Bible

Matti

1¹Yasu Masih , Daood zhe Ibraham e khanadanan nom. ²Ibraham e pi Izhak ubujuna zhe Izhak e pi o yakup ubujuna zhe Yakup e pi o Yahuda zhe tasa bayasi ubujuna. ³Yahuda pi o pharas zhe Zarah o Timmer e pi ubujuna. Pharas e pi o Hisroon ubujuna zhe Hisroon e pi o Ram ubujuna.⁴Ram e pi o Umaindab ubujuna zhe Umaindab e pi o Nahsoon ubujuna zhe Nahsoon e pi o Salmoon ubujuna. ⁵Salmoon e pi o Buiz Rahib ubujuna zhe Buiz e pi o Ubaid Rut e pi ubujuna zhe Ubaid e pi o Yasa ubujuna. ⁶Yasa e pi o Daood S`a ubujuna. Daood e pi Sulaiman shatasa ishtrizhas pe ubujuna kura ki awel Oriyah e ja asta.⁷Sulaiman e pi Rukhbham ubujuna zhe Rukhbham e pi Ibiah ubujuna zhe Ibiah e pi Aasa ubujuna. ⁸Aasa e piYahusfat ubujuna zhe Yahusfat e pi Yuram ubujuna zhe Yuram e oi Uzriah ubujuna.⁹Uzriah pi Yutaam ubujuna zhe Yutam e pi Akhiz ubujuna zhe Aakhiz e pi Hizkiah ubujuna. ¹⁰Hizkiah e pi Munsi ubujuna zhe Munsi e pi Amoon ubujuna zhe Amoon e pi Pusiyah ubujuna. ¹¹Phato Babul Shahar una parikas wat una Yusiah e pi Yakunia zhe tasa bayasi ubujuna.¹²Babul parikas pistaw o Yakunia e pi Sialti ail ubujuna zhe Sialti ail e pi Zurbabul ubujuna. ¹³Zurbabul e pi Abihood ubujuna. Abihood e pi o Aliaqim ubujuna zhe Aliaqim e pi Azor ubujuna. ¹⁴Azor e pi Saduk ubujuna zhe Saduk e pi Akhim ubujuna zhe Akhim e pi Alihood ubujuna.¹⁵Alihood e pi Alihzar ubujuna zhe Alizhar e pi Mitan zhe Mitan e pi Yakoob ubujuna. ¹⁶Yakub e pi Yusup ubujuna. Eao shatasa Mariam e beru ais kas pi ki Isaa ubuji ais kas kai ki Masih gho~i man dai. ¹⁷Shemi saw nasal Ibraham aini gri Daood una zhe das zhe c`awa nasal hawan zhe Daood aini griawayo Babul Shahar una parik una zhe das zhe c`awa zhe greawayo Babul parik aini zhe Masih una zhe Das zhe c`awa hawan.¹⁸Ajo Yasu Masih shehen` thi ubujuna ki tasa ayas Mariam, Yasup e hatya khoji asta magam to Yusupa dura nikani sumber Khodayas Pak arwah as thara se granu hawaw. ¹⁹Phato tasa beru Yusup kura ki ujak krom garaw moc asta to lajek ne khojiman asta to huk asta ne kai histikas phaysila arau.²⁰Se shemi mondr citiman mi ais e Khodayas pharishtya isprapasa tasa ec`a thi maila Ay Yusup Daut S`as putras! Tu Mariam ja kai dura hal`ikas bati mo behi koki kia ki tasa kuc ay au se khodayas pak arwaahas gehenau dai aw. ²¹Tasa putr ubujiu tu tasa nom Yasu thai koki semi tan mocbi tasi gunaan pi khalas kariw.²²Shemi saw shehen` gho~i hawaw kia ki Khoday paygumber e hatya mai ais se mondr pura hawaw. ²³Jeha ek istrizhaguak os`wal`i hiu zha tasa pi putr ubujiu zhe tasa nom o Imanuael thaa tasa manaa o Khoday homa som asaw.²⁴Phato Yusup isprapani a~nga thio shehen` mi araw khen` ki Khodayas pharishta tasa hokum dai ais tan jas dura tada aluna. ²⁵Phato to ne ajonaw shamon zha ki tasa putr ne ubujuna zhe tasa nom o Yasu thala.

2¹Herodes S`as zamanauna Yasu Yahudi Deshani Betulham noman gromuna ubujuna to jehaa ek kimon tari jagawaw moc Purab aw Yaroshelum shehen` maiman on ki. ²Yahudian S`aa kura ki ubuji aw se kawa aw? Koki Purab una tasa tari pashi o, tasa hatya sual karika itaik. ³Shehen sa~gaio Herodes S`a zha tasa som Yaroshelun aini saw moc bo pareshan hawan.⁴To se mulk aini saw gaderakan zhe phawazaw ek awata khoji tasi pi phucil`a ki Masih kawa ubujiu? ⁵Te tasa kai amaan Yahudia deshuna Betulham gromuna ubujiu koiki khodayas mondr diawaw as mondr she`he`n niweshi shiaw ki ⁶Ay Yahudia deshani Betulham tuYahudia S`an mocaw kia sawin pi c`utak ne.Koki mimi mocaw ek S`a dras`niwShase may Israilay mocan thara bac`ai kariw.⁷Phato Herodes shate tari jagawaw lawai khoji tasii pi aphucaw ki shase tari kai nehi ashes. ⁸Shehen` mai o te Betulham hutila ki para akhtiatas thara shato sudayak khoja zha to saprali pe haw may kai asta maa ki a asta ita tasa ruaw sual karim.⁹Te Sa`s mondr ko~n kayo talela drasnon to jeha kia ki tari te purab una pashi aini se tasi ruaw ruaw kasila phato shatara jaigas thara ito acestaw kawa ki se sudayak ais. ¹⁰Te tari jagaio bo khoshan hawan.¹¹Phato tara dura zhali o sudayak tan ayas Mariam e tada kai pashio tasa ruaw dhe~naik thai sual aran zha tan kazho`i bic`hari su~a , mur zhe luban tasa tupha dita. ¹²Phato isprapasa khoday tasi kai Herodesa tada mo para gho~i maila. shalay o te warek phondaw tan deshuna hatya paron.¹³Te talela paron e to jaga khodayas pharishta Yusup e isprapasa ec`a thi maila usti. Sudayak zha tasa ayas asta gri Misar deshuna hatya palas zha a tai kai ne mam shohon tara mi apaw de koki Herodes S`a shama sudayak nashaikas bati khojiw dai. ¹⁴Phato se usti rat mi kai sudayak zhe tasa ayas gri Misar hatya rahi araw. ¹⁵Herodes S`as anashaw shohon` tara mi apaw praw kia ki khoday paygumber e hatya mai ais ki se pura hawaw ki Misar ay a tan putr khundies.¹⁶Herodes shehen jagaw ki tari jagawaw moc tasa som Mazak aran to se bo kahari hawaw moc huti Betulham zhe tasa udreman saw mulkai shate saw sudayak nashawais kas ki du kau yao tasa pi c`utak aini. shatasa wat as hisab una kia ki se tari jagawaw an pi phuci ais.¹⁷Phato shatara watuna shase mondr pura hawaw kia ki Yarmia paygumber as gehenaw dai mai ashes ki. ¹⁸Rama jagauna ek awaz sangaila. Troik zhe bo ghona shok.Rakhil e tan sudayakan hatya troik. Zha tasali ne manikshehen` gho~i ki se ne shiaw.¹⁹Herodes S`a anashaw e to jagaa khodayas pharishtya Misar Yusup e isprapasa eca thi amaw ki. ²⁰Usti shato sudayaka zhe tasa ayas gri Israil mulkuna hatya pari koki kura ki sudayak zhan griaw aini te anashan. ²¹Phato se ustaw zhe sudayak zhe tasa ayas asta gri Israil mulkuna hatya paraw.²²Magam shehen` sangaias ki Arkhalaus tan dadas Herodes as jagauna Yahudia una S`a thi aw to tara parik bihaw zhe isprapasa mondr ko~ kayo Galil wa~una hatya paraw. ²³Nasrat noman ek Shahar una pai apaw praw kia ki paygumbaran barauna neweshi ashes se pura thi ajo tasa kai Nasri gho~i man.

3¹Shatra watuna Yuhana baptisma diaw ita ais se Yahudias beyaban una shehen` maikas praw ki. ²Thoba kara koki d`i as gaderaki s`oi ita shiaw. ³Shia shasemi kas barauna ki Yasaya paygumber e gehenaw dai shehen` thi ashes ki.Beyaban una khundiawaw as awaz iw dai kiKhodayas phond tayar kara.Tasa phond ujak sawza.⁴Shea Yuhana ut as cawaras piran sambi zhe phostas pati tan d`ak una boniman ais zhe tasa zubarum o goik phawatik zhe jangali mac`i ashes. ⁵Shatara wat una Yaroshelum zhe saw Yahudia zhe Yardan as s`oi apaw diaw saw moc nihi tasa tada paron. ⁶Zhe tan gunahan ikrar kayo Yardan as babayuk una tasa pi baptisma agrian.⁷Magam se bo ziad Pharisi zhe Sadiki moc baptisma grikas bati tan tada ikwew apashaw to tasi kai amaw ki Ay gokan Azhel`i! mimi kai kura amaw ki ehaw azapas pi pala? ⁸Bas thoba kayo prusti kara. ⁹To tan hardiay shehen` maikas kheyal mo kara ki Ibraham homa dada koki a mimi kai mam dai ki Khoday ahesi batan pi Ibraham e hatya azheli ubujel`.¹⁰Ajo mutan isnosai badok thai shiaw. Kurai ki mut prust mewa ne oniw to ceni o angaria jen. ¹¹A ta mimi thoba karikas bati ukas thara baptisma dem dai magam kura ki mai pistaw iw dai se mai pi bo ziad takla. A tasa kirmec upraikas lahik asta ne. Se mimi Pak Arwah zhe angaras thara baptisma del. ¹²Tasa ac`onki tasa muca shiau zhe se tan jaiga sai sapha thel zhe tan pula ek awata sariel magam tus` o shtara mi angara una jhunkuw kia ki kai asta ne phal`aw¹³Tara wat una Yasu Galil shaharaw Yardan as awatuna Yuhana e tada tasa pi baptisma grika ita ais. ¹⁴Magam Yuhana shehen` mai to ne lasaw ki mai tai pi abaptisma grieli zha tu o mai tada isdai e? ¹⁵Yasu jawab una tasa kai amaaw Ajo shehen` hiw mi aria koki homa shehen` kai ujak hiheli. To se shehen` karawais.¹⁶Phato Yasu baptisma grio bo tez uk aw tharaw paraw zhe jehaa tasa hatya d`i umres zhe se Khodayas arwaah Kokau as raw thi ucundikwew zhe tan thara ikwew apashaw. ¹⁷Zha jeha D`i aini shehen` awaz aw ki shia mai sheshoyak putr kas pi a khoshan am.

4¹Shatara wat una arwah Yasu jangalai anehaw shaithan e pi shuraika. ²Se du beshi adua zhe du beshi rat kia ne zhui akher uno tasa anora araw. ³To shehen` karaw tasa ita ito tasa kai amaw tu Khodayas putr pe o mas ki shemi bat au sauz hin. ⁴Se jawap una amaw niweshi shiau ki Moc khal`i au as thra zinda ne apaw del shatasi saw mondr an thara kia ki Khodayas ashaw nihin dai.⁵Phato Shaithan to pak Shahar una anihaw zhe Khodayas duras dramia cistayo tasa kai amaw ki. ⁶Tu Khodayas putr pe o tan saro undrak shuruas koki neweshi shiaw ki,Se tai bati tan pharishtagan hokum del,Zhe te o tai tan baza gri upren,Shehen` mo hiu aria ki tai khur batai tai grehen.⁷Yasu tasa kai amaw shehen` asta neweshi shiau ki tu tan Khodayas pi azmais mo kari. ⁸Phato Shaithan to ek bo hutal`a dhenta una aniaw zha dunias saw mulk zhe tasi sheshoyaki tasa pashaw. ⁹Tasa kai amaaw Tu tung dai may pe ishtikhai po shemi saw kia a tai dem.¹⁰Yasu tasa kai amaaw Ay Shaithan desha ha koki neweshi shiau ki tu tan Khoday ishtikhai zhe kal`i tasa mi ibadat kari. ¹¹Phato Shaithan tasa tadani paraw zha jeha pharishtagan tasa tada ita tasa khidmat karikas pron.¹²Yuhana grikas mond se sangaio Galil hatya paraw. ¹³Nasrat histi Kufurnahum pai apaw praw kurai ki zhai as awatika Zabloon zhe Naftalias mocuna shiaw.¹⁴Yasaya paygumber kia ki mai ais se pura thi. ¹⁵Zabloon as jaiga zhe Naftalias jaigaBabayukas phond una Yardanas alelaw warek mocan Galil. ¹⁶Matlab she`he`n ki kura moc ki tramasungai nesi ainiTe bo phrel`ik apashan.Zhe kura ki nasekas mulkai zhe tasa c`aghai nesi ainiTasa thara phreyl`ik upuis.¹⁷Shatara wat aini shati Yasu shehen` maik shurug araw ki thoba kara koki d`i as gaderaki soi zhali shiaw.¹⁸Phato se Galil as babayuk as awatuna kasikwew du bayasi Shamoon kas kai ki Patras ghoiman aini zhe tasa bayas Indriyas babayuk una jal histikwew apashaw koki te masi griaw aini. ¹⁹To tasi kai amaw mai pistaw ow a mimi moc griaw karim. ²⁰Te shatar mi jal histi tasa pistaw paron.²¹Talela ruaw payo se du warek bayasi Zabdi e putr Yakup zhe tasa bayas Yuhana apashaw ki te tan dadas Zabdi e som kishti una tan te jal sawzaiman aini zhe se o te khundiaw. ²²Te shatara mi kishti zhe tan dadas histi tasa tada paron.²³Yasu saw Galil una akasaw zhe tasi sual karikain ai tasi sabak praw zhe gaderakias mondr asta praw zhe mocan har ruyan l`ahazi zhe har ki ruyan kamzori desha araw. ²⁴Tasa te krom saw Suria noman wa~una shur hawaw zhe moc saw lahaz kas ki bo ruyan lahazi zhe kura ki bo takleef una aini zhe kas udreman shum arwah zhe kura ki burtuni himan aini zhe kura ki khuta aini tasa tada alon se o te prust araw. ²⁵(25) Galil zhe Dukplus zhe Yaroshelum zhe Yahudia zhe Yardanas alelaw bo mocbi tasa pistaw paron.

5¹Se te mocbi pasha dhe~nta una ustaw zhe tara nesaw e to tasa shagetan tasa tada on. ²Zhe se tan ashi umraio tasi kai shehen sabak dikas praw. ³Muburak shate kura ki hardiani gareb, Koki d`ias gaderaki shatasi mi. ⁴Muburak shatsi kai kura ki pareshan an, Koki te tasali grin.⁵Muburak shatasi kai kura ki sabar karaw, Koki te comas gaderak hin. ⁶Mubarak shatasi hatya kura ki ujak phondas bati anora zhe d`ahan hin, Koki te khoshan hin ⁷Muburak shatasi kai kura ki reham karaw, Koki tasi thara asta rehem Karin. ⁸Muburak shatasi kai kas ki hardi pak, Koki te khoday pashen.⁹Muburak shatasi kai kura ki prusti karenKoki te khodayas putr hin. ¹⁰Muburak shatasi kai kura ki ujak phonduna kasikas bati bo gudas hawan koki D`ias badshahi tasi mi hiw.¹¹Mai wajen dai pe moc mimi shum aran po zhe mimi hatya shum shum mond pron po to mimi kai Mubarak. ¹²khoshani kara zhe bo ziad khoshan hal`i koki Di`una mimi hatya bo ghona badila milau hiu koki moc emi paygumber mimi pi sumber shehen` mi kai tang kai aini.¹³Abi comas l`o, Magam l`o as maza pe paraw pe haw to phato kia ishnayari gri l`okhal` Karin? Phato se kia ajat ne se nehai bian histik bas` hiw zhe mocan khur noai l`ac`aun pahaw. ¹⁴Abi dunias phreyl`ik. Kia Shahar ki dhenta una abad thi shiau se ne lawaun pahaw.¹⁵Zhe l`uc upuayo to kawai no~hai o ne tan thaikainai then to tasa thara durau saw mocan hatya phreylik zaliw. ¹⁶Shehen` mi thi mimi phreylik asta mocan ruaw upuaw aria ki te tai prust krom jehayo mimi dada kura ki D`i una au tasa ruaw sual Karin.¹⁷Shehen` mo cita ki aa Torait yao Paygumbaran te kitab galat karika itam. Galat kaika ne te pura karika itam. ¹⁸Koki a mimi kai sahi mam dai ki kai zha ki D`i zhe com shian ek nukta yao ek warak Torait aini kai asta warek ne hiu kai zhe ki se pura ne hiw,¹⁹Phato kura pe shesi c`utak c`utak hokuman mocaw pe kia ne maniaw po zhe shemi mi mocan ci`c`en ki te D`i as bac`ai una sawin pi cutak hin magam kura pe emi manion pe haw isi sabak den teo D`i as badshahi un agada hin. ²⁰Koki a mimi kai maam dai ki abi pi Phikian zha Pharisi mocan pi ziad ujak phonduna kasaw pe ne hawili po abi kai asta D`i as bac`ai una atik ne bha.²¹Abi sangaia ki adein kai mai aini ki kas mo nasha kura kas nashen o tasi adalat uno saza hiw. ²²Magam a mimi kai shehen` mam dai ki kura tan bayas hatya kahari hiw tasa adalat una saza hiw zhakura tan bayas kai gaderi gho~i maw tasa o ghona aadalatuna saza hiw kura pe tasa kai got gho~i amaw pe haw tasa o druzhak as angras saza hiw.²³Phato tai zhandar phawaz`ikwew pe shehen` yadi aw pe haw ki may baya may pe tecak kia shikayat shiw. ²⁴To shatara mi phawazikaina tu zhandar histi pari awel` tan bayaw som prust ha to gheri ita phawazhi.²⁵kai zha ki tu tan malgiraw som phond una as tasa som tez prust ha. Shehen`mo hiw aria ki malgiraw tai warek mocas hawala kariu se o tai sipahias hawala kariw zhe tai o phato jelai jhen. ²⁶A tai kai sahi mam dai ki kai zha ki tu har ek ishnayari pura ne karis talela kai asta ne nehis.²⁷Abi sangaia ki mai aini ki shum krom mo kari. ²⁸Magam a mimi kai shehen` mam dai ki kura pe kia shum soch as thara pe kas istrizhas thara pe jagaw po se tan hardiuna tasa som shumi araw.²⁹Shatalako mimi dracui ec` pe mimi shuruaw pe haw to nehayo tan tadani hista koki mimi hatya sheami prust hiu ki mimi jisam ai ek cel`ak pariw aria zhe mimi pura jisam o Druzakas o ne histun pariw. ³⁰Tai dracui baza pe tai shuruaw pe haw to cini histi koki tai hatya shiami prust hiw ki mimi jisam ai ek cel`ak pariw aria zhe mimi pura jisam o Druzakas o ne histun pariw.³¹shehen` asta mai shiaw ki kura asta tan jas histik bhau zhe tasa talak asta dek bhaw. ³²Magam a mimi kai mam dai ki kura pe tan jas shum kormas yao warek kias wajen dai pe ahistau po se tasa som shumi kau dai zhe kura pe to histil`a istrizha ja arau po se asta tasa som shumi karikas barabar hiw.³³Phato abi sangai aili ki adein kai mai aini ki lawai shat mo cawa baliki tan te shat cawik khodayas hatya pura kara. ³⁴Magam a mimi kai shehen` mam dai ki kai asta shat mo cawa. Abi d`ias koki se khodayas takht. ³⁵Ne mi o comas koki se tasa khur tauni. Ne o Yaroshelumas koki se gaderak S`as Shahar.³⁶Ne o tan sisas koki tu tan sisau ek cawar asta krisna yao gora ne karik bhaas. ³⁷Khodayas mondr Aan Aan yao ne ne koki kia tasa pi ziad hiw se o shumias pi hiw.³⁸Abi sangai aili ki ec` as badila una ech zhe dandoyakas badilauna dandoyak. ³⁹Magam a mimi kai shehen` mam dai ki shum mocas mukabila mo kara kura pe tai ek kalak una kalipara paw po to ek asta tasa ruaw kara.⁴⁰Zha kura pe tai pe zorian tai peran agriau po to tasa to de. ⁴¹Kura pe tai micmi ade awata kasaika aniaw po abi ade awata asta tasa som kasika para. ⁴²Kura pe tai pi kia agatau po to tasa de zhe kura pe kia dec` agataw po tasa de.⁴³Abi sangaia ki mai ashes ki mimi dur tada apaw diawan som asta muhabat tha zhe tan dushmanas pe o desha apaw det. ⁴⁴Magam a tai kai shehen` mam dai ki tan dushmanan som muhabat tha zhe tan shum karawan hatya sual kara. ⁴⁵Ki abi tan dada kura ki D`i una au tasa putr hali koki se tan to suri shum zhe prust awduin thara cimikel` dai zhe ujak phonduna kasawan thara D`i aini zubaram ucundel.⁴⁶Koki abi pe khal`i tan muhabat karawan som pe muhabat arili pe haw to mimi hatya kia prust hiu? Kia paisa griaw shehen` ne Karin dai e? ⁴⁷Zhe abi pe khali tan bayali som pe prust aili po to kia ziad kara dai? Kia warek mulkaw moc asta shehen` ne Karin dai e? ⁴⁸Bas abi prust hali khe~n ki mimi D`i aini dada aw.

6¹Khabardar tan ujak krom mocan pashaikas bati mo kara. Ne pe o mimi dada kura ki D`i una au tasa som mimi hatya dikas bati kia ne shian. ²Abi pe kas kia pral`i po to tan ruaw kia ishpoi mo banjawa khe~n ki pashawaw moc khodayas dura zhe dur durai Karin dai ki moc tasi hatya prust gho~i man. A mimi kai sahi mam dai ki te tan prusti agrian.³Kai pe tu kia kas pra po to shehen` kai de ki tai dracui baza kia kariu dai to tai khawi baza mo joniw aria. ⁴Ki tai deta ishnayari lawan pariw aria. To tai dada kura ki lui jagel dai tai tasa badila del.⁵Abi sual pe arili koki te khodayas dura zhe bazarai cisti suaal karik khoshan dai ki moc te pashin aria. A mimi kai sahi mam dai ki te tan to badila agrian. ⁶Tu pe suaal (dua) kariman ai po tan kamras udreman pari zhe darwaza band kayo tan dada ruaw suaal kara. To phato dada kura ki lui jagel dai mimi badila del. ⁷Zhe sual kariwew warek mocan raw tol` awazuna mo kara koki te citin dai ki homa bo mondr dikas thara homa mondr ko~ Karin.⁸Phato tasi raw mo hal`I koki mimi dada mimi gatikas pi sumber joniw dai ki mimi kia kia ishnayari ajat. ⁹Abi shehen` kai sual kara kiAy homa dada kia ki tu D`i una asTai nom pak kai grin aria ¹⁰Tai badshahi hiw ariaKhe~n ki tai marzi D`i una pura hiw daiCom una asta hiw aria¹¹Homa har aduaw au onja homa de ¹²Zhe khen~ ki abi tan dec griau muaf karik daiTu asta homa te dec muah kari ¹³Zhe homa azmaish una mo histi.Har shumian pe desha kari (Koki badshahi qudrat hamesha tai mi hiw aria. Ameen).¹⁴Abi pe mocan te shumi muaf pe aril`i po to homa dada kura ki D`i una aw mimi muah kariw. ¹⁵Abi pe mocan te krom muah ne arili pe haw to dada asta mimi muah ne kariw.¹⁶Zhe abi pe roci athali pe haw to pashawawan raw tan ru mo lapa koki te shehen` gho~i Karin dai ki moc jonin aria ki te roci thai an. A mimi kai sahi mam dai ki te tan to badila agrian. ¹⁷Tu pe roci athai po tan sis una tew khasi zhe tan ru negi. ¹⁸Ki moc ne mimi dada kura ki lui jegel dai se pashiw aria. To mimi dada kura ki lui jage dai mimi badila del.¹⁹Tan bati com una mal jama mo kara kawa ki goik phawatik zhe zang to kharb kriu zhe kawa ki lawalali asta to lawen. ²⁰Shehen`as bati o D`i una maal jama kara kawa ki ne ta kia goik phawatik kharab kariw ne o zang ne tara kura lawlali to l`awen. ²¹Koki kawa mimi mal hiw tara mimi hardi asta satiw.²²Jisam as phreylik ec`. Mimi ec pe sahi ashes po to saw jisam sai krom kariw. ²³Zha mimi ec` pe kharab ashes po to saw jisam tramasung hiw. Phato shase phreylik kia ki mimi som shiau tramasung pe hawaw pe haw se tramasung kimon ghona hiw! ²⁴Kura moc du malik an som krom karik ne bhaw koki se ya ta egis som shum hiw egis som o muhabat kariw. Yao egis som hiu to eg o kia ne josiw. Abi khodayas zhe Dawlat auduin khidmat ne karik bha.²⁵To a mimi kai mam dai ki tan zhanas phikar mo kara ki abi kia zhuk yao kia pik ? zhe ne o tan jisamas ki kia sambik? Kia zhan zubaruman pe zhe jisam o piranan pe bo ne e? ²⁶Upul`iau pac`iak jaga ne ta kia ben dai neo kia cinin dai. Neo durai jama Karin dai wadi asta mimi dada kura ki D`i una au te zuel` dai.²⁷Mimi mocaw kura she`he`n au ki phikar kai tam umbaras mocaw ek ganta asta ziad karik bhaw? ²⁸Zhe piranan bati ko phikar kara dai? Jangalau mut jaga ki te khen~ thi badan dai. Te ne ta mehnat Karin dai neo cinin dai. ²⁹To asta amimi kai mam dai ki Sulaiman e shohon kia bo hikas som kia ne asheni.³⁰Khoday com aini khas kia ki onja shiau zhe copo to thandur ai dai jhunkiu shehen` peran sambiel to Ay nejonawan mimi ko ne sambiel. ³¹Shatalako fikar kai she`he`n mo ma ki abi kia zhuk yao kia pik yao kia sambik?³²Koki shemi saw ishnayari warek mulkaw moc khojin zha mimi dadaw o joniu dai ki mimi emi saw ishnayari ajat. ³³Abi sumber tasa badshahi zhe tasa ujak phond khoja to shemi saw ishnayari mimi milaw hin. ³⁴Bas c`opas hatya phikar mo kara koki c`opaw adua tan bati tan fikar kariw onjas bati onjaw mi bo gham.

7¹Kas hatya kia mo maa mimi hatya asta kura kia ne maan. ²Koki khen~ kai ki abi kia maa shehen` mi mimi hatya asta maan.³Tu ko tan bayaw ech aini to ac`ak jehes dai zhe tan ec`aw to ne pashis dai. ⁴Tai mi ec` una se shiaw e tu khen~ kai tan bayau kai mas ki andai oni tai ec`aw ala nehem ? ⁵Ay shum moc awel tan ec` ta nehai phato tan bayaw ec`aw gondak nehai .⁶Pak ishnayari s`hohon mo det zhe tan maik khinziran ruaw mo hista. shehen` mo hiw aria ki te pis` gheri mimi mi utraki histin.⁷Agati pe haw mimi diun pariw. Akhojili pe haw sapres. Dur pe bang pral`i haw mimi hatya umran pariw. ⁸Koki kura pe agataw haw tasa hatya zhal`iw zhe kura akhojaw haw se saprel zhe hura bang pe praw haw tasi bati dur umraun pariw. ⁹Mimi mocaw kura shehen` moc aw ki tasa putr pe tasa pi aw agataw pe haw se tasa bat del`?. Yao maci pe agataw pe haw gok del`? ¹⁰Yao masi anagatan pe haw to tasi gok det?¹¹Abi tan shum thi tan azhelal`i o prust ishnayari dek jona dai to mimi dada kura ki D`i una aw tan gatauan o prust ishnayari ko ne del`? ¹²Phato kia ki abi cita dai ki moc mimi som som Karin aria abi asta tasi som kara koki Torait zhe paygumbaran sabak sheami.¹³Trang darwaza una dai ataw koki se darwaza drega se kholaw kia ki nashaikuna hatya zhalel` zhe tara dai atiau o bo an. ¹⁴koki se darwaza trang zhe se phond o bo taluyak kia ki umbur zhe majal una zha`el` zhe to griau o bo tecak an.¹⁵Phan diaw paygumberan pi khabardar hal`i kura ki mimi tada ame~on raw thi in dai magam asal uno utakau lawak. ¹⁶Tasa mewan thara abi te jona. Kia jhow mocaw drac` yao kawit nihin e? ¹⁷She`he`n mi har ek prust mut prust mewa oniu dai zhe shum muto shum mewa.¹⁸Prust mut shum mewa ne oniw nemeo shum mut prust mewa oniw. ¹⁹Kurai mutau ki prust mewa ne ubujiu to chenio angaria jen dai. ²⁰Phato tasi mewan thara abi te jona.²¹Kura mai kai Ay Khoday Ay khoday! Ghoi man dai talel`a mocaw har ek D`ias bac`ai una ne atiw magam shate kura ki mai dada marzi una kasin. ²²Khatara bo mocbi mai kai man Ay Khoday Ay Khoday! Kia abi tai nomas thara mocan sabak ne promi e zhe tai nomas thara shum arwaah ne nihemi e zhe tai nomas thara bo hairan hikas bas` krom ne pashemi e? ²³Shata wat uno a tasi kai sapha kai mam ki a mimi ne joniman ais. Ay shum moc mai tadani para.²⁴Shatal`ako kura mai shemi mond ko~ Karin zhe isi thara amal Karin te shatasa akalmand mocas raw hiw kura ki dhe~nta una tan dur sawzel`. ²⁵Zhe phato muci zhe uk bo thi zhe se~nra jeta zhe se dura o khen~ ne hul`a koki tasa buniad dhen~ta una cistai ashes.²⁶Zhe kura mai shemi mond ko~n kariw zhe isi thara amaal o ne kariw seo shatasa gaderi mocas raw hiu kura ki tan dur phaw thara sawzel`. ²⁷Zhe phato amucaw zhe uk bot hi zhe se~nra jeta zhe se dur o ataw zhe barbad hawaw²⁸Yasu shemi mondr dai khul`aw e to shehen` hawaw ki mocbi tasa dita sabakas pi hairan hawan. ²⁹Koki se tasi Phiki mocan raw ne ek gaderakas raw thi sabak diman ais.

