Bible

Matthew

1¹ Ebe ọsi ulin osi Ijesu kristi, omọn osi Idevidi, omọn osi Ebirahamu. ² Ebirahamu ọle kha aba ọsi Iziki, na bi Ijekopu na aba si Ijuda bi ibhiọ ọle ni ikpia. ³ Ijuda ọle kha aba osi Ipọzi bi Zerah hi itama, Ipezi kha aba osi ihẹrẹzọ, Ihẹrẹzọ ole aba ọsi Iramu.⁴ Iramu ole kha aba ọsi Amminadab, Amminada ọle khi aba ọsi Inahasọn bi Inahasọn ọle kha aba ọsi Isamọn. ⁵ Isamọn ọle kha aba ọsi Iboarz obi Irehab, Iboaz khi aba osi Obẹdi bho obi Irutu. Obẹdi kha aba ọsi Ijesi. ⁶ "Ijesi ọle kha aba osi Idevidi nọn khin ojie. Idevidi kha aba ọsi Isolomọni bho obi okhioi Uria⁷ Isolomoni ọle kha aba ọsi irehobua. Irehobua kha aba ọsi Abija, Abija kha aba osi Asa. ⁸ Asa kha aba ọsi Ijehosafat, Ijehosafat kha aba ọsi Ijoram ọle bie bha uzia.⁹ Uzziah kha aba ọsi Ijotam, ọle kha aba ọsi Ahaz, Ahaz kha aba ọsi Ihẹzẹkaya. ¹⁰ Ihẹzẹkaya kha abo ọsi Imanasẹ, Imanasẹ kha aba ọsi Amọn bi Amọn kha aba ọsi Ijosia. ¹¹ Ijosia bi ulin ọsi Ijẹkonia eni eda do obhiọle no okpia mu kha dọ bhi Ibabilọn.¹² Ẹghe nọ kirẹ khu ri bhi Ibabilọn oda khi aba ọsi Ishealtiẹl, Ishealtiẹl ọda ki ulin ọsi Izerubbabẹl. ¹³ Izerubbabẹl kha aba ọsi Abiọd,Abiọd khi aba ọsi Eliakim, Eliakim khi aba ọsi Azor.¹⁴ Azor kha aba ọsi Izadok,Izadok kha aba ọsi Achim bi Achim khi aba ọsi Ẹliud.¹⁵ Ẹliud kha aba ọsi Ẹliazar, Ẹliazar kha aba ọsi Mattan, bi mattan kha aba ọsi Jacob. ¹⁶ Jacob kha aba ọsi Ijosẹfu nọ ọdi Imeli nada bi Ijesu, na tiole kristi. ¹⁷ Rẹ nabhu ulin ọsi Ebraham rẹsẹ bhi Idevidi ulin igbe'nẹn nọn na bhi Idevidi re sẹbhọ ọna mukha khin Ibabelọ oda kin ulin igbe'nẹn, Re nabhi ọna mukha khin ibabelọn re sẹ bhi kristi ulin igbe'nẹn.¹⁸ Ubiẹmi na bi Ijesu kristi inian ọre sunun. Inenọlẹn Mary oda muegbe nọre bi Ijosefu, ọkpanọ egbe ne kirẹ kugbe, Eda kere ọhama rẹ nabho obọ osi Elimi nọ khiale. ¹⁹ Ọkpanọ, Ijosefu nọdọle oda kin okpia nọn luemi nọsẹn ọbho nọfala bhe eji ẹbho yie, ọda kha guanọ nọhọle fekele.²⁰ Ẹghe nọkirẹ kharia enmian ẹhi nọsi Ebianlẹn ọda ze'gbe nalẹn miẹn bhe ebhohie, oda tale 'Ijosefu ọmọn osi Idavidi hai ji ofẹnmuẹn nurẹri Imeli bho okhioẹ, ranmude onu uhamami nọn hama ni ọsẹ elinmi nọ khale nọn. ²¹ Ọdi bi ọmo okpia, akikha ti elin ọlẹn Ijesu, ọdi mi ibhokhele fan bhi iluemikhọ²² Ena rebhe ruami nọrẹ musẹ ebi ebiale tale bhu unu akhasẹ ọda tale. ²³ "Ọnọ bha mi okpia di kha hama oki bi ọmo okpia, aki kha tie elinọlẹn Imanuẹ, ọna rọ'le ta "Osẹnobulua de ba man ."²⁴ Ijosefu da riọbhowe iro oda lu ebẹ'hi nọsi ebialẹ yọle lu, oda riọle bho okhio ọle. ²⁵ Ọbha nalẹn nowẹ de nọ rẹbiẹ ọnọ ọmọ okpia. Irio ada kha tiọle Ijesu.

2¹ Aki biẹ Ijesu fo bhẹ ẹbholo natiọle Betilẹhẹm bho otọ Ijudia bhe eghe ni Iherodi rẹ yo ojie, elenminlin neno otọ ujiẹre ọẹnlen vae. bi Ijerusalẹm da non. ² "Tela ada biẹ omon noa dọ kin ojie nosi Ijus?" Man daghe ahienhien nọsọ l bhe ujẹre ọẹnlen, ọle man da vae niman dọ gholo nanlẹn. ³ Iherodi no'jie kihọn, egbe da wọọ le bi ena Ijerusalẹm rebhe.⁴ Iherodi da tatie eno ohenlen ne khua bi ene gben ebe bhbọ ọnẹ ẹbholo, ọda non ele.⁵ Jela ada biẹ ọni kristi nan? eda tamalẹn, bhi bet̵ilẹhẹm bho otọ Ijudia ranmude iriọ ọno ohenlen gbenlen, Bha ni ⁶ Betilẹhẹm nan otọ Ijudia, ojie nọa nẹ ẹwẹle bha vae okp ojie non. Nọa kin ọrihuan kin nọsi Izile. Eghenan⁷ Iherodi da tatie enelen emin bhẹ ẹle milin, ọda non ele, eghe la ele rẹ daghe ọnan ahienhien. ⁸ Ọda yele bha ha khian Ijerusalẹm bha guanọ ejada biẹ ọnon omon, bha bha haki miolẹn bha dọ tama men nimen yẹ dọ gholo nanlen.⁹Eki hon eda khkan. Ọnu ukpa ahienhien da sẹyẹ rẹkhan ele, ọkuẹ sẹ ọda mudia bhu uwa nan da biẹ ọnọ omon.¹⁰ Eki daghe ọna ahienhien, eda maman ghonghon.¹¹Eda nabhẹ ẹkẹ uwa, eda dọ mien ọnọn ọmon bi Inenọlen ni Mali. Eda sẹ ẹkẹle ru bho otọ eda gholo nanlen. Eda tam ẹkpa a, eda ne ẹlomon bi emin ne maman ghanlan, rẹ lu ẹsele nọnọ Omon. ¹²Osenobulua da sekha nele, bhe ebhohiẹ ne hẹi kikie ha bu Herod, ọle eda rẹ khan uwedẹ ọbhebhe ha khien ẹbho ele.¹³Eki rie bho oa fo, osenobulua da jie Ẹhi bu Josefu re bhe Ebhohiẹ. ọda tale, "Kpọnọ, Re onon omon bi inenen ọlen, ni bha nẹ diọ bhi Ijiuti. Debhe enian non rẹsẹ eghe nian rẹ taman en.¹⁴ Ason nin Ijosefu da re onon ọmon bi inenen ọlen eda ha khin Ijuti.¹⁵ Eda ribhi enin rẹsẹ eghe ni Ihẹrod kire yurẹ yuu. Ona ho omusẹ ẹmonlẹn ne Ebiolen man tale re no obọ ohenlen. Bhe ẹkẹ Ijuti ọle lda tie omimen kidọ erahiọ dagba re.¹⁶ Iherod kidọ kere enelen emin nan erahiẹ ọle, ekele da maman kha khọle ọda ju uhomon ne gbono Imikpea rebhe ne, ribhi Betilehem bi ẹbho ne dea kọle, re nabhi ikpe eva rẹ re otọ bo ọne eghe ne enelemin ni rẹ do taman len.¹⁷ Ọna ho omusẹ akhasẹ no so ohenlen ijemaya. ¹⁸ Ada hon ukpurulu bhi iramah, okpe eviẹ bi uronmin. irachẹ viẹ ni ibhokhan len, ọbha rẹ ọbho olẹlẹ, ranmude hei da kie vae.¹⁹ Ẹghe ni Iherodi kirẹ yuu, ẹhi nọso osẹnobulua da dọ tami Ijosẹfu bhe ebhohiẹ bho otọ Ijipti. ²⁰ "Kpanọ, re ọnọ ọmọn bi o ọle ni bha kha khin otọ Izirẹl ranmude ene guanọ ọnọ'mọn nan ne gbea, eyunolo" ²¹ Ijosefu da kpanọ, re ọnọ'mọn bi inẹnẹn ọlen vae bho otọ Izirẹl.²² Ọkpanọ, Ijosefu ki hon khi Arkilọsi ki ribhe ejele nọsa aba le ni Iherodi ofen da ha muonlen nọ rẹ khi enin. Egbe no osẹnobulua kire sekha nalen bhe ebhohiẹ, oda diọ bhotọ Igalili. ²³ Ọda ha nyenlen bha agbẹbho natiọli Inazarẹt. Ọna yẹ kin omusẹ bha ahase ne no ohenlen ka ta. Edayọ adẹhẹi tiọle ọri Inazarin.

3¹ Egheni, Ijoni, nọ ramẹn nọ'ria da vae, kha tẹ ẹmọn osi osẹnobulua bhe ẹkẹ ato, osi Ijudia, tale wẹ'ẹ. ² Fidelọ ramude egua okhun kẹ otọ. ³ Ọna ọna akhasẹ ne azaya tẹ ẹmọlẹn man bha wẹ'ẹ "Uru otuen ọkpa so dagbare bhẹ ru ewedẹ nọsọle kin ọnọ diale"⁴ Bhọ ọneghena, Ijoni da yẹ ewu na re iron osi ikamẹli bi ugbekun ọso ohian ebale nọ'sọle, oilọ, li iriso bi ẹmọnowọn. ⁵ Ijerusalẹmu, Ijudea rebhe, rọ sebhi otọ osi ẹdẹ Ijọdan, da buọle va. ⁶ Ọda samen ni erebhe bhi ẹdi Ijordan,erebhe da kozi⁷ Ọkpanọ bhẹ eghe no ki rẹ daghe otu Ifarisis bi Isadusis ebuọle vade dọ samẹn, ọda ta manlan, "Bha ni imọn osi ikuọkuẹ eyẹn, khọbhọ gbu uhi bha, ni bha rẹ rune sibhi ufuẹn nọ vade re? ⁸ Bha mi ikpẹ nọ men. ⁹ Bha kha tale bhe usun bha, 'ma mọn Abrahamu, bhi Aba.' Mẹn tamabha, osẹnobulua di sabọ hẹi imon dagbare ne Abrahamu bhẹn ẹkẹ ikpo'bhidona.¹⁰ Bhọ ẹghe na, amu ughan da inie eran fo. Eran ikẹkẹ nọ bha min ikpẹ nọ mẹn, aki hianlen fia rie bhẹ ekẹ eranlẹn. ¹¹ Mẹn samẹn bha, ọsi ufidelọ. Ọkpanọ, ọnọ vade rekhan men, oile ko okhunle. men bha sẹ ọnọa mu ibata nọsọle. Ọdi samen bha bhi elimin nọ khiale, bi eranlẹn. ¹² Emi nọ khian rẹ khankhin ehunhun riole bho bọ nọ re kpọno'tọ rebhe bi ọki si ọka rebhe sikoko bhẹ ejiohe emi yi, bhẹ ẹkọuwa. Ọkpanọn enemẹn neribhọ ọki biole bhẹ ekẹ eran tuọle bhẹ ẹkẹ eran nọ wea."¹³ "Ẹghe ni, Ijesu da dabhi Igalili vae bhi ẹdi ijordani nọ dọ samẹn bhi obi Ijoni. ¹⁴ Ọkpanọ, "Ijoni bha ho nọle samẹn nalen, ọda tamanlẹn, uwẹ'kele nọ samẹn mẹn, uwẹ ọki bumen va?" ¹⁵ Ijesu kida wanien ọlele, "Jiọ diariọ nia, emi nọgbale nọ ni man rẹ muosẹ emi rebhe nọkele" Ijoni kida kue bhọ¹⁶ Ọki samen nanlẹn fo, Ijesu kida si bhẹ ekẹ amẹn re, osukpani, eguale okhun da tujiea nalẹn. Ọda daghe orion nọ Osẹnobulua vade otọ bi idu ọda tuere yanlen. ¹⁷ Osunkpani, uru da, dabhi ẹguale okhun va "Ọna khi ọmọn ni huoẹmọnlẹn.Ẹmonlẹn yẹ mẹngbe."

4¹Ẹgheni ẹlinin da dia ijesu ha khin ukato ni ẹlimin ebe do ha dọmọnlẹn. ²Ọ ki se ẹkẹ ohanmẹ ikpẹdẹ egbọle eva ọhamẹ kiada gbọle. ³ọdamẹ ọzia da vae yọle, uwe ha gene ha yi ọmọn si Osẹnobulua tama eni udo nan ne khin ekala. ⁴Ijesu da yọle ai gbọnlẹn, ọyi ebale ọzia sẹ ẹnlẹn agbọn bi ota nọ ni Osẹnobulua unu olagbase⁵Elimin ebe da gbe se ole ha khin ẹbholo nọ khiale, oda se ole ha khin eje yokhun nẹ bhotuẹ nọ khua. ⁶ ọ da yọle, uwẹ ha yi ọmọn si Osenobulua, mu egbe ẹ fi suẹn se, ai gbọnlẹn, ọ de jẹhi nọsọle ne gbẹ ẹ, bi, Eki muẹn bhobọ nọ sele nu hi da si ezamẹn gbe bhudo.⁷Ijesu da tama lẹn, ai gbo gbọnlẹn, he ki sedamẹn damin Ebealẹn bi Osẹnobulua nọ sẹ. ⁸ Gbokie ẹlimin ebe da se ọle ha khin okhunlun ukekeke nọ yokhun nẹ ọ da si egua ọni agbọn bi osisi nọsọle sebhe manlẹn, ⁹ ọ da yọle enan she i dẹ sẹ miẹn, u da de bhotọ ga mẹn¹⁰Ijesu da taman lẹn, se bhena se ẹlimin ebe: Ai gbọnlẹn, Nuwẹ gEbealen ni osẹnobulua nọ se ọle okpa sẹsẹ. ¹¹Elimin da zọle obọ, eni ẹhi da do ha gale.¹²Ijesu ki họn ghe ha mun ijọni, O da shegbe ha khin ẹkẹ igalili. ¹³ Ọ da kpanọ bhi inagasẹti dọ ha nyẹnlẹn bhi ikapanum bhe egbe ẹdẹ si igalili bhagaga otụ si izẹbulọn bi inaftali.¹⁴14. ọnan sunu se vuọn ebi Azaya ni ohẹnlẹn tala, ¹⁵Otọ si izẹbulọn bi inaftali bhodẹ ẹdẹ gbesa ijọdani, igalili si ene bha sẹbhọ. ¹⁶ Enẹbholo ne dotua bhebiuli daghe ojẹfua bi ukpa hẹnlẹn se¹⁷Rẹ na bheghe ni ijesu da mukele ha taman ele ghe "Fi ọkhọle wẹnẹ eguaosẹ ọsise¹⁸18. ọ khi khian bhegbe ede igalili, o da daghe ibhio eva, isamọni na tiole ipita, bi Anduru nobhio ọle, e mun ogan fio bhẹdẹ semude ọgbehẹnlẹn ele khin. ¹⁹Ijesu da tatie ele bha sekhan me, i ki sẹbha kin egbehẹnlẹn esia. ²⁰ Ẹje ẹje ele da zongan obọ sekhan lẹn²¹Ijesu ki gbo khian ọ da min ibhio eva ọbhobhe, ijemisi ọmọn si izẹbẹdi, bi obhio ole ijoni. Ele da ha sighi okẹdẹ bi abele izẹbẹdi ele hẹnhẹn ogan. Ọ da datie ele ²² ẹjẹje ele da si bhoke onokọ sekhan len.²³Ijesu da nẹga bhi igalili sebhe ha manle emilin bhotue bi uhọmụijẹ eguaosẹ, Ọ da yẹ ha himin ene khọnomọn agba emuonẹn ikikẹ bhọ ɲi ẹwẹ ẹbholo. ²⁴Owewe sọle da nega otọ isisia sebhe, ele da ha muni ẹbholo ne khọmọn agba emiame kike bi ẹbhole ni esu munọ gba, ene, khọnọn ọwa bi akhunlun ijesu da himin esebhe. ²⁵ Ebholo ne mama bunbunlun da bhi igalili, idẹcapolisi, Ijesusalẹn bi ijudia dọ sẹ gbesa ijodani.

5¹ Ẹgbe ni Ijesu rẹdaghe enagbe ẹbho, ọda diọbhu ukoke. Oki dibho otọa idibo ne sọle da buolere. ² Ọda tan unua kha maele emi oda yọle. ³ Erọmọn ọse ene bhọ gbele bhi oriọ ọse sele khi eguale okhun. ⁴ Erọmon ọse ne kiẹ'gbe , edi kha mọn isudu.⁵ Erọmon ọse nemọn ejiejie edimi ọnotọna bha alebhuku.⁶ Erọmọn ọse nọ ohanmẹn bi obhamẹn gbele ranmudi ilueminosẹn edi kin ọnọ violẹn. ⁷ Erọmọn ose nemọn itohan edi yẹmi itohan. ⁸ Erọmọn ose nu udu ele khale edi mi osẹnobulua.⁹ Erọmọn ọse nerọ ofure khian adi kha ti ele imọn nọso osẹnobulua. ¹⁰ Erọmọn kho ọse nakpokpo ranmudi ilunosẹn ọsele khẹ eguale okhun.¹¹ Erọmọn ọse sade eria eki popo ẹẹ ki yẹ tota nemẹn rijiman ranmudẹ mẹn . ¹² Kha aghọn gbọn bi itẹmọnlẹn ranmude ikpọnole hi ihaosa non sẹ bhi eguale okhun. Reji ọnuwede na eria da ka popo akhasẹ neneman yẹnlẹn.¹³ "Uwe khu umẹn ọsa otọ . Ahamẹn umẹn iri ulẹnlẹnmi ọsọle fia bọbhọ ọa rẹgbo kin umẹn yẹ? oiyẹmẹn bhe emisoso be nọdia bhi irọ aki biriọle kua eria kiri idia nabhọ. ¹⁴ Uwẹ kho orukpa ọsa agbọn. Agba ọbho nan muọn bhu uko'ke nọjia rẹ nẹ ko.¹⁵ La eria khọ ru orukpaoki muọn bhẹ ẹle okhiale, ọyi akha ru orukpa aki muọn bhe ebarẹ mu orukpa mudia nọn kha bhala ne eria rebhe bhi uwa. ¹⁶ Ji orukpa nasẹ kha bhala rẹji nọmẹn be ne ada mu oriri oriri ji Aba man nọn ribhi eguale okhun.¹⁷ khir riale Imẹn khọ vae dọ ria uhia la enan akhasie. Imẹn bha vae do ria elea, ọkpanọn ni imẹn rẹ muele sẹ. ¹⁸ Iriọ ẹmọata Imẹn tamaẹn ọkhuẹsẹ eguale okhun bi otọ ọgbera, ukpi iyama ọkpa la uhọmọn ẹmọn ọkpa nọla si bhọ ọnun uhi re ribhọ, ọkuẹsẹ emi rebhe mọn omusẹ.¹⁹ Rẹjiọnan ọnọn guọghọ ọnikhere okpa bhe enun uhi na ọda man eria ọbhebe ele rẹ luọle, aki tiọle ọnikhere bhẹ eguale okhun. Ọkpanọn ọnọn ne ele mọn oda man eria ele akiti ọle ọnọn kpọnọle bhi eguale okhun. ²⁰ Imẹn tamaẹn akhamiẹn ilueminọsẹn ọsẹ bha ọbha gbera ilueminọsẹn osi enegbi ebe bi Ifarisisi uwede ribhọ narẹ na bhi eguale okhun.²¹ Uwẹ khahọn atamaele bhe ẹghe nẹ ẹdẹlẹ, 'khi gbugbele, bi onoi gbugbe oki kha ribhi igueza nọn kakale'. ²² Ọkpanọn imẹn tamaẹn ghe ọnọn rekhi nẹkẹ obhiọle khọ oki kha ribhi iguẹzọ nọn kakalẹ, bi ọnọn tama obhiọle.'Ọria nọmi eboajia rẹlu oki kha ribhi okakale bho obọ erẹbhokhan. Bi ọnọn kidatale,"Uwẹ nun ohiuki! ok! kha ribhe okakale be eranlẹn ọsi agbe eranlẹn.²³ Akhamiẹn uwẹ lari emisi bho obọ re bhi ọta, uda yẹlere umọn ẹmọ'be rẹji obhioọẹ. ²⁴ Zọ ọnemi obọ bhi ọdalo ọta uwa kha khan rẹhan bu obhioẹ, ukuẹ dọ riemi sibho obọ re.²⁵ Mọn ẹhanlẹn ji ọnọn ne giezọ ejieji su khin ikotu, nọkhi muẹn nene guẹzọ, nene guẹzọ khai muen yanele nakhaimien emuẹn fiọ bhi ighan. ²⁶ Ẹmoata mẹn tamaẹn, uwe ikhian lasi bhe enire subha ha enosa igho nọn khere nẹn nunulu.²⁷ Uwẹ họlẹn atale, "khai gbo oghẹlẹ" ²⁸ Ọkpanọn, itai maẹn ghe ọnọn kighe okhio bhi ihiẹloghe oki gbo oghẹlẹ bhọ ahu nọsọle.²⁹ Ahamiẹn ẹlo obera guanọ nọrẹ kha bibire bhoea riefia omẹn narẹ mien egb ọkpa osẹ oria ọmẹn nare miẹn ona bha agberanlẹn. ³⁰ Akhamiẹn obera ọsẹ rẹ bibire, hian refia ọmọn narẹ miẹn ọkpa bhe egbe ọsẹ ria narẹ miẹn egbe rebhe ọnabha agberanlẹn.³¹ Ayẹtale ọnọn khu okhio ọle fia, nọn re ebe uhemi nanlẹn. ³² Ọkpanọn, Imẹn tamẹn, ọnọrẹkhi nọn ho okhio ọle ada miẹn khọ gboghẹ ọrọle kin ọgboghẹlẹ, ọnọn iriọle narẹ họle okiyẹ gboghẹ³³ "Gboyẹ, uwe họmi atalee eghe nẹdẹlẹ, khi khọ ihẹnlẹn nọyole bho otafoh, ọkpanọn mu otafoh nasẹ bu ebianle. ³⁴ Ọkpanọn, imẹn tamaẹn khi khọihẹn hiehie, rẹji agbọn okhun, ranmud eni aghejie osi osẹnobulua. ³⁵ La reji otọ ẹni ọhẹ awẹọ la reji Ijerusalẹm, eni agba ẹbho nọn kpọnọle ọsi ojie.³⁶ La maki ru uhọnmọn khọ ihẹnlẹn, ranmude mai la sabọ lu ukpe eto okpa nọn fua la ọnọn bili. ³⁷ Ọkpanọn, ji ọla nunta khi 'Hee,hee' la 'Heye,heye' ebọkire khi nọn gbera ọna obo elu ẹmiebe ọna vae.³⁸ Uwe họlẹn atale, 'Ẹlo re haosẹ elo bi ra akọn haosa akọn.' ³⁹ Ọkpanọn, imẹn tamaẹn, khi mudia khe ọluemi ebe, Ebodiaye, ọnọn fi ubia bha agban abera, denọ onokele nalẹn yowo.⁴⁰ Akhamiẹn ọnọrẹ tie uwẹ ẹzọ oda ri we emin, ji ọnọria woyẹ ri ewẹgbe. ⁴¹ Ọnọni tamaẹn nou kha bhi imale okpa, rekhalẹn nabhe eva. ⁴² Renọn ọnọn uwẹ ele, khi bi egbe nọn guanọn nọn mọmọ uwẹ ele.⁴³ Uwẹ holẹn atale, ohoẹmọn ọboẹ uki ho oyanẹn. ⁴⁴ Ọkpanọn, imẹn tamaẹn, hoemọn iyanẹn nerọmọn nene popo ọẹẹ. Ọne ebe no mẹn nedede bhai mọn. Ne erọmọn nene khọẹ, lu ọmẹn ji ene hẹẹ. ⁴⁵ Bejiman do ki ọmọn osa Aba man aghọn okhun. Oji ovọn ọsọle kha ze elu emiebe bi ene unọsẹn. Ọki gi amẹn kha rọlọ enemẹn bi enimẹn.⁴⁶ Akhamiẹn uwẹ hoẹmọn ne hoẹmọn ihaosa be uwe kimọn? oyi ene muni igho ohọnenọn oyi iriọ elu? ⁴⁷ Akhamẹn uwẹ tui ibhioe ọkpa, bu uwẹ kidiriọ lu gbera enekele? ọyi irio bhọ Igẹnta luọle yẹ? ⁴⁸ Ebokhi uwẹ kin ọnọn lu eminosẹn, be na Aba nọn ribho agbon okhun rẹ lu eminọsẹn

