To view a copy of the CC BY-SA 4.0 license visit
http://creativecommons.org/licenses/by-sa/4.0/
Acts
Chapter 1
1kitab tawlan ana katif akutayi Teffiro ligo fogo kulu ab Yesu so me alim. 2Ladi wakti tim ab suluwo fogo baada owedi na swahaba to amri ligo ogi futu fi roho ab nedif.(mutakaif) 3Bada izabu to uwo kala warja beenu ligo uwo hayyi, min alama milan ligo gi suli wakti te yom arbaini ligo ogi wonus kalama taa mamlaka ta Rabbana.4Anas al olim bada mowmon amrisha umon kede umon ma wasa fi Jerusalem lakin kede umon steenu ahadi te babato alumon asma. 5Kalam Yokana batiza uwo me moyo, lakin itakum bija batiza itakum me roho ab nedi fi yom abma milan.6Waktif ab umon lim bakan wayi ligo umon gi asadu uwo sidi teena, wakti dolde ya ita bi ar ja mamlaka ne yala te Israel? 7Ya uwo arja fogo nowmon gal wede matakum arfu ajolme zaman, baba teena ab uwo kutu fi hukum to. 8Lakin bija wedi neitakum gudra roho mtakatif kan bija nengil fugo itakum, ya itakum bija kun shuha da tayi fi yeru salem fi yudaaya kul, me samariya, ladi bi rasul fi mwisho ta duniya.9Bakan uwo kala wonus wede ligo umon gi ayinu dukur arfa uwo sobura sulu uwo dukur amurugu uwo min ena toumon. 10Fi wakti abkan lisa enna toumon tesegu foo, gainu ja uwo giriwa, ayinu, anas tinen yegif geeri jambu uwo ligo umon tebis gumas ab nedif. 11Anas ab wonus gal anas te galilayaa, sunu ya kutu kede itakum wegif ligo itakum gi ayinu foo?Wede Yasu al amurugu min itakum sulu uwo foo obija ja jede je namna ab itakum ayinu uwo gi ruwa fi samayi12Mon arja fi Yerusalem wassa min gala ab ginadi te zaitun al fi geeri me yelusalem je safari te sabit. 13Fi wakti ab umon dakalu mon dakalu fi kujura te foo, bakan ab umon kan gi gen fogo Petero me Yokana me Yakobo, me andereya, Phili me Thomas, Batulumaayo me Matayo, Yakobo nyereku te alfaayo me Simon Zerote, me Yuda Nyereku ta Yakobo. 14Anas dolde te umon kulu kan gi lim badu me roho wayi fi so duwa, bakan wayi me nus wana me Mariam mamate Yesu me akwaana to.15Fi wakti wede Petero dukur yegif fi ustu ta akwaana awenusu( madarasa te anas al kan lim kan fi 120 okelem noumon) 16Rujaala akwaana, kan gi tim kalam ab ja katif uwo kede timiza, roho ab nedif ja wonosu zaman fi kasma e daudi yudda, al kan ajol tawlan ab amsuku Yesu.17Kalam hisabu uwo bakan wayi meena, wed nowo, zawadite kidima ab uwo so. 18( Dukur obiyo shamba, me thawab te batal to, dukur owaga ligo uwo kati batna, ose'retu fi batna, musran kulu kubu. 19Dukur faham uwo ne anas kulu al kan fi yerusalem, samba wede min lugha toumon Janadi Akerodama deya samba te dom)20Kalam ja katif uwo fi kifab ta zaburi tura to kede gumu fogo gaba kede ma kun fogo ajol me heshima to kede wedi nazol taani.21ya jede kan gi faa ne anas al kan gi masi meena fi wakti kulu ab kan uwo gi dakalu tala min ina sidu teena Yesu. 22Min wakti abja batiza Yokana laadi fi yom abja sulu uwo min ina, wayi min dolde kede kun shahid te gum to bakan wayi meena. 23Mon nigitu tineni yusuf ab ginaadi balunaba wedi nowo asma ta yesu kristo me matiya.24Mon womba mon kelem gali, ayi sidi nena ita arufu gelba ta nas kulu weri neiria wayi min anas ab ita nigitu fi tinen de. 25Kede wedi nowo kidima te kadama me mursal yuda ab kosa kede uwo ruwa fi badul to. 266Dukur nigitu sowo nigitu wayi fi Matiya hisab uwo bakan wayi min mursalin (11)
Chapter 2
1Yom te Pentecoti ligo tim, mon kulu kan fo fi bakan wayi. 2Gwom maniya sauti tala min foo je loobu ab gi futu me gudra, amla juwa al kan umon gen fogo. 3Ben fugu umon lisan te naari ligo gesim badum. killa lisa gen fugu ajol . 4Mon kulu amla roho ab nedif mon abidu wonusu lugha taani je namna abroho wedi noumon kede umon wonus.5Kan fi ajol te yerusalem ligo nas yudaya gen, anas ab gi faham sunu ya umon giso anas ab tala min kila kabila ta anas tete samai. 6Kelele naade bakan kun kala, group te anas lim badu umon hairy, kalam mon kulu asma kia ajol mon gi wonusu fi hugha. 7Monsta jabu umon kulu umon hairu mongi wonus gali ayinu anas dolde kulu abgi wonus umon ma anas te gali laaya?8Lakin sunu ina kila ajol ab gasma lugha teena ab me weledu? 9Anas al gi paaz, me nas meedi me ramit me anas al kan fi mesa potamiya, fi yudaaya me kapa dokiya, me ponto ne asia. 10Fi Fulugiya me fi Panfuliya, fi Misiri me fi bele te Libiya, ali geri me kuleene , Meruumi abu difana , nas yudaya , me nas chufu. 11Umon'Kulete me nas'Arabu, ita ayinu dole wonus je kalama te bele tena12Mon kulu shanga mon ligo wasi wasi mon kelem fi badum toumon gali maana to sunu wede. 13Lakin anas taanin ataku umon mon kelem gali ja umon sakarinin14Lakin bakan Petero agif me anas 11 owonus ligo uwo yegif foo okelem gali Rujala te yudaaya me anas algi gen fi Yerusalem kulu faham kum wede fata kum adan ne kalama tayi. 15Kalam dole umon kan me sakaranin jee namna ab itakum gi fekeri, kalam deya saa te talata te min nahaari.16Lakin kalam ab ja wonus uwo me nebbi Yoweri. 17Kan bija rasul fi yom ab te mwisho jo ogi wonus Rabbana ana bija kubu roho tayi ne anas al endis gildu kulu yaliwele takum me yal bana takum, mon bija wonus kalam kun al(gayib) al bija kun. me yal wele takum bija ayinu kalam te maaja bu, me wazze takum bija telim telim.18Ya jede me fi labi ya tayi ab rujala me laa bija tayi nus wana fi wakti naade ana bija kubu neitakum roho tayi kede itakum abidu wonus kalam ab me dusu. 19Ana bija jib sokolina ab te gudra min samayi me alama fi duniya tete duniya doomu me naari me tala te loobu.20Semsi bija kun duluma me shaari bija kun dom, yom te Rabbana ab kebir ab gi heshima fogo asma to ligo lisa maja. 21yomu bija timu ajol alija asuma kalam te Rabbana obiligo hidaaya.22Rujala te Israel asma kum kalama dolde.Yesu te Nazareth, ajol al ja weeri neitakum ma Rabbana min kalama ab te gudra maab te ajabu me alama, Rabbana ab kutu uwo kedeso fi ustu takum, je namna ab ita kum arufu. 23Bakan wedi uwo ja namna ab Rabbana wafiki me arufu tokum sulu uwo tokum kutu uwo fi msalaba, me idda te anas al batalin tokum katul uwo. 24Lakin wede Rabbana tooru uwo bakan oligo muru me waja te mutu, kalam kan maa agder Robutu uwo.25Kalam daudi gi wonus fugu uwo gali, ana ayinu Rabbana wakti kulu fi enna tayi, kalam ofi fi ida yemin tayi kede ana ma geru geru ana. 26Gelba tayi ya buja rudu lisan tayi bi furai Gildu tayi bija kun me ( subura).Kun ligo ita Gisten sokol ab ahadi ita.27Kalam ita ma bija seebu hayyi tayi fi kabri ya fi jede ita ma bi wedi nedif taki kede fofun. 28Taalim ana sika te hayi, te bija amla ana me furai me ena taki.29Rujala akwaana anagder wonusu me gudra gidam itakum te jidi teena ab kebiri dowdi gali omutu wu dofun uwo, me kabiri to fi neena laadi wakti wede. 30Yala bakan kan okun nebi bakan uwo faham Rabbana Rabbana ali nowo alifu. Fi wazuku ab te wiriki to obija kutu zjol fi bam bara to. 31Bakan uwo ayinu fi abidu owonusu fi gum te Kristo ligoo ma seedu uwo fi kabri ladi gildu to so fun ma.32Yesu wede Rabbana tooru uwo ina kulu ina ya shahidin. 33Fi wakti ab arufa uwo fi ida yomin ta Rabbana wedi nowoahadi te roho ab nedif ne baba to, wede geru to itakum asma me ab itakum ayinu.34Kalam Daudi ma panda foo lakin uwo wonus uwo sidu gaali sidi tayi Rabbana kelem ne sidi tayi gen fi idda tayi te yemin. 35Laadi kan ana bi geeru aduya taki kumbam bara te kura taki. 36Yala kede umon arufu juwa te Israel gaali Rabbana, kutu uwo sidi ya Kristo,Yesu wede al dugu fi msalaba.37Bakan umon asma wede gelba toumon waja mon kelem ne Petero me mursalin taanin gali, rujala akwaana ina biso kefin? 38Petero kelem noumon gali taya toumon, kede batiza kila kila wayi min iakum dakal fi asma te Yesu kristo amurugu batal takum, bija wedi neitakum zawadite roho ab nedif. 39Kalam ahadi takum, kaman te yala takum me anas dolde kulu ab fi boyi, mon kulu bija nadumon Rabbana teena.40Oweeri noumon fi kalama tanin ab milan owedi noumon lnjil ligo ogi kelem gali haadi kam fi aman wede ab ja woduru. 41In anas ab rudu kalam to batiza umon zidu noumon fi yom naade anas 3000 mon lim rasu bakan wayi. 42Mon zidu gusu ilim ta nas mursalim me wonus kalam wayi mefi gata mugaati mefi womba.43killa ajol kafu alama milan algiso me nas mur salin. 44Mon kuru ab amin kan umon fi bakan wayi mon kuru ligo umon gi wonusu kalam wayi. 45Tajiri toomon me sokolina ab kan umon fi mo mon tunda, mon gesim nanas kulu ja kila ajol je namna ab uwo aju.46Umon kaman gi zidu gudra kila yom me roho wayi fi kanisa mon gi gata mukaati fi juwa bey, mon akul akil me furai me gelba alima fogo hasidi. 47Ligo umon gari ja asma kalam te Rabbana foo ligo zidu noumon anas ab ligo hidaaya.Chapter 3
1Ini ya petero me Yokana umon panda fi kanisa fi saa tisa. 2kan fi ajol wayi abkereng tatamin batna te mamato okan arufa uwo fi ab killa yom gi kutu fi babu te kanisa al kan gi naadi gal asasi asadu feather ne anas algi dakal fi kanisa. 3Bakan umon ayin petero me yokana ligo umon gura dakal fi kanisa uwo asadu kede wedi nowo feather.4Petero bakan wayi me yokana mon kutu fugu uwo ena, petero kelem nowo gali ayinu ina. 5Uwo asma umon mon fekeri gali bijawedi nowo sokol. 6Lakin petero kelem gali feza me zaabu ana endisi ya ana mendi neta, fi asma te yesu kriso te Nazarethe massi.7Wamsuku uwo fi ida teye min fi gamu uwo gamsuku, fi ida to owu alfa uwo gwamu manawayi kurato me idda to ligo gudra. 8Ogum gwam oyegi fu omassi odakal mowomon fi kanisaa ligo ogi masi, ogi nutu ogi art fa asma te womba Rabbana.9Anas kulu mon ayin ligo ogi masi ogi masi ogi heshma Rabbana. 10Mon fa ham uwo ja uwo ya kan gi gen fi baabu te kanisa ogi asadu feather mon hairu zaidi, fi kalam ab so nowu.11Ligo uwo lisa fi haal naade petero me ko kulu kulu taala mon lim umon fi bakan abgi naadi ta sulaiman. 12Petero bakan ayin waija now mon gaali Rujaala ab te Israel sunu ya gi kutu ita kum gi hairu wede? takum kutu fugu ina ena jede mal gudra teena, aw kafu teena Rabbana yakutu ina kede masi.?13Rabbana te Ibrahim Ishaak, Yakobo Rabbana te nas ji teena ya kutu nebbi to yesu al ita kum wedi uwo to kum abba uwo fi ena ta pirato al kan jib nniya te. 14Lakin itakum abu nedif sidu hidaaya. tokum aju kede wedi ne itakum ajol katul.15Tokum Katul Kebiri te hayyi ab Rabbana too ru uwo min meitin ina maya shahi dini tomon. 16Ya fi jede rudu me asma to uwo ab itakum gi ayinu ab itakum arufu asmato wedi nowo gudra, me amiri al fi fogo wedi nowo hayyi ab gi tim fi ena, takum.17Yafi jede, akwaana in arufu je itakum so ligo itakum arufu ma ja, namna te kubarin takum. 18Lakin Rabbana kalam ab uwo wonusmin zaman fi kasma te nebiya kulu ligo kristo to bija azibu uwo jede.19Yala taya kum kede itakum geeru, batal takum jedemana ta , yom wwakti ab tamula safa bija tim. 20Lakin kede umon rasul kristo ali weri noumon bediya ya yesu.21alkan gifu fata fi sulu uwo fi samai ti wakit te dukulu kila sokolu, Rabbana unusu fi kasuma te nebiya to abunedi abukan fi awulani . 22Musa kelem gali Rabbana bija Jibu nebbi abbi Jatala min akwaana takum al giben je ana aju kede itakum asma uwo killa kalam ab uwo bija kelem neitakum. 23Bija killa roho abmabija asma nebbi naade bya keregi fi bele.24Yajede nas nebiya kulu me dolde min fi samuel me anas ab jawara to mon kulu abja wonus mon fi kal ama te wakati wede. 25Itakum yala te ne biya ab endisi kataba beenu takum ab Rabbana ahadi me nas Jidi Jidi takum. ogi kelem ne ibrahim gaali me fi yalataki me kabila kulu abija fi duniya bija wedi ne itakum barak. 26Tawalan Ja ne itakum Rabbana bakan kala otooru yowele to orasul uwo ne itakum kede uwo wede ne itakum barak ogi geeru killa ajol wasa min batal to akum.Chapter 4
1Fi wakti ab kan umon gi wonus me komu dukur nas kubarina te dini Ja, me kebir te kanisa, me nas sadu kayo. 2Ligo mon endis huruma zaidi kalam monJa asma ligo gi wonus fi yesu gumi to min meitin. 3Dukur kutu umon fi Jela fi jera mini lasiya ladi saba . 4Lakin fi wadin ab asma kalam mon ameen Rakam toomon zidu uwo mon tim Rujala (5000).5Wakti abu lata saba kubarina, me wazzeya me anas te kataba, mon lim fi yerusalem. 6Me ana kebir ab gi sinda min kubarin me kayafa me yokana me alexander, me kulla te kawni te kebir al mekebir. 7Kutu uwmon fi ustu asadu umon gali gudra yatu aw asma yatu ab gi kutu kede itakum so Jede.8Ina ya petero Ja amla roho ab ne difu, okelem nowmon gali, kubaarina ta anas, me wazze ya: 9Kan itakum bi asadu ina naare so kwesi ne ajol ab ayan dukur to kum asadu ina sunu ya ponyesha uwo. 10Faham kum ita kum kulu me kum kulu ab te yala Israel gal ti asma te yesu kristo abte nazarreth, al ita kum Jakutu fi musalaba te Rabbana ab ja gum uwo min meitin, fi sabab tewede abyegi fu ligo uwo hayyi gi dam itakum.11Wede ya laager ab itakum anas ta abin Ja alisi, asede oja kabir abtensonda. 12Ate mafi fi ajol taani ludaya wu kanan mafi asma taani tete samanyi abwedi na nas ab agder Jib neena hidaaya.13In ya mon ayin gudra te petero me yokana, mon faham umon Ja anas ab ma arufu agara aw abma ligo taa lim umon mon Ja faham je umon fi bakan wayi me yesu. 14Bakan umon ayin ajol al ponyesha ligo uwon ma kan endis sokol te kelem nowmon.15Dkur amrisha umon kede tala min mini kom ta gata agil ligo umon gi kelem gali. 16Ina biso kefin anas dolde? Kalam umonweeri alama al te gudra wu anas kulu ab gi gen fi Yerusalem, kalam de umon asma ata ina ma agder abba. 17Lakin kede oruwa gidam kede gi ferere, kede ina kala umon, kede umon ma arja wonus fi asma wede wala ajol yoyote. 18Nadumon, amrisha umon kede umon ma arja wonus sala siya wala alim fi asma te Yesu.19Lakin Petero me Yokana mon arja fogo noumon umon kelem gali kan kun kuwesi fi ena takum asma itakum seebu Rabbana wonusu tokum. 20Kalam ina ma agder askutu fi sokolina abina ayinu me ab ina asma.21Lakin baada kla kala umon wenesu seebu umon ligo umon ma gi ayinu mon kede kutu fugu umon sunu kalam kom de kulu kan gi abudu Rabbana fi kalam wede abja so. 22Ajol al ja so alama te ponyesha uwo okan kan kala futu fi umri te sana 40 tesana to.23Fi wakti ab fiku umon mon arja fi kawm toomon, dukur kelem noumon kulu kalama te nas ja kubarina me wazzeya kalam ab kelem noumon. 24Bakan umon asma mon arfa sauti toomon me nniya wayi ne Rabbana mon kelem Rabbana ab adul samayi me ardi, me bahari, me killa sokol al fi fogo. 25Rabbana ab wonus badul te roho ab nedif fi kasma te jidi teena daudi, yowe te taki gali anas te beelana sunu yatala fogo kede umon gata laabil,me kabila abidu jib fikra ab kan mafi.26Sultana te duniya mon adul line me anas ab kubarina, mon lim badum bakan wayi fi Rabbana, me Kristo to.27Mon lim fi medina ini fi yowele to Yesu ab te ja kub fuguwo din tazeti zaituni Kerode, me pontiyo, pirato me anas te beelana me kabila te yala Israel. 28Mon kede so kulu idda taki me wafaka taki ab amrisha zaman bija fi.29Yala asede, Rabbna ayinu kala kala toumon wedi ne labiya takigudra, kede wonus kalama taki. 30kan ita ponesha arfa idda taki kede ita alama me kalama te ma jab kede so fi asma te nyereku taki ab nedif. 31Bakan umon kla so duwa bakan ab mon kan lim fogo abidu hizu hizu mon kulu amla roho ag nedif mon wonus kalam te Rabbana me gelba gow.32Me kom de kulu mon endisi gelba wayi maji ajol wayi ab wonus je sokol ab uwo endisi de gal to, lakin umon kulu kan kun toumon kulu. 33Nas nebija de wonus me gudra milan ligo umon gi fahamisha anas gum te Yesu me neema milan kun fugu umongen fugu umon.34Kalam min umon kan mon mendis ajol al kan muhtaaj kalam anas ab endis samba te matooke, me juwa monja tunda umon jib sente ab tala fogo. 35Mon kutu fi kura te mursalin mon gesim ne anas kulu ligo gi fatiya muhtaji to.36Me yusuf mursalin ab kan gi naadi uwo Baeunaba(maana to gali nyereku te furai) kabila te mureevi, ab weledu fi kuplo. 37Okan endis shamba dukur otunda feather fi kura te mursalin.Chapter 5
