To view a copy of the CC BY-SA 4.0 license visit
http://creativecommons.org/licenses/by-sa/4.0/
Notices:
You do not have to comply with the license for elements of the material in
the public domain or where your use is permitted by an applicable
exception or limitation.
No warranties are given. The license may not give you all of the
permissions necessary for your intended use. For example, other rights
such as publicity, privacy, or moral rights may limit how you use the
material.
Petulu uamu civali
11Simone petulu, ndungu kaha kapositolo ka Yesu Kilisitu, kuli vaze vatambula netu kutsiliela cimolika ngue omo mutuatambula, tutsilielo muvuololoke vua Njambi yetu na Yesu kilisitu. 2Kavumbi na ciyulo vilane mulienu muku ntantekeya Njambi na Yesu Kilisitu muangana uetu.3Viuma viose kuseka na zindzili zia miono kaha vu Njambi vatuhievuo etu kuhitila mumangana a Njambi, uze atusanene entu kuhitila muvumpau vueni na kulema ceni. 4Kuhitila muli evi uatuhiele viacili kaha litavasiono liakama, mangana, mukalipangele mucifua ca Njambi, omo mumu novoka kukupihia cili hamavu kumasungu acizangi ca vandemone.5Cili, namo eci vene kumu tamba uenu litakamesienu cikuma kuose kuku tsiliela, cenu vuezelelenuko vusunga vuaviliga kuvusunga vuenu vuavilinga vuezelelenuko mana, 6kumana enu kusilikinia kukusilikinia, cenu lukakatela kulukakatela, luenu kumeso a Njambi, 7kuku lemesa cenu ca Njambi ngozi yakuvana vanokuenu kungozi yaku vana vanokuenu cilemo.8Ngue evi viuma vili mulienu nakukola mulienu, kamukukala va ntsimpi cipue kuhona mihako mu mana a Muangana uetu Yesu Kilisitu. 9Vunoi uose uze nahono evi viuma napu kapuputa, nasuvu vamukusu kufuma kuvupi vueni vua laza.10Ngoco, vamuanetu, litakamesenu cikumakuma kukukolesa kumisana kukumisana cenu nakumihagula cenu, muomu ngue mukulinga viuma evi, kamu kasuntsuka amba hamo hahi. 11Munjila nkana eyi vakamihia muakama kama kuku kovela mu vuangana vua muono uahaya miaka na miaka vua Muangana na muavole uetu Yesu Kilisitu.12Ngoco Ange tsimbu yose njiku mivuluisa enu evi viuma, cipue tuhu muavi ntantekeya, kaha amba tuhu muazikisa mulu tsilielo lumuli naluo. 13Ange njasinganieka ciku viuka ange, kuvanga vane Ange njikale muli ou muvila, kumisinga enu helu munjila yaku mivulukisa. 14Muomu Ange njantantekeya ngecize hakutsa camuvila uange vuasi vuasi, muomu Muangana uetu Yesu Kilisitu nasolola eci kuliange. 15Ange njikuli takamesa nakutala kulutue luakutsa cange mukanuke viuma evi.16Muomu katuakavele visimo viva nateme na mana omu mutuami ntantekeyelese enu zindzili zia na kuisa ca Muangana uetu Yesu Kilisitu, vunoni tuakele vakaleho vakaku mona nameso avumpau vueni. 17Muomu uatambuile vukame na kuzumbangeya kufuma kuli Njambi na Tata tsimbu lizi liezile kuli ikeye havumpau na kuzumbangeya, nakuhandendeka ngueni, ''Ou ikeye muanange ua cilemo, na ikeye ange uanjiya kumutima.'' 18Etu vavene tuavuile eci lizi vali nehele kufuma muilu hatsimbu ituakele neni kumuncinda uakulela.19Muomu tuli na mezi avu polofeto livana kalesa cikuma, likelio lia cili ngue mukuhalakanako ngue ku ndeya inaku suama muchela ca milima naha litangua mulikuca na cimenemene kantangantanga kakuntuntuka mumitima yenu. 20Helu lia viose, muatela kuntantekeya nguenu kakuesi vupolofeto vukeza kufuma kuli muntu ueka naku lumbununa ceni. 21Muomu kakuesi vupolofeto navumu vuahi vuezile kufuma kuli muntu, vunoni vantu va handekele kuli Njambi ha tsimbu muvava mbatele naku tualeleho kuli muzimu uakulela.
