¹Livru di Jinelojia di Jizus Kristu, Fidju di Davi, Fidju di Abron. ²Abron era pai di Izáki; Izáki, pai di Jakó; Jakó, pai di Judá ku ses irmon; ³Judá era pai di Farés i Zará, ki Tamar pári. Farés era pai di Esron; Esron era pai di Aron.⁴Aron era pai di Aminadabi; Aminadabi, pai di Nason; Nason, pai di Salmon; ⁵Salmon era pai di Buás, ki Raabi pári; Buás, pai di Obedi, ki Rúti pári; Obedi era pai di Jesé, i ⁶Jesé era pai di rei Davi. Davi era pai di Salomon, ki mudjer di Urias pári.⁷Salomon era pai di Robuon; Robuon, pai di Abias; Abias, pai di Aza. ⁸Aza, pai di Jozafá; Jozafá era pai di Joron, i Joron era un antisedenti di Ozias.⁹Ozias era pai di Joton; Joton, pai di Akas; Akas, pai di Izekias; ¹⁰Izekias era pai di Manasés; Manasés, pai di Amon; Amon, pai di Jozias, i ¹¹Josias era un antisedenti di Jekonias ku ses irmon, na ténpu di diportadu pa Babilónia.¹²I, dipós di stá diportadu na Babilónia, Jekonias pári Salatiel; Salatiel era un antisedenti di Zorobabel; ¹³Zorobabel era pai di Abiúdi; Abiúdi era pai di Eliakin; Eliakin, pai di Azor; ¹⁴Azor era pai di Sadoki; Sadoki era pai di Akin; Akin, pai di Eliúdi;¹⁵Eliúdi era pai di Eleazar; Eleazar, pai di Matan; Matan, pai di Jakó, i ¹⁶Jakó era pai di Juzé, maridu di Maria, ki pári Jizus, ki ta txomadu Kristu. ¹⁷Tudu kes jerason: di Abron ti Davi, ta dá katorzi jerason; di Davi ti kantu es deportadu pa Babilónia ta dá katorze jerason; i di kantu es deportadu pa Babilónia ti Kristu, ta dá katorze jerason.¹⁸Nasimentu di Jizus kuntisi asi: Maria, se mai, staba noiva di Juzé, má anti di es kaza, e parse grávida pa Spiritu Santu. ¹⁹Juzé, se maridu, ki era un ómi dretu, ki ka kria difamaba-el pa mundu, disidi kaba ku noivadu sukundidu.²⁰Inkuantu e staba ta matutaba nes asuntu, un anju di Nhordés parse pa el na sonhu, i fla-l: Juzé, fidju di Davi, ka bu xinti médu di resebe Maria pa bu mudjer, pamódi Kel ki stá dentu di el é jeadu pa Spiritu Santu. ²¹E ta pári un fidju Matxu i bu ta txoma-l di Jizus, pamódi El ki ta ben salva póvu di ses pekádu.²²Tudu kel-li kuntisi pa kunpri kuze ki Nhordés flaba pa bóka di profeta: ²³Nton kel virjen ta fika grávida i ta pári un fidju matxu, i nhos ta txoma-l Imanuel, ki ta siginifika Déus stá ku nós.²⁴Kantu ki Juzé korda di se sónu, e faze sima anju di Nhordés manda-l i e resebe Maria pa se mudjer. ²⁵I nunka e ka faze sékisu ku el, tiki e pári un fidju. I E pu-l nómi di Jizus.

¹Dipós ki Jizus nase na Belén di Judéia, na ténpu di réi Eródis, Sábius di Orienti txiga na Jiruzalén, i Es purgunta: ²Undi ki dja nase, kel ki é Réi di Judeu? Nu odja se strela na orienti i nu ben adora-L. ³Kantu Eródis obi es kuza, el ku tudu póvu di Jiruzalén fika dizorientadu.⁴Eródia djunta tudu xéfi di saserdóti i méztri di póvu, e pergunta-s: Undi ki Kristu ta bai nase? ⁵Es rusponde: Na Belén di Judéia, pamódi profeta skrébe asi: ⁶I abo, Belén, na téra di Judá, abo é ka mas pikinóti na meiu di sidadi mas inportanti di Judá, pamódi di bó ta ben un líder ki ta ben ser pastor di ribanhu di Israel.⁷Nton Eródis txoma kes Sábius na partikular pa purgunta-s izatamenti, ki dia ki kel strela párse. ⁸E manda-s pa Belén, ta fla-s: Nhos bai djobe kel mininu ku kuidadu. Oras ki nhos taxa-L, nhos ta aviza-m pa N pode bai i adora-L.⁹Dipós ki es óbi réi, es bai, i strela ki es odjaba na orienti, bai dianti di es, ti ki pára na lugar undi staba mininu. ¹⁰Kantu es odja strela, es fika rei di kontenti.¹¹Es entra na kaza, es odja mininu ku Maria, se mai, es finka duedju na txon i es adora-L. Es abri ses tizóru i es oferese-L prizenti: Oru, Insensu i mira. ¹²Déus alerta-s na sónhu pa es ka volta pa Eródis, má pa es volta pa ses país pa ótu kaminhu.¹³Dipós ki es bai, un anju di Nhordés parse pa Juzé na só sónhu i e fla-l: Labanta bu pega mininu ku se mai i fuji pa Igitu. Fika lá ti ki N manda-u ben, pamódi Eródis sa ta djobe mininu pa kaba ku el. ¹⁴Na kel nóti mé, Juzé labanta, e pega mininu ku se mai, e bai pa Igitu. ¹⁵E fika lá ti ki Eródis móri. Asi, Nhordés kúnpri ku kel ki E flaba pa bóka di profeta: Di Igitu N ta txoma nha Fidju.¹⁶Nton Eródis, kantu e sabe má sábius ngana-l, e fika uma xatiadu. E manda mata tudu mininu di dôs anu pa baxu ki staba na Belén i na tudu kel zona, sima presizon ki sábius tinha fladu.¹⁷Nton kúnpri kuzé ki profeta Jeremias dja flaba: ¹⁸Un vós di lamentu ku grándi jemidu obidu na Ramá, era Rakél ta lamentaba pa ses fidju, ta rikuza ser konsoladu, pamódi ses fidjus dja ka móre.¹⁹Kantu Eródis móri, un anju di Nhordés parse pa Juzé na sónhu, la na Igitu, i e fla-l: ²⁰Labanta i bu pega mininu ku se mai, i nhos volta pa téra di Israel, pamódi kes ki sa tentaba kaba ku mininu, dja ka móre. ²¹Juzé labanta, pega mininu ku se mai i es volta pa téra di Israel.²²Kantu ki és óbi ma Arkileú staba na reinaba na Judéia, na lugar di se pai Eródis, e fika ku médu di bai pa lá. Dipós ki Déus aviza-l na sónhu, E sai di zona di Galileia , ²³i e bai mora na sidadi ki ta txomadu di Nazaré. Asi, kúnpri kuzé ki txeu profeta dja flaba, ki El ta txomadu di Nazarenu.

¹Na kes dia, Juãu Batista parse ta prega na dizertu di Judéia, ta fla: ²Nhós rapende, pamódi Reinu di Séu sa ta txiga. ³Pamódi, kel-li é kel konbersu ki profeta Izaías dja flaba: Vós ki sa ta djata na dizertu: Nhos kónpu kaminhu pa Nhordés, nhos abre strada pe pasa na el.⁴Juãu ta bistiba rópa di péli di kamelu, ta puba sintu di kabidal maradu na sintura i e ta kumeba kafanhotu ku mel silvestri. ⁵Nton póvu di Jiruzalén, di tudu zona di Judéia i di tudu zona ki ta fikaba na redor di riu Jordon, txiga pértu di El. ⁶I Juãu batiza-s na riu Jordon sima es ba ta konfesa ses pekádu.⁷Kantu e odja un munti di farizéu ku saduséu, ta ben pa el pa ser batizado, e fla-s: Rasa di kobras, kenha ki induzi nhos pa tenta fuji di kastigu ki sa ta txiga? ⁸Nhós faze kuza ki ta odjadu ma nhos stá rapendidu, ⁹i ka nhos pensa fla pa kunpanheru: Anos nós pai é Abron. Pamódi N ta fla nhos ki Déus é kapás di faze parse fidjus pa Abron ti di kes pedra li.¹⁰Matxadu dja kumesa ta korta rais di árvi. Tudu árvi ki ka ta dá frutu dretu ta ser kortadu i fulhadu na lumi. ¹¹Ami N ta batiza nhos ku águ pa rapendimentu, má, Kel ki ta bén dipós di mi, E mas poderozu di ki mi, i ami N ka stá na altura, nen di karega ses sandália. El é ta batiza ku Spiritu Santu i ku lumi. ¹²Pá stá na sé mon pe linpa kau sima stá i pa e djunta se trigu na seleru, má, padja E ta kema ku lumi ki nunka ka ta pagadu.¹³Nton Jizus ben di Galileia pa Riu Jordon pa ser batizadu pa Juãu, ¹⁴má Juãu tenta para-l, ta fla: Ami N meste ser batizadu pa Bo, i Abo bu ta ben pa mi pa N batiza-u? ¹⁵Jizus responde i fla-Pirmiti pa nu faze asi gósi, pamódi ta fika-nu dretu kúnpri tu justisa. Nton Juãu pirmiti-L¹⁶Dipós ki e batizadu, Jizus sai di águ uma faxi i séu abridu riba del, i odjadu un Spiritu di Déus ta dixi sima ponba i xinta se riba. ¹⁷Un vós ki ben di séu fla: Kel-li é nha Fidju ki n kré txeu. E ta da-M txeu alegria.

¹Spiritu Santu gia Jizus pa disertu pa El ser tentadu pa diabu. ²Dipos ki E jejua kuarenta dia i kuarenta noti, E xinti fómi. ³Diabu txiga na El, i flal: “Si bu é fidju di Déus, manda kes pedra bira pon”. ⁴Ma Jizus, responde-l i fla-l: Sta skrebedu: ‘ka só di pon ki ómi ta vive, ma tanbé di tudu palavra ki ta sai na boka di Déus”.⁵Inton, diabu lebá Jizus pa sidadi santa, pu-l na lugar mas altu di ténplu ⁶i fla-l: “Si bu e fidju di Déus, buâ di li pa baxu, pamodi sta skrebedu: Déus ta da ordi pa si anjus pa toma konta di bo’, i ‘es ta susti-u na ses mon, pa bu pé ka da topada na pedra”.⁷Jizus fla-l: “tanbé sta skrebedu: ‘bu ka pódi tenta Nhordés” ⁸Di novu diabu leba-l pa un lugar altu i mostra-l tudu reinu di mundu ku se buniteza. ⁹E fla Jizus: “tudu ke li n ta da-u, si bu pui bu duedju na txon i bu adora-n”.¹⁰Nton Jizus fla-l: “Ba bu kaminhu Satanás! Pomódi sta skrebedu: ‘Bu ta adora Nhordés i só pa El ki bu ta da kultu”. ¹¹Inton diabu dexa-l i anjus ben i sirbi-l.¹²Kantu Jizus obi ma Djon pudu na kadia, El bai pa Galiléia. ¹³E sai di Nazaré i E bai vive na Kafarnaun, ki fika djuntu di mar di Galiléia, na tiritóriu di Zebulon ku Nafitali.¹⁴Ke lá kuntise pa kunpri kuzas ki prufeta Izaías flaba: ¹⁵“Téra di Zebulon i téra di Nafitali, kaminhu di mar, pa lá di Jordon, Galiléia di jentius! ¹⁶Povu ki ta staba na sukuru odja grándi lus, i pa kes ki staba na sónbra di morti atxa lus”.¹⁷Di kel ora lá pa dianti, Jizus kumesa ta prega i ta fla: “Nhos ripende, pamodi Reinu di séu sa ta txiga”.¹⁸Inkuantu ta kaminhaba djuntu di mar di Galiléia, E odja dôs irmon, Simon, ki ta txomadu Pedru, i André, ki lansaba rédi na mar, pamodi Es era piskador. ¹⁹Jizus fla-s: “Nhos ben, nhos sigi-n in staba ta faze nhos piskadóris di ómis”. ²⁰Na rápidu es dexa rédi i es sigi-l.²¹Inkuantu Jizus kaminhava, E odja otu dôs irmon, Tiagu, fidju di Zebedeu, i Djon. Es staba na bárku ku Zebedeu, ses pai, ta kônpu rédi. Jizus txoma-s ²²i, lógu, es dexa bárku ku ses pai, i Es bai ku El.²³Jizus roda tudu Galiléia, ta inxina na ses sinagoga, ta prega notísia sábi di Reinu i ta kuraba tudu tipu di moléstia i duensa na meiu di povu. ²⁴Fama di Jizus spadja pa tudu Síria, i gentis ta traze tudu kes ki staba duénti, ku tudu tipu di moléstia i pertubason: pusuídus, kes ki da ataki; i Jizus kura-s. ²⁵Munti algén di Galiléia, Dekápolis, Jerusalén i Judeia i pa lá di Jordon sigi-l.

¹Kantu ki Jizus odja munti algén. e subi monti, e xinta, i se dissiplus ben ti txiga ne-L. ²Nton e abri boka i inxinas, ta fla: ³Filis e kes koitadus di Spiritu, pamodi Renu di Séus e di ses. ⁴Filis kes ki ka sta sabi, pamodi es ta atxa konsolu.⁵Filis e kes mansus, pamodi es ta erda tera. ⁶Filis e kes ki teni fomi i sedi di djustisa, pamodi es ta ser fartu. ⁷Filis e kes ki ten miserikordia, pamodi es ta atxa miserikordia. ⁸Filis e kes ki ten kurason limpu, pamodi es ta odja Deus.⁹Filis e kes ki ta poi pas, pamodi es ta ser txomadu fidju di Deus. ¹⁰Filis e kes ki e pirsigidu trokadu kuza dretu kes ta fasi, pamodi Renu di Seus.¹¹Filis e nhos oki gentis ofendi i pirsigi-nhos, ô es fla tudu tipu di runhesa i falsidadi kontra nhos pamodi nhos ta sigin. ¹²Nhos anima i nhos fika kontenti, pamodi grandi e nhos pagamentu na seu. Pamodi e di kel manera li ki gentis ta pirsigiba profetas ki ta viveba antis di nhos.¹³Nhos e sal di tera, mas si sal perdi gostu, moki e ta torna ser usadu? E ka ta sirbi pa nada, se ka pa fulha-L i pa gentis masa-l. ¹⁴Nhos e Luz di Mundu. Un Sidadi finkadu riba rotxa ka podi fika sukundidu.¹⁵Ningén ka ta sendi lánpada pa po-l baxu sextu, mas, ubes disu, pol altu asi el ta lumia pa tudu algén ki sta na kaza. ¹⁶Ki nhos luz brilha dianti di gentis toki es odja nhos bon obra i es loba nhos Pai ki sta na seu.¹⁷Ka nhos pensa ma nben kaba ku Lei ô Profetas, nka ben kaba kua-s ma kumpri-s. ¹⁸Purisu nta fla nhos, na verdadi, ti ki seu ku tera pasa, nen un pontu ki fari ka ta sai i nen mudadu di Lei, ti ki tudu kuzas kumpri.¹⁹Purtantu kualker un ki kebra un mandamentu mesmu ki seja kel mas pikinoti i inxina otus a fazi igual el ta txomadu pikinoti na Reinu di Seu. Ma kualker un ki guarda kex mandamentus li ta ser txomadu grandi na Renu di Seu. ²⁰Pur isu nta fla nhos, si nhos justisa ka pasa di justisa di skribas i fariseus, di nun manera nhos ka ta entra na Renu di Seu.²¹Nhos obi kuze ki fladu na tenpu altigu: " Ko mata" i " Kualker un ki mata podi ser julgadu". ²²Mas mi nta fla nhos ki kualker un ki ira kontra se irmon es sta sujetu a ser julgadu; i kualker ki fla pa se irmon: "Bu ka ten Juiz!" e ta sta sujetu a ser julgadu na tribunal, i kualker un ki fla: " E bo tolobasku!" ta sta sujetu a fogu di infernu.²³Purtantu si bu sta ba leba bu oferta pa altar i bu lenbra ma bu irmon ten algun kuza kontra bô, ²⁴larga bu oferta la, na frenti di altar, i pa konpu kol, i dipos volta i aprisenta bu oferta.²⁵Konpu ku kel ki sta kexa di bo faxi, timenti nhos sta na kaminhu ta ba tribunal, ka ki kel ki ata ba kexa di bô ka intregou pa juiz, i juiz intregou pa ofisial-s, i bu botadu na kadia. ²⁶Na verdadi nta flabu: bu ka ta sai di la ti ki bu ká paga tudu tustón.²⁷Bu obi kuza ki fla-du:"ka bu deta ku kenha ku ka kasa kua-L". ²⁸Mi gó nta fla nhos ma kualker un ki odja pa un mudjer ku mau intenson, dje deta kua-l na se kurason.²⁹I, si bu odju diretu ta fazeu peka, tra-l bu fulha, pamodi e midjor un parti di bu korpu mori du ki tudu bu korpu ba pa infernu. ³⁰I, si bu mo diretu ta fazeu peka, korta-l i bu bota-l fora, pamodi e midjor un di kes partis di bu korpu mori du ki bu korpu interu botadu na infernu.³¹Tanbe fladu: " Kualker un ki kori ku se mudjer di kaza, pe dal karta di divorsiu". ³²Ma mi gó nta fla nhos ma tudu kes ki divorsia di se mudjer, a non ser pamodi imoralidadi sexual, ta fazi del un adultera; i kualker un ki kasa kol, dipos del divorsia, ata kumeti adulteriu.³³Tanbe nhos obi kuze ki fladu pa kes algén na tenpu antigu:" Ka nhos jura ku falsidadi, mas nhos kumpri juramentu ki nhos fazi pa Sinhor". ³⁴Ma migo nta fla nhos ka nhos jura pa nada: nem pa seu, pamodi e tronu di Deus, ³⁵nem pa tera, pamodi e firmamentu di Se pe; nem pa Jiruzalén, pamodi e sidadi di Rei Grandi.³⁶Nem ko jura pa bu kabesa, pamodi bu ka podi poi un fiu bira branku ô pretu. ³⁷Ma ki bu palavra seja: "Sin, sin" ô "Nau, nau." kualker kuza ke ka keli ta ben di kuza ka dretu.³⁸Nhos obi kuza ki nhos fladu: "Odju pa odju i denti pa denti". ³⁹Inbes disu nta fla nhos: ka nhos riaji ku kenha ke runhu; pelu kontrariu, kualker un ki da nhos na rostu na ladu diretu, nhos dal kel otu ladu tanbé.⁴⁰I, si algén kre lebou pa tribunal i toma bu tunika, dexa kel algén la toma bu kapa tanbe. ⁴¹I, si algen forsou anda kuazi un milha, bai kol dos milha. ⁴²Da kualker un ki pidiu, i kó bira kosta ka ningen ki kre pidiu algun kuza inpristadu.⁴³Nhos obi kuza ki fladu: 'Ama bu prosimu i odía bu inimigu'. ⁴⁴Migo nta fla nhos: 'Nhos ama nhos inimigu i nhos ora pa kes ki ta pirsigi nho, ( nhos abensua kes ki ta maldisua nhos, nhos fasi bén pa kes ki ta odia nhos,) ⁴⁵pa nhos ser fidjus di nhos Pai ki sta na Seu, pamodi El ta fazi sol nasi sobri runhus i bons i e ta manda txuba pa dretu i ka dretu.⁴⁶Pamodi, si nhos ama so kes ki ta ama nhos, kuze ki nhos ta ganha? E verdadi ô nou ki ate kobradoris di inpostu ta fazi mesmu kuza? ⁴⁷E, si nhos kumprimenta so nhos irmons, kuze ki nhos ta fazi pa kes otus? E verdadi ô nou ki ti gentius ta fazi mesmukuza? ⁴⁸Sendu asi nhos bira perfetu, sima nhos pai silistial e.