1Lakin ajol al asma to ananiya me safira mariya to otunda sokolina to. 2Lifu ahafiz ne nafisi to sokolina siya, mariya to kaman arufu ojib fogo nusu okutu fi kura te mursalin.3Lakin Petero kelem nowo gal, ananiya nija sitani okaelemneita sun kabas roho ab nedif, dukur te hafiz neita fi kiyas te shamba? 4Obakan fi ana okan nama? bakano tunda kala? okan ma tete amrito?Sunu ya kutu kede ita kutu kalam de fi gelba so jede? Ita ma kabas anas, lakin Rabbana. 5Ananiya bakan asma kalama dolde, owaga ladi okemir, kwaf milan amsuku umon kulu ab asma kalama dolde. 6Ya wele gum mon lifu uwo sulu uwo dofun uwo.7Bakan wakti tim ligo kalsi sa tala futu mariya to kaman dakal ligo uwo ma arufu sunu ya kun tala fogomutu de. 8Petero warja fogo gali ogi asadu gal taasil ya jede kijas te tura ab to kum tunda? okelem nowo gal yaa jede.9Petero kelem nowo gali sunu ya kutu kede itakum kede abur gelba te Rabbana? Okelem nowo gal ajin kura taanas ab dofun ragi taki fi fu baabu gura sulu ita kaman. 10Gwam zaidi owaga fi kura to omutu yal wele de bakan dakalu mon dofuluwo bakan wayi me ragi to. 11Kwaf abte gudra dukur amsuku kanisa kulu me anas kulu ab asma kalam de.12Alama me kalama te ma jabu milan, al kan giso me idda te mursalim fi anas m'on kulu kan fi kom te sulaiman me gelba wayi . 13Me anas taanin mafi ajol ladi wayi abu kan aju lim badum mo mon, lakin anas sulu umon sokol te foo.14Anas te iman mon zidu lim badum me sidi teena rujala me nus wana. 15Me jibu kan gi jib Ayamin fi sika kutu umon fi birisi me sida, Petero kan bija dulu to kede rasul fi anas taanin. 16Kawm lim ligo mon gi tala min medinna alfi fi Yerusalem ligo mon gijib ayanin me anas al kan jini gi taban umon dukur bi ponsha umon.17Lakin kabir te din gum tome ku barina taamin(ya minusu te sadu kaayo).Dukur mon amla teli. 18Mon amsuku nas mursalini sulu umon fi jella tanas kulu.19Lakin malaika te Rabbana fi lel ofata babu te Jee la, ofata umon okelem gali. 20Okelem nowmon kede umon ruwo, yegi fu, kelem ne asima te kanisa kalam te hayyi wede. 21Bakan umon anas mon dokal fi kanisa fi ustu filel mon alim lakin kebir te din me akwana taanin al kan fi mo, onadi badum me wazze ya te yala te Israel orasul fi jela kede Jib umon.22Lakin rujala ab ruwa fi jela mon ma ligo umon fi jela, mon arja mon wonusu. 23Jela ina ligo go ful kuwesi me askariya yegif fi baabu lakin bakanina fata ina ma ligo ajol yoyote.24Bakan mon asma kalam dolde kebir te kanisa me nas kubaarina te diin ab kubarin. mon hairu me wassi wassi toumon kalam de bija tala. 25Ajol ja oja kalam noumon gal ayin anas dolde mon fi fi kanisa mon gi alim anas.26Ina ya kebir, me kubaarin te jela mon ruwa jib umon ma me gudra kalam mon kafu anas kede ma ja dugu umon ma laageri. 27Jebu umon kutu umon gidam te anas kebir al gi sinda me kebir wasadu umon. 28Ogi kelem gali amrisha, ina amrisha ita kum kede ma gi alim fi asuma wede ayini itakum amula Yerusalem me alim takum, tokum aju jibu fogoina dom ta ajol wede.29Lakin Petero me mursalin ligo ogi kelem gali gi faa neina asma Rabbanamin anas? 30Rabbana te nas jidi teena ya tooru Yesu min kabri ab itakum ja katul, to kum kutu uwo fi msalaba. 31Deya Rabbana ab arfu uwo fi idda to te yemin kun kebir aw haadi, wedi ne Israel kede mon taya me amurugu min umon batal. 32Ina ya shahidin te kalama dolde wu kaman roho ab nedif Rabbana ab wedi now anas ab gi taya nowo.33Bakan umon asma waja noumon zaidi ladi kan mon aju katul umon. 34Lakin agol yegifu fikom tagata agil te falisayo asima to amursha ajol te alim rujala de barasiya, l te faalisayo asma to Gamaliel ajol te alim sharisha wendisi heshima fi anas kulu amrisha kede arja ruja al de bara siya.35Okelem noumon rujala te Israeli chunga itakum min anas dolde sokol al kan ita kum gura so noumon. 36Kalam zaman zaidi fi wakti ab gedim syda gum min num ogikelem gal uwo ya ajol kebir anas geri 400 mon lim baadum mowo katul uwo mon kulu ab asma uwoferte ku dukur amani ja. 37Bada to ogum yuda ab te gali laaya fi yom te katif, osulu kom kede fatiliya uwo, wede kaman woduru anas kulu ab asma uwomon fereteku.38Ladi fi wakti wede ana gi kelem neitakum gal anas dolde kede sibu umon, kalam wafaka wede me kidima wede kan bitala min anas mon bija keregi. 39Kan de te Rabbana to kum ma agderi kati fogo tura, matakum beenu je anas ab gi dusman me Rabbana.40Asma uwo dukur nadi mursalin dukur duguumon kelem noumon kede umon ma arja wonus fi asma te Yesu dukur seebu umon. 41In umon tala min ena te hafla te lim badu ligo umon furai mon sulu kalam de je heshima noumon fi ligo tabu fi asma te Jesus Chirst. 42Killa yom fi kanisa me fi juwa fi be mon ma kosa hatta yom wayi je Yesu ya Chirsto.Chapter 6
1Fi wakti wede malima bakan umon ja fi malin jakun nna, juru laabil eli mini anas kerenisiti minanas te Babylon, kalam muswana aburujala tomon mutu ja katulu umon fi kadama te killa yom.2Anas12 ya kan kom te malima al ginadi kom te anas al gi alim ne kelem nowmon gali makwesi seebu kalam te Rabbana min kidima fi ras meza. 3Yala akwana nigitu kum anas 7 ab kwesin anas ab amla agili meroho ab ne dif ab ina legetu fi kidima wede. 4Lakin ina bija kun fi asadu na Rabbana me kidima kalam.5Kalam wede bija rudu badum mo gidam kom kulu dukur ja legetu stephen ajol al amula me roho ab ne dif me philip me procol me nika nooli nedifu niknooni me pamena me nikolawo o te chuufu te ante yo keya. 6Kutu umon gidam murusalin mon womba kutu fugu umon idda.7Kalam te Rabbana dukurr fere fere anas me number te anas ab gi alim kun gi zidu killa yom kom te nas kabona dukur taya me rudu.8Steven bakan amla me huruma me gudra kalama ab te ajab me sokolina ab hairu gidam anas. 9Lakin mon gum anas te bakan te lim badu ab gi nadi tena lt betina me nas kurani menas alevandria me tanas kirukiya me nas Asiya ligo mon gi juru laabil me Stephen.10Yala umon kan ma agder agil me roho fi kalama ab uwo jaso in. 11Mon abidu lipa ne anas ab kan kelem gali, ina asma ajol wede ligo ogi wonus kalam te sitimu Musa me Rabbana.12Mon abidu kutu anas me wazzey me anas te kataba mon ja nowo mon amsuku uwo mon sulu uwo fi kom. 13Mon yegifu shaidini ab te kabas ab kelem gali ajol wedde magi seebu wonus kalam fi bakan wede ab nedif me shariya. 14Kalam ina asma uwo ligo ogi kelem gaali, Yesu te Nazzareth wede obija keregi bakan wede obija geeru ladi adab ab Musa ja wedi neina. 15Bakan mon kulu kutu fuguwo ena anas kulu al kan gen kom tagat agil badumon ayin uwo je ena to giben jata malaika.Chapter 7
1Kebir te dini asadu gali fi jede. 2Stepheno arja nowo gali, akwaana rujala kubarina asma kum. Rabbana ab te hishima obeinish nafisi tonejid teena Ibrahim ligo uwo liso fi mesopotania ligo olisama ruwa fi kalani. 3Okelem nowo gali, wassa min bele te baba taki, me mama taki, min family taki, kede ita ruwa fi bele ab ana bija weeri neita.4In owasa min bele tanas Kaludaayao ruwa fi kalani. Bakan kala baba to mutu wamrugu uwo dukur ojibu uwo fi bele ab itakum gen fogo sade. 5Lakin Rabbana ma wedi nowo bakan gen wala bakan ab te dusu fogo kura, oahadi uwo akul bele uwo me yala to dolde oja ahadiuwo ligo Ibrahim ma endisi nyereku.6Rabbana wonus gali yala taki mon bija kun difaana fi bele ab ma tomon, bija kutu umon labiya, mon bija futu fi taab muda te sana 400. 7Me bele ab bija kutu umon labbi ana Rabbana ya bija gata case to ana Rabbana ana ya wonus. baada to mon bija talana mon bi abudu ana fi bakan wede. 8Owedi nowo ahadi te taaru in ya Ibrahim weledu Ishaak, otaaru uwo ligo yom 8 tim, Ishaak oja weledu Yakobo, dukur Yakobo, ja weledu nasjidi teena 12.9Nas jidi teena bakan mon ligo tyel fi Yusuf dukur mon tunda uwo fi misiri lakin Rabbana ochunga Yusuf. 10Owedi nowo hidaaya fi yom to kulu dukur owedi nowo mahaba gidam Sultan te misiri okutu uwo kede uwo kun Sultan fi misiri me fi juwa to kul.11Jiyan dukur waga fi bele kulu alte misri me kanan sulu wakti towil, nas jidi teena mon ma kan endisi akil. 12Bakan Yakobo bakan asma gali akili ab abisi gal fi fi misiri orasul nas jidi teena mara tawlan. 13Te maratinen akwaana te Yusuf faham uwo me family te Yusuf kun me Sultan te misiri (phorough)14Yusuf dukur rasul kede jibu baba to me akwaana to kulu mon ja anas 75. 15Yakobo dukur nenzil fi misiri, omutuna uwo me nas jidi teena. 16Dukur sulu umon fi sekem dofun umon fi makabir ab kan Ibrahim biyo kiyas te feather min yala te kamoli fi sekem.17Lakin je wakti ahadi ja kan fi geeri, Rabbana fi wakti ab uwo nakti ne Ibrahim anas zidu umon fadaya fi misiri. 18Ladi wakti ab Sulta taani jakun fi misri al maja arufu Yusuf. 19Oyala gata agil ne beleteena oso batal nas jidi teena ligo ogi kutu nas jidi teena kede jada yala toumon ab duga kede umon ma kun hayyi.20Fi wakti wede ja weledu Musa okun kuweesi ne Rabbana, akilisha uwo shari 3 fi juwa te baba to. 21Bakan jada uwo Biniya te Phorough dukur uwo osulu uwo je nyereku to.22Musa alim uwo me agil kulu ab te misiri okun te gudra fi kalama to me fi kidima to. 23Lakin heshima to fi wakti ab kala oguru tim umri te sana 40 ofeker fi gelba to ruwa ayinu akwaana to yala te Israel. 24Bakan uwo ayinu ajol al giso nowo batal, uwo olipa ne ajol al kan giso batal odugu ajol te misiri. 25Ofeker gal akwaana mon bi feker gali Rabbana bija wedi noumon hidaaya min idda to mon maja faham.26Fi yom te tinen aligo umon ligo umon gi dusman ojaribu sereteku umon ogi kelem gal rujala itakum akwaana sunu ya gi kutu kede itakum dusuman le badum itakum batal? 27Aku al kan giso akuto batal oliju uwo nnaa ogi kelem nowo munu ya ja kutu ita kebir te maha kama teena? 28Taju katul ana jeta katul ajol te misiri?29Musa jere kalam wede okun difan fi bele midyan ab oweledu yala tinen te wele. 30Wakti otim sana (40) Malaika te Rabbana beenu nowo me lissan te naari ligo gi wala fi gaba ab kan amsuku uwo fi wakti ab kan ofi firas gala sinayi.31Musa wakti ayinu ohairu fo sokol ab uwo ayinu bakan oja geeri mo, dukur tala na sauti te Rabbana. 32Gal ana ya Rabbana te nas jidi jidi taki, Rabbana te Ibrahim te Ishaak me Yakobo Musa dukur rogus ata oligo ma gudra kede uwo ayin.33Rabbana dukur kelem nowofiku gezimma min kura taki bakan ab ita fi fogo de nedif. 34Ayinu ana ayinu so batal anas tayi ab fi Misri anasuma kore kore tomom dukur ana nengil kede ana ja ponesha umon.Yala fi saa wede taal ana bi rasul ita fi Misiri.35Wede Musa ab kan ja abaa ligo gi asadu uwo munu ya kutu ita kebir, me mahkam? Wede ya rabbana rasul kede okun kebir ajol al gura amurugu anas min taab min idda te Malaika al beenu nowo fi gaba. 36Uwo ja amurugu umon baada kalas oja so kalama te maa jaba, me alama ab kubari fi Misiri me fu bahari ab ameri me fi bakan ab pengele sana (40). 37Deya musa ja kelem yala te Israel gaali Rabbana bija jib neitakum nebi abija tala min akwaana takum je anna.38Deya al kan fi kanisa fi bakan ab pengele bakan wayi me Malaika ab wonus mowo fi gala te Sanai bakan wayi me nas jidi teena, ab wedi nowo kalama ab te hayyi ab ja wedi nena. 39Nas jidi teena ab kan umon maaju asma dukur liju uwo na mon arja fi Misiri fi gelba toumon. 40Mon gi kelem ne Aloni gali adul nena Rabbana abkede ja kun Imama kalam Musa wede amurugu ina min bele te Misiri narufu sunu ya gi taban uwo.41Mon adul nyereku bagara fi wakti naade picha to wedi ja sakada mon furai me kidima te idda toumon. 42Lakin Rabbana agili buwa owedi no'umon Abudu as kariya al te fo je namna al kan katifu uwo fi kitab te nas nebiya gali takum kan gi wedi naana lam gaba kulu ab kan gi daba te sadaka sana 40 fi bakan ab pengele juwa te Israel?43Tokum arfu tundubar te molochi me nezima te Rabbana hefan picha alita kum adul kede itakum gi abudu, ana kaman bija sulu itakum min wara te Babylon.44Mon me Tundubar al kan te wedi ushahid kan fi manas jidi teena fi bakan ab pengele je al kan amrisha al kelem ne Musa ja namna ab kan mon ayin je kan fi. 45Nas jidi teena fi wakti ab wedi no'umon dukur mon jib bakan wayi yoswa, fi wakti ab kan umon fi fi beelana ab lim umon Rabbana ab kan gi turuju gidam te nas jidi jidi teena ladi fi wakti te Dawdi. 46Ab Rabbana heshima uwo gidam Rabbana uwo asadu kede gus nowo bakan te kutu Rabbana te Yakobo.47Laki Sulaiman abin nowo juwa. 48Lakim al fi foo zaidi omagigen fi juwa al adul me idda je neebi gi wonus gali. 49Samayi ya bambara tayi duniya ya bambara te duniya tayi jua yata ab tokum abin naana? Jo gi wonus Rabbana aw bakan yatu ya ana bija amla fogo safa. 50Idda tayi ma yaso sokolina de kulu?51Itakum al endis rragabtu abute haggari anas al ma hidaaya min juwa gelba me fi adam okelem no'umon gal itakum killa yom ya gi abusu roho ab nedif jenas jidi takum ya itakum kaman jede. 52Nebi ab yatu ab malisa taban me nas jidi jidi takum? Mon katul al abidu kalam kelem no'umon kalam te ja to ab nedif al itakum kala wedi uwo kede katul uwo. 53Itakum ab wedi neitakum shariya je amrisha me Malaika tokum aba amsuku.54Bakan umon asma kalam wede gelba toumon waja ladi umon asuma waja ladi umon adi sununu. 55Bakan uwo amla roho ab nedif olessegu ena to fi samayi wayinu heshima te Rabbana me Yesu agif fi idda yomin ta Rabbana. 56Sitivini wonus, ayinu, ana ayinu samayi gi fata, me nyereku te binadum gi gayi fi ida yomin te Rabbana.57Mon dugu kilele me sauti haari mon kati adan toumon mon kubu fogo wa me gelba wayi. 58Mon turuju uwo bara te medina dugu umon me lageri. Shahidin kutu gumas toomon fi kura te yowele asma to Saulo.59Mon dugu Stephen me lageri bakan odua okelem sidu tayi Yesu sulu Roho tayi. 60Odugu rukuba okoore me sauiti ab kebir gal. Sidu tayi mata so umon batal wede dukur onum.Chapter 8
