange vutsiki vunace njakosele na tata. Tuyenu tumunuise viniu vutsiki naua. kaha mukuya na kukosa neni, mangana tulame vusoko kuhitila muli tatetu.'' ³⁵Kaha vanuisile iseavo viniu havu tsiki vuze naua, kaha ntsongo yeni uaile nakukosa na ikeye. Kantantekeyele omu muakosele nomu mua hindukile.³⁶Ngecize vose vana va Lote vemitile kuli iseavo. ³⁷Ua ntuantua uasemene muana ua yala, kaha ualukile lizina ngueni Moave. Uakele civendzi cava Moavita naka lelo. ³⁸Nauze ntsongo yeni ua mpuevo, ua semene muana ua yala, kaha uamu lukile lizina ngueni Mbenami. ikeye vene civendzi cavaAmole.

¹Kaha Avilahama uafumine kuze nakuya kucifuti ca Negevi, kaha uatumamene ha kati ka Kandese na Sule. Kaha uakele niamuiza mu Ngelale. ²Avilahama ua tambuile Sala mpueyeni ngueni, ''Ikeye ndumbuange.'' Avimeleki muangana uaka Ngelale ua tumine naku hianga Sala. ³Vunoni Njambi uezile kuli Avimeleke mu cilota mu vutsiki, ua handekele kuli ikeye ngueni, ''Zangama, ove unatsi muomu uze mpuevo iua mbata, mpueya mbala.''⁴Vuno Avimeleke te kanda ali mona neni ua handekele ngueni, ''Sukulu, ukatsiha navaze va vuololoke? ⁵Kati ivene ua njilekele ngueni, 'Ndumbuange?' Amba ivene ua handekele ngueni, 'Ikeye mukuluntu uange.' Ange njali eci musunga kufuma mumutima uange naku vuntavia vuange.''⁶Kaha Njambi ua handekele na ikeye mu cilota, ''Mukeko, Ange naua njantantekeya nguange muvusunga vua mutima uove ualingi eci, kaha Ange naua njaku vindikile kuvulumuna kuliange. Ngecize Ange kanja kutavesele kumukuata. ⁷Ngecize, hiluisa mpueya mbala, muomu akala kapolofeto. Akuku vundilila, kaha uku yoya. Vunoni ngue kauku muhuisa. untantekeye nguove yove na viose viove vikutsa.''⁸Avimeleke uahindukile cimenemene kaha uasanene vangamba zieni. Ua valekele evi viuma viose, kaha veze vamala vavuile vuoma. ⁹Kaha Avimeleke ua sanene Avilahama naku handeka kuli ikeye ngueni, ''Ualingi vika kulietu?Njavulumuna vika kuliove, hakulinga unjinehe kuno ku vuangana vuange vupi vua kama? Ualingi kuliange vipangi kavia pandele kulinga.''¹⁰Avimeleke ua hadekele kuli Avilahama ngueni, ''Vika viua muene amba ulinge evi viuma?'' ¹¹Avilahama ngueni, ''Muomuo Ange njasinganiekele, muvusunga kakukala kuivua vuoma vua Njambi mu cihela eci. kaha vakunjitsaha muomu ya mpueyange.' ¹²Mukeko, ntsongo yange, muana ua mpuevo ua tata, vunoni kati muana ua mpuevo uava nana cahi; kaha akele mpueyange.¹³Kaha Njambi uanehesele ange kuseza ndzivo ya tata na kuendangana fumuma oku kuya oku, Ange nja handekele na ikeye nguange, ' Uatela kusoluesa lutsilielo luove ngue u mpueyange: Kuose kutukuya, handeke haliange, ''Ikeye ndumbuange.''''' ¹⁴Kaha Avimeleke ua mbatele mpanga na ngombe na ndungo ua yala na ndungo ua mpuevo, na kuvahana kuli Avilahama. Kaha uahiluisile Sala, mpue ya Avilahama kuli ikeye.¹⁵Avimeleke ua handekele ngueni, ''Tala, cifuti cange cili kumeso ove. Tumama kuose kuakuviukila ove.'' ¹⁶Kuli Sala ua handekele ngueni, ''Tala, Ange njinahie ndumbuove likulukazi lia vihanda via palata. Zia kufuika nkala mulonga ove mumumeso avose vaze vauli navo, na kumeso avose, tuna kuviukisa.''¹⁷Kaha Avilahama ua vundilile kuli Njambi, kaha Njambi ua kanguile Avimeleke, mpueyeni, na vangamba zieni vava mala mangana vase kukala na vana. ¹⁸Muomu Yehova ua sokele mazimo ose avaka ndzivo ya Avimeleke muomu ya mpueya Avilahama.

¹Yehova ua liungumikile muacili kuli Sala kueseka nomu mualikuli, kaha Yehova ualingililile Sala kueseka nomu muamu sikile. ²Sala umitile kaha uasemene muana ua yala kuli Avilahama mumiaka yeni yakusemuka yavukule, hali eze ntsimbu vamulongeselele kuli Yehova muze muahandekele kuli ikeye. ³Avilahama uamulukile uze muaneni uayala, uze umolika uasemukile kuli ikeye, uze Sala uasemene, Isaka. ⁴Avilahama uakulisile muaneni Isaka omu mualatele matangua atanu nauatatu akusemuka kueseka nomu muamulekele Njambi.⁵Avilahama ualeke na miaka likulukazi liakukola omu muasemukile muaneni Isake. ⁶Sala uambele ngueni, '' Njambi nanjizolesa; uose ou akuivuako okuzola hamolika nange.'' ⁷Kaha naua uahandekele, Iya akuhasa kuhandeka kuli Avilahama Sala nahase kuamuisa muana, okuni njina musemeneni muaneni mu miaka yeni yamuvusikakazi!''⁸Uze muaneni uazovolokele kaha uamusumuine, kaha Avilahama valingile ciuano cakama halitangua lize Isaka asumkile. ⁹Sala uamuene muana ua Hangale uze kayi Ingito, uze yasemene laza kuli Avilahama, uamu sinamesele.¹⁰Kaha uahandekele kuli Avilahama, ''mufumise ou ndungo uapuevo muno namuaneni, mangana ou muana kou ndungo kati akakala suana na muangana, na Isaka.'' ¹¹Eci cuma cakele ca ciniengo cikuma kuli Avilahama muomu yamuaneni uayala.¹²Vunoni Njami uahandekele kuli Avilahama, ''kati ulinienge, muomu ya ou muana ua yala, muomu ya ou ngamba ya ou ua mpuevo. Ivuilila kumezi ose alikukuleka haviuma, Evi, muomu kuhitila muli Isaka mukeko visemunuino viose mukeko muvaka vavulukila mazina. ¹³Njika mulingisa muana ya ou ngamba ua mpuevo kukala cifuti, muomu ikeye cisemunuino cove.''¹⁴Avilahama ua hindukile cimenemene, uanonele muka na Njava, kaha uahihiele kuli Hangale, mukuhihaka ha citsizi cene. Uamuhiele muana ua yala kaha uatumine kuya . uaile nakulumbuangela mu zindinda zia mbele - seva. ¹⁵Omu mema amuze mu njava akumine uamumbilile uze muana ua yala muitsi ya ciputa cimosi. ¹⁶Kaha uaile, uatumamene kantunda kakandende kufuma kuli ikeye, kakele kantunda ngue kuasa ca muvi halako, muomu uahandekele, ngueni keti njimone kutsa ca ou muana.'' hatsimbu yatumamene kuze kusinia uaile nalizi lia kutambakana.¹⁷Njambi uavuile lize lia uze muana ua yala, kaha nakangelo ka Njambi uatambakanene Hangale kufuma muilu, kaha uahandekele kuli ikeye ngueni, ''Vukalu vu uli navuo, ove Hangale,? kati uakale navuoma, muomu Njambi nevu lizi liou muana ua ya yala oku kuali. ¹⁸Katuka, zndula muana ua yala, kaha mutakamese muomu Njkamulingisa kukala cifuti cakama.¹⁹Kaha Njambi ua sokoluele meso eni kaha uamuene lisima lia mema. uaile nakusulisa kamulondo kamena kaha uamuhiele kunua. ²⁰Njambi uakele nauze muana ua yala, kaha uakolele. uakoleselemo Ndinda kaha uakele mukakuasa mivi. ²¹Uayoyele mu ndinda ya palane, kaha naye uambatele mpuevo kufuma ku cifuti ca Ingito.²²Calingile ngecize hali ize ntsimbu oyo Avimeleke na Fikole kapitau ka masualale uahandekele kuli Avilahama, ngueni, ''Njambi ali nove muvuima viose vize ukalinga. ²³Sikaho naua lizinge kuliange hano kuli Njambi nguove kaukalinga vungungu nange, amba na Muangana, amba navi semuniuno viange. Njisoluele ange vanaka cifuti cino cino ciutumama civuasiano calutsilielo lumo luka cinjinakumuesa. kulinga nava mucifuti cino ciuatumamamo. ²⁴Avilahama uahandekele ngueni, ''Ange njalisingi.''²⁵Avilahama neni ua yayavalele kuli Avimeleke kukala halisima lia mema lize liamutapuile vangamba zia Amiveleke. ²⁶Avimeleke uahandekele ngueni, ''Kanja ntantekeyele ou nalingi eci cuma nkana. kamuanjilekele nantsimbu ino, kanja civuile kuheta nakulelo.'' ²⁷Sikaho Avilahama uambatele mikoko nava ngombe kaha uavihiele kuli Avimeleke, kaha vamala vavli vapangele civuasiona.²⁸Avilahama ua viukisile vampanga valuhavo vantu naua vali vamuvuntanga vuavo. ²⁹Avimeleki uambele kuli Avilahama, ''cilumbunuisi mucaila eci ciuahandeka ava mikoko valuhavo vatanu navavali hali kaliavo?'' ³⁰Uamukuaniene ngueni, ''Vatanu nava vali mikoko va luhavo ukavatambula kulivoko liange, mangana vukale vukaleho vuange, nguavo njahindile eli lisima.''³¹Kaha uasanene cize cihela Mbelesheva, muomu vakeko vase valisingile cisingo kuze. ³²Kaha vatungile lusiko kuze, Mbelesheva, kaha naua Avimeleke na Fikole, uze kapitau uavaka ndzita veni, uahilukile kuli futi lia Filisteo matangua a enge.³³Avilahama uakunine muti ua tamasiku kuze kumbelesheva. kaha uamuzumbangeyele Yehova, ou Njambi uahaya miaka na miaka ³⁴Avilahama uasalele kukala kangize ku cilifuti lia Filisteo matangua a engi.

¹Kaha cakele ngecize hanima ya viuma evi Njambi uesekele Avilahama. Ua handekele kuli ikeye ngueni, ''Avilahama!'' Avilaham ua handekele ngueni, ''Yange uno.'' ²Kaha Njambi ua handekele ngueni, ''Mbata muanove, muanove liamunie, uze iua lema, Isake, kaha hamoye kucifuti ca Moliya. kaha uka mu kombeleya kuze ngue cikombelo ca kutsimika ku umosi ua mincinda uze u njikakuleka. ³Kaha Avilahama uaha hindukile cimenemene, nakulemeka cimulu ceni, naua uambatele va kuendze vavali nakuya navo hamo nayikeyi, na Isake muaneni. kaha uatiavele vikuni via cikombelo caku tsimika, kaha ua katukile nakuya kucihela cize civamulekele kuli Njambi.⁴Hali tangua lia mucitatu Avilahama uanduile meso eni kaha amuene cihela halako. ⁵Avilahama ua handekele kuli vaze kuendze veni ngueni, ''Kalenu hano na cimulu kaha Ange na kanike tukuya kuze. kaha tukazumbangeya nakuhilka naua kulienu.'' ⁶Kaha Avilahama uanonene vikuni via cikombelo caku tsimika naku tuika Isake muaneni. kaha uatambuile mulivo lieni tuhia na mpoko; kaha vaile vose vavali hamolika.⁷Kaha Isake ua handekele kuli Avilahama Ise ngueni, ''Tata,'' kaha ikeye ngueni, ''Yange uno, muanange.'' Ua handekele ngueni, ''Tala, hano hali tuhia na vikuni, vunoni muana mpanga ua cikombelo caku tsimika uliye?'' ⁸Kaha Avilahama ngueni, ''Njambi ivene akuviukisa muana mpanga ua cikombelo caku tsimika, muanange.'' Ngecize vaile vose vavali, hamolika.⁹Omu muvahetele ku cihela cize Njambi uamu lekele, Avilahama kutunga mutula kuze na naku tsikaho vikuni. Kaha nakukuta Isake muaneni, nakumu kosesa ha mutula ua vikuni. ¹⁰Avilahama uoluele livoko lieni na mbata mpoko mangana atsihie muaneni.¹¹Kaha kangelo ka Yehova uamu tambekele kufuma muilu na ku handeka ngueni, ''Avilahama, Avilahama!'' kaha ua handekele ngeni, ''Yange uno.'' ¹²Ua handekele ngueni, ''Kati usaleke livoko liove hali kanike, cipue kulinga vimo viavipi hali ikeye cahi, Ngecize vuno njantantekeya ua muvuila Njambi vuoma, omu kaua njivianeneye muanove, muanove umolika.''¹³Kaha Avilahama uanduile meso eni nakutala, kunima yeni kuakele cizamba ca kasitu umosi nalizenge kuzimbinga zieni muvusito. kaha Avilahama uaile nakukuata cizamba uze nakumu kombeleya ngue cikombelo caku tsimika muku tsila muaneni. ¹⁴Kaha Avilahama ualukile lizina kuli cize cihela, ''Yehova Yeli, '' ngue muveku handeka nakalelo nguavo, Kumuncinda ua Yehova vaka cimona.''¹⁵Kaha kangelo ka Yehova ua tambekele Avilahama mutsimbu yamu civali kufuma muilu ¹⁶kaha ngueni eci cikeko kuhandeka ca Yehova - ivene Ange njalisingi muomu ualingi eci cuma, kaha kauanja vianeneye muanove, muanove umolika, ¹⁷Ange mavusunga njika kuvezikisa ove naua njika lanesa mbuto yove ngue tuntangantanga va mumelu, kaha nua ngue musekeseke uli kungenge ya mema; kaha mbuto yeve ikafuka mbelo yavi tozi veni.¹⁸Kuhitila mu mbuto yove miyati yose yaha mavu ikavezika, muomu unononoka kulizi liange.'' ¹⁹Ngoco Avilahama ua hilukile kuli vakuendze veni, kaha vakatukile nakuya hamo ku Mbeleseva,²⁰Kaha cakele ngecize hanima yevi Avilahama vamulekele nguavo, ''Tala Mileka ikeye naua, naseme, vana kuli munoko Nahole.'' ²¹Vakele Uze muaneni ua ntuantua, Mbuze muanaye, Kemuele ise ya Alame, ²²Kesende, Hazo, Pelendase, Yindelafe, na mbetuele.²³Kaha mbetuele uasemene Lembeka. Ava vakele vatanu nava tatu vana Mileka ua semene kuli Nahole, muanaye ya Avilahama. ²⁴Kaha kavuhale keni, lizina lieni Leuma ua semene naua Teva, Ngahame, Tahase, na Maka.

¹Sala ua yoyele miaka yakuheta muma kulukazi namakumi avali na miaka itanu naivali. Eyi ikeko miaka ya ciyoyelo ca Sala. ²Sala uantsilielele mu Kiliete Avele, ikeko. Hevelone, mulifuti lia Kenane, Avilahama uakele navuntsiua nakulila Sala.³Kaha Avilahama uakatukile kaha uaile, kufuma kuli mpueyeni uakuntsa, kaha uahandekele kuvana va Hele ngueni, ⁴Ange njingendzi mulienu, njaveleko cihela cimo cakuntsindalako mulienu, mangana njintsindileko vuntsi vuange.⁵Kaha vana va Hevelu vamukuaniene nguavo, ivuilila kulietu, '' ⁶Ivuilila kulietu, ove muatava etu. Yove muana Muangana ua Njambi mulietu. Ntsinda mufu uove muuasakuilemo ove cihilo, mangana ove untsindemo mufu uove.⁷Avilahahama uakatukile na kutsikama kuvantu vacize cifuti, kuvana va Hevelu. Uahandekle kuli vakeko, ngueni, ⁸''Ngue mukutava nguenu njintsinde mufu uange, kaha njivuililenu nakulomba kuli Efelone muana Zihale. ⁹Muhulisenu anjilandeseko cize cingelengenia ca Mafuapele cize cakala naco, cize cakala kutsongo ya lihia. Handando yose anilandeseyo ande kuka cihela cakuhona kusueka kukala cihela ca kutsindila.¹⁰Sikaho Efuelone uatumine naveze vana va Hete, na Efuelone uze Kahete uakuaniene Ailahama mumatuitui avaze vana va Ehete,vaze vose vezile kuze kumbelo ya mbaka yakama, ngueni, ¹¹''Vunoni, ove muata, njivuilile, njikukuavela lihia, na zingelengenia naco mucili. njikukuavelaco ove kumeso ava vana vavantu ziange. Njikukuavelaco utsindemo mufu uove.¹²Kaha Avilahama uatsikamene hamavu kumeso avantu vacino cifuti. ¹³Uahandekele kuli Efuelone muma tuitui avantu vamuze mu cifuti, ngeni, ''Vunoni ngue munaleme, kaha njivuilinu. Njikufueteko lihia. mbatenu zimbongo kuliange, kaha njikutsindamo mufu uange.¹⁴Efuelone uakumbuluile Avilahama, ngueni, ¹⁵''Ove, mukuluntu uange, ivuilila kuliange. mutamba ou ualivu liaheta muma kulukazi auana azimbongo zia olu, vika vize vili muliove nange? ntsinda mufu uove. ¹⁶Avilahama uevuililile kuli Efuelone na Avilahama uapezelesele kuli Efuelone ndando ya palata ize ya vulukile mumatuitui avaze vana va Hete, makulikazi auana viesekelo via palata, kuesekesa nakupezelesa ca vukame¹⁷Sikaho lihia lia Efuelone, lize liakele kumakapele, aze akele kuhiehi na Memale, lize lihia, liakele nacingelengenia. kaha namiti eze yose yakele muze mulihia na viose vize viazingulikile kundzindza, kuahitile. ¹⁸Kuli Avilahama kulandesa mumbunga ya vana va Hete, kumeso avaze vose vezile kumbelo ya mbaka.¹⁹Hakukuma cevi, Avilahama uatsindile Sala mpueyeni muze mucingelenia ca lihia lia Makapelo, liakele kuhiehi na Mamele, kuze ku Hevelone, mucifuti ca Kanana. ²⁰Sikaho lihia na cingelengenia vize viahitile muli Avilahama kukala luheto lueni kucihela kuakutsindila kufuma kuvana va Heta.

