Bible

Acts

Chapter 1

¹Nwebi nanga Teofili, o buku phanga pha ntubo, naeyimolaka mapho manso makyelaka Yesu na mateyaka yo ²nono mokolo mowa nwa phe yo bantoma baoloko yo mibeko na nzela ya Bolobo Bosantu, nono waaba yo o ikolo.³Nsima ya iwa se, onte ya nokolo mako mane, amiweninyaka na be pho ya ibateya obotshe ali na bomoo, akulaka bakyelsla bilekyesako biikye, abaimolaka mapho ma bokonzi pha Nwaphongo.⁴Mokolo monomo babaka baze yo na be, amba ya wo nabe yokye: bee sa mana o Yelusaleme, oziya mbunu eya eyikyelaka Tata, mbunu me eya eimolaka nga; ⁵Yoane abatisaka bato na maa, kasi bee nsima ya bana nkolo, wamobatisama na Bolobo.⁶Bobel waba bee bangaa, bantoma baesi ya motuna bekye: Nkolo imbele me sango sisi, samobuyisa we Isalayele bokonzi phe? ⁷Yesu amba wo na be yokye: Tokokyi iyeba bileko na imbele sa bongya Tata na bokonzi phe mampenza. ⁸Kasi bee wamozwa nwiya nwaka Bolobo nwamoeutela, emba wamoba manzoka manga o Yelusaleme, o YUda mobimba na Samaliya, tee nono o mbomela ya mokyisi.⁹Nsima ya bowoke babona, Yesu aesi ya baa o ikolo o miyo ma bee. Bobele impata sonoso siesi ya moziba, bee mpe sakula mowene. ¹⁰Waba beee baikasi ilamamala bakyekye o boo okokye yo, ikyeka bobo, bampele babale balati bitobu bitane baesi ya batokolele. ¹¹Baesi ya wo nabe bekye: Bato ba Galileya bee oikasi otemi wawana kokyekye o ikolo phoya ye? Yesu me obaa o ikolo o miyo ma bee amokula ya nde bo mo bo mowenekyi bee ibaa o ikolo.¹²Bobele bantoma baesi ya mana o ngomba ya nzete ya Olive, babuto o Yelusaleme, uta o ngomba mena na Yelusaleme wa baka kilometele yonoyo. ¹³Waakoma be o Yelusaleme, bakyekye baa o etee ya ingambi eya ikolo, eyamelekye be izala; yabaka Petelo, Yoane, Zake, Andele, Filipe, Toma, Batelemi, Matiye, Zake nwana wa Alafa, Simo moambelesi wa mokyisi nwe na Yuda nwana wa Zake. ¹⁴Bee banso, ndondo yonoyo, bamiambaka o ibondele nkolo iso, na ndambo ya babasi: Maliya, nyago wa Yesu, na basii ba Yesu.¹⁵Mi nkolo me, baesi baanganaka elele yonoyo na bato phenephe munkama mbuka mako mabale. Petelo aesi yakye teme onte ya bee, amba ya wo yokye: ¹⁶Bebi, elaa obotshe mapho maimolaka Bolobo o makomi makokyisame. Aimolaka mapho me na munokom nwa Davidi, pho ya Yudasi owa butwaka ikamba bato bakyekye oka Yesu.¹⁷Pho abaka monomo na banga, azwaka se iyalo sa etoma na banga. ¹⁸Moto me aombaka mokondo na baphalanga bamuumaka na bee pho ya bobe pha kyelaka yo. Atokobo na moto, ibu se siwaye, nkundu ye iso inyango. ¹⁹Bato banso ba Yelusaleme baokaka nsimo me baphekye mokondo me nkombo na munoko nwa bee obotshe: Akeledama, kyelukye iwo obotshe Mokondo nwa malongo.²⁰Na o buku pha Meembo bakoma obotshe: Ingambi se sialangane, na moto monomo sa sizala! Emba moto mosuu akpe etoma ye.²¹Yango mena onte ya bampele banso baanganaka na banga imbele siso sabaka Nkolo Yesu kanyolo katoko na banga,²² tata na batisimo ya Yoane nono o mokolo nwamumanya bee onte ya banga, esengyesi obotse monomo onte ya bee abutwe nenzoka ya ikundwa se elele yonoyo na banga, ²³Bobele baesi ya tokolo bampele babale: Yosefi okobangye Balasaba, bamobokyaka nkombo esuu ya Yusutu, na Matiasi.²⁴Emba bamba ya bondele bobo: Iwe Nkolo, okoebe mandondo ma bato baso, oloteya moto oosi we onte ya bato babale baba, ²⁵pho aolongono o etoma, o elele ya botama Yudasi pho ya ikye o elele ye mampenza. ²⁶Bobele bamba ya maa mbese, mbese ya mba longya Matiasi, emba bambaa mobakya o motango nwa bantoma iko mbuka monomo.

Chapter 2

¹Wakoma nkolo mako matano, baekosi baangana ka elele yonoyo. ²Mba yonoyo, toko euti o ikolo ndokolo lokyito la ewele ekusi elambisinye ingambi sinso, saazalaka be. Bobele baesi ya wene nde ya nwinya ikabaa, itemi o ikolo sa monomo na monomo na be. ⁴Emba bee banso batondaka na Bolobo. Emba bamba butwa iwo na noko suu bowabaphekye bolobo maloba ma iwo.⁵Bayuda babaka o Yelusaleme, bambpele baatosa Nwaphongo, na mabota manso maali o mokyisi. ⁶Waakoma toko mena, bato baikye baési ya kye angana wamo. Bakamwa na boiikye pho babaokye moto na moto munoko nwe nwa lombo. ⁷Bawenekye inganga, bakanwaka bamba wo bèkye: Taakyeka yango bato banso bawo baba teli bato ba Galiliya?⁸Ka ndengye ye mono na monomo, onté ya banga kabaokye na munoko nwe nwa lombo? ⁹Onté ya banga, bana bauti o nkyisi ya Parte, Mèdes, bato ba Mezopotami, ba Yuda na ba Kapadose, ba Pontis na ba nkyisi ya Azi, ¹⁰bato ba Friji na ba Pamfili, ba Ezipito na ba mokyisi nwa Libi na Sirène na bato bauta o Loma, ¹¹banso ebe ba Yuda na bato ba Loma bamibuya Bayuda, bato ba Kèlete na ba Arabi, tobaokye banga banso, baimole bitoma binène ba Nwaphongo na noko ya banga ya lombo!¹²Bèe banso banwènekye inganga bibi bamakamakye bambe wo bèkye: Eye kyelukye iwo bo? ¹³Kasi bayoko babaèkyekye bèkye: Balangyi maleku.¹⁴Bobele Petelo, aési ya tème yo na bebi nè batoma iko mbuka monomo, amba ya tomba nwesi, amba ya wo na bèe yokye: Bèe bato ba Yuda na bèe bato banso baazale o Yelusaleme, ososolo na bolaa lowo loolekane emba olaa ito ookye maloba ma nga! ¹⁵Bato baba tebaikyi langa maleku bookoümunya bè, pho totaa ba naino nde o ngonga eya iyato eya moo.¹⁶Kasi eye kyekokyisame yaawoko moimosi Yowele: ¹⁷Nwaphongo yokye: Kyeka mapho maamoya o nkolo yasuka, namunyangola bato banso Bolobo phanga; bana ba bèe ba bampele na ba babasi bamoba baimosi, banzenga ba bèe bamowene na ndoto, bananga ba bèe bamoloto mandoto.¹⁸Èe mi bato banga ba etoma, na ba bampele na babasi, mi nkol mè, namunyangola Bolobo phanga; emba bamoba baimosi. ¹⁹Na mokyela bilekyesako o ikolo na onse na malongo na nwenya na ipata saa zungu;²⁰Moo nwamobutwa enzombi, bokombe phamobutwa malongo, o boo pha obotshé mokolo nwa Nkolo moyee, mokolo munène na nwa nkèmo. ²¹Emba moto munso owamobanga nkombo ya Nkolo, amobika.²²Bato ba Isalayele, okyemela mapho mama! Yesu owa Nazalete, moto owa eweninyaka Nwaphongo bokonzi phe na bilekyesako ndengye na ndengye onté ya bèe, bo koloébe bèe mampenza; ²³moto mè, bo wameka Nwaphongo, nwango nwe na boébakye phe, bèe wamoambya o maboko ma bato babe obotshé bamobakye o ekulusu. ²⁴Kasi Nwaphongo amokundola, amumanya o bolosi pha iwa, pho iwaa tesabaka na mwiya nwa imoakya bobele.²⁵Na Davidi awoko pho ye yokye: Imbele siso nawenekye Nkolo ami o boo pha nga, pho ali o boloo pha nga na pho nga nanyingana. ²⁶Yango mena ndondo ya nga eli na nkyisa, na lolee langa lokumbe na nkyisa boikye; na nzoto yanga ili na molemo,²⁷Pho otoikye molimo nwanga o mokyisi nwa bawe, otoole nanga moto wa we, okye nzoto yanga ipholo o mooto. ²⁸Onteye manzela ma bomoo, iba sawe na naga elele yonoyo simpe nkyisa.²⁹Bèbi na nga, naéwole saasa pho ya nkoko Davidi obotshé awa, bamokunda, na mooto nwe moli nono lolo onte ya banga. ³⁰Kasi yo, moimosi aébaka na obotshé Nwaphongo amolakyelaka obotshé amozasa monomo na bankoko bauta o ibu sè o eziye ya bokonzi, ³¹awenekye phanza ikundwa sa Klisto, emba emba pho ye awoko yokye, tebaikaka molè o mokyisi nwa bawe na nzoto ye nzoto ye teyaikaka pholo o mooto.³²Yesu me Nwaphono amokundola; banga banso toli manzoka. ³³Waa ba yo o eboko ya boloo ya Nwaphongo, amba zwa na ango Bolobo phamolakyelaka yo, emba yo amba bonyangola, bokowène bè na bokokyele bèe bobo.³⁴Pho Davidi otowaika ba o ikolo, ana wo yokye: Nkolo Nwaphongo awo na Nkolo yanga yokye: Yaka ya zale o boloo pha nga, ³⁵Tee nono wamobuya nga banguna bawe ekyitele ya makolo mawe. ³⁶Bato banso ba Isalayele baebe na bolaa obotshe Nwaphongo amokyela Nkolo na Klisto nde o na Yesu owabakaka be o ekulusu.37 Waoka be mapho mamana, mandondo ma be temabaka bose, mpe baesi ya wo na Petelo na bantoma bayoko bekye: Bebi na banga, tokyele bo? ³⁸Petelo amba ya babuyisa yokye: Bongola ntema ya bee, monomo na monomo na be abatisame na Nkombo ya Yesu Klistom pho alimbisame na masumu me; emba wamozwa ikabo sa Bolobo pha Nwaphongo. ³⁹pho mbunu me eli pho ya be, na bana ba be, na ná bato bali itakye, banso baamobanga Nkolo wa banga Nwaphongo.⁴⁰Na maloba masu, Petelo abaimolaka na mapho masuu na ibalenza yokye: Omibikya onté ya yo eya otono eye.⁴¹Bato baanolaka iloba sè bazwaka batisimo; mokolo mè bato baa bakyisamaka omotango nwa baanosi bakomaka phenephe na nkoto iyato. ⁴²Bee banso balendelaka ibenga mateya ma bantoma na ibaa elele yonoyo ndokolo bato ba ibota, na itenana ipa na na' mabondesi⁴³Bèe banso bawènekye boobo pho batoma, bakyelaka bilekyesako ndengye na ndengye. ⁴⁴Bato banso baabutwaka baanosi babutwaka moto monomo emba baangyinyaka mbolo ya bèe inso elele yonoyo. ⁴⁵Baüngyaka manzabi ma bè, pho ya ikaba bana baphalanga onté ya bèe banso, kokokana na bosenga pha moto na moto.⁴⁶Mokolo na mokolo bazalaka o tempelo bèe banso elele yonoyo, bakyesekye mapa omangambi ma bèe, ba kabaka ntoma na nkyisa na ná ndondo yonoyo, 47 Bakumbelaka Nwaphongo, emba bato banso babaka ba bayambe na bola. emba Nkolo akyinzaka mkolo na mokolo o ingomba bato baabikaka o ingomba.

Chapter 3

¹Petelo na Yoane bakyekye ikye bondele o ingambi sinène sa losambo, o ntango ya mabondesi: yabaka na ngonga eya ibuwa. ²Bamba ya na lele monomo owa baka etuku tata ibotama se, nkolo iso babaka bamozasa o munoko nwa ingambi siinene sa losambo si bangye bèe mozibo molaa pho aongakye baphalanga oka bato banso ba ya nyolo o moo. ³Lele mè wawene yo Petelo na Yowane balukye inyolo o ingambi siinène sa losambo, aési ya baonga baphalanga.⁴Emba Petelo na Yoane, bamba ya molembetela, Petelo amba ya wo ne yokye: olokyekye. ⁵Lele mè amba ya bakyeka, pho aümunyaka izwa na bèe nwana ekpele. ⁶Bobele Petelo aési ya wo ne yokye: Wolo na baphalanga sili nayango; kasi elii nanga naéphe yango: Na nkombo ya Yesu Klisto moto wa Nazalete, tambula.⁷Emba amba ya mophila o eboko eya boloo, amoinosi. Mina wamo, makolo na makyee matuto; ⁸Moto me aesi ya ngbika atemi abuto itambula. Amba ya nyolo na be o ingambi siinene sa losambo, abuto ikye mitambula, kakyeimi ngbika bibi kakumbele Nwaphongo.⁹Bato banso bamba mowene katambule kakyemikumbela Nwaphongo. ¹⁰Bamwebaka obotshé eli yo moto owabaka kazale pho ya iyongaka o mozibo molaa nwa ingambi siinene sa losambo. Emba bato bailaka, bakamwaka na lowo lamoyelelaka.¹¹Waba moto mèe saika Petelo na Yoane itakye, bato banso bayakaka angana wali bèe na ikamwa o mokpengba nwa Salomo. ¹²Waawene Petelo babona, aési ya wo na bato mè, yokye: Bampele ba Isalayele, pho ya ye kokamwe na lowo lolo? Phoya ye kololembetele, ndokolo naa banga totambuse moto oyo na mnwiya banga naa na ngongo ya banga?¹³Nwaphongo , wa Izaka na Yakobo, Nwaphongo wa baango ba banga, aphe mosali nwe Yesu ngambo, yo owa ungyaka bèe na owa lekye bèe o boo pha Pilata owa kpaka meko obotshé kamokandole. ¹⁴Kasi bèe walekye moto omosantu na owa bosembo, wamba onga obotshé baekandolele mobomi nwa bato.¹⁵Mokonzi nwa bomoo owa boma bèe. Nwaphongo amokundola o bawe, banga toli manzoka malowoo mè. ¹⁶Pho ya ianola nkombo ya Yesu, nkombo me esiya kuya moto okowene bèe na okoébe bèe oyo; emba ianolasiute na Yesu simophe nzoto bokusi o miyo mabèe banso.¹⁷Yango mena, bebi, naebe obotshe wakyelaka babona phoya boebakye phe, nde ya bakonzi ba bèe. ¹⁸Nwaphongo akokye nde bomo mapho mawoko yo phanza na nzela ya baimosi banso obotshe Klisto amunyokomo.¹⁹Bongola motema ombebutwela Nwaphongo pho masumu mabee malimbisame, ²⁰emba imbele sa iema saamephe Nkolo samoya, maamotoma yo Klisto owa emekyela yo Yesu,²¹Iyo asengyesi iikala o ikolo nono imbele samokokyisama mapho manso, mawoko Nwaphongo na munoko nwa baimosi bansatu baa kalakala. ²²Mose phanza awoko yokye: Nkolo Nwaphongo wa bèe, amoétomela moimosi monomo onté ya bèe boli nga; wamooka o mapho manso mamoéwole yo, ²³emba moto munso owa mobaa saoka moimosi mona etakule ba onte ya bato, baamoboma.²⁴Emba baimosi banso, tata na Samwele, na banso baye o sima ye monomo na monomo awoko pho ya imola nkolo mè ili banga iye. ²⁵Eli bèe bana ba baümosi na basangola eyakyelaka Nwaphongo na baango ba bèe, waawoko yo na Abalayama: obotshe pho ya bankoko bawe mabota manso ma mokyisi mamopambolama. ²⁶Eli phanza pho ya bè, Nwaphongo atokolo mosali nwe amba motoma imopambola, pho ya iemanya moto na moto o mapho mèe mabe.

Chapter 4

¹Waaba Petelo na Yoane bata baa iwono na bato, banganga ba Nwaphongo na mokonzi nwa ba banze ba ingamnbi siinene sa losambo, na badukayi, baesi wali bèe, ²babaka na yo ikye ya ibawene bateya na imola ikundwa sa bawe bowa kundwa Yesu. ³Baesi ya baakya, bakye banyosa o boloko nono yana; pho yabutwaka nkokolo. ⁴Bato baikye baokaka iloba baanolaka motango nwa bè, nwakomaka phenephe na nkoto itano.⁵Waa komaka yana, bakonzi, bankumu na bateye ba mibeko, ⁶baanganaka oli bè o Yelusaleme, ya baka Ana, nganga ya Nwaphongo omunene, Kaifa, Yoane, Alegizandele, na bato banso ba ibota sa nganga omunene. ⁷Baési ya teya Petelo na Yoane onte ya bè, babuto ibatuna bèkye: Na mwiya ye na ná nkombo ye, bèe wakyela lowo lalona?⁸Emba Petelo atondi na Bolobo pha Nwaphongo, amba wo nabee yokye: Bakonzi ba bato na ba nkumu ba Isalayele, ⁹Bo banga lolo balo sambisa pho tokyesi moto wa bolosi lowo lola obotshé to imole na ndengye moto mona azwe bolaa, ¹⁰oébe na bola bèe banso, na bato ba Isalayele obotshé eli na nkombo ya Yesu Klisto moto wa Nazalete, owa bakaka bè o ekulusu, Nwaphongo amokundola onte ya bawe, emba eli nde o nzela ye moto ootemi o boo pha bè abikyi.¹¹Yo alii ibanga sa tiyolaka bee, batongyi ba mangambi, siibuto ibanga siiphisi ingambi sinso. ¹²Lobiko loli nde na nzela ye, kasi na mosu phe, pho nkombo esu teli o munse mumu; eya phe bee bato ekokyi ilophe lobiko.¹³Waaba bee bawene ianola sa Petelo na Yoane, na waebaka be obotshe bali bato bate baika ekola na bato pha, bakamwaka emba bamba eba obokye bato me babaka elele yonoyo na Yesu. ¹⁴Kasi waaba be bawene moto obikyi, atemi phenephene na be, tebakulaka zwa na lowo la ibuya.¹⁵Bobele baesi ya ambya mobeko nwa ibatokolo o elele ekye angane bee iwo maphoo, bamba butwa iwono onte ya bee, ¹⁶bekye: tomokyela boo na bato baba? Pho waeba saa bato banso baazasi o Yelusaleme obotshe nde eyakolo elekyesako eekyelami na maboko ma be. Telokokyi ieyangana. ¹⁷Kasi pho ya obotshe nsimo me sa nyangwa oka bato banso, tobakatele, bee sakula woo na nkombo me ebe naa na moto nza. ¹⁸Bobele, baesi ya babanga, babakatesi na bokusi obotshe bee sakula woo ebe iteya na nkombo ya Yesu.¹⁹Kasi Petelo na Yoane baesi ya babuyisa bekye: Bee mampenza otene bolombe bo eli phele obotshe banga toeyokye nde tookye nde Nwaphongo; ²⁰pho ya banga telokokyi ilee iteya mapho maawenekye banga na miyo ma banga na maaokaka banga na mato ma banga.²¹Bamba kula bakatela emba bamba balee pho tebaikaka zwa malondo ma ibakanga. Pho bato banso bakumbelaka Nwaphongo pho ya lowo laa lekanaka. ²²Moto owa bikaka na mwiya nwa Nwaphongo, abaka na mambula koleka makoo mane.²³Waa bakandola bee, Petelo na Yoane bamba ya kye oka bebi na be bambaa baimola mapho manso mawoko banganga banene ba Nwaphongo na bankumu. ²⁴Waoka be mapho mamana, baanosi bamba ya'angana bee banso ndondo yonoyo, babondele Nwaphongo bekye: Nkolo, iwe moto owa kyela ikolo, muunse, maa na inso yiili omoo. ²⁵Na mwiya nwa Bolobo, waawoko na nzela ya nkoko wa banga Davidi, moto wawe okoekyelele bobo: Phoya'ye nkyisi inso itombi na bato baawangye makolo maa pha?²⁶Bakonzi baa munse munso batombi, imnwana ebasi na Baangyesi baangaa obokye baangyenele Nwaphongo na masiya we.²⁷Eli nde phele obotshe Elode na Ponti Pilata baanga o mokyisi mumu na bato baatebali Bayuda na bosoo o Isalayele, baangyenele okoekyelele, yo Yesu Mosantu, owale we ibaa Masiya. ²⁸Nabomoo, bakokye mapho manso, makanaka we phanza na bokusi pha we na na maumunya mawe.²⁹Inwanwa eye, Nkolo, okyekye boko kane bee. Ophe bato bawe baekyele nguya obotshe bamilenza phele iimola mapho mawe. ³⁰Elola eboko yawe obokye bato baa malosi babikye, bilekyesako na bilembetele bikyelame na Nkombo ya Mosantu wawe oko ekyelele, yo Yesu. ³¹Waunva yo ibondele, elele eya'anganaka bee yabutwaka inyingana. Emba banso batondaka na Bolobo Bosantu, babuto iimilenza na ikye miimola maphoo ma Nwaphongo.³²Banosi banso babaka na ndondo yonoyo na na mokali monomo. Monomo na bee tawoko obotshe mboloye yilii ye ya mpenza. Kasi mbolo inso onte ya be yabaka yabee banso. ³³Batoma baimolaka na nguya boikye obokye Nkolo Yesu akundwa phele phele. Nwaphongo aba pambolaka na boikye.³⁴Onte ya banso molaa tabaka. Yango mena, bato banso babaka na manzambi, ebe mangambi, baungyaka. Bakpe baphalanga baazwaka be, ³⁵Bakye baphe Batoma. Emba bakabaka onte ya bee kokokana na bosenga pha moto na moto.³⁶Moto monomo na nkombo Yosefi wa ibota sa Lewi, amobotaka o esanga ya Shipre, batoma bamokyaka nkombo ya Balaba, kyeimole obotshe (Moto o kolenza bebi). 37 Aungyaka inzabi se, akpe baphalanga baazwaka yo, akye baphe batoma.

