¹Paulus da ufen da ama nuka do bahe Lahatal Yesus gapun di wewen ma gang tau pun. ²Wai ma ni nuku ni afenai niyo fal upu oya Galatia hiaka mia³Lahatal Yesus gi nuka gi lama gi birang gi boki. ⁴Dawai hiaka papanau mi towa nai lea falaka mia, ge ohodo Lahatal Yesus gi uyala ⁵Ge ded Lahatal oho gi feng gi foma oho do gera wai lei po do geya. osep⁶Nom u sorai to warai bo ya tew la nokai yo gentaki yahot neling maholang. Nuka hama ba da utan. ⁷Do bahe ama afenai hoka gabeke gayahang.⁸Gewarai ni yid aferai do wai loka Lahatal gamaukawal u bi sara u letara de ka osesep ung he gi gogamu da beka go to hoka. ⁹Dara ba nia ufan da kul gareng ba mi ufan, ung he da kul beka ahala garapaka. ¹⁰Gere wer hoko, ama nuka gi ba gagalul we Lahatal gi ba gegalul?.,,, gere na ama nuka gi ba gal ung he ned loko ke Lahatal gi ge gatang ra.¹¹Ni nuku ni aferai ni yi uyala oho ung mode yedi yo gen. Injil hoko ke ama nuka do ufan ra, ¹²dobahe Osesep Lahatal Yesus gamou kawal do.¹³Yahudi gi ama nuka nang oho ama ka Lahatal gi lolong hu tiung u yepeng, ama laka ama de Lahatal Yesus ge yag al nang ba balai bot. Ama goraboi gera ama gang faen u eai. ¹⁴Ned loko do wer ni gareang oho di mang laka ge wawairai lol.¹⁵Do ba he Lahatal gom oho teu nuka mi ma Yesus Kristus mia ¹⁶da no maki de gi gamou kawal ho ko yan ma ka Yahudi gi ama u ge huhung uge mateng, ke ama fe nai gi lolong huhung ra do bahe osesep Lahatal Yesus ba gi. ¹⁷Nedi nake oya ni nuku ni afenai de dower ama mi ditu Lahatal Gamau ubi sara de oya Yerusalem mia ra dobahe wai ma arab hiaka gera lai na wai mi nawai ma Damaskus hiaka.¹⁸Mi tung suai bo na Yerusalem hiaka gal ya Kefas ni yel tomu to hoka ge mi teng karnuku wal i weheng. ¹⁹Do bahe Lahatal gi ge gatang afenai nang ka hata, ge Yakobus donakal kalai. ²⁰Na nom kiding mi Lahatal ge naho gawai nau ba na bilen o ho do osep.²¹Gena lai nawai Sria hiaka we Kilikia hiaka gede. ²²Ama nuka faring de oya Yudea hieaka mia oho ama dara ka taw nen. ²³Ama gen he ned loko awola he dalaka mang beka ba ga gafen, laka Tam babalai, tang fa faen. Do bahe wer loko da Lahatal gi nuka ba u bisara lol. ²⁴Wer loko ama Lahatal gi nuka u fan genei ba utar u tayan

Rasul-Rasul Nang Ama Paulus Gotayan ¹Gi tung karnuku wal butai, nawai nawai yoa Yerusalem hiyaka ned Barnabas wai Titus goa. ²na ya oho iye nuka nuku mo wai Injil ma ama de ka Yahudi nang u ge hu hung mateng. Dobahe na gaten gafub dou mi gen oho mang yot ama de mi pin gen. Naba na golelang gala lai ge na golelang oho ka hal-hal.³Gena Titu deniel o ho di ka sunat di he Yunani gi ama nuka. ⁴Ge gei hoko warai oho ama afenai mang mama kod hoka u rui u walel Yesus Kristus gi nukia hama de da wei tena terana hoko ama towara de potang madal bo ge. ⁵Debahe, nia ke ama gi gea gal ra, kabei di ra mo de Lahatal gi gamou kokal ten do yom mia.⁶Bobaye, aya ama de mi pin gen oho, gige ya oho ka taw gede mima ned karena Lahatal da ka nuku gi nuka ufan nuku gi beka ufan ama ka na nuku ma ni utau. ⁷Doba he ama ne rui he ned hoko Injil nama ama de ka sunat nang u ge hu hung, do ba he ya hot Petrus do Injil ta ya ma ama bersunat nang gen. ⁸o ho do, da Petrus gang pake de da oya ama-ama de sunat yai nang gi Rasul de do wed noa kareang bo na Yahudi ama nuka nang gi rasul.⁹Ge na Yakoibus, Petrus, ma Yohanes o ho do ya hot saka guru urai warai mo jemaat nang ama gen anugra nap mia, ama hoka na nen ge nuku Bernabas ho niel ya ama ka Yahuni nang gap, do bahe ama ya ama de sunat yai nang di gap. ¹⁰Ama mang niang fana de nia ama hihi a dama nang u nierang, ie nuku de na tew u senang u bo na gaten gafup.Paulus Da Petrus Gi A Hala Utufa ¹¹Do bahe, pas Kefas da Antiokhia afeng mia hoka, na perang-perang mi gang nantang karna usep da ahala. ¹²Awola Yakobus gi afenai nang dara kahoka, Kefas da yang maka Yahudi nang goa nan karai. Dabahe ama hoka da yanhg warai dang gaba daka ama goa karna da ama de yang sunat yai nang gemura.¹³Yahudi ama nuka de afenai hahalang ama gea gal de ama goa, ama gaten gena Barnabas di goa ahala. ¹⁴Na gerui ama gi gaten ka go nuku ma Injil gifeng go yumai, oho de na ama nuka yor gamai hama mi Kefas go busara, "(kalau) ya Yahudi gi ama nuka gaten ya bot ya ka Yahudi ama nuka warai, ama de ka Yahudi di a paksa musti Yahudi warai?"¹⁵Ped hoko ama talil pi yang Yahudi ama nuka ke ufan pi ama dosa ahala ra oya ka Yahudi warai ra. ¹⁶Dobahe, pi gen ya hot ka do feng ka ufan da Hukum Torat gaten, do bahe da oya Yesus Kristus ba gea gal. Gena pedi bai Yesus Kristus ba percaya mo pa po feng karna pi iman ya Kristus ba mia ka ufan de pi Hukum Torat gaten ra. Ka ufan, de pi Hukum Torat gaten bo pi pofeng yai!¹⁷Dobahe wer hoko pi torai de pi pofeng de wai Kristus gom mia, pedi pa gen ped hoko di bai ama dosa ahala, era ba Kristus oho pi pelayan dosa? do bahe ka ke! ¹⁸Do bahe nawai ni nawai u gaten nan de na yang ga te teng yai, na ama utufa ned hoko yo hod ama huku taw dada pa. ¹⁹. O ho do, Hukum Torat ge galul, na yang oya Hukum Torat oho ge imon mode na mon na gen ni berang ma Lahatal gen.²⁰Na yang na salib ma Kristus goa. kenawed, wai birang ra dibahe Kristus do nang mi birang. Birang de worhoko na u birang ma mi u yala ge galul do bahe pi birang oho iman do tawa wai Lahatal gi wel gab, da medom bo da yang gi diri ma notil no manai. ²¹Na ka Lahatal gi Anugera u hapa do bahe ra nuka iye de feng da Hukum Torat ba mia, Kristus gi mang hai-hai.