¹Kaha Avilahama ua kolele kaha Yehova uamu vizikisile Avilahama muviuma viose. ²Avilahma ua handekele kuli ngamba yeni mukuluntu uamu ndzivo yeni mukaku tala tala muviose viakele navio ngueni, ''Haka njaku vundila livoko liove muitsi ya ntungi yange ³kaha njikuku singisa hali Yehova , Njambi ua muilu na Njambi uaha mavu, kati ukambate mpuevo ua muanange kufuma kuli muanange ua mpuevo kuli va Kanana hakati kove nja tumama. ⁴Vunoni ukaya ku cifuti cange, na kuli vavusoko vuange, ukambateleko mpuevo ya Isake muanange.''⁵Kaha ngamba ua handekele kuli Ikeye ngueni, ''Ini ngue vati mpuevo kali katava kunjikava ange kucifuti? Njatela Ange kuhiluisa muanove kucifuti kuze kuua fumine?'' ⁶Avilahama ua handekele kuli ikeye ngueni, ''Muavusunga kati uka hiluise muanange kuze! ⁷Yehova, Njambi ua muilu, uze ua njitambuile ange kufuma kundzivo yava tata naku cifuti cava vusoko vuange, Ku mbuto yove Ange njikakuhia cifuti eci; akatuma kangelo kumeso ove, kaha uka mbata mpuevo ya muanenge kuze.⁸Vunoni ngue mpuevo katavele kukukava ove, kaha ove uakutunuka kucisingo cange. Vunoni kati ukatuale muanange kuze.'' ⁹Kaha ngamba ua hakele livoko muitsi ya ntungi ya Avilahama mukuluntu ueni, nakuli singa neni kucuma eci.¹⁰Kaha ngamba yeni ua tambuile tumelu likumi va kukueni nakuya navo. Ua tambuile naua vana na vikuata kufuma kuli kukueni. Uaile ku Alame Nahalame, kucufuti ca Nahole. ¹¹Kaha ua tsikamesele tumelu ha mbandza ya limbo kuli sima lia mema. kuekele cinguezi, tsimbu yakele nakuya uze mpuevo nakusua mema.¹²Kaha ikeye ngueni, ''Yehova, Njambi yava kukuange Avilahama, njitume ange lelo naku soluesa kutsiliela cali tavasiano kuli kukuange Avilahama. ¹³Tala, Yange uno njamana ku ndundzi ya mema, kaha vana vava mpuevo vava vantu vana kutuhuka na kusua mema. ¹⁴Kaha cikale ngecize. Omu munjika handeka kulienu vanike vava mpuevo, 'Tula njavi yove mangana hamosi njikunua; kaha ikeye aka handeka ngueni, 'Nua, kaha njika nuisa tumelu tuove naua; ikeye vene uze akakala i u natumbuile ngamba yove Isake. kaha hakeko hanjika ntantekeya nguange uamuesa lutsilielo lua litavasiano kuli kukuange.''¹⁵Kaha cakele ngecize ntsimbu kanda amanesa ku handeka, zangama, Lembeka ua tuhukile kuli uze uasemene Mbetuele muana ka Mileka,mpueya Nahole, muanaye ya Avilahama. ¹⁶Ou kanike ua mpuevo akele ua cili kanda ali monaho na yala. Na yala kanda amuntantekeya ikeye. na ikeye uasikumukile ku ndundzi, uasulisile njavi yeni na kukanduka.¹⁷Kaha ngamba yevi uamu sesele naku muuana naku handeka ngueni, ''Njavindila njihieko njinue tumema tuatu ndende ku njavi yove.'' ¹⁸Ua handekele ngueni, ''Nua, kukuange,'' kaha muasi muasi uatulile njavi yeni hali voko lieni, nakumuhia ku nua.¹⁹Kaha omu muakumisile kumuhia mema a kunua, ua handekele ngueni, ''Ange njikusua mema a tumelu tuove naua, noho hava kumanesela kunua.'' ²⁰Kaha zanguile naku lundulula njavi yeni mu vuato, kaha ua ntuntile naua kuya kulisima nakusua mema, kaha uasuile mema avose tumelu tueni.²¹Kaha yala uze uamu talele muku holoka nakumona ngue Yehova navizikisa vungendzi vueni ini cahi. ²²Omo tumelu vamanesa kunua, yala uatuhuisile kandzeya ka olu nakumuzika ikeye kumavoko naku pezelesa makayi likumi, ²³kaha uamu hulisile ngeni, ''Ini ove umuaneya"? Njileke njavundila, kuliko ndzivo kuli iso mangana tukakoseko vutsiki?''²⁴Ua handekele kuli ikeye ngueni, ''Ange njimuana ka Mbutuele muana ka Mikale, uze ivasemene kuli Nahole.'' ²⁵Ikeye naua ua handekele kuli ikeye naua ngueni, ''Tuli na muila na kulia, na ndzivo yaku kosamo vutsiki.''²⁶Kaha yala uakotamene naku lemesa Yehova. ²⁷Ua handekele ngueni, Uaku vezikisa Yehova, Njambi yava kukuange Avilahama, ikeye kali kelele kuli tavasiano na lutsilielo na ngozi kuli kukuange. Ngue kuliange, Yehova nanji tuamena ku ndzivo ya vavu soko vua kukuange.''²⁸Kaha uze kanike ua mpuevo ua tuntile nakuleka vaneye vamu ndzivo ha viuma viose evi. ²⁹Na Lembeka uakele na muanaye, lizina lieni uakele ikeye Lambane. Lambane ua ntuntilile yala uze uakele ku ndundzi. ³⁰Kaha omu muamuene kandzeya na makayi kumavoko a muanaye nomu muavuile mezi a Lembeka muanaye nguavo, ''Omu mukeko muana handeka ou yala kuliange,'' uaile kuli uze yala, kaha, Tala, uamene ku tumelu kundundzi.³¹Kaha Lambane ua uandekele ngueni, ''Tuaya, ove uaku vizika kuli Yehova. muomu vika vaua mena ha mbandza? njaku viukisila ndzivo, na cihela ca tumelu.'' Kaha yala uezile ku ndzovo nakufumisa viteli hali tumelu. ³²Tumelu vava hiele muila na kulia, kaha mema akele aku viukisa akutana kuvi punga vieni nakuvi punga via vamala vaze vezile navo.³³Kaha vahakele viakulia kumeso eni alie, vunoni ua handekele ngueni, ''Ange kanjikulia kuvanga njihandeke vanjili nakutonda kuhandeka.''Kaha Lambane ngueni, '' ³⁴Handeka.'' Ua handekele ngueni, ''Ange yange ngamba ya Avilahama. ³⁵Yehova navizikisa kukuange cikuma kaha napu uakama, Namuhie vampanga na vangombe, palata, na olu, vangamba vava mala nava ngamba vava mpuevo, na tumelu na vimulu.³⁶Sala, mpueya kukuange, uasemene muana kuli kukuange omu muakele kasinakazi, kaha uamuhiele viose viakele vavio. ³⁷Kaha kukuange uanjisingile ngueni, ngueni, 'Kati ukambate mpuevo uakuli muanange kufumu kuli vana vava mpuevo vamu Kanana, muze munji katungila limbo liange. ³⁸Vunoni ukaya ku ndizivo ya tata naku vusoko vuange, naku mbatelako muanange uayala mpuev;³⁹Ange nja handekele na kukuange nguange, 'mpano mpuevo kali katava kunjikava ange,' ⁴⁰Vunoni ua handekele kuliange ngueni, 'Yehova, uze injinendela kumeso eni, njikutuma kangelo keni nove kaha akuku vezikisa munjila yove, mangana umbate mpueya muanange mukati kavavusoko vuange namu kati kandzivo yava tata. ⁴¹Vunoni ukusamba ku cisingo ngue ukuiza kuvavu soko vuange kaha kavakukuhiaye. Kaha ukusamba ku cisingo cange.'⁴²Kaha ange nja hetele litangua lia lelo kundundzi, kaha ngueni, 'A Yehova, Njaimbi ya kukuange Avilahama, njivundila, ngue uavizikisa njila yange mucili - ⁴³Yange uno, njimana ku ndundzi ya mema - eca vanike vava mpuevo vatuhuke nakusua mema, kufuma mu njavi yove nakunua,'' Njavundila njihieko tumema tuatundende kufuma mu njavi yove njinue,'' ⁴⁴Kaha mpuevo uze aka handeka nange ngueni, ''Nua, kaha Ange njikakusua mema naua atumelu vove'' - ikeye akakala mpuevo uze, Yehova, nasakuila muana ka kukuange.'⁴⁵Kaha te kanda njimanesa kuhandeka mu mutima uange, tala, Lembeka uatuhukile na njavi ha citsindzi nakusikumuka nayo kundundzi nakusua mema. Ngecize njaha ndekele na ikeye nguange, 'Anjavundila njihieko mema a kunua.' ⁴⁶Muasi muasi ua tulile njavi yeni kufuma ha citsindzi ua handekele ngueni, 'Nua, njikuhia tumelu tuove mema naua,' Ngecize njanuine, kaha uanuisile tumelu naua.⁴⁷Ange njamuhuile nguange, 'Ove umuaneya?' Kaha ikeye ngueni njimuana ka Mbetuele, muana Nahole, yasemene Milika kuli ikeye.' kaha njahake kandzeya kuma zulu eni na makayi kuma voko eni. ⁴⁸Kaha njakotamene mutue uange naku lemesa Yehova, naku vizikisa Yehova, Njaimbi kukuange Avilahama, ikeye nanji tuamenene munjila yacili amba njiuane muana kavusoko ka kukuange kuli muaneni.⁴⁹Vuavonu ngue mualeme, kulinga ngozi na vusunga na kukuange, njilekenu. Vunoni ngue cahi, njilekenu, mangana njitalese ku cilio cipie ku cimosue.''⁵⁰Kaha Lambane na Mbetuele va kuanieneko na kuhandeka nguavo, ''Çuma eci cafumu kuli Yehova; katukuasa ku handeka kulienu viacili amba viavipi. ⁵¹Talenu, Lembeka ali kumeso enu. Mumbatenu muye neni, hamosi akukala mpueya muana ka kukuenu, ngue muze muana handeka Yehova.''⁵²Kaha cakele ngecize ngamba ya Avilahama muavuile mezi avo, uakotamesele mutue ueni hamavu kumeso a Yahova. ⁵³Kaha ngamba uatuhuile via kulilenga via palata na via kulienga via olu,na vuzalo na kuvihia Lembeka. Naua uahiele muanaye nakuli naye viuma via seho ya kama.⁵⁴Kaha ikeye na va mala vaze vakele na ikeye valile na kunua. Vatumamene kuze vutsiki vuose, kaha muva hindukile mu cimene, ua handekele ngueni, ''Njitumenuko kuli kukuange.'' ⁵⁵Kaha muanaye na naye va handekele nguavo, ''Acitave kanike ua mpuevo atumame netu ma tangua andende, amba tuhu likumi. Amba aye.''⁵⁶Kaha vakeko nguavo, '' Kati munjivindike muomu Yehova na vezikisa njila yange. Njimienuko linga njiye kuli kukuange. '' ⁵⁷Va handekele nguavo, ''Tukusana kanike ua mpuevo na kumuhulisa.'' ⁵⁸Kaha vamusanee Lembeka na kumuhulisa,'' Ukuya nava vamala?'' Kaha ikeye ngueni, ''Njikuya.''⁵⁹Kaha vatumineko Lembeka muanayavo, na mpuevo mukakumulela, muvu ngendzi vuavo na ngamba ya Avilahama nava mala veni. ⁶⁰Kaha vavezikisile Lembeka, na ku handeka kuli ikeye nguavo, ''Muanetu akale, neye ya vamakulukazi ama kumi ama kulukazi, na mbuto yove ifuke mbelo yavezi vava zinda.''⁶¹Kaha Lembeka ua katukile, na ikeye na va ngamba vava mpuevo veni vendele ha tumelu nakukava yala. Na ngamba uatumbule Lembeka, na kuya munjila yeni. ⁶²Vuno Isake uakele naku yoyela ku Nengive, hakeko ha hilukile kufuma ku Mbele lahai loi.⁶³Isake uatuhukile naku singanieka ku kana ku cinguezi. Kaha uanduile meso eni nakumona, Tala, kuakele tumelu vakele nakuiza! ⁶⁴Lembeka uatalele, kaha mua muene Isake, uatumbukile kufuma hali kamelu. ⁶⁵Ua handekele kuli ngamba ngueni, '' Iyandzo uze yala anakuenda mucana aliuane netu?'' Kaha ngamba ua handekele ngueni,''Ikeye kukuange.'' kaha ikeye ua nonene ntanga, nakuli vuva,.⁶⁶Kaha ngamba ualekele Isake viose vialingile. ⁶⁷Kaha Isake uamunehele mu mbalaka ya naye Sala kaha uambatele Lembeka, nakukala mpueyeni, kaha uamu lemene cikuma kuma. Kaha Isake uamu lembeziekele hakutsa ca naye.

¹Kaha Avilahama ua mbatele mpuevo ueka; uamulukile lizina ngueni Ketula. ²Kaha ua musemenene Zimelane, Yokesae, Mendane, Mindiane, Isavake na Sua. ³Kaha Yokesane ua semene Seva na Ndendane. Kaha vana va Ndendane vakevo Asulime,na Litulisime na Leumime. ⁴Kaha vana va Mindian vakele, Efa na Efele, Hanoke, Avinda, na Elenda. Vose ava vakele vana va Ketula.⁵Kaha Avilahama ua hiele viose via kele navio kuli Isake. ⁶Vunoni omu muakele naku yaya, uahiele mavuana vana veni kuli mpuevo uamu civali kaha uava tumine kucifuti ca kumuntuntuko uali tangua, kufuma kuli Isake, muaneni.⁷Aua akele matangua a miaka ya mpueya Avilahama a yoyele, cihita camiaka na makumi atanuna ivali na itanu. ⁸Avilahama ua huimine ca kukumisilako kaha ua tsile ha tsimbu yacili, kasinakazi uakusula na muono, kaha vamu kungulukile kuvantu zieni.⁹Kaha Isake na Ismeale, vana veni, vamu tsindele mu cana ca makapela, mu lihia lia Efelone muana Zohale kaHiteu, kuhiehi na Mamele. ¹⁰Lihia lizi lia landele Ailahama kuli vana va Hete. Ailahama vanu tsindile kuze na mpueyeni Sala. ¹¹Hanima yakutsa ca Avilahama, Njambi vavezikisile Isake muaneni, kaha Isake ua tumamene ku Mbelelahai loi.¹²Aua akeo mazina a Ismele, muana Avilahama, yasemene Hangal muka Ingito, ngamba, ya Sala kuli Avilahama.¹³Aua akeo mazina ava vana va mala va Ismeale, kuma zimo avo: ndala ya Ismeale, Mivesame, ¹⁴na Misema, na Nduma , na Masa. ¹⁵Handande, na Tema, Yetule, Nafise, na Kendema. ¹⁶Ava vakeko vana va vamala va Ismeale na akeo mazina avo ku membo avo naku vilombo viavo va miata likumi nava vali kumiyati yavo.¹⁷Eyi ikeko miaka ya tumamene Ismeale, cihita ca miaka na makumi atatu na itanu na ivali. kaha uahuimine kamakumisilo kaha uatsile, kaha vamu kungulukile kuli vantu veni. ¹⁸Kaha vakevo va tumamene kufuma ku Havila nakuheta ku Sula, kuhie na Ingito, ngue ukuya ku Siliya kua tumamene vuntanga viose na vana va naye.¹⁹Kaha aua akeo mazina a Isake, muana Avilahama. Avilahama ua semene Isake. ²⁰Isake naua uakele makumi auana hali kumbata mpueyeni Lembeka, muana Mbuetuele Alameane ua ku Pandane Alame, muanaye ya Lambane muka Alameane.²¹Isake ua vundilile kuli Yehova muomu ya mpueyeni akele ntsimpi, kaha Yehova ua kuaniene kuvundila ceni, kaha Lembeka mpueyeni uemitile. ²²Kaha vana vayandele hamolika mukati ka ikeye, kaha ua handekele ngueni, ''Muomu vika evi vinakusoloka ku liange?'' Kaha uaile nakuhulisa Yehova hali eci.²³Yehova ua handekele kuli ikeye ngueni, ''Miyati iva vali ili mulizimo liove, kaha miyati ivali ikali hangunuka kufuma mukayti kenu. Cikota cimo cika hiana zindzili kuhambakana cikuavo, na mukuluntu aka pangela ntsongo.''²⁴Kaha omo tsimbu yeni muya hetele yakusema, Tenu, kuze kuakele va mpasa mulizimo lieni. ²⁵Kaha uze ua ntuantua uatuhukile uakutila kuose ngue vuzalo vua vua kavua. Kaha vasanene lizina lieni nguavo ikeye Esau. ²⁶Kaha kunima yeni kuezile, ntsongo yeni, livoko lieni lia kuata ntsintsino ya Esau. vamulukile nguavo Yakomba. Isake uakele namiaka makumi atanu na muaka umo miaka omo muavasemene.²⁷Kaha vanike vakolele, kaha Esau uakele ciyambi muka ntombo; vunonu Yakomba akele yala akuholoka, uze kakele nakukala muzimbalaka. ²⁸Vuno Isake ua lemene Esau muomu akele nakulia tustu vaze vakele naku tsiha, vunoni Lembeka ua lemene Yokomba²⁹Kaha Yakomba ua telekele musozi. Esau uafumine mumusenge uatsile cizava. ³⁰Esau ua uahandele kuli Yakomba ngueni, ''Njilise ange na musozi utila. njavundila, Ange njazeye!''Hakeko hafumine kumuluka lizina nguavo ikeye Endome.³¹Yakomba ua handekele ngueni, ''Njalandeseko haka tete kavundala vuove.'' ³²Esau ua handekele ngueni, ''Tala, Ange holo njitsa. vaka via viuka ku vundala kulinge?'' ³³Yakomba ua handekele ngueni, ''Cakavanga lisinge kuliange,'' Kaha Esau ualisingile na vusunga kaha munjila nkana eyi ua landesele vundala vueni kuli Yakomba . ³⁴Yakomba uahile Esau muka na musozi ua makunde. ualile na kunua, kaha hakatukile nakuya munjila yeni. ngecize Esau ua yenguile vundala vueni.

¹Kaha kuakele ndzala mu cifuti, yeka naize yakatete yakele kuma tangua Avilahama. kaha Isake uaile kuli Avimeleke muangana nua vaFilisteo, ku Ngelale.²Kaha Yehova uamu solokelele ngueni, Kati u sikumuke ku Ingito; tumama mucifuti cize cinji kukuleka. ³Tumama mu cifuti eci, nange njikakala nove na kukuvezikisa; muomu kuli ove naku mbuto yove njihana vifuti evi viose, kaha njika kaniamesa cisingo cize ci njalisingile na iso Avilahama;⁴Kaha njika lanesa mbuto yove ngue zintangantanga zia muilu, nakuhana ku mbuto yove vifuti evi viose; namu mbuto yove miyati yose ya hamavu ika vezika. ⁵Muomu Avilahama uanonokele kuli lize liange, naku niunga lisiko liange, vizilika viange, vitume viange, na mezi a lisiko liange.⁶Kaha Isake ua tumamene ku Ngalale: ⁷nava mala va cihela cize vami huile via mpueyeni; kaha ikeye ngueni, ''Ikeye ndumbuange: muomu uakele na vuoma ku handeka ngueni, mpueyange; kutina ngueni vamala vaku cihela vaka njitsiha omo Lambeka; muomu ua viukele hakumu tala. ⁸Kaha ngue alingile ngecize, omu mua tokele kuze tsimbu yakama, Avimeleke muangana ua vaFilisteo ua talele ha mbandza mu njianena, kaha ua muene, kaha tenu, Isake a kuli sakalala na Lembeka mpueyeni.⁹Avimeleke ua sanene Isake kuli ikye naku handeka nguei, '' Tala, muavusunga napu mpueyove. Muomu vika ua handekelele nguove, 'Ikeye ndimbuange'?'' Isake ua handekele kuli ikeye ngueni, ''Muomuo njisinganiekele nguange hamosi vaku njitsiha ange na ikeye.'' ¹⁰Avimeleke ua handekele ngueni, ''Ini evi viualingi kulietu vikeko vaka? Umo muntu cinasiuile kukosa na mpueyove, menga uatunehela mulonga etu.'' ¹¹Kaha Avimeleke uasikile vantu vose ngueni, ''Uze uose akukuata ou yala cipue mpueyeni cili cili njika mutsiha.''¹²Kaha Isake uakuvila zimbuti mu cifuti cize kaha viahile uze vene muaka cihita, muomu Yehova uamu vezikisile. ¹³Kaha yala uze akele mpiti, kaha uahianene mukukola nomu muezile nakukala uakama. ¹⁴Kaha uakele na mpanga na ngombe, na va kandzivo.Kaha vaFilisteo vali veyeleye.¹⁵Vuno masima ose ava hindile kuli vangamba muma tangua a ise Avilahama, vaFilisteo vecele vava vindikile kusulisa na livu. ¹⁶Avimeleke ua handekele kuli Isake ngueni, ''Hamoye kua likaliove fuma kuno kulietu, muomu ove ua mpiti cikuma kuhambakana etu.'' ¹⁷Ngecize Isake uafumune kuze naktula muci mbongo ca Ngelale, naku tumama muze.¹⁸Kaha Isake ua hindile masima a mema, aze ava hindile muma tangua a Avilahma ise. Kaha Filisteo vava kanesele kunima ya kutsa ca Avilahama. Isake ualukile mazina ngue mazina aze alukile ise.¹⁹Kaha vangamba zia Isake va hindile mu cimbongo, va uanene lisma liku vueluoka mema. ²⁰Kaha tuniungi vaku Ngelale vali zungililile na tuniungi va Isake, ua handekele gueni, ''Aua mema etu.'' Kaha Isake ua lukile lisima lizina ngueni Eseke.'' muomu vali zungililile neni.²¹Kaha va hindile lisima likuova, kaha vali zungililielio , naua, kaha uali lukile lizina ngueni Sitina.'' ²²Kaha uafumineko kuze na kuhinda lisma likuovo, vunoni kava lizungilililelio lize lisima. Kaha uali lukile lizina ngueni Lehobote, kaha ua handekele ngueni, ''vuovuno Yehova natu viukisila cihela, kaha tukala mucifuti.''²³Kaha uafumineko kuze na kuya ku Mbeleseva. ²⁴Yehova uasolokele kuli ikeye vutsiki na kuhadeka ngueni, '' Ange yange Njambi ya Avilahama isuenu. Kati muivue vuoma, muomu Ange njili nenu kaha njikumizikisa na kulanesa zimbuto zienu, kuhitila mulizina lia ngamba yange Avilahama.'' ²⁵Kaha Isake ua tungile mutula na kusana lizina lia Yehova. Nakutunga mbalaka yeni kuze, kaha vangamba zieni va hindile lisima.²⁶Kaha Avimeleke uaile kuli ikeye kufuma ku Ngalale, na Ahuzate, kavusamba keni, na Fikole, kapitau kamasualale veni. ²⁷Isake ua handekele kuli vakeko gueni, ''Muomu vika vimukuizila kuliange, enu munjizinda nakunjisekula kuimbo lienu?''²⁸Kaha vakevo nguavo, tuamuene mpungndu ngecize Yehova akala nove. Kaha tuatondetele nguetu kuatela kukala kulisinga mukati ketu, mukeko, mukati ketu nove. Ngecize tupanguenu litavasiano nove, ²⁹ngecizi ove kati ukatulinge vimo, ngue omu etu katuakulingile muamupi ove, ngue omu mutua kuniunga muacili kaha kaha tuaktumu mu ciyulo. mukeko, vakuvezikisa kuli Yehova,''³⁰Kaha Isake uava lingilile ciuano, kaha valile va nuine. ³¹Kaha va hindukile vuasi cimene na kulisinga uomo na mukuavo. Kaha Isake uava tumine kuavo, na kumuzeza ikeye muciyolu.³²Lize vane litangua vangamba zia Isake vezile nakumuleka lisima lize liva hindile. Va handekele nguavo, ''Tuauana mema.'' ³³Kaha ua lilukille ngueni Siva, Ngoco vene lizina olio lia limbo lia Mbaleseva naka lelo.³⁴Kaha omu Esau uakele na makumi auna a miaka ua mbatele, Yundite muana Mbele kaHitau, ua Mbasemate muana ka Elone kaHitau. ³⁵Va nehele cikeketima kuli Isake na Lambeka

