To view a copy of the CC BY-SA 4.0 license visit
http://creativecommons.org/licenses/by-sa/4.0/
Mateyo
11Ekitabu kiderhere omulala gwa Yesu Kiristu mwene Daudi, mwana wa Abrahamu. 2Abrahamu aburha Isaka, na Isaka aburha Yakobo, na Yakobo aburha Yuda nabene babo. 3Yuda eshe wa Peresi na Zera n'omukazi Tamari, Peresi eshe wa Hezironi, na Hezironi aburha Ramu.4Ramu aburha Aminadabu, Aminadabu aburha Nashoni, Nashoni aburha Salomoni. 5Salomoni aburha Boazi em'omukazi Rahabu, Boazi aburha Obedi emo mukazi Rutu, Obedi aburha Yesse. 6Yesse aburha omwami Daudi, Daudi aburha Sulemani emo mukazi wa Uriya.7Sulemani aburha Rehoboamu, Rehoboamu aburha Abiya, Abiya aburha Asa. 8Asa aburha Yehoshafati, Yehoshafati aburha Yoramu, Yoramu aburha Uzia.9Uzia aburha Yotamu, Yotamu aburha Ahazi, Ahazi aburha Hezekiya. 10Hezekiya aburha Manase, Manase aburha Amoni, Amoni aburha Yosia. 11Yosia aburha Yekonia nabene babo amango kokuhamiswa kuja e Babiloni.12Namango koku hamiswa kuja e Babiloni, Yekonia aburha Shealitieli, Shealitieli aburha Zerubabeli. 13Zerubabeli aburha Abiudi, Abiudi aburha Eliakimu, Eliakimu aburha Azori. 14Azori aburha Zadoki, Zadoki aburha Akimu, Akimu aburha Eliudi.15Eliudi aburha Eleazar, Eleazar aburha Matani, Matani aburha Yakobo. 16Yakobo aburha Yusufu mulume wa Mariya olala wa burhaga Yesu ohamagalwa Kiristu. 17Lero oluburho loshi kurhenga Abrahamu kugera ku Daudi luli luburho ekumi na kane, nakurhenga Daudi kugera oku bunga kuja e Babiloni luli luburho ekumi nakane, na kurhenga okuhamiswa kuja e Babiloni kugera ku Kiristu luli luburho ekumi na kane.18Okuburhwa kwa Yesu Kiristu kwaliri ntya. Mariya, nyina, abere aherhe aganizwa na Yusufu, barhaza yegerana, abonekana aherhe obukule oku bushobozi bwa muka ochere. 19Naye Yusufu, mulume wage, okubulyo aliri mushinganyanya, arhalonzaga oku mukoza eshoni, alonza oku muleka oku hwe.20Lero abere aherhe akengera ebyola, lola, malayika wa Nahano amurhengera omu bilorho, aderha, Yusufu, mwene Daudi, omenye waka yubaha okurhola Mariya mukawe, bulala obukule agwerhe, buli boku bushobozi bwa muka ochere. 21Naye aburha omwana, nawe njo wa muyirika okwizino lya Yesu, bulala yewe yinjo wa chungula abantu bage omu byaha byabo.22Ebyo byoshi byabere, yomwazi gwa derhwaga na Nahano oku burhumwa bomulebi yiguyenera, anaderha, 23Lola, omu bikira arhola obukule, naye ana burha omwana, naye bamu yirika ezinolya Emanueli, kuderha Nyamuzinda haguma nerhu.24Yusufu naye achirhenga omwiro, ajira nkoku malayika wa Nahano amu rhegekere, arhola mukage. 25Aliko arha mumenyaga kugera amango aburhire omwana. Amuyirika okwizino lya Yesu.
21Yesu achiburhwa omu Betelehemu yobuyahudi, amango gamira go mwami Herodi, olole abami bebushoshokero bwe zuba bagera e Yerusalemu, baderha, 2Ngahe aburhire omwami wa bayahudi? Bulala rhwa bwene enyenyezi yage ebushoshokero bwe zuba, nerhu rhwayinjire kumu haramya. 3Lero omwami Herodi abere ayunva ebyo, agaya, ne Yerusalemu yoshi haguma naye.4Agusha abakulu babagingi boshi, nabakarani babantu, ana babaza, Ngahe Kiristu aburhirwe? 5Nabo bamushuza, omu Betelehemu yabayahudi, bulala ntyo kubyali biyandikirwe nabalebi. 6Aliko nawe Betelehemu, omu chihugo cha Yuda, orhali mugeke omu barhumwa be buyahudi, bulala emwawe harhenga omu rhegesi njo walanga abantu bani e Israeli.7Kandi Herodi ashuba hamagala balala bami omu hwe, abone emwabo obushinganyanya bwa mangochi babonaga enyenyezi. 8Ahekabo e Betelehemu, aderha, murhole enjira, mubaze bwenene emyazi yomwana, nahano muyusa kuyibona, munderhere eyo myazi, yinani nja kumu haramya.9Babere bayunva emyazi yomwami, bakulikira enjira, olole neyo nyenyezi babonaga ebushoshokero bwe zuba yebarhanga embere, yagenda yayimanga ahomwana ali. 10Nabo babere babona eyo nyenyezi basima n'obusime bunene bwenene.11Baja omunju, babona omwana na nyina Mariya, bafukama bamu haramya, nabachiyusa kushwekula enguli zabo, bamuhemba etunu, e oro, obuku namavurha ga manemane. 12Nabo erhi bayusa kuhabulwa na Nyamuzinda omu bilorho oku bamenye baka chigaluka emwa Herodi, bagaluka emwabo omu yindi njira.13Nabachiyusi genda, malayika wa Nahano arhengera Yusufu omu bilorho, aderha, rhenga, orhole omwana na nyina, olibirhire e misiri obere eyo munda kuhika amango nekubwire, bulala Herodi ali alonza ayirhe omwana. 14Arhenga arhola omwana na nyina obudufu, aja e misiri. 15Abera eyo munda kugera amango Herodi afire, mpu yomwazi guyenera gwa derhwaga na Nahano omu burhuma bwa balebi, bwaderha, kurhenga emisiri,nali hamagere omwana wani.16Ntyo Herodi abere abona okwa gayagwize nabala bami, agaya bwenene, arhuma abantu bayirhe abana boshi baba rhabana baliri omu Betelehemu n'omu bishagala byage byoshi, kurhengera oku waburhwaga zene kuhika ku myaka ebiri.17Gamango byayeneraga omwazi gwa derhwaga n'omulebi Yeremiya gwaderha, 18Omulenge gwa yunvikana e Rama, endulu, amalira ganene, Rachele alakira abana bage, arhayemeraga oku siriririzwa, bulala barha chiliho.19Lero Herode abere afa, olole malayika wa Nahano, arhengera Yusufu omu bilorho eyo munda e misiri, 20Aderha, rhenga, orhole omwana na nyina, ogaluke e Israeli, bulala aba muhigaga oku bamuyirhe, bafire. 21Yusufu arhenga, arhola omwana na nyina, agera omu chihugo che Israeli.22Aliko abere ayunva oku Arkelahu aherhe arhegeka obuyahudi ahali heshe Herodi, ayubaha kuja eyo munda, naye eya yusa kuhabulwa omu bilorho, abalamira olunda lwe Galilaya. 23Agenda, ayikala omu kishagala kiyirikirwe Nazareti, yiguyenera omwazi gwa derhwaga n'omulebi, ayirikwa muna zareti.
31Agomango arhengera Yohane mudubika, erya herhe ayigiriza omu rungu lyobuyahudi, anaderha. 2Muhungame, bulala obwamu bwe mpingu buli hofi. 3Bulala oyola yiwa derhaga n'omulebi Isaya, aderha, omulenge gomuntu guli gwayama omu rungu, mukwize enjira ya Nahano, murhegule aha gera.4Nantyo Yohana yewe aliyambere omwambaro goluhu lwe ndogomi, n'omukaba goluhu omu marhungu gage, nakalyo kage yali misanani n'obuki bomu lubala. 5Ago mango bamushimba e Yerusalemu, n'obuyahudi boshi, nebihugo byoshi bili hofi ne Yorodani. 6Naye aba dubika omu lwinji lwe Yorodani, ahola bahungama e byaha byabo.7Aliko abere abona banene omu bafarisayo naba sandukayo bamuyinjira omu kudubika kwage, aba bwira, mwewe luburhwa lwe njoka, inde waba habwire mwewe yimulibirha oburhe njo bwayinja? 8Lero muburhe amalehe gahulukire omu buhungame. 9Chiro murhana kengeraga omu mirhima yenyu oku, rhugwerhe darha, ye Abrahamu, bulala mba bwirire, Nyamuzinda aka shobola kurhegeka mwagala mabale gali aha ganaha Abrahamu abana.10Embasha ehebere hofi ne kisinde cho murhi, lero nkasi murhi gurha burha amalehe genja, gwa chibwa n'oku gukabula omu muliro. 11Okunali, nyono mba dubikire oku menji enyanya za mahungamo, aliko olala wayinja enyuma zani agwerhe emisi minene kundusha, chiro nyono nta shinganene oku huma oku birato byage, oyola aba dubika oku muka mugishwa n'oku muliro. 12Yewe yenyine agwerhe engoko omu fune zage, ayinja kuyerula, amahemba, namahemba anagaheba omu nguli aliko ebisasara ana bifuka omuziko byanahya n'omuliro gurhali goku zima.13Agomango Yesu ayinja arhenga e Galilaya kugera e Yorodani emwa Yohana mpu adubikwe. 14Aliko Yohana alonza oku mubuza, aderha, nyono ndozeze oku dubikwa nawe, nawe waja emwani? 15Yesu amushubiza amubwira, oyemere ntya lero, bulala ntya kubishinganene oku yeneza obushinganyanya boshi, lero amu yemera.16Na Yesu eyamala kudubikwa, azamuka arhenga omu menji, olole empingu za chingulwa, abona muka wa Nyamuzinda ayandagala nka nguku, aja enyanya zage. 17N'omulenge gwarhenga empingu gwa derha, oyu, ali mwana wani, muzigirwa wani, nsimiswa naye.
41Buzinda azamulwa na muka omwirungu mpu agezwe na lyangombe. 2Achi shalisa siku makumi mane ezuba n'obudufu, oku buzinda ayunva enzara. 3Owa mugeza, amushimba amubwira, akaba woyo we mwana wa Nyamuzinda, orhegeke kwaga mabale gahinduke migati. 4Naye amushubiza amubwira, biyandikirwe, omuntu arhalama oku mugati gonyine, sahubwe oku mwazi gurhenga omu bunu bwa Nyamuzinda.5Buzinda lyangombe amuheka kugera omu kishagala chigishwa, amuheba oku kasongero kakanyamuzinda. 6Amubwira, akaba woyo we mwene Nyamuzinda ochikwebe ahashi, bulala biyandikirwe, abwira ba malayika bage, n'omu maboko gabo baku sema, omenye wakasirhala oku gulu kwawe oku bale.7Yesu amubwira, kandi nkubwirire, omenye waka mugeza nahamwenyu Nyamuzinda wawe. 8Buzinda lyangombe amuheka kugera oku musozi gulehere bwenene, amuyereka amami goshi gomugulu, n'obwinja bwago. 9Amu bwira, ebi byoshi nakuhabyo, oka fukama n'oku mparamya.10Nantyo Yesu amubwira, genda lyangombe, bulala biyandikirwe, oharamye Nahano Nyamuzinda wawe, ona muharamye yewe yenyine. 11Buzinda lyangombe amuleka, nalola, bamalayika bayinja kumu kolera.12Lero Yesu ayunva oku Yohana ashwekerwe, agenda kugera e Galilaya. 13Arhengerera e Nazareti, ayinja kuyikala e Kapernaumu, kishagala kili emushengo lubibi lwe Zabuloni ne Nafutali.14Mpu yiguyenera omwazi gwa derhwagwa n'omulebi Isaya, gwa derha, 15Chihugo che Zabuloni, n'echihugo che Nafutali, njira yewa nyanja, lunda lwe Yordani, Galilaya yo lubaga, 16Bantu bali bayikere omu mwizimya bamabona obumoleke bunene, nabali bayikere omu kihugo che bichu byo lufu, obumoleke bwama bazukira.17Kurhenga ago mango, Yesu arhondera oku yigiriza n'okuderha, muhungame, bulala obwami bwe mpingu buli hofi.18Naye abere aherhe alambagira eburhambi bwe nyanja ye Galilaya, abona bana banda nguma babiri, Simoni oyirikirwe Petro, na Andereya mwene wabo, bali bakweba emilaga omu nyanja, bulala baliri bashana. 19Yesu aba bwira,munkulikire, nani naba jira bashana babantu. 20Honaho, baleka emilaga yabo bamu kulikira.21Agenderera embere, abona bandi bana babiri banda nguma, Yakobo wa Zabadayo, na Yohana mwene wabo, baliri omu bwarho haguma na Zabadayo eshe wabo, baliri bakwiza emilaga yabo. Ahamagala bo. 22Okuliguma baleka obwarho neshe wabo, bamu kulikira.23Yesu abere aherhe aja eyi neyi omu Galilaya yoshi, ayigiriza omu masinagogi gabo, n'oku yigiriza omwazi gwinja g'obwami, n'okufumya aba lwala, n'obolokazi bwa nkasi lubero omu bantu. 24Ne myazi yage ya yenera omu Siriya yoshi, bamulerhera boshi barha bachishobwere, bali balwere endwala za nkasi lubero namalibuko, bagwerhe abagwerhe abazimu babi, nebichuli, nabahunzize, abafumya. 25N'omu shiganano gunene gwamukulikira, kurhenga e Galilaya, e Dekapoli, e Yerusalemu, e Buyahudi nenyunda ze Yordani.
51Na Yesu abere abona omu shimanano, azamuka oku musozi, abere ayusa kuyikala, entumwa zage zamushimba. 2Afungula obunu bwage, aba yigiriza aderha, 3Ragi lyabakene bomurhima, bulala obwami bwe mpingu buli bwabo, 4Ragi lyaba gayire, bulala basiririzwa.5Ragi lyabirhonzi, bulala abo barhegeka ekihugo. 6Ragi lyabali nzara ne nyorha yobushinganyanya, bulala abola bayuguswa. 7Ragi lyabanya lukogo, bulala abola nabo babona olukogo. 8Ragi lyabanya murhima guchere, bulala abo babona Nyamuzinda.9Ragi lyabayunvisa abandi, bulala abola bayirikwa bana ba Nyamuzinda. 10Ragi lyaba lenganywa enyanya zobushinganyanya, bulala obwami bwempingu buli bwabo.11Ragi lyokubaka buranya, n'oku babonerera, n'oku baderhera nkasi mwazi gubi gobu beshi, enyanya zani. 12Musime, mushagaluke, bulala oluhembo lwenyu, luli lunene empingu. Bulala ntyo kubali babonerere abalebi bani baliri ho embere zenyu.13Mwewe muli munyu gwe gulu, aliko omunyu guka biha, chichi baka guheba mo yigushubi kwira? birha shinganene haba nehityu, siku gukabulira embuga n'oku labarhwa nabantu. 14Mwewe muli bumoleke bwe gulu, ekishagala kirhaka kibisha kikaba kili enyanya zomusozi.15Chiro abantu barha kachana etara, n'okuliheba eshishi za kashasha, ahubwe enyanya wako, nalyo lyana chanira abantu bali omunju yoshi. 16Ntyo ntyo obumoleke bwenyu, bukolezeze abantu boshi, bagale kubona ebijiro byenyu binja, bakuze darha wenyu oli empingu.17Murha menyaga mpunaliri kushanda amarhegeko chiro nabalebi, nanga, ntayinjaga kushandula ahubwe kuga galagaza. 18Bulala, muyemere, mbabwirire, kugera empingu nekihugo njo zarhenga aliko nuguta nguma ye rhegeko erha karhenga, kugera byoshi biyenere.19Lero nkasi yeshi njo wayirha erhegeko ligima mwagala gadorho, n'oku yigiriza abantu ntyo, ayirikwa mudorho bwenene omu bwami bwe mpingu, sahubwe omuntu webikole n'oku biyigiriza, oyo ayirikwa mukulu omu mpingu. 20Bulala mbabwirire oku, obushinganyanya bwenyu, bukaba burha rhalukire obushinganyanya bwaba karani naba farisayo, murhakaja omu bwami bwe mpingu.21Mwayunvirhe abantu bamira babwirwa, orha yirhaga, n'omuntu aka yirha bimushinganene achirwe olubanja. 22Saliko nyono mbabwirire, omuntu wayunvira mwene wabo oburhe, bimu shinganene achibirwe olubanja, omuntu aka shinyulira mwene wabo, bi mushinganene oku muburanya, n'omuntu aka mukanira, bimushinganene ekihenama omu muliro.23Lero oka lerha entulo zawe oku kashasha, kandi oka yibuka oku mwene wenyu agwerhe omwazi gubi enyanya zawe, 24oleke entulo yawe, oku kashasha, ogende, orhange oyunvikane namwene wenyu, buzinda ogaluke ohane entulo yawe.25Oyunvikane n'omuburanyi wawe juba, amango ochili naye omu njira, oyo muburanyi arhaza kuheka emo mucha emanja, n'omucha manja aka kuheka emwa basirika, oka kwebwa omu mugozi. 26Oyemere, nkubwirire, orha rhenga omo nkaba orhamalire kujuha olusumuni luzinda.27Muyunvirhe oku biderhere, orha halikaga. 28Aliko nyono mbabwirire, obuli muntu walola omukazi orhali wage n'oku chifija ye, ayusize kulyama naye omu murhima gwage.29Esu lyawe lye kulyo lika rhuma wa goma, olikule olihebe hale nawe, bulala biku shinganene, kilemwa kyawe kiguma kihere, chango omu biri gwawe goshi, gurhakwebwaga omu kihenama. 30N'okuboko kwawe kwe kulyo kuka kubuza omu rhula, okuche oku kwebe hale nawe, bulala bichi biku malire, kilemwa chawe chiguma chikuhere, chango omu biri gwawe goshi, aliko orha kwebagwa omu kihenama.31Biderherwe kandi, omuntu akaleka mukage, amuhe ekimenyeso choku lekana. 32Aliko nyono mbabwirire, obuli muntu waleka mukage, akaba arhali oku njira yobumaguza, anamujira kuba eyama halikwa, n'omuntu waka murhola olala walekagwa, naye eyama halika.33Kandi muyunvirhe abantu bamira ba bwirirwe, orhalahiraga oku bubeshi, si oyenezeze Nahano endahiro zawe, 34Aliko nyono mba bwirire, orhalahiraga loshi, chiro oku mpingu, bulala che chichumbi cho bwamu bwa Nyamuzinda, 35Chiro oku chihugo, bulala hokuheba amagulu gage, chiro oku Yerusalemu, bulala che chihugo cho mwami mukulu.36Chiro orha lahiraga oku rhwe lyawe, bulala orha kajira luviri luguma kuba lomweru chango lo mukara. 37Siahubwe emyazi yawe, ebe nechi, nechi; hango nanga, nanga. Bulala ebirhalukire ebyo birhenga emolala mubi.38Mwayunvirhe oku biderhererwe, su oku su, ne linyo oku linyo. 39Aliko nyono mba bwirire, murhajaga buhaka n'omuntu mubi, aliko omuntu aka kushurha erhama lye kulyo, omuhindamulire nelyakabiri.40N'omuntu wekuburanye n'okurhola omwambaro gwawe, omulekere n'egoti lyawe. 41N'omuntu wekuseze olugenzi lwa ntambu nguma, genda naye ebiri. 42Okuhemere, omuhe, na nkasi wayinja chihoza emwawe, orhamulahiriraga.43Muyunvirhe oku biderherwe, osime omu turanyi wawe, ogaye omu shombanyi wawe. 44Aliko nyono mbabwirire, musime aba shombanyi benyu, muhunire abababulisa omurhula. 45Yimugala kuba bana bayisho oli empingu. Bulala yewe akolezeze ezuba lyage ababi nabenja, arhogeseza envula abashinganya nabarhali bashinganyanya.46Bulala mukasima aba basima, mwabona oluhembo luchi? Chiro nabafurhisa ebarati, kanabo barhajirana ntyo? 47Kandi mukalamusa bene benyu bonyine, mwanaba yimujirire kichi kishinganene? Kurhe kanabantu bolubaga barhajira ebyo? 48Lero mwewe mwaba bashinganyanya, nkoku yisho wempingu naye ali mushinganyanya.
