¹Srat rew Paulus,awak dino Allah ndo nok awak bak Yesus Kristus.Mem brusramei dino ibong ei Efesus,mben dino ikyar bak Tuhan Yesus Kristus. ²Ray nikwesti bak nyeni,kin mpu memnye ro rew nyiciy,nimot kin Niney Kwes.³Siyo bak Allah dino Yesus Kristus niciy,dino mpumem nyeni ei Kristus dino rai nisindem dikei rew ijuemti. ⁴Noni mbus nyeni bak Kristus ei nipow dino syei dini ibon biylo.Rew binyefo nyeni nyinok gom kin noni.⁵Noni no mbusye tut itey nisyet bak tununya. ⁶Nyiciy ray nikwesti bak nimot ba tut nyeni sigom.⁷Rew noni nigrom kime tut nyeni nyide sisar, ⁸nok ma no nyiciy ray nikeyti bak nyeni.⁹Gimano noni fay nisyeti key bak nyeni tut Niney Kwes, ¹⁰mun nyumbut tut gima dem iypit ncap to bow me bindei pa inok gom kina Yesus Kristus,ey jawenti kin syeiti.¹¹Ey Kristus ti nyeni cem nyinok awak,nok imbus pa iray mem nyirai mitray iypit nikonkanti. ¹²Rew nyeni ipou gima ikon inggonti bak Yesus Kristus ey nisrenti.¹³Noni rino bindeiba nyeni nyimueb nisietia,nisiet injil dino mpumem yeni rine,nyikiar bak noni rine ngges nine dikwes binye. ¹⁴Ninei Kwes nok nimbron mem nyeni,kon nyeni ba nyinok mingwoi Allah ninti dini isindik ningyeng.(Nadi Paulus)¹⁵Nipou gima nyeni nyimuep arjeng bak tununya sgom, ¹⁶ncap-ncap nyeni nyisdik ,i kon ingonti nyibanadi bak noni.¹⁷Gimano nyeni iba nadi bak,nyiciy,ninot kin NineyKwes tut indo fuy key bak nyeni. ¹⁸Noni mpu mem nye tut mitray inyiray gini,bak nyeni nyisdik noni ey jwemti.¹⁹Nok nisdem ndo tiy bibor ndo binye ba nyikiar bak noni nisdem tia n'ereyek rew mun sgom. ²⁰Ningkyem no ndo binye a,bindey bisyen Kristus rew nimaiti bindey pa uwyen bide nide com ey jwenti, ²¹jwenti no nuting bibor rew nisdem dunia dip ni no ikiyek rew nisdem ro nok ey amani ro ninok foking ped ma kwei.²²Noni nsidem a mun sgom mpou noni noke ey nimiati no ray,noni nok nibou mem sgom, ²³noni nok nibou mem nye tut mun sgom mpoi.

(Ray Nyicem Ro Ninok Binye) ¹NIpow dima ma jeni nyinei mai tut sisar nyidea, ²nyeni nyimbut fuy sye sisar nyibit rom.nine rom mbut fekin noktni but bidem mingwoi dino ikraukeb Tuhan syetbiya. ³Nok nyegno igonti roma,nyeni nyisgoma nipow dima nyingon ro ke munsyeti,nyeni migwoi sisar,nyeni kin nyisut patnya.⁴Noro Allah ba nigon tiytut nye,giryow nye kin noni, ⁵nyeni nyirai munti tigwe Bidey pa,nyeni nyinei may noro noni bidey pa nyisyen rwe,mundi bidey pa nyeni nyima ya. ⁶nonia bidey pa nyisyen kin noni nyingwem bid noni ey,pwed no nikeyti ei Yesus Kristus ti, ⁷ncap dima kwei,noni ndo nicem ro ti key binye,bak nyuw dam Yesus Kristus.⁸Nyeni,nyikwe dam nikei ti tu,gima ro rew nyeni biy noro ro rew Allah, ⁹ro rew nyeni biy nyisdik nyintiaw. ¹⁰Nye tdunia Allah bon nye fay tes nye ey nignyeng Yesus Kristus ti gimarne nyeni nyibit fuy dino Allah ba ndo binye a tuma nyuwei nikey tiaa.(Nyinok Gom Ey Kristus ti)¹¹Nipow nyeni ima nye ey ninti ti nyeni nok tdu kafir,idat nyaa tidu sunat biy,yek no iba sunat nok tdunda furu yega. ¹²Nyikan kerew nipon dima,nyeni nyikan Kristus biy nyeni nyiges nye rew nyide bat Israel nya nyeni nok tdu iter nyeni nyikan Allah ei syeiti dni biy.