1Me sawulo kani kalasi rudu katulu te Stefane, ja kunu ma wuzo kebiri fi kanisa al kani fi Yerusalem umon kulu ja setetu fi bele te Yodayah me samaliya. 2Anasi al gi kafu Rabbana umon ja dofunu stetano me umon ja kore noumon zayidi. 3Lakin sawulo uwo so kalama te gisa milani fi kanisa uwo kani gi dakulu f kila juwa ligo uwo gi amurugu rujara me nuswani fi ojuru umon osuru umon fi jela.4Inni umon dole kulu al setetu setetu umon ja ruwa ligo umon gi alimu kalam. 5Filipo ja ruwa fi medina tesamalia uwo wonusu Kristo6Kom milan ja asuma me Roho wayi kalam al Filipo naba bakani umon asuma umon ja ayinu majabu abuuwo soo. 7Kalam milani fi usutu umon umon kani endi gin tala fugu umon ligo kore, umonpona fi milan ligo umon ja godo godo. 8Medina kulu ja amulu fogo farayi milani.9Lakin kani fi ajol al asuma to Simoni al kani gi so Sara to fi medina de, al kani gi kutu anasi te samaliya hayiru ligo uwo gi kelem noumon gali uwo ya kebiri. 10Umon kulu sa asuma uwo abidu fi sakari ladi fi kebiri lego umon gi wonusu gali ajol wede ya gudra te Rabbana al milani. 11Umon kan gi asma,uwo kalam yomu milan kan uwo giso kalama te mista ajab.12Lakini bakani umon amiini Filipo ligo uwo gi naba injiri te mamulaka te Rabbana me asuma te Yesu Kristo, ja batiza umon rujali me nuswani. 13Me Simoni uwo kamani sidu je amiini ja batiza uwo uwo ja kunu bakani wayi me Filipo. Bakani uwo ayinu kalama te majabu me alama kubarin uwo ja hairu.14Inni mursalini al kani fi Yerusalemi je fi samaliya umon amiini kalam te Rabbana ja rasulu noumon Petero me Yokana. 15 bakani umon rasulu umon womba no umon kede umon ligo roho al nedifu. 16Kalam roho al nedifu kani lisa nezili ma fogo umon besi umon kani batisa umon dakulu fi asuma te sidi teina Yesu Kristo. 17Inni kutu fogo umon ida ja womba no umon Roho al nedifu.18Lakin bakani simani ayinu bada kutu fogo umon ida te musalini uwo ja ruwa uwo sibu noumon feza. 19Uwo ja kelem noumon wedi kum ne ana kamani rukusa wede ana kamani kila ajol al ana bikutu fogo ida.Wede ligo roho al nedifu.20Petero ja kelem noumon gali feza taki kede mutu bakani wayi me ita, kalam ita fekere ligo zawadi te Rabbana me feza. 21Ita ma endi malipo fi kalam wede kalam geliba taki ma nedifu gidamu Rabbana. 22Asede so to wuba ne batali taki kede ita asadu sidi teina saa tani Rabbana bija sama fikira te geliba taki. 23Kalam ana gi ayinu ita ita muru zayidi ita fi mabusi te zambi.24Simoni ja jibisha ligo uwo gi kelem gali kede itakum womba ne ana kalama kulu abu itakum wonusu ma kede kunu fogo ana.25Bakan umon kalas famisha kalam te Rabbana tena,dukuru umon arija fi yerusalem,dukuru umon kelem kalama ta Rabbana fi medina milan te Samaliya26Lakin Malaika te Rabbana oja wonusu me Filipo okelem ne Filipo gum fo,Kede ita rua fi kusin(south) ladi kede ita rasuri fi sika ali gi telemuka ne fi Yelusalem ladi fi gaza; sika fi pengele. 27Uwo ja guwa foo uwo ruwa, ayinu ajol al tebele te Ethiopia ajol al me tomusu al kani kebiri te sultani al mariya te Ethiopia al kani kebiri te foo al gi chunga sokolina to'o kulu uwo kani ja fi Yerusalem fi abudu fi so ibada. 28Ligo uwo gi ruwa, uwo kani gayi fi gadi gadi to'o uwo ja agara fi kitabu te nabi Isaiaya.29Roho ja al nedifu kelem ne Filipo gali juru ita geri kede ita limu ita me gadigadi wede. 30Flipo ja jere uwo ja asuma ligo uwo gi agara kitabu te nebi Isayah uwo ja kelem no uwo gali ita fahamu kalama abu ita gi agara? 31Uwo kelem anaagideri kefini fahamu? Ila ligo fi al gi weri ne ana uwo ja nagu Filipo uwo kede panda uwo kede gayi me uwo.32Fi bakani al katifu al gi kelemu jesulu uwo kede katulu uwo je koru je nyereku koru al fi gidamu ajol algi gata su te kore je gi asikutu me jede uwo ma fata kasuma to'o. 33Fi kutu uwo bari kesi to'o amurugu uwo me kabilato'o munu ya bija weri,kalam hayi to amurugu min dunia.34Ragi al me tomusu uwo ja jibisha Filipo uwo ja kalam wede?gali ana gi nagu ne ita nebi wonusu fogo munu to bala walata ajol tani? 35Ya Filipo jibisha uwo fata kasima to'o uwo ja abidu fi katiba wede uwo ja kelem ne uwo Yesu.36Inni bakani uwo kanigi masi fi sika umon ja rasul fi bakani al kani fi fogo moyo;ragi al me tomusu ja kelem gali ayinu moyo de sunu yaa gi aba batisa ana? 37(Flipo ja kelem gali kani ita gi amini me geliba takikulu seme uwo ja jibisha ligo uwo gi kelem gali ana gi amiini je Yesu Kristo nyereku te Rabbana) 38Uwo ja a amurisha kede gadigadi yegifu umon kulu tininini ja nezili falata fi juwa moyo Filipo me ragi al toomusu ja batiza uwo?39Bakani umon tala fi moyo Roho te Rabbana ja sulu Filipo ragi al me tomusu warija mas marata oruwa ligo ofurayi. Filipo man taru kalamu uwo ruwa ligo uwo gi furayi. 40Lakini Filipo oja benu fi bakani al asuma to'o Azoto bakani uwodukuru walim fi medina kulu ladi fi rasuru Kalisalia.Chapter 9
1Fi wakti ab Saulo kan lisa gi wonus kalama te kala kala me ta katul, nas swahaba te sidu teena, dukur oruwa ne kebir te din ab gisinga kubarina kulu. 2Wasadu nowo waraga ko safiri fi damaska fi hafla te bakan lim anas, kan uwo bija ayinu na anas fi sika kan umon bikun rujala aw nus wana kede uwo robutu umon kede jib umon fi Yerusalem.3Fi wakti ab kan uwo gi masi ligo ogeeri me rasulu fi Damaska semsi abidu wala fi rasu to lifu uwo fi ustu. 4Dukur owaga falata uwo asma sauti ligo gi kelem Sawlo, Sawlo, ita gi gus sunu warana.5Dukur oji bisha gal musu ita ya sidi tayi, sauti de dukur kelem nowo ana ya Yesu al ita gi fata tala waro. 6Yala gum kede ita dakal fi medina, bija kelem neita kidima ab faa kede ita so. 7Anas al kulu kan gi masi nowo kul agif ligo umon hairu kalam umon asma sauti lakin umon ma ayinu ajol.8Sawlo dukur gum min falata bakan ena to fata uwo,ma ayin sokol kulu ma;amsuku ida to juru uwo jibu fi Damasko.9 Futu fogo yom talata ligo oga iyinu ma,kama ligo oma ga akuli,sala asurubu.10Kan fi swahaba fi Damasko abu asuma to ananiya,sidu teena kelem ne uwo aNANIYA.Okelem nouwo ann yade,sudu tayi. 11Sidu teena kelem gu kede ita ruwa fi sika ab adil kede ita ruwa fi bey te Yuda kede ita ruwa gusu ajol ab asuma to Saulo abgi gen fiTalusu, kalam ayinu ogi womba. 12Uwo ayinu ajol ab asuma to Ananiya ligo ogi dakalu fi juwa dukur okutu fugo ida fi ena to kede uwo ayinu.13Chapter 10
1Kan fi ajol wayi fi Kayisaliya, asma to Koluneriyo, ragi ab kan kebir te bakan kazi ab kan gi nadi Kitaliyano. 2Ajol al giso kalam bisesi, ab gi kafu Rabbana me anas te juwa to kulu ab gi gesim sokolina milan ne anas owomba Rabbana yom kulu.3Dukur uwo ayinu wahyu faadi, je saa 9 te yom te laasiya, malaika te Rabbana ligo gida kalu ogi kelem nowo Koluneriyo. 4Ofata ena tow, okafu okelem sunu sidi tayi? Okelem nowo womba taki me gesim taki ruwa fo kalam kumbuka kalam te Rabbana. 5Ya jede rasul anas fi yopa, kede ita naadi ajol ab asma tow Simon, asma tow te tinini Petero. 6Wede ya ajol ab gi ligo difan ne Simoni ajol te abu gi selegu gili, me juwa to geeri me bahari.7Malaika abu kan uwonus mo uwo ligo oruwa,onade labiya to tinen te jua me asekeri abu gi kafu Rabbana mi abu kan gi alim kala yom.9Fi yom te tinini wakti umon gi massi mon geeri me rasul fi medina, Petero panda foo ta juwa fi womba fi saa sita. 10Jiyan abidu so waju akul akil lakin wakti gi amurugu akili Roho to badul. 11Uwo ayin samayi ligo fata uwo, sokol nenzil fogo uwo gi beenu je suuka ab kebir ligo amsuku fi sonda arubate robutu dukur nenzil falata. 12 kan fogo lam gaba kulu ab endis kura arba me al gi masi me batana, me teeran te loobu.13Sauti ja nowo gi kelem gum, Petero, kede ita daba kede ita akul. 14Lakin Petero kelem la sidu tayi, ana magi akul sokol te sibir sala kan batal. 15Sauti (arja ja) fi bakan ab uwo kan fi fogo gi kelem gal Rabbana sokolini ab uwo adul mata sulu je harram. 16Ya kan jede mara talata: gwamu dukur sokolina de sulu fi samayi.17In ya Petero wakti ligo wasi wasi dakal fi gilba to te telim de ab uwo ayin de je fi, anas ab rasul me Kuluneriyo wakti umon asadu bey te Simoni mon agifu fi beebu. 18Mon nadi umon asadu Simon asma to tani ya Petero,yakan difani.19Wakti Petero kan gi feker fi Roho dukur kelem nowo ayinu anas talata gi gusu ita. 20Lakin gum kede ita ruwa noumon ligo ita magi ligo wasi wasi: kalam ana ya rasul umon. 21Petero ruwa ne anas dukur okelem noumon ayinu ana yade ab itakum gi gusu: Sumu ya jib itakum?22Mon kelem Koloneriyo rai ajol ab nedifu, ab gi kafu Rabbana, ab sulu uwo te foo fi bele tanas Yudaaya kelem gali malaika ab nedif kelem nowo gal kede ia ja fi juwa to okede asma kalama ab gi tala, min ita. 23Dukur orudu kede umon dakal je diffana in fi yom te tinini Petero gum min num uwo arfa bakan wayi me umon me akwaana taanin te yopa mon ruwa sawa.24Fi yom te tinini mon dakal fi Kayisaria Koluneriyo kan gisten umon ligo olim anas te kika to me ab kan Sabiyana.25In ya Petero wakti kalas gura dakal Koluneriyo dukur umon ligo badum mowo dukur odugu rukuba wabadu uwo agif. 26Lakin Petero kelem nowo agufu fo ana kaman ajol je ita.27Ligo ogi wonus mowo odakalu oligo anas milan ligo umn lim umon. 28Okelem noumon gal itakum arufu jema kuwesi ajol te Yudaaya kun me ajol bele taani aw ja jambu uwo; wu Rabbana weeri nana kede ana ma gi nadi ajol yoyote harram, aw batal. 29Ya ana ja wakti itakum nadi ana ya ana asadu gal sunu ya nadana fogo?30In ya Koluneriya kelem gal ya fi jede kala futu aruba yomu ligo ana gi womba rasul fi saa wede womba te saa 9 fi joju tayi ayin ajol wegif gidam ana ab kan endis gumasi te gold. 31Okelem gal Koluneriyo womba taki asma, okelem nowo gal gesim tak kum gidam Rabbana. 32Yala rasul fi yopa kede ita nadi Simoni asma tow te tinini Petero: uwo ya kun diffan te Simoni ajol ab gi selegu gili ab fi geeri me bahari. 33Inya gwam dukur ana rasul neitai ita so kuwesi wakti ita ja.Yla asede ina fi kulu in gidam Rabbana kede ina asma kulu ab Rabbana amrisha ita.34In ya Petero fata kasma tow okelem gali fi hakki ana faham Rabbana omagi tafatautisa anas. 35Lakin fi bele kulu ajol ab gi kafu uwo dukur oso kalam te hidaaya ogi rudu mowo.36Kalam ab uwo rasul ne yala te Israel ligo ogi kelem amani ab fi fi Yesu Kristo ya sidi te killa sokol. 37Itakum arufu ab ja wonus ab kan fi Yudaaya kulu ab abidu fi Galilaaya baada te batiza ab okelem ne yo kaana. 38Yesu te Nazareth Rabbana wakti kubu fugu uwo din me Roho ab nedif me gudra:kan gi masi ligo ogiso seme, ogi ponyesha anas kulu ab kan fi me shaitani.kalam Rabbana kan fi me uwo39Ina kaman bi wedi ushahidi te kalama kulu ab so fi bele te nas Yudaaya me fi Yerusalem; dukur katul aligu uwo fi musalaba. 40Wede Rabbana gum uwo fi yom te talata oweri uwo faadi. 41Mafi anas kulu illa fi anas ab te ushahidi ab Rabbana nigitu fawlan, okelem gali ya ina anas ab akul wu ina asurub mowo wakti ogum min meitin.42Okelem nena me fahamisha anas kalam te Rabbana ab uwo amrisha, kun ajol bi gata kesi te anas ab hayyi me anas abmutu. 43Wede nas nebiya kul ja wonus fugu uwo killa ajol ab bi amin mowo bi amurugu min uwo batal sabab te asma tow.44In wakti Petero lisa gi wonus kalama dolde Roho ab nedif dukur waga fugu umon kulu anas ab asma kalam. 45Mon kulu fata kasma aw shanga anas ab rudu kede taaru, mon kulu ab ja me Petero kalam fi belana zawadi te Roho ab nedif kubu.46Kalam asma umon ligo umon gi arfa asma te Rabbana. In ya Petero kelem gali. 47Ajol agder aba anas dolde kede batizaumon anas ab wedi noumon Roho ab nedif jeena? 48Uwo amrisha kede batiza umon fi dakal fi asma te Yeu Kristo. Baada naade umon waga waga nowo kede umon kalas na yom kiyas.Chapter 11
1Mursalin me akwaana fi yudaya, mon asma je anas te beelana kaman Rudu me kalam te Rabbana. 2Fi wakti ab Petero ruwa fi Yerusalam anas ab me taaru bishana mowo. 3Ligo mon gi kelem nowo gali ita ruwa ne nas al ma me taaru taakul noumon.4Lakin Petero abidu aki noumon wayi bi wayi. 5Ana kan fi medina te yopa ligo ana gi womba, roho tayi badul ana ayinu sokol wayi ab gi nengil je suka ab kebir ligo amsuku fonsoda to arba nengil naana ligo gi taala fi samayi. 6Bakan ana fata fogo ena tayi ana ayinu lamgaba te duniya ab endis kura arba me lam gaba, me al gi juru uwo meteeran fi ras lobu.7Ana asma sauti ligo kigelem gali Petero yegifu kede ita daba kede ita akul. 8Ana kelem gal itta, sidi tayi kalam sokol abu haram magi dakal fi kasma tayi hatta siya. 9Sauti arja ja maratani ligo gitala fi samayi ligo ki kelem naana gali, Rabbana fi sokolina ab uwo adul matagi ku kulu haram. 10yaku jede mara 3 kulu arja umon sulu fi samayi.11Ayin gwam zaid anas 3 kan yegifu gidam juwa fi bakan ab ina fogo ligo umon tala fi kayisaliya. 12Roho kelem naana kede ana ruwa mow mon ligo ana ma tafautisha ana akwaana ruwa me ana ne dakal fi juwa ta ajol. 13Okelem neena kalama ab uwo ayin ligo uwo yegif gal wayinu Malaika ligo ogi kelem gal, nadi Simon, Petero alfi fi lopa okede ja. 14Obi kelem neita kalam ab gura haadi ita me anas te juwa taki kulu.15FIwakti ab ana kan lisa abidi me abidu wonusu, roho ja oligo umon je namna abuwo nengil fogo ana. 16Ana kumbuku kalamte sidi teena ab uwo ja wonus gal Yokana batiza uwo me moyo lakin itakum bija batiga itakum me roho ab nedifu.17Yala Rabbana wedi neitakum zawadi wede je ina, wakti ab ina amin me sidi teena Yesu kristo ana ya munu ab kan agder abusu Rabbana? 18Fi wakti ab umon asma wede mon askutu, mon abidu arfu sauti te asma te Rabbana rabbana wedi ne anas te beelana fi taya mon rasul fi hayyi.19Me dolde ab fere fere fi gusu gusu sub kan fi Stepheno, mon masi ladi mon rasul foyiniki mekupulo me anti yokiya mon ma kelem ne ajol taani kalam illa nas yudaaya. 20Min umon kan fi anas te kupulo me kuleni mon wakti ab umon rasul anti yokiya mon wonus me anas te YOnan ligo mon gi kelem nnoumon sidi teena Yesu. 21Idda te sidi teena kan fi bakan wayi noumon, kawm milan amin noumon mon geeru mon amin me sidi teena.22Kalam wede dukur asma uwo fi adan te kanisa te Yerusalem mon rasul Balunaba kede uwo ruwa fi Antiyokiya. 23Fi wakti ab okala rasul wayinu huruma te Rabbana dukur ofurai, okelem noumon kulu gali jib kum niya min juwa gelba kede umon amsuku badum me sidi teena. 24Kalam kan uwo ajol kuwesi uwo amla roho ab nedif uwo amin. Kom milan dukur jib ne sidi teena.25Otalana oruwa fi talaso fi gsu sawlo. 26Wakti okala ayinu uwo ojib uwo fi anti yo kiya. Bakan kala orasulu mon kalas sana muzima mon gi lim badum me kanisa kee umon alim kom ab kebir nas swahaba ya abidu nadi umon nas christo fi Antiyokiya.27Fi zaman naade ya nas nebiya tala min Yerusalem mon rasulu fi antiyokiya. 28Wayi min umon agif asma to (Agabo) owonusu ligo ogi futu fi roho gali bija kun fi duniya jian milan je al jakun fi wakti te karaudiyo.29Nas swahaba je namna ab kan umon endisi sokolina mon wafiki wedi ne akwaana abkani gi gen fi yudaaya. 30Me kidima mon so dukur umon liju ne wazze fi idda te Balunaba, me sawlo.