61Mulole mumenye mwaka jira obwinja omu masu gabantu, mpuyi mulolwa nabo, bulala mukajira nka ntyo, murhabona oluhembo emwa darha wenyu oli empingu. 2Nkawa karhula entulo, omenye waka banda empanda embere zawe, nkakulala ablyalya bajira omu kishagala, n'omu njira, libazamulwa nabantu.3Okunali, mbabwirire, bamalire kuhabwa oluhembo lwabo. Aliko woyo nkawahana entulo, chiro nokuboko kwawe kwekulembe kumenye kwa kamenya ebyokuboko kwekulyo kwakolere. 4Entulo yawe ebe oku hwe, na yisho olala obona okuhwe, akuyunjuza.5Kandi nka mwahuna, mumenye mwakaba nka balyalya, bulala bowe basima oku huna bayumangire omu bishagala byabo, n'omunjira yiba bonekana nka bantu. Muyemere, mbabwirire, bamalire kubona oluhembo lwabo. 6Aliko woyo nka wahuna, oje ebusika bwawe, n'ochimala chinga olunvi, ohune embere za yisho oba omu hwe, nayisho obona omuhwe, ana kuyunjuza. 7Nenyu mukaba omu kuhuna, murhajiraga olwamo nkabantu babapagani, bulala bowe bakengera oku bayunvirizwa enyanya we myazi yabo oku bunene.8Mumenye mwaka shushanywa nabo, bulala yisho ayinji enyifinjo zenyu kurhenga murhazi muhuna. 9Lero mwewe, muheme ntya; Darha oli omu mpingu, ezino lyawe likuzibwe, obwami bwawe buyinjage, 10Obulonza bwawe bujirike, omwigulu nkomu mpingu.11Orhuhe ebilyo byerhu. 12Orhubabalire oku mabi gerhu, nkakula nerhu rhubabalira abarhujirira amabi. 13Orhana rhuhebaga omu kugezwa, aliko orhuchungule kola mubi. [Bulala obwami buli bwawe, nemisi, n'obulangashane, kugenderera. Bibentyo].14Bulala muka babalira abantu amabi gabo, na darha oli omu mpingu ana baba balira. 15Mukaba murhababalire abantu amabi gabo, nadarha arhakaba babalira amabi genyu.16Kandi eyi mwaka chishalisa, murhabaga, nkaba lyalya, baba namalanga gafunyere, bulala baki libuza oku malanga gabo yiba bonekana nka bantu bachishalisize. Okunali, mbabwirire, bamalire kuhabwa oluhembo lwabo. 17Aliko nkawa chishalisa, ochishige amavurha omurhwe, oshuke amalanga. 18lyorhabonekana nabantu nkochi shalisize, aliko yisho oli omuhwe,nayisho obona omuhwe, anakuyunjuza.19Murhachibikiraga enguli oku gulu, omushwa negutu byaka biyirha aka chiro, n'ebishambo byana yinja n'okuyiba. 20Aliko muchibikire enguli empingu, harha shandaguzwa n'omushwa ne gutu, chiro nebishambo birha vunjula olunvi birhana zimba. 21Bulala ahenguli yawe eli, hano murhima gwawe njogwaba guli.22Etara lyomubiri, lili su, lero erhi esu lyawe lyakaba lichere, omubiri gwawe goshi gwanaba n'obumoleke. 23Aliko esu lyawe likaba libi, omubiri gwawe goshi gwanaba n'omwizimya. Lero obo bumoleke buli omu kagarhi kawe, bukaba mwizimya, erhi gurhali mwizimya; 24Ntamuntu wakagala kukolera ba nahano babiri, bulala agaya oyula, n'okusima owundi. Chiro anaberana noyu, n'oku gayaguza owundi. Murhakagala kukolera Nyamuzinda n'ebirugu.25Enyanya zoko, mbabwirire, murha libukiraga akalamo kenyu, mulye bichi, chango mwanywa bichi, chiro emibiri yenyu, muyambale bichi, akalamo kurhe? arhali omu kulya, n'omubiri omu kuyambala? 26Mulole enyunyi z'omu chanya, oku zirha hinga, zirhana shalula, zirhana gusha omu nguli, nayisho we mpingu azilisa. Mwewe kurhe; murhali benja kuzilusha?27Inde emwenyu waka kilibuza aka kiyongerera kobule bwa fune nguma? 28Nemyambaro, bili bichi oku yilibukira? Mukengere enyanya webirhi binja byomushwa, nkoku bimera, birhanajira mulimo, birhana luka. 29Nani mbabwirire, oku Sulemani omu bwami bwage boshi arhayambalaga bwinja kuguma nebila birhi binja.30Lero, akaba Nyamuzinda aka yambisa ebila birhi binja byomu chibala, ebili zene, n'omusezi, nji byakabulwa juba juba, kurhe; arhaba yambisa bwenene mwewe mwebo buyemere bugeke? 31Mumenye mwaka libuzwa lero, muka derha, rhulye bichi? chiro rhunywe bichi? chango rhuyambale bichi?32Bulala ebyo byoshi aba pagani babilonza, bulala yisho oli omu mpingu amenyere okumuli mwalonza ebyola. 33Burhanzi mulonze obwami bwage, n'obushinganyanya bwage, nebyo byoshi mwana biyongererwa. 34Mumenye mwaka libukira ebyomusezi, bulala ebyomusezi bonyine njo bya chi libukira. Bishinganene obuli lusiku n'omuluho gwalo.
71Murha chaga olubanja, njo mwaka chibirwa olubanja. 2Okuntu njo mwacha olubanja, konoko kunjo baba chira lo, n'omulengo njo mwa lengera mo, gunjo babalengera mo nenyu.3Kurhe wakabona ekirhi kiri omusu lya owenyu aliko okafundibona ekiri omulyawe nobo woyo weherhe kinene? 4Bulyalya okule ekiri omulyawe nokubuzinda obone kurhe wa kula ekiri omusu lya mwene wenyu 5Ndyalya! kidokole owoburhanzi ogal'odokole owenyu.6Murhahaga embwa ekigishirwe murhagabuliraga ebirhungano haguma n'ebibwana, byakakazi bilabarha, binabahindamuke bibakanjekanje.7Muhune mwahabwa, mulonze mwabona, mukomange mwakingulirwa 8Bulala buliyeshi wahema ahabwa, owalonza abona, n'owakomanga akingulirwa 9Kyango inde mumwewe nkomwanawage amuhemere omugati, amuhe ebale? 10Nanka akamuhema efi, akamuha enjoka?11Nantyo, mulibabi, muyinjiha abana benyu ebinja, nkakurhe darha wembingu akafundiha ebinja okw'obihemere? 12Intyo, bulibyoshi mwashonda abantu babajirire, nenyu mukwanene bijirira kubo; bula lili rhegeko linali lyabalebi13Mugere omu mulango gugehere bulala omulyango gunene gugwerhe enjira yokuhza nabanene yibakishogere. 14Saliko enjira egehere guli mulyango gwakalamo nabantu bageke bagubona.15Mukilange nabalebi bobubehi, banayinja bayambere oluhu lwe ntama, aliko eyibali banyakabwa belubala bakalihire. 16Mwebamenyere okumalehe gabo. Kambere hali ekiwaka shalula okumurhi gomushaki, cyango si okumurhi gomugenge cyango okumurhovu gwemburho 17Konoko, omurhi gwinja, guhana amalehe genja, si ogubi gunahane amalehe mabi18Omurhi gwinja gurhakahana amalehe mabi, nomurhi gubi gurhakahana amalehe menja. 19Buli murhi gurhahana malehe baguche banagukabule omumuliro. 20Konantyo, mwegumenyere oku malehe gago21Arhali boshi bambwira: Nahamwerhu, nahamwehu,", bobeje omubwami bwempingu, si abajira obulonza bwa darha oli omumpingu. 22Banene bembwire olo lusiku " Nahamwerhu, Nahamwerhu, rhurha yigirizaga okwizino lyawe, rhurha kwamaga abazimu kugerera ezino lyawe?" Rhurha giraga ebisomerene kugerera ezino lyawe? 23Nantyo nebabwire buzira bulyalya: "Nta kihe nabamenyere, muntegere ezi nkola maligo"24Nantyo olala wa yunva emyazi yani akana yikolesa yebe muntu w'obwenge, oyumbaka enju yage oku bale. 25Envula omukurhoga, emisuka ya yinja, ekiyaga kyayinja kyahukula enju erhana hena bulala yaliyumbakirwe oku bale26Saliko olala oyunva emyazi inderha arhana yikulikira yebe nkamuntu orhaliye wayumbakire enju yage oku muchanga. 27Envula yarhogere, emisuka yebere, omuyaga gwayinjire gwa hukula eyo nju, yagwa yoshi n'okugwa kwayo kwaba kunene.28Eyi Yezu amala emyazi yage, olubaga lwahumwako ne myazi yage: 29Bula aliri abayigiriza nka mukulu si arhali nka mukarani
81Na Yesu abere ayandagala oku musozi, omu shimanano mukulu gwa mukulikira. 2Nalola, hayinja omuntu webibenzi, amufukamira, aderha, Nahano, okola walonza, waka gala ku nchesa. 3Yesu amulambula okuboko, amuhuma ko, aderha, ndozeze, ocheswe. Honaho ebibenzi byage bya chesibwa.4Yesu amu bwira, lola, orhabwiraga omuntu, aliko genda, okuyerekane emo mugingi ohane entulo nkoku byarhegekerwe na Musa bube buhamiriza emunda bali.5Yesu abere aja e Kapernaumu, mukulu muguma amubugana, 6amuyinginga, aderha, Nahano, omukozi wani alyamire eka, alwere endwala yokuhunza, alibukire bwenene. 7Yesu amu bwira, nayinja, mufumye.8Oyo mukulu wabasirika amushuza, aderha, Nahano, nyono ntashinganene oyinje emwani, aliko derha mwazi muguma gonyine, omukozi wani ana fuma. 9Bulala nani, ndi muntu ngwerhe abantu ntegeka, abasirika bali eshishi zani, nka bwira oyula, genda, anagenda; noyula, yinja, anayinja, n'omuja wani, kola ntya, anabikola. 10Yesu abere ayunva ntyo, asomerwa, abwira balala bamukulikire, muyemere,mbabwirire, ntashwiragi bona obwemere bunene bulintya, oku boshi bali omu israeli.11Nani mbabwirire, banene bayinja kurhengera obu shoshokero n'obuzikiro, nabo njo bayikala haguma na Abrahamu, na Isaka, na Yakobo, omu bwami bwe mpingu. 12Aliko abana bomu bwami njo bakabulwa omu mwizimya embuga, ahola njohaba okulaka nokuhekenya amenyo. 13Yesu abwira ola mukulu wabasirika, genda, bikubere nkoko yemerere. Omukozi wage afumya kwa kola kasanzi.14Yesu abere agera omunju ya Petro, abona nazala wa Petro, yalyamire oku buliri alibuzizwe neshushira. 15Amufarha okuboko, eshushira lyamuleka, naye agenda, akolera bo.16Lyabere lyamaba golo, bamulerhera banene babazimu, akula abo bazimu oku myazi yage, afumya boshi baliri barha chishobwere, 17Yiguyenera gulala mwazi gwa derhwagwa n'omulebi Isaya, aderha, yewe yenyine arholere obolokazi bwerhu, akihesa namalwala gerhu.18Yesu abere abona omu shiganano gunene gumuzungulikire, arhegeka, ayambuke olwindi lunda. 19Omu karani muguma amushimba, amubwira, mwigiriza, nakukulikira hoshi wakaja. 20Yesu amubwira, ebishengera bijira olugurhu, nenyunyi zomuchanya zijira enyogo, aliko mwene omuntu arhajira ahantu akalaza erhwe lyage.21Owundi muguma omu bigirizwa bage, amubwira, Nahano, onyemerere, ngende ntange nje kuhamba darha. 22Aliko Yesu amubwira, nkulikira, leka abafu bahambe ababo.23Azamuka omu bwarho, abigirizwa bage bamukulikira. 24Haba omulaba gunene omu nyanja, obwarho bwafunikwa nebichu, yewe aliri ero. 25Entumwa zage zamushimba, zamuchula, zaderha, Nahano, rhuchungule, rhukoli fa.26Ababwira, oku mwama yubaha, mugwerhe obwemere bugeke? Honaho ayumanga, akalihira emiyaga yomunyanja, omulaba gwa chika. 27Abola bantu basomerwa baderha, oyula ali muntu muchi, chiro omulaba n'omuyaga byama mukenga?28Babere bagera eshi, omu chihugo chab Geresi, bantu babiri bali mwa bazimu bamu buguna, barhengaga oku mashinda, balaka bwenene, chiro ntamuntu waka galire kugera ahola mweyo njira balimo. 29Nalola, bajira olwamo, baderha, bichi warhuhola, mwana wa Nyamuzinda, kurhe; wayinjire kurhu libuza nobo akasanzi kerhu karhazi gera ho?30Lero, ahola mbere hali hali ekigusho che ngulube ziherhe zalisa. 31Abo bazimu bamuyingiga, baderha, akaba warhu hulusya, orhuleke rhugende, rhuje mwechilira chigusho chengulube. 32Aba bwira, mugende; bagenda, baja muchila chigusho chengulube, lero echo chigusho choshi, chayandagala juba juba chazika ekuzimu omu nyanja, ezo ngulube zoshi zafa.33Aliko abangeri balibirha, bagenda omu bishagala, baganira eyo myazi yoshi yaba berere nabalala barhengaga mwa bazimu. 34Nalola, ekihugo choshi chagenda kulola Yesu. Babere bamubona, bamu yinginga kwarhenge omu kihugo chabo.
91Yesu azamuka omu bwarho, ayambuka agera omu kishagala chabo. 2Bamulerhera omuntu ohunzize, alyamire oku buliri, naye Yesu abere abona obwemere bwabo, abwira olala ohunzize, ochihe omurhima mwana wani, waba balirwe ebyaha byawe byoshi.3Olole, aba karani baderha omu mirhima yabo, oyu ama gayaguza. 4Na Yesu eya menyere ebili omu mirhima yabo, aderha, oku mukengerere amabi omu mirhima yenyu? 5Bulala bihe bishinganene oku derha, wababalirwe ebyaha byawe chango okuderha rhenga ogende? 6Aliko mugale kumenya oku mwene omuntu agwerhe erhegeko lyoku babalira echaha (abwirire oyula ohunzize), rhenga, oheke obuliri bwawe, oje omu nju yawe.7Arhenga agenda emwage, 8Omushiganano gwabere gumubona, afarhwa n'obuba, bakuza Nyamuzinda, wahaga abantu erhegeko lili ntya. 9Yesu abere agera eyo munda, abona omuntu oyikere omuchanya wenju, oyirikirwe Matayo, amu bwira, nkulikira, amukulikira.10Abere ayikere omunju alya ebilyo, olole abafurhisa banene nabanya byaha bayinja bayikala haguma na Yesu ne ntuma zage. 11Abafarisayo babere babona, babwira entumwa zage, oku mwigiriza wenyu aherhe alya nabafurhisa ebarati, nabanya byaha?12Naye abere abayunva aba bwira, abarha lwere barha lonza munganga, sahubwe abalwere boba mulonza. 13Aliko mugende muchi yigirize olula luderho, nalonza olukogo, sarhali entulo, bulala ntayinjaga kuhamagala aba shinganyanya sahubwe abanya byaha.14Ago mango abigirizwa ba Yohana bamushimba baderha, nka kurhe rhwewe nabafarisayo rhuchibuza kulya , aliko abigirizwa bawe barha chibuza kulya? 15Yesu aba bwira, abali bahamagerwe oku buhya bakalaka omango bachili na muhya mulume? saliko esiku njo zahika ho amango njo banyagwa muhya mulume, gomango njo bachibuza kulya.16Ntamuntu orhola ekirezi chomwenda guhyahya aka chiheba omu mwenda gwa shajire, bulala echo chaheberwe mo chanakula ekigabi mugula mwenda nahalala hali haberekere hana genderera oku bereka.17Nabantu barha rhola amavu gahyahya baka gaheba omu ndaha zishajire. Neli baka gaheba mo, zila ndaha zana bereka, namavu gana sheshakala, nendaha zana sherera si kuheba amavu gahyahya omu ndaha zihyahya, byoshi byana genda haguma.18Yesu abere aba ali abwirabo ebyola, olole hayinja murhumwa muguma amufukamira aderha, omunyere wani bonabuno amafa, aliko oyinje omuhebe kwa maboko naye alama. 19Yesu arhenga amu kulikira, haguma nentumwa zag.20Olole omukazi woligwerhe obulwala bokurhenga eshagama, myaka ekumi nebiri, ayinja bugongo gongo, ahuma oku mwambaro gwage. 21Bulala aliderhere omu murhima gwage, nkahuma oku mwambaro gwage, nafuma. 22Yesu ahindamuka, amubona, amu bwira, ochihe omurhima bwenene munyere wani, obwemere bwawe bwama kufumya, oyo mukazi afuma ako kasanzi kaonako.23Yesu abere agera omunju yola barhumaga, abona abali babanda omu sirimbi, n'omu shiganano goshi guli gwalaka. 24Aba bwira, murhenge, bulala oyu munyere arha fire, alyamire konyine. Aliko ba mushekera bwenene.25Aliko omu shimanano gwabere gwahuluswa, ajamo, amufarha okuboko, oyo munyere ayumanga. 26Emyazi yoshi yayenera omu chihugo choshi.27Yesu abere agera eyo munda, mpumi ebiri za mukulikira zili zayama oku mulenge, zaderha, orhubabalire mwana wa Daudi. 28Yesu abere agera omunju, ezo mpumi za mukulikira, Yesu azibwira, muyemerere oku nakagala kujira ebila? Zamubwira, nechi, Nahano.29Nantyo Yesu abahuma oku masu, aderha, oku bulyo bobwemere bwenyu, mubone. 30Amasu gabo gafunguka. Yesu arhegeka bo oku misi, aderha, mulole, chiro n'omuntu muguma arhamenyaga. 31Aliko barhenga, bayeneza omwazi gwage omu chihugo choshi.32Babere bama rhenga, lola, bamulerhera omuntu wakaduma, oherhe abazimu. 33Noyo muzimu abere akulwa, ako kaduma kaderha, omu shimanano gwasomerwa, gwaderha, birha shwiraga kubonekana omu Israeli amango goshi goshi. 34Aliko abafarisayo baderha, oku misi ya muka mubi kwaherhe akula abazimu.35Yesu alemaga ajeyi neyi omu bishagala eya herhe ayigiriza omu bishagala byabo, n'oku yigiriza omwazi gwinja gobwami, n'okufumya abalwala boshi, n'obolokazi bwa nkasi lubero. 36Abere abona omu shimanano, ababalira bo, bulala bali bachokere n'okugenda eyi neyi nka ntama zirha gwerhe mungeri.37Ntyo abwira entumwa zage, amashalulo gali ganene, aliko abokukola bali bageke. 38Muhune Nahano wama shalulo, aheke abanya milimo omu mashalulo gage.
