Bible

Jo ngol kop

1¹. Nan do engei Yosua too, oko timere Kaman, be idwe me isirail oko penyo Rwot di kiwaco be, Ngai en oyaro geno ot ne wan me agege pi suro Jo me Kanan pi ii kede gi? ²Rwot oko Waco be, Juda en koyaro ot, neni, atieko mino lobo icinge. ³Di Juda oko Waco ne Simeoni omi mere be, bia ooti inyamaro ango ii alea na, me wek oii kede jo me Kanan, ango da ako nyamaro in ii alea ni, dido Simeoni di kol oot kede.⁴Di Juda oko oot, Rwot di ko mino jo me Kanan.Kede jo perisiti icing gi, di gin kiko neko gi i Bezek Jo tutumia-tomon ⁵Gin kiko udo Adoni bezek, I Bezek kiko ii kede kiko neko jo Kanan kede jo perisiti.⁶Do Adoni bezek oko ringo, gin di kiko diebo kede, di kiko make, di kiko ngo ngolo lwete adwong me cinge kede me tiene.⁷Adonibezek di ko Waco be, Abakai ot kan are (70) angongolo, lwet gi adongo me cing gi kede me tien gi, ako coko ringo gi itien emesa na, bala kite kame ango atimo kede, en kame Rwot oculo ne ada kede; di gin kiko kele i Jerusalem, eko too kuno.⁸Na oudo idwe me Juda di kede Jerusalem, dikiko mano kiko neko gi kede pala me ii di kiko wango Bomba kede mac. ⁹Icen mere idwe me Juda di ko ot ii kede jo Kanan kiko bedo iwi moru, kede ibad me tu malo, kede ibad me tu osamai. ¹⁰Di Juda oko ot suro jo me Kanan kame bedo i Hebron ( do nying Hebron bin sek oudo kirjath-arba) kiko neko Sheshai, kede Ahiman,gin kede Talmai.¹¹Di kiko yai ikano, kiko ot Sura jo kame bedo I Debir do oudo ber bin sek nying Debir oudo Kirjath- Sepher. ¹²Di Kaleb oko Waco be, dano kame bino neko jo me Kirjath-sepher, di eko mano, abino mine nyara Achsah bedo dako mere. ¹³Di othniel wot ka kenasi, omi me kaleb atidi, oko mano kuno, eko mine Achsah nyare pi bedo dako mere.¹⁴. Oko timere Kaman, kame nyako ni otuno kede bute eko cwane pi penyo lobo kibut Papa mere, eko didio.Asigira eko wok piny, kaleb di ko Waco ne be, in imito nyo? ¹⁵. Di nyako oko Waco ne be, mia winyo, piento imia lobo me tu malo, meda bobo bad me osamai ka pii da Kaleb di ko mino nyako. Ka pii me itela kede me osamai da.¹⁶. Di idwe me jo kenait, jo ka oor Musa, kiko yai tenge ki Bomba me tugo otit, karacel kede idwe me Juda, di kiko ot ii itela me Juda, kame tie ibad me tu malo me Arad, di kiko ot kiko bedo but Jo. ¹⁷. Di Juda oko upere gin kede omimere Simeoni kiko neko jo Kanan, kame bedo I Zephati, kiko muducaro gi Atwal ateala, do oudo bin nying Bomba nono Hormah.¹⁸. Juda di ko mano Gaza, kede iak nam mere dedede kede Askelon kede Iak nam mere dedede, kiton Ekron, ribaro kede Iak nam dedede. ¹⁹. Rwot oudo tie kede Juda, en di eko riamo tenge jo abedo imoru, Likame eko twero riamo jo kame bedo osamai, Piento kitie kede Gadigadin me Lilim.²⁰. Di gin kiko mino Kaleb Hebron, bala kite kame Musa oyama kede, di en eko riamo awobe Anak adek tenge ikuno. ²¹. Idwe ka Benjamin likame oko otwero riamo tenge jo me Jebusiti kame bedo i Jerusalem paka tuno iceng ni.²². Di jo me ii oot ka Yosepu, gida kiko ot suro Betel: do Rwot oudo tie kede gi. ²³. Di jo me ii oot ka Yosepu, gida kiko ot suro Betel: (do riki sek audo nying kuno Luz) ²⁴. Di jo ikeber oko neno icuo atie wok oko I Bomba gin di kiko Waco ne be, okwai be, nyut ne waka beo kame odonyo kede I Bomba, di wan oko timo ni kisa.²⁵. Di do en eko nyuto ne gi ka beo, ame donyo i Bomba kiko neko Jo Bomba nono kede Pala me ii, kiko sasiro icuo ca kede jo me ture ooto. ²⁶. Icuo nono oko oot ipiny me jo Hititi, eko gero iye Bomba, eko cako nying Bomba nono be, Luz nyinge oko dong da amanono tuno tin.²⁷. Kiton jo manase likame oko twero riamo tenge jo kame bedo i Bethshean kede Taunin me kuno paka kiton Tanak kede Taunin me kuno, kiton jo kame bedo i Dor, kede Taunin me kuno, kiton jo me ibleam kede Tounin mege, paka kiton jo me megido kede Tounin mege, do Jo kanan oko dong bedo i lobo nono. ²⁸. Oko timere Kaman, dido jo Israel odoko tek kiko mino jo Kanan culo ne gi esolo, likame kiko riamo gi Atwal atwala.²⁹Paka kiton jo me Epraim Likame oko riamo tenge jo me Kanan kame bedo i Gezer, do jo kanan oko dong bedo kede gi i Gezer, do jo kanan oko dong bedo kede gi i Gezer.³⁰Paka iton jo me Zebuluni likame oko riamo tenge jo kame bedo ikitroni, akadi kiton jo kame bedo i Nahalol, jo kanan oko dong bedo but gi ki ko doko jo aculo esolo ne gi.³¹Paka kiton jo me Asher, likame oko riamo jo kame bedo i Accho, kiton jo kame bedo i Zidon, kiton Ahlab, kiton Achzib, kiton Helbah, kiton Aphik kiton Rehob. ³². Do jo Asher oko dong bedo idier jo kanan, jo me piny kanono, piento likame gin kiriamo jo nogo tenge.³³Paka kiton jo me Naptali da likame kiko riamo tenge jo kame bedo I Bethmeth, kiton jo me Beth-anath, do eko bedo idier jo kanan, jo me piny kanono do ka mago tie da, jo me Beth-shemesh kede jo me Bethanath oko doko jo kame culo ne gi esolo.³⁴. Jo Amor oko jungo jo ka Dan I moru, likame kiko yei ne gi tuno piny osamai. ³⁵. Do jo Amor oko dong bedo imoru me Heres i Ajalon kede i shaalabin: do di cing jo me oot ka Yosepu oko bwono gi, kiko doko jo kame culo Esolo. ³⁶. Do ikor me jo Amor oudo gere paka oot Akrabbim geno I Lela dok malo.

2¹Di Malaika ka Rwot oko wok i Giligal eko oot i Bochim, ekowaco bee, ango amio iyaunu tenge i lobo me Misiri, ako kelo uu ilobo kame alairo but jo akwari uu, ango ako Waco bee, likame ayaro turo cikere nakede uu. ²Doko likame ibinunu timo aribakin kede jo me piny ni, iyarunu rereto piny Alutarin gi: do likame an ikounu winyo duana: Nyo omio un itimunu gini?³Pi mano ango da ako Waco bee, likame ayaro riamo gi tenge i nyim uu; do gin kiyaro bedo bala okuto ingetu, rubangan gi bino doko ne uu owic. ⁴Oko timere Kaman, kame Malaika ka Rwot owaco kede kop gi dedede but jo me isirail dedede, di jo oko woto duan gi malo di kiko kok. ⁵Di kiko cako nying adul nono bee Bochim, dido gin kiko yalo Rwot i kanono.⁶Dido kame Yosua ogonyo kede jo pi oot, idwe me isirael oko yai ngat acel acel ooto kame opoko ne pi tero. ⁷Jo di ko tic ne Rwot ikare ka Yosua dedede, kede ikare me odong dedede kame obedo lango Yosua jo koneno tice ka Rwot dedede adongo dongo kame etimo ne Isirael. ⁸Di do Yosua wot ka Nuni, epasoit ka Rwot oko too, eto kede muaka tol acel kede tomon (110).⁹Di gin kiko yike i ikor me lobo mere: Timmnath heres imoru me Eprhaim, ibad me malo inget emkura me Gaash. ¹⁰Doko da lwak jo me kare no dedede otieko too oko coko gida but jo akwari gi, lwak ace apat oko wok cen ngei gin, kame likame ngeo Rwot, kiton tice kame etimo ne isirael.¹¹Di idwe me isirael oko timo tim areco inyim Rwot, kiko tic ne Baalim: ¹²Kiko weko Rwot Rubanga me jo ka kwari gi okelo gi ipiny me misiri, kiko lubo rubangan ka pat, rubangan me jo koluko gi, kiko donyo gungo but gi, kiko mino Rwot ongoi kede gi. ¹³Kiko weko Rwot, kiko tic ne Baal kede Ashtaroth.¹⁴Di lilo ka Rwot oko dop ikom isirail, eko jalo gi icing jo yak ayako gi, eko jalo gi icing jo kwor gi oluko gi, di do likame kiko do twero bobo cungo inyim jo kwor gi. ¹⁵Kara moro dedede kame gin ioto iye oko, cing Rwot timo ne gi can, bala kame Rwot oyamo kede doko bala kite kame Rwot olairo kede but gi. Kiko beo ipeko atek.¹⁶Kame mago tie da, Rwot oko woto jo ngol kop olako gi icing jo yak ayako gi. ¹⁷Do pwodi gin likame kiko winyo jo ngol kop gi kiko oot timo tim me Malaya but rubangan ace kiko gungo but gi, ki lokere awaka awaka tenge iyongayo kame jo ka kwarigi oudo lubo, di kiwinyo cik ka Rwot, do gin likame kiko timo amanono.¹⁸Kame dido Rwot omio gi jo ngol kop, udo Rwot tie kede ongol kop, di eko lako gi icing jo kwor gi, ikare lung me kuo me ongol kop no, piento Rwot ko sasiro gi pi cur kede acano kame jo kwor gi tidilo gi kede. ¹⁹Oko timere Kaman, kame ongol kop otoo, di bobo gin kilokere, kiko dubere akato jo kakwari gi, ilubo rubangan ace pitic ne gi, di kiko riondiko piny ne gi, likame kiko weko timo tim gi, ara bo weko elol gi nono.²⁰Gero ka Rwot oko dop ikom Isirael, eko Waco bee piento jogi oturo cikere na kame aciko ne jo ka kwari gi, di likame kiko winyo dwana; ²¹Ango da apira, geno tin, likame ayaro riamo tenge inyim gi Atekerin kame Yosua otoo oweko odong. ²²Me ati kede gi me tamo IsirIL, ara bo kitwero rikito yongayo Rwot pi lubo, kame papi gi orikito, arabo li. ²³En komio Rwot oweko Atekerin ace go, abongo riamo gi tenge awaka awaka, doko da en komio likame emio gi cing Yosua.

3¹Mage en Atekerin kame Rwot oweko, pi tamo isirail kede gi doko atoto me isirail ariki likame ongeo ii me kanan dedede. ²Kenekene bee, lwak jo me idwe me isirail miero ngei, pii pwonyo gi ii, atwatwal mere jo ado geno sek kwia akwia gimoro. ³Nying gi ige, Rwode kany me Philisti, kiton jo me kanan dedede, kede jo me Sidon, kede jo me Hivi kame bedo imoru me Lebanon, cako I moru me Ball-hermon pako donyo adonya I Hamath.⁴Gin oudo kitie pi tam gi kede Isirail, me wek ngei kame kitwero winyo iswil ka Rwot, kame en eciko kede jo akwari gi beo icing Musa. ⁵Idwe me Isirail oko bedo idier jo kanan, Hititi, kede jo Amor, jo Perisiti, jo Hivit, kede jo Jebusiti. ⁶Kiko kelo anyira gi pi bedo mon gi. Kiko mino anyira gi da ne awobe ajoka, kiko tic ne rubangan gi.⁷Idwe me Isirail oko timo tim arac i wang Rwot wigi oko wil kede Rwot Rubanga gi, kiko tic ne Baalim kede iroro. ⁸Oko mino gero ka Rwot oko dop ikom Isirail eko cato gi i cing chushanrishathaim kabaka me Mesopotamia, idwe me Isirail oko tic ne kabaka me kabaka chushanrishathaim muakini kanyauni (8).⁹Di idwe me Isirail oko kok but Rwot, Rwot di ko kelo nyalak ne idwe me Isirail, oko lako gi, en othniel wot ka kenazi, omi me kaleb atidi. ¹⁰Cuny ka Rwot oko poto ikome, eko ngolo kop ne Isirail, eko oot ii, Rwot oko mino kabaka Chushanrishathaim me Mesapotamia icinge di ko bwono Chushanrishathaim. ¹¹Piny oko woraro pi muakini otongwon di othniel wot ka kenazi oko too.¹²Idwe me Isirail bobo otimo gi karac iwang Rubanga, Rwot di oko medo ne Eglon Abaka me Moab teko, pi jo me Isirail, Piento kitimo tim arac iwang Rwot. ¹³Di en eko coko bute idwe Amon, kede Amalek, ki ko oot, kiko neko Isirail di kiko mano Bomba me tugo otit. ¹⁴Di do idwe me Isirail oko tic ne Eglon kabaka me Moab muakini.Tomon-iwie kanyauni.¹⁵Di idwe me Isirail oko kok but Rwot Rwot di ko mino gi nyalak, Ehudu wot ka Gera, dano me Benjamin, engodal en kame idwe me Isirail cwae kede gi amia but Eglon Abaka me Moab.¹⁶Ehudu oko timo pala alebe tie are laco mere tie futi acel, kame en erwako i egoe mere, i amuro mere me tu cam. ¹⁷En eko kelo gi amia but Eglon Abaka me Moab, do Eglon oudo obedo dano ocwe. ¹⁸Kame etieko kede mino gi amia eko cwano jo ayeo gi amia tenge;¹⁹Do en ikome kene, eko dok cen bobo iyo abeo Gilgal, eko Waco bee, ango atie kede rwonge me omung but in okwe Abaka, en eko Waco be, ling titi, di jo dedede oudo tie cungo bute oko yai tenge kibute. ²⁰Di Ehudu oko tuno bute; oudo etie bedo i isengge me poro kop, ame en ebedo iye kene, Ehudu oko Waco bee, atie kede rwonge kame akelo ni owok kibut Rubanga; en eko yai ikame oudo etie bedo iye.²¹Ehudu oko rwako cing tung odal eko woto pala i amuro mere me tetu cam eko cobo kede iye. ²²Paka pur pala da oko lwing iiye kede leb pala, kamio di ko umo leb pala, likame eko twero woto pala ki iiye tenge cet di ko wok oko. ²³Ehudu di ko oot di ebeo ii ekeko me cen ngei oot, eko cego ekeko me isengige, eko gono.²⁴Di do en etieko kato, jo tic mege oko bino; kame gin kineno kede neni, ekeko me isengge ogore, gin kiko Waco bee, ii ateteni mere en pwodi etie umo tiene i isengge me oro. ²⁵Kiko daro paka lewic mako gi, doko, neni, likame eyabo ekeko me isengge pimano kiko kwanyo sumilito, kiko yabo, doko, neni, Rwot gi opoto piny otoo.²⁶Ehudu oudo otieko kato, di gin pwodi oudo kitie daro, elanyo ka bure, elanyo paka tuno i Seirath. ²⁷Oko timere kanan, di en do etuno, eko kuto agwara i moru me Ephraim, di idwe me Isirail oko wok piny oko upere kede di iyai imoru di en etelo yongayo.²⁸En eko Waco ne gi bee, Luba nu piento Rwot omio ngakwor uu me Moab icingu, gin kiko oot piny di ki lube di kiko ririo lak Jordan, di ki tiro tetu Moab, likame kiko yei ne dano moro ngolo loka. ²⁹Esawa no, kiko neko jo Moab kame room jo tutumia tomon, jo katek dedede, kede jo ocwe di boco dedede dano obwot li. ³⁰. Iceng no cing jo Isirail oko tieko teko me jo Moab, piny di ko woraro pi muakini ot kany auni.³¹Ingei en di Shamgar, wot ka Anath, oneko jo Pilisiti jo tol kanyape kede leb kweru diang eda eko lako Isirail.

