¹Vunoni, Isaleli, iviulilanu lusimbi na vilika vize Ange cinjili nakutonda kumitangesa enu muvilika vikeko; mangana nakuya mulifutu Yehova Njambi ya Isuenu, akumiya enu. ²Kamukahakeleko mezi anjiamisindiyile enu, cipue kuuakehesa akeko, mangana malame lusimbi lua Yehova Njambi yenu aze nge anjili nakumisindiya enu.³Meso enu amono vialingile Yehova Njambi ya Mbale - Peole: vose vamala vaze vakavangeyele Mbale - Peole Yehova Njambi yenu navanieka vakeko kufuma hakati kenu. ⁴Vunoni enu vaze muahatele kuli Yehova Njambi yenu muvavose kkumuli, na lelo.⁵Talenu, Ange njamitangesa enu zisimbi na vilika, ngue Yehova Njambi yange muanjilekele ange, ngueni njatela kulinga muzevene mukati ka lifuti eli limukakovela nakuheta. ⁶Sikoho alamene nakulingamo; muomu aua akeko mangana kaha kuziva cenu naua kumeso avantu vaze vakuivia viose evi nakuhandeka, mukeko eci cifuti cakama cazangama na kuivuilila vantu.⁷Ngue omu muakala mafuti akuavo akama akala nava njambi kuhiehi navakeko, ngue Yehova Njambi yange ali hose hatukumusanena ikeye? ⁸Ini mafuti akuavo akama akala na zisimbi na vilika via viololoke ngue munjila zisimbi ezi zize Ange zinjikutumama nazio kumeso enu lelo?⁹Liungumikenu nakulilama enuvavene, mangana muhone kusuva viuma viuma vize vimuamono na meso enu, mangana vahone kuseza mitima yenu mukuyoya camatangua enu ose, vunoni, valekenuko vana venu nava zukulu nava zukulu. ¹⁰Halitangua lize liukamana kumeso a Yehova Njambi yenu mu Holeve, Tsimbu Yehova uahandekele kuliange, 'Njikukunguluile vantu, kaha Ange njikuvalingisakuivua vioma ange mumatangua aze avakuyoyela hamavu, kaha akeko ava katangesa vana vavo?¹¹Uezile kuhiehi nakumana kuvipunga via mulundu. mulundu uauemene na tuhia hamutima ua muilu, na milima, vivunga, na milima cikuma. ¹²Yehova uahandekele kulienu kufuma mukati katuhia; ove uavuile lizi - na mezi aco, vunoni kaua muene vimo; ove uavuile lizi kaha.¹³Uahandekele kulienu muciviasiono ceni cize casikile enu kuliange, zisimbi likumi, uazisonekele zikeko havihande via mavue vivali. ¹⁴Yehova uanjisindeyile ange hali ize tsimbu kumitangasa enu vilika na zisimbi, mangana mukavilinge mulifuti lize limuka zavuka nakuheta,¹⁵Kaha lilamenu muacili enu vavene - kumuemuene mumo muafua halitangua lize Yehova muahandekele kulienu ku Heleve kufuma mukati katuhia- ¹⁶Ngueni kati mukalinge muamupi enu vavene nakapanga cipimo cakusonga muakufua camuntu ua mpuevo cipue mucifuanesa ca muntu uuayala, ¹⁷Mucifuanesa ca nkala kasitu uahamavu, mucifuanesa ca nkala kazila uze akupululuka muilu, ¹⁸Mucifuanesa ca cuma cekukalava hamavu, cipue mucifuanesa ca nkala itsi uze ali mumema muitsi ya mavu.¹⁹Kamu kakandula meso enu kuilu na kutala hali tangua, ngonde, cipue tuntangantanga - viose via kuata lilu - kaha lifumisenuho kukuzumbangeya naku kuvilema vikeko - vize viuma vize Yehova Njambi yenu avihia kuvipangela vantu vose muitsi ya lilu. ²⁰Vunoni Yehova namituala kaha namineha kufuma kucipato cavandumba, kufuma mu Ingi, nakukala na ikeye vantu ven e vavusunga, ngue mumli lelo.²²Yehova uasulakanene nange muomu yenu; uasonekele ngueni Ange kanjatela kuzavuka Yotau, kaha Ange kanjatela kuya mulifuti liacili, lifuti lize Yehova Njambi yenu lianamihie ngue vusuana. ²¹Cakuhona, Ange njatela kutsa mulino lifuti; Ange njatelelele kuzavuka Yotau; vunoni enu mukuya nakuzavuka kaha nakuhita muze mulituti.