Lwisukha: Bible for Yohana.

Formatted for Translators

©2022 Wycliffe Associates
Released under a Creative Commons Attribution-ShareAlike 4.0 International License.
Bible Text: The English Unlocked Literal Bible (ULB)
©2017 Wycliffe Associates
Available at https://bibleineverylanguage.org/translations
The English Unlocked Literal Bible is based on the unfoldingWord® Literal Text, CC BY-SA 4.0. The original work of the unfoldingWord® Literal Text is available at https://unfoldingword.bible/ult/.
The ULB is licensed under the Creative Commons Attribution-ShareAlike 4.0 International License.
Notes: English ULB Translation Notes
©2017 Wycliffe Associates
Available at https://bibleineverylanguage.org/translations
The English ULB Translation Notes is based on the unfoldingWord translationNotes, under CC BY-SA 4.0. The original unfoldingWord work is available at https://unfoldingword.bible/utn.
The ULB Notes is licensed under the Creative Commons Attribution-ShareAlike 4.0 International License.
To view a copy of the CC BY-SA 4.0 license visit http://creativecommons.org/licenses/by-sa/4.0/
Below is a human-readable summary of (and not a substitute for) the license.
You are free to:
The licensor cannot revoke these freedoms as long as you follow the license terms.
Under the following conditions:
Notices:
You do not have to comply with the license for elements of the material in the public domain or where your use is permitted by an applicable exception or limitation.
No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.

Yohana.

11Muliranga likhuva lialiho, khandi likhuva liali na nyasaye, khandi likhuva liali nyasaye. 2Nindio khandi kali muliranga lia nyasaye. 3Shia shindu shiosi shialomwa naye, shindu shivulakhuho khali shilala shialombwa vuchila ye khulomba.4Khuvirila muye vulamu vwaliho, khandi vulamu vwali vulavu vwa vandu. 5Vulavu vwakhanga mushisundi, navutswa shisundi shishiali ni tsingulu tsiu khukura vulavu.6Nyasaye yaruma murumwa wewe walangwangwa yohana. 7Naye witsa khuli mushahidi, khuva mushahidi huvulavu khu vandu vosi khuvirila muye vatushi khusuvila. 8Ye mweneshiyali vulavu tawe, navutswa yitsa khuhana vushiahidi khu vulavu.9Yuvu vwali vulavu vwatoto vulavu vwashila shia mundu wosi witsanga mushivala.10Yali mushivala makhandi shivala shialombwa naye navutswa shivala shishiali shia mumanya tawe. 11Yitsa khulitsa lielie mwene navutswa vahndu veve mwene vambakhana khumwinjilitsa.12Navutswa valala khuvo vamwinjilitsa nivasuvila muye yavaha vunyali vu khuva vana va nyasaye. 13Shhvitsa khuva vana va nyasaye khuvirila mulivulwa liu mmbili tawe noho khuvirila mulivulwa khuli vana vu mundu musatsa tawe, navutswa nyasaye mwene naye wali tata wavo.14Likhuva lialombwa vuyiakha manilimenya mukhutsi yitsula tsimbavasi nende katotokhwalola vukhumi vwevwe, vukhumi vwa yali nanyoli khuli mwana mutelwa wavula khu tata. 15Yohana ya hana vushahidi khuye yilwatsa navola, uyu naye wanalomoloma makhuva khulondokhana khuye lwa navola, mundu ulitsa khwitsa inyuma wanje naye uli nu vunyali vunyishi khumbira shichila yaliho nishili khwivulwa.16Khulwa yako, khuvirila khu tsimbavasi tsietsie tsinyishi wakhukasitsa khutsi vosi khandi akhukasitsanga shia litukhu. 17Nyasaye yahana malako khuvirila khu musa navutswa tsimbavasi nende katoto kalolekha khuvirila mu yesu kristo. 18Mundu avulakhuho walola khu nyasaye navutswa mwana wewe mutelwa, uli khuli nyasaye khandi uli khuluveka lwa tata wamulomba khumanyikhana.19Yako nako katoto kayahana, lwa vimilili va vayahudi mu yerusalemi varuma vasalisi valala nende vandu vulwivulu lwa levi khu mumureva, "uli vina?". 20Yohana shiyambakhana khu vachipa tawe navutswa yalomoloma havulavu navola shindi masiha tawe. 21Vamureva unyala khuva uli vina? unyala khuva uli Eliya? yachipa shindi Eliya tawe vareva khandi unyala khuva uli muprofeti? yachipa shindi muprofeti tawe.22Nalwo lwa vamureva, " khuvolele uli vina? khuhe shia khutsia khuchipa vandu vakhuruma ni shina shiunyala khuvolakhu yivi mwene. 23Yachipa narumishila makhuva ku muprofeti isaya yali niyavola ninzi mwoyo ku mundu ulanjililanga mushiangalangwi lunjishitsi injila yu mwami.24Varumwa va vafarisayo, navo varumwa. 25Vareva, niva shiuli masiha inoho Eliya, inoho muprofeti, shichila shina ubatisanga vandu?26Yohana yachipa"mbatisanga na matsi navutswa mundu mulala usinjili mu munyi wa mwakorwa. 27Naye witsanga inyuma wanje, khandi mbulakhu vunyali vu khuvoholola vilaro vievie". 28Yaka kosi kikholekhanga mu litaala lia Betsania ihale khurula mu muchela kwa yorodani wa Yohana yavatisanga vandu.29Litukhu lialondakhu Yohana yalola Yesu niyitsanga yhimbi ha yali nali, navola" loli shimeme shi likondi shia nyasaye shirulitsaho vwoni vwa vandu vosi mushivala, 30Uyu naye wanalomoloma makhuva khulondokhana khuye, lwa navola mundu witsanga inyuma wanje , ali nitsingulu tsinyishi khumbira shichila yaliho nishili khwivulwa. 31Inzi mwene nali namukorwa, navutswa yitsa nambatisa na matsi khu amanyikhane khu vaisraeli'32Yohana yahana vushahidi yuvu navola, nalola Roho niyikhanga khurula mwikulu khuli shituti nayela khuye. 33Inzi mwene nali namukorwa, navutswa nyasaye wanduma mbatisi na matsi, yambolela' mundu wa nulole Roho nayelanga khuye khandi, nishiva khuye naye ubatisanga na Roho mutakatifu' 34Mali khuvola khandi mbananga vushahidi ndi uyu naye mwana wa nyasaye."35Litukhu lialondakhu Yohana yali nasinjili hawenaho na vechi vavili khu vechi veve. 36Lwa yalola Yesu nachendanga, yavola loli shimeme shi likondi lia nyasaye.37Lwa vechi venavo vahulila navolanga ario valonda Yesu. 38Yesu yishevukha navalola nivamulondanga , navareva" ni shina shia mukhavanga? vamuchipa Rabbi[kavolanga mwechitsi] ni hena ha umenyanga? 39Yesu yavavolela hambi mulole ,vasimukha nivatsia khulola havundu ha yamenyanga, nivamenya naye khu litukhu lienelo hichila tsiali nitsili tsisa likhomi tsiukhulukolovo.40mulala khu vechi vavili yavo wali nahulili makhuva ka Yohana yali nalomolome yalonda Yesu naye nali Andereya amwavo Simoni Petro 41Andereya yasimukhu vwangu natsia khukhava amwavo wewe Simoni, namuvolela khunyoli masiha kavolanga kristo. 42Andereya yavukula Simoni namuhila khu Yeu, yesu namuhenza navola lira liolio ni Simoni mwana wa Yohane ,navutswa utsitsanga khulangwa Kefa kavolanga lichina.43Litukhu lialondakhu yesu yakanakana khutsia mu lusomo lwa Galilaya. yakana naa Filipu namuvolela nonda. 44Filipu yarulanga mu litala lia Betsesaida wa Andereya nende Petro vamenyanga. 45Filipu yanyola Nathanieli namuvolela khunyoli woyo wa Musa yahandika makhuva khulondokhana khuye mushitabu shia malako, khandi wa vaprofeti vahandika makhuva khulondokhana khuye, naye nali yesu mwana wa yosefu, khurula mulitala lia Nazareti.46Nathanieli yareva"toto shindu shilayi shinyala khurula mulitala lia Nazareti?"Filipu yamuvolela "hamba ulole' 47lwa yesu yalola Nathanieli niyitsanga himbi naye, yalomoloma khuye navola" uyu naye muisraeli watoto, vuveyi vuvulakhu muye. 48Nathanieli yamureva" wamanya munjila shina?yesu yamuvolela nakhulola yivi nende Filipu, nuli hasi wu musala kumukhuyu nishilin khukhulanga.49Nathanieli yamuvolela khandi mwechitsi uli mwana wa nyasaye uli mwami wa israeli. 50Yesu yamuchipa navola, unyal khuva usuvili lwa khuvolele khuloli nuli hasi wu musala ku mukhuyu. ulitsa khuvola vindu vikali khuvira vienevo. 51Yesu yavavolela, muvolelanga katoto mulitsa khulola likulu nilimali khwikha, khandi tsinjelosi tsia nyasaye ni tsitsitsanga ikulu khandi nitsikhanga hasi khumwana wu mundu.
21Litukhu lia khavaka, khwali ni shiselelo shiu khuhilane mulitala lia kana, lili mu lusomo lwa galilayo mama wa yesu yaliho. 2Yesu nende vechi veve khandi va valanjilwi vali mushiselelo shiu khuhilana shienesho.3Khandi lwa venya idivai, mama wa yesu yavolela yesu, '' idivai yavo ivwele''. 4Yesu yamuvolela, mukhali yivi, nivi unyala khumbolela kakhola? isaa yanje ishili khutukha. 5Mama wa yesu yavolela varumishi, kholi shia shindu shiosi, shia amuvolela mukhole.6Khwaliho nitsinyungu sita tsia matsi shia indala tsikalani makhomi kavili natsindi makhomi kavaka khulondokhana khu mulukha kwa vayahudi vakholanga ku khwinihitsa. 7Yesu yavavolela, yitsulitsi tsinyungu yitsi na matsi navo varamu matsi khutukha lwa kitsula mutsinyungu tsienetso. 8Khandi yavavolela, tehikhu matsi matimukahili khu mundu wusinjililanga mulukha kwenuku navo vamanya vakhola vario.9mundu walinasinjilili mulukha kwenoko yang'wakhu matsi kenako shiyamakhu ha kali nikaruli tawe.[navutswa varumishi vali nivatehi vamanya] nalwo lwa yalanga musatsa uselelanga mwiha. 10Namuvolela" mundu wosi aranga ahana idivai indayi.vacheni nivakhang'wa nivakhikura khu alera ikhali indayi tawe nikhali yivi umali khuvikha idivai indayi khutukha nunundi.11Yishi shiali shiloleshitso shiukhuranga shia yesu yakhola mu shiserelo kana mu lusomo lwa Galilaya wa yamanyinya vukhumi, vwevwe ma vechi veve nisuvila muye.12Inyuma wa yaka yesu, nende mama wewe, vamwavo veve, halala na vechi veve vasimukha nivatsia kaperenamu wa vamenya matukhu mati.13khandi mulukha kwa pasaka kwali nikuli himbi khutukha yesu yasimukha natsia yerusalemi. 14yanyola vakulitsi vi tsing'ombe, makondi, nende vituti, khandi vakalukhanyinyi vi tsisenti nivikhale mutsimesa tsiavo mulitempeli.15yalomba shivoko khurula khu mikoye nakhunga miruku chiosi khurula mulitempeli khali makondi nende tsing'ombe, ma natikalitsa tsimesa tsia vakalukhanyinyi vi tsisenti nasalanyinya tsisenti tsiavo. 16khu vakulitsi vi vituti yavavolela "rulitsi vindu yivi yaha. leshi khukhola inzu ya tata wanje khuva musokoni.17vechi veve vitsushitsa ka mahandiko matakatifu kavolanga vuyanzi vwanje shichila inzu yoyo vwakhanga mwinzi khuli mulilu. 18vimilili va vayahudi vamureva nishiloleshitsu shina shiaunyala khukhola khumanyinya uli nuvunyali vu khukhola vindu yivi? 19yesu yavachipa" pomoli litempeli yili ninzi nava niliumbanga khu matukhu kavaka.20khulwa yako vayahudi vamureva, litempeli yili liavukula mihika makhomi kane na sita kumbakha, nivi unyala khumbakha khu matukhu kavaka? 21Navutswa litempeli lia lomolomakhu kwali muvili kwekwe. 22Lwa yesu yisimukha khurula mulikhutsa, vechi veve vitsushitsa yali wavavolela ario. vasuvila mu mahandiko matakatifu nende makhuva ka yesu yali navoli.23Lwa yali nali yerusalemi khulitukhu liu mulukha kwa pasaka vandu vanyishi vasuvila muye lwa valola viloleshitso vinyishi via yali nakholi. 24Navutswa yesu shiyali niyavasuvila muvo tawe, shichila yali wamanya vandu venavo vosi. 25shiyenya mundu wosi khumuvolelakhu shindu khulondokhana khuvo tawe, shichila yali wamanya kali mu mioyo chiavo.
31khwaliho nu mundu mufarisayo walangwangwa Nkodemo mwimilili wa vayuda. 2yatsia khu yesu mu vutukhu namuvolela"Rabbi, khumanyi uli mwechitsi khurula khu nyasaye.mundu avulakhuho unyala khukhola viloleshitso via yivi ukholanga, nyasaye nakhavele naye tawe.'3Yesu yamuchipa "khuvolelanga katoto mundu nashili khwivulwa lwa khavili shianyala khwinjila mu vwami vwa nyasaye tawe. 4Nicodemo yamureva "'munndu yakhivulwa munjila shina niyahindila khale? katoto shianyala khwinjila munda mwa mama wewe nu khwivulwa lwa khavili tawe."5Yesu yamuchipa, "khuvolelanga katoto nashili khwivulwa khuvirila khu matsi nende Roho, shianyala khwinjila mu vwami vwa nyasaye tawe. 6Mundu yivulwangwa nu mundu, navutswa mundu wivulwi na Roho ni wa Roho.7Uvuli khunjenyela lwa mbolanga kenyekhanga wivulwi khandi lwakhavili. 8Imbutsa ihutsanga havundu ha yenyi, unyala khuhulila khuli ihutsanga, navutswa shiunyala khuvola wa irulanga noho ha itsitsanga tawe, nindio khandi kali kario khu mundu wivulwa na Roho.9Nicodemo yamuchipa khandi yamureva' kanyala khwikholekha kari?' 10Yesu yamuchipa,"mwechitsi mukali wa israeli, navutswa shiumanyi makhuva yaka tawe? 11khuvolelanga katoto khulomolomanga makhuva ka khwamanya, khandi khuhananga vushiahidi khulondokhana ka khwalola navutswa shiuvukulanga vushiahidi vweru tawe.12Niva muvolelanga makhuva khuvindu vikholekhanga khulilova khunu navutswa shimusuvilanga tawe munyala khusuvila muri niva nyala khumuvolela makhuva khu vindu viu mwikulu? 13Mundu avulakhuho watsiakhu mwikulu, nikhali mwana wu mundu warula mwikulu makhandi nakalukha mwikulu.14Khuli musa yachingula ikulu inzukha khu mu shiangalangwi, nindio khandi mwana wu mundu alitsa khuchingulwa. 15Mundu wosi umusuvila avuli khutiva, navutswa ave nende liva mwoyo.16shichila nyasaye yayanza vandu vu mu shivala nahana mwana wewe mutelwa, khu mundu asuvila muye alivila khutiva navutswa alinyola vulamu vwi liva mwoyo. 17Nyasaye, shiyaruma mwana wewe mushivala khwitsa khukhalachila shivela tawe, navutswa khuvahonyinya khuvirila khuye. 18Woyo usuvilanga muye, shianyala khukhalachilwa tawe, navutswa woyo wambakhananga khusuvila muye, wamala khukhalachilwa khale, shichila wayambakhana khusuvila mu mwana mutelwa wa nyasaye19Nindio likhalachilwa lilitsa khwikholekha shichila vulavu vwamala khwitsa mushivala, navutswa vandu vayanza shisundi khuvira vulavu, shichila vikholwa viavo nivitamanu. 20Navutswa mundu ukholanga vindu vitamanu wayambakhana vulavu, khandi shianyala khwitsa muvulavu shichila shiyenyi vikholwa vievie vimanyikhane tawe. 21Navutswa mundu ukholanga katoto alolekhanga muvulavu khu kamanyikhane havulavu vikholwa vievie viloleshe khuhana luyali khu nyasaye.22Matukhu mati nikakhavira, yesu nende vechi veve vasimukha nivatsia mulusomo lwa Yudeya ha vamenya navo khu matukhu mati makhandi nabatisa. 23Yohana yali nabatisanga vandu havundu halangwangwa Aenoni, himbi mulitala lia Salimu shichila khwaliho na matsi manyishi. vandu vatsitsanga khuye navabatisa. 24Yohana yali nashili khuvowa muchela.25Valala khu vechi va Yohana, varanga khuhangalitsana mulilomoloma na vayahudi khulondokhana khu mulukha ku khunihitswa. 26Khulwa yako, vechi venavo vasimukha nivatsia khu Yohana, nivamuvolela mwechitsi mundu wali nivi khuluchinga lwa yorodani wahana vushiahidi khulondokhana khuye khandi abatsanga vandu nunundi, khandi vandu vosi vatsitsanga khuye.27Yohana yavachipa khandi navavolela, mundu avulakhuho unyala khunyola shindu nakhahelelwi khurula mwikulu. 28Munyi vene muli vashiahidi vanje lwa navola shindi masiha tawe navutswa narumwa khwitsa imbeli wewe.29Musatsa uselelanga mwiha, naye mwene mwiha, navutswa mulina wu musatsa uselelanga mwiha asinjilaho ahulili ka vavolanga, khndi asangalanga lwa ahulilanga musatsa uselelanga mwiha nalomolomanga, nindio khandi inzi ndi nuvuyanzi vwatoto. 30Kenyekhanga ave ikulu ninzi njehe.31Woyo yarula mwikulu ali nuvunyali khu viosi na oyo warula khu lilova ni lilova khandi alomolomanga ku khwilova . navutswa yarula mwikulu ali nuvunyali khu voisi. 32Khandi kayalola nende kayahulila ahananga vushiahidi, makhandi avulakhuho mundu wosi ahuchililanga vushiahidi vwevwe tawe. 33Mundu ahuchililanga vushiahidi vwevwe amanyinyanga ni kilikali nyasaye ni watoto.34Mundu wa nyasaye mwene yaruma alomolomanga makhuva ka nyasaye.shichila nyasaye amuhetsanga mu vunyishi tsingulu tsia Roho. 35Tata wayanza mwana wewe, khandi wamuha vunyali khusinjilila shia shindu shiosi. 36Mundu usuvilanga mu mwana, ali nu vulamu vwi liva mwoyo. mundu wambakhananga khusuvila mu mwana, shialitsa khunyola vulamu tawe, navutswa nyasaye alatsilila khumulolela vurima.
