Bible

Nwerr acts

1¹Nwerr nji mer ntogor nyong. Theophilus, tumor waa nya Jesu yegor itulor nlame fenghe kpele. ²Teter ufonfu bi mbor ta ber tum iborr, igara ntor aber ka ikor sheng ngor inonob ufu ji ka ba tuntulor bermba abebor yege. ³Igara nti abe yeng akanya ye afenghe ne iji ber tap bor mberrr-ber ka bor, ne abaga feb nya iba tebe irenghe, Ngor atuu atel-abal aba jok tep bor, fenghe ba bong gara ikun iborr Ishor.⁴Igara nti ayolor bemer nebor ngor idi njereng, aba ka ikor mber mbor ti tum Jerusalem shaga mbor shak ukono nyor Ada bor, ngor na nti abongho. "A yogo ngor idi jama. ⁵Na John worror ne alep. ngha won ba worror ne inonob ufu ngor aborn atu tete."⁶Igara nti mbor wa ikonnor ahsi mbor ba beber, "Ntol igara fonor tinngha ti abe fenghe ne ite Utol ka Isreal." ⁷A ba bong nebor "Irem ka nogor ayi igara fonor afe nnala ne ulom nji Ada ber lam item-tah ngor ite ikor.⁸ Borow wun, wun ba kogor ikor igor igara nti inonob ufu iber ba top wun, fefene wun ba jolor atenshe yama ngor Jerusalem ne wa ngor Judea ne Samaria teter regor ikukulor ndege"⁹Igara nti Ntol Jesu ber bong nyangha waa na mbor yolor bree ngor iborr, mbor yeber yorror, mburum bontah iba shelle shaga amerr bor. ¹⁰Na mbor yolor bree ne ukono nterr waa ngor ikun iborr na iyennor ngor agbangha bor ne abodo nya kporong. ¹¹Mbor ba bong, "Wun aneplom Galilee ba ijomor wun yemor ngha idi nja mer lam, yor bree fengho ikun iborr? Jesu nja nji mbor ber tap shaga wun tum ngor ikun iborr kpa ba fenghe ba kere dede na atogor jol, na wun ber nyereng aferor ngor ikun iborr"¹²Ngha igara nta mbor ba fenghe tum ngor Jerusalem, ngor igol nti mbor kok Olives, nti ireror kulor Jerusalem ijen ta ijolor ngor ufunfu urege ashi, ¹³Igara nti mbor reror mbor ba tum ngor iborr, sheng yell ngor itabar akporo ane, ngor idi mbor yolor jol. Mbor jolor Peter, John, James, Andrew, Philip, Thomas, Bartholomew, Mathew, James mon Alphaeus, Simon were jolor Zealot ne Judas mon James. ¹⁴Mbor waa ileme item bor gara ngor ijom jereng ujomor-ndoe, ngor igom ne anebkal, ne Mary nyen Jesu, ne ba ngbanyen mba aneblom.¹⁵Ngor atu nyagor Peter ba tum yemeh ngor igom ba ngbanyen gara abeng atel ara-ra ba bong. ¹⁶Ba mgbanyen jama, ilaga nogor alom Ishor, ijol na abongho na inonob ufu ibongho ngor njem, ngor nyob David gara ne Judas, wer nji tugor ane-mba ibobor Jesu.¹⁷Tep ne ajolor ne werre fenghe fun mbaga ngor ifangha. ¹⁸(Ngha nenom nya gono idi ne akobo nya ayolor kor ngor ntenshe, ngho fefene abala mba jol ngbogor mbarr, fefene ngobji ye ba reber, ne aleng-ala yer waa iba jok. ¹⁹Ane waa mba inenor ngor jerusalem iba yok gum ibaga nja, ngha mbor bala ba kok ndege nyor ngor nyob ibugor bor "Akeldama" Ndege alon.)²⁰Tep ne iyonor ngor awerr Abem, nogor ndege ye jol idi nji ne ka nene, nogor fefene nnene ti mene ngho, nogor nendege tap idi je na ntobishi.²¹Ilelak, fefene, na nnenom nwereng wer yor gen ne nere waa ngor igara nti Ntol Jesu shengho yel ngor ateng fenghe jok nya igom gere. ²²Gbeb ngor uwurror alep John, teter ba re ngor ufunfo bi mbor taber shaga wurr, abe jol ntenshe ne nere ngor nyeme jok.²³ Mbor ba ka aneblom bal ngho mbok Joseph wer mbor koge Barsabbas, wer ji mbor yolor ba koge ne Justus, ne Mathias.²⁴Mbor ba jom ndor ba bong, "Wor Ntol, renghe nterm ane waa, ngha reber ka wurr ngha ane mba abel, wer ji aber yege. ²⁵Nogor aba tap idi ngor utoro alom ne uleme fangha, ngor na Judas ber shebe njem tum ngor ije idi," ²⁶Mbor ba row akpaji-ifa ka bor iba tara ifangha ngor idi Mathias, nogor nfala yer, balor shomor ngor idi ba tuntulor igol ne, nne wereng.

2¹Igara nti ufonor unnonob ufu, ibalor mbor waa ijolo ne atem ngor idi njereng. ²Irabem irenghe, iyok iba yorr ngor ikun iborr ba ikor ikor na nfeng nyi ne ilangha iba row ngho itaba njor waa nji mbor bemor. ³Iyor ba jok top bor , alolow na ngon ngha, nya ibagor, fenghe beme ngor fel nne. ⁴Mbor waa irorow ne immop ufu fenghe kpeb mbongho ngor alom nyagor, na ufu ikalor bor.⁵Ngha aneb Jesu mba inenor ngor Jerusalem, anep ashor ngor abugor waa nya ireror ngha itutulor ikun iborr. ⁶Igara nti iyok ta mbor be yok, igom ane na feb iba kona ashi ngor idi njereng, ikor iba tan mbor, tep nenan, fel nne yogo mbor be bong ngor ije ibugor. ⁷Mbor ba bele na kpede kpede fenghe tan bor ikor. Mbor ba bong, "Tembaga, mbor bangha waa shang iyor bong Galilian ne?⁸Nan iwedor ka ireror mbe wur ukpi bor yogo, fel ne ngor ije ibogor, ngor nji na mbor belor wurr?" ⁹Parthians ne Medes ne Elamites, ne mbor mba inenor ngor Mesopotamia ngor Judea ne Cappadocia ngor Pontus ne Asia. ¹⁰Phrygia ne Pamphylia, ngor Egypt ne ijarr Libya tum ngor Cyrene ne ajen nne nya ngor Rome. ¹¹Jews ne Proselytes, Cretans ne Arabians, uyok mbor be toror ngor alom abogor yere, gara ne ikporo ifangha Ishor."¹²Mbor waa ikor iba tan mbor fenghe shumor bor tugor, mbor ba bong ka atem nta ijogo nan ne? ¹³Mbor mbagor yor yol fenghe ba bong, "Mbor yoro ne amim nfenfe."¹⁴Ngha Peter ba yeme ne igol ne njring fonor, ba yeb ilom ba bong ne bor, "Aneplom Judea ne wun waa mba wun nenor ngor Jerusalem, ntingha ijol ngor nrenghe ka wun, aranghe wun atong ngor alom yama. ¹⁵Tep ne nan ane mbangho ika wor amim gara na wun be tonor tep ne nkarenka ira kene yi ibe sheng ngha ufunfu mba.¹⁶Ngha ntiga ti ibong sheng ngor idi nyene amirr Joel: ¹⁷Iba jolor ngor ikukolor atu Ishor bong, me mba yangha ufu bama wuror ngor agobji waa nyon nji abon bine mba aneplom ne anepkal yor ba toror alom abon ajankon bini, yor iyene amirr fefene akokolo aneplom iba reme areme.¹⁸Ngor itimbaga, ba idengiri bama ne anepkal ba mba ba idengiri ngor atu nyongho, mba nyangha inonop ufu bama wuru, fenghe mbor ba itoro . ¹⁹Me mba tebe utanikor ngor mboro bonta ngor iborr ne ayornor, nga ndege nga itutulor, along, ngon ne ijujok atutuk.²⁰Njol ba yangha shere ijinghe, fefene, umerr ba shere alongh, nogor ntakp ufunfu ne ufunfu mborrow mbi Ishor ba baga. ²¹Iba jolor mbe nne we nji ndegendege nyor kogor mben ntol Ishor ada, aba fornor nnogor.²²Aneplom Israel yok wun alom nya. Jesu ngor Nazareth nyor reror nnenum nyor mbor tome tugu wur sheng ngor Ishor ne ikporo nleme ne atanikor ne ayomor nya ishor lemoe sheng ngor we ngor igom jine na wun ba fornor wun yelor. ²³Nnenum nya Ishor nji fongho nene ka na ntobor uleme item te nogor ifangha ne nyige ye ne wor ngor abor ane mba ika bor ti gbor ibene, ikage ngor iku mgor nkumoh ye laga ngor ijar ite nji ishegor ntem. ²⁴Ngha Ishor yebe yorror, fenghe yaga abor ngor iyama iku, tep ne nan ijolem kpereng ka nogor ijol ka e.²⁵Fefene David bong gume, me nyol yene ntol igara ntendegendege ngor ushimir bama, tep ne nan arengho ugbangha uboblom bama, iyoji me nti ba itumor. ²⁶Ngha item tama ifonor uyebitem ne ilebe jama iba gere. Fefene ngobji yama ba nene ngr ukono nterr.²⁷Fefeneanem mba iyagor abor ngor ufu bama ka ndege akpor kpor ane. Afi wor aba yaga innunop nne waa nyen mbolor. ²⁸Wor abe lem nyege kame ngor abarr ikpen waa. Wor aba me leme nrorr ne uyebitem ne usheme ba.²⁹Ba ngbayen jama, igara tama ntingha ti ilagor nogor mbong ne atunor yama waa gara ne Patriarch David, we nji kpelor mbor fenghe kpayekak we nji ulem ka ireror ne nere she njol nyi ilela. ³⁰Tep ne nor, ajolor nyene anerr, fenghe nyen na Ishor be terre ngor uton kaghe na we ba joro mogor y nyereng ngor irugor nyam nji ngor ite utol. ³¹Ayene nti na iba ijol ngor mbokfenghe bong gara nyeme jok itegela Christy, ngor ntubor nyi na mbor be yaga abor ka ngor idi akorpkor ane afi njolor ngoji ye nyenor mbolor.³²Jesu nja ishor yebe yoror, ngor na worr waa ureror atenshe. ³³Ngha ntega na ibe yeb yoror ngor uboblom Ishor ne na abe kor ukono nyor innonop ufu ngor idi nde, abe shala wurror ntor nti wurr be nyen fenghe yoge.³⁴Ngor David yorum tum ngor ikun iborr, ngha abongho na ntol ba bong ne ntol yama, "beme ngha uboblom bama." ³⁵Tete me mbe lem anep ujen ba idi nji ayobar yede akpada."' ³⁶Teb ne nor, lem nogor itek Israel waa itege renghe na Ishor be lem ntol ne Christy Jesu ja nji wun komor."³⁷Ngha, ngho igara nti mbor yogor nta arog ibala ba yarr bor ngor ntem, mbor ba bong ne Peter ne ba tuntulor mbagor waa, "Ba ngbayen jama genji uba leme?" ³⁸Peter ba bong ne bor, "Yaga wun abor ngor abebe nogor wun wurror alep fel nne ngor mbeng Jesu Christy, ngor mbaga ka abebe bag ya, fefene abor kokor nkaga unnonop ufu. ³⁹Tep ne ukono nyor ireka ne abon ba ne waa mba ireror ngor fe e ne anne na feb mba na ntol Ishor jere malba kogo."⁴⁰Ne alom nya ngor waa nya atoror gum fenghe ka bor atunor ba bong, fon wun nogor, ngha nfam nyi ka kpelor itentenghe ntobor. ⁴¹Ngha mbor ba kor alom ye fenghe wurror alep, mbor ba bodo ngho ufunfu mbor aba re atitil nkpel iremini ne atitil igol afu. ⁴²Mbor fenghe ne iji bor ka ngor nkpele ba tuntulor ne ntunnor bor, ngoe ubaga shege bor ne ntor.⁴³Ubol iba yorr ba top tel ufu, ne atanikor na feb ne ayornor, yol leme sheng ngor idi ba tuntulor. ⁴⁴Waa ba itamor ijolor idi njereng, fenghe fon abaga waa kredede. ⁴⁵Mbor yor goro abodo bor, ne nya mbor kpelor fenghe ba ka atem waa, gara ngor na nji fel ne be shep.⁴⁶Nor yor ijol fel ufunfu mbor lem igara bor ka ijom njereng ngor itaba ndor. ⁴⁷Mbor fefene yor bag nshage ngor atek, fenghe bak ijom lili ne uyebitem ne tere ngor item, yor tek ishor fenghe fon nnonob ne ane waa, noyor fel ufunfu ntol yor bodo ngor nfala bor.

3¹Ngha Peter mbor ne John iyol tumor ngor iborr ji yel ngor igara ndor, ijolor ngor igara nkaranka iromor-gol. ²Ngha nenom nyor jolor mbonor gbeb ngor ala nyen, mbor shole ba ngor itaba ndor ngho mbor mer nji mbor kok ne inonob. Mbor yol bomer ngho fel ufunfo, iyor ji abe beber mba imer shand yel ngor itaba ndor nkaga. ³Igara nti aber yen peter mbor ne John iyagor yel ngor itaba ndor, aba beb bor nkaga.⁴Peter na awaror ne amerr yer ji ngho ngobji ne John, bong bree wurr. ⁵Mbunor ba bree bor, ne ukono nterr mber wer ya kor ijom ngho ubor bor. ⁶Peter ba bong isilver afi igold irem ka mer, nti mer nkpelor nyaba kaga. Ngor mbeng Jesu Christy ngor Nazareth, jen.⁷Na afele mgor ubob lom ber, Peter ba yebe yemeh, ngho iduludolor nnenom fornor akpade ye ne akekala iba tunor. ⁸Feb fenghe iborr, mbunor tum yemeh kpep njene, aba yel ne Peter mbor ne John ngor itaba ndor, yor jen, yor feb, fenghe yor tek Ishor.⁹Ane waa iyene amer jen yor tek Ishor. ¹⁰Mbor reng kpol mber nnenom nyor mer yor beb ane nkaga ngor inonob mbor itaba ndor, mbor ror ne utanikor, tep ne ijom nji ibe jol nene.¹¹Na atumor tungho Peter mbor John ane waa iba tobo ngor idi njereng ba top bor ngor mon mbar nyor fea nyi mbor kog ne ikporo idi tanikor Solomon. ¹²Igara nti Peter nyenor nti, aba fangha ane fornor, "Wun anep nom Isrealite, Nan imer won tanikor?, Nan iwedor wun ber fenghe ne amerr yeme ka wurr nya ngobji are ulaime ajen ngor ikor terre afi ngor ifangha Ishor terre?¹³Ishor Abraham ne Isaac ne nji Jacob, Ishor ba nshu werre ibe tek nrogitom bor Jesu. Wer yor won tabe ka fenghe tene, ngor ushumerr Pilata, igara nti aber shep nogor ayege yaga abor ka wun. ¹⁴Won tenne wer welewele ne wer nobor, won fenghe beb wun are ukokobulor mbor, mbor lop yege nyol-ane ka won.¹⁵Won yolo nne kolor ikpen ba, wer nji Ishor nyemer ngor iku, fefene ure atenshe ka nta. ¹⁶Ngor gara ngor ntama ngor mbeng ye, mbeng ye lam nnenom nya, wer ji won yor yene fenghe nyi ituntunor-ituntunor, Ntama nyi reror shang ngor Jesu, ber ka iteng tenghe nnobor nyi ngha igom jene waa.¹⁷Ngha ntega ba mgbayen jama nyi-nyi mer ne won uyor lam shang ngor nti kun na ba bebre wun fefene. ¹⁸Fefene, ijom nji Ishor kpelor mbar bong sheng ngor ayor ba nyene amerr mber, Christy je ba yene akanya, ngha ntega abe lem nor.¹⁹Yaga won abor ngor abebag, nogor wun shebe, iyor nji abebe yene ba keme jok. ²⁰Nyor nji igara iba jolor nfenfe ngor ushemerr Ishor, iyor nji aba itomor Christy, wer nji mbor ber yege ka Jesu.²¹Wer yor ikun iborr iyebe kogor teter igara nti abaga waa iba reber gara ngor na nti Ishor bongho ngor imene, sheng ngor ayob antenshe ba yene amer ber. ²²Moses ngor ite ba bong, Ntol Ishor ba yege nyen amerr na mer ngha nya igom ba mgbanyen jere. Won ba rangha atong ngor ijom njendegedege aya gor bon nenene. ²³Tep ne iba jolor mber nedegendegd nyor ka ranghor atong ngor idi nyene amerr, aba runghor tan mborr ngor igom anne.²⁴Tembaga, uyene amerr Samuel waa, ne mba ibalor torne, mbor ba bong jok, ba torror, nya atu nya. ²⁵Wor yor areror mon nyene amerr ne ukonor anyor bi Ishor lemor ne anep kol bene, na abongho ne Abraham ngor mogor ya nogor anep waa ngha ndege ifun iya. ²⁶Igara nti Ishor ber yege nrogitom wer, atomer ba ngor idi ja ngor ngbor mbarr, nogor aba yega iya, nogor ashebe nnendegedege shaga ashashap abaga.

4¹Na Peter nbone John iyolor bong ne aneb,adim ne anebkol ikorbashi ne Sadducees ibatob-beh. ²Ibakaboh ilam tap neh Peter ne John iyol kpele ane fenghe toro gum Jesu nyor yemor ngor iku. ³Nborba konobor abor fenghe gomboh lomoh ntem ufufu, na ijolor igorr. ⁴Igom aneh mba iyogor itom-ntor ibafun-ntamah, afalahane mba itamor ibajol ateted nkpel igol ne-ibal ne atel-igol.⁵Ibala bajol ngoh ntem ufonfu ba feleh nfam-bor, aneb-kol, neh Scribe ikonashi ngor Jerusalem. ⁶Annas nenkol udem jolor nghor, neh Caiaphas, neh John, neh Alexander, neh nnep nenkol udem waa. ⁷Igara nti nbor-beh yegeh Peter nboneh John yemeh ngh igom bor, nborbah beb-bor, "Ba-ikor, afi ba nbeng, nyi wun melem ntah?"⁸Ngha Peter, nyor roror ne inonob ufu, bong nebor, "Wun ba bere ane, ne anebkol, ⁹jolor ume yongho ilelah gara inonob nleme ka nneh-uyam, ne-nah neh uyam nobor?. ¹⁰Reghe wun-waa neaneb Isreal waa na nenom nyo yemogha nenineh nobor-uyam ngormbeng Jesu Christy ngor Nazareth, nyor iku. Wer yor wedor kak nenom ngha yemo nyor ushimirr ba kpekpekpe.¹¹Jesu Christy yor reoro utal mbi wun- bayoryorgor wun tenor ifeghe bajol ituntonor utal. ¹²Nnogor rem ngor idi-ndendegedege, nbeng yendigedege rem nyi ne kalor nyi imalba wurr nogor.¹³Ngha igara nti mbor balor bayen utun-item Peter nboneh John fenghe ranghe na nbor reror ane-nbagabaga, anemba ikabeh-tikor nkpele, ikor-iba tanbor,nborba-yi na Peter ne John ijolor ne Jesu. ¹⁴Tep neh nbor-yeneh neyor benob-uyam yemor ne bor, mbor fonum ijomjom nji nboba bongho gum-nta.¹⁵Igara nti mbor-beh gbana ne-bah tontonor nbeh nber tum iwana anebkol shaga, nborba bong ne ijibor. ¹⁶Mbor ba bong, "Nan ubaleme ne anemba? Ngor itembaga mbor bulem aten-tenghe ayonor nya nendegedege nyor nenor ngha Jerusalem nyelor, wurr unumah fabah. ¹⁷Nogor itigakpe rada nghor igom aneh, uyam wun mbor nogor mbor tikpe bong ka-nendegedege ngha mbeng nyah." ¹⁸Ngha mboba kok boh bayel fenghe rege bor mbe mbor tikpe bong afi kpele ngor mbeng Jesu.¹⁹Ngha Peter ne John iba fangha fenghe bong nebor, "jolor ilagor ngor nkpa Ishor nogor ukag wun ukuku bulop weh, wun lam. ²⁰Wurr ukamal iyagabor ngor nbongho gum abaga nyah ubeh yen fenghe yok."²¹Igara nti mbor kpelor yoryam Peter nboneh John, mbor yagabor mbor tum. Mbor yenem ijomjom nji nboba kogo kag bor akanya, ten ne nan ane waa iyol teg Ishor ngor abodo nya ibelem. ²²Nenom nyor yenor iyonor unob uyam kolosheghe ndan atel abal.²³Igara nti nborbeh bor yaga abor, Peter ne John fenghe batop anebor fenghe toroh waa nyah atol udem ne anebkol ibe bong nebor. ²⁴Igara nti nbor beh yok nta, nborbayib alom nboh yuror ngor nbarr nyere ka Ishor fenghe bong, 'Ada, wor alem iborrne ndege ne alep ne abodo waa nya iyobo nghor. Wor abengho sheng ngor inonob ²⁵ufu sheng ngor nyob mon inenene waa, nshuwere Divad, ne ane iba fun utanikor gum abodo nya ikakpelor ifan"²⁶Wor abong, atol ndege ikonashi, ba bere mfam ikonashi gum Ada, bangha gum Christy .²⁷Ngor ikukolor, Herod ne Pontius Pilate, bodaneh Gentiles ne aneb Isreal, ikonashi ngha ibugor nja gum anonob ba rug itom jesu, nyor wun wure akurr. ²⁸Mbor ikonashi nogor mbor lim waa nya ubobah ne nya wun betobor ngor mbok iba lime.²⁹Ngha, Ada, bre-gum nyama-boh nogor akah nrogitom wa ikor nogor abong ne utonitem. ³⁰Tenne wun mbor yene nogor wun lame-ayam nogor wun lim ayonor ne utanikor sheng ngor inonob mbeng nrogitom waa Jesu. ³¹Igara nti mbor beh jom ndor, idi-inji mbor konashi iyokneghe, mbor waa iba rorr ne inonb ufu yor bong alom Ishor ne utun item.³²Igboro igom ane mbah itamor ifonor item ntereng ne ufu nenne boghem mbeh ijom nji degedege nji akpelor ijeji, mbor waa ifonor abodo ngor igom. ³³Ne igboro ikor ba tontonor iyol toro gara uyimeh jok idigbol Ada Jesu, ne igboro igraser nji ijolor nebor waa.³⁴Nene jolum nghor igom boh nyor kafonor ijom nji degedege, ane waa mbah ifonor ndege afi atabah nbogoro kor-akobo ngor abodo nya nso goror. ³⁵Koba gbe ngho akpada batontonor, mbah ifeler bag kafel neh na mbomesheb.³⁶Joseph, nyor batononor iyor kogeh ne Barnabas ne Levi, nenom ngor Cyprus, ³⁷Goro ndege nyijlolor kai fenghe kor akobo bagbe ngho akpada batontonor