6¹ Moẹn ẹwan,nukha lu emi ọsi mọn khialẹ, ne eria ba daghemẹn ra, aki dọmiẹn ihasa yẹ ribhi uwẹ bhọ nọ da bhi obọ Eraman nọ ribhi ẹgua okhun. ² Ọkpanọn, uda rie sibho obọ re, ghẹ khua akala bhọ, zẹ bi ihi emalu ne ribhi uwa oga bi uwedẹ, na agbọn me he da ru uyi nelan. Emaeta, oile taman bha, emiẹn ihasa nọ ribhọ fo.³ Ọkpanọn, uda ri sibho obọ re, ghẹ ji obọ agobọ lẹn ebi obera lu, ⁴ Be jia da miẹn urie sibho bore na sẹ, jia yọ osi ẹkhokho. Ẹgheni eraman nọ daghe bhẹ ẹkhokho ki ha uwẹ osale.⁵ Sade une erọnmọn, ghẹ dia bi emalu, ne hoẹmoei inerọmọn bhi imudian bhẹ ẹkẹ uwa oga bi uwedẹ ne eria daghelan, Emọnata oita mabha, emiẹn ihasa nọ ọselan fo. ⁶ Ọkpanọn, wẹ kha khian ne erọnmọn, uki labhẹ ẹkẹ ugha nasẹ. Kho ọdẹ uki nerọnmọn ji erama nọ daghe bhẹ ekhokho. Eraman nọ daghe bhe ẹkhokho, di ha uwẹ osa. ⁷ Uakhian ne erọnmọn, khẹ tọ ota ne yiọle. ọta nu kata ze bi ene bhalẹn osẹnobulua, ekialo osẹnobulua di họn ranmude ẹmọn nọbunbun nọselan.⁸ Ọkpanọn, kha dia bi ilan, ranmude erama nọ ribhe ẹgua okhun lẹn ebu uwẹ gualọ uwẹ kuẹ nọ. ⁹Ranmude ọna rinia kha ne erọnmọn: "Eraman nọ ribhi egua okhun, jia re ẹkpen nenien.¹⁰ Jiẹ ẹgua nọsẹ vae. Iho nọsẹ alu bha agbọn be jia lu bhẹ elinin.¹¹ Re ebale ẹdẹdẹ man. ¹² Ro olukhọ nọsẹman humuma, beji man rẹ humu ene lumakhọlọ. ¹³ Khẹ sua man fi bhi ẹkẹ edamẹn, miẹnman fan bhi emiọnbe re.'¹⁴ Sade uda rẹ hume ẹriọ obhebhe ulukhọ nasẹlan, Erama nọ ribhi ẹgua okhun, di rẹ human. ¹⁵ Ọkpanọn, akha ki miẹn uwẹ bha rẹhuman iboẹ. Erama nọ ribhi ẹgua okhun, khian rẹhuman.¹⁶ Akha miẹn uda lu ifuẹkẹ ohamẹn, ghẹ siẹlogba bhu uhumun be ji ilan ni emalu luọ, ranmude, eki si ẹlo gba bhu uhumu ne rẹman wẹ elui ifuẹkẹ ohanmẹn. Ẹmuata ọli tamabha, emiẹn ihase nọselan nọ vuọnlẹn fo. ¹⁷ Ọkpanọn, akhamiẹn, uda lu ifuẹke ohanmẹn ua rẹ ebarẹ gbo gbue uhumu,ua ra amẹn kpeloa.¹⁸ Bhe ejiada miẹn ọbha rẹ egbe man eria, ifuẹkẹ ohanman na osẹ.¹⁹ "Ghẹ si efe sikoko ne gbiẹ bhọ ona agbona, bheji eji ododo'ada lọlia bi ejiọ ada mọntọn, bi ejiọ ọyi ada gbe ekhua le eminọ ribhọ. ²⁰ Nurẹ lu ọni, si efe koko ne gbiẹ bhe ẹgua okhun, bhe eji ododo khian da lọlia bi eji ọi khian da gbẹ ekhua dorie. ²¹ Ranmude, eji eminọ dọnna ye eni ọle ekholẹ ye.²² Elo khu ukpa ọsẹ egbe. Ranmude, ẹlo kha amẹn, egbe rebhe ki vuọn ni ukpa. ²³ Ọkpanọn, akha miẹn, ẹlo nasẹ ọimẹn, egbe na sẹ rebhe ki vuọn ni ebiuki. Ranmude,akha miẹn ọnu ukpa, ọda yi ebiuki, bọ ọnebiuki ni akhua sẹyẹ! ²⁴Aisabọ rẹ eja ogie va, okha hu ukpọkpa ọki hoẹmọn ọnọkele, ra ọki mama sikẹ ukpọkpa, bi ọki fi ọnọkele bho otọ uda sabọ go osẹnobulua bi ẹfe.²⁵ Ọkpanọn, itama bha, kha kpokpo egbeẹ ranmude uyẹnmi na sẹ, bhe ebale nale ra bu wea wọn, ra egbe nasẹ ebu weayọ. Eyi iyẹnlẹn gbera ebale, bi egbe bha gbera ukpọn? ²⁶ Bha ghe afiamẹn ne ribho okhun. Erẹ kọ ra kọlọ ra, ne rẹ sikoko bhẹ eru, ọkpanọn, Eranman nọ ribhi ẹgua okhun ọle rebae nilan le. Ọi yi bha be khin ukanlẹn le?²⁷ Ọria nọ bhi usu bha,bhẹ kẹ ikpokpegbe nasọle ọki sabọ rie ba edagbọn na sọle? ²⁸Be ki zẹ nuda kpokpegbie ba emọn ukpọn? Riale, ilumun ne ribhi otọ be ji erẹ wanre yẹ. Ewina ra ne rẹ kha do ukpọn. ²⁹ Itamabha Isolomọn tobọle, bhẹkẹ oriri na sọ le abha ri ukpọn hinọlẹn bi ena.³⁰ Akha miẹn, osẹnobulua, sabọ re ukpọn gue ilumu ne ribhi otọ, nọ yẹnyelẹn ẹlẹna ewiẹ, ahiọlia, biọ bhẹ ẹkẹ rọn, ekanọ, odi ri ukpọn guẹ bha ne mọon irebhọ nekhere? ³¹ Ranmude ọna bha kha yẹ gbogbo egbe wẹ'e, 'Biman le ra be man wọn?' ra idie ukpọn ni man ni yọ?"³² Ilan ne bha rẹbhọ gualọ emina rebhe bi Eranman nọ ribhi egua okhun lẹnlẹn wẹ gualọ emina rebhe. ³³Ọkpanọn, ka guanọ egua bi ilue minọnsẹn na sọle emi rebhe nọ ki kere ọdi rẹ niẹn. ³⁴ Ranmudọna, kha yẹ kpokpo egbe bhi ewiẹ, ewiẹ di kpokpo egbe ọsọle. Ukpẹdẹ ikẹkẹ mọẹn emiọbe ọsọle.

7¹ "Hẹi bhuohiẹn, onọn bhuohiẹn rigbọ. ² Ohiẹn nuwẹ bhule, olearẹbhuọhien nọn sẹ ebuwẹ rẹ bhan ọle ayẹrẹ bhan uwẹ.³ Bezẹle nuwẹ nan ghe ọnukpemin nin nọn ri obhio uwẹ bh elolo, ọkpanọn, uwẹ bhadaghe ududu eran nọn riuwẹ bhelolo? ⁴ Buwẹ arẹ taman obhio uwẹ, 'Jimẹ rio ọnukpemin nọn riẹ elolo kie, aimien ọne ekhun eran riẹ bhielol? Urẹ nọn luemin abadaghemẹn! ⁵ Ọhẹnhẹn kkea mun ekhun eran nọn ribhi ẹlọ nọn ribhi ẹlọ nọn sẹ kie bẹ nun uwẹ arẹ daghe ọsesili ọnun ukperan nọn ribhi ọsobhioẹ bhẹ ẹlọ.⁶ Hẹi re emin nọn khiale nan awa, la a ebale nọn daẹn fiọ bhi odalo nọn si une.Ọiyirio ekhi ro oranmẹn nọn sele nunọ ọle, laa ekiyanghanlẹnan.⁷ "Nọn, akhi reniẹn guanọ, uwẹ khimiẹn. Sobọ bhodẹ, akhi tugieọle niẹn. ⁸ Ọnọn khirẹkhin nọn nọnlẹn, ọle miẹn ọnọguanọle, ọlemien,la a ọnon ọria nin nọn sobọ bho odẹ, ọle atugio odẹ nan. ⁹ La a kọnọn bhẹwẹbha nọn ọmọn anọlẹn ri ukhiọn bhi ibrẹdi mẹn, nọn re udo nalẹn? ¹⁰ La a ohiọle re ehẹnlẹn mẹn, ọhi re ẹyẹn nanlẹn?¹¹ Ranmudọnan, uwẹ nọn luemin eb ha relẹn ha rie emin esili nọn ọmọn, ekahi Abaẹ nọn ribhi ẹgua okhunlun harẹ eminesili ne enenọlẹn? ¹² Ranmudọnan, ẹbọkhirẹkhin nun we guanọn nan agọn luwẹ, luọ nele, ọnan ọnu uhi bi ohẹn.¹³ "NIn ọnodẹ nọn kiẹn riẹnlẹn nabhọ. Ọnodẹ bhiamin kiẹn gbolo nana akhin ufuan, ẹbho ne bunbun ọle ribhi ọnugede nan. ¹⁴ Ọkpanọn ọnin odẹ riẹnmin bi aisabọ kẹrenale si iẹnlẹn, ikpeta kpa sabọ nale.¹⁵ "Bhọnẹwanlẹn bhi obi ohẹn ohogholi, ne buẹre akpa osi ohuan ruẹn, inian ekian bi oguokhoguogho. ¹⁶ Ikpiru ne mọnlẹn ọle uwẹ rẹlẹn ele. Agbọn Kọni igrepu be eran anume la otien bhi oran omunmun? ¹⁷ Iriọyẹnọn, eran nọn bhẹn rebhe ọle yẹgbo min ikpẹ nọn mẹn, eran noimẹn oiyẹgbo min ikpe noimẹn.¹⁸ Eran nọn mẹn oisabọ rẹ mẹn ikpẹ nọnimẹn la eran nọnimẹn oimẹn ikpẹ nọn mẹn. ¹⁹ Eran nọn khirẹkhin nọnimẹn ikpẹ nọn mẹn aki khianfia rọ kpọn. ²⁰ Ọnizele, ikpe ne mọnlẹn ọle uwẹ rẹlẹn ele.²¹Ayi ọrebhe nọn tamẹn 'Ebianlẹn, Ebianlẹn' Khian la nabhi eguale okhunlun, enesabo lu iho nọn si Aba nọn ribhi okhunlun. ²² Enebunbunlu meatamanmẹn unukpẹdeni,Ebianlẹmẹn,Ebianlẹnmẹn, mẹn bhaba reliẹn nọn sẹe sa akhasẹ, mẹni reliẹn khuo ojuu fia, ẹkẹ elin nọn sẹẹ mẹni lu ohanlolo ne bunbunlun? ²³ Enimẹan da taman ele bhi adaigbolo,'Mẹn bha lẹnẹn! sibhiejimẹn yere, ibha ne bha lu rẹkhan uhi.²⁴"Ranmudọnan, onoirẹkhin nọn hẹn ẹmon nọn sẹmen ọnan robo rẹkhanlẹn oikẹn umọnwanlan nọn bun uwa bhi uku udo. ²⁵Amẹn da rọlọ, okpologho da vae, bi ahoho da hoho bhi ukọnu uwa, obha deso otọ, ranmude ukudo ada bọn.²⁶ Ọnọnhirẹkhin nọn hẹ ẹmon nọn sẹ mẹn nọn bha reobọ rẹkhanlẹn ọhi kiẹn uuki nọn bun uwa nọn sọle bhu ukekẹn. ²⁷ "Amẹn da rọlọ, ologho da vae, ahoho da fi gie onuwa, ọnan guọghọka uguọghọa nọnsọle da gbukpei".²⁸ Ẹghe da do sẹ, Ijesu khi ne talọ fo, ọnan han enun usun ilolo bho ọde nọn rẹ man el emin. ²⁹ Ranmude ọiman ele min bi ọria nọn mọn ahu ọbha dia bi enin enegbebe.

8¹ Ẹghe nin Ijesu rẹ nin ọnoke huẹnre, ọnun usun nọn khua da rẹ khanlẹn. ² Dọghe ọria nọn khọnmọn ubhe da do min ọlẹn ọnan ghore nalẹn, ọnan tale "Bealẹnmẹn, ọha yẹlẹ, uwẹ sabọ regbẹ dan miẹn".³ Irọ Ijesu rẹrobo su ọle, ọnan tale, "Ọyẹmẹn, kiẹn ọnọn khiale". Ọnẹnghenin ọnanwẹ kiẹn ọnọn kpekhia bhi ibhiele.⁴ Ijesu da tamanlẹn "Hẹi taman ọria soso. Haa khin ọse, regbeẹ man ọno ohẹn, bii ọnẹn ẹsele ni Imosis tale,nọn ha yi ọseli rẹ jele."⁵ Ẹghe nọn rẹ vade Icapanum, ọnọn ri isodia egbọnisẹn khian da buọle re, bhiọle.⁶ Ọnatale, "Ebianlẹnmẹn, eguọbhandia nọn sẹmẹn nọwẹ bhi uwa obọ bi awẹ bhiẹbhiẹa ọwo maman loyọẹ." ⁷ Ijesu da tamanlẹn, "Mẹn da vae nin dọ regbe danlẹn."⁸ iriọ ọnọn riobuan egbọisẹn khian da tate, Ebianlẹnmẹn, mẹn bhasẹ ọnu uwẹ anale bhi uwa. Uwẹ wo tọ ọnonta egbe kiwe danlẹn.⁹ Ranmude okpea mẹn khin nan re ejele bi ahu nan, mẹn bhọn iyokulo nin mẹn gbaloghe. Mẹn taman ọnan , 'Akhian,' ọnan ha khian, ọnan taman ọria ebhebhe, 'vae,' ọda vae, reji egọmandia nọn sẹmẹn, 'luọnan,' okhi luọle." ¹⁰ Ẹghe nin Ijesu rehọnan, ọnan han ọnlẹn ilolo, ọnan taman enerẹkhanlẹn."¹¹ Mẹn tamanẹn, meso nabhi ejo oẹnlẹn da mure bi eji oẹnlẹn da defia, ohi deba Abraham bhuki imẹnjẹ nọn sọle bi Isaac bi Ijakọpu bhẹ ẹguale nọn so okhun. ¹² Ọkpanọn imọn nọn si eguale man mue fio bhi ebiuki ọsiolele, bheji eviẹ bi igbakọn ye. ¹³ Ijesu da taman odion iyokulo egboisẹn, "Akhian! beju uwẹ rẹrẹọbhọ, iriọ oa rẹ sunun jẹ." iriọ egbe rẹdan ọguọbhandia nin bho ọnẹn uriẹghelẹgogonan.¹⁴ Ẹghe nin Ijesu khire naa bhi uwa nọn si Ipita, iriọ rẹ daghe oruan Ipita no okhuo no wẹ ọkhọmọn ọhigua. ¹⁵ Ijesu da ro obọ suọle obọ, ọnọn ọhigua nan zọle obọ. Irọ orẹ kpanọ dọ muni ebale nele.¹⁶ Ọsẹmuan kire, enẹn bholo nan nan munọn bu Ijesu re enegbe bha dab ne mọn orion nọn mẹn. Ọnan khu enoriọn ne bhẹn rie bhi eyẹnlẹn re onan regbe da ene khọnmọn.¹⁷ Inan arẹrọzẹ ebi Isiah no ohẹn tale, nọn rẹole, "Irio ọnokpea tobọle rẹ miẹn bhan ekhọmọn bi emianbhẹn."¹⁸ Ẹghe nin Ijesu rẹ daghe enun usun ẹbholo siko nẹgale, ọna taman ele ebealu ọnan zele obọ akhin ibodẹ ọsi odighi osi Igalili.¹⁹ Iriọ ogbẹnene rẹ bu ọlere tamanlẹn, ''Omanebe" mẹn dẹ rẹkhanẹn ejuwẹ khirẹakhian." ²⁰ Ijesu da tamanlẹn. "Oaghan bhọn uhio, bi afianmẹn ne tin bha ahoho bhọn ẹkolo, ọkpanọn ọmọn nọn so okpea ọi mọn ejoda re uhọnmọn nọn sọle nọko"²¹ Odibo nọnsọle ebhebhe da tamanlẹ n, "Ebialẹnmẹn, sẹka ji mẹn do ra abamẹn tọ" ²² Ijesu da tamanlẹn, "Rẹkhan mẹn, ua ji eneyulu da ri eneyulu nọn sele tọ.²³ Ẹghe nin Ijesu khirẹ na bhi okọdẹ fo, enodibo nọn sọle da rekhanlẹn nan bhi ọnọkẹde.²⁴ Dọghe, enin okpẹhoho nan na bhi ọnokpẹdẹ, okpẹhoho da ha mun ọnokẹdẹ. Ọkpọnọn Ijesu da wẹ. ²⁵ Eni enodibo nọn sọle da dọ riọle bho owe, tamanlẹn, "Humi manlẹn, Ebialẹnman, man laa fuan,"²⁶ Ijesu da taman ele, "Bezele ofẹn mu bha, ibha ne mọn omi urẹbhọ?" Eni ọda guakpanọn devanhiẹn ahoho be ọno okpẹdẹ. Iriọ ọfure rẹne erebhe dia. ²⁷ Ọnan han enikpea rebhe ilolo enanle, batiọnan bho okpia, namiẹn lahoho bi okpẹdẹ hẹnmọnlẹn nanlẹn?²⁸ Ẹghe nin Ijesu khirẹ vae bhi ibodẹ nọnkẹle osi Gadarenes, ikpea eva nebhọn oriọn nọni mẹn nan buọle re. Ọgbitolinmin enavade enan bhọn umuluẹgheọsọhanabẹ, bọnanamiẹn orumuyẹn oisabọ ne eni gbera. ²⁹ Dọghe, enasodagbare tale "Biman sabọ lu niẹn, omọn nọn so osẹnobulua? Uwẹ vae nun dọ royanmale ọnẹnghele quẹsẹ?"³⁰ Ọnẹghena, une nerusun bhe enin, eda lebale, bhejebharegbe bhe ejeye. ³¹ Enojuu nan bhi Ijesu eda tale "Ahamiẹn uwẹ khuman siebhi iẹnlẹn nọn sele re, jiman nabhi ẹkẹ iẹnlẹn se enu une nan." ³² Ijesu da tamaele, "Akhian! Enorion neimẹn nan da dagbare, enan nabhi ẹkẹ enu unẹ nan, dọghe, enu une rebhe nan nagbanegbe ha khi okhun oke dọ nabhi ẹkẹ ẹdẹ bhe eje nan yuu bhẹ ẹkẹ amẹn.³³ Ene renu une kọn nan zunẹ nẹgbe akhiẹn ọnẹkebbho tamaele ebhirebhe, ikẹ rẹji emin nọn ruan ji ọno okpea nọn ha mọn orion nọni mẹn.³⁴ Doghe, ọnan agba ebhorebhe eda dagbare bu Ijesu re. Ẹghe ne khi rẹ miọnlẹn, enen bhiọle nọn sibhi agbaẹbho nọn sele rẹ.

9¹I jes̃u da na khokoẹdẹ, vbae bhẹbholo nọsọle. ²Dọ ghe, eda mun okpia akhunlun nọ rewa nowẹyọle. ọki daghe urẹbhọ sele, ijesu da yọ riakhunlun ha mon udinmi egbe. Emin ebe sẹ min orẹhuman.³Dọ ghe, ogbenebe so da ha negbele zilolo, yọle ghe, Okpia nan ọtọta awa. ⁴Ijesu da lẹn ebele ria bhọkhọle ọ da yele, Bezẹle nin ibha da ha ria eria ebe bhọkhọle sibha?⁵Ọne lọkhọ nẹ, na re yọle a remin ebe human ẹ, la na re yọle kpanọ mudia nu kha khian? ⁶ Ramude nibha rẹ lẹn ghe Ọmọn s' Okpia mọn ahu bhọnagbọn na rẹ remin ebe human. ọ da yọni akhunlan akhunlun "Kpano re ewaẹ ha khin uwa nọ sẹ⁷ọnokpia da kpanọ rewa sọle ọ da ha khin uwa sọle. ⁸Ebholo ne bunbunlun ki da-ghọna, ofen da mum ele, e da ha gẹn elinlin Osẹ nọ rahu nọ sẹ rio nẹbholo. ⁹ Bi Ijesu Khi da bheni gbera, O da daghe okpia na tiole imatiu dotoa bhẹkẹ ikuele ene kokigho uhọmọn. Ọ da yọle, rẹkhan mẹ. ọ da kpanọ rẹkhan len.¹⁰Ijesu ki dobhọtoa nọ le ebale, do ghe, ene kokigho uhọmọn bi eluemin ebe na bunbunlun da ni ijesu be edibo ole ha le ebale. ¹¹E ni ifarisi ki daghe riọ e da yi edibo ijesu, Bezẹle ọnọ luẹbha emiln da ha ni ene kokigho uhọmọn bi elu emin ebe le ebale?¹² Ijesu ki hon riọ, ọ da yelẹ, ẹbholo negbe danlen hi guanikhumu, enegbe bha danlan ọkpa guanikhumu. ¹³ Bha dọ luẹ eba rona ta: "orehuma mẹ guano ẹyi irobo" imẹ bha vae dọ tie enekhiale, elumin ebe mẹn dọ tie ne fi ọkhọle wẹrẹ.¹⁴Edibo si ijoni da vae yọle bazele ele bi eni ifasisi ki ha re ẹke ohamẹn ẹghẹghẹ edibo nọ sẹ ele re ẹkẹ ohamẹn? ¹⁵ijesus da tama ele si imọn re ekhuo de ha kioya bhi eji okpia nọ re amhẹn ye?Eghe vade bhodalo na rẹ aamẹen kpano, ẹgeni eda rẹ rẹkẹ¹⁶A ha sukpon ọsọgbọn ba osiẹli, ọki ke mana sọnọa.¹⁷Ai sa anyọn ọgbọn bhi ebha oriẹle: A ha sale bhọ ọki vẹnẹa oni enyon ki tue kua. Na rẹ lu irio, aki se ẹnyọn ọgbọn bhi ebha ọsọgbọn eki koko ha ribhọ.¹⁸Ijesu hi ne le talọ, Dọghe, ene rẹbho khia ọkpa da dekianre tuọle. ọ da le ọmokhuo nọsọle da wo yu, ọkpa nọ dọ robọ nyan lẹn nọ da fikiere bhagbọn. ¹⁹Ijesu da kpano rẹkhan lẹn bi edibo nọsole.²⁰Dọ ghe, okhuo ọkpa no khọnọn eminamọ aranlẹn bhi ikpe igbeva da vae robọ su ehehe ukpon sọle.²¹ Ọnokhuo taman egbọle ghe "ole da sabọ robọ suọle ukpon, egbe kidanlẹn" ²² Ijesu ki denegbe ọ da daghọle, ọ yọle "Ọmokhuo, ha mọn ize bhudu, urẹbhọ sẹ himin ẹn". ọn'okhuo da nin bh'ọn'usieẹghe.²³Ijesu ki nabhuwa ene rẹbho khian, ọ da daghe ene khue arokpo bi ẹbholo ne bunbunlun e kpoke.²⁴Ọ da yele "bha si bh'edaban re, ọn'omamẹn bha yu, owẹ ọle ọ ye "Ene sibh'eni da ha giẹ sẹ zọ ogiẹ²⁵Enẹbho ki dagbase, o da na bh'ọnogua ọda re ọle ukpobọ on'omamẹn da kpanọ.²⁶ On'ẹmọnlẹn da wewe nega on'ebholo.²⁷Ijesu ki da bheni kpanọ, ikpia eva ne suẹlolo da rẹkhan lẹn. Eda so rẹkhanlẹn yọle, "Tohan malen, ọmọkpia si idevidi "²⁸ Ijesu ki nabh'uwa, enikpia eruẹlolo da buọle re Ijesu da ele "Ibha rebho mẹn dẹ sabọ lu ona?" E da yọle, Ehe Ebealẹn".²⁹Ijesu da robọ suele ẹlolo yele "Jọ dia beni urẹbhọ sabha tale. ³⁰ẹlolo sele da tanlan. Ijesu da maman bhuhi nele, "Bha jọria so so lẹn". ³¹ Enikpia da ha rọnẹmọnlẹn wewe ni ijan erebhe khian³²Enikpia eva ni ki kpano, e da mun odin ni esu mugba ji ijesu. ³³ọni esu ki dagbare ọnodin da talo. ọ da han enẹbho ẹlolo eda yọle a bha sẹka min egbọnakhẹ bhotọ izreli.³⁴ifasisi ola ha tale ghe "Ahu esu O sẹ khu esu dagbare³⁵Ijesu da ha nega onẹbholo rebhe bi igule. ha man ele emilin bhuwa oga si osẹnobulua, tẹmọn eguaosẹ bi ihinmin ebholo bhagba emianmẹn kikẹ. ³⁶Ọ ki daghe ebholo bunbunlun, o da tohenle, ramude okpokpo bi irudu wala. Enẹbholo dia bi oghogho nọi mon ọnọn rele kon.³⁷O da tama edibo sọle, ọni ekọnọn mama bunbunlun, ene kọnọnlen bha bun se. ³⁸Bhiriọ ajẹje nerọmọn ni Ebealẹn jiene nwena re bhẹkẹ ekọnọn sọle.