8¹Se talel`a dhen~ta aini ucundaw e to bo moc tasi pistaw on. ²Zhe jaga ek lahaz istrizha tasa isnar una dana asheni Yasu e s`oi ita tasa ruaw sual araw zhe amaw Ay Khoday tu pe aciti peo mai Pak Sapha karik bhas. ³Se tan baza tasa tada kai to acutaw zhe amaaw ki A citim dai ki tu Pak sapha ha. Se shatara mi Pak Sapha hawaw.⁴Yasu tasa kai amaaw Khabardar kas kai mo mas tan gaderakaw pashai zhe kia ki Musa phawazhawaiman ais to kari ki tasa hati Guwahi hiw.⁵Zhe se Kufurnahum wa~una ataw e to ek subadar tasa tada aw zhe tasa ishkal`i kai amaw. ⁶Ay khoday mai gaderak Palis thi dura au zhe bo azab una aw. ⁷Se tasa kai amaaw a ita to prust karim.⁸Subadar jawab prau Ay Khoday a tai laik ne ki tu mai dramias no~una ie khal`i tan ashas thara amai po se prust hiu. ⁹Koki asta warek kas no~una am zhe sipahi o mai no~una an a pe tasi kai tu pari gho~i amais po te parin dai zhe waregis kai tui e gho~i amais po in dai tan krom garau as kai shama kari gho~i amais po se to kariu dai. ¹⁰Yasu shehen` mond san~gai o tan pistaw iowan kai amaw a mimi kai sahi mam dai ki a Israil una asta shehen` Bhawar ne pashi am.¹¹Zhe a tai kai mam dai ki bo mocbi wehakaw zhe preakaw ita Ibraham zhe Izhak zhe Yakub e som thi asmanas badshahi una in. ¹²Magam badshahias putr o bian tramasungai histin tarao troin. ¹³Zhe Isaa subadaras kai amaaw pari kia ki tu amai tai som shehen` mi hiw zhe shatara mi se moc pak taza hawaw.¹⁴Zhe Yasu Patras e dura ita tasa to ispresas apashau se andaw zuni thi asta. ¹⁵Se tasa baza acutau zhe peci tasa pi parau zhe se shatara mi usti tasa khidmat karikas prau.¹⁶C`hak praw e tasa tada bo moc al`on tasi udreman shum arwaah aini se te arwaah ashas thara mai tasi pi nehaw zhe saw lahaz asta prust araw. ¹⁷Kia ki Yasaya paygumber mai ais se pura hula ki se tan homa te kamzori agreaw zhe lahazi o upraw.¹⁸Yasu tan tada bo mocbi pashi o tasi kai ale`l`aw parikas hokum praw. ¹⁹Zhe ek phikia tasa tada ita amaw Ay bandawaw ! tu kawai paris o a tai pistau im. ²⁰Yasu tasa kai amaaw lawak dhe`nta gangai apaw den pac`iakan pac`iak mo~ hin magam Adamas azhel`ias o s`is l`awaikas jaiga asta ne shiaw.²¹Zhe ek shaget tasa kai amaw Ay Khoday mai ijazat de ki awel pai tan dada khalem. ²²Yasu tasa kai amaaw tum ai pistaw ie zhe nashawawan tan nashaw khalaun de.²³Se kishti una ustaw e tasa shaget tasa som paron. ²⁴Zhe jaga babayauk una tufan au kishti tasa tufan no~ hawaw magam se o (Isaa) dudi ais. ²⁵Te tasa tada ita to ustan zhe amaan ki Ay Khoday homa bac` kari! Abi nashek dai.²⁶Se tasi aki amaaw Ay naphadukan! Abi ko behau dai? Se usti se~nra zhe ukas kai kahari hawaw phat obo aman hawaw. ²⁷Zhe moc maikas pron ki ea kia namuna moc ki se~nra zhe uk asta isa hokum manin dai?²⁸Se alelaw Gadarini mulkuna azhal`au e to du moc kas udreman ki shum Arwaah aini qaburaw nihi tasa som milaw hawan. te shohon shum aini ki kura tara phonduna dai asta ne kasiman aini. ²⁹Zhe jaga te abayo dai amaan Ay Khodayas putr homa tai som kia krom? Kia tu shehen` gho~i aya ita as ki wat aini sumber homa azab ay histis?³⁰Tasa pi tecak desha Suar cariman aini. ³¹Phato shum Arwah tasa kai ishkal`i kai aman ki tu homa nihes pe dai o asi Suaran mocai histi. ³²Se tasi kai amaaw para. Te tasi pi nihi khinziran mocai paron zhe jaga te abayo diman babayukai pal`i anashan.³³Zhe te carawaw talela shahar una pai shate som mondr mocan kai aman. ³⁴Zhe jaga pura Shahar Yasu e som milaw hika paron zhe to pashio tasa kia ishkal`i aran ki homa jagao bian pari.

9¹Phato se kishti una usti alelaw paraw zhe tan Shahar una aw. ²Zhe jaga moc ek khuta shen~ una kai tasa tada al`on. Yasu tasi Bhawar jagayo khutas kai amaaw mai putr tai gunah muah hawan.³To jaga ade Phiki moc aman ki ea ne patik bas` mondr del` dai. ⁴Yasu tasi kheyal jhoni o amaaw ki abi ko tan hardiay shum kheyal ona dai? ⁵Asan kia. Shehen` maik ki mimi gunah muah hawan yao shehen` maik ki usti kasi? ⁶Magam shehen`as bati ki abi jona ki Adam as putras comuna apaw diawan gunah muah karikas ikhtiar dai shiaw (Se tasa khutas kai amaaw ) Usti tan shen` uprayo kasi tan dura hatya pari.⁷Se usti tan dura hatya paraw. ⁸Mocbi to jagayao behon zhe khoday ishtikhaikas pron ki se mocan shehen ikhtiar asta dai aw. ⁹Yasu talela ruaw paio Matti noman ek moc paisa grikwew nesi pashio tasa kai amaaw mai pistaw ie. Se usti tasa pistaw paraw.¹⁰Phato se dura au zhuikas bati nesi ais e to shehen` hawaw ki bo paisa griaw zhe gunah garaw Yasu zhe tasa shagetan tada ita au zuika neson. ¹¹Pharisi moc te jagayao tasa shagetan kai amaan ki mimi bandawaw paisa greaw zhe gunah garaw mocan som nesi ko zuw dai?¹²Se shehen` sangai o amaaw ki dactar l`ahazas ajat taza mocas o ne. ¹³Magam abi pai tasa matlab khoja ki a qurboni ne baliki rakum khosham dai koki a ujak phonduna kasaw moc ne gunah garaw khundiaika itam.¹⁴Shatara Yuhana e shagetan tasa tada ita tasa kai amaan ki kia waja shiaw ki abi zhe pharisi ta roc`i thek dai zha tai shagetan o ne then dai? ¹⁵Yasu tasi kai amaaw kia s`hambokas som iaw moc troin e? Magam shase wat iw ki to s`hambok tasi pi desha Karin. Shatara o to te roc`i then.¹⁶Utrukuna c`alaigaraw c`elak paranu piran una kura ne s`atel koki se c`elak piranaw kia ade asta hoc`iw phato se ade asta udul`iw. Zhe no~a D`a paranu d`ramai ne jhen naga te bishian zha se D`a phato uzukiw zhe te d`ram o barbad hin. No~a D`a no~a d`ramai jai then to te awdu sai thaw hin.¹⁷Zhe no~a D`a paranu d`ramai ne jhen naga te bishian zha se D`a phato uzukiw zhe te d`ram o barbad hin. No~a D`a no~a d`ramai jai then to te awdu sai thaw hin.¹⁸Se tasi kai shehen` mondr diman mi ais e ki jaga ek gaderak moc (Sardar) tasa tada ita tasa ruaw tasa hatya sual araw to amaaw ki mai c`u shonja nashi aw magam tu mai som ita tan baza tasa tada thai to se zinda hiw. ¹⁹Yasu usti tan shagetan som tasa pistaw paraw.²⁰To jaga ek istrizha kas ki dash zhe dua kau sati l`ui pariman ashes tasa pistaw ita tasa peranas awatik acutaw. ²¹Koki se tan hardiuna maiman ais ki khal`i tasa piran mi asta pe acutis pe haw sai him. ²²Yasu pis` gheri to jagaio amaaw Mai c`u tai Bhawar tai prust araw. Phato se istrizha tara mi sai hawaw.²³Phato Yasu tasa Sardaras dura ito te ishpo~i bajawaw zhe te bo mocbi apashaw. ²⁴To tasi kai amaaw al`ai para koki istrizha nashi ne aw dudi aw. Te tasa thara katrikas pron.²⁵Magam te mocbi nehan e to se udreman paio tasa baza ac`utaw to se istrizha ustaw. ²⁶Shase mondr tara jaiga una sawin hatya pata hawaw.²⁷Yasu talela ruaw paraw e to du s`ea tasa pistaw shehen` maiman on ki Ay Dawood S`as putr homa thara rehem kari. ²⁸Phato se dura azhal`aw e to te s`ea tasa tada on Yasu tasi kai amaaw kia mimi yakin shiaw e ki a shehen` karik bhaam? Te amaan ke Aan Khoday.²⁹Phato se tasi ech c`utio amaaw ki mimi yakainas thara shehen` hiw aria. ³⁰To tasi te ech umrini zha Yasu tasi kai amaaw Khabardar kas hatya shia mondr mo pata hiw aria. ³¹Magam teo talela nihi sawin kai aman.³²Te bian pariman aini e to jaga moc ek l`ahaz tasa tada al`on se mondr dek ne baiman ais zhe tasa udreman shum arwaah asta aini. ³³To te shum arwaah nehan e se moc mondr dek abhaw to moc maikas pron ki Israil una shehen` kai asta ne thi shiaw. ³⁴Magam Pharisi moc o amaan ki ea shum arwahan gaderakas madadas thara shum arwah nehel` dai.³⁵Yasu saw Shaharai zha gromai akasaw zha tasi sual karikainai tasi sabak asta praw zha bac`ai khoshanias mondr diman zha har ruayan l`ahazi zha har ruyan kamzori desha araw. ³⁶Phato te bo mocbi pashio tasa wal` praw koki te shatasi ame~on raw aini kas ki walmoc` ne an.³⁷. To se tan shagetan kai amaaw ki phasul ta bo shiaw magam krom garaw o kam an. ³⁸Kas ki phasul shiaw tasa mocas kai ishkal`i kara ki se phasul l`aikas bati krom garaw hutiw aria.

10¹Phato se tan dash zhe dua shaget tan tada khundiayo tasi shum arwah nihaikas ikhtiar praw ki te nehan zha har ruyan l`ahazi zha kamzori desha Karin.²Tai dash zhe dua paygumberan nom shemi. Awelo Shamoon kas kai ki Patras gho~i man dai zha tasa bayas Indriyas. Zabdi e putras Yakup zha tasa bayas Yuhana. ³Philpas zha Burtalmai. Tuma zha Matti paisa griaw. ⁴Halfi e putr Yakup zhe Tadi. Shamoon Qanani zha Yahudaiskaryodi kura ki to griawais.⁵Emi dash zhe dua shagetan Yasu ahutaw zha tasi kai hokum daio amaaw. Warek mulkai zha Samri Shahar ai o mo para. ⁶Israilas dum hul`a ame~on tada para. ⁷Phato kasiman kasiman shehen` mondr det ki D`ias bac`ai s`oi ita shiaw.⁸L`ahaz prust karik. Nasta jhunkik. Bicicias l`ahazi prust karik. Shum arwah nehek. Abi micmi agrel`i micmi det. ⁹Ne ta s~ua ne o c`andni ne o paisa tan d`akai bonuniai mo tha. ¹⁰Phonduna kasikas bati du du zhola peran mo grea ne o kirmec ne o gundik koki krom garaw tan au as tan hakdar.¹¹Zha kawa Shahar una zha gromuna para o tara phuca ki kura l`aik aw ki talela para shohon tara apaw dihel. ¹²Tara dura atikwew tasa hatya sual kara. ¹³Zha se dur mimi laik pe hul`a pe haw to mimi se sual tasi sataw ne pe laik hul`a pe haw mimi sual mimi hatya gheri iw.¹⁴Kura pe mimi kubul ne pe aran pe haw zha mimi mondr asta pe ne ko~ aran pe haw to talela duraw yao talela Shahar aini bian nihikwew tan khuraw udhu tuka. ¹⁵A mimi kai ujak mam dai ki adalatas adua tasa Shaharas kia ki Sadum zhe Amura shaharas hal thi ashes bardasht karik bas` ne hiw.¹⁶Jaga a mimi hutum dai khen~ ki ame~a l`awakan mocai. Bas gokas raw hushiar zha kohowan raw azad mo hali. ¹⁷Magam mocan pi khabardar hali koki te mimi adalatas hawala Karin zha tan sual karikainai mimi tain. ¹⁸To abi mai wajen dai gaderakan zha bac`ahan ruaw para ki tasi zhe warek mulkaw mocan (kura ki khoday ne manin dai) hatya guahi hali.¹⁹Magam te mimi griawaini pe haw phikar mo kara ki abi kia maik yao khen~ kai maik koki kia maeli hiw o shatara mi mimi kai man. ²⁰Koki maow abi ne mimi dadaw arwah hiw kura ki mimi udremanaw thi maw.²¹Baya baya nashel zha putr o dada. Zha putr o tan ayas dadas ruaw c`isti to nashawaw. ²²Mai nomas wajen saw moc mimi som dushmani Karin magam kura ki akher una zhe bardasht kariw shase mi nijat griw. ²³Magam mimi ek Shahar una pe tang aran pe haw warek awata hatya para koki a mimi kai ujak mam dai ki tu Israilas saw Shahar ai neji kasi e Adamas putr iw.²⁴Shaget tan bandawawas pe gada ne hiw zha nemi o krom karaw tan gaderakas pi. ²⁵Shagetas hatya sheami bo ki tan bandawawas raw hiw. Zha krom karawas hatya o shia ki tan gaderakas raw. Te tan duraw gaderakas kai pe bahalzbol gho~i mai an pe haw tan mi duraw mocan hatya o ko ne man?²⁶Tasi pi mo behaw koki kia ishnayari shehen` ne shian ki te band kaio umrek ne bhan zha neo shehen` kia ishnayari l`uhi shian te gheri jhonik ne hiw. ²⁷Kia ki a mimi kai tramasungai mam dai abi o to phreyl`ik una ma zha kia abi ko~nas thara sanga warek awata tasa bara una ma.²⁸Kura ki jhan ta nashen magam arwah o ne nashek bhan dai tasi pi mo behaw khali shatasi mi pi behaw kura ki arwah zhe jhan awdu kai druzhak ai jai nashek bhaw dai. ²⁹Kia paisas thara du pac`iak ne brikin dai e? Zha talela mocaw o ek asta mimi dada e marzias thara com una ne pal`in. ³⁰Mimi s`is`aw c`awar asta saw ismarai shian. ³¹Bihaw o mo. Mimi zhan o bo pac`iakan pe asta ziad.³²Kura pe mocan ruaw mai maniaw pe haw a asta mai dada ruaw kura ki D`i una aw tasa ikrar kaim. ³³Magam kura ki mocan ruaw mai ne maniw a asta mai dada ruaw kura ki D`i una aw tasa inkar karim.³⁴Shehen` mo c`iti ki a c`om una mimi prust karika itam. Prusti karika ne khangar satawaika itam. ³⁵Koki a shehen` gho~i itam ki moc tan dadas pi zha c`u tasa ayas pi zha bahu o tasa ispresas pi desha karim. ³⁶Mocan dushman o tasa mi duraw moc hin.³⁷Kura ki tan ayas zha dadas mai pi ziad khosel` se o mai laik ne zha kura pe putr yao c`u mai pe ziad khoshel se asta mai laik ne. ³⁸Zha kura ki tan salip ne uprel`zha mai pistaw ne kasiw se asta mai laik ne. ³⁹Kura tan zhan bac kariw o se to dumbel` zhe kura ki mai bati tan zhan dumbel` se o bac hiw.⁴⁰Kura tai maniw dai o se mai maniw zha kura ki mai kubul kariw dai se mai hutaw asta kubul kariw dai. ⁴¹Kura ki paygumberas nomas thara paygumber maniw dai se paygumberas behel`i griw dai zha kura ki ujak nomas thara to maniw se o prusti as behel`i griw.⁴²Kura ki shagetas nomas thara tan pi c`utakan khali pe ek pial`a osh uk piaw pe haw a mimi kai ujak mam dai ki se tan prusti kai asta ne dumbel`.

11¹Yasu tan dash zha dua shagetan hokum praw e to shehen` hawaw ki se talela paraw ki tasi shaharai pai tasi sabak del`. ²Yuhana o jel`ai Yasu e krom sangaio tan shagetan phuc`ika ahutaw. ³Ki iaw tu mi e yao abi warek kas iawas phond jakek?⁴Yasu jawab una tasi kai amaaw ki kia ki abi sanga dai zha jaga dai pai Yuhana kai ma. ⁵ki s`ea pashik bhan dai zha khuto kasik bhan dai. Karutu sangan dai zha nasto zinda hin dai zha gareban kaio prust mondr den dai. ⁶Mubarak shatasi kai kura ki mai wajen dai ne shurun.⁷Te parikas hawan e to Yasu Yuhana e barauna mocan kai maik shurugaw ki abi beyaban una kia jagaika pai aili? kia s~eras thara patakaw mutkan e? ⁸Dhoyo kia jagaika pai aili? kia kimati peran sambiwaw moc e? jaga kura ki kemati peran sambian dai te S`as dura hin.⁹To dhoyo ko pai aili? kia ek paygumber jagaika? A mimi kai mam dai ki ek paygumberas pi gadas kai. ¹⁰Se o shase mi kas barauna ki niweshi shiaw ki jagai a tan paygumber tai ruaw hutum dai kura ki tai phond tai ruaw tayar kariw.¹¹A mimi kai sahi mam dai ki kura istrizhon pi ubuji an talela mocaw Yuhana pi gada kura ne magam kura ki D`ias gaderaki una cutak aw se o tasa pi gada. ¹²Yuhana baptisma diawas wat aini gri shonja zha D`ias gaderaki una tezi ita shiaw zha takatwar o to gren.¹³koki saw paygubaran Yuhana una zha aini. ¹⁴Zha c`iti o maniaw. Alia kura ki iman ais shia shasemi. ¹⁵Kas ki ko~n ko~ karikas bati shian ko~ kara¹⁶Onja zamana aini moc a kas raw aini gho~i mam? Te shatasi sudon raw kura ki bazarai nesi tan malgiri khundien dai. ¹⁷Abi mimi hatya ishpo~i banjemi zha abi o ne anatil`i. Abi shok arimi zha abi o ne atroili.¹⁸Koki Yuhana ne ta zuiman itaw neo pi aw zha teo man dai ki isa udreman shum arwah an. ¹⁹Adamas putr o zui pi aw zha teo man dai ki jeha zua. Paisa griowan zha gunah karawan malgiri! Magam akal o tan kroman thara ujak hula.²⁰Se phato shatasi Shaharan barauna maikas praw kawa ki se ziad Hairan hikas bas` krom kai ais koki te thoba ne kai aini. ²¹Ay mocbian Mimi thara afsos! Ay Bait-e-Sada mimi thara afsos! Koki kia ki hairan hikas bas` krom mimi som hawan te Sur zhe Saida gromuna pe hawan te ghona cadar uphayo zhe phaw una nesi zhot thoba aran. ²²Magam a mimi kai mam dai ki adalatas adua Sur zhe Saida saza nimi pe bardasht karik bas` hiw.²³Ay Kufur e nahum kia tu D`i una zhe ghona his e? Tu ta pura dunias no~una ucundis koki kia ki hairan hikas bas` krom mimi pashai asheni te Sadum una pe hawan shonja zhe te jata thaw hawan. ²⁴Magam a mimi kai mam dai ki Adaalatas adua Sadum gromas saza mimi pi bardasht karik bas` hiw.²⁵Shatara Yasu amaw Ay Dada D`ias zha comas khoday a tai hatya sual karim dai ki tu shemi mondr akalmandan pi lawai zha sudayakan o pashai. ²⁶Aan ay dada koki shehen` mi tai khosh. ²⁷Mai dada gehenaw dai saw kia mai dai an zha kura putr one jonin dai dada sargairo zha kura dada ne joniw dai putr e sargairo kai zha ki putr to ne pashel.²⁸Ay mehnat karaw mocbian saw mai tada aw. A mimi aram dem. ²⁹Mai haw tan thara thai upra zha mai pi cic`a. koki a rakum garaw zha hardiuna bo prust. To mimi zhan aram una hin. ³⁰Koki mai bo mauc`ak zha mai phar o phis`tak.

12¹Shatara wat una Yasu Sabatas adua c`etai paraw tasa shagetan o anora aini zha te tara te juwari phalik c`ini zuikas pron. ²Pharisi jagaio tasa kai aman jagai tai shagetan shehen` krom Karin dai kia ki Sabatas adua ne karik bas`.³Se tasi kai amaaw abi shehen` ne mai a ki Dawood zha tasa malgiri anora thio kia aran. ⁴Se khodayas dura paraw zha tara te thala kia ki au asheni te azuan te ne ta tasa neo tasa malgiran zhuikas bas` asheni khali Kahin te zhuk bhan.⁵Ya o tu Torait una ne mai as e Kahin Sabatas adua khodayas dura Sabat ne manin dai zhe wadi asta kura kia ne maik bhan dai tasi kai. ⁶A mimi kai mam dai ki aya shase aw kura ki khodayas duras pi asta ghona.⁷Magam abi pi tasa matlb pe ajonili ki a qurboni ne rakum khoshem dai to be kusuran kai galat ghoi ne ma. ⁸Koki Adamas putr Sabatas malik.⁹Phato se talela kasi pai tasi sual karikainai paron. ¹⁰Zha jaga tara ek moc ais kas ki baza s`usi ashes. Te tasa thara phan dikas bati shehen aphuc`an ki kia sabatas adua prust karik shiaw e?¹¹Se tasi kai amaaw shehen kura aw kas ki khali ek mi ame~a aw se o sabatas adua ukai pal`aw se o to gri talela ne nehel? ¹²Phato mocas o ame~as pi ziad madad karik shiaw. Shehen`as batio Sabatas adua prusti karik bha.¹³To se tasa mocas kai amaaw ki tan baza ruaw kari. Se ruaw araw e tasa se baza tasa egis raw prust hawaw. ¹⁴Shatara phato te Pharisi bian paio tasa khilap mashwara aran ki to khen~ kai nashek.¹⁵Yasu shehen` kai o talela paraw zha bo mocbi tasa pistaw paron se o te sau prust araw. ¹⁶Tasi kai amaaw ki kas kai mo ma. ¹⁷Kia ki Yasaya paygumber mai ais se pura the.¹⁸Jaga ea mai moc kas ki a khoji am. Mai sheshoyak kas pi ki a khoshan am. A tan arwah asa udreman jem. Zha ea khoday ne maniaw mulkai pai Insaaf kariw .¹⁹Ea ne ta s`atiw ne o shor kariw zha neo kura bazarai isa awaz sangan. ²⁰Ea lac`ala muthikik ne c`iniu zhe angar aini thum ne phalel kia zha ki Insaaf ne hiw. ²¹Zhe isa nomas thara khodayas ne maniaw moc asta umeed then.²²Shatara moc tasa tada ek s`ea ne mondr diaw moc alon kas udreman ki shum arwaah aini. Se to prust araw. To se moc mondr dek zhe pashik abhaw. ²³Saw mocbi hairan thi maikas pron ki kia ea Dawood e putr e?²⁴Pharisi sangai o amaan ki ea Shum arwaah an gaderak Bahizbul e madad as thara shum arwaah ne nehel` dai. ²⁵Se tasa te mondr jhoni o tasi kai amaw ki kas gaderaki una pi shumi hawaw pe haw se weran hiw zha kawa dura yao Shahar una pi shumi hawaw pe haw se ne thaw hiw.²⁶Zhe shaithan pe shaithan nehaw pe haw to te mi egoegin khilap hin to tasa gaderaki khen~ thi thaw hin. ²⁷A pi Bahizbul e madadas thara pi shum arwah nehem dai o mimi putr o kas madadas thara nehen dai?²⁸Magam a pe Khodayas arwah as thara pe shum arwah nehem dai o to khodayas gaderaki mimi tada zhali shiaw. ²⁹Ya o ko kura moc kas mocas durai ati khen~ kai tasa ishnayari lawel to ne bhoni o.? phato se tasa to dur c`iniw. ³⁰Kura ki mai som ne an te mai khilap an zhe kura ki mai som ne sarien te o to bizgen.³¹To mimi kai mam dai ki mocan saw gaunah zha shumi ta muah karik hiw magam kia ki shumi arwah as som pe hawaw pe haw to ne muah karin. ³²Kura pe Adamas putras hatya pe kia mondr pron pe haw te ta muah Karin magam kura pe Ruhulkudusas hatya pe kia amaaw po to muah ne Karin.³³Ya ta mutas kai prust gho~i mas zha tasa mewas kai asta yao mutas kai asta shum gho~i mas zhe tasa mewas kai asta koki mut tasa mewas thara jonik hiw. ³⁴Ay gokas azhel`i! abi shum thi khen~ kai prust mondr dek bhaa? Koki kia ki hardiuna hiw shase mi ashuna asta hiw. ³⁵Prust moc prust Khazana aini prust ishnayari nehel zha shum moc shum khazanaw shum ishnayari nehel.³⁶To a mimi kai mam dai ki kia ne dik bas` mondr kura praw pe haw adalatas adua tasa hisab gren. ³⁷Koki tai tan mondran thara tai kai ujak phond una kasaw gho~i man zhe tan mondran thara o tai jonin.³⁸Shesa thara to ade Phiki zhe Pharisi jawab una aman Ay Bandawaw! Abi tai pi ek Nishan khojik dai. ³⁹Se jawab una tasi kai amaw onja wat aini shum krom karaw moc Nishani khojin dai magam Yunah paygumberas Nishan as sargairo kia Nishan ne hiw. ⁴⁰Koki kia ki Yunah tre rat adua macias kuc`ai apaw praw shehen` mi Adamas putr tre rat adua c`oma una apaw den.⁴¹Nainwah aini moc adalatas adua shesa zamana aini mocan som cisti tasi kai shum gho~i man koki te Yunahas mondras thara thoba aran zhe jagaa aya o shase moc aw kura ki tasa pi asta gada.⁴²Dakhan as malika adalatas adua isa zamana aini mocan som c`isti tasi kai shum ghoi maaw. Koki se dunias awatikani Sulaiman S`as mondr ko~n karika itaw zha jaga ayo shase aw kura ki Sulaiman as pe asta gada.⁴³Shum awaah pe mocas udremanaw pe nehaw pe haw se tan aram karikas bati jaiga khoji kasiw magam saprel` o ne. ⁴⁴To se maaw ki a tan shatara dura hatya gheri parim kawel`a ki nehi ais. ⁴⁵Phato talela paio tan som sat warek arwaah asta gri iu phato te udreman ati tara apaw den zhe tasa mocas o awelaw pe asta shum haal Karin. Onja zamanaw mocan hal asta shehen mi hiw.⁴⁶Se mocbian kai shehen` maiman ais e tasa ayas zha bayas bian c`isti aini zhe tasa som mondr dek khojiman aini. ⁴⁷Kura tasa kai aman ki jagai tai ayaw zhe tai bayaw bihan c`isti an zhe kai som mondr dek khojin dai.⁴⁸Se tasa kai mondr diau mocas kai amaaw ki kura may aya zhe kuro mai baya? ⁴⁹Zhe tan shagetan gehe~n baza kaio amaaw ki jaga mai aya zhe mai baya emi. ⁵⁰Koki kura mai dada marzias thara kasiu shatemi mai aya zhe mai baya.

