Botoki: Bible for Exodus

Formatted for Translators

©2022 Wycliffe Associates
Released under a Creative Commons Attribution-ShareAlike 4.0 International License.
Bible Text: The English Unlocked Literal Bible (ULB)
©2017 Wycliffe Associates
Available at https://bibleineverylanguage.org/translations
The English Unlocked Literal Bible is based on the unfoldingWord® Literal Text, CC BY-SA 4.0. The original work of the unfoldingWord® Literal Text is available at https://unfoldingword.bible/ult/.
The ULB is licensed under the Creative Commons Attribution-ShareAlike 4.0 International License.
Notes: English ULB Translation Notes
©2017 Wycliffe Associates
Available at https://bibleineverylanguage.org/translations
The English ULB Translation Notes is based on the unfoldingWord translationNotes, under CC BY-SA 4.0. The original unfoldingWord work is available at https://unfoldingword.bible/utn.
The ULB Notes is licensed under the Creative Commons Attribution-ShareAlike 4.0 International License.
To view a copy of the CC BY-SA 4.0 license visit http://creativecommons.org/licenses/by-sa/4.0/
Below is a human-readable summary of (and not a substitute for) the license.
You are free to:
The licensor cannot revoke these freedoms as long as you follow the license terms.
Under the following conditions:
Notices:
You do not have to comply with the license for elements of the material in the public domain or where your use is permitted by an applicable exception or limitation.
No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.

Exodus

Chapter 1

1 letaa baina ba bana ba bolome ba yisalaele, obadje go boi bo ejipito la yakobo mo lilongo la lisego li bot la boto; 2 lubeni, la simeona la lewi, la yuda, 3 yisakala la yebuluna, la benyamina; 4 dani, la nafatali, la gadi laa asele. 5 obabotame monda ye yakobo bembe nde bo batubu baito betuu bosambale, yosefe embende gio gee go ejipito pelo. 6 yosefe ogo angba, laa lisego lyande litshubu laa losasa loande lotshubu. 7 bana ba yisalaele bebotende la bo bangaa la opia angandju , la boi bobo bwangala la baito, 8 bokondi bwasina bobo boanena go ete ejipito, la ge ati lube yosefe. 9 geoho alubesa lisego liande go mbo: letaa bana ba yisalaele obaatonga geage baito baidje la bengae la opia oetesu. 10 la galo : djoi totongelei bo bweli gombo batongaa baidje, la mbo gimo gedjele ambo esu, basongane la baito abati moembesu balone laiso la mbo batshokima bwe boi. 11 la geoho aatelebo bekondi beosalisa bo besala; po djosela bo moete besala be looso. la po dje mo ndafwese bo iyula i pilotomi la lomasese, po yotongela fala ba masikini. v
13 la galo bobo baagotsha bana ba yisalaele goete bekobe angandju, 14 la galo bobo baasela bekolo biyabo be ligwa moete looso la besala bepia beotoba biliki la otola mbiti la besala beasina bepia be bilanga, la bagwa baasina byio bya djaa liolo la opia. 15 bokondi bo ejipito geogo aabegisa o babotisa bogali ba baito ba baebele, omoo goete abo betange nde ge sifala, la ono gasina la lina li pua, 16 geoho aabea abo gombo "gee geangobotiseu bogali ba baebele, engaa mbo boeni gombisa obotesa ge, ebota bona golome, lowei ge, engaa bona ogali, sidjei ge auhee." 17 lambo ababotisa bogali bebangende mungu la bati tongele ogalo abee bokondi bo ejipito; bobo baasidja bana batubu bauhee. 18 bokondi bo ejipito oho aata obabotisa lo liogi, la ko ebeya laabo gombo: po dje gi atongenu gai la boasidji bana ba bolome bauhee? 19 bogali aba botisalo boo babinogesela falo gombo: bogali ba baebele bati ambo bogali ba ejipito; bogali ba baebele bengae bapia, la bengae mobota bo laene pelo dje mbo ababotisalo baige. 20 mungu etonge nde olo gwangae bogali obabotisalo, la lisego lio liagologa laa bo bo bangaa baidje. 21 po dje mbo bogali ababotisalo bebange nde mungu, iongiaongia oho aapambola mbele djabo. 22 la galo falo oho apaa bobeko gongae lisego liande litubu: bana ba bolome batubu obangobotama boobasolindi bo goete badje, la boosidjindi bana ba bogali bauhee.
Chapter 2

1 golome omoo molisego li lewi geogo aosa gogali omoa mo basea ba lewi ambo bogali gaande. 2 ogo ogali geogo angaa la lieme geogo aabota bona golome omoa; la geogo aena gomgo embe nde bona golome bolo, la geogo aamama ge goete songe isaso. 3 atikoke ale goisa ge,geogo aosa gekologe bingi aagilitsha mbiti dji nele djiilo la keele, geogo aata bona goete gekolo, goete bingi bi ngonge ye lodje. 4 bwelo ga bona oga ogali geogo angaa go ngonga ye badje, po dje mbo alube loinandji loangigela bona. 5 bosea bo falo oho aasulugase go lodje po djoa goofula, bo la bainga bande bo baenda go ngongae lodje, geoho aena gekolo moete bingi moete lodje geoho aatoma bokobe bwande po djowa goosa gekolo giaho. 6 geoho aalipola, la geogo aena bona: moende bona golome ogambe molela. la geogo aowela ge ngandi, lako ebeya gembo: moende bona ga baebele ! 7 la galo boelo ga ogo bona ge agaabea la bosea bo falo mombo; bolembe mbo isiele age agangolomesa ogo bona moete bogali ba baebele, mombo alomese ono bona ? 8 keaa, bosea ga falo agabinogesela ge galo. la ogo bona gaogali aa goosa inango a ogo bona. 9 bosea bo falo agaabea laande mombo:tola ono bona, la lomeselemi ge; djefuta nde age salele djaago. ogo gogali ge agaosa bona la ge agaa lomesa ge. 10 gee age gologe ge, ge agaa laande gongale bosea bo falo, la ge angala po djaande ambo bona gaande ga golome, ge agafaa ge lina li MOSE, tina ye mo mbo: dje totole nde ge mo badje. 11 la gio gee, mose, agaa gologa, ge agaa go ngale bagolo la baoli bande, la ge agaena ogi ambe bagolo la baoli bande moena looso la besala.ge agaena galo atoba boto omoo ga ejipito etoba boto ga baebele mosisi dje bagolo abaoli bande. 12 aeteta atiene boto, goene ge nbo boto ati bagu ho, geagaa loa boto ga ejipito, la ge agaisa ge goete longongo. 13 gombise ho, ge agaa nena bwina bwasina; la letaa baito ba baebele baele bendengbana. ge aga bea la agatonge obe mombo: po dje gi atobage bogolo la boli bwago? 14 la ogo boto ge aga binogesela ge mombo: indi nasele age bokondji mbo bodje gosambesesu? boembande olwei ogalo aloe age boto ga ejipito? mose agaabanga, la ge agaa bea mombo: moende loongene loe loo loa lubana. 15 falo aaluba mbeo aietelo, ge agaa sila mose mbo aloe ge, la galo mose agakima ge agatotoga gongale falo, la ge agaa goongala go boi bo madiani; la ge agaa goemala go ngonge lishaa li badje. 16 kanga ye madiani embe nde la base bosambale. bo aba djaa gotoa badje, la bo abadjalesa bitoelo biabo bi badje po dje omoesa litonga li nama li ise abo. 17 bakengeli baiga, bo ababitsha bo. lagalo mose ge agaemala la ge agaselengana laabo; la ge aga mwesa litonga li nama badje. 18 gee gebinoge bo gongae luele, ise abo, ge aga bea laabo mombo: po ye gi abinogenu saga-saga laa bwina galo ? 19 bo aba eshela ge mbisa mombo: boto omoo ga ejipito ge ndauhesesu mo baago ba baito abakengela lo, la ge agatoelesu badje, aamwesa ambale litonga li nama lyaiso. 20 la ge aga bea la bosea bwande mombo: goni angale ge? po ye gi asidjenu ogo boto? tei ge liogi, po dje mbo aose ndambo dje bia biola. 21 Mose ge agaangala gongale ogo boto, ge agaafaa ge bosea bwande sepola mombo angale bogali gaande. 22 ge agaa bota bona golome; la ge aga taa ge lina gelesome la ge aga bea mombo, emi djengale bogenda mo boi bwasina. 23 gee gesa gombisa, bokondi bo ejipito ge agaangba, la bana ba yisalaele bo abasusuna goete bokobe, la bembe nde mota babile la olela. la beende byabo biaiga gongale iongiaongia. 24 iongiaongia agaowa osuma bwabo, la ge aga semoga ngela djaabo la abalayama, isaka laa yakobo. 25 mungu agaleta bana ba yisalaele, lage aga oela bo ngandi.
Chapter 3

1 Mose embe nde la litonga li nama li boilo nbwande YETELO mokengela djo, kanga dje boi bo madiani; la ge agaa la litoga li nama gombisa ye lisobe,la ge agaa go ngolo dje mungu go holebe. 2 andjelu bo mungu ge agakbegela ge moete ligeigei li djimbe moete isandu imoa. Mose aga leta; aaleta, isandu imbe nde moete djimbe, la isandu itimbe mofia. 3 Mose ge mbo djaalemba gombo ibinoge, po dje mbo djaena sema ndene, djeande mbisa goleta loo lolene lwe, po dje gi atshambo ikoko djaho djiti mofia. 4 gwene iongiaongia mbo mose ende segase go mbo aene ogalo aongana djiimbe, mungu oho aatage liogi mwete djimbe: Mose Mose!Mose! la geogo abinogesa mbo emi ono ! 6 la geogo akakia ale gombo djengale iongiaongia ise ago, mungu dje abalayama, la mungu dje yisaka, la mungu ye yakobo. lagalo Mose oho aamama osho bwandepo djobanga goleta mungu. 7 la galo mungu oho aabea mombo, djaena looso lo baito baami obengae go boi bo ejipito, la djaowa beende be lisego liamiobengale bo motaa gwangale baito obangae monyokola bo po dje mbo djelube looso lwabo. 8 djaasulugase po djo djaa gouhesa bo mo baago ba baito ba ejipito, la po djodjaa goigisa bo mo boi a bolo obongale boteu, boi abo belega balomi se laa boge, la po gesee age ngale baito ba kanana, la baito ba bahiti, la baito ba baamola, la baito ba bapeliji, la baito ba bahiwi la baito ba bayebusi. 9 letaa, geleli ge baito ba yisalaele geaiga goni angalemi, la djaena looso lwabo ,la ogalo angae bo moena looso gongale baito ba ejipito. 10 ogiogi, teaa, djeendetoma ge gongale falo mbo bonenese lisago liai go boi bo ejipito, bana ba bolome ba yisalaele. 11 mose oho aabea aiongiaongia gombo: gei gengalei mboiyee gongale falo, la po dje mbo inenese bana ba yisalaele go boi bo ejipito ? 12 mungu oho aabeya gombo djeengaa nde laago; la mwe mongaa nde ilembegidjo ge oenesa mombo emi nde atome age:gee geango nenesage lisego go boi bo ejipito; bosaleli ndi mungu go liolo li ngolo ene. 13 Mose oho aabeya la mungu mbo: djea nde gongale bana ba yisalaele, la dje beande laa bo mbo: iongiaongia yi baise baino geono atomei gongalenu.engaa mbo betundjemi mbo lina li mungu gaho ndi? gani ango eshelei bo mbisa? 14 iongiaongia ge mbo: EMI DJENGAE OGANGAE LO. la ge oho aakakyale mbo letaa galo ndangoeshelage bana ba yisalaele: ogatanga bo lina mbo engae geono atomemi gongalenu. 15 iongiaongia ebegise nde ge mbo begesaa baito ba yisalaele galo mbo; ngene, iongiaongia yi baise baino, mungu dje abalayama, iongiaongia yi isaka, la iongiaongia yi yakobo aatomemi gongalenu. mwe mongale lina liami li loongo a loongo, lisego la lisego ba gelegie mo galo. 16 keaa ka songanye baumu ba baito ba yisalaele begesa bo mbo, ngene, iongiaongia yi baise baino, iongiaongia yi abalayama, la isaka la yakobo aanenelemi la obea ami mbo, emi djaena mbeo odjatongamelenu go ejipito, 17 la djaata gesemba go mbo djeetotolendenu moete looso lo ejipito la dje lilesendenu go boi bo kanana, la bahiti, la baamola, la bapeliji, la bahiwi, la bayebusi, gehuma a geete la nele la baina ba boge. 18 boande liogi liyago,la enu obangae baumu babaito ba yisalaele bolingolindi goangale bokondji bo ejipito la bobegisi ndi ge go mbo, ngene,iongiaongia yi baebele augana la iso, ogiogi tongae mosembogela age, sidjaa tolingole loendo lo bekolo besaso goete gesobe po djohumbela ngene iongiaongia djiso boeba. 19 djelube galo mo mbo bokondi bo ejipito apasidjenu mbo booi, o mbo mongaa go mbo djoogo djipia djiondimesa ge. 21 djetonga nde po dje mbo baito baho balongane moete baiso ba baito ba ejipito, lagalo angoenu bofae bago bwasi, 22 la mbo ogali la ogali elengela nde bolome gaande, ogali ogangae go mbele yaande biya bi palata la biya bi wolo la tshulu, booselindi mo moete bana ba bogali baino la bana ba bolome baino.la boofandolindi baito ba ejipito
Chapter 4

1 la Mose ebinogese nde gombo, letaa bapaimidjelemi, la bafoe liogi liami, po ye mbo bebea nde mombo, ngene atinenele age. 2 ngene ebegisende ge mbo gea inandi gengae mo djogo djago? geogo abea mbo ikoko. 3 ge ebee nde gombo, tobaa djo ose mo nele, la galo ge otebe nde djo ose mo nele la galo djodjo dja kikoga ndjo, la Mose oho aakima go pelo ye mo. 4 ko ngene ebegisa mose mbo, lipolaa djogo djago , bundaa ge go bwali bwande (la geogo aalipola djoogo djande geoho abunda mo, moa kikoga ikoko mo djoogo djande). 5 gombo baimidje mbo ngene, iongiaongia yi abalayama, iongiaongia yi isaka, la iongiaongia yi yakobo aanenelage. 6 ngene ebegese nde ge mbala dja sina mbo, taa djogo djago mo gegwa gyago. ge ete nde djoogo djande mo gegwa geande, la gee ge totole ge djogo, letaa djogo djande djoo djanga homotoo la bwale bo singa. 7 la gombisa iongiaongia ebegise nde ge go mbo, binogisa djogo djago mo gegwa gyago. la galo ebinogese nde djogo djande mo gegwa gyande, o ago anenese ge, letaa, momo mwauha ambo bonugu bwasina. 8 iongiaongia ebee nde mbo; engaa mbo bati sagele age, la mongaa mbo bati imidje gelembo ge felo, ati beimiya nde gelembo age biele. 9 mongaa mbo batiimilie tosemo toe toele, la engaa mbo batiimiye liogi li bonywa bwago, ati boosa nde badje ba gebale oga fandolage mo nele, badje bo bangoosage go gebale bekokoga nde liila mo nele. 10 Mose oho aabea la ngene gombo; eeh age ngene djami, emi iti boto ga baogi ba loongene, dje mbende galo la gologolo, la gombiseoselenga ago, la bokobe bwago, djengae o galo. la galo baogi baami bengae babe laa logame lwai ambale. 11 la galo ngene ebegisende ge mbo; indiatonge bonywa bo boto? indi asele boto fefe ngoselenga la ngoowase indai oleta, imbai la baiso boongba? motshemi ogangae ngene?
13 ebee nde gombo; ah ! ngene; tomaa ogayotomage. 14 la galo ligege li ngene liongonge nde gongae mose la ko ebeya mbo: alona, ndeko djaago molewi, ati ho ? djelube mbo ge ekoke gobea lolo, la letaa, ge engae monena owa gougana ago, la goangoena enaage esepela nde goete liopi liyande. 15 age ambwale bobegisa nde ge la botaa nde baogi gobegesa ge, emi djeengaa nde goete bonywa bwago laa mo bonywa bwande gesee gemoa, la djee laisa nde age mwadjotonga age. 16 ge eselengela nde baito po djaago, la ge engaa nde bonywa bwago,age ambwale botonga nde ande ambo iongiaongia. 17 boosa nde ikoko djee mo djoogo djago la galo botonga nde tosemo. 18 mo eende mbisa gongae yetelo boilo bwande la ebegise nde ge mbo; djaasembogelage, sidjemi ibinoge gongale bagolo la baoli baami ilete imbai bengae go. yetelo ebegese nde mose mbo teaa la gehoi. 19 ngene ebegise nde mose la midiyani mombo: binigaa go ejipito po ye mbo baito batubu abalembe goloage baasila gongba. 20 la galo mose eose nde bogali gaande la bana bande ba bolome la ete nde bo gotie punda geogo aabinoga go gehuma ge ejipito. mose eose nde ikoko dji iongiaongia mo djoogo djande. 21 ngene ebegise nde mose go mbo: aho adjobinogage go ejipito, letaa lolo mbo botonge tosemo totubu abiasilemi gota la opia bwago gopelo ye falo. emi nde adjosela botema bwande opia gombo atosidja baito baho mbo batoa. 22 bobegisa nde falo gombo: ngene aabeya galo gombo yisalaele engae bona golome gami ga ogolo, 23 la emi djaabegisage mombo, sidjaa bona gai ga golome ae mbo atongelei ligwa. la boofeambo gosidja ge mbo aee dje loa nde bona gaago, bona gaago ga ogolo 24 ngene eugane nde ande go gesee ge opta moete loendo la geoho aaota goloa ge. 25 la galo sipola eose nde itale yi pwetu la geoho aatshinya djoombo dji bona gaande ga golome la geoho aatola go baolo ba mose lako ebeya mbo, loongene bongae bolome gai ga liila. 26 la galo ngene esidje nde ge. mombee nde mo gee geaho agebee bogali gombo, bongae golome ga liila po dje litina li otinya limbute. 27 ngene ebegise nde alona gombo, teaa go gesobe goosaana la mose. la galo ge eende la euganende laa nde go ngolo ye iongiaongia la ge oho aapepela ge. 28 mose esololende la alona baogi bangene batubu abatome ge la mose, la galola tosemo totubu at lake ge gombo atonge 29 gombisa mose laa alona beende goosonganesa liemba li bogolo ba yisalaele batubu. 30 alona ambale esolole nde baogi batubu aba bee mungu la mose, la etonge nde tosemo mo baiso ba baito baaho. 31 baito baaho beimiye nde , la goe bo mbo mungu aiga gongale baito ba yisalaele la mbo ge aena looso lwabo, betumelende se po dje osembogela.
Chapter 5

1 gombisa dje mbeo djaaho mose laa alona beende gongale falo, la bebee nde mbo: ngene, iongiaongia yi bana ba yisalaele aabeya gi gombo: sidjaa baito baami bae gootonga gelambo po djai go gesobe. 2 falo abinogia gombo: ndi angale ngene po dje mbo itose baogi bande, mombo isidje bana ba yisalaele bae? iti moluba ata aga tanga bo ngene, la ifasidjele bana ba yisalaele mombo bae. 3 la ge agaabea gombo: mungu ye baebele aakbegelesu. feesu ndole toende bekolo besaso goete gesobe, poa dje ohumbela mungu libondja poa dje mbo atshotobesu la bwale la ilonde. 4 bokondji bo ejipito ge agaa bea laabo mbo : mose laa alona, gei gyatotolenu baito mo besala beabo? kei mo besala biaino. 5 falo agaa bea mombo: letei, bee baito baiga baidje moete boi, enu botinyei besala byabo la ndole? 6 la bwina bwaho, falo aga faa bebeko gongale bendelemboka yi lisego la ndombe: 7 ingofei ale baito bingi galo ambenu mofaa bo felo po dje otonga biliki. bae gootinya bingi biaho bo langene. 8 la mbo botelindi botudja bo biliki ogalo ambe bo motonga felo, ingolesi botuya bo biliki se, po dje mbo bo batsha ofia, momo angale bo molela mombo sidjei djesu toe goohumbela mungu djaiso libondja. 9 fei bo bosala bopia po dje mbo batonge batota liofi go baogi ba bwela. 10 bendelemboka la ndombe bo ababea la lisego mombo: letei galo ndabee falo ifafee alenu bingi. 11 kei enu laene goosa bingi gesee ageanguudjenu, po dje mbo tofatotole gea ata gemoo mo bosala bwaino. 12 lagalo baito abaafanda lase moete boi bo ejipito po djoa goosila bisege bi bingi mo gesee ge kasi. 13 bendelemboka bo abatoma bo sagasaga la obea laabo mombo: silesei bosala bwaino abo bwina la bwina, ogi angala mombo bembe nde la bingi. 14 be tobamende la bendelemboka bana ba yisalaele gongale ndombe yi falo: po dje gi, ogalo abee bo, atshambo bosilesi lafendu laa labwina, ogalo atengenu felo, botuya bo biliki abofee befenu mombo botongi? 15 bo baito bafelo gongale bana ba yisalaele bo abaa goolela gongale falo mombo : gei gengale age motonga bekobe beago gai? 16 ata bati fee baombo bago bingi , bende bea laiso mombo, tongei biliki la letaa bekobe byago beende tobama, la osingo bwaho boende gongale baito bago. 17 falo ge agaabinogesela bo mombo: botingali la ofia , boti la ofia! letei ogi angalenu mobea mombo: toe goohumbela mungu libondja! 18 la ogiogi, kei goosala bosala la boofiindi obobo botudja bo biliki. 19 lagalo bendelemboka abaemaela bana ba yisalaele boabaena mombo baasela bo moete ngandi, bo ababea mombo: bofa totoli ata gea gemoa moete biliki byaino, bekolo betubu gelenge gemoo. 20 gee genene bo gongale falo, bo aba lubesa mose la alona abambe mogumba bo. 21 la bo ababea laabo mombo: sidjaa mombo mungu aletenu, la asambesenu! enu bwasidjeli djesu ogalo gongale falo la bekobe byande, enu boati ilonde ilonde mo baago babo po djoloesu. 22 mose agaabinoga gongale mungu, la ge agaabea mombo: ngene, po dje gi atongage obe gongale lie lisego? po dje gi atome botomemi? 23 tee ogalo aemi gongale falo po dje goselenga la lina liago, eende tonga obe la lie lisego, la botiuhese lisego lyago.
Chapter 6

1 la mungu agabea la mose mombo: boenande ogiogi loo alongotongemi falo. djoogo dji opia djeletsha nde ge mombo asidje bo bae, djoogo dji opia djiilitsha nde ge la obitsha ge mo boi bwande. 2 mungu agabea ale la mose mombo djengale ngene. 3 emi dje kbegele nde abalayama, la isaka, la yakobo ogi angala mungu adjaete opia; kasi emi itienese gongale bo la lina liami, ngene. 4 emi djetonge nde ngela djai laabo, po dje ofaa bo boi bo kanana, boi aboendele bo, la bo abangala ho. 5 djaoa otata bo bana ba yisalaele abongale baito ba ejipito monyokola bo, laa emi djaa alangana ngela djai. 6 la momo bea la bana ba yisalaele mombo: emi djengale ngene, djeetotolendenu goete bo olito bo besala abengale baito ba ejipito motongesenu, djetotolendenu moete oena looso gongale bo, la djeuhesendenu indi dje nanole baago baami la osambisama bolene. 7 djeosa ndenu bongalei lisego liami, la djeengala nde mungu djaino, la bolubindi mombo moendemi, ngene, mungu djaino agatotolenu mo besala abembe baito ba ejipito motongesenu. 8 djeegotsha ndenu go boi abolakemi mombo djeefaa nde abalayama, la isaka, la yakobo: djeefendenu mongale mogaino, emi ngene. 9 la galo ndabee mose gongale bana ba yisalaele kasi looso la otatabana bo bokobe po dje mo natimbe bo molemba goowa mose. 10 ngene aga bea la mose mombo; 11 keaa, beaa la falo, bokondi bo ejipito, po dje mbo asidje bana ba yisalaele banene mo boe boi. 12 mose agabinogesela mungu; letaa, bana ba yisalaele batshoemi;geni gelenge geangoa falo eoelemi, emi agatimoluba oselenga? 13 mungu agabea la mose la alona, la ge agabea laabo po dje bana ba yisalaele la po dje falo, bokondi bo ejipito, po dje onenesa bo go boi bo ejipito, bana ba yisalaele 14 letaa bekondi be basegobabo. bona golomega lubene. bona ga felo ga yisalaele: henoki la palu la heselone la kalami; bee abambe lisego li lubene. 15 bana ba bolome ba simona; yemuele la yamini la saulo bona ga ogali ga baito ba kanana; bee abangale mo lisego li simeona. 16 letei baina ba bana ba bolome ba lewi, la bolongo bwabo bo obotama, gelesone la keata la melali. bilanga biobotama bi lewi bimbee nde bokama la betuu besaso la bosambale. 17 bana ba bolome ba gelesona; libini la simei olingola olingola la basego babo. 18 la bana bolome ba keata: amalama la yisihala la hebeloni la ujiele. bilanga bi ouha bi keata bimbee nde bilanga bokama la betuu besaso la besaso. 19 letei bana bolome ba melali, maheli la mosi. bee abangale basego ba balewi ogi angale bolongo boobotama bwabo. 20 amalama agaosa bogali yokebede, ndeko dje bogali ga iseande, la ge agabotela ge alona la mose. bilanga biobotama bi amalama bimbende bilanga bokama la betuu besaso la bosambale. 21 bana ba bolome ba yisihala, kola la nefege la jikili. 22 bana ba bolome ba ujiele; misaele, la elisafana la sitili. 23 alona agaosa eliseba, bona gaogali ga aminadaba la ndeko dje nasona ogiangala bogali gaande, la ge agaabota nadaba la abihu la eleajala la itamala. 24 bana ba bolome ba kola, asile la elekana la abiasafa; bee abambe basego ba bakola. 25 eleajala, bona golome ga alona, ge agaosa bonaogali ga putiele ogi angala bogali gaande, la ge agabota pinehase. bee abambe gofelo ye basego ba balewi mo belongo be toula toabo. 26 bee bende oogo, alona la mose, bani aba bee mungu ebea laabo mombo: nenesei go boi bo ejipito bana ba yisalaele la gelenge ge basolo babo. 27 bo nde baselengane la falo, bokondi bo ejipito po dje onenesa bana ba yisalaele go boi bo ejipito. mombende mose la alona 28 galo abea mungu ebea la mose go boi bo ejipito. 29 iongiaongia agaabea la mose mombo: emi djengale ngene.beaa la falo, bokondi bo ejipito, mbeo djitubu adjibea dje bea laago. 30 la mose agaabinogesela mungu mombo: letaa, itimoluba goselenga lolo, geni gelenge ge ngoowa falo oemi ?
Chapter 7