Chapter 5

¹Kasi lele monomo na nkombo Ananiya, na nwanwasi we na nkombo Safila, bamba ya ungya inzabi sa be. ²Ananiya abombaka baphalanga baayoko mi baphalanga baazwaka yo, baikala, aesi ya kye baphe batoma. Nwanwasi we aebaka lowo me.³Bobele, Petelo aesi ya wo ne, yokye: Ananiya, phoya'ye Molemba aangangasi o ndondo ya we obotshe okosa Bolobo Bosantu? Obombi baphalanga baayoko mi bazwakyi we, waungye we inzabi. ⁴O bakyi we sataa ungya inzabi me, sango sibakyi sa we. Emba nsima osiungye we, baphalanga babakyi bawe, teli bomo? Ndengye'ye okani o ndondo ya we obotshe okyele babona? Iwe tokatesi bato kasi okatesi Nwaphongo. ⁵Waoka Ananiya maphoo mamana akaa o nse, awe. Emba bato banso baokaka nsimo me, bailaka na boikye. ⁶Banzenga baesi yakye zinga ndemba ye na bitobu, baenyanye bakye ekunda.⁷Yalekana phenephe ngonga iyato, nwanwasi ne, aesi ya nyolo, saeba lowo lotokolokyi. ⁸Petelo aesi ya motuna, yokye: Inzimole, baphanga baungye na bee inzabi, bee banso baabana? Nwanwasi yokye: Ee bee babana.⁹Bole, Petelo aesi ya wo ne yokye: Yaboye, we na molonyawe okosi obokye, omekye Bolobo pha Nkolo? Kyeka, bato bauti ikyekunda molonyawe batokosi o munoko nwa ingambi. Na we, bamoya ekpa nde bomo. ¹⁰Mina wamo, nwanwasi me akaa o makolo ma Toma Petelo, awe. Banzenga me waanyolo bee, bakye mozwa, ambo waa. Bamba ya mokpa, bakye mokunda phenephe na molonye. ¹¹Bato banso ba ingomba na bato banso baokaka lowe me, bamba ya ila na boikye.¹²Batoma bakyelaka bilekyesako na bilembetele baikye onte ya bato. Baanosi baanganaka banso elele yonoyo o mokpemba nwa losambo o Tempelo. ¹³Moto mosuu nono na monomo taikaka meka ikye angana na be, kasi bato babaka babamengyele na boikye.¹⁴Bampele na babasi baikye baanolaka Nkolo, bamikyinzaka o eboko ya banosi. ¹⁵Bato babutwaka ikyenyanya baoka, bakye baika o nzela, babalangye mi ndengba na mi matoko obotshe imbele saamolekana Petelo, elala ye ekalele nono baaoka baayoko. ¹⁶Eboko ya bato bautaka o nkyisi ya phenephe na Yelusaleme, bakyekye na baoka na na bato baanyokomo na malobo mabe. Emba bato banso babikaka.¹⁷Nkolo wa banganga na bato banso ba yakaka ne, bato ba ingomba sa basandukai baokyelaka batoma zuwa siikye. ¹⁸Baesi ya kye akya batoma, bakye banyosa o boloko.¹⁹Kasi imbele sa mokolo Mwanze wa Nkolo akye zibola bikomba baa boloko atokosi batoma, yokye: ²⁰Kyende okye nyolo o Tempelo, o imole bato maphoo manso ma bomoo bonyakune. ²¹Waaoka be babona, wamumbengu bakye nyolo o Tempelo, babuto iteya. Nkolo wa banganga na bato baabaka ne, baesi ya koma. Babangyi bankumu banso ba Isalayele, banso baesi ya'angana. Baesi ya toma bato ikyekpa batoma o boloko.²²Waakoma bakyengyesi o boloko, ikye bazwa omoo phe. Baesi ya butwa ikye imola bato baa batomaka. ²³Bekye: Tokyezwa boloko baezibi nde na bolaa, na bakyengyesi batemi o boo pha mozibo nwa boloko. Kasi waazibosi banga, tolwikyi zwa nono moto monomo o motema.²⁴Waoka Nkolo wa bakyengyesi ba Tempelo na ba nkolo ba banganga maphoo mamana, bakamwaka na ndengye eya lemoko batoma, bamitunaka bowa mobaa lowo me. ²⁵Moto monomo aesi ya kye baimola yokye: Kseka bampele baanyosakyi bee o boloko, bali o Tempelo bateya bato.²⁶Bobele, Nkolo wa bakyengyesi aesi ya kye na bato bee, bakyekpa batoma. Kasi bakyekye namoo namoo pho bailaka obokye bato sa ba maa mabanga. ²⁷Baesi ya kye na bee bakye bateye o boo pha bato baanganaka. Nkolo ya banganga abutoo ibatuna, ²⁸yokye: Toekatelaka na bokusi obotshe sakula teya na nkombo ya moto mono. Kyeka onyangosi maphoo mateya be o mokyisi munso nwa Yelusaleme. Kolukye na ibuya obokye banga bato baa moboma.²⁹Petelo, na bebi ne batoma baesi ya babuyisa yokye: Ioka Nwaphongo, na ioka bato, banga tokye konza Nwaphongo. ³⁰Nwaphongo wa ba nkoko ba banga owa kundola Yesu owa bomaka be o ekulusu. ³¹Amobaya o mophaa nwe nwaa boloo, amobuya Nkolo na Mobikye phoya bato ba Isalayele baingole mandondo ma bee, na obotshe babalimbisa na bobe pha bee. ³²Banga, na Bolobo Bosantu pha Nwaphongo bophe yo bato bawaa baamokye, toli manzoka ma maphoo manso maamana.³³Waoka be maphoo mamana baokaka yo, balukaka obotshe babome batoma. ³⁴Kasi Mofalisayi monomo abaka onte ya bee, na nkombo Gamaliyele, moteye nwa mibeko. Bato banso bamokumolaka, amba ya teme onte ya banso baanganaka, abaongyi obotshe bataakuta tokolo batoma onze.³⁵Bobele, aesi ya wo na be, yokye: Bato ba Isalayele, okyebaka na lowo laamokyela bee na bato baabana. ³⁶Pho tewakyesi nkolo nzikye Teudas, atokoloko, yokye: Nkonza nde yo. Bato phene phene mikama mine babutwa isanga nee. Kasi yo, bamobomaka, emba bato banso baamobengaka bamba ya nyangwa, tewakulaka wenene nono moto monomo. ³⁷Nsima ye, imbele sakyelamaka etango, yakulaka tokolo moto monomo wa Galileya na nkombo Yudasi, azwaka bato baikye bamobengaka. Kasi ne, bamobomaka. Emba bato banso baamobengaka, bamba ya nyangwa.³⁸Inwanwa'eye, nambe ya ewole, ngakye: bee sakula kyelela bato baabana etungu, obale, bakyende. Boebe obotshe maumunya ma bee na etoma ekyekyele bee yuti na bato, yamunyangwa. ³⁹Kasi bo kyeute na Nwaphongo, tokokyi ieyoto. Okyebe obotshe bee sa nwana na Nwaphongo.Bato banso baanganaka baesi ya anola maumunya ma Gamalile.⁴⁰Bamba ya banga batoma, baba wandi phimbo, bakuli bakatela obotshe bee sakula teya na nkombo ya Yesu. Emba bamba ya bakandola. ⁴¹Batoma baesi ya mana o elele eya'anganaka bee na nkyisa inso, pho Nwaphongo abaphe kaa mii minyoko mizwe bee pho ya nkombo ya Yesu. ⁴²Emba nkolo inso tebaikaka le iteya na iimilo nsimo elaa ya Yesu masiya onte ya Tempelo ebe na o mangambi ma bato.

Chapter 6

¹Mii nkolo me mina, baekosi baloboko boikye, Bayuda baa munoko nwa Baela bawolekye Bayuda ba muna mokyisi, obotshe: nkolo inso waakabe bee ntoma, mazengye mabanga maimale.²Bobele, batoma iko mbuka babale mee baesi ya'angyinya baekosi banso, bawo na be, bekye: Teli bolaa obokye banga tolekye iimola nsimo ya Nwaphongo pho ya ikabaka ya izaa. ³Yango mena oloo onte ya bee bampele sambo baali na mobesi moola, baatonda na Bolobo Bosantu na na boomakye. Emba tombe baphe etoma mena. ⁴Banga tomiamba nde ibondelekye na iimolaka nsimo ya Nwaphongo.⁵Be banso baanolaka mapho maamana. Baesi ya olo bato baba: Setefano, moanosi nwa phele owa tonda na Bolobo Bosantu, Filipe, Polokole, Nikanola, Timona, Palamena, na Nikola, moto wa Antioshe owa mibuyaka moyuda. Baesi ya kye bateya batoma, babondesi na be, ba batendesi maboko.⁷Nsimo ya Nwaphongo ya nyangwaka mboka enso. Mokyisi nwa Yelusaleme nwabutwaka na baekosi baikye, na banganga baikye baanolaka.⁸Nwaphongo atozaka Setefano na ngolu, na na Bokusi phe. Setefano me akyelaka bilembetele na bilekyesako biinene onte ya bato. ⁹Kasi, bato baawoko baikaka ziko nz Setefano: Yabaka bato babondele o ingambi siinene sa losambo la Bayuda siibangyebe: Baombo baikwa, Bayuda ba Sirene, ba Alegizandri, Ba Silisi, na ba Azi.¹⁰Tebaikaka koka imunyete pho abaka kawo na boomakye pha mophekye Bolobo Bosantu. ¹¹Bobele, Bamba ya phe bato bawoko baphalanga obotshe baiomole, obotshe: Tomookyi katole Mose, ebe na Nwaphongo!¹²Nde babona bamba ya losa bato na bankumu na bateye ba mibeko. Emba baesi ya moakya, bakye moika o boo pha pha bato ba'anganaka. ¹³Baesi yakye na na bato baamokatele mapho, obotshe: Moto oyo tale itola Tempelo ya banga na mobeko nwa Mose; ¹⁴Tomookyi kawo, yokye: Yesu wa Nazalete amo'oto Tempelo, bamobuya na bonkoko pha loikyileka Mose ndegye esuu. ¹⁵Bato banso ba'anganaka, babuto ilembetela Setefano. Baweni boo phe bobuto ndokolo boo pha Anzelu.

Chapter 7

¹Nganga omunene amba ya motuna yokye: Mapho mamana mali phele? ²Etiene amba hya mobuyisa yokye: Ba tata na bebi nanga, okyemela. Nwaphongo owa nkemo atokolelekye ango wa banga Abalayama owabaka yo o Mezopotami, sa bokyekye zala o Halana; ³amba ya wo ne yokye: mana o mokyisi nwawe, we na bonkpe pha we, okyende o mokyisi nwamo eteya nga.⁴Bobele, Abalayama amba ya mana o mokyisi nwa Bakaladi pho ya ikye zala o Halana. omoo, nsima ya iwa sa ango, Nwaphongo aesi ya mumanya o mokyisi nwa Halama. Amunyose o mokyisi moozasi bee lolo eyeye. ⁵Nwaphongo taika mophe nono ekpele o mokyisi me, nono nwana elele ya iteya makolo. Kasi amolakyelaka obotshe amophe mokyisi me nabo Abalayama tataaka baa na na nwana.⁶Emba Nwaphongo amba wo bobo: Bankoko bee bamozala o mokyisi mosuu, bababuya baombo, emba baabanyokolo mbula minkama mine. ⁷Kasi mokyisi me nwababuyaka baombo, naamosambisa, inga, kyewo Nwaphongo. Emba nsima me, bamotokolo, emba bamunkyelela o ele mee. ⁸Amba ya kyela na be sangola ya ibele; yango mena waa botayo Izake, Abalayama amba ya mobele wakokya yo nkolo nwambi. Izake amba ya kyela nde bomoo na Yakobo, emba Yakobo amba kyela nde bomoo me na bana bee iko mbuka babale baa buwaka bankoko iko mbuka babale ba Isalayele.⁹Bankoko me baokyela Yosefu zuwa, bamba mungya pho bakye ne o Ezibito. Kasi Nwaphongo abaka ne, ¹⁰amba motokolo onte ya minyoko minso mamina, amba na mophe bolaa na zebi o boo pha Falo, mokonzi wa Ezibito, owa mobuyaka mangyesi nwa Ezibito na ingambi se siso.¹¹Nzuka zilo siesi ya kyinda Ezibito mobimba na Kanana. Minyoko mabaka miikye, emba baango ba banga tebakulaka baa na ntoma ya izaa. ¹²Waaoka bee obokye ntoma yabaka o Ezibito, Yakobo amba ya toma baango ba banga mbala eya ndobo omoo. ¹³Mbala eya ibale, Yosefu aesi ya ebaa banaa nyango, emba Falo amba ya eba mbale eya uta yo.¹⁴Bobele, Yosefu amba ya toma obotshe bakyekpa ango Yakobo na bana nyango, bee banso babaka bato mako nsambo na batano. ¹⁵Bobele Yakobo amba ya kye o Ezibito, amba wa omoo yo na baango ba banga; ¹⁶Bakyekye na bibembe ba bee o Sikeme, bamba kye bakunda omoo, o elele eli moto nwa ombaka Abalayama na baphalanga oka bana ba Amor, ango wa Sikeme.¹⁷Waaba obotshe mbunu eyaa ikyelaka Nwaphongo Abalayama, ebuto phenephe na ikokyisama, bankoko ba banga bamba botama, babutwaka baikye o Ezibito. ¹⁸Nana waa kpa moto mosuu bakonzi o Ezibito, oto ikaka eba Yosefu. ¹⁹Na malondo, mokonzi anyolelekye bonkpe pha banga: pho waaya inyokolo baango ba banga yakyekye tee nono ibatoma na bokusi obotshe bavakye bana baa bote be baasika pho bawe.²⁰Imbele mee sabotamaka Mose. Abaka molaa o miyo ma Nwaphongo. Makombe maato, babaka bamo okolo o ingambi sa ango; ²¹emba, waakye movaka bee, nwana wa Falo wa nwanwasi amba moongo, amba mookolo ndokolo nwana wee solongo.²²Mose aekolaka zebi siso sa bato ba Ezibito, emba abaka na mwiya o mapho mawo yo na obitoma be. ²³Wakokya yo mbula makoo mane, maumunya maba moyelela obotshe akyende oka bana nyango, bana ba Isalayele. ²⁴Waakye wene yo monomo na bee bamunyokolo, amba moambelela, emba pho ya ibuya bonyokosi bee nwebi mona, amba boma moto owa Ezibito. Abaka kaumunya obokye bananyango bamososolo obotshe Nwaphongo aba bikya na nzela ye Mose, kasi bee tebaikaka sosolo bomoo.²⁶Bo yana, bamoweni kakande bato babale banwane ebasi ekusi, pho ya imeka ibabongya, amba wo na bee yokye: Bebi, bee oli inyango, phoya ye konwane? ²⁷Kasi owa baka kawande nwebi amba uka Mose, amba wo ne yokye: Okyesi mokonzi na munanga nwa banga nza? ²⁸Kolukye imbomba bowa bomaka we moto wa Ezibito yana?²⁹Waoka Mose mapho mamana, amba ya lota, ambakye mibomba o mokyisi nwa Madiani. Ambakye bota omoo bana ba bampele babale. ³⁰Nsima mbula makoo mane, anzelu amba motokolele o bokye pha ngomba ya Sinayi, onte ya ingyengu sa nwinya.³¹Mose akamwaka na lowo lawenekye yo. Waaluka yo isusana pho ya ikyeka, nwesi nwa Nkolo nwamba okana: ³²Nali Nwaphongo wa ba ongo, Nwaphongo wa Abalayama, wa Izake na wa Yakobo. Na itekyenele, Mose takulaka nyanga na ikyeka.³³Bobele, Nkolo amba wo ne yokye: manya basapato bawe o makolo, pho elele etemi we eli manyete masantu. ³⁴Phele, naweni mpasi ya bato banga o Ezibito, naokyi na nkyime ya be. Nauti onse phoya ibaikola. Emba inwanwa eye, kyende, nazigye ietoma o Ezibito.³⁵Nde ona yo Mose, owa lekye be, obotshe: Okyesi mokonzi na munanga nza? eli nde yo owa tomaka Nwaphongo ndokolo mokonzi na mokandosi, na nzela ya anzelu owa motokolelekye o ingyengu sa nwinya siilole. ³⁶Eli yo owa batokoloko o Ezibito na ikyela mapho ma ikamwa na mayaa o mokyisi nwa Ezibito, o ebale enene eya mangola na o bokye tee mambula makoo mane. ³⁷ Ekuli baa nde yo Mose, owa woko na Baisalayele obotshe: Nwaphongo amotokolo onte ya bananyango na bee moimosi monomo boli nga.³⁸Eli yo moto owaa owa temekye onte ya baango babanga na anzelu owa woko ne o bokye, o ikolo sa ngomba ya Sinayi. Eli yo moto owazwaka maloba ma bomoo pho ya ilo phe mango. ³⁹Kasi baango ba banga tebaikaka zinga obotshe bamookye. Bamotekye, na maumunya, bakulaka butwa o Ezibito. ⁴⁰Bamba wo na na Alona bekye: Olokyelele banwaaphongo baamobaka batambule o boo pha banga. Pho ona Mose owa lotokoloko o mokyisi nwa Ezibito, toloebe mapho maamoyelesi.⁴¹Minkolo me, bamba ya emaa ekyeko ya nwana wa ngombe, bamba ya ebonzela bilambo, bamba yaanela na nkyisa ekpele eyakyelaka bee na maboko ma bee. ⁴²Pho ya bomoo, Nwaphongo amba ya baambya o maboko ma batuluku ba ikolo, nde bowa komama wango o buku pha baimosi obotshe: Bato ba Isalayele, mbula makoo mane, o bokye, waambomela manyama, wambonzela mambeka?⁴³Wanyanya molaku nwa nwaphongo Moloki na nyaseesi wa nwaphongo wa bee Lefana, bikyeko babina wa bikyela pho ya ibikumola. Yango mena namokye evaka itakye koleka Babilone.⁴⁴O bokye baango ba banga babaka na molaku nwaabaka na mobeta nwa sangola: Mose amokyelaka nde bowa woko Nwaphongo ne. Amokyelaka kokokana na ndendye eya mowenekye yo. ⁴⁵Wazwa baango ba banga molaku me, bamba munyosa bowa bakambaka Yosuwa o mokyisi nwa bololoko be mi nkyisi yaa winyaka Nwaphongo bato o boo pha be. Molaku nwa mobeta nwa sangola me nwabaka omoo nono o imbele saka Davidi. ⁴⁶Davi azwaka ngolu o miyo ma Nwaphongo, amba na onga ne obotshe atongyele Nwaphongo wa Yakobo na ingambi sa izala;⁴⁷Kasi yabaka nde Salomo owa tongyelaka ingambi. ⁴⁸Kasi owa ikolo tazale o mangambi maatongama na maboko ma bato. Nde bowa wo moimosi obotshe: ⁴⁹Ikolo sili eziye yanga ya bokonzi emba manyete mali ekyitele yanga eya makolo. Ingambi ye saamuntongyela bee, kyewo Nkolo, na elele yanga ya iyema yamobaa ewa? ⁵⁰Teli maboko manga maakyela bikpele binso babina?⁵¹Bato baa nzoto nkusi, bate baika be bele o ndondo na o matoo, nkol inso kosemole Bolobo Bosantu, olii nde ya baango ba ba bee. ⁵²Moimosi nzaa oto wa nyoloko baango ba bee? Ba boma na baimolaka phanza iya sa moto owa bosembo, nde yo oungye be na obomi bee inwanwa eye. ⁵³Bee wazwaka mobeko nwa eyimolaka baanzelu, emba toika mokyelela.⁵⁴Mapho me mabaphekye kabu emba bamba butwa izaa mino na yo pho ya Etiene. ⁵⁵Kasi yo, atondaka na bolobo, kakyekye nde ikolo. amba wene nkyemo ya Nwaphongo na Yesu atemi o boloo pha Nwaphongo. ⁵⁶Yokye: Kyeka, naweni ikolo siingo na Nwana wa Moto atemi o boloo pha Nwaphongo.⁵⁷Bamba ya lika nyangye na bokusi, baundi matoo. Bobele, bee banso, bambaya mivaka mi yoo. ⁵⁸Baesi ya kye ne imbale ya mokyisi, babuto imumaa mabanga obotshe awee. Manzoka baikaka bitobu ba bee oka munzenga monomo nkombo ye Saolo.⁵⁹Nzuka waaba bee bamumaa babanga pho ya imoboma, Etiene amba ya bondele bobo: Nkolo Yesu, yamba molimo nwanga! ⁶⁰Bobele, amba ya kusama na mabongo, amba ya likya nwangye nabokusi yokye: Nkolo, sakyeka isumu sa bee sisi emba na maloba mamana, nono wa sengo yo.

