Kanu: Bible for Acts

Formatted for Translators

©2022 Wycliffe Associates
Released under a Creative Commons Attribution-ShareAlike 4.0 International License.
Bible Text: The English Unlocked Literal Bible (ULB)
©2017 Wycliffe Associates
Available at https://bibleineverylanguage.org/translations
The English Unlocked Literal Bible is based on the unfoldingWord® Literal Text, CC BY-SA 4.0. The original work of the unfoldingWord® Literal Text is available at https://unfoldingword.bible/ult/.
The ULB is licensed under the Creative Commons Attribution-ShareAlike 4.0 International License.
Notes: English ULB Translation Notes
©2017 Wycliffe Associates
Available at https://bibleineverylanguage.org/translations
The English ULB Translation Notes is based on the unfoldingWord translationNotes, under CC BY-SA 4.0. The original unfoldingWord work is available at https://unfoldingword.bible/utn.
The ULB Notes is licensed under the Creative Commons Attribution-ShareAlike 4.0 International License.
To view a copy of the CC BY-SA 4.0 license visit http://creativecommons.org/licenses/by-sa/4.0/
Below is a human-readable summary of (and not a substitute for) the license.
You are free to:
The licensor cannot revoke these freedoms as long as you follow the license terms.
Under the following conditions:
Notices:
You do not have to comply with the license for elements of the material in the public domain or where your use is permitted by an applicable exception or limitation.
No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.

Acts

Chapter 1

1. Teofile,natendagha mu kitabo chani kisoki,ku binsayi byakitagha Yesu nu kweghesha kulingila ndingililo,2kwikila busi bwatolwagha kw'ighulu,gha shilagha kwelesha ntumwa sa sombolagha mibiko ,kutingila Muusa Musogha.3Gha shilagha kunuba,indoshagha mughimaghima ku beli,nu kubelesha tumanililo twingi,nu kwindosha ku beli ku bindi makumi manayi,nu kubabula ku bitondo bya bukota bwa Ghongo.4Ubo bwabagha nabo,abakakishagha bendaghe bulayi na Yelusalema,tondo balindile indaghi l'Ise,lyababulagha ko,u bwa babulile;5Kubuno Yoani apatishagha na masi,tondo benywe,mu bindi bikeke,mukapatishibwa ku Muusa Musogha.6Agho ntumwa sa kulumanagha nu kumubusha:Mukota,ndi mu bino bindi u muukimika bukota bwa Isilaeli? 7Abakulagha:Ta kanshi sinu kumana bindi ali nkungu sabikilwe na Tata mu bwangato bwaghe.8Tondo, mukasekela mpumba,Muusa Musogha kwika kwinu,nu mukaba bateneneki bani mu Yelusalema,mu Yudea insayi,mu Samaliya,nu kwika kushinda kisi.9Mu kushila kutenda ubo,atolwagha nu bakulola,nu lubhu lwa mubukilagha . 10Nu bu babagha bakughalamila kw'ighulu nuwe ekwenda,lola,balume babili bashwalile nshulu senga babapamukilagha, 11nu kutenda :Bantu ba Galilaya,buni bumwindisha mukwengelesha kw'ighulu?Ghoso Yesu,watolwa kw'ighulu mukantighi na benywe,akashwa ubo bumwamulola ko ekwenda kw'ighulu.12Agho bakulukagha ku Yelusalema, ku mwinduko ukumanwa Miseituni,bwighi na Yelusalema mu lughendo ta lulayi.13Gha bikagha ,babakamagha mu chumba cha kuntata mu bendagha bikala; babagha Petelo,Yoani,Yakobo,Andele,Filipo,Toma,Matoloma,Matayo,Yakobo musikila wa Lufayo,Simoni wamanagwa mu Seloti nu Yuda musikila wa Yakobo.14Bansayi mu lwango lumoyi bikalagha mu masegho,ghamoyi na bakashi,nu Malia nina wa Yesu,nu ghamoyi na bisakwabo na Yesu.15Ubo busi,Petelo imalagha mu kantighi na bisakwabo,babagha anga bantu ighana nu makumi mabili.Nu'ingatenda:16Bisakwitu,bweli busogha bi belelele byatendwagha mu Kitondo cha Ghongo na Muusa Musogha kutingila kanywa ka Daudi,ku kitondo cha Yuda,olya wasondelagha ba bakatagha Yesu nsila.17Abagha umoyi ku beshwe,nu abagha na kibhu mweno nkashi.18Ghoso muntu,kushila kughula iswa na bikulo lya mabi,awagha,nu kuketuka ngendw'imbili,nu misolo saghe sa sandabanagha.19 Icho kitondo cha managhwa na bantu bansayi ba Yelusalema buno ilw'iswa lyamanwa mu mutendeshi wabo Hakaladama,u kutenda buno iswa lya mikilha.20Ibyo byatilwa mu kitabo cha nembo:Kishiki chaghe kighaluke kalula,nu muntu ntikale mwicho! Nu'ungo atole kishumbi chaghe!21Bwaswagha,umoyi ba twatabangagha nabo mu bindi bitwabagha na Mukota Yesu,22kulingila lupatisho lwa Yoani kwikila busi bwatolwagha mu nkatighi na beshwe,kube umoyi wakughanswa na beshwe wabe muteneneki wa kutuka ku bakuyi bwa Yesu.23Bimikagha bantu babili:Yosefu wamanaghwa Baliseba lingw'ishina lyaghe Yusuto,nu Matiya.24Agho,baseghagha:Mukota,uwe ukumana mitima sa bansayi,tuloshe ku bano babili olya u wasombola,25buno abe na kibhu mu ghuno mulimo nu nkashi nsogha,sashighwagha na Yuda mu kwenda mu kishiki chaghe. 26balasagha mbale ,nu saloshagha Matia,aghanswagha mu ntumwa ikumi n'emoyi.
Chapter 2

1Busi bwa Pentekote,babagha bikalile ghamoyi.2Muku kebya nu kulambula,kwatukagha kw'ighulu,ishuki anga lya lumpumpu lunene,nu l'isashagha numba si babagha bikalile mo.3Lwembe lwasusana anga lwa kaya,lwabakumbilagha nu kubabeghanya gha basambana,nu lwikalagha kw'itwe ly'omoyi moyi.4Nu bisalagha bansayi na Muusa Musogha,nu batendagha mu mitendeshi ningi,anga bubeleshwagha so na Muusa Musogha.5Tondo,ubo busi mwasangwagha mu Yelusalemu Bayuda,bantu bakatilila Kitondo cha Ghongo batukagha mu bilongo binsayi bya kisi.6Ku ghoso mulenge,bantu bengi bashwagha lubilo kubongwilila,nu na muntu na muntu ongwagha mu mutendeshi waghe.7Bansayi baghanaghanagha,nu batendagha gha basambana:Lola,bano bantu bakutenda ta bansayi ta ba Galilaya?8Nu buni bu tukubongwa na muntu na muntu mu mutendeshi waghe wabutwagha nao?9Ba ku Palate,baku Medi,nu babo ba ku Mesopotamia, ku Yudea,ku Kapodoke,ku Ponto,ku Asia,10ku Filigia,ku Panfilia,ku Misili,myelo sa Libia maleshila na Kulene,nu babo batukile ku Loma,Bayuda nu begheshwa.11Bakelete,nu Balabu,buni bu tukubongwa mu mitendeshi situ bakughanula Ghongo?12Baghanaghanagha bansayi,nu,mu kwinda bya kulenganya,batendagha gha basambana:U kiki kino?13Tondo bango basekagha ,nu kutenda :Balewile .14Agho Petelo,ghamoyi nabo ikumi n'omoyi imaluchagha mulenge,nu kubatenda mu bitondo bino:Bayuda, nu benywe bansayi mwikile mu Yelusalema,mumane buno,nu muteghe matuyi mu bitondo byani!15Bano bantu ta balefi,ubo bu mukulenganya,sicheli s'isatu eno.16Tondo bino u byatendwagha na mulenganya Yoeli:17Ghongo atendagha,mu bindi bishinda nkasandabanya Muusa wani ku muntu unsayi;basikila binu nu bakinga binu bakatenda bya bulenganya,bana binu bakamana bikatinga,nu bakungu binu bakalota ndoshi.18Naki,ku bakiti bani ba balume nu ba mukashi,mu bibyo bindi,nkasansila Muusa wani,nu bakatenda bya bulenganya.19Nkatucha bighanaghana kw'ighulu nu bitangalo mu kisi,mikilha,kaya,nu muuki.20Musi ukaghaluka bulimaswa,nu mweshi kuba mikilha nu busi bwa kashwa we Mukota tabwika,busi bunene nu bwa lukumbu.21Agho ,olya uk'itatila ishina lya Mukota ak'ona.22Baisilaeli,mwongwilile bino bitondo !Yesu wa Nasaleti,ghoso watenenekwagha na Ghongo mu miso minu kutingila bitangalo,bighanaghana nu tumanililo twakitagha mu nkatighi na benywe,anga bu mukumana benywe binene;23ghono muntu wesanaghwa kutingila bwashima Ghongo,mwamwitagha ku musalaba,mwamwityagha na maboko ma babi.24Ghongo amutuchagha ku bakuyi, mu kumukandula mu lukwo,buno ta bunakoshibwe abanswe na lukwo.25Kubuno Daudi atendagha kuwe:Nalolagha ku Mukota kubusho kwani,kubuno eli kw'indume lyani,buno nshiyungweyungwe.26Nu mutima wani uli mu mboghimboghi,nu lulame lwani luli mu chelele;nu mubili wani u kwomulwa mu malelamilo.27Kubuno ntukashighilila mutima wani mu kishiki cha bakuyi, nu ntukashima musanana wobe abole.28Wandoshishe nsila sa kalamo,nkaba na mboghimboghi ku weli..29Bisakwitu,munimile nibabule bwasibwasi ku kitondo cha tatangulu Daudi,akwagha,nu akundwagha nu nsinda saghe tukusimona ko.30Bwa besagha mulenganya nu bwa managha buno Kalagha amulaghagha ghamoyi na kulumbila buno ak'imika umoyi wa kibuti chaghe mu kishumbi chaghe,31kashi nti kutuka ku bakuyi kwa Yesu u kwatendelagha ubo,ntakashighwa mu kishiki cha bakuyi nu mubili waghe ta ukabola.32U ghono Yesu,watuchwa ku bakuyi na Ghongo;tuli beshwe bansayi bateneneki.33Kwimikwa kw'indume kwa Ghongo,eleshibwe na Tata Muusa Musogha wa mulaghagha, nu wansanswagha kuwe,anga bumukulola nu kongwa.34Kubuno Daudi ntabakamile kw'ighulu,tondo atenda:Mukota abula Mukota wani:Ikala kw'indume lyani,35Kwikila gha nkabika baghini bobe babe ku binantilo byobe. 36Numba insayi sa Isilaeli simane busogha buno Ghongo akitile Mukota nu Kilishitu Ghoso Yesu u mwitagha ku musalaba.37Kushila kongwa kwebyo bitondo bingi, mitima sabo sa bulughanile,nu babushagha Petelo nwengo ntumwa:Bisakwitu,tukakita buni ?38Inga Petelo ababula: Mw'isungule ,nu na muntu apatishibwe mw'ishina lya Yesu- Kilishitu,mu kushighililwa bwaghi bwinu;nu mukasekela lukaso lwa Muusa Musogha.39Kubuno indaghi lili kwinu,ku bana binu ,nu ku bansa beli bulayi n'inu,nu ku bengi bakamanwa na Mukota Ghongo witu.40Nu,kubingo bitondo abatenenekile nu kubema mu kutenda:Mwi'onye na luno lughiso lubi.41Ba bimilagha kitondo bapatishwagha;nu ubo busi,ighanso lya begheshibwa likagha ku bantu kili anga elefu isatu.42Bikalagha mu meghesha ma ntumwa, mughomyo wa mubuto, kulya kampampa,nu mu masegho.43Na muntu na muntu akwagha boba,nuwe akitagha bighanaghana nu bitangalo bingo kutingila ntumwa.44Ba bansayi bakatishagha bikalagha ghamoyi,nu babikagha binsayi ghamoyi.45Baghushagha byabo binsayi nu ku beghanya bi bamonagha gha basambana kulembana na nkasa sa muntu.46Bendagha bindi binsayi mu numba sa kukumbamila,balyagha kampampa mu ma shumba,nu basangilagha indya lyabo na mboghimboghi nu mu mutima musogha,47mu kutata Ghongo nu kweleshibwa mpanga'inene kuli bantu.Nu Mukota isashagha Kanisa na bantu bakatisha.
Chapter 3

1Petelo nu Yoani bendagha ghamoyi ku numba sa kukumbamila,mu nkungu sa masegho:Sabagha sa mwenda.2Kwabagha kasokoluma kamoyi tukila kubutwa,wendagha wekwa nu kubikwa bindi binsayi gha mwingilo wa numba sa ku kukumbamila sa managhwa musogha,eme lukaso ku babo bakw'ingila mu numba sa kukumbamila.3Ghoso mulume,mu kulola ku Petelo nu Yoani babagha bakw'ingila mo,abemagha lukaso.4Petelo nu Yoani,bamwengeleshagha nu kutenda:Twengeleshe.5Nu abengeleshagha bubibu nu ekulemalila kweleshibwa kikayi nabo. 6Agho Petelo amubulagha :"Nshite kakulo ali nolo;tondo cha kinite,nkukwelesha cho: Mw'ishina lya Yesu -Kilishitu wa Nasaleti,imaluka nu wende.7Nu mu kumukata na kuboko kw'indume,amwimaluchagha.Mweso nkungu,mashinshi nu makosogholo maghe manakagha;8mu kulenga,imalagha nu kutabanga.Ingilagha ghamoyi nabo mu numba sa kukumbamila,kutabanga,kulenga nu akughanula Ghongo.9Bansayi bamulolagha ko bwa kutabanga nu kughanula Ghongo.10Bamumanililagha buno u ghoso wendagha w'ikala gha mwingilo musogha wa numba sa kukumbamila kusegha lukaso ,nu ba ghanaghanagha ku byamwikinde.11Bwa tashighagha Petelo nu Yoani,bantu bansayi bendagha lubilo ku beli ,ku kitiko ki kumwana cha Solomono.12Mukulola kobo,Petelo abulagha bantu:BaIsilaeli ki kimwaghanaghana nacho?Buni bu mwatwengelesha bubibu?Anga ku maghala mitu u kutwalamya ghoso muntu?13Ghongo wa Bulaimu,wa Isaka nu wa Yakobo,Ghongo wa batata,aghanulile mukiti waghe Yesu,u mwesanagha nu kumutuna gheli Pilato,walondagha amukandule.14Mwatunagha Wasanana nu Wabulili,nu mwemagha bakandule mwiti.15Mwityagha Mwami wa kalamo,watuchwagha ku bakuyi na Ghongo;tuli bateneneki baghe.16Nti Ku lukatisho lw'ishina lyaghe uchasula ghoso u mukumumona ko nu mukumumana alama;Kwa kumukatisha,u kwalamya ghoso muntu mu miso minu.17Nu lola,bisakwitu,mu kw'inda mulenganya, benywe nu bami binu uchasula mwakita ubo.18Tondo Ghongo akukishe byatendagha mu kanywa ka balenganya,buno Kilishitu waghe akanuba.19M'wisungule mitima, buno bwaghi bwinu bushililile,20 b'uno nkungu nsogha sa Mukota sike,nu asinge Yesu -Kilishitu u mweleshibwe,21ukasekelwa n'ighulu kwikila bu kakuka binsayi anga bwatendagha Ghongo kutingila kanywa ka balenganya basanana.22Musa atendagha :Mukota Ghongo winu akatucha munkatighi na benywe ungo mulenganya ang'ine;mukamwongwilila ku binsayi bya kababula,23nu olya ukanana kongwilila ghoso mulenganya,akatuchwa munkatighi na bantu.24Balenganya bansayi ba batendagha,tukila Samwele,batendagha nubo kwebyo bindi.25Mweli bana ba balenganya nu b'indaghi lyakitagha Ghongo na batata,mu kubula Bulaimu:Bilongo binsayi bya kisi bikakasanilwa kutingila kilongo chobe.26Kuwe u kwatukishe tanga Ghongo mukiti waghe ,amusingagha buno abakasanile, mu kutucha umoyi umoyi mu bwaghi.
Chapter 4

1Petelo nu Yoani babagha becheli batenda na bantu,bikagha Bansakogha,nu mulangi wa numba sa kukumbamila nu Basadukayo,2batashimagha bya bagha bikwegheshwa bantu buno Yesu atukagha ku bakubi .3Babakatagha ,nu kubalekela mu kahombo kwikila munindu;kubuno bwabagha ise igholigholo.4Tondo,bengi ku ba bongwagha kitondo bakatishagha nu ighanso lya bantu likagha anga ku elefu itano.5Mu nindunindu, bakulu ba bantu ,bakungu nu basanshi,bakulumanagha ku Yelusalema,6ghamoyi na Ana,Sankogha munene,Kayafa,Yoani,Likisandele nu bansayi babagha ba lughiso lwa Basankogha banene.7Babikagha Petelo nu Yoani munkatighi nabo,nu kubabusha:Ku bwangato ki,ali kw'ishina lya nayi ukumwakitila ibyo?8Agho Petelo,wisalagha na Muusa Musogha,ababulagha :Bami ,nu bakungu ba Isilaeli,9mwatubusha buno busi ku busogha butwakitila musambi,buno tutende buni bwalamile,10mumane benywe bansayi,nu bantu ba Isilaeli nubo bamane! Kutingila ishina lya Yesu Kilishitu wa Nasaleti,u mwitagha ku musalaba,nu watuchwagha na Ghongo ku bakuyi,ku we uchasula ghoso muntu alama.11Yesu u ikoyi lyatebwile na benywe bobaki,u limashishe numba.12Taku lonio mu ungo muntu;buno ghansi takweli lingo'ishina lyeleshishwe bantu, buno kutingila lyo bone.13Gha balolagha mpumba sa Petelo nu Yoani,baghanaghanagha,kumana buno beli bantu ba takumana kena;nu ba bamanililagha buno babagha ghamoyi na Yesu.14Tondo mu kulola ku ghoso muntu walamagha eli bwighi nabo,bindagha bya kutenda.15Babakakishagha batuke mu lusu lwa matenda,bakalagha lwango gha basambana,mu kutenda: Tukite ki na bano bantu?16Kubuno bantu bansayi ba Yelusalema balolile ku kitangalo ki bakitile ,nu tatuna tuna. 17 Tondo,kino bitondo ta kilumbe mu bantu,tubananye bubibu buno tabatende lingo na muntu kwelyo ishina .18Nu mu kubamana, ba bananyagha bubibu kutenda nu kweghesha mw'ishina lya Yesu.19Petelo nu Yoani babakulagha:Mughaye ndi busogha,kuli Ghongo,kubongwilila benywe ali kongwilila Ghongo;20Buno ta tuninda kutenda ku bitwalolagha ko nu bitongwagha ko.21Babasughila lingo bubibu,nu kubashighilila,mu kwinda bwa bakitaghe kubuno bantu bansayi babagha bakughanula Ghongo ku byatingile.22Buno ghoso muntu walamagha mu kitangalo abagha na myaka satinga makumi manayi.23Gha ba bamekulagha,bendagha ku bisakwabo,nu kusambalila bya babulile bisankogha banene nu bakungu.24Mu kushila kubongwilila,bansayi baghanulagha Ghongo nu kutenda: Mukota,uwe u wakitagha ighulu,kisi,kitatenge,nu binsayi byeli mo,25uwe watendagha kutingila Muusa Musogha ku kanywa ka tata witu,mukiti wobe Daudi: Buni ulo lwayo mu babilongo,nu mulenganya wa tughutughu gha sambana bantu?26Bami ba kisi basoloboka,nu bakota bashingila Mukota nu olya u wabongishe mwambo .27Bulili, mukiti wobe Yesu,uwabonjagha mwambo,u wendelwagha lwango na Helode nu Ponso Pilato mu ughuno musumba,ghamoyi na bilongo nu bantu ba Isilaeli,28buno bakite bi walongomanyagha kalayi.29Nu lelo, Mukota,Lola bu twayungwayungwa nabo, nu elesha bakiti bobe bwangato bwa kughesha kitondo chobe na bulili bunsayi,30mu kubabikila kuboko,buno balamye nsambo,bakite bitangalo nu bighanaghana kw'ishina lya mukiti wobe Yesu Wasanana.31Gha bashilagha kusegha,kishiki ki babagha bikalile mo,cha tengagha bubibu; bi salilanagha bansayi na Muusa Musogha,nu begheshagha kitondo cha Ghongo na bulili bunsayi.32Bantu ba bakatishagha,babagha na mutima umoyi nu mulenganya umoyi.Taku wampa watendagha buno bya bite byeli byaghe w'inene,tondo binsayi byabagha byabo bo bansayi.33Ntumwa satenenekagha bubibu kutuka kwa Yesu ku bakuyi.Nu bansayi babagha na mpanga'inene.34Buno kubo takwabagha mukene:Ba babagha na maswa ali mashumba baghushagha mo,35nu bichagha bikulo ku maboko ma ntumwa; nu byabeghanishibwagha bansayi kuyangana na nkasa so moyi moyi.36Yosefu, wamanaghwa na ntumwa buno u Balanaba,u kutenda buno mwana wa bubobelesho,mulawi wa ku Kipulo,37aghushagha iswa lyaghe,ashwagha na bikulo, nu kubicha ku maboko ma ntumwa.
Chapter 5

