To view a copy of the CC BY-SA 4.0 license visit
http://creativecommons.org/licenses/by-sa/4.0/
Revelation
11 Ọnan Urẹman ọsi Ijesu Christi no Osẹnobulua rẹnanlẹn nọn rẹman odibo nọn sọle ebeakẹ sunun. Ọda rẹman bi ejọrẹ jẹ ẹhi nọn sọle nọn rẹman Ijọni. 2 Ijọni da sọsẹli bhi ẹmọn nọn si osẹnobulua bii ẹmọn nọn si Ijesu christi, ebhin rebhe nọn ọle daghe. 3 Erọnmọn anan ni ọnọnkhirekhin nọn tie ọne ebe nan dagbare ọni ahasẹ bii ene kaehọ enẹn ẹmọn akhasẹ bii ene reobọ rẹkhan aba gbẹnlẹn bhẹ ẹkẹole ranmude ọnẹghele sire.4 Ijọni, reji ene otuẹ ihiliọn ne ribhi Asia. Ẹseohẹ neẹ dia bii ọfure nọn ni obo ọsi ukpọkpa nọn ribhọ, bii ọnọn karibho bii ọnọn vade bii ọnọn no obi ọriọn ihiliọn ne ribhi oojukhuo, 5 Bii ọnọn ni obi Ijsu christi, nọn kiẹn ọsọsẹli ọsi uhẹnmọnata, ọmọn ọhẹnhẹn nọn ni idin kpanọ, nọn kiẹn ọnọn hoẹmọn manlẹn bii ọnọn ri aranlẹn nọn sọle neman sibhi emin ebe re. 6 Ọle yẹ ri ẹguale man, rẹ man ki ohẹn ọso Osẹnobulua nan Abba, ọle oriri bii ahu ọsi ẹdẹdẹmẹdẹ. Isẹ.7 Gheọle, ọnẹ ẹkẹ ebhulu vade bhi okhunlun, ẹlolo rebhe dẹ daghọle, rẹji ene so opolo ọle bhi ofẹn. Uẹnlẹn rebhe ne ribhi ọnan gbọnan mea lu akhiẹ ranmude ọle. Ee, Isẹ. 8 "Imẹn hi ọnomunhẹn bii ọnọnokpẹnlẹn," bii ọno Osẹnobulua tale, "Bọnọ ribhọ nia, bọ nọn ka ribhọ bii ọnọn sẹyẹ vade, ọsẹnobulua nọn kpọnọnẹ."9 Imẹn ni Ijọni, no obhiọle bii ọnọn debale gha bhi oya bii ẹgual bii iziegbe igboyabhigbe nọn ribhi Ijesu - mẹn da ribhi ọnọn ọtọ ni amẹn nẹga natiọle Patmas ranmude ẹmọn nọn si Osẹnobulua bi isọsẹle rẹji Ijesu.10 Mẹn da ribhi oriọn ẹdẹ Ebialẹnman. Mẹn da nọn bhi ikeke mẹn ukpuru bi akala.11 Ọda tale, "Gbẹn bhe ebe ebu uwẹ dagbe, uwẹ kuẹ eno otuẹ ihiliọn - rẹji Ephesus, rẹji Smyrna, rẹji Pergamum, rẹji Thyatira, rẹji Philadelphia bii rẹji laodicea.12 Mẹn denegbe nẹga ni mẹn daghe ọnọn ne mẹn talọ,iriọ mẹn rẹ denegbe nẹga daghe orukpa nọn mudia Ihilọn nọn diabi oze.13 Adesẹ si enorukpaonan diabi ọmọn nọn si okpea, ọda mun ukpọn nọn dia gulo yọ nọn si ọranmẹn bii ọda ri akpa oze rẹgue udu.14 Uhọnmọnlẹn bii eto nọn ribhọ da fua bi ebhu la esia, ẹlo nọn sọle da dia bi olanmẹn eranlẹn.15 Oramẹn nọn sọle da diabe pzebii ukpurule nọn sọle da diabi okpẹdẹ nọn nẹ. 16 Oda mọn ehiahhia ihọnlọn bhi obera, bii opolo nọn mọn ada eva da sio bhu unun re. Ẹlolo nọn sọle da fi wannan - wannan bi ovuẹnlẹn nọn manman zẹ.17 Ẹghe nin mẹn khi rẹ daghọle, mẹn da dehian re bhi isi oranmẹn nọn sọle bi okpea nọn yulu. Ọda re obọ obera nọn sọle yan mẹn ọde tale, "Ehi jo ofẹn muẹn, mẹn ho omuke bii ọkpẹnlẹn. 18 Bii ọnọn yẹnlẹn, Mẹni ka yuu, okpanọn mẹn yẹnlẹn ọsi ẹdẹdẹmẹndẹ bii ọsi agberanlẹn.19Ranmude ọnan gbẹn bhi otọ ebu uwẹ daghe, ebemin kin nian ebeayẹruan de enan su unun fo. 20Bi akhokho ọsi ikpahian ihinlọn nu uwẹ daghe bhi obera nọn sẹ mẹn bii ọni orukpa oze ihinlọn ọsi eno otuẹ ihinlọn, bii enin orukpa ihinlọn ele hi ọno otuẹ ihinlọn."
21 Gbin ọnan ji ẹhi nọn ribhi otuẹ nọn ribhi fisus. "Ẹmọnlẹn nọn ọsi ọnọn mun ehianhian ihilọn mọnlẹn bhi obera nọn yẹ khian bhi ẹwẹli ebarẹ mu ukpamudia ihiọn nan ri oze lu. 2 "Imẹn hi lẹn ebi ibha ha lu, ẹsọn nọn kakale ni ibha ha miẹn bi iyẹn egbe irẹtọbhegbe, bi ghe uwẹ hi yẹ da sabọ yiẹnegbe ene lu emin ebe, ọkpnọn, uwẹ ki dọnmin ene si ẹku yiọle odibo elekhin, uwẹ ki yẹ kere ọbha ha yi ẹmọnata.3 Uwẹ hi manman mọn iyẹnegbe bi irẹtọbhegbe ranmude elinlin mẹn egbe bha yiẹ lọlọẹ. 4 Ọkpanọn, uwẹ bha lu nọnsẹn na rẹ miẹn ghe uwẹ zi eminlin ọhẹhẹn nu uwẹ họẹmọnlẹn obọ. 5 Yelere, khiriọ eji uwẹ da dere. Fidenọ, uwẹ ha lu eni eminlin ni uwẹ kahalu, ọhẹnhẹm sokpan uwẹ hi fidenọ, i ha bu uwẹ re, i ki mu ebamukpai nọn ọsẹ sibhi eji ọye rẹ.6 Ọkpanọn, uwẹ mọnlẹn ọnan:Ebi Inikolatians lu, hi sọnọn uwẹ iriọ ọ yẹ rẹ sọnọn mẹn. 7 Ji ene mọn ehọ hin ebi ahuẹlimin ta ma enin enin otue ọnọn khọnlẹn miotọ, Imẹn ki ri ahu nanlẹn rẹ le bhi oran Iyẹnlẹn nọn ribhi ogba nọn si Osẹnobulua."8 Gbin ọni ebe nan ji ehi nọn si otuẹ nọn ribhi smana "Ẹmọnlẹn nọn ọsi ukpọle ọkpa, nọn kin omuhẹn bi ọkike, ọni ukpọle ọkpa nọn ka yuu, nọn gbo ki kie ha yẹnlẹn. I mẹn hi lẹn oya bi obọgbele nọn ọsẹbha, ọkpanọn, ibha hi fe min. 9 Imẹn hi lẹn irunuriala nọn ọsi ene jiọle Ijius ele khin, Ọkpanọn,ei yi ele. Agbaotu nọn si ojuu e khin.10 Hẹi ji ofẹn oya ni uwẹ la dọ le muẹn. Ghọle, ojuu la dọ mun eso bhi ẹwẹle bha fiọ bhi ighan be eja ha da dọnmọn ibha, ibha ki li oya bhi Ikpẹdẹ igbe. Ha mọn Urẹọbhọ rẹ si ẹghele uu bi eji imẹn ha da re aru Iyẹnlẹn nin ibha.11 Ji ọnọn mọn ehọ họb ebi ehu elimin ta ma otuẹ. Ọnọn ha mọn obọkokhunẹ hi da min ọbalọ nọn si uu nọn ọzeva.12 Gbin ọnan ji ẹhi nọn si otuẹ nọn ribhi Ipẹgamu : 'Ẹmọnlẹn nọn ọsi ọni ọria nọn mọn agbada nọn mun bhi obọveva. 13 Imẹn hi lẹn eji uwẹ da yẹnlẹn, eji ojukhuo nọn ọsi ojuu ye. Ọkpanọn, uwẹ da yẹ mun elinlin imẹn mọnlẹn kaka Imẹn hi lẹnmin ghe uwẹ bha re obọ sibhi urẹọbhọ re, rẹ si ẹghele nọn ọsi Antipas, nin ọsai bi ọnọrẹọbhọ, na gbea bhi ẹwẹle ibha bhi eni bhi eji ojuu da yẹnlẹn.14 Ọkpanọn, imẹn nene eminlin eso gọẹbhobọ ẹbholo eso ribhi ẹwẹẹ bha ne sẹyẹ mun iluẹ eminlin nọn ọsi Balaam mọnlẹn kaka, ne man ibalak e ba re ri udo bhi uwedẹ nọn ọsi imọn nọn ọsi Israẹl bi eji ele ha da le ebale na re gi ebọ bi Igbesakan. 15 Bhi ọni uwedẹ sẹyẹ, ibha bhọ yẹ mọn ẹbholo eso bhi ẹwẹe bha ne re obọ rẹkhan ebi Nicolaitans man ẹbholo ele.16 Be jọ ki dia iriọ, fidenọ! Aha miẹn ọiyi iriọ, i ki tuabe bu uwẹ re, i ki re egbada bhi unun mẹn rẹ ri ọkhọnlẹn ji ele. 17 Bha ji ọnọn mọn ehọ hin ebi ahu nọn khiale ta ma otuẹ. Enin obọ ele ki okhulun nẹ i mẹn dẹ re ebale ekhokha nin ele, imẹn ki yẹ re udo nọn fua, nan gbin elinlin ọgbọn elinlin nin ọria ọbhebhe bha lẹn gbera ọni imẹn ha re nan.18 Gbin ọni ebe nan ji ẹhi nọn ribhi otuẹ nọn ribhi Thyatira: Ẹmọnlẹn nọn ọsi ọmọn nọn ọsi Osẹnobulua ni ẹlolo nọn ọsọle dia bi eeranlẹn, eranmẹn dia bi iblonzi nọn fino wani wani: 19 "Imẹn hi lẹn ebi uwẹ lulu ahoemonegbe nọn ọse bi urẹọbhọ bi oga bi iyẹnegbe bi Iziegbe. Imẹn hi lẹnmin ghe ebi uwẹ ki kie ha lu bun gbera ebi uwẹ ka lu ọsi ihẹnhẹn.20 Ọkpa nọn imẹn hi nene eminlin eso gọẹ bhi obọ uwẹ bha khu okhuo natiọle Ijezibẹ sibbhi egbe re nọn tiegbe ọle akhasẹ. Bhi uwedẹ nọn rẹ ha man eminlin, ọi ri ene rẹkhanmẹn bhiri dọ ha gbesakan, e da ye ha le ebale na rẹ gi ẹbọ. 21 Imẹn hi ri ẹghele nan lẹn rẹ fidenọ, ọkpanọn ọbha guanọ nọn fidenọ bhi Igbesakan.22 Ghọle! Imẹn de mun ọlẹn tiọ bhi ukhukhuo ekhọnmọn, ọle bi ene debale ha gbi oghẹlẹ, eki ha ribhi oya, sokpan ei fidenọ bhi uwede nọn ọsọle. 23 Imẹn di gbọni imọn nọn biẹle khuọ bho otọ bi eji otuẹ rebhe ha da lẹn ghe imẹn ọni ukpolẹ ọkpa nọn fẹ eria bi ọkhọle ghe. Imẹn hi ki rẹ ni rẹ ni ọdeọde be jiọ re wenan.24 Ọkpanọn, rẹ ji ibha ne kẹle bhi itatira rẹ ji ẹbholo rebhe ne bha rẹkhan ọni imanẹmilin nan ne bha lẹn otọ iwenan ojuu, imẹn ta man iba, "I bha mun ihẹ ọbhebhe ni ibha.25 Be ji ọki dia iriọ, uwẹ hu dẹ mudia bhọ nọnsẹn dọ rẹ si eghele ni imẹn ha rẹ vae.26 Ọni obọle ki ko okhunlunẹ, nọn yẹ rẹkhan uhi dọ rẹ sotọ ọle imẹn ha ri ahu nan nọn ha rẹ ri agba ẹbholo khian.27 Ọki obọ nọn kakale re ele khian, bii akhe nan ri ekẹn man, ọ ki dumu ele rebhea. 28 Bi eji imẹn rẹ miẹn bhi obọ abamẹn, imọẹn ki yẹ re ehianhian ewewe nanlẹn.29 Ji ọnọn mọn ehọ hin ebi ahuelimin taman otuẹ rebhe.
