Bible

John

1¹Hantangiro habagaho igambo, neri gambo lyabaga na Ruhanga, neri gambo yabaga Ruhanga. ²Eri gambo, lyabaga na Ruhanga muntandiko. ³Ebintu byona byahangirwe habwalyo, hatali habwalyo ntachintu nachimwe chohangirwe.⁴Munda yerigambo habagamo amgara, namagara gabaga orumuri rwokumurikira abana babantu bona. ⁵Izoba rilyamurikira omwirima, kandi omwirima tagwabasize kulizimya.⁶Hariho omuntu yatumirwe kuruga owa Ruhanga, ayaretwaga Yohana. ⁷Yayizire nk'omuzurizi kuhamiriza orumuri kugira bona babase kwikiriza hakumuhinguriraho. ⁸Yohana tayabaga orwe rumuri, hubwa yayizire kutanga obuzurizi bw'orumurikiro.⁹Orwe rumuri, rwabaga orumurikiro rwamazima orwyizire munsi narwe rukamurikira buri muntu wena.¹⁰Yabaga munsi,, nensi ya hangirwe habubasabwe, nensi tayamumenyire. ¹¹Yayizire habw'abantu be n'abantu be ntabamwakirire.¹²Abayikirize izina lye habwacho yabahere amazima g'okuba abana ba Ruhanga. ¹³ Abazerwe hatali habw'esagama ninga hakwenda kw'omubiri, ninga kwenda kw'omuntu, kwenda kwa Ruhanga wenyine.¹⁴Eri gambo lyakorwa omuiri yaba natwe, obugabe nk'obw'omuntu wenka ayayizire kuruga owa tata, ayizwire obusasizi n'amazima. ¹⁵Yohana yahamirize hari we, ya terire enduru alikugamba oyu niwe nagambire enkuru ze ndi kugamba: "oriya arikwiza enyuma zange ni mukuru harinye, habwokuba yabereho mbere yokubaho kwange."¹⁶Habwo kuruga mu kuhikirirakwe, twena twabwene haribusa empano muzindi mpano. ¹⁷Echiragiro charetirwe ha kurabira hari Musa. Kusasirwa hari busa n'amazima byaletirwe na hari Yesu Kristo. ¹⁸Nta mwana w'omuntu yabwene hari Ruhanga habwire bwena, omuntu wenka anariwe Ruhanga, ali mu chifuba cha tata, yamukora iwe kumenyekana.¹⁹obu nibwe buzurizi bwa Yohana obwire bw'abatambi n'abalawi abatumirwe ewe n'abayahudi ku mubuza: " Weho orinde?" ²⁰Ntakusitasitara, ntakuhakana, niho yasubize: "Nyewe ntandi Kristo". ²¹Nikwe kumubuza, "mbwenu iwe orinde obu bwire? Iwe ori Eliya?" Ya gamba: "Ntandi we". Bagamba, iwe or'omuraguzi? Yabasubiza "Ingaha"²²Bamugambira, "Weho orinde kugira tuhe abatutumire echisubizo? Wayihamiriza weho wenka?" ²³Yagamba nyewe nd'iraka lyari murwangara: "mutebekanise omuhanda gwa Mukama kok'omuraguzi Isaya yagambire."²⁴Obwe habagaho abantu kuruga mu bafarisayo ba mubuza n'okugamba: ²⁵"Habwenki orikubatiza weho niba otari Kristo ninga Eliya ninga omuraguzi?"²⁶Yohana yabasubiza arikugamba, "Ndi kubatiza mumezi. Ni kokwe murimwe ayemerere omuntu owomutaramenya. ²⁷Oyu niwe arikwiza enyuma zange nyewe ntampenibwe kusambura emigoyi y'ebiryato bye." ²⁸Ebintu ebyo bya korirwe Betaniya, enseri ya Yordani, aho niho Yohana yabatirizaga.²⁹Obwire bwa yiyongereho Yohana yarebire Yesu arikwiza ewe arikugamba, "Leba omwana Omwana wentama wa Ruhanga ayikorere ebibi byensi! ³⁰Oyu niwe nagambire enkuru ze ndi kugamba, alikwiza mu nyuma zange nimukuru harinyewe, habwokuba yabere ntakabereho. ³¹Tanamumenyire iwe, alikwe bwakorirwe kucho kugira oswekurwe mu Isreli, koko nayizire ndi kubatiza mu mezi."³²Yohana yazurire, narebire Omwoy'orikwera arikusuma kuruga mwiguru arikususa n'enkombe, yayemerere higuru ye. ³³Nyewe tanamwibukire alikwe niwe yantumire kugira mbatize mu mezi agoyangambire, oriya worareba Omwoyo arikwera ya suma n'okwemerera. ³⁴Nareba nazurira k'oyu n'omwana wa Ruhanga.³⁵Kandi obwire bwa kuratire Yohana yabaga ayemerere n'abegi be babiri, ³⁶bareba Yesu arikugenda na Yohana ari kugamba, "Leba, omwana w'entama ya wa Ruhanga!"³⁷Abegi babiri bamuhurire Yohana alikugamba ebi bakuratire Yesu. ³⁸Kandi Yesu yareba enyuma yareba abo begi bamukuratiire, yabagambira, "Murenda ki?" Basubiza "Rabi" (rifutwire "Omwegesa"), "otwire he?" ³⁹Yabagambira, "Mwize murebe." Banaragenda kureba aho hantu hoyabaga atwire, bayikere nawe echochire, zabaga zirikuba nka saha ikumi.⁴⁰Mumweza mulibali babili bamuhulire Yohana alikuganira bamara bamukurata Yesu yabaga ali Andrea, mwozo wabo Simoni Petero. ⁴¹Yaleba mwozo wabo Simoni yamugambira, twa mubona Masiya "ririkufutura Kristo." ⁴²Yamuleta owa Yesu ya muleba ya gamba, weho oli Simoni omwana wa Yohana. "Oletwa Kefa", (rifutwire Petero).⁴³Muchiro chayiyongere ho Yesu elikwenda kuza Galilaya, yamubwene Filipo yamugambira, nkurata nyewe. ⁴⁴Filipo yabaga omutaka wa Bethesaida, mu karo ka Andrea na Petero. ⁴⁵Filipo ya bwene Nathanaeli ya mugambira, twa mubona owo Musa yahandikire enkuru ze mu chitabo chebiragiro n'abaraguzi. Yesu omwana wa Yosefu, kuruga Nazareti.⁴⁶Nathanaeli yabuza echintu chirungi choretwa Nazareti? Filipo yamugambira, choyiza olebe. ⁴⁷Yesu yamuleba Nathanaeli alikwiza ewe alikugamba, leba omuisraeli mazima mazima atine obubehi muriwe ⁴⁸Nathanaeli ya mugambira, wamenya kute nyewe? Yesu ya subiza n'okumugambira, "Filipo atakakwetire wari hasi y'echiti, nanakulebire."⁴⁹Nathanaeli yamusubiza, "Rabi weho or'omukama wa Israeli!" ⁵⁰Yesu yasubiza yamugambira, habwokuba nakugambire nakulebire hasi y'echiti, n'amazima wayikiriza? Orareba ebikorwa bihangu harebi. ⁵¹Yesu yagamba, "mwikirize mwikirize nabagambira murareba iguru ririkwiruka n'okureba Malaika bali kutembe n'okutemburuka higuru lyo mwana wa Adamu."

2¹Nyuma y'ebiro bisatu, habereho obugenyi okwe Kana ya Galilaya na nyina wa Yesu yabaga yo. ²Yesu n'abegi be babaga betirwe mw'obwe bugeni.³Ko babere bahwerwa davai, nyina wa Yesu ya mugambira, "tabine divai." ⁴Yesu yasubiza, omukazi oyu arankwataho enchi nyewe? Obwire bwange nyewe tabukahikire. ⁵Nyina yagambira abakozi, chona charabagambira mu chikore.⁶Habagaho enyungu mukaga zamabare eyabaga etebekanisizwe kunaba mwobwe bugenyi bwa bayahudi, birinyungu emweza yabaga eyizwizwe ne nzio ibiri ninga isatu. ⁷Yesu yagambira abo bakozi, muzizuze amezi ezinyungu zamabare. Bazizuza mpaka ha mutwe. ⁸Yabagambira abakozi: "Mukwate mingi mutwarire ha w'omwegesa mukuru wabagurusi."Bakora kobabagambire."⁹Omwegesa mukuru yagarorize ago mezi agahindwirwe nokuba divai, kwihaho tayamenyire eyogarugire (alikwe aba bakozi bagatahire aga mezi bamenyire eyo garugire). Ya yeta nyir'obugenyi ¹⁰yamugambira, buri muntu yatandika kugabira abantu divai ndungi bamara kusinda akaguma arabaha divai etabonere. Aliko weho wabikire divai ebonere kuhicha buti.¹¹Echiratangaza echi cha Kana ya Galilaya n'entandiko y'ebiratangaza bya Yesu, arikuswekura ebiringi bye, nikwokwe abegi be bakwirikize.¹²Nyuma yechi, nyina we, bozo babo n'abegi be bagire mu karo ka Kapernaumu bayikara okwe ebiro bike.¹³Obwe bwire Pasaka yabayahudi yabaga erenda kuhika, nikwe Yesu yagire Yerusalemu. ¹⁴Yabugana abaragurisa ente n'entama n'enkombe mwitambiro.¹⁵Yesu yakora omuzereti gwamafundo, arabirukaho ababaga mwitambiro, abagurisisaga entama n'ente. Yayata esente zab'ahinduraga esente n'okubirindura emeza zabo. ¹⁶Habagurisa enkombe yabagambira mutware bino bintu hare na hano hantu mureke kukora enzu ya tata mwa katare.¹⁷ Abegi be baribuka ko byabaga bihandikirwe, "Ihari ly'enzu yawe lilyandya." ¹⁸Abakuru babayahudi basubiza, bamugambira, n'ebitangeze biheya byorerekana habwokuba orikukora ebintu binoya? ¹⁹Yesu yabasubiza, "Musenye eritambiro nanye ndalyombeka mu biro bisatu."²⁰Niho abakuru babayahudi bagamba, "lyayombekirwe mu mwaka makumwane na mukaga nawe wagamba ko lyalyombeka mu biro bisatu?" ²¹Nobo yagambire itambiro, Iwe yagambire itambiro arikumenyesa omubirigwe. ²²Nikwe hamuheru ya hamuheru gwokuzoka kwe kuruga mubafu, abegi be bayibuka ko yabagambire ebyo, bayikiriza ebyahandikirwe na kamenyeso ko Yesu yabaga yamarire kugamba.²³Niho yabaga Yerusalemu obwire bwa Pasaka, obwire bw'obugenyi abantu bingi bayikiriza izina lye, bamara kureba ebikorwa bye ebyoyakorire. ²⁴Alikwe Yesu tayabisibire habwokuba yabamenyire nk'abana b'abantu bona. ²⁵Tayayitagire buriwena kubagambira habirikubakwataho nka bana b'abantu habwokuba yamenyire echiri munda yabo.

3¹Habagaho omufarisayo ayayetwaga mwizina Nikodemu, omweza mu ntumwa z'echaganda cha bayahudi. ²Omuntu oyuyabaramire Yesu muchiro yamugambira "Rabi" turamenya k'oromwegesa arugire owa Ruhanga, habwokuba nta muntu yokora ebitangeze nkebi atari na Ruhanga,³Yesu yamusubiza "Ikiriza, ikiriza, omuntu tayobasa kwingira mu bukama bwa Ruhanga atazerwe omurundi gwakabiri" ⁴Nikodemu yagamba, chirabasikana omuntu kuzarwa yabere omugurusi? Arabasa kusuba munda ya nyina omurundi gwa kabiri azarwe, kuteya arabasa?⁵Yesu aramusubiza, yikiriza, yikiriza, omuntu atazerwe mumezi na mumutima talyataha Mubukama bwa Ruhanga.⁶Echizerwe n'omubiri, n'omubiri, n'echizerwe n'omutima nacho n'omutima.⁷Otatangara habwokuba nakugambire, ohenibwe kuzarwa omurundi gwa kabiri.⁸Omuyaga guhindaga hona ho gulikutungama niraka lya gwe muka lihurira alikwe toramenya hogulikuruga ninga hogulikuza. okwe nikobiri kwohari wena yazerwe n'omwoyo.⁹Nikodemu aragarukamo alikugamba ebintu ebyo byo basikana kute?.¹⁰Yesu yamusubiza, weho or'omwegesa wa Isiraeli mbwenu toramenya aga magambo?¹¹Yikiriza, yikiriza nakugambira echo turamenya turachihamiriza hacho twalebire. alikwe tamurikwikiriza obuzurizi bwetu.¹²Niba nabagambira ebigambo byensi mutikirize, murabasa kwikiriza niba nabagambira ebigambo byo mwiguru? ¹³Habwokuba nta muntu ya tembire mwiguru hatali ayasumire omwana wa Adamu.¹⁴Ko Musa yaterwire enzoka mu rwangara ni kw'omwana wa Adamu alyaterurwa. ¹⁵Kugira ng'abaramwikiriza babon'amagara gatarahwaho.¹⁶Habw'okuba Ruhanga ya kundir'ensi, nikwe yatangire omwana wayine kusa, kugira ngaramwikiririza atabura alikwe agire amagara gatalyahwaho. ¹⁷Habw'okuba Ruhanga tayatumire omwana we kugira ngachir'orubanza ensi, alikwe kugira ngwensi erokoke nawe. ¹⁸Alyamwikiriza talyachirw'orubanza. Ataramwikirize ya mara kuchirw'orubanza habwokuba takalyikirize izina lyo mwana wa Ruhanga.¹⁹Echi nicho chilikutuma bachirw'orubanza habwokuba orumuri rwayizire hansi, alikwe abana babantu bayenda omwirima kukira orumuri habw'ebikorwa byabo bibi. ²⁰Buli muntu akorag'ebibi ayangaga orumuri, kandi ntayoyiza ahar'orumuri kugira ko ebibi bye bitalebeka aheru. ²¹Alikwe akoraga amazima ayizaga mu rumuri kugira ng'ebikorwa bye birebekane ko bya korirwe muburungi bwa Ruhanga.²²Nyuma yaho Yesu hamwe n'abegi be bagire munsi ya Yudea. Okwe yamarireyo obwire hamwe nabo kandi yabaga ali kubatiza. ²³Nikwe Yohana kandi yabaga alikubatiza mu mugi gwa Enon, hagufi na Salim, habw'okuba habagaho amezi mingi. ²⁴Habw'okuba Yohana yabaga atakanagirwe mu chihome.²⁵Haratunguka kutahurinkana mu begi ba Yohana n'omuyahudi habw'ebiro bikuru byo kuhikirira. ²⁶Baraza owa Yohana bamugambira: "Rabi, ayarenseri y'amezi ga Yordani, ayahamirize enkuru ze, leba, alikubatiza bona bagenda bamukurata."²⁷Yohana yamusubiza: omuntu tayobasa kukwata echintu chona yaba atachiherwe kuruga mwiguru. ²⁸Imwe mwenka mulikuhamiriza ko nagambire, ko ntandi Kristo, hubwa natumirwe mu meso ge.²⁹Ali n'enyarame, niwe Mukama w'enyarame, alikwe munywani w'omukama w'enyarame, niwe ayayemerere n'okumuhurira, yayisimira iraka lya mukama w'enyarame. ³⁰Mbwenu kwisima kwangye kwahika. Iwe ntayayine echizibu chihangu habwa nyewe kutanguza, Iwe ni mukuru nyewe ndi muto.

³¹Buli wena ayayiza kuruga higuru, owe alihiguru lya bona. Buli wena wensi aganiraga amagambo gensi, arugire mwiguru alihuguru ya bona. ³²Iwe ahamirizaga ebyo ya rebire n'okuhulira, alikwe tahine ayikirizaga okuhamiriza kwe. ³³Wena ya kwatire obuhamwa bwe yayikirize ko Ruhanga n'amazima.³⁴Habwokuba ayatumirwe na Ruhanaga agambaga amagambo ga Ruhanga. Habwokuba tayatanga Omwoyo ali Kwera ha munzani. ³⁵Tata yamukunda omwana, nawe yamuha byona mu mukono gwe. ³⁶Amwikirize omwana ayine amagara gatarahwaho, atamwikirize omwana talyaleba hamagara gatalyahwaho, hubwa echihano cha Ruhanga chilyamwikalira.