13¹Shatara mi adua Isaa duraw nehi babayuk tada pai nesaw. ²Tasa tada shohon bo mocbi sarini ki se kishti una ustaw zha saw mocbi o awat una ac`istan.³Se tasi kai bo mondr ac`oikan raw kai amaw ki jagaa ek phalik jehaw phalik baika paraw. ⁴Bi histikwew ade phalik awatikai apalan zha pac`iak ita te azhuan. ⁵Te ade o bat tadai apalan tara o prust phaw ne hikas wajen dai ghas ubujon. ⁶Phato suri nehi te aduan zha isnos ne hikas wajen dai as`usan.⁷Ade o c`er mocai atan zhe te o tasi no~ai paron. ⁸Zhe ade prust phaw una atan tara o te ubujon zha te ade ta shor ade o tre beshi adeo beshi zhe das ziad thi ubujon. ⁹Kas ki ko~n shian te ko~n kara.¹⁰Shaget s`oi ita tasa kai amaaw tu achuikan raw kai ko mondr des dai? ¹¹Se jawab una tasa kai amaaw ki shehen` gho`i ki abi D`ias te mondr jhona dai eli o te ne jonin. ¹²koki kas som ki hin tasa den zhe tasa som o ade asta ziad hin zhe kas som ki ne hin tasa pi o te asta gheri grin.¹³A tasi som achoik una shehen` gho~i mondr dem dai ki te jagai asta ne jagen dai zhe ko~ kai asta ne ko~n Karin dai. ¹⁴Zha tasi thara Yasaya se mail`a mondr pura hiw kiAbi ko~n as thara sanga magam to ne jhonaZha ecas thara jagaa magam jhona o ne.¹⁵Koki isi mocan hardi thara m`eh bo thi shiaw Zha te ko~nas thara hosha kai sangan daiZha te tan ech band kai anKi shehen mo hiw aria ki ecas thara joninZha ko~nas thara sangaan Zha hardias thara joninZha mondr joniZha a te prust karim.¹⁶Magam Mubarak mimi ec shehen` gho~i ki te pashen dai zha mimi ko~n shehen` gho~i ki te sangan dai. ¹⁷Koki a mimi kai sahi mam dai ki bo paygumber zhe ujak phonduna kasau c`itiman aini ki kia ki tu jages dai te asta jagen magam ne jagan zhe kia mondr ki tu ko~n karis dai ko~n Karin magam ne aran.¹⁸Phato bahawas ac`oik ko~ kara. ¹⁹Kura pe gaderakias mondr pe ko~n araw zha ajonaw pe haw kia ki tasa hardi una ubujai an to shaithan ita hariw shea shase kurai ki phondas tada histi ashes.²⁰Kurai ki bat tadai pali ashes emi shate kura ki khodayas mondr ko~n Karin dai zhe to khoshanias thara manin asta dai. ²¹Magam tan udreman tasa isnos ne then dai khal`i ade watas bati shian zhe kia musibat aw pe haw to bo tez shuruaw.²²Zhe kurai ki c`er mocai ubuji shian emi o shate kura ki khodayas mondr ko~n Karin dai magam dunias phikar zhe dawlatas wajen dai to tan no~ Karin dai zha se o mewa o ne oniw. ²³Kurai ki prust coman una ubujon emi shate kura ki khodayas mondr ko~n Karin dai zhe jonin dai zhe mewa asta onin dai. Kura ta shor mewa kura o tre besi kura o beshi zhe dash.²⁴Se ek warek ac`oik tasi kai jaio amaw ki Di`as bacai shatasa mocas raw kura ki tan c`et una prust phal`ik praw. ²⁵Magam moc adudan e tasa dushman ita tara c`istaka phalik ahistaw. ²⁶Phato po~ nehon e te c`istaka phal`ik pashun paron.²⁷Krom karaw ita duras gaderakas kai amaaw Ay khoday kia tu tan c`etuna prust phal`ik ne histi ai e? tara c`istaka phal`ik kawel`a on? ²⁸Se tasi kai amaaw ea kas dusmanas krom. Krom karaw tasa kai amaan kia dhoyo abi tara pai te jama karik e?²⁹Se amaaw ne te jama karik dai ghoi abi sai asta upac`a. ³⁰Laikuna zha awdu ek thi badan aria zha laikwew laowan kai mam ki awel c`istaka phalik jama kaio te angar sata phato sahi lai la.³¹Se ek warek ac`oik tasi kai jayo amaaw D`ias bacai shatasa phalikas rau kurai ki ek moc gre tan c`etai abaw. ³²Se saw phalikas pe ta c`utak magam ubujaw po shohon ghona hiw dai ki pac`iak asta ita tara tan mo~ sawzen.³³Se ek warek ac`oik tasi kai prau ki D`ias bacai shatasa mayakas raw kurai ki ek istrizha adek gre at ai praw zha se o ade ade the sau c`ruka araw.³⁴Shemi saw mondr Yasu mocbian kai ac`oik una praw zha ac`oik as sargairo se kia mondr ne diman ais. ³⁵Kia ki paygumberan gehenaw dai mai ashes se pura hawawA shate mondr dem kia ki moc ne jonin.³⁶Phato se te mocbi histi dura hatya parau zhe tasa shagetan tasa tada ita tasa kai amaan ki cet aini c`istaka phal`ik as ac`oikas matlab homa c`ec`ai. ³⁷Se jawab una amaaw ki prust phal`ik bau Adamas putr. ³⁸Zhe c`et o dunia. Zhe prust phal`ik bacaias putr zha c`istaka phal`ik o shaithanas putr hin. ³⁹Kura dushman ki te abaw se o shaithan zha te lek o dunias akher hia zha lahaw o pharishta hin.⁴⁰Phato khen~ ki te c`istaka phal`ik sarien zha angaria jhai jhunkin shehen` mi dunias akher una hiw. ⁴¹Adamas putr tan pharishta hutiw zhe te saw shuruawaw ishnayari zhe shum moc jama karn. ⁴²Te phato te angaria jhen tara o troik hiw. ⁴³Tara wat uno ujak phond una kasaw moc o tan dadas bacai una surias raw upuan. Kas ki ko~n shian te ko~n kara.⁴⁴D`ias bacai c`etaw Khazanas raw kura moc ki saprai o to alaw khoshan the kia ki tasa asheni saw abrekaw zha to c`et o tan hatya agreaw. ⁴⁵Phato D`ias bacai shatasa griaw mocas raw kura ki qimati maik khojiman ais. ⁴⁶Tasa ek qimati maik milaw hawaw e se tan saw ishnayari to grekas bati abrekau.⁴⁷Phato D`ias bacai shatasa ghona jal as raw kia ki babayuk una ahistan e se har ruyan maci agreaw. ⁴⁸Se puri hawaw e to awatika oni o talela mocaw prust prust lai gearumai pron zhe kurai o ki kharab asheni te ahistan.⁴⁹Dunias akher uno shehen` mi hiw. Pharishta nehin zha shaithan moc ujak mocan pi gezi karan phato te o angaria jhen. ⁵⁰Te tara o troin.⁵¹Kia abi shemi saw mondr ajonil`i e? Te tasa kai amaan ki Aan. ⁵²Se tasi kai amaaw shehen`as bati har Phiki kura ki D`ias bacai as shaget thi aw shatasa duras malikas raw kura ki tan khazanas mocaw no~a zhe paranu ishnayari nehel dai. ⁵³Yasu shemi ac`oik jhai khulaw e to talela se paraw.⁵⁴Phato tan mulkuna ita tara sual karikainai shehen` sabak dikas praw ki te hairan thi maikas pron ki isa udreman shohon akal zha hairan karikas bas` krom kawel`a on? ⁵⁵Kia ea barhaias putr ne e? zha isa ayas nom Mariam zha isa bayas nom o Yakup zha Yusup zha Shamoon zha Yahuda ne e? ⁵⁶Kia isa saw babasi homa aya ne an e? dhoyo emi saw isa udreman kawel`a on?⁵⁷To te saw tasa gehenaw dai shuruini magam Isaa tasi kai amaw ki Paygumber tan mulkas zha tan duras sargairo kawai asta Izaat ne griw. ⁵⁸Se tasi shesi mondran wajen dai tara hairan hikas bas` krom ne pashaw.

14¹Tara wat una c`otai mulkas gaderak Hairodes Yasu a te mondr sangais. ²To tan mocan kai amaaw ki ea Yuhana baptisma diaw e. Se nashowan mocaw zinda thi itaw to tasa pi shemi hairan hikas bas` krom hin dai.³Koki Hairodes tan bayas Philpas e jas Hairodias e wajen dai Yuhana gri to bonio jelai jai aini. ⁴Koki Yuhana tasa kai mai ais ki to thek tasa hatya prust ne hiw. ⁵Phato se to nashek khojiman ais magam moc pashi behiman ais koki te tasa kai paygumber gho~i maiman aini.⁶Magam Hairodes e salgira (ubujikas adua) ashes e Hairodes e cul`as tara mehel una nati to khoshan araw. ⁷Tara o se shat c`awi wada araw ki kia tu khojis to tai dem.⁸Se tan ayas c`ec`aikas thara amaaw ki mai hatya Yuhana baptisma diawas s`is sahaya onawas. ⁹S`a perishan hawaw magam tan shatas zhe mehnu an wajen dai se hokum praw ki isa det.¹⁰To moc huti Yuhana e s`is c`inawais. ¹¹Tasa to s`is aonan zhe istrizhas pron zha seo to tan ayas tada ahiraw. ¹²To tasa shagetan ita tasa to jhan uprayo to d`ahagan zhe Yasu a tada pai tasa kai amaan.¹³Yasu shehen` sangayo talela kishti una nesi ek gezi jaiga una hatya paraw zhe moc shehen` sangaiyo Shahar Shaharaw tasa pistaw paron. ¹⁴Se ucundi bo mocbi apashaw zha te pashi tasa wal` praw to se phato talela te lahaz prust araw.¹⁵Phato c`ak praw e to shaget tasa tada ita tasa kai amaan ki jaiga bo weran zha wat o pai shiaw. Moc huti ki gromai pai au onin.¹⁶Yasu tasi kai amaaw ki tasi parik zaruri ne. abi mi asi zuikas bati au det. ¹⁷Te tasa kai amaan ki aya homa som ponj ta au zhe du o masi shian wareo kia ne. ¹⁸Se amaaw te aya mai tada ona.¹⁹To se mocan kai bronz una nesaw gho~i amaaw. Phato se te ponj au zhe du masi agreaw zha D`ias gehen jagayo barkat praw zha au c`eni shagetan praw zhe shagetan mocan pron. ²⁰Te saw zui tac`erini to te thaw hula palum dash zhe dua sawew upran. ²¹Zuaw istrizha zha sudayak ne kai ponj hazar moc aini.²²Se phato shagetan kai amaaw ki tasa parikani pe sumber abi kishti una nesi alelaw para a emi moc hutum shohon zha. ²³To te mocbi huti o gezi the dua karikas bati ek dhen~ta una ustaw c`ak praw e se tara gezi ais. ²⁴Magam kishti o ukas mocuna ashes zha alai anadai pariman ashes koki s~enra jiman ashes.²⁵Se rat o uk una kasiman tasi tada aw. ²⁶Shagetan to uk una kasikwew pashi o behon zha maikas pron ki bhala aw te behe o abayo pron. ²⁷Yasu tasi kai amaaw Aa am. Mo behaw.²⁸Patras jawab una tasa kai amaw Ay khoday tu pe as pe haw mai kai hokum de ki a uk una kasi tai tada im. ²⁹Se amaaw andai. Patras kishti aini uc`undi Yasu e tada parikas bati uk una kasikas praw. ³⁰Magam sen~ra pashi o behi shuruikas theo abayao diman amaaw Ay Khoday mai bac kari!³¹Yasu ek dam baza ruaw kai to agreaw zha tasa kai amaaw Ay nafaduk tu o shak ari? ³²To te kishti una on e to sen~ra kam hawaw. ³³Kura ki kishti una aini te tasa ruaw sual kaio amaan ki tu mi Khodayas putr.³⁴Te phato Ganisrat wa~nuna azhal`an. ³⁵Zhe talela moc to joni o saw mocan kai amaan saw lahaz tasa tada alon. ³⁶Phato te tasa ishkal`i karikas pron ki tasa peranas awatik mi c`utin zha kura ki to ac`utan taza hawan.

15¹Shatara wat una Pharisi zhe Phiki moc Yaroshelum aini Yasu e tada ito tasa kai amaan ki. ²Tai shaget akhabiran riwaj ko ne manin dai ki au zuikwew baza ne negin? ³Se jawab una tasi kai amaaw ki Abi ta ko khodayas hokum ne maniaw dai?⁴Koki Khoday mai au ki tu tan dadaw zha tan ayaw izaat kari zha kura dadas yao ayas kai kia shum pe amaw pe haw se nashiw. ⁵Magam tu o mas dai ki kura dadas yao ayas kai amaaw po ki kas ishnayari as pe tai mai pe phaida pe zhaliu se khodayas hiw. ⁶To se tan dadas izaat mo kariw aria. Phato abi tan riwajan thara khodayas mondr tan pe desha arili.⁷Ay mocan Yasaya mimi bati kia prust mondr dai ais ki. ⁸Shemi moc ashas thara ta mai izaat Karin daiMagam isi hardi o mai pe desha shian. ⁹Zhe emi micmi mai hatya sual Karin dai. Koki insanan hokuman sabak den dai.¹⁰Phato se moc tan tada khundiayo tasi kai amaaw ki ko~n kara zha c`ic`a. ¹¹Kia ishnayari ashai pariw se moc na pak ne kariw magam kia ki ashaw nehiw shasemi moc napak kariw dai.¹²Shesa thara shagetan tasa tada ita tasa kai amaan tu jonis dai ki Pharisi shemi mondr sangayo shuruini? ¹³Se jawab una amaaw kia mut ki mai dada e ne pe s`atai ais po to isnos aini nehen. ¹⁴Emi lasa. Emi s`ea phond pashen zhe s`eas pe s`ea phond pashaw pw haw to awdu shuruan.¹⁵Patras jawab una tasa kai amaaw shama ac`oik homa c`ec`ai. ¹⁶Se amaaw kia tu asta shonja zha ne jonis dai e? ¹⁷Kia ne jonis dai e ki kia ki ashai pariw se kuc` una pariw zha phato bian nehiw.¹⁸Magam kia mondr ki ashaw nehin dai te hardi aini nehin dai zhe temi moc napak Karin dai. ¹⁹Koki shum kheyal, Nashek, Shumi kari, Lawek , phan dek, Kas pistaw mondr dek hardi aini nehin dai. ²⁰Shemi mi shate mondr kia ki moc na pak Karin dai magam baza ne negi au zhuk moc na pak ne kariw.²¹Phato Yasu talela nehi Soor zhe Saida wa~nuna paraw. ²²Zha jaga ek Kinani istrizha abayo diman amaw Ay khodai Dawood e putr mai thara Rehem kari. Ek shum arwaah mai c`u bo shum kariw dai. ²³Magam se tasa jawab ne praw zhe tasa shagetan tasa s`oi ita tasa kai aman ki ama hutik e ea homa pistaw iw dai.²⁴Se jawab una amaaw ki a Israil as dum hul`a ame~on sargairo warek kas tada ne hutila am. ²⁵Magam se o ita tasa ruaw tasa sual araw zha amaw ki Ay khoday mai madad kari. ²⁶Se jawab una amaw sudon au gri shohon dek prust ne.²⁷Se amaaw Aa khoday koki shoa asta talela paluman mocaw zhun dai kurai ki tasa malikas pe palan dai. ²⁸Yasu jawab una tasa kai amaw Ay istrizha tai Bhawar bo ziad. Kia ki tu c`itis dai tai hatya shehen` mi hiw zha tasa c`ulas tara mi prust hawaw.²⁹Phato Yasu talela nehi Galilas uk tada aw zha dhen~ta una usti tara mi nesaw. ³⁰Zhe bo mocbi khuta, s`heaa Karutu zhe bo lahaz tan som gri tasa tada on se te taza araw. ³¹To moc apashan ki te moc mondr dek bhan dai. Lahaz prust hin dai zha khuta kasin dai zhe s`ea pashin dai to Israilas khodayas hatya sual aran.³²Yasu tan shaget s`oi khundiayo tasi kai amaaw ki mai shemi mocbi pashi wal` del dai koki emi moc tre bas sati mai som an zha isi som zuikas bati kia ne shian a emi anora ne hutik bham. Shehen` mo hiw aria ki phondai agrayo thaw hin. ³³Shagetan tasa kai aman aya beyaban una abi shohon au kawela onik ki emi saw tac`eran? ³⁴Yasu tasi kai amaaw mimi som kimon au shian? Te aman sat au zha tic`ak c`utak masi. ³⁵Se mocan kai hokum praw ki c`omuna nesaw.³⁶Te sat au zha masi gri shukur araw zha te c`ini shagetan praw shaget o mocan pron. ³⁷Saw zui tac`erini thaw hula sat sawew upran. ³⁸Zuaw istrizha zhe sudayak ne kai c`aw hazar moc aini. ³⁹Phato te mocbi huti o Yasu kishti una nesi Magdan hatya aw.

16¹Phato Pharisi zhe Sadiki moc s`oi ita tasa kai aman ki shesi zamana aini mocan bati kia D`ias nis`ani pashai. ²Se jawab una tasi kai amaaw c`akdikwew o tu mas dai ki kholaw hiw aria koki D`i lac`ia.³Zha ragesti o shehen` ki se~nra jel koki D`i lac`ia zha menj mocai shiaw. Abi D`ias tamez ta karik bha dai magam zamanas nis`anias tamez o ne karik bha dai. ⁴Onja zamana aini shum moc nis`ani khojin dai magam Yunahas nis`an as sargairo warek kia nisani ne hiw zha se phato te histi paraw.⁵Phato shaget alelaw parikwew au tan som grik prasmi aini. ⁶Yasu tasi kai amaw khabardar Pharisi zhe Sadiki mocan au an pe bac the apaw det. ⁷Te egoegin kai maikas pron ki abi au ne oni aik. ⁸Yasu jhoni o amaaw ki Ay nafadukan abi egoegin kai ko ma dai ki homa som au ne shian.⁹Kia shonja zha ne jona dai e ki shatasi ponj hazar mocan ponj au mimi yad ne e zha kimon o thaw hawan? ¹⁰Zha ne o tasi c`aw hazar mocan sat au zha ne o shehen` ki kimon thaw hawan?¹¹Kia waja shiaw ki abi ne jona dai ki a mimi kai au as bara una ne mai asi? Pharisi zhe Sadiki mocan mayakas pe khabardar hali. ¹²Phato te ajonan ki se au as mayak ne Pharisi zhe Sadiki mocan sabakas barauna maiman ais.¹³Yasu Kasaria philpi wa~una au e to se tan shagetan pe she`he`n aphucaw ki moc Adamas putr e kai kia man dai? ¹⁴Te amaan ade ta Yuhana baptisma diau man dai ade o Alia ade o Yarmiah yao paygumberan mocaw. ¹⁵Se tasi kai amaaw magam abi mai kai kia ma dai? ¹⁶Shamoon Patras jawab una maaw tu zinda Khodayas putr Masih.¹⁷Yasu jawab una tasa kai amaw Mubarak tu Shamoon Yuhana koki shama mondr mos zha lui ne mai dada kura ki D`i una aw tai kai maw. ¹⁸Asta tai kai mam dai ki tu Patras zha a shaya bat una tan moc sawzem zha saw Jahan aini arwah asta isa thara ne hik bhan.¹⁹A d`i aini ac`uyak tai dem zhe kia ki tu comuna bonis te D`iuna asta bonin parin zha kia ki tu com una kholaw karis te D`iuna asta kholaw hin.²⁰Shatara se shagetan kai hokum praw ki kas kai mo ma ki a Masih.²¹Shatara wat aini s`ati Yasu shagetan kai maikas praw ki tasa Yaroshelum parik bo zaruri zha akhabiran zha gaderakan zha Phikian gehenaw dai to nashen zha troyo aduo gheri ustuw. ²²Patras to gezi awata neo amaw ki khoday shehen` mo kariw araia. Shehen` tai thara kai asta ne hiw. ²³Se Patras e gehe~n gheri tasa kai amaw Ay shaithan mai pi desha pari. Tu mai shurues koki tu khodaya mondr ne mocan mondran kheyal karis dai.²⁴Shtara Yasu tan shagetan kai amaw ki kura pe mai pistaw ik khoja dai o tan salip uprayo mai pistaw aw. ²⁵Koki kura pe tan zhan bac araw pe haw se to dumbel zha kura pe mai bati tan zhan dumbaw pe haw se o to griw. ²⁶Moc saw dunia pe agriaw pe haw zha tan zhanas nuksan asta pe agriaw pe haw tasa hatya kia phaida? Yao moc tan zhanas badila una kia del?²⁷Koki Adamas putr tan dadas bati tan pharishtagan som iw. Shatara wat uno se har egis tasi kroman thara tasi badila del. ²⁸A mimi kai sahi maam dai ki kura aya c`isti an talela mocaw ade shehen` an ki te Adamas putr pe tasi badshahias som pe ikwew ne apashan po te nashikas maza ne sapren.

17¹S`o bas pistaw o Yasu Patras e zha Yakup e zha tasa bayas Yuhana tan som ek dhen~ta una gezi kai aniaw. ²To tasi ruaw tasa ru badel hawaw zha tasa ru surias raw upuis zha tasa peran phrel`ikas raw gora hawaw.³Jaga Musa zha Alia tasa som mondr diman te apashan. ⁴Patras Yasu kai amaaw Ay khoday homa aya apaw dek prust . Tai marzi pe haw a aya tre jaiga sawzem . Ek tai hatya. Ek Musa e hatya zhe ek o Alia hatya.⁵Se shehen` maiman mi ais e ek menj ucundi tasa thara au zha talela menj aini awaz aw ki ea mai sheshoyak putr kas pi ki a khoshan am isa mondr ko~n kara. ⁶Shaget shehen` sangaio shuruini zha bo bihon. ⁷Yasu s`oi ita te ac`utaw zha amaw ki usta. Behaw o mo. ⁸Te tan ec` umran e Yasu sargairo kas ne apashan.⁹Te dhen~ta aini uc`undiman aini e to Isas tasi shehen` hokum praw ki kai zha ki Adamas putr naston mocaw ne ustuw kia ki abi pasha aa kas kai tasa barauna mo ma.¹⁰Shagetan tasa pi aphucan ki dhoyo Phiki ko man dai ki Alia sumber ik zaroori?¹¹Se jawab una amaw Alia asta iu zhe saw kia sahi kariw. ¹²Magam a tai kai mam dai ki Alia ta azhalaw zha teo to ne ajonan kia ac`itan to tasa som aran. Shehen` mi Adamas putr e tasi muc`aw gham zuw.¹³Phato shaget ajonan ki se tasi kai Yuhana baptisma diawas barauna mai au.¹⁴Te phato mocian tada azhalan e ek moc tasa tada au zhe tasa ruaw dhe~ik c`omuna thai o amaaw. ¹⁵Ay khoday mai putra thara reham kari koki ea burtunizhuni hiw dai zhe se bo gham zhuw dai. Koki bo tem se angaria zhe ukai shuruaw dai. ¹⁶A to tai shagetan tada ali ais magam te to prust ne karik abhan.¹⁷Yasu jawab una amaaw Ay nafaduk nasal a kai zhe mimi som apaw dem? Kai zhe mimi bardasht karim? To aya mai tada ali. ¹⁸Yasu to shum arwah tasa pi nehaw zha se suda shatara mi prust hawaw.¹⁹Phato shagetan Yasu ae tada ito tasa kai aman abima ko ne nehek abhaimi? ²⁰Se tasi kai amaw Bhawar as kam hikas wajen dai koki a mimi kai sahi maam dai ki mimi mocuna pe phalikas barabar Bhawar asta pe hawaw poe haw shesa dhe~ntas kai maik bhas ki andena shatra pari zha se pariw kia mondr asta shehen` ne hiw ki abi ko karik ne bhaa. ²¹Magam ea shat sualas sargairo warek khen thi ne hiw.²²Phato te Galil una aini e Yasu tasi kai amaw Adamas putr mocan mocai hiw. ²³Te o to nashen zhe se troyo aduo ghrei zinda hiw. Shesa mondras thara te bo gamzhuni hawan.²⁴Phato te Kufur-e-nahum una paisa griaw Patras e tada ita tasa kai aman kia mimi bandawaw paisa ne del dai e? ²⁵Se amaw Aan del dai zha se dura aw e to Yasu tasa maikas sumber mi amaw Ay Shamoon tu kia c`itis dai? Dunias s`a kas pi Paisa grin dai? Tan putran pi e waregin pi?²⁶Se waregin pi gho~i amaw e to Yasu tasa kai amaaw ki ajo putr lasan paraw. ²⁷Magam abi pe tasi hatya shuriawew pe hawimi pe haw to uk tada pai jal hista kurai masi ki sumber nehiw te gria to tu pe tasa ashi umrai pe haw to ek ishnayari pashes. To grio mai zha tan bati tasi de.

18¹Shatara wat una shaget Yasu tada ita tasa kai aman D`ias bacai una gada kura? ²Se ek sudayak tan tada khundiayo tasi mocuna c`istaw. ³To amaw a mimi kai sahi mam dai ki abi pe thoba ne arili pe haw zha sudayakan raw pe ne hawaili pe haw to D`ias bacai una kai asta ne atik bha.⁴Kura pe tan soro shesa sudayakas raw tan c`utak araw pe haw semi D`ias bacai una gada hiw. ⁵Zha kura pe shemi sudayak pe mai nomas thara maniaw pe haw to a qubul karim. ⁶Magam kura pe shesi sudayakan mocaw pe mai thara Bhawar oni kas shuruaw pe haw tasa hatya prust hiw ki ghona zhontas bat tasa gahai lapayo to samundar una hista.⁷Shurawawan hatya dunia una bo aphsos koki shuruik ta zaroori magam shatasa mocas thara aphsos kas wajen dai ki shuruik hiw.⁸To mimi baza yao mimi khur pe mimi shuriaw pe haw to c`ini tan pe hista. Khuta thi umbur zhe majar una atik mimi hatya shehen` ghoi~i prust hiu ki du baza yao du khur pe mimi som ashes pe haw to mimi hameshas angaria histin.⁹Zhe mimi ech pe mimi shuruau po to nehai tan pi hista. Se~a thi umbur zhe majar una atik mimi hatya shehen` ghoi~i prust hiw ki du ech mimi som ashes pe haw mimi hameshas angaria histin.¹⁰Khabardar shesi c`utakan mocaw kas kam mo jos`iaw koki a mimi kai mam dai ki D`iuna tasi pharishta mai D`i aini khodayas ashe har tem jihen dai. ¹¹Koki Adamas putr dum hul`a khojika zha te gunahas pe pak karika itaw.¹²Abi kia c`ita dai? Kas mocas pe shor pai aini pe haw zha talela mocaw ek pe dum hawaw po to kia se te c`aw beshi zha das` zha noa pai histi zha dhe~nta una pai to dum hula pai ne khojiw e? ¹³Shehen` pe hawaw pe haw ki to sapraw pe haw to a mimi kai sahi mam dai ki se tasi caw beshi zha das` zha noa mocaw kurai ki ne abatha thi an te ziad khosel. ¹⁴Shehe` mi mimi D`i aini khoday shehen` ne c`itiw dai ki tasa c`utakan mocaw ek asta kura nashen.¹⁵Tai bayaw pe tai gunah araw pe haw pari pai prust kai mondr dia to c`ec`ai. Se tai ko~n araw pe haw tu tan to bayaw saprai. ¹⁶Ne pe ko~n araw pe haw to ek du moc tan som nie ki har ek mondr du tre guwahan ashan thara subut hin.¹⁷Se tasi asta pe ko~n ne araw pe haw khodayas duraw mocan kai mas zha tasi asta pe ne ko~n araw pe haw to khoday ne maniaw mulkani moc zhe paisa greaw mocan barabar joshi.¹⁸A mimi kai sahi maam dai ki kia ki abi c`om una bona se D`i una asta bonin pariu zhe kia ki abi c`om una khlau kara se D`i una asta kholau hiu. ¹⁹Phato a mimi kai maam dai ki mimi mocaw pe du kura moc c`om una kia mondras thara kia ki c`ita dai itefak pe arili pe haw se mai dada gehenaw dai kura ki D`i una aw tasi hatya se hiw. ²⁰Koki kawa pe kura du ya tre asta pe mai noams thara ek hawan po a tasi moc`ai him.²¹Shatara wat una Patras tasa tada ita tasa kai amaaw Ay khoday mai baya pe mai gunah araw pe haw to a kimon bar to muah karim? Kia sat tem e?²²Yasu tasa kai amaaw a mimi kai shehen` ne mam dai ki sat tem sat hazar tem asta.²³D`ias bacai shatasa s`as raw kura ki tan krom garawan pe hisab akhojaw. ²⁴Zha hisab karika akhojis e to tasa ruaw ek dec` grila alon kas ki tasa thara dash hazar bojai himan asheni. ²⁵Magam tasa som dikas bati kia ne asheni to tasa se gaderak hokum praw ki ea zha isa ja zha azheli zha kia ki isa shian saw bre~nki o dec` c`ena.²⁶Phato nokar (krom karaw) pali to ishtikhaw zhe amaw ki Ay Khoday mai tem de. A tai saw dec` pura karim. ²⁷Tasa nokaras gaderak wal` joshi to lasaw zha tasa dec` muah araw.²⁸Se nokar bian nihaw e to tasi mocaw ek tasa som milaw hawaw kas ki tasa thara shor paisa asheni. Se to gri tasa g`a pi tasa kai amaw kia ki mai shiaw to mai de. ²⁹To se moc tasa ruaw pali tasa ishkal`i araw zha amaw ki mai ade wat de. A tai dem.³⁰Se ne maniaw to ni jel`ai praw ki kai zha ne des o jel`ai me apaw de. ³¹Phato te moc to jagaio bo perishan hawan zha ita tan gaderakas kai saw kia aman³²Tasa gaderak to tan tada khundiayo tasa kai amaw Ay shaithan nokar! A te saw dec` shehen` gho~i muah aris ki tu m

³³Kia ki a tai som aris tai asta tan mocan som reham Kareli ne ashes e?³⁴To tasa malik tasa pe khapha thi to sipahian hawala araw ki kai zhe tu dec` ne des jelai apaw de. ³⁵Mai D`i aini khodai asta mimi som shehen` mi kariw mimi mocaw ek asta pe tan baya hardias thara pe muah ne araw pe haw.

19¹Yasu shemi mondr khulaw e to shehen` hawaw ki Galil aini pai Yardanas alelaw Yahudas jaiga una aw. ²Tara bo mocbi tasa pistaw on zha se te tara prust araw.³Phato Pharisi to jeahika tasa tada on zha maikas pron ki kia har ek ishnayarias wajen dai tan ja histik prust e? ⁴Se jawab una amaaw ki kia tu ne mai as e kura ki te sawzai aw se te shuruk aini s`ati moc zhe istrizha sawzayo amaw ki.⁵Shehen` as wajen dai moc dadas zhe ayas pi desha thi tan jas som apaw del` zhe te awdu ek hin. ⁶Phato te du ne ek jisam hin. Shehen`as bati kas ki khoday ek kai au te moc desha mo Karin aria.⁷Te tasa kai aman dho~yo Musa ko hokum dai aw ki thalak dai histik bha? ⁸Se tasi kai amaaw ki Musaa mimi dang hardias wajen dai mimi tan ja histikas ijazat praw magam shurug aini sati o shehen` ne ashes. ⁹A mimi kai sahi mam dai ki kura pe tan ja shum kormas sar gairo warek kia wajen dai histi o warek ja aran pe haw se shumi kariw dai zha kura pe ek histila istrizha ja araw po se asta shumi kariw.¹⁰Shagetan tasa kai aman ki moc istrizhas som shehen` mi pe araw pe haw to ja me karik prust ne. ¹¹Se tasi kai amaaw ki saw shama mondr ne manin magam khali shatemi kas ki shehen` qudrat dai shiaw se me karik bhaw. ¹²Koki ade shehen` moc an kura ki ayasi kuc`aw mi shehen` thi ubuji an zha ade o shehen` an kura ki D`ias bac`aias wajwn dai tan shehen` sawzai an. Kura manik pe bha dai o maniaw.¹³Shatara wat una moc sudayak tasa tada alon ki se tasa thara baza thai tasi hatya sual kariw magam shagetan o te atukan. ¹⁴Magam Yasu o amaaw suadayak mai tada lasa zhe te desha mo kara koki D`ias bac`ai shesi mi shiaw. ¹⁵To se tasi thara baza thai talela paraw.¹⁶Jagaa ek moc tasa tada ita tasa kai amaaw ki Ay bandawaw A kia shehen` prust krom karim ki hameshas umbur zhe majar grim? ¹⁷Se tasa kai amaw tum ai pe prust kormas barauna ko phuchis dai? Prust krom ta ek mi magam tu umbur zhe majar una pe atik khojis dai o to hokuman thara amal kari.¹⁸Se tasa kai amaaw kurai hokuman thara? Yasu amaw shia ki kas mo nashai, Kia mo lawai, galat guwahi mo de. ¹⁹Tan ayaw zha tan dadaw izat kari zha tan tada apaw diawan mocan som asta muhabat tha.²⁰Se juwan tasa kai amaw ki a isi sawin thara amal kai am. Ajo mai som kia mondras kami shiaw. ²¹Yasu tasa kai amaw tu pura pe sahi hik khojis dai o tan saw kia berki gariban de. Tai D`iuna Khazana milaw hiw. To ita mai pistaw ie. ²²Magam se juwan te mondr sangaio pareshan thio paraw koki bo maldar ais.²³Zhe Yasu tan shagetan kai amaw a mimi kai sahi mam dai ki dawlatmandas D`ias bac`ai una atik bo geran.²⁴Gheri mimi kai maam dai ki utas suzikas gang una dai nehik shesa pe asan ki dawlatmandas khodayas bac`ai una atik.²⁵Shagetan shehen` sangaio bo hairan hawan zha maikas pron ki dhoyo kura nijat grek bhaw. ²⁶Yasu tasi gehen` jagayo amaw ki se mocan muzar ta ne hiw magam khodayas pe saw kia hiw. ²⁷Phato Patras jawab una tasa kai amaaw jagai abi ta saw kia histi tai pistaw ita aik. Dhoyo homa kia milaw hiw?²⁸Yasu tasi kai amaaw ki a mimi kai sahi mam dai ki Adamas putr pe no~a thi ubujio pe tan takht una nesaw pe haw to abi asta kura ki mai pistaw ita dash zhe dua takht una nesi Israilas dash zhe dua qabilan insaph kara.²⁹Zha kura pe duran yao bayasi yao babasi yao dadasi yao ayas yao sudayakan yao chet pe mai nomas thara histi an tasa shoran pe ziad milaw hiw zha hameshas umber zha majar asta tasa hiw. ³⁰Magam bo ziad awelo hiaw akheri hin zhe akeri o awelo.