¹Kudadu pa nhos ka fazi obras di justisa dianti di alguén só pa nhos ser vistu, pamodi nhos ka ta ser rekonpensadu pa nhos pai ki sta na séu. ²N ton, ora ki da zimola, ka nhos fazi bazofaria simá fingidus na nas sinagogas i na rua, pes podi ser ngabadu pa pesoas. verdadi n tá fka nhos: es dje resebe ses rekonpensa.³Odja, oras kes da nhos zimola, ka nhos dexa men iskerdu sabi kuze ki nhon diretu sa ta fazi, ⁴pa ki kuze ki bu dadu ta fika sukundidu; n ton nhos pa, ki ta odja n sukundidu, ta rekonpensa nhos.⁵Oras ki nhos ora, ka nhos ser falsu, pamodi es gosta di ora sakedu na sinagogas e na rua, pa pesoa podi odja-s. N ta fla nhos verdadi ma djes resebe ses rekonpensa. ⁶N ton to ki nhos ora, entra na nhos kuartu, fitxa porta, ora pa nhos pai, ki sta na sekretu; n ton nhos pai ki ta odjau na sekretu ta da nhos rekonpensa. ⁷Kuandu nhos ta ora ka nhos fazi repisiton inutil, sima jentius; pamodi es ta pensa ki es ta ser obidu atravez di ses ripitison.⁸N ton ka nhos fika moda es, pamodi nhos pai sabi kuzé nhos mesti antis ki nhos pidi-l. ⁹N ton nhos ora si: 'Pai nós ki sta na séu, santifikadu seja nomi di nhó. ¹⁰Ki ben reinu di nhós. Ki bu vontadi seja fetu na téra sima e fetu na séu.¹¹Da nu pon di kada dia. ¹²Purda-nu nós divida, sima nu ta purda kenha ki ta deb-nu. ¹³Ka dexa-nu kai na tentason, ma libranu di tudu mal'.¹⁴Pamodi si bu perdua pekadus di pesoas, bu pai ki sta na séu tanbé ta purda nhos pekadus. ¹⁵Ma si nhos pa purda pekadu di pesoas, nhos pai ka ta purda nhos pekadu.¹⁶Anti di kel, ora ki bu jejua, ka nhos fazi rostu runhu, sima ta fazi kes ki ka é ipókrita, es ta fazi rostu runhu pa pesoas odja me sta jejua. Na verdadi n tá fla nhos ma djes resebi ses rekonpensa. ¹⁷N ton nhos, ora ki nhos jejua, pui óliu na kabesa i laba nhos rostu. ¹⁸pa nhos ka dexa pesoas odja ma nhos sa ta jejua, ma so nhos Pai, ki sta na segredu podi odja. I nhos Pai, ki sta na segredu, ta da nhos kel ki nhos meresi.¹⁹Ka nhos djunta tizoru na téra, undi ki bitxu i feruja ta kume, i ladron ta invadi i roba. ²⁰ma midjor, nhos djunta tizoru na séu, undi nem bitxu nem feruja distri, i undi ladron ka ta indadi nen furta. ²¹Pamodi undi sta nhos tizoru, la ki sta nhos korason.²²Odjus é lus ki korpu. Pamodi, si bus odjus e bon, tudu bu korpu ta fika luminadu. ²³Ma, si bus odjus e mau, tudu bu korpu ta fika sukuru. Asi, si lus ki sta na nhos na verdadi é sukuru, e sukuru fitxadu! ²⁴Ningén ka podi sirbi dôs sinhoris, ô bu ta xinti raiba di un i ama kel tou, ô bu ta gosta di un i dispreza kel otu. No ka podi sirbi Nhordés i rikezas.²⁵N tá fla nhos: ka nu priukupa ku nhos vida, ku kuza ki nhos ta kumi i bebi, ô ku nhos korpu, i kuza bisti. Pamodi vida e ka mas inportanti ki kumida, nen korpu mas ki rópa? ²⁶Odja pa avi na séu: es ka ta símia, nen kodji, nen djunta na sestu, ma nhos Pai ki sta na séu ta das alimentu. Nhos ka ten mutu mas valor du ki es?²⁷Ken na nhos meiu, ki e ansiózu, podi aumenta un bokadu di se vida? ²⁸Pamodi ki nhos sta ansiozu ku bisti? Odja floris di kanpu, modi ki ta kresi: es ka ta trabadja i ka ta fazi ropa. ²⁹N tá fla nhos: te Salomon na tudu se gloria e ka bisti sima es.³⁰Si Nhordés ta bisti relva di kanpu, ki ta nasi oji i e kemadu manhan, kantu mas Nhordés ta bisti nhos, ómi fraku na fé? ³¹Ka nhos fika ku ansiedadi, ta pergunt: Kuze nu ta ben kume? ô, kuze nu sa bebi? ô, modi nu ta bisti?³²Pamodi kes ki ka e judeu ta buska es kuza, ma nos Pai ki sta na séu sabi ma nu mesti tudu es kuzas. ³³Djobi primeru reinu di Nhordés i se justisa i tudu es kuzas nhos ta resebi. ³⁴Ka nhos fika prikupadu pa dia di manhan, pamodi manhan ta trazi si propi prikupason. Dja basta dia di oji si propi mal

¹Ka nhos julga pa nhos ka ser julgadu, ²pamódi sima ki nhos julga nhos ta ser julgadu, i sima nhos midi, nhos ta ser mididu.³I pamódi ki bu ta rapara na padas di pó ki stá na odju di bu irmon i bu ka ta dá konta di un trónku pó ki stá na bu odju? ⁴Móki bu pode fla pa bu irmon: Dexa-m tra-u padas di pó ki stá na bu odju, timénti bu tini un trónku pó dentu bu odju? ⁵Ipókrita. Tra prumeru, trónku pó di déntu bu odju i nton, bu ta kunsigi odja midjor, pa bu pode tra pádas di pó ki stá na odju di bu irmon.⁶Ka nhos dá kuza konsagradu pa katxor, nen ka nhos fulha nhos jóias pa pórkus, pa es ka piza-s ku ses pé, i pa es ka rivolta kontra nhos, pa ka satadja nhos.⁷Nhos pidi i nhos ta dádu; nhos djobe i nhos ta atxa; nhos kónku, i pórta ta abridu. ⁸Pamódi tudu kel kipidi, ta dádu; kel ki djobe, ta atxa; i kel ki kónku, pórta ta abridu. ⁹Ki ómi na nhos meiu, ki si fidju ta pidi-l padas di pon, e ta da-l un pedra? ¹⁰Ô nton, si fidju pidi-l un péxi, e ta da-l un kóbra?¹¹Purtantu, si nhó ki é mau, nhos sabe dá kuzas dretu pa nhos fidju, más inda nhos Pai selestial, ki stá riba lá na séu, ka ta dá kuzas dretu pa kes ki ta pidi-l? ¹²Purtantu, tudu ki nhos kré ki ómis faze nhos, nhos faze nhos tanbé pa es; pamódi kel-li ki é Lei ku Prufeta.¹³Nhos kanba pa porta stretu, pamódi porta largu é porta ki ten txeu spasu, ki é kaminhu ki ta leba pa distruson, i izisti txeu algén ki ta bai pa es kaminhu. ¹⁴Má, porta stretu é porta pertadu, ki é kaminhu ki ta leba pa vida, i póku é kes ki ta serta ku el.¹⁵Nhos kuidadu ku falsu prufeta, ki ta txiga na nhos bistidu di ovelha, má na verdadi es é lóbu famintu. ¹⁶Pa ses frutu nhos gta konxe-s. Algén ta kodje uvas di spinhera, ô figus di tendenti? ¹⁷Di mézmu manera, tudu árvi bon ta dá frutu bon, má árvi mau, ta dá frutu mau.¹⁸Ka izisti árvi bon ki ta dá frutu mau, i tanbé ka izisti árvori mau ki ta dá frutu mau. ¹⁹Tudu árvi ki ka ta dá frutu ta sapadu i fulhadu na lúmi. ²⁰É pa ses frutu ki nu ta konxe árvi.²¹Nen tudu algén ki fla-M: Sinhor, Sinhor, ta kanba na Reinu di Séu, má só kel ki ta faze vontadi di Nha Pai ki stá na séu. ²²Txeu algén ta ben fla-m na kél dia: Sinhor, Sinhor, nu ka prufetiza na Bu nómi? Na bu nómi nu ka tra dimóniu i nu ka faze txeu milagris? ²³Nton N ta fla nhós kláru: Ami nunka N ka konxe nhós! Nhos sai di bera Mi, nhos ki ta vive na pekádu.²⁴Purtantu tudu kel ki ta obi Nhas palavras i ta obedese-l, N ta kunpara-l sima un ómi sábiu ki faze se kaza riba rotxa. ²⁵Txuba kai, riu intxi ti ta lansa, béntu sopra riju i dá riba kel kaza; má kel kaza ka kai, pamódi é staba finkadu riba rotxa.²⁶Má tudu kel ki ta obi Nhas palavra i ka ta obedese-l, N ta kunpara-l sima un ómi dódu ki faze se kaza riba di areia. ²⁷Txuba ben, riu intxi ti ta lansa, béntu sopra riju i dá riba kel kaza, i kaza rónbu; e baza na txon sima stá.²⁸Kuntisi ki, kantu Jizus kaba di fla tudu es palavra, munti algén ki staba lá fika maravilhadu ku kuzas ki E inxina, ²⁹pamódi E ta inxina sima algén ki ten puder, i ka sima skribas.

¹Kantu ki Jizus dixi monti, un grandi multidon sigil. ²Nton ben un leprozu y é fika di juedjo di anti del, ta fla: " Sinhor, si bu kré, bu podi kuram". ³Jizus stendi se mom y é tokal, ta fla: Me kré. Fika Kuradu". Logu é fui kuradu di lepra.⁴Jezus flal: "Odja, ku bu fla nada pa nigen. Sigi bu kaminhu, ba djbi sarsidoti y oferesi oferta ki Muizés manda, pa un tisitiminhu pa es".⁵Kantu ki Jezus entra na Karfanaun, un siturion, ben ti el ta inploral: " ⁶Sinhor nha servu sta detadu na kaza paralizadu ta sufri".Jizus Fla: " ⁷In ta Bai, Nta Kural".⁸Kel sinturion rispondel: " Sinhor, ami Nka meresi pa ki bu entra na nha kaza, fla só un palavra y nha servu ta ser kuradu, ⁹pamodi mi é un omi ku otoridadade y n ten soldadu. Nta ta flas: ' Bai' é ta bai, e pa otu : ' ben' é ta ben, e pa nha servu: ' faz keli', é ta fazi". ¹⁰Kantu Jizus obi kela, é fika admiradu y é flas pa kes ki staba ta sigil El: " Na berdadi in ta fla nhos ma nen na Israel ka atxa nigen ku txeu fé.¹¹In ta fla nhos: Txeu algen ta ben di lesti , oesti ta xinta na mesa ku Abraon, Isaki e Jakó, na renu di séu. ¹²Mas fidju di renu ta sr fulhadu na treva, undi ta ten txoru, ranger di denti". ¹³Jizus fla Kel sinturion: " bai" Sima bu akredita, ta ser fetu pa bo". Kel servu fui kuradu na kel mesmu ora.¹⁴Kantu Jizus entra na kaza di Pedru, e Djobi si sogra detadu ku febri. ¹⁵Jizus toka se mon, e febri pasa; na kel ora é labanta y é sirbil.¹⁶Kantu ki staba kuase di note, gente leba Jezus txeu ki staba dominadu pa dimõnios., y é spulsa kes spritu só ku un palavr, y é kuraba tudu kes ki staba duenti. ¹⁷Di kel forma li, cumpri kel ki prufeta Isaias fla: " É toma sobri El tudu nos duensa y é karega tudu nós infermidade".¹⁸¹⁹²⁰Kantu ki Jizus odja multidon na se volta, é da isntuson pa es bai pa otu ladu di mar di galileia. Nton bai skribas ti El y é fla: "Mestri, in ta sigui pa undi ki bu bai". Jizus flal: " Raposas ten se kaza, parsu ten se dinhu, mas fidju di omi ka ten ninhun kal pé diskansa kabesa".²¹²²Otu disiplu fla: " Sinhor, dexan bai primeru ba inera nha pai". Jizus fla: " Dexa mortu inera ses propri mortu".²³Kantu ki Jizus entra na barku , se disiplus sigil. ²⁴Nton ben gradi tepestadi, ki di tal manera kubri barku; y Jezus staba durmindu. ²⁵Disiplus bai kordal, ta flal: " Salvanu nhrodés, pamodi nu sta kuasi ta morri!"²⁶Jizus fla: " Pamodi ki nhos sta ku medu? Nhos e di pekena fé?" Ntons é labanta, é reprendi ventu ku mar, y kal fika kalmu. ²⁷Kes omi fika spantadu y es fla: " Keli e ki tipu di omi, ki ti ventu ku mar ta obidesi?²⁸Kantu Jizus txiga na otu ladu, na zona di gadarenus, dós omi, ki era kontraladu pa dimonius, atxal. Es staba ta binha di simiteri y es era txeu violentu, di tal forma ki ninhun viajanti ka ta podeba parsa pa kel kaminhu. ²⁹Nton es ta gritaba ta fla: " kuze ki nu ten ku bó, Fidju di Deus? Bu ben li pa tormentanu antis di tempu?"³⁰Ka mutu longi di la, staba txeu porkus ki staba ta kumé. ³¹Dimonius inplora Jizus Ta fla: " Se bu spusanu, mandanu pa kes porkus". ³²Jizus flas: " Bai" Dimonius sai y es bai pa porkus, nton tudu kel manada bua pa ladera txeu iclinada pa mar y kes porku morri na agú.³³Kes omi ki ta tamaba kota di kes porku es fugi, kantu kes entra na sidadi, es konta tudu, ti kuze ki kontise ku kel indimoniadu. ³⁴Nton tudu sidadi bai pa incontr ku Jizus. Kantu kes odja , es pidil pê sai di ses zona.

¹Jizus entra na un bárku, e kruza mar i e bai pa si própri sidádi. ²Nton es traze-l un ómi paralítiku detatu na un stera. Jizus odja pa ses fé, e fla paralítiku: Fidju, fika animadu. Bus pekádus dja stá purduadu.³Nton alguns di kes skribas fika ta kumenta és ku és: Es ómi stá blasfemiadu. ⁴Má, Jizus ki konxeba ses pensamentu, rabida fla-s: Pamódi ki nhos sa ta pensa mal di mi na nhos kurason? ⁵Kuzé ki é más faxi fla: Nhos pekádu dja stá purduadu o fla: Labanta i bu anda? ⁶Má, pa nhos sabe ki Fidju di ómi ten puder na téra pa purdua pekádu... - E fla pa paralítiku - labanta i bu panha bu stera i bai pa bu kaza.⁷Nton ómi labanta i e bai pa si kaza. ⁸Kantu kes muntu algén ki staba lá odja kel-la, es fika spantadu i es lova Déus, ki dá ómis es grandi puder. ⁹Kantu Jizus sai di lá, E odja un ómi ki ta txomadu Matéus, ki staba xintadu na undi ki es ta kobraba inpóstu, i E fla-l: Ben ku mi. E labanta i e bai ku El.¹⁰Inkuantu Jizus staba nun kaza, xintadu na meza pa kúmi, munti kobradoris di inpóstu i pekadóris ben i djanta djuntu ku El i ku ses disíplus. ¹¹Kantu farizeus odja kel-lá, es fla pa ses disíplus: Pamódi ki nhos méstri ta kúmi ku kobradóris di inpóstu i ku pekadóris?¹²Kantu Jizus obi kel-la, fla: Kenh a ki stá próntu ka meste dotor, só duentis ki meste. ¹³Nhos debe prende kuzé ki siginifika kel-li: N kré mizerikórdia más di ki sakrifisiu, pamódi N ka ben txoma justu pa arependimentu, má N ben txoma pekadoris.¹⁴Nton disiplus di Juãu bai ti Jizus i pergunta-l: Pamódi ki nós ku farizéus ta jejua sénpri, má bus disiplus ka ta jejua? ¹⁵Jizus responde-s: Pode kunbidadus di un kazamentu fika tristi inkuantu noivu stá djuntu ku és? Má, ta txiga dia, ki noivu ta tradu di ses méiu, i inton es ta jejua.¹⁶Ningén ka ta pui padas di pánu nóbu na rópa bedju, pamódi kel txapa ta sai i ta ratxa kel rópa más inda, mas grandi ki kel ki staba.¹⁷Ningén ka ta pui vinhu nóbu na bolsa di péli bedju, si nhos faze kel-lá, péli ta ratxa, vinhu ta lansa, i bolsa di péli ra spludi. Invés di kel-lá, vinhu nóvu ta pudu na bolsa di péli nóbu, i asi, es dôs ka ta straga.¹⁸Inkuantu Jizus staba ta nxina-s es kuza li, un ofisial djiga na El i dobra se duedju si dianti, ta fla: Nha fidju fémia dja móri gósi, ben i ben pui Bu mon riba del, e ta torna vive. ¹⁹Nton Jizus labanta i e bai, i ses disiplus bai ku El.²⁰Brisi, un mudjer, ki durantu duzi anu ta sufriba di murujia, ben pa trás di Jizus i toka-l na ponta di Si rópa; ²¹pamódi e fla pa el mé: Si N tóka na si rópa, N ta ser kuradu. ²²Lógu Jizus vira, i kantu E odja-l E fla-l: anima Fidju fémia, bu fé dja kura-u. I kel óra mé, mudjer fika kuradu.²³Kantu Jizus entra na kaza di un ofisial, E odja ki flautistas i munti algén staba ta fazeba txeu barudju; ²⁴E fla: Nhos salta fóra di li, pamódi minina ka stá mórtu, má e sata dúrmi. I gentis kumesa ta ri i ta faze-l trosa.²⁵Kantu tudu kes algén pudu pa fora, E entra na kuartu, E pega minina pa mon i e labanta. ²⁶I kel nutisia li spadja pa tudu kel zona.²⁷Inkuantu Jizus ba ta bai pa frénti, dôs ómi ségu, kumesa ta sigi-l, ta djata i fla: Ten pena di nós, Fidju di Dávi. ²⁸Kantu Jizus entra na kaza, kes ómi ségu txiga se bera. Jizus fla-s: Nhos ta kredita ma N pode faze kel-li? Es rusponde: Sin, Sinhor.²⁹Nton Jizus toka-s na ses odju i fla: Ki kuntisi sima nhos fé. ³⁰I ses odju txiga abri. Nton Jizus dá-s un órdi rixu: Ka nhos dexa ningén sabe di kel-li. ³¹Má kes dôs ómi sai ta spadja es nutisia pa tudu kel zona.³²Inkuantu kes dôs ómi ba ta bai ses kaminhu, un ómi mudu pusuídu pa un dimóniu trazedu ti Jizus. ³³Kantu dimóniu tradu di el, ómi muda pâpia. Kes munti algén ki staba lá i odja, fika spantadu i es fla: Kil-li gó, nunka ka odjadu antis na Israel. ³⁴Má farizeus fla: E pa xéfi di dimónius ki E ta tra dimónius.³⁵Jizus bai pa tudu sidádi ku povuadu, ta inxina na ses sinagoga, ta prega Nutisia Sábi di reinu, i ta kura tudu tipu di duensa ku muléstia. ³⁶Kantu e odja txeu géntis, e xinta pena di és, pamódi es staba kansadu i perdidu, sima ribanhu ki ka ten pastor.³⁷E fla pa ses disiplus: Kau pa simia é grandi, má gentis pa trabadja stá póku. ³⁸Purtantu, nhós pidi pa dónu di simentera pa manda más gentis pa trabadja na si simentera.