²³Lilamenu enuvavene, mangana enu muhone kusuva civuasiono ca Yehova Njambi yenu, cize ca pangele nenu, kaha nakupanga enuvavene cipimo cakusonga mucifuanesa ca cuma cize Yehova Njambi yenu viakunehesa enu kulinga. ²⁴Muomu Yehova Njambi yenu ikeye tuhia vakunongesa, Njambi ualifuua.²⁵Tsimbu enu yimukusema vana nava zukulu, kaha imuakele mulifuti hatsimbu yakama, kaha ngue mukalinga via vundemone kumeso a Yehova Njambi yenu, kumusangumuna ikeye kuvutenu - ²⁶Ange njasanene lilu na mavu vakele vakeleho hallienu lelo mguange viavuno mutsa kufuma muze mulifuti lize enu limukuya nakuzavuka Yandau nakuheta. matangua enu ka akasimbula muze, vunoni vakamienieka cikupu.²⁷Yehova akamisanda mukati kavantu, kaha akasezemo vavandende mukati ka cifuti. muze Yehova akamituamenena nakuya. ²⁸Muze enu mukazala va nnjambi veka, vipangi viamavoko avantu, viti kaha namavue, vize viakumona kuivua, kulia, na kunika.²⁹Vunoni kufuma muze mukutonda Yehova Njambi yenu, kaha mukamuuana ikeye, tsimbu imukamutonda ikeye namitima yenu yose na miono yenu yose.³⁰Tsimbu imukakala muvukalu kaha tsimbu evi viuma viose vikeza halienu, muli aze matangua akunima mukalahuka kuli Yehova Njambi yenu nakuivuilila lizi lienu. ³¹Muomu Yehova Njambi yenu Njambi uangozi; kali kamihono uesa enu cipue kumienieka enu cipue kusuva civiasiona cava isuenu cize calisingile kuli vakeko.³²Hulisa vunoni matanga aze akunima, aua akele te tsimbu yenu kanda, kufuma halitangua lize Njambi lia pangele muntu hamavu, Hulisa kufuma hatsongo yalilu sui nakuheta kutsongo yikuavo, mgue kuakela cuma cimo civapangele ngue eci, cpue kuakele cuma cakulifua ngue eci vekucivia lika? ³³Vunoni vantu vaviaho laza lizi lia Njambi kuhandeka mukati kati katuhia, ngue omu mumunevu, kaha nakuyoya?³⁴Ni Njambi esekele kuya nakutuala cifuti ivene kufuma mukati kati kacifuti cikuavo, namdzita, na zindzili zia livoko, nahalivoko liakuoloka, naha viuma via kuviusa vioma, ngue viuma viose vize Yehova Njambi yenu vialingilile enu mu Ingito kumeso enu?³⁵Kulienu evi viuma vavi soluele, mangana muzive nguenu Yehova Njambi ikeye Njambi, kaha naua kakuesi mukuavo naua ngue ikeye. ³⁶Kufuma muilu uapangele enu kuivia lizi lieni, mangana amileke enu; muavuile lizi lieni kufuma mukati kati katuhia.³⁷Muomu ualemene va isuenu, uasakuile cikota cavo kufuma kuli vakevo, kaha amifumisile enu mu Ingito nakuli soluesa ivene, nazindzili zieni; ³⁸Nakumifumisa enu kumeso scifuti cakama na zimdzili zia kuhambakana enu, nakumineha enu mukati, nakumihia lifuti ngue vusuana, ngue lelo.³⁹Kaha lelo, njasaleka eci hamitima yenu, mangana Yehova ikeye Njambi uamuilu helu kaha hamavu muitsi; kakuesi mukuovo naua. ⁴⁰Enu mukalama vilika vieni kaha na zisimbi zieni zize zi njamilekele enu lelo, mangana muye nazio muacili kaha navana kufuma enu, kaha hakulinga omu enu matangua enu akusimbula mucifuti cize Yehova Njambi yenu namihie kunahu.''⁴¹Kaha Mosesa asakuile zimbaka zitatu kumutamba uamu ntuntuko ku Yondau, ⁴²mangana uze uose akatsihia muntu akatinineko, cakuhona kukala citozi ceni mumatangua akunima hakutinina kumbaka yahali zimbaka, hamosi aku yoya. ⁴³Akele akeko. Mbezele zindinda, kucana ca lifuti, hali va Luvene; Lamote mu Ngileande, liaku Ngileande; naku Ngande; mu Ngolane mu Mbasane, liaku Manase.