4¹Doko idwe me Isirail oko timo tim arac iwang Rwot di Ehudu otoo. ²Rwot di ko cato gi icing Jabin, Abaka me kanan, kame pugo i Hazor; Kapten kame ngat alo kop me ii mere oudo sisera, kame bedo i Harosheth me abila apat. ³Idwe Isirail oko kok but Rwot; piento oudo etie kede Agadigadin me lilim tolkanyangon, eko tidilo Isirael kitek pi muakini otare.⁴Di Debula, Anabi, dako ka Lapidath, en oudo engolo kop ne jo Isirail ikare no. ⁵Di en oudo ebedo idud tugo otit me ka Debula idiere diere me Ramah kede Betel i moru me Epraim; idwe me Isirail oudo ooto bute pi ngolokop.⁶En eko cwano dano pi lwongo Barak wot ka Abinoam i Kedesh-Naptali, di eko Waco ne be, likame Rwot Rubanga me Isirail ociko bee, yai ioti ikel jo itetu moru me Tabor di in iko kwanyo jo tutumia tomon, i but idwe ka Naptali kede ibut idwe ka Zebulun? ⁷Do ango ayaro kelo ni Sisera, kapten me ikea ka Jabin kede Agadigadin mege kede alule me jo mege, i ecilet me kishon, di ango ako mino gi icingi.⁸Di Barak oko Waco ne bee, kame di imito upere keda, enkamio ayaro oot. Do kame likame iyaro upere keda, ada likame ayaro oot. ⁹. En eko Waco bee, i ateni mere ayaro upere kedi do ngei kiber bee, oot kame itie iye no, deyo mere likame oyaro bedo meri , Piento Rwot oyaro cato sisera icing doko, Debula di ko yai, eko upere kede Barak i Kedesh.¹⁰Di Barak oko lwongo jo Zebulun kede Naptali; Kedesh: eko upere kede jo tutumia tamon iliene, Debula oko upere kede.¹¹Do Heber dano me kenite, kame oudo tie i kom idwe me Hobab oor Musa, oudo en epokere tenge kibut jo me kenite, en eko dupo eema mere ilobo opete me zaanaim, kame kio kede kedesh.¹²Gin kiko nyuto ne sisera bee, Barak wok ka Abinoam ooto malo imoru me Tabor. ¹³Di Sisera oko coko karacel Agadigadin mege dedede, Agadigadin me lilim tol kanyangon. Kede jo dedede kame oudo etie kede, genoki Harosheth me Abila apat, paka i ecilet me Kishon.¹⁴Di Debula oko Waco ne Barak bee, yai malo; piento man tin obedo ceng kame Rwot omio kede Sisera icingi: Likame Rwot otelo ni anyim? Aso Barak oko yai imoru me Tabor, kede jo tutumia tomon di lube.¹⁵Di Rwot oko pupuno Sisera, kede Agadigadin mege dedede, kiton jo ii mege dedede, kede pala me ii ka Barak, aso Sisera di ko wot piny ii Agadigsdi mere, di eko ringo tenge kede tiene ¹⁶Do Barak oko diebo kede Agadigadi kiton kede jo ii, paki i Harosheth me Abila apat, di do jo ii ka Sisera dedede oko popoto ileb pala me me ii, likame tie dano kodong.¹⁷Di do Sisera oko ringo tenge kede tiene paka ii eema ka Joel dako ka Heber me kentite: Piento oudo anapakin tie idierediere ka Jabin Abaka me Hazor kede diekal ka Heber me kenite. ¹⁸Di Jael oko oot pi riamo kede Sisera, di ko Waco ne bee, parao buta kan, kur ilwori, kame do en eko parao kede but e ii eema, en eko ume kede egoe kapek.¹⁹En eko Waco ne bee, akwai bee, okwe mia pii moro atitidi amati, piento orio oneka. En eko yabo wii cupa me cak, oko mine emato, di oko ume. ²⁰Bobo eko Waco ne dako nono bee, cungi i ekeko me eema, me teteny, kame dano moro obino oko penyi, di Waco bee, dano moro tie kan? In ibino dwoko ne bee, Li²¹Di Jael dako ka Heber, oko kwanyo lilim abit me eema, eko kwanyo Enyondo icinge, eko oot bute momot, eko cobo lilim abit nono inget ite eko pelao pako moko piny dingi ding; piento oudo enino, doko oudo col, aso en do eko too. ²²Doko, neni, bala kame Barak oudo tie diebbo kede Sisera, Jael oko wok oko pi riamo kede, di ko Waco ne bee, bia, amito nyuto ni dano kame in itie mono, kame do en edonyo kede ii eema, me dako nono, neni, Sisera tie buto do etoo, di lilim abit tie inget ite.²³Aso iceng no Rubanga oko bwono Jabin Abaka me kanan inyim idwe me Isirail. ²⁴Dido cing idwe me Isirail oko timo kiber, di kiko bwono Jabin Abaka me Kanan, paka kiko bwono Jabin Abaka me Kanan, paka kiko muducaro Jabin Abaka me Kanan.

5¹Iceng no, Debula gini kede Barak wot ka Abinoam oko wer bee, ²Ipak bed but Rwot, pi kite kame eculo kede kwor pi Isirail, di jo oko jalere ked emit me cung gi.³Winyunu, okwe un Abakai, cikunu itu okwe anyira me Abaka; ango, ango noni amito wer ne Rwot; amito wero wer me ipak but Rwot. Rubanga me Isirail. ⁴Rwot, di in itie oot I seir, di in itie latao ki lum me Edom kom lobo oko miel, di malo oko ton, idoun da di ko tono pi.⁵Di mori oko calar ki inyim Rwot paka kiton Sinai no da ki nyim Rwot Rubanga me Isirail. ⁶Ikare ka Shamgar wok a Anath, ikare ka Jael, yote adongo odong twolo, jo kame ooto, lubo yte atino.⁷Jo kame bedo icalere oko jik, kiko jik I Israil, paka tuno kame ango Debula ako yai ango ako yai doko Toto ii Isirail. ⁸Gin kiko yero rubangan anyen; ii di oko bedo tie I dog erute: do oudo ebuku ara tong tie neno but jo me isirail tutumia ot ongwon?⁹Cunya tie ikom jo pug me isirail koyei jalere ki but jo, winyo bed but Rwot. ¹⁰Yamunu, un jo kame ringo kede Asigira ka tar, un jo kame bedo I ngolo kop, kame lubo yangayo.¹¹Jo kame ko lako ii ilelem me jo kame gweo emal, ikame otwomo iye pii, gin en kame ki kimito tatamo tice ka Rwot acil paka kiton tice kabeco kame etimo but jo me calo mere I isirail: di do jo ka Rwot ko bino dok idog erute.¹²Cei,cei, Debula: cei,cei, wer wer: yai, Barak, di iko tero jo kame omako bedo ipasoi in wot ka Abinoam. ¹³En di eko mino dano odong udo ioc ikom jo me rom amalo kibut jo: Rwot omia adoko dano kame tie kede loc ikom jo kame tek.¹⁴Alias di oko wok i Epraim kame tie mer gi kame dagere kede jo me Amalek ingei in, Benjamin, idiere me jo ni, jot el wok ibut machir, jo ka mako kalamu me iwandik wok I zebuluni.¹⁵Anyira me Issachar oudo tie kede Debora. Issachar ikome, kede doko Barak: en oudo ocwae di eoto kede tiene oot osamai, oudo par obedo tek I cuny jo, pi pokere me Epraim.¹⁶Pinyo omio idong bedo i awi me oromini, pi winyo icelakin me oromini? Piento pokere me Reuben oudo moc atek tie icuny.¹⁷Jo Gilead bedo anyim me Jordan; pinyo ko mio Dan odong bedo I Yede? Asher omede bedo idog nam eko dong bedo i rem mere. ¹⁸Zebuloni kede Naptali obedo jo kame odaco kwo gi itoo, ika imukurur me obar.¹⁹Abakai obino oko ii, Abakai me kanan oko ii i Taanak inget pii me megido, likame kigamo ud moro me sente. ²⁰Kiko ii i malo; Acerini anapeta gi kiko ii kede Sisera. Ecilet me kishon oko molo gi pit, Ecilet asek, Ecilet me kishon, okwe tipo na, in iko nyonyono jo teko piny.²¹Ecilet me kishon oko molo gi pit, Ecilet asek, Ecilet me kishon, okwe tipo na in iko nyonyono jo teko piny. ²²Dido abelekek me tien Asigiram oko bebelun pi kop me takaro, itakar me joe gi katek.²³Malaika ka Rwot owaco bee, LAMUNU Meroz, lam jo kabedo kuno kede ilam ka kec, piento likame kibino ikony ka Rwot, ikony ka Rwot ikom jo teko.²⁴Jael dako ka Heber me kenite, oyaro udo winyo kame kato mon. ²⁵Ekwao pii, dako nono oko mine cak, ekelo moo me diang i Bakuli me Abaka.²⁶Eketo cinge ililim ka bit, cinge tu cam eko keto i enyondo kame dano en kotimo kede cingi, eko kongo Sisera kede enyondo, eko kongo wie tap, di oudo ecobo pako tuco nget ite pelepel. ²⁷Ika tien dako nono en kame eriondiko iye eko poto, eko buto piny, ka tien dako nono en kame eriondiko iye, eko poto: kame eriondiko iye nono, en kanono kame epoto eko too iye.²⁸Toto me sisera tie ngado-ngut ki dirisa, di ekok ki dog dirisa, pinyo bo komio Agadigadin mege ogal dwogo? Epanggalo me Agadigadi mege ogal pinyo?²⁹Mon mege ka riek oko dwoko ne bee, ebo, en eko dwoko adwokini merebute kene. ³⁰Likame kitie marumaro? Likame kitie popoko jame kame kimao, buli dano tie udo nyako ael, ara, are; do sisera tie udo egoe kame olilingo, gi amaa me egoe kame olilingo kame ko timo kede piso, egoe kame ko lilingo kame otimo kede piso, ingete tu dedede kame pore me aliere i epepet me jo koyake yak.³¹Aso do okwe Rwot mi jo kwor ni mudu car, okwe Rwot, mi do jo kame mare, dok bala ceng kame tie doko liet, piny oko woraro pi muakini ot ongwon.