¹⁶¹³Noktni ne,nyeni,ey Yesus Kristus ,ti nok nipowa nyiting rew ram,noro Yesus Kristus ningrom kber bidei pa nyeni nok gom. ¹⁴Noni nok nikey mem nye,no bidey pa yek dino iwopram a,nyinok gom, ¹⁵kin nibser yek dino iwobram ei nimsuiti a,nonik no nok Hukum Taurat dino bfuwoi brab dino fngoktut yek di iwobram.Inok gom ba irewei yek nok tudn nijeb, kin bidei pa yek cin nok gom dam Allah,inok insuy gom iyuw dam salib girmane muser iwop rama.¹⁷Kwei tutd gikey bak yek itinga kin didewa. ¹⁸Rorew noni rine nyeni nyinok gom rine ninei kwes ndo fui mem nyecim nyimbut nyiundam Nyiciy a.¹⁹Rne jeni nok yek kiyai bubiy,yek di sindi ikwei biy,noro nyeni nok ba k gom nok tdu ku bak Allah, ²⁰awak Tuhan denya kin Yesus Kristus ninti rino inok tiy nidow. ²¹Ei Yesus Kristus ti rine mbusram eynya inok gom isyen iwin iy ari. ²²Ei noni rine,jeni cem jisyen jiwinn jeba jinok gom mem mpwe dino Allah Ninei Kwes nibongti.

(Paulus Tri Nisyet Bak Mben Yahudi Biy) ¹Mun dima bindeyba,dani,Paulus,coy buy trektip Yesus Kristus mem jeni,tidu dinojikan Tuhan biy. ²Jeni Mpro jimweptup mitray Allah de di noni kes bak dani mem jeni,³mun di ronding-Nya,sigom noni faipak dani dem iypit srat cun di pas bak jeni ey ai nipow dima. ⁴Gino jindatkep ginine,ma jeni jikantut dirgon kantitut Kristus nide mundi ro nding-nya, ⁵gino ifay pak nyide tidu iternya biy,noro nongtini ne kes pak yek di itri nisyet kin ni bow ntiy fuy timwey di isren tuw son Niney Kwes.⁶Mundi ron ding gima injil fay tut tu,bindey ba yek di i kan Tuhan biy cem idemram kin Allah nide mingwoy-Nya,ba isgom inik gom kin Yesus Kristus ey nincapti. ⁷Dani dinok nodi tri nisyet mem ditey injil dem iypit mitray Allah de di sren.⁸Mem dani ne,dinyeng jey kin yeg di isren biy,noro mitray dini i kes pak dani mem mputut pak yek di i kan Tuhan biy rew nyefo i kan tut Kristus nide ninyeng jey bibor, ⁹ba ditey nincap bak tidu gom-gom tut mun di ro nding ey tahun fni kuw tut Allah,fay tes syeyti gini.¹⁰gimanok,ro rwe yeg di imbusram,mem Allah ningon kanti ey syeyti cem jwemti cem. ¹¹Gima dem iypit Tuhan nyide Yesus Kristus,ningon kanti di ro ninok mem nyeni,¹²gino nyiro ey noni ti,ba nyikrop mem Kristus ne nyingkyem.Gima binde ba fuy uw ndam mpow Allah de kaw mem nyeni. ¹³DGima rine,paipak jeni ma jingon kiney tut mun di cut kep dani au,mbro gingat nok gima ro niwey dima mibindey ba jingon ley.(Nadi Paulus Mem Mbusram Ey Efesus)¹⁴Mem mun dini,dani kuk ta mem Nyiciy. ¹⁵RSo rew noni,jedi iypey ngiyti cem jwemti cem syeyti cem jisma ninywnga. ¹⁶Dani ngat nadi rew nyefo dem iypit jimaa munti di key ey nincapti,noni ningon key mem mikes bak jeni ey jingonti kin nisisndem rew Niney Kwes,¹⁷rew nyefo Kristus ro ey jingonti tuw son nyikyarti ba jiro ey noni ti noni ro ey jeni ti tuw son niggindutramti, ¹⁸ba jinoram kin tidu di isrenya,rew nyefo jikantut Yesus Kristus nide ningon nggriwti. ¹⁹Gima ne jeni jikantut Kriistus,ningon nggriwti nciryek mun sigom,bindey ba jeni jimpung tut Allah de ningkyem.²⁰Mwm noni,sindem mem miray dor nciryek mundi nye nyintrim cem,mundi ro ey nyeni nyibowngwak ti cem tuw son nincap di ro ey nyeniti. ²¹Mem noni ne,nikeyti kin imbusram ey Yesus Kristus mem mingwoy nyidenya ba rok ninok ro mimbrek.Demtu