41Nalwo lwa mwami yamanya yahulila likhuva vafarisayo vavolanga yesu anyolanga valondi vanyivanyishi khandi abatisanga vechi vanyishi khuvira yohana. 2Khali niva yesu mwene shiyabatisanga tawe vechi vonyene, navo vabatisanga. 3Yarula mulusomo lwa yudea nakalukha khandi mulusomo lwa Galilaya.4Khandi kenyekha mbaka avirili musamaria. 5Khulwa yako, yatukha mulitala lia samaria havundu halangwangwa sikari, himbi khu mulimi kwa yakobo yali ni yaha mwana wewe yosefu.6Shisima shia yakobo shiali shiayelwa mulit6ala lienelo lwa yesu yavwa tsingulu shichila luchendo, yikhala himbi ha shisima shienesho tsiali himbi tsisaa sita tsiu mbasu. 7Mukhali musamaria yiasi khuteha matsi, yesu namuvolela, "mbekhu matsi ku khungwa ''. 8Vechi veve vali vatsili mulitala khukula shiukhulia.9Mukhali musamaria mwenoyo yamuvolela uli muyahudi ninzi ndi mukhali musamaria. undevanga matsi ku khung'wa munjila shina? vayahudi shivahambananga na vasamaria mulikhola liavo tawe. 10Yesu yamuchipa namuvolela, uvanumanyikhu shihanwa shia nyasaye ahananga , mundu ukhurevanga matsi ku khung'wa, wakhamurevi naye yakhakhuhele matsi kahananga vulamu.11Mukhali mwenoyo yamuvolela" mwami uvula shindu shiukhutehelakhu, khandi shisima hishi shitsia hasi muno. nihena ha unyola matsi kahananga vulamu? 12uli nuvunyali khuvira kuka weru Yakobo wakhuha shisima yishi, shichila khali ye mwene yang'wetsamu halala na vana veve nende tsing'ombe tsietsie.13Yesu yamuchipa " shia mundu wosi ung'wakhu alatsilila khuva nu vuluhu. 14Navutswa mundu ung'wakhu matsi kanzitsa khumuha shianyala khutsilila khuva nuvuluhu tawe, matsi kanzitsa khumuha kalitsa khuva muye, khuli shirula hia mati kahananga vulamu vwi liva mwoyo.15mukhali mwenoyo yamuvolela, mwami mbekhu matsi kenako khu mbuli khutsilila khwitsa khuteha hanu. 16Yesu yamuvolela rula hanu tsia uvolele musatsa wowo mwitsi naye hanu.17mukhali mwenoyo yachipa Yesu mbula musatsa. yesu yamuvolela uvoli katoto uvula musatsa. 18shichila wali wahilwa na vasatsa varanu. khandi ni kilikali musatsa wa uli naye nunundi shiali musatsa wowo tawe. uvoli katoto.19mukhali mwenoyo yamuvolela"mwami mali khulola uli muprofeti. 20vakuka veru vasalilanga khu shikulu yishi, navutswa munyi vayahudi muvolanga Yerusalemi, naho havundu ha vandu venyekhanga vatsi khusala khu nyasaye.21Yesu yamuvolela, '' mukhali yivi suvila mwinzi, isaa ilitsa khutukha lwa vandu valitsa khuvula khusala khutata khu shikulu yishi noho mu yerusalemi noho khusikamira tata. 22Munyi musikamiranga wa mukhamanyi khwamanya wa khusikamiranga lihonyinywa nilia vayuda.23Navutswa isaa itukhanga khandi nayo iyi, vasikamira nyasaye mukilikali valasikamira tata muroho nende kilikali tata yenya vandu vario khumusika. 24Nyasaye ni roho, khandi vandu vasalanga khuye, khutukha vasale khuye khuvirila mu roho khandi munjila yatoto.25Mukhali mwenoyo yavola, manyi masiha ulangwangwa kristo alitsa khwitsa, alitsa khukhuvolela shia shindu shiosi. 26Yesu yamuvolela inzi ulomolomanga khuyivi, ninzi ye.27Isaa yeneyo, vechi va yesu vakalukha, navo vali nivilichenya lwa vamunyola nalomolomanga nu mundu mukhali navutswa avulakhuho khali mulala khuvo wamureva, shichila shina ulomolomanga naye28Mukhali mwenoyo yalekha inyungu ya matsi, nakalukha mulitala, navolela vandu viweneyo. 29Hambi mulole mundu umbolele shia shindu shiosi, shia nakholanga anyala khuva naye kristo? 30Navo varula mulitala lienelo, nivatsia khumulola.31Mutsisa tsienetso, vechi vamuhomba nivavola mwechitsi liakhu shiukhulia shitititi. 32Navutswa yavavolela, ndi nende shililwa shukhulia shia munyi mukhamanyi. 33Khulwa yako vechi veve varanga khurevana vene, kanyala khuva mundu umulerele shiukhulia?34Yesu yavavolela, shiukhulia shianje nu khukhola lienya lia woyo wanduma, khandi khuvweshitsa muhinzi kwekwe kwa yamba. 35Muli ni livola chirikale mieli chine khutukha khu lichesa navutswa muvolelanga mukenyekhu vulahi mu milimi, virakwa viakhomela khandi viayirechekha khucheswa. 36Muchesi achesanga ahelwanga murungu khandi avunjelitsanga virakwa viachesi shichila vulamu vwi liva mwoyo khu murachi nende muchesi nivikhonyele halala.37Livola yili ni liatoto, mundu mulala arakanga, na wundi achesanga. 38Mali khumuruma khutsia khuchesa mu mulimi kwa mwakharaka mu, vandi vakhola muhinzi mu mulimi kwenoko numunyi munyola vukhala mu muhinzi kwavo.39Vasamaria vanyishi khurula mulitala lienelo, vasuvila mu yesu, shichila mukhali musamaria mwenoyo yali uvavolele, ambolele shia shindu shiosi shia na khola. 40Lwa vasamaria vatsia khu yesu, vamuvolela amenye navo, ma yesu namenyayo khumatukhu kavili.41Khandi vandu vanyishi vasuvila shichila likhuva lia yesu yali navoli. 42Navo vavolela mukhali mwenoyo, shikali makhuva kukhuvolele, nako kachilanga nu khusuvila tawe, navutswa khutsi vene khumali khusuvila khu kaye mwene avoli khandi nikilikali khumanyi naye muhonyinyi wa vandu mushivala.43Matukhu kavili nikakhavira, yesu yarulayo, natsia mulusomo lwa galilaya. 44Yesu mwene yali uvoli, muprofeti shianyala khuhelwa luyali na vandu vu mushivala shieshie tawe. 45Lwa yesu yatukha mulusomo lwa galilaya, vagalilaya vamwinjilitsa vulayi, shichila vosi vali vamanyi shia shindu shiosi shia yali nakholi mu yerusalemi khu litukhu liu mulukha kwa pasaka khandi vo vatsia mulukha kwenoko.46Yesu yakalukha mulitala lia kana lili mulusomo lwa galilaya wayakalukhanyinya matsi khukwa idivai mulala khuvimili va vayahudi yali naliho, wu mwana wewe yali nalwalanga mulitala lia kaperenamu. 47Lwa mundu mwenoyo yahulila, yesu aruli mulusomo lwa galilaya, yasimukha natsia khuye, namuvolela atsi mulitala lia kaperamu khuhonyinya mwana wewe wali nali himbi khukhutsa.48Yesu yamuvolela, mundu avulakhuho khali mulala khumunyi, unyala khusuvila nakhaloli viloleshitsu nende vindu viu khuchenyinya. 49mundu mwenoyo yavolela yesu mwami, hamba khutsi nivi mwana wanje nashili khukhutsa. 50yesu yamuvolela, '' rula hanu utsi mwana wowo alahona .mundu mwenoyo yasuvila mumakhuva ka yesu yamuvolela nalwo lwa yarulaho.51Lwa yali nali khu makhanda vavumishi veve vamwakanila, nivamuvolela, mwana wowo uhoni. 52Khulwa yako, mundu mwenoyo yavareva isaa yu mwana wewe yali nahoni nivamuvolela, ''ahoni tsisa saba mukolovo.53Tata wu mwana mwenoyo yitsushitsa nakumbuka nayo isaa ya yali namuvolele, '' mwana wowo uhoni ye nende vandu vosi vi inzu yeye vasuvila. 54Yishi nashio shiali shiloleshitsu shia khavili shia yesu yakhola niyakharula mulusomo lwa yudeya khutsia mulusomo lwa galilaya.
51Kenako nikakhavira, yesu yatikulukha natsia yerusalemi wakhwali nende mulukha kwa vayahudi. 2Khwali nende litavalia lia matsi mu yerusalemi mwenomo himbi ni shilivwa shia makondi, liali liatilwa ni tsirilu tsiranu, lira lindi muluhebrania ni betsezatsa. 3Shituma shikali shia vandu vali nivalwala, vavekhu, valwma, nende vafwokoya vamenyanga mu tsirilu tsienetso, nivalindililanga matsi kalenjele. 4Shichila shia khase khosi, injelosi yu mwami yatsitsanga halitavalia lia matsi kenako khutuvulanyinya mulwale wu khuranga witumbulanga mumatsinikakhatuvukha, yahonanga khurula mu vulwale vwevwe vwosi.5khwali nu mundu halitavalia henaho wali niyaliyalwala vulwale khu mihika makhomi kavaka na munane. 6Lwa yesu yamulola nakoniho, yamanya ni mundu wali niyalwala khumihika minyishi yamureva, wenyanga uhone?7mundu wali niyalwala mwenoyo yamuvolela mwami mbulakhu mundu unyala khumbila mu litavalia lia matsi yili, lwa matsi kavetsanga nikakhatuvukha lwa njelitsanga khukwamu mundu wundi aranganga khitumbulamu ninzi nishili. 8Yesu yamuvolela, sinjila vukula shitali shioshio uchende.9Mundu wali niyalwala mwenoyo, yahona vwangu navukula shitali shieshie naranga khuchenda, makhuva kenako kikholekha khu litukhu li sabato.10Vayahudi vavolela mundu wali nahonyinywi, litukhu linu ni litukhu li sabato shikenyekhanga khuchinga shitali shioshio tawe. 11Mundu mwenoyo yavachipa, mundu umbonyinyi ambolele vukula shitali shioshio uchende.12Navo vamureva,"nu mundu shina wakhuvolela vukula shitali shioshio uchende'?" 13Navutswa woyo wali nahonyinywi shiyali namanyi mundu wali namuhonyinyi tawe shichila yesu yali aruli havundu henaho ni shituma shikali shia vandu valiho.14Nikakhavira matukhu mati, Yesu yanyola mundu mwenoyo mu litempeli, namuvolela lola uhoni nunundi lekhana nu vwoni, khu shindu shitamanu shivuli khukhukwila. 15Mundu mwenoyo yarulaho, natsia khuvolela vayahudi Yesu naye wali namuhonyinyi.16Vayahudi varanga khutambitsa Yesu shichila yakhola shikholwa shienesho khulitukhu li sabato. 17Yesu yavavolela, tata wanje wamenya shia khase khosi nahinzilanga khali khutukha nunundi khali inzi mbinzilanga khandi ndio. 18vayahudi vakhava khuli vanyala khumwira, shichila yameneka malako ki litukhu li sabato konyene tawe, navutsswa yali uvoli khandi nyasaye ni tata wewe, khwilekhanyinya mwene khu nyasaye.19Yesu yavavolela, muvolelanga killikali mwana avulakhu vunyali vukhukhola shindu shiosi khuvirila khu tsingulu tsietsie mwene navutswa a shindu shisi shia tata akholanga nashio shia mwana akholanga. 20Tata wayanza mwana khandi amumanyinyanga shia shindu shiosi shia ye mwene akholanga. alitsa khumumanyinya vindu vikali viene viu khukhola khuvira yivi, khu vosi muliva nilichenya.21Khulilwa tata yisimushitsanga vandu vakhutsa, avaha vulamu, nindio khandi mwana ahetsanga vandu vayanzitswangwa navo vulamu. 22Tata shiakhalachilanga mundu tawe, navutswa waha mwana wewe vunyali vwosi vukhukhalachila vandu. 23Vandu vosi vahe mwana luyali, munjila indala yeene khuli vahetsanga tata luyali mundu wambakhananga khuha mwana luyali shiahetsanga tata wamuruma luyali tawe.,24Muvolelanga kilikali mundu uhulilanga likhuva lianje, khandi suvila mu woyo wanduma, ali nu vulamu vwi mihika ni mihika mundu khuli mwenoyo shialitsa khukhalachilwa tawe, navutswa wanyola vulamu shichila wakura likhutsa.25Muvolelanga kilikali isaa ilitsa khutukha khali yatukha khale, lwa vandu vakhutsa khale valitsa khuhulila mwoyo ku mwana wa nyasaye yavo valitsa khukuhulila valitsa khutsililila khuva mwoyo.26Khuli lwa tata ali nu vulamu muye mwene khandi walomba mwana wewe huva nu vulamu muye mwene. 27Khandi waha mwana vunyali vu khukhalachila vandu, shichila khali naye nu mwana wu mundu.28Mukhachenyinywa na makhuva yaka tawe shiehila isaa ilitsa khutukha lwa vandu vakhutsa vosi, valitsa khurula muvilindwa viavo. 29Yavo vali nivakhola malayi, valitsa khwisimukha khurula mu likhutsa khandi vatsilili khuva mwoyo navutswa yavo vali nivakhola vindu vitamanu valitsa khwisimukha khurula mu likhutsa nu khukhalachilwa.30Mbulakhu shianyala khukhola mwene khuvirilakhu vunyali vwanje khalachilanga vandu khuli tata wanduma ambolelanga. 31Niva nyala khuhana vushiahidi khulondokhana khwinzi mwener, vushiahidi vwenovo shivunyala khuva vwatoto tawe. 32Navutswa khuli nu wundi umbanilanga vushiahidi ni limanya avolanga katoto khulondokhana khwinzi.33Yaruma likhuva khu yohana, nahana vushiadi khulondokhana khu katoto. 34Shimbuchililanga vushiadi vwa vandu tawe navutswa mbolanga makhuva yaka, khumuha nyinywi. 35Yohana yali khuli itaha yakhanga, nikholitsa vulavu, khandi mwikhoyela mu vulavu vwevwe.36Navutswa vushiahidi vwandi navwo khwinzzi mwene, nu vwitsingulu muno khuvira vwa yohana, shichila mihinzi milala chia kholanga chihnanga vushiahidi havulavu, tata naye wanduma. 37Tata wanduma, naye uhananga mwene vushiahidi khwinzi mushili khuhulilakhu mwoyo kwekwe noho khuli asesanga. 38Likhuva lielie shilili mu mioyo chienyu tawe shichila mwa yambakhana khusuvila mu woyo wa yaruma.39Musomanga mahandiko shichila mukanakananga lwa mukasomanga munyala khunyola vulamu vwi mihika ni mihika mahandiko matakatifu nako kahananga vushiahidi khwinzi. 40Khali ndio, mwa yambakhana khwitsa khwinzi, khu munyole vulamu.41Shikali ndi nende lienya lia vandu khunzitsominya tawe. 42Navutswa namanya shimwayanza nyasaye mu mioyo chienyu tawe.43Namala khwitsa khuvirila mu vunyali vwa tata wanje, nikhali mwambakhana khunzinjilitsa. Niva mundu wundi anyala khwitsa khuvirila mu vunyali vwevwe mwene, naye wa munyala khwinjilitsa. 44Munyala khuva musuvila munjila shina, niva munyala khwenya vandi vavitsominyi, na munyi shimuhetsanga litsominya khu woyo warula khu nyasaye wonyene tawe.?45Muvuli khuva ninganakani ninzi wamuyala khu tata, Musa naye ulitsa khumuyala shichila naye wamwavikhakhu lisuvila lienyu. 46Niva mwali mwasuvila Musa mwakhasuvili inzi shichila yahandika makhuva khulondokhana khwinzi. 47Niva mwayambakhana khusuvila mukayandika, munyala khusuvila munjila shina makhuva ka mbolanga?