31 Rẹji ẹhi ọsotuẹ nọn ribhi Isadis ọle imẹn gbọnebenaje: 'Ọta ọsọnọriani nọn muin enoriọn ihinlọn nọnso osẹnobulua bi ehianhian ihinlọn mọnlẹn. "Imẹn lẹn iwena nọnsẹ. Uwẹ mọelin ramude uwẹ yẹnmin, ọkpakinọ, uwẹbhọi yumin. 2 Riọ bhowe ua muọzeze ọnọkikẹre nọho nọnyẹ yu, ranmude imẹn bha min iwẹna nọn sẹbha nọn gbale bha nọn gbale bhi yalo nọn so osẹnobulua.3 Yere, benọkidiariọ, ebuwẹ miẹnlẹn nuwẹ yẹhọn. Robọ rẹkhanlẹn, uwa fidenọ. Ọkpanọn ahamiẹn ubhariọ bho - owe, imẹn ki vae bo oyi, uwẹ dalẹn ọnu riẹ ẹghe nimẹn a rẹ nikike muẹn.4 Ọkpanọn, ikpeta elin ọle uwẹ mọlẹn bhi Isadis nebha ri - itọn bhu ukpọn nọnsele, enadẹ khian rẹkhanman bi ukpọn nọnfua neruẹnlẹn, ranmude, ele sẹmi.5 Ọnọkhọnmiotọ ọl ada riu ukpọnọfua hieọlegbe, imẹn dayẹ gboeliọn lẹam bhebe ọsu - uyẹnmin, iman diye ke - elinọnlẹn ma abamẹn, bi ẹhi nesọle. 6 Ọnọmoehọ, ọrẹhọn ebi elimin nọn khiale tama enotuẹ.''7 "Rẹji ẹhi ọso - otuẹ nẹbhi Ifiladefia ọle ada gbọnebena: 'Ẹmọn ọsọnọriani nọnkhiale nọn kin ẹmoata - ọle re isanhan nọnsi Idevidi mọnlẹn, ọle ha tujea ọriaribhọ nọnkheọle,ọle ha khueọle, oria ribhọ nọn biọla. 8 "Imẹn lẹn iwẹna nọnsẹ. Ghe, imọn tujodẹ bhi iyalo nọnsẹ, ọria ribhọ nọn ha khoẹle. Imẹn lẹnmin ukpomian ahu kineẹ, orẹyẹdiariọ, uwẹsẹyẹ robọ rẹkhan ẹmọn nọnsẹmẹ, uwẹ bhayọ uwẹ bha yẹlẹn elimẹn.9 Ghe! imẹn di si enẹbhọni ne chiọn ọsotuẹ ojuu, netie egbele Ijius ọkpanọn, ele bhọi yọle,nebhọ kin ọbhao ohoghe - imẹn didọ muele re nedọ dehian re bhi si eramẹn nọnsẹ, bejea dalẹn ghe imẹn hoẹ ọmọẹn. 10 Bejamiẹn uwẹ ro - obọ rẹkhan uhi nọnsẹmẹn ni uwẹ rẹ fẹkẹ yẹngbe, imẹn diyẹ ri shiẹ sibhẹ ẹgh edọmenre nọn buọ ọnagbọna rebhe, vade nan dọ rẹ dọmẹn eneyẹn bhu - uko okhuotọ. 11 Imẹn vade ẹjẹje muebuwẹ mọnlẹn bhọn beja ada miẹn ọria bha dọ miẹn ukparu - ejele12Ọnọn miobọ kokhunẹ ọle imẹn arẹ kinikazi bhu - uwa nọnso Osẹnobulua mẹn. Ẹghele ribhọ nọnle agbo chie rẹ sibhẹ ekẹọlere, imẹn kiyẹ gbẹọle kugbe a lin Osẹnobulua mẹn,elin ọsẹ agbẹbho nọnso Osẹbulua mẹn. (Ijerusalẹm ọsọgbọn, nọẹn nẹ ẹguaokhun huẹnre bhe ejosẹnobula ye), bi elin ọsọgbọn nọnsẹmẹn. 13 Jọ ọnọ mọẹhọ rẹhọn ebi elimin nọkhiale tama enotuẹ.14" Rẹji ọnẹhi nọn ribho otuẹ nẹ bhi Laodicia imẹn gbọnebe nan je: ' Ẹmọnlẹn Isẹ, na degbe yẹn ọsai ẹmọata, nọngbẹloge ebo - Osẹnobulua manlẹn. 15 Imẹn lẹn i wẹna nọnsẹbha uwẹ bha fuọfuọa uwẹighan. Ọrẹ yẹ mẹn nuwẹ rẹ fuọfuọa ọ uwẹighan!. 16 Ranmude uwighan, uwẹ bha fuọfuọa, imẹn ho nimẹn kpaẹfia bhu numẹn.17 Ranmude uwẹ tale "Uwẹ femin, uwẹ mọemin nebunbun, uwẹiyẹ guanemin, ọkpanọn, uwẹ ọin - ilohane, nantohanẹ, nobọgbenẹ, aruẹlolo, uwẹ bain. 18 Kai ehọ ibhudẹ nọnsẹmẹn: Dẹ bho obọmẹn oze nọn nẹkẹ eranlẹn be nuwẹ ada kiọn ọnọfele, ukpọnọfia nọmama mọnse be nuwẹ ada rukpọn hiegbe uyẹ da ha rẹ ẹkhọle nọnsẹ ma, beja da ra - abhi so wẹ elo nunẹ ha daghe.19 Imẹn gbe bhe esankan yẹ roya nọnria ni imẹn hoẹmọnlẹn. Benọkidiariọ, kin - ọria ẹmọata uwa fidenọ. 20 Ghe, imẹn mudia bhu - unuroo ha sobọ bho - odẹ onoirẹhakhin nọn hurumẹn ọda tijie odẹa, imẹn ki na bhu - uwa nọnsọle debale leable, ọle kiyẹ debamẹn le.21 Ọnọn khọnmiotọ mẹa ha rahuna nọrẹ debamẹn dotọa bho - ojukhuo nọnsẹmọn, beji imẹn rẹkhọn miotọ nin imẹn da deba - abamẹn dotoa bho - ojukhuo nọnsọle. 22 Ọnọ mọẹhọ, ọhe ebe elimin nọkhiale tama enotue.''
41 Aki lu enan fo, i da fẹghe, i da daghe odẹ nan tuje a bha ẹgua okhun. Ukpurulu ohẹn ihẹn nimẹn họnlẹn, da nẹmẹn talo bo okolo, ọda tie "vae bho okhun ọnlẹn nan ni maẹn ebea rulan bhena sa zẹbue. 2 Ẹjẹje, imẹn da ribhi ẹkẹ oriọn, ida daghe ojukhuo bhẹ ẹkẹ agbọn okhun, ọria da de bhu ukole a. 3 Ọnọ dotọa bhu ukọle ọdea bii jaspa bii carnelian. Ele da vin nẹga ọno ojukhua. Ọne ele dea bi ẹmarald.4BOjukhuo ọgbọlọ bi enẹn eda sẹyẹ nega ọno ojukhuo nin. Enediọn, ọgbọlọ bii enẹn eda dọ otọa bhe eno ojukhuo, eda ruẹn agbada ẹwu ne fua bii ikperu ẹlọnmọn bhu uku uhọnmọn ele. 5 Anyan da nyannọn sibhe eno ojukhuo re avan sẹda yẹ denọ. Orukpa ihinlọn eda bhala bho odalo ọno ojukhuo. Orukpa neyiahu elimin nekhial ihinlọn neso osẹnobulua.6 Akuẹ sẹ bhọ ọno ojukhuo, idughegbe nọ khia khia Adesẹ bii onẹga nọsọ ọno ojukhuo, elamẹn enẹn nyẹnlẹn da ribhọ, ẹlolo da vuọn ele egbe, khi ikeke kho odalo7 Ọnọ ọhẹn ihẹn nọi ibhọ dea bo oduman ọnọ zeva dea bii obhio ohuan, ọnọ zea da mọn ẹlolo bọsọ ọyia, ọnọ ze enen da dea bi atatabiata nọn tin. 8 Ene elamẹn enen nan, ukọkpa ukpọkpa da mọn ihuẹ abọ ehan ehan, ẹlolo bhe egbe rebhe rẹnotọ, rẹso okhunlun. Ha asọm, ho odamẹn eihuẹn an nera ha tie: "Ọkhiale ọkhiale ọkhiale ọle he Ẹbialẹn, ọsẹnobulua nọsabọ lu emin rebhe nọ ka ribhọ khẹ, nọyẹ ribhọ nian bii ọnọ ayẹ vae.9 Ẹghe ẹghe ne ene emin nedea be elamẹn nan rẹha mun oriri, ọghọ bii ekhuemẹn jiọ ọnọ dotọa bhu uko ojukhuo, ọnọ nyẹnlẹn bhọ sẹ ẹdẹdẹmẹndẹ, 10 Enediọn nekin ọgbọlọ bii enen ki desekẹle ru no ọnọ dotọa bhu uko ojukhuo, eki ha ghoo nanlẹn. Ọnọn nyẹnlẹn bhọsẹ ẹdẹdẹmẹndẹ. Eki ne ukperu sibhi uhọmọn re ne ọbho odalo ọnu uko ojukhuo, eki ha tale.11 Usẹ min, Ẹbianlẹn manlẹn bii Osẹnobulua manlẹn, nọnrẹ miẹn oriri bi ọghọ bii ahu, ranmude hu uwẹ ma emin rebhe bhi iholo nọsẹ uda man ele, eda nyẹnlẹn
51 Imẹn da daghe bhi obera ọsi ọnọ dotua bhi ojiukho, ebe na bhulu, na gbẹn emin ọle bhi odalo bi ikeke, na rẹ emi ihilọn gbalu unu.2 Imẹn da daghe Ehi nọmaman hu, ọda ri urur maman yo tale, "Khọbhọ khia sẹ bhọ nọ khian gbudu tuji ọni ebe na bhulu bi ọẹki hin uri narẹ rue'ọlu unu?"3 Ọria iribhọ bhi ẹgua okhu la, otọ agbọna la bhi ẹkọtọ nọ'a sabọ tuji ọleia la nọ rẹ tiọle.4 Imẹn da maman viẹ, ranmude a bha miẹn ọria nọ khia sẹbhọ nọ'a sabọ rẹ tujiọ la nọrẹ tiọle. 5 Ọkpanọn, ọkpa bhi usun ene wanlẹn da ta manmẹn, ''Ghe ẹyẹ viẹ. Ghe! oduma ọsi uwẹn ọsi Ijuda, ulin Idavidi, ọkhọn miẹn ọta. Ọdi sabo tujiọ ọne ebe na bhulu bi emi ihilọn na rẹ khwiọ ọlu unu."6 Imẹn da daghe obhio ohuan, ọmudia bhi esesẹ ọẹ=si bhi eji ojiukhuo ye, bhi ẹwẹ ebe yẹnlẹn enẹn bi ene wanlẹn da ribhi eni. Ọda diabi ọna gbea. Ọmọn ikhuan ihiọn bi elo ihiọn, ena da ye oriọn ihiọn nọso osẹnobulua nọ ọle yiọ bhi ẹkẹ agbọn rbhe. 7 Ọda khian, ọda sobọ bhi ọne ebe na bhulu, bho obi era ọsi ọnọ dotua bhi ojiukho.8 Ọki miọnlele ọne ebe, ọni emin enẹn nọ yẹnlẹn bi ene wanlẹn ene yan ujie da de lọwẹ bhi ọdalo ọsi obhio uhuan.Ọdọde da muẹn akala bi ọkpan ọsi uze, oziza da vuọn bhọ, ena da yi erọnmọn ọsi ene khiale.9 Eda sui ilo ọsọ ọgbọn: Uwẹ ọle okhẹke nọ rẹ rie ọne ebe na bhulu bi nọ rẹ tuji uguele. Uwẹ ọle na gbia, uwẹ da ri aran nọsẹ dẹ agbọn ni Osẹnobulua, bhi uwẹn, urunanzẹ, agbọn bi ẹbho.10 Uda rẹlan khin Ẹgua bi ohẹn ne'a ro oga ji Osẹnobulua bi bha di rẹ ẹbho khian bhi ọna agbọna.11 imẹn da gbe, i da họn uru nọ bunbun ọsi ẹhi ne nẹga ọni ojiukho bi emin ne yẹnlẹn bi enewanlẹn. Ubumi na selan da yi uli bhi ejian gbe bi uli uli ọsi uli nọ bunbun.12 Eda rẹ uru nọ maman yo ghatale, "Ọni obhio huan sẹlẹ, ọle nagbele, nọ rẹ miẹn ahu ẹfe, ẹwan ọghọ, oriri bi ugenmi.13 Imẹn da họn emin rebhe na man, ne ribhi ẹgua okhun bi ọna gbọn na bi ne ribhi ẹkẹ - otọ bi ẹdẹ emin rebhe ne ribhi ẹkẹọ tale, " Ji ọnọ dotua bhi ojiu khuo bi bhi ohuan, ugẹnmi, ọghọ, oriri bi iyanlẹn ọsẹ ẹdẹbhẹndẹ."Isẹ." 14 Ebhinne yẹnlẹn enẹn da wẹ "Isẹ'' Enewanlẹn da deobhotọ ro oga naẹn.