10¹ Ijesu da tie eni idibo igbeva ne sọle kokore, ọda ra ahu nele re ha khu ẹlimin ebe kua be ne rẹha himin ẹbholo rebhe bhe emian mẹn bi ekhọmọn rebhe.²Elinlin eni idibo igbe eva ele khenan. Ono hẹinhẹn Isammọni (Nọ yẹ ha tiọle Ipita) bi Andru no obhioo ọle, Ijemisi nọmin Zẹbẹdẹ bi Ijoni no obhiọn ọle.³ Ifilipi bi Ibartolomẹw, Itọmọs bi Imatiu ne to no igha uhọmọnIjemisi nọmin Afuos bi Itaduọs. ⁴Isaimọn bi Ijudas Isikariọs nebhọ da khiẹn olẹn.⁵ Ene etu igbe eva nan, Ijesu je dagbare oda mamon tamam ele bha hei ha khian ebholo ni Genta nyenlen, bi eria Sameria. ⁶ Nurelu irio, bha ha guano ihuan izile ne yuluwa, ⁷ Bha ha khian, bha ha ta emon Oseno buluwa, bha hatale: "Eguale okhunlun osire."⁸Himin ene khonmon, rio ene yulu, kpe ene khomi ibhe khia, bha ha khu elimin ebe kua.⁹ Osohe orenien, osohe uwe aye renele. Bha hei re igho obhe ekpa ra heire ukpon ozeva lo ibata ozeva monlen ramude ogbilu,un ole mien eghon.¹⁰ Ibha e muẹn ekpa na re ybho bhọnlẹn sibha khian bii okpuọn ọbhebhe bii ibata bii ukporan, ranmude onọ miẹnsọn de le abale.¹¹Ebho nibha reri nao, okpona la okhere, guano oria no sele nu nedea re se eghe nuare kpano. ¹²Uha na bho oa, tue ele. ¹³Ade hoono oa kion ono sele, jo ofure no se vae bho ono oa. ade ho bha ki se, jo ofure nose rekhan en kpano.¹⁴Ene bha mien bha bhe egbe la ebha ka bha eho egbe ni bha kire sibiho omaibuwa ew, la onebholo bho kha kha eken sibhe eramen re. ¹⁵Emoata itaman bha oto Isodom bi Igomora ole da men none ebho ni, bhu ukpede iguezo.¹⁶Ghee o, Ijebha bi ihuwan neri bhe ewele ubidon, ramu doni bha ha babe egbe be enyen, bha ki ye degbere bi idulu. ¹⁷Bha ha khe ebholo! Eei muno bha je enere bholo khian. Eki gbe bha bhi Ekoughele nose ele. ¹⁸Eki gbo mun bha ji Odiele bi ijie ramude men.¹⁹Eha ki muen hakhian khei kha riale buota la buare tale ye. Ramude ebuota adei renien bho onegbe nin. ²⁰Oiyu uwe bho la talo, okpanon elimin nokhiale nosa Aba bha, ole la talo bhi ibha.²¹Obhioo ki mun obhioo dagbare nan gbea, aba ki ro omonlen nan gbea. Imon kiha ne ene biele gbegbe, eki rele nan gbonoa. ²²Orebhe ki hee ramude Elinlin men. Okpanon, ono ki ziegbe so oto, ono iria ni oki nin. ²³Ehaha kpokpo e bha agbe okkpa ne dio bho bhebhe. Emoata ita man bha, bha hise nega agba ebholo rebhe neribhi Izile okur se hi Ijesu vae.²⁴Olue-emilin ikpano gbera oman-emilin, odibo ikpono gbera ebialen olen. ²⁵oigba min no oluemilin reha guono nole dea bo omon emilin, odibo be ebianlen olen. Ade he bho tie Ebia len uwa Bezebu, elinlin obe no kholo noni ekia wo hatie ibhokhan len.²⁶Ramudona bha hei ne ofen ela ramude ha bha men eba lu hele non hi ve, abha mien eba rehele no hi zegbere. ²⁷Ebi itama en bhe ebiuki, tale bhalu efua, emonlen nan dota man en, so tale dagbare.²⁸Bha hei ji ofen eneria nin mu bha, ene sabo gbe efun egbe nei sabo gbe okhole. Nure lu irio, jo efen onoria ni ha muen, non sabo gbe efun egbe bi okhole bha agbon eranlen. ²⁹Oiyi ukpobhi igho khere are de ihaelimin eva? Ore dea rio, eha Aba bha rele kon. ³⁰Ehe eto ne ribha bhu uhomon rebhe Osenobulus oilen min ekikpole ne khin. ³¹Bha khei ne ofen. Bha men gbera Ihaelimin ne bun bun.³²Ramudena oria non te emon men nesili man ebholo olei men aye te emolen nesili man Aba men noribho okhunlun. ³³Okpanon, ono yiole ole bha len men, men kiye ta man Aba men noribho okhunlun hi men bha len ono oria.³⁴Bha khei riale hi vae do mu ofure ve bha agbon. ibha do mu ofure re okpano, opolo. ³⁵I vae ni so eghian no omon bi aba le, omon okhio bi inenen olen, aamen bi oo ado ole. ³⁶Ighilan noso oria, eki ha yi ebholo nole re nyenlen bho oa.³⁷Onon ho emonlen aba bi oo gbera men an, obha se onoa re khan men. ³⁸Onon ho emon imon gbera men an, obha se onoa re khan men. ³⁹Ono to bole guani ienlen, oki mu onlen fia. Okpanoa ono ki mu ienlen nosole fian ni Ijesu, ole la mionlen.⁴⁰Ono mien bha, bhe egbe, ole mienlen men obhe egbe, ono mien mero obhe egbe, ole ye mien ono jen men obhe egbe. ⁴¹Ono mienlen akhase obhe egbe, bhe elinlin nose okhase, oki mien ohaosa nosa akhase, ono mien oria esili obhe egbe bhe elinlin noso orieslili, oki mien ihaosa oriesili.⁴²Onon reri khin nolue esele ni ukpokhokhan, oare yi amen osa nalen muon bhe elinlin odibo Ijesu emoata itama bha, ihaosa le ida yulu bha.

11¹Aki lu fo ni Ijesu zẹ la nedibo sọle talọ, ọ da ha man el eminlin nega onẹbhole.² Ijọni ki họn bhẹkẹ ighan inwenan ni kristi lu, ọ da jedibo sọle.³ Ọ da yọle, "uwẹ khọnọn vade, la niman kha khẹ ebhebh?"⁴ Ijesu yele "Bha kha khian do ka man Ijọni ebibha miẹnlẹn bi ọnibha họnlẹn. ⁵ Ene ruẹlolo daghe, akhunlun khian, ene khọnmi ibhe khiakhia, eyehọ hẹn ẹmọnlẹn, ene iju a ziẹn le re bhagbọn bi ati uhọmujie osẹnobulua man linioguele. ⁶ Erọnmọn ọsene bha ri ohumẹn.⁷ Eki khin ọsele, Ijesu da mukele ha tẹmọn Ijoni man ebholo "Bhi ibha dagba re dọ ha ghe bbhugbẹ bunbun, ukpuri ne hoho ha lueghe? ⁸ Bibha dọ ha ghee okpia nọn ne ukpọn esili yọ? Ene ruẹn ukenosili ribhi uwa ri enije.⁹ Bibha dagbare dọ ghe ohẹnlẹn? Ehe, i tama bha ọgbera ohẹnlẹn. ¹⁰ Ọle ra na gbẹnlẹn, ghe, imẹn jọyuhọnmọn se mẹn kalo bhodalo ẹ, nọn da rọdẹ nọsẹn niẹn.¹¹ Itama bha ọsaje, ọria rẹ rẹbhọ nokhuo biẹle nọn kpọnọn ni Ijoni. Biriọ rẹ yẹ, ọnọn khere nẹ bhi ẹguaosẹ rẹ yẹ kpọnọ nanlẹn.¹² Rẹnẹghe Ijoni nọn ranmẹn nẹ bholo dọ rẹ reghẹna eguosẹ da ha mọn omunlueghe ọrọhananbẹ, ẹho ọhanhunbẹ da rahu rẹ ọle.¹³ Ohẹnlẹn rebhe bi uhi dọ rẹ zẹ bh'Ijoni. ¹⁴ Bi u ha miẹn kue, ọle Ẹlaijah nọn vade. ¹⁵ Ọnọn mọn ehọ nọn re họn ọ a họn. Ọa họn.¹⁶ Bi da rẹ khọkhọ agbunrenan? ọi dia bi ibhokhan ne khinlẹn bh'ẹki ne di bhotọa dati egbele. ¹⁷ Yọle, ma khue orokpo ni ibha, bha bha gbe. Man kiẹ oya bha bha viẹ.¹⁸ Ijoni vae ọi le ebale, ọi dẹnyọn, bha dale ọle mọn ẹlimin nọn bha khia. ¹⁹ Ọmọn s'okpia ki vae nọn le ebale nọn dẹnyọn, eda le ghe, okpia ulemule bi ọdẹnyọn, ọmuẹ ene kokigho uhọnmọn bi elu eminebe! obu ebe diale ni owanlan lua rẹ lẹnọnlẹn.²⁰ Ẹgheni Ijesu da ha vanhiẹn ẹbho kikẹ nọn da lu eminlin ọhanẹlolo ranmude ele bha ka fi ọkhọle wẹnẹ. ²¹ Ihẹnlẹn ọsẹ ikorazin! ihẹnlẹn ọsọẹ Ibẹtẹsida! sade Itayabi bi Isidọn mẹn da lu emilin ọhanelolo ni miẹn lu bheji bha, ọ a rẹ bue ne ha rẹ rosọnmukpọn bi ọmọn rẹ fi ọkhọle wene.²² Ẹdẹ na da gui ẹzọ nọn kikẹ, ọsi Itaya bi Isidọn da lẹkhẹ nọnsiha.²³ Uwẹ Ikapanọmu, uwẹ be lolo ghe a dẹ tuẹn wẹ okhulun dọ siso? Heye a de muẹn rẹ bhẹkẹ otọ. Sade emin ohanelolo nan lulu Isodọmu e da lu ọle, e'ha rẹ yẹ ha ribhọ rẹ sẹ ẹlẹna.²⁴ Imẹn tama ẹn ọsi Isodọmu de lekhe nọn rẹ ẹdẹ na da gui ẹzo nọn kike.²⁵ Bhẹghe nin Ijesu da yọle , Aba,Ebealẹn nọn nyan agbọn bi elimin, ranmude uwẹ ri enenin nan rẹko ne enewanlẹn bi ene lẹn eminlin, u'nan sẹman ibhokhan ni ikherekhere. ²⁶ Ehe,Aba iriọ ọ da mẹn nẹ bhẹlo nọn sẹ. ²⁷ Aba mẹn mun emilin rebhe mẹn bh'obọ, ọria soso ribhọ nọn lẹn ọnọmọkpia gbeza, Aba, ọria yẹ ribhọ nọn lẹn ọn'Aba sokpan ọni ọmọn rẹ man.²⁸ Bumẹn re ibha ne min esọn n hẹ ihe, mẹn ki sihuahua nibha. ²⁹ Mun Ihẹ nọn simẹn na bhegbe mẹn luẹ, mẹn mẹnmin i da yẹ mọn ọkhọ esili uki min ọfure, jegbe nọn sẹ. ³⁰ Ihẹ nọn rẹmẹn ọi nọghọ ọkhuasisi nọn rẹmẹn ọheghẹhẹghẹ.

12¹ Ọnu ukpẹdẹ uhuẹnan ni Ijesu da khian na bhi ugbọ ọka gbera. Ohamẹn da gbe edibe na sọle, ranmude ọna ehida gbe ne uhumu ọka ele. ² Ọkpanọn, otu ilan ni Ifarisis ki da ghọle, eda tami Ijesu, "Ghe edibo nasẹ lu emi nọbha khẹke nerẹlu ẹde uhuenan."³ Ọkpanọn, Ijesu ki da tama ele, "Bha be tiọle bhe ebe, emi ni Idevidi lu bh ẹ ẹghe ne ohanmẹn kirẹ kha gbọle, bi edibo na ọsale?⁴ Ọda yọbhi uwa osẹ osẹnobulua, ọda le ibulẹdi ọsi osẹnobulua, emi nọ bha gba nalẹn rẹle, ọbha gba ni idibo na ọsọle rele, nọ kele ni ohẹn ọkpa.⁵ Wẹ bha tie ọle bhe ebe uhi, ukpẹdẹ na rẹ huenlan ohẹn nọ ribhi ẹkẹ uwa na da go osẹnobulua, ki ria ẹdẹ uhuẹnlan, abha bu ohiẹn uu gboe? ⁶ Ọkpanọn, itamabha ọnọ kpọnọ ne ukpẹdẹ uhuẹnlan ọribhe ena.⁷ Sade uwẹ lẹn emi na rọ ọnata 'Itohan mẹn guanọ, ọiyi iyọesele, bha kha bu ohiẹn uu gbe ọnọẹ bha luọ okhọlọ ⁸ Ọrnọ no okpẹa biele ọile yan, ẹdẹ uhuẹnlan.⁹ Ijesu kida sibhe eni re, ọda khian uwa oga. ¹⁰ Onẹ ẹghe ni, okpẹa no obọle wẹghẹ, da ribhe eni otu na Ifarisis da nẹ Ijesu ọta, wẹ, "Ọkele narẹ binmi ọria bhi ukpẹde narẹ huẹnlan? Ekida guala ujiodẹ ne da wẹ ọlu olukhọlọ.¹¹ Ijesu da tamanlẹn, "Ọria nọbhu usun bha, ọda mn ohuana, sade ono ohuan ni ki defibhi uvun bhi ẹdẹ uhuẹnlan, ọibe muọn sibhiọre. ¹² Ọiyi ọria be ghanẹ ohuan! ranmude ọna, ọiyi uhi na rẹ lu emie esi ẹdẹ uhuan."¹³ Ijesu kida tama ọno okpẹa, "Nia aboa" ọda niọlẹn, egbe da dalẹn, ọda diabi obọ nọkẹle. ¹⁴ Ọkpanọn, eni Ifarisis da dagbare, eda rọ mama, obe dale. Eda guanu uwedẹ ne da gbolia.¹⁵ Ẹghe ni ijesu ki rẹlẹn ọna, ọda da sibhi enire. Eria nee bunbun da rẹkhanlẹn, ọda muẹn erebbhe egbedan. ¹⁶ Ọki da ghu - uhi ni ilan ne kha tamailan ọria boe khin.¹⁷ Nọ kha ye amusẹ ebe Azaya ni akhasẹ tale.¹⁸ "Bha ghọle, akhase ni to bọmẹn zẹ, ọmọn ni hoẹmọnlẹn, ni ọkhọ nọ simẹn ghọnghọn ghe. Idi rie oriọn nasimẹn nalẹn. Ọdi tẹ ẹmoata ọsi ọibue eku ni ilan nebha rẹbhi osẹnobulua.¹⁹ Ọikhian zu'u ra so dagbare, ra nọ ọria rẹhẹn ẹmọnlẹn bhi uwedẹ. ²⁰ Ọikhian bun ukpi itumun ọkpa, ọikhian wẹ ighogho osẹ eran soso, ọkuẹsẹ ohiẹn ẹmuata khọnlẹn miotọ. ²¹ Bi eni na sọle, eria ne bha ka rebhọ, da moẹn ikhualoghe.²² Bhẹ ẹkọle ni, eda mu ọria nọ ruẹlo ayẹnhọ ji Ijesu. Ọda muọle egbe dan, siriọ wẹ ọno okpẹa nọ re kha y odin da talọ ọda daghe ²³ Eria rebhe ne kha ribheni, ọda hanlanli, eda tale, "Ọno okpẹa na kha yi omi Idavidi?"²⁴ Ẹghe ni Ifarisi ki rẹ họn na, eda tale wẹ "Oriọn ọsi esu ọi ọno okpẹa na rẹ khuee esu fia, ojie alimin ebe." ²⁵ Ọkpanọn, Ijesu lẹn emin nọ rilan bhọ ọkhọ da tama ilan, "Eguare rebhe nọ ghale egbedia okhiẹn ena he, ra ẹbho, ra uwa nọ gha egbeolia ọi mudia.²⁶ Esu kha khue esu fia, ọgha egbolẹa. Bi ẹggua nọ ọsele kha ki rẹ mudia yẹ? ²⁷ khamiẹn ọjie esu , mẹn rẹ khue esu fia, bi imọn nọ osẹbha kirẹ khulilan kua? Ranmude ọna, ilan ki ayi ene abu ohiẹn na sẹbha.²⁸ Akhaa ki miẹn ọriọn na ọso osẹnobulua ọili mẹn rẹ khue oje alimin ebe kua rẹman, ẹgua nọ ọso osẹnobulua, tuọre yan kha.²⁹ Bi ọni ki rẹ na bhi uwa ọsọ oriobhebhe yẹ, ọiki heole emi, bọ ọyi ọka mu ọmi ọkpẹa nọ we egbe? Ẹgheni, ọki mie ejiọ ada hẹolemi sibhi uware. ³⁰ Ọria nọ bha debamẹn, ọghiamẹn nọ, ọria nọ bha debamẹn si emi koko, ọ zaghalia.³¹ Ranmudọ na, itama bha, olukhọẹ rebhe bi irunugbe ẹmọn ọso osẹnobulua moẹn irehuman.³² Ọria ko ria nọ runu jiọ ọbhio okpẹa aki rẹ human. Ọkpanọn, ọria nọ ki runuji elimi nọ khiale khianla miẹn irẹ huma rie, ọbhi ọna gbona, ra agbọn nọ vade.³³ Ji eran ayi ọnọmẹn ni ikpẹọle aye enọ mẹn, ra re eran khin ọnọ emẹn, erumi ki ayi ọnọẹmẹn, ranmude irumi olare lẹn eran.³⁴ Bha ni emọn ọsi ẹyẹn ne mọn obi, orioebe bha khin, bi bha kirẹ ta ẹmọnsili yẹ? Bhi ẹkẹ emin nọ bunbun nọ ribhi ekhọ ọsọ ria ọle ada ta. ³⁵ Ọria nọmẹn , bhi ẹkẹ ekhọ nọmẹn bi ọria nọimẹn, ọnọn bunbun nọ riọ ebhe ekhọ ọle ọda re emi no ọrmẹn nọ bunbun dagbare.³⁶ I tama bha ẹdi ibuohin, eria di ta ẹmọn kikẹkẹ nọ si itan bhu unu re, rbi erole ta.³⁷ Ẹmọn nọ si uwẹ bhunure ola rẹ miẹnfan bi emọn nọ sie bhunur ọrẹ buohin uu gbẹ."³⁸ "Ene gbe ebe bi Ifarisis eso da tamanlẹn, "Ọman eria mi, man ho ni man daghe ama nu uwẹ lulu."³⁹ Ijesu da tamalan, "Ọrẹ ne riala bi ene igboghẹle guale ama. Ọkpanọn, ama ọribhọ na rẹman, gbera ama nọsi Ijọna na akhasẹ ⁴⁰ ikpade ela bi asọn ela, Ijona gbe bhe ẹkẹ nọ ọsi ehẹn, iriọ ọyẹ dia ni omi ọkpẹa nọ rẹ di bhẹ ẹkẹ ato bhi ikpẹdẹ ela bi asọn ela.⁴¹ Eria ne ribhi Inineveh di kpalọ, ẹdẹ na buohin rẹba eria ọsi agbọn ore na, eki byuohin uu gbelan. Ranmude, eda mọẹn ufidelọn bhẹ emọn ọsi Ijona na akhasẹ, bha ghe ọria nọ kokhunẹ Ijọna oribhi ena.⁴² Ijie okhuo ọsi Ishẹba di kpalọ ọki bhuohiẹn uu gbe agbọn orena. Ọda bhi ejia gbọn sele va dọ re ehọnhọn ẹwanlẹn nọ si Isolomọni, bhọ eneghena nia, ọnọ kokhun li Isolomọni ọribhe eria⁴³ Oriọn nọ bha khia kha sibhi egbe ọria re, ọki la ejia amẹn ya rebhe lega, ọki gualọ ejiọda huẹnlan, ọkpanọn obhamiẹn.⁴⁴ Oda tale, 'Idi yọbhi uwa nida kpanọ.' ọki va, ọda kere, akpolọlia hẹnhẹn otọ yi. ⁴⁵ Ọda yọbho ale rọgualọ esu ebhebhe ne wegbe lọle, erebhe da va dọ kha yẹnlẹn bheni adagbọn ikeke ọsọnọ ọria ni, ki khọle be ejiọ ka ya ni hẹnhẹn, Iriọ ọdia ji agbọn onena."⁴⁶ Ẹghe ni Ijesu sẹ yẹ rẹ ni eria ne bunbun ta, inenọlẹn bi ibhiọle ni kpẹa da mudia bho ole, eda guanọ nenata. ⁴⁷ Otunkpa da tamanlẹn⁴⁸ Ijesu da waniọnlele tamanlẹn ọnọ tamanlẹn, "Khọbhọ inẹnẹmẹn bi ibhiomẹn." ⁴⁹ Ọki da ni ọboa be enedibo na sọle tamanlẹn, "Ena yi inẹnẹmẹn bi ibhiomẹn! ⁵⁰ Ọria nọ lui iho ọsi aba mẹn na okhun, ọnọ ọria ni ọle ibhiọmẹn bi ibhi inẹnẹmẹn bi inẹnẹmẹn."