1Tondo mulume umoyi ukumanwa Anania,ghamoi na Safira mughole waghe,aghushagha kikayi chaghe,2nu imbikilagha kibe ku bikulo,inga mughole waghe amana;agho ekagha byashighalagha ,nu kubicha ku maboko ma ntumwa.3Petelo amubulagha: Ananiya,buni bwisasha Kahinga mutima wobe,buno utende kweli Muusa Musogha,nu w'imbikila kibe ku bikulo b'iswa? 4 Ndi ta linaghushibwe,ta linashighalile lyobe? Nu gha lyaba lyaghushibwa,bikulo byalyo tabyeli ku maboko mobe? Buni bu wabika mulenganya anga ghoso mu mutima wobe?Ta bantu u bawengelinde,tondo Ghongo.5Anania,mu kwongwa kwibyo bitondo,awagha nu kukwa.Boba bunene bwakatagha bansayi bongwagha kubo.6Basikila, bimalukagha,bamughondagha mu nshulu,bamwekagha nu ku mukunda.7Kwatinga anga s'isatu,mugole waghe ingilagha ntakumana byatingile.8Petelo amubulagha:Mbule ,bino u bikulo binsai byaghushibwe ily'iswa? Amwakulagha,naki,u binsayi ibyo.9Agho Petelo amubulagha: Buni bumwakalile lwango mwengelele Muusa wa Mukota?Lola,babendagha kukunda munachobe beli gha kitiko;nuwe bakukweka.10Mwako kaluma, awagha mu manshinshi ma ntumwa,nu kukwa.Basikila mu kukuluka bamusangagha akwile;bamwekagha nu kumukunda bwighi na munachaghe.11Musangano nu bansayi bongwagha ku ghoso musaghu,bwakatwagha na boba bunene.12Bitangalo bingi nu bighanaghana byakitwagha na ntumwa gha sambana bantu.Bikalagha bansai gha mwingilo wa lusu lwa Solomono,13nu taku wampa ku bango waghelekagha kwikala nabo;tondo bantu ba batatagha bubibu.14Ighanso lya babo bakatishagha ku Mukota ,balume nu bakashi, lyabagha lingi ;15buno batuchagha basambi mu mitobo,nu kubeka ku mighu nu ngwaya,buno ghatinge Petelo,kilimelime chaghe kilamye bamoyi kubo.16Bantu bengi nubo batukagha mu misumba sa bwighibwighi na Yelusalema,bekile basambi nu babite basumbu;nu bansayi balamagha.17Agho Sankogha munene nu bansayi babagha ghamoyi nawe,kikembe cha Basadukayo,bimalukagha ,mu kuba na lughi,18bakatagha ntumwa nu kubalekela mu kahombo ka bantu bansayi.19Tondo mughenshi wa Mukota, ighulagha mu kindi lumbi lwa kahombo,ku bakukula,nu kubabula:20 Mwende nu mwikale mu numba sa kukumbamila, nu musambalile bantu bitondo bya kalamo kano.21Mukongwa ubo,bingilagha mu nindunindu mu numba sa kukumbamila,bikalagha bakweghesha.Mu kwika,Sankogha munene nu bansayi babagha ghamoyi nawe,akulumanyagha lusu lwa matenda nu bakungu bansayi ba bana ba Isilaeli,bendagha kutola ntumwa mu kahombo.22Ntumwa mu kwika kwabo,ta babasangagha mu kahombo.Bakulukagha nu kusambalila binsayi bi bamonagha ko,23mu kutenda: Twasanga kahombo kighalilwe busogha,nu balangi beli gha kitiko tondo, mu kushila kw'ighula,tatwasangile muntu munda.24Mu kushila kongwa kwibyo bitondo,mulangi wa numba sa kukumbamila nu Bansakogha banene bindagha bya kulenganya ku ntumwa nu ku lil'itenda.25Muntu umoyi ashwagha kubabula:Lola,bantu bamwalekelagha mu kahombo beli mu numba sa kukumbamila nu bakweghesha bantu.26Agho mulangi endagha ghamoyi na ntumwa,nu abekagha bukebuke,kubuno bakwagha boba buno anasundwa makoyi na bantu.27Gha babichagha mu lusu lwa matenda, nsakogha munene ababushagha mu bino bitondo :28Ta twabananyagha busogha busogha kweghesha mwel'ishina?Nu Lola mwisasha Yelusalema na meghesha minu, nu mukushima mutweche mikilha sa ghoso muntu !29Petelo nu ntumwa baakulagha:Bweli busogha kongwilila Ghongo kutinga kwongwilila bantu.30Ghongo wa batata atukishe Yesu ku bakuyi,u mwitagha ,mu ku mukamila ku muti.31Ghongo amumaluchagha na kuboko kwaghe kw'indume anga Mwami nu Mukota,buno eleshe Isilaeli kw'insungula nu kushililila kwa bwaghi.32Beshwe bateneneki ba bibyo bitondo, ghamoi na Muusa Musogha,weleshibwagha na Ghongo ku babo bakumwongwilila.33Mu kushibuka bubibu nebyo bitondo,balondagha ku bitya.34Tondo,mufalisayo umoyi ,u kumanawa Gamalieli,ngatu wa mubiko,nu wabagha ashimwa bubibu na bantu imalukagha mu lusu lwa matenda,nu kukakisha bakukule ntumwa.35Agho ababulagha :Ba Isilaeli,mulole busogha ku bi mukulonda kukitila bano bantu.36Buno,takutinga bindi twalola ku Teuda wakitagha bingi,nu kwimbulutila bantu anga maghana manayi;bamwitile,nu bansayi bamuyangagha basandabanile nu kushililishwa.37Kumbusa kwaghe, kwashwagha Yuda wa Galilaya mu bindi bya kughansa bantu;alhutagha bantu bengi kweli;akwagha nuwe,nu bansayi bamuyangagha basandabanile.38Nu lelo, nababula muyangane na bano bantu,mubashighe bende.Ndi bino bibakita byatuka ku bantu,binkinshilikila; 39tondo ndi byatuka kwa Ghongo,ta munabishililisha.Munimbulhutila bita na Ghongo.40Bimilagha mulenganya waghe. Nu mukuba bamana ntumwa,babapundagha na tuti,ba bananyagha kweghesha lingo mw'ishina lya Yesu,nu ba bashighililagha.41Ntumwa satukagha mu lusu lwa matenda,bisala na mboghimboghi buno bapundwa kw'ishina lya Yesu.42Nu bindi binsayi,mwa munumba sa kumbamila,nu mu mashumba,tabashighagha kweghesha,nu kusansa Musaghu Musogha wa Yesu- Kilishitu.
Chapter 6

1Mwebyo bindi, mughanso wa bagheshibwa wabagha mwingi,Bagiliki bashibukilagha Babulania,kubuno basumbakashi babo bebelelwagha mwa mukubeghanya bikayi bya busi na busi.2Abo ikumi na babili bamanagha begheshibwa bengi,nu kubabula: Ta bwaswagha tushighe kitondo cha Ghongo mu kubeghanya malya.3Uchasula,bisakwitu,tusombole ku benywe bantu mutubakamo ,ba bite buteneneki busogha,bisalilana na Muusa Musogha nu mulenganya musogha, bakite ghoso mulimo.4Nu beshwe, twakatilila masegho nu kusansa kitondo cha Ghongo.5Musanganano unsayi wimilagha ghoso mulenganya .Basombolagha,Setefano,muntu wisalilana na lukatisho nu Muusa Musogha,Filipo,Polokolo,Nikanola,Timoni,Palamenasi,nu Nikola ,mukatisha wa ku Antiokia.6Babaloshagha kweli ntumwa,nu mu kushila kusegha,ba babikilagha maboko.7Kitondo cha Ghongo kikagha kulayi, mughanso wa begheshibwa wabagha mwingi mu Yelusalema,nu kikembe kinene cha Basankogha kimilagha lukatisho.8Setefano,wisalilanagha na mpang'inene nu bwangato,akitagha bighanaghana nu bitangalo bingi mu bantu.9Bantu bamoyi ba Sinakoki bakubulwa buno beme,ba ku Kulene nu kuko ku Lekisandele,ghamoyi na Bayuda ba ku Silisia,nu ku Asia,bendagha myango nawe;10tondo ta banamukoshishe ku mulenganya nu ku Muusa wa kumutendya.11Agho balhutagha bantu batende :Twa mongwagha akutenda bitondo bya kwenegha Musa nu Ghongo.l12Ba kusamanyagha bantu,bakungu,nu Basanshi,nubamulengelagha,bamukatagha,nu bendagha nawe ku lusu lwa matenda.13Ba mutalikilagha buteneneki bwa bwisa,kutenda : Muntu ghono nta kushigha kutenda bitondo bibi ku numba sa kukumbamila nu ku milembe;14buno twamongwile akutenda buno,Yesu wa Nasaleti,akendula numba sa kukumbamila, akaghalula ntungo sa tushighilagha Musa.15Babo bansayi babagha mu lusu lwa matenda bengeleshagha Setefano bubibu,nu malanga maghe mabaghalukilagha anga ma mughenshi.
Chapter 7

1Sankogha munene atendagha :U bweli bitondo ubo?2Setefano aakulagha:Bisakwitu nu batata,mwongwilile! Ghongo wa lukumbu indoshagha kweli tata Bulaimu,gha bagha ku Mesopotamia,nti ntombulha ku Halani;nu inga amubula:3Shigha kisi chobe nu mubuto wobe,nu nda mu kisi kinkakulosha.4Ago atukagha mu kisi cha Bakaladeya,nu k'ombulha Kalani.Kumbusa kwa lukwo lw'ise,Ghongo amutinjagha mu kino kisi kimweli mo;5ntamweleshagha kakai kampa mu kino kisi ,ali gha kwikala,tondo amulaghagha buno akamwelesha gha kikala,nu kibuti chaghe kumbusa kwaghe,abagha ntite mwana.6Ghongo atendagha ubo:Kibuti chaghe kik'ombulha mu kisi cha basumba;bakabakita bakobe nu kubanubya mu myaka maghana manayi.7 Tondo Ghongo ababulagha:Kilongo ki kabakita bakobe,ine ka ki besha .Kushila agho,bakenda nu bakankitila mulimo mu kino kishiki .8Nu Ghongo akasagha Bulaimu indaghi lya kumonya bwali bwa munganga,nu Bulahimu, gha butagha Isaka,amumonyishe bwali bwa munganga,ku bindi munani bwa kubutwa,Isaka abutagha nu kumonya bwali bwa munganga Yakobo,nu Yakobo bikulukulu ikumi na babili."9Bikulukulu ,mu kuyongwa Yosefu,ba mughushagha buno bende nawe ku Misili.10Tondo Ghongo abagha nawe,nu kumutucha mu nsunsu insayi;amweleshagha mulenganya musogha nu abagha na mpanga'inene kuli Falao,mwami wa Misili,u wamubikagha mukulu wa kisi cha Misili nu wa numba saghe insayi.11Kwabagha nsala mu kisi kinsayi cha Misili,nu cha Kanana.Munubo munene, nu batata ta bamonagha bya kulya.12Yakobo ongwagha buno ngano seli ku Misili, nu asingagha ko tanga batata.13Nu mu lya ngendw'imbili,Yosefu amanililwagha na bisakwabo ,nu Falao amanagha kilongo chaghe.14Agho Yosefu asingagha bantu kutola ise Yakobo nu bisakwabo, bansayi bantu makumi mutubakamo na batano.15Yakobo akumbilagha ku Misili u kwa kwilagha nu batata;16nu bekwagha ku Sikemu,nu kukundwa mu nsinda saghulagha Bulaimu ,ku bikulo bingi,ku bana ba Hemolo ise wa Sekemu.17Gha binde bindi b'indaghi byeleshagha Ghongo ku Bulaimu bise bwighibwighi,bantu babutwagha nu kuba bengi mu Misili,18Kwikagha ungo mwami utamanagha Yosefu.19Ghoso mwami,mu kusomba kilongo kitu,anubyagha batata nu kwelesha batata bite bana babo.20 Mwebyo bindi,abutwagha Musa,alolekagha musogha ku miso ma Ghongo.Alelwagha myeshi esatu mu numba s'ise; Nu mukulonda kumwita,mukinga wa Falao amutolagha,nu kumukusha anga mwana waghe.22Musa egheshwagha mu bulenganya bunsai bwa ba Misili,nu abagha wanaka mu matenda nu mu mikolo.23Gha bagha na myaka makumi manai,mulenganya wamwikilagha wa kutabangila bisakwabo,bana ba Isilaeli.24Alolagha ku umoi ukupundwa,nu mwa mukumukasha,itagha uso mu misili.25Alenganyagha buno kutingila we bisakwabo bamane buno Ghongo akabatucha mu minubo;tondo bisakwabo ta bamanagha.26Gha chagha busi,asangagha babili bakulwana,nu 'inga abanania,nu kubabula:Mweli mubuto umoyi,ki kimukwitanila? 27Tondo olya wemagha munabo maghala,amutundulagha nu kumubula:Nayi wakubikagha ube mwami nu shushi witu? 28Ukulonda unite anga buwitaile ghoso mu Misili?29Mwecho kitondo,Musa atinagha,nu kwenda kombulha mu kisi cha Madiani,u kwabutilagha bana babili.30Kumbusa kwa myaka makumi manayi,mughenshi umoi amupamukilagha mu kalula ka mwindiko wa Sinai, mu imbunda lyabagha likuya.31Mu kulola ku bubo,Musa aghanaghanagha ;nu mu kushighelela alole,ongwagha kw'ishuki lya Mukota ukutenda nawe:
33Mukota amubulagha: Onola bilato byobe, buno kubuno kishiki ki weli mo cheli kishiki cha sanana.34Nalolile nsusu sa bantu bani beli ku Misili,nongwile indilo lyabo,nu nashwa ku bakandula.Lola, nda,nakusinge ku Misili.35 Ghoso u bananagha mu kumubula: Nai wakubikile mwami nu shushi?U ghoso wasingwagha na Ghongo abe anga mwami nu anga mukandushi kutingila molulo wa mughenshi wa mupamukilagha mw'imbunda l'ikuya.36U ghoso wabatuchagha mu Misili mu kukita bighanaghana nu bitangalo mu kisi cha Misili bwighi na kitatenge cha mikila,nu mu kalula, mu myaka makumi manai.37U ghoso Musa abulagha bana BaIsilaeli :Ghongo akatucha mu benywe mulenganya anga ine.38U ghoso,mu musanganano mu kalula,abagha na mughenshi watendagha nawe,ku mwindiko wa Sinai ghamoyi na ba tata ,bamweleshagha mibiko buno atweleshe so.39Batata ta bashimagha kumwongwilila,abatibitagha,nu baghalulagha mitima sabo ku Misili,40mu kubula Aluni: Tukitile byeko byende ghamoyi na beshwe;kubuno Musa watutuchagha mu kisi cha Misili,ta tukumana bwa binde.41Nu,mwebyo bindi,babumbagha chana cha nkambu ki batulilagha kisansa,nu ba boghaboghagha na mikolo sa maboko .42Agho,Ghongo abashighagha,nu kubesana belele ndwani s'ighulu,anga bwatilwagha mu kitabo cha balenganya: Mwantulagha bilunda nu binsasa, mu mwaka makumi manayi mwa mu kalula, numba s'Isilaeli?43Mwekagha kambala ka Moloko nu kambalumbalu ka cheko Lamfani,bilimelime bimwakitagha buno mu byele!Nu ine nkabeka kulayi na Babiloni.44Batata babagha na Kasumilo ka buteneneki,anga bwa kakishwagha Musa okobake anga bwa kalolagha ko.45Nu batata,gha beleshwagha ko,bakabikagha ku maboko ma Yoshua mu kisi ki kalwagha ko na bilongo byatibitwagha na Ghongo mu miso mabo nu ikalagha ko kwikila bindi bya Daudi.46Daudi abagha na mpang' inene kweli Ghongo,nu aseghagha kobaka numba sa Ghongo wa Yakobo.47Nu Solomono u wamobakilagha numba.48Tondo Ghongo wa mw'ighulu nta kwikalagha mu numba sobakwa na kuboko kwa muntu,anga bwatenda mulenganya:49Ighulu u kishumbi chani,nu kisi u kinantilo chani.Mukota atenda:Numba ki u si mukanobakila?Nu kuni kweli kishiki cha komulila ko?50Ta kuboko kwani u kwakitagha bino binsayi?51Bantu ba makoshi mabibu,ba bite mitima mbibu nu matuyi mashibwa !Bindi binsayi mu kwengukana na Muusa Musogha.Bwabagha baso ,u bu mweli nu benywe.52Nayi ku balenganya utitwagha na baso ?Bitagha tanga bansai basansagha musaghu wa kwika kwa Wa sanana,nu benywe mwabesanile,nu mwabinde biiti babo,53benywe mweleshibwagha mulembe kutingila nkakisho sa baghenshi,nu tamwabikile so mu mitima!54Mu kwongwa kwebyo bitondo,bashibukagha bubibu mu mitima ,nu bamukalilagha mino.55Tondo Setefano ,wisala Muusa Musogha,nu mu kwengelesha kw'ighulu,alolagha ku lukumbu lwa Ghongo nu Yesu imalile kw'indume lya Ghongo.57Bansayi bakughagha bubibu,mu kwishiba matuyi,bamulengela bansayi,58 bamubulutilagha kushinda musumba,bamwitagha na makoyi.Bateneneki babikagha nshulu sabo ku manshinshi ma musikila umoyi ukumanwa Saulo.59Nu bitagha Setefano na makoyi wa bagha ukusegha nu kutenda:Mukota Yesu,katilila mutima wani !60Agho, mu kukoma mashwe,atendagha bubibu :Mukota,ntubaghansile ubo bwaghi ! Nu ,kushila kutenda ibyo bitondo amesagha mutima.
Chapter 8