61Imẹ daghe ọno ọbhio ohuan tanọ ukpokpa bhẹ ẹkẹ ihilon bhe eba gbanọle, imẹ dahon ukpakpa bhẹ ẹkẹ emili enẹn nọyielen sodagbore bu urulu nọ diabọ usomi osa owan, "vae". 2Ime ki ghughu idadaghe akasi nọfua. ọnọ hẹnlọnlẹn da riufẹnmẹ mọlẹn, ada muẹn eru ejele nanlẹn. ọda dagbare bọ ọkakulo bejọa da kho tuobọ.3ẹghe no ọbhio huan kire tan ọne ebe nagbanole nọ ozeva, ida hon ọnọ seva bhọ ọne mili noyiele datale "vae".4 Eni akasi ọbhe bhe dadagbore nọ ọgian ọi muegbo oghonlen. Rẹje ọnọ hẹnlẹn aira ahu nanlẹn nọre riofure sibhagbonre, nedaha gbone egbelea. ọnọ hahen ọna akasi nan i muo udede opolo nalen.5ọno obhiohuan kitan ọne ebe nagbanọle nọ ozea, i dahon ọne emili noyienlen nọ ozea datale, "Vae" I dadaghe akasi nọ bhili, ọnọ hẹn olẹn da mueba rẹman emili monohobọ. 6 I dahon emili nọ diabi urulu nosi ene mili enẹn ni nọ yienlen, "Ekpọ ọka ọkpa bhi ẹkpe eva (wheat) Ekpa ea bhi ize bhe ekpi isẹn. Ukpanọ eria ebhilia bi eyon". (barley).7Eghe nọ no obhiohuan kire tan ọne ebe nagbanole noze enẹn i dahurulu nosi ọne mili nọyienlen nọze enẹn datale, "vae"!. 8Eni idadaghe akasi nọ diabebe khọmọn, ọnọa heọlen elili nọsole ọle uyumi bi uwa eranle da rekhanlen. Ada rahu nale egbono agha ọnagbọna bhi igianle obọkha bhọ, neare rọ bi emiamen, bi elamẹn ne lọria.9Eghe nọ ọno bhiohuan kire tan ọne ebe nagbanọle nozi isien i dadaghe bhe elotọ ukojukhuo oniọn osi eneyunlolo ne gbonoa ramude emọn nosi osenobulua bi oseli neseọbhọ ne mumonlen. 10Eda mana ha vie dagbare, Eghe la, oje nọ remirebhe khian ikhiale bi emuata, ọkwẹsẹ uwe bhuohien ọse ene ribhe ọnagbonan bi uwe de sọkhili aranlẹn manlen"?. 11 Eni ada munọ agbada nọ ofua nele kẹkẹ, ada tamale ne monziegbe khere oiyẹ dabuegbe ramude ọdegbami bhe ene edibo bi enibhiomalan na da gbonoa, bege raka gbonelea noa afa gba.12Eghe nọ ọno bhiohuan kire tan ọne ede nọze ehan nagbanole, ime daghe otọ dasien. ọno ohenle datia bu ukpon bi uki nọa bhala dadia bi aianlen. 13 Enan ahienhien neribho ukhulu dadenọ khua bho otọ beji eran re fi eruole nobha luen khua so okpehoho fili. 14 Ibhaye daghe okhunlu ọda shegbe kie bhba re khie ebe. Oke bi otọ neribhẹ ẹkẹ ẹdẹ abha ye miele.15Eni oje nọ ribhe ọnagbona bi enu kanlen eria, bi erebho khian, onefele bi ene moahu, ọrebhe, igbon, ibhioguele, reko bhe eke ihio bi ido,ukokhuoke rebhe. 16Eda tamae oke bi ido, degugu manlen ne elolo ọnọ dibhi ukojuwoa bi eke khọlọ nosi obhiohuen. 17 Oni ukpede ose ekekhọlọ ki vae ọbhọlaki mudian.
71 Ọna kigbera idami alimi nekhale enẹ da mudia vhobọ enẹ vhoto agbọn, ele da mama mu ẹhoho nọ fie uhade vhagọn mọnlẹn na da miẹ ghe ehoho vha fie vare vhagbọn vhẹde bi eran. 2 Idagbo mi alimi ovhevhe ọda ha da vhi otọ east vhade ọda ha mọlẹn uhi Osẹnobulua. Ọda viẹ dokere ọsesi rẹji enalimi ne khiakhiale enẹ narahu na nele rẹ luagbọn bi ẹdẹ bi eran kholo.3 Ada tamle nele hai luagbọn ẹdẹ bi eran kholo sẹghẹghẹn narẹ miẹ ghe agbugba imiẹfan vhuhomo ene gosẹnobulua.4 Medahọn ghe ena gbugba imẹfian ga da hayi igbigbe ijali gbene bi ene na gbugba ga vhotọli isaraẹl. 5 Igbigbe ijali igbeva vhoti Judah,Igbigbe ijali gbeva vhotoli Rubẹn, igbigbe ijali gbeva vhotoli Gad, 6 Igbigbe jali gbeva vhọli asha, igbigbe ijali gbeva vhotoli Naftali, igbigbe ijali gbeva vhotọli Manassẹh,7 Igbigbe ijali igbeva vhotoli simiọn, igbigbe ijali gbeva vhotoli Lẹvi, igbigbe ijali gbeva vhotọli Issaka, 8 Igbigbe ijali gbeva vhotọli Zẹbulun, igbigbe ijali gbeva vhotọli Josẹf, igbigbe ijali gbeva vhotọli Bẹnjamin.9 Nena kirẹ gbera fo, mẹ da ghe, ida daghe agbọn ne mama bun nagbọn bha sabọ ka vhagbọn, eya bi ebholo ele da mudia vhodiyalo eguale nọse omi Osẹnobulua. Ele revbe da yupe nọfua ele da mu ojomẹn mọlẹn vhobo. 10 Ele da rulun nọ tuẹn okhulun ha yọle: Obosẹnobulua imẹfian ya, ọle dotua uko je ọle bi omionle ni Jesu11 Enalimi ne khiakhiale revhegbe da muja nega idohia oseje nosẹnobulua bi enewanle bi enewanlẹn enẹ el da desaloru vhoto eji Osẹnobulua dotọa, ele da ha gosẹnobulua. 12 Ele da ha yọle epen, ahu ewanlẹn ekhuemọn ki Osẹnobulua eghẹnghẹn revhe! Ise!13 Vhọnẹghẹna pọpa vhene wanlẹn da nọmẹ ọdale hekhena, nele yupo nofua, jele na vae? 14 Mẹda tamalẹn, owanlẹn, we lẹlẹn, ọda yimẹ. Ene davhi ẹkẹle edami dokere khena. Ele ho upọn nisele khian vha ranlẹn nọsi Jesu.15 Ranmudọna, ele da sabo mudia vheguale nọsosẹnobulua. Ele da ha gosẹnobulua ọso danme bi ọsasun. Ọnọ dotua ukagala vheguale ọsi osẹnobulua ọda rugue guele. 16 Ohame vhaye agbele yele, ohalame vhayea gbele. Ovuọlẹn vhayea gbele. Ele vhayea miokhua vhegbe yẹ.17 Ohẹnlẹn Osẹnobulua nọ do tọa vhukagala ẹguale oje ọsosẹnobulua ya gbelolo gaele ọkiye ruwedose nọme maele rena vhi amagbọn. Osẹnobulua kiyẹ gbolo Amevie siele vhelolo re.
81 Ekhele nọ bhi owan rẹ tugia onu ughe ikhilọn, akhẹlẹ da ha ri okhunlun ukpe ukhọnmẹn ekhele. 2 Mẹn da ghe ẹhi ikkilọn ne mu dia bhi odalo Osẹnobulua, ada ne akala ikhilọn ne le.3 Ẹhi obhe bhe da via, ẹ mu uwawa elọnmọn ni ituanlo ye e da mudia ukoju khuo ituanlo. A da ne ituanlo ne bunbun ne le be gia da rọ ne ne erọmọn ji ibhi Osẹnobulua nekpe khia bhukojukhuo elọnmọn ituialo bhi odalo ojukhuo. 4 Ọni ikhokho ọsi ituianlo de ba erọnmọn ososẹnobulua bhẹ ẹbholo ne kpekhia bhẹkẹ obo osẹ ẹhi. 5 Ẹhi da mu ọnu uwawa ituianlo vuolẹn bhe ranlẹn nọ nuokojukhuo via. Ọkpa ki nọ ọda kuọle bhotọ, e na avan da kha de nọ olame ukpa bi otọ da silẹn.6 Enẹ ẹhi ihinlọn ne mu akalada muegbe ne rẹ khuele akala. 7 Ẹhi nọ kalo da khue akala, eni eranlẹn nọn yọn bi aranlẹn da kugbe, e da kuele guọ bhotọ bho okhun gbọn, agbale ea da tua agba eran ea da tua. ilumu rebhe da tua.8 Ẹhi nọ zeva da khele akala, emi nọ dia bọ oke nọ khulu iranlẹn da kha to e da guole bho okpẹdẹ. Ọ zea bhọ nẹ dẹ da ki aranlẹn.9 Agba nọ zea bhe mi rebhe n yẹnlẹn bhẹkẹ okpẹdẹ da yuno, agba le ea bh da ria.10 Ẹhi nọ zea ea da khal akala na sele, a nan udede akhẹn khẹn da degbea si bho okhunlu re ọ da bhala bu ukpa, bhọ nẹ dẹ nọ ze ea be ibhiẹ bhi ede osa mẹn. 11 Elilin ọsi ọna akhẹn khẹn da ha yi use. Ọna mẹn nọ zea ọ da kha yi ilamilan, agbọnne bunlun yunno bhẹ ẹkẹ ọna mẹm nọ ki dọ ariala.12 Ẹhi nọ ze nẹn da khule akala, bi ọnọ zea bho ovọnlẹn, bi ọzea bhu uki, bi ọzea bha akhẹnkhẹn agba l ea da bhia, agba le ea bhọ nu ukpẹdẹ bi agba l ea bha asun bha la mu ukpa.13 Mẹn da ghe bi i da khọn atatabiata ne kha tino bho akunlu e da ru nu nọ bhiale sọ, "Eo eo eo re da khe e ne yẹnlẹn bu ukotọ, ranmude akala ne kere na bha sẹ khuele nẹ ẹhi nọ ze ea khule."