Chapter 8

¹Saolo abaka mi baanolaka obotshe babome Etieni. O mokolo me, minyoko mikusi mayelelaka bato ba ingomba sa Yelusaleme. Manya batoma, bato banso banyangwaka onkyisi ya Yuda na Samaliya. ²Bato ba mandondo malaa bamba kunda Etieni, bamba na mokyelela eyakolo ngonde. ³Kasi pho ya Saolo, iyo anyangolaka ingomba, anyoloko o mangambi ikye miakya babasi na bampele, kabavakye o boloko.⁴Bato banso banyangwaka, bakyekye miimola nsimo elaa o bilele binso. ⁵Yango mena Filipe, owa kyekye o mokyisi munene nwa Samaliya, abuto iimola nsimo ya Klisto omo.⁶Bato banso na munoko monomo bamiambyaka o maphoo ma Filipe, pho baokaka sango ya bilekyesako baabaka yo kakyele emba babiwenekye. ⁷Pho malobo mabe maikye mabaka matokolo onte ya bato banyolelekye mango, malikye nyangye nabokusi, emba bituku biikye na bato ba bileme babikaka. ⁸Nkyisa nzikye yabaka o mokyisi me.⁹Nzuka moto monomo abaka omo phanza na nkombo Simo owabaka kakyele manganga, abaka kakamwisa bato ba Samaliya. Amikpaka moto monnomo olekyi na na' ngambo, ¹⁰emba bato banso bamambyaka miyo, ebe ngyengye nono o baphomba. Babaka bawo bekye: Moto oyo ali Mwiya nwa Nwaphongo moobangye be Mwiya nwa sikyisa. ¹¹Bo bamambyaka miyo babona, eli pho wa koko elinga bowaka mbalo ye kyibakamwisa.¹²Kasi waanolela be Filipe owabaka kabaimole nsimo elaa ya Bokonzi pha Nwaphongo na nkombo ya Yesu Klisto, bazwaka batisimo na babasi na bampele. Simo yomampenza abutwaka ne nwanosi, amba ya zwa batisimo bobele abutwaka na Filipo nde elele yonoyo. ¹³Simo akamwaka na boikye o ikyeka mayaa maanene na bilekyesako biabaka bikyelame.¹⁴Waaoka batoma baabaka o Yelusaleme obotshe bato ba Samaliya baanosi maphoo ma Nwaphongo, bamba ya toma Petelo na Yoane omo. ¹⁵Waakoma bee omo, Petelo na Yoane bamba bondele pho ya bato ba Samaliya obotshe bazwe Bolobo Bosantu. ¹⁶Pho Bolobo Bosantu tephataaka utela nono na be, bataaka zwa naino nde batisimo na nkombo ya Nkol Yesu. ¹⁷Bobele, Petelo na Yoane bamba ya butwa ibatandela maboko, emba bato ba Samaliya bazwaka Bolobo Bosantu.¹⁸Kasi Simo, wawene obotshe batoma baambya Bolobo Bosantu nde na itanda maboko, amba ya wo yokye kabaphe baphalanga. ¹⁹Amba wo na be yokye: Onzakyisa na nga mwiya mamuna, pho ya obotshe bato baamotandela nga maboko bazwe Bolobo Bosantu.²⁰Kasi Petelo amba ya mobuyisa yokye: Owe we na baphalanga bawe pho koumunya obotshe okokyi iyomba na baphalanga, ikabo siambya Nwaphongo pha! ²¹Otozwe nono ekpele, ebe iyalo na ilaka milo lowo lolekane wawa, pho ndondo ya we teli elaa o boo pha Nwaphongo. ²²Bongola motema nwawe olee maumunya ma we maabe, obondele Nkolo, na akokyi iyelimbisa na mango. ²³Pho nawene obotshe oli na zuwa oombi na ba moombo wa masumu.²⁴Emba Simo amba buya yokye: Bondele Nkolo pho ya nga bee mampenza, pho ya obokye iiwoo bee yango sanzelela.²⁵Bobele waunva Petelo na Yoane iimola na iwo maphoo ma Nkolo, bamba ya butwa o Yelusaleme. Baimolaka Nsimo Elaa o nkyisi nzikye ya Samaliya.²⁶Nwanze nwa Nkolo amba ya wo na Filipe yokye: Teme, okyende o mbale eya ngyele, o nzela ekyeute Yelusaleme kyekyende o Gaza. Nzela me ealanga. ²⁷Emba sakoko, Filipe amba ya kye omo, nzuka moto monomo wa Etiopi owamanya be bompele, mokonzi munene na mokambi wa ezwele enso ya Kandase, mokonzi owa nwanwasi wa Etiopi, akyekye o Yelusaleme pho ya isambela. ²⁸Ayakaka ya butwa oka ye, azasi o ikalo se katangye buku pha moimosi Isaya.²⁹Bolobo amba ya wo na Filipe yokye: Susinya okye benga ikalo saasina. ³⁰Filipe amba ya kyilingana omo, aesi ya oka moto owa manya be bompele mono katangye buku pha moimosi Isaya, amba ya wo ne yokye: Koebe ntina ya maphoo maatangye we mamana? ³¹Amba mobuyisa yokye: Namba eba ndengye'ye, bosibe na moteye? Emba amba banga Filipe obotshe abaa, azale phenephe ne.³²Kyeka maphoo ma buku mabaka yo katangye: Ndokolo mpate ekyekye na bee pho ya ikye etena nkyingo, ndokolo nwana wa mpate akangyi munoko o boo pha okoekate nkungye, nde bomo taingole munoko. ³³Na imiuya se tebaikaka motenela phaakolo bolombe. Owamoimola mankoko me nza? Pho bamaye bomo pha o mokyisi.³⁴Moto owamanyaka bee bompele amba wo na Filipe yokye: Naebondi, onzimole, moimosi kawo babona pho ya nza? Pho ye mampenza nde pho ya moto mosuu? ³⁵Bobele Filipe amba ya ingola munoko, utama na yaakoma bee amba moimola Nsimo Elaa ya Yesu.³⁶Waba bee bakye, bamba kye koma o elele yonoyo ya maa, emba moto owa manya bee bompele yokye: Kyeka maa, kyekatele iye obotshe nazwe batisimo? ³⁷Filipe amba ya wo ne yokye: Bokoanole na ndondo ya we enso, okokyi ibatisama. Amba ya buya yokye: Naanole obokye Yesu Klisto ali Nwana wa Nwaphongo. ³⁸Amba ya wo ne obotshe ateya ikalo se, Filipe na moto owamanya bee bompele amba yauta o maa, emba Filipe amba ya mobatisa.³⁹Waabwa bee o maa, Bolobo pha Nkolo phamba ya manya Filipe, emba moto owamanyaka bee bompele takulaka mowene, kasi amba kye nde nzela ye na nkyisa. ⁴⁰Kasi pho ya Filipe, amba kye wene o Azote, aimolaka Nsimo Elaa o nkyisi inso yaalekana yo nono wakoma yo o Seraze.

Chapter 9

¹Saolo abaka na maumunya nde ma ikanela na iboma baekosi ba Nkolo, amba kyende, ²tuna nganga o munene nkanda pho ya mangambi ma makyita ma Damaseke. Bo akye zwa omo bato baabengye nzela me, ebe babasi ebe bampele abakangye, aye na bee o Yelusaleme.³Waba yo kakye nzela ye, wakoma yo phenephe na Damaseke, mbala yonoyo, nwenya mouti o ikolo, moesi ya mozinga na sina ilola. ⁴Aesi ya kaa o nse, amba ya oka nwesi monomo mo wo ne obotshe: Saolo, Saolo, pho ya'ye konyokolo?⁵Amba ya tuna yokye: Iwe nza, Nkolo? Nali Yesu, eli nga okonyokolo we. ⁶Kasi teme, nyolo o mokyisi munene, emba bamoewole losengye we ikyela. ⁷Bebi ne baimbanga, batemekye, sawo na boobo: Baokaka nwesi, kasi tebaikaka wene moto.⁸Saolo amba ya teme, kasi na bo waba yo na miyo makyekye, takulaka wene na ekpele, bebi ne bamba mophila meeboko pho ya imunyosa o Damaseke. ⁹Akye kyela omo nkolo iyato sawene, saza na ekpele na sa nywa.¹⁰Moekosi mono na nkombo ya Ananiya abaka o Damaseke. Nkolo amba mobanga o ndoto yokye: Ananiya! Ananiya amba mobuyisa yokye: Nga oyo, Nkolo! ¹¹Nkolo amba kula wo ne yokuye: Wamokyende o ngo ekyebangye bee ngo eya teme yoo, otune o ingambi sa Yuda, moto okobangye bee Saolo wa Talase, ali o moo kabondele. ¹²Auti iwene moto monomo na nkombo ya Ananiya, anyosi amotandesi maboko pho ya obotshe abutwe ikula wene.¹³Ananiya amba buya yokye: Nkolo, naokye bato baikye bawo pho ya moto mona na pho ya bobe boolukye yo ikyela baanosi o Yelusaleme. ¹⁴Emba wawa ali na bokonzi bonso boomophe banganga banene baatangye nkombo ya we. ¹⁵Kasi Nkolo amba wo ne yokye: Kyende, pho moto mee ali ekyelele ya etoma eosi nga pho ya iteya nkombo yanga o nkyisi ya bato baate baebe Nwaphongo, oka bakonzi na bato ba Isalayele. ¹⁶Pho namoteya nga mampenza bolosi bonso phaamoka yo pho ya nkombo ya nga.¹⁷Bobele, Ananiya amba ya kyende, aesi ya kye nyolo o ingambi me, amotandesi maboko yokye: Saolo, nwebi na nga, eli Nkolo ookontome-Yesu me owaetokolelekye o nzela eyabaka we koye- pho ya obotshe okule butwa iwene na obotshe otonde na Bolobo Bosantu. ¹⁸Mina wamo, bikoo ndokolo bikyete bimotokosi o miyo. Bobele abuto iwene nono waazwayo batisimo. ¹⁹Bobele waza yo, amba kula ya zwa bokusi. Amba ya kyela banaa nkolo na baekosi babaka o Damaseke.²⁰Sa koko, abuto ikye miimola o mangambi ma makyita obotshe Yesu ali Nwana wa Nwaphongo. ²¹Bato banso baabaka bamookye bakamwaka, bekye: Eye yo owabaka kanyokolo bato babaka batangye nkombo ya Yesu o Yelusaleme? Emba tayakaka wawa na nkoo pho ya iya baakya maphanga pho akye na bee oka banganga banene? ²²Kasi Saolo aonolaka na bokusi nkolo inso obotshe Yesu ali nde owaakolo Masiya. Na waba yo kateya babona, Bayuda babaka o Damaseke tebakulaka zwa na lowo la imobuyisa.²³Nsima ya nkolo Bayuda bamba ya okana obotshe bamobome. ²⁴Saolo amba ya eba nwango nwa be. Na moo na mokolo, babaka bakyengyele bibonga ba mokyisi nwa bee pho ya imoboma. ²⁵Kasi mokolo monomo, baekosi bee bamba moloya, bamokyesi mieluba, bamba mouya o mbale eyoko ya ekuka eya zinga mokyisi.²⁶Waakoma yo o Yelusaleme, Saolo alukaka obotshe aangane na baekosi baayoko, kasi banso babaka na boobo ne, tebaikaka anola obotshe abutoo moekosi wa Yesu phele. ²⁷Emba Barnabas amba mokpa, amba ya munyosa oka batoma, amba na baimola ndengye eya wenekye yo Nkolo owa mowolekye o nzela, na ndengye eyateyaka yo Nsimo Elaa na nkombo ya Yesu o Damaseke.²⁸Tata wamo, Saolo abutwaka na batoma elele yonoyo oYelusaleme, kaimole Nsimo Elaa na nkombo ya Nkolo na ianola sinso. ²⁹Aba kawo na Bayuda baamunoko nwa baela, kaikye miko na be. Kasi bee balukaka nde imoboma. ³⁰Walooka bebi, bamba kyende ne o Sezare. Emba omo, bamba molekyinya o Tarse.³¹Emb o mokyisi nwa Yuda munso, nwa Galileya na nwa Samaliya babaka bose. Bamilenzaka, batambulaka na boilakye Nkolo, na nzela ya Bolobo Bosantu, babutwaka baikye. ³²Petelo abaka kakyemikye mi ina nkyisi bobele bobele. Mokolo monomo amba ya kyende oka baanosi babaka o mokyisi na nkombo ya Lide.³³Amba ya kye zwa omo moto monomo na nkombo ya Ene, alangyi mi ntangye mbula nwambi, pho abaka etuku. ³⁴Petelo amba ya wo ne yokye: Ene, Yesu Klisto aebikye. Langwa, obongya ntangye yawe, we mampenza! Sa koko, aesi ya langwa. ³⁵Waamowene bato, bato banso ba Lide na ba mambale ma Salona baanolaka Nkolo.³⁶Nwanwa monomo abaka o Yafo, abaka moekosi. Nkombo ye yabaka Tabita, na munoko nwa baela (Doloka) kyelimbole obotshe Munkyete. Abaka na bitoma bilaa biikye na mosungyi wa bato baakaya ³⁷Nzuka mi nkolo me, aesi ya zwa bolosi, aesi ya waa. Waunva bee imokunyola, baesi ya kye molangya o etee ya ingambi eya ikolo.³⁸Oli Lide phenephe na Yafo, baekosi baokaka obotshe Petelo abaka omo. Emba bamba motomela bato babale pho ya ikye mobanga obotshe: Yalobengye mizele. ³⁹Petelo amba yakye na bee mizele. Waakoma yo, baesi ya mobaya o etee ya ingambi eya ikolo, emba mazengye manso mabaka matemi o boo phe malele, mamoteya nkoto na bitobu babaka Doloka kakyele wataaka baa yo na be.⁴⁰Petelo amba ya tokolo bato banso, amba ya kusama na mabongo, amba bondele. Bobele amba ya miekola bili ndemba, amba wo yokye: Tabita, langwa! Amba ya zibola miyo, wa wene yo Petelo, amba ya mielola, amba ya zala. ⁴¹Petelo amba ya mophe eboko, amoteye, amba kula ya banga baanosi na mazengye, aesi ya bateya yo mumoo. ⁴²Mokyisi nwa Yafo mobimba anola Nkolo. ⁴³Petelo amba koko na nwana boikye o Yafo, oka moto monomo na nkombo ya Simo owa baka mokyesi nwa etoma na mangobo ma manyama.

Chapter 10

¹O mokyisi nwa Sezare, moto monomo abaka omo nkombo ye Kolonele, abaka mokonzi nwa batayo ya batuluku ba Loma, ekyebangye be Batayo ya Itali. ²Moto me abaka moto molaa. Yo na ibota se sinso babaka bakumole Nwaphongo. Abaka kalobo sunga Bayuda baakaya, na ibondele Nwaphongo ntango inso.³Mokolo monomo, imbele saa nkokolo, aesi ya wene, nde ya nzanga, o ndoto, mwanze monomo wa Nwaphongo kanyolo oka ye kamobangye yokye: Kolonele! ⁴Kolonele aesi ya molembetela, na boobo, aesi yaanola yokye: Nkolo, lowo ye? Nwaphongo asepesi na mabondesi ma we na bolaa, emba tambi ebunga. ⁵Emba inwanwa eye, toma bato o Yafo pho baye na moto monomo na nkombo Simo, owa kula bee phe nkombo ya Petelo. ⁶Ali mobutu wa Simo mosuu, okokyele etoma ya mangobo ma manyama, okozale o ingambi sili o mokukulu nwa ebale eenene.⁷Waalemo anzelu owa tataka imowole, Kolonele amba ya banga bato babale ba ingambi se na tuluku monomo okobondele na okokumole Nwaphongo, uta kalakala onse ya mibeko me. ⁸Amba ya baimola inso ya moimolaka be, amba ya batoma o Yafo.¹¹Petelo abaka kataumunya nde ndoto ye, kasi Bolo amba wo ne yokye: Kyeka, bato babale baelukye. ²⁰Uta inwanwa eye, kyende na bee molongo, samakamaka, pho eli nga moto obotami. ²¹Bobele, Petelo amba ya uta ikyebenga bato me. Amba ya wo na bee yokye: Nga oyo. Eli nga moto okolukye bee. Oesi ya nkyeka pho ya'ye?¹³Nwesi monomo moesi ya mowole obotshe: Teme, Petelo! Boma ozee. ¹⁴Petelo amba ya buya yokye: Phe, Nkolo! Pho o bomoo pha nga, naino size ntoma ya ekyila na ya sokoto. ¹⁵Amba kula oka nwesi monomo mowo ne, pho ya mbala eya ibale obokye: Ekpele ebuye Nwaphongo elaa, iwe tokokyi iwo obotshe eli sokoto! ¹⁶Lowo me lakyelama mbala iyato, emba eko me nono waabutwa yango o ikolo.¹⁷Petelo ameka imilimbolela yo mampenza ntina ya ndoto euti yo iloto, sakoka, nde imbele me, batima ba Kolonele babaka bakye mituna mboka enso wali ingambi sa Simo, baesi ya koma o munoko nwa lopango. ¹⁸Bamba butwa babangye na bambe na tuna bekye: Simo Petelo kazale wawa?¹⁹Petelo abaka kataumunya nde ndoto ye, kasi Bolo amba wo ne yokye: Kyeka, bato babale baelukye. ²⁰Uta inwanwa eye, kyende na bee molongo, samakamaka, pho eli nga moto obotami. ²¹Bobele, Petelo amba ya uta ikyebenga bato me. Amba ya wo na bee yokye: Nga oyo. Eli nga moto okolukye bee. Oesi ya nkyeka pho ya'ye?²²Bamba mobuyisa bekye: Eli mokonzi nwa batuluku, Kolonele, moto monomo wa bosembo, okoile Nwaphongo, oli na na' mobesi molaa onte ya Bayuda banso. Mwanze wa Nwaphongo amoweninya obotshe asengyesi ikyela obotshe okyende o ingambi se pho aokye maphoo ma we. ²³Petelo amba ya banyosa, amba ya bayamba. Bo yana, amba ya kye na bee molongo na bebi baayoko ba Yafo²⁴Bunya pha nsima, amba ya koma o Sezare. Kolonele, o mbale ye, waba yo kabaziya, abangaka banaa nyango, na bebi ne balobo zingana na ne.²⁵Imbele saa koma Petelo, Kolonele amba kye vana ne, emba amba mivaka o makolo me pho ya imokumbela. ²⁶Petelo amba ya wo ne yokye: Inwa, pho na nga nali nde moto boli we. Bobele amba ya mophila pho ya imunola.²⁷Emba bibi kawono ne, amba nyolo. Wakye wene yo moluku nwa bato, ²⁸amba ya wo yokye: Bo koebe bee, eli ekyila pho ya Moyuda angana elele yonoyo naa ikumana na mobutu. Kasi oka nga, Nwaphongo kaute insosolisa obokye tewasengyesi iwo obotshe moto oyoko ali na sokoto naa tali wa iba ne elele yonoyo. ²⁹Yango mena naesi saika ziko wambangyi we. Kasi inwanwa eye, nazingyi iyeba ntina embangyi na we.³⁰Kolonele amba ya buya yokye: Lolo wakokyi nkolo iyato, o ngonga eya iyato eya nkokolo, na baka na bondele o ingambi sa nga. Mbala yonoyo, moto monomo alati bitobu bilaa aesi ya teme o boo pha nga ³¹kawo na nga yokye: Kolonele, ibondesi sa we basianosi, na bolaa bokyele we bato, Nwaphongo kaboumunya. ³²Emba toma moto monomo o Yafo pho ya ikye banga Simo, owaphe bee nkombo ya Petelo aye wawa. Ali mobutu o ingambi sa Simo okokyele etoma ya mangobo ma manyama, ingambi se sili o mokukulu nwa ebale eenene. ³³Nde o sina imbele, naesi ya toma bakye eluka. Emba obee na banga na lozingo pho ya iyalobenga. Inwanwa eye, kyeka banga banso o boo pha we pho ya iyoka inso ietomi na Nkolo iya loimola.³⁴Bobele, Petelo amba ya ingola munoko yokye: Nde phele, naweni obotshe Nwaphongo tali mbale nde na moto monomo. ³⁵Emba na o mabota manso, moto munso okomwile na okokyele bosembo, Nwaphongo kamoanole.³⁶Nsimo ye, aetomela bato ba Isalayele: Nsimo Elaa na bose, na nzela ya Yesu Klisto, iyo oli Nkolo ya bato banso. ³⁷Bee koloebe. Lowo laokana o Yuda mobimba, lauta o Galileya, nsima ya batisimo eyateyaka Yoane. ³⁸Yesu me owa botama o Nazalete, bee koebe ndengye eya mophe Nwaphongo Bolobo na mwiya. Atambulaka mboka enso ikyemikyela bolaa, kakyemibikya bato banso baabutwaka baombo ba Zabulu, pho Nwaphongo abaka ne.⁴⁰Emba banga toli manzoka ma etoma ye enso o mokyisi nwa Bayuda na o Yelusaleme. Yo owa boma bee na imobaka o ekulusu, ⁴⁰Nwaphongo amoakola mokolo nwa iyato, emba amophe obotshe amiweninya, ⁴¹na bato banso phe, kasi na manzoka matanga Nwaphongo phanza, na banga bazaka na banywaka ne sima ya ikundwa se onte ya bawe.⁴²O nsuka, amba lotoma ikye miimola bato na ibayelela nsimo obotshe: Eli yo owa olo Nwaphongo ndokolo munanga nwa bato bali na bomoo na baawa. ⁴³Nde pho oye, baimosi banso bawo bobo: Ilimbisa sa masumu sapheme na nzela ya Nkombo ye oka moto munso okomoanole.⁴⁴Petelo ataka ba naino kaimole maphoo, Bolobo Bosantu boesi yauta mi bato banso babaka baokye Iloba. ⁴⁵Yabaka boobo onte ya baanosi babele be, bakyekye na Petelo. Yango mena, inwanwa eye, nono o mabota ma bato bate bali Bayuda, ikabo sa Bolobo Bosantu sa nyangwaka!⁴⁶Pho baokaka bato me bawo na noko ya be, bakumbele bonene pha Nwaphongo. Petelo amba kula ya wo yokye: ⁴⁷Moto akokyi ikatela ibatisa bato baba na maa, pho na bee bazwe Bolobo Bosantu ndokolo banga? ⁴⁸Amba ya ambya mobeko nwa ibabatisa na nkombo ya Yesu Klisto. Bobele, bamba ya moonga obotshe akule ba na bee bana nkolo.

