¹ Kitabu kya mbare ya Yesu Kristo mrana wa Daudi, Marana wa Ibrahimu. Ibrahimu. ² Ibrahimu ndiye wa Isaka , wa Isaka ndiye wa Yakobo, wa Yokobo ndiye wa Yuda na vavo. ³ Yuda nile ndiye wa Peresina Sero kwa Tamari Peresi ndiye wa Hezeroni, na Hezeroni ndiye wa Ramu. ⁴ Ramu nile ndiye wa Aminadabu. Aminadabu ndiye wa Nashoni, na Nashoni ndiye wa Salimoni. ⁵ Salimoni nile wa Boazi kwa Rahabu. Boazi ndiye wa Obedi kwa Ruthi, Obedi ndiye wa Yese. ⁶ Yese nle ndiye wa Mangi Daudi. Daudi nle ndiye wa Sulemani kwa mka wa Uria. ⁷ Sulemani nle ndiye wa Rehobuamu, Rehobuamu ndiye wa Abiya, Abiya ndiye wa Asa. ⁸ Asa nle ndiye wa Yehoshafati, Yehoshafati ndiye wa Yoramu, na Yoramu ndiye wa Uzia. ⁹ Uzia nle ndiye wa Yothamu, Yothamu ndiye wa Ahazi, Ahazi ndiye wa Hezekia. ¹⁰ Hezekia nle ndiye wa Manase, Manase ndiye wa Amoni na Amoni ndiye wa Yosia. ¹¹ Yosia nle ndiye wa Yehonia na vavo vakyumi igheri yetikwa Babeli. ¹² Na vakinamalie itihwa Babeli Yekowa nle ndiye wa shatieli, slatie nle kahaye Zerubabeli. ¹³ Zerubabeli nle ndiye wa Abiudi, Abiudi ndiye wa Eliahimu, na Eliahimu ndiye wa Azori. ¹⁴ Azori nle ndiye wa Zadoki, Zadoki ndiye wa Akimu, Akimu ndiye wa Eliudi. ¹⁵ Eliudi nle ndiye wa Elieza, Eliaza ndiye wa Matani na matani ndiye wa Yakobo. ¹⁶ Yakobo nle ndiye wa Yusufu mmi wa Mariamu, nlewe Yesu aghiriwe ailaghwa Kristo. ¹⁷ Mbare thoshe idungia Ibrahimu ifihia Daudi mpaka imalia itihwa Babelini mbare ikumi na inya, na ifuma iondolewa itihwa Babeli mpaka Kristo ni mbare ihumi vainya. ¹⁸ Ighirwa ya Yesu Kristo nle kikwii Mae mghemghira, Mariamu, alevetherwe ni Yusufu, mira varanathangana akaniwa ana mndu kwa thiya ya Roho Mtakatifu. ¹⁹ Mmi wakwe we Yusufu nle mndu wa haki aralefurie imrawisha mothia ya vandu. Aleamuirie imleha kwa thiri. ²⁰ Akee ayaririkana fundu kikei malaika wa Ruva alemfumirie leve ndoro akighamba Yusufu mwana Daudi kunaovoha imuondoa Mariamu tha mka wapfo, ang'u mnda aure ni wa thinya ya Ruva. ²¹ Aghira mwana wa kyumi na avahira wa kyumi na kwamuilagha rina yakwe Yesu, ang'u avahira vandu vakwe na thambi thavo. ²² Fyoshe ifyo fifumie itimithwa kiya kilereriwa ni Mndumi Yesu kwa iiria njia ya nabii akirera. ²³ Lambua mpfu atiha ndenyi na ighira mwana wa kyumi na imuilagha irina yakwe Imanuel- mwana yakwe Ruva ahe na ifwe. ²⁴ Yusufu akavukia ifuma marionyi vakaviha fundu Malaika wa Mndume ambirie na akamuondoa tha mka. ²⁵ Hata kwiyo aleewe nawe mpaka akaghira mwana wa kyumi na imuilagha rina yakwe Yesu.

¹ Yesu akinaghirwe ipfo bethelehem ya Uyahudi hena mifiri ya mangi Herode, vandu vathomie ifuma ipfo kua valechie Yerusalemu vakighamba, ² "Aekwi itho aghiriwe mangi wa vayahudi? Fuleivonire ndondo yakwe mashariki nafwe fuchie ighemtatha." ³ Kahenda mangi herode akinaichwe kwiyo akaghira wathiwathi na Yerusalemu yoshe. ⁴ Herode akavunganye varwe va vaghetatha na vagheandika vandu , nawe akavavetha Kristo aaghirwa kwii?" ⁵ Vakambia, "Hena Bethelehemu ya Uyahudi, ang'u ni fundu itebiriwe ni nabii. ⁶ Iwe Bethelehemu, hena ithanga ya Yuda, thimnduwe maghari ya varwe va Yuda, ang'u ifuma kwapfo acheche mrwe achevaria vandu vakwa Israeli." ⁷ Akaikyo Herode alevaileghe vaya vathomie kwa thiri kwa ithughana na ivavetha ni igheri linga ndondo ivoniwe. ⁸ Akavaruma Bethelehemu akivavia, "Ghendenyi kwa ilolea mughekasha mwana aghirewe. Mukamimvona munyivie na inyi nighende niirime icha vaimthathia." ⁹ Vakinamalie imuirania mangi, vakaendelea na ndambo yavo, na ndondo iya mmiyo valeivonire mashariki ilevathongoeelie mpaka ikamba kaghu handu mwana aleghiriwe akei. ¹⁰ Vakinavone ndondo vahanuliwa mnu. ¹¹ Valeghirie henyi na imvona mwana aleghiriwe na Mariamu mae. Valemfwilirie ndi na imtathia. Valerughulie hazina thavo vakafunya dhawadi tha dhahabu, uvumba na manemane. ¹² Ruva akavalaghanya hena ndondo vanavwia kwa Herode, akaikyo vakavuka ivwia hena ithanga yavo kwa njia ingi. ¹³ Vakinavuke malaika wa Mndumi ahamfumia Yusufu hena ndondo na imbia, "Vukia umuondue mwana wa mae murichilie mithiri. Muikae ipfo mpaka nimuivie, ang'u Herode akamkasha mwana ambwaghe." ¹⁴ Kio kiya Yusufu akavukia akaondoa mwana wa mae vakarichilia misri. ¹⁵ Aleikee ipfo mpaka Herode akapfwa. Himithire kiya mndumi alererie iiria mghetatha, "Ifuma Misri nemuilagha mwana wakwa." ¹⁶ Kimacha Herode ahinavone andebereshwa ni vandu vathomie, akachukiwa mnu. Akaagitha vavwaghwe vana voshe va kyumi vahe Bethelem va voshe vake hena ithanga liya vaghiremia miaka ivi va ivwia thinyi ianavanitha va fundu aleviriwe ni vandu vaya vathomie. ¹⁷ Niho lihatimia kirero kilereriwe iiria mumu wa nabii Yeremia, ¹⁸ Vadue thauti ifuma Rama, ngunga na maomboletho marwe, Raheli akifughia vana vakwe na aleleghie ilembwalembwa ang'u vana vakehohevo." ¹⁹ Herode akinafwe lumbua maika va Mndumi alemfumie Yusufu hena ndoro. ²⁰ Vukia umwondue mwana va mae mughonde isanga ya Israeli ang'u ivo vaghekasha ngoo ya mwana vandemipfwa." ²¹ Yusufu akamka amuonndoa mwana va mae va vakacha hena ithanga ya Israeli. ²² Mira akinachwe Arikelau ni lemve mtawala wa Yuda handu ha ndiye Herode, akaovoha ighenda ipfo. Ruva akivamlaghanye hena ndoro, alevukie akaghenda Galilaya. ²³ Aleghendie iikaa hena mri uchiilaghwa Nazareti iki kikamilishire kiya kihereriwe iiria manabii, ku acheilaghwa Mnazareti.

¹ Mifiri iya Yohana Mghebatitha alechie akiya hubiri Sskenyi ya Yuda akighamba, ² "Lekenyi vuviduwa ang'u vucha vyakwa Ruva vuke hawihi." ³ Ang'u niwe alereriwe ni mghevona Isaya akighamba, "Sauti ya mndu ailagha, ifuma jangwani, vikenyi tayari irira ya Mndumi Yesu, gholenyi njia yakwe." ⁴ Luvaha Yohana aleree mafwea gha ngamia na mkanda wa ngothi kithi. kijo kyakwe nile nzige na vukivwa thakenyi. ⁵ Na Yerusalemu, Yuda yoshe va eneo yoshe lijungulukie mfo Yorodani vakaghenda kwakwe. ⁶ Valekyabatithwa viwe hena mfo Yordani kunei vakyalomba ireghewa mthune thavo. ⁷ Mira akinavone vengi va mafarisayo va masadukayo vakighenda kwakwe kupatithwa, akavavia, Imwe mbare ya njoka mughire thumu niitho amuvirie inuridie ghadhabu ichie? ⁸ Ghirenyi ndunda thighire ithighure ithamchewa. ⁹ Muvafikia na irereana ngoonyi thenyu, "Fughire Ibrahimu tha ndiye weru. Kwaku vamuvia Ruva airima imnika Ibrahimu vana hata ifuma hena mawe igha. ¹⁰ Tayari ithoka lindemivikwa hena mri wa mri. Aka ikyo kila mri mri uraghira ndunda njicha watemwa na ikumbwa moronyi. ¹¹ Nawapatitha kwa mringa vundu vywa ireghewa. Mira itho akyacha baada ya inyi ni mrwe injikela, We avapatitha kwa Roho Mtakatifuna kwa moro. ¹² Na lungo lwakwe luhe mavohonyi ghakwe ithamba kabitha uwanda wake na ivunganya ngano yakwe hena kihange . Mira aokea makapi kwa moro urapfwa. ¹³ Halafu Yesu ahada ifuma Galilaya mpaka mfo Yoridani apatithwe ni Yohana. ¹⁴ Mira Yohana aleyashigha imleghea akirera, "Inyi nashigha ipatithwa niwe, na iwe kwacha kwakwa?" ¹⁵ Yesu akaghamitha akaghamba, "Ruhuthu du kive kwii luvaha, ang'u ni kwiyo kiyashighwa itimitha haki yoshe." Niho Yohana kamruhusu. ¹⁶ Akinamalie ipatithwa, Yesu akafuma mringanyi, lambua mbingu thikarughuka. Na alembonire mbeho wa Ruva ikighara tha njiwa na immka kaghu yakwe. ¹⁷ Lumbua, thauti ilefumie kwa Ruva ikighemba, "Iu ni mwana wakwa nimfurie. Nifurene nawe mnu."

¹ Yesu akaongothwa ni Ngoo mpakanyika kimada ajarumbiwe ni uya mvichwa. ² Akinaheme iya mifiri makumi ana mthaghari na kio akaichwa nja. ³ Uya mvichwa akache va imvia, "kole iwe kumrana wa Ruva, via mawe igha ghave mkate." ⁴ Mira Yesu akamghaluta akambia, "Iandikkiwe mndu akaishiwe kwa mkate thoka, ila kwa kirero kifumie hena mumu wa Ruva." ⁵ Kangi uyamvichwa akamtika hena mri uelie akamviha handu ha kaghu mnu hena nyumba ya mtatho, ⁶ na imvia , "Kole iwe ku mwana wa Ruva, kukumbe mbai, ang'u kiandikiwe, Aruma malaika vakwe vachevakudahe na kunakutuna kurende kwapfo hena iwe." ⁷ Yesu amvia,"Kiandikiwehe, "Kunamjaribu Ruva wapfo." ⁸ Uya mvichwa amuondoa ahamtika handu ha kaghu ihela ahamrora ithanga yoshe na findo ficha fya ithanga. ⁹ Akamvia, "Nakunika findofyoshe ifi ukanjithujudia na injiabudu." ¹⁰ Yesu akamvia "Ghenda vuke ha iwe mvichwa! Ang'u iandikwe "ikupatithie imuabudu Ruva wapfo na umhirire we weka. ¹¹ Uya mvichwa akamleka, na lambua , malaika vakacha vakamhirira. ¹² Yesu ekinaichue Yohana andevwarwa, akaghenda mpaka Galilaya. ¹³ Alevukie Nazareti akaghenda igheikaa Kaperanaumu ike kambarinyi na Bahari ya Galilaya, mwakenyi majimbo gha Zabuloni na Naftali. ¹⁴ Ii iledokerie itimitha kiya kilereriwe ni mroti Isaya," ¹⁵ Hena mri wa Zabuloni na Naftali, ighenda baharinyi, Kimunu kya Yordani, Galilaya ya varaichi Ruva! ¹⁶ Vandu valehe mmenyi vandevona Kilanga kirwe, na vaya valeke kirombo hena maeneo ghereka vandevona kilanga." ¹⁷ Ivoka iho Yesu akavoka ihubirina irera,"Lembenyi vuvichwa ang'u vufumwa vwa Ruva vuke hawihi." ¹⁸ Ake aivara mbaimbai ya Baharinyi ya Galilaya, akavona mndu wavo, Simoni ailaghwa Petro, na Andrea wavo, vakidegha nyavu baharinyi, ang'u valechidegha mikunga. ¹⁹ Yesu akavavia, ''njiivarienyi, inamuviha vaghedegha vandu.'' ²⁰ Vakara nyavu vakamuivaria. ²¹ Yesu akinave akyavuka haya akavona mndu ne wavo Yakabo mwana wa Zebedayo, na Yohana kaha yahe. hena ngalawa vake na Zebedayo ndiye wavo akpufuma nyavu tavwo akavailagha, ²² Vakaleha ngalawa na ndiye wavo navo vakamuivaria. ²³ Yesu aleghendie hawihi Galilaya yoshe, akifundisha hena nyumba tha mtatho, akivilia injili ya ufalme , na akikira mavuaji ghoshe hena vandu. ²⁴ Mburi thakwe tikaenea Siria yoshe, na vandu vakaende vaghelwaa voshe, valeghire mavungi na ivaviwa, valeghire mashetani, kifafa na vapoothere Yesu akavamura. ²⁵ Vandu vengi vahamuivaria ifuma Galilaya na Dekapoli, na Yerusalemu na Uyahudi ifuma kimunu ya Yorodani.

¹ Yesu akinavone luvungano, akavuka na ielekea mlimenyi. Igheri aikee mbai, valoshwa vakwe vakacha kwakwe. ² Akavuthira mumu na ivalosha, akaghamba, ³ keba nnge vakiva va ngoo ang'u vumangi vwa ipfo kaghu ni vwavo. ⁴ Keba vazononekie, ang'u vatujwa. ⁵ Keba vaghire vuhoo, ang'u vatarirwa ithanga. ⁶ Keba vaghire njaa na laka ya kitea, ang'u ivo vaighutishwa. ⁷ Keba vaghire mborere, ang'u ivo vanikwa Mborere. ⁸ Keba vaghire ngoo tielie, ang'u ivo ivo vamvona Ruva. ⁹ Keba valechembea varwe, ang'u ivo vailaghwa vana va Ruva. ¹⁰ Keba vaya vayaliswa vwasi hena vundu vwa Kilea, ang'u vumangi vya ipfo kaghu ni vwavo. ¹¹ Keba imwe vandu vamuimbilia na ivalitha vwatha vwasi kana imurera kwa mongo kila kirero kivichwa vundu vwakwa. ¹² Idwenyi kicha na ikava ngululu, ang'u mariho ghenyu ni marwe ipfo kaghu kwa Ruva. ¹³ Imwe mu munyu wa ithanga. Mira kole munyu underetha sonjo yakwe, kyairima kwiya ivehe munyu mcha? Neri ihairimeyo iva njicha hena kindo kyokyoshe, there ku ni ye kubwa ipfo bwang'a iivarwe varwe ni marende ghavandu. ¹⁴ Imwe ni kilanga kya ithanga. Mri naghiwe kaghu ya fumbu mchihuthughanatho. ¹⁵ Na vandu vachiasha taavo vavihe kihapunyivo, mira hena kivamiho, nayo yamvika voshe vahe voshi ya nyumba. ¹⁶ Leka kilanga kyenu kimviha mothya tha vandu kimachaku vavone mihirire yenyu mida, na imtumbisha Papa wenyu ale kaghu. ¹⁷ Mimaghamba ku nichie ihonda torati kama varoti. Sichie ihondanyi mira ikolosha. ¹⁸ Kwakweri niamuvia ku mpaka kaghu mailwinyi na ila mbai haire haghireho ndembe imwi neri doti imiri ya sheria yavuthiwa hena sheria mpaka iho kila kindo kive kindemikoloshwa. ¹⁹ Henaikyo wowoshe akonda sheria njindu imwi hena maamoro gha na ivafundisha vengi ihira kwiyo ailaghwa mndu hena vumangi vwa ipfo kaghu. ²⁰ Kwaku namuvienyi kitea kyenyu kiramire kirwe ihela lya vaandishi na Mafarisayo, kwa njia yoyoshe iya muhairirimemwe iingia hena vumangi vwa ipfo kaghu. ²¹ Mlechue kyereriwe hala hu, ''kunavwagha'' na ''wowoshe avwagha ahe hena mdegho wa hukumu. ²² Mira namuvienyi wowoshe amphfukwie wavo ava hena mdegho wa hukumu. Na wowoshe ambia wavoku, ''Iwe kii mndu aravie?'' Avaku ahe hena mdeghu wa moro wa jehanamu. ²³ Hena ikyo kole kwafunya itathi yapfo hena mathabahu na ukakumbusha ku wenyu kindo ngoonyi kwakwe vundu vwapfo, ²⁴ raitathi yapfo mothia ya mathabahu vwara njia yapfo. Kachembe na wenyu niho ughende ufunye itathi yapfo. ²⁵ Chemba fiafia na mndu akutikie kitala, kukennjia nawe mumwaghenda kitala (mnjava) there kwiyo mndu aghire milaho na iwe airimaikura mavokonyi gha mkamunyu, na iwe kwakumbwa jela. ²⁶ Amini namwienyi, neri kukairiwe ilehelwapfo mpaka uilie itundu ya mwisho ya Petha ngetho kukwalaviwa. ²⁷ Mundue kireriwe ku, "kunashinda." ²⁸ Mira vamuwienyi wowoshe amlambu mndu wa kiha kwa imlangwa andemishinda nawe hena ngoo yahwe. ²⁹ Na kole ritho yapfo ya kuvoko kwa kumndumi niyo liyakusheretesha uwe, liduke ukumbe kuwa na iwe. kwaku ni keba iretha kirungo kimvi kya mwiri wapfo kihondehe handu mwiri mthima vaghehumlwa jehanamu. ³⁰ Na kole kuvoho kwapfo kwa kumndumi kwakwahuendie ihuthuma kumbue na uuhumbe kwa na iwe. Ang'u ni keba kirungo kimwi kyo mwiri wapfo kihondehe handu mwiri mthima wakukumbwa jehanamu. ³¹ Kireriwe he ku wowoshe amtangira mka wakwe na amnihe hati ya talaka. ³² Mira inyi vamuvia , wowoshe ava akyamleka? mka wakwe there vundu vwa shinde akyamvika malaya . Na wowoshe amuondoa akaminikwa talaka nawe akya shinda. ³³ Kangi muchue filereriwe kwa vandu va kala,"Munarava vuonwa vwa mongo, mira tihenyi firavo fyenyu kwa mndumi. ³⁴ Mira hamuvia munarava nanga kadu neri munaravia kwa rina ya kwaku ipfo kaghu niho kipfumbi kya Rava, ³⁵ neri munavavia mthanga ang'u nihandu hevika kipfumbi kyeivaria mavato ghakwe, kana Yerusalemu, ang'u ni mri wa mangi mrwe. ³⁶ Neri kunarava kwa mrwe wapfo ang'u kwairimapfo ichemba unjwee nanga hamwi, luve lanjewa langu lwanjiu. ³⁷ Mira firero fyenyu five, "Yee, yee, Hai, hai,' kwaku kikelelefyo fyafuma kwa uya mvichwa. ³⁸ Mundeichwa kireriwe ku, "Jicho kwa jicho, na ighegho kwa igheho.' ³⁹ Mira inyi namwivaria munakelava na mndu mvichwa; mira mndu akahukava rumbu ya kumndumi mghaluthira na liya lingi. ⁴⁰ Na wowoshe akulathimisha ighenda nawe mailimwi ghenda maili ivi. ⁴¹ Kwa wowoshe ahulomba mnihe, na kunamvicha wowoshe akyashigha ikuhopa. ⁴² Na wowoshe aghire ngwina ya hutiha iwe kitala na akuthohe kanzu yapfo mlehelie na ijoho yapfo. ⁴³ Mundue kireriwe, "Umfure jirani wapfo na umdahe na mudho wapfo. ⁴⁴ Mira namuvia vafurenyi vantho venyu, vaterevienye vachimuhirira vuvichwa, ⁴⁵ Kimacha muve vana va papa wenyu ake kaghu. Kwaku avikie ruva lichivavia vavichwa na vecha, na aduvaendie mwera vavachwa na vecha. ⁴⁶ Kole muhavafura vamfurie imwe mwapata mariho maki? Ang'u vaghevwara ushuru vachihira kwiyovo? ⁴⁷ Na kole mukarereana na venyu du mwapata iki ihela vengi? Hang'u,? vandu va mathanga vachihira kwiyo vo? ⁴⁸ Hena ikyo kyamutara muve muholokie, thafundu Papa wenyu ipfo kaghu akolokie.