91 Ọnẹhi nọnsi isẹn da khu akala nọnsọle. Imẹn da daghe ehianhian nọn nẹ ẹgua ọkhun vae, ọdefiọ bho otọ. Ọnehianhian are isanhan na narẹ tuje uhio nọi moejọsẹle. 2Ọda tuje ọnu - uvue nague ọnu uhio nọi mọejọsẹlea, eni ighogho da sibhẹ ẹkeọlere bi ighogho na miẹn bhẹkẹ okperanlẹn. Ọ ẹnlẹn bi ahoho da kin ebiuki bhẹkẹ ọnighogho nọn nẹkẹ ọnu uhio vae.3 Ẹkẹọ ọnighogho,hiso da vẹ kuọ bhotọ, ada ra ahu nele nọndia bi ọsi akpin bhotọ. 4 Adatamaẹle ne hẹ ria ilumun nẹbhotọa la eran nemudia ọkpanọn, ẹbho neribholọ nei mọi ugue nọnso Osẹnobulua bhẹ ẹhale.5 Abharahu nele nerẹ gbono enẹbholoa, ọkpanọn, nerẹ ro obeya muele bhẹ ẹkẹ uki isẹn. Ọbalọ nọnsele ọki dia bi ọna akpin rẹsọria. 6 Bhọnẹghenin, ẹbho ha ki guanu - uu, edamiẹn. Eki ha ru - uwedẹ rebhe guanu uu, uu ki ha ne nele.7 Eni iriso nedia ba akasi nan muọlegbe ọkhọnlẹn. Uhuọmele muẹmin nọn dia bi ukparu ose, ẹloele dia bi ẹloe - eria. 8 Emọeto bi eto nọnsi ikhuo, akọn nọnsele dia bi akọn ọsi oduma. 9 Emọ ugbakun udu bii ugbakun udu ọsi ẹlọmọn, ukpurulu nọnsi igẹn nọnsele ọdia bi ukpurulu nọnsi eramẹn akasi nọnbunbun nerunẹ khiọn okhọnlẹn.10 Emọn ukperumu bie ebọrẹsọria bii akpin, bhọ ọnukperumu emọahu nearẹ kuan ọria bhẹ kẹ uki isẹn. 11 Emọmin bi ojie ẹhi nọnsi uhio nọimọẹ ejọsẹle. Eleọnlẹn bhi Ihibiru ọle atiọle Abaddon, bhi Griik adatiọle Apollyọn. 12 Ihẹnlẹn nin ihẹnhẹn gbera. Gh! ọna hagberafo agbọn ọria eva sẹyẹ vade.13 Ọnẹhi nọnzehan da reakala nọnsọle khuele, imẹn da họn ukpurulu nẹkẹ ukhalẹn ọsi ogiukhuo naro ose ma bhi iyalo nọnso Osẹnobulua.14 Idatama ọnehi nọnzehan nọn muọn ọnakala mọlẹn, "zenẹhi enẹn obọ na mọn mudin rẹnẹ ọnẹdẹ nẹn bhi ufrati. 15 Enẹhi ẹnẹn namuọn legbe khẹ onuriẹghe, ọnu ukpẹdẹni, ọnuki nin, bii ọnukpenin, ada fabelea nerẹ gbono obọ kpa bhẹkẹ ọnagbọna sah wale yi ijianlea.16 Enu ulogho eeyokulo neha ribhu uka akasi da ha yi uli uli bhejan Agbava.17 Inian Imẹn rẹdaghe ena akasi bii enehẹọlẹn bhẹ ẹbhohiẹ ni imẹn bhohiẹle. Ugbakundu nọnsele damamajan, eso mama bhi bi ọnọdia laghalagha. Enu uhuọmọ akasi da khokhi uhuọmọn oduma, bhẹkẹ unu nọnsele, eranlẹn, ighogho bi ekhale da ha si bhọre.18 Awae enẹbho yi ijianle ea, abọkpa da yuno bhẹkẹ enagbe emiamean ea nọnelu unun dagbare. 19 Ranmude ahu nọnse enakasi da ha rie bhu unu bi ukperumu, ranmude ukperumu nọnsele da dia bi ẹyẹn nọn mọn uhuọmọn nọn rẹkuan ẹbho.20 Enẹbho neki kẹre nọne emiamẹn bhagbe bhayẹ fidenọ bhebe ele ro obọ nọnsele alu, la ebhayẹ reobọ sibhi igẹbọre bi ahunemẹn nan rẹ ẹlọmọn ẹkan ose, udo, eran bi emin neidaghe, eihehọ, la eikhian. 21 Eifidenọ bhi ugbele negbele, ọhogholi nebhale, igboghẹlẹ negbele ọ ọyi ne rale.
101 Iniẹn mẹn daghe ẹhi nọsi Osẹnobulua turẹ bhi ẹguale okhun. Ẹdudu okhu daguọle ela daribh uhọnmọn nọ sọle. Ẹlo nasọle da diabihe ovọ owẹ da diabhi eranlẹn.2 Ọda ri ebe mu na talẹn bhi obọ nọsọle, ọda rib owe nasọle okpia wẹ ẹdẹ owẹ nọn jie va da ribh agbọn.3 Iriọ ọda fikpuru bihe oduma. Ẹghe nọ rẹ fiukpuru avan eihilọn da fiukpuru ladian.4 Ẹghe ni avan eihhilọn rẹ fiukpuru ladian. Imin da guanọn ni mẹn gbe ebe. okpanọn, mẹn da họn uru bihe okhu, ọda tale, rijie ebi avan eihilọn tale. Wa gbe ọle otọ.5 Ọkpanọn, ehi ni mẹn mẹlẹn mudia ukpẹdẹ agbọn da tu obọ nasọle ri okhun. 6 Ọda vehẹn riji ọnọ ọria ni yẹlẹn ẹdẹmẹdẹ nọ man okhun bhi amin na rẹbhọr bhi agbọn, bhi abẹ ribhọr abọn, bhi ẹkẹdẹ, bhi amin nọ ri wọ, ẹhi datale, Iluriyekẹ yẹ ribhọ.7 Ọkpanọn, ọnnu kpẹdẹ ni ẹhi eihilọn ki ri akara sọ, iriọ ohanilo ọsi Osẹnobulua dai mọn omusẹ bijie arẹ tẹmọn ọsi Osẹnobulua man ekhẹn igiọn, bhi ekhẹn akhasẹ.8 Ukpuru nẹn mẹn hole bhi okhun dani mẹm talo, akhẹn ri ebẹ na tugie nọ ri wẹ obọ nasi ẹhi nọ mudia ukpẹdẹ bhi agọn.9 Ẹghe nin mẹn da khin bu ẹhi, edatate ma nọ ri ebe nọ hare ni mẹn. Ọdatale mam mẹ ni mẹ ri ọ na ebẹ alola. Ọki jie ẹkẹla nọ sẹ ariala sokpa ve unu ọsẹ ọki a rẹriẹn bhi amẹn awẹn.10 Mẹn da miọlẹn ebe nọ hare ne bhi obọ na si ẹhi, mẹn da lọle. Ọda rẹriẹn bhe amẹn ẹwẹn unu mẹ sokpa mẹ dalọla ẹkẹla na se mẹn da riala.11 Iriọ ọriadatale mam mẹn, uwẹ digbo ta akhasẹ man eria nebun, ogbẹ ẹbho urokẹkẹ biẹnijie.
111 Ada ri ilumun nọ tan, ni mẹn rọle lu bi ọbhan na rẹ bhan ebhin, Ada tamanmẹn, "kpanọ ro obhan bhan uwa oga ọsi Osẹnobulua bi ojiukho nọ ọsi Osẹnobulua bi ilọn rebhe ne va bhi oga bhẹ ẹkọle. 2 Ọkpanọn, ghe bhan odele nọribhi ọni uwa oga, a rẹni ilọn ni ijẹntali. Edi ri orọnbhẹn rili ẹbbho nọ khiale na bhi uhi eva yan ogbọ eva.3 Idi ri ahu ni osẹri nasimẹn ni ọrẹ tẹ ẹmọn akhasẹ bhi ikpẹdẹ 1,260, ọki munukpọn ọsi akhiẹ yọ."4 Eni ọsẹri na eda yi eran olive eva bi erun ukpa eva nọ mudia bhi ọdalo Ebianlẹn ọna agbọna.5 Ọria gha ho ọbe dalan, eran ki da bhi unu nọsẹlan va, ọki fuẹn eghianlean. Ọnọkirẹa ho ujiode nọ da guanọ obe dalan, adi gbọlea bhi nian.6 Eni ọsẹri na muan ahu nerẹ di okhun obọ yi ni amẹn ghẹ rọ bhi ukpẹdẹ ni akhasẹ tale. Emuan hu nerẹ ri amẹn khin aran bi eki ti emianmẹn kikẹ bhi ọna agbọna be jiọ khẹnlan. 7 Bhebhe nea re ti tẹsele nọ osẹlanfo, elanmẹn ọbe nọ la dabhi ọna uhio noi moi ejiọsẹleki, ọki mu ọkhọn dalan, ọki khọnlan mu otọ, ọki ogbolilan.8 Ikinnegbe nọsẹlan ki gba uwẹdẹ nọribhi ọnẹ ẹbho nọ manman gbọlọ (Na rọta bii itan - Isodomu bi Igibit), bhi ejiada khan ebialẹnlan bhi eran.9 Bhi ẹkẹ ikpẹdẹ ea bi ukhiọbhẹn, eso ne da bhi iyabho kikẹ uwẹn, uru bi ẹbho, eki daghe ikinegbe nọsẹlan. Ele da ri ahu nilan nerẹ rẹlan tọn.10 ilan ne ribhi agbọn ki gha ghọnghọn, eki gha dujie. eki remin luẹse ji gbọn kikẹ, ranmunde, ena akhasẹ eva na ri oya ni ilan neribhi agbọn. 11 Ọkpanọn, ikpẹdẹ ela bi ukhiobhẹn gha gbera fo, uyẹnbhin nọda bhi obo Osẹnobulua va de ki labhi egbe nọ oselan, eki ri oranbhẹn nọ oselan kpalọ mudia. Ofẹn ki maman muilan ne daghelan.12 Ẹgheni, eki họn uru nọ maman khuele, nọ ada bhi ẹgua okhun va, wẹ lan, " Va bhi okhun bhena." Ẹgheni, ekia khin ẹgua okhun bhi ẹkẹ ẹdudu eghianlan kia gha ghelan.13 Bhọ ọnẹgheni otọ ki maman yunuan, ọbi igbe bhi ọnẹ ẹbho ni ki siẹn . Agbọn uli uli bhi ajianli ihiọn ki yi ọne gbolo bhi otọ nọn yunuan. Ofẹn ki maman gha mun ene min uhumun bhọ, eki ri uyi ni no Osẹnobulua nọ ribhi ẹhua okhun. 14 Ufuean nọzeva gbera, Ghe! ufean nọ ọzea tuabe vade.15 Ehinọjihilọn da khue akala, uru nọ sikẹ okhun bhi ẹgua okhun da we, " Ọni egua oba ọsi ọnagbona khin ẹgua obi ọsi ebianlẹn bhẹn bi kristi, ọdi re emin rebhe gha khian ẹdẹdẹ bhẹ dẹ.16 Ene wanlẹn, enen yan ọgbọ eva ne dotua bhi oji ukho bhi odalo Osẹnobulua, eda de mu ẹlo ri otọ ro oga ni Osẹnobulua. 17 Eda wẹ "Ma ri ekhinẹnmẹn niẹn Ebianlẹn bhan, Osẹnobulua nọ gbọlọle, uwẹ nọ ribhọ nian bi nọ ka ribhọ, ranmude uwẹ miẹn ahu nase bi uwẹ khin ọnọ ki re emin rebhe khian.18 Ẹkẹ da khọ ẹbho rebhe, ọkpanọ ikhẹkẹ nasẹ vae. Ọnẹ ghe va na da bhuohiẹn u'u bi nuwẹ ada ne khiale ọsi Osẹnobulua bi agbọn ne'a muẹn imuofẹn ọse eni nasẹ, ọnọ bha sokẹ bi ọnọ maman mọn ahu. Ọnẹ ẹghe sẹle nu uwẹ re fuẹnlan, ilan ne fuẹn agboan19̇ Uwa oga nọ ribhi ẹgua okhun ada tujiọlia okọ ọsi ukovẹn na sọle ada daghole bhẹkẹ uwa oga. Ehianhian da vala bhi ejie rebhe, avan da delọ gbegbe, otọ da tan unuan bhẹkẹ okpẹ ehoho ọsi amẹn bi esia.