¹Ko Yesu ya menyire ko abafarisayo bahulira ko Yesu yabona abegi bingi kukira Yohana, n'okubatiza ²(alikwe Yesu we wenka tayabatize hubwa begi be), ³Yarugire Yudea, yagenda enzira ze kuhika Galilaya.⁴Kandi yabaga atine ebitekekateko byo kuraba hagati ya Samariya. ⁵Anarahika mucharo cha Samaria, ahetwaga Sikari, bugufi na lya rima lyo Yakobo yahere Yozefu omwana we.⁶Naho habagaho echidiba, cha Yakobo, niho Yesu kabwokuba ya yaruha harugendo rwe, yayikara muchidiba. Zabaga zilikwenda kuba saha mukaga. ⁷Haliza omukazi w'omusamaria kutaha amezi. Yesu yamugambira : "Impa mezi nywe." ⁸Habw'okuba abegi be babaga bagire ku gura ebyokulya.⁹Owe mukazi w'omusamaria aramugambira, byaba kute weho omuyahudi kunsaba amezi, nyewe ndo mukazi w'omusamaria? (habwokuba abayahudi tabazwangene n'abasamaria.) ¹⁰Yesu arasubiza aramugambira: "homenya empano ya Ruhanga, n'eya kugambire impa amezi nywe, waramusaba Iwe, nawe yarakuha amezi g'amagara."¹¹Omukazi arasubiza, Mukama toyin'echokutahiramu n'echidiba ni chirengwe, mbwenu wagabona nkahe amezi gamagara? ¹²Mbwenu weho orimukulu hali tata wetu, n'abana be, n'enyama ze?¹³Yesu yasubiza ya mugambira, buli muntu yanywa harag'amezi talyahulira iruhu, ¹⁴kandi hubwa aga mezi agondyamuha galyaguma mundaye esoko ya mezi go kutura galikusuma buri zoba gatine omuheru.¹⁵Owe mukazi ya mugambira, Mukama, nasaba ago mezi ntahulira iruhu elindi zoba kandi ntasuba kubonabona ndi kwiza kutaha amezi hanoya. ¹⁶Yesu yamugambira: "genda ozekwet'omuseza wawe, wamara ogaruke."¹⁷Omukazi ya mubarira, ntanyine omuseza, Yesu yamusubiza, wagamba kurungi, tanyine omuseza, ¹⁸habw'okuba yabaga ayine abaseza batanu, n'omuseza w'orinawe buti ntar'owawe, muriri gambo wagamb'amzima."¹⁹Omukazi ya mugambira, Mukama nareba weho k'oromuraguzi.²⁰Batata betu bamuhimbisaga hamusozi ogu alikwe mwebwe mwagamba ko Yerusalemu niho harangibwe kufukamirwa.²¹Yesu ya musubiza owe mukazi, "nyikirize, obwire burikwiza obwo mutalyabasa kufukamira tata murogu musozi ninga Yerusalemu.²²Mwebwe abantu murikuramya echomutaramenya olikwe twebwe turikuramya echo turamenya habw'okuba ku rokoka kwaruga habayahudi.²³Nikwe obwire bulikwiza nabuti buli hano obwire bw'abalikufukamira amazima barafukamira Tata mu Mwoyo olikwera na mu mazima habwokuba Tata alikuronda abantu b'omulingo nk'ogwe kub'abantu be kuba baramufukamira.²⁴Ruhanga n'omwoyo alikwera n'abali kumufukamira bahenibwe kumufukamira mu mwoyo alikwera n'amumazima."²⁵Omukazi ya mugambira ndameya ko Masiya ali kwiza, (alikwetwa Kristo). Oyu kwaraba yayiza aratugambira byona.²⁶Yesu yamugambira nyewe w'olikugamba nawe niwe.²⁷Obwe bwire abegi be baragaruka. Nabo batangara kureba yalikuganira n'omukazi, alikwe ntawe yayigerize ku mubuza "orenda chi?" "ningwa habwenchi olikuganira n'oyu mukazi?"²⁸Nikokwe omukazi arasiga enyungu ye aho aragenda mu chaaro aragambira abantu, ²⁹"mwize mulebe omuntu yandagulire ebintu byange byona byonakolire, byobasika kuba aliwe Kristo? " ³⁰Baruga mu chaaro bayiza ewe .³¹Ha bwire bwo musana abegi be bamusaba balikugamba, "Rabi ilya ebyokulya". ³²Alikwe Iwe yabagambira, "Nyewe nyine ebyokulya byomutaramenya." ³³Abegi bagambirana, tahine eyamuletere echintu chona chokulibwa, ninga baletire?"³⁴Yesu yabagambira ebyokulya byange n'okukora kwenda kw'ayantumire n'okuhicha omulimo gwe.³⁵N'amazima ntamwagamba mbere y'emwezi itano emisiri eraba yayera? Nabagambira mulebe aga malima agahenibwe kwera! ³⁶Asaruraga ahembwaga akarundarunda emisiri habw'amagara gatarahwaho, omweza arabyara, n'ondizo arasarura bona bakisimira hamwe.³⁷Habwokuba eyi migambire n'eyamazima omweza alyabyara ondizo arasarure.³⁸Nabatumire kusarura echo mutakolire. Bamweza bakora omulimo, namwe mwayingira munkwisima mumulimo gwabo.³⁹Mulechi chaaro abasamaria bingi bamwikirize habw'igambo lyo liya mukazi, ayahamirize ko yangambire ebintu byange byonakolire. ⁴⁰Basi abasamaria babere bamwizira, bamusaba ayikare ewabo, nawe yayikara ewabo ebiro bibiri.⁴¹Abantu bingi chane bayikiriza habwigambo lye. ⁴²Bamugambira owe mukazi, twayikiriza talihabw'igambo lyawe kusa; habwokuba natwe twayihulilira kandi twameny'amazima ko niw'omurokozi wey'insi.⁴³Nyuma yebiro bibiri yarugayo yaza Galilaya.⁴⁴Habwokuba Yesu yahamirize iwe wraguenka ko omuzi tabonaga echitinisa muchaaro che. ⁴⁵Ko yabere yaruga Galilaya, abagalilaya bamwakira habwokuba balebire ebintu byona byo yakolire okwe Yerusalemu obwire bw'echiro chi kuru, habwokuba nabo bagire mubugenyi.⁴⁶Basi yahika Kana muli Galilaya, aho yabaga yahindwire amezi kuba divai. Habagaho omu ofisa omweza yabaga ayine omwana w'omulwere okwe Kapernaumu. ⁴⁷Ko yabere yahulira ko Yesu alikwiza alikuruga Galilaya yamugendera, ya musaba asume n'okumukiza omwana we yabaga alihagufi kufa.⁴⁸Yesu yabagambira, mutalebire emilimo n'ebisubizo tamuranyikiriza koko? ⁴⁹Owe mu ofisa yamugambira, suma omwana wange atiza kufa. ⁵⁰Yesu yamugambira, genda omwana wawe ni muzima. Oyu muntu yagenda yayikiriza igambo lyo Yesu ya mugambire, yamara ya kwata enzira ya genda.⁵¹Ko yabere alikusuma, abakozi be bamubugana, baramubalira, "omwana wawe ni muzima." ⁵²Yababuza nibwire chi bwoyabwene kukira. bamugambira "ninyamwebazo na saha musanzu obwire bw'enkohora yamulekwize."⁵³Niho ise yamenyire ko nibw'obwire bwo Yesu yamugambire, "omwana wawe ni muzima". Nikwe iwe n'oruganda rwe bayikirize. ⁵⁴Echi chabaga echitangaza cha kabiri echo yakolire Yesu obwoyarugaga Yudea kuhika Galilaya.

5¹Nyuma yaho habereho echiro chi kuru cha Bayahudi, na Yesu yatama kuza Yerusalemu. ²N'okwe Yerusalemu habaga ebirika hamulyango gw'entama, bilikwetwa murulimi rwe chi hebrania Bethesda nalyolyine ebirika binatu. ³Habagah'omubale muhango gw'abarwere, empumyi, ebilema, n'abasarere babaga balindilire amezi gatagate. ⁴habwokuba halih'obwire Malaika yasumaga akingira mwago mezi, akagatagasha, ayayingiramo owambere amezi gamara kutagashwa, yachiraga oburwere bwe bwena.⁵Aho habag'omuntu yabaga arwere omyaka makumyasatu na munane. ⁶Yesu yabere ya muleba anagire, nawe yamenya ko yamara ebiro binki mw'ezi mbera zo bulwere ya mugambira, olenda kuchira?⁷Owe mulwere ya musubiza, Mukama, nyewe tanyine omuntu wokunterura nganage mumbirika, amezi gatagashwa, kwihaho obwire bwonayiza nyewe, omuntu ondizo akasuma mbere zange. ⁸Yesu yamugambira, "yemerera, kwata echitanda chawe, ogende".⁹Ogwe mwanya owe muntu araba muzima, arakwata echitanda che, aragenda aragenda. Elyo zoba habaga hali ha sabato.¹⁰Habwecho abayahudi bamugambira ayachirizwe, elizoba, niha sabato mbwenu weho olikwikolera echitanda? ¹¹Arabasubiza, "ayanchirize niwe yangambire, yikolera echitanda chawe, ogende."¹²Basuba kumubuza, oriya yakugambire yikolera genda, ninde? ¹³Alikwe oyu mulwere yachirizwe tayamumenyire, habwokuba Yesu yabaga yamara kugenda atachiri nabo habwokuba ahohantu habagaho abantu bingi.¹⁴Nyuma yaho Yesu yamusanga mwitambiro, ya mugambira, leba ko wamara kuchira, otakora ensobe kandi, litasuba kukubona igambo ribi nkeri. ¹⁵Owe muntu araza munzira ze, arabagambira enkuru abayahudi ko Yesu niwe yamuchirize.¹⁶Habwecho abayahudi barahulira kubi habwa Yesu, habwokuba yachirize echiro che sabato. ¹⁷Yabasubiza, "si yange alikukora omulimo kuhika obu bwire, nanye ndi kukora omulimo." ¹⁸Habwecho abayahudi bagumizamo kwenda ku mwita, habwokuba tayagayire esabato kusa, hamwe n'echo yamweta Ruhanga ise we, ya yikora nka Ruhanga.¹⁹Niho Yesu yabasubize, yabagambira, "mazima, mazima, omwana tayokora igambo iwe wenka hubwa elyoyalebire ise alikukora, habwokuba ebyo akoraga iwe, nibyo omwana akoraga kuchokucho. ²⁰Habwokuba tata yakunda omwana, nawe amwerekaga byona byakoraga, hamwe n'emirimo mikuru ch ane kusumba eyo arayimwereka, kugira namwe mulebereho.²¹Habwokuba tata azoraga abafu n'okubaha amagara, nikokwe n'omwana ahaga amagara abarenda. ²²Kandi tata ntali kuchira omuntu wena orubanza, hubwa yamuhere omwana achire orubanza abantu bona ²³kugira abantu bona bamuhe echitinisa omwana ko bahaga echitinisa tata. Atahere echitinisa omwana tayachiha ise ya mutumire.²⁴Yikiriza nabagambira, Ayahulire igambo lyange n'okulyikiriza, ayine amagara gatalyahwaho, ningwa talyachirwa orubanza, hubwa yaruga mu rufu yayingira mu magara gatalyahwaho.²⁵Yikiriza, yikiriza, nabagambira, obwire bulikwiza kandi buliho, abafu ko balyaba bahulira iraka ly'omwana wa Ruhanga, nabaliya balihulire balyagira amagara.²⁶Nikokwe tata ayine amagara muli we, ni kokwe yahere omwana kugira amagara muli we. ²⁷Nawe ya muha echiragiro cho kucha orubanza habwokuba n'omwana wa Adamu.²⁸Mutazana mu magambo ago habwokuba obwire bulikwiza abali mubituro bona barahulira iraka lye. ²⁹Nabo balyazoka, abakolire ebirungi bazokere amagara gatalyahwaho, na baliya bakolire ebibi bazokere kuchirwa orubanza.³⁰Nyewe tanokola igambo nyenka. ko nahulire nikwe nchaga orubanza, n'orubanza rwange n'orw'amazima, habwokuba tandi kuronda kwenda kwange, hubwa kwenda kw'ayantumire. ³¹Nyewe ndikwihamiriza nyenka, kwihamiriza kwange tar'amazima. ³²Haliho ondizo alikumpamya, nawe ndamenya ko kumpamiriza kwe n'amazima.³³Mwebwe mwatumire abantu owa Yohana, nawe ya zurira amazima. ³⁴Tarokwandikira obuzurizi bwa bana b'abantu, alikwe ndikugamba ga kugira mubone ku rokoka. ³⁵Yohana iwe n'etodoba eyakaga n'okumurika, namwe mwayendire kuhimbisa orumuri rwe mubwire buke.³⁶Alikwe obuzurizi bwonyine nyewe niburungi kuchira obwa Yohana, habwokuba omulimo gwo yampere tata kugira ngumare, emilimo yo yenka yondikukora, elikunzurira ko tata yantumire. ³⁷Na tata yantumire nawe alikunzurira. Iraka lye tamwalihulire habwire bwena, n'okususa kwe tamwakulebire.

³⁹Muli kusoborora ebihandikirwe habwokuba muramenya ko mw'ebyo bihandiko mwine amagara gatarahwaho, kandi ebyo bihandiko bilikumpa obuzurizi. ⁴⁰Ninga tamulenda kwiza ewange mubone amagara gatarahwaho.⁴¹Nyewe tandikwakira oburungi habana b'abantu. ⁴²Alikwe nabamenyire mwebwe ko tamwine rukundo rwa Ruhanga mulimwe.⁴³Nyewe nayizire hizina lya tata wangye, ninga mwebwe tamukamwikirize, ondizo alikwiza mwizina lye wenka, murakira owe. ⁴⁴Mubasize kute kwikiriza imwe mulikuhana ebitinisa imwe halimwe, alikwe tamulikuronda echitinisa chilikuruga owa Ruhanga wenka?⁴⁵Mutagira ko ndabarega owa tata, hariho abaregaga nawe ni Musa, abamwikirize imwe. ⁴⁶Habwokuba mwaba mwikirize Musa, mwamurnyikiriza nyewe habwokuba iwe yahandikire enkuru zangye. ⁴⁷Alikwe mutikirize ebyandiko bye, mulyayikiriza amagambo gangye kute?