(Nyinok Gom Bit Kristus Ningut) ¹Dani rino ingkapkep ei buiti tut Tuhan ningyeng ri bindomem jeni cem jimbut iypit onsiet dino jem-jem rine jirai ei jingonti. ²Kin jingon digriw,jom keb jingon o,jimpuror tut jingondut ram, ³jinok gom ba jisender rine Ninei Kwes srek ba mumem jeni ba kraw jeni nok gom.⁴Rew o ningut iy gom,ninei gom,demem mpet dima ijen jeni ba jisma mun fo jei jingon mem a, ⁵Nyakyar bak Tuhan gom,kin nyei mberi gom. ⁶Allah gom dino nok andiy poi ba ningnyeng jey b'takep mun sigom.⁷Noro,nyeni a Tuhan rai nimpung bidrew berkat dino Kristus rai. ⁸Gino rino nisyeti foi a,"Mpet dino noni kin ei naibibor rine,noni kraw memben dino inok awak ba rai nikeiti bak yek."⁹Indat kep ba i faia,"Noni kin nok gimarine bindo menm bifia noni cem rino ruk ei syei inyou? ¹⁰Noni rino ruk,noni cem rino kwiei nai bibor ei ijnemti rew binyefo fekep keb mun sigom.¹¹Noni rino cuk,nide awak-Nya dino iya kin noni,nabinya,yek di itritut injil,gembalanya kin gurunya, ¹²pumem tidu dino ikirjan mem Kristus a ningud a, ¹³fekin nyisigom nyikyar bak nimot Allah,nok tidu kyar ei Kristus ningon kanti.¹⁴Ma,nyeni mungwoi dino nok mug kin sem dino tei-tei nyen nye o,tidu dino iristut nye biy. ¹⁵Noro nofai mun dino nijid nok nyingon dudram nyikyar bak noni nok nibow rew Kristus. ¹⁶Ro rew noni,nok nyingud a iyei ba key ba ikirjan bit nifute a,ningud a misyen ba ya ninti Yesus ningon kanti. (Kristus Nityem roti Dino Kei-kau)¹⁷Gimarino nok Tuhan syed ne pai pije,jityem roti a mnok tidu dino ikyar piy aw,dino iba pikir mun syeitia. ¹⁸Pengeretian idea ntibut te rew oAllah ningon kanti nok tidu dino ingon ngyem a. ¹⁹Ingon a mbut mem biy iray yek bak mun dikinye a ibon mun dino Allah ba kaiser a.²⁰Noro,jibit Kristus nok mun dima biy. ²¹Nok jeni dino jimwebrew noni kin mun diray,nok Yesus ningon kanti, ²²jingges mun dikinei no nitim wei a,gino bindei pa jirai mun dikine nok nibicum o..nya.²³Nyirai Nineydi Kwes ei nyingonrti. ²⁴Jinok tidu dino nijep,dino Allah bon bidem o noni ei fui nisren dino ro ninok.²⁵Gimarine,jiran mun nok nibicum a,gimarne jikwei pa nyimbrab mun jid rew nibocum bak nyisudnya rew nyeni nok nyinguda gom. ²⁶Awob ne mabon sisar au.Abon ba ampo cut tud o awob tiau. ²⁷Arai o nituti bak ninei rom au.²⁸No dino nggimang bu au.Nok nikei tine ninti kirjan sina mun rew ninda bo nyefo rai mun bak tidu nya ro rew nindaim. ²⁹Abindei pa asui dini bindei sei mun dikinei au,rew ne ambrab tu mun di kei o disren o bak nyisudnya nyefo imweb rne nyisyed ma mpu mem yeg. ³⁰Nyibindei ngon ngguk niney sren Allah au,rew noni dino bindei pa nyeni nyikwes rew sisar a.³¹Jiron mun di mpoa,niwobram a,nibuylam a,kin nifai lama,ame jiting rei s'gom. ³²Abon mun dikei bak tidunya,angon nggriw,nyikoseram tut sisar a,nok bndo mem Allah dino koser sisar nyide nok g'cuk Kristus kwei ei dunia dip ba maitut sisar nyidea.

