¹Enyarobha yeno naandikire inye Paauru. Inye nitatumirwe na abhaato hamwe kuswajibhwa na mooto, nawe nitumirwe na Yeesu Kiriisito na bhabha Mungu wono aamuryurire Yeesu kurwakurwa mubhaku. ²Inye na abhiisirirya abhakindicheto bhoosi bhare hamwemwe na niinye, torabhaandekera imwe abhiisirirya bho orobheri rwa Garaatia.³Ebhegongi no omorembe kurwa kwa bhaabha Mungu, na komokoro Yeesu Kiriisito, bhebhe na niimwe. ⁴Kiriisito akiihurucha igoro wo obhobhe bhweto, korereke atosabhore korwa momabhe goosi ge eese ya nangweno. Akakorabhu koriing`ana nu ubhwendi bwa Bhaabha weeto Mungu. <sup>5</sup>Mungu akumibhwe kemerano ! Garame.<sup>6</sup>Neraroboora ko kobha ibhaga isuubhu motangire kutiga Mungu wono aabhabhirikiire kobhegongi bhya Kiriisito, na kwichorera amiijo agande gano abhande bhakobherekera eng`ana enzomu. ⁷Amaheene ne-kobha etareeho eng`ana enzomu eyende. Nawe bhareho abhaato bhano bhakobhanyaachana bhareenda kurimirya eng`ana enzomu igoro wa Kiriisito.⁸Nawe nangabha womwe weeto hamwe maraika kurwa kwisaaro, araabharwazere eng`ana bhonde na yeno twabharaziire, omooto wuyo ihiimwe ! <sup>9</sup>Neragarokera kogamba, chembu nagambire ribhaga rirya kobha, omooto wowoosi arabharwazere eng`ana bhonde na yeno twabharwaziire, omooto wuyo ihiimwe! ¹⁰Nango, muriiseega kobha neramohya kwisiriribhwa na abhaato? zeyi, inye neramohya kwisiriribhwa na Mungu umwene. hamwe muriisega kobha neramohyua kozomera abhaato? Areebhe nangamohirye kozomera abhaato, netaare nerabha omohocha wa Kiriisito.¹¹Abhahiiri bhaane, nereenda momenye kobha, eng`ana enzomu yeno inye nabharwaziire etaruure kobhaato. <sup>12</sup>Na nitahiirwe na mooto, naabha kwijibhwa na omooto wowoosi, nawe Yeesu Kiriisito umwene newe aankundukuriire.<sup>13</sup>Ne-maheene kobha mwigwire chembu naare ribhaga reno niitaniire enyangi yaane ye ikiyaahudi.Mweze chembu nanyaakirye bhukung`u abhaato bha mwisengerero rya Mungu, na kwenda kiriricha kemwe. ¹⁴Nekahiza abhakendi chane bhaaru bhe eseega yaane ku ukwitanera enyangi yeeto ye ekeyaahudi. Nekakoraumucha bhokong`u kugwata amanaro ga bhabhaabha<sup>15</sup>Nawe Mungu akandobhora nekeere kwibhurwa, akamberekera kobhegongi bhyaze, akatenera <sup>16</sup>kukundukurera chembu Umwana waaze are. Akeenda kokorabhu, korereke nirwaze eng`ana enzomu igoro wu Umwana waaze kobhaato bhano bhatare Abhayaahudi. Netamuhirye abhaaro bha kondagerera keno neraakore. ¹⁷Nitabhugire nije yerusaaremu kobhano bhaankangatiire kobha abhatumwa. Nawe keno nakorire ni-kuja mucharo cha Arabhiya. Akomara , nekagaroka naatu morobheri rwa Damiisiko.¹⁸Hano jahitire imyaka etato, nekaja Yerusareemu korereke nirumane na Peetero. Nnikiikara ewaaze siko ikumi ni isaano. ¹⁹Nawe netarooze abhatumwa abhande, kuruushaku yaakobho, umwabho omokoro Yeesu. ²⁰Mungu amenyire kobha amang`ana gano nekobhaandekera gatare ga rorime!<sup>21</sup>Mmbe, ribhaga erende nekaja mubhyaro bhya Siiriya na Kirikiya. <sup>22</sup>Ribhaga riyo, inye netaare nemenyekeene komasengerero gano gare mucharo cha Yudeya. <sup>23</sup>Keno bhaare bheeze igoro waane ni-mang`ana gano bhiigwire, "omooto wono aatonyakirye mobhotange, siko zeno ahaarwaza ubhwisirirya bhuryabhurya bhuno eendire kubhuricha! ²⁴Mmbe, bhakakumya Mungu igoro wa gano aare ankoreere.

¹Hano jahitire imyaka ikumi ne ene, nekatiira kwike kuja Yerusareemu. Nekahirana na Bharinaabha, na nekagega Tiito tokaja nawe. ²nekatiira kuja Yerusareemu, ko kobha Mungu aare ankundukuriire nije. Hano nahikire, tokarumana na abhakangati bha risengerero kwa rusizo. Nekaragerera abhakangati bhyayo eng`ana enzomu yeno naare nerabharwazera abhaato bhato bhatare Abhayaahudi. Nekenda kokorabhu, korereke emeremo geno naare nerakora na geno nekokora getaaza kobha ja bhooha.<sup>3</sup>Nooro Tiito wono aare hamwehamwe na niinye, atare omoyaahudi, nawe atahatikirwe kosaarya. <sup>4</sup>Ring`ana rye esaaro rekabhuuribhwa na abhaato, nawe bhakiisikirya kobhong`eni komohya imyeya jeto geno twaheerwe na Yeesu Kiriisito. Ubhwendi bhwabho bhware ne-kotokora tobhe bhamboosa bhi imigiro je ekeyaahudi. <sup>5</sup>Itwe tutiisirireen`ye nabho nooro hasuuhu, korereke amaheene ge eng`ana enzomu gasaage kwa niimwe.<sup>6</sup>Nawe abhakangati bha risengerero bhano bhakusuukwa bhokong`u na abhato, bhataare na rya komboorera. ne-maheenebhakusuukwa bhokong`u, nawe kwa niinye etaana nzobhooro, ko kobha Mungu atakodeereera umweya gwo omooto. <sup>7</sup>Abhakangati bhayo bhakoobhoora kobha, Mungu antumire nirwaze eng`ana enzomu kobhaato bhano bhatare Abhayaahudi, chembu aatumire Peetero arwaze koBhayaahudi. ⁸Mungu wono aanagirye Peetero kobha umutumwa wa abhayaahudi, newe anagirye kobha umutumwa kobhaato bhano bhatare Abhayaahudi.⁹Hano Yaakobho, Peetero na Yoohana, bhano bhaare abhakangati abhakoro, bhaaruuze ebhegongi bheno ahiirwe na Mungu, bhakatugwata amabhoko inye na Bharinaabha. Tukiisiriran`nya kobha itwe tuje kokora emeremo kobhaato bhano bhatare Abhayaahudi, ebho bhakore emeremo koBhayaahudi. <sup>10</sup>Nawe bhakatosabha kegero kemwe kobha, tuhiite abhahabhe. Na niinye naare nu umucha bhokong`u gwo okokora amang`ana gayo.<sup>11</sup>Nawe hano Peetero aahikire Antiyukiya romwe nekamuhakany'a habhwero, kokobha aare asarirye. <sup>12</sup>Peetero aare ararya ibhyakurya hamwemwe na abhiisirirya bhano bhatare Abhayaahudi. Nawe hano abhaato obhorebhe kurwa kwa Yaakobho bhaahikire, akatiga kurya, akiiyahora, ko khobhaha abhaato bhano bhakokandikija esaaro.<sup>13</sup>Na abhiisirirya abhande bhe ekeyaahudi bhakatanga kokora chembu Peetero aare arakora, eno bheeze kobha, ne-ng`eera. Bharinaabha woosi akasikera mong`eera muyo. <sup>14</sup>Hano narooze kobha bhatokokora chembu amaheene ge eng`ana enzomu gare, nekabhoorera Peetero mobhotange bhwabhu, "Aweeeeeeeeee ne-moyaahudi, nawe ohaakora chembu abhaato bhano bhatare Abhayaahudi bhahaakora. Kwake ohateke abhaato bhano bhatare Abhayaahudi kutuna isimoka ya Abhayaahudi?"¹⁵Ni-maheene kobha itwe twibhwirweAbhayaahudi, etare abhaato bhano bhatare Abhayaahudi, bhano tokobherekera abhakari bho obhobhe. ¹⁶Nawe tomenyire kobha, omooto atokotora kobharyakobha omooto we eheene mobhotatange bhwa Mungu ku ukugwata imigiro ja Musa, nawe ni-kukwisirirya Yeesu Kiriisto. Embhu na niitwe kwike, tumwisirirye Yeesu Kiriisito korereke tobharwe kobha abhaato bhe eheene mobhotange bhwa Mungu kun ukwisirirya Kiriisito, etare ku ukugwata imigiro ja Musa. Ni-maheene kobha atareeho omooto wono akotora kobharwa kobha omooto we eheene mobhotange bhwa Mungu ku ukugwata imigiro ja Musa.¹⁷Nawe, areebhe toramohya kobharwa kobha abhaato bhe eheene ku ukugwatana na Kiriisito, abhande bharabhuga tubheere abhakori bho obhobhi, ko kobha totakogwata imigiro ja Musa. Ni-maheene Kiriisito aratokora kobha abhakori bho obhobhe? zeyi! ¹⁸Nawe neraagarokere naatu kwisirirya imigiro geno naangire, hayo nereereken`ya kobha, mosaryr nere. ¹⁹Naare neratuna imigiro ja Musa, nawe obhohoro bhwane ribhaga rye emigiro bhusirir, korereke niikare igoro wa Mungu.²⁰Hano kiriisito akuure komosarabha, eteemwa yaane ye ekare ekakwa. Nango mohorunere, etere chembu nare ekere, ko kobha Kiriisito ana niinye. Ubhwikari bhono nenabhwe ribhaga reno, niriikara kubhwisirirya muMwana wa Mungu. Ewe akanseega na akahurucha ubhwikari bhwaze kwa niinye korereke antuurye. ²¹Netakotora kwanga ebhegongi bhya mungu. Areebhe omooto aratora kobharwa kobha we eheene mobhotange bhwa Mungu ku ukugwata imigiro ja Musa, tubhuge nango Kiriisito akakwa ataana bhwera!