6¹Idwe me Isirail oko timo tim ka rac ki wang Rwot: Rwot di ko jalo gi icing jo midia muakini kanyare. ²Cing jo me midia di ko bwono jo Isirail pi kop me jo midia omio idwe me Isirail oko timo bure kame tie imori, kede ii Aboon, kede i Goropan.³Aso, gi ka do oko donyo timere ine, kame jo Isirail ocuo cam ipoti, jo midia ko bino kede jo me Amalek, kede idwe me kide di kiko binosuro gi. ⁴Gin kiko luko gi kiko dudubo gi apura me lobo, paka tuno Gaza, likame kiko weko gimoro ne Isirail, akadi oromini, kiton twon paka Punda.⁵Piento kibino kede doke, kede eemai, kibino di kitot bala otwongo, piento gin kede Agura guran gi, wel gi likame marere, di kiko donyo ilobo pi dudubo. ⁶Can atek diko mako jo Isirail pi kop me jo me midia, di idwe me Isirail oko kok but Rwot.⁷Oko timere Kaman, di idwe me Isirail okok but Rwot pi kop me jo me Midia gi. ⁸Di Rwot oko cwano Enabi but idwe me Isirail. Oko Waco ne gi bee, Rwot Rubanga me Isirail owaco bee, ango akelo uu tenge I misiri, doko awoto uu oko i oot me ipasun.⁹Ako lako uu oko kicing jo me Misirian, kiton icing jo dedede kame oudo tidilo uu, ako riamo gi tenge kibutu, ako mino uu lobogi. ¹⁰Ango ako Waco ne uu, kur ilwonunu rubangan me jo Amor, kame un ibeduno ipiny gi, do un likame ikounu winyo dwana.¹¹Malaika ka Rwot oko bino kuno, eko bedo idud yat oak, kame oudo tie I ophrah, me ka Yowasi dano me Abiezrati: do wode anyinge Gideon oudo tie pieto Engano i Laru, pi kano gi, pi jo me midia. ¹²Malaika ka Rwot oko neno bute, di ko Waco ne bee, Rwot tie kedi in dano odongo di tek.¹³Gidioni di ko Waco ne bee, okwe Rwot na kame di Rwot tie kede wa, pinyo do kamio gigi dedede poto ikom wa? Ani bo tangu mege dedede kame jo kakwari wa oudo yamo ne wa, bee, likame Rwot okelo wan Imisiri? Nan do Rwot oweko wa, eko jalo wa icing jo me Midia.¹⁴Rwot di ko ngine, eko Waco bee, in oot kede teko ni gi, in iyaro lako idwe me Isirail ciny jo me Midia: Likame ango en kame acwai? ¹⁵En eko Waco ne bee, okwe Rwot na, abino lako Isirail benyo? Neni, paco wan en kame ngacan i Manase, doko ango en kame idikirir i oot ka papa na.¹⁶Rwot di ko Waco ne bee, i atene mere ango amito bedo tie kedi, in iyaro neko jo mdia bala dano acel. ¹⁷en eko waco ne bee, kame na oudo kisa kibuti, nyuta anen kame nyuto be in en kame iyamo keda ¹⁸akwai bee kur iyai ikan paka tuno di ango atuno buti, di ako kelo gi amia na, ako keti inyimi, en eko dwoko bee, ango amito dari paka in dwogo.¹⁹Gidioni di ko donyo iot eko iko diel, kede mugati kalikame arup tie iye, kame alos mere pongo galani: ringo me diel eko keto i adita ceww mere eko keto ii agulu eko kelo ne idud yat oak eko mino. ²⁰Malaika ka Rwot oko waco ne bee, kwany ringo kede mugati kame arup lika tie iye, ot iket gi iwi lela ni, di iko bwoto cwee en eko timo kamanono.²¹di malaika ka Rwot oko keto wi ebela kame oudo tie icinge, di ko mulo ringo kede mugati kame arup li kiye, di lela oko woto mac di ko wango ringo kede mugati kame arup li kiye, di malaika oko yai tenge iwange.²²Kame Gideon oniang kede be en oudo ebedo malaika ka Rwot, Gideon oko waco bee, otakwi, okwe Rwot rubanga! Piento aneno malaika ka Rwot iwng iwang ²³Rwot di ko waco ne bee, bed kede mulem kur ilwori, likame iyaro too. ²⁴Gideon di ko gero alutari kuno ne Rwot eko lwongo nyinge bee, Johova – shalom: paka tuno tin etie kuno i ophrah me Abiezer.²⁵oko timere kamam iwor nono Rwo oko waco ne bee kwanyi atin me oromo ka papani atin moro me are me muaka kanyare di iko reto piny alutari me baal ka papa ni tie kede di iko tongo yat me iroro kame tie ingete ²⁶. Di iko gero Alutari ne Rwot Rubanga ni, malo iwi moru ni, kame oiko, iko tero atin oromo me are, iko yalo Rwot kede gi ayala awanga, kede yat me iroro kame iyaro tongo piny nono.²⁷. Di Gideon oko kwanyo ipasoi mege jo tomon, di eko timo bala kame Rwot owaco ne kede: oko bedo kamanono, pi kite kame elworo kede jo me Bomba, komio likame etwero timo iceng, eko timo iwor.²⁸Kame jo me Bomba odilo yai odiko sek, neni, Alutari me baal oreto piny, yat me iroro da otongo piny kame oudo tie ingete, di atin me oromo me are oudo oyalo kede Alutary kame ogero agera nono. ²⁹Gin kiko yamo ken gi ken gi bee, ngai en ine kotimo gini? Kame do gin kiko pepenyo kede ngic, gin kiko Waco bee, Gidioni wot ka Yowasi en otimo gini.³⁰Jo me Bomba oko Waco ne Yowasi bee, kel wodi oko, me wek etoi, piento ereto piny Alutari me baal, doko piento etongo yat me iroro koudo tie ingete.³¹Yowasi oko Waco ne jo dedede koudo oluke pi sure bee, un imitunu pido pi baal? Imitunu lake? Dano kame mito pido pire, neke sek aseka di pwodi odiko: kame di en ebedo rubanga, wek en epidi apire kene, piento ngatamoro oreto Alutari mere. ³²Pimano iceng no, jo oko cako ne bee, Jerubbal, dwong mere bee, wek baal en kapidi piento en kame ereto Alutari me baal.³³Di jo dedede me Midian kede me Amalek, kede idwe me kide oko cokere karacel, kiko ngolo tuca, di kiko guro eemai i osamai me Jezreel.³⁴Do cuny ka Rwot oko bino ikom, Gidioni, eko kuto agwara; di Abiezer oko cokere lube. ³⁵En eko cwano kop riimaro Manase dedede, gida oudo kicokere lube, eko cwano kop but Asher, kede but Zebuluni, kiton but Naptali da; kiko bino riamakin kede gi.³⁶Gidioni oko Waco ne Rubanga bee, kame di iyaro lako jo me Isirail beno I cinga, bala kame iyamo kede. ³⁷Neni, amito keto Alang me ulisi idier oot; do kame toyo di ko mako Alang me ulisi kenekene, do di ka pat otuo dedede, en kamio ango ako niang do bee, in imito lako Isirail kede cinga, bala kite kame in iyamo kede.³⁸Eko timere kamanono, piento eko dilo yai sek oruo mere, eko bano Alang me ulisi karacel eko bino toyo tenge me Alang ulisi karacel eko bino toyo tenge me Alang ulusi, bakuli opong kede pii.³⁹Gidioni di ko Waco ne Rubanga bee, kur lilo ni dok liet ikoma, wek ayam do icel kenekene: akwai bee, wek atam ber kong bobo, kede alangi ulisi, mi alang ulisi dong di otuo en kene, do di piny dedede toyo omako. ⁴⁰Di iwor nono Rubanga oko timo kamanono: piento oudo Alang ulisi kenekene en otuo, do piny en kamr oudo toyo tie iye.

7¹Di Terubalel, kame en Gidioni, kede jo dedede kame oudo tie kede, oko yai odiko sek, kiko gero eema gi inget kulo me Harod: di do jo ii me Midia oudo tie tetu malo gin, i emukura me Moreh, ii osamai.²Rwot di ko Waco ne Gidioni bee, Jo kame in itie kede tot twatwal kibuta, pi mino jo midia icing gi, me kur jo me Isirail ko wakere na, di ki Waco bee, cingango kena en ko laka. ³Na pimano ot kuno, yamii it jo, bee, dano moro ni kame cunye rep di eluor, wek edoki eko dilo yai sek ki moru me Gilead. Di jo oko dok;Tutumia ot are iwie are, oko dong jo tutumia tomon.⁴Di Rwot oko Waco ne Gidioni bee, jo go pwodi tot, kel gi piny ipii, ango amito tamo ni gi ikuno kobino bedo Kaman, but jo go kame ango abino Waco ni bee, oot kede jo gi, en magonogo kame in ibino oot kede gi, do jo kame ango abino Waco ni bee, oot kede jo gi, en magonogo kame in ibino oot kede gi, do jo kame ango abino Waco ni be wek magi, kur iot kede gi, wek gi kuriot kede gi.⁵Aso en eko tero jo piny i pii: Rwot di ko Waco ne Gidioni bee, jo kame bino lemo pii alema, kede leb gi bala ogwok, kite kame ogwok lemo kede, jo go pok gi kar gi ken gi;Kamanono da dano moro dedede kame rion diko ariondik kede cong gi pi mato pii. ⁶Wel me jo kame lemo pii alema, di kiketo cing gi idog gi, oudo jo tutumis adek: do jo kapat dedede riondiko ariondik piny pi mato pii.⁷Rwot di ko Waco ne Gidioni bee, kede jo tol adek kame lemo pii alema enkame ayaro laki kede gi, en kame ayaro mino kede jo me Midia icingi wek jo kapat dedede ace ooti, ngat acel acel ka bedo mere. ⁸Jo di ko mako cam icing gi, kede agwara gi: di en eko dwoko jo Isirail dedede ace apat, ngat acel acel i cema mere, en eko dong kede jo tol adek, do oudo jo ii me midia tie tu piny mere osamai.⁹Di oko timere Kaman iwor nono, Rwot di ko Waco ne bee, yai oot piny but jo ii: piento ango atieko mino gi icingi. ¹⁰Do kame ilworo oot kuno, otunu kede Epasoit ni Phurah piny but jo ii nogo: ¹¹Ikounu winyo kop kame gin kiyamo, ki cen mere cingi oyaro udo teko, pi oot piny but jo ii.Di en eko upere kede Epasoit mere Phurah oko me jo kame mako gi ii kame oudo tie but jo ii.¹²Jo Midia, kede jo Amalek karacel idwe me tetu kide tie buto osamai di kitot bala otwongo; Aguraguran gi oudo wel gi likame tie, bala asinge me dog nam me inangarar gi.¹³Di Gidioni otuno kuno, neni, tie oudo dano acel kame tie tatamo ne nga wote lek mere, bee, neni, ango aleka lek, doko, neni, mugati me Engano opoto i kom jo ii me Midia, eko tuno i eema, di eko dipo eko poto, eko belaro en, eema oko dong piele piny. ¹⁴Nga wote oko dwoko bee, mano likame gi apat kede pala me ii ka Gidioni, wot ka Yowasi dano me Isirail: piento icinge Rubanga omio Midia, kede jo ii dedede.¹⁵Eko bedo kamanono, kame Gidioni owinyo kede itatam me lek, kede kite kame agonyo kede dwong mere, eko mino wor, eko dok but jo ii me Isirail eko Waco bee, yaunu; piento Rwot otieko mino jo ii me Midia icingu. ¹⁶Di en eko poko jo tol adek go i abunge adek eko keto agwara i cing ngat acel acel, kede opoko me pii,di pii li iigi, kede etala idier opoko.¹⁷En eko Waco ne gi bee, nenunu ango, ekounu timo balaango: doko, neni, kame ango adonyo oko me kambi, oyaro bedo bee, gi kame ango ayaro timo, uda timunu. ¹⁸Kame ango akuto agwara, ango kede jo dedede kame tie keda, uda kutunu agwara ika dedede me kambi, wacunu bee, pal aka Rwot, kede me ka Gidioni.¹⁹Aso Gidioni, kede jo tol acel kame oudo etie kede, kiko wok oko me kambi, i agege me dier obai; di pwodi kiloko aloka jo dar anyen:Kiko kuto agwarai, kiko bebelo opokini me pii koudo tie icing gi.²⁰. Abunge adek oko kuto agwarai, kiko bebelo opokini me pii, kiko mako etalana kede cing gi tung odal, agwara icing gi tu cam, pi kuto:Kiko lelemo bee, pala ka Rwot kede meka Gidioni. ²¹Gin kiko cungo ngat acel kame etie iye luko kambi aluka, rimaro: jo ii dedede oko bwangere kede ringo tenge di kikok.²²Jo tot adek oko kuto agwarai gi, di Rwot oko mino pala angat acel acel lunyo cobo dano ocelu di boboika dedede me kambi: di jo ii oko bwangere ringo tetu Beth-Shittah, i zererath, kede i apokini me Abel-meholah paka Tabath. ²³Di jo me Isirail oko cokere karacel Jo me Naptali kede i Asher, kede i Manase, kiko diebo kede jo me Midia.²⁴Gidioni di ko cwano kop rimaro moru me Ephraim dedede, bee, bia nu oii unu kede jo me midia, riunu ne gi lak pii me Beth-barah kede Jordan, di jo me Ephraim dedede oko cokere karacel, di kiko rino dog pii paka i Bath-barah kede Jordan da ²⁵Kiko mako jo dongo are me Midia, Oreb kede zeen; kiko mako oreb iwi lela me oreb, zeed kiko neko ika bino olok ka zeeb, di kiko diebo kede jo me midia, kiko kelo wi oreb kede wi zeeb but Gidioni loka Jordan.

8¹. Jo me Ephram oko Waco ne bee, nyo komio itimo ne wa Kaman, likame iko lwongo wada, di in itie oot ii kede jo me Midia? Gin di kiko bunano en kitek.²En eko dwoko ne gi bee, nyo kame ango na atimo kame otirano kede un likame depo elam me olok kame un Ephraim otimo, tie kiber kato, kac adwong me Abiezer? ³Rubanga omio icingu jo ka dongo dongo me midia, oreb kede zeeb: nyo kame ango bobo atwer timo di aporo kede uu? Dido lilo gi bute oko kwei, kame do en eyamo kede kamano.⁴. Gidioni di ko oot i Jordan, eko ngolo lokatuca, en kede jo toladek kame oudo etie kede, ki ool, do pwodi ki tic mede diebo kede gi. ⁵. En eko Waco ne jo me Succoth bee, akwao uu akwa miunu Mugati but jo kame tie luba; piento ki lore, piento pwodi ango atie diebo kede zebah kede zalmunna, Ababkai me Midia.⁶. Jo adongo dongo me Succoth oko Waco bee, cing zebah kede zalmunna na tie icingi kano me teteny wan omi mugati but ikean ni? ⁷. Gidioni oko Waco bee, pimano kame Rubanga oko mino zebaah kede zalmunna icinga, ango amito nyinyilo komu, kede okuti me itela kede ekenep.⁸. En eko yai eko oot Penuel, eko Waco ne gi da kop acel nono; jo me penuel da oko odwoko ne bala kite kame jo me Succoth odwoko ne kede. ⁹. En eko waco ne jo me Penuel bee, kame ango odwogo kede mulem, amito tuturo Goropa ni.¹⁰. Oudo Zalmunna kede zebah tie i karkor, kede jo ii gi, karacel, kede gida kibuco room jo tutumia tomon iwie kany, magi dedede jo kame jo.Me kide oweko; piento jo otoo kuno jo tutumia tol ace iot are, jo kame ii kede pala.¹¹. Gidioni oko oot di elubo yongayo me jo kame bedo I eemai, tu kide me Nobah, kede Jogbehah, kiko neko jo ii nogo: piento jo ii nogo oudo opalaro. ¹². Di zebah kede zalmunna oko ringo, en eko diebo kede gi, eko mako Abakai are me Midia, zebah kede zalmunna, wi jo ii gi dedede oko cungo.¹³Di Gidioni wot ka Yowasi oko dok ika ii di pwodi ceng tic malo. ¹⁴Eko mako atin awobi moro me jo me Succoth, oko pepenyo en: en eko tito ne cal me jo adongo dongo me Succoth, kede jot el adongo mege, kame tie jo ot kanyare iwie kanyare.¹⁵En eko bino but jo me Succoth, eko Waco ne gi bee, nenunu zebah kede zalmunna, kame un oudo i cacao nu ango, di iwacunu bee, oudo wi zalmunna kede zebah tie na icingi, me tetekeny wari omi mugati but jo ni ko ool go? ¹⁶Eko mako jot el me Bomba, kede okuto me itela, kede ekenep, eko pwonyo kede jo me Succoth. ¹⁷Eko reto piny Goropa me Penuel, eko neko jo me Bomba.¹⁸En eko Waco ne zalmunna kede zebah bee, egere me jo mege kame un inekunu I Tabor? Gin kiko dwoko bee, oudo gin kical bala un; ngat acel acel cal kede idwe me Abaka. ¹⁹En eko waco bee, gin oudo imiegu nango kom idwe awobe ka Toto nango: bala kame Rwot tie kuo ni, koto oudo I wekunu gi ikuo, koto nan likame aneko uu.²⁰Eko Waco ne wode kao bee, yai malo inek gi, do Eponga likame oko woto pala, mere: piento elworo, piento oudo pwodi en Eponga. ²¹Di zebah kede zalmunna oko Waco bee, in en kame iyai, ipoti ikom wan: piento bala kite kame icuo tie kede, en teko mere imonono. Gidioni di ko yai, eko neko zebah gin kede zalmunna, eko gonyo muolere kame oudo tie ingut Aguraguran gi.²²Jo me Isirail oko Waco ne Gidioni bee, pug wa do, in karacel kede wodi, kiton idwe me idwe ni da: Piento ilako wa icing jo me Midia. ²³Gidioni di ko Waco ne gi bee, ango likame amito pugo uu, kiton woda da likame oyaro pugo uu: Rwot en omito pugo uu.²⁴Gidioni oko Waco ne gi bee, ango atie kwano gi moro ki butu, mia nango muolere me it kame tie ikom gi kame iyakunu, piento oudo kitie kede muole me zabu, (pient oudo gin jo Isimael) ²⁵Gin kiko dwoko bee, wan oyei mini gi, kiko peto esuka, kiko uco iye muole kame gin kitako ingut gi kame kiyako.²⁶Di peko me muole me zabu tie room tutumia acel itot kanyare, kilogram me Zabu apat kede gi angapa kame tubuso kom, kede ekola me ngut, kede igoen epunoepuno kame oudo tie ikom Abakai me Midia, apat kede irikoi oudo tie ingut Aguragurangi.²⁷Gidioni di ko timo cal ephod kede gi, eko sipo i Bomba mere, i ophrah: jo me Isirail dedede oko donyo oot kuno tim Malaya iye: gi kame etimo nono odoko o wic bute kede jo paco mere. ²⁸Epone no en kame jo me Isirail obwono kede jo me Midia,likame do kiko bobo twero tingo wigi Atwal, Di piny oko kwei pi muakini otongwon, ikare ka Gidioni.²⁹Di Jerubaal wot ka Yowasi eko oot bedo i ode iko kome. ³⁰Gidioni oudo tie kede awobe mege kame enywalo kede kome: gin ot kanyare piento oudo etot kede mon. ³¹Dako kame ebedo kede abeda kame tie i shecem, eda enywalo ne awobi, kame ecako nyinge be, Abimereki.³²Di Gidioni wot ka Yowasi oko too kede muakini atot kiber, di oko yike ii ates ka papa mere Yowasi i Ophrah me Abiezer. ³³Oko timere Kaman, awaka awaka di Gidioni otoo, idwe me Isirail oko bobo lokere, kiko oot timo tim me Malaya i Baalim, kiko timo Baal-berith pi bedo rubanga gi.³⁴Idwe me Isirail likame oko yutuno Rwot Rubanga gi, kolako gi i cing jo kwor gi dedede kibad dedede. ³⁵Likame da kiko nyuto kisa i paco ka Jerubaal, anyinge Gidioni, di lubere kede bero kame ebedo nyuto ne jo Isirail.

