Kihavu Idjui: Bible for Yohane

Formatted for Translators

©2022 Wycliffe Associates
Released under a Creative Commons Attribution-ShareAlike 4.0 International License.
Bible Text: The English Unlocked Literal Bible (ULB)
©2017 Wycliffe Associates
Available at https://bibleineverylanguage.org/translations
The English Unlocked Literal Bible is based on the unfoldingWord® Literal Text, CC BY-SA 4.0. The original work of the unfoldingWord® Literal Text is available at https://unfoldingword.bible/ult/.
The ULB is licensed under the Creative Commons Attribution-ShareAlike 4.0 International License.
Notes: English ULB Translation Notes
©2017 Wycliffe Associates
Available at https://bibleineverylanguage.org/translations
The English ULB Translation Notes is based on the unfoldingWord translationNotes, under CC BY-SA 4.0. The original unfoldingWord work is available at https://unfoldingword.bible/utn.
The ULB Notes is licensed under the Creative Commons Attribution-ShareAlike 4.0 International License.
To view a copy of the CC BY-SA 4.0 license visit http://creativecommons.org/licenses/by-sa/4.0/
Below is a human-readable summary of (and not a substitute for) the license.
You are free to:
The licensor cannot revoke these freedoms as long as you follow the license terms.
Under the following conditions:
Notices:
You do not have to comply with the license for elements of the material in the public domain or where your use is permitted by an applicable exception or limitation.
No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.

Yohane

11Oku murhangiro haliri omwazi, omwazi gwali guli haguma na Nyamuzinda, ogo mwazi aliri Nyamuzinda. 2Ogo murhangiro gwaliri emwa Nyamuzinda. 3Byoshi byajirikwaga noyola, buzira yewe ntacho nechiguma chaka kolekerwe.4Omu kagarhi kage hohali obuguma guma, n'obola buguma guma bwali bumoleke bwa bantu.5Nobola bumoleke bukolera omu mwizimya, omwizimya gurhaka bushobola.6Harhengera omuntu, arhumirwe kurhenga emwa Nyamuzinda, ezino lyage ye Yohana. 7Oyola ayinjaga oku buhamiriza yahamiriza obu moleke, boshi bashobole kuyemera kugerera yewe. 8Oyola bwaliri bumoleke, aliko abagaho yahamiriza obola bumoleke.9Haliri obumoleke bushinganyanya, omolekera buli muntu, ayinja omwigulu.10Aliri omwigulu, n'okuyewe egulu lyabaho, chiro n'egulu lirha murhegeraga.11Ayinjire emwage, saliko abali bage barha muyankiriraga.12Saliko boshi bamuyankirire aherebo obushobozi boku yirikwa bana ba Nyamuzinda, bala bayemerere ezin lyage. 13Baburhirwe, arhali oku shagama, chiro oku bulonza bomubiri, chiro arhanali oku bulonza bomuntu, ahubwe emwa Nyamuzinda.14N'ogo mwazi gwajirikwa mubiri, ayikala emwerhu nerhu rhwabona obu moleke bwage, obumoleke nkabo mwana muguma orhengere emwa darha, oyunjwire olukogo n'obushinganyanya. 15Yohana amuhamiriza, abanda omulenge gwage aderha, oyula yinaderhaga emyazi yage, okuhali owayinja enyuma zani aliri n'embere zani bulala aliri ho embere zani.16Bulala omu bushinganya bwage rhweshi rhwa yankirira olukogo lwage enyanya yolukogo. 17Bulala amarhegeko gahanagwa oku kuboko kwa musa, olukogo n'obushinganyanya bwayinjaga oku kuboko kwa Yesu Kiristu. 18Ntamuntu wabwene ku Nyamuzinda amango goshi, Nyamuzinda mwana yenyine yeli omu chifuba cheshe oyula yiwa mubwene ko.19Obula buli buhamiriza bwa Yohana omango aba yahudi barhumwaga emwage balungere naba Lawi kurhenga e Yerusalemu kumubaza, woyo wende? 20Naye ahamiriza arhalahiraga ayemera oku yewe arhali ye Kiristu. 21Bamubaza, inde sasa? woyo Eliya? aderha, arhali nye Eliya. Bamubaza, woyo we mulebi? aderha nanga.22Lero bamu bwira, woyo nde? rhwahabo ebishubizo balala barhuhekaga. kurhe baka derha enyanya zawe wenyine ? 23Aderha, nyono guli mulenge go muntu oherhe walaka omwirungu, mukwize enjira ya Nahano|nka kulala abiderhaga omulebi Isaya.24Nabola barhumwaga bahulukiraga emwa ba farizayo. 25Bamubaza, bamubwira, kurhe oli wa dubika nobo orhali Kiristu, chango Eliya, chang'owundi mulebi?26Yohana abashubiza aderha, nyono ndi badubika oku menji. Omu kagarhi kenyu hayumangire olala murha muyinji mwewe. 27Yolala wayinja enyuma zani, nyono ntaka gala kushwekula ama kamba gebirato byage. 28Ebyola byakolekaga eyo munda e Betaniya elunda lwe Yordani, emunda Yohana aliri adubikira.29Lusiku lwa kabiri abona Yesu ayinjire emunda ali, aderha, lola, omwana buzi wa Nyamuzinda, yewe yekula ebyaha byegulu. 30Oyula yineganiraga emyazi yage oku, hayinja omuntu enyuma zani, yewe ali embere zani, bulala yewe yiwa ntangaga. 31Chiro nyono ntali muyinji, aliko yabonekana oku banya Israeli, charhuma nyono nayinja kudubika oku menji.32Kandi Yohana ahamiriza aderha, nabwene muka ayandagala nka nguku kurhengerera empingu naye ayumanga enyanya zage. 33Aliko nyono ntali muyinji, aliko yewe ampeka ewa kudubikwa oku menji, oyola ambwira, yeshi yeshi wabona muka, okwa yandagala n'oku yumanga enyanya zage oyola yedubikirwe oku muka mugishwa. 34Nani namubwene, kandi nahamirize okuyewe ali mugala wa Nyamuzinda.35Kandi, lusiku lwage lwa kabiri, Yohana ali ayumangire haguma nabala babiri bomu ntumwa yage. 36alola yesu erhi yaherhe alambagira, aderha ntya, mulole omwana buzi wa Namahanga.37Ezola ntumwa za muyunviriza zaderha, zakulikira Yesu Kiristu. 38Yesu ahindamuka abona bamukulikire, aba bwira, bichi muherhe mwa shonda? bamushubiza, Rabbi [kokuderha mwigiriza], ngahe olama? 39Aba bwira, muyinje muna bone. Bagenda,babona ahalamire, babera ahamwage olo lusiku loshi, ekyo kihye kyali kyamaba sakumi.40Ndereya mwene wabo Simoni Petro, aliri muguma mubala babiri bayunbirizaga Yohana,bakulikira Yesu. 41Oyola arhangi bona Simoni, mwene wabo yewe yenyine, amubwira, rhwabwene omu chunguzi, kokuderha Kiristu. 42Amuheka emwa Yesu na Yesu amu lola aderha, woyo Simoni mwene Yona? woyo okola wahamagalwa kefa [kuderha ebale chango petro]43olusiku lwakabiri lwage alonza kurhenga aje egalilaya, abona filipo. Yesu amubwira nkulikira, 44filipo aliri muntu we Betesaida wo muchishagala cha Andreya na petro.45Filipo abona Natanaele amubwira, rhwabwene olala oyandikirwe na Musa omukitabu chamarhegeko na balebi, Yesu, mwana wa Yusufu, muntu we Nazareti46Natanaeli amubwira, hakabonekana omwazi gwinja gwarhenga enazareti? Filipo amubwira, njeno obone.47lero Yesu abona Natanaeli ayinjire emwage aderha emwazi yage, olole, mu Iziraeli mushinganyanya, arhaherhe bubi omukagarhi kage.48Natanaeli amubwira, gurhe wagalire kumenya? Yesu amushubiza, amubwira Filipo arhaza kukuhamagala, amango waliri eshishi womurhi nalikubwene.49Natanaeli amushubiza, nahamwerhu, woyo olimwana wanyamuzinda, we mwami we Izaraeli50Yesu amushubiza, amubwira, okwenge nakubwirire, okunaliku bwene eshishi wo murhi,wa mayemera? wabona ebikomere kulusha ebi.51amubwira oyemere, oyemere, imbabwirire mwabona epingu zamachingulwa , na bamalaika banyamuzinda balibazamuka n'okuyandagala enyanya zamwene omuntu.
21olusiku lwakasharhu haliri obuhya eyomunda Ekana, chihugo che Galilaya, naye nyina wa yesu aliriyo.2Yesu naye alihamagerwe kobola buhya haguma n'entumwa zage.3chiro amavu ga bebere gabahwera, nyina wa Yesu amubwira barhachiherhe mavu.4Yesu amubwira, nyama, Kurhe onyinjire? akasanzi kani karhazi hika. 5nyina abwira abakozi, choshi akababwira muchikole.6eyomunda yaliri ndaha ndarhu zamenji, nazo zalizibikirwe eyomunda omuborhere bwekiyahudi yo kukalabisa, ngasi nguma yaliri ya ngumbu ebiri chango esharhu. 7Yesu ababwira, muyunjuze ezindaha amenji, nabo baziyunjuza mbaka okumihiro.8abwirabo lero mudome, muhekere omukulu wobuhya, bamuhekara.9omukulu wobuhya abere anywa kugala menji gahindukaga mavu(chiro arhamenyere emunda yarhengaga, aliko abakozi bowe balimenyere, bala badomaga gala menji), omukulu wobuhya ahamagala muhya mulume. 10amubwira ngasi muntu arhanga hana amavu ganunire chiro eyabantu bayusa kunywa bwenene banaja balerha agarhanunire; woyo wamarhanga kubika amavu ganunire kugera mukano kasanzi.11murhondero g'wekisomerene Yesu ajira Ekana ye Egalilaya ayerekane obukuze bwage nentumwa zage zamuyemera.12enyuma zaho ayandagala kugera Ekaperanaumu, yewe nanyina na bene babo n'entumwa zage esiku zirhali zigeke13ne Paska ya Bayahudi yaliri hofi neye yesu agende kugera eyerusulemu 14abona omukanyamuzinda abantu balibaguza mwenka, entama, ne ntungulu, nabandi balibakaba efuranga banayikere.15ajira enkoni yolukoba, akulabo boshi omukanyamuzinda, entama, enka, ashesha efuranka zabali bakaba, ahindamula ameza gabo.16abwira balala baliri bagula entungulu, mukule ebi, murhajiraga enju ya darha kuba yokuguzizamo.17entumwa zage zayibuka okubiyandikirwe, obwagalwa bwenju yawe njibwandya.18lero abayahudi bamubwira, chisomerene chichi echi orhuyerekere okuwakola ebi? 19Yesu abashubiza ababwira mushande akakanyamuzinda, nani nakayimanza omusiku esharhu.20lero abayahudi baderha: akanyamuzinda kayumbakagwa mwiaka makumi mane nandarhu nawe mpu wakayimaza omusiku esharhu? 21aliko Yewe aderhaga emwiazi ya kanyamuzinda komubiri gwage.22lero abere afuka omubafu, entumwa zage zayibuka kwaliderhere intyo, bayemera agomandiko n'ogomwazi Yesu aderhaga.23chiro amango aliri eyerusalemu okulusiku lukulu lwa paska abantu banene bayemera ezino lyage, bachibona ebisomerene akolere.24aliko Yesu arhayemezaga emwabo, bulala yewe alimenyerebo boshi.25bula arhali gwere enyorha komuntu ahamirize emwazi ya mwene omuntu, bulala yewe ebili omumwene omuntu.
31lero haliri muntu muguma womufarisayo ezino lyage Nikodemu mukulu wabayahudi, 2oyo ashimba yesu obudufu, obwira: nahano, imenyere kulimwigirizwa, orhengere emwanyamuzinda, bulala wakagala kuzijire ebisomerene nke ebila olikola woyo, arhali nahano olihaguma nawe.3yesu ashuza, amubwira, oyemere oyemere, nkubwirire, omuntu rhaziburwa obwaka biri arhakabona obwami bwanyamuzinda4Nikodemu amubwira, byakashoboka gurhe okuburhwa obwakabiri anachili mushaja? asholbola kuja omunda yanyina obwakabiri yaburhwa?5Yesu ashubiza, oyemere, oyemere, inkubwirire, omuntu nkarha burhirwe okumenji n'okumuka, arhakaja omubwami byanyamuzinda.6echa burhirwe okumubiri gunali mubiri, nechaburhirhwe okumuka gunali muka.7orha someragwa bula nekubwirire, birhali hale okuburhwa obwakabiri. 8omuyaga guja emunda gusimire, n'omulenge gwage baguyunva, aliko murhenji ngahe gurhengerera nangahe guja, nantyo buli muntu oburhwa okumuka.9 Nikodemu ashuza omubwira ebintu ngurhe byakashoboka? 10Yesu shuza, abwira, gurhe woyo olimwali we Isaraheli na bichi orhenji ne bintu orhabiyinji, 11oyemere oyemere nkubwirire okwebirhuyinji rhubiderha, na bila rhubona rhubihamiriza, n'obuhamiriza bwerhu murhabuyemera12Nkaba nababwirire emyazi yomwigulu, aliko murha yemerere, mwayemera kurhe nkaba bwira emyazi yomumpingu? 13Chiro na nta muntu wazamukire empingu, olekere owa yandagere kurhenga empingu, yemwana wa Adamu.14Nkakula Musa azamulaga ela njoka omwirungu, ntyo ntyo mwana wa Adamu arha gwerhe akasanzi kokurha zamulwa. 15Mpu yingasi yeshi wa yemera abe n'obulamu bwa ngasi namango omu yewe16Bulala ntya Nyamuzinda asima egulu, chiro ahana omwana wage wekinege, yibuli muntu omu yemerere arha hera si abe n'obulamu bwe siku namango. 17Bulala Nyamuzinda arha rhumaga omwana wage omu gulu mpu alichire olubanja si ahubwe egulu lichungulwe naye. 18Omuyemerere yewe arha chira lubanja, orha muyemerere ayusize kuchira lubanja, bulala arhayemerere ezino liguma lyo mwana wa Nyamuzinda19Nahola koku chirwa olubanja, bula obumoleke bwajire omwigulu nabantu basima omwizimya ahali hobumoleke, bulala ebijiro byabo bili byobubi. 20Bulala nkasi yeshi ojira amabi arhasima obumoleke, arhanaja nahobumoleke bili, ebijiro byage bimenye byaka kalihirwa. 21Saliko olala ojira obushinganyanya aja aha obumoleke buli, yebijirwa byage bibonekana bushinganyanya oku bijirirwe omu Nyamuzinda.22Enyuma zahola Yesu n'entumwa zage baja omu chihugo che buyahudi, ashiba haguma nabo adubika, 23Yohana naye aliri adubika eyomunda e Aenoni hofi ne Salimu, bula eyomunda haliri amenji manene nabantu bamushimba badubikwa. 24Agomango Yohana arhalizi hebwa omunju yembohe.25Lero habonekana obuhaka bwe ntumwa za Yohana na muyahudi muguma enyanya zobuchese. 26Bahimba Yohana, bamubwira, Nahano, ola waliri haguma nawe elunda lwe Yordani, ola wa hamirizaga, lolaga alya dubika nabantu boshi bamushimbire27Yohana ashubiza, aderha, ntamuntu waka gali yankirira omwazi goshi akaba arha guhabwaga kurhenga empingu. 28Mwenyine muhamirize oku naderhere, nyono arhali ne Kiristu, si ahubwe ntumirwe embere zage.29Oli na muhya mukazi, yewe ye muhya mulume, aliko mwira wa muhya mulume, yewe ayimanga n'oku yunviriza ana simira bwenene omulenge gwa muhya mulume. 30Lero nyono obusime bwani bwama yenera, yewe arhali hale oku genderera, kandi nyono oku yandagala.31Owa yinja kurhenga enyanya, oyo ali enyanya wa byoshi, oyula womugulu oborhere bwage buli bomugulu, naye aderha ebye bijiro byomu gulu, owa yinja kurhenga omu mpingu, yewe ali enyanya za byoshi. 32Ebya bwene nebya yunvirhe byali ahamiriza, chiro nantaye oli wayemera obu hamiriza bwage. 33Owo yemerere obuhamiriza bwage, ahebere hechikumwe oku yewe ali Nyamuzinda wobu shinganyanya.34Bulala yewe arhumagwa na Nyamuzinda, aganira emyazi ya Nyamuzinda, bulala arha rhuma muka oku lugero. 35Darha asima omwana, naye amuhere byoshi omu maboko gage. 36Oyemerere omwana aherhe obulamu bwe siku namango, orha yemerere omwana arhabona obulamu sahubwe obulibuze bwa Nyamuzinda bumulingire.