13¹Ọ nu ukpẹdẹ ni Ijesu da dagba re si bhẹ eko uwa rẹ jio bhe egbẹdẹ. ² U sien agbon ne bunbun da fio okin gale, ọ le da na bhọ okọ jio bhẹ ẹdẹ khere, ene ekholo da a ri khu ukotọ bhe egbẹdẹ.³ Eni Ijesu da ri itan tẹ ẹbhọn nebunbun, ọ da yiọle, ọẹ u ugbo ọ so da khian a ke e bhinlin. ⁴ Be jiọle ki a rẹkọ, ikpẹ eso da de noku ọ khu'wedẹ, afian bhẹn da so jale lọlọ. ⁵ Ikpẹ ebhe bhe da de nọ ku ọ khu uku udo e jio otọ i ye. Ejẹje eda jẹre ranmude ekẹn bha bun bheni. ⁶ Ọkpanọn eghe no ovon kirẹ a zẹ ran khu de ebha filien mu otọ, eda u no.⁷ Eso da de nọ ku ọ uki Igbẹn, e ni igbẹn kijẹ e da sọnọbhọ. ⁸ E so da de nọ ku ọ bho ofọ nọ bhen e da mi ikpẹ, uwedẹ kikẹ eso egbo isẹn, e so egbọ ea, eso ọgban. ⁹ Ọ nọ bho ehọ ọ a rẹ hon.¹⁰ Enidibo da bu Ijesu re tamalẹn, be zẹle nuwẹ da ri itan ne ene ebho talọ.¹¹ Ijesu da wanien ọ da tama ele, a rẹ ni bha ẹwanlen ni bha a rẹlẹn olo nọ ọsẹ egua okhu, ọkpanọ a bha rẹ ne ele. ¹² Ọnọ ka bhẹn, a ki rẹ na len nọ ki fie mama abhon, ọkpanọ ọ nọ bhonlọẹn ọnọ ka bhon aki miọn le.¹³ Ọ na zẹle ni imẹn da ri itan nele talọ: a rẹ miẹn ele bhọn ẹlo narẹ daghe, e da ghe, arẹ miẹn ele bhọn ehọ na rẹ hehọ, ebhan lẹn ebata.¹⁴ U ke egbele a khasẹ nọ si ohẹn Azaya da musẹ, ọ yiọle, e arẹ a kahẹ bhọn, ọkpanọn e lẹn a ba rọle fa, e a rẹ bhọn ẹlo na rẹ daghe, elẹn ehọ khin.¹⁵ Ene ẹbhọn na ọkhọle kin ghibhin, e hehọ nọsẹn, ele kin guẹ ẹlo nọ sele, ne ẹ rọle daghe, ọ ele re ehọ han, ọ ne rẹ rọ ọkhọle lẹn, be ele a da findenọ, ni imẹn re eghe dan ele.¹⁶ Ọkpanọn, erọnmọn ẹlo nọ sẹ bha, nọ rẹ daghe, bi ehọ bha, nọ rẹ họn.¹⁷ Genegene imẹn tamalẹn, ọhẹn ne bunbun biẹ ẹbhọn ne khiale guanọ nele daghe e bin bha daghe ọkpanọn e bha daghọle. Ele rẹ ẹguanọ nele he ebi bha hona e bha kin han.¹⁸ Bha ka e ehọ khiriọ ọ ni itan nọ si ọmugbo nọ ke bhin. ¹⁹ Ẹghe nọ ọria a rẹ hẹbhọn ẹgua ẹjie nọ so esẹnobulua, ọkpanọn ọ bha da lẹn e barọleta, eria ne bhẹn kin va miọn le, ọ na e ni ikpẹ ne de nọ kuọ bhe egbu uwe dẹ.²⁰ E na kọle bho otọ udo ọ le ọ nọ ria nọ a họn ọ ne ọbhọn ọ kin jẹje miọn lẹn bhe egbe bhẹ ẹkẹ eghonghon. ²¹ Sẹyẹ ọ bhọn ilien bhọ ọkhọle ọkin zẹ bue khere. Ẹghe ne ekpokpo bi edobhen a rẹ vale ranmudọ ọne bhọn lẹn ọ kin de re ẹjẹje.²² E na kọle bhu ukigbẹn, ọ na ọria no hon ọ ne ẹbhọn lẹn, ranmude ebhin nọ rin bhọ ọ na ọgbona, bi uwedẹ nọ bhen na r mien ẹfe kin sọnọ bhọ ọne ẹbhọn ọ kin kien ebe bha yẹ min ikpẹ. ²³ Eni ikpẹ n de nọ kuọ bho otọ nọ bhẹn, ọ na ọne ọria nọ họn onebhon nọ lẹn eba rọ le ta, ọ da min iru na le, e so egbọ isẹn, ọbhebhe egbọ e a ọbhebhe yẹ ọgban gbera e ka na rẹ kọ.²⁴ Ijesu da gbai itan ọgheghe mai ele ọ da tale ẹgua okhu inia ọ dia bi ọria nọ ri ikpẹ nọ bhen kọ bhu ugbo nọ sọle. ²⁵ Ọkpanọn be jiẹ ebho kin awẹ, oyian lẹn dale do ki ilubhu bhin ebhin esi no le kọle. ²⁶ Eghe ne kirẹ gẹre mi iru, eni ilu khun da yẹ gẹre.²⁷ E ne wena ni ọ nian ọ nu ugbo uwẹ dọ tamanlẹn, ọwanlẹn, ọ yi iruẹ esi uwẹ kọ bhu ugbo, be kin zẹle ni ilukhu da ribhọ. ²⁸ Ọ da tamale, e ni iyan luọle. E ne gale da nọlẹn uwẹ họ ni ima dọ ọ bhọ nọle si bho ọ to re?²⁹ Ọ nọ mian ugbo da yial eye. Ranmude be ni uwẹ a bhọ ne e ni ilukhun, nu uwẹ ẹ bhọ ni ene eba kọle bale. ³⁰ Zele obọ ne ko a wanre sẹ ẹghe na rẹ a konnon, ẹghe na a kirẹ a konnon i kin tama e ne konnon, bha ka khọ ni eni ilumu ne bhẹn na tueọle a, ọkpanọn bha a konnin eni iru ne bhẹna jiọ lhe eru.³¹ Eni Ijesu da gbo kpai itun ọbhebhe nele.Ọ da tale, ẹqua okhun i nian ọ diabi ikpẹ nọ khe re ne nọ ọria re ke bhu ugbo nọ sọle. ³² Ọ ni ikpẹ na gene khe re nẹ bhin ikpẹ re bhe. Ọkpanọn ọ a wanre,oki wanre gbe ra ikpẹ bhin na kọ khu ugbo.Ọ kin kio okpo ran, afian bhẹn kin dọ a bẹn e kọ ikpa bọ le.³³ Ijesu da gbo kpai itan ọbhebhe, i nian ẹgu okhun dia bi, iyisi na khuo re ba e ebal nọ da bunbun.³⁴ E ne bhin na re bhe Ijesu tama e nu usiẹn agbọn bhin itan.Ọ n l u talọ a kin miẹn itan ọkpale. ³⁵ E na re bhe unu be jie a da miẹn ebo ohẹn tale kin tie ebe mu sẹ, nọ yiọle imẹn de ri itan talọ, imẹn kin e nẹ ebhọn ne kin ebhin ẹ khokho nọ ọnagbọn na rẹ mu hẹn.³⁶ E ni Ijesu da sibhe ejie enẹ ebholo ye re na bhẹ ekọ uwa. Enidibo ne sọle da bu ọ le re tamalẹn, rẹ mu bhan ẹ lo kore itan ilu khu nọ bhẹn. ³⁷ Ijesu da re ewaniẹn bhọ tale, ọ nọ kọ ọni ikpẹ nọ bhẹn ọ le omio okpẹa. ³⁸ Ọ nu ugbo ọ na agbona, ọ ni ikpẹ no bhẹn, ọ imọn nọ sẹ elinbhe ebe. ³⁹ Ọ no yian no kin ọ ne bhin da a yin oju, o nu ukoni bhin da yin urẹ sotọ no sọ ọna agbọn na, e ne konnon lẹn da ye enẹ ẹhi.⁴⁰ Be no ki ja iriọ, be ja rẹ si ilu khu koko tua iriọ ọ da yẹ dia eghe ọ ọkike. ⁴¹ Ọmọn nọ so okpẹa ki jiẹ ehi ne sọle, kin sie ele kokore sibha egua le re, e ne bhin re bhe ne ise e ebhin ebe, bi ene bha ro obọ re khan uhi. ⁴² Eni mu ne ele kuo bhin olọn bhe eran, e jele a da a vie ra akon gba akọn. ⁴³ Eni ene ebho ne khiale eki a fin wanawan bo olẹnlẹn bhẹ ẹqua no sa aba ele. Ọ nọ bhọn ehọ a rẹ họn⁴⁴ Ẹqua okho i nian ọ dia bi ebhin no dannọ mama ghan na gbe wuotọ. Nọ oria a miẹn ọ kin re he. Bhẹ ẹkẹ eghonghon ọ kin a khian, dọ khie ebọ le khọn re bhe gbe,rẹ dọ ọ no otọ.⁴⁵ Gbo ye, equa okhu dia bi ọria nọ duẹ ẹkin nọ guani e be a mubhẹ ẹlo nọ dan. ⁴⁶ Ẹghe nọ a kin rẹ mi ukpọkpa bho no mubhẹ ẹlo no danlẹn, ọ kin khie e bọle khọn rẹ dọle.⁴⁷ Gboyẹ ẹqua okhu dia bi o khua na mu tiọ bhẹ ẹdẹ, no mu ne ebhin kẹ kẹ. ⁴⁸ Ẹghe nọ kin rẹ vuọn, e ne gbe ehẹn da siọle da gbare so oke, eni e da do tua ne ene bhen juọ bho okpan, ọkpanọn ene bhẹn e da ne kua.⁴⁹ I nian ọ da dia ẹghe ọkike, e nẹ ehi kin bale do hane ene bhẹn si bhe ene bhẹn re. ⁵⁰ E kin mu ne le kuo bhe eran, ejie ele a da a vie ra akọn gba akan.⁵¹ Ibha kin lẹn e ne bhin na re bhe mian, enidibo ne sọ le da yọle ehe. ⁵² Eni Ijesu da tama ele, benọ kin dia iriọ , ene gben ebe nọ kin kiẹn adibo jin ẹqua okhu i nia ọ dia bọ ọ nọ nian uwa nọ ne ebhin ọgbọn bi orrie i ẹkẹ a za nọ sọle. ⁵³ Ọ da kiẹn ọ ne ẹghe ni Ijesu kin rẹ kpa e ni itan re bhe to, ọ le da si bhe eni re.⁵⁴ Eni Ijesu da na bhin obọ ọse ebho ele a ma ene ebho ebhin bhin uwa aga nọso osẹnobulua. Eni ilo da han ele rebhe e da tale, jio ọ nọ okpẹa na da mian ọ ne ewanlẹn na bi ọ na ahu no rẹ lue ebhiọn ọhanlo. ⁵⁵ Ọ na yi ọmọn ọkaneran? oyi Imeli inọlẹn? ọ yi ibhiolẹ i Ijemis, Ijosẹf, Isamọn, bi Ijuda. ⁵⁶ Ọ yi ibhọ ọle ni ikhuo ri bhe ejin ma ye nian? jiọ ọle kin da miọn ene ebhin na nọ ọle lu.⁵⁷ Ọ da rẹ ẹkẹ khọ ele, ọkpanọn, Ijesu da tamanle, a mue ekpẹn no ohẹn bhẹ ẹbho na da biọ ọle bi uwa nọ sọle. ⁵⁸ Ọ le bha sabọ lue ebhiọn ọhan lo nọ bunbun ranmude a bha riọ bhọ nẹ sele.

14¹ Ẹghe ghe ni Ihẹrọdi ni tetrat da hẹn bhọn Ijesu. ² Ọ da tama enegale, Ijọni khana ọ kpanọ si bin idire, bejọkijariọ ahu nọ sọle e wena.³ Ihẹrọdi ka muin Ijọni gbale, muọn lẹn fio bhin ighan ranmudi Ihẹrọdias, ọkhuo obhiọ le. ⁴ Ijoni tamanlẹn, o bha dia nọ rẹ re okhuo obhiole. ⁵ Ihẹrọdi a rẹ ghọle a, ọkpanọ ofẹn enebho da a muọlẹn ranmude ẹbhore lẹn bhin Ijonui ohẹn nọ⁶ Ọkpanọ ẹghe ni Ihẹrọdi kire a lu ukpẹdẹ na biọle, ọmọkhuo nọ si Ihẹrọdias ọ da ghin i sien nọ yei Ihẹrọdi. ⁷ Ọ da yiọle ọ le dẹrẹ nalẹn ebọ hei re nọ rebhe.⁸ Ẹghe nọ kirẹ nọ inọlẹn bọle atayẹ fo, ọ da yiọ mu uhu bhin Ijọni nọ ramẹn ne bho, bhọ ọtẹtẹ bhiẹn. ⁹ Ọno ojie bha a ghọnghọn, ranmude e bọ nọ lẹn. Ọkpanọ ranmudẹ ọni ikhiẹn nọ ele vẹn bi ẹbhoo no le tiele, ọ da yiọle ne dọ muọn unu uhunhun re.¹⁰ Ọ da jiele e da dọ hiu uhun bhin Ijọni re bhin ighan. ¹¹ Eda muọnu nu uhun khọn bhin ọtẹtẹ mu nọ ọnọ omabhẹn, ọ le da mu jin inọlẹn. ¹² Eni enidibo ne sọle da vale dọ mu rẹ tọ. E ki luo na fo, e da vale dọ tama Ijesu.¹³ Ọneghena Ijesu ki họn, ọ da siẹghe si bhe nire na bho okọ jiọ bhin ejiẹ ẹbho i je, ẹghe ne e nẹ bho kirẹ lẹn, eda ni ijekẹkẹ vale re eran bhẹn buọle. ¹⁴ Eni Ijesu da buele re da ghin usiẹn a ghọn, ọ da bhọn ẹkẹ ejẹjẹ da le ọ da rẹgbe da ene khọn bhọn.¹⁵ Ẹghe ne emuan kirẹ re, enidibo da buo le re tamanlẹn, ejebho i ye khena, ẹghe sifia, ye ne bhọna a khu uwa, ne dọ guane ejie da tobele da eba ne hale.¹⁶ Ọkpanọn, Ijesu da tamanle, ebha mie be zẹle ne a da khian, uwẹ guane e be ale. ¹⁷ E da tamanlẹn, esui ibulẹdi isien bi ikpe hẹnlẹn eva kpa ma bhọnlẹn. ¹⁸ Ijesu da yiọle ne nere.¹⁹ Eni Ijesu da ye ene bho dotu a ukin bhu u ki ilibhu. Ọ da ne eni ikpin ibulẹdi isiẹn bi eni ikpe hẹnlẹn eva. Ọ da ghẹ ẹgua okhu, nerọnmọn bhọ ghale a ne ni edibo ne sọle, enidibo da ghale ni enẹbho ne bunbun. ²⁰ E re bhe da le khọn, eni e da koke ene de kẹre kugbe ọ da yin okhuale igbeva. ²¹ E ne lọ ọnebana da yi etui ulin isiẹn gbeva eni khuo bi eni ẹbho khan.²² Ẹjẹje ọ da ye enidibo ne nabho okọ ne kalo khian bhọn, ọ da ye enẹbholo a khu uwa. ²³ Ẹghe ne kirẹ kpanọ fo, ọ da jiọ khu ukokhuo oke da dọ a nerọnmọn. Ẹghe ne emuan kirẹ re, ọle ọkpa ki a ribhẹni. ²⁴ Ọkpanọn, ọ nokọ kida si bhe egbẹdẹre ẹ hoho da muọnlẹn fifire, ranmude efin da a fin.²⁵ Ẹghe urin agogo enẹ ọsasọn Ijesu da bue ele vade re eranbhẹn khian khu uka amẹn. ²⁶ Ẹghe ne edibo ne sọle kirẹ da ghe ọ khian bhu ukẹ ẹdẹ, ofẹnmu. ²⁷ Ọkpanọn Ijesu da nele talọ tamale muzezei imẹn nọ, ẹ jọfẹn mu bha.²⁸ Ipita da waniọn tamale, ebianlẹn a miẹn uwẹ nọ, tuma bhẹn bu ẹre bhọ nu uka amẹn. ²⁹ Ijesu da tamanlẹn vale, iriọ Ipita rẹ si bhẹ ẹkẹ ọ no okọ re, a khian bu i Ijesu bhu uka amẹn. ³⁰ Ọkpanọn, ọ ki daghe, efifin ofẹn da a muọnlẹn. Ẹghe nọ kirẹ a gbe ruẹ, ọda sodagbare tule, ebianlẹn hin bhin bhẹn³¹ Ẹjeje Ijesu da niọn obọ a jin Ipita siọle dagbare, tamanlẹn uwẹ nọ bhọn okpo miu urio bhọ, be zẹle nu uwẹ da a ba akhuọn khẹn.³² Ẹghe ni Ipita bi Ijesu kirẹ na bho okọ do, ọ ne efin bha ye a fin. ³³ Eni enidibo nọ sọle da ghore ni Ijesu tamanlẹn, genegene uwẹ ọmọn nọ so osẹnebula.³⁴ Ẹghe ne kirẹ gbera ọ nẹ ẹdẹ a e da mu dia bhin Igẹnesarẹt. ³⁵ Ẹghe ne enẹ bho ne a ri bhe e ni kirẹ lẹn ebọle khin, e da jin ukọ jiọ bhin ije kẹkẹ, mu ne ene khọnbhọn jiọle.³⁶ Ẹ da bhiọle nọ jele robọ su i ukpehọn ukpọn nọ sọle, ene robọ so rebhe egbe da dan ele.

15¹ Bhi eni ẹghe na eso bhi eni Ifarisi si bi egbebe da ni Ijerusalẹm buọle re yiọle. ² "Bi edibo ne sẹ da ra uhi se ewanlẹn?" E bha kpobọa ne re a rebale. ³ Ọ da wani ele, yele "Bi bha da yie ra uhi nọ si osẹnobulua ranmude akebheotọre nọ sẹ bha?"⁴ Osẹnobulua yiọle mui ekpẹn ni Aba ẹ bi inẹniẹ, ọnọ tọti ebe ji Aba le la ineni olẹn ọ de gene yiu. ⁵ Ọkpanọn, bha da yiọle, 'Ọnọ nọ rẹ aki nọ yi Abale la ineni ọlẹn ''Urekpa nu ha re miẹn bhi obọ mẹn ki eba re lu ẹsele ji osẹnobulua'' ⁶Ọ bha yiẹ khe ke ni ọnọria muekpẹn ni Abale. Bhi uwedẹ no dia nia, bha ri ẹmọn nọ si osẹnobulua di ihoho a. Ene mẹnẹ bhi ebe si ẹdẹdẹ yiọle ẹmọn nọ si osẹnobulua, eso ebhebhe bhi ebe si ẹdẹdẹ da yiọle uhi ọi kie ebenọghọle na re zẹ ọnọ menẹ ranmude akebhiotire nọ sẹ bha⁷ Bha emalu, emounata ọle Azaya sakhasẹ ji bha, nọ yiọle, ⁸ Ikpunu bha re ga mẹn ọkpanọn ọkhọ bha bha si kẹ mẹn.⁹ Ihoho erẹ ga mẹn, ranmude e mai ebho urẹbhọ nọ sele nọ rẹkhan uhi nọ si ebho.¹⁰ Ẹgheni, ọ da datie ena gbẹbho ta man re, "Bha ka ehọ bha ki yẹ jiọ mu bha elokore- ¹¹"Emin ribhọ nọ na bhi unu nọ sabọ faa ọria. Nọ rẹ dia riọ, ebe si oria bhi unu re ọlọ faa ọni ọria a.¹² Ẹgheni, eni edibo nọ si Ijesu da buọle yiọle "Wẹ kue lemin khi ẹkẹ ha khuọ eni Ifarisis bhe ẹghe ne rẹ ọta nu wẹ tale?" ¹³ Ijesu da wani ele yọle,"Oran rebhe na Abamẹn nọ ribhi ẹkẹ oghu bha rẹkọ adẹ bhọ re fia.¹⁴ Zi ele obọ eruelo ne su eruelo ele khin, ele ve va de deọ bhi uhio.¹⁵ Eni Ipita da yi Ijesu gbuoni itan na efa man man. ¹⁶ Ijesu da yi Ipita "Ọna bha yẹ ri mu bha ẹlokore?" ¹⁷ Ọbha mu elo kore ebe bo re kha khi no na bhi unu, ẹkẹ ọ da nai, eni a ki da nọn fia.¹⁸ Ọkpanọn emin nọ si ọria bhi unu re udu ọna vae. Ena khi ene min nọ faa ọria. ¹⁹ Ranmude ẹkẹ udu ọle iriariebe na vae, deba igbigbue, igbioghẹ, inabhughe, uramin Asosai ohoghe, bi orioria enia. ²⁰ Ena enemin nọ faa ọria. Ọkpanọn na re obọ na bha kpe ri le ebai ọi da sabọ rẹ faa ọria.²¹Ọni ẹgheni, Ijesu da kpanọ bhe ni kha khi otọ eni kpẹ bho na tie itae bu Isidun. ²² Okhuo ikena nọ nyelen bhi ọni otọ ni da bu Ijesu re, ọda re soo yọle "Mọi itohan da mẹn, Ebeyanmẹ ọmọn nọ si Devidi, ahuelumiebe mi omo ukhuo no se mẹn egbe dia, mama kha kpokpo²³ Ọkpanọn, Ijesu bha wano lẹn ọta. Eni edibo ne sọle da buọ re kha bhiọle yọle "Yio ọnọ okhuo na, soo rẹkhan man nọ kpanọ bhi ena."²⁴ Ẹgheni, Ijesu da yiọle "Abha ji mẹn bu eria ebhebhe gbera eni ohuan si uwa si Izurẹl ne yulua." ²⁵ Ọkpanọn, ọnọ okhuo da bu Ijesu re de uhọmọn re, ọda yiọle, "Ebeyanmẹn, rekpa mẹn." ²⁶ Ọda wanaọ, yiọle, "Ọbha ki egbe gbaẹ na re ebai si eni bho kha fi ni awa."²⁷ Ọni okhuo da yiọle,"Aye, Ebeyanmọn, ọkpanọn, eni khuekhue uwa sẹ yẹ rọọle ikhue bae so nọ ni uku te bulu nọ si oyanuwa denekhuọ bhi otọ. ²⁸ Ọni ẹghe na, Ijesu da tami ọnọkhuo "Okhuo, urẹbhọ no se kpọnọmi, ji ọ kha ye bi eji uholo." Egbe da dan ọni ọmọ okhuo nọ sọle bhi ọni egbe agogo ni.²⁹ Ijesu da si bhi eni re bha ki egbegbe ọni okpẹdẹ na ti ọle Igalili. Ọki sẹni oda hẹn uku oke, ọda di otọ a bhi eni. ³⁰Agbẹbho ne bubu da bu ọle re bhi eni. Eda mu nọ rẹkhan egbe eni agbiguẹ eruẹlolo, odin bi ẹbho ne kin akhun deba ene bubu ne khiọmọn. Eda munẹle bu Ijesu re ọda mu ele egbe danlan.³¹ Eni agbebho da yi unuan bhi ẹghe ne ki rẹ daghe khi eni odin etalọ, egbw dan eni akhun bi eruelolo e muhẹn adaghe. Eda da mu oriri ji osẹnobulua si Izurẹli.³² Ijesu da ti eni edobo nọ sọle, ọda yele, imẹn mọi ẹjẹjẹle ji eni agbebho na, ne re ne mẹn ha rebhe bhi eni ikpẹdẹ ea, ebha li eabae. I bha ho ne ri ẹkẹ ohanmẹn ha khi uwa ne hai dọ khuọlọ bhi uwedẹ. ³³ Eni edibo ne sọle da yiọle "Ji man da miẹn ibulẹdi nọ sẹ ni usiẹn ebhobho ni bu se nia bhi ẹkẹ ojiegbo nọ dia nia.?" ³⁴Ijesu da nọle "Eki Ibulẹdi bha mọi?" Eda yiọle ihilọn bi ikhuẹkhue ehẹnlẹn khere. ³⁵ Ọni ẹgheni, Ijesu da mama tama eni usiẹbholo ne di otọ a,³⁶ Ọda ne eni ibulẹdi ihilọn bi ehẹnlẹn, ọki khuẹmin osẹnobulua fo, oda khui eni bulẹdi a, ne ni eni edibo ne sọle. Eni edibo sọle da nee ni eni usiẹnbholo. ³⁷ Ele rebhe da le, eda khọn. Eki lu fo, eda koki esọmọle, ne kẹ re, da vọn okhuale ihilọn. ³⁸ Ene le ebae da kha yi ikpia uli enẹn, abha ki ikhuo bi eni ibhokhian ba ele. ³⁹ Eki lu fo, Ijesu da ji eni Usienbholo kha khi uwa ọda na bhi okọ kha khi otọ imagadani.