9¹Di Abimereki wot ka Jerubaal oko oot i shekem but imiegu ka Toto mere, eko poro kop kede gi, kede jo me paco me oot ka Toto me Papa mere, di ewaco bee, ²Akwao uu bee, yamunu i it jo dedede me shekem bee, mene kame ber ne un, amotoko bee, idwe ka Jerubaal dedede kame gin kitie awobe ot kanyare, pugu arabo imitutunu bee, ngat acel kenekene? Da bobo yutunu bee, ango kara abedo cogo uu kede ringo komu.³Di imiegu ka Toto mere oko yama kop ikome i it jo dedede me shekem, kop nogi dedede; cuny gi di oko yei kede lubo Abimereki; piento gin kiwaco bee, en ebedo omin wan. ⁴Di gin kiko mine sente siliva ot kanyare, kame ki kwanyo iot me Baal-berith, en kame Abimereki oko pango kede jo ka kony li kede jo ka goro, oko lube⁵Di eko oot paco ka papa mere i ophrah, eko neko imiegu mege idwe ka Jerubaal, kame tie jo ot kanyare iwi engaru acel, di mago da otimere kamano Yosamu awobi ngorit me ka Jerubaal oko dong; piento oudo epwono. ⁶Jo dedede me shekem oko cokere kare cal, kede jo me paco ka millo, di kiko oot, kiko mino Abimereki odoko Abaka, ika opete i epir kame oudo tie i shekem.⁷Kame oyamo ne kede Yosamu, en eko oot eko cungo iwi moru me Gerizim, eko woto dwane, eko redo eko waco ne gi bee, winyanu, un jo me Shekem me Rwot da winy wu da. ⁸Ikare moro yen ojwiao pi oot wiro Abaka apugo gi gin kiko waco ne yat olibeto bee, in en kame ipug wan.⁹Do yat olibeto oko waco ne gi bee, kom ango awek moo na kame mio ko woro Rubanga kiton dano da. Di ango ako oot pi mina dwongo me pugo yen? ¹⁰Yen di ko do waco ne olok bee, bia do in ipug wan. ¹¹Do yat olok oko Waco ne gi bee, kom ango awek winyi winyi na, kede elem na kabeco, di ako oot wira pi mina dwogo me pugo yen?¹²Yen di ko Waco ne Epigi bee, bia do in ipug wan. ¹³Yat Epigi oko Waco ne gi bee, en kom ango awek vini na, kame yomo cuny Rubanga kede dano, di ako oot pi mina dwogo me pugo yen? ¹⁴Di do yen dedede oko Waco ne Etirir bee, bia do in, ipug wan.¹⁵Etirir oko Waco ne yen bee, i ateni kame iwira nu pi bedo Abaka apugo uu, bia nu ikounu keto gen uu itipo na: do kame li, wek do mac woki i Etirir, di ko wango Sedar me Lebanon. ¹⁶Nan pimano, kame itimunu ateni, bobodi kakare, me un imiunu Abimereki doko Abaka, kame di itimunu kiber ne Jerubaal kede jo me ture ikounu timo ne nu di lubere kede gi kame cinge obedo timo.¹⁷Piento Papa nango oii piru, eko jalo kwo mere ka lac, eko lako uu icing jo me Midia: ¹⁸Di un ikountu tin lokere ii i ot ka Papa wa, ikounu neko awobe mege, jo ot kanyare, iwi engaru acel, di ikounu mino Abimeleki, wot ka dako mere kameli kenyomo, odoko Abaka kame pugo jo me sheken, be piento ebedo ominu.¹⁹Kom kame di un itimunu gi me ateni di tie kakare ne Jerubaal kede ne Jo ture tin ni, nan do lelunu ikom Abimeleki, eda eko ilel pi un. ²⁰Do kame li, wek mac wok kibut Abimereki, di ko wango jo me Shekem, kede i ot ka Millo; doko wek mac woki ki but Jo me Shekem, kede i ot ka Millo, diko wango Abimereki. ²¹Yosamu di ko ringo tenge, eko lwi, eko ot i Beer eko bedo kuno, pi lworo omi mere Abimereki.²²Di Abimereki pugo Isirail murakini adek. ²³Di Rubanga oko cwano cuny arac, idierediere me Abimereki kede jo me shekem;di jo me shekem oko timo aguragura kede Abimeriki. ²⁴Me tetekeny kolo kame otimere but awobe ka Jerubaal ot kanyare miero do bin, remo gi oko maro iwi Abimereki Omin gi, ngat oneko gi; kede iwi jo me shekem, kobedo konye pi neko imiegu mege.²⁵Jo me shekem oko keto jo angalo pi kine iwi okwidu me moru, kiko yako jo kame beo kanono, dedede, di oko Waco ne Abimereki.²⁶Di Gaal wot ka Ebed oko bino kede imiegu mege, di ki ko ngolo paka i Shekem; jo me shekem di ko keto gen gi ikome. ²⁷Kiko ot oko ipoto di kiko coko anyakini me olok gi, di kiko nyonyono elem, kiko bedo i eyala, di kiko oot i ot me rubanga gi, di kiko cam kedi mat, di ko lamo Abimeriki.²⁸Di Gaal wot ka Ebed oko Waco bee, Abimereki en ngai do shekem en ngai, me wek wan otii ne? likame en kom wot ka Jerubssl? Ot katic mere zebul? Tii nenu jo me Hamar Papa me shekem; nyo komio wan otio ne? ²⁹oudo koto di rubanga oyei, koto jogi obedo idud cinga koto ango ako riamo Abimereki.Eko Waco ne Abimereki bee, med ikean ni iko bino oko.³⁰Kame zebul dano ka pugo Bomba owinyo kede kop ka Gaal, wot ka Ebed, eko lilo. ³¹Eko cwano kop but Abimereki elilinh, di ewaco bee, neni; Gaal wot ka Ebed obino kede imiegu mege obino i shekem: doko neni, kitieko goloro ni Bomba.³²Na pi mano yaunu kiwor, in kede jo kame itie kede, oti ikiunu gi abuto i lum. ³³Oyaro timere kamon, odiko, di ceng wok awoka undilunu yai, ikounu luko Bomba: do, neni, di do en etie bino kede jo kame etie kede pi suri, tim nenu gi gikame iudunu winyo me timo.³⁴Amimeriki di ko yai, kede jo dedede kame oudo etie kede, iwor, kiko luko sheken i abunge ongwon. ³⁵Di Gaal wot ka Ebed oko donyo oko, eko cungo i dog erute kame odonyo kede i Bomba, Abimelek oko yai mato kede jo kame odonyo kede i Bomba, Abimelek oko yai malo kede jo kame oudo etie kede, i ka oudo etie kire iye.³⁶Kame do Gaal oneno kede jo, eko Waco ne zebul bee, neni, jo tie bino di kiwok iwi moru, zebul oko Waco ne bee, in itie neno tipo me moru bala jo. ³⁷Gaal bobo oko medo yamo bee, neni jo tie bino idierediere me lobo, abunge ace tie wok ki ka opete me Meonenim.³⁸Zebul di ko Waco ne bee, dogi na do tie twai, kame oudo in iwaco kede bee, Abimereki en ngai, me wek wan otii ne? Likame jo kame oudo in icao ige? Ot oko, akwai na, iko ii kede gi. ³⁹Gaal di ko oot oko but jo me Shekem, kiko ii kede Abimereki. ⁴⁰Abimereki oko riame, eko ringo tenge kibute, jo ka tot oko neko, mogo oudo awanon, paka tuno idog erute me donyo i Bomba.⁴¹Abimereki oko bedo i Arumah: di zebul oko riamo Gaal kede imiegu mege, me kur kibed i shekem. ⁴²Oko timere Kaman oruo mere, di jo oko ot ipoti; di kiko Waco ne Abimereki. ⁴³Eko kwanyo jo, eko poko gi i abunge adek, kiko ot kire i poti, di eko ngoloro, doko neni, jo obino di wok ki Bomba; eko yai oot suro gi, eko neko gi.⁴⁴Di Abimereki, kede abunge me jo kame oudo etie kede, kiko muomar anyim, kiko cungo i dog erute me donyo i Bomba: di abunge are oko ringo ikom jo koudo tie ipoto kiko neko gi. ⁴⁵Abimereki di ko ii ikom Bomba piny yul; kiko mano twotwomo ude me Bomba piny yul; kiko mano Bomba, kiko neko jo kame eudo tie iye, kiko twotwomo ude me Bomba, kiko kikiro munyo iye.⁴⁶Kame jo dedede me Goropa me Shekem, owinyo, kiko donyo i Goropa me ot me rubanga Berith. ⁴⁷Oko Waco ne Abimereki bee, jo dedede me Goropa me shekem ocokere karacel.⁴⁸Abimereki di koi to iwi moru me zalmon, en kede jo dedede kame oudo etie kede; Abimereki oko mako lee icinge, eko tongo jang yen, eko oot kede gi, eko riongo i epepet mer; eko Waco ne jo kame etie kede bee, gikame inenunu ango atie timo, timunu awaka di ikounu timo bala kame ango atimo kede. ⁴⁹Di jo dedede kamanono da oko tongo jang yat ngat acel acel mere, kkiko lubo Abimeriki, kiko keto gi i Goropa di eko cwinyo Goropa kede gi; dido jo kame tie i Goropa me shekem oko too, jo abuco room tutumia acel, mon kede cuo.⁵⁰Di Abimereki oko oot i Thebes, eko luko thebeth kiko mano. ⁵¹Do oudo tie Goropa atek idier Bomba, jo dedede oko ringo kuno, cuo, kede mon, kiton jo dedede me Bomba, kiko cego ekeko kiko ito malo me wi Goropa.⁵²Abimereki di ko tuno i Goropa, eko ii kede, oudo eko cane kitek idog ekeko me Goropa, oudo eyapuno wango ekeko kede mac. ⁵³Dako moro di ko uco kidi me riego iwi Abimereki paka bebelo cogo me wie. ⁵⁴Awaka awaka eko lwonga kame yeo ne jame me ii mege, eko Waco ne bee, wot palani, iko neka me kur jo wac bee, dako a daka en oneke, eponga mere oko cobe pelepel, eko too.⁵⁵Kame jo me Isirail oneno bee, Abimereki otoo, kiko dok ngat acel acel ikabedo mere. ⁵⁶En ekite no kame oculo kede raco ka Abimereki, kame etimo ne Papa mere, me neko imiegu mege ot kanyare. ⁵⁷Di tim areco dedede kame jo me shekem otimo Rubanga oko culo gi iwi gi: di ilam ka Yosamu wot ka Jerubaal oko poto ikom gi.

10¹Di ingei Abimeriki dano ace oko wok pi konyo jo Isirail, Tola wot ka Puah, wot ka Dodo, dano me Issachar; en ebedo i shamir i moru me Ephraim ²eko ngolo kop i Isirail pi muakini otare iwie adek, eko too, oko yike i shamir.³Ingei en Jair oko wok, dano me Gilead, eko ngolo kop i Isirail mwakini ot are iwie are. ⁴Oudo etie kede awobe ot adek, kame ringo kede idwe asigiran ot adek, di kitie kede Bomban ot adek kame olwongo bee, Havoth-jair paka tuno na, kame tie ipiny me Gilead. ⁵Jair di ko too, di oko yike i camon.⁶Idwe me isirail oko bobo timotim ka rac ki wang Rwot, kiko tic ne Baalim, kede Asharoth, kede rubangan me siria, kede rubangan me sidon, kede rubangan me Moab, kede rubanga me idwe me Ammon, kede rubangan me pilistia, di kiko weko Rwot, likame kiko tic me. ⁷Lilo ka Rwot oko dop ikom jo me isirail eko cato gi icing jo me pilistia, kede icing idwe me Ammon.⁸Imwaka no kiko lolo kede tidilo idwe me isirail: pi mwakini tomon kiwie kanyauni idwe me Isirail dedede kame tie loka Jordan, ilobo me jo Amor, kame tie i Gilead. ⁹Medo ikom manono idwe ka Ammon maro ngolo loka Jordan, pi ii doko kede Juda, kede Benjamin, kede oot ka Ephram; en omio jo isirail tie I can ka tek.¹⁰Idwe me isirail oko kok but Rwot, di ki Waco bee, wan odubo buti, odubo dub are, piento oweko Rubanga wa, doko otimo tic ne Baalim. ¹¹Rwot di ko Waco ne idwe me Isirail bee, ango riki likame alako uu icing Imisiran, kede jo Amor, Kibut idwe me Ammon, kede kibut i pilistain? ¹²Jo me zidon da kede jo me Amalek, kede jo me Maon, jogo otidilo uu, ikounu kok buta, ango ako lako uu icing gi.¹³Pwodi un ikounu weka, ikounu tic ne rubangan kapat pi mano likame bobo amito konyo uu Atwal. ¹⁴Ootunu ikokunu but rubangan kame iyerunu; me wek gin kikonyu ikare kame itie nu kede i alola.¹⁵Idwe me Isirail oko Waco ne Rwot bee, wan odubo: tim ne wan do gi kame in ineno be ber; kenekene lak wa, okwai akwa, tin do ber. ¹⁶Kiko kwanyo tenge rubangan kapat kame tie but gi kiko tic ne Rwot: cunye oko cwer pi kei me jo me Isirail oboe iye.¹⁷Di idwe ka Ammon oko cokere karacel, kiko bungaun i Gilead, idwe me Isirail oko cokere karacel, kiko bungaun i Mizpeh. ¹⁸Di jo, kede jot el adongo me Gilead oko Waco ne dano ocelu kede dano ocelu bee, ngai ino oyaro geno ii kede idwe ka Ammon? En emito doko atel-wic me jo kame bedo i Giliad dedede.