20¹Koki D`ias bac`ai shatasa duras raw kura ki ragesti nehi ki tan c`et una krom karaw satel`. ²Se krom karawan ek dinar dai te kromuna sataw³Phato hul`uk uno se bazaruna warek moc micmi c`istikwew apashaw. ⁴To se tasi kai amaw abi asta c`etuna hatya para. Kia dek bham mimi dem. Phato te paron.⁵Phato se gheri hul`uk una nehe shehen` mi araw. ⁶Gheri kia ek ghanta c`isti warek moc c`istikwew apashaw zh tasi kai amaaw abi ko aya micmi c`isti aa? ⁷Se tasi kai amaw shehen` gho~i ki kura homa muzduri una ne satan se tasi kai amaaw abi asta c`et una para.⁸C`ak praw e c`et aini malik tan mocas kai amaw ki te krom karaw aya khundiay zha pistal`aw zha onjaw muzduri tasi de. ⁹Te on e kura ki pura adua har ek ghanta krom kai aini tasi ek dinar praw. ¹⁰Awel muzdur ita aini te ac`etan ki tasi ziad paisa milaw hin zhe tasi asta ek mi dinar milaw hawan.¹¹Tasi milaw hawan e te duras malikas kai shehen` ghoi shikayat aran ki. ¹²Ale pistal`aw moc ek mi ghanta krom kai an ze tut e homa barabar ari kura ki pura adua krom zhe khac`a suri una krom aran.¹³Se jawab dai tasi mocaw egis kai amaaw A tai som nainsaphi ne karim dai. Kia a tai kai ek dinar ghoi ne mai ais e? ¹⁴Kia ki tai shiaw to uprai o pari. Mai marzi ki kimon tai dem dai tasa pistal`aw asta shohon mi dem.¹⁵Kia a shehen` ne karik bhaam e ki tan maalan som kia c`itim o karim? Yao tu shehen` ghoi ki a ek prust moc shum nezaras thara jages dai?¹⁶Shehen` me thi akheri awel`o hin zhe awel`o akher.¹⁷Phato Yaroshelum parkiwea Yasu dash zhe dua shagetan gezi kai anihaw phonduna tasi kai amaaw. ¹⁸Jagaa abi Yaoshelum hatya parik dai zhe Adamas putr Phiki mocan zhe kahin an hawla Karin zhe te to nashaikas hokum den. ¹⁹To warek mocan hawala Karin zhe te to shul`a una l`apen zhe troyo aduo se gheri zinda hiw.²⁰Shatara wat una Zabdia putrasi ayas zhe putrasi som tasa ruaw ita to ishtikhan zhe tasa kai kia maikas pron.²¹Se tasi kai amaaw ki tu kia c`it is dai?Se tasa kai amaaw ki tu mas ki mai shemi awdu putr tai badshahi una tai andenaw zhe al`el`aw nesin.²²Yasu jawab una amaaw ki tu ne jonis dai ki tu kia gatis dai. Kia pil`a una ki a pikas thi am kia tu to pik bhaas e? te tasa kai aman pik bhaik. ²³Se tasi kai amaaw mai piala aini ta pia magam tan andenaw zha alelaw kas nesik mai krom ne magam kas hatya ki mai dada geheaw dai tayar kai shiaw tasi mi hatya hiw. ²⁴Te dash shehen` sangaio tasi du bayasi pi khapha hawaw.²⁵Magam Yasu te tan tada khundiayo amaw abi jona dai ki warek mulkaw gaderak tasi thara hokum zhe amer moc tasi thara gaderaki Karin dai. ²⁶Mimi hatya o shehen` ne hiw magam kura ki mimi mocaw gaderak hik khojiw o se hiw. ²⁷Kura ki mimi mocaw awel`o hiw se o mimi gulam hiw. ²⁸Shatal`ako Adamas putr shehen` gho~i ne itaw ki mocan pi khidmat griu shehen` ghoi ki khidmat kariw tan zhan bo mocan hatya del.²⁹Phato te Yarhu aini nehiman aini e bo mocbi tasa pistaw on. ³⁰To jaga du s`ea phonduna nesi aini shehen` sangaio ki Yasu pariw dai abayo dai amaan Ay khoday Dawood e putr homa thara reham kari. ³¹Moc tasi kai kahari hawan ki chup hal`i magam te ade asta abayo dai maikas pron ki Ay khoday Dawood e putr homa thara reham kari.³²Yasu c`isti te khundiayo amaw ki abi kia khoja dai ki a mimi hatya karim? ³³Te tasa kai aman Ay khoday shehen` ki homa ech umrian aria. ³⁴Yasu e wal` praw to se tasi ec` ac`utaw zha te ek dam apashan to te asta tasi pistaw paron.

21¹Phato te Yaroshelum as s`oi azhalan e zaitoon as dhen~ta una Bait e phigay e tada on e to Yasu du shaget shehen` gho~i ahutaw ki. ²Tan ruaw gromuna para. Tara zhal`i ek gardok boni hiu zhe tasa som ek gordok guak hiu te khol`aw kai mai tada alaw. ³Kura pe mimi kai kia aman pe haw to ma ki khodayas te ajat hin dai. Te shatara mi te hutin.⁴Ea shehen` gho~i hawaw kia ki paygumberas gehenaw dai mai ashes se pura thi ki.⁵Saiyoon as c`u as kai mas ki jaga mimi S`a mimi tada iw dai.Se rakum karaw zha gardok thara nesi awGardokas azhel`as thara.⁶Phato shagetan tara pai kia ki Yasu tasi kai hokum dai ais shehen` mi aran. ⁷Gardok zha tasa kuakas ale tan peran tasi thara pron to se tasa thara nisaw. ⁸Bo mocbi asta tan peran neji tasa hatya phonduna bes`gan zha ade o mutaw shong c`ini phond una bes`gan.⁹Mocbi kura ki tasa ruaw ruaw pariman aini zha pistaw pistaw iman aini tol` tol` kai maiman aini Dawood e putras hatya Hoshana. Muburak shase kura ki khodayas nomas thara iw dai. ¹⁰To te Yaroshelum una aton e to saw Shahar aini moc maikas pron ki ea kura? ¹¹Tasa som atiaw mocbi amaan Ea Galil Nasrat wa~ aini paygumber Yasu.¹²Yasu khodayas dura ati te saw moc nehaw kura ki khodayas dura ishnayari griman zha brekiman aini zhe dukandaran te thaikaini zha kohaw brikawan te saw ishnayari ahistaw. ¹³To tasi kai amaw niweshi shiaw ki mai dur sual karikain hiw magam abi to lawalalian jaiga sawza dai. ¹⁴S`e zha khuta khodayas dura tasa tada on se o te prust araw.¹⁵Magam sardar Kahin zhe Phiki gaderakan tasa namuna krom kia ki se kai ais zhe sudon te tol` kai Dawood e putras hatya Hoshanna maikwew pasha o khafa theo tasa kai maikas pron. ¹⁶Tu sangas dai e ki emi kai man dai?Yasu tasa kai amaw Aan. Kia tu shehen` asta ne mai as e ki sudayakan zhe juwan sudon ashaw tu gho~ pura karawai? ¹⁷To se te histi Shahar aini bian Bait e ania wa~una paraw zha rat asta tara mi apaw praw.¹⁸Ragesti gheri Shahar hatya pariman ais e tasa anora araw. ¹⁹Phond una ek kawit mut pashi o tara paraw zhe po~an sargairo tara kia ne saprayo tasa kai amaaw gheri tai pe kia mo ubujiw aria to se kawit mut shatara mi asusaw.²⁰Shagetan jagayo aman ki shia kawit mut ko ek sahat una asusaw! ²¹Yasu jawab una tasi kai amaw a mimi kai sahi mam dai ki Bhawar thai shak pe ne arili pe haw to ne khali shehen` kara kia ki kawit mut e som thi shiaw shisa dhen~tas kai asta pe amaili pe haw ki tu upuc`i zhe samandar una pai s`ati to shehen` mi hiw. ²²Kia asta pe sual karikwew Bhawar as thara agatili pe haw te saw mimi milaw hin.²³Se khodayas dura ita sabak diman ais e to Kahinaw sardar zha mulk aini akhabiran tasa tada ita amaan tu shemi krom kas maikas thara karis dai? Shama karikas ikhtiar kura tai dai aw?²⁴Yasu jawab una tasi kai amaaw a asta mimi pi ek mondr phuc`um dai. Tuo pe mai kai amaili pe haw to asta mimi kai mam ki shemi krom kas maikas thara karim dai.²⁵Yuhana baptisma kawel`a ashes? D`i aini e yao Insanan gehenaw.Te ogoegin kai maikas pron ki Abi pi D`ias gehenaw gho~i amaimi peo to se homa kai maaw dhoyo abi to ko ne manial`i. ²⁶Maik insanas gehenaw dai to abi mocan pi behik dai koki saw Yuhana paygumber jonin dai. ²⁷Phato te jawab una Yasu a kai amaan abi ne jonik dai.²⁸Abi kia c`ita dai? Ek moc`as du putr aini. Se awel ekis tada paio tasa kai amaaw putr pari c`et una pai krom kari. ²⁹Se jawab una amaw a ne parim magam pistaw o paraw. ³⁰Phato juos tada pai o shehen`mi amaw. Se jawab praw prust. Magam paraw o ne.³¹Isi duin moc`aw kura dadas marzias thara krom araw?Te aman awelo.Yasu tasi kai amaw a mimi kai sahi mam dai ki Paisa griaw zhe warek moc mimi pe sumber khodayas bacai una atin dai. ³²Koki Yuhana ek ujak phond una kasi mimi tada ita ais zhe abi o to ne maniali zhe abi to jagaio pistaw asta presman ne hawili ki to manieli ashe.³³Ek warek ac`oik ko~n kara. Ek duras gaderak ais se bo drac` mut abaw zhe tasa nasenaw jhaw praw zhe to koc`i tara ek t`hu c`istaw zhe to krom karawan thaika una dai warek mulkuna paraw. ³⁴Phato law karikasa wat s`oi aw e se tan moc mewa onika ahutaw.³⁵Talela te moc gaderakas huila moc gri tasi po~n kas o nashan kas o batan pron. ³⁶Phato se ade krom karau bata ahutau te awelaw tasi pi ziad aini zhe te tasi som asta shehen` mi aran. ³⁷Akher uno se tan putras ahutau ki te mai putr e mondr ko~n Karin.³⁸Te to putras pashio egoegin kai aman ki sheami andena gaderak. Andaiaw ama nashai isa jaiga una kabza karik. ³⁹Te to gri talela bihan nehayo to nashan.⁴⁰Ajo gaderak aw peo tasi som kia kariw? ⁴¹Te tasa kai amaan te moc shum kai nashel zhe bagh as thaika warekin del kura ki mewa tasa den.⁴²Yasu tasi kai amaaw kia abi khodayas kitab una kai ne mai e kiKurai bat ki bat sawzawaw ahistan.Shasemi sunguna jikas bat hawaw.Ea khodayas geheaw dai hawaw.Zhe homa ec`uno bo namuna.⁴³Shatal`ko a mimi kai maam dai ki khodayas badshahi mimi pi grin zhe shase mulk kura ki tasa hatya mewa oniw taso to den. ⁴⁴Kura tara bat thara shuruaw khonda khonda hiu magam kawa ki se shuruaw pal`um hiw.⁴⁵Phato Sardar Kahin zhe Pharisi tasa te ac`oik sangaio to ajonan ki homa hatya maw dai. ⁴⁶Te to grekas koshish una aini magam mocan pi bihiman aini koki te to paygumber joniman aini.

22¹Yasu gheri tasi kai ac`oik una amaaw ki. ²D`ias bac`ai shatasa bac`aias raw kura ki tan putra ja praw. ³Phato tan krom karaw(nokar) ahutaw ki khudiala moc in aria magam te ne on.⁴Phato se ade nokar shehen` gho~i ahutaw ki khudiala mocan kai mas ki au tayar the shian. Mai don zhe badul`a badul`a haiwan mari am zhe saw kia tayar the shian. Shadi una ow.⁵Magam te talela paron. Kura ta tan c`etai kuro tan dukan una hatya. ⁶Ade o tasa te krom karaw bezat kai nashai o paron. ⁷S`a kahari hawaw zhe se tan moc huti te nashau zhe tasi te Shahar ajhukau.⁸To se tan nokaran kai amaaw ki au ta tayar ashini magam kas ki khoji aimi te isa laik ne aini. ⁹Ajo para phonduna kas pasha o te alaw. ¹⁰To te nokar bian phondai pai kura ki tasi milaw hawan kia shum kia prust saw ek kai al`on zhe se shadi (zheri)as jaiga mocan som puri hawaw.¹¹To se mehnu jagaika udreman aw e se tara ek moc apashau kura ki zheri aini peran ne sambi ais. ¹²Se tasa kai amaw baya tu zheri aini peran sambi kone a? Magam tasa ashe band hawaw.¹³To se S`a tan mocan kai amaaw ki isa baza zhe khur boni bian tramasungai hista. Tara o troik zhe dandoyak pis`in. ¹⁴Koki khudiala o bo an.¹⁵Shtara wat una Pharisi mashwara aran ki to ko mondr una s`ata dai. ¹⁶Phato se tan shagetan Hairodian som tasa tada ahutaw te amaan Ay Bandawaw abi jonik dai ki tu sahi zhe prustias thara khodayas phondas sabak dek des zhe kas parwa ne karis dai koki tu kas mocas gehenaw ne as. ¹⁷Homa kai mas. Tu kia jonis dai? Qaiser as paisa deheli e ne?¹⁸Yasu tasi shaithani jagayo amaw Ay nafadukan mai ko azmaish kara dai? ¹⁹Paisa mai pasha. Te ek dinar tasa tada aonan.²⁰Se tasi kai amaaw ea shikil zha nom kas? ²¹Te tasa kai aman Qaiser as. Se phato tasi kai amaaw kia ki Qaiser as to Qaiseras zhe kia ki khodayas to khodayas det. ²²Te shehen` sangaio to tara histi paron.²³Shatara mi adua Saduki kura ki maiman aini ki Qiyamat ne hiu tasa tada ita tasa pi shehen` sual aran ki. ²⁴Ay bandawaw Musa mai ais ki kura pe azheli ne ali anashaw po to se tasa bayas tasa jas som parik bhaw zhe tan bayas nasal payda karik bhaw.²⁵Ajo homa mocai sat baya aini zhe ek ja kaio anashaw zha shehen`as wajen dai ki tasa azheli ne aini tan jas tan bayas hatya ahistaw. ²⁶Shehen` mi juo zhe troyo sat una zhe. ²⁷Sawin pistaw o se istrizha asta anashaw. ²⁸Phato se Qayamat una tasi satin mocaw kas ja hiu? Koki saw to ja kai aini.²⁹Yasu jawab una tasi kai amaaw ki abi abatha aa shehen` gho~i ki ne ta khodayas kitab jona dai neo khodayas qudrat. ³⁰Koki qiyamat una ja karik ne hiu moc D`iuna moc pharishtan raw hin.³¹Magam nashton gheri ustikas barauna kia ki khoday mimi kai mai ais kia abi to ne mai aa ki ³²A Ibrahan e khoday zhe Izhak e khoday zhe Yakup e khoday? Se naston khoday ne zindan khoday. ³³Moc shehen` sangaio tasa sabakas pe hairan hawan .³⁴Zhe Pharisi sangaini ki se Sadikian ashe band kai aw to te ek awata jama hawan. ³⁵Tal`el`a mocaw ek moc tasa azmaish karikas bati tasa pi aphuc`aw. ³⁶Ay bandawaw Torait aini kurai hokum sawin pe ghona?³⁷Se tasa kai amaaw ki tan Khoday som tan pura hardias som zhe tan saw zhanas thara zhe tan pura akalas thara muhabat tha. ³⁸Awel`o zhe ghona hokum sheami.³⁹Zha juo shia ki tan tada apaw diawan som muhabat kara. ⁴⁰Shesi du hokuman mi thara Torait una paygumbaran asta mai an.⁴¹Phato Pharisi jama hawan e to Yasu tasi pe aphucaw . ⁴²Kia abi Yasu e barauna kia c`ita dai? Se kas putr?Se tasa kai amaan Dawood e.⁴³Se tasi kai amaaw Dawood arwaah as gehenaw dai koki khoday tasi kai maw dai ki. ⁴⁴Khoday mai khodayas kai maw daiMai andenaw nesaw.Shatara zhe ki a tai dushman tai khur no~una ne karim?⁴⁵Phato Dawood pe tasa kai khoday gho~i maaw pe dai o se khodayas putr khen~ thi ne hiu?⁴⁶Tasa jawabas ruaw kura ek lafuz asta ne nehek abhaan zhe tasa aduas pistaw o kura tasa kai kia suaal asta ne karik abhaan.

23¹Shatara wat una Yasu mocbian zha tan shagetan kai shemi mondr praw ki ²Phiki zhe Pharisi Musa gardok thara nesi an. ³Kia te man te saw kara zhe jona magam tasi raw krom mo kara koki te man dai Karin o ne.⁴Te shohon guraka ishnayari kia ki uprek bo geran boni mocan as`h tharai then dai magam tan o tasi anguyakas thara asta piek ne jonin dai. ⁵Te tan saw krom pashaikas bati Karin dai koki te tan tahit ghona kai sawzen zhe tan peranan awan drega kai thawen dai.⁶Zheri ai zha khodayas dura prust hanakai. ⁷Bazarai tan mocan satawai tan kai ustaz gho~i mawaik khoshan dai.⁸Magam abi o bandawaw mo mawa koki mimi bandawaw ek mi aw zha abi saw egoegin baya. ⁹Comuna kas kai dada mo gho~a koki mimi dada ek mi D`iuna aw. ¹⁰Zhe ne mi o kas kai paygumber gho~i maa koki se o ek mi au Masih.¹¹Magam kura ki mimi pe gada au se mimi gaderak hiw. ¹²Kura tan gada sawzel` se c`utak hiu zhe kura tan kai c`utak ghow se o gada hiw.¹³Ay nafaduk Phiki zhe Pharisi mimi thara aphsos! Ki D`ias bacai mocan hatya band kara dai koki ne ta tan ataw dai ne o warekin atiawan det dai. ¹⁴(Ay nafaduk Phiki zhe Pharisi mimi thara aphsos! Ki abi sawguan durai nesi aa zha pashaikas bati sual kara dai. Mimi saza ziad hiw.) ¹⁵Ay nafaduk Phiki zhe Pharisi mimi thara aphsos! ki ek moc`as bati kasi kasi to ujak phond una ali o to gheri druzhak aini moc sawza dai.¹⁶Ay s`ea phond pashawaw mimi thara aphsos! Kura ki ma dai ki khodayas onjasta kitabas shat ac`aweli pe haw to kia mondr ne magam onjasta Sohorumas shat o ne c`awik bha. ¹⁷Ay gaderi zhe s`eon sohorum ghona e onjasta kura ki sohorum onjasta kai aw?¹⁸Gheri ma dai ki kura pe phawazikain as shat ac`awil`i pe haw khen~ ne hiw magam kia ki tara phawazha dai taso shat c`awik ne bha. ¹⁹Ay s`eon se haiwan ghona e phawazikain ki abi haiwanas kai ghona gho~i ma dai.²⁰Phato kura ki phawazikain as shat c`awaw se tasa zha talela saw ishnayarian kia ki tara hind ai tasi sawin shat c`awan dai. ²¹Kura ki onjasta shat c`awaw dai se tasa zhe talela saw ishnayarian shat c`awan dai. ²²Kura ki D`ias shat c`awaw dai se khodayas takhtas zhe tara nesiawawas shat c`awaw dai.²³Ay nafaduk Phiki zhe Pharisi mimi thara aphsos! Ki phodina zhe zeera zha azhazas thara ta paisa det dai magam abi shariatas guraka mondran insaph zha rakum zha Bhawar histi a. Prust shehen` ashes ki aimi asta kara te asta mo hista. ²⁴Ay s`ea phond pashawawan trakmagazik zhe niha dai uot o zua dai.²⁵Ay nafaduk Phiki zhe Pharisi mimi thara aphsos! Ki piala tharani sapha kara dai magam udremano se udhu zha shum kormas thara puri hiw dai. ²⁶Ay s`ea Pharisi awel`pial`a udremanaw dai sapha kara ki tharaw dai asta sapha hiw.²⁷Ay nafaduk Phiki zhe Pharisi mimi thara aphsos! Ki abi gora qaburaw peranas raw kia ki thara dai ta shishoyak jonen dai magam udremanaw dai naston athian zhe warek ishnayarian thara peri shian. ²⁸Shehen` mi abi asta thara ta ujak moc jona dai magam udremanaw dai shumi mimi udremana peri shiaw.²⁹Ay nafaduk Phiki zhe Pharisi mimi thara aphsos! Ki paygumbaran qabur sawzaa dai zhe ujak phond una kasaw mocan hatya qabur tayar kara dai. ³⁰Zha ma dai ki Abi pe tan dada waway wat una pe aimi to paygumbaran lui ai tasi som ne hawimi. ³¹Shehen` mi abi tan gehenaw dai guahi det dai ki abi paygumberan nashawawan azheli.³²Tan dada waway toluni puri kara. ³³Ay gogan! Ay Ifhias (gokas nasalas nom) azhel`I druz`hakas sazas pe khen~ thi bac hal`i.³⁴To jagaa a paygumbaran zhe akalmandan zhe Phiki mimi moc mimi tada hutum dai. Tal`el`a mocaw abi ade nasha zhe shul`a una l`apa zhe ade o tan sual karikainai rabul`an thara t`et zha Shahar Shahar ai tang kariman kasa. ³⁵Ki saw ujak phond una kasaw mocan lui kia k c`om una c`urui shian mimi thara in. Ujak moc Habil e l`ui aini gri Barkia putras Zikria e l`ui una zhe kas ki abi onjasta zhe phawazhikain una zhe nashal`i. ³⁶A mimi kai sahi mam dai ki emi saw kia onja zamana aini mocan thara iw.³⁷Ay Yaroshelum ! Ay Yaroshelum ! abi kia ki paygumbar nasha dai zha kas ki mimi tada huti an te nasha dai! Kimon bar a ac`itis khen~ kai ki Kakawak tan azhel`i tan pac` no~hai kai l`awel dai shehen` mi a asta mimi suda ek karim magam abi o ne ac`itil`i! ³⁸Jaga mimi dur mimi hatya weran kai histi pariw. ³⁹Koki a mimi kai maam dai ki andai al`ai o mai kai asta ne pasha kia zhe ki ne maa ki Muburak shatsi kai kura ki khodayas nomas thara in dai.

24¹Yasu khodayas duraw nehi pariman ais e ki tasa shaget tasa tada on ki tasa sual karikas to jaiga pashin. ²Se jawab una tasi kai amaw kia abi emi saw ishnayari ne pasha dai e? A mimi kai sahi mam dai ki aya kurai asta batas thara bat ne thaw hiw ne pe ahistan pe haw.³Phato se Zaitonas dhen~ta una nesi ais e tasa shaget gezi tasa tada ita tasa kai aman homa kai mas ki shemi mondr kayo hin? Tai ikas zha Dunias akher hikas nis`ani kia hiw? ⁴Yasu jawab una tasi kai amaw ki khabardar ! kura mimi kai abatha mo Karin aria. ⁵Koki bo moc mai nomas thara in zhe man ki a Masih zhe bo moc asta abatha Karin.⁶Abi s`atowan bara una sanga. Khabardar! behaw o mo! Koki shesi mondran hik bo zaroori magam tara se khul~ o ne hiw. ⁷Koki mulkan thara mulk hokumatas thara hokumat ustin zha jaiga jaiga una anora s`ataw zha ghonjaw jel. ⁸Magam shemi saw mondr musibatan shurug hin.⁹Shatara wat una moc mimi griawan zha mimi nashen zhe a nomas wajen dai saw mimi som dushmani Karin. ¹⁰Zhe tara wat una bo moc shuruanzhe ogoeg griawan zhe ogoegin som asta dushmani Karin. ¹¹Zhe bo phan diaw asta usti c`istin zhe bo moc abatha Karin.¹²Tan mazhabas pi desha hikas wajen dai tasi muhabat asta osh hiw. ¹³Magam kura ki akher una zhe bardast kariu se nijat griu. ¹⁴Bac`aias shia khoshani saw dunia una hiw ki saw mulkan hatya guahi hiw. To saw khul hin.¹⁵Phato abi shama taba karaw ishnayari kas bara una ki Daniail paygumber mai ais. Onj`as`ta jaiga una c`isti pasha. ¹⁶To kura ki Yahudia un aa dhen~tai pala. ¹⁷Kura ki tara aa te tan ishnayari onikas bati undrak mo uc`undaw. ¹⁸Kura ki c`etai aa te tan peran onikas bati gheri mo para.¹⁹Magam aphsoos shatasi bati kura ki tara tem una granu an zhe kura ki c`ir pehan dai ! ²⁰Phato sual kara ki mimi sabatas adua mo palaheli hiw aria. ²¹Koki tara wat una shehen` bo musibat hin ki dunia shurug the shonja zhe kai ne thi shian. ²²Phato te to adua pe c`utak ne aran kura moc asta jata ne thaw hawan.²³Shatara wat una kura pe mimi kai amaw pe haw ki jaga Masih aya aw yao atra aw to tasa yakin mo kara. ²⁴Koki phan diaw Masihzhe phan diaw Paygumber usti c`istin zhe shehen` ghona nishan zhe namona krom pashen ki te prust moc asta abatha Karin. ²⁵Jaga a awel` mina mimi kai amais.²⁶To te mimi kai aman pe haw ki jaga se beyaban una aw abi bian mo para ya o durai aw ghoi aan peo haw yakin mo kara. ²⁷Koki khen~ ki phrelik nehekwew zhe parikwew pashik dai shehen` thi Adamas putr ikwew pashik. ²⁸Kawa ki ki ishnayari murdar hiw tara lawak jama hin.²⁹Phato ek dam phato tasi musibatan pistaw suri nehiw zhe Mastruk tan phrelik ne del zhe tari D`i aini palin zhe D`i as takat zhalakaun parin.³⁰To tara wat una Adamas putras nisan D`i una pashun pariw. To tara wat una c`om aini saw mocbi tan pasai kai ten zhe Adamas putr bo takatas thara D`i aini menj as thara ikwew pashen. ³¹To se Ishpo~i as awazas som tan pharishta hutuw zha te tan te moc caw gehenaw dai andena awateni gri alela wat una zha sarien.³²Ajo kawit mutas pi ek ac`oik c`ec`a. khen~ tasa shong mauc`ak hiw zha po~ nehen dai abi jona dai ki garmi s`oi zhali shiaw. ³³Shehen` mi abi emi saw mondr jagali pe haw to jona ki se s`oi darwaza una zhal`i aw.³⁴A mimi kai sahi mam dai ki kai zhe ki emi saw mondr ne hin emi nasal kai asta pura ne hin. ³⁵D`i zhe c`om andai alai hin magam mai emi mondr kia asta khul ne hin.³⁶Magam shatasa adua zha shatasa watas barauna ish kura asta ne jonin. Ne ta D`i aini pharishta ne o putr magam khali dada.³⁷Kia ki Noah e wat una thi ashes shehen` mi Adamas ikas wat una hiw. ³⁸Koki kia ki Tufan aini sumber moc zhun zha pin zha zheri Karin dai shatara wat una Noah kishti una atiw. ³⁹Phato tuphan ita te saw kai ahiraw shohon zha tasa hatya pata ne hawaw shehen` thi Adamas putr iw.⁴⁰Shatara wat una du moc` c`etuna hin ek ta grin pariw ek o lasan pariw. ⁴¹Du istrizha zhot pisin. Ek ta grin pariw ek o lasan pariw. ⁴²Anga apaw det koki abi ne jona dai ki mimi khoday kia adua iw.⁴³Magam shehen` jona ki durai gaderakas hatya pe pata hiw ki lawalali rat kia tem una iw dai to se anga apaw del zhe tan dura to ne lasel. ⁴⁴To abi asta tayar hali koki kai se iw mimi hatya pata mi ne hiw.⁴⁵To se prust akalmand nokar kura kas ki malik tan krom karawan thara gaderak kariw ki watuna tasi au del. ⁴⁶Mubarak shase nokar kas ki tasa malik ita shehen` mi karikwew pashiw. ⁴⁷A mimi kai sahi mam dai ki se to tan malan gaderaki kariw.⁴⁸Magam se kharab nokar pe tan hardiuna shehen` mai ki mai malikas ik una hatya wat shiaw. ⁴⁹Tan mocan tek pe shurugaw pe haw zha sharabian som zuk pik pe shurugaw pe haw. ⁵⁰To tasa nokaras malik shehen`adua ki se tasa ikas wat ne joniw se o tara zhaliw. ⁵¹To se tasa sahi tai to shum moc mocai histiw. Tara troik zhe dandoyak pis`ik hiw.