6¹Nyuma yaho, Yesu yaza munzira ze ha nseri y'enyanza ya Galilaya, nayo niyo ya Tiberia, ²Abantu bingi bamukurata habwokuba balebire ebikorwa bye bitangeze ebyo yakolere abarwere. ³Na Yesu yatungama omusozi, yayikara okwe n'abegi be.⁴Ne Pasaka echiro chikuru cha bayahudi, chabaga hagufi. ⁵Niho Yesu yabere ya burura ameso yaleba higuru yaleba abantu bingi balikwiza ewe, yagambira Filipo, tugure nkahe emikati, aba bantu babone echokulya? ⁶Nalyo yaligambire alikumugerageza, habwokuba iwe yamenyire ech'arakora.⁷Filipo yamusubiza, emikati ya magan'abiri tayira bahaza, buli muntu abone kake kusa. ⁸omwegi we omweza muli bo, Andrea, mwozo wabo Simoni Petero, yamugambira, ⁹Alihano omwana ayine emikati itano n'amahere abiri, alikwe ezi n'enki haba bantu nkaba?¹⁰Yesu yagamba, mubikaze abantu. Aho hantu habagaho amababi mingi.asima, Niho abaseza ba yikara, abingana ebihumbi bitano omubale gwabo. ¹¹Niho Yesu yakwatire eyo mikati, abagabira abikere, n'abandi amahere kokwe babaga balenda. ¹²Nabo ko babere bahaga, ya bagambira abegi be, murundarunde ebichweka byasigere hatagira echabura.¹³Banara birundarunda, balizuza endeguzo kumi n'ibiri by'ebichweka by'emikati itano ebyasigere habalire. ¹⁴Mbwenu abantu abo, kobabere baleba ebikorwa byo ya kolire bagamba mazima oyu n'omuraguzi alikwiza munsi. ¹⁵Niho Yesu yabere yamenya ko balenda kwiza kumukwata kugira bamukole omukama, yaza hamusike, yaza ha musozi wenka.¹⁶Ko habere haba mu mugoroba, abegi be basuma mu nyanza. ¹⁷Bara temba mu bwato, baratandika kwambuka enyanza kulengera Kapernaumu. Habaga hamara kuba omwirima, obwe bwire Yesu atakabiziire. ¹⁸Enyanza eratandika ku sisikara habw'omuyaga mwinki.¹⁹Ko babere bamara kugenda nke metere makumy'abiri ni tano changwa makumy'asatu, balebire Yesu alikugenda higuru y'enyanza alikwiza hagufi n'obwato, kandi batinire. ²⁰Nawe yabagambira, ninye mutatina. ²¹Bayenda ku mwakira mu bwato namukanya kake obwato burahika enseri.²²Mukasese kaho, echikwiri chabaga chir'enseri y'enyanza balebire ko nta rindi lyato liri mu mezi lirikwiza kwihaho elyo kusa limwe. Kandi Yesu tayatahire murelyo lyato hamwe n'abegi be, bagendire ibo benka. ²³Alikwe hayiza agandi mato kuruga Tiberia kuhika hagufi na hahandi aho balirire emikati, obwire bw'omukama yasimire.²⁴Alikwe echikwiri ko chabere chaleba Yesu ko taliyo ninga abegi be barataha mu lyato ibo benka, baraza Kapernaumu bali kuronda Yesu. ²⁵Kuhikaho bamulebire enseri y'enyanza, baramugambira, Rabi, wayizire kunoya lyari? .²⁶Yesu yabasubiza, yagamba, "mazima, mazima, nabagambira muli kundonda tali habwokuba ebikorwa byange, ni habwokuba mwa lire emikati mwahaga. ²⁷Mutachikolera emilimo echokulya chokusisikara, mukolere echokulya chamagara gatarahwaho, echomwana wa Adamu yabaha, habwokuba niwe yaterweho kusayinigwa na tata.²⁸Mbwenu yabagambira, tukole kute kugira ngo tubase kukola emilimo ya Ruhanga? ²⁹Yesu yamusubiza, yamugambira, ogu nigw'omulimo gwa Ruhanga mu mwikirize ayatumirwe nawe.

³¹Ba tata betu balire e mana mu rwanga koko byandikirwe, yabaha ebyokulya bya mwiguru kugira mulye.³²Yesu yabagambira, yikiriza, yikiriza, nabagambira, tali Musa yabahere ebyokulya bya mwiguru alikwe ni tata abahaga imwe ebyokulya bya mazima ebirugaga mwiguru. ³³Habwokuba echokulya cha Ruhanga n'echirugaga mwiguru n'okuha ensi amagara gatalyahwaho. ³⁴Baramugambira, Mukama, buli zoba otuhe echolya ch'amagara.³⁵Yesu yabagambira, ninye omukati gw'amagara, ayayiza ewange talyaleba enzara, nabulyomweza alyayiza ewange talyalebe enzara n'alyanyikiriza talyahulira iruhu. ³⁶Alikwe nabagambire ko mwandeba kandi mwayanga kwikiriza. ³⁷Bona bo yampa tata balyayiza ewange kandi tandyanaga aheru omuntu wena yayiza ewange.³⁸Habwokuba tanayizire kukola okwenda kwangye alikwe, okweda kw'ayantumire. ³⁹Okwenda kw'ayantumire n'okutanaga omuntu nangwa n'omwe ha bo yampere alikwe mbazore ha chiro cha hamuheru. ⁴⁰Habwokuba okwenda kwa Ruhanga, nikwoku buliwena yaleba omwana wa Ruhanga n'okumwikiriza agire amagara gatalyahwaho nanye ndya muzora ha chiro cha ha muheru.⁴¹Abayahudi bamugirira itima, habwokuba yabagambire nyewe nd'echokulya cha sumire kuruga mwiguru. ⁴²Bagamba mbesi oyu tiwe Yesu omwana Yozefu, owoturamenya ise na nyina? Mbwenu alikugamba chi oyu nasumire kuruga mwiguru?⁴³Yesu yasubiza, yabagambira mutagir'itima imwe halimwe. ⁴⁴Nta muntu arabasa kwiza ewange, atakurwirwe na tata ayantumire; nanye ndya muzora ha chiro cha ha muheru. ⁴⁵Byahandikirwe mubaraguzi, bona balyaba bayegesizwe na Ruhanga mbwenu buli muntu alyahulira n'okwega owa tata alikwiza ewange.⁴⁶Nta n'omuntu n'omwe yalebire Tata kwihaho owe yarugire owa Ruhanga; iwe yalebire Tata. ⁴⁷mazima,mazima, nabagambira ayayikiriza ayine amagara gatalyahwaho.⁴⁸Ninye omukati gw'amagara. ⁴⁹Ba so wenyu balire mana mu rwangara bafa.⁵⁰Nd'omukati gw'amagara gwasumire kuruga mwiguru, omuntu yagulyaho talyafa. ⁵¹Nd'omukati gw'amagara ogwasumire kuruga mwiguru. buliwena yalya haligwe, alyagira amagara gatalyahwaho. Omukati gwo ndyatanga n'omubiri gwangye kugira ensi egire amagara.⁵²Abayahudi bara singana ibo haribo balikugamba, yobasa kute kutuha omubiri gwe tugulye? ⁵³Niho Yesu yabagambire, mwikirize, mwikirize, nabagambira, mutagulire omubiri gw'omwana wa Adamu n'okunywa Esagama ye, tamwine amagara mulimwe.⁵⁴Alyaga omubiri gwangye n'okunywa Esagama yangye ayine amagara gatarahwaho, nanye ndya muzora ha chiro cha hamuheru. ⁵⁵Habwokuba omubiri gwangye n'echokulya ch'amazima. ⁵⁶Alyaga omubiri gwangye n'okunywa Esagama yangye ayikaraga muli nye nanye nkikara muli we.⁵⁷Ko tata alimuzima ayantumire nyewe, nanye ndi muzima owa tata, nikwe ayandya nyewe, nawe alyaba muzima habwangye. ⁵⁸Ogu nigw'omukati gwasumire kuruga mwiguru, tali nka ba tata ko balire bafa, alikwe ayalya ogu mukati aragira amagara gatarahwaho. ⁵⁹Amagamb'ago yagagambire mu sinagogi bwo yabaga alikwegesa okwe Kapernaumu.⁶⁰Abantu bingi mu begi be babere bahulira, bagamba, eligambo ligumire, ninde yobasa kulihulira? ⁶¹Na Yesu yamenya ko mu mutima gwe k'abegi be bali kusasa habweli gambo, aragambira: mwa sisikara ha mutima?⁶²Biraba kuteya ko mulyaleba omwana wa Adamu yagaruka eyo yabaga kare? ⁶³Omutima nigwe gutangaga amagara, omubiri tagwine amagara. Amagambo go nabagambire nag'omwoyo kandi gine amagara.⁶⁴Alikwe haliho abandi mulimwe atikirize. Habwokuba Yesu yabimenyere kwiha hantangiro yensi ni bande batikirize, nalyamuchisa omutwe. ⁶⁵Ya subiza yagamba ni habwecho nabagambire ko tahine arabasa kuhika ewange atali tata yamuhere obubasa.⁶⁶Habwecho, bingi mu begi be bagaruka enyuma, batasendekezana nawe tena. ⁶⁷Yesu yabagambira abo kumi na babiri: "mbesi namwe mulenda kugenda?" ⁶⁸Simoni Petero ya subiza: "Mukama, tuze owande? Weho oyine amagambo g'amagara gatarahwaho, ⁶⁹Natwe twayikirize kandi twamenyire ko niwe ohikirire wa Ruhanga."⁷⁰Yesu yasubiza mbesi nyewe tanabasobwere muli kumi na babiri, n'omweza mulimwe ni Satani? ⁷¹Aho yagambire Yuda, omwana wa Iscarioti, habwokuba niwe alya mulimanganya, nawe n'omweza wabandi kumi na babiri.

7¹Hanyuma yaha Yesu yabaga alikugenda muli Galilaya habwokuba tayayendire kuza mu Yudeya, habwokuba abayahudi babaga balenda kumwita. ²N'echiro chikukru cha bayahudi chabaga hagufi.³Bozo babao bamugambira, "ruga hano ogende Yudeya abegi bawe bamenye kumenya emilimo yawe eyolikukora. ⁴Habwokuba nta muntu akoraga ebintu muchihama nawe wenyine olikuronda kumenyekana. Wakora ebintu nkebi, oyiyereke hareyi nsi."⁵Habwokuba na bozo babo tabamwikirize. ⁶Niho Yesu yabagmbire, obwire bwange tabukahikire, alikwe obwire bwenyu buliho ebiro byona. ⁷Ensi tayobanga mwebwe, alikwe enyagire nyewe, habwokuba nyewe ndi kuhamiriza k'emilimo ye (ensi) nimibi.⁸Mutarame muzekulya echiro chikuru, nyewe tanatama kuza kulya echiro chikuru, habwokuba obwire bwange tabukahikire. ⁹Nawe ko yamalire kubagambira ago magambo, yasigere Galilaya.¹⁰Na bozo babo ko babere bamara kutarama kuza y'echiro chikuru chiraba, niho nawe yataramire atalikulebwa na buli muntu, alikwe mu chihama (mu bwihiso). ¹¹Niho abayahudi bamurondire halecho chiro chikuru, bagamba, alinkahe owe?¹²Habaho kwiganyira kwingi muruchiko habwe. Nabandi bagamba, n'omuntu murungi. n'abandi bagamba talikwe, hubwa alikubeha ebiterane. ¹³Alikwe tahine omuntu yamugambire ameso hagandi, habwokutina abayahudi.¹⁴Ko bwabere hagati y'echiro chikuru, Yesu yatarma mwitambiro yatangira kwegesa. ¹⁵Abayahudi batangara, bagamba, "yabwene kuteya kumenya obu bwenge atasomire?" ¹⁶Niho Yesu yabasubize, yagamba, "okwegesa kwange tar'okwange nyewe, hubwa n'okwa ayantumire.¹⁷Omuntu yayenda kukora kwe, aramenya enkuru y'ebyo kwega, ko byarugire owa Ruhanga, ninga ndi kugamba ha mutima gwangye kusa. ¹⁸Alikugamba ebya mumutima gwe kusa alikuronda oburungi bw'ayamutumire, owe n'owamazima, kandi muli we tahalimo echibi.¹⁹Musa tayabahere amategeko? Ninga tahine n'omweza mulimwwe agahichiga amategeko. Ko mulikwenda kunyita? ²⁰Echiterane chasubiza, ninga oyine omuzimu. Ninde alikwenda kukwita?²¹Yesu yabasubiza, yabagambira : "Nyewe na kolire omulimo gumwe, na mwe mwena muli kugutangarira. ²² Musa yabahere etohara (alikwe taro kugamba ngo yaruga owa Musa, hubwa owa baswenkuru) namwe muli kusaramura echiro che sabato.²³Mbwenu niba omuntu yosaramura echiro che sabato, kugira ng'itegeko ritahendeka, mbwenu ko mundakarire nyewe habwokuba na kirize omuntu echiro che sabato? ²⁴Mbwenu mu tach'orubanza ha kureba aheru kusa, much'orubanza rw'amazima.²⁵Nyuma yaho abantu ba Yerusalemu baragamba, mbesi oyu tiwe balikuronda kugira bamwite? ²⁶Kumbe nawe alikugamba hamugaragaro, ninga taba mugambira echigambo. Chirikubasika abakuru kumenya amazima k'oyu niwe Kristo? ²⁷Alikw'oyu turamenya eyarugire, sana Kristo alyayiza ntawe alyamenya halyaretwa.²⁸Niho Yesu ya telire enduru ye mwitambiro, yayegesa n'okugamba, nyewe muramenya n'eyo naruga murahamenya! Ninga tanayizire habwa nyewe nyenka, alikwe ayantumire n'owamazima, owo mutaramenya mwebwe. ²⁹Nyewe ndamumenya, habwokuba naruga ewe kandi niwe yantumire.³⁰Niho bayendire ku mukwata, alikwe nta muntu ya mwerekire omukono gwe kugira ng'amukwate habwokuba esaha ze zabaga zitakahikire. ³¹N'abantu bingi muchiterane ba kumwikirize, kandi bagamba alyaba yayiza Kristo alyakora ebitangeze byingi kukira ebyo yakolire iwe? ³²Abafarisayo ba saasa bahulira echiterane chiri kugamba habwa Yesu, abakuru babatambi nabafarisayo batuma abakozi kugira bamukwate.³³Niho Yesu yagambire, omwanya muke ndaba namwe, nyuma yaho nyigendere ew'ayantumire. ³⁴Mura ndonda tamurandeba n'aho ndi nyewe tamwohikaho.³⁵Abayahudi bagarukamo, oyu araza nkahe twebwe tutamuleba? Ngw'araza mukutaragana kwa bagiriki n'okubegesa abagiriki? ³⁶N'igambo chi elyo yagambire, murandonda alikwe tomurandeba imwe; nanye aho ndi tamwohikaho?³⁷Habwire bwa hamuheru, echiro chiriza chikuru Yesu ya yemerera, yatera enduru yagamba, omuntu yahurira iruhu, ayize ewangye anywe. ³⁸anyikirize nyewe, koko ebihandikirwe bilikugamba, emigera y'amezi mazima gararuga munda ye.³⁹N'elyo gambo yaligambire habw'omwoyo alikwera, habwa baliya bmwikirize balyamwakira nyuma yaho, habw'omwoyo olikwera gwabaga gutakizire, habwokuba Yesu yabaga atakahimbisizwe.⁴⁰Mbwenu abandi babere bahulira agomagambo, bagambire amazima, oyu ni wa muraguzi. ⁴¹Abandi bagambire, oyu niwe Kristo yaruga Galilaya? ⁴²Ebihandiko tabyagambire ko Kristo arugire muruganda lwa Daudi, n'okuruga Betelehemu, akaaro ko Daudi yayikeremu?⁴³Hatahamo kutahurinkana mu chiterane habwa we. ⁴⁴Bingi mulibo bayenda kumukwata, alikwe tahine ayananwire emikono ye nga mukwate.⁴⁵Abakozi bagendera abakuru babatambi n'abafarisayo, nabo babagambira, kotamwamuletire? ⁴⁶Abo bakozi basubiza: "ntawe akagambaga nka kuliya k'oyu muntu alikugamba."⁴⁷Niho abafarisayo babagarukamo, mbesi namwe mwabehirwe? ⁴⁸Ninde mubakuru amwikirize, ninga mubafarisayo? ⁴⁹Alikwe echiterane echi chitaramenya echiragiro chikenirwe!⁵⁰Nikodemu (omwe mur'abo bafarisayo, niwe ayamugendere kale) yabagambira, ⁵¹"mbesi echiragiro chetu chichiraga omuntu orubanza batakamuhulire, n'okumenya ebyakoraga? ⁵²Bamugarukamu bamugambira, mbesi nawe waruga Galilaya? Reba kurungi, oraleba ko Galilaya taharugagayo omuraguzi.⁵³Na buli muntu wena yagarukire ewe.