5¹Ifonor nenom nyondege nyor nbor yor koge ne Anania, mbo ne Sapphira nkale, goro ijarr abodo bor, ²Afenghe yige akobo nya ndege shele(Nkale nyinyi gara), akor ijar nji shagor ba gbe nghor akpada ba tontono.³Ngha Peter ba bong, "Ananias, nanor nim be ror ngor item ta nogor akeme nkekeme lag inonob ufu norgor ashele ajarr akobo nji ndege nya agoror ndege? ⁴Igara nti akabeti goro, ijorlum ija, fefene igara nti abe goro, ikpem re ngor ikorta? Nyonor kaga abaga nya ngor item ta? Wor nkekeme nya remka ane, Ishor ji." ⁵Na Ananias nbong nya, agbor yor iyor ikukulor, ubol ibafele ane waa nba iyogor. ⁶Ajangkon itum yeme gba eh, fenghe tabe ji kpakag.⁷Igara nti ibe ba sheng agboro agbek ara nkaranka shaga, nkale bayel, anyilem ijom nji ibe gbor. ⁸Peter ba bong nene, "Tag me jolo wor agoror ndege nyor nor." Aba tama mbe noyor.⁹Ngha, Peter babong nene, "Nano wun be tama tugor atem nogor wun yogho ada? Bre, akpada aneblom mba itabor noma ji kpakag iyemor ngha nbo, nbor bangha yaba shorlor jok." ¹⁰Atutu-atutu agbor nogho ngor akpada ye yor-iyor ikukolor, igara nti mbor balor bayel, mbor nyene abe kpo, mbor ba tabe jok ji kpa kak kulor nome. ¹¹Igboro uborl iba jol ngor ikobashi waa ne ane waa nba iyogor abaga nya.¹²Iyonor feb ne atanikor ijol leme ngor igom ane shen ngor aborb ba tontonor. Nbor waa ijolor ngor itek Solomon. ¹³Jorl nor, nene bobum item ji shumu bor; jol ijolo nan, ane ifunor nkaga bor.¹⁴Aneb ntama ikpeba rol bodo ngor idi ada, igom aneblom ne anebkal, ¹⁵iyorji nboyoba sholor aneb ayam ngor nkpa nbarr nba inogho ngor abedi ne adaganda, iyorji na Peter me sheng, utugor be iba bolo nbor nbandege. ¹⁶Igboro igom ane ibalah ngor Jerusalem, yorkor aneb ayam, ne anemba ikpelor ashashap ufu, nbor waa inob ayam.¹⁷Nenkol udim tum yeme, ne anemba ijolor nene waa (ijarr Sadducees); mbor ba iroro ne uleig-ala, ¹⁸ba kono bor abor fenghe ba borb bor kag ngor ngbagobor.¹⁹Ngho ne atu, nrog itom Ishor ji rebe nbob ikun ngbagobor yegebor jok, fenghe bong, ²⁰"Shong, yeme ngor itaba ikobashi norgor abong ne bor nbong ikpen." ²¹Igara nti mbor yogor nta, mbor yel ngor itaba ikobashi ne ufunfu yor kpele. Nenkol udim baba, ne anemba ijolor nene, akog ane konashi, anebkol waa ne aneb Isreal, abatum jigor ngbagobor nogor mbor ji kor ba tontonor ba.²²Fefene ba gomgomo mba ijilor iyenim bor ngor ngbagobor, mbor fenghe fenghe ba toro, ²³"Ubuyen nbobkun ngbagobor ibamobam ne ba gomgomo iyemo ngor nbo, Igara nti urebor, uyenem nenengor ating."²⁴Ngho igara nti nenkol itabaikobashi ne nenkol udim yogor nbong nya, ikor i batanbor gum ne ijibor na ibajolor. ²⁵Ngha nne nyor ndege ba tag bor, "Aneblom nba wun kagor ngor ngbagobor iyem ngor itaba ikobashi kpi kpele ane."²⁶Ngha nenkol idi ba tum ne aneb ifangha be, ji kobor fenghe, mbor lemem mbor ishashab, teb ne mbor jol bebe mbe mbor ba bor tobo atal. ²⁷Igara nti mbor be bor ko ba, mbor ba yeme ngor igom ane. Nenkol udim yor ba beb bor mbebe ²⁸na, "Wurr uyami wun wurr are wun ti kpe kpele ngho mbeng nya, wun bu rorr Jerusalem ne nkpele yene fenghe yor sheb na wun ba ko gor along nenumwa ba kono wurr."²⁹Ngha Peter ne batontonor iba fangha, "Wun tigi ba kaga Ishor shenghe nne. ³⁰Ishor ba nshuwere nyor belor Jesu nyor wun yolor kpaga ngor ite. ³¹Ishor ba yibe yurr ngor ubrblome be nogor ajol mon ntol nyor nenom ne nnonogor, nogor aka uyangha ntem ka Isreal, ne ubaga abe bag. ³²Wurr atenshe ka abodo nya, ne inonob ufu, nji Ishor beka aneba iyor kage."³³Na ane mba ikonor ashi ngor iyogor, item iba yam mbor fenghe yor sheb nogor mbor yol ba tontonor. ³⁴Nne Pharisee nyor mbor koge ne Gameliel, nkpelenkpele nbene nyor ane waa iyor kage, batum yeme ngho ikan ane ba gbana ne ba tontonor mbe mbor tab bor jok ngor mon igara.³⁵Akum ba bong ne bor, "Aneblom Isreal, kun wun na wun be sheb wun lem ne ane mba. ³⁶Teb ne igara ntor, Theudas tum yeme yo tobor nogor ajol nne, igom aneblom lomo atil-til, itone tum. Mbor yole, ane mba ijolor yo kage irad fenghe jol ijomjom. ³⁷Na nti nnenum nya ishengho, Judas ngor Galilee tum yeme ngor igara ufala ane ba turr ane mba ndege lag ijibe. Abangha kpor tan, ne anemba ijolor kage waa irad.³⁸Ngha ntiga me nkpi wun taga, tum wun shaga ane mbagha nogor wun yagabor nor, ken mbe ifangha nta nti ane ti mbor be lem, ken mbor be borb tara. ³⁹Jolor ijolo nti Ishor, wun yim tigi mal ba borbe tara , wun fenghe ba renghe na wun be nog ne Ishor." Na iba barr bor.⁴⁰Mbor kum ba kog ba tontonor bayel, mbor du bor fenghe yam bor nbe mbor ti kpe bong ngor mbeng Jesu, mbor ba yaga bor mbor shong. ⁴¹Mbor ba tum shag igom aneba ikono ashi yor gere na mbo be bor fal shumor ngor ane mba ilagor nogor mbor nyen akanya ngor mbeng ye. ⁴²Gbeb ngho igara ntor, feli ufunfu, ngho itaba ikobashi lomo ngor itek, mbor jolo yor kpele ngor igara waa fenghe toro anonob akakala gum na Jesu reror Christy.

6¹Ngha atuyagha, igara nti nfala batontonor meror-bodo, ne Grecian Jew bajump-uror gum aneb Hebrews, tep ne aneborba alombor ibekpo nboryolum breber kagbor abor fel uffunfu. .²Ishi igol-ne-ibal ibakog igom batontnor ba bong. "Ilagim nogor utap alom Ishor yagabor fenghe yokag akpokoro. ³Wowun ba yege, ba-ngbayenbama, aneblom ishi iremini ngho igom jene, aneblom mba-ikpelor iteng tenghe ikpen, rorr ne ufu ukun abaga, nyor uyebeyege kag ngha ifangha nta. ⁴Kawurr, utege yoba jomo-ndor ka ulemifangha alom.⁵Mbongbor ibayebe igom anebawaa item. Mborkumba yege Stephen, nenom nyor roror ne ntama ne inonob ufu, ne Philip, Prochorus, Niconor, Timon, Parmenas, ne Nicolaus, ne Proseiyty ngor Antioch. ⁶Aneb ntama ibakor aneblom nbangha batoh batontonor mba ijom ndor fenghe konobor abor.⁷Ngha alom Ishor ibagbeb irada, nfala batontonor ngho Jerusalem ibabodo dol, igboro igom nfala udem ibafun nkaga ka-ntama.⁸Ngha Stephen, ror ne igracia ne ikor, yol-leme agboro atanikor ne ayonor ngho igom ane. ⁹Ibalabajol igom ane mba ijolor ka Synagogue mbor bangha kobor ne Synagus aneba ibeshurr ngor ilam, ngho Cyrenians ne Alexandians, ne anembadege ngor Cilicia ne Asia. Anemba iyol faba ne Stephen.¹⁰Mbor teghem mayeme ten ukunabaga ne ufu nbi Stephen bongho. ¹¹Mboba gono aneblom mbandege nogor nbobong mbe. "Wurr ubuyok Stephen bebong ashashab mbong gum Moses fenghe gum Ishor."¹²Mbor ba nem ane tugor, anebkol, ne Scribes, ibatumjitob Stephen bobe fenghe koye baka igom ane mba ikonashi. ¹³Mbor kamelage mbe "Nenom wegha numjor yagabor mbgongho alom gum inonob iginja ne mbene. ¹⁴Ubuyok abebong mbe Jesu ngor Nazareth ba fele idinja rongho fenghe fele ibene nti Moses kalo wurr yangha. ¹⁵Igom ane mba ibemor ngho, bre amerr nakpo-o fenghe yen ushimerr beh na ushimerr ba rogitom Ishor

7¹Nenkol udom ba bong, " Abagaya itembaga, jier? ²stephe bong, "Bagbayen jama, ne bansuwama, rangh wun me atong; Ishor rebe ijibeh tep nshuwere abraham igara nti ajolor ngor mesopotamia, nogor akum-nene ngoe Haran, ³Abong nene, tun ndegeya nenebya nogor ashong ngor ndege nyimeyaba tebeh.⁴Mbor batum-shaga ndege chaldeans ji nene ngor Haran; gbeb nghor, sheng igara ikunde, Ishor bakoeba ngha ndege nya nyi anener ngha-ntega. ⁵Akalem ijomjom kana-nlege ibon we, jol teke nogor neyede ijarkpada. Akono nyor jolna Abraham kafonor mon atigeba fenghe neh ndege nyorkae neh abonbewaa nba irerokai,⁶Ishor yolbongho nene nah, nbeh abonbeh, ibanene ngor ndege nyikareror nyibor,fefene anmba inenor ngor ibabotoba shere ajo fenghe shabor nfele ngor bda atetel nkpel-ibal. ⁷'Me-nbalamah ibugor nji nbobabor rogor, Ishor babong,fefene, nboba-jogo bakumarong kameh ngha idinja. ⁸Ngha Ishor baka Abraham ukono-nyor ujoro ngobjigbe, ngha, Abraham bajol nde Isaac nyor ajore ngobjigbe ngor atu arimini, Isaac bajol nde Jacob, Jacob nde agbayenIshiigel-ne-ibal.⁹Ugbayenba ibafon ulek-ala ka Joesph, nborgore tumgo Egypt; jolnor Ishor jolor neneh. fenghe yegeshaga ashashab waa,. ¹⁰Aka joseph unobshi neh ukunabaga ngho idi Pharaoh ntol egypt, nyor yege nogo ajol igborone ka Egypt ne itekje waa.¹¹Ngho ugba ibalebajol ngor !Egypt neh canaan, ne Igboro uyen-akanya, ba-nshuwere iyolumyen ijomlili. ¹²Igara nti Jacob yogor nbe agomlili iregor Egypt, abatom ba-nshuwere ngor ngbonbarrijen. ¹³Ngho igbobolo ibal nbor jolor, joseph barebe ujibe tap-agbayen, ngha Pharaoh ba nyi agbayen Joseph.¹⁴Joseph bayom-ba-nbayen fenghe nbeh nborjitag ndebor Joseph nogor abaga Egypt ne-nep yeh, ane atel arane-ikorr waa. ¹⁵Ngha Jocob batumjigor Egypt, abakpor, weneba nshubere. ¹⁶Nborba sholbor tumgor shechem jikagbor ngor alumya Abraham gonorne ayerr ngor ubob mon hamor nghor schechem.¹⁷Ngha igara nti ukonoyor ijenor kpet,ukononyor nbi ishor konor Abraham, anefoornor ibafu be rorr ngho Egypt. ¹⁸Tetete nborba fun-ntol nyondege nghor Egypt, ntol nyikalor Joseph. ¹⁹Animeh anebere fengho nurorbanshuwere nogor nbor teb-abonibele-beretap nogor nborti bor gbeh ikpen .²⁰ngho igara ntor mbobabel Moses, anob ngor ushimerr Ishor, nborlele ngor amerr-ara nghor itek nde. ²¹Igaranti nbortebor Moses jok ngor idigbol, mon Pharaoh, nyor nenkal batabe shereh mone.²²Moses bakpele-nyi ukunabga Egypt,, fenghe fu bgor nbong yeh neh ifangha-teh. ²³Ngha igara nti nda atel-abal imeba nogor ibokonkai, abafun ntobor nogor ajiyen ba-ngbayen, nep-Isreal. ²⁴Na ayenor namomekag ne Isreal Akanya, Moses banorge fenghe yol neyormekag akanya ne-Egypt. ²⁵Weh yoltobor nbe agbayen ibarenghe na ubob Ishor iyagobor nok, nbor tehem marenghe.²⁶Ntemfunfu ayen aneblom abal imenok na akanmor nogor aji yamabor, fenghe bong, anelom,wun ugbayenbi, nanorwun menok neh atem? ²⁷Nwereng nyor lemor isjhashab shemeh gbe npa, babong, :nyonor yega nbe ajol ntobishi nogor aba lam wurr? ²⁸Wor abashebe nogor ayolmeh na ayolor neh Egypt iyana?²⁹ses batobor nah ayogor ibongta jijol njenneh ngor ndege Midian, nghor ajijol ndee abom abal. ³⁰Igara nti nda atel abal ibeshang,nrogor itom Ishor barebe ijibe tabe ngor ikankan ifu igol sinai,ngor nfogor ilolo ngon ngor ifu.³¹ara nti Mosos beyen ngon, ikor ibataneh nah ayenor, nah akpelor jenkpet nogor abere, ilom ada ibajok yorbong, ³²Meyor nreror Ishor ba nshuwa Ishior Abraham, neh Isaac, neh Jacob. Moses bakob shakshak akpem yogho nogor abere.³³Ntol ada babong nene, yege abodo akpada ngor akpadaya, tabne wor ayem ngor inonob ndege. ³⁴Timbaga meh nbuyen akanya anebama nba ireror ngor Egypt; nbuyok nmomor bor, fenghe ba nogor nbanok bor, ba meyaba tomo tugor Egypt³⁵Moses nja nji nbortene, igara nti nbor bongho, nyonor lema ntobshi neh ntamlama? weyo reror neyor Ishor betom na ntobshi ne nogane. ishor tome ngor ubob nrogor itom nyor rebor ijibe tabe Moses ngor ifu. ³⁶Moses yegebor shaga Egypt, na alemor atanikor neh ayonor ngho Egypt neh ngor agboro alep reeds, neh ngor ikankan ifu igara nda atel abl. ³⁷Moses njokpee yor bongho ne aneb Isreal, Shor ba yege nyenamerr nyor reror na-nme.³⁸Nenomwayor nyojolo ngho ukonashi ngor ikankan ifu neh nrog itom nyor bongho nenengor igol Sinai, nyor jolor ne ba nshuwere, nyor kolor nbong ikpen kawurr. ³⁹Ba nshuwere iten nborkageme; nbor sheme gbe nkpa shagabor, neh ngor ntembor nborfenghe tum Egypt. ⁴⁰Ngho igara ntor nborbong neh Aaron, 'lem ilokte kawurr nogor itogowurr. ka Moses nyor yegor wurr shaga ndege egypt, wurr uyim nti ibegbor neneh,⁴¹Ngho nboba re-ite ngor atunya yokor nkaga jika ilog-ite, fenghe fongere tapneh ifangha abobor. ⁴²Ishor shebe fenghe tapbor ka nogo nboyor kag arundo ngor iborr, na iyonor ngor awerr bayene amerr, 'wowun kalemeka uyambi wun beyel neh nkaga ngor nda atel abal ngor ikankan ifu, itek Isreal?⁴³Wun kor itaba molech ne augundo alogote rephan, ne alogote nyawunlemor yor kumor arunka, fefene meh mbawun tabatum shaga Babylon⁴⁴Ba nshuwere ifonor itaba utoror atimbaga ngor ikankan ifu, na Ishor kalor ikor na abongho neh Moses, mbe alem nyor nfongho nyi ayenor. ⁴⁵Monigara tekeh ba nshuwere nba ijolor neh Joshua, kolitaba fenghe tab tumgor idi mbokolor ndige Ishor tara ndege shaga ibugor onor fenghe cambor yege ngho amerr ba nshuwrer.itaba fonor ishaga ngor ndege nyor tetete igara David, ⁴⁶nyor fonor unobshi. ngor nkpa Ishor , feyor beb jolor wer ba yeneh idinenene ka itek Jacob.⁴⁷Tap neh Solomon yor jolor itaba Ishor. ⁴⁸Jolijolor nan, nyor galofu yomnene ngor itaba nji nbor yolor ngor abor, na bayenamerr ibongho. Ikun iborr jireror itek Ntol bama, ndege idikono akpada yama. ⁴⁹Ba nboro itek amalba yogor kame? Ada babong, afi ba idi ireror ka idi rege-ashier gama? ⁵⁰Aboyamashang ilimor abodo nya waa?⁵¹Wun atom-amel ane, nba ikabelijoro ntembor gbe ne atonbor, wun yorkoniteneh inonob ufu, wun yolem na ba-nshuwene ilimor. ⁵²Ba-nboro nyene-amerr nyor ba nshuwere ikayole? Mboryol bayenamerr nba igbolor nbarr rebegara nbaga neyor reror gbole, fefene wun bangha jol bagogoro ne bayoyolobe. ⁵³Wun kor nbene nyi barogor itom ilemor, wowun mamgbe.⁵⁴Nghantiga,igara nti igom ane iyogor abaga nya, nteam ibakembor, nbor-lec-alol tab neh Stephen. ⁵⁵Ngha were nyor roror neh inonob ufu, bre ngor iborr fengheyen ikaga Ishor fegheyen Jesu yemogor uboblom Ishor. ⁵⁶Stephen babong, "bre, meh-nyen iborr irebe, neh monnom yemor ngoir uboblom Ishor"⁵⁷Ngha nta, igom anemba ikonashi nghoibolo atongbor, fenghe-yoran neh aranran alom, nbor-wamtobe ne item nteren. ⁵⁸Mborba nureyege shaga ibugor njor fenghe bagbebe atal tutob. aaaaaaaaaaaaaatenshe iyala abomobor nghor akpada njankon nenom nyor nborkogeneh Saul.⁵⁹Na mboyolor tob Stepen atal, ayol kogo ada yorbong, "Ada jesu, kor-ufu bama," ⁶⁰Abakumor arong ngho ndege yokog jok ne iranran ilom, "ada, kafele abebaga gumbor." igara nti abebong nta, abagbor igoro ilor.