1Saulo alolagha ku lukwo lwa Setefano.Ubo busi kwabagha nsungyo ningi ku Kanisa ka Yelusalema;nu bansayi,kutucha ntumwa ba sandabanagha mu myelo sa Yudea nu sa Samalia.2Bantu ba lukatisho lunene,bakundagha Setefano,nu kumulilila bubibu.3Sauli, we, wanubyagha Kanisa;mu kwingila mu mashumba,kukukula balume nu bakashi,nu kubalekela mu kahombo.4Ba basandabanagha bendagha ku bishiki bingi ,kusambala musaghu musogha.5Filipo,mu kwika mu musumba wa Samaliya asansagha, musaghu wa Kilishitu.6Bantu binsayi babagha bakongwilila busogha busogha bya bikutenda Filipo,gha bongwagha nu kulola ku bitangalo byakitagha.7Kubuno basumbu batukagha mu bantu mu kukugha bubibu,nu ba bensekile bighansa nu tusokoluma balamagha.8Nu kwabagha mboghimboghi inene ku ghoso musumba.9Mwoso musumba mwabagha ,muntu wamanaghwa Simoni,w'inkatagha buno mweme,akitagha butiki nu kughanyaghanya bantu ba Samaliya.10Bansayi,kulingila ku mwana muto nu kwika ku mukulu,bamongwililagha,nu kutenda: Ghono ite bwangato bwa Ghongo ,u bu kumanwa Bunene.11Bamongwilagha bubibu,kubuno bindi bingi ba ghanaghanagha na butiki bwaghe.12Tondo, mu kukatisha Filipo,wabagha u kubasambalila kitondo kisogha cha bukota bwa Ghongo,nu kw'ishina lya Yesu Kilishitu,balume nu bakashi bapatishwagha.13Simoni w'inene nuwe akatishagha, nu mukushila kupatishwa,ntashimagha lingo kushighana na Filipo,nu alolagha nu kwitangala ku bitangalo nu bighanaghana byakitwagha.14Ntumwa, sabagha ku Yelusalema,gha bongwagha buno Samaliya asekinde kitondo cha Ghongo,basingagha ko Petelo nu Yoani.15Babo,kwika ku Samaliya,ba baseghelagha,buno bisalilane na Muusa Musogha.16Kubuno ta kwabagha wampa w'isalilanagha na Muusa Musogha;bapatishwagha umpanga mw'ishina lya Mukota Yesu.17Agho Petelo nu Yoani ba babikilagha maboko,nu bi salilanagha na Muusa Musogha.18Simoni gha monagha buno Muusa Musogha eleshibwa bantu mu kubikilwa maboko na ntumwa, abeleshagha bikulo, 19mu kutenda :Muneleshe nine obu bwangato ,buno olya unkabikila maboko isashwe na Muusa Musogha.20Tondo Petelo amubulagha:Bikulo byobe bibole ghamoyi n'owe,kubuno walenganya buno lukaso lwa Ghongo lu kughulwa na bikulo!21Kobe taku kibhu ali kikayi mwecho kitondo,kubuno mutima wobe ta musogha kuli Ghongo.22Insungule mutima ku bubi bobe ,nu segha Ghongo buno mulenganya wobe mubi ushighililwe,ndi bwakoshibwa;.23Kubuno nalola buno weli mu kishiki cha lubaba,nu mu nkando sa bwaghi.24Simoni aakulagha:Munseghele benywe b'inene kweli Mukota,buno bimwatenda tabinikile.25Kushila kuteneneka kitondo cha Mukota,nu mu kushila kunsasa,Petelo nu Yoani bakulukagha ku Yelusalema,mu kusambala musaghu musogha mu myelo ningi sa Basamalia.26Mugheshi umoyi wa Mukota,mu kutenda na Filipo amubulagha :Imaluka,nu nda kibe cha ku kantighi ,mu nsila sa kutuka Yelusalema kwikila ku Gasa, seso sa kalula.27Imalukagha,nu kwenda.Nu lola,muntu umoyi wa Etiopia ,watambile,mukiti wa Kandake,mughole wa Mwami wa Etiopia,nu mulangi wa butumba bwaghe,akwenda kwela ku Yelusalema ,28mu kukuluka ,abundile mu mutukali waghe ,nu akusoma kitabo cha mulengagha Isaya.29Muusa wabulagha Filipo: Shighelela bwighi na mutukali.30Filipo atibitilagha,nu kongwa mu Etiopia akusoma kitabo cha mulenganya Isaya.Ing'amubusha:Ukumana bi ukusoma? 31Aakulagha: Buni bu ninabimana ndi takuli ukundosha byo? Nu abulagha Filipo abakame nu kwikala ghamoyi nawe.32.Mulili wa kitondo cha Ghongo wabagha akusoma u ghuno: Bamwekagha anga mbuli senda kuketulwa,nu anga chana cha mbuli cha kobile nu ba kukikala myosa,ta kikutenda champa.33.Mu kusekelelwa kwaghe , kwaghibwa kwaghe kwatuchwa.Nu kilongo chaghe, nayi ukaki ghanula?Kubuno kalamo kaghe katuka mu kisi.34Watambile abushagha Filipo: Nakusegha,nayi ukutendwa ghano na mulenganya?Ndi w'inene ali ungo muntu?35Agho,Filipo mu kutenda nawe, alingilagha k'oso mulili ,nu kumusambalila musaghu musogha wa Yesu.36Mwa mulughendo lwabo,basangagha masi.Nu Watambile atendagha:Lola masi,ki chanangila nshi patishibwe?37Filipo atendagha:Ndi wakatisha na mutima wobe unsayi,binsayi bya koshibwa. Watamba aakulagha:Nakatisha buno Yesu Kilishitu eli Mwana wa Ghongo.38 Imashagha mutukali ,Filipo nu Watamba bakumbagha bo babili mu lusi,nu Filipo amupatishagha.39 Mu kutuka mu lusi,Muusa wa Mukota wekagha Filipo,nu Watamba nta mulolagha ko lingo.Mu mboghimboghi,endagha.40Filipo isangile ika ku Asote,endagha ku Kaisalia mu kunsasa musaghu musogha mu misumba s'atingagha ko.
Chapter 9

1Mukuba Saulo echeli atakwa ku nubya nu kwita begheshibwa ba Mukota,endagha kweli Sankogha munene,2nu kumusegha maluba buno ende ku masinakoki ma Damasiki,buno ndi asanga ku bantu bashima megheshibwa ma Yesu, balume ali bakashi abakande nu kushwa nabo ku Yelusalema.3Mu kuba echeli mu nsila ,nu kwika bwighi na Damasiki,agho chengeshi chatukagha kw'ighulu cha sanagha gha gheli.4Awagha ghansi , nu ongwagha ishuki likumubula:Saulo,Saulo,buni buwambika mu nsusu?5Aakulagha:Uwe nayi e Mukota?Nu Mukota amubulagha:Ine Yesu uwabika mu nsunsu.Ki cha kulibanwa kushindila agho.6Mu kughilimila nu kukatwa na boba, atendagha:Mukota ki washima nikite?Nu Mukota amubulagha buno:Imaluka, ingila mu musumba,ba kakubula kiwema kukita.7Bantu ba mwelekeshagha ba ghanaghanagha ;bongwagha busogha ishuki ,tondo tabomonagha ku muntu.8Saulo imalukagha,nu bwabagha miso maghe mashibuka,ntalolagha ku kena;bamukatililagha mu kuboko ,bamwichagha nu bendagha nawe ku Damasiki.9Ashilagha bindi bisatu ntakulola nu nta kulya ali kunywa10Ku Damasiki kwabagha mwegheshibwa umoyi ukumanwa Anania.Mukota amubulagha mu kalolesho: Anania ! Ing'aakula:In'eno,Mukota.11Nu Mukota ing'amubula: Imaluka nu nda ku nsila si kumwanwa sa bulingilingi,nu londa mu numba sa Yuda,muntu ukumanwa Saulo wa ku Talaso.12Kubuno akusegha,nu alolile mu kalolesho muntu u kumanwa Anania ,wingile nu kumubikila maboko buno alole.Anania aakulagha:13Mukota,nongwile ku bantu bengi mabi makitilagha basanana bobe mu Yelusalema; 14nw'ite bwangato kutuka bansakogha banene ,kukanda bansai bakweghesha ishina lyobe. 15Tondo,Mukota amubulagha: Nda,buno ghoso muntu eli nkalo si nasombola,buno asanse ishina lyani mu bilongo,nu ku Bami nu ku bana ba Isilaeli;16nu nkamulosha bwa kanuba kw'ishina lyani.17Anania endagha; nu ,mu kwingila mu numba, amubikilagha Saulo maboko mu kutenda: Saulo,mwisa kwitu,Mukota Yesu,olya windoshagha kuwe mu nsila,ansinga ku weli b'uno ulole nu w'isalilane na Muusa Musogha.18Mwako kaluma,mu miso maghe mwatukagha byeli anga maghamba,nu ingalola.Imalukagha ,nu kupashibwa;19nu mu kushila kulya,abagha lingo na maghala .Saulo ikalagha bindi bikeke ghamoyi na begheshibwa babagha ku Damasiki.20Nu agho egheshagha mu masinakoki buno Yesu eli Mwana wa Ghongo.21Ba bansayi bamwongwililagha baghanaghanagha,nu batendagha:Ta whono u wabagha u kwita bantu ku Yelusalema ba batekulagha mwel'ishina,nu washwagha kuno abakande nu kubicha ku basankogha banene ? 22tondo,Saulo akokomeshagha kutenda nu kubabula Bayuda babagha ku Damasiki, buno Yesu u Kilishitu.23Mu bindi bikeke,Bayuda bendagha lwango lwa kumwita,24nu lwango lwabo lwamanaghwa na Saulo. Balangagha busi nu kindi buno ba mwite.25Tondo,mu kindi,begheshibwa bamukatagha nu ku mukumbya mu lushi ku mbugha kwa mukolo.26Mu kwika ku Yelusalema,Saulo aghelekagha kwikala ghamoyi nabo;tondo bansai bamukwagha boba nu kulenganya buno ntanaba mwegheshibwa.27Agho Balanaba,mu kuba nawe,endagha nawe kuli ntumwa,nu kubaghanikisha bwa monagha Saulo ku Mukota ku nsila ,watendagha nawe,nu bwegheshagha bulili ku Damasiki kw'ishina lya Yesu.28Endagha nu kukuluka ghamoyi nabo ku Yelusalema,nu kutenda bwasibwasi mw'ishina lya Mukota .29Atendagha nu kwenda myango ghamoyi na Bagiliki;Tondo abo nubo balondagha ku mwita.30Bisakwabo,gha bamanagha ubo,bamwichagha ku Kaisalia,nu kumwensha ku Talaso.31Kanisa kabagha na boolo mu Yudea insayi ,mu Galilaya nu ku Samalia mwa mu kukokomesha mu lukatisho nu mu boba bwa Mukota, nu kwikala busogha mu Muusa Musogha.32Bwabagha Petelo akutabangila basanana,ikagha ku babagha ku Lude.33Asangagha muntu wabensekile bighansa ukumanwa Imenea ,wayamagha ku mughu myaka munane.34Petelo amubulagha: Imenea ,Yesu Kilishitu akulamya ; Imaluka, nu ghonda mughu wobe.Nu agho imalukagha.35Bantu bansai ba ku Lude nu ba ku Salona bamulolagha ko,nu bakatishagha Mukota.36Ku Yopa,mu begheshibwa,mukashi umoyi ukumanwa Tabita,u kutenda Dolika;akitagha mulimo musogha mwingi nu kutucha nkaso.37Mwebyo bindi asambagha nu kukwa.Gha bashilagha ku moghya,ba mubikagha mu chumba cha kw'ighulu.38Bwabagha Lude bwighi na Yopa,begheshibwa gha bongwagha buno Petelo eli ko,basingagha bantu babili kweli, bamubule nti ndishaghe kwika ku beli.39Petelo imalukagha nu kwenda nabo . Gha binde ika,bamwichagha mu chumba cha kw'ighulu.Basumbakashi bansayi bamutimbagha mu kulila,nu bamuloshagha nshulu nu nopo sa sonagha Dolika gha bagha echeli nabo.40Petelo akukulagha bansayi,akomagha mashwe nu kusegha;nu mwa mu kughalukila kilunda ing'atenda:Tabita, imaluka !Ashibulagha miso,nu mu kulola ku Petelo,ikalagha ghansi.41Amulambishagha kuboko nu kumwimalucha.Amanagha basanana nu basumbakashi,nu kubalosha we ekw'isa.42Ibyo bya manwagha mu Yopa insayi,nu bengi bakatishagha Mukota.43Petelo atinjagha bindi bikeke ku Yopa,kwa muluki wa nkwe wa managhwa Simoni.
Chapter 10

1Ku Kaisalia kwabagha muntu umoi ukumanwa Kolonelio, mukulu wa basulaighana ukumanwa Italia.2Ghoso muntu ansagha Ghongo nu ku mukwa boba,ghamoi na numba saghe insai; eleshagha bantu nkaso ningi,nu aseghagha Ghongo bindi binsayi.3Mu samwenda ,alolagha mu kalolesho mughensi umoyi wa Ghongo wingila mwaghe nu wamumana :Kolonelio !4Mu kumwengelesha bubibu,nu kukwa boba,ing'amwakula:Kicho Mukota?Nu mughenshi ing'amubula:Masegho nu nkaso sobe bika kwa Ghongo nu akengela .5Singa lino bantu ku Yopa,bashwe na Simoni ukumanwa Petelo;6weli mu numba sa Simoni,muluki wa nkwe,nu numba saghe seli bwighi na kitatenge.7Mu kuba mughenshi wamutendagha nawe enda,Kolonele amanagha bakiti baghe babili nu sula waghe washima Ghongo ku babo babagha bwighibwighi nawe;8mu kushila ku baghanikisha binsayi,abasingagha ku Yopa.9Gha chagha busi,ubo bu babagha mu lughendo,nu gha bikagha bwighi na musumba,mu sa mutuba,Petelo endagha mu numba sa masegho.10Akwagha nsala nu alondagha kulya.Ghabinde bakumuyikila indya,endagha kalengwe.11Alolagha ighulu ly'ighuka,nu kikayi kinene kyasusana ngwaya inene sakatilwe ku matwe manayi,sa kumbile kwika nu kw'itete,12nu mwabinde nama insayi sa maghulu manayi,nu sikukumba nu kwika bwighi na ghansi,nu mwabagha nama site maghulu manayi,nu sa kw'imbuluta nu tusoni twa mkw'ighulu.13Nw'ishuki lya mubulagha :Imaluka Petelo,ita nu lya.14Tondo Petelo ing'atenda:Aye,Mukota,kubuno nshilyagha bibi nu bya bigha.15Nu lyangendo imbili ongwagha ishuki likumubula lingo:Bya bya balikwa na Ghongo busogha,ubimanaghe b'uno bibi.16Ibyo byatingagha ngendw'isatu;nu kumbusa kwebyo,kikayi cha kukumwagha kw'ighulu.17Petelo ntamanagha bya kulenganya kwako kalolesho,lola ,bantu basingwagha na Kolonele ,kushila kumana numba sa Simoni, bikagha gha kitiko,18nu babushagha bubibu ndi agho u gheli Simoni,ukumanwa Petelo.19Nu bwabagha Petelo ekulenganya kwako kalolesho,Muusa wamubulagha:Lola bantu basatu bekukubusha;20Imaluka, kumba,nu ntunane kwenda ghamoyi nabo,kubuno ine u nabasingagha.21Agho lino Petelo akumbagha,nu atendagha nabo bantu: Lola ,in'eno u mukulonda,ki chasula mwashwa?22 Baakulagha :Kolonele,mukulu wa basula,muntu wa bulili nu ukukwa Ghongo boba,nu ukutenenekwa na kilongo kinsayi cha bayuda,akengeshwagha na mughenshi buno ushwe nawe kwaghe ongwe bitondo byobe.23Agho Petelo abingishagha ,nu kubayamicha.Munindunindu ,imalukagha,nu kwenda nabo.Bamoyi ku bisakwabo ba ku Yopa,babelekeshagha.24Munindu bikagha ku Kaisalia. Kolonele abagha akubalindila,amanagha babuti baghe nu binda baghe ba bulili.25Mu kwingila kwa Petelo,Kolonele wendagha kumukulumanya,akomagha mashwe ku maghulu maghe,nu ku mukumbamila.26Tondo Petelo amwimaluchagha nu kumubula: Imaluka;ninengo nili muntu.27Nu mukutendatenda nawe,ingilagha asangagha bantu bengi bakulumanile.28Ababulagha,mukumana ,bwananwa ku muyuda kukomya na mugheni ali kwingila kwaghe;tondo Ghongo aneghesha buno nshilole ku muntu buno mubi.29Uchasula nshibe na mulenganya wa kwinda kushwa ,buno wanimanile;nkukubusha buno ki chasulagha wasinga bantu bashwe kuntola.30Kolonele atendagha :Kwatinga bindi binayi, mweno nkungu,nabagha nkusegha mu numba sani mu sa mwenda ;nu Lola, muntu washwalile nshulu sengenga ikagha ku neli,nu kumbula:31Kolonele ,masegho mobe mongwibwe,nu Ghongo akenginde nkaso sobe.32Singa lino ku Yopa,nu shwa na Simoni ,ukumanwa Petelo;eli mu numba sa Simoni,muluki wa nkwe bwighi na kitatenge.33Agho nasingagha bantu ku weli,nu wakita busogha kushwa.Tuli lino mu miso ma Ghongo,buno twongwe byakubulile Mukota utusambalile.34Agho Petelo,atendagha:Bulili,nkumana buno Ghongo ntasomba muntu,35tondo mu kilongo kinsayi olya wite boba bwaghe nu wakita bya sanana u washimwa nawe.36Atendagha nabana ba Isilaeli,mwa mukubasambalila boolo kutingila Yesu-Kilishitu,weli Mukota wa bansayi.37Mukumana byatingagha mu Yudea,kulingila ku Galilaya,ku lupatisho lwakitwagha na Yoani;38mukumana Ghongo bwa bonjagha Yesu wa Nasaleti ,na Muusa Musogha nu maghala,wendagha ku bishiki bingi kukita busogha nu kulamya bansayi babagha mu bukota bwa Kainga,buno Ghongo abagha ghamoyi nawe.39Beshwe tweli bateneneki bwa binsayi byakitagha mu kisi cha Bayuda nu Yelusalema.Bamwitagha,kumwinda ku muti.40Ku bindi bisatu ,Ghongo amutuchagha ku bakuyi nu imilagha aloleke ko,41ta na bantu bansayi,tondo ku bateneneki basombolwagha kalayi na Ghongo,ku beshwe balyagha nu kunywa ghamoi nawe ghabagha atuka ku bakuyi.42Nu Yesu atukakishishe tusanse ku bantu nu kubabula buno we u wimikilwe na Ghongo abe shushi wa bakwisa nu bakwile.43Balenganya bansayi bakumuteneneka nu olya wamukatisha nti eleshwa kutingila ishina lyaghe kushilililwa kwa bwaghi.44ABagha Petelo echeli atenda lingo ibyo kitondo,Muusa Musogha wakumbilagha ku bansayi babagha bakwongwilila kitondo.45Bakatisha bansayi babo bashwagha na Petelo,baghanaghanagha kulola buno Muusa Musogha eleshibwa ku bingo bilongo.46 Kubuno babongwagha bakutenda engo mitendeshi nu kughanula Ghongo.47Lino Petelo ababulagha:Tunakosha kunanila masi ma lupatisho ku babo beleshibwa Muusa Musogha anga beshwe?48Nw'inga akakisha bapatishibwe mw'ishina lya Mukota.Kubibyo bamuseghagha ikale nabo bindi bikeke.
Chapter 11