Chapter 11

¹Bantoma na bebi baabaka o Yuda baokaka bawo obotshé nkyisi ya bato bate bali Bayuda, baanosi iloba sa Nwaphongo. ²Waya butwa Petelo o Yeleusaleme, baabele be bamba ya ika ziko ne. ³Bekye: Okye nyolo ingambi sa bato bate baika bele bee, oze nab ee elele yonoyo!⁴Bobele, Petelo amba kula ya tata nsimo me tata w'etatale, amba ya bawole lowo lonolo na lonolo, yokye: ⁵Nabaka o mokyisi nwa Yafo nabondele. Naesi ya wene o ndoto ekpele yonoyo ndokolo imputa sinene, basiphisi o mantu mane siute o ikolo nono waya sango wali nga. ⁶Waalembetela nga o imputa me, naesi ya wene manyama ma makolo mane ma mokyisi, manyama ma mangonga, maalande na ibuu na manyosi mangonda.⁷Naesi ya oka na nwesi monomo mowo na nga obotshe: Petelo, inwa, boma oze! ⁸Naesi ya wo ngakye: Phe, Nkolo! Pho bikpele bya ekyila na bya nsokoto naino te binyosi o munoko nwa nga. ⁹Mbala eya ibale, nwesi nwamba kula uta o ikolo nwamba buya obotshe: Ibongye Nwaphongo, we tokokyi ikpa ndokolo ili ya sokoto. ¹⁰Lowo me lalekanaka mbala iyato, emba inso yamba kula butwa o ikolo.¹¹Emba sakoko, iwenekye bampele baato bantomelaka bee, bautaka o Sezare, baesi ya koma o ingambi saabaka banga. ¹²Bolobo Bosantu aesi ya wo na nga obotshe nga sa makamaka, nakye na bee molongo. Nakye na bebi motoba bakyenzika. Banga banso tomba ya kye nyolo o ingambi sa moto me. ¹³Moto me amba ya loimola bo wa wenekye yo anzelu o ingamb ise atemi kawo ne obotshe, toma bato o Yafo bakye banga Simo, owakula be phe nkombo ya Petelo, ¹⁴owa moewole maphoo mamoebikya iwe na ingambi sawe sinso.¹⁵Watata nga iwo, Bolobo Bosantu boesi ya bautela nde bowa loutelaka phango o etatelo. ¹⁶Namba yaumunya maphoo ma Nkolo mawoko yo obotshe: Yoane abatisaka na maa, kasi bee wamobatisa na Bolobo Bosantu.¹⁷Bo ikabo me siphemi oka be, Nwaphongo asi phe na banga pho toanole Yesu Klisto. Emba nga nali nza pho ya ikatela Nwaphongo ikyela. ¹⁸Waoka bee maphoo mamana, bamba ya ikala bose, babuto ikumbela Nwaphongo, bekye: Kyeka obotshe Nwaphongo aphe na nkisi iteyili ya Bayuda obotshe ibongole mandondo pho ya izwa bomoo.¹⁹Bato banyangwaka pho ya ngongo eyautaka pho Etiyeni, bakyekye nono o Fenisi na Shipre na Antioshe. Kasi tebaikaka teya nono moto monomo iloba boteyabaka nde Bayuda. ²⁰Nzuka bana onte ya be babaka bato ba Shipre, na ba Sirene, bautaka o Antioshe, babaka bateya na be oka Baela, baimole Nsimo Elaa ya Nkolo Yesu. ²¹Eboko ya Nkolo yabaka na bee, emba motiya nwa bato baanolaka Nkolo nwabukwaka moikye.²²Nsimo ya lowo me yamba ya koma o matoo ma baanosi ba ingomba sabaka o Yelusaleme, emba bamba ya toma Balaba o Antioshe. ²³Wakye wene yo omo ngolu ya Nwaphongo kyekyele etoma, abaka na nkyisa, emba amba balenza bee banso pho baikale ikyelela Nko lona ndondo yonoyo. ²⁴Pho yo abaka moto molaa na owa tonda na Bolobo Bosantu na na' iyanola. Emba moluku nwa bato moikye nwamba ya miambya oka Nkolo.²⁵Bobele Balaba, amba ya kyende o Tarsis pho ya ikye luka Saolo. ²⁶Wakye yo mozwa amba ya kye ne o Antioshe. Bamba kyela omo mbula mobimba ikyela etoma elele yonoyo na bato ba ingomba. Bateyaka bato baikye somo. Emba yabaka o Antioshe, wataka bee ibanga baekosi na nkombo ya baklisto phoya mbala eya yambo.²⁷Mi nkolo me, baimosi bamba yauta o Yelusaleme, bakye o Antioshe. ²⁸Monomo na be na nkombo ya Agabusu, amba ya teme, amba ya imola na mwiya nwa Bloobo Bosantu obotshe zilo sikusi samokyinda mokyisi mobimba. Yakyelamaka imbele sabaka Kolode mokonzi.²⁹Bobele baekosi bamba ya kpa meko obotshe monomo na monomo kokokana na bozwakye phe, batome pho ya isunga bebi bazale o Yuda. ³⁰Bamba kyela nde bomo. Bamba tomela bakumu sindo yazwaka be na Balaba na Saolo.

Chapter 12

¹Imbele me sasina, mokonzi Elode abutwaka inyokolo bato bayoko ba ingomba. ²Amba ya boma Zake, nwana nyango na Yoane na mumphata.³Wawene yo obotshe Bayuda bakumbe na yakyelaka yo, amba kula akya Petelo. ( Yabaka i nkokolo ya eseleko ya mapa matumbe bèe sa muno moülole mapa ) ⁴Wamobanga be, amba munyonsa o boloko, amoambye o maboko ma biboko bine ba batuluku, eboko ya bane bane pho ya imokyengyele. Bazingaka ikye moambya o boo pha bato o nsima ya eseleko ya Ilekana.⁵Yo Petelo mona, abaka o boloko, kasi ibondele sikusi sa ingomba sabaka oka Nwaphongo imbele siso pho ye. ⁶Waaluka Elode iyambinya Petelo, na mokolo me, Petelo alalaka onte ya batuluku babale, bamokangyi na nyololo ibale, na bakyengyesi babaka batemi o mozibo.⁷Emba kyeka anzelu wa Nkolo aesi ya tokolo na nwenya mobuto ingyengye wamo. Aesi ya wanda mobanzi nwa Petelo, aesi ya moümola yokye: Langwa izele! ⁸Mwanze amba ya wo ne yokye: Kanga kamba ya we, lata bikoto ba we. Amba kyela bomo. Amba kula wo ne yokye: Lata munkoto nwa we, ombengye.⁹Petelo aesi ya tokolo, abuto imobenga, saeba obotshe ikyilekane ne na anzelu ili ya phele: awenekye ndokolo kaloto nde ndoto. ¹⁰Walekana yo ibala sa etatele na sa ibale, bamba yakoma o mozibo nwa ebuni munyolo na be o mokyisi munene. Ekomba ya mozibo me yaingwaka nde yango mampenza. Bee bamba ya tokolo nono wabenga bee ngoo yonoyo, bobele mina wamo, anzelu aesi ya moika.¹¹Emba Petelo amba ya mieba, amba wo yokye: Inwanwa eye, naebi phele obotshe Nkolo atomi anzelu we pho ya iyamanya o maboko ma Elode na bobe boso bonzimelakyi Bayuda. ¹²Waeba yo elele ekomi yo, amba yakye o ingambi sa Maliya, nyango wa Yoane, owaphekye bee na nkombo ya Malako. Omo bato baikye baanganaka, babondele.¹³Wakomola yo ekomba enene eya lopango, nwanwasi monomo wa etoma amba susinya pho ya inyokyemela, nkombo ye Loda. ¹⁴Amba ya eba nwesi nwa Petelo. Na nkyisa, taikaka zibola ekomba. Amba butwa na mbangu o motema, amba kye imola abokye Petelo atemi o boo pha mozibo munene. ¹⁵Bamba ya wo ne bekye: Oyeye! Kasi yo kaanole nde obotshe eli phele. Bamba wo bekye: Wanaka eli anzelu we.¹⁶Mena Petelo kakomole nde bokomosi. Wamba ya zibola bee ekomba, bamoweni, babuto ikamwa. ¹⁷Amba ya bazibisa na eboko obotshe baikale bose. Amba ya baimola ndengye emotokosi Nkolo o boloko, yokye: Oimole Zake na bebi lowo me. Emba amba ya tokolo, aesi yakye o elele esuu.¹⁸Waaye bunya, toko ekusi yeesi ya tokolo onte ya batuluku. Bamitunaka bekye: Petelo akyesi bo? ¹⁹Elode amba toma bato bakye mimoluka, imozwa phe. Amba ya tuna bakyengyesi, amba ya wo obotshe bababome. Amba ya mana o Yuda akye o Sezare, amba ikala omo.²⁰Elode abaka na yo na bato ba Tula na Sidona. Bato babana baesi ya kolo, bakye oka ye. Babongye na Balasitusu, moto wa etoma wa etee ya ingambi eya ilala ya mokonzi, obotshe bakule butwa na booka, pho nkyisi ya bee izwakye ntoma ya iza ikyeute o mokyisi nwa mokonzi. ²¹Wakoma mokolo nwa okanaka be, Elode amba ya lata etobu ya bokonzi, aesi ya zala o eziye ya bokonzi kabawole maphoo.²²Bato baesi ya anwana, bekye: Eye nde nwesi nwa Nwaphongo, teli nwa moto! ²³Nde o nsima imbele, anzelu wa Nkolo aesi ya mowanda pho taphe Nwaphongo nkyemo. Bobele banyanzumbele bamba ya mozaa, nono waa wa yo.²⁴Maphoo ma Nwaphongo manyangwaka mboka eso, na baanosi babutwaka baikye. ²⁵Waunva Balaba na Saolo etoma ya be, bamba ya butwa o Yelusaleme. Bakyekye na Yoane, owaphekye bee nkombo ya Malako.

Chapter 13

¹O ingomba sa Antioshe, baimosi na bateye babaka omo. Balaba, Simeyo okobangye bee Mwido, Lukusu wa Sirene, Manaene owakolaka elele yonoyo na nwangyesi Elode, na Saolo. ²Mokolo monomo nwa baka bee babondele Nkolo na imiima ntoma, Bolobo Bosantu amba ya wo yokye: Omanyisa Balaba na Saolo pho ya etoma eebabangyi na nga. ³Bobele wa miima bee ntoma na wa bondele be, bamba ya batandela maboko, nono wa bale bee bakye.⁴Wa ba bee o etoma eya baphe Bolobo Bosantu ya ikyenimola Nsimo Elaa, Balaba na Saolo bamba ya uta o ibongu sa Silisi. Omo, bamba ya kpela o masuwa pho ya ikyende o Shipre. ⁵Wakoma bee o Salamini, bamba ya imola iloba sa Nwaphongo o mangambi ma makyita ma Bayuda. Babaka na na Yoane pho ya ibasunga.⁶Wa katisa bee esanga enso nono o Pafos, bamba kye zwa moto monomo, nkombo ye Balayesu, yo moyuda, mokyesi nwa manganga, abaka kamikpe obotshe ali moimosi. ⁷Abaka yo na mwangyesi wa esanga. Nkombo ya mwangyesi me, Selengusu Polo, moto wa malondo. Iyo amba ya toma obotshe bamobangyele Balaba na Saolo, pho alukaka na bokusi obotshe aokye iloba sa Nwaphongo. ⁸Kasi nganga Elima (pho nkombo ye kyelimbole babona), taikaka anola yaabaka bee bawo, emba alukaka na obotshe mwangyesi yo sa anola.⁹Bobele, Saolo, okobangye bee Polo, atondaka na Bolobo Bosantu, amba ya molembetela. ¹⁰Amba ya wo ne yokye: Owatonda na malondo mabe na na boole, nwana wa Molemba, nwakolo munguna nwa bosembo! Oteme ikyemiotingyinya manzela ma Nkolo mateme yoo?¹¹Emba kyeka inwanwa eye, eboko ya Nkolo ya moewanda: wamopholo miyo, nono itekye, otokule wene moo. Mina wamo, lonzumbe na enzombi eesi ya moziba, abuto tibatiba pho ya iluka bato ba imokpa mi eboko. ¹²Bobele wawene mwangyesi lowo loleka, amba butwa ianola, pho mateya ma Nkolo maamokamwisaka na boikye.¹³Polo na bebi ne bamba ya kpela o masuwa o Pafos, bamba ya koma o Peleze o Pamfiliya. Emba Yoane amba kabana na bee, yo ibutwa o Yelusaleme. ¹⁴Be, bamba ya mana o Peleze, bamba ya koma o Antioshe o Pisidi. Mokolo nwa sabata, bamba ya kye nyolo o ingambi sa makyita, bakye zala. ¹⁵Waunva bee itanga buku pha Mibeko na pha Baimosi, Bakonzi ba ingambi sa makyita bamba ya toma bato ikye wo na bee bekye: Bebi ba bampele, na oli na lowo la ibondo bato, owo.¹⁶Polo amba ya teme, amba ya bazibisa na eboko yokye: Bato ba Isalayele na balote Nwaphongo, okyemela! ¹⁷Nwaphongo owa bato ba Isalayele owa olo ba ango ba banga, na bato ba tomba yo imbele sa baka bee o mokyisi nwa Ezibito wa tokolo yo na eboko ye ekusi onte ya be. ¹⁸Phenephe mbula mako mane, akuyaka na mobesi nwa bee o bokye.¹⁹Emba waoto yo mabota sambo o mokyisi nwa Kanana, amba kaba mokyisi nwa bee ilaka ²⁰phenephe na mbula mikama mine mbuka mako matano. Emba nsima me, amba ya ambya bananga nono o imbele saka moimosi Samwele.²¹Emba tata wamo, bamba ya onga mokonzi monomo. Nwaphongo amba ya baphe Saolo nwana wa kyisi, moto wa ibota sa Benzame, pho ya mbula mako mane. ²²Wamole be, amba ya baphe Davidi obotshe abe mokonzi nwa be. Pho yo amba na wo yokye: Nazwe Davidi, nwana wa Yese, moto olongoba o ndondo ya nga, owa mokyela maphoo manso boozingye nga.²³O ibota se, Nwaphongo, bo waikaka yo mbunu, atokolelekye Isalayele Mobikye Yesu. ²⁴O boo pha iya se, Yoane ateyaka phanza bato banso ba Isalayele batisimo ya ibongola motema. ²⁵Wakoma Yoane iyunva etoma ye, awoko yokye: Bee koumunya obotshe nga nali nza? Sili yo! Kasi kyeka obotshe okoye o sima ya nga, sikokyi na iyingola nsimbi ya bikoto be.²⁶Bebi bana ba ibota sa Abalayama na baalote Nwaphongo, maphoo ma ibika mama, bamatoma pho ya banga. ²⁷Pho bato ba Yelusaleme na bakonzi ba be, tebaikyi moeba, na wamoingya be, bakokyisa maphoo mawoko baimosi, matangye bee nkolo ya sabata inso.²⁸Na wabaka bee sazwa ewele ya imoinya, bamba onga oka Pilata omokye amobome. ²⁹Waunva bee ikokya maphoo manso maakoma bee pho ye, bamba ya mumanya o ekulusu, baesi ya mokunda.³⁰Kasi Nwaphongo amba ya mokundola onte ya bawe. ³¹Iyo owatokololekye nkolo nzikye bato bautaka ne o Galileya pho ya ikyende o Yelusaleme. Inwanwa eye, bee bali manzoka me oka bato.³²Na banga, toeyimole Nsimo Elaa eye: mbunu eyaikyelaka bee baango ba banga, ³³Nwaphongo aekokye enso pho ya banga, bana ba be, wakundola yo Yesu, bo wakoma bee o zembo sa ibale obotshe: O li nwana wa nga, inga lolo, naeboti. ³⁴Omokundosi Nwaphongo onte ya bawe, etakule pholo, eli nde wawoko yo, obotshe: Namoephe mbolo isantu ya Davidi, maphoo ma phele.³⁵Yango mena, kakule wo o elele eyoko yokye: Otole moto mosantu wa we obokye apholo o ilita. ³⁶Pho Davidi, wakyelela yo ibota se o imbele se, na nwango nwa Nwaphongo, amba wa. Bamba ya mokunda phenephe na baango, ne apholo. ³⁷Kasi yo owakundola Nwaphongo onte ya bawe, taika pholo.³⁸Babde, oebe obotshe eli pho ye nsimo ya ilimbisa masumu yeesi, na ibutwa bato ba bosembo phate pha ikaka zwa bee na Mobeko nwa Mose, ³⁹na nzela ye, moanosi munso abuto moto wa bosembo.⁴⁰Omibanza, obotshe maphoo mawo baimosi mango sa eyelela: ⁴¹Kyeka, bee basemosi, okamwe, olemo! Pho, botabaa bee na bomoo, namokyela etoma yonoyo, obokye bo baeyimosi yango otoeyanole!⁴²Wa itokolo, bamba ya bondele Polo na Balaba na boikye obotshe bakule ya baawole pho ya lowo me mokolo nwa sabata nwa sima. ⁴³Wanyangwa bato banso baanganaka, Bayuda baikye na bato basuu baakumole Nwaphongo, bamba ya benga Polo na Balaba. Babalenzaka obotshe baphile bophelelu ngolu ya Nwaphongo.⁴⁴Wakoma sabata, phenephe mokyisi mobimba nwamba yaangana pho ya iyoka maphoo ma Nkolo. ⁴⁵Wawene Bayuda moluku nwa bato, baesi ya tonda na zuwa, babuto iikyela maphoo ma Polo ziko, bamotole.⁴⁶Polo na Balaba, na mwiya, bamba babuyisela bekye: Ebakyi obotshe maphoo ma Nwaphongo bata mateya bee phanza. Kasi pho bee omale, tokokyi na bomoo pha bobele. Yango mena tokye oka bato bate bali Bayuda. ⁴⁷Pho Nkolo awo na banga babona: Naekyesi ndokolo tala ya mabota pho ya ikye na Nsimo yanga nono o mbela ya mokyisi!⁴⁸Waoka baate bali Bayuda babona, na nkyisa, babuto ikumbela maphoo ma Nkolo, emba banso baolomoko pho ya bomoo pha bobele bamba butwa baanosi. ⁴⁹Maphoo ma Nkolo maba ya nyangwa o mokyisi munso.⁵⁰Kasi Bayuda bamba ya losa babasi ba kaa bakumole Nwaphongo na onte ya bankumu ba mokyisi, balukaka inyokolo Polo na Balaba, emba bamba ya bawiinya o manyete ma be. ⁵¹Kasi be, bamba ya lasa mobulubutu nwa makolo ma be, bamba yakye o Ikoniumu. ⁵²Kasi baekosi batondaka na nkyisa na na' Bolobo Bosantu.

Chapter 14

¹O Ikoniumu, wakula nde lekana nde bomo. Polo na Balaba bamba ya kye nyolo o ingambi sa Bayuda sa makyita. Bamba ya wo na ndengye yonoyo obotshe Bayuda na Baela baikye babutwaka baanosi. ²Kasi Bayuda bayoko bate baikaka anola, bamba losa bapakano obotshe babe na maumunya mabe pho ya bebi.³Na bomo, bakyelaka nkolo nzikye o Ikoniumu. Babaka bawo nde pwapwa pho ya Nkolo na pho ya maphoo ma ngolu ye. Abaphekye mwiya nwa ikyela na maboko ma bee bilembetele na bilekyesako. ⁴Moluku nwa bato ba mokyisi nwamba kabana. Bana babaka mbale na Bayuda, bayoko mbale na batoma.⁵Bapakano na Bayuda na bakonzi ba bee bamba kana inyokolo na iboma batoma na mabanga. ⁶Waawene bee babona, bamba ya lota mbale ya nkyisi ya Likanao, Listre na Derbe, na o nkyisi ili phenephe na yango. ⁷Omo, babuto nde iimola Nsimo Elaa.⁸Listre, moto monomo munene abaka omo, taikaka ba kateme. Makolo me manyibaka uta o ibuu sa nyango, taikaka na ba katambule. ⁹Amba oka Polo kawo. Polo amba ya molembetela, aesi ya wene obotshe ali na ianola pho ya ibika, ¹⁰Amba ya wo na bokusi yokye: Teme na makolo ma we! Emba amba ya ngbengo, abuto itambula.¹¹Waawene moluku nwa bato lowo lokyesi Polo, bamba ya anwana na munoko nwa be, bekye: Ba nwaphongo bamibuye bato, bauti o ikolo, baesi oka banga! ¹²Babangaka Balaba (Zeyusu), emba Polo (Ermesi), pho yabaka yo owa kpaka maloba. ¹³Nganga ya Nwaphongo Zeyusu o nze ya ibala, amba yaa na balo ba mangombe na biboko na bokonzi o nzibo ya inyolo o mokyisi. Yo na moluku nwa bato bamba okana obotshe babakabele ikabo.¹⁴Waaoka batoma Balaba na Polo lowo me, bamba kakola bitobu ba be, bamba ya ngbengo bili moluku nwa bato na iyanwana ¹⁵ bekye: Bato, pho ya'ye kokyele maphoo mamana? Na banga toli nde bato boli bee! Nsimo Elaa ekye'eyimole banga, eli nde obotshe ole maphoo maabe obutwele Nwaphongo oli na bomoo, owakyela ikolo na munse, ebale enene na inso ili omo. ¹⁶Wa phanza, alekye mabota manso mabengye manzela ma bee mampenza.¹⁷Nzuka amiweninyaka na maphoo malaa makyele yo mama. Kasi taika le ibaweninya maphoo malaa, pho kabatomele uta o ikolo mambula na bipha bilaa, kabatonza na ntoma katonza na mandondo ma bee na nkyisa. ¹⁸Maphoo me temakokaka izibisa moluku nwa bato izele, pho ya obotshe bee sabaambisa mambeka.¹⁹Bobele, o Antioshe na o Ikoniumu, wamba ya tokolo Bayuda baya losa moluku na bato. Baesi ya ma Polo mabanga, bamba ya tokolo ne o imbale ya mokyisi, baumunyaka obotshe awe. ²⁰Kasi, waangana baekosi wali yo, amba ya inwa bobele amba ya nyolo o mokyisi. Bo yana, yo na Balaba bamba ya kye o Derbe.²¹Nsima ya iyimola Nsimo Elaa o mokyisi me na izwa baekosi baikye omo, bamba kula ya kyende o Listre, o Ikoniumu na o Antioshe. ²²Bakyekye kuya mandondo ma baekosi na ibalenza obokye balendendale o ianola, bekye: Tosengyesi ilekana na minyoko miikye, pho ya inyolo o Bokonzi pha Nwaphongo.²³O ingomba sonoso na sonoso, babaolekye bankumu, bamba bondele, bamba na miima ntoma pho ya ibaambya oka Nkolo owa anola be. ²⁴Emba wakatisa bee Pisidi, bamba yakye o Pamfili. ²⁵Wateya bee maphoo ma Nwaphongo o Perge, emba ya kyende o Atali. ²⁶Omo, bamba ya kpela o masuwa, babuto o Antioshe, wautaka be,elele eya bambyaka bee o ngolu ya Nwaphongo pho ya etoma ekyeute bee ikyela.²⁷Wakoma be, baesi ya angyinya Ingomba. bamba baimola manso makyela Nwaphongo na be, na ndengye eyaingolaka yo mozibo nwa ianola pho ya bapakano. ²⁸Emba, bamba ya koko omo bee na baekosi.