8¹Saul tama gara ne ikuteh, nogor mbor yegor itulor nghor ufunfo bor igboro ukagillam ka akorbashi nyijolor ngor Jerusalem. Ba tamtama tugor waa iba radar sheng ngor ibugor Judea ne Samaria, shenfhem ba tuntulor. ²Aneb ntama iba kpa Stephen kak fenghe fong igboro uyamtem teb neneh. ³Saul shebeh nogor arungho ikorbashi. ayol yelle ngor feli itak yor wam aneplom ne anebkal, fenghe akbor ngor ngbagobor.⁴Ngha ba tam-tama ber iba rada itum yor sheber yor toror alom. ⁵Philip ba tum itutulor, itululor tum ngor ibugor Samaria ba toror gum Christy kabor.⁶Igom ane ibala yor ba rangha atong kang, gara ngor ijom ji Philip yolor bong, ne item tereng, mbor yoge mbor ba yeng ayornor nya alemor. ⁷Ashashap afu iba jok, ngor igom ane feb ba ifornor afu nya, yor rar jok ne ilom ti kpo, ane by kayolor ma jen ne abunor ifan nnobor. ⁸Noyor uyebitem iba lor jol ngho ibugor funor.⁹Ngha ibala ba fun nenom nwereng ngho ibugor funor wer mbor koge ne Simon, wer ngor njene, amer tor kpele ifangha ubogi ifa ayolor kor lam utanikor ka amep Samaria, na ayolr toborka iji ber, na areror inonob nne.¹⁰ Anep Samaritans wa gbeb bgor nyor teker ji regor wer fulor, iyol rangha tong, mbor ba bong "Nnenom ya yor reror ikor Ishor nti mbor yor kok ne igboro" ¹¹Mbor yol rangha atong tep ne-nan abor tanikor rah irenghe ne ubogo ifa ber.¹²Ngha na mbor balor tama nti Philip na atoro anonob alom gara ne ikung iborr Ishor, ne mbeng Jeus Christy, mbor wuro alep, aneblom ne anebkal. ¹³Simon fefene ba tama igara ti aber woror alep afenghe ba jol ne philip ngor igara ntendegedege, igara nti abalor ba yen ayornor ne igboro ifangha imer jol, ikor iba tane.¹⁴Ngha igara nti ba tuntulor ngor Jerusalem, mbor ba tom tugu bor Peter ne John. ¹⁵Igaranti mbor be bodor ba mbor jom ndor ka bor, nji mbor ba ikogor inonob ufu. ¹⁶Ngho teteter ba ri igara ntor, inonob ufu ika ba top nendegedege mbor waa woror alep ka ngor mbeng Ntol Jesu. ¹⁷Ngha Peter mbor ne John iba konor bor abor ngor ashi, mbor ba kor inonob ufu.¹⁸Igara nti Simon balor ba yerg, ber ukogor inonob ufu ire sheng ngor ukonor abor bi ba tuntolor. abe tama bor ayerr. ¹⁹Aba bong ka meh mkpe ikor ta fufene, iyor ji nendegedege nyor meh yeh kono ubob ba fonor inonob ufu.²⁰Peter ba bong nene, "Nogor isilver ja itan ne wor fonor, tep ne nan akpi tobor wun beh aba kogor mbeng Ishor ne ayerr. ²¹Wor akpem, ijarr afe mbaga ngha ibaga nja tep ne nan item ta irem dedede ne Ishor. ²²Ngha ntega yaga bor ngor ibebe ibene ta nogor ajom ndor ka Ntol, iyor ji galem njendege abaga, ngor ntobor ya ngor item. ²³Tep ne mer kpi yene na wor aber roungho lulol, fenghe gba ngor abebe."²⁴Simon ba fangha fenghe bong "Jom ndor ka Ntol kamer iyor ji ijom njendegedege nji abe bong iti ba jolor nenama."²⁵Igara li mbor yongho nyen fenghe bong ilom Ntol, Peter borr ne John iba fenghe tum ngor Jerusalem. Toro wun inonob alom ka abon abogor feb ngor Samaritans.²⁶Ngha nrogitom Ntol ba bong ne Philip, tum yeme aba shong ngor ngor itutulor, gbe Jerusalem tumgor Gaza. ²⁷Aba tum yeme tum, renghe, ifornor nenom nyor yoror ngor Ethiopia, Nekal weh kayolor bel, weh fonor igboro ikor nga-njim Candance, Ntolanepkal Ethiopians, weh yor abodo yer wa iyor ber ngor ubor. Aba nga Jerusalem nogor ba tek Ishor. ²⁸Ayol kurror fenghe ba bemer ngor ikpakaga nji mbor benghe, fenghe yor kok alom nya nyene amerr Isaiah nyonori.²⁹Ufu ba bong ne Philip "sheng shongor nji jol iked-kpe kolor ikpakaga nji mbor benegho. ³⁰Ngha philip ba tobo ji torber ba yoge amer kok alom Isaiah nyene amerr, aba bong, akpi renghe ijom nji amerr, kok ngho. ³¹Igarantor aba bong mber, Nan mer mal ba, shanghem ber ne umer tep-ber? Aba kok Philip nogor aba bermer nene nya ikakaga mbor beneghe.³²Ngha ijubor nji Ethiopian yolor yor kok ijolor na. "mbor feleh na njoror ngha tum ngor idi yolo uyam, ne na Nkom njor igara mbaga ye ayor bleh, noyor aka rebor nyor mer. ³³Ngor na aredor iji ber, noyor nlama bagor tum shaga. Wer nji mal ba toro gara ane ba imer tunor? Ngho ikpen te litumor shaga ndege."³⁴Ngha nekal nyor ka bel ba beb Philip ba bong, mer ba gorow tak mer ne yor nyene amerr mer toro gum, ireka iji ber afi nnendege? ³⁵Philip ba gbeb mbongho ayege itulor ne alom noya, atoro gum anonob alom gara ne Jesu kayer.³⁶Na mbor ba jen ngor mbar, mbor ba regor ba regor idi alep, nekal nyor ka bel bong "Bree, alep ire ngha, Ba jom ibe wed nji nti ba worror alep? ³⁷Philip ba bong, atamor ne item ta wa amal ba worror alep" Nne Ethiopian ba fenghe, mer ber tama mener Jesu Christy yor reror mon-Ishor, ³⁸Ngha nne Ethropian ba ka ikor ber ikakaga nji iyor benghe iyeme. Mbor ba jok yel alep mbor ishi-ibal Philip ne nneyor ka bel Philip wore alep.³⁹Igara nti mbor balor ba yor jok mgor alep ufu bi Ishor itap Philip tom, neyor ka bel ngho ikpem mer nyen afenghe tum ngor mbarrr yer gorre. ⁴⁰Ngha philip bala ba jok ngo Azotus ngho aba sheng ngho ibugor jor yor torror alom Ishor ka abugor waa teter aba ga Caesarea.

9¹Ngha Saul teyor bong anege, jol gara ne nyolo ba tuntulor ntol, mbor batum ngor idi ntol udim. ²Ba beber gara ikpa-nwerr ti mbor ba kogor tum ngor idi jomodor ngor damascus, iyor ji ayenor nendegedege wer reror ka mbar nyor jolor, ijolor nenom afe nekal, aba bor kokor ba kak ngor Jrusalem .³Na atumor ijen te iba jol nairoror kolor Damascus, irabem irenghe, irana nti iyoror ngor ikun iborr iba ya shube kak; ⁴Aba gbor ngho ndege, fengheh yok ilom imer bong neneh, Saul, Saul, nanor iwedor amer mer yol'?⁵Saul ba fangha,"wor nyonor Ntol," Ntol ba bong mer yor nreror Jesu wer nji amer yol. ⁶Tum yeme, ayel ngor ateng ibogor, iyaba taga nti na aba lame" ⁷Anep lom itumor ijen ne Saul ishaga yeme gbor ukemer, yor yok ilom ti mbor kayolor nyen nneneh.⁸8 Saul ba tum ngho ndege, igara nti arebor amerr yer, ayenerm ijomjom, ngho mbor balo ba fele ngor ubor, koye bagor Damascus. ⁹Ajolor ngor atu ara ayolum nyen ijom kpereng nogor ali afi awor.¹⁰Ngha ifonor ntuntolor Ishor ngor Damascus wer mbor koge neh ananias, ¹¹Ntol ba bong neneh ngor nremer,'Ananias!' aba bong neneh tum yemeh ashong ngor mbarr nyi mbor kok ne dede-de ngor itek Jdas beb nenom nyor yoror ngor Tarsus wer nyinor neh Saul, kpe jomor ndor. ¹²Aber nyen ngor nremer, nne nom nyor mbor koge neh Ananias, mer ba yel fenghe ba kone ubor ber, iyor ji akpe ba iyene."¹³Ananias ba fangha, Ntol mer mbe yok ngor idi aneh feb gum nenom nya, ashashap abaga nya abeh laim neh annonob anebangor Jerusalem. ¹⁴Akpe ikor idi Ntol udem nogor abam nendegedegenyor mer bong gum mbeng ya." ¹⁵Ngha Ntol ba bong neneh, Shong, tep neh wer be jol ijom jama. nogor atap mbeng yama tonor anepGalilee neh ba bre adi, neh abonshe ngor sreal. ¹⁶Tep neh mer nyeber tebe na aba nyene akanya shangor mbeng yama.¹⁷Ngha Ananias ba tum fenghe ji yel ngor itek fonor ba kone ubor, fenghe bong, "Ngbayen jam Saul, Ntol jesu, wer jogor teber ngor mbarr igara nti amer ba ,amer tom iyor ji akpe ba yeneh, nogor afenghe rorr neh inonob ufu."¹⁸ Ngho idolodolur ijom na ikpakpaga iba foror Saaul ngor amerr, aba nyen, aba tum yeme fenghe woror alep. ¹⁹Ali ijomlili fenghefon atene. Aba jol neh ba tuntolor ngor Idamascus ngor atu feb.²⁰Ngha idolodolor ayorba toro gara Jesu ngor itaba ndor, yor bong mber wer mon Ishor yor. ²¹Aneh wa ba iyoge ifonor utanikor fenghe bong, " nenom wer ryha shang yolor runghor aneh mba ngor Jerusalem mba iyolor koy mbeng nya? Abe ba nya nogor aba bob bor gba ji ka ntol udem." ²²Ngha Saul kpel yor fun ikor yor bodo neh nshumor tugor ngor igom Jews mbor mba inenor ngor Damascus, na ayolor tama ber Jesu yor reror christy.²³Igara nti atu feb ibe shang, anep Jews, iba tobor neh atenn nogor mbor yole. ²⁴Ngha ntobor bor jolor ngor nregha ka Sual. Mbor yor gom itelock njol ne atu nogor mbor yoler. ²⁵Ngha ba tuntulor ber iba taber ne tu sheng ngor igegere, ba bomer terre ngor itetere.²⁶Igara nti aber ba ngor Jerusalem, Saul ba yongho nogor ashumor ba tuntulor ngha mbor yol fonor ubol ber, mbor yolem tama ber ntuntulor yor. ²⁷Ngha Banabas ba tabe, koy ba ngor idi ba tuntulorfenghe tak bor na Saul ber yen Ntol gor mbarr, na Ishor ber bong neneh dede-de ngor mbeng Jesu.²⁸Ajolor nebor, yor yel jok shebe ngho Jerusalem, ayor bong kpol ngor mbeng ntol Jesu. ²⁹Fenghe yor rara neh aneh ba iyelor ibene Jews, mbor ti kpel yor shep bor yole. ³⁰igaranti ba agbayen ibalor nyi nta, mbor ba fenghe neneh bagor Caesarea fenghe ba tomer fenghe ngor Tarsus.³¹Nghor igara ntor ikorbashi wa ngor Judea, Galilee, neh ngor Sameria, iba fun terr fenghe fu ji mbok , fenghe yor laim ngor ubol Ntol ne ngor mbolo anonob ufu, ikobshi iba fu ngor nfala. ³²Ngha ibala ba jol na, Peter jenor shebe ibogor fonor wa afenghe ba fefene ngor idi anonob anep Ishor mbor ba inenor ngor ibogor Lydda.³³Ngho Ana yen nenom nwereng we're mbor love neh Aeneas, we're nji Ber shags ngor ijom Hong ngor nda inegini, tep neh agbolor ubunor. ³⁴Peter ba bong neneh, "Aeneas, Jesu ba claim abunob. tum yeme ajoro idi nong ja," ngho iduludulor atum yeme. ³⁵Ngha nendegedege nyor nenor ngor Lydda ne Sharon, iyen nenom fonor ba shebe tonor Ntol.³⁶Ngha ijolor ngor Joppa, ntuntulor nyondege nyor mbor koge Tabitha, nekal nya roro neh inonob ifangh, ne uyeni imok nlameh nyi ayolor laim ka anep akanya. ³⁷Ibala ba jol ba ngor igara ntor, aba gbor uyam fenghe kpor, igara nti mbor ber yomo alep, mbor nonghe ngor nkpak-itaba nyi ngor iborr.³⁸Ngor naLydda yolor kulor Joppa, fefeneh neh na batuntulor,iyogor ber Peter rengho, mbor ba tom aneplom abal tuge, yor ji gorre, ba top wurr bababa. ³⁹Peter ba tum yeme ba tum nebor, igara nti abe re mbor ba ta be tum ngor nkpak nyi ngho iborr, ngor awindow wa ane ilagor ngho yor rer, yor tebe ashimi neh aworor nya Docas ber laim nji ajolor nebor.⁴⁰Peter ba yege bor wa shaga itaba, aba kumor aung fenghe jom ndor, aba shebe bree ngobji ba bong, "Tabitha nyeneh' ngor igara ntor aba rebeh amerr yer, na ayenor Peter atum bemer. ⁴¹Peter ngho igara ntor ba kay ubor fenghe yeber yeme, igara nti akogor anonob anep Ishor ne aneh ba ika kpelor alom aba taber tep bor ngor ikpen. ⁴²Ibaga nja ibala ba fun nrenghe ka Joppa waa iwedka aneh feb itama tugor Ntol. ⁴³Iba jol ber Peter jolor ngor atu feb, ngor Joppa ne nenom nyor mbor koge ne Simon Nrege abodo.

10¹Ngha ifonor wereng ngor ibogor Caesarea, Cornelius ngor mbeny, nnogor aberr, ngor na mbor yolor kok ne igom ba nogor aberr Italian. ²Ajolor nenom nyor fonor atama, ne neyor fonor ubol Ishor, ne nep yer wa, bak ane abodo, fenghe jom ndor fel igara.³Nyor igara nti nkaranka irumugol ber shang, na kpol aba nyen nremer, na nrogitom Ishor mer ba, bagor tober, nrogitom ba bong nene, "Cornelius!". ⁴Cornelius ba bree nrogitom kpo-o, fenghe ba fun ubol, ba bong "Ba jom ngha Ada? Nrogitom ba bong nene, Ndor ya ne nkaga ya, ibe tum ngor iborr na ikaga nyi ka kpelor nyene ngor ushemerr Ishor. ⁵Ngha ntega tom ane shong ngor ibugor Joppa, nogor mbor ji kor nenom nyor mbor kokga Simon, fenghe kpe kok Peter.⁶ Anen ne nrega abodo nyor nyenor ne Simon, wer nji itaba je reror ngor nkpa alep."⁷igara nti nrogitom nyor bonghor nene ber tum, Cornelius ba kok ba leme ifangha ber ishi-ibal, ne nne ishojar nyor kpelor ntama ngho igom ane ba iyor lem ifangha nene. ⁸Cornelius, ba tak bor nya waa nya iber jol ba tom bor tum ngor Joppa.⁹Ngha ngor ntem ufunfo ngor igara nkarenka irara na mbor jolor ngor ijen mbor, mbor ber regor kolor ibugor fonor, Peter tumor ji gor iborr itaba-nogor aji jom ndor. ¹⁰Ngha igara ntor njal ba yame, ayol sheber ijom nji aba lege, ijolor igara nti mbor yolor lam ajom ilili. Mbor teber nramer. ¹¹Aba nyen iborr iber reber, ijom na nkpokpo, imer bodor ngor iborr ba ijom na igboro mbomor ijom nongha, iyolor budor ba ndege, ba yemer ne agok ye ani. ¹²Ngho ateng ijol akpede nyam ne ikpada ini ne abodo nya iyor gboro ngor ndege ne arok ngor iborr.¹³Ngha ilom iba bong nene, tum yeme. ¹⁴Peter, nogor ayol li. Peter ba bong, nor shang Ntol, tep ne nan mer ka li ijom jendegedege ji ikpelor nden afi ika wellor. ¹⁵Ilom ite kpe yor ba tobe ngor igbo-bolo-ibal ijom nji Ishor be lem welewele, wor anem ba koko ne ijom nden. ¹⁶Nta ibala ba jol nkpel ira; Igara ntor nkpokpo fonor, ngho idulidulor itumo fenghe ji ngor iborr.¹⁷Ngha igara ntiPeter jolor ne nshumor tugor gara ne nyemer nyi aber nyen ijom nji ijogor, kono nterr ane ba Cornelius tomor bor, iyemor ngba nbob, igara nti mbor beb mbarr yel ngor ateng itek. ¹⁸Mbor ba kok ba beb njolor Simon wer nji mbor ba koge ne Peter, njolor areror ngho.¹⁹Igara ti Petertegor kpe yor yubor gara ne nremor fonor, ufu iba bong nene, Bree anepnom ara ikpela sheber. Tum yemer, abalor nogor aba shong²⁰ nebor ka ten wom ber afarem nebor, tep ne na mer yor mbebor tum. ²¹Noyor Peter bodor tum ngor idi aneplom fonor ba bong. "Mer yor ngha wer won mer shep." Nan iwedor won ber ba?²²Mbor ba bong, Nne nkol ishoja wer mbor koge ne Cornelius, inonb ne, ne nneyor kpelor ubol Ishor, fefene nnobor yer mbor bong gara ngor abon abugor nya ngor Jews waa. Mbor kale tum ngor idi Ishor sheng gor idi inonob nrogitom ba toro ber nogro mbor tum tuga aba ngor itek je iyor nji aba rangha atong ngor itum nti iruror ngor idija. ²³Fefene Peter ba kok bor kak ngor ateng nogor mbor ji bemer nene, Ntem ufunfo uba tum yeme, ka tonor bor tum, ngah ba mgbanyen ber bandege ngor Joopa iba turner.²⁴Ntem ufunfo, mbor ba yor bagor Caesarea. Cornelius yol yor sheke bor . Igara ntor abe kok nepye waa kornashi ne atem ber waa.²⁵Ibala ba jo, igara nti Peter ber yel, Cornelius ba korne, ba gbor kumor arung ngho akpada ye, nogor atege. ²⁶Peter ba fele tum yeme, ba bong. "Tum yeme, mer fefene nne yor."²⁹²⁷Iga nti Peter yolor bong nene, aba sheng yel wana ane na feb, iber kornashi. ²⁸Aba bong nebor, "Wor, wor fonor, nyi won na ika reror ibene nogor nenom Jewish shomor ne ane mbagor afi aji nyen njem ne, tep ne nan Ishor ber mer tap mber nti yor kok nnendegedege ne, nne nden ne nne yor ka wellor. ²⁹Nnoyor iwedor mbalor nka raror igara nti mbor kogor mer. Ngha ntega mer mba beb nan iwedor ka atomor kok mer.?³⁰Cornelius ba bong, atu ani ibe sheng nya mboro igara nya pii, nyol yor jom ndor ngor igara nkaranka irumuigol ngor itaba jama, mba nyen nnenom yemor mer ngor mbok, ne ababara abodo. ³¹Aba bong Cornelius, ndor ya, Ishor bu yok, fefene nkaga ya ber boro Ishor guma. ³²Tep ne nor tom nne shong ngor Joppa, nogor mbor kok ne ka we mbor koge Simon wer mbor koge ne Peter, nkpe nene ngor itek nrege abodo, mbor koge Simon ngor nkpa aya, igara ti abalor aba bongho nena. ³³Fefene, ngor nkpel nyeren ntom tuga, Ajol tere, aba tega worr waa ure ngha, ngor nkpa Ishor nogor uyor ijom njendegedege nji Ishor ba tak ber abong.³⁴Ngha Peter ba reber nyor ba bong, "Tembaga. mer ber renghe mer ne Ishor kpem irangrangha. ³⁵Ngha ire mber ngor feli ibugor, nnedegedege nyor fonor ubol ber, fenghe lam ateng-tenghe abaga nya ngor ntama yer.³⁶Wor ayi-nyi itum nti atomor tugor anep Isreal igara nti atoro anonob alom, gara ne terre shang ngor Jesu Christy, wer reror Ntol ka waa. ³⁷Wor, wor forn ayinyi abaga nya ijolor, nya iyor-lor jol fel-igara waa ngor Judea yege itulor ngor Galilee, na John balor ben ibaga uwuror alep. ³⁸Abaga nya ijolor gara Jesu ne Nazareth, na ishor yege iya ne inonob ufu ne ikor, aba tum yor shebe yor lam anonob fenghe yor lam ane inonob. mba nem nero bor kak tap ne Ishor jolor nene.³⁹Wurr ujoloratenshe ka abodo waa nya Jesu lemor ngor nfam Jewish negor Jerusalem. Mbor yole shangh ngor nkpada ite. ⁴⁰Ngho Ishor nyemer jok ngor itegela ngor atu ara, fenghe lem nogor mbor nyener, ⁴¹Ijolem ka ane wa, ijolor ka atenshe ba Ishor yegor bor kon igara, ne wor mba ulelor fenghe war nene ngor igara nti ayemor ngor iku.⁴²Akala wurr ikor nogor utoro alom ka ane fenghe yor tep na ireror wer fonor wer Ishor ber yege, nogor alam ane mba ngor ikpen ne mba ibe kpor. ⁴³Ire ngho kea na ba yene amerr waa utoro gara, iyor nji fel ne nyor tamor tuge iba fonor mbaga ngor abebage shang ngor mbeng yer.⁴⁴Igara nti Peter mer kpe bong abodo nyangha, inonob ufu iba bob, mbo waa mba iyolor rangha aton ngor itom ter. ⁴⁵Ane mba ishumor ngor ijuje ane mba iyagor nyi Ishor waa ne mba ibalor ne Peter, ikor iba tanbor tep nkaga inonob ufu yol nala jok woro fefene ne anep Gentiles.⁴⁶Tep ne mbor yogo anep Gentiles imer bong ngor abugor nya gor, yor tek Ishor, ngha Peter ba fangha. ⁴⁷Nnendegedege mal ba ibomo alep shaga ane, mba, iyor nji mbor tiba woror alep.Ane mbangha mba ibe kor inonob ufu fefenena wor.? ⁴⁸Ngha aba ka ikor ka bor mbe mbor wuror alep ngor mbeng Jeus Christy. Ngha mbor ba beber ber ajol nebor ngor atu feb.