16¹ Eni Ifarisis bi Isadusis da vae ne dọ damọnle , eda yọle ri iyama nọn ne okhun vae man. ² Ọkpanọn, owaniẹn ọda tama ele, emuan khare uki yọle ẹdẹ danre, sade okhun jian.³ Okha ki kha yi osi ewewiẹn, uki yọle, 'Ẹdẹ kha danre ranmude okhun jian bhi itota gbe, uwe lẹn ebarẹ ti ebo okhun diayẹ uwe sabọ ti iyaman ose eghe.⁴ Ulin, eluemiebe bi igboghele bha guanọn iyama, ọkpanọn, iyama obhebhe ribhọ na ri ọbhọ gbera ọsi Ijona, iriọ Ijesu dazele obọ kpanọ.⁵ Ẹghe neni idibo khirẹ sobọ nọkẹle, edayelea rẹri bale. Ijesu da tama ele,⁶ Ijesu da tama le "Bha muezeze bha mi eyanlẹn bhe ebale ọse Ifarisis bi Isadusis. ⁷ Eni idibo da ria eri bhe ewele eda tale "Ranmude iman bha ri ebale mọn. ⁸ Ijesu da họn ọnọta ọdatale, "Uwẹ nọn bhẹn urẹbhọ nọn khere, bezele uwẹ ri oneia nan bh wẹlebha bi uda yẹ tale ranmude ibha bha ri ebale mọn?⁹ 'Uwẹ bha yẹ kha mọn ọnọ ọkhole la uyere eba rẹri ikpi ebale isẹn ne ayui ogbọlọ isẹn ni ijianlẹn isẹn bi okhale ẹkẹ sikoko?¹⁰ La ikpe ebale ihilọn nare ne etui ọgbọle isẹn bi ijialẹ enẹn la eko okhuale ẹkẹ na muokhun?¹¹ Bezele uwẹ bha lẹn ọyi ebale zele imẹn danlẹn talọ? mọn ewanlẹn bi ibabe egbe bho ekhakhe ebale nọsi Ifarsis bi Isadusis.¹² Ena eki dalẹn ghe ọyọ tama ele nere mọn ẹwanle be ekhakhi ebale ọsie Ifarisis bi Isadusis, ọkpanọn nemọn ẹwanle bhu uwede nere maemi ọsi Ifarisis bi Isadusis.¹³ Ẹghe nin Ijesu kirẹ va bhe agbe ebọ nọsikẹ Ikasiria Ifilippi, ọda nọn idibo, yọle ghe, "khọ bho bha eria yole ọmọn ọsi okpea nan kin?" ¹⁴ Eda tale, eso yọle Ijoni nọn ra amẹn ,eso da yọle Ẹlijah bi ebhebe da yọle Ijeremaya la okpa bhe eni akhasẹ.¹⁵ Ọ da tama ele, ọkpanọn kho bhọ uwẹ yọle imẹn khi? ¹⁶ Bhe ewaniẹn Isamọn Ipita de yọle "Uwẹ khi kristi, ọmọn nọn ọso osẹnobulua nọn yẹnlẹn"¹⁷ Ijesu da waniẹn bi ọdatale manlẹn "Erọmọn khọ ọsẹ, Isimọn ibai Ijona, ranmude efun egbe bi aralẹn bha ri ọnan manẹn, ọkpanọn Aba man nọn ribho agbọn okhun.¹⁸ Imẹn ye tamaẹn ghe nan imẹn ada bo otue. Ọni igeti idobole ọda sabọ gbolodẹ¹⁹ Imẹn diri ọni isahan eguale okhun riẹ. Ebu uwẹ mugba bho otọ aki mọn gba bha agbọn okhun bi ebu uwẹ tanlan bho ọkọ ọno otọ na aki tanlẹn be agbọn okhun. ²⁰ Eni Ijesu da yẹ enidibo ghe nẹkhin tama ọria soso khọ bho ọle khin Kristi.²¹ Eni oda muhẹn kha tama eni idibo ọle di gbo uhẹn kha khi Ijerusalẹm ọkin lo oya nọ bunbun bho enewanlẹn bi ono yan ebho bi ene ribhe eni erebhe, aki gbọlea, ukpẹdẹ nọn ọzea ọle ki gbo dokha yẹnlẹn. ²² Ẹni Ipita bhe ejioye oda huọle oda tal "Jiọ nona kha reẹ niẹn Ebianlẹ ọnan daruan jie." ²³ Ọkpọnọn Ijesu da fiorọ ghi Ipita, "Diọbhi ekeke mẹn, Elimebe! uwẹ hi udo ekẹ idobolo rẹji mẹn. Uwẹ zewe riaera ọse emin ọsẹ eria."²⁴ Ijesu da taman idibo nesọle, ''Ọnọn rekhin nọn ganọn rẹkha mẹn, ọki okihe egbe ọsọle, mu onora uwuwe, rekhanmẹn.²⁵ Ọnọn nọn himin iyẹnlẹn ọsọle ọki yuọlẹ, ọnọn ki yulu iyẹnlẹn ọsọle ranmude mẹn oki miẹn olẹn. ²⁶ Ele be ọakinen ji ọria sade ọmin ọnan ọgbọn erebhe bhe elele aki oyele iyẹnle osolea? Be ọria riere bhe ifi egbe denọn bhi iyẹnlẹn ọsọle.²⁷Ghe ọmọn ọso okpea, ọdi vae bhi oriri osa Aba le bi ehi ne sọle. Iriọ oarẹ ha odeode osa be nọn rẹ wẹni iwenan ọsọle.²⁸ Ẹmoata imẹn tamanẹn, eria ribhọ ne mudia bhe enan ehida min uuyomi okuese emin ọmọn ọsi okpea nọn kha ne ejele ose vae de.'

17¹ Ikpidẹ ehan khigbera Ijesu da ne Ipita,Ijamisi bi Ijoni no obhiọle, ọnan nele ukhun ha khin uko oke. ² Ọle da fiegbedenọ isisgbaele. Ẹlolo non sọle da fidenọ bo oẹnlen ukpọn nọn re ruẹn da davan bi ukpa.³ Dọghe, enin Imosis bi Elijah da nọ talọ. ⁴ Eni Ipita da re ewanien bhọ tami Ijesu, "Ebialẹnmẹn , imẹnbhi nin man rẹribhi enan. Ọha yẹlẹ, ọhayele, mẹn khi ko ikule ikpọle ea ọkpa ọsi uwẹ, ọkpa ọsi Imosis bi ọkpa ọsẹ Elijah."⁵ Ejo da sẹyẹ ha tale, dọghe, abhulu nọn khiakhiale do deru ele, dọghe eni ọnu ukpurulu dadagbare bhẹ ẹkẹ. Ọne ebhulu tale, "Ọnan họ ọmọn ni mẹn mama hoemẹnlẹn, ukegbe ole mena maman ghọghọn kaleho. ⁶ Ẹghe no odibo nọn sọle rẹ họn nan, enan desi elolo rotọ no ofẹn re ha mu ele. ⁷ Iriọ Ijesu da bu ele re dọrọ obọ so ele tale, "Ọkpanọ bhahẹ jio ofẹn ha mu bha." ⁸ Eni enan kpa elolo okhunlun ebha dagbe emin soso gbera Ijesu ọkpa.⁹ Ebeje rẹ ha nun ọnunkoke nin huẹnre, Ijesu nan ri ahu tamanle, tal "Bha khẹ tọ ọnimianlo nan ososo ukhuẹsẹ omọn nọn so okpea nin idin kpanọ." ¹⁰ Eno odibo nọnsọle da nọnlẹn, tale "Bezele ne ene gbẹnene nanle Elijah lika vae?"¹¹ Ijesu da rie ewaniẹn bhọ tale,"Elijah mọn gene vae nọn dọ reminrebhe nọnsẹn. ¹² Ọkpanọ mẹn tama bha, "Elijah vae fo, ọkpanọn ebha sẹ elolo bhọ. Nerẹluọnan, enanalu ebeghọnele rẹ jọ. Bhẹkẹ enodẹnin, omọn nọn so okpea mọnyẹ loya bhẹkẹ obọ nọn sele." ¹³ Eni odibo nọn sọle nanlẹn ẹbhọn Ijoni nọn ramẹn nọn oria ọle otamaele.¹⁴ Ehi bu enusun re, okpea na bu ọle re, ọnan diguẹ bhi iyalo nọn sọle,ọnan tale.¹⁵ Ebianlẹn mẹn mọni itohan ji ọmọn nọn sẹ mẹn, egbe bha danlẹn ọwomanman loya. Egheso ọdefio bhi eranlẹn laa amẹn. ¹⁶ Mẹn muọlẹn bui enodibo nọn sẹ, ọkpanọn, ebhasabọ rẹ himọnlẹn"¹⁷ Ijesu nan ri ewaniẹn bhọ tale, "Enore nebha rẹọbhọ nan ne jọ ọkhọle ne zighizighi, ekẹghẹ mẹn la nebha gbe? Bi menan rẹ ne bha khian yẹ? Riole jimẹn bhenan" ¹⁸ Ijesu da de vanhiẹn ọni ojuu, ọnan gene sio bhi iyẹnlẹn re ọnokhan egbe nan genedanlẹn bhọ ọnẹn ghele nin.¹⁹ Eni enodibo nọn si Ijesu re feke buọle re bhẹkẹ akhokho nọnlẹn, bezele iman bhasabọ re khuọ oni ojuu fia? ²⁰ Ijesu da taman ele, ranmude urebhọ nọn sẹ nọn dia khere. Osagie mẹni tamanbha, bha ha mọn urebho ọnan rẹ dia khere bi ukpọka, mu wẹa sabo taman onoke nan, "Ọkpanọ bhe enan re" okhi gene kpanọ, ebhin soso khian laa kiẹn ebabhasabọ rẹ lu" ²¹ Eni bible ne bhẹnan nan ka miẹn ebhọn onulọn ọkpan yan uje nan, nọle enojuu nan sabọ dagba re bhi iyẹnlẹn nọn sọ ọria sade abha ne erọnmọn bi ifiazemin.²² Ẹghe ne rẹ ribhi igalili, Ijesu na taman enodibo nọn sọle "Ọmọn nọn so okpea man muọn fiọ bhi obọ nọn sẹ ẹbholo." ²³ Enenbholo khi gbọlea, ukpẹdẹ nọn zea ọkhi na bhi idin kpanọ"Enan nan zughu eniodibo nọn sọle ọkhọlea.²⁴ Eghe ne khi rẹ si Icapanum, eni ikpea ne koko igho uhọnmọn da bu Ipita re nọn, "Ọnon manbha ebhin nan ọzigho uhọnmọn?" ²⁵ Ọnan ele, "Hee." Ẹghe ni Ipita khire nabhi ẹkẹ uwa, Ijesu daka nọn talọ ọhẹnhẹn tamanlen. "Bu uwẹ ria, Isimion? keọ enjie ọsọ ọnangbọnan miọnlẹn igho uhọnmọn? Obi imọn nọn sele laa ẹbhonekele?"²⁶ "Ọbenekẹle," Ipita da re ewaniẹn bhọ. "Enimọni zẹ" Ijesu da tale. ²⁷ Bọnọn khi dia rio, mai khian la ri ekokiegho uhọnmon lu emin ebe, ha khin ẹkẹ ẹdẹ, re ugbehẹn fiọ bhi ẹkẹọle, rọ si ehẹn nọn ka vae re. Uwẹ ha talẹn ununan, mu uwẹ min igho bhọ. Riọ ọni igho ua rie ji ene koko igho uhọnmọn osimẹn bi ọsuwẹ"

18¹One eghe ni eni idibo da bu Ijesu re, eda nonlen, "Ho kpono ne bhe eguale okhunlun?" ²Ijesu da re ukpobho khan dagbare, o da uele, ³emoata itama bha, "Sokpan hi bha ikie degbere be eni bhokhan na gue gue nan, bha hi sabo nabhi eguale okhunlun.⁴Ramudona, oria noreri khimin non delegbere re beni ikue kue ibhokhan nan, ole kpono ne bhe eguale okhun. ⁵Ono mien ukpokhan bo ona bhe egbe bhe elinlin nose men, imen omien obhe egbe. ⁶Okpanon, ono ki jo ikpokhan non dea nian, nere obho elinlin nose men nedere, omen gbera na dien udede udo ole bhi irili aki mionlen fio bhe eke okpede.⁷Iloya da agbon re! Ramude egbode. Obho men ne enegbode vae, okpanon iloya kion oso onoria nin ne eni igbode nabho obo le vae! ⁸Ade ho obo la oe la jie dere, hian len ne kua, ramude uru ukpobo okpa la ukpoe okpa nabha agbon okhunlun ole men ne hu monlen abo veva bi ea veva nela toa bha agbon eranlen.⁹Ade he elolo lare bha dere, zole re fia, bha ha ru ukpelolo okpa nabha abgon-okhun, ole men ne hu mon elolo eva nan muen bi ole fio bha agbon-eranlen.¹⁰Yere nu hei re elolo gbe eni ibhokhan ne gue gue a. Itama en, bho agbon okhun, Ehi nosele, egherebhe ere ghe elolo nosa Aba man noribhi okhunlun. ¹¹Omiokpea ivae nodo himin ene yulua.¹²buwe ria ye? Ade ho oria mon ihuan egbolo isen, ukpokpa bho da bibi fia, oida ze eni ukpokpa iribhi egbolo isen obo, oki kha guano onu kpokpa khian? ¹³Ohaki mionlen, emoata itama en, oki ghonghon nanlen gbera ene egbolo enen bi igbeisinlin ne bha bibi. ¹⁴Irioye non, oiyi iholo nosa Aba bha noribho okhunlun nare mien ukpokpa bhe eni ibhokhan na he yulua.¹⁵Obhioo e ha lue emin ebe, do nole gui bale, ibha veva okpa. Okha re uwe bho, uwe mien obhioo e fan. ¹⁶Obha ki re eho we bho ota, re otun okpa la etue eva ba egbe ihakhian, ramude bhu unun oseli eva la ea aki mien emoata.¹⁷Obha kiye re ele bho, tama otue. obha kiye re otue bho, uki ha ghole bo ono bha re obho osenobuluwa bi ekoki igho uhomon.¹⁸Emoata itama bha, emin khe emin ni bha mugba bhu uko ota nan, ole a la ye mugba bha agbon okhunlun emin ni bha ta an bhu uko oto nan aki ye tan len an bhe rguale okhun. ¹⁹Igbokie tama bha, etun eva ha ko kuo okhole gbe re non bhe emin no reri khin min, Aba men ro ri bho okhun dei luole nele. ²⁰Ramude eje etun eva bi etun ea da sikoko re bhe elinlin nose men, men ribhe ewele ele."²¹Egheni, Pita da non Ijesu Ebialen igba eke obhioo men a lu men emiebe nia re humanlen? ²²Ijesu da wanion len, "Ibha yio hi igba ihinlon. Iyiole hi igba egbolo ea bi igbhe bhi ijanli ihinlon.²³Eguale osenobuluwa inian odea bi ojie okpa no yi idbo neso le ne do ri igho nonele man. ²⁴Eghe ne kire ha koko eni igho, eda mu adibo okpa re non lu osa ikpigho uli igbe. ²⁵Be jo bha ki mien igho re ha ono osa, Ebialen ele da yo na do khien olen bi okhuo ole ibhokhan len bi ebomon rebhe.²⁶Ono odibo da sekele ru bho oto, oda gui no onojie no mon iziegbe bi itohan ghe ole, ole dei ha ono osa rebhe. ²⁷One eghe nan, ejejele da na ebialen olen bhe ekele oda fanlen fia, oda ro ono osa human lon.²⁸Ono odibo nan ki dagba re, oda mien oibo ole no monlen, igho egbolo isen. Oda monlen, oda yole ha men oda. ²⁹Ono oibo ole nan dadedigue oda gui nanlen. Oda yiole mon iziegbe, ole dei hae ono osa rebhe.³⁰Obha kaa oda do muonlen fio bhi ighan. ohaki hale ono osa fo, okue kpano bhi ighan. ³¹Eniboele kidaghe onan ekele da khoele. Eda do tama onojie ne ebialen ele ghee eber ruanlen.³²Irio ebialen ele dadatio ono odibo, oda yiole, uwe no odibo non wobhu uhomon. Men re osa nose rebhe human en, ramude hu gui imen. ³³Uwe bho hei kiri mon itohan gho ono ibolo enan, boni men re mon itohan ghee?³⁴Irio Aba men no ribho okhunlun aye lu da bha, sade su bha ro okhole rebhe rehuman, obhioo bha

19¹ Ẹghe ni Ijesu ji kirẹ tenọtanfo, ọ da si bhin Igalili, ọ da vale ọsi IJudia gbera ẹdẹ Ijọdan.² Ẹbho ne bunbun da rẹ khan lẹn, ọ da ree egbe da ele bhe eni.³ Eni Ifarisis da buọ lere, a dọn bhọnlẹn nọn lẹn, ọ dia bhin no okpa rẹ khu okhuole fia eberẹ sunu. ⁴ Ijesu da re ewaniẹn nele, ọ da tal i bha a tiọle bhe ebe ọ nọ male toho omuhẹn ọ mal okpẹa bi okhuo?⁵ Ọ no male da yẹ tale, ranmudọ na, okpẹa ki za abale bi inọlẹn obọ re okhuo, ọ le bi okhuọle ki kiẹn efuọn ọkpa. ⁶ E yiẹ yi efueva efuọn ọkpa, be jiọ ki dia iriọ ebo osẹnobulua kugbe, ọria ẹ ghala.⁷ E da tamale, "Be ki zẹ ni Imosis da yiọle na gbebi oghala, a khuho le fia. ⁸ Ọ le da tamale ranmudi iwo bhe ehọ nọ sẹ bha ọl zẹle ni Imosis da yiọle ni bha a lui iriọ ọbha yi iriọ bhẹ ẹ bhe omu hẹn.⁹ Imẹn tamanlẹn, ọno kirẹ akhin no a khu okhuole fia, ranmudi igboghẹ, ọ da re okhuo ọbhebhe, ọ gboghe, ọ nọ kirẹ akhin nọ re ọ okhuo na khu fia gboghẹ.¹⁰ E nidibo da yiọle a miẹn i nian ẹ bhọn okhuo bi ọdọ ọ bha dia na rẹ re okhuo. ¹¹ Ijesu da tama ele, ọ yẹ ẹbho rebhe a sabọ robọ rẹkhan ọ na, ọkpanọn e na gbọnlẹn jie. ¹² Eso ri bhọ ne wekhuẹ nẹ ẹkẹ nọ si enele vale, e so ri bhọ nẹ ebho rẹ ki owekhuẹe so yẹ ri bhọ ne re egbele ki owekhuẹ ranmudẹ ẹgua okhu. Ọ da tale ọnọn kerẹ a khin nọ sabọ robọ bhọ na ọ a robọ bhọ.¹³ Eda ne enibhoghan e so re nọ ne erọnmọn nele, ọkpanọn, enidibo da a khu nele tie. ¹⁴ Ọkpanọn, Ijesu da tale, ọ yẹ khuele, jie enibhoghan da bu bhẹn re, egu okhu kiẹn ọsẹ ebbho ne dia bi enighgha.¹⁵ Ọda re obọ e bhu uhunhun ne erọnmọn ne, lepanọ si bhe eni re.¹⁶ Okpẹa da bui Ijesu re nọ lẹn e bhin e si be mẹ a lu ni imẹn a da bhọn uniẹn bhin ẹdẹdẹ bhẹn ẹdẹ. ¹⁷ Ijesu tamanlẹn, be zẹle nu wẹ da nọ ebe bhin, osẹnobulua kpa bhẹn, ọkpanọn uwẹ a ho nu na bhẹ ẹgua okhu u a robe rẹ khan u hin no sosehobula.¹⁸ Ọ no okpẹa da nọ lẹn "Ukhin ne a" Ijesu da tale " Ẹgbugbe, ẹgboghẹ, ẹralọ, ẹsosei ọhoghe. ¹⁹ Mu e kpẹn ni abẹ bi ine, u a hue bhọn o bo ẹ be nu uwẹ rẹ huẹ ẹbho egbe nọ ọsọ.²⁰ Ọ no okpẹa da tamanlẹn,imẹn ka lue na ro obọ rẹkhan ena reghe. E bhin ọ bhe bhe ribhọ ni imẹn a tie lu. ²¹ Ijesu da tamanlẹn, a miẹn uwẹ ho nu uwẹ kiọn ọnogba, akhian, khie ebu wẹ bhọn re bhe, rẹ ne e no obọgbe, uwẹ kin a bhọn aza bhe ẹgua okhu. U da dọ rẹ khan khẹn. ²² Ẹghe nọ kin rẹ họn ebi Ijesu tale, ọ da kpanọn, ọ bhan yiẹ aghọnghọn, ranmude ọ bhọn ebhin ne bunbun.²³ Ijesu da tama enidibo ne sọle,genegene imẹn tamalẹn, ọ kiẹn ebe nọghọ nọ ọ fele rẹ na bhe ẹgua okhu. ²⁴ Sẹyẹ imẹn tamanlẹn, ọ ki ebe lekhẹ ni uhunhi Icamẹ rẹ nu uhia agbede ni ọnọn fele rẹ na bhe ẹgua okhu.²⁵ Ẹghe ni enidibo ki rẹ hona, egbe da mama wọ ele e da a tale, ọ bhọ a ki min umiẹn fan. ²⁶ Ijesu da ghele ọ da tale, rẹ jiọ ọ osẹnobulua ebhin re bhe dia lẹghẹ lẹghẹ. ²⁷ Eni Ipita da waniẹn ọ da tale, i ma ze e bhin re bhe obọr rẹ ghalẹn. Be ima da miẹn.²⁸ Ijesu da tamanlẹn,"Genegene imẹn tamalẹn, agbọn ọsọgbọ nọ avale ẹghe no ọmọ nọ sọle, ibha ne rẹ khan bhẹn na ki yẹ de bhin uko oju okhup igbeva a bho ohiẹn uluẹn nọ si Izirẹ.²⁹ Ọ nọ kirẹ a khin nọ zo obhiọle no okpea abọ, obhiọle nọẹ okhuo obọ, zu aba obọ zi ine ọbọ,zo otọ obọ, ranmude imẹn ọ dẹ kikie miọnlẹn bhu uniẹn ẹdẹdẹ mẹn edẹ. ³⁰ Ọkpanọn, ene bunbun ne kalo ki kike ene kike kie kalo.

20¹ I nia ẹgua okhu dia bi ọria nọ bhọn otọ nọ riọbhowe ewewẹ a ne ẹ bho ne a wẹna bhu ugbo emekonọn. ² Eghe ne kirẹ riọ bhọ ukpigho ọkpa khu ukpẹdẹ ọ da jiele a khu ugbo emekonọn.³ Ọ da gbo da gba re e ghe uria agogo ea ọ da daghe ẹbho eso bhẹ ẹki ne kue bhin soso. ⁴ Ọ da tamal, bha na yẹ a siọn onugbo emekonon, i ki ha ha bhale ebekhẹke bha, i riọ e rẹ a khian.⁵ Ọ da yieda gbar uria agogo ehan bi uria agogo isin, ọ da yie lui iriọ. ⁶ A ki bu eghe agogo ugbolọ ọ da dagbare kẹ ẹbho re ne mudia ne lue e'bhilin. ọ da yele be zẹle ni bhai da lue bhin soso. ⁷ E da yiọle, ranmude a bha mui iwẹna bhan, ọ da tamanle, i bha yiẹ a siọn o nughe emekọnọn.⁸ Ẹghe nọ ọse muan kirẹ rẹ, ọnọ nian unugbe emekọnọn da tama ọnan gbelo gho unghe emekọnon, tie ene wẹnan u a ha e ose, ọnọn kike rẹ sọ ọkalo. ⁹ Ẹghe ni ene wẹna eghe agogo ugbolọ kirẹ vale, ọ da rene ugbigho kpọkpa. ¹⁰ Ẹghe ni ene ka a wẹna kirẹ vale eda a ria a le ghe ọ sele da hume ọkpanọn ọ da yie re ughigho ọkpanele.¹¹ Ẹghe ne ki rẹ hale osa, e da guẹ ẹzọ da ọnọnian onugbo emekọnọn. ¹² Ele da tale, ene vale uria agogo ugholọ igho nu wẹ hale ọ le uwẹ yie ha khanle, ikhan na miẹn nọ miẹn ẹsọn bhẹ ẹkẹ ovuon.¹³ Ọkpanọn ọnọn nianlẹn da tamanlẹn, ọmuẹ, i mẹn bha ru uwẹ khọ. Ọyi ukpighọ okpa iman koko ve? ¹⁴ Re igho nọ sẹ uwa a khiọn ọsẹ, imẹn to bọ bhẹn yiọle igho ọkpa imẹ da hale.¹⁵ Ọ bha be dia ni imẹn rẹ re ebhin khiẹn khian be jin imẹn holo, ranmude imẹn bhẹn ọle uwẹ ki da rẹ ẹlo no bhin ghe khẹn.¹⁶ Be nọ ki dia iriọ ọnọn kalo ki kike ene kike ki kalo, ene bunbun ọle a tie le ikpeta a ne bhọ.¹⁷ Be ni Ijesu ki a khin Ijerusalẹm ọ da nei eniddibo ne sọle, eghe ne ki rẹ akhian bhu uwedẹ ọ da tamanle. ¹⁸ Ghe iman khin Ijerusalẹm, e ki muọn ọman nọ so okpẹa ni ene rohẹn khian bi ene gbenebe o bho otọ. E ni rumu riala yiọle ọ sebe a u. ¹⁹ Eki muẹn ni eni Igẹnta ne jiọle, gbọle, khanlẹn mu oru uwu we. Ọkpanọn ukpẹdẹ nọ ọze a ọki kpanọ si bhin idire.²⁰ Eni inen imọn nọ si Izẹbidi da ne imọn ne sọle re vale, gbe hian re ni Ijesu ọ da bhiọle ebhin.²¹ Ijesu da nọlẹn, bu uwẹ guanọ ọno khuo da tale ime ho na miẹn eni imọn eva no sẹn bhẹna e ki de bhin obọ agobọ bi obera nọ se bhe eguale nọ ọsẹ²² Ọkpanọn, Ijesu da tamanlẹn, uwẹ bha lẹn ebuwẹ nọ. Uwẹ dẹ sabọ ru ukpu ni imẹn arẹ muan ameon muan ameon, eda tamanlẹn ehe imai dẹ sabọbhin.²³ Ọ da tamanle, ukpu nọ sẹn bhẹn ibha dẹ gene sabọ rọ muan ameon. Ọkpanọn na rẹ de bhin obera bi obagobọ a ọ yie e bi imẹn a sabọlu, ọkpanọn enebholọ na ababhẹn muonlẹn egbe khẹ ele a de bhọ a. ²⁴ Ẹghe ne enidibo igbe ne kẹle ki rẹ họn na, eda khọ eke enọ ọmọn bi obhio.²⁵ Ọkpanọn, Ijesu da tie erebhe, tama ele, i bha lẹn bhin ene sue eni Igenti ele kokhune ene bhọn ebhin ne ribhọ ele no a hu. ²⁶ Ọkpanọn ọ da yi inian bhẹ ẹwẹ bha, ọnọ kirẹ akhin nọ bho nọ ki ọnọkpọnọn bhẹ ẹwẹ bha ọ kin ọnọga bha. ²⁷ Ọ nọ kirẹ akhin nọ ho nọle ki ọhenhen ọ kin ọ kin ọnọda bha. ²⁸ Nọ dia bi ọmọnọ okpea bha va e na a gale, ọvale nole dọ ga, bi nọle re eghe nọ sọle zọ esẹ ne ebho nebunbun²⁹ Ẹghe ne kirẹ dagbare si bhin Ijẹriko re, ẹbho ne mama bun da rẹ khanlẹn. ³⁰ Ikpia eva ne ru ẹlo da aribhọ ne de bhe egbu uwe dẹ a. Ẹghe ne kirẹ họn Ijesu gbera, e da reso, "Ebianlẹn ọmọn nọ si Idevidi bhọn itohan ghẹ bhan"³¹ Ene ẹbho ne rẹ khan Ijesu da tamale ne kokunu, ọkpanọn e da mama tie a so dagbare, "Ebianlẹn ọmọn nọ si Idevidi bhọn itohan ghe bhan"³² Eni Ijesu da mudia ọ da datiele tale," E be ibhan guanọ ni imẹn lu ni ibha?" ³³ Eda tamanlẹn, "Ebianlẹn, ima hobhin ne elobha tanlẹn an. ³⁴ Ọ da robọ sui Ijesu bhọ okhole, ọda bhọn ẹkẹjẹjẹ, ro obọle su ele elo egheni egheni elo e da tanlẹn an e da daghe e da rẹ bhan lẹn.