¹Imwe abhagaraatiya mobhere bhageege heene! morogirwe na weewe? nebheerekirye habhwero keno chagirirye Yeesu Kiriisito akakwa komosarabha. ²Nango nerasabha komenya kegero kemwe. mokasong`aana Ekoro endendu ku kugwata imigiro ja Musa, hamwe ne-ko kobha mukiitengeerera na kwisirirya engana inzomu igoro wa Yeesu? <sup>3</sup>Kwake mobheere bhagegebhu? Imwe mokotanga ubhwikari bhwanyu ubhuhya komanaga ge Ekoro endendu, nawe moreenda komara komanaga gaanyu imubheene?<sup>4</sup>Nango, enyaako yeno yaabhabhwene, morakina yaare bhooha? etare bhooha! <sup>5</sup>Momboorere, Mungu abhaheere Ekoro endendu na kokora ebhesego gate waanyu ko kobha mukagwata imigiro ja Musa, Kisha ko kobha mukiitegerera na kwisirirya eng`ana enzomu igoro wa Yeesu?⁶Mwisege eng`ana ya Abhurahaamu. Amaandeko Amarendu garabhuga, " Abhuraahahu akisirirya Mungu, na Mungu akamobhara kobha we eheene." <sup>7</sup>Mmbe nango, momenye kobha, abhaato bhano bhakwisirirya Mungu, nebho abhana bha Abhurahaamu! <sup>8</sup>Amaandeko Amarendu gakorootorera kobha, Mungu arabhabharera abhaato bhano bhatare Abhayaahudi kobha bhe eheene konzera yu ubhwisirirya bhwabhu. Mungu aakangatire komoragan`ya Abhurahaamu eng`ana enzomu yeyo kobha "kohetera kwa naawe, abhaato bhi ibhyaro bhyosi bharahakwa." <sup>9</sup>Mmbe, bhano bhakumwisirirya Mungu, bharahaabhwa orobhango, chembu Abhurahaamu aahakirwe ko kobha akiisirirya.<sup>10</sup>Nawe bhoosi bhano bhakwisega kokora gano gakwenderwa ni imigiro ja Musa, bhiihiimirwe, ko kobha Amaandeko Amaandeko Amarendu garabhuga, "Wowoosi wono atakugwatwa na kokora goosi gano gaandikirwe mokitabho chi imigiro, ihiimirwe." <sup>11</sup>Ni-maheene kobha atareeho omooto wono akobharwa kobha we eheene mobhotange bhwa Mungu ku ukugwata imigiro, ko kobha Amaandeko Amarendu garabhuga, "We eheene, ariikara kubhwisirirya." <sup>12</sup>Imigiro gitakwisega ubhwisirirya, nawe amaandeko Amarendu garabhuga,"omooto wono akogwata goosi gano gari mumigiro, ariikara ku kugwata imigiro giyo."<sup>13</sup>Kiriisito akatosabhura kurwa momaraga gi imigiro ko kogega amaraga geeto. Amaandeko Amarendu garabhuga, "wowoosi wono abhambirwe komosarabha, ihiimirwe." <sup>14</sup>Akatosabhura korereke orobhango rono aaheerwe Abhurahaamu, robhahikere abhaato bhano bhatare Abhayaahudi kohetera Yeesu Kiriisito. Toratora kosong`aana Ekoro endendu yeno Mungu aatoragire konzera yu ukwisirirya Yeesu Kiriisito.¹⁵Abhahiiri bhaane, hinga nihuruche ekerenjo kurwa mubhwikari bhweto bhwa kirakabhu. Mwiseege igoro wa amiisiriran`yo ga abhaato bhabhere. Amiisiriran`yo gareemere kokorwa na kutuurwa orokaamo, atareeho omooto wa kwanga hamwe kwongera chochosi. ¹⁶Mmbe, Mungu akahurucha obhorage kwa Abhurahaamu, hamwemwe nu umwibhurwa waaze. Amaandeko Amsrendu gatakubhuga, "Kuribhorwa bhaaze nkina bhnaaru," Nawe garabhuga, "Nu umwibhurwa waaze," enzobhooroyaku, ni-womwee, nawe ni-Kiriisito.¹⁷Reno nikwenda kogamba ni-reno, Mungu akakora rirage ryaze reno aamenyekereerye imyaka magana ane ne emerongo etato, hano emigiro ja Musa jare gekeere kobhoha. Imigiro giyo getakotora kusarya rirage riyo nooro kuchora obhorage bhuyo. ¹⁸Nawe areebhe 0bhogabhi bhwabhu kurwa kwa Mungu bhuriisega imigiro, mmbe obhogabhi bhuyo bhotakotora naatu kwisega obhorage bhwa Mungu. Newe Mungu, korobhango rwaze, akamoha Abhurahaamu obhogabhi konzerayo obhoragi bhwaze.¹⁹Nango, imigiro gena meremoke? Imigiro gekoongerwa igoro wu ukwerecha obhosarya bhwa abhaato, kuhika hano araaze umwibhurwa wa Abhurahaamu, wono Mungu aaragen`ye kobha araaza. Imigiro giyo, Mungu akomoha Musa kohetera bhamaraika, Musa akabha umwigwan`ya wa abhaato na Mngu. ²⁰Umwigwan`ya aheenderwa hano zembaara ibhere zikurya ering`a. Nawe Mungu ne-womwe, akarya iring`a umwene na Abhurahaamu.<sup>21</sup>Nango, imigiro gerahakaana no obhorage bhwa Mungu? Zeyi! Angabheere gihurukibhwe imigiro geno gekotara kobhaha abhaato obhohoru, mmbe tware torabharwa bhe eheene mobhotange bhwa Mungu ku ukugwatwa imigiro. <sup>22</sup>Nawe etaribhu. Amaandeko Amarendu garabhuga kobha, eese yoosi egwatirwe mobhokangati bhwo obhobhi, korereke bhano bhamwisirirya Yeesu Kiriisito bhahaamwe rirage reno Mungu aare arageen`ye.²³Hano ribhaga ryu ukwisirirya Yeesu Kiriisito ryare rekeere kuhika. tware turiimiiririrwa ni imigiro ja Musa, ncha abhabhohwa. Tware tprarenda ribhaga reno ubhwisirirya bhuyo bhiukundukurwe. ²⁴Kwebhu imigiro jare geretokangata, kuhika hano Kiriisiti iizire, korereke tobharirwe eheene mobhotange bhwa Mungu konzera ua ubhwusirirya. ²⁵Nawe nango, ko kobha ubwisirirya bhuhikire, totare naatu iyaase wi imigiro. ²⁶Nango imwe bhoosi, ni-bhaana bha mungu Mungu ku ubhwisirirya bhwanyu, ko kobha mugwateene na Kiriisito.²⁷Imwe bhoosibhano mubhatizirwe, mugwateeni na Kiriisito. ²⁸Nango, kotareeho kwahokan`ya gate ya omoyaahudi na wono atare omoyaahudi, mbuusa nu umwiyagaaruri, umusubhe no omokari. Bhoosi moreng`eene, ko kobha mugwateene na Yeesu Kiriisito. ²⁹Imwe, ne-bha Kiriisito na konzera yiyo mobheere urwibhoro rwa Abhurahaamu, na morasung`aana ubhiugabhi bhono Mungu aarageen`ye.

¹Mmbe, ring`ana reno nikwenda kobhabhoorera ni-kubha wowoosi wono akogamba ebhegero bhya wiise akeere mwana, atakereene na mboosa, naqngabha ebhegero bhyosi ibhyaze. <sup>2</sup>ribhaga ryooai, umugabhi ahaabha ariiyaase wa abhareri na abhaato bhano bhakwimeererera ebhegero bhyaze, kuhika ribhaga reno wiise eendire.<sup>3</sup>Na niitwe ebhuebhu, ribhaga reno Kiriisito aare akeere kuuza, tware ncha abhana, tware bhaabhusa bhi isimoka yeno ekokangata eese. <sup>4</sup>Nawe hano ryahikire ribhaga reno ryateerwe, Mungu akatoma Umwana waaze koose, akiibhurwa no omokari, mumigiro ja Musa. <sup>5</sup>Akstomwa asabhore bhano tware bhamboosa bhi imigiro ja Musa, korereke itwosi tobhe abhaana bha Mungu.<sup>6</sup>Mungu akatoma Ekoro yu umwana waaze mumyoyo jeto, ko kobha ni-bhaana bhaaze tore . Ekoro yiyo neyo ikugirya tomobherekere Mungu, "Bhaabha," <sup>7</sup>Nango imwe motare bhamboosa naatu, nawe ne-bhaana bha Mungu. Na ko kobha ne-bhaana, Mungu arabhagabhya.<sup>8</sup>Ikare hano mware moteeze Mungu, mware bhamboosa bhe emesambwa geno getare Mungu. <sup>9</sup>Nawe nangu, mumweze Mungu, woosi abheeze bhokong`u . Kwake moreenda kogaroka kosengera isimoka yeno ekokangata eese, yeno etaana obhonaja nu ubhwera bhwobhwosi? Moreenda kobha bhamboosa bhaabhu?¹⁰Mokeere moragwata zisigukuru ze ekeyaahudi? Moragwata zisiko zi imyeri na zu umwaka, kobha ni-zisigukuru zo okosooka Mung? ¹¹Nneroobhaha hamwe emeremo geno nakorire igoro waanyu, girimiire bhoobha.¹²Abhahiiri bhaane, nerabhasabha mobhe bhu ubhwiyagaaruri ncha niinye, ko kobha na niinye, ko kobha na niinye ekare naare nangi imwe. Hano naare hamwemwe na niimwe, motankoreere obhobhe bhwobhwosi. ¹³Mweze kobha, ubhurwere bhono naare nabhwe, bhwagirirye nekabhona umweya gu ukubharwazera eng`ana enzomu. <sup>14</sup>Nangabha nekarorekanabhu, motandegire naabha konyanga. Nawe keno mwakorire ni-kunyiisirirya chembu mwangiisiriirye maraika wa Mungu, hamwe kwisirirya Yeesu Kiriisito.<sup>15</sup>Ribhaga rirya mware no obhozomerwa, nango kebhonekireke? Neragamba amaheene kobha, ribhaga rirya mwangaturire kwiha ameeso gaanyuna komg`a. ¹⁶Awee nango, nebheere umubhisa waanyu ko kobhabhoorera amaheene?¹⁷Abhaato abhande bhayo bharakaja kobhanyaakera, nawe keno bhakobhamoherya ketare kezomu. Bhareenda kobhataan`ya na niinye, korereke mobhanyaakere ebho. <sup>18</sup>Maheene ni-ng`ana izomu kobhanyaakera abhande siko zoosi komang`ana amazomu. Mokerebhu nooro hano nekobha netare hamwemwe na niimwe.<sup>19</sup>Abhaana bhaane, nirumirwe naatu obhosongo igoro waanyu, chembu omokari we enda ahaarumwa obhosongo. Niriyiigwa ebhuebhu, kuhioka hano eteemwa ya akairiisito eraarorekane mozeteemwa zaanyu. <sup>20</sup>Nangabhegire hamwemwe na niimwe nangweno, hamwe naare neragamb a na niimwe kwa bhonyhoohu. Nena makebhwe igoro waanyu!<sup>21</sup>Momboorere bhano mukwenda kwikara iyaase wi imigiro ja Musa, muteeze chembu imigiro gikubhuga? <sup>22</sup>Yandikirwe momaandeko amarendu kobha, Abhurahaamu aare na abhaana bhabhere. Owomwe akiibhora na mbuusa waaze Haajira, no owonde na akiibhora na Saara mokaaze we ebhegero <sup>23</sup>Umwana wa mboosa akiibhurwa koseemi ya abhaato. Nawe umwana wa mokaaze we ebhegero, ewe akiibhurwa kobhorage bhwa Mungu.<sup>24</sup>Abhakari bhayo bharatora kogegwa nche ebherenjo bhyo obhorage. Haajira, ne-kereenjo cha rirage rye embere reno ryakorirwe kokegoro cha Sinayi. Abhaana bhaaze bhakiibhiurwa bhaamboosa iyaase wi imigiro ja Musa. <sup>25</sup>Abhaato bha yerusareemu bha nangweno. ni-bhamboosa iyaase wi imigiro ja Musa Bhayo ni-bhaambuusa ncha abhaana bha Haajira wono akutuubhanibhwa na rirage reno Mungu akorire kokegoro cha Sinayi mucharo cha Arabhiya,<sup>26</sup>Nawe Saara ariimeerera kobha orobheri rwa Yerusareemumwisaaro, ne-robheri rono ubhwiyagaaruri, na ruyo nerwe yiiya weeto itwe. <sup>27</sup>Yandikirwe MoMaandeko Amarendu igoro waaze, "Zomerwa, awe omogomba wono atakotora kwibhora, tiirya riraka wono ukeere kwigwa obhosongo bhu ukwitooran`ya umwana ko kobha abhaana bha wono aare atigerwe umwene ne-bhaaru, kokera wono aare nu umusubhe waaze."²⁸Mmbe, nango abhahiiri bhaane, imwe ne-bhaana kurwa kubhurage bhwa Mungu, chembu Iisaka aar. ²⁹Nawe zisiko zirya, umwana wono iibhwirwe koseemi ya abhaato, akamonyaacha umwana wono iibhwirwe kobhonaja bhwe Ekoro endendu. Na siko zeno hoosi nembu ere.³⁰Nawe Amaandeko Amarendu garabhugabhwe? Garabhoga kobha, "Heebha omokari mboosa hamwemwe nu umwana waaze, ko kobha umwana mboosa, atakotora kogabha hamwemwe nu umwana wo omokare we ebhegero." ³¹Abhahiiri bhaane, itwe totare abhaana bha mboosa, nawe ne-bhaana bho omokari we ebhegero.