¹ Lambua kunachehira mihoro ya kitea mothia ya vandu kimacha ukurore, therere, kwiyo kukapa mariho ifuma Ruva Papa ake kaghu. ² Hena ikyo ukifunya kuahava igunda na ihuhwera kweka kunava thafundu vandu va mongo vachihira hana mathi ingogi na mitaa kimacha vandu vavatumbisha. Kweri namuvia vandemivichwa mariho ghavo. ³ Mira iwe uhifunya, kuvoko kwa pfo kwa kumtho kuna namanya, Kikyahirwa ni kuvoko kwapfo kwa kyumi, ⁴ kimacha thawadi yapfo ifunywe kwa mbitho. Niho Papa wapfo achivona nena mbitho akuniha mariho ghapfo. ⁵ Na igheri kukwatereva kunava tha vandu va mongo, kwaku vafurie imka na itereva hena mathinagogi na kona tha mitaenyi kimacha vandu vavalambue. kweri namuvienyi vandemighuhia mariho ghavo. ⁶ Mira iwe, kukwatereva, ingia chumbenyi. Finga kyothi, na utereve kwa Papa wapfo ake mbithonyi. Niho Papa wapfo achivona mbithonyi akunika mariho ghapfo. ⁷ Na igheri kwakutereva kunavwilia vwilia firero firaghire maana thafundu vamathanga vachihira, kwaku vaghierera findo fya mongo ku vandu vavaichwa fundu pfwa firero fyavo fingi vakyafirera. ⁸ Hena ikyo kunavathovo kwaku Papa wapfo aichi ngekyo kuwashigha kwakwe hata kabla kuranatereva kwakwe. ⁹ Hena ikyo tereva kwii; Papa weru kuhe kaghu rina yapfo litumbishwe. ¹⁰ Vumangi vwapfo vuchue, kikundire kyapfo kihirire iha mathangenyi thafundu ipfo kaghu. ¹¹ Ufunike ithanga mkate weru wa kila mfiri. ¹² Ufureghire rando yeru, thafundu raifwe fundu vareghea varando veru. ¹³ Na kunafunde hena majaribu , mira ufuepushe kwa uya mmbichwa. ¹⁴ Kole mwanareghea vandu mateshanyoghavo Papa wapfo akehaghu nawe amureghea imwe. ¹⁵ Mira kihava mkavareghiremwe mahotha ghavo, neri Papa wenye akamureghiewe mahotha ghenyu. ¹⁶ Ikela fyofyoshe akavaku kufungie, kunarora kyamu kyeshinirwa thafundu vandu va mongo vachihira, kwaku vachikunja fyamu fyavo kimetgha vandu vamanye vafungie. Kweri ninakuvia vandemighuhia thawabu yavo. ¹⁷ Mira iwe kikiva kufungiwe, fia mafura mrwe wapfo na uthamle kyamu kyapfo. ¹⁸ Kwiyo akaroreyo mothya ya vangu ku kufungie, mira kyavandu kwa Ndiyo wapfo aradivonwa. Na ndiyo wapfo adivonwa furadivonwa, akuniha kiya kikutarire. ¹⁹ Kuvakuvikia hazina yapfo kweka ila ithangeni, handu nondo na kututakonda, handu varango vatenya na iiva. ²⁰ Baada yakwe, kwuvikie hazina yapfo kweka kwa Ruva, handu nondo wala kututikairitho, ikonda, na varango vakairime itenya vaiiva. ²¹ Ang'u handu hazina yapfo ikei, niho na ngoo yapfyo yaikaa. ²² Ritho ni taa ya mwiri. Hata ikyo kole ritho yapfo liyavona, mwiri mthima waichurwa Kilanga. ²³ Mira kole ritho yapfo liyaravona, mwiri wapfo woshe ni mma tiki. Akaikyo kole kilanga kihe kwapfo ni mma kiathi kiki! ²⁴ Haghireho nanga umwi airima mabwava wawili, kwaku airima ichukiwa mmwi va ifuraungi, kama akufunya kwa umwi na imtharau ungi. Muhairimemwe imhirira Ruva na findo fya ithanga. ²⁵ Akaikyo nakuvavia kunaghira mashaka na maisha ghapfo ku kwaya iki kana kwanywa iki kana mwiri wapfo kwaraa iki. Je! maisha ghahelelegho kijo na mwiri akela thori? ²⁶ Lambua ndeghe tihe kaghu. Tchiviaatho na tichihovatho na tichivunganyatho va tichivikatho ghalenyi, mira Ruva wa kaghu adivaniha kijo. Imwe muhelelemwe vo? ²⁷ Niitho hena imwe kwa ihavaniha airima ikungera dhiraa imwi hena uhai lwa maisha ghakwe? ²⁸ Haniiki muaghwa wathiwathi ihuthu nguvi?Fikiria ihuthu maova hena shamba, fundu ghakyaleha. Ghachihira ndimagho va ghairima ikuraa nguvogho. ²⁹ Namuvia, hata Sulemani hena vurwe arewewe tha iva. ³⁰ Kole Ruva araamara hena mashamba ambagho haihaa mfiri mmwi va ngama yakwa ghahumbwa moronyi, ni kwa kiathi kiki amuraa imwe mughire imani njidu? ³¹ Hata ikyo mumughira wathiwathi na ighamba "Fwaya iki? "Kana fwanyawa iki?" kana,"Fwaraa nguvo njiki?" ³² Kwaku mataifa vakasha findofi, na Ruva wa Kaghu aichiku muashigha findofi. ³³ Mira kuvoka kashenyi vumangi vwakwe na haki yakwe na ifyo fyoshe kwafirikwa. ³⁴ Akaikyo kunaghira wathiwathi kwa ajili ya ngama, ang'u ngama yajishughulikia yoka. Kila mfiri ufikilie ivana kiravie yakwe.

¹ Kunanyanyira, nawe kunachenyanyirwa. ² Inyanyira kwa nyanyira , kwachenyanyirwa. Kiringayo kwapima nawe kwapimiwa ikyoikyo. ³ Haniki kulambua kirumbue kya mri kiche hena ritho ya wenyu , mira kuatambuapfo kirumbue kwa igogo kihe hena ritho yapfo? ⁴ Kwairima irerakwiya kwa wenyu leka nihufunyekirumbue kihe hena ritho yapfo, wakati kirumbue kya igogo kena hena ritho yapfo? ⁵ Mwongo iwe, kuvoka uhindefunya igogo lihe hena ritho yapfo, niho kwairima ivona kindokicha na ifunya kirumbue kya mri kihe hena ritho ya wenyu. ⁶ Kunavuka kite kindo kielie na kunakuambila nguve lulu mothia yavo. Ang'u vafihonda naifivaravara kwa marende na kangi vakaghalukia iwe na ikubarabara. ⁷ Lomba, na iwe kwa nikwa. kasha iwe kwa vona. Kana hodi, nawe kwarughuliwa. ⁸ Wowoshe alomba apokea. Na wowoshe akyasha apata. Na kwa mndu uya akyahava hodi arughuliwa. ⁹ Kana haghire mndu maghari yenyu, mwa akalomba kirumbue kya mkate amnika iwe? ¹⁰ Kana akamlomba mkunga nawe amvihua njoka? ¹¹ Akaikyo, imwe vavichwa muichi ivika vana venyu thawadi njicha; Je! Ni kiathi kiki mnu Ndiye wa kaghu amnika kindo kicha vaya vakyamlomba we? ¹² Kwathababu, kuhwashigha ihirirwa kindo kyokyoshe ni vandu vengi, nawe kyashighwa uvahirire kwiyokwiyo navo. Ang'u iyo ni sheria na vaghetabiri. ¹³ Ingienyi kwa iiria mlango mthuthe. Ang'u mlango ni mpana na njia ni pana yaghenda hena thambi na haghire vandu vengi vairia njiayo. ¹⁴ Mlango ni mthuthe. Mlango mthuthe ni njia yetiha hena ikia na thivengivo vairima iivona. ¹⁵ Ikaa kwa va varoti va mongo, vakyacha varee njoni ya mondo, ni Kibarwe kikai. ¹⁶ Kwa ndunda tavo mwavanya.Vandu vairima ikova ndunda henamifwa, kana mtini hena mbeu ya mbaruti? ¹⁷ Hena ikyo mri mcha uchighira ndunda njicha, na mri mvichwa uchighira ndunda mbichwa. ¹⁸ Mri mcha uchiirimatho igira ndunda mbichwa wala mri mbichwa uchiirimatho ighira ndunda njicha. ¹⁹ Kila mri urachighura ndunda njicha, watemwa na ikumbwa moronyi. ²⁰ Aka ikyo, kwavamanya ifumana na ndunda tavo. ²¹ Thikila mndu aniambie mini "Bwana ,Bwana, aingia hena vun=mangi vwa Ruva, mira ni uya du ahira fundu afurie ndiye wakwa wakaghu. ²² Vandu vengi vanjivia mfiritho, "Bwana, Bwana, fufunyirefwe unabii kwa rina yapfo, na ifunya mapepo kwa rina yapfo, na kwarina yapfo fuhirire findo fingi firwe? ²³ Niho vamuvia paa, "Thivamanyirenyi imwe! Vukenyi kwakwa imwe vaghehira vuvichwa!' ²⁴ Akaikyo, kila mndu aichwa kirero kyakwa na ikivaria vamuananitha tha mndu aghire hekina aghie nyumba kaghu ya mwamba. ²⁵ Mwera akakava,beria ikacha, namkuta ukache na ukakava nyumba iya mira iraime iwa mbai, ang'u ileaghiwe kaghu ya mwambwa. ²⁶ Mira kila mndu aichwa kirero kyakwa arakiivari afananishwa na mndu mpumbavu aaghie nyumba yakwe kaghu ya mthangalala. ²⁷ Mwera ukakava beria ikacha, na mkuva uhacha na ikava nyumba iyo. Na ikawa, na ikondeha yakwe likathia. ²⁸ "Ilefikie igheri Yesu akinamalie irera maneno haya, makutano ghalesheghethwe ni mafundisho ghakwe. ²⁹ Ang'u alefundishire tha mndu aghiremalaha na thitha vaandishi vavo.

¹ Igheri Yesu akinaghere mbai ifuma mlimenyi, vandu vengi valemuivarilie. ² Lambua, mkoma aledue akathujudu mothia yakwe, akarere, "Mndumi, kole kwairima, njielesha." ³ Yesu akaghola kuvoko kwakwe akambalia, akarera, "Niho tayari uele." Iho iho akanurwa ukoma lwakwe. ⁴ Yusufu akambia, "Lolea kunarera kwa mndu wowoshe. Vwara njicha yapfo, ughekurora kweha kwa kuhani na ufunye thawadi Musa aleagithire vundu vya ushuhuda kwavo." ⁵ Yesu akinafiha Kapernaumu, Mrwe akacha akambetha, ⁶ akarera, "Mndumi, mndima wakwa alee kenyi apoothere na aavaviwa mnu." ⁷ Yesu akambia, "Nacha nimnure." ⁸ Mrwe akaghaluta na imbia, "Mndumi, kuhairimeingia kwa kwanyi, rera du kirero na mndima wakwa ama. ⁹ Kwaku na inyi mndu righire mamlaka, na nighire athihari vahe thinyi yakwa. Nihirera kwa iu, "Ghenda na aghenda na vengi Njo' nawe acha, na kwa mndima wakwa, "Hira kwii, nawe ahira kwio." ¹⁰ Yesu akinaichwe kwiyo aleshengee na ivavia vaya valekyamuivaria, "Keni namuivia thinavonanyi mndu agive imani tha kunu Israeli. ¹¹ Namuvia vengi vacha ifuma Mashariki na Magharibi, vaikae kirombo methenyi na Abrahamu, Isaki na Yakobo, hena Vumangi vwa kaghu. ¹² Mira vana vumangi vahumbwa hena mma wa bwang'a haghire ifugha na ishagha maghegho." ¹³ Yesu akavavia mrwe, Ghenda! Thafundu kuaminie nakive kwiyo kwapfo."Na mndima akamia igheri iyo. ¹⁴ Yesu akinafike hena nyumba ya Petro, alemvonire mae wakwea wa Petro alee ghire homa. ¹⁵ Yesu akambalia kuvoko kwakwe, homa na yakwe ikathia, akavukia akadunga imhudumia. ¹⁶ Ikinafike kyavukwau, vandu vakamuendie Yesu vengi vaghire mapepo. Akatangira mapepo na vayalekyalwaa vakamua. ¹⁷ Kwa njiayo ghaletimirie ghaya ghalereriwe ni mghevona Yesaya , "Weweka alealeondorie mavunaji gheru na ikuruha mavuaji gheru." ¹⁸ Yesu akinavone vengi vamjunguluka, alefunyire maelehetho gheghenda ughongo lungi lwa bahari ya Galilaya. ¹⁹ Mgheandika akacha kwakwe naimbia, "Mghefundisha, nakuivaria hohoshe kwaghenda?. ²⁰ Yesu akamvia "Kibarwe aghire maloni na ndeghe tha kaghu thighire fiaota, mira mwana wa Adamu aghirewe herara mrwe wakwe. ²¹ ungi aivaria akambia, "Mndumi kindeleka nigherika ndio wakwa." ²² Mira Yesu akambia, "Njiivaria, leka vafwie vakurike voka. ²³ Yesu akinaingie hena ngalawa, vafuathi vakwe vakamuivaria hena ngalawa. ²⁴ Lambua, ikadokea mkuta mrwe hena bahari, ngalawa ikashikiwa ni mawinubi. Mira Yesu avelee. ²⁵ Vanafunthi vakachwa kwakwe naimvutha vakirera, "Mndumi, fuhire na ifwe fwafwa!" ²⁶ Yesu akavamvia, "Hanikli mwaovoka imnwe mughire imani njidu? "Niho akavukia akabohea mhuta na bahari. Kangi hakahoa doo, ²⁷ vandu vakyumi vakashangaa vakarera, "iu ni mndu wa mbare njiku hata mkuta na bahari fiamuichwa?" ²⁸ Igheri Yesu alechirie ughongo lungi lwa ithanga ya magadala, vandu va kyumi vavi valeghire mapepo vakathangana nawe. Valefumirire makaburinyi valeghire vurungui mnu, haleghwieho mndambo aveeima iiria yia iya. ²⁹ Lambu akarera kwa nguju akirera,"Fughire iki na iwe kyehira kwapfo mwana wa Ruva? Kudie ifulitha vwathi ighethi igheri liranafiha?" ³⁰ Luvaha mguve nyingi thivekya embewa, nivekuwamnuho handu vavekei. ³¹ Pepo valeendelie iloloma kwa Yesu vakighamba, "Kole kwafuvia fuvuke futihe kwa nguve." ³² Yesu akavavia, "Ghendenyi." Pepo Vakafuma vakaghenda kwa nguve. Lambua thoshe tihaghara ifuma mlimenyi iiria baharinyi na thoshe tikapfwia mringenyi. ³³ Vandu va kyumi vakinaghende mrinyi vakaelethera kila kindo kifumirie kwa vandu va kyumi valeghire mapepo. ³⁴ Lambua , mri thoshe akacha ithangana na Yesu. Vakinamvone vakamtereva avuke hena ithanga yavo.

¹ Yesu akaingia hena ngalawa, akaambuka akafika hena mri alechiishi. ² Lambua, vakamuendie mndu apoothere arerwe hena igodoro. Akinavone miirikilie yavo, Yesu akavavia mndu uya apoothere, "Mwanakwa, unuliwe thambi thapfo tindereghewa." ³ Lambua, vengi vaalimu va sheria vakarereana vovoka, "Mndu uu akyahira therekyo." ⁴ Yesu akamanya fundu vaafikiria, akarera, "Haniki muafikia uvichwa ngoonyi tenyu? ⁵ Kinga kike rahithi irera, "Thambi tindereghewa." Kena irera, "Mka va uivare? ⁶ Mira umanyeku mwana wa Adam aghire uwetho we reghea thambi." Alererie ifyo kwa uys apoothere, "mka vutiria itandiko yapfo ughende kenyi kwapfo." ⁷ Niho mndu uya akamka va ivuka ighenda kenyi kwakwe. ⁸ Makutano vakinavone kwiyo vakashaghaa va imtumbisha Ruva ngewe anikie uwetho lo vandu. ⁹ Yesu akinave akyoira ifuma iho, alevonire mndu aleileghwe kwa rina Mathayo, aleikee hena thehemu ya vatotha ushuru. Nawe akamvia, "Njivaria inyi." Nawe akamka akamuivaria. hena nyumba ¹⁰ Yesu akinaikae kirombo kimacha aye kijo, vakacha vetotha kodi vengi na vaghire thambi vakaya kijo hamwi na Yesu vanafundhi vakwe. ¹¹ Mafarithayo vakinavone kwiyo, vakavavia vanafundhi, "Haniki mlosha wenyu akyaya kijo na vaghelotha kodi na vaghire thambi?" ¹² Yesu akinaichwe kwiyo, nawe akarera, vandu varakyalwaa vadishigha mgheriglitavo, thari vaya vakyalwaa." ¹³ Kyamutarava mughende mughejifundha maana yakwe, "Mufurie rehema ni thi thadakayo." Ang'u niledhie, thikwa vandu vaghire thambi vo itubu, mira kwa vaghire thambi. ¹⁴ Niho vagheloshwa va Yohana vakacha kwakwe va irera, "Haniki ifwe va mafarisayo fwafunga mira vagheloshwa vapfo vakyafunga vo?" ¹⁵ Yesu akavavia, vaghethindihia arusi vairima iichwauvichwa vahena Bwana arusi? mira mifiri ikyacha Bwana arusi aondolewa ifuma kwavo niho handu vachefunga. ¹⁶ Haghireho mndu airima ivikia kibare kyathori njisha hena thori ya kala, kibare kyavutwa hena thori nayo yaongereka ibarika. ¹⁷ Haghireho vavachiviha mfiriyo msha hena kyombo kya mfiryo wakala, kole vakavika kitanga kyabarika, mfinyo wathia na kitanga kyahondeka. Handu hakwe, vavika mfinyo msha hena kitanga kisha na fyoshe fyava findekia. ^{18 19} Igheri Yesu avekyavia kindo ifyo, lambua, afisa akacha akathujudu mathiya yahwe. Nawe akarera, ''Mpfu wahwa andepfya luvahali, mira mche na uvihe kuvoho kwapfo kaghu yahwe nawe akiahe. Niho Yesu akamka na imuivaria na vagheloshwa vahave navo. ²⁰ Lambua, mka alechifuma damu miaka ikumi na ivi, akacha hawihi na Yesu na akabalia ipindo ya thori yahwe. ²¹ Ang'u aleverie, ''Kole nikabalia thori yahwe, nainyi namia.'' ²² Yesu ahaghaluka na imlambua akambia, ''Mpfu kunihe ikuji, imani yapfo indehunura.'' Nigheri iyoiyo mka uya akamua igheri yo. ^{23 24} Yesu akinafihe hena nyumba ya afisa, nawe akavavona vaghekave tarumbeta na vandu vengi vavekyakava kelele. Nawe akaghamba, ''Vukenyiha, ang'u mpfu anapfwawe mira alee.'' Mira vovakamsheha na imberesha. ²⁵ Vandu vaya vakinafunywe bwang'a akaingia chumbenyi na imvwara kuvoho na mpfu ahavukia. ²⁶ Mburithi tikamanjiha mri thoshe ²⁷ Niho Yesu akinave akyaira ifume haya vandu vavi varachivora vahamuivaria. Vakaendelea ifunya thauti ya haghuvakirera, ²⁸ ''Yesu akinafihe hena nyumba, vaya varalye vona vakacha kwakwe. Yesu akavavia, ''Muaminieku nairima imunura?'' Navo vakambia, ''Yee Mndumi.'' ²⁹ Niho Yesu akavavabalia mitho ghavo na irera, ³⁰ ''Na kive kwiyo kwenyu thafundu muaminiye.'' Na mitho ghavo ghakatambua. Niho Yesu akathithititha nairera, ''Lambuenyi nanga mndu anamanya indofi. ³¹ ''Mira vandu vaya vavi vahafuma na itangatha findo ifi hena mrithoshe. ³² Niho vandu vaya vavi va kiumi vahiaghenda kyavo, lambua, mndu umwi araichi irera avwere ni mapepo akaendwe kwa Yesu. ³³ Mapepo ghakimfume mndu vya araichi irera, akadunga irera. Vandu vengi vakashangaa na irera, ''Iki kyemdokiekyo hena Israel. ³⁴ Mira mafarisayo valekyarera ''Kwa varwe va pepo, akyatangira mapepo.'' ³⁵ Yesu akaghenda hena miri yoshe na midu. Nawe akaendelea iloshe hena mathinagogi akihubiri kirero kya umangi na inura mavnaji ghambare thoshe na fiafyoshe filemie. ³⁶ Igheri vakinalambue vandu vengi, nawe akaichwa vwathi kwathababu valehe tha magonji gharaghire mgheembea. ³⁷ Nawe akavavia vagheloshwa vakwe, ''Mavuno ni mengi, mira vaghehira kathi vadu. ³⁸ Akakyo fia mlombenyi mndumi wa mavuno kimacha arume vaghehira kathi hena mavuno ghahwe.''