8¹Yesu yagenda kuhika mu musozi gwa Mizeituni. ²Mu busese bwacha yayingira kandi mwitambiro, n'abantu bina ba mwizira, nawe yayikara yaba arabegesa. ³Abahandichi n'abafarisayo bamuletera omukazi ayakwatrwe mubusambani. Bamuta hagati.⁴Bamugambira, "mwegesa, oyu mukazi yakwatibwa alikusambana. ⁵Mbwenu muchiragiro cha Musa yatugambire tubatere amabale abakazi nkaba, nawe wagamba kute? ⁶Nabo bagamba echi chigambo balikumutega kugira babone babone echo baramuregera. Alikwe Yesu yayinama, yatandika kwandika habutaka n'orukumu rwe.⁷Nabo bagumizamo kumubuza, yayinamuka, yabagambira, "atine ensobe mulimwe abe owambere kumulekera ibale." ⁸Yasuba kwinama, yayandika n'orukumu rwe habutaka.⁹Kaba bihulire, bahababirwa n'emitima yabo, bagenda omweza haromwe, batandikira habagurusi kuhika hamuheru gwabo. Yesu yasigara wenka n'owe mukazi ayemerere hagati. ¹⁰Yesu yayinamuka yamugambira owe mukazi, " mukazi we, balinkahe abakuhababire? Mbesi tahine ayakuchirire orubanza k'oyine echibi? ¹¹Yamugambira, "ntawe, Mukama." Yesu yamugambira, "ninga nanye tana kuchira orubanza. Genda kandi otasubira kukora echibi."¹²Yesu yasuba kubagambira, alikugamba, "ninye rumuri rw'ensi, ankuratire talyaza mu mwirima, hubwa alyagira orumuri rw'amagara. ¹³Niho abafarisayo bamugambire, weho olikwizuriza wenka, obuzurizi bwawe tabur'obw'amazima.¹⁴Yesu yabagarukamo, yabagambira, nyewe niba ndikwizuriza, obuzurizi bwange nibwe bw'amazima. Habwokuba ndamenya aho naretirwe n'eyondikuza, alikwe mwebwe tamuramenya eyo narugire n'eyo ndikuza. ¹⁵Mwebwe mulikucha orubanza kukuratana n'ebigambo by'omubiri; nyewe tandi kuchira orubanza omuntu. ¹⁶Nanye nach'orubanza, orubanza rwangye n'amazima habwokuba tandi nyenka, ahubwa ndi na tata ayantumire.¹⁷Ingo, kandi muchiragiro chenyu chandikirwe ko obuzurizi bwa bantu babiri n'obw'amazima. ¹⁸Ninye ndo kwizurira nyenka, na Tata yantumire alikunzurira.¹⁹Namugambira alinkahe so wawe? Yesu yagarukamu, mwebwe tamuramumenya, na Tata tamuramumenya, ko mwamuramenya nyewe, mwamuramenya Tata wangye. ²⁰Aga magambo yagagambire obwire bwo yayegesaga mwitambiro, mu chisika ch'obubikiro, tahine omuntu yamukwatire, habwokuba obwire bwe bwa butakahikire.²¹yabagambira kandi nyewe, nagenda, namwe murandonda, namwe murafa muchibi chenyu, nyewe nagenda mwebwe tamwoyiza. ²²Abayahudi bagamba, "mbwenu ariyita? Habwokuba yagamba, nyewe eyenaza mwebwe tamwo yiza?"²³Yesu yabagambira, mwebwe murabahasi, nyewe ndo wahiguru, mwebwe mur'abensi eyi, nyewe tand'oweyi nsi. ²⁴Nicho chalekire nabagambira ko mu lyafira mu bibi byenyu. Habwo kutayikiriza ko ndiho, mulyafira mu bibi byenyu.²⁵Bamugambira, alinde weho? Yesu arabasubiza, " ebyo nabagambire kwiha hantangiro". ²⁶Nyine mingi go kubagambira gokubachira orubanza, alikwe ayantumire n'amazima, nanye nagahulire ewe, ndi kugagambira eyi nsi. ²⁷Tabahulire ko yabagambiraga habwise.²⁸Niho Yesu yabgambire, "muraba mwamara ku mutungura omwana wa Adamu, niho muramenya ko ninye n'okumenya ko tandi kukora echintu hamwiso gwangye, habwa ko Tata ya nyegesize nikwe ndi kugamba. ²⁹Niwe yantumire, ali nanye, tayansigire nyenka, habwokuba ndi kukora ebiro byona ebirikumusimisa. ³⁰Ko Yesu yabere ali kugambira aga magambo, abantu bingi bamwikiriza.³¹Mbwenu Yesu yabagamira abayahudi ba mwikirize, imwe mwa yikara mwigambo lyange, mwaba abegi bange mumazima; ³²Kandi muramenya amazima, n'ago mazima galyabaha obwiranda. ³³Bamugarukamu, twebwe echiswenkuru cha Burahimu, kandi tatukabere abahuku mumwanya gwena; nawe wagamba kute, muraba mubwironda?³⁴Yesu yagrukamo, yikiriza, yikiriza, nabagambira, buli muntu akoraga echibi n'omuhuku w'echibi. ³⁵Nanga omuhuku tayikaraga munzu ebiro byona, omwana ayikaraga ebiro byona. ³⁶Kandi omwana yabata mu bwiranda, muraba mu bwiranda buzimazima.³⁷Ndamenya ko muli echiswenkuru cha Iburahimu; alikwe murenda kunyita habwokuba igambo lyange talyabwene omwanya muli mwe. ³⁸Ndikugamba ebyo nalebire ewa Tata, namwe ko mwabihulire owa so wenyu ni kwe mulikubikora.³⁹Bagarukamu, Tata wetu ni Iburahimu. Yesu yabagambira, kuri mwamur'abana ba Iburahimu mwa murakora emilimo ya Iburahimu. ⁴⁰Alikwe mulikwenda kunyita, nyewe omuntu ayabagambire amazima, agonahulire owa Ruhanga. Iburahimu tayakolire kuchoya. ⁴¹Mwebwe mulikukora emilimo ya so wenyu, bamugambira: "twebwe tatwazerwe mubusambani, twine Tata omweza ariwe Ruhanga."⁴²Yesu yabagambira, "yaba Ruhanga ali so wenyu, mwa murankunda nyewe, habwokuba narugire owa Ruhanga, kandi ndi hano, tanayizire mu mwiso ngwange alikwe niwe yantumire. ⁴³Habwenki mutalikurira emigambire yange? ni habwokuba tamwohurira igambo lyangye. ⁴⁴Mwebwe muri aba so wenyu Ibilisi, n'okwenda kwa tata wenyu nikwe mukundaga kukora. Iwe yabaga omwisi kuruga hantangiro, kandi tayayemerere mumazima, habwokuba tamwine ago mazima muri mwe. Agambaga obubehi, agambaga ebir'ebye wenka, habwokuba n'omubehi n'ise w'obubehi.⁴⁵Nanye habwokuba ndi kugamba amazima, tamwanyikirize. ⁴⁶Ninde muli mwe ampamirizaga ko nyine echibi? Kaba Nyewe ndi kugamba amazima habwenki mutanyikirize? ⁴⁷Wena ar'owa Ruhanga arahurira amagambo ga Ruhanga; namwe tamwagahurire habwokuba tamur'aba Ruhanga.⁴⁸Abayahudi bagarukamo, bamugambira: "mbesi twebwe tatwagambire kurungi ko weho or'omusamariya, nawe oyine omuzimu? ⁴⁹Yesu yabagarukamo, nyewe tanyine omuzimu, alikwe alikwe ndi kuh'echitinisa Tata wangye, mwebwe muli kungaya.⁵⁰Alikwe nyewe tandi kuronda kuhimbisibwa kwangye, halih'omweza akurondaga n'okucha orubanza. ⁵¹Yikiriza, yikiriza, nabagambira, omuntu yalihicha igambo lyange, talyareba rufu kuhika hamuheru.⁵²Abayahudi bamugambira, mbwenu twamenya koyine omuzimu, Iburahimu yafire, n'abaraguzi bafire, nawe olikugamba, omuntu ya kwata igambo lyange, talyaroza harufu obwire bwena. ⁵³Weho oli mukuru kusinga tata wetu Iburahimu, ayafire? N'abaraguzi bafire, wyikoramo nde?⁵⁴Yesu yabagarukamo ndi kwiyereka nyewe nyenka, kwiyereka kwange kuraba busa, anyerekaga ni tata wange owo mwebwe mwetaga ko ni Ruhanga wenyu. ⁵⁵Mwebwe tamumumenyire, alikwe nyewe nda mumenya. Nagamba ko tandamumenya ndaba nkamwe: omubehi. Alikwe nda mumenya kandi n'igambo lye ndikulihikiriza. ⁵⁶Iburahimu so wenyu ya yisimire kuleba echiro change; ya chilebire kandi yayisimire.⁵⁷Abayahudi bamugambira, weho tokahichize emwaka makumyatano, nawe wa lebire Iburahimu? ⁵⁸Yesu yabagambira, yikiriza, yikiriza, nabagambira, mbere ya Iburahimu abaho, nyewe ndiho. ⁵⁹Mbwenu batorogora amabare kugira bagamunagire, alikwe Yesu yayibisa, yaruga mwitambiro.

9¹Yesu ko yabere alikuhingura, yamuleba omuntu ayabaga ar'empumyi kwiha yazarwa. ²Abegi be bamubuza: "Mukama" Ninde yakolire echibi kugira ngo oyu muntu azarwe empumyi, niwe ninga abazere be?³Yesu yabagarumo, oyu tayazerwe empumyi habwe ninga habw'abazere be kuba bakolir'echibi, alikwe kugira amani ga Ruhanga galebekane galikukora omulimo mumagara ge. ⁴Bilikutusaba tukole omulimo gw'ayantumire buchali mumusana. Habwokuba echiro chirikwiza tan'omwza alyabasa kukora. ⁵Omwanya gwo ndi mw'eyi nsi, nd'orumuri rw'ensi.⁶Yamara kugamaba aga magambo, ya chira amanywanchi ha butaka yakora echondo mumanywanchi ge yagasiga eyo mpumyi mu meso. ⁷Bwa nyuma yamugambira, genda ozekunaba mu meso mu mezi ga Siloamu. "Echigambo Siloamu" chifutwire "ayantumire." Eyo mpumyi eragenda kunaba yagaruka alikureba!⁸Abatahi be n'ababaga bona bamulebire alikusabiriza ba buza, "oyu tali yampumyi ayabaga alikara alikusaba obuyambi?" ⁹Abinki bagamba, "niwe". Abandi bagamba, "taliwe," hubwa bali kususana." Alikwe iwe ya bahamiriza ko ni we ya mpumyi, y'obu bwire elikureba.¹⁰Bamubuza, ameso gawe gayigwirwe kute? ¹¹Yabagambira, wa muntu alikwetwa Yesu yafutire echondo yansiga mumeso yangambira ngende ze kunaba mumeso hamugera gwa Siloamu ndagenda namara kunaba mumeso ndareba! ¹²Bamubuza owe muntu ali nkahe? Arabasubiza: "ta ndamenya."¹³Bamutwara oyu muntu yachirizwe obuhumyi habafarisayo. ¹⁴Echo chiro cho Yesu yamukirize chabaga ha sabato. ¹⁵N'abafarisayo bamugambira, tusoborere ko ya bwene ku chiza. Nawe yabagambira, yansigire echondo mumeso, nanaba mumeso, nabuti ndi kureba.¹⁶Abingi babafarisayo bamugambira, oyu muntu ya kukirize tayoba arugire owa Ruhanga habwokuba tahikize kukora omulimo echiro che sabato. Alikwe abandi bahakana, balikubuza, arabasa kute omunya chibi kukora ebitinisize nke bi? Habaho kutahulinkana milibo. ¹⁷Habwecho basuba bamuza owe ayakirizwe, "weho wamuleba kuteya oyu muntu ayakukora okabasa kureba?" Iwe yabarukamo, "nyewe ndi kuteketeka ko n'omuraguzi." ¹⁸Abayahudi tabayendire kwikiriza k'oyu muntu yabereho empumyi, kuhika aho bamugambire ayete abazare be bize.¹⁹Bababuza (abazare be), mbesi oyu n'omwana wenyu wo mwazere are mpumyi? Niba alikwe, byaba kuteya mbwenu kugira nga rebe? ²⁰Abazere be babagarukamo, turamenya k'oyu n'omwana wetu yazerwe ar'empumyi. ²¹Alikwe taturmenya ko yakirizwe ya reba, kandi taturamenya aya mufungwire ameso, mumubuze ni mukuru yobasa kwigambira.²²Abazere be bagambire kucho habw'obutini bwa bayahudi. Habwokuba abayahudi babaga baragene k'omuntu wena aragamba ko Yesu niwe Kristo alyayirukwaho mu sinagogi. ²³Habwecho abazere be babona kugamba, "n'omuntu mukuru, mumubuze."²⁴Basuba bayeta owe muntu ya kirizwe omurundi gwa kabiri ba mubuza, bamugambira, "sima Ruhanga. Itwe turamenya k'omuntu oyu n'omunya nsobe." ²⁵Yagarukamo, yaba ar'omunya chibi nyewe tandamenya. Echo ndamenya chimwe: nali empumyi, buti ndikureba."²⁶Bamubuza, yakukorere chi? Yahumwire kute ameso gawe? ²⁷Yabagarukamo, namara kubagambira ebyo yankorere alikwe tamulikwenda kuhurira. Ko mulikwenda mbasoborere kandi? Nanga namwe murenda kuba entumwa ze.Niho bamuzumire n'okugamba, weho orentumwa ye, twebwe tur'entumwa za Musa. ²⁹Turamenya ko Ruhanga ya gambire na Musa, alikwe oyu muntu taturamenya niba yaretwa nkahe.³⁰Yabagarukumu, echi mazima chitinisize, tamuramenya aho yarugire alikwe yankirize obuhumyi bwange. ³¹Tamwamenya ko Ruhanga tabahurikize abanya chibi, alikwe ahurikize bona abali kumuramya n'okumuhuririra.³²Tachikabagaho kwiha kuhangwa kw'ensi k'omuntu yakizwa obuhumyi bw'enzarwa. ³³Niba oyu muntu atarugire owaruhanga tayarabasa kukora echintu chona. ³⁴Nabo bamusubiza, weho wazerwe wena muchibi orabasa kuteya ku twegesa? Baramuta aheru.³⁵Yesu yabere ya hurira enkuru k'omuntu wo yahumwire ameso yayirukirweho musinagogi, ya muronda ya mubuza, mbesi oyikirize omwana wa Adamu? ³⁶Owe muntu yamugarukamu, nsasire omenyese ninde kugira ngo mwikirize. ³⁷Yesu yamugarukamo, "wamara kumureba nawe ninye ndikugsnira nawe." ³⁸Owe muntu yamugarukamo, oku ali kufukama, "Mukama, nayikiriza."³⁹Yesu yagamba, "nayizire mweyi nsi kucha orubanza, kugira ngw'empumyi zibase kureba, nabaliya bali kureba bahinduke kuba empumyi." ⁴⁰Abingi babafarisayo bahurire alikugamba kutiya bamubuza, "mbesi orenda kugamba ko natwe tur'empumyi?" ⁴¹Yesu yabasubiza, "siiba mwamur'empumyi tamwamuragira echibi, alikwe habwokuba mulikugamba, 'tulikureba,' echibi chenyu chinariho."