Ama nuka de Lahatal go rumai goteng Lahatal danuka hama ma gitok mia gi tenang tau. ¹Paulus Lahatal gi gawa hi boma gi sura ie gimi suai ma serang fuhu aya Galatia mia dantan hoki warai maka hot Yesusama gang heleng hili ate tamai go paku salib oho yakau rui gen, oho yakamukang? ²Wer hoko nage yatan, ya Lahatal gi u yala gegalul oho do gi kir-kir nuka hama naling maholangyom mia? a raba ya Lahatal gi wom u yepeng oho do ya mi ru mai? ³Ohoya hot ya dara kamukang, oho gi go gamuka nuka.⁴We oho ya hai-hai kereyang gi ihi ka gowa? ⁵Hare, wer hoko Lahatal do we wen ma tena tarena tomia toloko mia toa laka natei ma ie nuka ukareang.⁶Abraham gi kariang oho gewarai Lahatal da ge ugawai magitou miatal upu oho meng nuka ruang. ⁷Gare ya urui uwalel ama de gom osep-osep Lahatal mirumai miteteng ge oho do Abraham gi gomwel . ⁸Ama lea gim wol, dara po da ufan, Abraham, om wel rai koka nuka hama oho nama gena garana. ⁹Gi kafura da ufan ama inou do Lahatal gi lolong ge galul oho do nuka hama gen garu paka.¹⁰Wer de ufan ne na lahatal gi kareang ba golelang do ba he gom ka gang mirumai, uhu nuka hama da ka gen. ¹¹Gi kafura Lahatal da ufan ama nuka tulang wen oho ka nuku do kafura, kalau da ufan da Hukum Taurat mi galul. ¹²Lahatal gi u yala da go lelang do bahe gom ka Lahatal mi rumai di he do hama.¹³Yesus do pi gaten pi ga hub pi ahala oho dadang ma umanai giwe gareng lawel pun tolam tobasi"! ¹⁴Yesus gi te dom ba mia, gi Roh naling tom mia nuka hama pa golelang gala lai mi gaten migahupLahatal Gi Tapakang ya Hukum Taurat Mia ¹⁵Pakang yahang Paulus da ufan Lahatal gi to pakang yahang oho ped ama nuka pi mi laka beka. ¹⁶Pakang yahang Lahatalma Abraham u gapakang, gi gomwel do Lahatal ma gena garana. Gi gon wel be Yesus da u adul.¹⁷Lahatal pi pakang yahang ma Abraham ugo bisara oho geben beka gemanai. ¹⁸Pi ge manai uhe Lahatal gi gamou kami kana.¹⁹taworai bo Lahatal da Abraham gapakang lai he Hukum Torat da wai ma Musa gen. Mode Lahatal gi gamau kawal sura mia oho da mi kana bo Yesus. Hukum Torat Lahatal ma Musa gen oho Malaikat do mihama. ²⁰Pe gen he Lahatal gi tedommoho mi leya.Gi Ihi ²¹Hukum Torat gi go ganu oho mode amanuka pigen, pamuka ba gaten e raba beka ba gaten. ²²Lahatal gi gamoukawal sura mia da ufon , ganei mamanukafulang wew mia fal upu ahala gaten kamuku do kafura.Mode Lahatal gi pakang oho da mi kana.²³Pi lea Yesus dara kahoka ped ama nuka ya hot ba mia penjara ireng te Yesus da hoka, tom garumai moko da to gatan. ²⁴Hukum Torat oho ya hot hi kat warai gena Yesus gi hoka gi mai uhid. ²⁵Wer hoko pi leya iman yang hoka hikat yong kata do ba he pi uru mai oho Yesus. ²⁶Ama nuka de gom Yesus mi rumai ge oho do Lahatal Giwel.²⁷Wer hoko pi gen ama de pi ufan modal yang ka hota. ²⁸Paulus da ufan , tom Yesus ba gorumai kir-kir tening gang upan ge oho do Abraham gi gomwel ²⁹Yed hoko ya Lahatal gi ama nuka, ya Abraham gi gom wel ya gi ahliwaris ama uya pakang

¹Ne ni nom upapan, oya, opami mai o awi adul oho dara kiding ded oho ya hot dara madal warai ama do ga gabogho" osep da awai adul. ²De da dara oya madal geweu mia gena gi uru gi tung de gimang di pakang do mi mu.³ped ho ko di ge warai pidara kan pi ka pin gen hiaka gi we wen tang taw wai-taw mai pi madal bu go hama warai. ⁴Ge dobehe gi uru gi tung Lahatal gi pakang da mi kana gi wel Yesus da ga boho hia kofa mana huku go pakang ta oya Torat parentah wew mi galil. ⁵Mo yor de oya Torat parentah wew mia tal u pu da to wa mai ma gi wel goga leke.⁶Pi yang giwel yaihe wel gi wewen Lahatal da gabo ho tomkiding mihia mote Lahatal pi go maki ma pi mang u gaba nuka ⁷Ga re, ya yang ke madal ra, do ba he wel. Gare ya wel ung he Lahatal da yang ma Yesus Kristus gom mia yedi ohong naling maholang ya u adul.De I Wai Tang Ma Hi Yaka Hoko Gi Wewen Gi Madal u Manai Ge ⁸Awola yedi Lahatal ya kan ge gi kareyang uka yom mia hiaka hoko ba ya gi madal. ⁹Do bahe wer hoko ya mai Lahatal gen ra ba tew mi nu ka he pi utan Lahatal da yen yai, naw ba ya ge wai hiaka gi wewen ge ya gal? Ge oho do tew ya wala nuka bo ya ge madal?¹⁰Ya yi uru uwa tung teng lea raya gowa laka natei. ¹¹Na kabei mura ra ahala lolong nalingmaholang de nawei ubisara ma miyohama ho ko da dang oba ba gowa ge do.¹²Namang u ye huhung ni nuku nang mo yedi ned warai te nedi he ge yed warai. ¹³Ya gen awola lolong nuka hama de ma mi ubi sara ma mi yo hama oho nedi na hida gom mia. ¹⁴Ge wei oho mang ma yom ba goyab, ya ke nomu ra do bahe ya ne mi ne natei ne peke ne waka ya hot nowe Lahatala gi wewen warai e raba Yesus Kristuswarai.¹⁵Nuka de wer ya wei mi patal hoko towarai? Naw ba ge now nofu yang mikawit, yeng kawal ba ya boko ma nen donakal di ya yo uyala. ¹⁶To warai nuka wer na ga ten wei hoko ya gahuka takel warai?¹⁷Ama-ama weui oho midapa mai do yo tomu bage, do bahe ama gom beka. Ama ye tu ye weka oho ama gi gom utan ra yedi ya ama yap. ¹⁸Kul nuka do bahe ung he yaring bai sor bai golelang galalai ma nuka ie u gaba. ka uvan de na wei yap mia boya ge warai.¹⁹Ni wel nang, fung ge yed, oho do na wai wei hoko wita bana gi hifora ya hot kofa ofalai warai gena Yesus Kristus da yom mi da leke. ²⁰Na nom pan, wer hoko wai pa upu ni namou kawal u afenai te kir-kir manggip nap lai²¹U ne huhung, yed de Torat parenta wew mia, tawarai Torat gi parenta ya ka momai? ²²Torat mi bilen, Abrahal giwel lutai u aku: nuku gi kofa madal yo gayad nuku gi kofa ihi do gayad. ²³do bahe, wel de madal kofa da gayad oho ya hot da ahala gaten te gayad warai, wel de kofa ihi da gayat oho ya hotLahatala do ma gopakang warai.²⁴Geru kofa aku hoko ya hot lal aku warai yang u pakang yai. Nuku ya hot ta we ya ma Sinai buku gi lal, bo madal kan wel gayad ge do ganai Hagar. ²⁵Wer, Hagar da Sinai buku gi lal bo da Arab hi yaka mia, ya hot Yerusalem wermar warai bo gi wel nang gowa madal mi birang.²⁶Do bahe Yerusalem di mi gawatau oho ung kofa de do ihi do, ge oho do pi yai ihi. ²⁷Wom mikana da bilen, o ring bai o sor bay ow ed de awola a kofa bulaka, dekatalil tahel. o iyang o uma oi yed de owola ofa lai gi hida yaka gotomu go to hoka. Kofa onakal do wer iwer tew mi towang ya hot kofa de ketaigowa di ka go hama²⁸Ni nuku nang, ge yed hoko do wom wel de Isak warai. ²⁹Teng ge oho, wel de ama nuka gi uyala te gayad go tad tafurang yenang mab wer di ten daleke.³⁰0 Do bahe lolong naling buku akan gom mia da u tan to warai? "Madal kofa ma gi wel gowaoho ge siyei! Madal kofa gi wel da hoko u adul beka del go nuku beka. ³¹Oho do ni nuku nang, ped wei hoko pike madal kofa gi wel ra do bahe kofa ihi gi wel.