¹Gima no,jinok yek di ibingon bingan nyen mem inok mingwoy Allah nimot. ²Jiro ey inggindutramti dem iypit Kristus ninggindut inok nye ti,ba kes ninti mem nyeni rew beye fo bindey ba Allah ningon key.³Noro,ma jicut e mundi kiney nok iswen ram o jitruy o jifwiy ram nyengo nyi ba bindey mun dima yek uw ro bak yek di ikyar dani kin gisren. ⁴Ma jindat ke mundi keney au noro ma jikon ingonti ba jifai siyo.⁵Rewo jeni jikan tut nijit fia yek dino iwop o isren biy o ilruy o,ikuk yek bak Allah iter o,yek di ma ma isma ingyeng ey nisrenti Kristus kin Allah de biy. ⁶Ma jimwep kep tidurnya isyed ngwat dino mi bindey ba Allah wop je au. ⁷Ma jimbut pit yeg au.⁸Nipo dima jeni jiro ey ninti buti,noro nongtini jeni jinok mingwoy nincap Tuhan de tu gima rino jinok mingwoy nincap ti. ⁹Rew ningat rew nincap gima sigom kwey rew nikeyti nincapti, ¹⁰ba nyiboingon nyinggoktut mune nyibindey ba Tuhan ningpon key. ¹¹Ma jibit jirait mun dikinei dino ro ei nintibuti dino ningot gikei roim biy au,noro nyiting rew mun dikenei dima. ¹²Rew o gino nyindatke mun dino ibon ku ma nebndei pa ye idigit.¹³Noro mun dino aku kea gima yek sigom miro nibreiti ¹⁴rew o mun dino ro ei nibreiti dima roei nincap ti gima rino,paia jisyen,jedino jibongkwop!Jisyen rew nimainya,ninceng Kristus fga kai je.¹⁵Ma jitowke mungkun nutou mem jityem roti i ma jino yeg ikyarpiyau noro jikyar nijit-jit. ¹⁶Jikintingtut ncap di mungkunkei rew ncap dini ten bibor. ¹⁷Ma jingon mbum a noro majiangon tek tut Tuhan ningon kanti.¹⁸Ma jipwe tut ves au reu gima kei piy noro jimpung tut Ninei Kwes. ¹⁹Ma jimrab bit nyisutpatnya kin nyingon d'lei nyisindik Tuhan ba nyikon doya kin nyingon ti nijit-jit. ²⁰Nyifai siyo ronirok tut mun sigom bak Allah niciy ei ningyeng Tuhan nyide Kristus Yesus.(Nisyed Mem F'ngokep Nicep ninem) ²¹Nnyikuknye memram nyitin ke Kristus.²²Inembatcen jikukje bak jicebatnya demke bak Tuhan. ²³Rew jicebatnya nok nibow mem inem,Krostus nok nibow mem ai rew noni ninti rino teinye uw knikeiti a. ²⁴Ba gima rino mbusramnya ikukye bak Kristus dem iypit ninem kuk no bak nicep tut mun sigom.²⁵Andiy fnaicen jingindut jinem dem ke Kristus ningondut mbusramnya kes ninti mem mbusramnya. ²⁶Mem tut isom yek ba isren tut iuw ndam nyei kin tuhan syed. ²⁷Gima dentu rew ne Kristus kes ninti mem mbusram ei nisrenti di kei bibor rew nyefo mbusram nya isren.²⁸Gimane andiy fnaicen jibisow rai jinembutnya nok jingondut jintiri. ²⁹Rewo tidu irino wob ninti biy noro noni nggundut kin busou rai.Dem iypit Kristus busou rai bmusramnya. ³⁰Rew nyeni nok,niniy nindabri.³¹Gimarino f'nai a mumbut rew niciy kin nimem ba ma nok gom bit ninem ba yekcin in no gom. ³²Mun ronding dini nintiy gimarino pai gini rew Kristus kin mbusramnya. ³³Noro,nna ba i ninti bisou ray ninem nog nggindut nintriti ba ninem cem mkuk no bak niceb a.