10¹Echamazima, echamazima nabagambira imwe, buliwena atalyarabira mulyoru lwigi lwoluraro lwentama, aliko akaba alenda kulabira mulundi lwigi, ogu n'omusuma, hamwe n'omunyagi. ²Aliko oliya alyalabira mulwigi n'omulisa w'entama.³Owokulinda amwiguliraga; n'entama zihuliraga omulenge gwe, n'awakazeta bulyemwe mwizina lyayo, n'okuzeleka omuhanda aheru ⁴yamara kuzereka aholaba, akazembela; nazo zikamukulatira, kuba zimenyire omulenge gwe.⁵Omugenyi tazakamukulata, aliko zikiluka, kuba tazimenyire omulenge gw'omugenyi. ⁶Echimanyiso chebiyabagambire, Yesu abegi be tabachikengile.⁷Obwe Yesu yasuba kabagambila, echamazima, echamzima nabagambila, ninye mulyango gw'entama. ⁸Buli wena ayantangile n'omusuma hamwe n'omunyagi, entama tazabahulire.⁹Ninye mulyango; buli wena alyalabira mulinye, alyalokoka, alyatahamu n'okugaluka, yamara kubona ebyokulya. ¹⁰omulimo gw'omusuma kuas, n'okwiba n'okubaga, n'okusisa; nyowe nayizire nga babone amagala mu bwinki.¹¹Ndo mulisa mulungi, omulisa mulungi atangaga amagala ge habw'entama. ¹²Aliko omuntu w'okusasulwa, talomuliisa, n'entama tazileze tabuli obugega bwe, yaleba muha yi hamba yaiza alaleka entama ayiluke, ya muha yi hamba ezitahemu ezilusye n'okuzitatanisa. ¹³Omuntu w'okusasulwa ayilikaga kuba n'owokukolera esete yayakitanga kufira entama.¹⁴Ndomulisa mulungi, kandi menyile entama zange nazo zimenyile. ¹⁵Koku tata amenyile nanye mumenyile; obwe nkatanga amagala ngange habw'entama. ¹⁶Nyine zindi ntama zitali mwolu luhimbi, aliko tshiletenga nazo zilete zimenyile iraka lyange zibe hamweza muluhimbi lumwe n'omuliisa omwe.¹⁷Obwe tata nitshankundila habwokutanga amagala gange ngangisubulize. ¹⁸Tahaliho n'omweza yakaganyihaho, ninyenyine nagatanga nyine obubasa bwo kugatanga n'obwo kugigalilira n'ekilagiro kinabwene kuluga hali Tata.¹⁹Ebyo bigambo byatantanisize abayuda. ²⁰Bingi mulibo bagamba kalimu emyisyo mibi mulikumuhulikirira ki; omusazi? ²¹Bamweza bagalukamu: ebi tabil'ebigambo byo muntu alimw'emyisyo mibi. Ow'emyisyo mibi tayakahumula empumi?²²Aho hahaliho obugenyi bw'okweza Itambiro lya Yerusalemu, mubwire bwe mbeho, ²³Yesu yatambula tambula mu Itambiro ly'etshika tsha Salumoni. ²⁴Obwe abayuda bamuzinguluka babuza ngu wakuhicya lyali kutu bulabuza? Yaba oli Kristo obitwelulire.²⁵Yesu yabasubamu ngu ntababalire kamutalikwemera ebi ndikukola mwizina lya Soyange bitalanzulira. ²⁶Aliko tamwikilize kuba tamul'entama zange; ko kunabagambile.²⁷entama zange zimpuliraga kuba zimenyile iraka lyange, na nyewe nzimenyile, nazo zinkulikilaga. ²⁸Nanye mbahe obuhangazi butahwa; nabo babwakira tabarabula habutahwaho, tahaliho n'ayakabiiha mumikono yange.²⁹Siyange ayampele, ni mukulu kukila bona, tahaliho ayakabasa kubiha mumikono ya Siyange. ³⁰Nyowe na Siyange tuli bamweza. ³¹Obwe abayuda bakwata amabale kandi ngabamutele.³²Yesu yabasubamu: Omulimo mulungi nagubelekire kuluga owa siyange; ni mulimo ki muleyi eyakatuma mwantela amabale? ³³Abayuda nabo bamusubamu, nga hamilimo mirungi tatwa kakutela amabale, aliko, habwebizumo,kandi kub'olomuntu, hazokwiyeta iwe wenka Ruhanga.³⁴Yesu yabasubamu: bitahandikirwe mu bilagiro byenyu, ko nyowe nagambire, imwe muli ba ruhanga? ³⁵Yaba yabetire ba ruhangabaliya ab'ekigambo cha Ruhanga chayizile (nebyahandikilwe tabilya lugaho nanga kusangulwa), ³⁶muli kugamba ahali oyu Ruhanga yayezize n'okumutuma munsi: muli kuzuma, kuba nagambile nga nyowe ndo mwana wa Ruhanga?³⁷Yaba ntakolile omulimo gwa Siyange, mutanyikiliza. ³⁸Aliko nagukola, no bomutakanyikiliza, mwikilize eyo milimo; mumanye n'okwikiliza ko Siyange ni mulinye, nanye ndi muli Siyange. ³⁹Bayenda ku mukwata, aliko yabaluga mumikono.⁴⁰Aho yayambuka yordani ahu Yohana yabatizaga kubanza, yahasitama. ⁴¹Abantu bingi ba hamusanga, bagamba: Yohana tayakolile akamanyiso na kamwe; aliko ebigambo byona ebiyagambile habw'oyu muntu n'amazima. ⁴²Bingi okwe bayikilize.

11¹Haliho omuntu omweza izina ya yetwaga Lazaro ya lo mulwere wa Betania, mu chaaro cha Maria na muhala wabo Marta. ²Ni Maria ayasigile omukama amalasi ha bi gele, yasimuza isoke lye, nawe ni muhala wabo Lazaro ayabaga omulwere.³Bahala babo Lazaro batuma obutumwa hali Yesu, balikugamba: Mukama, Leba, owu wo walikukunda alwere. ⁴Omwanya ogu Yesu yahulire, ya gamba: obubulwere tali obw'okufa, aliko nihabw'obuhimbisibwa bwa Ruhanga ahimbisibwe muleki kigambo.⁵Yesu yakunda ga Marta, na muhala wabo Maria, na mwozo wabo aliwe Lazaro. ⁶Yabele yahulila obwe bulwere bwa Lazaro, yagumile ebilro bibili ahu yali. ⁷Bwanyuma ya balila abegi be, tugaluke Yudeya.⁸Abegi be bamugambila, Rabi, hati wagamba nga tusubeyo abayuda babalenda kukutela amabale, otu tusubeyo kandi? ⁹Yesu yabasubamu, zitali saha ikumi ni bili zo musana? Omuntu yagenda mu musana tayaka tela enchibo, kuba alikuleba izoba ly'eyinsi.¹⁰Aliko omuntu yagenda mu chilo alatela enchibo kub'izoba libaga litaliho. ¹¹Yabele yamara kugamba ebyo, alabona kubabalira nga: munywani wetu Lazaro anagile itilo; hati naza yo kumwimucha.¹²Abegi ba mubalila: Mukama yaba anagile yakukila. ¹³Aliko Yesu yagambile habw'okufa kwe, bo batekeleze kayagamba ha bwokuruhuka kunagila. ¹⁴Yesu yabasululila ko Lazaro afile.¹⁵Habwenyu nyisimire kuleba kamwamutaliho, mubase kwemela, katugend'eyali. ¹⁶Tomasi ayayetibwaga Pacha yabalia abegi bagenzi be, "natwe tugende tumukulate Yesu kaba arokufa tufe nawe Yesu n'obuzoki hamwe n'amagala,¹⁷Yesu yabele yamala kuhahika yasangile Lazaro yamala kuzikwa hawa ebilo bine. ¹⁸Kuba omugi gwa Betania gwagili hale na Yerusalemu nka mahilo isatu. ¹⁹Abayuda bingi babayizile kuliza Marta na Maria habw'okufa kwa mozo wabo. ²⁰Marta yabele yahulila ko Yesu yamara kuhahika, yaza kumwakila, aliko Maria yagumile munzu.Marta yabalila Yesu, "Mukama, kawali hano, mwene siyange katafile. ²²Na mbwenu nyisigile ka chona echowaza kusaba Ruhanga, yaza kuchihikiliza." ²³Yesu yamusubamu, "mozo wenyu yaza kubona amagala"²⁴Marta yamugalukamu, "ego, menyile kalasuba kugila amagala hakuzoka, hachilo chempeluka." ²⁵Yesu yamusubamu, "ninye buzuko n'amagala, ayanyikiliza, nobuy'akafa alyatula; ²⁶buli wena atwile yab'anyikilize talyafa, ye, wabbyikiliza?"²⁷Marta yasubamu, "ego Mukama, nayikiliza ka niwe Kristu, omwana wa Ruhanga, ayakizile mw'eyi nsi." ²⁸Yamala kugamba ebyo, Marta ya za kweta Maria yamugambila, "omwegesa yayizile alikukweta." ²⁹Maria yagenda zuba aho Yesu yali.³⁰Yesu yatakahikile mu muluka, yachali ahu Marta ya mubuganile. ³¹Abayuda ababalikuliza Maria babele baleba Maria yagenda zuba, batekeleza kayaza hachitulo kulila, habwecho bamukulatira. ³²Maria yabele yamala kuleba Yesu yamuhikaho yayinama n'echitinisa yagamba, "Mukama, kawali hano, mozo wetu tayakafile."³³Yesu ya yaleba Maria kali kulila, n'abayuda nabo bali kulila, yateganisibwa mu mutima gwe; ³⁴Yabuza, "mwamuzikile he?" Bamugambila, "Mukama, yiza olebe." ³⁵Yesu ya lira.³⁶Abo bayuda bagamba, leba ko yakundile Lazaro. ³⁷Abandi bagamba, "yakilize omutaleba, habwenki atakazibile olufu lwa Lazaro?"³⁸Yesu yahika ha chitulo ateganisizwe mnonga, echitulo cha chizitilwe hamulyango gukingilwe ni bale. ³⁹Alagamba, "mwiheho elyo ibale." Marta, muhala wabo n'ayafile, alagamba, " Mukama, hakubaho ekinuko kuba hamala kuhingula ebilo bine azikilwe." ⁴⁰Yesu yamusubamu, "intakubalire ka wayikiliza wa kuleba obuhimbisi bwa Ruhanga."⁴¹Obwe bayihaho ibale. Yesu yaleba mwigulu yagamba, "Siyange nakusima kumpulila. ⁴²Menyile k'ompulilaga buli kanya aliko nagamba ebi habwomugaso gw'abalihano, kugila nga bikilize kawantumile."⁴³Yamala kugamba yatela omulenge yayeta, "Lazaro, sohoka aheru!" ⁴⁴Ogwe ayabaga yafire yasohoka, emikono ye n'amagulu ge bya bilitilwe n'ebitambala, n'ameso ge gaswekirwe n'ebitambala. Yesu yababalila, "mumuzingule ho ebyo ebimukomile agende."⁴⁵Abayuda bingi bayizire kuliza Maria, babele baleba ebyalebeka bayikiliza Yesu. ⁴⁶Aliko abandi bagile ha bafalisayo ba babalila ebi Yesu yakolile.⁴⁷Halebyo abanyamurwa bakulu n'abafalisayo baza mu chika kubuzana, "tukole ki? Ogu muntu yamala kukola ebyokutinisa bingi. ⁴⁸Twa mwemelela kugumizamu, buli muntu ya kumwikiliza, n'abaroma bakwiza kusisa itambiro lyetu n'ihanga lyetu."⁴⁹Aliko omwe mulibo yayetwaga Kayafa, ayabaga ali omunyamurwa mukulu mwogwe mwaka yayagambile bagenzi be, "tamumenyile ekintu. ⁵⁰Mutalikuleba, ka chilendwa omuntu omwe afe habw'abantu, hamwanya gw'ihanga kuhwelekelera?⁵¹Tayagambile ebi mubitekelezo bye wenka aliko nk'omunyamurwa mukulu mw'ogwe mwaka, yali kulagura ku Yesu byenda ngw'afire ihanga; ⁵²hamwe na habw'abana ba Ruhanga abatalagene kugira nga bagalukane hamwe n'okuba omwe. ⁵³Kuluga echo chiro abibembezi b'abayuda batandika kukola entego nga bite Yesu.⁵⁴Obwe Yesu yatandika kugenda atalikwiyereka mu bayuda, ahubwe yaruga Betania yaza mu miluka hihi n'orwangara mu muluka gumwe gwayetwaga Efurahimu. Yahikere n'abegi be. ⁵⁵Obwire bwa Pasika y'abayahudi yali hihi kuhika, abantu bingi balugile mumiluka kuza Yerusalemu kugira nga biyeze pasika etakabele.⁵⁶Abantu bamulondaga Yesu, balikubuzana mw'Itambiro, "mulikubileba kute? Mulikutekeleza nga ya kwiza mu chiro chikulu? ⁵⁷Omunyamurwa mukulu n'abafalisayo babatangire ekiragilo ku habaho omuntu amenyire ahali abamenyese kugira nga babone ku mukwata

12¹Pasika erenda kuhika hanyuma y'ebiro mukaga, Yesu yahika Betania ahu yabaga Lazaro aliwe owu Yesu yazulire okuruga mubafu. ²Okwe bamukolere echokulya chomwebazo na Marta yakora, alikwe Lazaro yali omwe habalire ebyokulya hamwe. ³Maria yatwara ichupa lya marasi lita emwe eyechiguzi chingi chane ya yisiga ahabigere bya Yesu alikukoresa isoke lye, enzu yona yahumura.⁴Alikwe Yuda Iskariota omwana wa Simoni omwe w'abegeswa be aliwe ayitebekanisize kumutanga aragamba, ⁵"habwenki marasi aga gatagurisizwe ha dinari magana asatu n'okuzigabira abatibasize?" ⁶Yuda Iskariot ko yagambire kucho tali habwokuba alikusabira abatibasize alikwe n'oko yabaga omusuma kandi niwe yabikaga esaho n'okwegura ebirimo.⁷Obwe yesu yagamba, "mumureke (Maria) yabikire aga marasi ku hicha ha bwire bwo kuzikwa kwange." ⁸Abakene mutwire nabo obutosha, alikwe nyewe tamuraguma nanye buli zoba."⁹Abantu bingi omubayudaya bamara kumenya ngu alokwe, bayiza talihabwa Yesu kusa, alikwe kugira ngo balebe Lazaro, kuchokucho aliwe Yesu yazolire kuruga mu bafu. ¹⁰Alikwe abakuru babatambi bakora oruchiko, bite Lazaroda kuchokucho. ¹¹Nahabwecho abayudaya bagendera chimwe bayikiriza Yesu.¹²Mukasese kaho abantu bingi bayiza mubugenyi, ko bahulire ko Yesu alikwiza Yerusalemu, ¹³bakwata amatagi gengazi baza kumubugana batera akaruru, Ozana! Yahirwa omugabe wabaisraeli alikwiza omwizina lya Mukama.¹⁴Obu Yesu yabugene omwana w'endogoba, yagutemba ko byahandikirwe, ¹⁵otatina muhara wa Sayuni leba omugabe wawe yayiza, ayikere aha mwana gw'endogoba.¹⁶Abegi be tabamenyire ebigambo ebi, alikwe Yesu ku yamalire kuhindwirwa, bayibuka ku ebigamo ebi byahandikirwe habwe.¹⁷Ababaga baliho obu Yesu yayetire Lazaro kuruga muchituro n'okumuzora, hanyuma babaganirira abandi ebyabereho. ¹⁸Nahabw'echo abantu bingi baza kumwakira oku babaga bahulire oku yakolire echokutinisa. ¹⁹abafarisayo bamara kuleba ebyo bagambirana, "mwaleba, ntachindi echoturabasa kukora, ensi yona ya mukurata."²⁰Hagati y'abantu abagire Yerusalemu kuza kusaba hachiro chikuru hahaliho n'abatali abayahudi bingi. ²¹Aba bamuzira Filipo, aliwe yabaga yaruga Betesaida okwe Galilaya, bamugambira, "twatulenda tumulebe Yesu." ²²Filipo yagenda kumugambira Andrea bona babiri bamugambira Yesu.²³Yesu yamugambira, obwire bwahika halinye omwana wa Adamu obwokuhimbisibwa. ²⁴Mazima, mazima, nabagambira, embibo y'engano etagwire mwitaka ekafa, egumaga yo yenka, chonka yafa, ereza byingi.²⁵Omuntu wena aliho akundire amagara gye wenka, alyabura, alikwe ayayanga amagara gye mw'eyi nsi alyagabona agatalyahwa ho. ²⁶Omuntu wena alenda kunkolera, chiretengwa kunkuratira kugira ngu omukozi wangye abe nanye ahu ndataha. n'omuntu wena yankolera Tata wange alya muta kutebekana n'echitinisa.²⁷Omutima gwange gwine obusasi mbwenu nsabe kute? Tata nsinganire halikwiza? nayizire mw'eyi nsi habwebyi. ²⁸Tata himbisa izina lyawe mumwanya gulikwera. Iraka lyaruga mwiguru lirikugura ngu, "nahimbisa kandi ndyagaruka ndihimbise." ²⁹Abantu ababaga bemerere aho, bahulira bagira n'iguru lya hinda, abandi bagira ni Malaika owagamba nawe.³⁰Yesu yabagambira, iraka eli lyahulinkana, talya yiza habwange, alikwe habwenyu. ³¹Obwire bwa Ruhanga bw'okucha orubanza habw'eyi nsi bwa hika, obu nibwe bwire obu Sitani omutegeki w'ensi arahindurwa.³²Nanye kondya hindurwa omunsi, ndyaleta abantu bona owange. ³³Akagamba ebyo kwereka oku araza kufa.³⁴Bamugambira, twasomire mubihandiko by'endagano ku Kristo alyabaho obutosha kandi talyafa. Mbwenu ku wagira ngu omwana wa Adamu akuzwe? Owemwana wa Adamu ni nde? ³⁵Yesu yabagarukamu, "orumuli rwange rurabamulikira mu bwire bugufi. Genda mu rumuli Ruchamulika, mutiza kugwa mu mwirima. Omuntu alikugenda mu mwirima taramenya ahalikuza. ³⁶Obwire bw'omwine orumuli, mwesige orumuli kugira ku mubone kuba abana b'orumuli. Yamara kugamba ebyo Yesu ya za kwibisa hale kuruga mumeso gabo.³⁷Na hanyuma yakora ebitangeze byingi embere zabo aliko tabamumenyire ninga kumwikiriza. ³⁸Ngu erigambo ly'omuraguzi Isaya chirikugamba: "ninde aya yikirize ebigambo byetu, kandi omukono gwa Mukama gwabonekerwe nde?"³⁹Nahabwecho tamwanyikirize habwokuba oku Isaya yabagambire ogundi murundi, ⁴⁰"Ruhanga yabakolire empumyi, kandi n'emitima yabo ya yigumya kugira ngu batiza kuleba n'ameso gabo n'okwikiriza habw'emitima yabo, n'okuhindukira Ruhanga ngu abakize."⁴¹Isaya yagambire ebi bintu habwokuba ya lebire oburungi bwa Yesu ya ragura hali we. ⁴²Nahabwecho nibingi hamwe na bakuru babayahudi ba yikirize Yesu; aliko tabayiyerekire hakuba batinire abafarisayo kugira ngu batabirukaho mu sinagogi. ⁴³Ibo bayendire kuhimbiswa kw'abantu kusinga kuhimbiswa kwa ruga hali Ruhanga.⁴⁴Yesu yagamba n'iraka lilengwe, omuntu aranyikiriza nyowe arikiriza Ruhanga aliwe yantumire, ⁴⁵N'omuntu aya ndeba nyowe, yamulebire ayantumire.⁴⁶Nayiza nk'orumuli mur'eyi nsi, kugira ngu buli muntu anyikirize atasigara mu mwirima. ⁴⁷Omuntu alikuhulura amagambo gange atagikirize talinye ndi kumuchira orubanza; hakuba tanayizire mur'eyi nsi kucha orubanza, nayizire kujuna ensi.⁴⁸Omuntu alikunyanga n'okutafa habigambo byange, n'okutina echigambo e chagambirwe ayine aramuchira orubanza. Echigambo cho nagambire chilya muchira orubanza ha chiro cha hamuheru. ⁴⁹Tanagambire ebinyu habubasa bwange nyenka, ni hamani ga Tata wange ayantumire yampa echiragiro habw'ebyo nda gamba no kurangurura. ⁵⁰Ndamenya ko echiragiro che n'amagara gatarahwa ho, habw'echo ebyo ndi kugamba n'ebyo tata wange yandagirize mbigambe.