101Yesu ahamagala entumwa zage ekumi nebiri, ahabo erhegeko enyanya zabazimu, babakule, n'okufumya amalwala goshi n'obolokazi bwa nkasi lubero.2Namazino gezo ntumwa ekumi nebiri gaga: owa burhanzi ali Simoni oyirikirwe Petro na Andereya mwene wabo, Yakobo wa Zabadayo na Yohana mwene wabo. 3Filipo na Bartolomayo, Tomaso na Matayo mufurhisa we barati, Yakobo wa Alufayo, na Tadeyo. 4Simoni mukananayo, na Yuda Iscariyoti, naye yiwa mulenganyaga.5Abola ekumi naba biri, Yesu abarhuma, abarhegeka aderha, murhajaga omunjira yolubaga chiro n'omunjira yoshi yaba farisayo. 6Ahubwe murhole enjira, mugendere entama zaherere zenju ye Israeli. 7Nomu kugenda kwenyu, muyigirize omu kuderha, obwami bwe mpingu bwa yegerere.8Mufumye abalwala, mufule abafu, muchese aba benzi benzi, mukule abazimu, mwahabirwe oku busha, muhane n'oku busha. 9Murha hekaga e oro chango efuranga omu myambaro yenyu. 10Chiro neshaho omu lugenzi, chiro myambaro ebiri chango ebirato, chango enkoni, bulala omukozi ashinganene oluhembo lwage.11Nabuli chihugo chango ekishagala mwaka jamo, mubaze omola omuntu oli wobuyemere, muyikale emwage kugera amango njo mwarhenga mo. 12Nenyu mukaja omunju, mulamusanye. 13Nenju baka bayegereza, omurhula gwenyu guje mo, akaba erha shinganene, omurhula gwenyu gubagalukire mwewe.14Omuntu akaba arha bayegereze chiro noku yunviriza emyazi yenyu, hano muhuluka mweyo nju chango mwecho chihugo, mukungurhe oluchuchu lwamagulu genyu. 15Muyemere mbabwirire, byaba bilembu echihugo che Sodoma ne Gomora oku shinganana obulibuze n'okuchibirwa olubanja ahali hecho chihugo.16Mulole, nyono naba rhuma nka ntama omu mbwa zelubala, lero mube n'obwenge nka njoka, n'okuba bantu birhonzi nka ntugulu. 17Muchilange bene omuntu, bulala babaheka omunju zoku buranira nomu bishagala byabo baba shurhira mo. 18Mwahekwa embere zabakulu bechihugo nembere zabami enyanya zani, yimuba buhamiriza emwabo nemo lubaga loshi.19Aliko amango njo babaheka, murha chibaza kurhe mwaderha, bulala njo mwahabwa omwazi mwako kasanzi eyinjo mwaderha. 20Bulala arhali mwewe mwemwa derha, si muka gwa yisho oli mpingu njo gwa derha omu kagarhi kenyu.21Mwene wabo muntu njo alenganya mwene wabo ayirhwe, na darha njo alenganya omwana, nabana njo bayimangira aba busi babo noku bayirha. 22Nenyu njo mwalema mwahekwa nabantu boshi enyanya lye zino lyani, aliko owunjo walembera kugera oku buzinda, oyola yinjo wachunguka. 23Njo baka balibirha ko mwecho chishagala, mulibirhire omu chindi, bulala bushinganyanya mba bwirire, murhakamala ebishagala bye Israeli arhaza kuyinja omwana womuntu.24Omwigirizwa arhaka lusha omwigiriza wage, n'omuja arhakalusha nahamwabo. 25Bishinganene omwigirizwa okuba nka mwigiriza wage, nomuja okuba kuguma na nahamwabo nkaba bahamagere nyine nju Belizebuli, kurhe, kabirhali enyanya yabali omunju yage?26Lero murha yubahaga, bulala nta mwazi gwachibishirwe gurha kamenyikana nantago guchi bishire gurhaka bonekana. 27Ebi nababwira mwewe omu mwizimya, mubiderhe omu bumoleke, nebi mwaka yunva oku hwe, mubiyigirize enyanya wenju.28Murha yubahaga aba yirha omubiri barhakagala kuyirha omuka, ahubwe muyubahe owakagala kuyirha omubiri ayirhe n'omuka okuja omu kihenama. 29Kurhe, enyunyi zebishwa bibiri birhaka gulwa lufaranga luguma, chiro nguma erhakarhogera ahashi erhamenyere yisho wenyu. 30Aliko mwewe, chiro nenviri zokurhwe lyenyu ziganjirwe zoshi. 31Murha yubahaga lero, kuli kwinja mwewe kulusha enyunyi zinene zebishwa.32Lero bamu bwira, nkasi muntu yeshi wa nkengesa embere zabantu,nani njo namukengesa embere za larha oli empingu. 33Aliko nkasi yeshi wandahira embere zabantu, nani njo namulahira embere zalarha oli empingu.34Murhakengeraga oku nayinjaga kulerha omurhula omugulu, nanga; ntayinjaga kulerha omurhula, sinalerhaga engorho. 35Nayinjaga kulerha omujinya aha kagarhi komwana neshe, nomunyere haguma nanyina, omukazi haguma n'omwazala, 36omu shombanyi womuntu aba yolala onali omunju yage.37Osima eshe chango nyina kundusha nyono, oyola arha shinganene chango osimire omwana wage chango omunyere wage kundusha nyono, arha nshinganene. 38Chango omuntu orha chiheseze omusalaba gwage yenyine n'oku nkulikira, oyola arha nshinganene. 39Owalonza achungule omurhima gwage, arhanga kugu heza, n'owaka heza omurhima gwage enyanya zani, njo agu bona.40Owaka bayankirira mwewe, eyi nyono ya yankirire, nowa nyankirira nyono erhi ayankirire owa ntumaga. 41Owaka yankirira omulebi, bulala ali mulebi, ana habwa oluhembo lomulebi, n'owaka yankirira omushinganyanya okuba ali mushinganyanya, anahabwa oluhembo lomushinganyanya.42Nomuntu yeshi yeshi njo wabaha ekikombe cha menji ge mboho, okuba muli bigirizwa bani, muyemere, mba bwirire, oluhembo lwage lurha kahera haba nehityu.
111Ago mango Yesu arhegeka entumwa zage ekumi nebiri, arhenga eyo munda aja kuyigiriza omu bishagala byabo. 2Naye Yohane abere ayunva emunda aboherwe ebi Yesu aherhe akola, arhuma abigirizwa bage, baje mubaza. 3Woyo wolala wayinja, chango rhulindire owundi?4Yesu ashubiza aderha, mugende mubwire Yowane ebi mwayunvirhe nebimuherhe mwabona, 5empumi ziherhe zabona, ebimuga byana genda, abalwala bebibenzi baherhe bacheswa, banyamuhuli bana yunva, abafu baherhe bafuka, nabarha kishobwere baherhe bayunviriza omwazi gwinja. 6Kandi naye lili ragi lyolala orhaka gayiswa nani.7Abola nabo bagenda, Yesu arhangira okubwira omushiganano emyazi ya Yohana, mwajendaga omwirungu kuja kulola kichi? obukere bwa shaganyizwe n'omuyaga? 8Aliko mwalonzaga kuja kulola kichi? lola,muntu oyambere emyambaro ya kachiro? okuli baba omunju zabami.9Aliko bichi byarhumaga mwarhenga, mwajaga kulola omulebi? nechi, mbabwirire, ali mukulu kulusha omu lebi. 10Oyula yiwa yandikirwaga ebila, lola, nyono ntumire omurhumwa wani embere zamalanga gawe, olala wakwiza enjira yawe embere zawe.11Oyemere, mbabwirire, harha shwiraga bonekana owundi muntu mukulu omu luburhwa lomukazi oli nka Yowane mudubikwa, aliko oli mudorho omu bwami bwe mpingu ali mukulu kulusha yewe. 12Kurhenga amango ga Yohane mudubikwa, kugera zene obwami bwe mpingu bubonekana oku misi, nabagwerhe emisi benjo babugera mo.13Bulala abalebi boshi haguma nerhegeko balebaga kuhika amango ga Yohane. 14nakaba mwakalonza oku biyemera, yewe ye Eliya njo wayinja. 15Ogwerhe amarhwiri, ayunve.16Aliko kichi nayinganya n'olula luburho? lushushire nka bana bayikere omusoko, baherhe bahamagala ababo, n'okuderha, 17rhwaba zihire akasayo, aliko murhazinaga. Rhwaba yimpire zamaganya, murhana ganyaga.18Bulala Yohana ayinjire, ntakulya na nta kunywa, baderha, aligwerhe abazimu. 19Mwene omuntu ayinjire, eya herhe alya n'okunywa, baderha, mudambi, mulalu, mwira waba furhisa nabanya byaha; n'obwenge bimenyikene oku buli bokunali oku milimo yage.20Honaho Yesu arhangira oku kalihira ebishagala akolere mwebisomerene byage binene, bulala barha hungamaga. 21Buhanya bwawe, Korazini; buhanya bwawe, Betisaida; bulala ebisomerene byakolekene emunda muli nkabya kolekaga e Siro ne Sidoni, baka hungamire mira n'oku yambala ebigunira n'oluvu. 22Aliko mba bwirire, kwaba kulembu e Tiro ne Sidoni oku chibirwa olubanja bwinja oku bibakolere kubalusha.23Woyo, Kapernaumu, kurhe; wazamulwa kugera empingu? wayandagazwa kuhika omu shinda, bulala ebisomerene byajirikwaga emunda oli nkabya kolekaga e Sodoma chakabere ho kugera zene. 24Aliko mba bwirire, byaba bilembo ekihugo kye Sodoma okuchibirwa olubanja oku buhanya bwacho kubalusha.25Ago mango Yesu aba shuza, aderha, nkuzize, darha, Nahano wempingu negulu, bulala ebila abi bishire abanya bwenge nabamenyi, aliko mwewe abi bishula oku bana badorho. 26Nechi, darha, bulala ntyo kubyali bikusimisize woyo. 27Aderha, nahabirwe byoshi na darha, chiro na ntaye oyinji omwana, aliko darha yenyine, chiro na ntaye oyinji darha arhali omwana, n'olala omwana asimire ana mubishulira.28Muyinje emwani, mweshi mwemu libukire n'okulemererwa nebi muhekere, nani naba luhusa. 29Mukihebe kwengarha yani, munyige, bulala nyono ndi mwirhonzi woku murhima, nenyu njo mwabona obusime omu mirhima yenyu. 30Bulala engarha yani eli ndebu n'omuzigo gwani gurha lemerere.
121Ago mango Yesu agera omu mashwa olusiku lwe sabato, abigirizwa bage bayunva enzara, barhangira okucha eminkenyi, bayilya. 2Abafarisayo babere babibona, bamubwira, lola; abigirizwa bawe bamakola ekirha shinganene oku kola olusiku lwe sabato.3Aliko Yesu ababwira, murha shwiraga kusoma ebi Daudi akolaga amango aligwerhe enzara, yewe haguma nabaliri nabo? 4Okuntu ajaga omukanyamuzinda, alya emigati erha shinganene okulibwako nabantu boshi, aliko oku bagingi bonyine.5Chiro kandi murha somaga oku rhegeko, oku olusiku lwe sabato abagingi banaja omukanyamuzinda yibarhabona obuhanya? 6Aliko mba bwirire, hanola rhuli, hali omukulu kulusha akanyamuzinda.7Aliko nka mwaka menyere empanvu yeyila myazi, nakalonza obu babale, aliko yerhali ntulo, murhakavumire abashinganene. 8Bulala mwene omuntu ye Nahano we sabato.9Nantyo Yesu arhenga eyo munda aja omu kishagala chabo. 10Nalola, omola hali omuntu ohunzize okuboko. Aba farisayo bamubaza, baderha, kuli kwinja okufumya abantu olusiku lwe sabato? yibabona kurhe bamusidaga.11Yesu aba bwira, nde muntu yeshi muguma mu mwewe, ogwerhe ntama nguma, neyola ntama yana rhogera omu kichokole olusiku lwe sabato, orhaka gala kuja kuyikula omola kichokole? 12Kurhe; omuntu agwerhe aka chiro kulusha ntama kanga? lero kuli kwinja okukola amenja olusiku lwe sabato.13Aha buzinda abwira oyola muntu, zamula okuboko kwawe, akuzamula, afuma, kwaba kuguma guma kuguma nakulala kwakabiri. 14Aliko abafarisayo bahuluka bajira ehano yibabona kurhe bamuyirha.15Aliko Yesu ali amenyere ebyo byoshi, arhenga eyo munda. Abantu banene bamukulikira, abafumya boshi. 16Aba lahiza ntaye babi menyesage okubandi. 17lyo mwazi omulebi Isaya aderhaga guyenera, aderha,18Lola, omukozi wani nahebere ho, muzigirwa wani, omurhima gwani gumusimire, naheba omuka gwani enyanya zage, naye ana bimenyesa olubaga okuchibirwa olubanja.19Yewe arha veba chango okubanda olwamo, omuntu arhaka yunva omulenge gwage omu njira. 20arha kacha omulonge guvunyongwere, arhakana guchamo, chango olutambi lukolerere ntaku luzima, chiro aluheka ewa kuchibirwa olubanja lwana himwa. 21nezino lyage olubaga njo lwa linihira.22Ago mango alerherwa omuntu oli mwa bazimu, mpumi, naye kaduma, amufumya, ako kaduma kava kaderha n'okubona. 23Omushiganano goshi gwa somerwa, gwa derha, oyula arhali yolala mugala wa Daudi?24Aliko abafarisayo babere babiyunva, baderha, oyula arhakula abazimu harhali oku buhashe bwa Belizebuli, mukulu wabazimu. 25Lero Yesu amenya enkengero zabo, aba bwira, nkasi bwami bugwarhirwa omujinya enyanya zomurhima gwage, gwana jirwa akaba kandi ekishagala chango enju yoshi yoshi eka gwarhirwa omujinya enyanya yomurhima gwage, erhaka yumanga.26Na lyangombe akahana lyangombe, eyama jirira omujinya omurhima gwage. Aliko obwami bwage bwana yumanga kurhe? 27Nyono nkakula abazimu kugerera Belizebuli, kurhe; abana benyu kirhumire bafuma? Enyanya zokola bowe benjo babachira olubanja.28Aliko nyono nkakula abazimu oku muka wa Nyamuzinda, lero eyo bwami bwa Nyamuzinda bwa yusize bayinjira. 29Chango, kurhe byakashoboka kuja omunju yomuntu ogwerhe emisi n'okutakaza ebintu bilimo, nobo arha rhangire kumushweka oyola ogwerhe emisi? anaja abona kuja mweyola nju. 30Omuntu orhali haguma nani, oyola ali mushombanyi wani, norha hekera haguma nani, oyola erhi aherhe ashandaza.31Enyanya zantyo mbabwirire, nkasi chaha na nkasi mwazi goku gayaguza, njo byaba balirwa mwene omuntu, aliko aba gayaguza muka njo barha babalirwa. 32Naye buli muntu yeshi wederhe omwazi enyanya ya mwene omuntu, njo ababalirwa, aliko ola wederhe omwazi enyanya wa muka mugishwa, arhaka babalirwa, chiro omugulu lya zene, n'omugulu njo lyayinja.33Ojire omurhi gwinja namalehe gage gakwirire, chango ojire omurhi okuba gubi namalehe gage ganaba gabi, bulala oku malehe gage omurhi gwana menyikana. 34Mwewe luburho lwe njoka, kurhe mwakagala kuderha amenja eyi mwakaba babi? bulala, obunu bomuntu buderha ebiyunjwire omu murhima gwage. 35Omuntu mwinja, omunguli yage nyinja kuhana obwinja, n'omuntu mubi, omunguli yage mbi, ahana ebibi.36Lero, mbabwirire, buli mwazi gurha gwerhe akamaro, nji baderha bene omuntu, nji bahana oluganjo logo mwazi oku siku zolubanja. 37Bulala oku myazi yawe, njo waganjirwa obushinganyanya, n'oku mwazi gwawe njo wahanwa.38Aho abakarani nabafarisayo, bamushubiza, baderha, mwigiriza, rhulonzeze rhubone ebisomerene emwawe. 39Aliko Yesu abashubiza, ababwira, oluburho lubi n'olo bumaguza bakalonza ebisomerene, chiro lurhana habwa ebisomerene, arhali ekisomerene chomulebi Yona. 40Nka kulala Yona aliri siku esharhu, ezuba n'obudufu omunda yefi nzibu zibu, ntyo nako mwene omuntu njo aba siku esharhu ezuba n'obudufu omu murhima gobudaka.41Abantu be Ninawi njo bayumanga oku lusiku lolubanja haguma nabantu baluno luburho, nabo njo bachibirwa olubanja okuba bagoseze, bulala bowe bali hungamire enyanya we nyigirizo za Yona nahanola hali omukulu kulusha Yona.42Omugoli kazi webushoshokero bwe zuba njo ayumanga olusiku loku chibirwa olubanja haguma nabantu baluno luburho, naye nja chibira bo olubanja oku bagoseze bulala yewe ayinjaga kurhenga omu bigabi byobuzinda byegulu oku ayunve obwenge bwa Sulemani nahanola hali omukulu kulusha Sulemani.43Muka mubi akarhenga omu muntu, anagerera ahantu harha gwerhe menji, aharhe alonza ahokuluhikira, arhana habona. 44Lero anaderha, nagaluka omunju yani aha narhengaga, aka gera mo, anabona ntacho chilimo, echere, ehyagirwe, n'oku kwizwa. 45Lero anagenda, anarhola haguma naye myuka yindi mushanvu imbi kumulusha, nabo banajamo banayikala mo, noyola muntu oborhere bwage buzinda bwanaba bubi kulusha abo burhanzi. Intyo kunjo byaba oku luburho lubi olula.46Abere aherhe aderha n'omushimanano, lola, nyina na bene babo baliri bayimangire embuga, balonza oku muderhesa. 47Muntu muguma amubwira, lola, nyoko na bene benyu bayimangire embuga, bali balonza kuderhesa.48Aliko Yesu amushubiza, abwira oyola wamulerheraga oburhumwa, nyama yende nabene berhu bobande? 49Ayerekeza efune emwa bigirizwa bage aderha, mulole, nyama nabene berhu; 50Bulala yeshi wejire obulonza bwa darha oli omu mpingu, oyola yemwene werhu n'omulala gwani yena nyama wani.