¹ Yesu akawailagha vaaloshi vakwe ihumiva vavi na ivaimka nguju kaghu ya majeni mavichwa, ighabohija na igharitisha na ikira mbare those tha mavuaji na vawaji. ² Marina gha varumwi ikumi na vavi ni igha. Yevoka Simioni (ngewe ailaghwa Petro) na Andrea wavo, Yakobo mrana wa Zebedayo, na Yohana Kakiye. ³ Philipo, na Bartelemayo, Thomaso, na Mathayo mghetotha ushuru, Yakobo mrana wa Alfayo, na Tadeo, ⁴ Simoni mkananayo, na Yuda iskariote, ngewe amghendie kinghongo. ⁵ Iva ikumi na vavi Yesu aghevarumie. Nawe aghevaelekethere akirera munaghenda handu vachiikaa vamathanga na munaingia hena miri ya vathamaria. ⁶ Kivungi kyakwe mughende kwa magonji gharekie ga nyumba ya Israeli. ⁷ Na mukanighenda hubirinyi na irera, vumangi vwa kaghu vukehawihi. ⁸ Kirenyi vawaji, vuthirenyi vapfwie eleshenyi vaghire ukooma kangi, tangirenyi majeni. Munikiwe vwia, funyenyi vwia. ⁹ Munaondoa dhahabu, alamasi na shaba hena mabene ghenyu. ¹⁰ Kunaondoa mkoba hena ndambo yenyu, kana thori teongereka, fyaru kana ndata, kwaliya mhiri akyashighwa kijo kyakwe. ¹¹ Mri wowoshe kana kijiji kyokyoshe ngekyo mwaighia, shighenyi ngewe amanyikie haya muikae mpaka mfiri mwavuka. ¹² Mukamiingia hena nyumba irihirenyi, ¹³ Kole nyumba iyastahili, mborere yenyu irewe haya, mirakyo kole nyumba irayastahili, mborere yenyu vukenyi hamwi nayo. ¹⁴ Nakwavaya vakyamughuhia imwe kanna imuarania firero fyenyu, igheri muavuka hena nyumba kana mritho, kuturenyi kiluli kya marende ghemyu handuho. ¹⁵ Keni niamuvia, yava irimilia likelele miri ya Sodoma na Gomorah mfiri we nyanyiriwa ikela mritho. ¹⁶ Lolea niamuruma tha magonji maghari ya vite fyathahenyi, hena ikyo ghirenyi imanya tha njoka na muhoe tha njiwa. ¹⁷ Muve vaghehaghaa na vandu vamutika hena mabaratha, na vamuhava hena mithighiti. ¹⁸ Namwaendwe mothya ya varwe na vamangi kwa thababu yakwa, tha ushuhuda kwavo na kwa mathanga. ¹⁹ Igheri vamvia, mumaghira iovoha ni mburi mawi na niki kyarera, kwaliya kindo kyerera mwanikwa kwa igeriyo. ²⁰ Kwaliya thereimwe mwarera, mirakyo mbeho wa Papa wenyu arera voshi yenyu. ²¹ Mndu amvukia wavo imvwagha, na papa kwa mrana wakwe. Vana vavukia kaghu ya vavaghirie, na ivaendie kipfwa. ²² Na imwe mwachukiwa na kila mndu kwathababu ya rina yakwa. Mirakyo wowoshe arimilia mpaka mwisho mndutho akirwa. ²³ Igheri vakyamulitha vwathi hena mritho, richilienyi mri wa ivaria, kwakweri niyamuvia, mkairimemwe ighenda miri yoshe ya Israeli. kabla mrana wa Adamu aranavwia. ²⁴ Mloshi thimrwewe ikela mghelosha, wala mrumwi akewe kaghu ya Mrumi wakwe. ²⁵ Ifikie kwa mloshwa iva tha mloshi wake, na mhiri tha Mrumi wakwe. Ikiva vamuileghe Mrumi wa nyumba Belzabuli, ni va kiathi mvawi ikela ikelele vamurera fivichwa fya nyumba yakwe. ²⁶ Kwiyo luvaha kunavaovohavo, kwaliya haraghire mburi yoyoshe irashukuliwa, haghireho kithughenwe kirahamanyihe. ²⁷ Kiya ngekyo namuvia mmenyi, mkirere Kilangenyi, na ngekyo mwakiichao kilaini marwinyi kwenyu, mkitangathe mkiva kaghu ya nyumba. ²⁸ Munavaovoha vaya vakya vwagha mwiri mirakyo vaghirevo uwetho lwe vwagha ngoo. Kivungi kyakwe mumuovohe uya airima imalilia mwiri na ngoo kwiya ngomenyi. ²⁹ Mirakyo le kasuhu vavi vachikumbwavo kwa thndi njidu? Hata kwiyo haghireho airima ighwa mbai bila Papa wenyu imanya. ³⁰ Mirakyo hata idadi ya njwii thenyu titarirwe. ³¹ Munaghura iovoha, kwaliya mughire thamani njirwe ikela kasuhu vengi. ³² Hena ikyo kila umwi achue nirere mothya tavandu nanjihenamkiri mothya ta Papa wakwa akekaghu. ³³ Mirakyo ngewe anjilegha mothya vandu, nanyi namkavo mothya ya Papa wakwa ahe kaghu. ³⁴ Munaririkava ku nichie igheenda mborere ithangenyi. igheende mborere mirakyo ipua. ³⁵ Kwaliya vilechie igheende mndu ahavone va ndiye wakwe, na mpfu kaghu ya mae, na mkwe kaghu ya mama mkwe wakwe. ³⁶ Mvichwa wa mndu ni vaya va kenyi kwakwe. ³⁷ We ngewe amfurie ndiye kana mae ikela inyi ritho aanjistahiliwa. Na ithomfurie mthoro hana mpfu injikela inyi itho aanjistahiliwe. ³⁸ We ngewe arakyatika msalaba na injiivaria inyi aanjistahiliwe. ³⁹ We akyahasha maisha agharetha. Mirakyo we ngewe aretha maisha kwa ajili yakwa aghapata. ⁴⁰ We avakaribisha anjikariibishire inyi, nawe anjikaribisha inyi amkaribishire we ngewe amrumie. ⁴¹ Nawe akaribisha mroti kwa thababu ni mroti apokea thawabu ya mndu wa haki. ⁴² Wowoshe ampatia umwi wa vadu va, hata kikombe kya mringa wenywa uhorie, kaliya we ni mgheloshw, kena namuviawe akairimewe ivura kwa njia yoyoshe thawabu yakwe."

¹ Ikava ku Yesu akinamalie uvarorera valoshwa vakwe ikumi na vavi akavuka haya ighenda ighelosha na ibirikira hena miri yavo, ² na Yohana ake korokoronyi akinaichwe ake kaghu ya mihiro ya Kristo, ndume iiria kwa vagheloshwa vakwe, ³ na vakamvetha, "Iwe ni uya akyacha, kana haghire ungi kyafutara imverelea? ⁴ Yesu akaghalua na ighamba kwavo "Ghendenyi mughemvia Yohane ghaya ngegho mumwavona na ghaya mumwaichwa. ⁵ Vandu varachivona vakyapata ivona, varakyairima iivara vandeivara vakoma vakyaeleshwa, vapfwie marwi vakyaichwa he , vandu valepfwie vakyafufuka ighira he moo, na vandu vakyashigha vakyaviliwa kirero kicha. ⁶ Na aghire kicha arakyavona shaka hena inyi. ⁷ Kamtengo vandu vo vakinaevuke, Yesu akadunga irera na luvungano mburi ya Yohana. "Niiki muleghendie ighevona ipfo jangwani ithara likikuchwa ni mkuta? ⁸ Mira niiki muleghendie ighevona_mtu aleree thoni ta mgololo? Kweri, vaya varaa thori ta mgololo vachiikaa hena nyumba ta vamangi. ⁹ Mira mulevukie ivona iki_Nabii? Yee, namuvia, na ikela Nabii. ¹⁰ Iu niwe aveandikiwe, 'Lambua namruma mmondo wakwa mothya ya kyamu kyapfo, ngewe, achemberera njia mothya yapfo. ¹¹ Inyi namvia keni, hena ni vandu va kikahaghire ho ake kaghu ikela Yohana mghebatitha. Mira ngewe mdu hena vumangi vwa ipfo kaghu kwa Ruva we ni mrwe imkela. ¹² Idunga magheri gho gha Yohana Mghebatitha mpaka luvaha, vumangi vya ipfo kaghu kwa Ruva ni vwa nguju, na vandu vaghire nguju. ¹³ Kwa ku varoti na torati vaikalirie irota impaka kwa Yohana. ¹⁴ Kole mughuri mrikia, iu ni Elia, uya ngewe akyacha. ¹⁵ Aghire marwi gheichwa na aichwe. ¹⁶ Nikiiranithe na iki kimoghwaki? Ni thamfano wa vana vakyachetha ufuva vakyaikaa na ilaghana ¹⁷ na ighamba "Fulemukavirie firimbi mira murafine fukafugha murafugha.' ¹⁸ Kwa ku Yohana alechie bila iya mkate au inywa mfinyo, na vakava varera, "Ana mbepo." ¹⁹ Mwana wa Adamu achie akyaya na inywa vakaghamba. Angalia, ni mndu we kulighia na iirwa, mbwie wa vaghire thambi! Mira kiugho kikyarorwa ni mihiro yakwe." ²⁰ Yesu akadunga iibohija miri hena baadhi ya mihiro ya kirumo ilehirikie kwaku valeko varumbua vo mri. ²¹ Ikyo rieni kyapfo, Kolazini, Bethsaida! Kole mihiro mirwe ivehirikie Tiro na Sidoni, ghaya ghahirikie iha vaveva ku vanderumbua mri idunga kwa iraa magunia na ikufia maifu. ²² Mira kyava hahorie kwa Tiro na Sidoni mfiri wa mthirikijo ikela kwapfo. ²³ Iwe, Kapernaum, kukwa unganya ku kwavutirwa mpaka ipfo kaghu kwa Ruva. Hai kwaghatwa mpaka ipfo mbai kwa ngoma Kole kwa Sodoma havehirika mihiro mirwe thafundu. ghahirikie kwapfo, iveikaa mpaka ithanya. ²⁴ Mira naghamba kwapfo ku kyava kindo rahisi kwa Sodoma iirima irimilia hukumu ikela iwe. ²⁵ Hena igheri yo Yesu akaghanba, "Nakutumbisha iwe, Papa Mndumi wa kaghu na ithanga, kwaku kuvathughene vaghire kiugho na imanya, na ivarughulia vaya varathonie, tha vana vadu. ²⁶ Papa kwaku kilekunulirie kwiyo hena mitho ghapfo. ²⁷ Findo vyoshe finikiriwe kwakwa ifuma kwa Papa. Na haghire amuichi mwana there kwa njia ya Papa, na haghire amuichi Papa there kwa njia ya mwana, na wowoshe uya mwana aghire macha ghe mrughulia. ²⁸ Njonyi kwakwa, imwe voshe mumwaya vwasi na mumwalemewa ni mijigho ilemerie, na inyi mmuhemesha. ²⁹ Kuraenyi nira yakwa na mukuloshe ifuma kwakwa kwaku inyi nichikusha na mhoo wa ngoo na mwana ihena ya ngoo tenyu. ³⁰ Kwa ku nira yakwa ilainikiw yo na mjigho wakwa urarukie.

¹ Igheri yo Yesu akeghenda mireminyi mfiri wa sabato. Vagheloshwa vakwe valechue nja na vakadunga itenyatenya mabuva na ighaya. ² Mira Mafarisayo vakinavone kwio vakamvia Yesu" Lambua vagheloshwa vapfo vande konda torati vakyahira vindo firavie ihirwa mfiri wa Sabato" ³ Mira Yesu akavavia "Munathoma mve fundu Daudi ahirire, igheri alechue nja, hamwi na vandu alekenavo? ⁴ Fundu aingirie voshi ya nyumba ya Ruva na iya mikate iraghire chachu ngeyo iravemvie iya hamwi na vaya aveke navo thavo there ku ivevie ilighwe ilighwe ni Makuhani? ⁵ Mwenithore mwe hena torati ku mfiri wa Sabato Makuhani vachinajisi Sabato, mira vachitamirwa ikotha vo? ⁶ Mira narera kwenyu ku ngewe mrwe ikela hekalu ake ha . ⁷ Kole muveichi maana ya iki niiki, ninashigha ikela itathi , muvetarira mwe hukumu vandu varaghire ikotha. ⁸ Kwa ku mwana wa Adamu niwe Mndu wa Sabato." ⁹ Niho Yesu akavuka haya akeghenda hena sinagogi yavo. ¹⁰ Lambua haleghire mndu alemeriwe ni kuvoko Mafarisayo vakamdegha Yesu vakighamba. Kivie inurith mndu mfiri wa Sabato? kinacha vairime ighambia ku akyahira thambi. ¹¹ Yesu akavavia, "Ni u ngaa maghari yenyu kole aghire igonji limwi, na igonji iyo likaghwa voshi ya ishimo mfiri wa Sabato, akalivware we na iliduka kwa nguju ifuma hena ishimo? ¹² Kana ni kinga kya vughuri vurwe, thi mndu we ikela igonji. Hena ikyo ni kindo kivaie ihira findo ficha mifiri ya Sabato." ¹³ Niho Yesu akamvia mndu uya," Ghola kuvoko kwapfo." Akaughola na ukanua tha uya ungi. ¹⁴ Mira Mafarisayo vakafuma bwang'a na vakachemba njama fundu vammalia vaghendie bwang'a ighepanga njama araveitegemerie. Vavekyashigha fundu a mvwagha. ¹⁵ Yesu akina manye iki akavuka ho. Vandu vengi vakamwivaria, na akavanura voshe. ¹⁶ Akavaamora vanachemghambia akamanyika kwa vandu vengi, ¹⁷ Ku ikoloke kweri iya ilereriwe ni mroti Isaya akighamba, ¹⁸ Lambua mhiri wakwa nimthaghurie mbwie wakwa hena we ngoo yakwa indekuichwa kicha. Naivika Ngoo yakwa kaghu yakwe, na we afunya hukumu kwa Mathanga. ¹⁹ Akanekeneke we kana fugha kwa nguju; neri wowoshe akaichwe irwi yakwe ipfo batenyi. ²⁰ Akatenye we ithara livenyirwe, akavwaghe we utambi loloshe luchifunya m-tha, mpaka agheende hukumu yavota. ²¹ Na vamathanga vaghira nguju hena rina yakwe. ²² Mndu nganya arachivona na arachirera, avwerwe ni mpepo akaendwe mothiya ya Yesu. Akamnuritha, hamwi na kifumirie ku mndu arachirera anderera na ivona. ²³ Luvungano loshu lukamaka na irera, "Kyairima iva mndu u ni mwana Daudi? ²⁴ Mira kamtungo Mafarisayo vakinaichwe kimako ki vakaghamba, "Mndu u akyafunya we mbepo kwa nguju takwe weweka mira kwa nguju tu Belzebul, mrwe wa mbepo. ²⁵ "Mira Yesu akamanya miiririkane yavo na ivavia, "Kila vumangi vukughavie vovoka vuchikondeka, na kila mri kana nyumba iichighavika yoka ikamke yo. ²⁶ Kole shetani, amvuta shetani, bathi akyakwa na nafasi yakwe weka. ²⁷ Ni kwa njia ingaa Vumangi vnakwe vwamka? Na kole ninafunya mbepo kwa nguju ta Belzebuli, vaghefunya kwa njia yai? kuva fundu fiva iki vava vachili venyu. ²⁸ Na kole ninafunya mpepo kwa nguju ta mbepo wa Ruva, basi vumangi vwa Ruva vuchie kwenyu. ²⁹ Na mndu airima kwia iingia hena nyumba na iiva there ni thari akende mpfunga aghire nguju? Niho airima iiva mari ifuma voshi ya nyumba yakwe. ³⁰ Wowoshe areke hamwi na inuyi, na uya arakya akyavunganya na inyi, itho akyathanganya. ³¹ Hena ikyo hamwi narera kwenyu, kila thambi na iimbilia, vandu vareghewa, mira imwiibilia Mbeho mcha, vakareghire vo. ³² Na wowoshe arera kirero kivichwa Mwana wa Adamu, ikyo areghewa. Mira wowoshe arera kivichwa mpheho mcha itho akareghiwe we hena ithanga li na hata hena iyo lichie. ³³ Kana uvike mri uve mcha ndunda takwe tive njicha, kana uukonda mri na ndunda takwe, kwa ku mri uchimanyikwa kwa fundu vwa ndunda takwe. ³⁴ Imwe kighirwa kya imwe mu vavichwa, mwairima kwia ighamba findo ficha? Kwaku myumu yenyu ichirera ifuma hena ifungu ya fike ngoonyi. ³⁵ Mndu mcha hena ifungu icha ngoonyi yakwe achifunya ficha, na mvichwa ngoonyi kwakwe achifunya kivie kivie kivichwa. ³⁶ Namuvia ku hena mfiri wa hukumu vandu vafunya itaro ya kila kirero vakirerie. ³⁷ Kwa ku kwa firero fyapfo , kwa tarirwa kitea na kwafirero fyapfo kwa hukumiwa." ³⁸ Niho vatare va vaandishi na Mafarisayo vakamghaluta vakighamba "Mwalimu, fuvefwashigha ivona luvengo ifuma kwapfo" ³⁹ Mira Yesu akavaghaluta na ivavia, "Kighirwa kivichwa na kya shinde kikyashigha luvengo. Mira haghire luvengo lwarorwa kwavo ho there luvengo lwa Yona mroti. ⁴⁰ Tha vundu Yona aleke voshi ya ndenyi ya mkunga mrwe kwa mifiri iraru mthari na kio, niyo kwio kwio Mwana wa Adamu agheva voshi ya ngoo ya ithanga kwa mifiri iraru mthaghari na kio. ⁴¹ Vandu va Ninawi vamka mothya ya hukumu hamwi na kighirwa kya vandu va, navakihukumu. kwa ku valetenyire mri ifumana na mabirikiro gha Yona, na lambua, mndu nganya mrwe ikela Yona akeha ⁴² Malkia wa kusini avukia hena hukumu hamwi na vandu va kimonghwa ki na ikihukumu, Alechie ifumia mithililie ya ithanga iicha ighearania hekima ta Selemani, na lambua, na mndu nganya mrwe ikela Selemani ake ha. ⁴³ Igheri mpeho mvichwa kimfuma mndu, chiira handu haraghire mringa ikyashigha ihema, mira ikavone yo. ⁴⁴ Niho yarera, namviua hena nyumba yakwa nifumie ikivwia yakolea nyumba iya indemitha mbwa na ike tayari. ⁴⁵ Niho yaghenda na ivaende ngoo chafu tingi mfungate ngevavichwa imkela we icha ikaa na yo haya. Na mwiikalie wakwe we thilia uchiva mvichwa ikela uya wa kuvoka. Hena ikyo nifo fundu kyaghe va kwa kighirie ki kivichwa. ⁴⁶ Igheri Yesu akyarera na luvungano lambua, mae wakwe na vavo vakamka bwang'a vakyashigha irera nawe. ⁴⁷ Mndu umwi akamvia, "Lambua mao na venyu vapfo vamki bwang'a vakyashigha irera na iwe. ⁴⁸ Mira Yesu akaghalua na imvia akurorere mwana wakwa ni ii? Na veru ni ko ii. ⁴⁹ Na we akyaghola kuvoko kwakwe kwa valoshwa na ighamba, "Lambua, iva ni mama na veru vakwa! ⁵⁰ Kwaku - wowoshe ahira mifurie ya Papa wakwa ake kaghu kwa Ruva, mndu tho niwe mndughu na lumbwia wakwa na mama wakwa."