Lahatal Da Ama Nuka Nang Gohi Kita Go Abaha ¹Pi yang po petang mia bo Lahatal da togatan ma pi matei pi te urei pi ka hiyaka gi oho ge ya gal. ²Ned, nowe Paulus werhoko ya wai yang sumut uhe Lahatal oko ka gede³Ned hoko nowe Paulus, ama nuka de da pi mang Lahatal gi Hukum Torat ge ya gal. ⁴Pi towa rai gaten de Lahatal gi wom pi ye ge gal, u he toluku teng gama; laka tepei rui.⁵Do usep wen panen oho tomia pi golelang do usep nuka hama pi garua paka. ⁶Pimang Lahatal ded oho tang surat ka tang surat ped pi tam pi tatoko oho do naling maholang tawa senang selamat. ⁷Yi taki hoka udo feng yai, inodo wai yohapa? ⁸Dowe tomahi gare ka gamau oho gapi.⁹Kamuku tidaroko oho pi gaten mang muka ruang asal tedom oho tomimia. ¹⁰Da dom pan oya gom kiding oho daufan, ped hoko tom ten ama lia Lahatal oho ten tom mia inodo da taten pi kage gayal pa imon rai garupaka.¹¹Gare nimuku di afenai uang, ped hoko pi dara tang sura Lahatal gi lolong gi huhung katom mi, uhe atetarai pi dara garubang. ¹²Gare nami ya wawa, beka do dama di tom mia gi tenangtau.¹³Lahatal daya tolam tobasi, do baye ge oho kapun ponakal pi birang gal gowa, dobahe tedom tang sayang, temorong titau, selama pobirang, hiyaka hoko tau lol. ¹⁴Gare Lahatal gi sura parenta mia Hukum torat dayang migonuku dau hifa. Ama nuka hiyaka hoko tau oho tedom tang sayang tena tarana kami galeke kami gatal" ¹⁵Gare yaten ye kilikil, yahi yekalema yom mi mia, do usep ye beka lapi garu paka.Wen Panen Deda kari Gi OhonDe Daki ¹⁶Gare, nau ye huhung, ama nuka wen panen mima won nuka hama ten gom mia, oho ded oho takau baloko tafui, tohu hung to mateng to kilikil te hida oho dado gapita. ¹⁷Lahatal gi wewen oho deda kasuka kari gi gejagal kari gi oho Lahatal de da daki leng mode bed hoko papo senang. ¹⁸Kalau wen panen da do yowa, Hukum Torat dawai mo do ta.¹⁹Kasih gi kareang de beka ba gaten oho, tafui takau, tohuhung tomaten, kilikil hi hiera, tesang taboteng, ²⁰wei ugahi ate ugahi tang fayen tang kop, mitawala mitafakang, ²¹ama de gi kareyang geiye beka ba ukareyang, gimi nuku Surga afeng daka mimi.²²Ganei ama nuka de, Lahatal gi wewen ten gom mia, jegom, tang sayang, gonunuku go daka, katom, mimia. ²³Hihia dadama, teluluku temorong titau, Lahatal giwom ka ga pita. ²⁴Ama nuka ge Yesus Kristus gi serang gi fuhu umanai oho dayang inom dan dabirang untuk ped oho karnuku tido roko oho pima ate tanai uhiki.²⁵Gere ped de Lahatal gi wewen dotowa oho gopun do gaga neheng. ²⁶Piwai dei pi birang pi boki, pi kawasa pi bisa, tom mi mia, ta toko mi mia gena waiki po ge ya.

¹Ninuku ni afenei nang, amake pi gen da beka gaten he ama ge oho pi ugehuhung nuka, getetrang mode ama ka ahala gaten oho gi geyagal. ²Tewmorong titau togatela togama ohodo Yesus Kristus gi parentahbo pi mang geyagal.³Dobahe amake da ufan ded teu minuka ung he ama ge oho do da tang halang. ⁴Mai pi utohuka pi gaten gafup ba mia gena lei bo da gerui girupa sai ma ama afenei goyema. ⁵Dobahe ama nuka oho pi tara pi ahala tiwang bana.⁶Lahatal gi lolong nuka hama da tena tarana mode nuka ba pi gaten . ⁷Dei tang halang ama leya Lahatal pi ka go kikira, naba pi golelang ge ba pi gotohoka. ⁸Ama de mang kilikil hida iye beka ba da golelang unghe ge ba pi gotohoka gotomu.⁹Pi dei moleng ten nuka ba pi gaten gena gi hoka mai uhid. ¹⁰Oho do pi teng mi garohai mai pofalupu nuka ba gaten ma ama nuka faring hoko mi go hama.¹¹Yei mi gerui bilen - kawar leya de na wei na tang pun bilen ma yang tau mu. ¹²Ama de ginuka utufa ma tewaka mi gohama te databoho sunat, ama de ge oho mi gaten dei gang asara Yesus gi geyagal. ¹³Amanuka Lahatal gi parenta mi towang pi Lahatal geyagal mode ama faring da u senang.¹⁴Weka ari da ka u dahokang falupu oho Lahatal Yesus gi nuka do, ¹⁵sunat ka sunat gi go gamu oho falupu pi laka - pi natei, lolong - huhung nuka hama. ¹⁶Amanuka falupu ama leya Lahatal gi parenta ba geyagal gi nuka gi hama da tena tarana da gen ped hoko gi amanuka.Ama nuka falupu ama leya Lahatal gi parenta ba geyagal gi nuka - gi hama, da tena - tarana Da gen ped hoko gi amanuka. ¹⁷Oho do amanuka dei rupasai gaten yahot na hoka mai Yesus gi gaboho gi gatan. ¹⁸Ni nuku - ni afenai Yesus Kristus Gi nuka - Gi hama Gi wen - panen do goa ten do yowa laka natei

(Salam dari Paulus dan Timotius) ¹Dari Paulus dan Timotius, hamba Yesus Kristus, kepada semua orang kudus dalam Kristus Yesus yang ada di Filipi dan kepada para penilik jemaat serta majelis jemaat : ²Anugerah dan damai sejahtera dari Allah, Bapa kita, dan Tuhan Yesus Kristus menyertai kamu! Ucapan Syukur dan Doa Paulus untuk Jemaat di Kota FilipiPAULUS DA DOM GATELA LAHATAL GI NUKA UFAN TAN OYA SERANG FUHU DE FILIFI EFANG MIA ³Ya gewarai nom yang ufan , na lahatal ginuka ufan ⁴Na yang tau mi nom gatela , na nom gatelau u nuka u hama ⁵Hama-hama kareang injil ubisara ahola mai gena wer hoko do uwai. ⁶Nom hia war Lahatal gi kareang nuka ma Yanai hama mia, De di baif dou yang u kafur ma Yesus Kristus gi ugamu.⁷Yang gi go gamu , yo falufu do nom mia . Hot na bui gom mia na yi tau na yang tau Injil u pahe balai , mai de po falufu Lahatal gi nuka ukareang. ⁸Lahatal oho ni ama lea, lahatal gi gom mia yo falupung na ye dom.⁹Hoko nom hia war , lahatal gi nuka-nuka , gi kir-kir lea ten do mi fula; ¹⁰Gena gi nuka oho ya wi mai , mode yom oho da ka ahala gena Kristus gi uru ugamu , yom oho do ihi nuka do gom wia; ¹¹Oya Kristus esus gal wai mode pa lahatal ganei mi gatela.¹²Ni nuku- ni ama, na uyala ya yo gen nado nodaleke hoko ge injil gi ka ba wi gatela, ¹³Ge oho do istana gi fufukang wai ama afenai do gen na bui wi wai Kirstus gi geyagal. ¹⁴Ge hama mi nuku Lahatal gom mia na bui gom mi wai oho Lahatal gi kareang , wer hoko na wai ka u mura Lahatal gi lolong ubisara .¹⁵Dofeng , ama aka Kristus ganei ufan oho ama dom beka mang to sal-sal, doba he ke u ama dom nuka mi u kareang . ¹⁶Ama te dom gare ama gi nuka gaten , ama dom ge na hoko mia oho na Injil gi tau. ¹⁷Wer do beka nang , ama kareang mang di te dogal ka dom kafura , ama gi kir-kir oho tau beka de na dara oya bui gom mia.¹⁸He gi ihi nau? gi ihi oho nado a gaten de mang usep , hahalang , Kristus gamei aufan , he oho u na u ia u kadon yai. ¹⁹Oh na no gen , tal upu do yom kiding ba wia mar Keristus gi wen panen do ye dom , nado u mo daleke oho do nang tau nea mi.²⁰Ni nom urumai oho nakul usep ka maniang oko gen. doba he , na ka mi funa ba gen de Kristus oho deo hota wer hoko gina wai lei, gom mi gatela do birang he imon do gom mia. ²¹Ne mi nom oho , birang oho Kristus imon oho go nunukai.²²Doba he na newaka foko hoko mi birang , oho u na kareang gi ihi gen , doba, yotow ba uwai na ka gen. ²³Na ie oko hama mia . ²⁴Doba he ,ed hoko gi mi nuka oho nowe i birang mia.²⁵Nom kiding wer hoko , na gen de na hama- hama yawa gena gi uru wai gi ia kadom di rurumai gom mia. ²⁶De na wai nawai ap, oho u Lahatal gi gom mia i lea wau ufan . TOM NUKU TEN U KAREANG ²⁷Ohowerai doba, Injil Kristus gi gom mi birang de na mai na o tomu, de na ka mai, na no gen ohen uen panen gom mi natei , kir-kir u nuku , te hama- ham tom tafura ma Injil mi kariang .²⁸Dei goyapeng ama gaten o mumura , oho u nan de gaten ama mi tatara , doba he hila lai wang lai do oa , oho di lahatal ba mi hoko. ²⁹oho do Kristus gom mia da ia nuka en , ka gom mia donakal doba he gom mi hida madin hi goa . ³⁰oho do i'uai de a goterang do nedi bai gaterang , gen wer hoko a uyepeng na ten gaterang.

