¹ Ano omazhina abana ba Isalela bafumine mu Ijipita ne Yakoba, yense neba munzubo yami: ² Lubeni, Simoni, Levi, ne Yuday, ³ Isaka, Zebuloni, ne Benjamin, ⁴ Dani, Nafitali, Gad, ne Asha. ⁵ Bonse baantu bajinga kisemi kya Yakoba bajinga makumi ataanu na abiji pakwibabala. Yosefwa wajinga kala mu Ijipita. ⁶ Bino Yosefwa, bonse balongo banji,ne kyonse kisemi kyanji bafwile. ⁷ Mino kisemi kya Isalela base munwine, ba vujile pakwibabala , bajinga bakosa, nena bulume bukatampe; ne ntaanda yakumene abo. ⁸ Onkao mambo Mfumu mupya waswaine bufumu mu Ijipita, uno wabujile kumuyuka Yosefwa. ⁹ Waambile kubantu banji, ''talai, bena Isalela bavula ne kukosa kukila atweba. ¹⁰ Iyai, twibajimukile, ingene basakutwajijila kuvujilako pakwibabala, kabiji inge nkondo yabuka, bakayaku lubaji lwaba lwanyi betu, nekwitu lwisha atweba, ne kufuma mukyalo kyetu.'' ¹¹ Onkao maambo babikile bisendwa bya kosa peabo mukwiba manyika namingilo yakosa.Bena Isalela batungile mataba akwa Felo: Pitomu mukwabo Lamasesa. ¹² Mino kuvula kwa kumanyikwa kwa bena Ijipita, kokwajinga kuvuluka kwabena Isalela kuvujilako ne kukumbana bena Ijipita batatwile kwiba china ne kwi shikwa bena Isalela. ¹³ Bena Ijipita javula ba kanjikizhe bena Isalela kwingila. ¹⁴ Balengeshe bwikalo bwabo kutama na mingilo yakosa na mulom ne matafwali, ne mingilo yonse yamumajimi. Mingilo yonse yobeba tongwejile yaingijile. ¹⁵ Kabiji Mfumu wa Ijipita waambile kuba kuba nsemeshi; baba hebelu, jizhina jauno wajinga Shifulu,mukwabo Puwa. ¹⁶ Waambile amba, ''byo mwiba semesha bana bakazhi baba hebelu pankata yakusema, mwiba mwene paku sema. Inge wa mulume, mumwipaye; mino inge wa mukazhi, mukamuleke na bumi. ¹⁷ Mino bansemeshi bachine Lesa kechi baubile byo ebazkambizhe Mfumu wabena Ijipita ne ; beba pushishenga bana babalume. ¹⁸ Mfumu wa Ijipita waichile ba nsemeshi ne kwamba kwi abo amba, ''Kika kyo mwaubila bibye, byo mwaleka bana babalume nabumi?'' ¹⁹ Bansemeshi bakumwile kwi Felo, ''Mbaba Hebelu bana bakazhi kechi baji pamo nebena Ijipita bana bakazhi ne. Bapedlawizha kusema nsemeshi saakyangye kufika kwi abo.'' ^{20 21 22} Lesa wiba kikijile bansemeshi. Bantu bailenga nakuvula nekukosa.Mambo bansemeshi bachinenga Lesa , wiba pele bamubisemibyabo. Felo wakambizhe bantu banji bonse, ''Mukataye mwaana wamulume yense wasemwa mumukola wamukachi muka muleke nabumiz.''

¹ Pano mwana mulume umo wamumukoka wabena Levi wasongwele mwana mukazhi mwina Levi. ² Wamukazhi waimitile ne kusema mwana wamulume. Byo amumwene mba mwana wawama wamulume,wamufile bang'ondo basatu. ³ Mino byo abujile kwikikonsha kufumya, wamutolejile ka musansa kalengwa namambangala. Nekushingapo butoto nema nonokela. Nekubikamo mwana ne kubika mumatete kumema kumusezho wamukola. ⁴ Nyenga yanji waimene palepako kumona bisa kumumwekela. ⁵ Felo mwananji wamukazhi waishile nakowa kumukola baka mwale banji sabenda kunsa ya mukola. Wamwene ka musansa muma tete watumine kamwale wanji kuya na kwikasenda. ⁶ Byo azhikwilepo, wamwene mwana mwana.Mwana wa jijilenga. Wamubijile lusa ne kwambamba, ''Uno yeuno mwana waba Hebelu. ⁷ Kepo nyenga ya mwana waambiled kwi mwana Felo wamukazhi, ''Ngyenga nkemukebele mu Hebelu wamukazhi wakwimwamushako mwana nyi?'' ⁸ Mwana wakwa Felo waambile kwi aye amba, ''Yanga,'' Ponkapo nsongwa kazhi waile wakechile inanji. ⁹ Mwananji Felo waambile kwiinanji mwana, ''Mbatola uno mwana ukamuchinjengako, kabiji amiwa nkakupanga mfweto yobe.'' Kabiji mwana mukazhi wasendele mwana neku mwamusha. ¹⁰ Mwana byo akomene,wamuletele kumwana wakwa Felo wamukazhi kabiji waikajile ke mwananji wamulume. Wa mutumbile mba Mosesa ne kwa mbamba, ''Maambo na mwabwile mumema.'' ¹¹ Mosesa byo akomene, waile kubalongo banji ne kutala byo baingijilenga mingilo yakosa. Wamwene mwina Ijipita na kupuma mwina Hebelu, wamubalongo banji. ¹² Watala kuku ne kuku, byo amwene mba kafwako nangwa umo ubena kumumona, wa mwipaile mwina Ijipita ne ku kumufya mumusenga. ¹³ Walupukile juba jikwabo, nekumona, bantu, babiji bena H?ebelu bana balume ba lwilenga. Waambile kuwatamishe mba, ''Ubena kumupuminaka mukwenu? ¹⁴ Mino aye mwana mulume waambilemba, ''?Ubena kukeba kungipaya byonkabyo waipaile mwina Ijipita?'' Mino Mosesa waumvine moyo ne kwambamba, ''Nanchi byonaubile byayukanyikwa ku baantu ba kwabo.'' ¹⁵ Onkao mambo Felo byo auvmwine, wa kebeshe ku mwipaya Mosesa. Mino Mosesa wanyemenemo kufuma kwi Felo nekuya nakwikala ku kyalo kya Midian. Akwa wakekajile ku bwipi na mushima. ¹⁶ Ng'anga waku Midian wajinga nabana banji baba kazhi batanu naba biji. baishile, naku tapula mema, keba yuzhe ne mwa kutoma na jitanga jaba shabo ja mikooko. ¹⁷ Bakafunga baishile ne kwiba pangapo, mino Mosesa waishile ne kwiba kwasha. Neku tomesha jitanga jabo. ¹⁸ Kabiji bana babakazhi byo baishile kuba Luela bashabo, waambile mba, ''Mwabwelela ka bukiji kumizhi Lelo?'' ¹⁹ Baambile mba, ''Mwina Ijipita witupokolola kuba kafunga. Waji kwitutapwila mema ne kutomesha jitanga.'' ²⁰ Waambile kubana banji baba kazhi, ''Pano ujipi? Mwamushila ka uno mwana mulume? Mwitai ajeko kajo ne atweba.'' ²¹ Mosesa waambile kwikala nayewa muntu, kabiji wamupele ne mwananji wamukazhi Zpola kumu songola. ²² Wasemene mwana wamulume, kabiji Mosesa wamutumbile mba Geleshoma; waambile mba, ''Najinga nkikazhi mukyalo kipya.'' ²³ Pakupitapo moba, Mfumu wa Ijipita wafwile. Bena Isalela babinzhilenga namambo a mingilo ya buzha bajijile kukeba bukwasho, akwa kujila kwabo kwa fikile kwi Lesa namambo akwiba manyika. ²⁴ Mino Lesa byo aumvwine kujila kwabo, Lesa wa vulukile lulayang'ano lo alayang'ene ne Abalahama, ne Izaka, kabiji ne Yakoba. ²⁵ Lesa wamwene bena Isalela, ne kumvwa kujila kwabo.

¹ Mino Mosesa walaminenga jitanga jaba Yebelo bako banji, ng'anga waku wa Kumijani. Mosesa watwajile jitanga kwa lepa mungye wafikile kualeba, kumutumba wa Lesa. ² Akwa malaika wa Yehoba wamwekele kwi aye mu lubebe lwamujilo mukipupu. Mosesa wa mwene, ne kutajisha, kipupu mwatemenenga, mino kipupu kechi kya pile ne. ³ Mosesa wambilemba, ''Nsenduke mone bya kukumwa bibena kumweka, mamboka kipupu kibena kubula kupya.'' ⁴ Yehoba wa mwene mba wasendukamo mba amone , Lesa wamwichile Mosesa kufuma mu kipupu ne kwamba, ''Mosesa, Mosesa wambile mba, ''Amiwa bano.'' ⁵ Lesa waambile mba, '' kufwenya kuno ne! Mvula makwabilo obe kumaulu obe, maambo mushiji po waimana ke mushiji wapatulwa kwi amiwa. ⁶ Watwajile, ''Ne Lesa waba shobe, Lesa wa Abulahama, ne Lesa wa Izaka, Lesa wa Yakoba.'' Kepo Mosesa wazhikile pa menso mambo wajinga na moyo kutala kwi Lesa. ⁷ Yehoba wa ambile mba, '' Kumona namona ku manama kwa bantu bami mu Ijipita.Naumvwa kubinza namambo abakulumpe bebapa mingilo, mambo na yuka kumanyikwa kwabo. ⁸ Naikila mu kwiba pokolola mubulume bwabena ijipita ne kwiba fumya ku yoya ntanda kwiba leta kwa wama, ntanda yabaya, ntanda ya yula mukaka ne buki; mumpuzha muji bena Kenana, Bena Hiti, bena Amoni, bena Pelizi, bena Hivi,ne bena Yabuzi. ⁹ Mambo kujila kwa baantu bena Isalela kwafika kwi amiwa. Kubikapotu, Namona bena Ijipita byo babena kwiba manyika. ¹⁰ Pano, twaya nkutume, nkakutuma kwi Felo na maambo akubamba ukalete bantu bami, bantu bena Isalela, kwi bafumya ku Ijipita.'' ¹¹ Mino Mosesa waambile kwi Lesa mba, ''Amiwa ne ng'anyi,nafwainwa kuya kwi Felo ne kuleta bena Isalela kufuma mu Ijipita?'' ¹² Lesa wamu kumbwile mba, ''Amiwa nkekala ne obewa. Kino kikekala ke kayukilo kobe obewa kuyuka mba na kutuma. Byo ukaleta bantu kufuma mu Ijipita, ukampopwela ku mutumba.'' ¹³ Mosesa waambile kwi Lesa, '' Inge naya bantu bena Isalela ne kwibabula, Lesa waba shakulu benu wantuma kwi aneba,' kabiji inge baamba kwi amiwa, 'mba jizhina janji ye ng'anyi?' Nkambe mbaka kwi abo?" ¹⁴ kabaji Lesa waambile ''AMIWA NJIPO KABIJI UJIPO.'' Lesa waambile, "Ukebambile bantu bena isalela, NJIPO ye wantuma kwi aneba. ¹⁵ ''Kabiji Lesa waambile kwi Mosesa, ''Ukebambile bantu bena Isalela, ''Yehoba, Lesa wabashakulu benu, Lesa wa Abalahama, Lesa wa Isaka ,Kabiji Lesa wa Yakoba, Wantuma kwi aneeba. Jino jo jizhina jami ja myaka, bino byobyo nkalama mumana ami mu myaka yonse.' ¹⁶ Yanga Ukebatule pamo bakulumpe babena Isalela. Ukambe kwiabo, 'Yehoba, Lesa wa wabashakulu benu, Lesa wa Abalahama, wakwa Izaka, kibiji wa yakoba, Wamweka kwiamiwa nekwambamba, "Namona ne kwitaba byobabena kwimyuba Mu Ijipita. ¹⁷ Nalaya kwi mifumya mubuyanji mu Ijipita kwimu twala ku kyalo Kenana, kyab a Hiti, Amoli, Pehisia, Hivi, ne Yabuzi, kyayula mukaka ne buki.''' ¹⁸ Bakomvwa kwi obewa. Obewa ne bakulumpe ba Isalela mwafwainwe kuya kumfumu wa Ijipita, Kabiji mukamule mba, 'Yehoba , Lesa waba Hebelu, wasambakana ne atweba. Byonka byo twayaji tuyenga lwendo lwamoba asatu mungyetu, mijije jishinda kekitapishokwi Yehoba, Lesa wetu.' ¹⁹ Mino nayuka namba mfumu wabena Ijipita kechi Ukemuleka kuyane kana nakuboko kwa Yehoba. ²⁰ Nkatanyika kuboko kwami kufika konka. Nekutula nzhita yabena Ijipita na bya kukumya byonse bikobiwa pe abo. Panyuma wabino, Kechi mukaya maboko-tune. ²¹ Nkeboba bano bantu kutalwa bulongo kubena Ijipita, Byomukalupukamo, Kechi mukafumamo maboko-tune. ²² Yense mwana mukazhi ukalomba siliva ne golode ya byela bya kuvwala kufuma kwi aye mwina ijipita ne bo bekala nabo kipi. Mukebabike pa baana benu balume ne baana benu baba kazhi. Mukuba bino mukeba pukula bena Ijipita byabo.''

¹ Mosesa wakumbwile, "mba byepi umvwa kechi bakangitabe ne nangwa kung'umvwa ne bino kikekala byepi, ''Yehoba kechi wi mwesha kwi obewa ne?'' ² Yehoba waambile kwi aye, ''Ngakyo kiji mukuboko kobe kika?'' Mosesa wakumbwile mba, ''Kamama.'' ³ Yehoba wakumbwile, ''Kataye panshi pamushiji,'' Mosesa wakataile panshi pamushiji, kyaalukile ke mulolo. Mosesa wanyemene ko kufumako lumfutwanyuma. ⁴ Yehoba waambile kwi Mosesa, ''Fikapo umushikule kulu minzo.'' Fikapo ne kumushikula mulolo. kaalukile ke kamama mukuboko kwanji jibiji. ⁵ "Bino byo byafwainwa kumwitaba Yehoba, Lesa wabashakulu babo, Lesa waba Habalama, Lesa wa Izaka, ne Lesa wa Yakoba, wamweka ki anweba." ⁶ Yehoba waambile jikwabo kwi aye, ''Pano twezha kuboko kobe mukachi ka kivwalo.'' Byonkabyo Mosesa watwezhezhe kuboko kwanji mu kivwalo. Byo ekilupwilemo, talai, kuboko kwanji kwajinga na mbumba, yatoka nobe kanfwa. ⁷ Yehoba wambile amba , "twezha kuboko kobe mukivwalo jikwabo,'' onkao mambo Musesa watwezhezhe kuboko kwanji mukachi kakivwalo kyanji, byo eki lupwilemo, Wamwene, byokwatokeshiwe jikwabo, byonka biji mubiji wanji mwine. ⁸ Yehoba wambile amba, ''Inge kechi bakakwitaba ne__Inge kechi bakatako mana kubimwesho bya ngovu yami nangwa kwibitaba ne, bino baketaba bimwesho byami byabubiji. ⁹ Kabiji inge kechi baketabane bibye bimwesho byangovu yami, nangwa kumvwane, pano tola mema kufuma mumukola nekwiechila pamushiji wauma. Ao mema ukatola akaluka kemashi pamushiji wauma." ¹⁰ Kepo Mosesa waambile kwi Yehoba, "Nkabo, kechi napeela lujimi ne, nangwa tuku nyuma byo mwaambila kalume wenu. Nanema pakanwa nekunema palujimi," ¹¹ Yehoba wa ambile kwi aye, "Nanchi ng'anyi upana kanwa kumuntu? Nanchi ng'anyi ulenga bukamama nebukishinka matwi nangwa kumona nangwa bumpofu? Kenchi amiwa, Yehoba? ¹² Onkao mambo yanga, kabiji nkekala nakanwa koobe nekufunjisha byakwamba." ¹³ Mino Mosesa wambile amba, "Nkambo, mwane tumayi muntu mukwabo,ujiyense yemwalanguluka kutuma." ¹⁴ Kepo Yehoba wamuzhingijile Mosesa. Waambile mba, ''Nga aye Alona, kolojobe, mwina Levi? Nayuka namba wafwainwa kwamba bulongo. kubikapotu, ubena kwiya kusambakana ne obewa, kabiji ne byo akakumona obewa, uka sangalala mumu chima wanji. ¹⁵ Ukamba nanji ne kubika byambo byakwamba mukanwa kanji. Nkekala ne obewa kanwa kobe ne kanwa kanji, Nkemufunjisha anweba bonse babiji byakuba. ¹⁶ Ukamba kubantu kupichila mwi obewa. Ukekala kanwa kobe, kabiji ukekala nobe Lesa wanji. ¹⁷ Ukasenda mukuboko kobe kamama, kaku bilako bi yukilo.'' ¹⁸ Bino Mosesa wabwelele kwi shanji vyala Yafelo ne kwamba kwi aye mba, "Nswishai mbwele ngye nkabwele kuba longo bami baji mu Ijipita nkeba mone inge bakiji nabumi.'' Yefelo wa ambile kwi Mosesa, ''Yanga mumutende.'' ¹⁹ Yehoba waambile kwi Mosesa ku Mdiani, ''Yanga, bwela ku Ijipita, bonse babalume bakalenga bumi bobe bafwa.'' ²⁰ Mosesa washikwile mukazhanji ne bana banji ne kwiba bika pa mbongolo. wa bwelele ku kyalo kya Ijipita, kabiji washinkwile kamama ka Lesa muma boko anji. ²¹ Yehoba waambile kwi Mosesa, ''Byo uka bwela ku Ijipita, mona kubamba ukobe bya kukumya kwi Felo byo nabika ngovu yobe. Mino nkakosesha muchima wanji, kechi uka swisha bantu kuya. ²² Wafwainwa kwamba kwi Felo, 'Bino byo bya amba Yehoba: Isalela ke mwana wamulume, mwana wabubeji.''' ²³ Kabiji na amba kwi obewa, ''Leka mwanami aye, pakwamba akampopwele.'' Bino wa kana kumuswisha kuya, Nkona una bukiji bana bobe babalume, babeji bobe.''' ²⁴ Mulwendo, byobaimene namambo akwila bufuku , Yehoba wasambakene Mosesa kabiji wakebele ku mwipaya. ²⁵ Bino Zipola washikwile jibwe jatwa nobe mupenyi nekuchiba kalomolomo kamwananji, ne kwi kalami kumaulu anji. Kepo ambile mba ,"kine tu wimwata wami wa mashi obewa." ²⁶ Kepo Yehoba wamukele bunke. Waambile mba, "wimwata wami wamashi '' mambo a mukanda. ²⁷ Yehoba waambile kwi Alona, "Yanga mungye ukamu sambakane Mosesa." Alona waile wamusamba Kene ku mutumba wa Lesa, nekumufyompa. ²⁸ Mosesa wamubujile Alona byonse byambo bya Yehoba byo amutuma kuya mukwamba ne bimwesho bya Yehoba bya ngovu yanji byo amukambizha kuba. ²⁹ Kepo Mosesa ne Alona baile mukusamba kana pamo bonse bakulumpe ba bantu babena Isalela. ³⁰ Alona waa mbile byonse byambo byo ambile Yehoba kwi Mosesa. Kabiji wapitulukile mu bimwesho bya Yehoba ngovu yanji pamenso abantu. ³¹ Bantu baitabile. Byo ba umvwine mba Yehoba wiba pulwishe bantu bena Isalela kabiji ba mwene buyanji bwabo, kabiji banyengamine neku mupopwela.

¹ Panyuuma ya kumweeka bino biintu, Mosesa ne Alona baile kwi Felo ne kwaamba amba, "Awe ye Yehoba, Lesa wa Isalela, wa amba amba: Swiisha baantu baami baye. Maambo a kuuba amba bakaleenge kijiilo kya kusaangala kyaami muungye." ² Felo wa ambile amba, "Yehoba ye ng'aanyi? Maambo ka kyonafwainwa kuumvwa kujino jiiwi ne kuleka beena Isalela kuya? Keechi na muyuuka Yehoba ne: mubuumi bwaami boonse, keechi nakoonsha kuleeka beena Isalela kuya ne." ³ Ba ambile amba, "Lesa wa ba Hebelu twamusaambakana. Twayai tuye mulweendo lwa mooba asatu muungyetu kabiji ne kutapisha kwi Yehoba Lesa maambo a kuuba amba wakeeya kwiitulula bulemo na bya kumanama nangwa mpoko." ⁴ Mino mfumu wa Ijipita wa ambile amba amba, "Mosesa ne Alona, maambo ka kyo mubeena kufumisha baantu kumiingilo yaabo? Bweelai ku miingilo yeenu." ⁵ Felo kabiji wa ambile amba, "Muji baantu bavula mu ino ntaanda yeetu, kabiji aneeba mubeena kwiibemikila iingilo yaabo." ⁶ Mu joonka ja juuba jimootu, Felo wapaine mukaambizho kubakuluumpe bapaana miingilo ne bakapitao. Wa ambile amba, ⁷ "Noobe joonse panyuuma. Keechi mwiibape baantu kutobola mulobwe wakufyatwisha matafwali ne. Balekai bakapwiile pamo ne kuuba abo beene. ⁸ Naangwa byoonkabyo , bakafikizhe kipimo naambala imootu byonkabyo booba joonse. Kuswiisha kubula bicheeche ne, maambo baankope. O ene maambo o babeena kwiichila ne kwaamba amba, 'Atweeba tuye nakutapisha kwi Lesa weetu.' ⁹ Ba nuungilako bya kwiingila ba balume maambo keechi bateeshe michima yaabo ku byaambo bya bubela ne." ¹⁰ Byonkabyo bakuluumpe bapana miingilo ku baantu ne ba kapitao baile nakubuula baantu, ba ambile amba, "Abino byo bya amba Felo amba: "Keechi nkapana jikwaabo mwiingilo wakuchiba nsoono ne. ¹¹ Anweeba beene mwafwainwa kuuya na kwiikebela nsoono koonse ko mukeitana, pano mino kipimo kya miingilo yeenu keechi kikachibiwako ne."' ¹² Mino baantu bapang'ene moonse mu kyaalo kya Ijipita mukuseba bikuta bya nsoono. ¹³ Bakuluumpe bebapa miingilo ba twaajijile kupachika ne kwaamba amba, "Pwiishai miingilo yeenu, byonkabyo nsoono yapainwe kwi anweeba." ¹⁴ Felo baantu baanji bapaana miingilo bapumineenga bakuluumpe, bajiinga baantu beena Isalela, maambo ka kyo mwabujila kufikizha matafwali abeena kukebewa kwi anweeba, naangwa keesha japita naangwa leelo, noobe byomwakeelwanga kuuba panyuuma. ¹⁵ Mino bakuluumpe, bajiinga babeena Isalela, baishile kwi Felo ne kumujijila, ba ambile amba, "Maambo ka kyo mubeena kumanyikila bakalume beenu mujiije jishiinda? ¹⁶ Kafwaako nsoono ibeena kupaanwa kubakalume beenu luno ne, Mino batwaajijila kumanyika bakalume benu," Kufyatula matafwali atweeba bakalume beenu babeena kwiitupuma luno, mino ke lukatazho lwa baantu beenu. ¹⁷ Mino Felo wa ambile amba, "Mwakooka! Mwakooka! Byo mwa amba amb, 'Tuswiishai tukatapishe kwi Yehoba. ¹⁸ Onkao maambo yainga bweelai kunkito. Kafwaako nsoono ikapanyiwa kwi anweeba ne, mino mwafwainwa kutwajijila kufyaatula kipimo kimootu kya matafwali. ¹⁹ Bakapitao ba baantu beena Isalela ba mweene amba baji mulukatazho byo bebabujile amba keechi mukakeepesheko naambala ya matafwali ne. ²⁰ Basaambakene Mosesa ne Alona, baimene paangye ya baantu byobafumine kwi Felo. ²¹ Ba ambile kwi Mosesa ne Alona amba, "Yehoba akatale pe anweeba ne kwi mumanyika, maambo mwiitulengela atweeba kwiikala ba nsatuki ku meeso akwa Felo ne bakalume baanji mwabiika mpoko mu mabooko abo ya kwiitwipaya atweeba." ²² Mosesa waile kwi Yehoba ne kwaamba amba, "Talai, maambo ka kyo mwaleetela lukatazho ku baabe baantu? Maambo ka kyo mwaantumine mukimye kitaanshi? ²³ Kutatulatu mukimye kyonaishile kwi Felo mukwaamba naanji mujizhina jeenu, waleeta lukatazho kubaabe baantu, keechi mwiibapokolola baantu beenu ne.

¹ Keepo Yehoba wa ambile kwi Mosesa amba, "Pano usakumona byo nsakuuba kwi Felo. Kino ukekimona maambo ukebaleka kuya maambo a kuboko kwaami kwakosa. Maambo akubooko kwaami kwakosa, ukebaleka ukebalekako kufuma muyeewa kuboko kwaanji. ² Lesa wa ambile kwi Mosesa ne kwaamba kwi aye amba, "Amiiwa ne Yeboba. ³ Namweekele kwi Abalahama, kwi Izaka, ne kwi Yakoba noobe Lesa wabulume boonse: Mino jizhina jaami, ne Yehoba, keechi nayuukanyikilwe kwi abo ne. ⁴ Kabiji naikajikile lulayaang'ano lwaami ne abo, na maambo a kuuba amba nkebape ntaanda ya Kenana, ntaanda yo ba endejile. ⁵ Kubiikapotu, naumvwa mibiinzo ya baantu beena Isalela abe beena Ijipita bo balama buzha, navuluka lulayaang'ano lwaami. ⁶ Onkao maambo, amba ku baantu beena Isalela amiiwa ne Yehoba . Nkemufumyako ku miingilo yakosa ya beena Ijipita, kabiji nkemupokolola ku ngovu yaabo. Nkemupokolola nakubaya kwa ngovu yaami, ne na bulume bwa buunchiba maambo bwaami. ⁷ Nkemutaambula ke baantu baami, ne amiia nkeekala Lesa weenu. Mukayuuka amba amiiwa ne Yehoba Lesa weenu, wimufumishe ku miingilo yakosa yabeena Ijipita. ⁸ Nkemuleeta mu ntaanda yonachipile kupana kwi Abulama, Izaka, ne Yakoba, nkeipana kwi anweeba kyabuswanyi. Amiiwa ne Yehoba.'' ⁹ Mosesa byo a ambile bino ku baantu beena Isalela, keechi ba muumvwine ne maambo a biimbwezha munyuuma na maambo a buzha bwakatazha. ¹⁰ Keepo Yehoba wa ambile kwi Mosesa amba, ¹¹ "Yaanga ukamubule Felo, mfumu wa Ijipita, kuleka baantu beena Isalela kufuma mu ntaanda yaanji." ¹² Mosesa wa ambile kwi Yehoba amba, "Inge baantu beena Isalela keechi bakoomvwa kwi amiiwa ne, maambo ka Felo kyo a koomvwina kwi amiiwa, maambo keechi ng'aamba buloongo ne nyi?" ¹³ Yehoba wa ambile kwi Mosesa ne Alona, wibapeele mukaambizho ku baantu beena Isalela ne Felo, mfumu wa beena Ijipita, kufumya baantu beena Isalela mu ntaanda ya Ijipita. ¹⁴ Abano bajiinga mitwe ya ma zuubo a bashaabo: Baana ba nalume bakwa Lubeni, bano ke babeji babeena Isalela, bajiinga ba Hanoka, Palu, Heshiloni, ne Kami, kino kyo kisaka kya kisemi kya kwa Lubeni. ¹⁵ Baana ba balume bakwa Shimeona bajiinga ba Yemwela, Yamina, Ohada, Yakina, Shohala, ne Shaula,-baana ba Kanana wa mukazhi. Akino kyo kisaka kya Shimeona. ¹⁶ Ano o mazhina a baana beena Levi, kweesakanya na bisemi byaabo. Keba Geshom, Kohafi, ne Melali. Levi waikeele kufika ne kumyaaka 137. ¹⁷ Baana ba balume bakwa Geshom bajiinga ba Libina ne Shimei, kweesakanya na mukooka waabo. ¹⁸ Baana ba balume bakwa Kohati booba Amulamu, Izahala, Hebuloni, ne Uzziya. Kohati waikeele kufika ne ku myaaka 133. ¹⁹ Baana bakwa Melali booba Mahali ne Mushi. Bano baikajile ke mukooka wa kisemi kya beena Levi, boonse pamo ne bisemi byaabo. ²⁰ Amulamu wasoongwele Yokebed, Nyeenga wa bashaanji. Wasemene naanji Alona ne Mosesa. Amulamu waikajile myaaka 137 ne kufwa wafwiile. ²¹ Baana bakwa Azhala bajiinga ba Kola, Nepegi, ne Shikili. ²² Baana bakwa Uziela bajiinga ba Mishela, Ezafani, ne Shikili. ²³ Alona wasoongwele Elisheba, nyeenga wakwa Aminadaba, nyeenga wakwa Nashishoni. Wasemene naanji Nadaba ne Abihu, Eleaza ne Itama. ²⁴ Baana bakwa Kola bajiinga ba Assiya, Elekana, ne Abiasafu. Banp ke kisaka kya beena Kola. ²⁵ Eleza, Alona mwaananji wa mulume wasoongwele mwaana umo wa mukazhi wakwa Putiela. Wasemene naanji Finehasa. Abano bajiinga bashakulu baba shaabo mu mazubo abeena Levi kweesakanya nakisemi kyaabo. ²⁶ Abano ba balume bajiinga ba Alona ne Mosesa bobo a ambijile Yehoba amba, "Mufumye beena Isalela mu ntaanda ya Ijipita, na mabuumba abo a ba balume ba nkoondo." ²⁷ Alona ne Mosesa ba ambile kwi Felo, mfumu wa Ijipita amba, bafumye beena Isalela mu Ijipita. Uno ye umo Mosesa ne Alona. ²⁸ Kabiji Yehoba byo a ambile kwi Mosesa mu ntaanda ya Ijipita. ²⁹ Wa ambile kwi aye amba, "Amiiwa ne Yehoba. Byo ba ambile kwi Felo, mfumu wa Ijipita, byoonse byo ne mubuula." ³⁰ Mino Mosesa wa ambile kwi Yehoba amba, "Amiiwa nji nakikukuma pa kwaamba, maambo ka Felo kyo aka ng'uumvwiina amiiwa?"