¹Jizus, riuni si dozi disiplus, dá-s puder sobri spritus imundu, pa botá-s fora (spulsa-s) i pa kura tudu tipu di duensas i padisimentus.²Nomi di kês dozi apostulus era: primeru, Simãu, ki tanbé txomaba Pedru, i André, si irmón; Tiagu, fidju di Zebedeu, i Juãu, si irmôn; ³Filipi i Bartulumeu; Tumé i Mateus, kubrador di inpostus; Tiagu, fidju di Alfeu; ⁴Simãu, zeloti, i Judas Iskariotis, ki ta bén traiba El.⁵Jizus invia kes dozi; El instruis, ta fla: ''Ka nhos bai pa ninhum lugar undi gentius ta vivi i ka nhos entra na ninhun sidadi di samaritanus. ⁶Inbes disu, nhos ba spia kes ovelhas perdedu di kaza di Israel. ⁷I korformi nhos ta bai, nhos prega i fla: 'Reinu di Séus sta pertu'.⁸Nhos kura duentis, risusita mortus, purifika leprozus i ixpulsa dimónius. Di grasa nhos resebi, di grasa nhos da tanbe. ⁹Ka nhos leba ôru, prata, nem bronzi na nhos sintu, ¹⁰ninhun bolsa pa nhos kaminhada, nen dôs ropa, nen sandália, nen kajadu, pamodi dignu e trabadjador di se kumida.¹¹Na kulker sidadi ô povuadu ki nhos entra, spia kenha ke dignu la, i nhos fika la ti ki nhos bai inbora. ¹²Oras ki nhos entra na kaza, nhos kunprimenta-l. ¹³Si kaza e dignu, nhos dexa pás sobri el, mas s-ê ka dignu, ki nhos pás volta pa nhos.¹⁴Pa kés ki ka resébi nhos ô obi nhos palavra, óra ki nhos ta sai di kel kaza ô sidadi, nhos tra puera di nhos pé. ¹⁵Na verdadi Nta fla nhos: ta ten mas toleransa pa tera di Sodoma ku Gomora na dia di julgamentu du ki pa es sidadi.¹⁶Nhos odja ma Nta invia nhos sima ovelha pa meiu di lobus, purtantu ser intilijenti moda serpenti i simplis moda pomba. ¹⁷Nhos sta atentu ku gentis, pamodi es ta intrega nhos na tribunal i na ses sinagogas, i nhos ta ser xikotiadu. ¹⁸Pamodi mi ês ta lêba nhos dianti di guvernantis i reis, komu tistimunhu pa ês i pa jentius.¹⁹Ora kes intrega nhoos, ka nhos fika ansiosu sobri modi ô kuzé ki nhos sta ba fala, pamodi nhos ta dadu kuza fala na kel ora la. ²⁰Pamodi e ka nhos ki ta fala, más Spritu di nhôs Pai ki ta fala pa nhôs.²¹Irmons ta intrega irmons pa morti, i pai a se fidju. Fidjus ta rivolta kontra sês pais i ta matá-s. ²²Nhos ta ser odiadu pa tudu algén pamodi nha nomi, mas kel ki insisti di fin ta ser salvu. ²³Òra k-és prisigi nhôs na kel sidadi li, nhos kori pa prosimu sidadi, pamodi na verdadi nta fla nhos: nhos ka ta kunsigi bai pa tudu sidadi di Israel, antis ki Fidju di Ômi ben.²⁴Disíplu e ka mas grandi ki si mestri, nen servu ta sta riba di se Sinhor pa disiplu. ²⁵E sufisienti el ser moda sê mestri, i servu sima se sinhor. Si ês txoma donu di kaza di Belzabu, pior inda ta ser nomi kes ta da pa kês otus membrus di se kaza!²⁶Nton, ka nhôs teima, pamodi ka ten nada kubertu ki ka ta ser diklaradu, i nada sukundidu ki ka ta ser diskubertu. ²⁷Kuza ki-nta fla nhôs na sukuru, nhos flá-l na luz di dia i u ki nhôs obi susuradu na nhôs obidu, nhôs proklama-l riba kazas.²⁸Ka nhos ten medu di kes, ki ta mata korpu, mas ka ta kunsigi mata alma. Inb-és disu, nhôs ten medu di Kel ki podi distrui tantu alma komu korpu na infernu. ²⁹Ka ta bendedu dôs txota pa un muedinha? Mesmu asin, inhum dês ka ta kai na txôm si nhôs Pai ka sabi. ³⁰Mas tê kabelu di nhôs kabesa, sta tudu kontadu. ³¹Ka nhôs ten medu. Nhôs ten màs valor ki txéu txota.³²Purtantu, tudu kel ki na mi konfesa dianti di ómis, mi tanbé n ta konfesa dianti di ha Pai ki sta na Seú. ³³más, kel ki nega-m dianti di ómis, Mi tanbé N ta nega-l dianti di Nha Pai ki sta na Séu.³⁴Ka nhôs pensa ma Min ben trazi pás riba tera; N ka ben trazi pás, mas spada. ³⁵N ben pui ómi kontra si pai, i fidju fêmia kontra si mãi, i nora kontra si sogra. ³⁶Inimigus di ómi e kes di se pripiu kaza.³⁷Kel ki ta ama pai ó mãi mas ki Mi, e ka dignu di Mi; I kel ki ta ama fidju matxu ô fidju fémia más di ki mi, e ka dignudi Mi. ³⁸Kel ki ka ta pega si krus i sigi-m e ka dignu di Mi. ³⁹Kel ki atxa se vida, ta perdê-l; más kel ki perdi si vida pamodi Mi ta atxá-l.⁴⁰Kel ki ta resebê-nhos, e mi kel rasebi, kel ki resebê-M tanbé ta resebê kenha ki invia-M. ⁴¹Kel ki rasebi un prufeta, ta resebi rikonpensa di prufeta, i kel ki resebi un ómi justu, pamodi e un ómi justu, ta resebi rikonpensa di ómi justu.⁴²Kenha ki da mesmu un kopu d-água a un di kés pikinoti, pa,odi e un disiplu, na verdadi N ta fla nhós: el ka ta perdi se rikonpensa di ninhum manêra.

¹Kantu Jizus kaba di instrui ses duzi disiplus, E bai di lá pa inxina i prega na ses sidadi. ²Juãu, kantu dentu Kadiâ é obi di kuzas ki Jizus sa ta fazeba, e manda-L un mesaji pa bóka di ses disiplus ³ta fla si: É Bo ki staba pa binha ô izisti otu algén ki nu debe spera?⁴Jizus rusponde-s: Nhos bai i nhos konta pa Juãu kuze ki nhos odja i obi: ⁵Ségus sa ta resebe vizon, mánkus sa ta anda, leprozu sa ta purifikadu, surdus sa ta obi, mórtus sa ta torna vive, i koitadus sa ta obi nutisia sábi. ⁶I abensuadu é kel ki ka ta atxa mutivu di dá topada na Mi.⁷Timenti es sa ta baba pa ses kaminhu, Jizus kumesa ta fla pa kes munti algén sóbri Juãu: Kuzé ki nhos bai odja na dizértu? Un káris ta ser balansadu pa béntu? ⁸Kuze ki nhos bai odja? Un ómi bistidu ku rópu bazofu? Dimidivera, kes ki ta bisti ku rópa bazofu ta vive na palásiu.⁹Nhos fla-m, kuzé ki nhos bai odja? Un prufeta? Sin, N ta fla nhos: Más ki un Prufeta. ¹⁰A el é di kenha ki stá skritu: Nhos odja, Ami N sa ta manda nhos Nha mensajeru dianti bu róstu, kel ki ta ben kónpu kaminhu dianti di bo.¹¹Dimidivera N ta fla nhos: Di kes ki nási di mudjer, ningén é ka mais grandi ki Juãu Batista; má, kel ki é más pikinóti na Reinu di Séu é más grandi ki el. ¹²Désdi ténpu di Juãu Batista ti dia di oji, Reinu di Séu ta súfri violensia, i ómis ta uza di violensia pa toma Reinu di Séu pa forsa.¹³Pamódi tudu prufeta ku lei prufetiza ti Juãu. ¹⁴I si nhos kré aseta kel-li, el é Ilias, ki staba pa ben. ¹⁵Kenha ki ten obidu pa óbi, nton óbi.¹⁶Ku kuzé ki N ta konpara es jerason? É sima kriansa ki ta brinka na merkadu, ki xinta i txoma kunpanheru ¹⁷i ta fla: Nu toka flauta pa nhos, i nhos ka badja. Nu lamenta, i nhos ka txora.¹⁸Pamódi Juãu ben, ka ta kúmi i ka ta bébi, es fla: E stá ku dimóniu. ¹⁹Fidju di Ómi ben, ta kúmi i ta bébi, es fla: Odja-L, El é un óbi bafador i mokérju, amigu di kobradóris di inpóstu i di pekadóris! Má sabedoria ta justifikadu pa ses obra.²⁰Nton Jizus kumesa ta reprende sidadis undi ki E faze txeu milagris, má géntis ka rapende. ²¹''Ai di bo, Korazin! Ai di bo, Betisaida!'' Si milagris ki fazedu na nhos meiu kuntisiba na Tiru i Sidon, dja duraba ki djes rapendeba ku rópa di sáku i ku sinza. ²²Na dia di julgamentu ta tendu más paxenxa ku Tiru i Sidon di ki pa nhós.²³Abo, Kafarnaun, bu ta ser labantadu ti txiga séu? Nau! Bu ta ser fulhadu pa fundu, pa inférnu; pamódi, si na Sodoma kuntisiba milágris ki fazedu na bó, Sodoma ta izistiba ti oji. ²⁴Má n ta fla-bu ki ta ser más fásil pa téra di Sodoma, na dia di julgamentu, di ki pa bo.²⁵Nakél mumentu, Jizus fla: N ta ngaba-u, Pai, Sinhor di séu i di téra, pamódi bu sukundi kes kuzas li di sábius i kes ki ta ntende, i bu revela-s pa kriansinhas. ²⁶Sin, Pai, pamódi é si ki bu disidi faze. ²⁷Nha Pai kunfia da-M tudu kuza, i ningén ka konxe Fidju, anonser Pai, i ningén ka kónxi Pai, anonser Fidju i pa kel ki Fidju dizeja mostra.²⁸Nhos ben pa Mi tudu kes ki stá kansadu i ku munti pézu, i Ami N dá nhos diskansu. ²⁹Nhos toma Nha karga riba nhos i nhos prende di Mi, pamódi Ami é mansu i umildi di kurason, i n hos ta atxa diskansu pa nhos alma, ³⁰pamódi nha pézu é suavi i nha karga é levi.

¹Na kel tenpu, Jizus pasa na plantason si Sereal, na sabadu. Ses disiplus staba ku fómi i kodji spiga pa kumé. ²Ma, kantu farizeus odja, es fla Jizus: "Odja li, bu disiplu sa ta fazi kuzas ki ka ta permitidu na dia sabadu".³Ma Jizus fla-s: "Nunka nhos lé kuzas ki Davi fazi kantu ses ómi staba ku fómi? ⁴E kanba na kaza Nhordés, i kumi pon separadu, kes ka divia kumeba, nen kes ki staba ku el, pamodi era permitidu somenti pa saserdotis.⁵Nhos ka le na lei, na sabadu, saserdoti dizobedesi es dia na tenplu, i es fika diskulpadu? ⁶timenti n ta fla nhos: sta li Kel ki é mas grandi ki tenplu.⁷Si nhos sabeba kuze ki ta siginifika: 'N kre miserikórdia i nau sakrifísiu', nhos ka kondenaba nosentis, ⁸pamodi fidju di Ómi e Sinhor di sabadu.⁹N ton Jizus sai i bai pa sinagoga. ¹⁰Staba la un ómi ku mon manku. Farizeus pergunta Jizus: "algén podi se kuradu sabadu? Di manera kes ta kuzaba El di peka.¹¹Jizus fla-s: "Kal di nhos, ki ten un ovelha só, i, se ovelha kai na braku fundu, na sabadu, ka ta ba tra-l di kel braku? ¹²Ómi ten mas valor ki un ovelha. n ton, podi fazi kuzas dretu sabadu tanbé".¹³N ton Jizus fla pa ómi: "stendi bu mon". El stendi e se mon fói kuradu, fika sima kel otu mon. ¹⁴Ma farizeus ta saiba pa papia mal kontra Jizus, pa sabi modi ki ta mataba El.¹⁵Jizus, persebe kel intenson, i sai di la. Txeu algén sigi-l, ¹⁶i El kura tudo es i manda-s pa ka spalha, ¹⁷pa kunpri verdadi ki prufeta Izaías flaba:¹⁸Nhos odja nha servu ki n skodji, nha kretxeu, kel ki ta dan txeu alegria. N ta pui nha spiritu se riba, e El ta nunsia justisa pa jentius.¹⁹E ka ta diskuti, nen djata, ningén ka ta obi se voz na rua. ²⁰El ka ta kebra un kana tursidu, El ka ta paga pó di lumi, ti ke leba justisa ta vensi, ²¹i jentius ta konfia na se nomi".²²Gentis leba pa Jizus un ómi segu i mudu, ki tinha dimóniu i El kura-l. U rezultadu foi ki ómi pasa ta obi i fala. ²³povu fika txeu kontenti i fla: "Ómi li podi ser fidju di Davi?"²⁴Ma, kantu farizeu obi des milagri, fla: "Es ómi ta tra dimóniu so pa puder di Belzibu, prinsipi di dimónius". ²⁵Jizus, ki konxeba ses pensamentus, fla-s: "Tudu reinu divididu és ku és ta sta kebradu, i tudu sidadi ô kaza divididu és ku és ka ta dura.²⁶Si satanas tra satanas, e sta divididu na el mezmu; modi ki se reinu ta dura? ²⁷I si n ta tra dimónius pa Belzibu, na ken ki nhos fidju ta tra-l? Pamodi keli, es ta ser juizu di nhos.²⁸Ma si nta tra dimónius pa Spiritu di Déus, n ton Reinu di Déus dja txiga pa nhos. ²⁹Modi ki algén ta furta ómi forti ses ka prende-l priméru? N ton, es ta furta ses kuzas na kaza. ³⁰Kenha ki ka sta ku mi e nha diversariu, i kes ki ka sta djunta ku mi ta spadja.³¹Pamodi keli, n ta fla nhoz: "tudu pekadu i txakota ta ser perduadu, ma kes txakota kontra Spirituka ta perduadu. ³²Kenha ki fla algun palavra kontra fidju di Ómi, ta ser perduadu; ma kes ki fala kontra u Spiritu Santu, ka ten perdon, nen nes mundu, nen na mundu ki sa ta ben.³³Si un arvori e bon, si frutu ta ser sabi; se un arvori e ka dretu, si frutu kan-presti, pamodi arvori bu ta konxi pa si frutus. ³⁴Disgrasadus, nhos e mau, modi ki nhos podi fla kuzas bon? pamodi boka ta fla kuzas ki korason sta xeiu. ³⁵Ómi bon, ta tra kuzas bon, di se dizoru ago, ómi mau, ta tra só kuzas mau di si tizoru.³⁶N ta fla nhoz ma, na dia di juizu, tudu algén ta presta konta di tudu palavra mariadu ke papia. ³⁷pamodi, pa nhos palavra nhos ta ser justifikadu, i pa nhos palavra nhos ta ser kondenadu".³⁸N ton, alguns skribas i farizeus fla Jizus: "Mestri, nu kre odja un sinal di bo". ³⁹Ma Jizus respende-s: "un jerason mau i adultera sa ta djobi un sinal; ma ninhun sinal ka sa ta dadu, somenti kel di Jonas, u prufeta. ⁴⁰Pamodi sima Jonas staba trés dia e trés noti na bariga di grandi pexi, asi ta sta fidju di Ómi trés dia i trés noti na korason di téra.⁴¹Ómi di Ninivi labanta, na juizu, kontra ke-l jerason di algén i es kondenal-l, pamodi es rependi ku pregason di Jonas, ma, gosi sta li kenha ki é maior ki Jonas.⁴²Rainha di Sul labanta, na juizu, ku ómi des jerason i El ta kondena-s, pamodi El ben di lugar lonji pa obi sabidoria di Salomon, ma, sta li algén ki e maior ki Salomon.⁴³Kantu ki spiritu mau ta sai di un ómi, e ta anda pa lugaris seku ta djobi diskansu, ma ka ta atxa. ⁴⁴N ton e fla: "N ta volta pa nha kaza, undi kin sai'. Ô ke volta, ta atxa kaza linpu i en orden. ⁴⁵N ton el ta bai i ta trazi ku el otu seti spiritu mas pior ki el, i tudu és ta entra na vivi na kaza. N ton situason final di kel ómi ta sta pior ki primeru. Keli ta kontisi ku es jerason mau".⁴⁶inkuantu Jizus sa falaba pa multidons, txiga se mai ku ses irmon stava na ladu di fora, ta djobeba El. ⁴⁷algén fla Jizus: "Odja, bu mai ku bus irmon sa ta djobeu es mesteu".⁴⁸Ma Jizus flas pa kel ki da-l rekadu: "kenha ke nha mai? I ken ki e nhas irmon?" ⁴⁹N ton Jizus labanta se mon pa se disipulu i fla: "Odja, ali sta nha mai e nhas irmon! ⁵⁰Pamodi kel ki ta fazi vontadi di nha Pau ki sta na séu, kel algén ki e nha irmon i nha mai".