(Nyiset di fingok Mingwoi Kin Andey Foy) ¹Mingwoi cene jikrob cebak andey foy jidenya gini Tuhan sye rew mun di demkey ri. ²"Jimueb ke rew jiciy jin jimema,"gini nok nisyet nipow Allah kes ri. ³"Rew nyefo jiro ninog ei sieil ti gini."⁴ai ye jeni cema mijibono mingwoi jidenya iwobau,noro jibindey ntiy yek ba bit Tuhan syet.(Nisyet di Fingok Awak Di tuhan de kin Niboutiy)⁵Awak jene,jikrob je bak jide nibownya jikuk ce mem jingon no sren dem Kristus. ⁶Mijinok jek nok ikirjan ba tidu ingat yegau ma ibin dey ley tidu nya ba,noro jonogo awak-awak Tuhan dino iray keb mun di Tuhan de rew ningonti. ⁷Nyikirjam tut nyingon di key bak Tuhan rwuw o jeni jikarjan bak titu syeiti biy. ⁸Gimarno jeni jikantut nok jeni jinok awak e biy jinog yek di iya bininti e,gino noni ray mun di key,rine Tuhan ray nimub mem yeg dima.⁹Jeno nibow nya,jibon mundi key bak awak-awak jinenya.Jikes niwonrama rew nobowti ey sieyti noni cema nogo Tuhan ey jwemti a,noni mbus biy key kiney e sogom dem ram.(Nyikraukeb Finda Allah de)¹⁰Gimarine nyeni nyingkyem rew Tuham cem Niney Kwes cem. ¹¹Gimarine nyeni nyiba findadi Allah de tut ma nyi ya ba nyingkyem mem iblis te mun no mikwey ndam nyea.¹²Rewo dino nyirebsuk ginia tiduno nigrom roti biy,noro nyisrep sug mun syeiti gino ro ninti ti,ba sindem bidor kin nyisrep suk niney rom no ro e nimpeti. ¹³GImarine nyeni nyiba findadi Allah de tut ma nyeba nyingkyem mem ncap kiney no mikwey,ndam nyea nyisigom nyaba nyingkyem.¹⁴Rew ne,nyaba nyingkyem,ma nyikri bab ey nyinggang kin nyiruk sunsun dingkyem, ¹⁵aruk sepatu dingkyem ba ayamem Allah syet. ¹⁶Gimarine jiray jingon com mem je rew nyefo.Jibimu sum rew mundi kiney.¹⁷Jikrau Allah nisyet nok mun ser ce kin niney dikwes,nok simboy, ¹⁸nyibanadi bikweb ncaba niney dikwes nyibanadi,nyitou ke ram nyingkyemba nyijem siyo bak tidu isigom no isren key.¹⁹Jiba nadi tut dani cem rew nyefo suy kau mem,Allah syed no kes bida ba tut ma dani cem ntat ke Allah nisyeda. ²⁰Rewo Allah syet ma bibono dani dinsuiti wab jibanadi tut dani rew nyefo ntat ke Allah syet nogo nigon kanti.²¹Tikhikus,disud dino nyingon gom kin awak dino ningonti griw ei Tuhan ti,mum sigom mipai bina rew nyefo noni cem akatun dani kin mun dino drai cem. ²²Dani swar kes noni bak jeni mem mifai tut dingonkanti dini ri,rew binyefo jeni cem jikatut nyeni ei tini kin noni cem mpu jeni ei tima.²³Nok nyeni nyingon gom ba,nyingginduram rew ginia rorew Allah niciy kin Tuhan Yesus Kristus. ²⁴Nisindem Allah de mpumem tidu sigom dino iba ingon com Tuhan nyide,Kristus Yesus,kin nyingon dutram ba ro ninok.