Chapter 12
1Fi wakti naade sultan Kerode midin idda waabidu so batal ne anas te kanisa. 2Okatul me sokol dusman Yakobo aku te Yokana.3Bakan uwo ayinu ja nas yudaaya rudu ogidu amsuku ladi Petero. Okelem galde ya wakti te mu kati ab magi furu. 4Bakan okala amsuku uwo, okutu uwo fi jela owedi uwo ne as kariya 14 kede chunga uwo zaidi, ligo uwo waju sula uwo gidam anas ligowakti futu fogo kalas.5In ya Petero chunga uwo fi jela lakin anas te kanisa zidu womba ne Rabbana. 6Fi yom ab kan Kerode aju sulu uwo fi filel naade Petero kan nnum fi ustu te askeriya tinen, ligo robutu uwo me Nyororo tinen, me askeriya fi fi babu mon gi chunga jela.7Ayin Malaika te Rabbana agif gidam uwo in ya nuuru amla ku jura odugu Petero fi dula okelem nowo gum gwam Nyororo dukur tala min ida to waga. 8Malaika kelem nowo gal robutu ita kede ita lebis gezma taki dukur oso je kelem nowo okelem nowo lebisi unifom taki kede ita ja warana.9Otala oruwa wara uwo oma faham je tassil te hakki kalam ab Malaika so, de, lakin taasil wayinu je wahyu. 10Wakti ab mon futu fi as keriya tawlan me te tinen dukur mon rasul fi baabu te min wara ab gi futu fogo kede ita rasul fi medina kutu mon rasul na nomon barra. Mon tala mon futu fi sika gwam zaidi Malaika seebu uwo.11Petero dukur faham je Rabban rasul naana Malaika wamurugu ana min idda te Kerode me feker fi kalam kulu ab kan bija min idda te bayudaya. 12Bakan ofeker dukur ojja fi be te marryam al kan mama te Yokana ab kan asma to Mako.Bakan ab kan umon lim umon fogo ligo mon gi womba.13Petero bakan dugu baba te min gidam kadim ja fi rudu ab asma to LODA. 14Bakan uwo faham sauti te Petero oma fata babu kalama furai lakin odakal me jere kelem gali Petero yegif bara te baabu. 15Kelem now ras taki aju karabi, lakin uwo lesegu fogo gali ya jede dukur mon kelem de Malaika to.16Lakin Petero zaidi dugu baba bakan fata babu ayin uwo dukur umon hairu. 17Bakan okutu ida fi kasma me askutu okelem noumon je sidi teena amrugu uwo min jela okelem gali kelem kum ne Yakobo me akwaana otala na oruwa fi bakan taani.18Wakti tim mon subu askeriya kala, gali Petero sun ya so? 19Kerode bakan gusu uwo wasadu askeriya to ogusu gusu Petero dukur uwo amrisha kede katul askeriya de, otala min yudaaya oruwa fi kayi sariya gen nna20Ozzalam zaidi nanas te tulo me sidom mon ja nowo me gelba wayi bakan mon kum sabi me blasto kebir te juwa te sul tan mon asadu kede wedi noumon amaani kalam bele toumon gi aish me akil te be te sultan. 21Yom al umon wafiki fogo Kerode tebis gumas te sultan ogen fi bambara okelem kalama.22Anas kulu mon wonus me sauti gal wede de sauti te rabbana ma te binadum. 23Gwam zaidi Malaika te Rabbana dugu uwo kofu kalam oma wede heshima ma Rabbana omutu.24Lakin kalam te Rabbana ruwa gidam ozidu. 25Balunaba me sawlo mon arja min Yerusalem mon bakan kala kalas kidima tomon , mon jib Yokana asna to Mako.
Chapter 13
1Fi Antiyokiya fi kanisa wakti okani fi anas nebiya me nas mwalima Balunaba me Simon abkan ginadi Niga me Lukiyo ab te Kureni me Manane, abja rada bakan wayi abte saza me Saulo. 2Ligo umon gi so kidima te sidi teena me sayim Roho abnedif dukur kelem gali, nigitu kumnaana Balunaba me Saulo kede umon so kidima ab ana nadi itakum fogo. 3Ini dukur umon sayim umon womba dukur kutu fugu umon idda rasul umon.4Wakti rasulu umon Roho abnedif mon serengeta fiSerukiya; mon tala min na mon ruwa fi Kupulo 5Wakti umon fi Salamin mon so daawa fi bakan ab nas Yudaaya gi lim fogo mon gen me Yokana ligo ogiso momon kidima.6Wakti umon futu fi bakan ab pengele kulu rasul fi Pafo mon ayinu ajol ab sara nebi te kabasi ab te Yudaya asuma to ya Balisa, 7Abkan fi bakan wayi me ajol te saza ab te Rumi Serugiyo Paulo, ajol te agil. Onadi Balunaba me Saulo okan aju asma kalam te Rabbana. 8Lakin Eluma ab saara (kalam asma to ya namna ab gi tafsir mo) ojuru laabil moumon, ligo uwo aju meelu ajol to saza fi amin9Lakin Saulo wu uwo ya Paulo wakti uwo amla Roh abnedif wakti ofata fugu uwo ena, 10Okelem ita ab amla husda kulu me so batal kulu nyereku te sheitan aduyi te hidaaya kulu, ita bija ma seebu meelu sika te sidi teena abnedif?11Asede ayinu, sidi sidi tena fi fugita, ita bija kun Elimas ligo ita ma gi ayinu semsi yom milan; gwamu mara wayi sobura waga fugu uwo me duluma ogusu gusu ajol abbi agder awun uwo. 12Ini ya ajol te saza wakti ayinu, je fi orudu ligo ogishanga te alim te sidi teena.13Ini ya Paulo me sabiyan to mon abidu Safasi tala min Pafo, umon rasul fi Peruga ab te Panfuliya: Yokana seebu umonnaa warja fi Yerusalem. 14Lakin wakti umon futu ligo umon tala min Peruga mon rasul fi Antiyokiya abte Pisibiya mon alim fi fi bakan ab anas gi lim fogo yom sebbi mon geni. 15Wakti kala agara shariya me kalama te nas nebiya, anas te bakan te lim badu dukur rasul umon ligo gi kelem gali, rujala akwaana kani itakum endisi kalam te kelem ne anas wonus tokum.16Paulo dukur yegif otumiya idda to fi kutu kede umon askutu okelem gal, rujala ab te Isreal me itakum abgi kafu Rabbana asma kum. 17Rabbana te nas Isreal nigitu jidijidi teena uwo arfa anas wakti umon chiffana fi Misiri uwo amurugu umon me idda ab ja kutu umon kede kun te fo. 18Oso subra fi bakan ab pengele kalas muda te sana 4019Wakti uwo keregi kabila saba fi bele ta Kanani, owedi noumon bele toumon kede umon kun sidu to ladi kan wakti rasul te sana 450. 20Baada dolinde kulu oja wedi noumon anas abbi hukum umon laadi rasul fi nebbi Samwiri21Baada naadi dukur mon ja aju sultan Rabbana wedi noumon Saulo nyereku te Kisi min kabila te Benjamin okalas sana 40. 22Wakti uwo amurugu uwo dukur obadul noumon Daudi kede kun sultan toumon ab uwo wonus fogo gali; ana ayinu Daudi nyereku te Yesse ajol ab gigeni je gelba tayi aju abbija so kila sokol ab ana aju23Wede min yala to je namna ab Rabbana ahad ojib ne Isreal ajol ab te hidaya Yesu. 24Yokana abkan abidu wonus fogo ligo omalisa ja fi batiza ab te tayi ne anas kulu ab te Isreal. 25Lakin Yokana wakti kala geeri kede uwo koma safari to, okelem gali, itakum gi feker ana munu? Okelem gali; ana mafi uwo. Lakin ayinu, fi ajol abgija min wara tayi ab ana ma bija agder ladi amurugu gezma min kura to.26Akwaana yala te juwa te Ibrayim me itakum kulu abgi kafu Rabbana kalam te hidaya wedede rasul neena. 27Kalam anas abgi geni fi Yerusalem me kubarina toumon kan umon ma bija arufu uwo sala kan sauti te nas nebiya abja agara kila yom sebbi ya umon ja timiza wakti gata nowo kesi28Umon wakti maja ayinu sabab te katul uwo, me asadu ne Pirato katul. 29Wakti umon kalas kulu kalama abja katifu fugu uwo mon amurugu uwo min msalaba dukur kutu uwo fi kaburi.30Lakin Rabbana tooru uwo min meitini: 31Oja beenu noumon baada yom milan anas abja ruwa mowo fi Galiraya rasul fi Yerusalem deya nas shuhada to ne anas.
Chapter 14
1Wakti bakan tim ligo umon ruwa fi Ikoniyo mon dakal fakan wayi me kawm te nas Yudaaya mon wonus jede kawm te anas ab milann rudu mon kulu Amin, nas Yudaya me Yonan. 2Lakin nas Yudaya ab abba taya mon kutu fi gelba anas te belana mon kutu dula tomon batal ne kawm te akwaana.3Mon kalas wakti towil me gelba gowu fi sidi tena ab neri kalam te niema to ligo owedi no'umon alama me kalama te majabu ab umon giso me idda toumon. 4Lakin kawm te medina mon ferteku anas taanini gen fi sidi te nas Yudaya taanin fi sidi te nas mursalin.5Anas te belana me nas Yudaya wakti bakan wayi me kubarina toumon umon ya aju katul umon me lager. 6Bakan umon faham mon jere fi medina te Lukow niya, Listula, me derube me bele ab fi geeri mo. 7Mon gen nna ligo umon giso inji.8Fi Listula kan fi ajol al ma endis gudra fi kuura ogen ligo uwo mulema, min fi batna te mama o ligo oma gi masi ladi siya. 9Wasuma Poulo ligo gi wonus okutu fugo ena ladi wayinu kaman je uwo endis te amin ligo hiddaya. 10Owonus me sauti ab kebir yegifme kura taki kede ita midu ita onutu uwo masi .11Kawm bakan ayin Paulo kalam ab uwo so mon arfu sauti toumon mon gi wonus fi lugha te kayoneya gal Rabbana nenzil neena ogi ben je ajol. 12Balunaba nadi uwo zewu me Paulo nadi uwo keru me kalam oya shinda wanas. 13Kebir te din te zen al kan fi gidam te madina ojib bagara me tagiya te mawa ligo waju wedi sadaga me kawm na.14Lakin mursalin Balunada me Sawlo bakan umon asma mon seretu gumasa toumon mon jere fi kawm ligo umon gi wonus me sauti foo. 15Mon gi kelem rujala sunu ya kutukede itakum so jede? ina kaman fi anas ab gi amsuku me sokolina kulu je itakum ina gi kelem neitakum kalama an kawesi kede itakum sibu alma endis faida geeru kum ne Rabbana ab hayyi abadul samayi me arthi me bahari me killa sokol al fi fogo. 16Fi zaman abja futu osubu beelana kulu kede gi masi fi sika toumon.17Lakin ata uwo ma gi kalas uwo barraw kan uwo ma endis ajol te awn kalam kan oja so kuwesi ogi nengil netakum matara min samayi me wakti te hisab fogo akili ogi amla gelba kum me akil me funai. 18Bakan umon wonus wede mon abussu kawma me gudra wedi no'umon sadaka.19Lakin anas te Yudaya on tala min antiyokiya me Ikoniyaa ligo umon gi weeri idda ne kwam, ladi umon dugu Paulo me laager mon juru uwo bara te meddina ligo umon gi feker gali omutu. 20Lakin wakti nas swahaba lim torofu to ogum fo odakal fi medina fi yom te tinen mon ruwa me Balunaba ladi fi derube.21Bakan mon kala soinjil fi medina wede me alim nas swahaba milan mon arja fi Lustula, me Ikoniyo, me Antiyokiya. 22Ligo umon gi gow gelba te nas swahaba mon giso injil me gudra me Amin milan me namna te ayin shida milan gifaa neena dakal fi mamlaka te Rabbana.23Mon bakan kala nigitu aju siya fi kanisa kulu me asadu, me sayin, dukur wedi no'umon siditeena ab umon Amin. 24Mon futu fi pasidiya, mon rasul fi pan fulayi. 25Bakan mon kalas kelem kalam fi Peruga mon serengeta fi ata liya. 26Mon tala na mon arfa safari rasul fi Antiyokiya anas tena mon ya furai no'umon me neema te kidima abu mon so.27Mon bakan rasulu mon lim kanisa mon kelem no'umon kalama kuluab Rabbana so no'mon bakan wayi ofata ne anas te beelana babu te amin. 28Mon kalas wakti milan bakan wayi me nas swahaba.
Chapter 15
1In ya anas tala min Yudaaya, mon alim akwana gali itakum kan ma bi taaru itakum ja namna ab adab te Musa kan fi, itakum maagder ligo Hidaaya. 2Wakti kan fi juru laabil milan me geeru te fikra te Paulo me Balunaba, fi side taani me anas ab tala fi Yudaaya, mon amrisha Paulo me Balunaba me anas taanin ruwa fi Yerusalem ne nas mursalin me wazze le-ajal te juru laabil wede.3Wakti anas dolde kalas robutu zawadi ne nas Paulo me Balunaba anas te kanis mon futu fi Foyiniki me Samariya ligo umon gi weeri mara wayi geeru te anas te belana: mon furaisha akwaana kulu. 4Wakti umon rasul fi Yerusalem anas te kanme wazze mon juru umon geeri, mon kelem noumon kulu kalama ab Rabbana sokolina ab uwo so bakan wayi moumon.5Lakin mon gum anas taanin min nas falis aayo ab amin ligo umon gi kelem gali gi faa taaru me amrisha umon amsuku shariya te Musa. 6Nas mursalin me wazze mon lim bakan wayi kede umon ayin kalama dolde.7Wakti umon kunme ferteku badum te fi kira je milan Petero dukur gum okelem gali rujala akwana itakum arfu min fi wakti te zaman Rabbana migitu min itakum anas te belana kede asma min kasma tayi kalam te injil mon amin. 8Me Rabbana ab arfu gelba okelem noumon je uwo wedi noumon Roho ab nedif je ina; 9Oma weeri ta fauti toumon me ina wakti uwo adul gelba toumon laajal Iman.10Yala fi sunu itakum gi jarib Rabbana kutu zambi fi ragabtu te nas mursalin nas jidijidi tena kalama ab umon ja aba amsuku sala kan ina? 11Lakin ina gi amin ligo hidaaya me huruma te sidi tena Yesu, me umon kam jede.12Kawm kulu dukur askulu; mon asma Balunaba me Paulo ligo umon gi aki alama me kalama ab te ma ajal kulu ab Rabbana kutu kede umon so fi belana.13Wakti umon kala asktu Yakobo arja fogo ligo ogi kelem gali rujala akwaana asma tokum ana. 14Simoni wonus kalama te Rabbana je namna ab uwo abidu me anas tebelana amurugu foo asma to na anas.15Klam te nas nebiya gi wafiki me dolde je namna ab ja katifu gaali. 16Baada te wede ana bija geeru ana bija abin martan weema fa Daudi ab ja waga; kasma to ana bija abinu mara taani, ana bija gmu uwo marataani. 17Anas ab fadul ligo umon gi gusu Rabbana me beelana kulu ab gi nadi asma tayi min umon. 18Deya namna ab uwo gi wonus Rabbana ogi weeri neena kulu min fi abidu te duniya.19Ya ana gi gata kede ina a gi taban anas ab gi talamin belana geeru ne Rabbana. 20Lakin kede ina katif noumon kede umon seebu awiri te picha me zina, me sokolina ab kangu me doomu. 21Kalam min zamani Musa endisi fi kira medina anas ab gi weri nouwo ligo gi agara asma to fi bakan ab anas gi lim fogo kira yom sebi.22In ya umon ja rudu ma nas mursalin me wazze bakan wayi me kanisa kulu nigitu anas min umon me rassul umon fi Antiyokiya me Paulo me Balunaba; Yuda ab gi nadi Balunaba me siira anas ab kubarin min akwana. 23Mon katifu mon wedi fi idda toumon gal nas mursalin me akeana ab gediinin ina selem ne akwana ab fi Antiyokiya me Bussulime Kirukiyo ab fi fi belana.24Kalam ina asma gali anas ab tala min ne ina kala kala umon me kalama ligo umon gi geeru gelba takum ab kan ina ma lisa mrisha umon; 25Ina furai wakti ina wafiki me gelba wayi ngitu anas rasul umon ne itakum bakan wayi me Sabiyan tena Balunaba, me Paulo. 26Anas ab wedi nafsi toumon je sadaka sabab te sidi tena Yesu Kristo.27Ya ina rasul Yuda me siira on bija kelem ne itakum me kasma toumon. 28Kalam Roho ab nedif orudu kaman ina ma kede arfa umon me sala ab kebir kulu illa ab gi faa, 29Juru ita boyi min sadaka ab gi wedi ne picha me doomu me sokolina ab kangu me zina:30In ya umon ab ja rasul mon ja fi Antiyokiya, mon lim kawm mon wedi noumon waraga. 31Wakti umon agara mon furai fi kelem noumon kalama dolde. 32Yuda me siira, kalam umon kan nebiya, mon kelem ne akwana kalama milan mn zidu noumon gudra.33Wati umon kalas na yom dukr sibula umon me akwaana me amaani arja ne anas ab kan rasul umon. 34Lakin siira uwo to kelem kede uwo fadul nna. 35Lakin Paulo me Balunaba mon fadulfi sidi tena me anas taanin milan.36Wakti bakan futu mila Paulokelem ne Balunaba gali, yala kede in arja kede ina zuru akwana fi kila medina ab ina wonus kalama te sidi tena kede ayini je umon fi. 37Balunaba dukur aju sulu Yokaana asma tow ya Makko. 38Lakin Paulo ma wafiki sulu uwo wede ab ja seebu umon fi Panfuliya oma ruwa umon fi kidima.39Dukur ja kun na juru laabil kefir, m ferteku mon ferteku Balunaba sulu Makko dukur umn ruwa fi Kuplo. 40Lakin Paulo ja nigitu siira otala na akwana wakti umon warith Baraka te sidi tena. 41Ofuru fi Busuuli me Kirukiya ligo uwo gi gowu gelba te kanisa.