¹Nakél dia Jizus sai di kaza i E xinta na bera mar. ²Munti algen rudia-L. Nton E entra na bárku i E xinta; tudu kes algén ki staba lá fika sakédu na areia.³Nton Jizus kumesa fla-s munti kuzas pa kunpason. E fla: Un simiador sai pa simia. ⁴Timenti E ta simiaba, uns simentis kai na bera kaminhu, i pasarinhus ben i kume-s. ⁵Otus simentis kai riba rotxa, undi ka tinha txeu téra, i es brota fáxi pamódi terenu é ka era fundu. ⁶Má, kantu sol nási, kes simentis kema, pamódi es ka kria rais, i es séka.⁷Otus simentis kai dentu spinhu, i kantu spinhu krese, sufóka kes simentis. ⁸Otus simentis kai na bon txon i pári gron, uns pári sén bes más, otus sasenta i otus trinta. ⁹Kenha ki ten obidu pa obi, nton obi.¹⁰Disiplus ben i es fla Jizus: Pamódi ki bu ta papiâ ku kes munti géntis li pa kunparason? ¹¹Jizus rusponde, fla-s: Anhós nhos tén priviléjiu di ntende segredus di Reinu di Séu, má a es nau. ¹²Pamódi ti kel ki ten, más txeu inda é ta dádu, má kel ki ka ten, ti kel ki e ten, e ta tomadu el.¹³Nton, N papiâ ku es pa kunparason, pamódi, sikré es odja, es ka ta odja dretu, i sikré es óbi, es ka ta obi, nen ntende. ¹⁴É pa és ki ta kúnpri prufesia di Izaías, ki ta fla: Es ta obi ku obidu, má es ka ta ntende; es ta odja ku odju, má es ka ta persebe nada.¹⁵Pamódi kurason di es póvu bira riju, i es ta obi sen vontadi, i es fitxa ses odju; si es ka fazeba si, es ta persebeba ku ses odju, es ta obiba ku ses obidu, es ta entendeba ku ses kurason, i es ta rapendeba, i ami N ta kuraba es.¹⁶Má, bensuadu é nhos odju, pamódi nhos ta odja; i nhos obidu, pamódi nhos ta obi. ¹⁷Dimidivera N ta fla nhos ki txeu prifeta i ómis justu dizejaba odja kuzas ki nhos odja, i es ka odja, i obi kuzas ki nhos obi, i es ka obi.¹⁸Dexa-M splika nhos es kunparason di simiador. ¹⁹Ora ki algén obi palavra di Reinu, má e ka ta ntende, nton maliginu ta ben i ta roba kel ki simiadu na se kurason. Kel-li é simenti ki simiado na bera kaminhu.²⁰Kel ki simiadu riba rotxa é kel ki ta obi palavra i ta resebe-l faxi i kontenti; ²¹má e ka ten rais na el, i ta fika pa póku ténpu. Ora ki ben tribulason ku pirsigison pamódi palavra, fáxi é ta skorega.²²Kel ki simiadu dentu spinhu é kel ki ta obi palavra, má prikupason ku kuzas di mundu i iluzon di rikeza ta sufoka palavra, i palavra ka ta kunsigi dá frutu. ²³Kel ki simiadu na bon txon é kel ta obi palavra i ta ntende; kel-li é kel dimidivera ta dá frutu; uns sén bés más di kel ki simiadu, alguns sasenta, i otus trinta bes más.²⁴Jizus konta-s otu stória pa kunparason, fla-s: Reinu di Séu é sima un ómi ki simia bon simenti na sé terenu. ²⁵Má, timenti algén staba ta dúrmi, si inimigu ben i simia tanbé ervas stragadu na meiu di trigu, i e bai si kaminhu. ²⁶Kantu simentis di trigu kumesa pári i dá spigas, nton ervas stragadu tanbe kumesa ta parse.²⁷Inpregadusdi dónu di terenu ben i fla-s: Sinhor, nu ka simia bon simenti na bu terenu? Móki gósi li ten ervas stragadu? ²⁸E fla-s: Un inimigu é ki faze kel-la. Inpregadus rabida fla-l: Nho kré nton pa nu ranka-s?²⁹Dónu di terenu fla: Nau! Pamódi timenti nhos ta puxa ervas stragadu, nhos pode puxa tanbé trigu djuntu ku el. ³⁰Nhos dexa-s krese djuntu ti épuka di kodje. Na ténpu di kodje, n ta fla pa kes inkaregadus: Prumeru nhos puxa ervas stragadus i nhos maral na fexe pa kema, má, nhos djunta trigu i nhos pui na seleru.³¹Nton Jizus konta-s un otu stória pa kunparason, ta fla: Reinu di Séu é sima un simenti di muztarda ki un ómi pega i simia na si terenu. ³²Kel simenti, é dimidivera más pikinóti di tudu simenti. Má, ora ki e krese, é ta dá más grandi ki planta di jardin i e ta bira un árvi, ki pasarinhus ta ben faze ninhu na ses galhu.³³Jizus nton konta-s otu stória pa kunparason: Reinu di Séu é sima fermentu ki un mudjer panha i mistura ku trés midida di farinha ti ki masa fermenta.³⁴Tudu kes kuza li Jizus fla pa kes munti géntis pa kunparason; i nada E ka fla-s sen kunparason. ³⁵Kel-li é kuzas ki prufeta dja flaba i pa es odja ma era vérdadi ora ki E fla: N abri nha bóka ku kunparason; N ta fla kuzas ki staba sukundidu désdi fundason di mundu.³⁶Nton Jizus dexa kes munti algén i E entra na kaza. Ses disiplus txiga na El i fla-L: Splika-nu kel kunparason di ervas stragadu na terenu. ³⁷Jizus rusponde, i fla-s: Kel ki simia bon simenti é Fidju di Ómi. ³⁸Terenu é mundu; bon simenti é fidjus di réinu i ervas stragadu é fidjus di maliginu, ³⁹i inimigu ki simia-s é maliginu. Ténpu di kodje é fin di mundu, i inpregadus ki ta kodje é anjus.⁴⁰Purtantu, sima ervas stragadu ta kodjedu i ta kemadu na lumi, asi ta kuntisi na fin di mundu. ⁴¹Fidju di Ómi ta manda ses anjus i es ta djunta di si reinu tudu kuzas ki ta kauza pekádu, i kes ki ta vive na pekádu, ⁴²i es ta fulhadu na fornadja di lumi, undi ta lamentadu i ta djemedu déntis. ⁴³Nton justus ta lúmia sima sol, na reinu di si Pai. Kenha ki ten obidu, nton obi.⁴⁴Reinu di Séu é sima tizouru sukundidu na un terenu ki un ómi atxa i sukundi. Uma kontenti, e ta bai, e ta bende tudu ki e ten i e ta kunpra kel terenu. ⁴⁵Di nóvu, Reinu di Séu é sima un ómi ki é rabidanti ki ta djobe pedra prisiozas. ⁴⁶Ora ki e atxa un pedra prisioza ki kusta káru, e ta bai, e ta bende tudu ki e ten i e ta kunpra-l⁴⁷Di nóvu, Reinu di Séu é sima un rédi ki fulhadu na mar i pega pexi di tudu tipu. ⁴⁸Kantu dja e staba xéiu, piskadóris puxa-l pa areia. Nton es xinta i es djunta kes bon pexi na banhera, má, kes pexi ki ka ten valor, es fulha na mar.⁴⁹Asi ki ta ser na fin di mundu: anjus ta ben i es ta sipara kes ki é mau di kes ki é justu, ⁵⁰i es ta fulha-s na fornadja di lumi, undi ta lamentadu i ta djemedu dénti⁵¹Nhos ntende tudu es kuza? Disiplus fla-s: Sin. ⁵²Nton Jizus fla-s: Purtantu tudu méstri di lei ki bira disiplu di Reinu di Séu é sima un ómi ki é dónu di un kaza, ki ta tra kuzas bedjus ku nóbu di si tizóru. ⁵³Ta kuntisi ki, kantu Jizus kaba di konta tudu es kunparason, E sai di kel lugar.⁵⁴Nton Jizus entra na si própri zona, i E inxina géntis na ses sinagoga, i es fika spantadu i es fla: Na pundi ki es ómi kunsigi si sabedoria i es milagris? ⁵⁵El é ka fidju di karpinteru? Si mai é ka Maria? I é ka Tiagu, Juzé, Simon i Judás ses irmon? ⁵⁶I ses irmá ka stá pa li ku nós? Nton, di undi és ómi tra tudu es kuzas?⁵⁷Es xinti ofendidu pa Jizus. Má E fla-s: Un prufeta ka disvalorizadu, anonser na si própri país i na si própri família. ⁵⁸I E ka faze txeu milagris lá pamódi di ses diskrensa.

¹Na kel tenpu, Erodis, tetrarka, obi nutisia sóbri Jizus. ²E fla ses inpregadu: El é Juãu Batista; E rususita di mórtus, purisu tudu es puder sta aji na El.³Erodis tenba prendidu Juãu, maradu E pul na kadiâ, pamódi Erodias, mudjer di si irmon Filipi, ⁴ki Juãu tinha fladu el: Mé ka dretu toma-l sima si bu mudjer. ⁵Erodis kre mandaba mata-l, má E xinti médu di póvu, pamódi es ta kunsideraba el un prufeta.⁶Má kantu txiga dia ki Eródis faze anu, fidju fémia di Erodias badja na meiu di kunbidadus i Erodis fika kontenti. ⁷I pa e mostra si agradu, e prumete ta jura, ki e ta da-l kualker kuza ki e pidi-l.⁸Dipós ki si mai instrui-l, e fla: Da-m kabesa di Juãu Batista na un pratu, gósi li. ⁹Rei fika txeu tristi ku si pididu, má, pamódi é jura i pamódi di tudu ses kunbidadus ki staba na janta ku el, e manda traze kabesa di Juãu Batista.¹⁰E manda tropas, ki bai i korta kabesa di Juãu na kadiâ. ¹¹Nton si kabesa trazedu na un pratu i dadu pa minina i el leba-l pa si mãi. ¹²Nton disiplus di Juãu ben, pega kórpu i ntera. Dipós di ntera, es bai i es konta pa Jizus.¹³Kantu Jizus obi kuze ki kuntisi, e sai di lá na un barku pa un lugar izuladu. Gentis ki ben di sidadis, obi i es sigi-L a pé. ¹⁴Nton Jizus dizinbarka, E odja txeu algén, e xinta pena di es i e kura ses duéntis.¹⁵Kantu txiga bóka di tárdi, disiplus ben ti El i es fla: Kel lugar li é dizertu i dia dja kaba. Dispidi géntis pa ki es pode bai pa vila i kunpra kumida pa es kúmi.¹⁶Má Jizus fla-s: Es ka meste ki bai ses kaminhu, nhos dás anhos, algun kuza pa es kúmi. ¹⁷Es fla-L: Nu tini só sinku ku dós pexi. ¹⁸Jizus fla: Traze-m es.¹⁹Nton Jizus manda ki kes gentis xinta riba relva. E pega sinku pon ku dós pexi, i E djobe pa séu, e bênsua, e dividi pon, e dá pa disiplus e disiplus dá gentis. ²⁰Gentis kúmi ti farta. Nton es panha kes padas di kumida ki resta: Duze balai xéiu. ²¹Kes ki kúmi era entri sinku mil ómis, sen konta ku mudjeris e mininus.²²Na faxi E faze displus kanba na bárku pa bai Si frenti pa otu ladu, timenti E ta dispidi di gentis. ²³Dipós ki e manda gentis pa bai ses kaminhu, E subi rotxa El só pa e bai ora. Kantu sukuru dá, E staba El só. ²⁴Má bárku staba lónji di téra i kuazi fora di kontroli pamódi di ondas i bentu staba ta sopraba kontra es.²⁵Na ta manxe, Jizus txiga na es, ta anda riba mar. ²⁶Kantu displus odja-L ta anda riba mar, es fika ku uma médu i es fla: É finadu! I es grita di médu. ²⁷Jizus rabida faxi i fla-s: Nhos ser korajozu! É ami! Ka nhos xinti médu.²⁸Pédru rasponde-L: Sinhor, si é Bo, dá-m órdi pa N bai atxa-U riba di águ. ²⁹Jizus rabida fla-L: Ben! Pédru nton sai di bárku i e anda riba di águ pa e bai ti Jizus. ³⁰Má kantu Pedru odja béntu, médu da-l, i e kumesa ta bai fundu, e grita: Sinhor, salva-m!³¹Na faxi Jizus stika mon, pega Pedru i E flal-l: Abo, ki ten póku fé, pamódi ki bu duvida? ³²Nton, kantu Jizus ku Pedru entra na bárku, béntu pára di sopra. ³³Disiplus dentu bárku adora Jizus i fla: Dimidivera Abo é Fidju di Déus.³⁴Dipos ki es pasa kel mar, es txiga na téra di Genezaré. ³⁵Kantu ómis ki moraba lá rikonhese Jizus, es manda rekadu pa tudu kau ki ta fika na roda, i es traze-L tudu kes ki staba duenti. ³⁶Es inplora-L si es pudia tokaba na ponta di Si ropa, i tudu kes ki toka fika kuradu.

¹Nton alguns farizeus i skribas ben di Jiruzalén ti Jizus i es fla: ²Pamódi ki bus disiplus ta kebra tradison di nos gentis grandi? Pamódi es ka ta laba ses mon ora ki es ta kúmi. ³Jizus rusponde-s i fla-s: I nhos, pamódi ki nhos ta kebra mandamentu di Déus pabiâ nhos tradison?⁴Pamódi Déus fla: Ruspeta bu pai ku bu mai, i kenha ki maldisuâ si pai ô si mai, ta móri séku rusu. ⁵Má anhós nhos ta fla: Kel ki fla pa si pai ô si mai: Kualker oferta ki nhos pudia resebeba di mi, gósi é oferta pa Déus, ⁶és algén li, ka meste ruspeta si pai. Des manera, nhos ta anula palavra di Déus pabiâ nhos tradison.⁷Ipókritas. Profeta Izaías dja flaba di nhós, kantu e fla: ⁸Es póvu li ta ruspeta-M na bóka, ma se kurason stá lonji di Mi. ⁹Es ta adora-M pa nada, pamódi es ta inxina mandamentus di ómis.¹⁰Nton E txoma kes munti algén ki staba lá pa más pértu di El i E fla-s: Nhos obi i nhos intende. ¹¹Nada ki ta entra pa bóka ta bira algén suju. akontráriu, kuzé ki ta sai di bóka, ki ta bira un algén suju.¹²Nton disiplus ben i purgunta Jizus: Nho sabe ma farizeus xinti ofendidu kantu ki es obi kuza ki bu fla? ¹³Jizus rusponde-s i fla: Tudu planta ki Nha Pai Selestial ka planta ta ser kortadu. ¹⁴Nhos dexa-s pa lá; a es é kondutor ségu. Si un ségu gia otu ségu, tudu es dôs ta kai dentu braku.¹⁵Pedru rusponde i fla Jizus: Splika-nu kel parábula. ¹⁶Jizus fla: Inda nhos ka intende? ¹⁷Nhos ka odja ki tudu ki ta entra pa bóka ta pasa pa bandoba, i dipós ta tradu fora?¹⁸Má, kuzas ki ta sai di bóka ta ben di kurason. Kel-li ki ta torna un algén suju. ¹⁹Pamódi di kurason ta ben kes mau pensamentus, asasinatu, adultériu, imoralidadi sekisual, furta, falsu tistimunhu i insultus. ²⁰Kes kuzas li ki ta bira un algén suju. Má kúmi ku mon suju ka ta bira un algén suju.²¹Nton Jizus sai di lá i E bai pa kaminhu di zonas di sidadis di Tiru ku Sidon. ²²I un mudjer Kananeia ben di kel zona, ta djata: Nho ten pena di mi, Sinhor, fidju di Davi; dimóniu sa ta ataka riju nha fidju fémia. ²³Má Jizus nada ka fla-l. Ses disiplus ben i pidi-l, ta fla: Atende-l, pamódi e sa ta ben ta djata nós trás.²⁴Má Jizus rusponde i fla: Ami N mandadu pa ovelha ki stá perdidu na kaza di Izrael. ²⁵Nton, e ben i finka duedju dianti di El, e fla: Sinhor, nho djuda-m. ²⁶E rusponde i E fra: ka ta fika drétu panha pon di fidju i fulha pa fidjus di katxor kúmi.²⁷Mudjer rabida i fla: Sin, má ti fidjus di katxor ta kúmi kes farélu di pon ki ta kai di meza di ses dónu. ²⁸Nton Jizus rusponde i fla-l: Mudjer, bu fé é grandi. Ki kuntisi ku bo izatamenti sima bu ta dizeja. I na kel óra, si fidju fémia fika kuradu.²⁹Jizus dexa kel lugar i txiga pértu di mar di Galiléia. Dipós E subi riba di un monti i E xinta lá. ³⁰Munti algén ben pa El; gentis traze mánkus, ségus, mudus i alejadus, i txeu otus duentis. I tudu kes duéntis li es pudu na pé di Jizus, i E kura-s. ³¹Nton kes munti algén ki staba lá fika spantadu kantu és odja mudus ta pâpia, alejadus ta ser kuradu, mankus ta anda i ségus ta odja. I es fépu lova Déus di Izrael.³²Jizus txoma ses disiplus pa djuntu di El i fla-s: N tini pena di es munti algén li, pamódi es ta ku Mi dja ten trés dia i nada es ka tini pa kúmi. N ka kre mandá-s bai ses kaminhu ku fómi, pamódi N tini médu ma es pode smaia pa kaminhu. ³³Disiplus rabida fla-L: Undi ki nu ta atxa pon ki ta dá pa mata fómi di tudu es munti algén, li na es dizertu? ³⁴Jizus fla-s: Kantu pon nhos teni? Es fla: Séti pon ku uns pexinhu. ³⁵Nton Jizus manda kes munti algén ki staba ku El pa xinta tudu na txon.³⁶Jizus toma kel séti pon i péixi, i dipós ki E dá Déus grasa, E parti pon i E dá pa disiplus; disiplus reparti pa tudu kes munti algén ki staba lá. ³⁷Tudu algén kúmi i fika fártu. I di kumida ki resta, es kodje séti séstu xéiu di kes pádas kebradu. ³⁸Total di kes géntis ki kúmi era kuátru mil ómis, sen konta ku mudjeris i kriansas. ³⁹Nton Jizus manda tudu kes géntis pa ses kaminhu, i E kanba na bárkju i E bai pa zona di Magadan.