41Intyo Nyamuzinda achimenya oku aba Farisayo bayunvirhe oku, Yesu ali ajira entumwa zinene kulusha Yohana n'oku badubika. 2(Aliko Yesu yenyine arha dubikaga si ahubwe entumwa zage), 3Aleka obuyahudi, ashubira e Galilaya.4Naye arhali hale okugera omu Samariya. 5Aliko agera omu kihugo kye Samariya, kiyirikirwe Sikar, kili hofi nali shwa Yakobo ahaga omwana wage Yusufu.6Nahola haliri ekisima cha Yakobo na lero Yesu bula aluhire nolugenzi lwage, ayikala kwecho kisima. Yaliri sa ndarhu zezuba. 7Hayinja omukazi womu Samariya olidoma amenji, Yesu amubwira, mpa menji nywe. 8Bulala entumwa zage zalizajire omu kishagala kugula ebilyo.9Lero oyo mukazi womu Samariya amubwira, kurhe byabere woyo muyahudi okulonza amenji emwani, kandi mukazi womu Samariya? bulala abayahudi barha lira haguma naba samariya. 10Yesu ashubiza, amubwira, nkawoli menyere oluhembo lwa Nyamuzinda, naye alind'olikubwira komuhe amenji anywe, woyo waka muhemere, naye aka kuhere amenji g'obulamu.11Oyo mukazi amubwira, Nahamwerhu, orhaherhe echokudomesa, n'olwinji luli eshishi, lero ngahe wabwene ago menji g'obulamu? 12Kurhe woyo wemukulu kulusha darha werhu Yakobo warhuhaga olu lwinji, naye anywa amenji galo? nabana bage haguma nebirhungano byage?13Yesu ashubiza amubwira, nkasi yeshi wanywa aga menji njashubi yunva enyorha, aliko yeshi wanywa amenji namuha nyono, arhaka chiyunva enyorha amango goshi, ahubwe amenji namuha gaba omu kagarhi kage shoko ya menji yajenda yayorha yasheshakala omu bulamu bwage esiku zoshi.15Oyo mukazi amubwira, Nahano ompe ago menji, ntachiyunvaga enyorha, ntana chihira nkaja hano kudoma. 16Yesu amubwira, genda oje hamagala balo oyinje naye hano.17Oyo mukazi amushubiza, aderha, ntajira mulume. Yesu amubwira, waderhere bwinja, orhajira mulume. 18Bulala ogwerhe balume barhano neyoli naye zene arhali mulume wawe, ahola oderhere bushinganyanya.19Oyo mukazi amubwira, Nahano, mbwene koli mulebi. 20Bashokulu bahamyaraga mogu musozi, nawe waderhere oku e Yerusalemu eli fasi yoku haramya.21Yesu amubwira, Nyama, onyemere, akasanzi kagera ho aka murha haramya darha mogu musozi chiro ne Yerusalemu. 22Kandi nenyu muli mwa haramya eki murha menyere, rhwewe rhuli haramya eki rhumenyere, bulala obu chunguke burhenga emwa bayahudi.23Aliko akasanzi ka yinjire, nako kakola kaliho, balala baharamya bushinganya baharamya darha omu muka n'omu bushinganya, bulala darha ali lonza abantu bali nkaba bamu haramya. 24Nyamuzinda ali muka, naba muharamya bashinganyanya bamuharamya omu muka nomu bushinganyanya.25Oyo mukazi amu bwira, menyere oku hayinja omu chunguzi oyirikirwe Kiristu, naye hano njo ayinja njo arhu shwekulira ebijiro byoshi. 26Yesu amu bwira, Nyono nendi derha nawe nyeyewe.27Honaho entumwa zage zayinja, basomerwa kurhe ali aderha n'omukazi saliko ntaye waderhere, oli walonza nde chango koli waderha naye?28Lero oyo mukazi aleka endaha yage agenda omu kihugo abwira abantu. 29Muyinje mulole omuntu wambwirire emyazi yani yoshi nakolere, ka arhali oyu ye Kiristu? 30Barhenga omu kihugo bamushimba.31Eyo munda entumwa zamu bembereza za derha, olye. 32Aliko abwirabo, nyono ngwerhe ebilyo ebimurha kamenya mwewe. 33Nantyo entumwa zage zabazikanya, kurhe, hali omuntu wamulerhere ebilyo?34Yesu abwirabo, ebilyo byani byebi, nkole akasi kowo ntumaga, male akasi kage. 35Murha derhere mwewe enyuma wa myezi ene, haba ama shalulo?mulole nyono mba bwirire, muzamule amasu genyu mulole amashwa oku gayusize kuba gomweru, gali akasanzi kamashalulo. 36Naye oshalula ana yankirira oluhembo, naye ana gusha amalehe oku bulamu bwe siku namango, yolala ohinga nolala oshalula bagale kusima boshi haguma.37Bulala ogo mwazi buli bushinganyanya, muguma ana hinga owundi ana shalula. 38Nyono naba rhumire mushalule ebi murha luhiraga, abandi babi luhire, nenyu mwajire omu malibuko gabo.39Na mwecho chihugo che Samaria, bantu banene bamuyemera enyanya zoyo mukazi, oyo wa hamirizaga, okwa mubwirire ebya jirire byoshi. 40Lero bala ba Samariya babere bamushimba, bamu bemberereza kwabere haguma nabo, nantyo abera haguma nabo siku ebiri.41Bantu banene bayemera enyanya z'omwazi gwage. 42Babwira oyo mukazi, lero rhwama yemera, arhali mpu bulala emyazi yawe yonyine bula rhwa yunvirhe rhwenyine, kandi rhwamenyere bushinganyanya koyu yemu chunguzi wegulu.43Nenyuma wezola siku ebiri, arhenga eyo munda aja e Galilaya. 44Bulala Yesu yenyine ali hamirize oku omulebi arhajira obukenge omu kihugo chage yenyine. 45Lero abere arhenga e Galilaya, abe galilaya bamu yankirira, bula babwene byoshi akolere eyo munda e Yerusalemu amango gesiku nkulu, bula nabo balibajire yo oku lusiku lukulu.46Lero ashubi gera e Kana ye Galilaya, elamunda ajiraga amenji kuba mavu. Haliri na muntu muguma omwana wage ali lwere e Kapernaumu. 47Oyo abere ayunva oku Yesu ayinjire kurhenga ebuyahudi kuhika e Galilaya, amu shimba, amu bembereza kwa yandagale afumye omwana wage bulala ali hofi hokufa.48Lero Yesu amu bwira, mukaba murha bwene ebisomerene murha kayemera? 49Oyo muntu amu bwira, Nahamwerhu, oya ndagale omwana wani arhazi kufa. 50Yesu amu bwira, genda omwana wawe afumire. Oyo muntu ayemera omwazi abwirirwe na Yesu, nantyo ayandagala.51Abere ali ayandagala, abakozi bage bayinja kumu sanganira, baderha oku omwana wage afumire. 52Lero abaza bo e sa arhonderga oku yunva bwinja, nabo bamubwira, mulagolo aha sa mushanvu, eshushira njo lya muleka53Lero eshe amenya oku eyo sa yeneyo yi Yesu amu bwiraga oko mwana wage afumire, ayemera yewe nabantu boshi bomu mwage. 54Kisomerene chaka biri echo Yesu ajirire, abere arhenga ebuyahudi kuja e Galilaya.
51Enyuma zaho haliri olusiku lukulu lwaba yahudi, naye Yesu yaherhe ayerekeza okuja e Yerusalemu, 2Neyo munda e Yerusalemu hali omulyango gwe ntama, hali ekisima kiyirikwa oku lulimi lwe ki Heburaniya Betesada, chali chigwerhe milyango erhano. 3Omola milala minene yaba lwala yeli lyamire mo, empumi, ebilema, aba hunzize bali balinga amenji gadagarhe. 4Bulala hali akasanzi malayika ayandagala anaja mwecho kisima, anadagasa amenji nankasi yeshi waka jamo woburhanzi rhanzi amenji gayusizwe dagaswa anafuma amalwala gage goshi.5Naho haliri muntu muguma, oyula wali lwere myaka makumi asharhu na munane. 6Yesu abere amubona alyamire, naye amenya oku agwerhe obo borhere myaka minene, amu bwira, walonza obe muguma guma?7Oyo mulwala amu shubiza, Nahano, nyono ntajira omuntu wokumpeba omu kisima amango amenji gadagaswa, ahubwe eli nayinja owundi muntu ana yandagala embere zani. 8Yesu amu bwira, yimanga, orhole obuliri bwawe ogende.9Honaho oyo muntu aba muguma guma arhola obuliri bwage agenda. Nalo lwali lusiku lwe Sabato.10Enyanya zantyo , abayahudi babwira omuntu bafumyaga, ene sabato, birhana shinganene omuntu okuheka obuliri. 11Ashubiza, owa nfumyaga yiwa mbwiraga ntyo, heka obuliri bwawe ogende.12Bamubaza, ndewaku bwiraga koheke obuliri ogende? 13Aliko oyu muntu wofumaga arhamenyaga alinde, bula Yesu ali arhengere ho. bulala haliri nabantu banene ahola.14Enyuma zaho, Yesu amu bugana omu kanyamuzinda amubwira, olole wafumire, omenye waka chijira echaha kandi, omwazi gubihire kulusha aho njo kwaka shiba kujira. 15oyo muntu ajenda abwira aba yahudi oku Yesu yiwa mufumyaga.16Enyanya zantyo, abayahudi ba hangayisa Yesu oku afumize omuntu olusiku lwe Sabato. 17Ashubiza, darha akola akasi chiro na zene, nani ndinakola akasi, 18Lero enyanya zantyo abayahudi balonza oku muyirha, bulala aharibisize e sabato aliko enyanya zantyo ahamagala Nyamuzinda mpweshe, achijira yenyine kuba Mungu, lero Yesu ashubiza aba bwira, muyemere, muyemere naba bwira,19Omwana arhaka jira omwazi yenyine mpaka gulala abonaga eshe ajira, bulala nkasi byoshi ali jira yewe bino mwana akola ntyo ntyo. 20Bulala darha asima omwana, naye ana muyereka ebyali jira yenyine, chiro namaksi garhalukire ago ana muyereka go mwewe mugale kusomerwa.21Bulala darha aka fumya abafu n'oku babuka ntyo ntyo omwana naye ana buka balala alonzeze. 22Kandi darha achira olubanja omuntu yeshi aliko anaha omwana obulibuze boshi. 23Yabantu boshi bakenga omwana nkoku bakenga eshe. Orhakenga omwana, arha kenga eshe wa murhumaga.24Oyemere, oyemere, nkubwirire, yeshi oyunviriza omwazi gwani n'oku guyemera, n'okuyemera owa ntumaga, agwerhe obulamu bwesiku namango, arhanaja kuchirwa olubanja, si arhenga omu lufu anaja omu bulamu.25Oyemere, oyemere mbabwirire, akasanzi kayinjire nazene kaliho, abafu njo bayunva omulenge gwa mwana mwene Nyamuzinda, naba guyunviriza banabona obulamu.26Bulala nkoku darha aherhe obulamu omu kagarhi kage, ntyo ntyo, abuhere n'omwana okuba n'obulamu omu kagarhi kage 27Naye amuha erhegeko lyokucha olubanja bulala ali mwana wa Adamu28Murha somererwaga eyi myazi, bulala akasanzi kayinjire, abantu boshi bali omu shinda bayunva omulenge gwage. 29Nabo barhenga. Bala bajirire amenja oku bufuke bobulamu, bala bajirire amabi omu bufuke bokuchirwa olubanja.30Nyono ntakagala kujira omwazi nenyine, oku nyunvirhe kunancha olubanja, n'okucha olubanja kwani kuli kobushinganyanya, bulala ntalonza obulonza bwani nenyine, sahubwe obulonza bowa ntumaga. 31Nyono nkachi hamiriza nenyine, obuhamiriza bwani burhali bwabushinganyanya. 32Hali owundi ompamiriza nani menyere oku obuhamiriza bwage ampamiriza buli bwa bushinganyanya.33Mwewe mwarhumire abantu emwa Yohana naye ahamiriza obushinganyanya. 34Saliko nyono ntayankirira obuhamiriza emwa omwene omuntu, ahubwe nderhere ntya oku yimwewe muhabwa obuchunguke. 35Yewe bwali bumoleke buchana n'oku kolera, nenyu mwasima oku shagalukira obumoleke bwage oku kasanzi.36Aliko obu hamiriza ngwerhe, nyono nyemukulu kulusha Yohana, bulala amakasi darha ampere oku ngamale, namakolere ngampamirize oku darha yiwa ntumaga, 37Naye darha wa ntumaga ampamirize. Omu lenge gwage murhaguyunvaga amango goshi, neshusho lyage murha libonaga. 38Chiro n'omwazi gwage murha gugwerhe guyikere aha kagarhi kenyu, bulala mwewe murha yemerere olala wa ntumaga nani.39Mugerereza amandiko, bulala muganiza oku mwewe mugwerhe obugumama bwe siku namango aha kagarhi kage, nebyola byebi mpamiriza. 40Nachiro murha lonza okuja emwani yimuhabwa obu gumaguma.41Nyono ntalonzeze oku chizamula kwa bene omuntu. 42si menyere oku mwewe murha gwerhe obuzigire bwa Nyamuzinda aha kagarhi kenyu.43Nyono nyinjire oku zino lya darha, saliko mwewe murha nyankiriraga, owundi akayinja okwizino lyage yewe yenyine, mwana yankiririra oyola. 44Kurhe mwagali yemera oku yankirira obulangashane mwenyine kumwenyine, nobo obumoleke burhenga emwa Nyamuzinda yenyine, murhabulonza?45Mumenye mwaka waza oku naba sambisa emwa darha. Hali oherhe aba sambisa yewe ye Musa, olala muba mulangalire. 46Bulala nka mwa yemeraga Musa, mwaka nyemerere nani, bulala yewe ali yandikire olwiganyo lwani. 47Aliko akaba murha yemerere amanduko gage, kurhe mwa yemera ekinois kyani?