11¹Ngha ba tuntulor neh ba nghayen mba ijolor ngor Judea, iba yok beh ane Igentilse fefene iba kor alom Ishor. ²Igara nti Peter ber yor ba nga Jerusalem, mbor mba ishumor ngor igom nji iber tama iyor ba bong ibebe je. ³mbor bong, "wor akpe shomor ne ane mba kabor ti wele afenghe li ne nebor!"⁴Ngha Peter bala ba yegeh itulor yor toro reber abaga fonor ka bor ngor na ireror wa, yor bong. ⁵Nyol yor jom ndor ngor ibogor Joppa, mba yen nremer akpokpo mer budor ngor iborr mer ba, na igboro nbomo inong mer foror ngor ikun iborr, ne agbangha ye ani-ani, ibudor ba top mer. ⁶Mba bree na kpor nfenghe tobor gara. mba nyen uyam bi ne ikpada ini mbi ngha ndege, neh asgashab uyam, neh uyam bi iyor warm ala neh af=rok ngor iborr.⁷Ngho mba yok ilom iber bong ne nama,tum yeme Peter, yol noghor ali. ⁸Mba bong nor shang ntol, tep neh ijom-jom ngor irem nyi ikpelor ndemn afe ika welor nji iber tor yel ngha nyor mama. ⁹Ilom fornor ite kpe fanghe ngor igbor bolo-ibal ngor ikun iborr, ijom ji Ishore ber ber laim iber iwele, anem malba bongho wombeh ikpe nden. ¹⁰Nta ibala jol nkpel ira, ngor ntor abodo fonor wa ikpel taba fenghe tum ngor ikun iborr.¹¹Renghe, ngor igara ntor, ifonor aneplom ishi ira iyemor bgor mbok itaba, ngor idi ujolor mbor tumo bor ngor Caesareaba top mer . ¹²Ufu iba ka mer ikor mber nshong nebor, mber meh nti yab iji bama ba ngbayen jama mbangha ishi ira-ra iba tum nenama, uba shang yel ngor itek nenom fonor. ¹³Atak wurr na aber nyen nrogor itom Ishor yemor ngor itek jeh, fenghe yor bong tom ane shong ngor Joppa nogor mbor ji kor Simon fenghe wer mbor koge ne Peter. ¹⁴Aba bong ka itum nti, iyaba lamer afon nnogor, wor fonor ne anep itek ba war.¹⁵Na nyegor itelor mbngho nebor, inonob ufu iyor iyege tulor. ¹⁶mer ber borow alom ntol, na abongho, john ngor itembaga, woror ne alep, ngha wun ba woror ne,inonob ufu.¹⁷Nyha njolor Ishor kalor bor, mboro nkaga nyi na akalor wurr ngor igara nti utamor ngor mbeng ntol Jesu Christy, nyonor jolor mer; mber mer nten nti Ishor ber bong. ¹⁸Igara nti mbor yogor abodo nyangha, mbor mam bong ijona njendegedege, ngor nfangha, mbor fenghe tek ishor, bong na "ngha tega Ishor ber ka ujoro njoji ngor ikpen ka anep Gentilse fefeneh.¹⁹Ngha ntiga mbor iber radar tep neh nyolo nyi jok ba ngho ngobji Stephen, iba gen teter regor phoenicia, Cyprus neh Antioch, yor bong alom ka anep Jews mbaba. ²⁰Ngha mbandege, aneplom mba irirow ngor Cyprus neh Cyrene, iyor bagor Antioch, fenghe bong fefene neh anep Greeks, yor torow ka bor anonob alom gara Ntol Jsu. ²¹Ubob Ishor ijolor nebor igboro ijom aneh itama tonor Ntol.²²Atotoro gara iyor baga aton ikobashi ngor Jerusalem, fefene mbor ba tom Barnabas, tum ngor fer ngor Antioch. ²³Igara nti abalor ba nyen Igrasar Ishor, afonor uyebitem fenghe kabor atunor war nogor mbor shaga jol neh ntol neh ntem bor war. ²⁴Tep neh ajolor inonob nne, fenghe ror neh inonob ufu neh ngor nta, fefene ane feb, ibala ba bodo ngor idi ntol²⁵Barnabas ngho igara ntor, ba jok tum ngor tarsus nogor aji bree Saul. ²⁶Igara nti ayene akor ba ngor Antioch ibala ba jol mber gor nda yer wa mbor ikonor ashi neh atem ngor ikor bashi fenghe kpele ane feb. Ba tuntukor ba mbor gbolo mbarr kok bor ne ba tama tuyor Ishor ngor antioch²⁷Ngha atu nyangha, ba yene amerr mbandege ijolo ngor Jerusalem ba ngor Antioch. ²⁸Nwereng ngor igom mbor, Agabus ngor mbeng ye, atum yemeh, ba toro ngor ufa mber ikpogote njal ba jolor ngha nfarm war. Nyangha ijolo ngor igara atu claudius.²⁹Fefene ba tuntulor na fel nne mallor lame nogor mbor tom ntubor ngor mbor kor kak ba ngbanyen bor ubor Judea. ³⁰Mbor lame ntingha mbor tum akobo ji kaanep kol sheng ngor ubob Baenanas neh Saul.

12¹Ngha ngor igara na nta Herod ntol, konor nbandege abor mbarineror ka ikorbashi iyor nji ababor ikaga akanya. ²A yol James nabayen John ne ugeh.³Igara nti aber ba nyen mber ntingha ibu korr Jews, iba ka ikor aji bob Peter fefene, ngha ijolor ngor atu nya mbor ka bor ti yor nshenge. ⁴Igara ti abobor,aba kager ngor ngbagobor, ba fenghe nene kak ijuju ishoja ini ngor ubor nogor mbor gomer ayol sheber nogor afenghe ba ka ane afonor ngor mbor beh sheng.⁵Peter mbor bomer ngor ngbagobor fefene ndor jolor na kang togor ishor kabor ngor idi anebagor ikorbashi. ⁶Ngor atu ma nogor Herod kun ji yege ba ngor ilam, Peter yol lala ngor itentenghe Ishojar ishi ibal mbor ber gba ne agbagobor abal, na ba gugumor mba iyolor kono nterr, yor gom anep ngbagobor .⁷Ngha nrogitom Isgor ba jok na kpereng ba yeme ngho ugbangha irana ibar yel ngho ikun ngbagobor, arom Peter ngor ugbangha, ba yemer ba bong,"tum yeme, Agbagobor iforo jok shaga abor, babe. ⁸Nrogitum ba bong nene, joro iji ba bom, nogor akak abodo akpada ya, Peter ba laim nor. Nrogitum ba bong nene, tap idi kpol kak nogor atonor mer."⁹Noyor Peter tunor nrogitun jok. Ayelem mbere ijom nji nrogitum lamogor itembaga ji, ayol tobor mber wer kpe nyeneh nremer. ¹⁰Igara nti mbor ber shang ba gomgomo, mba mgbor mbarrne mba igbobolo ibal, mbor ba regor mbo akongho me ireror yel ngor nfam reber kabor neteng, mbor ba jok yum ngor itutulor mbarr nrogitum ba tumer shaga ngho.¹¹Igaranti Peter balor renghe ugibeh, aba bong, Ngha ngor otembaga mbe kumn nyi mene ntol yor ber tum nrogitum abeba yege mer shaga ubob Herod, ne ngor ijom njendege nti anep Jews imer shep. ¹²Igara nti arengho nti ngha, aba tum ngor itek Mary nyen John, wer mbor ba koge ne Mark, ngor idi ane feb ibe konor ashi mer jom ndor¹³Igara nti akebor abor ngor mbob itelek ntamitom nekal nyor mbor koge ne Rhodfa yor ba fangha. ¹⁴Igaranti arengheo ilom Peter, tep ne uyebitem amam reber mbo, ngha, afenghe bala ba tobo tum ngor ateng itaba, ji toro ber Peter yem nga mbor. ¹⁵Ngha mbor ba bong nene." akpi gbaga- ayi,ate yeme ber noyor ireror, mbor ba bong, nrogitum wer yor."¹⁶Ngha Peter regem ashengor nkeher, ngor igara nti mbor ber ba rebe, mbo mbor nyene ikor item bor. ¹⁷Peter ba bong nebor ngor abor ikpede- kpede, fenghe tak bor na ntol ber yege jok ngor ngbagobor, aba bong, toro wun ijom ja ka James ne ba ngbayen." Ngha,aaba tum , fenghe ngor idindege.¹⁸Igaranti idi ibangho, ukagilam mbendegedege ijolem ngor igom ashoja gara ngor nti na iber jol ne Peter. ¹⁹Igaranti Herod ber shep aka nyene, aba beb ba gumgomo, fenghe ka ikor mber Judea yel ngor Caesarea ji jol ngho.²⁰Ngha tega Herod, item iba yamer na kang neh anep Tyre nh Sidon mbor ba tum ji tober ne ibaga njereng igara nti mbor ber wer Blastus, igborbolo ntol nogor akak bor ubor, mbor bebe terre tep neh nan ibogobor, iyor kor ijom lili ngor ibogor ntol. ²¹Ngor ufonfo bi mbor lamor bom, Herod fonor logo ngoji ne abodo utol, fenghe ji bemer ngor ite utol, aba laim ilom kabor.²²Ane fonor iba rann, ngha ilom Ishor ti nti nne shang!" ²³Ngho idulidulor nrogitom Isgor ba romer, tep ne nan, afornem nkaya ka Ishor, Arongrong ya ilele akpor.²⁴Fefene alom Ishor yol fulor shong mbok fenghe yor bodo. ²⁵Igara nti Barnabas bor ne Soul iber mal ifangha bor mbor ba fenghe ngor jerusalem, kro bodo ne iyibor John wer mbor koge nne Mark.

13¹Ngha ngor ikorbashi nji ngor Antioch, ifornor ba nyene amerr na ba kpekpele ijolor Barnabas, Simon (wer mbor koge ne Niger) Lucius, ngor Cyrene, Manaen nenyor mbor lelobonor ne Herod tetrach, ne Saul. ²Igara nti mbor yolor terk Ntol fenghe yor bemer njal, inonob ufu ibong, yege Barnabas mbone Saul ka mer, nogor mbor ba lam ifangha nti na mber bor kog. ³Igara nti na bor balor ka bemer njal jom-ndor, fenghe kono abor bor ngho ashi aneplom mba, mbor shoro tum bor yege.⁴Ngha Barnabas bor ne Saul na itomor bor jok ngor ikor inonob ufu, mbor tumor ngor ibogor Seleucia, ngho mbor ba ka igbongho tum ngor Cyprus. ⁵Na mbor jolor ibogor Salamis, mbor ba toro alom Ishor ngor itabikorbashi Jews. Fefene mbor ba fon John Mark ngor igborlolo⁶Igara nti mbor ber ba jen shebe wa ngor ijubor ndege nji alep iber shebe kak tum ngor Paphos. Mbor ba yen nlame atanikor nyomdege, nkpama amumala nyene anerr Jewish, wer mbeng yer nyenor ne Ba-Jesu. ⁷Nlame abaga utanikor nya shomor ne Proceonsul, Sergius Paulus, wer jolor nkun-abaga nenom. Nenom fornor kogo Barnabas ne Saul, tep ne nan ayol shebe nogor ayok alom Ishor. ⁸Fefene Eiymas "Nlame abaga utanikor ba ten ntibor, akana nogor ashebe Proconsul shaga ntama mbor.⁹Fefene Saul wer mbor ba koge ne Paul wer nji roror ne inonob ufu, ba bere na kang ne utanikor. ¹⁰ba bong, "Wor mon nnem, wor aber ror ne akped nneme ne ushabi ibene. Wor ne ujeng ka anonob anonob abaga waa, Anem te ba iyaga abor ngor ufele mbarr Ntol nyi kpurr yor gberre abayaga?¹¹Ngha ntega bree abor Ntol irea ngho ngobji ya, fefene wer aba waga amerr, anem kpe ba iyene njol ngor igara ntendege.Idulidulor iba igbor kono Elymas abibi ne ijenghe, aba gbeb njene yor shebe, yor shep ane mba ibagor fele ngor ubor yor jen nene. ¹²Igara nti anep Proconsul ber ba nyen nti na iber jol, atama tep nena afornor utanikor gara ne nkpele igom Ntol.¹³Ngha Paul ne atem ber, iba ta igbongho ngor Paphos, yor bagor pega ngor Pamphylia fefene John tum bor shaga fenghe ngor Jerusalem. ¹⁴Paul ne atember iba tum ngor Perga ba ngor Antioch nji gor Pisidia. mbor ba tum ngor itaba-ndor, ngor ufunfo urega-ashe ji bemeh. ¹⁵Igara ti mbor beh kog mbene ne ba yene amerr, anep kol idi itaba ndor tom mbor itom, yor bong mbeh, "Ba ngbayen gere njolor won kpelor itom ntendegedege nti won mal ba kogor ka anem ba atunor ngha bong won.¹⁶Ngha Paul tum yeme ba bong ne abor, Aba bong "Anep lom Isreal, won ba won yor ber Ishor rana wun aton. ¹⁷Ishor anem bangha Isreal, yege ba nshubre lem mbor, mbor rori igara nti mbor jolor ngor ndege Egypt, ne uyebitem abor ye ngor iborr aba yege bor jok. ¹⁸Igara ngor nda adella-abal ajolor nebor ngor ikankan ifu.¹⁹Ngor igara tina aber ronghor igbogor na iremini ngor ndege canaan, Aka ane bree ndege bor ngor ulege ibon. ²⁰Abaga nya wa ijolor iber sheng nda atetel nkpel ibal ne adel abal ne-igol. Igara nti abaga nya wa iber jol Ishor ba kabor nlamama teter Samuel nyene amerr.²¹Fefene ane fornor iba beb gum Ntol Ishor ka bor Saulmon kisk. Nenom nyor yoro ngor itulor Benjamin nogor ajol Ntol ngor nda atel-abal. ²²Igara nti Ishor yege ngho Utol fonor abala ba yege David nogor ajol Ntol bor, ijolor gara David, nji Ishor toro yor bong, mer mbe yen David mon Jesse, nyor ba jolor nenom nga itemtama, wer lemor wa nshebor mene alaim.²³Sheng ngha itulor nenom nya, Ishor bu kor nnongor baka Isreal Jesu na akono nyor nogor alem. ²⁴Nogor Jesu kum re, John toro gum uwuror alep utoro abebaga ka ane waa ngor Isreal. ²⁵Na John yolor yor mal ifangha teh aba bong, Nyonor wun tobor won are nreror? mer shang reror wer fonor ngha rana wun atong, ne regor mer ba tunor mer, wer jol abodo akpada ye nka bor ti re iyor nji mba fenghor alege ye.²⁶Ba ngbayen jama, aborn ba ngor itulor Abraham, ne mbor ba ngho igom jene ba ikpelor ubol Ishor ire ka wor itom gara nogor nya iwedor mbor ber tom. ²⁷Ka bor mba inenor ngor Jerusalem ne atobiishi bor, imam mer renghe, fefene mbor leme gara ngor alom ba yene amerr nya mbor kog fel ufunfo rege ashe ngor na mbor yole.²⁸Fefene jol mbor yenem ilam ntendegedege gara ngor nkpogor konashi, mbor kogor Pilate nogor ayole. ²⁹Igara nti mbor ber mal abaga waa, nya mbor nyornor gumer, mbor ba bode ngor iborr ite fenghe nene ba nongho ngor ulem.³⁰Ishor nyemer ngor iku. ³¹Mbor nyene ngor atu feb, mbor mba itumor nene ngor Galilee tom ngor Jerusalem. Ane mbangha ngha ntega ba ireror atenshe ka ane.³²Noyor umer wun tak ateng tenghe alom ukonor nyor bi iyoro ba top ba nshuwerr. ³³Abe lem ka wurr, aborn bor ngor na abe yeb Jesu yoro. Fefene na iyornor ngor igborbolo nwerr Psalm. Wor mon na yor, ilela mer be jol njiewa. ³⁴Mber wer nyemer jok ngor iku nogor ati kpe fenghe ji Ishor ber bong ngha mbarr nya: Mer ba won kaga inonob ne itembaga iya nji kono nyor ka David.³⁵Nor yor iwedor akpelor bong fefene ngor nwerr Psalm nyendege; Anem ba yaga inonob ne waa nyen mbolor. ³⁶Ngor na David ber lem ifangha ka Ishor ngor ite igara aba kpor, mbor ronghe ne nde, ngobji ye ba boll. ³⁷Ngha nneyor Ishor yebe yoro nemba ibolor.³⁸Nogor ijol ngor nyege kawon ba ngbayen jama, sheng ngha nenom nya alom ibe wurr top gara ne mbaga ngor abebag yere. ³⁹Sheng ngor wer nendegedege nyor ntama ber nop ngor aba ga waa nya na mbene Moses ka mala yege jok.⁴⁰Ngha ntega fun ukono nterr arenghe na abodo nya ba yene amerr yorlor bong gom iyolem jol ne na. ⁴¹Bree, wor ayor ten fenghe tanikor, fefene akpor. Ngha mer kpe kogor ifangha ba ngor atu ya. Ifanghe nti na atiba tama jol ijolor mber ne toro ka.⁴²Na Paul ne Barnabas itumor ane fonor shaga, mbor ba goror bor ber mbor kper bong mborow mbong nyi ngha pei ngor ufunfob uregar ashi mbogor. ⁴³Igara nti ibebemer nji gor itaba ndor kulor, Anep Jews ne ba yolo Proselytes mbor tunor Paul ne Barnabas, wer nji bongho nebor fenghe kabor atunor mber mbor shong mbok-mbok ngor igracia Ishor.⁴⁴Ngor ufunfob regar ashe mbugor, Are ibogor waa iba konorashi ngo idi njereng nogor mbor yok alom Ntol. ⁴⁵Igara nti anep Jews iber nyen igom ane mbor roror ne ulega ala, fenghe yor bong isha-ashap gara nya Paul bongho fenghe ka ndon.⁴⁶Ngha Paul ne Barnabas iba bong ne ikor, ba bong, ilelak nogor alom Ishor, ijol mber igbor mbarr bong ka ima yen aner shengm shaga ijiber, fenghe ta iji ba na neyor ika lagor nogor afun ikpen nti ika kpelor ikukulor, Bree uba shebe bre anep Gentiles. ⁴⁷Tep ne nor yor Ntol ber wor ka ikor fenghe bong, mer mbo won yege irana ka Gentiles iyor ji won ba kogor nogor baga ndege.⁴⁸Na Gentiles iyogor ntingha, mbor fonor uyebitem fenghe tek alom Ntol. Na mbor feb ba mbor yege bor tom ikpen nti ika kpelor ikukulor, itamor. ⁴⁹Alom Ishor ijene ngho ibogor fonor waa.⁵⁰Aneb jews iba shem abangha amerr anabkal mba ikeplr ntama ne anepkol anepnom ngho ibugor fonor, mbe mbor kag atutu tugor Paul neh Barnabas fenghe cambor shaga ibugor bor. ⁵¹Ngha Paul ne Barnabas ibala ba kom ibubu ngho akpada bor, togor bor. Ngha mbor ba tum ngor ibugor Iconium. ⁵²Fefene ba tuntulor iroro ne uyebitem ne inonob ufu.

14¹Ibalaba ba jol ngor Iconium na Paul ne Barnabas, mbor ishi ibal-ibal iyelor ngor itaba ndor Jews, Mbor fenghe bong ngor mbarr nyi igom ane na feb bodo ne Jews ne Greek ibalor tama. ²Ngha Jews nya ika tama tugor iba, runghor ntem anep Gentiles, lam ntem bor ilol gara ne ba ngbayen bor.³Tep nor mbor jolor ngho rabi-ikede, yor bong ne ikor Ntol ne alungho gara na ayolor tap nfongho gara itom igrasha je. Alem nta nogor ayonor ne utanikor, nogor ilam ngor ubob Paul ne Barnabas. ⁴Anep ibugor fonor, ibaga atem, mbor mbagor iyor tama tugor Jews, mba gor ijol ka ba tuntulor,⁵Anep Gentiles ne aneb Jews bodo ne ba be bree bor, iba kana nogor mbor shap bor nfele afe mbor tob bor atal yol. ⁶Na mbor renghor ijom ja kpashere, mbor ba bok tom ngor Lycaonia igboro ibugor nji gor Lystra ne Derbe, ne abogor nya irerongho shebe kak, ⁷Ngor idi nji mbor kpelor yor toro annonob alom.⁸Ngor Lystra ifornor nenom nwereng nyor bemor ngor agbada ye, ikor kpele jol. Agbolo ubunor gbeb bgor ala nyen wer kabor ti tor je-jen. ⁹Nenom nya yogo Paul mer bong, Paul fenghe ne amerr ye kage ngho nobji mber akpe ntama nyi yebe lam anob. ¹⁰Ngha aba bong nene ngor ilom li kpo, Tum yeme ngor akpada ya, ngha nenom fornor bafeb tum yeme ba jen shebe.¹¹Igara nti igom ane ibe nyen ijom nji Paul be lame. Mbor yeb alom mbor yoro, yor ba bong ngor ibugor bor Lycaonia, ashor ibe ba ngor nfongho ane, fenghe yor ba top worr. ¹²Mbor kok Barnabas "Zeus" ne Paul "Hemes" Tep ne nan wer yor jolor Ntobishi ilom. ¹³Udim Zeus, wer ita aberr je ijolor, nya akum regor ibugor, akor ufong ba sher ngho ibo ikun, wer ne igom ane sheber nogor mbor yala nyala.¹⁴Ngor igara nti ntuntulor Barnabas ne Paul ibala ba yok, mbor ba yor abodo bor, tum karap ji yelngho igom bor, yor rer jok. ¹⁵Aneblom nan iwedor wun mer lam ijom ja? Wor fefene ane ba ne ijom njendegedege na wun. Wor ukpe won taga annonob alom, nogor won yaga abor ngor abaga nyangha, nya ika kpelor ifan ka Ishor ikpen, wer nji lamor ikun iborr ndege, alep ne ijom njendegedege nji ireror nebor. ¹⁶Ngor igara nti iber shang ngor njem. Ayaga abor ka farm waa, nogor lame ngor nya bor abarr.¹⁷Tepne nor ategem yaga ijiber abor ti fon ntenshe, ngho ntor alame anonob fene ka ilep ngorikun iborr ne ateng tenghe amogor te nnala ne urenor, fenghe ror itemta ne ijom lili ne uyebitem. ¹⁸Jol ne alom nya, ijolom kpereng nogor Paul bor ne Barnabas imali kpe fele igom ane ngor uyala nyala kabor.¹⁹Ngha ajews nyandege ngor Antioch ne Iconium yorr, yor ba kak igom ane ja ikor, mbor top Paul atal, fenghe tore yege shaga ibugor fonor, fenghe yor tobor mber akpor. ²⁰Tembaga na ba tuntulor iyermor ngho shebe kak, aba tum yeme, fenghe yel ngo ibugor njo. Ntem ufonfo aba tum ngor Derbe ne Barnabas.²¹Igara ti mbor ber toro alom ngha ibugor njor fenghe lam ba tuntulor feb, mbor fenghe bagor Lysta, tom ngor Iconium; ne ngor Antioch. ²²Mbor te kpell yol kaga anege ngor afu ba tontulor, fenghe kabor atunor norgor mbor shong mbik-bok ne ntama bor, yor bong, Wor uteba iyele ngor ikun iborr Ishor shengor akanya.²³Igara nti mbor ber yege ka bor anepkol ngor fel ikorbashi, fenghe jom ndor ne ubeme njal, mbor ba fenghe nebor ka Ntol, Ngor wer nji mbor ber tama. ²⁴Ngha mbor ba sheng ngor Pisidia, fenghe bagor pamphylia. ²⁵Igara nti mbor ber bong ilom ngor perga mbor ba tum itutulor-itutulor ngor Attalia. ²⁶Ngho mbor ba ta igbongho tom ngor ka igrasha Ishor, gara ngor ifangha nti na mbor ber lam mal.²⁷Igara nti mbor beh re ngor Antioch, ji kok ikorbashi konashi mbor ba toro abaga waa nya Ishor ber lem nebor, ne na aber reber mbo ntama ka anep Gentiles. ²⁸Mbor jol ne ba-tuntulor rap ikede.