1 ngene ebegesende mose gombo, letaa, djeselende age ambo iongiaongia mo baiso ba falo la alona bogolo la boli bwago engaande bopalesi bwago. 2 botaande mboli dji mbeo djitubu odjadjobegesei laago, la alona ndeko djaago esololande la falo gombo asidje baito ba yisalaele gonena goete bwe boi. 3 la djeeselande botema bo falo bopia, la goulogesa tosemo toami, la bagwa bogemisa bwai goete boi bo ejipito, 4 falo afowe age. lagalo djetaa nde djoogo djai go liolo li ejipito la bitumbo bilene djenyenya nde bolongo bwai la baito bai, bana ba bolome ba yisalaele mo boi bo ejipito. 5 baito ba ejipito beluba nde gombo emi djende ngene, ago angolifolemi djoogo djaai goliolo li ejipito, la goadjonyenyei baito ba yisalaele goete abo. 6 mose laa alona betongende galo; betongende ogalo alake ngene elaka bo. 7 mose embe nde la bilanga betuku bonaani la alona embende la bilanga betuku bonaani la beseso ago asolole bo la falo 8 ngene ebegisende mose laa alona gombo: 9 ago angobegesa falo ebegesenu gombo botongei ligwa liogemisa po ye mbo enubangene bolongisei,begesaa alona gombo osaa ikoko djago tobaa mo nele go felo dje falo gombo mokokoge ndjo. 10 lagalo mose laa alona belingolende gongale falo la betongende ogalo alake ngene elaka bo. alona etende ikoko djande se gefelo dje falo la bekobe byande; la djo djakokoga ndjo. 11 lagalo falo etende baito ba bweli la kanga dji besandu, la bo kanga dji ejipito betongende galo la bweli bwabo booisama. 12 boto la boto etende ikoko djande se, djo djakokoga ndjo. la ikoko i alona limelende tokoko twabo. 13 iindje botema bo falo botialende bopia, lage atshowe bo, ogalo asile ngene gobea. 14 lagalo mungu ebegese nde mose mbo botema bo falo bongale bopia, ge afea mombo baito batshoa. 15 teaa gongale falo la nongo, ago angale ge moa go lodje. gumbaa ge go libongo li gebale, la osaa mo djoogo djago ikoko aimokokoga ndjo. 16 la bobegesa nde ge mombo: ngene, iongiaongia yi baebele, aatomei gongale age, aabea mbo: sidjaa baito baami bae gotongelemi ligwa go gesobe, la letaa boti motosa. 17 mungu aabea gi mombo, po dje mo bolubande mbo emi djengale mungu; letaa, djetobande badje obangale goete gebale la ikoko adjingale mo baago baami, la mokokoga nde liila, 18 la swe goete gebale djingbande, la gebale gesegama nde, la baito ba ejipito bowande obe angandu po djomwa badje ba gebale. 19 mungu ebegese nde mose gombo, begesa alona gombo, osaa ikoko djago la lifolaa djogo djago gotie badje ba ejipito, gotie bibale byabo la tosaala toabo la betshwe be ndodje djabo la badje babo batubu bakokoge liila. baila bengaa nde bisee bitubu bi gehuma ge ejipito, goete kole laa feli. 20 mose laa alona betongende ogalo alake mungu bo. mo baiso ba falo, la mo baiso ba bekobe biande, ge eese nde ikoko djande liolo, la geogo aatoba mo badje obambe ho goete gebale, la badje batubu ba gebale baakokoga baila. 21 swe goete gebale bengbe nde, la gebale gesegame nde, lagalo baito ba ejipito batikoke gomwabadje ba gebale. baila bembee nde bisee bitubu bi gehuma ge ejipito. 22 kanga dji ejipito betongende ambwale galo la bweli bwabo booisama, lagalo botema bo falo botialende bopia, la ge atshoe bo ogi asile mungu gobea 23 goe falo mbisa go mbele djaande ati kebe la loo lwaho. 24 baito ba ejipito batubu bebushende bashaa gongonga dje gebale po djosila badje bomwa po dje mbo batikoke gomwa badje ba gebale. 25 bekolo bosambale beetende gombisa dje bokolo abotobe mungu gebale.
Chapter 8

1 lagalo mungu ebegesende mose gombo: gotaa gongale falo, begesaa ge mbo; mungu aabea gi gombo, sidjaa baito baami baee gootongelemi ligwa. 2 engaambo boopea gosidja bo gombo baee, andi djetobande gehuma getubu geago la bagolototo. 3 gebale gedjala nde la bangombe la belila nde go mbele djaago, laa goete gelalelo giago ge mbele laa goliolo li gelalo laa goete mbele yi bekobe byago, la baito bago, laa goete baala bago, laa goete tobakuli toolela tokuma. 4 bangombe belila nde age laa baito bago laa bekobe byago. 5 mungu ebegese nde mose gombo: begesa alona gombo lipolaa djogo djago la ikoko djago gotie gebale la ndodje djike, la tosaala, nyenyaa bangombe go gehuma ge ejipito. 6 lagalo alona elifolende djogo djande gotie badje ba ejipito; bangombe benenende bo abalufa gehuma getubu ge ejipito. 7 kanga djetongende galo la bweli bwabo bongonga, la beleshende bangombe go boi bo ejipito. 8 lagalo falo etende mose la alona ge mbo, sembogelaa mungu gombo atotole bangombe gongalei la gongale baito baami, la djeesidja nde baito goa goohumbela mungu boeba. 9 mose ebegesende falo gombo; balakeemi gelaka inandi agelembaage gombo isembogele po djaago la po dje bekobe byago, po dje baito bago gombo bangombe bangbe gongale age la goete mbele djaago la motiale goete gebale. 10 ge ebee nde gombo; lafendu. mose ebeende gombo mongale ogalo aabeage po djembo gasina agangae ambo ngene, iongiaongia djiso atiho. 11 bangombe betotogande gongale age la go mbele djaago la bekobe biago la baito bago, betialande goete gebale. 12 lagalo mose la alona betotoge nde gongale falo, la mose ogo alela gongale mungu po dje litina li bangombe obatome ge gongale falo. 13 mungu aatongela gelenge gemoa ogalo alengele mose. bangombe bengbende goete mbele, laa mo pango laa go bilanga. 14 betombole nde bo goete basia, la gehuma gedjee nde lifu libe. 15 la goene falo gombo auha, ge elesende botema bwande bopia, la atilembe goa boto laa omoa, ogalo aselenge mungu. 16 lagalo mungu ebegisende mose gombo: begisa alona mbo, lifolaa ikoko djago, tobaa djo mo buta bo gehuma gombo mokokoge ligugumba bisee bitubu bi gehuma ge ejipito. 17 betongende ambwale galo. alona alona elifolende djoogo la ikoko djande, geogo aatoba ikoko goete gehuma, la ligugumba limbende goliolo li baito laa nama. buta botubu bokokoge nde ligugumba bisee bitubu bi gehuma ge ejipito. 18 kanga djeotende gonyenya ligugumba la bweli bwabo la motikoke. lagalo ligugumba liembende moete baito laa nama. 19 kanga bebeende la falo mbo mwe mwende isangana dji iongiaongia. botema bo falo bombe ndebopiala ge atshowe baito, ogalo abee mungu. 20 mungu ebegisende mose gombo totogaa la nongonongo, lambelaa falo goangoa ge go badje, la begesa ge mbo mungu aabea gi gombo; sidjaa baito baami bae gootongelemi ligwa. 21 ati galo, engaa mbo botisidje baito baami mbo bae, letaa djetoma nde fuga djie goliolo liago, la bekobe biago la baito bago go mbele djaago. mbele dji ejipito djidjalande la fuga laa gose gesee gengale bo moemala. 22 la bwina bwaho djeeganya nde gehuma ge gosene, gesee ogengale baito baami mongaase, lagalo fuga djifangae ho, mbo bolube gombo emi djende mungu goete gehuma. 23 lagalo djeeganya nde goete baito baami la moete baito bago. gelembo ogalo angongala lafendu. 24 mungu etongende ambwale galo. fuga djegotende angandu goete mbele dje falo, la gombele ye bekobe biande, la goete gehuma getubu ge ejipito, gehuma getubu gesegame nde la fuga. 25 falo etende mose la alona liogi ge mbo; tei goohumbela iongiaongia djino boeba goete gehuma. 26 mose ogo abea mbo; gotonga galo mofalongane po dje mbo esu tofahumbele mungu iongiaongia djiso boeba bo lilo mo baiso ba baito ba ejipito. engaambo toohumba gofelo ye baito ba ejipito boeba bo lilo gofelo baiso babo, andi bafatobesu la babanga? 27 mokoka nde mbo toe loendo lo bekolo besaso goete gesobe goohumbela mungu iongiaongia djaiso boeba ogalo angolaka elakesu. 28 lagalo falo ebeende gombo; djeesidjendenu gowa gombo bohumbelei mungu iongiaongia djino boeba goete gesobe kasi ati oa gola. sembogelei po djami. 29 lagalo mose ebee nde gombo; letaa djenena nde gongale age, la djesembogela nde mungu gombo fuga djitotoge gongale falo, la bekobe biago, laa baito bande lafendu. lambo sidjaa falo atoitaa gombo, atofea gosidja baito gombo bae gohumbela mungu boeba. 30 lagalo mose enenende gongale falo la esembogele nde mungu. 31 mungu etongelende gelenge gemoa ogalo asembogele mose, la etotolende fuga gongale falo la bekobe byande la baito bande. laa lomoa loti tiale. 32 falo elese nde botema bopia goete enembala, la atisidje baito gombo baee.
Chapter 9

1 mungu ebegese nde mose mbo gotaa gongale falo la begesaa ge mbo; mungu, iongiaongia yi baebele aabea gi gombo: sidjaa baito baami bae gootongelemi ligwa. 2 engaambo boofea gosidja bo mombo baee, la engaambo boobunda ale bo, 3 letaa, djoogo dji ngene djiloa nde litonga lyago li nama olingae goete gelanga, bengba nde la bwale, kandolo la punda, la ngombe, laa gotie taba; mongala nde la olimoga. 4 la mungu eseganya nde batonga ba nama dji yisalaele la batonga ba nama dji baito ba ejipito, la afalowe nama djitubu dji bana ba yisalaele 5 mungu efee nde gesemba gembo: afendu iongiaongia etonga nde mo goete boi. 6 la mungu agaatonga mo molosigo alodja gofelo: batonga ba nama dji baito ba ejipito bo abangba, la nama laa emoo dje baito ba yisalaele atingbe. 7 la falo agaasila goluba mbeo aitalo, letaa, nama ata emoo mo mo litonga linama dji bana ba yisalaele atingbe. lagalo botema bo falo bo abwasundja angandu, la atisidje ale gombo lisego baee. 8 mungu ogo abea la mose laa alona gombo: djalisei baago baino la buta bo djimbe po dje mbo mose abasole mo go liolo gofelo baiso ba falo. 9 mo mokokoga nde bunge abwangoindja boi bo ejipito botubu la mongala nde goete boi bo ejipito botubu gotie baito laa gotie nama, ogakokoga mo tuma atongongaa la tohombo gotie baito laa nama. 10 bobo baosa buta bo djimbe la bobo baa goenesa falo; mose ahumbodja mo go liolo, momoabelegela baito moanenesa tohombo moete baito laa nama. 11 kanga bobo baanenela gongale mose po dje litina li pota, po dje mbo djo pota djimbe nde dji kanga moete baito batubu ba ejipito. 12 mungu ogo aselale botema bo falo la opia, la falo atshoele ale mose laa alona, ogi ambe mbeo adji bee mungu ebea la mose. 13 ngene ogo aabea la mose gombo: emalaa la nongonongo, teaa gongale falo. la bobeande laande mombo: gai ndabee iongiaongia mungu dje baebele; sidjaa lisego liyai baee po dje mbo batongelemi ligwa. 14 po dje mbo, mwene mbala djetoma nde pota djai djitubu po djosega liopi liago, osega bekobe byago la lisego liago, po djembo bolubei mbo boto ata omoa atikokane lai moete gehuma getubu. 15 engaambo djeletshe nde age djoogo djaami, la mbo djetobende age la ongba, age laa lisego liago, beongonde olimega goete gehuma. 16 la mbo djetiende age mbo buhe la litina li mbo boene ofia bwami; la mbo lina lyai lilubane moete gehuma. 17 engaa mbo boemaela ale lisego liami, la mbo botisidje bo mombo baee, 18 letaa, djetonisa nde lafendu moete gie gee ligugumba lilene litotoga nde goliolo, motiambo moatongama go boi bo ejipito, ototoga go gepangeli ge gehuma kino bwaina. 19 kengelaa bolongo bwago bo nama la biya bitubu bingale goete gelanga gyago, po dje mbo ligugumba libelegela nde goete baito batubu laa gongale nama odji ngale goete gelanga, laa odjitia djengala nde goete mbele djengba nde. 20 bekobe be falo bebange nde liogi li mungu bobo baanena goete mbele laa bekobe byabo laa belongo byabo be nama. 21 laa obatiambo betee liogi li mungu go betema bobo baatia bekobe byabola belongo byabo be nama goete gelanga. 22 mungu ogo aabea la mose gombo: lesaa djogo djago liolo po djembo ligugumba likbe moete boi botubu bo ejipito, gotie baito laa gotie nama, laa gotie bingi bitubu bi bilanga, goete boi bo ejipito. 23 mose ogo aaletsha ikoko djande go liolo la mungu ogo aatoma kake la ligugumba la djiimbe djodjo djaenda goete boi. mungu ogo aatonisa ligugumba goete boi bo ejipito. 24 ligugumba lio liabelegase, laa djimbe djaasongana la ligugumba, la mombende la oili angandu, motimbe ata la gelenge geogelanisa la boi botubu bo ejipito tee ogalo afange ejipito gongala boi. 25 ligugumba lio liatoba moete boi botubu bo ejipito, laa mo biya bitubu obimbe goete gelanga, ofanga la baito tee gongale nama; la ligugumba lio liatoba ambwale bingi bitubu bi gelanga, la momo moabenda tokoko totubu to gelanga. 26 ototola goete boi bo gosene gombe bana ba yisalaele motimbe la ligugumba 27 falo ogo aata mose laa alona, geogo aabea abo gombo moene mbala ene djaatonga lisumu, mungu nangale boto ga loomene, emi laa lisego liami nde batonge obe. 28 sembogelei mungu, po dje mbo motongaale la kake la ligugumba; djeesidjendenu gombo booi, la bofaligeli. 29 mose aabea laande gombo: gee geadjonenei go boi, djeelesha nde djogo liolo gongale ngene kake isidja nde la mofangale ale la ligugumba la tina dje mbo bolube mbo gehuma gende ge iongiaongia. 30 kasi djelube mbo age laa bekobe byago bwebangi te foo iongiaongia mungu. 31 bilogo laa lofunga bisegame nde po dje mbo lofunga lobote nde laa bilogo bienyenye nde tuha. 32 laa basangu laa sodja itisegame, po dje mbo monenende go mbisa. 33 lagalo mose ogo atotoga gongale falo po djoa goonena go boi; geogo alesa baago bande liolo gongale mungu, kake la ligugumba lio liasila la mbula atitone ale goete gehuma 34 falo, goene ge gombo mbula laa ligugumba laa kake djisilende, geogo aatongela ale bo obe, la geogo aalesa botema bopia, ge laa bekobe byande. 35 botema bo falo bo boadjale bopia, la atisidjele ale gombo bana ba yisalaele baee ogalo abee iongiaongia ebeya goete bonywa bo mose
Chapter 10

1 iongiaongia ebee nde la mose gombo: gotaa gongale falo po je mbo emi djaalesa botema bwande bopia laa betema be bekobe byande gombo djenisee ndembe djaami gongale bo. 2 lagalo po dje mbo bolubese bana bago la bana ba bana bago ogalo atongemi baito ba ejipito, la bie bilembo abitongemi mosisi yaabo, la bolubindi mombo emi djengale ngene. 3 mose laa alona bobo baa gongale falo, bo aba bea laande mbo; gai ndabee ngene, mungu dje baebele: geni gee geangokoka age gosela liopi lipia gongale emi? sidjaa lisego liami baee po dje mbo baee goelelemi ligua. 4 engala mbo boofea mbo lisego liami batshoa, letaa, lafendu djeelesa nde bakelele moete boi bwago botubu. 5 bakelele bindjande nele yi boi bwago, bofakoki ale goena nele, la belaa nde ndambo dje bima biya abitiale lo motie ligugumba, belaa nde tosandu totubu atongobota go bilanga biaino. 6 bo bedjalisa nde mbele djaino, laa mbele dji bekobe byago laa mbele dji baito ba ejipito batubu. baise bago, la baise ba baise baago , mbeo aitiambo basoena tee longaela bo mo gehuma tee laa bwina. mose agaatotoga ge aganena gongale falo. 7 bekobe be falo bo aba bea laande mombo: tee gee inandi gyangongala ono boto iyandi po djaiso? sidjaa bo baito baee, la baee goosaela mungu, iongiaongia djabo. boti moena mombo boi bo ejipito boende ngba? 8 bo aba binogesa mose laa alona gongale falo; keei, bo aba bea laabo mombo katongelei iongiaongia mungu djaino. bandi bangoa? 9 mose agaa binogesela bo mombo; tooande laa bana baiso, laa tonino twaiso, laa bana baiso ba bolome laa basea baiso, laa nama djaiso laa ngombe, po dje mbo mongala nde po djaiso lipati lilene gongale ngene. 10 falo agaabea laabo mombo; sidjaa mombo mungu angale laino, la ogwasidja djeesidjenu mombo booi enu a bana baino! okebi po dje mbo, obe bongale gofelo djaino! 11 ati galo, ati galo; enu bolome keii, katongelei mungu ligua po dje mbo galo ndalengelenu. la bo aba bitsha bo gofelo dje falo. 12 mungu agabea la mose mombo, lesaa baago bago liolo gotie boi bo ejipito po dje mbo bakelele baage gotie boi bo ejipito, bale bingi bitubu bi gehuma; mo motubu motie ligugumba. 13 mose agaaletsha ikoko djande liolo gotie boi bo ejipito; la mungu agaafifa lohohe go genenelo ge loha gotie boi botubu. gee geige mo la nongo ifofela dji go genenelo ge loha gio giadjaa la bakelele baidje. 14 bakelele bo abaaga goete boi bo ejipito, la bakelele abangaa moete bisee bitubu bi boi bo ejipito; bembende la bwidje mootongami te ambo galo , la moenegi te ambo geo gelenge felo. 15 la bakelele abaindja nele tubu dji gehuma, la gehuma gembe nde moete liima la bo abaala bingi bitubu bi boi la tuma totubu to tosandu, la bitubu abitie ligugumba; la moti tiale ata loasi mo tosandu la bingi goete gelanga moete boi botubu bo ejipito 16 ogiogi falo agataa mose laa alona, la ge agaa bea mombo; djaatonga lisumu gongale ngene, iongiaongia la gongale enu. 17 kasi, limbisaa basumu baami moene mbala; sembogelaa ngene, mungu djaino, po dje mbo atotole gongalemi ene fota ye lingbaa. 18 mose agaanena gongale falo, la ge agasembogela mungu. 19 mungu aga fifa ifofela dji golalela bwina la ofia angandu, la mo amoatotola baelele, la mo amoata bakelele go badje abalene aba bwelu; la moti tiale ata la likelele limoa moete nele djitubu yi ejipito. 20 la mungu agaasela ale liofili falo lipia, la falo ati sidje bana ba yisalaele mbo baee. 21 iongiaongia gabea la mose gombo; letshaa baago bago liolo, la mongale la liima mo boi bo ejipito, la po dje mbo bakoke goobunda ge. 22 mose agaaletsha baago bande liolo la liima liagota moete boi bo ejipito, moete bekolo besaso. 23 batimbe ale moenana omoa la omoa moete djaabo, la boto ata omoa atimbe ale mototoga gogande moete bekolo besaso. kasi mombe nde la ogenegu gesee gembe bana ba yisalaele 24 falo ge agaata mose gembo ; keei bosembogelei iongiaongia. nama djaino laa ngombe djaino djo nde ingotiala, la bana baino begelane oa laino. 25 mose aga binogesela ge mombo; age boofendesu age laene mo baago bago gea inandi geangofeesu libondja la goango fifesu libondja gongale iongiaongia mungu djaiso. 26 bolongo bwaiso bo nama boande laiso, la mofatiale ata loala lomoa; po dje mbo mo nangoosesu po dje ofaa mungu, iongiaongia, ngene laiso; la ogalo angoigesu toti moluba gea inandi giangoosesu po dje gofaa mungu. 27 iongiaongia aga sela ale liopi li falo la opia, la falo atisidje ale bo mombo baee. 28 falo agaabea la mose mombo; kbegaa gongalemi ! okeba goenega ale gofelo djami po dje mbo bwina abwangoenega ale age gofelo djami, bongbande. 29 mose aga binogesela ge mombo; bwabea! ifaenege ale gofelo djaago.
Chapter 11

1 iongiaongia agabea ale la mose mombo; djeelesa nde ale tohombo gongale falo la go boi bo ejipito. gombise ho, esidjendenu mombo booi. gee giangosidja esidjenu mombo booi, ebitshendenu ane. 2 beaa la lisego, po dje mbo omoa la omoa alengele mo boto agangale laande tinaina engalabogai to la bolome feli ade tonge bo la bioto bi lofalangala feli adjetonge bo la babanga ba wolo. 3 ngene agaatonga lifea gongale lisego mo baiso ba baito ba ejipito. mose ge lamene efende mo lokuku go boi bo ejipito, mo baiso ba bekobe be falo la mobaiso ba lisego li ejipito. 4 mose agabea mombo: gai ndabee mungu moete lotigo, yeetande gombale dje ejipito; 5 la bana ba felo batubu bengbande goete boi bo ejipito obanda la bona ga felo ga falo agangale mo kiti djaande tee gongale bona ga felo ga boto gaande ga bosala agangale go babanga bootula boteke; tee gongale bana ba nama aba felofelo. 6 mongala nde moete boi bo ejipito biima la beende bilene, moti ambo moasoowana la mofaoane ale gelenge geaho. 7 kasi moete bana batubu ba yisalaele, obanda la baito tee gongale nama, ata laa mbwa afaindje bonywa boande, la litina li mbo bolube oseganya motonge mungu moete yisalaele la ejipito. 8 la bekobe betubu bedja nde gongalemi la befoelendemi baloi se, la obea mombo: nenaa, age laa baito batubu abangolingola age! gombisa dje ho djenena nde. mose agaanena gongale falo moete osundja bolene. 9 mungu agaabea la mose mombo: falo afoe age molitina limbo sidjaa tosemo toami togologe goete boi bo ejipito. 10 mose laa alona bo abatonga to tosemo totubu gongale falo, mungu agalesa ale liopi li falo la ofia, la falo atisidje mombo bana ba yisalaele bakbege mo boi.
Chapter 12