131Olo lusiku Yesu arhenga omunju, ayikala eburhambi bwe nyanja. 2Omushiganano golubaga lunene lwamushimana, naye azamuka omu bwarho, ayikala, n'ogola mushimanano goshi gwayimanga eshi.3Abwirabo bintu binene oku migani, aderha, mulole, omuhinzi aligendere kuhinga. 4Abere aherhe ahinga, emburho ziguma zarhogera hofi nenjira, enyunyi zayinja zazilya 5Ezindi zarhogera ahaburhambi bwamabale harhali obudaka bunene, okuliguma zamera, aliko yinta budaka buliho. 6Aliko ezuba lyabere lyakola zayuma, nabulala zirha gwerhe mizi, zayuma.7Ezindi za rhogera omu mishaki, emishaki yazifundeza zichi mera. 8Ezindi zarhogera ahobudaka buli bwinja, zaburha, nguma egana, eyindi makumi gali ndarhu, eyindi makumi asharhu. 9Ogwerhe amarhwiri goku yunva, ayunve.10Abigirizwa bage bayinja, bamubwira, chirhumire waderha nabo oku migani? 11Ashuza, aba bwira, mwewe muhabirwe oku menya ehwe lyobwami bwe mpingu, aliko bowe barhalihabirwe. 12Bulala nkasi yeshi ogwerhe ekintu ahabwa ana yongezezwe bwenene. Aliko olala orha gwerhe kintu, nekyaliwazize aherhe, bamunyage cho.13Enyanya zantyo nderhere nabo oku migani, bulala bali balola saliko barha bona, banashusha nkabaherhe bayunva aliko eyi barhana yunvirhe, barhana menyere. 14Omwazi g'omulebi Isaya gwa yenera emunda bali, gwana derha, oku yunva njo mwayunva, aliko murha rhegera, okulola mwana lola, aliko murha bona.15Bulala emirhima yabala bantu elemerere, n'okuyunva kwabo barha herhe bayunva bwinja, bulala namasu gabo gahumire, yinjo barha bona namasu gabo, bayunva oku marhwiri gabo, bamenya oku mirhima yabo, bachunguka, nabafumya.16Aliko, ragi lya masu genyu, bulala gabwene, namarhwiri genyu bulala gayunvirhe. 17Muyemere mbabwirire, oku abalebi naba shinganana banene balonzeze kubona ebila muherhe mwabona mwewe, aliko barha bibonaga, n'okuyunva ebila muherhe mwayunva aliko barha biyunvaga.18Lero mwewe muyunvirize omugani gomuhinzi. 19Nkasi muntu oyunva omwazi gobwami arhana gumenya, ayinja omushombanyi, anashamula ogwali gwahingirwe omu murhima gwage. Ogola gogwa hingwaga hala nenjira.20Nolala wahingaga omu mishaki, oyola yoyunva omwazi, anaguyankirira oku busime, 21aliko erhi nta mizi eli omu kagarhi kage, aliko aliho oku bichanji, haka rhengera obuhanya chango ekihanzo kogola mwazi, honaho anagaya.22Naye olala wahingwaga omu mishaki, oyola yeyunva omwazi, n'emilimo yegulu n'okurhebekwa k'obuhirhi kwana fundeza gulala mwazi, lyanaba lirha kiburha. 23N'olala wahingwaga oku budaka bwinja, oyola yeyunviriza omwazi, noku gumenya, yewe yeburha amalehe, nguma egana, eyindi makumi gali ndarhu, neyindi makumi asharhu.24Yesu abaha ogwindi mugani, aderha, obwami bwe mpingu bushushanyizwe n'omuntu wahingire emburho nyinja omu lubanda lwage. 25Aliko abantu babere baba balyamire, hayinja omu shombanyi, ahinga emisihe aha kagarhi kemburho, agenda. 26Ebyasi byamera omu mburho, eyi zinakola ziherhe zalonza kuburha, honaho omusihe gwarhangira oku bonekana.27Abakozi banyina enju bamushimba bamubwira, Nahano, orha hingaga emburho zikwirire omushwa lyomu lubanda lwawe? nkahe gwajire gwarhengerera ogulira musihe? 28Ababwira, omushombanyi yiwa kolere ebyola. Abakozi bamu bwira, lero, wakasima rhuje kugu shigula?29Aderha, nanga, murha shigulaga omusihe, mwaka shigula emburho haguma nago. 30Mubileke byoshi bibere haguma, kugera amango goku shalula. Omu kushalula, enjo nabwira aba shalula, murhange mushigule omusihe, mushweke echilundo chilundo mugu chane, aliko emburho zowe mwana ziheba omu nguli yani.31Yesu ashubi babwira ogundi mugani, aderha, obwami bwe mpingu bushushanyizwe n'embeke yehemba, ela omuntu arhola aja kuyihinga omushwa lyage. 32Yowe eba ngeke kulusha ezindi mburho, aliko yabere yamala kumera, yaba nene kulusha ezindi shogo zoshi, gwaba murhi, chiro nebisiga byomu chanya byana yinja kulama oku marhabi gogo murhi.33Yesu ashubi babwira ogundi mugani, obwami bwempingu bushushanyizwe namukazi muguma warholaga obufumu abudugira omu milengo esharhu yeshano, honaho yeva yaba nene.34Ebyo byoshi Yesu abi bwiraga omushiganano oku migani, bulala buzira omugani, ntamwazi aka bawirire yibayunva. 35Lyo mwazi gwa derhwaga n'omulebi guyenera, aderha, nabumbula obunu bwani oku migani, naderha bilala birhabaga ho amango ga mira.36Buzinda Yesu asezera omushimanano, aja omunju, abigiriwa bage bamushimba, bamubwira, orhu fafanulire ogula mugani guderhere omusihe gomu lubanda. 37Yesu abashuza, aderha, ohinga zilala mburho zinja, ali mwene omuntu. 38Eshwa lyomu lubanda lili gulu, ezola mburho zinja bali bana bomu bwami, ogola musihe, bobana bomu shombanyi, 39n'o mushombanyi wahingaga ye lyangombe. Oku shalula, buli buzinda bwe gulu, naba shalula bali bamalayika.40Lero, kulala omusihe gulundwa lundwa n'okuyoswa oku muliro, ntyo kunjo byaba amango gobuzinda bwegulu. 41Mwene omuntu njo arhuma bamalayika bage, njo balunda kurhengera omu bwami bwage ebigayiso byoshi, nabala bakola amabi. 42Njo bakabulwa omu furu yomuliro, hahola hanjo haba oku laka n'oku hekenya amenyo. 43Abashinganyanya njo bakolera nkazuba omu bwami bwa darha wabo. Ogwerhe amarhwiri, abi yunve.44Obwami bwempingu bushushanyize nenguli ebishirwe omushwa. Omuntu abere ayibona, ayibisha. Oku busime bwage agenda aja guza byoshi aherhe, aja kugula elyola shwa. 45Kandi, obwami bwe mpingu bushushanyizwe n'omuchuruzi, wajaga kulonza ebale kyakachiro. 46Naye abere abona bale liguma lyakachiro kazibu zibu, agenda aguza byoshi agwerhe, aligula.47Kandi, obwami bwempingu bushushanyize n'omulaga, gwarhegwa omu nyanja, gwa gusha gusha efi za nkasi lubero. 48Gwabere gwa yunjula, bagu kulula eshi, bayikala, barhungula ezikwirire baziheba omu bwarho nazilala zirha kwirire bazikabulira.49Ntyo kunjo byaba oku buzinda bwe gulu, ba malayika njo bayinja, njo bakula ababi haguma nabalala bashinganyanya. 50Bana bakabula omu furu lyo muliro, ahola njo kwaba kulaka n'oku hekenya amenyo.51Yesu aba baza, mwa menyere ebila byoshi? entumwa zage zamubwira, Nechi. 52Yesu ababwira, enyanya zantyo, nkasi mukarani ogwerhe obumenyi bobwami bwempingu, ashushanyizwe n'omuntu ogwerhe enju, wakula mwenguli eli mwe bintu bihyahya nebikulu kulu. 53Yesu abere amala eyola migani, arhenga agenda.54Abere ahika omu chihugo chabo, ayigiriza omu kishagala chabo, nabo basomerwa, baderha, oyula ngahe akulire obwenge bokujira ebisomerene? 55Oyula arhali mwana wolala oranda? nyina arhali yolala ohanagalwa oku zino lya Mariya, bene babo arhali Yakobo, na Yusufu, na Simoni na Yuda? 56Na bali babo boshi bobalala banaba eno mwerhu? lero oyula ngahe aka bona ebi byoshi?57Bagaya bwenene. Aliko Yesu aba bwira, omulebi arhaka fundi bona olukengo, saliko omu chihugo chage chowe nanga, nahaguma nemwabo. 58Arha jiraga bisomerene binene eyo munda, bulala barhali bamuyemerere.
141Ago mango mwami Herode ayunva emyazi ya Yesu, abwira abakozi bage. 2Oyula ye Yohana mudubisi? afukire omu bafu? nokuntyo eyo misi eli yakola akasi omu kagarhi kage.3Bulala Herode ali afarhire Yohana, amushweka, amuheba omu mugozi, enyanya za Herodiya, muka Filipo mwene wabo. 4Bulala Yohana ali mubwirire, birha shinganene emwawe okuba naye. 5Herode alonza oku muyirha, ayubaha abantu, bulala bali bwene Yohana okwali mulebi.6Aliko habere hagera olusiku lukulu lokuburhwa kwa Herode, mwali wa Herodiya azina bwinja embere zabantu, amusimisa Herode. 7Amulaganya oku ndahiro, okwa muha choshi choshi aka muhema.8Naye, aherhe arhebekwa na nyina, aderha, ompe hano omu gopo, erhwe lya Yohana mudubisi. 9Naye mwami agaya, aliko enyanya wendahiro yage, nenyanya zabalala bali bayikere balya haguma naye, arhegeka oku bibe ntyo.10Arhuma omuntu, acha Yohana erhwe omunju yembohe. 11Erhwe lyage lya lerhwa omu chikombe, ahabwa oyo munyere, alihekera nyina. 12Abigirizwa bage bagenda, baheka echola chifu, bamuhamba, oku buzinda bagenda kumenyesa Yesu eyo myazi.13Na Yesu abere ayunva ebyo, arhenga eyo munda omu bwarho, aja aha bantu barhali oku hwe. Nomushimano gwabere gwayunva gwamu kulikira oku magulu kurhenga omu bishagala byabo. 14Yesu arhenga, abona omu shimanano gunene, aba babalira, afumya aba lwala babo.15Lyabere liba golo, abigirizwa bage bamushimba, baderha, hanola rhuli oku kasi, nakasanzi kahwere, osezere omu shimanano, bagende omu bishagala baje kuchigulira mwe bilyo.16Yesu abwira bo, barhagwerhe enyorha yokuja emwabo. Muhebo ebi balya. 17Bamubwira, rhugwerhwe kandi kalyo halekere migati erhano nafi ebiri. 18Yesu aderha, mubinderhere hano.19Arhegeka omu shimanano, bayikale ahashi, arhola ela migati erhano, nazila fi ebiri, alola omuchanya, agisha, achangulaga ela migati, aha abigirizwa, nabo baha omu shiganano. 20Balya boshi bayugurha. Barhola gula ebisigazo byebichira bye migati, rhurhanda ekumi narhubiri rhuyunjwire. 21Nabola balyaga baliri balume bihumbi birhano buzira kuganja abakazi nabana.22Nokuliguma arhegeka abigirizwa bage, bazamuke omu bwarho, n'okurhanga embere kuja olundi lunda, amango yewe abaga achili asezera omushimanano. 23Naye abere amamala kuba sezera, azamuka oku musozi yewe yenyine kuja kuhuna. Egolo lyaba eyali eyo munda yenyine. 24Nobola bwarho bwamalire kugera aha garhi garhi kenyanja, obwarho bwalibuzwa n'omulaba, bulala omuyaga gwali gukalihire.25Byabere byahika bisanzi bya sene zobudufu, Yesu ashimba bo, yaherhe alambagira oku nyanja namagulu. 26Abigirizwa bage babere bamubona aherhe alambagira oku nyanja, bagaya, baderha, kichuchu si, babanda endulu oku buba. 27Aliko Yesu aderha, aba bwira, muchihe omurhima, nyono, murha yubahaga.28Petro amushubiza, aderha, Nahano, akaba woyo, rhegeka nkushimbe ndi nalambagira oku nyanja. 29Yesu aderha, yinja. Nantyo Petro arhenga omu bwarho, alambagira oku magulu oku nyanja, aherhe ashimba Yesu. 30Aliko Petro abere abona ekivundu cho mulaba, ayubaha, arhangira oku zika, abanda endulu, aderha, Nahano, onchungule.31Oku liguma Yesu alambula okuboko kwage, amuzamula, amu bwira, w'obwemere bugeke, oku wabwene engangane? 32Nantyo Yesu na Petro bashonera omu bwarho, omulaba gwafuma. 33Babere bali omu bwarho bamufukamira, baderha, okunali oli mwene Nyamuzinda.34Abere aba ama yambuka, bagera omu chihugo che Genezareti. 35Nabantu bahola babere bamurhegera, barhuma abantu kuja omu bihugo bili hofi nabo, bamulerhera boshi babaga barha chishobwere, 36bamu yinginga bahume oku mukunjo gomwambaro gwage gonyine naboshi bahumaga ko bafuma bwinja bwinja.
151Ntyo abafarisayo nabakarani kurhenga e Yerusalemu bashimba Yesu baderha, 2Kurhe oku abigirizwa bawe bali bayirha ama rhegeko gaba shamuka? Bula barha kalaba fune erhi balya ebilyo. 3Aba shubiza, aba bwira, oku nenyu muli mwa yirha amarhegeko ga Nyamuzinda enyanya wamarhegeko genyu?4Bulala Nyamuzinda aderhere, okenge yisho na nyoko, nowa duka eshe chango nyina bimu shinganene afe. 5Aliko mwewe mwana derha, owa bwira eshe chango nyina, nkasi choshi chali chishinganene oku nkurhabale nacho, nachihanire ntulo emwa Nyamuzinda. 6ola muntu orhakenga eshe na nyina. Mwayirha omwazi gwa Nyamuzinda enyanya ze ngeso zenyu.7Mwe ndyalya, bushinganyanya okuntu Isaya alebere oku myazi yenyu aderha, 8aba bantu bankenga oku bunu bwabo, aliko omu mirhima bali hale nani. 9Nabo bana mparamya busha, bana yigiriza enyigirizo zamarhegeko gabene omuntu .10Ahamagala omushimanano agu bwira,
12Abigirizwa bage bamushimba bamubwira, omenyere oku abafarisayo babere bayunva gula mwazi bagaya? 13Yesu Ashubiza, aba bwira, nkasi hingwa lirha hingwaga na darha wempingu njo lyashigulwa. 14Muleke bo, abo bali barhegesi mpumi bempumi. Nempumi eka habula eyindi mpumi, banarhogera boshi okubali mpumi omu kichokole.15Petro ashubiza lero amu bwira, orhubwire gula mugani. 16Yesu aderha, chiro kugera zene, nenyu murha gwerhe bwenge? 17Murhaza kumenya oku nkasi kintu kigerera omu bunu, kyana gera omunda, kyana kwebwa omusarani?18Aliko ebihuluka omu bunu, birhenga omu murhima, nabyo byebi hindula omuntu mubi. 19Bulala omu murhima murhenga enkengero zibi,okuyirha, obumaguza burhalwise olugero, obushambo, oku hamiriza obu beshi n'oku dukana. 20Ebyo byebi hindamula omuntu mubi. Saliko okulya n'omuntu arhaza kukalaba, birha heba omuntu mobubi.21Yesu arhenga olo lunda, aja olunda lwe Tiro ne Sidoni. 22Lola, mukazi muguma womu Kananinayo womu mbibi zeyo munda, ayinja, amulikira omulenge aderha, ombabalire, Nahano, mwene Daudi, omunyere wani afarhirwe na abazimu. 23Aliko Yesu arha mushubizaga mwazi. Entumwa zage zamushimba, zamuhuna, zaderha, omuleke agende, bulala alyajira olwamo enyuma zerhu.24Ashubiza, aba bwira, ntarhumagwa arhali enyanya zentama zaherere zomunju ye Israeli. 25Naye ayinja amu fukamira, aderha, Nahano, ontabale. 26Ashubiza, amubwira, kurhali kwinja okurhola ebilyo byabana n'oku bikweba nyakabwa.27Ashubiza, Nechi Nahano, aliko chiro na nyakabwa alya ebisigazo byarhogaga oku kashasha kaba nahamwabo. 28Yesu ashubiza, amubwira, mukazi, obwemere bwawe buli bunene, bikubere nkoku olonzeze. Omwali ava afuma ako kasanzi konako.29Yesu arhenga eyo munda, agera olunda lwe nyanja ye Galilaya, azamuka oku musozi, ayikala yo. 30Mushiganano gunene gwamushimba gwamulerhera ebi muga, empumi, orhu duma, abakoromekere, nabandi kamama. Baba yikaza omu magulu ga Yesu, abafumya. 31Ogo mushiganano gwa rhangala, babere babona orhu duma rhwama derha, ebimuga byamaba biguma guma, abakoromekere balambagire, empumi zabwene, baharamya Nyamuzinda we Israeli.32Yesu ahamagala abigirizwa bage, aderha, namabera omushiganano obonjo, bulala zamaba siku esharhu bayikere haguma nani barhaherhe echokulya, kandi nkaba sezera barhana lire, birha nsimisize, handeke baka fira omu njira. 33Abigirizwa bage bamu bwira, rhubone migati minga hanola omu rungu? chiro yaka yugusa ogula mushimanano mukulu gungana ntya? 34Yesu aba bwira, mugwerhe migati minga? baderha, mushanvu, nefi zigeke. 35Arhegeka omushimanano bayikale ahashi.36Arhola eyo migati mushanvu nazila fi, akuza, ayi changulanga, aha abaigirizwa bage, nabigirizwa bage baha omu shiganano. 37Balya boshi bayugurha, barholagula ebi chira chira bya migati rhurhanda mushanvu rhuyunjwire. 38Aba bilyaga bali balume bihumbi bine buzira oku ganja abakazi nabana. 39Yesu asezera omu shimanano azamuka omu bwarho, bagana olunda lwe Magadani.161Aba farisayo naba Sandukayo bamushimba, bamugeze, bamubwira okwa yereke bo ekisomezo kirhengere empingu. 2Ashubiza aba bwira, likaba golo, mwana derha oku njo byakwira bulala empingu yedukwire.3Nesezi mwana derha, ene haba omulaba, bulala empingu hadukwire hanali n'omwizimya. Mwewe ndyalya, mwana gala kumenya okwe mpingu yaba, aliko ebisomezo bya mira murha kagala kubimenya. 4Luburho lubi n'olo bumaguza, lwa lonza lubone ekisomezo, aliko lurha habwa ekisomezo kirhali kya Yoha. Aleka bo aganda bwage.5Abigirizwa bage bagenda bagera olundi olunda, bayibagira kuheka emigati. 6Yesu aba bwira, muchilange n'obubi bwaba farisayo naba sandukayo. 7Baja buhaka bonyine oku bonyine baderha, bulala rhurha hekere emigati. 8Yesu naye abimenya aba bwira, kumuli mwaja buhaka mwenyine oku mwenyine, mwewe banya bwemere bugeke, mpu murha gwerhe migati ?9Murhaza kumenya chiro muka yibuka ela migati erhano kubantu bihumbi birhano, na bigapo binga mwarholagwire? 10Chiro ela migati mushanvu oku bantu bihumbi bine narhurhanda rhunga mwarholagwire?11Kurhe byabere, murhamenyere okunta babwirire enyanya zemigati? sahubwe muchilange n'obubi bwaba farisayo naba sandukayo. 12Bagala kumenya oku arhali babwirire okubachilange n'obubi buli omu migati sahubwe n'enyigirizo zaba farisayo naba sandukayo.13Lero Yesu aja olunda lwe Kayizariya Filipi, abaza abigirizwa bage n'okuderha, abantu baderha oku mwene omuntu yende? 14Baderha, baguma baderha oku woyo we Yohana mudubisi, abandi mpu Eliya, nabandi Yeremiya chango muguma waba lebi. 15Mwewe, muderha oku nyono nye nde? 16Simoni Petro ashubiza aderha, woyo we Kiristu, mugala wa Nyamuzinda oliho.17Yesu ashubiza aba bwira, ragi lyawe, woyo Simoni Bar Yoha, bulala omubiri neshagama birhaka kuyerekere ebila byoshi, si darha oli omu mpingu. 18Nani nku bwirire, woyo we Petro nenyanya zeli bale nayumbaka akanyamuzinda kani. Chiro nenyunvi zekuzimu zirha ka kahima.19Nani nakuha enyugulo zobwami bwe mpingu. Nankasi yeshi njo washwekera muno gulu, njo aba yashwekerwe empingu, na nkasi yeshi njo washwekulira muno gulu njo aba ya shwekulirwe empingu. 20Ntyo Yesu abwira abigirizwa bage, oku ntamuntu babwirage oku yewe ye Kiristu.21Kurhenga ako kasanzi Yesu arhaondera oku habula abigirizwa bage oku bimushinganene okuja e Yerusalemu, n'okubona ama libuko ganene gaba shaja nagaba kulu gingi, naba karani, n'okuyirhwa, n'olusiku lwa kasharhu anafuka. 22Petro amurhola, arhondera oku mukalihira, aderha, nanga Nahano, ebyo birhaba. 23Aliko Yesu ahindamuka, abwira Petro, genda enyuma zani, lyangombe; oli kisirhazo emwani, bulala orha kengerere ebya Nyamuzinda si okengerere ebya bene abantu.24Mwako kasanzi, Yesu abwira abigirizwa bage, omuntu akalonza oku nkulikira, achi lahira yenyine, aheke omusalaba gwage, ankulikire. 25Obuli muntu njo walonza oku chungula obulamu bwage njo abuheza, n'omuntu waheza obulamu bwage enyanya zani, njo abu bona. 26Bulala bunguke buchi omuntu akabona egulu lyoshi, n'okubona ekihombo chobulamu bwage? chango ahana kichi enyanya za kalamu kage?27Bulala mwene omuntu njo ayinja, omu bumoleke bweshe naba malayika bage, kuhemba obuli muntu kukulikirana nebijiro byage. 28Muyemere mbabwirire, halya abantu aha kagarhi kabo bayumangire hano, barhabona olufu haba nehityu kugera amango babona mwene omuntu ayinjire omu bwami bwage.