¹ Yehoba wa ambile kwi Mosesa amba, "Mona, nakuleenga noobe lesa kwi Felo. Alona kolojoobe ukeekala ngauzhi obe. ² Ukaamba byoonse byoonka byo nkamukaambizha kwaamba. Alona kolojoobe ukaamba ku baantu kwi Felo maambo a kuuba amba akebalekeko beena Isalela kufuma mu ntaanda yaanji. ³ Mino amiiwa nkakosesha muchima waanji Felo.Kabiji nkasolola bimweesho bya ngoovu yaami, bya kukumya byavula, mu ntaanda ya Ijipita. ⁴ Mino Felo keechi ukoomvwa kwi anweeba ne, mino nkabiika kubooko kwaami mu Ijipita ne kufumya bangikazhi baami, baantu baani beena Isalela mu ntaanda ya Ijipita na byuubilo bikataampe bya buunchiba maambo. ⁵ Beena Ijipita bakayuuka amba amiiwa ne Yehoba byo nkafika na kubooko kwaami mu Ijipita nekuleeta baantu baami beena Isalela mwi abo. ⁶ Mosesa ne Alona bekyuubile kino: Baubile moonka mo ebakaambizhizhe Yehoba. ⁷ Mosesa wajiinga na myaaka makumi atanu na asatu ne Alona wajiinga na myaaka makumi atanu na asatu kimye kyo baile mukwaamba kwi Felo. ⁸ Yehoba wa ambile kwi Mosesa ne kwi Alona amba, ⁹ "Inge Felo ukaamba kwi anweeba amba, 'Ubai bya kukumya,' Keepo ukaamba kwi Alona amba, 'Nyamuna kamama koobe ne kwi kataaya paanshi ku meeso akwa Felo, maambo akuuba amba kakaluke muloolo.''' ¹⁰ Keepo Mosesa ne Alona baile kwi Felo, baubile moonka mo ebakaambizhizhe aye Yehoba. Alona wataile kamama kaanji ku meeso akwa Felo, nebakalume baanji, ka alukile ke muloolo. ¹¹ Keepo Felo waichile beena Ijipita bamaana ne ba ng'aanga ne ba mpaanda maanga. Baubile biintu bimo bingelengezha. ¹² Boonse ba balume bataile tumama twaabo, ne tumama twa alukile ke miloolo. Mino kamama kakwa Alona kaminyine miloolo yoonse. ¹³ Felo muchima waanji wakosele. Kabiji keechi wa umvwiine ne, noobe mwamubuujile Yehoba. ¹⁴ Yehoba wa ambile kwi Mosesa amba, "Felo muchima waanji wakosa, kabiji wakaana kuswiisha baantu kuuya. ¹⁵ Ukaye kwi Felo lukeelo byo akayaanga kumeema, ukemane kuunsa yamukola ukasaambakane naanji. Ukaseende ne kamama aka ka alukile muloolo. ¹⁶ Ukamwaambile amba, 'Yehoba, Lesa wabeena Ebelu, waantuma amiiwa kwi anweeba amba, "Baleke baantu bayeenga, maambo a kuuba amba ba kaampopwele muungye. Kufika neluno keechi wa umvwiine ne." ¹⁷ Yehoba wa ambile amba, "Maambo akino ukayuuka amba amiiwa ne Yehoba. Mbeena kukemika meema mumukola wa Nailo nakamama kaanji mukubooko kwaami, kabiji mukola ukaluka ke mashi. ¹⁸ Masabi aji mumeema akafwa, kabiji mukola ukanuunka. Beena Ijipita keechi bakatoma meema kufuma mu uno mukola ne.""' ¹⁹ Keepo Yehoba wa ambile kwi Mosesa amba, "Amba kwi Alona, ashikule kamama nekufika nakamama koobe mukubooko koobe, ku meema a Ijipita, peulu ya mukola, netukola tucheeche, ne poboowela, ne poonse paji meema pobapooya, maambo a kuuba amba meema aluke mashi. Uba kino maambo a kuuba amba koonse kwiikale mashi mu ntaanda ya Ijipita, naangwa pateenkamina meema palupako lwa kichi naangwa jiibwe."' ²⁰ Mosesa ne Alona baubile moonka mo bebakaambizhizhe kwi Yehoba. Alona watanyikile kamama ne kwiimika meema mumukola, pakachi kakwa Felo ne ba mwiingilo baanji. Meema onse mumukola a alukile mashi. ²¹ Masabi mumukola afwiile, kabiji mukola wataatwile kunuunka. Beena Ijipita keechi batomene meema kufuma mumukola ne, kabiji mashi akuumbene koonse mu ntaanda ya Ijipita. ²² Mino baantu booba biingelengezha ba mu Ijipita basoombolwele kuuba biintu bimo biingelengezha. Mino muchima wakwa Felo wakoseletu. Kabiji wakaine kuumvwa kwi Mosesa ne Alona, amba bya amba Yehoba byafwainwa kubiiwa. ²³ Mino Felo wa alulukile ne kukatweela mu nzuubo yaanji. Keechi wateeleko ne maana biibye ne. ²⁴ Boonse beena Ijipita bapoyele tumishima kuunsa ya mukola meema a kutoma, mino keechi batomene meema a mumukola ne. ²⁵ Mooba atanu ne abiji apichilepo Yehoba kasa alula meema byonkabya ke mashi.

¹ Poonkapo Yehoba wa ambile kwi Mosesa amba, "Yaanga kwi Felo ukamwaambile amba, 'Yehoba wa amba bino amba: "Leka baantu baami bayenga ba ka mpoopwele amiiwa. ² Inge ukane kwibaleka amba baye, amiiwa nkamanyika kyaalo kyoobe kyoonse na ba boombwe. ³ Mukola ukayuula na ba boombwe. Bakeeya ne kutweela mu nzuubo yoobe, kumwaanya, ne pa mwaanya. Bakaya mu ma zuubo a ba miingilo boobe. Bakaya pa baantu boobe, mwa kusookela bashiinkwa, ne mu bikoombola bya ba shiinkwa. ⁴ Ba boombwe ba kakulukuka obeewa, ne baantu boobe, kabiji ne ba miingilo boobe."''' ⁵ Yehoba wa ambile kwi Mosesa amba, "Amba kwi Alona amba, 'Tanyika kubooko koobe ne nkoonta yoobe pa mikola, ne pa tu mikola tucheeche, kabiji ne pa bizhiba, kabiji kaleete ba boombe mu ntaanda ya Ijipita."' ⁶ Alona watanyikile kubooko pa meema a mu Ijipita, kabiji ne ba boombwe baishile ne ku kuumbana ntaanda yoonse ya Ijipita. ⁷ Mino booba biingelengezha baubile byonkabyo na biingelengezha byaabo; baleetele ba boombwe mu ntaanda ya Ijipita. ⁸ Keepo Felo waichile Mosesa ne Alona ne kwaamba amba, "Loombai kwi Yehoba pakuuba amba aye afumye ba boombwe kwi amiiwa ne ku baantu baami. Keepo amiiwa nsa kuleeka baantu baye, amba ba katapishe kwi aye." ⁹ Mosesa wa ambile kwi Felo amba, "Mwakoonsha kwiikala na jishuuko ja ku mbuula amiiwa byo nafwainwa kwimuloombelela anweeba, ne miingilo beenu, kabiji ne baantu beenu, byonkabyo amba, ba boombwe bakoonshe kufumako kwi anweeba, ne ku ma zuubo enu kabiji ne kwiikalatu mu mukola." ¹⁰ Felo wa ambile amba, "Keesha." Mosesa wa ambile amba, "Lekai kiikale byoonka byo mwa amba, byonkabyo amba muyuuke kuuba amba kafwaako mukwaabo uji noobe Yehoba, Lesa weetu ne. ¹¹ Ba boombwe bakafumako kwi anweeba, ne ku ma zuubo enu, ne ku ba miingilo beenu, kabiji ne ku baantu beenu. Bakeekalatu mu mukola." ¹² Mosesa ne Alona bafumineko kwi Felo. Poonkapo Mosesa Wajijile kwi Yehoba na maambo a ba boombwe bo a leetele pe Felo. ¹³ Yehoba waubile moonka mwa loombele Mosesa: Ba boombwe bafwiile mu ma zuubo, ne mu bipaango, kabiji ne mu majimi. ¹⁴ Baantu be ba buungizhe pamo mu miluumba, kabiji ne ntaanda ya pemenwe. ¹⁵ Mino Felo byo a mweene amba kwajiinga kukuulwa, aye wakoseeshe muchima waanji kabiji keechi wi boomvwijile ba Mosesa ne Alona ne, noobe byoonka bya ambile Yehoba amba wakoonsha kuuba. ¹⁶ Yehoba wa ambile kwi Mosesa amba, " Amba kwi Alona amba, 'Suuntula kamama koobe ne kupuma pa lukuungu paanshi, amba lukoonshe kwaluke ke bizhiitula mu ntaanda ya Ijipita moonse.''' ¹⁷ Baubile byonkabyo. Alona byo a suuntwiile kubooko kwaanji ne kamama kaanji ne kupuma pa lukuungu paanshi, bizhiitula byaishele pa baantu ne ba nyaama. Lukuungu loonse paanshi lwa alukile ke bizhiitula moonse mu ntaanda ya Ijipita. ¹⁸ Booba biingelengezha ba esekele na biingelengezha byaabo ku leenga bizhiitula, mino keechi bakoonsheshe ne. Byonkabyo kwajiinga bizhiintula pa baantu ne ba nyaama. ¹⁹ Poonkapo ba biingelengezha ba ambile kwi Felo amba, "Auno ke munwe wa Lesa." Mino muchima wakwa Felo wakosele, byonkabyo wakaine kuumvwa kobaji. Kyajiinga byonka bya ambile Yehoba Felo kufwainwa kuuba. ²⁰ Yehoba wa ambile kwi Mosesa amba, "Ukabuuke lukeelo keelo ne kwiimana kuluutwe ya kwa Felo byo akayaanga ku mukola amba, 'Yehoba wa amba bino amba: "Leka baantu baami baye pakuuba anba bakakoonshe ku mpoopwela amiiwa. ²¹ Mino inge ubule kuleka baantu baami amba baye, Amiiwa nkatuma ba luunzhi pe obeewa, pa ba miingilo yaabo, ne baantu boobe, kabiji ne mu ma zuubo enu. Ma zuubo abeena Ijipita akayuula na ba luunzhi, kabiji naangwa pa mushiji po beemana pakayuula na ba luunzhi. ²² Mino pa jooja juuba amiiwa nkooba biingi ntaanda ya Goshena, ntaanda amo mubeena kwiikala baantu baami, byonkabyo amba keechi mukeekalepo ba luunzhi ne. Akino kikamweeka byonkabyo amba mukakoonshe kuyuuka amba amiiwa yami Yehoba mukachi ka ntaanda. ²³ Amiiwa nkaleenga lupusano lukataampe pakachi ka baantu baami ne baantu boobe. Akino kimweesho kya bulume bwaami kikobiiwa keesha.""' ²⁴ Yehoba waubile kino, kabiji ne baluunzhi bavula baishile mu nzuubo yakwa Felo ne mu ma zuubo a ba miingilo yaanji. Ne moonse mu ntaanda ya Ijipita, ntaanda ya onaikile maambo a ba luunzhi. ²⁵ Felo waichile Mosesa ne Alona ne kwaamba amba, "Yainga, katapishai kwi Lesa weenu mu yoonka ino ntaanda yeetu." ²⁶ Mosesa wa ambile amba, "Keechi kitufwainwa atweeba kuuba byobyo ne, maambo bitapisho byo tupaana kwi Yehoba Lesa weetu ke biintu byabula kuswiishiwa ku beena Ijipita. Inge twaleenga bitapisho kumeeso abo abya byabula kuswiishiwa ku beena Ijipita, keechi betwaase maabwe ne nyi? ²⁷ Ine, aluno ke lweendo lwa mooba asatu lotwafwainwa kuleenga, mukuuba amba tukatapishe kwi Yehoba Lesa weetu, moonka mo etukaambizhizha atweeba." ²⁸ Felo wa ambile amba, "Amiiwa nsa kwimuswiisha anweeba kuya na kutapisha kwi Yehoba Lesa weenu mujiisaka. Keechi mwafwainwa kuuya kwaleepesha ne. Ndoombelelai amiiwa." ²⁹ Mosesa wa ambile amba, "Byo nsa kufumatu kwi anweeba, amiiwa nsa kuloomba kwi Yehoba amba bipanyi bya ba luunzhi bifumeeko kwi anweeba, ba Felo, ne ku ba miingilo beenu kabiji ne ku baantu beenu keesha. Mino keechi mwafwainwa kuuba kino na bujiimbijiimbi ne na kubula kuleka baantu beetu kuya na kutapisha kwi Yehoba ne." ³⁰ Mosesa wafumineko kwi Felo kabiji waloombele kwi Yehoba. ³¹ Yehoba waubile moonka mwa loombejile Mosesa; kabiji wafumisheko baluunzhi kwi Felo, ne ku ba miingilo baanji, kabiji ne ku baantu baanji. Keechi kwashaajile naangwa umo ne. ³² Mino Felo wakoseshe muchima waanji ne pa kyookya kimye naakyo, kabiji keechi walekele baantu amba baye ne.

¹ Keepo Yehoba wa ambile kwi Mosesa amba, "Yaanga kwi Felo ukamubuule amba, 'Yehoba, Lesa wa ba Hebelu, wa amba bino amba: "Leka baantu baami baye ba ka mpoopwele." ² Mino inge ukane kwi baleka amba baye, inge wibakaanye, ³ keepo kubooko kwa Yehoba kukaleeta mwaalo wakatazha pa bilelwa byoobe biji mu bujimi-ba mbili, ba mboongolo, ......, pa mataanga a ba ng'oombe, kabiji ne pa mataanga a mikooko. ⁴ Mino Yehoba ukabiika lupusano lukataampe pakachi ka bilelwa byabeena Isalela ne bilelwa byabeena Ijipita, byonkabyo amba kafwaako nyaama naangwa umo ubeena Isalela ukafwa ne. ⁵ Yehoba waneengezha kimye; aye wa amba amba, "Ke keesha po nkooba bino biintu mu ntaanda.""' ⁶ Yehoba waubile kino juuba ja loondejilepo: Ba ng'oombe boonse babeena Ijipita bafwiile, mino keechi pafwiile naangwa nyaama umo wabeena Isalela ne, naangwa nyaama umo ne. ⁷ Felo wataine bishiinka, kabiji, wamweene, naangwa umo nyaama wabeena Isalela wafwiile ne. Mino muchima waanji wajiinga nabitaala, byonkabyo keechi wibalekele baantu amba baye ne. ⁸ Poonkapo Yehoba wa ambile kwi Mosesa ne Alona amba, "Shikula buuto mu mabooko mu kisha kya mujilo. Obeewa, Mosesa, utaaye buuto mwiulu mu mweela Felo kasa abeena kumona. ⁹ Bukaluka ke tulukuungu tucheeche moonse mu ntaanda ya Ijipita. Lukaleengesha maboobela a mujilo ne biloonda kwiiya ku baantu ne ku ba nyaama moonse mu ntaanda ya Ijipita." ¹⁰ Byonkabyo Mosesa ne Alona bashikwiile buuto mukisha kya mujilo ne kwiimana ku meeso akwa Felo. Keepo Mosesa wataile buto mwiulu mu mweela. Buuto bwaleengeshe maboobela a mujilo ne biloonda kwiiya ku baantu ne ba nyaama. ¹¹ Ba biingelengezha keechi ba muleekele Mosesa ne maambo a maboobela a mujilo, maambo maboobela a mujilo ajiinga pe abo kabiji ne beena Ijipita boonse. ¹² Yehoba wakoseshe muchima wakwa Felo, byonkabyo Felo keechi waumvwiine kwi Mosesa ne Alona ne. Akino kyajiinga moonka mwa ambijile Yehoba kwi Mosesa amba Felo byo akakoonsha kuuba. ¹³ Keepo Yehoba wa ambile kwi Mosesa amba, "Ukeemane keesha kumakya, ne kwiimana ku meeso akwa Felo, ne kwaamba kwi ko aji amba, 'Yehoba , Lesa wa ba Hebelu, wa amba bino amba: "Leka baantu baami baye ba ka mpoopwele. ¹⁴ Pakuuba luno amiiwa nkatuma myaalo pe obeewa mwiine, pa ba miingilo boobe kabiji ne pa baantu boobe. Amiiwa nkooba kino byonkabyo amba ukakoonshe kuyuuka amba keechi kuji naangwa umo uji noobe amiiwa mu ntaanda moonse ne. ¹⁵ Akino kimye inge navuungulwiile kubooko kwaami ne ku kulukuka obeewa ne baantu boobe na kikola, kabiji inge wafuminepo pa ntaanda. ¹⁶ Mino ke na ano maambo amiiwa naswiishishe obeewa kwiikala na buumi: Mukuuba amba nkumweeshe obeewa ngovu yaami, byonkabyo amba jizhina jaami jikasapwiilwe pa ntaanda poonse. ¹⁷ Obeewa ukituumbijika obeewa mwiine ku baaantu na kubula kwibaleka amba baye. ¹⁸ Umvwa! Keesha pakyoonka kino kimye amiiwa nkaleeta mweela mukataampe wa kiinkunkwila, kyakuuba amba keechi kya mweekapo kala mu Ijipita kufuma kimye kyo a tatwiile kufika ne luno. ¹⁹ Keepo pano, nkatuma baantu ne kubuungizha bilelwa ne byoone byo muji naabyo mu majimi ku mpuunzha ya waama. Muuntu yeense ne nyaama ne byoobya biji mu bujimi keechi bakabweela ku muzhi ne-malwa a kebekijila, kabiji bakafwa.""' ²⁰ Keepo aba ba miingilo ba kwa Felo baitabijile mwi mu byaambo bya Yehoba banyeemene ne kuleeta bazha babo ne bilelwa mu ma zuubo. ²¹ Mino aba babujile kuumvwa byaambo bya Yehoba bashiile bazha baabo ne bilelwa mu majimi. ²² Keepo Yehoba wa ambile kwi Mosesa amba, Olweela kubooko koobe mwiulu byonkabyo amba kwiikale kiwoowo mu ntaanda yoonse ya Ijipita, pa baantu ne pa banyaama, kabiji ne pa bijimwa byoonse bya mu bujimi mu ntaanda ya Ijipita." ²³ Mosesa waolweele kubooko na kamama kaanji mwiulu, ne Yehoba watumine kiluulumo kya mvula, kyoongyo, kabiji ne kubeesha pa mushiji. Aye wanookeshe ne kiluulumo mu ntaanda ya Ijipita. ²⁴ Byonkabyo kwajiinga kiluulumo ne kubeesha kwivwaanga na kiluulumo, kukola saana, kyakuuba amba kyabujilepo mu ntaanda ya Ijipita kufuma ku byo kyaikele ke kyaalo. ²⁵ Moonse mu ntaanda ya Ijipita, kiluulumo kya fikijile mu byoonse mu majimi, boonse baantu ne ba nyaama pamo. Kyafikijile mu kijimwa kyoonse mu majimi ne kuchimuna bichi byoonse. ²⁶ Moonkatu mu ntaanda ya Goshena, mwaikele beena Isalela, mo mwabujile kiluulumo. ²⁷ Poonkapo Felo watumine baantu na kwiita Mosesa ne Alona. Wa ambile kwi abo amba, "Amiiwa pano naleenga maambo. Yehoba ye waoloka, kabiji amiiwa ne baantu baami twi baabi. ²⁸ Loombai kwi Yehoba, maambo mapaate ne biluulumo byakila. Amiiwa nsa kwimuleka muyeenga, kabiji keechi musa kutwaajijila kwiikala muno ne." ²⁹ Mosesa wa ambile kwi aye amba, "Byonkafumatu mu muzhi, amiiwa nkasuuntula mabooko ami kwi Yehoba. Mapaate akaleka, kukeekalapo kiluulumo ne. Mujino jishiinda mukayuuka amba ntaanda ya Yehoba. ³⁰ Mino anweeba ne ba miingilo beenu, nayuuka amba keechi mukimuneemeka Yehoba Lesa ne." ³¹ Pano fulakisi ne baale byaonaikile, mino baale wakomeenenga mu kutwi, ne fulakisi wajiinga mu buluba. ³² Mino wiinchi ne speleti keechi be bifikijile ne maamba byajiinga bijimwa bya pelaangako. ³³ Mosesa byo afumineko kwi Felo ne mu muzhi, wasuuntwijile mabooko anji kwi Yehoba; mapaate ne kiluulumo byalekele, kabiji ne mvula keechi yanokele jikwaabo ne. ³⁴ Felo byo a mweene amba mvula, ne kiluulumo, mapaate byaleeka, waleenge maambo jikwaabo ne kukosesha muchima waanji, pamo ne ba miingilo baanji. ³⁵ Muchima wakwa Felo wakosele, kabiji byonkabyo keechi walekele baantu beena Isalela amba baye ne, moonka mwa ambijile Yehoba na kubooko kwa ka Mosesa.

¹ Yehoba wa ambile kwi Mosesa amba, "Yaanga kwi Felo, pakuuba amiiwa nakosesha muchima waanji ne michima ya miingilo baanji. Nauba kino mukumweesha bino biyuukilo bya bulume bwaami mukachi kaabo. ² Kabiji nauba ne kino byonkabyo amba mukabuule baana beenu ne baankana biintu byo nauba, byo na mubila bukaji Ijipita, kabiji ne byo napana biyuukilo byavula bya bulume bwaami mukachi kaabo. Mujino jishinda mukayuuka amba amiiwa ne Yehoba." ³ Byonkabyo Mosesa ne Alona baile kwi Felo ne kwaamba kwi aye amba, "Yehoba, Lesa wa ba Hebelu, wa amba bino amba: 'Bimye biinga byo musakukaana kwipelula ku meeso ami? Leka baantu baami baye ba ka mpoopwele. ⁴ Mino inge ukane kwi baleka amba baye baantu baami, umvwa, keesha nkaleeta nzhiiye mu ntaanda yoobe. ⁵ Ikazhika peulu ya mushiji byonkabyo amba kafwaako naangwa umo ukamona ntaanda ne. Ikaja byoonse byashaajilepo byoonse bya pulukile ku kiluumo. Ikaja bichi byoonse abya bimumenena mu majimi. ⁶ Ikakuumbana mu mazuubo enu, ne oa a ba miingilo boobe, ne oa abeena Ijipita onse-biintu naangwa basheenu, naangwa ba nkaambo yeenu byo babujile kumonapo, kafwako kyamweekelepo kutatula juuba jo bajiinga pa ntaanda kufika ne kujino juuba ja leelo."' Poonkapo Mosesa wafumineko kwi Felo ne kuya. ⁷ Ba miingilo bakwa Felo ba ambile kwi aye amba, "Bimye biinga uno muuntu byo a sakwiikala wa kuleeta byamalwa kwi atweeba? Lekai beena Isalela bayenga na kupoopwela Yehoba Lesa waabo. Naanchi keechi mwakiyuuka amba Ijipita ba monauna ne nyi?" ⁸ Mosesa ne Alona bebaleetele jibiji kwi Felo, wa ambile kwi abo amba, "Yainga mukapoopwele Lesa weenu. Mino baantu ka basa kuya?" ⁹ Mosesa wa ambile amba, "Tusakuya na baana beetu ba bacheeche, ne na bakuluumpe beetu, ne na baana beetu ba balume ne ba bakazhi. Tusakuya na mataanga etu a mikooko ne a ba ng'oombe, maambo twafwainwa kwiikala na majiila akwa Yehoba." ¹⁰ Felo wa ambile kobaji amba, "Yehoba kiine ekale ne anweeba, inge kine naleka anweeba ne kuya kabiji ne baana ba bacheeche baya. Talai, muji na buubi mu maana. ¹¹ Ine! Yainga, baana balumetu boonka mukachi keenu, mukapoopwele Yehoba, pakuuba kyo kyo mwasaka." Keepo Mosesa ne Alona bebapaangile mukyeenyi kya kwa Felo. ¹² Keepo Yehoba wa ambile kwi Mosesa amba, "suuntwila kubooko koobe pa ntaanda ya Ijipita ku nzhiiye, amba ikoonshe kulukuka ntaanda ya Ijipita ne kuja bijimwa byoonse bijimo, byoonse byashiile kinkuunkwila." ¹³ Mosesa wa suuntwijile kubooko kwaanji pa ntaanda ya Ijipita, kabiji Yehoba waleetele kipuupu kufuma kumusela mu ntaanda aja juuba joonse mute ne bufuku. Byo kyafikile lukeelo, kipuupu kya kumusela kya leetele nzhiiye. ¹⁴ Nzhiiye yaile moonse mu ntaanda ya Ijipita ne ku kuumbana mpuunzha yoonse. Keechi kwajiingapo kala nzhiita ya nzhiiye mu ntaanda ne, kabiji keechi kukeeyapo kyauno mutuundu jibiji ne. ¹⁵ Yazhikile peulu ya mushiji poonse kyakuuba amba kwaubile ne bwi. Yajiile bijimwa byoonse mu ntaanda ne bipaangwa byoonse bya ku bichi byashiile kinkuunkwila. Moonse mu ntaanda ya Ijipita, kafwaako kijimwa kyashaajilemo ne, naangwa kichi naangwa kijimwa mu majimi. ¹⁶ Poonkapo Felo bukiji waichile Mosesa ne Alona ne kwaamba amba, "Amiiwa naleenga maambo kwi Yehoba Lesa weenu ne kwi anweeba. ¹⁷ Pano kabiji, ndekelaiko maambo kino kimye, kabiji muloombe kwi Yehoba Lesa weenu amba afumye aluno lufu kwi amiiwa." ¹⁸ Byonkabyo Mosesa wafumineko kwi Felo kabiji waloombele kwi Yehoba. ¹⁹ Yehoba waleetele kipuupu kikataampe kufuma ku muzhika kya seendele nzhiiye yoonse ne kwi itaaya mu kaluunga ka Leedisa; keechi mwashaajilepo naangwa nzhiiye umo mu mipaka ya Ijipita ne. ²⁰ Mino Yehoba wakoseshe muchima wakwa Felo, ne Felo keechi walekele beena Isalela amba bayenga ne. ²¹ Keepo Yehoba wa ambile kwi Mosesa amba, suuntula kubooko koobe mwiulu, byonkabyo kwiikale mfiinshi mu ntaanda ya Ijipita, mfiinshi yo bafwainwa kuumvwa." ²² Mosesa wa suuntwile kubooko kwaanji mwiulu, kabiji kwajiinga mfiinshi ine mu ntaanda moonse ya Ijipita pa mooba asatu. ²³ Kafwaako naangwa umo wakumona mukwaabo ne; kafwaako naangwa umo wafumine mu nzuubo pa mooba asatu ne. Naangwa byonkabyo, beena Isalela boonse bajiinga na kyeeya ko baikajilenga. ²⁴ Felo waichile Mosesa ne kwaamba amba, Yainga mukapoopwele Yehoba. Ne bisemi byeenu mwafwainwa kuuya naabyo, mino mataanga enu a mikooko ne a ba ng'oombe afwainwa kushaala." ²⁵ Mino Mosesa wa ambile amba, "Tuswiishai atweeba kwiikala na bitapisho ne milaambu ya kusooka byonkabyo amba tukapaane kwi Yehoba Lesa weetu. ²⁶ Ba ng'oombe beetu twafwainwa kuuya naabo; kafwaako naangwa mukono wafwainwa kushaala ne, pakuuba twafwainwa kwibaseenda mukupoopwela Yehoba Lesa weetu. Pakuuba atweeba keechi twayuuka byotwafwainwa ku mupoopwelako naabyo Yehoba ne poso twafika kookwa." ²⁷ Mino Yehoba wakoseshe muchima wakwa Felo, kabiji keechi wakoonsheshe kwibaleka baya ne. ²⁸ Felo wa ambile kwi Mosesa amba, "Fumako kwi amiiwa! Jimuka pa kiintu kimo, amba keechi umone amiiwa jikwaabo ne, pakuuba pa juuba jo ukamona kiluungi kyaami, ukafwa." ²⁹ Mosesa wa ambile amba, "Anweeba beene mwa amba. Amiiwa keechi nkamona kiluungi kyeenu jibiji ne."

¹ Kabiji Yehoba wambile kwi Mosesa, ''Nkaletapo kipumo kikwabo pe Felo kabiji ne bena Ijipita. Panyuma ya kyokyo, ukemuleka amba muye mufume kuno. Kabiji inge wimuleka amba muye, ukemupanga muno ke kikupu. ² Pano uke bambile baantu bonse amba mwaana mulume yense ne mwaana mukazhialombe bya kwikobaika bya siliva ne golode.'' ³ Kabiji Yehoba wibobile bantu amba batwele bulongo ku bena Ijipita na kasanshijila bena Isalela. Kunungapoto, mwaana mulamu Mosesa wajinga waneema bingi kumeso a Felo kabiji ne ku baantu bamu Ijipita. ⁴ Mosesa waambile amba, ''Yehoba waambile bino: 'Kimye pakufika nobe pakachi ka fufuku nsakuya mukachi ka Ijipita. ⁵ Boonse babeji ba kyalo kya Ijipita basa kufwa, kufuma kumubeji wa Felo, wikala ku jitanda janji, ne kubabeji wa muzha wamu kazhi uji ku jibwe jikapilapo, kabiji ne kubabeji ba binyama. ⁶ Kabiji kukekala kujila kukatampe monse mu ntaanda ya Ijipita, kwakuba kechi kwajingapo kabiji kechi ku kekala jibiji ne. ⁷ Mino kechi kukekalapo naangwa kabwa uka bozela ku muuntu wa Isalela ne, naangwa kumuntu nangwa ku nyama ne. Mujino Jishinda mukayuka amba mbeena kupanga lupusano pakachi ka beena Ijipita ne baantu ba Isalela. ⁸ Bino boonse bamingilo benu, Felo, bakeya kwi amiwa ne kuukuma kwi amiwa. Bakamba amba, 'Yainga, anweba ne baantu boonse bemilondela anweba! Kufuma poopo nkalupuka pangye.'' Ponkapo Mosesa kafume pangye na bukaji bukatampe. ⁹ Yehoba waambile kwi Mosesa, ''Felo kechi ukemunva ne.Kino ke kya kuba amba ngube bintu byavula biingi byakukumya mu kyalo kya Ijipita.'' ¹⁰ Mosesa ne Alona baubile byonse bino bya kukumya kumeso a Felo. Mino Yehoba wakoseshe muchima wa Felo, kabiji Felo kechi walekeele baantu ba Isalela kufuuma mu kyalo kyanji ne.