61Matukhu mati nikakhavira yesu yambukha natsia khuluveka lundi lwinyanza ya Galilaya, yalangwa inyanza ya Tiberia. 2shituma shikali shia vandu vamulonda, shichila vali valoli vilolishitsu vievie, kuli yali nahonyinyi vandu valwala. 3yesu yatikulukha khu shikulu niyikhala hasi nende vechi veve.4Litukhu liu mulukha kwa pasaka ya vayahudi liali nilili himbi khutukha. 5Lwa Yesu yahenza nalola shituma shia vandu vanyishi nivitsanga havundu ha yali nali yareva Filipu, khunyala khukula hena mikati chia vandu yava vosi vanyala khulia.? 6khandi yavola likhuva lienelo khuluchelitsa Filipu, shichila mwene yali umanyi shindu shiatsanga khukhola.7Filipu yamuchipa,"tsidinari tsimia tsivili, shitsinyala khukula mikati chia vandu yava vasuchila tawe. 8Mulala khu vechi veve walangwangwa Andereya, nali amwavo Simoni Petro yavola 9mwana wishiyayi ali hanu ni mikati chiranu chialombwa khu ishahiri nende tsisutsi tsvili, navutswashichinyala khutukha vandu vanyishi tawe.10Yesu yavola , voleli vandu vikhale hasi, havundu henaho hali hamela vunyasi vunyishi . vandu vasatsa venavo vikhalaho vosi tsihelefu tsiranu. 11Yesu yavukula mukati, nasanditsa nyasaye khandi nakavila vandu vali nivikhaleho khandi yakhola malala mele khutsisutsi, ma vandu nivakavulilwa mu vunyishi khuli venyanga. 12lwa vali nivakhalia nivakhikura yavolela vechi veve, vunjelitsi matonye ki shiukhulia karikale, khu khuvuli khwononyinyakhu shindu shiosi."13Vavunjelitsa matonye ki mikati chiali nichirikale chialombwa khu ishayiri, nichitsula mihinda likhomi na chivili, vandu nivakhamala khulia. 14Lwa vandu valola shiloleshitsu shia yesu yali nakholi, vavola, nikilikali, uyu naye muprofeti wenyekhanga ave niyitsanga mushivala. 15Lwa yesu yamanya vandu venavo venyanga khwitsa khumuvukula nitsingulu khumwamihitsa yilukha natsia mu shikulu wanyala khuva wonyene.16Lwa khulukolovo khwatukha vechi va yesu vakholomokha nivitukha khu inyanza. 17Vinjila muliaro, nivambukha inyanza khukalukha mulitala lia kaperenamu vutukhu vwatukha, navutswa yesu yali nashili khukalukha khuvo. 18Matsi karanga khuhilikana lwa imbutsa inditoho yaranga khuhutsa.19Lwa vali nivakhakhisundakhu tsikilomita tsiranu khandi ishirini noho salasini, valolaa yesu nachendanga khu matsi, khandi nali himbi khutukha khuliaro vatechela. 20Navutswa yavavolela, ninzi, muvuli khuria. 21Khu lienya liavo va mwinjilitsa muliaro navutswa liaro liatukha vwangu khuluchinga havundu havali nivatsitsanga.22Litukhu lialondakhu, vandu vali nivarikalekhuluveka lundi lwi inyanza vamanya ni liaro lilala lionyene liali nilirikale khandi vamanya yesu shiyali nanini mu liaro halala na vechi veve tawe navutswa vechi veve vali nivaruliyo vonyene. 23Maro khandi kali nikaruli tiberila kitsa, nikasinjila himbi havundu ha shituma shiali vandu vali nivalilenje mukati ku mwami yesu yali nasanditsi24Lwa vandu valola, yesu nende vechi veve vavulaho, vinjila mu maro kenako nivatsia khukhava yesu mu litala lia kaperenamu. 25Lwa vanyola yesu nali khuluveka lwi inyanza,vamureva mwechitsi, isaa shina ya watukha hanu?26Yesu yavachipa, muvolelanga, mukhavanga inzi navutswa shikanyala khuva shichila mwalola viloleshitsu tawe, navutswa shichila mwalia mikati numwikura. 27Mukhakholi mihinzi khulu khunyolashiukhulia shionekhanga tawe, navutswa mukhole mihinzi, khulu khunyola shiukhulia shihananga vulamu vwi mihika ni mihika yishi nashio shiukhulia shiu mwana wu mundu amuha munyi, shichila nyasaye, uli tata wamala khukamilisha.28Nalwo lwa vandu venavo vareva yesu, shina shia khunyala khukhola, khu khutsililili khukhola mihinzi chia nyasaye. 29Yesu ya vachipa, muhinzi kwa nyasaye yenyanga mukhole, ni khusuvila mu woyo wa yaruma.30Navo vamureva, nishiloleshitsu shina shiunyala khukhola, khu khushilole khandi khusuvili muyivi ni muhinzi shina kukhola. 31Vakuka veru valia manna mu shiangalangwi, khuli mahandiko matakatifu kavolanga, yavaha mukati kwa valia khurula mwikulu.32Yesu yavavolela, muvolelanga kilikali shiali musa wamuha mukati khurula mwikulu tawe, navutswa tata wanje naye amuhetsanga mukati kwa toto khurula mwikulu. 33Mukati kwa nyasaye ni woyo warula mwikulu khandi ahananga vulamu khu vandu mu shivala. 34Navo vamuvolela, mwami umenye nu khuhetsanga shia khase khosi mukati kwenoko.35Yesu yavavolela ninzi mukati kuhananga vulamu , mundu witsa khwinzi shianyala khuhulila inzala tawe, khandi mundu wasuvila mwinzi shianyala khuhulila vuluhu tawe. 36Navutswa namuvolela mumali khulola inzi, nikhali shimunyala khusuvla tawe. 37Mundu wosi wa tata wanje yamba alitsa khwitsa khwinzi, khandi mundu ulitsa khwinzi, shinyala khumukhunga tawe.38Shinarula mwikulu khwitsa mushivala khukhola lienya lianje mwene tawe, navutswa lienya lia woyo wanduma khole. 39lienya lia nyasaye wanduma lili mbuli khukoritsakhu khali mulala khu yavo vosi vayamba, navutswa visimushitsi vosi khurula mu likhutsa khulitukhu liu khumalilikkha. 40Lienya lia woyo wanduma, livolanga woyo wosi ulolanga mwana khandi asuvila muye alitsa khunola vulamu vwi mihika lwa nilimwisimushitsa khurula mu likhutsa litukhu liukhumalilikha.41Nalwo lwa vayahudi varanga khung'ung'una shichila lwa navoli,"ninzi mukati kwarula mwikulu." 42khandi varevana vene, uyu shiali yesu mwana wa Yusufu, mundu wakhwamanya tata wewe nende mama wewe" khuvarevanga munjila shina vitsa khurula mwikulu?"43Yesu yavachipa leshi khung'u ng'una vene. 44mundu avulakhuho unyala khwitsa khwinzi tata wanduma nakhamuleri khwinzi, khandi ninzi ulitsa khumwisimushitsa khurula mulikhutsa litukhu liukhumalilikha. 45kahandikwa mu vaprofeti 'shia mulala alitsa khwechitswa na nyasaye, shia mundu wosi uhulilanga likhuva lia tata, khandi yeka khurula khuye naye witsanga khwinzi.46munu avulakhuho walola tata, nikhali woyo warula khu nyasaye naye wonyene walola tata. 47muvolelanga mundu usuvilanga naye uli nu vulamu vwi mihika ni mihika.48Ninzi mukati kuhananga vulamu. 49vakuka venyu valia maana mushiangalangwi khali ndio vakhutsa.50Navutswa yuku nakwo mukati kwarula mwikulu kwa mundu anyala khulia avuli khukhutsa. 51Ninzi mukati kuli mwoyo kwarula mwikulu , niva mundu alitsa khulia mukati yuku, alatsilila khuva mwoyo mihika ni mihika, mukati kwambananga shichila vulamu vwa va ndu mushivala ni mbili kwanje."52khulwa yako vayahudi varanga khuhangalitsana vene khu vene nivavola" mundu uyu yakhakhuha munjila shina mbili kwekwe khuli?" 53Yesu yavavolela , muvolelanga kilikali numukhalia mmbili ku mwana wu khandi mung'wi masayi keke, shimuli nu vulamu mu munyi tawe.54Woyo wosi uliakhu mmbili kwanje khandi ang'wi masayi kanje ali nu vulamu vwi mihika ni mihika, khandi nitsa khumwisimushitsa khurula mulikhutsa khulitukhu liukhumalilikha. 55Mmbili kwanje ni inyama yatoto khandi masayi kanje nikukhung'wa katoto. 56Woyo wosi uliakhu mmbili kwanje khandi ang'wi masayi kanje alatsilila khuva mwinzi ninzi mwene muye.57Khuli tata ali mwoyo wanduma khandi ndi mwoyo shichila tata khu mundu ulia khu inzi alatsililila khuva mwoyo shichila inzi. 58Yuku nakwo mukati kurula mwikulu, shikuli khuli mukati kwa vakuka venyu valia nivakhutsa tawe, navutswa mundu ulitsa khuliakhu mukati yuku alatsililila khuva mwoyo mihika ni mihika. 59Yesu yavola likhuva lienelo niyechitsanga mulisinagogi mu litala lia kaperenamu.60Vanyishi khu vechi va Yesu lwa vahulila navolanga ndio vavola," liechitso yili ni litinyu muno nivina unyala khulihuchilila. 61Navutswa Yesu yamanya mu mwoyo kwekwe vechi vilililanga khulondokhana khu likhuva lienelo yavareva, "kamboli kanyala khuva kamunyashitsanga mu mioyo.?62Nikave karina lwa mulola mwana wu mundu nakalukhanga mwikulu mwa yamenyanga? 63Roho naye uhananga vulamu, tsingulu tsiu mmbili tsivula vukhonyi vwosi. makhuva kamuvolele nako kachilanga numunyola Roho nende vulamu.64Navutswa vandu valal vali mu munyivakhasuvilanga tawe,Yesu yali wamanya khurula muliranga mundu ulitsa khuvula khusuvila khandi ulitsa khumutsama. 65Yesu yatsilillila khuvavolela yishi nashio shivune shichila nimuvolela mundu avulakhuho unyala khwitsa khwinzi niyakharumwa na tata.66khuranjila lwenolo, valala khu vechi va Yesu vakalukha inyuma nivambana khuchenda. 67Yesu yareva vechi vene, khali munyi mwenyanga khunzivala. 68Ssimon petro yamchipa, mwami nivina wa khutsiakhu? nivi uli na makhuva kahananga vulamu vwi mihika ni mihka. 69Lekha khusuvili khandi khwakhamanya nunundi nivi mutakatifu warula khu nyasaye.70Nalwo lwa Yesu yavareva, shinamurovola likhomi na vavili. navutswa mulala khu munyi wakwa ibilisi. 71Yesu yalomoloma makhuva khulondokhana khu Yuda isikarioti mwana wa Simoni. khali niva Yuda yali mulala khu vechi likhomi na vavili, naye wali natsitsanga khutsama Yesu.
71Lwa Yesu yamala khulomaloma khulomaloma makhuva keneyako, yaranga khuchenda mulitaala lia Galilaya, yambakhana khutsia khutsia mulitaala liya Yudea shichila Vayahudi vakhavanga khumwira. 2Matukhu keneyako, shikuku shiavayahudi shiali himbi.3Vamwavo veve vamuvolela vari," Rula hanu mautsi ivuyahudi, khu veechi vovo valole mihinzi chiukholanga. 4Shichila shialikhuho mundu ukholanga vindu mbwivisi, neye yenya khulolekha havulavu, niiva akholanga vindu yivi atushili khwimanyinya mushivala."5Khali vamwavo veve shivamusuvila tawe. 6Yesu yamenya navavolela ari, "isaa yanje ishilikhutukha tawe, nikhali isaa yenyu yayirechekha vuli inyanga. 7Shivala shishinyala khuvaambakhana tawe, nikhali shiambakhana inzi shichila mbana vushahiti khulondakhana khumihinzi chiavo mitamanu.8Munyi tsii mushikuku; nikhali inzi nzia tawe shichila isaa yanje ishili khutukha." 9Lwa yaali niyakhamala khuvavolela makhuva yaka, yatsilila khwikhala Galilaya.10Nikhali lwavamwavo veve vaali nivakhatsia mushikuku, nalwo lwa ye khandi yatsia mushikuku, nikhali shiyatsia munjila ya havulavu tawe, nikhali yatsia mbwivisi 11Vayahudi vamukhava muvandu vaali nivitsi mushikuku nivarevana vari , "ali halishina?"12Khwaali niling'ung'una linyishi khulondakhana khu Yesu. vandu valala vavola vari " Numundu muleyi." vaandi vavola," tawe, akata vaandu." 13Nikhali avulakhuho mundu walomaloma havulavu khulondakhana khuye tawe, shichila vaali varili vayaudi.14Lwashikuku shiali nishiakhatukha hakari, Yesu yiitsa niyinjila mulitembeli naranga khwechitsa. 15Nalwo lwavayahudi vaali nilichenya, nivarevana vari,"Mundu uyu yanyoola hena vucheli yuvu? neye shiyasomaklhu tawe.' 16Yesu yamenya navachipa navavolela ari," Mechitso kavechitsa yaka shikalikhu kanje mwene tawe, nikhali nika oyo yanduma.17Niiva mundu alakhola lienya lielie, alamanya mechitso yaka, niiva karulanga khu Nyasaye, inoho nikanje mwene. 18Mundu alomaloma khulondakhana khuye mwene avetsa nakhava vukhumi vwevwe mwene, navutswa oyo akholanga vindu vikhukhuminya oyo wamuruma, mundu khuli mwenoyo nuwakilikali, ni shalikhu muveyi tawe.19Koo, Musa shiyavaha malako? nikhali avulakhuho mundu khali mulala khumunyi yakumila malako keneyako tawe. Nikachila shina mikhava khunzira?" 20Shituma shia vaandu vene yavo shiamenya nishimuchipa shiri," Unilitimoni. nivina akhavanga khwira?"21Yesu yavachipa navavolela ari, "Nakhola shikholwa shilala, mamunyi voosi mwavaa nilichenya shichila shikholwa shienesho. 22Musa shishevo [shikali shishevo shienesho shiarula khu Musa tawe, nikhali shiarula khuvakuka ], ma litukhu lia sabato musheva vaandu.23Niiva mundu anyala khushevwa khulitukhu lisabato khu malako ka Musa kavuli khumenekwa, kachilashina mundolela vutamanu lwa nombi mundu khuva mulamu khulitukhu lisabato? 24Khulwa yako, mwakhakhalachi likhalaka liukhukhola nitsimoni tawe, nikhali mukhalache likhalaka lia toto."25Vandu valala khuvandu vaali Yerusalemi vavola vari," Koo, shiali uyu wavakhavanga vamwire? 26Loli, alomalomelanga vutswa havulavu, nivavolakhu shindu shioshi khuye ta. Kanyala khuva vimilili shivamenyikhu ndi uyu neye Christo tawe, nindio kali toto? 27Nikhali khutsi khwamenya wumunduyu arulanga. Nikhali lwa Christo yiitsa, avulakhuho mundu yiitsa khumenye walirulila ."28Nalwo lwa Yesu yalanjilila mwikulu naali mulitembeli,yavechitsa navoola ari, " munyi voosi mwamenya vuleyi sana nende wandulanga, shitsileri mwene tawe nikhali oyo yanduma nuwakilikali, numwamunyakhu tawe. 29Yinzi namumenya shichila narula khuye khandi neye yanduma."30Vachelitsa khuli vanyala khumukumila, nikhali avulakhuho mundu yamutilakhu tawe, shichila isaa yeye yaali nishili khutukha. 31Nikhali vaandu vanyishi vaali mushituma vamusuvila,nivavola vari," Lwa Kristo yiitsa, alakhola vikholwa khuvira viuyu akholi?" 32Mafarisayo vahulila vaandu nivamonyananga khulondakhana khuYesu, nalwo lwa mwimilili wavasalisi nende mafarisayo varuma varumishi khumukumila.33Nalwo lwa Yesu yavavolela ari," Shili namunyi khumatukhu mati vutswa mangalushili oyo yanduma. 34Mulakhavakhu nikhali munyoola tawe; Niwanzitsa, shumuli nuvunyali vukhwitseyo tawe."35Vayaudi varanga khurevana vari,"Mundu uyu natsi alishina wakhutsi khukhanyala khumunyola? inoho yenya khutsia muvandu vitsimbia tsindi khuvechitsa? 36Kachila shina avoli ari, " mulakhava nikhali munyola tawe; ni wanzitsanga, shumulikhu nuvunyali vukhwitsayo tawe."37Litukhu liukhumalilikha, liumulukha kushikuku, Yesu yasinjila nalanjilila mwikulu ari, "Mundu wosi ali nuvuluhu,yiitse khwinzi angw'i. 38Khuli maandiko matakatifu kavolanga, mundu wosi yasuvila mwinzi virula via matsi kilimenya vilarula muye."39Nikhali yavoola likhuva liene yelo khulondakhana khu Roho mutakatifu watsitsa khuhana khuyavo vatsitsa khumusuvila; shichila Yesu yaali nashili khuhelwa luyali.40Vaandu valala vumushituma, lwavahulila makhuva yaka, vavola vari," kakilikali uyu numuprofeti." 41Vaandi nivavola vari," Uyu ni Kristo." nikhali vaandi vamenya nivarevana vari," Kristo arula mukalilaya ni? 42Maandiko shikavola kari,"Kristo alarula mulwivulu lwa Daudi nalio nilili litaala lia Betselehemu, lia Daudi yarulamu?"43Khulwa yako, vwaukhani vwrulila hakari havo shichila yee. 44Valala khuvo khali vamukumila, nikhali avulakhuho mundu yamutilakhu tawe.45Nalwo lwa varumishi va vimilili vakalukha khuvavasalisi nende vafarisayo, vavareva vari, "kachila shina mukhamuleri?" 46Varumishi vamenya nivachipa vari," Avulakhuho mundu anyala khulomaloma ari tawe."47Nalwo lwamafarisayo wamureva vari, " khali munyi mukatilitswi ni? 48Nivina khuvamihi inoho mafarisayo vamusuvilanga? 49Nikhali vaandu vakhamenya malako yava, valamwa."50Nalwo lwa Nikotemo[ mulala khuvafarisayo, yiitsa khu Yesu vutukhu] yavareva ari, 51"Koo malako keru kakhalachila mundu numushili khuhulila lilomaloma lielie nilikhola lielie?" 52Nalwo lwavamuchipa nivamureva vari, "Khali ive urula kalilaya ni? khava alanyola uri mundu wosi akhuho arulanga mukalilaya tawe."53[Nalwo lwa shiamundu yatsia munzu mwemwe mwene.