171Enyuma wa siku ndarhu, Yesu arhola Petro,na Yakobo na Yohana mwene wabo, aheka bo oku musozi gulehere, omuhwe. 2Ahindamuka eshusho emalanga mbere gabo, amasu gage gachana nkazuba, emyambaro yage yaba mweru nka bumoleke.3Olole, harhengera Musa na Eliya baganira hagma naye. 4Petro ashubiza Yesu, Nahano, kuli kwinja hano oka lonza, rhuyumbake bilalo bisharhu. Chiguma chawe, nakiguma cha Musa, nakiguma cha Eliya.5Abere aherhe aderha, olole, ekichu cho mweru charhenga enyanya chabaheba ko luhomo, n'omulenge gwa rhenga mukila kihu, gwaderha, oyu ali mwana wani, muzigirwa wani, nsimiswa naye, mumu yunvirize. 6Balala bigirizwa babere bayunva bachikuba bafukamiriza, bayubaha benene. 7Yesu ayinja abahumako, aderha, muzuke, chiro murha yubahaga. 8Bazamulwa amasu gabo barhabonaga muntu olekere Yesu yenyine.9Babere bali bayandagala oku musozi, Yesu arhegeka aderha, ntamuntu mubwirage eyi myazi yobo bulebi,kugera amango omwana wa adamu njo afuka omu bafu.10Abigiorizwa bage bamubaza baderha, nka kurhe akarani baderha oku bishinganene Musa arhange ayinje?11Yesu ashubiza aba bwira, bishinganene Elia arhanga yinja, naye ana rheganya byoshi. 12Saliko mbabwirie oku Elia ayusize kugera mira aliko barha murhegereraka, aliko bamujirira byoshi bali balonzeze, ntyo ntyo mwene omuntu agenda kulibuzwa nabo. 13Nantyo abigirizwa bage alonzeze okuderha nabo enyanya za Yohane mudubisi.14Nabo babere babugana omu shiganano, muntu muguma amushimba, amufukamira, adeha, 15Nahano, oba balire omwana wani, bulala alwere ekichuli, n'oku libukwa bwenene, oku bunene ana chikuba omu muliro, nagandi mango omu menji. 16Namulerhere emwe ntumwa zawe barha shobolaga kumufumya.17Yesu ashubiza, aderha, mwe luburha lurha gwerhe bwemere, luherere, nayikala nenyu kugera mangochi, nalamabire nenyu kugera mangochi, mumu yegeze hano. 18Yesu akalihira abo bazimu, nabo bamurhenga mo, oyo musole afuma kurhenga ako kasanzi.19Enyuma, abagirizwa bashimba Yesu okwihwe, baderha, oku rhwewe rhurhali shobwere kukula aba bazimu? 20Yesu aba bwira, eli enyanya yoku geherwa kobwemere bwenyu, bulala mba bwirire, muka gwarha obwemere lugero lwa mburho nguma ye Horodadi, mwabwira ogu musozi, rhenga hano oje elira, nago gwarhenga, ntamwazi gwabaho gurhashoboka emwenyu. 21Aliko ebi birha shoboka nkaba kurhali kuhuna n'oku chishalisa.22Nabo babere bayikere e Galilaya, Yesu aba bwira, mwene omuntu amagenda kuhebwa omu maboko gabantu, nabo bamu yirha, n'olusiku lwakasharhu ana fuka. 23Bagaya bwenene.24Chiro babere bagera e Kapernaumu, bala bafurhisa echigabi cholufaranga lwe shekele, bashimba Petro, baderha, kurhe, mwigiriza wenyu arha hana ekigabi che shekele? 25Aderha, nechi achihana. Aliko Petro abere aja omunju, Yesu arhanga kumubaza, aderha, Simoni kurhe obwene? abami begulu bafurhisa ebarati chango ekodi okubantu babuko buchi? Oku bana babo chango oku bahisi?26Naye Petro aderha, oku bahisi, Yesu amu bwira, nkaba ntyo lero, abana barha ka furhiswa. 27Aliko yirhurha bagayisa, oje omunyanja okwebe moluloba, orhole efi yakaja oku luloba yoburhanzi, wana yibumbula obunu, wabona olufuranga lwe shekele, oluhebo lukufurhire haguma nani.
181Ebyo bichanji, abigirizwa bamugendera Yesu, baderha, 2Nde mukulu omu bwami bwa Nyamuzinda ? Yesu ahamagala omwana, amuheba aha garhi garhi kabo, aderha, 3Muyemere, mba bwirire, nkamurha chungukire mukaba nka bana, murhakaja omu bwami bwe mpingu.4Lero, nkasi yeshi ochi rohya nkoyula mwana, oyola yeli mukulu omu bwami bwe mpingu. 5Nabuli yeshi njo wayankirira oyola mwana omu lwiganyo loyola mwana oku zino lyani, eya nyankirire nyono. 6Aliko olala njo wahabusa muguma wabala badorho, abala baba banyemerere, bimushinganene ashwekerwe omugosi ebale linene li nchunchumirwe n'oku kabulwa omu muhengeri gwe nyanja.7Buhanya bwe gulu enyanya zebijiro byokuheza bulala birhaka legama kugeraho, aliko buhanya bolala muntu olerha eyo myazi yokuheza. 8Lero, oku boko kwawe, chango okugulu kwawe kuka kuheza, oku che, okuhebe hale nawe, kuli kwinja okuja omu buguma guma, eyinta kuboko ogwerhe chango okugulu ahali hokuba namaboko mabiri haguma nama gulu mabiri aliko omuntu aka kabulwa omu muliro gwesiku namango.9Esu lyawe lika kuhabisa, oli shigule, olikabule hale nawe, kuli kwinja okuja omu buguma guma ogwerhe su liguma, ahali hokuba namasu mabiri, aliko oka kabulwa omu chihenama chomuliro.10Mulole, murha hira muka gayaguza muguma mwabala badorho, bulala mba bwirire, oku bamalayika baba empingu esiku zoshi baherhe balola amasu ga darha oli empingu. 11(bulala omwana womuntu ayinjaga kuchungula olala waherere)12Murhali mwabona? omuntu aka gwarha ntama egana, nguma eka hera, kurhe; arha leka makumi gali mwenda na mwenda, anaja omu misozi, n'okulonza elala yaheraga? 13Aka yibona, muyemere,mba bwirire anasima bwenene kulusha zilala makumi gali mwenda na mwenda zirhali ziherere. 14Konakuguma, birha simisizwe darha wenyu oli omu mpingu oku muguma wabala badorho ahere.15Mwene wenyu nka kugomere, ogende omu hanule, woyo wenyine, aka kuyunva, wama bona mwene wenyu. 16Nanga, nkarha yunvirhe, rhola muntu muguma haguma nawe mube babiri, oku bunu bwenyu mube bahamiriza babiri chango basharhu yibuli mwazi gugala gala.17Nakaba arha bayunvirhe mwewe, mwana bwira akanyamuzinda, kandi nkarha yunvirhe akanyamuzinda, anaba emwenyu nka mupagani namufurhisa we barati.18Muyemere mbabwirire, nkasi yeshi mwachingira omwigulu aba ya chingirwe nempingu, na nkasi yeshi mwa chinguilira omugulu aba yachingulirwe omu mpingu. 19Kandi mbabwirire, babiri benyu njo baka yunvikana omugulu, nkasi mwazi goshi bampuna, bachihabwa na darha oli empingu. 20Bulala aha bantu babiri baba chango basharhu bachigushire omu zino lyani, nani eyindi ahola aha garhi garhi kabo.21Buzinda Petro amushimba amu bwira, Nahano, mwene werhu aka mpemukira kanga nani na mubabalire? chiro akaba kali mushanvu? 22Yesu amu bwira, ntakubwirire kali mushanvu, sahubwe mushanvu kali makumi gali mushanvu.23Enyanya zantyo, obwami bwe mpingu bushushanyizwe namwami muguma walonzaga kukola oluganjo lwabakozi bage. 24Arhangire oku bikola, alerherwa muntu muguma owabo ayindikaga furanga ze talanta bihumbi ekumi. 25Naye abere abula echo kujuha, nahamwabo arhegeka oku bamuguze yewe namukage nabana bage, nebintu byoshi agwerhe omunju, yamala kujuha ezola furanga.26Lero oyola mukozi afukama, alamiriza n'oku derha, Nahamwerhu, ondembere, nyono nakujuha. 27Nahamwabo, amu babalira amu shwekula, aleka lilala deni.28Aliko oyola mukozi arhenga agenda, abona muguma womu bantu bage, amujira e deni lya dinari egana, amufarha, amufarhira omu mumiro, aderha, njuha ebyo njira. 29Oyo muntu wage afukama omu magulu gage, amu yinginga aderha, wekalamawe ondembere, oku buzinda nakujuha e deni lyawe lyoshi.30Aliko arha biyemeraga, agenda, amuhebesa omu mugozi, kugera amango njo amujuha. 31Lero bera bage babere babona ebya kolekere, bagaya bwenene, baja kubwira olala nahamwabo womu babaliraga kulila deni linene.32Olala nahamwabo amuhamagala amu bwira, woyo oli muntu mubi, naku babalire deni lingana hala, eyi wa nyingingire, 33Woyo, kurhe; birhali biku hunire oka babalira owenyu, nkokunani naku babaliraga woyo?34Nahamwabo agaya, amuheka baje mushweka kugera amango elyo deni lyoshi lyehwe kujuha. 35Intyo ku darha oli empingu njo aba kolera mwewe, akaba murhaka babalira nkasi muguma oku murhima gwage omuntu oyirikirwe mwene wabo.
191Yesu abere amala eyo myazi, arhenga e Galilaya agera omu mbibi zobuyahudi elunda lwe yordani. 2Omushiganano gunene gwa mukulikira abafumya eyo munda.3Abafarisayo bamugendera, bamugeza, bamubwira, kurhe bishinganene omuntu okuleka mukage okubuli mpanvu? 4Yesu ashubiza,aba bwira, murha somaga oku owa lemaga oku murhondero, alemere omuntu womulume n'omuntu w'omukazi.5Aderha, enyanya zantyo, omuntu aleka eshe na nyina, ana berana na mukage,nabo babiri banaba muntu muguma? 6Chiro barha chili babiri, sahubwe mubiri muguma. Lero echi Nyamuzinda ahebere haguma, mwene omuntu amenye aka chilekanyisa.7Bamubwira, kurhe Musa ajaga aderha oku omuntu akaha omukazi amaruba goku muleka? 8Aba bwira, Musa, enyanya yemirhima yenyu ekomere, abaha amaruba gokuleka bakenyu, aliko kurhenga oku murhondero birhaliri ntyo. 9Nani mba bwirire, obuli muntu waleka mukage, akaba arhali oku mpanvu yobumaguza, akashaba owundi, eyama halika, nowa kashaba oyula walekwagwa, naye eyama halika.10Abigirizwa bage bamu bwira, oborhere bomulume namukage akaba ntyo kubuli, birha hemere oku shaba. 11Aliko yewe aba bwira, arhali boshi baka yankirira ogula mwazi, si balala bayemererwe. 12Bulala hali aba burhire erhi barhaka burha kurhenga omunda zaba nyina, kandi hali abarha burha eyi bajiririre ko nabandi bantu, hali nabandi barha burha erhi bonyine bachijire ko enyanya zokulonza obwami bwe mpingu. Owa shobola kuyunva ogu mwazi agu yankirire.13Bamulerhera abana badorho oku ahebe bo kwa maboko gage, n'oku bahunira, entumwa zage zaba kalihira. 14Aliko Yesu aderha, muleke abana badorho baje emwani, murhana babuzaga, bulala abali lwiganyo nka bowe, obwami bwe mpingu buli bwabo. 15Aheba amaboko gage enyanya zabo, arhenga eyo munda.16Na muntu muguma amushimba amubwira, mwigiriza, njire kurhe yingala kuhabwa akalamo kesiku namango? 17Yesu amu bwira, chirhumire ombaza emyazi yomwinja? oli mwinja aba muguma, aliko oka lonza kuja omu buguma guma, oyemere amarhegeko.18Amu bwira, marhegeko mahe? Yesu aderha, gaga, orha yirhaga, orha halikaga, orha yibaga, orha hamirizaga obu beshi, 19okenge yisho na nyoko, osime n'omuturanyi wawe nka woyo wenyine.20Oyo musole amu bwira, ebi byoshi mbijira. Bichi nshubire bula? 21Yesu amu bwira, nkaba walonza obe mushinganyanya, oje guza ebyo herhe, obihe abarha chigalire, nawe waba nenguli omu mpingu, oku buzinda oyinje onkulikire. 22Oyo musole abere ayunva ogo mwazi, agenda n'oburhe, bulala aligwerhe obuhirhi bunene.23Yesu abwira abigirizwa bage, muyemere mbabwirire, oku njo byaba bikomere omugale oku hika omu bwami bwe mpingu. 24Mbabwirire kandi, bili bilembu engamiya okugera omu kirhule kye sindani ahali omugale okuja omu bwami bwe mpingu.25Abigirizwa babere bayunva ntyo, basomerwa bwenene, baderha, nde lero waka chunguka? 26Yesu asezabo amasu, ababwira, emwa mwene omuntu ebyo birha shobokere, saliko emwa Nyamuzinda byoshi bishobokere. 27Petro ashubiza amu bwira, olole rhwewe rhwalekere byoshi rhwaku kulikira, njo rhwa bona bichi lero?28Yesu aba bwira, muyemere, mba bwirire, mwewe mwema nkulikire omu gulu lihyahya, njo ayankirira hano njo ayikala n'a mwene omuntu omu kichumbi chobulangashane bwage, nenyu njo mwayikala kubila bichumbi ekumi na babibiri, mwana chira olubanja gala muko ekumi namabiri ge Israeli.29Na nkasi yeshi walekere enju chango mwene wabo womulume chango womukazi, chango nyina, chango eshe, chango abana, chango amashwa, enyanya wezino lyani, ayankirira kali egana n'okulama omu bulamu bwesiku namango. 30Aliko banene baliri boburhanzi, baba bobuzinda, nabaliri bazinda baba boburhanzi.
201Bula obwami bwe mpingu bushushanyizwe n'omuntu nyine nju, warhengaga esezi sezi kuja kurhola abahinzi bage mpu abaheke omushwa lye mizabibu.