¹Kiriisito atoheere ubhwiyagaaruri korereke twikare mubhwiyagaruri. Nango mwimeerere bhwema, mutiisirirya kogaroka naatu mobhomboosa bhwi imigiro. ²Mwitegeerere keno inye Paauro nikobhabhoorera! Ariibhe muriisirirya kosaarya igoro wu ukugwata imigiro ja Musa, Kiriisito atakobha na bhwera bhwobhwosi kwa niimwe.³nerabhabhoorera naatu kobha, umusubhe wowoosi wono akwisirirya kosaarwa, areenderwa kugwata emigiro ja Musa. ⁴Areebhe muriisega kobharwa kobha abhaato bhe eheene mobhotange bhwa Mungu ku ukugwata imigiro, momenye kobha mwiyahwire kwa Kiriisito, na mutigire ebhegongi bhya Mungu.⁵Nawe Ekoro endendu eratonaja itwe kwisega kobha, torabharirwa eheene konzera yu ubhwisirirya. ⁶Mmbe areebhe tugwateene na Yeesu Kiriisito, kosaarwa hamwe kotama kosaarwa kotaana bhwera bhwobhwosi. Ekegero chu ubhwera nu-bhwisirirya bhono bhokokora emeremo kobhoseegi. ⁷Imwe mware moraja bhwaheene! Nango ne-weewe abharechirye motagwata amaheene? ⁸Obhokorokombi bhuyo bhotaroori kwa Mungu wono abhabhirikiire.⁹Nawe momenye, "Ubhutunduuru bhusuuhubhu bhoratuundurya riigiri ryosi!" ¹⁰Nena amaheene kobha imwe moragwatana no Omokorio Yeesu, kwebhu motakwisirirya kokangiribhwa. Nawe omooto wowoosi wono arabhanyaache, aratinirwa.¹¹Abhahiiri bhaane, aree3bhe nekeere nerarwaza kobha ereenderwa kosaarwa, kwake nango Abhayaahudi bharaanyaacha? Angabheere nembu,ubhurwazi bhwane igoro wo omosarabha gwa Kiriisito bhotaare bhoragirya bhanyiigatanere. ¹²Niriigomba bhano bhakobhanyaacha komang`ana ge esaaro, bhangiitinire abheene!<sup>13</sup>Abhahiiri bhaane, mubhirikiirwe korereke mobhe bhu ub hwiyagaaruri. Nawe ubhwiyagaaruri bhwanyu bhotagirya mutune isimuka ya obhobhe, nawe mwisakirye kobhoseegi. <sup>14</sup>Imigiro josi ja Musa giri riswajo remwe kobha, "Omoseege nyarubheri waazo chembu wiseegire aumwene." <sup>15</sup>Nawe areebhe muriirya amatimba, mwangarere motaaza kwiricha imubheene ko bheene.<sup>16</sup>Mmbe, nerabhabhoorera kobha, mobhe morakangatwa ne Ekoro endendu. Moreekorebhu, motakutuna naatu isimuka yo obhobhe. <sup>17</sup>Nerabhabhoorera, ku riyo bhyosi bhino omobhere gukwigomba, bhetare chembu Ekoro endendu ikwenda, na chembu Ekoro endendu ikwenda, bhetare chenbu omobhere gukwigomba. Ekoro endendu no omobhere bhehahakaana, ku riyo motakwenderwa kokora chuchusi keno mukwenda mokore. <sup>18</sup>Areebhe morakangatwa ne Ekoro endendu, motare iyaase wi imigiro.<sup>19</sup>Mmbe, amang`ana gano gakokorwa igoro wi isimuka yo obhobhe ne-gano: ikisimbe, etaaro, kokora amang`ana ga zisoni, <sup>20</sup>Kosengera amasambwa, obhorogi ,ubhubhisa, iryomana, rihari, obhororo, ekenyaweeto, obhotaaman`ya, ekemboroori, ²¹eng`eera, ubhunywi, omosooho na amang`ana agande goosi gano gatuubhene na gayo. Nerabhabhoorera chembu namarire kobhabhoorera kobha, abhaato bhano bhahaakora amang`ana gayo, bhatakogabha chochosi mobhotemi bhwa Mungu.<sup>22</sup>Nawe areebhe torakangatwa ne Ekoro endendu, torabha nu umusumu gwe Ekoro endendu. Umusumu guyo ni-bhoseegi, obhozomerwa, omorembe, ubhwigumirirya, obhozomu, bhwerya koro, obhorange, <sup>23</sup>obhonyoohu ne ekerengo. Gotareeho umugiro gono gukwanga amang`ana ncha gayo. ²⁴Abhaato bhano bhagwateene na Yeesu Kiriisito, bhatakuhirwa kebhe ni isimoka yo obhobhe, hamwemwe na amiiseegi gaabho amabhe, ko kobha bhagabhambire komosarabha gwa Yeesu.²⁵Turiikara kubhwisegi bhwe Ekoro endendu, tutune obhokangati bhwaze. ²⁶Tutiikumya bhooha, tutiimohyaku mang`ana na kwirorera rihari.

¹Abhahiiri bhaane, muran`gure kobha omokendichanyu asarirye, imwe bhanomokokangatwa ne Ekoro endendu, momoreche na momogaruche kwa bhonyoohu. Nawe mwiyangarire, motaaza imwesu kogemwa. <sup>2</sup>Mwiyangore imirigo, hayo neho mukuhicha imigiro ja Kiriisito.<sup>3</sup>Mmbe, omooto wowoosi wono akwirora kobha ane enzobhooro kokera abhakendichaze, wuyo ataana nzobhooro yoyoosi, ariikangirirya umwene. <sup>4</sup>Itwose torore zeteemwa zeteemwa itubheene. Areebhe omooto arakora amazomu, hayo aratora kwikumirya amang`ana amazomu gano akurire. Nawe atiireng`aan`ya na amang`ana gano akorire, <sup>5</sup>ko kobha itwosi toragega imirigo jeto itubheene.<sup>6</sup>Omooto wono akwigibhwa eng`ana ya Mungu, amosondere umwija waaze ebhegero ebhezomu bheno abhweni. ⁷Mutiikangirirya, Mungu atahaaregwa. keno omooto akohamba, necho araagese,. ⁸Wono akutuna isimoka yo obhobhe, aragesa ukurichwa kurwa kusimoka yo bhabhe. Nawe wono akutuna Ekoro endendu, aragesa obhohoru bhwa kemwrano kurwa kwe Ekoro endendu.⁹Na totaniha kokora amazomu,ko kobha turiigumiirirye kokora amazomu, ribhaga riraahike toragesa bhwaheene. ¹⁰Mmbe, hano toreebhone umweya, tokorere abhaato bhoosi amazomu, kenda abhiisirirya abhakendichetu.¹¹Morore chembu nandikire amaandeko amakoro, kohetera okobhoko kwane inyimwene. ¹²Abhato bhayo bhakobhateka imwe mosaarwe, korereke bhasuukwe na Abhayaahudi. Nebho bhakwenda bhatanyaakibhwa igoro wu ukurwaza eng`ana yu uruku rwa Kiriisito komosarabha. <sup>13</sup>Na bhano bhasaarirye abheene, bhatakugwaimigiro josi. keno bhakwenda ne-kobha imwe mosaarwe, korereke bhiikumirye esaaro ye emebhere janyu.<sup>14</sup>Nawe inye netakwenda kwikumirya ing`ana ryoryosi kuruiushaku urukurwo Omokoro weeto Yeesu Kirisito komosarabha. kohetera uruku rwaze, amang`ana goosi ge eese gataana nzobhooro kwa niinye. Akuure nu ubhwikari bhwana bhwe ekere komosarabha. ¹⁵Kosaarwa hamwe kotama kosaarwa, etaana nzobhoro yoyoosi. Ekegero ekekoro ni kubhumbwa bhuhya na Mungu. ¹⁶Omorembe ne ebhegongi bhebhe na abhato bhoosi bhano bhakokora amaheene gayo, bhayo nebho abhaatu bha Mungu.¹⁷Mmbe kwema nangweno omooto wowoosi atanyaacha, ko kobha inye nena zekaamo komobhere gwane igoro wo okohokerya Yeesu. ¹⁸Abhahiiri bhaane, ebhegongi bhyu Omokoro weeto Yeesu Kiriisito bhebhe hamwemwe na niimwe. Garame.

¹Enyarubha yeno nandikire inye Paauro, hamwemwe na sirwano na Timoseo. Torabhaandekera imwe abhiisirirya bho orobheri rwa tisaroonike, mwiribhita rya abhaato bhano mumwisirirye Bhaabha Mungu no omokoro Yeesu Kiriisito. Ebhiigongi no omorembe bhebhe na niimwi.²Toramukumya Mungu ribhaga ryosi igoro waanyu bhoosi, na torabhasabhera totakuniha. ³Hano tokabhasabhera kwa bhaabha weetu Mungu, toragihiita mobhotange bhwaze emeremo geno mokokora kubhwisirirya. toraguhiita umucha gwanyu gono gukuryera kobhoseegi bhwanyu, na chembu mwimiiriiri kurwera nu ubhwisegi bhwanyu komokoro weeto Yeesu kiriisito⁴Abhahiiri bheeto imwe, bhano Mungu aseegire, tweze kobha Mungu abharibhweri kobha abhaato abhaato bhaaze. ⁵Tomenyirebhu ko khobha hano twarazire kwa niimwe eng`ana enzomu, tutarwazire kwa amang`ana ageenebhu. Nawe tokarwazwa kwa amanaga na kwe Ekoro endendu, na tono obhoheene kobha ing`ana yiyo ni-ya amaheene. imwe mweze bhwaheene chembu twari hamwemwe na niimwe, korereke tobhasakirye.<sup>6</sup>Nangabha mokanyakiibhwa bhokong`u ko khobha yu ubhwisirirya bhwanyu, mokasong`aana eng`ana yiyo ko obhozomerwa bhunu bhukurwa kwe Ekoro endendu. Chimbu mwakorirebhu, mokeega ekerenjo cheto ne ekerenjo cho omokoro Yeesu. ⁷Kwebhu, mobheere ekerenjo kezomu kubhisirirya bhoosi bhano bhare mucharo cha Makedonia na cha Akaaya.⁸Abhaato bhiigwire kurwa kwa niimwe eng`ana yo omokoro. Etare kobhaato bha Makedoniya na bha Akaaya abheene, nawe ubhwisirirya bhwanyu kwa Mungu, bhomenyekeeni hoosi. Kogayo totakwinyaacha kogamba chochosi igoro wu ubhwisirirya bhwanyu. <sup>9</sup>Hanu hoosi tukuja, abhaatu bharagamba bhwaheene igoro we eteemwa yanyu, chembu mwatosong`aniri hano twizire kwa niimwe. Bharamenyeekererwa chembu mwatigire amasambwa gaanyu na kwichorera Mungu, korereke momohekerye ewe omohoru na wamaheene, ¹⁰na korenda umwana waaze Yeesu kurwa mwisauro. Ewe newe Mungu akamuryora, na newe aratosabhora montenero ya Munguyeno ikuuza.

¹Abhahiiri bheeto imwe, imubheene mweze kobha ukuuza kweto kwa niimwe kotaare kwa bhooha. ²Kwike mweze kobha hano tware tokeerwe kuhika kwa niimwe, tokanyaakibhwa nu ukutukwa morobheri rwa Firipi. Nangabha kware no obhokong`u kwa niimwe, nawe Mungu akatoha obhonaja bhu ukwerekeererya eng`ana yaaze enzomu.³Amang`ana gano tokokandikija kwa niimwe gatare ga roreme, hamwe kwa ng`eera, nooro kobhakangurirya. ⁴Nawe toreerekeererya ko khobha Mungu akatwisirirya, akatoha emeremo ju ukwerekeererya eng`ana enzomu. Totakwiseega kozomera abhaato, nawe toreenda kozomera Mungu, wono ahaarora goosi gano gare mozekoro za abhaato.<sup>5</sup>Mweze tware totakogamba amang`ana korereke motoseege, na Mungu, ne-momenyeekereri kobha totakogamba amang`ana gano gatare ga amaheene, korereke tobhone ubhwera. <sup>6</sup>Na tware totakomohya bhukumuka kobhaato, kurwa kwa niimwe, nooro kurwa kobhande bhobhoosi. Twangaturire kwenda ebhegero obhorebhe kurwa kwa niimwi, ko khobha itwe, ne-bhatumwa bha kiriisito, nawe totakoriribhu.<sup>7</sup>Tware bhanyoohu kwa niimwe ncho omokari akorera abhaana bhaaze. <sup>8</sup>Tokabhaseega imwe bhokong`u necho kiyo tokazomerwa, etare kobhabhoorera eng`ana enzomu kurwa kwa Mungu iyeene, nawe nu ukwihurucha kweto kokora goosi gano gakwenderwa kobhasakirya. Tokakorabhu ko khobha imwe mobheeri bhaseegwa bheetu. <sup>9</sup> Abhahiiri bheeto, morahiita umucha gweto no okonyaaka kweto, tware torakora emeremo ubhutiku nu mwise. Twari turskorabhu, korereke ribhaga torarwaza ing`ana enzomu kurwa Kwamungu totaaza konyacha omootu woowosi kwa nimwe¹⁰Imwe ni-bhamenyekereeri bheetu, Mungu woosi, ne-momenyeekereri, kobha eteemwa yeetu kwa niimwe abhiisirirya, yaare nzomu na ya maheene, etetemirwe isoro. ¹¹Na mweze kobha hano tware kwa niimwe tware torabhakorera bhoose cheembu bhaabha akobhakorera abhana bhaaze. Tware torabhaha umwoyo na kubhiibhisirirya na kubhiisasaama, ¹²korereke mwikare chembu Mungu aseegire. Mungu nawe abhabhirikire korereke musikere mobhotemi na mubhugungibhwa bhwazi.¹³Naatu tona ring`ana erende ryu ukumukumya Mungu totaana kiniha, kokobha hano mwitegeereri eng`ana yaaze kurya kwa niitwe, motayesung`aanire ncha ing`ana rya abhaatu. Newe mokayesung`aana nchi eng`ana kurwa kwa Mungu, na amaheene nembu ere. eng`ana yeyo erakora emeremo mumyoyo janyu, imwe bhano mumwisiriirye.<sup>14</sup>Abhahiiri bheeto, gano gaabhabhwene abhaato bhano bhakwisirirya Yeesu kiriisito momamasengerero ga Mungu gano gari mucharo cha Yudeya, nego na niimwe gaabhabhwene. Abhaato bhaanyu bhakabhanyaacha, chembu abhayaahudiabhakendichabho bhaabhanyaakirye. <sup>15</sup>Abhayaahudi bhayo, nebho bhiitire omokoro yeesu na abharotereeri bhe ekhare. Na bhaatonyaakirye itwe. Abhaato bhayo, bharamwigatany`a Mungu na bhatakwigwana na abhaato bhoosi, ¹⁶ku kubha bharatorechakurwaza eng`ana enzomu kobhaato bhano bhatare Abhayaahudi. Bharaanga abhaato bhatasabhurwa. Nembu bhakokaja kuhicha obhobhe bhwabho bhono bhakokora ibhaga ryosi, Nawe obhororo bhwa Mungu bhobjhahikiire!¹⁷Abhahiri bheeto, okotaana kweto kweto na niimwe kware kwibhaga isuuhubhu, no okotaana kuyo kware kwa mobhere ,kotare kwe ekoro. Na kwa ribhaga riyo ryosi, tware toriigamba tuhunane. ¹⁸Neho tokeenda tuuze kwa niimwe, kenda inye Pauro naare nereenda kuuza manga kaaru, nawe shetaani akatorecha, ¹⁹Omokoro Yeesu hano akuuza, ne-bha weewe bhano bharaabhe etange yu ubhwisegi bweto? Na ne-bha weewi bhano bharaabhe obhotangi bhwo obhozomerwa ne ekerongo cheto chu ubhuhizi?motare imwe? ²⁰Maheene, imwe nimwe bhano moraagirye twiheeme no okozomerwa.