¹Farizus i Saduséus ben fazi Jizus prova, ta pidi-l pa móstra un sinal di séu. ²Ma El responde-s: "oras ki tardi ben, nhos ta fla: 'ta ben ten bon tenpu, pamodi séu sta burmédju'.³i di parmanhan nhos ta fla: 'Oji tenpu sta mau, nuvens sta ku kor burmédju sukuru'. Nhos sabe konxi sinal di séu, ma nhos ka konxi sinal di tenpu? ⁴Un jerason mau i adulteru ta pidi un sinal, ma ninhun sinal nhos ka ta dadu fora di Jonas. "I Jizus, dexas-s, El bai se kaminhu.⁵Disipulus txiga otu banda, ma es skesi keba pon. ⁶Jizus fla-s: "nhos ten atenson i toma kudadu ku firmentu di farizeus e saduseus". ⁷Disipulu staba ta diskutie es ku es i ta flaba: "e pamodi nu ka trazi pon". ⁸I Jizus perbese kela i fla-s: "ómi di fé pikinoti, pamodi ki nhos sa ta diskuti ku kunpanheru ta fla ma é pamodi nhos ka trazi pon?⁹Nhos ka ta persebe i nhos ka lenbra di kes sinku pon pa sinku mil ómi i kantu balai nhos kodji? ¹⁰I di seti pon pa kuatru mil ómi i kantu balai nhos kodji?¹¹Modi ki nhos ka sta intendi ma n ka fala ku nhos di pon? Nhoz obi dretu i nhos toma txeu kudadu ku fermentu di farizeus i saduseus". ¹²N-ton es intendi ma El ka sta papiaba ku es sobri toma kudadu ku fermentu di pon, ma pa es toma kudadu ku inxinamentu di farizeus i saduseus.¹³Kantu Jizus ben pa lugaris mas pertu di Sesaréa di Filipi, El pergunta se disipulus: "Kenha ki povu sa ta fla mé fidju di Ómi?" ¹⁴Es fla-l: "Algun sa ta fla: 'Juãn, kel Batista'; uns sata fla: 'Elias', otus sa ta fla: 'Jeremias ô un di kes prufetas". ¹⁵I El pergunta-s: "Ma nhos ta fla ma mi é kenha?" ¹⁶Simon Pedru respondi, fla: "Abó é Kristu, fidju di Déus vivu."¹⁷I Jizus résponde: "Abó é bensuadu, Simon Barjonas, pamodi ka fói revelason di bu kabesa, ma di nha Pai ki sta na séu. ¹⁸I tanbé n ta flou ma bó é Pedru, i riba di kel rotxa n ta fazi nha igreja i portas di infernu ka ta susti kontra el.¹⁹N ta ben dou txabi di Renu di Séu. Kel ki bu liga li na téra, sta sta ligadu na séu i u ki bu disliga li na téra ta sta disligadu na séu". ²⁰N ton Jizus da ses disipulu orde pa es ka konta ningén ma El e Kristu.²¹A partir di kel ora, Jizus kumesa ta papia ku ses disipulu ma El tinha ki bai pa Jirusalém sufri txeu kuzas na mon di kes ansion, prinsipal saserdótis i skriba; ser mortu i resusita na terseru dia. ²²N ton Pedru txoma Jizus partikular i riprova-l, ta fla: "Lonji di bó, Sinhor, keli nunka ka ta kontise ku nho". ²³Ma, Jizus fla-l: "Sai nha tras satanás, abó é pedra di tropesu, pamodi bu ka ta kuida di kuzas di Déus, ma di kuzas di ómi".²⁴N ton Jizus fla ses disipulu: "Si algén kre sigi-n, é ten ki nega se kabesa, pa é toma se kruz i sigi-n. ²⁵Asi, kenha ki kre salva se vida e ta perde-l. Kenha ki perde se vida pamodi Mi e ta atxa-l. ²⁶Pôs, ki provetu ki ten pa un algén ganha mundu interu i perde se vida? Kuze ki algén pode da pa troka di se vida?²⁷Pamodi fidju di Ómi ta ben na glória di Se Pai ku se anju. N ton El ta rekonpensa kada un di akordu ku kuzas ki e fazi. ²⁸Na verdadi n ta fla nhos ma alguns di nhos ki sta li ka ta sprumenta morti ti ki nhos odja Fidju di Ómi ben na se Reinu.

¹Dipos di sês dia, Jezus leba ku el Pedru, Tiagu e se irmon Djon, pa bai subi monti uma altu. ²E na ses frenti el transfigura; Se rostu ta brilia-ba sima sol, e se ropa bira brilhanti sima luz di dia.³Parsi Mosés e Elias, ês kumesa ta papia ku el. ⁴Nton, Pedru fla pa Jezus: "Sinhor, ki bon ki nu sta li. Si bu kre, un ta fazi tres tenda: Un pa nhô, un pa Móses e un pa Elias".⁵El inda staba ta fala kantu dixi un nuven ki kubri-s i ki kumesa ta papia, e fla: "Keli e nha fidju ki n kre txeu. Nhos obi-l". ⁶Kantu disiplus obi, es kai ku rostu na txon i es fika ku médu. ⁷Nton Jezus ben i toka-s i ê fla-s: "Nhos labanta, ka nhos xinti médu". ⁸Kantu es odja, ka staba ningén, só Jezus.⁹Timenti es staba ta dixi di monti, Jezus manda-s: Ka nhos konta pa ningén es vison, ti ki Fidju di Omi torna vive ¹⁰Ses disiplus purgunta-l: Pamodi ki skriba ta fla na primeru Elias ki ten ki ben?¹¹Jesus responde-s: Elias ta ben sin i ta kompu tudu kuza. ¹²Ma un ta fla nhos: "Elias dja ben, es ka resebe-l; e inda es fazi kuzê kes kre ku el. I di mesmu manera, fidju di omi ta sufri na ses mó". ¹³Logu es da konta ma e sta flaba di Djon, kel Batista.¹⁴Kantu es txiga pertu di multidon, un omi ben, fika di duedju dianti Jezus, e fla: ¹⁵"Sinhor, ten pena di nha fidju, a-el e epilétiku e ta sufri txeu de mas. Txeu bez e ta kai na lumi, otu bez na águ. ¹⁶N traze-l pa bus disiplus, ma es ka konsigi kura-l".¹⁷Jesus risponde: Gerasón di gentis malvadu e diskrenti, ti ki tenpu un ten ki sta ku nhos? Pa ti ki tenpu un ta guenta nhos? Nhos trazen kel meninu. ¹⁸Jesus reprendi demoniu, i e sai di meninu, ki fika kuradu na kel ora.¹⁹Nton ses disiplus ben ti el e es purgunta-l na privadu: "Pamódi ki nu ka kunsigi expulsa-l?" ²⁰Jezus fla: "É trokadu nhos poku fé pamó un ta fla nhos, si nhos ten fé pikinoti sima gran di mustarda, nhos ta fla pa es monti: 'Bai pa lá.' El ta bai. Nada ka ta ser inpusível pa nhos. ²¹[Ma es tipu di dimoniu ka sai di algen sen ser ku orason i jejun (Kes midjor kópia antigu ka ta poi versiklu 21.)]²²Timenti es staba na Galileia, Jezus fla pa ses disiplus: "Fidju di Omi sta pa ben intregadu na mó di omi-s; ²³es ta mata-l, ma na terseru dia el ta labanta". Ses disiplus fika triste.²⁴Kantu es txiga Kafarnaun, kobradores di dos drakma ben fala ku Pedru, es purgunta: "Bu mestri ka ta paga impostu?" ²⁵El risponde: "El ta paga, sin?". Mas kantu Pedru entra kaza, Jezus fla antis de-l: Kuzê ku ta atxa, Simon? Di ken ki Rei ti Tera ta resebe taxa ô tributu? Di fidjus ô estrangerus?"²⁶Kantu pedru fla: "Di estrangeru", Jesus fla-l: "Nton fidjus ka mesti paga. ²⁷Ma pe-s ka stranha, bai mar, bota anzol, i primeru pexi ki bu panha, segura-l i abri-l boka. Bu ta atxa dentu de-l un moeda di prata. Pega i da kobrador di impostu pa mi ku bo."

¹Nakel mexmu tempu, disipulus txiga na Jizus es perguntal:''Kenha k mas grandi di Reinu di séus?'' ²Jizus txoma un mininu ê pui sis dianti ³y e fla:'' Na verdadi ta fla nhos k, menus k nhos rapendi y nhos fika mó un mininu,di nun manera nhos ka ta entra Reinu di séus.⁴N-ton kel k umilia sima mininu e grandi na reinnu di Séus. ⁵Kel k resebi un dikes kriansas li na nha nomi, tabe es sta ta reseben. ⁶Ma kel k pus peka kes mininu pikinoti k ta akredita na mi, e midjor ê prindiduun pédra di muinhu na se piskos e fundadu ti fundu mar.⁷Ai di mundu pamodi ta fase alguen kai i trupesa! Ê nesesariu, ma ai di kenha fazis tropesa! ⁸Si bu mô ô bu pé pon kai, kortal i bu fulhal pa loni di bo.E midjor bu entra na vida di manku ou paralizadu, fulhadu na lumi pa tudu tempu ku dox mon ô dox pé.⁹Si bu odju faseu tropesa, tral i bu fulha pa longi di bo. E midjor entra na vida ku um odju di k pa fulhadu na lumi oa tudu tempu.¹⁰Odja ka nhos dispresa ninhum di kes mininu li. Pamodi ta fla nhos ma ses aju sta sempri dianti di Nhordés k sta na séus. ¹¹Pamodi fidju di omi bem pa salva kel k staba perdidu.¹²Kusé nhos atxá?Si algen tem sêm karneru, i un di kis perdi, ka ta dexa kes nuventá i novi muntanha, i bai djobi kel k pérda? ¹³Na verdadi n'ta fla nhos, oras k atxa ê ta fika mas kontenti di kes nuventa i novi k ka desvia. ¹⁴Di mesmu jetu, ka ê dizeju di Nhordés perde kes pikinoti.¹⁵Si bu irmon peka( konta bo) bai flal di se falta,só nhos doz. Si ê obiu, bu ganha bu irmon. ¹⁶Ma, si el e ka obiu,trazi ku bo un ô doz algén, e n-ton pa boka di doz ô tres tistimunha tudu kunvérsa ta ser afirmadu.¹⁷Ma, si el ka aseita obi, bu ta fla pa igreja.Si el tambén ê ka aseita obi igreja, tomal sima um jentiu um kubrador di impostu.¹⁸Na verdadi ta fla nhos:tudu ki nhos liga na terra ta ser ligadu na séu; i ki tudu k desliga na terra ta ser disligadu na séu. ¹⁹Alem di kela, ta fla nhos ki, si doz konkorda na téra sobri kualker cusa k es pidi, ta fasedu pa ses favor pa nha pai, k sta na séu. ²⁰Undi unidu sta dôs ô tres unidus na nha nomi, ali n'ta sta na ses meiu.²¹N'ton Pedru bem fla Jizus:''Nhordés kantu bes ki un ta perdua nha irmon ki peka contra mi?Ti séti bes?'' ²²Jizus rispondi:'' Ka su séti bes,ma ti stenta veziz séti.²³N'ton na reinu di séus é igual aum rei k kria sertaba dividas ku ses imprégadus. ²⁴Sima ê kumesa ta serta kontá, es trazel un sê imprégadu ki dibebá el déz mil talentus. ²⁵N'ton, pamodi el ka tinhá condison di paga, si patron, mãnda bendi el djuntu ku sê mudjer, ses fidjus i tudu kiel tinha, e pa pagamentu fosi fetu.²⁶N'ton kel imprigadu kai dianti d'el e flal:'Sinhor, ten paxenxa ku mi, n'ta paga tudu'. ²⁷N'ton sinhor di kel impregadu, fika ku pena, el libral i perdual kel dividá.²⁸Ma kel impregadu sai ê odja tambe,un impregadu di sel, k staba ta debel'' sém moeda di prata''.El pegal na garganta ê flal:'Pagon kel k bu deben. ²⁹Ma se impregadu kai na txon ta implorá i flal: Tem paxenxa ku mi, n'ta pagau.³⁰Ma kel primeru impregadu ka perdual.N'ves di kela, ê pul na kadya ti k pagaba-el tudu kel k debia a'ele. ³¹Kantu k ses otus kulegas odja kuze k kontisi, es fika disipsionadu, es ba konta ses sinhor tudu k passa.³²N'ton patron di kel impregadu txomal i flal:' Bo ê un impregadu runhu, n'purduau tudu bu divida pamodi bu imploram. ³³Bu ka devia xintiba pena d'el, sima u'm xinti pena di bo?'³⁴Kel sinhor fika uma xatiado e dal pa turtutadores ti k el paga tudo kel k divida. ³⁵Asi també nha Pai selestial ta fase nhos, si kada um di nhos ka purda di korason,nhos irmon''.

¹Na mumentu ki, Jizus para di papia, é sai da Galileia é bai pa rigun da Judia, dipus di riu Jurdon. ²Txeu algen, kunpanhal, i é kuras.³Farizeu ba ti txiga nes, i pus na prova, es flas: "É sertu a un omi kori ku mudjer di kaza pa algun mutivu?" ⁴Jizus rispundi flas: "Bu ka li ki kel ki fasi dasdi komesu fasi omi ku mudjer?⁵I ki eli nton fla: 'Pamodi kel mutivu, ki omi dixa si pai i si mai i si djunta ku si mudjer, i es tudu dos es fika un so karni?' ⁶Logu es ka fika mas dos, mas un so karni. Pamodi kel ki Nhurdez djunta, ningen ka debi siparas".⁷Es fla: "Pamodi, ki Muzes mandanu pa nu da un sertidon di divorsiu i botal fora?" ⁸E fla-s: "Pamodi nhos kurason staba rixu, Muzes dixa nhos bota nhos mudjer fora, mas, na kumesu, é ka era si. ⁹Mas ami n ta fla nhos kenha ki bota si mudjer fora, menus pa imuralidadi, i kaza ku otu, kumeti adulteriu; [i omi ki kaza ku mudjer ki botadu fora kumeti adultériu"].¹⁰Disiplu fla Jizus: "Si keli é kasu di un omi i si mudjer es ka podi kaza". ¹¹Mas Jizus flas: " Nen tudu ta aseta kel ensinamentu, Mas so kel ki kre aseta. ¹²Pamodi ten enuku ki é nasidu asi di madri di si mai. I ten enuku ki é fetu pa omi. I ten enuku ki fazi a el mesmu enuku pamodi Reinu di Séu. Akeli ki sta prontu pa ser insinadu ki resebi".¹³Nton es ben ku txeu kriansa pa es stendi ses mo riba des pa ora, mas disiplus riprendes. ¹⁴Na ora Jizus fla-s: "Dixa kes kriansa, i ka nhos paras di ben pa mi, pamodi di es é u renu di séu.". ¹⁵E pos mon riba des, i nton é sai dila.¹⁶És ki un omi ben na Jizus i fla: "Mestri, modi ki podi fazi di bon pan ganha bida iterna?" ¹⁷Jizus fla: "Pamodi ki bu ta perguntan kuze ki é bon? So un ki é bon, mas si bu kre entra na bida, kumpri mandamentu".¹⁸Kel omi perguntal: "Ki Mandamentu?" Jizus risponde-l: "Ka bu mata, ka bu kometi adultériu, ka bu furta, ka bu labanta falsu tisitimunhu, ¹⁹onra bu mai ku bu pai, i ama bu prosimu sima bo me".²⁰Kel jovi fla: "Tudu keli nta obedesi; kuze ki n podi fazi mas?" ²¹Jizus fla-l: "Si bu kre ser bon, bai, bendi tudu ki bu teni, i bu da pa pobri i bu ta ten tizoru na seu; nton ben i bu sigin". ²²Mas, kantu jovi obi kuze ki Jizus fla, i bai si kaminhu tristi, pamodi i tinha txeu propiadadi.²³Jizus fala pa ses disiplus: "Di verdadi ami nta fla ki e difisil pa un omi riku entra na Renu di Seu. ²⁴Di nobu nta fla nhos: É mas faxi un kamelu pasa nun braku di gudja, di ki un omi riku entra na Renu di Nhordez".²⁵Kantu disiplus obi keli, es fika txeu kontenti i es fla: "Kenha ki ta salva?" ²⁶Jizus odjaz i fla-s: Pa omi é konplikadu, mas pa Nhurdez tudu kuza e faxi". ²⁷Nton Pedru rispondi i fla-l: "Odja, nu dexa tudu pa un anda ku bo; kuze ki nu ta resebi?"²⁸Jizus fla-s: "Di verdadi ami nta fla nhos ki, na regenerason, ora ki Fidju di Omi xinta na si gloriosu tronu, nhos ki anda ku mi tanbe nhos ta xinta riba dozi tronu di Israel.²⁹Tudu kes ki dexa kaza, irmon, irma, pai, mai, fidju, o propriadadi, pamodi nha nomi, Resebira sen bes mas i eta erda bida eterna. ³⁰Pamodi txeu di kes primeru ta ser ultimu; e txeu di kes ultimu ta ser primeru".