1Ntumwa nu babo bansayi babagha ku Yudea bongwagha buno bingo bilongo basekinde kitondo cha Kalagha.2Nu Petelo endagha ku Yelusalema,bakatisha ba Bayuda bamusughilagha,mu kumubula:3Winginde ku bantu batamonishwe,nu walile ghamoyi nabo.4Petelo abaghanikishagha busogha busogha binsayi byatingile.5Inga tenda:Nabagha mu musumba wa Yopa,nu ghanaba nkusegha,nakalikagha kalengwe na nabagha na kalolesho:Kikayi chasusa nshulu nene chakatilwe ku matwe manayi,chatukagha kw'ighulu nu kwika gha neli .6Mukwengelesha bubibu mweso nshulu, naghenshagha nu kulola ku nama sa maghulu manayi ,nama sa mbala ,nama sikwimbuluta,nu tusoni twa kw'ighulu.7Nu nongwagha ishuki linkumbula: Imaluka,Petelo,Ita nu lya.8Tondo natendagha :Aye,Mukota,kubuno kintu chabigha ali kibi takingila mu kanywa kani.9Nu lya ngendo imbili nongwagha kwelyo ishuki lya kw'ighulu. Chabalikwa na Ghongo kisogha,ukimane kibi.10Ebyo byatingagha ngendo esatu;nu kumbusa kwagho binsayi byatolwagha kw'ighulu.11Nu Lola,agho,bantu basatu kutuka ku kaisalia basingwagha ku neli bikagha gha kitiko sa numba sinabagha mo.12Muusa Musogha ambulagha ninanaghe nende ghamoyi nabo,babano balume mutuba bamukumona ko banelekishagha, nu twingilagha mu numba sa Kolonele.13Ghono mulume atughanikishagha bwa bikagha mughenshi mu numba saghe nu kumubula :Singa bantu ku Yopa,bashwe na Simoni ukumanwa Petelo, ukakubula biyondo kutingila byo ukona uwe nu numba sobe insayi.15Ghanabagha nkutenda,Muusa Musogha wakumbilagha ku bansayi anga ku beshwe mu ndingililo.16Nu nakengelagha kino kitondo cha Mukota :Yoani apatishagha na masi ,tondo benywe,mukapatishibwa na Muusa Musogha.17Buno, Ghongo abeleshishe nkaso anga sitweleshibwe beshwe bakatishagha Mukota Yesu Kilishitu,buni buninakosha ine kunana bya Kalagha?18Mu kushila kongwa k'obo bakobagha,nu baghanulagha Ghongo mu kutenda: Ghongo eleshishe bingo bilongo, kushighililwa kwa bwaghi buno babe nubo kalamo.19Ba basandabanagha mu lukwo lwa Setefano bendagha nu kwika ku Fenisia,ku kakishi ka Kipulo,nu ku Antokia,kusambalila Bayuda umpanga kitondo cha Ghongo.20Kubo kwabagha balume bamoyi ba Kipulo ,nu ba Kulene,bendagha ku Antiokiya,batendagha na Bagiliki,nu kubasambalila nubo kitondo cha Mukota Yesu.21Kuboko kwa Mukota kwabagha ghamoyi nabo,nu bantu bengi bakatishagha nu baghalukilagha Mukota.22Ibyo bitondo byongwibwagha ko nabantu ba Kanisa ka Yelusalema,nu basingagha Balanaba kwenda ku Antiokia.23Ghabinde ika ,nu kulola ku bisogha bya Ghongo,aboghaboghagha,nu abaseghagha babe na mutima umoyi wakayilila mu Mukota.24Kubuno abagha muntu musogha wisalilana na Muusa Musogha nu lukatisho.Nu bantu bengi bikatilishagha mu Mukota.25Balanaba endagha lingo ku Talaso kulonda Saulo;26nu gha musangagha amwichagha ku Antiokia.Ku mwaka mughimaghima,bakulumanagha na misanganano sa Kanisa,nu begheshagha bantu bengi.Ku Antiokia u kwamanwagha litangi begheshibwa buno Bakilishitu.27Mw'ibyo bindi,Balenganya batukagha Yelusalema kwenda ku Antiokia. 28Umoyi wabo babili ukumanwa Agabusi,imalukagha ,nu kusambala kutingila Muusa buno kwabe nsala mbibu ku kisi kinsayi.Sabagha mu bindi bya Mwami Kolode.29Begheshibwa bimilagha kusinga mwolulo ku mibuto seli ku Yudea.30Bikishagha so Bakungu kutukila maboko ma Balanaba nu Saulo.
Chapter 12

1Mwibyo bindi Mwami Helode ingilinde kunubya bantu bamoyi ba Kanisa,2nu itile kutingila mwele, Yakobo iselenshi wa Yoane.3Mu kuba buno icho kitondo cha boghyaboghyagha Bayuda,akitile kukanda Petelo.Bwabagha mu bindi bya tumpampa tute ghagha.4Gha shilile kumukata nu kumwinda mu kahombo ,bamubikile mu maboko ma basula banayi banayi bamulange na mulenganya buno bamutitike mu kantighi ka bantu mu kushila kwa Pasaka.5Petelo alangilwe mu kahombo nu Kanisa takashighagha kumuseghela kuli Ghongo.6Mukindi kya yangagha ubo busi bwa Helode ku mutitika, Petelo,wakandwagha na miyololo imbili,ayamagha ghasambana basula babili;nu balangi balangile kahombo u babesagha ku mwingilo.7Nu lola,Mughenshi wa Mukota ashwile nu kyengeshi kyasanile munda na kahombo.Mughenshi abukishe Petelo,nu kumutubya mu mpeghe,nu mu kumubula:Bhuka kano kaluma!Miyololo sa kalikile ku maboko maghe.8Nu Mugheshi amubulile:shwala mukaba wobe nu kilato kyobe..Akitile ubo.Mughenshi amubulile lingo:wimbike mw'ikoti lyobe,nu njange.9Petelo atukile nu amuyangile,ntamanilinde ndi bikukita Mughenshi bili bya bulili,nu amanagha buno e mu ndoshi. 10Ghabinde batinga balangi batangi,nu ba babii,bikile ku mwingilo wa byuma isala ku mwelo,.nu w'ighulile wo w'inene ku busho kwabo,nu batukile,nu bashighelinde ku mwaka munene.Mweso nkungu Mughensi ashighile Petelo.11Petelo mu kwisanga w'inene inga tenda:namona buno Mukota mu mango menge ,asingile Mughenshi waghe nu ankandula mu maboko ma Helode nu ku bibyo binsayi byabesagha bikulindilwa na kilongo cha Bayuda.12Gha shilagha kulenganya ,endile ku numba sa Maliya,nina wa Yoane wamanaghwa Maliko,kuko u kwa kulumanagha bantu mu masegho.13Ashumyagha ku lumbi lwa mwingilo,nu mukiti moyi Loda,atibitinde kwongwilila.14Amanilinde ishuki lya Petelo;nu ,mu mboghimboghi saghe,ntighulile neshi,endile lubilo kusambala buno Petelo u uli ku lumbi.15Bamubwinde:uli mushile.Tondo atendagha bwasibwasi buno bitondo bili bubo.16Nu batendile:Nti mughenshi waghe.Tondo Petelo endelinde kushumya.Bighulile,nu ba ghanileghanile kumumona ko.17Petelo,mu kubashimila na maboko buno bakobe, abaghanikishishe bubo bwa mutukishe Mukota mu kahombo,nu atendile:Mwasambalilagha Yakobo nu bisakwitu.Nu atukile,nu iendinde kingo kishiki.18Bwakinde busi,basula babinde mu ku tubatuba kwingi,buno bamane buni bwabinde Petelo.19Helode,mu ku mulonda nu ntamonekile,abushishe balangi,nu akakishishe buno batakwe ku miti.Nu akumbile ku Yudeya sa Kaisaliya,buno atingye bindi'ko.20Helode abesagha na ngini ku bantu ba Tilo nu baSidona.Tondo bashwile kumusona na mutima umoyi;nu gha bashilagha ku komya na Balasite,mulangi wachumba chaghe cha kuyama,baseghili boolo,kubuno kisi chabo cha tuchagha bintu bingi kuli Mwami.21Busi bumoyi bwabikilwe,Helode,mu nshulu saghe sa bukota,nu mu kishumbi chabukota,eneghagha bantu bwasibwasi.22Bantu bakughile:Ishuki lwa ghongo ,nu ta lya muntu!23Mweso nkungu,Mughenshi umoyi wa Mukota amukamile kubuno nteleshishe Kalagha lukumbu.Nu akwile,nu kulibwa na minyole.24Nu kitondo cha Ghongo kyasandabanile nakonako,nu mughanso wa begheshibwa wa bakamile.25Balanaba nu Saulo,mu kushila ku nsasa misaghu sibabinde naso,bakulukile ku Yelusalema,ghamoyi nabo Yoani wamanaghwa Maliko.
Chapter 13

1Mu Kanisa ka Antiokiya mwabagha balenganya nu beghesha :Balanaba,Simeoni wamanaghwa Nigeli,Lukusu wa ku Kulene,Manahenu wa kulagha ghamoyi na Helode Mukota,nu Saulo.2Gha babagha bakukitila Mukota milimo,mu kashi sabo nu mu masegho ma kw'inanya indya,Muusa Musogha atendagha: Mumbikile banasombola Balanaba nu Saulo ku mulimo u nabamaninde.3Agho ,ghabashilagha kw'inanya indya nu kusegha,bababikilagha maboko,nu kushigha bende.4Balanaba nu Saulo,u basingwagha na Muusa Musogha bakumbagha ku Seleuki, nu kutuka agho bendagha ku kakishi cha Kipulo.5Kwika ku Salamine,basansagha kitondo cha Ghongo mu Sinakoki sa Bayuda.Bakashwagha na Yoani.6Gha bashilagha kutimba kakishi kwikila Pafosi,basangagha mughilha umoyi, mu Yuda mulenganya wa manko , wamanaghwa Balayesu.7wabagha ghamoyi na mukulu Selegwa Polo muntu wa bwenge.Ghoso amanagha Balanaba nu Saulo,nu aloshagha buno akushima kwongwa kitondo cha Ghongo,8Tondo Elimasi, mughilha u bwatenda ishina lyaghe,ntabasiminde, kubuno alondagha atuche mukulu mu lukatisho.9Agho Saulo,u kumanwa lingo Polo, wisalilanagha na Muusa Musogha, amwengeleshagha bubibu,nu kutenda : 10Muntu wa kwengelela bango nu wa bwimbi,mwana wa Kahinga,mughini wa bya bulili,ntukashigha ku bighya nsila nsogha sa Mukota?11Lelo lola,kuboko kwa Mukota kweli nowe,ukaba kyuku,nu ku bindi bilebe ntukalola ku musi. Agho bulimaswa nu kantolompishi byamwikilagha.Nu alondagha ,mu kukitakita, bantu ba kumulosha nsila.12Agho ,mukulu kulola byatinga,akatishagha, mu kuba ashimitwa na megheshi ma Mukota.13Polo nu banabo ba lughendo,gha batukagha Pafo,bendagha ku Pelege sa Mpafilia.Yoani abashighagha,nu kukuluka ku Yelusalemu.14Kutuka Pelege bendagha,nu bikagha ku Antiokia sa Pisidia.Mu kwingila mu Sinakoki busi bwa sabato,bikalagha ghansi.15Mu kushila kusoma kitabo cha mulembe nu cha balenganya,bakulu ba Sinakoki babasingagha kutenda: Bisakwitu,ndi mwite kitondo cha kubula bantu,mukitende.16Polo imalukagha,nu mu kubakobya na kuboko,ing'atenda:Bantu ba Isilaeli,nu benywe bakukwa Ghongo boba mwongwilile! 17Ghongo wa kilongo cha BaIsilaeli asombolagha batata.Akitagha abo bantu beeme ,bindi binsayi mu bikalagha mu Misili,nu abatuchagha mo na mughombo wa maghala.18Abeleshagha indya myaka anga makumi manayi mu kalula;19nu,mu kushila kushicha bilongo mutubakamo mu kisi cha Kanana,abeleshagha kisi kibe chabo.20Kushila agho,mu myaka anga maghana manayi,abeleshagha Bashushi, kwikila mulenganya Samweli.21Agho bemagha babe na mwami.Nu Kalagha abeleshagha, mu myaka makumi manai,Saulo,musikila wa Kisi,wa mu kikanga cha Benyamina;22kushila kumunana,abimikilagha mwami Daudi,watenenekelagha:Namona Daudi,musikila wa Yese,muntu mu mumulenganya wani ,akakita iyakulo lyani.23Mu kibuti cha Daudi kulembana n' indaghi lyaghe,u mwatukishe Ghongo,Monia ,u Yesu.24Ghabagha ntika,Yoani asansagha lupatisho lwa kw'isungula mitima ku kilongo kinsayi cha Isilaeli.25Nu ghabagha Yoani ashila lughendo lwaghe,atendagha: Nshili olya u mukulenganya ko;tondo lola,kumbusa kwani kukushwa olya u nshinakosha kusunula mishighi sa bilato byaghe.26Bisakwitu,bana ba kilongo cha Bulaimu,nu benywe bekukwa Ghongo boba,ku benywe u kwasingwa icho kitondo cha lonio.27Kubuno bantu ba Yelusalema nu bakungu babo ta bamanagha Yesu,nu,mu ku mwaghya , babelelelinde bitondo bya balenganya bikusomwagha busi bwa sabato.28Anga bubo tabasangagha muwe kitondo kinamwicha ku lukwo,baseghagha Pilato amwitye.29Nu mu kushila kubelelela binsayi byatilwagha kuwe,bamutuchagha ku musalaba nu kumukunda.30Tondo,Ghongo amutuchagha ku bakuyi.31.Indoshagha bindi bingi ku babo bendagha nabo ku Galilaya kwika ku Yelusalema, nu beli lelo bateneneki baghe kuli bantu.32Nu,beshwe tukusansa musaghu musogha w'indaghi lyeleshibwagha ba tata,33Ghongo abibelelela ku beshwe bana bitu,mu kutucha Yesu mu bakuyi,anga byatililwe mu Kitabo k'imbili cha nembo: Uli Mwana wani,nakubuta buno busi.34Amutuchagha ku bakuyi, buno ntakakuluka lingo ko,ubwabulagha bantu bwasibwasi mu kutenda:Nkabelesha mpanga'inenesa sanana salaghwagha kuli Daudi. Eso mpanga'nene seli sa bulili.35Uchasula atenda lingoghango :Ntukimila wasanana wobe abole.36Tondo,Daudi ,mu bindi byaghe,ghashighagha kukita mulimo kulembana na mulenganya wa Ghongo,akwagha,asangagha bise,nu abolagha.37Tondo ghoso watuchwagha ku bakuyi na Ghongo ,ntabolile.38Bisakwitu ,mumane buno , kutingila we,ukuli bushighilishi bwa bwaghi bwabasambalilwa, 39Nu nawe wakatisha aghanswe ntiashilililwa ku binsayi bitana shilililshwa kutingila mulembe wa Musa.40Ububo, mulole busogha binabikila bibyo byatendilwe na balenganya:41Mulole baghanshi, mughaneghane nu mushimile; kubuno mu bindi binu,nakole kitondo,kitondo tamukakikatisha ndi babula cho.42Gha bakukukagha,babemagha batende ibyo mu saboto sa kushwa; 43nu, kushila musanganano,Bayuda bengi nu ku bakatisha ba bilongo babo basanana bulili bayangagha Polo nu Balanaba,batendagha nabo,nu kubema bakokomeshe mu mpang'inene sa Ghongo.44Mu sabato sashwagha, elyanga musumba unsai wakulumanagha buno bongwilile kitondo cha Ghongo. 45Mu kulola kwabo bantu bengi,Bayuda bayongwagha, bananagha bikutenda Polo,mu kumukongobanya nu kumutuka.46Polo nu Balanaba ba babulagha na bulili bunsai:Benywe umunasambalindwe tanga kitondo cha Ghongo;tondo bumwakinana,nu mwindola benywe binene tamwatunganana kuba na kalamo ka milyalya,lola,twaghalukila bingo bilongo. 47Kubuno u butwakakishwagha na Mukota : Nakwimikagha buno ube chengeshi cha bilongo, weke lonio kwikila kushinda kisi.48Mu kongwa kobo,bingo bilongo baboghaboghagha,baghanulagha kitondo cha Mukota,nu bansayi babikilwagha kalamo ka milyalya,bakatishagha. 49 Kitondo cha Mukota cha sandabanagha mu kisi kinsayi.50Tondo Bayuda bendagha lwango na bakashi beme nu bakulu ba musumba; balondagha kwita Polo nu Balanaba, nu babatibitagha mu kisi chabo. 51Polo nu Balanaba babatitulilagha mukungu wa manshishi mabo , nu bendagha ku Ikona, 52nu begheshibwa bo,ba boghaboghagha nu kwisalilana na Muusa Musogha.
Chapter 14