¹ Yehoba waambijile Mosesa ne Alona mu kyalo kya Ijipita. Waambile, ² ''Kwi anweba, uno n'oondo usa kwiikala wa kutatula kwa ba n'oondo, n'oondo mutaanshi wa mwaaka kwi anweeba. ³ Bulai jibumba jonse ja Isalela, 'Pa juba jikumi ja ng'ondo mwakonsha kusenda mwaana mukoko naangwa mbuzhi mu cheche pa muntu pa muntu, kisemi kyonse kyube bino, mwaana mukoko kuma zubo onse. ⁴ Inge pa nzubo bakepaya pa mwaana mukoko, wamulume ne ye elondela nanji basendetu mwaana mukoko nangwa nyaama ya mwaana mbuzhi ayo esakwese kana nambala ya baantu. Yafwainwa kuvula pakuba bonse bakaje, pafwainwa kwikala nyaama yavuula yakwibajisha bonse. ⁵ Mwaana mukoko obe naangwa mwaana mbuzhi wafwainwa kwikala wabula bulema, uij na mwaaka umo mulume. Mwafwainwa kusenda mukoko naangwa ba mbuzhi. ⁶ Mwafwainwa kuji sunga bulongo kufikatu ne pa juba ja butaanu na buna ja yewa ng'ondo. Kabiji jibumba jonse ja Isalela jilapaye bano banyama pa kimye kya ma banga. ⁷ Mukashikulepo mashi amo ne kwishinga pa mashiki onse abiji aku kibelo ne pa jipulanga ja peulu ya kibelo kya nzubo yenu apa mino ne kuja ino nyama. ⁸ Mwafwainwa kuja nyama abwa bufuku, pa nyuma ya kwi isoka pa mujilo. Muje na shinkwa ya kubula mbizho, ne na bishu byalula. ⁹ Kuja ibishi nangwa ya kuteka mu meema ne, mino mukasoke ku mujilo na mutwe, mukupa, ne bibese bya mukachi byonse. ¹⁰ Kabiji kechi musheko nangwa imo kufika lukelo ne. Mukasoke byonse bikashalapo lukelo. ¹¹ Bino byobyo mwakonsha kuja: samwanyinga mishipi yenu, ne makwabilo enu kumaulu, ne mikooko yenu mumaboko. Mukaje lubilo. Kyo kijilo kya Yehoba. ¹² Yehoba waambile bino: Nsakuya mukachi ka kyalo kya Ijipita bufuku na kupuma babeji ba bantu ne ba nyama mu kyalo kya Ijipita. Kabiji nkapingula bakishi boonse ba beena Ijipita. Ne Yehoba. ¹³ Mashi akekala ke kayukili ka pa mazubo enu pa kyiya kwaami kwi anweba. Inge namona mashi, nsakwimipitaila inge ndukukenga kyalo kya Ijipita.Kino kipumo kechi kisa kwiya komuji na kwi myonauna anweba ne. ¹⁴ Jino juba jikekala ke ja luvuluko kwi anweba, lwa mukejilama ke ja kijilo kya luvuluko lwa Yehoba; kya bisemi__kyo mukalama myaka yonse. ¹⁵ Mukaje shinkwa wakubula mbizho pa mooba atanu na abiji. Pa juba jitanshi mukafumya mbizho mu ma zubo enu. Awa yense ukaja shinkwa wakubula mbizho kufuma pa juba jitanshi kufikatu ne ku juba ja butanu na bubiji, awa muntu wafwainwa kuchibwa ko kubeena Isalela. ¹⁶ Pa juuba jitanshi pakekala kupwila joja nengezhiwa pe amiwa, kabiji pa juba ja butanu na bubiji pakekala kupwila jikwabo ja bubiji. Kafwako mwingilo wa kwingila pa ano mooba ne, kufumyakotu kutekela boonse amba baje. Ayo yoyonka mingilo yo mwafwainwa kuba. ¹⁷ Mukaje kino kijilo kya shinkwa wabula mbizho maambo kiji pa juuba jo nafumishe jibumba jenu mu kyalo kya Ijipita. Onkao maambo mukalamanga jino juba ku bantu beenu ne bisemi byeenu myaaka ne myaaka. ¹⁸ Mukaje shinkwa wa kubula mbizho kufuma mabaanga a pa juuba ja bu jikumi na buna mu ng'ondo mutanshi wa mwaaka kufikatu ne mabanga a mooba alenga makumi abiji na jimo a ng'ondo. ¹⁹ Mu ano mooba atanu na abiji, kafwako mbizho yafwainwa kwikala muma zubo enu.Awa yense ukaja shinkwa wapangwa na mbizho wafwainwa kumufuminamu kijiji kya beena Isalela, naangwa awa mweenyi wa kukyalo kingi naangwa waasemukile mu kyalo kyeenu. ²⁰ Kechi mukajepo biji byoonse bya pangwa na mbizho ne. Konse ko mwikala, mwafwainwa kuja shinkwa wapangwa kwa kubula mbizho. ²¹ Kabiji Mosesa waichile bakulumpe boonse ba /Isalela ne kwaamba kwi abo amba, ''Yinga mukasale mikooko naangwa baana abo bafwainwa kuvula bakujisha bisemi byeenu kabiji mwipaye mwaana mukooko wa kijiilo kya lupitailo. ²² Kabiji mukashikule ka kisampulo ka isopi ne kwi katumpa mumashi ao esakwikala pa nsaanyi. Mushinge mashi aji pa nsaanyi peulu ya mashiki ne pa kibelo pabiji. Kafwako naangwa umo wamwi anweba uka lupuka paangye ya kibelo kyanzubo yaanji ne kufika ne lukelo ²³ Pakuba Yehoba usa kupita mukachi na kutelelela beena Ijipita. Inge wamona mashi abiji a kibelo, usa kupitaila pa kibelo kyenu kabiji kechi muswishe ba lono kwiya mu nzubo yenu na kwi milukuka ne. ²⁴ Mukoobenga kino kisela. Uno ekale ke muzhilo wenu ne bantu benu. ²⁵ Inge mukatwele mu ntaanda ayo Yehoba yo emupa, nobe byonka byo alaya kuba, mukobe kino kyubilo kya kulomba. ²⁶ Inge baana beenu be mwipuzha, 'nga kino kyubilo kya kulomba kyatala mweepi?' ²⁷ Mwafwainwa kwaamba amba, 'kino ke kitapisho kya Yehoba kyalupitailo, maambo Yehoba wa kupitaila ma zubo a bantu ba Isalela mu Ijipita byo akuluku kanga beena Ijipita. Waji kukasulula mazubo etu.''' Kabiji bantu bafukamine panshi ne kupopwela Yehoba. ²⁸ Baantu ba Isalela baile kabiji baubile moonka Yehoba mo akambizhe Mosesa ne Alona. ²⁹ Kya mwekele pakachi kabufuku amba Yehoba walukukile babeji mu kyalo kya Ijipita, kufumatu kumubeji wa Felo, wikala pa jitanda janji kufikatu ne kumubeji wa kaili kabiji ne babeji boonse babinyama. ³⁰ Kabiji Felo waimene bufuku, ne bakalume banji boonse, kabiji ne bena Ijipita boonse. Mwajinga jibingo jikatampe bingi. Kechi mwajingapo nzubo mwabujile kufwa muuntu ne. ³¹ Felo waichile Mosesa ne Alona bufuku ne kwibambila amba , ''imanai,fumai muno ku bantu baami, aneba ne baantu ba Isalela. Yainga, kapopwelai Yehoba, nobe byo mwaambile byo mukeba kuba. ³² Sendai mikooko yenu ne bang'oombe beenu, monkamo mwaambila, kabiji muyenga, kabiji mumpeshe amiwa. ³³ Beena Ijipita bapelawizhile bingikwiba panga mukyalo kyabo, pakuba baambile amba, ''boonse tusa kufwa.'' ³⁴ Kepo baantu basendele mishishi yabo kwakubula kubikako mbizho. Masanyi abo beakashijile jimo mu bivwalo byabo ne pa bipuzhi byabo. ³⁵ Kabiji baantu baku Isalela baubile monka Mosesa mo ebabujile. Kabiji balombele beena Ijipita bya kwikobaika bya siliva, kabiji ne bya kwikobaika bya golode, ne bivwalo. ³⁶ Kabiji Yehova wibobile beena Ijipita kutula bulongo kubeena Isalela. Pakuba beena Ijipita bapayine byoonse byo beba lombele. Byonkabyo beena Isalela beba pukwile beena Ijipita. ³⁷ Beena Isalela baimene Lweendo kufuma ku lamesa kufika ku Sukota. Baana balume baendelenga panshi ke nobe biumbi bitota bitanu na kimo, kunungapotu ne ku bacheche. ³⁸ Kabiji ne jibuumba ja pusaana pusana jaile naabo, pamotu na mikooko ne bang'oombe, ne nambala mukatampe wa banyama. ³⁹ Balengele shinkwa wakubula mbizho na mishinshi yo basendele kufuma ku Ijipita. Yajinga yakubula mbizho maambo ba endele kufuma ku Ijipita kabiji kechi bakapembelenga kutaya kimye kunengezha kajo ne. ⁴⁰ Beena Isalela bayikele mu Ijipita pa myaka bitota bina ne myaaka makumi asatu. ⁴¹ Pakupelako myaka bitota bina ne myaaka makumi po asatu, pa jonkaja juuba, jibumba jonse ja Yehoba jafumine mu kyalo kya Ijipita. ⁴² Abwa bwajinga bufuku bwa kwikala na kulaba, pakuba Yehoba ake bafumye mu kyalo kya Ijipita. Abwe bwajinga bufuku Yehoba bo amwenenga baantu ne bisemi kimye kyoonse. ⁴³ Yehoba waambile kwi Mosesa ne Alona, ''uno ye muzhilo wa kijilo kya lupitailo: Kafwako mweenyi kuja ko ne. ⁴⁴ Naangwa byonkabyo, muzha yense wa Isalela, wakupota na maali, ukajako panyuma ya kumutwezha mumukanda. ⁴⁵ Kafwko mweenyi nangwa ufweetwa ukajako kajo kanji konse ne. ⁴⁶ Kano kajo kafwainwa kujiwa mu nzubo jimotu. Kechi muka lupushepo nyama iji yonse pangye ya nzubo ne, kabiji kechi mukachimune po nangwa kikupa kiji kyonse ne. ⁴⁷ Jibumba jonse ja Isalela jikalonde kino kijiilo. ⁴⁸ Boonse beenyi bekala nenu kabiji basaka kujako kijilo kya lupitailo kwi Yehoba, boonse bakilongo beenu babalume bafwainwa kutwalwa kumukanda. Mino bakeye na kutanwako. Ukekala noobe muuntu wasemekejilwe mu kyalo kimo. Naangwa byonkabyo, kafwako muuntu wabula kutweela mumukanda kujako kano kajo ne. ⁴⁹ Uno yenka muzhilo umotu ukapewa ku boonse babiji ku mwina kyalo ne kumwenyi wikala mukachi kenu.'' ⁵⁰ Kabiji baantu boonse ba ku Isalela baubile monka Yehoba mo ebakambizhe ba Mosesa ne Alona. ⁵¹ Yashile noobe pa jonkaja juuba Yehoba po afumishe beena Isalela mukyalo kya Ijipita na mabumba abo.

¹ Kabiji Yehoba waambile kwi Mosesa,nakwaamba, ² ''Mukebanengezhe babeji beenu babalume, lukatazho lonse lwa mumavumo a baantu ba Isalela, muuntu nangwa nyama . Wami.'' ³ Mosesa waambile ku baantu, ''Mukete jino juba jaluvuluko, juuba jo mwafumine mu Ijipita, kufuma mu nzubo ya buzha, pakuba Yehoba na kuboko kwanji kwasoka wimufumishe muyoya mpunzha, Kafwako nshikwa uji na mbizho ukajiwa ne. ⁴ Mukafuma mu Ijipita pa jino juuba, mu ng'ondo wa ⁵ Kabiji inge Yehoba akemulete mu ntaanda ya Kenana, Hiti, Amoli, Hivi, kabiji ne beena Yebusi, kyalo kyo achipile ku bashakulu beenu kwimipa, ntaanda muji mukaka ne buki__mwafwainwa kuuba kino kyubilo kya bupopweshi mu uno ng'ondo ⁶ Pa juuba ja butaanu na bubiji mukaje shinkwa wabula mbizho; pa juuba ja butaanu na bubiji pakekala kijilo kya kunemeka Yehoba. ⁷ Shinkwa wakubula mbizho wafwainwa kujiwa joonse pa ano mooba ataanu na abiji; kafwako shinkwa wa mbizho ukamweka mwi anweba ne. Kabiji kafwako mbizho ikamweka mwi anweba nangwa mu kyaalo kyeenu. ⁸ Pa jooja juuba mukambe ku baana benu. 'Ke na maambo a byangubijile Yehoba byo na fumine mu Ijipita.' ⁹ Kino kikekala ke kayukilo mumaboko enu, kabiji noobe kayukilo pa kilungi kyenu. Amba mizhilo ya Yehoba ikale mu kanwa kenu, pakuba kuboko kwa Yehoba kwa kosa kwimi fumishe mu Ijipita. ¹⁰ Onkao maambo mukalame uno muzhilo pa kimye kyakyo pa mwaaka pa mwaaka. ¹¹ Aye Yehoba byo emutweezha kala mu kyalo kya Kenana, byonka byo achipile kwi anweba ne kuba shakulu betu kuuba, kabiji inge wapana kyalo kwi aneba, ¹² Muka mupatwila Yehoba mubeji wenu ushinkula jivumo. Ne babeji boonse babanyama benu bya bilume, wakwa Yehoba. ¹³ Mubeji yense wambongolo wafwainwa ku mukula na mwaana mukooko. Inge mwabula kumupota , mwafwainwa kumuchimuna nshingo. Mino yeense mubeji wa baana beenu mwafwainwa kumukula. ¹⁴ Inge mwaana wimwipuzha kimye kikwabo, 'Kya lumbulula ka?' mwafwainwa kumubula, 'ke kubooko kwa Lesa kwa kosa kwitufumishe mu Ijipita, mu nzubo ya buzha. ¹⁵ Felo na bwitote bwaanji byo akaine kwi tuleka amba tuye, Yehoba waipaile babeji boonse ba Ijipita, boonse babeji babantu ne babeji babinyama. Kyo kine kiintu kyo tupapishila kwi Yehoba babeji boonse babalume ba shinkula bibelo, mino babeji bami babalume boonse twi bakula. ¹⁶ Kabiji kino kikale ke kivuluko mumabooko enu, kabiji ne kayukilo pa kilungi kyeenu, pakuba kwajinga kuboko kwa Yehoba kwakosa kwitu fumishe mu Ijipita. ¹⁷ Felo byo atekele baantu amba baye, aye Yehoba kechi wibatangijileko jishinda jakuya ku kyalo kya Pihahitota, naangwa akya kyalo kyajinga pa bwipi. Pakuba Lesa waambile amba, ''Kaana baantu basa kukingya maana abo inge bonvwe bya nkondo ne kubwela kuya ku Ijipita. ¹⁸ Mino Lesa watangijile baantu mu kiselebwa ku kalunga kachila. Beena Isalela batuntukile mu kyalo kya Ijipita sa basenda bya nkondo. ¹⁹ Mosesa wasendele kifupa kya Yosefwa, pakuba Yosefwa walaile beena Isalela ne kuchipa ne kwaamba amba, ''Lesa usa kwimupulusha anweba, kabiji mwafwainwa kusenda kikupa kyami ne anweba.'' ²⁰ Beena Isalela baimene lweendo kufuma ku sakuta kabiji batebejile ku Etama kunsa ya kiselebwa. ²¹ Kabiji Yehoba wibatangijile kulutwe yabo mute mujikumbi saka jaimana na kwi bamwesha jishinda. Bufuku mujilo waimana na kwi basanyika kyeya. Amba bendenga mute ne bufuku. ²² Kabiji Yehoba kechi wafumishepo jikumbi jamana mulumbu lumbu mute naangwa mujilo waimana mulumbu lumbu bufuku ne.

¹ Ponkapo Yehoba wa ambile kwi Mosesa, amba, ² "Amba ku beena Isalela amba baluluke bakatebele ku bwiipi na Pi Hailota, pakaachi ka Migidola ne kaluunga ka meema, kubwiipi na Baela Zetona. Mukatebelele ku kaamba kuumbaji ya kaluunga ka meema katalaang'ana na Pi Hailota. ³ Felo ukaambapo pa beena Isalela amba, 'Babeena kuluulutatu ne kuvulaang'ana mu ntaanda. Kiselebwa kibashiinkila mukachi.' ⁴ Amiiwa nkakosesha muchima wa kwa Felo, kabiiji ukebaloondela. Nkataambula muneema na maambo a kwa Felo ne bashilikale baanji boonse. Beena Ijipita bakayuuka amba amiiwa ne Yehoba." Beena Isalela batebelejile moonka mo bebakaambizhe. ⁵ Mfumu wa beena Ijipita ba mu buujile amba beena Isalela ba boomboka, milaanguluko ya Felo ne bakalume baanji ya alukijile baantu. Ba ambile amba, "Twauba ka? Twaleka beena Isalela amba baye betwiingijila atweeba." ⁶ Pakuuba Felo watolele makalaki anji ne kwi neengezha ne kuseenda bashilikale baanji ne kuya naabo pamo. ⁷ Waseendele makalaki biumbi bitanu na kimo bya salululwa kabiji ne makalaki onse amu Ijipita, ne ba kapitao bao. ⁸ Yehoba wakoseshe muchima wakwa Felo, mfumu wa Ijipita, kabiji ne mfumu wapuupijile beena Isalela. Mino beena Isalela baile ne kufumamo na kuchiinchika. ⁹ Mino beena Ijipita bebaloondejile, pamootu ne ba mbili boonse ne makalaki, kabiji ne baantu ba pa ba mbili, ne bashilikale baanji. Bebataine beena Isalela kasa batebelela kuumbaji ya kaluunga ka meema ku Pi Hailota, kwatalang'ana na Baela Zetona. ¹⁰ Mino Felo byo a fweenyenyeb kwiipi, beena Isalela batajile mwiulu kabiji bakuminye. Beena Ijipita baloondejilenga pa nyuuma yaabo, kabiji bakwachilwe na mooyo. Beena Isalela bajijile kwi Yehoba. ¹¹ Ba ambile kwi Mosesa amba, "Niinshi na maambo a kuuba amba keechi mwajiinga bileende ne, a byo byo wituseendele amba tufwiile mu kiselebwa nyi? Ikika kyo witubila kino, kwitufumya mukyaalo kya Ijipita? ¹² Mino keechi byo byo twakubuujile mu Ijipita ne nyi? Twa ambile kwi obewa amba, 'Tuleke buunke bweetu kasa twiingijila beena Ijipita. Kituwamijile atweeba kwiingijila beena Ijipita kukila kufwiila mu kiselebwa." ¹³ Mosesa wa ambile ku baantu amba, "Kuuba mooyo ne. Imanai nzoo ne kumona kupolokololwa ko asa kwi mumweena Yehoba mujuuba ja leelo. Pakuuba keechi mu kebamonapo jibiji beena Ijipita bo mwamona ja leelo ne. ¹⁴ Yehoba usa kwi mulwiila anweeba, kabiji mwafwainwatu kwiimana nzoo." ¹⁵ Keepo Yehoba wa ambile kwi Mosesa amba, "Maambo ka obewa, Mosesa, o watwajijila kungita amiiwa? Buula baantu beena Isalela bayeenga kulutwe. ¹⁶ Imika nkoonto yoobe mwiulu, ne kwi ifikizha na kubooko koobe pa kaluunga ne kwi abanya pabiji, Pakuuba amba beena Isalela bapite mukachi ka kaluunga pa mushiji wauma. ¹⁷ Muyuuke kuuba amba nsakukosesha michima yabeena Ijipita pakuuba amba bemiloondele panyuuma. Nsakutaambula muneema maambo a Felo ne nzhiita yaanji yoonse ne makalaki anji, kabiji ne ba mbili. ¹⁸ Pakuuba beena Ijipita basa kuyuuka amba amiiwa ne Yehoba inge ntambule muneema maambo a Felo, ne makalaki anji, kabiji ne na ba pa baambili." ¹⁹ Malaika wa Lesa, watangijilenga kaamba wa beena Isalela, waendele ne kwi baloondela panyuuma yaabo. Ne jikuumbi jafumine kwi abo ne kuya na kwiimana pa nyuuma yaabo. ²⁰ Jikuumbi jaishile pakachi ka kaamba ya beena Isalela. Jajiinga jikuumbi jifiita kubeena Ijipita, mino jatookeshenga bufuku ku beena Isalela, pakuuba amba lubaji lumo keechi lwiiye kwiipi na lukwaabo ne bufuku boonse. ²¹ Mosesa watanyikile kubooko kwaanji pa kaluunga. Yehoba wabweezhezhe kaluunga ne mweela mukataampe wa kukabeta abwa bufuku boonse. Kabiji ne kuleenga kaluunga ke mushiji wauma. Mujino jishiinda meema a abeene. ²² Baantu beena Isalela baile pakachi ka kaluunga pa mushiji wauma. Meema apaangile kibaamba kwi abo ku kubooko kwa kilujo kyaabo ne ku kipiko kyaabo. ²³ Beena Ijipita be bapuupijile. Baile panyuuma yaabo pakachi ka kaluunga-boonse ba mbili bakwa Felo, makalaki, kabiji ne beenda pa ba mbili. ²⁴ Mino mu ma awala a lukeelo lukeelo, Yehoba watajile muunshi pa nzhita ya beena Ijipita kupichila mu mashiki a mujilo ne jikuumbi. Aye waleengele lukabisho mukachi ka beena Ijipita. ²⁵ Mawiilo a makalaki abo a kyoombele, ne beenda pa ba mbili kibakateezhe biingi mu ng'eendelo. Beena Ijipita ba ambile amba, "Ubai tufumeeko ku beena Isalela, pakuuba Yehoba ubeena kwi balwiilako na atweeba." ²⁶ Yehoba wa ambile kwi Mosesa amba, "Tanyika kubooko koobe pa kaluunga pakuuba amba meema abweelele beena Ijipita, ne makalaki abo, ne ba pa baambili." ²⁷ Kabiji Mosesa watanyikile kubooko kwaanji pa kaluunga, kabiji meema abweelele byo ajiinga ne pa kukya lukeelo. Beena Ijipita bayuujilwe mu kaluunga, kabiiji Yehoba wibatwaajile beena Ijipita mukachi ka meema. ²⁸ Meema abweelele kunyuuma ne kuzhikilamo makalaki akwa Felo, ba pa ba mbili, kabiji ne nzhita yaanji ya loondejile makalaki mukaluunga. Kafwaako ne wapulukile. ²⁹ Naangwa byonkabyo, ne baantu beena Isalela baendele pa mushiji wauma mukachi ka kaluunga. Meema ajiinga ke kibaamba kwi abo ku kubooko kwa kilujo kabiji ne kukuboko kwa kipiko. ³⁰ Kabiji Yehoba wapulushile Isalela jooja juuba kufuma ku kubooko kwa beena Ijipita, kabiji beena Isalela bamweene beena Ijipita baafwa kukitulu. ³¹ Kabiji beena Isalela ba mweene bulume bukataampe abo Yehoba bo a ingijishe pa beena Ijipita, baantu bachinine Yehoba, kabiji baketekejile Yehoba ne kalume waanji Mosesa.

¹ Keepo Mosesa ne beena Isalela ba imbile uno lwiimbo kwi Yehoba . Ba imbile amba, "Nsa kwiimba kwi Yehoba , pakuuba wajizhile ntolompita ya muneema; Mbili ne weendapo bataiwa mu kaluunga. ² Yehoba bo bulume bwaami ne lwiimbo, kabiji waikala ke mupulushi waami. Awe ye Lesa waami, kabiji nkamutootanga aye, Lesa wa ba taata, nsa kumutuumbijika aye. ³ Yehoba ye ulwa nkoondo; Yehoba jo jizhina jaanji. ⁴ Waela makalaki akwa Felo ne nzhita yaanji mu kaluunga. Ba kapitao bakwa Felo basalululwa beebebizha mu kaluunga kachila. ⁵ Meema ebazhikile abo; Baile kuunshi kwazhikisha noobe jiibwe. ⁶ Kubooko kweenu kwa kilujo anweeba, 'Yhoba, kwa tuumbijikwa na bulume; Kubooko kweenu kwa kilujo anweeba, Yehoba, kwa zhiindamika balwaanyi. ⁷ Mu bulume bwa lukumo lweenu muponya aba be mwimeena. Mwatumine bukaji bweenu; bwiibaja noobe bishiki. ⁸ Ku muuya wa ku myoona ba yuuzhilemo meema; meema aloondejilenga aimeene muluumbu luumbu pa muluumba; Mazhiba a chiimbile pakaachi ka kaluunga. ⁹ Balwaanyi ba ambile amba, "Nsa kupuupila, nsa kwiibatana, nsa kwiibaja bipuukulwa; Nkasomona mpoko yaami; ne kubooko kwaami kusa kwi bonauna abo. ¹⁰ Mino mwapuile na muuya weenu, ne kaluunga kezhikile naabo; Bashikamine noobe kazhiko mu meema a bulume. ¹¹ Ng'aanyi uji noobe anweeba, Yehoba, pa ba Lesa boonse? Ng'aanyi uji noobe anweeba, lukuumo mu buzhile bweenu, nemekwai mu lutootelo, mu kuuba bya kukumya? ¹² Mwatanyikile kubooko kweenu kwa kilujo, ne ntaanda ibaminyine. ¹³ Mu lulayaang'ano lweenu lwazhila mwataangijile baantu bo mwapokolwele. Mu bulume bweenu mwi bataangijile ku mpuunzha yeenu yazhila ko mwiikala. ¹⁴ Baantu baumvwa, kabiji ke bazakame; Misoongo ikebakwaata bekala mu Filishitiya. ¹⁵ Kabiji mafumu a Edoma a kakilwe; Bashilikale ba ku Moabu bakasuunkena; ne boonse beekala mu Kenana baka zuumbulukamo. ¹⁶ Mooyo ne kwaakamwa bibaponeejile, maambo a kubooko kweenu kwa bulume, basa kuzhiindama nzoo noobe jiibwe kufikatu ne baantu beenu kwiipi, Yeboba-kufikatu ne baantu beenu bo mwa pokolwele bapite. ¹⁷ Musa kwi baleeta ne kwibabyala pa mutuumba wa buswaanyi bweenu, pa mpuunzha, Yehoba, ao ye mwapaanga wa kwiikalamo, pazhila, nkaambo yeetu, amba mabooko enu a shimika. ¹⁸ Yehoba ukeekala pa bufumu myaaka ne myaaka." ¹⁹ Pakuuba ba mbili bakwa Felo ne makalaki anji ne ba pa ba mbili baile mukaluunga. Yehoba wabwezhezhe meema panyuuma a mu kaluunga kwi abo. Mino baantu beena Isalela ba endele mukachi ka kaluunga pa mushiji wauma. ²⁰ Keepo Milyama ngauzhi, nyeenga yaanji Alona, waimbile munsakai, kabiji ne boonse ba bakazhi balupukile na misakai yaabo, kasa bazha naanji. ²¹ Milyama wa ambile kwi abo amba: "Imbai kwi Yehoba, pakuuba watuumbalala. Baambili ne beendapo bataiwa mu kaluunga." ²² Keepo Mosesa wa taangijile beena Isalela kuluutwe kufuma ku kaluunga kachila. Bafumine mu kiselebwa kya Shula. Baendele mu kiselebwa pa mooba asatu ne kutaana meema ne. ²³ Kabiji bafikile ku Maala, mino keechi batomenepo meema ne maambo alujile. Beituumbile aya mpuunzha amba Maala. ²⁴ Pakuuba baantu bejizhaang'enye kwi Mosesa ne kwaamba amba, "Tusa kutoma ka?" ²⁵ Mosesa wajijile kwi Yehoba, kabiji ne Yehoba wamumwesheshe kichi. Mosesa wikitaile ku meema, ne meema atobele a kutoma. Kwajiinga koonka kwa ako Yehoba ko ebapele muzhilo wakosa. ²⁶ Wa ambile amba, "Inge mwaumvwiisha ku jiiwi ja Yehoba Lesa weenu, ne kuuba kyawaama ku meeso anji kabiji inge wapaana kutwi ku mikaambizhi ne kwi ikookle mizhilo yoonse mizhilo yaanji-keechi ukabiikapo bikola abyo byo a biikile pa beena Ijipita ne, pakuuba ne Yehoba wimibukile anweeba." ²⁷ Keepo baantu bafikile ku Elimu, ako kwajiinga masulo jikumi ne abiji atupaukanga meema kabiji ne bichi makumi atanu na abiji a kambiji. Batebelejile kookwa ku meema.

¹ Kabiji baantu baimeene lweendo kufuma ku Elimu, kabiji ne kijiiji kyoonse kya beene Isalela bafikile mujiisaka buundenga maambo, jiji pakachi aku Elimu aku Sinai, pa juuba ja bujikumi na butanu ja ng'oondo wa bubiji kufuma ku kimye kyo bafuminemo mu kyaalo kya Ijipita. ² Kabiji ne kijiiji kyoonse kya beena Isalela bejizhang'enye kwi Mosesa ne Alona moonka mu jiisaka. ³ Ne baantu ba mu mukooka wa beena Isalela ba ambile kwi abo amba, "Inge twafwiile ku kubooko kwa Yehoba moonka mu ntaanda ya Ijipita kasa twaikala ku mapuki a nyaama na kuja shiinkwa ne kwiikuta. pakuuba wituleeta muno muungyetu mu kwiipaya kijiiji kyoonse na nzala." ⁴ Keepo Yehoba wa ambile kwi Mosesa amba, "Amiiwa nkemunookeshesha paanshi mvula kufuma mwiulu kwi anweeba. Keepo baantu bakalupukaanga pa juuba pa juuba nkebeseka ne kumona inge bakoonsha kweenda mu mizhilo yaami inyi kana ne. ⁵ Jikeekala juuba ja butaanu na jimo, pakuuba amba bakaneengezhe jibiji kwesakanya na byo baneengezha pa juuba, bakateeka byo baleetele." ⁶ Kabiji Mosesa ne Alona ba ambile ku baantu boonse ba ku Isalela amba, "Pa kimye kya mabaanga musa kuyuuka amba Yehoba ye wimifumishe anweeba mu kyaalo kya Ijipita. ⁷ Pa kimye kya lukeelo mukamona lukuumo lwa Yehoba, ne aye umvwa kwiijizhanya kweenu. Yeetu ba ng'aanyi pakuuba twiijizhang'anye?" ⁸ Mosesa naaye wa ambile amba, "Musa kuyuuka bino inge Yehoba wimupa nyaama pa kimye kya mabaanga ne shiinkwa pa kimye kya lukeelo byayuula-kabiji wa umvwa kwiijizhang'anya ko mwa ambile kwi aye. Ba Alone ne amiiwa bo ba ng'anyi" Kwiijizhang'anya kweenu keechi kuji kwi atweeba ne; kuji ku lubaji lwa Yehoba." ⁹ Mosesa wa ambile kwi Alona amba, "Amba ku kijiiji kyoonse kya baantu beena Isalela, amba, 'Iyai kwiipi kwi aye Yehoba, maambo aye waumvwa kwiijizhang'anya kweenu."' ¹⁰ Kyafikile kimye kya kuuba amba, Alona byo a ambile ku boonse ba mu kijiiji kya beena Isalela, amba batajilenga mujiisaka, kabiji, talai, lukuumo lwa Yehoba lwa mweekele mu jikuumbi. ¹¹ Keepo Yehoba wa ambile kwi Mosesa, amba, ¹² "Amiiwa naumvwa kwiijizhang'anya kwa beena Isalela. Waambe kwi abo amba, 'Pakimye kya mabaanga musa kuja nyama, ne lukeelo mukeekuta na shiinkwa. Kabiji mukayuuka amba yaami Yehoba Lesa weenu."' ¹³ Kyafikile kimye kya kimabaanga kwaishile binteentu ne ku kuumbana kaamba yeense. Lukeelo kime kyazhookolokele kaamba yeense. ¹⁴ Kime byo kya kuunchikile, peulu ya jiisaka pajiinga bya papakana noobe byachiimba paanshi. ¹⁵ Kabiji beena Isalela byo bekimweene, ba ambile beene na beene amba, "Naanchi kika?" Maambo keechi bayuukile byo kyajiinga ne. Mosesa wa ambile kwi abo amba, "Ye shiinkwa ye bemupa kwi Yehoba amba muje. ¹⁶ Auno ye mukaambizho ye be mupa kwi Yehoba amba: 'Musaambakane, umo ne mukwaabo, kipimo kyo mwakoonsha kuja, omela pa muuntu pa muuntu kweesakanya na naambala ya baantu boobe. Bino byo byo musa kwi bibuungizha: Mubuungizhe byaavula byafwainwa kya muuntu yeense uji mu teente weenu."' ¹⁷ Poonkapo beena Isalela baubile byonkabyo. Bamo bapwiijile pamo bavula, baom bapwiijile bacheeche. ¹⁸ Bino byo bapimine na kipimo kya omela, bataine amba aba ba buungizhe bacheeche keechi byashaajilepo ne, ne booba babuungizhe bicheeche keechi babujijilwe ne. Muuntu yeense wabuungizhile byavula kweesakanya na byo a kebeleenga. ¹⁹ Keepo Mosesa wa ambile kwi abo amba, "Kafwaako usa kukoonsha kufumapo ne poso lukeelotu." ²⁰ Naangwa byonkabyo, keechi bamuumvwijile Mosesa ne. Bamo baile bamo baikele kufikatu ne lukeelo, mino byabolele ne mapila ne kunuunka. Poonkapo Mosesa wibazhiinijile. ²¹ Ba buungizhenga kila lukeelo. Muuntu yeense wabuungizhe byavula byo a koonsheshe kuja pa jooja juuba. Juuba byo jaubile kyuuya, bya suungulukile. ²² Jafikile juuba ja butanu na jimo ba olele jibiji, ma omela abiji pa muuntu pa muuntu. Ba ntaangi boonse ba mu kijiiji baishile na ku mubuula Mosesa bino. ²³ Aye wa ambile kwi abo amba, "Abino byo bya amba Yehoba: 'Kesha ke kijiilo kya kukookolokelamo, ke juuba ja Sabaado jazhila kwi Yehoba. Kandulai byo mwakoonsha ku kaandula, kabiji tekai byo mwakoonsha kuteeka. Abya byoonse byashalaapo, mukebituule ke byeenu kufika ne lukeelo. ²⁴ Byonkabyo bebituujile kuumbaji kufikatu ne lukeelo, byonkabyo be bakaambizhe kwi Mosesa. Kabiji keechi byanuunkile ne, naangwa kwiikala na mapila ne. ²⁵ Mosesa wa ambile amba, "Jai leelo, maambo ja leelo keechi jo ja Sabaado ja ku muneemeka Yehoba. Leelo keechi musakwibitaana muungye ne. ²⁶ Muka buungizha mooba atanu na jimo, mino pa juuba ja butaanu na bubiji jo ja Sabaado. pa juuba ja Sabaado keechi kukeekala maana ne." ²⁷ Pa juuba ja butaanu na bubiji bamo baantu balupukile amba ba buungizhe, mino keechi be bitaineko ne. ²⁸ Keepo Yehoba wa ambile kwi Mosesa amba, "Ng'anyi kimye kyo mukaleka kukaana mukaambizho ne mizhilo yaami? ²⁹ Talai, Yehoba wimupa ja Sabaado. Maambo pa juuba ja butaanu na jimo ubeena kwimupa nshiinkwa wa mooba abiji. Muuntu yeense ukekala pa mpuunzha yaanji; kafwaako ukakoonsha kulupuka pa mpuunzha pa juuba ja butaanu na bubiji ne," ³⁰ Onkao maambo baantu bakookolokele pa juuba ja butaanu na bubiji. ³¹ Baantu ba kumukooka wa beena Isalela baichilenga kano kajo amba "Maana." Byajiinga bitooka noobe nkunwa ya bweengo, ne kuumvwanyika noobe bibebulwa byo balenga na buuki. ³² Mosesa wa ambile amba, "Abino byo byakaambizha Yehoba amba: 'Lekai omela wa maana alamiwe bimye byoonse ku baantu kufika ne ku bisemi maambo a kuuba amba bisemi byeenu bikamoneenga shiinkwa ye ne mujishishe mu kiselebwa, panyuuma ya kwi mufumya mu ntaanda ya Ijipita."' ³³ Mosesa wa ambile kwi Alona amba, seenda mpuki ubiikemo omela wa maana mukachi. Ukamulame ku meeso a Yehoba kulamwa kufika ne ku baantu ba mu kisemi." ³⁴ Byonkabyo wa kaambizhe Yehoba Mosesa, Alona walamine lulayaang'ano ne mikaambizho ya jikwaachi. ³⁵ Beena Isalela bajiile maana myaaka makumi ana poso byobafikile mu kyaalo mwajiinga baantu. Bajile kufika ne byo bafikile ku mipaka ya ntaanda ya kenana. ³⁶ Pano omela ke kya bujikumi kya Efa.