25¹Tara wat una D`ias bac`ai shatase das`h ne ja hul`on raw hiw kura ki tan lalten gre sambokas hatya parin. ²Talela mocaw ponj ta got ponj o akalmand aini. ³Kura ki got aini te tan lalten ta agrian magam tew o ne aonan. ⁴Magam akalmand o tan som kindokai kai tew asta agrian.⁵Zha sambok c`ir araw e to sawin isprap araw zha te o adudan. ⁶Khonda ratan d`aw awaz hawaw ki sambok itaw tasa hatya nehaw.⁷Tara wat una te saw istrizha usti tan lalten sai karikas pron. ⁸To te nafaduk akalmandan kai aman ki tan tewas mocas adek homa asta det koki homa lalten phal`an dai. ⁹Akalmand jawab pron ki homa khayal una emi mimi duin hatya pura ne hin. Prust shehen` hiw ki brekawan tada para tasa pi tan hatya gria.¹⁰Te grika pariman aini e to sambok azhalan zha kura ki tayar aini te tasa som udreman paron zhe darwaza o band hawaw. ¹¹Phato te ade istrizha asta on zha maikas pron ki Ay khoday ! Ay khoday! Homa hatya darwaza umrai. ¹²Se jawab una amaw a mimi kai sahi mam dai ki a mimi ne jonim dai. ¹³To anga apaw det koki ne ta abi to adua jona dai ne o to wat.¹⁴Koki ea shatasa mocas raw kura ki warek mulkai parikwew tan duraw nokar khundiayo tan mal tasi praw. ¹⁵Phato egis ta ponj bojai praw. Tasa egis o du zha troyoas ek har ekis tasi hisab una kai praw phato warek mulkai paraw. ¹⁶Kas ki ponj bojai dai ashes se pai te dai ishnayari agriaw tasi thara ponj bojai warek araw.¹⁷Shehen` mi kas ki du dai ashes se asta du warek agriaw. ¹⁸Magam kas ki ek dai ashes se pai c`om koc`i tan malikas paisa lawai athaw.¹⁹Bo wat pistaw o tasi nokaran malik aw ita tasi pi hisab grikas praw. ²⁰Kas ki ponj bojai milaw thi ashes se ponj bojai warek aonaw zh amaaw ki Ay Khoday! Tu ponj bojai mai dai ai jagai a ponj bojai warek aris. ²¹Tasa malikas tasa kai amaaw Ay prust nokar shabash ! Tu tic`ak una Bhawar pashai. A tai bo ishnayarian gaderak karim. Tan malikas khoshani una ek ha.²²Phato kas ki du bojai dai asheni se asta tasa tada ita amaw Ay Khoday! Tu du bojai mai dai ai jagai a du bojai warek aris. ²³Tasa malikas tasa kai amaw Ay prust nokar shabash ! Tu tic`ak una Bhawar pashai. A tai bo ishnayarian gaderak karim. Tan malikas khoshani una ek ha.²⁴Zhe kas ki ek bojai dai ashes se asta tasa tada ita amaw Ay khoday a joniman ais ki tu ek dang moc zhe kawa ki ne bes dai talela asta c`inis dai zhe kawa ki ne besges dai talela asta sarias dai. ²⁵Phato a beha tai bojai c`omai lawes. Jagai kia ki tai ashes se aya shiaw.²⁶Tasa mailk jawab una tasa kai amaaw Ay shaithan zhe sust nokar ! tu joniman ai ki kawa ki a ne bai am talela c`inim dai zha kawa ki a ne bisgai am talela sariam dai. ²⁷Phato tai shehen` kareli ashes ki tan mal dukandaran dai tasi pi ziad kayo gris.²⁸Asa pi ala bojai gria zhe kas som ki das`h bojai shian asi det. ²⁹koki kas som ki hiu tasa den zhe kas som ki ziad hin magam kas som ki ne shian tasa pi to asta kia ki shian grin. ³⁰Phato to nokar bian tramasungai jet. Tara trok zhe dandoyak pis`ik hiw.³¹Adamas putr tan gaderakias som iw tasa pharishta tasa som in to se tan takht una nesiw. ³²To saw mulkani moc tasa tada sarian se te egoegin me desha kariw kia ki walmoc` ame~a payan pe desha karin dai. ³³Am~ea ta tan drac`ui zha pai o tan k`hawi gehen c`istel`.³⁴Tara wat una S`a tan drac`ui mocan kai maw Andaiaw tan dadasi Mubarak moc kia ki badshahiaini mimi hatya tayar kai shian tan hatya gria. ³⁵Koki a anora ais abi mai au zhuali. A dahan ais . Abi mai ugh pehali. A warek awataw ais . Abi ami tan dura alali . ³⁶C`andeki ais. Abi mai peran sambiali. Lahaz ais abi mai aphucili. jelai ais. Abi mai tada ali.³⁷To ujak moc jawab una tasa kai man Ay khoday! Abi kai tai anora kai pashi au zhuemi yao dahan kai pashi ugh pehemi? ³⁸Abi kai tai tan dura alomi? yao c`andeki kai pashi peran sambiemi? ³⁹Abi kai tai lahaz yao jelai kai pashi tai tada omi? ⁴⁰S`a jawab una tasi kai maw a mimi kai sahi mam dai ki abi pe mai shesi sawin pi c`utak baya som pe shehen` kai ail`I peo to mai som arili.⁴¹Phato se khawi c`istila mocan kai amaw mai som shatara hameshas angar una hatya para kia ki shaithan zha tasa pharishtan hatya tayar kai shiaw. ⁴²Koki a anora ais. Abi mai au ne prali. dahan ais. Abi mai ugh ne pehali. ⁴³Warek awataw ais abi mai dura ne khundiali. c`andeki ais. Abi mai peran ne sambeali. Lahaz zhe jelai ais. Abi mai ne aphuc`ili.⁴⁴To te asta jawab una maan Ay khoday! Abi kai tai anora yao ahan ya c`andeki ya lahaz yao jelai pashi tai ne aphuc`imi. ⁴⁵Tara watuna se jawab una tasi kai maaw a mimi kai sahi maam dai ki abi isi saw c`utakan som shehen` pe ne kai aili pe haw mai som asta ne arili. ⁴⁶Zha emi hameshas saza grin magam ujak moc o hameshas umbur zhe majar.

26¹Yasu shemi mondr khulaw e to shehen` hawaw ki se tan shagetan kai amaw. ²Abi jona dai ki du bas pistaw o Eid Fasa hiw zha Adamas putr o silip dikas bati grin.³Shatara wat una Kahin aini sardar zhe mulk aini akhabiran Kahifa noman Sardar Kahin e dura sarini. ⁴Zhe mashwara aran ki Yasu phan dai gri nashek. ⁵Magam maiman aini ki Eid uno ne. Shehen` mo hiw aria ki moc jonin .⁶Phato Yasu Bait -e-aniha una Shamoon e dura ais e. ⁷To ek istrizha ek bo qimati wortew gri tasa tada ow zhe te au zhuika neson e to tasa s`is una praw. ⁸Shagetan shehen` jagaio khapha hawan zhe maikas pron ki ama kas bati zaya aran? ⁹Ama bo paisa una breki gariban dek hiw.¹⁰Yasu shehen` joni o tasi kai amaw isa istrizhas kai ko kia ma dai? Ea ta mai som prusti araw. ¹¹Koki garib moc ta hamesha mimi som hin ao magam ao hamesha mimi som ne him.¹²Zhe ea ta mai dangaikas bati ama wortew mai thara praw. ¹³A mimi kai sahi mam dai ki pura dunia una kawa ki shesa khoshanias mondr hiw shia asta kia ki ea kai aw isa yad una ama asta man.¹⁴Tara wat una tasi dash zhe duin mocaw ek kas nom ki Yahuda iskaryudi ashes Kahinan sardaran tada pai o amaw ki. ¹⁵A pe to mimi hawala aris pe haw to mai kia det? Te tasa beshi zhe dash rupaya tolio pron. ¹⁶Zha te tara wat aini sati to griawaikas bahana khojik shurugan.¹⁷Phato Eid e Fatir e sumber adua shagetan Isaa tada ita aman ki tu kawa c`tis dai ki abi tai hatya Fasa zuikas tayari karik? ¹⁸Se amaaw Shahar una phalan mocas tada payo tasa kai mas bandawaw maw dai ki mai wat s`oi iw dai. A tan shagetan som tai aya Fasa karim. ¹⁹Zhe kia ki Yasu shagetan kai hokum dai ais te shehen` mi aran Fasa tayar aran.²⁰C`ak prau e se tan dash zha dua shagetan som au zuika nesi ais. ²¹Te zuiman aini e te se amaw ki a mimi kai sai mam dai ki mimi mocaw ek mai greawaw. ²²Te bo pareshan hawan zhe har ek tasa kai maikas pron Ay khoday kia se aa e?²³Se jawab una amaaw kura ki mai som kaz`oi ai baza jai aw se mi mai greawaw. ²⁴Adamas putr ta kia ki tasa hak una neweshi shiaw pariw magam shatasa mocas thara aphsos kas wajen dai ki Adamas putr griawan pariw. Se moc pe paida ne thi ais tasa hatya jata prust hawaw. ²⁵Tasa griawaw Yahuda jawab una amaw Ay bandawaw! Kia se a e?Se amaw tu mi amai.²⁶Te zhuiman aini e Yasu au agriaw zhe barkat dai o ac`inaw zha shagetan daio amaw da zua. Ea mai jhan.²⁷Phato piala grio shukur araw zha tasi daio amaw da saw thi andena pia. ²⁸Koki ea mai shase wagda aini lui kura ki boin bati gunah muahian wajen dai c`uruan pariw. ²⁹A mimi kai mam dai ki drac` as shama sharbat gheri kai asta ne pim. Shtara adua zhe ki mimi som tan dada badshahi una noa thi ne pim.³⁰Phato te gho~ jeman bian zaitoonas dhen~ta una paron. ³¹Tara wat una Yasu tasa kai amaw abi saw shatara mi rat mai wajen dai shurua koki niweshi shiaw ki a walmoc` nashem zha malhal bizerin. ³²Magam a tan ustikani pistaw o mimi pi sumber Galil hatya parim.³³Patras jawab una tasa kai amaw saw asta tai bati shuruini pe haw ao kai asta ne shuruam. ³⁴Yasu tasa kai amaw ki a tai kai sahi mam dai ki kakawakas bashikas pi sumber tu tre tem mai inkar karis. ³⁵Patras tasa kai amaw tai som pe mai nashel`i hawaw peo a to asta a kia tai inkar ne karim.³⁶Tara wat una Yasu tasi som Gitsamni noman ek jaiga una aw zha tan shagetan kai amaaw aya mi nesaw kia zha ki a atra pai sual kai ne in. ³⁷Patras Zha Zabdi e awdu putr gri pareshan hawaw. ³⁸Tara wat una se tasi kai amaw mai zhan bo pareshan shiaw. Shaya zhe ki nashekas thi am. Abi aya apaw det zhe mai som anga thi apaw det.³⁹Phato tic`ak ruaw paraw zha tung daio shehen` sual araw ki Ay mai dada! Shehen` hiw e ki mai shia piala mai pe pariw aria. Ne pe haw kia ki tu kia c`istis o shehen` mi hiw aria. ⁴⁰Phato shagetan tada ita te dudikwew apashaw zha Patras e kai amaw kia tu mai som ek ghanta asta anga hik ne abhai e? ⁴¹Anga ha zha sual kari ki azmasih una mo his aria. Arwah ta dang shiaw magam jhan o kamzor.⁴²Phato gheri paio shehen`sual araw Ay mai dada! Ea mai ne pikas gairo pe ne pariw o to tai marzi. ⁴³Phato ita te gheri dudikwew apashaw koki tasi ec`ai isprap puri ashes. ⁴⁴Se te histi gheri parau zha gheri shate mi mond dai troyo tem sual araw.⁴⁵Phato shagetan tada ita tasi kai amaw ajo duda mi zhe aram kara. Jaga wat zhal`i shiaw zhe Adamas putr gunah karowan hawala hiw dai. ⁴⁶Usta parik. Jaga mai griawaw s`oi zhal`i aw.⁴⁷Se shehen` maiman mi ais e Yahuda kura ki tasi dash zhe duin mocaw ek ais tasa som bo mocbi khangar zhe gundik gri Sardar Kahin zhe mulkani akhabiran som azhal`an. ⁴⁸Phato to griaw tasa shehen` nishan dai ais ki kas ki a ishpadem se semi hiw. To gria.⁴⁹To ek dam se Yasu a tada ita amaw Ay bandawaw Ishpata! Zhe to ishpadaw. ⁵⁰Yasu tasa kai amaw Baya! Kia kormas bati itas to kari.To te s`oi ita Isaa agrian.⁵¹Zhe jaga Yasu malgiran mocaw ek baza ruaw kai tan khangar nihaw zha Sardar Kahin e nokaras kai abayo dayo tasa ko~n ac`inaw. ⁵²Yasu tasa kai amaw tan khangar udreman thai koki kura ki khangar hoc`in se saw khangara thara nashin parin. ⁵³Kia tu ne jois dai e ki a tan dada kai iskali karik bham zha se pharishtan dash zhe dua hazaran pe ziad shonja aya aliw. ⁵⁴Magam c`elak una shehen` niweshi shiau hik zaroori to kone pura hiw?⁵⁵Shatara mi watuna Yasu mocbian kai amaaw kia abi gundik zhe khangar gri mai lawalalian raw grika nehi aa? A har hamesh khodayas dura nesi sabak dem dai zha abi o mai ne agrili. ⁵⁶Magam emi saw shehen` ghoi thi shiaw ki Paygumbaran niweshila pura hin.To saw shagetan to histi palai paron.⁵⁷Phato Yasu griawaw to Kaifa noman Sardar Kahin e tada anihan kawa ki Phikia zhe akhabiran sari aini. ⁵⁸Zhe patras desha desha tasa pistaw Sardar Kahin e jaiga una zhe paraw zha udreman pai tasa sipahian som natija jagaika nesaw.⁵⁹To sardar Kahin zhe saw adalat aini sadar Yasu nashaikas bati tasa khilapa una galat guahi khojikas pron. ⁶⁰Magam kura guah ne on. Magam akher uno du guahi diaw ita amaan. ⁶¹Se (Yasu) amaw A khodayas onj`as`ta lawek zha tre basan to sawzek asta bham.⁶²Zhe sardar Kahin c`isti tasa kai amaaw tu jawab ne des dai e? Emi tai khilapuna kia guahi den dai? ⁶³Magam Yasu phik hawaw. Sardar Kahin tasa kai amaaw A tai khodayas shat dem dai Tu pe khodayas putr Masih pe haw homa kai mas. ⁶⁴Yasu tasa kai amaw tu tan amai baliki a mimi kai mam dai ki tasa pistaw o abi Adamas putr drac`uik gehen~ nesikwew zha D`ias menj aini ikwew pasha.⁶⁵Isa thara sardar Kahin shehen` mai tan peran utrakau ki ea nepatik bas` mondr del` dai. Ajo homa guahan kia ajat. Jaga abi shonja tan ko~ aril`i. Abi kia ma dai.⁶⁶Te jawab una aman asa nashaik bas`.⁶⁷Te tasa runa kai thok ahistan zhe tasa nustiaka p`on zhe ade o kal`ipara tai o amaan. ⁶⁸Ay Masih homa kai mas ki tai kura p`on?⁶⁹Patras bihan nesi ais e ki ek istrizha ita tasa kai amaaw tu asta Yasu Galili e som ai. ⁷⁰Se sawin rauw shehen` mai inkar araw ki a ne jonim dai ki tu kia mas dai.⁷¹Zhe se ruaw paraw e ek warek istrizha to apashaw zha kura ki tara aini tasi kai amaw ea asta Yasu Nasria som ais. ⁷²Se shat c`awi gheri inkar araw ki a ala moc ne jonim⁷³Tec`ak pistaw o te tara c`isti aini e te Patras e kai ita aman tu asta tasi mocaw ek koki tai maikas mi thara saruiw dai. ⁷⁴Se phato lanat kariman zhe shat ac`awaw ki a ala moc ne jonim zhe phato kakawak abashaw . ⁷⁵Patras e Yasu a se mondr yadi hawaw kia ki se mai ais ki kakawakas bashikas pi sumber tum ai tre tem inkar karis zhe se bihan nehi bo atrow.

27¹Ragesti hawaw e saw Sardar Kahin zhe mulk aini akhabiran Yasu khilap una mashwara aran ki ama nashek. ²Phato to boni anean zha Pilatus e hawala aran.³Tasa griawaw Yahuda jagaw ki tasa saza den dai to se presman hawaw zha te beshi zhe dash rupaya Sardar Kahin zhe tasa akhabir mocan tada haio amaaw. ⁴A gunah aris ki bekusur moc nashaikas bati griawais. Te amaan homo kia? Tu joni. ⁵Phato se paisa tara mi histi paraw zha talela pai tansoro phansi praw.⁶Sardar Kahin rupaya grio amaw emi khodayas dura khazanai jek sahi ne koki emi luias kimat. ⁷Phato te mashwara kai o tasi rupayan thara c`et gri mocan hatya qaburistanas jaiga agrian. ⁸Tasa wajen dai tasa c`etas kai onja asta luias c`et gho~i man dai.⁹Tara wat una se pura hawaw kia ki Yarmayah paygumber mai ais ki kas ki kimat mai ais te tasa kimatas beshi zhe dash rupaya agrian. ¹⁰Te rupaya tasa c`et aini mocas praw kia ki khoday mai kai hokum dai ais.¹¹Yasu gaderakas ruaw c`isti ais zhe se gaderak tasa pi shehen` aphuc`aw ki kia tu Yahudian S`a e?Yasu tasa kai amaw tu tan mas dai. ¹²Zhe sardar Kahin zhe akhabiran tasa barauna phan diman aini e se kia ne amaaw. ¹³To Pilatus tasa kai amaaw kia tu ne sangas dai e emi tai khilapuna kimon guahi den dai? ¹⁴Se tasa ek mondran asta jawab ne praw. Sawin hatya se bo namuna saruis.¹⁵Gaderakas dastur ashes ki Eid una mocan khater una ek jelaw moc kas ki se c`itiman ais lasaiman ais. ¹⁶Tara wat una Baraba noman tasa ek manshur jelai apaw diaw moc ais.¹⁷To te ek awata sarini e to Pilatus tasi kai amaw abi kas c`ita dai ki mimi khatiran lasem? Baraba e yao Yasu kas kai ki Masih ghon dai? ¹⁸Koki tasa hatya pata ashes ki te to khac`a joni griawai aini. ¹⁹Zhe se adalatas takht una nesi ais e to tasa jas tasa kai amaaw ki tu isa ujak moc`as pi kia krom mo thai koki a onja isprapasa isa wajen dai bo musibat uprai am.²⁰Magam sardar kahin zhe akhabiran mocan kai Baraba gata gho~i amaan zha Yasu o nasha. ²¹Gaderak tasa kai amaw ki isi duin mocaw kas khoja dai ki mimi khateran lasem. Te amaan Baraba. ²²Pilatus tasi kai amaaw dhoyo Yasu kas kai ki Masi man dai kia karim asa? Saw amaan ala silip una lapa.²³Se amaaw ko se kia shumi kai aw?Magam te ade asta tol` tol` kai maikas pron ki ala lapa. ²⁴Pilatus jagaw ki kia ne hiu dai to ugh gri mocan ruaw tan baza anegaw zhe amaaw a is ujak mocas luis pe desha hawis. Abi jona.²⁵Saw moc jawab una aman isa lui homa zhe homa azhel`an thorai. ²⁶To se Baraba tasi khateran lasaw zha Yasu t`iawai tasi hawala araw.²⁷Phato Gaderakas sipahi Yasu kilah una ni saw tasa nasenaw sariaw. ²⁸Tasa peran nejawai o tasa c`apan samiaw. ²⁹Phato c`okan thara taj sawzai tasa s`is una athaw ek gundik tasa drac`ui baza una dai tasa ruaw tan deik thai tasa Mazak karikas pron ki Ay Yahudian S`a Ishpata!³⁰To tasa thara thok ahistan zhe shato mi gundik gri tasi s`is una kai tikas pron. ³¹Tasa thara Mazak kai o c`apan tasa pi nejaio phato tasa mi te peran tasa sambian zhe Silip una lapaika anian.³²Bian on e to Shamoon noman ek moc barnaka agrian ki asa silip uprai. ³³Shase jaiga Gulgata matlab kas kai ki khoprias jaiga gho~i man dai zhalio. ³⁴Sirka mishal`a d`a tasa pikas bati pron magam se khal` kaio ne pik abhaw.³⁵Te to lapan zhe tasa piran utraki agrian. ³⁶Phato tara nesi tasa wal hawan. ³⁷Phato tasa s`is thara neweshi s`atan ki Ea Yahudian s`a.³⁸Tara watuna tasa som du l`awawaw asta lapan . Ek ta drac`ui ek o khawi. ³⁹Tara phond una kasaw s`is dangaiman tasa kai aman. ⁴⁰Ay Pak mondr dia zhe tre basan sawzawaw tan hatya mas. Tu pe khodatas putr peo Silip aini uc`undi.⁴¹Shehen` mi thi Sardar Kahin asta Phiki zhe akhabiran som thi tasa thara Mazak aran ki. ⁴²Asa warek bac arau. Tan o ne bac` karik bhaw dai. Ea ta Israilas S`a. Ajo silip aini pe uc`undi au peo to abi asa thara Bhawar karik.⁴³Asa khodayas thara bharosa kai au se pe al`a khoshaw to ajo ama lasel koki se mai ais ki a khodayas putr.⁴⁴Shehen` mi tasi lawalalian kai kura ki tasi som aini tasi thara asta mondr sawzan.⁴⁵Phato hul`uk aini gre c`akdekwew zhe pura mulk una tramasung hawaw. ⁴⁶To c`akdekwew Yasu tol` kai abayo dai amaaw. Al`a Al`a. Lama Shabakatani? Matlab Ay mai khoday ! Ay mai Khoday! Tu mai ko ahisti? ⁴⁷Kura ki tara c`isti aini talela mocaw ade sangai o aman Ea Alia khundiel dai.⁴⁸Phato ek dam talela mocaw ek moc adais zhe ek lok sirka una kic`ai tasa c`usau. ⁴⁹Magam ade o amaan c`isti. Jagek ki Alia ala bac` karika iw e ne. ⁵⁰Yasu phato tol` kai abayo dai anashaw.⁵¹Zha pak parda ahlai gri ogala zha utruki du c`elak hawaw zhe c`om zal`akini zhe dhen~ta bishini. ⁵²To qabur kholaw hawan zhe bo jhan shatasi pak an kura ki dudi aini uston. ⁵³Tasi ustikani pistaw kabur aini nehi pak Shahar ai paron zhe bo mocbi te apashan.⁵⁴Phato subadar kura ki tasa som Isaa wal` aini ghonjaw zhe saw pashi bo behi o amaan ki ea mi khodayas putr. ⁵⁵Tara bo istrizha kura ki Galil aini Isaa pistaw ita aini desha c`isti jagaiman aini. ⁵⁶Tasi mocai Mariam Magdilini asta ais Yakup zhe Yusis e ayas Mariam zha Zabdi e putrasi ayas.⁵⁷Rat hawaw e Yusup noman Armita wa~ aini ek Dawlat mand moc aw se asta shaget ais. ⁵⁸Se Pilatus e tada pai Isaa jhan agatau zhe Pilatus dikas hokum praw.⁵⁹Zhe Yusup to Yasu a jhan gri safa c`adar una pal`mothiaw. ⁶⁰Phato tan no~a qabur kia ki se dhen`ta una koc`awai ais. Phato se ek ghona bat qaburas ganguna c`istaio paraw. ⁶¹Mariam Magdilini zha warek Mariam tara qaburas ruaw nesi aini.⁶²Juo adua kia ki tayarias pistawas adua ashes Sardar Kahin zhe Pharisi Pilatus e tada sari o aman. ⁶³Khoday homa yad shiau ki se dhoka diau zinda ais tem una mai ais a tre bas pistaw o ustum. ⁶⁴Hokum de ki tre bas zhe qaburas wal hik. Shehen` mo hiu aria tasa shaget ita to lawai harin zha mocan kai o man ki se naston mocaw ustaw zha ea dhoka o awelaw pe asta shum hiw.⁶⁵Pilatus tasai kai amaw mimi som wal hiaw moc an. Para kawa zha ki abi bha tasa wal hali. ⁶⁶Phato te wal hiaw moc tan som anihan zha qaburas wal hawan.

28¹Sabatas pistaw o haftas awelo adua Mariam Magdilini zha se ek Mariam qabur jagaika on. ²Jaga ek bo khac`a ghonjaw praw koki Khodayas pharishta D`i aini uc`undi tasa tada ita bat patakaio zhe tara thara nesaw.³Tasa ru bishl`ias raw ashes zhe tasa peran kirikas rau gora ashes. ⁴Tasa pi behi paira diaw moc ronzi anashan.⁵Pharishta istrizhon kai amaw abi mo behaw koki a jonim dai ki abi Yasu khoja dai kas ki lapai aini. ⁶Se aya ne aw koki kia ki se mai ais usti aw. Andaiaw ama jaiga jaga kawa ki khoday ais. ⁷Se tez pai tasa shagetan kai mas ki se naston mocaw usti au zhe jaga se mimi pi sumber Galil hatya pariw. Tara abi to pasha. Jaga a mimi kia amais.⁸Te behiman zha bo khoshan thi qaburani tez pai shagetan kai maikas bati te khojik shurugan. ⁹Phato jaga Yasu tasi som milaw hawaw zhe se amaw Ishpata! Te s`oi ita tasa khur ac`utan zhe to ishtikhan. ¹⁰To Yasu tasi kai amaaw behaw o mo. Para mai bayali kai ma ki Galil hatya para. Tara mai pashin.¹¹Se pariman ais e to jaga wal hiaw mocan mocai ade moc saw kia sardar Kahin e kai amaan. ¹²Zhe te akhabiron som sari mashwara aran zhe sipahian bo rupaya dai o aman. ¹³Shehen` ma ki rat abi dudi aimi e tasa shaget ita to lawai ahiran.¹⁴Zhe ea mondr pe gaderakas tada azhalaw pe haw abi tasa kai mai mimi khatra aini bac` karik. ¹⁵Phato te rupaya grio kia ki c`ic`ai aini shehen` mi aran zhe ea mondr onja zhe Yahudian bati mashahur.¹⁶Dash zhe aiga shaget Galilas shatara dhen~ta una paron kia ki Yasu tasi kai mai ais. ¹⁷Te to jagaio to ishtikhan magam ade o shak aran.¹⁸Phato Yasu tasi tada ita tasi som mashkul hawaw zhe amaaw ki D`ias zhe c`omas saw ikhtiar mai dai an. ¹⁹Abi pai saw mulk tan shaget sawza zhe tasi Dada zhe puta zhe Pak arwaahas nomas thara baptisma da.²⁰Tasi shehen` sabak det ki shemi som mondr ko~ Karin aria kas ki a mimi kai hokum dai am zhe jaga a dunias akher una zha hamesha mimi som am.

Markas

1¹Yasu Masih khodayas khoshanias shurug. ²Kia ki Yasaya paygumbaras kitab una niweshi shiaw ki. Jaga a tan paygumber mimi ruaw hutum dai.Kura ki mimi hatya phond tayar kariw. ³Beyaban una khundiawaw as awaz iw dai ki. Khodayas phond tayar kara. Tasa phond ujak sawzaa.⁴Yuhana aw phato se beyaban una baptisma diman zhe gunahan pi muahas bati thobas baptisma diman ais. ⁵Yahudas mulkani saw moc zhe Yaroshelum una saw apaw diaw nehi tasa tada paron zha te tan gunah mani o Yardanas babayuk una tasa pi baptisma agrihan. ⁶Yuhana Utas c`awaran peran sambi zhe postas dakai bonuni tan dak una boniman ais zhe goik phawatik zhe mac`i zuiman ais.⁷Se Shehen` maiman ais ki mai pistaw o shase moc ikas thi au kura ki mai pi takatwar. A tung dai tasa kirmec`an ban bec`arikas laiq asta ne. ⁸A ta mimi ughas thara baptisma pra magam se o mimi Pak Arwahas thara baptisma del.⁹Phato shatara wat una shehen` hawaw ki Yasu Galil Nasrataw ita Yardan una Yuhana pi baptisma agriaw. ¹⁰Phato se ugh aini nehi buc`um aw e to ek dam se d`i utrukikwew zhe Arwah kohawas raw thi tan thara uc`undikwew apashaw. ¹¹To d`i aini awaz aw ki tu mai sheshoyak putr. Tai pi a khoshan am.¹²Phato shatara mi Arwah to beyaban una ahutaw. ¹³Se beyaban una du beshi bas zhe shaithanas pi azmaish agriaw zhe jangali haiwanan som apaw praw zhe pharishta tasa hatya khesmat aran.¹⁴Phato Yuhana griawaikas pistaw o Yasu Galil una ita Khodayas khoshani aini mondr praw. ¹⁵Zhe amaw ki wat pura thi shiaw zhe khodayas bacai s`oi ita shiaw. Thoba kara zhe khodayas mondran thara Bhawar ona.¹⁶Galilas ughas awatikuna parikwew se Shamoon zha Shamon e bayas Indriyas ugh una jal histikwew apashaw koki te masi griaw aini. ¹⁷Yasu tasi kai amaaw mai pistaw aw to a mimi moc` griaw sawzem. ¹⁸Te ek dam jal histi tasa pistaw paron.¹⁹Tec`ak desha payo se Zabdi e putras Yakup zhe tasa bayas Yuhana kishti sawzaikwew apashaw. ²⁰Se tez te khundiaw phato te tan dadas Zabdi kishti una krom karaw mocan som histi tasa pistaw paron.²¹Phato te Kuphur Nahum jaiga una azhal`an phato se tez me Sabatas adua sual karikaina pai sabak dikas praw. ²²Zhe te moc tasa sabakas pe hairan hawan koki se te Phikian raw ne ek gaderakas raw kai sabak diman ais.²³To Tara sual karikaina ek moc milaw hawaw tasa udremana shum Arwah aini. Se shehen` mai abayo praw. ²⁴Ki ay Yasu! homa tai som kia krom? Kia tu homa nashaika itas e? A tai jonim dai ki tu kura? Khodayas onjasta. ²⁵Yasu to tuki o amaaw c`up ha zhe isa pi nehi. ²⁶Phato se shum arwah tol` kai abayo dayo tas pi nihaw.²⁷Saw moc hairan hawan zhe egoegin kai maikas pron ki ea kia? Ea ta no~a sabak! Se ta shum arwahan kai asta tan akhtiaras thara hokum del` dai zhe te o tasa hokum manin dai. ²⁸Phato bo tez tasa shemi mondr Galilas tara wa~ una har awata pregijion.²⁹Se bo tez sual karikainaw nehi Yakup zhe Yuhana som Shamon zhe Indrias e dura paraw. ³⁰Shamon e ispresas andaw sati ashes zhe te o tez tasa khabar tasa kai pron. ³¹Phato se tasa s`oi paio tasa baza gri to ustaw zhe pec`i tas pe khul` hawaw to se tasi hatya khesmat karikas praw.³²C`akdekwew suri paraw e to moc saw l`ahaz zhe shate kas udreman ki shum Arwah aini tasa tada al`on. ³³Saw Shahar aini moc tara darwaza una sarini. ³⁴Phato se bo moc kas ki bo bo lahazi ashini prust araw zhe bo shum arwah asta nehaw zhe shum Arwahan o mondr diawan ne praw koki te to joniman aini.³⁵Gheri ragesti adua hikas pi bo sumber se usti nehi ek beyaban jaiga una pai tara sual araw. ³⁶Shamoon zhe tasa malgiri tasa pistaw paron . ³⁷Se tasi som milaw hawaw e te tasa kai amaan saw moc tai khojin dai.³⁸Se tasi kai amaaw andayaw abi warek kaway s`oi shaharai parik ki tara asta sabak dem koki a shehen` mi gho~i nehi am. ³⁹Phato se saw Galil una tasi sual karikainai pai sabak diman zhe shum Arwah nehaw .⁴⁰To ek bec`ic`i satila istrizha tasa tada ita ishkal`i araw zhe tasa ruaw d~heik thai tasa kai amaaw tu pe ac`eti pe haw mai pak sapha karik bhas. ⁴¹Se tasa thara wal` joshi baza ruaw araw zhe to c`uti tasa kai amaaw. A c`itim dai ki tu pak sapha ha. ⁴²Zhe ek dam tasa te bec`ic`i khul hawan se pak sapha hawaw.⁴³Phato se tasa kai mondr dai o to ahutaw. ⁴⁴Tasa kai amaaw khabardar kas kai kia mo mas magam pai tan Kahin gaderakas pashai zhe tan pak sapha hikas bara una shate ishnayari kia ki Musa mai ais phawazhi ki tasa hatya guahi hiw.⁴⁵Magam se bian payo prekin kai maikas praw zhe shato mondr shohon mashoor araw ki Yasu Shahar una gheri ik ne abhaw bian weran jagai apaw praw zhe moc saw c`aw awataw tasa tada iman aini.