15¹Aneblom mbandege ibayurr gor Judea jigor Antioch fengheh yikpele amgbayen bor, yor bong na; sheghem wunbu yangha ikpen tineh gara ibene Moses, wunim malba fonor nogor . ²Ntingha ibakor igoro ilam neh nrara baka Paul neh Banabas, ngor igarantor, Paul neh Banabas shumor anembadege nor igombor ijolor anemba mbor yigor bor jigor iborr Jerusalem yogor mgor ji top barogitome neh anebkol gum mbibeh nya.³Ngho ikukulor, ikorbashi iba tombor jigor Phoenicia neh Smaria fengheh yitoror nyangha Gentiles. Mbobakor igboro uyebitem baka bamgbayenbor wah. ⁴Igaranti mbor balor Jerusalem, ikobashi neh batontulor neh anebkol ibakabor abodo nya Ishor berlem nebor waa.⁵Ngho igarantor, aneblome mbandege mba itamor, mba ishumor gor igom aneb Pharisees, itumyeme bong, ililak inyor ameh yangha ibeneh bor fengheh kabor ikor norgor mbor bome ibene Moses. ⁶Fufeneh batotulor neh anebkol ibakonor ashi nor mbor breh gum ilamta.⁷Igaranti nrara dole beh shang, Peter batumyeme bong nebor, bamgbayen bama, wunyiyi mbeh ngor iteng tenghe igara ngor njim Ishor bongho ngho igom jineh mbeh aneb Gentiles iba yogo ibongishor ngor nyomama fenghe tama. ⁸Ishor, weh yilor item neh butoror kabor shengor nkaga inonob ufu, na alemor kawurr fufeneh. ⁹Alemum nyangha shaga wurr nemborr, igaranti itembor ibeh row shengor ntama.¹⁰Nghatiga nanor iwedorka wun meh yongho Ishor, nor wun tugor batontulor Ishor ngor imel nji banshubreh ne wurr ikamalor kpebe? Jolor ijolonor, ¹¹ukpe tama mbeh ibafonor nogor shengor igasha ntol Jesu, nam bor jolor.¹²Nrorr igomaneh fonor wah ibableh gbideh-gbideh yor rangha atong na Barbabas neh Paul imeh toror abodoya ibajolor neh atanikor Ishor nya ibeh jol ngor igom Gentiles shangho mbor.¹³Igaranti mborbeh bong mal, James bafangha, yor bong na, bamgbanyen bama rangha wun mer atong. ¹⁴Simon butoror na Ishor fonor mgbogor mbarr uyen imork Gentiles inyorji abayigeh ngho igomborr ngor mbeng yeh.¹⁵Alome bayeneh amirr ire gara nentigha, nanyonor. ¹⁶Igaranti abaganya ibeh sheng, mbafengheh kpeba topitaba David, njibeh gbor yel ndege; mbataba yeme fengheh kpeh joro idiyeh nya ibe rongjho. ¹⁷Inyorji aneblomba ibeshaga imalba shebeh Ntol Ada, bodo neh aneb Gentiles wah iyol kogo meh ngombeng yama. ¹⁸Ijomeji ntol bongho nji jingha, nyonor berlem abodor nya ireror kpebi-garanti¹⁹Tep nenor, mbuyangha item nor utikpeh ka aneb Gentiles ila mba jibeh legishor. ²⁰Fufenehbayonor tugor bor nombor tum shaga utama-tugor agbugburr te, uleme akpara, nenyam uyambi mbobeh bor jreh amel fenghe tum shaga aloem. ²¹Tep neh Moses butoror ngor felibugor kpeb gor imini imini fengheh kpeh toror ngor Synagogues felikorbashi.²²Ngho igarantor ibajol inonob kabatontulor Jesu neh anebkol bodo neh ikorbashi waa nombor Judas weyinor neh barsabas neh Silas, mba ijolor bamgbayen breh mbanebkol nombor tombor jigor Antioch bodo Paul neh Barnabas. ²³Kpeb gor idi batontulor Jesu neh anebkol bamgbayeng jreh mba Gentiles ngor Antioch.Syria neh Cilicia iyobayon laga gor abobor; Gafor.²⁴Tep neh ubu yoke mbeh aneblome mbandege ibujoke shaga wurr, nji akakolor nenreh fengheh kawunilam nembong nyiba shumor afuyeneh tugor. ²⁵Ibajol inonob kawurr, na ubeh fon item ntreng yigeh aneh fengheh tobor jigor idi anebikorr breh Brnabas neh Paul. ²⁶Aneblomba ibefen mkpen bor tep neh mbeng Ntol Jesu Christy wreh.²⁷Wurrubu tome Judas neh Silas, mba ibatoror abodon ya greh-deh-deh kawun ngor alome bor. ²⁸Ire inonob ka inonobufu fengheh kawurr ilamtika fulor dole shengm abodo nyangha nya ikpelor ifan. ²⁹Nor wun tun shaga abodo ngala aborn logote, along, abodo jreh amel neh uleme akpara. Jolor wun bomor ijibineh shaga abodo nya, ibanobor neneneh, shong wunifel.³⁰Igaranti mbor yagor bor abor, mbor fengheh tumgor Antioch, igaranti mborbeh kok igomaneh fonor konashi, mbor ka nyonor fonor. ³¹Igaranti mbor kogor nyonor fonor, mboba fon uyebitem tep neh nyamitem nyi mbofonor. ³²Judas, Silas, neh bayeneh amirr ibaka bamgbayen breh nyamitem neh alom feb fengheh kabor atunor.³³Igaranti mborbeh ronghor igara ibesheng ngho idifonor, mboba tombor tum ngor ikorr shaga bamgbayen bor. ³⁴Ililak inyor Silas ba jolor ngho³⁵Paul neh Banabas ijologor Antioch, yor kpele fengheh yor toror ilome Ada.³⁶Ngho igaranti atu nya ibeh sheng, Paul babong neh Banabas,nogu ukuror nghatigafengheh jigor idi bamgbayen jreh ngor felibugor idi utoror alome Ada fenghe yena mbor reror. ³⁷Barbabas sheb fufeneh neh John tonor bor weh nyinor neh mark. ³⁸Paul batobor mbeh inobum nor mbor tap Mark tonobor weh tumobor shaga gor Pamphylia fengm kpeh lemifangha nebor jigor mbok.³⁹Ngho igarantor, nrara bajol nadole, tep nenor mboba yerb shaga atem, Barnabae batap Mark tum neneh, fengheh tabeh tumgor cupaus. ⁴⁰Paul bayigeh Silas tum, igaranti abeh fengheh neh ibagah fonor kag Ishor ngho Ubor nti bamgbayen ikaleh. ⁴¹Abatum jen sgengor Syria neh Cillicia, yorkag akorboshi atunor.

16¹Fufene Paul balagor Derbe neh ngor Lystra, igarantor, ntondulor Jesu nyondege wehnyinor neh Timothy monenkal Jew weh fonor ne Greek. ²Bamgbayen beh mba ijolor gor Lystra neh Iconium iba bong dole gumeh. ³Paul shebe nogor atum nene, aba tabeh tum fenghe yiyanghe ikpen tep ne aneb Jews mbaijolor ngho adiyangho tep neh mboyileh waa nandeh jolor ne Greek.⁴Nambor yolor jen shengor abugor, mbor yol jene shengor mbeneyi batondulor neh anebkol mba ijolor gor Jerusalem inyonor nombor bome. ⁵Fufene, akorbashi ifonatunor fengheh yor rorr fel ufomfo ngor mfala.⁶Paul ne anebeh ibatum jen shengor abonabugor Phrygia ne Galatia, tep ne na ininob ufu ilome ngor ibugor Asia. ⁷Igaranti mbor beh jen kulor Mysia, mboba kana nombor tumgor ateng ibugor Bithynia, ngho ufu Jesu iba bam bor. ⁸Mbor yol shenghe gor Mysia tumgor ibugor Troas.⁹Uyeneh amirr iyurr batop Paul neh atu: Nenom Macedonia yeme ngho idinjor, yor gorre fenghe yor bong bagor Macedonia nor aba kak wurr ubor. ¹⁰Igara nti paul nyenor uyeneh amirr fonor, usheb nor utum gor Macedonia ngho idulor idulor, yitoror na Ishor be wurr kok noguyi toror alom Ishor kabor.¹¹Ngor ikukulor, uba yel nshugukang ngor Troas, tum de-de-de gor Samothrace, ngor njim fomfo, uba yurr jigor Neapolis. ¹²Gbeb ngho uba tum ngor Philipi, nji ireror igboro ibugor Macedonia, igboro ibugor nji kpelor ifan bebabe ngor mkpa ibugor fonor neh mkpa ibugor Roman, ufenghe jol ngho ibugor fonor ngor atu feb. ¹³Ngor atu ikorbashi, uba tum jokidigbole mbobikorbashi shengor mkpa aya, ngor idi utobor mbeh idi ndor ibajolor. Uba bimeh fenghe bong ka anebkal mba ibeba konor ashi.¹⁴Nenkal nyondege weh nyinor ne Lydia, ngoro abomor nya ikpelor abubiri ne abebele ayonor shumor idijreng ngor igboro ibugor Thyratira, weh tigor Ishor rangha wurr atong. Ntol ba ribeh item teh nor afon ukono nterr ka ijomji Paul bongho. ¹⁵Ngho igarantor, weh ne itek jeh iwuror alib, aba bong fenghe yor goror wurr, jolor abemeh lam na nenyor kpelor ntama ka Ada, ba nor abajol gor itek jama. Ngho igarantor, aba bong mbong uyebeh nyor nenireh.¹⁶Ifenghe ba jol mbeh na utumor gor idi ndor, njo mon nenkal nyondege weh fonor ufu uyeneh amirr bawana wurr.Akor nshele bakabojifa dole. ¹⁷Nenkal wengha tonor wurr neh Paul yor bong, Aneblom mba ba rogitom Ishor nji reror gor iborr ba. Mbor batoror mbarr nogor kawun. ¹⁸Aleme ntingha ngho atuu feb. Ngho, aba lem item ibayam Paul item na dole, fenghe shibeh bong neh ufu fonor, mbaka ikor ngor mbeng Jesu Christy nor ajol shageh. fufene aba jok ngho igarantor pii.¹⁹Igaranti anebkol beh inyenor mbeh nshele ukono nterr bor butum shaga bor, mboba tap Paul ne Silas fenghe shimbor kagor idi areh ngor mbok ikor anebkol. ²⁰Igaranti mbor kolobor jigor idi anebkol balamilam mbor bong, aneblom ba ikpi kaga ibugor jreh ilam. mbor aneb Jews ba. ²¹Mbor toror mbeneh uyika kpelor ibene ka aneb Romans nor mbor tama afi fenghe lem.²²Ngho igarantor, igom ane fonoriba tum yeme mgbel yreng tendugor Paul neh Silas, anebkol balamalam iyarr awuror bor fenghe kabor ikorr mbor dubor neh aligeh ikongho. ²³Igaranti mbor bebor tobe agba feb, mbor ba ror bor kak gor mgbagorbor fenghe ka ngomgomoe ikor nor mbor gome bor kpeh-kpeh. ²⁴Igaranti abeh fonikor nta, ngomgomoe fonor barobor kagor ateng mgbagobor fenghe gbabor akpaga laga gor akikibeh ite njikpelor abangha.²⁵Ngho igara ikankan atu Paul neh Slias iyor jomor ndor fenghe yor tomabem tugor Ishor, aneb agbagorbor fenghe yorangha bor aton. ²⁶Irabum ikede, igboro mfing ibajol ngho idi fonor, tep neh nor abomtulor itaba mgbagobor fonor waa iribeh ngho idulor-idulor, mgbagobor fel nenyondendege mgbagobor yeh fonghor.²⁷Ngomgomoe fonor nyimeh gor ilor yen abo itaba mgbagobor ibeh ribeh. Aba durr ntumor yi fenghe sheb nor ayol ijibeh, tep neh atobor mbeh aneb mgbagobor fonor ibu weleh jok. ²⁸Paul baran ne igboro ilome, yor bong, kayole ijiba, tep neh ure ngha wurr waa.²⁹Ngomgomoe aneb mgbagobor fornor tobo yel gor aten neh irana, fenghe fon ubol gbor nongho gor mbok Paul neh Silas. ³⁰Fenghe yigeh bor joke fenghe bong, bada, bajom mba leme fon nogor? ³¹Mbor ba fanghe, fontama ka Ntol Jesu, aba fonor nogor, wor neh anebitek ba.³²Mbor ba bong ilom Ntol ka-eh neh nendendege ngho itek jeh. ³³Ngho igarantor, nenkol idi mgbagobor fonor tabor ngor igara atumreng fenghe row ajombor, weh neh anemba ijolor gor itek jeh waa iwuror alib idulor-idulor. ³⁴Igaranti atabor Paul neh Silas jogor itek jeh fenghe bombor ijom lili gor ata, aba fon igboro uyebitem neh anembba ijolor itek jeh, na abeh tama tugor Ishor.³⁵Ngha ntiga, igaranti idi banghor, anebkol balamilam itome ilomibong tugor bagomgomoe, yor bong, nor aneblom ba ishong. ³⁶Ngomgomoe fonor batoro alom ka Paul, nya ibonghor na; anebkol balamilam ibutom ibong tugor meh nor nyaka ashong. Joke ngha ntiga, nor ashong tereh.³⁷Fufene Paul bong nebor, Mbor dulor wurr gbole mbor lamum wurr, jolor ijolor mbeh wurr aneb Romans ba, fenghe ror wurr kagor mgbagobor. Ngha ntiga mbor kpi shebeh nor mbor tome wurr tum ugbulu-gbulor? Aba ten mbeh mbor ba nending nor mbor batab wurr joke. ³⁸Ba gomgomoe fonor itoro mbong nya ka anebkol balamilam, ngho igarantor fufene, mbor yoke mbeh Paul neh Silas ijolor aneb Romans, uboliba fele bor. ³⁹Anebkol balamilam fonor iba yurr ba yor goror bor fenghe yigeh bor joke, fenghe yor tak bor nor mbor joke shaga ibugor fonor.⁴⁰Paul mbone Silas iba tum shaga itaba mgbogobor fonor fenghe bagor itek Lydia. Igaranti Paul ne Silas iyenor ba mgbayen bor, mbor bakak bor nyamitem fenghe tum ibugor fonor shaga.

17¹Igaranti mbobeh shengor abugor Amphipolis neh Apollonia, mbor jigor ibugor Thessalonica, ngor Synagogue ibugor aneb Jews ijolor. ²Paul, na ibeneh teh ijolor, yurr ji tobbor nor mbor tobor alom Ishor nebor ngor atu ikorbashi ira.³Ayor ribeh nwerr alom Ishor fenghe yor toro mbehinonob inyor Jesu meyen akanya fenghe kpeh nyimeh gor iku. Aba bong; Jesu wemeh toror kawun ngha yoreror Christy. ⁴Mbor werr aneb Jews mbandege nor mbor torb Paul neh Silas, bodo neh igboro igom batuntunor aneb Greeks, nenwereng jolim ngor anebkol anebkal.⁵Fufene, aneb Jews mba ikajolor aneb ntama, mba itumor neh uligala, itap abebe aneblom mbandege ngor idi ara, kok igomaneh konashi fenghe lemibugor ifon nshumor tugor. Mbor yol ronghor itek Jason, yor sheb nor mbor yigeh Paul neh Silas jogidi gbole kaneh fonor. ⁶Fufene igaranti mbor kayenor bor, mboba trurr Jason neh agbayenbeh mbandege ngor ushimirr anebkol ibugor fonor yor bong, Aneblom mba ibeh shebeh mfam kugor ibalangha fufene. ⁷Aneblom fonor mba Jason kolobor iyolim tama tugor mbene Caeser; mbor bong mbeh Ntol yindege renghor-Jesu.⁸Mbor ka igomaneh fonor ilam neh anebkol ibugor fonor mba iyogor abodonya. ⁹Igaranti mbor beh kor ikor ngor idi Jason nembagor, mboba yagabor abor mbor tum.¹⁰Ngho atumangho bamgbayen bor itom Paul neh Sila jigor Bera. Igaranti mbor riror ngho, mbor ba yelgor ateng Synagogue ibugor aneb Jews. ¹¹Anembangha ntiga ifonifon dole shenghe mbagor Thessalonica, tep neh mbor kolor ilom fonor nentembor waa, yor jan alom Ishor felufonfo nor mbor yen jolor abodo nya ijolor nor. ¹²Ngor ikukulor jeh mbor febitama, fufene neh anebkal Greek mba ikpelor uyebeh nyor mbandege neh aneblom feb.¹³Igaranti aneb Jews, ibugor Thessalonica iyilor mbeh Paul yolba toror alom Ishor ngor Berea fufene, mbor yurr jinghor idifonor neghe igomaneh fonor fenghe ka bor ilam. ¹⁴Ngho idulor idulor, bamgbyen beh fonor ibatome Paul nogor ajigor agboro aya. Fufene Paul neh Timothy iba shaga nghor. ¹⁵Anemba iyolor mgbogombarr ka Paul ibatabeh tum feh na ibugor Anthens ngha. Nambor tumor Paul shaga ngho, aba kabor itom tugor Silas neh Timothy nombor batobeh bababa konigara.¹⁶Na Paul yoloyor shek bor ngor Athens, abafon uyamitem ngho ufu beh nayenor ibugor fonor ireror neh abornlogorte. ¹⁷Ngho igarantor, atobor felufomfo ngor Synagogue neh aneb Jews, neh mbagorjomba itigor Ishor bodo neh mba ijolor gor idi arre.¹⁸Fufene, aneb Epicurean mbandege neh atuntunor batobor ntorbor iba waneh. Mbandege iba bong ba-ijom nenyor mbong yeh iyor jek nyogo mersheb abonghe? Mbandege iba bong, akpi fonghor nenyor yor kok ane nor mbor tenor ashor mfamfe, tep ne ayol toror alom gum Jesu ne nyime jogidi gbole.²¹¹⁹or tap Paul fenghe ko-eh bagor Areopagus, yor bong, umalba nyigeh mkpele mfemfeh nyi ayoloyor bonghor.? ²⁰Tep neh abu kor abodo mfemfe baka wurr gor atong. Tep neh nor ukpi shebe nor unyi na abodo nya ijogor. ²¹Nghatiga aneb Athens waa neh ajeneh mba inenor ngho ironghor igara bor ngor ijom jom mbor fenghe yor toror afi yor yake gum ijomfemfe.²²Ngho igarantor Paul yeme gor iteng tenghe Areopagus fenghe bong, wun aneblom Anthens, mbuyen nawun reror anebakorbashi ngor mbarr nyidendege. ²³Tep neh nshenghe yen abodo ntigeh yineh, nyeneh itaba neh iyonor njingha. "Ka Ishor nji uka yileh. Nghatiga baijom wun metik ugbulu gbulu, ntoror ntingha Kawun.²⁴Ishor ji lemor mfan neh ijomjindendege ngor ateng, tep neh weyor reror Ntolikun iborr nendege yom nenegor adinyala nya itobor neh abor. ²⁵Afi jol mbeh abor aneb ika-eh na ameh sheb ijomjinden-dege ngha, tep neh wefonor yoyor ka ane ikpen, iyor neh felijom njindendege.²⁶Kpeb gor nenwereng, alem ibugor neh aneh nombor neneh gor ushimirr ndege igaranti mbobeh yigeh Igarabor fenghe yigeh ikum adinya mboba neneh. ²⁷Inyor ji mboba jangha Ishor mkpel yindege fenghe fontobor jang mbarr bor jidijeh fenghe janghe. Jolijolor nor, arem feh shaga felne kawurr.²⁸Tep ne uyor nene ngho ngopji yeh jeng fenghe jol newreh, nanyonor abem wineh nyondege bongho, tep ne wurr aborn beba fufene. ²⁹Tep nena ureror aborn Ishor ilagim inyor umeh tobor na ukumor arong kabodo na gold, afi Silver afi utal mbi nrigeh utal beri ngor mfongho negor ntobor neh na inobor.³⁰Ishor babreh igara fonor na akayilor ijom jom ngha, nghatiga abu ikaneh ikor gor felidi waa nombor yangha. ³¹Ntingha ire tep neh abu bomufomfo mbi abalama mfan ngor itembaga jengor nenyor abeh yigeh. Ishor buka ikor gum nenom wengha ka felne shengor nayimeh gor iku.³²Igaranti aneblom Anthens iyogor gum uyimeh anemba ibekpor gor iku, Mbandege iyol Paul, mbandege fenghe yor bong, ukpe yaba rangha atong gum ilamta. ³³Igaranti ntigha ibeh sheng, Paul batumbor shaga. ³⁴Aneblom mbandege ibatama tugeh fufene bodo neh Dionysius ne Areopagite, nenkal weh yinoneh Damaris nembagor fufene.