(Cem Bak Filemon) ¹Acem le o Paulus nodino tundei tut Yesus Kristus nok rew Timotius debat dino,kiar nyeni bak Filemon debat ma debatri pelayanan deri ngindut, ²ma bak Apfia debatri kin bak Arkhipus,debat baber juangan Nyide kin bak jemaat dino iba jadi gom el ibei adea. ³Berkat tut damai keibibor bak noni leu Allah nyieii nyidea rew Tuhan Yesus Kristus.(Noni Pai Syukur Tut Kikyar nok Ngindut Filemon)⁴Dani ro ninok ba syukur bak Allah dea nok gima kon noni leu nadi-nadi dea, ⁵rew dani muep tut kikyar ma ngindut rew jeni tuhan Yesus nide jeni jeni jisigom jisren. ⁶Dani ba nadi nyefo ji baji gom ei kikyar jidea nok tut jeni jikani tut mun di kei noo nyidim tut Kristus. ⁷Dani dilei tut araiadea nok rew nani rew adebat nya ingonti srew ingkuei.⁸nok gima rew ma dani bamilik mun dima sigom nintii eyo Kristus ti noni ma paikikau ba jeni tut bajadi tut mun jidea, ⁹nor noni rai mang bibor trim bak nani dani Paulus nok duer andiy nok ni nok ni dani tundei rew Kristus Yesus.¹⁰Pabai nokni tut modea Onesimuus rew dani smar rew sladini dani noo smaei buingiti, ¹¹nok ni bou bagunabi bak noni noro amani bangunabi bak noni ma doni. ¹²Dani euk noni ningat kwei bak noni, ¹³nok nijitdadani joitut aiwembit dani nyefo noni fure noni selamadini dani noo buingiti rew srat refo.¹⁴Noro bajadi gom bi dani koutut nyirai muni-muni nyefo kei jeni jiraimuna ibi leu ke bibor nyileitu. ¹⁵Ni jida nyigok puutut Onesimus noni mbut rew jeni tut cap dimakui nyefo jeni ji jem anyen kwei tut roni nok, ¹⁶noro gima bii noni nouk awak noro tut leu gima nok nyidebat nyigon du nokbi tut balebi gima cem tut kei rew ninsu nok bak Tuhan.¹⁷Nok jeni jiba angab noni nok jidebat dima jitindei Onesimus nok jeni jibatrima dani. ¹⁸Noli noni basala bi jeni bautang neibui bak jeni jasar. ¹⁹Gima badani dani Paulus pas gini tut batangun dinti:Dani rew jibarunas ibii jindat munibii tut utang jidea badani nok gima jeni jibaidup atau jira jinti. ²⁰Debat noro bak Tuhan,dani ma rew gikeiha rew noni araibak di ngonti rew Kristus.²¹Nok gikei jeni jeni Jikukje dani pas srat dini binoni rew dani kan jeni jibalakan gi kea rew dani pa bijea. ²²Nok gima ne jidi mi rew run gom mem da rew dani baarab tut nadi-nadi jidea dani dindo dani bak jeni anyen.²³Epafras,teman dea tundei tut Yesus Kristus ba kirim acem na noni, ²⁴Nok gima cem markus,Aristarkhus,Demas,kin Lukas niebat-nidebat yek imbut. ²⁵Berkat Rew Tuhan nyide Yesus Kristus nok gima ne mpu mem ninei sres.