KIR - KIR YA HOT KRISTUS ¹Gare pi Kristus gom miatewaka nuka de ia kadon go nuku go aka wen panen mia tedom ka te alama hili, tom te sorai ²yom nuku kir - kir nuku de ni nahi da u mayahang, yena yarana go nuku go aka ewn panen mia gi gogamu nuka.³Dei nan ke gaten ka kir - kir ge galul, i ahokang de ihi ke gowa ra u dei. Teu mi nuka he ufan ama afenai do mi nuka ⁴Dei tatara yi birang ba u kir - kir, dobahe pi afenai gi birang di bai⁵Goyepeng kir - kir hoko yanai hama mia, ya hot Yesus Kristus ba warai, de Lahatal gi rupa pun, dobahe da ka datela mira Lahatal gohama. ⁶Lahatal gi gom mimia oho ten gopun. ⁷Giminuka he, Da di dewaka gaten yahot nan ke ka goa Da dang gaten yahot madal warai mode amanuka gohama. ⁸Ge Girupa amanuka warai ohodo Da doluku gena Da imon, kul salib tau imon.⁹Ge ohodo Lahatal da teu ugatela, lai bo ganei magena ganei de hiyaka fulang fal upu gen. ¹⁰Mode ge ganei Yesus oho falupu te buku nati, hiaka hoko tau wai ma hiaka ge weu mia, ¹¹talib oho ufan Yesus Kristus oho do Lahatal ge, gimang warai leya falaka.LAHATAL DA YANG MI KAREANG ¹²Oho do ni nuku - ni afenai mang towarai de ya geyagal mi kana, tew - tew wer na ka hota. I nuka I hama ukareang mura te farot. ¹³Mode Lahatal da tom mi kareang mode pi nuka ba uyala, wai u kareang nau do tom gaten rumai tom gowa nuka hama.¹⁴Nan karnuku golelang galalai ka ukilikil dei ukadon ukamaku ¹⁵mode ya ka ahala yahot Lahatal gi kan de ka ahala dei ama de gom dalikil ganai hama mia, mode gi laka oho da hiaka hoko ufalaka. ¹⁶Lahatal gi gamow kawal bibirang gopun rumai, mode ya uru de Kristus gi mia he na ge feteng na ka taki.¹⁷Ned ama na wel yahot persembahan korban gi gawatau lai he i om kiding mi u kareang, falupu pi tom umayahang. ¹⁸Yedi bai, yi mob kalang dohama, yom u rumai wai urumai yo hama - hama.PAULUS DA TIMOTIUS EPATRODITUS GABOHO ¹⁹Tuhan Yesus gom mia na ufan de hanokai Timotius gaboho yap gede. ²⁰Ya hot ned ama afenai ka noa de Ded warai, bo gom kafura gatoko kafura yi nuka ubalenta. ²¹Ama afenai ama di kareang ba golelang, Yesus Kristus gi da gogaba.²²Yedi ya gen Timotius yang kareang gena hoko, de da nowa kareang towarai de Lahatal go gamow kawal ya hot wel da ma gimang gena. ²³Oho do na uyehuhung na gaboho yap mi ya, ²⁴na Tuhan mi rumai nonakal di he na yap hoka.²⁵Ge oho do na ukir - kir kul usep Epafroditus gaboho yap gade, dedibai ni nuku de niel kareang do, wai ama de pakang pun ya yap do. ²⁶Ge oho do ded gom tew u sorai hanokai yap mode yo gen ded ka gafia. ²⁷Usep, ded gafia ra he imon doba he Lahatal da di tedom magen - dobahe nedi bai mode ama gom dei uhiki.²⁸Oho do na tew uyala gaboho da wai yap gade mode yom umayahang ya yang gerui yai. ²⁹Epafroditus go nunuka Lahatal gom mia. ³⁰Oho do Lahatal gi kareang hoko ra he da imon, da danohong da dawai ma geben nau ba ya ma a gowa de umanai.

KRISTUS DO GEDE ¹Lai bO ninuku niefanei, Tuhan gigom ba mi tahokang mi tafuma, nau ba awola na bile ye taboho oho na ten ye taboho ka unanati ge oho do ten do yowa do yap. ²Kui - kui oho yo ge yeyerang ama de beka ahala gagaten oho yo ge yeyerang amanuka de gi foka da sunat oho ge yerang. ³Ped oho do amanuka sunat geng kafura, Lahatal gi wewen po luku gohama Yesus Kristus, lai he pi tom kiding ka hiyaka gi upan urumai ufeteng.⁴Ned gi go kafura oho na yang nuku urumai dobahe ohoh hiaka gido, amanuka afenai de kir - kir ufan nuku ufeteng dobahe gotorui de gtewaka foka gido ned u tew mi tau: ⁵Ned uru gi mi tidaroko bo nang sunat, Israel amanuka geng kafura aramang Benyamin, ama Ibrani de Ibrani lolong torat parenta gegalul he ned hoko farisi amanuka.⁶Ni uyala unahokang oho amanuka gabeka gahal lai he iye dofeng de parenta torat mia na ka nogapita. ⁷Dobahe falupu de rupa - rupa de awola na u senang wer hoko na galeke he ka nawala nuka, Kristus go yoma.⁸Usep rupa karnuku oho yahot kalaba na ma Yesus Kristus ni Lahatal gi go yoma, nau karnuku Ge gi mi lea, ge Kristus falupu nap dorai, falupu oho na goyoma he ya hot aloho ba gohama, mode na wai Kristus ba gap. ⁹Na Kristus gotomu ka ufan de ned hoko ama feng de ni newaka mia hoko ra, dobahe parenta torat gi gom mia ra dobahe ni nom kafura ma Kristus oho do ie kafura Lahatal ni nom kiding mia. ¹⁰Mode na no gen gi wewen birang gi gogagamu ya hot Ded warai imon wai mi dahihi. ¹¹Gi gogagamu na imin wai mi nahihi birang garupaka.SORGA GI TOGAMU GANG YAP WAI ¹²Ke ufan de na gen yang mikana ra, dobahe na uyehuhung mode yo gen yahot Kristus Yesus da napun. ¹³Ni nuku ni afenai, na ka geleke ufan yed oho na yapun yai dobahe ie nuku na gaten oho utayofong dobahe ie nuku na mi galul gaten, nado namol gareng oho na utayofong, wer hoko nado naho gareng wai hoko ba na tau rui. ¹⁴Natei laka gena ni nom ururumai oho na gopun, sorga Lahatal Yesu Kristus gi gom mia.¹⁵Mai pofalupu poi kir - kir go nuku gang kafur ohowarai ra de ya ka kir - kir ge warai, Lahatal da mi di wewen mang petang uyehung. ¹⁶Gi gogamu oho mai pi birang de gen garupaka hoko gopun.¹⁷Ni nuku ni afenai ni hoko ba geyagal nuka - nuka amanuka de kafura ba gegalul niyed warai. ¹⁸Amanuka de salib Kristus gang bebeka oho towang, ge wei oho awola po mia na yang u yehung, wer hoko di na ten uyehung uyawowa neng hinow u hia. ¹⁹Birang weka uru he imon rai garupaka, ama gi Lahatal oho ge gatoko ba utayan, ama gi udadahokang oho towa maniang, ama gi kir - kir oho ge hiaka gi ba u kir -kir.²⁰Doba ped hoko pi afeng ir sorga, ge oho ge tahokang ge tafuma, Tuhan Yesus Kristus birang ir gagarohai gogalel. ²¹weka ari he pi tewaka foka de hiaka gi hoko da u afenai tan ma gi gewaka naling maholang goyoma go hili, giwewen Kristus weka ari he falupu ge ba go luku.