2¹Bo wat pistaw o se Kuphur Nahum wa~una gheri aw e to sangaini ki se dura aw. ²Phato shohon moc sarini ki drawazas tada asta jaiga ne hawaw phato se tasi kai khodayas kitab aini sabak diman ais.³Zhe moc ek khuta caw mocan satawai griawayo tasa tada al`on. ⁴Magam te bo mocbian wajen dai tara ik ne abhaan e to te to moc shatara dramia kawa ki se ais to umran zhe to khuta shen una kai tara l`apan.⁵Yasu tasi Bhawar pashi khutas kai amaw putr tai gunah muah hawan. ⁶Magam tara ade Phiki moc nesi aini te tan hardiay ac`itan ki. ⁷Ea ko shehen` maw dai? Shum mondr del dai khodayas sargairo kura gunah muah karik bhaw ?⁸Phato ek dam Yasu tan Arwahas pe pata kayo ki ali tan hardiay shehen` c`itin dai tasa kai amaw abi ko tan hardiay shehen` c`ita dai ? ⁹Asan kia? Khutas kai shehen` maik ki tai gunah muah hawan yao shehen` maik ki usti zhe tan shen uprayo kasi?¹⁰Magam shehen` gho~i ki abi jona ki Adamas putras c`om una gunah muah karikas ikhtiar dai shiaw (se tasa khutas kai amaaw). ¹¹A tai kai mam dai usti tan shen uprayo tan dura hatya pari. ¹²Phato se ustaw zhe ek dam tan shen uprayo tan sawin ruaw bian nehi paraw. Shatalako te saw hairan hawan zhe khoday ishtikhayo aman ki abi shehen` kai asta ne pasha aimi.¹³Se phato bian babayukas awatika parau zhe saw mocbi tasa tada on zhe se tasi sabak dikas praw. ¹⁴Se pariman ais e to se Halphai as putras Lawi paisa griaw bian nesikwew apashaw zhe tasa kai amaaw mai pistaw ie. Phato se usti tasa pistaw paraw.¹⁵To shehen` hawaw ki se tasa dura au zhuika nesaw zhe bo paisa griaw zhe gunah garaw moc Yasu zhe tasa shagetan tada au zhuika neson koki te bo aini zhe tasa pistaw ita aini. ¹⁶Zhe Pharisian Phiki to gunah garaw zhe paisa griawan som au zhuikwew pashio tasa shagetan kai amaaw ea paisa griwan zhe gunah Garawan som zhuw piw dai.¹⁷Yasu shehen` sangaio tasi kai amaw taza mocan dactar ajat ne lahazan ajat. A ujak mocan ne gunah garaw khundiaika itam.¹⁸Yuhana shaget zhe Pharisi roci gri aini. Te ita tasa kai amaan Yuhana shaget zhe Pharisian shaget ta roc`i then dai magam tai shaget o ko roc`i ne then dai? ¹⁹Yasu tasi kai amaaw kia sambokas som iaw mocbi roci thek bhan e? kai zha ki sambok tasi som aw se roci ne thek bhan.²⁰Magam shase adua iw ki sambok tasi pi desha Karin phato shatara o to te roci then. ²¹Noa peranaw asho kura paranu peranai ne satel. Koki se phato noa paranuai hocun pai ade asta utrukiw.²²Zhe noa d`a paranu dramai perai kura ne thel. Shehen aran pe haw dram zhe d`a beshi awdu uzuki barbad hin. Noa d`a noa awatai jai then.²³Phato shehen` hawaw ki se sabatas adua c`et una dai pariman ais e zhe tasa shagetan phond una parikwew gum k`ak c`inikas pron. ²⁴Zhe Pharisi tasa kai amaaw jagai emi sabatas adua shehen` krom ko Karin dai kia ki ne kark bas?²⁵Se tasi kai amaaw kia abi kai ne mai aa ki Daood kia kai ais se zhe tasa malgiri anora aini e? ²⁶Se ko Abiatar Sardar kahin e wat una khodayas dura paraw zhe se phawazikas bati thal`a au azhuaw te Kahin e sargairo kura zhuk ne bhaan zhe se tan malgiran asta praw.²⁷Zhe se tasa kai amaw sabat mocan hatya sauz thi shiau moc o sabatas hatya ne. ²⁸To Adamas putr sabatas asta gaderak.

3¹Phato se sual karikaina ghri ataw zhe tara ek moc ais tasa baza sus`i ashes . ²Zhe te tasa wal` thi apau pron ki ki se pe al`a sabatas adua pe prust araw pe haw tasa thara jhek.³Se tasa mocas kai amaaw kas baza sus`i ashes amaaw ki moc una c`isti. ⁴Zhe tasi kai amaaw sabatas adua prust karel`i e yao shum krom? zhan bac karik e yao nashek? Te c`up apaw pron.⁵Se tasi dang hardian wajen dai pareshan thi zhe saw c`aw gehen kahari thi jagayo tasa mocas kai amaaw tan baza ruaw kari. Se ruaw arau zhe tasaa baza prust hawaw. ⁶Phato Pharisi shatara mi bian payo Hiridian som tasa khilap una mashwara karikas pron ki to khen~ kai nashek.⁷Yasu tan shagetan som babayuk tada parau zhe Galil aini bo mocbi tasa pistaw on zhe Yahudia asta. ⁸Yaroshelum zhe Adumia aini zhe Yardanaw al`el`aw zhe Sura zhe Saidaw s`oiyaw bo moc shehen` sangaiyo ki se khen~ kai ghona krom kariw dai tasa tada on.⁹Phato se tan shagetan kai amaaw bo mocan wajen dai mai hatya ek c`utak kishti tayar kara ki te mai no~ mo Karin aria. ¹⁰Koki se bo moc prust kai ais. To kimon ki moc bo lahaz aini tasa thara shuruiman aini ki to c`utin.¹¹Zhe shum arwah to pasheman aini e tasa ruaw shuruiman aini zhe tol` kai maiman aini ki tu Khodayas putr. ¹²Se tasi kai bo prust kai maiman ais ki mai barauna ka kai mo ma.¹³Phato se dhen~ta una ustaw zhe kas ki se khoshaiman ais te tan tada khundiaw zhe te tasa tada on. ¹⁴Se dash zhe dua akhojaw ki te tasa som apaw den zhe se te hutiw ki tasa bara una man. ¹⁵Zhe shum Arwah nehaikas ikhtiar asta then. ¹⁶Te shemi : Shamoon kas nom ki Patras athan.¹⁷Zhe Zabdi e putras Yakup zhe yakup e bayas Yuhana tasa nom Buaenargis matlab Garj e putr athan. ¹⁸Indrias zhe Philpas zhe Bartulmai zhe Mati zhe Tuma zhe Halfahias putr Yakup zhe Tadi zhe Shamoon qanani. ¹⁹Yahuda Iskaryoti se to griawais. Se dura aw.²⁰Zhe shohon moc gheri sarini ki te au asta zhuk ne abhan. ²¹To khoshawaw moc shehen` sangaio te grika nehon koki maiman aini ki se gezi aw. ²²Phikia kura ki Yaroshelum aini ita aini shehen` maiman aini ki tasa som Bahilzbol au zhe shehen` asta ki se shum Arwahan sardaras madadas thara shum Arwah nehel` dai.²³Se te s`oi khundiayo tasi kai ac`oik jeman amaw ki shaithan shaithan khen~ kai nehel? ²⁴Zhe kawa mulk una pe shumi hawaw pe haw to se mulk ne bata thaw hiw. ²⁵Zhe kawa dura pe shumi hawaw pe haw te se dur asta ne bata thaw hiw.²⁶Zhe shaithan asta pe tan som prust ne hawaw pe haw se asta thaw ne hiw khul hiw. ²⁷Magam kura moc kas takatwar mocas duarai ati tasa ishnayari ne harik bhaw shatara zhe ki se awel` to takatwar moc ne boniw. To se tasa dur c`enik bhaw.²⁸A mimi kai sahi mam dai ki Adamas putrasi saw gunah zhe kia ki shum mondr te den dai mauh Karin pariw. ²⁹Magam kura pe Ruhulqudus e barauna pe kia shum mondr praw peo te akher una zhe muah ne grik bhan baliki hameshas gunah karaw hin. ³⁰koki te maiman aini ki isa udreman shum Arwah an.³¹Phato tasa ayas zhe tasa bayas on zhe bian c`isti to khundiawaini. ³²Zhe moc tasa nasenaw nesi aini zhe te tasa kai aman jagai tai aya zhe tai baya bian tai phuchin dai .³³Se tasi kai shehen` jawab prau mai aya zhe mai baya kura? ³⁴Zhe shatasi thara kura ki tasa nasenaw nesi aini jagayo amaaw Jaga mai aya zhe mai baya shemi! ³⁵koki kura pe khodayas marzias thara akasaw peo shase mi mai baya zhe mai baba zhe aya.

4¹Se phato ugh tada sabak dikas prau zhe tasa tada shohon bo moc sarini ki se ugh una ek kishti una pai nesaw zhe saw moc ughas nasenaw apau pron. ²Zhe se ac`oik jiman bo mondr tasi c`ec`aw zhe tan sabak dekwew tasi ka amaaw.³Ko~ kara! Jaga ek phal`ik histaw phal`ik jikas praw. ⁴Zhe histikwew shehen` hawaw ki ade phondas awatikai apal`an zhe pac`iak ita te azuhan. ⁵Zhe ade o bat tharai apal`an tara o bop haw ne ashes zhe bop haw ne hikas wajen dai das ubujaw.⁶Zhe suri nehaw e te aduan zhe isnos ne hikas wajen dai as`us`an. ⁷Ade o jhaw mocai apal`an zhe jhaw no~ thi te kak` ne aran.⁸Ade o prust c`om una apal`an zhe te ubujon zhe ghona hawaw zhe kurai ta beshi zhe das gunah ziad kurai o tre beshi ziad mewa aonan. ⁹Phato se amaaw kas ki ko~ karikas bati ko~ shian te ko~ kara.¹⁰Se gezi thaw hawaw e to tasa malgiri zhe tasi dash zhe dua shagetan pe tasi ac`oikan barauna aphucaw. ¹¹Se tasi kai amaaw ki mimi kai khodayas bacaias mondr dai shiaw magam shatasi hatya kura ki bian an saw mondr ac`oik una hin. ¹²Ki te jagai pashik bhan magam jonik o ne bhan.Zhe ko~ kaio sangan zhe jonin o ne.Shehen` mo hiw aria ki te muahi grin.¹³Phato se tasi kai amaaw kia abi shama ac`oik ne ajonil`i e? Dho~yo saw ac`oik khen~ kai jhona? ¹⁴Bahaw khodayas mondr bel`. ¹⁵Kurai ki phondas awatai shian kawa ki khodayas mondr ben dai shemi shate ki te sangaini e to shaitahan ek dam ita shato khodayas mondr kia ki tara bai ashini uprai hariu dai.¹⁶Zhe shehen` mi thi kia ki batan tharai bai ashini shemi shate kura ki khodayas mondr ko~ kayo ek dam khoshan thi te manin dai. ¹⁷Zhe tan udreman isnos ne then dai khal`i ade wat hatya. Phato khodayas mondras wajen dai kia musibat yao kura zulum pe aran peo to ek dam shuruan dai.¹⁸Zhr kurai ki jhaw mocai bai ashini te warek kia. Shemi shate kura ki khodayas mondr ko~ aran. ¹⁹Zhe dunias fikir zhe Dawlat zhe warek ishnayarian lalic` kai khodayas to mondr pin dai zhe teo phal`ik ne oni thaw hin dai. ²⁰Zhe kurai ki prust c`om una aban shemi shate kura ki khodayas mondr ko~ kai zhe to manin asta dai zhe phal~ik asta onin dai. Kura ta beshi zhe das kurai o tre beshi. Kurai o shor .²¹Phato se tasi kai amaw kia lalten shehen` gho~i onin dai ki shen` nohai then? Yao shehen`as bati ki tasi thaikain as jaiga una thaikas bati.? ²²Koki kia ishnayari lawan ne pai shiaw magam shehen` gho~i ki to pashan pariw zhe lawai o ne shiaw. ²³Kas sangaikas bati ko~ shiaw pe haw te ko~ kara.²⁴Phato se tasi kai amaw khabardar hali ki kia sanga dai. Kia tol`uni gri abi tola dai shato mi gri mimi hatya asta tol`in zhe mimi o ziad den. ²⁵Koki kas som ki shiau tasa den zhe kas som ne hiu tasa pi shate asta kia ki shian tasa pi grin.²⁶Se amaw khodayas badshahi shatasa rau kikura moc` c`omuna phal`ik jel dai. ²⁷Rat dudi zhe aduo usti zhe se phal`ik shehen` thi ubujiw zhe ghona hiw ki se o ne honiw. ²⁸C`om tan phalik oniw awel` po`. Phato s`ha tasa pistaw o phalik. ²⁹Phato se apac`aw pe haw to se ek dam moc s`atel dai koki l`aikas wat azhalaw.³⁰Phato se amaw abi khodayas badshahi kas barabarek zhe kawa ac`oik una tasa bara una maik? ³¹Se phalikas raw ki to c`om una aban pe haw se com aini saw phalikan pe c`utik hiu dai. ³²Magam aban pe haw se badi sawin pe ghona hiu dai zhe shehen` ghona shong nihin dai ki s~era aini pac`iak tasa c`ag una apaw den dai.³³Se tasi kai shehen` bo ac`oik jiman tasi jonik bas kai khodayas mondr amaw. ³⁴Zhe se micmi o kia ne maiman ais magam gezi una tan shagetan kai saw mondran matlab maiman ais.³⁵Shatara mi adua c`ak prau e to se tasi kai amaaw andaiaw al`el`aw parik. ³⁶Zhe se mocbi histi khen~ ki se ais kishti una ek thi paron zhe tasi som ade asta kishti asheni. ³⁷To bo khac`a se~ra prau zhe ugh shohon bo hawaw ki kishti una ugh puri hawaw.³⁸Zhe se mi o pistaw dudi ais. Phato te to ustai o amaan Ay bandawaw tai kia fikir ne hiu dai e ki abi nashik dai? ³⁹Se usti ughas kai kahari hawaw zhe ughas kai amaw Cisti! Phato se~nra jek band hawaw zhe boa man hawaw.⁴⁰Phato tasi kai amaaw abi ko behaw dai? Shonja zhe Bhawar ne kara dai e? ⁴¹Zhe te bo behon zhe agoegin kai maikas pron ea kura Ki se~nra zhe ugh asta isa hokum manin dai?

5¹Phato te ughas al`el`aw Grasina wa~una azhal`an. ²Zhe se kishti aini uc`undaw e to ek dam ek moc kas udreman ki shum Arwah aini qabutaw nehi tasa som milaw hawaw.³Se qaburai apau diman ais zhe ajo kura to janjer gri asta bonik ne baiman aini. ⁴koki to bar bar rajuk zhe janjer gri boni aini magam se janjer ac`inaw zhe rajuk pal`um pal`um kai ais zhe kura to grik ne baiman aini.⁵Zhe se hamesha rat adua qaburai zhe dhen~tai pai abayo diman ais zhe tan soro bat gri zakmi kariman ais. ⁶Se Yasu desha kai pashi o adais zhe to ishtikhaw.⁷Zhe tol` kai abayo daio amaaw Ay Isaa khodayas putr mai tai som kia krom? Tai khodayas shat dem dai mai azab unam o histi. ⁸Koki se tasa kai mai ais Ay napak Arwah isi mocas pe nehi.⁹Phato se tasa pi aphucaw tai nom kia?Se tasa kai amaw mai nom Lashkar koki abi bo aik. ¹⁰Phato se tasa bo ishkal`i araw ki homa andena jaiga aini behan mo huti.¹¹Zhe tara dhe~nta una khinzir c`airman ani. ¹²Phato te tasa ishkal`i kai o aman ki homa shesi khinsiran moc`ai huti ki abi isi udreman atik. ¹³To se tasi ijazat praw zhe napak Arwah nehi khinziran aton zhe te suar kia ki du hazar aini utikiman pai ugai shuruini zhe ugai pal`i anashan.¹⁴Zhe te c`arawaw adhai pai Shaharai zhe gromai pai sawin jhabar pron. ¹⁵Phato moc jagaikas bati Isaa tada on zhe kas udreman ki shum Arwah Lashkar ais to nesikwew pasha zhe peran samikwew zhe anga hikwew pashio te behon.¹⁶Zhe jagawaw tasa kas udeman ki shum Arwah aini zhe suaran saw mondr tasa kai aman. ¹⁷Se tasa kai ishkal`I aran ki homa gromaw pari.¹⁸Zhe se kishti una atiman ais e kas udreman ki shum Arwah aini se tasa ishkal`i arau ki a tai soma paw dem dai. ¹⁹Magam se tasa ijazat ne prau tasa kai amaw ki tan mocan tada tan dura hatya pari zhe tasi kai mond de ki khodayas tai hatya kimon ghona krom araw zhe tai thara rakum araw. ²⁰Se paraw zhe Dikpulus una to mondr dikas prau ki Isaa tasa hatya kia ghona krom araw se som moc mondr sawzaikas pron.²¹Yasi gheri kishti una al`el`aw paraw e to bo mocbi tasa nasenaw sarini zhe seo ughas al`el`aw ais. ²²Sual karikainaw ek gaderakaw mocaw ek moc Pahir noman aw zhe to pasha tasa khurai shuruis. ²³Zhe shehen` mai tasa bo ishkal`i araw ki mai c`utak c`u nashikas thi aw. Tu ita tan baza tasa thara thai ki se prust hiu zhe zinda hiw. ²⁴Phato se tasa som paraw zhe bo moc tasa pistaw paron zhe tasa thara pal`iman aini.²⁵Phato ek istrizha kas ki dash zhe dua kaw shati l`ui pariman ashes. ²⁶Zhe bo dactaran pe bo azab uprai ais zhe tan saw ishnayari kharc`a kai asta tasa kia ajat ne hawaw ade asta l`ahaza hawaw. ²⁷Yasu e barauna sangai o mocan mocai tasa pistaw aw zhe tasa peran ac`utaw.²⁸Koki se maiman ais ki a pe khal`I tasa peran mi asta pe ac`utis peo to prust him. ²⁹Phato ek dam tas l`ui parik band hawaw zhe se tan jhan una ajonaw ki a shesa lahaziaw pi prust hawaw.³⁰Yasu ek dam tan mocaw shehen` jhoni ki mai pi takat nehaw tara mocbian mocuna pistaw ghri o amaw kura pai peran ac`utaw? ³¹Tasa shagetan tasa kai aman tu jages dai ki mocbi tai thara pal`an dai pahto tu mas dai ki mai kura ac`utan? ³²Se saw c`aw gehenaw jagaw ki kura shama krom kai ais to pashaw.³³Se istrizha kia ki tasa pi the ashes to c`iti o behi zhe ronziman aw zhe tasa ruaw shuruis zhe saw sai sai kai amaw. ³⁴Se tasa kai amaw c`u tai bhawaras thara tup rust hawi. Prust thi pari zhe tan l`ahazias pi bac ha.³⁵Se shehen` maiman mi ais e ki sual karikainaw gaderakas moc ita tasa kai aman ki tai c`u anashaw. Ajo bandawaw as ko taklif des dai.³⁶Kia mondr ki te diman aini Isaa to ne ko~ kaio sual karikainaw gaderakas kai amaw behi o mo. Kkali yakin thai. ³⁷Phato se Patras zhe Yakup zhe Yakup e bayas Yuhana sargairo warek kas tan som ikas ijazat ne praw. ³⁸To te sual karikainaw gaderakas dura on zhe se jagaw ki moc bo troin dai.³⁹Zhe udreman paio tasi kai ama wabi ko tro dai? Istizha nashi ne aw dudi aw. ⁴⁰Te tasa thara katrikas pron magam se saw nehayo istrizhas ayas zhe dadas zhe tan malgiri gri kawa ki se istrizha ais udreman parau.⁴¹Zhe istrizhas baza gri tasa kai amaw Talita Qomi. Isa tarjuma o shia ki Ay istrizha a tai kai amam dai ki usti. ⁴²Se istrizha ek dam usti kasikas prau koki se dash zhe dua kal`an ais. Moc bo hairan hawan. ⁴³Phato se tasi kai hokum prau ki ama kura mo jonin aria zhe amaw ki istrizhas kia zuikas bati det.

6¹Phato tal`el`a nehi se tan mulkuna awZhe tasa shaget tasa pistaw on. ²Sabatas adua aw e to se sual karikai una sanak dikas prau zhe bo moc sangaio hairan hawan zhe maikas pron ki shemi mondr isa som kawel`a on? Zhe ea kia akul ki isa dai shiau zhe kia hairan hikas bas` krom isa mucaw hind ai? ³Kia ea shase moc ne e kura ki Mariam e put zhe Yakup zhe Yusis zhe Yahuda zhe Shamoon e baya? Zhe kia isa babasi homa aya ne an e? Phato te tasa wajen dai shuruini.⁴Yasu tasi kai amaw paygumbar tan Shahar zhe tan rishttadaran zhe tan duraw mocan sar gairo warek kawel`a bezat ne hiw. ⁵Zhe se tara kia hairan hairanhikas bas` krom ne pashek abhaw. Kahl`i ade l`ahazan thara baza thai te prust araw. ⁶Se tasi ne yakin karikas wajen dai pareshan hawaw. Zhe se saw c`aw gehenaw grom una sabak dikas praw.⁷Zhe se te dash zhe dua tan tada khundiayo du du kai hutik shurug arau zhe tasi shum Arwahan thara ikhtiar praw. ⁸Zhe hokum prau ki phondas bati gundakias sar gairo kia mo gria. Zhe neo au. Neo kaz`oi. Zhe neo tan dak bonunai paisa. ⁹Magam kirmec` sambia zhe du peran mog ria.¹⁰Zhe se tasi kai amaw kawa peabikas dura atal`i pe haw tara me apaw praw tal`el`a ne para shohon. ¹¹Zhe kawel`a jaiga aini moc mimi ne manin zhe mimi nondr ne ko~ Karin tal`el`a parikwew tan khangaraw udhu tuka ki tasi hatya guahi hin.¹²Te parikwew aman ki thoba kara. ¹³Zhe bo shum Arwah nehan zhe bo l`ahaz tewas thara prust aran.¹⁴Hairodes S`a tasa barauna sangais koki tasa nom mashoor thi ashes zhe se amaw ki Yuhana baptisma diaw naston mocaw zinda usti au koki asa pe hairan hikas bas` krom hind ai. ¹⁵Magam ade o maiman aini ki Alia au Zhe ade o shehen` ki paygumbaran mocaw ek paygum aw.¹⁶Magam Hairodes o sangaio amaw Yuhana kas ki sis a c`inawai ais se usti aw. ¹⁷Koki Hairodes tan moc hutawai o Yuhana griwai ais zhe tan bayas Pilpas e jas Hairodias e wajen dai to jelai boni ais koki Hairodes to ja kai ais.¹⁸Zhe Yuhana tasa kai mai ais tan bayaw jas tan som apaw diek prust ne. ¹⁹Phato Hairodias tasa som dusmani kai o zhe to nashek c`itiman ais magam ne hawaw. ²⁰Koki Hairodes Yuhana ek ujak phond una kasaw zhe onjasta gho~i joni o tasa pi behiman ais zhe tasa mondr ko~ kai o bo hairan himan ais magam khoshan the ko~ kariman ais.²¹Zhe mokas adua Hairodes tan ubujikas adua tan amir zhe foji gaderakan zhe Galilau amir moc au una akhojau. ²²Shatasa mi Hairodes e c`ulas udreman au zhe nat kai Hairodes zhe tasa mehnu khoshan arauw to S`a tasa istrizhas kai amaw kia tai ajat mai pi gati. A tai dem.²³Zhe tasa kai shat praw ki tu kia mai pi gatis tan khonda mulk asta tai dem. ²⁴Phato se bian pai tan ayas kai amaw ki a kia gatum? ²⁵Se ek dam S`as tada udreman aw zhe tasa kai amaw a c`itim dai ki tu Yuhana baptisma diawas sis shonja mai hatya onawas.²⁶S`a bo pareshan hawaw magam tan shatas zhe mehnuan wajen dai tasa inkar ne araw. ²⁷Phato S`a shatarami ek sipahias hokum dai ahutau ki asa sis ona. Se jel una pai tasa sis ac`inaw. ²⁸Zhe ek bir khui una kai oni tasa istrizhas prau zhe istrizho tan ayas praw. ²⁹Phato tasa shagetan sangaio on zhe tasa to jhan upraio qaburai atan.³⁰Zhe rasool Yasu e tada sarini zhe kia ki te aran zhe c`icai aini saw tasa kai amaan. ³¹Se tasi kai amaaw abi ek weran jaiga una au zhe ade aram kara. Shehen`as bati ki bo moc iman pariman aini zhe tasi au zhuikas asta tem ne milaw himan ashes. ³²Phato te kishti una nesi ek gezi jaiga una paron.³³Zhe moc te parikwew apashan zhe bo moc o ajonan zhe saw Shahar aini mocan som ek thi paidel tara adhai kasi pai tasi pi sumber azhal`an. ³⁴Zhe se uc`undi bo mocbi apashau zhe te jagaio tasa wal` prau koki te shatasi ameon raw aini kas ki wal`moc ne hiu dai zhe se tasi kai bo mondran barauna sabak praw.³⁵Tramasung hikas hawaw e to tasa shaget tasa tada ita maikas pron ki ea jaiga weran zhe bo tramasung hikas thi shiaw. ³⁶Emi huti ki saw caw gehenaw gromai pai tan hatya kia zhuikas bati onin.³⁷Se tasi kai jawab una ama wabi mi asi zhuikas bati det.Te tasa kai aman kia abi pai du shor dinaras au onik e zhe asi zhuek e? ³⁸Se tasi kai amaw mimi som kimon au shian? Para jaga. Te jagaio aman ponj zhe du masi.³⁹Se tasi kai hokum praw ki saw arel`ak bronz una nesaw. ⁴⁰Phato te shor shor zhe pac`as pac`as thi neson. ⁴¹Phato se te ponj au zhe du masi agriau zhe D`ias gehen` jagaio barkat prau zhe au c`iniman shagetan diman parau ki tasi ruaw tha zhe te du masi asta tasi sawin mocuna aphazhan.⁴²Phato te saw zhui o tac`erini. ⁴³Zhe te pal`uman zhe masian som das` zhe dua sawew puri kai upran. ⁴⁴Zhe zhuaw ponj hazar moc aini.⁴⁵Zhe shatara mi se tan shaget majboor ara ki kishti una nesi tasa pi sumber Bait e saidas al`el`aw para shohon` zhe se moc hutuw. ⁴⁶Zhe te huti o se dhen~ta una suaal karika parau. ⁴⁷Zhe c`ak prau e kishti ughas mocuna ashes zhe se o gezi Comuna ais.⁴⁸Se jagaw e ki te bo tang an koki sen~ra tasi gehenawashes to khonda ratan se ugh una kasiman tasi tada aw zhe tasi pi ruaw nehik khojiman ais. ⁴⁹Magam te to ugh una kasikwew pashio ac`itan ki bhala aw zhe abayo pron. ⁵⁰koki saw to pashio behon Magam se ek dam tasi som mashkul hawaw zhe amaw ki A am. Behaw o mo.⁵¹Phato se kishti na tasi tada aw zhe sen~ra ac`istaw zhe te tan hardiuna bo hairan hawan. ⁵²Shehen` gho~i ki te au an barauna ne joni aini tasi hardi dang thi ashini.⁵³Zhe te al`el`aw pai Ganisrat wan~una azhal`an zhe kisti tara kai abonan. ⁵⁴Zhe kishti aini uc`undon e to ek dam moc to joni o. ⁵⁵tara grom una saw c`aw gehenaw adhai pai lahaz shen~ una kai kawa ki sangaio ki tara aw tara te lahaz gri tasa pistaw akasan.⁵⁶Zhe shase desh. Zhe Shahar zhe gromai kawai ki pariman ais moc lahaz bazarai thai o tasa kai ishkali kariman aini ki te khali tasa peran mi c`utin zhe kimon ki to c`utiman aini te prust himan aini.