¹ Hena mfiri tho Yesu akavuka kenyi na akaikaa batenyi ya bahari. ² Luvungano mrwe wa vandu lukakuvunganya ika na imjunguluka, akaingia voshi ya ngalawa na iikaa voshi yakwe. Luvungano loshe lukamka batenyi ya bahari. ³ Niho Yesu akarera firero fingi kwa fithoma Akaghamba "Lambua mgheviaa alegheri akyaviaa. ⁴ Igheri akyaivaa mbeu tare tikaghwa batenyi ya njia na ndeghe tikacha tikadonoa. ⁵ Mbeu tingi tikaghwa kaghu ya mshaharabwe, hena ho tiravone. Rutu,tikabusha mira teri ivegharieyo. ⁶ Mira mmbari ukinavone tikaokewa na kwa ku tikaleko ta ghata miri to, tikauma. ⁷ Mbeu tingi tikaghwa maghari ya miri ighire mifwa. Miri ighire nuifwa ikaleha kaghu ikatithithima. ⁸ Mbeu tingi tikaghwa hena terii njicha na ighira tingi ndunda ikela kando ighana limwi, tingi makuhani mtandatu na tingi makumi araru. ⁹ Aghire marwi na aichwe. ¹⁰ Valoshwa vakwe vakacha vakamvia Yesu, Haniiki kukwarera na Luvungano kwa vithoma?" ¹¹ Yesu akaghaluka ivavia "Munikiwe ifurwa likelele imanya mbitho ya Vumangi ipfo kaghu kwa Papa, mira vandu vengi varanikwe. ¹² Kwakwe uya aghire kwakwe we aongererwa ikela na apata faida ndue. Mira araghive na hata kiya aghire athokwa. ¹³ Henaikyo narera navo kwa fithoma ang'u hata ku vachivona, vanavona keni. Na hamwi na ku vakyaichwa, vamaichwa nanga imanya keni. ¹⁴ Vuroti vwa Yesaya lundekoloka kwavo, uya ughambie, "Mukuchwa muichwe, mira kwa fundu fofoshe mukamanye mwe igheri mwavona muirime ivona, mira kwa vundu vovoshe munamanya. ¹⁵ Na ngoo ta vandu va tindeva mma, ni vikuji iichwa, na vapfungie mitho ghavo kimacha vanairima ivona kwa mitho ghavo, kana iichwa kwa marwi ghavo, ghavo kana imanya kwa ngoo tavo, henaikyo vavenjighalukia kangi, na nivevanura.' ¹⁶ Mira mitho ghenyu ghavikiriwe mavoko, kwa ku ghakyavona, marwi ghenyu kwa ku ghakyaichwa. ¹⁷ Keni namuvia varoti vengi na vandu vaghire kitea valeghire macha ghevona findo fi mumwafivona, na mira varairime ifivona. Valechue macha iichwa findo mumwaichwa, varafiichwe. ¹⁸ Luvaha iranienyi kithoma kya mgheviaa. ¹⁹ Igheri wowoshe aichwa kirero kya vumangi na analimanya, niho uya mvichwa acha na ikibekula kiya kiveviewe ng'u voshi ya ngoo yakwe. Ii ni mbeu iya iveviewe batenyi ya njia. ²⁰ We aviewe hena msharambwe ni uya aichwa kirero na ikighuhia fifia kwa inuliwa. ²¹ Bado aghire we miri voshi yakwe, mira airimilia kwa kamtungo kaghwihi. Igheri vwathi kana hena ilithwa vwathi ghakifumia kwa vundu vywa kirero aghwa fia. ²² Aviewe maghari ya miri ya mifwa, iu ni uya achue kirero mira mahangaiko gha ithanga na ngwina ya vuthuri, vywathithima kirero kinaghira ndunda. ²³ Aviewe hena teri njicha, iu ni uya aichwa kirero na ikimanya. iu ni aghira ndunda na uya aendelea ighira imwi ikela kando ighana, tingi makumi mtandatu na tingi makumi araru. ²⁴ Yesu akavavia kithoma kingi, Akaghamba, "Vumangi vya ipfo kaghu kwa Ruva, vwafwananishwa na mndu aviee mbeu njicha hena mremi wakwe. ²⁵ Mira vandu vakina pfwendere, mvichwa vakwe akacha, nawe akaviaa maghughu maghari ya ngano na akaghenda fyakwe. ²⁶ Ipfo mothya ngano ikinavuke na ileha ikavika ndunda, niho na maghughu nagho ghakava ku ghathangenyi kene na ngano. ²⁷ Na vahiri ndima va mweni mremi vakacha vakamvia, 'Mndumi, kuviee pfo mbeu njicha mreminyi kwapfo? kivie kwia luvaha livukie maghughu? ²⁸ Akavavia. Mvichwa wakwa ahirire kindo ki Vahiri ndima vakamvi, "Hena ikyo kukwashigha fughende fugheghaduke?" ²⁹ Mweni shamba akaghamba, "Hai, igheri mumwaghandu ka maghughui mwaduka na ngano. ³⁰ Ghalekenyi ghalehe hamwi mpaka igheri ye kova. Igheri ye kova narera na vaghekova, "Dungenyi na iduka maghughu mijigho mijigho na mughaokie, mira vunganyenyi ngano hena kihenge kiyakwa." ³¹ Niho Yesu akavafunyira kithoma kingi. Akaghamba Vumangi vya ipfo kaghu kwa Ruva vufwenene na mbeu ya haradali mndu aleiondorie na iivia hena mremi wakwe. ³² Mbeu i keni njidu ikela mbeu tingi toshe. Mira ikivuka ichiva ndue kela mbogha toshe, ichiva mri, kindo kyava ndeghe tichirunduka kagha tichiagha fisungi hena fyara fyakwe." ³³ Akavavia kithoma kingi he. "Vumangi vya ipfo kaghu kwa Ruva ni tha amira iya iondoriwe ni vaka iithanganya hena mchu kwa maghuri araru kimacha ufimbe. ³⁴ Ifyo fyoshe Yesu afirerie fithoma. Na arerie we kyokyoshe kwavo there kwa vithoma. Ii ³⁵ ni veku kiya kive ku kindenurerwa ni varoti kiirime ikoloka, haya akirera, "Narughua mumu wakwa hena fithoma. Narera findo fiya filethughenwe tangu ivoka ya mathanga. ³⁶ Niho Yesu akara luvungano na akaghenda kenyi. Valoshwa vakwe vakamwii vavua na ighamba, "Futambarulie kithomi kya maghughu gha mreminyi. ³⁷ Yesu akaghalua akavavia, Achiviaa mbeu njicha ni Mwana wa Adamu. ³⁸ Mremi ni mathanga; na mbeu njicha , iva ni vana va vumangi. Maghughu ni vana va uya mvichwa, na mndu mvichwa ativiee ni ibilisi. ³⁹ Na mafundiko ni mithio wa mathamga na vaghekova ni malaika. ⁴⁰ Sa fundu maghughu ghachivunganywa na iokewa moro, niyo kwio kyagheva mthilia wa mathanga. ⁴¹ Mwana wa Adamu aruma malaika vakwe na ivunganya ifuma hena vumangi vyakwe findo fyoshe fiendie thambi na vaya vahirire vuvichwa. ⁴² Vavakumba voshe henaiviva ya moro, he ho hagheghira ngunga na ishagha maghegho. ⁴³ Niho vandu vaghire kitea vagheaka tha ruva hena vumangi vwa Papa. Uya aghire marwi na aichwe. ⁴⁴ Vumangi vya ipfo kaghu kwa Ruva ni tha lulu ithughene shambenyi. Mndu akaivona na akathungana. Hena ikufura yakwe akaghenda akakumba vyose aghire na ilighua shamba liya. ⁴⁵ Kangi vumangi vywa ipfo kaghu kwa Ruva ni tha mndu achihira biashara yeshigha lulu ighire thora ndue. ⁴⁶ Igheri akinavone iya ighire thora ndue, akaghenda akakumba kila kindo aleghire akaighua. ⁴⁷ Vumangi vwa kaghu kwa Ruva ni tha nyavu ike voshi ya bahari na ku ichivunganya vindo fike mo fya kila mbare. ⁴⁸ Fikinaichue hena nyavu vakabulula batenyi. Niho vakaikaa mbai vakathomboa findo vicha hena ngilawa, mira fia there fya thora ndue vikakumbwa kua. ⁴⁹ Kyagheva kwio mfiri ithia ya ithanga. Malaika vaghecha na itathara vandu vavichwa ifuma hena vaghire kitea. ⁵⁰ Na ivakumba voshi ya itanuru ya moro, hagheghira mnekoneko na ishagha maghegho. ⁵¹ Mundemanya findo fi fyoshe? Valoshwe' vakamwiirikia Yee" ⁵² Niho Yesu akavavia, "Kila mgheandika vumangi vwa Ruva afwenene na mwema nyumba afunya ifuma hena kihenge kyakwe findo fisha na fya kala. ⁵³ Ikava Yesu akinafunye fithoma fyo, akavuka ifuma handu ho. ⁵⁴ Niho Yesu akafika hena ithanga yakwe akavafundisha vandu hena sinagogi kiivarilie ha kikava ku vandevwana mumu na irera "Ni ifuma kwi mndu u afunyire ikaghaa firumo fi? ⁵⁵ Mndu u thi mwana wa Seremala we? Mariamu thi mama wakwe we? na vavo thi Yakobo, Yusuph, Simon na Yuda? ⁵⁶ Na valumbwie fuke navo iha kweru. Bahi mndu u andeghafunya kwi ghoshe gha?." ⁵⁷ Avakwerere iding'a mira Yesu akavavia "Mroti achivurawe shima thari kwavo na hena ithanga yavo. ⁵⁸ Na arairimie ihira firumo fingi we angu vavurire mwiirikio kwakwe.

¹ Hena igheri iyo, Herode akaichwa mburi ta Yesu. ² Akivavia vahiri ndima vakwe "Iu ni Yohana mghebatitha andevuka ifuma hena vapfwie. Hena ikyo nguju li tike kaghuyakwe." ³ Kwaku Herode alemvwere Yohana akamfunga na imkumbila korokoronyi fundu fwa Herodia, mka wa Pilipo mamae. ⁴ Ni lia Yohana alemvia, si kicha kyo imuondoa we ave mka wakwe." ⁵ Herode ave mvwagha, mira aleovohie vandu kwaku valemvonire Yohana ku ni mroti. ⁶ Mira mfiri we kumbuka ighirwa ya Herode ukinafike, mpfu wa Herodia akafina maghari ya vandu na Herode akanuliwa. ⁷ Hena inuliwa yo akarava kwa ighamba ku amnika kyokyoshe amlomba . ⁸ Vakinavikiane mrwe na mae, akaghamba, "Njinika inyi iha hena kitangu kirongo kya Yohana mghebatitha." ⁹ Mangi Herode akava andefura we kyo andelombwa ni mpfu, mira kwaku averavie , na hena fundu fwa vandu vaveke kijonyi hamwi nawe akaagiza ku kivaie kihirike. ¹⁰ Akaruma Yohana aendwe ifuma korokoroni ¹¹ kimacha aveghwe mrwe wakwe na kirongo kyakwe na kikaendwe hena ithinia na akanikwa mpfu akakitika kwa mae wakwe. ¹² Halafu valoshwa vakwe vakacha igheuondoa mwiri uya iurika, na Baada ya iho vakaghenda imvia Yesu . ¹³ Na we Yesu akinaichwekwio, akatethia ifuma haya akakwea voshi ya mashua akaghenda handu hatetyheriwe. Igheri Luvungano lukinamanye handu akei, kwa marende ifuma mrinyi. ¹⁴ Niho Yesu akacha, mothya yavo akaluvona luvungano hirwe lwa vandu. Akavavonira mbonea na inura mavuji ghavo. ¹⁵ Kyavukwau ikinafike vagheloshwa vakacha kwakwe na ighamba, Ii ni kibare kya jagwa na mthaghari undemiira. Valekele luvungano vaghende fijijinyi vagheghua kijo kyavo." ¹⁶ Mira Yesu akavavia, "Vaghire vo sababu Yeghenda vamikenyi imwe kijo" ¹⁷ Vakambia, "Iha fure mikate itanu na mikunga ivi du." ¹⁸ Yesu akaghamba, Iendenyi kwakwa." ¹⁹ Niho Yesu akaagiza luvungano luikae mbai hena mara.Akaondoa mikate iya itanu na mikunga ivi. Akalambua kaghu kwa ruva akavikia vuvoko na ibendua mikate na ivanika vagheloshwa. Vagheloshwa vakavanika vanduva luvungano. ²⁰ Vakaya voshe na iighuta. Niho vakavunganya firumbue rumbue fya kijo fireghiwe mbai na fikaichura fi kapu ikumi na fivi. ²¹ Vaya valighie valetairwe iva vandu va kyumi fiku fitanu na bila itara vandu va kika na vana. ²² Fia tia akaagitha valoishwi vaingie voshi ya mashua, igheniyo voshi akavalaghanya vandu va luvungano ku vaghende kwavo. ²³ Ekinalaghanye luvungano vaghende kwavo, akakwea kaghu Fumbuny ighelomba we weka. Akava ku ake pfo weka igheri ya kyavukwau. ²⁴ Mira luvaha mashua iveke maghari ya bahari ikyayungayunga vundu vwa mawimbi, kwaku mkuta ni le wa mbisho. ²⁵ Hena kio ya ikamba ya kana, Yesu akavachia akyaivara kaghu ya mringa. ²⁶ Igheri vagheloshwa vakwe vakimvona akiivara kaghu ya bahari, vakaovoha na ighamba, Ni mthuka." na ikava kelele vweovoha. ²⁷ Yesu akavavia kanda kamwi, akighamba" Kundindishenyi ngoo! ni inyi munavoha." ²⁸ Petro akamghalua kwa ighamba, Mndumi, kole niwe, njivia niche kwapfo nikyavara kaghu ya mringa." ²⁹ Yesu akaghamba, "Njoo" Henaikyo Petro akafuma voshi ya mashua akaghenda kaghu ya mringa imwiria Yesu. ³⁰ Mira Petro akinavone mawimbi akaovoha na akadunga ikindia, thinyi, akailagha kwa irwi ya kaghu akaghamba, "Mndumi njikira!" ³¹ Fia Yesu akaghola kuvoko kwakwe na imvutira Petro na imvia, "Iwe kughire mwiirikirie mndu haniiki kuveghire mwiitikijo mndu? ³² Niho Yesu na Petro vekinaingie hena mashua, mkuta ukatia. ³³ Vakaloshwa vaveke mashuenyi vakamwiirikia Yesu na ighamba "Kweri iwe ku Mwana wa Ruva." ³⁴ Na vakinaambuke, vafikie ithanga ya Genesareti. ³⁵ Na vandu hena handu vakinamanye Yesu, vakaruma mmondo kila handu ha batenyi, na iende kila mndu nge muwaji. ³⁶ Vakamlomba nanga vaveirima ibalia ipindo ya thori yakwe, na vengi va balirie vanurie.

¹ Niho Mafarisayo na Vaandishi vakacha kwa Yesu ifuma Yerusalemu. na vakaghamba, ² "Haniiki valoshwa vakya konda niikalie ya vaghothi? kwaku vakyathamba vo mavoko vakiya kijo." ³ Yesu akavaghalua na ivavia, Naimwe _haniiki mumwaikonda torati ya Mndumi fundu vwa miikalie yenyu? ⁴ Kwaku Ruva aleghambie, 'mvikie shima papa na mama wapfo; na Amumbilia ndie wakwe na mae wakwe keni apfwa. ⁵ Mira imwe muchighamba, kwamvia papa wapfo na mama wapfo, Kila lugherijo ngelo avevona ifuma kwaka luvaha ni ifuma kwakwa ni zawadi ifuma lwa Ruva. ⁶ Mndu tho aghire we ngwi na ye mvikia shima papa wakwe kwa njia ii, munde kikonda kirera kya Ruva vundu vwa miikalie yenyu. ⁷ Imwe vaghelinga nisha. Ni keni fundu Yesaya arotie findo fyenyu akighamba, ⁸ "Vandu va vachinjivikia inyi shima kwa mnyumu yavo, ngoo tavo tike kua na inyi. ⁹ Vachinjiinamia bure kwa ku vakyalosha mitikijo nge maamoro gha vanadamu." ¹⁰ Niho akavailagha vandu va luvungano na ivavia "Iranienyi na manyenyi _ ¹¹ Haghire ho kindo kichiingia mumu va mndu na imvika ave najisi.Mira kiya kyafuma mumu, iki nikyo kichivika mndu ave ajisi." ¹² Niho valoshwa vakamwivaria na irera na Yesu. "Kula kueichi ku Mafarisayo vakinaichwe kirero kiya vandekuichwa uvichwa?" ¹³ Yesu akavaghaluta na ighamba "Kila mri ngetho Papa wakwa wa ipfo kaghu arauviee wadukwa. ¹⁴ Valekenyi voka, vo ni vaghethongolea vapfwie mitho kole mndu apfwie mitho arora njia urwee apfwie mitho, voshe vavi vaghwa iloninyi." ¹⁵ Petro akaghalua na imvia Yesu. Fuvilie kithoma ki kweru. ¹⁶ Yesu akaghalua, Na imwe he muveko mwamanya mwe? ¹⁷ Imwe muvoni ku kila kichighenda mumu kichiiria ndenyi na ighenda choonyi? ¹⁸ Mira findo fyooshe fya ifuma mumu fifumie voshi ya ngoo. ¹⁹ Nifyo findo fyamvikia mndu najisi. Kwa ku ifuma hena ngoo hachifuma miririkanie mivichwa, ivwagha, irera mongo na iimbilia. ²⁰ Ifi nifyo findo fichivikia mndu vunajisi. Mira iya bila ithamba mavoko kwairima kwo ivika mndu aghire najisi. ²¹ Niho Yesu akafuma handu haya na akatethia mbarinyi ilambua mri wa Tiro na ²² Sidoni.Lambua akacha mka umwi mkanani ifumia ughongo luya. Akakwera irwi yakwe na kaghu akaghamba njivonia mbonea Mndumi, mwana wa Daudi; mpfu wakwa akyalithwa mnu vwathi mbepo." ²³ Mira Yesu aramghalue kindo. Valoshwi vakwe vakacha vakamlembalemba , "Mvute aghende fyakwe, angu akyafulothea. ²⁴ Yesu akavaghalua na ighamba, Thirumiwe kwa mndu wowoshe nyi gharekie gha magonji gharekie gha nyumba ya Israeli." ²⁵ Mira akacha na iinama mothiya yakwe, akarera, "Mndumi njitasha" ²⁶ Akamghalua na ighamba "Si kicha kijo iondoa kijo kya vana ikumbilia fite," ²⁷ Akarera," Yee, Mndumi, hata kwio vana va kite vachiya kijo kichighwa thinyi ya metha ya Mndumi wavo." ²⁸ Niho Yesu akaghalua akighamba "Mka, mwirikirie wapfo ikyo kukwashigha." Na igheri iyoiyo mpfu wakwe akava andenurwa. ²⁹ Yesu akavuka handu haya akaghenda haghwihi na bahari ya Galilaya. Ifuma ho akakwea hena fumbu akaikaa pfo. ³⁰ Luvungano irwe ya vandu likacha kwakwe. Na vakamwendie vandu valeghele virungo fya mwiri, varachivona varairima irera, varairima na vengi valekyalwaa. vakavanika hena marende gha Yesu nawe akavanura. ³¹ Na lo luvungano lukareghwa lupfiwe ni mrwe vakinavone varachi rera vakyarera , na valeghele firungo vakiva vasha valeghele marende vakiivara na vapfwie mitho vakivona. Vakamtumbisha Ruva wa Israeli. ³² Yesu akailagha valoshwi vakwe akaghamba." Ndevavo nira mbonea luvungano ang'u vandeikaa na inyi mifiri iraru bila iya kyokoshe. Thikavala ghanye nyi vaghande kwavo bila iya kijo njia". ³³ Valoshi vakwe vakambia, "Ni kwi iha nyika fwavona mikate ifikie iighutisha luvungano lurwe kwiii lwa vandu Vandu? ³⁴ Yesu akavavetha "Muure mikate ilinga? Vakaghamba "mfungate na mikunga midu" ³⁵ Yesu akavalotira luvungano vaikae mbai. ³⁶ Akavutira mikate iya mfungate na mikunga, na akinatereve, akaibendua na ivanika valoshwi vakwe. Valoshwi vakavanika vandu va luvangano luya. ³⁷ Vandu voshe vakaya na iighuta . Na vakavunganya virumbue rumbue fya fijo fighuvie mbai fikaichura fikapu mfungate. ³⁸ Voshe valighie ni le vandu va kyumi fiku fina bila itara vandu va kika na vana. ³⁹ Niho Yesu akavalaghanya vandu va luvungano vaghende kwavo na akaingia voshe hena mashua na akaghenda ipfo Magadani.