11¹Jepthah dano me Gilead oudo obedo dano katek di edongo, do eudo en ebedo wot ka Malaya: Gilead en onywalo Jepthah. ²Di dako ka Giliad oko nywalo ne awobe, di awobe ka dako mere oko dongo, kiko riamo Jepthah tenge, kiko Waco ne bee, in likame imito udo iner me gimoro iot ka papa wan; piento in itie wot ka dako apat. ³Di do Jephthab oko ringo kibut imiegu mege, eko donyo bedo ipiny me Tob: di jo kame kite gi tek oko cokere but Jephthar, eko donyo upere kede gi.⁴Oko timere Kaman ikare moro, idwe ka Ammon oko geno ii ikom jo me Isirail. ⁵Di eko bedo kamano, di do idwe ka Ammon ogeo do ii kede jo me Isirail, jot el adongo me Giliad oko oot pi mono Jephthah i piny me Tob: ⁶Gin kiko Waco ne Jephthah bee, bia, ibed kapten wa, me tetekeny oii kede idwe ka Ammon.⁷Jephthah di ka Waco ne jot el adongo me Giliad bee, un ngoce likame idaga nu, di ikounu riame tenge iot ka Papa na? nyo komio ibinunu buta na dido itie nu kede peko? ⁸Jo tel adongo me Giliad oko Waco ne Jephtha bee, pimano do ba, wan na olokere buti, me wek iupere kede wa, di oko ii kede idwe ka Ammon, in iko doko atel wii wa kame loo jo me Giliad dedede.⁹Jephthah di ko Waco ne jot el adongo me Giliad bee, kame bobo idwoka nu paco pi ii kede idwe ka Ammon, di Rwot ko mino gi buta, amito doko atel wii uu? ¹⁰Jo tel adongo me giliad oko waco ne Jephthah bee, Rwot bedo mujura idierediere wa, kame di likame wan oko timo kop ka in imito. ¹¹Jephthah di ko oot kede jot el kadongo me Giliad, jo diko kete bedo Atel wigi kede kapten kapugogi: di Jephthah oko tatamo kope mege dedede inyim Rwot i Mizpeh.¹²Jephthah di ko cwano kop but Abaka me idwe ko Ammon, bee, nyo ine kame itie timo na, me in bino sura pi ii keda i piny na? ¹³Di Abaka me idwe ka Ammon oko odwoko kop kede jo kame Jephthar ocwao bee, piento jo me Isirail omao lobo wa, ikare kame kiwok, pako kiton Jordan: na pimano, dwokunu loberen go kede mulem.¹⁴Di Jephthah bobo oko cwano joor but Abaka me idwe ka Ammon:¹⁵Di ko Waco ne bee, Jephthah owaco bee, jo me Isirail likame omao lobo me Moab, ara bo lobo me idwe ka Ammon:¹⁶Do di isirail tie bino i Misiri, kiko beo i ebar paka tuno inam ka kwar, kiko beo i ebar paka tuno inam a kwar, kiko tuno i kadesh;¹⁷Di jo me Isirail oko Cwano joor but Abaka me Edom, di eyamo bee, akwai akwa bee, yei na abei ki lobo ni: do Abaka me Edom likame oko yei, bobo i epone nono, kiko bobo cwano kop but Abaka me Moab: likame eko yei, dido jo me Isirail oko dong bedo i kadesh. ¹⁸Dido kiko omo beo i ebar, di kiko luko lobo me Edom, kede lobo me Moab, kiko ririo ibad me kide me lobo me Moab, kiko ririo ibad me kide me lobo me Moab, kiko gero i emai gi ibad me tetu Arnon, do likame kiko tuno i ikor me Moab: pient Arnon oudo tie ikor me Moab.¹⁹Di Isirail oko Cwano joor but Sihon Abaka me jo Amor, but Abaka me Heshbon; jo Isirail oko Waco ne bee, okwai bee, wek wa obei ilobo ni, akati ikabedo na. ²⁰Do Sihon likame oko geno Isirail pi beo ipiny mere: do Sihon oko coko jo mege dedede karacel, kiko gero i emai gi i Jahaz, kiko ii kede Isirail.²¹Di Rwot Rubanga me Isirail oko mino Sihon kede jo mege dedede icing Isirail, gin kiko neko gi: dido Isirail oko tero lobo dedede me jo Amor, jo kame bedo ipiny nono. ²²Kiko tero lobo dedede me jo ka Amor, geno i Arnon pakatuno Jabbok, kede gen i ebar paka tunoi Jordan.²³Aso nan do Rwot Rubanga me Isirail, en komao jo Amor iwang jo mege Isirail, kom un ikounu tere nu? ²⁴Likame un iterunu ka me rubanga uu chemosh omio uu pi tero? Aso ngatamoro kenekene kame Rwot Rubanga wa bino riamo tenge inyim wan wan otero lobo gi. ²⁵Do na un itie nu kede gi ka ber akato Balak wot ka zippor, abakame me Moab? Geno sek elok kede Isirail, ara bo geno riki eii kede gi?²⁶Di oudo Isirail bedo i Hesbon, kede i Taunin mege kede Taunin mege kede i Bomban dedede kame tie kame opugo i Arnon, muakini tol adek? ²⁷. Pimano pinyo komio likame ikounu dwoko gi ikare go? Pimano ango likame atimo dub moro buti, do itimo nango gi ka rac me ii keda: Rwot nga ngol kop, ebed angol kop tin idierediere me idwe Isirail kede idwe ka Ammon. ²⁸Ka amano do, Abaka me idwe me Ammon likame eko yei kede kop kame Jephthah ocwao ne.²⁹Di cuny ka Rwot oko bino ikom Jephthah, eko ngolo loka Giliad kede i manase eko ngolo paka i Mizpeh me Giliad, eko yai i Mizpeh me Giliad, eko ngolo paka but idwe ka Ammon. ³⁰Di Jephthah oko lairo ilair but Rwot, eko Waco bee, kame di abongo koso,di iko mino idwe ka Ammon icinga. ³¹Bino bedo Kaman, gimoro ni kenekene kame bino bino di wok i ekeko me tura pi riamo keda, di adwogo kede mulem i but idwe ka Ammon, emito bedo me ka Rwot, doko amito mine ebedo gi amia me awanga.³²Aso Jephthah oko ngolo tuca but idwe ka Ammon pi ii kede gi; Rwot di ko mino gi icinge, ³³Eko neko gi i Aroer, paka tuno i Minnith, Bomban ot-are, paka tuno ka opete me olok twon nek katek, i epone no en kame idwe ka Ammon oko lore kede kinyim idwe me Isirail.³⁴Jephthah di ko dwogo paco meri i Mizpeh, dido, neni, nyare di ko wok oko pi riamo kede, kede mujira kede miel: nyako nono oudo atin mere acel kenekene; Likame bobo tie awobi ara nyako, apat kede manononi. ³⁵Oko timere Kaman, kame eneno kede nyako mere ni, eko nyinyilo igoen mege, eko Waco bee, atakai nyara, idwoka piny twatwal, ida bobo dano acel komia can: piento oudo ayabo doga but Rwot, likame atwero bobo dok cen.³⁶Nyako oko Waco ne bee, Papa, kame oudo iyabo dogi but Rwot, tim ne ango gi kame lubere kede gi kame oudo owok ki dogi; bala kame Rwot otieko culo ni kede kwor ikom jo kwor ni, kame tie idwe ka Ammon. ³⁷Nyako oko Waco ne Papa mere bee, wek gini timere ne ango: weka ber kena pi dwete are, wek aririmo mori, aito malo di alor piny wek akok pi tididi na, kede jo wota.³⁸En eko Waco ne bee, ape eko cwano nyako nono tenge pi dwete are: en kede jo wote, kiko koko tididi mere iwi mori. ³⁹Oko timere Kaman, ingei dwete are tiek eko dwogo but Papa mere, eko timo kede gikame lubere kede ilair kame oudo elairo: oudo pwodi likame engeo icuo moro, kame oudo tie itok me Isirail. ⁴⁰Dido anyira me Isirail buli muaka acel acel, ki ooto koko nyar ka Jephthah me Giliad, Cenge ongwon.

12¹Jo me Ephraim oko cokere karacel, kiko oot tetu piny, kiko Waco ne Jephthah bee, pinyo komio in iooto ngolo loka tuca pi ii kede idwe ka Ammon, di likame ilwongo wada pi upere kedi? Omito wangi kede odi kede mac. ²Jephthah diko Waco ne gi bee, ango kede jo na, oudo otie kede lok katek kede idwe ka Ammon; ango ako lwongo uu, likame ikounu laka tenge I cing gi.³Kame do ango aneno kede bee, likame ilakanu, ango ako keto kuo na icinga, ako ngolo loka suro idwe ka Ammon, Rwot di ko mino gi icinga: Pi tien kop nyo komio un ibinu tin buta pi ii keda? ⁴Di Jephthah oko Coko karacel jo dedede me Giliad, kiko ii kede Ephraim : jo me Giliad di ko neko jo me Ephraim, piento gin kiwaco bee, un jo Giliad un itie nu jo ko obino abina i Ephraim, ki dier jo me Ephraim kede idier Manase.⁵Di jo me Giliad oko kato anyim di kiko mako ne jo me Ephram yongayo me Jordan: oko bedo da kamanono, bee, kame jo me Ephraim ko bwot mege owaco bee, wek ango angol loka tuca; jo me Giliad ko penye bee, in ibedo dano me Ephraim? Kame eko dwoko be li. ⁶Gin kiko Waco ne bee, aso wac bee, Shabboleth: and he say sibboleth:pient likame eyaro twero yame kiber, di komake, di koneke iyongayo me Jordan: Jo me Ephraim kame oko neko ikare no tie jo tutumia ot ongwon iwie are.⁷Jephthah oko bedo angol kop me isirail mukini kanyape. Jephthah dano me Giliad oko too, di oko yike i acel ikom Bomban me Giliad.⁸Ingei en, dido ibzan me Bethlehem eko ngolo kop i Isirail. ⁹Oudo etie kede awobe ot-adek, kede anyira da ot-adek eko cwano gi ipiny kabor eko kelo ne awobe anyira me tenge, eko ngolo ne Isirail kop muakini kanyare.¹⁰Di Ibzan oko too, oko yike i Bethlehem. ¹¹Ingei en, dido Elon, dano me Zebuloni, engolo kop i Isirail, eko ngolo kop i Isirai muakini tomon. ¹²Di Elon dano Zebuloni oko too, di oko yike i Ajalon ipiny me Zebulon.¹³Ingei en dido Abdon, wot ka Hillel, dano me Pirathon, engolo kop i Isirail. ¹⁴Oudo etie kede awobe ot-ongwon, kede icenin ot-adek, kame ringo kede idwe asigiran ot-kany-are eko ngolo kop i Isirail pi muakini kany-auni. ¹⁵Di Abdon wok ka Hillel dano me Pirathon oko too, oko yike i Pirathon, i piny me Ephraim, i moru me jo Amalek.

13¹Idwe Isirail bobo oko timotim karac ki wang Rwot; Rwot di ko jalo gi icing jo Philisiti pi muakini ot-ongwon. ²Do tie oudo dano moro ipiny me zorah, dano me ekeka ka Dan, kame nyinge Manoa; dako mere oudo tie Adonge, likame engwal.³Malaika ka Rwot oko neno ne dako, di ko Waco ne bee, na neni, in itie Adonge, likame inywal: do iyaro yac iko nywalo awobi. ⁴Do na mito igwokere, akwai, kur imat kongo ara gi ka kec, doko kur icam gi ka likacil. ⁵Piento, neni in iyaro yac, iko nywalo awobi; do liedi likame bino tuno iwie: Piento atin no oyaro bedo ngacil but Rubanga geno ii aurus: en emito geno lako Isirail i cing jo Philisti.⁶Dako di ko bino Waco ne cware, bee, dano ka Rubanga obino buta, do nyime cal kede nyim Malaika ka Rubanga; wange tek: do likame ango ako penye kame en ewokiye, doko likame ewaco na nyinge. ⁷Do en ewaco na bee, neni, in iyaro yac, iko nywalo awobi; do na kur imat kongo ara gi kamata ka kec doko kur i can gi ka likame cil: piento atim nono omito bedo cil but Rubanga geno i aurus, paka iceng me too mere.⁸Manoah di ko kwano Rwot, di ewaco bee, okwe Rwot na, mi dano ka Rubabnga kame oudo icwao ca edwog bobo but wa, me wek epwony wa gi kame oyaro nywalo. ⁹Rubanga diko winyo dawn manoah; Malaika ka Rubanga oko dwogo bobo but dako di etie bedo ipoto: do Manoa cware oudo likatie kede.¹⁰Dako di ko timo awaka awaka, di eko ringo, eko nguto ne Cware, eko Waco ne bee, neni icuo ca oneno na, lo angoce obino na Cenge ca. ¹¹Manoah oko yai, eko lubo dako mere, kiko tuno but icuo nono, eko Waco ne bee, in en kame icuo koyamo kede dako? Eko dwoko bee, ee ango inonono.¹²Manoah di ko Waco bee, mi kop ni do timere. Obino gwoko atin nono benyo doko obino timo ne nyo? ¹³Malaika ka Rwot oko dwokone manoah bee, kop dedede kame ango atieko Waco ne dako miero enen be egwokere kiye. ¹⁴Kur ecam gimoro ni owok i olok, bobo da kur emat kongo ara gi amata kakec, doko kur ecam gi kalika cil kop dedede kame ango acike iye, enen bee, egwoko.¹⁵Manoah di ko Waco ne Malaika ka Rwot bee, akwai bee, wek waber ogali, paka wan tieko iko ni diel. ¹⁶Malaika ka Rwot oko Waco ne Manoah bee, bed bala igalanu, do likame ayaro camo mugati ni: do kame ibino mino gi ayala me ka wanga, ipore mine but Rwot. Piento oudo Manoah likame ngeo be ebedo Malaika ka Rwot.¹⁷Manoah oko penyo Malaika ka Rwot bee, nyingi gai me tetekeny kame kop ni gi otimere, wek omi woro? ¹⁸Mailaka ka Rwot oko Waco ne bee, pinyo komio ipenyo nyinga, di neno bee, kop ni tie omung?¹⁹Aso manoah di ko kwanyo diel, kede gi ka yala me cam, di eko yalo kede Rwot iwi lela: Mailaka di ko timo gi me aura; di Manoah kede dako mere neno. ²⁰Piento oko timere Kaman, kame leb mac diel kede malo, di yai i Alutari, Manoah kede dako mere di neno, kiko popoto di kiloko nyim gi piny.²¹Do Malaika ka Rwot likame bobo oko medo neno but Manoah kede dako mere, dido Manoah oko niang bee kom kara oudo ebedo Malaika ko Rwot. ²²Manoah di ko Waco ne dako mere bee, wan i ateteni mere oyaro do too, piento oneno Rubanga.²³Do dako mere oko Waco ne bee, kame koto di oudo Rubanga mito neko wa, koto oudo likame egamo fi ka yala wa me cam kede me ka wanga icing wa doko koto likame enyuto ne wa gigi dedede, doko koto likame eyamo ne wa jamini acal Kaman ikare ni.²⁴Dako di ko nywalo awobi, oko cko nyinge bee, Samsoni; atin di ko dongo, Rwot di ko mine winyo. ²⁵Di cuny ka Rwot oko geno mine oot ikare mogo i kambi me Dan idierediere me zorah kede Eshtaol.

