To view a copy of the CC BY-SA 4.0 license visit
http://creativecommons.org/licenses/by-sa/4.0/
John
11Tərkanan ndiktəsi, ndikta'an tandə tə Farta, ndikta'an paɗ Farta. 2Din'niya tərkanan tandə tə Farta. 3Nat ɗicha chichfe təm'ɗiyan, paɗ ma nggə mətlansəwa mə chufe ən chək arta khur ɗechəɗi chətfewa.4Khuryan na sisingnde, sisingnan paɗ ɗa'kəti nafchə nat. 5Ɗakəta'an tlə wenanchan wutl'kaɗi, wutlan paɗ mbərawa alkətyan khaawa.6Nefsə tləndə fe məɗi Farta, tla na tləmanwa Yohanna. 7Ɓachan kətləm kə pəna, kə mba ən paɗ kə ɗar ɗakəta'an ma'na nafchə fər kit təmdiyan. 8Yohanna nga mətlan ne kə ɗakəta'anwa, ɓachan kətləm kə pən ən kə ɗar ɗa'kəta'an.9Kaa ɗa'kəta thla tlə fərchə ɗa'kət kəmɗ nafcha, nda'an ɓach kə hur khesi.10Mətlan khur khesi, khesiyan paɗ chəchfe təmɗiyan, khesiyan paɗ, sənwa ndəwa. 11ɓachan kəmdi ya'an, ya'anta'an paɗ tlewandə anchəwa.12Nat fə tləch ndi, fe fərche kit khur tleman, ferandach mbanda ke nandə kə wanchi Farta. 13Nggətwəfe tandə khur ferawa ndu khur tləwe ndu khur yakhti nefawa, se təmɗi Farta.14Ndikta'an chəkan kə tləwe, chok'kan khurmən. Nimən mandiyan, mandə tla ne kə tla ndak ɓach məɗi chənda tə ndiiɗ kaafata tə nde'ta'an. 15Yohanna mba'tə ən kə ɓərata'an ndatwa, "mətlən'niya ndati kə ɗaranwa, tlane ɓat kərsəna mbərichə khaa, kətləm mətlan pangn'na."16Khur ndiityan khaa, natmən mbəstəmən kaakət kə ɗar kaakəta. 17Fərchəfe doka təmdi Musa, kaakət tə kit mba'chan təmɗi Yesu Kristi. 18Nefsə tamchə na Fartawa chək ə kweti. Tla arta ne kə Farta, ndak, mətlan ne tləma chinmən, mətlan pənchə ndi.19Ɗǝndi mba'tǝ Yohanna fartǝɗi tlǝndǝ Yahudawacha tǝ Firistochi cha tǝ Lawiyawacha ǝ Urushalima kǝ chǝkhandǝwa, "Wun nako?" 20Ndakan ɗarat, aswa indawa nggǝranda kan sǝ wa, "Ngga nggǝt ne kǝ Kristi wa." 21Chǝkhankandǝ wa, "Chəwun khacha? Chǝne kǝ Iliya wa?" Ndakanwa ngga mətlanwa. Ndakandə wa chəne kə annabi wa? Nggəmkanwa, "auwa".22Ndankandəwa, "Wun nako, ma na'an fəran nggəmndə fe tlənchə ngga'an? Tlə ndachowa kən kə ɗar fatiyo? 23Ndakan wa, "nggət ne khur mbərata, tla ne tət khur khwalita; tlaraman mbandi Farta kəɗ ɗənɗi mba'tə annabi Ishaya."24Tlənkə fe fowu mədi Farisiyawacha, 25Chəkhan kandəwa, "Mə chəch tlə chətu baptisma man'nga chə Kristi wa, ngga Iliya wa ndu annabi wai?"26Nggəmandak Yohanna ndandakan wa, "Tlə chəchi baptisma tə yeme. Pangən wun məɗiya nefsə kit sənwaktəwun. 27Mətlan ne ɓat kərsəna, tla chək sakhtə pekhəm 'yan cha'wisə kə kwasani khawa." 