¹ Mafarisayo na Masadukakayo vakamchia imghesha Yesu avarore luvengo Lwafuma na ipfo kaghu. ² Mira Yesu akavaghalua na ivavia ku" Kole igheri kwau mwaghamba igheri icha kwaku kaghu irotome. ³ Na ikero mwaghamba "Igheri isanya tyhi icha yo kwaku kaghu irotome na mailwi ghashikirie kaghu yoshe muichi itaifija fundu kaghu ifwenene, mira mwairima mwe itafija maluvengo lwa magheri. ⁴ Kighiriwe kivichwa na kya shinde kikyashigha livengo loloshe lo kyaghenikwa, there hangi iya ya Yona. Na iho Yesu akavara na akaghenda kyakwe. ⁵ Vagheloshwa vakacha ughongo lwa kavi, mira valeivee icha na mikate. ⁶ Yesu akavavia "Tethienyi na mulambue mnu chachu ya Mafarisayo na Masadukakayo." ⁷ Vagheloshwa vakaghalutana voka kwa voka na vakaghamba. "Ni liya furandeende mikate." ⁸ Yesu akamanya ngekyo vavekyarera na akarera. "Imwe mughire mwiirikirie mdu, haniiki mude dunganya na ighaluana mwe mweka na ighamba ni fundu fwa ku muendie mikate mwe? ⁹ Ni ku munamanya kana mukumbukie mwe mikate iya itanu hena vandu fiku fitanu, na fikapu filinga mulevungenye? ¹⁰ Kana mikate mfungate hena vandu fiku fina na fikapu filinga muleondorie? ¹¹ Kindeva kwia ku mumwamanya mwe ku thileko narera na imwe nyi mburi ya mikate? Kulambuenyi na tethienyi na chachu ya Mafarisayo na Masadukayo. ¹² Niho vakarughukiwa ku avekyavavia we itethia mikate ighire chachu mira itethia miirikilia Mafarisayo na Masadukayo. ¹³ Igheri Yesu ekinafike ughongo lwa kaisaria ya Filipi, akavavevetha valoshwi vakwe, akaghamba, "Vandu vakyaghamba ku Mwana wa mndu ni we i ? ¹⁴ Vakaghamba "Vengi vakyaghamba ki ni Yohana Mghebalitha; Vengi, Eliya, na vengi Yeremia, kana umwi wa varoti. ¹⁵ Akavavetha imwe mwaghamba ku inyi ni-i? ¹⁶ Hena ighaluta Simon Petro akarera, "Iwe Kristo Mwana wa Ruva ake na moo" ¹⁷ Yesu akamghalua na imbia, "kuvikiriwe mavoko iwe, Simoni Bar Yohana, kwa ku damu na nyama fikufunyire fyo ki, mira Papa wakwa ake kaghu. ¹⁸ Na inyi mirakuvia ku iwe ku Petro, na kaghu ya msharambwe u naliagha kanisa yakwa vyoti fya ipfo kwa ngoma fikalivote fyo. ¹⁹ Nakunika iwe funguo ta vumangi vwa ipfo kaghu kwa Ruva. Kyokyoshe kwakifinga iha mathangenyi kyava ku kindefingiwa na ipfo kaghu kwa Ruva, Kyokyoshe kwakirughua iha mathangenyi kyarughuliwa na ipfo kwaghu kwa Ruva. ²⁰ Ndipo Yesu akaamora valoshwi vakwe vanavia mndu wowoshe ku we niwe Kristo. ²¹ Idungia igheri yo Yesu akava akyavia valoshwa vakwe ku ni mithari aghende Yerusalemu, alithwe vwathi vundu vwa findo fingi hena mavoko gha vaghothi na varwe va makuhandi na vaandishi, ivwaghwa na mfiri wa kararu ivuka ifuma hena vapfwie. ²² Niho Petro akamghomoa mbarinyi imbohija kwa ighamba, "Kindo ki na kiirie pfo kua na iwe, Mangi, iki kinafumia kwapfo. ²³ Mira Yesu akaghaluka na imbia Petro, "vwia nyuma yakwa Shetani. Iwe ku kithingiti kwakwa kwaku kuchithara pfo vindo fya Ruva mira fya vanadamu." ²⁴ Niho Yesu akavavia valoshwa vakwe "Kole mndu wowoshe akyashigha injivaria inyi, nimi thari akudahe we weka, aondue msalaba wakwe na anjivarie. ²⁵ Kwa ku akyashigha ikira moo wakwe aureta na kwa wowoshe areta moo wakwe vundu vwakwa aukira. ²⁶ Kana ni faida njiki avona mndu auinikwa ithanga yoshe mia arete ngoo yakwe? kana ni kindo kiki afunya mndu hena ikoronya na ngoo yakwe. ²⁷ Kwaku Mwana wa Adamu achecha hena nguma ya Papa wakwe na Malaika vakwe. Nawe amliha kila mndu ianana na mihirire yakwe. ²⁸ Kweri namvienyi haghire hena fimive mumki ha ngevo varakapfwie mpaka vakami mvona Mwana wa Adamu akicha hena vumangi vwakwe.

¹ Mifiri mtandatu ikinaire Yesu akaondoa hamwi na we Petro, na Yakobo, na wavo Yohana na akavaonda mpaka kaghu ya fumbu njacha vo voka. ² Akaghalutwa mothya yavo kyamu kyakwe kikaaka tha ruva, na thori takwe tikavonwa titaaka tha kilanga. ³ lambua, haya vakafumia Musa na Eliya vakyarera nawe. ⁴ Petro akaghalua na imvia Yesu, "mndumi, ni kicha kweru ifwe iika handu ha kole ukashigha naagha iha fibanda firaru kimwi kyapfo, na kimwi fundu vwa Musa na kimwi fundu vwa Eliya. ⁵ Igheri akyarera kwio, lambua ilwi ya njewa likavavikia mshe na lambua likafuma irwi ifuma hena ilwi likarera, "Iu ni Mwana wakwa mkundwa anjinulirie. Mwiirikienyi we." ⁶ Valoshwi vakinaichwe kwio vakaghwa kipfwulwi pfulwi na vakaovoha mnu. ⁷ Niho Yesu akacha akavabalia na ighamba. "Vukienyi neri munavoha." ⁸ Navo vakavutira kaghu fyamu fyavo mira varavone mndu mira Yesu we weka. ⁹ Na vakyaghara fumbunyi, Yesu akawaagiza akaghamba, "Munafunya mburi i ya vuroti vu mpaka Mwana wa Adamu avuke ifuma hena vapfwie." ¹⁰ Valoshi vakwe vakamvetha vakaghamba." Ni haniiki vaandishi vakyaghamba ku Eliya athongaa icha? ¹¹ Yesu akavaghalua na irera, "Eliya acha kweri na avwighira findo vyoshe. Mira na muvienyi imwe, Eliya andemicha. ¹² Mira varamanye. Handu hakwe vakamhirira findo vo vafishighie. Na kwio nifo mwana wa Adamu aghelithwa vathi hena mavoko ghavo." ¹³ Niho valoshwi vakwe vakarughuliwa ku avekyarera mburi ta Yohana batizaji. ¹⁴ Vakinafike mothya ya vandu vengi mndu umwin akamwiivaria akainamia yakwe na imbia, ¹⁵ "Mndumi, mvonie mbonea mwana wakwa, ang'u aghire kitha na andeya vwathi mnu. kwaku kando kengi achighwa moronyi kana hena mringa. ¹⁶ Nilemwendie kwa Valoshwa vapfo, mira varairime imnura. ¹⁷ Yesu akaghalua akaghamba, Imwe kighirikie kirairikilie na kikondekie , naikaa na imwe mpaka indii? Nirimiliane na imwe mpaka indii? Mwende iha kwakwa" ¹⁸ Yesu akaibohia na mbepo ikamfuma. Mthoro akanurwa iheri liya liya. ¹⁹ Niho valooshwa vakamchia Yesu kwa mbitho na imvetha, "Haniiki furairime iitangira? ²⁰ Yesu akavavia "Ni kwa fundu vwa mwiirikiro wenyu mdu. Kweri namuvienyi kole mwaghira mwiirikio hata mndu tha ndunda ya mbeu ya haradali mwairima ilivia fumbu li thana ifuma ha ughende kwia, natho wathana na hakaghire kindo kyokyoshe kyalema kwenyu ho. ²¹ (Zingatia: Maneno ya mstari wa 21 "Lakini aina hii ya pepo haiwezekani kutoka ila kwa maombi na kufunga," hayoonekani katika na kala bora za kale). ²² Igherivaeke Galilaya Yesu akavavia Vaoshwi vakwe. "Mwana wa Adamu aingirwa hena mavoko gha vandu. ²³ Na vamvwagha, na mfiri wa kararu avuka ifuma hena vapfwie." Valoshwa vakwe vakashinirwa mnu. ²⁴ Navo fekinafike Kapenaumu, vandu vachivwara kodi ya nusu shekeli vakamwi ivaria Petro na imbvia "Kana Mlosha wenyu achiliha we kodi ya nusu shekeli? ²⁵ Akaghalua, "Yee". Mira Petrop akinaingie nyumba, Yesu akarera na Petro kuvoka na ighamba "kukwadunganya iki Simon? Vamangi kodi kana ushuru ifuma kwai? kwa vaya vavaikalirie kana vaghenyi? ²⁶ Na igheri Petro akighamba, Ifuma kwa vaghenyi Yesu akambvia kwio vagheikaliwa vandevutwa hena iliha kodi. ²⁷ Mira funache ruma vaghevwara kodi vakahira thambi, ghenda baharinyi kumba ndoana, na u-uondue mkunga wa kuvoka ivwarwa. Ukami tambarua mumu watho kwakolea shekeli imwi. Iondue na uvanike vaghewara kodi fundu vwakwa na iwe.

¹ Igheri iyoiyo valoshwa vakacha kwa Yesu na imbia. Ni-i ngewe mrwe hena vumangi vwa ipfo kaghu kwa Ruva?" ² Yesu akamwilagha mwana mndu akamvika maghari yavo. ³ na ighamba, Kweri namuvienyi, mura mierumbue mri na mukava tha vana vandu mukairime mwe iingia hena vumangi vwa Ruva. ⁴ Henaikyo wowoshe akaghaluta tha mwana mndu , mndu tha itho ni mrwe hena vumangi vwa ipfo kaghu kwa Ruva. ⁵ Na wowoshe aghuhia mwana mndu hena rina yakwa anjihuhirie inyi. ⁶ Mira wowoshe aruma umwi hena vana vavandu vakondeke, kiveva kicha kwa mndu tho ighwe irwe Yeshaghia likapfungirwa hena ndhingo yakwe na ikindithwa baharinyi. ⁷ Vwathi kwa ithanga fundu vwa igheri ye gheshwa! Kwaku ni mithari magheri gho ghache, mira vwathi kwa mndu uya magheri gho ghaghecha fundu fwakwe! ⁸ Kole kuvoko kwapfo kana kurende kwapfo kwakuingira hena mighesho, urumbue na uukumbe kua na iwe. Ni kicha mnu kwapfo iwe iingia hena ngalamo kuraghire kuvoko kana kilema, handu kwa kumbwa hena moro wa telele kughire mavoko ghoshe kana marende ghoshe. ⁹ Kole ritho yapfo likakunika mighesho, likafunye na ulikumbe kua na iwe. Ni kicha mnu kwapfo iwe uingie hena ngalamo na ritho limwi handu kwa kumbwa hena moro wa telele kuke na mitho ghoshe. ¹⁰ Lambuenyi ku mwanachemdaha umwi wa vandu va. Kwa ku namuvienyi ku ipfo kaghu kwa Ruva haghire malaika wavo mifiri yoshe vakya kilambua kyamu Papa wakwa ake kaghu. ¹¹ (Zingatia: Maneno yanayooneka kama ya mstari wa 11, Kwaku Mwana wa Adamu alechie ikira kiya ngekyo kilerekie " hayakuonekana katika nakala bora za kale). ¹² Mndedunganya iki? Kole mndu aghire magonji ighana limwi, na limwi likareka, hii akaghare we ghaya makumi kenda na kenda fumbunyi na iivaria limwi lirekwe? ¹³ Na akamilivona, kweri namuvienyi, alinuliwa ikela ghaya makumi kenda na kenda gharalerekie. ¹⁴ Kwio kwio thiyo mifurie ya Papa wenyu wa Kaghu ku umwi wa vadu va areke. ¹⁵ Kole mndughu wapfo akakuhira therefo, ghenda, ughemrora ikyo ngekyo kirake nicha maghari yenyu we ake weka. Kole akakuirania kwava ku kundem vwighira mndughu wapfo. ¹⁶ Mira kole arakuiranie, ondoa mndughu ungi imwi au vavi hamwi na iwe, kwa ku myumu ya vaonwa vavi au vararu kila kirerop kyadimshwa. ¹⁷ Na kole akadaha imuirania, via kanisa kindo ki, kole kadaha he iirania kanisa, bathi na ave tha mmataifa na mgheondoa ushuru. ¹⁸ Kweri namuvienya; Kyokyoshe kiya mwakifinga mathangenyi na ipfo kaghu kyafingwa. na kyokyoshe mwakirughua mathangenyi na ipfo kaghu kyarughuliwa. ¹⁹ Kangi na namuvienyi ku yenyu vandu vavi maghari yenyu vakqirikiliana hena kindo kyokyoshe mathangenyi vyakyakilomba ikyo Papa wakwa waipfo kaghu akihira. ²⁰ Kwa ku vavi kana vararu vakavungana handu fwa rina yakwa, Inyi nike maghari yavo. ²¹ Kangi Petro akacha akamvia Yesu, "Mndumi ni kando kalinga mdughu akanjivika uvichwa ni mreghe? Hata kando mfungate?" ²² Yesu akavavia, "Sikaku vie kando mfungate, mira hata makuhani mfungate kando makumi mfungate. ²³ Fundu vya ikyo Vumangi vya ipfo kagu vufwenene na Mangi ng'anya aleshighie irekebisha mataro ifuma kwa mthoroo wakwe. ²⁴ Ekinadunge irekibisha mataro umwi akaendwe kwakwe ngewe akyamlavia talanda fiku ikumi. ²⁵ Kwaku aleghire we njia alicha , mthuri wakwe aka amora akumbwe we mka wakwe hamwi na vana vakwe na kila kindo ake nakyo na thile ilikwe. ²⁶ Hena ikyo mthoro akaghwa, akainamia ndi mothya yakwe akaghamba. "Mndumi, mbele njirimilia, na kuliha kila kindo." ²⁷ Kwiyo mthuri wa mthoro uya, fundu vwe mghuria mbonea uya, akamlekela na imreghea thile iya. ²⁸ Mira mthoro uya we akafuma na akamvona mthoro urwee, alekyamlavia denari ighana. Akamghomoa, akamkwida nthingo na imvia "Njiliha ngekyo ninakulavia" ²⁹ Mira mthoro uya akamghwia urwee na imlomba mnu akighamba. Umbekevera kadu nainyi nakuliha." ³⁰ Mira mthoro uya wa kuvoka akalegha. Handu ave m-arania urwee, akaghenda akamkumba korokoronyi mpaka ho achemliha ikyo akyamlavia. ³¹ Na vathoro vaya vengi vekinavone ikyo kindefumia, vakapfwiwa ni ngoo mnu. Vakacha vakamvia mthuri wavo kila kindo. ³² Niho mthuri uya wa mthoro uya akamwilagha na imvia, "Imwe ku mthoro mvichwa, nilekuregherie iwe thile nilenakulavia kwaku kulenjilombie mnu. ³³ Hii kivekutarire kyo na iwe umghirire mthoro uroo mbonea thafundu nainyi mkuvonerie iwe mbonea? ³⁴ Mthuri wakwe akakwewa ni idinga na akamnikia kwa vatesi mpaka alihe thile yoshe avekyalaviwa. ³⁵ "Nifo kwio Papa wakwa wa kaghu aghemuhira, kole kila umwiwenyu arakamreghie ndughu wakwe ifuma hena ngoo tenyu."

¹ Ikafumia Yesu akinamalie firero fyo, akavuka Galilaya, na akaghenda mwakenyi na Yudea mothia ya mfo Jordani. ² Luvungano lurwe lukamwivaria, na akavanura pfo. ³ Mafarisayo vakamchia, vakamghera, vakambia, "Hii kiirikiriwe kwa mndu imleka ka wakwe kwa vundu vovoshe ?" ⁴ Yesu akaghalua na ighamba, "Muthoniie mwe ku we amuvumbie ivokaalemuvumbie mmi na mka? ⁵ Na kangi akaghamba, Kwa vundu vo mndu wakyumi avara ndie wakwe na mae wakwe, na ivwarana na mka wakwe, navo vavi vava mwiri umwi." ⁶ Hena ikyo thi vavi he vo mira nimwiri umwi. Hanaikyo kiya akivwerenithe Ruva, mndu wowoshe anakithathara. ⁷ Vakamvia, "Luvaha haniiki Musa alefuamorire ifunga hati ya talaka na ivaleka?" ⁸ Akavavia, "Kwa vundu vwa ikongoma ya ngoo tenyu Musa alemuirikilirie ilekana na vaka venyu, mira tangu ivoka thilekwio yo. ⁹ Na muvienyi, ku yeyoshe aleka mka akwe there kwa mburi ye shida, na akaondoa ungi, andeshinda.Na mnduni aondoa mka alekiwe andeshinda. ¹⁰ Valoshwa vakamvia Yesu "kole nifo kikei kwa mim na mka, thi kicha kyo iondoa." ¹¹ Mira Yesu akavavia, Thi kila mndu airima iirikia marungo gha, there ku ni kwa vaya du vairikiriwe ighuhia. ¹² Kwa ku haghire matowashi kwa kimoghwa kyavo ifuma ndenyi ya mae, Na kangi haghire matowashi vaghahiriwe ni vandu, Na haghire matowashi vakukuvikie matowashi vundu vwa vumangi vwa ipfo kaghu. ¹³ Niho akaendiwe------ ya vana vadu kimacha avavikie mavoko kaghu yavo na ilomba, mira valoshwa vakwe vakabohija. ¹⁴ Mira Yesu akaghamba "Valekenyi vana vadu vache kwakwa, kwaku vumangi vwa ipfo kaghu ni vwa vandu tha ivo. ¹⁵ Na we akavikia mavoko ghakwe kaghu yavo na niho akavuka haya. ¹⁶ Lambua mndu umwi akacha kwa Yesu na ighamba,"Mwalimu ni kindo kinga kicha kikyashighwa nikihire kimacha niirime inikwa ngalamo?" ¹⁷ Yesu akamvia, "Haniiki kukwanjivetha ni kindo kinga kicha? Hana umwi du ngewe mcha, mira kole kukwashigha ivona ngalamo vwara torati ta Ruva." ¹⁸ Mndu uya akamvetha, "Ni torati tinga? Yesu akarera. "Kunavwagha, kunashinda, kunaiva, kunafunya vuonwa vwa mongo, ¹⁹ vavikie shima Papa wapfo na mama wapfo, na mfure mndu wa hawihi na iwe fundu kukufurie iwe kweka." ²⁰ Mndu uya akavavia, "findo vyoshe fyo ndemifihira, ni nashighwa he kinga? ²¹ "Yesu akamvia "Kole kukwashigha iva mndu akolokie, ghenda, ughekumba findo fyoshe kughire na uvanika na iwe kwaghira, lulu ipfo kaghu kwa Ruva. Niho uche unjiivarie." ²² Mira mbwange uya akinaaranie fia Yesu andemvia, akavuka ashiniriwe kwa ku aleghire mari nyingi. ²³ Yesu akavavia valoshi valoshwi vakwe, kweri namuvienyi, kithinya kwa mndu mthuri iingia hena vumangi vwa ipfo kaghu. ²⁴ Kangi namuvienyi, ni rahisi ngamia iira hena ilomi ya thingano, ikela mndu thuri iingia vumangivwa Ruva. ²⁵ Valoshwi vekinaichwe kwio vakathamamatamnu na ighamba, "Ni ungaa luvaha aghevona ngalamo?" ²⁶ Yesu akavalambua akaghamba "Kwa vanadamu ikyo kikairime kyo, mira kwa Ruva fyoshe fyairima iva. ²⁷ Niho Petro akamghalua na imvia, "Lambua fureghie fyoshe na fukakuivaria iwe. Ni kindo kiki fwaghenikwa?" ²⁸ Yesu akavavia, "Kweri namuvienyi, uya anjiivarilie inyi, henakighirikie kisha, igheri Mwana wa Adamu akighe ikaa hena Kipfumbi kya ngalamo yakwe, naimwe namwe mwagheikalia kaghu ya fipfumbi ikumi nafivi fya vumangi ivahukumu mbare ikumi na ivi ta Israeli. ²⁹ Kila umwi wenyu areghire nyumba mamae, lumbwie, papa, vana, kana shamba kwa fundu vwa rina yakwa, aghuhia kando ighana na irithi ngalamo ya telele. ³⁰ Mira vengi nge va Kuvoka ithanya vagheva va mwisho, na ngevo va mwisho, vagheva va kuvoka.

