Havu: Bible for Matthew

Formatted for Translators

©2022 Wycliffe Associates
Released under a Creative Commons Attribution-ShareAlike 4.0 International License.
Bible Text: The English Unlocked Literal Bible (ULB)
©2017 Wycliffe Associates
Available at https://bibleineverylanguage.org/translations
The English Unlocked Literal Bible is based on the unfoldingWord® Literal Text, CC BY-SA 4.0. The original work of the unfoldingWord® Literal Text is available at https://unfoldingword.bible/ult/.
The ULB is licensed under the Creative Commons Attribution-ShareAlike 4.0 International License.
Notes: English ULB Translation Notes
©2017 Wycliffe Associates
Available at https://bibleineverylanguage.org/translations
The English ULB Translation Notes is based on the unfoldingWord translationNotes, under CC BY-SA 4.0. The original unfoldingWord work is available at https://unfoldingword.bible/utn.
The ULB Notes is licensed under the Creative Commons Attribution-ShareAlike 4.0 International License.
To view a copy of the CC BY-SA 4.0 license visit http://creativecommons.org/licenses/by-sa/4.0/
Below is a human-readable summary of (and not a substitute for) the license.
You are free to:
The licensor cannot revoke these freedoms as long as you follow the license terms.
Under the following conditions:
Notices:
You do not have to comply with the license for elements of the material in the public domain or where your use is permitted by an applicable exception or limitation.
No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.

Matthew

11Omulala gwa Yesu Kristu mwene Daudi, mwene Abrahamu. 2Abrahamu aburha Isaka, Isaka aburha Yakobo, Yakobo aburha Yuda na bene babo. 3Yuda aburha Fara na Zara oku Tamari; Fara aburha Hesroni, Hesroni aburha Aramu.4Aramu aburha Abinadabu, Abinadabu aburha Nasoni, Nasoni aburha Salomoni.5Salomoni aburha Boazi oku Rahabu, Boazi aburha Obedi oku Ruta, Obedi aburha Yese, 6Yese aburha mwami Daudi. Mwami Daudi aburha Salomono oku mukaa Uriya.7Solomono aburha Roboamu, Roboamu aburha Abiya, Abiya aburha Asa. 8Asa aburha Yosafati, Yosafati aburha Yoramu, Yoramu aburha Oziase.9Oziase aburha Yowatamu, Yowatamu aburha Akazi, Akazi aburha Ezekiyasi. 10Ezekiyasi aburha Manase, Manase abrhu Amoni, Amoni aburha Yoziyasi. 11Yoziyasi aburha Yekoniya na benebabo, eri bali omubuja bw'eBabiloni.12Eri barhenga omu buja bw'ebabiloni, Yekoniya aburha Salatiyeli, Salatiyeli aburha Zorobabeli,13Zorobabeli aburha Abiyudi, Abiyudi aburha Heliyakimu, Heliyakimu aburha Azori. 14Azori aburha Sadoki, Sadoki aburha Akimu, Akimu aburha Eliyudi.15Eliyudi aburha Eliyazari, Eliyazari aburha Matani, Matani aburha Yakobo.16Yakobo aburha Yozefu eba wa Mariya, ye nina wa Yesu, oderhwa Kristu. 17Haliri maburhwa goshi e kumi na mane kurhenga Abrahamu kugera oku Daudi, maburhwa e kumi na mane, kurhenga oku Daudi kuhika oku buja bw'e Babiloni, nago gandi maburhwa e kumi na mane, ku rhenga uku buja bw'e Babiloni kuhika oku Kristu.18Okuburhwa kwa Yesu Kristu kwa liri ntya : Mariya nina wa Yesu abere ashambazwa na Yozefu, babona akal'agwerhe obukule oku buhashe bwa Muka ochere, eri barhashwiraga menyana na Yozefu. 19Yozefu, eba aliri muntu mushinganyanya arhalonzaga okumukoles'eshonyi, alonza oku muleka omu bwibisho.20Okw'achiri aganiza, Malayika wa Nahano amu bonekera omu bilorho amubwira : Yozefu mwene Daudi orhayubahaga okurhola Mariya, mukawe, bulal'obukule aherhe buyinjire na Muka ochere. 21Nj'aburha omwana, wanamuha ezino lya Yesu, yi nji wa chungula abantu bage okurhenga omu byaha.22Ebyo byoshi bya bantyo mpu yibihikirira bi Nahano aderhaga kugerer'omulebi: 23Lolaga, omu bikira njab'obukule, ana burha omwana, banamuha ezino lya Emmanueli; kokuderha Nyamuzinda haguma nerhu.24Yozefu azukire, ajira nko ku Malayika wa Nahano amubwiraga, arhola mukage. 25Aliko barhamenyanaga kugera aha burhirag'omwana w'oburhabana. Amuyirik'ezino lya Yesu.
21Yesu abere aburhwa e Betelehemu omu chihugo ch'e Buyahudi, omu mango ga mwami Herode, abanyabwenge barhengerera ebushoshokero bw'ezuba bahika e Yerusalemu, 2baderha : Ngahe mwami wa Bayahudi aburhirwe? Bulala rhwabwene enyenyezi yage ebushoshokero bw'ezuba, rhuyinjire kumu haramya. 3Mwami Herode ayunvirhe ntyo agera mw'omusisi, n'abantu b'e Yerusalemu boshi haguma naye.4Ahamagala abakulu ba badahwa na bandisi b'abantu, abadosa lunda luhe Kristu aburhirweko. 5Nabo bamubwira: Omu chihugo ch'e Buyahudi; bulala olole ebya yandikagwa n'omulebi: 6Nawe, Betelehemu, chishagala ch'e Buyahudi, orhali mugeke omu bishagala by'e Buyahudi, bulala we warhenga mw'omukulu warhegeka olubaga lwani Israeli..7Aho Herode ahamagala abanyabwenge oku bwibisho, n'oku badosereza bwinja amango enyenyezi ya bonekaga. 8Abarhuma e'Betelehemu, ababwira : Mugendage mulonze bwenene emyazi yo y'omwana mudorho, hala mumubona mugaluke mubwire, nan'injeyo kumuharhamya.9Eyi bamala kuyunva emyazi ya mwami bagenda, hona hola ela nyenyezi babonag' ebushoshokero bw'ezuba ya bajir'embere, ya bageza h'omwana mudorho ali, ya yimanga. 10Amango babonaga eyo nyenyezi basima bwenene.11Baj'omunju, bashimana omwana mudorho haguma na nina Mariya, bamufukamira n'okumuharamya. Bashanula omuhako gwabo; n'oku murhulir'entulo ziri mw'amasholo ( horo), enshangi n'obuku. 12Okuhandi, bahanulwa omu bilorho mpu bamanye, barhagerag'e mwa Herode, bachigalukira emwabo omuyindi njira.13Amango bagendaga, lolaga Malayika wa Nahano abonekera Yozefu omu bilorho, amubwira : Zuka, rhola omwana na nina, oyakire e Misiri, n'okumulemberayo kuhika amango na kubwira; bulala Herode ya lonza okuyirh'omwana.14Yozefu azuka omu budufu, arhola omwana na nina, balibirhira e Misiri. 15Aberayo kuhika olufu lwa Herode, mpu ebi Nahano aderhaga kugerera omulebi bibe : Na hamagere omwana wani kurheng'e Misiri.16Eyi Herode abona kw'arhebekerwe na banyabwenge agaya bwenene n'okurhuma bayirhe orhubonjo rhoshi rhwa myaka ebiri kugera oku be shishi yaho abali e'Betelehemu n'omu chihugo chage choshi, kukulira na kashanji abanyabwenge ba mubwiraga.17Lero nk'oku byaderhwaga na Yeremiya, omulebi: 18Rhwayunvaga endulu eRama, n'emiziga n'ebiborogo: Raheli alakira abana bage na nta kulonza oku sizwa, bulala abana bamufirire.19Amango Herode afa, Malayika wa Nahano abonekera Yozefu omu bilorho e Misiri, 20amubwira: Zuka, orhole omwana na nina, oje omu chihugo ch'e Israeli, bulala abalonza oku yirha omwana bafire. 21Yozefu azuka, arhola omwana na nina n'okuja omu chihugo ch'e Israeli.22Aliko, ery'ayunva oku Arkelau ye yimire e Yudeya omu bwami bwa Herode eshe, ayubaha okujayo,bulala omu bilorho ahanulwa na Nyamuzinda ,ayerekeza oku lunda lw'e Galilaya, 23n'oku lama omu chishagala chihamagalwa Nazareti, byahikirira ebya derhwaga n'abalebi: Mpu nja hamagalwa Munazareti.
31Mwago mango Yohana mubatiza ayinja, ayigiriza omu mpinga z'e Buyahudi. 2Aderha: muhungame ebyaha byenyu, bulala obwami bw'empingu buli hofi. 3Bulala oyu yiwaderhagwa n'omulebi Isaya, aderha: Omulenge gw'omuntu gwayamira omu mpinga, murheganye enjira ya Nahano, muyumanyanye emiharuro.4Yohana aligwerhe omushangi gwage gw'amoya g'e Ndogomi n'omukaba gw'oluhu omu mpindi. Alyaga e'Nzige n'obuchi bw'e lubala. 5Abantu b'e Yerusalema, bw'omu Buyahudi bwoshi na b'e bihugo by'e burhambi bw'e Yorodani, baja emundali. 6 Bahungama ebyaha byabo, ba batizwa naye omu lwinji lw'e Yorodani.7Aliko, abera abona Abafarisayo bayinjire oku bu batizo bwage banene na Basadukayo, ababwira : Mwe buko bw'enjoka, nde wababwirire muyake obuhanya nji bwayinja? 8Muburhe amalehe ginja gw'oburhimanya, 9na ntyo murhachibwiraga mpu muli bana b'Abrahamu! Bulala mbabwirire oku Nyamuzinda akakulira Abrahamu abana mwagamabale10Mira embasha ekola eri aha chihanda ch'emirhi: Ngasi murhi gurhajira malehe menja nji gwa chibwa n'oku kwebwa omu muliro. 11Nyono, yinab'abatiza oku menji, yimbalerha oku burhimanya; aliko owayinja ebuzinda bwani ali munyabuhashe kundusha, ntakwanene okuhuma oku birato byage. Yewe, nja b'abatiza oku Muka ochere n'oku muliro. 12Agwerhe Olwibo lwage omu fune; ayinja yerula echibuga chage, n'okulunda Obulo omu nguli, aliko nj'ayosa ebihahala omu muliro gurhazima.13Lero Yesu arhenga e Galilaya y'e Yordani emunda Yohana ali, mpu y'abatizwa naye. 14Aliko Yohana alahira, amubwira: We wanka mbatiza, kurhe wayinjire emwani ! 15Yesu amubishuza: Oyemere ntyo, bulala bikwanene rhuyeneze ngasi hyoshi hishinganene. Na Yohana arhachimuhanzaga.16Amango Yesu abatizwaga, arhengere omu menji. aho honaho, empingu za chinguka, n'okubona Muka wa Nyamuzinda amuyandagalira nka ngukuu n'oku mujako. 17Mulole, omulenge gwa yunvikana omu mpingu n'emyazi: Onola ye mugala wani muzigirwa, oyu yinchishingiramwo.
41Ntyo ahekwa na Muka omu mpinga arhangulwe na Lyangombe. 2Enyuma y'oku chishalisa siku makumi mane ezuba n'obudufu ebuzinda ayunv'eshali. 3Omurhanguzi amuyinjira amubwira: akab'oli mwene Nyamuzinda obwire ag'amabale gab'e migati. 4Naye ashubiza, amubwira: Biyandikirwe, omuntu arhakalam'oku mugati gonine, s'alik'oku chinwa chirheng'omu bunu bwa Nyamuzinda .5Ebuzinda bwaho, Lyangombe amuhek'omu chishagala chichere, amuhira oku gasongero k'eshengero. 6Amubwira akab'oli mwene Nyamuzinda chikweba ahashi; bulala biyandikirwe: Arhuma bamalayika bage enyanya zawe, baguheke omu maboko gabo n'okugulu kwawe kurhagwa oku bale.7Yesu amubwira: Kandi biyandikirwe orhahira okarhangula Nahano Nyamuzinda wawe. 8Lyangombe amuheka kandi oku ntondo elehere bwenene, amuyerek'amami goshi g'egulu n'obukuze bwago. 9Amubwira naguha ebibyoshi akaba wakanfukamira n'okumparamya.10Yesu amubwira: Rhengaho Lyangombe, bulala biyandikirwe: nji waharamya Nahano, Nyamuzinda wawe n'oku mukolera yenine. 11Hanaho Lyangombe amuleka, tala, bamalayika bayinja aha Yesu ali bamukolera.12Amango Yesu ayunvaga oku Yohana bamushwekere achijir'e galilaya. 13Arheng'e Nazareti, ayinja abera ekapernaumu, echishagala chiri hofi n'e nyanja, okulubibi lwa Zebuloni na Nafutali.14Mpu, guhikirir'omwazi gwaderhwagwa n'omulebi Isaya aderha: 15Echihugo cha z'ebuloni, n'echihugo cha Nafutali, njira y'enyanja, okulunda lw'e Yorodani Galilaya ya Bapagani. 16Abo bantu balamag'omu mwizimya, babwene obuche bunene nabo balamaga omu chichuchu ch'olufu obuche bwabahulukirako .17Kurheng'amango Yesu arhondera oku yigiriza n'okuderha: Muhungame bulala obwami bw'empingu buli hofi18Yesu aber'alambagira eburhambi bw 'enyanja y'e'Galilaya abona nkulikiran'ebiri: Simoni ohamagalwa Petero, na Andreya mwene wabo, balibakabula emilaga yabo emwibi, bulala baliri bashana. 19Ababwira: Munkulikire nabajira bashana b'a bantu. 20Hanaho balek' emilaga yabo bamukulikira.21Ager'embere abona zindi nkulikiran' ebiri Yakobo mwene Zebedayo na Yohana mwene wabo. Baliri omu bwarho haguma na Zebedayo eshe wabo, eri bali bahangula emilaga yabo, 22abahamagala, honaho balek'obwarho n'eshe bamukulikira.23Yesu agera omu Galilaya yoshi, ayigiriza omu chishagala n'oku derha emyazi minja y'obwami n'okufumy'endwala n'obumuga buli omu bantu. 24Engani yage ya yenera omu Suriya yoshi, bamulerhera boshi baligwerh'obuzamba, abali gwerh'endwala, na baliri mwa bazimu, na balilwer'echizungu, na bali holere; abafumya. 25Olubaga lunene lwa mushimba,abarheng'e'Galilaya, n'e Dekapoli, n'e'Yerusalema, n'e'Yudeya, n'olunda lw'e'Yorodani.
51Abwene olubaga azamukir'oku musozi: abere amayikala abigirizwa bage basheger'ahali. 2Achingul'obunu aderha; 3Eragi abakene bw'omurhima bulal'obwami bw'empingu buli bwabo. 4Eragi abagayire bulala nji bashagaluka.5Eragi abachirhonda bulala nji barhabul' echihungo. 6Eragi abalishali n'enyorha y'okuli bulala nji bayungurha. 7Eragi okubabalira bulala nji babalirwa. 8Eragi abaherh'omurhima guchere bulala nji babona Nyamuzinda.9Eragi abajir'omurhula bulala nji bahagalwa bana ba Nyamuzinda. 10Eragi abalibuka enyanya ly'okuli bulal'obwami bw'empingu buli bwabo.11Eragi mwabo amango bali babajachira n'okubalibuza, n'oku baderhera ngasi mwazi mubi oku bubeshi enyanya lyani. 12Musime muna shagaluke bulal'oluhembo lwenyu luli lunen'empingu; bulala ntyo kubalibuzag'abalebi babarhangaga.13Mwabo muli munyu gw'egulu, aliko nk'omunyu gwa nkahez'eloka lyago, gurhe bankachigujira ligurhwa? gurhachi kwanene chiro n'ehityu, gukabulw'embuga gulabarhwe n'abantu. 14Mwabo muli lwenge lw'egulu, echishagala chiri oku musozi chirhachibisha.15Chiro n'abantu barhakolez' Etara lyabo bakalihir'omuntalule, si kulihir' okukashasha likolelezeze abali omunju. 16Nantyo, olwenge lwenyu lukolezez'abantu babon'ebijiro byenyu binja, bakuze Nyamuzinda yish'olimu mpingu.17Murhamenyaga mpu nayinjire kubihy'amarhegeko changw'abalebi; ntayinja kubihya, s'aliko kuhikiriza. 18Bulal'okuli mbabwirire, chir'empingu n'egulu zakarhenga, eyodi nguma n'adomo kaguma karhagarhenga, kuhika byoshi bihikirire.19Nantyo, omuntu yeshiyeshi wavun'erhegeko liguma mwezi zidorho n'okuyigiriz'abantu birintyo, ahamagalwa mudorh' omubwami bw'empingu, alik'omuntu wazigala n'okuziyigiriza, oy'ahamagalwa mukulu omubwami bw'empingu. 20bulala mbabwirire okuli kwenyu ekaba kurhankalush'okuli kw'abandisi n'abafarisayo murhankaj'omubwami bw'empingu.21Mwayunvirh'abantu bamira babwirwa: orhahir'okayirha, n'omuntu akayirha anachirwa olubanja. 22Aliko nyono mbabwirire ngasi muntu walubira mwenewabo naye achirw'olubanja, n'akab'omuntu akabwira mwenewab' echihwinja, bamuhire omu kabuga; n'omuntu wakaderha oku mwenewabo chiwinja akabulwe omu chihenama ch'omuliro.23Nka wakalerh'entulo yawe oku lurhamba, okayibuk'oku mwenewenyu agwerh'omwazi enyanya lyawe, 24Rhang'olek' entulo yawe ogend'ojiyunvikana na mwenewenyu, ogaleyinja rhul'entulo yawe.25Yunvikana n'omwanzi wawe muchir'omunjira lyarha kuhek'emo muzuzi n'okukulerhera abapuruzi bakushweke. 26Nkubwirir'okuli barhankakulika kuhik'ojuhe olufranga l'obuzinda.27Mwayunvirhe baderha mpu: orhahir'okahusha. 28Aliko nyono mbabwire: walolerez'omukazi omukumushumira eyana hushire naye omu murhima gwage.29Nk'erisho lyawe ly'amalyo lyamakugomera olishugule, olikabule hale nawe, bulala kuli kwinj'echigabi chi nguma chihere hal'omubiri goshi gukabulwe ochihenama. 30N'akab'okuboko kwawe kwa malyo kwankakugomera oguche, okukabule hale nawe, bulala kuli kwinja chigabi chiguma chihere hal'omubiri goshi gukabulw'omu muchihenama.31Biderherwe: owahiga mukage amuyandikir'olwandiko l'okulekana. 32S'aliko nyono mbabwirir'oku walekana na mukage nkarhali oku njira y'obuhushi, ery'amamuhir'omubuhushi.33Kandi mwayunvirhe okw'abamira babwirwa: orhahir'okaj'endahiro, s'alik'ohikiriz'omuhigo gwaw'emwa Nahano. 34Aliko nyono, mbabwirire mwabo: orhahira okahir'endahir' oku mpingu bula y'entebe y'obwami bwa Nyamuzinda. 35Changw'oku gulu bulala y'entebe y'amagulu gage changw'oku Yerusalema bulala koku bwami bwa Mwami mukulu.36Orhajira endahir'okw'irwhe lyawe bulala orhankajir'oluviri lwawe kuba lwamweru changwa lwa mukara. 37Alikw'emyazi yawe ebe: n'echi, n'echi, nanga,nanga okarhalusaho eribikala bya Ndalya.38Mwayunvirhe oku baderha : okw'erisho oku lisho n'erinyo oku linyo. 39S'aliko nyono mbabwirire mwabo: Murhajaga buhaka n'omushombanyi, omuntu akakushurh'omwirhama ly'amalyo, wanamuhindamulira ery'okulembe.40Nk'omuntu alonz'okukulega, akarhola esangere yawe, omulekere n'egorhe. 41Nk'omuntu akakuseza okujira endambagiro nguma naye, wanav'ojira endambagiro ebiri. 42Orhayimaga okuhunire, orhanalahiriraga owalonza okuchiyindik'emwawe.43Mwayunvirhe oku baderha mpu: osime omwalungwe, ogay'omwanzi. 44Aliko nyono mbabwirire: musime abanzi benyu, mugishe ababajachira, babagayire, munahemere babajirir'amabi n'okurhindibuza.45Yimuba bana ba Yisho oli mpingu, bulal'arhuma ezuba l'yage oku babi n' oku benja. Ananyesa envula yage oku banyakuli n'oku n'abanya byaha.46Nka mwakalonza babasime, luhembo luchi mwankabona, k'abafurhis' ebarati barhajira ntyo. 47Nka mwalamusa benebenyu bonine, eri chichi mujirire chirhalukir'abandi? 48Mube beru kweru nka kulala y'isho w'empingu aba mweru kweru.