¹Pamodi reinu di sèu é sima un donu di si kaza ki sai anti manxi pa kontrata trabadjadoris pa trabadja na si vinha. ²Kantu é kontrola presu kós, fika konbinadu pagamento di um dináriu, pa dia di trabadju. (um dinariu bali na nos dias uns 800 iskudu). È kontratás.³Pur volta di tirsera ora (ki é novi ora parmanha-n) é txeka ma na prasa staba otus trabadjadoris dizokupadu. ⁴È flás: Nhós ben trabadja na nha vinha tanbê. I nta paga nhós kel ki nhós meresi. Ès bai trabadja.⁵È torna sai pur volta ora sestu e nona (ki é pur volta di meiu dia i três ora tardi) é torna kontrata más trabadjadoris. ⁶Pur volta di ora undesima (ki é pur volta di kuatu ora tardi) é atxa otu grupu dizokupadu i é purguntás:Pamodi ki nhós sta li bagu na txada dia interu sen fazi nada? ⁷Ès risponde-l: È pamodi ningén ka danu fala di trabadju.Kel omi nton flás: Nhós ben trabadja ku mi tanbé.⁸Na kanbar di tardi donu di kel vinha flá si inkaregadu: Txoma tudu trabadjadoris i pagás sés dinheru, komesa paga di ultimu ti txiga primeru.⁹Kés trabadjadoris ki pegaba kuatu ora tardi, kada un dês resebi un dinário istu é oitusentus iskudus.¹⁰Kantu és txiga na kés trabadjadoris ki ben primeru és pensa mês ta rasabeba um kuzinha mas txeu ki kezotu, só kes razebi mesmu kuantia, oitusentus iskudus tanbé.¹¹Kantu és rasebi mesmu kuantia ki kes oru és sai ku monti xinfrin, kontra donu di vinha, ¹²Ès fla: kés trabadjadopris li es bem kuazi fin di dia, mas na maré di rasebi bu pagás sima nós ki aguenta istribilin ku sol na kabesa dia interu.¹³Mas donu di vinha rasponde-s: Amigu nka sta ser injustu ku nhós, kusé ki nu konbina? Ka foi um dia di tradju oitusentus iskudus?¹⁴Nhu toma kel ki di nho i nhu bai; pamodi nkre dá kel ultimu trabadjor mesmu pagamento ki bô.¹⁵O nhu atxa ma-n nka podi fazi kuzé kin kre ku nha dinheru?Ou nha bondadi sta perturbau?¹⁶È asi, ultimu ta passa pa primeru e primer uta passa pa ultimu ( pamodi txeu ta txomadu, mas é poku ki ta skodjedu).¹⁷Jizus staba ta pripara pa subi Jiruzalén, È txoma sés dozi disipulo-s na particular È flás:¹⁸Nu sata subi Jiruzalén, I fidju di Omi sta intregadu na mô prinsipa-l Saserdoti i Iskribas. ¹⁹Ès ta kondena-l pe mori. Ès t apo-l na mô di Jentius pes maltrata-l, xikotia-l i krusifika-l, mas na terseiru dia é ta rasusita.²⁰Dentu ke-l mudjur di Zebedeu, txiga na È-l, djuntu ku si dos fidju, dipôs di adora-l é pidi-l um favor.²¹È purgunta-l: Kusè ki bu Kré? Mudjer responde-l: Da um ordi, pa ki na bu reinu, nhas fidjus, bem xinta um na bu ladu indreta i kelotu na bu ladu iskerda.²²Jizus raspondi: Bu ka sabi kuzé ki b usta pidi, nhós ta konsigi bebi kalizi ki-n sta pa-m bebi?ÈS responde-l nu ta bebi.²³Inton È flás: Nhós ta bebi nha kalizi, mas xinta go na nha indreta ou na nha iskerda é ka mi ki ta dissidi, mas é lugar é pa kenha ki nha pai dja pripara.²⁴Kantu disipulus obi kuzé ki sta passa és fika fora kabesa ku pididu di ke-l dos armon.²⁵Inton Jizus txomás i flás: Nhos fika ta sabi ma gubernadoris di povu tem dominiu sobri és, i gentis grandi ta gobernás ku pulsu firmi.²⁶Mas entri nhos ka podi ser si; pelo kontrariu, ken ki kre ser grandi na nhos meiu, mesti sirbi kelotu.²⁷I kenha ki kre ser dipadianti mesti ser nhos kriadu.²⁸Moda fidju di Omi, ki ka ben pa sirbidu, mas pa sirbi i intrega si bida pa resgata txeu algen.²⁹Kantu és sai di Jirikó, um txada mundu dá sis trás.³⁰Dentu ke-l staba dos segu xintadu na bera kaminhu, i és obi ma Jizus sta pasaba, és txoma-l:Sinhor, Fidju di Davi nhu ten mizerikordia di nos.³¹Más mundu kria kalaba es boka, mas es ka disisti és grita kada bez mas rixo: Sinhor Fidju di Davi nhu ten mizerikordia di nós.³²Jizus sukutás, i txomás pa purgunta: Kuzé ki nhós kre pan fazi nhos?³³E`s responde-l: Sinhor ki nós odju ragala.³⁴Ku magua na kurason, Jizus toka na sés odju i kelora sés odju abri i es kunpanha Jizus.

¹Kantu Jizus ku si disiplu staba pertu di jirusalen, es txiga betfagé, pertu munti di Olivera. Di li Jizus manda dós disiplu, ²nton ê fla-s: " Nhos kanba na kel vila mas pertu nhos ta odja un buru maradu i djuntu kual un burinhu. Nton nhos dismara i trazen. ³Ses fla nhos algun kuza, nhos fla: ' Sinhor ki mandanu pamodi ê mesti enton ês ta da nhos."⁴Tudu keli kontisi pa kunpri kel ki prufeta fla: " ⁵Nhos fla fidju femea di Sion: ' Odja bu Rei ta ben umildi i muntadu na un burru, i un burru fidju di un animal ki t karega karga'".⁶Nton disiplu fasi sima Jizus manda-s. ⁷Es traze-l un buru i un burinhu, es poi karga e Jizus munt es bai. ⁸Multi di kes algen ki staba la, kumesa ta spadja ses ropa na txon, otus korta ramu e spadja na kaminhu.⁹Kes ki staba frenti sel kes ki staba ta sigil , kumesa ta grita e ta fla: " Osana Fidju di Davi bensuadu i kin ben na nomi di Sinhor! Osana nas altura!" ¹⁰Kantu Jizus kanba Jiruzalén , i ta fla: " Kela ê kenha?" ¹¹Nton puvu rispondi:" Ê Jezus, prufeta di Nazare di Galileia".¹²Nton Jizus kanba na templu i poi la pa ru-a tudu bendedor e tanbé kes ki staba kunpra, kes ki sa trokaba dinheru, tanbé kes ki ta bendeba ponba. ¹³Ê fla-s " Sta skritu: ' Nha kaza ta ser txomadu kaza di orason; ma dja nhos faze-l koba di ladron". ¹⁴Nton segu ku mankus ben atxal na teplu i ê kuras.¹⁵Kantu kes lideris mas grandi i skribas odja milagris kê fazi i tanbé kantu es obi minis pikinoti i kriansa ta fla: " Osana fidju di Davi", es fika xatiadu ¹⁶e fla: " Bu ka obi kuzê kê es ta fla?" Jizus rispondi: " Nunca hos lê:' Ma da boka di mininu pikinoti kes ki inda sata mama ki lovor ê mas perfetu'"? ¹⁷Nton Jizus dexa-s i sai di sidadi ê bai pa otu lugar ki txoma Betânia e ê deta la.¹⁸Sedu par manhan Jizus volta pa sidadi, i ê tinhs fomi. ¹⁹Nton staba in figera bera strada, e ba djobi si ka sta nun frutu pê kumi; ê ka ataxa nada. Nton ê rogal praga, e fla: " Nuka masku da frutu". Nton figera seka kelora.²⁰Kantu disiplu odja kuzê ki kuntisi, es fika spantadu i es fla: " Pamodi ki fizera seka faxi si?" ²¹Jizus respndi i fla-as: " Si nhos poi Fé di mê di vera sen duvida , nhos ka ta fasi so kel kin fasi cu figera, ma nho ta fla munti: 'Sai i kaba na mar', i si ta kuntisi. ²²Tudu kes ki nhos pidi na orason, si nhos ka duvida, nhos ta recebi".²³Kantu Jizus Kanba na tenplu, kes sarsidotis mas grandi txiga na El, i ê sta ma inxina, nton es perguntal: " Ken ki dou otoridade?" O ku ki otoridadi bu ta fazi kes kuzas li?" ²⁴Jizus rispondi i fla-s: " Nta fazi nhos un purgunta, Si nhos responden, nton Nta fla nhos ku ki otoridadi nta fazi.²⁵Dundi ben batismu di Juan? Di séu ô di omi?" Nton es diskuti entri es: " Si nu fla di séu, e ta flanu:' Nton pamodi nhos ka obedeci?' ²⁶Ma si nu fla: ' Di omi, nu kuidadu Ku povu, pamodi esta kosideradu Jaun un prufeta". ²⁷Nton es rispondi Jizus: " Nu ka sabi" Nton Jizus fla-s: " Nen mi nka ta rispondi nhos ku ki otoridadi Mi ta fazi kes kuzas li.²⁸Kuzê ki nhos atxa? Un omi temba dos fidju. Nton ê fla si fidju mas grandi: ' Ba trabadja na vinha'. ²⁹Nton fidju risponde-l: ' N ka sa ta bai'. Ma dispos ê risolvi bai. ³⁰Dipos omi fla si sigundu fidju mesma kuza. Ê fla: 'Nta bai, sinhor', ma ê ka txiga bai.³¹Kal des obidesi si pai? Es rispundi:" Primeru". Jizus rabida fla-s: " Kes ki ta kôbra impostu i prostituta ta kanba renu di nhordés nhos dianti. ³²Pomodi Juan tarsi nhos kaminhu di justisa, ma nhos nega kredita nel. Nton kes ki ta kobra inpostu i prostituta kridita. Ma, nhos ka neg rependi mesmu odjandu kuzê ki sa ta kontiseba, i nen kridita.³³Xan Konta nhos un storia : Un omi tenba un lugar i ê planta uva, Nto ê serka lugar, ê fati un tanki pa pisadu uva na el, Nton si lugar pamodi ê sa viajaba. ³⁴Kantu txiga ora kodji uva?ê manda si impregadus pa ba risebi si parti.³⁵Nton kes algen ki staba ta trabadja na lugar, mata un, dadja na un, i kelotu es dil ku pedra. ³⁶Mas un bes donu di lugar manda si inpregadus, ma des bes ê manda mas txeu, ma fazedu sima kes lotu. ³⁷Nton donu lugar fla:'sin manda nha fidju es ta ruspeta'.³⁸Kantu si fidju txig la, trabadjadoris fla: " Kela e si fidju, nu matal, i nu ta erda tudu". ³⁹Nton es pegal, i tral di dentu lugar i matal.⁴⁰Gosi gô, ora ki donu lugar ben, Kuzê ki ta fazi kes trabadjadoris? ⁴¹Algen rispondi:" Ê ta pega tudu kes disgrasadu la e ta mata, enton ê ta bende lugar pa otu algen, ki ta dal si parti, na ora serta".⁴²Jizus rispondi: " Pedra ki Pedreru rejeta bira pedra mas importanti. Keli ben di Nhordés, nta ê bunita di mas pa nos adju?⁴³Nton Nta fla nhos: Renu di nhordés sera ta tomadu el, i ta tadu pa otu nason ki ta da munti frutu. ⁴⁴Ken ki kai riba kel pedra li ê ta kebra pedas pedas .Ma ken ki kel pedra li kai riba del ê ta pila moku".⁴⁵Kantu lideris mans grandi i farizéu obi si storia, es intendi ke s ta falaba de-s. ⁴⁶Tinha Medu pamodi povu ta konsideraba el u prufeta

¹Jizus otu bês respondes ku parábulas, ta flas: ²"Reinu di Séu é sima un rei ki fazi um festa di kasamentu pa se fidju. ³Eh n'via si kriadus pa txoma konvidadus pa festa di kasamentu, ma num dês kria bai.⁴Rei torna manda otus kriadus ta fla: "Flas, odja nhos bem pamô djanta da sta dja; boi ku limaria gorda dja matadu, kuzas dja sta prontu. Nhos ben pa festa di Kasamentu.'"⁵Ma konvidadus ka das num atenson es sai: un pa se orta, otu pa se negocio. ⁶Kes otu pega kriadus i matas. ⁷Rei fika furiozu i n'via ses soldadu pa mata kes asasinu moku i pui lumi na ses sidadi.⁸Ntom eh flas ses kriadus: 'Festa di kasamentu sa prontu, mas kes konvidadu ka era dignu. ⁹Nton nhos ba rua i tudu alguem ki nhso odja nhos konvida pa festa di kasaementu'. ¹⁰Nton kriadus bai i riuni tudu kes algem ki es inkontra, dretu ku mau, sala intxi di alguem.¹¹Kantu ki Rei kamba dentu pe odja konvidadus, eh odja un omi ki staba bistidu ku ropa di kasamentu ¹²eh flal: "Nhamigo, mó ku kamba li bistidu si?" Omi fika kaladu.¹³Nton Rei fla se kriadus: 'Maral mon ku pé i fulhal pa treba undi ta ten txoru i es ta nhemi denti'. ¹⁴Pamô txeu algem ta txomadu ma poku algen ta skodjedu.¹⁵Ntom farizeus bai plania mó ki es ta pegaba Jizus na se proprio fala. ¹⁶Es manda ses disiplus djuntu ku herodianis. Es fla Jizus: 'Mestri, nu sabi ma bu é berdadeiru, ma bu ta inxina kaminhu di Dios ku berdadi, bu ka ta importa ku opinion di alguem i bu ka ta fazi asepson di alguem. ¹⁷Nton flanu kuze ku ta atxa? É sertu paga impostu pa Sésar o nou?¹⁸Kantu ki Jizus da konta di ses maldadi, Jizus flas: "Pamodi ki nhos sa testan, hipokritas? ¹⁹Mostram um moeda di impostu". Ntom es trazel um moeda.²⁰Jizus flas: "Kel imagi ku nomi li é di kenha?" ²¹Es rispondi: "Di Sésar". Ntom Jizus flas: "Da Sésar kel ke di Sésar, i da Dios kel ke di Dios". ²²Kantu es obi keli, es fika surprezu, es dixal i bai ses kaminhu.²³Kel dia, saduseus ba atxa Jizus ta flal ma ka ten resureison, i kestional, ²⁴ta flal: "Mestri, Muizés flá si um omi morri sem eh ten fidju, se irmon debi kasa se esposa, pa eh ten fidju, pa eh pari un fidju pa kel se irmon."²⁵Tinha seti irmon. Kel primeru kasa i kaba pa mori. Sem eh ten fidju, eh dexa se esposa pa se irmon. ²⁶Di memu forma sigundu, tirseru ti sétimu. ²⁷Kantu es ka morri, mudjer kaba pa morri també. ²⁸Agó na resureison di kenha ki mudjer ta fika espoza? Pamodi djes fika kual moku.²⁹Jizus responde: "Nhos sta eradu, pamó nhos ka konxi iskritura nem puder di Dios. ³⁰Pamó na resureison es ka ta kasa nem ta dadu pa kasamentu. Es é sima anju na séu.³¹³³Ago, a respetu di resureison di mortus, nhos ka lê kel ki Dios fla nhos: ³²'Mi é Dios di Abron, Dios di Isaki, e Dios di Jakó?' Nhordes é ka Dios di mortu, mas di bibus". Kantu ki multidon obi keli, es fika suprezu ku se inxinu.³⁴Kantu ki farizeus obi ma Jizus kala boka di saduseus es riuni. ³⁵Um des, um ki era doutor di Lei, perguntal, ta testal: ³⁶"Mestri, kal ki é maoir mandamento di Lei?"³⁷Jizus flal: '"Ama Nhordes bu Dios, ku tudu bu korason, ku tudu bu alma i ku tudu bu kabesa'. ³⁸Keli é primeru mandamentu i kel mas importanti.³⁹Sigundu mandamentu é sima keli: 'Ama bu proximu sima bu ta ama bu kabesa'. ⁴⁰Lei di tudu profeta ta dependi na kes dôs mandamentu li".⁴¹Ti menti farizeus inda staba reunidu, Jizus perguntas, ta fla: ⁴²"Kuzé ki nhos atxa di Kristu? El é fidju kenha?" Es respondi: "Fidju di Davi".⁴³Jizus flas: "Mó ki Davi fla, na spritu txomal di Sinhor, ta fla: ⁴⁴Sinhor fla nha Sinhor: 'Xinta na ladu direitu, ti ki n pui bus inimigos baxu bu pé?'"⁴⁵Ntom, si Davi, txoma Kristu "Sinhor", mó ki el é fidju di Davi? ⁴⁶Ningem konsigi respondel, i di kel dia em dianti ningén mas tenta kestional.