MI U TTOHUHUNG DE PI TOM NUKU KIR - KIR NUKU ¹Gedo ni nuku - ni afenai de na tew ge nom pi nuka pi hama mai pi natei Lahatal ten do tom mia. ²Na mi ufan Eudia e Sentike yel yom go nuku Lahatal ba geyagal. ³Na mi tenai ni nuku ni afenai nang mai pi kofa nang ge morong, ama ded ama yang noa kareang luang yai. Ge Injil gom ba ama u kareang. Wai Klemos gi nuku gi afenai di dibai gewarai oho do ama ganei nang mi gom mia.⁴Lahatal da ten do towa oho do pi ten nuka hama ba gen gotohoka. ⁵Om naling maholang Yahudi amanuka towang do gen. ⁶Dei funa naba a gotohoka nan karnuku de om mi mar oho ma ama lea Lahatal gatang mia. ⁷Tom nuku tatoko nuku pi ma Lahatal ba gatang mia mode da diwel Yesus Kristus gaboho tofokan tolela.⁸Oho do ni dika ni balai falupu do kafura nuka hama ba ukir - kir. ⁹Nado a nap mi u sakolah a mi a uyepeng a gerui falupu ukareang Lahatal gi iye nuka do mia.¹³¹⁰Ned nom Lahatal gang mia ge wer hoko ohodo ya mima gen yom teu gang mia . Doba he, ya ka gang yap de gotar - gotayan. ¹¹Na ufan wer hoko na ke kurang kalaba ra, foka gi kila gom mia dobahe na u sakola yai. ¹²Na gen nau do gofoka doba he nedi na gen nado mikul - mibes nan karnuku gom oho na gen nogen nedi bai he na yang gen nado pi ugagaun ma pi birang hoko seng dara towang e raba seng ra. Nan karnuku gaten gafuk oho yi hifora manena ya hot gom mia oho na ma gen da gatela ya hot ded warai.¹⁴Doba he ya yang nuka hama ba gaten oho yi hifora ba ya ma nabang tau yoma. ¹⁵Yedi ya gaten Piplipi amanuka ohodo mang dotu Injil gen gena afeng Makedonia amanuka de ge oho mia ama ge gi hifora manena, yahot gom mia oho na ma gen da ge lela yahot ted warai. ¹⁶Gedo Tesalonika afeng mia oho ya nang taboho de ni nom upapan ugareng ke minuku ra doba he mi towan mi towang mayang. ¹⁷Na ka ni nom upapan ba yap ra dobahe na gi ihi lea ba yap.¹⁸Nedi bai ama yang nang uwau ufan mi galehel, ne di bai na rupa towang mi yai oho yowede taboho ma Epafroditus gen, yahot oho do yom kafura gegalul Lahatal gi gamu. ¹⁹Lahatal da do yowa bo da di nuka gatela mani tow mia ni tenang taw. ²⁰Lahatal gi nuka gi hama ten do nowa wai lei do geya. Usep.²¹Na mi gotai - gofana giserang - gi fuhu ugehuhung mai pi Yesus Kristus ba gi geyagal. ²²Amanuka de gotad gotayan dofalupu gotar gotayan. ²³Gi nuka gi hama ma ni tow mia ni tenang tau wer uru hoko gena wai lei po geya. Usep.

PAULUS GI GAMOW TABOHO ¹Paulus gom, oya ma Yesus Kristus gi geyayagal Lahatal do gi uyala, lai he oya ma gi nuku Timotius gom mia. ²Ma oya ama gom nuka lai he nuka - hama de oma lea gom mikareang oya ma Klose mia. PAULUS GI GOM KIDING MAR ³Lahatal , Kristus Yesus gom mia na yenai na nom mi gatela,⁴Yi yom kiding wai yi tedom de ma oya amanuka gom mia oho Yesus kristus gom mia nia mi uyepeng yai. ⁵Yi yom kiding wai yi tedom oho hota do Sorga gom mia. ⁶Injil oho ohid yai ma oya hiaka mi gaupu yai lai he Injil oho ten he mi ka mi kaful,ya hot nado yodaleke warai,oya uru de ya uyepeng ya u gen Lahatal gi anugra feng gom mia.⁷Wer hoko ya Epafras gi u sakolah yai, pa mi tom nuku, de Kristus gi gom nuka mi kareang. ⁸Dowe yang gi tedom gi wen panen ma u tetufa.⁹Oho do, wer hoko nia uyepeng, nia ke u el niom gatela ma yang tau yoma, niedi bai ke u el Lahatal ge fana de yi gen yi uyala ma oya gi pin gen e wen panen gom mia. ¹⁰Oho do, ya nuka - nuka Lahatal gi geng fata ba mi birang, gom mi ia kadon,upu nuka ma gi kareang nuka midaleke lae he kaful ma gi pin gen gom mia.¹¹Mode gi ia kadon, taneheng tarana gom mia Gi do owa mode a wai birang u gowa. ¹²Pimang do yang tang gatan bo pi gi nuka ufan oho gi gegalul de ei yoma mi oya ama di naling maholang falaka gom mia.¹³Beka gi uyala da tap mi gogatan yai, wer hoko da ma ie nuka ba mi te gatan. ¹⁴Gi gom mia,da temanai, pi beka ahala umanai.FALUPU KRISTUS DO MI KA MI LAI ¹⁵Ded oho Lahatal de ka daleke ganohong, falupu hiaka tau mi gaten gahup hoko dowe mi balai. ¹⁶Oho do ded mia falupu den sorga e hiaka gi gaten gahup, nan de doleke, ka gileke, ler, gapukui, parenta gi gom mia. Falupu Da yang u gaten u gahup. ¹⁷Ded oho awola mai hota yai, Ded mia falupu hama - hama gom mia.¹⁸Ded oho serang fuhu gapukui. Ded oho do awola ba mi mai, imon ya nang goa galeke Doe mi balai. Mode nan karnuku dowe mi gi dotu. ¹⁹Lahatal gi uyala pofalupu gom mi mia. ²⁰Ded mia, falupu da to akeng gamu, do hiaka mia do sorga mia, Da gi we ma salib mi to akeng gamu.²¹Asing a mi onanakal, i kir - kir oho Lahatal do ge kafuka,lai he beka nang ba a gaten. ²²Wer hoko Kristus da gi gop gatoko da u imon ma pi akeng ahala ugamu ma kafura gom gena lai he ka awang tayang ma lahatal geng fata tau. ²³Gare, mai pa gom nuka gi gom mia, mode Injil gom de pa uyepeng ka nuku da dador gamu, de da ma falupu fulang wew mia de da yang gaten gahup oho mi gen yai, gi ugamu oho Paulus gigagaboho.²⁴Wer hoko na hida madin gom mia doba he na u nahokang u nafuma falupu yi ugamu, nom natoko mia hoko na yi kalaba utau ma Kristus gi hida gi madin u gowa, ge Ded oho nea serang fuhu mia. ²⁵Na nang ma Lahatal gi arang fuhu mi kareang de Da ma nen ma do yoa de na Lahatal gi gamow kawal na usesep ubisara. ²⁶Hoko nom ganei mia tung - malalang migapita, doba he wer hoko yang ma ama nuka hama mi gowa. ²⁷Lahatal do uyepeng boge, Lahatal gi leya gi kawasa de da ma hiaka hoko tau yoma.²⁸Na Ganei ufan, na yotai - yofana, na yowa sakolah ni hikmat pun de pa topun Kristus gom mia. ²⁹Oho do, na u hida u madin, na gi leya mi kareang mode da ten nom natoko mi kareang.