61Mumanye murhayerekan'ebijiro byenyu, binja emalanga g'abantu bababone bulala mukabiyerekana, murhakabona oluhembo emwaisho oli mpingu. 2Amango warhula entulo orhabandaga oku mudende nkokw'endyalya zinajira omu masinagogi n'omu miharuro mpu abantu bababone babasime nkubwirir'okuli abo bakamarhire olwabo luhembo .3Aliko woyo amango okola wahan'entulo okuboko kw'amalembe kurhamenyaga ech'okuboko kw'amalyo kwajira. 4Ly'entulo yawe ejirika omubwibisho, na isho obona eby'obwisho anaguhemba.5Amang'okola wahema orhabaga nka ndyalya zisima kuyumanga omu sinagogi n'eburhambi bw'emiharuro, ly'abantu bababona nkubwirire okuli abo bakamarhire.6Aliko, amang'okola wahema, j'omubusika bwawe ching'olunvi, ohune isho uku bwibisho yenabona ebyobwibisho anaguhemba. 7Omukuhema murhaderhaga binene byabushabusha nka bapagani bamanya mpu kuderha binwa binene kokuyunvibwa.8Murhabashushaga, bulala y'Isho amenyere ebi mukenere embere mu muheme. 9Mulole gurhe mwakazi hema: Darha werhu oli ompingu, ezino lyawe likuzwe. 10Obwami bwawe buyinjage, okuwalonza kube omu gulu nk'omu mpingu.11Orhuhe zen'ebiryo byerhu bya ngasi lusiku. 12Orhubabalire oku bubi bwerhu nka kula nerhu rhubabalir'abarhujirira okubi. 13Orha rhuhiraga omu marhangulo, s'alik'orhushwekule n'omushombanyi. Bulala wegwerh'esiku zoshi; obwami, emisi n'obukuze. Bibentyo14Nkamwaka babalir'abantu ebyaha byabo, na y'Isho w'empingu ana babalira nenyu. 15Aliko nka murhababalire abantu, y'Isho arhankababalira ebyaha byenyu.16Amango okola wa chishalisa, orha shushaga olubire, nka ndyalya zichiyerekana okuziri kuchishalisa, nkubwirire okuli bahemberwe. 17Aliko amango okola wa chishalisa, shig'amafurha omwirhwe ona yoge amalanga. 18Yorhabonekaga n'abantu okuli omu kuchishalisa, aliko y'Isho yenabona eby'obwibisho anaguha oluhembo.19Murha chibikirag'enguli okwigulu ahomushwa n'egutu libihya, n'ebishambo birhula byanazimba. 20S'aliko mubikire omu nguli y'empingu harhaba mushwa n'egutu ; n'ebishambo birhagerayo. 21Bulal'ahenguli yawe eri hon'omurhima gwawe nji gwanaba.22Erisho l'olwenge lw'omubiri, nk'elisho lyawe liri ligumaguma, omubiri gwawe gwanabon'obuchere. 23Aliko nk'elisho lilwere, omubiri gwawe gwanabera omu mwizimya. Bwanaba buchere woyo eyimwizimya, kangana gurhe waba omu mwizimya! 24Ntaye okolera bami babiri, bulal'anagaya muguma, n'okusim'owindi, changw'anachishwekera kumuguma n'okubonerer'owundi. Murhakagala kukolera Nyamuzinda n'obugale.25Che chirhumire mbabwirire, murhagayaga akalamo kenyu mpu bichi nji rhwalya chang'oku mibiri yenyu mpu bichi nji rhwayambala. K'akalamo karhalushir'ebiryo, kan'omubiri gurhalushir'emyambaro ? 26Mulol'enyunyi y'omu chanya zirhahinga, zirhanashalula na ntacho zihir'omu nguli, aliko y'Isho w'empingu yezirisa. Kamurhali babunguke kuzilusha ?27Inde, mu mwabo omu kuchilwirako akayushul'ekoro liguma oku bule bwage ? 28Bichi byakarhuma mwalubir'enyambalo ? Mulole gurh'obwaso bw'amashwa bumera; burhakola burhanaluka. 29Aliko, mbabwirir'oku Solomono omu bugale bwage boshi arhayambalaga kuguma nabo.30Akaba Nyamuzinda ayambikir'emburho z'omwishwa zakaba ziliho zene n'omu sezi zikabulwe omu chibeyi, karhakabayambika kulusha mw'ebantu b'obwemere bugeke. Murhalubaga murhanaderhaga mpu: 31Bichi rhwankalya, bichi rhwankanywa na bichi rhwanka yambala ?32Bulal'ebi bintu byoshi Abapagani babilonza, y'Isho w'empingu amenyere ebi mulagirireko. 33Murhange mushonde obwami n'okuli kwa Nyamuzinda, n'ebi byoshi mwabiyushulirwa. 34Murhalubag'enyanya y'omu sezi, bulala wol'omusezi lwa chilwako lonine. Buli lusiku lukwanen'ogwage murhamo.
71Murhachiranaga olubanja, yinenyu barhabachir'olubanja. 2Bulala oluwachir'owenyu lunawe nji bakuchira. N'omulengo walengera owenyu ngu nawe nji bakulengeramo.3Chagarhuma wabon' echigoga chiri omulisho ly'owenyu, orhanabona echirhi chiri omulisho lyawe? 4changwa gurhe wankabwira mwene wenyu; mpu nkukul' echi chiri omu lisho lyawe, nab'ogwerh' echisinde omu ly'emwawe? 5We ndyalya we, rhang'okule echigoga chili omulisho lyawe, nantyo wanabonana kurhe wakula echili omulisho lya mwene wenyu.6Murhahaga banyakabwa ebintu bichesezwe, murhanakabulag'amagerha genyu embere g'ebibwana byengulube, zankamalabarha zinahindamuke n'okubahekenya.7Muheme mu na habwe, mulonze mwabona, mukongorh'olunvi b'abachingulira. 8 Bulala ngasi yeshi wa hema ahabwa, ngasi yeshi walonz'abona, banachingulira owakongorh'olunvi. 9Nde omu mwabo wangah'omwana wag'ebale nk'amuhemer'omugati ? 10Changwa amuhem'efi akamuh'enjoka ?11Eri, mwabo babi munah'abana benyu ebi kwirire nkagurhe Isho oli omu mpingu arhakah'aba muyemerer'ebintu bikwirire bwenene . 12Ngasi choshi mwakasim'abantu babajirire, mubajirire cho n'enyu, bulala liri rhegeko n'abalebi.13Mugerere omu mulyango gugeke, bulal'omulyango gu galihire eri njir'egalihire ejire omu herero, n'abanene bagerer'omuyo. 14Alik'omulyango gugeke, eri njira efunderere ejire omu bulamo, n'abageke bayibona.15Muchilange oku balebi babi. Babahikire n'oborhe nka bwa bibuzi n'obo omu mirhima yabo rhubwa rhw'eluchinga. 16Nji mwabamenyer'oku malehe mabo. Abantu banashalul'amalehe makwirire oku mishaki, changw'elehe likwirir'oku makangahu ? 17Ngasi murhi gukwirire guna burh'amalehe makwirire, aliko omurhi gubi guburh'amalehe mabihire.18Omurhi gukwirire gurhankahek'amalehe mabihire, changw'omurhi mubi gurhahek'amalehe makwirire. 19Ngasi murhi gurha burhir'amalehe menja gwa chibwa n'oku kwebwa omu muliro. 20Nji mwabamenyer'oku malehe mabo.21Arhali abaderha : Nahano; Nahano , boshi barhakaj'omu bwami bw'empingu, alik'olala ojir'obulonza bwa Darha oli omu mpingu. 22Olo lusiku, banene nji bambwira: Nahano, Nahano, ka rhurhalebag'oku zino lyawe, ka rhurhalibisyag'abazimu(ebishwasi) oku zino lyawe, karhurhanajirag'ebisomerene binene oku zino lyawe ? 23Na ntyo njinabwirabo n'obwalagale: Nt'amango nabamenyere, murhengaho, banyankola maligo.24Chechirhumire, ngasi yeshi wa yunv'eyi myazi ndi naderha n'okuyikulikira, nja shushanywa n'omuntu w'obwenge wa yumbakaka enju yage oku bale. 25N'envula yanya, amahohera gayi shurha, empusi yahusa bya chikweba byoshi kwey'onju erhanagwaga, bulala yali yikere bwinj'okubale.26Aliko ngasi yeshi oyunv'eyi myazi nderha, arhanayikulikira, njashushanywa n'omuntu w'echihwinja wa yumbakag'enju yage oku mushenyi. 27N'envula yany'amahohera ga yishurha, empusi ya husa bya chishenya kw'ey'onju yagwa kulala kubonekene.28Eri Yesu amal'eyo ngani , echigusho ch'abantu chayemer'enyigirizo zage ; 29bulala alemag'ayigiriza nka murhegesi s'arhali nka mwandisi wabo.
81Amango Yesu ayandagal'oku ntondo, chigusho chinene ch'abantu cha mukulikira. 2Haboneka omu benzibenzi amushimba, afukam'embere zage anamubwira: Nahano, akabw'olonzeze, wakanjira mwerukweru. 3Yesu alambul'efune, amuhumako, aderha: Ndonzez'obe mweru kweru. Hanaho afum'ebibenzi byage.4Yesu ashubi mubwira : Ntay'obwirage, s'alik'ojichiyerekan'emo mugula w'eshengero, onahan'entulo yawe nk'oku Musa abarhegekaga, libuba buhamirizi bw'okufuma kwawe.5Eri Yesu aj'e Kapernaumu, mukulu muguma w'enfola miherho amuj'eburhambi, 6amuyinginga n'oku mubwira : Nahano omwambali wani alyamir'omu mwani, aly'alibuzwa bwenene n'endwala y'okuhorhol'ebirumbu. 7Yesu amubwira: njinayinja nana mufumya .8Oyo mukulu w'enfola miherho amushuza : Mani, Nahano, nta kwanene mp'oje omu mwani, si woy'oderhe mwazi muguma gonyine n'omukozi wani afuma. 9Bulala nani , ntegekwa na b'abakulu, eri na njira nani abasirika ntegeka, nkambwir'oyu mpu: Genda, anagenda. Nkabwira n'owindi, mpu: yinja, anayinja. Na nkabwir'omukozi wani mpw'ajire hilebe ! Ana hijira. 10Eri Yesu ayunva ntyo, asomerwa, abwir'abamukulikire mpu: Mbabwirir'okuli, ntasagi bona bwemere bunganaha omu Israeli.11Nku bwirire, banene njiba yinja barheng'ebushoshokero bw'ezuba na bandi emunda lizikira, n'okulya haguma n'Abrahamu, Isaka na Yakobo omu bwami bw'empingu. 12Aliko abana bw'omwami bowe nji bakabulirw'omu mwizimya ndunduli, omo nji kwaba kulaka n'oku hekeny'amenyo. 13Okuhandi, Yesu abwira oyo mukulu w'enfola miherho: Gendaga! Bikubere nk'oku wa yemerere! Mwako kachanji konako, oyo mukozi wage afuma.14Eri Yesu ahik'aha mwa Petero, ashigana Nazala wa Petero alyamire, eri alwer'eshushira. 15Amuhuma oku kuboko, n'eshushira lya mulika, ab'azuka, anabakolera.16Byabere golo bamulerher'abantu banene bagwarhirwe n'abazimu; alibisy'abazimu n'omwazi gwage, anafumya abalilwere boshi, 17mpu ly'omwazi gw'omulebi Isaya guhikirira, bulal'aderhagw'oku: Arholer'obuzamba bwerhu an'abarhul'endwala zerhu.18Lero eri Yesu abon'abantu banene banene bamuzungulukire, arhegeka mpu bashabukir'oku chindi chishabuko. 19Mwigiriza muguma amuj'ahaburhambi amubwira mpu: Nahano, na kushimb'aha wankaja hoshi. 20Yesu amushubiza: Banyambwe bajir'olukunda, n'enyunyi z'emalunga zijir'enyogo; s'aliko mwene- muntu yewe arhajir'ahakaheb'erhwe.21Owindi w'omu begirizwa bage amubwira mpu: Ondike ntange njihamba darha. 22Aliko Yesu amushubiza amubwira: Onkulikire, olek'abafu bahamb'emifu yabo.23Yesu aja omu nkuge, abegirizwa bage bamukulikira. 24Hanaho, omulaba gw'azuk'omu nyanja, kuger'ah'enkuge yabwiraga ya zika. Yewe eyali ero. 25Abegirizwa bage bamu shegerera, bamuchula bamubwira, mpu: Nahano, gufa kuno, orhurhabale!26Nay'ababwira, mpu: Chichi chirhumire mwayubaha, bantu bw'obuyemere bugeke ? Av'azuka, akalihir'empusi n'enyanja, n'omurhula gw'aba. 27Abantu basomerwa baderha: Oyu alinde baza, chiro n'empusi n'omulaba bimukengere ?28Eri Yesu ahik'oku chishabuko ch'enyanja omu chihugo ch'e Wagerasi, bantu babiri bazimuhirwe babugana naye, barhenga oku mashinda, b'akalihire bwenene, chiro na ntamuntu wakachihandir'okugera mw'eyo njira. 29Bamubwene, barhondera bayama n'omulenge gunene baderha: Bichi warhushondako, Mwene Nyamuzinda ? Oyinjire hano mpu ly'oba warhulibuz'embere z'ebichanji ?30Hale nabo, halir'obuso bw'engulube zalemaga zalya. 31Abo bazimu bamushigirira bamubwira; oka rhulibisya, orhurhegeke rhuje mw'obu buso bw'engulube. 32Yesu ababwira, mujemo. Boshi barhenga mwabo bantu baja mw'obwo buso; na ntyo ezo ngulube zalibirhir'omu nyanja, zoshi za zika mw'ago menji.33Abangere balemaga baziyabula balibirha, baja eka, babala engani yoshi, chi bwenen'engani yabo bantu balizimuhirwe. 34Nantyo abantu boshi ba mw'echo chihugo bashimba Yesu, bamushigirira achichunde hale n'echihugo chabo.
91Yesu aja omu nkuge, ashabuk'enyanja, aj'omu chishagala chage. 2Honaho, bamulerher'entagenda, elyamire oku chipoyi. Yesu abon'obwemere bwabo, abwira eyo ntagenda: Ochih'omurhima, mwana wani, wamababalirwa ebyaha byawe.3Lero baguma omu bashamuka b'ehano, bakenger'omu mirhima yabo: oyu amagomera Nyamuzinda. 4Naye Yesu eyamenyere enkengero zabo, aderha mpu: Gurhe muli mwakenger'amabi omu mirhima yenyu ? 5Bichi bigalikire eyo kuderha: Ebyaha byawe byamababalirwa, eri oku derha: yumuka, olambagire ? 6Lero yimumenya oku Mwene Omuntu agwerhe obuhashe bw'okubabalir'ebyaha byen'ogulu, abwira ela ntagenda, mpu; yumuka, orhol'echipoyi chawe, oj'emwawe.7Ayumuka aj'emwage. 8Abantu babere babona ntyo, bayubaha, bakuza Nyamuzinda, owaher'abantu obuhashe buli ntyo. 9Eri Yesu arheng'eyo, agera, abon'omuntu oyikere ahantu hokufurhis'ebarati, ezino lyage Matayo. Amubwira nkulikira. Oy'omuntu ayumuka amushimba.10Eri Yesu aber ali alya omunju, abafurhisa b'ebarati n'abanya -byaha bayinja, balira haguma naye n'abegirizwa bage. 11Abafarisayo babwenentyo, babwir'abegirizwa bage: chichi chirhumire Nahamwenyu alira haguma n'abafurhis'ebarati n'abanyabyaha?12Yesu ayunvire ntyo, ababwira mpu : Arhali abagumaguma babalagirir'omushake, s'aliko abalwala. 13Mujidosw'ogumwazi chichi guderhere: Lukogo ndonza, s'arhali nchungulo: Nta yinjaga hamagala abachere, s'aliko abanya byaha.14Lero, abegirizwa ba Yohana bashegerera hofi na Yesu banamubwira mpu: Chichi chirhuma rhwabo n'Abafarisayo rhuchishalisa, abegirizwa bawe bowe nanga ? 15Yesu abashubiza: Abera ba muhya -mulume bankachishalisa bachiri haguma naye ? Esiku za chiyinjw'omuhya-mulume abarhengako, n'amo mango banachishalisa.16Ntay'ohangir'echilaka chihyahya oku mushangi gushajire, bulala chanaberw'omushangi n'obubere bwanayushuka.17Ntay'obika amavu mahyahya omu ndaha zamira, bulal'ezo ndaha zanabasha, n'amavu ganasheshekala, wanabul'amavu n'endaha. Aliko banahir'amavu mahyahya omu ndaha zihyahya , bibere bwinja byombi.18Abere aly'aderha eyo myazi, murhegesi muguma ayinja , amuharamya: 19Aderha Kachanji kano mwali wani afire, s'alikw'oyinj'omuhire kw'efune, analama. Yesu ayumuka n'abigirizwa bage, bamukulikira .20Aho, omukazi wa lwalag'endwala y'okurheng'eshagama myak'ekumi n'ebiri, amuhuluk'enyuma, aahuma oku chishumiro ch'omwambalo gwage. 21Eryalemag'aganiza omu murhima gwage , mpu : Nkahuma oku mwambalo gwage na fuma. 22Yesu ahindamuka amubona amubwira: Ochihe omurhima, mwali wani, obuyemere bwawe bwakufumize. N'oyo mukazi afuma honaho.23Eri Yesu agera aham'olala murherhegesi n'ery'abon'abali baziha n'okuzina omulizi n'abantu balemaga bajir'olwamo, 24ababwira mpu; Murhenge, bul'oyu mwana-nyere arhafire s'alikw'ali ero. Nabo bamushekera.25Aber'ama fuhir'olubaga, ajw'omunju, afarha okuboko koyo mwana - nyere, n'omwana - nyere azuka. 26 Ogw'omwazi gwa yenera mw'echo chihugo choshi.27Eri Yesu arhengaho, mihurh'ebiri yamushimba, yalema yahamagala n'okuderha mpu :Mwene Daudi, mani orhuber'obonjo. 28Amango Yesu ahikag'omunju, elala mihurha ya mushegerera, ayibwira: Ka muyemerere oku nakabajirira ntyo? Nabo bamushubiza: Nechi, Nahano!29Honaho, Yesu abahuma okumesho, ababwira: Bibabere nk'oku mwanayemerere . 30amesho gabo gahurhuka (gabona), Yesu abakomereza ababwira: Mumenye, ntaye mubwirage. 31Bowe, babere bagenda balumiz'erenge lyage mw'echo chihugo.32Okubahuluka ntya, balerhera Yesu akaduma kali mw'abazimu. 33Aber'akulam'oyo muzimu, kalala kaduma kaderha. Abantu boshi basomerwa, balema baderha; Okuli ntya kurhasagi bonekana munola Israeli ! 34Aliko Abafarisayo baderha: Obola buhashe bokukula omuzimu, mwami wabazimu omuhere bo.35Yesu alemag'agera omu bishagala byoshi, ely'ali ayigiriz'omu sinagogi, alem'ayigiriz'emyazi y'omurhula y'obwami, n'okufumy'endwala zoshi na ngasi bulema. 36Abwen'echigusho ch'abantu charhamire bwenene achiber'obonjo bunene bulala balemaga balola nka bibuzi birhaherhe mungere.37Na ntyo abwir'abegirizwa bage : Omushalulo gulugire, s'alikw'obakozi bakehere. 38Muhune nin'omushalulo, arhum'abakozi omu mushalulo yage.