Chapter 16
1Ya uwo rasul fi derube me Lusitula ayinu, kani fi swahaba asma to ya Timosewo, nyereku te maliya abu yudaya abuda amin lakin baba to mu yonam. 2Abu akwana ja aju abu kani fi fi Lusi ta me Ikonio. 3Paulo aju ruwa me uwo; uwo suru uwo, uwo taru kalam nas'Yudaya abu kani fi fi bakan de mesani umon kulu kani arfu je baba to kani mu'Yonani.4Bakan umon futu fi medina, wedi ne umon amusuk abuja weli rasul me nebiya abu fi fi Yerusalem. 5Ini ya kanisa gowu fi amin, ya uwo zidu fi milan te anas kila yom.6Umon futu fi bele te Fulugiya me Galatiya, kalam Roho abunedifja aba umon kelem kalama yoyote fi Asiya. 7Bakan umon rasul geri me Musiya, umon abul ruwa fi Bisuniya, me Roho te Yesu ja aba umon. 8Umon lifu Musiya, umon rasul fi Tulowa.9Paulo ayinu wahayu fileli, ajol abu Makedoni ligo uwo yegifu me ligo uwoginangu uwo ligo uwo gikelem gali, tali fi Makedonike ita awunu ina. 10Bakan uwo ayinu wahayu, fi Makedoni, ligo ina arfu je Rabbana rasul ina ke ruwa alim njiri.11Ya ina ja tara fi Tuluwa ina amsuku sika abu adil ladi Samserakiya, fi yom te tinini ina rasul fi Neyapuli; 12Ina tara na rasul fi Firipi, medina te Makedoni abu gi abidu fogo fi safa de, abu nas'Rumi ja abim, ina geni fi medina yom milan. 13Fi yom te sabiti ina tala fi babu te medina ruwa fi kooru kalam ina ja feker: gaali fi na bakan te womba. Ina geni, ina wonus me nus wana abu lim.14Mariya de, asma to hidiya abu gi ketu gumesa fi medina suwatira, abu ja nabudu Rabbana. uwo asuma ina. Sidi te fata gelba to auma Paulo ja wonus. 15Abu ja batiza uwo me juwa to, uwo nangu ina gaal kani itakum aju ana fi sidi tena. Daker kum fi juwa tayi ke itakum geni na.16Ina lig ina guruwa na fi bakan te womba fogo; biniya abu kani endis gini abu gi wonusu sokol abura kun fi, uwo rudu ina, me uwo ja logo ne sidi sokolina milan ligo gi tala fi wonusu sokolin aburu kun fi. 17Bakan uwo Fatiya ina me Paulo uwo wonus foo gaal anas dole kulu labiya te Rabbana abu fi foo zaidi, abu gi alim sika te bolokozi. 18Uwo so jede kalas yom milan. Lakin Paulo bakan uwo jarani zaidi, uwo ne jini gaal tara fi uwo fi asma te Yesu Kristo. Jini tara fogo fi wakti de.19Lakin sidi te biniya de bakan umon ayinu fikira te sokolina tomon kalas, uwo amsuku Paulo me sira sunu umon fi suu na ne kubarina. 20Dukur sulu umon ne anas ab gi gata kesi kelem noumon, anas dolde mon gi kuu medina tena kede ku fogo lakbati kalam umon nas Yudaaya. 21Mon gi alim anas adab ab batal ina kede amsuku sala kan kede ina gi so kalam ina nas'Rumi.22Kawm dukur gum noumon bakan wayi anas te mahkama, seretu gumasa toumon; dukur amrisha kede dugu umon lasaya. 23Wakti dugu umon lasaya milan dukur liju umon fi jela, dukur amrisha ajol ab gi chunga kede chunga umon zaidi. 24Wakti wedede amrisha jede oliju umon fi jela te min juwa, odugu fi kura toumon me Musumari,25Lakin filel Paulo me Siira mon womba mon asadu ne Rabbana, mobusiya dukur asma umon. 26Gwamu bimara dukur kun naa hizu hizu ab kebir me tubu te jela hizu hizu, gwam mara wayi babu fata uwo, me sokolina ab kan robutu umon kulu fiku uwo.27Ajol ab chunga jela dukur gum, wakti uwo ayinu babu te jela fata uwo osulu silato oruwa katul uwo ligo ogi fekeri gal mobusiya jere. 28Lakin Paulo wonus me sauti foo okelem ligo okelem gali mata so ita batal kalam ina kulu fi in.29Uwo asadu taa batina to mashi dukur osujudu ne Paulo me Sira, ligo ogi rogusu. 30Otala umon bara ogi kelem gal rujala gifaa naana so kefin ligo hidaaya? 31Mon kelem gali rudu sidi tena Yesu, tebi ligo hidaya ita me anas te juwa taki32Kelem nowo kalama te sidi tena me anas abkan fi juwa to wayi. 33Osulu umon fi wakti wede filel oberedu umon me lasaya obatizauwo me anas te juwa to kulu gwam. 34Okutu umon kede panda fi juwa to ojib noumon meza, ofulayi zaidi me anas te juwa to kulu ligo orudu Rabbana35Wakti lata saba anas te malika ma rasulu askeriya toumon ligo gi kelem noumon gali fi kun kum anas dolinde. 36Ajol ab gichunga jela okelem ne Paulo kalama wedede gali anas te malikama rasul kede ruwa fi umon, yala asede tala kum ruwa kun me amiani37Lakin Paulo okelem noumon gali dugu ina gidam te anas ligo lisa ma gata nena kesi, ligo ina fi nas'Ruumi, liju ina fi jela, ladi saade gi amurugu min ina siri?. 38Askeriya kelem ne anas te malikama kalama dolinde mon kafu wakti umon asma gali anas dolinde nas'Ruumi. 39Mon ja mon waga noumon, mon tala umon bara, mon aju kede umon tala min medina.40Mon tala min jela, mon dakal fi juwa te Lidiya akwaana ayinu umon mon fulayi mon tala.
Chapter 17
1Umon futu fi Anthipooli me Apolloniya mon rasul Sasolonika ab kan gi gen na kawm te nas Yudaaya: 2in ya Paulo je namna ab te adab to odakal fugu umon fi yom saba ojuru moumon labil fi kitaba ab ja katibu,3Ligo ogi fata wu uwi gi kelem gal Kristo kan gi faa nowo kede oligo Azab me gum min meitini: ya Yesu ab ana gi wonus fogo de ya Kristo. 4Anas taanin rudu umon lim badum me Paulo me siira me nas Yonan ab gi amsuku bises me nuswana ab kubarin ab ma siya.5Lakin nas Yudaaya wakti umon ligo tyel mon sulu anas ab te (bakopi) mon lim anas mon jib fujo fi medina, Mon lifu juwa te Yason mon aju jibu umon gidam anas. 6Anas ab ma ja ayinu umon mon juru Yason fi tura me akwana taanin sulu umon gidam te kubarina ab te medina ligo umon gi wonus foo gali dolde ya gi karabu duniya mon ja ladi in; 7Me Yason jibu umon geeri gal dolde kulu ja assi shariya te kayi saari mon gi kelem gal fi sultan taani ab asma tow Yesu.8Mon jib ferteku fi kawm me kubarina te medina wakti umon asma jede. 9Wakti umon kala agif Yason me anas mon katul umon.10Gwam mara wayi akwaana rasul siira me Paulo fileli ruwa fi Beroya: wakti umon rasul na mon dakal fi kawm te nas Yudaaya. 11Mon kul kan kuwesin mon gi sinda anas te Sesalonika kalam mon ja rudu kalama me Roho ab rayisi, killa yom mon gi gusu gusu fi kalama ab ja katifu kan ya taasilfi jede. 12Anas ab milan ja amin, me nuswana, meanas te Yonan kan umon ma fi siya .13Lakin nas Yudaaya te Sesalonika wakti umon faham je kalam te Rabbana kelem uwo me Paulo fi Beroya, mon amurugu na mon komesha kawm ab jibu fugo. 14In ya fi gwam akwana rasulu Paulo kede uwo uwa fi bahari: Siira me Timothewo mon fadul na. 15Lakin anas ab gedim Paulo jibu uwo fi Asene, amrisha umon kede kelem ne Siira me Timothewo kede umon ja nowo fi gwam fi namna ab umon bi aderi umon ruwa fi gawm.16Lakin Paulo bakan fi fi Asene ligo uwo gi sten umon, Roho to waja nowo wakti uwo ayinu medina kulu amla picha. 17In ya uwo abidu juru labil fi kawm te nas Yudaaya me anas ab kan gi kafu Rabbana me fi suu killa yom me anas ab kan gi ligo fi sika.18In ya anas taanin nas Filosofo anas te Epikuliyo me anas te Stoyika mon ligo badum mowo. anas taanin ladi kelem nowo gali ita aju wonus sunu ajol ab gi tam tam wede ogi been je ajol ab gi kelem fi Yesu me wakti te gum min turuba.19Dukur sulu uwo wedi uwo fi Aleyopaago seyi ina agder faham taalim wedede? 20Kalam ita gi jibu kalama ab jedidi fi adan tena: ya ina aju fham ma ana te kalama dolde. 21(Anas te Assene kulu me anas ab assy kul umon fadul fi wonus badum min asma kalama ab umon gi asma je jedidi fi adan towmon)22Paulo dukur wegif fowte Aleyopaago okelem gali rujala ab te Asene ana ayin itakum kulu je itakum gi kafu nas Lubaale. 23Kalam wakti ana kan gi futu ana ayinu sokolina ab itakum gi abudu ana ayin ludaaya ab katif fogo gelba de te Rabbana ab ma gi faham . okelem gali je namna ab itakum gi abudu sokol ab itakum magi faham ya, ana gi kelem neitakum.24Rabbana ab kalagu duniya me sokolina ab fogo kulu wede ya sidi te samyi me arthi omagi gen fi ( sabo) ab gi adul me ida, 25Ya fi jede oma gi ligo shariya min ida te anas je jol ab aju sokol kalam uwo ya gi wedi ne itakum kulu ladi juru loobu me killa sokol;26Okalagu min fi wayi killa kabila te anas gen fi duniya safa kulu wakti uwo amrisha filel me mpaka ab te gen takum. 27Kede umon gusu gusu Rabbana illa kede umon kunme taman te aayinu uwo sala kan ata omafi boyi te killa wayi min ina.28Kalam min Rabbana ina gi kun hayyi ina gi masi, ina gi fi: ja anas taanin ab takum ab gi jalib gata agil ligo umon gi kelem gali kalam taasil ina Yala tow. 29Je namna ab ina fi yala te Rabbana ma gi faa nena feker feker gal Rabbana gi beenu je zaabu wala feather aw laager ab gi lim me agil te anas.30Yala Rabbana filel dolde ab te awiri uwo ma kan gi ayinu; lakin saade ogi amridha anas kulu ab fi bakan yoyote kede taya. 31Kalam aja kutu yom ab uwo gura gata fogo kesi ab te kalam duniya tamam fi ajol ab uwo ja tafaw tisha uwo wakti okala wedi noumon kulu ab gi kutu kede ita amin wakti otooru uwo min meitin.32Lakin wakti umon asma gum te meitin anas tanin abba mo; anas taanin kelem gali ina bija asma ita mara taanikalam wede. 33Ya jede Paulo dakal fi ustu toumon. 34Lakin rujala taani lim badum mowo umon amin: min dolde Deyonisiyo ajol Aleyopaago me mariya asma to amanali me anas taanin momon.
Chapter 18
1Baada killa kalam dukur owasa min Asene oruwa fi Kolinso. 2Uwo ayinu ajol te Yudaaya asma to Akula, ab weledu fi Ponto ya kan lisa otala min Italiya me marayi to Puriskila kalam Kulawdiy okan kala amrisha nas Yudaaya kulu talamin Rome: oja fi bakan ab kan umon fogo; 3Kalam kan umon endis kagi wayi dukur ogen moumon kalamkidima tomon kan te adul weema.4Okan gi dugu mpaka fi bakan ab, anas gi lim fogo killa yom sebi, ojuru juru anas te Yudaaya me Yunan. 5Lakin Siira me Timothe owakti mon tala fi Makdoni, Paulo dukur kutu uwo me mpaka, ligo ogi kelem nanas Yudaaya je Yesu Kristo. 6Wakti abusu uwo dukur sitim uwo, dukur odugu dugu gumas to okelem noumon gal doom takum kede kun fi rasu takum: ana tayi fi nedifu: fata asade ana biruwa ne anas te belana.7Otala na odakal fi juwa te ajol Titoyusto, ab gi kafu Rabbana juwa to fi geeri me bakan te lim badu. 8Kaman Krispo kebir te bakan hafla oamin sidi tena me anas te juwa to kulu: me nas Kolinso umon asma oso fugu umon kidima te batiza umon.9Sidi tena kelem ne Paulo fi telim okelem gali mata kafu lakin wons, gali, mata gi askutu, 10Kalam ana fi bakan wayi meeta ajol taani ma ab agder so ita batali kalam ana endis anas milan fi medina. 11Okalas na sana wayi me shaari (6) ogi alim kalam te Rabbana min umon.12Wakti Galiyo ya kebir te bakan naade ab te Akaya, nas Yudaayaruwa ne Paulo me gelba wayi, mon jibu uwo fi mahkama. 13Ligo gi kelem gali wede ab gi juru juru anas fi abudu Rabbana je shariya ma gi rudu.14Paulo wakti kan ura fata kasma to, Gliyo dukur kelem ne nas Yudaaya gali kan kan fi karaba, aw batal ab aadi itakum nas Yudaaya ana kan biso subra me itakum. 15Lakin kan fi fugu itakum okelem gali wedede takum: ana aju ma gata makosa je dolde.16Otu ruju umon bakan te gata kesi. 17Mon kulu amsuku Sosene kebir te hafla dugu uwo bakan ab gi gata fogo kesi ya Galiyo oma feker fi kalama dolde.18Paulo dukur kalas muda towil mar taani oso kwaheeri owasa na oarufa safari ruwa fi Syria, Bakan wayi mowo Prescila me Accra wakti okalasu jeenu suu rasu fi ken keleya. Kalam oja alifu naa. 19Mon rasul fi efeso, anas de oja seebu umon naa; osidu odakal fi juru laabil me nas Yudaaya.20Wakti aju uwo kede gen oabba. 21Okaman so noumon kwaheeri okelem noumon gali ana bi arja ne itakum Rabbana kan bi aju, waabidu safari otala min Efeso.22Oruwa fi Kaisaariya opanda oselem anas te kanisa oserengeta oruwa fi Antiyokiya. 23Wati oma kalas yom milan otala na ofutu fi duniya te Galatiya me Fulugiya, ligo ogi talamin killa mahal de ligo ogi gowo gelba nas swahaba.24Ajol wayi te Yudaaya asma to Apollo ab weledu fi Alexandriya ajol al ahiro oruwa fi Efeso, ab kan ab negi fi kalama ab ja katifu. 25Okan kelem nowo sika te sidi tena ligo ogi wala mi juwa gelba owonus walim zaidi kalama te Yesu. Ligo uwo arufu batiza ta Yokana barra. 26Dukur waabidu wonus me gudra bakan ab anas gilim fogo. Lakin Prisikila me Accra wakti umon asma dukur wedi umon sika ab uwo fogo mon zidu kidima te weri sika ta Rabbana.27Waktif ab kala uwo aju ruwa fi Akaya akana dukur gow gelba to mon katifu ne swahaba kede juru uwo geeri wakti orasul wamun anas ab amin zaidi. 28Kalam okan gi sinda nas Yudaaya me gudra milan fi ena te anas, ligo ogi weeri gali fi kalam ab ja katifu je Yesu ya Kristo.