13¹

¹Echiro chimweza obugenyi bwe Pasika butakakolirwe. Yesu yamenya k'obwire bwe bwo kuruga mur'eyi nsi n'okugenda ow'Ise bwa hika. yabaga akundir'abegi be aha munsi, arabakunda kuhicha ha muheru. ²Ko yabere alikulya ckya kiro hamwe n'abegi be, Sitani yatere muli Yuda Iskariote mwene Simoni echitekerezo cho kumutanga Yesu. Ko babere bali kulya,³Yesu yamenya kw'Ise amuherez'obubasa ha bintu byona; na habw'echo iwe yarugir'owa Ruhanga kandi yabaga ali kugaruka owa Ruhanga. ⁴Alimuka ha byokulya, ararambika ebizwaro bye hamusike, ya kwata echitambara ya chikoma mu chisi che. ⁵Hanyuma ya suka amezi mu rwabya ya yoza abegi be ebigere n'okubasimura n'echitambara echo yabaga akomire mu chasi che.⁶Yabere yahika hali Petero, Petero yamugambira, "yaba alikucho Mukama, weho onyoze ebiger?" ⁷Yesu yamugambira, "obwe na buti ntokakengire ekyo ndi kukora, aliko hanyuma orachikenga." ⁸Petero yamugambira, "ingaha, ntolyanyoza ebigere na rindi!" Yesu yamugambira ngu, "yaba ntakwogize ebigere byawe ntawaba omwegi wange." ⁹Niho Petero yagamba, " yaba ali kucho Mukama, onyoze ebigere byange hamwe n'ebiganza, n'omutwe gwange nagwe."¹⁰Yesu yamugambira, "bulyomwe ayayogire ni mwera n'omubiri gwe nawe ntalitenga kunaba, alikwe kwoza ebigere; mwena mur'abera, kulek'omweza. ¹¹(Yesu yamenyire ngu ninde aliza ku mutanga nihabwecho yagamba, "mwena mur'abera kurek'omweza."¹²Ko yabere yamara ku boza ebigere, yazwara kandi echizwaro che, yagaruka ahoyabaga asutamire, heza yabagambira, "alikwe mwa kenga echalicho cho nabakolere? ¹³Mwebwe mulikunyeta ngu nd'omwegesa na Mukama, nicho hakuba n'amazima ndiwe. ¹⁴Habwecho yaba nd'omukama wenu n'omweges wenyu naboza ebigere, namwe bisemererwe mwozane ebigere. ¹⁵Nyewe nabereka echi, kugira mukorerane nk'ebyo nabakolere.¹⁶Nabagambira amazima, omuhuku ntayakaba omunya chitinisa kusinga Mukama we, nangwa atumirwe ntayaba omutinisa kulenga amutumire. ¹⁷Habwokuba mwamenya ebyo byona, mulyatwah'omugisa na Ruhanga yaba mulabikora. ¹⁸Ntanabaganirira mwena; ndabamenya bona abonatolene. Ebihandiko byagambirwe, "owe yalire ebyokulya hamwe nanye yabere owo kuterura echichinchino che hali nye.¹⁹Nabagambira ebintu ebi mubwire bitakiyerekire kugira byayiyereka mugire kwikiriza ku ninye ndiwe Kristo. ²⁰Nabagambira echamazima bulyomwe ayayemera n'okwakira owaliwe wena owontumire, anyakirire nyewe, klandi bulyomwe anyemere n'okunyakira, yayakira Siyange owo nyikirize."²¹Nyuma yebyo Yesu ategsnisizwe mu mutima, yagamba, "nabagambira butunu, omwe muli mwe arantanga." ²²Abegi be balebana obutikirizana habwokuba ntabamenyire owo yagambiraga ninde.²³Omwe mu begi be owe enkundwa ya Yesu yabaga ayikere halubazu rwa Yesu. ²⁴Habwecho Simoni Petero yamwitir'owe mwegi elyiso yamugambira, "tugambire ninde owe w'alikugamba." ²⁵Owe mwegi ayabaga ayegamire Yesu, yamugambira,"nakusaba Mukama, tugambire ninde oworikuganirira?"²⁶Yesu yasubiza, "n'owe wo ndahereza echichweka cho mukati hanyuma yo kuchizubya." Habwecho na hanyuma yo kuzubya ogwe mukati yaguhereza Yuda Iskariote. ²⁷Aho yamara kwakira echo chichweka cho mukati, Sitani aramuza mu mutima, Yesu yagambira Yuda, echo waza kukora, chikore zuba.²⁸Ntanomweza mulyabo babaga aho ha meza ayamenyire echalicho che chigambo cho yagambaga Yesu. ²⁹Bamwe bagira ngu yali kubalagira ngu bagure ebintu ebyo boyitengire hachiro chikuru nangwa abaherze aboro echalicho hakuba niwe yabikaga efeza. ³⁰Habwecho bwanyuma yamara kwakira ogwe mukati Yuda yagenda mu muhanda gwe aheru. Obwe bwire omwirima gwagwa timbire.³¹Yuda yabere yagenda, Yesu yabagambira, "obwire bwa hika aho abantu baraleba obuhimbisa bwange nyewe mwana wa Adamu na ha muhandagwe abantu balyabuleba obuhimbisa bwa Ruhanga. ³²Kandi Mukama ku ali kuhimbiswa, iwe alyamp'inye obuhimbiswa bwe, kandi alyakora ebyo mu bwire butatindire. ³³Bakundwa bange obwire bwange bwo kuba namwe bwahika hamuheru. Muransaka kokwe nabagambire abayahudi, nabagambira namwe: "eyo naza ntamwonkurata."³⁴Nabasigira endagano nshya, mukundane imwe halimwe, kokwe nabakundire, namwe mukundane imwe halimwe. ³⁵Niba mwa kundana kucho, abantu bona balyamenya kokw'imwe mur'abegi bange.³⁶Simoni Petero yabuza, "Mukama waza nka he?" Yesu yamusubiza, "eyo naza ntamwonkuratayo haza, alikwe mulyankuratayo bwanyuma. ³⁷Petero aramubuza kandi, "Mukama habwenki ntokukurata bwenu? Nyewe nyitegwire kufa habwa wowe." ³⁸Yesu yamusubiza, "alikwe, n'amazima oyitegwire kutang'obugingo bwawe habwa nyowe? Nakugambira amazima ngu, esaki etakabikire orampakana kasatu ngu toramenya.

14¹Yesu yabagambira, emitima yenyu etasoberwa. Mwikirize Ruhanga, kamndi munyikirize nanye. ²Omunzu ya Siyange halimo omwanya mwingi. Bitalibyo, natarabagambira ku naza kubategulira omwanya mwiguru owa Siyange. ³Namara kubategulira, ndagaruka kubakira mwikare nanye, kugira ahundi namwe mubeho.⁴Mwebwe muramenya omuhanda gurabahicha ahu ndikuza. ⁵Tomasi yamubuza, "Mukama, taturamenya ey'olikuza turamenya kute omuhanda?" ⁶Yesu ya mugambira, "ninye omuhanda gw'amazima n'amagara; omuntu toyohika owa Tata wange atarabire owange. ⁷Obere muramenya nyowe ndo he, mwomenyire na tata wange. Kwiha esaha ezi mwamenya tata kandi mwa mureba."⁸Filipo yamubuza, "Mukama twereke so wawe natwe turamarwa." ⁹Yesu yamugarukamu, "Filipo, byaba kute tokamenyire obwire bwona obu namara namwe mwena? Omunyu wena yandeba nyowe araba yarebire Se yange, mbwenu byaba kute kugira ngu twereke Tata?¹⁰Tamwayikiriza ku nyowe ndimili Si yange, na Si yange ali mulinye, niwe alikukora ebi byona. ¹¹Yaba ndi kubagambira munyikirize habwokuba nyowe ndi muli Tata na Tata wange ali mulinye, yaba bitalibyo munyikirize habw'ebyo ndikukora.¹²Nabagambira amazima, omuntu wena yanyikiriza arabasa kukora ebitinisize nkebi na kukiraho, habwokuba nyowe naza owa tata wange. ¹³Echintu chona cho mura saba mwizina lyange, ndachibakolera, kugira tata wange ahimbisibwe halebyo byo nyowe omwanawe ndya bakorera.¹⁵Yaba murankunda muhikirize ebiragiro byange. ¹⁶Nanye nda saba si yange, nawe arabahereza ondizo muyambi ayikare namwe ebiro byona. ¹⁷Owe niwe Mutima olikwera owa mazima ow'abantu bona. Abantu nkabo tabomuleba nanga si tabomumenya. Imwe mura mumenya kuba ali mulimwe araguma kuba namwe.¹⁸Tandabasiga nk'enfuzi; ndyagaruka ewenyu. ¹⁹Hanyuma y'obwire bugufi abantu b'ensi tabalyandeba, kwiha h'imwe mulyandeba, ndiho kandi ohulire, namwe mulyaba abahulire. ²⁰Obwire obwe mulyamenya ku nyowe ndi muli tata wange namwe muli mulinyewe.²¹Omuntu alya hulira eniragiro byange n'okubihikiriza niwe arankunda, n'omuntu arankunda, Si yange alyamukunda, nanyewe ndyamukunda n'okwiyereka ewe. ²²Yuda (atali Yuda Iskariote), yamubuza,"Mukama, bilyaba kute kutwiyereka munsi yona?"²³Yesu yamugarukamu, omuntu yankunda alyakuratiza ebyegeso byange na Si yange alyamukunda, natwe tulyayikara ewe. ²⁴Omuntu atakuratiize ebyegeso byange n'ebyegeso byo nabahere tabir'ebyange ailkwe byarugire owa Si yange ontumire.²⁵Nabagambira ebintu ebi obwire bwo nchari namwe. ²⁶Alikwe ogw'omuyambi, ariwe Mutima olikwera, owe siyange alyatuma owenyu mwizina lyange, alyabegesa ebintu byona, n'okubibucha byona byo nabagambire. ²⁷Nabasigira obusinge nabahereza obusinge bwange, nanga si mutatina.²⁸Mwijuke kunabagambire, nagenda kandi ndyagaruka. Amazima yaba munkundire, mwisiime habwokuba nagenda owa tata; na tata ni mukuru halinyowe. ²⁹Nambwenu nabagmbira ebintu ebi bitakatungukire kugira bya tunguka mugire kwikiriza.³⁰Tandagamba byingi namwe habwokuba omutegeki w'eyinsi alikwiza. Iwe ayine obubasa halinyowe. ³¹Konka nda hulira ebiragiro bya tata kugira ensi ebone kumenya kokwe nda kunda tata. Mwemerere turug'aha.

¹Nyewe nd'omuzabibu gw'amazima na Tata wange niwe omuhinzi. ²Buri tagi mulinye litarikuzara amatuda tata wange arichaga, n'itagi lyanaga lyane amatunda mingi.³Mwebwe mwa mara kuba abere ha bw'ebyo nabegesize. ⁴Mwikare mulinye nanye muli mwe. Kw'itagi lita basize kwana amatunda lyo lyenka litikere ha chiche ch'omuzabibu, ni kokwe namwe mutikere muli nye tamwobasa echintu.⁵Nyowe nd'omuzabibu, mwebwe muli amatagi. Ayikere muli nye kandi nanye nkamwikaramu, arazara amatunda mingi, habwokuba ntali ho tamwobasa echintu. ⁶Omuntu atikere muli nye alyanagwa aheru nk'itagi n'okwuma, amatagi ago gara kumakumwa n'okunagwa mu muliro, garahwerekerera. ⁷Mwebwe mwa yikara muli nye n'amagambo gange galikara mulimwe, musabe chona chomurenda namwe murakorerwa.⁸Mwazara amatunda mingi tata wange arahimbisibwa, nakwe mwa hamiriza kuba abegi bange. ⁹Ko tata ya nkundire nyewe, nanye nikwe nabakundire, mugume muli rukundo yange.¹⁰Mugumye ebiragiro byange mulikara muli rukundo yange ko nanye nagumire mu biragiro bya tata wanga n'okwikara murukundo rwe. ¹¹Nabagambira kugira kwisima kwange kube muli mwe kuhikire.¹²Echiragiro change nichechi: mukundane ko nanye nabakundire. ¹³Tahine rukundo erasinga orukundo rw'omuntu yayitangire kufa habwa banywani be.¹⁴Imwe muli abanywani bange niba murakora echo ndikubaragira. ¹⁵Tambetire mwebwe abakozi habwokuba omukozi tayomenya ebyo Mukama we ali kukora, hubwa nabeta banywani bange, habwokuba amagambo gona kuruga owa tata na gabemeza.¹⁶Tamwa nsobwere hubwa ninye na basobwere nabatuma mugende muzale amatunda, n'amatunda genyu gamare obwire, echo murasaba tata mwizina lyange, alyabaha. ¹⁷Echo nicho echiragiro change: mukundane imwe hali mwe.¹⁸Niba ensi yabanga, mumenye ko nyewe yanyangire mbere yenyu. ¹⁹Kaba muli ab'eyi nsi, ensi yobakundire nk'abantu bayo. Alikwe habwokuba mutali ab'ensi kandi na basobwere kuruga mw'eyi nsi, nihabwecho ensi yi bangire.²⁰Mwibuke igambo lyo nabagambire, tahaliho omukozi mukuru hali Mukama we. Niba bambonabonesize namwe balyababonabonesa; niba bayikiriza igambo lyange n'igambo lyenyu baralihicha. ²¹Alikwe byona barabibakolera habwange habwokuba tabaramenya tata wange ayantumire. ²²Niba ntayizire kubagambira nabo tabogirire echibi, alikwe tabine obusinge mu bibi byabo.²³Omuntu wena anyangire nyewe ayangire tata wange. ²⁴Niba nabaga ntabakolere ebilikutangaza, bitakabere kukorwa n'omuntu ondizo wena, babataragira echibi, alikwe balebire ebilikutangaza ebi na nyuma batwanga twebwe na tata wange. ²⁵Obwire obu bwayiza ko chahandikirwe mu chiragiro ko, banyangire hatine echo nakolire.²⁶Alikwe kalyayiza omuyambi owo ndyabatwarira alikuruga owa tata, Iwe arampamiza nyewe. ²⁷Namwe muli abazurizi bange ha bwokuba kwiha hantangiro mwabaga nanye.