28Chəch ɗichiiniya ə Baitanya tə khesi kufi urdun məɗi na Yohanna chət baptisma.29Əssata'an nak Yohanna Yesu ɓata ndakanwa, "Ɗəpama, tla kha yu wanchekhreti Farta tla ne tla ne tərandə ɓuɓifati khesə kaɗi! 30Mətlan ta'an'ni ndatiyawa, tla ne ɓat kərsə na, mbəri chəkhaa, kətləm mətlan pangən'na. 31Sənwi ndəwa, pənkə fe ndə kəmɗi Israila, nda'an ɓati nat chət baptisma tə 'yeme."32Mba'kə Yohanna kə ɗaranwa, "Ninchə semet ɓat kakh ə khulafərtə kəɗ ngguɗiya kopkan khaa kə ɗaran. 33Kaɗawi ndə kharwa, tla tlənchə ninchi kə chi baptisma ə khur 'yeme ndichəwa, nafɗi natu semet koptəkhaa kə ɗaran, mətlan ne chət baptisma tə semet tla ne chəɗchəd'. 34Ninchi, mbainchə ndatwa wai Fartenya.35Paɗ əssata'an tlarkə Yohanna khaa tə kəmsichiyan chep. 36Nakandə Yesu, mbərtə khaa ndankə Yohanna, wa, "Ɗəpo wanchekhreti Farta."37Kəmsichəɗan chep yu səkndə anchi nda ɗin'ni parakandə Yesu. 38Təɓərkə Yesu khaa nakan tandə para anchi ndandakan wa, "Mə yakhtəwun? Nggeman kandəwa, "Rabbi, (tla na saktaan wa) malɗəm, nach mət chktəyo ayi? 39Ndanda kanwa, "ɓam nama." Ɓakandə na məɗi choktən. Chok'kandə fartə inni kə khur Farta.40Artə khur nafchəɗi chep səkchə Yohanna ndiktə kənandə para Yesu yu, tləmanwa Andrawus, wan man Siman Bitrus. 41Lachan mbəs wan manan Siman ndankan wa, "Mbəsamə tlə tlət mənchi (sakta'an wa) Kristi. 42Ɓakan tə ndə kəmɗi Yesu, ndəpan kə Yesu ndakanwa, chəne kə Siman wai Yohanna, nach fe tlə 'yawechwa Kefas (saktaan wa) Bitrus.43Əs'sata'an yakhkə Yesu kə pəɗ kə Galili, mbəsankan Filibus ndankanwa, "Paro nanchi." 44Filibus ɓachan ə Baitsaida wiri ndə Andrawus tə Bitrus. 45Filibus mbəsankan Nathanailu ndankanwa, "Mbəsamən nafɗi yara Musa kə ɗaran khur dokhtə doka tə annabawacha, Yesu wai Yusufu ə khakhi Nazarat.46Ndankə Nathanailu wa, "Na ən ndi'chan ɓat kes ə Nazarat wa?" Ndankə Filibus wa, "Ɓo no." 47Yesu nakan Nathanailu ɓat kəmɗiyan, ndakan kə ɗaranwa, "ɗəpo, kaa tlə Israila, tla nawaktə ləmfatsə məɗyan." 48Ndankə Nathanailu wa, "Səncho nanchə wa kəni?" Nggəmankə Yesu ndankanwa, "Taa kən Filibus 'ya wechi chə kan ndəfta, nənchə wechi."49Nggə mankə Nathanailu wa, "Rabbi Wai Fartə nako. Chə kutiri Israila." 50Nggəmankə Yesu ndankanwa, "Kətləm nduchi wa nənchə wech kit kan ɗəfta, firin kit wa? No na paktə ɗech mbəranchə tlaya khaa." 51Ndankan wa, kit'ta'an nati mba'uta, no na khulafərtə inkhaa, fə tlənchi Farta ta ndə ɓat kakh tə tərtə kafərtə e ɗar Wai Nefe."