1Kuko Ikone,Polo nu Balanaba bingililagha bo bansayi mu Sinakoki sa Bayuda, begheshagha,nu bantu bengi ba Bayuda nu Bagiliki bakatishagha.2Tondo Bayuda batakatishagha bindagha mu bantu milenganya mbi ku babo bakatisha.3Bikalagha bindi bingi ku Ikone,mu kutenda na bulili bunsayi,bakatilindwe na Mukota,watenenekelagha kitondo cha mpanga inene,nu wimilagha bikitwe na maboko mabo,bighanaghana nu bitangalo. 4Bantu ba musumba bimbeghanyagha mo :bamoyi ku Bayuda nu bango ku ntumwa.5Bu babagha na lwango lumoyi na bami babo,betekatisha nu Bayuda basaghalukagha buno babeneghe nu kubalekela makoyi,6Polo nu Balanaba mukumana ubo,bimbisagha mu misumba sa Likania, Lisila,nu Delebe,nu mu myelo sa bwighibwighi.7Nu basansagha ko Musaghu Musogha .8Ku Lisila,kwabagha kasokoluma kamoyi ka maghulu,tukila kubutwa kwaghe,nu ntendagha.9Ongwagha Polo akutenda,nu Polo,mu kumwengelesha bubibu,nu kulola buno ite lukatisho lunasula alama,10atendagha bubibu: Imala busogha , bulingilingi na manshinshi mobe.Nu alengagha nu kutabanga.11Mu kulola bwakita Polo,bantu batendagha mu mitendeshi sa Likania: Byeko byasusana bantu bika kwitu.12Bamanagha Balanaba buno u yupitele,Polo Melekile,kubuno we u wabagha u kutenda.13Sankogha wa yupitele wabagha na numba sa kukumbamila gha mwingilo wa musumba,ashwagha na nkambu ghamoi na mishighi ku mingilo, ashimagha buno bantu batuche binsansa.14Ntumwa Balanaba nu Polo,ghabongwagha kobo,batagha nshulu sabo ,nu bendagha lubilo mu nkatighi na bantu,nu kutenda bubibu :15mu kukugha: O bantu,ki chasula mwakita ubo?Nu beshwe tweli bantu anga benywe,nu,mu kubikisha musaghu musogha,twabema mushighane na bitondo bya tughutughu,buno mughalukile Ghongo wabumbagha ighulu,kisi,kitatenge nu binsai byeli mo.16Ghoso Kalagha,ku myaka satingagha, ashighililagha bilongo binsai biyange nsila sabo ,17bwa ntakobagha kuteneneka buno we u nayi mu kukita busogha,nu mukulocha mbula kutuka kw'ighulu nu bindi bisogha bya milimo,mu kubelesha indya lingi nu kwisasha mitima sinu mboghimboghi.18Kwebyo bitondo,bananyagha bantu bubibu kubelesha kisansa.19Agho kwatukagha ku Antiokia nu ku Ikone,Bayuda bimilwagha na bantu nu kushila kulekela Polo makoyi,bamubulutilagha kushinda musumba ,mu kulenganya buno akwa.20Tondo,mu kutimbwa na begheshibwa imalukagha,nu ingilagha mu musumba.Ghachagha busi,bendagha ku Delebe ghamoyi na Balanaba.21Ghabashilagha kweghesha ghoso musumba,nu kwimika bagheshibwa bakeke ,bakulukagha ku Lisile,ku Ikone,nu ku Antiokia,22mu kukokomesha lukatisho mu mitima sa begheshibwa,kubema bakatilinde lukatisho,nu mukutenda buno kutingila minubo ningi u butukingila mu bukota bwa Ghongo.23Bimikagha bakungu mu Kanisa kamoyi kamoyi ,nu kushila kusegha nu kwinanya indya mu masegho ,ba babikagha mu maboko ma Mukota,ubakatishagha. 24Mu kutinga mu Pisidia,bendagha mu Mpafilia,25basansagha kitondo ku Peleje,nu bakumbilagha ku Ataliya.26Kutuka agho bendagha ku Antiokia ,kubabakishwagha kutingila mpanga inene sa Ghongo ku milimo sibakitagha.27Mukuba bika,bamanagha Kanisa,nu baghanikishagha binsayi byakitagha Kalagha nabo,nu buno bwighulinde bilongo lumbi lwa lukatisho.28Nu bikalagha bindi bingi ghamoyi na begheshibwa.
Chapter 15

1Bantu bamoyi,batukagha ku Yudea,begheshagha bisakwabo,mu kubabula:Ndi tamumonywa bwali bwa munganga kulembana na milembe sa Musa,tamunakosha kona.2Polo nu Balanaba babagha na lukakala nu myango ;nu mibuto sakalagha lwango, buno Polo nu Balanaba, nu bamoyi kubo, bende ku Yelusalema kuli ntumwa nu bakungu bashililishe icho kitondo.3Gha bagha Kanisa kashila kubelekesha,bendagha kutinga Fenesia nu Samalia,mu kughanikisha kughaluka kwa bilongo,nu bichagha mboghimboghi inene ku bakatisha bansayi.4Mu kwika ku Yelusalema,basekelwagha na Kanisa,ntumwa nu bakungu,nu baghanikishagha binsayi byakitile Ghongo ghamoyi nabo.5Agho bamoyi ku Bafalisayo,ba bakatishagha,b'imalukagha nu kutenda buno bwatunganana kumonyampala sa munganga bakatisha ba babilongo nu kubakakisha bayange bya byatendwa mu mulembe wa Musa.6Ntumwa nu bakungu bakulumanagha buno batinge mwecho kitondo.7Mu myango nene ,Petelo imalukagha nu kubabula:Bisakwitu ,mukumana buno tukila kalayi Ghongo akitile kusombola gha musamba ,buno, kutingila kanywa kani,bilongo byongwe musaghu musogha nu bakatishe.8Nu Ghongo,u kumana mitima,abatenenekelagha, mu kubelesha Muusa Musogha anga beshwe;9ntakitagha katobololo gha twasambana nabo,mu kwengya mitima sabo kutingila lukatisho.10Lelo,buni bumukugheleka Ghongo, mu kwecha begheshibwa mushigho walibanwagha na batata nu beshwe11Tondo ku mpang'inene sa Mukota Yesu u butwalenganya buno t'onile ,anga bo nubo.12Musanganano unsayi wakobagha,nu kongwilila Balanaba nu Polo,babagha bakughanikisha bitangalo nu bighanaghana bya kitagha Ghongo kubatingila mu kantighi na Babilongo.13Gha bashilagha kutenda,Yakobo atendagha ,nu kubabula:Bisakwitu,munongwilile!14Simoni aghanikisha bwengeleshagha tanga Ghongo mu bilongo buno asombole kilongo kimoyi kimanwe mw'ishina lyaghe.15Nu ghamoyi nobo,bitondo bya balenganya byalingimanagha anga bwatililwe:16Kushila agho ,nkakulukila, kw'imika numba sa Daudi sendukile ,nu kusibika lingo nsogha,17kubuno bashighalagha ba bantu balonde Mukota,nu bibyo bilongo binsayi bikutekulwa kutingila ishina lyani,u bwatenda Mukota,wakita bino bitondo.18Nu bikumanililwa kutingila we mu milyalya.19Uchasula nimila ninengo takuli bya kunubya babo ba Bilongo bakughalukila Ghongo,20tondo batililwe buno binanye na kwela byeko,nu matensha,nu kulya nama sikwila.21Buno,kulingila ngiso ningi ,Musa ite bantu mu misumba bakusambala bitondo byaghe , bikusomwa bindi binsayi mu masinakoki busi bwa sabato .22Agho ,bwaswaghilagha ntumwa nu,bakungu, nu Kanisa kansayi, basombole bantu bakusingwa ku Antiokia ghamoyi nu Polo nu Balasaba,Yuda ukumanwa Balanaba nu Sila,balume bamanililwagha na mibuto.23Babeleshagha maluba matililwa buno: Ntumwa,bakungu nu bisakwitu,ku bisakwitu beli ku Antiokia,ku Sulia,nu ku Silisi,samba !'24Mu kwongwa buno bantu bamoyi batukagha kwitu ,nu tatwabeleshishe lukakisho lwampa, bayungyayungyagha mitima sinu,na bitondo byabo bingi,25mu kushila ku kulumana,twalolile busogha tusombole bantu nu kubasinga kwinu ghamoyi na nshimwa situ Balanaba nu Polo,26babo bantu besanile kalamo kabo kw'ishina lya Mukota witu Yesu-Kilishitu.27Twasinga kwinu Yuda nu Sila, bakambasambalila na kanywa kabo ibyo bitondo bimoyi.28Kubuno bwaswaghila Muusa Musogha nu beshwe,tubechaghe ungo mushigho ute musogha ,29kumana kunana kulya nama satulilwa byeko,nu mikila,nu nama sikwila,nu matensha,u bitondo bimwaseghwa mwindange nabyo.Maghala.30Agho nugho,mu kushila kulagha Kanisa,bendagha ku Antiokia kwicha ko maluba mu musanganano.31Mu kushila ku masoma,mibuto saboghaboghagha na bitondo byabagha mumo bya beleshagha maghala.32Yuda nu Sila babagha nubo balenganya,ba bakokomeshagha mitima na matenda mabo.33Mu bindi bikeke,mibuto sabashighagha na boolo nu kukuluka ku babo babasingagha.34Tondo,Sila alolagha busogha kushighala.35Polo nu Balanaba bikalagha ku Antiokia ,mu kweghesha nu kusansa ,ghamoyi na bango, musaghu musogha wa Mukota .36Bindi bikeke byatingagha,Polo abulagha Balanaba:Tukuluke kusona bisakwitu mu misumba insayi kutwasansagha kitondo cha Mukota,tulole buni bubeli.37Balanaba alondagha kwenda na Yoani ukumanwa Maliko;38tondo Polo alolagha busogha bendaghe na muntu wabashighagha kalayi ku Mpanfilia,u tabelekeshagha mu mulimo wabo.39Mu kwinda kongwana balekanukagha.Nu Balanaba, mu kutola Maliko bendagha nawe ku kakishi ka Kipulo.40Wasingwagha na mibuto ku mpanga nene sa Mukota,Sila asombolwagha na Polo nu kwenda nawe.41Batimbagha Sulia nu Kilikia, mu kw'imika Tunisa.
Chapter 16

1Polo endagha ku Delebe nu Lisila.Nu lola,uko kwabagha mwegheshibwa umoyi ukumanwa Timote,mwana wa mukashi umoyi wa Muyuda wakatisha nu'ise Mugiliki.2Mibuto sa Lisila nu Ikoni bamutenenekelagha busogha.3Polo alondagha kwenda nawe;nu mu kumukata,amumonyagha bwali bwa munganga,kubuno Bayuda babagha agho bamanagha buno ise eli Mugiliki.4Mwa mukutinga mu misumba,bakakishagha mibuto siyangilile busogha bitondo bi babulwagha na ntumwa nu bakungu ba Yelusalema.5Tunisa twakokomeshagha mu lukatisho,nu ighanso lya bantu lyabagha lwingi busi na busi.6Mukuba Muusa Musogha abanania ku sambala kitondo ku Asia,batingagha Filigia nu mu kisi cha Galatia.7Gha bikagha bwighi na Misia,bashimagha bingile mu Bitinia;tondo Muusa wa Yesu wabananilagha.8Agho,babakamilagha ku Misia,nu kukumbila ku Tolowa.9Mukindi, Polo abagha na kalolesho,muntu umoyi wa Makedonia amwikilagha nu kumulilila :Tinga ku Makedonia,shwa utukashe!10Kushila ako kalolesho ka Polo,twalondagha agho lino twende ku Makedonia,mu kumana buno Mukota atumana ko kusansa musaghu musogha.11Mu kutuka ku Tolowa,twendagha bulingilingi ku Samotalase,nu bwachagha busi twikagha ku Neapolishi.12Kutuka agho,twendagha ku Filipi musumba musoki wa Makedonia,wabagha mu bukobe.Nu twatinjagha bindi bikeke mu ghoso musumba.13Busi bwa sabato,twendagha kumbugha ,ku lusi ku twamanagha buno kweli kishiki cha masegho.Twabundagha ghansi nu twatendagha na bakashi ba babagha bakulumanile.14Umoyi kubo ukumanwa Lidia,mughushi wa nshulu,wa musumba wa Tiatila,abagha mukashi u kukwa Ghongo boba,nu ukumwongwilila.Mukota amweleshagha mulenganya musogha wakongwilila bikutenda Polo.15Gha shilagha kupatishibwa we nu bantu ba numba saghe,atuseghagha :Ndi mwalola nakatisha mu Mukota,mwingile nu numba sani nu mwikale mo.Nu atukakishagha na bitondo byaghe.16Bu twabagha tukwenda mu kishiki cha masegho,mukiti umoyi wa mukashi wabagha n'isumbu lya bulighi,mu kubukisha bantu,abeleshagha bikulo bingi,ashwagha ku tweli,17 nu kutuyanga,Polo nu beshwe akughagha: Bano bantu beli bakiti ba Ghongo wa mw'ighulu,nu ba kubalosha nsila sa lonio. 18Akitagha ubo bindi bingi.Mu kukutwa kwa Polo akebatukagha ,nu abulagha musunbu: Nakukakisha,mw'ishina lya Yesu Kilishitu,mutuke mo. Nu mwako kaluma atukagha.19Bakulu ba ghoso mukiti mukashi,gha balolile buno malelamilo mabo ma shila,bakatagha Polo nu Sila,nu kubabulhutila ku mulungu kweli bisa mbansa .20Babaloshagha kuli basushi nu kutenda:Bano bantu babulughanya musumba witu;21beli Bayuda,nu bekweghesha ntungo sitimilwa kusekelwa ali kuyangwa na beshwe Baloma.22Bantu ba bashibukilagha,nu bashushi mu kuba babatucha nsulu sabo,ba kakishagha bapundwe na tuti.23Mu kuba bashila kubapunda binkune,ba balekelagha mu kahombo,nu kukakisha mulangi wa kahombo abalange busogha.24Mulangi wa kahombo,kushila kusekela ulo lukakisho,abalekelagha mu kahombo ka mwa munda,ba bakandagha maghulu na miyololo.25Mu katighi na kindi, Polo nu Sila babagha bakusegha nu kwemba nembo sa kutata Ghongo,nu ba babagha mu kahombo ba bongwililagha.26Agho,kalingini kanene katingagha nu bisusu bya kahombo bya tengagha bubibu;Mwako kaluma,numbi insayi sighukagha,nu miyololo insayi si bakandwagha sa ketukagha.27Mulangi wa lumbi abukagha,nu kulola buno numbi sa kahombo sighukilwe,atomolagha mwele waghe mu lubho buno iyite mu kulenganya buno bakandwa batina.28Tondo Polo akughagha bubibu:Ntw'ikite bubi, beshwe bansayi tuli ghano.29Agho mulangi,mu kwema chengeshi,ingilagha lubilo,nu mu kughilimila,indekelagha mu mashinshi ma Polo nu Sila; 30Abakukulagha,nu kutenda:Bakota, nikite ki n'one ?31Polo nu Sila bamwakulagha : Katisha Mukota Yesu ,nu ukona,uwe nu bantu bansai ba mu numba sobe.32Nu bamusambalilagha kitondo cha Mukota,nu bansayi babagha mu numba saghe.33Mwecho kindi,endagha kwaghe ghamoyi nabo,abasughagha byulu,nu apatishwagha, we nu bansayi babagha mu numba; saghe.34Mu kubicha kwaghe,abeleshagha indya,aboghaboghagha na bisakwabo ku buno bakatisha Ghongo.35Mu musi,basushi basingagha bantu babule mulangi wa kahombo: Shighilila abo bantu. 36Nu mulangi wa kahombo asambalilagha Polo ibyo bitondo:Basushi basingile buno mushighililwe;kashi: mukukuke,nu mwende na boolo.37 Tondo Polo abulagha ba basingwagha: Mukushila kutupunda na tuti gha mulungu nu kwinda kughayibwa, beshwe Baloma,batulekinde mu kahombo, nu bise batutucha mo mu lubisobiso !Ta bukuba ubo.Bashwe bo binene kutukandula ! 38Ba basingwa basambalilagha basushi ibyo bitondo,ba ghanaghanagha kubuno beli Baloma.39Bashwagha kubabonga,nu ba bakandula nu kubema batuke mu musumba.40Mu kuba batuka mu kahombo,bingilagha mu numba sa Lidia ,nu kushila kulola nu kutenda na bisakwabo,bendagha.
Chapter 17

1Polo nu Sila batingagha mu Amutufolo nu Apolonyo,nu bikagha ku Tesalonika,kwa bagha sinakoki sa Bayuda.2Anga tungo saghe ,Polo ingilagha mo .Mu Sabato isatu,endagha myango nabo kutingila kitondo cha Ghongo,3mu kubasambalila buno Kilishitu ema kunuba nu kutuka ku bakui.Nu ababulagha,whoso Yesu unkubabulagha , u Kilishitu.4Bamoyi kubo bimilagha nu kuyanga Polo nu Sila,ghamoyi na Bagiliki bengi bakukwa Ghongo boba,nu bakashi bengi ba myanya nsogha.5Tondo Bayuda ,bayongwa bakulumanyagha bantu ba bikembe bikembe,nu balishagha lwayo mu musumba.Bingilagha mu numba sa Nasoni,nu balondagha Polo nu Sila, buno babiche kweli abo bantu.6Gha bindagha kubamona,babulutagha Yasoni nu engo mibuto kweli bakali ba mbasa ba mu musumba,mu ku kugha: Abo bantu ba bulughanya kisi kinsayi,bikile ghano nugho,nu Yasoni abasekinde.7Bakukola bitondo bitalembana na byatendwa na Mwami ,mu kutenda buno kuli ungo Mwami u Yesu.8Kwebyo bitondo,bashibuchagha bantu nu bakali ba mbasa,9bananagha kushighilila Yasoni nu ba bango kwikila mpina si babeleshagha musanga.10Agho mu kindi,mibuto sa shighililagha Polo nu Sila bende ku Belea.Mu kwika kwabo ,bingilagha mu sinakoki sa Bayuda.11Abo Bayuda babagha na mitima nsogha kughimba ba ku Tesalonika; Basekelagha kitondo na nkasa insayi,nu bendagha baghonsola kitondo cha Ghongo bindi binsayi buno bulole bi babulwagha ndi byeli bya bulili.12Bengi kubo bakatishagha ghamoyi na bakashi bengi ba Bagiliki ba bamanililwa,nu balume bengi.13Tondo gha managha Bayuda ba ku Tesalonika buno Polo akusansa kitondo cha Ghongo ku Beloya,bashwagha kubulughanya bantu.14Agho ,mibuto songolochagha Polo mu ungo muse wa kitatenge;Sila nu Timote bashighalagha ku Beloya.15Ba belekeshagha Polo bamwichagha ku Atene.Nu bakulukagha,kusambalila Sila nu Timote buno bamusange lubilo.16Bwabagha akubalindila ku Atene, Polo onganwagha mu kulola ku byeko bisala mu ghoso musumba.17Mu sinakoki atendagha na bayuda nu bantu bakukwa Ghongo boba, nu bindi binsayi mu mulungu ghamoi nabo basangagha.18Ngatu umoyi sa ba Epukilo nu Sitoini batendagha nawe.Bamoyi bamubulagha:Buni bwatenda mano matenda?Bango,ku mongwa akughanula Yesu nu kutuka ku bakuyi,batendagha:Akutenda ku byeko bya kulayi.19Agho bamukatagha,nu kwenda nawe ku Alopago mu kutenda:Tunashima tumane bino biukutweghesha .20Kubuno ukutongwisha ku bitondo bya kulai.Tukushima tumane u bikiki ibyo.21Tondo,bantu ba Atene nu basumba babesagha ku Atene bendagha batinja nkungu sabo mu kutenda nu mu kwongwilila bitondo.22Polo,mukantighi na Alopago atendagha :Benywe bantu ba Atene,nabamona ko anga bantu b'indini.23Kubuno,mu kutimba musumba winu,nu kulola bikayi bya kutungilila ,nasangile kasasa ka melelo kamoyi gha tilwa: Kuli cheko kitekumanwa ! Bimukwela nu tamukubimana, u ki nkubasambalila.24Ghongo wabumbagha kisi kinsayi nu binsayi byeli mo,Mukota w'ighulu nu wa kisi,ntakwikala mu numba sa kukumbamila sobakwa na maboko ma muntu;25Nta kukitilwa milimo na maboko ma bantu,anga olya wite nkasa sa kikayi kilebe,we ,ukwelesha bansayi kalamo,kwisa,nu bikayi binsayi.26Abumbagha bantu bansayi ,batuka mu mikilha emoyi,b'ombule mu kisi kinsayi,nu abikile bindi byabo ,nu gha bana shindila;27Ashimagha balonde Mukota,nu bakite maghala ma kumumona ko mu ku kitakita,nu nteli bulayi n'omoyi ku beshwe,28kubuno muwe twite kalamo,kutengya,nu kuba.Nu u byatendwagha nubo na batili binu :Kwaghe tuli kilongo. 29Agho lino mu kuba kilongo cha Ghongo,tatunakosha kukatisha buno Ghongo asusana nolo,na kakulo,ali ikoyi,bya tulilwe na batumbi.30Ghongo,nta kughansa bindi bya bukongolo bwitu,akutenda na bantu bansayi,ku bishiki binsayi ,binsungule mu mitima,31Kubuno abikile kindi kimoyi cha kughaya kisi kuyangana na bulili,kutingila muntu wasombolagha,weleshagha bansayi kamanililo mu kumutucha ku bakuyi..32Gha bongwagha akutenda ku bya kutucha ku bakui,bamoyi basekagha ,nu bango batendagha :Tukakongwilila bungo busi.33Agho Polo atukagha munkatighi nabo.34Bamoyi kubo bamuyangagha nu kukatisha,Denisi muntu wa Alopago,mukashi umoyi wamanaghwa Damali nu bango ghamoyi nabo.
Chapter 18