1 ngene agabea la mose la alona goete boi bo ejipito mombo: 2 moene songe ene mongalande po djaino songe dje felo dje gelanga. 3 lubesaa liemba litubu li yisalaele, la obea mombo: bwina bo liu li songe, boosindi bona ga kandolo omoa mo kila lisego, kondolo emoo kila mbele. 4 engala mbo mbele ati la baito baidje po dje kondolo emoo, bolindi la baito obangale tinaina laino, okokana la botango bo baito; boobalindi po dje elo kandolo okokana la ogalo angola boto la boto. 5 mongala nde la kandolo adjati la ndembe, adje bolome, engala nde la gelanga gemoa; bokokindi goosa bona ga kondolo too mombo bona ga ngombe. 6 booseli ndi ge se bikolo liu la benei mo songe; la liemba litubu li yisalaele beloande ge moete baolo baele. 7 lagombisa beosa nde ligilima li baila la beselande mo bisigo biyele mo bonywa bo mbele la goliolo li bonywa bo mbele ago angolaa bo mo. 8 belaa nde bonugu bwaho abohumbame la djiimbe lotigo lwaho, belaa nde mo gesee gemoa la tokuma atodjange djimbe la bingi bi libe. 9 bafali mo mwesi, too mbo motia molambame la badje, la mbo mwahumbame la djiimbe go botshwe bo mo la go baolo ba mo la bioo bino gesee gemoa. 10 bofatie laa djea atiambale la nongo.engaa mbo ligilima limo litiala kino la nongo bofetshindi mo la djiimbe. 11 bolindi mo mo gie gelenge; boli boandame mo kbolo la bapapa mo baolo la ikoko mo djoogo. bolindi mo paango. mongae geetelo ge mungu 12 po dje mbo emi djeeta nde goete gehuma ge ejipito moete lotigo, la mo djetoba nde bana ba bogolo batubu ba ejipito, baito laa nama la dje suludjande toongiaongia twabo to ejipito totubu. 13 baila bengaa nde ilembegidjo po djaino, mo mbele odjingalenu, lagoadjoletemi baila djeeta nde go liolo lino, la bwale bopasulugelenu po djoloenu, ago angotobemi boi bo ejipito. 14 losigo lo mongaa nde po djaino bokolo bo gekaniseli la obatela mo ambo gelambo ge mungu. bookanesi ndi mo ambo bobeko bo bekolo betubugoete basego baino batubu. 15 moete bekolo bosambale bolindi tokuma atodjange bagana. mo bokolo bo pelo boototoli ndi bagana gotie mbele djino po dje mbo engaa mbo boto elaa gea agengale la bagana, ototoga mo bokolo bo pelo kino bokolo bo bosambale, boto gaho etotolama nde goete yisalaele. 16 moete bokolo bo pelo boongali ndi la liemba gesee gemoa ogetsha basumu. ligwa lifatongame mo losigo lwaho, boolongnyi ndi ola bo boto la boto. 17 bobateli ndi gelambo ge tokuma atoti la bagana, po dje mbo mo bokolo bwe pendja djaanyenya baito baino baidje goete gehuma ge ejipito. momo angale mbo bobateli ndibokolo bwe moete basego baino batubu ambo bobeko bo loongo la loongo. 18 mosonge dje emoa mo bekolo be songe liu la benei mo gee ge liolo bolindi tokuma atodjange bagana la galo kino mo bekolo betuku bele la gemoa dje songe moete gee ge liolo. 19 bagana bafuugane moetimbele djaino moete bekolo bosambale, mpo dje mbo, engaa mbo boto elaa gea ogengale la bagana boto gaho etotolama nde moete liemba li yisalaele, engala mbo ge engale bodjeli to gombo boto ga gehuma gyasina. 20 bofali gea gemoo goete bagana,goete mbele djainodjitububolindi tokuma otodjange bagana. 21 lagalo mose etende bogolo batububa yisalaele, la ebegise nde bo gombo, po dje bana ba kondolo la po djaino pendja ogelana la basego baino, lowei bona ga kondolo po dje geetelo. 22 osei liambu li isope botei mo goete baila obangale mo saani la botolei mo go liolo mo bonywa bo bisigo biele mo bonywa bo mbele la baila obangale moete saani, la boto ango omoa atonena goete mbele kino la nongo. 23 po dje mbo mungu eetande po djolowa baito ba ejipito, la goangoena ge baila go liolo mo bonywa bo mbele la bisigo biele bi bonywa bo mbele, mungu eetande goliolo li getutu la afafee bosegi bo biya ndole gogota goete mbele djaino po djolowenu. 24 botosi ndi loolwe ambo bobeko goete djaino la podje bana baino loongo. 25 la goadjoigenu go gehuma ogeango faa munguefeenu,ogalo afee ge gesemba, bobatelindi osembogela bwe. 26 gwadjobegisenu bana baino gombo, litina li osembogela bwe mwende gani? 27 la bobeindi gombo, mongae olowa bo geetelo ge mungu po dje mbo ge eetende go liolo li mbele dji baito ba yisalaele go ejipito, ago alowe ge baito ba ejipito la ouhesa mble djaiso. baito betumele nde se la bobo baasembogela. 28 lagalo baito ba yisalaele bee nde laa bo bobo baatonga galo. betongende ogalo alake mungu elaka mose la alona. 29 moete lotigo mungu ogo aatoba bana ba bogolo batubu ba gehuma ge ejipito ototoga go bona ga ogolo ga falo ogangalese mo kiti ye bokondikino bona ga ogolo ga bokobe agambe goete boloko la bana ba pelo ba nama djabo. 30 falo ogo aumoga mwilo lotigo, ge laa bekobe byande betubu, laa baito ba ejipito batubu , la geleli gelene gembe nde goete ejipito po dje mbo mbele djitimbe ale odjidjange bangbi. 31 ge ambwale eteende mose laa alona lotigo la geogo aabea gombo; emalaa la nenaa goete baito baami, enu ambwale la baito ba yisalaele. teaa gootongela mungu ogalo abeenu laande. 32 osaa belongo be kandolo laa belongo be ngombe, teei bwino.pambolei djemi ambwale! 33 baito ba ejipito belengele nde baito bapia po djotoma bo gototoga go gehuma giaho la paango po dje mbo bebee nde gombo tongale esu batubu bangbi. 34 lagalo baito beose nde tokuma twesi, indi beetite to mo djiimbe la beande nde saani djotshangela tokuma goete tulu djabo, la betolende mo baele babo. 35 baito ba yisalaele betongele nde ogalo alake mose elaka bo po dje mbo belengele nde biya bi palata la biya bi wolo la tulu dji baago ba baito ba ejipito; 36 la mungu efee nde baito lipea mo baiso ba baito ba ejipito la befee nde bo mwalengele bo. lagalo befandole nde baito ba ejipito. 37 baito ba yisalaele beende nde ototoga go lamesese kino go sukote bembe nde bolome koto bekama liambe beende nde la baolo, ngotanga bana laa bogali. 38 geage bwidje bo baito bilenge la bilenge bo aba aga laabo; bembee nde ambwale la geage bwidje bo belongo be nama bo loongene bo taba la ngombe. 39 bo abatonga bekati beohumba ebeti la vinyo la boteke abokumbe bo goboi bo ejipito, la faango la batikoke goligela, lagalo batilonganese ola po djaabo. 40 bekolo be bana ba yisalaele go boi bo ejipito bembe nde bilanga kama inei la betuu besaso. 41 lo lotigo lo lombende lipatipo dje iongiaongia, po dje mbo enenese bo go boi boejipito; lo lotigo lotongame nde lipati po dje ngene moete bana ba yisalaele batubu la bana ba bana babo. 43 mungu agabea la mose la alona mombo: letaa djaalubesenupo dje pasika mombo; bogenda ata bomoo apale. 44 botinya nde ifondo gongale bekobe la bioto; lagalo bo kola taambo. 45 bogenda laa to mbo boto ga bosala agafutama lo afale. 46 bolindi o goete mbele; la bofaneni la bonugu gose, la bofabendi bokba ata bomoo. 47 liemba litubu li yisalaele betonga nde pasika. 48 engala mbo bogenda bongala gongale age elemba otonga lipati li pasika gongale ngene, golome botubu agaangongala goete mbele etinyama nde ifondo; gombisa ge kosega se po dje gotonga lipati li pasika, la lingala nde ogi angala boto ga gyo gehuma. boto agatshambo etinyameifondo afale mo 49 gelenge geaho ge bobeko po dje boto agatitinyame ifondo motongama nde gongale bogenda abongongala gongalenu. 50 bana batubu ba yisalaele bo abatonga ogalo abee mungu ebea la moselaa alona, bo abatonga ogalo. 51 la bwaho bwina ngene aganenesa bana ba yisalaelego boi bo ejipitola gelenge ge biloneli byabo.
Chapter 13

1 iongiaongia agabea la mose mombo: 2 nenesaa bana ba bolome ba bolome aba felo felo mongale bana ba yisalaele, mongale baito laa nama; beende baami. 3 mose agaabea la lisego mombo; boende tii liofi boe bwina, abototoge enu go boi bo ejipito, mo baago ba bokobe; po dje mbo mo djoogo djande dipia nde bonenese mungu enenesenu. isongi adji ngale la vinyo ifalaame ale. 4 bonenindi laa bwina, moete songe dje keke. 5 gee gengogotsha mungu egotshage go boi bo kanana la baiti laa ba amola la bahiwi la bayebusi, bee abalapese ge gongale mombo efende laino, gehuma agengale la nele djilo la baina ba boge, botindi liofi po dje osebogela moene songe ene. 6 moete bwina bosambale, bolande isongu aiti la vinyo, la mo bwina abo bosambale mongala nde lipati po dje lokuku lo iongiaongia. 7 tolaa nde isongu aiti la vinyo moete bekolo bosambale; mofaenege ale gongale enu isongu aingale la vinyo, la bofaene ale gongale age vinyo, moete nele djitubu dji boi boago. 8 la bobea nde la bona gaago ga golome: moende po dje ogelegia mbeo aitonge mungu etonga po djami gee genenemi go boi bo ejipito. 9 mongala nde po djaago gellembo gemoa mo djoogo djago la ogi angala ndembe moete baiso bago, la litina li mbo bobeko bo iongiaongia bongale moete bonywa bwago, po dje mbo djoogo djande ifia djoonde inenese ngene enenesenu go boi bo ejipito. 10 boletela nde bobeko mo bwina abotongame lo kila gelanga la gelanga. 11 gee gengogotsha mungu egotshenu goete boi bo kanana, ogalo abee ebea laago la baise bago, 12 booseela nde mungu bona ga felo,agaanguudja age, la bana ba nama aba felo abanguudja age; aba bolome bengala nde ba mungu. 13 bosomba nde la bona ga kandolo, bana ba punda aba felo; la engala mbo boti sombe; bobunande ge ngingo. la bosomba ambwale bana ba felo ba bolome moete bana ba bolome bago. 14 la gee gengotundja bona gaago ga golome etundjage bwina bomoa: litina li mo ambo gani? la boobinogesela nde ge mombo; mwende la djoogo djande ifia, ngene enenese ndesu go boi bo ejipito, go mbele dje boombo; 15 lagalo asele falo liopi opia mombo esu totshoa, ngene agaloa bana ba felo moete boi botubu bo ejipito obanda la bana ba felo moete boi botubu bo ejipito, obanda la bana ba felo ba boto tee tee gongale bana ba felo ba nama. letaa litina li feemi libondja gongale mungu bana ba nama ba bolome. 16 mongala nde ndembe mo baago bago la mongala nde gekaniseli moete baiso bago po dje mbo moende la djoogo djande ifia nde bototole mungu etotolesu go boi bo ejipito. 17 gee gesidje falo esidja lisego mombo baee mungu ati etese ale bo go ndole dje bafilisitia ata galo embe mo ndole dje tinaina po dje mbo agaa bea mombo; lisego bekoka nde goa mbisa gwangoena bo gimo, la bea nde mbisa go ejipito. 18 kasi mungu agaetesa bo gefinole go ndole dje lisobe, gongale lodje lolene. bana ba yisalaele bo abaaga la biloneli gonena go boi bo ejipito. 19 mose agaosa bekba be yosefe; po dje mbo yosefe elubese nde bo bana ba yisalaele la obea mombo; mungu euhesendenu, la boagindi la bekba biami gola la ane. 20 bo abatotoga go sukote la bo abaemalesa likofe lyabo go mbale dje bolelo bo lisobe. 21 iongiaongia agaa gofelo djaabo la loha la ligugumba li bwina po dje oendesa bo mondole djaabo, la lotigo la ligugumba li djiimbepo djoenesa bo, la litina li mbo baende bose laa lotigo. 22 ligugumba li bwina lititotoge go felo dje lisego la loha, laa ligugumba li djimbe la lotigo.
Chapter 14

1 mungu agaabea la mose ge mbo: 2 beaa la bana ba yisalaele baage liolo bafwe litele go felo dje pi-hahiloto, moete migedolo la lodje lo yaladene, oletana la bala-sefona. boemalesi litale liaino gofelo ago ngonga dje badje ba bonana. 3 falo agabea la bana ba yisalaele mombo: baalimega moete boi; lisobe liaindja bo. 4 djeesela nde liofi li falo la ofia, la ge elingola nde bo; kasi falo la basola bande batubu betongama nde po dje olesa lokuku loami liolo, la baito ba ejipito beluba nde mombo emi djengale iongiaongia. la bana ba yisalaele bo abatonga galo. 5 bo abalubesa bokondi bo ejipito mombo; bana ba yisalaele baakima. lagalo liofi li falo la liofi li bekobe beande bo abakalamba gongale lisego. bo ababea mombo; gani angotongesu gosidjesu mombo bana ba yisalaele baee, la esu tofaudje ale baito boosaelesu besala? 6 la falo agaosa kaminyo djaande dje bimo la ge agaosa basola bande. 7 ge agaosa kaminyo dji bimo kama liambe, la kaminyo i bimo djitubu dji boi bo ejipito; laa baito batubu abalona bimo. 8 mungu agaalesa ale liofi li falo la ofia, bokondi bo ejipito, falo agaalingola bana ba yisalaele. bana ba yisalaele benene nde inde belese baago liolo. 9 baito ba ejipito bo abalingola bana ba yisalaele la punda djabo itubu la kaminyo yi bimo bi falo; la biloneli biande laa basola bande, bo abaa goongala go ngonga e badje balene, go ngonga e pi hahiloto, go felo dje bala sefona. 10 falo agasega se. bana ba yisalaele bo abalesa baiso liolo, la letei baito ba ejipito bembende molingola bo gombisa. la bana ba yisalaele bo abangala moete booha bolene, la bo abaata beende gongale mungu. 11 bo ababea la mose mombo: kunda itimbe go ejipito mombo esu tdje goongbela goni lisobe? gei getongesu mombo esu totoge go ejipito? 12 atigalo ndabegese tobegesage go ejipito; sidjesu tosaele baito ba ejipito, po dje mbo esu tolembe ata gosaela baito ba ejipito mo gesee ge mbo todje goongbela goni lisobe? 13 mose agabinogesela lisego mombo; ingo bangi, ngalei gesee gemoa. la letei ouha abongouhesa mungu euhesenu laa bwina; bofaeni ale bo baenenu laa bwina, bofaeni ali bo, 14 mungu elonele ndenu; la ngalei gehoi. 15 mungu agaabea la mose: po dje gi bee babile? beaa la bana ba yisalaele mombo baende. 16 age, lesaa ikoko djago go liolo, lesaa djogo djago liolo gotie badje balene bagasee; la bana ba yisalaele beeta nde moete badje inde begasee. 17 la emi djeesela nde liofi li baito ba ejipito la ofia, po dje mbo bagote gombisa djaabo; falo laa basola bande batubu laa kaminyo i bimo laa binaabia bitubu bi bimo bilesa nde lokuku loami liolo. 18 la baito ba ejipito beluba nde mombo djengale mungu, la falo, la bilineli byande bi bimo, molesa nde lokuku lwami liolo. 19 andjelu bo mungu boende go felo dje likofe li bana ba yisalaele, boende goongala gombisa djaabo; la ligugumba li ogenegu limbende go felo djaabo, la mo amoalimega gombise djaabo. 20 mo amoangala moete likofe li baito ba ejipito la lifete li baito ba yisalaele. lio ligugumba liembe nde la liima gombale emoa,la gombale ene aloi mombee nde moenesase la lotigo. la bafete baaho baele bembende tina-ina moete lotigo. 21 mose agaananola baago bande gotie badje balene, la mungu agabitsha badje abalenela ifofela i gogenenelo ge bwina, la lotigo bobimba, la badje abaagasa moete lodje, la badje abaganyanya bisege biele. 22 bana ba yisalaele bo abagota moete lodje lolene inde begase, la badje abatonga bitutu biele, gemoa go djoogo i bolome djasina go djogo i bogali. 23 baito ba ejipito boabalingola bana ba yisalaele; la punda djitubu dji falo, laa kaminyo djande yi bimo, la biloneli byande bitubu, bio abiagota gombisa djaabo moete lodje lolene. 24 mo gee ge oumoga la nongo,mungu mo ligugumba li djimbe la ali loha, oleta go lifete li baito ba ejipito, la bo abagota moete lofindi, baito ba ejipito, la bo abakolokana go lifete li baito ba ejipito. 25 ngene ge aga totola bagango ba kaminyo djabo la ge agaasela loendo loabo moete kbokoso. la baito ba ejipito bo abaabea mombo: tokime gofelo dje yisalaele po dje mbo mungu ende lonela ge gongale baito ba ejipito. 26 ngene agabeaa la mose mombo: letshaa djogo djago goe go lodje lolene; la badje be binogelende baito ba ejipito, gotie kaminyo yabo i bimo la biloneli biabo bitubu. 27 mose agaalesa djogo djande liolo gotie badje abalene, la gombale dje nongo badje abalene baabinoga ogalo ambe lo, la baito ba ejipito abakima goete badje; la mungu agailitsha baito ba ejipito goete badje abalene. 28 badje abadjala bo abaindja kaminyo djabo la biloneli biabo la basola ba falo batubu abagote goete loye lolene gombise bana ba yisalaele okatesa; la boto ata omoo atshuhe. 29 kasi bana ba yisalaele beende nde moete badje abalene inde begasee, la badje betongende bitutu mbale la mbale mobaago ba bolome la mobago babo ba bbogali. 30 la mo bo bokolo mungu agaatotola bana ba yisalaele mo baago ba baito ba ejipito; la yisalaele agaena lingba li baito ba ejipito go libongo li badje abalene. 31 yisalaele agaena djogo ifia yi mungu aitonge ge gongale baito ba ejipito, la lisego ababanga iongiaongia, la bo aba imidjela mungu la bombo boande mose.
Chapter 15

1 la galo mose la bana ba yisalaele bo aba kbela mungu bogele. la bo ababea mombo: djekbela nde mungu bogele po dje mbo eenese nde lokuku loande; ebelende goete badje balene punda la beendisi biabo 2 mungu ndangale ofia bwami la mo ndangale litina li bogele bwami ; ga ndauhesemi. engale iongiaongia djaami ye bela nde ge; engale mungu dje ise gami djeoa nde ge. 3 iongiaongia engale bolonibolene, iongiaongia ndangale lina liande. 4 etende goete badje abalene kaminyo i bimo laa bima bia bitubu bi falo laa basola bande; basola bande ba bimo belinde nde goete badje abalene abaelu. 5 boela bo loende bo; bo abalinda goete olinda ogi angala itale. 6 djogo djag i bolome, o ngene! aalubesa ofia bwande, djogo djago i bolome, o ngene! djaabenda banguna. 7 la olene bo lokuku loago bookalambesa nde abati molemba age; bosilesa nde bo ogi angala bingi. 8 la lohe lo liolo liago badje baatobana,la boela bo aboadjaa se, la olundu bo badje bo aboaindjama moete botema bo badje abalene. 9 bonguna agabea mombo;emi djebitsha nde emi djudja nde, djee ganya nde bia abifinolemi yeeme yaami djesla nde gongale bo, djenenesa nde lisete la djoogo djami isega nde bo. 10 bofife nde lohe loago la badje abalene aba loa bo; bo abalinda ogi angala mondole moete badje abalene. 11 e ngene, ndi ndangale ogi angale age moete mungu yi bokili ? indi nangale ambo age, la lokuku moete gehuma laa olongana la osembogela la okbela bogelela besala be ogemesa? 12 bolese nde djoogo djago aibolome liolo, gehuma agaa moa bo. 13 la ngandi djaago boende nde, la bouhese nde lie lisego; la ofia bwagoage agaa laaboogengaelo ge boelu bongo. 14 la lisego boende bo aba bilima; la booha bo aboangala gongale baito ba filisitia. 15 bekondi be edona bembe nde moete booha la moete obilima gote baito beende go lisobe li moaba; baito batubu ba kanana bekbe nde se la obilima. 16 booha la beende boige nde gongale bo motina dje olene bo djoogo djago; bo abangala hoii ogi angala itale tee ogalo asile baito baito bago oeta, eh iongiaongia, tee ogangosila baito bago, bo besombe age, besila nde oeta, lisego alinyenye age. 17 booa nde laabo la boosela nde bo gotie ngolo dje lifeta liago. go gesee age longanye age po dje mbo bongongala, o! iogiaongiagesee ge bwelu, ngene! age tonge baago bago. 18 mungu engla nde po dje loongo la kila bwina. 19 po dje mbo punda dji falo, la kaminyo djande dji bimo laa baito bande begotende moete badje abalene,la mungu agatoma gongale bo badje abalene begase. 20 meliama, bosaoli, boelo ga alona ge agaosa indundu mo baago bande, la bogali batubu bo abalingola ge,la baanga la babina. 21 meliama aga binogesela bana ba yisalaele mombo; kbeli mungu begele, po dje mbo aenesa lokuku loande; etende goete badje abalene punda laa agaendesa ge moete badje abalene. 22 mose ge agaa la bana ba yisalaele go badje abalene ba boelu, ge agaosa go ndole ye lisobe li sula. beende nde bekolo besaso goete lisobe la bati udje badje bomoa. 23 gee geige bo go mola, batikoke gomwa badje ba mola po dje mbo bembe nde la libe,momo atangebo bo badje mala. 24 baito beimime nde la mose la bo ababeaa mombo esu tomwande geni gea? 25 ge ambwale agaa lela gongale mungu la mungu agaenesa ge isandu la ge ambwale agaata djo isandu moete badje, la badje baho aba longana. mombee nde ago ndafee iongiaongia efa lisego bebeko la biendelo, la ago ndaote mungu eota bo. 26 ge agaabea mombo: engala mombo booa liogi li ngene, mungu djaago, la engala mombo botonga mbeo adjingale mo alima mo baiso bande, la engala mbo botaa litoi se mo bebeko biande, la bobatele bebeko betubu byande, ifa tobe ale age la bwale ata bomoa ogi angala biale abetobemi baito ba ejipito; po dje mbo emi djengale ngene, aga uhese age. 27 la gombisa goige bo go elimi, goni ago itshe baito liu la baele ba badje la baito ba mbila betuu bosambale, bo aba fua lifete ho go ngonga dje badje
Chapter 16

1 liemba litubu li bana ba yisalaee bo abatotoga go elimi, la bo abaiga go lisobe li sini mongale moete elimi laa sinai mo bikolo liu la tano mo songe dje djele gombisa dje ototoga boabo go gehuma ge ejipito. 2 lingomba litubu li baito ba yisalaele bembende moimima gongale mose la alona goete lisobe, 3 la bo ababea mombo, ati tongbele ata mo baago ba mungu go gehuma ge ejipito, agombesu gongonge feli dje benugu la go tombende mola isongu dji ouguto, po dje mbo enaa, boai laiso goni lisobe po dje oloa lisego litubu la isige. 4 la galo ngene agabea la mose mombo: letaa djetonesela nde enu isongu ototoga go liolo, la baito bekbega nde la bemama nde bokolo la bokolo, momo mokoke mombo iote bo indai mbo beenda nde gelenge gemoa la bobeko bwami too mombo bafaende galo. 6 mose laa alona bo ababea la bana batubu ba yisalaele mombo: mo lie liolo bolubi ndi mombo moende iongiaongia ndatotolenu go boi bo ejipito. 7 la nongo, boeni ndi lokuku lo mungu, po dje mbo aaoa osuma bwaino gongale ge iongiaongia; po dje mbo gei gengalesu, po dje mbo boimimei laiso? 8 mose agaabea mombo: mungu efee ndenu bonugu bo ola la lie liolo, la nongo isongu itubu, po dje mbo mungu aoa oimima boaino abombenu moselenga po djaande; po dje mbo gei gengalesu? moti po djaiso nde bongale oimima bwaino, moende po dje mungu. 9 mose agabea la alona mombo: beaa la liemba litubu li bana ba yisalaele; segei se gongale ngene, po dje mbo aoa oimima bwaino. 10 la galo alona agaabea la liemba litubu li bana ba yisalaele mombo, betimba nde gombale dje lisobe, la letaa, lokuku lo ngene loa kbegela moete lipata. 11 iongiaongia agaabegesa mose mombo: 12 djoende oimima bo bana ba yisalaele. beaa laabo mombo: moete baolo baele bolindi bonugu, la nongo bouguto nde isongu; la bolubindi mombo djengale ngene, mungu djaino. la liolo, mboso idje nde la djo adjaindja gesee agembe baito mongala se, la gee ageindje londundugo lose loindja gesee geaho. 14 gee gesile londundugo ototoga, gea ata gemoa ge mboso geti tiale ale mo se goete lisobe, oke ogi angala ligugumba go se. 15 gee ge ene baito ba yisalaele galo bo ababea mombo; gei gengale gai? po dje mbo bo batilube mo. mose agabea laabo mombo; moende isongu djo ife iongiaongia efeenu po dje mbo bolei. 16 mungu agaa faa bobeko mombo: boto la boto emoma nde mo moete djaino ogalo angokoka ambo ge ola.omele bomoa goete boto omoa, moete botudja bo boto omoa la omoa goete lifete liande. 17 baito ba yisalaele bo abatonga galo; la bo aba bina galo, basina bwidje la obamoi ababina oke. 18 gombisa bo aba pima go gemekelo ge omele, boto aga bine mingi atiudje bo oetela, la agaati mbo ebine mingi atidjange ambwale, boto la boto ebine nde ogalo akoke ge ola. 19 mose agaabea laabo mombo: boto ata omoa atoisa po dje ola la nongo. 20 batshoe mose, la mombe la baito abatie lo tee la nongo; kasi mo amoakikoga behombwa, la la mo amoakoka ofaa baito bwale. mose agaa sundja la baito. 21 nongo tubu, boto la boto eose nde mokoke laande ola mo bo bokolo; la gee geige mo la loha, mo amoalangoga. 22 bwina abo liambe, bo aba bina mbala djele bia bi ola ogalo aenele boto la boto, la baito balene ba liemba bo abadjaa golubesa mose. 23 la mose agabea laabo mombo: galo ndabee ngene, lafendu eende bwina bo oogoma. sabata eende bwina bo iongiaongia; lambei abingalenu motonga lambei, bo endjei, la isei tee la nongo abingotiala. 24 betia nde mo tee la nongo ogalo abee mose; la mo mofafonde ale, la mofakalambe ale behombwa. 25 mose agaabea mombo: lei mo laa bwina po dje mbo bwina bo sabato; laa bwina bofaudji bia bi ola go gato. 26 moete bekolo liambe, boobini ndi ale; kasi bwina bo bosambale abongale bwina bo sabato, mofangale ale. 27 bwina abo bosambale, ndambo dje lisego benena nde po dje oa goobina, la bafaudje ale gea. 28 lagalo mungu agabea la mose mombo: tee gee inandi gefeenu otosa bebeko biami la bana baami? 29 letei, ngene efeendenu bwina bo sabata: po dje mo nafee efenu bwina bo liambe bia bi ola po dje bekolo bele. mombo boto la boto angale gesee geande, la mombo boto ata omooatshonena mo gesee agengale ge bwina bo bosambale. 30 la mbo baito baogome bwina bo bosambale. 31 mbele dje ysalaele agafaa bio bia lina li mana. ge engale ogalo angala tuma to kolianda, la tuma toaho tombende fufu, la djuma djaho imbende gelemo ge bokati abolambe bo la boge. 32 mose agabea mombo; letei ogalo abee ngene; sidjaa omele bomoa boise mo po dje basego baino; la litina li mombo baene isongu aife djeefenu mombo bolei go gesobe, gombise djami onenesenu go boi bo ejipito. 33 la mose agaabea la alona mombo; osaa feli emoa, taa mana badjale mo omele bomoa, la selaa se gofelo dje ngene, po dje mbo moisame po dje bana ba bana baino. 34 okokana la galo abee ngene la mose, alona agaasela mo gofelo ye bisee abibee mungu, po dje mbo mwisame. 35 bana ba yisalaele belee nde mana moete bilanga betuu benei, tee ogalo aige bo go boi aboe bo goongala; bo abala mana tee ogalo ae bo goiga go bolelo bo boi bo kanana. 36 omele bomoa ende gesege ge liu ge efa.
Chapter 17