21Tupolofeto va makuli vezile kuli vantu, kaha valongesi va makuli naua vakeza kulienu.vakevo vakaneha mukusueka kuli tepesa cakunongesa, kaha vaka viana mukuntu uavo uze uava landele vakeko. vanakuli kokela kunonga ca vuasi vuasi vavene. 2Vavengi vakakavangeya viling viavo via vipi, kaha kuhitila muli vakeko munjila ya vusunga i kasahuka. 3kaha omu vusa vaka sekasiana namezi akunonga. Cihiso cavo ca laza, kaha cihiso kacekukosa.4Muomu Njambi katetelele tungelo omu muva lingile vupi. vunoni uava mbilile Mungehena kaha uava hakele mumalenge avina via milima kuvanga nakuku sompesa. 5Kaha, katetelele mavu alaza. Vunoni, uohielele Noa, naveka vatanu nava vali ikeye muka kuambulula vuololoke, muze muanehele livazi kumavu ava kakusahula Njambi. 6Njambi aua uakeheseleko zimbaka zia Sondoma na Ngomola muto na kuvanongesa vakeko ku cihiso ngue cimueso cinakusoloka kuli vakaku sahula Njambi.7Vunoni uohielele vaka vuololoke Lote, ou uomine mutima cikumakuma muomu uavilinga via vipi via vantu. 8Mangana vantu va vuololoke, mua tumamene hakati kavo hali tangua hali tangua, vamu yandesele mu vuololoke vua muono ueni muomu yavize via muene na kuivua. 9Muangana natantekeya kuohiela ku vieseko viava kakulemesa naku niunga vaka vuhenge natuyando nakuheta kuli tangua lia ku sompa.10Eci cikeko cavusuna kuli vaze va kutualelelaho mu kuhonouesa cizango ca muvila mulisungu lia kuli zualesa vukame. Vaka vupuye na vaka vizango viavo kaveku zaza musahula vaka vumpau. 11Tungelo vali navukeme na zindzili, vunoni kavekuneha kasuntu kavahisa vakeko kuli Muangana.12Vunoni ava vantu, valifu ngue tusitu, vana semuka ngue tusitu vaze vekuva tuala nakuva nongesa. kaveku ntantekeyele vive kulingila kasauntu. Mu cihiso, vaka va nongesa. 13Vakatambula fueto yavuhenge vuavo. Vasinganieka nguavo kuviukilila hatsimbu ya litangua lia lipi. Vali vitoma na vimpenga. Vekulia viavu tupuke na kuonga cavo tsimbu vana kulia ciuano nenu. 14Vali nameso akusahula navu pangala; kanda vakuta ho laza na vupi.va suangeleya mitima ize kaya kolele vali na mutima u nezilila cipululu vakevo vana va cisingo!15Mukuseza njila yacili vazimbalele vanakave njila ya Mbalame muana Mbeole uze ualemene uefueto ya vuhenge. 16Vunoni ikeye vamu kandele muomu yacivulumuna ceni - cimulu keku handeka uahandekele mu lizi lia vuntu uavindikile vuzaluke vua kapolofeto.17Ava vantu vanapu zindundzi zia kuhona mema kaha na mbundu yaku pekumuka na luhundzi luakama. vana vaviukisila kulava ca milima. 18Vekuhandekele via ngoco ve kusuangeleya na masungu a vusitu, navilinga via vipi ava vikupitukila kuli vakaku sevuka. 19Vekusika litavasiano kuli vakeko, vunoni vavene vanapu vandundo vavapi. Muomu muntu napu ndungo kuviose vikuiza hali ikeye.20Muomu omu vanapitukila kumazilo aha mavu mukuntantekeya Muangana na Muovole uetu Yesu Kilisitu vunoni vava kuatele ceka naua haviuma evi, mangana vuavuno vahambakana ngue omu muva kele. 21Capandele vakeko kuhona kuntantekaya njila ya vuviuke kuhambaka kuntantekeya kaha nakualumuka kufuma kuku sindiya ca kulela kucineha kuli vakeko. 22Eci cusimo cavusunga kuli vakeko: ''Katali uekuhilukila kuli vize viana sandze, kaha ngulu natane uekuhilukila muvulova.''