101Kandi ahamagala abigirizwa bag' ekumi na babiri abahobulenga njira bw'okukul' abazimu n'okufumy' endwala zangasi lubero n' obuzamba.2Aga gamazino g'abigirizwa bag' ekumi na babiri: Omurhanzi, Simoni ohamagalwa Petero, n'omulumuna Andrea; Yakobo mwene Zebedayo na mwenewabo Yohana,3Filipo na Bartolomayo; Tomasi na Matayo mufurhisa w'ebarati; Yakobo mwene Alfayo na Tadeyo; 4Simoni Mukananayo na Yuda Iskariote wahanaga Yesu.5Ab'ekumi na babiri Yesu abarhuma abaha erhegeko : murhagerag'omunjira y' abapagani, murhanajaga omuchishagala ch'abasamaria; 6S'aliko muj'emwebibuzi by'aherere by'enyumpa ya Israheli. 7Mugende, muyigirize, muderhe: Obwami bw'empingu buli hofi.8Mufumye abalwala, muful'abafire, mukomy'ababenzi, mukul'ebishwasi; mwahabirw'oku busha, muhan'oku busha. 9Murharholaga chiro n'ehoro, chiro n'efranga, chiro n'omulinga omu mikandara yenyu; 10Chiro n'eshaho omu lubalamo, chiro mishangi'biri, chir'ebirato, chiro agarhi; bulal' omukozi ashinganene akalyo kage.11Ebishagala byoshi mwajamo, mudosereze nd'oshinganene; nantyo muber'ahamwage kuhik' amango mwarhengaho. 12Han'omujamo mulamuse. 13N'enyumpa ekwanene omurhula gwenyu gujemo; aliko ekaba erhakwaanene omurhula gwenyu gubagalukire.14Amango barhabayegereze, nkabarhayunviriz'emyazi yenyu muhuluke mweyo nyumpa, changwa mwecho chishagala, munakungurh'akachulo oku magulu genyu. 15Okuli mbabwirire: olusiku l'okuch'emanja, echihugo ch'e Sodomo n'e'Gomora nji chalibuzwa bugeke kulush'echo chishagala.16Lola mbarhumire nka bibuzi ahagarhi k'orhunyamangiri; mube n'obwenge nkanjoka na batudu nkanguku. 17Muchilange n'abantu; bulala nji babajisa lubanja n'oku bashurh'orhurhi omu bishagala byabo. 18Nji mwahekwa oku barhambo n'abami enyanya lyani, okuba buhamiriz'emwabo n'oku bapagani.19Alik'amango bamabaheka, murhalagaga okubimwakaderha, bulala mwayinji habw'echimwaderha mwako gasanzi. 20Bulal'arhali mwemwaderha s'aliko Muka gwa y'Isho nji waderha omu mwabo.21N'omuntu nj'ahana mwene wabo mpu ayirhwe, n' omubusi omwana wage, abana nji balwis'ababusi n'okubayirhisa. 22Nji mwagaywa na boshi enyanya w'ezino lyani; alik'olala nji wachihangana kuger'obuzinda nja chunguka. 23Amango bamabahiga omuchishagala mulibirhire omu chindi. Mbabwirir'okuli murhakamal'ebishagala byoshi bye Israeli nk'omwana w'Omuntu arhanayinja.24Omwigirizw'arhali mukulu kulush' omwigiriza wage changw'omukozi arhankalusha nawabo. 25Kulikwinja omw'igirizwa abe nka mw'igiriza wage n'omukozi abe nka Nahamwabo. Akaba bayirikaga nyin'enju Beelzebuli, kanga barhayirika ntyo abandu b'omunju yage;26Nantyo rhurhabayubahaga; bulala nta chintu chibishirwe chirhakwanene okubonekana, changw'ehwe lirhakwanene ukumenyikana. 27Ebi mbabwirire omu mwizimya mubiderhe omu buchere; n'ebi mubwirirwe omugurhwiri mubiyamagizize okulurhwe l'wenju.28Murhayubahaga abakayirh'omubiri barhakanayirh'omurhima; aliko muyubahe olala wakayirha omurhima n'omubiri omu jehenamu. 29Ka barhaguza nyunyi ebiri ku lufaranga luguma, chechirhumire chiro n'enguma erhangarhoga ukudaho buzira bulonza bwa y'Isho. 30Na chiro emviri z'okwirhwe lyenyu zoshi ziganjirwe. 31Murhayubahaga: mugwerhe akachiro kanene kulush'enyunyi.32Aliko omuntu yeshi nji wandahira embere z'abantu ,nani nji namulahira embere za Darha oli mpingu. 33Aliko omuntu yeshi wandahira embere z'abantu,nani nji namulahira embere za darha oli empingu34Murhakengeraga oku nayinjaga lerha omurhula omu gulu,nanga! Ntayinjagi lerha murhula,aliko mupanga. 35Bulala nayinjaga kushombanya omuntu n'eshe,n'omunyere na nina,n'eshazala n'omuhunga; 36abashombanyi b'omuntu bali bw'omu mwage.37Osima eshe chango nina kundesha nyono,arhashinganene;chango osima omugala chango omwali kundusha nyono,arhanshinganene. 38Chango omuntu orhahekere omusalaba gwage aka nkulikira,arhanshinganene. 39Osima akalamo kage ana kaheza,naye wa kaheza enyanya zani nja kabona.40Owayankirira mwabo,anyankirire nyono,naye wanyankirire nyono,ayankirire owantumaga. 41Owayankirire omulebi okwenge ali mulebi,ahabwa oluhembo l'omulebi;n'olala wayankirira omunya kuli okwenge ali munya kuli,ahabwa oluhembo l'omunya kuli.42N'omuntu yeshi nji wanywesamuguma w'omwaba badorho engumbu y'amenji g'emboho,okwenge bigirizwa,kweri,mba bwirire,njilurhahera chiro oluhembo lwage.
111Amango Yesu amalaga kubwir'entumwa zag'ekumi n'ebiri, arhengaho, kuyigiriza n'okuyalagaz'omwazi gwinja omu chihogo. 2Namango Yohane ayunvaga baderha ebisomerene bya Kristu omu mpamiko arhum'entumwa zage: 3Woyo we wayinjire, chango rhulig'owindi?4Yesu ashuza: Mugende mubwire Yohane emyazi mwayunvirhe ne yimwabwene: 5Empumi yizabona, n'ebilema yibyalambagira, abebibenzi Yibashukululwa, n'abebihuli yi bayunva n'emifu ya fukire n'omwazi gomurhula yi gwayalagazwa okubakene. 6Eragi oyol'orhankagayisibwa nani.7Babere bachigendera, Yesu arhonderha okubwir'olubaga enyanya za Yohane: Bichi mwajagi lola omu Pinga? olusheke luli lwaduganya n'omuhusi? 8Aliko bichi mwajaga lola? Omuntu oyamber'emishangi y'echichiro? mulole, abantu bemishangi y'echichiro bali omu mwa mwami.9Chichi mwajagi lola? Omulebi? Nechi, mbabwirere mwabo, n'omukulu kulusha omulebi. 10Oyu yolala bayandikag'enyanya zage: lola, namarhuma Endabi yani emalanga mbere gawe, gurhegany'enjira yaw'embere zawe.11Okuli mbabwirire, omukagarhi k'ababurhirwe n'omukazi ntaye mukulu kulusha Yohana mubatiza: 12Omudorh'omu bwami bw'empingu yemukulu kumulusha. kurheng'omusiku za Yohana mubatiza kuhika zene, obwami bw'empingu bwachikanyi na baherhi emisi baburhola.13Bulala abalebi boshi na marhegeko baleba kuhik'amango ga Yohana. 14Nakaba mwalonza mumuyunve oyu ye Eliya oli ayinja. 15Oherhe amarhwiri g'okuyunva, ayunve.16Nde njinashushanya olu luburhwa? lushushanyizwe nkabana bayiker'omusoko bali balib'aderha n'abandi bana. 17Baderha rhwalibazihir'omulizi murhana zinaga, rhwabayimpir'enyimpo z'emishibo murhana jirag'emishibo.18Bulala Yohana ayinjaga arhalyaga arhananywaga baderha mpu: aherhe omuzimu. 19Mwen'omuntu ayinjire alya, ananywa, nabo baderha: Mudambi, mulalu mira wa bafisirha na bantu bakalamo kabi. Alik'oborhere bwage bwachimenyesa kugerer'okurhwasi rhwage.20Nanty'arhondera kukalihira ebishagala emund'ajiraga ebisomerene byage binene, bulala barhahungamaga. 21Buhanya bwawe Korazini! Buhanya bwawe, Bethsaida! bulala, ebisomerene byajirikene ahagarhi kenyu nkabyajirikanaga omu Tiro n'omu Sidona, singa mira bahungamire,bayamber'ebigunira n'okuchishig'oluvu. 22Chechirhumire nababwira: olusiku l'ogucha olubanja, Tiro na Sidona bechirwe bugeke kubalusha.23Nawe, kapernaum, nkanji wazamulwa kuger'Empingu? Nanga. Njiwayandagazwa kuger'ekuzimu; bulala nkebisomerene byajirwagw'ahakagarhi kawe nkabyajirwaga omu Sodomu hing'echibaho kugera zene. 24Chechirhumire mbabwirire olusiku lolubanja, echihugo che Sodomu njichahanwa bugeke kukulusha.25Nago mango Yesu arhol'echinw'aderha: Nkukuzize, Darha, Nahano w'empingu n'egulu, omu kubish'ebibintu oku birhonzi n'oku banyabwenge, wabifunulira oku bana. 26Nechi, Darha, nkukuzize bula ntyo kuwalilonzenze. 27Ebintu byoshi nabihabirwe na Darha na ntaye oyinji omugala, aliko Darha yenine. Na nta muntu oyinji Darha s'alik'omugala, n'oku y'omugala alonzize okufunulira.28Muyinj'emwani mweshi mwe murhamire. muna zidoherwe bahumuse. 29Murhol'omuzigo gwani, mushimbulire n'enyigirizo Zani, bulala ndi mutudu na mwirhonzi w'omurhima; yimubon'okuluhuka omu mirhama yenyu. 30Bulala, entimanya yani eri ntudu n'omuzigo gwani guyanguhire.
121Ago mango Yesu ager'omu mashwa g'engano. Entumwa zage, za yunv'eshali, za rhondera kucha eminkenyi zalya. 2Abafarisayo, babona ntyo, ba mubwira: Lolagw'okw'entumwa zawe ziri zajira ebirhahemerw'olusiku lw'e Sabato.3Aliko Yesu abashubiza : Kamurhasomag'oku Daudi ajiraga amango ayunvag'eshali, yewe na balihaguma naye; 4okw'ajaga omu shengero lya Nyamuzinda alya yewe n'entumwa zage ebiryo birhalihemerw'okulibwa na ngasi muntu chi badahwa bonine ?5Na kandi kamurhasagi soma omu rhegeko okw'esiku z'e Sabato, abadahwa bagerag'eburhambi omu shengero buzira ku chij'emurhima ? 6Na ntyo mbabwirire hano hali echintu chizibuzibu kulush'eshengero.7Nka mwalimenyer'ogu mwazi : Bonjo bunene emunda muli, si ntalonza mburano, murhakalwisize abashinganya. 8Bulala mwen'omuntu ye kulir'e Sabato.9Na ntyo eri arhengahola, Yesu aj'omu chishagala. 10Mwaliri omuntu oholer'okuboko. Badosa Yesu : Kabirhuhunir'okufumya olusiku lw'e Sabato ? Kwali kumulonza kunyamanja.11Abashubiza: Nde mu mwabo nka herhe chibuzi chiguma chonine chikarhemba omu chiriba olusiku lw'e Sabato arhankaja ku chirhembula? 12Kw'Omuntu arhalushir'echibuzi ? Kuliku derha, oku bihunire oku jir'amenja olusikulw'e Sabato.13Oku ntyo Yesu abwira oy'omuntu : Lambul'okuboko kwawe. Alambulako kwaba kuguma n'okundi. 14Abafarisayo bahuluka bajidosana oku njira nchi banka muyirha.15Aliko Yesu, aber'amanya, aja hale nabo. Lubaga lunene lwa mushimba. Afumya abalwala banene, 16ana bakomereza oku bunene barhajaga kubiderha. 17Y'okubuzinda bihikirir'ebyo mulebi Isaya alebaga,18mulole omukozi wani na chishogere, njinaheba Muka gwani okuye, nj'ayamagiziza olubaga okuli.19Arhakaja buhaka , arhakabanda mulenge na nta muntu wenyunv'omulenge gwage omu njira. 20Arhakavuna chiro n'olusheke luherh'echihulu. Arhakazimya echirere chikolerere, kuhik'amango erhegeko lya hima. 21N'embaga nji za langalir'ezino lyage.22N'oku ntyo bamulerh'omuntu wa bazimu, orhabona, chiro arhanaderha, ana fumya elyo gama lya derha lyanabona. 23Olubaga lwoshi lwasomerwa mpu : Karhali mugala wa Daudi oyu ?24Abafarisayo, babere bayunva ntyo baderha: Oyu muntu yalibisy'abazimu oku zino lya Belizebuli mukulu w'abazimu. 25Bulala Yesu alimenyer'endalala zabo, ababwira: Ngasi bwami bukachigaba kukumbagala bukumbagala na nta nju eri chishagala chichiberamo chiyimanga.26Akaba lyangombe analibisya lyangombe, agabirwe oku yenine, gurh'obwami bwage bwankayimanga ? 27Na nkaba nyono, na ndibisy'abazimu oku misi ya Belezebuli, abana benyu misi yande babalibisyako? Chinji charhuma baba bach'amanja benyu.28Aliko, ankab' oku Muka gwa Nyamuzinda kundi na libisy'abazimu obwami bwa Nyamuzinda bwayinjire enyanya zenyu. 29Ngahe, omuntu akaj'omu nju y'owindi muntu oherh'emisi ashambuh'ebikulo byage, buzira kurhaga shwek'oy'omuntu w'emisi? Oku ntyo agaleshambuha enju yage. 30Orhali haguma nani eri mushombanyi wani, n'orharhola haguma nani eri kushandaza ashandaza.31chochirhumire nderhere: Ngasi chaha na ngasi chijachi nji chababalirwa oku bantu, aliko echijachi enyanya za Muka wa Nyamuzinda chirhakababalirwa chiro n'ehityu. 32Owelerhe obushombanyi enyanya za mwene muntu nj'ababalirwa, alik'owejachire Muka gwa Nyamuzinda arhakababalirwa kuno gulu chiro n'enyuma omu myaka ya yinja.33Omurhi gwinja n'elehe lyago; omurhi gubi n'elehe lyago; bulala bameny'omurhi kugerer'elehe lyago. 34Eli burha ly'enjoka, gurhe mwankalonza kuderh'aminja nabo muli babi? 35Omuntu mwinja omu hantu hinja, akol'aminja, n'omuntu mubi ahantu habi akol'amabi.36Mbabwirir'okw'olusiku luzinda ngasi mwazi gwabushabusha gwaderherwe nji gwadoswa. 37Bulala kugerer'enderho zawe wechungulwe, na kugerer'enderho zawe nji wahanwa.38Oku ntyola baguma babandisi n'aBabafarisayo bamushubiza, omu kuderha : Mwigiriza rhulonzeze orhuyerek'echimanyiso.39Naye abashubiza ababwira, mpu : Eli burha libi n'ely'endyalya! Ligwerhe ly'alonz'echimanyiso, chirali ch'omulebi Yona. 40kulala Yona ajiraga siku esharhu na madufu masharhu, omunda y'efi nantyo mwen'omuntu nj'amala siku esharhu na madufu masharhu omu shinda.41Abantu b'e Ninawi nj'ibayumuk'amango gw'olubanja n'eri burha banalihane bulala balichiyunjwize amango Yona abayigiriza, n'olushire Yona y'on'oli hanola.42Omwami kazi w'ekarhi k'ezuba nj'ayimanga n'okujisa lubanja n'eri burha, nj'analihana bulal'arhengerera ngasi hantu h'egulu kuyunviriz'obwenge bwa Solomono, talaga hano hali olushire Solomono.43Amang'omuzimu mubi amarhengaomu muntu anagend'alonza lonza ahantu hayumire eyahabula. 44Anaderha: nagenda kushubir'omu nju yani, omu narhengaga. N'eyayinja ashimana ntaye olimo, enabizizwe, enarhindirwe. 45Oku ntyo anagenda, mwebyo bichanji anajilerh'abandi bazimu mushanvu babihirhe ku mulusha n'eli bayinja banachilambulamo, n'oborhere bw'oyu muntu bwanaba bubi kulushiriz'oborhe bwage burhanzi. Kunji byera eri burha lirhajira lugero lubi.46Aber'ali abwir'abantu, lolaga Nina na bene bayiker'embuga, balonza kumuderhesa. 47Ler'omuntu muguma Amubwira mpu: Nyoko na bali benyu bayimangire embuga, bali bakulonza.48Naye ashuz'owa mubwiraga, mpu: Nyama yende na bene berhu balande? 49Alambul'efune yage okuntumwa zage, ababwira, mulolage Nyama na bene berhu; 50bulala ngasi uwunji wajir'obulonza Darha oli nyanya, yoyola ye mwene werhu, na mwali werhu, na Nyama.