Chapter 15

¹Bobele, bato bayoko bamba uta o Yuda, bee balukaka iteya bebi bobo: Be boto mibesi bokowo mobeko nwa Mose, bee tokokyi ibika. ²Toko yamba tokolo, emba miko makusi mamba ba onte ya Polo na Balama na bato me. Bamba ya sukya obotshe Polo, Balama na bato basu bakye o Yelusaleme, bakye zwana na batoma na bankumu pho ya toko me. Tebaikaka banolela, baesi ya phalatana na na' bokusi pho ya lowo me. Na bomo, baesi ya toma Polo, Balaba na bato bayoko ba Antioshe obotshe bakyende o Yelusaleme oka batoma na bankumu, bawo lowo me.³Ingomba basungaka pho ya imbanga me. Bobele, baesi ya katisa Fenikisi na Samaliya, bakye mimola owaanola bato baatebali Bayuda Yesu. Nsimo me ya phekye nde bee banso nkyisa na boikye. ⁴Wakoma bee o Yelusaleme, ingomba baakumbelaka, ebe na batoma na bankumu, baaimolaka inso yaakyelaka Nwaphongo na nzela ya be.⁵Baanosi baayoko ba mbale ya Bafalisayi, baesi ya teme, bekye: Esengyesi obotshe babele baanosi batebali Bayuda,babatome na bokusiikokya mobeko nwa Mose. ⁶Batoma na bankumu baesi ya angana pho ya ekola lowo me.⁷Baphalatanaka na boikye. Nsima Petelo aesi ya teme, yokye: Bande, koebe obotshe Nwaphongo anzolo onte ya bee obotshe naimole Nsimo Elaa oka bato baatebali Bayuda, pho baokye, baanole. ⁸Nwaphongo okoebe mandondo ma bato, abaphe Bolobo Bosantu bo waalophe yo, pho ya iteya obotshe baanosi. ⁹Taika lokyesinya na nwana bokyi bobo na be, Nwaphongo akunyola mandondo ma bee pho bamoanola.¹⁰Kasi bokolukye itoma baanosi inyanya ephesi ewaa, na bankoko ba banga, na banga toloikyi koka ienyanya. Komekye Nwaphongo babona pho ya'ye? ¹¹Kasi na ngolu ya Nkolo Yesu, banga toanole obotshe tobikyi ndengye yonoyo na be.¹²Bato banso baesi ya ikala bose, baokyemele Balaba na Polo babaimole bilekyesako na bilembetele binso biakyelaka Nwaphongo na nzela ye onte ya bato baatebali Bayuda.¹³Waunva iwo, Zake ne aesi ya wo, yokye: Bande, inzokyemele! ¹⁴Simo aimosi bo watataka Nwaphongo ikana obotshe onte ya bato baatebali Bayuda aolo ibota sonoso siili se.¹⁵Maphoo maawo baimosi makokaka na lowo me, pho totangye o buku pha Nwaphongo bobo: ¹⁶Nkolo kawo bobo: Nsima ya maphoo mamana namokula ya, Namotonga na ingambi sa Davidi saabukwaka, nasiinola, naasiteye, ¹⁷Emba bato bayoko banso bamoluka Nkolo, ebe na mabota manso maa banga obotshe mabe ma nga. Eye booko wo Nkolo. ¹⁸Aebinyaka maphoo me mamana uta kalakala.¹⁹Zake akuli wo, yokye: Yango mena, nawene obotshe tolokokyi ibaphe motema bolosi oka baatebali Bayuda, baanole Nwaphongo. ²⁰Kasi tobakomele mokanda obotshe toongye na be, sa zaa nsoti ikyiambya bee oka manzambe ma bikyeko,sa kyela bondumba, sa zaa manyama maawe na malongo o motema, sa zaa na malongo. ²¹Pho nono wa kalakala, bato bateya mobeko nwa Mose o mokyisi monomo na monomo, bamotangye na o mangambi ma makyita ma Bayuda nkolo inso ya sabata.²²Bobele, batoma, bankumu, na ingomba sinso baesi ya kana obotshe baolo bato onte ya be, babatome o Antioshe bee na Polo na Balaba. Baesi ya olo Yuda okobangye bee Balasabas, na Silasi, banso babale babaka bato ba kaa onte ya bande na be. ²³Baphisaka mokanda moowo bobo: Bande na bee, batoma na bankumu, babeya bande na be, baatebali Bayuda, baazale o nkyisi iye: Antioshe, Siri na Silisi.²⁴Tooka obotshe bana bato, bawaa baatebaika banga phe nzela, bauta oni, baya omoo, baebunzinya na maphoo maawo be, bakyetitisa mandondo ma bee. ²⁵Yango mena, tokani banga banso obokye toolo bato emba toetomele be. Bamoyaa molongo na bebi na banga, Balaba na Polo. ²⁶Baambya bomo pha bee pho ya etoma ya Nkolo wa banga Yesu Klisto.²⁷Toetomesi Yuda na Silasi baamoeyimola, bee mampenza, maphoo maakomi banga mamana. ²⁸Pho, na banga na Bolobo Bosantu, tokani obotshe telokokyi iephisa ephesi esuu, kasi maphoo masengyesi bee ikyila mango mama: ²⁹Sa zaa nsoti ikyiambya bee oka manzambe ma bikyeko, sa zaa malongo, sa zaa manyama maawe na malongo o motema, sa kyela bondumba. Bo omimanye mi maphoo manso mamana, kokyele bolaa.³⁰Emba bato me baatomaka be, bamba yakyende, bakye koma o Antioshe. Baesi ya angyinya baanosi banso, babaphe mokanda me. ³¹Baesi ya tanga mokanda me, bato banso batondaka na nkyisa phoya maphoo maabalenzaka na bee o mokanda me. ³²Yuda na Silasi, bee mampenza babaka baimosi, balenzaka bebi, babakuyaka na maphoo maikye maawoko be.³³Bakutaka koko na be. Waakoma bee wa ibutwa, bebi baesi ya kye baika, bee o kyekye na bolaa. Bamba ya butwa oka baabatomaka. ³⁴Kasi Silasi akanaka obotshe kaikale omo. ³⁵Bobele Polo na Balaba bamba ya ikala o Antioshe. Na bato bayoko baikye, bee banso babaka bateya, baimole Nsimo Elaa ya Nkolo.³⁶Nsima ya bana nkolo, Polo aesi ya wo na Balaba, yokye: Tobutwe, tokye kyeka bande na banga o nkyisi inso yaimolaka banga Nsimo ya Nkolo, tokyekye ndengye eli be. ³⁷Balaba abaka na phowa y'ikyende na Yoane, ookobangye bee Malako. ³⁸Kasi Polo taikaka zinga obotshe akyende na be, pho abaikaka o mokyisi na nkombo Pamfili, takulaka bakamba o etoma ya be.³⁹Baokaka na bokusi onte ya be, bamba ya kabana. Balaba akpe Malako, abaa o masuwa, akye akye o Shipre. ⁴⁰Polo aosi Silasi, waunva baanosi ibaambya o maboko ma Nwaphongo obokye ababanza na ngolu ye, bamba ya kyende. ⁴¹Bamba ya katisa Siri na Silisi, balenzaka mangomba obokye baikale na ianola.

Chapter 16

¹Polo aesi ya koma o Derbe, na o Listre. Moanosi monomo, abaka omo, nkombo ye Timote, nyango Moyuda, owabutwa Moklisto, kasi ango Moela. ²Bande babaka bazale o Listre na o Ikoniumu, babaka bawo obotshe ali moto molaa. ³Polo abaka na phowa obokye Timote atambulakye ne molongo. Aesi ya mokpa, bamobesi pho Bayuda, baabaka o nkyisi me, bee banso baebaka obotshe ango ali Moela.⁴O nkyisi inso, yaabaka yo kalekane, baimolaka baanosi mibeko miakpa batoma na bankumu ba Yelusaleme. Baongaka na be obotshe bakokya mibeko me. ⁵Mangomba mabutwaka na ianola sikusi, motiya nwa bato nwabaka mobakyisame nkolo inso.⁶Bolobo Bosantu abakatelaka obotshe sa imola Nsimo ya Nwaphongo o nkyisi ya Azi. Yango mena aesi ya katisa o nkyisi iye: Frizi na Galati. ⁷Wakomaka phenephe na Misi, alukaka ikyende o Bitini. Kasi Bolobo pha Yesu tephaikaka babenisa ikyende omo. ⁸Bobele, aesi ya katisa Misi, akye o ibongu siibangye bee Troas.⁹Wa mokolo, Polo aesi ya loto ndoto aweni moto monomo wa Makedoniya atemi, kamobondele, yokye: Lekana o Makedoniya, oya losunga! ¹⁰Nsima ya ndoto me ya Polo, sakoko, banga toesi ya luka nzela ya ikyende o Makedoniya, pho toebaka obotshe Nwaphongo kalobangye ikye imola Nsimo Elaa oka bato ba mokyisi me.¹¹Tokpe masuwa o Troas, tokye o esanga na nkombo Samotras, bo yana toleka o Neapolis. ¹²Toesi ya mana omo, tokye o Filipi, mokyisi munene nwa Makedoniya, nwazalaka Baloma. Tokyelaka nkolo nzikye o mokyisi me. ¹³Mokolo nwa Sabata toesi ya tokolo, toikyi mokyisi, tokye o mokukulu nwa ebale, toumunyaka obotshe tomozwa elele ekyesambele Bayuda omo. Toesi ya zala, toweni na babasi baanganaka wamo.¹⁴Monomo na babasi me, nkombo ye Lidi, mokyisi nwe Tiyatire, abaka moungye nwa bitobu bilaa ba mangola, abaka nwanwasi okosambele Nwaphongo.Waba banga towo, abaka kalookye. Nkolo aesi ya ingola ndondo ye obotshe aanole maphoo mawoko Polo. ¹⁵Baesi ya mobatisa, ebe na ibota se. Bobele, alobangyi oka ye, yokye: Bo koanole phele obotshe nali moanosi wa Nkolo, yaka yakye baa o ingambi sa nga. Alokandindisaka obotshe toanole.¹⁶Mokolo monomo waba banga tokyende o elele ya ibondele, moombo monomo wa nwanwasi aesi ya vana na banga: abaka na bolobo bobe onte ye, phabaka bomotome imola maphoo maamoya. Azwelaka bakolo bee baphalanga baikye mi etoma me. ¹⁷Aesi ya butwa ilobenga, banga na Polo. Abaka kaanwane yokye: Bato baba bali bato ba Nwaphongo owa ikolo, baeteya nzela ya ibika. ¹⁸Akyelaka babona nkolo nzikye. Polo aesi ya wene eempi, amba ya miekpinya, awo na bolobo me, yokye: Na nkombo ya Yesu Klisto, nawo na we obotshe otokolo onte ye! Mina wamo, bolobo me botokosi onte ya moombo me.¹⁹Waawene bakolo ba moombo me obotshe tebakokyi ikula zwa baphalanga na nzela ye, baesi ya akya Polo na Silasi, bakye na bee o elele eya zando oboo pha mokonzi. ²⁰Waakoma bee oboo pha banganga me, bekye: Bato baba bali Bayuda. Baambya mobulu o mokyisi nwa banga. ²¹Bateya bonkoko bolokatele mobeko nwa banga obotshe banga Baloma, tolokokyi iboanola na ibokyelela.²²Eboko ya bato me baesi ya basonga noko. Bananga ba Baloma baesi ya batomisa obotshe bamanya Polo na Silasi bitobu, babawande phimbo. ²³Waunva bee ibawanda phimbo na boikye, abavakyi o boloko, bawo na moto okokyengyele obotshe abakyengyele na bolaa. ²⁴Mokyengyesi me, waoka yo babona, aesi ya banyosa o ete ya boloko eya motema, babanyosekye makolo o motema nwa mabaya manene.²⁵Wa molengyela, Polo na Silasi babaka babondele, batube pho ya ikumbela Nwaphongo, bato bayoko ba boloko babaka babaokye. ²⁶Ibalakana bobo, manyete mabuto inyingana na bokusi, manyingyinye na boloko, bikomba binso bizibo, nyololo ya bato banso ba boloko yiingo.²⁷Mokyengyesi aesi ya umwa, wawene yo obotshe bikomba ba boloko biikasi pha, aesi ya kpa mumphata nwe obotshe kamibome, pho abuyaka obotshe bato ba boloko banso baloti. ²⁸Kasi Polo aesi ya anwana na bokusi, yokye: Samikyela lowo! Banga banso toli wawa!²⁹Bobele, mokyengyesi aesi ya onga tala, anyosi izele o motema, katekyenele na sina inganga, aesi ya mivaka o makolo ma Polo na Silasi. ³⁰Aesi ya batokolo o nze, yokye: Batata, nakyele bo obotshe nabikye? ³¹Bekye: Anola Nkolo Yesu, wamobika, na we, na ibota sa we.³²Baesi ya moimola Nsimo ya Nkolo, yo na bato banso baabaka o ingambi se. ³³Nasina imbele me sa mokolo, mokyengyesi aesi ya bakpa oka ye, abakunyosi maphota ma be. Bobele, baesi ya mobatisa yo na ibota se sinso. ³⁴Amba ya nyosa Polo na Silasi o ingambi se, abaphe ntoma ya izaa. Moto me na ibota se sinso batondaka na nkyisa pho baanolaka Nwaphongo.³⁵Waye bunya, banganga ba Baloma baesi ya toma bato obotshe bakye wo na mokyengyesi, batokolo bato babana. ³⁶Mokyengyesi aesi ya imola Polo, yokye: Bananga batomi bato iya imola obotshe baetokolo. Inwanwa eye, emba tokolo, okyende na bolaa.³⁷Kasi Polo aesi ya wo na bato me, yokye: Balowanda phimbo o miyo ma bato banso, mena sa taa lotenela bolombe, banga toli bato ba Loma! Balovakyi o boloko. Inwanwa eye, bakule luka ilotokolo mi ibombo? Pha! Baya lotokolo bee mampenza! ³⁸Bato baatomaka bee baesi ya kye imola maphoo me oka bananga ba Baloma. Bananga me bailaka, waoka bee obotshe Polo na Silasi bali bato ba Loma. ³⁹Emba bamba yakye baonga bolimbisi, babatokosi o boloko, bamba ya onga na bee obotshe bamane o mokyisi me.⁴⁰Watokolo Polo na Silasi o boloko, baesi ya kyende oka Lidi. Waunva bee ikyeka bande na be, na ibalenza, bamba ya kyende.

Chapter 17

¹Baesi ya lekana o Afipolis na Apoloni, bakye koma o Tesaloniki waabaka ingambi sa makyita sa Bayuda. ²Polo, bo wamele yo, amba ya nyolo o ingambi sa makyita sa Bayuda, awonoko na bee ba Sabata baato mi makomi ma Nwaphongo.³Abalimbolelaka makomi me, abateyaka, yokye: Esengyesi obotshe Masiya awene bolosi, awe, akundwe onte ya bawe. Abawolekye, yokye: Yesu okoeyimole nga, eli yo Masiya. ⁴Bana onte ya be, baesi ya anola babengyi na Polo na Silasi. Na moluku nwa Baela baabaka basambele Nwaphongo, na babasi baikye ba kaa.⁵Kasi bayuda batondaka na zuwa. Baesi ya kpa bana nzobo baazwaka bee o nzela, bakye angyinya eboko ya bato. Bamba yaambya mobulu onte ya mokyisi. Baesi ya kyende o ingambi sa Yasona, ikye luka Polo na Silasi obotshe na bee o boo pha bato banso ba Tesaloniki. ⁶Waba bee sa bazwa, baesi yaakya Yasona na bebi bayoko, bakye na bee o boo pha bananga ba mokyisi, baanwanaka, bekye: Bato baba babunzinye maumunya ma munse munso, inwanwa eye baesi ya koma wawa! ⁷Yasona ababuye oka ye! Bato me banso baoto mibeko ma Moangyesi Kaisala, awo obotshe mokonzi mosuu ali, nkombo ye Yesu.⁸Maphoo mamana maesi ya phe bato banso na bananga ba mokyisi yoo. ⁹Yasona na bebi me bayoko baesi ya tukya baphalanga oka bananga ba mokyisi, bamba ya bale, bakye.¹⁰Waamokolo bande baesi ya toma Polo na Silasi o Bere. Waakoma bee omo, baesi ya kye nyolo o ingambi sa makyita sa Bayuda. ¹¹Bayuda me babaka bato balaa ileka baa Tesaloniki. Baesi ya anola Nsimo ya Nwaphongo na motema molaa. Babaka baekole makomi nkolo inso, obotshe baebe maphoo maabaka Polo kawo mali phele. ¹²Bato baikye onte ya bee bamba ya anola, onte ya Baela, bato baikye bakaa, babasi na bampele, bamba ya anola me.¹³Kasi waoka Bayuda ba Tesaloniki obotshe Polo akye imola Nsimo ya Nwaphongo o Bere, bamba ya kyende omo, bakye losa moluku nwa bato na ibabunzinya maumunya. ¹⁴Sakoko, bande baesi ya loya Polo mopha nwa maa manene, Silasi na Timote baikalaka o Bere. ¹⁵Baakyekye na Polo, bamba kye moika nono o Antene. Emba waya butwa bee o Bere, Polo amba ya longolo Silasi na Timote obotshe bamobengye izele.¹⁶Waaba Polo kaziya Silasi na Timote o Atene, aokaka bolosi o ndondo ye na boikye iwene ndengye eyatonda mokyisi me na manzambe ma bikyeko. ¹⁷Ateyaka o ingambi sa makyita, yo na Bayuda na na' bato baatebali Bayuda, baasambele Nwaphongo. Na o zando, ateyaka nkolo inso bato baavanaka ne wamo.¹⁸Bateye ba Epikiri na ba Stoisie bawonoko ne. Bana bekye: Nyaewo oyo kalukye iwo bo? Bayoko, waoka bee Polo kaimole Nsimo ya Yesu, na maphoo ma ikundwa sa bawe, bekye: kolo kaloimole manzambe masuu.¹⁹Baesi ya mokpa, bakye ne o boo pha banabga baangane o ngomba ya Aeropaje, bawo ne, bekye: Mateya me manyakune mateya we mali ye? Banga tozingye imaeba, ²⁰pho matoo ma banga maokyi maphoo ma inganga, tolukye eeba maphoo me malukye iwo bo. ²¹Na bomo bato banso ba Atene, na babutu baya onte ya be, etoma ya bee yabutwaka nde iwoko na iokaka maphoo manyakune.²²Polo aesi ya teme o ntante ya bananga, yokye: Be bato ba Atene, nawo na bee obotshe oli phele baakolo basambesi. ²³Pho, wabe nga nalekane o mokyisi nwa be, naweni bikyeko biisambele be, naweni na mesa elele yonoyo ekyeambya bee mandaa, bakoma o ikolo bobo: Oka nzambe otoebane. Iyo okosambele bee sa moeba, eli yo okoeyimole nga.²⁴Nwaphongo owa kyela mokyisi na inso ili omo, ali Nkolo wa ikolo na munse, taazale o batempelo, baatonga bato. ²⁵Tasengyesi na obotshe bato bamophe ebe na ekpele iye, pho eli yo okophe bato banso bomoo na mpema na' mbolo inso.²⁶Uta na moto monomo, akyela mabota manso, obotshe bazale o munse munso. Abamekyela imbele sa elanga na sa mampela, na mandelo ma makyito maasengyesi bee izala. ²⁷Akyela babona pho bato bamolukye, na bo bazwe kamba pho ya imoluka, naa bakokyi imozwa. O solongo, Nwaphongo tali itakye na banga banso.²⁸Pho " eli yo moto okolophe bomoo, na bokusi pha ikye mitambula. Toli o munse mumu nde pho ye" Na bakombi ba bee baayoko, bekye: Na banga, toli bana bee me. ²⁹Bo oli banga bana be, telokokyi umunya obotshe Nwaphongo akokaa na bikyeko ba itela, ebe ba ebuni ya motiya, ebe ba ibanga, mbolo yaakyelama na maumunya ma moto.³⁰Nwaphongo taakule benga imbele saatesaikaka moeba bato. Kasi inwanwa eye kaimole bato banso, o bilele binso, obotshe baboole ntema ya be. ³¹Pho ameka mokolo monomo nwamotenela yo munse munso phaakolo bolombe, na nzela ya moto owa somya yo. Ateya bato banso, bo wakundola yo moto me onte ya bawe obotshe eli phele.³²Waoka bee Polo kawo na ikundwa sa bawe, bana bamoekyekye, bayoko bekye: Tomokula eyoka kowo lowoo lalona mokolo mosuu. ³³Bobele, Polo aesi ya mana onte ya be, akye. ³⁴Bana bamobengaka, bamba ya anola onte ya be, yabaka Denisi, monomo na bananga baangane o ngomba ya Aeropaje, na nwanwasi monomo na nkombo Damaris, na bato basuu me.