⁴⁴Olu lukeko lusimbi luze Mosesa luasitsisile kumeso avana vava Isaleli; ⁴⁵Evi viviasiono viavi lika, via lusimbi, kaha navilika vikuavo viahandekele kuli vana vava Isaleli hatsimbu ivafumine mu Ingito. ⁴⁶Hatsimbu ivakele kumu ntuntuko ua Yondau mucimbongo catala na Mbete - Peale, mucifuti ca sihone, muangana ua Amoleu, ou ayoyelelele ku Hesevone, oku Mosesa navana va Isaleli vatuhukile kufuma mu Ingito.⁴⁷Vambatele cifuti ceni ngue kufuka, kaha nacifuti ca Onge muangana ua Mbanase - ava, miangana vavali vaku Amoleu, ava vahambakanene Yandau kutalesa kumuntuntuko. ⁴⁸Eci kuyula nkana ca ile kuli Aloele, kutsongo yaci mbongo ya Aleole, kumuncinda ua Siono (cipue ngue kumuncinda ua Helemone), ⁴⁹Kaha kuhakelako viose visinganieka viaku ndonga Yondau cimbongo, kutalesa kumuntuntuko kuhambakana Yondau, kucisali ca Alava, kumusikumuko ua muncinda ua Pisinga.

¹Evi vikeko vitume kaha na vilika vize viuatela kuama mucifuti ca Yehova Njambi yava Iso nakuhia ove kucifuti, mangana ose au kayoyela hamavu. ²Ukunieka vane vihela viose via muyati iua funguluile mukuzumbangeya va njambi vavo ku muncinda ualaha, kutumincinda, kaha na muitsi ya muti untontola.³Uatela ukasahule mutula uavo, nakupuzula zingundzi zamavue, kaha naku tsimika na tuhia va Asele. Uatela kuvatula tumponia tuava njambi yavo kaha nakuenieka mazina avo kufuma kuze kucihela. ⁴Kauka zumbangeya Yehova Njambi yove kazangelemo.⁵Vunoni kucihela cize Yehova Njambi yove akasukula miyati nakuhaka lizina, lize livaka sitsisa muku yoya ceni, kaha kuze kukeko kumukaya. ⁶Kukeko kumukaneha vikombelo vienu viaku tsimika, na zinkombelo zia kuli lalekeya, kaha vikombelo vikakala mumavoko enu, vikombelo vienu viakuli singa, na vikombelo via cizango cenu, kaha nava ntuantua vaku malimba na mikoko.⁷Kuvali vaze vamukalia kumeso a Yehova Njambi yenu kaha na kuviukilila haviose vimua hakeleho mavoko enu, enu navaka zindzivo zienu hose Yehova Njambi yove hanaku vezikisa.⁸Kamuka linga viuma vituli nakulinga lelo; vuavuno vose vana kulinga vili viose via cili mumeso enu vavene; ⁹Kuli enu kanda muiza ku viose, ku vusuana vuze Yehova Njambi yenu via namihie.¹⁰Vunoni tsimbu iu kazavuka Yondau na kukala mucifuti cize Yehova Njambi yove cana kulingisa vusuana, kaha akamihia enu viose kufuma kuvitozi vienu vose nava zingilikako, mangana muyoye muacili. ¹¹Kaha kucihela cize Yehova Njambi yenu akasakula kulingisa lizina lienu likakale muze - muze mumukaneha viose vinjikami sindiya enu: vikombelo vienu viaku tsimika, na zinkombelo zienu zia kulilalekeya na camulikumi cenu, kaha na cikombelo ca kuhuinga mulivoko lienu. kaha naci kombelo ca kuli sakuila enu vavene viakuli singa vimua lisingile kuli Yehova.¹²Muka viukilila kumeso a Yehova Njambi yenu - enu, vana venu vava mala, navana venu vava mpuevo, nava ngamba vava mala, nava ngamba, kaha nava Levi vaze vali mukati kazimbelo zienu, muomu kesi na mutamba cipue vusuana mukati kenu.¹³Ivuililenu enu vavene nguavo kamu kukombela cikombelo ca kutsimika cose cimue kumona; ¹⁴Vunoni mukeko kucihela Yehova kuali akasakula muyati mukati kenu uze umu kakombela cikombelo ca kutsimika, kaha hakeko hamu kalingila viose vize vinji kamisindiya enu.