18¹Igaranti abodonya ibesheng, Paul batum shaga Athens fengheh tumgor Corith. ²Ngho, abawana ne Jew weh nyinor neh Aquila, monibugor Pontus, weh torkpelor yuror gor Italy neh nkaleh Priscilla, tep neh Claudius buka ikor nor aneb Jews waa itum shaga Rome. Paul batum ji tobbor. ³Tep ne abu lem igbid ifangha ntor, ajolor nebor feng lemifangha tep mbor jolor baleme atitek na ubobi fangha⁴Igarantor, Paul yor tobor felikorbashi ngor synagogue, yor kana nor abong ka aneb Jews ne aneb Greeks. ⁵Ngho igarantor Silas ne Timothy iba yurr gor Macedonia ba, Paul bafengheh neh ijibeh kagor alome, yor toror kaneb Jews na Jesu jolor Christy. ⁶Fufeneh, igaranti aneb Jews itenor fenghe yor to-eh, Paul banenghe iwuror jeh tep bor fenghe bong nebor nor along mineh ijol ngho ashi yineh. Menre gbole. Kpeb nghantiga shong nyor ba jigeh gor idi aneb Gentiles.⁷Ngho igarantor aba tumbor shaga ngho idinjor fengheh tumgor itek Titus Justus, nenom weh tigor ishor. Itek jeh ijolor kulor synagogue. ⁸Crispus, nenkol synagogue fonor tamatugor Ada neh anebitek beh waa neh aneb Corithians feb mba iyogor gum iyom fonor itama fengheh wuror alip.⁹Ada babong ne Paul ne atu ngho nremeh, bong kabeh afi jol kpideh kpideh. ¹⁰Tep neh nre nena, fufeneh neneh nimyaba kagilam, tep neh mkpe ane feb ngha ibugor nja. ¹¹Paul nene ngho idi fonor ngor ira ntreng ne amerr arara, yor kpele idomishor ngor igom borr.¹²Fufeneh, igaranti Gallio jolor ntobishi Achaia, aneb Jews ibatum yemeh ne item treng ten Paul fenghe ko-eh jiyeme gor mbok ite Lamilam, ¹³Mbor bong. Nenom wengha yor leb ane normbor tamatugor Ishor nji kareror gara ibeneh.¹⁴Igaranti Paul yagor bong Gallio babong aneb Jews, wun aneb Jews, kin mbeh ijolor ibaganji ikakonor afi ijol ishashab nleme iyolnob nor ulem wunakang. ¹⁵Na ireror mbeh nyangha mbibeh yi gum alome, abeng ne ibene tineh wunabafonor toror wuneh ijibineh. Nimor sheb nor njol nlamilam kalam nya.¹⁶Gallio balem bor mbor tum shaga ite Lamilam. ¹⁷Mbor waa ibob Sosthens, ntol Synagogue tara fengheh du-eh ngor mboke ite lamilam. Fufenebeh, ilangm Gallio ijomji mbor Lemor.¹⁸Igaranti Paul beh neneh ngho idinjor ngor atuu dole ibe-sheng mboba tum bamgbayen bor shaga fengheh shenor aya tumgor Syria ne Priscilla ne Acquila. Nor akum tum idi ashugukang iyolashaga, cenchrea, aba kpotishijeh tep ne ukooyor mbi afonor. ¹⁹Igaranti mbor jilorgor Ephesus, Paul tum Priscilla ne Acquila shaga ngho, wefonor fengheh tumgor Synagogue yistobor ne aneb Jews.²⁰Igaranti mbor tagor Paul mbeh ajolgor irabgbon igara, aten. ²¹Na atumorbor shaga, aba bong, mkpeh bafengheh batop wun, jolor ijolor ntobishor. Aba tum shaga Ephesus.²²Igaranti Paul belomogor Caesarea, atumi iborr yikak ikorbashi Jerusalem nyor fengheh, fenghe bandege tun gor Antioch. ²³Igaranti abeh ronghor igara ngho ibesheng, Paul batum fenghe shengor akan tegela Galatia neh Phrygia yika batondulor beh waa atunor²⁴Nghantiga ne Jew nyondege weh nyinor neh Apollos, weh mbobeleh gor Alexandria ba yurr bagor Ephesus. Ajolor inonob mbonghi bong fengheh fu dole gor alomishor. ²⁵Apollo fonor mkpele naba kpele mkpele gum Ada. Na atunor gor ufu, aba bong fengheh kpele greh deh deh abodonya ireror gum Jesu, fengheh yi uwuror alip John nenting. ²⁶Apollo ba kpeb mbong gbole gor Synagogue. Fufeneh igaranti Priscilla ne Aquila iyogeh, mboba tabeb fenghugbangha yitoror mbarr ishor ka-eh kpeh kpeh.²⁷Igaranti ashebor nor asheng tumgor Achaia, bangbayen ibaka-eh nyamitem fengheh yon tutor batondulor gor Achaia nombor ko-eh.Igaranti alomor, abakak anemba itamor shengor igrasha ubor dole. ²⁸Apollos nror borgor ikor nor mbobong gor igomaneh, itebe gor alomishor mbeh Jesu yoreror Christy.

19¹Ibala joil nghor Igaranti Apollos jolor gor Corinth, Paul sheng ngor ubugor yagor fengheh bagor igboro iugor Ephesus, fengheh yen batontulor mbandege ngho. ²Paul babong nebor, wun fufon inonbufu igaranti wun tamor? Mbor baten fengheh bong, uyogim gum inonobufu.³Paul bong nebor ba iyome wun wuror alip? Mbor bafanga, ngor ateng uwuror alip John ⁴Paul bafabgha bor fufeneh, uwuror alip nyangha shaga abebe ji John wuror. Abatak ane fonor mbeh mbor tama tugor nenyor babaga ngor njim yeh, ntingho ijogo mbeh wun tama tugor Jesu.⁵Igaranti ane fonor ijogor ntingha mbo wuror alip ngor mbeng Ada Jesu. ⁶Igaranti Paul konor bor abor yeh, inonobufu iyurr ba konobor, mbor fengheh yor bongor alome abugor nyagor, yor toror mbong uyene amirr fufeneh.⁷ Mbor jolor igole neh aneblome ishibal waa.⁸Paul batum yel Synagogue fengheh yibong neh utunu item ngor amerr yor tobor fenngheh yor tak bor gum ukuniborr ishorr. ⁹Aneb Jews mbandege ifonim nkaga fengheh fon itumtunor ntem, ngho igarantor, mbor kpeb yor bong ishashab gum mbarr fonor ngor ushimirr igomaneh. Paul batab batontulor beh fengheh tumbor shaga, yor tobor nebor felufomfo ngor itaba mkpele Tyrannus. ¹⁰Ntingha ibajol nininor lomo nda ibal inyor nji anembainenoe gor Asia waa iba yogo ibong Ada., aneb Jew sumor ne Greek.¹¹Ishor yoleme igboro mfangha ijeh jeh shengor ngopji Paul. ¹²Inyor nji jou idiku ne iwuror nji ibekulor, mbor tab ka ne ayam. abebeh ufie ijogbor shangah. Itum shaga bor, ashasha afu ijok shagabor fufeneh .¹³Ijolor aneb Jewish mba iyor kamabebe shaga ngopji iyolor jen shenghor idi fonor. Mbobo kok mbeng Ada Jesu injor mboba fonikor kashashab afu igaranti mbor bonghor, shenghor Jesu fonor weh Paul yor toror mbaka ikor nogor ajok. ¹⁴Ntol adim Jewish fonor weh mbeng yeh jolot sceva fonor abon aneblom arimini mba iyolor lem ntingha.¹⁵Ishashab ufu ibafangha bor, nyi yi Jesu neh Paul, wor baneh fufeneh? ¹⁶Ishashab ufu ngor ngopji nenom fonor ikpeh yor ka anefonor ilam fengheh fonikor shenghe bor fengheh dubor iburr. Ngho igarantor mboba toboh shanga itaba fonor atatah fengheh lemajom. ¹⁷Aneb Greek neh Jew mba inenor gor Ephesus ibangyi ntingha waa. Mboba fon igboro ubol. fengheh fon nkaga ka mbeng Ada Jesu.¹⁸Fufeneh aneb ntama feb iba toror abebe nya mbor beh lem waa. ¹⁹Aneh feb mba iyolor lem abodo aberr ikor awerr bor bom idijreng, kak ngon ngor amirr ane waa. Igaranti mbor falor ifanti mbor kpelor, ijolor abonga jarr mbabawa ikongho atilabal neh igole. ²⁰Ngor ikukulor ilom ada inyangha kpang ngor atuntinor abarr.²¹Igaranti Paul beh malifangha teh gor Ephesus, abatobor gor ufu nor asheng gor Macedonia neh Achaia ngor mbarr yeh tum Jerusalem abong, igaranti mbeh lomonghor, ntegeba yeneh Rome fufeneh.²² Paul batome mba itameh itome tumgor Macedonia, Timothy neh Erastus. Wefonor fengheh jol ngho Asia ngor monigara tekeh.²³Ngho igarantor ukakilam mbindendege ijolim gor Ephesus gara mbarr fonor. ²⁴Umurugbeh mbindege weh nyinor neh Demetrius, weh kobor mbabara ikongho nyor abonlogorte Artemis gor areh baka nrigeh abonlogorte fonor. ²⁵Aba kok aneb mfangha fonor konashi fengheh bong, Aneblome wunyiyi mbeh ngha ifanghanta ayor lemayerr dole.²⁶Wunyiyen fengheh yoke ngor Ephesus nenting shangs fufereh ngor akpa Asi nyandege waa Paul nja butoror aye yeb mbong fengheh jibeh ane feb amirr. Akpi bongho mbeh asor nya abor ilemor ashor shong. ²⁷Wurr neneting shang ibebe ireror gor ifangha treh nor ijol mbeh mbor tikpeh sheb fufeneh itaba igboro abonashor Artemis inim kpeba fonifan. Ngho igarantor afufugor yeh ibatana fufeneh, wenji ibugor Asia nah mfam waa yor tigeh.²⁸Igaranti mbor yogor nta, mboba rorr neh uyamitem fengheh rerr joke, yor bong igboro Artemis Ephesians. ²⁹Ibugor fonor waa iba rorr neh nshumotugor ane fonor ifengheh tobo yel gor itaba abodo abirr bor-mbor borb anemba iyor jen neh Paul tara, Gaius neh Aristarehus, mba iyuror gor Macedonia.³⁰Paul shebeh nor ayel gor igomaneh fonor batondulor beh iten.³¹ Fufeneh anebkol ibugor Asia mbandege mba ijolor atermbeh itomitome tugor nor ati yor goreh noradi yel ngho itaba fonor. ³²Anembandege iyol rana ijome jring, mbandege njugor tep neh nor njumu tugor bajol ngho igomaneh fonor. Aneh feb iyililm na iwedonka mbor beba konashi.³³Igom bandege ilegeh Alexander, weh aneb Jews iyolor shimeh mgbombarr. Fufebeh, Alexander babong neh ubobeh, yor sheb nor aneb fonor. ³⁴Igaranti mbor kunor mbeh ajolor-ne Jews mbor waa irerr jok ne ilome ntring ngor nkarinka ibal yor bong igborr Artemis Ephesians.³⁵Igaranti mbreh ane be bileh igomaneh fonor iyork, ababong wun aneblome Ephesus, banenom reror ngho weh kayi lor mbeh ibugor aneb Ephesians itaba ji yor bome igboro Artemis neh mfonghor yi yuror gor iborr bandege ji?³⁶ Nyene nyi ameh yen na abodonya nanterneh kareror, ililak inyor aeh bleh, kalem ijom jom nji ishabor. ³⁷Tep ne wor yor akolor aneblomba bangha itaba-Lamilam njingha mba ireror atabakor bashi ikuniborr afi baronghor abornashor mbeng.³⁸Ngor ikukulor, jolor Demetrius neh aneblom barigeh aborn logorte mba ireror neneh ikpamumala gum nenwreng nyondege, ataba lamilam inong fong anebkol balamilam ire ngho. Nombor kfamumala gumijibor.³⁹ Fufeneh jolor ameh sheb jindendege gum alam nyagor, uba toror gor ibumbumeh njiba jolor gor mbok. ⁴⁰Tep ne ure igboro ilam ngor ikpamumala gara ufomfobilam ilella. Ijom jome irem nji iwedoka nshumor tugor nya kum jol, unimalba toror gum.⁴¹ Igaranti abongho bong nta, abayaga anefonor abor

20¹Igaranti iyork fonor ibeh mal, Paul batom tugor batontulor beh fengheh kabor nyamitem, abakak bor nyor fengheh tum ngor Macedonia. ²Igaranti abeh jen shengor abugor nya waa fengheh bong alom kaga nyamitem kabor, aba tum gor Greece. ³Igaranti abejol ngho lomo amirr ara, aneb Jews iba lam gumeh na ashebornor atum ngor Syria, aba yangha item fengheh jen gor Mecedonia.⁴Anemba itoneh jigor feh na Asia ireror ijolor Sopater monenom Pyrrrhus ngor Berea; Aristarchus ne Secundus, mbor waa iyurr gor aneb ntama Thessalonian, Gaius ne Derde; Timothy; neh Tychicus neh Trophimus mba iyuor gor Asia. ⁵Anemba igbolor mbarr ka wurr fengheh yor ji shek wurr gor Troas. ⁶Uba tum shaga Philippi ngor igara atu abodo leme nshege ibeh sheng,ngor atu aron uba tum ngor Troas. Mbobajol ngor atu arimini.⁷Mgbogormbarr ufomfo ngor irideh, igaranti ubeh konashi nor ubun shegeh fonor, Paul babong ne aneb ntama. Ayolama nor atum gor njim fomfo, ngho igarantor aba fele mkpele yeh rabgong teh teh teh lomo itemteme atu. ⁸Atrikang feb ijolor ngho itabiborr idi ukonashi.⁹Njankon nenom weh yinor neh Eutychus, fengheh gbor igboro ilor bumu ngho iwindow. Paul ba bong rabikede, njangkon nenom wengha tekpeyor lal, foror gor gor itaba njigalor mkpelira bagbor ndege. Mbor fengheh tabeh nkuneh. ¹⁰Fufeneh Paul bafengheh bandege, tineh ijibeh kpa kpa kpa nongheh ngho iborr, fengheh wubeh kak. Ababong ngho igarantor, kakpeh fon uyamitem, tep ne aray ikpen.¹¹Ngho igarantor, aba fengheh tumiborr itaba fonor yibun nshege li. Igaranti abongho nebor rabikede.lomor njimfonfo aba tum. ¹²Mbor ba fengheh neh monfonor ba areror ikpen fengheh kageh igboro nyamitem.¹³Uba tum gbor mbarr ka Paul ngor nshugukang fengheh tum gor Assos ngor idi ubeh lam nor utab Paul ngho mbarr. Nti wefonor shebor nor ashengor mbarr yomo yomo. ¹⁴Igaranti akonor wurr gor Assos, uba taba kagor nshugukang tumgor Mitylene.¹⁵Ubatum ngho fenghe lomo njimfomfo ngor idinji iwanor abok ne idinji alip ishibor kak ngor Chios. Ngor njimfomfo uba lomo gor Samos, ibugor nji alip ishebor kak, igaranti ufomfo mbreng ishengho, ubatum gor ibugor Miletus. ¹⁶Tep ne Paul buyangha item nor ahengor Ephesus, inyor nji atiba rongho igara ndindendege gor Asia; tep ne ayol kpideh nor ajol gor Jerusalem tep ne ufomfo Pentecost, kin mbeh ijolor kpereng ka-eh nor alem wa-a nor.¹⁷Aba tomaneh ngor Miletus jigor Ephesus nor mbor yikok anebkol ikorbashi baka-eh. ¹⁸Igaranti mbobalor, ababong nebor, wun nyiyi wun bafonor, kpeb gor mgbombarr ufomfo mbi ntobor ikpada jama ngho Asia, nanyor fonigara nenineh feligara. ¹⁹Nteyor gboror arungha rung yor tik Ada ne abibi ne nyongho nyijolor nenama tep ne ishashab nlama aneb Jews. ²⁰Wun yiyi nanka shelor titoror kawun ijome jindendege nji ifonor ifan, nena mkpele wun ngor igomaneh fengheh jen felitek felitek, ²¹Yor yongho aneb Jew shumor ne aneb Greek gum nyangha jidishor ne ntama tugor Ntol Jesu wreh.²²Breh, ngha ntiga, mferr gor Jerusalem, ufu imeh nurror, ijomeji ibajolor gor nenama nyim, ²³shenghim mbeh inonobufu ibumeh tak ngor felibugor nji agbagobor ne ayam inongho mermer shek. ²⁴Ngho, nimor tabikpen tama na ikpelor ifan kamerfonor, kinbeh malba mala abil fonor fengheh mal ikorbashi nji nkolor gor idi Ntol Jesu nor ntoror alomigrasha Ishor.²⁵Ngha ntiga breh wun, nyiyi meneh wun wa-a bodo nemba njenor nebor shibeh yor torror alom ukuniborr, inim kpeba yeneh ushimirr bama. ²⁶Ngor ikukulor mkpi toror kawun ngha ufomfu mbingha, meneh nyimgum aloeng nenom nyondegendege. ²⁷Tep ne nshelim titoror ntorbishor kawun wa-a.²⁸Ngor ikukulor kono wun ijibineh nterr ne unono nterr gum uboelmbi inonobufu ibeh wun yigeh naba bibreh. Fonukono nterr nor abreh ikorbashi Ishor, nji agonor ne aloeng meh. ²⁹Nyiyi meneh igaranti mbeh tum, abebe uyam ibabaka ngho igom jineh mbor nim tege bayaga uboel fonor abor. ³⁰Nyiyi meneh jol lor igom jineh aneblom mbandege iba tumor yeme fengheh bong ishashab mbong inyor nji mbor bawama batontulor iyor tonor bor.³¹Tep ne nor jol wun ngor ngomo. Borrowun mbeh ngor nda ira ntegim yagabor tiyor tak fel ne ngho igom jineh ne abibi atu nenjol. ³²Nghantiga mbuwun tap ka Ishor ne ilom igrasha teh, ntikpelor ikor bawuni kaka atunor fengheh kawunabodo ngho igomaneh mba ibeh joro ijibor wa-a.³³Nkatap Silver, igold afi awuror nenom nyondendege. ³⁴Wun yiyi wunaba fonor mbeh abor nya ibumeh kabodo nya meh she ne nshebeh anemba ijolor nenama. ³⁵Ngor abodo wa-a, mbu wun ka mfongho na ilagor inyor wun meh kak anemba ikakpelor ikor ubor shengor ulemifangha, nena ilagor inyor wun meh boro gum alomNtol Jesu. Mbong nyi werfonor bongho: inonob iyor jol gor nkaga dole shenghe gor nkorgor.³⁶Igaranti abeh bongha mbarr nya ibeh sheng, aba kumor arong ngor ndege jormndor nebor wa-a. ³⁷Arerr iba jol dole fengheh woep Paul kak yor kuleh ayor ngor nterm nyor. ³⁸Mbor fonim uyebitem tenghe gbok wa-a tep ne ijomji abongho, mbeh mbor nim tege kpeba yeneh ushimirr beh. Ngho igarantor, mborba tugeh jigor idi nshugukang.

21¹Nna utumor bor shaga gbeb ijen; uba tum rigor ibugor cos, ntem ifonfo uri ibugor Rhodes, ufenghe tum rigor ibugor patara.² Nji uyeno nshugukang mme sheng feror Phoenicia, ubaga sheng rigor ji gbeb ijen.³Nna uyeno Cyprus, ushengor ri ngor nkpa ubobkal ugbang nyegor, uba feng rigor Syria ji yeme ngor Tyre, ngor idi nshugukang yor rabar nshol. ⁴Nna uyenor ba tontulobe, uba jol nghor atu arimini. Mbor fenghe sheng ngho inobob ufu lem Paul nogor atijigor Jerusalem.⁵Igaranti atuyere imoror, ubatum iyere mbarr, nebowar ne akalbor, ne aborn itonowurr jok shaga ibugor fonor ufenghe kumo arung jom ndok ngor nkpa alep⁶ fenghe ta-atem shung ifel. wurr uenghe bayel nshugukang. mbor mbor fenghe fenghe tum ibugobor⁷Igaranti ubalo ba mal irab-gbon ijen ntingho alep ujuro ngor Tyre, ubarigor ptolemais. Nghor uba kak ba rigbayen mba aneblom fenghe jol nebor ufonfo mberreng. ⁸Ntem ufofu ubatum rigor Caesarea. Uba yel ngor itek Philip, ntoro alom ishor, ngo jolor igbobolo anne arimini, jijol nene. ⁹Ngha ntega nenorm nya fonor abora anebical ani mba iyeno¹⁰Nna ubalor bajol ngho gor aborn atuu nyenamerr ishor nyondege nyor mbor koge nne Agabus, bar yurr ngor Judea ba. ¹¹Abatob wurr fenghe batab igbanu Paul. Abakor igbanu fonor gba ijibe ngor akpada nne abor" fenghe bong nna, mbe nayor ufubishor ibonghor, mbe nayor aneb Jews mba irerogor Jerusalem ibagbaga nnenom nyo kpelo igbanu nja; fenghe yageh abor ka aneb Gentile"¹²Nji uyogor abaga fonor, wurr nne mba inenongho idifonor ubagoror Paul wurareh atikpe ji gor Jerusalem. ¹³Yor Paul bafangha, "Jenji wunmeh lem, ngyor fababibi fenghe yor feleh item tama runghor? Ngha meh belok ngobji mbor timeh gbegba, mbobaga yol meh ngor mbeng ntol Jesu" ¹⁴Nna Paul utimal yebeh feleh item yangha, wurr ubeh fenghe bleh fenghe bong nna, "nogor ntobor Ntol jol"¹⁵Nna atuu nya ishenghor uba kpo abodo yerreh tum ngor Jerusalem. ¹⁶Baa tontulo mba iyuro ngor Caesarea ibangha tumo nenareh. Mbo barnne nenom nyondege nyor mbor koge nne mnason, ayur Cyprus, mgbogombar ntontulo nyo ubajolor nor.¹⁷nyi ulome Jerusalem ba mgbayen mbar aneblom ibafelewur nne ujebitem. ¹⁸Paul batum nenereh ntemfofo nyi ulome Jerusalem ba mgbayen mbar aneblom ibafelewur nne ujebitem. idi James, nne anebkol war ijolonghor. ¹⁹Nji akagobor nyor, ababodonya ishor belimka agentile ngho ifangha ikobashi beh.²⁰Nji mbayogor, mbobafun nkaga ka ishor, fenghe tageh, "Abeyeneh, ngbanyi, atelle alette abeg ibetama ngho igom aJews mbowa ibefon ntama nogor mborbom ibaenae ntor. ²¹Mbobebor tak guma, mbewo akpele aJews war mba ineno nne agentile nogo mbobom Moses ngomkpa, afenghe takbo wombe mbotikpe kem aborn ari, nogo mbefenghe gen gara abaga ibene.²²Nanubaleme? mbotege bayogo aloe abeba. ²³Lem na ubongho. Ukpe aneplom ani mba itero. ²⁴Tab aneplom bangha nogo alem wun wele; nogo aka utanabo, inyonji mboba kpodo ashi bor. Inyonji nendendege barenghe mbe abaga nya mbo bongho guma amemala yaa. Mboba kpele mbe abaga neneneh kpekpe bombene.²⁵Gara nne Agentitles mba ibetama, uyono gara nne ntobo yereh wurare mbo bom abodo nya mbo kor jom ulem bor, bom along, bom ujere abodo amel, nne uno ngho ne anne ayele ngo mkpa." ²⁶Paul batab aneplom fonor, ntem fofo abafelebo nne wefono weleh. Ngha mbobatum ngo itaba ikobashi yotoro atuu nya nwele bajolor nne nyala bageba jolor ka ishi-nne.²⁷Nji atu arimini nyangho iyagomal, Jews mbandege mba iyuro ngo Asia, nnamboyeno Paul ngo ibaba ikobashi, noyo mbo shengho ican anne jiconehabor ishi. ²⁸Mbo yo ran, aneplom Israel, kakwun ubor. Ngha nenom riyo yor kpele annewar abodo nya irero gum bor, ibene, nne idingha. Shenghene nya, abekor Greek bangha ikobashi kpeba fele idifonor rungha. ²⁹Nna mbo betogor nyen Trophimus, nne Ephesian neneh ngah ibugor nja, mbo fenghe tobor mbeh Paul bekoba itaba ikobashi.³⁰Ibugo fonowaa item iba yebebor, anefono itoboji fele Paul mbor wame yegeh shaga itaba ikobashi, abowaa ibam tugeh. ³¹Nna mbor shebe nogor mboyoleh, itom ibari nnenkol bar gomidii mbe Jerusalem waa ire ilam.³²Nne ughalugba, abatum nne anepkol ishoja nne igom ishoja bor tobo yel ngor igomane fonor. Nna igom anne fono iyebor nnenkol ishoja nne shoja yeh, mbor yaga Paul ndugor. ³³Newkol ishoji bajenri idi Paul ji fele, fenghe kaa ikor mbeh mbor kem agbagobor abal tuge. Aba beb ijom nji abel lem nne mkped nneyor areror.³⁴Annembardegeh ngho igom fono ifanem nfangha njerreng. Nna nenkol ishoja kayogor itembaga ngo nyo bor, abataba tum jikak ngor itaba nji mbotimal kpe yebe laga-abor. ³⁵Nji abudo bakomo ngho igede-mbo, ishoja ishoror tabe shaga igom-anne fonor.³⁶ Igum-anne fonor itegeh kpebor tonor nne iyok bor ntingho, 'shongwun nene."³⁷Nna mbokolor Paul bar nogor mbaba kageh ngor itaba fono, ababep nnenkol ishoja, "malba fonor ikonti mba bongho-ibong kawunor! Nenkol ishoja babebeh, ayobebong Greek? ³⁸Wor nne Egyept shang nyor ngho igaranjem nyo gbebor aberr fengheh gbombarr nne aneblom atetie mba ibalor bayel ngor ikan-kan ifuu?³⁹Paul bafangha, "mme Jew jii, ngurr ngor ibugo Tarsu, nghor Cicicia. Mme morn ibugo njii ikagalor kpe ifan yor. Mbagoro, yagame mbong ne anemba" ⁴⁰Igaranti nenkol ishoja kale ikor, Paul batum yemeh ngho igede-mbo fenghe yep ubor ibor tugor anefonor. Igaranti idii inaro kpede-kpede, abong ngor nyop Hebrew nebor. Aba bong,