¹ Kwa ku vumangi vwa ipfo kaghu vufwenene na mweni mremi, avukirie akarero kimacha avone vahiri ndima hena mremi wakwe wa mizabibu. ² Akinairikiriane na vahiri ndima dinari imwi kwa mfiri, akavaruma hena mremi wakwe wa mizabibu. ³ Akaghenda he kamtungo ka mathaa araru na akavona vahiri ndima vengi vamki ufuva varaghire ndima yehira. ⁴ Akavavia, "Naimwe ghendenyi hena mremi wa mizabibu, na kyokyoshe kimuvaie namuliha". Henaikyo vakaghenda ighehira ndima. ⁵ Akaghenda he magheri gha mathaa mtandatu na he magheri gha saa ya kwenda, na akahira kwio kwio. ⁶ Kando kengi he igheri ya thaa ikumi na imwi, akaghenda na ivakolea vandu vengi vamki varaghire ndima yehira. Akavavia, Haniiki mumki ha muraghire ndima yehira mfiri mthima. ⁷ Vakamvia, kwa ku haghire mndu wowoshe andefumka ndima. Akavavia "Na imwe he ghendenyi hena mremi wa mizabibu. ⁸ Igheri ya kyavukwau likinafike, mweni mremi wa mixzabibu akamvia myapara wakwe, Vailaghe vahiri ndima na uvalihe mariho ghavo idunga na va msirikijo mpaka wa kuvoka." ⁹ Vakinache vaya valenikiwe ndima chaa ikumi na imwi, kila umwi wavo akalinwa dinari. ¹⁰ Vakinagheche vaya vahiri ndima va kuvoka, vakadunga ku hangi vo valihwa ikela, mira vakalihwa kila umwi dinari imwi. ¹¹ Vakinaghuhie mariho ghavo, vaka mnungumikia mweni mremi. ¹² Vakaghamba, 'vahiri ndima iva vethililia vo vandema kwa igheri ya thaa imwi du, mira kundevaananitha na ifwe, ifwe fududie mjigho mfiri mthima na iokewa ni mbari. ¹³ Mira mweni mremi akaghalua na irera na umwi wavo, Mbwie, thihiri muveirikiliene mwe na inyi kwa dinari imwi? ¹⁴ Ondoa kiya ngekyo kikuvaie na ughende kyapfo. Ni inuliwa yakwa ivanika vahirindima nivaondondorie thililionyi kiringanyo ikyo nikulihie iwe. ¹⁵ Kana kinjivaie kyo ihira kiya ninakishigha na mari yakwa? Kana ritho yapfo lindevona funu kwaku inyi ni mndu mcha? ¹⁶ Henaikyo wa mthililio ava wa kuvoka na wa kuvaka wa mthililio." ¹⁷ Yesu akikwea ighendaYerusalemu, Alevavondori valoshwa vakwe ikumi na vavi mbarinyi yakwe, na njienyi akavavia, ¹⁸ "Lambua fufwazengelela Yerusalemu, na Mwana wa Adamu aghevwarwa movokonyi gha varwe va makuhani na vandishi. Vamrumbulia kipfwa ¹⁹ na vamnikia kwa vandu va mathanga kimacha vamnangie, vamchape na imvamba. Mira mfiri wa kararu afufuka. ²⁰ Niho mama wa vana va Zebedayo akacha kwa Yesu na vana vakwe. Akainanuia ndi ifuma kwakwe. ²¹ Yesu akamvia, "Kukwashigha iki? Akamghalua "Amurisha ku vana vavi vakwa vaikae, umwi kuvoko kwapfo kwa kumndumi na umwi kuvoko kwapfo kwa kumtho hena vumangi vwapfo.' ²² Mira Yesu akaghalua na ighamba, "Kuichi kipfo ikyo kukwalomba. Kana kwairima ikinyughia kikombe ngekyo ninaghe kinyughia? vakambia. "Fwairima." ²³ Akavavia, Kikombe kyakwa keni mwakinyugia. Mira iikaa kuvoko kwakwa kwa kumndumi na wa kumtho thi iamoro yakwa imunikanyi mira ni kwa vaya vandemiandaliwa ni Papa wakwa." ²⁴ Valoshwa vaya vengi ikumi vekinaichwe kwio, vakashirwa mnu vundu vwa vandughu vaya vavi. ²⁵ Mira Yesu akavailagha vo voka na ivavia, muichi ku vaghererea mataifa vamutisha, na varwe vavo vatimitha nguju tavo kaghu yavo. ²⁶ Mira inava kwio kwenyu. Kibanga kyakwe, wowoshe ashigha iva mrwe maghari yenyu ni ni thari ave mndima wenyu. ²⁷ Na agheva wa kuvoka maghari yenyu ni thari ave mndima wenyu. ²⁸ Tha fundu Mwana wa Adamu arachie ihiririrwa, mira ihirira , na ifunya moo wakwe uve ikia ya vengi." ²⁹ Igheri vakyafuma Yeriko, luvungano lirwe lukamwivaria. ³⁰ Na vakavona vandu vavi vapfwie mitho vaikee mbarinyi ya barabara. Vakakwera kaghu mairwi ghavo na irera, "Mndumi mwana wa Daudi, ufuvonie mbonea." ³¹ Mira luvungano lukavabohija, na ivavia titenyi. Hatakwio vo vakaongera ikwera irwi yavo na kaghu na ighamba "Mndumi, mwana wa Daudi, ufuvonie mbonea." ³² Niho Yesu aka mka na akavailagha na ivavetha, "Mumwashigha ni muhirire iki." ³³ Vakambia, "Mndumi ku mitho gheru gharughuke." ³⁴ Niho Yesu akiva ku andevajichwa mbonea, akabalia mitho ghavo, vakaghughia ivona na vaka mwiivaria.

¹ Yesu navaloshwa vakwe vakaghenda havwihi na Yerusalemu na vakaghenda mpaka Bethfage, hena fumbu ya mizeituni kangi Yesu akavaruma valoshi vavi, ² akavavia, Ghendenyi ho mothia mwakolea mbunda na mwawa wakwe itambiwe, handu nayo. Mutirunjue mutiende kwakwa. ³ Ka kolea mndu wowoshe akamuvia kyokyoshe kya mbunda to mwavie ku mrumi akyatishigha, awativwighere. ⁴ Kindo ki klefumirie kikirerwa nivaghevona ni midhari kivoniwe. Akovava, ⁵ Vavienyi vephu vya Sayuni, lolea Mangi wafwo akyacha kwenyu, ni mhoo akweria mbunda, na mwana wa mbunda wa kyumi, mwana wa mbunda ngache. ⁶ Kangi valoshi vakamka waihire dhafundu Yesu alevavirie. ⁷ Vakaghenda mbunda, na ivikadhori tavo kaghu ya mbunda, nawe Yesu akalia ho. ⁸ Na vengi vakaala thori tavo irirenyi, navengi vakatema fyara fyamiri vakaala barebarenyi. ⁹ Vandu vengi mnu vamdho ngolelie Yesu mothia na vaya vamwiivaririe mkarera kwa irwi, vakighamba. Hosana kwa mwana wa Davidi! Ni mghebarikiwa achie kwairina ya Mndumi. Hosana ipfo kaghu kwa ruva!" ¹⁰ Yesu akinafike Yerusalemu , mri mdhima ukakangika navakaghamba, Iu nii? ¹¹ Voshe vakaghamba, iu ni Yesu mghevona, ifuma Nazareti ya Galilaya." ¹² Kangi Yesu akaingia nyumba ya Ruva; akavatangira voshe na ipho bwang'a alevakolehie vwakyaghamba na ighua hena nyumba ya ruva. kangi akaphuluta medha na fiphumbi vavevakumbia na mabeta. ¹³ Akavavia, iandikiwe nyumba yakwa ni nyumba yeombea mira imwe muendeighosha mbanga yava ghedhokana, ¹⁴ Kangi vaphie midho filema vakacha hena nyumba ya ruva, nawe akavakira. ¹⁵ Mira igheri varwe va nyumba ya Ruva wa vagheandika vakinavone firumo afihirime navakina ichwe vanake vakyalotha hena nyumba ya Ruva na ighamba Hosana kwa mwana wa Daudi," vakakwewa ni iding'a. ¹⁶ Vakamvia, "Kundeichwa kyo kikyarerwa ni vandu vaa? Yesu akavavia Yee! Mira muwaghera ighona mwee, Heikyo muyumu ya vanake fivocha vakyaonga haghire itumbishwa mnu? ¹⁷ Heikyo Yesu akavara akafuma bwang'a ya mri wa Bethania na akalaa pho. ¹⁸ Iho kakero akivwia mrinyi, aghechue nja. ¹⁹ Avona munabaimbai wa irira. Akamivaria, mira havonire, kindo kyo kyoshe hera mri dho we ni maringa du. Akawia, hanaghira ndunda he. Igheri iyoiyo mri wia ukauma. ²¹ Valoshwa vakinavone, vakamaka vakarera, "kindeva kwia mri undeuma fia? ²⁰ Yesu akavavia, kweri ninamvia kole muraghire miirikilie ya keni, mwairima ihira kihirirwe kwa mri iu mwe, mira mwauvia hata fumbu liondoliwe likumbwe baharinyi na kyahirika. ²² Kyokyoshe mwakilomba, kunu mkirikilia mwavwara. ²³ Yesu anafike hena nyumba ya Ruva, varwe vaghedhongo wa na vaghothi va vandu vakamchia igheri akilopsha naivedha, Ni kwa malaika unga akyahira findo fii? Na niunga akumkie vurwe vuu? ²⁴ Yesu akavavia. Nanyi hee wa wamuvia kindo kimwi kole mukanjivia, nanyi he kwio kwio na muvia ni vurwe vukii nivuhirire findo fii? ²⁵ Upatidho wa Yohana ulefumie kwii, ipho kaghu kwa Ruva kaghu kwa vaidhanga? vakaviana voka, vakighamba, fughambe, kufumie ipho kaghu afuvia, hamki muramwiirikili. ²⁶ Mira fukaghamba kuvefumia kwa vakiidhanga, fukyavaovoa vandu vengi, kwaku voshe vamvoni Yohane mghevona fwoshe. ²⁷ Kangi vakamvia Yesu vakaghamba, "Fumwiichi fwe. Akavavia he, nyi ku vurwe vunga ni wahira findo fii. ²⁸ Mira mumwaririkana ikii? mru aghire vanake vavi. Akaghenda kwa umwi akamwia, Mwanakwaa ghenda ughehira ndima shambenyi ya midhabibu. ²⁹ Dhanya, Mwanake akaghamba, thikyaghenda nyi, Mira kunu nyuma akariri kana akaghenda. ³⁰ Na mndu akaghenda kwa mwanake wa kavi akamvia kindo kiakia. Mwanake iu akaghamba, naghenda , mrumi, mira araghende. ³¹ Ni unga hena ivo vaviahirire kicha kwa Papa wakwe? vakaghamba, we voka. Yesu akavavia kweri ninamuvia; vaghevunganya kodi na vaghehira fivichwa vaingia hena vurwe vwa Ruva imwe mranaingia. ³² Kwa ku Yohana alechie kwenyu kwa irira icha, mira mulemwiirikilie mwe, igheri vaghevunganya kodi na vaghehira fivichwa valemwiirikilie. Na imwe, mkinavone ikyo kihirikie, muleirimie irumbua mri kinedha muirikilie. ³³ Iramienyi kidhoma kingi haleghire mndu, mndu aleghire ishamba irwe mnu. Aleviee midhabibu akavika udharigha wakachemba kyombo kyekamia divai, akaagha na mwara wa vagheria, akavakodisha vaghetunza midhabibu. Akavuka akaghenda hena ithanga lingi. ³⁴ Kigheri kyekova midhabibu ukinafike hamwi, akavaruma vahiri ndima hena vagherema midhabibu iondoa midhabibu yakwe. ³⁵ Mira vagherema dhabibu vakaondoa vahiri ndima vakwe, vakavakava umwi vakamvwagha ungi, vakamkava na mawe. ³⁶ Mweni shamba akaruma he vahiri ndima he vengi, vengi ikela vaya vevoka, mira vagherema midhabibu vakavahirira vwiavwia. ³⁷ Luvaaiho mrumi wia akamruma mwanake wakwe akaghamba vamwiichwa mwana wakwa. ³⁸ Mira vagherema midhabibu vakinavone mdhoro wia, vakiviana niwe mwenicha. Njonyi, fumvwaghe fuondue vurwe vu. ³⁹ Vakamondoa vakamkumba bwang'a ya shamba ya midhabibu na vakamvwagha. ⁴⁰ He mdhuri wa shamba ya mdhabibu akighecha, avahirira iki vagherema midhabibu? ⁴¹ Vakamvia, Avakonda vandu voshe vaghehira fivichwa hena irira ivichwa kangi alikodisha vagherema vengi vya midhabibu,vandu mingavo midhabibu ikivira." ⁴² Yesu akavavia, "Mudhomie hena maandiko mwe. Ku iwe valileghie vagheagha, lindeva iwe ya mthingi. Ili lifumie kwa mrumi, namiyemaka midhonyi kweru? ⁴³ Heikyo ninamuwia, Vurwe vwa kwa Ruva vwaondowa ifuma kwenyu naimnikwa idhanga ndunda ta kwe. ⁴⁴ Na wowoshe aghewa kaghu ya iwe yo atenywa firumbue rumbue. Mira kwa wowoshe amvia, yamshagha." ⁴⁵ Varwe vaghedhongolea na mafarisayo vakinakichwe fidhoma fyakwe, vakavona ku akyavarera vo. ⁴⁶ Mira vakashigha ighola mavoko ghavo kwakwe, vakavaovoa vandu kwakia vandu valemvoni ku mghevyona fwoshe.

¹ Yesu alerevie navo he kwa fidhoma, akighamba, ² "Vumangi vywa ipfwo kaghu vufwenene na mangi aleendungadhu ya mlondolo ya mwanake wakwe. ³ Akavaruma vadhoro vakwe ivakaribisha hena mualiko icha hena ngadhu ya mlondolo, mira varache. ⁴ Mangi akararuma he vadhoro vengi, akaghamba, Vavienyi voshe vaalikkiwe, Lolienyi niendee kijo. Njaghu na ngache takwa tivirire mafura tichinjiwe, na findo fyoshe fikeho, Njonyi mlondolonyi. ⁵ Mira vandu varakikwere mrwe hena ngadhu yoo. Vengi vakaghenda mireminyi yavo, na vengi vakavwia hena biashara tavo. ⁶ Na vengi vakavaivaria vadhoro va mangi vaka varawisha na ivavwagha. ⁷ Mira mangi akatekerwa. Akaruma vashikari vakwe vakavavwagha na iiokea mri wavo kwa moro. ⁸ Kangi akavavia vadhoro vakwe, "Vaghealikwa dhivovo vo. ⁹ Heikyo ghendenyi hena vandu vavunganyikie na irirenyi irwe, muvailike vandu vengi mnu fundu mwairima vache hena ngadhu ya mlondolo." ¹⁰ Vadhoro vakaghenda hanairira irwe naivakakaribisha vandu vovoshe vavavonire, vecha na vavichwa. Heikyo nyumba ya mlondolo ikaichua vaghenyi. ¹¹ Mira mangi akinaingie ighevona vaghenyi, akanamndu umwi araree thori ya mlondolo! ¹² Mangi akamwedha "Mmbwie, kivie kwia iingia ha kuraghire thori ya mlondolo? Na mru dho akatia chwi arerie kyokyoshe we. ¹³ Niho mangi akavavia vadhoro vakwe, "Mphungenyi mndu uu mavoko na marende na mumkumbe bwang'a hena mma, ipho haghire ifugha na ishagha maghegho. ¹⁴ Kwa ku vandu vengi vaileghwe, mira vaghedha ghuliwa ni vadu. ¹⁵ Niho mafarisayo vakavuka vakapanga fundu vaghemvwara Yesu hena firero fyo afirerie we. ¹⁶ Niho akavaruma valoshi na Maherode. Naalemvirie Yesu, "Mlosha, fuichi ku iwe ku mru wa kweri kangi kuchiloshwa ifura ya Ruva ya kweri. Kuchidhara firero fya mndu ungi kuchirora ipende vandu pho. ¹⁷ Heikyo fuvie, kukwaririkana ikii? Ni keni sharia iliha kodi kwa kaisari hang'u hai? ¹⁸ Yesu aveichi vuvichwa vwavo na akarera, "Haniki mumwanjighera, imwe vanafiki? ¹⁹ Njirorenyi pedha ichilihi wa kodi. Niho vemwendievemwendie dinari. ²⁰ Yesu akavavia, Fani na rina li ni yai? ²¹ Vakarera" Nikaisari" Niho Yesu akavavia, Mwikenyi kaisari findo nighefyakwe na fya Ruva mumnike Ruva. ²² Vakinaichwe kwio vakakugha. Kangi vakavuka vakaghenda fyavo vakamra. ²³ Mfiri idho masadukayo valechie kwa Yesu, vaya vachighamba haghire ivukia kwa vaphie ho. Vakamvia, ²⁴ vakarera, "Mloshi, Musa alererie, Ikiva mndu aphie arapherie mwana, wavo wakwe ammondue mka wakwe amghirie vana kwa wavo wakwe aphie. ²⁵ Iho vaveke vavo mfunga te. We voka aleondorie kangi akafwa aranaghira vana. Akamreghea wavo mka. ²⁶ Kangi wavo iva kavi akahira kwiokwio, kangi wia wa kararu, ikava kwio mpaka wia wa mfungate. ²⁷ Vakinahire kwio voshe, mka wia nawe akafwa. ²⁸ Hena ikyo akighevuka mkadho agheva mkawai hena vandu vo mfungate? Kwa ku voshe valemuondorie. ²⁹ Mira Yesu akavavia, Mumwakonda kwa ku muraichi maandiko nanga nguju ta Ruva. ³⁰ Kwa lia hena ivuka vandu vachiondoa handu iondolewa vo. Mira vandu vachiva dha malaika ipho kaghu kwa Ruva. ³¹ Mira vaghevukia hena kifwa vanadhoma kia Ruva alekirerie kwenyu, airera, ³² Inyi ni Ruva wa Abrahamu Ruva wa Isaki na Ruva wa Yakobo? Ruva thi Ruva wa vaghefwie vo, mira ni Ruva wa voke na mo." ³³ Kigheri vaghemwirahia vakinaichwe kwio, vakakugha malosha ghakwe. ³⁴ Mira mafarisayo vakinaichwe Yesu akavamta Masadukayo, vakakuvunganya vo voka handu hamwi. ³⁵ Umwi wavo akava wa sharia, akamvia kwa imghera. ³⁶ Mloshi, iamoro linga irwe ikela ghoshe hena sharia?" ³⁷ Yesu akavavia, Nimidhari umfure Mndumi kwa mo wafwo woshe, na ngoo yafywo yoshe, nakwakariongo tapho toshe. ³⁸ Ili niyo iamoro irwe ye voka. ³⁹ Na ya kavi ifwenene na iyo. Ni midhari ufure mndu umfure mndu wapho wa avwihi fundu kukufurie kweka. ⁴⁰ Sharia toshe tavo tavaghevo na titatikana na sharia ti ivi." ⁴¹ Na mafarisayo vaghekungenye handu hamwi,Yesu akavavivia kindo. ⁴² Akighamba, "Imwe mumwaririkana iki kwa kristo? We ni mwanake wai? Navo vakaghamba, "Ni mwanake wa Daudi." ⁴³ Yesu akavavia, "Ni kwa kwia Daudi hena Ngoo akyailagha Mrumi, akighamba, ⁴⁴ Mrumi alevavirie Mrumi wakwa, ku Mrumi, mpaka ivavika vavichwa vafwo vave dhinyi ya marende ghafwo"?" ⁴⁵ kole Daudi akyamwiilagha Kristo "Mrumi "ni kwia ava mwanake wakwe? ⁴⁶ Haghire airimie imghatuta kindo kyokyoshe ho kangi, na haghire agherere he imvia firero ivokaea mfiri dho na ifwo modhia.