¹ Kijiiji kyoonse kya beena Isalela baimeene lweendo kfuuma ku kiselebwa kya bubi, ne kuloondela mikaambizho ya Yehoba. Bateebelejile ku Lefidimu, mino keechi kyajiinga meema a kutoma baantu ne. ² Byonkabyo baantu ba muneenene Mosesa ne kwaamba amba, "Tupai meema a kutoma." Mosesa wa ambile amba, "Maambo ka o mubeena kuneenena amiiwa? Kiika kyo mubeena ku mweesekela Yehoba?" ³ Baantu bauvvwiine kilaka biingi, kabiji bejizhaang'enye kwi Mosesa. Ba ambile amba, "Maambo ka o mwiitufumishe mu Ijipita? Mukuuba amba mwiitwipaye na kilaka atweeba ne baana beetu ne banyaama beetu?" ⁴ Poonkapo Mosesa wajijile kwi Yehoba amba, " Naanchi amiiwa nsakuuba byeepi na bano baantu? Kabiji beneengezha kuungasa mabwe." ⁵ Yehoba wa ambile kwi Mosesa amba, "Pichila kuluutwe ya baantu, uye pamo na bakuluumpe bamo babeena Isalela. Kasa waseenda mukubooko koobe kamama ko wapumineko pa mukola, kabiji nekuya. ⁶ Amiiwa nkemana ku meeso enu pa jiibwe ku Holeba, ukapume pa jiibwe, kabiji mukafuma meema ne baantu bakatoma." Poonkapo Mosesa waubile byonkabyoku meeso a bakuluumpe babeena Isalela. ⁷ Aye wi itelele aya mpuunzha amba Masa ne Meliba na maambo a kwiijizhaang'anya kwa beena Isalela, ne na maambo ba mweesekele Nkambo pa kwaamba amba, "Bushe Yehoba uji mukachi keetu nyi naangwa ne?" ⁸ Poonkapo bashilikale ba baantu beena Ameleki baishile ne kulukuka Isale ku Lefidimu. ⁹ Byonkabyo Mosesa wa ambile kwi Yoshiwa amba, "Salapo baana balume baamo uye naabo. Mukalwe na beena Ameleki. Keesha amiiwa nkemana peulu ya mutuumba na kamama ka Lesa mu kubooko kwaami." ¹⁰ Byonkabyo Yoshiwa walwiishishe beena Ameleki byonka bya mukaambizhizhe Mosesa, mino Mosesa, Alona, ne Hula baile peulu ya mutuumba. ¹¹ Mosesa byo a imikilenga kubooko kwaanji mwiulu, beena Isalela bashiinjilenga; Inge waponya kubooko kyaanji amba kutuushe, beena Ameleki batatwiilenga kushiinda. ¹² Kubooko kwa Mosesa byo kwa nemene, Alona ne Hula bashikwiile jibwe ne kwijibiika muunshi yaanji amba aye ekalepo. Pa kimye kimootu, Alona ne Hula ba imikilenga kubooko kwaanji mwiulu, muuntu umo kulubaji lwaanji lumo kabiji ne mukwaabo kulubaji lukwaabo. Byonkabyo Mosesa mabooko anji akosele kufikatu ne juuba byo ja ponene. ¹³ Byonkabyo Yoshiwa washiinjile baantu beena Ameleki na mpoko. ¹⁴ Yehoba wa ambile kwi Mosesa amba, "Neemba bino mubuuku kabiji wibitaange ku matwi akwa Yoshiwa omvwe, maambo amiiwa nkazhimaang'anya kuvuluka kwa beena Amaleki pano paanshi." ¹⁵ Keepo Mosesa washimikile kya kusookelapo bitapisho ne kwiikitela amba "Yehoba yo mbaandela yaami." ¹⁶ Aye wa ambile amba, "Maambo kubooko kwaji kusuuntwiwa ku kipona kya Yehoba-amba Yehoba usa kubuusha nkoondo na beena Amaleki kufuma ku kisemi ne kisemi.

¹ Yefelo, ng'anga wabeena Midiana, bako baanji Mosesa, ba umvwiine byoonse byo a ubijile Mosesa ne baantu baanji beena Isalela. Aye wa umvwuune amba Yehoba wafumishishe beena Isalela mu Ijipita. ² Yefelo, bako baanji Mosesa, baseendele Zipola, mukazhaanji Mosesa, panyuuma ya kumutuma ku nzuubo, ne baana baanji ba balume babiji; ³ jizhina ja mwaana wa mulume umo wajiinga Geshoma, ao ye ba ambijile kwi Mosesa amba, "Amiiwa najiinga mweenyi mu ntaanda ya bweenyi." ⁴ Ne jizhina ja mukwaabo jajiinga Elieza, ao Mosesa ye a ambijile amba, "Lesa wa bashaakulu baami wajiinga nkwaansho waami. Aye wampokolweele ku mpooko ya kwa Felo." ⁵ Yefelo, bako baanji Mosesa, baishile na baana bakwa Mosesa ne mukazhaanji kwi Mosesa muungyetu amo mo a tebelejile pa mutuumba wa Lesa. ⁶ Aye wa ambile kwi Mosesa amba, "Amiiwa, shoobe vyaala Yefelo, mbeena kwiiya ko uji na bakazhi boobe ne baana baanji babiji ba balume." ⁷ Mosesa walupukile mukumutuundaila shaanji vyaala, wainamine paanshi kabiji wa mufyoompele. Beimwiine umo ne mukwaabo kabiji keepo batweelele mu teente. ⁸ Mosesa wabujile bako baanji byoonse byaubile Yehoba kwi Felo ne beena Ijipita mukwiimenako beena Isalela, ne pa makatazho onse eba mweekejile mu jishiinda, kabiji ne Yehoba byo ebapokolweele. ⁹ Yefelo wasekejile pa byoonse bya waama Yehoba byo a ubijile beena Isalela, mu kumona kuuba amba aye wibapokolola kufuma mu maboko abeena Ijipita. ¹⁰ Yefello wa ambile amba, "Yehoba a tuumbalale, pakuuba aye wimipokolola anweeba mu mabooko abeena Ijipita kabiji ne mukubooko kwa kwa Felo, kabiji ne kukasulula baantu ku mabooko abeena Ijipita. ¹¹ Pano amiiwa nayuuka amba Yehoba ye mukataampe kukila tu ba lesa toonse, maambo beena Ijipita byo bamanyikilenga beena Isalela na kwi luundumika, Lesa wapokolweele baantu baanji." ¹² Yefelo, shaanji muko waanji Mosesa, waletele mulaambu wa kusooka ne bitapisho bya Lesa. Alona ne bakuluumpe babeena Isalela boonse baishile na kuja kijiilo ku meeso a Lesa na bako baanji Mosesa. ¹³ Pa juuba ja loondejilepo Mosesa waikele paanshi na kuchibila baantu maambo. Baantu ba muzhookolokele kufuma lukeelo kufika ne mabaanga. ¹⁴ Bako baanji Mosesa byo ba mweene byoonse byo a ubijile baantu, wa ambile amba, "Naanchi kiika kyo ubeena kuuba na baantu? Maambo ka kyo waikeela buunke ne baantu boonse kasa ba kuzhookoloka kufuma lukeelo kifika ne mabaanga?" ¹⁵ Mosesa wa ambile ku bako baanji amba, "Baantu beeya kwi amiiwa mukusa jishiinda ja Lesa. ¹⁶ Inge baikala na maambo, beeya kwi amiiwa. Amiiwa mona kutamisha kwa pakachi ka muuntu umo ne mukwaabo, kabiji ne bafuunjisha malamuna a Lesa ne mizhilo ." ¹⁷ Bako baanji Mosesa ba ambile kwi aye amba, "Byo ubeena kuuba keechi byakila kuwaama ne. ¹⁸ Kine mukakooka anweeba beene ne beene, anweeba ne baantu bomuji naabo. Akino kiseendwa kyakila kwi muneemena anweeba. Keechi mukoonshe kwiingila buunke bweenu ne. ¹⁹ Ng'uumvwai. Amiiwa nsakwimupa bukwaasho, kabiji ne Lesa usa kwiikala ne anweeba, maambo obeewa wi wakwiimenako baantu kwi Lesa, kabiji uleeta maambo a baantu ko aji. ²⁰ Obeewa wakoonsha kwi bafuunjisha malamuna ne mizhilo. Wafwainwa kwi babuula jishiinda ja kweendamo ne miingilo ya kwiingila. ²¹ Kubiikapotu, wafwainwa kusala ba balume bafiikilamo kufuma mu baantu boonse, baantu ba neemeka Lesa, baantu bakishiinka bashikwa mazhika kanwa. Wafwainwa kwi ba biika peulu ya baantu, kwiikala ba ntaangi ba pa biumbi, bitoota, makumi ataanu, ne pa makumi. ²² Abo ba kachibila baantu maambo onse, mino maambo a katazha ba ke aleetanga kwi obeewa. Mino maambo a cheeche, bakoonsha kwi a chiba abo beene. Mu jo jo jishiinda kikakupeelela obeewa, kabiji baka seenda pamo ne obeewa. ²³ Inge obeewa wauba kino, kabiji inge Lesa wakukaambizha obeewa kuuba byo byo, keepo obeewa ukakoonsha kushiinda, ne baantu boonse bakakoonsha kuya ku mazubo kasa ba toondwa." ²⁴ Byonka byo Mosesa wa umvwiine byaambo bya bya ambile bako baanji ne kuuba byoonse abya byo ba ambile. ²⁵ Mosesa wasajile baana balume bafikilamo mu Isalela moonse kabiji ne kwibapa bukuluumpe bwa pa baantu, bakutaangijila biumbi, bitoota, makumi atanu, kabiji ne makumi. ²⁶ Ne abo bachibijile baantu maambo moonka mo kyaila. Maambo a katazha batwaajilenga kwi Mosesa, mino abo beene bachibileenga maambo a cheeche onse. ²⁷ Ponkapo Mosesa walekele bako baanji kuya, kabiji Yefelo wabwelele mu ntaanda yaanji

¹ Mu ng'oondo wa busatu kufuma ku kimye kyafumine beena Isalela mu Ijipita. Pa joonka ja juuba, bafikile ku kiselebwa kya Sinai. ² Panyuuma yakusha Lefidimu bafikile mu kiselebwa kya Sinai, batebelejile mu kiselebwa kuluutwe ya mutuumba. ³ Mosesa wakaanjijile kwi Lesa. Keepo jiiwi ja Yehoba jaishile kufuma ku mutuumba ne kwaamba amba, "Wafwainwa kubuula ba mu nzuubo ya kwa Yakoba, ne mukooka wa beena Isalela." ⁴ Mwaamona byo naubile kubeena Ijipita, kabiji ne byo ne mupaapile pa byaapi bya kwa mpuungu ne kwi muleeta koonji. ⁵ Onkao maambo, inge mwakookela jiiwi jaami ne kulama lulayaang'ano, pano mukeekala ke kya bunoonshi bwaami kufuma mu baantu, maambo ntaanda yoonse yaami. ⁶ Mukeekala ke bufumu bwa ba ng'aanga ne mukooka wazhila waami. Abino byo byaambo byo wafwainwa kwaamba kubeena Isalela." ⁷ Poonkapo Mosesa waikijile ne kwiibeta bakuluumpe babeena Isalela ne kwi babuula bino byaambo byoonse bya mukaambizhizhe Yehoba. ⁸ Keepo baantu boonse ba mukuumbwile, amba, "Atweeba tusa kuuba byoonse bya amba Yehoba." Poonkapo Mosesa wabweezhezhe jiiwi ja baantu kwi Yehoba. ⁹ Yehoba wamukuumbwile Mosesa, amba, "Nkeeya ko uji mu jikuumbi jafiita maambo a kuuba amba baantu bakoomvwe byo nkesaambanga noobe." Nekukuketekela myaaka yoonse. Keepo Mosesa wa buujile Yehoba byaambo bya ambile baantu. ¹⁰ Yehoba wa mwaambijile Mosesa amba, "Yaanga ku baantu, ukebazhijike ja leelo ne ja keesha bakachaape bivwaalo byaabo. ¹¹ Ba keneengezhezhe jimo maambo pa juuba ja busatu, Yehoba ukeekila ku meeso a baantu boonse poonka pa mutuumba wa Sinai. ¹² Ukebachibile baantu mipaka yoonse yazhookoloka mutuumba ke ya baantu. Ne kw baambila amba jimukai keechi mukaanjile pa mutuumba naangwa kukwaatako ku mupaka ne. Pano bino kukwaata kumutuumba kine mukafwa. ¹³ Kafwaako kubooko kuka mukwaata aye ne, baka mwaasa mabwe naangwa muketo; naangwa nyaama, naangwa muuntu keechi ukeekala na buumi ne. Ntoloompita byo ikavumiishatu baka kaanjile pa mutuumba. ¹⁴ Kabiji Mosesa waikijile kufuma ku mutuumba kuuya ku baantu. Kabiji wi bazhijikile baantu, kwi Yehoba ne kuchapa bivwaalo byaabo. ¹⁵ Kabiji wi baambijile baantu amba: Ineengezhezhai jimo maambo juuba ja busatu keechi mukafweenye kwiipi bakazhi beenu ne." ¹⁶ Pa juuba ja busatu, lukeelo, mvula yatataukilenga ne kubeesha kabiji kwafiinjile ne jikuumbi ku mutuumba, kabiji jiiwi jakosa biingi ja luseengo wa mukooko mulume ja umvwaanyikile kya kuuba amba baantu boonse ba mu kaamba bazakamine. ¹⁷ Keepo Mosesa wa lupwiile baantu mu kifulo kyobatebelejilemo mukumusaambakana Lesa, kabiji baimene muunshi ya mutuumba. ¹⁸ Kabiji mutuumba yeense wa Sinai wafutumukilenga bwiishi maambo Yehoba waikijile poonka na mujilo; bwafutumukile byoonka byuuba bwiishi ku kibili; Mutuumba yeense wasuunkenenga biingi ¹⁹ Ne jiiwi ja luseengo byo jailenga nakuvuma kyakosa biingi, Mosesa wa ambile byaambo kabiji Yehoba wa mukuumbwile na jiiwi. ²⁰ Kabiji Yehoba waikijile pa mutuumba wa Siani, poonka peulu ya mutuumba, Yehoba wa mwiichile Mosesa amba akaanjile pa mutuumba peulu. Keepo Mosesa wakaanjijile ku mutuumba. ²¹ Yehoba wa mwaambijile Mosesa amba, "Ikila yaanga ukebajimune baantu bakeeya ku kaanjila pa mutuumba amba tukamumone Yehoba, maambo bafwainwa konaika. ²² Swiishai ba ng'aanga bakataampe bafweenya kwi Yehoba bezhijike, kuchiina amba Yehoba wakebavuundamina. ²³ Mosesa wa ambile kwi Yehoba amba, "Baantu keechi bakoonshe kukaanjila ku mutuumba wa Sinai ne, maambo anweeba beene mwiitulaile amba 'Mukachiba mipaka ku mutuumba ne kumuzhijika kwi Yehoba." ²⁴ Yehoba wa mwaambijile amba, "Yaanga ikila wiiye naanji Alona, mino keechi wibaleke ba ng'aanga ne baantu keechi bapulumuke mubukaji kwi Yehoba ne. Wakeeya kwi bavuundumukila." ²⁵ Keepo Mosesa waile paanshi ku baantu ne kwi baambila.

¹ Lesa wa ambile abino byaambo byoonse amba: ² "Amiiwa ne Yehoba Lesa weenu, wimufumishe mu kyaalo kya Ijipita, mu kyaalo kya buzha. ³ Keechi mukeekalepo na balesa bakwaabo bakila pe amiiwa ne. ⁴ Keechi kesoongele nkishi naangwa kipashang'ano kya byeepi kya kiintu kiji mwiulu, naangwa kya kiintu kiji pano pa ntaanda ne, naangwa akya kiintu kiji mu meema aji muunshi. ⁵ Keechi mukebafukamine ne naangwa kwiiba poopwela ne, maambo amiiwa, Yehoba Lesa wenu ne Lesa wa mukao. Manyika kukooka kwa bashakulu ne kuleeta kumanyikwa mubisemi, mukisemi kya busatu, ne kya buna kubooba ba mpata. ⁶ Mino kasa mweesha butemwe bubula kwaaluka ku biumbi bya booba bantemwa ne kulama mikaambizho yaami. ⁷ Keechi mukejitoongolenga jizhina ja Yehoba Lesa weenu patuutu ne. Maambo aye Yehoba keechi ukamuleka awa muuntu watoongola jizhina jaanji patuutu ne. ⁸ Kasa muvuluka juuba ja Sabado, mukwiijizhijika kwi amiiwa. ⁹ Mukeengilenga mu mooba atanu ne jimo ne kuuba miingilo yeenu yoonse. ¹⁰ Mino juuba ja butanu na bubiji jo ja Sabado kwi Yehoba Lesa weenu. Kabiji keechi mukeengilengapo mwiingilo naangwa wa byeepi ne, naangwa anweeba beene, naangwa mwaanenu wa mulume, naangwa wa mukazhi, naangwa wa mwiingilo weenu wa mulume, naangwa wa mukazhi, naangwa banyaama beenu, naangwa mweenyi weenu wiikala mu bibelo byeenu ne. ¹¹ Pa mooba atanu ne jimo Yehoba wapaangile jiulu ne taanda, ne kaluunga ka meema, ne byoonse bijimo. Pa juuba ja butanu na bubiji wakookolokele. Onkao maambo Yehoba wapeesheshe juuba ja Sabado ne kwiijizhijika. ¹² Neemeka ba shoobe ne ba inoobe, mooba obe akavule pa ntaanda yo emupa Yehoba Lesa weenu. ¹³ Ku kepayaang'ana ne. ¹⁴ Kuuba bulaale laale ne. ¹⁵ Kwiibila muuntu ne. ¹⁶ Kubeepa bubela ne. ¹⁷ Ku kuubwa nzuubo ya mukweenu ne; ku kuumbwa muka mukweenu ne, naangwa wa mwiingilo waanji wa mulume, naangwa wa mukazhi ne, naangwa ng'oombe waanji, naangwa mboongolo waanji ne, naangwa kiintu kya byeepi kya mukweenu ne." ¹⁸ Baantu boonse pakumona kutatauka kwa mvula ne kubeesha, baumvwiine jiiwi ja luseengo, ne kumona mutuumba byo afutumukilenga bwiishi. Kabiji byo ba mweeneko baantu, bakamine ne kwimeena kwaleepa. ¹⁹ Kabiji ba mwaambijile Mosesa amba, "Ambai kwi atweeba, kabiji ne atweeba tusa kuumvwa: Pakuuba aye Lesa keechi etwaambile ne, twakafwa." ²⁰ Mosesa wa ambijile baantu amba, "Kuchiina ne, maambo Lesa waiya mu kwi mweseka amba muneema wa ku muneemeka ekale mwi anweeba, kabiji mubule kuleenga maambo. ²¹ Keepo baantu baimene kwaleepa, kabiji Mosesa wafwenyenye ku jikuumbi jafiinda mo ajiinga Lesa. ²² Yehoba wa ambile kwi Mosesa amba, "Ukebaambile beena Isalela bino amba: 'Mwaamona byo ne mwaambila kufuma mwiulu. ²³ Keechi mukaleenge balesa ba siliva naangwa ba golide ba kukila pe amiiwa ne, balesa ba siliva naangwa ba golide ne. ²⁴ Mukaampangile kya kusookelapo bitapisho kya maloba, kabiji ne kutapishapo milaambo yeenu ya kusooka, ne milaambo ya kusaambakana ya mikooko yeenu ne ba ng'oombe beenu. Koonse ko nkaleenga jizhina jami kutuumbijikwa, nkeeya kwi anweeba ne kwimipeesha. ²⁵ Kabiji inge mukaampangile kya kusookelapo bitapisho kya jiibwe, keechi mu kekituunge na maabwe a kusoonga ne, maambo inge mwa ingijisha byeela byeenu, mukejipelula. ²⁶ Keechi mwakoonsha kukaanjila ku kyakusookelapo bitapisho ne ko kuuba amba mulekese weenu akabule kumweekana na ne."

¹ Ano o malamuna o ukakoonsha kwiibapa: ² Inge mwaapota wa mwiingilo mu Hebelu, ukeengilanga myaaka itanu ne umo. Kabiji mu mwaaka wa butanu ne bubiji ukaya kwakubula kupanapo kiji kyoonse ne. ³ Inge waishile aye mwiine wafwainwa kuuya muteende pa lwaanji; Inge wasoongolwa, apa mino mukazhaanji wafwainwa kuuya muteende naaye. ⁴ Inge nkambo yaanji wamupa mukazhi kabiji wasemenamo baana ba balume naangwa ba bakazhi, awa mukazhi ne baana baanji bakeekala ke ba kwa nkaambo yaanji, kabiji aye ukafumamo buunke bwaanji ne kuuya. ⁵ Mino inge muzha wa amba patooka amba, "Namutemwa nkaambo yaami, ne mukazhami, ne baana bami; Keechi nsakuya muteende ne." ⁶ Apa mino nkaambo yaanji ukamuleeta kwi Lesa. Nkaambo yaanji ukamuleeta pa kibelo naangwa kujishiki ja kibelo. Kabiji nkaambo yaanji ukamusaba kutwe nakyeela kyakusabilako. Pakuuba wa mwiingilo waanji kimye kyoonse. ⁷ Inge muuntu wapotesha mwaananji wa mukazhi noobe wamwiingilo, keechi wafwainwa kubweela muteende byoonka byuuba wa mwiingilo waanji wa mulume ne. ⁸ Inge wabula kusaanshijila nkaambo yaanji wa kwiisajila aye mwiine. Pakuuba wafwainwa kupokololwa. Keechi uji na luusa lwa kumupotesha ku mukooka wa baantu baangi ne. Keechi uji na loolo luusa ne maambo wa mumanyikile na myeendeleko. ⁹ Inge nkaambo yaanji wamusala amba ekale muko mwaananji, ukamulama noobe mwaananji wa kwiisemena. ¹⁰ Kabiji inge wasoongola mwaana mukazhi mukwaabo, keechi ukaleke kumupa byakuja, bivwaalo, naangwa kuleeka kulaala naanji ne. ¹¹ Inge ne kuuba bino biintu bisatu ne, apa wakoonsha kuuya kwakubula kulipila maali. ¹² Awa yeense waasa muuntu ne kufwa, awa muuntu wafwainwa naaye kwiipaiwa. ¹³ Inge keechi wabeepele kasa abeena kupeembela, mino Lesa wikiswiishishe kumweeka. Kabiji nkemitoongwela ku mpuunzha koonkaya. ¹⁴ Inge muuntu waipaya mukwaabo mujishiinda jatama ja bujimuko, mwakoonsha ku mukwaata, naangwa uji pakyakusookelapo kya Lesa, pakuuba amba afwe. ¹⁵ Awa yeense ukapuma shaanji naangwa inaanji wafwainwa kufwa. ¹⁶ Kabiji awa wiiba muuntu-naangwa ngivi wamupotesha, naangwa wataanwa naanji mukuboko kwaanji kine wafwainwa kwiipaiwa. ¹⁷ Awa ufiinga shaanji naangwa inaanji wafwainwa kwiipaiwa. ¹⁸ Inge baantu baalwa kabiji umo wakozha mukwaabo na jiibwe naangwa na kinkonyi, kya kuuba keechi waafwa ne, mino wakaankalwa kubukwa; ¹⁹ Mino inge wabukwa ne kweenda kwiingijisha mikoombo yaanji, awa wamupumine wafwainwa ku mufweeta pa kumutaila kimye kyaanji ; Kabiji wafwainwa kumona amba wabukwa. Pano awa muuntu keechi wazhaatwa amba waipayaang'ana ne. ²⁰ Inge muuntu wapuma wa mwiingilo waanji wa mulume naangwa wa mukazhi na kiintu, Kabiji inge wa mwiingilo waanji wafwa na maambo a bipumo, byoonkabyo awa muuntu wafwainwa kupanyikwa. ²¹ Byonkabyo, inge wa mwiingilo waikala juuba jimo naangwa abiji kafwaako kushiinkanya ne, maambo ukamanama kwakubula kumweenamo wamwiingilo. ²² Inge baana balume babeena kulwa kabiji bakozha wamukazhi uji na jiimi kyakuuba amba wapulumuna, pano kafwaako kikozha kwi aye ne, awa wazhaatwa wafwainwa kulipila moonka mukaambizhizha mwiina mukazhi, wafwainwa kupaana moonka mwa ambila mitonyi. ²³ Mino inge kya malwa kyamweeka ukapaana buumi pa buumi. ²⁴ Jiinso pa jiinso jikwaabo, jiino pa jiino jikwaabo, kubooko pa kubooko kukwaabo, kuulu pa kuulu kukwaabo. ²⁵ Kusooka pa kusooka kukwaabo, kiloonda pa kiloonda kikwaabo, kwiikozha pa kwiikozha kukwaabo. ²⁶ Inge muuntu wapuma pa jiiso ja wa mwiingilo waanji wa mulume naangwa ja wa mukazhi ne kwi jonauna, pano wafwainwa kumuleka waaya mu muteende ne ku mufweeta pa jiiso jaanji. ²⁷ Naangwa inge wamutebula jiino wa mwiingilo waanji wa mulume naangwa wa mukazhi, kabiji wafwainwa kumukasulula na maambo a jiino. ²⁸ Inge ng'oombe watabula mwaana mulume naangwa wa mukazhi maseengo waafwa, bakamwaasa maabwe, kabiji ne nyaama yaanji keechi bakeija ne; mino ne mwiina ng'oombe ukazhaatishiwa. ²⁹ Inge ng'oombe wajiinga na kisuuse kya konauna kala kabiji inge mwiinaye bamujimwiine keechi wamulamine mukachi ne, kabiji inge ng'oombe waipaile wa mulume naangwa wa mukazhi awa ng'oombe wafwainwa kwashiiwa maabwe, kabiji ne mwiinaye wafwainwa kwiipaiwa. ³⁰ Inge bamutoongwela kya kukuula mweo waanji, awa muuntu ukapaana moonka mobakamutoongwela. ³¹ Inge wa asa mwaana naangwa wamulume naangwa wa mukazhi, mwiina ng'oombe wafwainwa kuuba mooba mutoongwela. ³² Inge ng'oombe watabula wa mwiingilo wa mulume naangwa wa mukazhi, mwiina ng'oombe ukapaana masheekele makumi asatu a siliva, kabiji ne ng'oombe bakamwaasa maabwe. ³³ Inge muuntu washiinkula kiimbo, naangwa wapooya kiimbo kwakubula kushinkapo ne, mwaponena ng'oombe naangwa mboongolo, ³⁴ mwiina kiimbo wafwainwa kulipila byaonaika. Wafwainwa kupaana maali kumwiina nyaama waafwa, ne nyaama ukeekala waanji. ³⁵ Inge ng'oombe wa muuntu wakozha ng'oombe wa muuntu mukwaabo kabiji ne kufwa waafwa, pakuuba bafwainwa kupotesha ng'oombe muumi ne kwabanya muteengo, kabiji bafwainwa kwabana awa ng'oombe waafwa. ³⁶ Mino inge kyayuukanyikwa amba awa ng'oombe wajiinga na kisuuse kya konauna mukimye kyapita, kabiji inge mwiinaye keechi wamusuungilanga mukachi ne, wakoonsha kupaana ng'oombe pa ng'oombe, ne yeewa nyaama ukeekala ke waanji.

¹ Inge muuntu waiba ngombe nangwa mukoko kabiji wamwipaya nangwa kumupotesha, Ukapingakenyamo bangombe bataanu pa yewa ngombe, ne mikoko ina pa yewa mukooko. ² Inge ngiivi bamutaana saabena kulala nzubo, kabiji bamupuma kyakuba amba wafwa, kechi bakebesha nkamika mashi anji ne. ³ Kana inge bamupuuma mute bakebashinkamika mashi anji. Aye wajikufwainwa kufuta. Inge wajinga ufwabyo, inge aye mwine wapotwa maambo abwivi bwanji. ⁴ Inge nyuuma yeaiba watanwa muumi, Mukuboko kwanji nangwa ngombe, nangwa mbongolo, nangwa Mukoko, wafwainwa kupaana babiji paumo babiji paumo. ⁵ Inge muuntu watwaala nyaama wanji mukujila mubujimi bwamingazangaza kabiji nyama wanji waeleeka, kabiji nekuja mubujimi bwa muntu ungi, kabiji ukafuta byawaisha byamubujimi bwanji nangwa minganzangaza. ⁶ Inge Mujilo waambuka kabiji wataana kiswa kyakuba amba kaji, kobaluumbika nangwa kaiimana, nangwa biine bujiimi bwapya, Awa waambile Mujilo wafwainwa kufuta byonse. ⁷ Inge muuntu wapaana maali nangwa bintu ku mulunda nanji amba andamineko, kabiji bamwiba munzubo yanji, Kabiji ngivi bamutaana, awa ngivi ukafweta bibiji pakimo, bibiji pakimo. ⁸ Bino inge ngivi kechi wataanwa ne, apa bino mwine wanzubo bakamuleeta kumeenso aba ngambi amba akachipe ku menso a Lesa amba bayuuke kana wakwachilepo pansabo ya mukwabonyi. ⁹ Pakuuba lukatazho loonse lwa pa biintu, naangwa lwiikale lwa pa ng'oombe mulume, lwapa mboongolo, pa mukooko, kivwaalo, naangwa kiintu kikwaabotu kya eleka muuntu waamaba amba, "Akye kyaami," kwaamba kwa baantu boonse kwafwainwa kufika ku meeso a ba mitonyi. Muuntu ye bakataana na maambo ku ba mitonyi wafwainwa kupaana bibiji pakimo ku mukwaabo. ¹⁰ Inge muuntu wapa mukwabo mbongolo, ngombe, Mukoko, nangwa nyaama uji yense amba amuleele, kabiji inge wafwa nangwa wikozha nangwa kumwiiba kwakubula kumumona, ¹¹ Awa wamulamine ukachipa kumukwabo kumenso a Yehoba amba; kine kechi nakwatapo pansabo yenu ne; kabiji mwine nyaama ukatambula alwa luchipo, ne mukwabo kechi akamufute ne. ¹² Mino inge bamwibile kufuuma kwi aye, mukwabo wafwainwa kufuuta kumwina nyaama. ¹³ Inge nyaama bamutabaula, akamulete bamumone, kechi akuchile nyama yebatabaula. ¹⁴ Inge muuntu wakoongola nyama wamukwabo, kabiji walemana, nangwa wafwa, mwinaye sa abulwapo, Kine ukamufuuta namaambo a yewa nyama. ¹⁵ Mino inge mwine nyama; wajinga nanji, awamukwabo kechi akamufuute ne, Inge nyama wajinga wankongolole, ukapana mali kwesakana na mutengo yebamumvwangene. ¹⁶ Inge muuntu waongola kamwale yebabuula kwipanguuzha nekubuula nanji, ukapana maali ne kumusongola. ¹⁷ Inge shanjinwakana kumwipa, awa walaala nanji ukalipila mali aesakana na muketo wa kamwale. ¹⁸ Kechi mukaswishe mwaana mukazhi upaanda maamnga kwikala nabuumi ne. ¹⁹ Muuntu yense ukalaala na nyama kiine bakamwipaya. ²⁰ Awa yense ukatapisha kiitapisho kwi Lesa ungi wabula Yeoba bakamonaunatu. ²¹ Kechi mukamuube mwenyi kyataama ne, maambo mwajinga bazha mu kyalo kya Ijipita. ²² Kechi mukayanjishe mwaana mukaazhi wafwiilwa nangwa mwaana wansiwa ne. ²³ Inge mwibayanjisha, kebanjijile, kabiji inge bangita kine nkomvwa kujila kwabo. ²⁴ Kabiji bukaaji bwaami bukaabuka, ne kwimipaya na mpooko; amba bakazhi beenu bakekale ke bamukamfwila, ne baana bakeekale ke baana banshiwa. ²⁵ Inge mwakongweesha maali kuumo wamubaantu bami kuumo wamwianweba wakajilwa, kechi mwikale kwiaye nobe mukongweeshi wa maali ne nangwa kumukebala nsambu ne. ²⁶ Inge mwaakwata kivwalo kyamukweenu bunkole mwafwainwa kwibibwezha juba sajikyangye kuzhiika, ²⁷ Maambo kyokyonka kyoaji nakyo kyakwivweta, kwakwikumbakanya pamubiji wanji. Nganyi kikwabo kyoakonsha kwivweeta? Inge wanjjila amiwa, nkomvwa, maambone walusa. ²⁸ Kechi mukamube, Lesa , mweenga ne nangwa kuuka ntaangi wabaantu benu ne. ²⁹ Kechi mukabanjishenga kulaambula byakunowa nangwa bizunzuluka bya mubinyu byenu ne mwafwainwa kumpa babeji beenu babaluume. ³⁰ Mukoba kimotu nabangombe beenu nena mikoko yenu. Pa mooba ataanu na abiji bakonsha kwikala nabainabo, bino pajuuba ja butaanu na asatu mukebapaane kwiamiwa. ³¹ Mukekala bantu baamibazhila. Onkao maambo kechi mwakonsha kuja nyaama yebatabaula kuba nyaama bamungye ne. bino, mwakonsha kutaila ba kabwa.