3Arhenga aha sesharhu, abona abandi bayumangire omusoko barha herhe kasi, 4abona bo aba bwira, mugende nenyu omushwa lyani lye mizabibu, nolo luhembo nabahabo. Nantyo bagenda.5Ashubi rhenga omusa ndarhu n'omu samwenda, ajira ntyo ntyo, 6chiro kugera sakumi nanguma, arhenga, abugana abandi bayumangire, aba bwira, oku muyumangire hano ezuba lyoshi buzira kasi? 7Bamubwira, bulala nta muntu horhuhamagere okurhuha akasi. Ababwira, nenyu mugende omushwa lyani lye mizabibu.8Lyabere lyaba golo, oyo nahano weshwa, abwira abimangizi bage bama kasi, ohamagale abahinzi, ohebo oluhembo lwabo, orhenderere oku muzinda kuhika oku murhanzi. 9Nabala basakumi nanguma babere bayinja, bakamarha nkasi muguma olufuranga lwe dinari. 10Nabala barhanzi babere bayinja nabo, bakengera oku boba kamarha zinene, nabo ntyo ntyo bakamarha lufuranga luguma lwe dinari obuli muntu.11Babere bayusa kukamarha bagaya nyina nju. 12Baderha, abazinda bakolere akasi sanguma yonyine, nawe wamahabo kuguma nerhu rhwe rhwa lembere amalibuko nebihe byoshi byolusiku.13Naye ashubiza muguma wabo, amu bwira, mwira wani, ntakuhemukire. Orha yunvikanaga nani olufuranga lwe dinari? 14Rhola oluli lwawe, ogende. Ndonzeze okuhemba oyula wobuzinda kuguma nawe.15Kaburhali bushinganana bwani okukola ebyani nkoku ndonzeze? Chango esu lyawe lyandola ekisuli okwenge najirire amenja? 16Ntyo ntyo owo buzinda njo aba woburhanzi, n'owaburhanzi anaba w'omwisho.17Chiro Yesu abere aherhe azamuka aja e Yerusalemu, aheka zila ntumwa zage ekumi nebiri okwihe, n'omu nira azibwira, 18Mulole, rhukoli zamuka kuja e Yerusalemu, na mwene omuntu ahebwa omu maboko gabakulu baba gingi naba korani, nabo bamuchira olubanja afe. 19Buzinda bamuheka emo lubaga lumu suzagure, n'okumushurha ebi boko, n'oku mumanika, n'olusiku lwa kasharhu anafuka.20Nyina wabana ba Zabadayo amushimba haguma nabana bage, amufukamira, amuhuna mwazi muguma. 21Yesu amu bwira, bichi walonza? Amu shubiza, orhegeke okwaba bana bani babiri, bayikale muguma oku boko kwawe kwe kulyo, owundi ekuboko kwawe kwe kulembe omu bwami bwawe.22Yesu ashubiza aderha, murha menyere echimuli mwa hema. kurhe mwakagala kunywera omu ngumbu na nywera mo? bamushubiza, rhwagala. 23Aba bwira, bushinganyanya muka nywera omu ngumbu yani aliko okuyikala ekulyo n'ekulembe kwani, ntaherhe elyo rhegeko, si balihabwa aba rheganyizwe na darha. 24Nabalala ekumi babere bayunva, bakalihira balala bene babo babiri.25Aliko Yesu, ababwira, aderha, muyinji oku abakulu bolubaga, baba rhambula oku misi, nabakulu babo baba kolesa. 26Aliko birhaba ntyo emwenyu, si nkasi yeshi walonza kuba mukulu wenyu, achijire mukozi wenyu. 27nankasi yeshi walonza kuba murhanzi emwenyu, achijire muja emwenyu. 28Nkoku mwene omuntu arha yinjaga kukolerwa, sahubwe kukola n'okuhana akalamu kage chibe chikinja cha banene.29Babere barhenga e Yeriko, omushiganano gunene gwa mukulikira. 30Olole, mpumi ebiri ziyikere hofi nenjira, nazo zabere bayunva ku Yesu ama gera, balika emilenge baderha, orhu babalire,mwene Daudi. 31Omushimanano gwaba kalihira, musire, aliko bowe bagenderera okulekera emilenge yabo n'okuderha, orhu babalire, nahamwerhu, mwana wa Daudi.32Yesu ayimanga, azihamagala, aderha, mwalonza mbajire kurhe? 33Zamubwira, Nahano, rhwalonza amasu gerhu gabone. 34Yesu azi babalira, ahuma oku masu gazo, honaho zaba zaba za bona za mukulikira.211Babere bayegera e Yerusalemu, bagera e Betefage, oku musozi gwe mizeyituni, Yesu arhuma ntumwa zage ebiri azibwira. 2Mugende kuhika omu kishagala muli mwalangira, n'oku liguma mwabona endogomi eshwekerwe, n'omwana gwendogomi haguma nayo, muyishwekule muyinderhere. 3Nomuntu aka ba baza, muderhe, Nahano ayilonzeze. nokuliguma oyo muntu abaheka.4Ebi byoshi byabere, yomwazi gwaderhwagwa n'omulebi guyenera, guderhere, 5mubwire omunyere we Sayuni alole, mwami wawe ayinjire emwawe, mwirhonzi, naye ashonere oku ndogomi, n'omwana gwe ndogomi, mwana gw'e ndongomi.6Zila ntumwa zagenda, zajira nkoku Yesu ana zibwiraga. 7Bamulerhera ela ndogomi n'omwana gwe ndogomi, baheba emishangi enyanya wayo, naye ayikala enyanya wayo. 8Bantu banene mogo mushiganano, basasa emyenda yabo omu njira, abandi bacha amarhabi g'emirhanda, bayisasa omunjira.9N'omushiganano gwabere gurhanga nabala bali bakulikire, bakweba emilenge, baderha, Hozana mwene Daudi; we mugishwa, ola oyinjire oku zino lya Nahano, Hozana enyanya we mpingu. 10Chiro abere aja e Yerusalemu, echihugo choshi chashakanya, abantu badeha, ndoyu? 11Omu shiganano gwa derha, oyu yola mulebi, Yesu, we Nazareti ye Galilaya.12Yesu aja omu kanyamuzinda, alibirha kuboshi baliri baguza n'oku gula omu kanya muzinda, ahenya orhu shasha rhwabaliri bakaba efuranga, nebichumbi byabaliri baguza enguku. 13Aba bwira, biyandikirwe, enju yani yahamagalwa nju yama huno, si mwewe mwayi jirire lugurhu lwe bishambo. 14Nempumi, nebilema, bamushimba omola kanyamuzinda aba fumya.15Aliko abakulu baba gingi naba karani, babere babona ebisomezo ajirire, nabana bakwebere emilenge yabo omu kanyamuzinda, baderha, Hozana mwene Daudi, bakaliha, 16Bamubwira, oyunvirhe okwaba baherhe baderha? Yesu aba shubiza, nechi. Murhagalaga kusoma okoku bunu bwabana badorho nabali bayonka, oyenere omwishingo? 17Abaleka, ahuluka embuga yechishagala kugera e Betaniya, alala eyo.18Esezi abere ali agenda omu njira, ayunva enzara, 19Abona omurhi eburhambi wenjira, agushimba, arhabonaga ku lehe olekere ebi babi byonyine. Agu bwira, orha chihira okaba kwa malehe kurhenga zene kuhika esiku zoshi, honaho omurhi gwava gwayuma.20Entumwa zabere zibona ntyo, zasomera za derha, kurhe omurhi gwama yuma? 21Yesu ashubiza aba bwira, muyemere, mbabwirire, muka gwarha obwemere burha herhe ngangane, murha kola ebi byo murhi gonyine, ahubwe nko mwabwira n'ogu musozi, rhenga ochi kwebe omu nyanja, n'ako kwanaba. 22Nankasi choshi mwahuna, oku bwemere mwaki habwa.23Chiro abere ayusa kuja omu kanyamuzinda, abakulu babagingi nabashamuka babantu bamu shimba erhi aherhe ayigiriza, baderha, oku rhegeko lyande oherhe wajira ebila, nande okuhere aga marhegeko? 24Yesu aba shubiza, ababwira, nani naba baza mwazi muguma. Muka nshubiza nani nana babwira oku rhegeko lyande nkola ebila.25Obu dubisi bwa Yohana bwarhengaga ngahe? bwarhengaga empingu chango emwa mwene omuntu? babazikana bonyine oku bonyine baderha, rhuka derha, bwa rhengaga empingu, arhubwira oku murha muyemeraga? 26Kandi rhuka derha, bwa rhengaga emwa mwene omuntu, rhu yubahire omu shimanano, bulala abantu boshi ayinji oku Yohana mulebi. 27Bashubiza Yesu baderha baderha, rhurha menyere. Naye aba bwira, nani ntaba bwira oku rhegeko lyande ndi nakola ebi.28Aliko kurhe mu bwene, muntu muguma aligwerhe bana babiri, ashimba omurhanzi, aderha, mwana wani, ene oje kola akasi omushwa lye mizabibu. 29Ashubiza aderha, najayo Nahano, aliko arhajaga yo. 30Ashimba owa kabiri, aderha naye ntyo, ntyo. Naye ashubiza aderha, ntajayo, buzinda ahungama ajayo.31Aha kagarhi kaba bana babiri, nde wakolere obulonza bweshe? Bamubwira, olala wakabiri. Yesu aba bwira, muyemere mbabwirire, abafurhisa ebarati nabumaguza, babarhanga kuja omu bwami bwa Nyamuzinda. 32Bulala Yohana ayinjire emwenyu omu njira yobu shinganyanya nenyu murha muyemeraga, aliko abafurhisa ebarati nabumaguza, bamuyemera, nenyu chiro mwabere mubona, murha hungamaga enyuma zaho, chiro mpu mumuyemere.33Muyunvirize olundi lwiganyo. Haliri muntu muguma nyina enju, naye ahinga eshwa lye mizabibu, alikerekesa olugurhu, achamo echi chokole chomukenzi, ayumbaka omunara, alangisa mwaba hinzi abalama. 34Amango gamalehe gabere gayegera, arhuma abakozi bage emwa bahinzi, muyankirire amalehe gage.35Balala bahinzi bafarha balala bakozi bage, baba shurha, oyula bamuyirha noyula bamushurha amabale. 36Arhuma abandi bakozi banene kulusha balala barhanzi, babakolera kulala konoko. 37Buzinda arhuma omwana wage, aderha, bakenga omwana wani.38Aliko abahinzi babere babona oyo mwana, baganira bonyine oku bonyine, oyula yemurhegesi, lero rhumu yirhe, rhu rhole obu burhegesi bwage. 39Bamufarha, bamukweba embuga lye shwa lye mizabibu, bamuyirha.40Lero hano nahano weshwa lye mizabibu njo ayinja, kurhe ajira abahinzi? 41Ababwira, njo ayirha kubi abola babi, neshwa lye mizabibu njo aliha abandi bahinzi, njo bamu galulira amalehe gage oku kasanzi kage.42Yesu aba bwira, murha galaga kusoma olwandiko, ebale aba yumbasi balahiraga, elyo lyabere bale likulu eburhambi, ogula mwazi gurhengere emwa Nahano, nago kili kisomerene omu masi gerhu?43Enyanya zantyo mbabwirire, obwami bwa Nyamuzinda bwa kulwa emwenyu, nabo bwana habwa olundi lubaga lolwa burha amalehe gage. 44Naye owunjo wachikuba kwelyo bale, njo avunika, naye eye lyo bale njo lya rhogera, njo lya mu vunyongola.45Abakulu babagingi nabafarisayo, babere bayunva ogo mugani, bamenya okwali aderha enyanya zabo. 46Nabo babere balonza oku mufarha, bayubaha omu shiganano, bulala olubaga lwali bwene okwali mulebi.
221Yesu ashubiza, aba bwira kandi ogundi mugani aderha, 2obwami bwe mpingu bushushanyizwe nomwami muguma wajiriraga omwana wage obuhya. 3Arhuma abakozi bage bahamagale aba hamagalwa oku buhya, nabo balahira kuyinja.4Ashubi rhuma abandi bantu aderha, mubwire balala bahamagalwa narheganyize obuhya bwani, enka zani ne mpene zoshi zabagirwe, nabyoshi bikola biyenere, muyinje omu buhya.5Aliko barha yemeraga bachigendera, muguma omushwa lyage, owundi omu burhimbuzi bwage. 6Nabala basigalaga, bafarha entumwa zage, babakolera amabi, bana bayirha. 7Ola mwami agaya lero, aheka abasirika bage bayirha bila binizi, ayosa nebishagala byabo.8Buzinda abwira abakozi bage, obuhya bwa yenere, aliko balala bahamagalwa barha shinganaga. 9Lero mugende omu njira n'omu mabarabara, naboshi mwaka bona, muba hamagale omu buhya. 10Abo bakozi barhenga baja omu barabara, bagusha nkasi yeshi ba bwene, ababi nabenja, obuhya bwa yunjulirana aba balama.11Aliko oyo mwami abere aja omunju okwalole abageni bage, abona omo muntu muguma orha yambere omwambaro gobuhya. 12Amu bwira, mwira wani, kurhe wageraga muno orhana gwerhe omwambaro gobuhya? Naye afarhwa.13Mwami abwira abakozi bage, mumu shweke amaboko namagulu, mumu kwebe omu mwizimya embuga, eyo munda kwaba kulaka n'oku hekenya amenyo. 14Bulala abahamagerwe bali banene, aliko aba yemererwe bali bageke.15Ntyo aba farisayo bagenda, bajira e hano, kurhe bamurhega oku myazi. 16Barhuma abigirizwa babo haguma nama Herodi. Babwira Yesu, mwigiriza, rhumenyere oku woyo oli muntu womu shinganana, nenjira ya Nyamuzinda oli wayi yigiriza oku bushinganana, chiro orha yubaha n'obukulu bwa buli muntu, bulala orha lola eshusho lyabantu. 17Lero orhubwire, kurhe obwene? Bishinganene okuha Kayizari ebarati chango nanga?18Aliko Yesu arhegera obubi bwabo, aderha, chirhu mire mwa ngeza, mwewe ndyalya? 19Munyereke olufuranga lwe barati. Nabo bamulerhera olufuranga lwe dinari.20Aba bwira, shusho lyande eli, kandi mandiko gande? 21Bamubwira, bya Kayizari. Yesu aba bwira, lero muhe Kayizari ebyage na Nyamuzinda ebya Nyamuzinda. 22Babere bayunva ,basomerwa, bamuleka, bagenda.23Olo lusiku aba sandukayo, nabala bantu baderha oku ntalusiku luzinda, bamushimba, bamubaza, baderha, 24mwigiriza, Musa ali derhere, omuntu akafa, nkaba nta mwana, mwene wabo arhole ola mukazi wayorhaga, abonere mwene wabo oluburho.25Lero emwerhu hali muntu muguma na bene babo mushanvu, owo burhanzi ashaba, afa, nabulala arha burhaga, alekera mwene wabo oyo mukazi wage. 26Ntyo ntyo owa kabiri, owa kasharhu kugera oku wa mushanvu. 27Enyuma zaboshi oyo mukazi naye afa. 28Oku lusiku luzinda, njo aba mukande mubalala mushanvu? naboshi baliri haguma naye.29Aliko Yesu ashubiza aba bwira, mwaherere, bulala murhenji amandiko murhenji n'obushobozi bwa Nyamuzinda. 30Bulala omu lusiku luzinda barha shaba chango ku shabwa, ahubwe banaba nkaba malayika bempingu.31Kandi oku myazi yolusiku luzinda lwabantu, murha somaga omwazi gwa derhwaga na Nyamuzinda gu derhere, 32Nyono Nyamuzinda wa Abrahamu, Nyamuzinda wa Isaka, Nyamuzinda wa Yakobo? Nyamuzinda orhaba Nyamuzinda wabafire, siwaba zene. 33Nomushiganano gwabere guyunva ntyo, gwa somerwa enyanya ye nyigirizo zage.34Aba farisayo babere bayunva okwashekere obunu bwaba sandukayo, bajira erhegeko haguma. 35Muguma mubo munya marhegeko, amubaza amugeza. 36Mwigiriza, omu kitabu chamarhegeko, lihe lili likulu?37Amu bwira, osime nahamwenyu Nyamuzinda, n'omurhima gwawe goshi, n'omuka gwawe goshi, n'obwenge bwawe boshi. 38Elila lye rhegeko likulu, kandi linali lyo burhanzi.39Elya kabiri, lishushire nelila, nalyo lyeli, osime omu turanyi wawe nka woyo wenyine. 40Aga marhegeko mabiri, goga yumangire amarhegeko naga balebi.41Abafarisayo babere bashiganana, Yesu aba baza, aderha, 42Kurhe mubwene kwe yila myazi ya Kiristu? aba mwana wande? Bamu bwira, mwene Daudi.43Yesu aba baza, kurhe bijire byaba Daudi omu muka oku hamagala Nahano, aderha, 44Nahano abwira Nahano wani, yikala omu kuboko kwe kulyo, narholere abashombanyi bawe noku baheba eshishi omu magulu gawe?45Lero Daudi aka hamagala Nahano, erhi kurhe bya bere, erhi ali mwana wage? 46Chiro ntaye nomuguma wagalire kumushubiza omwazi, chiro nanta muntu yeshi yeshi washobwere kurhenga ago mango kumubaza ogundi mwazi kandi.