Chapter 19
1Wakti tim muda ligo Apolp fi ti Kolinso Paulo wakti futu fi belana ab te foo orasul fi Efeso oligo nas swahaba taanini. 2Okelem noumon seyi wedi neeta kum Roho ab nedif, wakti tokum amin? mon kelem nowo gal mafi ladi asuma fogo ina ma lisa asma.3Okelem gali ja batiza itakum dakal fi sunu? mon kelem fi batiza Yokaana. 4Paulo wonus gali Yokaana obatiza batiza te taya ligo ogi kelem ne anas kede amin ajol ab gura ja wara uwo. Ya Yesu.5Wakti umon asma dukur batiza umon dakal fi asma te siddi tena Yesu. 6Paulo wakti kutu idda fugu umon Roho ab nedif ja noumon mon wonuus hugha dukur umon ja wonus kalama ab me dusu. 7Akwaana kulu kan fi (12)8Odaakal fi halfa owonus me gudra kalas shari tarata lgo ogi juru laabil me juru juru geeri anas fi arufu mamlaka te Rabbana. 9Wadin wakti abba asma, mon gi sitim sika kidam class otala bakan ab umon fi ogessim ar nas swahaba ligo umon gi juru laabil fi sukul te tulaano. 10Wede ja kalas sana tinini me anas kulu ab kan gi gen fi Asiya mon gen mon asma kalam te sidi tena nas Yudaaya me Yonan.11Rabbana dukur abidu so kalama te maajabu killa yom fi ida te Paulo. 12Me ayanin jibu noumon hema, me gumas te gildu to dukur ayani wassa min umon jini wassa min umon13Lakin anas te Yudaya abkan ma endis bey toumon anas abgituruju (jini) dukur umon wedi nafusi toumon fi wonus asma te sidi tena Yesu fi anas ab endisi jini ligo umon gi kelem gal ana gi alif neitakum Yesu Paulo ab uwo gi wonus fogo de. 14Wakti de kan fi yala 7 aba Sukewa kebir te kanisa ab te Yudaya ab so jede.15Jini dukur alja kelem noumon gali Yesu ana gi faham uwo me Paulo ana arfu uwo lakin itakum ya nus munu? 16Ajol al kan endis jini nutu fugu umon osinda umon me gudra me jere mon jere min juwa ligo umon pilili umon amla dabara. 17Wede kabar abja faham uwo me nas Yudaya me nas Yonani abkan gi geni fi Efeso; mastasabu dukur amsuku umon kulu asma te sidi tena dukur sul te foo18Milan toumon ab amin mon ja, mon kulu nakit mon weeri kidima toumon. 19Milan min umon alkan giso kalama te sara, mon lim kitaba toumon mon haragu gidam umon kulu mon isaab beyi toumon ligo nusu te feza 5000. 20Ya jede asma te sidi tena zidu fogo gudra ab shinda me anas taanin.21Wakti dolde kalasu Paulo feker fi gelba to futu fi Makedon me Yaliya me ruwa fi Yerusalem ligo ogi kelem kan ana kalas bija geni na gi faa naana ayinu Roma. 22Orasul fi Makedoniya anas 2 abkan gi awun uwo fi kidima, Timosewo me Elasto, uwo sidu osulu muda fi Asiya23Fi wakti wede de ja kun korokoro siyakalam te sika. 24Kalam ajol ab asma to Demetiriyo, ajol ab gi hunga feza ab adul bakan te kujuru me feza ab te Atemidukur okani gi ligo ne nas abgi chunda sente ab ma siya; 25Olim anas me taanin abkan giso kidima dolde, okelem gali, rujala takum arfu gali kidima dilde ya utajiri teena gitala na;26Itakum gi ayinu wu itakum gi asma, magal fi Efeso bara lakin fi Asia kulu Paulo wede ojuru juru ladi anas kun milan, ligo ogi kelem gali dolde ab gi adul me idda de ma Rabbana. 27Ragi de kelem gal magal ina bara ya ayinu shida te kazi tena sulu al te faida ma, wu kaman sabo te Atemi Rabbana toumon ab mariya feker gal de ma sokol wede sulu uwo fi hishma to ab gi abudu Asiya kulu me duniya kulu.28Wakti umon asma gelba harri amsuku umon mon wonus foo ligo umon gi kelem gali Atemi te nas Efeso ab kebiri. 29Medina kulu ligo kelele kalam wedede, mon tala me gelba wayi rasul fi Teyatelo wakti umon kala amsuku ayo e Eristaluuko anas te Makedone ab kan gi gen me Paulo.30Paulo wakti aju dakal fugu anas naas swahaba dukur rudu uwo ma. 31Kubarina te Asiya ab kan swahaba tomon rasul nowo ligo umon gi waga waga nowo kede uwo ma wwedi uwo fi Teyatelo. 32Anas taanin dukur wonus namna taani ma kaman taanin jede, kalam madrasul kan ligo ferteku me kaman milan toumonma faha sabab ab umon kan lim fogo.33Mon amrugu Alexander min Class nas Yudaaya ligo gi liju liju uwo Alexander aburum ida toumon waaju wonus fugu uwo fi ena te anas. 34Lakin wakti faham gal uwo Yudaaya mon kul wonus me sauti wayi muda te saa tinini gal Atemi te nas Efeso ab kebir.35Ajol te kataba wakti kelem ne class kede askutu okelem gal rujala te Efeso ajol yatu ya magi faham je medina te anas te Efeso ya gi chunga sabo te Atemo ab kebir me picha ab tala ne zewo. 36Yala kalam dolde ma sawa sawa gi faa neita kum arja tey aw taya me ma so sokol fi haraka. 37Kalam itakum jibu anas dolde ab ma nyakamu sokolina te sabo wu kaman mon ma alisi Rabbana tena ab mariya.38Yala Demetirio me anas te chunga ab fi mowo mon endis kalam me ajol comitlee fi me kaman kunarina te bele fi! kede umon asiki badum. 39Lakin kan itakum gi gusu kalama taanin,bija gata fi bakan ab anas gilim fogo kila yom. 40Kalam ina agder ligo musiba kalam fere fere te naare kalam ana ma gi ayin sunu ya ina agder wedi fi mahkama kalam te kilel wede. 41Wakti owunus jede dukur osibula anas.
Chapter 20
1Wakti ab dusman kala kalas, Paulo nadi swahaba to uwo alim umon, uwo dukur so no'umon, kwaheeri, otala oruwa fi Makadom. 2Wakti ofutu oruwa ne jamaa, naade okelem no'umon kalamamilan orasul fi Jordan. 3Bakan okalas na shari(3) nas Yudaaya gata nowo agil wakti wo aju arja fi Makadon.4Mon ruwa nowo ladi uwo wosul fi Asiya Sopatel ajol te mube rayo, nyereku te Puulo me anas te Sosolokika Alisutaluuko me Sekundo, me Gaayo te Derube me Timesewo, me anas te siya Tutiiko me Tulothimo. 5Mon kulu lim badum mon ste ina fi toliwa. 6Dukur ina talamin Filipi ne tooru fuluka tena baada te yom al mukati ma gi furu, ina rasul no'umon fi tuulo baada te yom (5) ina kalas na yom saba(7).7Yom tawlan te sabbit bakan ina lim kede ina kasur mukati Paulo wonus no'umon ligo waaju ruwa saba lakin otooli ruwa ligo mon lisa gi wonus laadi nus te filel. 8Dukur kutu taa milan fi kujura bakan ab ina lim ina fogo.9Yowele ab asma to Yutko ogen fi dirisa nuum milani dukur sulu uwo Paulo wakti tooli ligo uwo gi wonus yowele de dukur tata min juwa nas owaga dukur amrugu uwo ligo omutu. 10Paulo dukur onengil wamsuku uwo okelem no'umon matakum koore, lisa hayyi to fi min juwa.11Opanda ogata mukati wakul fogo otool na logo lisa ogi wons laadi min subu dukur otala. 12Jibu yowele de ligo uwo hayyi mon furai zaidi.13Lakin ina kun min gidam te ana al kan gi ruwa fi fuluka ina ruwa ladi fi Aso ligo ina aju kede in juru Paulo kalam kan uwo amrisha futu fi tura. 14Wakti oligo ina fi Aso ina juru uwo ina dukur ja fi Mituleene.15Ina arja fi fuluka yom te (2) ina dukur rasul gidam te Kiyo, fi yom te (3) ina rasul fi samo fi yom teiyi ina rasul fi mileto. 16Kalam Paulo kan aju kede ina rasul me fuluka fi Efeso.Kalam kede uwo ma chelewa fi Asia kalam kan uwo aju kede Yerusalem fi yom te Pentecoti.17Wakti okan fi Mileto orasul kede naadi wagge te kanisa ab gi gen fi Efeso. 18Wakti mon rasul fi bakan ab uwo fi okelem no'umon itakum arfu min fi yom(1) ligo ana fi Asia me kalama ab ana kelem ne itakum te zaman kulu. 19Ligo ana giso kidima te sidi tena me taaya kulu, me koore, me imtihan ab ana ayinu fi husda te anas te Yudaaya. 20Ana ma seebu kelem ne itakum kalam yoyote al fa kede ana kelem ne itakum me alim itkum gidam anas me kila beey. (juwa) 21Ligo ana gi alim nas Yudaaya me anas te Jordan kede umon arja ne Rabbana me amin sidi tena Yesu Kristo.22Abur ayinu wakti ab robutu ana fi Roho ana gi ruwa te Yerusalem ligo ma arfu sunu ya ana bija ayinu naa. 23Lakin Roho ab nedif ogi kelem naana kila medina ogi kelem naana, robutu ana, me wedi naana shida gi steenu ana. 24Hayi tayi ana magi ayinu je sokol ana magi ayinu je ta thaman naa kalam kede ana timiga safari tayi me rasul kidima ab Yesu wedi naana kelem na anas injil te huruma te Rabbana ne anas.25Abur ayinu ana arufu je itakum kala magi ayinu ana itakum ma agder ayinu ena tayi itakum kulu ab ana kan gi kelem neitakum injil te mamlaka. 26Ya ana kede kelem ne itakum naana ana fi nedif laajal tedom te anas kulu. 27Kalam ana ma gder seebu kelem ne itakum wafaka te Rabbana yoyote.28Chunga itakum sidu me shida kulu ab Roho ab nedif wedi ne itakum kede itakum kun anas abi ayinu wara kalam to, me saara kanisa te Rabbana ab uwo bijo me doomu to. 29Ana arufu kan ana kala wassa laam gaba ab hari bija dakal fugu itakum wu atta ma bija ayin huruma takum. 30Ladi min itakum bija tala anas al gi wonus kalam ab awaja ligo umon gi tesa swahaba kede umon fatiliya umon.31Ayinu tokum, kumbuka kumana maja seebu kwafisha itakum me agili fi sana tarata ab ana kalas me etakum filel mena hari. 32Ladi fi wakti wede ana gi kelem ne itakum kalam te Rabbana ab te huruma, ab agder raba itakum me gesim sokolin te anas ab mutu ne anas ab ja nedifu.33Ana ma gi taman feza te ajol yoyote sala kan zaabu sala kan sokol lebis. 34Tokum arufu jeidda tayi dolde yaso killa sokol ab kan ana aju me anas al kan ana fi ma umon. 35Ana weeri ne itakum kulu namna teso kidima je awunanas al ma endisi gudura the kumbuka kalama te siddi tena Yesu ab uwo wonus uwo sidu gal gesim te baraka min amurugu.36Wakti uwo wanus jede odugu rukuba owomba bakan wayi no'umon. 37Mon koore umon kulu mon waga firagabtu to ligo umon gi wedi nowo (hug) dukur mon kiss uwo. 38Ligo umon ligo sunga laajal te kalam ab uwo wonus gali mon mar gura arja ayinu uwo. mon gedim uwo ladi fi fuluka.
Chapter 21
1Wakti kala in feteku min uwo ina tala na ina amsuku sika ab adil laadi fi kosi, fi yom (2) ne rasul fi rod(2) ina tala na, ina rasul fi Patala. 2In bakan ligo fluka ligo gi ruwa fi foyiniki ina gen fogo ina ruwa.3Ina wakti ayinu kuplo ina seebu fi idda sumal ina ruwa fi busuuli, ina ruwa fi tuulo kalam deya bakan al ka fuluka de aju amurugu sokolina. 4Wakti ina ayinu na swahaba ina kalasna yom (7) mon kelem ne Paulo fi Roho kede uwo ma dakal fi Yerusalem.5Ina wakti kalas na yom dolde ina tala naa, ina ruwa mon kulu gedim ina fogo me nus wana, me yala tala bara te medina dukur ina dugu rukuba to rofu te bahari ina womba. 6Ina seebu badum, ina masi fi me fuluka umon arja fi beey.7Ina wakti kalas safari tena ruwa fi tuulo ina rasul fi (potote mayi) in selem akwaana ina kalas no'umon yom (1). 8Yom te tinen ina tala na ina rasul fi Kayisariya ina dakal fi juwa te Filip, ajol te injil, wayo min anas (7), ina gen nowo. 9Lakin okan endis bana (4) ab ma arufu rujala ab kan gi wonus kalam ab gija.10Wakti ina kalas na yom milan fi Yudaya tala na ajol ab asma to agabo (nebi) 11Oja nena osulu laabil te Paulo orubutu kura to me ida to okelem gali yaogiw onusu jede Roho ab nedif anas te Yudaya ya mon gi ja robutu jede ajol sidu te laabil wede, bija wedi uwo fi idda te beelan.12Wakti ina asma kalama dolde ina me anas te bakan naade ina waga waga nowo kede uwo ma ruwa fe Yerusalem. 13In ya Paulo arja no'umon oi kelem no'umon gali itakum gi koore sunu me kasuru gelba tayi? Kalam ana me tayari kederobutu illa ladi mutu kalam asma te sidi tena Yesu Kristo. 14Fi wakti ab uwo ab asma kalam te anas ina seebu nowo kalam ab uwo aju ya kede uwo so.15Bakan yom futu ma robutu sela ina ruwa fi Yerusalem. 16Ya kaman nas swahaba ab tala min Kayisaliya mon ruwa me ina umon jibu ajol fi ab gura kutu kede ina num nowo.17Bakan ina rasul fi Yerusalem akwana karibisha ina me furai. 18Yom te (2) Paulo dakal bakan wayi me ina ne Yakobo me wagge kulu kan fi ina. 19Bakan okala selem okelem no'umon wayi me wayi ab Rabbana so fi belana fi so kidima to.20Bakan umon asma mon sulu sauti fo te heshima Rabbana. Mon kelem nowo ita ayinu aku tayi, duniya ab fi fi Yudaya ab amin mon kul kan endis tyel te shariya. 21Aw kelem no'umon kalama taki je ita ya alim anas te Yudaya kulu ab fi kelem no'umon kede umon ma taaru yala dugu wala masi me adab.22Wede sunu? mon ma bi asma gali ita jaa. 23Yala so je ina gi kelem ne ita ina endis rujala 4 ab alif alif. 24Sulu umon kede nedif itakum bakan wayi me umon kede ita wedi no'umon feather kede umon jeenu rasu mon bija faham je kalam kulu ab gi wonus fi ita mafi fogo ratil, lakin ligo ita gi tumiya hikma fi fwata shariya.25Lakin anas te beelana ab amin ina katif ina hukum kesi gali kede umon chunga umon fi sadaka ab gi wedi ne picha me ab katulu, me zina. 26In ya Paulo sulu anas fi yom te (2) nedif uwo bakan wayi me umon, fi kanisa weri yomte nedif je rasul laadi sokolina ab gi wedi ja wedi min kila wayi min umon.27In bakan yom (7) kala geeri aju rasul anas te Yudaya ab tala fi Asia mon ayinu uwo fi kanisa mon dugu kilele ladi amsuku uwo. 28Ligo mon gi wonus fo rujala te Israelawun kum ina wede ya ajol naade ab alim umon kulu kila bakan abatal me shariya al fi fi bakan wede, asedeojib anas te Jordan fi kanisa, okede karabu bakan ab nedif. 29Kalam kan umon kala ayinu tulo fi mo ab te Efeso ligo afi mowo fi medina dukur umon faham gali Paulo jib uwo fi kanisa.30Medina kulu ligo tafash kalam te ajol wayi wede anas lim gowm, mon amsuku Paulo ligo umon go amurugu uwo bara te kanisa gawm babu sidu. 31Wakti ab kan umon gi gata agil te katul uwo kalam dukur rasul ne ragi ab kede te as kariya gali Yerusalem waga fogo shida.32Gwamu mara wayi osuli as karina me rujala mon ruwa bakan kan fogo kilele de umon bakan ayinu ragi ab kebir me askariya mon seebu chunga Paulo. 33In ya kebir te as keriya juru uwo geeri wamsuku uwo owedi amri kede robutu uwo me ladidi tinen oasadu gaali wede yamun? Oso sunu?34Anas taamin te class umon wonus to me tanin kaman. Ita ajol al ma agder faham kalam laajal te kilele uwo amrisha kede sulu uwi fu mahkama. 35Wakti ab uwo rasul fi madaala arufa uwo fo, laajal te gudura te bina duniya. 36Kalam group te anas kan gi tala wara toumon me kilele gal katul uwo.37Paulo wakti kala guruwa dakal uwo fi mobusu okelem ne kebiri gali kwesi kede ana kun me kalam ab kede ana kelem ne ita? Okelem gal ita arufu lugha te Yonana? 38Yala ita ya ajol ta misri naade fi wakti ab fuu ab kutu kede anas Assy(4000) fi anas te katul naade dukur ita sulu umon bakan ab pengele?39Lakin Paulo kelem gali ana fi ajolab te Yudaya ab te tarso te kiru kiya ma te medina al ma marufu, ana waga te te kura taki seebu kede ama wonus me anas. 40Wakti ab uwo rudu uwo Paulo yegif fo uwo arufu idda to okelem no'umon kede umon askutu bakan umon askutu kala owunus fi luha te bulania ogi kelem gal.