7¹Phato Pharisi zhe ade Phiki moc tasa tada sarini. Te Yaroshelumaw ita aini.²Zhe te jagan ki tasa ade shaget napak matlab ki baza ne negi au zuiman aini. ³Koki Pharisi zhe saw Yahudi akhabiran dasturas hisabuna tan baza ne negikani sumber au ne zuiman aini. ⁴Zhe bazaraw ita ne wazin shohon ne zuiman ainizhe ade asta bo mondr kia ki tasi una zhal`i ashini te maniman aini khen~ ki piala zhe misharba zhe istelas giarum negik.⁵Phato Pharisi zhe Phiki moc tasa pi aphucan kia waja shiau ki tai shaget akhabiran dastur una ne kasin dai napak bazan thara au zhum dai.⁶Se tasi kai amaw Yasaya mimi phan diaw mocan barauna kia prust mondr mai aw khen~ ki neweshi shiau:Emi moc ashas thara ta mai ishtikhen daiMagam isi hardi o mai pi desha shian. ⁷Zhe emi micmi mai hatya gho~ jhen dai Koki insanan hokuman sabak den dai.⁸Abi khodayas hokum histi mocan sawzail`i dastur maniaw dai. ⁹Zhe se tasi akia maw abi tan dastur thawaikas bati khodayas hokum o hista dai. ¹⁰Koki Musa mai ais ki tan dadaw ze tan ayaw izat kara zhe kura ayas zhe dadas kai khac` gho~i maw se tan zhan ani nashuw.¹¹Magam abi ma dai kura pe dadas aya o ayas kai maaw peo ki kia ishnayarias pi pai tai mai pe phaida zhaliman ashes pe haw se khodayas ruaw phawazhun paraw. ¹²To tu tasa pahto tan ayas zhe dadas kia madad karawan ne des. ¹³To tu khodayas kitab tan dasturas mutabak una kia ki tu sawzai as to desha karis dai. Khen ki bo moc Karin dai.¹⁴Phato se moc gheri tan tada khundiayo tasi kai maikas praw abi saw mai ko~ kara zhe c`ec`a. ¹⁵Kia ishnayari bianaw mocan udreman ita to napak ne karik bhaw magam kia ishnayari mocan pe nehin dai shatemi to napak Karin dai. ¹⁶kas pe ko~ karikas ko~ shian peo to ko~ kara.¹⁷Zhe se mocbian pe tan dura hatya paraw e to tasa shaget tasa pi ac`oikas barauna aphuc`an. ¹⁸Se tasi kai amaw kia abi asta shehen` mi ne jonaw e? kia abi ne jona dai e ki kia ishnayari bianaw mocas udreman atiu dai to napak karik ne bhaw. ¹⁹Shehen`as bati ki se tasa hardi una ne kuc` una pariu dai zhe tal`el`o behan nehiw dai? Shehen` mai se saw zhuikbas` ishnayarian kai pak aghow.²⁰Phato se amaw kia ki mocas udremanaw nehiw dai shase mi to napak kariu dai. ²¹Koki udremanaw matlab mocas hardiaw shum kheyal nehin dai. ²²L`awek, L`ui nehek, Shumi karik, L`alic`, shumi, shum kai jagek, waregin hatya mondr dek, tan soro ishtikhek. ²³Shemi saw shum mondr uremanaw nehi moc napak Karin dai.²⁴Phato tal`el`a usti Soor zhe Saida wa~una paraw zhe ek dura ataw zhe ne c`itiman ais ki kura jonin magam l`uik ne abhaw. ²⁵Ek dam ek istrizha kas ki c`utak c`ul`as udreman napak arwah aini tasa bara una sangaio aw zhe tasa khuruna apal`aw. ²⁶Shia istrizha Yunani ais zhe mulkas Soarphiniki. Se tasa kai ishkal`i araw ki shum Arwah tasa c`ul`as udremanaw nehai.²⁷Se tasa kai amaw awel` suda tac`erin aria koki sudon au gri shohon` dek prust ne. ²⁸Se jawab una amaw ha khoday! Shoa asta maiz aini c`omai histil`a pal`um zhun dai.²⁹Se tasa kai amaw shesa khodayas kitabas khater una pari. Shum arwah tai c`ul`aw udemanaw nehi au. ³⁰Zhe se tan dura paio jagaw ki istrizha shen` una au zhe shum arwah o nehi au.³¹Zhe se gheri Sur wa~n aini nehi Saidas phonduna dai Dikpuls phondaw dai Glilas babayuk una azhal`aw. ³²Zhe moc ek karutu se mondr asta dek ne baiman ais tasa tada al`io ishkal`i aran ki tan baza isa thara thai.³³Se to mocbian pi gezi awata aniau zhe tan angu tasa ko~ai prau zhe thok histi tasa jip ac`utau. ³⁴Zhe d`ias gehen` jagaio tasa kai amaw IFTAH! Matlab kholaw ha. ³⁵Zhe tasa ko~ khol`aw hawaw zhe tasa jip asta kholaw hawaw zhe se sapha kai mondr dikas praw.³⁶Phato se tasi kai hokum prau ki kas kai mo ma magam kimon ki se tasi kai hokum prau shohon` mi ziad te tasa brauna aman. ³⁷Zhe te bo ziad hairan thi aman kia ki se kai au saw bop rust. Se karutuan ko~ karikas zhe mondr dek ne bhaowan mondr dikas takat del` dai.

8¹Shatara wat un abo mocbi sarini zhe tasi som kia zhuikas bati ne ashini to se tan shaget khundiayo tasi kai amaw. ²Mai shemi mocbi jagaio wal` del dai koki emi tre bas s`ati mai som mi an zhe isi som zhuikas bati kia ne shian. ³A pe aimi anora durai ahutis peo emi agraio phondai thau hin zhe ade isi mocaw desha awatau an, ⁴Tasa shaget tasa jawab pron ki aya beyaban una kawel`a kura shohon` au onin ki emi tac`erin?⁵Se tasi pe aphucaw mimi som kimon au shian?Te aman Sat. ⁶Phato se mocan hokum prau ki c`om una nesaw zhe se te sat au agriau zhe shukur kaio ac`inaw zhe tan shagetan diman parau ki asi ruaw tha zhe te moc`an ruaw athan.⁷Zhe tasi som adek c`utak masi aini. Se tasi thara barkat daio amaw emi asta asi udreman tha. ⁸Phato te zhuio tac`erini zhe thau hul`a sat sawew upran. ⁹Zhe moc c`aw hazaras s`oi aini. Phato se te ahutau. ¹⁰Zhe se ek dam tan shagetan som kishti una nesi Dalmunuta jaiga una parau.¹¹Phato Pharisi nehi tasa som behes karikas pron zhe tasa azmaish karikas bati tasa pi kia D`I aini nishan gatikas pron. ¹²Se tan arwah aini phus grio amaw onja zamana aini moc mo nisani khojin dai? A mimi kai sahi mam dai ki shesa andena zamana aini mocan kia nishan ne den. ¹³Zhe se te histi gheri kishti una nesaw zhe al`el`aw paraw.¹⁴Te au grik prasmi aini zhe kishti una tasi som ek aini ziad au ne ashini. ¹⁵Zhe se tasi kai shehen` hokim prau ki Khabardar Pharisian mayak zhe Hairodes e mayakas pi desha hal`i.¹⁶Te egoegin som mondr dikas pron zhe maikas pron ki homa som au ne shian. ¹⁷Magam Yasu shehen` jhoni o tasi kai amaw abi ko shehen` mondr det dai ki homa som su ne shian? Kia shonja zhe ne jona dai e zhe ne c`icia? Kia mimi hardi dangthi shiaw e?¹⁸Ec` shian zhe abi jagao ne dai e? Ko~ shian zhe ko~ o ne kara dai e? zhe kia mimi yad ne e? ¹⁹Shatara wat una A te ponj au ponj hazaran hatya ac`inis to abi kimon sawew tasi thawa hul`a pal`uman upral`i? Te tasa kai aman das` zhe dua.²⁰Zhe shatara wat una sat au c`aw hazaran hatya ac`inimi e to abi kimon sawew pal`uman upral`i?Te tasa kai aman sat. ²¹Se tasi kai amaw kia abi shonja zhe ne ajonil`i e?²²Phato te Bait e Saida una on zhe moc ek s`ea tasa tada al`on zhe tasa ishkal`i aran ki ama c`uti. ²³Se tasa s`eas baza aini gri to gromaw bian aniaw zhe tasa ech una thok khasayo tan baza tasa thara athaw zhe tasa pi aphucaw tu kia pashis dai e?²⁴Se buc`umak jagaio amaw a moc` pashum dai koki te kasikwew shehen` jonen dai khen ki mut. ²⁵Phato se geri tasa ec` una tan baza athau zhe se sahi kai jagaw zhe prust hawaw zhe saw ishnayari safa safa kai jagek abhaw. ²⁶Phato se to tasa dura hatya ahutau zhe amaw ki aya grom una gheri kai asta pak mo thai.²⁷Phato Isaa zhe tasa shagetan Qasaria Philpas gromuna paron zhe phond una se tan shagetan pe shehen` aphuc`aw ki shemi moc mai kai kia man dai? ²⁸Te jawab pron ki Yuhana baptisma diau zhe ade o Alia Zheade o paygumbaran mocaw kura.²⁹Se tasi pi aphucaw Magam abi mai kai kia ma dai? Patras jawab una tasa kai amaw tu Masih. ³⁰Phato se tasi kai amaw ki mai barauna kas kai mo ma.³¹Phato se tasi sabak dikas prau ki zaruri shia ki Adamas putr bo azab uprel` zhe akhabir zhe sardar Kahin zhe Phiki to nashen zhe tre bas pistaw o se ustuw. ³²Zhe se shama mondr safa safa kai prau. Patras to gezi awata neo tasa kai maikas prau.³³Magam se pis gheri tan shagetan jagaio Patras e kai amaw Ay shaithan mai ruaw desha ha koki tu khodayas mondran ne mocan mondran kheyal karis dai. ³⁴Phato se te mocbi zhe tan shagetan khundiayo tasi kai amaw Kura pe mai pistaw ik khoja dai o tan pe inkar kara zhe tan silip upra zhe mai pistaw aw.³⁵koki kura pe tan zhan bac` arau peo se to dumbel` Zhe kura e mai zhe mai injil (kitabas ) khater tan zhan dumbel` se o to bac` kariw. ³⁶Zhe moc pe saw dunia agriau pe zhe tan jhanas o nuksan arau peo to taso kia faida? ³⁷Moc tan zhanas badela una kia del`?³⁸koki kura pe shesa shum krom karau mulkuna mai zhe mai mondran pi l`ac joniu Adamas putr asta pe tan dadas ruaw tan pak pharishtan som aw po to se tasi pi l`ac joniw.

9¹Se tasi kay amaaw A mimi kai ujak mam dai ki kura ki aya c`isti aan andena mocaw adhe shehen` an ki khodayas bacai tasa qudratas som ikwew pe ne apashan peo nashikas maza kai asta ne sapren. ²S`o bas pis`t`aw o Isaa Patras zhe Yakup zhe Yuhana tan som gri Zhe te gezi ek hutal`a dhen~ta una hatya aniaw zhe tasi ruaw tasa shikil badel hawaw. ³Phato tasa peran shehen` upuis zhe shohon` gora hawaw ki duniauna kura peran negaw asta shohon` gora ne karik bhaan.⁴Zhe Alia Musa som te apashan zhe te Isaa som mondr diman aini. ⁵Patras Yasu e kay amaw Bandawaw! Homa aya apau dek prust hiu. Abi tre c`atir sawzek. Ek tay hatya. Ek Musa hatay. Ego Alia hatya. ⁶Koki Patras ne jonim ais ki kia maik koki te bo behi aini.⁷To ek menj tasi thara c`ak arau Zhe tal`el`a menj mocaw awas aw ki ea mai sheshoyak putr. Isa mondr ko~ kara. ⁸Zhe te shatra mi saw c`aw gehen` jagaio zhe to Isaa sargairo tasa som kas ne apashan.⁹Te dhen~taw uc`undeman aini e to se tasi kai hokum prau ki Adamas putr naston mocaw gheri ne ustuw shatara zhe kia ki abi apashil`i kas kai mo ma. ¹⁰Te to mondr yad athan zhe te ogoegin som behes kariman aini ki Naston mocaw ustikas kia matlab?¹¹Phato te tasa pe shehen` aphuc`an ki Phiki ko man dai ki Alia sumber ik zaruru? ¹²Se tasi kai amaw ki Alia sumber ita saw kia khol`aw kariu Magam kia waja shiaw ki Adamas putras hak una neweshi shiau ki se bo dukh uprel` zhe to shum Karin? ¹³Magam a mimi kai mam dai ki Alia ta itaw Zhe kia ki tasa hak una neweshi shiau ki te kia ki ac`itan tasa soma ran.¹⁴Zhe te shagetan tada on e to apashan ki tasi saw c`aw gehenaw bo mocbi an zhe Phiki tasi som behes Karin dai. ¹⁵Zhe ek dam saw mocbi to jagaio bo hairan hawan zhe tasa gehen adaio tasa kai Ishpata karikas pron. ¹⁶Se tasi pi aphucaw abi isi som kia behes kara dai?¹⁷Zhe mocbian mocaw ek jawab prau ki Ay bandawaw A tan putr kas udreman ki ek ne mondr dek bhaw shum arwah ais tai tada al`i ais. ¹⁸Se kawa to griw dai o to shuriel` dai zhe dandoik bruduw dai zhe tal`uyak himan pariu dai zhe a tai shagetan kai mai ais ki te ama nehen magam te ne nehek abhan. ¹⁹Se jawab una tasi kai amaw Ay nejonaw mulk a kai zhe mimi som apau dem? Kai zhe mimi bardast karim? To mai tada al`aw.²⁰Phato te to tasa tada al`on. Zhe se to jagaw e to ek dam arwah to al`aw zhe se c`om una shuruis zhe tal`el`a parkas hawaw. ²¹Se tasa dadas pi aphucaw ea isi som kimon wat shati au? Se amaw c`utak aini sati. ²²zhe se ama b c`at angar una zhe ugh una asta histi au ki al`a nashel` magam tu oe kia karik bhas dai o to homa thara wal` joshi homa madad kari.²³Isaa tasa kai amaw kia! Tu pe karik bhas o! kura ki Bhawar thel tasa hatya saw kia karik bham. ²⁴Tasa sudas dadas ek dam abayo dai o amaw a yakin karim dai. Tu mai ne yakin karikas ilaj kari. ²⁵Yasu jagaw e ki moc adai adai jama hin dai toa to napak arwah tuki o tasa kai amaw ki Ay ne mondr dek bhaw zhe karutu arwah ! A tai hokum dem dai. Isi udremanaw nehi zhe isa udeman ghri kaio mo ati .²⁶Se tol` kai abayo dai zhe to l`ai o nehaw zhe se naston raw hawaw shehen` ki ade o aman ki asa anashaw. ²⁷Magam Yasu tasa baza gri to ustaw zhe se usti ac`istaw.²⁸Se dura aw o tasa shagetan gezi una tasa pi aphuc`an ki abi to ko ne nehek abaimi? ²⁹Se tasi kai amaw ki ea shat sualas sargairo warek khen~ thi ne nehiu.³⁰Phato tal`el`a paron zhe Galil una dai paron zhe se ne c`itiman ais ki kura jonin aria. ³¹Shehen` as bati ki se tan shagetan sabak diman zhe tasi kai maiman ais ki Adamas putr mocan hawala hiu zhe te to nashen zhe se nashikas tre bas pistaw o gheri zinda hiu. ³²Magam to to mondr joniman ne aini zhe tasa pi phuc`ik beheman aini.³³Phato te Kuphur e Nahum on zhe se dura ais e to se tasi pi aphuc`aw ki abi phonduna kia behes kariman ail`i? ³⁴Te c`up hawan koki te phonduna ogoegin som shehen` behes kai aini ki gaderak kura? ³⁵Phato se nesi te das` zhe dua khundiaw zhe tasi kai amaw ki kura peawl`o hik khojiw dai o to se sawin p pistaw zhe sawin krom karaw hiw.³⁶Zhe ek sudayak gri tasi mocuna c`istaw. Phato to ac`unak una kaio tasi kai amaw. ³⁷kura pe mai nomas thara shesi sudayak mocaw ek maniw haw se mai maniw k dai zhe kura may maniu dai se mai ne mai kura ki huti au shato maniw dai.³⁸Yuahana tasa kai amaaw Ay bandawaw! Abi ek moc tai nomas thara shum arwaah nehaikwew apashimi zhe abi to manak arimi koki se homa mondr ne ko~ kariman ais. ³⁹Magam Isaa amaaw abi to manak mo kara koki kura shehen` ne aw ki se mai nomas thara hairan hikas bas krom pashel` zhe mai kai pis`t`aw o kia maik ne bhaaw.⁴⁰koki kura homa khilauna ne aaw se homa som aw. ⁴¹Zhe kura pe ek kund`ok ugh tai shehen` gho~i pihel` ki tu masih e as. A mimi kai ujak maam dai ki se tan bas`es kai asta ne dumbel`.⁴²Zhe kura pe shisi sudayakan mocaw kura ki mai thara Bhawar oni an kas pe shuruan peo tasa hatay prust hiu ki ek ghona z`hontas bat tasa g`a una l`apaio zhe to samandar una histel`i. ⁴³Zhe tai baza pe tai shuruaw peo tu to c`ini histi. ⁴⁴We bazaw thi zindagiuna atik tai hatya shatasa pi prut ki du baza thi druz`akas tara angarauna parik se o kai asta ne phal`aw.⁴⁵Zhe tai khur pe tai shuruaw peo tu to c`ini histi. Khuta thi zindagi una ik tai hatya shatasa pi prust ki du khur thi asta druz`akai histun paris. ⁴⁶(kawa ki tasi gohik ne nashiw zhe a~ngar ne phal`aw.)⁴⁷Zhe tai ech pe tai shuruaw peo tu to nehai. S`eat hi khodayas bac`ai una atik tai hatya shatasa pi prust ki du ech thi asta druz`haikai histun paris. ⁴⁸kawa ki tasi gohik ne nashiw zhe a~ngar ne phal`aw.⁴⁹Koki har ek moc a~ngaras thara k`awa Karin (zhe har ek qurboni l`oas thara khal` Karin) ⁵⁰L`o prust magam l`oas kal` pe paraw haw phato to kia ishnayarias thara mazadar karis? Tan mocuna oas raw khal` payda kara zhe egoegin som sarajam thi apaw det.

10¹Phato se tal`el`a usti Yahudia mulkani Yardanas peranaw hatya paraw zhe gheri bo mocbi tasa nasenaw sarini zhe se tan dasturas raw gheri tasi sabak c`icaikas praw. ²Zhe Pharisi tasa tada ita dro binikas bati tasa pi aphucan kia shehen` hiu e ki moc tan jaas histik bhaaw? ³Se tasi kai jawab una amaaw Musa mimi kai kia hokum dai aw? ⁴Te amaan Musaa ta ijazat dai aw ki neweshi thalak dai o hutik bhaa.⁵Magam Yasu tasi kai amaaw ki se mimi dang hardian wajen dai mimi hatya shama hokum neweshi ais. ⁶Magam dunias shurug una se moc zhe istrizha sawzai aw.⁷Shatalako moc tan dadas zhe ayas pe desha thi tan jaas soma paw del`. ⁸Zhe se zhe tasi jaas awdu ek jhandas raw hin. Shalayo te du ne baliki ek jhan. ⁹Shatalako kas ki khoday ek kai aw te moc desha mo Karin aria.¹⁰Zhe dura shagetan tasa pi tasa mondras barauna gheri aphucan. ¹¹Se tasi kai amaaw kura tan jaas histi zhe warek istrizha ja araw peo se tan s`umberaw jas khilauna gunah araw. ¹²Zhe istrizha pe tan beruas histio zhe warekis som ja hawaw peo to gunah kariw dai.¹³Phato moc sudayak tasa tada al`ikas pron ki se te c`utiw magam shagetan o te atukan. ¹⁴Yasu te jagai o kahari hawaw zhe tasi kai amaaw sudayak mai tada iuna lasa. El`i mo mana kara koki d`ias bacai shama shehen` bati shiaw.¹⁵A mimi kai ujak mam dai ki kura pe khodayas bacai sudayakan raw pe ne manion peo te tara parik ne bhaan. ¹⁶Phato se te tan uc`unak una grio tasi thara baza athaw zhe tasi barkat praw.¹⁷zhe phato se bian nehi phonduna dai pariman ais e to ek moc adhai tasa tada aw zhe tasa ruaw d`heik thai tasa pi aphucaw ki Ay prust bandawaw a kia karim ki ne khul` hikbas` umbur zhe majar saprem? ¹⁸Isaa tasa kai amaaw tu ko mai kai prust gho~I mas dai? Ura prust ne magam khal`i ek khoday. ¹⁹Tu hokum ta jonis dai. Nashai mo. Shumi mo kari. H`ae mo kari. Lawai mo. Dhuka dai nuksan mo kari. Tan dadas zhe tan ayas izat kari.²⁰Se tasa kai amaaw Ay bandawaw a duaniuna `ita shemi saw mondr mani ita am. ²¹Yasu to rakumas thara jagaw zhe tasa kai amaaw ek mondras kami shiaw. Pari kia ki tai shian briki gariban de. Tai d`iuna behest`una Khazana milaw hiw zhe ita mai pstaw ie. ²²Shesa mondras thara se citbicit zhe bo pareshan thi paraw koki se bo dawlatmand ais.²³Phato Yasu saw c`aw gehe~n jagaio tan shagetan kai amaaw dawlatmand mocan hatya khodayas bacaiuna parik kimon geran! ²⁴Shaget tasa mondras thara hairan hawan. Isaa gheri jawab una tasi kai amaw sudayakan! Kura ki dawlatas thara bharosa Karin dai tasi hata khodayas bacai una atik kimon geran! ²⁵Ut`as suzhikas ecikuna dai drasnikas pi dawlatmandas khodayas bacai una parik bo geran.²⁶Te bo hairan thi tasa kai maikas pron ki dho~yo kura bac hik bhaw? ²⁷Yasu tasi gehen~ jagaio amaaw ia mocan bati ta namumkin magam khoday o karik bhaaw koki khodayas saw kia karik bhaaw. ²⁸Patras tasi kai amaaw jagai abi ta saw kia ahistimi zhe tai pistaw ita aik.²⁹Yasu amaaw a mimi kai ujak maam dai ki shehen` kura ne kura ki dur yao bayasi yao babasi yao ayas yao dadas yao sudayak yao c`et mai khateran zhe kitabas khateran histi aw. ³⁰Zhe shaya zamanauna shor ayni asta bes` ne saprel` Dur zhe baya zhe baba zhe ayasi zhe sudayak zhe c`et magam zuluman som. Zhe iw dai tarao se hameshas umbur zhe majara saprel`. ³¹Magam bo ziad kura ki onja awel` una an te pi`staw hin zhe pi`staw an teo awel`.³²Zhe te Yaroshelum hatya parikas bati phonduna pariman aini Isaa tasi ruaw ruaw pariman ais. Te hairan hawan zhe kura ki pis`taw pis`taw iman aini behon. Phato se te dash zhe dua tan som ni tasi shate mondr dikas praw kia ki tasa thra himan ashini. ³³Jaga abi Yaroshelum hatya parik dai zhe Adamas putr Sardar Kahin zhe Phikian hawla Karin pariw zhe teo to nashaikas hokum den zhe to warek mulkaw mocan hawala Karin. ³⁴Zhe teo tasa thara Mazak Karin zhe tasa thara thog histin zhe t timan nashen zhe tre bas pistaw o se zinda thi us`t`iw.³⁵To Zabdia putrasi Yakup zhe Yuhana tasa tada ita tasa kai amaan Ay bandawaw! A c`itik dai ki kia mondras ki tai kai ishkal`i karik tu homa hatya kari. ³⁶Se tasi kai amaaw abi kia c`ita dai ki a mimi hatya karim? ³⁷Te tasa kai amaan homa hatya shehen` kari ki tu tan bacaias taktuna nesi homa mocaw ek ta tai kha`wi zhe ek o tai drac~ui gehen nesai.³⁸Isaa tasi kai amaaw abi ne jona dai ki kia gata dai. Kia pial`a aini ki pim kia abi pik bhaa e? zhe kia baptisma ki a grim dai abi grik bhaa e? ³⁹Te tasa kai amaan Abi bhaik. Yasu tasi kai amaaw Kwael`a pial`a aini ki a pim abi asta pia zhe kia baptisma ki agrim abi to grea. ⁴⁰Magam tan drac`ui zhe kha`wi gehen nesek mai krom ne magam kas hatya ki tayar kai shiau tasi mi hatya hiw.⁴¹Phato te dash shehen` sangaio Yakup zhe Yuhana pe khapa hawan. ⁴²Magam Isaa te tan tada khundiayo tasi kai amaaw abi jona dai ki warek mulkaw mo tan soro baca jos`i hakumat Karin dai zhe tasi te Amer moc tasi thara gaderaki Karin dai.⁴³Magam mimi mocai shehen` ne hiu baliki kura mimi mocaw gada hik khojiw se mimi krom karaw hiw. ⁴⁴Zhe mimi mocaw kura ki awel`o hik khojiw se sawin nokar hiw. ⁴⁵Koki Adamas putr asta shehen` gho~i ne ita aw ki khesmat karawaw baliki khesmat karika itaw zhe tan jhan boin hatya khal`as kariw.⁴⁶Zhe te Yarhu hatya on zhe se zhe tasa shagetan zhe bo mocbi Yarhu aini nehiman aini e Tamai e putras Bartamai zhe s`ea moc phond una nesi aini. ⁴⁷Zhe shehen` sangaio ki Isaa Nasri aw abayo dai maikas praw Ay Dautas putras! Ay Isaa! mai thara rakum kari. ⁴⁸Zhe bo moc tasa kai mrish hawan ki c`up ha magam se ade asta abayo praw ki Ay Dauta putr mai thara rakum kari!⁴⁹Yasu c`isti amaaw al`a khundia.Phato te to s`ea tara al`iawaini. Usti asa tai khundiel` dai. ⁵⁰Se tan peran histi utikiman Isaa tada aw.⁵¹Yasu tasa kai amaaw tu kia c`it is dai ki a tai hatya karim? S`ea tasa kai amaaw Ay bandawaw! Shehen` ki a pashik bhaam. ⁵²Yasu tasa kai amaaw pari tai Bhawar tai prust araw. Ek dam se pashikas praw zhe phonduna mi tasa pistaw paraw.

11¹Te Yaroshelumas s`oi Zaitunas dhe~tauna Bait-e-Phigay zhe Bait-e-Aniahas tada on e to se tan shagetan mocaw du ahuatw. ²Zhe tasi kai amaaw ki ruaw gromuna para zhe tara ati mi ek grodok gu`ak tara boni hiu kawa ki kura moc shonja zhe ne nesi aan. To bic`hari aya hatya al`aw. ³Kura pe mimi kai amaan peo ki shehen` ko kara dai? To maa ki ia Yasu e ajat hiw dai. Se ek dam to aya hutiw.⁴Phato te paron to durai bianaw dai phondikuna mi bhoni ashis te to bic`airman aini. ⁵Magam kura moc ki tara c`isti aini tal`el`a mocaw ade tasi kai amaan kia kara dai abi gordok gu`ak bic`ara dai? ⁶Te kai ki Yasu mai ais shehen` mi tasi kai amaan zhe phato te lasan.⁷Phato te gordok gu`ak Yasu e tada alon zhe tan peran tasa thar apron zhe se tasa thara nesaw. ⁸Phato bo moc tan peran tasa hatya phonduna bisgan. Ade moc o mutaw shong c`ini bisgan. ⁹Kura ki tasa ruaw ruaw zhe pistaw pistaw iman aini tol tol kai maiman aini. Hoshana. Bumburak shatasa hatya kura ki khodayas nomas thara in dai. ¹⁰Bumburak homa dada Dauta bac`aias hatya ikas bati behestayni hutilas siphat hiw aria.¹¹To se Yaroshelum una ati handuna aw zhe nastari saw ishnayari jagayo tasi dash zhe duin som Bait-e-Aniah hatya paraw koki c`ak dai ashes. ¹²Juo aduo te Bait-e-Aniah aini neheon e to tasa anora araw.¹³Zhe se dehsa aini thi kawit muta kawa ki po~ ashini jagaio paraw ki albat atra kia hin magam tasa s`oi azhalaw e to po~an sargairo kia ne sapraw koki Kawit pac`ikas tem ne thi ashes. ¹⁴Se tasa kai amaaw gherio kura tai pi kia mewa ne zhuw zhe tasa shagetan sangaini.¹⁵Phato te Yaroshelum una on zha Yasu handuna ati tara kura ki ishnayari br~ikiman zhe griman aini bian dras`nai aran zhe paysa badel garawawan te takht pel`atay ahistaw zhe kohow bri~kawan tada pai tasi hanyak ahistaw. ¹⁶Zhe se handaini kurai asta gearum ne harawan praw.¹⁷Phato se tan sabakaw tasi kai amaw kia shehen` ne niweshi shiaw e ki Mai dur saw mulkan sualgarawan hiu? Magam abi o ama ahiruan jaiga sawzai aa. ¹⁸Zhe sardar Kahin zhe zhe Phiki moc shehen` sangaio to nashaikas bati moka khojikas pron koki tasa pi behiman aini shehen`as bati ki saw mocbi tasa c`ic`al`a mondran pi hairan aini. ¹⁹Zhe har c`at c`akdekwew o se Shahar hatya pariman ais.²⁰Phato ragesti o te tara dai pariman aini e to kawit mut` isnosuna s`ati s`us`ta kai apashan. ²¹Patras e se mondr yadi aw zhe tasa kai amaw Ay ustaz! Jagai shama kawit mut kas thara ki tu l`anat kai ai susi shiaw.²²Yasu jawab una tasi kai amaw Khodayas thara Bhawar thai. ²³A mimi kai ujak mondr dem dai ki kura pe shesa dhen~tas kai amaw pe haw ki upuc`i zhe samundar una pal`as gho~i mai o tan hardiuna shak ne araw haw shehen` mi hiw.²⁴Shatalako a mimi kai mam dai ki kia ki abi sual una gata dai yakin tha ki mimi milaw hawaw zhe se mimi milaw hiw. ²⁵Kai pe abi c`isti sual kariman ail`i pe haw mimi kai pe kura kia mai aini e pe tasi hatya muah kara ki mimi dada kura ki d`i una aw mimi gunah mua kariw. ²⁶Abi pe tasa hatya mua ne aril`i haw to mimi dada kura ki d`i una aw mimi guna asta mua ne kariw.²⁷Te phato Yaroshelum hatya on zhe se handuna kaiman ais e Sardar Kahin zhe Phiki moc zhe akhabiran tasa tada on. ²⁸Zhe tasa kai amaan tu shemi krom kas ikhtiaras thara karis dai? Shama ikhtiar kura tai dai aw?²⁹Yasu tasi kai amaaw A mimi pi ek mondr phuc`um dai abi pe jawab mai kai prali pe haw to a mimi kai mam ki shemi krom kas ikhtiaras thara karim dai. ³⁰Yuhana baptisma dek D`ias gehenaw dai ashes e yao mocan gehenaw dai? Mai kai jawab det.³¹Te tan mocuna mashkul thi amaan abi pe d`ias gehenaw dai gho~i pe amaimi pe haw to asa maw ki dhoyo abi asa yakin ko ne arili ? ³²Yao amaimi peo ki mocan gehenaw dai to moc jagai beheman aini koki saw mocan yakin ashes ki se Yuhana paygumber ais. ³³Phato te jawab una Yasu e kai amaan Abi ne jonik dai. Yasu tasi kai amaaw a asta mimi kai ne mam dai ki shemi krom kas ikhtiaras thara karim dai.