231agomango yesu aderha n'olubaga haguma n'entumwa zage. Ababwira : 2 Abakarani n'abafarizeyi baikere okuntebe ya Musa. 3lero, choshi njo baba bwira, mubi farhe, muna bikole. Aliko oku lwiganyo lwe bijiro byabo, ntaku bikola, bulala abo baderha aliko barha kola.4bashana n'okuhensana emizigo okubirhugo byabandi bantu saliko bowe omudoke gwabo gurhaka bihumako 5byoshi bakola, eyibalonzeze abantu bababone konyine, intyo banayambala emyenda ya kaciro ibabonekana bwenene.6Basima amasala omusiku zikulu embere z'abantu n'okulonza entebe zembere omu bishagala. 7basima endamuso embere za bantu boshi n'okuhamagalwa, mukulu, mwigiriza.8saliko murhahamagalwaga bakulu erhi b'egiriza, bulala mwigiriza muguma yenyine rhugwerhe, s'abandi boshi rhwebaguma.9okwigulu orhabwiraga omuntu darha, bulala darha ali muguma yenyine, aba omupingu. 10 mumenye mwahamagalwa lungeri, kiristu yezu yenyine ye lungeri.11owalonza obukulu akolere ababo 12owekizamule, yeyandagazwe, owekiyandagaze, yezamulwe.13buhanya okubakarani n'abafarizeyi b'endyalya! bulala mukingira abandi o'bwami bw'empingu nabo nenyu murhanagyayo, murhanaziga abandi bagenda. 14[buhanya bwenyu ndyalya z'abandisi n'abafarizeyi, bulala mwa malire mwalya enju za bashumbakazi n'okusalira amasala marhahwa: okw'ebyola injo mwacirwa olubanja buzira bonjo]. 15buhanya okubandisi n'abafarizeyi b'endyalya, bulala mulibirha okunyanja n'okubudaka omuntu wa cungulwa, enyuma mwanamugira mwana okukabulirwa kabiri kulusha omugihenamu.16buhanya bwenyu mw'ebirongozi by'empumi, mwemuderha, mpu okukigasha okukanyamuzinda kurhali kubi si owakigashire oku oro ya kanyamuzinda akishwekere . 17muli bahwinja n'ampumi, kiki kikulu eyi e oro eyi kanyamuzinda kayikesa?18nk'omuntu akakigasha oku bye bishasha, kirintakyo si aka kigasha oku byentulo eya kishwekere yenyine . 19muli mpumi, kiki kinene ntulo eyi kishasha kiyikesa?20okigasha okubishasha by'akanyamuzinda eyana kigashire okubiriko byoshi 21okigasha oku kanyamuzinda yakigashire n'oku baliko boshi 22n'okigasha oku by'empingu eyi akigashire oku byentebe ya lulema n'oyiikereko23buhanya bwa mbandisi naba farisayo b'endyala bulala murhula entulo na kiguma ky'ekumi oku mirunda na byoshi bifire nyogonyo n'okuleka ebyakamaro omurhegeko, ebyo bimukulikira n'okuleka ebindi by'obwenge n'olukogo n'obwemere nabyo murhabilekaga. 24baherekeza b'empumi, bakulikira ehigu n'okumira endogomi25 buhanya bwenyu abandisi n'abafarizeyi b'endyalya bulala muyinji kushuka embuga z'egopo n'embehe n'omukagarhi hali mw'ezinga lyoshi. 26bafarizayo b'empumi, kwiza ekagarhi k'egopo n'omugopo hoshi hakwire.27buli buhanya bwenyu mwe bandisi n'abafarizeyi b'endyalya bulala mushushire n'eshinda z'omweru zishigirwe bwinja ebunga s'omukagarhi magufa gonene g'emifu n'ebibolere byoshi. 28mwenyine mushushire bwinja okubantu s'omukagarhi kenyu bulyalya n'obubi boshi29buhanya bwenyu, bandisi n'abafarizeyi bulala muyumbakiire eshinda z'abalebi n'okuzishiga amabara 30n'okuderha, nkarhwaliriho, omugihe kya badarha rhurhakasheshere eshagama y'abalebi 31intyo kumuna kilenganya okumuli bana babayirhaga abalebi32mubishe olugero lwa bayisho bamira. 33njoka nabana b'empiri, gurhe injo mwafuma empanya zokihenamu?34 kyekirhumire, mulolereze, nabarhumire abalebi n'abanya bwenge n'abandisi mwana bayirha bagumabaguma n'okubashurha omu bishagala n'okubalibuza hoshihoshi 35intyo, eshagama yabo ebagende oko kurhenge Adamu kugerera Abeli muntu mushinganyanya kiro n'eshagama ya zakariya mwene barakiya mwa yirhaga omubashinganyanya bak'anyamuzinda. 36muyemere nbabwirire ebi byoshi bya bagenda ko kolu luburho lwenyu.37Ego yerusalemu, yerussalemu weyirha abalebi n'entumwa kanga na malonza ?kubagusha haguma nka ngoko ya gusha gusha abana bayo eyimurhana yemera ? 38 Mulolage, enju yenu mwama isiga mbula menji 39bulala mba bwirire, murhakaki yibona, kugera ahanjo mwaderha agishwe oyinjire okuzina lya lulema.
241Yesu agenda, arhenga omu kanyamuzinda, abigirizwa bage bamushimba omu kumuyereka obu mbake bwaka nyamuzinda. 2Yewe abashuza ab bwira, murhaza kubona ebi byoshi? muyemere, mba bwirire, nta bale lye yorhe enyanya welindi lirhaka shandwa3Abere aba ayikere oku musozi gwe mizeyituni, abigirizwa bage bamushimba juba juba, baderha, orhubwire, eyi myazi yaba mangochi? kandi eki menyeso choku galuka kwawe ngahe kuli? nakichi kya rhuyereka obuzinda bwe gulu? 4Yesu ashuza, aba bwira, mulole, omuntu arhaba rhebekaga. 5Bulala banene njo bayinja oku zino lyani, bana derha, nyono nye Kiristu, nabo barhebeka banene.6Nenyu njo mwayunva emyazi yentambala nenderho zinene zentambala, mulole, murha yubahaga, bulala ebyola birha kaleka kubaho, aliko burhaza kuba buzinda. 7Bulala olubaga njo lwahuluka, lwana lwisa olwindi lubaga, obwami njo bwalwa n'obwindi bwami, njo haba nenzara, n'omusisi gwe chihugo ahala nahalira. 8Ebila byoshi gomurhangiro gwamalumwa.9Ago mango njo baba lenganya mwewe yimubona ama libuko, nabo njo baba yirha, nenyu njo mwanaba bantu bokuhekwa n'olubaga loshi enyanya ye zino lyani. 10Ahola habanene njo basirhala, nabo bana rhangira oku lenganyana n'oku gayana. 11Nabalebi banene bobu beshi njo babaho, n'okurhebeka banene.12Bulala enyanya zamabi oku luga, obuzigire bwaba nene njo bwa geha. 13Aliko olala walembera kugera oku buzinda, oyola yinjo wachunguka. 14Kandi omwazi gwinja gobwami njo gwa yigirizwa omu gulu lyoshi, okuba buhamiriza oku lubaga loshi, ahola hobuzinda njo bwaba erhi bwama yinja.15Ahola njo muka bona obubi, bula bwa derhagwa n'omulebi Danieli, oku bwa yumangire ahantu hachesibwa (owasoma ana menye), 16Ago mango ababa bali omu buyahudi, bana libirhira oku musozi, 17Noli omu chanya, arha chigaluka kuja kurhola ebili omunju yage, 18chiro oli omushwa arha galukaga enyuma kurhola emyambaro yage.19Buhanya bwabali makule nabaherhe bayonkesa mwezola siku; 20Muhune, li oku libirha kwenyu njo kurhabaga amango gemboho, chiro amango ge sabato. 21Bulala ago mango njogaba mango gobuhanya bunene, bulala burha shwiraga kubaho, kurhenga omurhondero gwe gulu kugera zene, chiro kurhana kachibaho kandi. 22Nankezola siku zirha yufihaga, harhaka chungukire omuntu yeshi yeshi, aliko enyanya zabishogwa zayufihize ezola siku.23Agola mango, omuntu aka babwira, lola, Kiristu alihano, chango ali elira munda, murha yemeraga. 24Bulala njo harhengera ba Kiristu bobu beshi, nabalebi bobu beshi, nabo nji bajira ebisomerene bizibu zibu n'oku somerwa, bagale kuheza bikashobolikana abishogwa. 25Lola, namalire kubahanula embere.26lero baka babwira, ali omwirungu, murha rhengaga, ali omunju, murha yemeraga. 27Nkoku obumoleke burhenga ebushoshokero bwe zuba bwana bonekana egolo, ntyo na ntyo kunjo kwaba oku yinja kwa mwene omuntu. 28Bulala hoshi hali omufu, hebihungwe bishimanana29Aliko oku liguma obuzinda bwa malibuko, ezuba njo lyaba mwizima, n'omwezi njo gurha hana obu moleke gwabo, nenyenyezi njo zarhoga kurhenga omuchanya, nemisi yempingu njo ya dirhimana.30Ntyo kunjo byabonekana ekisomezo cha mwene omuntu empingu, ntyo olubaga loshi lwe gulu njo lwa laka nabo njo babona mwene omuntu eya herhe ayinja enyanya omu bichu bye mpingu haguma nemisi nobumoleke bunene. 31Naye njo arhuma bamalayika bage haguma n'omulenge gunene nempanda, nabo njo bagusha abishogwa bage kurhenga omu bigabi bine, kurhenga oku buzinda bwe mpingu kugera kobula bwindi.32Lero oku murhi, muyige ogula mugani, erhabi erhi lyakayusi shoga n'okumera ebi babi, mwana rhegera oku akasanzi koku shalula kahikire, 33Nenyu kugenderera, eyi mwaka bona ebyo byoshi, mwana rhegera oku ali hofi, oku lunvi34Muyemere, mba bwirire, olu luburho lurha gera kuhika ebyo byoshi birha yenere. 35Empingu negulu bya gera, aliko omwazi gwani gurha kagera busha.36Aliko eyo ngani yolola lusiku, nakasanzi ntaye oka yinji, chiro naba malayika bali empingu, chiro nomwana, saliko darha yewe yenyine.37Bulala nkoku byaliri oku siku za Nuhu, ntyo kunjo byaba okusiku zokuyinja kwa mwene omuntu. 38Bulala nkoku bya liri amango ge garika, abantu balemaga balya, n'okunywa, bali bashaba n'okushabwa, kugera olusiku Nuhu ajire omu Safina. 39Barha rhegeraga, enyanja ya yunjula, yarhola boshi, ntyo kunjo kwaba oku yinja kwa mwene omuntu.40Ago mango, bantu babiri njo baba bali omu lubanda, muguma ana hekwa owundi ana lekwa. 41Bakazi njo baba bali bashakula, muguma ana hekwa, owundi ana lekwa. 42Mutarame lero, bulala murha menyere olusiku njo ayinja nahamwenyu wenyu.43Aliko murhegere ogula mwazi, nka nyina enju amenyaga amango echishambo chayinja, aka taramire, arha kalekere enju yage yachingulwa. 44Enyanya zokola nenyu muchi rheganye, bulala oku kasanzi murha menyere mwene omuntu ayinja45Inde lero olala mukozi mushinganyanya ogwerhe obwenge, olala nahamwabo ahebaga enyanya wenju yage, ahe abantu bage ebilyo oku kasanzi? 46Ragi lyola mukozi, olala nahamwabo njo ayinja ana shimana ajirire ntyo. 47Muyemere, mba bwirire, njo amuheba enyanya zebintu byage byoshi.48Aliko olala mukozi mubi aderha omu murhima gwage, nahamwerhu alegamire, 49arhondera oku shurha abira banahamwabo, arhondera okulya n'okunywa haguma nabalalu, 50nahamwabo woyola mukozi njo ayinja oku lusiku arha menyere, nekisanzi arha menyere, 51njo amuchamo bichira bibiri, n'oku mugusha haguma nabala balyalya, hahola hanjo haba amalira n'oku hekenya amenyo.
251Nantyo obwami bwe mpingu bushushanyizwe nabanyere ekumi,barholaga amatara gabo barhenga kuja linga omuhya mulume. 2Barhano baliri bahwinja nabarhano bali banya bwenge. 3Bala baba hwinja barhola amatara gabo, baleka ebitoroli, byoku jamo. 4Aliko balala banya bwenge, barhola ebitoroli, baheba omu matara gabo.5Kugera emango muhya mulume abere alegama, boshi bajero balyama. 6Habere hahika aha garhi garhi kobudufu, haba olwamo lunene, mulole, muhya mulume ayinjire, muje kumulinga.7Oku liguma, bazuka barheganya amatara gabo. 8Bila bihwinja byabwira abanya bwenge, murhuhe oku bitoroli bigeke, bulala amatara gerhu gazimire. 9Aliko balala banya bwenge bashubiza bo, baba bwira, arhali ntyo, birhaka rhushobola rhwewe nenyu, murhole enjira muje emwa barhimbuzi muchi gulire.10Nabola babere bagenda kugula, muhya mulume ayinja. Nabalala bali bachi rheganyize baja omu buhya na nahamwabo, honaho olunvi lwa chingwa. 11Lero bayinja balala bandi banyere, baderha, nahano, nahano, orhu chingulire. 12aliko abashubiza aderha, muyemere, mba bwirire ntaba yinji mwewe. 13Lero mutarame bulala murhenji olusiku chiro akasanzi.14Bulala guli mugani gomuntu njo wabalama, ahamagala abakozi bage, abika ebirugu emwabo. 15Aha muguma talanta erhano, nowundi talanta ebiri, nowundi talanta nguma. Buli muguma oku bushobozi bwage, abalama. 16Lero olala wohabwaga talanta erhano, agenda, aja jira oburhimbuzi nazo, abona enyungu ya talanta zindi erhano.17Kugenderera noyo wakabiri, naye abona zindi talanta ebiri ze nyungu. 18Aliko oyola wahabwaga nguma, achokola omu budaka, abisha mo olo lufaranga lwa nahamwabo.19Enyuma wa siku zinene ayinja nahamwabo, ajira oluganjo haguma nabo. 20Hayinja olala wahabwaga talanta erhano, alerha talanta zindi erhano, aderha, nahamwerhu, wali mpere talanta erhano, lola, zindi talanta erhano ezila nayungukire. 21Nahamwabo amu bwira, bwinja, mukozi mwinja nowo bwemere, waliri mushinganana oku bikege, naja nakuheba oku binene , jo omubusime haguma na nahamwenyu.22hayinja olala wahabwaga talanta ebiri, aderha, nahano, wampere tanlanta ebiri; lola, na bwene zindi ebiri zenyungu. 23nahamwabo amubwira, kwinja, olimukozi mwinja wobwemere; olimwemezi okubigeke, nakuhira enyanya wabinene; jomubusime haguma na nahamwenyu.24hayinja olala wahabwaga talanta inguma aderha, nahano, nayibukire, okuwoyo olimuntu mudarhi, oshalula ohorha hinganga, ogusha nebyorhalishandeze. 25lero nayubaha, nagenda najakubisha olola lufuranka lwawe omubudaka, lola, okuli lwawe.26nahamwabo amushubiza, amubwira, woyo olimukozi mubi womolokazi, wamenya kushalula ahantahingire, ingusha ahantalishandeze; 27lero byalikuhunire olu lufuranka lwani oluhebe emunda ziyungu kira; hano nyinja nanabugana enyungu yalo.28lero, mumunyage eyola ntalanta, muluyongeze olala ogwerhe intalanta ekumi 29bulala ngasi muntu ogwerhe ekintu yiwahabwa, n'okuyongererwa binene, aliko olala orhagwe ekintu, nakilala agwerhe bamunyage cho. 30nolala mukozi orhashinganene, mumukabule embuga omumwizimya embuga. bulala honjihaba okulaka n'okuhekenya amenyo.31hana ayinja mwene omuntu omubulangashane bwage, na bamalaika bachesibwa boshi haguma naye, ahola hanjayikala okukichumbi chobulangashane bwage. 32nolubaga loshi njilwachigusha haguma naye; naye njanabalondola nkakula omungeri alondola entama ne mpene.33enjo aheba entama omukuboko kokulyo, empene anazihiba omukuboko kokulembe.34 buzinda omwami yebwire balala bali omukuboko kwekulyo, muyinje, mwemwagishirwe na darha muje omubwami bwage mwabikirwe kurhenga egulu lilemwa. 35bulala naligwerhe enzara mwampa akalyo; naligwerhe enyorha mwanywesa; naliri muhisi mwanyegereza; 36ntacho naliyambere, mwanyambisa, naliri mulwala, mwayinja ndola; naliboherwe, mwayinja kundola.37intyo abanyabushinganana bamushubiza, nahano, mangochi nakubonaga olizara nakuha ebyokulya, chango waligwerhe enyorha nakunywesa? 38nkandi ngahe nakubonaga eyolimuhisi nakuyegereza, chango ngahe nabonaga eyintacho oyambere nakuyambisa? 39nkandi ngahe nakubwene eyoli mulwala chango bakushwekere nayinja kukulola? 40omwami njabashuza, anababwira, muyemere, imbabwirire, onkuntu mwakolere muguma mubalala bene berhu badorho, nyono yimwabikoleraga.41buzinda anababwira balala bali omukoboko kwage kokulembe, murhenge emwani, mulibivume, mugende omumuliro gwesiku nezindi, lyangombe alibabikirego haguma nabamalaika bage. 42bulala naliri inzara, murhampaga akalyo, naligwerhe enyorha; murhampaga ekinanywa. 43naliri muhisi, murhanyegerezaga; ntacho naliyambere, mwalahira kunyambisa; naliri mulwala, naliboherwe, murhayinjaga kundola.44abola nabo njibashuza, banaderha, nahano, ngaherwakubwene woyo eyoli inzara, chango eyogwerhe enyorha, chango olimuhisi, chango ntacho oyambere, chango eyolwalirwe, chango eyoli omumugozi, rwafunda kukurhabala? 45naye abashubiza, anaderha, muyemere, imbabwirire, onkuntu mwakolere muguma mubalala badorho mwali mulinabo, nyono yimwabikoleraga. 46nabola njibagenda kuja omubuhane bwemyaka yoshi;aliko abashinganyanya jibaja omubwinja bwesiku zoshi.