¹Kaha cakele ngecize omo mualingile Isake nakolo na meso eni akele na kavuivuivui kakele naku mona, ua sanene Esau, muaneni ua mukuluntu, naku handeka kuli ikeye ngueni, ''Muanange.'' Esau ua handekele kuli ikeye ngueni, '' Yange uno,'' ²kaha Isake ngueni, ''Tala vuno, Ange njakolo. Kanja ntantekeyele litangua liange lia kusta.³Ngecize nona vuta hovio liovena, na vuta vuove hamoye mumusenge naku kunjihiangela ntsitu. ⁴Unjitelekele viakulia vitovala, ngue muze munja lema, kaha unehe kuliange mangana njilie mangana njiku vezikise ntsimbu kanda njitsa.''⁵Kaha Lambeka ua vuile omu muakele na kuhaneka Isake kuli Esau muaneni. Esau uaile mumusenge nakuyomba ntsitu kaha uanehele. ⁶Lambeka ua handekele kuli Yakomba muaneni ngueni, ''Tala kuno, Ange njavile iso na kuhandeka na Esau mukuluntu uove. Na handekele ngueni, ⁷'Njineheleko ntsitu na kunjitelekela viakulia vitovala mangana njilie, nakuku vezikisa kumeso a Yehova ntsimbu kanda njitsa,'⁸Vuno ngecize, muanange uononoka kulizi liange munjikuku sika. ⁹Hamoye kuvuntanga, naku neha vana va vampembe va vali vacili; kaha njikuteleka viakulia vitovala viacili kufuma kuli vakeko via iso, ngue muze mua lema. ¹⁰Kaha ukumu tualela iso, mangana alie, linga aku vezikise ntsimbu kanda atsa.''¹¹Yakomba ua handekele kuli Lambeka naye ngueni, ''Tala, Esau mukuluntu uange ikeye akala na vungona, vunoni ange nja lamba. ¹²Mpano tata akunji kuata ange, kaha njiku soloka kuli ikeye ngue njimu kamakuli. Ange njikulinehela cisingo haliange kati kuvezika.''¹³Naye ua handekele kuli ikeye ngueni, ''Muanange, eca cisingo cikale haliange. ononokela kaha lizi liange, nakuya, kanjihangelevo,'' ¹⁴Kaha Yakomba uaile naku mbata vana va vampembe na kuvaneha kuli naye, kaha naye uatelekele kulia citovala, ngue muze mualema ise.¹⁵Lambeka ua nonone vuzalo vuacili vua Esau, muaneni ua mukuluntu, viakele vavio mu ndzivo, naku zika Yakomba, ntsongo yeni. ¹⁶Kaha ua hakele vilambu via mpembe ha mavoko eni nahaze ha lamba ha ntsongo yeni. ¹⁷Ua hakele viakulia vitovala na muka uze ua viukisile muli voko lia muaneni Yakomba.¹⁸Yakomba uaile kuli ise na kuhandeka ngueni, ''Tata.'' Ise ua handekele ngueni, ''Yange uno; yove iya, muanange?'' ¹⁹Yakomba ua handekele kuli ise ngueni,'' Yange Esau muanove ua ntuantua. Ange njalingi ngue muze muua handekele kuliange. Hinduka tumama mangana ulie ntsitu yange, muomu ove unji vezikise ange.''²⁰Isake ua handekele kuli munaneni ngueni, ''Muomu vika ua iuanena vuasi, muanange?'' Ikeye ngueni, ''Muomu Yehova Njambi yove na ineheke kuliange.'' ²¹Isake ua handekele kuli Yakomba ngueni, ''Tuaya kuhiehi nange, linga njiku kuate, muanange, ngue mukeko yove muanange Esau ini cahi.''²²Yakomba ua suenene kuli Isake ise; kaha Isake ua mukuatele na ku handeka ngueni, ''Lizi ngue lizi lia Yakomba, vunoni mavoko ngue mavoko a Esau.'' ²³Isake kamu ntantekeyele muacili, muomu mavoko eni akele navungona, ngue mavoko a Esau mukuluntu eni, ngoco uamu vezikisile.²⁴Ua handekele ngueni, ''Yove muanange Esau cili cili? Ikeye ngueni Yange vene.'' ²⁵Isake ngueni, ''Neha viakulia kuno, kaha njikulia ntsitu yove, mangana Ange njiku vezikise.''Yakomba ua nehele viakulia kuli ikeye. Isake ualile, kaha Yakomba ua munehelele viniu, kaha ua nuine.²⁶Kaha ise Isake ua handekele kuli ikeye ngueni, ''Tuaya suena kuno unji ntsuembe, muanange.'' ²⁷Yakomba ua suenene kuhiehi na kumu ntsuemba, kaha uanikile vueko vua vuzalo vueni kaha uamu vzikisile. Ua handekele ngueni, ''Tala, vueko vua muanange ngue vueko vua vua mumusenge Yehova nanjivezikisa.²⁸Kaha Njambi akuhie cihanda ca kumume ua lilu, naku mazi akumavu, nakulana cavimbuto na viniu.²⁹Vantu vaku pangele na miyati ikakotamena ove. Ukale mukuluntu hali vana vanoko, kaha noko vana veni vakaku tsikamena ove. Uose akaku singa na ikeye akakale uaku singiua; uose uze akaku vezikisa na ikeye akakala uaku vezika.''³⁰Kaha cakele ngecize haze vene hamanesele Isake, kaha Yakomba, kaha Yakomba uathukile kufuma kuli ise Isake, Esau mukuluntu ueni uezile kuvuyambi vueni. ³¹Na ikeye uatelekele viakulia vitovala naku neha kuli ise, Ua handekele kuli ise ngueni, ''Tata, hinduka tumama linga ulie ntsitu ya muanove, mangana unji vezikise.''³²Isake ise ua handekele kuli ikeye ngueni, ''Yove iya?'' Ikeye ngueni, ''Yange muanove, ua ntuantua, Esau.'' ³³Isake uazazele cikuma na kuhandeka ngueni, ''Iya uze natsihile ntsitu na kuneha kuliange? Ange njalile yose ntysimbu kanda ove uiza, kaha Ange njamu vezikisa. mukeko, vamuvezikisa.''³⁴Omu muavile mezi a ise, ua lilile na ciniengo cakama cikuma cakusasa, na kuhandeka kuli ise ngueni, ''Njivezikise, nage naua, tata.'' ³⁵Isake ngueni, ''Ntsongo yove nezele kuno nakunjonga nambata laza civezikiso cove.''³⁶Esake ngueni, ''Kati va sugamene muku luka Yakomba? muomu nanji sintsila zitsimbu ezi zivali ua fumisile vukuluntu vuange, kaha, tala, vuno mumu na fumisa civazikiso cange.'' Ua handekele ngueni, ''Kaua njitulikiliko civezikiso cimosi?'' ³⁷Isake uakuaniene naku handeka kuli Esau ngueni, ''Tala, Ange njamulingisa kukala mukuluntu vove, kaha Ange njamuhie navana va neye vose njimuyevo kukala vangamba veni, kaha Ange njamuhie mbuto na viniu. Vika viavingi naua vinjikulinga kuliove muanange?''³⁸Esau ua handekele kuli ise ngueni, ''Uli na civezikiso cimolika tata? njivezikise, nange naua, tata.'' Esau ualile helu.³⁹Isake ise uakuaniene naku handeka kuli ikeye ngueni, ''Tala ku mazi a hamavu, kukala vukalo vuove naku mume ua muilu kufuma muilu. Hamu kuale uove ukayoya, kaha ukovola muanoko. ⁴⁰Vunoni ngue ukalinga zimpata, ukali pakumuina makambo ueni uaku ntsingo yeni.''⁴¹'Kaha Esau ua zindile Yakomba muomu yaci vezikiso catambuile kuli ise. Esau ua handekele mumutima ueni ngueni, ''Matangua akulila tata ali kuhiehi; hanima yaco njika tsiha ntsongo yange Yakomba.'' ⁴²Mazi a Esau muaneni uamukuluntu amulekele Lambeka. Ngecize uaile na kusana Yakomba muaneni ua kanike naku handeka kuli ikeye ngueni, ''Tala, mukuluntu uove Esau anaku handeka ivene haliove kusinganieka kukutsiha ove.⁴³Ngoco vene, muanange, ononoka kulizi liange katuka tina hamoye kuli Lambane, muanetu ku Halane. ⁴⁴Uka tumame neni, matangua andende nomu vute vua muanoko vukutula, ⁴⁵noho vutenu vua muanoko vukufuma haliove, kaha akusuva vaualingi kuli ikeye. Kaha Ange katuma na kukuhianga kufuma kuze. vikandzo njikami zimbalesela muvavose litangua lia ngongo?⁴⁶Lambeka ua handekele kuli Isake ngueni, ''Ánge njakatala muono muomu ua vana va Hete. Ngue Yakomba aka mbata mpuevo kuvana va Hete kukala mpueyeni, ngue avava va mpuevo, vana vamolika vamu cifuti eci, vika viacili vikakala ku muono uange?''

¹Kaha Isake uasanene Yakomba, naku mu vezikisa, nakumusika ngueni, ''Kati uka mbate mpuevo kuvana vaku Kanana. ²Katuka, hamoye ku Pandane alane, ku ndzivo ya Mbetuele iso ya noko, ukambate mpuevo kuze, vana va Lambane muanaye, ya noko.³Kaha Njambi muka ndzili yose akuvezikisi, naku kuimitisa naku kukulanesa, mangana ukale mbunga ya miyati. ⁴Nakukuhia civezikiso ca avilahama, kuli ove, naku mbuto yove hamo nove, linga ukasuane cifuti ca kulisuka cove, cahanene Njambi kuli Avilahma.''⁵Kaha Isake uatumine Yakomba. Yakomba uaile ku Pandane alame, kuli Lambane muana Mbatuele muka Silia muanaye ya Lambeka, naye ya Yakomba na Esau.⁶Vunoni Esua uamuene ngecize Isake ua vezikisile Yakomba na kumu tuma ku Pandane alame, naku mbata mpuevo ua kuze. Kaha omu uamu vezikisile ua musikile ngueni, ''Kati uka mbate mpevo uaku vana vava mpuevo va Kanana.'' ⁷Kaha ngecize Yakomba uo nonokele kuli ise nakuli naye, kaha naile ku Pandane alame.⁸Esua ua muene mpuevo uaku Kanana kamu suulusuile ise Isake. ⁹Ngecize uaile kuli Asmeale, na kutambula, va mpuevo vakele navo, Mahalate muana Asmeale, Muana Avilahama, ndumbu ya Nevayote, kukala mpueyeni.¹⁰Yakomba uafumine ku Mbetelema uaile ku Halane. ¹¹Kaha uahetele kucihela cimosi ua tumamene kuze vutsiki vuose, muomu litangua liakele te lialahuaka laza. Ua nonene omosi mavua mucihela cize, nakuhaka muitsi ya mutue ueni, naku kosa muchela nkana cize.¹²Ua lotele na kumona zindondelo zia kutumbuka ha mavu. zintsongo zioyo ziahetele helu lia lilu kaha nava ngelo zia Njambi vakele nakukanduka naku sikumuka ha zikezio. ¹³Kaha zikezio, Yehova ua katukile nakumana hazi kezio naku handeka ngeni, ''Ange yange Yehova, Njambi ya Avilahama isuenu, kaha Njambi ya Isake. Cifuti eciva kakukosesaho, Ange njikakuyaco ove na mbuto ziove¹⁴Mbuto yove akakala ngue lukungu lua hamavu, kaha uka liolola kuvutokelo, naku vucelo naku sulu. Kuhitila na kuhitila mu mbuto yove viose vukakala vuntanga vua hamavu vukele vua kuvezika. ¹⁵Kaha tala, Ange njili nove, kaha Ange njikuku niunga kuose kuukuya. Njikakuhiluisa mucifuti ceka naua; muomu Ange kanjikakuseza. Ange njikakulingila viose vi njiasika kuliove.''¹⁶Yakomba uahindukile kutulo, nakuhandeka ngue, ''Muasanga Yehova ali mucihela eci, kaha Ange kanjantantekeyele eci.'' ¹⁷Kaha ua vuile vuama kaha ngueni, ''Uku caku zuzuisa cihela eci! uo kati ueka kuvanga cihela ca Njambi. Eyi mbelo ya muilu.''¹⁸Kaha Yakomba uakatukile cimenemene nakunona livue lize liahakele muintsi ya mutue ueni. nakuli tumbika ngue ngundizi na kutila mazi helu lialio. ¹⁹Kaha uasanene lizina lia cihela Mbetele, vunimo lizina lia laza liakele Luze.²⁰Yakomba ua siganiekele cisingo, ngueni, ''Ngue Njamba akukala nange naku njiniunga munjila eyi Ange njina kuenda, na kunjihia muaka nakulia, na vuzalo vuakuzala, ²¹ngecize njikaheta kundzivo ya tata naciyulo, kaha Yehova akakala Njambi yange. ²²Kaha livue eli linjinatumbuka ngue ngundzi likakala ndizivo ya Njambi. Kufuma viuma viose vize viua njihie, muavusunga Ange njikahana cimo kulikumi kuliove.''

²Kaha Yehova uaile vungendzi vieni na kuheta kucifuti ca vantu kuvucelo. ¹Omu muatalele uamuene lisima muihia, na , nakutalesesa, muvuntanga, ua muana mpanga nakosa kuvevene. muafua kufuma kulisima lize kukeko kuvakaniusila aze mavuntanga, na livue lize liakele helu lia kanua ka lisima lia kamene. ³Omu matanga akuli kunguluile kuze, tuniungi vaku ngalumuona lize livue lia kukala kukanua kalisima na kunuisa mema va mpanga, kaha mumuhela ualio.⁴Yehova ua handkele kuli vekekvo ngueni, ''vamuanetu, muafumu kuli?'' vakuenieka nguavo, '' tuafumu ku Halane.'' ⁵Ua handekele kuli vakeko nueni, ''muamuntantekeya Lambane muana Nahole?'' vahandekele nguavo, ''tuamuntantekeya.'' ⁶Ua handekele kuli vekeko ngueni, ''ali muacili?'' vahandekale nguavo, ''ali muacili, vunoni, tala kuze, muaneni ua mpuevo Lambeka uze ukuiza muzena va mpanga.''⁷Yekomba ua handekele ngueni, ''talenu, mumo hamukati kati kalitangua. kati ntsimbu ya kukungulukilo matanga hamo. muatela kulia mema vampanga vanue linga uye ukavece vakalie.'' ⁸Vahandekele nguavo, '' katukuasa kuva niusa mema kuvanga matanga ose akunguluke ku kanua ka lisima, kaha tuva nuise mema vampanga.''⁹Omu Yakomba ua handekele navo , Lakele uaile na vampanga va Ise, muafua ikeye ua ku vaniunga. ¹⁰Omu Yakomba ua muene Lakele, muana Lambane ua mpuevo, muanetu, kaha nava mpanga va Lambane, muanetu, Yakomba uezile, ua mbindumuine livue kuli fumisa ha kanua ka Lisima, na kuniusa vutanga Lambane muanetu.¹¹Yakomba ua cambele lekele kaha uaile cakukanguka. ¹²Yakomba ua mulekele Lakele ngueni ikeye uakele kavusiko ka Ise, kaha naua ikeye uakele muana Lembeka. Ngecize ikeye ua tuntile na kuleka Ise.¹³Omu Lambani ua vuile mizimba hali Yakomba muana muaneye, ua tuntile na kuli naua neni, amuvu mbatelele, ua mucembele, nakumuneha kundzivo yeni. Yakomba Yokomba uamuelekele Lambane viose viumevi. ¹⁴Lambane ua handekele kuli ikeye ngueni, ''Ove mpundu ucitisiha cange na musuni uange,'' ngecize Yakomba ua tumamene neni ngonde imo.¹⁵Kaha ua Handekele kuli Yakomba ngueni, ''uatela kunjipngela cangoco muomu njikavusoko kove? Njileke, Ndando yove ikukala ingahi.?'' ¹⁶Vunoni Lambane uakele na vana vava mpuevo vavali. Lizina lia ua kanike lia kele ikeye Lakele. ¹⁷Meso a Lea akele a kufuvalala, kaha Lakele uavuile mucifuti ceni na kulelema. ¹⁸Yakomba ua zangele Lakele, kaha vuno ua Handekele ngueni, ''Njikakupanga miaka itanu na ivali ha mulonga Lakele, muanove ua mpuevo ua mundende.''¹⁹Lambane ua handekele ngueni, ''cikuvuika njikuaveleye, kupulakana kumuhia kuyala ueka. kala nange. ²⁰Ngecize Yakomba ua pangele miaka itanu na ivali ha mulonga ua Lakele; kuli ikeye ua muene ngue matangua andende, muomu ua cilemo cakele naco hali ikeye.²¹Kaha Yakomba ua handekele kuli Lambane ngueni, ''Njavele mpueyange, muomu matangua ange njamanesa - Linga njimumbate!'' ²²Ngecize Lambene ua kunguluile vamala vose va kucihela cize nakulinga ciuano²³Mucinguezi, Lmbane ua mbatele Lea muaneni ua muevo na nakumuneha kuli Yakomba, kaha hali kukela muli ikeye. ²⁴Lambane ua tentuele Zilipa ngamba yeni ua mpuevo na nakumuhia Lea, na kukalu ngamba yeni. ²⁵Mucimene, talenu, uakele Lea! Yakomba ua handekele kuli Lambane ngueni, ''vikandzo evi viualingi kuliange? kuma njiakupangelele ange hali Lkele? ambatele ambandzo ua njangele vika?''²⁶Lambane ua handekele ngueni, ''kati cisemua cetu kusombuesa ua kanike tsimbu kanda uantuantua. ²⁷Manase Sondo ya cilika cakumbata camuanange ua mpuevo ou, kaha tukakuhia mukuavo nava hanima ya kunjipangela naua miaka itanu na ivali.''²⁸Yakomba ua lingile ngoco, na kumanesa sondoya Lea, kaha Lambane ua muhele muaneni uampuevo Lekele mpueyeni naua. ²⁹lambane ua muhiele Mbihale kuli muaneni ua mpuevo Lakele, kukala ndungo yeni. ³⁰Ngecize Yakomba ua kovelele kuli Lakele, cieka, vunoni ua lemene Lkele kupulakana Lea. Ngecize Yakomba ua mupangelele Lambane muiaka yeka Itanu na ivali.³¹Yehova ua muene ngueni Lea kavamulemene, hali kusokolola kuli zimo lieni, vunoni Lea uakele ntimpi. ³²Lea iuemitile kaha hali kuasema muana ua yala, ngecize ua mulukile lizina ngueni Luvene. muafua ua handekele ngueni, muomu Yehova natale ha kukale kalekeya cange; muavunga vunoni ya liange akunjilema.³³Kaha uemetile naua na kusema muana uayala. uahandekele ngueni, '' muomu Yehova na njalakana ngueni kavanjilemene, ngecize na njihie naua muana uayala, ''kaha hali kumu luka lizina ngueni Simeone. ³⁴Kaha uemitile cieka na kusema muana uayala. uahandekele ngueni, ''vunoni tsimbu ino yaliange a kuli pandeka ngueni, muomu njamu semena va vamala vatanu.'' Sikaho vamulukile lizna nguavo Levi.³⁵Uemitile cieka nakusema muana uayala. ua handekele ngueni, ''Ino tsimbu vunoni njiku musangaziala Yehova.'' Ngecize lizina lieni uakele Yuta; kaha uamene kulusemo.

¹Kaha omo Lakele ua muene ngecize ikeye ka semenene Yakomba, Lakele ua liveyele ndumbueni. Ua handekele kuli Yakomba ngueni, ''Njihie vana ngue cahi njikutsa.'' ²Kaha vutenu vua Yakomba vua suamenene Lakele. Ua handekele ngueni, '' Ange njili mu cihela ca Njambi, ni uze naku vindika vusaka vua lizimo?''³Ua handekele ngueni, ''Tala, ngamba yange Mbeleha. Hamoye kuli ikeye, hamosi akasema vana kuma vuli ange, kaha Ange njikakala vana kufuma kuli ikeye.'' ⁴Kaha uamuhiele ngamba yeni Mbeleha kukala mpueyeni, kaha Yakomba uaile kuli ikeye.⁵Mbelaha uemitile kaha ua semene Yakomba muana ua yala. ⁶Kaha Lakele ua handekele ngueni, ''Njambi nanji sompela kaha nevu lizi liange nakunjihia muana ua yala.'' Ngoco vene uamu lukile lizina lia Ndane.⁷Kaha Mbeleha ngamba ya Lakele uemitile naua naku semena Yakomba muana uamucivali ua yala. ⁸Lakele ngueni, ''Nakulihuisa cakama njina liuisa na mukuluntu uange kaha njiahiana.'' Uamu lukile lizina lieni Nafatali.⁹Kaha Lea omo mua muene ngecize ikeye nalikela kusema, ua tambuile Zilipa, ngamba yeni, nakumuhia Yakomba kukala mpueyeni. ¹⁰Kaha Zilipa, ngamba ya Lea, ua semene Yakomba muana ua yala. ¹¹Lea ua handekele ngueni, ''Njavezika!'' Kaha ua mulukile lizina lieni Ngande.¹²Kaha Zilipa, ngamba ya Lea, uasemene Yakomba muana uamu civali ua yala. ¹³Lea ua handekele ngeni, ''Ange nja zolela! muomu vana vava mpuevo vakanjisana nguavo mukaku vezika.'' Kaha uamu lukile lizina lieni Asele.¹⁴Kaha Luvene ua ile kumatangua akutia tiliku, ua uanene zindzilo mu musenge kaha uazinehele kuli naye Lea. Kaha Lakele ua handekele kuli Lea ngueni, ''Njehieko njakuvudila, ku zindzilo zia muanove.'' ¹⁵Lea ua handekele kuli ikeye ngueni, ''Cikoke cuma cakama omo unanji punda yaliange ni? Una kutonda umbate zindzilo zia muanange naua?'' Lea ngueni, ''Ngoco vene akukosa nove vutsiki vualelo, mu kulinga ou akuhia mukuavo ou akuhia mukuavo muomu ua zindzilo zia muanove.''¹⁶Yakomba muafumine mu musenge na cinguezi. Lea ua ile nakumusesa ua handekele ngueni,'' Uatela kuiza kuliange, muomu Ange njaku landa na zindilo zia muanange.'' Ngoco Yakomba uakosele neni vutsiki vuze. ¹⁷Njamba ualakanene kuli Lea, kaha uemitile na kusema muana uamu citanu ua yala. ¹⁸Lea ngueni, ''Njambi nanjihie fueto yange, muomu njahiele ngamba yange kuli yaliange.'' Kaha uamulukile lizana lieni Isakale.¹⁹Kaha Lea uemitile naua nakusema muana uamu citanu naumo ua yala kuli Yakomba. ²⁰Lea ngueni, ''Njambi na njihie vuana vuacili. Vunoni yaliange akutumama nange, muomu Ange njamusemena vana vatanu naumo.'' Uamu lukile lizina lieni Zembulone. ²¹Hanima yaco uasemene muana ua mpuevo nakumuluka lizina lieni Ndina.²²Njambi uasanene Lakele na kuhalakana kuli ikeye. naku sokolola kulizimo liene. ²³Kaha uemitile na kusema muana ua yala. Ua handekele ngueni, ''Njambi nanjifumisa ntsoni.'' ²⁴Uamu lukile lizina liene Yosefe, ngueni, ''Yehova nahakelako muana mukuavo kuliange.''²⁵Hanima Lakele yakusema Yosefe, Yakomba ua handekele kuli Lambane, ''Njitume kuange linga njiye, naku ciguti cange. ²⁶Njihie vampuevo vange nava vana vange vanji naku pangela, kaha njitave njiye, muomu ua ntantekeya vipangi viange vinjakuhie ove.''²⁷Lambane ua handekele kuli ikeye ngueni, ''Ngue njiauana kavumbi mumeso ove, vandamena, muomu njinamono ngecize Yehova nanji vezikisa muomu yove.'' ²⁸Kaha ngueni, ''Njisike fueto yove, kaha njika kuhiayo.''²⁹Ýukomba ua handekele kuli ikeye ngueni, ''Ua ntantekeya munjinaku pangela, kaha vati vimuna vove vakele nange. ³⁰Muomu uakele na cacindende tekanda Ange njiza, kaha cakama cikuma. Yehova naku vezikisa ove na viose vinjaku pangelele. Vuovuno naua litangua linjika pangela vaka ndzivo yange?''³¹Kaha Lambane ua handekele ngueni. ''Vika Ange vinji kukufueta?'' Yakomba ngueni, ''Kaukunjihia amba cimo. Ngue ukunjilingila eci cuma, Ange njikulisa vimuna vove nakuva niunga. ³²Lelo njiku hitangana kuvu ntanga vuove vuose, naku fumisa vose va vuantsangua nauze kesi nava vamala vamala, navose va lava hakati kava mpanga, kaha nava va mampega na vuantsangua hakati kava mpembe. Ava vakala fueto yange.³³Vuviuke vuange vuakala vukaleho vuange kanda. omo mukeze nakutala fueto yange. Uose kesi na vuantsangua na vama mpenge hakati va mpembe, nava valava hakati kava mpanga, ngue hali umu vamuuana nange kaha nguetu uakuiva.'' ³⁴Lambane ngueni, ''Njatava. Ecenu cikale kuesekesesa na lizi liove.''³⁵Kaha ua fumusile litangua olio vizamba va vampembe vakele na mavala mavala na vuantsangua navose valuhavo va mpembe vakele na vuantsangua nava vamavala mavala, vose vakele vitoma vuaku vuka, navose vaku lava hakati kava mpanga, kaha uava hiele kumavoko a vana veni. ³⁶Lambane naua uahakele matangua atatu avu ngendzi mukati ka Yakomba. Ngoco Yakomba uatualeleho nakulama matanga a Lambabe.³⁷Kaha Yakomba uanonene milamu ya muti ua alamo, na mungongo, na kastanielu, kaha uoluele mavala akuvuka mu ikeyo, naku tuhula vuvuke vuze vuakele mumilamu. ³⁸Kaha uahakele milamu i a nolele sinia lizi lia matanga muvina mu mato amema muze muezile matanga nakunua.³⁹Kaha matanga emitile ku lutue lua milamu, kaha matanga a semene va mavala mavala nava va vuantsangua nava va vitoma. ⁴⁰Kaha Yakomba ua tepesele vana vava mpanga ua talekesele matanga kuli vaze vamavala mavala navose vaku lava mu vuntanga vua Lambane. Kaha ua hanguniune matanga eni kua lika liavo kaha kava hakele kuvutanga vua Lambane.⁴¹Kaha cakele ngecize tsimbu yose omo vaze va hianene ngolo mu vutanga vemitile, kaha Yakomba ua hakele milamu ku meso a vutanga muvina, linga vemite hakati kamilamu. ⁴²Vunoni omo vutanga vua zeyele, kaihakele, ngoco vaze vazeyele vakevo va Lambane, nava zindzili vakevo va Yakomba.⁴³Kaha yala uze ua likulisile cikumakuma. uakele na matanga akama na tumelu na vimulu.