¹ Naakarera na vandu vengi na valoshi vakwe. Akaghamba, ² Vagheandika na Mafarisayo vya kyaikalia kipfumbi kya Musa. ³ Heikyo kyokyoshe vamuvia muhire, munnaleka kirenyi mukivaondolea, Mira mu naivanamiikalie yavo, kwaku vachirera findo varakyafihira. ⁴ Kweri vo vachiphunga mjigho ilemerie mira vo varakyaikuruka, ha kangi varuka vandu he makotha ghavo. Mira voka vakyateshuta hata muyu ikuruka. ⁵ Findo fyavo, vachihira nedha vavonwe ni vandu, Kwa ku vo vachipamua masaduku ghavo na iongera vurwe vwa dhori tavo. ⁶ Na vo vafurie irera firwe hena ngadhu na hena fiphumbi fya varwe va masinagogi, ⁷ na iirikirwa kwa shima firero fya ufuva, naiilawa "Valoshi" ni vandu. ⁸ Mira imwe muvie iilaghwa "Valoshi mwe, "Kwa kia mwa Mloshi umwi du, na imwe ndughu. ⁹ Munailagha mndu wowoshe iha idhangenyi ku ni papa wenyu, kwa ku mughire Papa umwi du, nawe akepho kaghu. ¹⁰ Nanga mna cheilawa valodshi kwa ku mughire Mloshi umwi du Kristo. ¹¹ Mira nighewe mrwe maghari yenyu ava mghavi yenyu ava mghemudholea wenyu. ¹² Wowoshe akughata avutirwa. ¹³ Mira vwathi vywenyu vagheandika na Mafarisayo vanafiki? Mumwa vaphunga vafundu vurwe vywa ipho kaghu. Na imwe mwairima iingia mwe, na mmairikia vagheingia ihira kwio vo. ¹⁴ Vwathi vywenyu vagheaandika na mafarisayo, vahafiki! kwa ku mumwaya kijo kwa vaka vapfwie ni voni na unafiki wenyu nailomba malomba macha hena ikyo milaho yenyu yava mirwe mnu. ¹⁵ Vwathi vywenyu vagheandika na Mafarisayo, vanafiki! Mwatola kinu nu kya eve imvika mndu uumwamini mghekyaghalosha, na akiva dha imwe, mumwahira kando kavi ya mwanake wa Jehanamu dha fundu imwe mweka mukei. ¹⁶ Vwathi vywnyu vwaghe dhongolea muphie midho, na imwe vagherera, Wowoshe akyaapa hena nyumba ya Ruva, dhi kindo kyo. mira akyaapa kwa ito ya Ruva hena nyumba yakwe, aphungiwe na kiapo kyakwe. ¹⁷ Imwe muphie midho vapumbafu, kinga nighe kirwe ikela kingi ito ya Ruva hang'u nyumba ya Ruva ningeyo kindo kicha kwa dhahabu kwa Ruva. ¹⁸ Na wowoshe akikyaapa handu hetathia, dhikindo kyo. Mira akiaapa kwa itathi like kaghu yakwe, aphungiwe na kiapo kyakwe. ¹⁹ Imwe vandu muphie midho ni kinga kirwe ikela kingi, itathi hang'u ito ya Ruva mingeyo iyavikwa nicgha liyafunywa kwa Ruva? ²⁰ Kwa ikyo idho akyaapa kwa handu hetathia akyaaapa kwa findo fyoshe fike kaghu yakwe. ²¹ Naidho akyaapa kwa nyumba ya Ruva, akyaapa kwa idhoake voshi yakwe. ²² Naidho akyaapa kwa ake Kaghu, akyaapa hena kiphumbi kirwe kya Ruva ake kaghu yakwe. ²³ Vwathi vywenyu, vagheandika na Mafarisayo, vawafiki! Kwa lia mumwalilia itathi. Mira mumwaleka findo firwe fya skavia na keni, vacha na miirikilie mira mumwashighwa mughahire, thiku muleke ihira fingi mwe. ²⁴ Imwe vaghedhongole vaghe fwa midho, imwe ingemwe mumwachekesha kafinyu kadu mira mwairima ngamia! ²⁵ Vwathi vwenyu vagheandika na Mafarisayo, vanafiki! kwakia mumwadhamba bwang'a fikombena bwang'a ya dhahhani, mira voshi haghire dhuluma na iraghira ficha. ²⁶ Imwe Mafarisayo muphie midho, dhambenyi voshi kikombe na voshi ya dhahan nedha ughongo wa bwang'a nadho uele. ²⁷ Vwathi vwenyu, vagheandika na Mafarisayo, vanafiki! kwa kia mufenene na mambira ghofiriwe chokaa kwa bwang'a ghafiriwe chokaa kwa bwang'a ghavonekana ni mecha, mira kwa voshi ghaichue maghua ghavaghefwaa na fyoshe kichafu. ²⁸ Ni kwiokwio, naimwe kwa bwang'a mumwavone ka va keni mothia kwa vandu, mira kwa voshi muichure unafiki na vuvichwa voshe. ²⁹ Vwathi vwenyu, vaghendika na Mafarisayo, vanafiki! Kwa ku mwaagha mwambira na vaghevona na ighachemba mambira vandu vya keni. ³⁰ Imwe mumwaghamba, kole fuvefwaikaa mifiri ya vapapa veru , fuveirima ikuta damu ta vaghevona fe. ³¹ Heikyo mumwakughamba mweka ku imwe muvanake kwaivo vavavwaghie vaghevona. ³² Kangi imwe, mumwava mundeikaa hena uchafu wa vapapa venyu. ³³ Imwe njoka, muvana ke va mbare njiki mwaghee kwa ihukumiwa jehanamu? ³⁴ Heikyo, Lolea, ninavaruma kwenyu vaghevona, vandu va hekima, na vagheandika vengi mwavavwagha na ivavamba. Na vengi mwavashasha voshi ya masinagogi ghenyu naivatangira mrinyi iu ighenda ungi. ³⁵ Kindo kyafumia kwenyu hafumia damu toshe ta vecha tikutive idhangenyi, ivokea damu ya Habeli ahirire ficha na damuya Zakaria mwanake wa Barakia, mamvwaghie handu hacjhie na hetha ngama. ³⁶ Kweri, ninamuvia, vindo fifyoshe fyavoneka hena mbare ii. ³⁷ Yerusalemu, Yerusalemu iwe kukikyavwagha vaghevona na ivakava mawe vaya ningevo vagherumwa kwapfo! Ni kando kalinga nivungenye vawake vapho dhafundu nguku ichivunganya fichio fyakwe hena makungo ghakwe, mira kurikirie pho! ³⁸ Lolea nyumba yapho indereghwa vukivenyi. ³⁹ Nanyi ninakuvia, ivokea luvaha na mothia kwanjivona pho, mpaka ukigherera, "Andebarikiwa itho kwa irina ya Mrumi."'

¹ Yesu akafuma nyumba ya ruva akaghenda fyakwevatoshi vakwe vakamwiivaria vakamrora manyumba ghedhangamia. ² Mira akavaghaluta na ivavia, "Yeto, muvoni findo fi fyoshe mwee? Kweri ninamuvia, hagire iwe yachererwa kagu ya lingi gharabomoriwe gho." ³ Na akinaikae fumbu ya Mizaituni, valoshi vyakwe vakaghenda na ighamba, "Fuvai findo fi fya fumia indii? Ni kindo kiki kyarora icha kwafwo na mwisho wa idhanga? ⁴ Yesu akavaghaluta na ivavia, "Ikaenyi nicha hana cha mndu akamulemba. ⁵ Na vengi vacha kwa rina yakwa. Vaghamba , "Inyi ninyi Kristo wa vavareta vengi. ⁶ Mwaichwa fira ipho na ipho. Lolienyi munaghira muekoneko, kwa ku findo fi midhari figumie; mira mwisho wava unacha dho. ⁷ Kangi idhanga ya vuka ighekava idhanga lingi na mangi ighekava mangi ungi: Haghira nja na fididimo mbai handu hengi. ⁸ Mira findo fi fyoshe ni dhaivoo ya mghechunguka. ⁹ Ni vavafunya kwaivalidha vwadhi naivavwagha. vamuchukiwa madhanga vundu vwarina yakwa. ¹⁰ Niho vengi vakutana na irengeana naichwa mading'a voka kwa voka. ¹¹ Vaghevona vengi va mongo vafumia nailemba vengi. ¹² Kwaikyo vuvichwa vwaongereka, ifurana ya vengi yahoa. ¹³ Mira arimilia idho, akirwa. ¹⁴ Injili ii ya umangi ya rerwa idhangenyi ithima ishuhudia madhanga ghoshe. Naviho mdhio wacha. ¹⁵ Heikyo, mukivona ichukidhana na ikonda, lilegha mbiwe ni mghevona Danieli undemka handu harwe ( mghedhoma naamanye), ¹⁶ niho vake Yuda varichilia mafumbunyi. ¹⁷ Nawia ake kaghu kindengu kya nyumba anairima ighara mbai igheondoa ki ndo kyokyoshe kike voshi nyumbenyi yakwe, ¹⁸ nandho ake ghambenyi anamvia igheondoa dhori yakwe. ¹⁹ Mira vwathi vwavo valke na mwanake na vaya vagheongedha mifiri yo! ²¹ Ombenyi ku iricha yenyi kunacheva mfiri wa mbeho, ang'u mfiri wa dhabato. ²⁰ Kwaku haghira vwadhi vurwe, ang'u hanafumia vwadhivo ivohia ivumba idhanga mpaka luvaha, mira haghira heho. ²² Kakolea mifiri yo irapu ngethweghire mghekia ho heri. Mira kia haghire vadhaghuriwe, mifiri yo ya punguthwa. ²³ Kangi hakaghira mndu wowoshe amuvia tolea, kristo akewa! Kristo ake kwia kunafiirikia firero fyo. ²⁴ Kwa ku makristo gha mongo na vaghevona va mongovacha na fwemakisha, kinedha vaghudhe, na vaya vadhaghuriwe. ²⁵ Lolienyi, nindemuvia findo fywo firanacha. ²⁶ hHeikyo, vamuvia, Kristo ake jangwani, mumwaghenda pho jangwani. Hang'u, Lolienyi, voshi nyumba, "mnafivwara firero fyo. ²⁷ Fundu kimeleko ikyamwika ifuma mwashariki na imwika magharibi, ni fundu aghecha mwanake wa Adamu. ²⁸ Hohoshe naghire kimba, ipho fihama vikuvungenye. ²⁹ Mira kigheri kya vwadhi vurwe mifiri yo, Ruva yavikiwa mma, mwiri ivafunya kilanga kyakwe dho, nondo tava ifuma kaghu, na nguju taipho kaghu, na nguju taipho kaghu tathindika. ³⁰ Niho mwanake wa Adamu avonekana kaghu, nambare toshe ta idhanga vaomboledha vamvona mwanake wa Adamu akicha mailwinyi kaghu na nguju nduwe mnu. ³¹ Avaruma malaika vakwe kwa irwi irwe ya tarumbeta, navo vavavunganya handu hamwi na vadhaghuriwe vakwe ifuma pande inya ta idhanga, ifuma kaghu na ungi. ³² Kuloshenyi ifumana na mvinang'u du kyara kikibusha naifunya mara, mwamanya kwarikuke havwihi. ³³ Heikyo, mkamivona findo fi fyofyoshe, mumanye ku mifiri ni havwihi milangonyi. ³⁴ Kweri ninamuvia, mbare yo ikaireyo, fi ninge fyo fywafumia fyo , mfiri dho. ³⁵ Kaghu na idhanga fyaira, mira firero fyakwa fyaira fyo. ³⁶ Mira mfiri wia na igheri yo haghire mri aichiwe hata malaika va ipho kaghu, hata mwamake, mira Papa weka du. ³⁷ Dhafundu alekeiigheri ya Nuhu, nifo fundu kyava icha ya mwanake wa Adamu. ³⁸ Ang'u mifiri yo haranacha aghrika vandu valekyaya inywa vakiondoa naiondolewa mpaka mfiri Nuhu akiingia hena Safina, ³⁹ na vagheichi kindo kyo kyoshe vo, mwera ukinache uvabula voshe nifo kyagheva icha ya mwanake wa Adamu. ⁴⁰ Niho vandu vavi vake mremintyi umwi aondolewa na umwi akareghwa. ⁴¹ Vaka vavi vakyava vakyashagha handu hamwi umwi aondolewa, na umwi akarewa. ⁴² Heikyo, muve midho kwa ku muichi mfiri unga akyacha Mrumi wenyu. ⁴³ Mira mumanye ku, kole Mrumi mweni nyumba akyacha ni igheri linga mgheiva aghecha, agheirikia nyumba yakwe itenywe yo. ⁴⁴ Heikyo kikyashigha muve mumki, kwa ku mwanake wa Adamu acha igheri mraniichi. ⁴⁵ heikyo niidho mcha, mdhoro aghire kariongo, ngewe Mrumi wakwe amnikie vurwe kaghu yavakwe, nedha avanike kijo igheri liviee? ⁴⁶ Abarikiriwe mhiri dho, ngewe Mrumi wakwe amkolea ahira kwio kigheri kivie akichaa? ⁴⁷ Kweri ninamuvia ku Mrumi avika kaghu kindo nighekyakwe. ⁴⁸ Mira kole mdhoro mvichwa akighamba ngoonyi yakwe, Mrumi wakwa andechelewa," ⁴⁹ na akavoka ivakava vahiri ndima vakwe, na akya na iirwa nyafi. ⁵⁰ Mrumi mdhoro dho achahena mifiri na igheri yo aliichi we. ⁵¹ Mrumi wakwe amtema firumbue fivi na imvika hena ugghongo lumwi na vanafiki, ningeho haghu ira ifugha naishagha maghegho.

¹ Niho vumangi vwa ipho kaghu uvwa fananishwa na vali ikumi valeondorie taa tavo naivuka ighenda ighemghuhia mrumi wa mlondolo. ² Iva vatamu nilevapumbafu na ivo vatanu valekagharie. ³ Vali vapumbafu valeondorie taa tavo, valeondorie mafura vo neri. ⁴ Mira vakagharie valeondorie fyombo fighire mafura handu hamwi na taa tavo. ⁵ Kigheri mrumi wa mlondolo andechelwa icha, voshe vwarwa ni mario vakalaa. ⁶ Mira igheri ya kio maghari neleghire na ngunga, Lolea, mrumi wa mlondolo! Fumenyi bwang'a mughemghuhia. ⁷ Niho vali voshe vakavukia vakaacha taa tavo. ⁸ Vaya vapumbafu vakavavia vaya vakagharie, Fughavienyi mafura ghenyu ang'u taa teru titaphwa. ⁹ Mira vaya vakarie vakavaghaluta na vakavavia, Kwaku ghakyafu tosha ifwe na imwe gho, neikyo ghendenyi kwaghekumbwa vavakumbie mafura. ¹⁰ Kigheri vandeghenda igheghua Mrumi wa mlondolo akacha, na voshe vavemverie vakaghenda nawe hena ngadhu ya mlondolo, nakyoti kikafingwa. ¹¹ Kamtungo vakacha vali vengi na vakarera "Mrumi, mrumi, furughulie.' ¹² Mira akavaghalua na irera, kweri ni na namuvia, Inyi dhimwiichi nyi. ¹³ Heikyo lolienyi, kwaku muraichi mfiri hang'u igheri. ¹⁴ Ni dhalia mndu avekya shigha ighenda ndabo hena idhanga lingi. Alevaileghe vadhoro vakwe naivanika vudhuri vwakwe. ¹⁵ Umwi wavo akamnika ivi na wia ungi akamnika talanta imwi. Kila umwi aondorie fundu vanikiwe, na mru dho ndambo takwe. ¹⁶ Kimothia wia aleondorie talanta idhwanu akaghenda ighetihirira ndima akaende tingi idhwanu. ¹⁷ Nawia alenikiwe talanta ivi, akande tingi ivi. ¹⁸ Mira mdhoro alenikiwe talanta imwi, akaghenda akashima iborongo akadhughana pedha ya mrumi wakwe. ¹⁹ Kigheri kikafika, mrumi wa vadhoro vo akavwia naichemba mataro ghavo. ²⁰ Wia mdhoro alenikkiwe talanta idhwanu akacha akaende talanta tingi idhwanu, akaghamba, Mrumi, kulenji nikie talanta idhwanu Lolea, nindeongera tingi talanta idhwanu. ²¹ Mrumi wakwe akamvia, navache mdhoro mcha mnu! kundehira ficha kwa finda. Nakunika vurwe hena findo fingi ingia unuwe kwa mrumi wapho. ²² Mdhoro anikiwe talanta ivi akacha akaghamba, Mrumi kulenjinikie talanta ivi. Lolea, nindevona talanta tingi ivi. ²³ Mrumi wakwe akamvia, havache mdhoro mcha mnu kundeva mcha kwa findo fidu. Na kunicha vurwe kaghu ya findo fingi. Ingia umuliwe na mrumi wapho. ²⁴ Heikyo akacha mdhoro alenikiwe talanta imwi akarera , Mrumi, niichi ku iwe ku mru mkai. Kuchirunda handu kuraviee, na kangi kuchikova handu kuraremie. ²⁵ Inyi nileovohie, mikaghe igheidhughana talanta yapho terinyi. Lolea, kaghu re iya ni ghe yapho. ²⁶ Mira mrumi wakwe akamvia, "Imwe kumdhoro mmbichwa kangi mhani, kuichi ku nichi runda dhiravie na ikova handu dhiravemie. ²⁷ Heikyo kuvekyashighwa pedha yakwa uvike bengi, uvwie kwakwa nigheondoa iya ya kwa na faida. ²⁸ Heikyo mdhokenyi talanta na mumnike mdhoro wia wa talanta ikumi. ²⁹ Kia mru aghire, aongererwa ikela hata ikelesherwa mnu. Mira wia araghire kindo, naikyo akighire adhokwa. ³⁰ Mkumbenyi bwang'a mmenyi mdhoro aravie, ningeho haghira ifugha mnu naishigha maghegho. ³¹ Igheri mwnake wa Adamu akighechwa na vurwe vwakwe na malaika handu hamwi nawe, niho agheikaa kaghu fifwumbi kyakwe kya vurwe. ³² Madhanga ghoshe ghavunganyika modhia yakwe, nawe avatanidha vandu, dha mrisha akyatanidha magonji na mburi. ³³ Avika magonyi kuvoko kwakwe kwa kumrumi, mira mburi avika kuvoko kwa kumdho. ³⁴ Kangi mangi avavia vaya vake kuvoko kwa kumrumi, Njonyi, mubarikiriwe ni Papa wakwa muikae hena vurwe uvikiwe kwenyu ivokea mdhingi ya idhanga. ³⁵ Kwaku nilechue nja mukanji nika kijo; Nilemghenyi mkanji karibisha. ³⁶ Nileke ruhu, mikanyiraa dhori; Nilemuaji mukanjiri ghita; Nileke kifwungoji mukacha ighenjivona. ³⁷ Niho vaya vecha vakamghalua vakamvia, Mrumi, niindi fulekuvonire kuchue nja , na fukakunika kijo? Hang'u lakafukanika mringa? ³⁸ Na niindi kelemghenyi wafuka kukabisha? Hang'u kukeruhu fukakuraa dhori. ³⁹ Na niindi kelemuaji, na kiphwungonyi, wafukacha ighekuvona? ⁴⁰ Na mangi akawaghaluta naivavia, kweri ni namvia, ikyo muvairirie veru va kwa vandu, munjihirie inyi. ⁴¹ Niho akavavia ivo vake kuvoko kwakwe kwa kumdho. Vukenyi kwakwa, mregheriwe mumu ghedenyi moronyi wa telele muvikiriwe na shetani na malaika vakwe. ⁴² Kwaku nilechue nja muranjinike kijo; Nilechue laka muranjinike mringa; ⁴³ Nile mghenyi muranjikaribishe nileke ruhu muranjirae dhori, nilemuaji wanilepwungiwe kipfwungonyi, mira munjilolelie mwe. ⁴⁴ Niho navo vakamghalua vakarera, Mrumi, niindi fulekuvonire kuchue nya, hang'u ruhu, mghenyi, hang'u kuke kiphwungonyi, furakutedhie? ⁴⁵ Kangi akavaghalua na irera, "Kweri na namuvia, kia ningekyo muravahiririe umwi wa iva vandu munjihiririe inyi mwe. ⁴⁶ Iva vaghenda vwadhinyi vwa telele mira iva vecha hena ikia ya telele."