¹Entenero tokatamwa kwigumirirya, ko kobha totamenyire gano gakokorwa iyo. Neho tokarora kobha, itwe tosaage itabheene morobheri rwa Asene, ²tomotome Timiseo umuhiiri weeto, korereke aaze abhanaje na kobhaha umwoyo mubhwisirirya bhwanyu. Ewe, ne-mohocha mokindicheto wa Mungu, ku kwerekeererya enmg`ana enzomu igoro wa Kiriisito. <sup>3</sup>Tokakorabhu korereke omooto wowoosi mubhaniimwe atakwa umwoyo ko kobha ye enyaako yeno. Emwe mweze kobha, toreenderwa kohetera enyaako.<sup>4</sup>Meze gayo, ko kubha hano tware na niimwe na niimwe, tware torabhurirwa kobha toranyaakibhwa. Nango nembu gaabhewri. <sup>5</sup>Kiyo necho kigirirye nekatamwa kwigumirirya, nekamotoma Timoseo kwa niimwe, korereke nemenye amang`ana gu ubhwisirirya bhwanyu. nekakorabhu kwa kwiseega kobha hamwe Shetaani abhagemire na kobharimirya, ne emeremo josi geno twakorire kwa niimwe gebhe ja bhooha.⁶Nango Timoseoagarukire kurwa kwa niimwe, atubhuuriire amang`ana amazomu igoro wo ubhwisirirya no obhoseegi bhwanyu. Atubhuurire kobha moratuhiita bhwaheene kerakabhu, na mpbheere na ameega gu ukurumana na niitwe, chembu itwosi tobheere ne enamba kurumana na niimwe. <sup>7</sup>Abhahiiri bheeto, eng`ana igoro wu ubhwisirirya bhwanyu, etokongoorire imyoyo monyaako yeeto yoosi.⁸Nango toraheezera, ko kobha imwe mwimiiriire bhwema komokoro Yeesu, ⁹Nango torarihake Mungu igoro wu ubhwisirirya bhwanyu? Toratore kumukumyabhwe ko obhozomerwa obhokoro bhono tonabhwe mobhotange bhwaze igoro waanyu? ¹⁰Toramosabha Mungu kumucha ubhutiko nu umwise, kobha atusakirye tuje kwike kwa nimwe, korereke tobhasakirye keno musuuhiirye kubhwiisirirya bhwanyu.¹¹Toramosabha bhabha weeto Mungu umwene, no omokoro weeto Yeesu, atokorere enzera yu ukuuza kwa niimwe. ¹²Umukuru abhongere obhoseegi bhwo okoseegana imubheene kobheene na kob haseega abhande bhoosi, chembu itwe tobhaseegire imwe. ¹³Na abhanaje imyoyo janyu, korereke mobhe abhaato abharendu, motaana isoro mobhotange bhwa bhaabha Mungu, ribhaga reno omokoro Yeesu araaze hamwemwe na abhaato bhaaze bhoose.

¹Nango abhahiiri bheeto, mwigire kurwa kwa niitwe chembu ikwenderwa kwikara, korereke komozomerya Mungu. Maheene nembu mukwikara.Nangu, torabhasabha nu ukubhisasaama kobhon aja bhwo omokoro Yeesu kobha , mokaji kokorabhu na kokeroho. ²Mweze bhwaheene gano twabhaswajirye kobhonaja bhwo omokoro Yeesu.³Mungu areenda mobhe abhaato abharendu, mutiisikirya kokora etaaro. ⁴Imubhoosi muhize emebhere janyu, mobhorendu mna kwisooka. ⁵Motabha ne enamba mnbe ncha abhaato bhano bhateeze Mungu. ⁶Mogayo, omooto wowoosi atasariirya omokendichaze, nooro komokangirirya. Tomarire kobhabhoorera na kobhorecha kobha, bhoosi bhano bhakokora gayo, omokoro newe akorehany`a isiire ya gayo goosi.<sup>7</sup>Mungu atatobhirikiire kokora etaaro, nawe akatobherekera kobha twikare mobhorendu. <sup>8</sup>Mmbe, omoto wowoosi wono akwaanga amiijo gayo, atokumwanga omooto, nawe araanga Mungu, wono akobhaha imwe ekoro yaaze endendu.<sup>9</sup>Nangu, etakwenderwa kobha tobhandekeere imwe igoro wa koseegana, ko kobha imwe imubheene mwijibhwe na Mungu koseegana. <sup>10</sup>Maheene, mobheere morabhakorerabhu abhakendichanyu bhoose bhano bhari mucharo cha Makiduniya. Nango torabhasabha, abhahiiri bheeto,mokaje koseeganab hu na kokeroho. <sup>11</sup>Mobhe nu umwoyo gu ukwikara ubwikari bhwo omorembe. omooto wowoosi atiisikirya momang`ana ga abhande, nawe akore emeremo jaze umwene chembu twabhaswajirye. ¹²Hayo morabha mwerekeeny`e eteemwa enzomu kobhaato bhano bhatari Abhakiriisito. Naatu motakobha abhaato bhu ukwisega bhya babhande.<sup>13</sup>Nawe abhahiiri, toreenda momenye gano gakohoroka kobhakiriisitob bhano bhakuuri, korereke mutige kurumeka ncha abhaato abhande bhano bhataana obhwisegi bhwu ukuryoka. <sup>14</sup>Itwe tomenyire kobha Yeesu akakwa nu ukuryoka. Kuriyo, turiisega kobha Mungu arabharyoka na kobhareeta hamwemwe na Yeesu abhaato bhoosi bhano bhaakuure bhamwisiriirye. <sup>15</sup>Mmbe, gano tokobhabhoorera ni-miijo go omokoro Yeesu, kobha itwe bhano tokobha bhahoru hano ewe akogaroka, totakobhakangatera abhaku kuhunana neewe.<sup>16</sup>Omokoro umwene ariika kurwa mwisaaro. Aragamb a kwiraka ikoro, maraika omokoro woosi arabherekera kwiraka na rihembe rya Mungu rirabherekera. Neho bhano bhaakuure bhamwisiriirye Kiriisito, bharakangata kuryukuribhwa. <sup>17</sup>Akomara Itwe abhahoru, bhano tosaagire, torafakurya hamwemwe nabho momasaaro, korereke tomosong`aane omokoro mwisaaro. Neho tukwikara hamwemwe nawe kemerano. ¹⁸Nango mwihaane umwoyo komang`ana gayo.

¹Abhahiiri bheetu, etakwenderwa kobha tobhandekere igoro wa ribhaga na amabhaga gu ukuuza omokoro Yeesu. ²Imwe mweze kobha, urusiko ryu ukuuza kwo omokoro, rorabha rwa kuhwarukija nchu umwibhi chembu ahaaza ubhutiko. ³Hano abhaato bhakubhuga, ''Tono omorembe, na torebhwaheene,'' hayo neho obhosarya bhurabhiizere. Obhosarya bhuyo bhorabhahwarukija ncho obhosongo bhu ukwibhora, chembu bhohaamuzaku omokari wono akwenda kwibhora. Mogayo bhatakosabhurwa nooro hasuuhu.⁴Nawe imwe, abhahiiri bheeto, urusiko ruyo rotakobhahwarukija nchu umwibhi, ko kobha imwe motare mukiirimya ncha abhande. ⁵Imwe bhoosi, ni-bhaana bhu ubhwero, na bhu umwise. Itwose totare abhaato bhu ubhutiko hamwe bha mukiirimya. ⁶Nango, tutige kobha ncha abhande bhano bhakuhindera zendooro, toreenderwa toteengeeze na kobha ne ekerengo. ⁷Abhaato bhano bhakohindera zendooro, bhahaahindera ubhutiko. Na abhanywi bha amarwa bhahaanywa ubhutiko.⁸Nawe ko kobha itwe, ni-bhaato bhu ubhwiro, tobhe ne ekerengo. Tobhe nu ubhwisirirya no obhoseegi, ebhyo bherabha nchi ingubha kukikubha. Kwike twisege Mungu kotosabhora, neho torabha kina twibhohire engohiiira yi ichoma kumutwe. ⁹Mungu atatorobhere korereke aturiche kubhwigatani bhwaze, nawe akatorobhora korereketobhone ubhutuuribhwa konzera yo omokoro weeto Yeesu kiriisito. ¹⁰Wuyo newe akuure igoroweeto, korereke twikare hamwemwe nawe, tobhe tukuure hamwe turiigwa. ¹¹Nango, mwihaane umwoyo na kwikong`ya imyoyo chembu morakore<sup>12</sup>Nango abhahiiri bheeto, torabhasabha mobhasooke bhano bhakohocha emeremo ja Mungu gate waanyu, na kobhakangata ko obhonaja bhwo omokoro Yeesu na kiubhiisasaama. <sup>13</sup>Mobhasooke bhokong`u no okobhaseega koring`aana ne emeremo jabho. Na imubheene kobheene mobhe muriikara komerembe. <sup>14</sup>Abhahiiri bheeto, torabhiisasaama, mobhe morabhahama abhatobhu na kobhakong`ya bhano bhakuure imyoyo. Na mobhahe abhanyohereru amanaga nu ukubhiigumirirya abhaato bhoosi.¹⁵Morore, omooto wowoosi atamogarukirya omokendichaze obhobhe kobhobhe. Newe ibhaga ryosi mobhe muriikorera amazomu imubheene na kobhakorera abhaato bhoosi. ¹⁶Mobhe no obhozomerwa ibhaga ryosi, ¹⁷na motauika kosabha motakuniha. ¹⁸Mobhe moramukumya Mungu kwa goosi, ko kobha gayo nego ewe akwenda mobhe morakora chembu Yeesu Kiriisito atwerekirye.¹⁹Motaanga Ekoro endendu. ²⁰Na motasiihya obhorooti, ²¹nawe mogageme amang`ana go obhorooti nu ukugwaata amazomu. ²²Mwirige komabhe goosi.²³Mungu umwene wono akotoha omorembe, abheerye imwe kwa goosi. Ewe ariibhe imyoyo janyu, obhohoru bhwanyu, ne emebhere janyu, korereke mobhe motaana kuririirirwa kuhikera ribhaga omokoro weeto Yeesu Kiriisito hano akuuza. ²⁴Mungu umwene wono akobhabherekera, arabhakorera gayo, ko kobha ewe ne-moronge.²⁵Abhahiiri bheeto, itwosi motosabhere kwa Mungu. ²⁶Mobhakeerye abhiisirirya bhuusi kobhosegi bhwa Kiriisito. ²⁷Nerabhiirahirya kobhonaja bhwo omokoro Yeesu kobha, abhiisirirya bhoosi bhasomerwe enyarobha yeno. ²⁸Ebhegongi bhyo omokoro weeto Yeesu kiriisito, bhebhe hamwemwe na niimwe bhoosi.