¹Vuno Yakomba ua vuile mezi a vana va Lambane, aze ava handekele nguavo, ''Yakomba nafumisa viose vize viakele via tata, vavize viakele via nauana vukama vono vuose.'' ²Kaha Yakomba ua muene cihanga ca Lambane. Ua muene ngueni vutenu vueni vuatale hali ikeye kacakele ngue cihanga ca laza. ³Kaha Yehova ua handekele na Yakomba ngueni, ''Hiluka ku cifuti ca va iso na vuntanga vove, kaha Ange njikukala navo.''⁴Kaha Yakomba ua tumine nakusana Lakele na Lea ku musenge ku vutanga vueni ⁵kana ua handekele ngueni, ''Ange njamono vilinga vua isuenu nange kavuesi vuacili, vunoni Njambi ya tata nakele nange. ⁶Kaha enu muantantekeya nguenu na zindzili ziange ziose Ange njapangela isuenu.⁷Kaha isuenu nanjongo na kualumuna fueto ziage likumi lia zintsimbu, vunoni Njambi katavele a nji pihise. ⁸Ngue ua handekele ngueni, 'Va vuantsangua vakala na fueto yavo, 'Kaha vutanga vuose vua semene va vuantsangua. Ngue ua handekele ngueni, 'Vamavala mavala vakala fueto yove, 'Kaha vutanga vuose vua semene va mavala mavala. ⁹Munjila nkana i e Njambi nafumisa vimuna via siuenu na kunji hiavo.¹⁰Kaha cakele ngecize kuntsimbu ize omo vutanga, Ange njamuene mu cilota vizamba va vampembe valondele ha vutanga. Vi zamba va vampembe vakele vamavala mavala na va vuantsangua nava vitoma. ¹¹Kaha kangelo ka Njambi ua handekele kuliange mucilota ngueni, 'Yakomba,' Ange nja handeka nguange, 'Yange Uno.'¹²Ua handekele ngueni, ' Andula meso ove na kutala vizamba va vampemba vaze va londa na vutanga. Vakeko vamavala mavala, nava vuantsangua nava vitoma, muomu njamono viuma viose vize Lambane viali nakulinga kuliove. ¹³Ange yange Njambi ua Mbetele, kuze kuua vuavesele ngundzi, kuzi kuua lingisile cisingo kuliange. vuovuno katuka fuma kucifuti cino na kuhiluka kucifuti cove ca cisemua.''''¹⁴Kaha Lakele na Lea va kuanieneko naku handeka neni nguavo, ''Kanatusupila naua matamba umosi ni vusuana vumosi mu mundzivo ya tata? ¹⁵Kati tunalifu kuli ikeye ngue vangendzi? muomu natu londesa, kaha nali matemo etu ose. ¹⁶Muomu vupite vuose vuana fumisa Njambi kuli tatetu, vukevuo vuetu na vana vetu. Ngoco vuavuno, viose viana handeka Njambi nove, linga.¹⁷Kaha Yakomba ua katukile, ua hakele vana veni na vampuevo veni ha tumelu; ¹⁸Kaha ua mbatele vimuna veni vose, na vikuata vieni viose viana kungulula, vimuna va uanene, vaze vana kunguluile mu Pandane alane, nakuya kuli ise kucifuti ca Kanana.¹⁹Vunoni Lambane nai naku teula vampanga veni: Kaha Lakele ua pundile tumponia va ise. ²⁰Kaha Yakomba ua sevunukile nakutina Lambane muka Silia, omo muahonene kumuleka ngecize akatina. ²¹Ngoco ua vatinine na viose viakele navio; ua katukile, naku zavuka Ndonga, kaha ua talekesele cihanga ceni ku muncinda ua Ngileande.²²Kaha uavi lekele kuli Lambane kuli tangua lia mucitanu ngecize Yakomba na tina. ²³Kaha ikeye ua tualele vana va naye hano neni. Nakumu kava vungindzi vua matangua atanu na avali, kaha uamu uanene ku muncinda ua Ngileanda.²⁴Kaha Njambi uezile kuli Lambane muka Silia mukati kavustiki, naku handeka neni ngueni, ''Zangama ove ngecize kati u handeke na Yakomba cipue via cili cipue via vipi. ²⁵Kaha Lambane ua hetele kuli Yakomba. Vunoni Yakomba natungila mbalaka yeni ku muncinda: kaha Lambane hamo na vana va naye vatulikile ku muncinda ua Ngileande.²⁶Kaha Lambane ua handekele na Yakomba ngueni, ''Vika viunalingi, amba usevunuke nakunjitina naku mabata vana va naye ngue vindzinda vaku mukuale? ²⁷Vika viuatinina nakusueka, nakunji sevunuka, naku njileka cahi, linga njikutume na ndzolela na miaso, na ngoma na cisandzi, ²⁸Kaha kaua njitavele ku tsuemba vana vange va vamala nava vampuevo? vovuno unalingi via vuheve.²⁹Cili ku zindzila zia livoko liange kuku vetuesa: Vunoni Njambi ya iso ua handekele nange vutsiki vunoni zau ngueni, '' Zangama ove, ngecize kati ua handeke na Yakomba cipue via cili cipue via vipi. ³⁰Kaha vuavuno, vutuhu ua Pandale kuya vene, omu mu uli navusuna vuakama cikuma vua ndzivo ya iso, Vikandzo ua pundila va Njambi vange?³¹Kaha Yakomba ua kuanieneko naku leka Lambane ngueni, ''Muomu njavuile vuoma muomu nja handekele nguange, kutuna, ukanji tambula vana vavo na zindzili njatinine mukuvanda. ³²Uose nevi palata kali kuyoya. kumeso a vamuanetu hangula vazi vinapu viove hamo nange, kaha ulitambuilevio. Muomu Yakomba ka tantekeyele ngecize Lakele nava pundile.³³Kaha Lambane ua kovelele mu mbalaka ya Yakomba, kaha mu mbalaka ya Lea, kaha mu mbalaka ya vaze vangamba vavali va vampuvo, vunoni vaka uanene. Kaha uatuhukile ku mbalaka ya Lea naku kovela mu mbalaka ya Lakele.³⁴Vunoni Lakele na nonene tumponia naku vahaka mu seleyi ya kamelu, kaha na tumameneho. Kaha Lambane ua papateyele ku mbalaka yose, Vunoni kava uanene. ³⁵Kaha ua handekele na ise ngeni, ''Sukuluange kati u tenuke nange omo kanji kuasa kuku katukila; muomu njili na cilika ca vampuevo. Kaha ikeye ua tondele, vunoni ka uanene tumponia.³⁶Kaha Yakomba ua tenukile , naku lizunga na Lambane: na Lambane ngueni, ''Civulumuna cange cika? Vupi vuange vuka, amba unji kavangeye na luozi? ³⁷Amba omo una papatele ku vikuata viange vise, vika una uanako viaku vikuata viove? vitumbike kuno ku meso a vamuanetu navana vanoko, linga va sompe hakati ketu.³⁸Miaka eyi makumi avali njakele nive: valuhavo nove va vampanga na valuhavo vove va vampuevo kava mpulumuisile vana vavo, na vizamba vaku matanga ove kanjava sile. ³⁹Cize civa saniuene tusitu kanja kuneheleleco; yange njaci sintsisile; kulivoko liange uanji sinineco, ngue ca kupunda kumutana cipue ca kupunda ku vutsiki. ⁴⁰Mukeko munjakele, kucitana mutana uanjilile, na mume ku vutsiki; natulo vange vatinine kumeso ange.⁴¹Miaka eyi makumi avali njina kala mundzivo yove; nja kupangela miaka likumi na iuana omo vuntanga vuove: Kaha ua lumuine fueto yange zintsimbu likumi. ⁴²Ku vanga Njambi ya tata, Njambi ya Avilahama na vuoma vua Isake, nakala nange, mua vusunga ua njitumu mavokovoko. Njambi na mono lipakeso liange na vupange vua mavoko ange, kaha naku vindikile zau.⁴³Kaha Lambane ua kuanieneko naku handeka na Yakomba ngueni, ''Vana va vampuevo vakevo vana vange, na vana vakevo vana vange, na matanga akeo matanga ange, na viose viuamuno vikevio viange: Kaha vika vinji kuasa kulinga litangua lia lelo nava vana vange va vampuevo cipue na vana vavo vavasemene? ⁴⁴Kaha vuovuno tuaya, kuli tavasiane litavasiano nange,⁴⁵Kaha Yakomba ua nonene livue, naku litumbika kukala ngundzi. ⁴⁶Kaha Yakomba ua handekele na vana vanaye ngueni, ''Kungululenu mavue.'' kaha valile kuze ku mutumbo. ⁴⁷Kaha Lambane ua ulukile Yangale Sahanduta: vunoni Yakomba ua ulukile Ngileande.⁴⁸Kaha Lambane ngueni, ''Mutumbo ou ukale vukaleho hakati kange nove kulitangua lia lelo, Ngoco vane lizina liauo vali lukile Ngileande.'' ⁴⁹na Mizipa, muomu ngueni, ''Yehova a vingile hakati kange nove, omo te tuvahiko umu mukuakele mukuavo. ⁵⁰Ngue ukayandesa vana vange, kaha ngue ukahalekela vampuevo veka ku pandakana na vana vange, muntu uahiko kuli etu.'' Tala Njambi ikeye mjukaleho hakati kange nove.⁵²Kaha Lambane ua lekele Yakomba ngueni,'''Tala mutumbo ou, kaha tala ngundzi eyi, injina tumbika hakati kange nove. ⁵¹Mutumbu ou ukale vukaleho, na ngundzi eyi ikale vukaleho, ngecize ange kanji kahita ku mutumbo ou kuli ove, nove kati ukahite ku mutumbo ou na ngundzi eyi kuli ange, mu kupihisa. ⁵³Njambi ya Avilahama, Njambi ya Nahole, Njambi ya Iseavo, aku sompa hakati ketu. kaha Yakomba ua lisingile hali vuoma vua ise Isake.⁵⁴Kaha Yakomba ua kombeleyele cikombelo ku muncinda, kaha ua sanene vana vange nakulia muka: kaha valile muka, kaha va vandamenene vutsiki vuose ku muncinda. ⁵⁵Kaha cimenemene Lambane ua hindukile, naku tsuemba vana veni va vamala nava va vampuevo, naku vavezikisa: Kaha Lambane ua fumineko, nakuhiluka kueni.

¹Yakomba naua uaile na njila yeni, kaha tungelo va Njambi vamu uanene. ²Omuo muava muene Yakomba, uahandekele ngueni, ''Eci cikeko cilombo ca Njambi,'' ngue cize ualukile muhela uze ngueni Mahanaime.³Yakomba ua tu mine tunganda kulutue lueni kuli muanaye Esau mucifuti ca Seile, ku cihela ca Endome. ⁴Uavasikile, nakuamba ngueni, ''Omu mukeko muo mumuahandekele kuli muata uange Esau: Omu mukeko muna handeka ngamba yove ya komba ngueni, ''Njakele na kutuma na Lavane, kaha njina simbula kuiza naku hea hano halili. Njili na. ⁵vangombe nava vindogi, na matanga ava mpanga, vagamba vava mala, nava ngamba nava mpuevo, Njinatumu muzumbu ou kuli muata uange, linga njiuane kavumbi kumeso ove.'''⁶Vaze tunganda va hilukle kuli Yakomba na kuzimbula nguavo, ''Tuaile kuli muanoko Esau. Ali na kuiza ali uane nove, na vihita viuana via mala vili hamo neni.'' ⁷Kaha Yakomba ua vuile vuoma cikuma na citanga. Ngecize ua hanguniune vantu.baze vakele navo muvilombo vivali, matangua a vampanga, na matangua a angmbe, na tumelu. ⁸Uahandekele ngueni Esau a kuiza kucilimbo cimo nakucilukuka kaha cilombo cize cinasalako kuva tina.''⁹Yakomba ua handekele ngueni, ''Njambi ya Tata Avilahama, na Njambi ya Tata Isaka, Yakomba, uze ua handekele kuli ange, Hiluka kucifuti cavo naku vantu vove, kaha njikaku kamesa,' ¹⁰Ange kanja telelemo muvipangi viose via lutsilielo lua lusiko na vusunga vuove viose evi viunalingila ngamba yove. mumu na mulamu uange lika njazavukile ngonga ou Yondau, vunoni njinapu vilombo vivali.¹¹Njakuvundila njohiele kulivoko lia muanetu, kufuma kulivoko lia Esau, muomu njili neni na vuoma, nguange a kuiza naku njilukuka nava mpuevo ava vali na vana. ¹²Vunoni uahandekele nguavo, ''cili njikakunehesa njikalanesa cikota cove ngue musekeseke ua kalnga ndonga, vaze, vakuhona kutanda kulana cavo.!!!¹³Vuntsiki vuze Yakomba uatumamene kuze. uambatele vimo vize viakele navio ngue vuana kuli Esau, muanaye: ¹⁴Makulukazi avali a vampuevo va luhavo namakumi avali ava mpanga va nkomba. ¹⁵Makumi atatu a Tumelu vakukamuna mavele hamo navana vavo, makumi a uana avangombe ua luhavo nava ngombe vavo nkomba likumi, makumi avali avindongi valuhavo na vindongi vava nkomba likumi. ¹⁶Evi uavihiele mulivoko liava ngamba veni, vuntanga na vuntanga havua uo. ua handekeke kuli vangamba zieni ngueni, '' Hamenu kulutue luange hakenu ndzendzo kuvuntanga na vuntanga.''¹⁷Uakombele ngamba yeni uakatete, kuamba ngueni, ''Omuo muali kumiuana muanetu,Esau na kumihula, ngueni, 'kuli iya kumunakundama? Muli na kuya kuli? Tustu ava vali kulutue luenu veya? ¹⁸Kaha uka handeke nguavo, 'vangamba yove Yakomba. vanapu muana vamutumu kuli muata uange Esau. Tala, neni ali na kuiza munima yetu.''¹⁹Yakomba ua sikile naua civunga ca mucivali, naca mu citatu, nava mala vose vaze vakukava matanga. Ngueni, ''muka handeka cuma cimo kuli Esau mumu kuli uana neni. ²⁰Muna pande naua kuhandeka ngueni, 'Ngamba yove Yakomba ali na kiza munima yetu.'' Muomu ua singaniekele ngueni, ''Njika muononuesa na muana vuze vunjili nakutumusa kulutue luange. Kaha munima,amba njika mumona, mpomo akanjitambula.'' ²¹Ngoco vuana vualivangele kulutue lueni. ikeye vutsiki ua kele mucilombo muze.²²Kuvutsiki vuze Yakomba ua katulile, uambatele hamo neni va mpuevo veni vavali, vangamba zieni vava mpuevo vavali, na vana veni vava mala likumi na umo. Uava tumisile naku nakuzavuka kumuava ua ndonga Yambonge. ²³Munjila e i uava tumisile musnia lia kandonga mumo vose vize viekele navio.²⁴Yakomba vamusile likalieni, kaha yala umo ualikuatele neni mu kampanga nakuheta kuhiehi nakuca. ²⁵Omu yala muamuene ngueni kali kuesa kumutingula ikeye, uavete yakomba kumatako, mangana matako eni avavale nomu muamu kuatele mukampanga.'' ²⁶Uze yala ua handekele ngueni, ''Njecele njiye, muomu hakukuca.'' Yakomba ua handekele ngueni, ''Kanjikukueca uye kuvanga una njivezikisa.''²⁷Uze yala uahandekele kuli ikeye ngueni, ''Lizina liove yove iya?'' Yakomba ngueni, ''Yakomba.'' ²⁸Uze yala ngueni, '' Lizina liove kali kakala Yakomba, vunoni Isaleli. muomu unalu na Njambi na vantu kaha una vahase.²⁹Yakomba ua muhuile ngueni, ''Njina kuvundila njileke lizina liove.'' Uambele ngueni, ''vikandzo ukunjihuila lizina liange?'' kaha kuze uamu vezikisile. ³⁰Yakomba ua lukile lizina lia muhela uze Penuele muomu ngueni, ''Njina mono Njambi meso na meso, na muomu uange vana uohiela.''³¹Litangua lia tuntukilile hali Yakomba omuo mua hitile mu Penuele. Uakuana ku Mbilikita muomu ntungi yeni. ³²Sikaho na kalelo vantu va Isaleli kavekulia ntsitu ize ili ku vunungililo vuantungi, muomu uze yala ua vulumuine misisa ya muntungi ya Yakomba.

¹Kaha Yakomba ua nduile meso eni nakutala, kaha, tenu, Esau ua kele nakuiza, na hamo neni na vihita viuana via va mala. Kaha vava hangunuine vana kuli Lea, nakuli Lakele, kaha nava mpuevo vana vali vangamba. ²Kaha ua hahakele va ngamba va vampuevo navana veni kutulue, muakavangeyele Lea navana veni, kaha muakavangeyele Lakele na Yosefe ua kukumininako kuli vose. ³Kaha Ivene uaile kulutue luavo. Kaha ua kotamene kutalesa hamavu katanu naka vali nomu muezile kuhiehi na muanaye.⁴Esau ua ntuntile nakumusesa, nakumu vutamena, nakumu uila hantsingo, nakumu ntuemba. Kaha valilile, ⁵Omo Esau muanduile meso nakutala kuilu, ua muene mpuevo na vana. Kaha ua handekele ngueni, ''Veya ava vantu vauli navo?'' Yakomba ngueni, ''Vana vaze Njiambi vanahie ngamba yove.''⁶Kaha vangamba va vampuevo vezike kulutue navana vavo, nakuli kotamesa. ⁷Kaha Lea naua navana veni vezile kulutue nakuli kotamesa. Kaha kunima kuezile Yosefe na Lekele na kulikotamesa. ⁸Esau ua handekele ngueni, ''Ualumbununa vati neyi mbunga inja uanene?'' Yakomba ua handekele ngueni,'' Kuuana ngozi kemesa a sukuluange.''⁹Esau ua handekele ngueni, ''Njili navio, muanetu. Niunga viuli navio ove yavene.'' ¹⁰Yakomba ua handekele ngueni, ''Cahi, njavundila, ngue njauana ngozi kumeso ove, kaha tambula vuana ovu kufuma mulivoko liange, muomu vua cili, Ange njamono cihanga ca cove, kaha cinapu ngue njamono cihanga ca Njambi kaha ua njisakula ange. ¹¹Njavundila tambula vuana ovu vunja kunehels, muomu Njambi nalingi nange ngozi, kaha muomu njili navio.''Hakeko Yakomba hamulekele ikeye, kaha Esau hali kuvutambula.¹²Kaha Easu ua handekele ngueni, ''Tatiyenu vungendzi vietu.'' ¹³Yakomba ua handekele ngueni, ''Mukuluntu uange na ntantekeya nava vava ndende, kaha va mpanga na matanga nava kuamuisa vana vavo. Ngue vakuvendesa cikuma amba litangua limo, vose tusitu vakutsa. ¹⁴Njavundila ecenu mukuluntu uange aye kulutue lua ngamba yeni. Ange njikuende kavunde, ngue muvakuasa vumuna vali kulutue luange, naua muvakuasa vana , noho Ange njikuiza kuli mukuluntu mu Saile.''¹⁵Esau ua handekele ngueni, ''Njitave ku kusila vamosi,'' Vunoni Yakomba ua handekele ngueni, ''Muomu vikandzo katave linga njiuane ngozi kumeso asukuluange,'' ¹⁶Ngoco Esau ua hilukile litangua olio vene munjila yeni yaku Seile. ¹⁷Kaha Yakomba uendele ku Sukote nakuli tungila ndzivo ivene, kaha nakutunga vilombo via vimuna veni. Ngoco vane lizina lia cihela nkana likeko Sukote.¹⁸Kaha Yakomba uezile kufuma ku Pandene alame, uahetele muacili kulimbo lia Sekeme, likelio lili mulimbo lia Kanana. Kanana ua tulile kuhiehi na limbo. ¹⁹Kaha ua landele cinimbu cize ca livu hatungililile mbalaka yeni kufuma kuli vana va Hamole, ise ya Sekeme, na cihita ca vihand via palata. ²⁰Kuze ua tungile mutula kaha naku vulukako nguavo El Elohe Isaleli.

¹Kaha Ndina muana Lea ua mpuevo, uze ya semene Yakomba, uaile nakumona vana va vampuevo va cifuti cize. ²Kaha Sekeme muana Hamole kaHiveu, muangana ua cifuti cize, uamu muene. Kaha uamu mbatele na kukosa neni, kaha uamu pihisile. ³Kaha ua suenene kuli Ndina, muana ya Yakomba. Ua lemene kanine ua mpuevo na kuhandeka muacili kuli ikeye.⁴Sekeme ua handekele kuli ise Hamole ngueni, ''Njihuileko ou muana mpuevo kukala mpueyange.'' ⁵Vuno Yakomba muavuile ngecize na pihisa laza muaneni Ndina. Vana vava mala vakele na hamo navimuna veni kmusenge, kaha Yakomba ua holokele noho ha vezile.⁶Hamole ise ya Sekeme uaile kuli Yakomba naku handeka neni. ⁷Vana vava mala va Yakomba vafumine kumusenge omu muva civuile. Na mala vaze vavalele mitima. Kaha vakele namatoto cikuma muomu nalingi vuheve kuli Isaleli nakukosa na muana Yakomba, cuma kaca pandele kulinga.⁸Hamole ua handekele nava keko, ngueni, ''Muange ua yala Sekeme ua lemene muanove ua mpuevo. Njavundila muhie akale mpueyeni. ⁹Kaha lingenu vulo netu, tuye vana vove vava mpuevo kulietu, kaha umbate vana vetu vava mpuevo enu vavene.'' ¹⁰Kaha enu mukutumama netu, kaha cifuti vakumi sokoluela kukalamo naku sekasianamo, kaha naku linganielesa vikuata muno.''¹¹Sekeme ua handekele na ise nakuli vana vana vanaye ngueni, '' Tavenu linga njiuane ngozi kumeso enu, kaha viose vimukunjileka ange njikumiavela. ¹²Nji tumbuilienu cipue matemo a engi cikuma na vuana vua vuingi, kaha njihana viose vimu kuhandeka kuliange, vunoni njihienu kanike ua mpuevo.'' ¹³Kaha vana va Yakomba vakuaniene Sekeme na ise Hamole na maseleka, muomu Sekeme na pihisa Ndina mdumbuavo.¹⁴Kaha va handekele kuli vakeko nguavo, ''Katu kuasa kulinga evi viuma, tuhie mdumbuetu kuli nkala muntu uze uakuhona kuya kumukanda; muomu cikeco kasuntu kuli etu. ¹⁵Kuli cuma cimolika citukamitava: Ngue mukukala vakuya kumukanda ngue yetu, Ngue va mala vose hakati kenu vakuya kumukanda. ¹⁶Kaha etu tukamihia vana vetu va vampuevo, kaha etu tukambata vana venu va vampuevo etu vavene, kaha etu tuka yoya nenu na kukala vamolika. ¹⁷Vunoni ngue kamu kuivuilila kulietu na kuya kumukanda, kaha tukatambula muanetu kaha tukaya.''¹⁸Mezi avo amuviukisile Hamole na muaneni ua yala Sekeme. ¹⁹Kaha mukuendze ua yala kakele na vusiko mukucilinga civa handekele, muomu ua lemene muana ya Yakomba ua mpuevo, na ikeye akele nakasingimiko kaku hiana vose vakele kundzivo ya ise.²⁰Hamole na Sekeme muaneni ua yala uaile kumbelo ua limbo liovo na kuhandeka na va mala vakulimbo liavo, nguavo,'' ²¹Ava vamala vali naciyulo etu, sikaho vecenu vakale mucifuti na kusekasiana monu, kumani, cifuti cakama cikuma kuli vakeko. Ecenu linga tumbate vana vavo va vampuevo, kaha etu naua tuvahie vana vetu va vamuevo.²²Ku cuma eci lika vamala vakatutava kukala netu na kukala vamo: Ngue vose vamala hakaki ketu vakaya kumukanda, ngue muva vengisile kumukanda. ²³Kati vimuma na vikuata- na tusitu vavo vose vakakala vetu? Ngecisze tulivuasianenu nava keko, kaha vakukala hakaki ketu.''²⁴Vose vaze vafumine kuzimbelo zia limbo ivuililenu kuli Hamole na Sekeme, muaneni ua yala. Vose vamala va vengisile kumukanda, vose vaze vafumine kuzimbelo zia limbo. ²⁵Hali tangua lia mucitatu, hantsimbu ivakele muvivavala, vana vavali va vamala va Yakomba (Simeone na Levi, muanaye ya Ndina), hamuntu hamuntu vanonene mukuale ueni vezile hembo haze hakele kaniungi, kaha vatsihile va vamala vose. ²⁶Va tsihile Hamole na muaneni ua yala Sekeme na ntsongo ya mukuale. Va mbatele Ndina kufuma kundzivo ya Sekeme na kuya.²⁷Kaha vana vakuavo va Yakomba vezile kuli vaze vakutsa kaha vapupile limbo, muomu vantu vapihisile ntsongo yavo ua mpuevo. ²⁸Va mbatele vampanga vavo, na matanga, avo na vimulu, na viuma viose mu limbo na muahita mehia. ²⁹Va kuatele vupite vuavo viose, vana vavo vose, nava mpueziavo. Veniekele viose viakele mu zindzivo.³⁰Yakomba ua handekele kuli Simeone na Levi ngueni, ''Uaneha vukalu haliange, ngecize vandambo vaka cifuti, vaka njizinda va Kanana na vaPelizeu. Ange njiua mundende. Ngue vakulikungulula vavene hamo haliange naku njiveta, kaha Ange vakunjinieka, Ange nava kandzivo yange.'' ³¹Vunoni Simeone na Levi ngueni, ''Vunoni Sekeme napandele kulinga na muanetu ngue cikoyi?''