¹ Kukumbanya byabubela ne. Kabiji kukwatankana na muuntu mubi amba ekale kamonyi wanshiji ne. ² Kechi ulondeele kuvula kwa baantu mukuba byataama saubena kulondela kuvula kwabaantu mukuuba biibi ne. ³ Kumubingisha muyanji namaambo abuyaanji bwanji ne. ⁴ Inge mwataana ngombe nangwa mbongoolo wamulwa nyi wenu waya mungi, mukamubwezha ku mwiine. ⁵ Inge mwamona mbongoolo wa muuntu wimushikwa waponena mukimbo namaambo akuneema kwa kipe, kechi wakonsha kusha yewa muuntu ne. wakonsha kusha yewa muuntu ne. wakonsha kusha yewa muuntu ne mbongolo wanji ^{6 7} Kechi mukatwale maambo amulanda nenu mungi pakwiachiba ne. ⁸ Kechi muketabwanzhanye nangwa kacheche na yewa ushinawina mukwabo nabya bubela, kabiji kechi mukepaye muuntu wabula maambo nangwa waoloka, maambo amiwa kechi mbingisha mubi ne. ⁹ Kechi mukatambule mazhikakanwa, maambo mazhikakanwa apofola meenso ne kumona maambo abaoloka. ¹⁰ Kechi mukamanyike mweenyi, maambo anweeba mwajinga benyi mukyalo kya Ijipita. Pa myaaka itaanu na umo mukabyala nkunwa pa mushiji wenu nekubuungizha byikasema. ¹¹ Bino mu mwaaka wabutaanu na ibiji mukalekatu mushiji amba alaletu, amba balanda bamubaantu benu bajemo. Kabiji bakashap, banyama ba mungye bakaje. Kabiji mukoba byonkabyo ne muma jimi enu a mingazangaza ne ama olivi. ¹² Mumoba ataanu na jimo mukengijilamo mingilo yenu, Bino muja butanu naabiji mukakokoloke. Ubai kino pakuuba amba bangombe neba mbongolo nabo bakakokoloke, kabiji neba mingilo benu babakazhi nebaana babo babalume , ne benyi nabo bafwainwa kukokoloka. ¹³ Muteshekotu muchima kubyonse byo aamba kwianeba. Kechi mukatongole mazhina aba Lesa, nangwa kulenga mazhina abo kumvwanyika mutunwa twenu ne. ¹⁴ Mukajenga bijiilo byami jisatu pa mwaka. ¹⁵ Mukajenga kijiilo kyakubula mbizho. Byonkabyo nemukaambizhizhe, mukajanga kijilo kyakubula mbizho pamooba atanu ne abiji. pakyokyo kimye, mukamwekakonji mungondo wa Abibi, maambo kyo kyaambiwa kuuno mwingilo. Monauuna ngondo momwafunjilemo mu Ijipita. Kabiji kechi mwakonsha kwiiya kwiamiwa mabokotune. ¹⁶ Mukajenga ne kijiilo kyakunowa, Bipangwa byansomo byamumajimi byomwabyajile mumajimi enu. Kabiji mwafwainwa mukajenga kijiilo kya kubungizha pakupwa kwamwaka, pomukabungizha byafuma mumajimi enu. ¹⁷ Bonse baana babalume benu bakamweeka ku menso a yeoba Bimye bisatu pamwaka. ¹⁸ Kulaambula mashi akitapisho kyami pamo na shinkwa yeba lenga wammbiizho ne. Mafuta a kitaapisho kecho kechi akonshe sha kushapo nekufika Lukelo ne. ¹⁹ Nsomo itaanshi yakumushiji wenu mukeiletenga, ku nzubo, ya Yeoba Lesa wenu. Kabiji kechi mukateeke mwaana mbuzhi ukyamwa ne. ²⁰ Amiwa nkemutuumina malaika wakwimulama mujishinda, nekwimuleta kumpunzha yonemunengezhejile. ²¹ Mumuteshe muchiima nekumukokela. Kechi mumuzhingijishe ne, maambo kechi ukemulekela mizhilulwila yenu ne. Maambo Jizhina jami jiji mwi aye. ²² Kine inge mukakokela jiwi janji nekuuba byonse byonemubula, apa bino amiwa nkekala mulwanyi wabalwanyi benu newakwimena bemwimena. ²³ Malaika wami ukemutangijila nekwimuleta ku Amoli, ne ku Hiti, nebena peluzi, nebena Kenana, nebena Hivi, nebena yebusi. Nkebonauna. ²⁴ Kechi mukafukamine ba Lesa babo, nangwa kuba byoboba, Bino mwafwainwa kwibaponya panshi, nekwibalaula mubipimvwa. ²⁵ Mukamupopwelenga Yeoba Lesa wenu, kabiji ukapesha shinkwa ne meema enu. nkafumya misongo mwianeba. ²⁶ Kafwako mwanamukazhi ukabula kusema nangwa kupulumuna mukyalo kyenu ne. Nkemupa buumi bwayayaya. ²⁷ Nkatuma mooyo wakungakamwa kulutwe yenu, ne kuvulanganya baantu bonse bomukataana, kabiji nkalula bonse balwanyi benu kufuuma komuji. ²⁸ Nkalata matembwe kulutwe yenu akapangamo bena Hivi, kenana, nebena Hivi kufuuma komuji. ²⁹ Kechi nkebafumyamo kumenso enu pamwaka umo ne, kuchina amba ntaanda yakaluuka ke yatu kabiji banyama bakaji bakemuvujila. ³⁰ Byonkabyo, nkeba pangamo pachepache poso mwasemununa mwavuula nekutaambula kyalo kyonse ke kyenu. ³¹ Kabiji nkemuchibila mipaka yenu kufuuma kukaluunga kachila kufika neku mukola wa ufilata. Nkapana buswanyi bwantanda mumaboko enu. Kabiji mukebapangamo muntanda. ³² Kechi mukapange lulayangano ne abone nangwa naba Lesa babone. ³³ kechi mukebaswishe kwikala mukyalo kyenu, maambo bakemulengela kundenga maambo. Inge mwapopwela ba Lesa, babo akye kine kikekala ke kijiba kyenu.

¹ Ponkapo Yehoba wa ambile kwi Mosesa amba, "Kaanji peulu kwi amiiwa-obeewa, Alona, ne Nadaba, ne Abihu, kabiji ne makumi atanu ne abiji a bakuluumpe babeena Isalela, kabiji muka mpoopwela kwaleepa. ² Mosesa aye buunke wafwainwa kwiiya kwiipi ne amiiwa. Bashaala keechi bafwainwa kwiiya kwiipi ne amiiwa ne, naangwa baantu bakoonshe kwiiya peulu ne amiiwa ne." ³ Mosesa waile ne kubuula baantu byaambo byoonse bya ambile Yehoba ne bya toongwelwe. Baantu boonse bakuumbwile na jiiwi amba, "Atweeba tusa kuuba byaambo byoonse bya amba Yehoba." ⁴ Keepo Mosesa wa neembele byaambo bya Yehoba byoonse paanshi. Kumakya makya, Mosesa washikile kya kusookelapo bitapisho peulu ya mutuumba ne kuneengezha mashiki amabwe jikumi ne abiji, byonka byo amba mabwe akemeneko mikooka jikumi na ibiji yabeena Isalela. ⁵ Ne aye watumine basoongwa lume bamo beena Isalela mu kupaana bitapisho byakusooka kabiji ne kutabisha bitapisho bya luumvwang'ano bya ng'oombe mukazhi kwi Yehoba. ⁶ Mosesa washikwiilepo maashi amo ne kwi a biika mu masaanyi: waichijile amo pa kyakusookelapo. ⁷ Aye washikwiile buuku wa lulayaang'ano ne kutaanga ku maatwi a baantu. Kuumvwa abo ba ambile amba, "Tukooba byoonse bya amba Yehoba. Tusa kwiikala bakookela." ⁸ Ponkapo Mosesa washikwiile maashi ne kusupila pa baantu. Aye wa ambile amba, "Ano o maashi a lulayaang'ano oa layaang'ana neenu na kwiimupa uno mulaye na bino byaambo byoonse." ⁹ Keepo Mosesa, ne Alona, ne Nadaba, ne Abihu, kabiji ne ba kuluumpe babeena Isalela jikumi ne babiji bakanjijile peulu ya mutuumba. ¹⁰ Ba mweene Lesa wa Isalela. Muunshi ya maulu anji mwajinga kyakusoonga kyo baleenga na jiibwe ja safila, ja mweekelengatu noobe jiulu jiine. ¹¹ Lesa keechi wabiikile kubooko kwaanji pa bakuluumpe babeena Isalela ne. Abo ba mumweene Lesa, kabiji bajiile ne kutooma. ¹² Yehoba wa ambile kwi Mosesa amba, "Kaanji peulu ya mutuumba koonji kabiji wiikale poonka. Amiiwa nsakukupa maabwe a papakana ne mizhilo kabiji ne mikaambizho yo na neemba, byonka byo amba obeewa ukoonshe kwi bafuunjisha abo." ¹³ Byonka byo Mosesa waimene ne Yoshiwa nkwaasho waanji ne ku kaanjila ku mutuumba wa Lesa. ¹⁴ Mosesa byo a ambile ku bakuluumpe amba, "Ikalai poonka pano mwitupeembele poso tubweele. Alona ne Hula baji ne anweeba. Inge paji uji na maambo, lekai aye kobaji." ¹⁵ Byonka byo Mosesa wakaanjijile peulu ya mutuumba, kabiji ne jikuumbi javweetele mutuumba. ¹⁶ Lukumo lwa Yehoba lwa ikajile pa mutuumba wa Shinai, ne jikuumbi javweetele mutuumba mooba ataanu ne jimo. Pa juuba ja butaanu na abiji Yehoba waichile Mosesa mukachi ka jikuumbi. ¹⁷ Kumweeka kwa lukumo lwa Yehoba kwajiinga noobe mujiilo usookang'ana peulu ya mutuumba ku meeso abeena Isalela. ¹⁸ Mosesa watweelele mukachi ka jikuumbi ne kukaanjila pa mutuumba. Mosesa wajiinga pa mutuumba mooba makumi ana muute ne bufuku.

¹ Yehoba wa ambile kwi Mosesa amba, ² "Ambila beena Isalela batwaale milaabu yaami kufuma ku muuntu yeense watuundaikwa na muchima wakizaku. Obeewa ukantaambwine abino bya buupe byaami. ³ Aino yo milaambo yo wafwainwa kutaambula kwi abo: Golide, siliva, ne lubeemba; ⁴ wafiituluka, wachiluluka, ne bisapi bya lineenyi; ne booya bwa ba mbuzhi; ⁵ ne mwai wa mwaana mukooko ye basoombela na musoombelo uchila ne myai ya banyaama bakataampe; ne bichi bya mwiiba wakaselesele; ⁶ Maanyi a mu laampi ya mu kipwiilo; ne binuunka buloongo bya maanyi a kushiinga ne maanyi a bya kufutumuna biji na bweema bwa waama; ⁷ Jiibwe ja onika ne maabwe a buneeme kubiika pa nsalu kabiji ubiike pa kyaaji. ⁸ Bakaandengele teente pakuuba amba ngikale naabo. ⁹ Mwafwainwa kuleenga kyaesakana byonka byo nkemumweesha mumilaangwe yaami kya kwiikalamo ne biingijisho byakyo byoonse. ¹⁰ Kabiji bakaleenge jikwaachi ja kichi kya akasha. Jaleepa makyuubichi abiji ne afu mubula; mubwiipi mwiikale kyuubichi umo ne afu; kabiji ne kimo naamo mwiikale kyuubichi umo ne afu. ¹¹ Mwafwainwa kwiikivweeta kyoonse mukachi ne paangye na golide waluumbuluka, kabiji mwafwainwa kuleenga mupaka wa golide kuzhookoloka peulu. ¹² Mwafwainwa kusuungulula nsaambo ina ya golide, ne kubiika pa ma koonka onse ana a jikwaachi, bikwaabo bibiji kulubaji lukwaabo, ne bikwaabo bibiji kulubaji lukwaabo. ¹³ Mwafwainwa kuleenga myaamba ya kichi kya mwiiba wa kaselesele kabiji ne kwi ivweeta na golide. ¹⁴ Mwafwainwa kubiika myaamba pa nsaambo iji mumbavu ya jikwaachi joonse, yakuseendelako. ¹⁵ Mwaamba wafwainwa kushaala mukachi ka nsaambo ya jikwaachi; Keechi kwi ifumyamo ne. ¹⁶ Mwafwainwa kubiika mkachi mu jikwaachi ja lulayaang'ano mafuunde o nkemupa. ¹⁷ Wafwainwa kuleenga kyakufuuchilako kizhiko kya golide wa waama. Mubula mwafwainwa kwiikala makyuubichi abiji ne afu, kabiji mubula mwafwainwa kwiikala kyuubichi umo ne afu. ¹⁸ Mwafwainwa kuleenga ba kelubi babiji ba kubuunda na golide wa kuunsa kuunsa kwa kizhiko kya kufuuchilako. ¹⁹ Muleenge kelubi umo wa kuunsa kumo kwa kizhiko kya kufuuchilako, kabiji ne mukwaabo kelubi wakulubaji lukwaabo. Byafwainwa kuleengwa mukipiimvwa kimo kya kizhiko kya kufuuchilako. ²⁰ Ba kelubi bafwainwa kutanyika byaapi byaabo peulu ne kuzhikapo biimvule pa kizhiko kya kufuuchilako. Ba kelubi bafwainwa kutazhaang'ana ne kutala pakachi ka kizhiko kya kufuuchilako. ²¹ Wafwainwa kutuula kizhiko kya kufuuchilako peulu ya jikwaachi, kabiji mwafwainwa kubiika mu jikwaachi mabwe a lulayaang'ano onsa kukupa obeewa. ²² Po pa jikwaachi po nkemusaambakena anweeba. Amiiwa nkaamba ne anweeba pa kifulo kyaami peulu ya kizhiko kya kufuuchilako. Pa keekala pakachi ka ba kelubi babiji pa jikwaachi ja lulayaang'ano a mafuunde o nkaamba neenu pa yoonse mikaambizho yo nkemupa pa maambo a baantu beena Isalela. ²³ Mwafwainwa kuleenga tebulu wa kichi kya kasele. Mubula mukeekale ma kyuubichi abiji; mu bwiipi kyuubichi umo, kabiji mu mbavu kyuubichi wa afu. ²⁴ Mwafwainwa ku muvweeta na golide wa waamisha ne kubiika mupaka wa golide peulu. ²⁵ Mwafwainwa kwiikilengela fulemu wazhookoloka kuboko kumo, na myaamba ya mupaka wa golide wazhookoloka. ²⁶ Mwafwainwa kwiikilengela nsaambo ina na golide ne kubiika nsaambo mu makoonka ana, moonka mwaila mikupa ina. ²⁷ Nsaambo yafwainwa kukwaata kukyazhookoloka mukuneengezha mpuunzha ya mibaanda, muyakushikwiilako tebulu. ²⁸ Wafwainwa kuleenga bichi bya mwiiba wa kasele ne kwi bivweeta na golide pakuuba amba tebulu bakamuseende abo. ²⁹ Mwafwainwa kuleenga michiba, bijiisho, miloondo, ne tutomeno tobeengijisha kwiitulwiilako bya kutoma bya buupe. Byafwainwa kuleengwa na golide wa waamisha. ³⁰ Wafwainwa joonse joonse kuneengezha shiinkwa ku meeso ami ku tebulu paluutwe yami. ³¹ Wafwainwa kuleenga kituulwapo ma laampi a kupaanga na golide. Kituulwapo ma laampi kikaleengwe na kitako kyaakyo kyazhookoloka, makomeki akyo ne bitako byao, ne kitako kyakyo kya mabuula, ne maluba akyo aleengwa mukimootu. ³² Misaampi itanu ne umo yafwainwa kufuma muubaji yaayo-misaampi isatu yafwainwa kufuma ku lubaji lumo, ne misaampi isatu ya kituulwapo laampi yafwainwa kufuma ku lubaji lukwaabo. ³³ Musaampi mutaanshi wafwainwa kwiikala na tutomeno tusatu twa paangwa noobe mabuula a amonde, ne kitako kyajibuula ne jiluba, ne makomeki asatu a leengwa na amonde ku musaampi mukwaabo, na jibuula ne kitako kya jiluba kyafwainwa kwiikala kyaesakana na atanu ne jimo misaampi ya kunuungako pa kituulwapo laampi. ³⁴ Pa kituulwapo laampi kine, kyapakachi kya zhookoloka, pakwainwa kwiikala tutomeno tuna twaleengwa noobe amonde, na mabuula ao ne kitako kyajibuula ne jiluba. ³⁵ Pafwainwa kwiikala kitako kya jibuula muunshi ya kibese kya misaampi-yaleengwa na kyeela kimo. Kabiji kitako kyajibuula paanshi ya kibese kya bubiji kya misaampi-naakyo kyapaangilwe kukyeela kimo. Kyafwainwa kwiikalatu kimo na misaampi isatu, mujishiinda jimootu mwafwainwa kwiikala na kitako kyajibuula paanshi ya kibaaba kyabusatu kya misaampi, kyaleengwatu kimo. Kyafwainwa kwiikalatu kimo ³⁶ na bitako byaakyo bya mabuula ne misaampi yafwainwa kwiikalatu nakyeela kimootu, kipiimvwa kyapaangiwa na golide wa waamisha. ³⁷ Mwafwainwa kuleenga paluutwe malaampi atanu ne abiji, ne kwiatula peulu malaampi pakuuba amba apaneenga kyeeya. ³⁸ Tubimamo twaakyo twakutootomwenamo buto twaakyo twafwainwa kuleengwa na golide wa waama. ³⁹ Mwiingijishe jitaleenta jimo ja golide wa waamisha ne kupaanga pa kubiika ma laampi ne bya kwiingijisha. ⁴⁰ Utesheeko muchima kwibyuuba panyuuma ya kumana byo na kumweesha pa mutuumba.

¹ Mukaleenge teente walusaambakeno na bipeembe jikumi byaleengwa kufuma ku kisapi kya lineenyi wafiituluka, wachiluluka , ne toone wachijisha ukalukilemo musaango noobe kelubi. Ino ikeekala ke miingilo ya ba seendwe ba yuukisha. ² Mubula bwa kipeembe mwafwainwa kwiikala ma kyuubichi makumi abiji na tutanu ne tusatu, mubwiipi ma kyuubichi ana, bipeembe byoonse byafwsainwa kwiikalatu byaesakana. ³ Bipeembe bitanu bakebinuungakanye na bikwaabo, ne bikwaabo bipeembe bitanu bakebinuungakanya na bikwaabo. ⁴ Mwafwainwa kuleenga twakukobelamo twafiituluka kuunsa ya kipeembe. mu jishiinda jimootu, mwafwainwa kuuba kimootu ku kipeembe kyabubiji. ⁵ Mwafwainwa kuleenga tumizhiinge makumi atanu kubipeembe bitaanshi, kabiji mwafwainwa kuleenga tumizhiinge makumi atanu kuunsa ya bipeembe ku kyabubiji. Ubai bino pakuuba amba tumizhiinge tukatalaang'ane kamo ne ka kwaabo. ⁶ Mwafwainwa kuleenga ne tukobelo makumi atanu na golide ne kunuungakanya na bipeembe pamo pakuuba amba teente walusaambakeno wa kwiikalamo. ⁷ Mwafwainwa kuleenga bipeembe na booya bwa ba mbuzhi ne teente wa lusambakeno. Mwafwainwa kuleenga bipeembe jikumi ne kimo. ⁸ Mubula bwa kipeembe mwafwainwa kwiikala ma kyuubichi makumi asatu, kabiji mubwiipi mwa kipeembe kyoonse mwafwainwa kwiikala makyuubichi ana. Bipeembe byoonse jikumi ne kimo bya fwainwa kwiikalatu kimootu. ⁹ Mwafwainwa kunuungakanya bipeembe bitanu kukimo ne kikwaabo ne bipeembe bikwaabo bitanu ne kimo kukimo ne kikwaabo. Mwafwainwa kuteentakanya kuluutwe ya bipeembe bitanu ne kimo kuluutwe kwa teente. ¹⁰ Mwafwainwa kuleenga tukobelo makumi atanu kuunsa ya bipeembe ku bipeembe bitaanshi ne tukobelo makumi atanu kwapela bipeembe binuunga na bipeembe byaloondelapo bya bubiji. ¹¹ Mwafwainwa kuleenga tukobelo twalubeemba makumi atanu ne kwitubiikala mu tumizhiinge apa mino mukwachishe teente pamo apa mino ikeekale ke kipiimvwa kimo. ¹² Kipeembe kyashajilepo kya kipichi, akyo ke kipiimvwa kyo ba kobekele akyo kyashajilepo ku mateente a bipeembe, byafwainwa kukobekwa kunyuuma ya teente walusaambakeno. ¹³ Byafwainwa kwiikala kyuubichi umo wa kipeembe kulubaji lumo, kabiji umo kyuubichi wa kipeembe ku lubaji lukwaabo-awa wa shala wa mubula bwama teente a bipeembe byafwainwa kukobekwa kuumbaji kwa teente walusaambakeno kulubaji lumo ne kulubaji lukwaabo, ne kwiikivweeta. ¹⁴ Mwafwainwa kuleenga kivweeta teente walusaambakeno na kiseba kya mwaana mukooko kya musoombelo uchila, ne kikwaabo kyakuvweeta kya peulu kiseba ne kuya peulu yakyo. ¹⁵ Mwafwainwa kuleenga ne mafulemu a kwiimika na kichi kya mwiiba wa kasele a teente walusaambakeno. ¹⁶ Mubula mwafwainwa kwiikala ma kyuubichi jikumi, kabiji mu bwiipi bwao mwafwainwa kwiikala kyuubichi umo ne kipichi. ¹⁷ Pafwainwa kwiikala mafulemu abiji aji na mikupa ya kunuungakenya fulemu umo ne mukwaabo. Mwafwainwa kuleenga mafulemu a teente walusaambakeno mujino jishiinda. ¹⁸ Inge mwaleenga mafulemu a teente walusaambakeno, mwafwainwa kuleenga mafulemu makumi abiji a kulubaji lwa kukabeta ka buleenge. ¹⁹ Mwafwainwa kuleenga bitako bya siliva makumi ana kwiibibika muunshi ya ma fulemu. Kwafwainwa kwiikala bitako bibiji muunshi ya kitako kitaanshi maulu abiji a mafulemu ne bitako bibiji muunshi ya mafulemu akwaabo kubinyaanchilo bibiji byao. ²⁰ Pakuuba kulubaji lwabubiji lwa kabeta kabuleenge, mwafwainwa kuleenga mafulemu makumi abiji. ²¹ Makumi ana a bitako bya siliva. Pafwainwa bitako bibiji kuunshi ya fulemu mutaanshi, bitako bibiji kuunshi ya fulemu waloondejilepo, ne kutwajijilapo. ²² Kulubaji lwa kunyuuma ya teente wa lusaambakeno kumuzhika, mwafwainwa kuleenga mafulemu atanu ne imo. ²³ Mwafwainwa kuleenga mafulemu abiji a kumakoonka a kunyuuma ya teente walusaambakeno. ²⁴ Mafulemu afwainwa kwabanya paanshi, mino kasa anuungakana peulu kulusaambo waesakana. Yafwainwa kwiikala mujino jishiinda ku makoonka onse abiji a knyuuma. ²⁵ Pafwainwa kwiikala mafulemu atanu ne asatu, pamootu ne bitako byao bya siliva. Pafwainwa kwiikala bitako jikumi na tutanu ne kamo mu byoonse, bitako bibiji paanshi ya fulemu mutaanshi, bitako bibiji pa fulemu waloondelapo ne kutwajijilatu. ²⁶ Mwafwainwa kuleenga myaamba ya kichi kya kasele-itanu ya mafulemu akulubaji lumo lwa teente walusaambakeno, ²⁷ myamba itanu ya mafulemu ya kulubaji lukwaabo lwa teente walusaambakeno, kabiji ne myaamba itanu ya mafulemu ya kulubaji lwa kunyuuma ya teente wa lusaambakeno ku muzhika. ²⁸ Mwaamba wa mukachi ka fulemu, akyo ke, kikapulankana, kufuma kuunsa ne kuunsa. ²⁹ Mwafwainwa kuvweeta ma fulemu na golide. Mwafwainwa kuleenga nsaambo yao na golide, pakuuba amba bikale byakwaata myaamba, ne kuvweeta mashiki na golide. ³⁰ wafwainwa kuleenga teente walusaambakeno na milaangwe yo bakumweesha pa mutuumba. ³¹ Wafwainwa kuleenga kipeembe kya fiituluka, kyachiluluka, ne kya chijisha, ne kisapi kya waamisha kya lineenyi, ne bya leengwa noobe kelubi, namwiingilo wa seendwe. ³² Wafwainwa kwiikikobeka pa mashiki ana na kichi kya mwiiba wa kasele kya vweetwa na golide. Ano mashiki afwainwa kwiikala na misoombelo ya golide byo balenga na bitako bina bya siliva. ³³ Mwafwainwa kukobeka kipeembe paanshi ya tukobelo, kabiji mwafwainwa kuleeta mu jikwaachi ja lushimuno. Kipeembe kya kwabanya mpunzha yazhila na mwazhijisha. ³⁴ Mwafwainwa kutuula kizhiko kya kufuuchilako pa jikwaachi ja lushimuno, moonka mu mpuzha ya zhijisha. ³⁵ Mwafwainwa kutuula tebulu paangye ya kipeembe, mwafwainwa kutulapo kya kutulapo laampi kasa biitazha na tebulu kulubaji lwa ku kabeta ka kubuyeke kwa teente wa lusaambakeno. Tebulu wafwainwa kwiikala kulubaji lwa buyeeke muzhika. ³⁶ Wafwainwa kuleenga kya mu kibelo kya teente. Mwafwainwa keiikilenga na kyafiituluka, kyachiluluka, ne kyachijisha ne kukasankanya taambo, yo ya kuwaamisha. ³⁷ Pakuuba bya mukibelo mwafwainwa kuleenga mashiki atanu a kichi kya kasele ne kwiavweeta na golide, ne misomali yakyo yfwainwa kwiikala ya golide, kabiji mwafwainwa kusuungulula lubeemba ne kuleenga bitako bya byo.

¹ Wafwainwa kuleenga kya kusookelapo kitapisho kya kichi kya mwiiba wa Kaselesele, makyuubichi atanu mubula ne makyuubichi atanu mu bwiipi. Kya kusookelapo kikeesakane moonse kabiji kikeekale na makyuubichi asatu mubula. ² Wafwainwa kuleengelako maseengo atwa noobe a ng'oombe. Maseengo akalengwe noobe kipiimvwa kimo kya kya kusookelapo, kabuji ukekivwete na kapotwe. ³ Ukaleenge bya biingijisho bya kya kusookelapo kitapisho: mapooto a buto, ne ma fosholo ne michiba ne mijisho ya miiba, ne mabuula. Abye boonse bikeekale bya lubeemba. ⁴ Ukaleenge kyeela kya meeso meeso kyakusookelapo, kikwaata kyeela kya lubeemba. Ukaleenge kyeela kya lubeemba kya mu ma koonka onse ana a lubeemba. ⁵ Ukabiike myaamba paanshi ya makoonka pa kyakusookelapo, kipiimvwa kimo kuya paanshi. ⁶ Uleenge myaamba ya kyakusookelapo, myaamba ya kichi kya Akasha, kabiji wi ivweete na lubeemba. ⁷ Ukabiike myaamba mu mashiki, myaamba yafwainwa kwiikala mumbaji ya kitapisho ya kyakusookelapo, pakuseenda. ⁸ Wafwainwa kuleenga kya kusookelapo bitapisho moonka mo bakumweesheshe pa mutuumba. ⁹ Ukaleenge lupaango ku teente walusaambakeno. Wafwainwa kwiikala na kyakukashilako bipeembe ku kabeta ka kubuleenge kyakaswa ntaambo makyuubichi kitoota kimo kya lineenyi mubula. ¹⁰ Bipeepela byafwainwa kwiikala na mashiki makumi abiji, ne na bitako bya lubeemba makumi abiji. Kwafwainwa kwiikala misomali ya nkona ya kukwaachisha ku mashiki, ne mizhiinge ya siliva. ¹¹ Byonkabyo ne ku lubaji lwa ku kabeta ka kubuyeke, kwafwainwa kwiikala bipeepela kya makyuubichi kitoota kimo ne mashiki makumi abiji, makumi abiji a bitako bya lubeemba, ne misoomali ya nkona yakwaata ku mashiki, ne mizhiinge ya siliva. ¹² Kuunsa ya lupaango ku lubaji lwa ku muzhika kwafwainwa kwiikala kipeembe kyaleepa makyuubichi makumi atanu mubula. Kwafwainwa kwiikala myaamba jikumi ne bitako jikumi. ¹³ Lupaango wafwainwa kwiikala waleepa makyuubichi makumi atanu mubula ku lubaji lwa kumusela. ¹⁴ Bipeepela bya kulubaji lumo lwa ku kibelo lwafwainwa kwiikala na ma kyuubichi jikumi na tutanu mubula. Byafwainwa kwiikala na myaamba isatu ne na bitako bisatu. ¹⁵ Lubaji lukwaabo naalo luji na bipeepela bya leepa makyuubichi jikumi na tutanu mubula. Byafwainwa kwiikala na myaamba yaayo isatu ne bitako bisatu. ¹⁶ Kibelo kya lupaango kyafwainwa kwiikala na kipeembe kyaleepa makyuubichi makumi abiji mubula. Kipeembe kyafwainwa kuleengwa na musoombelo wafiituluka, ne wachiluluka, kabiji ne wachijisha ne wa lineenyi wa waamisha, ke mwiingilo wa usona. Wafwainwa kwiikala na myaamba ina ne bitako bina. ¹⁷ Myaamba ya lupaango yoonse yafwainwa kwiikala na mizhiinge ya siliva, misomali ya nkona ya siliva, kabiji ne bitako bya lubeemba. ¹⁸ Kuleepa kwa lupaango kwafwainwa kwiikala makyuubichi kitoota kimo, muumbavu makyuubichi makumi atanu, ne mubula makyuubichi atanu ne na lineenyi wa waamisha sa apeepela bimye byoonse, ne bitako bya lubeemba. ¹⁹ Biingijisho byoonse be keengijishiwa mu teente walusaambakeno, kabiji ne mpoopo ya teente yoonse ya ku teente walusaambakeno ne lupaango byafwainwa kuleengwa na lubeemba. ²⁰ Obeewa ukakaambizhe baantu beena Isalela bakalete maanyi a Olivi, atooka, a mu malaampi byonkabyo amba akoonshenga kuteematu bimye byoonse. ²¹ Mu teente walusaambakeno, paangye ya kipeembe akya kiji kuluutwe ya teente walusaambakeno amwa muji jikwaachi ja lushimuno, Alona ne baana baanji bafwainwa kuleeka ma laampi sa ambuka ku meeso a Yehoba, kufuma mabaanga kufika ne lukeelo. Kusaka kwa bino kukeekala ke malamuna a myaaka kupita ku bisemi bya baantu beena Isalela.