61Enyuma zaho, Yesu agana elunda lwe nyanja y'e Galilaya, hayirikirwe Tiberia. 2Omushiganano mukulu gwa mukulikira bulala bali babwene ebisomerene alemaga akolera abalwala. 3Na Yesu agana oku musozi ayikala ko nentumwa zage.4E Pasaka, lusiku lukulu lwaba Yahudi lwaliri hofi. 5Lero Yesu azamula amasu abona omu shiganano gukulu gwa bantu gwa yinjire emwage, abwira Filipo, rhugulire emigati ngahe yaba bantu bagala kulya? 6N'okola aderhaga kwali kumugeza, bula ali menyere yenyine bichi ajira.7Filipo amu shubiza, emigati ya lugeshe magana abiri erhaka yenera bo mpuyi ngasi muguma ahabwa hityu, 8Entumwa zage, muguma mubo Anderea mwene wabo Simoni Petro amu bwira. 9Hano hali omwana ogwerhe migati erhano nafi ebiri, aliko ntacho bimalire oku bantu banene nka bala?10yesu aba bwira muyikaze abantu, nahola hali ebyasi binene, abantu babalume bayikala bagerere bihumbi birhano oluganjo lwabo 11Lero Yesu arhola omugati, akuza, agabira abali bayikere, ntyo ntyon.ezo finkokwanali lonzenze.. 12Nabo babere bayugurha abwira entumwa zage mugushe ebichira byasigere, ntahyo hiherage.13Leo babigusha rhurhada ekumi na rhubiri bichira bye migati erhano n'efi ebiri bya sigazagwa nabalyaga. 14Lero abola bantu, babere babona ebisomezo byajirikire, baderha, bushinganane, oyu ali mulebi wayinjire omwigulu. 15Buzinda Yesu amenya oku bali yinjire mufarha bamujire mwami, achikula haguma nabo aja omu musozi yewe yenyine.16Lichiba golo, entumwa age zaghandagalira ea nyanja. 17Bazamuka omu bwarho bayambuka enyanja bagana e Kapernaumu. Nalyo eyi likola mwizimya na Yesu erhi arhaza babugana 18Nenyanja yabiha enyanya yomuyaga gunene.19Bavugama ntambu makumi asharhu erhi makumi mane babona Yesu ali lambagira oku nyanja n'oku yegera obwarho, bayubaha. 20Naye aba bwira, nyono murha yubahaga.21Lero balonza oku muyegereza omu bwarho, nantyo obwarho bwagerera emushengo emunda aliri, bamushimba.22Olusiku lwa kabiri lwage, omu shimanano gwali guyumangire olunda lwa nyanja babona oku nta bwarho bundi buli eyomunda olekere buguma bonyine, kandi erhi Yesu arhajire mobola bwarho haguma nentumwa zage, sahubwe entumwa zage zezali zijendere zonyine. 23(Aliko hayinja agandi marho garhenga e Tiberia kugera olunda baliraga emigati, amango Nahano akuzaga).24Olubaga, lwa bere lubona oku Yesu arhali eyo munda chiro n'entumwa zage, baja omu bwarho bonyine, baja e Kapernaumu, baji lonza Yesu. 25Babere bamubona olunda lowe nyanja bamubwira, Nahamwerhu, mangochi wageraga eno?26Yesu aba shubiza ababwira, muyemere, muyemere mba bwirire, mwewe muli mwa ndoza, arhali mpu bula mwabwene ebisomezo, sibula mwalire emigati mwa yugurha. 27Murha kolaga akasi enyanya zebilyo bibihire, sahubwe ebilyo bya kalamu kesiku namango ebi mwene omuntu abaha, bulala yewe yiwa heberwe kwe kimanyiso na darha, ye Nyamuzinda.28Bamubwira, kurhe rhujirage yirhugali kola emirimo ya Nyamuzinda? 29Yesu ashubiza aba bwira, kano ka kasi ka Nyamuzinda, muyemere owa rhumwaga naye.30Bamu bwira, bisomerene bichi ojirire yirhugala kumu yemera? kasi kachi oli wakola? 31bashokulu, ba darha balire amana omwi rungu nkoku biyandikirwe. Ahere bo ebilyo byomu mpingu mpu balye.32Yesu aba bwira, muyemere, muyemere mba bwirire, arhali Musa wabahaga ebyo bilyo bye mpingu si darha wabahaga ebilyo byobu shinganyanya birhenga empingu. 33Bulala ebilyo bya Nyamuzinda bila birhenga empingu n'oku biha egulu lyoshi. 34Lero bamu bwira, Nahano, orhuhe ebyo bilyo esiku zoshi.35Yesu aba bwira, nyono nye bilyo byobu lamu, ngasi yeshi oyinja emwani arhayunva nzara nangasi yeshi onyemerere arha yunva nyorha. 36Saliko naba bwirire oku mwambwene simurha nyemeraga. 37Boshi darha ampere, bayinja emwani, nangasi yeshi wayinja emwani ntamukweba embuga.38Bulala nyono nta rhengaga empingu kujira obulonza bwani, si obulonza bowa ntumaga 39N'o bulonza bowa ntumaga bobula oku muboshi ampere ntahezaga chiro muguma, ahubwe mufule olusiku luzinda. 40Bulala obulonza bwa darha buli bobu, bula owa kalola omwana n'oku muyemera, ahabwe obulamu bwe siku namango nani nana mufula olusiku luzinda.41Aba Yahudi bamugaya bamubwira baderha, nyono nye bilyo bya rhenga empingu. 42Baderha, kurhe oyula arhali ye Yesu? mwana wa Yusufu, eyi rhuyinji eshe nanyina? hasa kurhe aderhere narhenga empingu?43Yesu aba shubiza aba bwira, murhangayaga mwenyine oku mwenyine 44Nta muntu wakagala kuyinja emwani akaba arha hamagerwe na darha wa ntumaga, nani nana mufula olusiku luzinda. 45Biyandikirwe omu balebi, boshi njo baba bayigirizwe na Nyamuzinda, lero abanjo bayunviriza n'okuyiga emwa darha bayinja emwani.46Arhali mpu omuntu abwene darha, si owa rhengaga emwa Nyamuzinda, oyo yiwabwene darha. 47Muyemere, muyemere mbabwirire, yewe onyemerere agwerhe obulamu bwe siku namango.48Nyono nye bilyo byobulamu. 49Bayisho balyaga amanwa omu rungu bafa.50Ebila bili bilyo biyandagere kurhenga omu mpingu, oku omuntu aka bilya arha chifa. 51Nyono nye bilyo byo bulamu birhengere empingu, omuntu akalya ebi bilyo alama esiku zoshi, nebilyo nahana nyono gomubiri gwani enyanya zobulamu bwe gulu.52Lero aba yahudi barhongana bonyine oku bonyine baderha, oyu muntu akashobola kurhuha omubiri gwage kurhe rhugulye? 53Lero Yesu ababwira, muyemere, muyemere mba bwirire, mukaba murha lire omubiri gwa mwene omuntu, n'okunywa eshagama yage, murha gwerhe obulamu omu kagarhi kenyu.54Owalya omu biri gwani n'okunywa eshagama yani aherhe obulamu bwesiku namango nani njo namu fula omu siku zi zinda. 55Bulala omubiri gwani bili bilyo byo bushinganyanya, neshagama yani gali menji gobu shinganyanya. 56Owalya omubiri gwani n'okunywa eshagama yani ana yikala omu kagarhi kani nani omu kagarhi kage.57Nkoku darha alamire yiwa ntumaga nyono, nani ndamire oku darha, kugenderera owandya analama oku nyono. 58Ebila bili bilyo biyandagere kurhenga empingu birhali nkebi bayisho balyaga banafa. Si ahubwe owalya ebyo bilyo analama esiku zoshi. 59Eyila myazi ayiderhaga omu sinagogi eyaba aherhe ayigiriza eyola e Kapernaumu.60Lero bantu banene omu kagarhi kentumwa zage, babere bayunva baderha, ogula mwazi gukomere, ndewaka gala kugu yunva? 61Yesu amenya omu kagarhi kage oku entumwa zage zagayire ogola mwazi, aba bwira, kurhe ogula mwazi gwaba gayisize?62Kurhe byaba lero, hano mubona mwene omuntu azamuka emunda arhulaga burhanzi? 63Omuka, goguhira mobulamu, omubiri ntacho gumalire, emyazi mbabwirire eli ya muka, kandi ya bulamu.64Aliko hali abandi omu kagarhi kenyu barha yemerere, bulala Yesu alimenyere kurhenga omu rhondero bande barha yemerere, nande njo wamu lenganya. 65Aderha, ntyo mba bwirire, ntaye waka shobola kuja emwani akaba arha hamagerwe na darha.66Enyanya zantyo, banene omu kagarhi kentumwa zage bagaluka enyuma, barha chigendaga naye. 67Lero Yesu abwira balala ekumi naba biri, kurhe nenyu mwalonza kugenda? 68Lero Simoni Petro amushubiza, Nahano, rhuje ngahe?woyo ogwerhe emyazi yobulamu bwesiku zoshi. 69Nerhu rhwa yemerere, rhwa menyere, oku woyo we mugishwa wa Nyamuzinda.70Yesu ashubiza, ka ntaba londolaga mwewe ekumi naba biri? na muguma wenyu ali Lyangombe? 71Aderheraga Yuda, mwene Simoni Esikariyoti, bulala oyo yiwe mulanganye, naye ali muguma mubala ekumi naba biri.
7
2N'olusiku lukulu lwaba yahudi, lusiku lukulu lwe bilalo lwaliri hofi.3Ntyo, bene babo bamubwira, rhenga hanola, oje ebuyahudi, entumwa zawe bagale bona emilimo oli kola. 4Bulala ntamuntu waka jira ekinwa oku hwe, naye yenyine alonza oku menyikana. Okajira ebila ntya, ntyo ochimenyese oku gulu.5Bulala chiro na bene babo barha muyemeraga. 6Ntyo Yesu abwirabo, harhazi gera akasanzi emwani si akasanzi kenyu esiku zoshi kaliho. 7Egulu lirhaka bagaya mwewe, aliko nyono lyana ngaya, bulala nyono mpamiriza oku akasi kage kali kabi.8Mwewe muje okulusiku lukulu, nyono ntashwira genda kulya olusiku lukulu, bulala harhazi gera akasanzi kani. 9Naye abere ama bwirabo ebyola, ayikala ntyo ntyo eyo munda e Galilaya.10Aliko amango bene babo bachigera okulusiku lukulu, ntyo naye agenda, okwihe. 11Ntyo aba yahudi bamulonza bamulonza oku lusiku lukulu, baderha, ngahali oyola?12Haba aka hinda kanene omu kagarhi komushimanano enyanya zage. Abandi baderha, ali muntu mwinja. Abandi baderha, arhali ntyo si aherhe ahebeka omu shimanano. 13Aliko nta muntu wamuhanire bwinja bwinja, enyanya zokuyubaha aba yahudi.14Haba aha garhi garhi kolusiku lukulu, Yesu aja omu kanyanuzinda, ayigiriza. Abayahudi basomerwa baderha, kurhe agalaga kumenya obo bwenge? oyula orha somaga? 16Lero Yesu aba shubiza, aderha, okuyigirizwa kani kurhali kwani nenyine, si kulikolala wanderhaga.17Omuntu akalonza oku kola obulonza bwage, ana menya engani yebyola nayigirize oku yarhengaga emwa Nyamuzinda, changwe erhi nyono mperhe naderha oku mubiri gwani nenyine. 18Olala oderha oku mubiri gwage, alonza oku chizamula, yewe yenyine, si olala olonza azamulwe nola wamuhekaga oyo buli bushinganyanya, nomu yewe murhali echaha.19Kurhe; Musa arhali bahere ama rhegeko? chiro nanta muguma wenyu ojira elyo rhegeko. oku muli lonza oku nyirha? 20Omushimanano gwamu shubiza, nkaba oherhe abazimu ? ndoherhe alonza oku kuyirha?21Yesu ashubiza bo, abwirabo, nyono najirire kasi kaguma, nenyu mweshi mwaka somererwa. 22Musa abahere oku kembulwa, aliko arhali oku kwa rhenga emwa Musa, si oku badarha, nenyu olusiku lwe sabato mwana kembulwa omuntu.23Intyo akaba omuntu bishinganene oku kembulwa olusiku lwe sabato, yi oku kembulwa kwa Musa njikwaka vunikamo, okumwama nkunjira amalanga nyono okubona nafumya omuntu oku lusiku lwe sabato? 24Ntyo mumenye mwaka chirana olubanja lwa masu konyine, si muche olubanja lushinganene.25Ntyo abantu be Yerusalemu baderha, ka arhali oyula yibaherhe balonza mpu bamu yirhe? 26Nobo; aherhe aderha bwinja bwinja chiro barhana mubwirire omwazi; nkabaga abo bakulu bamenyere obushinganyanya oku oyula ye Kiristu. 27Aliko oyula, rhuyinji emunda arhenga, si Kiristu amango ayinja ntaye we menye emunda arhenga.28Ntyo Yesu abanda endulu omu mulenge gunene omu kanyamuzinda aherhe ayigiriza n'okuderha, nyono munyinji, nemunda ntenga muna yinji yo, chiro ntayinjaga oku mubiri gwani, yiwa nderhaga ali wabushinganyanya ola murhenji mwewe. 29Nyono muyinji, bulala ntenga emwage nayewe yiwa ntumaga.30Ntyo balonza oku mufarha, aliko ntaye walonzeze oku lambula okuboko kwage kwa mufarhe bulala akasanzi kage karhalizi lonza gera hofi. 31Nbantu banene omu mushimanano bamuyemera, baderha, emango Kiristu ayinja, kurhe; nja jira ebisomerene binene kulusha ebila aherhe ajira oyula? 32aba Farisayo bayunva olubaga lulilwa bazana enyanya zage, ntyo abakulu bama kohani naba Farisayo barhuma abakozi mpu bamufarhe.33Ntyo Yesu aderha, kasanzi katyu, ndi haguma nenyu, oku buzinda nana genda emwage yewe wa mpekaga. 34Nji mwandoza murhana mbona, nemunda ndi mwewe murhakajayo.35Ntyo abayahudi barhangira oku derha, oyula njaja ngahe yirhurha mubona? mpu jaja ahagarhi habalala baherere omubupagani, kanjo ayigiriza aba pagani? 36Kinwa kichi ekyola aderhere, nji mwandoza murhana mbona nemunda ndi mwewe murhakajayo?37Chiro nolusiku lobuzinda olo lusiku , lusiku lunene lolu siku lukulu? Yesu ayumanga aderha n'omulenge gunene, omuntu aka yunva enyorha, aje emwani anywe. 38Owaka nyemera nyono, nkoku amandiko gaderhere, enyinji eshonko ya menji gobulamu garhenga omu kagarhi kage.39Nogola mwazi aguderhaga omukagarhi ke myazi ya roho, olala aba muyemere njibamu yankirira okubusinda, bulala muka arhalizi yunjula bulala Yesu arhaliza kuzibwa.40Ntyo abandi omu mushimanano bachiyunva eyo myazi, baderha, okunali oyula, yemulebi. 42Amandiko garhali derhere oku Kiristu yerhenge omu lugo lwa David, n'oku rhenga e Bethelehemu, omu chig aliyikeremo Daudi?43Ntyo, haja olubero omu lubaga enyanya zage, 44Enyanya zaho, balonza oku mufarha, aliko ntamuntu walambwire okuboko kwage kwamufarhe.45Ntyo, bala bakozi bagendera bala bakulu bama Korohani, naba farisayo nabo ba bwirabo, kurhe kumurha mulerhere? 46Bala bakozi bashubiza bo arhaza derha omuntu yeshi yeshi nkoko yula aherhe aderha.47Ntyo aba farisayo baba shubiza, kurhe; nenyu mwama rhebekwa? 48 Inde omu kagarhi kabakulu, wamu yemerere, chango omu kagarhi kaba farisayo? 49Aliko olubaga nabala barha menyere amandiko bavumirwe.50Abwira bo Nikodemu (olala wamushimbaga mira, bulala alimuguma mubo), 51kurhe; amarhegeko gerhu gahanire omuntu embere muntu amuyunvirize oburhanzi n'oku menya ebya herhe akola? 52Bamushubiza, bamubwira, kurhe, nawe warhengaga e Galilaya.53Olonze, wabona oku kurhenga e Galilaya harha rhenga omu lebi.