¹"Nabagambire ebintw'ebi byona kugira m'utiza kubuza enyikiriza yenu. ²Balyabacha n'okubihayo mubuma bwa masinagogi. Tabirebyo kusa bulyahika obwire omuntu wena arabita atekeleze ngu yakolere Ruhanga.³Abantu balyabakolera ebibi habwokutamenya Ruhanga nanga si kuta menya nyowe. ⁴Alikwe nabagambira ebintw'ebi kugira obwir'obwe buliza kuhika mwizuke kuko nanabagambire. Ntanabagambire ebintw'ebi habwokuba nabaga namwe kwiha hantangiro.⁵Alikwe hati naza owe ayantumire, nangwa tihaliho omwe alikumbuza olikuzahe? ⁶Hakuba nabagambira ebintu ebi, emitima yenyu eyizwire obusasi. ⁷Alikwe ndi kubagambira amazima kugenda kwange no kwamagoba genyu habwokuba ntagendire, owe muyambi ntaliza ewenyu, Alikwe nagenda nda mwohereza ayize ewenyu.⁸Nawe yayiza alya yemeza ensi ha bw'echibi, okwera n'orubanza ⁹Ha chereker'echibi, habwokuba tabanyikirize, ¹⁰amazima, habwokuba nagenda owa tata ntamulyandeba kandi; ¹¹orubanza, habwokuba omutegeki w'ensi yaherize kuchirwa orubanza.¹²Nyine ebintu byingi byo kubagambira alikwe nta mwobyakira nanga si ntamwabyikiriza buti. ¹³Owe Mutima w'amazima yayiza atatuhabura kumenya amazima gona Iwe tararagura habwe kwenka arargura ebyali kuhulira, arabegesa habikwatirene n'ebintu byona bilikwiza. ¹⁴Arampimbisa, hakuba aratwara ebindimu kubibabarira.Byona byo tata ayine n'ebyange nicho chiratuma nagamba aratwara ebyange kubibagambira. ¹⁶Hanyuma y'obwire bugufi ntamulyandeba kandi.¹⁷Obwire bw'abegi be babuzene, "byine omugaso chi ebyalikugamba, hanyuma y'obwire bugufi tamurandeba kandi habwire bugufi hanyumaho murandeba, byine omugaso chi ebyalikugamba, habwokuba ndi kuza ewa tata?" ¹⁸Baguma kubuzana, "byine mugaso chi ebyalikugamba, obwirebugufi? Ntatwahulira omugaso gw'abyo!."¹⁹Yesu yamenya ebyobalenda kumubuza na habwecho yabagambira, "mulikubuzana byine mugaso chi ebyo ndi kugamba, hanyuma y'obwire bugufi tamurandeba? ²⁰Ndi kubagambira eby'amazima kumulyalira n'okuliza, alikw'ensi elyayisima. Mulyasasa alikwe obusasi bwenyu bulyahinduka ebyisimo. ²¹Omukazi alihagufi kuzara agiraga obwigunge habw'obwire bw'obusasi hahika, alikwe yamara kuzara, ayebwaga obusasi bwe habw'okwisimira kuzarwa kw'omwana munsi.²²Namwe butu mwine obugungu, alikwe ndyabalebakandi emitima yenyu elyayisima, kandi ntamuntu alyabasa kubaaka ebyisimo byenyu. ²³Obwir'obwe tamulyansaba echintu chona. Nabagambira amazima, Si yange arabaha byona byo murasaba hizina lyange. ²⁴Kuhicha n'obu ntacho cho mukasabire mwizina lyange. Musabe murahebwa, kugira ko ebyisimo byenyu bihikirizwe.²⁵Nabagambira ebintw'ebi mumigani, akonka obwire bulikwiza obwontarabagambira mumigani, alikwe ndababalira amazima ga Si yange.²⁶Obwir'obwe mulyasaba mwizina lyange nanga tanagamba ngu ndabasabira hali tata, ²⁷habwokuba tata wewenka abakundire habwo kunkundire nyewe kandi habwokuba mwanyikirize koku naruga owa Ruhanga. ²⁸Narugire owa tata ndikwiza munsi, kandi naruga munsi ndikuza ewa tata.²⁹Abegi be bagamba, "olikugamba amazima tar'emigani. ³⁰Hati twamenya iwe k'oramenya ebintu byona ninga ntahine olitenga kukubuza ebibuzo. Nahabwecho twayikiriza nkoku waruga owa Ruhanga. ³¹Yesu yagarukamu, "alikwe mwayikilriza?³²Reba, esaha yahika, yego, yamara kuhika, ko murataraganywa buli muntu okwe, muransiga okwange nyenka. Alikwe nyowe ntandi nyenka, hakuba tata alinanye. ³³Ebigambo ebi nabibagambira, mubase kugira obusinge mulinye. Mulyabona obusasi munsi, chonka mwisime mumitima yenyu, nyewe nasingire ensi."

17¹Yesu yabere yamara kugamba ebigambo ebi, araleba mwiguru yagamba, "Si yange obwire bwa hika, yereka obuhimbisa bwange kugira nanye nkuhimbise nawe, ²hakuba omper'obubasa habantu bona, mbaherez'amagara gatalyahwaho abo wampere.³Nago nigo magara gatahwa: go kumenya wowe wenka ni Ruhanga w'amazima, n'okumumenya Yesu Kristo ayabaga atumirwe. ⁴Si yange nakuhimbisa hano musi nakuhikiriza omulimo oguwampere ngukole. ⁵Na mbwenu Si yange ompereze mumeso gawe obwe buhimbisa obwo nabaga nyine nawe kwiha ha bwire bwensi yitakahangirwe.⁶Nabamenyesa izina lyawe abo bowampere kuruga musi> Ibo bayikiriza igambo lyawe. ⁷Mbwenu bamenya ngu byona ebyowampere byarugire owawe, ⁸hakuba nabahere obutumwa obwo wampere, nabo babwakirire bamenya amazima koku narug'owawe kandi bayikiriza koku niwe wantumire.⁹Nibo ndikusabira.Tanasabire abantu ba munsi eyi,alikwe nasabira abo bowampere, habwokuba n'abawe. ¹⁰Ebyange byona n'ebyawe, kandi n'ebyawe byona n'ebyange, n'okwihimbiswa gwange kwayiyereka muli byo. ¹¹Nyowe naruga munsi nayiza owawe, alikwe ibo bali munsi eyi.Tata olikwera, obalide mwizina lyawe elyo wampere kugira babe omwe koku tuli omwe nyewe nawe.¹²Obwire bwo nali nabo nabalindire bagir'obuzima mu bubasa bwi zina lyowampere. Nabalinda ntahine n'omwe ayabulire, kwihaho kw'ayayihizemu kubulangana wenka, kugira ebyahandikirwe bihike. ¹³Kandi nayiz'owawe mubwire bwonabaga muns'eyi, kugira bagir'ebyisimo byange bihikire. ¹⁴Nabaha igambo lyawe n'ensi eyi yabinuga, hakuba ibo ni nkanye, ntabali ab'ensi eyi.¹⁵Nta nasaba ngu obihe mureyi nsi, aliko obalinde n'omuzigu Sitani. ¹⁶Koku ntali ow'ensi eyi nabo ntabali ab'ensi eyi. ¹⁷Berereze n'igambo lyawe, hakuba igambo lyawe nigw'amazima.¹⁸Koku wantumire munsi, nanye nabatumire munsi, ¹⁹ha bwabo nayitanga, kugira nabo bitange mu mazima.²⁰Nta nabasabira bo benka kusa, alikwe nasabira n'abo abalyanyikiriza ha bw'obuhamya bw'aba ²¹kugira babe omwe, nka we, tata, oli mulinye nanye muli we, kugira nabo bona babe omwe mulitwe, kugira ensi eyi yikirize ko wantumire.²²N'obuhimbisa bwo wampere, nabubahere nabo, kugira babe omwe, kokwe tuli omwe: Mbalimo nawe ondimo kugira bahamirizwe mubumwe n'ensi emenye ku wantumire, nok'obakundire kok'onkudire.²⁴Tata, enyitenga yange ni habwokuba aba bantu abowampere babe ahondi kugira balebe obuhimbiso bwange obyo wampere habwokuba wankundire n'obw'ensi eyi yabaga etakahangirwe.²⁵Tata ohikirire, n'obw'ensi nterakumenya, nyowe nda kumenya, naba balamenya ko wantumire. ²⁶Nabakwimenyesaho, kandi ndagumizamu kubamenyesa izina lyawe kugira ngw'orukundo rwowankundire, lube muli bo nanye mbabe mu.

18¹Nyuma y'okusaba oku, Yesu yarugire n'abegi be bayambuka omugera gwa Kidroni bayingira mu bustani eyabaga murubazu rwa kabiri. ²Yuda ayatangire Yesu, naho yahamenyire habwokuba Yesu yabaga alikubugana n'abegi be buli bwire bwona. ³Habwecho Yuda ya yiza ha bustani eyo ali kwibembera echikwiri cha mahe g'abaroma n'abarinzi b'itambiro kuruga ha batambi bakuru n'abafarisayo bine etodowa n'embundu.⁴Yesu yamenyire ebirikwenda kumuba ho, habw'echo ya bichundira, yababuza, "muli kuronda nde? ⁵Nabo bamugarukamu, Yesu wa Nazareti." Yesu yabagambira, "ni nyowe." Yuda yabaga amulimangenye yabaga ayemerere n'amahe.⁶Yesu yabere yabagarukamo "ninyowe," bagaruka enyuma bagwa hasi! ⁷Yababuza kandi, "muli kuronda nde? Nabo bagarukamo, " Yesu wa Nazareti."⁸Yesu yabagambira, "namara kubagambira ko ninyowe. habwecho niba muli kundonda nyewe murekuze aba bandi bagende." ⁹Yagambire kucho kugira eligambo lyo yagambire rihike, "mu bo wampere tahine owo nanagire."¹⁰Niho Simoni Simoni Petero arachomora omupanga ogwo yabaga ya kwatire aramutera okutwi kwa bulyo omukozi womwibembezi mukuru. Izina lyowe mukozi lyabaga Malko. ¹¹Yesu yagambira Petero, "garuza omupanga gwawe mubukocho. Ntanywa echikopo chemibonabono echo yampere tata?"¹²Habwecho mukuru w'echikwire ch'amahe ge hamwe nabarinzi b'itambiro abatumirwe n'abebembezi b'abayahudi, bamukwata Yesu ba mukoma emikono. ¹³Bamutwara owa Anasi mukwe wa Kayafa ayabaga ali mukuru w'abatambi mw'ogwe mwaka. ¹⁴Kayafa niwe yabaga ya bahanire abebembezi abandi b'echiyahudi ko charabasika omuntu omweza afe habw'abantu.¹⁵Simoni Petero hamwe n'abandi begi bakurata Yesu. Oyu mwegi ondizo yabaga aramenyekana n'owe mwibebembezi mukuru habw'echo yaza muchikwiri na Yesu; ¹⁶alkwe Petero ya yemerera aheru bugufi n'omulyango. Niho owe mwegi ondizo yaganira n'omuhara ayabaga alikweberera omulyango, yamwingiza Petero munda.¹⁷Owe muhara yamubuza Petero, "mbesi nawe or'omweza w'abegi b'oriya muntu?" Petero yamugarukamu, "nanye tandi we." ¹⁸Abo bakozi n'amahe babaga bemerere balikota omuliro gw'amakara ogwabaga guhembirwe habwokuba aho habagaho embeho nyingi, Petero nawe yabaga ayemerere hamwe nabo alikota hamuliro.¹⁹Omutambi mukuru yamubuza Yesu ebibuzo bikwatire habegi be n'ebwegeso bye. ²⁰Yesu arabagarukamu, "nali kuganira butunu mumeso g'abantu bona, nayegesa mumasinagogi na mwitambiro aho abayahudi babuganiraga. Tankagambire igambo lyona mu chihama. ²¹Kolikumbuza nyewe ebibuzo? Babuze abampulikize nabagambire chi."²²Omweza w'abalinzi yamutera Yesu ikofi, hanyuma yagamba, "wamugarukamo kute oyu mutambi mukuru?" ²³Yesu yamugarukamo, "niba nagamba igambo libi gambira abantu bona hano obubi bwonagambire, alikwe niba nagamba amazima, mbwenu wanterera chi?" ²⁴Niho Anasi yamutwere ow'omwibembezi mukuru Kayafa achakomirwe.²⁵Obwe bwire Petero yabaga alikota omuliro. Abingi babaga bali aho bamubuza, "ori omweza w'abegi be?" Petero yahakana, yagamba, "nyewe tandi we." ²⁶Omweza w'abakozi w'omutambi mu mukuru, mwozo wabo oliya muntu owo Petero yachire okutwi, yamubuza, "mbesi tanakulebire mu bustani oli na Yesu?" ²⁷Petero yasuba kwanga ko taramumenya Yesu har'obwe bwire esaki erabika.²⁸Niho abayahudi bakwata Yesu kuruga owa Kayafa, bamutwara owenzu ya gavana wa kirumi; mubusese karekare. Abayahudi babaga bali kumurega Yesu tabayingire munda habw'echiragiro ch'abayuda babarabarwa kuba abanyachibi hobingira munzu atari omuyahudi taboyemererwe kulya ha chiro chikuru cha Pasika. ²⁹Habw'echo Pilato yaza aheru kubaleba ya babuza, "mwaleta birego chi bilikureba oyu muntu? ³⁰Bona bamugarukamo, "oyu muntu yaba atine echibi ta twaturamureta ewawe."³¹Pilato yabagambira, "mbwenu mumukwate mwebwe mumuchire orubanza kukuratana n'echiragiro chenyu." Abayahudi bamugarukamu, "twebwe ta tuhenibwe kuchira omuntu orubanza rw'okufa." Bagambire kucho ago magambo koko Yesu yagambire ngalyafa, gabone kuhika.³³Habwecho Pilato yayingira munda yayeta Yesu, yamubuza, "niwe mugabe w'abayahudi?" ³⁴Yesu yamugarukamu, "mbesi wabuza echi chibuzo habw'ebitekateko byawe wenka ninga kukuratana n'ebyo bakugambire hari nyowe?" ³⁵Pilato yagarukamu, "oli kutekateka ko nd'omuyahudi? abantu b'oruganda lwawe n'abatambi babo bakuru bakurega ewange. Wakolire echibi ki?."³⁶Niho Yesu yamugambire, obukama bwange taburi obw'ensi eyi. Aho biba kucho abakozi bange babara ndwanira n'okuhamiriza tanarahika mu mikono y'abayahudi, alikwe obukama bwange taburugire munsi." ³⁷Pilato yagamba, "habw'echo oli omukama?" Yesu ya garukamu, "weho wagamba nyewe nd'omukama. Nazarwa nayiza munsi kuhamisiriza amazima. Omuntu wena ayayakira amazima ayemere n'obwegesa bwange."³⁸Pilto ya mubuza, "amazima n'enchi?" Yamara kugamba ebyo Pilato yaza aheru kandi yagambira abo bebembezi babayahudi abaregire Yesu, "tanaleba echibi chona hari oyu muntu. ³⁹Alikwe haliho echiragiro chenyu chiri kugamba ko ha chiro chikuru ndekure omukomwa omweza owo mulenda. Mulekure oyu mugabe w'abayahudi?" ⁴⁰Ibo balatera enduru barabamba, "Ingaha, otamulekura owe, tulekurize Baraba!" Baraba yabaga omusuma.