261Hagera amango eli Yesu amalaga kuderha eyo myazi yoshi, abwira abigirizwa bage, 2Mumenyere oku enyuma wa siku biri, yaba pasaka, n'a mwene omuntu alenganywa ana bambwe.3Ago mango abakulu baba gingi, nabashamuka babantu, bachigusha omu lugurhu lomu gingi mukulu, ezino lyage ye Kayafa. 4Bajira ehano haguma oku bafarhe Yesu oku bubi n'oku muyirha. 5Aliko baderha, lurhaba amango golusiku lukulu, njo haka rhenga entambala aha garhi garhi ka bantu6Na Yesu abere ali e Betaniya omuntu ya Simoni webi benzi, 7omukazi ogwerhe esupa lya mavurha lye furanga zinene, amu yegera ama sheshera omwirhe lyage ey ayikere aherhe alya. 8Abigirizwa bage babere babona, bagaya, baderha, chihombo chingana kurhe echi? 9Bulala agala mavurha, gaka guzizwe oku furanga zinene banaziha abakene.10Aliko Yesu aba rhegera, aba bwira, oku mwama gayisa oyula mukazi? bulala kali kasi kenja anjirire nyono. 11Bulala esiku zoshi muba haguma nabakene, saliko nyono murhaba haguma nani esiku zoshi.12Bulala oku gasheshera oku magulu gani, ajirire bwinja omu kuhambwa kwani. 13Muyemere, mba bwirire, nkasi hoshi heyigirizwe ogu mwazi omu gulu lyoshi, ekila akolere kye derhwe omu ku muyibuka.14Ago mango muguma womu bala ekumi nababiri, oyirikirwe Yuda Isikariyote, ashimba abakulu baba gingi. 15Aderha, chichi mwa mpa, nyono mulenganye emwenyu? bamu lengera milengo makumi asharhu bye furanga. 16kurhenga ago mango alema alonza akasanzi koku mulenganya.17OLusiku lurhanzi lwe migati erhali mubufumu, entumwa za shimba Yesu, za mubwira, ngahe walonza rhuku rheganyize aha lira pasaka? 18Aderha, mugende omu kishagala cho muntu muguma, mumu bwire, mwigiriza aderhere, akasanzi kani kali hofi, emwawe yina lira pasaka nentumwa zani. 19Entumwa zakola nkoku Yesu aba bwiraga, barheganya pasaka.20Lyabere golo, ayikala alya ebilyo haguma nabalala ekumi naba biri. 21Nabo babere bali balya, aderha, muyemere, mbabwirire, muguma wenyu andeganya. 22Bagaya bwenene, barhondera oku baza muguma oku wundi, ka nyono Nahano?23Ashubiza aderha, yewe oli aheba okuboko kwage haguma nani omu mbehe, yoyo yiwa ndenganya. 24Mwene omuntu akoli genda lwage, nkoku byali biyandikirwe, aliko buhanya bowa lenganya mwene omuntu. Lyakabere ragi, oyo muntu nka rha burhwaga. 25Yuda, ola wamulenganya, ashubiza, aderha, nyono Nahano? amubwira, woyo wabi derhere.26Nabo babere baherhe balya, Yesu arhola omugati, agu gisha, aguchamo, aha entumwa zage, aderha, murhole mulye, ogula gomubiri gwani.27Arhola engumbu, agisha, ahabo, aderha, munyweko mweshi. 28Bulala eyila eli shagama yani yekilagane kihyakihya, yasheshakala enyanya za banene benyu omu kukulirwa ebyaha. 29Aliko mba bwirire, ntaka chinywa kandi bundi oku luburho logu muzabibu, kugera olusiku nashiba nywa buhyahya nenyu omu bwami bwa darha.30Nabo babere bamala kuyimpa, bahuluka embuga, baja oku musozi gwe mizeyituni. 31Ntyo Yesu aba bwira, mweshi mwagayiswa enyanya zani omu budufu bwa zene, bulala biyandikirwe, nashurha lungere, nentama zechigusho zaja eyi neyi. 32Aliko enyuma zoku fuka kwani naba rhanga e Galilaya.33Petro ashubiza, amu bwira, chiro boshi bagayiswa enyanya zawe, nyono ntagaya haba nehityu. 34Yesu amu bwira, oyemere, nkubwirire woyo, obudufu bwa zene embere oluhazi lubike, wandahira kasharhu. 35Petro amu bwira, chiro bya nshinganana okufa nawe, ntakulahira. Nentumwa zoshi zaderha ntyo ntyo.36Buzinda Yesu agenda haguma nabo kugera ahantu hayirikirwe Gethsemane abwira entumwa zage, muyikale ahala, naja elira kuhuna. 37Arhola Petro na bala bana babiri ba Zabadayo, arhondera oku gaya n'okulibuka. 38Aba bwira, omurhima gwani gu gwerhe omu gayo gunene lugero lokufa, muyikale aha, mutarame haguma nani.39Agenderera embere hityu, achikuba afukama, ahuna, aderha, darha, bika shobokana, eyila ngumbu engere eburhambi, aliko arhali oku nyono ndonzeze, si oku woyo olonzeze. 40Ashimba zila ntumwa, ashimana za lyamire, abwira Petro, kurhe orhagalire ku tarama nani chiro sanguma? 41Mutarame, muhune, mumenye mwakaja omu bigeregezo, omurhima gukomere, aliko omubiri guyolokere.42Ashubi genda obwa kabiri, ahuna, aderha, darha, nkaba byaka shoboka, eyila ngumbu engere eburhambi menye nakayinywa, obulonza bwawe bujirike. 43Ashubi yinja abugana balyamire, bulala amasu gabo gali galemerere. 44Ashubi baleka, agenda, ahuna obwa kasharhu, aderha eyo myazi yeneyo.45Oku buzinda ashimba entumwa zage, ababwira, mujage mwa lyama, muhumuke, mulole akasanzi kamagera ho, mwene omuntu ahebwa omu maboko gabanya byaha. 46murhenge, muje, omu mizeyituni, mulole olala woku ndenganya ama yegera.47Abere aba aherhe aderha, olole Yuda muguma wabalala ekumi naba biri ayinja, nechigusho chinene chaba herhe emipanga namahiri, barhenga emwa bakulu baba gingi nabashamuka babantu. 48Nolala woku mulenganya ali abahere eki menyeso aderha, eyi naka hobera, erhi yoyo mwana mufarha.49Honaho ashimba Yesu aderha, ndamusize, Nahano, amu nunugusa. 50Yesu amu bwira, mwira wani, ojire ebi washimbaga. Bagenda, bafarha Yesu.51Na muguma wabaliri na Yesu, arhola omupanga omu fune zage, ashurha omuntu womukohani mukulu, amucha okwirhiri. 52Nantyo Yesu amu bwira, galula omupanga gwawe aha gwa rhengaga bulala boshi bayirha oku mupanga, njo bafa oku mupanga. 53Chango omenyere oku nyono ntaka gala kuhema darha naye ana nderhera hano echigusho chaba malayika ekumi naba biri? 54Amandiko gana yenera kurhe oku ntyo ku byali bikwanene bibe?55Kwako kasanzi Yesu abwira omushimanano, kurhe muyinjire kunfarha nka munazi, muherhe emipanga namahiri mpu yi munfarha? nkasi lusiku nayikere omu kanyamuzinda naba yigiriza, murhana nfarhaga. 56Si ebila byoshi byabere, lya mandiko gabalebi gayenera. Ntyo entumwa zoshi zamuleka zalibirha.57Nabala bafarhaga Yesu bamuheka emwa Kayafa, mugingi mukulu, emunda bali bachi gushire, abakarani naba shamuka. 58Na Petro ali kulikire eyanali hale omu lugurhu lomugingi mukulu, ajomola ayikala haguma nabakozi, mpuya bona obuzinda.59Abakulu babagingi n'omushiganano goshi balonza obu hamiriza bobu beshi enyanya za Yesu yibagala muyirha. 60Barha shobolaga chiro akaba babonekene abahamiriza bobu beshi banene. 61Enyuma zaho, babiri bayinja, baderha, oyula ali derhere, nakagala kushanda akanyamuzinda n'oku kayumbaka mu siku esharhu.62Omu gingi mukulu ayumanga amubaza, ku ntacho washubize? abala baku hamirize kichi? 63Aliko Yesu asira. Omu gingi mukulu amu bwira, nkula hirire embere za Nyamuzinda oliho, orhubwire akonva we Kiristu mugala wa Nyamuzinda. 64Yesu amu bwira, woyo wakuderhere, aliko mbabwirire kurhenga zene, mwabona mwene omuntu, ayikere ekuboko kwe misi, ayinja omu chalege chempingu.65Omugingi mukulu ahogola emyambaro yage aderha, amagaya guza, bichi muchilonzeze byobu hamiriza? Mulole, lero mwayunvirhe oku gaya guza kwage. 66Kurhe mu bwene mwewe? bashubiza, baderha, bimu shinganene oku yirhwa.67Bamuchira kwama chanira omu masu, bamushurha enkoni, abndi ebifundo, 68baderha, woyo Kiristu, orhulebere nde oku shurhire?69Petro aliyikere embuga yolugurhu, mukazi muguma amushimba aderha, nawe waliri haguma noyu Yesu we Galilaya. 70Aliko alahira embere zaboshi, aderha, ntamenyere bichi oherhe wa derha.71Ahuluka embuga, chiro agerere eburhambi, owundi mukazi amubona, abwira abantu baliri eyo munda, oyu naye aliri haguma noyu Yesu we Nazareti. 72Alahira kandi oku ndahiro, ntenji oyu muntu.73Enyuma wakasanzi kageke, balala bali bali ahola, bamushimba, babwira Petro, bushinganana nawe oli muguma wabo, bulala nolu derho lwawe luku hanire. 74Arhondera oku vuma n'okulahira omu kuderha, ntenji oyu muntu, honaho oluhazi lwa bika. 75Petro ayibuka gula mwazi Yesu amu bwiraga, embere oluhazi lubike, wandahira kasharhu. Aja embuga arhondera okulaka n'oku boroga.
271Lyabere lyaba sezi, abakulu babagingi, naba bashamuka bajira ehano enyanya za Yesu, yibagala kumu yirha. 2Bamushweka, bamurhola, bamuheka emwa Pilato mwimangizi wechihugo.3Buzinda Yuda olala wamulenganyaga, abere abona oku bama mala oku muchira olubanja achiganya, agalulira abakulu babagingi nabashamuka bila bichira makumi asharhu byefuranga, aderha, najirire echaha oku lenganya eshagama erha gwerhe bubi. 4Baderha, lero, bichi birhu chibwirire? bikulolere woyo wenyine. 5Ebyo bichira byefuranga abi kweba omu kanyamuzinda, agenda aja kuchiniga.6Abakulu babagingi barhola ezola furanga, baderha, kurhakaba kwinja rhuka zibika omu chigapo che ntulo, bulala za hwanene eshagama. 7Bajira ehano, bazikolesa omu kugula eshwa, lyokuhamba mwaba fire babahisi. 8Ahola hayirikwa hantu heshagama kurhenga ago mango kugera zene.9Honaho gwa yenera gulala mwazi gwalebwaga n'omulebi Yeremiya, aderha, barhola furanga makumi asharhu, ngulo yowoli woheberwe kwe ngulo, yolala abanya Israeli bali bahebere kwe ngulo. 10Bazi kolesa omu kugula eshwa lyomu bumbi, nkakula Nahano aba rhegekaga.11Yesu abere ayumanga embere z'omwimangizi we kihugo, oyo mukulu amubaza, aderha, woyo we mwami wabayahudi? Yesu amu bwira, wokuderhere. 12Aliko abere asidagwa nabakulu babagingi naba bashamuka, arha shuzaga bo omwazi. 13Honaho Pilato amu bwira, orha yunvirhe bintu bingana kurhe baherhe baku buranya? 14Ntamwazi n'omuguma amu shubize, oyo mukulu asomerwa bwenene.15Nantyo amango golusiku lukulu, omukulu we chihugo, aligwerhe omugenzo goku shwekulira olubaga mushweka muguma balonzeze. 16Lero haliri bashweka banene mwezola siku, muguma aliri mubo ohamagalwa Baraba.17Lero babere babuganana, Pilato aba bwira, nde mulonzeze mba shwekulirage? Baraba, chango Yesu ohamagalwa Kiristu? 18Bulala ali menyere oku bamuhanire omu kumuyagalirwa. 19Abere ayikere oku chirhi cholubanja, mukage amu lerhera obu hamiriza n'oku mubwira, omenye waka gwarha echibazo noyula mushinganyanya. Bulala nali buzizwe bwenene omu bilorho olusiku lwa zene enyanya zoyu muntu.20Nabakulu babagingi naba ba shamuka, bayunvisa olubaga oku baheme Baraba n'oku yirha Yesu. 21Omwimangizi wekihugo ashubiza, aba bwira, mwalonza mba shwekulire nde mwabala babiri? baderha Baraba. 22Pilato aba bwira, lero kurhe njirage Yesu oyirikwa Kiristu, baderha boshi, abambwe.23Aderha, okubichi, bubi buchi akolere? Aliko bagenderera oku kweba emilenge, baderha, abambwe. 24Pilato abere abona ku ntacho aderhere cha yunvikene, harhali ntambala yonene yena genderere, arhola amenji, akalaba amaboko gage embere zomushimanano, aderha, eshagama yoyula muntu erha ngendaga ko, bulala oyula muntu ali mushinganyanya, eba gendeko mwewe mwenyine.25Abantu boshi bashubiza baderha, eshagama yage ebe enyanya zerhu nenyanya nabana berhu. 26Honaho aba shwekulira Baraba, nenyuma zokushurha Yesu ebiboko, amuhana bamu bambe.27Honaho omusirika womwimangizi wechihugo aheka Yesu omunju yokuchirwa olubanja e Praitoriyo, bakigusha abasirika banene enyanya zecho. 28Bamuhogola emyambaro, bamuyambisa omwambaro gudukwire gokuyirhwa. 29Baluka engofera yemishaki, bayiheba omurhwe lyage, n'omulonge omukuboko kwage kwe kulyo, bafukama embere zage, bamu gayaguza, baderha, rhwalamwise mukulu wabayahudi.30Buzinda bamuchirako, barhola gula mulonge, bamu shurha shurha omu rhwe. 31Babere bamala kumu gayaguza bamuhogola gula mwambaro, bamuyambisa emyambaro yage, bamuheka emunda baja kumu bamba.32Babere bakola bagenda, babona muntu muguma womu Kereni, ezino lyage ye Simoni, bamu seza aheke omusalaba gwage. 33Babere bagera aha yirikwa e Goligotha, kokuderha efasi yokuchirwa amarhwe. 34Bamu nywesa e divayi e changirwe m'obululu. Aliko yewe abere ayinywako, arha chisimaga oku yinywa.35Babere bamala kumu manika, bagabana emyambaro yage, bayikolera obu findo, yomwazi gwa derhwagwa n'omulebi guyenera. Bagabana emyambaro yani bonyine oku bonyine nemyambaro yani bayi jirira obufindo. 36Bayikala bamulangira aho. 37Bayandika enyanya zerhwe lyage emburanyi ziderhere ntya, OYU YE KIRISTU, MWAMI WA BAYAHUDI.38Ako kasanzi bishambo bibiri bya bambwa haguma naye, muguma ekulyo owundi ekulembe. 39Nabaliri bagera ewa njira balema bamu duka, n'oku shaganya amarhwe gabo, n'okuderha, 40woyo weshande akanyamuzinda, n'oku kayumbaka omu siku sharhu, chungula akalamu kawe akaba wemwene Nyamuzinda, chikule oku musalaba.41Kugenderera bala bakulu babagingi bamu gayaguza haguma na bakarani naba shamuka babantu, baderha, achungwire abandi, arhaka chichungula yenyine. 42Yewe ali mwami we Israeli, ayandagale arhenge oku musalaba, nerhu rhwa muyemera.43Ali nihire Nyamuzinda, amu chungule lero akaba amulonza. Bulala ali derhere, nyono ndi mwana wa Nyamuzinda. 44Chiro na bila bishambo bibambirwe haguma naye byarhondera oku mushinyagulira.45Lero kurhenga sandarhu kuhika samwenda haba omwizimya omu chihugo choshi. 46Nasamwenda, Yesu azamula omulenge oku misi minene aderha, Eli, Eli, lama sabachtani? kokuderha, Nyamuzinda wani, Nyamuzinda wani, charhumire wandeka? 47Nabaliri ahola babere bayunva baderha, ama hamagala Eliya.48Honaho muguma mubo agenda juba, arhola endulo avanga mobundi bufumu boku yiha, aheba oku mulonge amuzamulira go amu nywesa. 49Bala bandi baderha, muleke rhulole akaba Eliya ayinja kumuchungula. 50Yesu ashuba kuzamula omulenge oku misi afa.51Nahola, omwenda gomu kanyamuzinda gwa sharhuka mo bisharhe bibiri kurhenga enyanya kuhika eshishi, echihugo cha gera mo musisi, amabale gabereka. 52Ama shinda gachinguka, hazamuka emibiri minene yaba gishwa yeli lyamire. 53Nabo erhi bayusi rhenga omu mashinda gabo, enyuma lyoku fuka kwage, baja omu kihugo kigishwa, babonekana emwa bantu banene.54Lero ola musirika nabala baliri haguma naye balanga Yesu, babere babona ogo musisi gwe chihugo nebya jirikirwe byoshi, bayubaha bwenene, baderha, bushinganyanya oyu aliri mwene Nyamuzinda. 55Haliri bakazi banene bali balolera hale, abola bobali bakulikire Yesu kurhenga e Galilaya, bali bamukolera. 56Omu kagarhi kabo mwaliri Mariya Magadaleina na Mariya nyina wa Yakobo na Yusufu na nyina wabala bana ba Zabadayo.57Lyabere lyaba golo, muntu muguma womu gale womu Arimataya, oyirikirwe Yusufu, naye aliri mwigiriza wa Yesu. 58Oyo muntu ashimba Pilato amuhuna omu biri gwa Yesu. Pilato arhegeka oku bamuhego.59Yusufu arhola ogo mubiri, agu zinga zingira omu myenda echere bwenene. 60Aguheba omu shinda yage mpyahya, ali ayi humbire omubale, ahindagaziza hebale lizibu zibu oku lunvi lwe shinda. 61Nahola haliri Mariya Magdalena na Mariya olala wakabiri, bayikere bayerekeze ewa shinda.62Chiro olusiku lwa kabiri, luli enyuma wama rheganyo, abakulu baba gingi, naba farisayo bachigusha emwa Pilato. 63Baderha, nahano, rhwa yibukire okwela ndyalya yeliderhere omango yeli kizene, mpu enyuma za siku esharhu njo nafuka. 64Lero orhegeke oku eshinda elangwe bwinja kugera oku lusiku lwa kasharhu, entumwa zage njo zaka yinja zika muzimba, n'okubwira abantu, afukire omu bafu, nobu beshi buzinda bwanaba bunene kulusha obo burhanzi.65Pilato aba bwira, mugwerhe abasirika, muje langa eyo shinda okuntu mwaka shobola. 66Bagenda, balanga eshinda bwinja, baheba lila bale kwe kimenyeso, haguma nabala basirika bali balangire.
281Olusiku lwe sabato lwabere lwahwa, bwacha olusiku loburhanzi lwe boso, Mariya Magdalena nola wundi Mariya wakabiri, bagenda kuja kulola eshinda. 2Nalola, haliri n'omusisi gunene omu chihugo, bulala malayika wa Nahano ali yandagere kurhenga empingu, ayinja kukula lilala bale, ana liyikala ko.3Eshusho yage yaliri nka mubaraganyo, emishangi yage yaliri yomweru nka lubula. 4Bayubaha, balala balinzi bahinda omusisi bashusha nkaba fire.5Malayika aba shuza, abwira balala bakazi, murha yubahaga, bulala menyere oku muyinjire kulola Yesu wabambwaga. 6Arha chili hano, bulala afukire nka kulala ana derhaga. Muyinje, mulole aha bali bamu lyamikize. 7Nenyu mugende juba juba, mubwire entumwa zage, afukire omu bafu. Lola, abarhanga kugera e Galilaya, eyo munda yimwa mubugana. Lero, namalire kuba bwira.8Bagenda juba juba kurhenga ewa shinda, oku buba n'obusime bunene, bagenda baja bibwira entumwa. 9Nalola, Yesu abuganana nabo, aderha, mbalamusize; bamuyegera bamuhuma oku magulu, bamufukamira. 10Buzinda Yesu aba bwira, murha yubahaga, mugende, muje ku bwira bene berhu bagende e Galilaya, eyo munda yiba mbona ko.11Nabo babere baba bali genda, abasirika banene baja omu chihugo, babwira abakulu baba gingi emyazi yoshi yakolekerwe. 12Baki gusha haguma nabashamuka, bajira ehano, baha abasirika efuranga zinene, 13ba babwira, mubwire abantu oku entumwa zage zayinjire ebudufu zama muyiba rhwewe rhwalikola rhulyamire.14N'ogula mwazi gwa yunvikana omu marhwiri g'omwimangizi we chihugo, rhwewe rhwa ganira haguma naye, honaho mwewe rhwana bakulira engangane. 15Lero barhola zilala furanga, bajira nka kulala bayigirizwe. Nogola mwazi gwa yenera omu bayahudi kurhenga ago mango kugera zene.16Zila ntumwa zage ekumi namuguma, zaja e Galilaya kuzamuka oku musozi nkoku Yesu azi rhegekaga. 17Nabo babere bamubona, bamu haramya, aliko baguma mubo bali bagwerhe engangane.18Yesu aba shimba, aderha nabo, aba bwira, nahabirwe obushobozi boshi omu mpingu n'omu gulu. 19Lero, mugende, muhindamule olubaga loshi kuba bigirizwa bani, muba dubike oku zino lya darha, n'omugala, namuka mugishwa.20Muba yigirize kufarha byoshi naba rhegekere mwewe, bulala nyono ndi haguma nenyu amango goshi, kugera oku buzinda bwe gulu.