¹Enyarubha yeno nandikire inye Paauro, hamwemwe na sirwano na Timosea. Torabhandekera imwe abhiisirirya bho orobheri rwa Tesaroonike, mwiribhita rya abhaato bhano mumwisirirye bhaabha Mungu no omokoroYeesu Kiriisito. ²Ebhegongi no omoreembe kurwa kwa bhaabha Mungu na komokoro Yeesu Kiriisito, bhebhe na niimwe.³Abhahiiri bheeto, eratwenda kumuku8mya Mungu ibhaga ryoosi igoro waanyu, ko kobha ubhwisirirya bhwanyu bhurakora bhokong`u, naatu okoseegana kwanyu korang`eha kwaruha. ⁴Na niitwe turiihema momasengerero ga Mungu, ko kobha yu ubhwigumirirya nu ubhwisirirya bhono monabhwe, monyako yoosi yeno monayo. ⁵Gayo goyo goosi gareerekeny`a kobha, entenero ya Mungu ne-ye eheene. Kontenero yiyo imwe morabharwa na moreendebhwa kobha mobhotemi bhwaze, bhono mokonyaakibhwa igoro wabhwe.<sup>6</sup>Mungu arakora geehene, arabhaha enyaako bhano bhakobhanyaacha <sup>7</sup>na kobhaha umwoyeero bhano mokonyaaka, hamwemwe na bhamaraika bhaaze bha amanaga, <sup>8</sup>ne emerengeeri jo omorero. Yeesu newe akobhatenera bhoosi bhano bhakwanga Mungu, na bhano bhatakwisiirirya eng`ana inzomuyo omokoro weeto Yeesu.⁹Enyaako yaabho erabha ubhuriki bhwa kemerano na kutuurwa kore no omokoro no obhokoro bhwo obhonaja bhwaze. ¹⁰Enyaako yiyo erabha urusiko rino omokoro akooza kukumibhwa no okosoong`ana ubhusuuku korwa kobhaato bhaaze bhano bhamwisiriirye. Na niimwe kwike morabha mobhayo, ko kobha mwisiriirye amang`ana garya twabhareeteere.¹¹Kogayo torabhasabhera ibhaga ryosi, korereke Mungu weeto agirye mwikare koreng`aana nu ubhubhirikirwa bhwanyu. Naatu toramosabha, amare amang`ana amazomu goosi gano mukwenda kokora hobhonaja bhwaze, na amare emeremo janyu josi ju ubhwisiriryi. ¹²Torasabha, korereke iriina ryo omokoro weeto Yeesu rebhe rerakomibhwa igoro waanyu. Na niimwe mobhe morakomibhwa igoro waaze, ebhegoongi bhya Mungu weeto na bhyo omokoro Yeesu Kiriisito.

¹Nango abhahiiri, turabhasabha igoro wu ukuuza ko omokoro weeto Yeesu Kiriisito, na chembu turiibhiringe kwewe. Torabhasabha, ²motakangwa na kobha no orohaho kobha, urusiko ryu ukuuza omokoro ruhikire. Hamwe mwigwirebhu komang`ana obhorebhe go obhoroti, hamwe gu ubhurwazi, hamwe ge enyarobha yeno ikwiisegwa kobha iruure kwa niitwe.<sup>3</sup>Mutiisirirya omooto wowoosi kobhakangirirya kwa ryoryosi, ko kobha urusiko ruyo yotakuhika, kuhika zisiko zirya abhaato bhakwanga Mungu nu umwangi wurya arorekane. Wuyo newe akurichwa chwe. <sup>4</sup>Nawe hinga araanga ebheegero bhyusi bheno abhaato bhakorora kobha ni-mungu hamwe keno bhakosengera, na ariitoora igoro wa bhyosi. Arasikira na kwikara mwihekaaru rya Mungu, na kwikurya kobha ewe newe Mungu.<sup>5</sup>Motakuhiita kobha, hano naare hamwemwe na niimwe nikabhabhoorera gayo guusi? <sup>6</sup>Na nango mweze keno kekomorecha, korereke erekenibhwe ribhaga reno rikwendebhwa. <sup>7</sup>Nooro nangweno umwangi wuyo arakora emeremo enu iibhisire. Nawe atakororekana kuhika wono akomorecha hano ariruushibhweho.<sup>8</sup>Hayo neho umwangi wuyo areerekenibhwe, omokoro Yeesu aramwita nu umwika kurwa mumunywa gwaze, na aramuricha nu ubhwero bhu ukuuza kwaze. <sup>9</sup>Ribhaga ryu ukuuza kwaze, umwangi wuyo araaza na amanaga goosi ga sheetani no okokora ibhyerekeny`o na amateemo go ororeme. ¹⁰Arabhakangirirra kwa nzera yooyosi, bhano bhoosi bhare monzera yo okobhora, ko kobha bhatiisirirye kiseega amaheene korereke bhabhone kosabhurwa.¹¹Necho Mungu abhiisiririirye bhakangatibhwe na amanaga ga amakangiriryo, korereke bhang`ehe kwisiriorya ororeme. <sup>12</sup>Mmbe bhoosi bhano bhatakwisirirya amaheene no okozomererwa obhobhe, bharatinirwa.<sup>13</sup>Nawe itwe,toreenderwa kukumya Mungu ribhaga ryosi, igoro wanyu, imwe abhahiiri bhano moseegirwe no omokoro Yeesu. torenderwa kokorabhu, ko kobha Mungu akabharobhora imwe kwema isimoka yu ubhubhumbi korereke mobhone ubhuruurya. Obhutuurya bhuyo mobhosong`anire kwa kweribhwa ne Ekoro endendu na konzerayu ukwisirirya amaheene. ¹⁴Mungu akabhabherekera, korereke mobhone ubhutuurya bhuyo konzera ye eng`ana enzemu yeno twarwazire kwa niimwe. Abhabhirikiire korereke mobhone kugwatana mubhwero bhwo omokoro weeto Yeesu Kiriisito. <sup>15</sup>Nango abhahiiri bheeto, mwimeerere bhwimw na kugwata amiijo gano mwasuung`anire, ebhe ni-kwa amaragerera geeto hamwe kozenyarobha kurwa kwa niitwe.¹⁶Omokoro weeto Yeesu Kiriisito umwene na bhaabha weeto Mungu wono atoseegire, na kobhegongi bhyaze aratohony`a kemereno na kotohaubhwisegi obhozomu. <sup>17</sup>Torabhasabha bhabhahe umwoyo na kobhakong`ya, korereke motore kogamba no okokora amazomu.

¹Nango abhahiiri bheeto motosabhere, korereke amang`ana igoro wo omokoro Yeesu gang`ehe konyaragana bhwango na gasuukwe, chembu gaare kwa niimwe. ²Motosabhere korereke Mungu atosabhore mobhaato abhabhe, ko kobha bhatare bhoosi bhano bhakwisirirya amang`ana garo. <sup>3</sup>Nawe omokoro, ne-moheene , ewe arabhakong`ya imwe na kobhariibha kurwa kwa shetaani.⁴Naatu aratoha ubhwisegi bhokoro igoro waanyu kobha, nango morakora garya twabharageeny`e, na morakaja kogakora. <sup>5</sup>Omokoro akangate zekoro zaanyu mobhoseegi bhwa Mungu na mubhwigumirirya bhwa Kiriisito.<sup>6</sup>Abhahiiri bheeto, torabhaswaja kuriina ryo omokoro Yeesu Kiriisito, motaane na abhahiiri abhatobhu, bhano bhatakutuna amiiju gano twabhaheere. <sup>7</sup>Turabhugabhu, ko kobha imwe mweze chembu ikwenderwa kwiga ekerenjo cheto. Hano itwe tware na niimwe, totaare bhatobhu, <sup>8</sup>na tware totakurya ibhyakurya komooto wowoosibhooha. Tware torahocha emeremo kumucha ubhutiko nu umwise, korereke totanyaacha omooto wowoosi gate waanyu. <sup>9</sup>Tokakorabhu, etare ko kobha toteendirwe kobhona kegero kurwa kwa niimwe, nawe tokeenda tobhe ekerenjo kwa niimwe korereke mutwege.<sup>10</sup>Na hano tware hamwemwe na niimwe, tokabhaswaaja kobha, "omooto wono atakwenda kohocha emeremo, atarya." <sup>11</sup>Tubhugire amang`ana gayo, ko kobha twigwire bhareho abhande gati waanyu abhatobhu, bhatakokora ryoryosi, nawe bhariisikirya momang`ana ga abhande. <sup>12</sup>Abhaato bhayo torabharaganya na kobharecha kobhonaja bhwo omokoro Yeesu Kiriisito kobha, bhahoche emeremo kobhohoreeru, korereke bhabhi ni ibhyakurya bhyabho abheene.<sup>13</sup>Nawe imwe abhahiiri bheeto, motaniha kokora amazomu. <sup>14</sup>Areebhe omooto atakwenda kugwata amaswajo geeto gano garimu monyarobha yeno, mwiyangarere bhokong`u. Motagwatana nawe, korereke asooke. ¹⁵Nawe motamorora nchu umubhisa, mobhe moramorecha ncho omokendichanyu.¹⁶Nango, umokoro wo omorembe umwene, abhahe omorembe ibhaga ryosi kozenzera zoosi. Ewe abhe hamwemwe na niimwe bhoosi. ¹⁷Ninye Paauro nerabhaandekera amakeereny`a gano kokobhoko kwane inyimwene. Ruyo nerwe orokaamo mozenyarubha zaane zoosi, na nembu nehaandeka. ¹⁸Ebhegonge bhyo omokoro weeto Yeesu Kiriisito, bhebhe hamwemwe na niimwe.

¹Paulo, omohocha wa Mungu wono atumirwe na Yesu kristo, igoro ya bhwisirirya bhwa bhaahurwa bha Mungu namang'eni ge ehene gano gatoherle amahene. ²Bhalehe bharalenda obhohoru bhwa siku zoosi bhono Mungu atakhogamba roreme, akhabholaga kwema ekale kabla ya ibhaga lyoosi lya libhaga. ³Kwalibhaga leno likwendelwa akalitora hamwero ling'ana lyaze khohetera ling'ana leno ahere inye kholeghamba nkenderwa khokhorabhu igoro wobhusaja bwa mungu omosabhiri weto.⁴Kwa Tito, omwana wobhuhene khubhwisirirya bhwetu na bhumwemwe bhoosi. Olubhango, na obhulendelu kulwa kwa Mungu bhabha na Yesu Kristo omsabhuli wetu' ⁵Khokhobha yiyo nikakutiga Krete, khokhobha ohoche amang'ana gano gakere khokhorwa na khoobheerya abhakaroka bhe kanisa kwa kila olubheli chabhulya nakhutumile.⁶Umwimiiririri wa risengero, areenderwa kubha umuutu wunu ataana isoro. Abhi nu umukari wumwi, abhaana bhaazi bhabhi abhiisirirya, bhatabha bhasiigu hamwi bhanu bhatakwigwa. ⁷Umwimiiririri wa risengerero, ni-mwangariri, areenderwa kubha umuutu wunu ataana isoro, ku khubha agwatiibhwiemeremo ja Mungu. Aatabha umuutu wi ikitwi, atabha mwangu wa kwigatana,atabha munywi, atabha mwumani na atabha misiigi wa mpirya.⁸Nawe abhimwerya wa koro, musiigi waamazumu, we wkerengo, wew eheene, umurindu, wu kwiyiimiiririra. ⁹Abhi aragwata bhwaheene ing`ana ya amaheene, chimbu iigiibhwi. hayo neho akutura kunaja abhaatu kumiiju ga amaheene, na kubherecha bhanu bhakwanga amiiju gayo.<sup>10</sup>Nirakubhuurirabhu ku khubha kireete bhareho abhaatu bhaaru bhatamakwigwa, bharagamba amang`ana gataana bhwera, nani-bhakangirirya, kinda bhanu bharuriiri munyangi ya abhayaahudi. Abhaatu bhayo bharikibhwi kwija, ¹¹na bhararimirwa abhaatu muumiji myaru. bhariija amang`ana ganu gatakwenderwa, korereke bhabhone zimpirya kubhwindi bhubhi.<sup>12</sup>Ikari kwari nu umuruutiiriri wumwi, mukireete wi iwaabhu, wunu aagambiri, "abhakireete, ni-bhabhiihi siku zuusi bhaangi ibhityinyi ibhibhi, bhanamba, bhatubhu." <sup>13</sup>Ubhuminyiikiriri bhuyo ni-maheene. Iguru wa riyo, ubhi urabharecha kwa bhuhaari abhaatu bhayo, korereke bhagwati amiiju ga amaheene.<sup>14</sup>Bhatigi kwitegeerera amaganu gi ikiyaahudi ganu gataana bhwera, na amaswaaju ga abhaatu bhanu bhatigiri amaheene.<sup>15</sup>Kubhaatu bhu umwuyu umwiru mubhutangi bhwa Mungu, ebhegero bhyusi bhyiribhwi.Nawe, kubhaatu abhabhuruuru na abhatiisirirya, ebhegero bhyusi ni-bhubhuruuru, ku khubha amiisiigi gaabhu ne ekoro yaabhu, bhyizwiri ubhubhuruuru. <sup>16</sup>Bharabhuga abheene kubha bhamwizi Mungu, nawe amahocha gaabhu gareekenya khubha bharamwanga. Bhayo nebho bhakubhihirirwa, abhaangi, bhatakwenderwa kwing`ana ryuryusi izumu.