1Kushila agho,Polo atukagha ku Atene nu kwenda ku Kolinto.2Asangagha ko Muyuda umoyi ukumanwa Akila,abutwa ku Ponto,ikagha ku Italia ghamoyi na mughole waghe Pilisila,kubuno Kolode atinjagha mubiko buno Bayuda bansayi batuke mu Loma. Ikalagha nabo ghamoyi;3nu obo bubakitagha nkashi emoyi,ikalagha kwabo nu kukitila nkashi ko;babagha baluki ba hema.4Polo egheshagha mu sinakoki mu sabato insai,kulhuta Bayuda nu Bagiliki.5Tondo ghikagha Sila nu Timote ku Makedonia,imbikagha mu kitondo ,kulosha Bayuda buno Yesu u Kilishitu.6Mwa mu kunana Polo nu kumutuka,ghono atitulagha nshulu saghe bubibu, nu kubabula buno mikilha sinu sibe ku matwe minu.Ine nenga lyani.Tukila lelo, nenda ku bingo bilongo".7Mu kutuka agho ingilagha kweli umoyi ukumanwa Yusto,muntu ukukwa Ghongo boba nu numba saghe sabagha salanda na Sinakoki.8Agho,Kilipo mukulu wa sinakoki akatishagha Mukota ,ghamoyi na bantu ba mu numba saghe. Nu Bakolinto bengi babongwililagha Polo bakatishagha nubo,nu kupatishwa.9Mukindi,Mukota atendagha na Polo mu kalolesho:Ntukwe boba,tondo tenda,nu ubibaghe,10kubuno nili ghamoyi nowe, nu muntu ntakakukata ko buno akukite bubi; Tenda,kubuno,nite bantu bengi mu ghuno musumba.11Ikalagha agho mwaka umoyi nu myeshi mutuba,ekweghesha Bakolinto kitondo cha Ghongo.12Mu bindi bya Galio wabagha Mukulu wa musumba wa Akai,Bayuda balhubagha ishibo kuli Polo nu kumwicha ku tulubinali, 13nu kutenda:"Ghono muntu akulutha bantu belele Ghongo utalingimana na mubiko .14Polo gha londagha kutenda,agho Galio abulagha Bayuda:"Ndi binabinde tabyasanana ali bitondo bibi,inabongwilinde busogha,e Bayuda;15Tondo ndi myango ku kitondo,ku mashina,nu ku mulembe winu ibyo bya balola;Nshikushima nibe shushi w'ibyo bitondo."16Nu abasingagha ku tulubinali.17Agho bansayi bakatagha Sositene,mukulu wa Sinakoki, bamupundagha ku miso ma tulubinali nu Galio ntakitagha kena.18Polo ikalagha ku Kolinto bindi bingi.Kushila agho,alaghagha mibuto nu kwenda ku Silia ghamoyi na Pilisila nu Akila,gha shilagha kw'imbegha itwe gha Kenkulia,kubuno indumbishagha.19Bikagha ku Efeso,nu Polo ashighagha ko ba bamwelekeshagha. Mu kwingila mu Sinakoki,atendagha na Bayuda,20bamuseghagha atinje bingo bindi .21Tondo ntimilagha,nu abalaghagha mu kutenda :Bubusogha nitinje kisaghulo ki kushwa ku Yelusalema.Nkakuluka kuno, ndi Ghongo ashima.Nu atukagha ku Efeso .22Mu kutuka ku Kaisalia abakamilagha ku Yelusalema,nu mu kushila mu kukesha Kanisa samba,akumbilagha ku Antiokia.23Ghabinde atinja bindi bikeke ku Antiokia,Polo endagha ,atimbagha Galatia,Filigila mu kukokomesha lukatisho lwa begheshibwa.24Muyuda umoyi ukumanwa Apolo wabutwa mu ALekisandulo,muntu ukumana kutenda nu washima kitondo cha Ghongo,ikagha ku Efeso.25Akulagha mu nsila sa Mukota,nu wakokomesha mu lukatisho, asambalagha nu kweghesha bya bulili ku bya Yesu abagha akumana tughu lupatisho lwa Yoani.26Atendagha bwasibwasi mu sinakoki.Akila nu Pilisila,mu komwongwilila,babagha nawe,nu bamuloshagha busoghabusogha nsila sa Ghongo.27Bwa londagha kutinga ku Akaya,mibuto sa mweleshagha maghala nu batililagha Begheshibwa bamusekele busogha.Gha binde ika,ku mpang'inene sa Ghongo,abagha musogha ku bakatisha.28Buno,ananagha Bayuda mu kubalosha bwasibwasi kutingila kitondo cha Ghongo buno Yesu u Kilishitu.
Chapter 19

1Gha bagha Apolo eli ku Kolinto,Polo mu kushila kutimba misumba inene sa Asia, ikagha ku Efeso.Mukusanga Begheshibwa bamoyi,ababulagha:2Gha mwakatishagha,mwasekelagha Muusa Musogha?Bamwakulagha: Ta tunwongwagha bakutenda buno kweli Muusa Musogha.3Atendagha Lupatisho ki lumwapatishibwagha ?Nu baakulagha:Lupatisho lwa Yoani.4Agho inga Polo ababula: Yoani apatishagha lupatisho lwa kw'isungula mutima,kubula bantu bakatishe ku olya ukashwa kumbusa kwaghe,u kutenda mu Yesu.5Kw'ibyo bitondo,bapatishibwagha mw'ishina lya Mukota Yesu.6Gha bagha Polo ashila kubabikila maboko,Muusa Musogha abikilagha,nu batendagha mu mitendeshi ningi,nu kulisha bitondo bya bulenganya.7Babagha anga bantu ikumi na babili .8Kushila agho,Polo ingilagha mu Sinakoki , u mwatendelagha bwasibwasi.Mu myeshi esatu,Polo egheshagha bitondo bya bukota bwa Ghongo,imbikagha akulhuta ba bamwongwililagha.9Tondo,ubo bwabagha bamoi na mitima sakandwa nu site katisha,intuchagha mubo,kulekanucha begheshibwa,nu kweghesha busi na busi ku likolo lya muntu ukumanwa Tilanusi.10 Ibyo byatingagha mu myaka imbili,bubo bansai babagha mu Asia,Bayuda nu Bagiliki bongwililagha kitondo cha Mukota.11Nu Ghongo akitagha bitangalo bingi kutingila Polo,12buno asundagha basambi nshulu sitilagha ku mubili waghe,nu nsambo salamagha nu basumbu kutuka.13Batibiti bamoyi ba basumbu ba Bayuda ba kutingatinga, baghelekagha kwasa ishina lya Yesu, ku babo babagha na basumbu,mu kutenda: Kw'ishina lya Yesu uku sambalwa na Polo,tuka! 14Ba bakitagha ubo,babagha bana mutubakamu ba Sheva,Muyuda, umoyi ku bisankogha banene.15Isumbu lyabakulagha:Nkumana Yesu, nu nkumana Polo u nayi?16Nu muntu wabagha n'isumbu indekelagha kubo,abaghimbagha maghala,nu ku babasha,nu batukagha lubilo mweso numba beli munkanka nu babeleka.17Ibyo byamanwagha na Bayuda bansayi nu Bagiliki bansayi bikalagha ku Efeso,nu babo bansayi bwakatwagha na boba,nu ishina lya Mukota Yesu lya tatwagha.18Bengi ku babo bakatishagha,bashwagha kusambala nu kutenda bwasibwasi bi bakitagha.19Nu bamoyi ku babo baghilha,mu kushwa na bitabo byabo babighishagha ku miso ma bantu:Byabagha binakwile bichele anga elefu makumi matano ma bikulo.20U bwasandabanile kitondo cha Ghongo na bwangato nu mpumba.21Gha tingagha ibyo bitondo,Polo alenganyagha kwenda ku Yelusalema,mu kutinga ku Makedonia nu Akaya.Itendyagha:Gha nkika ko,bu busogha nubo nike ku Loma.22Asingilagha ku Makedonia babili ku bakiti baghe,Timote nu Elashito,nu akitagha lingo bindi bikeke ku Asia.23Mwebyo bindi,kwabagha lwayo lunene,ku bitondo bya Mukota.24Muntu umoyi ukumanwa Demetilio,mobaki na bikulo,tusumilo twa Diana,walighagha bakiti baghe ba mulimo bikulo bingi.25Abakulumanyagha, ghamoyi na babagha na nkashi emoyi nu kutenda: O bantu,kughuma kwitu , kwatuka mu lino itumbi;26nu mu kumana nu kwongwa buno ,ta ku Efeso kw'inene,tondo mu Asia insayi,ghoso Polo abuluta bantu bengi mu kutenda buno,ghongo bakukitwa na maboko ma bantu ta ba Ghongo.27Mabi matuka kwebyo,tabuno itumbi litu lishile,tondo lingo kasumilo ka ghongo munene Diana kabengwe,nu bukota bwa olya ukwelwa mu Asia nu mu kisi kinsayi bushilile.28Mukuba bitondo ibyo bya bashibucha,bakughagha bubibu: Diane wa Efeso u munene !29Musumba unsayi wabagha na kabilikito.Batibitilagha bo bansayi ku mulungu nu babulutilagha gho Gayo,nu Alisitaliko bantu ba Makedonia,banabo ba lughendo ba Polo.30Polo ashimagha indoshe kweli bantu,tondo begheshibwa bamunanyagha;31bamoyi ku bisa Asia babo babagha binda baghe bamusingilagha bantu bamunanye endaghe mu mulungu.32Bamoyi bakughagha bubuno nu bango bubulya,kubuno lwayo lwabagha mu musanganano,nu bengi tabamanagha ki chasulagha bakulumana.33Agho batuchagha Likisandele mu bantu u wenshwagha kubusho na Bayuda,nu Likisandele ,mu kwimika kuboko alondagha kutenda na bantu.34Gha bamanagha buno Likisa eli Muyuda, bansayi bakughagha anga s'imbili: Diana wa Baefeso u munene!35Mukushila kubibya bantu, mutili atendagha:"Bantu ba ku Efeso,nayi utekumana buno musumba wa mulangi wa kasumilo ka keko Diana munene nu kimbuli chaghe chatuka kw'ighulu?36Ubo tabunanwa,mwema ku koba,nu mukitaghe kena lubilolubilo. 37Kubuno mwashwile na bantu,batakitile bubi,nu tababengile ghongo witu wa mukashi.38Ndi Demeteleo nu bakiti baghe bite bya kutalikila muntu,kweli busi bwa bitondo;ba manane ku matenda.39Nu ndi mwite bingo bitondo,bikakalwa mu musanganano. 40Tunashwa kutalikilwa buno beshwe u twalubile lwayo ku bino byatinga buno busi,kubuno taku nu kitondo chasula bano bantu bakulumana.41Kyebyo bitondo,alaghagha musanganano.
Chapter 20

1Gha binde lwayo lwashila,Polo akulumanyagha begheshibwa,nu,kushila kutenda nabo,abalaghagha nu kwenda ku Makedonia.2Atimbagha mwecho kisi ,mu kweghesha begeshibwa bitondo bingi.3Nu endagha ku Bagiliki,u kwatinjagha myeshi esatu.Gha londagha kwenda ku Sulia,Bayuda bamuteghagha.Agho alenganyagha ku kuluka ku Makedonia.4Bamwelekeshagha ku Asia : Sopatele wa Beloya,musikila wa Pilusi,Alisitaliko nu Sikondo wa Tesalonika,Gayo wa Delebe,Timote nu Tushiko nu Tolofimo,bantu ba ku Asia.5Babo bendagha kubusho,nu batulindilagha ku Tolowa.6Ku beshwe,kushila bindi bya tumpampa bitite lughayo,beshwe twendagha ku Filipi,nu,mu ku bindi bitano,twa basangagha ku Tolowa,u ku twatinjagha bindi mutubakamo.7Busi butangi bw'iyinga,twakulumanagha tulye kampampa.Polo ,wabagha wa kwenda munindu,atendagha na begheshibwa kwikila mu kantighi na kindi.8Kwabagha tala ningi mu chumba cha kw'ighulu ku twabagha mo.9Agho ghabagha musikila umoyi wamanagwa Etiko,etamilagha kw'indilisha,mu kuyama bubibu nu Polo akutenda; mu tulo twingi,akolokagha tukila lutalo lwisatu kwika ghansi,nu imaluchwagha akwile kalayi.10Tondo Polo,mu kukumba amukumbamilagha ko nu kumukata mu maboko maghe,nu kutenda:mughanagheghanaghe,kalamo kaghe kecheli muwe.11Ghabinde abakama,aketulaketulagha kampampa nu kulya,nu atendagha bingo bingi kwikila nindunindu,kushila agho endagha.12Musikila ekilwe nu alama kalayi,nu wabagha musaghu wa mboghimboghi.13Beshwe twendagha kubusho kwa Polo na bwato,nu twimalagha ku Asosi ,u ku twalaghanagha twendele ghamoi nawekubuno lughendo lwaghe lwabagha lwamaghulu.14Gha tusangagha ku Asosi,twamwindagha mu bwato,nu twendagha ku Mutilene.15 Agho,mu kutinga mu kitatenge,twikagha munindu ku maleshilya na Kioso.Gha chagha busi,twikagha ku Samosi,nu bwandele, twikagha ku Mileto.16Polo ashimagha kutinga ku Efeso,ta kwimala ko,kubuno anatinja nkungu mu Asia;kubuno abagha akutibitila, ndi akosha, ike ku Yelusalema busi bwa Pentekote.17Kutuka ku Mileto,Polo asingagha bantu ku Efeso bamane bakungu ba Kanisa.18Gha bikagha kweli,ababulagha:Mukumana buno tukila busi butangi bun'ingilagha ku Asia,nshashighile kwenda ghamoyi na benywe ,19mu kukolela Mukota mu kwimbotya ghamoyi na bisoshi,nu mu nkatighi na malingiko manteghagha Bayuda.20Mukumana buno nshababisagha kena ku bya bimwashima,nshakwagha boba kubasansila kitondo cha Ghongo nu kubeghesha bwasibwasi nu mu mashumba,21kubula Bayuda nu Bagiliki kw'isungula mitima kuli Ghongo nu lukatisho kweli Mukota witu Yesu Kilishitu.22Nu lelo lola,mu kukandwa na Muusa,nenda ku Yelusalema,shikumana byanikile ko;23 tughu musumba ku musumba Muusa Musogha wankengesha buno miyololo nu minubo sa ndindila.24Tondo nshinakita champa ku kalamo kani,anga kanabinde ka mutali munene,kubuno nishililishe lughendo lwani na mboghimboghi,nu nkashi sa Ghongo sineleshebwagha na Mukota Yesu,kusansa musaghu musogha wa mpang'inene sa Ghongo.25Nu lelo lola,nkumana buno ta mukandola lingo ku chaso chani, kwinu benywe bansayi kunatingagha kweghesha bukota bwa Ghongo.26Uchasula nababula buno nenga kubushi bwa mikila sinu benywe bansayi.27Kubuno nabasambalinde binsayi bya Ghongo nu nshababisile kena.28Mwindange benywe b'inene,nu kikembe kinsayi kimweleshibwe na Muusa Musogha buno mu kilange,buno mucheleshe indya,kiyeleshagha winene kutingila mikilha saghe .29Nkumana buno kumbusa kwani ,mu benywe mukatuka mpagha si takashighilila kikembe,30nu mukantighi na benywe mukimala bantu bakeghesha bitondo bya manko,buno bimbulutile beghesha.31Mulole busogha ,mu kukengela mu myaka esatu,nshashighagha kutenda na muntu umoyi moyi ku benywe busi nu kindi na bitengetenge byani.32Nu lelo nabashigha mu maboko ma Ghongo nu mu kitondo cha mpang'inene,ku ghoso unabakokomesha nu kubelesha mwandu ghamoyi na bansayi basanana.33Nshabagha na nkasa sa bikulo,ali nolo ali nshulu sa muntu,34Mukumana benywe binene buno maboko mani u maneleshagha bi nashima ghamoyi na bantu ba nabagha nabo.35Nabaloshagha na menge mansayi buno mu kukita nkashi u bunimika basoshu,nu kukengela bitondo bya Mukota,watendagha w'inene: Kweli ighuma linene kwelesha bantu kutinga kweleshibwa.36Gha shilagha kutenda ubo,akomagha mashwe ,nu ing'asegha ghamoyi nabo bansayi.37Nu bansayi batuchagha bitengetenge ,nu bansayi bamukumbakumbagha Polo,38 bamukumbatilagha,ghamoyi nu kulila mu mitima mu kukengela bitondo bya babulagha buno ta bakamumona ko lingo.Nu bamwelekeshagha kwika kw'imbungo.
Chapter 21