Chapter 22
1Rujala akwaana me anas kulu asma kum kalama ab ana gi kelem ne itakumasede. 2Fi wakti ab umon asma uwo ligo ogiwo nus fi lug ha te bulaniya monzidu askutu okelem no umon gali.53Ana ajol te yudaaya ab weledu fi tarso ab te kiru kiya lakin ab raba fi medina wede fi kura te gama ligeri ab alim zaidi fi shariya te wazze, ana dukur kun me tyel ta Rabbana je itakum kulu fi nahari de. 4Gusu gusu warana anas te sika wede katul umon ligo ana kan gi robutu umon wu ana kan gi kutu umon fi sela. Rujal ma nuswan.6Wakti bakan tim ligo ana gi rwa fi dam ad cus fi nus te minahari gwam, ligo semsi gi wala uari ya semsi ja lif ana. 7Ana waga falata ana asma saut ligo gi kelem Saulo Saulo ita gi gusu suru mara ana? 8Ana arja fogo ita munu sidi tayi? okelem naana gali ana ya yesu te nazzareth ab ita gi gusu warato.9Anas al kan fi bakan wayi me ana mon ayinu samsi lakin umon ma asma sauuti te azol al umon usu me ana. 10Ana kelem ana kede so sun sidi tayi? sidi teena dukur kelem naana gum kede ita ruwa fi damas it bija kelem no umon na kalama ab kelem kede ita so. 11Ana bakan ma agder ayinu fi heshima te semsi naade amsuku ana fi idda anas ab kan fi me ana dukur ana rasul fi damascus.12Ajol wayi asma to ananiya ab gi kafu Rabbana fi shariya ab anas te yudaaya kulu gi wedi usha hida fugu uwo. 13Oja nana wegif gidam ana okelem naana akutayi saulo fata ana rasul fi damascus.14Okelem naana Rabbana te nas jidi jidi ni gitu ita kala kede ita faham kalama ab ita aju kede ita ayinu ajol ab ne dif naada kede ita asma sauti kasma to 15Kalam ita bija shahid to naan kulu te kalama ab ita ayinu me ab ita asma. 16Yala asede suns ya gi chelewesha ita? gum kede batiza ita kede ita berdu waskan taki ligo ita gi nangu fi asma to.17Bakan wakti tim ligo arja fi Yerusalem bakan ana kan gi wonus fi kanisa Roho tayi badul. 18Ana ayinu uwo ligo ogi kelem so gwam kede ita wasa min Yerusalem kalam mon ma bija rudu alimtaki fugu ana.19Ana ayinu sidi tayi mon sidi arufu ja kan ana kan gi kutu umon fi jella anas kulu ab gi amin me ita ana kan gi dugu umon bakan lim. 20Doom te swahaba taki Strphen bakan kubu ana kan fi ana ligo rudu wu ana gi chunga gumas tte anas dolde alja katul uwo. 21Okelem naana ruwa kalam ana gura rasul ita boyi fi balana.22Asuma uwo ladi orasul fi kalam wedede mon arufu amurugu uwo fi bele ab gi ben jede kalam, ma kwesi kede uwo kun hayyi. 23Bakani umon kan gi wonus fi, mon gi jada guasa toomon, mon gidugu foo tura. 24Ragi ab kebir amrisha kede wedi uwo fi jela ligo ogikelem kede dugu uwo me lasaya fi wonus me sauti te foo nowo jede.25Wakti ab kala robutu uwo me rabata Paulo kelem ne ragi ab kanyegif geeri jamba uwo te ma gi ayinu je rudu uwo ma dugu ajol ab to Rolmi ligo mahsa gata nowo kesi? 26Ragil de bakan asma oruwa ne ragi ab kebir, okelem nowo te guruwa sosun? kalam ajol wede te Rome.27Ragi kebir ruwa ne Paulo okelem nowo kede uwo kelem nowo ita fi ajol te Romi? Paulo gal ayi. 28Ragi kebir kelem nowo gali ana ligo Romi de lakin kalam milani Paulo kelem nowo ya weledu ana na. 29In ya ja seebu uwo anas ab kan guruwa dugu uwo me ragi kebir seebu uwo bakan ofaham gali de ajol te Romi okafu.30Lakin yom te (2) wakti ab kan uwo aju arufu fu sababu te anas te Yudaya asiki uwo fiku uwo dukur uwo amrisha kubarina te din kede lim. Ojibu Paulo okutu uwo gidam tomon.
Chapter 23
1Paulo fata ena to ne anas te hafla, okelem noumon rujala akwana, ana gi si kalama ligo ana fi ana me Roho kulu al fi gidam ta Rabbana, ladi fi ym wede. 2Kebir te din ananiya uwo amrisha anas ab kan lif uwo dukur dugu uwo fi kasma. 3Paulo dukur kelem gali, Rabbana bija obigita ita tub juwa ab masa ab nedif, ita gen kede ita hukum ana je shariya fi ita wedi amri kede dugu ana giben ja shariya ma fi?4Anas al kan gen geeri nowo mon asadu uwo ita gi sitim kebir te din gidam Rabbana? 5Paulo arja fogo okelem gali ana kan ma, arfu, akwana wede ya kebir te din a kebir, kalam ja katifu uwo gali mata gi wonus batal fi rasu te anas taki.6rLakin Paulo wakti faham ja nus te bakan de te nas sadu kayi me nus taani te nas fali sayo owonus foo me sauti gal rujala akwana, ana mufali saayo nyereku te nas Falisayo, hukum naana kalam feker fi gum te anas al mutu. 7Wakti owonus jede kun naa koro koro bayina te nas Falisayo me sadu kayo dukur ja maa de ferteku. 8Kalam nas Sadukayo gi kelm gal mafi toru anas baada te mutu, ata malaika ma, wala muzimu, lakin nas Falisayo mon gi gi kelem kulu tinen.9Dukur kun naa juru laabil misan, anas te katif fi jiha te nas Falisayo mon yegifu mon gi juru laabil gaali, ina magi ayinu batal fi ajol wede wu bija kun kefin kalam muzim to wonus nowo aw malaika. 10Wakti kun naa koro koro milan, ragi ab kebir, okatu Paulo ligo oguru kutu asmaa to foo. Uwo amrisha kawm kede amurugu uwo, fi ustu toomon.11Ina ya fi filel te tinen, sidi tena yegif bakan wayi okelem nowo, gal gelba taki kede kun gow, kalam je namna ab ita wonus kalam tayi fi Yerusalem, ya kaman aju uwo kede ita wonus asma ayi kaman fi Roomei.12Wakti lata saba nas Yudaaya kutu ahadi mon kelem, ina ma bi akul wala asurub, laadi umon bi katul Paulo. 13Anas al wafiki kalam wede mon kan gi futu (40)14Mon dukur ja na kubarina te din, me nas wazze mon kelem noumon gal, ina alif abba akul sokol yoyote haadi ina katul Paulo. 15Yalla itakum me kawm, kelem kun ne ragi ab kebir okede jibu uwo falata ne itakum ja anas ab lisa aju arufu hakki te kalama to, ina kaman tayari kan uwo lisa ma ja gidam in ligo ina kalam katul uwo.16Lakin kan fi nyereku te aku biniya te Paulo uwo asma fitna de oruwa ne Paulo okelem nowo. 17Paulo naadi wayi min kubarina okelem gali, sulu yowele wede ne ragi ab kebir kalam uwo endis kalam ab uwo aju kelem nowo.18Dukur suluwo ne ragi ab kebir okelem gali Paulo womba naana kede ana jibu neita yowele wede kalam uwo endis kalam ab uwo aju kelem neita. 19Ragi ab kebiri wamsuku ida tomon ruwa fi torofu fi siri uwo asadu uwo kalam yatu ya ita aju asadana?20Okelem nowo nas Yudaya mon wafiki kede umon ja dugu rukuba neita kede saba te jibu Paulo wansi saba je ajol ab gura akil ne ina kalam to. 21Ana gi womba neita mata rudu, kalam anas toumon, ab fi ( 40) mon gi steenu uwo mon alif akul ma, me asurub maa, laadi mon katul uwo, umon tayari mon gi steenu ita kan bi rudu.22In ya ragi ab kebir sokwa heeri ne yowele dukur owomba nowo kede uwo ma kelem ne ajol yoyote kalam dolde ab ita kelem naana. 23Onaadi anas tinen min rujala okelem noumon gali adul tokum as keriya (200) mon kede ruwa fi kayisaria, me anas te faras (70) me anas te laaruba (200), fi saa tarata te fileli. 24Kede wedi ne itakum laam gaba kede kutu fogo Paulo, kede sulu uwo me amaani ne ferikisi ab te (saza)25Okatif waraga fi namna wede. 26Kulaw diyo Lusiya oselem kebir te (saza) ab kuweesi zaidi felikisi. 27Ajol de wakti kala amsuku uwo me nas Yudaaya wakti gura katul uwo ana ja bakan ab umon fogo ana sulu uwo min umon kalam ana faham je uwo min nas Rome.28Yala wakti ana aju faham kalam sunu ya ligo badum ab rasul hadi aju katul uwo, dukut ana sulu uwo fi kawm toumon. 29Ana ayinu ja gali asiki uwo fi woduru sharuya toumon lakin ligo mafi sabab te katul to wala robutu to. 30Wakti kelem naana gal gi gata nowo agil te katul uwo, gawm ana rasul uwo neita ana amrisha anas ab asika uwo kede uwo asiki uwo gidm ita.31As kariya so je namna ab amrisha umon, sulu Paulo filel rasul uwo fi (antipaatuuli) 32Lakin fi yom te tinini mon seebu anas te faras kede ruwa mowo mon arja fi bakan ab umon tala fogo. 33Anas dolde wakti rasul fi Kayisariya mon wedi ne kebr te saza waraga dukur umon weeri nowo Paulo.34Wakti okalas agara waraga, uwo asadu (saza) ab uwo tala fogo kelem nowo gali otala fi Kirukiya. 35Okelem gali ana gi asma itakum gi asiki ana bija asma ita anas ab gi asiki ita kan umon ja. Uwo amrisha gi asiki ita kan umon fi juwa te Kerode.
Chapter 24
1Yom wakti futu yom 5, kebir te kanisa Ananiya iruwa teey me wazze tani me ajol te wanasa Terutuulo dolde dukur mon kelem ne anas te malikama kalama abkutu asiki fogo Paulo. 2Wakti naadi, Teruttuulo uwo abidu asiki uwo ligo ogi kelem gali, ina kan ligo raha milani abgitala min ita me sokolina abtal abidu gi adul ley ajal taki. 3ina amin mo wakti towil fi bakana kulu ferikis abkuwesi zaidi, me shukran kulu.4Lakin kede ana mazidu tamani ita ana waga te teey kura taki kede ita gi kelem neina kalama siya ley ajal taki. 5Kalam ina ayinu ajol wede ligo obatal zaidi, ogikutu anas te Yudadaya duniya taman kede assi wutaani uwo ya kebir te anas te Nazareth. 6Ojaribu ladi karabu kanisa, ina amsuku uwo, ina kan aju hukum uwo je namna abu shariya tena gi kelem.7Lakin ragi ab kebir lussiya pja osulu uwo min ida tena me gudra milan. 8Wakti uwo amrisha anas ab gi hojja uwo kede ja nowo ita kan bi asadu uwo ita sidu ita bija faham ley ina gi hukum uwo. 9Ladi anas te Yudaaya ja asiki uwo gali je fi yafi.10In ya ajol te kambi kelem nowo kede uwo wonus, Paulo arja fogo gali ana arufu je ita fi kebir te hukum muda towil ana gi kelem neita kalama tayi dolde me Roho ab gowu. 11Kalam ita agder faham je yom lisa ma tim (12) Je min ana dusu fi Yerusalem fi ibada. 12Yala mon lisa ma ligo ana min juwa kanisa ligo ina gi juru laabil me ajol aw gali, ana gi raba rasu te kawm te anas sala kan fi bakan ab anas gi lim fogo sala kan fi medina. 13Umon ma endis kalam hata wayi neita ab ya gal umon gi kutu fi rasu tayi.14Wede ana gi wonus gidam ita gal sika je fi ab gi naadi te rudu aw amin aw diini ya jede ana gi so kidima te Rabbana tenas jidi jidi te ina, ligo ana gi amin kulu kalama ab ja katif te shariya me tanas ne biya. 15LIgo ana endis amin fi Rabbana je namna ab umon kaman gi steenu gali biya kun wakti te gum min kabir te anas ab kuwesin, me anas abtalin. 16Ana gi zadu gudra me kun me roho alma endis makosa ne Rabbana me anas fi wakti kulu.17In wakti sana milan futu ana ja kede ana jib te miskinin ne bele tena me sokolina ab gi wedi ta sadaqa. 18Wakti ana gi so dolde nas Yudaaya taanin ab ja talamin asiya mon ligo ana fi kanisa ligo gi nedif ana ligo ana ma endis kawm wala kelele. 19Anas ab gi faa kun bakan ab ita fogo me kun ligo umon gi kutu makosa fi rasu tayi aw kan gal umon endis kalam fi ras tayi.20Aw dolde umon ja wonus umon sidu kalam ab batal ab umon ja ayinu wakti ana yegifu fi hafla. 21Illa ley ajal te sawti ab ana wonus foo ligo ana yegifu gidam umon, kalam ana wonus fi gum te meita gata fi ras tayi hukum naare.22Lakin felix kalam kan uwo ya gi shinda arufu kalama te sika okhele wesa umon ligo uwo gi kelem gal kan uwo bija seregeta lusiya ragi ab kebir ana bija hukum fi rasu te kalama takum. 23Owedi shariya kede chunga uwo me wedi nowo wakti, me kaman ma labba ajil yoyote min sabiyana to so nowo kidima.24Wakti muda kala kutu felix ja me mariya to dulu sila, ab kan te Yudaaya, onaadi Paulo uwo asma kalam to fi kalama ab te amin me Yesu Kristo. 25Wakti ogi naaba kalama te amin, me sulu kalama bisesi me makosa ab guru ja, felix kafu okelem gali ruwa asede kan ana bija kun me zamani ana bija nadi ita.26Uwo ahadi Paulo wede nowo sokolina ya uwo zidu rasul nowo zjol kede nadi uwo kede umon ja wonus. 27Wakti futu sana tinini kidima te felix wedi ne Polukijo festo, felix wakti aju nas Yudaaya kede rudu mowo osibu Paulo ligo fi jela.
Chapter 25
1Wakti festo rasulu fi kambi bakan futu yom tarata, otala min Karisaariya aruwa fi Yerusalem. 2Nas kubarina me anas te heshima ab te Yudaaya dukur kelem nowo je siki Paulo dukur waga waga nowo. 3Ligo umon aju kede uwo sokuwesi ne Paulo okede rasulu uwo kede uwo ruwa fi Yerusalem kede tega uwo fi sika kede katul uwo.4Lakin festo arja fogo ligo ogi kelem gali Paulo gi hafiz uwo fi Kayisaliya, lakin uwo sidu kan kala rasul wakti to te ruwa. 5Okelem gali kubarin min itakum kede umon ruwa me ana kede ruwa hukum uwo kan taasil uwo endis kalam yoyote.6Wakti okalas na yom (8) aw (10) oseren geta fi Kayisaliya fi yom te tinini ogen fi bam bara ab gi hukum fogo uwo amrisha kede jiib Paulo. 7Wakti orasul nas Yudaaya ab tala fi Yerusalem mon agif torof to, ligo umon gi jibu kalama milan al te makosa to ab gowu ab umon ma agder kun me shuhu daa. 8Paulo dukur wonus jede ana mafi yom ab ana kaarabu fi shariya te anas te Yudaaya sala kan fi kanisa sala kan gidam kayisaali.9Lakin festi wakti uwo aju anas te Yudaaya kede heshima uwo warja ne Paulo okelem gali ita aju ruwa fi Yerusalem kede ruwa gata neita kesi te wanasa dolde gidam ana? 10Dukur Paulo kelem gali ana yegif geeri me bam bara ab gi gata fogo kesi ab Kayisaari, ya ana gi faa kede gata naana makosa: okelem jede, mafi yom ab ana karabu ne nas yudaaya, je namna ab ita gi faham kwesi.11Yala kan ana kun ligo ana karabu aw ana so kalam ab gi faa kede katul ana, ana m aba me mutu de; okelem gali kan bikun kalam ab anas dolde gi kutu fugu ana ligo ma, ladi waaayi mafi hata wayi abu agder wedi ana neita ladi wayi ana gi wedi ushahidi tayi ne Kayisali. 12Festo wakti kalan wonus nomon fi bakan te lim badum dukur warja fogo ligo ogi kelem gali ita wedi ushahid taki ne Kayisaali bija wedi ita ne Kayisali.13Wakti zaman futu Agripa sultan me berenike mon rasul fi Kayisaaliya umon selem festo. 14Wakti umon kalas nazaman towil festo dukur kelem ne sultan kalama te Paulo ligo ogi kelem gali fi ajol wayi ab felix seebu uwo ligo uwo me robutu. 15Wakti ana gi Yerusalem nas kubarina te diin me wazze te nas Yudaaya dukur umon kelem naana kalan to, ligo umon aju hukum uwo kede gata nowo kesi. 16Ana jibisha umon gali de ma adab te anas te roomi wedi ajol fi ida te mahkama ligo anas ab uwo gi juru mo laabil lisa beenu ma. Kan lisa ma wedi nowo kiyas te yom ab agder wedi nowo muda te gata nowo.17Wakti umon lim ini ana ma chelewa sala siya lakin fi yom te tinini ana gen fi bam bara te gata fogo hukum ana amrisha kede jibu naana ragi de. 18Wakti umon agif anas ab gi yegif mowo mon ma jibu kalam ab batal je namna ab, ana kan gi feker. 19Umon kan endis fugu uwo kalama te asadu fi diin toumon mete ajol ab Yesu ab ja mutu, Paulo ab uwo ja wonus fugu uwo je uwo hayi. 20Ana wakti woduru ab bija gusu gusu naa ana asdu uwo wakti uwo aju ruwa fi Yerusalem kede ruwa hukum uwo naa, makosa te kalama dolde.21Lakin Paulo wakti wedi ushahidi gal kede chunga uwo ladi kede ruwa hukum uwo gidam Aguisto, ana amrisha chunga uwo laadi wakti ab ana bija wedi uwo ne Kayisaari. 22Agripa dukur kelem ne festo gali ana kan gi tamaani asma ajol wede. Okelem gali saba ita bi asma uwo.23Fi yom te tinini Agripa me berenike mon ja me heshima ab te foo wakti umon dakkalu bakan ab giasma fogo mahkama bakan wayi me rujala ab kubarin me anas te heshima te wakti naade min medina festo amrisha kede jib Paulo. 24Festo kelem gali Agripa sutan me kila ajol al fi in me ina tokum gi ayinu ajol wede kawm kebir ab te nas Yadaaya ab waga waga naana fi Yerusalem, me in ligo umon gi arfa sauti mon gi kelem, magi faa nowo kun hayi sala siya.25Lakin ana tayi faham je taasil oma soo kalam ab faa kede tala fogo mutu to lakin wakti okelem kede ruwa hukum uwo ne Aguisto ana kaman wedi uwo naa. 26Ana ma sendis kalam fugu uwo te hakki katif ne sidi tayi ya ana jibu uwo ne itakum gidam sultan Agripa kan ina kala kalas uwo ana dukur bikun me kalam te mwisho. 27Kalam ana gi ayinu je wede kalam te awiri liju mobusu gidam ana bila kalam ab gi tala min uwo.