19¹Niho Pilato ya kwatire Yesu ya mukoma. ²amahe garuka engata y'amahwa bayimuzwechwa ha mutwe, bamuzwecha echisambarita. ³Alikwe ku babere bamuhika hamusike balikugamba: "Nigahe, Mwami w'abayahudi!" Bamurasira.⁴Kandi Pilato yaza aheru yabagambira: "Leba, namusohora aheru ewenyu mumenye ku ntahine igambo libi lye." ⁵Na habwecho Yesu yaza aheru yabaga azwere eyo ngata y'amahwa n'echo chiosambarita. Pilato yabagambira, "Nguyu hano omuntu wenyu!" ⁶Abo batambi abakulire abibembezi babayahudi babere bamuleba batera orwali, "mumubambe, mumubambe!" Pilato yabasubiza, "mumwakire mumubambe imwe hakuba nyowe ntanaleba echibi cho yakolire."⁷Ibo balikwe Yesu ya mugambira, "twebwe twine echiragiro chili kumuchira orubanza lwo kumwita hakuba iwe ya yiyetire omwana wa Ruhanga." ⁸Pilato ku yahulire ebi, yagira obutinyi, ⁹Yagaruka muchikwiri yabuza Yesu, "Iwe waruga nkahe?" Alikwe Yesu tayamugarukiremu.¹⁰Pilato yamugambira, "habwenki wayanga kunsubiza? Toramenya ko nyine obubasa bwona bw'okukulekuza n'obwo kukubambisa?" ¹¹Yesu yamugambira, "Iwe toyine obubasa bwona halinyowe atali Ruhanga abukuhere. Na habwecho omuntu wena ayantagire owawe ayine echibi chihango munonga."¹²Kwih'obwe bwire Pilato ya tandika kuronda omuhanda gwo kumulekura Yesu, konka abayahudi baguma kutera olwari baragamba: "walekura oyu muntu, iwe tolimunywani wa Kaisari. Omuntu wena aligira omugabe yahakanisa Kaisari." ¹³Pilato ku yahulire ebyo bigambo yatwara Yesu aheru, kandi yayikara muntebe y'orubanza ahantu haletwa "Sakafu y'ibale" - muchi hebrania haletwa: "Gabatha"¹⁴Chabaga echiro cho kwitegura Pasaka, zabaga zili nka saha mukaga. Pilato yabagambira abayahudi, "leba nguyu omugabe wenyu." ¹⁵Bo batera orwali, "mumutware, mumutware; mumubambe!" Pilato yababuza, "mbesi mubambe omugabe wenyu? Abo banyamurwa bamugarukamu, "tatwine omugabe ondizo atali Kaisari." ¹⁶Niho Pilato yagirire echiniga yabarekulira Yesu ngu bamubambe.¹⁷Obwe bamutwara Yesu, nawe yaruga aho ayikolere omusalaba gwe ali kuza ahantu haletwa "igufa ly'omutwe" mu chi hebrania, "Golgotha." ¹⁸Aho niho ba mubambire, balamubamba n'abandi babili, omwe mumukono gwa bulyo ondizo mumuono gwa bumoso, Yesu yaba ha gati.¹⁹Pilato yahandika ebigambo ebi halubaho, baluhanika hamusalaba; habaga handikirwe: "YESU WA NAZARETI, OMUKAMA WA BAYAHUDI." ²⁰Hakuba ahantu aho hahari hagufi n'omugi, abayahudi bingi basoma ebigambo byabaga byahandikirwe mundimi ze ki Hebrania, Lilatini hamu n'ekigiriki.²¹Abanyamurwa bakuru bamugambira Pilato, "otayandika, omugabe w'abayahudi, 'aliko omuntu oyu yagambire, "nyowe nd'omugabe w'abayahudi.""' ²²Pilato yabagarukamu, echonalire kuhandika, nahandikire."²³Abasirikari kubalire kumubamba Yesu, batwala ebizwaro bye babigabana bagamu emigabo ine, buli musirikari ya twara omugabo gumwe baragana bata satura eyo kanzu ya Yesu habwokuba yabaga etine omubaziro kwiha higuru kuhicha hasi taho yabaga esatukire. ²⁴Bagambirana, tutyisatura kwihaho tutere akaruru tulebe noha alayitwara. Echi cha hikiririza ebyahamdikirwe ebiyagambire, " bagabene ebizwaro byange, n'ekanzu yange bayiterera akaruru."²⁵Hagufi n'omusaraba gwa Yesu bemerere Mariamu nyinawe, nyina senge, Mariamu omukazi wa Klopa na Mariamu Magdalena. ²⁶Yesu ku yamulebire nyina we hamwe nogwe omwegi w'omukundwa bimerere hagufi, yagambire nyina we, "Mama, ogwe n'omwana wawe!" ²⁷Bwanyuma yagambira omwegi we, "ogwe ni nyoko!" Kwiha n'obwe bwire owe mwegi yatwara nyina wa Yesu muk'ewe.²⁸Mbere yebi Yesu yamenyire nkokw'ebintu byona bya hikirira, na habw'echo, kuhikiriza ebihandiko, yagamba, "nagira iruhu." ²⁹Aho habaga ho ebakuli eyizwire amarwa gakalire, bakwata echangu ba kizabikamu, bachita ha chibingo, bamunywesa hamunwa. ³⁰Hanyuma y'okunywa ago marwa, Yesu yagamba: "byahwa." yayinamisa omutwe yach'omutima.³¹Hakuba chabaga echiro cho kwitegura Pasika, abayahudi tabayendire emibili yabo egume hamusaraba echiro cha sabato (yobere esabato nkuru), hakuba yatomere obwire obwire bwa Pasika, basaba Pilato amaguru gabali bagahende kugira bafe zuba babihe ha musalaba. ³²Aho abasirikari bahenda amaguru gowe w'okubanza abambirwe na Yesu hamu nowe wa kabili. ³³Obwire bubahikire owa Yesu, baleba ko yamara kufa, ta bamuhendire amaguru.³⁴Kwihaho, omusirikar'omwe ya chumita Yesu ichumu lyo rubazu, harugamu esagama n'amezi. ³⁵Ebigambw'ebi bya zulirwa n'omuntu ayabilebire, n'obuzurizi bwe buhikirire. Iwe aramenya kw'ebyoyagambire n'amazima nawe yahayo obuzurizi obu kugira mwikirize.³⁶Hakuba ebintu ebi byayiyerekire kugira ebyarebekire bihikirize ebihandiko byo yagambire tahine n'igufa lye rimwe lyahendirwe. kandi ebihandiko ebindi biraaggamba, "ba lya muleba we owubaterir'ichumu."³⁸Yozefu wa Arimatea ayabaga omukurasi we w'echihama che hakuba yatinire abayahudi, yamusaba Pilato omubili gwa Yesu. Nawe ya yikiriza. Nobwe yayizire ya twala omubiri gwa Yesu. ³⁹Nawe Nikodemu, owe yagendere Yesu muchiro muchihama, yayiza n'enzwangane ya manukato kulenga lita igana.⁴⁰batwar'omubiri gwa Yesu, baguzweka ebitambara bilimu amanukato, nkoku yabaga emwitwarize y'abayahudi kuzika emibiri. ⁴¹Hihi yaho ho bamubambire habaga haliho ebustani y'echituro chitakakozesibwe. ⁴²Obwe kuhikiriza ihika lye sabato, bazika Yesu ahari echo chituro hihi.

20¹Echiro chokubanza mu tututu, omwirima guchariho; Maria magadalena yaza hacituro ya sanga elyobare lyabaga lichingirze hamulyango gwechikturo. ²Habzecho aragenda zuba eza simoni Petero ha,we nowe mwegeswa ayabaga akundierwe na Yesu arabaga,bira " Batwere omubiri gwa mukama, kugwiha mukituro , kandi tuitaramenya yaba bagubikire nkahe!

³Petero hamwe n'owe mwegeswa bararugaho baraza hachituro . ⁴Bona babiri babaga balikwiruka aliko ogwe mwegeswa yauyiruka zuba kulenga Petero, arahika hachituro. ⁵Y'ahikaho alinama ararunguiliza mu kituro, ara leba eyo sanda, aliko ntayayingire munda.⁶Niho Petero Yayizaga amukuratire enyuma, aragenda kamwekamwe arahika munda y'ekituro. Nawe araleba eyo Sanda. ⁷Hamu necho citambara echabaga chiri hamutwe gwa Yesuchikubirwe n'okutebwa hamusike gweyo Sanda.⁸Hanyuma owe mwegeswa aya mangize kuhika ha chituro, nawe alingira munda; araleba alikiriza. ⁹Hakuba kuhichobwe bwire, babatakamenyire ebihandiko, ebyaragilirwe ko y'azukire kuruga mu bafire. ¹⁰Abo begeswa bararugaho barasuba muka ewabo.¹¹aliko Maria alikara heru y'echituro alikulira. Ko yabere alikulira, alinama araleba munda y'echituro. ¹²Araleba bamaraika babiri bazwere ebizwaro bya mweru, bikere aho omubiri gwa Yesu gwaguli, omweza harubazu rwamaguru hamu n'ondozo hamutwe. ¹³Baramubuza Maria, "Mama k'olikulira?" Arabagarukamu, "Ndikulira hakuba batwere Mukama wange kandi ntanyizi eyo bamubikire.¹⁴Ko yabere acalikugamba arahinduka, araleba Yesu ayemere enyuma ye, aliko ntayamumenyire! ¹⁵Yesu aramugambira " Mama kolikulira? Olikuronda nde? " Maria Maria yagira ng'owalikuganira n'awe n'omurinzi welyo rima, habwecho yamugarukamu, " Yaba aliwe wamutwere, nyereka aho wamutere mutware.¹⁶Yesu aramweta, " Maria" niho Maria yahindikire Yesu, aramugambira muki ebraniya " Rabuni". ¹⁷Yesu aramugambira " Otankwata hakuba ntakatembire kuza owa Tata. Aliko ogende ewa bisemwe bange, obagambire naza ewasiyange na sowenyu, ewa Ruhanga wange na Ruhanga wenyu. ¹⁸Habwecho, Maria magadalena aragenda, arasanga abegeswa arabagambira " Nabona hali Mukama "¹⁹Echo chiro chokubanza mumugoroba, obwire bwo abegeswa babaga hamwe, emiryango echingirwe balikulira abayahudi, Yesu arababonekera, alimerera hagati yabo, aragamba, " Obusinge bub e namwe." ²⁰Hanyuma y'okugamba ebyo, arabereka emikono ye hamu n'orubazurwe. Abegeswa balisima kulenga ko babere baleba Mukama.²¹Yesu arabagambira kandi, " Obusingte bube namwe. ko tata yantumire, nanye nabatuma imwe". ²²Kandi ko yabere yamara kugamba arababuhirira omuya gwe arabagambira: " Mwakire omwisyo olikwera.²³Mwasasira bulimuntu wena ebibi bye, araba yasasirwa. mwaba mutamusasire, araba atasasirwe."²⁴Tomasi aya yetwaga Pacha, ntayabagaho obwire obu Yesu yabonekere abegeswa be. ²⁵Habwecho baramugambira, twabonahali Mukama, Aliko iwe arabagambira " tandikimriza ntakalebire ebimenyeso byemisumari mumkikono ye, kandi nkole n'emnkumu zange munkozo z'emisumari kandi nkata omukono gwange murubazu rwe.²⁶ Hantyuma y'ebiro munane, abegeswa babere balihamwe kandi nan Tpomasi Murusika rumwe. Emilyango echingire, Yesu arababonekera, alimerera hagatio yabo arabagambira, " Obusinge bube namwe".²⁷Niho yamugambira Tomasi, leta orukumu rwawe orute hano, leba emikono yange kandi onanure omukono gwawe okole harubazu rwange. otaba owokusitikanya aliko oyikirize.²⁸Tomasi aragamba, " Mukama wange na Ruhanga wange" ²⁹Yesu yamugambira, "Wayikiriza kuba wayirebera?Bine emigisa abikirize batalebire.³⁰Yesu yakolire ebitangere byingi embere z'abegeswa be ebitahandikirwe mulechi kitabo.³¹Alikw'ebi byahandikirwe kuigira ko mwobasa kwikiriza ko Yesu Kristu, Omwana wa Ruhanga; kandi mu kumwikiriza mube n'obugingo mwizina lye.

21¹Hanyuma y'ebyo yesu yayiyereka ogundi murundi, habegi be enseri y'enyanza ya Tiberia. Babere ngo: ²Simoni Petero, Tomaso ayayetwaga Pacha, Natanaeli wa kana ya galilaya, Abana ba Zebedayo na bandi begi Babiri babaga hamwe. ³Simoni Petro yabagambira bagenzi be; Nyowe nagenda kusoha ama here, nabo bamugambira, Turagenda hamwe nawe. Bagenda, baingira mu bwato. Aliko mulecho chiro ntacho echibabwene:⁴Bwabere bwacha, Yesu yayemerera hankungu. Aliko abegi ntabamumenyire.⁵Yesu yabagambira, Banabange mwabona amahere? bamusubamu., apana. ⁶Yabagambira sumya amatimba mubulyo bwobwato bwenyu, namwe murabona Amahere, Bakora bacho babona amahere mingi munonga ahobwe balemwa kutamu obwe butimba obwa bwizwire amahere mu bwato.⁷owe mwegi ayakundwaga na Yesu yamugambira, Petro, "Mukama" Petero yabere yahulira Ebyo obwe butimba obwayizwire amahere.ikoma echizwaro, hakuba yabaga yayihiremu obu balikukora omulimo, yayiha munyanza, yayoga alikuza ensri hankungu.⁸abandi begi bayiza aharobwe bwato obwe balikuboneza obwe butimba obwa yizwire amahere. Aho ahu babali kusohera tahahali hale n'enseri hali nkentambu igana.⁹Bamara kuhika enseri, baleba omuliro gwa makara guliho ihere, nomugati.¹⁰Yesu yabagambira ngo mulete amahere, agu mwakwataho elizoba.¹¹Simoni Petero yagenda yagaruka omubwato, yakurura amatimba yagahicha enseri: gizwire Amahere mahango mnonga. Igana makumyatano na satu konka nobu byabere biri byingi akatimba ntakachikire.¹²Yesu yamugambira, Nimwize mulye, mubegibe ntahaliho nomwe yabagaho. Ntahaliho nomuntu nomwe murabo ayabasize kumubuza, iwe ninde? Bamenya ku amazima y'ari Omukama. ¹³Yesu yagenda yaleta Emigati nyuma na mahere, yabagabira.¹⁴Ogu gwaguro omurundi gwa kasatu Yesu alikwiyereka ahabegi be kwiha arazuka kuruga mubafu.¹⁵Babere bamara kulya Yesu yamubuza Simoni Petro, Simoni mwana wa Yohana, orankunda? Amazima kusinga aba? Yamugarukamu, yego Mukama nawe Oramenya ku ndakukunda. yesu yamugambira " Lisa abana bentama bange"¹⁶Ahagundi murundi Yesu yamubuza, Simoni Petro, Simoni mwana wa Yohana Orankunda? Petro yamugarukamu " Yego Mukama". Iwe oramenya konkukundaga yamugambira " Lisa entama zange".¹⁷Habwakasatu, Yesu yamubuza Petro, Simoni mwana wa Yohana Orankunda? Petro yasasa chane hakuba Yesu yamubulize obwa kasatu, orankunda?, Yamugarukamu, Mukama, Iwaho Oramenya. Bulichintu, oramenya oku nda kukunda, Yesu yamugambira Lisa entama zange. ¹⁸Nakugambira butunu, obu wabaga oromuchigazi, wazaga nokugenda aho lenda; aliko wamarakuba omugurusi orahambura emikono yawe nomuntu owundi, arakuzweka ebizwaro nokukutwara ajho watalenda kuza.¹⁹Yagambire ebi ngu amunywese Petero ku araza kufa, nahabworufu rwe Ruhanga ahimbisibwe. Ahanyuma Yesu ya mugambira petero, " Nkunda".²⁰Petero yahinduka yamuleba oliya mwegi ayakundirwe na Yesu alikubakurata, ogu niwe mwegi ayayikere hihi chane na Yesu kuyalire nawe echokulya chahamuheru yamubuza, Mukama Ninde ayakunywanirire?²¹Petero ku yalebire ogwe mwegi yamubuza yesu, Mwami, nogu birikute?²²Yesu yamukarukamu, yaba olenmda ngu abe aliho ohu ndyagaruka erakwendaki, iwe nkurate:²³Habwa magambo aga ga Yesu, echigambo chabatahamui muli bene ishe ku ogu mwegi tayarafa. Aliko Yesu Tayagambire ku yaba alenda kubaho kuihicha ahu alya garuikira, bikukwatireho enki?²⁴Ogu niwe wa mwegi aya basize kuzura ebintu naniwe aya handikire aga mahulire, natwe turamenya nkoku obuzulizi bwe n'obwamazima.

Kinyabinza: Bible for John

Formatted for Translators

John