131Olo lusiku lonolo, Yesu ahuluka omu nju, ajiyikala eburhambi bw'enyanja. 2Lubaga lunene, lwachilunda ahaburhambi bwage, aja omu bwarho, ayikala. Olubaga loshi lwali yimangire eshi.3Ababwira binene omu migani, aderha: 4muhinzi muguma ajagi rhwera emburho. Abere aherhe arhwera, ziguma zarhogera eburhambi bw'enjira: enyunyi zayinja zanachirirazo. 5Ezindi zarhogera omu mabale, aharhali budaka bunene: zamera dubaduba, bulala zirhabonaga budaka bunene; 6aliko amango ezuba lya kolaga, zasirera zanayuma, bulala nta mizi zaligwerhe.7Ezindi zarhogera omu mishaki; emishaki yamera ya zinyagandiza. 8Ezindi zarhogera omu budaka bukwirire: zaburha amalehe, nguma yaburha egana, eyindi makumi galindarhu, eyindi makumi masharhu. 9Oherhe arhwiri g'okuyunva, ayunve!10Abegirizwa bage bamushegerera, banamubwira: chirhuma obayigiriza omu migani? 11Yesu abashubiza: bulala mwahabirwe oku menya amahwe g'omu bwami bw'embingu, ch'abala bowe barhakuhabwagwa.12Bulala banaha oherhe, nji anaba omu binene, aliko orhaherhe nji bamunyega n'ehyaherhe.13Che chirhumire nabwira bo omu migani, bulala okubona barhabona, n'okuyunva barhayunva, chiro barhacha n'ehuzihuzi.14N'obulebi bwa Isaya bwa hikirira okubo: mwakazi yunviriza n'amarhwiri genyu, murhanayunva; mwakazi lolereza n'amesho menyu, marhanabona.15Bulala omurhima g'ololubaga gukomere, bazibuhize amarhwiri gabo, banazibya amesho mabo, libarhabona, libarhanayunva n'amarhwiri gabo, barhanamanyiriraga omu mirhima yabo, barhahindamukaga, mpu lintana bafumyaga.16Aliko amesho genyu gali garagi, bulala gaherhe gabona, n'amarhwiri genyu, bulala gaherhe gayunva. 17Mbabwirire okuli, balebi banene n'abashinganyanya balilonzeze babone ebi muherhe mwabona, barhanachibibonaga, okuyunva ebi muli mwayunva, barhanachibiyunvaga.18Mwabo muyunvage gurhe ogu mugani g'omuhinzi guderhere.19Amango omuntu amayunva omwazi gw'obwami arhanagurhegereze, lyangombe anayinja, anachirholera ehy' alirhwerere omu murhima gwage: Oy'omuntu ali olala wayankiriraga emburho eburhambi bw'enjira.20Owayankiriraga emburho ahantu h' amabale, y'olala wayunvirhe omwazi ana gushagalukira; 21aliko nta mizi aherhe omu yewe, abulire emisi, n'ery'abona amalumwa n'amalibuko enyanya ly'ogo mwazi, anabona ebichanji by'okuhera.22Owayankiriraga emburho omu mishaki, y'olala oyunva omwazi, aliko oburhe b'omu gulu n'okurhebekwa kw'obugale byananyagandiza omwazi, zirhachiburha malehe. 23Owayankiriraga emburho omu budaka bukwirire, y'olala oyunva omwazi n'okuguhikiriza, gwanayana amalehe, n'e mburho nguma yanaburha egana, eyindi makumi galindarhu, eyindi makumi masharhu.24Ashubibacha ogundi mugani, ababwira: obwami bw'empingu bushushene n' omuntu wajagi rhwera emburho ekwirire omu shwa lyage. 25Aliko, amango abantu balilyamire, omushombanyi wage ayinja arhwera emishaki omu ngano, anachigendera. 26Amango olubala lwameraga n'okuyana amalehe, emishaki nayo yachiyerekena.27Abambali banin'eshwa bayinja mubwira: Nahano, k'arhali emburho ekwirire walirhwerere omu shwa lyawe? Ngahe emburho ebihire erhengerere? 28Abashubiza: mushombanyi ojirire ntyo. N'abambali bamubwira: K'oshondere rhuji yi shugula?29Aderha, nanga, bulala hano mukula emishaki, mwanayishugula haguma n' emburho. 30Mubileke byombi bikulire haguma kuhika amango g'okushalula, njinabwira abashaluzi: murhange mukule emishaki, muyishweke rhuzigo rhuzigo eyoswe, aliko mubike emburho omu nguli yani.31Ashubi bacha ogundi mugani, aderha: obwami bw' empingu bushushene n' emburho nguma y' esinapi, muntu muguma ayirhwera omu shwa lyage. 32Eba mburho ngekegeke kulusha ezindi mburho zoshi, aliko, amango yameraga, yashisha bwenene gwanaba murhi , chiro n' enyunyi z' emalunga zalema zayinji yumbaka omu marhabi gago;33Ashubi babwira ogundi mugani, aderha: obwami bw'empingu bushushene n'olwango mukazi muguma arholaga aluhira omu banamaha basharhu b' eshano, guhika amango obuntu boshi bwalugaga.34Yesu abwira olubaga ebyo byoshi omu migani, arhanakazagi babwira buzira migani, 35mpu li kuhikirira okwaderhagwa n'omulebi: nashwekula obunu bwani omu migani, na nyalagaze byoshi bibishirwe gurhenga omu kulema kw'egulu.36Lero afuhira olubaga, anachijira omu nju. Abegirizwa bage bamushegerera, baderha: rhufafanuliraga gulala mugani gw'emishaki omu shwa. 37Abashubiza, ntya: owarhwera emburho ekwirire, ye Mwen'omuntu, 38eshwa, ly'egulu, n'emburho ekwirire babene Obwami, emishaki babene lyangombe, 39omushombanyi wayirhweraga, ye lyangombe, omushalulo bw'obuzinda bw'egulu, abashaluzi bwo bamalayika.40Nabo nkoku banashugula emishaki n'okuyikabulira omu muliro, kunji byanaba ntyo oku buzinda bw' egulu. 41Mwene omuntu nj'arhuma bamalayika, bajikula omu bwami bwage abantu boshi b'enshuma na balala boshi bakazagi kola amabi; 42nji bakwebwe omu ndugurhira y'omuliro, aho nji haba hakubanda endulu n'okuhekenya amenyo. 43Lero abashinganyanya nji balangikana nka zuba omu bwami bw' eshe. Oherhe amarhwiri gokuyunva, ayunve!44Obwami bw' empingu kandi bushushire nka buhirhi bubishirwe omu shwa. Omuntu wabubonaga abubisha, n'omu bushagaluke ajiguza eby'aliherhe byoshi, ajigula elyo shwa. 45Obwami bw'empingu bushushene kandi n'omuchuruzi walonzaga amagerha makwirire. 46Abon'egerha liguma ly' engulo nene; agenda ajiguza byoshi aliherhe, agula elyo gerha.47Obwami bw'empingu kandi bushushene n'omulaga bakabwire omu nyanja n'okurhega ebikwara bya ngasi lubero. 48Amango gwamabumba, abashana banagukululira eshi, banalondola, echikwara chikwirire banachibika, n'oku kabula echibihire.49Kunji byaba ntyo oku buzinda bw' egulu. Bamalayika nji bayinja kuberula ababi n' abashinganyanya, 50n' okubakabulira omu ndugurhira y'omuliro, nji haba hokubanda endulu n'okuhekenya amenyo.51Ka mwayunvirhe ebyo byoshi? Bamushubiza, nechi.52Anababwira, ntya: che chirhumir' echo, ngasi mwandisi oyigirizwe ebiyerekere Obwami bw'empingu, ashushene na nin'enju oliwakula omu mbiko yage ebintu bihyahya n'ebikulukulu. 53Eri Yesu amala eyo migani, arhenga ho.54N'eri ahika omu chishagala chage, ayigiriza abantu omu sinagogi, kuhika basomerwa, banalema baderha: ngahe akulire obula bumenyi n'ebi bisomerene? 55K'arhali mwana w'omubeji? K'arhali Mariya ye nyina? Yakobo, Yusufu, Simoni na Yuda, ka barhali bene babo? 56Na balibabo ka barhali haguma nerhu? Ngahe akulire ebi byoshi?57Byaba bowe bisanzi bya kuhera. Aliko Yesu ababwira: nta handi omulebi abula kukengwa nk'omu chihugo chage n'omu nju yage. 58Arhanachijiraga bisomerene binene ahola, eri kubula obuyemere kwabo kurhuma.
141Mwago mango, mwami Herode abere ayunva baderha enyanya za Yesu, abwira abambali, ntya: Yohana Mubatiza oyo! 2Afukire omu bafu, ch'echirhumire ly'achijirira ebirhego.3Bulala Herode alifarhire Yohana, amushweka anamuhira omu mpamikwa, eyi Herodiya mukw'omulumuna Filipo orhuma, 4bulala Yohana alimubwirire, ntya: birhakuhemere okw'oshabe Herodiya, muka mulumuna wawe. 5Herode abwiraga amuniga, aliko ayubaha olubaga, bulala lwalemaga lwalola Yohana nka mulebi.6Lero, oku lusiku lukulu lw'okuburhwa kwa Herode, mwali wa Herodiya aja omu luhya, azina, asimisa Herode, 7kugera oku chihe ch'okumulaganya n'endahiro mpu amuha ngasi hyoshi akamuhema.8Oku mashumi ga nyina, aderha ntya: mpebera hano oku mbale bo nabuno erhwe lya Yohana Mubatiza. 9Mwami agaya; aliko, enyanya z'endahiro n'abali oku lusiku lukulu lwage, kwarhuma arhegeka mpu bamuhe lyo.10Anarhuma mpu bache Yohana erhwe omu mpamikwa. 11Erhwe lyage lyalerhwa oku mbale, baliha olala munyere, naye alihekera nyina. 12Abegirizwa ba Yohana bayinja, barhola omurhumba gwage, bajiguhamba; banagenda kubibwira Yesu.13Eri Yesu ayunva ntyo, arhenga ho omu nkuge, achiyeguza ho, aja omu rungu hale n'abantu; n'olubaga lumenya ntyo, lwarhenga omu chizungu, lwamushimba oku magulu. 14Abere arhenga omu nkuge, abona lubaga lunene lw'abantu, alubera obonjo, afumya abalwala baliri omu bo.15Kwabere golo, abegirizwa bage bamuja ahaburhambi, bamubwira ntya: lyamaba rungu lino, bwanayirire; lika bano bantu bajichigulira ebiryo omu bishagala.16Yesu abashuza, ntya: barhalonzeze bagende; mubahe ebi balya mwabo. 17Aliko bamushuza: ntacho rhugwerhe hano harhenga migati erhano na fi ebiri zonyine. 18Naye ababwira ntya: mubinderhere hano. `19Ayikaza abantu oku birhi, arhola elala migati erhano na zilala fi ebiri, alola omu chanya, abigisha. 20Abere amalichagulanga emigati, ayihereza abegirizwa bage, nabo bayigabira abantu. 21Boshi balya, bayugurha, barhola ebi balekaga, bayunjuza rhurhanda ekumi na rhubiri. Abalyaga, kuleka abakazi n'abana, baliri balume bihumbi birhano.22Hon'aho, Yesu aseza abegirizwa bage mpu baje omu nkuge, babe bashokola, bashabuke enyanja, oku naye alaga abantu. 23Abere amalekana n'abantu, azamukira oku ntondo yenyine, ajihema Nyamuzinda. Lyabere lyaba golo, aba ery'aliho yenyine. 24Enkuge nayo, eri yamahika ahagarhi k'enyanja, yashurhwa n'omulaba; bulala omuhusi gwabahulukiraga embere.25Bucha sezi, Yesu abahika ko, ayinja alambagira oku nyanja. 26Abegirizwa bage bamubwene ly'alambagira oku nyanja, bashalama, banaderha ntya: muzimu oyu! N'omu buba bwabo, babanda endulu. 27Honaho,Yesu ababwira ntya: muhire omurhima omu nda, murhayubahaga, nyono.28Petero naye amushuza: Nahano, akaba woyo, ontegeke nani ndambagire oku menji nkushimbe. 29Na Yesu naye aderha: Yinjaga! Petero arhenga omu nkuge, alambagira oku menji, mpu aje emunda Yesu ali. 30Aliko abere abona empusi erhakalindirwa, ayubaha; abere akola ali azika, abanda endulu, aderha: Nahano, onyokole!31Hon'aho Yesu alambula okuboko, amufarha, amubwira, ntya: oli muntu w'obwemere bugeke, charhumire warhindira ? 32Babere bamaja omu nkuge, empusi yarhulera. 33N'abaliri omu nkuge, bayinja, bamuharamya, banamubwira ntya: kubinali, oli Mwene Nyamuzinda.34Babere bamali shabuka enyanja, baja omu chihugo ch'e Nazareti. 35Abantu ba mw'echo chihugo balimuyinji, balumiza omwazi oku balungwe boshi, banamulerhera abalilwere boshi. 36Bamuyinginga mpu chiro bahume oku chishumiro ch'omushangi gwage, na ngasi bahumaga oku cho, bafuma.
151Ntyo kw'Abafarisayo n'abashamuka b'ehano b'e Yerusalema bashimbire Yesu, bamubwira, ntya: 2Chichi chirhuma abegirizwa bawe barhashimbulira amarhegeko g'abamira? Barhachikalaba nka balya? 3Abere abashubiza, ababwira, ntya: Chirhuma mwabo si murhashimbulira amarhegeko ga Nyamuzinda erhi ngeso za bashokuluza benyu zirhumire?4Chi Nyamuzinda aderhaga, oku: okenge isho na nyoko, mpu n'owakungulira eshe na nyina afe. 5Na nenyu munalema mwaderha, mpu: ngasi yeshi webwire eshe chango nyina, ntya: echi nakakurhabere mwo,nachihanire nka ntulo ( nterekero ), 6mwaderha mpu oyola arhachikwanene okurhabala eshe changwa nyina. N'oku ntyo mwanafundi kulikira amarhegeko ga Nyamuzinda erhi ngeso zenyu zirhumire.7Mani, ezi ndyalya! Isaya alilebere bwinja, amango aderhaga, ntya: 8Olu lubaga luherhe lwakenga n'obunu bonyine, nabo emirhima yabo eri hale. 9Obukenge bakenga buba bwa kubesha: banayigiriza enyigirizo n'amarhegeko garhenga emw'abantu.10Yesu abere amahamagala olubaga lw'abantu, alubwira, ntya: Murhege amarhwiri munayunvirize! 11Arhali ehija omu bunu hye hizingisa omuntu, s'aliko ehirhenga omu bunu bw'omuntu hye himuzingisa.12Abegirizwa bage babere bamushegerera, bamubwira, ntya: Ka wamanyire oku, amango Abafarisayo bayunvaga gulala mwazi gwawe baligayire?13Naye abashubiza, aderha ntya: Ngasi murhi gurharhweragwa na Darha w'empingu nji gwa chibwa. 14Mubaleke; ziri mpumi ziyereka empumi enjira chi empumi ekachidalika okuyereka eyabo mpumi enjira, zombi zanachikweba omu nyenga y'omuliro.15Petero ashuza, amubwira, ntya: rhuhuguliraga nerhu ogo mugani. 16Na Yesu naye amushuza, amubwira, ntya: Aye! gasi nenyu nta bwenge muherhe guhika zene! 17Murhayunvirhe oku ehija omu bunu omu nda hirhogera, na kandi hyanayinji ja omu musarani.18S'aliko ebirhenga omu bunu omu murhima birhenga, bye binazingisa omuntu. 19Omu murhima mwo murhenga enkengero zibi, okuyirha, okuhusha, okujira eby'eshonyi, okuzimba, okubesha, n'ebijachi. 20Ebyola bye bizingisa omuntu. S'aliko okulya buzira kukalaba, ntaye kwakazingisa.21Yesu abere amachirhengera ho, achijira entambi z'e Tiri n'ez'e Sidoni. 22Ntyo kw'omukazi w'e Kanana ahulukire mw'echo chihugo, alema ayakuza ( ahamagala ), n'okuderha ntya: Mani we kalama, mwene Daudi, ombere obonjo: Mwali wani afire n'abazimu. 23Naye arhamushuzaga chiro n'ehityu. Ntyo kw'abegirizwa bage bamushimbire, bamushigirira, bamubwira, ntya: Bwira ye agende, bulala ali ajira olwamo enyuma zerhu.24Naye abere ashuza, aderha, ntya: Ntarhumagwa arhali oku banabuzi b'e Israheli baherere. 25Ntyo kw'oyo mukazi ayinjire, amufukamira, anaderha, ntya: Ontabale, Nahamwerhu! 26Naye amushuza, ntya: Kurhakwanene okurhola ebiryo by'abana n'okubikweba abana ba nyakabwa.27Olala mukazi aderha, ntya: kubinali ntyo, muchiza! S'aliko abana banyakabwa nabo banalya oku buhungumukiza burhoga oku meza (cibo) ga nahamwabo! 28Ntyo ku Yesu amushuzize, amubwira, ntya: Mukazi wee, obwemere bwawe buli bunene! Bibe nkw'oko walonza. N'omwali ava anafuma mwako kashanji.29Obwola, Yesu abere amarhenga ahola, aja hofi n'enyanja y'e Galilaya; n'amango ajaga oku ntondo (omusozi), achiyikalira kwo. 30 Abantu banene banene bamushimba, erhi baherhe abantu baholere amagulu n'entagenda, empumi n'orhuduma, n'abandi banene ba ngasi lubero: babarhabika oku magulu mage, naye abafumya. 31Balala bantu boshi basomerwa amango babonaga okw'orhuduma rhwaderha, entagenda bafuma, abaholere amagulu balambagira, n'empumi zabona: Bachishingira Nyamuzinda w'e Israeli.32Yesu abere amahamagala abegirizwa bage, ababwira, ntya: Namayunvira olu lubaga obwonjo; bulala zikola siku esharhu zinola banshimbire, barhanaherhe echi balya. Ntalonzeze nkalika bo shali: bankafira omunjira. 33Abegirizwa bage bamubwira, ntya: ngahe emigati y'okuyugusa aba boshi yarhenga muno mpinga? 34Yesu abadosa, ntya: migati minga muherhe? Bamushuza, ntya: eri mushanvu na ndugu zigeke. 35Okuhandi , arhegeka mpu abantu bayikale oku daho.36Arhola elala migati okw'eri mushanvu na zilala ndugu, akuza Nyamuzinda (avuga omunkwa), ayichagulanga, ayiha abegirizwa bage, abegirizwa nabo bayigabira olubaga. 37Balala bantu boshi balya banayugurha. Barhola ebichira byarhalaga, babumbya rhurhanda mushanvu! 38Abalyaga nabo, kuleka abakazi n'abana, baliri bantu bihumbi bine. 39Abere amalikula olubaga, aja omu nkuge; kw'okunahika omu chihugo ch'e Magadani.