21kərsə məndə makhkan kən retsi ə kana ə Galili, man Yesu mətlan minni. 2Yesu tə kəmsichiyan ife tanda kimni.3Tə ɓak 'yam inabi, ndankə man Yesu, Yesu ta'anwa, "təɓi 'yam inabi." 4Ndankə Yesu manan wa, "Nunefe, mə chəch ɓatu kəmɗənchi, sa'u fartə terinchə kwaɗənwa." 5Man Yesu ndankan fə tarcha'an wa, "Nat ɗənɗi mba'onwundən kə chəwun."6Minni paktə ɓutə chəmənchəs michche tla tlə tlərtəfe 'yemsi i chapandə nafchə kaɗi, tla chəkwun artə tlə tləchan təron arta. 7Ndandak Yesu wa, "ɗiɗaman ɓuchə'ini 'yeme." Ɗiɗandak fe tə 'yemchə khachəcha 8Ndankə Yesu fə tarchan'an wa, "Chamkhar khacha kə ɗawuntla ne manchan ɓəra taran."Chankandə si.9Tla ne manchan ɗar taran khoɓankan 'yamɗi chəkaɗ kə 'yam inabi, sənwa məɗi ɓatənwa, (taktə fə tarcha'an fe kwanchə 'yamɗi sən'nda) yankan chəma peri'yan 10Ndankawa, chəkwun təkl fər 'yam inabi tla ne nbənchan, kən fe fər tla nawakchə nbənchan kərsa. Yu wuɓanko tla nech mbənchan se nakanya."11chəch Yesu tərkan əna saka'inini ə kana ə Galili, pəntə maɗiyan kəmsəchiyan paɗ fərndə kit kəmɗiyan.12Kərsə ɗin'ini, Yesu tə manan, tə wanmancha'an, tə kəmsichiyan pəɗakandə kə kafarnahun, chok kandə minni wan mənchə tap kəɗa.13Ɓak fartə khoba chet kes nduk yesu pəɗakan kə urshalima. 14Mbəsanchan fə khiyandə khəstlech kaɗ, tə chokhrech tə ɗəngkuturcha tə fə mbeɗe wan'ndə ɓətlcha ndəɗas minni.15Petlkan tee sakhta, rəkankan tandə kes khur kətən sita'an, nat tə tlecha'an tə chokhrecha'an. Welenkan wan'ndə ɓətlchi fə mbəɗe wandə ɓətlcha'an kaɗi pəkan kan mət sət wan'ndə bətlcha'an khaa. 16Ndankan fə khiyandə ɗəngkutərchəɗi kaɗwa, "kharaman ndəchəɗi kes məɗya. malaman wuri papa kə ləmu.17kəmsichiyan kuɗuk kandəwa kə yarata'an ndatwa, "kwetəkhaa kətləm wiryo nanee səimta." 18Paktachi yahudawacha nggərankandəsi ndankandəwa,"Saktəmi natu pəna'anda nako chət ɗəchəɗiya?" 19Nggəmkə yesu wa,"Pəkaman kətən sitəɗi khaya, khur məndə makhkan ni tla'andə kwara'an."20Ndankə paktachi yahudawacha'anwa, "Tənchəfe kətin sitəɗiya khur khurat kumchət foɗa michche, no tla'andə kwaran khur məndə makhkan ?" 21Nachan ndikti kə kətən siti fatyan. 22Tla'ankan khur məmatacha kəmsichiyan kuɗuk kandə ɗinniya, fərndə kit kə ndikti'ini, mbatə Yesu yu.23Nakan ə urshalima ə khoba chetkes, nafchə kaan fərndə kit kə tləman kətləm əna saka'inchəɗi chətən. 24Yesu tərwa tandə nde'wa, kətləm səntə tandə nat,25kətləm yakhwa chəkwun kə mba'an ən kə ɗar nefawa, səntə nat ənɗi ne khuri Nefe.
31Tlə farisawatsi na tləmanwa Nikodimus, kapa nefi yahudawacha. 2Ɓakan kəmɗi Yesu wita ndakan wa, "Rabbi sən'ənwa chə malɗəm tla ɓach məɗi Farta, kətləm nefsi ne chet saktə ɗəchəɗi chətu ya man'ngga tən Fartə kədkeɗech təndə wa.3Nggəmankə Yesu wa, kitta'an kitta'an man'ngga tə nggərfe nggət nefawa, nan na mandə Farta wa." 4Ndakə Nikodimus wa,"nachfe nggət nefawa kən kərsə sertiyan kaɗi? nan bakhən nggər 'yimndə kə khuri manan kə nggətfe ndəwa, nan mbakhəndawa?5Nggərankə Yesu səwa, kitta'an kitta'an man'ngga tə nggət fe nef təmɗi iyeme tə semetewa, nan 'yim kə khur mandi Farta wa. 6Tla nggətəfe khur tləwe, tləwe, tla paɗ nggətəfe khur semete, semete.7Kə sakuchə indawa kətləm nduchiwa, "Waat kə nggərfe nggət wechi," 8tlə wichə rənna təmɗi yakhtən tlə səkcho ndə, sənwun məɗi ɓatən wa tə məɗi