¹Nangu Tiito awi, ubhi uriija abhaatu kuring`aana na amiiju gaamaheene. <sup>2</sup>Bhabhuuriri abhakaruka, bhareenderwa kubha bhe ekerengo,bhasuuku na bha teemwa nzumu. Naatu bhabhi bhaheene bhuubhwisirirya, kubhusiigi na kubhwigumirirya.<sup>3</sup>Muyomuyo ubhabhuuriri abhakikuru kubha, bhabhi ne eteemwa yinu ikumukumya Mungu. bhatabha bhagubhi bha abhaatu, bhatabha bhanywi, nawe bhareenderwa kwija ubhwikari ubhuzumu, <sup>4</sup>korereke bhabhi bhariija abhaacha kubhasiiga abhasubhi bhaabhu na abhaana bhabhu. <sup>5</sup>Naatu abhacha, bhabhi ne ekerengo, bhabhi bharonge, bhakore bhwaheene emeremo mumiji jabhu, bhabhi abhaatu abhazumu na bhuukusuuka abhasubhi bhaabhu. ubhabhuuriri bhakorebhu, korereke ing`ana ya Mungu itaregwa.⁶Na abhamura, ubhareche bhabhi bhe ekerengo. ⁷Na naawi, mumang`ana guusi ubhi ekerenjo chu ukwigwa kwabhu, ko kokora amazumu. Mumiiju gaazu, werekenye amaheene nu ubhunagu. <sup>8</sup>Wiiji amiiju ga maheene korereke amiiju gataririirirwa na abhatu. Nuuru umuutu areenda kugaanga, asuuki, ku khubha atakhubha ni ing`ana rya kutugamba kibhi.⁹Ubhabhuuriri bhambuusa, khubha bhasuuki abhakuru bhaabhu, bhabhazomere kwa guusi, bhatahakaana nabhu, ¹⁰Naatu bhatiibha, nawe bhabhi bhaheene, korereke amahocha gaabhu guusi gakore abhandi bharutwi na amiiju ga Mungu umusabhuri wiitu.¹¹ubhi uriija amang`ana gayo, ku khubha Mungu irikiinyi ibhigungi bhyazi ko koreeta ubhutuurya kubhaatu bhuusi. <sup>12</sup>urubhangu ruyo, ruratwija kwanga ubhubhi nu umwuyu gwa kuusi. Kwibhu hanu tukubha tukiiri kuusi yinu, tubhi bhe ekerengo, bhe eheene, na abhaatu bhanu bhakwikara ubhwikari bhu ukumukumya Mungu. <sup>13</sup>Twikaribhu, inu turiisega urusiku rurya uruzumu rwu ukugaruka kwa Yiisu Kiriisitu. urusiku ruyo ararorekana mubhakuru bhwazi. Ewe newe Mungu umukuru na ni-musabhuri wiitu.<sup>14</sup>Akiihurucha iguru wiitu, korereke atusabhuri kurwa mubhubhi bhwusi. Akeenda kutweerya, korereke tubhi abhaatu bhaazi, bhanu bhanu umucha kokora amazumu.<sup>15</sup>Mmbe nangu, ubhi uriija amang`ana gayo guusi. Uhiirwi ubhunaja bwuusi bhwu no okorecha abhaatu. Utaregwa na muutu wuwuusi wurya.

¹Ubhi urahiitya abhaatu kubha, bhasuuki na kwigwa abhakangati na bhu ubhunaja. bhiisiriryikokora amang`ana amazumu guusi. <sup>2</sup>ubhabhuuriribhatatuka muutu wuwuusi, bhatabha bhuumani, bhabhi bhanyuuhu na bhasuuku kubhaatu bhuusi.<sup>3</sup>Nuuru itwi itu bheene, ikari hanu twari tukiiri kumwisirirya Yiisu, twari bhageege, bhaangi na tukakangiribhwa. Twari abhatumwa bhi inamba yo okokora amabhi na zeteemwa zuzuusi za kuusi. Ubhwikari bhwitu bhwari bhwu ubhubhi na rihari. Abhaatu bbhakatwigatanira itwusi tukabhabhiihirirwa.<sup>4</sup>Nawe Mungu, Umusabhuri wiitu,akatweerecha ubhuzumu nu ubhusiigi bhwazi, akatusabhura. <sup>5</sup>Atatusabhwiri ku khubha ya amahocha giitu amazumu, nawe ku khubha yi ibhigungi bhyazi. Atwiriryi ubhubhi bhwitu, kukwibhurya bhuhya nu ukhubha nu ubhwikari ubhuhya kunzira ye Ekoro indindu.<sup>6</sup>Mungu akatwitirira ekoro yaazi kwa bhwaru, kuhitira Yiisu Kiirisitu, Umusabhuri wiitu. <sup>7</sup>Akakorabhu, na kutubharira khubha bhe eheene kunzira yi ibhigungi bhyazi, korereke tobhone kugabha ubhuhuru bhwa kemerano, chimbu ubhwisigi bhwitu bhuri<sup>8</sup>Amang`ana gayo, ni-ga amaheene. Nereenda awi ugakandikiji, korereke bhuusi bhanu bhamwisiriryi Mungu, bhagagwati na kwikong`eererya kokora amazumu. Amang`ana gayo ni-mazumu, na ganu ubhwera kubhaatu bhuusi.⁹Hamwimwi na gayo, utaani na zihaka ze ekegeege, zikiririi za amariina ga bhasuukuru, iryumana na zihaka iguru wi imigiru ja Musa. Gayo guusi gataana bhwera bhwubhwusi. ¹⁰Umuutu wunu akusiigirirya abhaatu, omoreche rwe embere na rwa kabhiri. Ariibhi atakwigwa, umwangi. ¹¹Uramenya kubha umuutu ncha wuyo atigiri amaheene, ahaakora ubhubhi, itiniiri umwene.¹²Niindiri niji kwikara murubhuri rwa Nikupuuri, ribhaga rye embeho. Nawe niramutuma aritima hamwi tikiku iwaazu. Ariihiki iwaazu, awi wanguhi kuuza nukupuuri turumani. ¹³ikong`eererya kusakirya zeena, umukaari wurya wi imigiru, na apooro. Ubhahi bhyusi bhyu ukubhasakirya munzira, bhatasuuhirwa kegero.<sup>14</sup>Abhiisirirya abhakindichitu bhuusi, bhiigi kwikong`eererya kokora amazumu, korereke bhasakiryi bhu ubhwindi bhwa amaheene. Bhareekorebhu, ubhwikari bhwabhu bhutakubha bhuuha.¹⁵Abhaatu bhuusi bhanu bhari hamwimwi na niinyi hanu, bharakokeerya. Nangu awuusi, ubhakeerye abhiisirirya abhasiigwa bhuusi. ibhigungi bhya Mungu bhibhi hamwimwi na nimwi.

¹Paulo, omubhohwa wa Kristo Yesu, no omuhili Timotheo kwa Filemoni omsegwa muhiliweto na omuhocha omukendichetu, ²na kwa Afia msubhati weto na kwa Arkipasi msirikari mkendikyetu, na likanisa lino likwibhilingila yika wazo. ³olubhango lubhe kuibhanimwe omulembe guno gukulwa kwa Mungu bhabha weto na kumsubhe Yesu Kristo.⁴libhaba lyosi ndamshukulu Mungu wane, ndakugamba mubhusabhi bhwane. ⁵kukubha ndigwa kuhusu imani ino unayo kumsubhe Yesu nobhusegi bhuno unabho kumsubbhe Yesu. nobhusegi bhuno unabhwe kubhatakatifu bhosi. ⁶ndasabha kubha obhumwemwe bhwe imani yanyu bhubhe no bhuzomu katula wakilaling'ana lizomu lino lilikwanitwe kwa Kristo. ⁷kukubha nibheli na bhuzomelelwana okuhonibhwa kokhubha obhosegi bhwazo, kukubha emioyo gya bhatakatifu bhosi gibheli gitahonibhwa nawe.⁸khokhobha, ninobhusubhe subhe bhwosi kukristo kukuhatika awe kukora kino okutura kokora, ⁹khokhobha yo bhusegi, badala yaze ndakusabha-inye, Paulo mkaluka nili nanango nimubhohwa kwaajili ya Krosto yesu.¹⁰ndakusabha kumwana wane Onesmo uno nimwibhwire mukibhohwa chane. ¹¹khokobha kubhutange atakuzomere, lakini nangweno atozomere bhosi awe na ninye. ¹²Inye nkutumile akughalukile awe, wono alimumoyo gwane kabisa-kukyola kwazo ¹³ndasega asege na ninye, anihokerye badala yazo,libhaga lino ndimwikibhohwa igoro ya ling'ana lya mungu.¹⁴Khokhobha talendenda kukola ing'ana lyolyosi bila olughusa lwazo. Nkakora embu khukhubha ling'ana lyolyosi liizomu litakorwa khukhubha nkakuhatika, Ila kukubha okasega umwene kulikola. ¹⁵hamwe khukhubha bhakakwahura kwanewe kwomda, ekabhabhu ili ubhe nawe hamwe siku zyosi. ¹⁶Ilikubha ataza kubha mbhohwa natu, kubha muzomu zaidi ya mubhohwa nchohuhili musegwa. Ewe ni msegwa kabisa kwa ninye, na kukukira bhukong'u kwanawe, khumuhili na khumusubhe.¹⁷nebhu khukhubha ongegele inye bhumwemwe bhwazo , msung'ane nchabhulya wangansung'anirye inye. ¹⁸Alebhe akosalirye ring'ana ryoryosi au oramudai kegero kyokyosi, kedai kiyo kurwa kuninye. ¹⁹Inye Paulo, ndandeka khokhobhoko kwa ninye omwene. Enye ndakoleha bila khukhubhulila khubha ndakudai awe omwene obhuholu hasa. ²⁰nango mohili, Tiga mbone obhwera kurwa kwanawe kulwa kumsubhe, onzomerye ekoro yane kulwa ku Kristo.²¹ndabhe ni imani ndakwigwa, ndakwandikila, kumenya kubha olakola kukila ghano nkukosabha. ²²Libhaga liyo liyo andaa echumba cha bhagini kwaajili yane, khukhubha ndisega kuhitila obhusabhi bwazo ndaghalukibhwa khubhanimwe.²³Epafra, omubhohwa omkindikyane kwa Kristo Yesu alakukelya, ²⁴Chebhulya akukora Marko, Aristsrko, Luka, abhahokya hamwe naninye. ²⁵Neema yo musubhe wetu ebhehamwe nekoro yazo.

¹Kheno toloze kwema khubhutange, Kheno twigwile, khenotaloze khomesogeto, kheno toloze na amabhoko geto gakigwatile igoro wa ling'ana ryobhohoru. ²kwike nobhohoru bhulya bhukakorwa bhukamenyekana habhelo, na tobholoze, tobhoshohudie na khobhatangazera obhohoru bhwa siku zoosi, bhono bhale kwa bhabha na bhukhakholwa khomenyekana kwanitwe.³kheno toloze na kheno twigwile totakitangaza kwa nimwe, ili motole kwibhilinga hamwe na nitwe, bhwomwe mwetohamwe na bhabha numwana waze Yesu Kristo. ⁴Na tolabhandekela amang'ana gano imwe ilikhobha obhozomelelwa bhweto bhotwise.⁵Leno neryo ling'ana lenotwigusile kurwa kwewe na khobhatangazera, ''Khobha mungu nubwelo na kwanewe khilimya khitaleho hata khisoho. ⁶Torabhoghe tolehamwemwe nawe eno tolagenda mokhelemya, tolakangelelya na totakhokhola bhwahene. ⁷Lakhini tulighenda khubhwero chabhulya ale ewe khobhoselo toragwatana etwe kwa nitwe, na amasahe ga Yesu Kristo, umwana waze galatwoja khurwa mobhobhe.⁸Totabhoga totana obhobhe, tolekangilirya abhe na amahene gatalim kwa nitwe. ⁹lakini tolamwisasame igoro yoobhobhe bhweto, ewe nimwaminifu na hakhi khutwabhela obhubhe bweto na khutota obhubhe bhwoosi. ¹⁰turabhuge khobha tokhere khokhola bhobhe, tiramkola ewe khobha mobhehi, na ling'ana lyaze litalimo mwanitwe.