81Bagenda bulimuguma emwage, naye Yesu agenda kugera omu misozi ye mizeyituni. 2Chiro esezi lichi hika, aja kandi omu kanyamuzinda, nabantu boshi bamushimba, naye ayikala, arhondera aba yigiriza. 3Balwandiko naba farisayo bamulerhera omukazi bashimanire aherhe abaraga, bamurhabika aha garhi garhi.4Bamubwira, mwigiriza, oyula mukazi rhwamushimanire alijira obumaguza. 5Lero omu marhegeko, Musa ali rhurhegekere oku bashurha amabale abala bakazi bobula borhere, nawe kurhe oderhere? 6Bali bamubwira ogula mwazi omu kumu geza, libabona obulyo boku musidaka, aliko Yesu ashurhama ayandika no mudoke gwage oku budaka.7Nabo bagenderera oku mubaza, ayinamuka abwirabo, olala orhagwerhe echaha aha kagarhi kenyu abe waburhanzi kumubanda ebale. 8Ashurhama kandi ayandika no mudoke gwage yewe yenyine oku budaka9Nabo babere babiyunva, enkengero zabo zaba buranya, bagenda muguma oku muguma, barhonderera oku mushaja mpaka oku wabuzinda wabo, hayorha Yesu yenyine, nolala mukazi eya yumangire aha garhi garhi. 10Yesu ayinamuka ntamuntu achibwene arhali ola mukazi, amubaza, mukazi we, ngahe balala baku buranyaga bali? kantaye woku chirire olubanja oku wayagire? 11amu bwira ntaye, Nahano. Yesu amu bwira, chiro nani ntaku chirire olubanja. Kijendere, orhanahira okashuba jira echaha. ]12Kandi Yesu amu bwira aderha, nyono bobumoleke bwe gulu, onkulikire arha kagera omu mwizimya haba nehityu, aliko aba n'obumoleke bwa kalamu. 13Lero aba farisayo bamu bwira, woyo oki hamirize wenyine, obuhamiriza bwawe arhali kubili.14Yesu abashubiza, ababwira, akaba nyono mperhe naki hamiriza nenyine, obu hamiriza bwani kubinali, bulala nyinji emunda narhengaga nemunda naja, aliko mwewe murhenji emunda narhengaga nemunda naja. 15Mwewe mucha lubanja omu kukulikira ebyo mubiri, nyono ntachira muntu olubanja. 16Nka nyono nkacha olubanja, eyi kubinali, bulala nyono arhali nenyine neli, aliko ndi haguma nolala wantumaga.17Kandi omu marhegeko genyu hayandikirwe ntya, obuhamiriza bwa bantu babiri eyi kubinali, 18nyono nyeli naki hamiriza nenyine, na darha wa ntumaga ana mpamiriza.19Lero bamu bwira, yisho ngahe aba? yesu aba shuza, nyono murha nyinji, kurhe mwakaja mwa menya darha? nka mwaka menya nyono mwaka menya na darha. 20Eyila myazi ayiderhaga aherhe ayigiriza omu kanyamuzinda, omu busika bwe nguli, ntaye nomuguma wamu farhire, bulala ekasanzi kage karhalizi hika ho.21Kandi ashuba kuba bwira, nyono najenda, aliko mwewe njo mwa nshonda, nenyu njomwaba eyi muli omu byaha byenyu, emunda naja murhaka menya enjira. 22Lero aba yahudi baderha, kurhe, wakiyirha?bulala aderhere, nyono nagenda murhakana menya nemunda naja?23Aba bwira, mwewe muli beshishi, nyono ndi we nyanya, mwewe muli balinolagulu, aliko nyono ntali womu linola gulu. 24Enyanya zecho, nalibabwirire oku njo mwafa omu byaha byenyu, bulala murha yemerere oku nyono nye yewe, njo mwafa omu byaha byenyu.25Kandi bamu bwira, woyo obande? Yesu aba bwira, echo mbabwirire kubinali. 26Ngwerhe binene naka derha noku bachira olubanja, aliko owa ntumaga aba mushinganyanya, nyono muyunva, echola kinderha omu gulu, 27Kiro barha menyaga okwaherhe aba bwira eshe.28Lero Yesu ababwira, hanonjo muba mwayusize kuzamula omwana wo muntu, gemango njo mwamenya oku nyono nye yewe, n'oku nyono ntajirire omwazi oku nkengero zani, aliko oku darha anyigirizaga kumperhe naba bwira. 29Yewe wantumaga ndi haguma naye, arhandekaga nenyine, bulala mperhe nakola esiku zoshi ebi musimisa 30Yewe abere aba aherhe aderha ebyo, banene bamuyemera.31Lero Yesu abwira abayahudi bamu yemerere, mwewe muka bera omu mwazi gwani, eyi mukola ntumwa zani zishinganene. 32kandi mwana menya obushinganyanya, n'obo bushinganyanya bwana bashwekula. 33Bamu bwira, rhwewe rhuli luburho lwa Ibarahim, ntalusiku rhwabere baja bomuntu yeshi, kurhe woyo wakaja wa derha okunjo rhwa shwekulwa?34Yesu aba shubiza, muyemere, muyemere, naba bwira, nkasi yeshi okola echaha, aba muja wechaha. 35Kiro n'omuja arhabera omu mwage esiku zoshi, aliko omwana yewe abamo esiku zoshi. 36Lero omwana akaba mushwekula, mwanaba bashwekula omubushinganya.37Nyono nyinji oku mwewe muli luburhwa lwa Ibrahimu, aliko yimwalonza kunyirha bulala ogo mwazi gurhali omu kagarhi kenyu. 38Ebina bwene emwa darha, bindi naderha, nenyu konoko, ebi mwa yunvirhe emwa yisho bimuli mwa kola.39Baderha, bamushubiza, darha ye Ibrahimu], Yesu aba bwira, nkamwaliri bana ba Ibrahimu singa muherhe mwa kola emirimo ya Ibrahimu. 40Aliko lero mukola mwa lonza kunzamula nyono, omuntu nabwirire eyi kubinali, ebi nayunvirhe emwa Nyamuzinda, Ibrahimu arhajiraga okola. 41Mwewe muherhe mwakola emirimo yaba yisho. Nabo bamu bwira, rhwewe rhurha burhwaga omu bumaguza, rhujira darha muguma, ye Nyamuzinda.42Yesu aba bwira, nka Nyamuzinda aliri yisho, mwewe mwaka nsimire, bulala narhengaga emwa Nyamuzinda, kandi nayinjire, aliko ntayinjaga oku nkengero zani, aliko kolala wantumaga. 43Kirhumire murha menya ebi mperhe naba bwira? bulala mwewe murhaka yunva omwazi gwani 44Mwewe munali bayisho, Lyangombe, nenyifinjo za yisho zimuna kola. Ola munizi kurhondera oku murhangiro, nanta lusiku mwa yumangire omu bushinganyanya, bula murha gwerhe obu shinganyanya omu kagarhi kenyu. Olala oderha obubehi, aderha ebyage byage yenyine, bulala yewe ali mubeshi, neshe konoko.45Nyono, bulala nderha obushinganyanya, murhaka nyemera. 46Nde mumweshi ompamiriza oku nyono ndi munya chaha? nani nka derha obu shinganyanya, mbwene nka murha nyemerere. 47Olala oli wa Nyamuzinda ayunva omwazi gwa Nyamuzinda, mwewe murhaka yunva bulala murhali ba Nyamuzinda.48Abayahudi bamu shubiza, bamubwira, rhwewe rhurhali rhuderhere bwinja koli musamariya, ogwerhe n'abazimu? 49Yesu aba shubiza, nyono ntali mu lyangombe, nyono nkenga darha, nenyu mwana yirha olukengo lwani.50Nyono ntalonza obukuze bwani, hali owo kulonza hali nowo kucha olubanja. 51Muyemere, muyemere, mbabwirire, owaka farha omwazi gwani, arhaka chibona olufu esiku namango.52Lero abayahudi bamubwira, rhwama rhegera oku lyangombe akulimo. Ibrahimu afire, nabalebi bafire, nawe yiwaderha, oku omuntu akafarha omwazi gwawe, arhaka chibona olufu esiku namango. 53Woyo oba mukulu kulusha darha Ibrahimu nobo afire? Nabalebi bafire. Oherhe wachijira nde?54Yesu aba shuza, nyono nka kizamula nenyine, oku kizamula kwani ntacho kumalire, owaka nzamula ali darha yolala muherhe mwaderha mpwaba Nyamuzinda wenyu. 55Nobo mwewe murha muyinji, aliko nyono muyinji. nkola naderha kunta muyinji, elinamaba mubeshi kuguma nenyu, nobo muyinji, nomwazi gwage ngufarhire. 56Ibrahimu, yisho, akishinga kulala akabona olusiku lwani, yewe ana mbona, akishinga.57Lero abayahudi bamubwira, woyo werhazi bona myaka makumi marhano, ngahe wabonaga ku Ibrahimu? 58Yesu aba bwira, muyemere, muyemere, mbabwirire, yewe Ibrahimu arhaza kubaho, nyono yimbaho. 59Lero barholagula amabale bamukubirhe, Yesu akibisha, hanaho arhenga omu kanyamuzinda.
91Abere agera abona omuntu, mpumi kurhenga kurhengera aburhwa. 2Entumwa zage zamubaza, za derha, waliha, ndewakolere echaha, akaba oyu muntu chango aba busi bage, yaburhwa erhi mpumi?3Yesu abashuza, oyu arha kolaga chaha, chango ababusi bage, aliko emirimo ya Nyamuzinda egalagale omu kagarhi kage. 4Birhuhunire rhukole emirimo yolala warhurhumaga bulala bwa chere, obudufu bwahika erhiyintaye wachigali kola. 5Ekichanji ndi omwigulu, nyono buli bumoleke bwe gulu.6Abere amala kubi derha, achira ahashi, abumba ebyondo oku machanira, abishiga empumi oku mbonyi za masu. 7Amu bwira, genda, oshuke amasu omu mbeye ye Silohami (kokuderha, eyi barhumire). lero agenda kuyoga, agaluka eyali abona.8Lero abaturanyi bage, bala bamubonaga mira eri ahuna, baderha, ka oyula arhali yoyula aliyikere ahashi n'okuhuna? 9Abandi baderha, yewe. Abandi baderha, nanga, aliko ashushire naye. Yewe yenyine aderha, nyeyewe.10Lero bamu bwira, kurhe amasu gawe gabonaga? 11Aba shubiza, omuntu oyirikirwe Yesu ajirire ebyondo, abinshiga oku masu ambwira, genda omu lwinji lwe Silohami oyoge, lero nagenda nayoga, nava nabona. 12Bamubwira, ngahe ali oyo? aderha, ntamenyere.13Lero bamuheka emwa bafarisayo ola wali mpumi kurhenga mira. 14Nantyo lwali lusiku lwe sabato amango Yesu abumbaga ebyondo byoku mufumya amasu. 15Lero abafarisayo nabo kandi bamubaza, kurhe wagalaga kufuma? Aba bwira, alimpebere ebyondo oku masu, nayoga, nantyo nabona.16Lero banene omu bafarisayo baderha, oyu muntu arha rhengaga emwa Nyamuzinda, bulala arhakengere esabato. Abandi baderha, kurhe omunya byaha aka akagali kola ebisomerene bili nkebi? Honaho barha chiyunvikana. 17Lero babwira eyo mpumi obwa kabiri, kurhe woyo woderhere emyazi yage oku akufungwire amasu ? Aderha, ali mulebi. 18Ntyo abayahudi barha yemeraga emyazi yage oku aliri mpumi ana gala kubona chiro bahamagala ababusi bage boyola wagalaga kubona.19Babazabo baderha, ka oyula yemwana wenyu? oyola muherhe mwaderha mpu aburhwaga yimpumi? kurhe agalire kubona lero? 20Ababusi bage bashubiza bo, baderha, rhumenyekere kwali mwana werhu, ana burhwaga yeli mpumi, 21Aliko okuntu abwene, rhurhaka menya, rhurhana menyere nde wamu fumyaga, mumu baze yewe yenyine, yewe ali muntu okulire, achiderhera yewe yenyine.22Ababusi bage baderhaga ntyo bulala bali bayubahire abayahudi, bulala abayahudi bali bamenyere oku aka muderha oku ali Kiristu, banamukula omu sinagogi. 23Checha rhumaga aba busi bage baderha, ali muntu okulire mumubaze yewe yenyine.24Nantyo bahamagala oyo muntu wali mpumi obwakabiri, bamu bwira, ohe Nyamuzinda obukuze. Rhwewe rhumenyere oku oyo muntu aliri munya byaha. 25Nantyo oyo muntu ashubizabo, akaba yewe munya byaha ntenji, menyere mwazi muguma oku naliri mpumi nantya lero ndibona.26Nantyo bamubwira, bichi akujirire? aku fungwire amasu oku bulyo buchi? 27Aba shubiza, namalire kuba bwira chiro murhana yunvirhe, oku mulilonza okushubi yunva kandi? Nenyu mwalonza kuba ntumwa zage? 28Lero bamugaya, baderha, woyo oli ntumwa yage, rhwewe rhuli ntumwa za musa. 29Rhwewe rhumenyere oku Nyamuzinda aliderhere na Musa, aliko oyola rhurhenji omunda arhengaga.28....... 29......30Oyo muntu abashuza, ababwira, ebila bili bisomerene] akaba murhamenya emunda arhengaga, nobo anfumizye amasu. 31Rhuyinji oku Nyamuzinda arha yunviriza abanya byaha, aliko omuntu akaba akenga Nyamuzinda, n'oku kola obulonza bwage, anayunva noyola.32Kurhengera aho, birhayunvikene oku oyo muntu wafumyaga amasu g'empumi, aburhwaga mobola borhere. 33Oyola nkarha rhengaga emwa Nyamuzinda, ntacho nechiguma aka galire kukola. 34Bamushuza, bamubwira, bashalama, woyo waburhwaga omu byaha, bobo okola warhu yigiriza rhwewe? Bamukabula embuga.35Yesu ayunva oku bamukabwire embuga naye abere abibona aderha, woyo oba oyemerere mugala wa Nyamuzinda? 36yewe ashuza aderha, inde Nahano, inde wundi naka yemera? 37Yesu amu bwira, wamu bwene, anali oyo oliderha nawe. 38Oyo muntu aderha, nayemerere, Nahano, amufukamira.39Yesu aderha, Nyono nyinjire omugulu enyanya zokuhanwa li empumi zibone, nabali bona zibe mpumi. 40Baguma omu bafarisayo baliri haguma naye bayunva ebyola, bamubwira, kurhe, rhwewe nerhu rhuli mpumi? 41Yesu abwirabo, nkamwaliri mpumi, murhakabere nechaha, aliko lero muli derha, rhuli rhwabona, intyo chaha chenyu chigenderere.