¹Ni uyala ya yo gen, ya hot tew mi hifora na yang golelang yai tan ma mi yohama lai he tan ma ama de oya Laodekia gena ama de dara ka no tomu. ²Ni uyala u mode ama gom gowa nuka hama mi gonunuku teng gen, mode ama ti mia ti haka kir - kir nuku, lolong nuku Lahatal Yesus Ge donakal. ³Falupu kawasa bisa, mitowang mang pogen, dobahe falupu oho ge gi gom ba mia.⁴Gehoko na uyehung, mode amanuka da dei yang akal gafin lolong de ya uyepeng he mang nan ganei ruang. ⁵Gare ni newaka foka wer wei hoko da ka donowa, dobahe wen panenten do nowa, itigagal - om kafura oho na u senang.KRISTUS YESUS TEN GEYAGAL ⁶Gare ya yang Yesus Kristus Gi gom mia, ya hot ya Lahatal ten ge Ded ba gom mi birang. ⁷Tarubang hiya ilikang rumai om ganeheng I ewaka foka ma ge Ded gogaboho gohili.⁸Yeyerang, mode ama nuku di dei yang hahalang, gi pingen lolong leya iye u tauupu. Ama nuka de wewen hiaka hoko ba gi, ka Kristus gi ba ge galul oho da yang pawal golelang. ⁹Ge Gi gom ba ni tenang, birang de ya hot hiyaka gi.¹⁰Yed ung na ge Ded ba ten u mi birang, falupu parenta kawasa ge dowe pi tapukui. ¹¹Gi gom mia ama yang sunat, ke ufan de amanuka gatang ba pun ra, dobahe sunat de Kristus Da gaten oho yahot tewaka foka hiyaka gi beka ahala gaten. ¹²Babtisan gi gom mia yahot yed oho yang Kristus goa ama imon ganai mi yahihi natei, gowa yahihi hama - hama yom kafura gegalul mi ma Lahatal gi wewen do gaten ama imon genai mi tahihi.¹³Yahot awola yo imon, yi gaten gahup gahup ahala, sunat de gohama tewaka foka de ka sunat, i ahala da e goluhu, gi gamo gareng Lahatal Da aten de gowa birang gowa hama - hama. ¹⁴Pi sura utang tan ma parenta gi bukung de Lahatal mo ped da yangh gomi ta yoma salib go garei. PARENTA - PARENTA DE AMANUKA GI GATEN KA GEYAGAL ¹⁵Amanuku di ka goyepeng do da yang parenta.¹⁶Karai uhu, ra ba uru lea agama gi, uwa hifa gi utahokong, ra ba uru kobang. ¹⁷Falupu oho gi ganohong weka hoko gido, doba he gi ihi de dogede oho Kristus do.¹⁸Amanuka de hahalang, gom nuka gom hihiya, de malaikat ba goluku - go gaho gawai, amanuka gi ahala ka goyepeng, ama ded oho gaten de hiaka hoko ama gi kir - kir oho da do kafura. ama gi uyala he hiyaka gi de ama gen oho da teu mi feng. ¹⁹Ama de wer oho warai, da ka gi gapukui gi geyagal, gapukui oho gewaka foka falupu doe mi gopun mi galakang, foka ireng oho falupu da gonuku, falupu Lahatal da mi gaupu.²⁰Yesus ya yo gowa he ya yang hiyaka gi wewen ga imon yai, towarai te ya dara ya hot hiaka hoko gi parenta ge wew mia de ufan. ²¹Dei goparana, dei mi patal, dei gaboka. ²²Parenta - parenta hoka weka he da dorai, parenta oho gi ir ama nuka gi parenta ayarah ba gegalul. ²³Parenta - parenta de ge oho warai usep pi gotorui he nuka do mi tau, doba he ge nunuku mi ma gi gewaka gi gom de do gareng lai he pi tewaka gowa hida, doba he falupu oho gi nuka mang ka gowa, gi goyoma oho pi tewaka foka do.

Kristus Gom Mia Pi Birang Hifa Garupaka. ¹Kristus da yang mi ya tela natei yai, ung he Kristus gi ge yagal gawin gal de Lahatal gatang tanoi mimi, oho ba yap. ²Hiaka gi oho dei u kir-kir. ³Do wer ya hot, ya yang pa panau gom mia. Do bahe Kristus da yang u ya kulung ma Lahatal gi gom mia. ⁴Kristus oho do pi birang weka arai da dang tufa tapeng da towa wai leya falaka mi wai.⁵Gare hieka gi de tafui takau, ama go huhung, kari u gahi. ⁶Fal upu oho u kesa tapehe mi hoka. ⁷Awola yedi dara ge oho ba goa taka goa natei, golelang galalai do bahe. ⁸Wer hoko do fal upu yang kap. Tetafaka tetakua tegagaten tegagafup, tahi te kakalema. tetesang tata boyang.⁹Tanghahalang ya hot ya yang gogaba yoi. ¹⁰Yang wai yang hita gi tetapen ten u i ilai ma pi ir gi rupa ge galul. ¹¹Gi gom oho Yunani gi ama yang kake, Yahudi gi ama di yang kake, wai mang ama de yang surat, dara ka surat, bar-bar gi ama, skit gi ama, madal, gi adul e. Fal upu oho Kristus do yang mi teya mi loy.Po Fal Upu Birang Hifal Gal ¹²Gare ama nuka de Lahatal gi gom mia de yang naling maholang oho. Fal upu go nuku go aka, nuka hama, tamida mada. ¹³Mang nuka mang hama, tedadang, gewarai moko ke beka ahala gaten yahot Lahatala da tedom warai gare yedi bai ge warai ye yoyom. ¹⁴Teu mi lea oho.¹⁵Kristus gi nuka hama gi teng tarang do yom miaya ohot ge oho gi gareng bo da yomaki de ganuku go aka di gi nuka ufan. ¹⁶Made Kristus gi gamau kawal di mi yaya lehel, Gi teng gi foma ya pun ama faring u ge u gang ayara, Go kari mang go peke irin mag ganei u tar u tayan, fal upu oho yom mi Lahatal gi nuka ba ufan. ¹⁷Nauba ya go lelang galai, wai ma gi lolong gi huhung gena gi kareang warai oho meng ge galul geten gatup Lahatal gi nuka ufanOhong Gom Gi Birang U Ga Hifa¹⁸Kofa-kofa nang ya lutai go luku go hola, ya hot Tuhan Yesus gi u yala ba ge galul. ¹⁹Lutai-lutai nang yi kofa ge yom te, ge ama ge kilikil. ²⁰Wel kal nang yi yai yi mang gi lolong huhu yahang oh u yepeng te ge oho do Tuhan Yesus ga hi ma. ²¹Lutai-lutai nang dei wel kal ge kilikil hida mode ama gi momoi dei tama.²²Madal-madal nang yi adul go luku go hola ge yagal gawin gal ke ufan de ya we garai de ama do yen ra, we raba ama gahi do u ma ya hang na do bahe, o sesep yom kiding mi mar. Ge oho do Tuhan Yesus gi uyala. ²³Nau ba ya u kareang oho o sesep yom kiding mi mar, oho ya hat Tuhan Yesus gi ba u kareang dei ka ama nuka ge kareang warai. ²⁴Yedi ya gen yai, ya hot Tuhan Yesus ge yagal gawinggal oho u gi ihi oho Nuka hama gena osang palang uwaida ma tena ya hot ya Tuhan Yesus ba gang ba u balenta. ²⁵Ama nuka de beka ahala ba gaten gafup oho u gi ihi di beka ahala ba da gen garupaka.

¹Ama nuka ateng-ahang gateng gahup tan ma, ama hi hia dama mi go hama garui, kafura-kafura te. miya wa tau dara hota! Lahatal.Nau-Nau ba Pi Golelang ²Lahatal gang fana gi muka gi hama ufan atau ka do hihiki. ³Ama di gang tau sembahyang mode Lahatal da iye nuka hama gatakal. ⁴Ya tening nang tau doa mode nau ba na ufan utau do eke laka⁵Ama nuka de kapokan hama he age galeke nuka-nuka te. ⁶Ilolong ilaka oho te do dom do u lit te, mode nau ba ama ufan he a ugawai⁷Tikhikus nauba da gen gotamu moko da u yo bisara. ded wei oho ni tenggen, niel Lahatal gi tei mi kareang. ⁸Na gabohonyap gede, mode mau ba na u gapakang dama u yehuhung (u yobisara). ⁹Ded oho niou gabaho, Onisimus del da ya naihama mia deda pi gagal. Nau do oho mi da leke moko ama uyo bisara.¹⁰Ni nuku Aristarkhus, niel penjara mia nang salam markus wel koka Barnabas, ge ded bo ya ya ama gen, ireng te ama hoka ama garina. ¹¹Salam Yesus gomaki Yesus din i ireng oho do sunat. ama gang hibur.¹²Eopafras oho gi nuku, Lahatal gitei mi kareang di ge salam ta boho mi ohama. Da tening ama gang tau gumul doa ma mi yo hama de ya yo nakal natei yom ten ing Lahatal mi rumai. ¹³Na tening ama ge tapeng mang tawarai susa rasa toang gen garupaka ma mi yo hama, ma ama de oya Laudikia / Hierapolis. ¹⁴Lukas nom gan upan, naine Demas e salam tabobo.¹⁵Salam hoko ma niafenai oya Laudikia, nimta lai he jemaat de di ayahang mia nang. ¹⁶Sura nuko gi gom ya yang gen momai nang. ¹⁷Arkhipus uge huhung mode yi tugas oho tetap dolaka.¹⁸Nou Paulus wei oho ni salam na natang ba pun bilen. ama nang belenggu Lahatal gi nuka hama, birang boki dotoa.