1 liemba litubu li yisalaele bo abaeta golisobe li sini, mo loendo loabo ogalo abee ngene ebea laabo; la bo abaatonga lifete liabo gongale lefidimi. lagalo badje batimbe po dje mbo baito ba mwe. 2 lagalo lisego abasila mose la loo bo ababea mombo: fee esu badje bomwa. mose aga binogesela bo mombo; gei gengalenu mosilemi la loo? po dje gi angalenu mo ota mungu? 3 lisego bembe nde la kamo dje badje langandu, la bo abaimima la mose, la bo aba bea mombo; po dje gi aagese boagesesu liolo ototoga go ejipito, po dje bo boloesu la kamo dje badje la bana baiso la bolongo bwaiso bo nama? 4 mose agataa bende gongale ngene, la ge agabea mombo; gei geangotongemi lie lisego? moatiala djei gee geke mombo batobemi babanga. 5 ngene agabea la mose mombo: etaa gofelo dje lisego, la osaa moete djaabo baise ba yisalaele; la age bundaa mo baago bago ikoko djago adjitobe age mo badje, la enu abaenda. 6 letaa, djengala nde go felo djaago gotie itale olebe, la botoba nde itale la ikoko djago la badje benena nde, la lisego bemwa nde. la mose agatonga galo abee mungu, go felo dje bekumi be yisalaele. 7 ge agaata gesee gyaho lina masa la meliba, po dje mbo bana ba yisalaele besilende mungu la loo la po dje mbo beotende mungu, la bebee nde mombo; ngene engale folo moete djaiso,too mombo ati ho? 8 gombisa amaleke agaiga la ge agaata gimo la yisalaele gongale lefidimi. 9 lagalo mose agabea la yosua mombo: binelesu bolome, kbegaa, lonaa la amaleke. lafendu djengala nde gotie ngolo, ikoko dji mungu ingala nde mo baago baami. 10 yosua agatonga ogalo abee mose, po dje olonga amaleke, la mose la alona la hulu bo abaaga gotie dje ngolo. 11 gee geletshe mose baago liolo, yisalaele bo abangala la ofia; la gee gelese ge baago bande se, baito ba amaleke bo abangala la ofia langandu. 12 baago ba mose gee gelembe bo, ge agaosa libanga limoo ge agata goliolo liande, la ge agabunda go se. alona la hulu bo aba bunda ge mo baago bande, omoa gombale emoa, ano agoi gombale aloi. la baago babo beandane nde tee la liolo gee ge loha goofonya. 13 la yosua agaalonga amaleke la lisego liande, mondole dje ilonde. 14 ngene agabea la mose mombo: komaa mo mo buku , po dje mbo motiale goete botema, la galo ndabee yosua mombo djetotola nde okanesa bo amaleke gose la go liolo. 15 mose aga fua gehumbelo la ge aga faa lina ngene-nisi, 16 ge agabea mombo; po dje mbo djoogo ilesame nde liolo gotie kiti dje bokondi bo iongiaongia, mongala nde la gimo ge mungu la amaleke, gengala nde ge bana ba bana.
Chapter 18

1 yetelo, kanga dje madiani, boilo bo mose, oende mbeo yitubu itonge mungu po dje mose la yisalaele, la lisego liande ge aga oa mombo ngene enenese nde yisalaele go boi bo ejipito. 2 yetelo boilo bo mose ge agaosa sepola, bogali ga mose agabinodje bo. 3 ge agaosa ambwale bana ba bolome ba sepola; omoa betangende ge lina gelesome, po dje mbo mose ebende mombo: djendengala mo boi bwambogo; 4 gasina betange nde ge eliesele, po dje mbo ebeende mombo: mungu dje baise baami edjele ndemi la lisungi, la etotole ndemi mo baago ba ilonde i falo. 5 yetelo, ise ga bogali ga mose, la bona golome la bogali ga mose bo abaa go lisobe gombe bo mongala, go ngolo dje mungu. 6 ge agabea la mose mombo: emi ise ga bogali gago yetelo, djaadja gongale age la bogali gaago la bana bago ba bolome. 7 mose agaanena go felo dje boilo bwande ge agafwa baloi se, la ge agaumbulia ge pe bo abatundjana po dje bongaeli boabo gombisa bo abaagota gose lifete li mose. 8 mose agatela boilo bwande mboli djitubu adjitonge ngene etonga falo go boi bo ejipito po dje yisalaele, benyoko betubu abeigele bo moete ndole, la gani auhese ngene euhesa bo. 9 yetelo agaasagela mo olo botubu abotonge iongiaongia gongale bana ba yisalaele, la odjitonge ge mototola bo mo baago ba baito ba ejipito. 10 la yetelo agaabea mombo: ngene akumame, agatotolenu mo baago ba baito ba ejipito la mo baago ba falo; agatotole lisego mo baago ba baito ba ejipito! 11 djaaluba taambo ogiogi mombo ngene engale bolene oeta mungu djitubu; po dje mbo oili bo baito ba ejipito boakbela bo bolamene. 12 yetelo, boilo bo mose, ge agafaa mungu libondja li ohumba. alona la bakumu batubu ba yisalaele bo abaadja goola bia la boilo bo mose, gofelo dje iongiaongia. 13 gombise ho, mose agaangala se po dje osambisa lisego, la lisego abangala se gehoi obanda la nongo tee la liolo. 14 la boilo bo mose agaena mbeo djitubu aimbe ge motonga po dje lisego, la ge agabea mombo: gei getonga age la lie lisego? po dje gi boende songana laabo age laene, la lisego litubu bendeemala gofelo djaago, obanda la nongo tee la liolo? 15 mose agabinogesela boilo bwande mombo: lisego beendedja gongalemi po dje gotundja mungu. 16 po dje mbo bengale la mbeo djimoa, momo adja bo gongalemi; djendeselenga laabo, la djendelubesa bo bebeko be mungu la baano bande. 17 boilo bo mose agaabea laande mombo: moatonga age moti golo. 18 age boende lembesa bindo byago age lamene, la boendelembesa lisego alingale laago; po dje mbo mbeo djengale djifia, bofakoke olonga djo age laene. 19 ogiogi oei liogi liami; djaadjofaage baano, la mombo mungu angale laago! ngalaa boselengeli bo lisego gongale iongiaongia, la tolaa mbeo gongale mungu. 20 laesa bo baano la bebeko; la lubesa bo ndole adjangolingola bo, la mbeo adjingotonga bo. 21 binaa moete lisego litubu bolome abakoke lo, ababanga iongiaongia, bolome ba loongene, abati ambo bende mo lola bioto. selaa bo moete djaabo langene ogi angala bekondi be koto, bekondi be bokama; bekondi be betuu tano, la bekondi be liu. 22 basambese lisego mo gee getubu; badjee lalo gofelo djaago mbeo adjiloongene, la balubese bo bangene mbeo djike la litina liaho. la bolese olito se, la badje lalo gongale age. 23 engala mbobotonga galo, la mbo mungu efa age bebeko, bokoka nde oengana, la lio lisego litubu liengala nde la osagela mo geelelo giabo. 24 mose agaoa liogi li boilo bwande abogolome, la ge agaatonga mbeo yitubu ayibee ge. 25 mose agaa bina bolome abangale la bweli moete yisalaele botubu, la ge agasela bo bekondi be lisego, bekondi be koto, la bekondi be bokama, la bekondi be betuu tano, la bekondi be liu. 26 bo abasambesa lisego mo gee getubu; bo abatola gofelo dje mose mbeo adjifia, la bo abalubesa moete abo langene mbeo itubu odjike. 27 mose agaasidja mombo boilo bwande abo golome aee, la yetelo agaa go boi bwande.
Chapter 19

1 bwina abo besaso gombisa djaabo ototoga go boi bo ejipito, bana ba yisalaele biigende bo bwina go lisobe li sinai. 2 gee getotoge bo go lefidimi la goige bo go lisobe li sinai, bo abafua lifete liabo go lisobe; yisalaele abangala ho, oletana la ngolo. 3 mose aga aga gongale mungu, la ngene agaata ge gotie ngolo, lage agabea laande mombo: bobea nde gai goete mbele ye yakobo, la bobeande la bana ba yisalaele mombo: 4 boenindi mbeo adjitonge emi go boi bo ejipito, la geni gelenge gekumbe djekumbenu gotie bafalafala ba thou la oa laino gongalemi. 5 lagalo ogiogi, engalambo bobateli ngela djami andi boongalindi baito baami pendja moete baito batubu, po dje mbo nele djitubu djende djaami; 6 la boongalindi bokondi bo kanga la amboale lisego li boelu. letaa baogi abangobea age gongale bana ba yisalaele. 7 mose agaata baise ba lisego, la ge agaabea bo baogi gofelo djaabo, ogalo abee ngene ebea laande. 8 lisego litubu abaimilia mombo: totonga nde ogalo abee mungu. mose agaalubesa baogi ba lisego gongale ngene. 9 la ngene agaabea la mose mombo: letaa djeedja nde gongale age moete londende lo fuii po dje mbo lisego bowe ogalo angobea dje bea laago la bangale la liofi lilo gongale age. mose agaalubesa mungu ogalo abee lisego. 10 la mungu agaabea la mose mombo: keaa gongale lisego; lubesa bo laa bwina, la lafendu, bafule tulu djabo. 11 bangale tayali mo bwina abo besaso; po djembo bwina abo besaso mungu esuluga nde se mo baiso lisego litubu gotie ngolo dje sinai. 12 bootinyela nde lisego bolelo mongonga dje ngolo, la bobea nde mombo: oleti, ingoagi mo ngolo , la ingobundi mongonge ngolo. agaangobunda ngolo engba nde. 13 bafate djoogo gotie djaande, kasi betoba nde ge babanga, la betuba nde lionga; nama too mbo boto, bafauhe ale. gee geangouma lilonge, besega nde se gongonge ngolo. 14 mose agaasuluga se go ngolo la ge agaa gongale lisego; la ge agaa bulesa lisego, la bo abafula tulu djaabo. 15 la ge agaa bea gongale lisego mombo: ngalei tayali moete bekolo besaso; ingosegi se gongale bogali ata omoo. 16 bwina abo besaso la nongo, logulumo aloangala, la basendeli, la londundugo lo fui gotie ngolo; la liogi li kelelo lio alia oana langandu; la lisego litubu alimbe goete geo gesee bo ababilima. 17 mose agaa nenesa lisego goete lifete, po dje godjaa gootobana la mungu; la ge agaasela bo gose ngolo. 18 ngolo dje sinai edjale nde la bogi, po dje mbo ngene esuluge nde se moete djiimbe; bo bogi boee nde liolo ogi angala bogi bo lisia li djiimbe, la ngolo tubu adjaabilima langandu. 19 liogi li kelelo aliaoana langandu. mose agaabea, la mungu agabinogesela ge la liogi lifia. 20 lagalo ngene agaasuluga se gotie ngolo dje sinai, goliolo li ngolo; mungu agaata mose gotie ngolo. la mose ge agaaga. 21 mungu agaabea la mose mombo: sulugaa se , lubesaa baito mombo basege se tinaina gofelo po dje oiga bo mungu mombo batsholeta, po dje mbo batshongba baidje. 22 sidjaa ambwale mombo kanga yi mungu yisege se gongale ngene, batongele ge libondja li bwasi ambwale, po dje mbo iongiaongia atoloa bo. 23 mose agaabea la mungu mombo: lisego bafakoke oaga gotie ngolo dje sinai, po dje mbo age bolakendesu mombo totee ngolo moeta bolelo la tobulese lo. 24 mungu agaabea laande mombo, sulugaa se, bo aga nde liolo laa alona gesee gemoa, sidjaa kanga dji mungu la lisego batshoaga liolo po dje mbo beande goongba. 25 mose agaasuluga se gongale lisego, la ge agaabea laabo djee mbeo.
Chapter 20

1 lagalo mungu agaaselenga bee baogi bee batubu, ge agaabea mombo: 2 emi djengale ngene, mungu djaago, aganenese age go boi bo ejipito, go mbele dje bokobe. bofangale la mungu djasina gofelo djami. 4 bofatonge gelimi too mombo gekeko gemoa mo biima la bia obingale go liolo la golola, la abingale mos se la gotie nele, la obingale goete badje la gose nele. 5 la bofa foe baloi se go felo dje bio bikeko, la bofasaele bio; po dje mbo emi, ngene mungu djaago, djengale mungu emoo dje logoto, afaa getumbo po dje lisumu obanda la ise laa gongale bana tee mo nda ene isaso la monda ene dje inei mo baito batubu abati molembemi, 6 la ende moto ga oboto tee gongale ndaa koto gongale abalembemi la ababatela bebeko biami. 7 bofaose lina li mungu djaago pamba; po dje mbo iongiaongia afasidje gofaa getumbu gongale boto agaangoena lina liande pamba. 8 gelegiaa bwina boogoma po dje libondja. 9 botonga nde bosala bekolo liambe, la bosilesa nde bbo botubu. 10 mombo bwina bo bosambale moende bwina bo oogoma bo ngene, mungu djaago: bofatonge bosala ata bomoo, engala age, engala bona gaago ga golome ata bosea bwago, ata bokobe bwago ata bosali bwago bogogali, ata nama djaago laa bogenda abongale mo bome bwago. 11 po dje mbo bwina abo liambe mungu agatonga go liolo la goni nele la badje abalene la bitubu abingale goeta, la ge aga ogoma bwina bo bosambale: po dje mo ndapambole mungu bwina bo oogoma la ge agaa bondjela bo. 12 memiaa ise ago laa inango ago po dje mbo bekolo byago bengale besa mo gehuma mo bekolo abefee ngene mungu djaago efaage goni gehuma. 13 bofa loe. 14 bofalembe bogali ga boto. 15 bofa ibe bia biambogo. 16 bofa selenge mbeo dji boela po dje bogolo la boli bwago. 17 bofalembe bogali ga ndeko djaago, la bofa lole mbele dje ndeko djaago, bofalembe bokobe bo ndeko djaago la bosali bwande bo gogali, ata ngombe djaande, la punda djande adji bagali, ata gea gemoa ge ndeko djaago. 18 lisego litubu bo aba oa losele lopia lo kaki la bageigei la losele lolilonge ,bo abaena ogenegu gotie ngolo bogi boende nena bo abaabanga la bo ababilima, la bo abasega mbisa oa gola la ngolo. 19 bo ababea la mose mombo: selengaa laiso age lamene, la tooande age; sidjaa mombo mungu atshoselenga laiso, la booha bombo tooande goongba. 20 mose agaabea la lisego mombo: ingongai la booha; po dje mbo moende po dje omekenu mombo bolubimbo mungu aadja, la mombo botshongali la booha gofelo baiso bande, la mombo botongi basumu. 21 lisego aba sega mbisa; lagalo mose agaasega gongale londundugo lo fui go mbe mungu. 22 ngene agabea la mose mombo: bobea nde ambwale gai gongale bana ba yisalaele:boenindi mombo djeselenge nde laino ototoga goliolo. 23 bofatongi mungu dji bioto, la mungu dji wolo po dje ogelanesa laami, enu ingotongi galo. 24 bofoelendemi lifete mo mbiti, gotie mo boohumbelendemi libondja li batondi; nama djaago la ngombe djaago bisee bitubu abingolubesa djelubesa lina liami, djeedjande gongale age la djepambola nde age. 25 engala mbo boemaleselemi lifete li itale bofatonge lio la itale yolonganya; po dje mbo boetesa siso djaago gotie itale mosegande mo. 26 bofaage go lifete liami la bilenge bi oota, la litina limbo bofona boago botshoenega.
Chapter 21

1 letaa bebeko abengoletsha boletsha bo, 2 engala mbo bosomba bokobe bomoa boto ga baebele, betonga nde bosala bilanga liambe; kasi gelanga age bosambale enena nde bwasi lotsha ofuta gea. 3 egota ge angene, enena nde ge angene; engalambo embende la bogali, bo la bogali gaande benena nde. 4 engala mbo bokondi bwande nde bofee ge bogali, la ge agabota bona golome too mombo bonaogali, bogali la bana bande bengala nde ba bokondi bwande, la enena nde ge angene. 5 engala mbo bokobe ebea mombo; djelembe ngene djami, bogali gami la bana baami ifalembe onena bwasi. 6 lagalo ngene djaande eande laande gofelo ye mungu, la esegesa nde ge gofelo bome to mombo gongale isandu ailene, la ngene laande ebunda nde ge litoi, la bokobe engala nde po dje loongo mosalela ge. 8 7 engala mombo boto omoa eendja bosea bwande mombo angale bokobe, bosea bwande afa kbege galo akbega bekobe. 8 engala mbo ati sepelese ngene laande ogo aose ge mombo angale bogali gaande pendja, lagalo esidja nde ge mombo baose ge; kasi afakoke oendja ge gongale bepadja, po dje mbo atitongele ge bosembo. 9 engala mombo bogali agaembe bo ofaa la bona gaande ga golome, etonga nde gongale ge lokola bobeko bo basea. 10 engala mombo eosa bogali gasina, afaose gea ata gemoa po ye bogali ga ogolo moete bia, laa tulu, laa go kengo afa gote laande mbele. 11 la engala mombo atitonge galo moete bio bia bisaso po dje ogo bogali; enena nde la ngofuta gea la ngofa bioto. 12 agaangotoba boto la oloa ge loongo, belo nde ambwale ge. 13 mongaa mbo atilambele ge, ati iongiaongia esiye nde ge go kbase go djoogo djaande, lagalo emi djeepona nde gesee agekoke ge goisama ge angene. 14 la mbo engaa mbo boto etonga la ko gombo aloe boto ga bweli, bototola nde ge go gehumbelo geami gombo angbe. 15 ogaangotoba ise ande imbai mbo inango ande elowama nde. 16 ogaadjopinola boto, imbai mbo oendja ge, too gombo obunda ge po djaande elowama nde. 17 ogaadjobona ise gande too mbo inango ande elowama nde. 18 mongaa mbo bolome bepulanya la mbo omoa etoba liinga ande libanga too otoba ge likofi la mbo boto gaho ati singe, la mbo ge agaa pota mo gelalo, 19 la boto gaho etotoga ambo eenda ambo go lusa la litali lyande, ati agatobe ge elonga nde. ati efuta nde mo gee agedjange ge ligwa la ebatela nde ge ogalo angouha ge botubu. 20 engala mbo boto etoba bokobe bwande bo golome too mbo bokobe bwande bo gogali ibolo, la engaa mbo bokobe engba moete djoogo djande, ge eudja nde getumbu. 21 engala mbo bokobe etiala bwina bomoa indai biina bele, ati ngene afaudje getumbu po dje mombo bokobe bwaho engale bioto byande. 22 engala mbo bolome bengbana la etoba bogali indi engale la lieme, lagalo lieme lio kootoga, la gombisa obe botiigele ogo bogali, andi agatobe bogali efuta nde gongale ngene a bogali ogalo angobea ngene a bogali, la efuta nde ogalo angokata baito abasambesa lo. 23 kasi mongala likama, boofa nde ouha po dje ouha. 24 liso po dje liso, lino po dje lino, djoogo po dje djoogo, iolo po dje iolo. 25 ofia po dje ofia, pota po dje pota, lififi po dje lififi. 26 engala mbo boto omoa etoba bokobe bwande mo liso, golome too mombo bogali, la elimesa liso lyande, etotola nde ge mo boloko ge kongala pamba, po dje aafuta liso lyande. 27 la engala mbo etaa bokobe bwande lino se bolome too bogali, etotola nde ge mo boombo ge kongala pamba, po dje ofuta lino lyande. 28 engala mbo ngombe emoa etoba boto omoa la lisee liande too bogali omoa, la mbo gombisa ge kongba, ngombe elo betinya nde ge ngingo, bonugu bwande bofale, la ngene ga ngombe bafa fee ge getumbu. 29 kasi, engala mbo ngombe etobame nde felo, la mombo belubese nde ngene, la ngene ati lembe okengela ngombe djaande, lagalo elo ngombe betoba nde ge babanga la oloa ge, engala mbo eloa boto omoa too mombo eloa bogali omoa, lagalo ngene laande eudja nde getumbu ge lingba. 30 engala mbo betinyela ngene loeti po dje mbo batsholoa ge, efuta nde bia bitubu abingolengela be lengela ge. 31 gee gengotoba ngombe etoba bona golome too bosea, bo bobeko botongama nde; kasi engala mbo ngombe etoba bokobe bo golome too bo gogali , befaa nde bioto betuu besaso gongale ngene la bokobe la ngombe ge koloama. 32 engaa mbo ngombe epwelisa bokobe, imbai gogali imbai golome, ngene dje ngombe efuta nde gongale ngene a baito bo bioto bi ba sekele betuu besaso, la betoba nde ngombe djaho la babanga. 33 engaa mbo boto etia lishaa baale, too gombo boto ebusha lishaa atilufe lio pe engaa mbo ngombe too punda euma ambo goeta ye lio, 34 ngene a lishaa efuta nde mo. ge efaa nde bioto bi lofalanga gongale ngene dje nama odjaasinga engala nde djaande. 35 la mbo ngombe dje boto omoa epwelisa ambo ngombe dje boto gasina la eloa lo, ati beendja nde ngombe odjaangotiala la beganya nde loeti lo mo, la beganya nde odjaasinga gelenge gemoa, 36 la mbo molubana ambo mombo ngombe djaho embe nde mopwelisa felo, la mbo ngene djaande atimbe mobatela ge goete geamba, ati efuta nde ngombe la ngombe adjaasinga engala nde djaande.
Chapter 22

1 engaa mbo boto eiba ngombe too pate, la mbo eloa ambo ge too eendja ge, ebinolia nde ngombe tano po dje ngombe, la pate djinei po dje pate. moete nde golo mombo afutee, la engala mbo atsha gea, la eendja nde po dje bwiba bwande. 2 engala mbo boto ga bwiba eugana gee geobuka mbele gombo agote la etobama kino golowa ge, ati loo laa lomoa lopangae goete djaande. 3 engala gombo loha lolibwamela ge andi euya nde getumbo ge osinga po djaande. 4 engala mbo nama adjeibe ge eugana ambo moete luuho mo djoogo djande , imbai mbo ngombe imbai mbo punda indai pate, andi ge boto gaho ebinolia nde mbala djele. 5 mongala mbo boto etonga gelanga gyande ge basangu go mbo gelaame, too mbo etia gebwele gyande goa goola goete gelanga ge boto gasina, andi ge efuta nde goeta olo goete gelanga gyande ge basangu. 6 mongala mbo djiimbe djenena goete bekeke goete bolelo bo gelanga lagalo djuma dji baambu toodjuma aditi djaabunega djaasegama la djiimbe, andi ogaa onganesa djiimbe efuta nde mo gotubu. 7 mongala mbo boto gasina epaa ambo boto bioto bi lofalanga too mbo bia gombo abatele bio, la ogapipolama mo goete mbele dje boto gaho, lagalo, engala mbo boto ga bwiba eugana , la efuta nde mbala djele. 8 engala mbo boto ga bwiba atshugane, la ngene ga mbele esembogela nde gongale mungu gombo aenese ndole imbai mbo ge aata djoogo djande goete biya bi bogali gaande. 9 moete mbeo djitubu djoongbanela, imbai mbo mongale po dje ngombe imbai mbo punda imbai pate imbai tulu imbai gea ge geni gelenge gelimega, la boto ebea gombo, momwe mwaenega, lagalo loo lo bo baele lwenega nde go pelo dje mungu. ge ono ogasuludja mungu go se efuta nde bogali gaande mbala djele. 10 mongala mbo boto omoo epaa boto gasina punda djaande too bona ga ngombe too nama dje gelenge gyasina gombo abatele, laa mbo nama djaho engba ambo, laa mbo ebendega gesee, too mbo beiba ge, ambo boto atshene, 11 olapisama mo lina li mungu motongama nde moete bo baito baele, la ogambe mobatela biima la biya ebea nde gombo atite djoogo moete biya bi mbogo djaande; ngene la elo nama eimidja nde goolapisama bo mungu agoi afafute ale. 12 engala mbo djeibelame nde gongale ge, efuta nde elo nama gongale ngene. 13 engala mbo nama behalende ge, eenisa nde gelembo po dje mbo atshofuta nama adje halege lo. 14 engala mbo boto omooebekisa boto gasina nama emoo, la engala mbo elo nama ebendega idjolo laa gombo engba indi ngene la nama ati ho, ekoka nde obinogesela ge. 15 engala mbo ngene engale ho mopagelane gofuta. engala mbo nama ebekisame nde, loeti lo obekisa lokokisama nde. 16 engala mbo golome omoo eita bonaogali agatshiambo aaluba bolome, ko elala laande, efuta nde boongo bwande la eosa nde ge angale bogali gaande. 17 engala mbo ise epea go faa ge la bogali gaande efuta nde bioto okokana la bioto bi libala bi baito abatshia baaluba bolome. 18 bopakoke gotia bolemba bo ogali gombo auhe. 19 boto agangolapa la nama eudja nde getumbo ge lingba. 20 ogaadjo paa bweba gongale mungu djasina eudja nde getumbu ge lingba. 21 bofanyokole bogenda, la bofa oise ge looso; po dje mbo bombindi begenda go boi bo ejipito. 22 bopaoishe bogali ogaangbele bolome looso, la bona ga getie. 23 engala mbo boowisi bo looso, lambo bedja gongalei, djooa nde bima byabo. 24 la osundja bwai bwenegela nde, la djelowendenu la ilonde; bagali baino betiala nde bitie, laa bana baino. 25 engala mbo boobeka bioto gongale lisego liami, la babola obangale gongale age, bopangale gongale bo ambo abatonga bioto. bopalengele gongale ge mombo ape age botalia. 26 engala mbo boobeka tulu dje mbogo djaago, boobinogesela nde ge felo dje mbo liolo lidje se; 27 po dje mbo engale o la tulu elo emoo, mwende tulu odjaindja ge la bindo, gei geadjolala ande? engala mbo etaa bima gongalei, djoelela nde ge, po dje mbo djengale ogaoela baito ngandi. 28 bofabone mungu; la bofabone bana ba bolome ba lisego lyago. 29 bopalengele gopeemi boeba bo tuma to gelanga, laa biya obiendja age. boofendei bona ga pelo moete bana bago ba bolome. 30 botonga nde ambwale galo moete ngombe djago dji pelo, la moete nama djago dji pelo, betiala nde bekolo bosambale gongale inango abo; bwina bo bekolo bonaani age kopeemi laabo. 31 boongali ndi gongalemi baito ba bwelu. bopali benugu abehalege lo goete gelanga; enu boofi ndi mbwa beo benugu
Chapter 231 bofagologie mboli dji bwela. bingo enda la boto bobe gesee gemoo po djobea mboli dji bwela.