10
2Ogera omu lunvi aba lungere we ntama.3Omungeri achingulira oyola, n'entama zana yunva omulenge gwage, naye anahamagala entama oku mazino gazo n'okuziheka embuga. 4Yewe eya hulusa entama zage embuga, ana zirhanga kuhuluka, n'entama zana mukulikira, bula zimenyere omulenge gwage.5Omuhisi arha zikulikira haba nakatyu, si ahubwe zana mulibirha, bulala zirha menyere omulenge g'omuhisi. 6Ogo mugani Yesu aba bwiraga, saliko bowe barhamenyaga bichi alonzaga oku babwira.7Lero Yesu ashubi babwira, muyemere, muyemere, mbabwirire, nyono nye lunvi lwe ntama. 8Boshi bantagaga bishambo nabanyazi, aliko entama zirha bayunvirizaga.9Nyono nye lunvi, omuntu aka gerera emwani ana chunguka, ajamo n'okurhenga, yewe abona ebyokulya. 10Omwizi ayinja omukuzimba n'okuniga, n'okushereza, nyono nayinjire yibaba n'obulamu kandi babu bone bwenene.11Nyono nye lungere lwinja. Lungere mwinja ahana obulamu bwage enyanya ze ntama. 12Omuntu w'oluhembo arhaba lungere, olala entama birhali birugu byage, anabona ekishengera chayinjire, analeka entama analibirha, n'ekishengera chana yinja chana zifarha n'okuzishandaza. 13Oyola alibirha bula ali muntu w'oluhembo chiro n'emyazi yentama ntacho bimu bwirire.14Nyono nye lungere mwinja, nabali bani nyinjibo, nabali bani banyinji nyono. 15Nkakula darha anyinji nani nyinji darha, nani nana hana obulamu bwani enyanya z'entama. 16Ngwerhe ezindi ntama zirhali zeki kishumba, ezo nazo nshinganene oku zilerha, n'omulenge gwani zabuyunva, oku buzinda kwaba kigusho kiguma na lungere muguma.17Kwako kasanzi darha ansima bulala nanahana obulamu bwani yinshuba kuburhola. 18Nta muntu waka nkulira, kandi nyenyine nana hana. Nyono ngwerhe obushobozi boku buhana, ngwerhe n'obushobozi b'okushiba rhola, elyo rhegeko na li yankiriraga emwa darha.19Hashubiyinja okurha yunvikana kwabayahudi, enyanya yeyo myazi. 20Banene babo baderha, aherhe abazimu oyula, kandi aherhe abazimu, oku muli mwamu yunviriza? 21Abandi baderha, eyola myazi erhali yomuntu oli mwabazimu. kurhe abazimu baka fungula empumi amasu?22Lero eyo munda e Yerusalemu yaliri olusiku lukulu lwakanyamuzinda, chali chihe che mboho. 23Na Yesu aliri alambagira omu kanyamuzinda omu lunvi lwa Sulemani. 24Lero abayahudi bamuzunguluka bamu bwira, kugera mangochi warhu lemerera obulamu bwerhu, akaba woyo we Kiristu orhubwire bwinja bwinja.25Yesu ashubizabo aba bwira, aliko murha yemerere emilimo yoshi ndinakola oku zino lya darha oku zimpamirize. 26Aliko mwewe murha yemerere bulala murhali omu kagarhi k'entama zani.27Entama zani ziyunva omulenge gwani, nani nziyiyinji, nazo zinkulikira. 28Nani nana ziha obulamu bwe siku namango, nalusiku luguma barhaka hera, nanta muntu wezikule omu maboko gani.29Darha wampaga aba ali mukulu kulusha abantu boshi, chiro nanta muntu waka kulabo omu maboko gani. 30Nyono na darha rhuli baguma. 31Kandi abayahudi bashubi rhola amabale mpu bamushurhego.32Yesu aba bwira, emirimo minja naba yerekereyo, erhenga emwa darha, kweyi milimo yoshi, mwama nshurha amabale? 33Abayahudi bashubiza, enyanya ye milimo minja rhurha kubandire amabale, saliko wagaya gwize, bulala woyo weli mwene omuntu oli wachijira wenyine oku oli Nyamuzinda.34Yesu aba shubiza, kabirha yandikirwe omu marhegeko genyu oku nyono nendi naderha nenyu, mweba lyangombe? 35Akaba ayirikirwebo ba lyangombe bala bajirirwe n'omwazi gwa Nyamuzinda, (nolwandiko lurhakafa lwafire) 36Kurhe eyi darha acheseze, amurhuma omugulu, nenyu yimwa mubwira, wagayagwize, bulala waderhere, nyono ndi mwana wa Nyamuzinda?37Nkaba ntakolere akasi ka darha murha nyemeraga, 38Saliko nkaka kola chiro akaba murha nyemerere, muyemere eyo milimo, mugale kumenya n'oku rhegera, oku darha ali omu kagarhi kani nani omu kagarhi kadarha. 39Bashubi lonza oku mufarha, aliko arhenga omu maboko gabo.40Ashubi genda elunda lwe Yordani, kugera olunda Yowane aliriko omango aliherhe adubika burhanzi, ayikala eyo munda. 41Nabantu kamama bamushimba, baderha, Yohana oku bushinganyanya arhajiraga ebisomerene byoshi, aliko byoshi Yowane aderhere oku myazi yage ebyola byali byokuli. 42Nabo banene bamuyemera eyo munda.
111Haliri muntu muguma orha chishobwere, Lazoro w'e Betaniya, w'omukihugo haguma na Mariya na Marta, mwali wabo. 2Yolala Mariya washigaga Nahano amavurha, amushangula amagulu n'enviri zage, yolala Lazoro musheje wabo waliri mulwala.3Lero abola balibabo, barhuma oburhumwa emunda ali baderha, Nahano, olala osima alwalire. 4Yewe Yesu abiyunva, aderha, obula bulwala burhali bwalufu, aliko ali enyanya z'obumoleke bwa Nyamuzinda, yi mugala wa Nyamuzinda azamulwa koyola.5Naye Yesu alisimire Marta mwaliwabo Lazaro, 6Abere abona kwarha shobwere, ayikala ahola aliri siku ebiri. 7Enyuma zayo abwira entumwa zage, rhushubire ebuyahudi.8Entumwa zage zamubwira, Nahamwerhu, lishinjo abahayudi baliri bakulonza mpubaku bande amabale, nawe washubira yo? 9Yesu ashubiza bo, akasanzi k'ezuba karhaba sa ekumi n'ebiri? omuntu aka genda ezuba arha sirhala, bula aherhe abona obumoleke bwe gulu.10Aliko aka genda obudufu ana sirhala, bulala obumoleke burhali omu kagarhi kage. 11Aderhaga ebyo, buzinda enyuma waho, aba bwira, mwira werhu, Lazaro, alyamire, aliko najayo nje kumuzusya.12Lero entumwa za mubwira, Nahano akaba alyamire, afuma. 13Aliko Yesu alya aderhere emyazi yo lufu lwage, nabo bakengera okwaherhe abwirabo emyazi yokuja ero. 14Lero Yesu abwirabo bushinganyanya, Lazaro, afire.15Nani nsimire enyanya zenyu bulala ntaliriyo, yimugala kuyemera, aliko rhuje emwage. 16Lero Tomasi oyirikwa, Pacha, abwira azabo ntumwa, rhugende nerhu, yirhufa haguma naye.17Lero Yesu abere agera abuguna akola ali omus hinda siku ene. 18N'e Betaniya hali hofi ne Yerusalemu, lugenzi lwa sebiri. 19Nabantu banene babayahudi bali baliyinjire emwabo Marta na Maria, mpu bayinje basiririze bo oku myazi ya musheje wabo. 20Lero Marta abere ayunva oku Yesu ayinjire, alibirha kuja kumu yankirikira, na Mariya eryayikere omunju.21Lero Marta abwira Yesu, Nahano, nka waliri hano, musheje werhu arhaka fire, 22Aliko menyere oku hyoshi waka huna emwa Nyamuzinda, Nyamuzinda aku hahyo. 23Yesu amu bwira, musheje wenyu afuka.24Marta amubwira, menyere oku afuka omu bafuke bwabafire oku lusiku luzinda. 25Yesu amu bwira, nyono nye bufuke n'obulamu, onyemerere nyono arhakafa, alama. 26Nangasi olamire n'oku nyemera arhakafa chiro esiku namango. Ka oyemerere ntyo?27Nechi, Nahano, nyemerere oku woyo we Kiristu, mwana wa Nyamuzinda, olala oyinjire egulu. 28Amere amala kuderha ntyo, agenda, ahamagala mwaliwabo ahe hwe, aderha, mwigiriza alya akuhamagala. 29Naye abere ayunva, arhenga juba juba, amushimba.30Yesu arhalizi gera mwekyo kishagala, alichili ahola amuyankiriraga Marta. 31Lero aba yahudi baliri ahola na Mariya omunju, bali bamu siririza, babere babona kurhe arhengere juba n'oku genda, bamu kulikira eri bamenyere mpwakola ewa shinda yalakira eyo munda. 32Lero Mariya abere agera ahola Yesu aliri n'oku mubona, achikuba omu magula gage amu bwira, Nahano, nka waliri hanola, mwene werhu arhakafire.33Lero Yesu abere amubona ali alaka, nabayahudi bamu kulikire nabo bali balaka, agaya omu murhima gwage. 34Aderha, ngahe mwamu hebere? Bamu bwira, Nahano, oyinje olole. 35Yesu alaka.36Abayahudi baderha, olole kurhe alimusimire. 37Aliko abandi baderha, oyula yiwafumyaga ela mpumi amasu? arhagalire kufumya n'oyula arhafaga?38Lero Yesu naye yagayire omu murhima gwage, agera oku shinda. Nolo lwali lugurhu, n'ebale libikirwe enyanya zage. 39Yesu aderha, mukule ebale. Marta, mwaliwabo owafire, amubwira, Nahano, akola ali abaya, bulala alisiku ene afire. 40Yesu aba bwira, ntali babwirire oku muka yemera mwabona obukulu bwa Nyamuzinda?41Lero bakula elyola bale. Yesu azamula amasu omu chanya aderha, darha, nkukuzize bulala onyunva. 42Nanyinji oku onyunviriza esiku zoshi, aliko enyanya zolu lubaga luli lwa lola, nderhere ntya, yibagala kuyemera oku woyo wawantumaga.43Naye eyayusa derha ntyo ayama oku mulenge gunene, Lazaro, oyinje eno munda. 44Arhenga embuga oyola wali afire, ashwekere ebitambara omu masu n'oku maboko, namasu gage gashwekere n'ebitambara. Yesu aba bwira, mumushwekule muna muleke agende.45Aba yahudi banene bayinja emwa Mariya, n'oku bona ebya ajirire. Bamuyemera. 46Aliko abandi bagenda emwaba farisayo, babwirabo ebi Yesu ajirire.47Abakulu bama kohani naba farisayo babuganana n'enshimanano yabakulu, baderha, bichi rhuli rhwajira? Bulala oyula muntu aherhe ajira ebisomezo binene. 48Rhuka muleka ntya, abantu boshi bamuyemera, naba roma bana yinja banarhukula aha rhwaliri omu chihugo cherhu.49Muguma mubo, Kayafa, yiwaliri mugingi mukulu mogo mwaka, abwirabo muwe murhenji omwazi goshi goshi, 50Chiro murhenji oku bishinganene muntu muguma afe enyanya zabantu lyo echihugo choshi chirha hanwa.51N'ogola mwazi arhaguderhaga oku mubiri gwage yewe yenyine, si bulala aliri mugingi mukulu mogola mwaka, alebaga enyanya za Yesu okwafa enyanya z'olubaga. 52Chiro arhanali nakolola lubaga lonyine, haguma nantyo agushe abana ba Nyamuzinda balala balishandazizwe libaba mu muguma. 53Kurhenga ago mango bajira ehano lyoku muyirha.54Checha rhumaga Yesu arha lambagiraga oku mugaro garo aha garhi kaba yahudi, avarhenga eyo, aja hofi n'omwirungu, omu lubibi n;echihugo chihamagalwa Efurahimu. Ayikala eyo munda haguna n'entumwa zage. 55N'epasaka yaba yahudi yaliri hofi, n'abandi barhenga omu mashwa kuja e Yerusalemu embere we pasaka, yibagala kuchi chesa.56Intyo, balonza Yesu, baganira eli bayumangire omu kanyamuzinda, kurhe mubwene? karha yinja muzino siku zikulu? 57Abakulu babagingi, naba farisayo balibahanire erhegeko oko muntu waka menya ahali alerhe omwazi libagala kumu rhula.
121Ntyo, siku ndarhu pasaka arhazi kuba, Yesu agera e Betaniya ahaliri Lazaro, olala Yesu afulaga omu bafu. 2Bamurheganyiza obuhya eyo munda, naye Marta akolera ho, na Lazaro aliri muguma wabola bali bayikere balya haguma naye. 3Ntyo Mariya arhola omulengo gwa mavurha gachere g'engulo nzibuzibu. Ashiga Yesu amagulu, amushangula amagulu n'enviri zage, neyola nju yayunjula mpumulo yago mavurha.4Ntyo Yuda Esikariyote muguma w'entumwa zage olala wamuhana, aderha, 5Gurhe aga mavurha garhagulwaga oku furanga maganasharhu, barhaziha abarha chishobwere? 6Naye aderhaga ntyo arhali kubonera abarha chishobwere obonjo si bulala chali chishungu, yiwana gendaga abika enguli yabo, Agenda azimba ebilimo.7Yesu Aderha, muleke agabike kuhika olusiku lwani loku mpamba. 8Bulala muli nabarhachishobwere esiku zoshi haguma nenyu. Si murhali haguma nani esiku zoshi.9Ntyo abantu banene ahakagarhi kabayahudi bamenya okwali eyomunda, nabo Bayinja, arhali enyanya z'a Yesu konyine, sibabone na Lazaro, olala Yesu afulaga omubafu. 10Nabo bakulu baba gingi bajira empanulo yokuyirha Lazaro, 11Bulala enyanya zage banene omu bayahudi balibachibalirwe, bayemera Yesu.12Olusiku lwakabiri lwage bantu banene bali bayinjire kulola oku lusiku lukulu lokwagerere e Yerusalemu. 13Barhola amarhabi g'emirhi y'engazi barhenga embunga kumulinga, bajira olwamo lunene, Hozana! yemugishwa oyinjire oku zino lya Nyamuzinda, mwami yaba Israël.14Yesu aliri abwene omwana gw'endogomi, agushona ko, n'koku byayandikwaga. 15Orhayubahaga, Munyere we Zioni, olole, omwami wawe ayinjire ashonere oku mwana gw'endogomi.16Ebyo byoshi entumwa zage barha bimenyaga ahola, aliko Yesu abere ama zamulwa, g'emango bajaga bayibuka oku biyandikirwe ntyo, n'oku bamujirire ebyola.17Ntyo bamuhamiriza gula mushimanano gwali haguma naye emango ahamagala Lazaro kurhenga omu shinda amufula. 18Nenyanya zantyo omushiganano gwagenda mulinga bulala bayunvirhe kwajirire ekyola kisomezo. 19Abafarisayo bachibaza bonyine kubonyine, murhabwene ku ntacho mumalire, murhajirire omwazi goshi goshi.Mulole okwe gulu lya gendere enyuma zage.20Haliri aba Yunani banene omu kagarhi kabajaga kuharamya oku lusiku lukulu. 21Abola bashimba Filipo muntu WE Betisayida ye Galilaya, bamuhuna baderha, Nahano, rhuli rhwalonza kubona Yesu. 22Filipo agenda abwira Andreya, buzinda Andereya na Filipo ba bwira Yesu.23Yesu ashubiza aba bwira, akasanzi kagereho akuzwa mugala wa Adamu. 24Muyemere, Muyemere mbabwirire, emburho yengano nkerha rhogere omu kidaka, ekafa, yanayorha ntyo nkoku yanaliri. Aliko ekafa, yana burha ama lehe ganene.25Osima obulamu bwage abu lenganya, n'oyangire obulamu bwage mulino gulu, oyola abubona kuhika esiku namango. 26Omuntu aka nkolera, ankulikire, nahandi homukozi wani njoaba. Kandi omuntu aka nkolera, darha ana mukenga.27Lero omurhima gwani gwagayire, nani kurhe nderhage? darha onchungule mukano kasanzi , aliko enyanya zebi n'koku nagerere akala kasanzi. 28Darha, okuze ezino lyawe. Lero hayunvikana omulenge kurhenga empingu, nakuharamya, kandi nashubi kuku haramya. 29Lero omushiganano gwali hofi hofi gwa yunviriza, baderha oku bayunvirhe omuhumo, abandi baderha, malayika aderhere naye.30Yesu ashubiza aderha, ogomulenge gurhaliriho enyanya zani sigwaliriho enyanya zenyu. 31Lero okuchibirwa olubanja kweli gulu kuliho, omukulu weligulu akwebwa embunga.32Nankazamulwa enyanya wekihugo nahamagala boshi emwani. 33Aderhaga ntyo omu kuyerekana lufu luchi njo afa.34Lero omushiganano gwamushubiza, rhwayunvirhe omu kitabu cha marhegeko oku kiristu abaho amango goshi, nawe kurhe wakaderha oku bishinganene omwana wa Adamu azamulwe, oyo mwana wa Adamu yende? 35Lero Yesu aba bwira, obumoleke buchili haguma nenyu omu kasanzi kageke, mugenderere amango muchili n'obo bumoleke, omwizimya nji gumenye gwaka bagala, bulala ogenda omu mwizimya arhamenya omunda ali aja. 36Amango muchili n'obumoleke Muyemere obo bumoleke yimugala kuba bana bobumoleke. Ntyo ku Yesu agenda, achibisha y'ibarha mubona.37Aliko chiro akaba kwajirire bisomezo binene embere zabo barha muyemeraga. 38Yiguyenera gula mwazi n'omulebi Isaya aderhaga, Nahano, nde wayemerere emyazi yerhu, n'okuboko kwa Nahano kwabonekene nande?39Checharhumire bowe barhagali kuyemera, bulala Isaya alishubire kuderha, 40Ahumizebo amasu, ajirire emirhima yabo bulemere, bamenye baka bona oku masu gabo, baka menya omu mirhima yabo, baka kwira nkafumyabo,41Eyola myazi Isaya aderhaga, bula alibwene obushobozi bwage, aderha n'emyazi yage. 42Aliko abakulu baliri ahola banene bamuyemera, aliko enyanya zabafarisayo, barhamu hamirizaga y'ibarha libirha kubo omu Sinagogi.43Bulala bali basimire obu shobozi bwa mwene omuntu ahali h'obushobozi bwa Nyamuzinda.44Naye Yesu azamula omulenge aderha, onyemerere nyono, arha nyemerere nyono sa ayemerere owantumaga. 45N'owandola nyono eyalolere owa ntumaga.46Nyono nayinjire, mbe bumoleke bwe gulu, Omuntu waka nyemera nyono arhagenda omu mwizimya. 47Omuntu akayunviriza emyazi yani akaba arha yigwarhire, nyono ntamuchira olubanja, bulala ntayinjaga kuchira egulu olubanja si ahubwe nchungule egulu.48Owandahira nyono, akaba arhayemerere emyazi yani, agwerhe owamuchira olubanja, ogo mwazi naderhere gunjo lwamuchira olubanja lusiku luzinda. 49Bulala nyono ntaderhaga enyanya z'obulamu bwani nenyine, s'aliko darha owantumaga, yewe yenyine antegekere ebinaderha. 50Menyere oku erhegeko lyage buli bulamu bwesiku namango, Lero ebyola nderhere nyono, n'koku darha ambwirire kunani nambiderhere.