161Abafarisayo n'abasandukayo bashegerera Yesu, mpu bamurhangule, bamuhuna abayerek'echimanyiso ch'omumpingu. 2Yesu abashuza: egolo,mwanaderha: nji byakwira, bulal'empingu guli muduku;3Esezi: hayinjib'echidumbi zene, bulal'empingu guli muduku n'omwizimya. Munayinji shubulul'ebye mpingu, murhanamenyer'ebimanyiso byakasanzi. 4Luburho ludarhi lwalonz'ebisomerene; njarhanamuh'ebindi bisomeren'arhali Yona.5Entumwa, zashabuka zayibirir'okurhol'emigati. 6Yesu ababwira: muchilange munameny'engeso z'abafarisayo n'abasadukayo. 7Entumwa zakengera zonin'okuzonine zaderha: bulala rhurhalirholer'emigati. 8Yesu amenya, aderha: chirhumire mwaganiz'omumwenine,lubaga l'obwemere bugeke bulala murhali rholere migati?9Muli nka murhagwerhe bwenge, murhanayibukir'emigat'irhano nabihumbi birhano byabantu na rhurhanda rhunga mwalerhaga, 10erhali migati mushanvu oku bihumbi bine byabantu na ntonga(chirhiri) zinga mwalerhaga?11Gurhe murhayunv'ebiyereker'emigati eyi nabashambaliraga? munameny'engeso z'abafarisayo n'abasadukayo. 12Nantyo bameny'oku erhali ngeso yemigati aderhaga mpu bamenye chaliko nyigirizo z'abafarisayo n'abasadukayo.13Yesu, eyahik'omu chihugo cha Sezari wa Filipo abaz'entumwa zage: Chichi muderhere ind'inde; nyono, mwen'omuntu? 14Bashuza: baguma baderha oli Yohana mudubisi; abandi,Eliya; abandi, Yeremiya chango muguma w'abalebi. 15Nenyu, aderha, gurhe muderher'okunyono? 16Simoni Petero amushuza: we Kristu, mugala wa Nyamuzinda.17Yesu ashubirir'omwazi, aderha: oli munyaragi, Simoni, mwene Yona; bulala gurhali mubiri n'omuko gukufunulir'ebyo s'aliko darh'oli omumpingu. 18Nani, namakubwira: we Petero, n'okubale nji nayumbak'eshengero lyni, n'emiryango y'ekuzimu erhakakuhima.19Nji naguh'oluchingulo l'obwami bwe mpingu: ebiwashweker'okugulu nji wabishwek'omimpingu n'ebiwashwekwir'omugulu nji bya shwekulw'omumpingu. 20Nantyo akomerez'entumwa nta muntu oderhag'okwaliri Kristu.21Nago mango Yesu arhonder'okumenyes'entumwa zage oku bihunir'aj'e'Yerusalemu, alibuzibwe bwenene n'abagula n'abandisi; n'abashamuka b'ehano; afe, olusiku lwa kasharhu afuka. 22Petero, ayunva ntyo amukema, n'okuderha, Nyamuzinda, Nahano ebyo nji birharhuhikira. 23Aliko Yesu,ahindamuka, aderha Petero j'enyuma zani lusifero(shetani), ntengako; bulal'enkengero zawe zirhali nkengero za Nyamuzinda, s'aliko z'abantu.24Nantyo Yesu abwir'entumwa zage nk'omuntw'alonz'okuja hofi nani, achilahire yenyine ahek'omusalaba gwage, ana mukulikire. 25Bulal'owalonz'okuchungul'akalamo kage nj'akaheza, s'alik'owagahez'enyanya zani nj'akabona. 26Bichi bikwanen'omuntu kuba mwami w'egulu lyoshi, eri akahez'omuka gwage? n'oguh'omuntu y'ahindamul'omuka gwage.27Bulala mwen'omuntu ayinj'omubukuze bwa Darha haguma na ba Malayika; nantyo bahemba ngasi muntu oku bijiro byage. 28Mbabwir'okuli bagum'omumwabo barhakabon'olufu kuhik'amango mwen'omuntu ayinj'omubwami bwage.
171Hagerere siku ndarhu, Yesu arhola haguma naye Petero, Yakobo, na Yohana, mulumuna wage, aba_longola bonin'okuntondo elehere. 2Ahindamulw'ebara emalangambere gabo amalanga gage gabaraganya nka zuba, emyambalo yage yahusha mweru nka mwengezi.3Mulole, Musa na Eliya abahulukirako, barhangir'okuderha naye. 4Petero, arhonder'okuderh'omwazi, abwira Yesu mpu: biri binja rhubere hano, nk'olonzeze, nayumbaka bihando bisharhu, chiguma chawe, chiguma cha Musa na chiguma cha Eliya.5Aber'achiri aderha ,echijuchu chikolerere chabashukira. Lola, omulenge gwayunvikan'omubichu gwaderh'eyi myazi: oyu ali mwana wani nsima bwenene; mumuyunvirize! 6Abigirizwa bayunvirh'ogu mulenge, bakumbagal'ahashi balyamir'amesho, bayubaha bwenene. 7Aliko Yesu abashegerera, abahumako aderha: muyumuke, murhayubahaga! 8Bayinamul'amesho, barhabonaga muntu gurhenga Yesu yenine.9Babere bali bayandagl'okuntondo, Yesu abarhegeka ntya: ntaye mubwirag'obubonekerwa, kuger'agomango omwana w'omuntu nj'afuk'omubafu. 10Abigirizwa bamubaz'ogu mwazi: bichi birhum'abashamuka b'ehano baderha mpu Eliya ashinganene(agwasirwe) ayinj'okuburhangiriza?11Abashuza: kubinali oku Eliya agwasizw'okuyinja burhanzi kukwiz'ebintu byoshi. 12Aliko nababwir'oku Eliya ayinjaga mira, barhanamumenyaga, banamujirir'okubalonzeze. konok'omwana w'omuntu alibuzwa nabo. 13Abigirizwa bameny'oku agwerh'aderh'enyanya za Yohana mudubisi.14Amango babere bahikir'olubaga, muntu muguma ayinjifukam'embere za Yesu, anaderha: 15Nahano, omwana wani omuyunvir'obonjo, alwer'echizungu; alibukire bwenene; chinamugwisa n'omumuliro(omuchiko), n'omumenji. 16Nalimulerher'entumwa zawe barhagalaga mufumya.17Yesu ashuza aderha: burha lirhayemerere n'ely'obubi, kugera mangochi nji naba haguma nenyu? nabarhabala kugera mangochi? mumunderhere hano. 18Yesu akankamira bwenen'echo chishwasi, chamurhengamo, honah'omwan'afuma.19Entumwa zashegerera Yesu zamubwir'eburhambi mpu: bichi byarhumaga rhurhagala guhig'echo chishwasi? 20Yesu ababwira mpu: enyanya z'okubul'obwemere kwenyu. nbabwirir'omukuli, nkamugwerh'obwemere nka mburho y'eharadali(sinapi) nji mwabwir'eyintondo rhengah'oje elira munda, enagende; ntacho nji chirhabagalikira. 21Alikw'echishwasi chiri nkechi chirhankarhenga buzira mahuno n'oku chishalisa.22Achiber'ali alambagir'omu Galilaya Yesu ababwira mpu: Mwen'omuntu ashinganene ahanwe omufune z'abantu; 23Nabo nji ba muyirha, n'okulusiku lwakasharhu nja fuka. Bagaya bwenene .24Babere bager'Ekapernaumu, abalemaga bajuhis'ago makoli mabiri bashimba Petero, bamubwira mpu: omukulu arha juhaga makoli mabiri? 25Aderha mpu nechi. babere baj'omunyumpa, Yesu arhangi babwira mpu: gurh'oganizize, Simoni? abami b'egulu banajuhis'ebarati chango ekoli oku bantu bachi, bonin'okubonine, chang'okubahisi(olwahanda).26Amubwira mpu: ab'olwahanda. na Yesu amushuza mpu: okuntyo omwan'arharhegekerwe. 27Aliko, rhumenye rhwankalema rhwabagayisa,(mwababuz'omurhula) gend'omunyanja nene, okabul'esibwe, orhang'oshwez'efi yayinj'oyishanjul'obunu, wabonam'olufuranga, olurhol'onaluhebo enyanya zani nawe.
181Mwebyo bisanzi, entumwa za yegerera Yesu za derha : Inde oli mukulu omu bwami bwa Nyamuzinda? 2Yesu, ahamagala omwana mudorho, amuheba omu kagarhi kabo, 3aderha mpu: Mbabwirir'okuli, akaba murhachichese na nka murhabere nk'abana badorho, murhakaj'omu bwami bw'empingu .4Che chirhumire oyinji chirhohya nk'oyu mwana mudorho njaba mukulu omu bwami bw'empingu. 5N'owunji wayegerez'omwana mudorh'oku zino lyani, anyengerez'enyenine. 6Aliko ery'omuntu akagayaguza muguma mw'aba badorho banyemere, kwaka bere kwinja ashwekerwe ebale ly'okusherwa omu gosi n'oku mukweba omu nyanja.7Buhanya bwe gulu enyanya y'oku gayaguza! bulala bishinganene oku gayaguza kubeho; aliko buhanya kola muntu njibwa hikira! 8Na kaba efune yawe eri okugulu kwawe kuli kuguma kwakarhuma wabul'omurhula oyiche ona yikwebe hale nawe; kuli kwinja kuwoyo okuja omu kalamo kw'obuzine, kulusha okuba n'amagulu mabiri n'amaboko mabiri n'oku kabulirwa omu mulliro gw'esiku n'amango.9Na kaba elisho lyawe lya karhuma wagoma, olikule onalikabule hale nawe; kulikwinja kuw'oyo okuja omu kalamo kw'obuzine, oherhe lisho liguma, kulusha okuba na mesho mabiri nji banakukabulire omu muliro gw'ekuzimu.10Muchilange okugayaguza muguma mwaba bana badorho; bulala mbabwire oku bamalaika babo bw'omu mpingu bagendekere okubona esiku zoshi obusu bwa Darha oli omu mpingu. 11Bulala mwene muntu ayinjaga kuchungula owaherere.12Kurhe mubwene? Nk'omuntu aherhe bibuzi egana, chiguma omubyo chihere, karhakaleka bilala galimwenda na mwenda oku ntondo, n'oku jilonza chilala chaherere? 13Neri akachibona, mbabwirire okuli, chinamulerhera obushagaluke kulusha bila galimwenda na mwenda garhaliherere. 14Kubinali, burhali bulonza bwa Darha oli omu mpingu oku muguma mwaba badorho ahere.15Na kaba mwene wenyu akagoma, ogende emund'ali, oyo naye yenine, eri aka kuyunva, eri wayungukire mwene wenyu. 16Eri akaba arha kuyunvirhe, rhola wenyu muguma changwa babiri, okubuzinda mu malise olo lubanja oku buhamirizi bw'abantu ba biri changwa basharhu.17Akalahira kubayunviriza, obubwire eshengero; na kalahira kuyunva eshengero, omu murhole nka mupagani eri munyabyaha.18Mbabwirire okuli, ngasi byoshi mwashweka oku gulu,nji byashwekwa omu mpingu, na ngasi byoshi mwashwekula oku gulu byashwekulwa omu mpingu. 19Kandi mbabwirire oku bantu babiri ahagarhi kenyu bakahuna akantu kwoshi kwoshi, bakahabwa na Darha oli omu mpingu. 20Bulala eri babiri changwa basharhu balihaguma okuzino lyani, nani naba omu kagarhi kabo .21Oku ntyo Petero amushegerera aderha: Nahano, kanga nakababalira mwene werhu, amango amangomera ? ka kali mushanvu ? 22Yesu amubwira: Nta kubwirire mpu oku kali mushanvu, s'aliko kali makumi gali mushanvu kali mushanvu.23Che chirhumire, obwami bw'empingu bushushanyizwe na mwami walonzaga okudosa abambali enyanya z'ebikulo byage. 24 Eri aba aliaganja, bamulerhera muguma wa limuherhe omwinda ( deni ) gwa bihumbi ekumi bya magerha. 25Okubona ntacho aliherhe akajuha, Nahamwabo arhegeka mpu aguzwe, yewe, na mukage, n'abana bage na byoshi aliherhe ly'omwinda guhwa.26Olala mwambali achikuba oku daho amuyinginga, n'okuderha: Nahano, omber'obonjo, njinakujuha byoshi. 27Oyo mwami amubera obonjo, amuleka agenda, ana babalira gula mwinda goshi.28Eri oyo mwambali ahuluka ashimana muguma w'omu bera bage walimuherhe omwinda gw'afuranga egana; amugwarha omugosi, n'oku mubwira: onjuhe eby'onkwanene. 29Oyo mwirawage achikuba oku daho, amushigirira n'oku derha: Ombere obonjo, njina kujuha.30Alik'oyo mwambali alahira, aJa kumukweba omu mpamiko kuhika amango njamujuha ebyalimushinganene. 31Berabage eri babona ebyabere, bagaya bwenene, bagenda kubwira olala Nahamwabo byoshi byagerere.32Nahamwabo ahamagala oyola mwambali, amubwira: Mwambali mubi, na kuberag'obonjo oku mwinda gwawe goshi bulala walinshigirire; 33chakarhuma orhaber'owenyu obonjo nk'okunani na kuberag'obonjo?34Nahamwabo agaya, amuha abamulibuza, kuhik'amango njajuha ogola mwinda goshi. 35Na ntyo ku Darha w'empingu nja bajira, akaba ngasi muguma mu mwabo arhababalire owabo n'omurhima goshi.
191Yesu aber'amamala enganiro; arhenga e Galilaya, aja omu Yudeya, eshiriza ly'e Yordani. 2Olubaga lunene lwamukulikira; afumya ho abalwala.3Abafarisayo bamushegerera, n'oku mubwira, yi bamurhega: Biyemererwe oku mulume kuhulusa mukage oku ngasi mwazi ? 4Yesu abashuza: ka Murhasomaga oku Lulema, oku murondere, ajiraga omulume n' omu kazi5 anaderha mpu : Che chirhumire omulume nj'alek'eshe na nyina, n'okuchishwekera ku mukage, n'abo bombi nji gwaba mubiri muguma? 6 Nantyo barhaka chiba babiri, si bakala mubiri muguma. Nta muntu ogwasize okulikanya echi Nyamuzinda ahebaga haguma.7Bulagurhe, bamubwira, Musa ayandikaga mpu ku kwanene okuh'omukazi amaruba gw'okulekana n'oku muhulusa? 8 Abashubiza: yali enyanya y'emirhima yenyu mizibu che charhumaga Musa abayemerera ntyo, s'aliko kurhenga omurhondero birhaliri ntyo. 9 Aliko mbabwirire oku ngasi yeshi nji walekana na mukage, arhali oku mpanvu y'obuhushi, n'okushaba owundi njaba eri amajira obuhushi.10Entumwa zage zamubwira mpu: akaba lye rhegeko lyo mulume eryo oku mukazi , nta kamaro kokushaba. 11Abashuza mpu: boshi barhayunvirhe ogu mwazi, aliko ku balala baguhabirwe. 12Bulala haliri abalamba barhengaga ntyo omunda ya banyina; hali n'abalamba bajirirwe ntyo n'abantu; hali n'abalamba bachijirire ntyo enyanya z'obwami bw'empingu. Owayunva ayunve.13Honaho bamulerhera abana badorho, mpu abalambulire kw' amaboko anabahunira. Aliko abigirizwa babashunika. 14Na Yesu ababwira mpu: muleke abana badorho, murhanabasikaga okuja emunda ndi; bulala obwami bw'empingu buli bwabo na balala babashushire. 15Abalambulira kw' amaboko, anarhenga yo.16Muntu muguma ashegerera Yesu, amubwira: Mwigiriza, bichi njirage binja yi mbona akalamo k'esiku n'amango? 17 Yesu amushuza mpu : Bichi birhumire wandosa oku biyekere obwinja ? Hali mwinja muguma yenyine. akaba olonzeze okuja omu kalamo okenge amarhegeko. Amubwira, mahe?18Na Yesu amushuza mpu : Orhahira okaniga; orhahira okahusha; orhahira okayiba, orhahira okabesha; 19okenge yisho na nyoko, osime omwalungwe wawe,nk'oko chisima.20Oyo musole amubwira : Ebyo byoshi mbiyinji; bichi bimbulire kandi ? 21Yesu amubwira : okalonza obe mushinganyanya, ogende, ojiguza ebyoherhe byoshi, obigabire abakene, nawe nji wabona obuhirhi omu mpingu; na buzinda waho yinja, onkulikire. 22 Abere ayunva eyo myazi, oyo muzana agenda agayire; bulala ali gwerhe bintu binene.23Yesu abwira entumwa zage : Mbabwirire okuli, bikomere oku mugale okuja omu bwami bw'empingu. 24Nshubire babwira, biri bilembu bwenene engamiya okusheshera omu chirhule ch'esindani, hali h'omugale okuja omu bwami bwa Nyamuzinda.25Entumwa , zayunvirhe ebyo, basomerwa bwenene n'okuderha: akaba ntyo nd'okwanene okuchunguka ? 26Yesu abalola, ababwira: oku bantu ebyola birhankagalika, aliko emwa Nyamuzinda byoshi bigalikene. 27Petero, arhola omwazi, amubwira: lola, rhwalekere byoshi, rhwakukulikira, bichi nji rhwabona ?28Yesu abashuza : Mbabwirire okuli, amango Mwene omuntu, njayikala oku ntebe y'obwami omu buhyahya bwa ngasi chintu, njayikala oku ntebe y'obukuze, mwe mwankulikire, nji mwayikala nenyu oku ntebe ekumi n'ebiri, n'okuchira olubanja elala milala ekumi n'ebiri y'obuko bw'e Israheli.29Na ngasi yeshi walekere bene babo, bali babo,eshe na nyina chango mukage, abana bage, amashwa, enju zage, enyanya zani nja habwa kaligana, n'okuyima omu kalamo k'esiku n'amango. 30Aliko banene bali boburhanzi nji baba bw'obuzinda, na banene baliri bw'obuzinda nji baba baburhanzi.