¹Njambi uahandekele na Yakomba, ''Katuka kanduka uye kumbetele, nakukala kuze.katunge mutula kuze kuli Njambi, uze uasolokele kuli ove muze muua tinine kufuma kuli Isau muanoko.'' ²Kaha Yakomba uahandekele kuli vakuandzivo yeni na vose vaze vakale neni, ''Fumisenuko vaze va Njambi vose vavangendzi vali mukati kenu, kaha lilelesienu, nakualumuna vuzalo vuenu. ³Kaha tukatukenu nakukanduka kumbetele. njikatunga mutula kuze kuli Njambi, uze ua njikuaniene kulitangua lia kayando kange, kaha ua kele hamo nange kuose kunjakele nakuya.'' ⁴Kaha vahiele Yakomba va njambi vose vavangendzi vaze vakele muma voko avo, natumbilingua tuakele kumatuitui avo. kaha Yakomba uava sikilile muitsi yakaluvaliu uakele muhiehi na Sekeme. ⁵Muze muvaile, Njambi ua valingisile vaue mumembo aze ava zingulukile. kaha vaze vantu kava vakavangeyele vana va Yakomba.⁶Kaha Yakomba ua hehetele ku Luze (kukeko, Betele) kukeko ku cifuti ca Kanana, naikeye na vantu vose vakele navo. ⁷Uatungile mutula kuze kuvavulukile nguavo Ei Betele, muomu Njambi uamu solokelele omo muatinine kufuma kuli muanaye. ⁸Devola, uze ualelele Lebeka, uatsile. vamutsindile kusinia lize lia kufuma ku Betele muintsi ya kaluvaliu, kaha vavulukile Alone mbakute.⁹Omu Yakomba uezile kufuma ku Pandanealame, Njambi ua lisoluele kuli yikeye cekanaua nakumu vezikisa. ¹⁰Njambi ua handekele neni ngueni, ''Lizina liove yove Yakomba, vunoni lizina liove yove Isaleli.¹¹Njambi ua handekele neni, ''Ange Yange Njambi mukazindzili ziose. imita nakulilanesa. muyati na mbunga ya miyati mucifuti na mbunga ya vifuti vikafuma ku liove, nava Miangana vakakala mukati ka cisemua cove. ¹²Cifuti cize cinja hiele Avilama na Isake, njikakuhiaco. nava kacisemua hanima nove nava vanjakuhie cifuti.'' ¹³Kaha Njambi ua londele kufuma kuli ikeye kumuhela uze kuahandekele na ikeye.¹⁴Yakomba ua tumbikile ngundzi kumuhela kuze Njambi ua handekele kuli ikeye, kaha ngundzi ya livue. Uatilile cikombelo ca cakunua kaha uamuanieneneho mazi. ¹⁵Kaha Yakomba ualukile lizina kumuhela kuze Njambi uakuhandeka neni Betele.¹⁶Kaha va fumine ku Betele. kaha mukua salele ntunda kufuma ku Efalate Lakele uakele hafunga. ¹⁷Oku ali hafunga, cifunguizi ua handekele kulo ikeye ngueni, ''Kati uivui vuama, vuavuno ukala na muana uayala.'' ¹⁸Hakukumisa ca muono ueni uamulukile ngueni Mbeniolo vunoni Ise uamulukile Mbenjamini. ¹⁹Kaha Lokele uatsile kaha vamutsindile mundzila ya kuya ku Efalate (kukeko, ku Mbetelema). ²⁰Yakomba uatumbikile ngundzi helulia cihilo ceni. ikeyo vene cintantekeyo ca cihilo ca Lakele.²¹Isaleli uaile uatungile mbalaka yeni sinialize lia kaposi kavi muna. ²²Kaha omuo Isaleli muatumamene muze mucifuti, ca Lubeni ua kosele na mbileha lipangala lia Ise. kaha na Isaleli ua civuile, vuno Yakomba uakele navana likumi na vavali.²³Vana va Lea, Lubene, Yakomba muana ua kavanga, na Semione, Levi, Yata, Isakale, na Zembulone. ²⁴Vana veni muli Lakele vakele Yosefe na Mbenjamine. ²⁵Navana muli Mbileha, ngamba ya mpuevo ya Lakele Ndane na nafatali.²⁶Navana va Zilipa, ngamba ya mpuevo, ua Lea vakele Gad na Asha. vose ava vakele vana va Yakomba vaze vasemukile kuli ikeye ku Padani Alba.(hamo hebulone). ²⁷Yakomba uezile kuli Ise Isake, Kumamele mu kiliate aleva kukeko ku (Hebulone), kuze vene kuvakele va Alahama na Isake.²⁸Isake uayoyele miaka nkulukazi na makumi atanu na atatu. ²⁹Isake ua huimine muono ua makumisilo na kutsa, kaha vakungulukile vamu cisemua ceni hakukala kasinakazi ua matangua a engi Esau na Yakomba, vanaveni, vamu tsindile.

¹Aua akeko mazimo a Esau (ikeye vene Endome). ²Esau ua mabatele va mpuezieni kufuma ku Kanana. Ava vakele va mpuezieni: Anda muana Elome kaHitau; Oholivama muana Ana, muana ua mpuevo ua Zeveone kaHeveu; ³na mbasemate, muana, Ismaele ndumbu ya Nevayote.⁴Anda ua semene Esau Elifaze, na Mbasemate ua semene Leuele; Kaha Oholivama ua semene Yeuse, na Yalame, na Kola. ⁵Ava vakele vana va Esau vasemukile kuli ikeye mu cifuti ca Kanana.⁶Esau ua mabatele va mouezieni, vana veni vava mala nava va mpuevo, na miono yise yakele kundzivo yeni, na vimuna veni- na tusitu vose, na vikuata vieni viose, via kunguluile mucifuti ca Kanana, nakuya kucifuti ceka kufuma kuli muaneye Yakomba. ⁷Alingile eci muomu yakulaa cavi kuata viakele viavingi kuli ikeye kutumama hamo. Na cifuti civa lisukile kava hasele muomu ya vimuna. ⁸Kaha Esau naua iva ntantekeyele nguavo ikeye Endome, ua tumamene kumuncinda ua cifuti ca Seile.⁹Ava akeko mazimo a Esau, ise yava Endome ku muncinda ua Endomeu mu cifuti ca Seile. ¹⁰Aua akeo mazina a vana va Esau: Elifaze muana Anda, mpuevo ya Esau; Leuele muana Mbasemate, mpuevo ya Esau. ¹¹Vana va Elifaze vakele Temane, Olame, Omale, Zefo, Ngatame, na Kanaze. ¹²Kaha Timena, uakele kavuhale ka Elifaze, muana Esau, ua semene Ameleke. Ava vakevo va zukulu vana va Anda mpueya Esau.¹³Ava vakevo vana va Leuele: Nahate, Zela, Sama, na Miza. Ava vakevo va zukulu vana va Mbasemate, Mpueya Esau. ¹⁴Ava vakevo vana va Oholivame, mpueya Esau, uze akele muana ua Ana na nava zukulu vava mpuevo va Ziveone. Vasemene kuli Esau Yeuse, Yalame na Kola.¹⁵Ovu vukeko vuntanga hakati ka mazimo: mazimo a Elifaze, ua ntuantua kuli Esau: Timane, Omale, Omale, Zefo, Kanaze, ¹⁶Kola, ngatame na Amaleke. Ovu vukeko vamiata vafume kuli Elifazi mucifuti ca Endone. Ava vakevo vazukulu va Anda.¹⁷Ava vakevo vana va Leuele, muana Esau: Nahate, Zela, Sama, na Miza. Ava vakevo va miata vafumine kuli Leuele mucifuti ca Endome. Ava vakevo vana va Mbasemate, mpueya Esau. ¹⁸Kaha ava vakevo vana va Oholivama, mpueya Esau: Yeuse, Jalame, Kola. Ava vakevo va miata va fumine kuli mpueya Esau Oholivame, muana ua mpuevo ua Ana. ¹⁹Ava vakele vana va Esau (vaze vava ntantekeyele nguavo Endome), kaha ava vakele miangana.²⁰Ava vakele vana va Seile kaHoleu, va ndambo va cifuti cize: Lotane, Sovale, Ziveone, Ana, ²¹Ndisone, Ezele, Ndisane. ava vakevo va miata vafumine kuli kaHoleu, va ndambo va Seile mu cifuti ca Endome. ²²Vana va Lotane vakele Holi na Hemane, na Timana ndumbu ya Lotane.²³Kaha ava vakevo vana va Sovale: Alevale, Manahate, Avale, Sefo, na Oname. ²⁴Ava vakele vana va Ziveone: Aya na Ana. Ou ikeye Ana auanene zindundzi zia kutuima mumusenge, omu muakele nakulisa vimulu va ise Ziveone.²⁵Ava vakevo vana va Ana: Ndisane na Oholivama, muana ua mpuevo ua Ana. ²⁶Ava vakevo vana va Ndisone: Hemandane, Esevane, Itelane, na Kelane, na Akane. ²⁷Ava vakevo vana va Ezele: Mbilehane, Zavane, na Akane. ²⁸Ava vakevo vana va Ndisane: Uze na Alane.²⁹Ava vakevo va miata va fumine ku kaHoleu: Lotane, Sovale, Ziveone, na Ana, ³⁰Ndisane, Ezele, Ndisane: Ava vakevo va miata vafumine ku vaHoleu, ngue va miata vavo mucifuti ca Seile.³¹Ava vakevo miangana va yulile mucifuti ca Endome te kanda muangana ouse kuyula hali vana va Isaleli: ³²Kaha Mbela muana Mbeole ua suanene mu Endome, kaha na lizina lia nganda yeni likelio Ndinehave. ³³Kaha Mbela ua tsile, kaha Yovave muana Zela uaku Mbozela, uamu suanene.³⁴Kaha Yovave ua tsile, kaha Husame uze uaku cifuti ca vaTemanita, ua suanene. ³⁵Kaha Husame ua tsile, Handande muana Mbendande uze uavetele Mindiane mucifuti ca Moave, ua suanene. Lizina lia nganda likelio Avite. ³⁶Kaha Handande ua tsile, kaha Samele uaku Masekele uamu suanene.³⁷Kaha Samale ua tsile, kaha Saule uaku Lehovote ku ndonga uamu suanene. ³⁸Kaha Samale ua tsile, kaha Mbale-Hanene muana Akevol, uamu suanene. ³⁹Kaha Mbale-Hanene muana Akevol, ua tsile, kaha Handale uamu suanene. Lizina lia nganda yeni likelio Pau. lizina lia mpueyeni likelio Mehetavele, muana Matelende, muana Me-zahave.⁴²Kaha aua akeo mazina a vamiata va fumine kuli Esau, ngue kuvosoko vuavo kumihela yavo, ku mazina avo: Timena, Aleva Yetete, ⁴¹Oholivama, Ela, Pinone, ⁴⁰Kenaze, Temane, Mivezale, ⁴³Mangendiale, Ilame. Ava vakevo vamiata va Endome, kuesekesa na kutumama cavo mucifiti civakele na vupite. Ou ikeye Esau, ise ya Endomeu.

¹Yakomba uayolelele mucifuti muze muakele Ise, mucifuti ca Kanana. ²Evi vikeko viuma via solokele kuli Yakomba. Yosefe, mumkuendze ua miaka likumi na miaka itanu na ivali, uakuniunga vuntanga vua mpanga nava muanaye. uakele na vana va Mbeleha na vana va Zilipa, va mpuevo zia Ise. Yesefe uahiele luambululo lua lupi hali vakeko kuli Isiavo.³Vunoni Isaleli ua lemene Yesefe kuhiana vana veni vose muomu uakele muana ua kuvukule vueni. Uamu pangelele cikovelo cacili. ⁴Vamuanaye vamuene ngecize Isiavo uamulemene kuhiana va muanaye uose. vamu zindile na kuhandeka neni macili cahi.⁵Yosefe ualotele cilota, naku cambulula kuli va muanaye. vakeko vamu zindile na kuhianesa. ⁶Ua handekele kuli vakeko ngueni, ''Njavundila halakanenu ku cilota eci cinjina loto.⁷Tala, tunakukuta visua viavimbuto muihia vunoni tala, cisua camene huo, kaha tala, visua vienu vinezile nakuzingilika nakuua hamavu kuvisua viange.'' ⁸Va muanaye vahandekele kuli ikeye nguavo, ''Cili vene ove ukayula halietu? Ovevene ukatuyula etu? ''Vamuzindile muakuhiana omuo vilota vieni na mezi eni.⁹Ualotele cilota cikuavo na kucileka va muanaye. Ua handekele ngueni, ''Tala, Njina loto cilota cikuavo: Litangua na ngonde na zintangantanga likumi na imo vianjitsikamenene.'' ¹⁰Ua cihandekele kuli Ise ngue muze muana handekele kuli va muanaye, Vunoni Ise uamu kandele. Ua handekele kuli ikeye ngueni, ''Cikeko ceka cilota eci ciuna loto? Nkumami noko nange nava muanoko tunatsikama hamavu luliove.'' ¹¹Va muanaye vakele na ligfuua hali ikeye, vunoni Ise ua niungile mezi aze mumutima ueni.¹²Va muanaye va ile nakuniunga vuntanga vua va mpanga mu Sekeme. ¹³Isaleli ua handekele kuli Yosefe ngueni, ''Kati va muanoko vali naku niunga vuntanga vuava mpanga mu Sekemeni? Tuaya, kaha njikukutuma kuli va keko.'' Yesefe ua handekele kuli ikeye ngueni, ''Njina liviukisa.'' ¹⁴Ua handekele neni ngueni, ''Hamoye vuovuno, tala ngue va muanoko na vuntanga vali macili, kaha unjinehele lizi.'' Ngecize Yakomba uamutumine kufuma kuviana via Heveloni, kaha Yosefe ua ile ku Semeke.¹⁵Muntu umo uauanene Yosefe. Tala, Yosefe uakuana kuenda siana mucana. Muntu uze ua muhuile ngueni, ''Vika viuli nakulengeya?'' ¹⁶Yosefe ngueni, ''Njili nakulengeya vamuanetu. Njileke, njakuvundila, kuze kuvali nakuniungila vuntanga.'' ¹⁷Uze yala ua handekele ngueni, ''Vanasile muhela uno, muomu njinava vuile kuhandeka nguavo, 'Tuyenu ku Ndatane.''' Yosefe uakavele va muanaye kaha uava uanene ku Ndatane¹⁸Vamu muene omuo muakele halako, omuo tekanda aheta kuhiehi navo, vali vuasianene kumutsiha. ¹⁹Va munaye vali handekesele ku umo na mukuavo nguavo, ''Talanu, ou mukakulota ou ali nakuiza. ²⁰Tuayenu vuovuno, ngecize, tumutsihenu nakumukutila kucimo cina. kaha tuka handeka nguetu, 'Kasitu umo uakumusenge na muli; kaha tukamona vika vikeza muvilota vieni.''²¹Luveni ua civuile kaha ua muohielele kufuma kulivoko liavo. Ua handekele ngueni, ''Ktienu tumufumise muono ueni.'' ²²Luveni ua handekele kuli vakeko ngueni, '''Kati tumuanie maninga. Mumbilenu mucina eci cili mumusenge, vunoni kati musaleke livoko hali ikeye'' - cinapu ngue mangana amuohiele kuli voko liavo nakumu neha naua kuli Ise. ²³Casolokele omu Yosefe mua hetele kuli va muanaye, vamu zulile cikovelo ceni ca viuka. ²⁴Vamumbatele nakumumbila mucina. cina cakele cangoco na mema ahimo.²⁵Vatumamene nakulia muka. Vanduile meso avo nakutala, kaha, talenu, mukana uava Isimelu ua kuiza kufuma kufuma ku Njiliande, nava ndamela vanambta sipisesi na mbalumosi na milila. Vakuya vavituale ku Ingito. ²⁶Yunda ua handekele kuli va munaye ngueni, ''Tukauanaho nganio ika hali muane tungue tukumutsiha na kusueka naninga eni?²⁷Tuyenu, kaha tumulandesienu kuli va Isimelu kaha kati tusaleke mavoko etu hali ikeye. Muomu ikeye muanetu, ntsitu yetu.'' Vana vaneye va muivuililile. ²⁸Vakaku sekasana vaka Mindiane vakuhita. va muanaye vaile va mufumisele mucina. Valandesele Yosefe kuli va Isimelu na makumi avali apalata. Va Isimelu va mbatela Yosefe na kuya neni mu Ingito.²⁹Luvene ua hilukile ku cina, kaha talenu, Yosefe mucina ua kele uahimo. Uatavuile vuzalo vueni. ³⁰Ua hilukilee kuli va muanaye naku handeka ngueni, '' kuli kunjikuya?''³¹Vatsihile mpembe kaha vambatele cikovelo ca Yosefe naku cimbuitika mu maninga aze. ³²Kaha va cinehele kuli Isiavo naku handeka nguavo, ''Tunauana eci. Tuna kuvudila citale mpano cikeko cikovelo camuanove ni cahi?'' ³³Yakomba ua cintantekeyele kaha uahandekele ngueni, '' Cikeko cakuzala ca muanange. kasitu ua mumusenge na muli. muavunga Yosefe vana mu saniona."³⁴Yakomba uatavuile vuzalo vueni naku zala vikelei kuzentungi zieni. Ualiniengele omuo muaneni matangua a engi. ³⁵Vose vana vani vava mala nava vava mpuevo vamene nakumulembezieka. Ua mbele ngueni, '' Mukemuo vene njikuya ku Seyole mukulinienga muanange.'' Ise ua mulilile. ³⁶Vaka Mindiane vamu landesele mu Ingito kuli Potifa, muka vipangi kuli Faloa, kapitau uava kakuniunga Muangana.

¹kaha cakele ngecize ku ntsimbu oyo, Yunda ua fumine kuli vana va naye kaha ua kovelele kuli umosi mukua Andulame, lizina lieni Hila. ²Kaha Yunda ua muene kuze muana ua mpuevo umosi muka Kanana lizina liene Sua; kaha ikeye uamu tambuile, naku kovela kuli ikeye.³Kaha ikeye uemitile, naku sema muana ua yala uamu lukile lizina lieni Ele. ⁴Kaha uemitile naua, nakusema muana ua yala, nakumu luka lizina lieni Onane. ⁵Kaha hakasi naua uasemene muana ua yala, nakumu luka lizina liene Sela. kaha ikeye uakele ku Kezive omu mua semene.⁶Kaha Yunda ua huililile ndala yeni Ele, mpuevo lizina lieni Tamale. ⁷Kaha Ele, ndala ya Yunda, akele uamupi kumeso a Yehova. Yehova uamu ntsihile.⁸Kaha Yunda ua handekele kuli Onane ngueni, ''Homoye kuli mpuevo ya muanoko nakulinga kapandi ka muanaye kuli ikeye, nakumu sanguila muanoko mbuto. ⁹Kaha Onane ua ntantekeyele ngecize mbuto ize kaikakala mbuto yeni; kaha cakele ngecize, omo muakovelele kuli mpuevo ya muanaye, ua i muaniene hamavu ,kutina ahie mbuto kuli muanaye. ¹⁰Kaha cuma cize calingile capihile kumeso a Yehova. kaha uamu ntsihile naua ikeye.¹¹Kaha Yunda ua handekele na nemueno Tamale ngueni, ''Kala ntuliue mundzivo ya iso, noho muangana Sela akakola; muomu ngueni, kutina ikeye naua atse,ngue vana va naye. kaha Tamale uaile nakutu mama ku ndzivo ya ise.¹²Kaha mukuhita ntsimbu muana Sua, mpuevo ya Yunda, ua tsile; kaha Yunda uali lembeziekele, kaha uaile kuli vaka kuteula va ngamba zieni ku Temena, ikeye naka vusamba keni Hila kaAndulumeu. ¹³Kaha vacilekele Tamale nguavo, Tala somueno anakukanduka ku Timena naku teula vampanga veni. ¹⁴Kaha ikeye uazulile vizalo via vuntuliue vueni, nakuli fuika ntanga, nakuli vuva, kaha ua tumamene mumbelo ya Enaine, ikeyo ili kunijila ya Timena muomu ua muene ngecize Sela nakolo, kaha kavamu hieleye kukala mpueyeni.¹⁵Omu Yunda mua muene, asinganiekele ngueni ikeye cikoyi; muomu nali vuvu ku cihanga. ¹⁶Kaha ualumukile nakutala kuli ikeye munjila, kaha ngueni, tuaya, njakuvundila, njitave kukovela kuliove: muomu ikeye kantantekeyele ngecize ikeye nemueno. Kaha ikeye ngueni, ''Vika vi ukanjihia, amba njikutave kukovela kuliange?''¹⁷Kaha ikeye ngueni, ''Njikaku tumisila muana mpembe uaku vuntanga. Kaha ikeye ngeni, ''Ukutava kunjihia ciye cimo noho uka mutuma? ¹⁸Kaha ikeye ngueni, ''Ciye cika ci njikakuhia? kaha ikeye ngueni, ''Kandzeya kove namukole uove, na mulamu uli mulivoko liove. kaha uamu hielevio, na kukovela kuli ikeye, kaha uemitile kuli ikeye.¹⁹Kaha ikeye ua katkile, uaile kueni naku fumisa ntanga yeni yakuli vuva, kaha ua zalele vizolo vieni via vuntuliue. ²⁰Kaha Yunda ua tumine muana mpembe halivoko lia kavusamba keni kaAndulumeu nakutambula ciye cize kuli voko lia mpuevo; vunoni kamu uanene.²¹Kaha andulumeu ua huile vamala vamucuhela ceni ngueni, ''Cikoyi ali kulihi, uze uakele ku Enaime kumukulo ua njila?'' Vahandekele nguavo, ''Ka kuakele cikoyi kuno.'' ²²Uahilukile ku Yunda na naku handeka ngueni, ''Kanjamu uanene. Naua, vamala va cihela va handekele nguavo, 'Kakuakele cikoyi kuno.''' ²³Yunda ua handekele ngueni, ''Akale navio goco, kutina vaku tuvuisa ntsoni. Tala njatumine ou muana mpembe, vunoni kauamu uanene.''²⁴kaha cakele ngicize muahitile zingonde zitatu valekele Yunda nguavo, ''Tamale nokomueno nalipuisa cikoyi, kaha naua , tala, natambula lizimo ku vupangala. Kaha Yunda ngueni, ''Munehienu kuno muecenu va muoce.'' ²⁵Kaha muvamutuhuile, uatumine mezi kuli semueno ngueni, ''Kuli yala ou, nafuku evi, kunja uana lizimo.'' Kaha ngueni, ''Nongonona njakuvundila, vieya evi, kandzeya, na mikole, na mulamu. ²⁶Kaha Yunda ua vitavele, kaha ngueni, ''Ikeye muka viololole kuhambakana munjili ange, omo kanja muhiele kuli Sela, muanange.'' Kamu ntantekeyele ceka naua.²⁷Kaha cakele ngecize ku ntsimbu ya kusema ceni, tenu, vana va mpasa vakele muzimo lieni. ²⁸Kaha cakele ngicize omo muakele ha funga, umo uatuhuile livoko lieni; kaha cifunguizi uanonene mukole uaku tila nakukuta kulivoko lieni ngueni, ''Ou uatuhukile hakatete.''²⁹Kaha cakele ngecize, omu muahiluisile livoko lieni, tenu, muanaye ua tuhukile. Kaha cifunguizi ngueni, ''Vikandzo viuna puasumukila? ngoco vamulikile lizina lieni Peleze. ³⁰Kaha kunima kuatuhukile muanaye, uze uakele uakele na mukole uaku tila kulivoko lieni: kaha vamu lukile lizina lieni Zela.