12¹Toa Yasu tasi som matalan thara mondr dai amaaw ki ek moc tan c`etruna drac` mut`hik bai o tara nasenaw o jhaw dyita zhe d`a garuni sawzai o zhe kot` sawzala zhe to mocan t`hikauna dai o warek mulkuna hatya gal`a. ²Phato drac` uc`undaikas wat zhal`il`a se tan ek nawkar t`hikadaran tada hatya tan hisa gatika hutil`a. ³Magam te to nawkar gri l`a`i kia ne dai pishtyak ahutan.⁴Se gheri ek warek nawkar tasi tada ahutaw magam te tasa s`is` beshan zhe bo beizat kada. ⁵Phato se ek warek ahutaw. Te to nawkar nashan. Phato se warek bo nawkar bata ahutaw. Te tasi mocaw ade ta al`an zhe ade nawkar o nashan.⁶Zhe ajo ek mi moc thaw hul`a se o tasa khosh putr asta se akheruna to tasi tada shehen` mai hutil`a ki te mai putra hatyo albat lihaz Karin. ⁷Magam shate t`ikhadaran tan mocuna amaan ki sheami tasa putr. Andayaw ama nashek. Jaydat o homa hiw.⁸Phato te to gri nashan zhe drac` jawas bihan histil`a. ⁹Ajo drac` jawas khaun kia kariw? Se iw zhe te t`hikadar nashai o drac` jaw waregin del`¹⁰Kia abi shama khodayas kitapaini niweshela ne mai aa e. D`iga dyiaw kurai bat ki dur sawzaikwew ahistan Shasemi bat awatuna jikas bati ajat hawaw . ¹¹Ea khodayas gehenaw dai hawaw. Zhe homa hatya o se namuna ? ¹²Shesa thara o Yahudi gaderakan to grikas koshesh aran magam mocan pe behon koki te joni aini ki Isaa shama matal tasi mi hatya dai aw. Phato te to histio paron.¹³Phato te adje Pharisi zhe Hairodi moc tasa tada ahutan ki to mondran thara phansaw Karin. ¹⁴Zhe te ita tasi kai amaan Ay bandawaw abi jonik dai ki tu ujak moc zhe kas parwa asta ne karis dai koki tu kas mocas gehenaw ne as baliki ujak mondran thara khodayas tada parikas sabak des dai. ¹⁵Qasaria S`as paisa deheli e ne? Abi dek e ne dek? Se tasi calaki jhoni o amaaw Abi mai ko azmaish kaa dai? Mai hatya ek dinar ona ki a jagem.¹⁶Te onan. Se tasi pi aphucaw Ia photo zhe nom kas? Te tasa kai amaan Qaisaras. ¹⁷Yasu tasi kai amaaw kia ki Qaisaras to Qaisaras zhe kia ki khodayas to khodayas det. Te Yasu mondr kon~ kai o bo hairan hawan.¹⁸Phato Saduki kura ki man dai ki Qiyamat ne hiw tasa tada ita tasa pi shehen` suaal aran ki. ¹⁹Ay bandawaw! Homa hatya Musa neweshi aw ki kas bayas pe ja kai abad`oi thi anashaw peo to zhe tasa jas thaw hawaw peo to tasa bayas tasa jas ja kariw ki tan bayas nasal payda kariw.²⁰Sat baya aini. Awel`o gadara ja araw zhe abad`oi thi nasta. ²¹Juo to ja kaio zhe abad`oi thi anashaw zhe shehen` mi thi troyo asta. ²²Se sat akheri bayas asta shehen` mi abad`oi thi nasta. Sawin pistaw o istrizha asta anashaw. ²³Qiyamat uno ea tasi mocaw kas ja hiu? Koki se tasi satin ja thi ais.²⁴Yasu tasi kai amaaw Abi galat ne aa e ki ne ta khodayas kitab aini mondr jona dai neo Khodayas takat jhona dai? ²⁵Koki mocbi pe naston mocaw zinda thi uston peo to tara ja karik ne hiu baliki te d`i aini pharsihtan raw hin.²⁶Magam nas`ton zinda thi ustikas barauna ani Musa kitap una ne mai aa e ki khodya tasa kai mai ais ki A Ibrahamas khoday zhe izhak e khoday zhe Izhak e khoday? ²⁷Se naston Khoday ne baliki zindan khoday. Abi dhoyo bo abatha aa.²⁸Zhe Phikiaw mocaw ek moc te behes karikwew sangai o ajonaw ki se tasi kai prust jawab araw. Se s`oi aw zhe tasa pi aphucaw ki saw hokuman mocaw awelo kurai? ²⁹Yasu jawab praw ki awelo shia ki Ay Isarail ko~ kara. Khoday homa khoday ek mi aw. ³⁰Zhe tu tan khodayas som tan pura hardias zhe tan jhanas zhe tan saw akalas zhe tan saw takatas pi ziad muhabat kara. ³¹Juo e shia ki abi tan gambreshuan som tan raw muhabat kara. Shisi pi ghona kurai hokum asta ne.³²Phiki tasa kai amaaw Ay Bandawaw bop rust! Tu sai amai ki se ek mi aw zhe tasa sargairo kura ne an. ³³Zhe tasa som pura hardias thara zhe saw akala zhe saw takatas thara muhabat kara zhe tan gambreshuan som asta muhabat karik saw zhandar phawazikan pe bo zaruri. ³⁴Yasu jagaw e ki se tharar aini mondr praw to se amaaw tu khodayas bac`aias pe desha ne as zhe phato kura tasa pi suaal karikas himat ne aran.³⁵Phato Yasu handuna sabak dekwew shehen amaaw ki Phiki ko shehen` man dai ki Masih Daud e putr? ³⁶Daud tan onjast`a rukhas gehenaw dai amaaw ki Mul`awa mai Mul`awas kai amaaw ki Mai drac`ui gehenaw nesi. Shatara zhe ki a tai dushman tai khur no~una ne karim. ³⁷Daud tan tasa kai Khoday gho~i maaw dai. Phato se khen~ thi tasa putr hawaw? Zhe moc bo khoshan thi to ko~ kariman aini.³⁸Phato Isa ate c`ic`aikwew amaaw ki Phikian pi kheyal kara kura ki driga driga shukha sambi bazarai kasik zhe tan izaat karawaik khojin dai. ³⁹zhe sualgarikainai pai hutal`a khursi nisik khoshaan dai. ⁴⁰Zhe te we soruan duran thara kabza Karin dai zhe mocan pashaikas bati bo bo wat zhe sual Karin dai. Tasa mi bo khaca saza hiu.⁴¹Phato se handuna paisa histuni bakasas tada nesi jagaiman ais ki moc handas bakasai khen~ kai paisa jhen dai zhe bo Dawlat man moc bo kia jheman aini. ⁴²Shehen` mi ek garib wesoru istrizha du paisa ahistaw.⁴³Se tan shagetan tan tada khundiayo tasi kai amaaw a mimi kai ujak mondr dem dai ki kura handas baksai paisa jhen dai tasi sawin mocaw shea wesoru garib istrizha sawin pi ziad praw. ⁴⁴Koki saw tan dawlatan mocaw pron magam shia istrizho kia ki isa ashini saw praw.

13¹Se Handani bian pariman ais e to tasa shagetan mocaw ek tasa kai amaaw Ay bandawaw! Jagai kimon goghona bat zhe khen~ khen~ ba~gala shian! ²Yasu tasa kai amaaw tu shemi goghona ba~gala jages dai e? Ea prekis pe haw ek bat asta thaw ne hiw histun pe paron haw.³Se Zaitoonas dhe~nta una handas al`el`aw nesi ais e to Patras zhe Yakup zhe Yuhana zhe Indrias gezi jaiga una tasa pi aphucan. ⁴Homa kai mas ki shemi mondr kaio hin? Zhe shemi saw mondr pura hikas hawan peo tasa watas nishani kia hiw?⁵Yasu tasi kai maik shurug araw ki khabardar kura mimi abatha mo karwin aria. ⁶Bo moc mai nomas thara in zhe man ki a mi se zhe bo moc abatha Karin.⁷Abi satikas awaz pe sangaili pe haw to behaw o mo. Tasi hik zaruri magam tara wat uno saw khul` ne hiu. ⁸koki mulkaw moc warek mulkas thara hamla karin. har awata ghonjaw del zhe dragas`kaw hiw. Shemi mondr takliwias shurug hin.⁹Magam abi khabardar hali koki moc mimi adalatas hawala Karin zhe mimi sualgarikeinai tain zha mai bati mimi bac`ahan ruaw nin ki tasi hatya guahi hali. ¹⁰Zhe zaruri ki awel saw mulkan mocan kai khodayas mondr zhal`a.¹¹Magam mimi bhoni nio hawala pearan peo to awel` s`ati fikir mo kara ki abi kia maik gho~i baliki taa wat una kia mimi kai man shato mi maa koki maow abi ne se pak rukh as gehenaw dai hiw. ¹²Baya bayaa zhe putr o dada nashaikas hawala Karin zhe putr ayas zhe dadas khilap c`isti te nashawan. ¹³Zhe mai nomas wajen dai saw mimi pi dic`in magam kura ki akher una zhe bardasht kariw se khalas hiw.¹⁴Phato abi pe shato bihalak hikbas` ishnayari pe cis`t`ikwew apashil`I peo kawa ki tasa ne cist`eli ashes to shatara watuna kura ki Yahudia mulkuna aa shate o pal`ai dhen~ta hatya para. ¹⁵zhe kura ki tan dur dramia aa te tan duraw kia grikas bati undrak mo uc`undaw neo udreman para. ¹⁶Zhe kura ki c`etai an shate tan shukha onika dura hatya mo para.¹⁷Magam shatasi hatya afsoskura ki shatara watuna os`wal`I an zhe shate asta kura ki c`ir pien dai. ¹⁸zhe sual kara ki shemi oshas watuna o mo hin oria. ¹⁹Koki shata adua shehen` takliwias hin ki dunias shurug aini shati kia ki khoday paida kai aw shonja watuna zhe ne ita shian ne mi o tal`ai pis`taw in. ²⁰Zhe khoday pe shate adua ne kamai ais kura bac ne hawan magam khoday tan khoshala mocan bati shate adua kam araw.²¹Zhe shatara watuna kura pe mimi kai amaaw peo ki jagaa Masih aya aw yao atra aw to tasa yakin mo kara. ²²Koki lawanok khalasgaraw zha lawanok paygumbaran payda hin zhe nishan zhe hairan hikas bas` krom pashaio khodayas te khosh moc asta abatha Karin. ²³Magam abi khabardar hali. Jgaa a mimi kai saw kia awel mina mai am.²⁴Magam tara watuna shatasi takliwias pistaw o suri tramasung hiu zhe mastruk o tan phrelik ne del. ²⁵Zhe d`i aini tari palan zhe kia takat ki d`i una shiaw te zhalakaun parin. ²⁶Zhe shatara watuna moc Adamas putr bo bacaias thara menj aini ikwew pashin. ²⁷Tara watuna se pharishtya huti tan khosh mocbi c`omas ek ust`akini gri d`i aini ek ust`ukuna zhe saw c`aw gehenaw dai sarihen.²⁸Ajo Kawit mut`ani ek matal c`ic`a. khen~ tasa shong mauc`ak hiu zhe po~ nehin dai abi jona dai ki basun s`oi azhal`aw. ²⁹Shehen` mi abi pe shemi mondr hikwew apashili pe haw to jhona ki shase wat s`oi zhali shiaw baliki darwaa una zhal`i shiaw.³⁰A mimi kai ujak mam dai ki shemi saw mondr pe ne hawan peo shemi nasal kai asta pura ne hin. ³¹D`i zhe com khul hin magam mai mondr ne khul hin. ³²Magam shatasa watas zhe aduas brauna kura ne joniu. Ne ta D`i aini pharishtya neo putr magam khoday.³³Khabardar! A~nga thi zhe sual kara koki abi ne jona dai ki se wat kaio iw dai. ³⁴Ea shatasa mocas misalas raw kura ki tan dur histi pardais hatya paraw zhe se duraw parikwew tan nokaran ikhtiar paw ki har ekis tasa krom praw zhe duras wal hiaw mocas hokum praw ki a~nga ti apaw de.³⁵To a~nga apaw det koki abi ne jona dai ki duras gaderak kaio iw dai. C`akdekwew e khonda ratan yao kakawakas bashikwew yao ragesti. ³⁶Shehen` mo hiu aria ki se ac`anak iu e abi o d`ud`ia. ³⁷Zhe kia ki a mimi kai mam dai shatemi sawin kai mam dai ki a~nga apaw det.

14¹Du bas pis`t`aw o Phasa zha Eid-e-Fatir ashes zhe Sardar Kahin zhe Phiki moc muka khojiman aini ki Isaa phan dai grio to nashek. ²koki maiman aini ki Eid uno ne. shehen` mo hiw aria ki moc alagul pashen.³Se Baithani gromai Shamoon noman ek lahaz mocas dura au zhuika nesaw e to ek istrizha bo kimati ga~ndurak tew aonaw zhe to tewani buthal bishaio tasa s`isuna ritaaw. ⁴Magam ade o tan hardiay kahari thi amaan shama tew ko abas aran? ⁵Koki shama wor tew kematuna bri~nki o gariban dek hiu zhe te tasa hatya kahari hawan.⁶Yasu amaaw ala lasa. Abi asa ko gudas dia dai. Asa mai som prusti kai aw. ⁷koki garib moc ta mimi som hamisha an. Abi kai asta tasi madad karik bhaa magam a mimi som hamisha ne apaw dem. ⁸Kia ki asa karik baiman ais araw. Asa mai kabaruna uc`undaikas bati mai jhanduna awel` mina wor tew praw. ⁹A mimi kai ujak mam dai ki pura duniauna kawa kagal`akseshesa kitapas barauna mondr hiu shama asta kia ki she istrizha araw isa kardu asta man pariw.¹⁰Phato Yahudaiskaryodi kura ki tasi dash zhe duin mocaw ais Sadar Kahin e tada paraw ki to tasi hawala kariw. ¹¹Te shehen` sangaio khoshan hawan zhe tasa paisa dek gho~i wada aran zhe te to griawaikas moka khojikas pron.¹²Eid e Phitiras awelo adua kai ki te mes` mari c`apoc kariman aini tasa shagetan tasa kai amaan ki tu kawa khoshas dai ki abi pai tai hatya Fasahpac`aikas tayari karik? ¹³Se tan shagetan mocaw du ahutaw zhe tasi kai amaaw Shahar hatya para. Ek moc t`unjuna kai ugh gri mimi d`huk hiu tasa pis`t`aw para. ¹⁴Zhe kawa ki se atiw tara duraw gaderakas kai maa Ustaz maaw dai ki mai mehnuan kamra kawa ki a tan shagetan som Phasah zhum se kawa shiaw?¹⁵Se tan mimi ek ghona tayar kamra pashel shatara mi mai hatya tayari kara. ¹⁶Phato Shagat paron zhe Shahar unai ta khen~ ki se mai ais te tasa kai amaan shehen` mi sapran zhe Fasah tayar aran.¹⁷Rat hawaw e se tasi dash zhe duin som aw. ¹⁸Zhe te nesi zuiman aini e to Isaa amaaw A mimi kai ujak mam dai ki mimi mocaw ek kura ki mai som zhuw dai mai griawaw. ¹⁹Te bo pareshan thi bari bariuna tasa kai maikas pron ki kia se a e?²⁰Se tasi kai amaaw ki se dash zhe duin mocaw ek aw kura ki mai som thi khuiuna baza jel dai. ²¹Koki Adaamas putr ta kia ki tasa hakuna niweshi shiaw pariw magam shatasa mocas thara afsos kas wajen dai ki Adamas putr griwan pariw! Shase moc ne pe ubujaw tasa hatya prust ashes.²²Zhe te zhuiman mi aini e se ek au agrriaw zhe barkat dayo ac`inaw zhe tasi praw zhe amaaw Awic`a ea mai jhan. ²³Phato se pial`a grio shukur araw zhe tasi praw zhe te saw tal`el`a apian. ²⁴Zhe se tasi kai amaaw ia mai shase wada aini l`ui kia kisawin bati drasniu. ²⁵A mimi kai ujak mam dai ki drac`as sharbat gheri kaio ne bata pim shatara watuna zhe ki khodayas bac`ai una no~a lai ne pim.²⁶Phato gho~ jayo bian Zaitoonas dhen~ta una paron. ²⁷Yasu tasi kai amaaw Abi saw shurua koki niweshi shiaw ki a walmocas tem zhe am`eon rhom o het` thi parin.²⁸Magam a tan gheri ustikani pistaw o mimi pi sumber Galil hatya parim. ²⁹Patras tasa kai amaw ki saw shuruan magam ao ne.³⁰Yasu tasa kai amaaw ki a tai kai ujak mondr dem dai ki to onja mi ratkakawakas du tem bashikas pi sumber tre bar mai inkar karis. ³¹Magam se bo zor jaiyo amaaw tai som mai nasheli asta hawaw peo to asta a tai inkar ne karim. Shehen` mi saw amaan.³²Phato te ek jaiga una on kas nom ki Gutsamni ashes zhe se tan shagetan kai amaaw A sual karim shohon aya apaw det. ³³Zhe Patras zhe Yakup zhe Yuhana tan som gri bo hairan zhe parishan hawaw. ³⁴Zhe tasi kai maw ki mai hardi bo pareshan hiu dai. Shaya zhe ki nashekas thi am. Abi aya a~nga thi apaw det.³⁵Zhe se adhek ruaw paraw zhe c`omuna shuruio sual karikas praw ki mumkin pe hiw shia shum wat mai pe desha pariw aria. ³⁶Phato se amaaw Ay Dada! Tai pi saw kia hiu. Shama pial`a mai pe desha kari wadiasta kia ki a c`itim dai se o ne baliki tu kia c`it is dai o se mi hiu aria.³⁷Phato se aw zhe te dudikwew pashio Patras e kai amaaw Ay Shamoon tu dudis dai e? Kia tu ek ghanta asta a~nga ne apaw dek abhai e? ³⁸Usti zhe sual kari ki azmaish una ne pal`a. Rukh ta tayar aw magam jhan o kamzor shiaw. ³⁹Se phato paraw zhe shate mi mondr dai sual araw. Zhe phato ita te gheri dudi apashaw koki tasi echai isprap ashini zhe te ne joniman aini ki tasa kia jawap dek.⁴⁰⁴¹Phato troyo tem ito tasi kai amaw ajo dudi apaw det zhe aram kara. Bas wat zhal`i shiaw. Jagaa Adamas putr gunahgaran muc`a hiw. ⁴²Usta parik. Jagaa mai griawaw s`oi zhal`i aw.⁴³Se shehen` maiman mi ais e ki shatara mi Yahuda kura ki tasi dash zhe duin mocaw ais zhe tasi som bo mocbi khan~gar zhe gundik gri sardar Kahin zhe Phiki zhe akhabir mocbi tara azhal`an. ⁴⁴Zhe to griawaw tasa shehen` nisan dai ais ki kas ki a ishpadem semi se hiw. To gri prust kai nia. ⁴⁵Se ita shatara mi tasa tada paraw zhe amaaw ki Ay ustaz! Zhe to ispadaw. ⁴⁶Te phato Yasu gri dang kai abonan.⁴⁷Tal`el`a mocaw kura ki s`oi c`isti aini ek khan~gar nehayo Sardar e nokaras tai tasa ko~ ac`inaw. ⁴⁸Yasu tasi kai amaaw kia abi khan~gar zhe gudik gri ahiruan raw mai grika nehi aa e? ⁴⁹A har hamesh mimi tada handuna sabak dem dai zhe abi mai ne agril`i. magam ia shehen` gho~i hawaw ki shase niwesheila pura hiw. ⁵⁰Phato saw shaget to histi pal`ai paron.⁵¹Magam ek juwan tan shruki jhand una c`adar pal`mothi tasa pistaw paraw. To moc agrian. ⁵²Magam se c`adar histi shruki thi palai paraw.⁵³Phato te Isaa Sardar Kahin e tada anian zhe saw sardar Kahin Zhe akhabiran zhe Phiki moc tara sarini. ⁵⁴Zhe Patras tasa pistaw desha desha sardar Kahin e mukhenuna udreman paraw zhe payradaran som nesi an~gar tapikas praw.⁵⁵Zhe Sardar Kahin zhe saw Adalat aini moc Yasu nashaikas bati tasa khilpauna guahi khojikas pron magam ne sapran. ⁵⁶Koki bo mocbi tasa thara l`awai guahi ta pron magam tasi guahi kubul karik bas` ne ashini.⁵⁷Phato ade moc usti tasa thara shehen` galat guahi pron ki. ⁵⁸Abi ala shehen` maikwew sangai aik ki a shal`a onjasta kia ki bazas thara sawzai shiaw c`inim zhe tre bas pis`t`aw o gheri sawzem se o baza thara ne sawzala hiw. ⁵⁹Magam isa thara asta tasi guahi kubuk karik bas ne ashes.⁶⁰Phato Sardar Kahin mocuna c`isti Yasu pe aphuc`aw ki tu kia jawap ne des dai e? emi tai khilapuna kia guahi den dai? ⁶¹Magam Yasu c`im c`il`it apaw praw zhe kia jawap ne praw. Sardar Kahin tasi pi gheri aphucaw zhe amaaw ki to shatasa Satuda e putr Masih e? ⁶²Yasu amaaw ha a am zhe tu Adamas putr khodayas drac`ui gehen nesikwew zhe D`i aini menjas som ikwew pashis.⁶³Sardar Kahin tan peran utraki o amaaw ajo homa guahan kia zaroorat? ⁶⁴Abi isa mondr sangail`I e? Abi kia maa dai? Te saw amaan ki ala nashaa. ⁶⁵Phato ade tasa thara t`hok ahistan zhe tasa ru l`awaio zhe tasa mustiaka p`on zhe tasa kai maikas pron ki nabuatas mondr de! Zhe pairadaran tasa kal`ipara dai to bhoni anian.⁶⁶Patras no~aw mukhenuna ais e to sardar Kahinas krom garaw istrizhon mocaw ek tara aw. ⁶⁷Zhe Patras an~gar tapikwew pashio tasa kai amaaw tu asta asa Isaa som ai. ⁶⁸Se inkar araw zhe amaaw ki a ta ne jhonim dai ki tu kia mas dai. Phato se bian paraw zhe kakawak abashaw.⁶⁹Se istrizha to jagaio shatasi kai kura ki tasi som c`isti aini phato maikas praw ki ea tasi mocaw aw. ⁷⁰Magam se o gheri inkar araw. Zhe adek wat pistaw kura ki tasa tada c`isti aini Patras e kai gheri amaan ki tutasi mi mocaw as koki tu Galili.⁷¹Magam se l`anat kariman s`hat ac`awaw ki a al`a moc kas barauna ki abi maa dai ne jonim dai. ⁷²Zhe shatara mi kakawak juo tem ghri abashaw. Patras eshase mondr kia ki Isaa tasa kai dai ais yadi aw ki kakawak e du tem bashikani pistaw tut re tem mai inkar karis phato shato mondr yadi kaio atroaw.

15¹Shatara mi ragesti hik zhe sardar Kahin azhe akhabiran zhe Phiki zhe saw sardar zhe adalataw moc ek thi Isaa bonawaini zhe to ni Pilatus e hawala aran. ²Pilatus tasa pi aphucaw ki kia tu Yahudian S`a e?Se jawab una tas akai amaaw tu tan maas dai. ³Sardar Kahin tasa thara barauna bo pron.⁴Pilatus tasa pi gheri phucio amaaw ki tu kia jawab ne des dai? Jagai shemi tai khilapuna kimon ilzam Karin dai? ⁵Yasu wadiasta kia jawap ne praw shaya zhe ki Pilatus bo hairan hawaw.⁶Se Eid una ek kaidi kia ki moc tasa kai maiman aini tasa khateran lasaiman ais. ⁷Zhe Barabar noman ek moc tara bandi ais kura ki gaderakan khilapuna moc nashai aini. ⁸Zhe mocbi thara pali tasa kai amaan ki tai kia dastur o to homa hatya kari.⁹Pilatus tasi kai shehen` jawab praw . kia tu c`it is dai e ki a tai khater una Yahudi S`a lasem e? ¹⁰Koki se joniman ais ki Sardar Kahin ama pre~njaio mai hawala kai an. ¹¹Magam sardar Kahin mocbi tasa khilpuna aran ki Pilatus tasa khateran Baraba mi Lasel.¹²Pilatus gheri tasi kai amaaw dhoyo kas kai ki abi Yahudian S`a gho~i maa dai tasa som a kia karim? ¹³Te gheri tol` kai amaan ki al`a phansi kara.¹⁴Zhe Pilatus tasi kai amaaw ko asa kia shumi kai aw? Te ade asta abayo pron ki al`a phansi kara. ¹⁵Pilatus mocbi khoshan karikas bati tasa hatya Baraba azad araw zhe Yasu e t`iawayo hawala araw ki ama phansi kara.¹⁶Zhe sipahi to tara mukhenuna anian kas kai ki Praituran gho~i man daizhe saw payradaran asta khundian. ¹⁷Zhe te tasa susani ragan shukha sambian zhe ac`ank shong gri tasa tac` sawzai tasa sambian. ¹⁸Te tasa kai ishpata dai amaan Ay Yahudian S`a Ishpata!¹⁹Zhe te tasa s`is una gundik gri tayo tasa thara thok ahistan zhe d`haink thara tung dai to ishtikhan. ²⁰Zhe te tasa thara Mazak karikani pistaw o te tasa to susani shukha nejayo tasa mi to peran tasa sambian. Phato tasa phanasi dikas bati to bian anian. ²¹Zhe Shamoon noman ek Kurini moc Sikandar zhe Ruphas e dadas gromaw ikwew tara dai pariman aini. Te barnaka tasa satawai Isaa silip griawaini.²²Te to Gulgata wa~una al`on isa matlab s`is` khamalan jaiga. ²³Zhe Murh meshari kada D`a tasa pron magam se to ne agriaw. ²⁴Zhe te to silip una pron zhe tas peran una c`et ahistan ki kas hatya kia mailaw hiu to phato te aphazhan.²⁵Adua thi ashes e te tasa silip pron. ²⁶Zhe tasa ilzam niweshi tasa thara s`atan ki Yahudian S`a. ²⁷Zhe te tasa som du ahairu ek tasa drac`ui zhe ek o tasa khawi gehenaw silip una lapan. ²⁸to tasa barauna niweshil`as matlap ki se gunah Garawan mocai iw pura hawaw.²⁹Zhe phonduna pariaw s`is` dangai dangai katriman pariman aini zhe maiman aini ki wah! Tu shase han prec`ai o tre basan sawzawaw. ³⁰Silip aini uc`undi tan bac kari.³¹Shehen` mi Sardar Kahin Phiki mocan som thi tasa Mazak kariman aman Asa warek ta bac` araw magam tan soro o bac karik ne abhaaw. ³²Israilas S`a Masih ajo silipaini uc`undi ie ki abi jagayo Bhawar onik Zhr kura ki tasa som phansi dai aini te tasa kai kia asta maikas pron.³³Hul`ukuno saw mulkuna tramasung hawaw zhe tre ghanta zhe thaw hawaw. ³⁴Zhe tre ghanta pis`t`aw o Isaa tol` kai abayo praw ki ELOI ELOI LAMASHABKATATKI? Kas matlab ki Ay mai Khoday ! Ay mai Khoday! Tu mai ko ahisti? ³⁵Kura ki tada c`isti ainital`el`a moca adeo shehen` sangaio amaan jaga asa Alia khundiel dai.³⁶Zhe ek adai purum d`a mocai jai gundik thara kai oni tasa c`usan zhe amaan ki c`sta. Jagek na Alia al`a uc`undaika iw e ne? ³⁷Phato Yasu tol` kai abayao daio anashaw. ³⁸Khodayas onjasta parda hal`ai gri ogala zhe du c`el`ak hawaw.³⁹Zhe kura subedar tasa tada c`isti ais se to shehen` nashikwew pashio amaaw Ea mi khodayas putr. ⁴⁰Zhe adhe istrizha desha c`isti jagaiman aini tal`ai mocai Mariam Magdalini zhe c`utak Yakup zhe Yusas e ayas Mariam zhe Salomi asta aini. ⁴¹Se Galil ais e emi tasi pistaw pariman aini zhe tasa hatya kismet kariman aini zhe ade asata bo istrizha aini kura ki tasa som Yaroshelum ita aini.⁴²C`ak praw e to tayarias adua ashes kia ki Sabatas ek adua sumber hiw dai. ⁴³Armatiah wa~aini apaw diaw Yusup aw se bo izat wala wazir ais zhe tan asta khodayas bacaias intizaruna ais zhe se ne bihi Pilatus e tada pai Isaa to jhan agataw. ⁴⁴Zhe Pilatus hairan hawaw ki se shohon` gas` anashaw se subadar khundiayo tasi pi aphuc`aw ki Yasu nashi bo wat hawaw e?⁴⁵To payradaran pi saw halat phucio to Isaa jhan Yusup e praw. ⁴⁶Se ek c`adar agraw zhe jhan uc`undayo to c`adar una pal`motiaw zhe ek qaburas udremankia ki ek dhen~ta una koc`I ashes tara athan zhe qaburas ashuno ek ghona bat c`istan. ⁴⁷Zhe Mariam Magdalini zhe Yusus e ayas Mariam jagaiman aini ki to kawa then dai.

16¹Sabatas adua khul hawaw e to Mariam Magdalini zhe Yakup e ayas Mariam zhe Salomi tasa som mialw hikas batigan~durak ishnayari agrian. ²Te haftas awel`o adua bo ragesti suri nehi ashes e qabaruna on.³Zhe ogoegin som mashkul himan iman aini ki homa hatya to gho~na bat kura al`ak kariw? ⁴To te tara ita jagan e ki bat pata kai shiaw koki se bo ghona bat ashes.⁵Qaburas udreman paio te ek juwan gora peran sambina drac`ui gehen nesi apashan zhe bo hairan hawan. ⁶Se tasi kai amaaw shehen` hairan mo hal`i. abi Masih kas ki silip dai aini to khoja dai e. se pistak zinda thi aw. Se aya ne aw. jaga ea shase jaiga kawaw ki te to thai aini. ⁷Magam abi pai tasa shagetan zhe Patras e kai maa ki se mimi pe sumber Galil hatya pariw. Abi to tara mi pasha kawaw ki se mimi kai mai ais.⁸Te tal`el`a nehi palai paron koki te bo behi aini zhe te kas kai kia ne amaan koki te behiman aini.⁹Haftas awelo adua se ragesti zinda hawaw e to Mariam Magdalini kas udremanaw ki se sat shum arwaah nehai ais se to apashaw. ¹⁰se pai tasa malgirasi kai kura ki troiman zhe shok kariman aini tasi kai khabar praw. ¹¹Zhe teo shehen` sangaio ki se zinda aw zhe se to pasha aw yakin ne aran.¹²Tal`ai pistaw o se warek tasa du malgiri kura ki gromuna hatya paidal pariman aini tasi eca hawaw. ¹³Te asata pai wark mocan kai khabar pron magam te tasi asta yakin ne aran.¹⁴Phato se tasi dash zhe aga shagetan kura ki au zhuikas bati nesi aini tasi eca hawawzhe se tasi yakin ne karikas zhe d`ang hardi jagaio tasi som mrish hawaw koki kura ki to nashikani pistaw o pashi aini te tasi yakin ne aran. ¹⁵Zhe se tasi kai amaaw abi saw dunia una paio khodayas kitapas mondr sawin kai det. ¹⁶kura ki Bhawar onin zhe baptisma agrian peo te bac hin zhe kura Bhawar ne Karin se bac ne hiu.¹⁷Zhe Bhawar karaw mocan udreman o shemi hairan hikas bas` krom hin. Te mai nomas thara shum arwaah nehen. ¹⁸No~a no~a waran mondr den. Go~k upren zhe kia zeher pe apian peo tasi kia nuksan ne kariw. Te lahazan thara pe baza athan peo te prust hin.¹⁹Yasu tasi som mondr dikas pistaw o d`i una hatay upran paraw zhe khodayas drac`ui gehen nesaw. ²⁰Phato te nehio saw jaigai tasa mondr pron zhe khoday tasi som krom kariman ais zhe khodayas mondr te hairan hikas bas kroman thara kia ki tasi som himan ashini te sabit aran . AMEEN.

Kalasha: Bible for Markas, Matti

Formatted for Translators

Matti

Markas