Chapter 18

¹Nsima ya maphoo mamana, Polo aesi ya mana o Atene, akye o Koliti. ²Omo, akye vana na Moyuda monomo, nkombo ye Akilas, mokyisi nwe Pontis. Iyo na nwanwasi we, Prisile, auta o Itali, pho moangyesi Klode atomaka obokye Bayuda banso bamane o Loma. Polo aesi ya kye mibanza na be. ³Bowabaka yo kakyele etoma ndengye yonoyo na be, amba ya kye zala oka bee, babuto ikyela etoma elele yonoyo. Etoma ya bee yabaka ya ikyela ndalaku.⁴Nkolo inso ya Sabata, Polo abaka kateya Bayuda na Baela o ingambi sa makyita. Alukaka obotshe banso baanole. ⁵Wauta Silasi na Timote o Makedoniya, baesi, Polo amiambyaka imbele sinso iimolaka Nsimo ya Nwaphongo. Ateyaka Bayuda obotshe Yesu ali Masiya. ⁶Kasi Bayuda, tebaikaka moanola, aesi ya balasisa mobulubutu nwa bitobu be, yokye: Bo bee obungyi, tekuli ba lowo la nga, malongo ma bee mali o moto nwa be! Inwanwa eye namokyende oka bato baatebali Bayuda.⁷Aesi ya mana wamo, akye oka moto monomo owabaka kasambele Nwaphongo, nkombo ye Tito Yusutu. Ingambi sa moto me sabaka phenephe na ingambi sa makyita. ⁸Krispus, mokonzi nwa ingambi sa makyita, aesi ya anola Nkolo, yo na ibota se sinso. Bakoliti baikye baokaka Polo, baesi ya anola me, ababatise.⁹Waa mokolo, Nkolo aesi ya wo na Polo o ndoto, yokye: Sa ila, mpe saikala bose, woko nde bowo, ¹⁰pho, inga, nali na we elele yonoyo. Moto etaeyakya obotshe aekyele bobe, pho bato baikye o mokyisi mumu bali ba nga. ¹¹Polo akyelaka o Koliti mbula yonoyo na makombe motoba iimola bato maloba ma Nwaphongo.¹²Wa imbele sabaka Galion moangyesi wa nkyisi ya Akaye, Bayuda baesi ya wangyela Polo na bobe. Bakye ne o boo pha bato baasambisa maphoo. ¹³Bekye: Moto oyo katomisa bato obotshe basambele Nwaphongo na ndengye etebenele mobeko.¹⁴Waluka Polo obotshe kawo, Galio aesi ya wo na Bayuda yokye: Bo ebakyi obotshe abomi moto, naa akyesi lowo lonolo loolekyi bobe, nde naanolakyi iphunda sa bee, oo Bayuda, ndeobakyi na elongyi. ¹⁵Kasi toko ya bee oli yango nde pho ya ianola, pho ya mankombo na mibeko ma bee mampenza, mena ekyekyi bee! Nga sikokyi iba munanga i maphoo ma ndengye mena!¹⁶Amba ya bawiinya o elele ekyeambe bee maphoo. ¹⁷Bobele, banso baesi ya akya Sositene, mokonzi nwa ingambi sa makyita sa Bayuda, babuto imowanda o boo pha elele ekyeambe maphoo. Kasi Galion akyekaka nde babona.¹⁸Polo akulaka koko o koliti na boikye. Bobele, aikyi ika bebi, abaa o masuwa, akye o Siri, yo na Prisile na Akilas. Oboo pha iba o masuwa, amikololaka moto o Sasele, pho aunvaka nkolo yaalakyelaka yo Nwaphongo. ¹⁹Baesi ya kaoma o Efese, Polo aikaka Prisile na Akilas omo. Aesi yakye nyolo o ingambi sa makyita sa Bayuda, kaikye ziko omo na Bayuda.²⁰Baongaka ne obotshe akoko omo, kasi yo taikaka anola. ²¹Aikyi baika, yokye: Bo Nwaphongo azingyi, namokula ya oka be. Aesi ya ba o masuwa o Efese, akye.²²Wakoma yo o Sezare, aesi ya uta, akye o Yelusaleme pho ya ibeya bebi ba ingomba. Bobele, amba ya kyende o Antioshe. ²³Akyelaka banaa nkolo omo. Amba kula ya kyende, aakasi Gatiya na Friji, alenze ianola sa baekosi banso.²⁴Moyuda monomo, nkombo ye Apolo, mokyisi nwe Alegizandri, akomaka o Efese. Abaka moto monomo wa yela ya iwoo, aebaka makomi ma Nwaphongo na bolaa. ²⁵Aunva ekola phanza maphoo ma nzela ya Nwaphongo, abaka na phowa ekusi, aimolaka, ateyaka nde maphoo ma Yesu. Kasi yo aebaka nde ibatisa saka Yoane. ²⁶Aesi ya tata iwo pwapwa o ingambi sa makyita. Prisile na Akilas, wamooka be, baesi ya mokpa, bakye molimbolela nde maphoo ma nzela ya Nwaphongo.²⁷Kasi waba Apolo na phowa ya ikyende o Akaye, bebi baesi ya molenza mi lowoo me. Bakomi mokanda, bamotomesi baanosi ba mokyisi me obotshe bamokumbele na bolaa. Waakoma yo omo, asungaka bato baanolaka na ngolu ya Nwaphongo, ²⁸pho, anyetekye phele Bayuda, o miyo ma bato banso, na maphoo maabawolekye yo. Abateyaka o makomi ma Nwaphongo obotshe Yesu ali Masiya.

Chapter 19

¹Wataaka ba Apolo o Koliti, Polo amba ya lekana o nkyisi ya mambela, akye koma o Efese. Azwe baekosi bayoko omo. ²Aesi ya batuna yokye: Waanola Nwaphongo, wazwa Bolobo Bosantu? Bekye: Banga teloika na oka bawo obotshe Bolobo Bosantu ali.³Polo, yokye: Emba wazwa ibatisi siwaa? Bekye: Ibatisi saaka Yoane. ⁴Polo, yokye: Yoane abaka kabatisa baanolaka ibongola mandondo ma be, ambaka wo na Bayuda, yokye: Baanole owamoya o nsima ye, kyelukye iwo obotshe Yesu.⁵Waoka bee babona, baesi ya batisama na nkombo ya Nkolo Yesu. ⁶Polo amba ya batandela maboko, baesi ya zwa Bolobo Bosantu, babuto iwo noko nsuu, na iimola Nsimo ya Nwaphongo. ⁷Bato me babaka banso phenephe iko mbuka ibale.⁸Bobele, Polo amba ya kyende o ingambi sa makyita sa Bayuda, abaimolaka pwapwa Nsimo ya Nwaphongo. Balukaka obotshe bato bamookye baanole maphoo ma bokonzi pha Nwaphongo. Akyelaka bomo makombe maato. ⁹Kasi bayoko bakyelaka moto bokusi, tebaikaka baanola, batiyolaka nzela ya Nwaphongo oboo pha bato banso. Bobele, Polo aesi ya baika, akpe baekosi, akye na be, abateyaka nkolo inso o ingambi sa kalasi ya Tiranus. ¹⁰Akoko omo mambula mabale, emba na bomo, bato banso baazalaka o Azi, Bayuda, na baatebali Bayuda, bamba ya oka Nsimo ya Nwaphongo.¹¹Nwaphongo akyelaka bilekyesako ba ikamwa na nzela ya Polo. ¹²Yango mena bato baayoko baphilaka bato ba malosi, bitobu, na bitato baakumaka nzoto ya Polo. Malosi ma bato me mamanaka, na malobo mabe matokoloko onte ya be.¹³Bana Bayuda baabaka bakye mitambula pho ya iwinya malobo mabe onte ya bato ba malosi, babaka batangye na nkombo ya Nkolo Yesu pho ya itokolo malobo me. Babaka bawo bekye: Na nkombo ya Yesu, okoteya Polo, nawo na be, malobo mabe, obotshe otokolo! ¹⁴Bato baabaka bakyele babona, yabaka bana ba bampele sambo ba nganga munene, Moyuda, nkombo ye Sekewa.¹⁵Bolobo bobe bobabuyise obotshe: Nga naebe Yesu, naebe na Polo, kasi be, oli banza? ¹⁶Bobele, bobele moto owabaka na bolobo bobe aesi ya mivaka mi be. Anwani na be, abalekaka na mwiya, baesi ya tokolo o ibanda, baloti bee banso malumbu, bazokyi na maphota. ¹⁷Bato banso ba Efese, Bayuda na baatebali Bayuda, baoka lowo me bailaka, babutwaka ikpa nkombo ya Nkolo Yesu na kaa ikye.¹⁸Bato baikye babutwaka baanosi, bayakaka yaimola maphoo maakyelaka be, bamaimolaka oboo pha bato banso. ¹⁹Onte ya bato baabaka na meete, baikye bayakaka na nkanda ya meete, baitumbaka o miyo ma bato banso. Watanga bee nkanda me, motiya nwa ye nwa yenwakokanaka na baphalanga ba bibende nkoto mako matano (50.000). ²⁰Na bomo, na mwiya wa Nkolo, Nsimo Elaa yanyangwaka na boikye.²¹Nsima ya maphoo mamana, Polo aesi ya kana ikatisa Makedoniya na Akaye obotshe akyende o Yelusaleme. Yokye: Bo nakomi omo, esengyesi obotshe nakome na o Loma. ²²Atomaka bebi ne babale bamosungye o etoma, Timote na Eraste, kasi yo akulaka kuta koko o nkyisi ya Azi.²³Imbele me toko iikye yatokoloko pho ya maphoo ma nzela ya Nkolo. ²⁴Motusi monomo, nkombo ye Demetelius, abaka katule batempelo ba nzambe Artemis na ebende ya motiya. Azwaka baphalanga o etoma me, aphutaka na bolaa baakyele ne. ²⁵Aesi ya angana na na' bato basuu baakyelaka etoma bo ekyekyele yo. Yokye: Bande, koebe obotshe banga tobikye nde na etoma ekyekyele banga eye.²⁶Bokowene, kombe na kula oka maphoo maakyele Polo, yokye: Manzambe maakyelama na nse ya bato baikye. Teli nde wawa na wawa o Efese, kasi phenephe nde o nkyisi ya Azi inso. ²⁷Lowo me nde looti etoma ya banga, nde lombi na kula buya tempelo ya Nzambe munene owa nwanwasi, Artemis, ekpele pha, nzambe me oksambele bato ba Azi, na bato ba mokyisi munso, nde takuli ba na kaa !²⁸Waoka bato maphoo mamana, batondaka na yoo, baanwanaka bekye: Ali nzambe munene, Artemis wa Baefese! ²⁹Mokyisi munso moesi ya tonda na toko, bato banso bawelane ikyende o elele ya maano. Baakyaka na bato ba Makedoniya babale baabaka batambule na Polo elele yonoyo o imbanga se, Gayusu na Aristarke.³⁰Polo aunvaka mitokolo o bo pha eboko ya bato, kasi baekosi bamokatelaka. ³¹Bankumu baayoko ba nkyisi ya Azi, baali bikamba ba Polo, bamolongoloko pho ya imobondo obotshe yo sa kyende o elele ya maano. ³²O elele eyaanganaka bato, toko yaloboko. Bana' baanwane lowo, baayoko baanwane na lowo losuu, baikye onte ya bee te baikaka eba na ntina eyaanganaka be.³³Bayuda bamba ya lekyinya moto monomo o boo pha eboko me na nkombo Alegizandre. Bato baayoko baabaka wamo bamoimolaka maphoo maalekanaka. Bobele, Alegizandre aesi ya tomba eboko o ikolo, aluka ka iyambelela Bayuda. ³⁴Waeba bee nde obotshe ali Moyuda, baesi ya anwana, bee banso mbala yonoyo, bekye: Artemis wa Baefese! Ali nzambe munene! Baanwanaka babona phenephe mangonga mabale.³⁵Emba nkumu monomo wa mokyisi me, amba ya zibisa eboko ya bato, yokye: Be Baefese, bato banso baebe obotshe mokyisi nwa Baefese babanza tempelo ya omunene, Artemis, na ekyeko ye eyauta o ikolo ya kaa onse. ³⁶Moto takokyi iika ziko na lowoo me. Na bomo, uya mo, oumunya o boo pha ikyela lowoo. ³⁷Oesi na bato baba wawa, kasi tebaikyi tola na nzambe ya banga.³⁸Bo Demetelius na bato bali na lowoo na moto monomo, elele ekyeambe nwambo eli, na bananga bali, bakye songyela! ³⁹Boli na lowoo losuu la ituna, toolobongya waangane bato banso bo kowo mobeko. ⁴⁰Mi maphoo maleka lolo, iikasi nwana bokyi bobo, balosongyele obotshe totembi. Na bomo, etelobe na na' elongyi yonoyo ya iimola bato ntina ya angana sii. ⁴¹Waunva yo iwo babona, aesi ya buya bato, bakye mibutwa oka be.

Chapter 20

¹Waunva toko, Polo amba yaangyinya baanosi, abalenze, nsima aesi ya baika, akye o Makedoniya. ²Alekanaka o nkyisi me, kakye milenza baanosi na mateya maikye. Bobele, aesi ya kyende o Grese. ³Akyelaka omo, makombe maato. Waoka yo obotshe omo Bayuda bamowangyele, bobele, aesi ya kana ibutwa o nzela ya Makedoniya.⁴Bato bakyekye moika baba: Sopatele, nwana wa Pirus, mokyisi nwe Bere, Aristarke na Sekundus, bato ba Tesaloniki, Galion moto wa Derbe, Timote, Tishike na Trofime, bato ba Azi. ⁵Moluku me bakyekye o boo, bakye loziya o Troas. ⁶Banga, nsima ya eyenga ya umunya itokolo sa Bayisalaele o Ezipito, toesi ya baa o masuwa o Filipi. Nsima ya nkolo itano, tokye bazwa o Troas, tokyelaka omo nkolo sambo.⁷Mokolo nwa poso, wa nkokolo, toanganaka pho ya izaa, Polo awonoko na baekosi. Waaba obotshe bamokyende boyana, aesi ya teya nono waa molengyela. ⁸Batala babaka baikye o ingambi saanganaka banga o ikolo.⁹Munzenga monomo, nkombo ye Etikos, azalaka o fenetele. Imbele saabaka Polo kateya nde boteye, yo azwaka ebuu na bokusi, mi ena ebu, aesi ya uta o etaze eya iyato, akaa nono onse. Bamba ya motomba, awelakyi. ¹⁰Kasi Polo aesi ya uta, amiinye oli munzenga me, amokpe o maboko me, yokye: Be sa lota, taikyi wa. Ali mumo!¹¹Bobele, akuli baa, ateni mapa, azee. Akulaka teya bobele nono wa mumengu. Waunva yo, amba ya kyende. ¹²Babutwaka na munzenga me, abikyi na na' nzoto nkusi, bo waaka yo. Lowoo me labuyaka bato banso na nkyisa boikye.¹³Banga tokyekye o bo obotshe tobaa o masuwa maakyekye na banga o Asos, mokyisi nwakanaka Polo obotshe tomokpesa o masuwa, pho yo mampenza azingaka itambula nzela me na makolo. ¹⁴Wakye lozwa yo o Asos, tomokpese o masuwa, tokye banga banso o Mitilene.¹⁵Toesi ya mana wamo, boyana tokye seme, tokyekane na esanga ya Samos, nsima ya mokolo mamuna, tomba ya kye seme oMilete. ¹⁶Polo taikaka zinga iseme o Efese, pho ya obotshe yo sa ngombono o nkyisi ya Azi. Abaka kawelane obotshe, bo walongoba, bakome o Yelusaleme o eyenga ya Pantekote.¹⁷Waseme masuwa o Milete, Polo aesi ya longolo bankumu ba Efese obotshe baya vana ne omo. ¹⁸Waya koma bee wali yo, yokye: Be koebe mobesi nwanga, nkolo inso yaabaka nga wawa tata nono mokolo nwakomaka nga o Azi. ¹⁹Nakyelelakyi Nkolo na imiuya sinso, na mbembe o matama nawenekye na mbasi pho ya maphoo maabaka Bayuda banvangyele. ²⁰Bo, koebe obotshe sikyi ezitela maphoo maakokyi iesunga, naeyimosi manso, ebe o mangambi ma be. ²¹Naimosi Bayuda na Batebali Bayuda obotshe babongole mandondo ma be, babutwe bato ba Nwaphongo, baanole Nkolo wa banga, Yesu.²²Kyeka inwanwa eye, nakyende o Yelusaleme, o kontome Bolobo Bosantu, siebe maphoo maamunzelela omo. ²³Naebe nde obotshe o mokyisi na mokyisi mookye nga, nawene obokye nga, Bolobo Bosantu kanzimole nde phanza obotshe boloko na minyoko kyinziya. ²⁴Kasi pho ya nga, nawene obotshe bomo pha nga teboli na ntina, phowa ya nga elinawene obotshe nakomya imbanga sa nga o nsuka, naunve etoma empe nkolo Yesu, Imola Nsimo Elaa eya ngolu ya Nwaphongo.²⁵Nalekanaka onte ya banso ikye miimola bokonzi pha Nwaphongo. Kasi unwanwa eye, naebe obotshe nono monomo na bee etaakule nvene. ²⁶Yango mena, naewole lolo obotshe: Bo monomo na bee abungyi nzela ya Nwaphongo, tekuli baa lowo langa, ²⁷Pho sikyi ezita, naeyimosi maphoo manso maabongya Nwaphongo.²⁸Nde komibanza bee mampenza, nde kobanza na baanosi banso. Bolobo Bosantu aekyesi ndokolo baokosi ba mampate. Okambakye ingomba sa Nwaphongo saikola yo na malongo ma Nsomi ye mampenza. ²⁹Naebe, ngakye: O nsima ya nga, bo nakye, bato balii ndokolo mangoo maa vale, bamoya onte ya bee, bamunyangola mampate. ³⁰Ebe na onte ya bee, bato bayoko bamobutwa iwo maphoo maa bole, obotshe baanosi bababengye.³¹Yango mena nde komibanza, umunyaka obotshe mambula maato, na moo na mokolo, na na' mbembe o matama, sikakyi le iiyolela monomo na monomo na bee. ³²Inwanwa eye, naeyikye o maboko ma Nwaphongo. Nsimo ye ya ngolu yamoebanza. Eli na ikokyi sa ielenza, na sa iephe ilaka saabomba yo pho ya bato banso.³³Sikyimengyela, ebe baphalanga, ebe itela, ebe bitobu ba moto. ³⁴Koebe bee mampenza obotshe nakyelakyi etoma na maboko ma nga mampenza, pho ya izwa isengyesi na nga na yaka bebi na nga. ³⁵O maphoo manso mamana, mena naeteye obotshe osengyesi ikyela etoma, pho osungakye bato baakaya. Toumunya maphoo mawoko Nkolo Yesu yo mampenza, obotshe: Nkyisa ya iphe, ilekyi nkyisa ya izwa!³⁶Waunva Polo iwo babona, amba ya kusama na mabongo, yo na be, babondesi. ³⁷Bee banso babutwaka ilela, baakyinyaka na Polo pho ya imophe mbote eya suka. ³⁸Babaka na ngongo boikye, pho Polo awoko na be, yokye: Etebakule mowene. Bobele, bamba ya kye moika nono o masuwa.

Chapter 21

¹Waamana banga oka be, tokula ya kpela o masuwa. Toesi ya kyende bobele nono o Kos. Bo yana, toesi ya kye koma o esanga ya Rode, tomani omo, tokye o Patara. ²Tozwaka omo masuwa makyende o Fenisi. Toesi ya baa o masuwa me tokye.³Toesi ya koma phenphe na esanga ya Shipre, toesi ya mana o esanga pho ya ikyende mopha nwa Siri emba tomba kye abwa o Tir, pho masuwa mabaka na mbolo ya iyabola omo. ⁴Toesi yakyela omo nkolo sambo pho tozwaka baanosi, mwiya nwa Bolobo Bosantu, bamba ya wo na Polo obotshe yo sakyende o Yelusaleme.⁵Waakokya banga nkolo ya iba na be, tomba kula ya benga imbanga sa banga. Waba banga totambule, bato banso bamba ya kye loika o ebonga, na babasi na bana. O ebonga, tomba ya kusama na mabongo o mokukulu nwa maa maanene, tomba ya bondele. ⁶Bobele, tomba ya kabwana. Banga tomba ya baa o masuwa, emba bee bamba ya butwa oka be.⁷Kasi pho ya banga, wa uta banga o Tir, wakatisa banga ibeya bebi, tomba ya kyela na bee mokolo monomo. ⁸Bo yana, toesi ya lekana, tokye koma o Sezare. Omo, tokye uta o ingambi sa moteye wa Nsimo Elaa, nkombo ye Filipe, monommo na bateye, emba tomba zala oka ye. ⁹Abaka na bana ba babasi bane, bali sa taa eba banpele, babaka baumole maphoo maute okaNwaphongo.¹⁰Wakyela banga nkolo nzikye omo, yamba ya moimosi monomo wa Yuda na nkombo Agabusu. ¹¹Waya lokyeka yo, amba ya kpa nkamba ya Polo, amba ya mikanga na yango na maboko na makolo yokye: Kyeka bokowo Bolobo Bosantu. Mokolo nwa mokaba mumu, kyeka bo waamokanga bakonzi ba Bayuda o Yelusaleme na mokaba o maboko na o makolo, emba bamba moambya oka baatebali Bayuda.¹²Waoka banga babona, banga na bebi ba mokyi, tomba ya bondo Polo obotshe yo sakula kyende o Yelusaleme. ¹³Bobele yo, amba lobuyisa yokye: Bee kolele pho ya intena mabale pho ya'ye? Nga nali phenephe, teli nde oho ya inkanga kasi na pho ya iwa o Yelusaleme pho ya nkombo ya Nkolo Yesu. ¹⁴Waba yo saanola, toloomba kula mokandindisa. Tomba wo nde obotshe: Mokano nwa Nkolo mokyelame!¹⁵O nsima ya nkolo me, waunva banga imibongya, tomba yakyende o Yelusaleme. ¹⁶Baekosi baayoko ba Sezare bakyekye loika, bamba kye lolasa o ingambi sa Manasono moto wa Shipre,moekosi wa kalakala.¹⁷Waakoma banga o Yelusaleme, bebi bamba ya lokumbela na nkyisa. ¹⁸Bo yana, Polo aesi ya kye na banga oka Zake. Bankumu ba ingomba banso baanganaka omo. ¹⁹Polo aesi ya babeya, abaimosi lowa lonolo na lonolo o maphoo manso mabakyelelaka Nwaphongo o etoma ye onte ya bato batebali Bayuda.²⁰Waoka bankumu maphoo me, bamba kumola Nwaphongo. Emba ya wo na Polo, bekye: Nwebi, oweni Bayuda nkoto na nkoto, babuto baanosi, banso babengye mibeko na bolaa. ²¹Babaimolaka obotshe iwe koteya Bayuda banso baali onte ya mobota mayoko obotshe bale mobeko nwa Mose, kowo na bee sabele bana ba be, bee sabenga mibeko.²²Tokyele bo? Tewali ziko, bato bamooka obotshe okomi wawa. ²³Na bomo, kyela bo wamoewole banga. Toli wawa na bampele bane baakata seleka. ²⁴Obakpe, omikunyole na bee elele yonoyo, ombe baphutela maphoo manso. Bakokyi imikolola moto, emba bato banso bamoeba obotshe maphoo maokaka bee pho ya we, mali mabole, kasi obokye we kobengye na we bo okoongye Mobeko.²⁵Pho ya bapakano babutwa baanosi, tobakomela mokanda pho ya ibaimola bo wakana banga. Tokana obotshe: Bee sa zaa manyama mabomesi bee bikyeko, bee sa zaa malongo, bee sa zaa manyama mawe na malongo o motema, bee sakyela bondumba. ²⁶Bobele, mokolo nwa nsima, Polo amba yakpa bato me, aesi ya tata imikunyola yo na bee molongo, amba ya kyende o Tempelo pho ya iumula mokolo mowaa bo imikunyola siumbo, amoya ambya ikabo pho ya monomo na monomo na be.²⁷Nkolo sambo ya imikunyola ya lukaka unva, waamowene Bayuda baautaka o Azi o Tempelo. Bamba ya losa moluku munso nono wa moakya be. ²⁸Baanwanaka bekye: Bato ba Isalayele, yaka ya lophe maboko! Omokyekye, moto okonwane na bato ba banga, na Mobeko na na' elele eye na mateya makye yo miteya mboka enso na bato banso! ²⁹Pho bamowenekye phanza na Tolofime, moto wa Efese, onte ya mokyisi, emba baumunyaka obotshe Polo amunyosaka onte ya Tempelo.³⁰Mokyisi mobimba nwamba ya tombo, emba bato bamba yaa baikye. Bamba ba akya Polo, emba bamba motokolo o Tempelo, nono wakanga bee bikomba ba Tempelo izele. ³¹Waba bee balukye imoboma, nsimo me esiyakoma oka mokonzi nwa batuluku nkoto ba Baloma obotshe: Yelusaleme mobimba ali na mobulu.³²Sakoko, baesi ya angyinya batuluku na bakambi ba be, baesi ya tomisa moluku nwa bato obotshe wamowene bee mokambi nwa batuluku na batuluku, bee ele iwanda Polo. ³³Bobele, nkolo ya batuluku amba ya susana phenephe na Polo, amba ya tomisa obotshe bamokangye na nyololo ibale. Emba alukaka iyeba obotshe ali nza na obotshe akyesi ye.³⁴Kasi onte ya eboko me ya bato, baanwanaka moto na moto aba na ewole ye. Mokonzi nwa batuluku taikaka oka ekpele pho ya toko. Aesi ya batoma obotshe bakye na Polo o ingambi sa batuluku. ³⁵Wakoma bee na Polo phenephe na ebaalele ya ingambi me, batuluku bamunyanyaka pho eboko ya bato batondaka na yoo. ³⁶Na bomo, bato banso bamobengaka, babaka baanwane bekye: Bamobome!³⁷Imbele salukaka bee inyosa Polo o ingambi sa batuluku, aesi ya wo na mokonzi nwa batuluku, yokye: Impe nzela naewole nono lowo lonolo? Mokonzi nwa batuluku yokye: Koebe iwo munoko nwa Baela? ³⁸Emba iwe toli Moezipito owakyelaka toko mi nkolo iye wawa, emba amba loya babomi ba bato nkoto ine o bokye?³⁹Polo, yokye: Inga nali, Moyuda, mokyisi nwa nga Tarsis o Silisi, nakuli ba na nwana monomo wa mokyisi nwa kaa. Naebondi, impe nzela, nawole bato. ⁴⁰Mokonzi nwa batuluku amba ya mophe nzela. Bobele, Polo aesi ya teme o ikolo sa ebalele ya ingambi me, azibise bato na eboko. Waikala bee bose, Polo amba ya wo na na' munoko nwa Bayuda:

Chapter 22

¹Bande na nga, na batata, okyemela iili na nga obotshe naewole inwanwa eye. ²Waoka bee Polo kabawole na munoko nwa lombo bamba kula ikala phio. Polo yoke:³Inga nali Moyuda, mokyisi nwa nga Tarsis o Silisi, kasi banzokolo wawa o Yelusaleme, naekola maphoo manso ma mibeko ma bankoko oka Gamaliele. Nabaka na nga moto wa phowa o maphoo ma Nwaphongo, bo oli lo eye. ⁴Nanyokoloko bato baabaka babengye nzela ya Nkolo, baayoko bawaka. Naakyaka bampele na babasi, nabanyosaka o boloko. ⁵Nkolo ya banga na bankumu bakokyi eimola bo nawo bole. Bantomaka na nkanda pho ya bebi Bayuda ba Damaseke. Nakyekye akya baanosi baabaka omo obotshe nakye na bee o Yelusaleme, babaphe etumbu.⁶Nabaka natambule o nzela, waakoma nga phenephe na Damaseke, ibalakana bobo, phenephe na imbele sa bunya i moto, bongyengyesi bouti o ikolo, boesi ya nzinga. ⁷Naesi ya kaa onse, namba ya oka nwesi monomo mowo na nga, obotshe: Saolo, Saolo, konyokolo pho ya'ye? ⁸Namba ya tuna ngakye: Iwe nza, Nkolo? Nwesi moesi ya buya obotshe: Inga Yesu moto wa Nazalete, okonyokolo we.⁹Baabaka na nga ele yonoyo, bawenekye bongyengyekye me, kasi tebaikaka oka nwesi nwa nvolekye. ¹⁰Bobele, namba ya tuna ngakye: Nkolo, nakyele bo? Emba Nkolo amba ya mbuyisa yokye: Inua, kyende o Damaseke, emba omo, bamoeyimola na bolaa etoma eephe be. ¹¹Kasi pho bongyengyekye me pha ndandindisaka miyo, sakula wene, nde monomo na baabaka na nga ambampila mi eboko obotshe nakome o Damaseke.¹²Moto monomo abaka omo, nkombo ye Ananiya. Abaka moto monomo mokomisi nwa mibeko ma banga. Bayuda banso babaka omo, babaka batate bomoto bolaa phe. ¹³Bobele, amba yaa oli anga, amba ya wo na nga yokye: Saolo, nwebi na nga, kula butwa iwene! Emba nde mina wamo, miyo ma nga mazibo, makuli butwa iwene.¹⁴Amba wo na nga yokye: Nwaphongo ango wa baango ba banga abongye obotshe oebe phowa ye, owene Bosembo phe na iyoka nwesi nwe mampenza. ¹⁵Pho osengyesi iba nzoka ye, o boo pha bato baso. Wamoimola na manso maweni na maokyi we. ¹⁶Kombe kula makamaka pho ya'ye? Tokyende! Obatisame, emba obondele na nkombo ya Nkolo pho masumu ma we malimbisame.¹⁷Waya butwa nga o Yelusaleme, mokolo monomo nabaka o Tempelo, nabondele, namba ya loto ndoto. ¹⁸Naesi ya wene Nkolo kawo na nga yokye: Izele, mana o Yelusaleme, sangombono, pho etebaanole nsimo eyamobaimola we.¹⁹Namba ya buya ngakye: Nkolo, kasi bee nga baebe na bolaa obotshe eli nga owabaka kakye o Mangambi ma makyita pho ya ivaka o boloko na ibinda na phimbo bato baeyanole. ²⁰Na wabomaka bee Etiyeni, nzoka ya we, na nga nabaka omo, naanolelaka babomi me emba nabaphilelaka bitobu ba be. ²¹Kasi amba wo na nga yokye: Kyende, amoetoma itake ombale ya nkyisi ya bapakano!²²Bayuda baokaka Polo kawo nono o maphoo ndengye mena, bamba ya lika nyangye bekye: Bamanya moto ndengye eye o mokyisi! Takokyi iba na bomoo! ²³Baanwanaka, bamba manya minkoto ma be, bavakye mobulubutu o ikolo. ²⁴Mokonzi wa batuluku aesi ya toma obotshe banyosa Polo o ingambi sa batuluku, bamowande phimbo, bamobalimisa obotshe awo bo kaebe ntina ekyemoangyenele be.²⁵Kasi wamokanga bee na mokposo obotshe bamowande phimbo, Polo awoko na mokambi wa batuluku owabaka wamo, yokye: Moloma otoikyi bee sambisa, oli na makokyi ma imowanda phimbo? ²⁶Waoka mokambi babona, akye imola mokonzi nwa batuluku, yokye: Wamokyela bo? Moto me ali Moloma!²⁷Mokonzi nwa batuluku aesi ya kyende phenephe na Polo, amotuni, yokye: Inzimole, oli Moloma? Polo aesi ya anola, yokye: Eli bomo. ²⁸Mokonzi nwa batuluku yokye: Inga nafuta baphalanga baikye obotshe nabutwe Moloma. Polo yokye: Kasi nga bambota Moloma. ²⁹Sakoko, baalukaka imowanda phimbo obotshe awo, aesi ya mana phenephe ne, mokonzi nwa batuluku, waeba yo obotshe Polo ali Moloma, ailaka, pho amokangaka na minyololo.³⁰Mokonzi nwa batuluku alukaka obotshe aebe solongo, lowo ye losongyele Bayuda Polo. Yango mena, boyana, bamba ya moingola nyololo yaamokangaka na be, aesi ya toma bakolo ba banganga na bato ba ikyita sinene obotshe baangane. Bobele, bamba ya kpa Polo, bamoteye obo pha be.

Chapter 23

¹Polo aesi ya kyeka bato ba ikyita siinene, yokye: Bande, nono lolo eye, naikasi ikyelela Nwaphongo na ndondo yonoyo. ²Nkolo ya banganga, Ananiya, aesi ya tomisa bato baabaka phenephe na Polo obotshe bamowande o munoko. ³Bobele, Polo aesi ya wo ne, yokye: Yamoewanda nde Nwaphongo, ekuka eyainga bee mokobo nwa pembe! Ozasi wawa na obotshe ontenele bolombe, bo kowo mobeko. Emba kokule oto mobeko, kotomisa bato obotshe banvande.⁴Baabaka phenephe na Polo, baesi ya wo ne, yokye: Kotole nkolo ya banganga ba Nwaphongo! ⁵Polo, yokeye: Bande, sikakyi eba obotshe ali nkolo ya banganga, pho naebe na bolaa obotshe bakoma o buka pha Nwaphongo, sawole nkolo ya ibota sa we maphoo mabe!⁶Polo aebaka obotshe bato ba ikyita siinene babaka Basadukai, bayoko Bafalisayi. Yango mena aanwanaka obo pha bee, yokye: Bande, nga nali Mofalisayi, nwana wa Bafalisayi. okoanole nga obotshe bawe bamokundwa, yango mena nasambe. ⁷Wawo yo babona, Bafalisayi na Basadukai baphalatanaka, bato baanganaka baesi ya mikabinya na biboko bibale. ⁸Pho Basadukai bawo obotshe bawee ete bakule kundwa, mwanze tali, bolobo tali, kasi Bafalisayi baanole obotshe inso mina ili.⁹Bakulaka anwana na bokusi, bateye ba mibeko bayoko bali na Bafalisayi, baesi ya teme, baphalatanaka na bokusi, bekye: Banga toloikyi mozwa na lowo loobe. Yamoba bolobo, na mwanze awo ne! ¹⁰Bakuli phalatana na bokusi, mokonzi nwa batuluku ailaka obotshe bamotena Polo bite bite. Yango mena, batomaka batuluku obotshe baute o elele eyanga bato, bamanya Polo onte ya be na bokusi, bakye ne o ingambi sa batuluku.¹¹Wa mokolo nwa nsima, Nkolo amba ya miweninya na Polo, awo ne, yokye: Oititale nde babona! Bouti we iimola Nsimo yanya nga wawa o Yelusaleme, esengyesi obotshe okye na imola o Loma.¹²Bo yana wa mumbengu, Bayuda bamba wanga, bakati seleka obotshe bamokula zaa, bamokula nywa, elaa phanza babomi Polo. ¹³Bayuda me bawangaka babaka bato leka mako mane.¹⁴Baesi ya kyenda oka bakolo ba banganga na oka bankumu, bawo na bee, bekye: Banga totaki seleka obotshe tomokula zaa elaa tobomi Polo. ¹⁵Emba inwanwa eye, bee okana na bato ba ikyita siinene, ongye na mokonzi nwa batuluku, obotshe baye na Polo obo pha bee, ebe ndokolo oli na phowa ya ikula olinya lowo le na bola. Banga mampenza tumbomiwangya obotshe tomobome mena yo sataakoma wawa.¹⁶Nwana wa lele wa nwananyango na Polo owa nwnwasi, waoka yo ikolo me, aesi ya kyende o ingambi sa batuluku, akyeimola Polo maphoo me. ¹⁷Bobele, Polo aesi ya banga monomo na bakambi ba batuluku, awo ne, yokye: Kyende na munzenga oyo oka mokonzi nwa batuluku, ali na lowo la imoumola.¹⁸Mokambi wa batuluku aesi ya mokpa, akye ne oka mokonzi nwa batuluku, yokye: Polo, ambangyi, ambondi obokye naeyelele na munzenga oyo ali na lowo la ewole. ¹⁹Mokonzi nwa batuluku aesi ya kpa munzenga me meeboko, akye ne biimbale, yokye: Lowo ye loolukye we inzimola?²⁰Yokye: Bayuda baoka obotshe baongye na we okyende na Polo yana obo pha ikyita siinene, ebe ndokolo bali na phowa ya ikula olinya lowo le na bolaa. ²¹Kasi iwe, saanola yaamowo be! Pho bato leka mako mane onte ya bee bamibomba obotshe bamoakya. Bakata seleka obotshe bamokula zaa, bamokula nywa elaa phanza bamobomi. Inwanwa eye baumbo miwangya, baziya nde bowa babuyisa we.²²Mokonzi me aesi ya wo na munzenga me obotshe: We sakye imola nono moto monomo maphoo manzimosi we. Emba amba ya mobuya. ²³Bobele, mokonzi nwa batuluku amba ya banga bakambi babale onte ya bakambi, yokye: Angyinya batuluku mikama mibale, bato mako sambo baatambule na mampunda, na bato mikama mibale baaphile makongo, omibongya pho ya ikyende o Sezare wa ngonga ya ibuwa eya nkonkolo. ²⁴Bongya na mampunda ma inyanya Polo obotshe omokomya na nzoto nda oka Moangyesi Felikis.²⁵Akomaka mokanda yokye: ²⁶Inga Klode Lusias, nabeya, Moangyesi Felikis, moto wa kaa. ²⁷Bayuda bakyaka moto oyo, balukaka imoboma, waoka nga obokye ali Moloma, naesi ya kye na batuluku banga, nakye kokandola.²⁸Nalukaka eba na' Bayuda bamosongyele na lowo ye, naesi ya kyende ne obo pha ikyita siinene. ²⁹Nawenekye obotshe bamosongyele pho ya maphoo ma mibeko mabee mampenza, kasi taika kyela lowo lonolo loobe obotshe awe, na bamunyosa o boloko. ³⁰Waoka nga obotshe Bayuda bamowangyele na bobe, yango mena naetomesi yo izele, nawo na bato baamosongyele obotshe baya mosongyela obo pha we.³¹Batuluku baesi ya kyela bowatomaka bee, bakpe Polo, bakye ne mokolo me mamuna nono o Antipatris. ³²Bo yana, batuluku, bakyekye na makolo, baesi ya butwa o ingambi sa be, baikyi babaka na mampunda, bakye na Polo. ³³Wakoma bee o Sezare, bakyekye na mampunda baesi ya phe Moangyesi mokanda, baikyi Polo onse ye.³⁴Moangyesi amba ya tanga mokanda, atuni Polo na kaute o mokyisi ye. Waebaka yo obotshe kaute o Silisi, ³⁵awo ne, yokye: Namoetuna motuna bo bato baesongyele baesi. Emba ya toma bato obotshe babanza Polo o ingambi sa Elode.

Chapter 24

¹Nsima ya nkolo itano, nganga munene, Ananiya, amba ya kyende o Sezare yo na ndambo ya mankumu, na na' moto monomo wa yela ya iwo, nkombo ye Tertulus. Baesi ya kye obo pha Moangyesi Felikis obotshe basongyele Polo. ²Bamba ya banga Polo. Tertulu atati imosongye, yokye: Iwe moangyesi wa kaa, Felikis, eli pho ya we, banga lolo toli na nkyisa ya ibaa bose. Bakyele bitpma bilaa o ibota sa Bayuda sisi pho ya boebakye pha we pha maphoo. ³Toebe na bolaa bo kyele we, pho ya inso ikyizwe banga mala na mala bilele binso.⁴Kasi sikokyi iwo waikye, yango mena, naongye nde obotshe na ngongo ya we, okute loka nwana bokyi bobo. ⁵Toweni obokye moto oyo ali phele moto mobe, kaambya toko oka Bayuda banso ba mokyisi munso. Ali mokambi nwa ingomba sa bato ba Nasalete. ⁶Akulaka na oto tempelo, emba tomba moakya. Tolukaka imosambisa bokowo mobeko nwa banga.⁷Kasi mokonzi nwa batuluku, Lusias, waya yo, aesi ya mobolo na bokusi onse ya banga. ⁸Lusias amba ya wo na bato bamosongyele obokye baye obo pha we. Bo otuni moto me we mampenza, wamowene obotshe maphoo manso maamosongyele na banga mali phele. ⁹Bayuda bamba yaanola, bekye: Eli nde bomo.¹⁰Bobele, Moangyesi Felikis amba ya kyelela Polo eboko obotshe awo. Polo, yokye: Naebe obotshe mambula maikye oli moteni wa bolombe wa ibota sisi, nali na nkyisa ya aamba obo pha we. ¹¹Nawe mampenza, okokyi eba phele obotshe, owakomaka o Yelusaleme pho ya ibondele Nwaphongo, nakyela nde nkolo iko mbuka ibale bobele. ¹²Tebaikanzwa, ebe o Tempelo, ebe o mangambi ma makyita ma Bayuda, ebe o lombo, obotshe naphalatane na moto monomo, naa nalosa eboko ya bato. ¹³Bato baba tebali na ekpele ekyeteya obotshe maphoo mansongyele na bee lolo mali phele.¹⁴Naanole obo pha we obotshe nakyelele Nwaphongo owakyelaka bankoko banga, namokyelele na nzela ya Yesu enyakune ekyewo bee obotshe telongoba. nakule anola maphoo manso maali o buku mibeko na o buka pha baimosi. ¹⁵Nalemele oka Nwaphongo, na bansongyele balemele bomo me, obotshe bato, na balaa na babe banso bamokundwa. ¹⁶Yango mena nakyele bokusi obokye nabe imbele sinso na maumunya malongoba obo pha Nwaphongo, na obo pha bato.¹⁷Nsima ya mambula maikye sakula koma o Yelusaleme, nakuli ya obotshe nasungye ibota sa banga Bayuda na baphalanga na obotshe naamba nda oka Nwaphongo. ¹⁸Mena maphoo manzwaka na bee nakyele o Tempelo, naunvaka imikunyola, bokowo mobeko. Bato tebaikaka ba baikye, natoko teyaikaka ba. ¹⁹Kasi Bayuda bayoko ba Azi babaka wamo, eli bee bakokakyi iyansongyela obo pha we, bo babakyi na nga na lowo.²⁰Bo tebe bomo, le obotshe bato baba bawo, bo banzwa na lowo ye lobe, wabaka nga obo pha ikyita siinene. ²¹Nawoko na na' bokusi, ngakye: Nambee lolo eye obo pha we nde pho naanole obotshe bawee bamokundwa. Siebe lowo losuu lonsongyele na be!²²Felikis, owaebaka yo mapho ma nzela ya Nkolo na bolaa, aesi ya babuyisa, yokye: Namotena bolombe pha lowo labe, wamoya mokonzi nwa batuluku, Lusias. ²³Amba ya wo na mokambi wa batuluku obokye abuya Polo o boloko, amoephisa, bo bebi ne baaya mosunga, yosabakatela.²⁴Nsima ya bana nkolo, Felikis amba ya na nwanwasi we Dulusila, ali moyuda. Aesi ya toma bato obotshe baye na Polo, aokye mapho mawo yo pho ya anola Yesu Klisto. ²⁵Felikis, waoka yo Polo kateya bokokyi moto ikumola Nwaphongo na mobesi nwe, bookokyi moto imizila bowamotena Nwaphongo bolombe pha mokyisi mumu, awoko ne yokye: Inwanwa eye, takyende, bo nazwe ngonga namokula ebanga.²⁶Alemelaka na obotshe Polo amophe baphalanga, yango mena abaka kamobangye obokye bavane. ²⁷Mambula mabale malekana nde babona, nsima Porsuis Festus amba ya butwa moangyesi o elele ya Felikis. Felikis aikaka Polo o boloko, pho ya ilekyikyisa Bayuda.

Chapter 25

¹Nsima ya nkolo ya nkolo iyato, wakpa Festus bokonzi, aesi ya uta o Sezare, akye o Yelusaleme. ²Omo, bakolo ba banganga na bankumu ba Bayuda baesi ya songyela Polo oka ye. ³Baongaka ne obotshe batome bato bakye banga Polo, baye ne o Yelusaleme, bawangaka obotshe bamobome o nzela.⁴Festus aesi ya babuyisa, yokye: Polo abaka o boloko o Sezare, na nga mampenza nalukye ikula kyende omo inwanwa eye. ⁵Le obotshe: Bakonzi ba bee bakyenzika o Sezare, bambe songyela moto me, bo akyela bobe.⁶Festus akyelaka omo nde nkolo nwambi naa iko, amba ya butwa o Sezare. Bo yana, aesi ya kye zala o elele ekyeambe bee maphoo, amba ya toma bato, yokye: baye na Polo. ⁷Waya bee ne, Bayuda bautaka o Yelusaleme, baesi ya molungya, bamosongyele na maphoo maikye manene, mawaa bee mampenza tebaikaka koka iteya obokye mali phele. ⁸Polo aesi ya babuyisela, yokye: Ebe pho ya mibeko ma Bayuda, ebe pho ya Tempelo, ebe pho ya Kaisala, sikyi kyela lowo lonolo loobe.⁹Festus, alukaka obokye Bayuda bamosambe, aesi ya tuna Polo, yokye: Wamozinga ikyende o Yelusaleme obokye osambe lowo lolo omo obo pha nga? ¹⁰Kasi Polo amba ya buya yoke: Nali o tilibinale ya Mokonzi, nasengyesi isamba nde omo. Sikyi kyela Bayuda na lowo lonolo loobe, nde bokowene we mampenza babona.¹¹Bo nakyesi bobe phele, na bo naanikyela lowo loobe lokokyi obotshe nawe, sikokyi ilita iwa. Kasi bo maphoo mansongyesi na bee mali ma bole, moto takokyi inzambya o maboko ma be. Nazingyi iamba obo pha mokonzi. ¹²Bobele, Festus amba yaanola maumunya me, emba amba mobuyisa yokye: Ozingyi iamba nde oka mokonzi, wamokye o boo pha mokonzi.¹³Bana nkolo balekanaka, mokonzi Agripa na Belenise bamba ya o Sezare, emba; bamba kye kyeka Festus. ¹⁴Emba bowaba bee balekyinya nwana imbele, Fetus amba ya imola mokonzi lowo la Polo, yokye: Moto mono ali wawa, Felikis amoika o boloko. ¹⁵Waba nga o Yelusaleme, banganga banene na bankumu ba Bayuda bamba ya mosongyela, baongye obotshe bamunyete. ¹⁶Namba babuyisa obokye o mibeko ma Baloma, tebakokyi ambya moto bo naino tebamokyi yo na bato bamosongyesi, na ibuya i mapho manso mamosongyesi na be.¹⁷Yango mena baya wawa nde ena yana, sakuta na nzephisa. Namba ya zala o tilibinale, emba na mba batoma obotshe baye na moto me. ¹⁸Wayaangana basongyesi bee wali yo, tebaika zwa na lowo lonolo lookusi bo waumunyaka nga. ¹⁹Babaka ne nde na toko ekyekyi maphoo ma losambo la bee mampenza, na pho ya moto monomo nkombo ya Yesu owa wa, kasi Polo kawo obotshe ooli nde na bomoo. ²⁰Waba nga sazwa ndengye ya itena bolombe mi lowo ndengye mena, namba ya onga ne obotshe akyende o Yelusaleme pho ya obotshe lowo le lokyewomo omo.²¹Kasi Polo azingyi nde ikye amba obo pha mokonzi omunene, emba namba ya toma obotshe batamovaka o boloko nono mokolo nwaamolekyinya banga obo pha mokonzi. ²²Bobele Agripa amba ya wo na Festus: Nazingyi oka na nga moto me. Amba mobuyisa yokye: Yana, waamoka.²³Bo yana, Agripa na Belenise bamba ya kye nyolo na kaa enso o ingambi siambinya bee maphoo, bee na bakonzi baanene ba batuluku na bankumu ba mokyisi. Festus amba ya toma bato obotshe baye na Polo. ²⁴Emba Festus amba ya tata iwo, yokye: Mokonzi Agripa na be banso bali na banga, kowene moto oyo. Bayuda banso baesi oka nga pho ye, o Yelusaleme nono wawa bakyemianwana bekye takokyi ikula baa na bomoo.²⁵Pho ya nga, sikyizwa o maphoo me lookokyi ne iwa. Kasi pho yo mampenza azingyi ikye iamba oka mokonzi omunene, naanosi imotoma oka ye. ²⁶Otoli nga na na' lakolo lowo laikomela mokonzi pho ye, namoambinya o boo pha bee, konza o boo pha we mokonzi Agripa, pho okokye imokomela nsima ya iyoka munoko nwe. ²⁷Pho ya moba bobe, pho ya nga, itoma moto wa boloko, sanka ya iyebinya biwele bimoakye na be.