¹Yesefe va nehele ku Ingito, kaha Potifa, muata umo ua Faloa kapitau ua vaniungile kaha muka Ingito. Vamulandele kufuma kuli Ismaelita, vaze vamunehele kuze. ²Yehova uakele na Yosefe na kumuvezikisa cikuma. kaha ua tumamene mundzivo ya vakuluntu va Ingito.³Mukuluntu ueni uamuene ngueni Yehova uakele neni kaha ngueni Yehova ua vezikisile viuma viose via kupanga. ⁴Yosefe ua uanene kutetela kumeso eni, kaha ua pangelele Potifa. kaha Potifa ua zunguile Yosefe na kukala mukuluntu ua mundzivo yeni, na viuma viose via fukile, nakuvikundika kuli ikeye.⁵Cezile nakusoloka kufuma hantsimbu va mukundikile vakuluntu mu ndzivo yeni na viose via fukile, via nehesele Yehova ku vezikisa ndzivo yava ka Ingito muomu ya Yosefe. ka Yehova ua vezikisile viose vize Potifa,viakele navio mundzivo na mumehia eni. ⁶Potifa ua kundikile viose viakele navio mumavoko a Yosefe mangana vinuinge. kasinganiekeho viuma vili viose cahi kuvanga ha cakulia ceni kaha. Vunoni Yosefe uakele ua vuika cikuma na kuzangeua.⁷Cezile nakukala muze, omo mpue ya mukuluntu ueni ua talele meso hali Yosefe na kuamba ngueni, ''Kosa nange.'' ⁸Olondzo ua vianene na kuhandeka kuli mpue ya mukuluntu ueni ngueni, ''Tala, mukuluntu uange muno mundzivo, kaha na kukundika viuma vieni viose kuliange na kuviniunga. ⁹Kaha kakuesi ali nanjila kuhambakana ange muno mundzivo, kaha kalika njisuekeleho cuma cipue yeni. kaha njinase vati kulinga ovu vupi via kama na kuvulumuna kuli Njambi?''¹⁰Ua kuhandeka kuli Yesefe hatangua hatangua, olondzo ikeye ua vianene kumeso neni cipue kukala neni. ¹¹Cezile nakusoloka hali tagua limo ua ile mundzivo na kupanga vipangi vieni. kakuakele, muntu cipue umo muze mundzivo. ¹²Kaha ua mukuatele muvuzalo vueni nakuamba ngueni, ''Kosa nange.'' kaha uasile vuzalo vueni mumavoko eni, uatinine, ua tuhukilee hambandza.¹³Cezile na kusoloka, uamuene ngueni naseza vuzalo vueni mumavoko eni nakutinina hambandza. ¹⁴Hakeko ua sanene vantu va mundzivo yeni nakuvaleka ngueni, ''Talenu, Potifa naneha kuno ka Hevelu nakutusinamesa. Nesile muno mangana akose nange, kaha njatemutenukilile. ¹⁵Cosolokele muavuile munjatetumukile, hakeko hanasile vuzalo vueni kuliange, nakutina, nakuya hambandza.''¹⁶Kaha ua hakele vuze vuzalo muhiehi neni sui nomu mukuluntu ueni uahilukile kundzivo. ¹⁷Kaha ua mulumbuniunine ngueni, ''Ou ngamba uaku Hevelu iua tunehelelele, nezile nakunjisinamesa. ¹⁸Cizile nakukala ngue munjatetumukile, uasile vuzalo vueni kuliange kaha nakutinina hambandza.¹⁹Cezile nakusoloka ngue, omu muezile mukuluntu muavuile kulumbununa ca mpueyeni, ''Evi vikeko vianalingi ngamba yove kuliange,'' uapihililile cikuma. ²⁰Mukuluntu ua Yosefe uamu kuatele na kumusoka mutolongo, muze vakusokela mapalesu va muangana, uakele muze mutolongo.²¹Olondzo Yehova ualekele na Yosefe na kumusoluesa civuasiano caluntsilielo. ua uanene kutetela kumeso akuniunga tolongo. ²²Vakakuniunga vindzinda vakundikile vindzinda vose vakele muvu ndzinda kuma voko a Yosefe. vose viva pangele muze, Yosefe ikeye ua kuvitala. ²³Mukanuinga vindzinda kavalizakamenene havuima viakele malivoko lieni, muomu Yehova uakele neni. viose alingile Yehova ua vivezikisile.

¹Kaha hanima yevi viuma cakele ngecize, mukaku makela kulia ca muangana ua Ingito namu kakupanga muka yeni va kosele kukuavo, muanngana ua Ingito. ²Falao ua tenukile nava ngamba vaze veni va vali, mukuluntu uavaka kumakela na mukuluntu uava ka kupanga muka. ³Kaha uava sokelele mungzivo ya kapitau uava kakuniunga, mucihela cimu muvahakele Yosefe.⁴Kaha kapitau uava kaku niunga uava kundaikile kuli yosefe, kaha uava pangelele vakeko. Vatolele ntsimbu ize mukamenga. ⁵Vose va vali valotele-muka kupangela na muku kupanga muka ua muangana ua Ingito uze iva hakele mukamenga- ha muntu ha muntu akele na cilota ceni muvutsiki vuze vene vumolika, kaha ha cilota ha cilota cakele nomu muakuci lumbunuina.⁶Kaha Yosefe uazile kuli vakeko mu cimene kaha uava muene, Tenu, vakele na vusiua. ⁷Ua huil vangamba zia Falao vaze vakele neni mukamenga mu ndzivo ya vakuluntu ziavo, ua handekele ngueni, ''Muomu vika unakusolokela matoto lelo?'' ⁸Va handekele kuli ikeye nguavo, ''Tuvavose va vali tualotele cilota kaha naumo hahi nahase kucilumbununa.''Kaha Yosefe ua handekele kuli vakeko ngueni, ''Kati kumani kulumbununa cakundama kuli Njambi? Njilekenuku, njavundila.''⁹Kaha mukuluntu ua va kakumakela ualekele cilota ceni Yosefe. Ua handekele kuli ikeye ngueni, ''Mucilota cange, Tala, muti ua viniu uakele kulutue luange. ¹⁰Mumiti muakele mintango itatu. kaha cele nge uasokele zintemo na zintsani ziauo zia samuine kaha vikasakasa viauo viemine ziuva zia kuhia. ¹¹Kaha ngandza ya Faloa yakele mulivoko liange. kaha njanonene ziuva nakuzi sentsa mu ngandza ya Faloa, kaha Ange njahele ngandza mulivoko lia falao.''¹²Yosefe ua handekele kuli ikeye ngueni,''Eci cikeko kulumbununa cayo. Mintango itatu akeko matangua atatu. ¹³Mumatangua atatu Falao akazundula mutue uove nakuku hiluisa kucipanga cove. Kaha ukahaka ngandza mulivoko lia Falao, ngue muze mualaza muuakele mukakumu makelela kulia ceni.¹⁴Vunoni anuka ange omo muka mona muacili, kaha njavundila kamuese ngozi kuliange. Katumbule ange kuli Falao naku njifumisa mu kamenga. ¹⁵Muomu cili vene vanji pundile mucifuti ca vaHevelu. Hano naua novio vi njalingi viahi amba vanjihake mukamenga.''¹⁶Kaha mukuluntu uava kaku pangela muka uacimuene ngueni kulumbununa nkana ca viukile, uahandekele kuli Yosefe ngueni, ''Ange naua njakele na cilota, kaha, Tala, vizuma vitatu via muka viakele hamutue uange. ¹⁷Kaha mucihela ca helu muakele viakulia viose viakele na vieke via Falao, vunoni tuzila vavilile mucihela caha mutue uacihela uange.''¹⁸Yosefe ua kuaniene ngueni, ''Eci cikeko kulimbununa cayo. Muvizuma vitatu akeko matangua atatu. ¹⁹Muma tangua atatu Falao akazundula mutue uove kufukuma kuliove naku sukika ha muti. Tuzila vakalia ntsitu yove.''²⁰Kaha cakele ngecize hali litangua lia mucitatu liakele tangua lia semukile Falao. ualingile cuuano ca kulia cava ngamba veni vose. Kaha ua zunduile mutue ua mukuluntu uava kakumakela kulia namutue ua muka kupanga muka, mukati kava ngamba zieni. ²¹Kaha va hiluisile mutue ua muka kaku makela kulia kuvi pangi vueni naua, kaha uahakele ngandza mulivoko lia Falao naua. ²²Vunoni ua hondele mukuluntu uaku panga muka, ngue muze mua lumbunuine Yosefe kuli vakeko. ²³Vunoni mukuluntu uaku makele kulia kamuanukile Yosefe, vunoni uamu suvile.

¹Cizele nakusoloka kumukumisilo amiaka ya ntuntu ivali omu Faloa mua lotele. Talenu, uamene kundonga Nile. ²Talenu, vangombe vatanu nava vali vatuhukile kufuma mu Nile, vaviukile na kunima, kaha vakulile mumahongo. ³Talenu, vangombe vakuavo vatanu navavali vatuhukile hanima kufuma mu Nile, kava viukile kaha vakele va kuhokama. vamene kuze vene kuvamenenene vakuavo kualenga ndonga.⁴Ngecize vaze vakupihia na kuhokama valile vaze vakuviuka nakumina. kaha Faloa uemukile. ⁵Uakosele na kulota luamu civali. Talenu, mitue ya manona itanu na ivali ya pakatele kucisati cimo, yamuntuntu na kuviuka. ⁶Talenu, mitue itanu na ivali, ya kuhokama na kusitika na luhundzi lua kuvucelo, ya tuhukile hanima yayo.⁷Mitue ya kuhokama ya minine mitue itanu na ivali ya muntuntu. Faloa uemikile, kaha Talenu, cakele cilota. ⁸Casolokele ngecize mucimene muomu ueci uapindile. Uatumine akusana vakatufuta vose na vantu vaka mana mu Ingito Faloa uavalekele vieni, vunoni kakuekele amba umo ua kuvilumbununa kuli Faloa.⁹Kaha uze uakumbata ngandza yakunuina muangana uahandekele kuli Flaloa ngueni, ''Lelo njina kusinganieka kuvuluna cange. ¹⁰Faloa camukolesele hali vangombe zieni, na kunjihaka mukamenga mundzivo ya kapitau ua tuniungi, na mukuluntu uakuvumba muka kaha nange. ¹¹Tualotele cilota muvutsiki vumo, ikeye nange. Tua lotele muntu ha muntu kueseka nomu muva cilumbunuine mucilota ceni.¹²Kulietu kuakele kanike uayala ka Hepeleu, ngamba ya kapitau uataniungi. Tuamulekele kaha ua tulumbunuinine vilota vietu. Ua lumbunuine caumo naumo uetu kueseka na cilota ceni. ¹³Casolokele ngecize hatsimbu ya kulumbununa kulietu, kaha via solokele. Faloa uanjihiluisile ha cihela cange, vunoni uo mukuavo va vamusukikile.''¹⁴Kaha Faloa ua sanene Yosefue. vamufumisile vuasi vuasi kufuma mukamenga. Ualiteuile ivene, uazalele vuzalo vueka, kaha uezile kuli Foloa. ¹⁵Faloa uahandekele kuli Yosefue ngueni, ''Njakele mu cilota, vunoni ua kucilumbununa uahi. Vunoni njinevu hali ove, ngue ukucivua ukuasa kucilumbunu. ¹⁶''Yosefue uakuenieka Faloa, ngueni, ''Kacesi muliange. Njambi ukakuania Faloa mukutetela.¹⁷Faloa uahandekele kuli Yosefue, ''Mucilota cange, tala, njamene kualenga ndonga Nile. ¹⁸Tala, vangombe vatanu nava vali kuiza nakuva fumisa mu Nile, vakunima kaha naua vacili, kaha vakulia mumahongo¹⁹Tala, vangombe veka vatanu nava vali vafumine hanima yavo, vakuzeya, vavapi cikuma, na nakuhokama. kanjamueneho muciti cose vamu Ingito kupihia ca ngecize ngue vakevo. ²⁰Vaze vakuhokama na nakupihia valile vaze vakatete vatanu nava vali vakunima. ²¹Omo muvavalile, kacakele cakuziba nguavo vanavali, muomu hanga vakele vakupihia ngue muze mualaza. kaha njahindukile.²²Njatalele mucilota cange, kaha, tala, mitue itanu na ivali viemine kucisati cimo, cakusula kaha naua cacili. ²³Tala, mitue yeka itanu na ivali - yakukoniatela, yakuhokama kaha naua ya kusanioka kuluhundzi lua vucelo - yatuhukile hanima yayo. ²⁴Mitue ya kuhokama yaminine ize mitue yakununa. Njavalekele vakatufuta vilota evi, vunoni naumo uahi uahasele kuvilumbununa kuli ange.''²⁵Yosefue uahandekele kuli Faloa ngueni, ''Vilota via Faloa vimolika. Evi Njambi natondo kulinga, na manesa kuli Faloa. ²⁶Vangombe vacili vatanu nava vali valumbununa miaka itanu naivali, kaha na mitue ya cili itanu na ivali ya lumbunuine miaka itanu naivali.Vilota vimo lika.²⁷vaze vangombe vakuhana na kupihia vatuhukile hanima ya valumbunuine muiaka itanu na ivali ya ndzala. ²⁸Kaha evi vianatondo NJambi kulinga navisolola kuli Faloa. ²⁹Tala miaka itanu na ivali yakukala na viuma via kulisala ikeze mucifuti cose ca Ingito.³⁰Miaka itanu na ivali ya ndzala ikeza hanima, na viose viakulisala mucifuti ca Ingito vaka - visuva, kaha ndzala ikenieka cifuti. ³¹Cize kulisala ca viuma kava kacanuka mucifuti cize muomu ua ndzala eyi ikakavangeyaho, muomu ikakala ya kama cikuma. ³²Kaha cilota va vacihiluisileho naua kuli Faloa muomu eci cihande Njambi na cambe, kaha naua Njambi akucilinga vuovuno.³³Ngecize Faloa vamulekele linga ataletale yala umo ua kuzangama namana, na kumuhaka mucifuti ca Ingito. ³⁴Faloa ua hanguile vaka vipangi mu cifuti, kaha vambate via mucitanu ha vumbuto mu Ingito mu miaka yakulisala itanu na ivali.³⁵Vaka kungulule viakulia viose mu miaka ya cili eyi ili na kuiza na kutulika manona mukuniungiua ca Foloa, muomu kulia vaka cingesa muzimbaka. vatela kuvi tulika. ³⁶Via kulia vakavi pangela mucifuti ha miaka itanu na ivali yandzala eyi ikakala mucifuti ca Ingito. Ngecize munjila eyi cifuti kacika hasa kuliange ku ndzala.³⁷Eci kukuasa caviuka kumeso a Faloa na kumeso a vangombe zieni. ³⁸Faloa ua handekele kuli va ngmba zieni ngueni, ''Tukuasa kuuana yala ua cifua eci, ,muli muzimu ua Njambi?''³⁹Ngecize Faloa ua handekele kulii Yosefue ngueni, ''Omu muana kusoluela Njambi viuma viose evi, kakuesi ueka ua kuzangama na mana ngue yove. ⁴⁰Ukakala mundzivo yange, kaha kueseka na lizi liove uka yula vantu ziange vose kuvanga kaha kulitanda kukeko kunjikamena kupulakana ove.'' ⁴¹Faloa uahandekele kuli Yosefue ngueni, ' ''Tala, Njakuhake helu lia cifuti cose ca Ingito.''⁴²Faloa uazulile kazeyakeni kulivoko lieni na kakuzika kulivoko lia Yosefue. Uamuzikile ntanga yalinene yacili, na kumuhaka lilenge lia olu mu tsingo yeni. ⁴³Vamuhiele litemba lia mucivali liakele nalio Faloa. Vantu va tambakanene kulo ikeye, ''Tsikamenu.'' Faloa uamuhakele helu lia cifuti cose ca Ingito.''⁴⁴Faloa ua handekele kuli Yosefue ngueni, ''Yange Faloa, kufuma haliove, kakukakala muntu ueka akazundula livoko lieni amba ciliato ceni mucifuti cose ca Ingito. ⁴⁵Faloa uamulukile lizina Yosefue ''Zefanatepanea.'' uamuhiele Asenate, muana potifela sasendote ua One, kukala mpueyeni. Yosefue ua fumine kucifuti ca ingito.⁴⁶Yosefue uakele na muaka makumi atanu omu muamene kuli Faloa, Muangana ua Ingito. Yosefue ua fumine kumeso a Faloa, na kuya mu cifuti ca Ingito. ⁴⁷Mu miaka, ya kusula itanu na ivali cifuti cakele na viakukala viakulisala.⁴⁸Ua kunguluile viakulia viose via kulia mu miaka itanu na ivali vize viakele mucifuti ca Ingito na kuhaka viakuhia vize muze mbaka. ua hakele mu mbaka na mbaka viakulia kufuma mu mehia aze a zingilikile. ⁴⁹Yosefua ua niungile manona ngue musekeseke ua kalunga ndonga, vialanene kuhona na kuvitanda, muomu via pulakanene na muakuvitandela.⁵⁰Yosefue uakele na vana vavali ntsimbu kanda miaka ndzala, Ove Asenate, muana potifela sasendote ua ku One uampuevo, va semene kuli ikeye. ⁵¹Yosefue ua lukile lizina muaneni uakatete ngueni Mosesa, muomu uahandekele ngueni, ''Njambi na njilingisa ange kusuva vakulu vange viose na viose via mu ndzivo ya vatata.'' ⁵²Ua lukile lizina muaneni ua mucivali ngueni Efulame, muomu ua handekele ngueni, ''Njambi na njilingisa ange kukala uakusemunuina mu cifuti tuyando tuange.''⁵³Ize miaka itanu na ivali ya viukile viakulisala mu Ingito yahuile. ⁵⁴Ize miaka itanu na ivali ya ndzala ya valekele, ngue omu Yosefue ua handekele. Muyakele ndzala mu mafuti ose, vunoni mucifuti cose ca Ingito muakele viakulia.⁵⁵Omu cifuti cose ca Ingito cakele mundzala, vantu vamusanene Faloa muku tambakana helu linga avahie via kulia. Faloa ua handekele kuli vaka Ingito vose ngueni, ''Hamenu kuli Yosefue kaha mukalinge muose muali kahandeka.'' ⁵⁶Ndzala yakele kumeso a cifuti cose. Yesefue uasokoluele visete viose na kulandesa kuli vaka Ingito.Ndzala yakamene cikuma mu cifuti cose ca Ingito. ⁵⁷Vahamavu vose vakuiza ku Ingito na kulanda viakulia kuli Yosefue, muomu ndz

¹Vuno Yakomba ua muene ngecizi mbuto yakele kucifuti a Ingito. Ua handekele nava veni ngueni, ''Muomu vika muekuli talela hali umo namu kuavo?'' ²Kaha ngueni, ''Talenu kuno, Ange njinevu nguavo kuli mbuto ku Ingito. Hamenu sikumukenu mukatu landeleko kufuma kuze mangana tuyoye kuhambakana tutse.'' ³Yosefe nava vaneye likumi vaile vasikumukile naku landa mbuto kufuma mu Ingito. ⁴Vunoni Yakomba katumine Mbenjamini, kuya na Yosefe nava vanaye, muomu ngueni, ''Kutuna luvinda lukamu uana.''⁵Kaha vana va Isaleli vezile naku landa hamo navaze vezileko. muomu ndzala yakele mucifuti ca Kanana. ⁶Kaha Yosefe uakele nguvulu ua cifuti ikeye vene uze ua landesele vantu vose va cifuti. Kaha vana vanaye va Yosefe vezile nakumu kotamena navi hanga hamavu.⁷Yosefe uamuene vana va naye kaha uava ntantekeyele vakeko, vunoni ualihimpuisile ivene kuli vakeko nava keko viavu tenu. Ua handekele kuli vakeko ngueni, ''Muafumu kuli?'' Vakeko nguavo, ''Kucifuti ca Kanana naku landa viakulia.'' ⁸Yosefe uava ntantekeyele vana vanaye, vunoni vakeko kavamu ntanteketele ikeye.⁹Kaha Yosefe uanukile vilota viakele navio hali vakeko, naka handeka kuli vakeko ngueni, ''Enu va ndondzi! muneza nakumona muzi ua cifuti muneza.'' ¹⁰Va handekele kuli ikeye nguavo, ''Cahi, ''mukuluntu uetu. vangamba ziove vaneza naku landa viakulia. ¹¹Etu tuva vose tuli vana vala umolika. Tuva mala vavusunga. Va ngamba ziove kati va ndondi.''¹²Ua handekele kuli vakeko ngueni, ''Cahi, muneza nakumona muzi uacifuti muneza.'' ¹³Vakeko nguavo, ''Etu tuva ngamba ziove tuli likumi nava vali, vana vayala umo mucifuti ca Kanana. Tala, kusula ntsongo ketu ali na tatetu litangua lia lelo, kaha mukuavo uahi.''¹⁴Yosefe ua handekele kuli vakeko ngueni, ''Omu mukeko munja handeka kulienu; muva ndondzi. ¹⁵Mukeko munji kamieseka. Ha muono ua Falao, kamu kafuma muno, kuvanga ntsongo yenu neza kuno. ¹⁶Tumenuho umo hakati kenu akamuhiange. Enu musala mukamenga, mangana tueseke mezi enu, ngue muli vusunga mulienu. Ngue cahi, ha muono ua Falao, vusunga enu yenu vandondzi.'' ¹⁷Uava hakele vose mukamenga matangua tatu.¹⁸Yosefe ua handekele kuli vakeko hali tangua lia mucitatu ngueni, ''Lingenu eci kaha yoyenu , muomu ange njekumuila Njambi vuama. ¹⁹Ngue muva mala vavusunga, umo uava vana vanokuenu tumu pandeke mukamenga, vunoni hamenu, tualenu mbuto muomu ya ndzala ili kuzi ndzivo zienu. ²⁰Nehenu ntsongo yenu kulinge mangana mezi enu akasoloka avusunga nenu kaha kamu katsa.'' Kaha valingilemo.²¹Kaha vali handekesela umo namu kuavo nguavo, ''Mua vusunga eci tuli na mulonga hali ntsongo yetu tumuene kayando ha muono ueni omu muakele naku tulambelela etu kaha katua mualakanene. ngecize aka kayando kaneza halietu.'' ²²Luvene uava kuniene vakeko ngueni, ''Ngetu njamilekele nguange, 'Kati mulinge vupi hamuvila ,' vunoni kamua njalakanene? vunoni, Talenu, aua maninga vakatondela halietu.''²³Kaha kava ntantekeye nguavo Yosefe uava vuile vakeko, muomu kuakele kuli langulula hakati kavo. ²⁴Kaha ikeye uava talekesele nima nakulila. Ualumukile kuli vakeko na kuhandeka kuli vakeko. Ua mbatele Simeone kufuma hakati kavo nakumukuta hameso avo. ²⁵Kaha Yosefe uasikele vangamba zieni vasulise vitenga viavo na mbuto, naku hiluisa zimbongo ha muntu ha muntu mujeke yeni, naku vahia ngaso munjila. Mukeko muvalingile navo.²⁶Kaha va muanaye va longele vimulu vavo mbuto kaha vafumineko. ²⁷Umo vavo ua zituile njeke yeni nakuhia cimilu ceni via kulia muci lombo, ua muene zimbongo zieni. Tala, ziakele kunjeke yeni. ²⁸Ua handekele kuli na vana vanaye ngueni, ''Zimbongo ziange zia hiluka. Talenu ezi; zili munjake yange.'' Kaha mitima yavo ya pupukile kaha vali talele umo namuavo, nguavo, ''Muomu vika evi Njambi nalingi kulietu?''²⁹Kaha vahetele kuli isaevo Yakomba, mucifuti ca Kanana nakumuleka viose vialingikile kuli vakeko. Nguavo, ³⁰''Yala, uze sukulu ya cifiti, ua handekele netu navutenu naku singanieka ngueni etu tuva ndondzi mucifiti cize. ³¹Tua handekele na ikeye nguetu, 'Etu tuva mala vavusunga. Keti tuva ndondzi. ³²Etu tuvana vanaye likumi navava vali, uana va tatetu umolika. mukuavo uahi, kaha kasula ntsongo ali na tatetu mucufuti ca Kanana.'³³Yala uze, sukulu ya cifuti, ua handekele kulietu ngueni, ' mukemuo munjika ntantekeya ngeu enu muvamala vavusunga. Sezenu umo muanokuenu kuliange, mbatenu mbuto muomu ya ndzala ili kuzi ndzivo zienu, kaha hamenu munjila yenu. ³⁴Nehenu kasulantsongo kenu kuliange. Ngicize njiku ntantekeya nguange kati mu vandondzi, vunoni muva mala vavusunga. Kaha njika zitula muanokuenu kuli lienu, nenu mukalanda mucifiti.'''³⁵Kaha cakele ngecize omo muva lunduluile njeke, ziavo tenu,mukuta ua zimbongo uakele ua muntu ha muntu uakele munjeke. Kaka omo vakeko na isaevo muvamuene mikuta yavo ya zimbongo va vuile vuoma. ³⁶Yakomba iseavo ua handekele kuli vakeko ngueni, ''Enu muna njitsihi vana vange. Yosefe uahi, na Simeoe uahi, kaha muku mbata Mbenjamini. Evi viose viuma vili haliange.''³⁷Luvene ua handekele kuli ise, ngueni, ''Tsiha vana vange va vali ngue Ange kanjiku hiluisa Mbenjamini kuliove. Mukundike mulivoko liange, kaha ange njiku muneha kuliove naua.'' ³⁸Yakomba ngueni, ''Muanange katu kusikumuka nove. Muomu muanaye natsi kaha nasala likalieni. Ngue viavipi vikumuuana munjila mukuya, kaha enu muka hiluisa vuele muange na visiua Vukalo vua vatsi.