14¹Samsoni di ko oot piny i Timna, eko neno dako i Timna kuno ikom anyira me jo Philistia. ²Eko dwogo, eko Waco ne Papa mere kede Toto mere, eko Waco bee, ango aneno dako i Timna ikom anyira me iphilistia. Eko dwogo, eko Waco ne Papa mere kede Toto mere, eko Waco bee, ango aneno dako i Timna ikom anyira me iphilistiani nan do Pimano gamunu en pi bedo dako.³Papa mere kede Toto mere oko Waco ne bee, Likame tie dako ikom anyira imieguni, ara bo ikom joe nango dedede, di in iko oot mono dako kibut Iphilistian kame likame okepere? Samsoni di ko Waco ne Papa mere bee, game ne ango, Piento eyomo cunya twatwal. ⁴Do Papa mere kede Toto mere oudo kwia bee, oudo etie ik ka Rwot, kame etie mono kede epiding me suro jo me Philisiti: piento oudo jo philisiti en kame pugo jo me Isirail ikareno.⁵Samsoni di ko oot piny kuno, kede Papa mere kede Toto mere, i Timna, kiko tuno ipoti me olok me Timna: doke, neni, Engu iyapakina oko ngururo ne. ⁶Cuny ka Rwot di ko bino ikome kede teko, di en eko nyinyilo Engu nono, bala nyinyilo diel, di eli kede gi moro icinge: do likame eko Waco ne Papa mere kede Toto mere gi kame etimo.⁷Kiko oot piny kuno, eko yamo kede dako; eko yomo cuny Samsoni twatwal. ⁸Dido ingei kare moro, eko dok kuno pi omo dako, eko parao pi neno kom engu otoo ca: do, neni, kic oudo tie iye kede moo-kic, i kom Engu oto. ⁹Eko mako mokic icinge, eoto di ecamo gi, eko tuno but Papa mere kede Toto mere, eko mino gida, gida kiko camo; do likame eko Waco ne gi be ewado moo kic i kom Engu otoo.¹⁰Aso Papa mere oko oot piny kuno but dako: Samsoni diko tedo ebaga ikuno; piento ipongai maro timo kamanono. ¹¹Oko do timere Kaman, kame gin kinene kede, kiko kelo jo kame konye bedo, jo ot adek.¹²Samsoni di ko Waco ne gi bee, ayaro na penyo uu lee na: do kame itwerunu tuco na lee nono pi ceng kanyare di pwodi otie i ebaga kan, di ikounu tuco na, ayaro mino uu isukan ot adek, kede igoen kame ololoko ngapo da ot-adek. ¹³Do kame tuco na oloo uu, uda imitunu mina isukan ot-adek kede igoen kame ololoko ngapo ot adek gin kiko Waco bee, in yam lee ni nono, wan owinyi.¹⁴En eko Waco ne gi bee, ikom gi acamo jo, cam oko wok iye, kibut gi ka tek, gika winyinyi oko wok iye, pi cengere adek likame kitwero tuco lee nono.¹⁵Oko timere Kaman i ceng me kanyare, gin kiko Waco ne dako ka Samsoni bee, bitao cwari, me wek etuc ne wan lee nono, me kur wan owangi kede jo me paco ka Papa ni kede mac: ilwongo wa kan pi mano jame kame wan otie kede? Mam kamanono?¹⁶Dako ka Samson di ko kok inyime, di ewaco bee, in kom idaga, likame imara: in ipenyo lee but idwe me jo na, do likame imara: in ipenyo lee but idwe me jo na, do likame ituco na, en eko Waco ne bee, neni, ango kara likame otuco ne Papa kede Toto na, kom ango ako tuco ne in? ¹⁷Di en eko bungo koko inyime iceng me kanyare di pwodi ebaga gi tie: oko timere Kaman iceng me kayare, di do eko tuco ne, piento do oudo etaritoi bute: di en eko tuco lee nono ne idwe me jo mege.¹⁸Di jo me Bomba oko Waco ne iceng me kanyare di pwodi ceng likame odonyo bee, nyo kame winyi winyi bala moo-kic? Doko nyo katek kato Engu? En eko Waco ne gi bee, koto oudi likame ipurunu kede Royana, koto likame iudunu lee na.¹⁹Cuny ka Rwot oko bino ikome, eko oot piny i Ashkelon, eko neko jo ikuno otadek, eko tero gi kame eyako kibut gi, eko mino igoen kame olloloko ngapo but jo kame otuco lee, eko doko ger kitek, eko ot iot ka Papa mere. ²⁰Do dako ka Samson oko mino but ngat koudo ki bedo kede, dano kame oudo en etio kede bala dieru mere.

15¹Oko timere Kaman, idiere me kare moro icen, ikare me nyaro engano, Samsoni di weneao dako mere kede diel; eneko Waco bee, ango amito donyo but dako na ii isengge. DoPapa me dako likame oko yai ne donyo. ²Papa me nyako oko Waco bee, ango oudo atamo bee, oudo tieko dage Atwal, pimano ango ako mine but nga bedo ni: likame amimere atidi cil kato en? Akwai bee, tere, Akaka amimere ca.³Di Samsoni oko Waco kop kamako gi bee, nan ango amito dong di raco moro lina, lono jo me Philisllia, akadi di atimo ne gi gi kame wango cuny gi. ⁴Samsoni oko oot eko mako ikween tol adek, di eko kelo mac me lum kame otwetweo, eko tutudu yib ocelu kede ocelu, eko twetweo Lum me mac idierediere me yib gi.⁵Kame do etieko cwinyo mac ilum kame otwetweo eko weko gi oot ipoto me mudunga me Philist i kame tie cungo, kiko wango mudunga atie cungo paka nyige kiton olok kede olibeto. ⁶Jo Philisti oko Waco bee, ngai ine kotimo gini; kiko dwoko bee, Samsoni , oor dano me Timnit, mere Jophilisti di ko bino kuno, kiko wango nyako nono kede Papa mere kede mac.⁷Samsoni diko Waco ne gi bee, bed bala un itimunu kamano, do pwodi ada amito culo kede uu kwor,kame do atieko, ako do weko. ⁸Di eko neko gi i atukit di rwadarwada, kede nek apapat: eko oot piny , eko donyo bedo iwi moru me Etam.⁹Jo philisti di ko oot kuno, di kiko gero lemai gi i Juda, di kiko pong i lehi. ¹⁰Di jo me Juda oko Waco bee, nyo komio ibinunu suro wa? Gin kiko dwoko bee, wan obino kan pii tweno Samsoni, pi timo ne gi kame etimo ne wa.¹¹Di jo me Juda tutumia adek oko oot iwi lela me Etam, Kiko Waco ne Samsoni bee, in likame ingeo bee jo me Phililisiti en kame pugo wan? Nyo ine kame itimo ne wa? En eko Waco negi bee, kite kame gin kitimo nango, en kame ada atimo negi.¹²Gin kiko Waco ne bee, wan obino kan pi tweni, me wek omi icing jo me philisiti. Samsoni diko Waco ne gi bee, lairunu nuta, kame likame un ikomu iyarunu poto icinga. ¹³Gin kiko yamo ne bee, li; wan omito tweni kitek, di oko mini i cing gi: do I ateni, wan likame omito neki. Kiko twene kede aunoi anyen are, di oko kele iwi lela piny.¹⁴Kame etuno kede Ilehi, jo me philisti di ko woo ikome: cuny ka Rwot di ko bino ikome kede teko, auni kame oudo tie ibade, oko doko bala ausi kame mac owango, gi kame otweo kede cinge oko gogonyun.¹⁵Eko udo cogo ka pwodi nyen me itinyo me lak Asigira, eko cwano cinge iye, eko kwanyo, eko neko kede jo tutumia. ¹⁶Samsoni di ko Waco bee, kede cogo me lak asigira aututu iwi aututu, kede cogo me itinyo me Asigira aneko kede tutumian me jo.¹⁷Oko timere Kaman, kame etieko kede yamo, eko uco cogo me lak asigira tenge icinge, eko cako nying adul nono bee, Ramath-Lehi. ¹⁸Orio di ko neke kitek, eko lwongo Rwot, di ewaco bee, imio twon alako adwong arom Kaman icing epasoit ni; kom nan do ako too orio, ako poto icing Jo kame likame okepere?¹⁹Do Rubanga oko belo ka twolo ii Cogo me lak asigira ca, pi di oko mol kiye; dido en emato pii nono, cunye di ko dwogo bobo, eko doko tek: en komio eko cako nying kanono bee, Enhakkore, kame tie i Lehi tuno tin.²⁰En eko ngolo kop I isirail ikare me jo Philisti muakini otare.

16¹Samsoni di ko oot i Gaza, eko neno malaya ikuno, eko donyo bute. ²Di oko waco ne jo ne Gaza bee, Samsoni obino kan. Di gin kiko luke iiye kuno, di gin kiko dong dare iwor kia idog erute me Bomba, di gin kiko kine eliling iwor kiakia, di kiwaco bee, odiko, kame piny oru, oyaro nake³Samsoni diko buto paka idier iwor, eko yai idier iwor, eko muko ekeko me dog erute me Bomba kede amuang go, eko oot kede gi, ari me ekeko kede jame dedede iye, eko riongo gi i epepet mere, eko yeno gi malo iwi emukura kame tie cen me Hebron.⁴Oko timere kaman i cen mere, eko mito dako moro i osamai me Sorek, kame nyinge oudo Delilah ⁵Di jo pug me Philisiti oko bino but dako nono di ko waco ne bee, yodao en. di iko neno kame teko mere tie iye, kede yongayo kame wan otwero bwone kede, me tetekeny otwe di oko ti dilo en; di wan oko bino mini buli dano siringi tutumia tomon iwie acel⁶Delilah di ko waco ne Samsoni bee, waca, akwai, kame teko ni tie iye, kede kame ko twero tweni iye, kame komito tidilo in. ⁷Samsoni di ko waco ne bee, kame ko twea kede emaman anumu kanyare, ka lulum, kame pwodi likame otuo, ayaro bedo getegete bala dano moro kenekene⁸Di jo pug me Philisiti oko kelone emaman kanyare kame pwodi li kame otuo, en eko twene kede gi. ⁹na Oudo tie jo ko pwono pi kine, kitie bedo kede dako nono, ii isengge, dako nono oko waco ne bee, jo me Philisiti otuno ni, Samsoni, en eko cocoto emaman ka, bala ausi atitidi kame mac omule. Aso kame teko mere tie iye likame oko ngere.¹⁰Delilah di ko waco ne Samsoni bee, neni, in kom inywara, iko waco na gi me angalo; nan do waca, akwai, kite kame otwein kede. ¹¹en eko waco ne bee, kame otwea kitek kede auni kanyen kame pwodi likame otio kede ayaro bedo getegete bala dano adana moro kenekene ¹²Pimano, di Delilah oko kwanyo auni anyen, eko twene kede, eko waco ne bee, Samsoni, jo me Philisiti kara otuno ni, tie oudo jo ko pwono tie kiire ii isengge, eko cocoto auni icinge tenge bala tol.¹³Delilah di ko waco ne Samsoni bee, bobo tin imedo nywara, iko waco na kop me angalo; tuca kite kame otwero tweni kede , en eko waco ne dako nono bee, kame ituko abunge yer wia gi ikom epir me lilim me eema, ¹⁴eko tutuko yer wie i epir me lilim me eema, eko waco ne bee, Samsoni kara jo Philisiti otuno ni, Samsoni. Eko cei iwang nino mere, eko yai kede epir me eema kede ari mere, kiton kom eema dedede.¹⁵dako nono oko waco ne bee, in itwero waco benyo be imara, do di cunyi li ikoma? ingala odoko kidek, likame iko tuco na kame teko ni katek tie iye. ¹⁶Oko timere kaman, kame dako nono obedo dine kede buli ceng, kede kop mege, kop nogo oko kwanyo cunye, omio do tam mege do oko yei too¹⁷dido eko do tuco ne kop me cunye, eko waco ne dako nono bee, "ango geno, liedi likame otuno iwia, ango abedo nyacil but Rubanga geno ii aurus ka toto na; kame olielo yer me wia, teko na omita yai ikoma tenge, ako doko getegete bala dano adana moro kene kene."¹⁸Kame do Delilah oneno kede bee, en etuco ne do kop me cunye dedede, eko cwano kop lwongo jo pug me Philisiti, eko waco ne gi bee, dwogunu do icel, piento etieko do tuco na kop me cunye, di jo pug me Philisiti oko bino but dako nono, kede sente icing gi. ¹⁹dako nono oko mine enino itiene, eko lwongo icuo acel, eko mino olielo abunge me yer wie kanyare; di eko geno tidilo en, teko mere oko yai ikome.²⁰dako nono oko waco bee, Samsoni, kara jo Philisiti obino ni, eko cei ki wang nino mere ca, eko waco bee, amito oot ne gi bala lem sek, ako gwegwe un do oudo likame engeo bee Rwot oyai ikome. ²¹Jo me Philisiti di ko make, di kiko loloo wange di oko kele paka i Gaza, oko twene kede eping go me lilim, eko donyo riego ii ude me mabus. ²²kame mago tie da, yer me wie oko geno bobo swapo ingei liele ca.²³Jo pug me Philisiti oko cokere karacel pi mino gi ka yala ka piretek but Rubanga gi Dagon kede ilel; pieto kiwaco bee, "rubanga wa imio Samsoni nga kwar wa icing wa." ²⁴di do jo oneno, kiko pako rubanga gi; piento gin kiwaco bee, "rubanga wa en omio nyakwor wa icing wa; dano ko muducaro piny wa, lo koneko jo wa katot."²⁵oko timere kaman, kame do cuny gi yom kede, gin kiko waco bee, lwongunu Samsoni, me etim ne wa tuko, kiko lwongo Samsoni pi work ii ot me mabis, eko timo ne gi tuko; gin kiko kete idiere diere me ipirin. ²⁶Samsoni di ko waco ne atin awoni oudo peo cinge bee, "yei na abed di amako ipirin, kame ot cungo kede me wek agongere iye."²⁷ot oudo opong mon kede cuo, jo pug me Philisiti dedede oudo tie kuno; malo me wi ot tie iye jo tutumia adke cuo kede mon, kame oudo tie neno Samsoni di timo tuko.²⁸Samsoni di ko lwongo Rubanga, eko waco bee, "okwe Rwot Rubanga, yutuno ango, akwai, iko mina teko, alegi iceli do kenekene, okwe Rubanga, me do acul kwor me wanga are icel do ikom jo Philisitia." ²⁹Di Samsoni oko cato kede ipirin me cuny ot are kame ot cungo kede, kede kame yeo ot, epir acel emako kede cinge tetu cam, acen kede cinge tu ngodial.³⁰Samsoni di ko waco bee, wek do atoi kede jo me Philisiti. Eko gungo kede teko mege dedede; ot di ko poto i kom jo pug, kede ikom jo dedede ko oudo tie iye aso jo otoo, kame eneko i kame etoo iye, tot kato jo kame eneko di pwodi ekuo. ³¹Di imiegu mege kede jo me i ot ka Papa mere dedede oko oot kuno, di ko kwanye, oko kele, oko yike idiere diere me Zorah kede Eshtaol, kame Papa mere Manoh yiko iye jo otoo, en eko ngolo kop i Isirail pi muakini ot are.