¹ Ukamwiite koobe Alona muloongo obe ne baana baanji-Nadaba, ne Abihu, ne Eleazala, ne Itamala-kufuma mukachi ka beena Isalela byonka byo amba bakoonshe ku ngingijila amiiwa mwiingilo wa bu ng'aanga. ² Uka muleengele Alona, muloongo obe, bivwaalo byazhila bya buneeme ne bya buuya. abino bivwaalo bikeekala bya buneeme ne buuya bwaanji. ³ Ukaambe ku baantu boonse ba maana mu muchima, aba bo nayuzha na mupashi wa maana, byonka byo amba bakakoonshe ku muleengela Alona bivwaalo bya ku muzhijika mu kwiingila mwiingilo wa bu ng'aanga waami. ⁴ Bivwaalo byo bafwainwa kuleenga ke bya pa kyaaji, kya kuvwaala pa kyaaji, ne mu nkukumba waleepa mabooko, mu nkukumba waleepa, kya kuvwaala ku mutwe, ne jipoonda. bafwainwa kuleenga bino bivwaalo byazhila kwi amiiwa. Bikeekala bya muloongo obe Alona ne baana baanji pakuuba amba ba ka ngigijilenga mwiingilo wa bu ng'aanga. ⁵ Baseendwe ba bya kusoonga bafwainwa kwiingijisha lineenyi wa waama buloongo wa golide, wafiituta, wafiituluka , kabiji ne wachijisha. ⁶ Bafwainwa kuleenga kya kuvwaala pa kyaaji na golide, na toonge wafiituluka, ne wachiluluka, ne wachijisha, kabiji ne kya lineenyi wa waama. Kyafwainwa kwiikala kya shayuuka seendwe wa bya kusoonga. ⁷ Kyafwainwa kwiikala na bipuzhi bibiji byakwaata ku ma koonka abiji a peulu. ⁸ kyawaama-jipoonda ja kuteekelamo jafwainwa kwiikala noobe kyakuvwaala pa kyaaji; Kyafwainwa kuleenga na kibese kimo ne kyakuvwaala pa kyaaji, kyaleengwa na lineenyi wa waama wa golide, wafiituluka, ne wachiluluka ne wachijisha. ⁹ Ukashiikule mabwe abiji a onika ne kuneembapo mazhina a baana ba Isalela. ¹⁰ Mazhina abo atanu ne jimo afwainwa kwiikala pa jibwe jimo, kabiji mazhina atanu ne jimo pa jibwe jikwaabo, mu ndoonda ya kusemwa kwa baana. ¹¹ Ne na mwiingilo wa usoonga mu mabwe, noobe kusoonga pa shitaampa, ukasoonge mabwe abiji ne mazhina a baana ba Isalela poonka. Wafwainwa kubiika mabwe mwaneengezhiwa mwa golide. ¹² Ukabiike mabwe abiji pa bibese bya pa kipuzhi kya kyakuvwaala pa kyaaji, kwiikala mabwe a kuvulula Yehoba baana ba Isalela. Alona ukaseenda mazhiina abo ku meeso a Yehoba pa bipuzhi byaanji bibiji kwiikala kya kumuvulula kwi aye. ¹³ Ukaleenge bya kuneengezha bya golide ¹⁴ ne minyoololo ibiji ya golide noobe mipoonda, kabiji ukakase minyoololo ku byaneengezhiwa. ¹⁵ Ukaleenge kibese kya kya pa kyaaji kya milaanguluko, miingilo ya muuntu shayuuka, kyaleengwa noobe kya kuvwaala pa kyaaji. Kyaleengwa na golide, ne toonge wafiituluka, ne wachiluluka, ne wachijisha, kabiji ne wachijisha, ne na lineenyi wa waama. Kikeekale kya esakana moonse. Ukavuunge kya pa kyaaji jibiji. ¹⁶ Kyafwainwa kwiikala ma kyuubichi makumi abiji ne tubiji mubula ne makumi abiji mu bwiipi. ¹⁷ Muuketutanchike mutumikuku tuna twamabwe abuneme a golide. Mukuku mutanshi waafwainwa kwikala na salajasi, ne topaze ne emalodi. ¹⁸ Ne tumikuku twa bubiji twaafwainwa kwiikala na alamante ne safila diamon. ¹⁹ Ne tumikuku twa busatu twaafwainwa kwiikala na mazhina abuneme ke yakinto ne akate ne amatesete. ²⁰ Kabiji ne tumikuku tuna twaafwainwa kwiikala ke kisolite ne onika ne yasipa. Uketubike mutubintu twa golide. ²¹ Ne mabwe afwainwa kunengezeha mumazhina abaana babalume bakwaa isalela. Ba kanebapo mazhina a mikoka jikumi na ibiji. ²² Ukaalenge katamba kapakyaji kakuzhinga, ka mwingilo ka golide. ²³ Ukaalenga tumbala minwe tubiji twa golide kabiji ukanugakanye konse kubiji kukatumbakapa kyaji. ²⁴ Kabiji wafwainwa kukwachisha mizhinge ibiji ya golide ya kuma koona a katumba. ²⁵ Kabiji wafwainwa kukwachsha akwaabo abiji a golide kunsa ya katumba tukwabo tubiji twa ku kwata. ²⁶ Waafwainwa kulenga nsambo ibiji ya golide ne kwiibika kumakona abiji a katumba. ²⁷ Ukalenge ne nsambo ikwabo ibiji ya golide ne kwiibika kulutwe ku makweelelo abiji ko anungakena kushi nangwa peulu ya kishiki. ²⁸ Okaomambo bakasende katumba nsambo ne mizhinge ya fituluka kekale pakandombe ka ku kakobeka kuchina ka kakasuluka. ²⁹ Byonkabyo alona pakuya mu mpuzha yazhila, wafwainwa kusenda mazhina abaana ba isalela pakatumba kakumuchima wanji kwibavuluka kikupu ku menso a yehoba. ³⁰ Monka mu katumba ukabikemo ulimu ne tumimu, bikekale pamuchima wa alona ukasenga mambo abena isalela pa muchima wanji kikupu kumenso a kwa yehoba. Mino Alona ukengijishanga mashiinda onse mukulangulukilako bantu mu Isalela pa muchima wanji kumeeso a Yehoba. ³¹ Ukalenge mukangyo wa kuvwala wafituluka. ³² Akekale na jiso pakachi. Mwakutwezha mutwe, kabiji jiso jikekale na mivuumbo yazhokoloka byonkabyo biji ja jilaya ja ku nkondo. ³³ Kabiji kunshi yakyo ukalengeleko mapomegulachi a tonge wafituluka, ne wachiluluka ne wachijisha, a kumuzhokoloka, ne tumapanda twa ku patawila mukachi kakyo. ³⁴ kwaafwainwa kwiikala ngeengele wa golide mpomegulachi, ne ngegele wa golide ne mpomegulachi wazhokoloka kunshi ya mukangyo. ³⁵ Lutambo lyafwainwa kwiikala kwi Alona kimye kyo abena kwiingila, kuba amba kuvwanyike kimye kyo atwela myaazhila. Kumenso a Yehoba kimye kyoalupuka. Kukuba amba kechi wafwa ne. ³⁶ Waafwainwa kulenga nsaanyi wa golide kabiji ne kwikukuvumika, nobe kayukilo '' ke mupashi wa Yehoba``. ³⁷ Waafwainwa kukwachisha aino nsaani na muzhinge wafituluka pakitebo kulutwe konka kukilungi. ³⁸ Kyaafwainwa kwikala pakilungi. kya kwa Alona, kabiji waafwainwa kutwika mambo onse a mapuso o baakalenga bena Isalela byaabupe byabo bikekale kikupu pa kilungi kyanji amba betabile kumenso akwa Yehoba. ³⁹ Kabiji ukalenge ne bivwalo byalepa byaabisapi bya linenyi. Bya mabala mabala ne jiponda jo basonenapo tonge wa misombelo yapusana pusana. ⁴⁰ Kabiji waafwainwa kulengela bana ba Alona bivwaalo byaalepesha ne maaponda ne tubifuko, bikekale ke byaabuneme ne buya. ⁴¹ Waafwainwa kuvwika kolojobe Alona, ne baana baanji bonse babalume. ⁴² Kabiji ukeba balengile tuputula twabisapi bya linenyi twa kufya bwamba bwabo pa kwituvwala tukafike ne ku mambwata kufuma kumbunda. ⁴³ Alona ne baana banji bakavwalanga bino bivwalo byabu n`anga paku kutwela mutente walusambakeno. Nangwa byo bakafwenyanga kwipi na ku kyakusokelapo mu kwingila mwazhila kuchina`mba bakeletelela ne kufwa kikekala ke kyatongolwa kya myaka kwi aye ne ku baana banji bakamulondela.

¹ Pano abino byo byo wafwainwa kuuba pa kwiibazhijika byonkabyo ba kakoonshe ku ngingijila noobe ba ng'aanga. Seenda mwaana ng'oombe mulume umo ne mikooko ibiji yabula bulema, ² ne shiinkwa wabula mbizho, ne ba keeke babula mbizho yo ba vwaanga na maanyi. Kabiji useende ne ba shiinkwa ba kusooka babula mbizho yo bashiingako na maanyi. ukaleenge ba shiinkwa ba kusooka kwiingijisha wiichi wa waamisha. ³ Mubike musaansa umo, mulete mu musansa, ne ngombe ne mikoko ibiji. Wafwainwa kupana Alona ne baana banji baabalume pa kiselo kya tente walusambakeno. ⁴ Wafwainwa kovwa Alona ne baana banji baabalume mu meema. ⁵ Wafwainwa kutola bivwalo ne kuvwika Alonane mukwandala, ne mushipi wamukwandala, mushipi wamukwandala kipivwa kyamukyaji. Kyenakukwachisha kyalukwa kya kifuka mumukase. Namushipi wamukwandala mu kifuka. ⁶ Wafwainwa kunengezha kisote kyabufumu kyakumubika kumutwe nekubika buzhile pa kisote kyabufumu. ⁷ Kabiji tolai manyi akumushinga ne kumwichila ku metwe, kabiji mujoka jino jishinda mushingai maanyi. ⁸ Mwafwainwa kuleta bana baanji babaalume nekwibabika tuyukilo. ⁹ Mwafwainwa kuvwika Alona baana banji babaalume na tubifuke ne kubika tubitambala ku mitwe yabo. Mingilo ya bu nga'nga ikekala mwiabo kwibabikapo mu muzhilo myaka ne myaka. Mujonka jino jishinda wafwainwa kwibabikapo maboko Alona ne bana banji babaalume pakuba amba bengijile amiwa. ¹⁰ Mwafwainwa bonse kuleta ngombe wamulume kutente walusambakeno, kabiji Alona ne bana banji babaalume bafwainwa kubika maboko abo pamutwe wa ngombe. ¹¹ Mwafwainwa kwipaya ngombe wamulume kumenso a Yehoba pa kibelo kyatente wa lusambakeno. ¹² Mwafwainwa kusendako mashi amo a ng'ombe wamulume nekwialajika ku masengo apa kyakusokelapo na minwe yenu, kabiji mwafwainwa kwitulwila mashi ashalapo kunshi yakilako akya kyakusokelapo. ¹³ Wafwainwa kushinkula byonse bya mafuta bivweta byonse bya mukachi, bisese bya mukachi, kabiji nekusenda kivweta mapwapwa ne mafyo anji ne mafuta aji konka; mwibisoke byonse pakya kusokelapo. ¹⁴ Bino pamisunyi, ya ng'ombe mulume, ne mwai wanji ne busobe, mwafwainwa kusoka pangye ya nsakwa. Kikekala ke kyamulambo kya bubi. ¹⁵ Wafwainwa kusendapo ne mukoko umo, ne Alona ne bana banji ba baalume bafwainwa kubika maboko abo pa mutwe wanji. ¹⁶ Mwafwainwa kwipaya mukoko, ne kutola mashi anji ne kusansa konse kumbaaji ya kitapisho. ¹⁷ Mwafwainwa kuchiba mukoko mubipivwa ne kovwa mukachi ne maulu, kabiji mwafwainwa kubika bya mukachi , pamo na bipivwa ne mutwe, ¹⁸ pano pa kitapisho. Ukekala ke mulambo wakusoka kwi Yehoba, binunka bulongo bya buupe bya Yehoba bya kupaana na mujilo. ¹⁹ Mwafwainwa kabiji kutola mukoko mukwabo, kabiji Alona ne bana banji ba baalume bafwainwa kubika maboko abo pa mitwe. ²⁰ Kabiji mwafwainwa kwipaya mukoko ne kusenda mashi amo amu koko. Bikai ku kabelebele ka kutwi kwa kilujo kwa Alona ne kutubelebele twa matwi abaana banji ne kubyala byaku kilujo, ne kukyala kikatampe kya kukulu kwaku kilujo. Kabiji mwafwainwa ku sansa mashi konse konse ku kyakusokelapo. ²¹ Mwafwainwa kusendapo mashi amo aji pa kitapisho ne manyi akushinga, kabiji ne kwi asansa onse pe Alona ne pabivwalo byanji, kabiji ne pabaana banji ne pa bya kuvwala byabo.Alona ukapatulwila kwi amiwa, ne bivwalo byanji, pamo na baana banji ba baalumene bivwalo byanji. ²² Mukashikule mafuta aba ng'o mbe ba balume ne mafuta aku mikila, ne mafuta amu kachi ne mafuta avweta pa bya munda ne pa mapwapwa abiji ne mafuta pe abo, kabiji ne apa kijoma kya kukilujo__pakiba awe mukkoko wa ba ng'anga ke wakwiba zhijikilamo ba ng'anga kwi amiwa. ²³ Shikula shinkwa umo, ne kipepa walengwa namany,i ne kipivwa kyamukate kufuma mu musansa wa shinkwa wabulamo mbizho ke wa kumenso a Yehoba. ²⁴ Mwafwainwa kubika bibye mu maboko akwa Alona ne mu maboko a baana banji ba baalume ne kwi apepezha ku menso ami ne mulambo wa kupepezha ku menso a Yehoba. ²⁵ Kabiji mwafwainwa muka lambule bya kuja kufuma ku maboko abo mukebi sokele pa kitapisho na mulambo wakusoka. Uka fumya bwema bwa wama kwi amiwa; ki kekala kya bupe kya panwa kwi amiwa na mujilo. ²⁶ Kabiji ukashikule ne ka kuji ka mukoko wa kumuzhijikila Alona ne kwi kapepezha ke mulambo wa ku pepezha ku menso a Yehoba, kino ki kekala kya ku kwabenyapo obewa. ²⁷ Wafwainwa kwabanya kwi amiwa ka kuji ka mulambo wa kupepezha ne kijoma kikekala ke kya buupe ku ba ng'anga__byonse ka kuji aka kapepezhiwe ne kijoma kya pa nyiwe kya kwa Alona ne baana banji ba baalume__ku mukoko wa kwizhijika. ²⁸ Kino kikekala ki laambu kya kwa Alona ne baana banji ba baalume.Ikekala ke milambu ikafuma ku bena Isalela yo ba kapana kwi Yehoba ya mutende. ²⁹ Bivwalo bya buzhile bya kwa Alona bya fwainwa kulamwa kuki semi kyaji pa nyuma ya ku fumapo aye. Byafwainwa kwikala bya shingwa manyi kabiji bya kwingijilamo mingilo yami. ³⁰ Ng'anga uka mu swana kufuma pa baana banji ba baalume, ukeya kutente wa lusamba keno mu kungingijila amiwa mu mpuzha ya zhila, ukavwala bino bivwalo pa moba ataanu na abiji. ³¹ Wafwainwa kutola mukoko wa kwiba zhijikila ne kuteka nyama muntu mwazhila. ³² Alona ne baana banji ba baalume bafwainwa kuja nyama ya uno mu koko ne shikwa uji mu museke pa kutwela mu tente wa lusambakeno. ³³ Bafwainwa kuja nyama ne shinkwa yo bebapa wakwi bafuchila ne kwi ba zhijikwa kwikala ba patulwa baami. Kafwako nangwa umo wafwainwa kuja kano kajo; bafwainwa kulamwa na buzhile. ³⁴ Inge nyamq iji yonse ya kupana ya zhijikwa, nangwa shinkwa uji yense, wa shalapo kufika ku juba jikwabo, wafwainwa ba musoka. Kechi wafwainwa kujiwa ne mambo ke ki ³⁵ Mujonka jino jishinda, pa kulondela byonse byo ne mukambizhizhe kuba, wafwainwa ku mulama Alona ne baana banji ba baalume.Mu moba ataanu na abiji mwafwainwa kwiba nengezha. ³⁶ Mooba onse mwafwainwa kupananga ng'ombe mulume ke mulambo wakulengelwa maambo mukafokeshe ki tapisho kulekelwa kwa maambo kabiji mu kabikepo manyi akuba amba mukapatulwe kwi amiwa. ³⁷ Pa mooba ataanu na abiji mukalenge kya kulekelwapo maambo kikabikwe kikapatulwe Yehoba. Byonkabyo kya kusokelapo ke kapatulwe kwi amiwa.Kyonse kikakwachiwa kya kusokelapo kika patulwe kya Yehoba. ³⁸ Kimye kyonse mwafyainwa ku pananga kya bupe pa kitapisho pa juba pa juba mukapane nga mikoko ibiji iji na mwaka umo. ³⁹ Mukoko umo wafwainwa kupanwa lukelo, mukwabo mabanga. ⁴⁰ Ne na mukoko mutanshi, panai kya bujikumi kyauma ne buunga bwavwangakana natu manyi tucheche twa kukama, kabiji kyabuna tumafuta tucheche twa mbizho nobe bupe bwakutoma. ⁴¹ Wafwainwa kupana mukoko wa bubiji mabanga.Kabiji upane bimo bya bupe nkunwa lukelo, kabiji ne bimo bya bupe bya kutoma. Bino bikaleta bwema bwawama kwi amiwa; kikekala kya bupe kya lengwa kwi amiwa na mujilo. ⁴² Bino bya fwainwa kwikala bya bupe ya bya kusokela mukisemi, kwenu pa kimye ne pakimwe kwitwelelelamu tente walusambakeno kumenso a Yehoba, ako konkemusambakena ne kwaamba nenu. ⁴³ Koko nka sambakena na baantu bamu Isalela; tente ukekala wapatulwa nalukumo lwami. ⁴⁴ Nkazhijika tente walusambakeno ne kya kusokelapo kitapisho kwi kala kyami amiwa bunke. Kabiji nkazhijika Alona ne baana banji ba baalume kungingijila ami mwingilo wabu ng'anga. ⁴⁵ Amiwa nkekala mukachi ka baantu bamu Isalela kabiji nkekala Lesa waabo. ⁴⁶ Bakayuka amba amiwa ne Yehoba, Lesa wabo, wibaletele abo kufuma mu ntanda ya Ijipita mabo akuba amba nkekale mwi abo. Amiwa ne Yehoba Lesa wabo

¹ Wafwainwa kulenga kya kusokelapo bitapisho kwikala ke mbuzha ya kusokelapo bitapisho kwikala ke mpuzha ya kusokelapo bya kufutumuna. Wafwainwa kwi kileenga na kichi kya mwiba wa kasela. ² Mubula bwakyo mwafwainwa kwikala kyubichi umo. Kyafwainwa kwikala kya esakana, ne kulepa kwa kyo kwafwainwa kwikala kwa ma kyubichi abiji. Masengo akyo afwainwa kwikala kibese kimo ne akyo. ³ Wafwainwa kuvweta bya kusokelapo kitapisho kakufutumuna na ngolode yawamisha __peulu yakyo, mumbaji yakyo, wafwainwa kwi kilengela mupaka wa kuzhokolashako. ⁴ Wafwainwa kulenga nsambo ibiji ya ngolode ne kwiibika munshi ya muvumbo yakyo, itaazha. Yafwainwa ke yakukwata myamba yakusenda kya kusokelapo bitapisho ⁵ Wafwainwa kulenga myamba, ya kichi kya akasha kabiji wafwainwa kwilwila na ngolode. ⁶ Wafwainwa kubikako binunkila bulongo byapa kitapisho kwipi nakimbembe kiji kwipi na kyajikwachi ja lulayangano ako konkemusambakana. ⁷ Alona wafwainwa kusokelapo binunka bulongo mooba onse lukelo. Wafwainwa kusoka kimye kyonse kyena kupipula ma lambi, ⁸ kabiji Alona utemesha malambi mukimye kya mabanga ne binunka bulongo bika sokewa jonse ku menso a Yehoba, mu nkulo yenu. ⁹ Kabiji kechi wafwainwa kusokelapo bya kufutumuna bingi ne pakitapisho, nangwa mulambo wakusoka nangwa mulambo wakajo. Kechi wafwainwa kwichilapo mulambo wabinyu. ¹⁰ Alona wafwainwa kufuuta pa masengo akyo jimo pa mwaka. Na mashi amulambo bya bundengamambo aye ukalenga fuuto jimo pa mwaka munkulo yenu yonse. Kya pwijijikila jimo kya patulwa kwi Yehoba.'' ¹¹ Ponkapo Yehoba waambile kwi Mosesa, amba, ¹² ''Nge wabala bantu bamu Isalela, kepo muntu pa muntu wafwainwa kupana kya kupulusha buumi bwanji kwi Yehoba. Wafwainwa kuba kino pa nyuma ya kwi babelenga, pakuba kukabule kwikala muyulo panyuma ya kubala. ¹³ Yense muntu yemu kabala wafwainwa kupana kichika kyashekele wa siliva, kweseka(na nashekele wa mutente walusambakeno makumi abiji). Uno kichika shekele ukekala kemu laambo ye bakapana kwi Yehoba. ¹⁴ Yense ukabalwa, uji na myaka makumi abiji ne kupitapo, wafwainwa kupaana buno bupe kwi amiwa. ¹⁵ Kimye bantu kyo bakapananga bya bupe kwi amiwa kulekelwa kwa maambo abwikalo bwaabo, banonshi kechi bafwainwa kupana kukila pa kichikila ne, ne bayanji kechi bafwainwa kupaana tucheche ne. ¹⁶ Wafwainwa kutambula mali akulekelwa kwa maambo kufuma ku bantu bena Isalela kabiji mukatwele ku mwingilo wa tente walusamba keno. kikale kyakuvulukilapo ku bantu bena Isalela ku menso ami, kulenga amba mwikale na buumi bwakulekelwa kwa mambo enu.' ¹⁷ Kepo Yehoba waambijile Mosesa, amba, ¹⁸ ''Wafwainwa kulenga beseni mukatambe walubemba ne kya kwimenako, nsanyi yakowelapo. Mukabike pakachi watente walusambakeno ne kyakusokelapo, kabiji mukabikemo meema. ¹⁹ Alona ne baana banji ba baalume bafwainwa kovwa maboko ne mauulu abo na meema. ²⁰ Byo bakatwela mu tente walusamba keno nangwa byo bakafwenyenga kwipi na kya kusokelapo naku popwela amiwa nabya bupe bya kusoka, bafwainwa kowa meema kuchina amba bakafwaa. ²¹ Bafwainwa kovwa ma booko abo ne maulu abo kuchina amba bakafwa. Kintu kikekala ke mukambizho wa muyoya kwi Alona ne kisemi kyanji ne nkulo yanji.'' ²² Kabiji Yehoba wa mwambijile Mosesa, amba, ²³ Ushikule binunka bulongo: bya mashekele myanda itanu, binunka bulongo bya maala, myanda ibiji ne makumi atanu ama shekele abya tobala byumvwa nyika bulongo bya kina mona, myanda ibiji yama shekele abitobala byumvwa nyika kutobala, ²⁴ Bitobala bitaanu bya mashekele jakasiya, byo bapima kinemezhi a Olivi. ²⁵ Wafwainwa kulenga manyi azhila kubino bintu akushinga buulongo, nkito yauno ukasansanga. Akekala ke manyi azhila akusuba,omukandamina amiwa. ²⁶ Wafwainwa kuzhijika tente walusambakeno na ano maanyi, ponka pakuba jikwachi jachibikwako, ²⁷ Tebuulu ne byombesha, pakya kuufutumuna byakusokelapo bitapisho. ²⁸ Kitapisho kyakusokelapo bya buupe ne byonse bya kwingijisha, vuukuto ne kya kwiimikapo. ²⁹ Wafwainwa kwi basalulula baami pakuba beekale bazhila baami. Byonse bikebakwata bikekala ke byazhila. ³⁰ Wafwainwa kusuba Alona ne baana banji ba baalume ne kwibazhijika pa kuuba ba ngingijile amiwa noobe ng'anga. ³¹ Wafwainwa kuubula bena Isalela, ano afwainwa kwikala manyi akushinga apatulwa kwi Yehoba mukisemi kya baantu bonse benu. ³² Kechi kyapewa kushingwa kumubiji wa muuntu ne, nangwa kupanga manyi akwabo mu misombelo imo ne, mambo abikwa pambaji kwi Yehoba. Wafwainwa kulama mujino jishinda. ³³ Yense ukekyuba kino, nangwa kwi kibika pamu kwaabo, awa muntu ukapatulwako kuba kwaabo baantu.'' ³⁴ Yehoba waambile kwi Mosesa, ''tola binunka__ ³⁵ Wibilennge nobe bya kufutumuna, byena kufumya bweema bwawama, muji nkantobyantobya byatoka bya salululwa. ³⁶ Wibi ponde bikale bunga,wibibike kulutwe yaji kwati ja mileye,biji mutente walusambakeno, monka sambakana. Mukekibike ke kyazhila kwi amiwa. ³⁷ Nenabino bya kufutumuna byo mukalenga kechi mukekilenge mumashinda enu ne. Kyafwainwa kwikala kyazhila kwi anweba. ³⁸ Yense ukalenga kya mutundu nobe uno kwingijisha wafwainwa kupatulwako kubantu.''

¹ Keepo Yehoba wa ambile kwi Mosesa amba, ² "Tala, amiiwa namwiita pa jizhina jaanji aye nsoongwalume Bezalela mwaana Uli, mwaana Hula; wa mu mukooka wa Yuda. ³ Amiiwa nayuuzha Bezalela na mupashi waami, ne kumuupa maana, ne milaangwe, ne kuyuuka mituundu yoonse ya buseendwe, ⁴ kuleenga bya buseendwe ne kwiingijila mu golide, siliva, ne lubeemba; ⁵ Kabiji ne kusoonga mabwe ne kusoonga ne kupokola mwaandalo-mituundu yoonse ya buseendwe. ⁶ Mukunuungapotu kwi aye, amiiwa nasala Oholyaba mwaana wa mulume wakwa Ahisamaka, wa mu mukooka wa Danyi. Nabiika buseendwe boonse mu ba maana bakamone kuuba amba baleenga byoonse byo na ku kaambizha. ⁷ Abye bibikwaapo teente walusaambakeno, jikwaachi ja lushimuno ne kizhilo kya kufuuchilako maambo pa jikwaachi, ne ⁸ mwakwiikala-tebulu ne bijipo, kituulwapo laampi ne biikalako bya waamisha, byakufuutumuna, bya pa bitapisho ne na bitanyiwa koonka, ⁹ kyakusookelapo milaambo ne byoonse bitanwa koonka, ne mvukuto kubiikapotu ne kitako kyaayo. ¹⁰ Ne byoonse bivwaalo byo baluka na manono-byo bivwaalo bya zhila bya kwa Alona, ng'aanga ne bivwaalo bya baana baanji, byo bafwainwa kuvwaala pa kwiingila mwiingilo wa bu ng'aanga. ¹¹ Kabiji kubiikapotu ne maanyi a kushiinga ne byakufuutumuna biji na bweema bunuunka buloongo mukuuba amba mpuunzha ikale ya zhijikwa. Bano baseendwe bafwainwa kuuba byoonse byo ne mukaambizhizhe." ¹² Keepo Yehoba wa ambijile Mosesa amba, ¹³ "Ambila beena Isalela amba: Mwafwainwa kulamaanga mooba a Yhoba a Sabaado, maambo bino bikeekala ke kayuukilo pakachi ka aye ne anweeba kufiikatu ne mu mooba a baloongo beenu ba kuluutwe pakuuba mukaye amba ke Yehoba wimupatula kwiikala baanji. ¹⁴ Byonkabyo mwafwainwa kulama juuba ja Sabaado jafwainwa kwiikala jazhijikwa, na anweeba jatuujilwa aye. Yeense ukazhilulula mukaambizho ba kamwiipaya kiine. Kabiji yeense ukeengila pa Sabaado, ukafuma ku baloongo baanji. ¹⁵ Kabiji miingilo yoonse ikeengijiwangatu mu mooba atanu ne jimo, mino juuba ja butaanu na bubiji jo juuba ja Sabaado muuntu wafwainwa kukookoloka maamba jino juuba jazhila, ku meeso a Yehoba. Yeense ukeengila mwiingilo uji yeense bakamwiipaya kiine. ¹⁶ Onkao maambo beena Isalela bafwainwa kulama juuba ja Sabaado. Bafwainwa kwiijinemeka kufikatu ne ku baansemi yaabo ba kuluutwe kwiikala ke lulayaang'ano. ¹⁷ Juuba ja Sabaado jikeekala ke kayuukilo pakachi ka beena Isalela ne Yehoba, kikupu maambo mu mooba atanu ne jimo, Yehoba waleengele jiulu ne ntaanda, ne pa juuba ja butaantu na bubiji wakookolokele ne kupemenwa." ¹⁸ Kimye kya Lesa kyo a pwiishishe kwaamba na Mosesa pa mutuumba wa Sinai, Yehoba wamupeele mabwe abiji a lulayaang'ano lwa malamuna pa mabwe apapakana paneembelwe mafuunde a lulayaang'ano, byaleengelwe na mabwe, paneembelwe na kubooko kwaanji aye mwiine.