¹Kaha ndzala yahianen mucifiti. ²Kaha cakele ngecize omu muvalingle vanali laza ize mbuto iva nehele ku Ingito, ise ua handekele kuli vakeko ngueni, ''Hamenu naua; mutulandeleko naua viakulia.''³Kaha Yunda ua handekele neni ngueni, ''Yala uze ualisingile netu cili cili ngueni, ''Kamukamona cihanga cange, kuvanga ntsongo yenu ali nenu. ⁴Ngue ukutava kutuma muanetu hamo netu, kaha tuatava kusikumuka na kukulandela kulia: ⁵vunoni ngue kaukutava kumutuma, katuku tava kusikumuka; muomu yala uze uatulekele gueni, ''Kamukamona cahanga cange kuvanga ntsongo yenu ali nenu.⁶Isaleli ngueni, ''Muomu vaka mualingila muamupi nange ngece yala uze na muanokenu mukuavo? ⁷Va handekele nguavo, ''Yala ua hulisile etu na vusoko vuetu. Ua handekele ngueni, 'Isuenu acili namuono? Muli na muanokuenu mukuavo ni?' Tuamu kuaniene kueseka na cihula. Tuku ntantekeya vati nguetu aku handeka, 'Nehenu ntsongo yenu kuno?'''⁸Yunda ua handekela kuli Isaleli ise ngueni, ''Tuma kanike kuliange. Kaha tuka katuka nakuya linga tukaaa yoye kati tuka tse, vose, yove, nava vatu vaua. ⁹Ange njikalihana kuli ikeye. Ove ukanjikuata ange. Ngue kanjika muneha kuli ove.naku mutumbika kumeso ove, amba njikakale na mulonga kumeso ove matangua ose. ¹⁰muomu ngue katua tokeleko, vua vusunga menga katua tuahika ntsimbu yamu civali.''¹¹Kaha iseavo Isaleli ua handekele kuli vakeko ngueni, '' Ngue mukeko, linga eci. mbatenu vusuka vua kuhia vua mucifuti muvi tenga vuenu. tualenu yala uze vuana - kamo kambalasamo na kamo kavuci, viaku tova na mirra mikavo nazi ngongo. ¹²Mbatenu zingongo zivali mulivoko lienu. na zimbongo zize ziahilukile mukanua kazi njieke zienu, zimbatenu naua mulivoko lienu mpano cakele caku suva.¹³Tambulenu naua ntsongo yenu. Katukenu kaha hamenu naua kuli uze yala. ¹⁴Kaha Njambi muka ndzili yose ami vuile ngozi kumeso a uze yala, mangana ami zituile muanokuenu mukuavo na Mbenjamini. Kaha ngue njina sitsa vana vange njina sitsa.'' ¹⁵Kaha vamala vanonene vuana vuze, kaha mulivoko lieni vanonene zimbongo zivali, na Mbenjamini kaha vakatukile nakusikumuka ku Ingito naku mana kumeso a Yosefe.¹⁶Kaha omu Yosefe muamuene Mbenjamini ali navakeko, ua handekele kuli kasongo ka ndzivo yeni ngueni, ''Muneha yala mundziva, tsiheu kasitu na kumuviukisa, mangana vamala valie nange hamo namutana.'' ¹⁷Kaha yala ualingile ngue muze muamusikile yosefe. na yala ua nehe vamala muze mundzivo ya Yosefe.¹⁸Kaha va vuile vuoma muomu ua tualele ku ndzivo ya Yosefe. Va handekele nguavo, ''Muomu zimbuto zize zoia hilukile, mu ze njeke zietu kuntsimbu ize yakatete vana tukivelesamo linga atu uanene kasuilo nakutuila na kutukuata ngue vundungo, navi mulu vetu,'' ¹⁹Kaha va suenene kuli kasongo ka ndzivo ya Yosefe, kaha va handekele neni ku mbelo ya ndzivo, ²⁰nguavo, ''mukuluntu, tuasikumukile mu ntsimbu ize ya katete naku landa kulia.²¹Kaha cakele ngecize, omu mutuahetele kucilombo, tuazistuile zinjeke zietu, kaha, tala zimbonga ziekele mu njeke yeni yaku sokolola, zimonga zietu kupezu ya muntuntu. kaha tuazineha naua mumavoko etu. ²²Kaha zimbongo zietu tuna neha mulivoko lietu naku lianda kulia. Kantua ntantekeyele nahakele zimbongo muzi njeke zietu.'' ²³Kaha kasongo ngeni, '' Ciyulo cikale nenu, kati muivue vuama. Njambi yenu na Nnjambi yava isuenu atela kuhaka zimbongo muzi njeke zienu. Ange nja tambuile zimbongo zienu,'' Kaha tuhiluisile Simeome kuli vakeko.²⁴Kaha yala uze ua nehele vamala vaze ku ndzivo ya Yosefe. Uava hiele mema, kaha vatanene kuvilioto viavo. Uahiele vimulu vavo via kulia. ²⁵Kaha va viukisile lumo vuana omu Yosefe akuakuheta hali tangua, momu va vuile vakalia muka kuze.²⁶Omu Yosefe muezile kuimbo, vanehele vuana vuze vuakele mumavoko mu ndzivo, naku tsikama kumeso kuli ikeye hamavu. ²⁷Kaha ua hulisile vakeko cuhindu cavo ngueni, ''Isuenu ali muacili, civendzi uze imuatumbuile? acili mutoni?''²⁸Kaha vakeko nguavo, ''Ngamba yove tatetu ali muacili. acili mutoni.'' Kaha va tsikamene na hana kalemesa. ²⁹Omu muanduile meso eni ua muene Mbenjamini muanaye, muana naye ua yala, naku handeka ngueni, ''Ou ikeye ntsongo yove uze iua handekele kuliange?'' Kaha ikeye ngueni, ''Njambi aku vuile kavumbi ove, muanange.''³⁰Yosefe ua ntuntile naku tuhuka, muomu akele na vuntsiua hali ntsongo yeni. Kaha uali viengele hakulila. Kaha uengilile muhondo yeni naku lilila muze. ³¹Ua tanene kumeso eni na kutuhuka. Uali mpokuesele ivene, naku handeka ngueni, ''Njiviukisile kulia.''³²Kaha vamu tumbkile kualika lieni na vakeko kua likaliavo nakuli vaka Ingito vaze vali hamo neni kua likaliavo muomu vaka Ingito kacava telele valie hamo muka na vaHevelu, muomu cikeko cizila kuli vaka Ingito. ³³Kaha va tumamene kumeso eni, ua ntuantua kueseka na vukuluntu vuene, kaha kanike naua kueseka na vuinike vueni. Kaha vamala vali komokelele vose hamo. ³⁴Kaha ikeye uatumisile kulia caku meso eni. Vunoni kulia ca Mbenjamini cakele lutanu lua vakuavo. Kaha valile naku zolela hamo neni.

¹Yosefe ua sikile kasongo uaku ndzivo yeni, ua handekele ngueni, ''Sulisa zinjeke zia va vamala na kulia, kueseka nomu muvaku mbata, nakuhaka zimbongo zia yala uose mumbelo yanjeke yeni. ²Haka ngandza yange, ngandza ya palata, mumbelo ya njeke yo u kanike. naku zimbongo zieni zia kumanona.'' kasongo ua lingile ngue muahandekele Yesefe³Kukuca cacimene, Kaha vaze vamala vaila, vakevo navi mbulu vavo. ⁴Kaha omo vana kumu mu mbonge vunoni omo kanda vaya halako, Yosefe ua handekele kuli kasongo keni, ''Katuka, kavangeya vamala, kaha omo muka kaha omu mukapulakana akahandeke kuli vakevo, vika mua hiluisasila vupi kuviuka? ⁵Eyi kati ngandza ye kuniuna sukuluange, na ngandza izi yekupangesa kuku tahesa? munalingi vupi, eci cuma cimu nalingi.''⁶Kaha kasogo ua vapulakanene na kuhanandeka aua mezi kuli vakevo. ⁷Vahandekele kuli ikeye, ''Vika viana handekela sukuluange mezi afue eci? cikale nakuli vangamba ziove kulinga cuma eci.⁸Tala, zimbongo zize zitu nauana muzimbelo zia zinjeke zietu, tuanehele naua kuli yove kufuma cifuti ca Kanana. Vunoni vati etu tukuiva vati palata na olu mundzivo ya sukuluove? ⁹Ngue umo hali ngamba uove vakamuuana nayo, natela kaha netu naua tukakala vandungo zia sukuluetu.'' ¹⁰Kaha kasongo ua handekele ngueni, ''Vunoni cikale ngoco kueseka na mezi enu. Ikeye nava zieva kuauna na ngandza akukala ndungo yange, kaha enu vakuavo kamukukala na mulonga.''¹¹Kaha yala uose ua zanguuisile kuneha njeke yeni hamavu, yala uose uakoluele njeke yeni. ¹²Kaha kasongo ua lengeleye. Ua putukile na mukuluntu naku sulumuilu kukanike, na ngamba vaiuanene mu njeke ya mbenjameni. ¹³Kaha vatavuile vuzalo vuavo. Yala uose uatuikile cimbulu ceni na kuhiluka kumbonge.¹⁴Yunda nava muanaye vezile kundzivo ya Yesefe. Ikeye ua kele kuze, kaha vatsikamene hamavu kuli ikeye. ¹⁵Yosefe ua handekele kuli vakevo ngueni, ''Vika evi vimuna lingi? kamua ntantekeyele uze yala napungue yange mukakutahesa?''¹⁶Yunda ua kumbuluile ngueni, ''Vika tukuhandeka kuli muangana uetu? Tukuhandeka vika? amba tukulisambesa vati? Njambi na ciuana kupihisa cava ngamba ziovo. Tala, etu tuva ndungo zia muangana uange, tuvavose etu na ikeye naua ou iva uanene na ngamba mulivoko lieni.'' ¹⁷Yesefe ua handekele ngueni, ''Halako kufuma kuliange kulinge eci. Kaha yala uze iva uanene na ngandza, uze muntu akakala ngungo yange, vunonii kulienu vakuavo, hamenu mukuuda kuli Iso.''¹⁸Kaha Yunda uezile muhiehi neni na kuhandeka ngueni, ''Muangana uange, njasatsela eca ngamba yove a handeke lizi mumatuitui a Muangana uange, kaha kati utavese, muomu ove unapungue Faloa. ¹⁹Muangana uange ua huile va ngamba zieni, nakuhandeka, Muli na Iso amba muanaye?' nanjisemena vana vavali.²⁰Tua handekele kuli Muangana uetu, ''Tuli na Tata, kasinakazi, kaha na muana ua muvukule vueni, uamundende. vunoni muanaye uatsa, naikeye nasala likalieni kuli naye, na Ise ua mlema; ²¹Kaha ove uahandekele kuva ngamba ziove, 'kamunehenu kuliange linga nja kumumone; ²²Kufuma haze, tua hadekekele kuli Muangana uetu, 'kanike ua yala kali kuhasa kuseza Ise. muomu ngue akaseza Ise kaha Ise akutsa;²³Kaha ove ua handekele kuli va ngamba ziove, 'kuva muaneye ua mukuntu eze hamamo nove, enu kamu kamukama cihanga cange naua; ²⁴Kaha cakele ngecize omo mutuaile kuli ngamba yove Tata, tuamulekele mezi a Muanaga uetu. ²⁵Tata ua handekele, 'Hamenu naua, katulandelenu via kulia; ²⁶Tua kuaniene nguetu, ''Katu kuya. ngue muanaye, muomu etu katu kahasa kumumona cihanga netu;²⁷ngamba yove Tata na handeka kulietu ngueni, 'Muna ntakeya nguenu mpueyange na njisemena vana vavali. ²⁹Umo uavo uafumako kuliange kaha nguange, ''Vusunga vamutavula muvihanda, kaha kafuma haze kanjamumuene naua.'' ²⁸Vunoni ngue ove naua ukumbata ou naua kufuma kuliange, kaha vuliani vukuiza kuli ikeye, ukaneha vuele vuange navutsiua kuli Siole.³⁰Vunoni, kahanaua, omo njikeza kuli ngamba yove Tata. na kanike kesihano netu, muomu ueni ualizitika mu muomno ua ntsongo yetu, ³¹Cikakala ngicize, Omo muali kamona kanike keti hamo netu akatsa. va ngamba ziovo vakeneha vuele vua ngamba yove Tata muvutsiua ku Siyole (cihela cavatsi). ³²Muomu ngamba yove uakele kanike ua kuilila kuli Tata naku handeka haliange kuli Tata haya muaka.³³Sikaho njasatsela eca ngamba yove akale kupalakana kanike kukala ndungo kuli muangana, na kueca kanike aye hamo na vana muanaye. ³⁴Muomu njikuya vati kuli Tata ngue kanike kesi hamo nange? njili na vuoma mukumona vipi vize vina kuiza kuli Tata.''

¹Sikaho Yosefe ahonene kuli undika ivene hakati kavangamba vaze vamene kuli ikeye. Ahandekele helu ngueni, '' Hamenu muvose njisale likaliange.'' kaha na ngamba uahi amene kuli ikeye Omo Yosefe alizimbuile kuli vakuluntu zieni. ²Alilile helu, kaha va Ingito vevuileko, Nava mundzivo ya Faloa va civuile. ³Yosefe ua handekele kuli vamuanaye vava mala, ''Ange Yesefe. va Tata uacili namono?'' vamaunaye vava mala kavamukumbuluile, muomu vakasumukile kumeso eni.⁴Kaha Yosefe ua handekele kuli vamuaneye vava mala, ''Tuayenu kuhiehi nange, njavundila.'' Vezile kuhiehi. A handekele ngueni, ''Yange Yosefe muanoko, uze mualandesele mu Ingito. ⁵Keti mulinienge cipue kupihilila yenu vavene muanjilandesele muno, muomu Njambi uanjitumine kulutue luene na kuniunga miono. ⁶Haliei Miaka avali vambimba vakele mucifuti, kaha kucili miaka itanu ize kakukakala kulima amba kutia.⁷Njambi anjitumine kulutue luenu na kuniunga ngue ua kusalaho hano hamavu, kaha na kuminiunga enu na muono na kulema ca kualumuka. ⁸Muomu keti yenu muanjitumine kuno alondzo Njambi, kaha nanjilingisa ngue kukala cisemi kuli Faloa, mukuluntu ua ndzivo yeni yose, na mukakuyula ua lifuti liose lia Ingito. ⁹Zanguisenuko nakuya kuli va Tata nakuhandeka kuli ikeye, Eci cikeko muanove Yesefe na handeka, ''Njambi na njilingisa kukala mukuluntu ua vose vaka Ingito. Tuatenu kuliange, keti muzendzame. ¹⁰Mukatumama mulifuti lia Ngasene, kaha mukakala kuhiehi nanga, enu na vana venu nava vuntanga vuva ngombe zieni, na viose vize vimuli navio. ¹¹Njikamihia enu kuze, muomu kucili miaka itanu yava mbimba, mangana mukahonoue kuyanda, enu vamundzivo yenu, na vose vaze muli navo.''¹²Talenu, meso enu anamono, na meso a muanaye Mbenjamene, Ovio vikeko kunua kange kanakuhandeka kulienu. ¹³Mukaleke va tata haku lema cange cose muno mu Ingito na viose vize munamono. muzanguleko mangana munehe va tata kuno.'''¹⁴Akumbatele muanaye Mbenjamene muntsingo na kulila, na Mbenjamene ualililile muntsingo yeni. ¹⁵Ikeye ua ntsembele oku ana kulila hali vakeko. kufuma haze vamuanaye vava mala va handekele na ikeye.¹⁶Muzimbu nkana ou vaulekele na vamundzivo ya Faloa: ''Vamuanaye vava mala Yosefe vaneza,'' Faloa ca musuuluisile na va ngamba zieni cikuma. ¹⁷Faloa ua handekele kuli Yosefe ngueni, ''Handeka kuli vamuanoko vava mala linga eci: longa tusitu vove nakuya kulifuti lia Kanana. ¹⁸Kambate va Iso na via mundzivo yove nakuiza kuli ange. Njikukuhia cifuti ca vuika mu Ingito, kaha mukalia mazi acifuti;¹⁹Kaha njinamileka, lingenu eci, mbatenu matemba kufumasa kucifuti ca Ingito via vana nenu na vampuevo zienu. kambate Iso na kuiza. ²⁰Keti mukanuke vupite vuenu, via cili viose via cifuti ca Ingito vienu.''²¹Vana vava Faloa ava lekele, kaha ava hiele viva viukisile muvungendzi vuavo. ²²Kuli vose vahiele uose yala viakuzala zalamo, vunoni kuli Mbenjamene ua muhiele makulukazi atatu avihanda via mpalata na vizalo vitanu viakuzalamo. ²³Via Ise ua tumine evi: vimulu lukumi va longele na viuma viaviuka via kuIngito, na vimulu vava mpuevo via Ise viavu ngendzi.²⁴Kaha uatumine va muanaye vava mala kaha vaile. Ua handekele ngueni kuli vakevo, ''Talanu nguenu keti mulizoze muvu ngendzi vuenu.'' ²⁵Vaile kufuma mu Ingito kaha vezile kucifuti ca Kanana, kuli Yakomba, sevo. ²⁶Vamulekele nguavo, ''Yosefe acili na muono, kaha ali na kumohia ose mafuti a Ingito.'' mutima uani alikomokelele, muomu katsilielelele, vize vivamulekele.²⁷Vamulekele mezi ose a Yosefe eze a handekele kuli vakevo. Omuamuene Yakomba matenba aze Yosefe uatumine a kumumbata, muzimu ua Yakomba Isiavo ua simpila. ²⁸Isaleli ua hadekele ngueni, ''Kunahu, Yosefe Muangana acili na muono. njikuya na kumumona simbu kanda njitsa.''