17¹Di dano moro oudo me moru me Ephraim, nyinge oudo Mikah. ²en ekowaco ne Toto mere bee, Siliva kilos Tomon iwie acel, kame oudo ogamo kibuti, kame in oudo ilamere pir gi, kame oudo in iyamo kop gi ita, neni, siliva go tie buta, ango akwanyo gi. Toto mere oko waco bee, itie kede winyo kibut Rwot atin na.³Kame do en eko dwoko kede Siliva kilos tomon iwie acel, Toto mere di ko waco bee, ango atieko mino Siliva go atwalatwala icinga but Rwot pi woda, pi timo kede cala atwaka, kede kame otimo atima kede cing, pi mano amito dwoke buti. ⁴Do en eko dwoko sete nono but Toto mere, Toto mere di ko kwanyo Siliva kilos tol are me Siliva eko dwoko but dano koude, eko timo kede gi cal atwaka kede kame otimo kede cing. Cal go oko bedo i ot ka Mihak⁵Icuo anyinge Mikah ni oudo tie kede ot me rubangan, eko timo ephod, kede cal akodolong, eko keto awobi mere acel ikom awobe mege, oko doko ny sasorodot mere. ⁶Ikare no oudo Abaka li i isirail, dano acel acel timo gikame eneno be ber iwange.⁷oudo tie eponga moro owok ki Betelekem me Juda i diakal ka Juda, en oudo nya Levi, en eko dak kumo ⁸dano nono oko yai i Bomba me Betelekem me Juda pi dak karamoro kame etwero udo ite kabedo; eko tuno i moru me Ephraim i ot ka Mikah, di etie oot ⁹Mikah do ko waco ne bee, in iwok itwai? en eko waco me bee, ango atie nga Levi me Betelekem me Juda, do ango atie dak karamoro kame atwero udo iye kabedo¹⁰Mikah di ko waco be bee, bed keda, iko doko, Papa kede Esasorodot na, ango ayaro culi buli mwaka Siliva kilos tomon, kede igoen acacal me angapa, kede cam, aso nga oko Levi dongo bute. ¹¹nga Levi di ko yei pi bedo kede icuo nono; eponga nono oudo oko doko bala acel ikom awobe mege.¹²di Mikah oko keto nga Levi, Eponga noni oko doko esasorodot, oudo do eko dong bedo i ot ka Mikah ¹³Mikah di ko waco bee, nan do angeo bee Rwot bino timo na bero, piento ango atie kede Esasorodot nga Levi Ikokome.

18¹Ikare no oudo Abaka li i Isirail; doko ikare no oudo ateker ka Dan tie mono lobo me atera pi bedo iye; piento ikare nono oudo pwodi gin dedede likame ki udo lobo ikom jo me Isirail ²idwe ka Dan di ko cwano jo kany i diekal gi, i adul kame kitie ite, cuo kodongo di tek, yai ki Zorah kede ki Eshtaol, pi oot kebero lobo, kede pi timo ngic iye jogo di ko tuno imoru me Ephraim, iot ka Mikah kiko buto kuno³Kame do oudo gin kitie kede i ot ka Mikah, kiko ngeno dwan eponga nga Levi ca, kiko lokere donyo bute, kiko waco ne bee, ngai en ko keli kan? kede da, in itimo nyo ikan? doko nyo kame in itie kede kan? ⁴en eko dwoko ne gi bee, Mikah otimo na kaman, kede amaka, eko panga, ango nan do atie Esasorodot mere⁵gin kiko waco ne bee, wan okwai bee, peny tam ka Rubanga, me wek ongei kame oot kame wan otie oot ni bino cobere kiber. ⁶Esasorodot oko waco ne gi bee, ootunu kede mulem; oot kame itie nu iye no, tie inyim Rwot⁷jo kany gi di ko yai, kiko tuno i Laish, kiko neno jo kame tie kuno, kite kame kibedo kede atatai, kibedo bala jo me Sidon, ki palaro, kede mulem, likame tie angol kop moro ilobo nono, kame twero mino lewic mako gi ikop moro; bobo oudo kitie ka bor kede Sidon, doko likame tie cat moro kame kitie kede, kede dano moro. ⁸gin kiko dwogo but imiegu gi i Zorah kede i Eshtaol; imiegu gi di ko penyo gi bee, un iyamunu nyo?⁹gin kiko dwoko bee, yaunu, me wek ootunu osurunu gi; piento wan oneno lobo, doko neni, eber twatal: un pwodi itienu bedo? kur iyalangonu oot kuno kede donyo pi tero lobo. ¹⁰Kame itie nu oot, iyarunu tuno but jo ko papalo, doko ilobo kalac; piento Rubanga otieko mino gi icingu; kabedo kame gi korem likame tie iye ikom jame me piny.¹¹Jo me diakal ka Dan di ko yai ikuno kiko oot, ki yai ki Zorah kede i Eshtaol jo kol kanyape kame mako jame me ii. ¹²gin ki ko oot, kiko gero iemai gi i Kirjas - Jerim, i Juda; en komio kiko cako nying konono bee, Mahaneh - dan paka tuno na; neni etie cen ngei Kirjas - Jerim.¹³kiko beo kuno ki moru me Ephraim, kiko tuno iot ka Mikah. ¹⁴Jo kany ko oot kebero lobo me Laish, di kiko waco ne imiegu gi bee, do un ingeunu be Ephod tie iot ni kede akodolong, kede cal atwaka, kede kame otimo kede cing? na do parunu gikame itie nu timo.¹⁵kiko lokere tetukuno, kiko tuno iot me Eponga me Levi ipaco ka Mikah, kiko mote ¹⁶di jo tol kanyape kame oudo mako jame me ii; kame obado idwe ka Dan, oko cungo idog erute me donyo ipaco.¹⁷di ko kany koudo ooto pi kebero lobo oko oot, kiko donyo kuno, kiko kwanyo cal atwaka, kede Ephod, kede cal me akodolong, kede cal kame otimo kede cing; di Esasorodot oko cungo ii erute me donyo, kede jo tol kanyape kame mako jame me ii. ¹⁸jo go di ko donyo iot ka Mikah, kiko kwanyo cal jwogi okude, kede Ephod, kede cal me Akodolong, kede cal atima me cing, Esasorodot oko openyo gi bee, itie nu timo nyo?¹⁹gin kiko dwoko ne bee, ling tii, um dogi kede cingi, di iko upere kede wa, iko doko Papa wa kede esasorodot; Tie gi kaber ne ni bedo esasorodot me iot me dano acel kenekene, ara bo bedo esasorodot amako ateker kede diakal i isirail? ²⁰Cuny Esasorodot oko doko yom, eko kwanyo Ephod kede cal me akodolong, kede cal atwaka, eko oot ki diere me Jo.²¹aso kiko lokere kiko yai, kiko keto idwe atino kede leini, kede yec anyim. ²²di do gin kikato ka bor kede ot ka Mikah, jo kame ude gi kio kede me ka Mikah oko cokere karacel, kiko mako idwe ka Dan, iyongayo. ²³di kiko ilelem but idwe ka Dan, di kiko loko nyim pi, di kiko waco ne Mikah bee, nyo kame tie loli, komio ibino kede egere me ekodet no.²⁴en eko dwoko bee, un ikwanyunu rubangan na, kame ango atimo, kede esasorodot da, ikounu yai; ango nan do adong kede nyo ace? nyo do ber in kame un iwacunu ne ango bee, nyo ka tie loli? ²⁵idwe ka Dan oko waco ne bee, jur dwani med winyere idiere wa, me jur jo ko doko ger ringini ikomi, iko kei kwo ni, kwde kwo me jo turi. ²⁶idwe ka Dan di ko oot, oot gi; di do Mikah oneno kede bee, jo nogo tek bwone, eko lokere eko dok ture.²⁷kiko tero jamini kame Mikah oudo otimo, kede esasorodot kame oudo etie kede, kiko tuno i Laish, but jo ko udo opapalo di opalaro; kiko neko gi kede pala me ii, kiko wango Bomba kede Mac. ²⁸likame oudo tie ngat kame twero lako gi, piento oudo kitie kame bor kede Sidon, bobo ki li kede cat kede wil, kede ngata moro; doko oudo kitie inge osamai kame lor tetu Bethrehob, gin kiko gero Bomba, kiko bedo iye. ²⁹kiko cako nging Bomba nono bee, Dan, bala nying Dan papa gi, kame oudo konywalo ne Isirail: do kame edoko kamano da, nying Bomba nono riki sek oudo Laish.³⁰Di idwe ka Dan oko keto cal atwaka; di Yonosani, wot ka Geresomu, wot ka Manase, en kede awobe mege kiko doko Esasorodotin, me jo me ateker ka Da, pala tuno iceng kame jo me piny odoko kede ipasoi. ³¹Kiko keto cal atwaka ka Mikah, kame won otimo kare go dedede di oudo ot ka Rubange oudo tie i Shiloh

19¹Oko timere kaman ikare go, di oudo Abaka li i isirail tie oudo nga Levi moro oko dak inget moru me Ephraim kame okelo dako ebedo kede abongo nyomo, i Betelekem - Juda. ²dako mere kame li konyomo nono, oko timo ne tim me malaya, eko yai kibute eko dok turgi paco ka Papa mere, i Betelekem - Juda, eko tieko dwe acel lung kuno.³Cware di ko yai, oko oot wape, pi poro kop me awotin gi kede, kede pi dwoke, eupere kede epasoit mere, kere apundan are; dako nono oko tere i ot ka Papa mere; do kame Papa me nyako onene kede, eko ilel pi riamakin kede ⁴di do ore, Papa me nyako, oko game; eko bedo kede ceng adek: kiko cam, kiko mat, eko buto kuno.⁵oko bedo kaman iceng me ongwon mere, di gin ki dilo yai sek, di en eyai pi dok: Papa me nyako oko waco ne ore bee, kwei ber cunyi kede kwon kame odolo, icen mere do iko yai. ⁶Kiko bedo piny, kiko cam, kiko mat gin dedede karacel; piento Papa me nyako owaco ne icuo nono bee, akwai bee, napakin, iko buto iwor ni dedede, me cunyi bed di ilakara.⁷Kame icuo ni oyai kede pi oot, ore diko dine: pi mano en bobo eko buto kuno. ⁸en eko dilo yai odiko sek i ceng me kany mere, pi oot; Papa me nyako di ko waco ne bee, akwai bee, kwi ber cunyi: kiko bedo paka otieno, kiko cam gin dedede.⁹Kame do icuo ni oyai kede pi oot, en, kede dako mere kame likame enyomo nono, kede epasoit mere, di ore Papa me nyako, oko waco ne bee, neni, piny oyuto, but kan, me cunyi kwei, diki odiko sek iko dilo yai oot, iko do dok paco.¹⁰icuo nono likame oko yei buto kuno iwor no, do en eko yai eko oot, eko tuno i Jebus (kame en Jerusalem) oudo tie kede apundan are kame ongapo ne gi gi me oot itien gi, dako mere kame likame enyomo oudo tie kede ¹¹Kame do oudo gin kitie kede, i Jebus, piny do oudo otieko yuto; epasoit di ko waco ne nya dwong mere bee, akwai bee, bia oparao i Bomba ni me Jebusiti ni, obut iye.¹²Nya dwong mere oko dwoko ne bee, wan likame omito beo kano i Bomba me jo ka pat, jo go likame obedo jo me isirail, wan omito kato akata i Gibeah. ¹³en eko waco ne epasoit mere bee, bia, anonoko kabedo acel ikom kabedo go, oko buto iye iwor, ooti i Gibeah ara bo i Ramah¹⁴kiko kato kede oot gi; ceng oko donyo ne gi di pwodi kitie i Gibeah, me jo ka Benjamin. ¹⁵Kiko parao kuno, pi donyo iye, kede pi buto i Gibeah, do kame en edonyo kede kuno, eko bedo piny i yongayo me dier Bomba; piento likame tie dano moro ko tero gi i ode pi buto.¹⁶Do, neni, adwong moro otii, owok ika tic ipoto mere otieno, kame tie dano me moru me Ephraim; eda edak adaka i Gibeah, do jo piny me kanono obedo jo ka Benjamin. ¹⁷Kame etingo kede wange, eko neno kame kabeo li ne, di etie iyonga yo me dier Bomba; adwong nono di ko waco bee, in itie oot twai? do in iwok kitwai?¹⁸en eko dwoko ne bee, wan otie beo i Betelekem - Juda di ooto inget moru me Ephraim; ango atie dano me kuno; ango abeo i Betelekem - Juda, do ango na atie oot i ot ka Rwot, do likame tie dano moro kogama i ot ¹⁹do kom wan otie kede arienge kede cam are dedede me apundan wa; wan otie kede mugati kede vini na kede me apasoit ni da tie, kede me eponga kame tie kede epasoit ni da; likame tie gi korem ne wan²⁰Adwong otii di ko waco bee, mulem bed buti; i epone moro dedede, wek do jame dedede korem bed but ango; kenekene kur do i but iyongayo. ²¹Aso en eko tere i ode, eko mino apundan mege cam; kiko lwoko tiengi, kiko cam kede mat.²²Nan do kame gin kitie yomo kede cuny gi, neni, cuo me Bomba, awobe mogo kame wigi reco, oko luko ot rimaro, kiko jujuto ekeko, kiko waco ne won oot, adwong otii nono bee, kel ne wan dano ko donyo iodi no wan omito ngene. ²³Di icuo nono, won ot, oko donyo oko but gi, di ko waco ne gi bee, imieguna, li, akwao u be li, kur itimunu gi ka rac; di inenunu bee, dano ni odonyo i oda kur itimunu mingo acal kamano²⁴Neni, nyara tie kan, aponga, kede dako mere kame li enyomo; jo go ango amito kelo oko butu, ibutunu kede gi, itimunu kede gi gikame imitunu timo kede gi; do but icuo ni, kur itim ne nu gi ki sil ²⁵Cuo gi likame oko winyo kop mere; icuo ni di ko kwanyo dako mere kame likame enyomo, eko mino but gi; gin kiko ngene, kiko timo anywar ikome iwor no dedede paka odiko; kame do piny owalar kede do, kiko weke weke do eoto. ²⁶dako ni dido oko dwogo di piny owalar, eko poto piny idog ekeko me ot ka dano ca, kame adwong mere tie iye, paka piny doko ler.²⁷di adwong mere oko yai malo odiko, eko yabo ekeko me ot, pi yai do oot oot mere; do, neni, dako mere kame likame enyomo opoto piny i dog ekeko me ot, di cinge oriere i dog ekeko ²⁸eko waco ne dako bee, yai malo, omede kede oot. Do ngat adwoko kop li, icuo di ko tinge ingei apunda, icuo di ko yai malo, eko oot kame ebedo iye.²⁹kame etuno kede iode, eko kwanyo pala, eko mako dako mere kame li enyomo nono, eko popoko en, kiton cogo mege, i adulion tomon i wie area, eko cwano gi i adulion dedede me isirail. ³⁰oko bedo kamano bee, jo dedede kame oneno waco bee, likame tie lem gi kotimere ara ko neno geno riki sek i kare kame idwe me isirail owok kede i misiri, paka tuno tin, oparunu kop ni kelunu tam iye, yam gikame itamo iye.