¹Nton Jizus papai ku kes munti algen i ku ses discipulus, ²Ta flas: " Skribas i farizéu nhos ta xinta na kadera di Muizés. ³Nton kel ke manda nhôs, nhos fazi, i nhos guarda. Mas kópia ses manera, pamodi es ta papia, mas es ka ta pratika.⁴Es, ta koloka fardu pizadu i difisil di karega, es ta poi na onbru di omis. Mas ês mê es ka ta movimenta nen un dedu pes karfal. ⁵Es ta fazi tudu ses kuzas pa omi odja-s, pes podi omenta, seus filacterius i alarga franja di ropas.⁶Es ta ama kes prumeru lugar na festa i kes prumeru kadera na sinagoga e ⁷lhes mantenha sabi na parasa ki povu ta txomaba es dia ' mestri'.⁸Mas Nhos ka podi txomadu di 'mestri', pamodi pa nhôs ten só un mestre, i nhos tudu é irmon. ⁹I ka bu txoma ninhun omi na mundu di nhos pai pamodi pa nhos ten un Pai só, i el sta la na séu. ¹⁰Nen kas nhos txomadu di 'mestri', pamodi pa nhõs ten un 'Mestri" só, kê Kristu.¹¹Mas kel ki ê mas altu entri nhôs ki ta ser nhos kriadu. ¹²Ken ki ezalta ta ser umillhadu, i ken ke umilhadu ta ser izaltadu.¹³Mas ai di nhõs, skribas ku farizéu, ipokritas!Nhos ki fitxa reinu di séu pá omis. Nhos ka entra i nen nhos dexa entra kes ki kizeba entra. ¹⁴[ Ai di nhos, skribas i farizéus, ipókritas! Nhos ta distriu kaza di viauva in kuntu nhos ta dispistaba ku orason kupridu. nhos ta rebi kondenason mas txeu)] ¹⁵Ai de nhôs, skriba i farizéu, ipócritas. Nhos rodia mar ku tera pa nhôs fazi un pruzelitu. E kantu é torna un, es fazel dôs bês mas fidju di infernu ki nhôs.¹⁶Ai di nhôs, kundutores segus, kuze nhos ta fla: ' Kenha ki juiza pa santuariu ka bali nada, mas kenha ki jura pa oru di santuariu, ês obrigadu a kumpri-l juramentu'. ¹⁷Segus tolo" Kal ke maior, oru ou santuariu ki ta santifika oru?¹⁸I kenha ki jura pa altar, kabali nada. Mas kenha ki jura pa oferta ki sta riba del, sta obrigadu kumpri se juramentu. ¹⁹Segus! Kal ki maior, ofert ou altar kita konsagra oferta?²⁰Purtantu kenha ki ta jura pa altar, ta jura pa el, e pa tudu kuza riba del. ²¹I kenha ki ta jura pa santuariu, é ta jura pa el i pa kenha ki ta mora la. I ²²kenha ki ta jura pa séu, ta jura pa tronu di Deus i pa kenha ki ta xinta la.²⁴Ai di Nhos, skribas i farizéu, ipócritas! nhos ta da dizimu di ortalon, di edru i di kuminhu, mas nhos ta deixa kes preseitu mas inpurtanti di lei -- justiça, miserikordia e fè. Mas nhos debi fazi es kuzas sên sukundi kes otu. ²³Kondutoris segus, ki ta kua un muskitu, ma ta inguli un kamelu!²⁵Ai de nhõs, skribas i farizéu, ipócritas! Pois nhos ta linpa kopu i pratu di fora, mas pa dentu sta xeiu di rapina i inikuidade. ²⁶Farizéu segu! Limpa dentu di kopu e pratu primeru fora tanbé fika limpu.²⁷Ai di nhos, skribas i farizéu, ipócritas! Nhos sta moda sipulkro kaiadu, ki di pa fora ta parsi, bunitu, mas pa dentu sta xeiu di osu di finadu i di porkaria. ²⁸Di omesmu manera, di pa fora tanbé nhos ta parsi justu pa omi, mas pa dentu nhos ta xeiu di ipokresia i di inikuidade.²⁹Ai di nhõs, skribas i farizéu, ipócritas! pamodi ki nhos ta idifika kes koba di prufetas i infeta kes tumulu di justus. ³⁰Nhõs fla: " Si nu viveba na tempu di nós pais, nu ka ta serba partisipanti djuntu ku ês na diramamentu di sangi di prufetas". ³¹Purtanti nhos tistimunha kontra nhõs mé ke fidjus di kes ki ta mata prufetas.³²Nos kontenpla tanbé na midida di nhos pais. ³³Kobras, rasa di viburas, modi ki nhos skapa di kondenason di infernu?³⁴Purtantu nhos odja, nta manda nhos prufetas, sabius i skribas. Algun des ta matadu i ta krusifikadu, i otus ta sotadu nas ses sinagoga i es ta pirsigido di sidade i sidade, ³⁵pa ki riba nhos kai tudu sangi di justu lansadu na tera, desdi Abel, ki Justu, ti Zakarias, fidju di Barakias, ki kenha ki nhos mata entri santuariu i altar. ³⁶Di serteza nta fla nhôs: " Tudu Kes kuzas li ta ben riba kel gerason".³⁷Jiruzalén , Jiruzalén, ki ta mata prufetas i ta da ku perda kel ki nhos ta matadu. Kantu bês N tenta djunta nhos fidjo, moda galinha ta djunta ses pinton di baxu di ses azas, mas nhos ka kizeba. ³⁸Nhos odja, nhos kaza ta dexadu sen nigen. ³⁹Mi nta fla nhõs, nhos ka ta odjan di gosi pa dianti ti ki N fla nhos: ' Benditu kel ki ta ben na nomi di Nhordés.

¹Jizus sa-i di templu, timenti e ata anda-ba, se disipulus bén ti txiga ne-l pa mostra-l templu ta fase-du. ²Ma e risponde-s, ta fla:Nhos odja tu kes kusa li? Na berdadi n'ta fla nhos:Nun pédra ka ta fika ribakunpanheru ki ta rombadu''.³⁴⁵3Ku Jizus xintado na monti di oliverás,ses disiplus bai na ele partikular es fla-l:'' Flanu ki tempu es kuzas ta kontisi?Ka-l sinal ku ta bén kue-l, i fim di mundu? 4Jizus flas:NhôS kudado ku falsus profetas pa nigen ka ingana nhôs. 5Pamodi txeu ta bén na nha nomi,ta fla:'ami e Kristu, y ta munti algen.⁶Nhôs ta-bén obi ta fladu di géra-s; zun-zun-di géra-s, nhô odja, ka nhôs spanta,pamodi kes kusas ten ki kontisi;ma inda e ka fí-m. ⁷Pamodi nasón ta labanta kontra nason,rénu kontra rénu.Ta bén fomi y téra ta tremi na munti kabu. ⁸Ma tudo keli ê kumeso di dór di pari.⁹Es ta da nhôs turbulensia,es ta mata nhôs,tudu nasón ta ódia nhos trokadu-s nha nomi. ¹⁰Nhôs ta bén tra-i kunpamheru. ¹¹Munti falsus prufetas ta labanta i ta íngana un múnti.¹²Pamodi maldadi ta bira mas txi-u, amor di munti ta bira frí-u. ¹³Ma kel ki fika firmi ti fi-m, ta sér salvu. ¹⁴Ke-l invangeli-u di renu ta sér anunsiado na tudu mundu komu tistimunha pa tudu nasons;anton ta bén fí-m.¹⁵Pur isu, oki nhôs odja abominason di distruison ki pruféta Daniel,dja fla-ba, na kau sagradu ( pa ken ki lé pa intendi), ¹⁶kes ki sta na Judei-a fúxi pa muntanhas, ¹⁷kes ki sta riba kaza pa ka dixi pa panha nada ki sta na se kaza, ¹⁸y kel ki sta na kampu pa ka torna bai panha sé kazaku.¹⁹Ma ai di kel ki sta gravida i kel ki sa da mininu máma! ²⁰Nhôs ôra pa oki nhôs ta skapa, ka kontisí na tempu friu ó na sabadu. ²¹Pamodi ta bén ten grandi tribulason, ki nunca ka izisti-ba desdi mundu kumesa ti gosi, i nem ka ta tén más. ²²Si kes dia-s ka inkurtadu, ningen ka ta salva-ba; ma trokadu kes ki skodjedu, kés dia-s ta inkurtadu.²³Logu, si kualker algen fla nhôs:'Kristu sta li!' Ó me sta lá!'Ka nhôs kridita. ²⁴Pamodi falsus Kristus i falsus prufétas ta bén pa ingana,síkré ti kie-s ki skodjido. ²⁵Ago dja-m fla nhôs anti kontisi.²⁶Puriso ses fla nhôs,'E sta na txada',ka nhôs sai,' E sta dentu kasa',ka nhôs kridita. ²⁷Pamodi sima alámpra ta sai di orienti pa orienti, e si ki ta ser oki Fidju di Omi ta bén. ²⁸Undi sta kadábra la ki ta sta abutri (korpu).²⁹Logu dipós di tribulasón di kes dia-s,so-l ta bira sukuru, lu-a ka ta danu se luz, strélas ta kai di séu,puderes di séus ta fika abaladu.³⁰Anton sina-l di fidju d'omi ta parsi na séu, i tudu tribus di téra ta lamenta i ta odja Fidju di Omi ta bén na nuve-ns ku grandi puder i gloria. ³¹Emanda se anjus ku grande sóm di trônbeta i es ta djunta se skodjedu di kantu bentus di tera, di um banda ti ke loto banda di séus.³²Nhôs prendi es konparason di figera:oki ses ramus ta torna kria i se fólia-s ta nansi, nhôs ta sabi ma verón sta pertu ( tempo kalor nta txiga); ³³Asi tanbe, oki nhôs odja tudu kes kusa li, nhôs debi sabi me dje sta pertu di porta.³⁴Na berdadi n'ta fla nhôs ma kel gerason li ka ta pasa, sén ki tudu kes kusas li kontisi. ³⁵Séu ku tera ta pasa, má nha palabra nunka ka ta pasá.³⁶Ma, kel dia dia ku ora, ninge-n ka sabi,nen anju di séu,nem fidju, ma só Pa-i.³⁷37 Sima ser-ba na tempu di Nué, si ki ta sér oki Fidju di Omi ta bén. 38 ³⁸Pamodi na ke-s dia-s antis di dilúbi-u, es a'ta kumeba i bebe-ba, ta káza i ta da kumpanheiru pa kazamentu, ti dia ke Nué entra na arka; ³⁹i es ka da konta ti ki dilúbio léba-s es fépu - si ki ta sér oki Fidju di Omi ta ben.⁴⁰Antón dós omis ta sta na kampu, un ta lebadu otu ta sér dexadu, ⁴¹Dós mudjer ta mó-i na muinhi; unta tomadu óta ta dexadu. ⁴²Purisu nhôs fika sienti, pamodi nhôs ka sâbi ki di-a ki nhôs Sinhor ta bén.⁴³Ma nhõs fika ta sâbi keli: si donu di kaza sabe-ba ki óra ki ladrón ta binha, e ta fika-ba sienti i e kata setá-ba pa se kaza pa furta-l ,pa pol portá dentu. ⁴⁴Puriso ,tanbe nhôs debi sta priparadu, pamodi Fidju di OMi ta bén na ke-l óra li nhôs ka ta spéra.⁴⁵Ago, kes ke kriaadu fié-l i sabidu, ki se patron dexa-l ku toma konta se kriadus, pa podi da-s kumida na tempu sertu? ⁴⁶Abensuadu e ke-l kriadu ki se patron atxa-l ta fasi kéla oki e bén. ⁴⁷Na berdadi n'ta fla nhôs: sê patron ta intrega-l tudu ke téni.⁴⁸Ma si kriadu e rúnhu i e fla na se korason: '' Nha patron a'ta dúra'' ⁴⁹i e kumesa ta dadji na kriaudus ki sa trabadja kual, i ta kumi ta bebi ku Gâterus. ⁵⁰anton patron di ke-l kriadu ta bén na un di-a ke ka ta spera na un ora ke ka sâbi, ⁵¹i ta korta-l pa padá-s ie ta da-l mezmu distinu ku fingidus; la ta tén txóru ku nhémi dénti.

¹N-ton Reinu di séu ta ser sima dés virjen ki tóma ses kanderu i bai kontra ku noivu. ²Sinku des era nosenti i sinku era spertu. ³I kantu kes nosenti panha ses kanderu, es tinha azeti konta justu; ⁴mas kes sabias trazi vasilha di azeti juntu ku ses lampada.⁵Sima noivu dura ki txiga, tudu es dúrmi. ⁶Ma lá meia-noti, gentis djata: ‘noivu dja txiga! Nhos bai kontra ku el’.⁷N-ton tudu kes virjen labanta i es prepara se kanderu. ⁸Kes nosenti fla pa kes spertu: ‘nhós da-nu kuzinha di azeti pamodi nós kanderu sa paga’. ⁹Ma kes spertu fla-s: ‘Nau, kel ki nu ten ka ta txiga-nu, nhos bai na kes algen ki ta bendi i nhos kunpra di nhos'.¹⁰Kantu es bai kunpra, noivu txiga, i kes ki staba prontu es bai ku El pa festa di kasamentu i fitxadu pórta. ¹¹Dipós kes otu virjen ben txiga i fla: ‘Sinhor, sinhor, abri-nu porta’. ¹²El rispond-És i fla: ‘dimidivera nta fla ma nka konxi nhos’. ¹³Nhos fika atentu, pamodi nhos ka sabi dia nen ora.¹⁴Sima un ómi ki staba kuazi ta bai pa stranjéru, El txóma ses inpregadu i é pui ta kontrola ses kuzas. ¹⁵Un des E da sinku padas di óru, kel otu e da dôs, i inda e da otu un padas di óru – konformi ses spértaza, i El bai stranjéru. ¹⁶Na faxi, kel ki resebe sinku padas di óru nogósia e ganha mas sinku.¹⁷Iigualmenti, kel ki resebe dôs padas di óru ganha otu dôs. ¹⁸Ma kel inpregadu ki resebe un bai se kaminhu, koba braku na txon i sukundi kel un padas di óru di se patron.¹⁹Dipós di txeu tenpu, Kel patron txiga di stranjeru i txomas pa préstason di konta. ²⁰Kel inpregadu ki resebe sinku padas di óru ben ku mas sinku; E fla: ‘Patron, nhu dan sinku padas di óru. Gosi nhu ten mas sinku.’ ²¹Patron fla-l: ‘é kela, bu é bon trabadjador i fiel! Bu fói fiel na poku; nta pôu na grandi kargu. Ben divirti ku bu patron.²²Txiga kel inpregadu ki resebe dôs padas di óru e fla: Patron, nhu dan dôs padas di óru. Gosi nhu ten mas dôs’. ²³Se patron fla-l: “é kela, bu é bon trabadjador i fiel! Bu fói fiel na poku; nta pôu na grandi kargu. Ben divirti ku bu patron’.²⁴Finalmenti kel inpregadu ki resebe un padas di óru fla-l: ‘Patron, n sabi ka bo e mau; bu ta kodji undi bu ka símia; bu ta djunta na undi bu ka spadja. ²⁵N tivi medu, inton sukundi na txon kel padas di óru ki bu dan. Alé li kel ke di bo'.²⁶Ma se patron, fla-l: “Inpregadu runhu i malandru, bu sabi kin ta kodji sen símia i kin ta djunta undi kin ka spadja. ²⁷Bu divia depozita nha dinhéru na banku, pan resebe jurus.²⁸Patron fla kes otu: “tra del kes padass di óru i intrega pa kel ki ten dés padas di óru. ²⁹Pamodi kel ki ten mas, ta kresi mas – i és ta ten ta sobra. Ma kés ki ka ten nada, ti kel kés ten ta ser tomadu. ³⁰Poi pa rua kel inpregadu malandru, na sukuru. La ta ten txoru i duzispéru’.³¹Oras ki fidju di Ómi txiga na se glória, ku tudu ses anju, n-ton El ta xinta na Se gloriozu trónu. ³²Na se frenti tudu nason ta sta djuntu, e El ta separas un di kel otu, sima pastor ta sipara ovelhas di bodis. ³³El ta poi kes ovelhas na se ladu diretu, ma bodis e ta pui na mon eskerdu.³⁴N-ton Rei ta fla pa kes ki sta na se mó diretu: “Nhos ben, bensuadu di nha pai, nhos erda Reinu ki sta priparadu désdi inisiu di mundu. ³⁵Pamodi n staba ku fómi i nhos dan kumida, n staba ku sedi i nhos dan di bebi; n staba perdidu nhos dan gazadju; ³⁶n staba nun-priti i nhos bistin; n staba duenti nhos kuida di mi; n staba na kadia i nhos visita-n’.³⁷N-ton kes dretu ta responde-l: “Nhordés, na ki tenpu nu odjau ku fómi, i nu dau kumida? Ô ku sedi i nu matau ³⁸sedi? I na ki tenpu nu odjau perdidu i nu dau gazadju? ô nun-priti i nu ³⁹bistiu? I na ki tenpu nu odjau duenti ô na kadia i nu vizitou? ⁴⁰“Rei responde-s: “dimidivera n-ta fla nhos, kuzas ki nhos fazi un di kes nhas irmon pikinoti, nhos faze-n’.⁴¹El ta fla pa kes ki ta sta na se mon eskerdu: “fika lonji mi, desgrasádus, pa infernu ki é pa diabu ku ses anjus, ⁴²pamodi N staba ku fómi e nhos ka dan kumida; N staba ku sedi nhoz ka dan agu; ⁴³n staba pérdidu nhos ka dan gazadju; n stava nun-priti i nhos ka bistin; duenti i na kadia nhos ka vizitan’.⁴⁴N-ton és tanbé risponde: “Nhordés, kal tenpu nu odjou ku fomi, ô ku sedi, ô perdidu, ô nun-priti, ô duenti, ô na kadia, i nu nega sirbiu?’ ⁴⁵N-ton E responde-s: “dimividera n ta fla nhoz, kuzas ki nhos nega fazi kes nhas pikinoti, nhos nega-n.” ⁴⁶Kes ta bai pa kastigu pa senpri, ma kes dretu ta bai pa vida iternu.