¹Kaha Isalela ua ile vungendzi na viose vieni viakele navio uahetele ku Mbeleseva. ²Kaha Njambi ua handekele na Isaleli muvi mona via vutsiki ngueni , ''Yakomba, Yakomba. Kaha ikeye ngueni, ''Yange uno.'' ³Ua handekele ngueni, ''Yange Njambi, Njambi yava iso. Kati uiuie vuoma kusikumuka ku Ingito, muomu keze njikakulingisa kukala muyati ua kama. ⁴Ange njikusikumuka nove ku Ingito, kaha mua vusunga vene njikaku kanduisa naua na Yosefa aka saleka livoko lieni hameso ove.⁵Yakomba uakatukile ku Mbeleseva .Kaha vana va Isaleli vambatele iseavo Yakomba, na vanike, nava mpueziavo, muma temba aze a tumine Folao naku va mbata. ⁶Vambatele vimuna vavo na vikuata viavo viva nauana mucifuti ca Kenana. kaha vahetele kucifitu ca Ingito , Yakomba na mbuto yeni yose hamo neni. ⁷vana veni va mala na vazukulu veni va mala hamo neni vana veni va vampuevo navazuku veni va mpuevo na mbuto yeni yose uezile nayo ku Ingito.⁸Aua akeko mazina avana va Isaleli vezile ku Ingito: Yakombo na vana veni vava mala, Luvene, ndala ya Yakomba; ⁹vana va Luvene, Hanoke, na Palu, Hezelone,na Kalimi; ¹⁰vana va Simeone,Yemuele, Yamine, Ohande, Yakine, Zohale na Saulu ikeye muana ua umosi mpuevo uaku Kanana. ¹¹vana va Levi, Ngelesone, Kahote, na Melali.¹²Kaha vana va Yinda vakele Ele, Onane, Sela, Peleze na Zela ( vunoni Ele na Onane va tsile mucifuti ca Kanana). Vana va Peleze vakele Hezelone na Hamule. ¹³Kaha vana va Isakale vakele Tola, Puva, Yombe, na Simelone. ¹⁴Kaha vana va Zembulone vakele Selende, Elone na Yalele. ¹⁵Ava vakele vana va Lea va semene Yakomba mu Pandame - alame hamo na muaneni ua mpuevo Ndina. Vana veni vava mpuevo nava vava mala vakele makumi atatu nava tatu.¹⁶Vana va Ngande vakele Zifione, Hagi, Sui, Ezevone, Eli, Alondi na Aleli. ¹⁷Vana va Aseke vakele Imina, Isiva, Isivi, Mbeliya na Sela ndumbuavo . Kaha vana va Mbiliya vakele Hevele na Malekiele. ¹⁸Ava vakele vana va Zilipa, vaze Lambane vahiele Lea muaneni ua mpuevo. Ava vana vasemenene kuli Yakomba vose vakele likumi nava tanu na umo vene.¹⁹Vana va Lakele mpuevo ya Yakomba Yosefe na Mbenjamini. ²⁰Mu Ingito Manase na Efalimi vava semene kuli Yosefe, Asena, muana Potifela sasendote ua One. ²¹Vana va Mbinjamini vakele Mbela, na Mbekele, Asevele, Ngela, Namane, Ehi, Lose, Mupime, Hupime, na Alende. ²²Ava vakele vana va Lakele vasemukile kuli Yakomba - vose vakele likumi nava uana vene.²³Vana va Ndane vakele Husime. ²⁴Vana va Nafatali vakele Yazele, Nguni, Yezele na Sileme, ²⁵Ava vakele vana vasemukile kuli Yakomba kuli Mbiliya, uze Lambane ya hiele Lakele muaneni ua mpuevo - vatanu nava vali.²⁶Miono yose yezile hamo na Yakomba ku Ingito ya tuhukile ku zintungi ziene naku tanda va mpuevo va vana va Yakomba cahi miono yakele makumi atanu na limo na vatanu na umo. ²⁷Kaha vana va Yosefe vamu semukile mu Ingito, vakele miono ivali yose ya ndzivo ya Yakomba yezile ku Ingito ya kele makumi atanu na avali.²⁸Yakomba ua tumine Yunda kulutue luene kuli Yosefe kumulekesa njila kulutue lueni ku Ngonesa kaha vezele kucifuti ca Ngonesa. ²⁹Kaha Yosefe ua viukisile letemba lieni na kuya naku uana ise Isaleli ku Ngonase. uamu muene, nakumuhuila ha tsingo, kaha uaile neni hatsingo nakulila tsimbu ya kama. ³⁰Isaleli ua handekele ngueni, ''Vunoni njecenu njitse, nomu munjamono cihanga cove, ucili na muono.''³¹Yosefe ua handekele kuli vana vaneye naku ndzivo ya ise ngueni, ''Njikakanduka nakuleka Falao, nguove, 'Vana va nana na ndzivo ya tata vaze vakele mucifuti ca Kanana, vaneza kuliange. ³²Kaha vamala vakeko tuniungi, muomu vakeko vakaku niunga vimuna. Vaneha vampanga vavo na matanga avo na viose vivali navio.'³³Kaha cikale ngecize, omo Falao muali kasana na kuhulisa ngueni, ' Ini vupangi vuenu vuka?' ³⁴kaha enu muka handeka nguenu, 'Vangamba ziove vanaku niunga vimuna kufuma kuvukuendze nakuheta kulelo, yetu, nava tatetu.'Lingenu eci mangana muyoye mucifuti ca Ngonase, muomu tuniungi vose vakevo cizila kuli vaka Ingito''

¹Kaha Yosesa uengilile na nakuleka Falao gueni, ''Tata na vana va nana, na vana mpanga, navo na matanga avo na viose vivali navio vana fumu kuciti ca Kanana. Tala, vali mucifuti ca Ngosene.'' ²Uambatele vana vanaye vatanu na kutuala kuli Falao.³Falao ua handekele kuli vananaye ngueni, ''Vapangi vienu vika?'' Vahandekele kuli Falao nguavo, ''Vangamba ziove vanapu tuniungi, ngue vatatetu,'' ⁴Vahandekele kuli Falao nguavo, ''Mukulisuka mu cifuti. Tuneza muomu kamuesi muila uama tanga na vangamba vove, muomu ndzala yahiana mucifuti ca Kanana. Ngoco vene, eca vangamba ziove vayoyele mucifuti ca Ngosene.''⁵Kaha Falao ua handekele na Yosefe ngueni, ''Iso na vana vanoko vaneza kuliove. ⁶Cifuti ca Ingito cili kumeso ove. Tumbika iso na vana vanoko mucifuti ca Ngosene. Ngue ua ntantekeya vamala va cili hakati kavo, valingise kukala vaka katala vumuna vange.''⁷Kaha Yosefe uakoveleselemo ise Yakomba nakumu tumbika kumesi a Falao. Yakomba ua vezikisile Falao. ⁸Falao ua handekele kuli Yakomba ngueni, ''Matangua a muono uove angahi?'' ⁹Yakomba ua handekele na Falao ngueni, ''Matangua a miaka ya vungendzi vuange akeo cihita ca miaka na makumi atanu. Miaka ya kuyoya cange akele andende a api. Kakele ngue mu akele matangua ava tata kumatangua avungendzi vuavo.'' ¹⁰Kaha Yakomba ua vezikisile Falao nakutuhuka kufuma kumeso eni.¹¹Kaha Yosefe ua tumbikile ise na vana vanaye. naku vahia vize via kufuka mucifuti ca Ingito, cifuti cacili cikuma mucifuti ca Lamese, ngue muasikile Falao. ¹²Yosefe ualisile ise, navana vanaye kaha navose vakele mundzivo ya ise, kuesekesa na vana vavakele navo vava ndende.¹³kaha kakuakele vuakulia mucifuti cose; muomu ndzala yahianene. Mucifuti ca Ingito na cifuti ca Kenana cazeyele muomu ua ndzala. ¹⁴Yosefe ua kunguluile zimbongo ziose ziakele mu cifuti ca Ingito namu cifiti ca Kenana, na mbuto ize iva landele. kaha Yosefe ua nehele zimbongo kuli lapa lia Falao.¹⁵Muva manesele zimbongo ziose zia mu cifuti ca Ingito na Kenana, vose va Ingito vezile kuli Yosefe na kuhandeka nguavo, ''Tuhie viakulia! muomu vaka vitutsila na ndzala hakati kove muomu ua zimbongo zietu zinayi?'' ¹⁶Yosefe ua handekele ngueni, ''Ngue zimbongo zienu zinayi, nehenu vimuna venu kaha njikumuhia via kulia enu muku njihia vimuma.'' ¹⁷Ngecize vanehele vimuna kuli Yosefe. Yosefe uavahile via kulia muku landakana na tuvalu, nava mpanga, na matanga, na vimulu. Kaha uava lisile na muka muku landakana na vimuna mumuaka uze.¹⁸Muomu muuakumine uze muaka, vezile kuli ikeye muaka uamu civali na kuhandeka nguavo, ''Katu kusuama kufuma kuli mukuluntu uange nguetu zimbongo zietu zinayi, na matanga ava ngombe ava kuluntu ziage. Kakuesi naua cimo casala kumeso a mukuluntu, kuvanga kaha mivila yetu na cifuti cetu. ¹⁹Muomu vika vitikutsila kumeso ove, yetu na cifiti cetu? Tulande etu muku landakana na via kulia, kaha etu na cifitu cetu tukukala vangamba kuli Falao. Tuhie tsani ize ya muono kati yakutsa, kaha ckeko cifuti cize cakuhona kuhandunuka.''²⁰Ngoco Yosefe ua landelele Falao cifuti cose. muomu va Ingito valandesele lihia lieni, muomu ndzala ya hianene. Munjila nkana eyi, cifuti cakele Falao. ²¹Cifuti kaha ca va sasendote cize cahonene kulanda Yosefe, muomu va sasendote vahiele vava hakeleleho. ²²Valile kufuma cikuma vize viava hiele Falao. Kufuma haze kava landesele cifuti cavo.²³KahaYosefe ua handekele kuli vantu, ''Tala, Ange njaku landa ove na cifuti cove lelo kuli Falao. vuavuno kuli tsani yove, kaha ukukuva mehia. ²⁴Kaha hakutia, uatela kuhia camu citanu kuli Falao, na mitamba iuana ikakala yove, ku tsani yamu lihia kaha na viakulia vuenu vize viava kazindzivo zienu navia kulia via vanike venu.''²⁵Kaha vakevo nguavo, ''Unovola miono yetu. utyave tuuane kavumbi ku meso ove. Tukukala vangamba zia Falao.'' ²⁶Kaha Yosefe ua heteselemo lisiko lia mehia a ku Ingito nakuheta kulelo, uze mutamba uamuci tanu uakundama kuli Falao. Cifuti kaha cava sasendote kacakele ca Falao.²⁷Ngecize Isaleli ua tumamene mu cifuti ca Ingito, mu cifuti ca Ngosene. Vantu veni vapitele na kuimita nakulilanesa cikuma. ²⁸Yakomba ua tumamene mu cifuti ca Ingito miaka likumi na miaka itanu na ivali, ngaco miaka ya Yakomba miaka ya muono ueni yakele cihita ca miaka na makmi auana na itanu na ivali.²⁹Kaha tsimbu ya suanene omo Isaleli ua telele kutsa, ua sanene muaneni Yosefe naku handeka kuli ikeye ngueni, ''Vuovuno ngue njauana kavumbi kumeso ove, haka livoko liove muitsi ya ntungi yange, nakulinga ngozi navusunga nange. Njakuvundila kati uka njitsinde ku Ingito. ³⁰Ngue njikukosa nava tata, ukunji fumisa mu Ingito na kunjitsinda kucihela cava tsinda va tata.'' Yosefe ngueni, ''Njikulinga ngue omu muua handeka.'' ³¹Isaleli ua handekele ngueni, ''Lisinge kuliange, ''Kaha Yosefe ualisingile kuli ikeye. Kaha Isaleli uakotamene ha ntsatelo ya muhela

¹Kaha cakele ngecize hanima yevi viuma, umosi ualeke Yosefe ngueni, ''Tala, iso hali kuvavala.'' Kaha ua ile hamo navana veni vavali, Manase na Efalime. ²Omo mualingile Yakomba vamuleka guavo, ''Tala, muanove uayala Yosefe neza na kukutala ove, ''Kaha isaleli ua kungulukile na kulikolesa na uatumamene ha muhela.³Yakomba ua handekele na Yesefe ngueni, ''Njambi muka zindzili yose ualisoluele kuliange ku Luze mucifuti ca Kanana. Ua njivezikisile ⁴naku handeka kullianga ngueni, 'Zangama, Ange njika kuimitisa nakukulanesa. Kaha njika kulingisa kukala mbunga yamiyati. Ange njikahia cifuti eci kuli mbuto yove kucifuka ku miaka yose.'⁵Vuavuno vana vove vavali, vaze vasemukile kuli ove mucifuti ca Ingito te Ange kanda njiza mu Ingito, vakevo vange. Efalimi na Manase vakukala vange, ngue mua Luvene na Simeone vane vanpu vana vange. ⁶Kaha mbuto yevo ize iu kasema kunima yove ikakala yove; vakava luka lizina lia vana va naye muvuana vuavo. ⁷Vunoni Ange, omo munja fumine mu Pandane, Lakele ua tsile kuli ange munjila mu cifuti ca Kanana, te hakele ntunda nakuheta mu Efalate. Ange kukeko kunjamu tsindililile kuze munjila ya Efalate'' (cikeko Mbetelema).⁸Kaha Isaleli ua muene vana va Yosefe, ua handekele ngueni, ''Ava veya?'' ⁹Yosefe ua handekele kuli ise ngueni, ''Vana vange, vaze vananjihie Njambi kuno.'' Isaleli ua handekele ngueni, ''Vanehe kuno kuliange, mangana njivavezikise.'' ¹⁰Vuno meso Isaleli akale na nakavuivui muomu ya vusinakazi kakele nakumona. Ngoco Yosefe uavanehele kuhiehi naikeye, kaha ua tsuembele nakuva vumbatela.¹¹Isaleli ua handekele kuli Yosefe ngueni, ''Kanjasinganiekele kumona vihanga vienu naua, Vunoni Njambi naua na njitavesa kumona vana venu.'' ¹²Yosefe uava tuhuisile hakati kama vuli eni, kaha ua kutamene nacihanga ceni hamavu. ¹³Yosefe ua kuatele vose vavali, Efalimi mulivoko lieni lia cilio muku tuala mulivako lia cimosue, na Manase mulivoko lieni lia cimosue muku tuale kulivoko lia cilio lia Isaleli, na kuvaneha kuhiehi naikeye¹⁴Ísaleli ua luele livoko lieni lia cilio na kusaleka ha mutue ua Efalimi, ou akele kanike, kaha livoko lieni lia cimosue ua hasalekele hamutue ua Manase. Ua lindakanene mavoko eni, muomu Manase akele ua ntuantua. ¹⁵Isalile ua vezikisile Yosefe, naku hanfeka ngueni, ''Njambi uze kumeso eni vendele vatata Avalahama na Isaka, Njambi uze a njilisa muono uange ouse nakulelo, ¹⁶kangelo uze na njohiela ku vupi viose, avezikise vakuendze ava. nalina liange valiluke hali vakeko, nalizina lia va tata Avilahama na Isake. Kaha vakole mukukala civunga hakati ka mavu.''¹⁷Kaha Yosefe muamuene ise nahake livoko lieni cilio ha mutue ua Efalimi, camu kolesele. Ua mbatele livoko lia ise naku tuala ha mutue ua Efalimi naha mutue ua Manase. ¹⁸Yosefe ua handekele kuli ise ngueni, '''Kati omu, Tata; muomu ou napu ua ntuantua. Haka livoko liove lia cilio hamutue ueni.''¹⁹Kaha ise ua vianene naku handeka ngueni, ''Ange njantantekeya, muanange, Ange njantantekeya. ikeye naua akakala muyati naikeye, kaha nua akakala navukame. Vunoni ntsongo yeni aka muhiana na mbuto yeni akakala civunga ca miyati.'' ²⁰Isaleli ua vavezikisile hali tangua lize na mezi aua, ''Vantu va Isaleli vaka vakambulula kuvezikisa hama zina na kuhandeka nguavo, ''Njambi akulingise ove ngue Efalimi na Manase.''²¹Isaleli ua handekele na Yosefe ngueni, ''Tala, Ange holo njitsa, vunoni Njambi akakala nove, nakumituala enu kulutue lua vaisuenu. ²²Kuli ove, unapu ngue umo ua hambakana vanavanoko, Ange njakuavela muncinda uamusikumuko uze unjambatele kuli vaAmoleu na mukuale uange na vuta vuange.''

¹Kaha Yakomba ua sanene vana, veni ngueni, ''Likungululenu linga njimileke vize vimu kamona ku matangua aku kotokela. ²Likungululenu, kaha ivuililenu, enu vana va Yakomba.³Luvene, yove ndala yange vukama vuange, na vusangumukilo vua ndzili, Kuhiana ca vukama, na kuhiana ca zindzili; ⁴Muku tutumuka ngue mema, ko ukahiana, Muomu ua londele ha muhela ua ise; Haze ua u zualesele: ua londele ha vukoselo vuange.⁵Simeone na Levi vakeko vana vana naye, Vitua via luozi muinapu mikuale yavo. ⁶Amuono uange, kati u kovele ku mpunga yove; Ku lukungulukilo luavo, vumpahu vuange, kati u lipandakaneko; Muomu ku vutenu vuavo va tsihile muntu, Na mukulinga cizango cavo va tetele mapiliko a ngombe.⁷Vua kusinga vutenu vuavo, muomu vua suamene; Na vuniengue vuavo, muomu vua kaluuile Njikava hungumuna mu Yakomba, Na naku sonduola mu Isaleli.⁸Yunda, vana va noko vakakusangala: Livoko liove likakala hantsingo yavitozi vove; Vana va iso vakakotama kumeso ove.⁹Yunda ikeye muana ndumba; Kuntsitu muanange, unahinduka: Ua kotamene, ua vutaneme ngue ndumba; ngue ndumba ua luhavo; iya a akamu sangumuna?¹⁰Mbuiti ya vuangana kaikafuma kuli Yunda, Cipue mulamu ua mukakusika hakati ka vilioto viene, kuvanga Silo neza; Kaha kuli ikeye vantu vaka kononoka.¹¹Akuta cimulu ceni kumuti ua viniu, Na muana cimulu ceni kumuti ua viniu ua kuhiana; Nakusu vizalo viene mu viniu, Na mazo eni akavuka na mavele. ¹²Meso eni akatila ngengu na viniu, Na mazo eni akavuka na mavele.¹³Zembulone akakala ku cikumo ca mema a kalunga; Neni akakala cikumo ca mato; Na mukuakua uani u kaheta ku Sondone.¹⁴Isakale ikeye cimulu mukua zindzili, Akakotama hakati ka malimba: ¹⁵Kaha ikeye ua muene vuhuimino ngecize vukevuo vua cili, Na cifuti ngecize cikeco ca viukele; Kaha ua kotamesele citsizi ceni hakumbata, Kaha ua himpukile ngamba ua kucipanga.¹⁶Ndane a kasompesa vantu veni, Ngue muyati umo ua Isaleli. ¹⁷Ndane akakala linoka munjila, Limbuambua ua munjila, akusuma zintsintsino zia kavalu, Ngecize muka kumuendela a ua mukali. ¹⁸Njina tumamena vuovole vuove, Yehova.¹⁹Ngande, mbunga ikapalakana; Vunoni ikeye akava sindakana ku ntsintsino yavo. ²⁰Ku Asele mbolo yeni ikakala na mazi, Kaha ikeye akahana viakutovala via muangana. ²¹Nafatali ikeye ntavu uaku zitula: uakuhana mezi akuviuka.²²Yosefe ikeye muntango ua kuima, Muntango ua kuima ku ngundzi ya mema mintango yeni yeku tandela helu lia civumbe. ²³Vaka kuasa vana muyandesa, Vamu piluile, nakumu pakesa.²⁴Vunoni vuta vueni vuakele na zindzili, Na mantsimpa a mavoko eni a kolele, Ha mavoko amuka zindzili ua Isaleli kukeko kuafumu kaniungi, livue lia Isaleli.²⁵Hali Njambi ua iso vene, ikeye akakukuasa, Kaha hali mukua ndzili yose, ikeye akaku vezikisa, Na vivezikiso via lilu muilu, vivezikiso via ndzinga i kuvutama muintsi, vivezikiso via mavele, nevi via lizimo.²⁶Vivezikiso via iso vina hiana vivezikiso via visemi vange mukuheta kuze kua lenga mincinda ize kayekuhua: Vikakala ha mutue ua Yosefe, Na kuntsala ya mutue ua uze ua hangunukile na vana va naye.²⁷Mbejamini ikeye kangunga ua kulia mankavala: Kucimene akalia ntsitu, Naku cinguezi akapangela vize via kupupa.²⁸Eyi yose ikeyo miyati ize likumi na ivali ya Isaleli: neci cikeko cize ca handekele Iseavo navo naku va vezikisa; hamuntu ha muntu ngue ku civezikiso ceni ua va vezikisile. ²⁹Kaha uava sikile, nakuvaleka ngueni, ''Ange vakanjikunga kuva vantu vange: njintsindienu hamo nava tata mucinacili muihia lia Efelone kaHeteu, ³⁰mucina cili muihia lia Makepela, cilikulutue lua Mamele, mucifuti ca Kanana, cize ca landele Avilahama hamo na lihia lia Efelone kaHiteu mukucifuka ngue cihilo.³¹Kuze va ntsindile Avilahama na Sala mpue yeni; kuze va; kuze va tsindile Isake na Lambeka mpue yeni; nakuze nja tsindile Lea, ³²lihia na cina cilimo, viva landele kuli vana va Hete, ³³Kaha omo Yakomba muamanesele kusika vana veni, ua langekele viliato viene ha muhela, kaha uacele cimbembesi, va mukungile kuvantu veni.

¹Ngecize Yosefe uakele na ciniengo na kuli zuzukila ha cihaga ca ise, kaha ualilile hali ikeye, kaha ua mu tsuembele. ²Yesefe ua sikile vangamba veni vimbanda kusaka civimbi ca Ise. Ngecize vimbanda vasakele Isaleli. ³Vakele matangua makumi auana, akeko akele matangua akusula mukusaka. vaka Ingito vamulilile matangua makumi atanu na vali.⁴omu matangua akulila ahuile, Yosefe ua handekele ku ndzivo ya Faloa, ngueni, ''Ngue vuovuno njila uana kavumbi mumeso enu, handekenu kuli Faloa, nguenu, ⁵''Tata ua lisingile ange kulisinga ngueni, ''Tala, Ange hanjiku lingala kutsa kanjitsinde. mucihilo cange cize cinja lihindililile muciduti ca Kanana. kuze kuu kanjitsinda.'' Ngecize njitave njicele njiye na kutsinda tata, kaha njika hiluke.''' ⁶Faloa ua mkuaniene ngueni, ''Homoye ukatsinde Iso, ngue omuo muakusingile.''⁷Yesefe ua ile na kutsinda Ise. vose misipai va Faloa vaile neni - vakuluntu vaku ndzivo eni, navose misipai vava kuluntu va cifuti ca Ingito, ⁸navose vakuluntu vakundzivo ya Yesefe nava muanaye, navaze vakundzivi ya Ise. vunoni vana vavo avimuna vakuavo va salele mucifuti ca Ngesone. ⁹Matemban na vakutuvalu naua vaile neni. cakele civunga cakama ca vantu.¹⁰Omuo muvezile kucizunguilo ca Atande kumutamba ukuavo ua Yondau, valiniengele na ciniengo cakama na vusiua. kuze Yesefe ua lingisile matangua atanu na avali akulinienga hali Ise. ¹¹Omuo vakakutumama kumuhela uze, vaka Kanana, vamuene kulinienga mucizunguilo ca Atande, va handekele nguavo, ''' Eci cikeko ciniengo ca kama kuli vaka Ingito.'' Mukemuo muvalukilile muhela uze nguavo Avele Mizelaime, uze uli kupulakana Yandau.¹²Ngecize vana va Yakomba va mulingile ngue muze mua vasikile. ¹³Vana veni vamumbatele kumutuala kucifuti ca Kanana na kumutsinda mucingelengenia mulihia lia Macipela, muhiehi na Mamule Avilahama ua landele cingelengenia na musenge kukala cihilo. uacilandele kuli Efolone ka Hiteu. ¹⁴Omuo mua lingile hana tsinda laza Iase, Yosefe ua hilukile mu Ingito, ikeye, hamo nava muanaye, navose vaze vaile neni nakutsinda Ise.¹⁵Omuo vana va naye Yesefe vamo nguavo Iseavo natsi, vambele nguavo, ''Vati ngue Yesefe akakala na vutenu kulietu nakulengeya kutu hiluisamo ngue havupi vuose vuze vutuamulingile?'' ¹⁶Ngecize va vundililile Yosefe ezi kuli vakevo, vahandekele nguavo, ''Iso ua hanene zisimbi ntsimbu kanda atsa ngueni, ¹⁷Lekenu Yosefe eci nguenu, ''Njina kuvundila kunekela vamuanoko vupi vuze na vivulumuna vize omuo muva lingile mua mupi kuli ove.''' Kaha kenekela vangamba va Njambi ya Iso.'' Yosefe ua lilile omu muva handekele kuli ikeye.¹⁸Va muanaye naua vaile na kuvulumana ca meso hamavu kuli ikeye. vahandekele nguavo, ''Tala, tuva ngamba vove.'' ¹⁹Vunoni Yosefe uavakuaniene ngueni, ''Kati muivue vuoma. Ange njilinamena muhela ua Njambii? ²⁰Ngue kulienu, mua muasinganiekele kunji vulumuna, vunoni Njambi ua cilingile kukala kuviuka, kuohiela miono ya vantu vavengi, ngue omuo mumuna mono lelo. ²¹Ngecize vunoni kati muivue vuoma njiku miviukisila enu na vana venu vava ndende.'' Uava lembeziekele munjila cinakuhandeka mua ngozi kumitma yavo.²²Yesefe uakele nakuyoyela mu Ingito, hamolika na vavusoko vua Ise.Ua yoyele likulukazi na miaka likumi. ²³Yesefe uamuene vana va Efelame na kucisemunuino camu citatu. Uamuene naua vana va Makiya muana Manase, vaze vava hakele hamavuli a Yosefe.²⁴Yosefe ua handekele nava muanaye ngueni, ''Holo njitsa vunoni muavusunga Njambi akeza naku mitumenena kumi kanduisa na ku cifuti cize calikuli Avilahama, kuli Isaka, nakuli Yakomba. ²⁵Ngecize Yosefe ua lisingile vana va Isaleli kulisinga na lisiko. ua handekele ngueni, ''Cili vane Njambi akeza kuli enu. kuntsimbu ize munapande kuka mbata vitsiha viange kufuma kuno.'' ²⁶Kaha Yosefe ua tsile, na miaka likulukazi limo na miaka likumi mukukola. vamu sakele nakumuhaka muci kasa mu Ingito