Filemon Mi Gotai ¹Paulus Yesus Kristus ganei u bisara bo ama ma spir ba mia, gi nuku gi afenai Timotius Filemon, ²apfia Arkipus wai ma gi serang gi fuhu gowa da ama mi gotai mi gawawa. ³Lahatal Yesus gi nuka gi hama, gi feng gi foma do towa.Lahatal Gi NUku Ufan ⁴Na nom gatela na Lahatal gi nuka ufan. ⁵Ya hot yi yom kiding wai ma serang fuhu yo fal upu oho ya osesep Lahatal Yesus ba ge yagal gawin gal. ⁶Na nom gatela na Tuhan Yesus uge huhung, mode pi tom nu nuku wei hoko da ten do rumai do feteng. Gi gogamu oho Tuhan Yesus gi nuka gi hama gi birang gi boki oho ten do tohi bohi. ⁷Ya Lahatal Yesus gamau kawal ubi sara ule hara bo serang fuhu do u nuka do u hama oho do nohi do u mayahang.Paulus Da Onisimus Gom Ge Hia ⁸Na osesep Kristus gi gaga boho na u e huhung u e mateng. ⁹Do bahe om nuka hama bo na ed ba aboho, ned hoko yahot Lahatala Yesus gi goreng bo naspir ba gom mia gena nayang na u kalta.¹⁰Ni wel Onesimus gi goreng oho nom ed ba oramai. ¹¹A wola ka a wala nuka, do bahe wer hoko tom yong gorumai. ¹²Na ge nom beka oho do na ga boho ap hoka. ¹³No ge maki mode da no fukang te bage, dower ya hot Injil gi gareng bo nawei spir ba mimi hoko.¹⁴Do bahe wer pel ka u tom nuku ra bo dei, mode nuka hama de awei gaten gafup oho kul do osesep om ba mi mar ke ama do ke aboho ra. ¹⁵Moo ge o ho gi gareng bo da ka ap ia mi kabei do bahe wer hoko ayang ogawa gena wailei pa do geya, ¹⁶Ni nom mi mar oho, wei oho yang ke i madal ra do bahe Tuhan Yesus gi gom mia oho yel yang mang mod mang aur, towarai bo wai ed, oho ung mang tew.¹⁷Gare a ufan ned hoko kil i afenai do he, Onesimus oho ge lela ya not a ned ba ne lela warai. ¹⁸Ge warai da beka ahala ke gaten gafuk ung he ma ned ba nang tau yema nang u wai. ¹⁹Nowe Paulus na natang ba pun sura bilen, fal upu oho na uwau utaleu yahot ge ohodo i birang. ²⁰Ni nuku, ten ono tai nofana mode nom hoko do rumai do feteng.²¹Ya hot pel tom to rurumai, na e sura bilen wei hoko na en yai, om oho teu nuka. ²²Ohong nuku ne gogahaka , ya hot awei ten nang yau sembayang oho, da mi no a behe, gi go gamu oho moko ama yang nogatan bageTa wowa Gi Uga Hiful ²³Ni nuku Epafras niyel spir ba mia da mi otai ofara wai. ²⁴Markus, aristarkhus, Demas, Lukas da ufan. ²⁵Lahatal gi nuka hama, gi ten gi terang mi ma yi tow mia yi tenang tau

SIMON PETRUS DA MI TAWOWA ¹Simon Petrus, ma ateng - ateng mi ma gi afenai nang gowa ya hot Yesus Kristus ama de usesep iye nuka ukareyang. Ama leya Lahatal do gowa mi ma Yesus Kristus do dang gowa. ²Falupu de pi golelang oho tom kafura tatoko kafura mode Lahatal mi ma Tuhan Yesus da gi nuka ufan.AMANUKA DE LAHATAL DA GOMAKI, DA AMA GANG MI UWAI ³Ded gi nuka - gi hama, gi birang - gi boki, gi leya - gi falaka da mi ma amanuka de da gomaki de mi uwai - mi kanap, gowita - gobana mi ma gamol uhili gabang tau yoma ama leya Lahatal gi nuka oho ufan utau. ⁴Gi tapakang - Gi tayahang da ma tabang tau yoma oho pi mi gopun do rurumai mode giminuku teteng tofirakang de wei hiyaka hoko tau pa ka gom mia.⁵Ge oho gi ukareang oho pi usesep tom garumai mi ma tom tatoko naling maholang mia. ⁶Kir - kir nuka manggrip nuka mi ma tom tatoko mi taroko mi binen tom naling - tatoko naling, golelang - galalai. ⁷Tom naling - tatoko naling mi ma gonuku - go aka ka pi tewaka donakal gede, doba he falupu hoko mang gede reuang.⁸Ge oho do falupu hoko pi ukareang oya tom kiding ba mi golelang galalai mode tom rumai - tatoko rumai. Pi ka ukira - ka u alou, ka u heher - ka u kokoi mode ihi gowa - fuma tau ama leya Lahatal mi ma pi nana Yesus Kristus do gowa. ⁹Ama de falupu oho ka gom mia da ka kawal nuku gopun ama de geng beka gawei palaka bo falupu da utayofong de da ufan gi ahala Lahatal da ulam yai.¹⁰Ge oho do ni nuku ni afenai nang pi usesep kareang mode ped di do usep da tomaki pedi da tang miuawai, ped di pi golelang nuka hama pi ka muhiya. ¹¹Ra po di ra surga gi kil da gofakal leya - leya Yesus Kristus da towa ohong mi way senang slamat pi garupaka.¹²Ge oho do na ten uyehuhung falupu de ya gotomu nan de ya yo gen de ya ten migatela iye nuka de ya ten gopuna. ¹³Na dara hiyaka hoko tau na ten yaboho mode ya yo ge yerang. ¹⁴Na yang gen mang pu ufan he na yang ka yowa hiyaka hoko mia ama yang unetufa pimang Lahatal Kristus Yesus. ¹⁵Ned oho na towarai gaten de ya ten ge yerang gena na nolaka.TENG RUI KRISTUS MI GATELA ¹⁶Ne niyed nan de ka gede oho pun utatal gena ama leya lahatal migatela gena Lahatal Yesus Kristus gi geng gi gawey nia gen oho. ¹⁷Hot Yesus da pi pangkat danei mi ma pimang Lahatal ma gen Ed hoko moko a ler. Ni pangkat ni wen ni panen falupu na ma atang mia ke wer hoko ra gena wai ley po geya. ¹⁸Niyedi ge oho niyang gowa ama gamou mira fulang ur mi hiya ufan gewarai.¹⁹Niyedi bai niya ufan lolong wom dobahe niya gotorui mai he ya hot pa nuka umanai falaka panau miya warai gena hoka mi akun he furfal hiya niyom mia. ²⁰Doba he ke wom ra, sura naling miya kalta nang ama ufan gewarai. ²¹Doba he ke wom de ama gom mi mar ra ama wei ubisara oho Lahatal giwewen da ama gom mi kareang bo ama ubisara - ulehara.