¹Kontisi ki Jizus termina tudu kes palavra, é fla pa ses disiplus: ²"Nhos sabi ma di li dós dia mé Paskua, i Fidju di Omi ta intregadu pa krusifikason".³Inton kes prinsipal saserdoti ku ansions di povu riuni na palasiu di sumu saserdoti, ki txomaba Kaifás. ⁴Sicretamenti es disidi na prendi Jizus y matal. ⁵Mas es ta flaba: "Ka na ora di festa pa ka da konfuson entri povu".⁶Staba Jizus na Betânia, na kaza di Simon, leprozu, ⁷inkantu é staba stribadu riba meza, ben un mudjer pa el ku vazu di purfumu karu, y é lansal riba se kabesa. ⁸Mas kantu si disiplus odja kela, es fika xatiadu y es fla: "Es disperdisu li é pomodi? ⁹Es purfumu podia ser vendidu pa un bon pres y dividi pa pobris".¹⁰Mas Jizus da konta di kela, é flas: "Pamodi ki nhos sa pertuba es mudjer li? E fazi bon gestu pa ku mi. ¹¹Sempri nhos ta ten pobri ku nhos, mas nen sempri nhos ka ta ten.¹²Inton kantu ke lansa purfumu na nha Korpu, é fazi pa panha intéru. ¹³Na verdadi n ta fla nhos, na undi ki es ivanjelhu for pregadu na mundu interu, kuze ki es mudjer fazi ta ser kontadu pa se mimoria".¹⁴Inton, un di kes duzi, ki txoma Judas Iskariotis, é bai na kes prinsipal saserdotis ¹⁵y é flas: "Kuze ki nhos ta dan sin intregal pa nhos?" Es pesa trinta mueda di prata pa el. ¹⁶Dipos di kel momentu, é djobi un oportunidadi pe intregal".¹⁷Na primeru dia di festa di Paskua, disiplus bai na Jizus y es flal: "Na undi ki bu kre pa nu preparou festa di Páskua?" ¹⁸É fla: "Bai pa sidadi, na un sertu omi y nhos flal: Mestri fla: 'Nha ora sa ta txiga. In ta komemora Páskua na bu kaza ku nhas disiplus'". ¹⁹Disiplus fazi sima Jizus mandas, y es pripara festa di Páskua.²⁰Kantu txiga noti, É xinta pe kume ku ses dozi disiplus. ²¹Inkuantu es sa kumeba, e flas: "Na verdadi n ta fla nhos, ma un di nhos ta train". ²²Es fika txeu tristi, y kada un perguntal: "Ami sertu é ka mi, Sinhor?"²³É rispondi: "Kel ki poi mon na pratu djuntu ku mi, kela ta train. ²⁴Fidju di Omi ta mori, sima staba skritu sobri el. Mas ai kel ki trai Fidju di Omi! Era midjor é ka naseba". ²⁵Judas, ki ta ben trail fla: "É mi, Rabi?" É rispondi: "Bó ki fla".²⁶Inkuantu es sa komeba, Jizus toma pon y é abensual, y é parti y é distribui pa ses disiplus, ta fla: "Nhos toma, nhos kume. Keli é nha korpu".²⁷Nton é toma kalisi ta da grasas, y é das, ta fla: "Nhos bebel tudu. ²⁸Pamodi keli é nha sangi, sangi di aliansa, ki é deramadu pa munti pa pedron di pikadus. ²⁹Mas n ta fla nhos ma n ka ta bebi otu bes fruta di videra, ti dia ki n torna bebi ku nhos na Renu di nha Pai".³⁰Dipôs kes kanta un inu, es bai pa monti di Oliveras. ³¹Nton Jizus flas: "Kel noti li nhos ta eskandaliza pamodi mi, sta skritu: 'In ta fri pastor, y kes ovelha di rebanhu ta spadja'. ³²Ma dipos ki n risusita, in ta bai frenti di nhos pa Galileia".³³Pedru flal: "Inda ki tudu eskandaliza pamodi bo, ami n ka ta eskandaliza". ³⁴Jizus flal: "Na verdadi n ta flou, ma nes noti anti di galu kanta, bu ta negan tres bes". ³⁵Pedru flal: "Nem si for pam mori ku bo in ka ta negou". Tudu disiplus fla mesmu kuza.³⁶Inton Jizus bai kuas pa un lugar ki txoma Getisemani y é fla pa disiplus: "Nhos xinta li inkuantu in sa bai ti la ba ora". ³⁷É leba Pedru ku dos fidju di Zebedeu kual, é kumesa ta intristesi y ta angustia. ³⁸Inton é flas: "Nha alma sta txeu tristi ti morti. Nhos fika li y nhos vijia ku mi".³⁹É afasta un poku, é prosta ku rostu pa txon, é ora, é fla: "Nha Pai, si ta da, tra di mi kel kalisi li. Mas ki ka seja sima in kre, ma sin sima bu kre". ⁴⁰É bai ti ses disiplus, é atxas ta durmi, y e fla Pedru: "Nhos ka podi vijia ku mi pa un ora? ⁴¹Vijia y nhos ora pa nhos ka kai na tentason. Spritu sta preparadu, mas karni é fraku."⁴²É afasta pa sigundu bes pe ba ora é fla: "Nha Pai, si ka ten komu es kalisi pasa, sen in bebel. Seja fetu bu vontadi". ⁴³É volta mas un bes é atxas ta durmi, pamodi ses odju staba pisadu. ⁴⁴Inton é dexas di novu, y é afasta y é ora pa triseru bes, ta fla mesmu palavra.⁴⁵Dipos, Jizus bai na disiplus y é flas: Ti inda nhos sa ta durmi y ta diskansa? Nhos odja ma ora sta kuasi ta txiga, y Fidju di Omi ta ser intregadu na mon di pekadoris. ⁴⁶Nhos labanta, nu bai. Pamodi traidor sa ta txiga pertu".⁴⁷Inkuantu é sa ta falaba, Judas, un di kes douzi, ben djuntu ku txeu algen, mandadu pa kes prinsipal saserdortis y ansions di povu, es bai ku spada y ku pó. ⁴⁸Kel omi ki staba pa trai Jizus das un sinal ta flá: "Kel kin dá un beju, é el. Nhos prendel.⁴⁹Logu, é bai na Jizus é kunprimental, é fla: "Mestri!" Y é bejal. ⁵⁰Jizus flal: "Amigu, fazi kel ki bu ben fazi". Nton es txiga mas pertu, es pui mon na Jizus i es prendel.⁵¹Inton un di kes ki staba ku Jizus, é stika é puxa spada, é korta oredja di servu di sumu saserdoti. ⁵²Jizus flal: "Pui bu spada di volta na lugar, pamodi tudu kel ki ta pega na spada, ta mori pa spada. ⁵³Bu ka pensa ma n podi txoma pa nha Pai, y é ta manda mas di douzi legion di anjus? ⁵⁴Mas inton, modi ki ta kumpri kel ki sta na skritura, ki ta fla me neseráriu ki keli kontisi?"⁵⁵Na kel ora Jizus rispondi kes txeu algén: "Nhos ben ku spada ku pó a nhos prenden sima ladron? In ta xintaba tudu dia na templu ta inxina, y nhos ka prenden. ⁵⁶Mas tudu keli sa ta kontise pa ki kes skrituras di profetas kumpri". Dipos tudu disiplus dexal y es fuji.⁵⁷Kes ki prendi Jizus, lebal na Kaifás, sumu saserdoti, na undi ki skribas y ansions staba riunidu. ⁵⁸Mas Pedru sigil di lonji ti pátiu di sumu saserdoti. É entra é xinta ku guardas pé odja fin.⁵⁹Kes prinsipal saserdotis y tudu Sinédriu staba ta djobi un falsu tistimunhu kontra Jizus, pés podi kondenal a morti. ⁶⁰Es ka atxa ninhun, mesmu ki es mostra txeu falsus tistimunhu. Inton mas tardi, dos ben pa frenti ⁶¹es fla: "Kel omi li fla: 'In ta podi distrui es templu di Deus y in torna fazel na tres dia'".⁶²Sumu saserdoti labanta y é flal: "Bu ka ten risposta? Keli é kuze ki es sa tistifika kontra bo?" ⁶³Mas Jizus fika ketu. Sumu saserdoti flal: "In ta ordenou pa Deus vivu, flanu si bo é Kristu, Fidju di Deus". ⁶⁴Jizus rispondel: "Bo mé dja bu fla. Ma mi n ta flou ma a partir di gosi bu ta odja Fidju di Omi xintadu na ladu diretu di Tudu Poderosu, ta ben riba nuven di seu".⁶⁵Nton sumu saserdoti ratxa si ropa y é fla: "É sa ta fala blasfêmia! Pamodi ki inda nu sa mesti di tistimunhu? Nhos obi blasfêmia. ⁶⁶Kuze ki nhos sa pensa?" Es rispondi y es fla: "É meresi morti".⁶⁷Es kuspil na rostu, es dadji nel y es bafatial, ⁶⁸y es fla: Prufetiza kenha ki dadji na bo?"⁶⁹Pedru staba xintadu na ladu di fora, na patiu, un kriada bai ti el y é fla: "Bô també staba ku Jizus di Galileia". ⁷⁰Mas é nega na frenti di tudu algén, ta fla: "Ami in ka sabi di kuze ki bu sta fala".⁷¹Kantu ke sai pa porton, otu kriada odjal y é fla pa kes ki staba la: "Kel omi li també staba ku Jizus di Nazaré". ⁷²É nega mas un bez ta jura: "In ka konxi es omi li".⁷³Poku dipos, kes ki staba la ben y es fla Pedru: "Abo també é un des, pamodi bu manera di fala ta dinunsiou". ⁷⁴Inton é kumesa ta gagixa y ta jura: "In ka konxi es omi", y na ora un galu kanta. ⁷⁵Pedru lenbra di kes palavra ki Jizus flaba el: "Antis di galu kanta bu ta negan tres bes". Inton é ba pa rua ta txora maguadu.

¹Kantu k manxi, tudu kes prinsipal saserdoti i gentís grandi di povus ta planeejaba mal kontra Jizus,pa mata-l. ²Es maro-l, leba-l i es da-l pa pilotus, governanti.³N'ton Judas, k trai Jizus, odja k Jizus ba kondenadu, fica ku konsiênsia pizadu, el debvolvi kil trinta muedá-s di prata pa kis mas importanti saserdoti i gentis grandis ⁴i e fla:''N'peka n'traí sangui di um inonsenti''.Ma es fla:'' Kela kuze ku nos''?Kela ê kubo'' ⁵N'ton ê fulha kes muédas di prata na igreja e bai se kaminhu e mata kabesa.⁶Kes principal saserdoti pega kes muedas di práta es fla:'' Ka ta fika dretu pui djuntu ku oferta, pamodi e prêsu di sangi''. ⁷Es diskutí djuntu kel asuntu, ku dinheru, e pes ba kunpraba koba na simitéru pes intera kes strangerus . ⁸Pamodi kel mutivo la , ti dia di hoji kel kampu, e txomadu di '' Campu di Sangi''.⁹N'ton kumpri kel k prufeta Jeremias flaba:''es pega trinta muedás di prata , presu k povu di Israél avália-l. ¹⁰Pamodi kila k es txomas di kanpu di oleiru,sima ki Sinhor mandá''.¹¹N'ton Jizus dianti di governanti, es pergunta-l:'' É bo ke Rei di Judeus?'' Jizus respondes:''Bu dja fla'': ¹²Ma kantu kil bai akusadu pa kes prinsipas saserdoti i gentis grandi, nada ka rispondi. ¹³N'ton Pilatus fla-l:'' Bu ka obi tudu kalunia kontra bó?'' ¹⁴Jizus fika ketu,governador fika txeu adimiradu.¹⁵Duranti festa, era di kustumu di governanti traba presus di kadia kel k povus skodjeba. ¹⁶Naquela tempu, es tinha um prisioneru txeu konxedu, k txoma Barabás.¹⁷N'ton, kantu es staba tudu djuntu, Pilatus flas:'' Kenha k nhôs krepa-m larga? Barabás ó Jizus, ki ta txomadu di Kristu?'' ¹⁸Pamodi dje sabeba k es intregal pamodi inveja. ¹⁹Timenti es staba xintadu na tribunal, se miudjer mandal rekadu ta flal: Ka bu involvi kau kel justu; pamodi hoji na sonhu fika txeu trsiti pamodi el.''²⁰Kes prinsipal saserdoti i kes genti grande es influensia povu pidi Barabás, e pa matá Jizus . ²¹Guvernador perguntas:'' Kal des dôs nhôs kre pam larga?'' Es fla-l Barabás''. ²²Pilatus flas:'' Kuze k pam fase ku Jizus, ki ta txomadu pa Kristu?'' I tudu respondi:''Krusifika-l''.²³E torna pergunta-s:''Kuze k el fasi di mariadu?'' Ma es grita inda mas altu:''Krusifica-l''. ²⁴N'ton, kantu Pilatus odja k ka podeba fasi nada e ku xinfrim staba ta komesaba, ê pega agú, e laba se mô dianti di povue fla:''Ka tem tem kulpa na morti des omi, kela ku nhôs.²⁵Tudu povu fla:'' K sangui de'l kai riba di no-s e di nos fidjus'' ²⁶N'ton e liberta Barabás, mas es sota Jizus e el intrega pa se krusifikadu.²⁷N'ton tropás di governador leba Jizus pa dentu di tribunal i e djunta tropás. ²⁸Es duspil es pul um panu burmedju na el. ²⁹N'ton es fazi um koroa di spinho es pul na kabesa ,e un kajadu na se mô direitu, e es dobra duedju dianti del, i ta fazeba trosa del ta fla: '' Salve, Rei di judeus!''³⁰Es kuspi-l, pega pó i dal na se kabesa. ³¹Timentu esta fazeba trosa de-l, es tral pannu burmedju, bisti-l ku se propi ropa, e leba-l pa ser krusificadu.³²Kantu kes sai, es atxa um omi di Sireni k txoma Simon, kel k obrigadu karega se kruz. ³³Es txiga na um lugar k ta txomadu Gólgata, k significa''Lugar di Mortus''. ³⁴Es da-l vinhu musturadu ku f'el; e sprimenta mas e ka kria bebeba.³⁵Dipos k e krusifikadu, es raparti-l se rop, ta lansa sort; ³⁶xintadus la, ta djob-l. ³⁷Es pui riba di si kabesa kuluna k staba eskrevedu:'' KELI É JIZUS REI DI JUDEUS''.³⁸Dos ladron es krusifikadu djuntu ku el, un pa ladu direita e kel otu pa skerda. ³⁹Kes k ta pasaba, ta blasfemiaba del, ta sakudi kabesa. ⁴⁰Ta fla:'' Bo k ba distrui igreja bu toma kunstru-il na tres dia. salva bu kabesa.'' Se bo e fidju di Nhordés ,dixi di krus''.⁴¹Kes prinsipal saserdoti estaba ta faze trosa k kes gentis i djuntu ku es staba eskribas i gentis grandi es fla: ⁴²E salva otu alguén, e ka podi slava si kabesa. El e Rei di Israel! E ta dixi di krus gosi, i nu ta akredita na el.⁴³E kunfia na Nhordés; ma Nhordés ta toma-l gosi, se e kre dretu, pamodi e flal:'Mi e fidju de Nhordés'''. ⁴⁴Kes ladron k staba krusifikadu djuntu ku el tanbé insultal.⁴⁵Des di sedu ti noti, sukuru bem pa tudu tera. ⁴⁶Kuasi noti Jizus gritarixu e fla: '' Eli,Eli lamá Sabactani?''. k significa:'' Nhordés, Nhordés dimeu, pamodi k bu abandona-n?'' ⁴⁷Alguns k staba paradu es obi, es fla:'' E sta txoma pa Elias''.⁴⁸Na faxi um dis panha sponja, intxi di vinagri, pui na ponta di karis, e da-l pe bebi. ⁴⁹Otus fla:'' Dexa-l la, pa nu odja se Elias ta bai salva-l'' ⁵⁰N'ton Jizus grita di novu rixu i intrega se spiritu.⁵¹Véu di igreja ratxa na dôs parti di altu pa baxu, i terá tremi, i rotxa abri. ⁵²Koba tudu fika abertú, e munti gentis dretu k staba mortu ê resusita. ⁵³Es sai di koba dipos kes resusita , entra na zona santu, es parci pa munti.⁵⁴Kapiton ku guardas k'ta djobeba Jizus odja tirimotu e kuzas k sa kontiseba, es fika ku medu e es fla:'' Di mé divéra era Fidju di Nhordés''. ⁵⁵M'unti mudjer ki siguiba Jizus des di galileia pa servil , estaba la ta odjaba di longi. ⁵⁶Engtri es staba Maria Madalena; Maria mai di Tiagu e Juzé, i mai di fidjus di Zebedeu.⁵⁷Di tardi, ben di Arimateia un omi riku, k mtxoma Juzé, k tanbé era disipulo di Jizus. ⁵⁸Etxiga na Pilatus e pidi korpu di Jizus. N'ton Pilatus manda pe podidadu korpu.⁵⁹Juzé toma Korpu, ê pul na un panu limpu di linhu. ⁶⁰i e pul na koba nobu k estinha kobadu na rotxa.Dipos es rolá um pedragrandi djuntu porta di koba i bai se caminhu'' ⁶¹Maria Madalena, i kel ôtu Maria staba la , xintadu djuntu kôba.⁶²Na dia siginti, ki era dia dipos di preparason, prinsipal-s saserdotis i farizeus riuni ku Pilatus. ⁶³Es flal: '' Sinhor, nu sta lenbra kantu kel inganador staba bibu, El flaba: 'Dipos di trés dia, Me ta risusitaba'. ⁶⁴Sendu asi, manda ki se tumulu fika ta vijiadu ti tirseru dia, ô inton Se disiplus podi bai, furta korpu i fla povu: ' EL risusita di mortu' i kel inganu la ta ser pior di ki kel primeru''.⁶⁵Pilatus fla-s:'' Nhos leba guardas, nhos bai i nhos guarda tumulu sima ben intendi nhos. ⁶⁶Es bai, es pui guarda na túmulu, es sela predra i es dexa guarda la ta guarda tumulu.

¹Dipós di Sabádu, na ta manxi prumeru dia di simana, Maria Madalena djuntu ku ótu Maria bai djobe kóba. ²Kuntisi ki téra trémi txeu, pamódi un anju di Nhordés dixi di séu, ben i rola pedra i e xinta riba di el.³Kel anju ta parseba ku alanpra i ses rópa, branku albu sima névi. ⁴Guardas tremi di médu i es fika sima ki es stá mórtu⁵Má anju, bai ti mudjeris, fla-s: Ka nhos xinti médu, N sabe ma nhos sa ta djobe Jizus, ki krusifikadu. ⁶E ka stá li, dja E rusisita sima E flaba. Nhos ben odja kau undi E staba. ⁷Nhos bai faxi i fla pa ses disiplus: E rusisita di méiu di mórtus i E sa ta bai dianti di nhos pa Galiléia, lá nhos ta odja-l. É sima N fla nhos.⁸Mudjeris dexa kóba ku presa, ku ruspetu i rei di konténti, es kóri pa es bai konta pa disíplus. ⁹I brisi Jizus ben ti txiga na es i fla-s mantenha. Mudjeris txiga pértu, nbrasa-l se pé i adora-l. ¹⁰Nton Jizus fla-s: ka nhos xinti médu. Nhos bai i nhos fla pa Nhas armuns pes bai pa Galiléia i la es ta odja-m.¹¹I timenti mudjeris staba ta bai, alguns guarda bai pa sidádi i konta xéfis di saserdótis tudu kuza ki kuntisi. ¹²Saserdótis djunta géntis grandi i es studa un planu, i es dá txeu dinheru pa guardas, ta rikomenda-s: ¹³Nhos fla ki disiplus di Jizus ben di nóti i es furta-nu kórpu, timenti nu staba ta dúrmi.¹⁴I si es nutisia spadja ti txiga na obidu di governador, nu ta konvense-l, i nu ta libra nhos di es prikupason. ¹⁵Nton guardas toma dinheru i faze sima es kunbina. Kes stória li spadja na méiu di judeus ti dia di oji.¹⁶Tudu onzi disiplus bai pa Galiléia, pa mónti ki Jizus mostra-s. ¹⁷Kantu es odja-L, es adora-L, má ten uns ki duvida¹⁸I Jizus, txiga pértu di es, fla-s: Tudu púder dja-m dadu na séu i riba téra. ¹⁹Gósi go, Nhos bai i nhos faze disiplus di tudu nason. Nhos batiza-s na nómi di Pai, di Fidju i di Spiritu Santju.²⁰Nhos nxina-s guarda tudu kuzas ki N manda nhos faze. I ami N stá ku nhos tudu dia, ti ki mundu kaba.