21¹ Be ni Ijesu bi enidibo ne sọle kirẹ a sikẹ Ijerusalẹm, e da va bhin Ibefegi jiọ bhin oke olivs. Eni Ijesu da jin edibo ne sọle eva. ² Ọ da tama ele, ibha a khien e bho ne kẹle, ẹjẹje uwẹ de min kẹtẹkẹtẹ na diọn mu oran bi omiọnlẹn ni khere, tan ele a ur a ne e li jin bhẹn. ³ Amiẹn ọria ne e talọ rẹ tẹọle, u wẹ a tamanlẹn ebianlẹn guanle, o nọ ọria kin jẹje jie ele re khan lẹn.⁴ Ejayena, ọ da kin e bo ohẹn kata da dọ musẹ, nọ yiọle. ⁵ Tama ọman okhuo nọ si Izaọn, ghe ojie bha bu bha va de, o de egbere a hẹn ikẹtẹkẹtẹ.⁶ Eni enidibo da a khian dọ ọ lu be ni Ijesu tama ele. ⁷ E da muọn ọ ni ikẹtẹkẹtẹ bi ọ ni khe rere e da mu ukpọn nọ sele ọ bhọ Ijesu da de bhu ukọ a. ⁸ Ọ bu nẹ bhe ene ẹbho da ne ikpọn nọ sele kuọ bhu uwẹ dẹ, ene kẹle da hin ikpa be eran wale bhu ukho na lẹn.⁹ Eni enu siẹn agbọn ne kalo ni Ijesu bi ene kike na lẹn da a so, Hozana gi ọmọn nọ si Idavidi, erọnmọn ọ sọ nọ vade bhe elin nọ se ebianlẹn, Hozana nọ okhu nẹ. ¹⁰ Ẹghe ni Ijesu kirẹ vae bhin Ijerusalẹm, ẹbho ne bhe eda ni da tu dagbare a tale, ọ bhọ khọn na? ¹¹ Eni usiẹn agbọn da waniẹn, ọ nai Ijesu ohẹn nọ ni Inazarẹti vale nẹ bhin Igalili.¹² Eni Ijesu da na bhin uwa osẹnobulua. Ọ da khuni ene a due eki bhu uwa nọso osẹnobulua kua. Aga nọ se ene hin igho ọ da siọle ẹlo ru, bi ene ebho ne khin ugbene ghughu e be rẹ do tua ọ da sae ẹlo ru. ¹³ Ọle da tamanlẹn agbọn lẹn bho otọ, ghe uwa na da nerọnmọn a da tiu uwa bhẹn ọkpanọn ibha rọle kiẹn uwa oyi.¹⁴ Eni ene ruẹlo bi agbiguẹ da buọle re ọ da re egbe dan e.¹⁵ Ọkpanọn, ẹghe nọ ojieohẹn bi enegbẹn ebe bho otọ rẹ daghọ ọ ne ebhiọn ohan ito na nọ lu, bi ẹghe ne kin rẹ họn eni ibho khan so bhẹ ẹkẹ uwa nọso osẹnobulua tie, "Hozana ọ sọ ọmọn nọ si Idavidi" ẹkẹ da mama akhọ ele. ¹⁶ E da tamanlẹn, uwẹ he ebe tariọ? Ijesu da yiọle e he. Ọkpanọn, ibha bha sẹka tiọle bhe ebe unu nọ si ibhọn bi ọmọbọ ọ le a da min u gen bhin nọ kokhunẹ.¹⁷ Eni ijesu da ze ele obọ jiọ bhọ e ne ẹbho ọsi ibẹtani, gba asọn bhe eni.¹⁸ Ejayena ẹghe nọ kirẹ a va din ọnẹ ẹbho ọ se ewewẹ o han bhẹn da a gbọle. Ọda ghin o ran ene konon bhe egbu uwedẹ.¹⁹ Ọ da khian buọle kere ebhin soso ribhọ gbe ra ebe, ọ da tale, a i da tie min iru khu uwẹ rẹ a khian, ẹjẹje ọ no ran da u kha khe ebe khua.²⁰ Ẹghe ne enidibo kirẹ daghọle, ọ da wọe bhe egbe eda tale, bọ no aran na nọ min iru na rẹ jie u yẹ. ²¹ Ijesu da waniẹn taman ele, genegene imẹn tamanlẹn, amiẹn uwẹ bhọn ureọ bhọ uwẹ bha da abakhẹn bhẹn khuẹn bhẹn, ọ ye ebe su unu da ọno oran na ọkpa uwẹ a lu. Ọkpanọn, uwẹ de tama ọ no okena,kpanọn dio bhe e de ọ kin gene su unu. ²² Ebu uwẹ kirẹ nọ bhin ine erọnmọn uwa riọ ọbhọ uwẹ dẹ miọnlẹn.²³ Ẹghe ni Ijesu kirẹ vale bhu uwa osẹnobulua, ọ no ojieohẹn bi enewanlẹn nọ se ene ẹbho da vale dọ nọlẹn ọta be jiọle a ma ebhin, ahu be uwẹ rẹ lu e eni bhin na, bi ọ rọ ọna ahu miẹn. ²⁴ Ijesu da waniẹn ọ da tama ele, imẹn de yẹri nọ bha ukpọ ọta ọkpa ibha a tama bhẹn, imẹn kiyẹ tama bha ejin imẹn da mi ahu.²⁵ Iramẹn nọ si Ijọni nọ ramẹn nẹ ẹbho jiọ ọna vale? egua okhu ọ oba agbọn. Ede ne ẹghe zilo ra eria kugbe, e da tale, iman a yiọle ẹgua okhu, ọki yiọle bezẹle ni ima bhu do rio bhọ ọle. ²⁶ Ọkpanọn, ima a kin yiọle obọ agbọn ọnu vale, ofẹn ene ẹbho na mubha ranmude ele re bhe riọbhọ ye Ijoni ohẹn nọ.²⁷ Eni e da waniẹn Ijesu tamanlẹn, "Ima bha lẹn." Ọ ni Ijesu da yẹ taman ele imẹn da yẹ ri tama bha e jin imẹn da mi ahu ni imẹn rẹ luọ ọne bhina.²⁸ Ọkpanọn, bu uwẹ rialeyẹ? ọria bhọn imọn eva. ²⁹ Ọ da tama ọnọ diọn, ọmọn, dọ ọ wẹna bhu ugbo. Ọ nọ ọmọn da waniẹn, ọ da fin okhọ de nọ ọ da a khian.³⁰ Ọno okpẹa dabui ọmọn nọ zevare ọ da ye tiriọ malẹn. Ọ da waniẹn tamanlẹn, imẹn de yo bhin, ọkpanọn, ọle bha ye yo.³¹ Eni imọn ne veva ọni a lui iholo nọ sa aba ele? Eda yiọle, ọni ihẹnhẹn Ijesu da taman ele, "Genegene, imẹn tama bha, e ne miẹn igho uhunhun bi e na agbilẹ ele a ka bha nabhin ẹgua osẹnobulua. ³² Ghe Ijọni bu bha re uwedi ikhiale, ọkpanọn, ibha a riọbhọle. Ọkpanọn ene miẹn igho uhunhun bi e na agbile da riọbhọ. Ọkpanọn a rẹ miẹn ibha dọ ghọ ọ na, ibha a fiọ ọkhọ de nọ buọ ọle re.³³ Ka ehọ itan ọbhebhe, ọria da a ri bhọ nọ bhọ otọ, ọ da ku ugbo emekọn nọn, ọ da gbogbe nẹ gale, lui eja da lua aniọn bhọ, ọ da be eja a na a ghe ẹkọlere bhe obhọ, ọ da mu nẹ ẹbhọ nọle agbẹ ẹlo ghọle. Ọ da a khian agba ẹbho obhe bhe. ³⁴ Ẹghe na rẹ kọni iru ọle kirẹ, ọ da egbọn khan dia nọ sọle gi ene ẹbho ne gbẹ ẹlo ghọ ọnu ugbo ne kọnin iruọle jiọle.³⁵ Ọkpanọn ene ghẹ ẹlo ghọ onu ugbọn da fin ukpọkpa ebhin, e da gbu ukpọkpa ru udo gbọ ọno kẹ e. ³⁶ Gibo ite ọnọn nian ọnu ugbo da tie jin egbọn khan dia ebhe bhe nọ gbera eno ọle ka jie, ọkpanọn ene gbẹ ẹlo ghọ ọnu ugbo da sẹyẹ lue iriọ bẹ ẹ jiẹle ka lu. ³⁷ Ona ki gbera ọ nọ nianlẹn da jin ọmọn nọ sọle, ọ da yiọle e dẹ mu ekpẹn nọ ọmọn nọ sọle.³⁸ Ọkpanọn ene gbẹ ẹlo ghọ ọnu ugbo da yiọle ọmọn nọ sọle khọn na bha dia gbọle a lu uku nọ sọle.³⁹ E da muọnlẹn, riọle uhunhun fin dagbare si bhọ ọnu ugbo re, gbọ le a.⁴⁰ Ejayena ẹghe nọ ọnọ nian ọnu ugbo a rẹ vole, bọle a lue ene a gbẹlo ghọ ọnu ugbo yẹ. ⁴¹ Eda tamanlẹn, ọ kin gbone ene ebe ni an bhu uwedẹ nọ kaka e, ọ muọn ọna ugbo ne eria ọbhebhe agbe elo ghọ le, ẹbho ne a re ọsọle nalẹn se ekon nọlẹn.⁴² Ijesu da taman ele, uwẹ bha tie ebe nọ khianle, ọ nu udo ne ebuwa hele nọki dọ mu uwa bhọnlẹn. Ọ na obọ osẹnobulua ọ na vale, ọkie ebhin ohan ilo rẹ jin bhan.⁴³ Bejọkijariọ, imẹn tamanlẹn, egua nọso osẹnobulua a di miẹn bha ele re ne agba ẹbho ne a min iru.⁴⁴ Ọnọ kirẹ akhin nọ de ọ bhọ ọnu udo na ki de kuẹkẹa, ọkpanọn, ọnọn kirẹ de nian kin piẹn riẹn a.⁴⁵ Ẹghe no ojiehẹn bi eni Ifarisis rẹ họn ọ ni itana, e da lẹn khin le ọ a ye.⁴⁶ Eda guanọ ne muẹnlẹn, ofẹn ene ẹbho da muele, ranmude ene ẹbho ghọle bọ ohẹn.

22¹Ijesu da gbokie ritanhanele talọ yole. ²Eguaosẹ dia bi ojie ọpka nọn muogbe iriamhẹn n'ọmọn sọle. ³Ọ da jibhokhan lẹn ne do tatie ena yele vae, elebha vae.⁴Gbokie, Ọ da j'ibhokan ọbhebhe taman ele nan tiele, ghe mẹn ny'ebale. Imenu sẹmẹn ne kpọnọ nẹ a rẹ ny'bale. Vae bhọ n'iriamhẹn⁵Ebha ka echo, eda ha khin odẹ kikẹ, okpa da ha khin ubgo, ọnọn kele da ha khin ẹki.⁶ Ene ki dekẹ da muni eni ibhokonjie zuoọz'ele, rẹkholẹ lu elea ọkuẹsẹ e da gbonelea.⁷ Ẹkẹle da khọ on'ọnọjie, Ọ da j'iyokirlo sọle ne do gbon'eria yẹ reranlẹn tuẹ ọni idumun rebhe.⁸Ọ taman lbhokhan lẹn aki muegbe ọni lriamhẹn sokpan ena re tie bha man. ⁹Bhinia ki, bha diọ bhiuwewdẹ kikẹ e'nibha ki re rabọ miẹn rebhe bha datiale vae bhoni iriambẹn.¹⁰ Enibhokhan lẹn dia diọ bhiuwedẹ kikẹ do shi ebholo ne ki rẹ miẹn bi ene imẹn. Ọniọgbakha ejada lu oniriamhẹn da vunọn.¹¹Ọngie ki dọ fẹ ẹbholo nan tiele ghe, ọ da min ọria nọn bha ne ikpọn suje iriamhẹn yọ. ¹²On'oje da yọle, ọmọe buwẹ re vae bhe nan yenu bha daneipkọn uje iriamhẹn yo? Ọbha min ọta ta.¹³Ọnojeda yobhokhan lẹn, Bha gbọnọria obọ bi eranmẹn bha mun ọnlẹn fiọ bhẹkẹ ojobili bheja dạvie bi igbakọn.¹⁴ Ẹbolo ne bunbunlun na tiele ikpeta a da zẹbhọ.¹⁵Ẹghe nin eni Ifarisi da ha guari'uwede ebele da rẹ rọta nin Ijesu tale rẹ kinọnlẹn.¹⁶ E'da ji edibo nọn s'ele, deba eniIherodiansi. E'da yi Ijesu, "Ọmaneminlin man lẹnlẹn ghe uwẹ ọria emọn ata bi luẹ ẹbholo od'esẹ ọs'ata". Uwẹ ka echọ ebhẹbolo ta bi uwẹ i bho ohien eku bhẹwẹ ẹbholo. ¹⁷Taman manlẹn, b'uwẹ riale yẹ? Ọ mẹnmin na rẹ ha zigho uhọnmọn ji Isiza la na hẹ zẹ?¹⁸Bhiriọ Ijesu da lẹn dukhọlọ sele, ọda yele "Be zẹlẹ nibha da ha dọnmọnmọn ibha ne hianbhegbe? ¹⁹Rẹ manmẹn igho nan rẹ zigho uhọnmọn". Eda ukpigho elọnmọn manlẹn.²⁰Ijesu da yele, "Aman bi elinlin sọla hẹnan?²¹ E da yọle osi "Isiza" Ijesu da Taman ele, bha ne emilin Isiza nin Isiza, bha ye ne eminlin Osẹnobulua ji Osẹnobulua.²² Eki họn bhiriọ ele da nyunuan. E'da zọle obọ hạ khin ọsele.²³Ọnẹdẹ nin Isadusi eso nne yọle ai min inabhidin henre, da buọle re, E' da nọnlẹn ²⁴ha y'ọle "Ọmaneminlin. Imozisi yọle, okpia ha yu, ọ bha da biẹ, obhio ole ki re ọn'okhuo nọn bie n'obhio ọle.²⁵Ibhio ihinlọn da ha ribhọ. Ọni hẹnhẹn da re okhuo oda yu ọ bha bie ọda z'ọnokhuo obọ n'obhio ọle. ²⁶Obhio nọn zeva iriọ zihilọn.²⁷ Aki lu fo, ọn'okhuo da yu. ²⁸Bhinian a ha kike nidin hẹnre họ da nyan on'okhuo bh'ẹwẹ enibhio ihilọn nin? Ramunde ele rebhe re ọn'okhuo.'²⁹Ijesu da min ele unun, ọ da yele ibha mun ọhan ramunde bha bhalẹn uhọnmuje bi ahu nọn s'Oẹnobulua.³⁰ Bhẹkẹ ina bhidin hẹnre, ai re okhuo la a rọmọn n'ọdẹ Ramundọni e ki dia bi ẹhi ne ribhi eguaokhunlun.³¹Dọ rẹ so ẹmọnlẹn ina bhidin henre, bha bha sẹ tiẹ ọle ebi Osẹnobulua tama bha yẹ yọle . ³²Imiẹn hi osẹnobulua si Ebrahamu, Osẹnobulua si Aziki bi oe nobulua si Ijecobu? Osẹnobulua ọi yi Osẹnobulua sene yulu osẹnẹ ribhogbọn nọn.³³ Enẹbholo ki họn nan ọ da han ele ẹlolo eborẹ man.³⁴Eni Ifarisikihọn ghe Ijesu rọgbunu gbi Isadusi ununan, eda koko gbele kugbe. ³⁵Ọkpa bh'ẹwẹ ele nọn manman lẹn uhi, ọda ha nọnlọnọto rẹ dọnmọnlẹn. ³⁶Ọmaneminlin, ọne la uhi nọn kokhun nẹ?³⁷Ijesu da taman lẹn "nọn rokhọle rebhe huẹmọn Ebealẹn bi Osẹnobulua bi ahu rebhe bi ekele rebhe". ³⁸Ọnan uhi nọn kokhun nẹ bi ọ'nihẹnhẹn.³⁹Uhi nọn zeva yẹ dia bọnin - huẹmọn ọzeva ẹ bejurẹ huẹmọn egbe nọn sẹ. ⁴⁰Ọnuhi eveva nan ọle uhi rebhe bi ohẹnlen da rẹzi⁴¹inia beji Ifarisi rẹ ha shi egbele koko, Ijesu da nọnele ọta. Ọ da le bhibha ria le yẹ kọ hi Kristi? ⁴²Ọmọn s'ọla nọn? E da y'ọle "Ọmọn si IdevidI".⁴³Ijesu da yele "Ba ki da miẹn yẹ Idevidi bhẹkẹ oriọn da tiole Egbealẹn, ọ da yọle. ⁴⁴Ebealẹn da taman Ebealẹn men, "Dibho otọa bh'obera nọnsẹmẹn. ọkuẹssẹ I roghinan ẹn rebhe kin eju ne eranmẹn i?⁴⁵B'eji Idevidi ki rẹ ha tie Kristi Ebealẹn, b'ọki rẹ ha yi omon si Idevidi ye?⁴⁶ A bha min ọnọn sabọ min ọnlẹn unu, ota soso rẹ nẹ ọdẹ nin kha khian.

23¹Ijesu da nin enun usun ẹbholo bii enodibo nọn sọle talọ.² Ọnan tale, "Enin iscgibe bii enin Ifasresis dotua bhi eji Imosis dia. ³ Bọnọkhidianan ebọtaman bha nin bha lu, bhalu reọbo rẹkhanlẹn.Hẹi regbe tẹẹ ebe lu, eatọta elu rẹkhanlẹn.⁴ Ee, eha khun ihẹ nọn khue nai sabọ rẹ nu, ei munọn yan ẹbho inianbọ. ele tobọ ele nin ikpanọ bhọ ne rẹ mun. ⁵ Elu ebe lu nan agbọn ba daghe ele. Esu ukpọn uru- ọbọ nọn sele bhiabhiale, eiyẹgbo so otọ - uikpọn nọn sele bhiabhia le⁶ Eho nei dotua agala nekkpọnọ bhi iluemin bii uwa oga,⁷ Bii otuẹ abadaghe bhẹ ẹki nan agọn ha tiele. 'Ọmanebhilin.'⁸ Ọkpanọn hei ja ha tiẹ "ọmaebhilin," ranmude bha mọni ọman emin ọkpa, bharebhe ibhoo bha khi.⁹ Hẹi tie okpea nọn khirekhin bhẹkẹ ọnan agbọn nan aba, ranmude uwa bhọn aba ọkpa, nọn ribhi ẹkẹ okhunlun.¹⁰ Heiya ha tiẹ 'ọmanebhin' ranmude ibha mọn omanebhilin ọkpa ọni khi Kristi.¹¹ Ọkpanọn ọnọkhirẹ khi nọn kpọnọ nẹ bhẹ ẹwẹ bha ọle khe eguọbhandia. ¹² Ọnọ khi rẹ khin nọn siegbọle okhunlun, akhi siọ re otọ, ọnọn khire khin nọn siegbọle riotọ akhi siọle ọkhunlun.¹³ Ihẹnlẹn kiẹn ọsẹbha ene gbebe bii Ifarisis ene hian bhegbe! nibha rẹ khue ẹgua okhunlun gie ẹbholo. Ibha tobọ bha bha na bhi ẹgua ọkhun, bha yẹ, jene dia kẹ bha da nabho.¹⁴ Ihẹnlẹn họ sẹbha, ene gbe ebe bii Ifarisis,ibha ne hianbhegbe! ibha ne gbi ikhuo nọn ọdele yulu niele uwa, bha ne erọnmọn nọn talẹn ibha la min ibhuohẹn nọn kpọnọ ne. ¹⁵ Ihẹnlẹn ọsẹbha, ene gbe ebe bii Ifarisis, ibha ne hianbhegbe! ibha ne yi okpẹdẹ bii otọ ni bha re ọnọn rẹbha ọkpa,ọha miẹn ọkpa,bha khi rọ luetun eva bhi omọn ọsi agberanlẹn bi ibha.¹⁶ "Ihẹnlẹn họ sẹ bha, ibha ne kiẹn eruẹlolo ne ra agbọn khian, ibha ne tale, 'ọnọn khirẹ khin nọn ru uwa nọn si Osẹnobulua vi ihẹntẹn, ebhin soso luọ le. Ọnọirẹkhin nọn r ekan nan rẹ ga bhi uwa nọso Osẹnobulua vin ihẹnlẹn, ọlu bii ihẹnlẹn vele.¹⁷ Ibha ne eruelolo bii uyuki! ọnea kpọnọne, ẹkan la uwa nọn so Osẹnobulua nọn ri ọnẹn ẹkan khin ikhiale?¹⁸ Ọnọ khirẹkhin nọn ri ojukhuo vi ihẹnlẹn, ọiyebhin soso. Ọkpanọ 'ọnọirẹkhin nọn re ẹseọhe nọn ribhi ukọle vin ihẹnlẹn, ọni ihẹnlẹn hi munọlẹn.¹⁹ Ibha ne ru ẹlolo! ọnea kpọnọne, ọni eseọhe la onojukhuo nọn re ọnẹ eseọhe kin ikhiale.²⁰ Ọkpanọn, ọnọn ri ojukhuo vin ihẹnlẹn ọire - ebebhọ rebhe vin ihẹnlẹn.²¹ Ọnọn ri uwa nọn so Osẹnobulua vin inhẹnlẹn ọirọ vin ihẹnlẹn bii ọnọn yẹn bhu ukọle. ²² Ọnọn vo okhunlun ojukhuo nọn so Osẹnobulua ọle ọvẹnlẹn bii ọnọn dotua bhuko ojukhuo.²³ "Ihẹnlẹn ọsẹbha, bha nin enegbebe bii Ifarisis, enehianbhe gbe! Bha ne zi ọkpa - ribhi igbe bii eni iquẹquẹ igho ne rẹkhanlẹn, nin bha rẹ miẹn ibha bha manman lu ọnọn kpọnọ nẹ ne ribhi uhi - ibhuohẹn, itohan bii iru - urebhọ wẹnan. Ọkpanọn enan ebhin nibha khalu nibha r ze enekẹle obọ nin bhabha ro obọ so.²⁴ Bha ri iruelolo ha ra agbọn khian, bha ne bhasabọ re gba ahihi bha do mui kamẹl lọlọ!²⁵ "Ihẹnlẹn ọsẹbha, ibha negbebe bii Ifarisis, enehiabhe egbe! Bha kpi egbi ukoko nare wan amẹn bii etasa nan rẹ lebal, ọkkpanọ bha ri osabhalo bii eminebe akhokho vuọnlẹn.²⁶ Ibha nin Ifarsis ne ruẹ ẹlo! bhaka kpi ẹkẹ ukoko bii etasa, bọnadamiẹn igbole khi khiakia nọnsẹn.²⁷ "Ihẹnlẹn ọsẹbha, bha negbebe bii Ifarsis,enehiabhegbe! ibha kian be idin nan ri alo nọn fua gbolo, nọn kiẹn aha gb egbọle ọimosea okpanọn ẹkẹọle iguẹ ọsọria bii ebhin nekẹle ne gbitọnan evọnlẹn.²⁸ Bhẹkẹ enodẹ rebhe, irọ bha re muegbe bọ nọn khiale ọkpanọn bhẹkẹ bha abadaghemẹn bii aireobọ rẹkhan uhi ovuọnlẹn.²⁹ " Ihẹnlẹn ọsẹbha, ibhanin egbebe bii Ifarisis, ibha ne hianbhegbe! ibha ne bin idin nọn si ohẹn ahi ho ọsenekhiale ose.³⁰ Ibhale, 'de bhan yẹnbhi bi ẹghe aba bhan, bhan hei debale bhodẹ nerẹ gbono enohẹnan. ³¹ Ọrẹdianan,bhabhọ sọsali gbe - egbenọsebha ghe imọn nọn si ene gbono eno ohẹn bha khin.³² Ibha sẹyẹ vuọn enobhan ọsa aba bha. ³³ Bha ni ẹyẹn, bha nin ẹyẹn ne khọkhọ biẹle, bi ranin yẹ bhi iguẹzọ ọsa agberanlẹn?³⁴Oarẹdianan,ghe, mẹn ji ohẹn bii umọn wanlan bii ene gbebe. Esobhewele bha khi gbele bii bhe khi khanle mu eran bii esobho bha khi ru ukpughẹn gbe ele bho otuẹ nọn sẹbha bii khi sẹyẹ akhue khiab bhi agbaẹbho reakhi agbaẹbholo.³⁵ Ọni ewaniẹn ọle aranlẹn ọsi enekhiale rebhe nan gbono bhẹkẹ enangbọnan,renabhi aranlẹn nọn khiale ọsi Abẹl, re si aranlẹn ọsi aranlẹn ọsi Izakariah nọn ọmọn nọn si Ibarakaih nin bha gbea bhi adesẹ ọsi ejadazọese bii ojukhuo. ³⁶ Ọsagie mẹni tamanbha, enebhin nan rebhe mọnsẹ bhi ukegbe ọnorenan.³⁷ "Ijerusalẹm, Ijerusalẹm, ibha ne gbọnọ enohẹn bii enan jele ni bha ru udo gbe! Bọa tanse yẹ nọn ọle arẹ si imọn nọn sẹbha koko,bọni ọkhọkhọ rẹ si imọn ne esole koko bhi otọ igẹn nọn sọle, ọkpanọn, ibha bhọ bha mun egbe! ³⁸ Ghe, uwa nọn sẹbha eminsoso ribhọ. ³⁹ Ranmude mẹni tamabha,bhai khian la kie miẹnbhẹn nin bha rẹ khatale, "Erọnmọn anani ọria nọn r elin nọn se Ebianlẹnbhan vae"