131Lero, embere z'olusiku lukulu lwa pasaka, Yesu, eyanamenyere oku akasanzi kage kahikire ho, koku rhenga omwigulu n'okuja emweshe,n'obo naye alisimire abantu bage omwigulu, abasima mpaka oku buzinda. 2Amango g'okulya ebilyo byegolo, lyangombe eyahebere Yuda, mugala wa Simoni Esikariyote, momurhima g'oku mulenganya.3Yesu, alimenyere oku eshe amuhere byoshi omu amaboko gage, arhengaga n'emwa Nyamuzinda, n'eyo munda emwa Nyamuzinda yaja, 4Arhenga ahabahanzaga balira, aheba emyambaro yage eburhambi, arhola ekitambara, akifundika omunda. 5Buzinda aheba amenji omumbehe, arhangira okushuka entumwa zage amagulu, n'okushangula amenji n'echo kitambara alifundikire.6Ntyo ayinja aha Simoni Petro ali, oyola amu bwira, Nahamwerhu, nani wakagala kunshuka amagulu ? 7Yesu amushuza amubwira, echila nkolere orhaka chimenya, aliko njowabimenya enyuma. 8Petro amubwira, woyo orhanshuka amagulu nalahire. Yesu amu bwira, akaba ntakushukire, yorha gwerhe bunvikane haguma nani. 9Simoni Petro amubwira, Nahano, arhali amagulu gani gonyine, amaboko gani nerhwe lyani.10Yesu amubwira, owamalire kuyoga arhagwerhe enyorha yokushangula amagulu, si ali mucheswa omubiri goshi, nenyu muli bacheswa, Aliko arhali mweshi. 11Bulala alimenyere owunjo wamulenganya, Checharhumire Aderha oku boshi barhachere.12Abere amala kushukabo amagulu, nokurhola emyambaro yage, ashubi kuyikala, abwirabo, ka mwamenyere ebila naba jirire? 13Mwewe muli mwampamagala, mwigiriza, kandi Nahano, nenyu muli mwanderhera bwinja, bulala ntyo kunandi. 14Akaba nyono, nyendi Nahano na mwigiriza, naba shukire amagulu, biba shinganene nenyu mushukane amagulu mwenyine oku mwenyine. 15Bulala nabahere olwiganyo, nka oku nani naba kolere, nenyu mukole ntyo.16Muyemere, Muyemere, mbabwirire Mwewe, omuja arhali mukulu kulusha nahano wage, chango entumwa erhakaba nkulu kulusha owa yirhumaga. 17Mukamenya echo Lili ragi muka chikola. 18Ntaderhere emyazi ku mweshi, nyinji balala nakishogaga, y'olwandiko luyenezwa, owalire ebilyo byani yanzamulire akasisinya kage.19Kurhengera zene mbabwirire birhazi rhengera, yihano birhengera mugale kuyemera oku nyono nyeyewe. 20Muyemere, Muyemere, mbabwirire, yewe wayankirira olala narhumaga yama nyankirira nyono, eyama yankirira nowantumaga.21Naye abere amala kuderha ebyo, Yesu abona omugayo omu murhima, ahamiriza aderha, Muyemere, Muyemere mbabwirire, muguma wenyu andenganya. 22Entumwa zage zalolana, aho yibagwerhwe engangane ndoyo wamuhana.23Haliri muguma w'entumwa zage oyigamira omu kifuba kya Yesu, oyu Yesu asimaga. 24lero Petro aheba okuboko omu chanya amubwira, obaze ndoyo wamuhana ? 25Lero yewe eya yegamire Yesu omu kifuba amubwira, Nahano, nyono?26Yesu ashubiza, ali ola muntu naha omurholya gobuntu, oyo yiwa mpana, acha omurholya gobuntu aguha Yuda mugala wa Simoni Esikariyote. 27N'enyuma w'ogola murholya lyangombe amujamo. Lero Yesu amubwira, ebi wajira obijire juba.28Chiro haba namuntu muguma oyikere alya haguma naye, ntaye wamenyere echarhumire amubwira ntyo. 29Abandi bakengera kubulala Yuda yeheka eshaho mpu yesu amubwiraga, genda ogule ebilyo bilonzezwe oku lusiku lukulu chango ahe abakene. 30Lero eyo yula amala yankirira omurholya arhenga honaho, kandi bwali budufu.31Lero oyula abere ayusa kurhenga, Yesu aderha, lero amazamulwa omwana wa Adamu, yewe ye Nyamuzinda, yewe amazamulwa omu kagarhi kage. 32Nyamuzinda naye amuzamula omu kagarhi kobulamu bwage, naye ashubi muzamula. 33mwewe mwebana badorho, oku kasanzi kageke ndi haguma nenyu, mwandoza: nakula nabwiraga abayahudi oku, nyono emunda naja mwewe murhakajayo kugenderera lero mbabwirire nenyu.34Erhegeko lihyahya mbahere, musimane, nkakula nyono nabasimaga mwewe, nenyu musimane ntyo ntyo. 35Ntyo Ntyo boshi bamenya oku mwewe muli ntumwa zani mukaba n'obuzigire mwenyine oku mwenyine.36Simoni Petro amubwira, Nahano ngahe waja? Yesu amu shubiza, emunda naja orha kankulikira buno, aliko wa nkulikira enyuma. 37Petro amubwira, Nahano, bichi byaka rhuma ntaku kulikira zene? Nyono nahana obulamu bwani enyanya zawe. 38Yesu ashubiza, woyo wahana obulamu bwawe enyanya zani? oyemere, oyemere nkubwirire, oluhazi lurhabika woyo orhaza kundahira kasharhu.
141Mumenye mwakaba naka hinda aha kagarhi kenyu, muyemere Nyamuzinda, nani munyemere. 2Omunju ya darha hali ahokayikala hanene, nkarhali ntyo, nakaba bwirire, bulala namagenda kuba rheganyiza ahokuyikala. 3Nantyo nkagenda kubarheganyiza aho kuyikala, nashubi galuka kandi mbayegereze emwani, li ahandi nyono nenyu mubeho.4Nani emunda ndi naja nyinji enjira. 5Tomaso amubwira, Nahano, rhwewe rhurhenji emunda oli wagana, kurhe rhwaka menya eyo njira? 6Yesu amubwira, nyono nye njira, yokuli, n'obugumaguma, omuntu arhakaja emwa darha, buzira okugera omunjira yani nyono. 7Nkamwali nyinji nyono, mwaka menyere na darha, kurhenga bonabuno mukola mumu menyere, kandi mwa mubwene.8Filipo amubwira, Nahano, orhuyereke darha okwanene. 9Yesu amu bwira, nyono mbahaguma nenyu esiku zoshi, woyo orhana menyere Filipo? owa mbwene nyono eya bwene darha, kurhe woyo waka derha, orhuyereke darha?10Orha yemerere oku nyono ndi aha kagarhi kadarha? na darha ali aha kagarhi kani? eyo myazi ndema na babwira nyono, ntayiderha oku mpanulo yani nenyine saliko darha oyikere aha kagarhi kani yolema ajira omulimo gwage. 11Munyemere oku nyono ndi aha kagarhi ka darha, na darha ali omu kagarhi kani, wala munyemere okuntyo, munyemere oku milimo nkola.12Muyemere, muyemere, mbabwirire, ola onyemera nyono, emilimo nkola nyono, yewe naye ayikola. Nechi, naminene kweyola ayikola, bulala nyono ndi naja emwa darha. 13Nenyu muka huna oku zino lyani, ebyola nabijira li darha azamulwa omu kagarhi komwana wage. 14Muka huna byoshi byoshi oku zino lyani, nabijira.15Muka nsima, mwana farha ama rhegeko gani. 16Nani nahuna darha, naye abaha owundi murhabazi, oku bulyo ayikale nenyu amango namango. 17Ye muka w'obushinganyanya, olala egulu lirhakagala kuyankirira, bulala lirha mubwene, lirhana murhegerere, aliko mwewe mumu rhegerere, bulala ayikere emwenyu, nenyu aba haguma nenyu.18Ntabaleka mwewe nka fubi, nayinja emwenyu. 19Oku kasanzi kageke, egulu lirhambonako, aliko mwewe muli mwambona, na bulala nyono ndi mulamu, nenyu mwaba balamu. 20Ago mango njo mwarhegera ku nyono ndi aha kagarhi ka darha wani, nenyu omu kagarhi kani, nani omu kagarhi kenyu.21Olala ogwerhe amarhegeko gani, n'oku gafarha, oyola yensima, nolala onsima, asimwa na darha, nani namusima n'oku chiyerekana emwage. 22Yuda (orhali esikariyote) amu bwira, Nahamwerhu, kurhe byabere okoli walonza oku chiyerekana emwerhu, sarhali oku gulu?23Yesu amushubiza, amu bwira, omuntu aka nsima, afarha omwazi gwani, na darha ana musima, nenrhu rhwanaja emwage, n'okujira echikalo emwage. 24Omuntu orha nsima, yewe arha farha emyazi yani, n'omwazi muli yunva gurhali gwani, si guli gwa darha olala wa ntumaga.25Ebyola binalemaga naba bwira emango naliyikere haguma nenyu. 26Aliko oyola murhabazi, oyola muka mugishwa, oyola darha aheka okwizino lyani, aba yigiriza byoshi,n'oku bayibusa byoshi nalemaga nababwira. 27Omurhula mbalekere, murhula gwani mbahere, gurhali nk'ogwe gulu lyaka baha. Mumenye mwakaba nakahinda omu kagarhi kenyu, chiro murhana baga n'obuba.28Mwayunvirhe oku nyono ndi naba bwira, ndi nagenda emwani, kandi nayinja emwenyu. Nka mwali nsimire, mwaka simire bulala ndi naja emwa darha, bulala darha ali mukulu kundusha. 29Nantyo mbabwirire kurhenga kirhazi rhenga ekihanzo njo kya rhengerera yimugala kuyemera. 30Nyono ntachiderha nenyu emyazi minene, bulala ayinja omukulu walino gulu, chiro arha gwerhe ekintu emwani. 31Aliko egulu limenye oku nsimire darha, nankoku darha antegkere, intyo kunajirire, rhugende, rhurhenge hano, rhugende emwerhu.30........ 31........
151Nyono nye muzabibu g'okuli, na darha yehinga. 2Buli rhabi lirhaburhire bana likula, nabuli rhabi liburha nana likwiziza, oku bulyo ligenderere oku burha.3Mwewe mwamalire kucheswa, bulala enyanya yagula mwazi naba bwiraga. 4Muyikale omu kagarhi kani, nani omu kagarhi kenyu. Nkakulala erhabi lirhakagala kuburha lyonyine ku lyonyine, buzira oku nanira oku muzabibu, konoko nenyu, akaba murha yikere omu kagarhi kani.5Nyono ndi muzabibu, mwewe gali marhabi, oyikere omu kagarhi kani nani ahakagarhi kage, oyola aburha bwenene, bulala buzira nyono, mwewe murhakagala kujira choshi choshi. 6Omuntu akaba arhayikere aha kagarhi kani, anakabulwa embuga nka rhabi n'okuyuma, abantu banamagusha n'oku makabula oku muliro gana sirera. 7Mwewe, muka yikala aha kagarhi kani, nemyazi yani eka yikala aha kagarhi kenyu, mwahuna choshi choshi mwana chihabwa.8Intyo, darha ana zamulwa, okuntu muli mwaburha bwenene, nenyu mwanaba ntumwa zani. 9Nkoku darha ansimaga nyono, nani naba simire, muyikale omu busime bwani.10Mukafarha ama rhegeko gani, mwayikala omu busime bwani, nkoku nyono nafarhire amarhegeko ga darha, n'okuyikala omu busime bwage. 11Ebyola mba bwirire, li obusime bwani buba aha kagarhi kenyu, n'obusime bwenyu, bujirwe.12Erhegeko lyani lyelila, musimane, nkoku naba simaga nyono. 13Ntaye oherhe obuzigire bunene kulusha obula, okuntu omuntu akahana obulamu bwage enyanya za mwira wage.14Nenyu mwabere bera bani, mukajira ebimba rhegekere mo. 15Ntabahamagere kandi baja, bulala omuja arhenji eki nahamwabo ajira, aliko nyono ndinaba hamagala bera bani, bulala byoshi nayunvirhe emunda darha ali naba menyeseze byo.16Mwewe murha ndondolaga, saliko nyono nena balondolaga, nani naba heba ho, mugende muburhe amalehe, namalehe genyu gagale yikala, okubulyo choshi choshi mwaka huna emwa darha abahecho. 17Ntyo mbarhegekere mwewe, mugale kusimana.18Chiro egulu lyabagaya, mwana menya oku lyali ngayire nani embere libagaye. 19Nkamwaliri balino gulu, egulu lyaka simire abali balyo, aliko bulala mwewe murhali balino gulu bulala nyono nabalondwere omu kagarhi kalino gulu, enyanya zantyo, egulu lyana bagaya.20Muyibuke omwazi naba bwiraga, omuja arhali mukulu kulusha nahamwabo. Akaba bali ndibwize nyono, nenyu baba libuza, akaba bali farhire omwazi gwani, bafarha n'omwazi gwenyu. 21Aliko ebyo byoshi babajirira enyanya wezino lyani, bulala barha muyinji olala wantumaga. 22Nkanta yinjaga n'okuderha nabo, barhakabere n'echaha, aliko lero ntacho bebone baderha enyanya w'ebyaha byabo.23Ola yeshi ongaya, yaherhe agaya darha. 24Nkanta jiraga emirimo emwabo eyo wundi muntu arhakagala jira, barhakabere n'echaha. Aliko lero barhubwene nyono na darha, n'oku rhugaya. 25Aliko mpuguyenere gula mwazi gwayandikwaga omu mandiko gabo, bangayira oku busha.26Aliko hano ayinja oyo murhabazi, olala naba rhumira kurhenga emunda darha ali, ola muka w'okunali, ola orhenga emwa darha, yewe ampamiriza. 27Nenyu muli mwa hamiriza, bulala kurhengerera oku murhondero mwaliri haguma nani.