201Kula okuba obwami bw'empingu bushushene na nin'eshwa walamukiraga esezi kulonza abakozi bamuhingira omwishwa ly'emizabibu. 2Amango alaganyanya na bakozi oku lufuranga luguma omu zuba liguma abarhuma omwishwa lyage ly'emizabibu.3Ashubi genda s'esharhu abugana abayumangire busha omu chambu; 4Ababwira,muje nenyu omwishwa lyani ly'emizabibu nabalipa nenyu olufuranga,bajamo.5Bashubi genda saa ndarhu na saa mwenda ajira ntyo. 6Ashubi genda saa kumi na nguma,abona abandi bayumangire busha, ababwira mpu mwabo muyumangire busha hano ezuba lyoshi? 7Bamubwira: bulala nta muntu warhuhamagere oku mukolera, ababwira mpu nenyu munjire omwishwa ly' emizabibu.8Egolo lyabere nina eshwa abwira abemangizi bage, mpu muhamagale abakozi mbahe oluhembo lwabo, arhangirira oku wobuzinda kugera oku owarhonderaga. 9Amango ahamagalaga, abayinjaga saa kumi nanguma abaha lufuranga luguma luguma. 10Amango abarhonderaga babonaga ntyo, bamenya mpu bowe bahabwa zinene, nabo bahabwa lufuranga luguma luguma.11Namango bakamarhaga bagaya nin'eshwa. 12Baderha: abala bakolere saa ngoma yonyine yonyine, gurhe wakabaha kuguma nerhu,rhwerhwakolere ezuba lyoshi, rhwamakomerera ezuba likali n' omurhamo.13Naye ababwira, abashubiza,mpu bera bani ntabajirire kubi, rwalagananaga; ka rhurhalagananaga lufuranga luguma ? 14Rhola oluli lwawe ochigendere, nsimire okuha abola nabo luguma kuguma nawe.15Ka birhakwirire, nka hana ebyani oku ndonzeze? Changwa elisho lyawe lyandola kubi okuba najirire amenja? 16Intyo kw'omuzinda nj'aba mwambere, n' omwambere anaba wabuzinda.17Namango Yesu azamukiraga e Yerusalema agenda nabalala begirizwa bage ekumi nababiri bonine ababwira: 18Tala rhuje e Yerusalema, mwene omuntu ahebwa omu maboko g'abadahwa n'ag' Abandisi; nabo bamuchira echihano ch' okufa. 19Nabo bamuheba omu maboko g'abanya mahano, bamubonerera n'okumushurha n' okumuhanika, n'oku lusiku lwakasharhu anafulwa.20Lero nyina wabana ayinja n'abagala aha Yesu ali amuharamya,amuhema mwazi muguma. 21Amudosa mpu bichi walonza: Amushubiza mpu orhegeke abana bani abala babiri bakuje hofi muguma ekulyo n' owindi ekulembe omu bwami bwawe.22Aliko Yesu abashubiza, ababwira mpu murhamanyire ebimuli mwahema. Mwakagalinywa oku ngumbu nji nanywa? Baderha mpu nechi rhwakayinywa. 23Kubinali nji mwanywa kw'eyo ngumbu yani, aliko okuyikala omu kuboko kwani kwamalyo, n'okuboko kw'amalembe, ntaherhe obulenganjira okubaha aliko abanji bahabwa oko bali abo barheganyizwe na Darha. 24N' amango balala ekumi bayunvaga ntyo, balubira balala babiri.25Aliko Yesu abahamagala ababwira : Mumanyire oku abarhambo b'abantu babarhambula oku misi n' abakulu babo babakolesa. 26Aliko mwabo nji birhaba ntyo, owalonza abe mukulu mumwabo, abakolere. 27N'owakalonza okuba mwambere achijire muja w'ababo, 28Nka kulala mwene omuntu ayinjire arhali kukolerwa s' aliko kukolerana; n' okuhana akalamo kage kabe buchunguke bwa bantu banene.29Amango barhenga e Yeriko, echigusho chinene ch'abantu cha mukulikira.
31Olubaga lw' abantu lwabakalihira mpu basire, aliko bowe bahira omulenge enyanya baderha: Nahano orhubere obonjo mwene Daudi.32Yesu ayimanga, abahamagala, aderha: bichi mulonzeze mbajirire ? 33Bamubwira: Nahano amesho merhu mabone. 34Yesu ayunvira bwo obonjo abahuma oku mesho mabo, n' okuliguma babona, bamukulikira.
211Amango bagerag'eyerusalema, bachiger'Ebetafaje, engambo zomusozi gw'amalehe, Yesu arhuma ntumwa ebiri; azibwira, 2Muj'omuchishagala chir'embere zenyu,hamwashigan'Epunda n'omwana gwayo bishwekerwe mubishwekule mubinderhere.3 Hakajir'owabwir'echintu, mumushubiz'oku Nahan'abikenere, honaho anabishwekula byanagenda.4Nantyo ebyola byahikirga mpu y'ebyabalebi baderhaga biba.5 Mubwir'omwananyere w'eSiyoni:okomwamiwawe akuyinjire n'obututudu,aly'okupunda n'omwana gwayo.6Entumwa zayinja zajir'ebi Yesu azirhegekeraga.7 Balerh'Epunda n'omwana gwayo bazihirirekw'emyambaro yabo; ayi yikalako. 8Baguma bolo lubaga basas'emyambaro yab'okunjira, abandi baliri bachagulang'eshali n'okuzishandaz'omubarbara.9Abalir'embere n'abali kulikire Yesu bagenda bayimpa: Hosana mwene Daudi oyinjire Ali oku ndogomi. 10Amango ajaga eYerusalema cruising choshi chashakanya n'okuderha: ndoyu? 11Echigusho ch'abantu chashubiza mpu: Loyola ye Yesu mulebi w'eNazareti egalilaya.1412bo Yesu aj'omu kanyamuzinda ahig'abaliherhe baguza n'abaliherhe bagula omukanya Muzinda, akumbagaza ebichumbi byabaliri bakab'aguta, n'ebichumbi byabaliri benguku.13 Ababwira mpu: kuyandikirwe ntya: Enju yani ya derhwa inju y'okusalira, gurhe mwabo mwakayijira inju ya bezi.14 Empumi n'abamagulu gahunzize banishing omuka Nyamuzinda mpu abafumye.15Aliko abadahwa bakulu n'abakulu b'ehano babon'ebisomerene amajira, n'abana baliribajir'olwam'omuka Nyamuzinda baderha mpu: Aganze mwene Daudi. 16Banachimubwira mpu: Onayunvirh'ebil'abala balibaderha? Yesu abashubiza mpu: nechi, nkabaga ntamago mwachigerere soma aga mandiko omubunu banana badorho b'orhu bonjo?17 Obola abaleka arheng'omuchishaga achjir'Ebetaniya alalayo.18Esezi achigaluk'omuchishagala ayunv'enzara. 19Agerer'omunjira abon'omurhi gwamalehe, aja kugulamurhi; aliko ntacho agushi manireko ashimana bibabi byonyine, baderha: Orhahir'okayana lehe n'eliguma gula mulerhi gwayuma.20Entumwa, zichibona okola,zasomerwa zaderha mpu:Gurhe gula murhi gwamana yuma n'ezuba? 21Yesu ababwira mpu:kubinali mbabwirire,nkamwalimuherh'obuyemere burhaherh'engangane mwakajira nkebyo baberer'ogo murhi chiro njimbwir'omusozi mp:Rhenga ochi kabul'omunyanja ,okola kwaba. 22Nangasi choshi mwehun'omubuyemere, omumahuno mwehabwe.23Yesu achiger'omukanyamuzinda arhonder'okuyigiria; Abadahwa bakulu n'abakulu b'ehano bayinja, bamubaza mpu: Okubuhashe buchi ojiramo ebibyoshi? Nande wakuhag'obubuhashe? 24Yesu abashubiza ababwira mpu: Nani nababaza chibazo chiguma mukananshubiza, nani nababwira okubuhashebuchi njiramo ebi bintu.25Muyinji obubatizo bwa Yohana ngahe bwarhengaga? bwa rhengaga omumbingu chang'okubantu? Obola baja haguma barhonder'oku chi baza mpu: Rhukamubwir'okubwempingu naye ashubi rhubaza mpu: bichi byarhumaga murha chi muyemera? 26Kandi rhukaderha mpu emwa bantu, barhuyirha, bulala boshi bakazagi lola Yohana nka Mulebi. 27Ahola bashubiza Yesu, bamubwira mpu barhamenyere nabo;Nani ntaka babwir'okubuhashe buchi njir'ebyo byoshi.28Mubwirage gurhe mu bwene? Mulume mu guma aliherhe bagala babiri. Ambwira efula mp: zene genda ohing'omwishwa lyani.29Naye amushubiza aderha mpu: Ntalonza. Okubundi achi galu kako, agenda. 30Ashubishimb'owa kabiri amu bwira nkakulala abwir'owabo: Ayemera aderha: Namagenda Yagirwa. Aliko arhana chijagayo.31Inde mwabo bana bombi wa jirir'obulonza bweshe? bamu bwira: Omurhanzi. Yesu aba bwira: Mbabwirir'okunali:Abafurhis'ebarati n'abahushi njibarhang'omu bwami bwa Nyamunda. 32Bulala Yohana ajinjag'omunjir'okunali' murhana muymeraga. Abafurhis'ebarati n'abahushi bowe bamuyemera. Mwabo muchi bon'olo lwiganyo murha chigalukagako n'oku muyemera.33Yunvag'ogwindi mugani haliri mulume muguma mwimangizi wenju ahing'eshwa ly'emboko aliyumbakir'olugurhu anahir'omukenzi,anayumbaka mo munara ahalekera abahinzi aj,omu chindi chihugo. 34Amango go kushalula gahika. Arhum'abambali bag'emwa bahinzi baji shalula.35Abahinzi babere babona ntyo; baja kubala bambali, muguma bamu shurha, owindi bamuyirha n'owaka sharhu, bamu shurha ama bale. 36Ashubi rhum'abandi bambali banene kulusha, nabo babajira nkabarhanzi. 37Oku buzinda arhumirabo amugala, aderha mpu: Obola mwana wani bamukenga.38Abahinzi bachibon'omugala babwirana, enfula yage yayinjire, rhuyiyirhe, rhurhole obuchire bwage. 39Barhola ela enfula bamukabula eburhambi bw'eshwa n'okumu yirha.40Lero, amango nyineshwa njayinja,bichi njajirira balala ba hinzi? 41Bamushubiza mpu: njali buza abo bantu babi, njahira mwabandi bakozi bakazi muha bibshalulaga oku chihe chabyo.42Yesu abashu biza mpu: Murhageraga hamwa soma omunya ya kalembe okw'ebal'aba yumbaka bagayaga lyelyabere nkingi yenju. Ogu mwazi gu rhenger'emwaNahano nka bisomerene omumesho genyu?43Chechirhumire, mbabwirire: Mwanyegw'obwami bwa nyakasani, buhabwe abantu babu kwanene. 44Owe chikube kwelyola bale yevunike, n'eyilyerhogereko ye homboke.45Eyi bayusa kuyunva eyola migani, abadahwa bakulu n'Abafariyo bayunv'eyomigani bamenya mpu nkabaga boba derherwe. 46Amango balonzaga oku bamugwarhe, bayu bah'olubaga lunene bakagi mulola nka mulebi.
221Yesu ashubiderha echinwa omu mugani aderha: 2Obwami bw'empingu bushushire kuguma na mwami muguma wajirirag'omugal'obuhya. 3Arhum'abagaragu bage bahagale balala baliri bahamagalw'oku buhya, ch'aliko barhalonzaga kuyinja.4Ashuba rhum' abandi bagaragu mpu mubwire balala bahamagalw' oku narheganyiz'obuhya bwani, narheganyiz'enkavu zani zinja, n'ebirhungano byani byabagirw' enyanya ly'obuhya muyinje,mulye muchisimise.5S'aliko buzir'okuchilibuza ngasi muguma achijir'omubyage alonzeze, baguma bachijir'omumashwa gabo, abandi bachijira kugulisa oburhimbuzi bwabo. 6N'abandi bachikabula kubalala bagaragu, babakoromesa, banayirha bagum'omubo. 7Oyo mwami agaya arhuma abarungu bage bayirhe bilala binizi n'okuyosa echishala chabo.8Lero abwir'abambali bage, obuhya bukola burheganyizwe, s'aliko abahamagalwa barhaliho! 9Mugende omu mashanga njira muhamagale abantu boshi mwakashigana bayinje bachisimise oku buhya. 10Abambali bagend' omu njira bahir' abantu haguma bashimanaga, omu bukali n'omu bwinja echumbi ly'obuhya lyayunjul'abantu bahamagalwaga.11Mwami aj'omuchumbi ly'obuhya kulola bande bagwerhe balya, alangira muntu mugum' orhayamber' omushangi g'obuhya.12Amubwira, mwira wani gurhe wajire muno buhya orhanayamber'emyambaro y'obuhya? Oyo muntu abul'echakaderha ahumany'obunu bwage.13Ahola, Mwami abwir' abambali bage: mumushwek'amagulu n'amaboko, mumukabul' embug' omu mwizimya! Halal' aband'endulu n'okuhekenya amenyo.14Bulal'abahamagalwa bali banene chaliko abalondwerwe bali bageke.15Ahola, Abafarisayo bagenda kushambala omu kulonz'obulyo bakamugwarhira Yesu omu nderho zage. 16Babarhuma emund'ali, abambali babo haguma n'abambali ba Herode, baderha: Mwigiriza rhumenyer' ok'oli mushinganyanya, n'okoyigiriz' omwazi gwa Nyamuzinda omukunali, buzira kuyubah'omuntu yeshi, bulala orhalola shusho y'abantu.17Orhubwire nkaba bikwanene okufurh'ekoli emwa Kayizari changwa nanga?18Yesu amenya obwenge bwabo bubi ababwira: chichi chirhumire mwalonza ku ntangula mw'endyalya. 19Munyerek' olufuranga mufurha mw'ekoli,bamulerhera olufuranga lw'edinari.20Ababaza: yand'eyi shusho eyandikirw'aha? 21Bamushuza mpu ya Kayizari, ababwira muhe Kayizari ebya Kayizari Na Nyamuzinda ebya Nyamuzinda. 22Basomerwa n'ebibayunvirhe, barhenga bachigendera.23Olo lusiku lon'olo, Abasadukayo bakazagi derha mpu harhaba bufuke bwabafire, baj'emunda Yesu ali bamubaz'echo chibazo. 24Mwigiriza, Musa aderhaga: nk'omuntu akafa buzira kuburh'omwana mwene wabo arhole ola mukana agenderez'oluburho lwa mwene wabo wafaga.25Haliri bana mushanvu bandanguma Omurhanzi wabo ashab'omukazi nyamurhaban'afa buzira kuburha, alekera mudorho wage oyo mukazi. 26ko n'oko owakabiri nay'afa buzira kuburha, alekera mwene wabo wakasharhu ola mukazi bagenderera oku lekeran' oyo mukazi kuger'oku wa mushanvu naye afa buzira kuburha. 27Okubuzinda nyamukazi naye afa. 28Omubufuke nde mwabo mushanvu webe mulume wage? Bulala boshi balimurholere.29Yesu abashubiza, muli omu mabi, bulala murhamenyer'amandiko changw'obuhashe bwa Nyamuzinda. 30Bulal' omubufuke abantu barhakashabana, barhakarhola bakazi changw'abalume, s'alikw' abantu belame nka bamalayika ba Nyakasani omu mpingu.31Omubiloler' obufuke bwa bafu, nka murhasomaga ebi Nyakasani aderhere? 32Indi Nyamuzinda w'Abrahamu, Nyamuzinda wa Isaka, na Nyamuzinda wa Yakobo? Nyamuzinda ali Nyamuzinda wa bazene s'arhali Nyamuzinda wa bafire. 33Olubaga lwayunvag'enyigirizo zage basomerwa na Yesu.34Abafarisayo bayunvirhe gurhe asizaga Abasadukayo bachigusha haguma; 35Muguma omubo, mugula wamarhegeko amubaz' edoso; omu kumurhega. 36Mwigiriza lihe lyorhegeko likulu omu marhegeko?37Yesu amushubiza osime nawenyu Nyamuzinda wawe, n'omurhima gwawe goshi; n'obugumaguma bwawe boshi, n'obukengere bwawe boshi. 38Liri rhegeko ly'oburhanzi nalikulu omumarhegeko.39Talaga n'elyakabiri linashushire ne lirhanzi : wesime omuturanyi wawe nkokochisima wenine . 40M'obo burhegeke bubiri mw'omuyimangirwe kw'amarhegeko goshi n'abalebi41Bulal'abafarisayo baliri bachigushire haguma, Yesu ababaza, 42Aderha bichi mukengerer'enyanya za bemezi? Ali mwenende? bamushuza ali mwene Daudi.43Yesu ababwira: nkakula Daudi arhegekagwa na Muka, amuhamagala Nahano, amango aderhaga: 44Nahano abwira Nahano wani: yikal'omukulyo kwani, kuhika amango nahir'abashombanyi baw'eshishi y'olushando lwawe.45Nka Daudi amuhamagalaga Nahano, nkagurhe ali mugala? 46Ntaye wagalire ku mushubiza kw'echochinwa . Nakurheng;ololusiku ntamuntu wa chishubire ku mubaz'amadoso.