2 bingolingola baito baidje po djotongela obe, la gee ge osamba loo bingobea ogalo alemba baito baiye engala mbo motimbe mbeo dji loongene. 3 bingolongisa boto ga bobola po djoela ge ngandi. 4 engala mbo bougana la ngombe too punda dje bonguna bwago odjaalimega, boesela nde ge mbisa. 5 engala mbo boena punda dje bonguna bwago engale molala se la olito bwande, bopatie ge galo, lambo boosunga nde ge goemalisa ge. 6 bopakokodje loongene po dje litina li bobola bwago goete loo lo bwela bwande. 7 ngalaa gola bo loo lo bwela, la bwingoloa boto ga gelonga la boto ga loongene, po dje mbo emi ipalongise baito babe. 8 bopaose ambwale kanyaka po dje mbo kanyaka eloa nde baiso ba batangeli, la mosega nde loo lo baito ba loongene. 9 bingoisa bogenda looso. enu bwendelubi betema be begenda po dje mbo enu bombindi begenda go boi bo ejipito. 10 boologa nde gelanga moete bilanga liambe la botshwa nde tuma to mo, 11 la mbo mo gelanga ge bosambale boogomisa nde mo, lambo molala nde bwasi gombo obati la gea mwete baito balee, lambo nama dji gato balee mwadjotiala. botonga nde galo mo gelanga ge basangu la go gelanga ge bilaya. 12 botonga nde ligwa liago moete bekolo liambe, lambo mo bokolo bo bosambale boogoma nde, mo po dje mbo ngombe djaago dje golome la punda djago baogome, lambo bona golome ga bokobe bwago bo ogali, la bogenda baudje opia. 13 imiliei mbeo djitubu odjibegisa djebegisenu. bingotangi baina ba mungu djasina, bingosidja gombo moanee go bonywa bwago. 14 mwete gelanga gemoa botonga nde biuganelo biseso gogaami. 15 boolonganya nde gelambo ge tokuma ototi la djiimbe moete bekolo bosambale moete gesemba ogeponame moete songe, po dje mbo mo songe djaho bonene nde go ejipito. boto laa omoo apadjee gofelo djai baago bwasi. 16 boolonganya nde gelambo ge otshwa tuma , aho angotshwage djuma dji felo dji ligwa liago, aliloge age gelanga. boolonganya nde gelambo ge omoma tuma to ligwa liago. 17 moete gelanga gemoa bolome bago batubu benena nde mbala djiseso gopelo dje mungu, iongiaongia. 18 bopapee liila lyami boeba gesee gemoa la tokuma to geambe, lambo bopamame boeba bo baina baami tee la nongo. 19 boodja nde la djuma dji pelo dji gelanga giaogo goete mbeledje mungu iongiaongia djaago. bopalambe bona ga taba odjangale moloma balomi ba inango ande. 20 letaa, djetoma nde boenda bo pelo gongale age gombo abatele age mo ndole la go mbo aigese age mo gesee ogeasilei golonganya. 21 owaa ge, la imidjaa bonywa bwande la bingoemaela ge, po dje mbo lina lyami lingae goete djaande. 22 engala mbo age booa bonywa bwande lolo la botonga nde mbeo djitubu odjaselengemi, andi djeengala nde bonguna bo banguna bago la boemaeli bo baemaeli bago. 23 boenda bwai eande gopelo djaago la egotsha nde age gongale ba amola la bahiti la bapeliji la baito ba kanana la bahiwi la bayebusi, la emi dje buna nde bo. 24 bopakumise mungu djabo, too gotongela bo, too ngotonga gelenge giabo ge ligwa, la boosegesa nde bo la bobuna nde bisigi byabo bisege. 25 botongela nde mungu, iongiaongia djino, la emi djepambola nde ikuma djago laa badje bago la djeetotola nde bwale goete djaago. 26 ogali laa omoa apabele lieme se, la ogatia ebota apangae goete gehuma giago. emi djeekokisa nde botudja bo bebeko biago. 27 djetoma nde bogasa bwami gopelo djaago, la djeepindja nde baito batubu moete bisee obiangoiga age, la djekimisa nde obatia belemba age batubu gopelo djaago, la mobitsha nde bahimi la bakanana la bahiti gopelo djaago. 28 djetoma nde toboo gopelo djaago, la mobitsha nde bahimi la bakanana la bahiti gopelo djaago. 29 djebitshana nde laabo batubu moete mbula laa omoa te gombo gehuma getoenega pamba la mbo nama dji gato batongala baiye, goemaela age. 30 djebitsha nde bo lopogu lopogu angoiga age la baito baidje la ogalo adjokoka age goosa gehuma. 31 djeekoka nde ambwale gota bolelo bwago ototoga go lodje loelu kino go lodje lo bafilisitia, la ototoga go gesobe kino go gebale ge pelata po dje mbo djetaa nde baito go gehuma moete baago bago la bobitshana nde laabo gopelo djaago. 32 bopatonge oimidjana bwabo, too la mungu djabo. 33 bopangale goete gehuma giago gombo baite age gotongela obe gongalemi, po dje mbo botongela ambo mungu djabo obe mongala nde iyangi djago.
Chapter 24

1 iongiaongia ebegese nde mose gombo, lilaa gongale ngene, age laa alona la nedaba la abihu la bogolo ba yisalaele betuu bosambale, la bosembogeei go gola. 2 mose geangene eemala nde go pelo ngene, la mbo baasina bapaemale la baito bapalile laande gesee gemoa. 3 mose eigende la ebegisende baito baogi ba mungu batubu la bebeko betubu, la baito batubu beesende la liogi limoa gombo totongela nde moabee mungu motubu. 4 mose esiginye nde baogi ba mungu batubu. ge ambwale etotoge nde nongo nongo la epwese nde gehumbelo gose ngolo, la bisigo liu la biele po dje basego liu la baele ba yisalaele. 5 ge etome nde bana ba bolome goete baito ba yisalaele gombo baganyele mungu boeba bo gehoi bo bangombe dji bolome. 6 mose eose nde ligilima li baila geogo aata mo saani, la geogo aata ndambo djasina goete gehumbelo. 7 gombisa ge eose nde bokanda bo gendimaneli la geogo aabaela baito baho, la bo bebee nde gombo, totonga nde moabea age motubu,la toimilia nde mo. 8 mose eose nde baila la geogo aabela mo goliolo li baito, la ebee nde gombo, letaa baila ba gendimaneli obotonge mungu djino gelenge gemoa la baogi bee batubu. 9 lagalo mose la alona la nadaba la abihu la bogolo ba yisalaele betuku bosambale belilende, 10 la beene nde iongiaongia dji yisalaele. la gose dje baolo bande bembende ambo getando ogembe go safili, ongenga bo mo ambo go lola. 11 ge atite djoogo djande goete baito ba yisalaele ba pelo. beene nde iongiaongia la belende la be mwe nde. 12 mungu ebegise nde mose gombo, lilaa goni engale emi goni goliolo li ngolo la lambelaa bia goni. emi ambwale djeepa nde age bisee bi otanda babanga ba bebeko la balao obasiginyei po dje lilao lyabo. 13 lagalo mose etotoge nde la boto gaande ga ligwa yosua gesee gemoa, la mose elilende go ngolo dje iongiaongia 14 ebegise nde bogolo gombo, lambele esu ane kino ogalo adjodjesu mbisa gongale enu mbala djasina, la letaa, alona la hulu bengale gesee gemoa laino. engala mbo boto engale la loo ae laabo. 15 la gombisa mose elile nde goliolo li ngolo, la lipata liindje nde ngolo. 16 ogenegu bo mungu bosulugende goliolo li ngolo dje sinai, la lipata liindjende mo moete bekolo bosambale la losigo lo bosambale la ge etende mose ototoga goete lipata. 17 ogenegu bo mungu bwenege nde ambo djiimbe djosiidja goliolo li ngolo mo baiso ba baito ba yisalaele. 18 mose egote nde goete lipata la elilende gotie ngolo. mose embende gotie ngolo bekolo betuku benei lotigo la loha.
Chapter 25

1 mungu ebegise nde mose gombo, 2 begisaa baito ba yisalaele gombo, baose bakabo po djai. booyambindi bakabo po djai la boto la boto ogaadjopa la botema bolo. 3 boeba abonguudjage gongale bo mongale mwe gombo, wolo la palata la motako, 4 la tulu dji pili la mogwelu la odje ndilo la odje bolikani odjatongame la basea bake la bepuu be taba, la mboso dji pate dji bolome djilonganyamende la ngogo dji taba la tokoko to kasia. 6 la baina po dje lotambe la biya bi malasi po dje baina boetsha la po dje mpaka la lipu li lo, 7 la babanga ba sosana la babanga boanda la efode la litunga. 8 sidjaa batongelei gesee geelu gombo djingalese moete djaabo. 9 botongande likumbo la biya bitubu goete dje mo gelenge gemoa geadjoenisa djeenisa age. 10 betonga nde liuta li ikoko dji kasia. osa bo mo bongala nde ambo be onde bele la ndambo la olene bo mo ambo bonde bomoa la ndambo la ogwe bo mo ambo boonde bomoa la ndambo, 11 boolupa nde mo la wolo lolo goeta la golusa, la botonga nde bolelo bo wolo la olingia mo. 12 la bokulande mepete benei be wolo po dje mo la booandande mo mo baolobanai ba liuta, mepete bele gombale emoa la mepete bele gombale djasina. 13 botonga nde tokoko tosa twele la tokoko to kasia, la boolupa nde mo la wolo. 14 botaa nde tokoko tosa goete mepete gombale liuta po djotola liuta liaho. 15 tokoko tosa totialande goete mepete pe liuta, la mopatotoge goete dje mo. 16 botaa nde genelo ogi adjopaa djeepa age goete liuta. 17 botonga nde mbo molongane la nganji ye wolo lolo. osa bo mo bongala nde beonde bele la ndambo la olene bo mo bongala nde boonde bomoo la ndambo. 18 botonga nde bakeluba baele ba wolo. botonga nde mo la wolo odjaatobama, golio mwele la molongane la nganji. 19 tongaa keluba emoo go lio emoa ambwale keluba djasina go lio liasina. botonga nde mo molongane la nganji la bakeluba go lio li mo, mo gotubu mo gesege gemoa. 20 bakeluba beesande bapapu liolo, gombo bapapu baisame balongane la nganji, la beletana nde osho la osho. basho ba bakeluba beleta nde gombale gwadjolongana la nganji. 21 botaa nde molongane la nganjigoliolo li liuta, la botaa nde geeniselo ogiapaa djeepa age goete liuta. 22 emi djeugana nde ago ho, la djeesolola nde laago ototoga go liolo la molongane la nganji goete bakeluba baele bengale go liolo li liuta li geeniselo. emi djeesolola nde laago loo lwaho lotubu oloadjopaa djeepa age bebeko po dje baito ba yisalaele. 23 botonga nde mesa be oleela mo ikoko dji kasia. osa bo mo bongala nde ambo beonde bele la olene bo mo boonde bomoa la mosanda bo mo boonde bomoa la ndambo. 24 boolupa nde mo la wolo lolo, la bolingia nde mo mo bolelo bo wolo. 25 bolingia nde mo goete djei lopango, lolene ambo besangala benei, la boinegela nde mo djei lopango lwaho mo bolelo bo wolo. 26 botonga nde mepete be wolo benei, po dje mo, la boanda nde mepete byiaho go lio yinei go baolo banei ba mo. 27 mepete belala nde go ngonga e djei lopango po tokoko atosa tosa totola nde mesa be oleela. 28 botonga nde tokoko tosatosa toaho la tokoko to kasia la boolupa nde mo la wolo, la botola nde mesabe tokokotosatosa toaho. 29 botonga nde saani dje mo la kopo dje paa la mbilika la saani djilene djobela boeba bo obela. botonga nde mo la wolo lolo. 30 botande ikuma odjitandje bo gotie mesa gopelo djai seko. 31 botonga nde getelo ge lotambe ge wolo gelo. iyolo dji mo la gesigo ge mo djitobama nde. kopo dje mo la djuma dji mo la fulele dje mo djingala nde mo gotubu gesee gemoa. 32 betii liambe binena nde go ngonga dje mo, beti besaso mo getelo ge lotambe benena nde gombale emoo la betii besaso mo getelo ge lotambe binena nde go mbale djasina la mo. 33 kopo isaso itongame ambo djuma dji amanade gesee gemoa la djuma la fulele goliolo li boti bomoa, la kopo djiseso adjitongame ambo djuma dji amanade la djuma gesee gemoa la fulele goliolo li betii beasina ogalo ambo beti liambe obinene mo getelo ge lotambe. 34 kopo djinei djaatongama ambo tuma to amanade la tuma gesee gemoa la fulele djingala nde goliolo li gesigo ge geseelo ge lotambe, 35 la djuma djimoa djingala nde gose beti bele, la djuma djimoa djaasina gose beti bele beasina, ogelana la beti liambe bianena go getelo ge lotambe. 36 tuma to mo la beti be mo bingala nde gesege gemoa. mo gotubu mongala nde gesege gemoa motobame la wolo lolo. 37 botonga nde tambe bosambale po dje mo.tambe djetaama nde mo gelenge ge mbo moonge gombale dje pelo. 38 mangato ba mo la saani dje gelongo motongama nde la wolo lolo. 39 mo motongama nde la biima abia bi mo gesee gemoa, la talata emoa dje wolo. 40 ngalaa la liange gombo botonge mo gelenge gemoa ambo geeniselo geenisame ago goliolo li ngolo.
Chapter 26

1 botonga nde gekeko , la botonga nde tulu liu dji molikani odjitongame la busi boke la tulu djiilo la bwelu bwilo la ndelu. botonga nde ambwale bakeluba ba mo la bweli bolo. 2 osa bo tulu djaho momoa momoa mongala nde beonde betuku bele la mwambe la olene bo mo beonde benei. tulu djaho djitubu djengala nde ogelana la la olene laa osa. 3 tulu djitano djeandama nde gesee gemoa, la djitanu djaasina djiandama nde gesee gemoa. 4 botonga nde bolii la bapoolo ba pili mo bonywa bo tulu odje lio li tano odjaandame gesee gemoa. botanga nde bolii la bapoolo lagalo mo bonywa bo tulu dje lio li bitano biasina biandane gesee gemoa. 5 botonga nde bolii la bapoolo betuu tano be tulu emoa la bolii bo bapoolo betuu tano goliolo li tulu dje djele. belii beaho beletana nde. 6 botonga nde bibundelo betuu tano be wolo, la booanda nde tulu djaho gesee gemoa mo bibundelo bi mo gombo gekeko gengae gea gemoa getubu. 7 botonga nde tulu dji bepuu be taba po dje luuma lo goliolo li gekeko. botonga nde tulu liu la emoa. 8 osa bo tulu emoa emoa bongala nde la beonde betuu besaso, la olene bo mo bongala nde beonde benei. tulu djaho liu la gemoa djigelane la olene laa osa. 9 boanda nde tulu itano gesee gemoa la tulu liambe gesee gemoa, la tulu dje liambe boobwanya nde gopelo luuma. 10 botonga nde bolii bo bapoolo betuu tano mo bonywa bo tulu go lio li tulu yitanu, la bolii bo bapoolo betuu tano mo bonywa bo tulu dje lio li tulu liambe. 11 botonga nde bibundelo bi bikeko betuu tano la boogotsha nde bibundelo goete bapoolo la booanda nde likumbo gesee gemoa gombo mongale gea gemoa getubu. 12 ndambo odjadjotiala go tulu dje likumbo moandama nde go lio li likumbo gombisa. 13 boonde bomoa gombale emoa la boonde bomoa gombale djasina, moetela nde la osa bo tulu dje bokondi, moandama nde gombale dje likumbo, la gombale ene la gombale djaho gombo molupe mo. botonga nde gea geolupa go liolo li bokondi, motongama nde la ngogo odjilongane la bapate dji bolome la taba dji bolome. 15 botonga nde kadele la ikoko dji kasia gombo moemale po dje likumbo. 16 osa bo kadele djaho bongala nde beonde liu la olene bo mo bongala nde ambo boonde bomoa la ndambo. 17 bisigo biele bingala ndegoete kadele emoa la emoa moandame la toato babadja abaete goeta dje mo. botonga nde galo po dje kadele djitubu dji likumbo. 18 botonga nde kadele betuu bele po dje likumboli gombale dje mbole. 19 botonga nde ambwale biemaelo bi palata betuu benei gose dje kadele djaho betuu bele , biemaelo biele gose kadele emoa po dje bisigo biele bi mo. 20 botonga nde ambwale kadele betuu bele po dje gombale dje biele dje likumbo, gombale dje liolo, 21 la biemaelo bi mo la palata betuu benei biemaelo bielegose kadele emoa la biemaelo biele gose kadele djasina. 22 botonga nde kadele liambe gombisa dje likumbo gombale dje gelimegelo ge bwina. 23 botonga nde kadele djele gombo djingale go lio li likumbo gombisa. 24 mosegana nde gose la mbo moandama nde go liolo gombale lopete lo pelo. mongala nde galo moete mo gotubu mwele, mongala nde po dje baiyo ba mo baele. 25 kadele bonaani djingala nde ambwale biemaelo bi mo la palata liu la liambe; biemaelo biele gose kadele emoa la biemaelo biele gose kadele djasina. 26 botonga nde tokoko tosa to kasia. 27 tokoko totanu tongala nde po dje kadele gombale emoa dje likumbo, la tokoko totanupo dje kadele gombisa dje likumbo gombale dje gelimegelo ge bwina. 28 ikoko dji etalaeta dje kadele, djitotoga nde go lio djimoa ambwale dji ngala nde go lio li mwasina. 29 boolupa nde kadele djaho la wolo la botonga nde mepete be mo la wolo ambo bibundelo bi tokoko, la boolupa nde ikoko djaho la wolo. 30 boemalisa nde likumboliaho mo gelenge ogeenisame ago go liolo li ngolo. 31 botonga nde tulu djaho la pili la dje bwelu o bwilo la bwelu dje hembe odjatongame la busi boke. motongama nde la bweli bo bakeluba botongama nde la mo. 32 booandanisa nde mo la bisigo binei bi tokoko to kasia otoindjame la wolo la mongala nde la lilango li wolo la moemala nde mo biemaliselo bi palata. 33 booanda nde tulu djaho mo bibundelo la boodja nde la liuta li geeniselo gombisa dje tulu. tulu djaho eseganya nde po djaino moete gesee ge loongene. 34 botaa nde gengaelo ge nganji goliolo li liuta li geeniselo goete gesee ogeete la loongene. 35 botaa nde ambwale mesa gopelo dje tulu, la getelo ge lotambe gombale dje mbole dje likumbo oletana la mesa, la botaa nde mesa gombale dje liolo. 36 botonga nde ambwale tulu po dje bonywa bo bokondji. tongaa mo mopili la mogwelu bwilo la mogwelu bo hembe obotongame la busi boke, obodjeme bo la osola. 37 botonga nde bisigo tano bi kasia po dje tulu la boolupa nde mo la wolo. lilango li mo litongama nde la wolo, la botonga nde biemaelo bi mo bitanu bi gekeko po dje mo.
Chapter 27

1 botonga nde gehumbelo ge ikoko dji kasia. osa bo mo bongala nde beonde betanu la olene bo beonde betano. gehumbelo gegelana nde bisee binei, la mosanda bongala nde la beonde beseso. 2 botonga nde seba po dje mo golio li mo monei. seba djengala nde go gehumbelo gesege gemoa, la boolupa nde mo la gekeko. 3 botanga nde liuta po dje buta la pao la saani la kanya la liuta li djimbe. botonga nde mo gotubu la gekeko. 4 botonga nde gea ge olingya gehumbelo ambo bonama obologame la gekeko. botonga nde mepete be bikeko binei po dje baiyo banei ba bonama boaho. 5 botaa nde mo gose bolelo bo gehumbelo ge gelenge gembo bonama bosuluge se goiga moeta laeta bo gehumbelo. 6 botonga nde ikoko dji kasia po dje gehumbelo la boindja nde mo la gekeko. 7 ikoko djaho djetisama nde moete mopete bo gelenge gembo ikoko djingale la mbale djele dje gehumbelo aho adjotola bo mo. 8 botonga nde mo la babadja la boosidja nde mo bwasi moeta la eta ambo ogalo aenisame age goliolo li ngolo. motongama nde galo. 9 botonga nde geamba ge likumbo. la gombale dje mbole likumbo lietongama nde la tulu dje hembe odjatongame la busi dje ke. osa bo mo bongala nde la beonde bokama gombale emoa. 10 bisigo bingala nde betuu bele la biemaelo betuu bele abitongame la gekeko, la mbo lilango li bisigo la tokoko goete dje mo bitongama nde la palata. 11 lagalo po dje osa bo geamba gombale dje liolo tulu djengala nde beonde bokama la osa la bisigo bi mo betuu bele la biemaelibi mo betuu bele bitongame la bikeko, la mbo lilango li bisigo la tokoko goete dje mo motongama nde la palata. 12 tulu djingala nde djisa beonde betuu tano po dje olene bo geamba gombale dje gelimegelo ge bwina, la bisigo bingala nde liu la biemaelo liu. 13 olene bo geamba gopelo go genenelo ge bwina mongala nde beonde betuu tano. 14 tulu dji mbale emoa dje bome djingala nde beonde liu la tano, la bisigo biseso la biemaelo biseso. 15 gombale djasina dje bome tulu djiindja nde la beonde liu la tano, la bisigo biseso la biemaelo bisaso. 16 tulu dji beonde betuu bele la osa, la motongame la pili dje bwelu la bwilo la dje ndelu la bolikani odjatongame la busi dje ke, motongame la osola mongala nde po dje bome bo geamba. mo la bisigo binei la biemaelo binei. 17 bisigo bitubu bi lopango biandama nde la palata. lilango limo lingala nde la palata la biemaelo bi mo biengala nde la bikeko. 18 osa bo lopango bongala nde la beonde bokama la olene bo mo beonde betuu tano la mosanda bo mo beonde tano, la motongama nde mo tulu dje bolikani obotongame la busi boke, la mongala nde la biemaelo bi gekeko. 19 bitongelo bitubu bi likumbo, imbai mbo ligwa limo gii, la bolelo bo mo gotubu la bolelo bo lopango botubu botongama nde la gekeko. 20 boolakela nde baito ba yisalaele gombo badje la baina balo ba bilaya obatshangame po dje lotambe, mo litina li mbo lotambe lokoke gotaama po dje oonga loongo. 21 alona la bana bande ba bolome bebatela nde hema dje geuganelo ge golusa odje tulu dje pelo geemelo, ototoga lotigo kino la nongo gopelo dje mungu.mo mongala nde bobeko po dje loongo gombo baito ba yisalaele baimilie mo moete basego babo batubu.
Chapter 28