161Eyo myazi mbabwirire, yinjo murha gayiswa. 2Baba kula haguma n'ekishagala, aliko, hayinja ekichanji baderha oku nkasi muntu afe bulala aja omu nyigirizo za Nyamuzinda.3Nebyola babikola bulala barhenji darha, chango nyono. 4Aliko mbabwirire ebyola, yi hano ekichanji kigeraho mwana yibuka oku nyono nali babwirire. Ntababwiraga kurhenga oku murhangiro, bulala naliri haguma nenyu.5Aliko nyono nkola nagenda omunda owa ntumaga ali, chiro ntamuguma mu mwewe wa mbazize, ngahe waja? 6Aliko okuba nama babwira echola, obu babale bwama yunjula omu mirhima yenyu. 7Aliko nyono mba bwirire okunali, biba hunire nyono ngende, bulala nyono akaba ntagendere, omu rhabazi arha yinja emwenyu, aliko nka genda, namurhuma emunda muli.8Naye aka yinja, oyola agala gaza omwigulu, enderho yechaha, n'okunali, n'okuchirwa olubanja. 9Oku myazi y'echaha, bulala barhanyemerere nyono. 10Oku myazi y'obushinganyanya, bulala nyono ndi naja emwa darha, chiro murhana mbona kandi. 11Oku myazi y'okuchirwa olubanja, bulala omukulu walinola gulu, amalirwe kuchirwa olubanja.12Nchiherhe myazi minene naka babwirire mwewe, aliko murhakagala kuyiheka yoshi. 13Aliko hano ayinja, oyola muka w'okuli, aba rhegeka mubyoshi anabaheba omu bushinganyanya boshi. Bulala arha derha oku mpanulo yage yewe yenyine, aliko yoshi alema ayunva, anabiderha, nebyayinja aba menyesa emyazi yabyo. 14Yewe yinjo wa mpeba enyanya, bulala arhola ebindimo ana babwira byo.15N'ebi darha agwerhe, bili byani, enyanya zantyo naderha, arhola oku bindimo, ana babwira eyo myazi. 16Kasanzi kageke, mwewe murha chimbona, kandi kasanzi kageke, mwewe murhambona.17Baguma omu ntumwa zage barhangira oku ganira, mwazi guchi ogula aderhere, kasanzi kageke, rhwewe rhurha chimubona, nakandi kasanzi kageke murhambona? Necho, bulala nagenda emwa darha? 18Lero naderha, mwazi guchi ogola nderhere, echola kasanzi kageke? Rhurha menyere bichi aderhere.19Yesu alimenyere oku bakola balonza kumubaza, aba bwira, echola muli bazana, oku nadarhere, kasanzi kageke mwewe murha chimbona, kandi, kasanzi kageke murha mbona? 20Muyemere, muyemere, mbabwirire, mwewe mwalaka n'oku babala, aliko egulu lyasima, mwewe mwagaya, aliko oku gaya kwenyu kwahindamuka busime. 21Omukazi eya burha, aba gwerhe aka babalo bulala akasanzi kage kamahika, aliko eyakamala burha omwana arhayibuka kandi gala malibuko, bulala agwerhe obusime kwaburhire omuntu oku gulu.22Lero nenyu ntya muherhe akababalo, aliko nyono naba bona kandi, nemirhima yenyu yana sima, n'obusime bwenyu ntaye njo wabukula ho. 23Kandi olola lusiku njo murha mbaza omwazi goshi goshi, muyemere, muyemere,mbabwirire, muka huna darha choshi choshi abahacho oku zino lyani. 24Lero murhahunaga omwazi oku zino lyani, muhune, nenyu mwahabwa, obusime bwenyu bubonekane.25Ebyola ndi nabiderha oku migani, akasanzi kagera ho ntaderha nenyu oku migani, aliko nji nabaha oku mugaro garo emyazi ya darha.26Nolola lusiku njo mwahuna oku zino lyani, ntana babwirire okunjo nabahunira nyono emwa darha. 27Bulala darha yewe yenyine abasimire, bulala mwansimire nyono, n'oku yemera oku nyono narhengaga emwa darha. 28Narhengaga emwa darha, nani nayinjire hanola omu gulu, kandi nama baleka omu gulu n'okuja emwa darha.29Lero entumwa zage zaderha, mpu lola oli waderha oku mugaro garo, chiro orhanali waderha oku mugani goshi goshi. 30Lero rhumenyere oku woyo omenyere ebintu byoshi, chiro orhana herhe enyorha omuntu akubaze, okuntyo rhuyemerere oku warhengaga emwa Nyamuzinda. 31Yesu ashubizabo, kurhe? mwama yemera lero?32Mulole, akasanzi kagera ho, nechi, kamalire kuyinja, njimwa shandazwa buli muguma ahage hage, n'okundeka nenyine ahani hani, aliko nyono ntali nenyine bulala darha ali haguma nani. 33Ebyola mbabwirire byo limuba n'omurhula omu kagarhi kenyu, omugulu muli amalibuko aliko muchihe omurhima, nyono ndi muhamiriza omugulu.
171eyomiazi aderhaga Yesu, ahindamula amasu ayerekeza embingu, aderha, darha, akasanzi kagerereho ozamule omwana wawe, yomwana wawe azamulwa nawe, 2nkoku wamuhere obuhashe enyanya zaboshi bagwerhe omubiri, okuboshe wamuhere ahebo obugumaguma esiku namango.3nobola buguma guma bwesiku namango bobula, bakumenye woyo, nyamuzinda wokuli, nayesu kiristo olala warhumaga. 4nyono nakuzamwire omwigulu, imala kukola emirimo elala wampaga mpunyikole. 5lero, darha, ozamule nani haguma nawe, omubulangashane bulala indi haguma nawe omubo, kurhenga egulu lirhaza kubaho.6Ezino lyawa naliyerekere abuntu bala wampaga mulinola gulu; balala baliriho, wampabo nyono, nomwazi gwawe bagufarhire.7lero bamenyere kubyoshi wampere byarhengaga emwawe.8bulala emwazi wampere nabahereyo; nabo bayinkirira, bamenya okubushinganyanya okunarhengaga emwawe, bayemera okuwoyo wewa ntumaga.9nyono impunire abolo, intahunire egulu, sibalala wampaga, bulala abola balibawe, 10nabala boshi balibemwani balibawe, nabali bemwawe balibemwani; nani ndinazamulwa omukagarhi kabo. 11chiro nyono ntachili omugulu aliko abo bowe bachili omugulu, nani ndinayinja emwawe. darha mugishwa, okuzino lyawe wampaga ogishi abala babe n'obugu nkuku rhwewe rhuliobuguma.12nabere indi haguma nabo, nyono nalichungirebo okuzino lyawe wampaga nabachunga, chiro ntamuguma wabo wamperere, arhali oyola mwana waherere, agale kuyeneza amandiko. 13nantya naja emwawe, eyila mwazi indi naiderha omwigulu, yibaba nabusime bwani, buyenere omukagarhi kabo.14nyono nabahere omwazi gwawe negulu lyabalahire, bulala bowe barhali nkoku nyono ntali womulu.15nyono ntahunire okubakule omugulu saliko obacunge haguma n'omushombanyi.16bowe barhali begulu, nkoku nyono ntali womugulu.17obachese kulala bushinganyanya; omwazigwawe guba gushinganyanya.18n'koku wantumaga nyono omwigulu, nani intyo nantyo narhumire abola omwigulu 19nenyanya zabola nachihebere okuba mugishwa nyono nenyine, linabo baba bacheswa omubushinganya.20chiro arhanali bonyine impunire; chiro nabala banyemera enyanya zomwazi gwabo.21boshi babe omuchinyabuguma; nkuku woyo, darha, ali ahakagarhi kani, nani ahakagarhi kawe; abo nabo babe ahakagarhi kerhu; liegulu ligala kuyemera okuwoyo wewa ntumaga.22nani obukuze wampere na baherebo libaba omuchinyabuguma n'kokunerhu rhuli omuchinyabuguma. 23nyono omukagarhi kabo, nawe omukagarhi kani, yibaba bakomere omuchinyabuguma; liegulu limenya okuwoyo wewa ntumaga wasimabo nkoku nani onasima24darha, abola wampaga ndozeze babe haguma nani hoshi hoshin'akaba bagale kulola obulangashane bwani wampere, bulala osima nkurhengere orhakulema egulu.25darha mushinganya egulu lirhakumenyaga aliko nyono nalikumenyere, nabola bamenyere okuwoyo wewantumaga.26nani nabamenyesize ezino lyawe, nabamenyesa elyola zino yobusime wasimiremo bubemubo nani omukagarhi kabo.
181Achimala derha ebyo, Yesu arhenga haguma ne ntumwa zage agenda olunda lwo lunji Kidroni, haliri neshwa, ajaho yewe n'entumwa zage. 2Yewe Yuda, olala waliherhe walonza kumulenganya, aba erya menyere ahola, bulala Yesu akazaga kuja eyo munda amango oku gandi yaki nentumwa zage. 3Lero Yuda aba yali haguma nechigusho chabasirika nabandi bakozi kurhengerera emwa bagingi, haguma naba farisayo, bagenda eyo munda namatara, ebisese, namachumu.4Lero Yesu, abere amenya okwebyo byoshi byamubona, arhenga, ababwira, nde muherhe mwashonda? 5Nabo bamushuza, Yesu we Nazareti. Yesu aba bwira, nyono. Yuda naye wamuhanaga, aliyumangire haguma nabo.6Lero abere ababwira, nyono, bagaluka enyuma, bachikuba ahashi. 7Lero Yesu ashuba kuba baza, nde muherhe mwashonda? baderha, Yesu, we Nazareti.8Yesu abashuza, namalire kuba bwira oku nyono, akaba nyimuherhe mwashonda, nyono, muleke abala bowe bagende. 9Yogo mwazi aderhaga gugera ho, balala wampaga, ntaye nomuguma nahezeze.10Lero Simoni Petro aligwerhe akeri, akashoshola, akashinga omukozi womugingi mukulu, amucha okwirhiri kwe kulyo. Noyola mukozi ezino lyage ye Maliko. 11Lero Yesu abwira Petro, galula ako keri kawe omu goti lyawe, kurhe embehe darha ampere, ntayi nyweraga mo?12Ntyo balala basirika haguma n'omukulu wabo nabala bandi bakozi baba yahudi, bafarha Yesu bamushweka. 13Barhangi muheka emwa Anasi, bulala aliri muhunga wa Kayafa, yiwoli mugingi mukulu mogo mwaka. 14Yewe Kayafa yiwahanaga enyigirizo emwa bayahudi oku bihunire muntu muguma afe enyanya za bantu.15Bafarha Yesu, Petro wundi mwigiriza, ali menyikene noyo mugingi mukulu, akiheba haguma na Yesu omu lugurho loyo mugingi mukulu. 16Aliko Petro ayumanga embuga omu mulyango, noyola wundi mwigiriza omenyikene n'omugingi mukulu ahuluka, aderha namuguma mubala bayumangire oku lunvi alerha Petro omunju.17Lero ola mukozi w'omukazi, amulindira oku lunvi, amubwira, Petro, woyo kurhe |oyula mwigiriza oli haguma nawe, naye muntu woyu? Yewe aderha, arhali nyono. 18Balala baja nabakozi bali bayumangire bali bachana omuliro gwamakala, bulala lwali lusiku lwe mboho, barhangira oku kaluka. Petro naye erhi anali haguma nabo, ali akaluka naye.19Lero omu gimgi mukulu abaza Yesu, emyazi y'entumwa zage, n'emyazi ye nyigiriso zage. 20Yesu amu shuza, nyono naderhere n'egulu bwinja bwinja, esiku zoshi nayigirize omu bishagala n'omu kanyamuzinda erhi hali nabayahudi boshi, ntacho choshi naderhere okwihwe. 21Nyono nyiwa baza? baza balala bakuyunvirhe bichi nekubwirire, bowe bamenyere bichi naderhere.22Lero abere aderha, omukozi muguma oyumangire hofi naye amushurha engumi aderha, ntya kuwaka shuza umu gingi mukulu? 23Yesu amushuza, naderhere kubi, akaba naderhere kubi, oderhe obola bubi, aliko akaba naderhere bwinja, bichi onkubirhire engumi? 24Lero Anasi amuheka a shwekerwe emwa Kayafa, omu gingi mukulu.25Simoni Petro ali yumangire ahola, aliherhe akaluka. Leo bamubwira, woyo nawe, kurhe , oli muguma muzila ntumwa zage? yewe alahira, aderha, arhali nyono 26Omukozi muguma w'omugingi mukulu yewe ali muguma mu balala bhamagalwa Sikiyo na Petro, aderha, arhali woyo wunabonaga omushwa oli haguma naye? 27Kandi Petro alahira, honaho oluhazi lwabika.28Ntyo ahaka Yesu kurhengera emwa Kayafa kugera e Praitoriyo, yaliri miseke, aliko bowe barhajaga omola Praitoriyo, barha humana, yibakirhegula okulya pasaka. 29Lero Pilato ahuluka embuga, aderha, lubanja luchi muherhe enyanya zoyu muntu? 30Bashuza, bamubwira, nkoyula arhali kolere amabi, rhurhaka kulerhere ye.31Lero Pilato aba bwira, mwewe mumu rhole, mumuhane oku rhegeko lyenyu | Abayahudi bamubwira, rhwewe rhurha gwerhe obuhashe boku yirha omuntu. 32Yomwazi Yesu aderhaga guba, ayereka bo okuntu afa.33Lero Pilato aja halala hokuchira olubanja e Praitorio, ahamagala Yesu amu bwira, woyo we mwami wa bayahudi? 34Yesu amushuza, woyo we biderhere oku murhima gwawe, chango abandi bantu bakubwirire omwazi enyanya zani? 35Pilato ashuza, nyono ntali muyahudi, olubaga lwawe nabakulu baba gingi baba kulerhaga emwani. Bichi wajirire?36Yesu ashuza, obwami bwani burhali bwalinola gulu, nko bwami bwani bwaliri bwalinola gulu, abakozi bani baka ndwirire, yintahebwa omu maboko gaba Yahudi. Aliko obwami bwani burhali bwa hanola. 37Lero Pilato amubwira, woyo oli mwami? Yesu ashuza, wakuderhere bulala nyono ndi mwami, nyono naburhirwe enyanya zechi, nenyanya zechi nyono nayinja omu gulu yimpamiriza obu shinganyanya. Nkasi yeshi ogwerhe obushinganyanya ana yunva omulenge gwani.38Pilato amubwira, okuli ngahe kuli? Achimala kuderha ogo mwazi, harhengerera omuyahudi kandi, amu bwira, nyono ntabwene echaha haba nechiguma choyu muntu. 39Aliko emwenyu haba emigenzo yokubashwekulira muntu muguma amango ga pasaka. Lero musimire mbashwekulire omwami w'omuyahudi? 40Lero babanda endulu baderha, arhali oyu, si Baraba. Bulala oyola Baraba chali chishuma.