¹ Baantu byo ba mweene amba Mosesa wabaanda kubweela kufuma ku mutuumba, ba pwiijile kwi Alona ne ku mwaambila amba, "Iya, wituleengele nkishi wa kwiitutangijila atweeba. Maambo keechi twayuuka kyaubiwa kwi aye Mosesa muuntu witufumishe mu ntaanda ya Ijipita ne." ² Byonkabyo Alona wa ambile kwi abo amba, "Bavuulai bakazhi beenu mashikiyo a golide aji ku matwi abo, ne aji ku matwi a baana beenu ba balume ne ba bakazhi, ne kwialeta kwi amiiwa." ³ Boonse baantu bavuujile mashikiyo abo a golide ajiinga ku matwi abo ne kwialeeta kwi Alona. ⁴ Aye wataambwile golide kufuma ku mabooko abo ne kwi yalula mu kiintu kya kwiingijisha, kabiji waleengelemo nkishi mukifwaanyikizho kya mwaana ng'oombe. Keepo aye wa ambile amba, "Bano bo ba lesa beenu, Isalela, bemufumishe mu kyaalo kya ijipita." ⁵ Alona byo amweene bino, watuungile kya kusookelapo bitapisho kuluutwe ya mwaana ng'oombe ne kuleenga lushimuno; amba, "Keesha kukeekala kijiilo kya kusaangalala mu kuneemeka Yehoba. ⁶ Baantu babukile lukeelo juuba ja loondejilepo ne kulaambula milaambu ya kusooka ne kuleeta milaambu ya muteende. Poonkapo baikeele paanshi na kuja ne kutoma, keepo baimeene na kukaya. ⁷ Poonkapo Yehoba wa ambile kwi Mosesa amba, "Yaanga lubilo, maambo baantu boobe bo wafumishe mu ntaanda ya Ijipita, betamisha beene. ⁸ Baseenduka bukiji mu jishiinda jo nebakaambizhe. Beleengela kala kipashanya kya mwaana ng'oombe ne kwi kipoopwela akyo ne kulaambula kwi akyo. Ba amba amba, "Abe ke balesa beenu, Isalela, bemufumishe mu kyaalo kya Ijipita."' ⁹ Keepo Yehoba wa mwaambijile Mosesa amba, "Ne bamona baantu. Tala, ke baantu bakosa mashiingo. ¹⁰ Byonkabyo, keechi weseke ku ngimika amiiwa ine. Bukaji bwaami bukeba buukila abo, byonkabyo amiiwa nkebonauna boonse. Keepo nkapaanga mukooka mukataampe kufuma kwi obeewa." ¹¹ Mino Mosesa waesekele ku mu tekenesha Yehoba Lesa waanji. Wa ambile amba, "Yehoba, maambo ka bukaji bweenu kyo busa kwiibabukila baantu beenu, bo mwafumishe mu ntaanda ya Ijipita na bulume bukataampe ne na kubooko kwakosa? ¹² Maambo ka beena Ijipita kyo basakwaambila amb, 'Aye wiiba taangijile abo na muchima wabiipa, mu kwiibepaya mu mituumba ne kwi bonauna, kufuma pa ntaanda?' Aluluukai kufuma ku bukaji bweenu bwakatazha ne kuleka mulaanguluko wa kuuba lukabiisho pa baantu beenu. ¹³ Vulukai Abalahama ne Izaka ne Isalela, bakalume beenu kwi abo ko mwachipile anweeba beene ne kwaamba kwi abo amba, 'Nkaleenga baana beenu kuvula noobe tubaanga baanga mwiulu, kabiji nkebapa ntaanda yoonse byo naamba. Bake itaambula ke yaabo kikupu.''' ¹⁴ Keepo Yehoba walekele mulaanguluko wa kumanyika baantu baantu ye a laangulukile aye. ¹⁵ Poonkapo Mosesa wa alulukile ne ku kuunkuluka kufuma ku mutuumba, kasa a seenda mabwe abiji a lushimuno mu kubooko kwaanji. Ano mabwe aleembelwe moonse mubiji, kuluutwe ne munyuuma. ¹⁶ Ano mabwe ajiinga mwiingilo wa mwiine Lesa, ne bineembelo bya neembelwepo byajiinga bineembelo bya mwiine Lesa, a toonkawilwe pa mabwe. ¹⁷ Byonkabyo Yoshiwa byo a umvwiine kyoongo kya baantu byo babijikilenga, aye wa mwaambijile Mosesa amba, "Kuji kyoongo kya nkoondo mu kaamba." ¹⁸ Mino Mosesa wa ambile amba, "Keechi kiwoowo kya kushiinda ne, kabiji keechi kiwoowo kya kushiindwa ne, mino ke kiwoowo kya kwiimba kyo naumvwa." ¹⁹ Mosesa byo a fikile peepi na kaamba, aye wamweene mwaana ng'oombe ne baantu kasa bazha. Aye wa umvwiine bukaji bukataampe. Wataile mabwe kufuma mu mabooko anji ne kwi alalaula muunshi ya mutuumba. ²⁰ Aye washikwiile mwaana ng'oombe awa aleengele baantu wamusooka wamutwa ke buungatu ne kwitulwiila mu meema. Keepo aleeengeshe baantu beena Isalela kwiatoma. ²¹ Keepo Mosesa wa mwaambijile Alona amba, "Kiika kyo bakuubila abano baantu, pakuuba amba uleete buubi bwabaya pe abo?" ²² Alona wa ambile amba, "Keechi muleke bukaji bweenu butwe kyuuya ne, nkaambo yaami. Mwayuuka baano baantu, byo bakeelwa kuuba byatama. ²³ Abo ba ng'aambijile amba, 'Tuleengele nkishi wa kwiitutangijila atweeba. Maambo keechi twayuuka kyaubiwa kwi aye Mosesa muuntu witufumishe mu ntaanda ya Ijipita ne.' ²⁴ Byonkabyo na ambile kwi abo naamba, 'Yeense uji na golide, eileete.' Abo ba mpeele golide ne amiiwa ne itaile mu mujilo, kabiji mwalupukile uno mwaana ng'oombe." ²⁵ Mosesa byo a mweene amba, baantu bezhilulula, (maambo Alona wiibalengesha kwiizhilulula, mu kwiiletesha buumvu ku balwaanyi baabo). ²⁶ Poonkapo Mosesa waimeene pakutweela mu kaamba ne kwaamba amba, "Yeense uji ku lubaji lwa Yehoba eye kwi amiiwa." Boonse beena Levi bapwiijile ne ku muzhookoloka aye. ²⁷ Wa ambile kwi abo amba, "Yehoba, Lesa wa Isalela, wa amba bino amba: Lekai yeense muuntu akaase lupaanga waanji pa mbaavu yaanji ne kuya ku kibelo kya moonse mu kaamba, ne kwiipaya muloongo waanji, mu kwaabo naaye ekale naanji kiipi."' ²⁸ Beena Levi baubile byonkabyo a kaambizhe Mosesa. Aja juuba baantu peepi na biumbi bisatu bafwiile. ²⁹ Mosesa wa ambile ku beena Levi amba, "Anweeba mwabiikwa mu mwiingilo wa Yehoba ja leelo, maambo anweeba umo umo mwiitumpa mukuuba kibi mwanaanji wa mulume ne muloongo waanji, byonkabyo Yehoba yewakoonsha kwiimupa anweeba mapesho ja leelo." ³⁰ Juuba ja loondejilepo Mosesa wa ambile ku baantu amba, "Mwauba buubi bwaabaisha. Pano nsakuya peulu kwi Yehoba kaampe nsakukoonsha kwimufuuchila maambo enu." ³¹ Mosesa wabweelele kwi Yehoba ne kwaamba amba, "Maama! abano baantu bauba buubi bwaabaya ne kwileengela abo beene nkishi wa golide. ³² Pano mino, ne musaanshijila balekelaiko maambo abo; mino inge ke mwiibalekele ne, fuutai amiiwa mu buuku awa ye mwaneemba." ³³ Yehoba wa mwaambijile Mosesa amba, "Yeense wa ndeenga maambo amiiwa, awa muuntu nkamufuuta mu buuku waami. ³⁴ Byonkabyo pano yaanga, ukebataangijile baantu ku mpuunzha ko na amba kwi obeewa. Tala, malaika waami ukataangila kuluutwe yoobe. Mino pa juuba jo nkebamanyika abo, nke bamanyika na maambo a maambo abo." ³⁵ Yehoba watumine mwaalo pa baantu maambo baleengele mwaana ng'oombe, umo waleengele Alona.

¹ Ponkapo Yehoba wa ambile kwi Mosesa amba, "Yaanga fuuma kuno, obeewa ne baantu boobe boonse bo waletele kufuma mu ntaanda ya Ijipita. Yaanga ku ntaanda ko nachipile kwi Abalama, Izaka, ne kwi Yakoba, byo na ambile naamba, 'Nkeipaana kuba mu kisemi kyoobe.' ² Amiiwa nkatuma malaika kuluutwe yoobe, kabiji amiiwa nkebafumyamo beena Kenana, Amoli, Hiti, Peleza, Hivi kabiji ne beena Yebusits. ³ Yainga ku yooya ntaanda, yayuula na mukaaka ne buuki, mino amiiwa keechi nsaakuya neenu ne, maambo mwi baantu bauma mashiingo. Amiiwa nakoonsha kwi monawina mu jishiinda." ⁴ Baantu byo ba umvwiine abino byaambo bya makatazho, bajijile, kabiji keechi kwajiingapo naangwa umo wa vwaajile bya kwiikobaika ne. ⁵ Yehoba wa ambijile Mosesa amba, "Amba kubeena Isalela amba, 'Mwi baantu bakosa mashiingo. Amiiwa inge naile mukachi keenu naangwa kimye kimo, Amiiwa inge ne monawine anweeba. Byonka byo pano, vuulai bya kwiikobaika byonka byo amba nkoonshe kufuukula byakuuba ne anweeba.'' ⁶ Byonkabyo beena Isalela keechi bavwaajile bya kwiikobaika ne kutatwiila ku mutuumba wa Holeba ne bimye byoonse. ⁷ Mosesa washikwile teente ne ku mupoopela paangye ye nkaambi, pa leepa na nkaambi. Ne aye wa muteelele amba teente wa lusaambakeno. ⁸ Mosesa inge waaya paangye ku teente, baantu boonse ba koonsheshenga kwiimana mu bibelo bya ma teente abo ne ku mutala Mosesa poso watweela mukachi. ⁹ Bimye byoonse Mosesa byo a tweleleenga mu teente, jikuumbi jaimene muluumbu luumbu ja koonsheshenga kwiikila ne kwiimana pa kibelo kya teente, kabiji ne Yehoba wa ambilenga ne Mosesa. ¹⁰ Bimye byoonse baantu boonse inge baamona jikuumbi ja imene muluumbu luumbu jaimana ku pa kibelo kya teente, ba koonsheshenga kwiimana ne kupoopwela, muuntu yeense pakibelo kya teente waanji. ¹¹ Yehoba wakoonsheshenga kwaamba na Mosesa kasa bemona meeso na meeso, byonka byo Mosesa byo a bweelele mu nkaambi, aye nsoongwa lume, Yoshiwa mwaana Nuni kalume waanji wakoonsheshe kwiikala muteente. ¹² Mosesa wa ambile kwi Yehoba amba, "Talai, anweeba mwa ng'aambijile amba, 'Twaala abano baantu pa lweendo lwaabo,' mino anweeba keechi mwaambula ye mukatuma ne amiiwa ne. Anweeba mwa ambile amba, 'Amiiwa nayuuka jizhina joobe, kabiji watalwa buloongo ku meeso ami.' ¹³ Pano inge amiiwa naatalwa buloongo kumeeso enu, mweeshai amiiwa mashiinda enu byonka byo amba amiiwa ne muyuuke anweeba ne kutwaajijila kutalwa buloongo ku meeso enu. Vulukai amba akino kyaalo bo baantu beenu." ¹⁴ Yehoba wakuumbwile amba, "Kyeenyi kyaami kikaya ne anweeba, kabiji amiiwa nkemuupa kukookoloka." ¹⁵ Mosesa wa ambile kwi aye amba, "Inge kyeenyi kyeenu kikabule kuya ne atweeba ne, keechi muketutwaale kufuma kuno ne. ¹⁶ Pakuuba inge ne, ki kayuukanyikwa byeepi amba amiiwa ntalwa buloongo ku meeso enu, amiiwa ne baantu beenu? Keechi kikakoonshekatu inge anweeba yeenka mwaaya ne atweeba mino amiiwa ne baantu beenu tukapusane na baantu boonse aba baji pano pa ntaanda ne nyi? ¹⁷ Yehoba wa ambile kwi Mosesa amba, "Amiiwa nkooba ne kino kiintu kyo mwasaka, maambo obeewa watalwa buloongo ku meeso ami, kabiji amiiwa na kuyuuka jizhina joobe." ¹⁸ Mosesa wa ambile amba, "Kiine mweeshai lukumo lweenu." ¹⁹ Yehoba wa ambile amba, "Amiiwa nkaleenga byoonse bya waama kupita ku meeso obe, kabiji amiiwa nkashimuna jizhina jaami ja, 'Yehoba kwi obeewa. Amiiwa nkamweesha bibusa ku yeewa ye nkoobila bibusa, kabiji nkamweesha lusa pa yenkobila Lusa." ²⁰ Mino Yehoba wa ambile amba, "Obeewa keechi wafwainwa kumona kiluungi kyaami ne, pakuuba kafwaako naangwa umo wakoonsha kumona amiiwa kabiji waikala na buumi ne." ²¹ Yehoba wa ambile amba, "Tala, aye yo mpuunzha yaami; abeewa ukeemane pa jino jiibwe. ²² Lukumo lwaami kasa lupita, amiiwa nkakufya mu jiibwe ne kuzhikapo kubooko kwaami poso na pita. ²³ Keepo amiiwa nkavweetulapo kubooko kwaami, ne obeewa ukamona nyuuma yaami, mino kiluungi kyaami keechi kikamweeka ne."

¹ Yehoba wa ambile kwi Mosesa amba, "Uchibe pakachi maabwe abji apapakana noobe oa ataanshi. Amiiwa nkaneembapo pa ano maabwe a papakana byaambo abya byajiinga pa oa maabwe a papakana ataanshi, maabwe a papakana o walajile. ² Ukeneengezhe lukeelo ne kwiiya peulu pa mutuumba wa Sinai, ne kwiimwesha obeewa mwiine kwi amiiwa kookwa kwi amiiwa peulu pa mutuumba. ³ Kafwaako naangwa umo wa kwiiya ne obeewa peulu ne. Keechi uleeke naangwa umo kumweekena kuji koonse pa mutuumba ne. Kafwaako mataanga a mikooko naangwa a ba ng'oombe bakajiisha kookwa kuluutwe ya mutuumba ne." ⁴ Keepo Mosesa wasoongele maabwe abiji noobe oa ataanshi, kabiji waimeene lukeelo ne kuya peulu pa mutuumba wa Sinai, byonka byo ba mukaambizhizhe aye kwi Yehoba. Mosesa waseendele maabwe mukubooko kwaanji. ⁵ Kabiji Yehoba waishile muunshi mu makuumbi ne kwiimana ne Mosesa koonka kwa, ne aye washimwiine jizhina amba, "Yehoba." ⁶ Yehoba wapichile ku meeso anji ne kushimuna amba, "Yehoba , Lesa wa lusa ne bibusa, ubaanda kuuba bukaji, kabiji waikajijila mu butemwe bubula kwaaluka bwa kishiinka. ⁷ Nakulama buteemwe bubula kwaaluka ku biumbi, uleekela buumbulwa kooloka, ne mileengulwila, ne buubi. Mino aye keechi ukebazhiimang'enya kuzhaatwa ne. Ukaleeta lukabiisho lwa buubi bwa bashaabo ku baana baabo kabiji ne ku baana ba baana baabo, kukafika ne kukisemi kya busatu ne kya buna." ⁸ Mosesa wa peelawizhi kubaandamina paanshi ne ku mupoopwela. ⁹ Keepo wa ambile amba, "Pano inge naatalwa buloongo ku meeso enu, Nkambo yaami, amiiwa naloomba naamba anweeba muye ne atweeba, pakuuba abe baantu bakosa mashiingo. Tulekelai maambo a buumbulwa kooloka kweetu ne buubi bweetu, ne kwitutaambula noobe baanswanyi beenu. ¹⁰ Yehoba wa ambile amba, "Talai amiiwa nji peepi na kuleenga lulayaang'ano. Ku meeso a baantu boobe boonse, nsakuuba biintu bya kukumya kyakuuba amba kikyaangye kubiwaapo pa ntaanda poonse naangwa ku kyaalo kiji kyoonse. Baantu boonse mukachi koobe bakamona byuubilo byaami, maambo ke kiintu kileenga mooyo kyo mbeena kuuba ne obeewa. ¹¹ Obeewa uloondele byo nsaku kukaambizha leelo. Amiiwa nsakupaangamo beena Amoli ne beena Kenene, beena Hiti, beena Peliza, beena Hivi, ne beena Yebushi ku meeno obe. ¹² Ukajimuke keechi ukaleenge lulayaang'ano na beekala mu ntaanda mo ubeena kuuya ne, naangwa bakeela kakose mukachi keenu. ¹³ mino mufwainwa kukuundaula byakusookelapo bitapisho byaabo, mukalalaule mashiki abo a maabwe, ne kuchiba mashiki aba nkishi baabo ba Asheela. ¹⁴ Pakuuba keechi mukapoopwele Lesa ungi ne, maambo Yehoba, uji na jizhina ja mukao, ye Lesa wa mukao. ¹⁵ Byonka byo ikalai bajimuka keechi mukaleenge lulayaang'ano na baantu ba mu ntaanda, maambo abo be alululwiila beene kutu ba lesa twaabo, ne kutapisha bitapisho ku ba lesa baabo. Pakuuba umo wa mwi abo uke miteula anweeba kabiji mukaja bimo bya mukitapisho kyaanji. ¹⁶ Kabiji obeewa ukataambula bamo baana baanji ba bakazhi kubaana boobe ba balume, na baana baanji ba bakazhi bakoongolokela abo beene kuba lesa baabo, ne kuleengela baana baabo ba balume koongolokela kuba lesa baabo. ¹⁷ Keechi mukeleengele ba lesa ba byeela bya maabwe a kusuungulula ne. ¹⁸ Anweeba mukalameenga kijiilo kya bashiinkwa bakubula mbizho. Byonka byo na kukaambizhe obeewa, wafwainwa kuja shiinkwa wakubula mbizho mooba atanu ne abiji pa kimye kyatoongolwa mu nweenzhi wa bubiji, maambo wajiinga mu mweenzhi wa bubiji mo mwafumine mu kyaalo kya Ijipita. ¹⁹ Bibeeji byoonse byaami, ne bibeeji byoonse bikasemwa ku bileelwa byeenu byoonse byaami, naangwa kufuma ku ba ng'oombe naangwa ku mikooko. ²⁰ Wafwainwa ku mupokoolole mboongolo mubeji na mwaana mukooko mulume, mino inge wabula kubweezhapo, apa mino ukamuchimune shiingo.. Wafwainwa kuluumbulula babeji ba baana boobe ba balume. Naangwa umo wa kuuba amba wa mweeka kwi amiiwa mabookotu ne. ²¹ Wakoonsha kwiingila mooba atanu ne jimo, mino muja butanu ne abiji wafwainwa kukookoloka. Naangwa pakimye kya kujima naangwa pa kimye kya kunoowa, wafwainwa ku kookoloka. ²² Ukavulukeenga miluungu ya kijiilo kya ntuntu ya wichi mutaanshi kunoowa, kabiji wafwainwa ukavulukeenga kijilo kya kubula mbizho ku mpelo ya mwaaka. ²³ Bimye bisatu mu kwaaka baantu boobe boonse bafwainwa kumweekana ku meeso a Nkambo Yehoba, Lesa wa Isalela. ²⁴ Pakuuba amiiwa nkapaangomo mikooka ku meeso obe ne kubaisha mipaka yoobe. Kapaji naangwa umo ukakeba kwiikala na mushiji obe noobe wa kyaabo kyaabo byo mukaya nakumweekana ku meeso a Yehoba Lesa weenu bimye bisatu mu mwaaka. ²⁵ Keecchi mwafwainwa kulaambula kitapisho kya mashi a kitapisho kyaami na mbizho iji yoonse ne, naangwa kaampepo nyaama iji yoonse kufuma ku kitapisho kya pa kijiilo kya lupitailo bikashalalepo kufika ne lukeelo. ²⁶ Mwafwainwa kuleeta abya bya waama bya ku bipaangwa bitaanshi bya kufuma mu mushiji kuleeta ku nzuubo yaami. Keechi mukateeke mwaana mbuzhi mu mukaaka wa inaanji ne." ²⁷ Yehoba wa ambile kwi Mosesa amba, "Obeewa wi bineembe abino byaambo, moonka mwaila bino byaambo. Amiiwa na leenga aluno lulayaang'ano ne anweeba kabiji ne Isalela." ²⁸ Mosesa wajiinga konka ne Yehoba mooba makumi ana mute ne bufuku; Keechi wajiilepo kajo kaji koonse ne naangwa kutomapo meema ne. Aye waneembele pa maabwe a kusoonga byaambo bya lulayaang'ano, ne mikaambizho jikumi. ²⁹ Mosesa byo a fumine ku mutuumba wa Sinai na maabwe abiji a kusoonga pajiinga byaanbo bya lulayaang'ano mu mabooko anji, aye keechi wayuukile amba kikoba kya pa kiluungi kyaanji kibeena kusaama kimye kyo esaambilenga na Lesa ne. ³⁰ Alona ne baantu ba mu Isalela byo ba mumweene Mosesa, kikoba kyaanji kya pa kiluungi kyaanji byo kya samineenga, kabiji ne abo ba muumvwine muuyo kufweenya kwiipi ko ajiinga aye. ³¹ Pakuuba Mosesa wibeechile abo ko ajiinga, Alona ne boonse bantaangi ba mukijiiji baile ko ajiinga. Keepo Mosesa wa ambile naabo. ³² Panyuuma ya bino, baantu boonse ba mu Isalela baishile kwi Mosesa, ne kwiibabula mikaambizho yoonse yoba mupeele kwi Yehoba pa mutuumba wa Sinai. ³³ Mosesa byo a pwiishishe kwaamba naabo, wivweetele kisaapi pakiluungi kyaanji. ³⁴ Bimye byoonse Mosesa byo aileenga ku meeso a Yehoba mu kwisaamba naanji, wakoosheshenga kwivweetula kisapi, kufika ne pa kulupuka. ³⁵ Beena Isalela byo ba mumweene Mosesa kiluungi kyaanji kasa kisaama, wakoonsheshenga kuvweeta kiluungi kyaanji na kisapi jibiji kufika ne pakubweela mukachi na kwisaamba ne Yehoba.

¹ Mosesa wi bapwiizhe bijiiji byoonse bya mu Isalela ne kwaamba ko baji amba, "Abino byo biintu byo Yehoba emukaambizha kuuba anweeba. ² Pa juuba ja butanu ne jimo jo mwafwainwa kwiingila miingilo, mino anweeba, juuba ja butanu ne abiji jafwainwa kwiikala jazhila, ja Sabaado ja kukookolokatu, jazhila kwi Yehoba. Yeense ukeengila mwiingilo uji yeense pajooja juba wafwainwa kwiipaiwa. ³ Keechi mukabaanze mijilo mu nzuubo naangwa imo pa juuba ja Sabaado ne." ⁴ Mosesa wa ambile ku biji byonse bya mu Isalela, amba, "Akino kyo kiintu kyo e mukaambizhe Yehoba. ⁵ Twalai mulaambu wa Yehoba, anweeba boonse muji na muchima wa buumpanyi. Letai mulaambu kwi Yehoba-golode, siliva, kapootwe, ⁶ toonge wa fiituluka, ne wachiluluka, ne wachijisha, ne bisapi bya lineni; booya bwa mbuzhi; ⁷ myai ya baana ba mikooko baalume yamisoombelo ichila ne biseba bya nekena byakufya; biichi bya akakiya; ⁸ maanyi a mu ma laampi, ne binuunka buloongo bya mu maanyi a kushiinga ne maanyi a mu bya kufutumuna binuunka buloongo, ⁹ maabwe a onika ne maabwe a buneeme bakeaneengezhe kwiikobeka ne kya pa kyaaji. ¹⁰ Muuntu yeense shayuuka wa mukaachi keenu akeeye ne kuleenga biintu byoonse bya kaambizha Yehoba- ¹¹ kya kusaambakenamo ne teente waakyo, kyakuvweetapo, ne tuunkobelo twaanji, ma fulemu, mashiki, myaamba ne bitako byaakyo; ¹² kabiji ne jikwaachi ja lushimuno ne mashiki ajo, kyakuzhikapo kyafwinwa, kabiji ne kipeembe kya kukwasha. ¹³ Ba leetele tebulu ne ma shiki anji, ne byoonse bya kwiingijisha, ne shiinkwa wa mukyeenyi; ¹⁴ Kya kwiikalapo laampi kya laampi wa kuleeta kyeeya, ne byoonse bitaanwamo, ma laampi akyo, ne maanyi ao mu ma laampi; ¹⁵ ne kya kusookelapo ne mashiki akyo, ne maanyi a kusuba ne binoonka buloongo, ne kipeembe kya kuvweeta mu kibelo ya kya kwiikalamo. ¹⁶ ne kya kusookelapo milaambo ya kusooka, ne kyeela kyaanji kya lubeemba ne mashiki akyo ne bya kwiingijisha; ne kabesenyi kabaya ne kitako kyaako. ¹⁷ Baleetele ne bya kukobeeka bya kupeepeela kukipaango ne mashiki abyo, kisapi kya pa kibelo kya kipaango. ¹⁸ Kabiji mpoopo ya teente ya kya kwiikalamo ne ya kipaango, byoonse pamo ne mashiki abyo. ¹⁹ Baleetele ne bivwaalo byo baluka buloongo na manono bya kwiingijilamo amwa mwaazhila, bya kuvwaala byazhila bya kwa Alona ng'aanga ne mwaanaanji wamulume, byaabo bya kwiingijilamo ba ng'aanga." ²⁰ Kabiji ne jibuumba joonse ja baantu ba mu Isalela bafumineko ne kuuya baile kuungi kufuma ku meeso akwa Mosesa. ²¹ Boonse bajiinga na michima yasuunkena ne booba bo alengejile kusakisha kwiiya ne kuleeta bya kubiikapo kwi Yehoba yo twiingijisha kushimika teente wa lusaambakeno, pakuuba byoonse bya kwiingijisha mu mwiingilo byajiinga moonka ne bya kuvwaala bya miingilo wazhila. ²² Baishile boonse, babiji ba balume ne ba bakazhi, boonse bajiinga na muchima wakusakisha. Baleetele tuma peengele, mashikiiyo, tuumbala minwe, ne bya neema bya muteengo, ne byoons bya musaango wa golide. Kabiji baleetelenga bya buupe bya golide noobe kyakumweesha bya buupe kwi Yehoba. ²³ Awa yeense wajiinga na toonge wafiituluka, naangwa wachiluluka naangwa wachijisha naangwa kisapi kya lineenyi, naangwa booya bwa mbuuzhi, naangwa kiseba kya musoombelo kya mwaana mukooko kichila, naangwa myaai ya biseba byanekena byo baleetele kwi abo. ²⁴ Muuntu yeense waleengelenga kya buupe kya siliva ne kapotwe bebileetele noobe kya mulaambu kwi Yehoba, ne yeense awa wajiinga na bichi bya akasha kya kwiingijisha mujishiinda muji moonse mu mwiingilo ba leetele. ²⁵ Mwaana mukazhi yeense wayuukile kupikula butoonge na mabooko anji ne kuleeta byo a pikwiile-kyafiituluka naangwa, kyachiluluka, naangwa kyachijisha ne bya kisapi kya lineenyi; ²⁶ Baana bakazhi boonse bajiinga na michima ya sumininwa, ibeemenye ne booba bayuukile kuzhiinga ba zhiingile booya bwa ba mbuzhi. ²⁷ Ba ntaangi ba leetele mabwe a onyeka ne a kwaabo mabwe a kubiika mu tukwaata ne mukya kubiika pa kyaaji; ²⁸ Baleetele binuunka buloongo ne maanyi a muma laampi, ne maanyi a kushiinga, ne a bya kufutumuna binuunka buloongo. ²⁹ Kabiji ne baantu ba mu Isalela ba leetele milaambu na kukasuuluka kwi Yehoba; Yeense mwaana mulume ne mwaana mukazhi wajiinga na muchima wa kusakisha baleetele bya kwiingijisha ku miingilo yoonse yo eba kaambizhe aye Yehoba kupichila mwi Mosesa amba bika leengwe. ³⁰ Mosesa wa ambile ku beena Isalela amba, "Talai Yehoba watoongola pa jizhiina pe Bezaleela mwaana Uli mwaana Hula, kufuma mu mukooka wa Yuda. ³¹ Aye wa muyuuzhizhe Bazaleela na mupashi waanji, mu kumupa maana, a kuumvwisha, ne maana a kuyuuka, ku yoonse mituundu ya buseendwe, bwa ³² kuleenga ne kulaanguluka ne mu kwiingila na siliva, golide, ne na lubeemba; ³³ Kabiji ne mu kuseembulula ne kutaanchika mabwe ne kusoonga bichi-mu kwiingila yoonse miingilo ya kuneengezha ne buseendwe. ³⁴ Aye wibituula mu muchima waanji mu kufuunjisha, boonse babiji aye ne Oyoliaba mwaana wa mulume wakwa Aisamaka, kufuma mu mukooka wakwa Danyi. ³⁵ Aye wibayuuzha na buseendwe bwa kwiingila yeense mutuundu wa mwiingilo, kwiingila noobe ba seendwe, noobe ba kusoonga, naangwa basona na toonge wafiituluka, ne wachiluluka ne wa chijisha ne na kisapi kya lineenyi, naangwa noobe baluka. Ke baseendwe mu mituundu ya miingilo yoonse, kabiji bo ba yuuka kwiingila miingilo ya mituundu ne mituundu.

¹ Byonkabyo Bezalela ne Oholyaba ne baantu boonse ba mweene bo apa Lesa muunkonsha ne milaangwe ya kuyuuka kwiingila miingilo yoonse yakuleenga teente wa Lesa wazhila bakengile moonka mwaila mikaambizho yoonse ya Yehoba. ² Kabiji Mosesa waichile Bezalela, ne Oholyaba, ne baantu boonse ba mweene bo a pele Yehoba muunkonsha, mu muchima waanji bo boonse bajiinga na michima ya kizaku ya kwiiya ne kwiingila mwiingilo. ³ Kabiji bataambwile bya buupe byaabo byoonse kufuuma kwi Mosesa ne bya buupe byoonse byo baleetele beena Isalela bya kwiingila naabyo pa kuleenga teente wazhila, baantu baleetele lukeelangatu lukeelo pa juuba pa juuba bya buupe bya kwiitemwa ko aji. ⁴ Byonka byo baantu boonse ba maana ba ingijilenga miingilo yoonse ya teente ba lekele miingilo yo ba ingijilenga ne kwiiya. ⁵ Baseendwe ba ambijile Mosesa amba, "Baantu babeena kuleeta byavula kukizhaapo byakuuba mwiingilo awa wa Yehoba ye betu kaambizhe atweeba kuuba." ⁶ Poonkapo Mosesa wakaambizhe amba kafwaako naangwa umo pa kaamba potwa[wiila kuleeta naangwa kimo kitapishho kya kutuungilamo teente wazhiila ne. Kabiji baantu balekele kuleeta bya buupe byaabo. ⁷ Bajiinga na byavula bya kwiingijisha pa miingilo yaabo yoonse. ⁸ Byonkabyo baseendwe mukachi kaabo bashimikile teente walusaambakeno na bisapi jikumi bya lineenyi wa fiituluka, ne na toonge wafiituluka, ne ne wachiluluka, ne wachijisha ne bya ba kelubi. Yewajiinga mwiingilo wa Bezalela, ne seendwe wayuukisha buloongo. ⁹ Kuleepa kwa bisapi kwajiinga ma kyuubichi makumi abiji ne atanu ne asatu mu bwiipi makumi ana bisapi byoonse byajiingatu pamo. ¹⁰ Bezalela wanuungakenye bisapi bitaanu kikwaabo ku kiwaabo. ¹¹ Kabiji waleengele ne mizhiinge ya toonge wafiituluka kuunsa ya kisapi kitaanshi, kabiji waleengele pamootu kuunsa ya kisapi kikwaabo. ¹² Waleengele tumaswa makumi atanu kukisapi kimo kuunsa ya kisapi kimo ne tumaswa makumi atanu kuunsa kuunsa ya kisapi kikwaabo tumaswa twatalaang'ene kamo na kakwaabo. ¹³ Kabiji waleengele ne tukobelo twa golide makumi atanu ne kunuungakanya bisapi pamo nabyo pakuuba amba teente walusaambakeno ekale wiikwata. ¹⁴ Bezalela waleengele ne bisapi bya booya bwa ba mbuzhi bwa teente peulu ya kyakwiikalamo; Aye waleengele bisapi jikumi ne kimo. ¹⁵ Kabiji kuleepa kwa bisapi byoonse byaleepele ma kyuubichi makumi asatu, ne mubwiipi bwa kisapi kiji kyoonse ma kyuubichi ana. Pa byoonse bisapi jikumi ne kimo byajiinga pamootu. ¹⁶ Wanuungakenye bisapi bitanu ne kimo kukikwaabo ne bikwaabo bitanu ne kimo kimo ku kikwaabo. ¹⁷ Kabiji waleengele tumaswa makumi atanu kuunsa ya kisapi kitaanshi, ne tumaswa tukwaabo makumi atanu kuunsa ya kisapi kikwaabo. ¹⁸ Bezalela waleengele ne tukobelo twa lubeemba makumi atanu twa kunuungakanya aato teente pamo amba ekale ke teente umootu. ¹⁹ Kabiji waleengele ne teente walusaambakeno wa kiseba kya mikooko ilume byobasoombele na mu soombelo uchila, ne kya kuvweeta peulu kya biseba bya ba nyaama bakateempe kya ku kuumbana peulu. ²⁰ Bezalela waleengele ne mafulemu a kya kwiikalamo kya bichi bya mwiiba wa teente wa lusaambakeno. ²¹ Kabiji ne kuleepa kwa fulemu umo waleepele ma kyuubichi jikumi, ne mubwiipi bwa fulemu umo umo wajiinga ma kyuubichi umo ne afu. ²² Mafulemu onse ajiinga na tukobelo tubiji twanuungakene pamo na fulemu enuungile pamo.Aye waubile kino kumafulemu onse a teente walusaambakeno. ²³ Waleengele mafulemu a teente walusaambakeno mujino jishiinda : Mafulemu makumi abiji akukabeta kabuleenge. ²⁴ Bezalela waleengele makumi ana bitako bya kuunshi ya mafulemu makumi abiji. Kwajiinga bitako bibiji kuunshi ya fulemu umo wa kunuunga fulemu umo pamo, nejikwaabo bitako bibiji kuunshi ya ma fulemu mu kunuunga mafulemu pamo. ²⁵ Kabiji kulubaji lukwaabo lwa teente walusaambakeno, ku lubaji lwa kabeta ka kubuyeke waleengele ne mafulemu makumi abiji. ²⁶ Ne bitako byaabyo makumi ana bitako byaaji kuunshi ya fulemu umo, bitako bibiji kuunshi ya fulemu mukwaabo, kabiji byonka byo. ²⁷ Kulubaji lwa kunyuuma ya teente walusaambakeno kulubaji lwa kumuzhika, Bezalela waleengele mafulemu atanu ne umo. ²⁸ Waleengele mafulemu abiji a kumakoonka a kuunyuma a kuteente walusaambakeno. ²⁹ Ano mafulemu ajiinga eikeela kuunshi, mino anuungakana peulu mujikoosa jimo. Waleengelepo abiji a byonkabyo a kuma koonka onse abiji. ³⁰ Ajiinga onse atanu na asatu, ne bitako bya siliva. Byajiinga byoonsetu ke bitako jikumi na tutanu ne imo, bitako bibiji kuunshi ya fulemu umo, bitako bibiji pa fulemu waloondejilepo, kabiji byonkabyotu. ³¹ Bezalela waleengele ne myaamba ya bichi bya mwiiba wa kasela-myaamba itanu ya kuma fulemu lubaji lumo lwa teente wa lusaambakeno, ³² ne myaamba itanu ya ku mafulemu a lubaji lukwaabo lwa teente walusaambakeno, ne itanu myaamba ya ku makoonka ya mafulemu ya kulubaji lwa kuunyuma lwa ku muzhika. ³³ Waleengele mwaamba wakobaankana mukachi ka mafulemu, ko kuuba amba, afu, kukukwaata kufuma kwaleepa kufika kuunsa. ³⁴ Wavweetele mafulemu na golide. Waleengele nsaambo ya golide, pakuuba amba biikale bya kukwaata mwaamba wa kobaankana, kabiji wavweetele myaamba na golide. ³⁵ Bezalela waleengele ne kipeembe kya toonge wafiituluka, ne wachiluluka, ne butoonge bwa chijisha, ne lineenyi ya wayuukisha miingilo. ³⁶ Wikileengejile ne mashiki ana a bichi bya mwiiba wa kasela, ne kulamikapo golide, kabiji wi ileengejile ne bitako bina bya siliva. ³⁷ Waleengele ne kisapi kya kuzhika mukibelo kya teente kya toonge wafiituluka, ne wachiluluka, ne butoonge bwa chijisha, kwiingijisha lineenyi wa waamisha. ³⁸ Waleengele jikwaabo ja bikobelo mashiki atanu ne bya kukobelako. Wavweetele bizhiko byaabyo ne myaamba yaabyo na golide. Bitako byaabyo bitanu bya leengelwe na lubeemba.