¹Abhana bhane abhasegwa, ndabhandekera amang'ana ghano kwanimwe ilimotaza khokhola amabhe. Elabhe owomwe wanyu alakhola amabhe, tona omwisasamili wono alihanwe na bhabha, Yesu Kristo, wono anehakhi. ²ewe [nimpatanishi] khomabhi gheto agene, ila kwa esa yoosi ³kholeno tolamenya tolamomenya ewe, hano tolabheke zihamuri zaze.⁴Wono akhabhuga ,''amweze Mungu'', eno atokhugwata zehamuli zaze, nemobhohi, na amahene ghatareho kwanewe. ⁵[lakini] wonowosi akugwatwa ling'ana lyaze, ehene ya Mungu khomotoyo obhosegi Mungu anabhwe. kwaleno tomanyire khobha tolikwanewe. ⁶Wono akhubhuga alikala kwo Mungu alenderwa eweomwene wosi agende chebhurya Yesu Kristo akogenda.⁷Bhanyachendwa, ntakhobhandekera hamuri ihya ilaye khale yenomomalile khobha nayo kwema kubhutange. Ehamuli yeekale niling'ana linomwigwile. ⁸Hatabhu ndabhandekera imwe ehamuli ihya, yenoenamahene igoro wa Kristo na kwanimwe, khokhobha ikhilimya khelaheta, Nobhelo bhwa amahene bhubhanzile.⁹Wono akhobhoga alikhobhwelo enoalabhihwa omohili waze alemokhilimya mpaka nangweno. ¹⁰wono akhosega omohili waze alikala kobhwelo na litaleho ing'ana lyolyosi leno likomwigatania. ¹¹khokhobha wono akwigatanila omohili waze alemokilimya na alagenda mukhilimya; Ewe ateze enoakhuja, khokhobha ikilimya khimuhukwile ameso gaze.¹²Ndabhandekela imwe, abhana abhasegwa, khokhobha momalile kwabhilwa amabhe ganyu igoro wilina lyaze. ¹³ndabhandekela imwe, bha bhabha, khokhobha momweze ewe kwema khubhutange. Ndabhandekere imwe, abhamula, khokhobha momwizile omobhe. Ndabhandikila imwe, bhana abhasuhu, khokhobha momweze bhabha. ¹⁴Nibhandikile imwe, bha bhabha, khokhobha imwe mumweze ewe kwema khobhotangi. Mbhandikile imwe abhamula khokhobha monaamanaga na ling'ana lya Mungu lilikala kwa nimwe, na momuhizile omobhe.¹⁵Mutasega ichalo nebhegero bheno bhilimochalo. Nawono akhosegha ichalo obhosegi igolo we bhabha bhatalimo kwewe. ¹⁶khokhobha kilakheno khilimochalo enamba yomobhele, enamba ye meso, nikhisubhesubhe chobhuholu bhitakolwa kwa bhabhe lakini bhilalwa muchalo. ¹⁷Ichalo na zenamba zaze zilahita ila wono alekhole na ghano Mungu akwenda wuyo alabhaho siku zoosi.¹⁸Abhana abhasuhu, nilibhaga lisilile. Chabhulya mwigwile khobha omwangi wa Kristo alaza, hata nangweno abhangibha Kristo bhizile, kwalibhaga leno tomenyile khobha nilibhagha lyamwiisho. ¹⁹Bhakhajayo kulwa kwa nitwe, khokhobha bhatale abheto, bhagabhele bhiweto bhatale bhalatulwekhu. Khokhobha hanobhatululekhu tokamenya khobha bhatale abheto.²⁰Nawe imwe mohakhirwe amaguta khurwa khomotakatifu, imwe bhoosi mweze ehene. ²¹ntabhandikile imwe khokhobha moteze amahene baali khono mweze amahene na khokhobha lotaleho khomahene.²²wewe omubhehi niwonoakhohakana khobha Yesu ni Kristo? omotoyo ni mwangi wa Kristo, hano akhumwanga bhabha numwana. ²³Atareho wono akwanga omwana akhabha na bhabha. wono akwisililya omwana anabhabha wosi.²⁴Kama igoro yanyu, kheno mwigwile kwema kubhatange tiga chendelele kobha kwa nimwe. chakeno mwigwile kulwa kobhatange kilikala kwa nimwe, tena mulikala kuumwana na kwa bhabha. ²⁵Nabhano nebhwe obholage bhono atohere itwe, obhohoru bhwa siku zoosi. ²⁶mbandikile gano imwe igoro wa bhano bhabhakhangatile khobhola.²⁷Nakwaajili yanyu amaguta gano mwasung'anile kulwa kwa newe galikala kwa nimwe na mtakwenderwa moto wowosi khubhija. Khokhobha amaguta gaze galabhija igoro wa mang'ana gosi na nimahene gatale khebhehi, hatakama gabhijile mwikale kwa newe. ²⁸na nango, abhana abhasegwa, mwikale kwewe, ili libhaga leno akazu, totole khobha bhasubhesubhena na totalola soni embele waze. ²⁹Alebhe mweze ewe nihaki kila womwe wanyu alakhole ehaki yibhwilwe nanuwe.

¹Morole nibhosegi bwanamnake bhono bhabha atohele, khobha ibhilikilwe bhana bha Mungu, na nimuyo tole. Khokhobha icharo ketakhotomenya khokhobha ketamomanyile ewe. ²Abhasegwa nango itwe nibhana bha Mungu, na tukhele khomenya chabhorya tolabhe. Tomanyile khobha Kristo alaze, tolatobhana nawe, khokhobha toramolola chabhulya ale. ³nakhila womwe wono anekhisubhesubhe kheno libhaga leno likuza lenolimwelekele, aliyoja ewe omweno chabhulya ewe ole mwero.⁴Khila omoto ona akwenderere khuhocha amabhe alasarya emigilo khokhobha obhobhi nikusarya imigiro. ⁵Mumenyile Kristo akaletwa ili amale obhubhi bhwosi. Nakwanewe atana bhobhi. ⁶atareho noro womwe alikala kwanewe eno alakola obhobhi.Atareho mooto norowomwe wonoakwikala mobhobhi akhobha amolozi au amomenyire ewe.⁷Abhana abhasegwa mtisirirya kokangiriribhwa na moto wowosi. Wono akokora amazomu ni muzomu, chabhulya Kristo wosi akokora amazomu. ⁸Wono akokora amabhe ni wanyambusa, khokhobha nyambusa alakora amabhe kwema khobhotange kwebhu omwana wa Mungu akaza ili asarye emilimo gyanyambusa.⁹Wowosi wono ibhwilwe na Mungo atakukora amabhe, khokhobha imbhusuro ya Mungu yikere kwanewe. atakhutora kwenderera khukhora amabhe khokhobhe yibhwilwe na Mungu. ¹⁰Kholeno abhana bha Mungu na abhana bha nyambusa bhamekene. wowosi wono atakhokhola amazomu atari wa Mungu, nolowono atakhutora kosega omohili waze.¹¹Khobha lino nilyo ling'ana lino mwigwile kwema khobhotange, khobha tulenderwa kusegana itwe kwa nitwe, ¹²Etabha nkya kaini wono wali wanyambusa akita omohili waze.Kwaki akamwita? khokhobha amang'ana gaze gali mabhe nagamohiri waze galemazomu.¹³Bhahili bhan, mutarugula, icharo kilabhigatanili. ¹⁴tomenyere khobha tomalile kolwa muluku na khosekhera mobhohoru, khokhobha toseghile abhahili.wowosi ono atana obhusegi alikala miluku. ¹⁵Moto wowosi wono akomwigatanira mohili waze ni mwiti.Namweze khobha obhohuru bhwasiku zyosi bhutakwikala kumwiti.¹⁶Kwarino twege obhusegi, khokhobha Kristo akahurucha obhuhoru bhwaze igoro yeto. Nanitwe tolonderwa kohorucha amaisha geto igoro wa bhahili. ¹⁷Lakini wowosi ono anabhegero, na aralora omuhili waze mohabhe, eno atakhomololela ebhigongi igoro waze, ango obhusegi bhwa Mungu bhulikalabhwe kwa newe? ¹⁸Bhana bhane abhasegwa, tutasega kwaminywa wala kwamang'ana agene ila kwakhokhora na mahene .¹⁹Kwalino tweze itwe tolekomahene, nimioyo jeto gelekomahene. ²⁰Olebha emioyo gyetu gilatuocha, Mungu nimokoro kokera emioyo gyeto, na ewe yeze amang'ana gose. ²¹Abhasegi, elebhe emioyo gyeto gitakotuocha, tonekisubhesubhe kwa Mungu ²²Chochosi kino tokosabha kwa Mungu tolabhona kulwa kwewe, khukhubha togwatile amang'ana na tolakhora amang'ana gano gakhozomra embere weze.²³Nabhono nibhwe obhuswaja bhwaze khobha torenderwa kwisirirya korina ryamwana waze Yusu Kristo nokhusegana itwe kwa nitwe-chebhurya atohere obhuswaja bhwaze. ²⁴Wono akwigwa obh

¹Abhasegwa mtisililya kila khovo, nawe mogeme kilaekhoro morole elebha zirure kwa mungu, khokhobha abhroti abhalubhe ekebhehi bhabhukile mucharo ²Kwalenomolamomenya ekhoro ya mungu-kilaekhoro yeno ikwisili ya khobha yesu kristo yizile momobhele arule kwa mungu, ³Khilaekoro yenoetakwisililya yesu etale ya mungu. Yeno nekhoro yu mwangi wa kristo, Yeno mukigwa khobha elaza, nanangoihikhile eleho mucharo.⁴Imwe nibha mungu, abhana, namomalile kuwahiza khokobha ewewono alikwanitwe ni mokoro kokera wonoalimu charo ⁵Ebho ni bhecharo, na gano bhakhogamba nigamucharo, neecharo khilabhigwa ⁶Itwe ni bha mungu. Wono yeze mungu alatwigwa itwe. wonoatale wa mungu atakhotola khutugwa. kwa leno tolamenya ekhoro ya mahene na yekebhehi.⁷Abhasegwa, tusegane itwe kwa nitwe, kwakhobha obhosegi bhulalusa kwa mungu,nakhila womwe wonoasegire yibwilwe na mungu na amomenyire Mungu. ⁸Moto wonotana obhosegi atamomenyire mungu, khokhobha mungu nibhosegi.⁹Kwa leno obhosegi bwa mungu bhotelwe habwero kwnitwe khobha mungu akamotama umwana waze owomwe khucharo khobha twikhale igono yaze Khobhosegi bhono, etale khobha tokamosega Mungu, ¹⁰lakiniewe akhatosega na akhamotoma umwana waze abhe ebhadala kwaajili ya amabhe geto.¹¹Omosegwa, alebhe mungu akatosega itwe, bhueebhu na nitwe twisege. ¹²Atareho moto hata womwe Elabhe tulisege itwa kwa nitwe, mungu alikala kwa noobhosegi bwaze bhole kwa nitwe, ¹³Kwaleno tomenyiere tulikara, nanewe alikara kwa nitwe khokhobha atohele ekhoro yaze. ¹⁴Natu,twiroze na tishuhudie khobha amutimire khobha omohonia wi charo.¹⁵Nango wonoakwisililya khubha yesu ni mwana wa mungu, mungu alikara kwa nawe na newealikara kwa mungu, ¹⁶Nango tomenyire na kwisililya obhosegi bhono anabhwe mungu igoro weto. Mungu nemsegi nanewe wono akwikara mobhosegi alikara kwa mungu na mungu alikara kwewe.¹⁷Khokhobha obhosegi bhono bhalikwanitwe tuze tibhe ni kisubhesubhje ulisiko rusahukumu, khokhobha chemburya ale nanitwe nimuyo tale khucha kheno. ¹⁸Bhutaleho bhowobha mobhosegi. Nawe obhasegi obhomu bhulale kera ubhobha hanze, khokhobha ubhwobha bholagendenia nihukumu nawe wono akwobhaha akele kwisha khobhosegi¹⁹Talasega khokhobha mungu akatosege embele ²⁰Arabhe womwe alabhuge nemosegire mungu"eno atakhonaja khusega umuhili waze nimobhehi. khokhobha wonoakhatama khosega umuhili waze wonoakhomolola, atakhotora kumsega mungu wonoatakhomolola. ²¹Nabhono nebhwe ubhuswaja kurwa kwewe; Wowosi wonosegire mungu alendelerwa asege umuhili waze.