1Twendagha,mu kushighana nabo, kwika ku Kose,munindu twikagha ku Lode nu kutuka agho twikagha ku Patala.2Mu kusanga bwato mu kusoka kwenda ku Fenesia,twabakamagha mubo nu kwenda.3Mwa mukolola kakishi ka Kipulo,twakashighagha mu mbokwa,mu kwenda mu kibe cha Sulia,nu twasokelagha ku Tilo,u kwabagha kukushigha bwato mishigho.4Twasangagha begheshibwa nu twikalagha ko bindi mutubakamo. Begheshibwa,bite Muusa Musogha,bananiagha Polo ku bakama ku Yelusalema.5Tondo,mu kulola bindi mutubakamo byatinga,twalenganyagha kwenda,nu bansayi batwelekeshagha ghamoyi na bakashi babo nu bana babo,kwika kushinda musumba.Twakomagha mashwe ku muse,nu twaseghagha.6Nu mukuba twashighana,twingilagha mu bwato nubuo bakulukagha kwabo.7Mu kushila kutuka mu bwato,twendagha ku Tilo ku Tolemai,u kutwendagha kukesha bisa kwitu nu kutinja nabo kindi kimoyi.8Mu nindu twendagha ku Kaisalia.Gha twingilagha mu numba sa Filipo musanshi wa kitondo cha Ghongo wabagha umoyi ku babo mutubakamo,twayamagha kwaghe. 9Abagha na bikumi binayi bikutucha bitondo bya bulenganya.10Ubo butwakitagha bindi bingi agho, mulenganya umoyi ukumanwa Agabosi, atukagha ku Yudea ashwagha kutulonda.11Atolagha mutunda wa Polo,inkandagha maghulu nu maboko,nu kutenda :Lola byatenda Muusa Musogha:Nene uno mutunda,Bayuda bakamukanda ku Yelusalema,anga buninkanda gho ,nu bakamwesana ku maboko ma batakatisha.12Mu kwongwa kubo, beshwe nu abo bango ba kicho kishiki,twananyagha Polo kwenda ku Yelusalema.13Aakulagha: Kiki ki mukukita,mu kulila nu mukunita mutima?Nimila,ta kukandwa umpanga,tondo ku kwila ku Yelusalema kw'ishina lya Mukota Yesu.14Ubo bwatashimagha kongwa,twananagha ku mukakisha,nu twatendagha:Kushima kwa Mukota ku belelele.15Kushila ibyo bindi,twalongomanyagha lughendo nu twabakamagha ku Yelusalema.16Begheshibwa bamoyi ba ku Kaisalia bendagha ghamoyi na beshwe,nu kutwicha kwa muntu ukumanwa Nasoni wa kakishi ka Kipulo,mwegheshibwa mukungu,u kutuna yamile.17Gha twikagha mu Yelusalema,bisakwitu batusekelagha na mboghimboghi.18Munindu,Polo endagha ghamoyi na beshwe kuli Yakobo,nu bakungu bakulumanagha gho .19Mu kushila kubakesha ,abaghanikishagha bingi byakitagha Ghongo mu bilongo kutingila mulimo waghe.20Mu kumwongwilila,baghanulagha Ghongo.Nu bamubulagha :Walola mubuto, maelefu manga ma Bayuda bakatishishe,nu bansayi bakokomesha mu mulembe.21Nu bongwile buno ukweghesha Bayuda beli mu bilongo buno bashighe bya Musa,mu kubabula tabamonye lingo bana nu balembanaghe na ntungo .22Tukite ki? Tukumana buno kikembe chakulumane ,kubuno bamana buno wikile.
24Batole ghamoyi nowe,iyenje ghamoyi nabo,beleshe bibite nkasa inga bamana kubeghwa matwe.Nu bansayi bamane buno byatendwagha kw'ishina lyobe byeli bya bwisa,tondo uwe nuwe ukuyangana na mu mulembe.25Ku Babilongo babo bakatishishe,twakalagha lwango lwa kubatilila binanye nama sa tulwa ku byeko,nu mikilha,nu nama si nkwila,nu matensha.26Agho atolagha abo bantu,iyenjagha ,nu munindu ingilagha nabo mu numba sa kukumbamila buno atende busi bukabelelela kwiyenja kwabo,nu mutulo wabo.27Mu kushila bindi mutubakamo,Bayuda ba ku Asia gha bamonagha Polo mu numba sa kukumbamila,bindagha mu bantu mulenganya mubi , bamukatagha,28mu kukugha:Bantu Baisilaeli,mutukashe! Lola ,muntu ukweghesha kunsayi nu kisi kinsayi akutenda bubi ku bantu, mulembe nu kishiki kino; Ingishishe Bagiliki mu numba sa kukumbamila nu akwenegha kishiki kino chasanana.29Kubuno bamulolagha ko kalayi mu musumba ghamoyi na Tolofime wa kuko ku Efeso,balenganyagha buno Polo amwingishishe mu numba sa kukumbamila.30Musumba unsayi wimalukagha,nu bantu batukagha kunsayi. Bamukatagha Polo,nu bamubulutilagha kumbugha kwa numba sa kukumbamila,numbi insayi,sighalaghwa.31Ubo bubalondagha ku mwita,lwayo lwikagha kuli mukulu munene wa basula,nu Yelusalema insayi waghulubanagha.32Mwako kaluma, atolagha basula,nu kutibitila ku beli.Mu kumona ku Mukulu wa Basula ghamoyi na basula,bashighagha kupunda Polo.33Agho mukulu wa Basula ashighelela,amukatagha,nu amukandyagha miyololo imbili.Nu abushagha we u nayi,nu ki chakitile.34Tondo mu kikembe,bamoyi bakughagha bamoyi bubuno, nu bango bubo .Indagha kwongwa bamoyi, kulwayo lwingi,akakishagha bamwiche mu lusu lunene.35Gha binde Polo emwagha na bipundo,ekwagha na basula kutingila bubibu bwa kikembe; 36Kubuno bantu bengi bashwagha mu kukugha:Mu mwite!37Mu kwingila mu lusu lunene,Polo abushagha mukulu wa basula: Nimilwa kukubula kitondo kimoyi?Mukulu wa basula akulagha: Ukumana kigiliki?38Ntweli ghoso mu Misili wasolobokile mu bino bindi,nu wendile mu kalula na bisungu elefu enayi?39Inga Polo atenda:Nili muyuda wa Talaso ku Kilikia,muntu wa mu musumba musogha nu munene.Nshighilile ,nakusegha nitende na bantu.40Mukulu wa basula mu ku mwimila,Polo ,imalagha gha toghama,ashimilagha bantu na mughombo .Kwabagha kakobi kanene,nu Polo mu kutenda mu kiebulania,ababulagha:
Chapter 22

1Bisakwitu nu batata,mwongwilile bi'nkutenda :2Mwa mukongwilila akutenda nabo mu kiebulania,bakobagha bubibu.Nu Polo atendagha:3Nili Muyuda,nabutwa ku Talaso sa ku Kilikia,tondo nakulila mu ghuno musumba,nu kwegheshibwa ku maghulu ma Gamalieli mu kumanilila busoghabusogha mulembe wa batata,nene mpumba sa ku kolela Ghongo,anga bumweli nu benywe.4Na naghagha bubibu mano megheshibwa,kukanda nu kulekela mu kahombo balume nu bakashi. 5Sankogha munene, mu lusu lunsayi lwa bakungu bakuntenenekela.Neleshibwagha nabo maluba ku bisakwitu beli ku Damasiki, u kunendagha buno nishwe na bakandwa ku Yelusalema ba banasange ko nu niba nubye.6Bu nabagha mu lughendo,nu kwika bwighi na Damasiki,mwako kaluma,mu kantighi na musi,kwatukagha kw'ighulu chengeshi kinene chasanagha gha neli. 7Naghawa ghansi,nu nongwagha ishuki likumbula:Sauli,Sauli ki chasula waninubya? 8Nabushagha: Uwe nayi Mukota?Nu ambulagha: Ine Yesu wa Nasaleti,u ukunubya.9Babo babagha n'ine,balolagha busogha kwecho chengeshi,tondo tabongwagha kweli ishuki lyatendagha nine.Agho,natendagha:Nikite buni Mukota?10Nu Mukota ambulagha :Imaluka,nda ku Damasiki,nu bakubule bya kukita.11Bu nabagha nshikulola ku kena,kutingila chengeshi,ba nabagha nabo,bankantililagha mu kuboko,nu nikagha ku Damasiki.12Nu mutu umoyi,Anania, wa kokomesha mu mulembe,nu Bayuda babagha ku Damasiki bamutenenekelagha,bikagha ku neli,13nu kumbula:Sauli, mwisakwitu,shibula miso.Mwako kaluma,nashibukagha miso nu ku mulola ko .14Ambulagha:Ghongo wa batata akusombolile buno umane byashima ,nu kulola muntu wa bulili, mukwongwa bitondo mu kanywa kaghe;15kubuno muteneneki waghe ,ku bantu bansayi ku bitondo bi ukalola ko nu kongwa ko.16Nu lola,ki kiukulindila?Imaluka ,patishibwa,nu ushighililwe bwaghi bobe ,mu kumana ishina lya Mukota.17Mu kukuluka ku Yelusalema,anga bunabagha nkusegha mu numba sa kukumbamila,nakalikagha kalengwe,18nu nalolagha ku Mukota u kumbula:Tibitila,nu tuka mu Yelusalema lubilo,kubuno tabakasekela buteneneki bobe kw'ishina lyani.19Nu Ine nkutenda: Mukota,bakumana bunalekelagha mu kahombo nu kupundya bantu na tuti mu ma sinakoki,babo bakatisha muwe,nu20gha bitagha Setefano,muteneneki wobe,nabagha agho,nu nimilagha milenganya sabo,nu nalangagha nshulu sa ba bagha baku mwita. 21Agho ambulagha :Nda,nkakusinga bulayi ku bilongo.22Bamwongwililagha kwikila kicho kitondo.Tondo bakughagha mu kutenda:Tucha gha kisi muntu anga ghoso!Nta nema kuba ko.23Nu balekelagha lingo milenge,kuta nshulu sabo,nu kulenja mukungu mu mpena.24Mukulu wa basula akakishagha bingishe Polo mu lusu lunene,nu bamubushe mu kumupunda, buno bamane ki chasula ba mukughila.25Gha bamususulagha,Polo atendagha na sula wabagha agho: Mwimila kupunda na tuti muntu wa Muloma nu nta ghayibwe? 26Kwebyo bitondo,sula endagha kweli mukulu wabo nu ku mukengesha,mu kubula: Ki kiwakita ?Ghono muntu eli Muloma.27Nu ghoso mukulu wa basula ,mu kwika abushagha Polo:Mbule,uli muLoma?Polo amwakulagha :Naki.28Mukulu wa basula atendagha lingo: Nti kutingila bikulo bingi u munabinde Muloma.Nu Polo ing'amubula: Nili muLoma wa kubutwa.29Agho lino babagha bakumubusha biyendelagha,nu Mukulu wa basula mu kumana buno Polo eli Muloma,akwagha boba kubuno amukandyagha.30Mu nindu ,mu kulonda amane busogha ki chasulagha Bayuda bamutalikila,Mukulu wa basula amukandulagha nu akakishagha Basankogha banene nu lusu lwa matenda bakulumane; nu mu kukumbya Polo,amubikagha gha katighi nabo.
Chapter 23

1Polo mu kughensha lusu lwa matenda,atendagha: Bisakwitu,nti ku mulenganya wani musogha,u kunikila mu miso ma Ghongo...2Anania,we Sankogha munene akakishagha ku babagha bwighi nawe bamupundile ku bushundo.3Agho Polo amubulagha:Ghongo akakupunda ,e kisusu chenga! Wabundile buno u niaghye,nu wenda bulai na mulembe buno bampunde!4Ba babagha bwighi nawe bamubulagha:Watuka Sankogha munene wa Ghongo !5Nu Polo ing'atenda:Bisakwitu ,nshamanagha buno eli Sankogha munene;kubuno bwatililwe :Ntukatenda bubi ku mwami wa kilongo chobe.6Polo ,mu kumana buno mu musanganano muli Basadukayo nu Bafalisayo,atendagha bubibu:Bisakwitu,nili mufalisayo ,mwana wa mufalisayo;nti kutingila malelamilo ma kutuka ku bakuyi u chasula naghibwa .7Mu kushila kutenda ubo,kwabagha myango gha sambana Bafalisayo nu Basadukayo,nu musanganano wimbeghanyagha mo,8kubuno Basadukayo bakutenda buno takuli kutuka ku bakuyi,nu takuli mughenshi ali basumbu,tondo Bafalisayo bo bimila ibyo bibili.9Kwabukagha lwayo lunene,nu basanshi bamoyi ba bimila Bafalisayo bakitagha myango inene,nu kutenda:Tatwamona ku kibi mu ghono muntu,nampu musumbu ali mughensi umoyi u kutenda nawe.10Bwabagha lwayo lwa kwengukana lwabagha lwingi,nu mu kukwa boba buno Polo anakokwakokwa,na bantu,amanagha basula bamutuche mu katighi nabo ,nu bende nawe ku lusu lunene.11Mu kindi,Mukota ikilagha Polo,nu ku mubula:Ntukwe boba;kubuno buwantenenekelagha ku Yelusalema,wemana kuntenenekela lingo ku Loma.12Mu busi kucha,Bayuda bakalagha lwango nu kwindumbisha binene buno ta bakalya nu kunywa ndi tabita Polo.13Ba bakalagha ulo lwango, babagha bengi ku makumi manayi,14nu bendagha kuli basankogha banene nu bakungu,ba babulagha buno:Twindubishe buno ta tukalya kena nu kunywa ndi ta twita Polo.15Uwe lola,ghamoyi na lusu lwa matenda,mubule mukulu wa basula,amwiche ku weli,buno ukulonda busogha ki chasula atuka ku tweli,nu ghabe ntika ku weli,nti twamwita.16Mwighwa wa Polo,mu kuba amana itebo ,endagha mu lusu lunene amutonde Polo.17Polo amanagha umoyi ku basula,nu kumubula :Icha ghoso musukila kuli mukulu wa basula ,kubuno ite kitondo cha kumusambalila.18Sula endagha ghamoyi n'oso musikila nu kumwicha kuli mukulu wa Basula nu kutenda :Mukandwa Polo animanagha,ni kwikishe ghono musikila,ite kitondo cha kukubula.19Mukulu wa basula akatagha ghoso musikila mu kuboko nu endagha nawe kwitunda,amubushagha : Kiwite cha kunsambalila?20Aakulagha:Bayuda balaghanile buno bakweme buno umwiche Polo munindu mu lusu lwa matenda ,anga unashima kumana bingi kuwe.21Ntubongwililaghe, kubuno bengi ku makumi manayi kubo bamuteghile itebo,nu bindumbilishe kwinda kulya ali kunywa ndi tabamwita; lola bikalile ,nu bakulindila tughu mulenganya wobe umpanga.22Mukulu wa basula akuluchagha musikila nu kumukakisha ntasambalile muntu kw'ibyo bitondo.23Agho,amanagha babili ku balangi ba basula, nu kubabula: Mwikalagha mukengele,mu sa mwenda sa kindi,mwatolagha basula maghana mabili,nu makumi mutuba beli ku mpunda,nu bite misungu maghana mabili,mwende nabo ku Kaisalia. Mwekele nu Polo bya kumweka ko,kubuno ike busoghabusogha kuli Felisi,Mukulu wa musumba.25Atilagha maluba mweli bino bitondo:26Kolode Lusiasi ,Samba kwa ku weli Uwe Felisi Mukulu wa musumba!27Ghoso muntu wakatwagha na Bayuda,akulonda kwitwa nabo,mu kumana buno eli Muloma,nashwa na basula kubatucha we,28Mu kulonda nimane ki chasula bamutalikila,namwichagha mu lusu lwa matenda.29Nasangile buno bamutalikinde ku bitondo bya mulembe wabo,tondo ntakitile kibi kinasula akwa ali kukandwa.30Mukongwa buno Bayuda bamutegha,namusingagha kobe,mu kulosha buno babo bamutalikinde bashwe kukubula uwe w'inene.Maghala.31Basula kuyangana na lukakisho lubeleshwagha,batolagha Polo,bendagha nawe mu kindi kwikila ku Antipatuli.32Munindu, bisa mpunda bendagha nawe ,nu bango bakulukagha.33Gha bikagha ku Kaisalia,bisa mpunda bichagha maluba kweli mukulu wa musumba,nu bamuloshagha Polo.34Mukushila kusoma maluba,mukulu wa musumba abushagha ndi Polo eli wa musumba ki.Gho ngwagha buno eli wa Silisia:35Amubulagha: Nkakongwilila gha kika babo bakutalikilagha.Nu akakiishagha buno bamulange mu lusu lwa Helode.
Chapter 24

1Ku bindi bitano,Anania Sankogha munene ikagha ghamoyi na bakungu nu muntu wakwatula bitondo ukumanwa Teletule.Batalikilagha Polo kweli mukulu wa musumba.2Polo amanwagha,nu Teletule amutalikilagha,mu bino bitondo:3Mughanulwa Felisi,watwelesha boolo bunene butwasekela,nu kilongo kino cha ghaluka kisogha ubo bu wakikata;u bi tukumana ku bunsayi nu kunsayi.4Tondo,buno nshikutingishe nkungu ningi,nakusegha ongwilile ,mu busogha bobe,bikeke bitwite bya kukubula .5Twasangile ghono muntu ite lusambo lwanaka,ekulutha malekanuko mu Bayuda ba kisi kinsayi,we mukulu w'indini lya bisa Nasaleti,6nu kw'enegha numba sa kukumbamila.Nu twamukandile.Twashimile tumwaghye kutingila mulembe witu;7Tondo mu kwika kwa mukulu Lusiasi,ing'amutucha mu maboko mitu mu lwayo lwingi,8mu kukasha bataliki baghe bende ku weli. Uw'inene mu kumubusha,wamane ki chasula twamutalikila.9Bayuda bimilagha buno ubweli bitondo ubo.10Ghabagha mukulu wa musumba amubula atende,Polo ing'atenda:Mu kumana buno mu myaka ningi weli shushi wa kino kilongo,mu bulili u munkwitendela.11Ta kwatinga bindi ikumi nu bibili,ukumana uw'inene,nendagha ku Yelusalema ku kumbamila.12Nshasangwagha mu numba sa kukumbamila,ali Sinakoki ali mu musumba,buno nkw'enda myango na muntu wampa,ali nkukulumanya bantu.13Nu tabanakosha kulosha bi bantalikila ko.14Nkukubula busogha nku kolela Ghongo wa batata milimo ,kuyangana na bi bakumana buno indini,mu kukatisha binsayi byatililwe mu mulembe nu balenganya,15nu mu kuba n'ite malelamilo mu Ghongo,ango bu bite nubo mo, bukaba kutuka ku bakuyi ku basanana nu ku batasanana.16Uchasula nkw'ikokomesha nibe na mulenganya musogha kweli Ghongo nu kweli bantu.17Gha tingagha myaka ningi,nashwile buno niche nkaso mu kilongo chani,nu kulisha mitulo.18Agho u gha nsangagha Bayuda bamoyi ba ku Asia nkw'iyenja mu numba sa kukumbamila,tamwabinde musanganano ali lwayo.19Bindoshe lino ku weli buno bantalikile ,ndi bite kitondo n'ine.20Ali baloshe bubi bwani gha nintendelagha mu lusu lwa matenda ,21,ndi ta kicho kitondo kimoyi kinatendagha mu nkatighi nabo:Nti ku bya kutuka muntu ku bakuyi u binaghyibwa ko lelo.22Felisi,wamanagha busogha busogha amo meghisha,abakuluchagha mu kutenda:Ghakika mukulu wa basula Lusiasi nkamana lil'itenda linu.23Nu akakishagha mulangi wa basula alange Polo ,nu mukushighilila gha keke,nu kunania muntu waghe wampa wa kumukitila mulimo.24Mu bindi bikeke,Felisi ashwagha ghamoyi na mukashi waghe Dilisila ,wabagha Muyuda,nu amanagha Polo.Amongwililagha ku lukatisho lwaghe kuli Kilishitu.25Tondo ,Polo atendagha bingi ku bya bulili nu bya kulingimanya nu bya kwaghibwa mu bindi bikashwa,Felisi,mu kukwa boba ing'atenda:Mweno nkungu,tuka ghano; gha nkaba na nkungu,nkakumana.26Alelamilagha buno Polo amweleshe bikulo;uchasulagha enda amumana ngendo ningi atende nawe.27Gha tingagha myaka imbili ,nu Felisi ashighilagha kishumbi we Polisiusi Feshitusi .Mu kuboghyaboghya Bayuda,Felisi ashighagha Polo mu kahombo.
Chapter 25