31Vacilemo, ou ukeko mukanda uamucivali unja soneka kulienu, kaha mumikanda yose ivali kumivuluisa visinganieka vienu 2mangana muanuke mezi alaza ava handekele kuli tupolofeto vaku lela kaha nakusindiya ca Muangana na muovole vava hiele kuhitile mutu positolo.3ntantakeyenu haka tete, ngenu kumatangua akukuminina kukeza vaka kueseka. Vakesa naku tualelelaho kuesekesesa na muaya cizango cavo. 4Vaka handeka nguavo, ''Litavasiano lia kuiza ceni lili ha hiehi? Kufuma hatsimbu va kukuetu vaile mutulo, viose viuma viatumama mumulika, kufuma vene kuku valeka ca kutanga mavu.''5Vasuvu kufuma kutsekulu halizi lia Njambi melu na navu liezile nakukalako kufuma ku mema nakuhitila mumema, 6mavu aze akele haze anongele nakeo, vene omu mema asulile. 7Halizi limoliksa melu na mavu vana visuekela tuhia, kuvandamena litangua lia kusompesa na kunongesa vantu vakakusahula Njambi.8Kati mutine kuku ntantekeya cenu, vacilemo muomu litangua limo kuli Muangana linapu ngue likulukazi lia miaka, kaha likulukazi lia miaka linapu ngue litangua limo. 9Muangana kekuenda kavundende kavundende kueseka na litavasiano, ngue vamo muvekusinganieka kavundende kukula. vunoni, ue kasimpa halienu. Cizango ceni kacekutonda amba umo kunonga, vunoni vose vaheta kukualumuka.10Vunoni, litangua lia Muangana lineza ngue muizi; kuli kelio melu akanonga namusindo uakama. kaha viuma vikeko vaka sangamuka na ntuima, ya kama cikuma na viuma viose vilimo vika uema.11Vuno omo viuma evi viose vika sangumuka ngecize, ambandzo enu muatelelele kufua? vati na vilinga viose viaku lela namuku lemesa Njambi. 12Muatela kusinganieka na kulavelela litangua lia kuiza ca Njambi. Hali tangua nkana lize, melu vaka enieka ku kutuhia, kaha viuma vaka sungunuka ntuima yakama. 13Vunoni kuesekesesa na litavasiano lituli nakulavelela aha na mavu, omo vaka vuololoke vakengila.14Ngoco, vacilemo, omu mumu nakusinganieka viuma evi, litakamesenu linga vamiuane na ciyulo kumeso eni. 15Kaha, singaniekenu ngecize lukakatela lua ngozi ya Muangana muovole uetu, ngue muvali va cilemo vamuanetu vetu Paulu uasonekele kulienu, ngue kumangana eze ava muhie ikeye. 16Paulu uahandekele, mukeko muli viuma viavi kalu kuvivua. vaka ndzimba nava kava kolele vali nakuvi hengesa evi viuma, ngue muvekulinga navi soneka vikuavo, kucihiso cavo vavene.17Ngoco, vacilemo, hakulinga muantantekeya evi viuma laza, zangamenu enu vavene mangana kati musevuke ca vakakulionga kaha mutanguke kukolesa cenu. 18Vunoni kolenu mukavumbi na mana a Muangana na Muovole uetu Yesu Kilistu. Kuli ikeye kukale vumpau vuovuno na miaka yose ame!