231Okuhandi Yesu, abwira echigusho n'abigirizwa bage, aderha: 2Abandisi n' Abafarisayo bayikere oku chichumbi cha Musa. 3Lero mukole n'okulola byoshi yi bababwira: Aliko murhakolaga nk'okubali bakola. Bulala banaderha barhanakola.4Yi bashana ebikunga bizidohere, n'oku bihira okubirhugo by'abantu, aliko bowe barhakabihumako n'emidoke yabo. 5Yi bakola emirimo yabo yoshi enyanya y'okulonza babonekane n'abantu. N'oku ntyo yi bayambala amagerha ( engisha), n'okuyushula ebishumiro by'emyambalo yabo.6Basima ahantu hembere omu buhya, n'okuyikala embere omu murhundu; 7basima balamuswe omu chambu, n'okuhamagalwa n'abantu rabi, rabi.8Aliko mwabo, murhakazagilonza babahamagala Rabi; bulala omwigiriza wenyu ali muguma, nenyu mweshi muli ba nda nguma. 9Nta muntu muhamagalage oku gulu mpu ye yisho; okubona oku Yisho ali muguma, oli omu mpingu. 10Murhachihamagalaga, bachirongozi, bulala chirongozi wenyu ali muguma, ye Kristu.11Owakaba mukulu omu mwabo njaba mukozi wenyu. 12Ngasi owakachizamula nji bamuyandagaza, na ngasi wakachiyandagaza nji bamuzamula.13Buhanya emwenyu mwe bandisi n' Abafarisayo, ndyalya ! Bulala munalahiza abantu obwami bw'empingu, nenyu murhanajamo, murhanaleka abalonzeze okuja mo baje mo. 14Muli ndyalya! Kubona oku yi mwalya eby'abakana n'okuhuna amahuno galehere; enyanya z'ebyo nji mwahanwa bwenene. 15Buhanya emwenyu bandisi n' Abafarisayo, ndyalya! Kubona oku yi mwagenda ebwa nyanja n'omu gulu lyoshi, enyanya y'okulonza muhindamule omuntu, na mukamala muhindamula mumujire mwana w'echihenama kubalusha.16Buhanya emwenyu, birongozi mpumi, muli mwaderha, oku, omuntu wakajira endahiro oku zino ly'eshengero, mpu nta buhaka; aliko owakalahira oku zino ly'ehoro z'omu shengero, eya chishwekere oku chilapo. 17Mwe binganyi n'empumi! Bichi bikulu bwenene, eri horo, changwa eshengero lya komyaga e horo?18Eri mwakaderha kandi, ok'omuntu wakahakana oku zino ly'olurhamba nta buhaka; aliko omuntu wakalahira oku zino ly'entulo eli enyanya w'olurhamba, achishwekere oku ndahiro. 19Ego mw'empumi , bichi bikulu kulusha, eri ntulo chango olurhamba lwa komyaga entulo?20Na mbona omuntu olahirira olurhamba, analulahira n'okulahira ebiri kwo byoshi; 21N'owalahira oku zino ly' eshengero, alahira oku shengero n'oku zino ly'olamire mo. 22N'olala wakalahira empingu, alahire entebe ya Nyamuzinda n'olala oyikere oku yo.23Buhanya bwenyu, bandisi n' Abafarisayo ndyalya! Bulala muli mwarhula echiguma ch'ekumi ch'emento, n'eneto, n' echimino, mugali leka n'ebya kamaro omu rhegeko, obushinganyanya, n'obonjo, n'okurhalyalihya: ebyo by'ebyalihemerwe bikolwe buzira kuleka ebindi byoshi. 24Birongozi mpumi, yi mwalibisya emigu n'okumira egamiya.25Buhanya bwenyu, bandisi n' Abafarisayo, ndyalya ! KUbona oku muli mwashuka emugongo gwe ngumbu n'embale, nabo omu nda muyunjwire obushambo, n'obudambi. 26Mufariyaso mpumi ! rhangw'oshuke omunda w'engumbu n'embale, mpu ly'ebiri emungongo nabyo bikoma.27Buhanya bwenyu bandisi n' Abafarisa, ndyalya ! kubona oku mushushire nka shinda eshigirw'eburhambi, ekwirire, ebonekene bwinja embuga, aliko omunda mubumbire mavuha n'emifu, n'ezinga lyabuli lubero. 28Nenyu ntyo kumunali, embuga mwanabonekana nka bashinganyanya, aliko omundalala zenyu mubumbir'obulyalya, na ngasi mabi.29Buhanya bwenyu bandisi n' abafarisayo, ndyalya ! Kubona oku yi mwayumbaka eshinda z' abalebi, n'okushiga entindiva z'abashinganyanya, 30n'okuderha mpu nka rhwewe rhwaliri ho amango ga badarha, rhurhankachihebere haguma nabo omu kushesha eshagama y'abalebi. 31Mwamachihamiriziza mwenyine oku muli bana b'abayirhaga abalebi.32Muyunjuzage olugero lwa Basho nenyu. 33Muli njoka, munali bana banjoka ! Gurhe nji mwafuma amalibuko m'echi chihenama?34Che chirhumire, mubone, mbarhumire abalebi, n'abanya bwenge, n'abandisi, banene babo mwabayirha n'oku balibuza, n'abandi mw'abashurha emizareti omu mirhundu yenyu, n'oku bashandaza chishagala oku chishagala. 35Mpu limuheswa ngasi shagama y'abashinganyanya bayirhwa kuno gulu, kurhenga oku shagama ya Abeli muchesibwa, kuger'oku shagama ya Zekariya, mwene Barakiya, mwayirhiraga omu shengero embere z'olurhamba. 36Okuli mbabwirire eyi myazi yoshi nji yaja oku rhwe ly'ogu mulala.37Ego Yerusalema, Yerusalema, yi wayirha abalebi n'oku bashurha amabale, ngasi kubarhuma emwawe, kanga nalonzeze okugusha abana bawe, kula engoko egusha orhurhulage rhwayo omu byubi, murhanalonzaga. 38Mulole kw'enju yenyu njiyalekwa butambara. 39Ch'echirhumire mbabwirire, murhakachimbonako chiro, kugerera amango mwaderha: Agishwe oyu oyinjire oku zino lya Nahano !
241Yesu arheng'omu shengero, achigendera, abegirizwa bage bamuyereka obumbake bw'eshegero. 2Ababwira: ka mubwen'ebibyoshi? Mbabwirir'oku binali, harhakayorh'ebale oku lindi lirhahenyezwe.3Ayikala oku musozi gw'e Mizeyituni. Abegirizwa bage bamugendera bonyine bamubwira: Orhubwire mangochi ebila byaba nachichi chimanyiso ch'okuyinja kwawe n'echobuzinda bw'egulu? 4Yesu abashubiz'ababwira: Mulole nji mwakarhebekwa n'omuntu. 5Bulala banene nji bayinja oku zino lyani n'okuderha: Nyono nye Kristu; nji barhebek'abantu banene.6Nji mwayunva baderha engani y'entambala n'okuderhwa kw'entambala; mulole murhayubahaga bulala nji byahika; alik'obuzinda burhaza hika. 7Echihugo nji chalwa n'echindi n'obwami nji bwalwa n'obwami nji haba hantu hanene enzara n'emisisi y'egulu. 8Ebibyoshi nji gwaba murhondero gw'amalumwa.9Nantyo nji babahan'oku malibuko, nanji babayirha; na nji mwashombwa n'abantu boshi enyanya ly'ezino lyani. 10Nantyo banene nji basirhala n'okulegana n'okushombana. 11N'abalebi banene b'obubeshi nji bayimanga n'okurhebeka bantu banene.12Nabulal'obubi nji bwaluga, obuzigire bw'abantu banene nji bwakeha. 13Alik'owunji walembera kuger'okubuzinda nj'achunguka. 14N'ogu Mwazi Gwinja g'obwami nji gwayigirizw'omw'igulu lyoshi gube buhamiriz'oku bantu boshi; n'enyuma zah'obuzinda bwana hika.15N'amango mwabon'obubi bugayisize bwalebagwa n'omulebi Danyeri bukayinj'ahantu hachesebwa ( olal'oliwasoma ahir'omwirhe),16N'abola bali e Yudeya balibirhir'oku misozi; 17N'oli oku nju arhayandalaga kurhol'ehintu omu nju; 18N'oli omwishwa arhagalukaga kurhol'emyambalo yage.19Alako buli buhanya oku bakazi bali bukule, n'ali bayons'ezo siku! 20Muheme oku libirha kwenyu nji kurhabaga ebihe by'emboho, chang'olusiku lw'e Sabato; 21bulala nji hab'amalibuko manene, okuntu birhasagiba kurheng'egulu lilemwa, chiro birhakanachiba. 22Nank'esiku arhazikehyaga nta muntu wankachungukire; alik'ezo siku za kehezw'enyanya z'abalondwerwe.23N'amang'omuntu njo babwira: Talag'oku Kristu ali hano changw'erira; murhayemeraga. 24Bulala bakristu banene bw'obubeshi nji bayimaga, n'abalebi bw'obubeshi nabo nji bayerekan'ebimanyiso bikulu n'ebisomezo nankabyakashoboka barhebek'abalondwerwe. 25Talag'oku namalire kubahanul'embere.26Nantyo, eri bakababwira mpu ali omwirungu, murhajagayo, mpu ali omu busika murhayemeraga. 27Bulala nkakul'omubaraganyo gurhenga ebushoshokero bw'ezuba gubonekan'emaluhukiro; nantyo oku yinja kwa Mwen'Omuntu nji kwaba. 28Bulal'ah'omufu gulyamire, hebinyunda bilundikana.29Alik'okuliguma obuzinda bwamalibuko, ezuba nji lyaba mwizimya, n'omwezi nji gurhakoleza, n'enyenyezi nji zamanuka kurheng'empingu n'emisi y'empingu nji yadirhimana;30Nantyo, echimanyiso cha Mwen'Omuntu nji chabonekan'omu mpingu; n'ebihugo byoshi by'omw'igulu njibyalaka, Nabo nji babona Mwen'Omuntu amanuka arheng'omu bichu by'empingu haguma n'emisi n'obukuze bwage bunene. 31Naye nj'arhuma bamalayika bage n'omulenge gunene g'omushekera nabo nji bahira haguma abalondwerwe kurhenga mpand'ene z'egulu.32Muchiyigirize ogu mugani g'omurhi: amango omurhabi gwage eyigushisha n'oku lerh'ebibabi, mwanameny'okw'amango g'ezuba likali gali hofi; 33nenyu ntyo hano mubon'ebyo byoshi mumanye okw'ali hofi chiro n'oku lunvi.34Okuli mbabwirir'okunali eri burha lirhakagera neyi myazi erhahikire. 35Empingu n'egulu nji byagera alik'emyazi yani erhakagera.36aliko nta muntu oyinji emyazi y'olo lusiku changw'ako akachanji chiro na bamalayika bali mpingu chiro n'Omwana chi Darha yenyine.37Bulala nk'oku byabaga oku siku za Nuhu, nantyo kunji byaba omu kugaluka kwa Mwen'Omuntu. 38Bulala nka mwezo siku embere z'echihonzi balemaga balya n'oku nywa, bashaba n'okushabwa, kuger'olusiku Nuhu ajag'omunkuge, 39Nabo barhamenyag'olusiku echihonzi chayinjaga n'oku bamalisa boshi; Nantyo kunji byaba olusiku lwa Mwen'Omuntu.40N'obola bantu babiri nji bab'omwishwa, mugum'arholwe n'owindi anayorha; 41bakazi babiri nji baba balibasha; muguma njarholwa n'owindi anayorha. 42Aliko mulole bulala murhenji olusiku Nawenyu njahika.43Aliko mumanye ogu mwazi, nkanin'enju amenyeg'amangw'echishambo chankayinja akalangire arhakalere nju yage yarhulwa. 44Okuntyo muchirhegule bulal'omu kachanji murhamenyire Mwen'omuntu anayinja.45Kand'inde oli muja mushinganyanya n'owobwenge, nahamwabo amulekere enyanya z'enju yage, okuh'abantu ebiryo oku kachanji kabo. 46Liri ragi lyoyo muja nawabo nja shimana aly'akola akasi kage bwinja. 47Okuli mbabwirire mwabo, nja mujira murhambo w'ebintu byage byoshi.48Alik'ola muja mubi anaderh'omu murhima gwage: mpu nahamwerhu alegamire; 49Anarhonder'okushurh'ababo baja n'okulya n'okunywa haguma nabarhamizi;50Nahano woyo muja nja yinj'olusiku n'akachanji arhenji, 51nja namucha bichirabichira, n'omuhirir'oluhembo haguma nabahwinja, eyomunda nji kwaba kulira n'okuhekeny'amenyo.
251Obwami bw'empingu nji bwashusha babikir'ekumi barholag'amatara gabo mpu babugane muhya mulume. 2Barhano babo baliri bahwinja na barhano baliri benge. 3Abahwinja barhol'amatara gabo barharholag'ebitoroli; 4alik' abenge barhol'amatara n'ebitoroli.5Muhya mulume abere alegama boshi basindagana balyama. 6Omu garhi k'obudufu habolwamo; Tala muhya mulume muji muyakira!7Abo banyere bazuka, barheganya amatara gabo. 8Abahwinja babwira abenge, murhuhe oku mavurha, bulala amatara gerhu gazimire. 9Abenge bashuza: Nanga, garhali ganene ga karhuyenera nenyu, mugende emwa barhimbuzi, muchigulire.10Babere bagenda kungula, muhya mulume ayinja; balala bachirheganyize baj'omunju y'obuhya, olunvi lwachingwa.11Buzinda bala bandi babikira bayinja baderha: Nahano, Nahano, orhuchingulire. 12aliko ashubiza: Okuli mbabwire, ntabayinji. 13Muyirize bulala murhenji olusiku n'akachanji.14Bulala nji byaba nka mulume muguma wabalamag'ahamagal' abakozi bage bah'ebikulo byage. 15Aha muguma Talanta erhano, owindi ebiri n'owagasharhu nguma ngasi muguma oku buhashe bwage agenda. 16Hon'aho wahabwag'erhano agenda azichuruza ayunguka zindi erhano.17Konoko owahabwaga ebiri azichuruza abona zindi ebiri. 18Olala wahabwaga nguma ahumb'edaho abisha mwe talanta ya Nahano.19Enyuma wa siku zinene Nahamwabo agaluka, akol'oluganjo haguma nabo. 20Owahabwaga talant' erhano ayinj'aherhe zind'erhano, aderha: tala nayungukire zindi erhano. 21Nahono amubwira kwinja mukozi mwinja mwemezi: waliri mwemezi oku bigeke; naguha binene; Oj'omu bushagaluke bwa Nahamwenyu.22Owahabwaga talant' ebiri ayinja, aderha: Nahano, Wampaga talanta ebiri nayungukire zindi ebiri. 23Nahamwabo amubwira: bwinja, mukozi mwinja w'omwemezi: waliri mwemezi oku bigeke. naguha binene; oj'omushagaluke bwa Nahamwenyu.24Owahabwaga Talanta nguma yonine ayinj'aderha: Nahano, nakubwen'okoba muntu mudarhi, onashalul'ahorharhweraga, onalund'ahorhashandazaga; 25nayubaha, najibish'etalanta yawe omu budaka; rhol'ebiri byawe.26Aliko Nahamwabo amubwira: mukozi mubi w'omolokazi, wamany'oku nashalul' ahantarhweraga n'oku lund' ahantashandazaga; 27Byali guhunir'okuheb'etalanta yani oku bahinduzi b'efuranga, eri ngaluka nanarhol'olwani n'obunguke.28Mumunyeg'eyo talanta, muyiherez'oherh'ekumi. 29Buno bah'ogwerhe, anaba na binene, alik'orhaherhe bamunyege n'echaherhe. 30N'oyo mukozi arhagwerhe kamaro, mumukwebe omumuzimya gw'embuga, eyo kwaba kulaka n'okuhekeny'amenyo.31Amango mwen'omuntu ayinj'omubukuze bwage na bamalayika boshi, nj'ayikala oku ntembe yage y'obukuze. 32Amahanga goshi nja mahira hagum'embere zage nj'agabanya kul'omungere agabany'ebibuzi n'empene. 33Nj'ahir'ebibuzi oku malyo, n'empene oku malembe.34Mwami nj'abwir'abali oku malyo: Muyinje mwe mwagishirwe na Darha; muyim'omubwami mwarheganyizwaga kurheng'okulemwa kw'egulu. 35Buno nali shali mwampa ebinalya; naliri nyorha mwamp'echokunywa; naliri muhisi mwanyegereza. 36Naliri butambara, mwanyambisa; naliri mulwala, mwayinji ndola, naliri mushwekwa, mwanshegerera.37Abenja nji bamushubiza: Nahano, mangochi rhwakubonag'oshalikire, rhwaguh'ebyokulya; olinyorha rhwakunywesa? 38Mangochi rhwakubonaga muhisi rhwa kuyegereza; butambara rhwakuyambisa? 39Mangochi rhwakubonaga mulwala, mushwekwa, rhwakushegerera? 40Na Mwami abashubiza mbabwirir'okuli, byoshi mwajirire balumuna bani badorho, nyimwajirire.41Buzinda nj'abwira bali omu kulembe; murheng'embere zani mwe mwakomerwe; muj'omu muliro gw'esiku n'amango gwarheganyizwe oku Lyangombe n'abazimu bage. 42bulala naliri shali murhampag'eby'okulya; naliri nyorha murhanywesaga; 43naliri muhisi murhanyegerezaga; naliri butambara murhanyambisaga; naliri mulwala na mushwekwa, murhantangulaga.44Nabo nji bashubiza: Nahano, mangochi rhwakubonaga oli shali, chag'oli nyorha, chango muhisi, chango butambara, changwa mulwala, changwa mushwekwa, rhurhana kurhabalaga? 45Nj'abashubiza: mbabwirir'okuli, amango goshi murharhabalag'aba badorho, nyono nyimurharhabalaga. 46Nabo nji baj'omu burhindibuke bw'esiku n'amango, aliko ab'okuli omu kalamo k'esiku n'amango.