¹⁵Hakulinga ngoco, ukasa kutsiha na kulia tusitu kuhehi nazimbelo zienu ziose, ngue mumu katonda kutambula kisu ya Yehova Njambi yenu ku viose viana muhie; kuvia mazilo nenu via kuhona mazilo kuvantu vavali vakasa kulia evi, tusitu muakufua ngue livonge nakuntava. ¹⁶Vunoni kumu kalia maninga; mukamuania hamavu ngue mema.¹⁷Kamukasa kulia hakati kazimbelo kufuma ku camulikumi, vinia yove yayiha,mazi ove, cipue vantuantua vaku limba liove cipue mikoko; kaha kamukasa kulia nkala tsitu yamutula, kukulisinga cimukapanga, cipue cikombelo cakuhuinga, cipue cikombelo caku huinga mulivoko.¹⁸Cakuhona, ukavilia kumeso a Yehova Njambi yenu mu cihela cize Yehova Njambi yenu cali kusakulaenu, vana venu vana mala,vana venu vava mpuevo, vanga venu vava mala, vangamba vava mpuevo,kaha na va Levi vaze vakala kuzimbelo; mukaviakilila kumeso a Yehova Njambi yenu ha viose vimuekuhana mavoko enu. ¹⁹Ivuililenu enu vavene mangana muhone kuecelela va Levi kuvanga kuyoyela mucifuti cenu.²⁰Tsimbu Yehova Njambi akakamesa mukuakua vove, ngue muasikile ove, na kuhandeka nguove; Ange njikalia tsitu intontola; muomuo yaci zango cove cakulia tsitu, Unase kulia tsitu, ngue cizango camuono uove.²¹Ngue cihela cize Yehova akasakula nakuhaka lizina lieni haloko kufuma kuli enu, kaha mukatsiha vamo kufuma mulimba lienu na kumikoko kuze Yehova Njambi Nia namihie enu, ngue omo munjisikile enu; mukasa kulia ku zimbelo zienu, ngue kucizango camiono yenu. ²²Mukafua ngue livonge na kuntava vekuvalia, kaha mukalia; mukuavisako na mukakulela akuasa kuliako mumolika.²³Cavusuga kamuatela kulia maninga, muomu maninga anapu muono; kamukalia muono na tsitu, mangana aye muacili nenu, navana venu, ngue mukulinga muacili kumeso a Yehova. ²⁴Kamukahia tsitu; muka imuaniene hamavu ngue mema. ²⁵Kamukalia tsitu, mangana ihase kuya muacili nenu, kaha navana venu hamo, Ngue mukalinga via cili kumeso a Yehova.²⁶Vunoni viuma via kundama kuli Yehova vize vimuakala navio na cikombelo ca kulisinga - ukavituala evi nakuya kucihela kuze Yehova cana sakula. ²⁷Kukeko kumu kukombela cikombelo cenu ca kutsimika, tsitu na maninga, hamutula ua Yehova Njambi; maninga avi kombelo viove vaka vimuaniena hamutula ua Yehova Njambi yenu, kaha mukalia tsitu intontola.²⁸Talenu kaha ivuililenu kumezi ose aua anjikumisika enu, aua akuya muacili nenu navana venu hamo nava kuavo matangua ose, Ngue mukulinga viacili na muacili kumeso a Yehova Njambi yenu.²⁹Omu Yehova Njambi yenu akavatula miyati kufuma kumeso enu, umo mumukaya mukufungula vakevo, kaha muka vafungululavakevo, kaha naku yoyela mucifuti cavo, ³⁰Ivuililenu kuli enu vavene nguavo kamua tsile mu ngandzo mukava kavangeya vakeko, omo vakeko vanonga kufuma kumeso enu - munatsi mukuhulisa va njambi vavo, muku hulisa,'Muyati yeku zumbangeya va njambi vati? Ange njikulinga mumolika!³¹Kamuatela kuzumbangeya Yehova Njambi yenu munjila nkana ize, muomu viose vize vinapu cizila kuli Yehova, viuma via zinda - vavilingi evi nava njambi vavo; va tsimikele navana vavo vava mala navana vava mpuevo mutuhia kuli va njambi vavo. ³²Viose vinjikusika enu, talenu eci. kati muhakeleko kuli cikeko cipue kufumosako kuli eci.