121 Ada daghe iyaman nọn kpọnọ bhẹ ẹgua okhunlun okhuo nọn mun oẹlẹn ruẹn, uki da riọ bhi otọ oranmẹn bii ukparu ejele ihinlọn bhu uku uhọnmọn nọn sọle. 2 Ọda hanman, ọda viẹ bo okhuo nọn guano nọn biẹ, nọn ribhi ọbalọ nọn rebiẹ.3 iyaman ebhebhe da zegbe re bhi ẹgua okhunlun: Gh! Idede dragọn nọn jian da do kha ribhọ nọn mọi uhọnmọn ihilọn, ikhuanlẹn igbe, ọmọn ukparu ihilọn bhu uku uhọn nọn sọle. 4 Ọda ru ukperumun nọn sọle gbọnọ awa ikpahianne ribhi ohunlun yi yalea ọda sua egbore bhi ọnan agbọnan. Ọni dragọn nan da mudia bhi ejọ ọnokhuo nọn guanọ nọn biẹ bo nan da miẹn ọkha biẹ ọle ki gbọ ọnọn le.5 Ọno okhuo da biẹ ọmọn okpea, nọn da ri ukpẹ ẹlọmọn rọ ọnagbọn nan khian. Eda gua miọn ọnokhup nan ọmọn nọn biele mu ji Osẹnobulua bhi ojukhuo. 6 Ọnokhuo da nẹgbe akhi ojẹgbo, bhe ejo Osẹnobulua hẹnhẹn khẹọle, be ja re gbalo gheọle bhe eki ikpẹdẹ Uli ọkpa bii egbọlọ ea yan iyisẹn eva (1260 days)7 Ẹghele da do sẹ okhọnlẹn da do ha ribhi ẹguaokhunlun imakel bii ẹhi nọn sọle da ni dragọn khọnlẹn, dragọn bii ẹhi nesọle dagbo ne khọnloẹn.8 Ọkpanọn dragọn bha sabọ ne khọnlẹn nọn le min akhọn minotọ, Ranmudọnan, ọbha sabọ rẹ min akhọnmioto bhẹ ẹgua okhulun ne egbọle bii ẹhi nọn sọle.9 Ọni idede dragọn natie ọle ẹyẹn ọdọmanlẹn bii ojuu la eliminebe, nọn hie agbọn bi ehi nọn sọle rebhe.10 Iriọ mẹn rẹ họn ukpuru bhe ẹgua okhunlun : Ọnẹghele nan ani bii ahu bii ẹguale nọn so Osẹnobulua bii asẹ nọn si kristi ọvae. Ọnọn ria enerẹbhọ elinan asuale rio otọ, ọnọ ria ele eninan isigha Osẹnobulua asọn bi odanmẹn.11 Eda ri aranlẹn nọn si Ijesu bii utamin ebo Osẹnobulua lu ne ele khọn ele min otọ, ranmude ebhayẹ ho emọn egbele rẹ si uyumin. 12 Bha ha gbọnghọn, ibha nin ẹgua okhunlun bii arebhe ne ribhi ẹgua okhunlun! Ọkpanọn ebele hẹ ọsi agbọn bii okpẹdẹ ranmunde ojuu ọbubhare! ojuu da ẹkẹkhọnmin nọni bhọn ọkpẹnlẹn ranmude ọlẹnlẹn ọbhi ukpẹghe khere ọle khi mọnlẹn !13 Ẹghe nin dragọn kirẹ kere asuale akhin agbọn, ọki da khurẹkhan ọno okhuo nọn bi ọnọn mọn okpea. 14 Ọno okhuo ada reọle nin afianmẹn nọn ji igẹn eva nọn kpọnọle natile idulu nọn sabọ tin fia na khin ọni eja hẹnhẹn kheọle bhi ọjẹgbo. Ena da gbalo ghe ọle bhi ọni ọmin ẹghele nan isi gha ọni ẹyẹn.15 Ọnẹn ẹyẹn nan da biri amẹn si bhi unun re bi ẹdẹ bọ ọnọnle da ha mọn ọkpẹdẹ nọnle arẹ kpono ọle fia.16 Ọni otọ nan da rẹ kpa ọno okhuo nan. Ọno otọ nan ki yuana ọda mun ẹdẹ lọlọ ni dragọn paa sibhi umun re.17 Iriọ ẹkẹ manman khọ ọni dragọn rẹtẹ ọno okhuo nan ọda dọ mun okhọnlẹn ji enan abiẹmande si ono okhuo nan, ene ri obọ lurẹkhan ebo Osẹnobulua tale bii ene riọbo rẹkhan ebi Ijesu tale. 18 Ọle ọni dragọn rẹ mudia bhi ukekẹn ọsi ọnẹn ẹdẹ.
131 I da daghe okpelanmẹn sibhẹ ẹkẹ okpẹdẹ re. Ọmọnlẹn ukhanlẹn igbe bii uhọnmọ ihinlọn bhi uke enu ukhanlẹn igbe, eda yẹ mọn ikperu nigbe bhe enu uku uhọnmọn ihinlọn elinlin nanrẹ ru unun gb ẹmọn Osẹnobulua.2 Ọno elamẹn ni mẹn miẹnlẹn nan, rẹla dea bi Atanakpa, eran wẹn ọnlẹn da dea bọsi eberia, unun ọnlẹn da dea bu unun oduman. Ọni idragọn da mun ahu nanlẹn, ọda me ejele nanlẹn bi okpanu ahu nanrẹ rẹ ẹbholo khian.3 Ukpọkpa bhẹ enu uhọmọn nọsọ ọne elamẹn, da kuan, ọni itẹ da ki rie ilolo da han agbọn rebhe ẹghe ne kirẹ rẹkhan ọne elamẹn. 4 Eda yẹ ghoo nọni dragọn ranmude ho mun ahu nọne elamẹn. Eda yẹ ghoo nọne elamẹn eda tale "Wola dea bọ ọne elamẹn? bi " Wọle la sabọ nọle khọnlẹn?"5 Eda ru unun nọ ọne elamẹn nọre ta ọta ẹhio bii nọrẹ ru unun gbe ẹmọn Osẹnobulua. Uki egbọlọ eva bii eva arẹ nanlẹn nọrẹ rọ ọnan ahu wẹnan. 6 Ọne elamẹn da tan unun an ha runun egbe Osẹnobulua bii elinlin ọnlẹn bii uwa otuẹ nọsọle, bii ene ribhọ agbọn okhun.7BAirẹ ẹghe nọ ọno okpelamẹn nọ rẹ ro okhọnlẹn ji imẹn nekhiale nesọ Osẹnobulua bii nọ rẹ gbele mu otọ Aisẹyẹ ra ahu nalẹn nẹrẹ ha lue bhẹ ẹbho rebhe, bhu urolo rebhe bhọ ọta agbọn rebhe. 8Ọnọn nyẹnlẹn bho otọ agbọn rebhe dei ghoo nanlẹn, ọna abha gbẹn elilin ọlẹn, ọbbhọ ọne ebe u nyẹnlẹn min nanre mun agbọn ke nọkin ọsọ ọno obhio ohuan nan gbea.9 Ọnọ mọn ehọ ọ arẹ họn. 10 Ade hadẹi re oyia fiọ bhi imun imun ọda ha khian, ade ho opolo alarẹ gbọ ọyia, aki ro opolo gbọlea ọna ada ha tie ẹbho nekhiale nọso Osẹnobulua neha mọn urẹọbhọ bii iziegbe.11 I da daghe okpelamẹn ọbhebhe ọnẹ ẹkẹ otọ dagbare. Ọda mọn ukhanlẹn eva bọ so ohuan, ọda talọ bii idragọn.12 Ahu nọne elamẹn nikhe ni karẹ wenan, ọna da yẹ rọ wẹnan bhi isirale, ọkpanọn, ọda ki ja agbọn bii ene nyẹnlẹn bhọ ne ha gholo nọ ọnọn ọhẹn p ihẹn nin, nọ mọn ukhuan khuan nọki rie.11 I da daghe okpelamẹn ọbhebhe ọnẹ ẹkẹ otọ dagbare. Ọda mọn ukhanlẹn eva bọ so ohuan, ọda talọ bii idragọn. 12Ahu nọne elamẹn nikhe ni karẹ wenan, ọna da yẹ rọ wẹnan bhi isirale, ọkpanọn, ọda ki ja agbọn bii ene nyẹnlẹn bhọ ne ha gholo nọ ọnọn ọhẹn p ihẹn nin, nọ mọn ukhuan khuan nọki rie.13 Ọda lu emin ọhan p ilolo ne kpọnọn le. ọsẹ yiẹ je eranlẹn da bho okhunlun de ọbho otọ bhi isira ẹbholo. 14 Bhe ene emin ọhan p ilolo nan, eda ra hu nanlẹn bhu ukẹgbe ọne elamẹn, ọda hiẹ ene ribha agbọn, ọda taman ele ne man urẹkhọkhọ nọsọ ọne elamẹn nan ka ro opolo khuan nọsẹyẹ nyẹnlẹn.15NAda yẹ ra ahu nanlẹn nọ rẹ re ohiẹnhẹn nọ ọna amaze nọsọ ọne elamẹn, bọ ni amazẹ a da ha talọ, ene hele nerẹ ga ọno okpelamẹn, ọki ya gbọno ele a.16 Ọsẹyẹ maman taman ọrebhe p họnọ fele, họna aba gbele, họnọ kponole họnọ khere, hi igbọn họ ọmọn, ne re iyaman ọbho obọbera la ukẹhale.17 Ọnọi mọn ọni iyaman nan,ọida ki kie sabọ dẹ eminlin la ọ khiẹn eminlin, sokpan họi mọn iyaman nọsọ ọne elamẹn nan, ọni bi aman nọse elinlin ọnlẹn.18 Ewẹnlẹn arẹ lu ọnan, ọnọ ria eria ọle lolo ọna aman nọsọ ọne elamẹn. RAnmude aman nọsọ ọyia nọn. aman nọsọleọle ehan, ehan , ehan.
141 I da fẹghe yẹ daghe ọni ohuan mudia bhi ukoke nọn ribhi izaọ. debale hi erui uli bhi ejianen enẹn yanli egbọli ihilọn na miẹn agbe eniọlẹn, bi ọsi aba ọle bhi Uki ẹhale.2 I da hi urulu nọn da bhi ẹgua okhun via, ọda rolo bi okpamẹ bi avan. Uru ni mẹn họnlẹn da dia bi ene khi akala ne dọ ha khi akala.3 Eda suilo ọsọ gbọn rẹjo ọno ojukhuo birẹ ji emilẹn nọn yẹnlẹn enẹn bi ene edioọ. Abha miẹn ene sabọ luẹ ọnilolo gbera eni etui uli bhi ejanlin enẹ yan egbọli ihilọn na dẹle bhi ọnotọna.4 Ena hi, ene bha ri itọn rie egbe, bhi ẹghi ikhuo, emuekpẹn bhi egbe ebha mio okun uwedili.Ọna rẹkhan ọno ohuan bho diọ rebhe. Enami imẹnfan bhẹ ẹwẹ agbọn kiẹn ọhẹnhẹn rẹji Osẹnobulua bi ọno ohuan.5 Abha mi ohogholi bhi unu nọ sele, eimọnli okan bhe egbe.6 Idaghe ẹhi ọbhebhe tin bhi ẹhoho, nọn mọnli ẹniọnlẹn ẹdẹdẹmẹdẹ nọso Osẹnobulua nọn la tama ene yẹnlẹn bho otọ rẹji iyabho rebhe, uro nazẹ rebhe, bi ẹbhp rebhe.7 Ọda ri ukpurulu so, nẹ ofin Osẹnobulua, uwẹ yẹ mu oriri nalẹn. ghele ibhuohiẹn ni ọsọle vae. Gho na lẹn, ọle nọ mo okhun bi otọ bi okpẹde, bi ikuẹkuẹ ẹdẹ.8 Ẹhi ọbhebhe, nọ zeva da rẹkhanlẹn, ọda tale, ọdere, ọdere Ibabilọn nọ kpọnọle, nọ ri agba bholo rebhe dọ ha dẹ ẹyọn ọsi esakan nọ ọsọle.9 Ẹhi ọbhebhe, oze eaa da rẹkhanlẹn ọda ri ukpurul tale "Aha miẹn ọria nọ gho ọni elamẹn bi amanze nọ ọsọle ọda jia rie amale bhi uki ẹhale, la obọ, 10 Ọki da bhi ẹyẹn ọsi ẹkẹkhọ nọsi Osẹnobulua, eyọn na bha guala na birẹ ọ bhi uko akhe ọsi ẹkẹkholo nọsi Osẹnobulua. Ọria nọ dale ki miẹn ọbalọ ọsi eranlẹn bhi obẹ ẹhi nọso Osẹnobulua bi ọno ohuan.11 Ighogho nọsi obalọ, nọsi ele kiha diọ bhi okhun ẹdẹdẹmẹdẹ, emọli uhẹnan odanmẹn bi asọn. Ene gọ ni elamẹn na bi amanzẹ nọsọle bi ene mọnli aman ọsi elinlin nọsọle.12 Ena ada datie ẹbholo ne khiale nọsi Osẹnobulua ne mọnle iziegbe, ene rẹkhanli uhi nọsi Osẹnobulua, eda mọnli urẹ ọbhọ da Ijesu.13 I da hi ukpuru bhi agbọn okhun tale agbọnlẹn bho otọ " Erọnmọn ọsi ene yulu bhi obọ nọsi Ebianlẹn" ehe, iri oriọn tale, bi eje da dọ hiean bhi ẹsọn ranmude iwẹna nọ sele rẹkhan ele.14 Ituẹn ẹlo ghi okhunlu, i daghi ebhulu nọ fua. Ọnọ dotua bhi ọni ebule da dai bi ọmọn nọn si okpia. Ọda rui ẹru ejiele ọsi ẹlọnmọn bi ọda rie akọnọ mọnlẹn bhi obọ.15 Ẹhi ọbhebhe da dabhi uwa oga dagba re, ọda ri ukpurulu datie ọnọ dotua bhi ebhulu. Ọda yọle rie akọnọ nọ ọsẹ, suẹn ha kọnọ, ranmude ẹghele na rẹ kọnọ kisẹ bejiamiẹlẹn ọno otọ ha ki luẹnmi narẹ kọnọ.16 Ọnọ dotua bh uke ebhulu du ri akọnọ nọ ọsọle na bhi otọ, ada rọ otọ kokore.17 Ehi ọbhebhe da dagbare bhi uwa oga nọn ribhi okhunlun, ọda yẹ mọnli akọnọ nọ mulu.18 Ẹhi ọbhebhe da dabhi ojie ukho ọsi ituale da agba re, ọna ri ukpurulu datie ọnọ rie akọnọ mọnlẹn, rie akọnọ nọsẹ nọn mu, uwẹ dọ fanọ ọnirulu sibhi oran nọ ribhi otọ re ramude ọki luẹn19 Ọni ẹhi da fieghi akọnọ, ọda kọni irulu nọ ribhi otọ. Ọda bi ọle bhi ejo Osẹnobulua da minọlẹn bhi ẹkẹkhọlọ. 20 Ada bin, ejada minọlẹn bhi asibhi ẹbholo re, aranlẹn da sibhọ re ọni aranlẹn da nẹ sẹn bhi imali egbọli igbe.