20¹Di idwe me Isirail dedede oko ot oko, ekodet di ko cokere karacel bala dano acel, geno i Dan paka Bersheba, kede lobo me Giliad, but Rwot I Mizpeh. ²Di ijakai me jo dedede, kiton me atekerin me Isirail dedede, oko bedo tie i ka riamo me jo ka Rubanga, jo tutumia tol ongwon kame jo me tien, kame ii kede pala³(nan do, kame idwe ka Benjamin owinyo kede bee idwe me isirail ooto i Mizpeh) di idwe me isirail oko penyo bee, titenu wa, dub ni oudo tie benyo? ⁴di do nga Levi, cwar dako kame oudo oneko, oko dwoko di ewaco bee, ango atuno i Gibeah me ka Benjamin, ango kede dako na kame lika anyomo pi buto.⁵Jo me Gibeah di ko Sura, di kiko luko ot, ririmo dedede iwor, di oudo ki mito neka; daka na kame li kame anyomo kiko dino buto kede tetek paka too ⁶ango ako kwanyo dako na kale li ka anyomo nono, ako ngongolo en ii adulion, ako cwano gi i pinye dedede me lobere me isirail; piento kitimo gi ki sil kede me mingo i isirail. ⁷Neni, un dedede i bedunu idwe me isirail; kelunu tam uu, kede gi me atima.⁸jo dedede di ko yai bala dano acel, di ki waco bee, wan ngat acel acel likame oyaro dok ii eema mere, doko likame ngata moro ibut wa oyaro dok i ode. ⁹na gi acel ine kame omito timo ne Gibeah; amito ot ne di olere alea.¹⁰Oyaro kwanyo jo tomon ikom jo tol acel, kibut atekerin dedede me isirail, kede jo tol acel ikom jo tutumia, kede jo tutumia ikom ko tutumia tomon pi mono ne jo cam, me wek kitimi, di kituno i Gibeah me Benjamin, di lubere kede gi me mingo kame kitimo i isirail. ¹¹aso, jo me isirail dedede oko cokere suro Bomba di ki yungaun i cel bala dano acel.¹²di atekerin me isirail oko cwano jo rimaro ateker ka Benjamin dedede, di kiwaco bee, tim karac nyo ine kame otimere butu kan? ¹³do pimano miunu wan cwo go, idwe ka kite reco, kame tie i Gibeah, me wek wan onek gi, oko kwanyo tenge tim karac i isirail, do idwe ka Benjamin likame oko yei winyo dwan imiegu gi idwe me isirail ¹⁴Do idwe ka Benjamin oko cokere karacel I Gibeah, di ki wok i Bomban, pi oot ii kede idwe me isirail¹⁵idwe ka Benjamin oko marere ikare no di kiwok i Bomban, cuo tutumia ot are iwie kany ape, kame ii kede pala, apat kede jo piny me Gibeah, kame komaro gi cuo kame oyero ayero jo tol kanyare. ¹⁶idiere ka jogi dedede tie oudo cuo kame oyero jo tol kanyare, jo kame tio kede cing gi tung odal; ngat acel acel kame lwomo engaro kede apuorcet, epimo laco me yer wic, likame epimo aise.¹⁷Di jo me isirail, apat kede jo ka Benjamin, komaro gi cuo tutumia tol ongwon, kame ii kede pala; magi dedede jo me ii. ¹⁸Idwe me isirail oko yai, di kiko oot iot ka Rubanga, kiko penyo tam kibut Rubanga. di ki waco bee, jo mege i kom wa en ko yaro geno oot me agege pi oot ii kede idwe ka Benjamin? di Rwot oko dwoko bee, Juda en ko yaro geno oot me agege.¹⁹idwe me isirail dilo yai odiko sek, kiko luko Gibeah. ²⁰idwe me isirail oko oot ii kede Benjamin; di idwe me isirail oko tere pi suro gi i Gibeah ²¹idwe ka Benjamin oko wok ki Gibeah, kiko muducaro piny i lobo jo me isirail ceng no cuo tutumia ot are iwei are²²di jo, cuo me isirail, oko nuango cuny gi, kiko bobo tere, kame oudo ber ki geo tere iye i ceng me agege ca ²³Di idwe me isirail oko oot di kiko kok, inyim Rwot paka otieno, kiko penyo tam ki but Rwot, di kiwaco bee, opore oot bobo ii kede idwe ke Benjamin omina? Rwot di ko waco bee, ape ii kede.²⁴idwe me isirail di ko nono ko idwe ka Benjamin pi suro gi iceng me are. ²⁵Di Benjamin oko oot pi suro gi, yai gi Gibeah, i ceng me are mere, di kiko muducaro piny i lobo idwe me isirail bobo, cuo tutumia tomon iwie kanyauni, jodi dedede jo kame ii kede pala.²⁶Di jo me Isirail dedede, kede jo dedede, kiko oot malo, kiko tuno i ot ka Rubanga, kiko koko, kiko bedo kuno inyim Rwot, kikokanyo kec paka otieno kiko mino gi ayala awanga kede gi ayala me mulem, inyim Rwot²⁷Idwe me Isirail oko penyo Rwot, piento oudo pwodi Sanduku me Isikan ka Rubanga tie kuno, ikare go. ²⁸Di oudo Fenekasi, wot ka Eliesa, wot ka Aroni oudo cungo inyime ikare go, di ewaco bee, bobo amed dok ii kede idwe ka Benjamin omina, arabo aweki? Rwot oko dwoko bee, ape, piento diki amito mino gi icingi.²⁹jo me isirail oko keto jo ko pwono luko aluka Gibeah ³⁰idwe me Isirail di ok oot suro idwe ka Benjamin iceng me adek, di kiko tere suro Gibeah, bala lem sek ca³¹Di idwe ka Benjamin oko oot suro jo, kiko wok oko me Bomba; ki ko bobo geno neko jo, di kineko, bala lem sek, i yote adongo, kame yongayo acel kame ooto i ot ke Rubanga, acel ooto i Gibeah i poti, jo kame romo ot adek me isirail.³²idwe ka Benjamin oko waco bee, ki yaro bobo muducar piny inyim wa bala i agege ca, do idwe me isirail owaco bee, oringunu, di oko mino gi ki wok oko ki Bomba, kiko wok iyote adongo. ³³jo me isirail dedede oko yai ikame oudo kitie iye, di kiko tere i Baal - tamar; jo kame oudo ko pwono me Isirail oko wok ikame oudo ki tie iye i magada me Gibeah.³⁴di jo oko bino suro Gibeah, jo kame oyero ayera tutumia tomon, oko wok i isirail, ii di ko dop; likame oudo kingeo bee, gi ka rac oyapuno tuno ne gi. ³⁵Rwot di ko neko j Benjamim inyim idwe me Isirail; idwe me isirail di ko muducaro jo ka Benjamin ceng no jo tutumia ot are iwie kany, kede tol ace; jo gi dedede jo kame ii kede pala.³⁶di jo ka Benjamin oneno kede bee, oneko gi; piento jo me isirail oweko kare ne jo ka Banjamin, piento oudo kitie geno jo ko pwono, kame oudo kiketo inget Gibeah. ³⁷Jo ko pwono oko marmaro, kiko muomar i Gibeah; jo kopwono gi di ko wok tere, neko Bomba dedede kede plala me ii. ³⁸na oudo tie anyut kame jo me Isirail oiko kede jo ko pwono, be kipore cwinyo mac aliel kitek kede iro ka duny di wok ki bomba.³⁹Di jo me isirail osokoro ika ii, Benjamin oko geno bwono kede neko jo me Isirail, arono jo ot adek; piento gin kiwaco bee, i ateteni mere ayaro neko gi piny inyim wa, bala ii me agege ca.⁴⁰kame do leb mac ogeo do kede yai malo, i Bomba kede iro aduny malo, jo ka Benjamin oko neno cen ngei gi, doko neni, leb mac me Bomba tie neno imalo ⁴¹kame jo me isirail oko lokere kede aulo, jo ka Benjamin oko uro aura; piento kitieko ngeno bee, gi karac otieko poto ikom gi.⁴²Pimano kiko loko ngei gi ne idwe me isirail lubo yongayo me ebar; do ii di ko mako gi; kede jo kame wok oko i Bomba, oko muducaro gi i diere kanono.⁴³en ekite no kame ki goloro kede jo ka Benjamin luko gi aluka, di kiko riamere kede gi, di kiko nyonyono gi piny, bala idok tetu Gibeah, di kidok i bad me wok ceng. ⁴⁴Jo ka Benjamin, oko poto piny tie jo tutumia tomon iwie kany auni; jogi oudo obedo jo katek.⁴⁵kiko lokere, di kiko ringo tetu ebar, ilela me Rimmon; kiko depo gi iyote adongo jo tutumia kany; kiko diebo kede gi kitek paka i Gidom, kiko neko gi jo tutumia are. ⁴⁶aso ceng no jo ka Benjamin, oto jo tutumia ot are iwie kany, jo kame mako pala me ii; jo gi oudo obedo jo katek.⁴⁷Do jo tol kanyape oko lokere ringo i ebar i lela me Rimmon, kiko bedo i lela me Rimmon dwete ongwon. ⁴⁸Jo me isirail oko lokere bobo i kom idwe ka Benjamin, kiko neko gi kede pala me ii, kiton jo me Bomba, paka leini gi dedede ko ngole icing gi; Bomban dedede kame kibeo iye kiwango awanga kede mac

21¹Oudo idwe me isirail olairo i Mizpeh, bee, kur dano moro ki but wa mi nyare but jo ka Benjamin pi bedo dako mere. ²jo di ko tuno iot ka Rwot, kiko bedo iye paka otieno inyim Rwot, kiko kiarao dwan gi, kiko kok kitek. ³di ki waco bee, okwe Rwot Rubanga me Isirail, nyo ko mio gi acalaman otimere i isirail, me mino ateker acel doko li, tin i isirail?⁴oko timere kama oru mere, jo di ko dilo yai sek, kiko gero alutari, kiko mino gi kamia awanga, kede gi kayala me Mulem. ⁵idwe me isirail oko waco bee, ngai ino kame tie dano wa, ikom atekerin dedede me isirail, kame li kotwero bino kede ekodet but Rwot? Piento kitimo ilair katek amakere kede dano moro no kame li atwero bino i Mizpeh but Rwot, di ki waco bee opore neke aneka.⁶idwe me isirail oko swilaro pir gi ken gi, pi omin gi Benjamin, kiko waco bee, tie ateker acel ongol tenge tin i isirail. ⁷oyarunu timo benyo me udo mon ne jo ko dong; piento otieko lairo kede Rwot be likame omito mino gi anyira wa pi bedo mon gi.⁸di gin kiko waco bee, ngai ino atie no ikom ateker me Isirail kame li kobino i Mizpeh but Rwot? do neni, likame tie dano ko wok i kambi, ko wok i Jabeth - Gilead pi bino ka cokere. ⁹piento oudo komaro jo, do, neni, likame tie dano me Jabeth - Gilead kuno. ¹⁰di ekodet oko cwano kuno jo tutumia tomon iwie area jo ka tek, oko ciko gi bee, otunu inekunu jo me Jabeth - Gilead kede pala me ii, mon kede idwe¹¹Do gi kame miero itimunu en ine, nekunu cuo dedede, kede dako kotieko buto kede icuo. ¹²kiko udo kibut jo me Jabeth - Gilead, anyira apongai kanep tol - ongwon, kame pwodi likame ongeo icwo, kame pwodi likame kobuto kede icuo; di kiko kelo i kambi i Shiloh, kame tie i lobo me Kanan¹⁵¹³di ekodet dedede oko cwano jo mogo pi oot yamo kede idwe ka Benjamin, kame oudo tie ilela ka Rimmon pi lwongo gi kede mulem. ¹⁴Benjamin oko bino ikare no bobo, oko mino gi mon kame kiweko odong kuo ikom mon me Jabeth - Gilead; do pwodi likame oko romo gi. 15 jo di jo swilaro ken gi pi Benjamin, piento Rwot omio orora i ateker me isirail.¹⁶di jo adongo me ekodet oko waco bee, omitunu timo benyo pi jo kodong di orem mon; piento inenu nu bee, oneko mon me Benjamin pit. ¹⁷gin kiko waco bee, pore iner udere ne jo ko buot me Benjamin, me kur ateker muducar i isirail.¹⁸¹⁹gin kiko waco bee, neni, tie ebaga ka Rwot kame bedo buli mwaka i Shiloh, etie i adul kame tie i bad me tetu malo me Bethel, tetu kide me yongayo adwong kame yai ki Bethel eko oot paka Shekem, i bad me tetu piny i lebanon²⁰Pimano, kiko ciko idwe ka Benjamin bee, ootunu ikounu pwono ipoti me olok ²¹ikounu neno, doko, neni, kame anyira me Shiloh obino oko ka miel, pi miel, un ikounu wok iye olok, ngat acel acel ko mako dako mere i kom anyira me Shiloh, ikounu oot ilobo me Benjamin²²omito bedo kaman, kame papi gi, ara imiegu gi obino but wa pi lok, wan oyaro yamo ne gi bee, winyere nu kede gi wan; piento likame oweko ne go mon gi ikare me ii; piento un likame ikounu mino gi ikare ni, en kame ibedu nu kede raco²³idwe ka Benjamin oko timo kama nono, kiko udo mon, di upere kede wel gi, ikom anyira oudo tie miel, kame kimako; kiko oot, kiko dok i loberen gi, kiko iko Bomban, kiko bedo iye. ²⁴ikare nono idwe me isirail oko dok ikuno, ngat acel acel i ateker mere kede imiere gi, gin kiko oot ngat acel i loberen gi.²⁵ikare no oudo Abaka li i isirail; ngat acel acel timo gi kame en eneno beber kiwange

Kumam: Bible for Jo ngol kop

Formatted for Translators

Jo ngol kop