81Yesu yatsia khushikulu shia misaituni. 2Lwavwashia nukushili mavwevwe yakalukha mulitembeli, a vandu vosi nivitsa; yikhala hasi naranga khuvechitsa. 3Vaandichi nende navafarisayo valera mukhali yaali nanyoleshe nakhula vuheyi. Nivamuvikha hakari wa vaandu4Vamenya nivamuvolela vari," mwechitsi, mukhali uyu anyolekhane nakhola vuheyi. 5Khulondakhana khumalako, Musa yakhuvolela ari mundu khuli mwene uyu aleswi machina; Ive uvolakhu urina khuye?" 6Valovola makhuva yaka khumuchelitsa khuvatushi khunyoola shivune shukhumuyaala, nikhali Yesu yinama hasi naranga khwandika hasi nishitere shieshie7Lwavatsilila khumureva marevo, yasinjila navavolela ari," Mundu vosi khumunyi ashili khukholakhu vwoni, ave ukhuranga khumulesa machina." 8khandi yamenya niyinama hasi, naranga khwandika hasi heneyaho nishitere shieshie.9Lwavahulila makhuva keneyako, varula shia mulalamulala, khuranjila khumukali. mulimalila Yesu yarikala wonyene, numukhali yaali narelelwi hakari. 10Yesu yasinjila namureva ari," Mukhali, vaandu vakhuyaalienjie vahena? Mundu vosi akhukhalachilikhu?" 11yamenya namuchipa ari, avulakhuho mundu vosi tawe, Mwami." Yesu yamenya namuvolela ari, " Khali yinzi shinzitsa khukhalachila tawe. tsia, na wakhatsililakhu khukhola vwoni tawe."12Khandi yesu yamenya navaolela ari, "ninzi vulavu vumushivala; mundu wosi anondanga shiatsitsa khuchenda mushisundi tawe, nikhali alava nuvulavu vuvulamu." 13Vafarisayo vamuvolela vari," ive mwene wihanila vushuhuda; vushuhuda vwovwo shuvulikhu vwakilikali tawe."14Yesu yavachipa navavolela ari," khali niiva nzihanila vushuhuda, vushuhuda vwanje nuvwakilikali. namenya wanarula nende wanzitsanga, nikhali munyi shumumenyikhu wanarula inoho wanzitsa tawe. 15Munyi mukhalachila mundu khulondakhana khutsinganakani tsiumbili; nikhali inzi khalachilakhu mundu wosi tawe. 16Khali niiva nakhalachila mundu, likhalaka lianje niliakilikali shichila shindi wonyene tawe, nikhali ndi nende Tata yanduma17Eeh, khali mumalako kenyu kaandikwa kari, vushuhuda vwa vandu vavili nuvwakilikali. 18Niinzi nzihetsa vushuhuda mwene khandi Tata yanduma ahana vushuhuda khwiinzi."19Vamenya nivamureva vari, Tata wowo a halishi?" Yesu yavachipa navavolela ari, "shumwenya inzi inoho Tata wanje tawe; muva numwamenya inzi, khali mwamenya Tata khandi." 20Yavola makhuva yaka naali mulitembeeli havundu havavikha livishilu, avulakhuho mundu yamukumila shichila isaa yeye yaali nishili khutukha.21Khandi yavavolela ari," ndulanga; mulakhaava ni mulakhutsila muvwoni vwenyu. shumunyala khwitsakhu wanzitsa tawe." 22Vayahudi varevana vari," aliira mwene? nako kachila avola ari,' wanzitsa shumunyala khwitsayo tawe?"23Nalwo lwa Yesu yavavolela ari," munyi muli va hasi; inzi ndi wikulu. muli vishivala; inzi shindikhu wishivala tawe. 24Nako kachila nivavolela ndi mulakhutsila muvwoni vwenyu. numukhasuvili ndi niinzi, mulakhutsila muvwoni vwenyu."25Vamenya nivamureva vari, "ive uli vina?" Yesu yavachipa navavolela ari, kanavavolela khurula muliranga. 26Ndinamakhuva manyishi kukhulomaloma nende kukhuvakhalachila. Nikhali, oyo yanduma nuwakilikali; nivindu vianahulila khuye, navio vinavolela shivala." 27Shivamenyakhu ndi yaali nalomalomanga khutata tawe.28Nalwo lwa Yesu yavavolela ari, lwamutsitsa khuchingula mwana wu mundu, nalwo lwamumenya ndi niinzi, khandi shinzikholelakhu shindu shiosi tawe. Nomanomanga makhuva yaka, khuli lwa Tata yanzechitsa. 29Oyo yanduma a veele niinzi, khandi shiyandekhakhu wonyene tawe, shichila khola vindu viosi vimuyanzitsanga." 30Lwa Yesu yaali nashilomalomanga makhuva yaka, vandu vanyishi vasuvila muye.31Yesu yavolela vayahudi vaali nivasuvili muye ndi, "Niiva mulatsilila khumenya mulikhuva lianje, nalwo lwamutsa khuva veechi vaanje vakilikali; 32khandi mulamenya vwakilikali, nuvwakilikali vweneyovo vulavalomba khuva valakhuli." 33Vamenya nivamuchipa vari, " Khutsi khuli lwivulu lwa Abrahamu nishukhwavaakhu varukwa vumundu wosi tawe; kachila shina ukhuvolela uri ," mulava vavoholole?"34Yesu yamenya navachipa ari," Kakilikali, kakilikali, vavolela ndi, mundu wosi akhola vwoni numurumwa wu vwoni 35Murumwa sharikalakhu munzu khase khosi tawe; mwana neye arikalamu khase khosi. 36Khulwa yako, niiva mwana niiva mwana yakhulomba khuva mulakhuuli, ulava mulakhuuli wakilikali.37Namenya ndi muli vulwivulu lwa Abrahamu; mukhava khunzira shichila likhuva lianje shililikhu nuvwiyangu mumunyi tawe. 38Inzi Mboola makhuva kanalola khu Tata waanje, numunyi mukhola kamwahulila khurula khutata wenyu39Vamuchipa nivamuvolela vari,' Tata weru ni Abrahamu," Yesu yavachipa ari, " muva numwaali vana va Abrahamu, khali mwakhola mihinzi chia Abrahamu. 40Nikhali, lweneyulu mukhava khunzira, yinzi mundu avavolele vwakilikali vwanahulila khurula khunyasaye. Abrahamu yakholakhu ari tawe. 41Munyi mukhola mihinzi chia Tata wenyu." navo vamenya nivamuchipa vari, "Khutsi shukhwivulwakhiu muvuheyi tawe; khuli na Tata mulala: neye naali Nyasaye."42Yesu yamenya navavolela ari," Nyasaye ava naali Tata wenyu, khali mwanyaanza, shichila inzi narula khu Tata ma naitsa hanu; shichila shiniitsa mwene tawe, nikhali neye yanduma. 43Kachila shina muvula khuhulila makhuva kaanje?nikachila shumunyala khumbulila tawe. 44Tata wenyu ni Ibilisi, khandi mwikomba khukhola vulalili vwevwe. Yaali mwiri khurula muliranga khandi shiasinjilakhu muvwakilikali tawe, kachila vwakilikali shuvulikhu muye tawe. Alomalomanga vuveyi khase khosi, alomalomanga khulondakhana nilivaa lielie mwene shichila numuveyi khandi ni Tata wuvuveyi.45Nako kachila nivavolela vwakilikali, shumusuvila tawe. 46Nivina khumunyi anyala khumanyinya ndi inzi ndi mwoni? Niiva mboola kakilikali, kachila shina muvula khusuvila? 47mundu wa Nyasaye wosi aulilanga makhuva kanyasaye; munyi amuvahulili tawe kachila shumulikhu va nyasaye tawe."48Vayahudi vamuchipa nivamureva vari," Shukhwavoolakhu ndi ive uli musamaria khandi unilitimoni?" 49Yesu yavachipa ari," Ndikhu nilitimoni tawe, nikhali naha Tata wanje luyali, numunyi shumumbetsakhu luyali tawe.50Inzi shinzikhavilakhu luyali mwene tawe; nikhali khunumundu mulala akhava khukhalachila. 51Kakilikali, kakilikali, vavolela ndi, niiva mundu wosi khumunyi alakumila likhuva lianje, shalilola likhutsa tawe."52Nalwo lwavayahudi vamuvolela vari," sasa khwakhamanya khuri unilitimoni. Abrahamu navaprofeti vakhutsa; nikhali ive uvola uri, " Niiva mundu wosi alakumila likhuva lianje,shialitsamakhu likhutsa tawe. 53Ive shulikhu mukali khuvira Tata weru Abrahamu yakhutsa tawe, shikali kario? Khali waprofeti vakhutsa khandi. Ive wilomba khuva vina?"54Yesu yamenya navachipa ari, Niiva niha luyali mwene, luyali lwanje nulwishikhaya; Tata wanje neye ambetsa luyali---wamunyi muvola ndi ninyasaye wenyu. 55Munyi shumwamumenyakhu tawe, nikhali inzi namumenya. Niivanyala khuvoola ndi,shinamumenya tawe, nyala khuva ndimuveyi, khuli munyi. Nikhali inzi namumenya, khandi khandi nakumila likhuva lielie. 56Tata wenyu Abrahamu yayanza lwayalola litukhu lianje; yasangaala lwayalilola."57Nalwo lwavayahudi wamuvolela vari, "Niiva ive ushili khutushitsa mihika amusini, uvoola urina ati walola Abrahamu?" 58Yesu yavachipa navavolela ari, " Kakilikali, kakilikali, vavolelanga, Naliho Abrahamu nashili khwiitsa." 59Nalwo lwavamenya nivavukula machina nivaranga khumulesa, nikhali Yesu yivisa ma narula mulitembeli.
91Lwa Yesu yaali naviranga, yalola mundu muvekhu, neye yivulwa khurula mulwivulu lwelwe. 2Veechi veve vamureva vari, "Mwechitsi, niviva yakhola vwooni, numundu noho nivivuli veve, kamulomba yivulwi naali muvekhu?"3Yesu yamuchipa namuvolela ari," shalikhu mundu uyuy inoho vivuli veve vakhola vwoni tawe, nikhali nishichila mihinzi chia Nyasaye chiloleshele mu ye. 4Nilazima khukhole mihinzi chiu oyo yanduma nukushili mmbasu kuri. Vutukhu vwitsanga vwa mundu wosi akhanya khuhinzila tawe. 5Inzi nishili mushivala, ndivulavu vushivala shiene yishi."6Lwa Yesu yaali niyakhamala khulomaloma ario, yasutsa mare hasi, nalomba matoyi namare keneyako, manamuvekha matoyi kene yako mutsimoni tsietsie. 7yamuvolela ari," tsia, usaave mushiliva shia Silohemu" [lira silohemu limaniisha liri "rumaa"].Nalwo lwa mundu wenoyo yasimukha manatsia khusava, manakalukha nalolanga.8Nalwo lwa varende nende vaandu vaali vamulolienjie matukhu kavira hanyuma yaho menya mundu musevisevi varevana vari," Uyu shiali mundu yikhalanga nasevaseva?" 9Valala vamenya niviyema vari, "neye." vaandi navo nivakeya vari, "aah,aah, nikhali alolekha manya neye." Nikhali yamenya navavolela ari," ni inzi."10Nalwo lwavamureva vari," Tsimoni tsiotsio tsikukha tsirina?" 11neye navachipa ari," Mundu wavalanganga Yesu yalomba matoyi narumishila mare keke, manambekha khutsimoni tsianje nambolela ari,' Tsia Silaomu ma usaave.' nalwo lwanamenya ninzia manisaava, nalwo lwanaranga khulola." 12Vamenya nivamureva vari, " Mundu mwene oyo alihena?" Yavachipa ari, " Manyi waali tawe,"13Vamenya nivahila mundu yaali muvekhu mwene oyo imbeli wamafarisayo. 14Liali litukhu lisabato lwa Yesu yalomba matoyi niyikula tsimoni tsiu mundu yaali muvekhu uyu. 15Khandi nalwo lwamafarisayo kamureva khuli anyooli lilola litsimoni tsietsie. nalwo lwayamenya navivaalila ari, "Yambekha matoyi khutsimoni tsianje, maniinzia khusaava, nalwo lwandola khutukha lwene yulu."16Vafarisayo valala vamuvolela vari, "Mundu uyu yarula khunyasaye tawe, shichila shialondakhu lilako lisabato tawe." Nivaandi vivarena vaari, "Mundu mwooni yakhakhola arina vilolishitso menya yivi?" Lwa yako manyenya nivava nende liaukhana. 17khaandi vamenya nivareva muvekhu mwene oyo ndi, Niive uvoola urina khuye khulondokhana lwa akhwikuuli tsimoni?" Muvekhu mwene oyo yamenya navachipa ari, "Mundu oyo numuprofeti." 18Khali khutukha haene yaho, vayahudi shivaalikhu nilisuvila muye tawe, eti yaali muvekhu mauranji khulola, khutukha lwavalanga vivuli veve.19Vamenya nivareva vivuli veve ndi, "Uyu neye mwikhula weenyu wamuvoola yivulwa naali muvekhu? Neye anyooli arina khulola?" 20Nalwo lwa vivuli veve vamenya nivavachipa vari, "Khutsi khwamenya khuri uyu numwaana weru khandi yivulwa naali muvekhu. 21Khuli anyooli khulola, shukhumenyi tawe, khandi shukhumanyikhu mundu yamwikula tsimoni tawe khali shumanyikhu khuli yamwikula tawe.Murevi, ye numdu muhindila. Anyala khulomaloma mweene."22Vivuli veve vavoola vario, shichila vaali varili vayahudi. Shichila vayahudi veneyavo vaali vahulishitsane khale ndi niiva mundu wosi khuvo aliyema ni Kristo yamuhonyinya, asiuvwi ilwanyi wilisinagogi. 23Khulondakhana khumureko kwene yuku, nako kachila vivuli veve nivavalela vari,"Ye numundu muhindila, murevi."24Lwakhavili, vamenya nivalanga mundu yaali navelenje muvekhu, nivamuvolela vari, " Hana yuyali khunyasaye. khutsi khwamenya khuri mundu nu mwooni." 25Nalwo lwa mudu yaali navelenje muvekhu oyo yavachipa navavolela ari, "Yinzi shimanyikhu niiva numwooni tawe. Shindu shilala shiamanyi nindiiko: naali muvekhu, ma lwene yulu ndolanga."26Vamanya nivamureva vari, " Akhukholele shina? yakhola arina khu tsimoni tsiotsio tsialola?" 27Neye yamanya navachipa ari, "Muvolele khale, nikhali shumumbulili tawe! kachila shina mwenya khukahulila khandi? munyi mwayambakhana khuva valala khu, veve, shinindio kali?" 28Vamanya nivamukondeshela nivamuvolela vari, "Ive uli mweechi wewe, nikhali khutsi khuli veechi va Musa. 29Khwamanya khuri Nyasaye yalomaloma khu Musa, Nikhali khutsi shuhkumanyikhu wu mundu uyu yarula tawe."28Vamanya nivamukondeshela nivamuvolela vari, "Ive uli mweechi wewe, nikhali khutsi khuli veechi va Musa. 29Khwamanya khuri Nyasaye yalomaloma khu Musa, Nikhali khutsi shuhkumanyikhu wu mundu uyu yarula tawe."30Musatsa mwenoyo yamenya nachipa navavolela ari, " Yishi nishindu shiukhuchenyinya, andi. shumumenyikhu wayarula tawe, yaafungula tsimoni tsianje. 31Khutsi khwamanya khuri Nyasaye aulishitsakhu vandu vooni tawe, nikhali niiva mundu wosi alasikamila Nyasaye nukhukhola vulili vwevwe, amanya amuulishitsa.32Khurula lilova niliranga, khushili khuhulilakhu khuri mundu yivulwa naali muvekhu yikulilwi tsimoni tsietsie tawe. 33Niiva mundu uyu shiyarula khunyasaye tawe, shiakhakholikhu shindu shiosi tawe." 34Vamuchipa nivamuvolela vari, "Ive wivuulwa muvoni, maukhwechitsanga?" Nalwo lwavamenya nivamusiuva ilwanyi.35Yesu yamanya nahulila ari, vamusiuvi ilwanyi wilisinagoki. Yamunyoola namureva ari, "Wasuvila mumwana wu mundu?" 36Yamenya namuchipa namureva ari, " Mwami mwana wu mundu neye vina, khusuvili muye?" 37Nalwo lwa Yesu yamuchipa namwivaalila ari, "Umuloli khale, neye alomalomanga niive uyu." 38Nalwo lumundu mwene oyo yiyima navoola ari, " Mwami, inzi mali khusuvila," manamusiksmila.39Yesu yamenya navoola ari,"Likhalaka nalio liachila ninzitsa mushivala, khu, yavo vavekhula vatushi khulola, ni yavo valolanga vatushi khuvekhula." 40Vafarisayo valala va yaali niyiitsi navo vahulila makhuva yaka nivamureva vari, " Khali khutsi khuli vavekhu?" 41Yesu yavachipa navavolela ari, " muva numwaali vavekhu, khali shumwaalikhu nuvwoni tawe, nikhali lweneyulu muvoola muri, ' khulolanga, nalwo lwa vwooni vwenyu vurikala khuvaho."'