151 Ọkirẹsẹ mẹ dagbo miemi ohanlolo vho khulun, emi nọkpọnọle bi emi ọhanlolo. Alimi nekhiakhiale ihinlọn bi emiamẹn ihinlọn, ena da kilẹn emiamẹn nekike, deba ena ikhọẹkẹle nọsi Osẹnobulua ki gba.2 Idamiẹ ebediabi ẹdẹ nọsi ughegbe bi eranlẹn. Ene mudai sikẹ ọnẹdẹ dadọ ki ele neki mi umiẹfan obọ Isesu, ene diabole bi ene kholẹn nesu revhegbele bi eni nisọle. Ene miumefa revhe da riemi ilolo molẹn nosẹnobulua rie nele.3 Elerevhe da hasuilolo ọsi Imosis, ohẹn ọsẹnobulua de ba ilolo nọsi omi osẹnobulua. Emilin nokponole bi ọyunua khin iwẹna nọsẹ, Osẹnobulua noke nọkpọnọne. Uwẹdẹsi bi ẹmọlẹn ata ọle khuwedo nọsẹ. Osẹnobulua agbohoho.4 Họhọnọria nọ vha nọfun we osẹnobulua nọ kpọnọnẹ ọkiyẹ muekpẹn neni nọsẹ. Wẹ ọkpa khiakhiale agbọn yabuwẹre dọ gaẹ ranmude emi esi revhe nuwẹ lulu arọle ma agbọn revhe.5 Nakirẹ mienemina fo, edaghe edaghi ẹguale nosẹnobulua tuja vho khulun. 6 Ẹkẹle ẹguale nọsosẹnobulua enalimi nekhiakhiale ihinlọn nele muni emiami ihilọn mọlẹn d dokere. Eleda yupọn nokhiakhiale nọmọse bi mi awelewele rẹnavhi udu nọsele.7 Ukpọẹkpa vhekele enalimi enẹ nele rivhe josẹnobulua ya da ri tasi awelewele ihinlọ nọ vuọlẹn vhi ukhọekele nọ sosenobulua ni enalimi nele khiakhia. Osẹnobulua nọyayẹnlẹ vhedagbọn reve. 8 Ọnẹ guale osanobula da vuọn vhi ighogho nọ da vhi ukpọnọ mi ososọẹnobulua bi ahu nọsọle dokere. Avha miọnọ gbudu na vhẹ ẹkẹ ẹguale nọsosẹnobulua. Iriọdia sẹghẹghẹn ọne miami ọsi alimine khiakhiale folo.
161 Imẹ họn urule nọ rieso dagbare bhẹkẹ ukojukhuo ọda ne ọnẹ ẹhi nọsi ihilọn talọ, "Ibha khian bire kuọ bhọ ọnagbona itasa ihilọn ọse ekeọkhọlọ nọsi Osẹnobulua."2 Ẹhi nọhẹnhẹn da ha khiẹn kuo itasa kuọ bha agbọn ọkhọbhẹlolo bi itẹ obalọ da buọ agbọnre ne mọn iyama nọsi ọnẹ elami ẹwẹ, ene yẹ ga amazẹ nọsọle.3 Ẹhi nọn zeva da khehiẹ itasakuọ bhọ ọno okpẹdẹ.Ọda kiẹn aranlẹn, ba aranlẹn , ba aranlẹn ọsi eria ne yunolo, ene mili ne yiẹn bhẹ ẹdẹ rebhe da yuno.4 Ehi nọ ọze ea da bire itasa nọsọle kuo bhẹ ọnẹ ẹdẹ bi ibhie bhie ẹdẹ ọda kiẹn aranlẹn. 5 I dahọn ọnẹhi neribhi amẹn datale uwẹ khiale ọnọ yiẹlẹn bi ọnọ kaha ribhọ, ọnọkhiale - ranmude uwẹ ọnọ bhuohiẹn enemili ne bulun.6 Ranmude egiẹn aranle kua nọsi ibhio Osẹnobulua nekhiale bi ena khasẹ, uwẹ da raranlẹn nele muọn ebe eguanọ ọle emielẹn." 7 Imẹ dahọn ọnu ukojuwo datale "Ihọnlẹn Ebianlẹn Osẹnobulua nọ kpọnọnẹ, ibhuohiẹn nọse emnata ọkpanọ bi ikhiale."8 Ọnẹ ẹhi nọ zenẹn da bire ọni itasa kuọ bh hẹnlẹn, ada rie ahu nalẹn nọre re eranlẹn atuẹ eria. 9 Ebhibhe eranlẹn dahọ khọnle bi edaha runu josẹnobulua nọ ,oahu nọkokhune gbera emiamẹn rebhegian. Ebha fidenọ ọki muoriri giọle.10 Ọne ẹhi nọ ọzi isẹn da birẹ itasa bhọ unu kojuwo ọsọ ọnẹ ẹlamẹn ẹwẹ ebiuki da gueole eguale, eda ha nuolẹmẹn nọsele bhu unu ranmude ọbalọ. 11 Edaha runu ria Osẹnobulua nọbhi okhulu ranmude, ọbalọ nehaye.12 Ọnẹ ẹhi nọsi ehan da bire ọni itasa khua bhe eke ene okpẹdẹ ni Eufrates. Amẹ nọsọle da ka be ejọ dahẹnhẹn uwẹdẹ ne eni ije nenabho otọ east vae.13 Imẹ dadaghe elimi nebha khia ea nedia bi akile dahasi bhunu re nọsi elimebe bhunu re bi ene seli ọhogholi.14 Ọriọn nọsi elemiebe nezi iduna khena. Edagbare ha bue enojie ne yian agbọrebhe bejiẹa da sierebhe koko rẹ khọn okhọnlẹn bhọ ọnu ukpẹdẹ ninoso Osẹnobulua nọ kpọnọle.15 ("Ghe ! imẹ vade bo oyi ! erọmọn ọsọ ọnọ oriani noha bhẹ egbe, nọ mue ẹwe egbe nọsọle yọ nọ banọan sade okhian nai daghe ubanọan nọsọle." 16 Edẹ munẹle rẹbhe re bhẹ igia tiọle Amageddọn bhu urolo ọsi hiburu.17 Ọnẹ ẹhi nọsi ihilọn dabirẹ ọni itasa kuọ bhẹ ẹhoho eni urulu dasodagare bhẹkẹ ọno otuẹ bi ukojuwo ọdatale 'akiluọle fo!" 18 Eni ayian daha yian, ukhulu daha fiegbe denegbe, avan dade, otọ daha siẹn, otọ nọbha sẹka siẹn ghe daha siẹn nọ nagbọn mọndaribhọ ọna bha sẹkasunu. 19 Enọ ẹguale nọ mama hu ọda ghaleọ bhi ijanle ea bi ọno okpebholo, iya ẹbholo da siẹn khua. Eni Osẹnobulua da yiere ibabilọn nọ kpẹbholo, ọda rieu ukuakhe ne enẹ bholo nọ unọnlẹn bhe ẹyọn nọ mama vvọn bhẹ ẹkeọkhọlọ.20 Otọ nọ ribhi ẹdesẹ ẹdẹ rebhe da khwelo abha kie daghe oke soso. 21 Ene kpọnọle bhe Asia, nemama khua da no akhulu adekuọ eria. Edahu runu jo Osẹnobulua ramude akhieniẹn ọsi esia ranmude ọnọ ọbalọ kida kaka.
171 Ukpọkpa bhe eni ẹhi ihilọn nọ mu enu uwawa ihiọn bhọn da bu - bhẹnre tama bhẹn,"Vale nimẹn rẹmaen ọriaa nọsẹ ọno ojie agbilẹ nọ dotua bhokpame.2 Ni ijie neribhọ ọnagbọna ne gbesankan,, bi aniọ ọsi igbesantean nọsọle nẹbho ọnagbona dale.3 Eni ọni ẹhi da mubhẹn bhoriọ jiọ bhato, imẹn da daghe okhuo dotua bhu uki ẹlanbhebe narukpọn nọbhọnse wa nọbhọn elin kikẹ narẹ zanẹbhọnan, enẹ elanbhebe da bhọn uhunbhọ ihiọn bi ukhan igbe.4 Ọnokhuo da muegbo osẹ bo ojie mukpuọn nọn mama bhọn osẹ ruẹn, neioze bi awẹnwan nọbhan ọse bhe ehọ, ọda re ukpu oze bhọn bhobọ ne ebhin awa nẹbho ọnagbọna vvonlẹn bi igbesankan nọsọle.5 Ukẹha nọsọle ọda gbẹn elin ọn bhọ na bha lẹn ebarọleta, " Ibabilọn nọ kpọnọle inẹ nọsa agbile bi ebhin awa nebhọ ọnagbọna.6 Imẹn da daghe ọnokhuo daran nọsẹ ẹbho osẹnobulua ne khiale bi ena gbono a rabhudi Ijesu, ẹghe nimẹn kirẹ daghọle, ọda mama hanbhẹn ilo. 7 Ọkpanọn ọnen ẹhi da tamabhe, bezẹle nọda han uwẹ ilo ? Imẹn dẹrẹ maen elin ọnokhuo ebarọleta bio ọnẹ ẹlanbhebe nọ muọnlẹn, ọnẹ ẹlanbhebe nọa bhọn uhubhọn ihiọn bi ukhan igbe.8 Ọne ẹlanbhebe nuwẹ daghe generibhọ, ọyẹ ribhọ nian, ọho nọle sibhe ẹkẹọ ọnuihio nire nai miejọsẹ, eni ọ a kida jiọbhe ejiọle ada ria ene niẹnlẹn bhu ukotọna, enabha gbẹn eliele bhe ebu uniẹnbhin rẹno omuhẹn nọsọ ọnagbona, udu kiwale sẹdaghọ ọnẹ ẹlanbhebe, rabhude okaẹ ribhọ ejayẹna ọyẹ ribhọ, ọdẹ ghotie vae.9 Ejada guanọ ọkhọ nọbhọn ewanlẹn khọna, eni uhunbhọn ihiọn ọke ihiọn nọn ọnokhuo da dotua. 10 Ele yẹi ojie ibiọn, ojie isẹn dele, ukpokpa niẹnlẹn, enekẹle bhasẹ vae, ẹghe nọ a rẹvale ọki gbu ukpomiẹn ẹghe.11 Ọnẹ ẹlanbhebhe nọkaa ribhọ, eyayẹna ọyẹ ribhọ, ijie elẹnlẹn nọn, ukpokpa bheni ihiọn nọn khioria.12 Eni ukha igbe nuwẹ daghe ele i ijie isẹn nebha sẹ mian agbejie, ọkpanọn, ele dẹmian ahu bi ijie bhu urin agogo ọkpa biọ ẹnẹlanbebe.13 Ena bhẹn ọkhọ ọkpa, ele kira ahu nọsele nọn ọne elanbhebhe. 14 Edi nọno ohuan khọnle, ọkpanọn ọno huan ki khọntuẹn obọ rabhude ọle Ebianlẹn nọse ebianle rebhe ojie nọse enijie rebhe ene rẹbhanlẹn ele enatiele, nazẹle bi enemudia nọsẹn.15 Ọnẹ ẹhi da tamabhẹn, ọna amẹn nuwẹ daghe nọna agbilẹ da dotua ẹbhonọ, usiangbọn, agbẹbho bi urọh.16 Enu ukhan igbe nuwẹ daghe, elel bi ọnẹlanbhebe ki hekẹn, ọna agbilẹ, ekirọle kiẹn ihoho banọre, eki ria egbe nọsọlea,eki re eran rẹ tuẹọlea. 17 Osẹnobulua reọ ele bhọkhọ nele rẹ luọ ọnu uriebhina ele da riọbhọ nerẹ rahu narẹ suẹnbho nọnẹ ẹlanbhebe, rẹsẹ ghe nebhọn Osẹnobulua a rẹ musẹ.18 Ọno okhuo nuwẹ daghe ọne bho nọkpọnọ nọn bhọn ahu nọarẹ sui ijie neribhọ ọnagbọna rebhe.