¹ Igheri Yesu akinamalie firero fyoshe fyo, akavavia valoshi vakwe, ² Muichi ku mifiri ivi ichie haghira ngadhu ya pasaka na mwanake wa Adamu afunya nedha avabwe. ³ Na varwe vaghetathisha na vaghothi na vandu vakadhangana handu hamwi hena kirombo kya mghetadha mrwe, achiilawa kayafa. ⁴ Vakalagha na fundu vamvwara Yesu naivwagha. ⁵ Kwaku valghambie kinachi rika kigheri kya ngadhu, kinedha hanacheghira fujo hena vandu." ⁶ Kigheri Yesu ake Bethania hena nyumba Simoni mkoma, ⁷ akiva akugholele medhenyi mka umwi alechie kwakwe akukie mkebe uleghire mafura ghamhako mrwe. nakaghamimia hana mrwe wakwe. ⁸ Mira valoshi vakwe vekina vone kwio, vakaichwa madinga naighamba, Haniki hadhara ii? ⁹ Igha ghagheirima ghakapwe kwa vunguri vurwe vanikwe vakiva. ¹⁰ Mira Yesu, akiva aichi ki, akavavia, Haniki mumwamdhumbua mka uu? Kwa andehira kindo kicha kwakwa. ¹¹ Vakiva muke navo mifiri yoshe mira mukaikaenanyi mifiri yoshe mwe. ¹² Kwaku vakinairikilie mafura hena mwiri wakwa, alehira hena mwiri wakwa, alehirire kwio kwa irikwa yakwa. ¹³ Kweri ninamuvia, hohoshe Injili ikyabirikirwa kunu idhangenyi yoshe, kindo akihirire mka uu, kangi kyava kikyarerwa naimkumbuka. ¹⁴ Niho umwi wavaya ikumi na vavi, ailewe Yuda Iskariote, vavi, aleghendie kwa varwe va mtadho. ¹⁵ naakamba, Mwanjinika iki nikimuroraa?Vampimia Yuda firumbue thelathini fya pedha. ¹⁶ Ivokea kigheri akashigha fundu amfunya. ¹⁷ Hata mfiri wa kuvoka mikate irakereghete, valoshi vakamwivaria Yesu na ighamba, Nikwi ku kwashigha fukuchembie uye kijo kya Pasaka?" ¹⁸ Akavavia, Ghendenyi mrinyi kwa mru mummbie, Mloshi akyaghamba, "Igheri yakwa like havwihi. Na kolosha Pasaka hamwi na valoshi vakwa hena nyumba yapho. ¹⁹ Valoshi vakahira fundu Yesu avavirie, na vachemba kijo kya Pasaka. ²⁰ Ikinafike kyavukwau, akei na valoshi vakwe ikumi na vavi vakia kijo. ²¹ Vakiva vakyaya kijo, akarera, "Kweri ninamuvia ku umwi wenyu anjirengeha. ²² Vakatekerwa mnu, na kila umwi akamvia, Yeto ninyi Mrumi?" ²³ Akaghamba, Akaghamba ivia akyatoveja kuvoko kwakwe na inyi bakulinyi niwe anjirengeha. ²⁴ Mwanake wa Adamu avuka fundu ataririwe. Mira vwathi vwakwe mndu wia amregheha mwanake wa Adamu! Nivekeba mndu dho aragheferiwe." ²⁵ Yuda ningewe mghemrengeha aleghambie, "Yeto , Ninyi Rabi? Yesu akamvia, ikundeghamba kindo kyo. ²⁶ Vakinave vakyaya kijo, Yesu akafunya mkate, akaubarikia, na iubandua. Avanika valoshi vakwe akaghamba, Ondoenyi muye. Iu ni mwiri wakwa. ²⁷ Akafunya kikombe akalomba, akavanika na ighamba Nywenyi voshe hena kikombeki. ²⁸ Kwaku ii ni damu ya ndaghamo yakwa, iyakutwa kwa vundu vwa vengi kwa ireghewa unya mari. ²⁹ Mira ninamuvia, thikanywe he ndunda ta mzabibu iu, mpaka mfiri wia nache nywamsha handu hamwi na imwe hena vurwe vwa Papa imwe hena vurwe vwa Papa wakwa." ³⁰ Vanamalie iimba nyimbo, vakafuma vakafuma vakaghenda Fumbunyi ya Mizeituni. ³¹ Kangi Yesu alevavirie, "kio ki imwe voshe, kwaku kiandikiwe, Na mkava mrisha na mvagonji ghatadharuka. ³² Mira nimfuma hena kipfwa kyakwa, namdhongolea ighenda Galilaya." ³³ Mira Petro alemvirie, Hata kole voshe vakulegha kwa findo kwaghefipata, inyi dhakulegha nyi. ³⁴ Yesu akamvia, Kweri ninakuvia, kio ki nguruvi iranauruka, kwa njikana kando kararu. ³⁵ Petro akamvia, "hata kole niiphwa na iwe thikakukanenyi "Na valoshi vengi vakaghamba kwiokwio. ³⁶ Kigheri kyo Yesu akaghenda navo handu achiilawa Gethsemane nalevavirie valoshi vakwe, "Ikaenyi ha kigheri mkighenda ifwo ighelomba. ³⁷ Akamuondoa Petro na vanake vavi va Zebedayo naakavoka ichuchundika na ileghela. ³⁸ Kangi alevavirie, Ngoo yakwa indechuka mnu kiathi kyephwa. Heikyo muikae midho hamwi na inyi. ³⁹ Akaghenda mothia kadu, akawa, nailomba. Akaghamba Papa wakwa kole kyava, kikombe ki kinjiire. Kinava fundu minashigha inyi, mira fundu kukwashigha iwe. ⁴⁰ Akavaivaria valoshi akavakolea vandolaa mario, waakamvia Petro, haniki murandeirima iikaa midho nainyi hata idhaa limwi? ⁴¹ Kaenyi midhomulombe kimedha munaingia hena mighesho. Ngoo ifurie mira , mwiri ushokere. ⁴² Akaghenda he kando kakavi ighelomba, akaghamba, Papa wakwa , kole kindo ki kyava injiire nyi ni midhari ni kinyughie kikombe ki, ifura yaphwo likoloke. ⁴³ Akavwia akavakolea valee mario kwaku midho ghavo ghavelemerie mario. ⁴⁴ Heikyo akavara he akaghenda fyakwe. Akalomba kararu akighamba firero fiafia. ⁴⁵ Akavuka akavaivaria valoshi vakwe na ivavia, Murelee du naikuhemesha? Lolienyi igherilike havwihi, mwanake wa Adamu arenge nwa mwavokonyi vavagheghira dhambi. ⁴⁶ Vukienyi, fughende, lolienyi, wia mghenjirengeha ake avwihi. ⁴⁷ Kigheri akirera, Yuda umwi wa vaya ikumi na vavi, akacha. Vandu vengi vakacha nawe valefumirie kwa varwe vaghetadha wa vaghothi vandu. Velechie na mapanga na marungu. ⁴⁸ Kangi mndu mghemrengeha Yesu alevanikie kigherero, akighamba. Idhona ghe mkomba, niwe. Mvwarenyi." ⁴⁹ kamtungo akacha kwa Yesu akarera, Akamwiirikira Mloshi! Naimkomba. ⁵⁰ Yesu akamvia, Mmbwee hira kyo kikuendie. Niho vakacha, imggholela mavoko Yesu, naimvwara. ⁵¹ Lolea mndu umwi aleke na Yesu, akaghola kuvoko kwakwe, akafunya ipanga yakwe, akamtema mhiri wa mghetadha , mrwe akamvegha kurwi kwakwe. ⁵² Niho Yesu akamvia, vwighira ipanga yapfwo handu kulifunyire , kwaku voshe vachitema vandu kwa ipanga navo varetemwa na ipanga. ⁵³ Munuwaririka dhairima imuilagha Papa wakwa anjirumie vathikari ikumi na vavi na malaika? ⁵⁴ Mira luvaha ni kwa njia chiki maandiko ghakoleka , nikwio kikyashighwa kifumie?" ⁵⁵ kigheri kyo Yesu akyavia mkutano Yeto mumwacha na mapanga na marungu ighenjivwara dhamgheiva na mghedhaka vandu? Kila mfiri nileke nyumba ya ruva nikilosha, munjivwere mwe! ⁵⁶ Mira ifi fifywairika nedha Niho valoshi vakwe vakamra nairicha. ⁵⁷ Vaya vandemvwara Yesu vakamtika kwa kayafa, mghetadha mrwe, handu vagheandika na vaghothi vavevunganyikie handu hamwi. ⁵⁸ Mira Petro akamuivaria nyuma kwa mpaka kwamghetadha mrwe. Akaingia voshi navagheria avone ngekyo kikyafumia. ⁵⁹ Mira varwe vaghetadha naibaradha yoshe vavikyashigha vushahidi vywa mongo kwa Yesu, kimedha vairime imvwagha. ⁶⁰ Mira ku hendefumia mashahidi vengi mira vavonire mburi yoyoshe vo. Mira kamtungo mashahidi vavi vakafuma mothia. ⁶¹ Na ighamba "Mru iu aleghambie, Nairima itenya nyumba ya Ruva niigha he kwa mifiri iraru." ⁶² Mghetadha mrwe akamka akamvia, "kukwairi ighaluta phoo? Iva vakyakushuhudia? ⁶³ Mira Yesu akatia chwi. Mghetadha mrwe akamviua, Fundu Ruva akeho ninakushurutisha ufuvie, na iwe ku kristo, mwanake wa Ruva. ⁶⁴ Yesu akamvia, "Iwe kweka kundeghamba kindo kijo. Mira nakuvia ivokea luvaha namothia kwamvona mwanake wa Adamu aikee kuvoko kwa kumrumi ughire Nguju, naakicha ipho wailwinyi ipho kaghu. ⁶⁵ Niho mghemtadha mrwe akabara dhori yakwe naighamba, Andeimbilia! Fufwashigha vushehidi vwa iki? Lolenyi ku mundeichwa akiimbilia. ⁶⁶ Ku mumwaririka iki? Vakaghaluta naighamba, "kikyashighwa aphwe" ⁶⁷ Kangi valempuchirie mara kyamunyi naimkava ngumi naimkava makofi kwa mavoko ghavo, ⁶⁸ naighamba, Fubunie, iwe kukristo, Niitho akuchapie?" ⁶⁹ Igheri yo Petro aveke bwang'a hena itanga, mhiri akamwiivaria naighamba, Iwe nawe kuleke na Yesu wa Galilaya. ⁷⁰ Mira akakanana mothia yavo voshe, akaghamba, Dhiichi kindo mumwakirera nyi. ⁷¹ Akinaghende bwang'a ya kyoti, mhiri ungi wa kika akamvona akavavia valekeho iho. Mndu nawe aleke handu hamwi nawe Yesu wa Nazareti." ⁷² Akakanana he, Inyi thichi mndu nyi. ⁷³ Igheri ivwihi, vaya vaghemki havwihi vamwiivarilie na ireva na Petro, kwa keni hata iwe, fani yafwo iya rora. ⁷⁴ Niho akavoka ira mumu na iapa, Inyi dhimwiichi mndu iu nyi nakaenda nguruvi ikauruka. ⁷⁵ Petro akakumbuka fundu Yesu alemwirie. ku nguruvi ira nauruka kwanjikanana kando kararu.

¹ Igheri yaikero linafike, varwe va ghetadha na vaghidhi vavandu vakakaa njama nedha vamvwaghe Yesu. ² Vakamfunga vakamtika, vakamfita kwa Mmjama Pilato. ³ Kangi igheri Yuda nngewe avemrengelie, alevonire ku Yesu andemihu kumiwa, akawajwa akavwighira firumbue thelathini fya pedha kwa mrwe wa mghetatha na vaghothi, ⁴ na akaghamba, Ni ndehira dhambi kwa irengeha damu iraghire konda. Mira vakamghaluta, lafu vwara iki ifwee? Ghalolie igho kweka. ⁵ Mira akafivwighira firumbue fya pedha nyumba ya mtadho, naakavuka ho akaghekuvika mghogho weka. ⁶ Mrwe wa vaghetatha akafiondoa firumbue fya pedha na akaghamba, "Dhikicha ivika pedha ii idhanganya ang'u tikutie damu." ⁷ Vakaviana handu hamwi pedha to tighulie shamba yerika vaghenyi. ⁸ Ang'u shamba yoliyalawa ni shamba ya damu mpaka luvaha li. ⁹ Kangi kirero kia kilereriwe ni mghevona Yeremia kikakoloka ighamba valeondorie firumbue thelathini fya pedha kwa mnako ulepangiwe ni vandu va Israel kwa vundu vwakwe, ¹⁰ na vakalihirira shamba yo ya ivumba, fundu Mrumi alenjivirie." ¹¹ Mira Yesu alemki kwa mnjama, na mnjama akamvia" Iwe ku Mangi wa Vayahudi? Yesu akamvia, Iwe kunderera kwio." ¹² Mira kigheri akishitakiwa kwa varwe vaghetatha na vaghothi, aleghalutire kyokyoshe we. ¹³ Mira Pilato alevavirie, Dhinachwa mashitaka ghapho nyi? ¹⁴ Mira amghalutire hata kirero kimwi we heikyo mnjama akatekerwa. ¹⁵ Luvaha hena thikukuu nilemidhari mnjama amrughulie mghephungwa umwi adhaghuriwe ni vandu. ¹⁶ Igheri yo haleghire mghephungwa irina yakwe ni Baraba. ¹⁷ Igheri yo vavunganyikie handu hamwi, Pilato akavavia, Niidho mumwashigha fumrughulie kwa vundu vwenyu? Baraba hang'u Yesu akyailawa Kristo? ¹⁸ Kwaku aveichi ku vande mimvwara kwa ichukiwa yavo. ¹⁹ Kigheri ake kiphumbinyi kyakwe kya kyenyanyiria, mka wakwe alemrumirie kirero kikyaghamba, kunahira kindo kyokyoshe mru uu araghire konda. Kwani nilidhirwe vwathi mnu hata idha iya hena ndoro kwa vundu vwakwe." ²⁰ Niho varwe vaghetadha na vaghothi vakavavia mkutano valombe Baraba, na Yesu awawe. ²¹ Mnjama akavavia, Niunga hena ivavavi mumwashigha nimlekele kwenyu? Vakaghamba, Baraba." ²² Pilato akavavia, nimwihirirre iki Yesu akyailwa Kristo?" Voshe vakaghamba, mvambenyi. ²³ Nawe akaghamba, Haniiki, akondue iki? Mira vakakadhana kwa irwi irwe mnu, "Avambwe." ²⁴ Kigheri Pilato akyairima ihira kyokyoshe we, vundu vywa filoloti finde va fingi akaondoa mringo adhamba mavoko ghakwe mothia yavo na ighamba, Inyi dhivo kyo hena damu ya mru araghire kivichwa. Lolienyi mweka. Vandu voshe vakaghamba, Damu yakwe kweru na vanake veru. ²⁵ Vandu voshe vakaghamba, Damu yakwe ive kweru na vanake veru. ²⁶ Niho akamrughuka Baraba kwavo, akamkava ndata Yesu akamnika kwavo ighenda ighemvamba. ²⁷ Kangi vathikari va mnjama vakamuondoa Yesu mpaka Praitorio na vaathikari vengi voshe vakamnganyikia. ²⁸ Vakamfunya dhori takwe vakamraa kathu irotone. ²⁹ Kangi vakachemba ngara ya mifanaivika hena mrwe wakwe, na lemvikirie mrangi kuvokonyi kwakwe kwa kumrumi. Vakaphuria ndi mothia yakwe naimtalua, Vakighamba "Salamu, Mangi wa Vayahudi? ³⁰ Na velemphuchirie mara, naleondorie naimkava mrwe na mrangi, ³¹ Kigheri kyo vakimtalua, vakamfunya kadhu na imraa dhori takwe, naimtika ighemnamba. ³² Vakinafume bwang'a, vakamvona mndu ifuma krene rina yakwe Simeoni, vakamvwarilia vaghende navo nedha atike mdhalaba wakwe. ³³ Vakinafike handu hachilawa Goligota mana yakwe ngoma ya mrwe. ³⁴ Valemnikesiki idhengenywe na nungo anywe. Mira akinadhaghe, airimie iinywa we. ³⁵ Kigheri vakimvwamba , valeghavie dhori takwe kwaikava kura. ³⁶ Navaikaa naimlolea. ³⁷ Kaghu ya mrwe wakwe vavevikie milaho yakwe ghakidhomeka, Iu ni Yesu, mangiwa Vayahudi." ³⁸ Vagheiva vavi vavevambiwe handu hamwi nawe, umwi ughongo wa kumrumi kwakwe na ungi kwa kumdho. ³⁹ Vaya vavekyaira vakamtalua, vakikucha mirwe yavo, ⁴⁰ na irera, Iwe kulekwashigha ilikonda ijenga na iliagha mifiri iraru kukire kweka! Kole kumwanake wa Ruva, ghara mbai ufuma mdhalabenyi!" ⁴¹ Kigheri ikyoikyo varwe vaghatadha valakyamwiiimbilia, handu hamwi navagheandika na vaghodhi, naighamba, ⁴² " Alekirire vengi, mira airima ikukira weka we. we mangi wa vayahudi Naaghare mbai ifuma mdhalabenyi niho fwamuamini. ⁴³ Ekuji yakwe nighe Ruva. Leka Ruva amkire kole akyashigha, kwaku aleghambie, inyi ni mwanake wa Ruva. ⁴⁴ Navaya vagheiva vaghevambie nawe navo vakarera firero fwemwimbilia. ⁴⁵ kigheri kya mtandatu hakaghara mma hena idhanga yoshe mpaka dha kenda. ⁴⁶ Ikinafike dhakenda, Yesu akafugha kwa irwi irwe mnu, "Eloi, Eloi, lama thabakithan? Nidhaku Ruva wakwa, Ruva wakwa, haniki undenjira? ⁴⁷ Igheri yo valekeho vamki haya valechue vaghamba "Akyamwilagha Eliya." ⁴⁸ Nafia umwi wavo akaricha igheondoa sifongo ikyavava akaivika kaghu ya mri haimnika anywe. ⁴⁹ Na vaya valereghiwe vakaghamba, Mlekenyi aikae weka, lekenyi fuvone ku Elia acha ighemkira. ⁵⁰ Mira Yesu akafugha he kwa irwi, irwe mnu naakaifunya ngoo yakwe. ⁵¹ Lolea ipathia ya handu hedhangania likabarika kando kavi ifumia kaghu mpaka dhinyi. Na mbai ikadedema na mawe gha dhanja ghakabarika firumbue. ⁵² Mambira ghakarughuka, na miri vatherere vaya vavelee mario vakavukia. ⁵³ Vakafuma hena makaburi akinavuka we vakaingia mri wa vurwe, navakava nirwa na vengi. ⁵⁴ Mira akida wia na vaya valekyamloea Yesu valevonire ididimo na findo filekyafumia, vakaovoha naighamba. Kweri iu ni lemwanake wa Ruva. ⁵⁵ Vaka vengi valekeho vakimwiivaria Yesu ifuma Galilaya nedha Vamtethie valeke haya vakilolea ifuma kua. ⁵⁶ Magheri yavo valekeho Mariamu Magdalena, Mariamu mae wa Yakobo na Joseph, na mae wa vana va Zebedayo. ⁵⁷ hakinafiki kyarukwau, alechie mru mthuri ifuma Arimathayo, akyailawa Yusufu, nawe nileminuloshi wa Yesu. ⁵⁸ Akamwiivaria Pilato nailomba mwiri wa Yesu. Kangi Pilato aleghambie aunikwe. ⁵⁹ Yusufu akaondoa mwiri akauphunga na dhori lielie chwe sufi, ⁶⁰ naakakumba mbira njicha alitochie hena dhanja ya iwe. Halafu akabwingirita iwe irwe likaphunga kyoti kya mbira naakaghenda fyakwe. ⁶¹ Mariamu Magdalena na Mariamu ungi valeke haya, ughongo lwa mbira. ⁶² Mfiri uivarilie, ang'u nilemfiri weanda varwe vaghetatha na Mafarisayo vakuvungenye hamwi na Pilato. Vakavia, Mrumi, fukumbukie ku kigheri wia mghefulemba akiva aranaphwa, aleghambie, mifiri iraru avaandevuke mbirenyi. ⁶³ Heikyo ruma ku mbira irwe nicha mpaka mfiri wa kararu kivungi, valoshi vakwe vairima icha ighemuiva na ighamba kwa vandu, ⁶⁴ Andevukia ifuma kiphwienyi, Nailembeterwa mwisho wakwe wagheva mubichwa ikela wia wevoka. ⁶⁵ Pilato akavavia, ondoenyi vagheria Ghendenyi mgheria nicha fundu mwairima. ⁶⁶ Niho vakaghenda igheria mbira kindo kicha na iwe lichavikwa kigherero naivika vagheria.

¹ Ipho kya vukwau mfiri wa sabato, ruva likiva lindekindia iivaria mfiri we voka wa juma, Mariamu Magdalena, na wia Mariamu ungi valeichie ivona mbira. ² Lolea haleghire kididimo kirwe, kwa kia malaika wa Mrumi alegharie naimbwingirita iwe liya, kangi akalikalia. ³ Fanyanyi yakwe ilekyaaka dha kimeleko, na dhori takwe ni latanjewa chwe dha theluji. ⁴ Vaya vagheria vakaovoha mnu na vakava dhavaphwie. ⁵ Malaika wia akavarughulia mirwe vaka vayaakighamba, munaoivoha kwa ku niichi mumwashigha Yesu , alevambiwe. ⁶ Akeha we, mira andevukia fundu alemuvirie. Njonyi muvone handu mrumi avelee. ⁷ Ghendenyi fia mughevavia valoshi vakwe, " Andevukia ifuma kiphwenyi na luvaha andemudhongolea Galilaya. Ipho niho mwaghemvona Lolenyi inyi nindemuvia. ⁸ Vaya vaka vakavuka haya mbirenyi fia kwa iovoha na inuliwa irwe na vakaricha ighevavia valoshi vakwe. ⁹ Lolea Yesu akadhanga navo naighamba, "Nindemwirikira Salamu." Vaka vaya vakacha vakavwara marende ghakwe, na kangi vamwinamia. ¹⁰ Kangi Yesu akavavia, munaovoha ghendenyi mughevavia veru vakwa vadhongue Galilaya. Ipho vanjivona. ¹¹ Na kigheri vaka vaya vakighenda, vagheria vakaghenda mrinyi na ivavia varwe vaghetadha mambo gho fundu ghafumirie. ¹² Navo vaghetadha vakinadhangane na vaghothi naingia kindo kyo handu hamwi navo, valefunyire pedha kwa vaya vashikari ¹³ naivavia, Vavienyi vengi ku, Valoshi va Yesu valechie kio vakaiva mwiri wa Yesu kigheri ifwe fulelee mario. ¹⁴ Kole mburi ii ikafika kwa mnjama, ifwe fwamdhu mija naivavutira mwaririkano ghoshe." ¹⁵ Heikyo vaya vathikari valeondorie pedha tia ihira fundu valeviriwe fundu vavahir. Mburi ii ikadhangana mnu kwa vayahudi na ikava kwio mpaka luvaha. ¹⁶ Mira vaya vagherumwa ikumi na umwi valeghendie Galilaya, hena fumbu alevarorere. ¹⁷ Navo vakinamvone vakamvia, mira vengi vakaghira ngangati. ¹⁸ Yesu akacha kwavo akavavia akirera, Ni nikiwe vurwe voshe idhangenyi na ipho kaghu. ¹⁹ Heikyo ghendenyi mughevika madhanga ghoshe ghave valoshi. Vapatidhenyi kwa rina ya Papa, na ya mwanake, na mbeho Mcha. ²⁰ Muvaloshe ivwara findo fyoshe nilemuvirie, Na lollienyi, inyinike handu hamwi na mwe mpaka mdhio wa idhanga.