101"Kakilikali,kakilikali, vavolelanga, oyo winjilanga mushitioli shiamakondi, vuchila khuvirila mumuliango, mundu mwene oyo nishihuvi khandi numunuuli. 2Nikhali oyo winjila khuvirila mumuliango numwayi wama kondi.3Mulindi wishilivwa amwikulilanga. ma makondi keneyako kahulila mwoyo kwekwe, ma neye alaanga makondi keke khumira ma akarulitsa ilwanyi. 4Lwa akarulitsa ilwanyi, akimililanga, ma nako kamulonda, shichila kamenya mwoyo kwekwe.5Shikanya khulondakhu mundu mucheni tawe nikhali kalamwilukha, shichila kamenyakhu mwoyo kumundu mucheni tawe." 6Yesu yavavolela makhuva yaka mutsinganu, nikhali shivamanyakhu shindu shiosi khulondakhana khumakhuva keneyako tawe.7Yesu yamenya navavolela ari, "Kakilikali, kakilikali, vavolelanga, ninzi shiliango shishitioli shiamakondi. 8Mundu woosi yiitsa imbeli waanje, nishihuvi khandi numunuuli, nikhali makondi kavaulishitsakhu tawe.9Niinzi shilivwa. niiva mundu woosi aliinjila khuvirila khwiinzi, alahonyinywa; aliinjila nukhurula khandi alanyoola shikhulia. 10Shihuvi shishitsakhu vutswa tawe,nikhali shiitsa khuhuva, nukhwira nukhwononyinya. Inzi niitsi khu vaandu vave nuvulamu khandi vave navwo muvunyishi.11Niinzi mwayi muleyi. Mwayi muleyi akhutsila makondi keke. 12Mundu arungwangwa khutsia khwayitsa makondi kakhalikhu keke tawe, lwalola shihulukhu nishitsa yilukha maliviri nukhulekha makondi, ma shihulukhu shimunuula makondi keneyako nukhukasalanyinya. 13Yilukha shishila arungwangwa khandi shialikhu nuvulindi vuleyi khumakondi tawe.14Niinzi mwayi muleyi. khandi namanya makondi kaanje mwene, khandi makondi kaanje ka manya. 15Tata yamanya niinzi namumenya,khandi inzi mbaana vulamu vwaanje shichila makondi kaanje. 16Ndinamakondi kaandi kakhalikhu kishitioli yishi tawe. Kenyekhanga kalere, nako kalahulila mwoyo kwaanje khukhuveho nishiayo shilala khandi mwaayi mulala.17Nako kachila Tata waanje yanyaanza: Mbaana vulamu vwaanje,khunilivuvukula khandi. 18Avulakhuho mundu yiitsa anuule tawe, nikhali niinzi mwene ndulitsanga. Ndinuvunyali vukhuvuvukula khandi. Nanyoola lilako lieneyelo khurula khu Tata waanje."19Liukhana liamenya nilinyolekhana muvayahudi khandi shichila makhuva keneyaka. 20Vayahudi valala mbunyishi vamenya nivavoola vari," mundu anilitimoni khandi numulalu. Kachila shina mumuulishitsanga?" 21Nivaandi nivavoola vari, " Makhuva yaka shikalikhu kumundu ali nilitimoni tawe. koo, mundu ali nilitimoni anyala khwikula tsimoni tsiumuvekhu ni?"22Khulwa yako, khwaali nishikuku muyerusalemi shiukhusalisa litembeeli, nako kaali matukhu kuvushindu, 23khandi yesu yaali nachenda mulitembeli lia Solomon. 24Nalwo lwavayahudi viitsa nivamuvikha hakari nivamureva vari," Nikachila shina ukhunyashitsanga? niiva niive Kristo, khuvolele havulavu."25Yesu yavachipa navavolela ari," Navavolela, nikhali mwasuvila tawe. Mihinzi chiakholanga mulira lia Tata waanje, nachio chihana vushaidi khwiinzi. 26NIkhali shumunyala khusuvila tawe shichila shumulikhu makondi kaanje tawe.27Makondi kaanje kahulila mwoyo kwaanje; nakamanya, nako kanondanga. 28Kahetsa vulamu vukhanyala khuvwaho tawe; shikalitsa khukhutsa tawe, khandi avulakhuho mundu alitsa khukarulitsa mumikhono chianje tawe.29Tata waanje, yaamba makondi keneyaka, numukhongo khuvira vaandi voosi, khandi avulakhuho mundu ali nuvunyali vukhukarulitsa mumikhono chia Tata waanje tawe. 30Inzi na Tata khuli shindu shilala." 31Nalwo lwavayahudi vatoola machina nivenya khumulesa nako.32Yesu yamenya navachipa ari, "Navamanyinya mihinzi minyishi miyalayi khurula khu Tata, numuhinzi shina khumihinzi chianavamanyinya yecho, chichilanga numundesa machina?" 33Vayahudi vamuchupa nivamuvilela vari, "Shukhukhulesa machina mihinzi mileyi chiawakhumenyinya tawe, nikhali khukhulesa shichila unyeka Nyasaye, ive uli vutswa mwana wumundu nikhali wilomba khuva Nyasaye."34Yesu yavachipa navavolela ari," shikahandikwa muvitabu vienyu vimalako ndi,'mboola ndi," Munyi muli vinyasaye?" 35Niiva yavalanga vinyasaye, yavo vilikhuva lia Nyasaye liitsila [ ni maandiko shikanyala khumenekwa tawe], 36Toto munyala khuvolela oyo wa Tata yatakasa namuruma mushivala ndi, "unyeka nanga; eti shichila mbooli ndi, " ndimwana wa Nyasye ?"37Niiva shikholanga mihinzi chia Tata wanje tawe, mwakhasuvili tawe. 38Nikhali, niiva khola mihinzi chiechie, khali numukhasuva tawe, suvili mumihinzi chieneyecho khumutushi khumanya muri Tata aveele mwiinzi, ni inzi ndimuye." 39khandi, vachelitsa khumukumila nikhali yilukha khurula mumikhono chiavo.40Yamenya natsia ihale khandi imbeli wa Yordani havundu ha Yohana yavatsilanga vaandu lukhuranga, namenya iweneyo. 41Vaandu vanyishi wamwitsila neye navavolela ari, " kakilikali, Yohana yakhola vilolishitso tawe, nikhali makhuva koosi ka yohana yalomaloma khulondakhana khumundu uyu, nikakilikali." 42Vaandu vanyishi vamusuvila.
111Khwaali numundu mulwale, khurula mulitaala lia Bethania alangwangwa Lazaro. Bethania weneyo naho wa Meli nende Malita vamenyanga. 2Meli mwenoyo neye yavekha Yesu makure nalila, milika chiechie nichichetulukha khuvilenje via Yesu napangusa niliswi lielie, neye naali mbotso Lazaro.3Vakhana yava vamenya nivarumana, mundu atsi alaanje Yesu, amuvolele ari, "Mwami. lola, muyanzwa wowo numulwale." 4Lwa yesu yahulila ario, yavatinyilitsa ari, "Vulwale yuvu shuvulikhu vukhwira tawe, nikhali nuvukhuhana luyali khunyasaye khu, mwana wa Nyasaye atushi khunyoola luyali muvwo."5Yesu yaali yayaanza mata numukhana wavo nende Lazaro. 6Lwa Yesu yahulila ari Lazaro numulwale, yatsilila khwikhala wayaali natsilenje matukhu kaandi kavili. 7Lwamatukhu kavili kavua, yavolela veechi veve ndi, " chendi khukalushi ivuyahudi."8Veechi veve vamureva vari, " Mwechitsi, matukhu kavira hanyuma yaho, vayahudi vachelitsa khukhulesa machina, khandi ukalukha iweneyo ni?" 9Yesu yavachipa navareva ari, "shukhuli nitsisaa kumi na mbili shia khwitukhu? niiva mundu alachenda mmbasu, shiatsitsa khwisikarila tawe, shichila alarumishila vulavu vushivala yishi khulola.10Nikhali mundu mwene oyo alachenda vutukhu, alisikarila shichila vulavu vwene yo shuvulikhu muye tawe," 11Lwayaali niyakhamala khulomaloma makhuva yaka, yamenya navavolela ari, " mulina weru Lazaro amali khukona, nikhali nzitsa khumuvushitsa."12Veechi veve vamuvolela vari," mwami, niiva akoni, alavukha mwene, khandi alavatsa vuleyi." 13Yesu yalomalomanga khulondakhana khulikhutsa lia Lazaro, nikhali veechi veve vakanakananga vari Yesu yalomalomanga khulondokhana khulikona liukhuhulukha. 14Nalwo lwa Yesu yamenya navavolela havulavu ndi, "Lazaro akhutsi.15Ndinuvuyaanzi; shichila munyi, ndi shimbeleho khumusuvili tawe. Hambi khutsi khumulole." 16Tomasi, wavalanganga didimasi, yavolela veechi veshie ndi, "Chendi khali khutsi, khutsii khukhutsi halala na Yesu."17Lwa Yesu yatukha, yanyoola Lazaro namali matukhu kanne mushilindwa. 18litaala lia Betsania liali himbi nende yerusalemi, nalwo nululi luchendo lutsikilomita tsivili. 19Vayahudi vanyishi vaali vitsi khutinyilitsa Malita nende meli khulondakhana khulikhutsa liumuyayi wavo. 20Lwa malita yahulila ari Yesu yitsanga, yatsia khumwakaanila, nikhali meli yarikala niyikhaale munzu.21Malita yamenya navolela Yesu ari, "Mwami, uva nuvelenje hanu, muyayi weru khali akhutsi tawe. 22Khali lweneyulu, manyi likali ndi, shindu shiosi shutsitsa khure khurula khunyasaye , alakhuha." 23Yesu yamenya namuchipa ari, " Amwiru wowo alisiimukha."24Malita yamanya namuvolela ari, " Manyi ndi yiitsa yisimukhi, mulitukhu liukhumalilikha lia vaandu khwisimushitswa." 25Yesu yamuchipa namuvulela ari,Niinzi lisiimukha nende vulamu, mundu woosi asuvilanga mwiinzi, khali niiva atsitsa khukhutsa, alanyoola vumenyo; 26ni mundu wosi ashili mwoyo nasuvili mwiinzi shialikhutsa tawe. Koo unilisuvila mumakhuva kamboola yaka ni?"27Malita yamenya niyiyama namuvolela ari," Eeh, Mwami, ndinilisuvila ndi uli Kristo, mwana wa Nyasaye, yiitsanga mushivala." 28Lwayaali niyakhamala khuvoola ario, yarula natsia khulanga mukhana wavo Meli havandu wakhalikhuho tawe. yamwnya namuvolela ari," Mwechitsi yiitsi neye akhulanganga." 29Lwa Meli yahulila ario, yasimukha vwangu natsia wa Yesu yaali naali.30Yesu yaali nashili khutukha mulitaala tawe, nikhali yaali nashili havundu wa Malita yaali namuleshi. 31Khulwa yako, vayahudi vaali neye munzu, nivavatinyishitsa mioyo, valola Meli niyilikhokanga maliviri, vamulonda, nivakanakananga vari atsitsa wavayevele mwana wavo alilileyo. 32Lwa Meli yatukha havundu wa Yesu yaali naali manamulola, yakwa hasi namuvolela ari, " Mwami,uva nuvelenje hanu, Amwiru waanje yakhakhutsi tawe."33Lwa Yesu yamulola halala ne vayahudi vayaali niiytsi navo nivikhulanga, Yahulila khuyia mumwoyo kwekwe, naava nilinyakhana; 34Yamanya navareva ari, " mumuyeveele hena?" nalwo lwavamuchipa vari," Mwami, hamba ulole." 35Yesu yikhuula.36Vayahudi vemenya nivavorana vari, " Lola khuli yaali niyayanza Lazaro!" 37Nikhali valala khuvo varevana vari, "Shiyaali mundu uyu, yiikula tsimoni tsiumundu yaali muvekhu, kachila shina avuli khwisimushitsa mundu akhutsi uyu?"38Yesu yatsilila khuyi a mumwoyo kwekwe, natsia khushilindwa. Vwina vwavaali nimurelimu shuvwaali nuvukhunishilwi namalova tawe, nikhali vwaali vukhunishilwi nilichina likali. 39Yasu yavavolela ari, " Rulitsikhu lichina yili." Malita mbotso Lazaro, yaali nakhutsi, yavolela Yesu ari, "Mwami, lweneyulu aranji khukunda shichila amali mushilindwa matukhu kanne." 40Yesu yamureva namuvolela ari, " Shiali yive wambolele nje ndi, nuvele nilisuvila khali uloli vukhumi vwa Nyasaye?"41Vamenya nivarutsa lichina khuvwina vwene yovo, Yesu yahenza mwikulu navoola ari, " Tata, khusanditsa shichila umbulishitsanga. 42Namenya ndi umbulishitsa khase, nikhali mboola ndio shichila vaandu vaandu niinzi yava, khuvatushi khusuvila ndi nive wanduma,"43Lwa yaali niyakhamala khuvoola ario, yaliila ikulu navoola ari, " Lazaro, hamba ilwanyi!" 44Mukhutsu mwene oyo yamenya niyiitsa ilwanyi; vilenje vievie nimikhono chiechie viali vivohelwi nitsingulu, khandi mumwoni mwemwe mwaali muvohelwi nitsinguvu. Yesu yamenya navavolela ari, " muvohololi amumulakhuli atsii45Vayahudi vanyishi vaali nivitsi khuchendelela Meli nivalola ka Yesu yaali nakholi vamenya nivamusuvila. 46Nikhali valala khuvo varula nivatsia khumafarisayo nivavavolela vindu via Yesu yaali nakholi.47Nalwo lwa lwavasalisi vakali nende vafarisayo valomba shikhalo nivarevana vari, " Nukhukhole khurina?" mundu atsilila khukhola vilolishitso vinyishi. 48Niiva khulamulakha wonyene tsa andi, vandu voosi valatsilila khumusuvila; khandi Varoma valiitsa mavavukuli havundu weru hanu nende shivala shieru shinu."49Mundu mulala khuvo, alangwangwa Kayafa, yaali naali musalisi mukali muhika kwene yoko, yamenya navavolela ari, "Munyi voosi, shikhuho shiamumanyi tawe. 50Shumukanakanakhu muri katushili mundu mulala akhutsili vandu, khuvira shivala shiosi khutivitswa."51Likhuva liyavoola yelo, liarulakhu khutsinganakani tsietsie mwene tawe. nikhali, lwayaali naali musalisi mukali mwihika kweneyoko, yahana vuprofeti vukhuvoola ndi, Yesu alakhutsila shivavala; 52Khandi shiatsitsa khukhutsila shivala shionyene tawe, nikhali, khu, vaana va Nyasaye vaali nivasalanyinywa vatushi khuvunjelitswa nukhuvaliomba vave shindu shilala. 53Khurula litukhu lieneyelo khuthia khumbeli, varanga khupanga khuli vanyala khwira Yesu.54Khurula haeneyaho, Yesu yalakha khuchenda havulavu havayahudi yanyala khumulola, nukhali yarula mushivala shieneyesho natsia mushivala shili himbi nende mushiangalangwi shili mulitaala lia Ifraimu. Yatsilila khuva iweneyo nende veechi veve. 55Litukhu li Ipasaka yavayahudi liali himbi khutukha, ma vaandu vanyishi varula mumataala kavo khutsia Yerusalemi litukhu liene yelo nilishikhutukha, khuvatushi khwirechekha mumioyo.56Khulwa yako, vamanya nivaranga khukhava Yesu. lwavavula khumunyoola, varanga khureva vari "mukanakana muri? lelo yiitsa mu shikuku tawe ni?" 57Vimilili vavasalisi vaali nende vafarisayo vahana lilako ndi, mundu woosi amanyukhu wa Yesu ali, avavolele khutushi khumukumila.