181 Aki lu ena fo, imẹn da daghe ẹhi ọbhebhe da bhokhunlun vade bhotọ.2 Ọle wo maman mọn ahu, otọ agbọn da fua ramunde oriri sọle. Ọle da ri okpurulu reso yọle, ọdere, ọdere ọlehi ibabilọni nọn khua. 3 Agba otọ kikẹ ki mun enyọn okan nọn sọle.4 Imẹn da họn urulu ọbhe rẹ ni okhunlun yọle,"Bha dagba re ẹbholo, nibha hẹ dọ ghale bh'emin ebe nọn sọle, nibha hẹ dọ ghale bh'emin ebe nọn sọle, nibha hẹ dọ miẹn bh'emianmẹn nọn sọle. 5 Eminebe sọle ọki yọ sẹ bh'okhunlun Osẹnobulua ki yere emin ebe sọle. 6 Hale osa fikie beji ọle rẹ la ẹbholo osa fikie. Ukpu nọle kpogho, eminlin bha kpogho nanlẹn ogbemẹn.7 Beji ọle rẹ gbouri bh'e gbe ha nyẹlẹn bhi ẹkẹ ọwọkọ bha yẹ ri oya nan le khọn ọyọle bh'ekhọle nọn sọle, ọle ni ojie eni ikhuo, ọle rẹ la ẹbholo osa fikie. Ukpu nọle kpogho eminlin bha kpogho nanalẹn ogbemẹn. Beji ọle rẹ gbouri bh'egbe ha nyẹlẹn khọn ọyọle bh'ekhọle nọn sọle ,ọle ni ojie eni ikhuo, ọle yi okhuo nọn hi mọn ọdọ, ọle hi da min akhiẹ.8 Bhiriọ ẹdẹ ọkpa emianamẹn nọn sọle da re vae,uyumin akhie bi ukhunmun. Eranlẹn ki giẹn ọlea, ebealẹn ni Osẹnobulua kpọnọ gbe, ọle da bhu ọle ohiẹn.9 Enijie nele ko gboghẹle ne bha ja ghagha ele dẹ viọle sọle ki to. 10 Ele ki gban ika ofẹn oya nọn ki le, ele ki yọle, ihẹnlẹn, ihẹnlẹn rẹ ji ọni okpẹbholo, ibabilọni, okholo nọn mọn ahu! bhi egogo ọkpa iloya nọn sẹ vae.11 Eki agbọ vie lu akhie beji abha ki min ene nele duaki - 12 Ẹki elọnmọn, ivie, ẹkan, ukpọn ododo, igbulu, eran oziya kike, agba eminlin kikẹ.13 Ikperan kike, ẹbhili, ekẹn igali, ọka imẹnu, ohunan, akasi bi agbọn si eria.14 Eba kọnọr nuwẹ rahu rebhe ha guanọ siẹ bh'obọ re. Efe bi ọfubhegbe hohoa, ai da kie min ọnlẹn.15 Ene ri ọni eki min afe, ele ki munolia bh'odu rele ranmude evie bi usomin nọn rẹ gono. 16 Ele ki yọle ihẹnlẹn, ihẹnlẹn rẹ ji ọni okpẹbholo, nan huọle ose ukpọn ododo bi ekan bi ivie. 17 Ẹhi eghole ọkpa ọni efe rebhe ọria. Ene rokọ nẹde bi ene rokẹdẹ khian bi ene min ọhẹ da gban ika.18 Ele da la viẹ nele rẹ daghe ighogho nọn rẹ to. Eda le ọbholo la dia bi ọni okpẹbholo? 19 Ele da zekẹn bhuhọnmọn, ha viẹ lu akhiẹ ihẹnlẹn, ihẹnlẹn rẹ ji ọni okpẹbholo, bheji ene mọn okẹdẹ da min ẹfe. Eghele ọkpa erebhe hohoa. 20 Okhunlun ha ghonghon nyan lẹn, ibha ne khiale, edibo bi eni ohẹnlẹn, Osẹnobulua bhu ohiẹn gbọle.21 Ẹhi nọn maman kpọnọ da mun udo bi okpudo fifiọ bhẹkẹ ẹdọ yọle iriọ ada rẹ mun ibabilọni nokpẹbholo gbe bhotọ ai da kie minọnlẹn. 22 Ai kie da hun urulu ene khue ubulu, akala, ufele bi emin ilolo bhi uwẹ.23 Ẹfua si ukpa da kie bhala bh'uwẹ, ai da kie hun urulu okhuo bi edọ bh'uwẹ, ẹfe rẹ hi imin ojie ne ribhi agbọn bi enẹbholo nuwẹ ri azẹn nọnsẹ hiẹle. 24 Bhẹkẹ ọle a da min aranlẹn si en'ohẹnlẹn bi ene khiale si Osẹnobulua bi aranlẹn si eni agbonoa bhagbọn rebhe.
191 Enin eminlin nan ki gbera,imẹn da hin e be dia bi urulu nọn ọsi ẹbholo nẹ bunbun bhi ẹgua okhunlun e da ha so tie "Hallelulah, ẹni , oriri, bi ahu ọsi Osẹnobulua nọn.2 Ohiẹn ẹmoata bi ohiẹn nọn gbale ọ bhulu ọ ki ye bhulu ohiẹn nọn ọsi ojiagbilẹ nọn ri igbesakan nọn ọsọle ria agbọn a. ọ dọ khọnlẹn nọn ọsọle bhi obọ nọn si ọni okhuo."3 Eda gbo talọ ọsi ugbaọzeva "Halleluyahi ọni ighogho siọle bhi egbe re ẹdẹdẹmẹdẹ bi ẹdẹdẹmẹdẹ.4 Eni ediọman enẹn yan ujie bi eni elanmẹn ẹnẹn ne yẹnlẹn da nowẹ bhi otọ gi Osẹnobulua nọn de bhi uki ojukhuo a, eda yẹ ha tie " Hallelujah"5 Ọni ẹghele ni, urulu ọkpa da ni isi ojukhuo vae ha tie, "Gẹn Osẹnobulua manlẹn, ibha rebhe ni eghọnmandia ne sọle ibha ne nẹ ofẹn ọlẹn. Eneimọebekhin bi ene mọn ahu"6 Ọni ẹghele, imẹn da hin ebe khuele bi urulu nọn ọsi amẹn ne bunbun bi ebe khọkhi avan nọn dele ọda ha tie " Hallelujah Ebealẹnmanlẹn ni Osẹnobulua ribhi ahu.7Ibha ji imanlẹn ha ghọnghọn imanlẹn ha ye gen ọlẹn aki yẹ mu oriri nanlẹn ranmude izokhuo bi ibọdọ nọn ọsi ohuan ki vae, ọni ọkhuo nọn da re ki mun egbe fo. 8Aiki yiọle nan mun ọle egbe aki ne ikpọn ne fua ne mọn ose yiọle (Ranmude, ikpọn nefua ne yẹghẹ yẹghẹ kin emilin ikhiale bhi eji ẹbholo ne ji Osẹnobulua ye.)9 Ọni ẹhi da ta man imẹn "Gbẹn ọnan Abianba ọsi ẹnẹbholoni na tiele bhi Izokhuo bi ibọdọ nọn ọsi ohuan" ọ da yẹ taman imẹn "Emọnlẹn ẹmọnata nọn si Osẹnobulua khọna." 10 Imẹn da nowẹ bhi isi oẹ nọn ọsọle ni imẹn gale, ọkpanọn, ọ da yi imẹn "Heilu ọnan, otu okpa bhi egbọnmandia bii uwẹ bii eni ibhiooẹ ne ti ẹsele nọn ọsi Ijesu imẹn khin "Go Osẹnobulua, ranmude, itẹsele nọn ọsi Ijesu,ahu imianlo nọn.11 Ọni ẹghele nin, imẹn da daghe ẹguale okhunlun tujie a, ọle imẹn da fẹ ọle ghe, daghe akasi nọn fua ọnọn ha hẹnọnlẹn a tiole urẹobhọ bii ẹmọnata uwẹdẹ ẹmọnata ọrẹ ha bhu ohiẹn ọle ọ yẹ rẹ ha khọnlẹn. 12 Ẹlolo nọn ọsọle da dia bi eranlẹn ọ da muni aru ejele ne bunbun ru ọ mọn elinlin nan gbẹn ọle bhi egbe ni ọria ọbhebhe bhalẹb gbearta ọle.13 Ọda mu udede ukpọn na diọ bhi ẹkẹ aranlẹn yọ elinlin nọn ọsọle hi ẹmnlẹn Osẹnobulua.14 Eyiokulo nr ribhi ẹguae Osẹnobulua ne bunbun da hẹn akasi rẹkhanlẹn. ikọn ne yẹghẹ yẹghẹ ne fua ne manman mọn ọse erebhe munọn yọ.15 Agbada nọn manman mun da ha riọle bhi unun nọn rẹ ha ogoni agba ẹbholo kuọ bhi otọ, ọki yẹ ri obọ nọn kakale ha yẹnyẹn eji, Osẹnobulua nọn kpọnọle rẹ da he mọnlẹn ẹkẹle kholo.16 Ọda ha mọn elinlin nan ghẹn ọlẹn bhi ukpọn nọn ọ reyọ bi etagh. "Ojie nọn si Ojie bi Ebianlẹn nọn si Ebianlẹn'17 Imẹn da daghe ẹhi ọkpa nọn mudia bhi ẹkẹ olẹnlẹn ọ da ri urulu nọn manman zere ha sotie ifianbmẹn rebhe ne tin bhi okhulun "Vae, ibha gba vae bhi iluemin nọn khua nọn ọsi Osẹnobulua.18 Vae, li fun ne si ijie efun ne esi ene ri ẹbholo yi okulo, efun ni esi ikpẹa ne kpọnọle, efun ne si akasi bi ene hẹnọnlẹn bi efun ne esi ikpẹa rebhe gbọn bi ene hi ribhi umun, ene hi mọn ebe khin bi ene manman mọn ahu.19 Imẹn da daghe ọni elanmẹn bi ijie ne ribhi agbọn bi eyokulo ne esele. Eda ha bi kugbe bi eje ele ha da koko ni ọnọn ha hẹn akasi bi eyokulo ne esọle khọnlẹn .20 Eda mun ọni ẹlanmẹn bi eni akhasẹ eku ne ha riiyama man isira ọle. Eni iyama nan,ọle ọrẹ mu erebhe ne vini iyama nọn si elamẹn ọbhi egbe ne yẹ ha gi adudu nọn sọle lu. A da muni eveva kuno kuọ bhi ọni ọkpi eranlẹn nọn manman to nin na ri Isọfọ kuẹ.21 Ada ri agbada nọn ha ribhi unun nọnsi ọnọn ha hẹn akasi gboni enekẹle rebhe a . Afiamẹn rebhe da li eki egbe nọn ọse ele.