22¹"Agbanyenbjama mbar aneplom ne bar nshuwama yoke wun na malbar nogor ijibamar. ²Nna igom anne fono iyogor Paul bongho nebor ngor nyop Hebrew, mbobableh. Ababong,³'Mme Jew, mbor bebeh mme ngho Tarsus ibugor Cicicia, njele nwerr ngha ibugor njar ngha akpada Gamaliel. Mbor kpele mme gara na mbeneh ba nshuwerre ijolor. Nkpeh ntama ka ishor, nna wunwaa wun kpelor ilela.⁴ Nyene-akanya wor mba kpogor, mbor bam mme tugor, fenghe yage mme kar anep mgbagobor bodo ne aneplom ne anepkal, ⁵Ngha nenkol ntoro-alom ishor ne anepkol inyinyen fenghe torro. Mbakor ayonor ngho ubobor ka ba ngbayen jama mba aneplom mba iyuror ngho Damascus, mme nfenghe jikobor bar ngho Jerusalem nogor mbokak bor akanya.⁶Na mbalo bakum yagori Damascus, ngho igara njol, ne ugbalugba igboro ngon iyurr ngor ukuniborr yar bobme. ⁷Mgbor gor ndege fenghe yoke ilome iyolo bong nenamar, Saul, Saul, nan akpelom akayanya kak? ⁸Mba fangha, woyonor Ada? Abafangha mme, mme Jesu ngho Nazareth, nyor akpelor akanya kak.⁹Annemba ijolonenama iyegen ngon fonor, mbotegemkun itom nti ibongho nenamama. ¹⁰Mbabong, memeh nanor mbaleme, Ada? Ada babong nenama, Tumyeme ashong ngor Damascus. Ngor mboyaba taga abodo nya mbobabomo nogor alem ¹¹mkpem yoyen tepne irana ngon minghor, na anemba igbolor mbarr kame iyolor topme mbarr., ntegeh jenri Damascus.¹²Nhor mbawana nenom nyor mbor kogene Ananias, nenom nyor yokag jshi nogor nwerr qaa mba inenor nghor. ¹³Abatop mme, yeme mme ngha mkpa, babong, Paul ngbayenjama, nyen ne amerr yah. Nghor igarantor pii nyene.¹⁴Afenghe babong, ishor ba nshubereh bayegeh mbeh arenghe ntoboye, ayen anemba ireror kpurr, afenghe yoke ilome nti imejok ngor nyor mme. ¹⁵Woyor abajolor ntenshe ka-eh kar anewaa garane ijomji abeyen fenghe yoke. ¹⁶Nghantega akpejen shek? Tumyeme, awuror alep , nogor arro abebakya, yokoke mebng yeh.¹⁷Nna nkuror Jesusalem, nayolor kag ndor ngor itaba ndor, mbor rebeme vision amerr. ¹⁸Mbayeneh, ababong nenama, warra ajoke shaga Jerusalem babar, tep mbonemba tama itembaga nji abeyen gara mme.¹⁹Mbong mene Ada, mbonyinyi na ntomor anne mgbagobor fenghe duu anemba ijolor tamatuga ngor fel synagogue. ²⁰Nji mbo yolor Stephen ntenshe yar, mbaga yeme nghor yor tamatugubor, nfenghe feleh awuror anemba iyole.²¹ Abatak mme "shong, tep nyaba tomo nafeh ril idi Gentitles"²²Mbo ranghe atong tetete alem ilom ntor. Mbokumyogor ran mbe, "shong ne mkped neyor shaga mfam, tep alagem nogor ajol ikpen" ²³Nna mboyolor ran, rawun abodo ngobji bogor, fenghe yolem ibubu. ²⁴Ntol anepkol ishoja ba ka iko mbe mbor yege Paul baga itaba ntutunor. Aka ikor mbe mbor bebeh mbebe ne akanya, inyoji wefonor bar rengheh ijom nji mboyolor ran nenenor.²⁵Nji mbor gbale lagar ne ajonghor, Paul babong ne ishoja je atle-aron mba iyemor ngho mkpa, iyop nor nghor ibene nogor wun kakne akanya nyor yurror ngho Roman mbokabeti beb mbebeh? ²⁶Nji nne ishoja nwereng yogor, abatum idi nenkol anepkol ishoja jitage, 'jemji ayagolem? Nenom wengha nne Roman yor"²⁷Nenom anepkol ishoja batobe, "Takme, wor nne Roman yor? Paul fangha,"eh"²⁸ Nenkol anepkol ishoja bafangha, "Nkala agboro akobo kumjol nne ibugor nja" Paul mbe, "mme mbor bele mme nna nne Roman"²⁹ Anemba iyole beb mbebeh itumeshagar. Nenkol anebkol ijoja ubol ibaga yeleh, nna rengho Paul nna nne Roman, tep atoge gbar.Ntem fonfo, nenkol anebkol ishoja bashep kun nna mboyolor shep Paul. Ashoro funghe yaga abor fenghe koke nenkol ntoro-alom nne annebeh mbe mboyen. Akor Paul bayemeh ngho igombor.

23¹Paul babre anepkol ibeberre beh fenghe bong, "Agbanyen bama, mme mbe nene ngho ushimerr ishor nne iwewele item tete rii ilela". ²Ananias, nenkol ntoro-alom bar ka ikor mbe anembe ii mo kule irome ngho nyor. ³Paul batage, "ishor yaba romo, wor igegre nji ibekol, abem ngha kpine lama gumne ibeneh nghantega wombe mbor-rom mmeh, nji ibobor ibeneh?"⁴Anemba iyemo kule ibabong, "Nayor wor akakagor nenkol batoro-alom ishor?" ⁵Paul mbe, "mme nyelem ba mgbanyen jamam, nna areror nenkol ntroro-alom. Nayo iyonor, kabong abebe nne ntol ibugor jaa".⁶Nna Paul rengho mbe ngho ateng ibebeme, ijarr njigor Pharisees jii anembaga sadducees bar, ababong ran, agbayen bama, mme nne Pharisee, mon Pharisees. Tepne mkpe ntama gara-ne unyeme uyeme ngho iku yor mbor bemelam". ⁷Nji abongho nor, Pharisees ne sadducee ibagbeb nrara ne atem, ibebeme fonor ibabak. ⁸Tep sadducees mbeme yom kpor-nyime, bar rogor itom ishor ngor irem ne ufuu gor irem. Nga Pharisees iyorenghe nyawaa.⁹Igboro iyork ibajol, bayono awerr ngho, Pharisees iba tum yeme rarar mbe, "ukanyen ibebeh ngha nghobji nenom nya. Ifengho jol mbe ufuu afi barogo itom ishor ibebong nene men?". ¹⁰Nji igbora nrara bator jol, nenkol ishoja bafon ubol, mbe mbomal bar turor Paul jark, aba-ka ishoja je ikor mbe mbo budor shong ji kor-eh ngho igom anemba ba kak nga itabar.¹¹Ntem atuu ada ba yeme nene fenghe tage, "fun utunitem, na abemali toror gum mme ngho Jerusalem, noyor abaga ba torogume ngho Rome".¹²Nji idii ibangho, Ajews mbandeghe. Iba kpo ijuu ngho mkpa fenghe ba rege atem, mbe mbo titege wor afi lii ijom ngendendege tete mbo be yol Paul. ¹³Mbo shenghe ishi atle-abal mba ikpolor ijii nja.¹⁴Mboba tum ngho idi nenkol ntoro-alom ne anepkol mbe, " ube terehigboro itere wurr-are unemtege lii ijom-jom shenghem ubeyol Paul. ¹⁵Ntiga, ba leme ibeneh ilem ibeneh tak nenkol anepko ashoja nogor afenghe nene baka wun, nogor ifongho na wun yagor lam ilam-te. Ka wurr, ubelok ngobji nogor ugole akum rii ngha.¹⁶Mgbayen Paul nyor nenkal, mone nyo nenom bayok na mbo lagor me shek, ashoro tum jii yel ngho itaba tak Paul. Paul bakok moon ishoja nwereng babong. ¹⁷" Tap mon ishoja nwereng shong idi nenkol anepkol ishoja, akpe ijom njii ayegor toror ka-eh¹⁸Yor mon ishoja fono tabor njankon fono jii-ka nenkol anepkol ishoja fenghe tage, Paul nne mgbagobor yor mbe mme nkor-eh ba idija. Akpe ijomji ayaga tak". ¹⁹Nenkol anepkol ishoja bafele gor ubor tabe tenghe mkpa fenghe bebeh, "Ba-ijom ayagor torro kame?"²⁰Njankon fonor mbe, aJews ibetama mbe aba kogor Paul jii kabor ngho ibebeme bor, fongho na mbo yage kpe beb kpekpe gara ilam-te. ²¹Ken ka yok nebor, tep mbo roro shenghe ishi atle-abal mba ilagor kpelesheg. mbo be tere ne atem mbe mbo nemtege lii ijomlili afi mbo wor ijom njendege shenghem mbe mbobe yol. Jol ngha ntega mbobe lok ngobji kpi shege nogor aka ikor"²²Nenkol anepkol ishoja bayaga njankon fono tum, na atage ijomji abaleme, "Ka-tak nne wor mbe abeme tak abaga fono. ²³Aba kok anepkol ishoja ishi-ibal ka-eh fenghe bong, "kor wun ishoja atle-igol lok ngobji wun ferr ijen feh rigor Caesarea, ne abonkang atle-atle-arane igol fefene, ne anep akong atle-igol. Wun ba tumo nkarenk ira ne atuu". ²⁴Akpe ba kabo ikor mbe mbor bre unyam mbi Paul ba fenghe nogor wun kor-eh jii tere rii idi Felix nenkol ishi-ibugo.²⁵Aba nyon ikpanwerr na:²⁶ Claudius Lysia itengtenghe Felix, ube. ²⁷Jews ibobor nenom nya shep nogor mbor yole nji mbalor bar top ne ishoja ba kpebeh, na nrengho na areror nne Roman.²⁸Nshebe mene nrenghe idi sgbolor ibene, yor mbalo tabe jii itaba bomo mbene bor. ²⁹Mbo taga mme mbe ayol bebe mbebe gara ne mbebe bor, ijomjom ijolem njii ibobor ibene nti bor yebe yoloh afi tomeh mgbagobor. ³⁰Mbo tetoro kame mbe mbo lama lele gara nenom fono, mbe tom ne ugbalugba tuga fenghe tak anne mba ibobe mene mbolkor abaga nya mbe abelem ba taga. Jol ifel"³¹Ishoja fono ifon nkaga ka ikor fono. Mbo tab Paul rii nene ne-atuu ngor Antipatris. ³²Ntem fonfo, ishoja jendege iyaga anep abonkang mbe mbo shong neneh mbo bafono ifenghe rii idi ifangha. ³³Igaranti anep abonkang ireror Caecarea jii kar nenkol ibugo ikpag-nwerr, mbo baga yaga Paul abot ka-eh³⁴Igaranti nenkol ibugo kogor ikpak-nwerr fono, aba beb Paul ijar ibugo nji ayuror. Nji abalo ba kun mbe ayut Cicicia, ³⁵abong, "yaba yogo waa igara nti anemba iboba ibalo ngha. Aba ka ikor mbe mbo bome ngho ishi ukol iteh Herod.

24¹Ibe sheng atuu aron, Ananias nenkol ntoro alom, ne anebkol bandege, ne mbong-ibong nyo mbo koge ne Tertullus ibaji gor. Anelom mbangha ikor ngala nyi gum paul ba idi iGovernor. ²Igara nti Paul yemo kulo iGovernor Tertullus kpee yor bong abebe yeh kar igovernor, Tep ne wor ukpe igboro tereh, urenghi ibaga ikolo itenghe nyangha bar ibugor jire. ³Ne igafor waa wurr ubeko ijom njendegedege nji alemor, iteng-tenghe Felix.⁴Nogor ntia kpe bob bom, mba goro ngor unob-item, bar nogor aka mme atong tete. ⁵Wurr uba nyen nenom nya na nrenghe nne ne nenyor wedor ka anep Jews waa iyor nog aberr ngha mfam waa. Weh yor reror mgbogo-mbok ngor anep Nazareth.⁶ Akana nogor afele idi ndor runghor, yor ubobe.⁷Lysias neh awuror balaba tap ber ngor ikor shaga wurr. ⁸Abebo Paul gara ne abaga nya waa, atege ba renghe abaga nya iwedor ume bob. ⁹Anep Jews ibaga yel ateng mbobor yeh, tep na abaga nya mbor bongho gume ireror itembaga.¹⁰Igaranti igovenor tagor Paul mbe abong, Paul fangha, mkpe kuno na areror mlama-alam nga ibugor njah ngor nda feb, tep ne nor item ibeme yebe nogor ntoro nrebe ijibama kar. ¹¹Wor fonor ayima kpeleh wombe ika rii atuu igol-ne-ibal inji mgbebor ndoe jiji ngor Jerusalem. ¹²Nji mbor yenor me gor idi kage ndor, ntengem rara nnenjendendege, afi jol ngor itaba aror, afi ngho ateng ibugor. ¹³Mbor nemama tak abodo nya mbo mmebong gum mbe lem.¹⁴Mme mal ba rebe nta kar, mene na ngho mbarr nyi mbor mme kok ne igbel, ngho mbarr nyor yor mme nyor baga rogor Ishor ba nshuwama. mme mkpe ntama ka ijom njendegedege inji ireror ibene ne nti ba toro-itum Ishor iyonor. ¹⁵Mbaga kpe ukono nterr ka Ishor na aneplom mbangho, na anemba ireror kpurr ne anep abebe ikpe ba nyeme. ¹⁶Yor mme nyor tege kana mene nfon item nti kpurr ngor ushemerr Ishor ne ane.¹⁷Ibeba sheng nda feb, mba nogor nfon ukag ubor fenghe yala-nyala. ¹⁸Igara nti mbalo bar lem nah, anep Jews mbandege mba yurro gor Asia iba nyen mme ngor ikak uroguffu ngor ateng itaba ndor, njolem ngho igom-ane afi york iyok, ¹⁹Ilaga inyor aneplom bangho ibalor ba toba ntega toro atutoro gum mme, jolor mbo kpelor ntendendege.²⁰Afi ikajolonor, aneplom mba pii itoro ibebe nji mbor nyenor ngha ngobji yama nogor nkum yeme ngor itaba ilam Jews. ²¹Ika fenghe jol mbe ibaga nja ji iwedor nranor nji nyemo ngo ikan bor; "Ire gum nyeme anemba ibe kpor yor iwedor nreror ilam ngha idi jar ilela."²²Felix, nji yelo gum iyaga fono, ba yege ilam fonor tum mbok. Mbe, "Igara nti Lysias neh awuror yurr ngor Jerusalem bar, mba lamilam tar." ²³Aba ka ikor mbe nenkol ishoja gum Paul, afenghe yor ka-eiyaga iyor nji itiba bama nteme nyondegedege yor shebor ak-e abodo.²⁴Ibe sheng aborn atuu, Felix kro ne nkale Drusilla, yor jolor Jews, aba tum tugo Paul fenghe yok nene gara ntam go mbeng Jesu. ²⁵Yor nji Paul balo ba kak ishi nene gara ne ubomo mbene, ukaga ngobji, ne ilam nti ireror ngho mbok, ubol iba yel Felix aba bong, "Ngha ntega shong. nfono iyaga ikpe fonor mba tomo tuga."²⁶Ngho igara ntingho ayol tobo mbe Paul yebe akobo ka, iwedor kaayortom koge fel igara yor bong nene. ²⁷Nji ishengho nda ibal, Porcius Festus fenghe ba jol nenkol ibugor yor gbolor bolo Felix, nya Felix shebe ngor ali unor ne Jews, abom Paul nogor mbor gome.

25¹Ntega, Festus ba yel ngo ijarr ibugo njor njereng, na ishengho atuu-ara, abatum shaga Caearea rii Jerusalem. ²Nenkol Ntol udem ne abangha merr Jews ikor abaga nya mbe Paul be lem bar, fenghe beb Festus ikpekpe. ³Jor tageh mbe a kak bor ubor gara ne Paul-nogor aka-e nwerr ngor Jerusalem, tep mbo bobo ngor ifuu nogor mbo yoleh ngor mbarr.⁴Festus fangha bor mbe Paul mbo bobe ngor Caesarea, fenghe bong mbeh wefono golbajege gor. ⁵"Mbeh anemba imal ba jige, ijii gor ne nere." Joolo ibebe ibaga ireror ngor ne nenom fonor, wun bong gara.⁶Festus bajol rii atuu anegeni afi atuu igol shoro batum ngor Caesarea, ntem fonfo aba beme ngor ite lam-ilam fenghe ka ikor mbe mbo kor Paul baika-e. ⁷Igara nti abalor, anep Jew mba iyuro Jerusalem iba yeme ikped-ikped, fenghe toro abodo dol nya mbor kamalor kpe tep. ⁸Paul bar nork ijibeh fenghe bong, "mme nka gbor ibene ntendendege gara ne mbene Jew, afi garene idi ndor, afi gare ne Caesar."⁹Festus shebe nogor Jews itama tuge, afenghe bar fangha Paul fenghe bong, "Akpi shebe nogor aji ngor Jerusalem nogor nlama gara abod nya gor?" ¹⁰Paul fangha, "mme nyem ngha ite-ilam idi mboba mene ilama." Jews jendendege nka shebe ilam, na wor abagor nyelor kpekpe.¹¹Jolor mbe lem ibebe afi mbe lem ijom nji ilagor iku, mme nkatege ten iku. Ifengho jol mbe abaga nya mbo be torro gum mme amemala yaa, nne nemba mme yaga abor kabor, mba yege tum idi Caesar." Ngo idi Caesar." Ngo idi Caesar yor wun ferro. ¹²Nji Festus be bong ne itaba-mbene, aba fangha, "abe yege ilam shung idi Caesar Ngo idi Caesar yor afero."¹³Ngha ntega nji aborn atuu ishengho, ntol Agrippa mboneh Bernice ijeleh ngor Caesarea nogor mboba nyen Festus ngo ite utol beh. ¹⁴Nji mbo be ba jol ngho atuu feb, Festus kumba tab ilam Paul tak ntol, mbe, "nenom yondege Felix tume shaga ngha na nne ngbagobor. ¹⁵Igara nti njolor Jerusalem, Ntol udem bar torro alom ne aneb kol Jews ikolor ugbegi illam ba torro ka mme mbe nenom fono belem, mbo fenghe shep mbe akanya ye ijol iku. ¹⁶Mba fangha bor meneh ngho ibene Roman shang nogo ayaga nne nyor wun kpelo ilam ka anep ujeng eh nji aka be fangha mbebe gara ne ilam fono.¹⁷Nji mbo waa iyuro ba ngha, nyemem, ntem fonfo mbeme ite lam-ilam ka ikor mene mbo kor nenom fono ba ateng. ¹⁸Nji anep ujeng beh itumo yeme, mbo torro abaga gume nya nka yenor ibebe ngho ateng. ¹⁹Ifenghe jollo mbeh mbo fono ilam nene gara ne nji bor ikobashi ne Jesu njendege nji be kpor, nyor Paul bongho mbe akpe re ikpen. ²⁰Mme kunom na mmal ba fede ilam fonor, tep ne nor mbebeh ijolor ikore inyyor ajelor Jerusalem ji fangha mbebeh gor gara ne abaga fonor.²¹Nji Paul yonor nogor mbo bome yor shek ntobor Ntol-atol, mba ka ikor mene mbo bome kpekpe rii igara nti nyebe tomo ji Caesar." ²²Agrppa bong ne Festus, "mbaga ba shebe nyok ne nenom fonor." "Ubong," Festus ba bong, "ayebe yogo."²³Ntem fonfo, Agrippa bone Bernice iba ne itaba ne anepkol ishoja bodo ne agboro anne ibugor fono. Nji Festus bongho ikor fono, mbo kor Paul ba. ²⁴Festus babong, "Ntol Agrppa, ne aneba waa mba irero ngha nenere, wun be yen nenom we ngha, anep ibugor Jews waa ikoge me ngor Terusalem ne ngha fefene, fenghe ran nenama be atikpe jol ikpen.²⁵Nrenghe mene alemem ijom nji ilago iku, tep ne ayonor be Ntol-atol lam ilam te, yor iwedor ntome. ²⁶Ken mkpem ijom dedede nji mba yonor tugar Ntol. Tep ne na, Yor mbe kor ba ka, tegekpok wor, Ntol Arippa, inyor nji mal ba fono abodo dol nyon gum ilam fono. ²⁷Tep ire na ika galo kpe ifan nogor ntom ne mgbagobor ti fenghe yorn ijom nji alemo.