121Nikashili matukhu sita khutukha litukhu li ipasaka, Yesu yiitsa betsani, wayaali niyisimushitsenje Lazaro khurula mulikhutsa. 2Vamenya nivalomba shikhulia shia halukolova, Malita neye yaali mutendi, nikhali Lazaro yaali mulala khuvaandu valila shikhulia halala na Yesu khumesa. 3Nalwo lwa Mariya yavukula makure kukhwivekha kali nuvukuli vululu, navekha Yesu khuvilenje, manamupangusa niliswi lielie. Inzu yoosi yamenya niyitsula mwayu kwamakure keneyako.4Yuda Isikarioti, mulala khuveechi veve, wakaali nikavoleshe alamutsama, yareva ari, 5"Kachila shina makure kukhwivekha yaka kakhakulitswi tsishilinji tsimia tsivaka, amang'ondo keneyako kahelwi vamanani?" 6Shikali yavoola makhuva yaka, shichila yenya khukhonya vatakha tawe, nikhali nishichila yaali shihuvi, Neye yaali nishikapu shitsisendi makhandi yaali nuvunyali vukhuhuva shindu shiosi shialimu.7Yesu yamenya navavolela ari," Leshi avishi makure makure ka arikaale nako shichila litukhu liukhurelwa khwanje. 8Mulatsilila khumenya navamanani. Nikhali shumutsa khuva niinzi khase khosi tawe."9Lwashituma shiavayahudi vamenya wa Yesu yaali, vamenya niviitsaho, navo shivenya Yesu wonyene tawe, nikhali veenya khali Lazaro, wa Yesu yaali niyisishitsenje khurula mulikhutsa. 10Vasalisi vakali vamenya nivavolelana khuli vanyala khwira Lazaro; 11Shichila neye yalomba vayahudi vanyishi nivarula nivaranga khusuvila Yesu.12Litukhu lialondakhu vandu vanyishi viitsa mupasaka. Lwavahulila vari Yesu yitsa y mulitaala lia Yerusalemi, 13vamenya nivavukula tsisia tsiamashindu nivatsia khumwaakanila nivalanjilila mwikulu vari,"Hosana! Akasitswi oyo yitsanga mulira liu Mwami, mwami wavaisraeli."14Yesu yanyoola mwana wi Ipunda niyikhalakhu, khuli lwahandikwa, 15"wakharia tawe, mukhana musioni; lola, mwami wowo yitsanga, neye yikhaale khu mwana wi Ipunda."16Veechi veve shivamenyakhu muliranga kaali nikakholekhanga tawe; nikhali lwa Yesu yachingulwa, nalwo lwaviitsushitsa vari makhuva yaka kaali kahandikilwa ye khandi vaali vamukholele khale vindu viene yivi.17Shituma shiavandu vene yavo, vahana vuloli vari, vaali neye lwayalanga Lazaro khurula mushilindwa namwisimushitsa khurula mbakhutsu. 18Shiali shivune shilala shieneyishi, shialomba vaandu vaali nivivunjelitse khutsia khumwakaanila, shichila shikholwa shiyaali nakholienje. 19Vafarisayo vavolelana vene khuvene vari,"lola, shivulakhuho shindu shiosi shileyi shiakhunyala khukhola tawe; lola, shivala shiosi shimulondi."20Khandi khwaliho nende vakiriki vaali nivatsitsa khusaala hamulukha heneyaho. 21Vandu veneyavo vamenya nivatsia khu Filipo, yarulanga Betsesaida mulitaala lia Galilaya, nivamuvolela vari, mukhongo, khwenya khulolakhu Yesu." 22Filipo yatsia navolelakhu Andereya; manivarula voosi vavili khutsia khuvolela Yesu.23Yesu yamenya navachipa ari," Isaa yukhuhana vukhumi khu mwana wumundu imali khutukha. 24Kilikali, kilikali, vavolelanga, khutukha vukutsa vwiinganu vukwi hasi mumalova mavukhutsi, vularikalatsa vurio vwenyene; nikhali nuvukhutsi, vwamanga tsimuhu tsinyishi.25Mundu ya yaanza vulamu vwevwe alitsa khukoritsa; nikhali oyo yakhayanza vulamu vwevwe mushivala munu alitsa khuvuvikha shichila vwaami vwimihika. 26Niiva mundu vosi alenya khundumishila, leshi anonde; ni wanitsa mbe nindi, murumishi wanje yitsa khuvaho. niiva mundu wosi alitsa khukholela muhinzi,Tata alitsa khumuha luyali.27lweneyulu mwoyo kwanje kunyakhananga nimbole shina? "Tata, mbonyinya khurula lweneyulu: Nikhali niitsa shichila isaa iyi. 28Tata, hana lukhumi khulira liolio." Nalwo lwa mwyo kwarula mwikulu nukuvoola kuri,"Mali khulikhuminya khandi nzitsa khulikhuminya khandi." 29Nalwo lwa shituma shiali nishisinjiliho shiahulila nishivola shiri nilikulu lihilikane. vaandi nivavola vari, "Lilaika lilomelome khuye."30Yesu yavachipa navavolela ari," Mwoyo yuku shukulomelomenje kwiinzi tawe, nikhali kulomelomenje khunyi. 31Nunu nukhukhalachilwa khwishivala: nunundi kunu nalwo lumukali wishivala atsa khusuvwa ilwanyi.32Lwanzitsa khuchingulwa mushivala, nalera vaandu vosi khwiinzi." 33Yavoola ario khumenyinya likhutsa lia alikhutsa.34Shituma shiavandu shiamenya nishimuchipa shiri,"Khwahulila khurula khumalako ndi Christo alamenyaho muhika chiosi. Nikachila shina uvoola uri, 'Khutukha mwana wumundu achingulwi yikulu'? mwana wumundu neye vina?" 35Yesu yavachipa navola ari," Vulavu vushilekhutsa namunyi hati vutswa. Chendi numushilekhu nuvulavu vweneyuvu, khushisundi shivuli khuvarira tawe. Mundu achendela mushisundi amenyikhu watsitsa tawe. 36Numushili muri nuvulavu, suvili muvwo khumuve vaana vuvulavu."37Khali niiva Yesu yaali avakholele vilolishitsu vinyishi, shivaalikhu nilisuvila muye tawe 38Yaka koosi kakholekha khu, likhuva liumuprofeti Isaya litushi khurweshitswa, lwayavoola ari,"Mwami asuvili iripoti yeru,khandi neye wumukhona kumwamikuloleshele."39Khulwa yako, nivanyala khusula tawe, shichila khali Isaya yaali yavoola khale ndi, 40Yavavekhulitsa tsimoni tsiavo, yaloomba mioyo chiavo khuva mitinyu, kava nikakhali kario tawe khali vene vilolela nukhumanya nimioyo chiavo vene, mavashendushi, maneye avahonyinyi."41Isaya yalomaloma makhuva yaka shichila, yalola vukhumi vwa Yesu manalomaloma khuye. 42Nikhali vanyishi khuvimilili vavo vasuvila muyesu; nikhali shivavola havulavu tawe, shichila varia vari vafarisayo vanyala khuvakhunga khurula mumasinagogi kavo. 43Vayanzilila vukhumi vurula khuvandu khuvira vukhumi vurulanga khu Nyasaye.44Yesu yalila mwikulu navoola ari,' Oyo yasuvila mwiinzi, shiyasuvila mwiinzi wonyene tawe nikhali, khandi yasuvila mu oyo yanduma, 45khandi oyo undolanga, alolanga yaanduma.46Niitsi menya vulavu mushivala, khu oyo asuvilanga mwiinzi avuli khurikala mushisundi tawe. 47Niiva mundu wosi atsa khuhulila makhuva kanje ma avuli khukasuvila, shinzitsa khumukhalachilakhu tawe; shichila shinayitsa khukhalachila shivala tawe, nikhali niitsa khushihonyinya.48Oyo wanzambakhana makhandi shiavikhanga makhuva kanje tawe, nako kalimukhachila. Likhuva lianomenome yili litsa khumukhalachila litukhu liukhumalilikha. 49Shichila shinomanomanga makhuva kanje mwene tawe, nikhali ni Tata yanduma, shicila yamba malako,khulondakhana shianyala khuvoola nukhulomaloma. 50Namenya ndi, malako keke nako vulamu vwi mihika nimihika, khandi katata yambolela nako navavolelanga yaka.
131Lwalitukhu lipasaka liali nilishili khutukha, Yesu yamenya ari isaa yeye yaali itushi yukhurula mushivala nukhutsia wa Tata. lwayaali niyakhayaanza vaandu veve vaali mushivala, yavayaanza khutukha mulimalila. 2Lwavaali nivashilitsa shikhulia shia halukolova, shetani yinjila mumwoyo kwa Yuda Iskarioti naali mwana wa Simon, khutsama Yesu.3Yesu yaali yamenya ari Tata yaali yamuha shia shindu shiosi mumakhpno keke, khandi yarula khunyasaye ma khandi yaali nakalukha khunyasaye-- 4Lwayaali niyakhamala khulia shikhulia shialukolova, yasinkila navukula itaulu niyivoha mushisindi mwemwe. 5Yamanya natsukha matsi khulukalayi naranga khusavitsa veechi veve vilenje, navapangusa nitaulu ya yaali niyivoyi mushisindi mwemwe.6Ma niyiitsa khu Saimoni Peter, ma peter namureva ari, " Mwami, khali yinzi unyala khusavitsa vilenje vianje ni?" 7Yesu yamenya namuchipa ari, "kakholanga shunyala khukamanya nunu tawe, nikhali mwitsa mukamenye khale." 8Petro yamuvolela ari, "Ive shunyala khusavitsakhu vilenje vianje tawe." Yesu yamenya namuchipoa ari,"Niiva shinyala khukhusavitsa vilenje tawe,,shuli mulalakhwinzi tawe." 9Simon Petro yamuvolela ari," Mwami, wakhasavitsa vilenje vionyene tawe, nikhali ulasavitsa khali mikhono numurwi."10Yesu yamuvolela ari,"Oyo wasavitsi shiyenyekha khusava khandi tawe, nikhali numunihu havundu hosi; khandi numunihu, nikhali shivali voosi vaali vanihu tawe." 11(shichila Yesu yaali amenyi mundu yaali niyenya khumutsama; nalwo lwayavoola ari, " shumuli voosi vanihu tawe."12Lwayaali niyakhamala khuvasavitsa vilenje viavo, yavukula inguvu yeye maniyikhala hasi khandi, navareva ari," Mumenyi shikholwa shiavakholele nyishi ni? 13Munanga mwechitsi khandi Mwamihi, muvoola vuleyi, shichila nindio inzi ndi. 14Niiva inzi Mwami khandi mechitsi wenyu, vasavitse vilenje vienyu, khali munyi musavitsane vene khuvene. 15Shichila vakholele shimanyilu, khumutushi khukhola menya lwa yinzi vakholele.16Kakilikali, kakilikali, vavolelanga ndi,murumishi shialikhu mukhongo khuivira Mwami wewe tawe; inoho murumwa shialikhu mukhongo khuvira oyo wamuruma tawe. 17Niiva mulamanya makhuva yaka,mulala nuvukaasu niiva mulakakhola. 18Shinomanomanga khumunyi voosi tawe; Namenya vaandu vanachakula--- nikhali khumaandiko katushi khurweshitswa: 'Oyo wakhiulitsa neye mukati kwaanje yasinjila khwiinzi vutinyu muno.'19Vavolela makhuva yaka nikashili khukholekha khulwakava nikholenga, mutushi khusuvila ndi ninzi yee. 20Kakilikali, kakilikali, vavolela ndi, mundu ahuchililanga oyo wanaruma ambuchililanga. nu mundu ambuchililanga ahuchilila oyo yanduma."21Lwa Yesu yaali niyakhalomaloma makhuva yaka, yanyakhana mumwoyo kwekwe. Yahaana vushuhuda navoola ari," kakilikali, kakilikali, vavolela ndi, mulala khumunyi atsa khunzaama. 22Veechi vahenzana, mulala khuhundi,nivachenya vari niviina wavalomalomakhu uyu!23Mulala khuveechi veve, wa Yesu yaali niyayaanza, yaali nakoni hasi wi imeeza haluveka wa Yesu yaali; naali. 24Simoni Petro yalanga veechi va yesu navavolela ari, " murevi ndi nivina walomalomakhu ooyo." 25Yamenya nahekha luveeka lulala lwa Yesu namureva ari, " Mwami, nivina wenoyo?"26Yesu yamenya namuchipa ari,"nu oyo wanza khuvukula shipande shiumukati kwa nzini musupu nukhumuha." Lwayaali niyakhiina mukati musupu, yamenya nahaa Yuda mwana wa Simon Iscariot. 27Lwayaali niyakhamuha mukati kwene yoko, Shetani yamenya niyinjila muye, Nalwo lwa Yesu yamenya namuvolela ari, "Khola vwangu shindu shukhola yesho."28Avulakhuho mundu woosi yaali nakoni hasi himesa yamenya shivune shiachila namuvolela ario tawe. 29Valala vakanakana vari, kachila Yuda neye yaali muvishi vitsisendi, Yesu amuvolela, " akuli shia yeenya akuli vitsa khurumikha khulitukhu liumulukha," inoho yeenya ahanekhu shindu khuvamanani. 30Lwa Yuda yaali niyakhahelwa mukati, yamenya natsia khulwonyi isaa yeneyo. mavutukhu nuvutukha.31Lwa Yuda yaali niyakhatsia, Yesu yamenya navavolela ari," Mwana wumundu yeenya khuhelwa lukhumu lweneyulu, khandi Nyasaye ahelwa lukhumu muye. 32Niiva Nyasaye ahelwa lukhumu khuvirila muye, Khandi Nyasaye mulala mwenoyo, alaha mmwana wewe vukhumi muye mwene, ni alamuha lukhumi makhavi lulala. 33Vana vatiti munyi, nditsa namunyi masaa mati vutswa. mulakha, menya lwanavolela vayahudi, ndina, ' shumunyala khwitsa wanzitsa tawe.; khandi mbolela munyi ndio.34Vahetsa lilako liyia, likhuvoola ndi muyanzane veene khuveene, khuli lwayiinzi mwene vayaanzi, nindio vutswa khandi kenyekha muyaanzane. 35Numukhola murio, shia mundu woosi alamenya muli veechi vaanje, niiva mulayanzana veene khuveene."36Simoni alangwangwa petero yamenya namureva ari, "Mwami, utsitsa hena?" Yesu amuchipa ari, " wa yinzitsanga shumunyala khunoonda lweneyulu tawe, nikhali mulanoonda khale." 37Peter yatsilila khumureva ari," Mwami, kachila shina mbuli khuloonda lweneyulu? " Inzi nakhukhutsila." 38Yesu yamenya namuchipa ari, " Mayiive ukhutsili toto ni? Kakilikali, Kakilikali, khuvolelanga, Itaywa shitsitsa khulakulakhu nushili khunyambakhana makhavi kavaka tawe."
141"Mwakhavikhu nilihenda mwoyo tawe. Suvili mu Nyasaye: khandi musuvili mwiinzi. 2Munzu mwa tata wanje khulimu nuvwiyaangu vunyishi. 3kakhava nikakhaali kario tawe, khali vavolele, shichila nzitsa khuvalombela vwiyaangu, nakalukha khuvavukula muve niinzi, khumuvee wa inzi mba; niindi.4Munyi mwamenya injila yanondelamu ninzia." 5Tomasi yavoleloa Yesu ari," Mwami, khumenyikhu hutsitsa tawe; khunukhumenye khurina injila?" 6Yesu yamenya namuchipa ari, " Niinzi injila, nuvwakilikali, nuvulamu: mundu woosi shianyala khwitsakhu khu tata nakhavirili khwiinzi tawe. 7Muvaa numwamenya, khali mwemenya tata wanje. khurula lweneyulu khutsia khumbeli mumumenyi makhandi mumuloli,"8Filipo yamenya navolela Yesu ari, " Mwami, khumenyinyi wa Tata ali, makhuvee khunyalishi." 9Yesu yamenya namureva ari, "Filipo, Ushili khumanya khuvwiyaangu vwa mbeele namunyi yuvu vwosi ni? Mundu vosi andolikhu, aloli Tata. unyala khumbolela urina,'khumenyinyi wa Tata ali?'10Shumulikhu nilisuvila ndi inzi ndimu Tata ni Tata aveele mwiinzi ni? Makhuva kavavolela yaka, shinomanomanga khuvunyali vwaanje mwene tawe, nikhali Tata amenyanga mwiinzi akholanga muhinzi kwekwe. 11Suvili muri ndimu Tata ni Tata amwiinzi, inoho musuvili shichila vikhole vianakhola.12Kakilikali, kakilikali, vavolelanga, oyo wasuvila mwiinzi alakhola mihinzi chiakholanga, khandi alakhola mikali muno khuvira yichi, shichila nzitsa wa Tata. 13Shindu shiosi shimutsa khureva mulira lianje, navakholela khu Tata anyoole vukhumi khuvirila khu mwana wewe. 14Niiva mulareva shindu shiosi mulira lianje, navakholela.15Niiva mwanyanza, mulavikha malako kaanje, 16Ni nasaala khu Tata, neye alavaha mukhonyeni wundi khu atushi khuva namunyi tsinyanga tsiosi-- 17Mwoyo kuvwakilikali, shivala mashimwiyeme tawe shichila shimulola tawe khandi shiamumenya tawe. Nikhali munyi mwamumenya, shichila amenya mumunyi khandi alava namunyi.18Shinzitsa khuvalakhakhu menya vaana vanamulekhwa tawe; Nakalukha khuvavukula. 19Harikaale hati vutswa shivala nishivula khundolakhu khandi tawe, nikhali munyi mulandola. Shichila menyanga, khali munyi mulamenya. 20Litukhu lieneyelo nalwo lwamumenya muri inzi namenya mu Tata, ni Tata neye yamenya mwiinzi, na khandi inzi namenya mumunyi.21Mundu wosi ali namalako kaanje ma akalondanga neye yanyaanza ni oyo wosi yanyaanza alayaanzwa na Tata, niinzi namuyanza nukhwikhunula khuye." 22Yuda(shaali Iscariot tawe) yareva Yesu ari, Mwami, kachila shina wimanyinyi khukhutsi vonyene muvuli khwimanyinya khushivala?"23Yesu yamenya namuchipa ari, "Mundu wosi yanyaanza, alonda makhuva kaanje.Tata wanje alamuyaanza, khuliitsa muye makhulombe vumenyo vweru neye. 24Mundu wosi yakhanyaanza shialondakhu makhuva kaanje tawe. Likhuva liamuhulila yili shililikhu lianje mwene tawe nikhali lirula khu Tata yanduma khumunyi.25Navavolela makhuva yaka lwa naali nishimenyi namunyi. 26Khulwa yako.Mukhonyeni--naali Roho mutakatifu wa Tata yitsa arumi mulira lianje-- alavechitsa shia shindu shiosi nukhuvitsushitsa vindu viosi vianavavolela. 27Valeshela milembe; vahetsa milembe chianje. shivahetsa menya lwashivala shihana tawe. mwakhavikhu nilihenda mwoyo tawe, khandi mwakhavikhu nuvurii tawe.28Mwahulila nivavolenga ndi,' ndulanga, khandi nakalukha khuvavukula,' Niiva mwaali mwanyanza, mwakhavele nuvuyaanzi shichila nzitsa wa Tata, shichila yee numukali khuvira yinzi. 29Vavolele lweneyulu nikashili khwikholekha,khulwakava nikikholekha, mutushikhuva nilisuvila. 30Shinzitsa khulomalomakhu manyishi namunyi tawe, shichila mukali wishivla yishi yiitsanga. Shialik u nitsingulu tsiosi khwiinzi tawe, 31nikhalikhushivala shimenye shiri nayaanza Tata, khola khu Tata yambolela khole. Leshi khuruli hanu khwisundi huvunduwundi."30Shinzitsa khulomalomakhu manyishi namunyi tawe, shichila mukali wishivla yishi yiitsanga. Shialik u nitsingulu tsiosi khwiinzi tawe, 31nikhalikhushivala shimenye shiri nayaanza Tata, khola khu Tata yambolela khole. Leshi khuruli hanu khwisundi huvunduwundi."