¹Wono akwisililya kobha yesu ni kristo yibwelwena Mungu. Wono wosi alesege wono arure kwa bhabha alazega abhana bhaze. ²Kwa leno tomenyile khobha tobhasegile abhanabhe Mungu; torasege mungu na kwigwa obhoswagya bwaze ³Ebhu neho tokhosega mungu khobha tuligwa obhoswaja bwaze. Na obhoswaja bwazene bhonyohu⁴Khokhoba wonoyibwirwe na mungu ahizile echaro. khono nekwe ukhuhiza echaro, kubwisiriry bwetu. ⁵Ne wewi wono akhuhiza echolo? Ne wono akwisililya khoba yesu nemwana wa Mungu.⁶Wono newe akaza kwa amanzi na amasahe yesu kristo. Atizirebhu kwa amanzi khobha kwa amanzi na amasahe, ⁷Khokhobha bhaleho bhatato bhano bhako gamba; ⁸Ekhororo, amanza na amasahe Bhano abhatato bhalisililanhya.⁹Alebha tolasung'ana amangana ghaabhato amag'ana gha Mungu nemakholo kokela ga abhato. khokhobha amang'ana go mwana waze. ¹⁰Ewe wono akumwisililyaa omwana wa mungu ana amang'a gaze omwene. wono wosi atakwi sililya mungu amokholile khobha mabheli aletile igolo yu mwana waze.¹¹Na amang'ama negano khobha mungu akatoha obhohohu bwa siku zosi, no obhoholu bhono bolekomwana waze. ¹²Wono anaomwana ana obhoholu. Wono ataomwana wa mungu atana obhoholu.¹³Nebhandikile amangana gayo momenye monobholu bhawa siku zasi Imwe bhano mwikwi sililya kulina iyo omwana wa mungu. ¹⁴Na bhono nebwe uhusubhe subhe bhono tonabweembele waze; khobha tolasube kegelo chosi chembulya akwenda, alatwigwa. ¹⁵Khokhobha tomenyire khobha alatwigwa chochosi kheno tokhomosabha Tomenyire khabha tanacho khiyo kheno tamosabhire.¹⁶Alibha omolozi umuhiwaze alakhora amabhe ganogatakwita, alendetwa asabhe na mungu alamoha obhohoru ndagamba khobhalya bhobhe lwabho bhotakhugira akwie. Bhore obhobhe; bhono bhukugirya akwi; ntakubhuga khobha asabhe igoro wa obhobhe bhuyu. ¹⁷Amang'ana goosi gobhobhe, ni mabhe lakini bhoreho obhobhe bhono bhutakhugirya akwe.¹⁸Tomenyire khobha wonoyibhwilwe na mungu atakhokhora obhobhe khokhobha wonoyibhwile na mungu atamuli bha khese siku zosi, na bha mungu ese yoosi iliyase khobhohocha bha nyambusa, ¹⁹Tomenyire khobha itwe ni bha mungu ese yoosi iliyase khobhohocha bha nyambusa.²⁰Nawe tomenyire khobha umwana wa mungu atohere ubhuhika khobha tomomenyire ewe newe ehene, nakhobha tulikwewe wono anobhene na khumwana waze yesu kristo. Nimungu wa mahene noobhohoru bwa siku zoosi. ²¹Abhana abhasegi,mwiyangalele nemesambwa.

¹Khulwa khomokaluka khobha omokhali mteule na abhanabhaze, bhano mbasegile khomahene na ntale inye mwene ila torehobhahe bhano bhakhomenya amahene, ²khokhobha amahene gano galemonda yeto gano gakwikala hamwe nanitwe. ³Eneema, ebhegongi, amani bhelabha hamwemwe kulwa Mungu bhabha na kulwa kwa Yesu kristo, mwana wa bhabha khomahene na khobhosegi.⁴Nzomerwe bhokong'u khobha abhana abhande bhalaja khomahene, chabhulya tugwatilile ehamuri yeno kurwa kwa bhabha. ⁵Nanango ndankhosabha awe, omokhali etalebhu ndakwandekela ehamuri ihya bali yilya twaletonayo khurwa khubhutange khobha tolenderwa khosegana itwe abhene khobhene. ⁶Nabhono nebhwe obhosegani, bhono bhotakwenderwa khobha nabhwe, khuling'ana ne hamuri yeze. Yenoneyo ehamuri yilya mwigwile kwena khubhotange khobha molendelwa khujabhu kwa gayo.⁷Khokhobha abhabhehi wanyaragene moose na bhatakwisirirya khobha Yesu kristo akaza khomobhele. wono nawe omobhehi nomohakani wukwanga Yesu. ⁸Mwiyangalele imwe abhene khobha mutakobhorya amang'ana garya tomalile kohokelya emelemo, lakini motole kusung'ana esolobho yanyu.⁹Wonowosi akwendelela embele na atakhokhong'era kwibhwija bhwa Kristo, atana Mungu. wono akhokhong'era khubhwija anawe bhabha numwana. ¹⁰Alebhe omoto alaza kwanimwe na atakholeta obhwija bhono motamokhalibisha mozenyomba zenyu na motamokelya ¹¹Khokhobha wonoakomokerya alagwatana nawe komang'ana amabhe.¹²Nenago maru gokwandekela, na ntendile khogandeka kwa karatasi na bhwino. Lakini ndendakhuza kwa nimwe na kughambana meso kwa meso, khobha obhozomelerwa bhweto bhokolwe bhwahene. ¹³abhana bhamusubhati wanyu omoteule bhalabhakerya.

¹kolwa komkaluka kugya kugya Gayo msegi, uno nimsegile kumahene. ²msega ndakusabhila obhone kugano gose okumohya ubhone, na kubha na bhuhoru kyabhulya ekoro yazo kyego ekufanikiwa. ³nkigwa bhwahene sana hano nabhulilwa na bhaumini bhano bhizile eno na konibhulira kubha okagenda komahene. ⁴ntana kuzomelerwa kukulu kama kuno nkwigwa abhana bhane bhamukoro bharagenda kumahene.⁵olagya kubhuaminifu kumungu hano okubhasakirya abhahiri na abhagini ⁶bhahulukirye amang'ana gazo embere ye kanisa. kubha olakola bhwahene kubhasakirya kubhasafilisha korogendo lwabhu kunamna ino Mungu ⁷Kwaajili ya elina lya Yesu bhakagya bilakugega kegero kyokyose kulwa kubhatu bhamataifa. ⁸kwebhu, tulendelwa kubhakalibisha abhatu nchabhano, ili tubhi abhahocha bhemilimo tugwatane kukubha yokukumcha obhuhene bhwa Mungu.¹⁰⁹nikwandikele awe hamwe na abhabhilingani amang'ana amalebhe nawe Diotrafe, uno asegili kubha mkangati atakwigwana na ninye Yohana abhakendichane hayo ndaze ndagahita amatendo gaze gano akokora kyabhulya akogamba mang'ana amabhe kutusaira kinyume itwe. akere kwigwana namang'ana ghano, ewe umwe atakubhasung'ana abhabhilingi tena alabhaleche abhandi bhano bhakwenda kubhasungana abhabhilinga bhayo na kubhahebha bharwe mwibhilinga.¹¹omusege, gayo otega amang'ana amabhe, ila wege amang'ana amazomu ni wa Mungu na wono akokola mang'ana amabhe akere kumwisirirya Mungu. ¹²Demetrio abhato bhose bhamuluze namahene mahene, na nitwe amashahidi, amenyile kubha bhushuhuda bhweto ni bhwamahene.¹³ninago mang'ana maru ga kukwandikika lakini nitakwenda kukwandikila kukalam na bhwino. ¹⁴nawe ndalinda kukolola karibuni zisiku zya zya haguhe na tulagambana nawe meso kwa meso ¹⁵amani ibhe hamwe nanawe. abhasani bhano ninabho hano bhalakukerya. na ndabhakerya abhasani kila oumwe kwa lina lyaze.

¹yuda omobhohwa wa Yesu Kristo, numuhili waze Yakobo, kwabhano bhabhilikilwe, abhasegwa kwamungu wise, nabhano bhakabhikwa ighoro ya Yesu Kristo ²ehuruma nobhozomelelwa nobhosegi bwiyongera kwaninimwe.³bhanyachendwa, hanonalenkokola umucha kubhandekela imwe igoro wobhohoru wetu, nkehateka kubhandekela igoro yokubhalecha mutaza kusizanera Imani yenyu bhabhahere lomwebhu, kobhano bhisililye ⁴khokhobha abhato abhang'ania wisikilye kwakwibhisa kwanimwe-abhato bhano bhakamilwe igoro wihukumu bhano bhatabhilikilwe bhano bhakuchora zinguru za Mungu wetokobhabhobhe, na kumwanga omusubhe wetu Yesu kristo.⁵nango ndasega kubhahiitya imwe nangabha libhaga mkamenya bhwahene kobha omusubhe akabhahonia abhato kulwa mucharo cha Misri, komala akabhita bhano bhatisililye. ⁶bhamalaika bhano bhatalibhile ahagero habho bhwahene ila bhakatiga ubhwikali bwabho obhuzomu Mungu abhatere komenyororo gya zisiko zyoosi, mwikilima, igoro ya hukomu yulusiko orokolo.⁷chembulya Sodoma na Gomora nimije geno giyirugulile, geno gisikilye ejene mobhashelati na bhakatunilela zetamasha zeno zitale ezabho. wakalechibhwa kubha mifano chabhano bhakuteseka muhukumu yomorero gwazeseko zyoose. ⁸ne ngalyagalya kwazenzera zilyazilya abharoti bhebhiroto bhano bharachafora emibhele gyabho, na bhalanga zingulu, na bhalagamba oleleme igoro ya abhakoro.⁹khokhobha hata mikaeli malaika omokholo, libhagha alealasizana na ibilisi na kwamaana igoro womobhili gwa musa, atagemile kholeta hukumu ya loleme igoro waze, lakini badala yaze akabhuga ''umusubhe akoleche'' ¹⁰Khokhobha abhato bhano bhalaleta oroleme igoro ya chochose kino bhateze. nakeno bheze- chibhitenyi bheno bhetana hakili humenya kwasirika - gayo nego gabhasalilye. ¹¹hinga khokhobha bhagendile konzera ya Kaini ,nukhutunilile obhobhe bhwa Balaamu. bhakule kobhobhe bhwa Kora.¹²bhano nimatale kuzisikukuru zanyu zobhosegi, bhalazomelerwa bhatanasoni, abhalisha bhano bhakwilisha abhenebhu. nimasaro gano gatana mbula, gano gakogegwa nabhukama, nemete genogiharukile gitibhwile gikure mala kabhere, genogihirwe imiri. ¹³Nibhakama bhwa monyanza bhwalegesa bwahurucha zesoni zabho abhene, ne nzota zeno zekhotamatama zeno ubhwilabhuru bhwikilimya bhubhikilwe igoro wabho siku zoosi.¹⁴Enoko, wa muhungate kulwa kwa Adamu, akabhalaga ebho, akabhuga, ''lola umusubhe alaza nebhekwe ne bhekwebhya abhero bhaze ¹⁵neho akole ihukumu kwa kela omuto, na kubhaha obhobhe bhoosi bhano bhatisililye mungu igoro wa matemo gabho bhoosi gano bhamalile khohocha kwa zenzera zobhobhe, nakwamang'ana goosi gobhohali gabhano bhatisililye bhagagambile kwa newe. ¹⁶bhano nebho bhakunung'unika, nukwibherya bhano bhakutuna zetamaha zabho zobhobhe, bhizamu bhakong'u, bhano kubhwela bhwabho bhakangililye bharu.¹⁷lakini imwe, abhasegwa, muhiite amang'ana gano gagambilwe ekale na abhahocha bhumusubhe Yesu Kristo. ¹⁸bhakabhuga kwanimwe, libhaga rya mwisho bhalabhaho abhazabhuli bhano bhakutuna zetamaha zabho zeno zetana bhuzomu. ¹⁹Abhato bhano ni bhanyaragania, bhikalilwe na zitamaha zeese na bhatana koro.²⁰lakini imwe, abhasegwa, mwiyomboke kuimani yanyu enzero sana na musubhe kwa ekoro enzomo. ²¹mwibhekhe khobhosegi bhwa Mungu, na morende ebhegongibyu musubhe Yesu Kristo bheno bhakubhaha obhuhoru bhwa siku zoosi.²²mwereche ebhegongi kubhano bhatakwamini. ²³mohonie abhande kwakobhasakhira kulwa momorero. khobhande mwaleche ebhegongi kwubhwobha, mubhihilwe hata engebho yeno echahuilwe nomobhele.²⁴nango kwawono akonaja kubhalibha mtitema, nakugirya mwimelele embele yabhakoro waze, bila kwobhoha na khobha no obhozomelerwaobhokoro ²⁵kwewe mungu umwene omuhonia kuhitira Yesu Kristo umusubhe weto, ubhukumucha bhobhe kwewe, obhokoro, obhonaja na zinguru khabhula ya libhaga lyoosi, nanango na zisikho zoosi. Ebhebhu.