¹ Bezalela waleengele ne jikwaachi ja lushimuno ja kichi kya mwiiba wa kaseelesele. Jaleepele ma kyuubichi abiji ne kichika,mu bwiipi bwaajo jaleepele kyuubichi umo ne kichika, ne mukuleepa kwaajo jajiinga kyuubichi umo ne kichika. ² Wavweetelepo ne golide yawaamisha mukachi ne paangye kuzhookoloshako kunsa ya muvumbo wa golide. ³ Waleengele nsaambo ina ya golide yaleepa ma kyuubichi ana, iji na nsaambo ibiji kulubaji lumo, kabiji ne nsaambo ibiji kulubaji lukwaabo ⁴ Aye waleengele ne myaamba ya bichi bya mwiiba wa kaselesele ne kuvweetapo golide. ⁵ Wabiikile myaamba iji muumbavu ya jikwaachi, mukuuba amba bakaseende jikwaachi. ⁶ Waleengele ne kizhiko kya kufuuchilako golide wawaamisha. Kyaleepele makyuubichi abiji ne kichika, ne kyuubichi umo ne kichika mubwiipi. ⁷ Bezalela waleengele ne bakelubi baibiji ba golide ya kubuunda, wibaleengele kuunsa ya kizhiko kyakufuuchilako. ⁸ Kelubi umo kuunsa ne kelubi mukwaabo kuunsa kulubaji lukwaabo, wibaleengele noobe kibese kimo kya kizhiko kya kufuuchilako. ⁹ Bakelubi batanyikile byaapi byabo peulu ne kuzhikapo kizhiko kya kuleekelwa maambo. Ba kelubi betajile umo ne mukwaabo kabiji batajile paluutwe ya pakachi ka kizhiko kya kufuuchilako maambo. ¹⁰ Bezalela waleengele tebulu wa kichi kya kaselesele. Mukuleepa kwaakyo kyaleepele makyuubichi abiji, mubwiipi bwaayo yajiinga kyuubichi umo, kabiji ne kuleepa kwaayo yajiinga kyuubichi umo ne kichika. ¹¹ Aye wi ivweetele na golide ya waamisha ne kubiika mupaka wa golide ya waamisha ne kuzhookolosha peulu. ¹² Waleengele fulemu wazhookoloka mu bwiipi noobe kuleepa kwa kubooko, mukuleepa ne kuzhookolosha mupaka wa golide wa fulemu. ¹³ Aye wasuungulwile nsaambo ina ya golide ne kwi ikwaachisha nsaambo ku makoonka ana, ako kwajiinga maulu ana. ¹⁴ Nsaambo beikwaachishe ku fulemu na maambo a kusha mpuunzha ya myaamba, mukuuba amba baseende tebulu. ¹⁵ Wapaangile myaamba kufuma ku kichi kya kaselesele kabiji wi ivweetele na golide, mukuuba amba baseende tebulu. ¹⁶ Wapaangile biintu byafwainwa kwiikala pa tebulu-byoowelo, bijiisho, michiba, ne miloondo ya kwiingijisha pa kupaana bya buupe. Aye waleengele kufuma ku golide ya wamisha. ¹⁷ Aye waleengele kya kutuulapo ma laampi kya golide wawaamisha wa kubuunda. Aye waleengele kitako kya kituulwapo laapi kyaakyo kabiji kya kubuunda. Ne makomeki akyo, ne kitako kya mabuula akyo, ne maluuba akyo aleengelwe na kibese kimo. ¹⁸ Misaampi itanu ne umo beibaishe kufuma mu lubaji lumo ne lukwaabo, kabiji ne ikwaabo isatu ya kyakutuulapo laampi beibaishe ku lubaji lukwaabo. ¹⁹ Musaampi mutaanshi wajiinga na ma nkomeki asatu aleengelwe noobe maluba a mu moonde asapuka, ne jibuula kuunsa ya jiluba, kabiji ma nkomeki onse asatu aleengele noobe maluba a mu moonde asapuka ku misaampi yaayo, ne jibuula ja kuunsa ne jiluba jajiinga pamootu na onse atanu ne jimo jajiinga pamo na onse atanu ne jimo misaampi ya kunuungapo kufumu ku kyakutuulapo laampi. ²⁰ Kabiji pa kya kutuulapo laampi kiine, ne pakachi yakyo kya kya zhookoloka, pajiinga ma nkomeki ana aleengelwe na maluba a amoonde, ne mabuula akyo kuunsa ya maluba. ²¹ Kabiji kwajiinga ne jibuula kuunsa ne akwaabo abiji ku mabuula aleengelwe noobe kibese kimo kiine, mujishiinda jikwaabo kwajiinga ne jibuula kuunsa ya kwajiinga ibiji misaampi ayo yapaangilwe nakimo kibese kine. Mujishiinda jimootu pajiinga jibuula jo ba biikile paanshi pakibese kya busatu kya misaampi, kyaleengelwe noobe kibese kimo. Kyajiingatu pamo na misaampi yoonse yo banuungileko ku misaampi itanu ne umo ku kya kutuulapo laampi. ²² Kunsa ya jibuula ne misaampi yakyo byoonse byajiingatu na kibese kimo kimo, kimo kibese kyaleengelwe buloongo kya golide ya waamisha. ²³ Bezalela waleengele ne malaampi atanu ne abiji ne kya kutuulapo malaampi, ne tumimano twaakyo ne twa kutootomwenapo buuto twa golide wa waamisha. ²⁴ Waleengele ne kya kutuulapo laampi ne bya kwiingijisha ne jitaleenta jimo ja golide wa waamisha. ²⁵ Bezalela waleengele ne byakufutumuna pa kya kusookelapo. Kya paangilwe na kichi kya mwiiba wa kaselesele. Kuleepa kwaakyo kwajiinga na makyuubichi umo, ne mubwiipi bwaakyo kyuubichi umo. Kyaesakenetu pamo, ne mukuleepa ma kyuubichi abiji. Ne nseengo yaakyo yaleengelwe na kibese kimo kyaakyo. ²⁶ Wavweetelepo ne bya kufutumuma pa kya kusookelapo bya golide wa waamisha-ne pa muvuumbo wakyo, ne muumbavu yaakyo, ne ku maseengo akyo. Waleengele kyazhookolokele mupaka na golide. ²⁷ Waleengele ne nsaambo ibji ya golide ikwaata ku kimo muunshi ya mupaka ibiji yapusana. Ne nsaambo yajiinga ya kukwaachilako myaamba pa kuseenda kya kusookelapo bitapisho. ²⁸ Waleengele myaamba ya kichi kya mwiiba wa kaselesele, kabiji wi ivweetele na golide. ²⁹ Waleengele ne maanyi azhila a kushiinga ne bya kufuutumuna bya wamisha, biji na bweema bwa wamisha, mwiingilo wa usaansa binuunka buloongo.

¹ Bezalela waleengele kyakusookelepo milaambo ya kusooka kya bichi bya akesha. Kyajiinga makyuubichi atanu mubula ne mubwiipi ne kyaesakenetu pamo ne makyuubichi asatu mu kimino. ² Kabiji wanuungileko makoonka ana ajiinga noobe na nseengo a ng'oombe. Ne maeengo a leengelwe na kipiimvwa kimo kya kitapisho, ne kwiikizhika na lubeemba. ³ Waleengele ne biingijisho byoonse bya mpuki ya kitapisho bya buuto, shofolo, michiba, mafoloko, ne bya kwapwiilapo mujilo. Wibeleengele bino byoonse bya lubeemba. ⁴ Waleengejileko ne kyeela kya meeso meeso kya kusookelapo, bukoonde bwa lubeemba ne kwiimika muunshi ya mivuumbo, kibese kimo paanshi. ⁵ Waleengele nsaambo ina ya makoonka ana a lubeemba wa kyeela kya meeso meeso, noobe mansuunsu a myaamba. ⁶ Bezalela waleengele myaamba ya bichi bya akesha ne kwiibivweta na lubeemba. ⁷ Wabiikile myaamba kupichila mu nsaambo ya pa kabeya ka kyakusookelapo, mu kwiikisenda. Waleengele kyakusookelapo kya mupulampako, ne kwiingijisha mapulaanga. ⁸ Bezalela waleengele mvukuto ikataampe ya lubeemba na kyakwiimikapo kya lubeemba. Waleengele mvukuto kufuma ku magalashi ajiinga a ineetu wa ingijilenga pa kibelo kya teente wa lusaambakeno. ⁹ Kabiji waleengele ne lupaango. byakupeepelela kulubaji lwa kabeta ka kubuyeke bya leengelwe na lineenyi wa waama kitooka kimo kya kyuubichi mubula. ¹⁰ Byakupeepela byajiinga ma kyuubichi abiji, ne kitako kya lubeemba makumi abiji. Kwajiinga misumali yakwaachile ku myaamba, pamootu ne tu myaamba twa siliva. ¹¹ Mujishiinda jimootu, kulubaji lwa ku kabeta ka buyeke, kwajiinga byaimene kitoota kimo kya kyuubichi mubula ne myaamba makumi abiji, kitako kya lubeemba makumi abiji, misomali yakwaachile ku myaamba, ne tumyaamba twa siliva. ¹² Byakobekelwe kulubaji lwa ku muzhika byajiinga makumi atanu a kyuubichi mubula, ne jikumi ja myaamba ne bitako. Misumali ne tumyaamba twa siliva. ¹³ Lupaango naanji wajiinga na makumi atanu a ma kyuubichi mubula kulubaji lwa ku musela. ¹⁴ Byakwachile kulubaji lumo lwa pa kibelo byajiinga jikumi na tutanu twa kyuubichi mubula. Bajiinga na myaamba isatu ne bitako bisatu. ¹⁵ Kulubaji lumo lwa pa kibelo kya kulupaango lwajiinga na bya kwaachile byajiinga jikumi na tutanu twa ma kyuubichi mubula. Na myaamba isatu ne bitako bisatu. ¹⁶ Byoonse byakwaachile ku lupaango byapaangilwe na lineenyi wa waama. ¹⁷ Bitako bya myaaamba byapaangilwe na lubeemba. Misomali ne tumyaamba twa mwaamba ya paangilwe na siliva, ne bizhiko bya peulu ya mwaamba bya paangilwe na siliva. Malupaango onse a myaamba a lamikilwe na siliva. ¹⁸ Kisapi kya pa kibelo kya lupaanga kyajiinga na makyuubichi makumi abiji mubula. Kyapaangilwe na toonge wafiituluka, wachiluluka, ne lineenyi wachijisha, ne lineenyi wa kuzhiinga, kyajiinga na ma kyuubichi makumi abiji mubula. Kyajiinga ma kyuubichi makumi abiji mubula ne makyuubichi atanu mu kimino, noobe kisapi kya ku lupaango. ¹⁹ Mashiki akyo ajiinga ana ne bitako byajiinga bya lubeemba, ne misomali yajiinga ya siliva. Byakuzhikapo peulu ne tumwaamba twabyo byapaangilwe na siliva. ²⁰ Mpoopo yoonse ya kya kusookelapo ne lupaango bya paangilwe na lubeemba. ²¹ Kusaambakanya biintu byoonse bya kya kwiikalamo, akya kya kwiikalamo kya lushimuno, byo kyaseendelwe ku loondela mikaambizho yakwa Mosesa. Yajiinga miingilo ya beena Levi ne mukaambizho wakwa Itamala mwaana Alona ngauzhi. ²² Bezalela mwaana Uli mwaana Hula, kufuma ku mukooka wa beena Yuda, waleengele biintu byoonse byo akaambizhe aye Yehoba Mosesa. ²³ Oholyaba mwaana Ahisamaka, kufuma ku mukooka wakwa Danyi, wa ingijle na Bezalela noobe nkwaansho, noobe seendwe wayuukisha, kabiji noobe usona pa kisapa na toonge wafiituluka, wachiluluka, ne wachijisha. ²⁴ Yoonse golide byo baingijishile mu mwiingilo, mu mwiingilo yeense wakwachile mu mpuunzha yazhila-golide kufuma ku manyaki a buupe ajiinga bya buupe makumi abiji na tutaanu ne tubiji ne masheekele 730, yapiminwe na kipimo kya bitoota bibiji bya myeka ya masheekele. ²⁵ Siliva yapainwe ku nyaunda ya nemeene kitoota kimo kya buupe ne 1,775 ya masheekele, kuloondela bitoota bibiji, ²⁶ naangwa beka umo pa muuntu, akyo kiji kipimo kya masheekele, kyapiminwe na bitoota bibiji. Ino naambala yafikile ku ntatwiilo ya kubala kwa baantu aba bajiinga na myaaka makumi abiji ne bakomene-603550 pamo boonse. ²⁷ Kitoota kimo kya buupe kya siliva kyanyiwe ku bitako bya mpuunzha yazhila ne bitako bya bipeembe kitoota kimo kya bitako, buupe bumo pa kitako kimo. ²⁸ Na byashajilepo 1,775 bya masheekele bya siliva, Bezalela waleengele misomali ya myaamba, ne kuvweeta peulu ya myaamba, ne kuleenga twa mitwe yayo. ²⁹ Lubeemba lwafumine ku manyaki a buupe aneemene makumi atanu na tubiji ne masheekele 2,400 ³⁰ Na bino waleengele bitako bya pa bibelo bya teente walusaambakeno, lubeemba lwa bya kusookelapo, kyeela kya meeso meeso kya lubeemba yaakyo, ne byoonse bya kwiingijisha bya kya kusookelapo, ³¹ Bitako bya lupaango, bitako bya pa kibelo kya lupaango, ne mpoopo yoonse ya teente walusaambakeno, ne mpoopo yoonse ya lupaango.

¹ Na yafituuluka, yachiluluka ne ya chijisha, balengele bivwalo bya mwingilo wazhila. Bamulengejile Alona jilaya ja mpunzha ya zhiila, monka mwakambizhizhe Yeoba Mosesa. ² Bezalela walengele jishiiki na ngolode, ne na tonge yafiuluuka, yachiluluka, ne toonge wa chijisha. ³ Bafuumpile golide ne kwi ichibaula mu ma waaya avula, mu kwi ingijisha mu misoombelo ya fituluka, yachiluluka, ne toonge wachijisha, ne mu mulinenyi, mwiingilo wa seendwe wayuukisha. ⁴ Baleengele bipiimvwa bya mansuunsu, bya kwaata pa makoonka abiji a peulu. ⁵ Jipoonda japelako ja luukwa ja mukifuka ja jiinga noobe kakobeko; ja leengelwe na kipiimvwa kimo kya golide, kya paangiwe na lineenyi wawaama wajiinga wa golide, yafiituluka, yachiluluka, ne ya chijisha, moonka mwa kaambizhizhe Yehoba Mosesa. ⁶ Basoongele mabwe a onika, ne kwi abiika mo ba neengezha na golide, ne ku neembapo mazhina abaana ba Isalela. ⁷ Bezalela washikwile bipiimvwa bya mashiki ne kubiika pa mansuunsu amba a keekale mabwe a kuvulukilapo baana ba Isalela, moonka mwakaambizhizhe Yehoba Mosesa. ⁸ Waleengele kipiimvwa kya pa kyaaji, mwiingilo wa seendwe wayuukisha, kyapashang'ene noobe kakobeko. Wikileengele na golide, ne na yafiituluka, ne ya chiluluka, ne na toonge wa chijisha, ne lineenyi wa waama. ⁹ Kyajiinga kya esakana. be kichiimpile ke kichika kya kyuubichi umo mu bula ne mu bwiipi. ¹⁰ Babiikilepo ne mikuuku ina ya mabwe a neema. Mukuuku mutaanshi wajiinga na salajasi, topazi, ne emalodi. ¹¹ Mukuuku wa bubiji wajiinga na alamante, ne safila ne daimani. ¹² Mukuuku wa busatu wajiinga na yakinto, ne akate, ne amatesiti. ¹³ Mukuuku wabuna wajiinga na kisolite ne onike, ne na yasipa. Mabwe beaikile mutukwaata to baluka na golide. ¹⁴ Mabwe ajiinga jikumi na abiji, jimo jibwe pa jizhina jimo ja beena Isalela, jimo pa jizhina ja umo mu booba ba mu mukooka wa jikumi na ibiji. ¹⁵ Pa kipiimvwa kya kyaaji baleengele katuumba noobe mizhiinge, ne kuluuka minyoololo ya golide ya waaamisha. ¹⁶ Baleengele tukwaata tubiji to baluka na golide ne tuumbala minwe tubiji twa golide, bakwaachishe tuumbala minwe tubiji mu makoonka abiji a kipiimvwa. ¹⁷ Batuujile mizhiinge ya golide mu tuumbala minwe tubiji pa makoonka a bipiimvwa bya kya pa kyaaji. ¹⁸ Ba soneeneko atwa tukwaata tubiji kuunsa ya mizhiinge ya kuluuka. Be a soneene ku bipiimvwa bya mansuunsu a kakobeko paluutwe yakyo. ¹⁹ Baleengele tuumbala minwe tubiji twa golide ne kwi tubiika pa bipiimvwa bya mansuunsu akwaabo abiji a kipiimvwa kya kya pa kyaaji, peepi na mukachi ya kasaambakeno ka kakobeko. ²⁰ Baleengele ne tuumbala minwe tukwaabo tubiji twa golide ne kwi tubiika kuunshi ya bipiimvwa bibiji bya mansuunsu paluutwe ya kakobeko, kwiipi na peulu ya jipoonda ja mukifuuka kya kakobeko. ²¹ Bakashile kipiimvwa kya pa kyaaji na tuumbalaminwe twaakyo ku tuumbala minwe twa tukobeka na muzhiinge wa toonge ufiituluka, mukuuba amba ba ke kakwaachishe peulu ya jipoonda ja lukwa ja kakobeka. Akino kyajiinga mukuuba amba kipiimvwa kya pa kyaaji keechi kya kwachila kufuma ku kakobeko ne. Akino kyaubiwe moonka mwakaambizhizhe Yehoba Mosesa. ²² Bezalela mukaangyo wa kakobeka koonsetu toonge wafiituluka, mwiingilo wa usona. ²³ Mukaangyo wajiinga na jiiso ja mutwe pakachi. Jiiso jajiinga sa bazhookoloshako mafumo kuchiina amba jakatabuk. ²⁴ Kuunshi ya mukaangyo, baleengeleko mapomeengulanchi a toonge wafiituluka, wachiluluka, ne wachijisha, ne na lineenyi wa waama. ²⁵ Baleengele ngeengele ya waama ya golide, ne kubiika ngeengele pakaachi ka mapomeengulanchi kuzhookolosha koonse kuunshi ya mukaangyo, pakachi ka mapomeengulanchi. ²⁶ Ngeengele umo ne pomeengulanchi, ngeengele umo ne pomeengulanchi kuunsa ya mukaangyo wa Alona wa kwiingijilamo. Kino kyajiinga moonka mwakaambizhe Yehoba Mosesa. ²⁷ Baleengele bivwaalo bya leepesha bya kwa Alona ne baana baanji ba balume. ²⁸ Baleengele kyakuvwaala ku mutwe kya kisapi kya lineenyi, ne tubifuko twa kumutwe twa kisapi kya waama kya lineenyi, ne tuputula naato twa kisapi kya lineenyi, ²⁹ Ne jipoonda ja kisapi kya waama kya lineenyi ne na toonge wafiituluka, ne wachiluluka, ne wachijisha, mwiingilo wa Embuloidela. kino kyajiinga moonka mo a mukaambizhe Yehoba Mosesa. ³⁰ Ba Leengele muchiba wa muunchinya wazhila na golide, ne kuneembapo, noobe byo ba neembelepo pa ma shataampa amba, "Kuzhila kwi Yehoba." ³¹ Bekikwaachishe ku kisapi kya muzhiinge wafiituluka peulu ya kisapi. Akino kyajiinga moonka mwakaambizhe Yehoba Mosesa. ³² Byonkabyo mwiingilo pa teente wa kwiikalamo, teente walusaambakeno, wapwiile. Baantu beena Isalela baubile byoonse. Baloondejile mikaambizho yoonse yapaine Yehoba kwi Mosesa. ³³ Baleetele teente walusaambakeno kwi Mosesa ne biingijisho byoonse, misomali, mafulemu, myaamba, mashiki, ne makobelo; ³⁴ Kuvweetwa kwa biseba bya mikooko ilume yo basoombala na musoombe uchila, kuvweetwa kwa mwai, ne kipeembe kya kuzhitako. ³⁵ Jikwaachi ja lulayaang'ano, ne kubiikapotu myaamba ne kyakufuuchilako maambo. ³⁶ Baleetele tebulu, ne biintu byaanji byoonse, ne bashiinkwa bajiingapo; ³⁷ Kituulwpo laampi kya golide wa waama ne malaampi akyo o batuujilepo jimo, ne biintu byaakyo byoonse ne maanyi a mu ma laampi; ³⁸ Kyakusookelapo kya golide, maanyi a kushiinga ne byakufutumuna biji na bweema bwa waama; ne kisapi kya kuzhika mu kibelo kya teente; ³⁹ Kyakusookelapo bitapisho kya lubeemba ne kyeela kyaakyo ne bibaamba byaakyo ne biintu byoonse ne mvukuto ikataampe ne kitako kyaayo. ⁴⁰ Baleetele bya kukobeka ku lupaango ne mashiki ne bitako byaakyo, ne bisapi bya kuzhika pa kibelo kya kutweelelapo; ntaambo yaakyo ne mpoopo yaakyo; ne biintu byoonse bya kwiingila naabyo mu kya kwiikalamo, teente wa lusaambakeno. ⁴¹ Baleetele bivwaalo bya manono bya kwiingijilamo mu mpuunzha yazhila, bivwaalo byazhila bya kw Alona ngauzhi ne baana baanji, bya kupoopwelamo noobe ba ngauzhi. ⁴² Beena Isalela baubile yoonse miingilo moonka mwakaambizhizhe aye Yehoba Mosesa. ⁴³ Mosesa wapimine miingilo yoonse, kabiji, byonkabyo, baubile. Moonka mwakaambizhe Yehoba, mo moonka mo baubijile. Keepo Mosesa wibapeesheshe.

¹ Poonkapo Yehoba wa ambile kwi Mosesa, amba, ² "Pa juuba jitaanshi ja ng'oondo mutaanshi mu mwaaka mupya wafwaainwa kwiimika kya kwiikalamo, teente wa lusaambakeno. ³ Wafwainwa kubiikapo jikwaachi ja lushimuno lwa lulayaang'ano, kabiji wakoonsha kuzhikako na kipeembe. ⁴ Wafwainwa kuleeta teebulu mukachi ne kubiikamo byoonse byafwainwapo. Kabiji wafwainwa kuleeta kituulwapo ma laampi ne kubiikapo ma laampi. ⁵ Ukakoonshe kutuula kyeela kya golide pa kyakusookelapo binuunka buloongo kya lushimuno, kabuji ukakoonshe kubiika kipeembe pa kibelo kya teente wa lusaambakeno. ⁶ Ukakoonshe kutuula kya kusookelapo bitapisho paluutwe ya kibeelo kya teente, teente wa lusaambakeno. ⁷ Ukakoonshe kutuula mvukuto ikataampe pakachi ka teente wa lusaambakeno ne kyakusookelapo bitapisho kabiji wafwainwa ne kubiikamo meema. ⁸ Ukakoonshe kuzhookoloshako lupaango, kabiji wafwainwa kukobekapo kipeembe pa kibelo kya lupaango. ⁹ ukashikule maanyi a kushiinga ne kushiinga mwakusaambakena kabiji ne byoonse bijimo. Ukakoonshe kwiibyabanya ne kwi biwaamisha byoonse kwi amiiwa, kabiji bikeekala byazhila. ¹⁰ Ukakoonshe kushiinga manyi pa kyakusookelapo bitapisho ne byoonse biikalako. Kabiji wafwainwa kwaabanya kyakusookelapo kwi amiiwa kabiji bikeekala byazhila biingi kwi amiiwa. ¹¹ Ukakoonshe kushiinga maanyi ku mvukuto ne kukitako kyaayo ne kwi izhijika kwi amiiwa. ¹² Ukaleete Alona ne baana baanji ba balume pa kibelo kya teente wa lusaambakeno ne kwiboovwa boonse na meema. ¹³ Ukakoonshe kuvwiika Alona bivwaalo bya zhila kwi amiiwa, ne ku mushiinga maanyi kabiji ne ku muzhijika pakuuba amba akeengile noobe ng'aanga waami. ¹⁴ Nekuleeta baana baanji ba balume ne kwi bavwiika bivwaalo byaleepa. ¹⁵ Ne kwi bashiinga maanyi boonse byonkabyo ukashiinga shaabo pakuuba amba ba keengile noobe ba ng'aanga kwi amiiwa. Kushiingwa kwaabo kukaleenga boonse kufikatu ne kubisemi byaabo byaakulutwe." ¹⁶ Abino byo byaubile Mosesa; waloondejile byoonse Yehoba byo a mukaambizhe. Aye wibyuubile abino biintu byoonse. ¹⁷ Kusaambakana be kubiikile pa juuba jitaanshi ja ng'oondo mutaanshi wa mu mwaaka wa bubiji. ¹⁸ Mosesa waneengezhezhe mwa kusaambakena, wa neengezhe bitako byakyo, ne kuneengezha ma fulemu akya, ne kukwachisha byeela byakyo, ne kwiimika mashiiki ne biyuukilo byakyo. ¹⁹ Aye wa ajile kyakuvweetapo peulu ya mwakusaambakena ne kubiikapo teente peulu yakyo, byonka bya kaambizhe Yehoba. ²⁰ Kabiji aye washikwiile ne malamuna a lulayaang'ano ne kwi abiika mu jikwaachi. Kabiji aye wabiikileko ne myaamba ku jikwaachi ne kubiikapo kizhiko kya kufuuchilako. ²¹ Aye waleetele jikwaachi mwakusaambakena. Wa neengezhezhe kipeembe kya kuvweeta jikwaachi ja lushimuno, byonka byo ba mukaambizhe kwi Yehoba. ²² Aye watuujile tebulu mu teente wa lusaambakeno, ku kabeeta ka kubuyeke, paangye ya kipeembe. ²³ Koko a biikile shiinkwa mukuuba amba tebulu uji ku meeso a Yehoba, byonka byo a kaambizhe Yehoba. ²⁴ Aye watuujile kya kubiikapo laampi mu teente wa lusaambakeno, paleepa na tebulu, ku lubaji lwa kabeta ka buleenge bwa kya kwiikalamo. ²⁵ Aye wa abwiile laampi ku meeso a Yehoba, byonka byo a mukaambizhe Yehoba. ²⁶ Aye wabiikile kyeela golide kya kyakusookelapo bitapisho binuunka buloongo mu teente wa lusaambakeno kuluutwe ya kipeembe. ²⁷ Wasookejilepo binuunka buloongo, byonka byo a mukaambizhe Yehoba. ²⁸ Wakobekele kipeembe pa kibelo kya mwakwiikala. ²⁹ Wa tuujile kya kusookelapo bitapisho kya kulaambwilapo pa kibelo kya mwa kwiikala, mu teente wa lusaambakeno. Walaambwijilepo milaambo ya kufutumuna ne milaambo ya kajo, byonka byo a mukaambizhe Yehoba. ³⁰ Wa biikile mvukuto pakaachi ka teente wa lusaambakeno ne kya kusookelapo bitapisho, kabiji ne kubiikamo meema a koowako. ³¹ Mosesa, Alona, ne baana baanji ba balume ba ovwelenga mabooko abo ne maulu abo mu mvukuto kimye myoonse kyo bayaanga mu teente wa lusaambakeno kabiji ne ³² kimye kyoonse kyo bayaanga ku kyakusoonkelapo bitapisho. Beovwelenga abo beene, byonka Yehoba byo a mukaambizhe Mosesa. ³³ Mosesa wazhookolweshe lupaango mwa kwiikala ne kya kusookelapo bitapisho. Wabiikile kipeembe pakibelo kya lupaango. Mu jino jishiinda, Mosesa wa pwiishishi miingilo. ³⁴ Poonkapo jikuumbi javweetele teente wa lusaambakeno, kabiji ne lukuumo lwa Yehoba lwa kuumbene moonse mwakwiikala. ³⁵ Mosesa keechi wakoonsheshe kutweela mu teente wa lusaambakeno ne maamba jikuumbi jaikajipo, kabiji maambo lukuumo lwa Yehoba lwa kuumbene mwakwiikala moonse. ³⁶ Kimye kyoonse kyashikulwanga jikuumbi kufuma peulu ya mwakwiikala, baantu beena Isalela bakoonsheshenga kuneenga lweendo lwaabo. ³⁷ Mino inge jikuumbi jabula kwiimanapo peulu ya mwakwiikala, keepo baantu bakoonsheshenga kubula kweenda. Bakoonsheshenga kwiikala poso juuba jo jikasuuntulwa peulu. ³⁸ Pakuuba jikuumbi ja Yehoba ja jiinga peulu ya mwakwiikala na mute, kabiji ne mujilo waanji wajiinga poonka bufuku, ja mweekelenga patooka ku baantu boonse beena Isalela pa lweendo lwaabo loonse.