151Ninzi musaala kwa kilikali, ni Tata waanje neye mulimi. 2Aremanga tsisia tsiosi tsikhaananga matunda mwiinzi, ma atsoola shia lusia lwamaanga matunda khulutsilili khwaama matunda manyishi.3Munyi mwalombwa khale khuva vanihu shichila likhuuva lianavilwatsila. 4Rikali mwiinzi, ma inzi khandi ndikale mumunyi. Khuli ma lusia lunyalakhuvula khwihamila matunda vuchila khurikala khumusaala lwakwo, Khali munyi shumunyala khwimenyela veene vuchilakhuvaa mwiinzi tawe.5Niinzi musaala kwamatunda, munyi muli tsisia tsiakwo.Oyo arikala mwiinzi niinzi ndikala muye, yaama matunda manyishi, shichila vuchila yinzi, shivulakhuho shiamunyala khukhola tawe. 6Niiva mundu woosi alavula khurikala mwiinzi, alasiuvwa ilwaanyi menya tsisia nukhuhuma, tsisia tsieneyetso tsivunjelitswangwa nukhusambwa mumulilu , matsiyia. 7Niiva mularikala mwiinzi, khaandi niiva makhuva kaanje kalarikala mumunyi, revi shindu shiosi shiamwenyanga, na mulakholelwa.8Tata waanje ahelwa lukhumu muvindu menya yivi, mutushi khwaana matunda manyishi khumutushi khumenyinya ndi muli veechi vaanje. 9Khuli lwa Tata yanyaanza, nindio khali yiinzi navayaanza. Rikali muvuyaanzi vwanje.10Niiva mulalonda malako kaanje, mularikala muvuyaanzi vwaanje, khuli yiinzi nalonda malako ka Tata waanje, nukhurikala muvuyaanzi vwevwe. 11Vavolele makhuva yaka khu vuyaanzi vwaanje vuve mumunyi khandi khuvuyaanzi vwenyu vutushi khwitsulana.12Yili nalio lilako lianje, ndi muyanzane khuli yiinzi navayanza. 13Avulakhuho mundu ali nuvuyaanzi vukali khuvira yuvu tawe--ndi mundu mulala akhutsili valina veve.14Muli valina vaanje numukholi kavavolelanga. 15Shinzilila khuvalanga ndi, varumishi tawe, shichila murumishi shiamenyikhu shiumukhongo wewe akhola tawe. Inzi valanji ndi valina, shichila navavolela shindu shiosi shianahulila khurula khutata waanje.16Shivali munyi mwanjakula tawe, nikhali niinzi navachakula, nivachinguula khumutushi khuha matunda manyishi, nikhandi matunda kenyu karikale khuvaho. khu shia shindu shiosi shiamureeva Tata mulira lianje, atushi khuvaha. 17Vivaalila makhuva yaka, khumutushi khuyanzana.18Niiva shivala shivaambakhananga, mumenye muri shiaranga khunyambakhana muliranga khushialonditsakhu munyi. 19Muva numwaali vishivala, khali shiavayaanza menya vandu vashio. Nikhali shumulikhu vandu vishivala tawe khandi shichila navachakula khurula mushivala, nako kachila nishivambakha.20Itsushitsi likhuva lianavavolela ndi ' murumishi shialikhu mukali khuvira mukhongo wewe tawe.' Niiva vanzaama, khali mulatsamwa; niiva valoonda likhuva lianje, valalonda likhuva lienyu khandi. 21Valavakholela vintu yivi viosi shichila lira lianje, khandi shichila vamenyakhu mundu yandula tawe. 22Vava nivakhilwatsilakhu tawe, khali shivamenyakhu vwooni tawe, nikhali vavulakhu shivune shiosi khuvwooni vwavo vwavakhola tawe.23Oyo voosi yanyambakhana yaambakhana khali Tata waanje. 24Mba nakhavakholela mihinzi chiumundu wundi wosi yakhavakholelakhu, Khali shivalikhu nu vwoni vosi tawe, nikhali vamali khale khundola Mavambakhane yiinzi na Tata waanje. 25Nikhali yaka koosi nikholekhanga khurweshitsa makhuva kaandikwa mumalako ndi, ' Vanyambakhana vuchila shivune,'26Lwa mukhonyeni yiitsa--- Wanzitsa khuvarumila khurula khu Tata, Neye naali Roho wu vwakilikali, arulanga khu Tata-- alavaha vushuhuda vwaanje. 27Khali munyi khutukha muhaane vushuhuda, shichila mwaali niinzi khurula muliranga.
161
23456789khandi khulondakhana khuvutakatifu, khandi khulondakhana khulikhalachila; 10111213141516171819202122232425262728V28 Narula khu Tata, maninzitsa mushivala. khandi, ndula mushivala munu nzitsa wa Tata."29303132Loli, isaa itukhanga, ee, khandi kakilikali imali khutukha, lwamuva numusalanyinywi, shia mulala natsia ingo wewe, mamundeshe wonyene. shimba wonyene tawe, shichila ndina Tata. 33
171Lwa yesu yamala khulomaloma makhuva yaka, yahenza mwikulu,navoola ari, Tata, isaa itushi, khuminya mwana wowo, khu mwana wowo neye atushi khukhuminya--- 2Khuli wamuha tsingulu khuvira vindu viosi, khu utushi khuhana vulamu vwimihika chiosi khushiamundu wosi wawamuha.3Yako nuvulamu vulivamwoyo,vatushi khumanya niive nyasaye wonyene wakilikali, nende Yesu Kristo wayive waruma. 4Nakhukhuminya lwanaali nindi mulilova. mali muhinzi kwa wamba khole. 5Khulwa yako, Tata, mbe vukhumi vwakhwaali nukhwasanga niive shivala nishishili khulwombwa.6Khunulili vaandu vawaamba khurula mulilova likhuva liolio. vaali vovo, maniive numba, manavo wakumili likhuva liolio. 7Nasasa vamanya vari vindu shiosi viawamba viarula khuive, 8Shichila vavolele makhuva koosi kawamba. vakavavukula makakilikali vamanya vari narula khwiive, makhandi vasuvila vari niive wanduma.9Vasalilanga.shisalila shivala tawe, nikhali salila yavo va ive wamba, shichila nivovo. 10Shindu shiosi shili shianje nishioshio, nishindu shiosi shiauli nashio nishianje, khandu khuminywangwa muvio. 11Inzi shishilekhu mulilova tawe, nikavutswa vandu yava vamulilova, khandi nziitsanga wa uli eyo. Tata mutakatifu, viikha yavo,vawamba mulikhuva liolio khuvatushi khuva shindu shilala, khuli ma khutsi khuli shindu shilala.12Lwanaale navo, navavikha vuleyi mulira liolio, liawamba. navaliinda, ni shialikhuho mundu wosi khali mulala mwene yononywakhu tawe, nakhalikhu mwana wuliononywa, khu maandiko katushi khurweshitswa. 13Khulwa yako, nzitsa khumunyi, nikhali mboolela makhuva yaka mulilova khu vuyaanzi vwaanje vutushi khurweshitswa muvo veene. 14Vahele likhuva liolio, ma shivala shivahimi shichila shivalikhu vishivala tawe, khuli lwa inzi khalikhu wushivala shiene yesho tawe.15Shikhusayanga uvarutse mushivala tawe, nikhali uvalindi khurula khumutsiku. 16Shivalikhu vishivala tawe, menya lwa inzi khalikhu wushivala tawe. 17Vatakase nuvwakilikali, likhuva liolio niliakilikali.18Khuli ive wanduma mushivala, nindio khandi inzi varumi mushivala. 19Shichila liva liavo, inzi nzitakasi, khu khali vo vatushi khwitakasa muvwakilikali.20Shisalilanga yava vonyene tawe, nikhali salilanga khali yavo vatsitsa khusuvila mwiinzi khuvirila mulikhuva liavo 21Khuvatushi khuva shindu shilala, khuli ive Tata, uli mwiinzi, niinzi ndi mu ive. khu khali vo vatushi khuva shindu shilala mukhutsi, khu shivala shitushi khuva nilisuvila ndi niive vanduma.22Vukhumi vwawamba, vahele,khuvatushi khuva shindu shilala, menya lwakhutsi khuli: 23Inzi mbe muvo, niive uve mwiinzi-- vave nuvulala vwitsingulu, khushivala shitushi khumanya ndi niive wanduma, khandi wavayaanza menya khuli wanyaanza.24Tata, nenya vandu vawamba vave halala niinzi wamba niindi, khandi nenya valole vukhumi vwaanje vwawamba, shichila wanyaanza shivala nishishili khulombwa25Tata mutakatifu, shivala shishiakhumanyakhu tawe, nikhali izi nakhumanya; nikhandi vandu yava vamanya vari niive wanduma. 26Navilwatsila likhuva liolio, makhandi nalilomba lihulikhane khu, vuyaanzi vwawanyanza navwo vuve muvo, niinzi nava muvo."
181Lwa Yesu yaali niyakhamala khuvoola makhuva keneyako, yarula nende veechi veve, nivambukha muchela kulangwangwa Kedroni, nivinjila mumulimi kumisaiduni. 2Khandi Yuda yaali niyirecheshe khutsama Yesu, yaali yamanya havundu hene yaho; shichila Yesu yaali yamenya niyatsia havundu heneyaho nende veechi veve. 3Nalwo lwa Yuda yamanya navukula mukandqa kwavasikali nende varumishi vavasalisi vakali nende mafarisayo, viitsa nitsitaa , tsitochi nende viuchi.4Khulwa yako, Yesu yaali namanyi kaali katsitsa khwumwiitsila, yamanya narula natsia havukona navo, manavareva ari," Mukhava vina?" 5Vamanya nivamuchipa vari, "khukhava Yesu wanazareti". Yesu yavachipa navavolela ari, "neye inzi" Khandi Yuda yamutsama, yaali halala navandu veneyavo. ,6Lwa Yesu yavavolela ari, "neye Inzi". varanga khukalukha inyuma nivakwa hasi. 7khandi Nalwo lwayavareva lwakhavili ari, "Nivina wamukhavanga?" Nalwo lwavamuchipa vari " khukhjavanga Yesu wanazareti".8Nalwo lwa Yesu yavachipa ari," Shimbele nivavolele khale ndi, neye inzi ni, niiva mukhava inzi, leshi yava vatsii." 9Yavoola makhuva keneyako, khulondakhana khuli yaali nasaalienjie ari," Yavo vawaamba shinakoritsakhu khali mulala tawe."10Nalwo lwa Simoni Peter yarulitsa shivavi shiayaali nashio narotsela murumishi wumusalisi mukali, manamutema shiroyi shumukhono mulunji. liira liumurumishi mwene oyo lialangwangwa Malchu. 11Nalwo lwa Yesu yavolela Petro ari, "Vikha shivavi shioshio wurulitse. Wenya mbuli khungw'elela mushikombe shia Tata waanje yamba ni?"12Khulwa yako, mukanda kwavasikali nende mwimilili wamafarisayo vakumila Yesu nivamuvoha. 13Varula na Yesu nivaranjila khutsia wa Anasi,shichila Anasi mwene oyo yaali mukuuka wa Kayafa, yaali naali mwimilili wavasalisi khumuhika kwene yoko. 14Kayafa mwene oyo neye yaali niyavolela vayaudi ndi," Kenyekha mundu mulala akhutsili vaandi".15Khandi Simoni Peter yalonda Yesu, halala nende mwechi wundi; yaali niyamanyikhana khumusalisi mukali. Yinjila na Yesu havundu humusalisi mukali yaali niyamenya. 16Nikhali Petro yarikala ilwanyi nasinjili hashilivwa. Nalwo lwa mweechi yaali niyamanyikhana numukali wavasalisi, yakalukha ilwanyi, nalomaloma numukhana yaali nalindi hashilivwa, niyinjilitsa Petro.17Nalwo lwa mwana mukhana akhola ikasi yukhulinda shilivwa yareva Petro ari, " Shiali ive mulala khuveechi vu mundu uyu?" Petro yamanya nakeya ari, " niinzi tawe". 18Varumishi nende valindi, vavwana mulilu; shichila vushindu vwaali vululu; vamanya nivaranga khwora; khali Petro yaaliho niyoora navo.19Musalisi mukali yareva Yesu khulondakhana khuveechi veve, nende mechitso keke. 20Yesu yamuchipa ari, " nalomaloma navaandu havulavu mushivala. vuli inyanga nechitsanga mumasinagoki nende mumatembeeli havundu hamafarisayo vaali nivaakanili; khandi shivulakhuho shindu shiosi shianakholakhu muvwivisi tawe. 21Kachila shina undeva urio? reva vandu vahulila khurula khwiinzi,. nimakhuva shina kanavavolela? lola! vamanya koosi kanavoola."22Lwa Yesu yaali niyakhamala khuvavolela makhuva keneyako, mulala khuvarumishi yaali nasinjili himbi neye, yamusamula lukhovi namureva ari," Kachila shina uchipa urio musalisi mukali?" 23Yesu yamuchipa namureva ari, " niiva mbooli makhuva matamanu, yivalilakhu vandu makosa kaanje, nikhali niiva mbooli makhuva maleyi, kachila shina umasa lukhovi?" 24Nalwo lwa Anasi yavukula Yesu navohelwi, namuhila khu Kayafa mwimilili wavasalisi.25Khandi Simoni Petro yaali nashili havundu heneyaho niyara mulilu. vandu valiho vamureva vari, " niive mulala khuveechi va Yesu?" neye yamanya niyambakhana nakeya ari, " shiali yinzi tawe". 26Mulala khu varumwa vu mwimilili wavasalisi, murumwa mwene oyo yaali mwikho wu mundu wa Petro yarema liroyi, yareva Petro ari, " shali ive wanalola mumulimi kumisaituni numuli na Yesu ni?" 27Petro yamanya niyambakhana, khandi nakaya ari "Niinzi tawe". naho naho itaywa yamanya nilakula.28Vamanya vavukula Yesu nukushili mavwevwe, khurula wa Kayafa nivamuila muinzu ya vami vakholelamu makhuva kavandu' vimilili vamafarisayo nende musalisi mukali. shivinjila munzu yilikhalaka tawe, shichila shivenya khwinjila mu ibasaka nivali vachafu tawe. 29Nalwa lwa Pilato yarula niyiitsa khuvalola, narevana ari, " Nimakoso shina kumundu uyu akholi kamulombi mumulere hanu?" 30Vamuchipa nivamuvolela vari, " Mundu uyu ava niyakhakhola vwooni, khali shukhamuleri khu ive tawe."31Nalwo lwa Pilato yavavolela ari," Muvukuli munyi vene, mamumukhalachili khulondakhana khu li malako kennyu kavolanga." Nalwo lwavayaudi vamuvolela vari, " Khutsi khulikhu nuvunyali vukhwiira tawe." 32Kenyekha makhuva ka Yesu yaali navolienje katushi khurweshitswa, khulondakhana khuli likhutsa lia atsitsa khukhutsa.33Nalwo lwa Pilato yakalukha muinzu yilikhalaka, khandi nalanga Yesu, manamureva ari, " Niive mwami wavayaudi?" 34Yesu yamuchipa namureva ari, Niive mwene uvoola makhuva yaka, inooho vaandu navo vakhuvolele khulondakhana khuinzi?" 35Pilato yamuchipa namureva ari, "Koo! inzi ndimuyaudi ni?Vaandu vuluyia lwolwo nende vimilili vavasalisi navo vakhuleri khwiinzi. Ukholi shina?"36Yesu yamuchipa namuvolela ari," Mwami vwaanje shuvulikhuvumushivala tawe. Vwaami vwaanje vuva vumushivala, varumishi vanje vakhanwanili, shinakhakumilwi navayaudi tawe. khulwa yako vwami vwaanje shuvulikhu vumushivala tawe. 37Pilato yamanya namureva ari," Khulwa yako niive mwami ni?" Yesu yamuchipa namuvolela ari " yive niive uvoola uri inzi ndimwami. shivune shiachila ninzivulwa shiali makhuiva yaka, khandi makhiuva yako nako kachila ninzitsa mushivala,, khu ndushi khushuhutia vwakilikali. khandi oyo ali nende vwakilikali ahulila makhuva kaanje."38Pilato yamuchipa namureva ari, " Vwakilikali nashio shina?" Lwayaali niyakhavoola likhuva liene yelo, yarula natsia ilwanyi navolela Vayaudi ndi, " Ndolikhu makoso kosi kamundu akholi tawe. 39Nilhali, khuli numwima kwavayaudi ndi, kenyekha mboholole mundu mulala, litukhu liabasaka khulwa yako, mwenya mboholole Mwami wavayaudi ni?" 40Nalwo lwavakhuva liyoko, nivalanjilila n ivavola vari, " khuvoholola mundu uyu tawe, voholola Barnaba." Barnaba mwenoyo yaali shihuvi shukhunuula vandu vindu viavo.