201 Bho ni mẹn da da khẹ ẹhi nọ okhunlu via de otọ.2 Ọ da mọn isankhan osu ukho nọ mọn ejọ sele, bi ikhan nọ khu lu bho bọ na sọle. Ọda mu mọnlẹn elamẹn con nati oli oje ẹyẹn nọ ki dọmalẹn, ọle ọ no ju, nan tiọ setan bi eda eda ru uli gba nọ lẹn.3 Eda mulẹn fiọ bhu ukhọ nọmọn eji ọsele, eda khiọle eda ẹda yẹ guọle iyan ọ dia be jia na miẹn ọ bhaehe mu agbọn lu okuẹse enikpe uli ki gbe ra, okha ki fo enan ki gbera fo, bhe be lunọ eki fanlẹn fia bhẹ khele nọ fa lan gbe.4 Mẹn da ghe ukojukhu e ne bunlun ne di bhu okkojukhuo da kha ye na rahu nan ne rẹbhokẹn Mẹn ye da khe ẹbholo na gia jielu ukhunmọn a ranmude itẹsẹ okhe ọsi Ijesu bi emọn Osẹnobulua e bha sẹ gho nọ ne elamẹn ẹwẹ bi ọ na maze. Ebha ka ne re mi ọ ni iyama bhu uke khale bi obọ. E via bhi iyẹnlẹn, e da de ba kristi ki ena khẹnmuele.5 Bhe ne yunolo bha ehe via bhi iyẹlẹn achẹ sẹ eni kpe uli so otọ. O na uguakpa nọ ọsi khẹn khẹn.6 E rọmọn bi ukpe khia ọ se ne de ba e ne ka qua kpanọ si bhi idin re. uyu mi nọ ozeva yẹ mọn akhu bhe egbele, e di ki okhelẹn ọso Osẹnobulua bi Osi kristi e ki de ba Osẹnobulua bi Kristi khi en na khem mọlẹn bhẹ ẹkẹ ipke uli.7 Enikpe uli akifo, ọ no ju ki riọle si bhu ugbọnikhan re. 8 Ọ di da gba re no dọ a khẹ agbẹ bholo rebhe bho otọ agbọn bhi ele kho kho bhu otọ agbọn erog bi magog eki chele cugbe ne khọnlẹn e di bunmi bi ẹbubu nọ ribhe okpẹdẹ.9 E da diọ bho odo khunlun bhu uko tọ nọr bhiale e da nẹga eji ibhi Osẹnobulua nekpe khia ye bi otọ kholo ne kpe khia bhe eranlẹn da no okhunlun via bho otọ ọ da tuẹ elia.10 Ọ nọ ju, nọ mu ele lu, e da suale fio bhu ukhio no tọ bhi, e ji onọ elan mẹ nwẹ bi akhasẹ ọ sọ gho li li da kha ribhi ẹkẹ iloya bhu ukpẹdẹ bi asun bhẹdẹdẹmẹdẹ.11 Bhe ni i da da khe udede ojukho nọ fua bi ọria nọ do tua bhu ukọle elo bi okhunlun na negbe si bho odalo re, bhe na, ebha yẹ kha mọn ije bhebhe. 12 Men da ghe ene yulu ne kpọnọle bi ena bha kaka gbolẹn e da bha ri imudian bho dalo ukojukhuo, e da tuje ebe, eda gbo tuje ebe ọ bhe bhe, ebe Iyẹnlẹn. Ene yulu da mi ibhiokhẹn bhe minlin ne lulu be ja rẹ gbẹn bhe be, be je rẹ lu eminlin ki kẹ.13 Okpẹdẹ da khu si bhe edẹ ene kha ni bhedẹ ne ka yu nolo ne ka bha ri bhẹ ẹkẹ ẹdẹuyumi bi idin da ne le da gba re ne ka ri ọkẹ le, ene yunolo da mi ijuẹ zọ be je rẹ luemilin.14 Uyumin bi idin da ki e ba shua fiọ bhẹ ẹkẹ ukho eranlẹn. Ọ na khu yu mi nọ szva, bhẹ ẹkẹ ukho eranlẹn. 15 A kha miẹn a bha mi elinlin na sọ ọria bhọ ọ nẹkẹ be iyelẹn na gbẹnlẹn, e ki sua le fiọ bhẹ ẹkẹ ọ nu khune eranlen.
211 Iriọ Imẹn da daghe ẹgua okhun ọsọgbọn bi otọr ọsogbọn, ọno agbọn okhun nọn heihẹn bo otọ nin heihẹn ọda gbera, okpẹdẹ bha yẹ kha ribha.2 Imẹn daghe agbe ẹbho nọn kiale, Ijerusalẹmu nọn ọsọgbọn, nọn nabhi ẹguale okhun vae bhe eji Osẹnobulua yẹ, nọn mun egbe bi obhi oha nan mun ọle egbe nọn khin isọ ọdọ ọle.3 Imẹn dahọn uru nọn kpọnọle bhi uke ejiele tale, Ghe! eji Osẹnobulua nansele.4 Ọki gbo ameviẹ rebhe siele bhe ẹ lo re uyu min ye da kharibhọ, la okakale, la eviẹ, la ọbalọ, emin ẹdẹlẹ kigbera.5 Ọnọn ọkpa nọn dibhi ọni uke ejiele dale "Ghe! Imẹn re emin erebhe kin ọsọgbọn" ọda tale "Gbọn ọnan bho otọ ranmude enọta eseba rẹo bi emọnata nọn"6 Ọda taman mẹn "Aki lu ene minan! Imẹn khi Alfa bi omẹga, omuhẹn bi orẹsẹ, reji ọkkpa nọ ọhanman amiẹn gbe imẹn di ra amẹn nanlẹn uọi bha abha haosa bhe ejia amẹn ọsi iyẹnlẹn navae.7 Ọnọ ọkpa nọn họnlẹn foh ọle la mọn ọnan alebhuku nan, imẹn kikin Osẹnobulua nan sọle boi ọki kin ọmọn ọsẹmẹn. 8 Ọkpanọn, reji enebhalẹn ebelu, ene mọn urẹbhọ,ene lu eku, ene gbu ugbele, unowe nọnbhase, eta bhe nan ta bhe enan, igboghele, bi kin okpe eranlẹn nọn maman bhala. Ọni khin uyumin ọsi ugba zeva.9 Ọkpa bhe enẹ ihiliọn da bumẹn re, ọkpa nọnmọn ọno okpan ihilọn nọn vvọn bhio ikpe emin ihiliọn ne kere nonalu ọda tale " Vae bhe enan, imẹn dirọ ọno obhiọha manẹn, okhuo ono obhi ohuan" 10 Iriọr ọda mun mẹn kpanọ kha khin udede oke ọda rọ ọnan agbẹ ẹbholo nọn khiale manmẹn Ijerusalẹm ọnẹn ẹguale okhun dagbare bhe eji Osẹnobulua ye.11 Ijerusalẹmu ọmọn oriri ọsi Osẹnobulua alenemin nansọle ọdia be eba rẹbha ehọr nọn maman mọnose, bi udo nọn maman khakha be elọmọn.12 Ọda mọn udede ọgbe nọn yọle nọnmọn igeti igbe - eva, ẹhi igbe - eva dakha ribhi eni igeti bhe enin igeti ada gbẹn elin esi imẹn igbe - eva esi Izire ọbhọ.13 Ọbo enẹn noribho, igeti ea, ea dakha ribhọ obọ okpọ, ọkpa14 Ogbe nọsi ọnan agba ẹbho dakha mọn ẹlo otọ igbe - eva bhe ele elin nọsi idibo igbe - eva ọsi obhi ohua dakha ribho.15 Ọnọn ọkpa nọn nemẹn talọr, ọda kha mọn ukpokpo nare manẹmin nari igolu lu nọn nọnre ọnan agba ẹbho, igeti neribhọ bi ogbe nọn ribhọ.16 Ọnan agba ẹbho oman ọkpa ọle oye, be no obọ okpa dia iriọ enekele ye dia utanmin naọle dakha yi oman uli igbe - eva . 17 Ọno ogbe da maman zeze, oman ọsọ ọria nọn yẹkin ọman ọsẹ ẹhi.18 Ijaspa are bọn ọno ogbe ada igolu bọn ọnan agba ẹbho, bun ugbegbe nọnmọnọse.19 Ọnẹ ẹlo - otọ ọsi ọno ogbe ọda ri ọdo kẹkẹ hoọle ose. Ọnọn hẹnihẹn ijaspa, ọnọn zeva khi is afur sapphire, ọnọn ze ea agate, ọze enẹn ameride . 20 Ọnọn zi isẹn onyi oze ehan khi karilian canlian, ozi ihiliọn khi kriysoliti, ọze elẹnlẹn khi benyi, ozi isilin khin topazi, ọzi igbe khin kryisofase ọzu ugbolou khi ijakiti ọnọn zi igbe eva khi ameti.21 Ene nọn ogbode igbe - eva da kin ẹlọnmọn igbe - eva, ene elọmọn igbe - eva eda mun ọkọ okpa bhi ukhuede kẹkẹ uwa ọsi onẹn agba ẹbho dakha yi egbi igolu bi ughe gbe nọn fi wanwani. 22 Imẹn bha dagbe otuẹ bhọ nan agba ẹbho, ọkpanọn Ebianlẹn Osẹnobulua nọn kpọnle bi ọbhi ohuan khọ ọno otuẹ.23 Ọna agb ẹbho eguanọn ovonọn ta uki nọna bhala bhọranmude oriri ọso Osẹnobula bhala bhọ, bi orukpa ọsọle dakha yi ọno bhi ohuan . 24 Ene ẹbho khi akhian bhi orukpo ọsi ona agba ẹbho, ojie ọsi ọna agbọn nan o. 25 Aida kha khue ọnọ ogbode bhu ukpẹdẹ aida kha min asọn bhi enin.26 Eki kha mun oriri bi ekpẹn ọsi agbọn vae bhe eke ọle.27 Ọkpanọn emin soso nọn bha khia idazẹwẹ nabhi ẹkẹ ọle la ọnọ ọimẹn ri ọle bho obọla ọnọn zekun, ọkpanọn ena gbẹn elin ọlẹn bhi ebe iyẹnlẹn ọsi ọbhi ohua ele la nabhọ.
221 Iriọr ẹhi darẹ mam mẹ ẹdẹ ọsi amẹn ọsi uyẹmin. Ọda khia bhe a yi otew. Ọda nẹ bhe ukuoguku ọsi Osẹnobulua. 2 Bhi ẹdese vwedẹ no ribhi onọn agba ebhọ bho obọ keke bhọ ne egbẹdẹ oran ọsi Iyẹnlẹn dakha ribhọ, nọnmọn agba ikpiru igbe - eva uki, uki ọle ọrẹmọn. Ebe nọnsọle egbe danmẹn ọki rẹji agbọn.3 Ihẹnlẹn ẹ khin ribho ukuoguku ọsi Osẹnobulua bhe ohuan ribhi ẹdesẹ uwedẹ. Igbọn nasọle khia ghale . 4 Eki daghe elolo nọsọle bhi ani nasọ ukueha.5 Ukpa khin ribhọ amẹn bi akhin re ukpa lu bhi ukpa obọ bhi ukpa odamẹn ramude ukpa ọsi Osẹnobulua khia whala uku agbe nan sẹ wẹ, aki ayẹlẹn ẹdẹmẹdẹ.6 Ẹhi dani mẹn talọ "Eni ọtana ọ sẹabi irayi bhi ẹmoata nọ. Ijesu bhi Osẹnobulua nọ oriọn ọ si akhasẹ dajie ẹhi nasọle nọ rẹ ma ọghomadia nasọle bala sunu azebua.7 Ghe imẹn vade azebua. Ikhin ba nọni ọria nọ ribhọr ọta si akhasẹ ọsi ọna ebẹ na.8 Imẹn, Ijọni, mẹn họn bhi edahge emina.Ẹghe na rẹ mẹn ẹ mẹn họnle bhi mẹn daghe mẹn da họn, mẹn danowel rib ugẹnmi rib owẹ na si ẹhi nọ ri arẹma manlẹn. 9 Ọda tale mam mẹ ẹlu bihọr, imẹn oghomadia bhẹwẹ obhiọ no okpea bhi akhasẹ bhi ani rẹbbhọr ọta nọ ribe ẹbe na.10 Ọda tale mam mẹ ẹmole ọsi akhasẹ nọ rib bhe ọni ebẹ naẹ ghọle ọni ẹghe sẹ.11 Ọria nẹlu nọse nọn khia lunọsẹ, ọria nọlu nọse jie amẹn ọwa lunọse , ọria nọlu nọsẹ jie amẹn ọlunọsẹ, oria nọkhin ọnọ khia jie ọle khin ọnọ khin.12 Ghe imẹn vadẹ ehage nọwa rẹgbe. Ikhaosa nan sẹmẹn ọnamẹn nẹn mẹm rẹ ikha ọde ọde bhi jie ọnẹ wẹna. 13 Ọda tama mẹn aki lu ene minan imẹnkhi Alfa bi omẹga, imẹn ọhẹnhẹn bi ọkike,omuhẹn bi orẹsẹ14 Ikhaba rẹjiẹ anẹria ni na miẹn ukpọn nan ikhia nan rẹ laba bhi aran nọsi uyẹmin bhi nan rẹ nan ọni ẹwo ni. 15 Ọle awgwa rẹbho ene gbu - ughel unowẹ nọnbhase ieta bhe nan ta bhe enan igboghle bi ene bha ohoghole erebhe ejia eadia ọki kin okpe eranle nọn maman bhala ọni khin uyumin ọsi ugba zeva.16 Imẹn Ijesu jiẹ ẹhi nọtale man va amẹn otuẹ, Imin ki iniẹ ọsi uniẹ ọsi akhẹnkhẹn ọsi ewẹokpa.17 Oriọn datale vae rẹjie ọnọ kho tale vae, ọria nọla wọn amẹn jie ọle vae!, ọria nọguwanọ jie ọle mu amẹn ọsi uyẹmin.18 Imẹn datale jie vae ọnọ khọn ọnọ ni otana ọsi akhasẹ ọsi ebe na. Amẹn ọria rẹba le, Osẹnobbulua ki rẹba okpopo amẹn ogbe ọne ebẹ.19 Amẹn ọria da rẹsibhọ re Osẹnobulua kiyẹ rẹsi. Osẹnobulua kiri ughale ọsi aran ọsi uyẹmin bhe ẹwo nọn khiale bhe ena gbẹ ebẹ na.20 Ọnọ tale eni emin na, ẹmuata "Ikhin mẹm vade." Ise! vae, Ijesu ebianlẹn! 21Ẹsiọghe si Ijesu ebianlẹn ma debabhan rebhe.