261 Eri Yesu amalisa kuderh'emyazi yage, abwir'entumwa zage. 2Mumanyir'oku Pasaka ab'enyuma wa siku ebiri, n'oku mwen'omuntu ahanwa alibuzwe.3Oku ntyo, abadahwa bakulu n'abajinji bolubaga bajir'embuganan'omumbuga z'omudahwa mukulu oyirikwa Kayafa; 4Banahik'omubulyo bokugwarha Yesu omubwenge n'okumuyirhisa. 5Aliko baderha: Garhabaga mango gw'olusiku lukulu ly'akavulindi karhakaba omu bantu.6Obo Yesu aliri Ebetaniya omu mwa Simoni, omubenzibenzi, 7Mukazi muguma amushegerera, afumbarhir'ehikebo hyaliri mw'amarashi gengulo nene, namango alemag'alya, amushiga amavurh'okwirhwe. 8Entumwa zabwen'intyo, za hihima za naderha: Bichi bahezeze kwaga malashi? 9gankanguzizwe gagabirwe abakene.10Eri Yesu achikebwa, ababwira: bichi birhumire mwagaya oyu mukazi? Ajirir'echijiro chinja; 11Bulala muyorha muli n'abakene, si murhayorha nani.12 Owashigag'amalashi oku mubiri gwani, omukurhegany'olufu lwani. 13Babwira okuli, ngasi hoshi ogu mwazi gw'obuholo nji gwayigirizwa, omugulu lyoshi, nji baganula, nji bayibuk'oyu mukazi ne byagiraga.14Lero muguma mubal'ekumi na babiri, oyirikwa Yuda eskariote ashimb'abadawa bakulu, 15Anaderha mpu: Bichi mwampa yinyinja bahereza ye? Bamuhereza bicheri makumi masharhu g'efuranga. 16Kurheng'ago mango, akazi lonz'obulyo bw'okuhana Yesu.17Olusiku lurhanzi lw'emigati erhagagire, entumwa za shimba Yesu, kumubwira mpu: gurh'olonzeze rhukurhaganyiz'eshego ya Pasaka? 18Ashuza mpu: Muj'omuchishagala aha mwa lebe, munamubwire mpu: Omwigiriza aderhe ntya: Akasanzi kani kali hofi; najira Pasaka ahamwawe haguma na baganda bani. 19Abaganda bajira nk'oku Yesu abarhegekaga, banarheganya Pasaka.20Lyaber'egolo, ayikal'okumeza haguma n'abal'ekumi na babiri. 21Babere bali balya aderha mpu: okuli mbabwirire, muguma mumwab'ayinja mpana. 22Bagaya bwenene na ngasi muguma ayinj'amubwira mpu: Nka nyono Waliha?23Abashubiza mpu: Owahuma oku mbale haguma nani, yewayinji mpana. 24Mwen'omuntu achigendera kushimbana n'ebimuyandikirwe. Aliko buli buhanya oku wahana mwen'omuntu! Kwakabere kwinja oyo muntu arhaburhwaga. 25owamuhanaga, orhol'oluhya aderha mpu: Nkanyono muhanyi? Yesu amushubiza: Wederhere ko.26Babere bali balya; Yesu arhol'omugati, n'enyuma zo kuvug'omonkwa, aguchamo, aguh'entumwa zage aderha: Murhole, mulye, ogu guli mubiri gwani27Ashubirhol'engumbu n'enyuma y'okuvug'omonkwa, ayihabo aderha: Munyweko mweshi; 28Bulala eri shagama yani, shagama y'echihango, yasheshekal'enyanya zenyu, omukubabalirwa kw'ebyaha. 29Mbabwire: Ntakachinywa kwelyolehe ly'omuzabibu, kuhika olusiku nji nashubi linywa buhyahya haguma nenyu omu bwami bwa darha.30Babere bamaliyimpa baj'okuntondo(musozi) ye Mizeyituni. 31ababawira, omubudufu bwazene, nababera mweshi, njira y'okukumbagala; bulala biyandikirwe mpu: Nji nashurha lungeri n'ebibuzi byobuso byanashandala. 32Aliko hanomba na mafuuka, nji nabarhanga Egalileya.33Petero arhola omwazi, aderha: Hano mbera abandi enjira y'okukumbagala, nyon'orhayimbera chiro n'ehityu. 34Yesu amubwira: Nkubwirere okuli, oluhazi lwabika, mubuno budufu eri wamampakana kasharhu. 35Petero amushubiza: Ntaka kuhakana, chiro kwaba kufa haguma nawe ntaka kuhakana. Nabigirizwa boshi baderha ntyo.36Haliri enyanya, Yesu agenda haguma nabo ahantu hahamagalwa Gestemani abwir'abigirizwa bage: muyikale hano, okunanachichunda mpeme Nyamuzinda. 37Arhola Petero nabene Zebedeo babiri arhonder'okuyunva oburhe na maganya. 38Ababwira: Omurhima gwani gwagayire kuhika okufa; mubere hano, muyirize haguma nani.39Achichunda ntambo zigek'embere, achijugunya okumalanga, ahema ntya: Darha, ongezez'echi eyingumbu akaba byakagalika! saliko kurhabaga kulonza kwani sikube kulonza kwawe. 40aja emund'abegirizwa bali, ababugana bajir'ero, abwira Petero: murha yirize chiro haguma nani! 41Muyirize mu naheme Nyamuzinda, yi murharhogera omu marhangulo, omuka gufumbire, salik'omubiri guzambire.42Ashubi chichunda obwakabiri, anahema ntya: Darha, akaba birhakagalika eyi ngumbu egere ntanayinywere, okulonza kwawe kujirike! 43Ashuba galuka, abugana kandi balyamire; bulal'amesho gabo galizidohere n'ero. 44Abaleka kandi, ajihuna obwakasharhu, ey'anaderha ebyo binwa byenebyo.45Ashubi ja emunda abigirizwa bali ababwira: mulyame muhumuke! Tala oku akasanzi kali hofi, na mwen'omuntu ahanirwe omu maboko gabanyabyaha. 46Muyumuke, rhugenda; tala, owampana ayinjire.47Oku Yesu anachiri aderha, babona Yuda muguma wabalal'ekumi na babiri ayinjira haguma n'olubaga lunene baherh'ebyoji n'orhurhi, barhumirwe n'abadahwa bakulu na bashamuka bolubaga. 48Oyo wamuhanaga abag'aherebo echimenyiso: Mp'olala nakahobera eri yoyo, mumufarhe.49Agera aha Yesu ali, aderha: Mahyo, Rabi, amuhobera. 50Yesu amubwira: Mwira wani, ebiwayinjaga jira, obijire. Ntyo kwabo bantu bayinja bahira Yesu fune, bamufarha.51Ntyo kumuguma mwabo baliri na Yesu, ashoshola omupanga gwage, alambula okuboko kwage ashurha mwambali w'omudahwa mukulu, anamuch'okurhwiri. 52Yesu amubwira: galul'omupanga ahagubera; bulala ngasi oyirha oki mupanga nj'afa okumupanga.53Omanyire oku nta yakuza Darha,antumir'engbo zirhalukir'ekumi n'ebiri zabamalaika? 54Gurhe amandiko, gaderher'ebi nji gahikirira?55Mwak'okashanji Yesu abwir'olubaga: Mwayinjaga nfarha nkandi nkola maligo, haguma n'ebyoje n'orhurhi. Nalamire esiku zoshi haguma nenyu, ndinayigiriz'omushengero, murhanafarhaga . 56Aliko ebyo byoshi byahikire mpu ly'amandiko ga balebi gahikirira. Ntyo kwabigirizwa bamulekere boshi, bayaka.57Abafarhaga Yesu, bamuhek'emwa Kayafa mudahwa mukulu emund'abandishi na bashamuka baliri omuhano. 58Petero amukulikira n'okuchiyeguza kugera omu mulango gw'omudahwa mukulu, ajamo, ayikala haguma nabakozi n'okulola okwebyo byahwa.59Abadahwa bakulu n'ehano lyoshi ly'abashamuka balonz'obuhamirizi bubi bashwekera ku Yesu, bokumuyirhisa. 60Aliko ntabo babwene, chiro abahamirizi banene b'obubeshi bachiyereka, okubuzinda, hayinja babiri, baderha: 61Oyula aderhaga, mpu: Nakashanda akanyamuzinda, n'okushubi kayumbaka omu siku esharhu.62Omudahwa mukulu ayumuka, amubwira: Ntacho washuza? chichi ababalume yi bakuhesa? 63Yesu achisirira. N'omudahwa mukulu, arhol'omwazi amubwira: Nkulapisize, okuzino lya Nyamuzinda olamire, orhubwire akaba woyo we Kristu, Mugala wa Nyamuzinda. 64Yesu amushubiza, waderhereko, kandi, nshubiri babwira, kurhenga ntya, mwabona mwen'omuntu ayiker'ekulyo okubuhashe bwa Nyamuzinda, n'okuyinj'omubichu by'empingu.65Omudahwa mukulu eri ayunva ntyo aber'emishangi yage aderha: Agomere! chichi rhwachilonzez'obuhamiriza? Murhayunvirhe mweshi obugomi bwage. 66Gurhe mubwene? bashubiza , baderha: Akwanen'ogufa.67Bamuchira omu mesho, n'okumushurh'ebigalo; n'ebifundo, n'okuderha: 68We Kristu, orhubere, inde okushurhire!69Petero aber'ayiker'embuga omulugo, mujanyere mugum'amuyeger'amubwira: Nawe waliri haguma na Yesu w'Egalilaya. 70Aliko Petero amulahira omu bantu boshi n'okuderha: Ntenji echolonzeze okuderha.71Abere ali aj'ebwamulango, owindi mukozi amubona, abwir'abaliri aho: Oyu naye aliri haguma na Yesu we Nazareti. 72Ashuba mulahira n'echilapo: Ntenji oyu mulume.73Okubuzinda, abaliri aho bayegerera Petro, bamubwira, kubinali, oli mugumwa wa balira bantu nawe, bulala oluderho lwawe lwa kuyerekene . 74Ntyo ku Petero alemere akaga n'endahiro: Ntenji oyu muntu. Honah'oluhazi lwabika. 75Petero ayibuka omwazi Yesu aderhaga: Ember'oluhazi lubike, nji wandahira kasharhu. Ahuluka, alaka bwenene.
271Bwabere bwacha sezi, abakulu b'eshengero haguma n'abagula b'olubaga, baj'omu ndagano y'okuyirha Yesu. 2Babere bamala kumushweka, bamuhek'emw'omurhegesi Pilato.3Yuda aber'abona bamushwekere ahungama, agalul'efuranga makumi masharhu bamuhaga , 4Aderha: Najirir'echaha ch'okuhana eshagama echere. Nabo bashubiza ntya: bichi ebyo birhumalire? Ebyo bikulolere. 5Yuda akabula ezo furanga omu shengero, aji chimanika.6Abakulu b'eshengero bazirhola, baderha ntya: zirhakwanene okuja omu shaho echere, bulala eri ngulo y'eshagama. 7Bayunvikana oku bazigul'eshwa ly'omubumbi libe lya kuhamba mw'abalambagizi. 8Baliyirika shwa ly'eshagama guhika z'ene.9Ler'omwazi omulebi Yeremiya aderhaga gwahikirira, guderhe ntya: Barhola bichira makumi masharhu by'efuranga nka luganjo lw'engulo abana b'e Israeli bachiranaga, 10bazigula eshwa ly'omubumbi, nkoku Nahano ana ntegekaga.11Yesu ahekwa embere z'omurhegesi Pilato, n'omurhegesi amudosa, ntya: ka we mwami w'Abayahudi? Yesu amushubiza: w'ederhe ko. 12Aliko ntacho ashubize abadahwa bakulu na bagula eri bamusidaka. 13Na ntyo, Pilato amudosa: k'orhali wayunv'ebi byoshi bakusidakire? 14Yesu achisirira, arhashuzaga chichi. Omurhegesi Pilato asomerwa bwenene.15Ngasi lusiku luku, baliherh'engeso, omurhegesi abashokolere omushwekwa muguma, ey'olubaga lwachishogere. 16Baliherhe mushwekwa muguma omanyikene mpu, ye Baraba.17Ene bali omu chigusho cha boshi, Pilato ababwira, ntya: Mulonzeze mbashwekulire nde, Baraba eri Yesu Kristu? 18Bunola alimanyire oku bwongwa bamusidakire. 19Pilato abere ayiker'omu ntebe y'emanja, mukage amurhumir'entumwa: Orhabaga n'omwazi k'oyu muchesibwa; zene budufu, nalibukire bwenene enyanya zage omu bilorho.20Abakulu bashengero n'abagula bahir'olubaga mw'amashumi, mpu baheme Baraba ashwekulwe balibuze Yesu. 21Omurhegesi abadosa, ababwira ntya: mw' abala bombi , nde mulonzeze nshwekule? Baderha: Baraba. 22Pilato ababwira ntya: gurhe njirage Yesu Kristu? Boshi bashuza : Abambwe!23Omurhegesi aderha: Aliko bubi buchi ajirire? Bayama bwenene: akwanene abambwe! 24Pilato, abon'okwagabirwe, ery'abantu bamajira olwamo lunene, arhol'amenji, amakalaba embere zabo, aderha: Ntaherh'echibazo ch'eshagama yoyu omuchere. Ebyola bibalolere mwenine.25Olubaga loshi lwayama: eshagama yage eb'enyanya zerhu n'abana berhu! 26Nantyo Pilato abashwekulira Baraba; n'eri amala shurhisa Yesu emizereti, amuhana mpu abambwe.27Enfola miherho z'omurhegesi, zaheka Yesu omu ngombe, n'eguku lyoshi ly' enfola miherho lya mugorha. 28Bamuhogola emishangi yage, banamuyambisa echishuli ch'omuduku. 29Baluka eshungwe ly'emishaki, bamuyambisalyo omurhwe, banamuhira olusheke omu fune y'amalyo; baja bafukama embere zage, bamushekera, baderha: rhwalamusize, mwami w'Aba yahudi !30Banamuchirako, barhola lulala lusheke, bamushurhalo omwirhwe. 31Bamuchinaguza ntyo, bamuhogola chilala chishuli, bamuyambisa emishangi yage, baja muhanika.32Ene bagenda, babugana muntu muguma w'Ekurene, mpu ye Simoni, bamuseza aheke omusalaba gwa Yesu. 33Bahika ahantu baderha Goligota, mpu ly'evuha ly'erhwe, 34Bamuha amavu gali mw'endulu mpw'amaywe; aliko, eri amamimako, amalahira.35Bamalire kumurhindibuza, bagaban'emyambaro yage, bayisharhir'esimbi, mpu, ly'omwazi gwaderhagwa n'omulebi guhikirira, guderhere: bagabana emyambaro yani, banasharhir'esimbi olubindo lyani. 36Bayikala, banamulanga . 37Baheba enyanya w'erhwe lyage, ebirego biyandikirwe ntya : Oyu Yesu Mwami wa Bayahudi.38Mwago mango bishambo bibiri byalihanikirwe haguma naye, muguma ekulyo n'owindi okulembe kwage. 39Abalambagizi bageraga mw'eyo njira bamu jachira, badunda amarhwe gabo, 40baderha: we washand'eshengero oku lusiku luguma, n'okuliyumbaka omu siku esharhu, chi chungulaga wenyine ! Akaba oli mwene Nyamuzinda, chikula kw'ogo mulingoti (musalaba).41Abakulu babadahwa, haguma na bandisi na bashamuka, nabo bamushekera, n'okuderha: 42Achungulaga abandi, arhakanagali kuchichungula yenyine! Akaba Ye nali mwami waba Israeli, ajag'arhenga kw'ogu musalaba, rhwana muyemera.43Ayemerere Nyamuzinda ; ajag'amukulaho, akab'amusimire. Bulal'aderhaga: mpu, ndi mwene Nyamuzinda. 44Ebishambo, byalibuzagwa haguma naye, nabyo bya mujachira kuguma nabo.45Gurhenga saa ndarhu kuhika saa mwenda, omwizimya gwab'omu gulu lyoshi. 46Yabere yaba saa mwenda, Yesu alak'oku mulenge gunene, aderha : Eloi, Eloi,lama saba kitani? kw'okuderha : Nyamuzinda wani, Nyamuzinda wani, gurhe wakandeka? 47Baguma baliyimangireho, eri bayunva ntyo, baderha : Oyu muntu ly'ahamagala Eliya.48Honaho, muguma wabo alibirha kurhola ehikuzo, ahiyunjuza enkala, ahiheba oku lusheke, amunywesa. 49Aliko abandi baderha : Leka, rhulole akaba Eliya ayinji kumuchungula. 50Yesu ashubi banda endulu bwenene, afa.51Ntyo, omushangi gw'eshengero gwabereka bisharhe bibiri, kurheng'enyanya kuhik'eshishi, egulu lyadirhimana, ebirimbi byabereka, 52eshinda za chinguka, emibiri minene ya bachesibwa bafire ya fuka. 53Barhenga omu shinda eri Yesu aba amafuka, baj'omu Yerusalemu ntakatifu, banabonekera bantu banene.54Enfol'emiherho n'abandi bantu baliri haguma naye mpu balanga Yesu, amango babonaga ogo musisi gw'egulu n'ebyajirikaga, bayubaha bwenene, baderha: Kubinali, oyu muntu aliri mwene Nyamuzinda. 55Na bakazi banene baliry'aho, bahenguza, bayimangira hale; balala bamukoleraga kurheng'e Galilaya, 56omu garhi Kabo haliri Mariya Magdalena, na Mariya nina wa Yakobo na Yozefu , na nina wa bene Zebedayo.57Lyabere egolo, mugale muguma w'e Arimatayo ayinja, ezino lyage ye Yosefu, naye aliri mwigirizwa wa Yesu. 58Oyo muntu ashimba Pilato, amuhun'omubiri gwa Yesu. Pilato arhegeka mpu bamuhego.59Yosefu agurhola aguzingir'omu mushangi gwinja gw'omweru, 60aguhek'omu shinda yage mpyahya, abaga ahumbire omu bale. Ahirakw'ebale emalangambere g'eshinda ya Yesu, anachigendera . 61Mariya Magadalena aliri aho n'owindi Mariya, bayikala emalangambere g'eshinda.62Buch'esezi, olusiku lwa kulikiraga amarheganyo, abakulu babadahwa na Bafarisayo bagenda haguma emwa Pilato, 63baderha: Nahano, rhuyibukire oku oyu mubeshi aderhaga, amango ali chiririho mpu: enyuma wa siku esharhu nji nafuka. 64Orhegeke balang'eshinda kuhika olusiku lwa kasharhu, abegirizwa bage bakayinji kumuzimba, n'okubwira abantu mpw'afukire omu bafu. N'obubeshi buzinda bwanaba bubi kulush'oburhanzi.65Pilato ababwira: Muherhe abalanzi; mugende, mulange oku mwakaba mugalire. 66Bagenda, balang'eshinda baheba kw'ebale, haguma n'abalanzi b'enfola miherho .
281Amango esabato ya hwaga, kwabere Miseke y' olwambere lw'eboso, Maria Magadalena n' owindi Marita bayinja kulola eshinda. 2Harhengerera omusisi gunene gw' echihugo;Bulala Malaika wa Nahano ayandagala kurhenga empingu ,ayinja, ahirika ebale aliyikalako.3Eshusho lyage lyaliri n'a mubaraganyo nemyambalo yage mweru n'a lubula. 4Omukuyubaha, abalanzi badirhimana,baba nka mifu.5Malayika aderha ababwira : Bakazi,murhayubahaga bulala nyinji oku yi mwashonda Yesu walibuzwagwa. 6Arhali hano,yewe afukire nka kulala anaderhaga muyinje mulole aha Nahano ali lyamire. 7Mugende duba mubwire abigirizwa bage,oku afukire kurhenga omu bafu,nakandi abarhanga e Galilaya eyo yi mwamubona,na malire kubabwira.8Barhenga dubaduba aho bwashinda n'obuba n'olumogo lunene,balibirha oku jibwira abigirizwa bage eyo ngani. 9Lero Yesu abuganana nabo aderha mpu mahyo ! bamu shegerera bamufarha oku magulu bamukuza. 10Na ntyo Yesu ababwira : Murhayubahaga;mugende mu bwire bene berhu baje e Galilaya yi bambugana.11Amango balemaga bagenda,abandi b'enfola miherho balonza baje omu chishagala babwira abakulu baba dahwa emyazi yoshi ya bere. 12Babere babuganana haguma na bagula bajira ehwe baha enfola miherho efuranga zinene. 13Baderha mpu: Mwakaderha mpu abigirizwa bage bayinjaga budufu bama muyiba eyi rhwalyamire.14Eyo myazi ekayunvikana em'omukulu rhwayinji ganira naye eyi murhaba n'obuhaka.15Na ntyo barhola ezo furanga,bajira nk'oku bayigirizwe og'omwazi gwa yerera omu ba Yuda kugera zene.16Aliko balala bigirizwa ekumi na muguma baj'e Galilaya oku ntondo abaligiraga yewe Yesu. 17N'amango bamu bonaga bamukuza,aliko abandi bakengemererwa.18Yesu abayinjira aba bwira aderha : Nahabirwe obuhashe empingu n'egulu. 19Mugende mujire abantu boshi b'emahanga okuba b'igirizwa bani,mu badubike oku zino lya darha n'omugala na Muka ochere.20Mubayigirize oku farha emyazi yoshi naba rhegekere ntyo nyono nabahaguma nenyu kugera oku buzinda bw'egulu.