¹Kauatela kukombeleya kuli Yehova Njambi yove ngombe cipue mpanga cipue cimosi cavupi, eci cikukala cizila kuli Yehova Njambi yove.²Ngue vakauana hakati kove, mukati kambelo ya mbaka yakama yove izi Yehova Njambi yove yakulela ove, nkala yala cipue mpuevo uze uekulinga viavu ndemone kumeso a Yehova Njambi kaha nacivu lumuna cacivuasiono ceni, ³Uose uze a ile nakupangele va Njambi veka na kuvatsikamena vakeko, cipue litangua,cipue ngonde, cipue imosi yacivunga ca muilu - vize vitsa kunjasikile - ⁴Kaha ngue ove vakuleka eci, cipue ngue uacivu eci, kaha uatela kulohelela. Ngue muasunga cizila vacilingi mu Isaleli, Omu mukeko mumuatela kulinga.⁵Uatela kuneha uze yala cipue uze mpuevo, uze napange viuma via vipi, kuvikolo vienu via Mbaka yakama, uze yala cipue mpuevo, kaha ove uatela ukamuese mavue uze muntu akatse. ⁶Kutunua tuavo kaleho vavali, cipue vakaleho vatatu, umo uli atela kutsa vamuhake mukutsa; kuvanga kukanua kamukaleho umolika katele kutsa. ⁷Livoko lia vakaleho liatala kulovanga kutsa; kaha kufuma haze livako liavantu vose; kaha ove ukafumisa vandemone hakati kavo.⁸Ngue vukalu vukakatuka vukakukaluuila ove kusompa - amba cihula ca mulinga utsihe cipue vukalu viakutsiha, hakuviuka ca muntu umo kaha naha kuviuka camuntu mukuavo, cipue cihula ca umo uze umupi nacilingi, cipue mu mutundu ua mulonga, milonga ya zimpata mukati kambaka yove yakama - kaha ove uatela kuya ku cihela cize Yehova Njambi yove uakusakela ngue cihela ceni cacili. ⁹Ove uatela kuya kuli vasasendote, kucikota cava Levi, kaha kuli vakaku sompesa vaze vakovoka hali ize tsimbu; ukatandatonda vukuasi vieni, kaha vakakuhia kutela milonga.¹⁰Vunoni ove uatela kulinga kuesekesesa nomu muvakuleka kulinga kucihela Yehova calikusukula zangamenu nakulinga vize vioze viva kutangesa. ¹¹Kavangayenu lusimbi luva kutangesele ove, kaha linga kuesekesesa nangana avakuhiele ove, kati ualumuke mueka kufuma kuvize vivakulekele ove, kulivoko lia cilio cipue lia cimosue.¹²Nkala uose uze akalikanga, mukuhona kuivuilila kuli sasendote ou akumana nakuzatela Yehova Njambi yenu, cipue mukuhona kuivuilila kuli vakaku sompesa - uze muntu aktsa; ove ukahaka hali kaliavio viavu ndendemone kufuma kuli va Isaleli. ¹³Vantu vose vatela kuivuilila na vioma, nakuhona kulinga via kulikanga.¹⁴Ngue uneza ku cifuti cize Yehova Njambi yove akukuhia, kaha ngue ua mbata cihande cimo eci kaha naku yoyelamo, nakahandeka nguove, Njakasakela muangana haliange ivene, ngue cifuti cose cize canji zinguluka ange.' ¹⁵Vunoni muatela vene kusakula ngue muangana haliange ivene muntu uze Yehova Njambi yenu yali kasakula muangana haliange ivene muntu kufuma mukati kava muanetu vavamala. kati mukahakeleho nyamuiza, uze kesi muatela uayala, hali enu vavene. ¹⁶Vunoni kati mukalilanesele Tuvalu enu vavene, nakulingisa vantu vakahiluka mu Ingito mangana akalanesa Tuvalu, muomu Yehova nahandeka kulienu, 'kumukahiluka muze munjila nkana ceka.' ¹⁷Katela kumbata vampuezienitu vavengi vakale va ikeye mangana mutima ueni uhone kualumuka munjila nkala. katela kulanesa cikuma Palata cipue olu.¹⁸Kaha atumama hacikuamo ca viangana vieni, atela kuli sonekela ivene mumu kanda uacifuaneso colu lusimbi, kufuma ku lusimbi luze luakala kumeso ava sasendeote, vava Levi. ¹⁹Mukanda uatela kukala naikeye, kaha atela kuutanga matangua ose mukuyoya ceni, mangana alilongese kulemesa Yehova Njambi yeni, nakulama mezi aua alusimbi kaha nomu muali, kavatala vakeko.²⁰Uatela kulinga evi mangana mutima ueni uhone kukatula vamuanaye vava mala helu, kaha mangana ahone kufuma kulusimbi, kulivoko lia cilio cipue lia cimosue, mangana matangua eni atualeleleho mu viangana vieni, ikeye na cikota cine mukati kava Isaleli.