Chapter 26
1Agripa dukur kelem ne Paulo gal gi rudu ne ita wonus fi kalam taki in ya Paulo arfu ida okelem gali. 2Kalama ab nas Yudaaya gi kutu fugu ana de kulu, sultan Agripa, ana endis furai kalam naare ana gura wonus gidam ita. 3Kalam al ta gudra kalam ita arufu adaab me kalaka ab gi asadu uwo kulu me nas Yudaaya: ya ana gi waga te te kura taki kede ita so subra fi ama ana.4Yala adab tayi min ja ana kan lisa sakar al abidu kun fi bele tena me Yerusalem, nas Yudaaya kulu mon arufu. 5Anas al gi faham ana min zaman kan umon aju kede kelem noumon, ana wakti chunga ana fi nus te bakan ab fogo shida ab te diin tena, dukur ana kun faali saayo.6Saade ana yegif kede gata naana fi mahkama, kalam (hope) ab Rabbana ja ahadi mo nas jidi jidi tena; 7Ab umon gi taman rasul fogo kabila tena (12) ligo umon giso kidima zaidi te Rabbana filel me mina haari: kalam sokol ab ina gi feker ina bija ligo, sultan ya sabab nas Yudaaya asiki ana. 8Sunu ya gi jibu ne itakum fikra gaali, Rabbana ma agder tooru meitin?9Taasil ana feker ana barraw ligo gitim naana so batal wanasa milan fi asma te Yesu ab te Nazareth. 10Ana so jede fi Yerusalem: ana robutu ana fi jela ab anas ab nedif to milan wakti wedi naana amri min kubarina te kanisa wakti kelem kede ana katul umon ana gi katul. 11Wakti ab ana kan gi azib anas bakan te lim badum kulu ana kan gi kutu umon kede gi alisi; kalama te Yesu; ana dukur gi jalan zaidi ana gus wara umon fi medina ab te bara.12Wakti ana gi ruwa fi Damascus ligo ana endis amri ab gi talamin kubarina te diin, 13Fi nus te yom, sultan, ana ayinu di sika semsi ab tala min samayi ab gi shinda wala te shari, ligo gi wawala olifu ana me anas ab kan gi masi me ana. 14Ina kulu waga falata, ana asma sauti ab gi wonus me ana, fi lugha ab te Bebulania ngal Saulo Saulo te gi gusu gusu ana ley? Okelem nouwo ya tabu te dugu fi kasma laarba.15Ana asadu uwo gali ita ya munu sidi tayi? sidi tena arja fogo gali ana ya Yesu, al ita gi dusman mowde. 16Lakin gum fo, yegif fi kura tinini: yasabab ab ana beinisha ana, ana kede nigitu ita kede itakun pasaka aw shahiid te namna ab ita ayinu ana mo, aw te nama ab ana bia kun gi beenu neita. 17Ligo ana gi awuita min anas me belana, bakan ab ana gi rasulu ita fogo kede ita ruwa fata ena toumon. 18Kede umon geeru min duluma kede umon arja fi semsi me wasa min hukum te shaitan kede umon arja ne Rabbana, dukur kede ja wedi noumon amurugu min umon batal me busika min anas dolde ab gi nedif kalam amin me ana.19Yala, sultan Agripa, ana ma aba kun ligo ana gi amin me weeri ab te samayi. 20Lakin ana abidu kelem fogo ne anas te Damascus me Yerusalem, me duniya kulu ab te Yudaaya me belana taa me geeru ne Rabbana ana ligo umon giso kidima ab gi faa taya. 21Ya nas Yudaaya amsuku ana fi kanisa mon jaribu katul ana.22Yala wakti ana ligo chunga ab gi tala min Rabbana, ladi wakti wede ana yegifu ligo ana gi kelem ne anas ab kubarin me yala ab dugu ligo ana ma gi wonus kalam illa nas nebiya me nas Musa wonus gal bija rasulu; 23Kan kan gi faa ne Kristo kede ligo azabu je namna ab uwo bija abdu gum min meitin kelem min ahari ne anas me belana.24Wakti owonus ede festo dukur kelem me sauti ab te fo gali ita waga mujunun; Paulo: 25Dukur Paulo kelem gali ana ma waga mujunun festo ab kuwesi zaidi, lakin ana gi wonusu kalam ab te hakki, me te ajol ab nesiya. 26Kalam sultan ita arufu kalama dolde ajol ab ana gi wonusu gidam uwo me gelba gowu. Kalam ana arufu kalama dolde ma dusu uwo min sultan hta siya; kalam wede ma soo me serega.27Okelem nowo gal ita gi amin me nas nebiya sultan Agripa? ana arufu jr ita gi amin. 28Agripa kelem ne Paulo gali, ita aju kede ita juru juru ana kede ana kun Kristaayo. 29Palo dukur kelem gali ana kan agder asadu ne Rabbana fi juru juru ab siya aw ab kebir, ma ita barraw ladi me anas ab gi asuma ana naare kun je ana, ligo ma fogo robutu wede.30Sultan dukur gum me kebir te district me bereneke me anas ab kan gen bakan wayi me umon. 31Wakti umon arja fibey mon wonus umon bara, mon gi kelem gali ajol de ma so sokol al gi faa kede katul uwo aw robutu uwo. 32Agripa kelem ne festo gali ajol wede kan ina agder fiku uwo, kan kan uwo ma wedi ushahidi ne Kaisaali.
Chapter 27
1In ya amrisha kede wala fulika kede ruwa fi Italiya, dukur kan fi Paulo me anas te jela taanin me ragi wayi ab kan asma to Yuriyo kebir te Aguisto. 2Dukur ina abidu safari, me fuluka te Adulamutiiyo ab kan gi ruwa fi (Asia) ina talamin nna. Alisutaluuko te Makdon me sosolonika okan fi bakan wayi me ina.3v3 Yom te tinin ina ruwa fi Sidon Yuriyo so seme Paulo arudu uwo kede ruwa ne saabiyan to kede awn uwo. 4Ina talamin naa ina futu fi torofu te Kuplo kalam loobu kan milan foo. 5Wakti umon futu fi bahari te Kirukiya me Panfuliya dukur ina rasul fi muula te LLukiya. 6Ragi wayi ayinu fuluka te Alexandria ligo gi ruwa fi (Italy) otooru ina fi wede.7Wakti ina safiri bisesi yom milan ina rasul tempaka fi Kunido, wobu ya fata wara ina, ina futu fi forofu te Kurete gidam te Salmoni; 8Ina futu fogo tempaka ina rasul fi bakan ab fogo kooru ab kuweesi; bakan al juran te medina lasaya.9Wakti muda futu milan batal kan abidu kun ligo guruwa fi bahari kalam yom te sayinu kan futu Paulo komesha umon. 10Ligo kelem gali, rujala ana gi ayinu safari wede ija kun fogo karaba me loss milan ma te sokolina barraw me fuluka, me hayyi tena. 11Ragi de dukur rudu driver me sidu fuluka min kalama ab Paulo wonusu.12Kalam bahari de ma kan seme nnamna te dusu ita min loobu, anas milan wafiki nenzil min arufu kan ligo umon bi rasulu Foyinuki dusu umon min loobu; Deya mpaka te kurete ab gi ayinu fi ustu te torofu me foo, me fi ustu te bakan taanin me bakan ab semsi gi tala fogo. 13Loobu te bakan ab pengele wakti gum bises mon feker gali umon ligo sokol ab kan umon aju so mon gum me Roho te fuluka mon futu geeri zaidi me kurete.14Lakin baada te wakti ab ma milan loobu ab kan fogo loobu abtal al gi naadi ewla hulo dukur gum. 15Fuluka wakti amsuku uwo dukur fuluka ma ligo sika te ruwa ina seebu dukur loobu ya sulu ina. 16Ina dukur ruwa fi torofu te (kazinga) ab gi naadi Cowda, ina dusman fi amsuku fuluka;17Wakti ina kala arfa uwo fo, mon sulu laabil te robutu fuluka mon robutu falata wakti umon kafu kede jade umon fi sirti mon amurugu sokolina kulu ab kan fi foo dukur loobu sulu umon. 18Wakti ina haragan zaidi me loobu fi yom te tinini amurugu sokolina.19Yom te tarata me jaba me idda toumon sokolina ab gi sulu fuluka. 20Sesi wala nezma fi yom milan ligo magi wala wu loobu ma siya ab a amsuku ina baade naade fikira te ligo hidaaya ma bikun.21Wakti Jiyan kan milan, Paulo gum fi ustu too mon okelem ya kan taa jede, rujala, asma ana ma wasa min kurete itakum ma ayinu karaba wedede. 22Yagi saade ana gi kelem neitakum gowu gelba; Kalam ata mafi wayi min itakum ab bi mutu illa fuluka ya bi karabu.23Kalam bakan ab ana fogo yegifu filel wayi malaika te Rabbana, ana ab toode al ana pakasa toode, 24Ligo ogi kelem naana mata kafu Pauli, gi faa neita yegifu bakan ab fogo Kaisaari ladi, ayinu, Rabbana wedi neita umon kulu ab fi meeta. 25Yala gowu kum gelba, rujala; kalam ana gi amin me Rabbana je bija kun je ana kelem. 26Gi faa neena jada ina fi bakan ab Pengele.27Wakti lata(14) Rasul, ligo gi liju ina min in me min na fi aduliya, fi nus te filel anas ab gi so fi bahari gal umon geeri birasul fi bakan ab te tura; 28Mon sulu zaman mon pima mon ayiu dusu (12) wakti ina masi fogo siya mon arja pima martaani mon ayinu dusu (15) 29Wakti umon kafu waga fi laager mon jada nnanga te fuluka (4) fi laabil umon steenu laadi lata saba.30Anas al giso fi bahari wakti umon aju jere min bahari mon gidam kutu fuluka fi bahari ligo umon gura jada nanga fi (nsanda) 31Paulo dukur kelem ne ragi me Askariya gali kan itakum ma bi gen fi fuluka, tokum ma agder ligo hidaaya. 32Askariya de dukur gata laabil te fuluka dukur mon seebu kede ruwa.33Wakti latakala kan gura saba, Paulo waga waga noumon kede umon akul akil ligo ogi kelem gal naare yom te (14) al itakum kan gisten ladi itakum ma akul fi sokol. 34Ya ana waga waga noumon kede umon akul fi akil: kalam wede bi jib noumon hidaaya: Kalam ata tafauti ma te surasu fi Rasu takum kulu. 35Uwo wakti wonus jede osulu mukaati, oshukur Rabbana fi gidam ena toumon kulu okasul fogo uwo abidu akul fogo.36Mon kul gowu gelba mon akul. 37Dukur ina kulu an kan min juwa fuluka (276) ras te anas. 38Wakti umon kala saban me akil, mon abidu adulu dukur umon abidu jada ngano fi bahari.39Wakti lata saba ligo umon ma arufu sika al umon fogo lakin umon ayinu idda ab fogo musenyu mon wafiki kan bi agder uwo futu fogo fuluka. 40Mon gata nanga mon seebu fi bahari fi wakti ab umon fiku laabil te lakata ab gi sutu mon amsuku sika min gidam bakan fogo loobu dukur mon ruwa fi bakan ab fogo tura. 41Wakti umon rasul fi bakan ab loobu tinen bakan gi ligo badum mon kutu kede fuluka masi ( ensanda) dukur abdu robutu uwo al gi kutu kede fuluka de ma higu higu lakin (kiwenda) gata laajal te loobu.42Askariya dukur wafik kede katul mobu siya kede umon ma jere. 43Lakin ragi wayi bakan aju awun Paulo oabba umon so kalam ab kan umon kan aju so dukur uwo amrisha anas ab agder waga kede umon wuga mon kede rasul fi tura. 44Me tanin al kan tadul ligo umon hayyi fi fuluka me taanin fi toeofu fuluka.Ya ina mon kulu rasulu fi tura amaani.
Chapter 28
1Wakti ina kalas ligo hidaya dukur ne ja faham je bakan ab pengele de ginadi Merita. 2Anas te belena mon sulu ina kuwesi ab matekila yom : kalam mon wala naari monjuru ina kulu sabab te matara ab waga me sege te3Lakin Paulo waakktilim lakata okutu fi naari hiribaya dukur tala min lakata waga fuguwo fi idda. 4Anas te belana wakti umon ayinu sokol ab gijuru, uwo ligo gimasi fi idda, mon kelem umon barawo gal, ajol wede kaili, sala kan gal onafatu bahari makosa to de magi rudu kede uwo kun hayi;5Dukur ojada hiribaya de minjuwa naari oma kun fugu uwo awja yoyote. 6Lakin kom de feker gal gildu to biwerim gal kalam hiribaya de adi uwo gal bitala fogo sabab te mutu to; wakti umon sulu muda ligo umon gi ayinu uwo mon ma ayinu batal al kan fi fugu uwo, mon agilbu mon kelem Rabbana.7Kan geeri ma bakan de samba te ajol kebir te bakan pengele asma to Pubuliyo, ojuru ina okaribisha ina yom 3. 8Dukur baba te Pubuliyo ligo onum me gafa ligo uwo ayani mashi batina , me homa; Paulo dukur dakal nowo min juwa , owomba ligo okutu fuguuwo idda, oponyesha uwo. 9Wakti wede kalas so anas taanin ab fi bakan ab pengele abkani endisi ayani mon kulu ja, ponyesha umon. 10Anas dolinde wedi neina heshma abte foo; wakti ina gi tala min na monjib me ma fi fuluka sokona ab na aju.11Wakti mon kalas shaari 3 in tala me fuluka te Alekizanda abkan fi bakan pengele fi wakti to loobu, alama to akwana abtimana. 12Ne masi ladi fi (suls kuusa) ina kalas na yom 313Ina tala min na ina rasul fi Regiyo wakti futu yom wayi, loobu te gudra dukur ja, yom te tinin ne rasul fi Putyooli. 14Ya ina ligo akwana mon naadi ina kede ina geni moumon yom saba ini ya ina ja rasul fi Ruumi. 15Akwana wakti asuma kalama tena mon tala kede owon ja ayinu ina fi suu te apiyo me fi bakana te num tarata, Paulo wakti ayinu umon oshukur Rabbana ogow gelba.16Wakti ina dakal fi roomi Paulo dukur amri sha, uwo kede uwo gen obara me askeri ab kan gi chunga uwo. 17Wakti futu yom tarata onaadi kubarina tenas Yudaaya, wakti umon kalas lim okelem now mon rujala akwaana sala kan kum ligo ana maso, batal fi anas sala kan fi adab te nas jidi jidi tena, robutu ana wedi ana fi idda tenas te Romi fi Yerusalem. 18Wakti umon kalas jaribu ana mon aju fiku ana kalam ata kan mafi sabab te katul ana.19Lakin nas Yudaaya wakti aba dukur kutu ana kede ayin kKaisaari, magal je ajol al endis kalam te asiki bele tayi. 20Yala le sabab wede ana naadi itakum me wonus me ana: kalam (hope) te Israel robutu ana me ruje gere wede.21Mon kelem nowo gal ina malisa wedi neina waraga te kalama taki min fi Yudaaya wala ata kan mafi akwaana ab ja kede uwo kelem nena aw owonus kalam abatal fugu ita. 22Lakin ina aju asma min ita kalam ab ita gi feker: kalam kalama te amin wedede ina arufu gali ata anas kulu ma aju.23Mon adul yom kede umon ja lim badu mo umon: okelem noumon ligo ogi kelem noumon kabar te mamlaka te Rabbana, ligo ogi kutu kede umon amin kalama te yesu fi shariya te Musa me tanas nebiya fi abidu min subu laadi laasiya. 24Anas taanin amin me kalama ab uwo wonus taanin abba mo.25Wakti umon fadul umon baraw, mon ruwa, Paulo wakti wonus kalam wayi gal Roho ab nedif ja kelem ne nas jidi jidi takum gal neebi Isaaya. 26Ogi kelem gal ruwa ne anas dolde kede ita wonus noumon asma itakum bi asma, itakum ma bi faham;ayinu itakum bija ayin lakin itakum ma bi faham.27Kalam gelba te anas doldeligo kalas kun me gudra, me adan toumon gi asma batal me ena tomon me sidi; mon ma bija ayinu me ena, me asma me adan toumon me faham me gelba toumon, me geeru tayi kede ana ponyesha itakum.28Asede faham tokum je hudaaya te Rabbana wedi ne anas te beelana: mon kaman bija asma. 29(Wakti owonus kalama dolde nas Yudaaya mon ruwa ligo umon gi bishana umon barraw)30Okalas na sana tinini fibe te barraw fi juwa ab uwo pangisa ojuru umon klu ab kan gi ja nowo, 31Ligo ogi wonus kalama te mamlaka te Rabbana ogi alim me gudra kulu kalama te sidi tena Yesu Kristo ligo magi ab nowo.