24¹Ijesu bi uwaoga dagbaze ọda ha khun ọsọle. Edibo sọle da dọ ha si uwa kikẹ si otuẹ nọn khua ² ọ da taman ele, bha bha daghe eneminlin nan rebhe? ọsagie imẹn yibha udo ọkpa iubhọ nọn da mudia nyẹn ọbhebhe nọn ki da deze.³ ọ ki olotua bhokhunlun oke nan tiọle olivisi, enin edibo da do buọle se yọle, "Taman manlẹm eghe nemin nan sebhe da se sunu? Ba tie aman uvacle nọn sẹ bi ufomin eghele? ⁴Ijesu da taman ele, Bha fẹkẹle mibha hẹ fi odẹ ⁵ Ene bunbunlun ki seninmẹn vae. Eki yọle imẹn hi ksisti, eki sẹbholo ne bunbunlun fi odẹ dọn.⁶Bha dẹ hẹnmọnlẹn okulo, bi owewe isokulo. bha hẹ j'ofẹn mun' bha, eneminlin de ka sunu fo, ẹghe ọkika sẹ yẹ zele. ⁷Agbaẹbholo ki sọ agbaẹbholo ebhebhe okhọnlẹn, eguaojie ki sọ eguaeje ebhebhe okhọnlẹn. Ukhunmun ki ha fi bi iwalotoa bhijekẹkẹ. ⁸ Enan sebhe liomunkele ọsi ọbalọ sidubiẹmin.⁹Eghe nin ele ki muẹn bhiokpokpo bi obakho eki yẹ gbono bhaa. otọ agbọn sebhe ki he ẹ sanmunda elinlin mẹn. ¹⁰Eghenin ene bunbunlun ki dese bhoga, eki ha nun egbele khien, eki ha mọn ẹkẹ ebe jegbe. ¹¹ Ohẹnlẹn ohogholi me bunbunlun isi vae sọbho nebunbunlun fi odẹ dọn¹²Ramunde igbuhia ki maman tunẹn okhum, ihuẹmọn egbo sene bunbunlun ki fuọfuọa. ¹³Ọmọn sabọ zinegbe sẹghe ọkike ki min omiẹn fan. ¹⁴Ọnuhọmunje si ẹguaosẹ adẹ tale nọtọ agbọn sebhe nọn kin ọsẹli ji agba otọ sebhe. Ẹgheni ẹdẹ nọn kike ki vae.¹⁵"Bhisiọ bha kha daghe awabi ehohoa, nin idaniẹli niohẹnlẹn tale nọn sẹ mundia bheje khiale" (bhaji ọnọn tie ebe ha wanlan). ¹⁶ Bha jene bhi Judia tin vae bhokhun oke. ¹⁷Ọnọn sibhokhun uwa ọhẹ suẹnse dọ siemen bhẹkẹ uwa sọle. ¹⁸Ọnọn sibhugbo ọhẹ kiesuwa dọ sẹ awegbe.¹⁹ihẹnlẹn ọsene hanman bi ne senọnmọn nyẹn bhẹghẹ nin. ²⁰Ne ezọninọn nan miẹn bhe uwẹ bha sẹghe ukhuakhua bi ẹduzȧna sune. ²¹A dẹ min okpokpo nọn khua bi egbe ọnan bha sẹka miẹn dọ sẹ sẹ bhejaye nan ha sa dẹ ye noon egbọle. ²²Sade a bha shi enikpẹdọ ke otọ ọzia zibho nọn ha sẹ nin. Ramunde ẹbholo ni Osẹnobulua zele ada shi enilepẹdẹ kotọ²³Eghele nin ọsia da tama ẹn "ahe, iksisti eibhi enin" la, ghọnin iksisti bhenin hẹ sẹbhe. ²⁴ Iksisti ohogholi bi akhase ohogholi, eki sokpaman bi ọhanelolo man mien da sẹbholo fenan, zẹlo fi odẹ dọn. ²⁵Ghe I taman bha ọkuẹsẹ ọneghe.²⁶Bhisiọ ele da taman Ọ sibhẹgbo hẹ yọnegbo la, Ghe ọ sibhi ẹkẹ ogua hẹ sẹbhọ. ²⁷Beji anyan sẹ bhala dagba se bhe ujese ovọnlẹn dọ sẹ sẹ bhi udefia oenlẹn, isiọ uvada si ọmọn nọ si Okpia da diayẹ. ²⁸Eji elanmẹn nọn yulu ye eni ughulu da si koko.²⁹Okpokpo si enikpede ha ki gbesa fo, ovọlen ki suebili, uki yẹ da bhala, ikpahian ki nabh' okhunlun denọ ahu egua okhunlun ki mun lueghe.³⁰Ẹghenin aman si Ọmọn si Okpia ki sẹman bh'okhunlun, uzo kikẹ bh'ioto agbọn sebhe ki ha vie. Ele ki daghe ọmọon si Okpia si ahu bi osisi nẹkẹ okhunlun vade. ³¹ọle ki ji ẹhi nesọle bi okpuseso si ubulu, eki nabhi ikpabọ ẹhoho enẹn koki enan zẹle ruẹn sọle kugbe, sẹni obọ ọkpa dọ sẹ sẹ ibode nọn zeva bhokhunlun.³²Luẹ eminlin bh'obọ okpesan. ikpab'ọle ha munkele ha jebe ọgbọn bha len ghe okhukhua sice. ³³ Bhisiọ yẹ uwẹ ha min eneminlin sebhe, nuwẹ lẹn ghe ọle ki manman sise bhuwele.³⁴Ọsaje ọni agbọnuzena da gbesa to eneminlin nan leuẹ ha sunu. ³⁵ Agbọn bi ẹlimin dẹ gbesa, ọta nọn sẹmẹ hi da gbesa³⁶Rẹ ji ọnukpẹdẹ nin bi ẹghele, ọsia sibhọ nọn lẹn lẹn, ẹyi ehi ne sibhi egua okhun, la ọn' ọmọn, Aba ọle ọkpa.³⁷Be ji ọdia bhẹghe inoa isiọ ọda dia ụvaḍe si Ọniọn si' Okpia. ³⁸Be jọdia ẹghele ni ologho sẹ mun agbọn sebhe, ele da ha da e da ha le, e' da ha se amẹn sọmọn nọdọ ọluẹ sẹ i noa na bh'okọ. ³⁹Ele bha lẹn ebe sunu okuẹ sẹ ologho da dọ kpon'ele kua, lisiọ uvade si ọmọn s'okpia da dia.⁴⁰Ẹghe nin ikpia eva ki ha sibhi ugbo a ki se ọkpa-a kizọkpa obọ. ⁴¹Ikhuo eva ki ha neminlin-a ki se ọkpa aki zọkoa obọ. ⁴²Bh'eja ye nan mun egbe bhotọ samunde uwẹ bhe lẹn ẹdẹ ni Ebealẹn da vae.⁴³ Ọkpanọn, ibha lẹn ọna, sọle Ebianlẹn nọ nian uwẹ lẹn ghe nọyi urẹvale, o a rẹkhe uwa, orẹ jio oyi da gbole uwa a. ⁴⁴ Benọkijairiọ, akhẹke nuwẹ rẹ muegbe, ranmude omio okpẹa dẹvae ẹghe nuwẹ ha khọkhọ⁴⁵kọ hi ọnokha nan gba ekeole nọn ye wanlan ni Ebealen ha ka ki vae, ọki kese a hẹnhunwa semnlin sebhe nọnsẹn, nọn sebale nọn khẹke nele? ⁴⁶ Esọnmọn ọsi ọnokhan nin ebealẹn vae dọ kese ọlu bhisiọ. ⁴⁷ I taman ẹn ọsaje, oni ebealẹn nin ọki se ọnokhan nọn gbalo ghe eminlin sole sebhe⁴⁸Okhan ebe ha yọle bhọkhọle nọn sọle ghe, Ebealẹn bha vae. ⁴⁹Nọn dọ ha gboni ibhokhan nele ko nwenan, ha debale dẹnyọn sẹkha edẹnyọn. ⁵⁰Ẹgheni ebealẹn ọnokhan ki vae bhẹde nọn bha lẹn bi eghe nọn bha khọkhọ. ⁵¹ ọnin ebealẹn sọle nin ki jajalea se ọle ba ibo ne hiam bhegbe, bheji uviẹmin bi igbakọn ye.

25¹Eguale okhunlun inian ọla dea be eni imamen igbe ne munu orukpa nedọ mudia khẹ ọdọ ele. ²Isen bhẹ ẹwẹele iwobi, eni isen nekẹle, eda wanlan. ³Ẹghe neni imanen iwobi rẹ muno orukpa, ebha sa amorukpa monlen. ⁴Eni isen ne wanlen da sa amorukpa monlen)⁵Eki ze khẹ ọnọ ọdọ owẹ da ha sun ele. Edawẹẹ. ⁶ọsu uyanmẹdẹ, ukpurulu da tale: Bha ghọ ọdọ: Bha dagbare mionlen)⁷Erebhe da zo orukpa re, ⁸ Enu uhuki da taman enewanlen: Bha da sa amorukpa imanlen, ramudẹ orukpa manlen da wea. ⁹Ene walan da nianọlen: "ọhi sẹ man da sa nibha bha dọ dẹ bhe ejada khien,¹⁰10. Eki khian fo ne dọ dẹ ọdọ da vae, ene mun egbe, eda rẹ khanlẹn kha kjian ejada guẹbnọ ọha eda rẹ khue odẹ. ¹¹Aki zẹbue, eni imamen ni iwobi da yẹ vae, eda yiọle, ebialen, ebialen tuje odẹ a imanlen. ¹²ọda yele: ẹmọata itaman bha i bha len bha" ¹³ọnẹ ghe nan, bha ha ba ba egbe, ramude abha len ọnukpẹdẹ la uriẹgogo ne ebialen are vae.¹⁴Inian ọda bo okpea nọ ho nọha ẹbho ọbhebhe. ọda datie eno odibo nesọle rebhe oda gha uku nosole nerẹ ha do ẹki.¹⁵ukpọkpa, ọda ne ikpigho isen nanlen ọnọ zeva ọda ne ikpigho eva nalen, ọnọ zẹ ea ọda re ukpokpa nanlen. ọda ghale ne ele bọ ọne a sabọ rẹ dạ ẹki, ọno kpea da ha khian ọnẹ ẹbholo.¹⁶ọnọ mien ikpi igho isen, ọda tuabe kha rọle wenan ọda yẹ mien igho isen bhe elele.¹⁷Iriọ ọnọ ne eva rẹ ro osọle do ẹki, ọda yẹ mien eva bhe elele.¹⁸ọnon re ukpokpo ọda tọ no ọtọ a gbole wo otọ,¹⁹Aki zẹbue, ebialen ele da nẹ ẹbholo vae. Eda ha re emin man ebialen ele. ²⁰odibo nọ hen ihen da taman len: "igbo isen une imen men rọle do ẹki. men yẹ mien igho isen bhe ele.²¹ebialen ọlen da yọle obulu: odibo esili. uwẹ re ekele esili gbe ẹlo lo ghe ukpobhi eminlin. i dei mu emin ne bulun nien gbẹ elolo ghe.²²ọna ne eva nan da vae taman ebialen ọlen: une igho eva imen, men yẹ mien ikpigho eva bhe elele. ²³Ebianlen ọlen da yọle obulu, odibo esili, uwẹ rẹ ẹkẹ esili gbe ẹlolo ghe ikpibhi eminlin idei re emin ne bunbun nien gbẹ ẹlolo ghe. Nan bhe ẹkẹ eghonghon nọse ebianlen en.²⁴ọnọ re ukpugho ọkpa nan da vae yole:- ebianlen, men lenlen uwei mon ọkhọle ofidenọ. ukọnọmin bha ju bha da rẹ kọ u vunomin bhe ju bha da rẹ gbọ.²⁵Ofen daha mumen, ọle ida dọ gbọ oni igho wuo otọ. Ghọle bhe enan, ebe kien ọsẹ²⁶Ehialen olen da tale: uwẹ non odibo nọ oditọ an bi ọnọ wobhu uhomon, uwẹ lenlen hi men i kọnọ min bhe ji ibha da rẹkọ, hi vumin bhe jiibha da gbọ, ²⁷uwẹ hẹi ki re oni igho obha oza bọ na da mien imen haki vae imen ki mien ọni igho bi asun nọ nabhọ vae.²⁸Bha miẹn ọle ọnu ukpugho, bha re nọnọ mon igho igbe nin, ²⁹ Ramude ọnọ ka monlen, aki maman rẹ nanlen, nọha monlen họa. ọnọi monlen emin, ukpobhiọle nọ monlen aki ye mien ọlele. ³⁰ Bha mun ọno odibo nọbha sẹ nan fiọ bhe ẹkẹ ojobiuki, bhe ejọ ada kha viẹ, ọa ha la okon an.³¹Eghe no Omiokpea re vae bhe ẹkẹ oriri nọsọle de ba enẹ Ẹhi rebhe, ọki dotoa bhu uko Ojukhuo oririo nọsọle. ³²Ẹgheni, agbon iha agbon ki koko re nega le. ọki hane ele a, beji ọrihuom kon rẹ hanọ ẹbhe shibhi ihuan re.³³ọki hanọ ihuan diọ bho obo be era, ebhe bho obọ agobọ.³⁴Egheni ijesu no ojie ọki taman enan obọbera: Bha vae ena Aba men he eromon nan, bha dọ na bha Agbon okhunlun, na muọle egbe khẹ bha rẹnotọ reha vade. ³⁵ Ramuden, ohamen gbe men, u re ebale imen le, ohamen amen gbe men, u da rẹ imen muon, i kin ọriọbhe, u da remen nabho oa, ³⁶ban nọa, uda re ukpn ruẹ men. i men khọmon u da gbe ẹlolo ghe men. men ribhi ighan u da dọ tuẹ men.³⁷ene eriesili da nọn ijesu: eghe la man rẹ mien ohamen gbe ẹ ni man da re ebale mien le? ohamen amen gbe ẹ, ni man da rẹ mien muon? ³⁸ Ẹghe la man rẹ mien bi ọriọbhe ni man da re ẹ nabho ọa? la ubanọa ni man da ruen ukpon. ³⁹ Eghe iman rẹ mien hu khọmọn la uribhi ni man da dọ tuẹ? ⁴⁰ Ọnojie ki nian yele: Ẹmọauta itaman bha; emin esili nibha lu da enin ibhioo men nan, imen bha yẹ luọle nan.⁴¹Ọki ta man ena ogodọ: Bha sibhe enan re, enan fiọ lu unun, bha ha khign agbon eranlen na henhen khẹ ojuu bii ehi nesọle,⁴² Ramude ohamẹgbe mẹn ubhare ebale imen le, ohamẹn amẹn gbe mẹn u bha ra amẹn imen muon. ⁴³ Mẹn yo ọriobhe ubhare men nabho oa, i banọ a ubha re ukpon ruen men, i khọmọn iribhi ighan ubha dọ fẹ men ghe,⁴⁴Ele da yẹ nian nion len: Ebialen; eghe man rẹ mien ho ohamen gbe ẹ, ohamen amen ghe ẹ la ọriọbhe la ubanọa la ọkhọmon la ighan nada mien hi man bha ga ẹ? ⁴⁵ ọda waniẹ ele: Emọata itaman bha, Ebi bha bha lu ne ene khere nẹ bhe enan, bha bha yẹ luọle imen. ⁴⁶ Enan dẹi nabhu uwa iloya nose ẹdẹdẹmẹdẹ, ọkpanon, eriesili kiha mon unyenmin nọsẹ ẹdẹdẹmẹdẹ.