1 emalisa alona lisego liago la bana bago a bolome mo lilongo, totoga goete baito ba yisalaele gombo botongelei lambo djakanga; o moete alona la bana bande ba bolome, nadaba la abibu la eleajala la itamala. 2 botongela nde alona bogolo la boli bwagotulu dje loongene la luuma la po dje olo. 3 boosolola nde la baito batubu ba bweli bo ligwa, bee baapeemi botema bo bweli, gombo batonge tulu dje alona po dje mbo babulise ge po djai mo ligwa li bokanga. 4 ane tulu odjadjotonga bo gombo, litunga laa efode la tulu dje yesasa la kasaka adjetongame la osola la tulu dje botshwe la bolii. betongela nde alona bogolo la boli bwago la bana bande ba bolome tulu dji loongene gombo batongelemi ambo djakanga. 5 beosa nde ambwale wolo la pili dje bwelu bwilo la bwelu la bolikani obotongame la busi boke. 6 betonga nde efode bo wolo la pili la bwelu bwilo la bwelu la bolikani botongame la busi boke, betonga nde mo la bweli bolo. 7 mongala nde la bisege biele po dje baele obaandame go lio li mo mwele gombo mokoke goandana gesee gemoa. 8 bolii bwe botongame la bweli, bo goliolo li mo po djoanda mo, motongama nde mo gelenge ge efode la motongama nde la bia biaho bi efode obitongame a mo, gombo; wolo la pili la bwelu bwilo la bwelu bo bolikani obotongame la busi boke. 9 boosa nde babanga ba soama baele, la boosa nde baina ba bana ba bolome ba yisalaele. 10 baina ba baito baaho liambe bengala nde mo libanga limoa la lina li liambe olitiale lo lingala nde mo libanga liasina, mo bolongo gelenge gemoa ogalo abotame bo. 11 bootinya nde lisigi mo babanga baele baaho mo baina ba bana ba bolome ba yisalaele gelenge gemoa ambo botinyi bo basigi etinyatinya nde mopete mo gelembo. bolingia nde mo bibundeli obilogame lo la bolii bo wolo. 12 booanda nde babanga baele baaho la bisege bi efode po dje baele gombo bangale babanga ba geeniselo po dje bana ba bolome ba yisalaele. alona ambwale etola nde lina liabo gotie baele bande gopelo mungu po dje geeniselo. 13 boologa nde bibundeli bi bolii bo wolo, 14 la benyololo bele be wolo belo bienege nde ambo bolii, la boanda nde benyololo obienegele gombale djoandela. 15 botonga nde litunga li bweli bolo po dje gekateli. botonga nde mo gelenge gemoa la ligwa li efode, la botonga nde mo la wolo la pili la bwelu bwilo la bwelu bo bolikani obotongame la busi boke. 16 osa bo mo bogelana nde la olene bo mo la mobwanyama nde mo mwele. osa bo mo bongala nde ndambo dje beonde. 17 boosela nde belongo benei be babanga ba mo. bolongo bo pelo bongala nde go salali la go topaji la go balekete. 18 bolongo bo bele bongala nde go emelode la go safili la go yahalimi. 19 bolongo bo beseso bongala nde go wakiti la go agate la go ametusiti. 20 bolongo bo benei bongala nde go belulu la go soama la go yasipi. mo gotubu moandama nde mo biandelo obilitame lo mo bolii bo wolo. 21 babanga liu la baele bengala nde, mosiginyame la lina li bana ba bolome ba yisalaele, mongala nde ambo mepete me gelembo, gemoa la gemoa mosiginyama nde la lina li mo po dje basego liu la baele. 22 botonga nde benyololo be wolo lolo bilogame ambo bolii po dje tulu dje gegwa. 23 botonga nde ambwale mepete bele be wolo po dje libenga, la botaande mepete bele beaho go lio djele li libenga. 24 botaa nde bolii bo wolo bwaho bele goete mepete bele goete lio li babenga baele. 25 booanda nde go baiyo baele ba bolii bwaho gombale dje biandelo l'hologame la bolii bo wolo, la booanda nde mo gopelo gombale dje bisege bi efode po dje baele. 26 botonga nde mepete la wolo djele la bota nde mo go baiyo baele ba libenga go lio li mo goeta, go ngonga dje efode. 27 botonga nde mepete be wolo djele la booanda nde mo gopelo gombale bisege bi efode po dje baele ba lio gose dje mo, moandane la bolii botongame la bwelu. 28 beanda nde libenga la mepete be mo gongale mepete be efode la bolii bo pili gombo molale goliolo li bolii bo efode obotongame la bweli, lambo libenga litootoga go efode. 29 lagalo goadjogota alona go gesee ogeete la olo etola nde lina li bana ba bolome ba yisalaele goliolo li botema bwande goete libenga po dja gekateli ambo gekaniseli ge loongo po dje mungu. 30 botaande ulimo la tumimu goete libenga po dje gekateli, la mwadjongala goliolo li botema bo alona, aho adjogota ge gopelo dje mungu. lagalo alona etolande gekateli ge mbeo dji baito ba yisalaele goliolo li botema bwande gopelo mungu dje loongo. 31 botonga nde tulu dje sa tulu po dje efode la pili. 32 ndole engala nde moeta la eta dje mo goete botshwe, la bolelo bo ndole djaho boindjama nde la bolii oboandame gelenge gemoa ambo lipoolo li tulu dje gimo, mo litina li mbo mopakoke gohalega. 33 botonga nde limona gosuka dje mo gose. botonga nde mo la pili la bwelu bwilo la bwelu boaho bolingia nde golio litubu odje osa, la botonga nde ngelengele dje wolo goete dje limona. 34 ngelengele dje wolo emoa la limona limoa, ngelengele dje wolo emoa la limona limoa molingia nde golio li tulu odje sa. 35 alona ebata nde mo po dje ligwa la lolusa lo mo loana nde aho adjogota ge go gesee ge loongene gopelo mungu, la goadjonena ge, gombo atongba. 36 botonga nde getando ge wolo lolo la bootinya nde lisigi li mo ambo lisigi li lopete li gelembo gombo gelemo gongale mungu. 37 booanda nde mo la bolii bo pili gongale tulu dje botshwe. mongala nde gopelo tulu dje botshwe. 38 mongala nde gopelo osio bo alona, alona ebata nde basumo obadjotonga baito ba yisalaele aho adjopaa bo luuma gongale boeba bwabo. mongala nde loongo gopelo osio bwande gombo bakoke go yambama gopelo mungu. 39 botonga nde kasaka dje bolikani obotongame la busi boke, la botonga nde tulu go botshwe bo bolikani obotongame la busi boke, la botonga nde bolii obo yeme bo la osola. 40 botonga nde kasaka la bolii la tokoti po dje bana ba bolome ba alona. botonga nde mo po dje loguma la po dje gelemo. 41 botaa nde mo gongale alona lisego liago la bana ba bolome bande gesee gemoa la ge, la boogilitsha nde bo la boolupisa nde bo la boogotsha nde bo mo ligwa gombo batongelei ambo djakanga. 42 botongela nde bo melinda me bolikani po djomama bopona bwabo. mo mwiga nde mo gesegese la mobabongo. 43 alona la bana bande ba bolome bebatande milinda aho adjogota bo go hema dje gesonganelo, aho adjoiga bo bagu go gehumbelo ge boeba po djotongela mo gesee ge loongene gombo batobata obe la batshongba. mwe mongala nde bobeko bo loongo po djaande la po dje lisego liande gombisa djande.
Chapter 29

1 lagalo botongela nde bo mbeo djee po djobulisa bo gombo batongelei ambo djakanga. osaa bona ga ngombe dje bolome la pate dji bolome baele abatia bengale babe, 2 la tokuma atoti la djimbe la bekate obeti la djiimbe la mobwanyame la baina, la bekate beke obedjange djiimbe begilitshame la baina. botonga nde mo la fulo dje basangu obatshangame djeikee. 3 botande mo gotubu goete gekolo gemoa la boodjande la ngombe dje bolome la ba pate dji bolome baele. 4 boodja nde la alona la bana bande ba bolome go gegwe ge hema dje gesonganelo, la boopula nde bo la badje. 5 boosa nde tulu la bobatisa nde alona kasaka la tulu dje sa dje efode la efode la libenga la booanda nde mo gesegese geande la bolii bo efode obotongame la bweli. 6 bota nde tulu dje botshwe mo botshwe bwande la botande ikoti dji loongene goliolo li tulu dje botshwe. 7 boosa nde baina boetsha la boobela nde mo mobotshwe bwande la boetsha nde ge. 8 gombisa boodja nde la bana ba bolome bande la bobatisa nde bo kasaka, 9 la booanda nde bolii mo bisegese biabo, alona la bana babo ba bolome, la booanda nde bikoti byabo, la bokanga bwabo po dje bobeko bo loongo. lagalo boogotsha nde alona la bana bande ba bolome moete ligwa. 10 lagombisa boodja nde la ngombe dje bolome gopelo dje hema dje koyangana, alona la bana bande ba bolome belalisa nde baago babo go botshwe bo ngombe dje bolome; 12 la boosa nde djei ndambo dje baila ba ngombe la botaa nde mo moete seba dji gehumbelo ge isangana djago la boobela nde baila obadjotiala gose gehumbelo. 13 boosa nde baina ba bioo batubu la gesege geke ge bindo bi golome la bipimelo biele bi baina baaho gesee gemoa, la bohetsha nde mo goliolo li gehumbelo. 14 la bonugu bo ngombe la logogo lo mo la tobi to mo bohetsha nde mo mo djimbe golusa bo molako. mongale boeba bobe bo lisumo. 15 gombisa boosa nde bolome bo pate bomoa, la alona la bana bande ba bolome belalisa nde baago babo gotie botshwe bo pate djaho, 16 la boloa nde bolome bo pate djaho la boosande baila ba pate djaho botaa nde mo mo gehumbelo golingia mo gotubu. 17 lagombisa bootinya nde bolome bo pate bisege la bosogola nde bioo la baolo, la botaa nde mo gesee gemoa la bisege la botshwe bo mo, 18 la bohetsha nde bolome bo pate bwaho botubu goliolo li gehumbelo. mongale boeba bo ohumba po dje mungu. mongale loongene olo, boeba bo djiimbe po dje mungu. 19 boosande pate dje bolome djasina, la alona la bana bande ba bolome belalisa nde baago babo go botshwe bo pate. 20 la boloa nde pate djaho la boosande ndambo dje baila ba mo botaa nde mo songe dje litui mo djogo dji bolome dji alona, la go songe dje batui dje baago ba bolome ba bana ba bolome bande, la baganda balene ba baago babo ba bolome la baganda balene ba baolo babo ba bolome.ndambo dje baila obangotiala botaa nde mo go gehumbelo oge olingela mo. 21 la gombisa boosa nde ndambo dje baila obangale goliolo li gehumbelo la ndambo dje baina boetsha, la botaa nde mo gongale alona la tulu djaande la bana bande ba bolome la tulu djaabo gesee gemoa ande. ge engala nde mo loongene la tulu djaande, la bana bande la tulu djaabo gesee gemoa la ge. 22 boosa nde ambwale ndambo dje baina ba pate dji bolome la baina ba boali la baina obalupe bioo la bisege bike bi bindo bi bolome la betua bele be baina ba mo gesee gemoa. la gebelo ge golome po dje mbo mongale pate dje obulisa. 23 boosa nde ambwale ikuma djimoa la bokate bomoa la baina la bokate boke bomoa ototoga go bolumba bo tokuma ototi la djiimbe gopelo dje mungu. 24 botaa nde mo gotubu mo baago ba alona la mo baago ba bana bande ba bolome,la boomotsha nde mo ambo boeba bogulumesa gopelo mungu. 25 la gombisa boosa nde mo moete baago babo la bohetsha nde mo goete gehumbelo ge goliolo li boeba bo bohumba, po dje liipu li lo gopelo mungu. mongale boeba bo djimbe po dje mungu. 26 boosa nde gegwa ge pate po djobulisa alona la boogulumisa nde mo ambo boeba booguluma gopelo dje mungu. mo mongala nde ndambo po djino. 27 bobuisa nde ambwale gegwa ge boeba booguluma la ebelo bo gesege po dje djakanga mo mogulumisa nde, la mopaama nde ogalo ototoga go pate djobulisa, po djembo mongale po dje alona la bana bande ba bolome. 28 mo mongala nde po dje alona la bana bande ba bolome ambo nongo dje loongo dje baito ba yisalaele, po dje mbo mongalendambo po dje djakanga mopaama nde la baitoba yisalaeleototoga go boeba bwabo moete gehoi. mongale boeba bwabogongale mungu. 29 tulu dji loongene dji alona djingala nde po dje bana bande gombisa djaande gombo bagilitshame goete dje mo la babulisame goete dje mo. 30 bona ogadjongala kanga mo gesee geande ebata nde mo moete bekolo bosambale aho adjogota ge gohema dje koyangana po djotongela goete gesee ge loongene. 31 boosa nde pate ye bolome po djobulisama la bolamba nde bonugu bo mo mo gesee ge loongene. 32 la alona la bana bande belaa nde bonugu bo pate la tokuma moete gekolo gombale bome bo hema dje koyangana. 33 belaa nde bia bi mbondi po dje ogotsha bo moete ligwa la obulisa bo, la boto gasina apakoke gola mo po dje mbo bingale bi loongene. 34 engala mbo djei ndambo dje bonugu po djogotsha goete ligwa, too djei ligilima li tokuma litiale tee la nongo, andi bohetsha nde mo moadjotiala mo djiimbe. mopalame po dje mbo mongale gwelu. 35 botonga nde galo gongale alona la gongale bana bande ba bolome, ogalo asilemi golakela bo. bekolo bosambale boogotsha nde bo goete ligwa, 36 la bokolo la bokolo boohumba nde ngombe dje bolome ambo boeba bo lisumo po dje obe. boohumba nde ambwale boeba bo lisumu po dje gehumbelo aho adjopaa age mbondi po dje mo, la boogilitsha nde mo po djobulisa mo. 37 boopande mbondi po dje gehumbelo la bobulisa nde mo bekolo bosambale, la gehumbelo gengala nde gelo. bia bitubu obiadjotolama go gehumbelo bingala nde bi loongene. 38 momwe boohumba nde mo goliolo li gehumbelo gombo; bana ba pate baele ba gelanga gemoa, bokolo la bokolo bekolo betubu. 39 boohumba nde bona ga pate omoa la nongo, la bona ga pate djasina boohumba nde la liolo. 40 boopaa ndambo dje liu la efa la fulu odjatshangame lo djeikeike mobwanyame la ndambo dje inei la himi la baina obatshwame la ndambo dje inei dje himi dje vinyo ambo boeba bo omwa gesee gemoa la bona ga pate ga pelo. 41 boohumba nde bona ga pate djasina liolo, la bona ga pate mo bolongo boopa nde boeba bo ola la boeba bo omwa lalo, gelenge gemoa la nongo, po dje liipu li lo, la boeba bo djiimbe po dje mungu. 42 mongala nde boeba bo ohumba loongo moete basego baino batubu gombale bome bo hema dje koyangana gopelo mungu, go adjouganesu laago po dje obea laino. 43 emi djuugana nde la baito ba yisalaele, la mobulisama nde la bwelu bwai. 44 emi djeebulisa nde hema dje koyangana la gehumbelo, la djeebulisa nde alona la bana bande ba bolome gombo batongelei ligwa ambo djakanga. 45 emi djeengala nde se moete baitoba yisalaele la emi djeengala nde iongiaongia djaabo. 46 bo ambwale beluba nde mbo emi djende ngene iongiaongia djabo, oganyenye bo goete gehuma ge ejipito gombo ingalese moete djaabo. emi djende ngene iongiaongia djino.
Chapter 30

1 botonga nde gehumbelo po djohumba paka la malasi. botonga nde mo la ikoko dji kasia. 2 osa bo mo bongala nde boonde bomoa la olene bo mo boonde bomoa. mogelana nde bisee binei, la mosanda bo mo mongala nde beonde bele. seba dji mo djingala nde gesege gemoa ge mo. 3 boolupa nde mo la wolo lolo, goliolo li mo la go ngonga dje mo bisee bitubu bi seba dji mo. botonga nde ambwale bolelo bo wolo bo olingia mo. 4 botonga nde mepete be wolo bele po dje mo, booanda nde mo gose bolelo bo mbale djele. moletana nde la mongala nde la bibundelo po dje tokoko twele la getoelo gemoa. 5 botonga nde ikoko djaaho la kasia la boolupa nde mo la wolo. 6 botaande mo gopelo tulu go ngonge sanduku dje geeniselo, gopelo dje mbo molongane la nganji goliolo li geeniselo; go adjouganesu laago. 7 alona ehumba nde pakala malasi dje liipu lilo goliolo li mo. ehumba nde mo bekolo betubu la nongo aho adjolonganya ge tambe, 8 la aho adjoongisa alona tambe dji liolo ehumba nde mo, paka la malasi dje loongo gopelo mungu dje basego batubu. 9 bopahumbe paka la malasi mo gelenge geasina goliolo li mo, la ati boeba boohumba, ati boeba bo ola, la bingobela boeba bo omwagoliolo li mo. 10 alona epaa nde mbondi goliolo li seba dji monemoa moete gelanga gemoa. epaa nde baila ba boeba bo lisumu po dje mbondi po dje mo mbala emoa moete gelanga gemoa moete basego baino batubu. moete la olo po dje mungu. 11 mungu ebegise nde mose gombo, 12 aho adjotonga age baito ba yisalaele, boto la boto efutela nde mungu gokakolama po djaande pendja gee geadjobala bo litina li gombo loo lo bogasa lotogwela bo aho aadjobala age bo. 13 boto la boto aeta moete obabale lo, epaa nde ndambo dje sekele, la gelenge ge sekele mo gesee gelo (sekele emoa egelane la gela betuku bele. epaa nde ndambo dje bioto bi sekele ambo beeba be mungu. 14 boto la boto etangame imbaimbo bilanga biande biasila ogelana betuu bele, epaa nde boeba gongale mungu. 15 baudji bapapee oeta ba sekele ndambo, la mbo obatia bengale baudji bapadjange gogelanya mo, aho adjopeenu boeba bo mungu ambo mbondi po djino pendja. 16 boosa nde bioto bi mbondi dje baito ba yisalaele la booganyela nde bo po dje ligwa li hema dje koyangana, mo litina li mbo mungu akanise baito ba yisalaele la po djopaa mbondi djino pendja. 17 mungu ebegise nde mose gombo, 18 botonga nde gepueloge gekeko ambwale la geemaelo ge mo ge gekekoambwale po dje opula. bwemalisa nde mo goete hema dje koyangana la gehumbelo, la botaa nde badje goeta dje mo, 19 gombo alona la bana bande ba bolome basogole baago laa baolo. 20 gwadjogota bo go hema dje koyangana, la goadjoiga bo bagudje gehumbelopo djotongela, po dje ohumbaboeba bo djimbe gongale mungu, bepulande mo badje gombo batongba. 21 bepula nde baago la baolo gombobatosinga. mongala nde bobeko bwabo po dje loongo, laa ge laa bana bande la basego babo batubu. 22 mungu ebegise nde mose gombo; 23 osaa bia bi malasi obiete la olo biye: bioto bi ba sekele bekama tano la mola oboalangoga, la djei ndambo dje olito la kinamomo, mongale la ba sekele bekama bele la betuu tano, la bekama bele la betuu tano dje bolii bo loongene; 24 la kase dje bioto ba sekele bekama tano mo gelenge ge bioto bi sekele mo gesee ge geelu, himi bomoa bo baina ba bilanga. 25 po dje mwe gotubu botonga nde baina baelu po djoetsha, mosongane la bweli bo botongi bo malase. mongala nde baina baelu boetsha. 26 moete baina be boetsha nde hema dje koyangana la liuta li geeniselo. 27 la mesa laa bitongelo bi mo gotubu la getelo ge mwinda la bitongelo bi mo la bihumbelo bi paka la malasi. 28 la gehumbelo ge boeba bo ohumba la bitongelo bitubu bi mo la gepuelo la idjolo djimoa. 29 boopa nde mo luuma gombo mo moete la bwelu, lambo imbai gea inandi getole mo gengala nde geelu. 30 boetsha nde ambwale alona la bana bande ba bolome, la bobulisa nde bo gombo batongelei ambo djakanga. 31 bobegisa nde baito ba yisalaele gombo, mwe mongala nde baina baai baelu po djoetsha moete basego baino batubu. 32 mo mobelega nde mo bindo obitia bingale bi boto gasina, la botonga nde baina baasina obatia bengale gelenge gemoa la mo mongale gwelu la mongala nde gwelu po djaino. 33 engala mbo indi adjotonga mwasina gelenge gemoa la mo imbaimbo indi adjota mo gongale boto gasina etotolama nde goete baito bande. 34 mungu ebegise nde mose gombo, osaa bia bi malase la sekateke la olika la kalabone la biya bi malasi la paka dje malasi baelu gesee gemoa, bisege bi biya obiadjogelana. 35 botongela nde mo paka la malasi odjibwanyame la bweli bo botongi bo malase, mobwanyame ambwale la bonana, bwelu la loongene. 36 botshwanga nde djei ndambo dje mo boke la moguwe, la boosela nde ndambo dje mo gopelogeeniselo goete hema dje koyangana go adjouganelesu laago. mweta nde lolo po djaino. 37 po dje malasi obadjotonga age, botongindi mo mo gelenge ogetia gengale gino pendja, mo mongala nde mo baiso baino ba bwelu gongale mungu. 38 imbai mbo indi adjotonga mo mogelenge giye po dje malasi, etotolama nde goete baito bande.
Chapter 31

1 mungu ebegise nde mose gombo: 2 letaa djasiidja gota besalele bona bona golome ga uli, bona ga hulu, molisego li yuda, mo lina, 3 la djaasiidja godjalisa ge la boenda bo iongiaongia la bweli la ogolotanya la oluba la bweli bo bagwa batubu, 4 po djogelegia bagwa balo la po dje bagwa ba wolo la palata la gekeko 5 la po djotinya babanga boandana la po djotinya basigi mo ikoko, la po dje bagwa ba bilenge bitubu. 6 letaa djaasidja gopona oholiaba la ge molilongo, bona golome ga ahisamaka mo lisego li dani. djaasidja gopaa bweli mo baito ba bweli gombo batonge mo gotubu mwasilei golakela age mo gombo, 7 hema dje koyangana la liuta li geeniselo molongane la nganji goliolo li mo la biya bitubu goete hema, 8 la mesa la bisaleli bi mo la geseelo ge lotambe bwelu la bisaleli bi mo mo lilongo, la gehumbelo ge paka la malasi, 9 la gehumbelo ge boeba bohumba la bisaleli bi mo gotubu gesee gemoa, la gepuelo la geemaelo ge mo 10 la tulu odjitongame la bweli la tulu dji bwelu po dje kanga alona la tulu dji bana ba bolome bande po dje ligwa liabo li kanga, 11 la baina boetsha la paka dje malasi dje liipu lilo po dje gesee ge loongene. botonga nde gelenge getubu ogalo alakele djeelakela age. 12 mungu ebegise nde mose gombo: 13 begisaa baito ba yisalaele gombo, bobateli ndi losigo lwai lo oogoma po dje mbo mongale gelembo goete djai la enu basego baino batubu gombo bolubei gombo emi mungu dje peendenu luuma. 14 bobateli ndi sabata po dje mbo mo mongale gwelu po djino. imbaimbo ndi adjosega mo elowama nde.imbaimbo ndi adjotonga ligwa amo etotolama nde mwete baito bande. 15 ligwa litongama nde po dje bekolo liambe, la bokolo bo bosambale mongale sabata po dje oogoma, bwelu gongale mungu. imbai ndi adjotonga ligwa mo bokolo bo sabata elowama nde. 16 momo angale mbo baito ba yisalaele bebatela nde losigo lo sabata okengela Kosovosabata, okengela losigo lo oogoma moete basego babo batubu ogi angale oimiliama bo loongo. 17 mongale gelembo ge loongo goete djai la baito ba yisalaele gombo mungu etonge nde goliolo laa gehuma moete bekolo liambe, la mo bokolo bo bosambale eogome nde la ge oho audja opia. 18 aho asiidje ge gobegisha mose goliolo li ngolo dje sinai, epee nde ge bisee biele bi geeniselo ge obala, biogomelo bi babanga obasiginye bo la isangana dji iongiaongia.
Chapter 32