26¹Tep nor, Agrippa bong nne Paul, amalba bonghoka ijiba, Paul fenghe tie-ubobe nogor akor gom ijibe. ²Mme, mbuyen ijibama nna nkpelor uyebitem, Ntol , Agrippa, noghor mbongka ijibama ilela ngor atutoror nya aneb Jews ibe torogum mme.³ Tengh-ekpok wor nnyi ibene nne mbine Jews malwarr tep nenor mme nkpelagoror nogor ukono-nterr rangha mme atong.⁴Itembaga, aneb Jews warriyinyi ikpen nti nnenor nar monshe nenom ngor ibugorgama ne Jerusalem. ⁵Mbonyi gunne gbep ngor iyegetulor, mbortamor-bong nnar nnenor ikpeh, nnene na ne Pharasee, ijuju ntama nji igalor.⁶Ngha ntiga, nyemaha nogor mbor lamme tep nne ukononterr mbina nkpeor ka ukononyor Ishowor mbi akonorka ba nshuwere. ⁷Ukononyor mba mbi ashi abugor yirere, igol nne ibal ikpelor ukononterr mberr iba jolor iwedoka mboyorr tek Ishor nne ukononterr fell njol nne attu, fufor, Ntol ukono-nterr mbinghabi iwedoka aneb Jews ibe toror atutoror jumme. ⁸Nnanor wun be tobor na ika raror Hembaga na ishor yor yeme aneba ibe kpor?⁹Nghantiga, ngor tembaga, ntobor mene mme, mbaleme abaga feb nyar itiba taba tama gum nbeng Jesu nyor yuror ngor Nazareth. ¹⁰Mme, nlemena ngor Jerusalem tep nne ikor nti anepkol ikalome, anne feb mba iyolor tama tugor Ishor, nti nbobeboyol meh ndime-ubor tama nogor mbor kpor. ¹¹Igara dol, nkagbor akanya ngor ating itaba ikobashi, nfenghe kana nogor nurobor nogor toro-ashashab mbong nyar ikun iborr nne ntama bor. Nne ugamtem nebor, nkambor rigor abujor nya ika reror ayire, yoji kagbor akangha.¹²Igaranti nti nyolor leam abaga nyangha, mbajigor Damascus nne ikor nti anne mba iyor yal-nyal ikalome. ¹³Nji nferor ngho mbarr,nenjol kparr, Ntol, nyen iranah ngor ibor nti iyalor shenghe njol, iranah fonor iyar shibe mme nne annembagor mmba utumor ijen fonor nnor. ¹⁴Nji wurr-warr ube gbor nonghor ngor ndege nyok ilom iyo bong nenama ngor alom Hebrew, 'Saul, Saul, nnanor iwedor abeme yol? ijegesheng ka nogor ayonngho ikonti ifulor shengha.¹⁵Mbabong, wor nyonor, Ntolor? Ntol fangha mme Jesu yorr abeme yol. ¹⁶Ntiga, tum nnogor ayeme nne Akpadayar, tep nnayor iwedoka mbe jok batoba nogor ajol ntomitom nne nteshe gara abaga nya anilor jumme ntiga, nne abaga nya nyabatebe ngor mbong. ¹⁷Mme, nyaba nogor ngor ubob anne nne anebi Gentiles mma mme mbatom togorbor. nogor aji ribibor amerr fenghe yanghabor shaga ijine jigor iranah nne ngor ikor nnim fnghe idi Ishor. ¹⁸Inyonji Ishor babor baga abebe abaga bor mba ibefebghe jol tere tip neh ntama ngor idi jama.¹⁹Tip nenor, ntol Agrippa, ilaga nogor nfon nkaga ka abaga ukun nya nyenor shanghe nya nyenor nga. ²⁰Damacus ngor ngbogor-mbarr, nne nyagor Jerusalem nne, ngor mfam Judea war fifine ka Gentile wurr,nkalabor itom mmene mbor yangho ibene nongho mborfeghe idi Ishor, inyonji babor abebe abaga bor, mbor fenghe lem abaganya ibatebe na mbobe yangha ikpen. ²¹Tip neh ifangha ntingha aneb Jews ngor mbor yolme.²²Tep nenor, mme mbukor ukakubor mbi iyurorr ngor idi Ishor, tetete ringha ilela mme na ntonshe ka abodor nyar teke ne nyar ifulor, nyar bayen amerr nne Moses ibongho mbee ibalor. ²³Mbe Christi tenghe ba yene akanya tep weyor roror mgbogor nne nyor yemor jok iku bakogor iranah baka ane bere nne Gentiles.²⁴Paul torormal, festus ba bong ran mbe Paul wor akpemkon. mbe nkpele feb nyi abe-kpele ibalem akpemkon ²⁵Paul ba fenghe mme nkukon Festus, mkpe bongho itembaga fenghe lam-na ikonor ²⁶Tep Ntol nyinyi abaga nyangha, noyor iwedoka mbe bong nene ntio fon ubol tip ijom nji ibejol ngor nkpa ire.²⁷Ayo tetama mbong ba yenamerr, Ntol Agrippa? mme nyinyi mene ayo titama. ²⁸Arippa ba bep Paul, Ngor mmon gara teke wor abame werer njol nne Christi? ²⁹Paul fangha mbe werre upe jomondor ka Ishor jol ijologor mon igara teker afi jol iraba-ikade nan, wonenteng-shang, anne warr mba ibeme yok ilela ibajolor mme-fonor,ishenghem ngbagogor yi mbor yitiba yele.³⁰Ngha igarantor, Ntol yum yemer ne atobshi tonere, Bernice fifine nne anne mbagor warr mba ibemonghor. ³¹Igara nti mbor jogor shaga itaba fonor shaga mbogor bongnne atem na, nenom wengha lemem ijomjom nji ilagor noger mbor yole afi ayel ngbagobor. ³²Aggrippa bong ne Festus mbe kenmbe Caesar kayok mbor yol yebe yige yagabor.

27¹Igaranti nboo yolor bong ber wurr utom ngor Italy nbor yege Paul nne anep ngbaobor mbagor kag nnenkol Ishoja nyo mbor koge neh Julius ngor ubor. ²Uyel ughang ngor Adramytium, nbi iyagor fenghe tum ngor nkpa aya Asia. Baji yel aya mmanenn. Aristarcvhus wernji yuror ngor Thesalonica ibugor MEcedonia jile neniire³Ntem fongfo, ujiri ngor ibugor Sidon, ngha Julius tep Paul ikorr fenghe yage abor aji yen atembemba ifonor ukaga ubor kae feb.⁴ Utum ngor ibugor njigor yel aya mma nenn fenghe tonor igbongho aya Cyprus mma ikakplor alip, tip nfeng yol kalilam. ⁵Igara nti ube kem aya Cilicia nne pamphylia rigor ibogor njigor, ubaji rigor Myra, ibugor Lycia. ⁶Ngho idinjor, nnenkol ishojah yen ushugokang nyi yurogor Alexandra ferogor Haly. afenghe neneh kag ngho nshugokan fonor⁷Tep ne nfeng, ijen fonor ijolor teretere ngor ikukulor utenshe ri cnidus ngor nfeng kpemtama ugen,tum mbok ufenghe tono ugbangha idinarr crete igbongho njigor salmone. ⁸Utonor aya fonor nne ijejeg tetete ubajirigor idinji mbor kok nne Fair Havens, ira-ekulor ibugor lasea.⁹Ntiga ubu kor igara dol, fefene igara nti aneb Jews iyo beme njal ibesheng, ngha iaranta ubol iyojol dol ngor ufenghe aya,. ¹⁰Iwetka Paul turr bor utong, fenghe bong mbe werr beyen nna ijen alip nti mbor yagortum ngha ibajolor ka abodor nenteng shang nne nshugukang, ¹¹fifine barr ka anne. nnenkol ne nshugorkang shenghe abaga nya Paul bongho.¹²Tep ne igara aluk iyojigeg nongho anne iyo karr ngor idinji ashugukang iyo laga, anne feb mba itonor ngor ijen intigor nnandandage nna mbomaloilame, mbortum ngor Phoenix, idinji ashugukang iyor yamae ngor crete, ji jol ngho ngor igara aluk isgang. ¹³Igara nti nfeng South gbabor nshanghe, teketeke anneb mba ijolor ngor ijen ntingho, itobor mbe mborbuyen ijomji mborshebor. Iwetka mbor lada nshugukang, gbep ijen tonor crete yor laga idiji nshugokang yor yame.¹⁴Mon igara teke, nfeng ufurr nyi mbo kog nne northeaster,gbep, yba jerebor nga nkpa alip tenghe ateng ateng. ¹⁵Igaranti ufer ibkumi shime nshgukang fonor, nshugukang tiomekpe tip ishishe ngor nfeng, ufenghe yagaabor nshugukang fonorka nfeng. ¹⁶Ijobor alip nji ikakpelor akpar nji mboyor kok nne Cauda, nneijigeg, mbor yene ubgang mbi mboyoko kpebe anne,nshugukang shemore.¹⁷Igaranti mbobe joror ugbang kpebe anne bom, mbor tonor lige, ugbang fonor ko jok ngor nshugukang. Mbor fonor ubol nogor mbor tobo ngho iborr ibubu syrtis, mbor fenghe nne utal mbi iyor fele nshugukang yeme kag iyo fengbor tonor. ¹⁸Utonor ibebe nfenghe fonor, ntem fomfo, ugbep uraba nshol rokag alip.¹⁹Ngor attu arar, anepmba iyo feng nshugukang iko abor bor yor raba abodo nshugukang rokag alip. ²⁰Igara nti njol nne arogonro ikakpelor wurr yar ngor attuu feb, ibebbe nfeng fonor kpekpae kagigor,ubayene nterr tep, ijomjom ikpem jol nji itebor na nogor malkpeba jolor.²¹Igara nti mbobe jen rabikade tiorkpe yen ijomlili, Paul tum yame ngo ating ba fenghe nshugukang bong na, aneplom, wun yolbame rangha atong, titumshaga crete bafon ufen mbingha. ²²Ngha ntiga bob wun item, tep nnenne ngor igom jine nimba kpogor, ishengbem nshugukang yi, ba tana.²³Tep attu mma ishangho iyana, nrogo itom Ishor nji mme nnrarar kae, fenghe tige, nrogor itom werr yeme mme ngha ugbangha, ²⁴Bong ngha, kabe ubol,Paul, atege ba yime ngho mbog Caesar, nyen Ishor ngor inobnobge baka feb nne nyo yobongho nshugukang nenna. ²⁵Tip nennor fon wun ukono nterr aneplom, mme nyinyi mmene nna Ishor bebong tagme noyor iba jolor. ²⁶Mbe nogor ikoom jol nor, nshugukang bajigeji shaga ngor ikun ndege ngor ikubor alip ngindee tima kpejen.²⁷Nna attu ma attuu igol ne attuu anni ibalor, nna ijolor shim wurr nenting fenghe ngor aya Adriatic mma nnenn, iyagor ri iyeateam atytu, ba fenghe nshugukang. ²⁸Mboba yongho alip yen ikokor ibeshage agbeg itel, igara teke mbokpe yongho, ikokok ashaga ishaga agbeg igol ne agbeg ani. ²⁹Mbor fon ubol mberr uyimal bajige ji kipbe kag utal, iwetka mbor yige atal fele ugbang yeme ani kak alip yo kono nterr mmber idi ibabangha ntiga-ntyiga.³⁰Ba feng-fenghe iyo jang mbarr nyi mbobakogor tum nshgukang shaga, fenghe yige ugbang kpebe anne ngor igara nti nshugukang ber sheme kag aya fenghe dangha nna mbor yagoji yige utal fele nshugukang. ³¹Paul bong nne nnenkol ishoja nne abonshe ber, "ishanghem mbarr aneblom mbungha shaga yobor ngha ating nshugukang wun nim malba fonor nnogor." ³²Tepnenor ashoja ikem nnigeh ugang kpebe anne yaga abor ifabtum.³³Igara nti idi ibekumibangha,Paul kag mbor warr ikor nogor mbor li ijomlili. Aba bong, ilela attuu igol nne attuu ani, wun bujol ijom-lili,wun numor li, mmeh nkpeh wuni kaga ikor nogor wun bag ijomlili, tepnogor yinneh yinghah. ³⁴Tep nne nwereng ngor ataing yinneh ngor inoshi je njireng ibah tana raem. ³⁵Nji abongho nah,atab nshangeh, aka Ishor igafor ngor amerr aneh war.³⁶Abun nshagheh tonor gbeb nlige. Ibakag fen nne ikor mbowah iba li ijom-lili. ³⁷Ujolor anne atel igol neh ira neh ikorr neh nne wereng ngor ateng nshugukang. ³⁸Igaranti mbobe li ibebofu, mbor fenghe ner nhegeh yendegeh ron kag alip, ikor tele nshugukang fonor yarah.³⁹Igaranti ibangho mbor kpem renghe ndegeh, mbor yenghe yonyen ishangheh nji nyanah ibebolor nne ikun ibubu, mbor bakumi bogho nne-atem njolor mboba fengheh nshugcang ji yemeh gor. ⁴⁰Tep nenor mbor feleh utal nshugucang kem, rtum shaga ngor ataing aya mar nnen, fufeneh, mbor bangha fungho alige nya iyo feleh nshugucang ngor atian alip, fenghe yip njireng tep ngor iborr ifefe ba tonor ibubor aya nji nyanah ate ibe-boloh. ⁴¹Nshugucang fonor baji yegeh ngor ikun ndegeh ngor atian alip, ngor indi ngor ashaga akpemageh, njim yeh rimmeh yel ndegeh, mbogmeh ijodor tep nne igor nfeng.⁴²ishoja, nlama boh jolor nogor mbor yol anep ngbogobor inyongi nyondendegeh tiba nyogo-alip tobo tum utobor. ⁴³Nnenkol bor iyeh ntobor jolor nogor anog Paul Tep nnenor aten nyibor ntobor fenghe ka-ikor mberrneh nyon-dendegeh nyo malba nyogor alep feb yel nyok teh igbongho shong-ngor igbong-gbong. ⁴⁴Aneh mba ishagor, mbandege itonor akpateh mbandege. Tonor nor itenghe ji color neneh tanim nenh kpolem.

28¹Igara nti mbor bi wurr ko kpekpe sheng, wurr uba kpele mbe ijuborndehe nji alap ishibo-kak mbo jol kog neh Malta. ²Anneb ibogo njingho ikala wurr anonob nnyaya, mbor molo ngon fenghe ko wurr waa tep ne ilib ne alok nya ijolor fel igara.³Igara nti Paul be kpo ugan ntete bom idi njerng fenghe ba tab kono ngor iborr ngon, nyor ba jok tepne ifobo fenghe ba gbaeh ngho ubob beh. ⁴"Igara nti aneb ibogo njingho inyenor nnyam nyingho kpanghe ngo ubo, ngho mbor ba bong neh atem, Nenom wengha ngor itembaga nyolo-anne yor nyor mbo be norg ngor agboro aya, ngor itembaga ilagem inyor amekpe nene ikpen,"⁵Igara nti abaloba nenghe nyam nyinghor aforoyel nghor ngon mingho ijom-jom ilemineh.⁶ Mbor jolor yor shege yolor abagbogo uyam afi akpor. Igara nti mbor beh gom rab ikede fenghe nyen mbe ijojom ileminer, mbor yangha nyem bor fenghe ba bong mbe mon Ishor teke yor.⁷Nghantega ngor idi ikpedikpet ndege jolor gor nyi jolor ka Ntol nenom nyor irogo ndege nji alib ishibor kag, nenom nyor mbor jor koge ne Publius. Aba kor wurr kpekpe fenghe ka wurr ijom njindegedege ngor atu ara. ⁸Ibala ba jol mbe nde Piblius nongho ngor ndege jol yam abelamirr neh ala-atrinya. ⁹Igara nti Paul jolor ji tobe, aba jom ndor, kone abor ngor ishi, fenghe lemeh anob. Igara nti ntiga ibe jol, ireg anne mbangho ngor irogo ndege nji alap ishebor-kag mba ijolor yam fufor iba abangha lembor mbor nob. ¹⁰Ane fonor ibanga fon nkaga ka wurr ne mbaga feb. Igara nti wurr ujolor jor lok ngobji nogor ufeng tom, mbor ka wurr abodo nya wurr ushebor.¹¹Igara nti amerr ara ibe sheng wurr uba feng nshogokang tom nyi beh karr neh nara tete ngo iraga alok ngor irogo ndege nji alap ishebor kag, nshogokang nyi Alexandria, neh "ayafele abon ashor" na nkomo-ashi. ¹²Igara nti wurr ube lomo ngor igboro ibogo nji Syracuse, wurr uba jol ngho ngor atu ara.¹³Tom nghor wurr uba fenghe ji ri ngor igboro ibugor nji Rhegium. Igara nti ufomfo mbereng ibe sheng ifefe ngor ishi itotolo iba buro jok, fufor ngor atu abal wurr uba ngor igboro ibugor Puteli. ¹⁴Nghor wurr uba nyen agbanyen mba ndege mba aneblom fefene mbor ba tak wurr mbe wurr ujol neh bor ngor atu arimini. Ngha mbarr nyingha wurr uba ba nga Rome. ¹⁵Gbeb nghor, ba mbganyen, igara nti mbor beh yok gom wurr, mbor ba tob wurr ngor ngor areb Appius neh itaba ira mbi ikpelor ayaga nya mbor jor goro afofobo amom. Igara nti Paul nyenor agbanyen aneblom mbanghor, aka Ishor igafo fenghe fon atunor.¹⁶Igara nti wurr uyelor ngor Rome, ugaga Paul nogor anene ne ujibe neh nne awuro ngor jolor gome. ¹⁷Nghor ibajol beh igara nti atu ara ibe sheng Paul ba kok anne mba ijolor atob-shi nghor igom annep Jew konor ashi, aba bong neh bor, "Ba mgbanyen bama mba anep-lom, jol ijolor mbe meh nka lem ijom-jom ji ishabor gum anne afi mbene ba nshuware, mbor yege meh na nne mgbagobo shaga Jerusalem ba kag ngor ubub aneb Romans. ¹⁸Igara nti mbor beme beb ababe, mbor sheb nogor mbor yege meh yaga abor, tep ne nan nlama gom iku nyi ndegendege ijomlom ngo ilam tama.¹⁹Igara nti ane Jew ibonghor ishashab gom ntobor bor, mbor ba nuror meh nogor meh mba goror Caesar, jol itigem jol mbe mer njol kemeh lagar mfam yama. ²⁰Tep ne ntigha, nghat ntiga, meh nyaba kogo inyor meh nyaba nyene fenghe bong nena, sheng ngor na tep neh. ukono nterr mbi Isreal ibe mme kakmgbagobo nghantege.²¹Nghor mbor ba bong nene, "Wurr ujom shep norgo ukor ikpaga nwerr anyonor ngor idi Judea gom wun, afi mbanyen jere nyor ndegendege nyor nenom buba fenghe ba toro afi bong ijom-njindegendege nji ishabo goma. ²²Wurr ukpishebe norgo uyok nena, na ame tobor goma igom anne mbangha, tep ne nan wurr unyinyi mbeh mbor kpi bongho gom ngor idindegendege."²³Igara nti mborbeh yaga ufumfo ka-e anne feb ibala ngor idi je nji ajor nene. Aba tap ibaga fonor tep bor, fenghe tama-rebe gbolgom ikonibor nji Ishor. Aba kana nogor awerr bor gom Jesu, yekitolor nyor ibene Moses neh ba nyene amarr, yekitolor ne ufumfu tete ri ne igorr. ²⁴Mba ndege ibarabobarr gom abodo nya mbor bonghor, jol mbandege itamum.²⁵Igara ntimbor ka tamor togor atam, mbor tumigara nti Paul beh bong ilom ntingha ntereng: "Inonob ufu ibongho kpekpe sheng ngor Isaiah nyener amerr togo ba nshua". ²⁶Aba bong, 'shong nghor idi anne mbangha abong, "sheng ngor nyogo wor aba yogo animba renghe; fefene sheng ngor nyene wor aba nyene, animba renghe.²⁷Tep ne ntem anne mbangha ibu jol tere, fefene neh atong bor ijor jek bor nogo mbor yok, kpe bodo nghor mboh bu bolo amarr bor, fenghe yok neh atong bor, fenghe renghe ne atem bor fenghe kpe shebe, kpe bodo nghor mme mbabor leme mbor nob.²⁸Ngha-ntiga, iliag nogo wor akon mbe mbor bu tom nogor Ishor tugor anne Igentiles, fefene mborba rangha atong, ²⁹Igaranti abe bong abaga nyangha. Aneb Jew iba tum, mbor fono igboro ilam ne ujibor.³⁰Paul nene nghor nda ibal kpukpol ngor itek je nji ayamor, fefene ajol kolor anne waa mba ibalor ngor idi je. ³¹Ajolojo toro gom ikon-iborr Ishor fenghe jor kpele abaga gom Ntol Jesu Christy ne utunor-item afonim mkpaga.

Nkem-Nkum: Bible for Nwerr acts

Formatted for Translators

Nwerr acts