¹Ngue hakakala kuzunga zimpata mukati kavamala kaha vakuya kuvangazi , kaha vakusompesa vakeko, kaha vaka sambesa muka vuololoke akuhisa mukavupi. ²Ngue mukavupi vakumuveta, kaha vakakusompesa vamu kosesa nakumuveta kumeso eni nakutanda miciki, ngue muuakele mulonga uani.³Muka kusompesa nahase kumuhia muciki makumi auana, vunoni kavakuasa kupulakanaho; vunoni ngue ukapulakanaho nakuveta miciki ikuavo, kaha muanoko akusahuka kumeso ove.⁴Kati ukakute kukanua ka ngombe umo azungula.⁵Ngue muanoko vekuyoyela hamo kaha umo natsi, cakuhona muana amba umo uahi, kaha mpuevo ya uze yala uatsa katela kusombola kuli muntu ueka uahambandza. kuvanga, tsongo ya yalieni akuya kuli ikeye kaha nakumbata ikeye ngue mpueyeni, nakumupangela viakele nakumupangela yalieni ikeye. ⁶Eci cikeko mangana muana ua ntuantua yalikasema akasuane lizina lia uze muntu uatsa, mangana lizina likahone kuzimangana kufuma kuli va Isaleli.⁷Vunoni ngue yala kazangele kumbata mpuevo ya muanaye atela kuya kumbelo kuli vakuluntu na nakuhandeka ngueni, 'Muanaye ya yalliange nakane kuzundula lizina lia muanaye mu Isaleli; kali kakilikita vipangi via muanaye kuliange.' ⁸Kaha vakuluntu vamu mbaka yakama vatela kumusana nakuhandeka neni. Vuno ngue natualelelaho nakuhandeka ngueni, 'kajesi nakutonda kumbata.'⁹Kaha vamuanaye va vampueo vakuiza kumesa yava kuluntu, nakuzula sapato kufuma kuvilioto vieni, nakuzekula mu cihanga ceni. kaha mpuevo akakuaniako ngueni, Mukeko muvakalinga kuli yala uze kali katunga ndzivo ya muanaye. ¹⁰Kaha lizina vaka lisana mu Isaleli, ''Ndzivo ya uze sapato vai zula;¹¹Ngue vamala vavali vakalinga luozi umo namukuavo, kaha mpuevo ya uze umo ivaneha nakukandunuina yalieni kufuma mumavoko a ikeye uze ivaveta ikeye. kaha ngue mpuevo akuolola livoko lieni nakukuata kuvu mala vieni, ¹²Kaha uatela kumuvatula livoko; liso liove kati likakale na tsoni.¹³Kauetele kukala na mukopio uakuhandunuka kulema, uakama na kukeha. ¹⁴Kauatela kukala mu ndzivo yove navi mpimo via kuli handununa, viakama na viavi ndende.¹⁵Yakukola kaha na cimpimo uatela kukala navio; mangana matangua ove akasimbule mucifuti cize Yehova Njambi yove caku hiele ove. ¹⁶Kuli vaze vose vaze vekulinga viuma viavipi, viose vize via kuhona viololoke, vinapu vizila kuli Yehova Njambi yove.¹⁷Anuka vize via lingele Amaleke ove munjila umo muuakele na kufuma mu Ingito, ¹⁸Ngue mualiuanene nove munjila, kaha uavetele vaze vakele kuhiehi, vose vaze vazeyele munima, omu muuakele uakatala na nakuzeya; kaua lemesele Njambi. ¹⁹Ngoco, ngue Yehova Njambi yove via nakuhie ngue vusuana, kauatela kusuva kunonga ca Ameleke kufuma mitsi ya lilu.