Chapter 26

¹Agripa amba ya wo na Polo, yokye: Toephe nzela obotshe oambe. polo amba ya elola eboko, emba amba ya amba yokye: ²Mokonzi Agripa, imaphoo manso mansongyesi na Bayuda, namiwene nde na nkonzo ya iamba lolo o boo pha we, ³pho iwe koebe na bolaa bonkoko bonso pha Bayuda na maphoo ma phango. Naongye nawe obotshe onzokye na bolaa.⁴Bayuda banso banzebe na bolaa, uta bolengye pha nga, baebe bowabaka nga phanza onte ya ibota sa banga Bayuda, na o Yelusaleme. ⁵Banzebe kakala, bakokyi na iwo bo bazingyi, obotshe nali moto oko kumole na bokusi mibeko ma ingomba sa banga Bafalisayi.⁶Emba lolo eye, bo naesi yaamba, eli nde pho ya molemo nwa mbunu eya ikyela Nwaphongo baango ba banga. ⁷Na obotshe mabota ma banga iko mbuka mabale, wa mobondele be Nwaphongo na moo na mokolo, saema, balemele iwene mbunu me ekokyisame. Eli nde pho ya molemo mamuna, so mokonzi, bonsongyesi Bayuda bobo. ⁸Pho ya'ye onte bee toanole obotshe Nwaphongo kakundole bawe?⁹Pho ya nga, naanolaka bato saanola nkombo ya Yesu, moto wa Nazalete. ¹⁰Emba nde bomo bo wakyela nga o Yelusaleme. Nga mampenza naakyaka baanosi baikye na bokonzi phampekye banganga baanene emba na nga naanolaka waba bee bababome. ¹¹Nanyoloko o mangambi ma makyita manso, nakyelaka bitoma bikye pho ya bee, pho ya ibatomisa na bokusi obotshe batole Yesu, emba na kabu yanga ekusi, nababengaka nono o nkyisi suu yinene.¹²Yango mena, mokolo monomo, nabaka nakyende o Damaseke na bokonzi bonso na etoma ya ba nganga banene. ¹³Nabaka o nzela, so mokonzi, imbele sa bunya o moto, naesi ya wene bongyengyekye bouti o ikolo, bolole lokola moo, bongyengyekye me boesi ya nzinga ebe na bebi baatambulaka na nga nzela. ¹⁴Tomba ya kaa banga banso onse, emba namba ya oka nwesi monomo mowo na nga na munoko nwa ba Ebele, obotshe: Saolo, Saolo, pho ya'ye konyokolo? Bo ole mbela yanga, mena komizokya nde we mampenza.¹⁵Namba ya buya ngakye: Iwe nza, Nkolo? Nkolo amba kula ya wo yokye: Nali Yesu, eli nga moto okonyokolo we. ¹⁶Kas inwa, teme! Kyeka pho ya'ye naetokolesi: Naewosi pho obe moto wa etoma na nzoka ya iwene siuti we invene, na yaamowenekye nsima, na yaamobaka nga naeteya. ¹⁷Namba ebikya o maboko ma Bayuda, na ma mabota ma bapakano wamooetoma nga. ¹⁸Pho ya ikye baingola miyo, ibamanya o enzombi pho ya ibabuya o moo, ibamanya o bokonzi pha Molemba pho ya ibabuya oka Nwaphongo. Pho ya obotshe bazwe bolimbisi pha masumu na iyalo sa ilaka elele yonoyo na baanosi, na nzela ya inzanola.¹⁹Tata wamo, mokonzi Agripa, sika koka ile ndoto ya ikolo eya wenekye nga. ²⁰Kasi naimola bato ba Damaseke phanza emba ba Yelusaleme, o nkyisi inso ya Yuda, nsima o mabota ma bapakano obotshe basengyesi ibongola mandondo pho ya ekpana bika Nwaphongo, bobikakye boteya obotshe babongosi mandondo ma be. ²¹Eli pho ya bomo Bayuda banzakyakyi o Tempelo, balukakyi imboma.²²Nwaphongo ambanze nono lolo eye, nata baa na bomoo obotshe naimole nsimo ya nga oka bato banso bakyikyi na baanene. Naanole nde maphoo mawo Mose na mawo bikondo obotshe mamoya: ²³Masiya amowene bolosi, amoba moto owa owa boo, owa mokundwa onte ya bawe. Amoimola o ibota sa banga na bato bate bali Bayuda obokye moo moesi enzombi emani.²⁴Waaba Polo katondolo babona, Festus amba ya anwane ne, yokye: Polo, oli na nwa! Iyekola saekolaka we na boikye siephe nwa! ²⁵Polo, yokye: Festus moto wa kaa, nga sili na nwaa, na wo maakolo maphoo mali phele. ²⁶Mokonzi Agripa kaebe maphoo manama na bolaa. Nakokyi imowole mango pwa pwa. Naanole obotshe taabungye nono lowo na lonolo i maphoo mamana, pho malekana o miyo ma bato.²⁷Mokonzi Agripa, koanole maphoo mawo baimosi? Naebe obotshe komaanole! ²⁸Agripa aesi ya wo na Polo, yokye: Kolukye imbuya nde inwanwa eye moklisto? ²⁹Kasi Polo, yokye: Ebe inwanwa eye, ebe wa ikoko, nabondele Nwaphongo obotshe nawe, na banso baanzokye lolo eye, bee obutwe boli nga, manya nde nyololo iye!³⁰Mokonzi, na moangyesi, na Belenise, na banso baazalaka na be bamba ya teme. ³¹Wamana bee wamo, bawenekye, bekye: Moto oyo taikyi kyela lowo lonolo laiwa na laimunyosa o boloko. ³²Agripa amba wo na Festus yokye: Moto oyo, bo tawokyi obotshe azingyi ikye amba oka Kaisala phe, nde bamokandolakyi.

Chapter 27

¹Wakpama meko obotshe toba o masuwa pho ya ikyende o Itali, aesi ya kpa Polo na bato ba boloko bayoko bakye baphisa Yuli, oli monomo na bakambi ba moluku nwa batuluku ba moangyesi wa Loma. ²Bobele, tomba ya baa o masuwa mautaka o Adramite, makyende mopha nwa mabongu ma Azi. Moto monomo wa Makedoniya, mokyisi nwe Tesaloniki, abaka na banga elele yonoyo. Nkombo ye Aristarke. Tomba ya kyende.³Bo yana, toesi ya koma o Sidona. Yuli abaka na Polo na bolaa, aesi ya mophe nzela ya ikye kyeka bande ne, obotshe azwe yaasengyelaka ne. ⁴Wabanda banga wawana, toesi ya banda mopha nwa esanga ya Shipre, pho phephekye yabaka kyekule lobuya na minsima. ⁵Toesi ya katisa maa manene mali phenephe na Silisi na Pamfili, tokye koma o Mira, mokyisi monomo o Lisi. ⁶Omo, mokambi wa batuluku azwe masuwa mautaka o Alegizandri, makye o Itali, aesi ya lokpesa omo.⁷Tokyelaka nkolo nzikye o nzela, masuwa makyekye nde na moo na moo. Tolukaka obotshe tokome o Kinidi. toesi ya lekana oSalmone obotshe toekpane o mophaa moyoko nwa esanga ya Kelete, pho phephekye teyaikaka lophe nzela ya ilekana mopha nwabaka banga. ⁸Totambulaka na nkaka obotshe tolekane o mokukulu me, tokye koma o elele yonoyo, baebangye Mabongu Maalaa phenephe na mokyisi nwa nkombo Lase.⁹Tokokoko na boikye o nzela. Nkolo ikyikyile bee izaa yaunva lekana. Na bomo tokomaka imbele siikyele phephekye na bokusi. Yabutwaka nkamba obotshe masuwa makule tambula. ¹⁰Bebi, nawene obotshe imbanga sisi samoba na nkamba, masuwa na mbolo iili omo yamotono na bobe, kasi na banga mampenza botewalongoba phe, tomowaa. ¹¹Kasi mokambi wa batuluku taikaka anola munoko nwa Polo, aanolaka nde munoko nwa mopuse wa masuwa na mokolo wa masuwa.¹²Ibongu me tesaikaka ba elele elaa obotshe masuwa maseme imbele saabaka phephekye kyekyele na bokusi. Yango mena, bato bayoko baikye ba masuwa, bakanaka obotshe tomane wamo, bo tomokoka, tokome o Feniks, ibongu sa Kelete sikyekye mbale eya ngyele, na mbale eya ikolo, obotshe imbele sa sekye suunve wamo. ¹³Nwana phephekye ekyeute mopha nwa ngyele, ebuto ikyela. Bato ba masuwa babuyaka obotshe bamokokya yaakanaka be. Baesi ya manya longo, babuto itambula babande phenephe na mokukulu nwa esanga ya Kelete.¹⁴Sakoko ewele yonoyo yautaka o mangomba manene ma esanga. O munoko nwa Baela babangye ewele me Yulakulu. ¹⁵Yeesi ya lodikyinya, tewakulaka koka ibekola masuwa mopha mooye eweele. Bobele, ewele ebuto ikye milouka nde baabona. ¹⁶Toesi ya banda phenephe na esanga yonyo ekyikyi, nkombo na yango Kloda, yakutaka loziba pho ya eweele. Tonyokoko iphila nwana ebe omokyikyi okobe o nsima ya masuwa;¹⁷obotshe bato ba masuwa baebaya omo. Bobele, baesi ya kpa nsimbi iinene, baizingyi o masuwa, bamakangyi obotshe me saotono. Waba bee baile ikye baa mi bokye pha mokukulu nwa Libi, baesi ya vaka ibaya sonoso siinene obotshe sizimbe masuwa, mabutwe ikye namoo na moo, eweele yeesi ya butwa ikye louka nde baabona. ¹⁸Eweele yabaka kyelodikyinya nde nabokusi, bo yana baesi ya butwa ivaka bipesi baanyanyaka banga o maa.¹⁹Mokolo nwa sima, baesi ya vaka bee mampenza bakapoo baa masuwa solongo o maa. ²⁰Nkolo nzikye telokulaka wene ebee moo, ebee banyasesi, eweele yataaka ba nde ekusi. Telokulaka lemela obotshe tomobika.²¹Baabaka o masuwa bakoko sa zaa. Bobele, Polo aesi ya teme onte ya be, yokye: Bebi, bo wanzokaka obotshe banga sa mana o Kelete, nde telonyokomi bobo, nde telobungye na mbolo bobo. ²²Kas inwanwa eye, naongye na bee obotshe oititale, pho nono moto monomo etaawe, ekpele yonoyo eya mootono nde masuwa.²³Nwaphongo, ooli Mobikye nwa banga, owaa okokyelele nga, antomelakyi nwanze we na mokolo, ²⁴awo na nga, yokye: Polo, iwe sa ila! Esengyesi obotshe okome obo pha Moangyesi Kaisala, pho ya we, Nwaphongo na ngolu ye amobikya na banso baatambule na we o masuwa. ²⁵Yango mena, bebi, oititale pho nakyele ndondo yanga oka Nwaphongo obotshe maphoo mamana mamoba nde boonzimolakyi nwanze. ²⁶Kasi esengyesi obotshe masuwa makye lovaka o mokukulu nwa esanga yonoyo babona.²⁷Tokyela nkolo iko mbuka ine, eweele yabaka kyekye na banga nde bokye o maa manene ma Meditelane. Wamolengyela, bato baakyele o masuwa bawenekye obokye tokomi phenephe na manyete. ²⁸Baesi ya meka bozindo pha maa, baweni obotshe boli pha ba metele mako mane. Basusa na nwana boo, bakuli meka, bazwe bonzindo pha ba metele mako maato. ²⁹Bailaka obotshe masuwa sa zuma o mabanga. Yango mena, bamba ya vaka balongo bane o nsima ya masuwa, baimaka obotshe bunya boyee izele.³⁰Bato baakyele o masuwa balukaka ilota, baesi ya uya ebee ya masuwa o maa, bakye vaka balongo o boo pha masuwa. ³¹Kasi Polo aesi ya wo na batuluku na mokambi wa be, yokye: Bo bato baba tebaikasi o masuwa, telokokyi ibika. ³²Bobele, batuluku baesi ya tena nsimbi yaaphilaka ebee, baele, ekye.³³Phenephe na walukye iye bunya, Polo aesi ya banga bato banso obotshe baze, yokye: Lolo eye tokokye nkolo iko mbuka ine, koziya nde obotshe eweele yunve, oli nde baabona sa zaa ekpele. ³⁴Kasi naongye na bee obotshe oze, pho osengyesi na ntoma obotshe obikye. Moto monomo onte ya bee etaabungya nono munsuwe monomo o moto nwe. ³⁵Waunva Polo iwo babona, amba ya kpa mapa, abondesi Nwaphongo obo pha be banso, aesi ya makaba, babuto izaa.³⁶Bobele, banso babutwaka na nkyisa, baesi ya zaa. ³⁷Banga banso o masuwa, tobaka bato nkama ibale na mako sambo mbuka motoba. ³⁸Waawene bee obotshe baokyi ntoma, bamba ya vaka ba ble o maa obotshe masuwa malawe.³⁹Waye bunya, bato baakyele o masuwa tebaikaka eba obotshe bakomi phenephe na manyete. Kasi bamba ya wene ibongu sonoso iwee sa maa, baesi ya kana bekye seminya masuwa omo. ⁴⁰Bamba ya tena nsimbi ya balongo banso, babaikyi o maa, bamba ya ingola na nsimbi ya yenda ya masuwa. Bobele, baesi ya kyela etobu yonoyo enene o masuwa mopha nwa o boo, obotshe eweele eukye masuwa mopha nwa ibongu me. ⁴¹Masuwa maesi yakye sele na bokusi o bokye me phaabaka o ntante ya maa, mopha nwa obo munyosi o bokye, temokuli nyingana, emba kanda ya mba tena mophaa nwa nsima.⁴²Batuluku balukaka iboma bato ba boloko pho nono monomo na bee sa nyongyela obotshe alote. ⁴³Kasi mokambi wa batuluku alukaka ibikya Polo, amba ya bakatela obotshe bale. Aesi ya tomisa baebaka inyongyela, yokye, amikumbya o maa phanza, akye abwa o ikolo. ⁴⁴Bayoko baphile o mabaya, na o bite ba masuwa, babengye bebi. Na bomo babona, banga banso toabwaka o ikolo, tobikaka.

Chapter 28

¹Wamana banga o mbale eya makama, tomba ya oka obotshe esanga me baebangye na nkombo Malte. ²Bato ba esanga me, balookyelaka ngongo. Waba mbula kyeno, mpiyo yabaka, baesi ya lokyelela nwenya mwiikye, balobangyi banga banso obotshe tokye ooto.³Polo aongoko ebolo ya nkoo obotshe aevakye o nwenya, na ina mbambisa nzoo yeesi ya tokolo omo, ekatemi o eboko ye. ⁴Wawene bato ba esanga obotshe nzoo ekatemi o eboko ya Polo, bawonoko, bekye: nde phele moto oyo ali molemosi wa bato. Na bo babikakyi o maa, Nwaphongo na bolombe phe, taikyi zinga obotshe abe na bomo.⁵Kasi Polo, nde phele, aesi ya nyaka nzoo o nwenya, saoka na nwana bolosi. ⁶Bato baziyaka nde obotshe bamowene aulo, na aka awe. Kasi, waziya bee tee, baesi ya wene nde obotshe tewaamoyelele na lowo lonolo loobe. Bamba ya bongola maumunya ma be, bamba butwa iwo mbala nzikye bekye: Ali nde nzambe.⁷Manyete ma mokonzi nwa esanga me mabaka phenephe na elele me, nkombo ye Pubilusu. Amba loyamba na bolaa, amba lolasa nkolo iyato. ⁸Ango abaka alangyi o ntangye, mowewe nwabaka momunyokolo na iphanza malongo. Polo amba ya kyende o moto nwa ntangye ye, na ibondele, amba motandela maboko, amba mobikya. ⁹Nsima ya lowo lalona, bato bayoko ba esanga baabaka na malosi, bayakaka na bee oka Polo, na bee babikaka me. ¹⁰Bamba lokumola na ndengye inso, emba wakula banga benga imbanga sa banga o nzela ya ebale, balokokyiselaka mbolo inso iwaa yasengyelaka na banga.¹¹Nsima ya makombe maato, tomba ya baa o masuwa masengyelaka wamo imbele sinso sa seekye. ¹²Toesi ya kye seme o Sirakize omo nkolo iyato.¹³Wamana banga wawana, toesi nde ya banda mokukulu, tokye koma o Regiyumu. Bo yana, phephekye ekyeute o ngyele, yeesi ya kyela, emba tomba ya koma o Puzole nsima ya nkolo ibale. ¹⁴Omo, tokyezwa bebi baaongaka na banga obotshe tokyele poso yonoyo oka be. Kyeka bo wakye banga o Loma. ¹⁵Wataba banga o mokyisi mamuna, bebi baokaka iya sa banga, bamba ya lobenga nono o Zando sa Apiyusu na o elele ekyebangye bee Mangambi maato. Wabawene yo, Polo amba phe Nwaphongo melesi, kuli zwa nkyisa.¹⁶Wakoma banga o Loma, baanolaka obotshe Polo akye zala o elele ye mampenza, na tuluku monomo pho ya imobanza. ¹⁷Nsima ya nkolo iyato, Polo amba ya banga bankumu obotshe baangane. Waangana bee yokye: Bebi, nga otowaika kyela lowo na bato ba banga naa na mibeko ma loikela baango ba banga, bakambi ba Bayuda banzakyaka o Yelusaleme, banzambye o maboko ma Baloma. ¹⁸Waunva intuna mituna, balukaka inkandola pho tebaikaka nzwa na na' lowo lonolo loobe obotshe bambome.¹⁹Kasi Bayuda tebaikaka banola, nambaka baonga nde obotshe nakyende oka Moangyesi Kaisala, siikaka baa na na' lowo la isongyela ibota sanga. ²⁰Yango mena, naebangakyi obotshe naewene, towenene, bankangaka munyololo mumu nde pho ya moto okokyelele banga bato ba Yisalaele molika.²¹Baesi ya mobuyisa, bekye: Toloika zwa nono mokanda monomo muuti o Yuda pho ya we, onte ya bebi baaesi wawa, nono monomo taikyi loimola lowo la we, naa awo lowo loobe pho ya we. ²²Kasi banga toli na phowa obotshe oloimole bo koumunya we, pho toebe obotshe bilele binso baikye ziko na ingomba sa Baklisto.²³Bee banso na Polo, balongyibinyaka mokolo nwamovana be. Wakoka moklo me, bato baikye bayakaka ya benga Polo o ingambi siizale yo. Polo abateyaka tata na mumbengu nono wa nkokolo. Abaimolaka bo oli bokonzi pha Nwaphongo: abatangyelaka nkanda ya mibeko ma Mose na nkanda yaakomaka baimosi, akyelaka bokusi obotshe baanole Yesu. ²⁴Bana baanolaka maphoo maawoko yo, kasi bayoko tebaikaka anola.²⁵Wainua bee obotshe babutwe, babaka na ziiko onte ya be. Polo aesi ya wo na bee nde obotshe: Bolobo Bonsatu alongaka, waawoko yo na bankoko ba banga na nzela ya moimosi Yisaya! ²⁶Kye wo na ibota sa Bayuda sasina bobo: Wamooka na bolaa, kasi otoebe ntina ya maphoo me, Wamokyeka na bolaa, kasi otowene ekpele.²⁷Pho ntema ya bato baba ibuto nkusi, baundi matoo ma be, obokye bee sa wene, Mandondo ma bee mabuto makusi obotshe bee sa eba ekpele pho baye oka nga, nababikya. Eye kyewo nga Nwaphogo.²⁸Emba Polo amba ya sukya yokye: Oeba obotshe Nwaphongo atomelaka bato baatebali Bayuda Nsimo ye okye babikye, emba bee baamooka! ²⁹Wawo Polo babona, Bayuda babutwaka, baphalatanaka na bokusi onte ya be.³⁰Polo aphutelaka ingambi sonoso o Loma. Akyelaka mambula mabale omo. ³¹Aimolaka booli bokonzi pha Nwaphongo, ateyaka maphoo ma Nkolo Yesu Klisto pwapwa. Moto nono monomo taikaka mokatela.

Kango: Bible for Acts

Formatted for Translators

Acts