26¹ Ọ da dọ sọ ọriẹ ẹghe Ijesu kin te ene ọfunare bhe fo, ọ da tama enidibo ne sọle. ² Ibha lẹn bhin iriakhọ ọ le Ipasova. e dẹ muọn ọmọn nọ so okpẹa nele ne khan lẹn bhu or.³ Eni ojie ohẹn bi ene wanlẹn ne oẹ ẹbho khian da si koko bhẹ ẹgua ọ nọ re eno ohẹn khian re bhe na a tiọle cafas. ⁴ E da bhan ne rẹ bhẹ kẹ muin Ijesu bhẹ ẹkho kho gbọla. ⁵ E da yiọle ọ yẹ ẹghe i lue ebhin, no ozughu ẹvale bhẹ ewẹ ene ẹbho⁶ E yaye na ẹghe ni Ijesu kirẹ a ribhin Ibetani uwa nọsi Isamọn nọ bhan ibhe. ⁷ Be jiọ kin do tua bhu ukagala, e ni okhuo da buọ ọle re nọ bhọn ukoko udẹn no mamu ghan, ọ da biriọle bhu uhunhun. ⁸ Ọkpanọn, ẹghe ne ni edibo rẹ daghọle eke da akhọ ele e da tale, be zẹle nọ da ria lia nian. ⁹ A rẹ khiọn lẹn gbẹ ẹlo ghe eno obọ gbe.¹⁰ Ọkpanọn Ijesu, da lẹn ebele, be zẹle ni bhu da kpokpọ ọnukhuo? Ọ le lue ebhin ọsi bhẹn. ¹¹ Ibha de miẹn e no obọgbele ẹghe re bhe, ọkpanọn imẹn da a ribhe eji bha ye ẹghe rebhe.¹² Ẹghe nọ kirẹ biriọ ọ nu udẹn ọle bhe egbe fo, ọ luọ ni ukpẹ du uu no siẹn bhẹn. ¹³ Genegene imẹn tamanlẹn, ijere bhe na rẹ da tọ ọnẹ ẹbhọn na, ọ ne ebọno okhuo na lu a kin yẹ tale na rẹ yẹ ọ ọlere.¹⁴ Ukpọkpa bhe eni igbeva, na a tiọle Ijuda kariọt ọ da buo ojie ohẹn.¹⁵ Ọ da yiọle bi bha da rebhẹn si imẹn muọn lẹn ni bha, e da bhan i ikpo oze ogban na lẹn. ¹⁶ Rẹ nẹ ẹgheni ọ da gua nu uwedẹ nọ a rẹ muọn lẹn ne ele.¹⁷ Ọnẹghena, ọ nu ukpẹdẹ ni ihẹnhẹn na rẹ lin Ibulẹdi ọhoho enidibo ne sọle da buọlere tamanlẹn, ejie uwẹ guanọ ni iman bhọn nu uwẹ da le eba Ipasova.¹⁸ Ọ da yiọle, ne a khiọn ọ ne ẹbho ni bui okpẹa ọkpa ibha a tamanlẹn, ọ no oma ebhin yiọle, ẹghe bhẹn sẹle, imẹn olẹ lui Ipasova no osẹn bhẹn. ¹⁹ Enidibo da lu be ni Ijesu tama ele ne lu, e da bhọn otọ ọ nọ a da lọ ọne bale.²⁰ Ẹghe ne emuan rẹ re, ọ da do tuọ a ọle bi enidibo nọ sọle. ²¹ Be jiele kin a le bale, ọ da tale, genegene, imẹn tamanlẹn ukpọ kpa bhin ibha de khiẹn bhẹn fia. ²² Ele bha yẹ a ghọnghọn, ele rebhe da a nọlẹn, genegene imẹn nọ ebianlẹn?²³ Eni ọda waniẹn, "Ọ nọ a de ba bhẹn dio obọ bhu uwawa na rẹ kpobọ ọle nọ no da khiẹn bhẹn fia. ²⁴ Ọnọn ọmọn nọ so okpẹa ọkhian bọ na gbẹn ọ le bho otọ, ọkpanọn ihẹn ọ sọ ọria na no obọle khin ọmọn nọ so osẹnobulua! ọ a rẹ bhẹn gbe sade a bha biọle hiehie. ²⁵ Ijuda nọ da khiọn lẹn fia da yiọle imẹn nọ ọmaẹbhin, Ijesu da tamanlẹn uwẹ toboe tale.²⁶ Be jiele kin alebale, Ijesu da re i ibulẹdi, ọ da khọnlẹn a, ọ da re ni enidibo nọ sọle ọda tale, miẹn ale, egbe bhen khọn na.²⁷ Ọ da re ukpu gbe ekhumẹn, ọ da re nele tale, inuọn lẹn ọ ibha be. ²⁸ Aran bhẹn khọn na ni imẹn rẹ vọn okovẹn, ni imẹn sa kua nẹ ẹbho ne bunbun bha urẹ hubhan ọ so olu ukhọ. ²⁹ Ọkpanọn, imẹn tamalẹn, imẹn da kie muọn a mọn oni iru na lẹn ọ rẹ sẹ bhẹ ẹghe ni imẹn a re kie muọn lẹn ọ bhẹ ẹgua nọ sa aba bhẹn.³⁰ Ẹghe ne kirẹ sui ilofo, e da a khin oke olivi.³¹ Eni Ijesu da tama ele, ibhare de negbe ọsa sona ranmude bhẹn, ghe a gbọnlẹn bho otọ, imẹn kin gbọ ọrohuankọn a eno ohuan kin zagha.³² Ẹghe ni imẹn akirẹ kpanọ si bhin idire imẹn kin kalọ ni bha i Igalil.³³ Ọkpanọn, Ipita da tamalẹn a rẹ miẹn ẹbho rebhe nẹgbe fia, imẹn da nẹgbe fia.³⁴ Ijesu da tamalẹn, genegene imẹn tamanlẹn asọna ọkẹ sẹ ọkpa viẹ, uwẹ dẹ yiọle uwẹ bha lẹn bhẹn.³⁵ Ipita da tamalẹn, a rẹ miẹn dẹ yu bhin imẹn da yiọle imẹn bha yẹ len en, enidibo ne kẹle da yẹ tiriọ³⁶ Eni Ijesu bi enidibo ne sọle da jiọ bhẹ ejia tiọle Igẹsẹmanẹ, ọ da tama enedibo ne sọle, ibha de bhe ena an be jin imẹn a sikẹ odalo dọ nerọnmọn. ³⁷ Ọ da re Ipita bi ọmokpẹa eva nọsi Izẹbidi ọ khọle da abhọn ekpokpo bi ọbalọ. ³⁸ Eni ọ da tama ele ọkhọbhẹn mama bhọn ekpokpe bọ ọno a uu. Bha de bhe enalẹn de ba bhẹn ne erọnmọn.³⁹ Ọ da jiọ bbho odalo khere dediguẹ de ọkhọre nerọnmọn. Ọ da tale, aba, a amiẹn adisabọ bhẹn jiọ onu ukpunu gbera bhẹn. Ọkpanọn, o yin beni imẹn holo, jin iholo nọsẹse. ⁴⁰ Ọ da bui enidibo ne sọle re kere e wẹ, ọ da nọi Ipita, uwẹ bha sabọ deba bhẹn nerọnmọn bhu uria agogo ọkpa. ⁴¹ Babegbe uwa a nerọnmọn nuwẹ ẹ na bhe edobhẹn, ọ no oriọn mue egbe, ọkpanọn, efuegbe bha muzeze⁴² Ọ da gbo akhian ugba zeva da nerọnmọn, ọ da tale, "Aba mẹn, ọna da sabọ gbera sokpan imẹn muọnlẹn ọ, jin iholo no sẹsẹ. ⁴³ Ọ da gbo tie vale sẹyẹ kere ewẹ ẹlo e kin gue bhẹn.⁴⁴ Ọ da zele obọ dọ nerọnmọn ọsu ugba zea te ebọ kata.⁴⁵ Eni Ijesu da bui enidibo ne sọle re, ọ da tamanle, "ibha sẹyẹ awẹ hen an? ghee ọni uriẹ ẹghe vale, ọmọn nọ so okpẹa khiọn lẹn jio obe elue bhiọn ọbe. ⁴⁶ Kpanọn mudia ni ibha gia akhian ọno khiẹn ọsire.⁴⁷ Be jiọle sẹyẹ atalọ Ijuda ukpọkpabhe enidibo igbeva, da vale, be usiẹn agbọn ne no obin ojie ohẹn bi ewanlẹn ọse enebho.⁴⁸ Ẹjia ye na ọno khiọnlẹn da re aman nele yiọle ọnọ ọle a fiofiọle unu nọn ibha a muọnlẹn.⁴⁹ Ẹjẹje ọ da vale bui Ijesu re, tale Imẹn tuẹle, ọmaebhin! ọda fiofiọ unu. ⁵⁰ Ijesu da tamalẹn, "Omuẹ e lue bu uwẹ vale dọ lu." eni eda vale sobọle muọnlẹn.⁵¹ Ghe, ukpọkpa bhe ene ẹbho nẹ a ribhe iji Ijesu ọ da niẹn obọ a re giọ ọpia rẹ yin egbọnbhandia nọ si ọno ojieohẹn ehọ a. ⁵² Eni Ijesu da tamanlẹn riọ ọpia fiọ bhe eji uwẹ da rẹ, ene rọ ọpia khọnlẹn ọpia a da yẹrẹ gbonelia. ⁵³ Uwẹ riale ghe imẹn da sabọ sotia ababhẹn, ọ jin ghi ne yio okulo uhin igbeva jin imẹn. ⁵⁴ Be bhọ onẹ ẹbhọn na gbẹn bho otọ arẹ musẹ yẹ nọ yiọle enare bhe dẹ sunu.⁵⁵ Ọnẹgheni, Ijesu da tama enẹbholo, ibha riọpia bi ukpokpo rẹ mubhẹn bo oyi .⁵⁶ Ọkpanọn, enarebhe sunu be jia da miẹn ebe enohẹn gbẹn bbho otọ ki musẹ." enidibo ne sọle rebhe nẹgbe fiọla.⁵⁷ Ene mui Ijesu da muan khin ejin Ikaifas, eni ejiohẹn bi enegbẹn ebe bho otọ da sikoko re bhe eni. ⁵⁸ Ọkpanọn Ipita da fẹkẹ rẹ khanlẹn va bhin uwa nọsi ọnojie ohẹn, nabhe ekọwa de ba ene gbẹlo ghọ unu uwa dibho otọ a nọ feghe ebeasunu.⁵⁹ Ọnẹghena ọ no ojie ohẹn bi ene wanlẹn ne sikoko da guani ọsẹli ọhoghe ne a sẹgbi Ijesu ne mie ejele a da gbọlia.⁶⁰ Ele bha miẹn arẹ de ọsẹli ọhoghe ne bunbun eribhọ. Ọkkpanọn, akizẹ bue etue eva da vale bho odalo.⁶¹ Tama ele, ọno okpẹa tale, imẹn disabọ dubhọn ọnu uwa osẹnobulua ri ikpẹ de ea banlẹn.⁶² Ọ no ojie ohẹn da yiọle uwẹ bha waniẹn, be khọna ne ta we bhe egbe. ⁶³ Ọkpanọn, Ijesu da hiẹnhian. ojie ohẹn da tamanlẹn, imẹn re elin osẹnobulua bhin ẹ nu uwẹ tama bhan su uwẹ ọhan rabhina nọ ọmọn nọso osẹnobulua. ⁶⁴ Ijesu da waniẹn, uwẹ tobuẹ tale. Ọkpanọn imẹn tamanlẹn, rẹ nọ ọnẹghena rẹ akhian, uwẹ dẹ daghe ọmọn nọsokpẹa de bhin obera ọsahua, ọ re ebhu okhu vade.⁶⁵ Eni ojie ohẹn da vinu ukpọn nọsọle a tale, ọ ru unugbebhọn osẹnobulua! be zẹle ni iman da sẹyẹ a guanọ ọsẹli ẹghe ibha tobọ bhan họn ebọtayẹ. ⁶⁶ Bi ibha rialeyẹ, e da yiọle ọ sebe a uu.⁶⁷ Eni e da gie esẹn ọ ole bhẹ ẹlo a gbọle, e da ro obọ gbonu ubi ọ ọle bhe ehọ. ⁶⁸ Eda tamanlẹn saghasẹ bhan, uwẹ na ra bhina, ọ gbu ubiọ uwẹ bhe ehọ.⁶⁹ Ẹghe na Ipita da dotua bha azagba egbọbhan dia ọmabhẹn da buọre tamanlẹn "Uwẹ yẹrẹ Ijesu ne bhin Igalili."⁷⁰ Ọkpanọn, ọ da yiọle, ọle bha lẹn ọ len. Isiria ele, imẹn bha lẹn ebibhata.⁷¹ Ẹghe nọ rẹ jiọblu unurọ, egbọbhan dia ọmabhẹn ọbhebhe da yẹ tama ene a ribheni, ọno okpẹa na rẹkhan Ijesu nọn si Inazarẹt. ⁷² Ọ da gbo yiọle ọle bha lẹn ọ lẹn, ọ da a vi ihẹn, imẹn bha lẹn ọno okopẹa na.⁷³ Bhẹ ẹghe nọ bha rẹgbe, ẹbho ne mudia bhe dani da tamai Ipita, genegene ukpọkpa bhe ene rẹkhan Ijesu uwẹ khin ranmude be nu uwẹ rẹ talọ. ⁷⁴ Eni ọ da o ghubhele vi ihẹn, imẹn bha lẹn ọnokpẹa na, egheni, ọkpa da viẹ. ⁷⁵ Ipita da yere ọta ni Ijesu tamanlẹn, ọkuẹ sẹle ọkpa vie, igba ea uwẹ da yiọle uwẹ bhayẹ lẹn imẹn. Eni ọ da dagbare dọ a viẹ ọsẹsi.

27¹ Ejiayiena, ẹdẹ ki wẹ, eni ijio ohẹn bi eni ewanlẹn ne si eni ẹbholo da si uma gbi Ijesu ne rẹ gbiọlẹn. ² Eda gba le abọ muọ dagbare, muọn ji Ipaleti nọ re ebhokhian.³ Bhi ẹgbe ni Ijudasi no khiọnlẹn ne le ki re daghe kha bhuoyẹn uu gbi Ijesu, ode kiẹgbọ bhi emiebe ni ọle lulu, ọda kie ri ikpi oze ogban ne ri enalẹn ji eni ijie ohẹn bi eni ewanlẹn. ⁴ Ọda yiele, ''Mẹn lu emiebe ni mẹn rẹ khin ọria nọ bha lẹn ọkpa lẹn eva.'' Ọkpanọn, eda yiọle ''Bọ ki khin ji ma? kha khian dọ zilo egbe ẹ" ⁵ Oni egbe ni, ọda fi eni ikpi oze fibhi otọ bhi uwa oga nọ si osẹnobulua, ọda kpanọ bhi eni dọ ri iri rẹ hoa.⁶ Eni ijie ohẹn da ri rni ikpi oze, eda yiọle, "Obha khẹ ke na ri ọna bhi aza ranmude ighe arẹn khi ọna" ⁷ Eki ko zilo yanlẹn fo, eda ri ọni igho rẹ de otọ ne da ha ri ọriọbhe tọ. ⁸ Ranmude ọna, eki da he ọni otọ "Otọ Arẹn" re fi bhi ukpẹdẹ ẹlẹna.⁹ Ona ki da musẹ ọta ni Ijeremaya na akhasẹ talẹ nọ yo oole, "Eda ri ọni oze ogban, ivẹ ni ibhokin izureli yianlẹn bhi uhọnmọn. ¹⁰ Eda di ọni otọ si ipọta bi Ebeyanmẹn yọ ni re rọ khian"¹¹ Enighena, Ijesu da mudia bhi odalo nọ si ọsuẹnbholo, ọni ọsuẹnbholo da nọlẹn "Uwẹ khi ojie si eni juu?" Ijesu da yọle "Uwẹ tale.'' ¹² Ọkpanọn, bhi ẹghe ni eni ijie ohẹn bi eni ewanlẹn ki re ha bhale ohogho, ọbha waniele ọta.¹³ Ipaleti da nọle, "Uwẹ bha hin emin rebhee ne yọle khi uwẹ hulu?" ¹⁴ Ijesu bha wanie, ukpọta ọkpa bha si ọ bhi unu re, ọ da mama han ọni orebhokhian ẹlolo.¹⁵ Ọni ẹghe na, bhi ẹghe iluemin nọ si ele, inene nọ si orebhokhian nọ rẹ fan fia ni ele onighan ọkpa ni eni usuebholo zẹle.¹⁶ Ọni ẹgheni, eda moi izagan ọkpa natiọle Ibarabasi.¹⁷ Bhi ẹghe ne ki rẹ si koko re, Ipaleti da nọ ele "Khọọ bha ho ni mẹn fan fia bhia? Ibarabasi la Ijesu na tiọle kristi?" ¹⁸ Ọle lẹmin khe mu Ijesu jiọ, ranmude ebedan nọ sile. ¹⁹ Ejiọ da sẹ yẹ di otọ bhi aga iguẹzọ okhuọle da ji uhọmajie jiọ nọ yọle, "Khai kha mọi obọ bhi egbe nọ si ọni okpia nọ bha luọbe ni ọkhọmẹn bha dere, ranmude ebhohiẹ nọ si ọle ni mẹn miẹlẹn nasọn."²⁰ Ọni ẹghe na,eni ijie ohẹn bi eni ewanlẹn da lẹlẹ eni usuẹbholo ne rẹ nọn ifanfia nọ si Ibarabasi, na khan Ijesu muoran.²¹ Ọni orẹbhokhian da nọ ele, ji ọni bha ho ni mẹn fanfia bha bhi ẹwẹ le veva? "Eda yiọle "Ibarabasi" ²² Ipaleti da nọ ele, "Bi mẹn aki khi Ijesu ne tiọle kristi yiẹ? " Ele rebhe da wani ọlẹn yọle, "Khanlẹn muoran"²³ Ọki da yele, "Bezẹle, ba ti emiebe nọ lulu?" Ọkpanọn eda toto si tua yọle "Khanlẹn muoran" ²⁴ Ipaleti ki re, khi ebha ha ri ehọ bhi ota nọle ha tama ele deba emuhẹn ha gbi isusu,ọda sa amẹn rẹkpo obọa bhi iyalo nọn si ele, yiọle "Obọ mẹn khianmẹn bhi uki egbe si arẹn nọ si ọnokpia na obọ bha ọki yẹ."²⁵ Eni enẹbho rebhe da yiọle "ji ọna arẹn ha ri bhi uki uhọmọ man bi imọn ne sẹ man" ²⁶ Ọki da fin Ibarabasi fia ne ele, ọkpanọn, ọki ri ukpasan re gbi Ijesu to, ọda muọn ne ele ne dọ khalẹnmuọran.²⁷ Ẹgheni, eni eyiokulo nọ si ọni orẹbholokhian da mu Ijesu ha khi igiogbe si eni erẹbhokhian, eda tie eni ulogho erebhe si eni eyiokulo.²⁸ Eki banọa fo, eda mu ukpin ojie ruẹlẹn ọn. ²⁹ Eda dọ ukpẹ ru igbiẹn, eda mu ọni ukpe ru ọ ẹle bhi uhọmọ bo ojie. Eda ri ukpo kpo ọli obọ bi er. Eda de di guẹ kha rọ zẹ ojẹ, kha yiọle, "Zaiki, ojie si eni juu"³⁰ Eda tunu asẹn iyalẹn, miọlẹn ọni ukpokpo, kha bene ole bhi uku uhọmọn.³¹ Eki rọ zẹ ojiẹ fo, eda balẹn ọni ukpọn si ojie ne yọlele, eda ne ukpọn si ọle yiọ muọle akhin ejia da khanmuoran.³² Bhi ẹghe ne ki rẹ dagbare re eda mi okpia so, ọi sirini ne enilẹn yi Isamọni, eda ri ahu muọlẹn re khan egbe, bi ejiọ ada mu ikrosi nọ si Ijesu.³³ Eda dọ si eje atiọle Igọgota, ebi arota da kha yi "Eji uhọmọ olimi ye"³⁴ Eda mu ukpu eyọn nalẹn nọ muọ, eyọn na ri ebe riala gua. Ọkpanọn, ọki ri unu sọ bhọ, ọbha yẹ muọ.³⁵ Eki khalẹnmuoran fo, eda fi onolo rẹ ghala ukpu nọ si ọle. ³⁶ Eda di otọ kha khẹ ọle.³⁷ Bhi uku uhọmọn nọn sọle, eda gbi ama nọ yiọle "Ijesu khọ na, ojie si eni juu"³⁸ Eyẹ khan izigan eva muọran de bale, okpokpa bhi obọ be era, ọnọ zeva obọ agobọ. ³⁹ Ene gberea da khọle,leghe uhọmọn an.⁴⁰ Yiọle "Uwẹ nọ khian guọghi uwaoga nọ si osẹnobulua, bhi ikpẹdẹ ea, u ki kike bọnlẹn hi mi egbẹ sade ọmọn nọ so osẹnobulua, tuẹnre bhi uki krọsi!."⁴¹ Erio eni ijie ohẹn, ye ri ha rọ zogie deba egbẹnbe bi eni ewanlẹn, eda yiọle. ⁴² "Ohimi eria ebhe bhe, ọkpanọn, ọbha sabọ himi egbeọ. ọle ojie nọ si Izurẹn. Ọle ruẹnre bbhi uki krọsi man ki ha mọi urẹbho da ele.⁴³ Ọ mudu yan osẹnobulua, ji osẹnobulua miọlẹn fan, ranmude ọle tobọle yiọle, "Ọmọn nọ si osẹnobulua mẹn khi." ⁴⁴ Erio eni izigan na ko khan ele bi Ijesu muoran ye ri kha ri unu ji ọle.⁴⁵Da bhi uri agogo nọ zẹ ehan, ojiobi da dgue otọ agbọn rebhe re dọ si uri agogo nọ zie silin. ⁴⁶ Ẹghe agogo nọ zie silin, Ijesu da ri akpuru nọ kalale rie so yiọle "Ẹli,Ẹli, Lama Sabchthani?" e ba ri onọ ta da ha yi ''Osẹnobulua nọn si mẹn, osẹnobulua nọn si mẹn, bu wẹ ki da fi imẹn ehọ a yẹ?"⁴⁷ Bhi ẹghe ni eso bhi ẹwẹle ne mudia bhi eni ki rẹ họn na, e da yiọle "Ọ so tie Ẹlajia"⁴⁸ Ọsi ẹjiẹje, kpokpa bhi ẹkẹle da nẹ mu ukpi nyẹn, di ọle bhi ayọn nọ khekhea ọda ri ukpokpo re mu ni Ijesu muọn. ⁴⁹ Enekẹle da yiọle "Zọle obọ, oha ji man fẹ ghe si Ẹlajia dẹ dọ himi ọlẹn" ⁵⁰ Ijesu da gbokie mama rie so bhi ukpuru nọ kakale, ọda yuu.⁵¹ Ọni ẹgheni, ukpọn nọ ribhi ẹkẹ uwaoga nọ si osẹnobulua da sọ yi eva da bhi akoghu rẹ si otọ da mu ruegbe bi enido da dene raa.⁵² Idin da tujea, eni khiale ne yunolo da riọkpanọn. ⁵³ Eda si bhi ẹkẹ idin re, ẹghe ni Ijesu ki da riọkpanọn fo, eda na bhi ọni ukpẹbho nọ khiale, ri egbe ma ẹbholo ne bunbun.⁵⁴ Bhi ẹghe ni ọnọ kalo si eni eyiokulo ne kha khe Ijesu ki rẹ daghe khi otọ siẹnlẹn bi emin kike ne sunu, ofẹn da ha mu ele, eda yiọle "Ẹmuanta, ọmọn nọ si osẹnobulua ọkhọna" ⁵⁵ Ikhuo ne bubu, ne ni Igalili rẹkhan Ijesu, ne gbi ẹlo ghọle da ni idangbe gha ghele.⁵⁶ Bhi ẹwẹle da ha yi Imeli madali, Imeli, inẹn Ijemisi bi Ijosẹfu, bi inẹn imikpẹa ne si Izẹbẹdi.⁵⁷ Emuan ki rẹ re, okpẹa nọn fele nọn si Arimatia vae, na tiọle Ijosẹfu, ukpokpa bhi edibo nọn si ijesu. ⁵⁸ Ọda bulu Ipaleti re, yọ nọ mu ekhui nọ si Ijesu nalẹn. Ẹgheni, Ipaleti da kpi ase ni re mu ekhu si ọle nalẹn.⁵⁹ Ijosẹfu da mui egbe nọ sọle, ri ukpọn olimi gbanọlẹn.⁶⁰ Ọda mui ọlẹn bhi idin nọ sọle na hian si bhi udo re. Ọki nọ tọ fa, ọda mui udo nọ maman kpọnọ rẹ gue ọni ẹkhu nọ si ọni idin, ọda kpanọ si bhi eni re. ⁶¹ Imeli Imadali bi Imeli nọ kẹle da do otọa kuẹlo ghe ọni idin.⁶² Ẹdẹ nọ kẹle, nọ ha yi ẹdẹ nọn rẹkhan ẹdẹ imuegbe, eni ijie ohẹn bi eni Ifarisi da si kokore bu Ipaleti. ⁶³ Eda yiọle ''Owanlẹn, man yere khi ẹghe ni ọni ohiora re kha ribhọ, ọi yiọle 'Ikpẹdi ea ha gba, ọle dẹ gbokie riọre' ⁶⁴ Ranmude ọna, mama tama ele, ni khe ọni idi nọ sẹn bhe ni ikpẹdẹ ea ni, na hai dọ miẹn khi eni edibo ni sọle vae dọ do mu ekuọle si bhi eni re bi ẹ tama ẹbho, ''Họ riọ kpanọn bhi idin ọni eku na de kpanọn ni ọsọ hẹnhẹn.''⁶⁵ Ipaleti da tama ele ''Bha ne ekhẹ ughe ne yiẹ bha, bha yele khẹ ni be ji oyiebha.⁶⁶ Eda dọ mama khẹ ọni idin, mu udedi do re khiọle eni ẹkhu gbea, e da ni egbenughe bhi eni, ne kha khẹ eni.

28¹ Ọnọn ọse emuan ukpede nare hẹnan, oki ribhẹ ẹdẹlawe ọhẹihẹn bhu Uzana, Imeli Imadalini bi Imeli nọn kẹle da vae dọfẹ onin ide ghe. ² Iriọ ọda dọkere otọsienlẹn, ghe ẹhi okpa osi Ebianle ọdabho okhun huẹnre vae dọ wenẹ ọnun udokhie, ọda dibho.³ Egbe ọnọsọle dadia ba ayan, irọ ukpọn ọsọle dakha fun be esa. ⁴ Ọnọn kha khẹ onin idi damun lueghe bhi ofẹn dia be eria nọn yulu.⁵ Ehi danọn ọno okhio talọ ọda tama ele "Khi jo ofẹn kha muẹn, ghe Imen lẹnlẹn Ijesu uwe gunọn nan gbea. ⁶ Ọiyẹ ribhe enan, vae dọghe ejia dare Ebialen tọ. ⁷ Kha khia eji ejie rọ taman eni idibo, "Okpanọn sibhi uwumi rẹ. Ghe okan odalo oẹ kva khi Igalili .⁸ Ọno okhio da jieje si hi isi idi re bhi ofẹmu be egbọn - ghọn nọkpọnọle, oda riunẹ rọtama eni idibo. ⁹ Irio Ijesu da kele oda tale "ituẹẹ!" Ọno okhio davae, muole ạwẹ mọn ọda de uhọmọn re nanlẹn. ¹⁰ Eni Ijesu datama ele, "khi jio ofẹn muẹn. Akhia taman ibhi ole nkn ikpea nakpanọn khi Igalili. Eni ele ada miẹnmẹn".¹¹ Eghe ne nin ikhio kirẹ kha khia irio, enẹ eria eso nekhẹ enin dadagbala khinẹkẹ Ebo eda tama ọno ojie ohen emin nesunun erebhe. ¹² Eghe nin eno ohẹn kire bu ene anlẹn rẹ eda nele zilo enotọ, Eda ri igho nọkpọnọle ne gbanegbe. ¹³ Ọda taman ele "Sade idibo ọsi Ijesu vae asọnan olu egbe osi osole mu egbe ni ele rẹ kha wẹ"¹⁴ Akhamiẹn ọnuhomujie nan se ejiọ ọnọn rẹ ebho khan ye. ¹⁵ Riọ ene gbanegbe dọri ọnin igho edalu eba yele lu. Ọnẹmọn da maman gba ejerebhe bho otọ Ijuisi irioye rẹsẹbhẹ ẹlẹnan.¹⁶ Ọkpanọn, odibo nọn ọzu ugholọu da kha khi Igalili bhi onun ukoke nin Ijesu tamatan. ¹⁷ Ẹghe neki remiọlẹn eda hanre nanlẹn edo dakha be eve va¹⁸ Ijesu da vae dọ ne ele talọ odatale "Otafoh rẹbhe airẹmẹn bhe agbọn okhun bi otọ. ¹⁹ Kha khi bhiro ibha khi idibo ọsi agbe ebho rebhe. Ramẹn na ele bhe elin Aba, bi ọsọ ọmọn bi ose Ahu elim nan khale.²⁰ Man elele nerẹ lu enemin rebhe imẹn yẹwẹ lu. Ghe, imẹn debaiẹ ẹghe rebhe, resẹbhe eji agbọn sele.

Esan: Bible for Matthew

Formatted for Translators

Matthew