191Nalwo lwa Pilato yavukula Yesu naranga khumukhupa. 2Vasikali vaneka mavua nivara khumurwi kwa Yesu manivamufuala ikanzo ya purple. 3Viitsa wayaa naali nivasikinyila nukhumuvolela ndi," eeh, mwami wavayaudi!" lwavamala khusikinyila ndio vamenya nivamulivila nishivavi.4Nalwo lwa Pilato yakalukha ilwanyi navavolela ari, "Loli, Mulerela ilwanya wamu iyi. khumumenye muri inzi shindolakhu makoso koosi khuye tawe." 5Yesu yiitsa ilwanyi, nafwaali ingara yamavwa khumurwi kwekwe ni ikanzo ya purple khummbili khwekhwe. Pilato yamanya navavolela ari, " henzi inu, mundu watsana uyu!" 6Lwavasalisi vakali halala navakhongo valola Yesu, valila mwikulu nivavola vari," muvambi, muvambi!"7Vayaudi vamenya nivamuchipa vari, " Khutsi khunamalako, nukhulondokhana khumalako keneyako, atushili khukhutsa shichila avoola yee numwana wa Nyasaye." 8Lwa Pilato yahulila makhuva yaka, yaali nilichenya likali muno, 9manakalukha mushikhalo shiavakhongo vilitaala vakanilanga, manareva Yesu ari, " Ive urula hena?" nikhali Yesu yahonjela navula khumuha lichipu.10Nalwo lwa Pilato yamanya namureva ari, " Ive shulekeya khwiinzi ni? wamanyakhu uri, ndinuvunyali vukhukhulakhuula,nende vukhukhuvamba ni?" 11Yesu yamuchipa namuvolela ari, " Ive shuulikhu nuvunyali vwoosi khwiinzi tawe, nuvukhalikhu vunyali vwawahelwa khurula ikulu. khulwa yako, mundu yambaana khwiive anuvwooni vukali muno."12Lwa Pilato yahulila lichipu lineyili, yachelitsa khumulakhula , nikhali vayaudi valila mwikulu nivavoola vari, " Nulakhuuli mundu uyu, shulikhu mulina wa Kaisari tawe. Mundu wosi yilomba khuva mwami alomalomanga vutamanu khu Kaisari." 13Lwa Pilato yahulila makhuva keneyako, yalera Yesu ilwanyi maniyikhala khushisoko shilikhalachila shili havundu havalanganga "khachila," nikhali mululomaloma lwavaaramia, valanga vari " Gabbatha."14Liali litukhu liukhwirechekha khu Ipasaka, himbi isaa ikhola sita. Pilato yamenya navolela Vayaudi ndi, "Loli, mwami wenyu uyu!" 15Valila mwikulu nivavoola vari, murulitsiho, murulitsiho; muvambe!" 16Nalwo lwa Pilato yahana Yesu mumikhono chiavayahudi vamuvambe.17Nalwo lwavamenya nivukula Yesu, nivatsia neye khulwanyi, nachingi musalaba kwekwe mwene, nivatsia havundu alangwangwa, " Havundu huvihang'a," mululomaloma lwavaaramia alangwangwa"Golgotsa." 18Iwene eyo naho wavaambila Yesu halala navasatsa vaandi vavili, mulala khuluveka lumukhono mulunji, nuwundi iluveka lumukhono mukaata, Yesu neye yava hakari wavo.19Pilato yahandika shimanyilu navikha khumusalaba kwa yesu. shimanyilu shiene yesho vaali vahandikikhu vari: YESU WANAZARETI, MWAMI WAVAYAUDI. 20Vayaudi vanyishi vasoma shimanyilu yishi, shichila havundu ha Yesu yaali navambilwi yaali himbi nilitaala likali. Shimanyilu shiene yesho shimenya shiahandikwa mululomaloma lwava aremia, mululatino nende mulukiriano.21Nalwo lwamukali wavasalisi wavayaudi yavolela Pilato ari, " wakhaandika uri, Mwami wavayaudi tawe; nikhali andika uri, ' uyu yavoola ari," niinzi mwami wavayaudi."" 22Pilato yamuchipa namuvolela ari, "kambandike, mali khukahandika."23Nalwo lwavasikali vavamba Yesu, vavukuka tsinguvu tsietsie, nivakavana khuvandu vanne, shiamulala yanyoola indala indala; nende isulali. isulali yene eyo yaali nivula mushipi khurula ikulu. 24vamenya nivavorana vari, " Khwakharandula tawe, nikhali khukhuvi isimbi, shichila neyo itsa khuvolela mundu anavukuli." Yaka koosi kikholekha, khu maandiko kavoola kari, " Vakavana tsikanzo tsianje, nivakhuvila tsinguvu tsianje isimbi." katushi khurweshitswa.25Hamusalaba kwa Yesu, khwliho, na mama wewe, numukhana wanga mama wewe, nende Meli mukhali wa Cleopa, halala nende Meli Magadalena. 26Lwa yesu yalola mama wewe nende mweevhi wayaali niyayaanza nivasisinjiliho, yavolela mama wewe ndi," Mukhali, lola mwana wowo!" 27Ayavolela mweechi wewe ndi, " Lola mama wowo!" Khurula isaa yene eyo, mweechi yamuvukula namuila ingo wewe. mwene.28Keneyako nikakhavira, lwayaali niyakhamanya ndi amali mihinzi chiechie, khandi khu maandiko katushi khurweshitswa, Yesu yamenya navoola ari, "Mbulila vuluhu." 29Mulongo kwaali nukwitsuuli ifini kwaali nukuli nimbi ahene yaho, vamenya nivavukula isiponji yiitsuli ifini indulu nivara khulusaala lwa hisopu manivachingula ikulu nivamulera mumunwa kwekwe. 30Lwa yesu yaali niyakhangw'a ifini yene eyo, yavoola ari, " Luvweele," Yinaminya murwi kwekwe hasi manakhutsa.31Shichila liali litukhu likhwirechekha, khandi mivili shichiali chiahulilwakhu khurikala khumisalaba litukhu lisabato tawe,[ isabato yaali yamahana muno], Vayaudi vamenya nivareva Pilato ameneche vilenje viavaandu vaali nivavambilwi nukhuvarulitsa khumisalaba. 32Nalwo lwavasikaali vamenya niviitsa nivameneka vilenje viumundu wukhuranga nivalonditsakhu wakhavili vaali nivavambilwi halala na Yesu. 33Lwavatukha khu Yesu, vanyoola nakhutsi khale, khu, shivamenekanyinyakhu vilenje vievie tawe.34Nikhali, musikaali mulala yamenya namurotsa muluvalu lwelwe nishivavi, ma musaayi nende matsi niviranga khurula. 35Mundu yalola vindu vieneyivi nivikholekhanga, yamala khuhana vushuhuda, na vushuhuda vwevwe nuvwakilikali. Yamanya ari kayavoola nikakilikali khu khali munyi mutushi khusuvila36Vindu yivi viakholekha khu, maandiko kavoola kari,"shivulakhuho shikumba shiitsa khumekha khu mmbili kwekwe tawe,"katushi khurweshitswa. 37Khandi, maandiko kandi kavolanga kari, " valakhava mundu wavarotsa oyo."38Lwavindu yivi viosi viali niviakhikholekha, Yesefu wa arimathea, naali mulala khuveechi va Yesu[ yaali mweechi wa Yesu wumusiili shichila yaali yaria vayaudi], yareva Pilato amuhuchili, avukuli mmbili kwa Yesu. Pilato yamenya namuhuchilila. nalwo lwa Yosefu mwene oyo yamenya niitsa, nachinga mmbili kwa Yesu natsia nakwo. 39Nikotemasi yaali niyitsilenje yesu vutukhu, yamenya niitsa wa mmbili kwa Yesu kwaali nukuli. yamenya nalera makure kavatsukanyinyimu [myrrh] nende linakha, kanyele khutukha tsilita mia moja.40Vamenya nivavukula mmbili kwa Yesu nivakuvohela mutsinguvu tsiavaali nivavishimu marashi, kweneyoko nakwa kwaali mwiima kwavayaudi kukhura mivili. 41Havundu havaali nivavaambili Yesu khwaliho nimisaala chimatunda nichiarakwaho; mumisaala mweneyomo kwalimu nishilindwa shiyia, shishili khulerwakhumu mundu wosi tawe. 42Shichila liali litukhu liavayahudi khwirechekha, makhandi shichila shilindwa shiali himbi muno; nashio shivaramu Yesu.
201Litikhu likhuranga lilisitsa, Mariya magadalena yashivila khushilindwa, shivala nishishimwami, nanyoola lichina liakhunikha khushilindwa nilirulikhu. 2Yamenya niyilikhoka vwangu khulola Simon Peter nende veechi vandi va Yesu yayanza, navavavolela ari, vavukuuli Mwami khurula mushilindwa, mashukhumenyikhu wavamuhili tawe."3Nalwo lwa Peter nende mwechi wundi varula nivatsia khushilindwa. 4Vilukhaka halala vosi nivatsia vwangu imbeli wa Peter nivava vukhuranga khutukha khushilindwa. 5Nalwo lwayinama hasi, nahenzera mushilindwa, nalola ninguvu tsindavu nitsilinjilwi, nikhali shiyinjilakhu mukari tawe.6Simon peter yamenya natukha lwinyuma, manatsia khushilindwa. yalola tsinguvu tsindavu nitsilinjilwi. 7Halala nitsinguvu tsiavaali nivamuvoyi khumurwi kwekkwe. shitsiali nitsilinjilwi halala nitsinguvu tsindavu tawe, nikhali tsiali tsilinjilwi havundu hundi lukanu.8Nalwo lwa mwechi wundi, yaali naranjilili khutukha hashilindwa, yinjila mukari , nalola manasuvila. 9Shichila khutukha isaa yeneyo waali nivashili khumenya maandiko kavoolanga kari, kenyekha yisimushi khurula mulikhutsa. 10Nalwo lwa veechi vamenya nivakalukha mutsingo tsiavo.11Nikhali meli yaali nasinjili hashilindwa niyikhulanga. Lwayaali nashikhuulanga, yinama hasi nahenzelela mushilindwa. 12Yalola Tsinjelosi tsivili nitsivwali tsinguvu tsindavu nitsiikhaale, injelosi indala yaali niyikhaale hamurwi niyindi niyikhaale havilenje wumbili kwa Yezu kwali nukurelelwi. 13Vamenya nivamureva vari , "Mukhali, ulilila shina?" Neye yamenya navachipa ari," ndiila kachila vavukuli Mwami waanje, ma niinzi shimanyikhu wavamuhili tawe."14Lwayaali niyakhamala khuvoola ario, yishevuka manalola Yesu nasinjili haeneyaho, nikhali shiyaali namenyikhu ndi ni Yesu tawe. 15Yesu yamenya namureva ari," Mukhali, kachila shina wikhulanga? ukhava viina?" Yakanakananga ari numulimi, nalwo lwayamuvolela ari."Mukhongo, naali ive umuvukuuli, mbolela wumuvishi, nzi khumuvukula."16Yesu yamenya namureva ari,"Meli." Yishevukha namuvolela ari mululomaloma lwavaaramiki ndi, "Rabboni" [ Khuvoola "Mwechitsi"] 17Yesu yamenya namuvolela ari," Wakhangumilakhu tawe, shichila shili khutsia mwikulu wa Tata, nikhali tsia khuvamwavo vaanje uvavolele uri natsia mwikulu wa Tata waanje nende wa Tata wenyu, khandi natsia wanyasaye wanje nende wa Nyasaye wednyu." 18Mariya magatalena yiitsa navolela veechi ari, " Ndoli mwami," ma umbolele makhuva yaka koosi.19Litukhu lineyelo halukolova, nalio nilili litukhu liukhuranga khwisitsa, waveechi niviikalilwi nivaali nuvurii shichila vayahudi, Yesu yiinjilamu nasinjila hakari havo navavolela ari," Milembe chive namunyi." 20Lwayaali niyavavolela ario, yavamenyinya mikhono chiechie nitsimbalu tsietsie. veechi vitsula vuyaanzi lwavalola Mwami.21Khandi Yesu yamenya navavolela ari,"Milembe chive namunyi. khuli lwa Tata yanduma khunyi, nindio khandi yinzi varumanga." 22Lwa Yesu yaali niyakhavavolela ario, yavesesela miuya navavolela ari,"nyooli roho mutakatifu. 23Mundu wosi wamutsitsa khuvehela vwooni vwavo, valavehelwa; na mundu woosi wanumuvuli khuvehela vwoni vwavo, shiatsitsa khuvehelwa tawe."24Tomasi, mulala khuvaali kumi na mbili, nalangwa lira lindi Didymus, shiyaali navo tawe lwa Yesu yaali niyitsi. 25Veechi vaandi vamenya nivamuvolela vari," khuloli Mwami." yavahinganyinya navavolela ari, "Nishili khulola tsimbala tsimisumali tsili mumikhono chiechie, mandilitse shitere shianje mutsimbala tsimisumali chieneyecho, khandi mamukumili mutsimbalu, shinzitsa khusuvilakhu tawe."26matukhu munane nikakhatukha vechi vavukana khandi na Tomasi yali navo yesu yitsa muliango nukufunji nasinjila hakari havo, navola milembe khu munyi. 27yamanya nalanga Tomasi namuvolela kumila khu mikhono chianje tila mu tsimbala khandi mutsimbalu mausuvili.28Tomasi yamuchipa namuvolela ari," Mwami waanje khandi Nyasaye waanje." 29Yesu yamenya namuvolela ari,"Usuvili vutswa kachila undoli. Vali nuvukasu yavo vashili khondolakhu, navo vasuvila."30Yesu yamenya nakhola vilolishitso vinyishi mutsimoni tsia veechi veve, vilolishitso vieneyevo shivihandikwakhu mushitabu shinu tawe, 31nikhali kanu kaandikwa khu utushi khusuvila uri Yesu ni Kristo, neye naali mwana wa Nyasaye, khandi khu, khuvirila mulisuvila liolio utushi khunyoola vulamu mulira lielie.
211Lwayaali niyakhamala keneyako koosi, Yesu yimanyinya mwene khandi khuvechi lwavaali khu inyanza ya Tiberia. yimenya ari mwene: 2Simoni peter yaali halala na Tomasi wavalalanga lira lindi Dimasi, Nathanieli warula mulitaala lia cana lili mushivala shia Galilaya, na vana va zebedayo halala na veechi va Yesu vaandi vavili. 3Simoni Petro yamenya navavolela ari," inzi nzitsa khuluva." navo vamenya nivamuchipa vari "khali khutsi khutsitsa nive khuluva." vamenya nivatsia voosi halala manivanina muliara, nikhali, mbutukhu vweneyovo vwosi shivaluvakhu isutsi yosi khali indala yene tawe.4Navutswa, lwa asubuyi yatukha, Yesu yasinjila khuluchinga, nikhali veechi veve vamumenyishitsakhu tawe. 5Nalwo lwa Yesu yamenya navareva ari,"Vavukha,mukhu nishindu shiosi shiukhulia?" navo vamenya nimukeya vari ,"khuvula." 6Nalwo lwayavavolela ari, "siuvi ineti yenyu khumukhono mulunji kwi imeli, nu mulanyolakhu." vamenya nivasiuva yavo khuli lwa Yesu yaali navavolele manivakhayilwa khuchikhwesa khurula mumatsi shichila ineti yeneyo yaali ikumili tsinyishi muno.7Nalwo lwa mweechi wa Yesu yaali niyayanza yavolela peter ari, "nu mwami." Lwa simon peter yahulila ari nu mwami, yanavula inguvu yeye yilwanyi namufuala[ shichila yaali shiekenyie], naruma munyanza. 8Veechi veshie vamenya niviitsa nivali muliara[ shichila shivaalikhu ihale nililova tawe, yaani vwaali vurambi vwitsiyadi tsimia tsivili] navo vaali nivakhwesesanga ineti yaali niyitsuli tsisutsi. 9Lwavaali nivaqkhatukha khulilova, valola makaa kumulil haeneyaho, tsisutsi nitsirelelwikhu ikulu, ntsili numukati.10Yesu yamenya navavolela ari," lerikhu tsisutsi tsiamuruli khuluva lweneyulu." 11Simon peter yatsia nakhwesesesa ineti yaali niyitsuli tsisutsi tsingali muno, tsiali tsisutsi 153 nachilera khuluchinga, nikhali, khali niiva tsisutsi tsieneyetso tsiali tsinyishi, tsiarandulakhu ineti tawe.12Yesu yavavolela ari," hambi muli shikhuli shiamavwevwe." avulakhuho mweechi wosi yamureva ari, "Nive ulivina?" shichila vaali vamenyi khale ndi nu Mwami. 13Yesu yiitsa navukula mukati, nitsisutsi navakavanyila. 14Yulu lwaali lukhola khavaka Yesu nimenyinya mwene khuveechi veve lwayaali niyakhisimukha khurula mulikhutsa.15Lwavaali nivakhamala khulia shikhulia shiamavwevwe, Yesu yareva Simon Peter ari," Simon mwana wa Yohana, wanyanza khuvira vindu yivi viosi?" Peter yamuchipa namuvolela ari, eeh Mwami, ive wamenya uri nakhuyaanza." Yesu yamenya namuvolela ari, "Lishitsa vimeme vianje." 16Yamenya namureva khandi lwakhavili ari, "Simon Peter mwana wa Yohana, wanyaanza ni?" Peter yamuchipa namuvolela ari,"eeh Mwami, ive wamenya ndi nakhuyaanza." Yesu yamenya namuvolela ari, liinda makondi kaanje."17khandi yamureva lwakhavaka ari,"Simona Peter mwana waYohana, wanyaanza?" Peter yamenya nava nilichenya mumwoyo kwekwe shichila yesu yaali umurevi makhavi kavaka, ndi" wanyanza?" yamenya namuchipa ari," Mwami, ive wamanya vindu viosi, wamanya uri nakhuyaanza." Yesu yamuchipa namuvolela ari, "Lishitsa makondi kaanje. 18Kakilikali,kakilikali khuvolelanga, lwa waali nushili mutiti, wifwalanga nukhutsia havundu wosi wawenyanga, nikhali nuwakhamala khusakhula, walunjishitsa mikhono chiochio, mahundi mundu aliitsa khufwala nu khuchinga nukhukhuhila havundu hukhenyikhu khutsia tawe."19Yesu yalomaloma makhuva yaka khumenyinya Peter ndi, nilikhutsa shina lia yiitsa ahelelemu Nyasaye luyali. Lwa yaali niyakhamala khulomaloma makhuva yaka, yavolela Peter ari, "Noonda."20Peter yishevukha manalola mweechi wa Yesu yaali niyayaanza mbirira navalondanga, mweechi mwenoyo neye yaali namukhumbelelenje lwavaali nivalitsa shikhulia shivo shia halukolova,khandi neye yaali niyakhamurevanga ari," Mwami, Nivina atsitsa khu tsama?" 21Peter yamulola nareva Yesu ari,"Mwami numusatsa uyu nakhole arina?"22Yesu menya namureva ari, Ninenyi atsilili khumenya khutukha lwanilikalukha, kasumbulila shina? Ive noonda." 23Makhuva yaka kalandalitswa havundu wosi ndi mweechi oyo yiitsa akhutsikhu tawe. Nikhali yavolakhu Peter ndi mweechi wundi oyo yiitsa akhutsikhu tawe,nikhali, yavoola ari "Niiva nyala khwenya atsilili khumenya khutukha lwanilikalukha, kakhusumbulila shina?"24Uyu neye mweechi yahana vushuhuda khulondakhana khumakhuva yaka, khandi neye yaandika makhuva keneyaka, makhwamenya khuri vushuhuda vwevwe nuvwakilikali. 25Khuliho nivinduvindi vinyishi via Yesu yakhola. Nikhali khuva nukhwaandika vuli shindu hasi, shimbaara niiva khwakhaveele nuvwiyaangu mushivala munu mukhuvikha vitabu vikhwakhandikimu tawe.