1 goene baito mbo mose eligele nde po dje oseloga ngolo, baito baho besongane nde gongale alona la bebegise nde ge gombo; emalaa , la tongelesu iongiaongia ogadjoenda go pelo djaiso. po dje mose ono, boto oganyenyesu go boi bo ejipito. 2 alona ebegise nde bo gombo, totolei bioto bi batwi ba wolo mo batwi ba bogali baino la bana ba bolome baino, la bana baino ba bogali, la djoi lalo gongalemi. 3 lagalo baito batubu betotolende bioto bi batwi bi wolo byabo la bedjende lalo gongale alona. 4 ge eyambe nde wolo mo baago babo, la eyeme nde mo mo getongeli la etonge nde bona ga ngombe ogambe la baina. lagalo bebee nde gombo, mwe mongale ba toongiaongia twago, ee yisalaele, bee banyenye age moete gehuma ge ejipito. 5 goene alona mo geogo aapua gehumbelo gopelo dje mo la alona elaise nde gombo, apendu mongala nde gelambo gongale mungu. 6 beemale nde la nongonongo mo bokolo bo mbisa la behumbe nde boeba bo ohumba la bedjee nde la boeba moete gehoi. baito bengale nde se po djola laa omwa, la beemale nde po djosagela. 7 mungu ebegise nde mose gombo, sulugaa po dje mbo baito bago abanenese age moete gehuma ge ejipito baasidja gosegama bobangene. 8 baasidja gokokoga saga mondole odje lakesei bo. baasidja gotonga bona ga ngombe odja langonga la baasidja gosembogela po dje mo la gohumbela mo boeba la baabea gombo, ono eende mungu djaino, ee yisalaele, oganyenyenu go boi bo ejipito. 9 mungu ebegise nde mose, djaasidja goena baito bee, la letaa bengale baito ba botshwe bopia. 10 lagalo sidjeemi gombo ligege liami liongonge ambo djimbe gongale bo la isiedje bo. lagalo djetonga nde ago lisego lilene. 11 mose esembogele nde mungu iongiaongia djande la ebee nde gombo, ee mugu, po dje gii ligege lyago liaongonga ambo djiimbe gongale baito bago, obanenese age go boi bo ejipito la opia bolene la djoogo djipia? 12 po dje gii baito ba ejipito babee gombo, ge enyenyese nde bo la ko gombo alowe bo go gehuma ge ngolo la mbo asiidje bo gose? kokodjaa ligege lipia liago la kokodjaa botema molitina li obe bwe gongale baito bago. 13 gelegia abalayama la yisaka la yisalaele bekobe byago, bee obalapele ago molina lyago age angene, la bobegise nde bo gombo, djeelesia nde basego baino baidje ambo tosweswe to liolo, la gehuma getubu ogelakelei djeepaa nde mo moete basego baino la boudji ndi mo po dje loongo. 14 lagalo mungu ekokodje nde botema po dje litina li obe botubu obokanise ge gotongela baito bande. 15 mose ete nde igelo mbisa la geoho aaseloga ngolo la bisee biele bi geeniselo ge baago bande. bisee biaho bisiginyame mo bisee biele gombale ene emoa la gombale djasina gosiginyame. 16 bisee byaho bimbende ligwa li iongiaongia, la lisigi li iongiaongia, litinyame nde mo bisege. 17 goe yosua lolusa lo baito obambe moete ohamoga, ebegise nde mose gombo, lolusa lo bita longale mo bome. 18 ge oho aabea gombo, moti lolusa lo ota bima lo gelonga, moti ambwale lolusa lo geleli ge obunega. mongale lolusa lo bogele alongalei moowa. 19 goemale ge sagasaga mo bome la goene ge bona ga ngombe la obina owanga ligege li mose liongonge nde la geoho aata biselo bi baago gato la geoho aabuna mo gose ngolo. 20 ge eose nde ambwale bona ga ngombe odjatonge bo la geoho aahetsha mo moete djiimbe la etshange nde mo la buta la geoho aapandola mo goliolo li lodje la geoho aamwesa baito ba yisalaele 21 mose ebegise nde alona gombo: baito bee betongele nde age loo inandi gombo boalesha obe bolene goliolo liabo? 22 alona ebee nde gombo, sidjaa ligege li ngene djai litoongonga ambo djimbe. age bolube baito bee gombo betee betema biabo bebe. 23 po dje mbo bobegise ndemi gombo, tongelesu iongiaongia ogadjoenda gopelo djiso. po dje mbo mose ono, boto aganenesesu go boi bo ejipito totimoluba imbaimbo loo inandi lo kbela ge. 24 djebegise nde bo go mbo, obabate wolo batotole mo, lagalo bepeendemi mo la emi oho aata mo gato go djiimbe la bona ga ngombe oganene lo. 25 goene mose gombo baito betonge nde lopindi (po dje mbo alona etiende bo gotonga bobulu la beudje nde osaboga mo baiso ba obatia belemba bo), 26 lagalo mose eemale nde mo gegwe ge likumbo la ebee nde gombo: imbai ndi angale boto ga mungu adje gongalemi. lagalo bana ba bolome ba lewi besangane nde gogande. 27 ebegise nde bo gombo, mungu iongiaongia dji yisalaele aabea galo gombo; boto la boto abunde lihamba lyande mo gesegese la aetee bisee la bisee, la gegwe la gegwe goeta likumbo, la boto la boto alowe bogolo boli bwande bo golome la tomba djaande la bogali gaande, 28 bana ba bolome ba lewi betonge nde gelenge gemoa ogalo abee mose, la baito bengbe nde mo bokolo bwaho bolome koto iseso. 29 mose ebee nde gombo, bwaina bwasiidji gotonga lotomo lwino lotubu po dje mungu, po dje mbo djoogo dji boto la boto djaalona la bona golome gande geangene la bogolo la boli bwande pendja, molitina li gombo mungu apeenu gemengi bwaina. 30 mo bokolo bo mbisa mose ebegise nde baito gombo: enu boatongi obe bolene, la ogiogi djengale molila gongale mungu. imbaimbo djeekoka nde goudja omesegidja goete obe bwino. 31 lagalo mose ebinoge nde gongale mungu la ebee nde gombo, ee, baito bee baatonga obe bolene. baatongela bo bangene iongiaongia dji wolo. 32 la ogiogi, engaambo boolemba gomesegidja obe bwabo; la mbo mongala mbo ati galo djaasembogela age gombo bototole lina liami goete bokanda bwago abosiginye age. 33 mungu ebinogesele nde mose gombo, imbai mbo ndi atongelei lisumu, ge engale boto ogadjototolei goete loasi loami. 34 la teaa ogiogi la endishaa baito bee go gesee ogebegishe djebegisha age. letaa,andjelu bwami edjande gopelo djaago. lagalomo bokolo bo nongo djeepaa nde bo nongo po dje lisumo lyabo. 35 mungu etobe nde baito batubu po dje mbo betonge nde bona ga ngombe gi atonge alona.
Chapter 33

1 mungu ebegise nde mose gombo: emalaa, age la baito obanyenyese age go boi bo ejipito, lilaa goboi obobundemi la olapa gongale abalayama la yisaka lakobo gombo: djeepaa nde mo go basego bago. 2 djetoma nde ambwale andjelu gopelo djago, la djenenesa nde baito ba kanana la baito ba amola la baito ba bahiti la baito ba piliji la baito ba hiwi la bayebusi. 3 lilaa gongale gehuma ogeete la nele la baina ba boge. emi nde atia djadjolila goete djino, gombo itosiidjenu moete ndole, po dje mbo enu bongali baito ba botshwe bopia. 4 goe baito mboli djibe djee boende ngandi la boto la omoa atibate biima biya byande bilo. 5 po djembo mungu esilende gobegisa mose gombo, begisaa baito ba yisalaele gombo: enu bongali baito ba betshwe opia. engala mbo emi djelila moete djino laa po dje gee geke, andi djaasiidjenu. lagalo totolei biya bino obilo gombo djilube imbaimbo djetongele ndenu gii. 6 momo atotole baito ba yisalaele biya biabo bilo aho atotoge bo go ngolo dje holebe. 7 gee getubu mose eose nde likumbo la geoho aemalisa mo golusa mo geamba, la ge ete nde mo lina li likumbo li geuganelo. imbaimbo indi asile mungu ge enena nde gombale dje likumbo li geuganelo ge golusa bo geamba. 8 imbaimbo mose enene nde goete dje likumbo andi baito batubu beemalende la boto la boto eemale nde mo gegwe ge likumbo lyande la elete nde gombisa dje mose ogalo asiidje ge ogota goete likumbo. 9 gogote mose goete likumbo, gesigo ge lipata gesuluge nde se la geemale nde mo gegwe ge likumbo la mungu esolole nde la mose. 10 goene baito batubu gombo gesigo ge lipata geemale nde mo gegwe ge likumbo, baito batubu beemale nde la bobo baasembogela; boto la boto gombale gegwe ge likumbo lyande. 11 mungu esolole nde la mose gai moete baiso bande, ogalo asola boto la tomba djaande. aho abinoge mose go geamba mbala djasina, boto gaande ga ligwa yosua, bona ga nuni, bona golome, atitotoge go likumbo. 12 mose ebegise nde mungu gombo, letaa boabegisemi gombo lilisaa baito bee.la botibegisemi imbaimbo botomendei la ndi molilongo. la mbo boabea gombo, emi djelube age la lina la age bolongane moete baiso baami. 13 lagalo djaasembogela age, imbaimbo djelongane gopelo djaago, enisemi ndole djaago ogiogi gombo djilube age la djilongane mo baiso bago, enisemi ndole djaagoogiogi mbo ilube age la ilongane mo baiso bago. gelegia ambwale gombo lisego lie liende li baito bago. 14 ge ebee nde gombo: emi angene djea nde ago lilongo la djeepa nde age geogomelo. 15 mose ebegise nde go gombo: engala mbo bopae lai gesee gemoa, andi bopatotolesu moete gie gesee. 16 po dje mbo molubana nde gani gombo emi djelongane goete baiso bago, emi la baito bago, engala mbo bopae lami gesee gemoa, po djokabolesu, emi la baito bago, la baito baasina gose? 17 mungu ebegise nde mose gombo: loo lwe loabeage djetonga nde mo po dje mbo bolongane mo baiso baami la emi djelube age la lina. 18 mose ebee nde gombo: djaasembogela age, boenisemi ogenegu bwago. 19 ge ebee nde gombo, djeetisa nde olo bwami gopelo djago la djeelaisa nde gopelo djago lina liami mungu. djengala nde la botema bolo gongale age ogaadjongala lami la botema bolo la djeenisa nde ngandi gongale ogadjoelemi ngandi. 20 ge ebee nde ambwale gombo: bopakoke goleta osio bwami, po dje mbo boto ogadjoletemi gosio apa uhe. 21 mungu ebee nde gombo: letaa, gesee ogengale gombale djai gwadjoemala age goliolo li libanga, 22 la aho adjoeta ogenegu boami djeeta nde age moete gesee ogendege libanga, la djeelupa nde age la djoogo djai ogalo adjo siidjei goeta. 23 la gombisa djeetotola nde djoogo djaami la boleta nde boongo bwami la osio boami bopaletame.
Chapter 34

1 mungu ebegise nde mose gombo: tinyaa bitelo bi babanga biele gelenge gemoa la odji pelo, la emi djeiga nde moete bitoo bi baolo biaho baogi bembe nde moete bitoo bi baolo obipelo obi bune age. 2 semogaa la nongo, la lilaa go ngolo dje sinai la nongo la emalaa gotie ngolo gopelo djai. 3 boto laa omoa apalile ago lilongo la bingosidja boto laa omoa atoenega gotie ngolo djaho tubu. belongo be pate to ngombe pelo gopelo ngolo djaho. 4 lagalo mose etinyende bitoo bi baolo bi babanga baaho baele gelenge gemoa la obapelo ge etotoge nde la nongoongo la geoho aalila ngolo dje sinai, ogi alakele mungu ge, la eose nde bitoo bi baolo bi babanga baele mo djoogo djande. 5 mungu esuluge nde se moete lipata la mose eemale nde gesee gemoa laande, la etee nde lina li mungu. 6 mungu eete nde gopelo djaande la geoho aahamoga gombo: mungu, mungu engale iongiaongia dje ngandi la botema bolo, apoe ligege saga la eete la oboto la loongene. 7 eongomanya nde oboto bwande po dje koto la koto, la emesegilia nde obe la osundja la lisumo, la mbo apalongise obe laa djea, la mbo epaa nde likamba libe li baise goliolo li bana la bana ba bana ogalo adjoiga mo goete basego baseso too basego banei. 8 mose etumele nde se la geoho aasembogela. 9 ge ebee nde gombo, ogiogi imbaimbo djelongane moete baiso bago, ee mungu, andi djesembogele age sidjaa mungu aee goete djiso, laa galo angale bo baito ba betshwe bepia. mesegilia obe bwiso la lisumo liso, la ossesu ambo gemengi giago. 10 ge ebee nde gombo: letaa, djetonga nde oimiliana. djetonga nde bagwa ba bieniselo gopelo baito bago batubu mo gelenge ogetia motongame moete bei betubu, la ati moete lisego limoa, la baito batubu bongale goete djaabo beleta nde ligwa li mungu po dje mbo mongale loo lo bogasa olwadjotongemi ago gesee gemoa. 11 oletidja mwadjolakelemi age bwaina. letaa, djenyenya nde baamola la bakanana la bapeliji la bahiwi la bayebusi gopelo djaago. 12 ngalaa la liange po djaago age angene gombo otonga oimiliana bo baito ba gehuma mopa ? eage gombo motongala yandi goete djaago. 13 boosegisi ndi bihumbelo biabo la bobunindi bisigo biabo la bootinyi ndi bikeko bi asela biabo, 14 ( po dje mbo bopasembogele iongiaongia djasina, po dje mbo mungu, lina liande, isinogela dji obatela, engale iongiaongia dji ligege li gobatela) 15 molitina li mbo bototonga oimidjama bo baito ba gehuma geaho, la aho adjokokodja bo gombise ba mungu djabo la gwadjo humba bo beeba gongale mungu djabo la goadjotama bo age, gombo botola ndambo dje boeba bwabo, 16 lambo boosee bana ba bogali babo po dje bana ba bolome obatia bengale bago, la mbo goadjokokoga bana ba bogali babo gombise ba mungu djabo, gombo bakokodje betema be bana ba bolome bago ati gombise ba mungu djabo. 17 bingotongela ba mungu odjilangole. 18 boolonganya nde gelambo ge tokuma otodjange giambe. bolaa nde tokuma otodjange djiimbe moete bekolo bosambale, ogalo alakele djeelakela age, mo gee ogeponame lo mo songe dje abibu bonene nde goete ejipito. 19 bana ba bogolo batubu bengale baami, la bana ba bolome ba bolongo bwago bo nama, bana ba pelo ba namadji pate laa ngombe. 20 bona ga pelo ga punda la bouhisha nde la bona ga pate, la imbaimbo botilembe gouhisha mo bobuna nde ngingo dje mo. bouhisha nde bana ba bogali batubu moete bana bago ba bolome. omoa apaenege bwasi gopelo djami. 21 botonga nde ligwa moete bekolo liambe la mo bokolo bo bosambale boogoma nde. la moete gee ge obusha bashaa po dje ologa la gee ge otshwa boogoma nde. 22 bobatela nde gelembo ge posho la djuma djipelo dji basangu la gelambo ge omoma go lio li gelanga. 23 bolome bago batubu benena nde gopelo mungu iongiaongia, iongiaongia dji yisalaele, mbala iseso moete gelanga. 24 po dje mbo djetotola nde basego gopelo djago, la djeelesha nde bolelo bwago bolene. boto laa omoa apangale a kamo dje gehuma geago, aho adjoa age po dje oenana la mungu iongiaongia djago mbala iseso moete gelanga. 25 bopapee boeba bo baila baami ba geambe gesee gemoa la boeba bo gelambo ge geetelo gepatiale kino nongo. 26 boodja nde la tuma to pelo twago to gelanga geago goete mbele dje mungu iongiaongia djago. bopalambe bona ga taba odjangale moloma balomi ba inango ande. 27 mungu ebegise nde mose gombo: siginyaa baogi bee. emi djaasiidja gotonga oimidjana bwago la yisalaele mo gelenge ge baogi bee. 28 ge embe nde go gesee gemoa la mungu bekolo betuu benei lotigo loha. ge atile tokuma la atimwe badje. ge ambwale eige nde go gesee ge baogi ba oimidjama ogalola bebeko liu. 29 mose esuluge nde mo ngolo dje sinai, mo bisee biele bi bieniselo bi baago bande. gwaseloge ge ngolo mose atilube gombo logogo lo osio bwande bombende mongenga po dje mbo embende mosolola la iongiaongia. 30 alona la baito batubu ba yisalaele beene nde mose la letaa, logogo lo osio bwande loele nde angandu, la bebange nde goemala laande. 31 mose etende bo liogi, la alona la baito bapelo ba linginda bebinoge nde laande la mose ebegise nde bo. 32 la gombise baito batubu ba yisalaele beemale nde la geoho aalaka bo mbeo djitubu odjibegise mungu ebegisa liemba li sinai. 33 gosile mose gosolola abo geoho aata tulu go osio bwande. 34 la imbaimbo mose egote nde gopelo mungu po djosolola laande, ge etotole nde tulu djaho kino ogalo anene ge. gonene ge la gobegise ge baito ba yisalaele ogalo alakelame ge, 35 baito ba yisalaele beene nde osio bo mose gombo logogo lo osio bo mose bongenge nde. lagalo mose ete nde tulu djaho go osio bwande mbala djasina, ogalo agote ge po djosolola laande.
Chapter 35

1 mose ekutanese nde liemba litubu li baito ba yisalaele la ebegise nde bo gombo: mbeo odjilake mungu gombo botongei mo. 2 ligwa lietongama nde moete bekolo liambe, la mo bokolo bo bosambale bongala nde bokolo bo oogoma po dje opaa luuma gongale mungu. imbai boto inandi ogadjotonga ligwa mo bokolo bwaho eloama nde. 3 bopaongisi djiimbe moete mbele djino bangene moete bokolo bo sabata. 4 mose ebegise nde liemba litubu li baito ba yisalaele gombo: 5 osei moete djaino beeba po dje mungu. mongala mbo boto esila gopaa la botema bolo, andi adjee la boeba bo wolo la palata la gekeko; 6 la mogwilo la mogwelu bwilo la bwelu bo bolikani obotongame la busi boke; la bepuu be taba. 7 la ngogo dji bapate dji bolome la ngogo dji taba odjilonganyame lo la tokoko to kasia. 8 la baina po dje tambe la biya bi malase po dje baina boetsha la paka dje malase la liipu lilo; 9 la babanga ba soama la babanga obaandame la efode la litunga. 10 baito batubu ba bweli moete djino badjee batonge biya bitubu obiasila mungu golaka gombo; likumbo 11 la geamba ge mo la geindjelo ge mo la lilango li mo la babaya ba mo la ikoko dji mo djisa la bisigo bi mo la biemaelo bi mo; 12 liuta li tokoko to mo la molongane la nganji la tulu djomoma mo; 13 mesa la ikoko dji mo la bitongelo bi mo bitubu la tokuma topangame nde; 14 getelo ge lotambe la bitongelo bi mo la tambe dji mo la baina po dje getelo ge lotambe; 15 gehumbelo ge paala malasi la ikoko dji mo gesee gemoa la baina boetsha la paka la malase ba lipu lilo la tulu po dje gegwe ge likumbo; 16 gehumbelo ge boeba boohumba la sale dje mo la gekeko gesee gemoa la ikoko dji mo la bitongelo bi mogotubu la gepuelo la geemaelo ge mo; 17 tulu dji geamba la bisigo bi mo la biemaelo bi mo la tulu po dje gegwe ge geamba; 18 bolelo bo likumbo la bolelo bo geamba la bolii bo mo; 19 tulu odjitongame la bweli bo ligwa mo gesee geelu, la tulu djielu po dje alona ogangale kanga, la tulu dji bana ba bolome bande po dje ligwa liabo li bokanga. 20 la gombisa liemba litubu li baito ba yisalaele betotoge nde gongale mose. 21 la gombisa betotoge nde, boto la boto la kamo dje botema bwande, la boto la boto ekanise nde gi goete botema bwande, bedje nde la boeba gongale mungu po djolonganya likumbo li gesonganelola po dje ligwa li mo la po dje tulu djielu. 22 lagalo bedjee nde bolome la bogali, bo batubu bembe nde la kamo goete betema beabo bedje nde la bekomo la makutu la pete dji gelembo laa benyololo obepiise bio po dje ngingo la biya bi wolo moete bilenge bitubu, boto la boto epeende mungu boeba bo wolo. 23 boto la boto embende la pili imbaimbo dje bwelu bwilo imbaimbodje ndelu imbai dje bolikani obotongame la busi boke imbai bepuu be taba imbai ngogo dji pate dji bolome imbai mboso dji taba odjilonganyame, bedjee nde lalo. 24 boto la boto ogagelane gopaa palata imbaimbo gekeko edjee nde la lo ambo boeba bo mungu la boto la boto ono alongane lo po dje ligwa edjee nde la lo. 25 bogali batubu la bweli bwabo betonge nde busi la baago babo la bedjee nde la busi bwaho obotonge bo imbai la pili imbai la bwelu bwilo imbai la bwelu imbai busi boke la bolikani. 26 bogali batubu ba bweli , imbaimbo belembe nde, betonge nde busi la bepuu be taba. 27 baito ba pelo bedjende la babanga ba soama la babanga po djoandama po dje efode la po dje litunga, 28 la biya bi malasi la baina po dje tambe la po dje baina boetsha la po dje paka la malasiba liipu lilo. 29 bolome la bogali batubu, baito ba yisalaele, obangale la kamo goete betema, po djodjaa la biya po dje ligwa olipe mungu gesemba mo bonywa bo mose gombo motongame bedjee nde lalo ogalo aimidje bo gopaa. 30 mose ebegise nde baito ba yisalaele gombo; letei, mungu aasila gota la lina li besalele, bona golome ga uli, bona golome ga hulu, mo lisego li yuda. 31 adjalisa ge la opia bo boenda bo iongiaongia la bweli la olubanya la oongomanya la bweli bo bagwa batubu, 32 po djokanisa bagwa batubu balo la po dje bagwa ba wolo la palata la gekeko, 33 la otinya babanga po djoandama la po djotinya basigi mo ikoko la po dje bagwa ba bilenge bitubu. 34 epee nde bweli bwande la oholiaba, bona ga ahisamaki ga golome moete lisego li dani gombo bagelane go laisa. 35 aadjalisa bo la bweli bootonga bagwa bilenge bitubu, ligwa li olema, la ligwa li otonga la bweli, la ligwa li osola pili la bwelu bwilo la bwelu bo molikani obotongame la busi boke la ligwa li ologa, imbaimbo ligwa li gelenge inandi geasina.
Chapter 36