MOU POS GANG HUKUNG ¹Asing dara papanau ama de laka iye beka ubisara ma Lahatal gi ama nuka faring ugehuhung, wer di ama nuka de laka tata'un ama do bisara towarai de yang Lahatal mi rumai, hoko nang gi kir - kir yang ka Lahatal mia. ²Wer di gewarai faring moko da geyagal mang terui de Lahatal gi uyala oho dei ukana. ³Da u hanokai ufan iye yap mang towarai de gi lolong oho geyagal, dobahe ama de gewarai oho gi hukung asing ba yang hota.⁴Ama lea Lahatal da ufan malaikat do ahala gaten gahup di gi gea oho neraka, ⁵Nuh gi kofa giwel nang gowa din tidaroko oho do Lahatan mi ama ge dom, doba he mitowang mi faring mul mang dolai. ⁶Afeng Sodom he Gemora del ara hida mang do lai oho ya hot ma ute tufa warai mode weka - mar nang ama do ge derang.⁷Lahatal da hot goa do u nuka, do usep de da nuka hama ba gaten doba he amanuka de hida madin oho beka ba da gaten ga'fup, ⁸Lot da do gen da do mi may do u hida do u madin ya hot da ama ganai hama mia. Ama gi gaten da urui uwalel beka ruang ama gaten. ⁹Lahatal da ama go gatan ama de dofeng ka kari gi geyagal, doba he ama de beka gaten ari aku Yesus gi hoka mai mia da ama gang hukung.¹⁰Ama de tafui takau de parenta gi beka ufan da dahokang, ama tang halang da mura gi ma nuka ba gal ipa, ¹¹ya hot malaikat na ama teu mi gen ka ama gopupun yang ya Lahatal gaho gareng mia.¹²Amanuka de kui - kafiu warai de kir - kir ka gowa, oho gopun de fayen ya hot ama do ya de kol, ¹³amanuka de beka ahala gotohoka gi ihi di he beka ahala ba da gen uru tana ama ded oho do rupasai ba golelang. ¹⁴Ama gi kareang oho tafui takau, ama gamona galal mai ie beka ba ma ama u gaboho.¹⁵Ama ded ie nuka ama ka gal, ama gi uyala oho iye de gal oya Bilean bin Beor, ba gal falupu oho hiyaka gi rupasai ge oho mi. ¹⁶Doba he, keledai de lolong beka da mi gotai yahot amanuka gamaou kawal warai iye beka oho donuka ka gaten.¹⁷Amanuka de gi rupa iya geng de yang takat, tabekel de himor da gowa lia, papanau do ama gi geya. ¹⁸Lolong nuka hama ba da ubisara doba he gi ihi ka goa, oho yahot gaten de amanuka de da gobisara oho gaten ama gom do u nuka boge. ¹⁹Ama nuka de ama gopakang de ama gogatan doba he ama ded di he madal imon rai,²⁰Oho do, amanuka yang iye beka gaten hiyaka hoko gi de da gen Lahatal Yesus oho do pi gokarimang gapeke, doba he gi minuka mia Yesus Kristus Da wai hiyaka hoko ge dawai, ama de beka gaten gafuk oho tew mi towang beka. ²¹Tew minuka ama de kaya iye nuka mi gaten garup oho mang goyepeng da do golelang galalai yahot pi wai gowa iye nuka ba pi ma ugehung doba he sebang Lahatal gi parenta da ka gegalul migatan migahub. ²²Ama nuka de gi gaten ge oho warai yahot ama de mi pin gen, ya hot kui da wai dawai di i karai, lai he fe de ama gawela gahopa waimang dawai ma para mi kira warai.

YESUS DA WAY DAWAI BOGE ¹Ni nuku ni afenai, hoko sura gi mi aku ba na bilen, sura gi mi aku gi gom oho na gaten towarai de falupu pi po uterang. ²Mode ya yo uyerang nado da yang mi gaten ge oho da yang ufan yai, gi ge gatang Lahatal da tapakang tayahang ma gi gagaboho u gehung.³Ge uru hoko ya yo gen ari aku he ama iye beka gagaten da hoka gaten tahi kalema tom kikilikil oho pedi pi ahala. ⁴Ama moko tatan tapakang de Da hoka oho yatow mia? dower awola pi kuta pimang imon oho do ten dolaka gena wer hoko uway.⁵Ge oho do ama dang goa utayofong doba he disura naling da ufan fulang oho asing ba yang hota wai hiyaka hoko di bai iya tama di do gowa. ⁶Ge ia oho do da pun hiyaka hoko gaten alina. ⁷Doba he, sura naling gom ge do hiyaka fulang hoko wer hoko yang hota doba he ari aku hiyaka ugahiful he hiyaka hoko ama geya ama de beka gaten nang di ama hida lai.⁸Ni nuku ni afenai nang nau de yang daleke oho ka utayofong teng nuku yahot teng ribu nuku warai, teng ribu nuku yahot teng nuku warai. ⁹Lahatal oho de Da ka utayofong ra. Naba da u tehuhung ge ba da gal gaten, Ded oho dawai mang tamina ba ma u tetufa, Dedi bay da ka gaten de gi serang - gi fuhu imon rai. Doba he gi uyala he gi serang - gi fuhu oho mai de gi ba geyagal.¹⁰Uru de da hoka oho yahot ama takau warai hiyaka fulang hoko da ka gen, nau karnuku de fulang mia oho moko ara do karai mang do lai hiaka hoko di ara karai.¹¹Gare nau karnuku hoko da komong lai he moko pi birang hoko mang towarai ke ufan de pi birang yang dofeng yai Lahatal gi uyala. ¹²Pa Lahatal gi uru ba mang gagarohai, doba he Lahatal di Da yang farot hoka ge. ¹³Doba he Lahatal da yang tapakang pedi bay fulang hifa, hiyaka hifa ba pi garohai gare ama de nuka ukareang nang do mia boge.¹⁴Ni nuku - ni afenai nang, nan de pi garohai oho pedi he ten u kareang mode Lahatal da ten, pedi pi ke ahala ra, pedi pi ten Lahatal ba gap mia. ¹⁵Usep tom tamina oho Lahatal pi teng ugalowa mode pi nuka ba pi gen yahot Pulus warai ni nuku - ni afenai nang pi bilen oho nuka -nuka yahot Lahatal da u te tufa warai. ¹⁶Dedi bay nan karnuku sura naling gom oho ba da ubisara osep nan ke he ama dong tang hahalang mode pi po bode bage lai he pi iman do mu.¹⁷Ni nuku - ni afenai nang yayang gen ge yi beka oho ge do ped di mi teterang mode ped di dei way oe beka gal amanuka de ka parenta gen oho ama do gi iman gaten do kagen. ¹⁸May de pi Lahatal gom mi birang, pi gen pinana Yesus Kristus da do towa, wer hoko gena wai ley do geya. osep.

¹Oya Penatua genaya kalta kofa mima kannang di gowa miuwai mima nuka ukareyang dake amanuku ra dobahe ganei amanuka de nuka ukareyang. ²Nukahama de pi ukareyang oho ten tewaka mia gena waileipo geya. ³Inuka ihama ifeng ifoma ama leya Lahatal, Yesus Kristus ogowagena wailei po geya.POBIRANG DE NADO LAHATAL DA UFAN GEBA U KAREYANG ⁴Nedi uia ukadon oho, kan din iireng oho amanuka ba ukareyang de hot Lahatal da utehuhung oho. ⁵Wer hoko nawai ge yafana kalta kofa nang ke ufan parenta hifa ba na wai bilen yena ra dobahe parenta de asing pi gopun oho mode pi ten tedom tom nuku. ⁶Geohodo tedom, mo pi birang oho mode ama utehuhung geoho ba ten gommia.⁷Werhoko amanuka de moupos oho yang hiyaka hoko miya, ama ded oho Yesus Kristus oho ama dakileng ama ufan amanuka do gayad amaded oho Kristus dokan mang de takel. ⁸Geyeyerang mode naubapi ukareyang oho da ka dorei, mode gi ugawai oho falupu pi mi.⁹Amanuka de hiyaka hoko tau lol de Kristus gi parentah gommia, pimang di gommiaweldi gommia. ¹⁰Gare ama de hoka yo tawoi lol da ka parenta nuka wita hoka, dei genai yi ohong miwai mangka gobisara. ¹¹Amanuka de gewarei oho pi gowatenggen he moko pedi iye beka ba ukareyang.AWOWA GI UGAHIFUL ¹²Nantowang na bilen ma yena dobahe naka sura ibila akan tau taki oho gaten, gare na mang yap gade pimang ge talulmi pi taho togawai mang ubisara ulehara mode gi nuka gihama oho pi gen garupaka. ¹³I awur giwel de danggowa miuwai mikanap mitotai mi tawowa.