191hoshaho intyo Pilato afarha yesu amushurha emijalete, 2basirika baluka engofera ye mishaki, bahira omurhwe, bamuyambisa omwenda golufu. 3bamugendera, baderha musingo] mwami wabayahudi, bamushurha ebigalo.4buzinda bwaho pilato arhenga embuga, ababwira, oyumuntu na mulerhere emwenyu, mugale kumenya okunyuno ntabubi boshiboshi na bwene emunda ali. 5hanaho Yesu arhenga embuga eyi ayambere elala ngofera ye mishaki, na gulala mwanda golufu. pilato amubwira, lola, oyumuntu| 6hoshaho balala bakulu babagingi babere bamubona, babanda endulubaderhe, mumubambe| Pilato abwirabo, mwenyine mumurhole, mumubambe bulala nyono intabwene echaha chage.7abayahudi bamushubiza, rhewe rhugwere erhegeko, nakwelyo regeko ashiganene okufa, bulala achijirire mwana wamungo. 8hoshaho pilato abere ayunvu ogo mwazi agenderera okuyubaha. 9ajakandi mwelala inju ya praitoriyo, abwira yesu, hoyo ngahe orhengere? aliko yesu arhamuhaga kishubizo.10hoshaho Pilato amubwira, hoshaho orhaderhere nani? orhameyere nkuperhe obuhashe bokuku shwekula, nampere obuhashe bokukubamba? 11yesu amushubiza, woyo ntabushobozi waligwerhe enyanya zani, nkaburharhengaga enyanya; okuntyo owampebere omumaboko gawe aherhe echaha chizibuzibu bwenene.12kurhenga ako kasanzi, Pilato alonza okumushwekula, aliko abayahudi babanda endulu bwenene baderhe, okashwekula oyula, woyo orhali mwira wakayizari; buli muntu olonza okuba mwami ajinyikira kayizari.13lero Pilato abere ayunvu eyimwazi alerha yesu embuga, ayikala okuchichumbi chokucha olubanja, halala hayirikwa chichumbi chochirwa olubanja hayirikwa mabale, chango okuki Eburaniya Gabata.14galiri marheganyo ga pasaka kasanzi kasa indarhu, abwira abayahudi, mulole, omwami wenyu| 15lero balala babanda endulu, mu muheke| kandi mu muheke| mumu bambe|Pilato abwirabo, kurhe, i mbambe omwami wenyu? Abakulu babagingi bamushuza, rhwewe nta mwami arhali kayizari. 16Ntyo amurhola amuheba omu maboko gabo, oku abambwe nabo barhola Yesu.17Arhenga erhi akola ahekere omusalaba gwage, bamuheka ahantu hayirikwa, gufa lya rhwe, chango omu kihebraniya e Goligota. 18Bamubamba eyo munda, nabandi babiri haguma naye, muguma olunda luguma owundi olundi ahakagarhi ka Yesu.19Pilato naye ajira olwandiko alumanika enyanya zo musalaba, ayandika ntya: YESU WE NAZARATI, MWAMI WA BAYAHUDI. 20Lero echo chimenyoso chasomwa na banene baba yahudi, bulala ahola bamubambiraga, haliri hofi nabantu banene. Nolo lwandiko lwali yandikirwe omu kihebraniya, omu kilatini, neki gereki.21Nantyo abakulu baba gingi naba yahudi, babwira Pilato, orhayandikaga mwami wa bayahudi, saliko olala waderhaga kwali mwami wa bayahudi. 22Pilato aba shuza, ebi nayandikire nabiyandikire.23Nabola basirika babambaga Yesu, barhola emyambaro yage, bajira bilundo bine, okubulyo buli musirika kilundo kiguma, omwambaro gwage gurhali mo mwisono, gwali gulambukire kurhenga eshishi mpaka enyanya. 24Babwirana, rhurha guberaga, saliko rhusharhireko e simbi, yirhumenya gwande. liluyenera olwandiko lula luderha bali gabene emyambaro yani, nomwambaro gwani bagushari esimbi. Ntyo kubali bajirire abola basirika.25Nahaburhambi bomusalaba gwa Yesu hali hayimangire nyina na muguma womu buko bwanyina oyirikwa Mariya wa Keleopa, na Mariya Magdalena. 26Lero Yesu abere abona nyina, nelala ntumwa agenda asima eyumangire hofi naye, abwira nyina, nyama, lola omwana wawe . 27Oku buzinda abwira eyo ntumwa, lola nyoko. Nakurhenga ako kasanzi eyo ntumwa, yemurhola yemuheka eka.28Enyuma zaho, Yesu ali ameneyere oku byoshi bya hwere yolwandiko luyenera, aderha, nayunvirhe enyorha. 29Haliri ekirembe kiyunjurwe amenji galulire, bagaheba oku kirezi bashwekera oku murhi bagazamulira omu bunu bwage. 30Yesu abere anywa kwago menji galulire, aderha, byamahwa, abundisa erhwe, ahana omuka gwage.31Lero abayahudi bulala gali mala liro, nantyo emibiri erhalegamaga oku musalaba bulala luli lusiku lwe sabato, (bulala eyo sabato lwali lusiku lukulu) bahuna Pilato oku amagulu gabo baga vune barhenge ho. 32Lero abasirika bagenda ba vuna amagulu gowoburhanzi, nowo kabiri bali bambirwe haguma naye. 33Aliko bachiyinja kulola Yesu akaba anafire, barha muvunaga amagulu.34Aliko musirika muguma omu babo arhola echumu amushinga omu lubavu, honaho eshagama na menji bya sheshakala. 35Yewe abibona abihamiriza, nobu hamiriza bwage buli bushinganyanya, naye amenye oku aderhere obushinganyanya. yimwewe mubiyemera.36bulala ebyola byabaga yolwandiko luyenera, ntagufa lyage bavuna. 37kandi olwindi lwandiko luderere, injibalola olala wamishinganga echumu.38agomango yusufu Armathaya, yewe elintumwa ya Yesu, [aliko okubwibisho, enyanya zobuba bwabayahudi] , ahuna Pilato obulenganjira, yakula omubiri gwayesu. Pilato ayemera, lero ajenda, akula omubiri gwayesu aguheka. 39Nicodemu naye engenda, [ olala wamushimbaga burhanzi] , alerha amavurha gachangirwe gengulo, eherhe oluganjo egana40lero barhola omubiri gwayesu, baguzinga zingira omumwenda basheshera kugala mavurha, n'kakwemigenzo yabayahudi ederherere amango g'okuhamba.41ahola bamubambaga halihali hofi neshwa; nelyola shwa haliri eshinda impyahya, bashuraga kuhamba momuntu. 42ahola honaho, bulala hali marheganyo gabayahudi, baheka muyesu; bulala eyola shinda yaliri hofi.
201habere olusiku loburhanzi lweboso Mariya madegalene alamukira okushinda esezi sezi halichili omwizimwa; abugana ebale lyarhengere okushinda. 2lero bagenda jubajuba, bahika emwasimini Petro, nelala yindi intu olala yesu alisimire, amubwira, bakulire nahano omushinda, aliko rhurhamenyere ngahe bamuhekere.3lero Petro agenda, nela yindi intumwa, bagenda ewashinda. 4bagenda balibirha eyibali babiri, aliko elala yindi intumwa yahasa kurhaluka Petro, abahoburhanzi kugera ewashinda. 5abunda alolereza, abugana emwenda yalimubohere yechishukwire, aliko arhajagamo6lero ayinja simoni petro ayandagalira omushinda; ahuma kwelala mwenda ayunvu ntacho chilimo, 7nakilala kitambara balibamushwekere omurhe; kirhaliri haguma neyindi mwenda, aliko ngasikigu chalichili ahago hago.8lero elayindi intumwa yageraga okushinda oburhanzi naye ayandagaliramo abona ayemera 9bulala arhaliza kumenya olwandiko, okubihunire afuke 10lero entumwa zage zajenda ngasi muguma emwage.11Aliko Mariya aliyumangire hofi neshinda, embuga wayo, eya herhe alira. Lero alira ntya, abunda ahenguza omu shinda. 12Abona bamalayika babiri bayambere emyanda yomweru bayikere, muguma emushego owundi emi lambizo ahola omubiri gwa Yesu gwali gulyamire. 13Nabo bamubwira, nyama, bichi oherhe walirira? Aba bwira, bulala bahekere nahamwerhu, nyono ntamenyere ngahe bamuhebere.14Yewe achimala kuderha ntyo, ahindamuka enyuma, abona Yesu ayumangire, arha mumenyaga oku Yesu. 15Yesu amu bwira, nyama, bichi oherhe walakira? inde oherhe washonda? yewe akengera mpu abwene omukozi wo mushwa, amubwira, nahamwerhu, akaba wowa muhekere, ombwire ngahe wamuhebere okubulyo nje mukulaho.16Yesu amu bwira, Mariya. Naye ahindamuka, amubwira omu kihebraniya, Rabboni, (kokuderha, mwigiriza wani). 17Yesu amu bwira, orhampumaga ko, bulala ntaza kujenda emwa darha. Aliko ogende emwa bene berhu oba bwire, nagenda emwa darha nayewe ali yisho, emwa Nyamuzinda wani, naye anali Nyamuzinda wenyu. 18Mariya Magdalena agenda, abwira entumwa emyazi, nabwene Nahano, nantya kwa mbwirire.19Lichiba golo, lusiku lurhanzi lwe boso, ahola entumwa zaliri, enyunvi zali chingirwe enyanya zobuba bwaba yahudi, Yesu ayinja, abayumanga aha garhi garhi, aba bwira, omurhula gube nenyu. 20Abere amala kuderha ntyo, abayereka efune zage, n'olubavu lwage. Lero entumwa zage basima okubona Nahano.21Lero Yesu ababwira kandi, omurhula gube nenyu. Nkoku darha antumaga nyono, nani nabarhuma ntyo. 22Achimala derha ntyo, aba sheshera, ababwira, muyankirire muka muchesibwa. 23Amango goshi mwakulirwa echaha, charhenga, nkasi yeshi mwa shwekerwa kwe chaha eyinaye ana shwekerwe.24Aliko muguma mubalala ekumi naba biri, Tomaso, womu mahasha, arhaliri haguma nababo amango Yesu aba buganaga oburhanzi. 25Lero ezindi ntumwa zamubwira, rhwabwene Nahano. Ababwira, nyono ntaza kubona amaboko gage, ekimenyeso kye misumari, n'okuheba omudoke gwani halala bagezaga emisumari, nokurhola efune zani nzihebe omulubavu lwage, ntakayemera haba nehityu.26Lero, enyuma wa siku munane, entumwa zage zali zili haguma kandi, Toma lero aliri haguma nabo. Ayinja Yesu, eyi bachingire enyunvi, ayumanga aha garhi garhi kabo, ana derha, omurhula emwenyu. 27Enyuma abwira Toma, lerha efune zawe, lola namaboko gani, lerha okuboko kwawe okuhebe omu lubavu lwani. Njowakafundi yemera, aliko obe wokuyemera.28Toma ashuza, Nahamwerhu na Nyamuzinda wani |29Yesu amu bwira, woyo, bulala wambwene, wayemerere. Ragi lya balala barha bwene, aliko bayemere.30Lero hali ebisomerene bindi binene Yesu akolere embere ze ntumwa zage, birha yandikwaga mwekila kitabo. 31Aliko ebila bisomerene byayandikirwe yabantu bagali kuyemera oku Yesu ye Kiristu, mwana wa Nyamuzinda, n'omu kuyemera mwanaba n'obuguma guma kugerera yewe.
211Enyuma weyo myazi, Yesu achi yerekana kandi emwe ntumwa zage, aha burhambi bwe nyanja ye Tiberia, naye achiyekana ntyo. 2Simoni Petro,na Toma oyirikwa womu mahasha, na Natanaeli, muntu we Kana lye Galilaya, nabagala ba zabadeyo, nabandi babiri omu ntunwa zikulu, baliri haguma. 3Simoni Petro amu bwira, namagenda kurhega efi. Nbao bamu bwira, nerhu rhwagenda haguma nawe, ntyo bagenda, baja omu bwarho aliko ntacho babwene.4Lyabere sezi bucha, Yesu ayumanga eshi omu mushenyi. Aliko entumwa zage zirhamumenyaga. 5Lero Yesu abwirabo, bana bani, hali echi mugwerhe? Bamushubiza, ntacho. 6Aba bwira, murhegere olunda lokuboko kwe kulyo, nenyu mwabona. Ntyo babona chiro barha chigalaga kukulula omulaga enyanya zobunene bwefi.7Ntyo ela ntumwa Yesu asimaga bwenene, yebwira Petro, abere Nahamwerhu, naye Simoni Petro abere ayunva kwabere Nahamwerhu, ayambala omwambaro gwage, (bulala aliri butambara), achikabula omu nyanja. 8Nezindi ntumwa zayinja omu bwarho, bulala bali hofi neshi, bulala haliri ntambu magana biri, eyo munda bakulaga omulaga guyunjwire efi. 9Ntyo babere bayandagala eshi, babona ahola hali omuliro gwa makala, nenyanya zago makala efi ziliko, nomugati.10Yesu abwirabo, mulerhe hano efi mwarhegere bonabuno. 11Lero Simoni Petro ashonera omu bwarho, akululira omulaga eshi, erhi guyunjwire efi zizibu zibu, egana namakumi marhano nesharhu, nachiro akaba kuzaliri zizibu zibu ntyo, omulaga gurha berekaga.12Yesu aba bwira, muyinje mubu mbule obunu. Ntamuntu omu ntumwa wagalire kumu baza, woyo nde? balimenyere oku Nahano. 13Yesu agenda arhola omugati, ahabo, nefi okola konoko. 14Olo lusiku bobwa kasharhu Yesu abonekere entumwa zage kurhenga amango afukaga omu bafu.15Lero babere bamamala kulya, Yesu abwira Simoni Petro, kurhe Simoni wa Yohana, woyo onsimire kulusha abala? Amubwira, nechi Nahano, woyo oyinji oku kunsima, amu bwira, lisa ebiganda buzi byani. 16Aba bwira kandi obwa kabiri, Simoni wa Yona, onsima? amu bwira, nechi Nahano, woyo oyinji oku kunsima. Amu bwira, oyabule entama zani.17Amubwira obwa kasharhu, Simoni wa Yona, konsima? Petro agaya okuntu amu bazize obwa kasharhu, konsima. Amu bwira, Nahano, woyo omenyere byoshi, oba orhegere oku kunsima. Yesu amu bwira, lisa entama zani. 18Oyemere, oyemere, nkubwirire, amango waliri musole, wagendaga wachishweka wenyine wana genda emunda olonzeze, aliko amango njowaba mushaja, njiwayerekana amaboko gawe, nowundi ana kushweka, ana kuheka emunda orha lonzeze.19Aderhaga ogo mwazi omu kuyerekana lufu luchi njo akuza mu Nyamuzinda. Abere amala kuderha eyo myazi, amu bwira, nkulikira.20Petro ahindamuka, abona ela ntumwa yagendaga yasimwa na Yesu yamukulikira, olala wogendaga amuyegamira omu kifuba amango bagendaga balya ebilyo bye golo, aderha, nahamwerhu nde waku lenganya? 21Petro amubona abwira Yesu, oyula naye kurhe?22Yesu amubwira, akaba olonzeze oyula ayikale kuhika amango nayinja, kurhe biku shinganene woyo? woyo onkulikire nyono. 23Lero ogo mwazi gwayenera aha garhi garhi kabene babo, oku eyo ntumwa erha kafa. Aliko Yesu arhamu bwiraga oku arhakafa si akaba alonzeze oyula ayikale kugera amango ayinja. Bikushinganene woyo?24Oyula yentumwa eli yahamiriza ebila, nowa yandikaga ebila, nerhu rhumenyere oku obuhamiriza bwage buli bokunali. 25Hali bintu binene ajirire Yesu, birhayandikwaga chiguma oku chiguma, menyere oku chiro egulu lirhaka galire kwebyola bitabo njo byayandikwa.