1 besalele la oholiaba la boto la boto ogapee mungu bweli la gopwanisa se po djoluba gotonga ligwa litubu li osola gesee geelu, bo betonga nde gelenge gemoa ogi alake mungu mo gotubu. 2 mose ete nde besalele la oholiaba la baito batubu ba bweli, obapee mungu bweli; boto la boto la kamo djotonga ligwa liaho. 3 beuyende moete baago ba mose beeba betubu obepee baito ba yisalaele po djotongaligwa mo gesee geelu. bekolo betubu la nongo bedjee nde poo la beeba, 4 lagalo baito batubu ba bweli, obambe motonga bagwa bilenge bitubu mogesee geelu bedjende, boto la boto etotoge nde mo ligwa lyande, 5 la bebegise nde mose gombo: baito bengale modja la biya obiete lo po djotonga ligwa olipee mungu epesu gesemba. 6 lagalo, mose epende bonywa, la bonywa boaho bolaisame nde moete bisee bitubu la lilao gombo: sidjaa golome too gogali batotonga gea geasina po dje beeba mogesee geelu. lagalo baito bepeidjame nde po dje opaa, 7 po dje mbo biya obiudje bo bigelane nde gotonga ligwa litubu la moete nde. 8 baito ba bweli batubu goete batongi ba ligwa betonge nde ikumbo la tulu dji mo liu. bitongame nde la bolikani obotongame la busi boke la pili la bwelu bwilo la bwelu, la bakeluba betongame nde la bweli. 9 osa bo tulu la tulu beonde betuu bele la bonaani, la olene bo tulu bombende la beonde benei. tulu djitubu djigelane nde. 10 ge ebunde nde tulu djitano djasina ge eande nde gesee gemoa. 11 ge etonge nde bolii bo bapoolo la pili go lio li tulu la golio li bitanu moandame nde gesee gemoa; lagalo ge etongele nde mo go lio li tulu la bitanu biasina biandame nde gesee gemoa. 12 ge etonge nde bolii bo bapoolo betuku betano mo tulu emoa, la etonge nde bolii bo bapoolo betuu betano golio li tulu moete bitano biasina. bapoolo beletane nde. 13 ge etonge nde biandelo bi wolo betuu tano, la eande nde tulu djaaho gesee gemoa la biandeli, lagalo likumbo liembe nde litubu. 14 ge etonge nde ambwale tulu dji bepuu be taba po dje geindjelo ge goliolo li likumbo. ge etonge nde tulu liu la emoa. 15 osa bo tulu la tulu bombe nde la beonde betuu besaso, la olene bo tulu la tulu bombende la beonde benei. tulu djaho liu la emoa djekokane nde. 16 ge eande nde tulu djitano gesee gemoa, la tulu liambe gesee gemoa. 17 ge etonge nde bolii bo bapoolo golio li tulu djasina djoandana. 18 ge etonge nde bibundelo betuu tano bi bikeko po djoandela mbele gombo mongale gotubu. 19 ge etonge nde ambwale gelubo po dje mbele dje mboso dji ba pate ba bolome la mboso dji taba djilonganyame nde. 20 la gombisa etonge nde kadele djoemaela po dje likumbo li tokoko to kasia. 21 osa bo kadele la kadele bombende la beonde liu la olene bo kadele la kadele bombe nde boonde bomoa la djei ndambo. 22 kadele emoa embe nde la bisigo biele biandame la twato babaya obaete goete dje mo. etonge nde galo mo kadele djitubu dji likumbo. 23 ge etonge nde kadele la likumbo lagalo gombo, kande betuku bele po dje gombole; 24 la etonge nde biemaelo bi palata betuu benei gose dje kadele betuu bele, biemaelo biele po dje kadele emoa po dje bisigo bi mo biele, la biemaelo biele gose kadele djasina po dje bisigo biaho biele. 25 gombale dje djele dje likumbo, gombale dje goliolo ge etange nde ambwale kadele betuu bele, 26 la biemaelo bi mo mo palata, biemaelo biele gose dje kadele emoa la biemaelo biele mo kadele djasina. 27 la gombisa dje likumbo gombale dje gelimegelo ge bwina ge etonge nde kadele liambe. 28 ge etonge nde ambwale kadele djele po dje lio li likumbo gombisa. 29 mo mosegane nde gose la moandane nde go liolo gombale dje mopete bopelo. ge etonge nde mo mwele po dje baiyo baele; 30 kadele dje mbe nde bonaani la biemaelo bi mo la palata liu la liambe biemaelo biele gose kadele emoa. 31 ge etonge nde tokoko tosa, mo ikoko dji kasia. etonge nde tano po dje kadele gombale emoa dje likumbo, 32 la tokoko totano po dje kadele gombale djasina dje likumbo, la tokoko totanu po dje kadele, la likumbo la gombisa gombale dje gelimegelo ge bwina. 33 ge elonganye nde gombo ikoko dji moeta la eta djitotoge go lio limoa moige go lio aliia ambwale djingale moeta la eta dje kadele. 34 ge elupe nde kadele la wolo la etonge nde mopete bo mo la wolo pe dje bibundelo bi tokoko la ge elupe nde tokoko la wolo. 35 ge etonge nde tulu dje pili la bwelu bwilo la bwelu la bolikani obotongame la busi boke. ge etonge nde bakeluba balo ba mo. 36 ge etonge nde bisigo binei po dje mo la tokoko to kasia la elupe nde mo la wolo, la lilango li mo limbe nde la wolo, la ge elangole nde palata la etonge nde biemaelo bi mo binei. 37 ge etonge nde ambwale tulu po dje gegwe ge likumbo li pili la bwelu bwilo la bwelu bo bolikani obotongame la busi boke la botongi bo osola, 38 la etonge nde bisigo bi mo bitano bi balango ba mo. ge elupe nde betshwe be mo, la belii be mo bimbe nde la wolo, la biemaelo bitano bi mo bimbe nde mo gekeko.
Chapter 37

1 besalele etonge nde liuta li tokoko to kasia. osa bo mo bombe nde beonde bele la ndambo, la olene bo mo bombe nde boonde bomoa la ndambo, la mosanda bo mo bombe nde boonde bomoa la ndambo. 2 ge elupe nde mo la wolo lolo goeta laa golusa, la elingie nde mo mo bolelo bo wolo. 3 ge elangole nde wolo la etonge nde mepete benei po dje baiyo ba mo banei, mepete bele mbale emoa la mepete bele mbale djasina. 4 ge etonge nde ikoko dji kasia la elupe nde mo la wolo, 5 la ete nde ikoko djaho goete mopete go ngonge liuta po djotola liuta. 6 ge etonge nde gengaelo ge nganji ge wolo gelo. osa bo mo bombe nde beonde bele la ndambo la olene bo mo bombe nde boonde bomoa la ndambo. 7 ge etonge nde bakeluba baele ba wolo obatobame lo. etonge nde mo golio mwele la gengaelo ge nganji, 8 keluba emoa golio emoa, la keluba emoa golio djasina, ge etonge nde baeluba baele golio la gengaelo ge nganji gesege gemoa ge mo. 9 bakeluba beese nde bapapu babo liolo la bo bo baindja gengaelo la nganji dje bapapu babo la beletane nde. basio babakeluba bembe nde gongale gengaelo ge nganji. 10 ge etonge nde ambwale mesa be tokoko to kasia. osa bo mo bombe nde beonde bele, la olene bo mo bombe nde boonde bomoa, la mosanda bo mo boonde bomoa la ndambo. 11 ge elupe nde mo la wolo lolo, la elingie nde mo mo bolelo bo wolo. 12 ge elingie nde mo la djei lopango lolene ambo basangana banei la ge elingie nde lopango la bolelo bo wolo. 13 ge elangole nde wolo la etonge nde mepete be mo benei, la ge eandame nde mepete beaho gombale djitubu djinei, gombale dje baolo ba mo banei. 14 mepete beaho bembe nde bagubagu la djei lopango ambo bibundelo bi tokoko po djotola mesa. 15 ge etonge nde ikoko djaho la ikoko dji kasia po djotola mesa la elupe nde mo la wolo. 16 ge etonge nde bitongelo po dje mesa be wolo o belo, saani dje mo, la kopo dje paka dje mo, la saani djilene dji mo, la mbilika po djobela boeba bo omwa. 17 ge etonge nde ambwale getelo ge tambe la wolo dje ndo. idjolo la gesigo ge getelo ge lotambe getongame nde la wolo odjatobame lo. kopo dje mo la djuma la fulele dje mo mombende gesege gemoa ge mo. 18 beti liambe binene nde go ngonga dje mo, beti beseso mo getelo ge lotambe bnene nde gombale djasina dje mo. 19 boti bomoa bombe nde la kopo iseso djitongame nde ambo tuma to amanade, la kopo la kopo djimbende la tuma la fulele; boti bwasina bombe nde la kopo iseso itongame nde ambo tuma to amanade la kopo la kopo embende la tuma la fulele. mombe nde galo po dje beti liambe bienene nde moete getelo ge lotambe. 20 kopo inei djetongame nde ambo tuma to amanade mombe nde mogetelo ge lotambe lwande la tuma to mo gesee gemoa la fulele dji mo, 21 la djuma djimoa djitongame nde gesege gemoa ge mo ogembe gose beti bele be mo, la djuma djimoa djitongame nde gesege gemoa ge mo ge mbe nde gose beti bele beasina be mo, la galo po dje beti liambe binene nde a mo. 22 tuma to mo la beti be mo bimbe nde gesege gemoa ge mo. mo gotubu mombe nde gea gemoa la wolo dje ndo motobame nde. 23 ge etonge nde tambe dji mo bosambale la mangato ba mo la saani dji nele djitubu dji wolo djilo. 24 ge etonge nde mo la bitongelo bi mo gesee gemoa mo gotubu la talata emoa la wolo dje ndo. 25 ge etonge nde gehumbelo ge paka la malasi ba ikoko dji kasia. osa bo mo bombe nde la boonde bomoa la olene bo mo bombe nde boonde bomoa. mo mogelane nde mbale djinei, la mosanda bo mo bombe nde beonde bele. seba dji mo djimbe gesege gemoa. 26 ge elupe nde mo la wolo lolo, goliolo la gombale dje mo gotubu la seba dji mo. ge elingie nde mo la bolelo bo wolo, 27 la etonge nde mepete bele be wolo po dje mo gose dje bolelo gombale djo djele ambo bibundelo po dje tokoko to otola mo. 28 ge etonge nde ambwale ikoko la ikoko dji kasia la elupe nde mo la wolo. 29 ge etonge nde ambwale baina boetsha baelu la paka la malasi ba liipu lilo, mobwanyame nde la bweli bo botongi bo malasi.
Chapter 38

1 ge etonge nde gehumbelo po dje boeba bo ohumba la ikoko dji kasia, osa bo mo bombe nde la beonde tano la olene bo mo beonde tano la mosanda bo mo beonde besaso. 2 etonge nde seba po dje mo, golio li mo monei. seba dji mo djimbe nde gesege gemoa ge mo, la elupe nde mo la gekeko. 3 etonge nde bitongelo bitubu bi gehumbelo, liuta po dje nele la pao la saani la kanya la liuta li djimbe. etonge nde bitongelo bi mo bitubu la bikeko. 4 etonge nde gea ambo oti odjalangame la gekeko po dje gehumbelo, gose dje bolelo bo mo, gosuluga goiga moeta la eta bo gehumbelo. 5 etonge nde mepete benei odjilangoge go baiyo ba mo banei goete oti bo gekeko ambo bibundelo bi tokoko. 6 etonge nde ikoko djaho la ikoko dji kasia la elupe nde mo la gekeko. 7 ete nde ikoko djaho goete mepete la gombale djele dji gehumbelo po djotola mo. etonge nde mo la babaya la esidje nde mo bwasi goeta. 8 ge etonge nde gesogwelo ge gekeko la geemaelo ge mo ge gekeko ogetotoge go bosengo bo bagali obotonga ligwa go gegotelo ge likumbo li koyangana. 9 ge etonge nde geamba. gombale dje mbole tulu dje geamba embe nde bolikani obotongame la busi boke la osa bo mo bombe nde la beonde bokama. 10 bisigo bi mo bimbe nde betuu bele la biemaelo bimbe nde betuu bele la bitongame nde la bikeko, la mbo lilango li mo la ikoko dji mo djitongame nde la palata. 11 po dje gombale dje liolo, osa bo mo bombe nde beonde bokama la bisigo bi mo betuu bele la biemaelo bi mo betuu bele bitongame nde la bikeko, la mbo lilango la bisigo la tokoko to mo djimbe nde la palata. 12 la gombale dje gelimegelo ge bwina tulu djembe nde beonde betuu tano la osa la bisigo bi mo liu la biemaelo bi mo liu. balango ba bisigo la tokoko to mo djitongame nde la palata. 13 po dje mbale dje gopelo, go mbale dje genenelo ge loha, beonde betuu tano. 14 tulu dje gombale emoa dje gegwe bimbe nde la beonde liu la tano, la bisigo biseso la biemaelo biseso. 15 lagalo po dje gombale djasina, mo djogo la mo djogo djaho gombale dje gegwe ge lopango tulu djembe nde go beonde liu la tano, la bisigo biseso la biemaelo biseso. 16 tulu djitubu adjilingame mo lopango bimbe nde la molikani obotongame la busi boke. 17 biemaelo bi bisigo biembende la bikeko, la mbo balango la bisigo la tokoko to mo tombe nde la palata. bilingie nde betshwe be bisigo bi palata la bisigo bitubu bi lopango biandame nde la palata. 18 tulu dje bome bo lopango boyemame nde la osola la pili la bwelu o bwilo la bwelu la bolikani obotongame la busi boke. osa bo mo bombe nde beonde betuu bele la mosanda bo mo bombe nde la beonde tano, mo laa olene bo mo, lagalo mogelane nde la tulu dje lopango. 19 bisigo bi mo biembe nde binei. biemaelo bi mo binei biembe nde la bikeko, la balango ba mo bembe nde la palata la betshwe be mo beindjame nde la palata la tokoko to mo tombe nde la palata. 20 belelo betubu po dje likumbo la po dje lopango ololingie mo djimbe nde la bikeko. 21 ane goobala bia bi likumbo, likumbo li geeniselo, ambo ogi abalame mo po dje bonywa bo mose. balewi betonge nde ligwa liaho la itamala, bona ga alona oga kanga, ebatele nde ligwa liaho. 22 besalele bona ga uli, bona ga hulu mo lisego li yuda, etonge nde mo gotubu moalakele mungu mose. 23 oholiaba, bona ga ahisamaki mo lisego li dani, embende laande gesee gemoa. gge boto ga bweli bo ligwa la bogelegi bo bagwabalo la bologi bo osola pili la bwelu bwilo la bwelu bo bolikani obotongame la busi boke. 24 wolo botubu bogote nde goete ligwa li opwesa mbele djitubu mo gesee geelu. wolo la beeba, bimbe nde bioto bi talata betuu bele la libwa la bioto bi ba sekele bekama bosambale la betuu besaso, mo la bioto bi sekele mogesee geelu. 25 palata odjitotoge goete baito ba linginda djitangame nde, mombe nde bioto bi talata bekama la ba sekele koto la bekama bosambale la betuu bosambale la tano, mombe nde sekele dje gesee geelu. 26 boto la boto ogae po djobalama efute nde beka emoa, mo mombende ndambo dje bioto bi sekele la gelenge ge sekele dje gesee geelu. baito batubu bebalame nde ototoga bilanga betuu bele, bembe nde bolome koto bekama liambe la iseso, la bekama tano la betuu tano. 27 bioto bi talata bokama la palata bimbe nde po dje olangola la po djotonga biemaelo bi gesee geelu la po dje biemaelo bitulu. biemaelo bokama po dje talata bokama, talata emoa po dje geemaelo gemoa. 28 lagalo etonge nde balango po dje bisigo la elupe nde betshwe be mo la etonge nde tokoko to mo la palata dji ba sekele koto la bekama bosambale la betuu bosambale la tano. 29 bikeko obipaame lo biembe nde talata betuu bosambale la bioto bi ba sekele koto djele la bekama benei. 30 ge etonge nde biemaelo po dje gegwe ge likumbo li koyangana djaho, la gehumbelo ge gekeko la oti bo mo la bitongelo bitubu bi gehumbelo, 31 la biemaelo bi lopango la biemaelo bi gegwe ge lopango la baiyo batubu ba likumbo la baiyo batubu ba lopango.
Chapter 39

1 la tulu dji pili la bwelu o bwilo la bwelu betonge nde tulu la ligwa po dje ligwa mo gesee geelu. betonge nde tulu dje ndelu po dje alona gelenge gemoa ogi alake mungu mose. 2 ge etonge nde efode la wolo la tulu dje pili la bwelu o bwilo la bwelu bo bolikani obotongame la busi boke. 3 betobe nde wolo mo bienegelo bilene la obike mogue betinyende mo mo belii beke la beloge nde mo moete tulu dje pili la bwelu o bwilo la bwelu bo bolikani obotongame la busi boke, la oyema mo lolo. 4 po dje efode betonge nde bisege biele po dje baele, beandame golio li mo mwele. 5 bolii bwe botongame la bweli goliolo li mo po djoanda mo, motongame nde la gelenge ge efode, la motongame nde la biya bi mo obitongame la efode gombo; wolo la tulu dje pili ye ndelu adje ndilo la adje bwelu bo bolikani obotongame la busi boke, gelenge gemoa ogi alakele mungu mose. 6 babanga ba soama belonganyame nde la moandane nde la biandelo obiloge bo la bolii bo wolo. babanga betinyame nde la lisigi la lina li bana ba yisalaele, gelenge gemoa la lisigi oliadjotinyama la mopete bo gelembo. 7 ge eande nde mo la bisege bi efode po dje baele gombo mongale babanga po dje gekaniseli ge bana ba yisalaele ba bolome, gelenge gemoa ogi alake mungu mose. 8 ge etonge nde litunga li bweli bolo gelenge gemoa la ligwa li efode. ge etonge nde mo la wolo la tulu dje pili la dje ndelu odje ndilo la bwelu obo molikani obotongame la busi boke. 9 osa bo litunga bogelane nde la olene bo mo. mo mobwanyame nde mwele, la osa bo mo bombe nde ndambo dje boonde la olene bo mo ndambo dje boonde aho asile mo gobwanyama mo mwele. 10 beande nde belongo benei be babanga ba mo. bolongo bo balali la topaji la balekete bombende bolongo bo pelo. 11 bolongo bo biele bombe nde emelode la safili la yahalimi. 12 bolongo bo besaso bombe nde wakiti la agate la ametusiti. 13 bolongo bo benei bombende belulu la soama la yasipe. babanga be beandame nde la bibundelo obilogame la bolii bo wolo. 14 babanga bembe nde liu la baele la bekomame nde lina gelenge gemoa la lina li bana ba bolome ba yisalaele. mombende ambo mepete be gelembo, momoa la momoa mokomame nde la lina li mo po dje basego liu la baele. 15 betonge nde benyololo be wolo belo obeaela ambo litunga. 16 betonge nde bibundelo biele obilongane lo ambo belii be wolo. bete nde mepete beaho bele go baiyo baele ba litunga. 17 bete nde benyololo be wolo bele goete mepete bele go baiyo ba litunga. 18 beande nde go baiyo baele ba benyololo baele gombale dje biandelo obilogame la belii be wolo, lagalo beande nde mo gopelo gombale dje bisege bi efode po dje baele. 19 la gombisa betonge nde mepete bele be wolo la betongende mo go baiyo baele ba litunga, la goilo li mo goeta bagubagu la efode. 20 betonge nde mepete be wolo bele la beande nde mo gopelo gombale dje bisege bi efode po dje baele golio li mo gose, gesee geaho geandame nde la belii be efode obetongame la bweli. 21 beande nde litunga la mepete be mo gombale dje mepete be efode la bolii bo pili gombo mo molalee goliolo li belii be pili gombo ene atongame la bweli, la mbo litunga litototoga go efode, ogalo alakele mungu mose. 22 ge etonge nde tulu dje sa tubu po dje efode la pili. 23 ndole dje goeta dje mo embende gelenge gemoa la ndole dje tulu dje gimo, la bolelo bo ndole djaho boandame nde la bolii gombo mdjande goondega. 24 golio litubu odje sa beande nde limona olitongame la pili la bwelu o bwilo la bwelu obo bolikani botongame nde la busi boke. 25 betonge nde ambwale ngelengele la wolo dje ndo la bete nde ambwale ngelengele djaho moete dje limona. molingie nde go baiyo batulu dje sa goete dje limona. 26 ngelengele emoa la limona limoa la ngelengele emoa la limona emoa olingia golio li tulu odje sa dje ligwa, ogalo alakele mungu mose. 27 betonge nde ambwale kasaka la bolikani obotongame la busi boke po dje alona la bana bande ba bolome. 28 la tulu dje botshwe bo bolikani obotongame la busi boke, la tokoti to bolikani ototongame la busi boke, la melinda be bolikani obotongame la busi boke. 29 la bolii bo bolikani obotongame la busi boke la pili la bwelu o bwilo la bwelu, moyemame nde la osola, ogi alakele mungu mose. 30 betonge nde getando po dje gekoti geelu ge wolo ogelo, la besiginye nde lisigi li mo, gelenge gemoa la lisigi li mopete bo gelembo gombo, bwelu gongale mungu. 31 beande nde bolii bo pili dje mo, po djoanda mo mo tulu dje botshwe bo liolo, ogalo alakele mungu mose. 32 lagalo ligwa litubu li likumbo li hema dje geuganelo lisile nde, la baito ba yisalaele besile nde gotonga gelenge gemoa la mbeo djitubu odjilakele mungu mose, besile nde gotonga galo. 33 bedje nde la gekeko gongale mose, hema la bitongelo bi mo bitubu, la balango ba mo la kadele dje mo la tokoko tosa to mo la bisigo bi mo la biemaelo bi mo. 34 gea ge olupa go liolo li gekeko getongame nde la ngogo odjilonganyame la ba pate dji bolome la ba taba, la tulu djoseganya; 35 liuta li gelaiselo la tokoko to mo la molongane la nganji; 36 mesa la bitongelo bi mo gotubu la tokuma toanegame nde; 37 getelo ge lotambe getongame nde la wolo lolo la tambe djaho djibonganyame nde la bitongelo bi mo, la baina po dje oongisa mo. 38 gehumbelo ge wolo la baina boetsha la paka la malasi la liipu lilo la tulu po dje gegwe ge likumbo; 39 gehumbelo ge gekeko la oti bo mo bo gekeko la tokoko to mo la bitongelo bi mo gotubu, gepuelo la geemaelo ge mo; 40 tulu dji geamba la bisigo bi mo la biemaelo bi mo la tulu po dje gegwe ge lopango la belii be mo la bolelo bo mo; bitongelo bitubu po dje ligwa li likumbo, po dje hema dje koyangana; 41 tulu djetongame nde la bweli po dje ligwa goete gesee geelu la tulu djielu po dje alona ogangale kanga, la tulu dji bana bande ba bolome po dje ligwa li kanga. 42 baito ba yisalaele besiidje nde gotonga ligwa liaho litubu gelenge gemoa la mogotubu ogi alakele mungu mose. 43 mose eene nde ligwa liaho litubu, la letaa, besiidje nde gotonga mo. ogalo asile mungu golakele, besile nde gotonga galo. mose esidje nde gopaa bo lipea.
Chapter 40

1 mungu ebegise nde mose gombo: 2 mo bokolo bo pelo bo songe boemalisa nde likumbo li hema dje koyangana. 3 bota nde liuta li lilao goeta dje mo, la bomama nde liuta li tulu. 4 boogotsha nde mesa la boanega nde biya biaho, la boogotsha nde getelo ge lotambe la boemalisa nde tambe djaho. 5 botaa nde gehumbelo ge wolo po dje paka dje malasi ba pelo mo liuta li gelaiselo, la boanda nde tulu dje gegwe ge likumbo. 6 botaa nde gehumbelo po dje boeba boohumba gopelo dje gegwe ge likumbo li hema dje koyangana, 7 la botande gepuelo gote hema dje koyangana la gehumbelo, la botande badje goeta dje mo. 8 boemalisa nde lopango la olingia mo la booanda nde tulu po dje gegwe ge lopango. 9 la gombisa boosa nde baina boetsha ogwaetsha age mo gekeko la biya bitubu obingale goeta dje mo gotubu, la bobulisa nde mo la biya bi mo bitubu la bingala nde bielu. 10 boetsha nde gehumbelo ge boeba boohumba la bitongelo bi mo gotubu la boobulisa nde gehumbelo, la gehumbelo geetela nde bwelu. 11 boetsha nde go gepuelo la geemaelo ge mo la bobulisa nde mo. 12 la gombisa boodja nde la alona la bana bande ba bolome gombale dje gegwe ge hema dje koyangana la boopula nde bo la badje, 13 la bobatisa nde alona tulu dji bwelu la boetsha nde ge la boobulisa nde ge gombo atongelei ligwa ambo kanga. 14 boodja nde la bana bande ba bolome, la bobatisa nde bo kasaka. 15 la boetsha nde ogalo aetshe age ise gabo gombo batongelemi ambo djakanga, oesha bwabo bogotsha nde bo mo ligwa likanga loongo goete basego babo batubu. 16 mose etonge nde gi; ge etonge nde gelenge gemoa la mogotubu ogi alakele mungu ge. 17 mo songe dje pelo mogelanga ge biele mo bokolo bo pelo bo songe likumbo liemalisame nde. 18 mose eemalise nde likumbo. ge elalise nde biemaliselo bi mo la eemalise nde kadele dje mo la ge egotshe nde tokoko tosa to mo la eemalise nde bisigo. 19 ge elute nde ambwale hema goliolo li likumbo; la ete nde gea ge olupa goliolo li hema, gelenge gemoa ogalo alakele mungu mose. 20 ge eose nde lilao la ete nde mo goete liuta la etende ikoko goete liuta la etende gengaelo ge nganji goliolo li liuta. 21 ge ambwale egotshe nde liuta goete likumbo la ete nde tulu djoseganya la emame nde liuta li lilao, ogalo alakele mungu mose. 22 ge ete nde mesa goeta dje hema dje koyangana la gombale dje liolo li likumbo la golusa dje tulu, 23 la etande nde tokuma mo alima goliolo li mo gopelo dje mungu, ogalo alakele mungu mose. 24 ge etende geemaliselo ge goeta dje hema dje koyangana, goletana la mesa gombale dje gombole dje likumbo, 25 la eemalise nde tambe gopelo dje mungu ogalo alakele mungu elakela ge. 26 ge ete nde ambwale gehumbelo ge wolo goete hema dje koyangana gopelo dje tulu, 27 la ehumbe nde paka la malasi la liipu li lo goliolo li mo ogalo alakele mungu ge. 28 ge ete nde tulu po dje gegwe ge likumbo mo gesee geaho. 29 ge etende gehumbelo ge boeba bo ohumba gombale dje gegwe ge likumbo li hema dje koyangana la ge ehumbe nde boeba boohumba la boeba bo ola goliolo li mo, ogalo alakele mungu ge. 30 ge etende gepuelo goete dje hema dje koyangana la gehumbelo, la etende badje goete dje mo po dje opula. 31 mose la alona la bana ba bolome bande besogole nde baago babo la baolo babo la mo. 32 aho agote bo mo hema dje koyangana, la aho aemale bo go gehumbelo, bepule nde ogalo alakele mungu mose. 33 ge eemalise nde lopango la olingia likumbo la gehumbelo, la ete nde tulu mo gegwe ge lopango. lagalo mose esilise nde ligwa liaho. 34 la gombisa lipata liindje nde goliolo li hema dje koyangana, la ogenegu bo mungu bodjalise nde likumbo. 35 mose atikoke gogota goete hema dje koyangana po dje mbo lipata liaho liligele nde goliolo li mo la ogenegu bo mungu bodjalise nde likumbo. 36 mo gee ge endo djabo djitubu aho atotoge lipata goliolo li likumbo, baito ba yisalaele beende gopelo. 37 ambaa mbo lipata litiotoge, andi batie gopelo kino ogalo atotoge mo. 38 po dje mbo moete endo djabodjitubulipata li mungu lilingele nde goliolo li likumbo mo gee ge loha, la djiimbe djimbe nde goeta dje mo mo gee ge lotigo moete baiso ba mbele dji yisalaele djitubu.