1Feshitusi ghi kagha mu musumba munene,ku bindi bisatu atukagha ku Kaisalia kwenda ku Yelusalema.2Bisankogha banene nu bakungu ba Bayuda,batalikilagha Polo kweli.Bamukakishagha mu kumulosha mabi,3bamwemagha mu kulosha buno abashima,amwiche ku Yelusalema.Bamuteghagha itebo buno bamwitile mu nsila.4Feshitusi atendagha buno Polo akulangwa ku Kaisalia nu mu bindi bikeke w'inene akwenda ko.5Ababulagha,bakungu bamoyi ku benywe bende n'ine ,nu ndi mweli kitondo kibi ku ghoso muntu bamutalikile.6Feshitusi akitagha nabo bindi munani ali ikumi kushila agho endagha ku Kaisalia.Bwa chagha busi ,mukuba akotama mu kishumbi cha matenda,akakishagha bamane Polo.7Gha binde ika,Bayuda batukagha ku Yelusalema bamutimbagha,nu kumushingila bitondo bingi nu bibi bi batanakoshishe kulosha.8Polo itendelagha:Nshakitile bubi kuli mulembe wa Bayuda,ali ku numba sa kukumbamila ali ku bwami.9Feshitusi mu kushima aboghyeboghye Bayuda aakulagha Polo:"Ukushima ubakame ku Yelusalema ,nu kughayibwa ko mu miso mani? 10Polo atendagha:Ku bwami,u nkwintendela,nu agho u gha nema kwaghibwa.Nshakitinde Bayuda bubi bwampa, ukumana uwe winene.11Ndi nakitile kite cha bulili,ali bubi bunanicha ku lukwo,nshanana ku kwa;tondo ndi bi bantalikila byeli bya bwisa,muntu ntanesana ku beli.Nti nenda ku bwami.12Agho Feshutisi mu kushila kughonsola bitondo ghamoyi na lusu lwaghe atendagha: Buwashimagha kwenda ku bwami;nda ku bwami.13Ku bindi bikeke,Mwami Agilipa nu Belenise bikagha ku Kaisalia buno bakeshe Feshutusi.14Anga bu bashilagha agho bindi bingi ,Feshutisi abasambalilagha bitondo bya Polo,nu kutenda:Felisi ashighagha akanda mulume umoyi ,15nu gha nabagha ku Yelusalema,Basankogha banene nu bakungu ba Bayuda bamutalikilagha ,mu kusegha aghibwe.16Nabaakulagha buno ta ntungo sa Baloma muntu aghibwe nu ntika ku bataliki baghe,nu intendele ku bitondo bi bamutalikinde.17Bike ghano,nu takwindisha munindu,nikalagha mu kishumbi cha matenda,nu nakakishagha bashwe n'oso muntu.18mu kwika kwabo bataliki baghe bamushingilagha bibagha nshikulenganya ko;19Bendagha nawe myango sa meghesha mabo nu ku muntu umoyi Yesu wakwagha ,nu Polo atendagha buno ghoso echeli atenja.20Mu kwinda bya kughaya,namubulagha ndi akushima kwenda ku Yelusalema,nu ende kughayibwa kwamo matenda.21Tondo Polo,mukwitendela buno matenda maghe makalwe na Mwami munene wa Kisi,nakakishagha alangwe kwikila gha nkamusinga ku Bwami.22Agilipa abulagha Feshutusi:Nkushima nongwilile n'ine ghoso muntu.Feshutusi amwakulagha wamwongwilile munindu.23Mu nindunindu,Agilipa nu Belenise bashwagha bashwalile busogha nu kw'ingila mu kishiki cha matenda ghamoyi na bakulu ba basula nu bakulu ba musumba.Ku lukakisho lwa Feshutisi,Polo amanaghwa.24Agho Feshutisi atendagha : Mwami Agilipa nu benywe bansai mweli ghamoyi n'ine,mukulola ghono muntu , Bayuda batendagha n'ine kubushi bwaghe kuko ku Yelusalema ,buno akwe,nta naba lingo mu kisi.25Kw'ine,mu kumana buno ntakitile kena kinamwicha ku lukwo,nuw'inene mu kwitendela kuli Mwami Munene wa Kisi,nakalile itenda ende.26Nshite cha bulili cha kutilila Mwami Munene wa Kisi ku matenda maghe; U chasula namwicha mu miso minu,nu tanga kobe uwe Mwami Agilipa buno umane bya kutila,gha kashila kutenda.27Kubuno ta busogha nikandule muntu nu nshamana ki bamu talikindile.
Chapter 26

1Agilipa abulagha Polo:Wimilwa witendele .Nu Polo mu kulambya kuboko,intendelagha :2N'indola nakasanilwa,Mwami Agilipa,lelo nkwitendela bitondo binsayi binatalikindwe na Bayuda,3kubuno ukumana busogha ntungo sabo nu myango sabo.Na kusegha buno unongwilile busogha.4Kalamo kani kulingila bindi bya busikila bwani kakumanwa na bayuda bansai,kubuno katingilagha ku Yelusalema mu kilongo chani.5Bakumana kalai,ndi bashima batende,buno nakulagha mufalisayo kuyangana na kikembe chanaka k'indini litu.6Nu lelo,naghibwa buno nalelamila kubelelela kw'indaghi lyeleshagha Ghongo batata ,7nu ubikulindila bilongo ikumi nu bibili bikukitila Ghongo milimo busi nu kindi.Nti kwel'indagha e,mwami u unatalikilwa ko na Bayuda.8Kiki ! Bweli bubibu ku weli buno Ghongo ntanatucha bantu ku bakuyi ?9Kwani ine,nakatishagha nshikutenda bubibu kw'ishina lya Yesu wa Nasaleti.
11Na banubyagha ngendo ningi mu ma Sinakoki,nu bakakishagha beneghe Ghongo.Mukukalama kwani kunene,naba nubyagha bubibu nu mwengo misumba sa kulayi.12Nu ghoso mulenganya, u munendagha ku Damasiki, kwimilwa nu kusingwa na basankogha banene.13Mu nkatighi na musi,e,Mwami ine nu banitu ba lughendo,twalolagha mu ntungo situ ku chengeshi chatuka kw'ighulu nu cha ghimba cha musi.14Twawagha ghansi, nu nongwagha ishuki likutenda nine mu kiebulania:Saulo,Saulo,buni buwa nubya?Bweli bubibu kobe kw'intunga nshinge ku manshinshi.15Nabushagha:Uwe nayi,Mukota?Nu Mukota ambulagha :Ine u Yesu u kunubya.16Tondo,imaluka,nu imalila ku manshinshi mobe ; kubuno n'indosha ku weli,buno nikwimike ube mukiti nu muteneneki wa binsayi biwamona ko nu wa binsayi binkindosha ku weli.17Nakusombolile mu katighi bantu nu munkatighi na bilongo,kunakusinga,18kubuno ubashibule miso, buno batuke mu bulimaswa nu kwenda mu chengeshi nu mu bwangato bwa Kahinga ku bubo bwa Ghongo,buno basekele ,ku lukatisho lwani,kushighililwa kwa bwaghi,nu mwandu ghamoyi na benga mitima.19Ku bubo,Mwami Agilipa ,nshakoshishe kunana kako kalolesho k'ighulu;20ku beli tanga ku Damasiki ,nu ba ku Yelusalema ,nu mu Yudea insayi,nu ku bilongo,negheshagha kwisungula mitima nu kughalukila Ghongo,ghamoyi na mikolo sa lingimana kwisungula mitima.21Lola,uchasula Bayuda bankatila mu numba sa kukumbamila,nu balondagha ku nitya.22Tondo,mu kushibwa na Ghongo,nikili lelo,mu kutenenakela bana nu bakulu,nu kwinda kushighila kena buno bikika byatendwagha na Musa nu balenganya,23kumana buno Kilishitu akanuba,nu u mutangi u katuka ku bakuyi,akasansa musaghu wa chengeshi ku bantu nu ku bilongo.24Abagha akwitendela ubo,Feshitushi atendagha n'ishuki linene:Polo,uli mushile!Mulenganya wobe munene wakubika anga utakulenganya .25Polo atendagha: Mwami wani Feshitushi,nsheli mushile,tondo bitondo bisogha bya bulili u binkutenda.26Mwami akumana ibyo bitondo,nu nkumusambalila byo bwasibwasi;kubuno naghanaghana buno ntakumana kena,binsayi tabyatingile mu lubisobiso.27Mwami Agilipa,wakatisha ku Balenganya?Nkumana buno wabakatisha.28Nu Agilipa abulagha Polo: Ukulonda mu bindi bikeke wanighaluke muklishitu!29. Polo atendagha:Bunaba mu bino bindi ali kalayi Ghongo ashima,towe w'inene umpanga ,tondo,bano bansayi bakunongwilila buno busi,mube agha buneli,ta kumiyolo!30Mwami,nu mukulu wa musumba, Belenise,nu bansayi babagha nabo bimalukagha,31nu,mwa mu kwenda ,batendagha ghabasambana: Ghono muntu ntakitile kena kinasula akwa ali akandwa.32Nu Agilipa abulagha Feshitusi: Ghoso muntu anakandulilwe,ndi ntanikishe matenda maghe kwa Mwami.
Chapter 27

1Gha bakatagha lwango lwa kwenda kw' Italia,Polo abikwagha ghamoyi na bango bakandwa mu maboko ma mukulu wa basula ogushito,wamanaghwa Yulio. 2Twingilagha mu bwato bwa ku Andalamite,bunikile ku Asia, nu twendagha, ghamoyi na Alisitaliko wa Makedonia wa ku Tesalonika.3Bwachagha busi, twikagha ku Sidoni, nu Yulio walangagha busogha Polo, amwimilagha ende ku binda baghe buno bamulange. 4Kutuka agho,twatingagha ku kakishi ka Kipulo,kubuno malingi mabagha mabibu.5Gha twashilagha kusoka kitatenge mu kibe cha Silisia nu Mpafilia,twikagha ku Mila sa ku Lukia.6Nw'agho,mulangi wa basula,mu kusanga bwato bwa Alesandilia bubo bwabagha bukwenda Italia,atubakamyagha mu bo.7Bindi bingi twendagha bukebuke,nu mu minubo twikagha ku Sinide,uko malingi tamatushighililagha twike ko.Twatingagha kunsi kwa kakishi ka Kelete, u kibe cha ku Salomone.8Twendagha na munubo,nu twikagha mu kishiki ki kumanwa Imbungo lisogha,bwighi na musumba wa Lase.9Mu bindi bingi,nu lughendo lwabagha lubi,kubuno bindi bya kunanya' indya byabagha byatinga.10Uchasulagha Polo akengesha banabo nu kubabula:E balume,nalola buno mu luno lughendo mweli lukwo nu kushimisha bingi,ta mishigho umpanga,nu tabwato,tondo lingo bantu bitu.11Mukulu wa basula ongwililagha Wa kulugha nu mukulu wa bwato ta bitondo bya Polo.12Nu bwabagha imbungo ta lisogha mu nsogho,bengi bashimagha kutuka bagheleke kwika ku Feoniki,imbungo lya Kelete u lyabagha ku kutukilagha musi nu kuukuyamagha,buno batinje bindi bya nsogho agho.13Lumpumpu lukeke lwa nkunsi lwatingagha,nu,mu kulenganya buno u bite kalamo kabo ,bakandulagha mushighi nu bendagha bwighi na kishiki ka Kelete.14Tondo agho,kiswa kinene kikumanwa Elakilo,chatingagha ku kakishi.15Bwato bwayungwayungwagha,ta bwakoshagha lumpumpu,nu twendagha ku tutashima.16Twatingagha kunsi kwa kakishi kakeke ka kumanwa Koloda,nu twanubagha kukanda bwato buno tulame.17Gha twashilagha ku bubakamya,twabukandagha,nu mu kukwa boba bwato unaangatana mu museghe wa Shilite,twasunulagha mishighi.Nwagho malingi matwekagha.18Bu twanubagha bubibu na malingi ,munindu twatagha mishigho mu kitatenge.19Nu kindi cha bisatu twatagha beshwe binene mishigho situ .20Musi nu tumbalumbalu ta byasanagha ,mu malingi mabagha mabibu twindagha malelamilo ma kulama.21Twatinjagha bindi bingi ta twalile.Agho Polo,mu kwimala munkatighi nabo,ababulagha :E balume,bwabagha busogha munongwilile nu ta kutuka ku Kelete,buno twindamye na lukwo nu kushimisha binsayi.22Lelo nababula mube na maghala;kubuno ta ku wampa ku benywe u kakwa,nu tamukashimisha kena,ndi ta bibyo bya bwato umpanga.23Mughenshi wa Ghongo u neli nawe nu unkukitila milimo anikinde mu kino kindi,24nu ambulile:Polo,ntukwe boba;bweli busogha wintendele ku bwami,nu lola,Ghongo akweleshishe abo bansayi baweli nabo mu bwato.25U chasula,e balume,mumane bulili,buno nalelamila Ghongo buno bukaba ubo bunabulwagha.26Tondo twemana kulibanwa mu kakishi kamoyi.27Mu kindi ki kumi na binayi,bu twabagha tukuyungwayungwa ku Adiliatiko,bisa bwato mu nkatighi na kindi ,balenganyagha buno twika bwighi na muse.28Mu kulingika moosa,basangagha metele makumi mabili; ghabusho lingo baghelekagha moosa lingo,basangagha metele ikumi n'etano.29Mu kukwa boba bwa kwangatana,twashukagha mishighi enayi ku makoyi buno bwato bwimale mu kulindila busi buche.30Tondo,bisa bwato balondagha kutina,bimikagha bwato na wa kikayi kinene kibalekelagha mu kitatenge anga babakwenda kushuka mishighi. 31Polo abulagha mukulu wa basula nu basula: Ndi bano bantu tabashighala muno mu bwato,ntamunalama.32Agho basula baketulagha mishighi sa bwato,nu kusishighilila.33Gha binde busi ta bucha,Polo abulagha bantu bansayi buno balye,mu kutenda: Buno busi u kindi k'ikumi na binayi tamulya kena.34Nababula buno ,mulye , kubuno bwaswagha ku kalamo kinu,nu taku lushuli lwampa lukatuka kw'itwe lwinu.35Kushila kutenda ubo, atolagha kampapa,nu, mu kushila ku kasanila Ghongo mu miso ma bansayi,akaketulagha nu kulya.36Nu bansayi, babagha na maghala ma kulya nubo.37Beshwe bansayi,twabagha mu bwato ,bantu maghana mabili makumi mutubakamo nu mutuba.38Gha bashilagha kulya busoghabusogha,batagha mishigho sa ngano mu kitatenge buno bwato bulelembe.39Bwachagha busi, tabamanile lingo ku muse; tondo mwa mu kulola ku mutobo kulai nu kiseghe bakalagha lwango lwa kushighelesha bwato ko ,ndi banakosha.40Baketulagha mishighi nu kusishighilila sende mu kitatenge,nu ba shighililagha byakandwagha kubusho kwa bwato,nu babikile lwabusyo lwa kiswa ,nshulu sa alitimu nu bendagha kw'isokelo.41Tondo basangagha itete lilayi,bimikagha bwato agho nu tabwatukile agho,nu kasamba ka tukagha na kimpumu cha malingi.42Basula bakalagha lwango lwa kwita bakandwa ,kunaba umoyi walama mu kogha.43Tondo mukulu wa basula,walondagha kulamya Polo,abananiagha .Akakishagha babo bakumana kogha bindekele batangi mu lusi buno basoke,44nu ba bango bakatilinde ku minsenga sa bwato. Nu mu bubo bansayi basokagha.
Chapter 28

1Ghabagha tw'indamya, twamanililagha buno ako kakishi kekumanwa Melita.2Bantu ba miyabuyabu batusekelagha busogha kughimba bango; batushigheleshagha bwighi na kaya ,kabakonjagha kubuno mbula sabagha sikuloka nu mpegho sabagha ningi.3Polo mu kukunsa malele nu kumabika gh'ishiko,mwecho kilungu,bulighi bwatukagha mumo nu kw'imbinga mu kuboko kwaghe.4Bamiyabuyabu gha balolagha bulighi bw'imbinga mu kuboko kwaghe,batendagha gha basambana:Bulili ghono muntu eli mwiti,kubuno busanana bwa Ghongo tabwamushighilila alame mwa mu kutuka mu kitatenge.5Polo atenjatenjagha kuboko,bulighi bwa kolokelagha mu kaya,nuwe ntababalilwe.6Abo bantu balindilagha balole bwakuwha nu kukwa;tondo,mu kulindila mu nkungu ningi,kulola buno ntababalilwe,baghalulagha milenganya sabo buno eli ghongo.7Bwabagha bwighi bwighi,maswa ma muntu munene wa kakishi,ukumanwa Pubuli,u watuyamichagha nu kutusekela kwaghe bindi bisatu anga mwinda witu.8Ise wa Pubuli abagha ayamile na lusambo lwa kabubi nu akwansa mikilha;Polo mwa mu ku shighelela kweli,aseghagha ,amubikilagha maboko,nu amulamyagha.9Mwako kakishi, mwatukagha bango basambi nu balamagha.10Tweleshwagha lwanso lunene,nu mu kwenda kwitu,batweleshagha bikayi bitwabagha nabyo nkasa.11Kushila mweshi esatu,twendagha mu bwato bwa Alesandilia, bwatinjagha bindi bya nsogho mu kakishi,nu bwekagha kilimelime cha keko disukula.12Mu kwika ku Salakuse,twashilagha gho bindi bisatu.13Mu kutuka agho,mu kwenda mu mutili, twikagha ku Legio;nu munindu musi wasughagha,twakitagha mu lughendo bindi bibili kwikila ku Pusole,14nu twasangagha ko bisakwitu batuseghagha twikale nabo bindi mutubakamo .Nu bubo twendagha ku Loma.15Ku Loma,bisakwitu gha bongwagha ku musaghu witu, bashwagha kutukulumanya, kwika ku Foluma sa Piusi nu ku Tavelene si satu.Polo mu kubalola ko,aghanulagha Ghongo ,nu abagha na maghala.16Gha binde twika ku Loma,b'imilagha Polo ikale w'inene na sula umoyi ukumulanga .17Ku bindi bisatu,Polo amanagha bakungu ba Bayuda; nu kushila kukulumana,ababulagha bino bitondo: Bisakwitu,mu kuba nshakitinde bantu bubi ali ntungo sa batata,nakandilwe ku Yelusalema nu uko, ukubikilwe mu maboko ma Baloma.18Ghabashilagha kumbusha,balondagha ku nkandula,kubuno tabasangagha ki nasula nakwa.19Tondo ba Yuda bananagha,nu nichagha bitondo ku lusu,nu nshite mulenganya wa kutalikila kilongo chani.20Lola uchasula nalondagha kubalola ko nu kubabula;kubuno mu malelamilo ma Isilaeli u munite whuno muyololo.21Bamwakulagha: Tatwamonile maluba mampa ma kutuka ku Yudea kw'itenda lyobe,nu takwile mw'isakwitu kuno watusambalinde ali kutenda bubi kuwe.22Tondo tukushima tumane biukulenganya,kubuno meghisha m'indini lino likutekulwa bubi kunsayi.23Bamushighilagha kindi kimoyi,nu bengi bashwagha kumusona kwa kweli.Polo abasansilagha bitondo bya bukota bwa Ghongo,mu kuteneneka,nu mu kulonda,kutingila mulembe wa Musa nu balenganya, abaloshe busogha Yesu. Matenda mabo malingilagha nindunindu kw'ikila igholo.24Bamoyi bimilagha byatendagha,nu bango bananagha ku katisha.25Mukwengukana,Polo atendagha lingo: Ku bibyo uchasulagha Muusa Musogha,watenda na baso kutingila mulenganya Isaya,watendagha:26Nda kweli abo bantu,nu babule: Mukwongwa na matui minu,nu tamukamana kena;Mukalola na miso minu,nu tamukamona.27 Kubuno mitima sa bano bantu si mbibhu; bashibile matuyi mabo,nu kushiba miso mabo,kubuno balolaghe na miso mabo,bongwaghe na matuyi mabo,bamanaghe na mitima sabo,tabaghaluke ,nu nshibalamye.28Mumane lino buno lonio lwa Ghongo lwasingwa ku Babilongo,nu bakalongwilila.29Gha shilagha kutenda ubo,Bayuda biyendelagha ,kukita myango gha basambana.30Polo akitagha myaka imbili mu numba salighagha.Asekelagha bansayi bashwagha ku musona,31kusansa musaghu wa bukota bwa Ghongo nu mu kw'eghesha bibyo bya Mukota Yesu Kilishitu,bwasibwasi nu takuli wamunanilagha.