natən ɗəta wa. Nachan kəɗu tə tla nggətəfe khur semete."9Nikodimus nggəmankan nddankanwa, "nach ɗǝchəɗya nat wa kəni?" 10Nggəmankə Yesu ndankanwa, "chə malɗəm i Isra'ila, chəka kəɗu paɗ sənwen ɗǝchəɗ yawa? 11Kitta'an kitta'an nduchiyaa, ɗənɗi səndə ən tlə ndiktə'ən tlə mbucha'an paɗ ɗǝnɗi natən. Chək kəɗu tləwen mbatəya'anwa.12Ma mba'uchi ɗəchi khesi fərwen kitsəwa nacho fər kit ma mba'uchi ɗəchi khulafərtawa kəni? 13Nefsə ɗəch kə manga tla ɓach kakh khulafərtawa wa'i nefe.14kəd ɗənɗi tla'andə Musa wirbə kafərtə khur usine, kəɗuyu waat na fe tla'andə wa'i nef kafərta, 15Kətləm nat fe fərchə kit kətləm nggəta nandə mbəs sisingdə kə fere.16Farta yakhtə khesi, fərkan wayan, wayan artə ndak, kətləm nat tla fərchə kit khur tləman, nan mərawa se kə mbəs sisingdə tla kə fere. 17Tlənu Fartə wanan kə khur khesi kətləm kə səɓanchə kaɗwa, se kətləm kə khəra'antə khesi ə khur tləman. 18Chəkwun fərchə kit kə ndi nan səɓkaɗwa, tla fərwakchə kit, tapi səɓkaɗi kətləm fərwa kit khur tləm wanan, paɗ wanan ndak i Farta wa.19Tlaya ne kə ɗənɗi chəch na chakmesi ɓi ɗa'kət kə khur kkhesi, nafchə yakhkandə wutla mani ɗa'kəta, kətləm ndəna chəchyandə ndədwawa. 20Kətləm nat tla chəch ən ndəɗwawa, yakhwaknan ɗakəta, paɗ ɓawa kəmɗi ɗakəta kətləm kə wenentə nɗəna chəchyan kaɗwa. 21Nakan tla tlə chəch ən kit, ɓi kəmɗi ɗa'kəta kətləm chəkwun kə nəkhawa ɗə chəchyan chəchan khur tləm Farta.22Kərsə minnni Yesu tə kəmsichiyan pəɗakandə kə khakhi yahuiya. Chok'kandə minni talla chəkan baptisma. 23khach yohanna paɗ mətlanchət baptisma ə Ainon nduktə salim kətləm 'yemsə minni kaan. Nafchə ɓat kəmɗan nakan chandat Baptisma, 24kətləm Yohanna tə məkufe ndə kə khur pursuna kwaɗənwa.25Tla'kə as ində pətlər kəmsichi Yohanna tə tlə yahudawata kə ɗar chaptəkaɗi. 26Ɗəkandə kəmɗi Yohanna ndankandəwa, "Rabbi, nafɗi tləmatu tə khesi kufi Urdun tla mba'atu ən kə ɗaran, ɗəposi mətlan chət baptisma, nat nafchə tandə ɗət kəmɗiyan ."27Nggəmandak Yohanna wa, "Nə nef tlət ən man'nga fəranchəfe khulafərta wa.28Nggun tə indəyowun nowun ɓa'atəwa ndachiwa, 'Ngga nggət ne kə kristi wa, tə tlənfe nanchi pangnga.'29Pe're 'yi pe'riyan. Tlawur tlə pe'reyan tla ne tləmata'an tlə səkchan ndi, tlə mbənchan fat kaan ma səktə ɓəratəyan. Tlən'niya ndiiɗantə mbənfatənchə khaa.30Waat kə cheke, nggət kə chi khaa.31Tla ɓach khulafərta, mbərantə chəkwun khaa. tla ne khakhaa, ɓachan khakhaa, tlə ndikchan paɗ kə ɗar khakhaa. Tla ɓach khulafərta, nachan ɗar nat. 32Tlə ndikchan kə ɗar ɗənɗi natən tə tla səktən, chək kəɗu nefsi tlə tləch mba'tiyan wa. 33Chəkwun tləch mba'tiyan, sənwa Fartə nde nakan.34Tla tləndə Farta, ndikti Fartə tlə mba'tən. Fərwa semet tə əna kaɗatawa.35chinan yakhtə wanan fərkan chəkmi kə khur kheryan. 36Tla fərchə kit kə wanan sisingndə 'yansi kə fere, tla njərenchə wanan kaɗi, nan na sisingndawa, səbtə khuri Farta nachan indəyan."
41Nakanya sənkə Yesu wa sək Farisiyawach mətlan mbəs kəmsicha, paɗ mətlan chandaa baptisma mani Yohanna, 2Chək nakan ngga Yesu təindəyan chəch baptisma ta'anwa, kəmsichiyan, 3Malkan yahuɗiya khaa nggərankan in kə Galili.4Chək kəɗu chok'kan waat kəmɗan kəɗə tə khur Samariya. 5Ɓakan kə mərbə ə Samariya na tləmanwa Sika, ne nduk tə khakhiɗi fərandə Yakubu wayan Yusufu.6Ɓundu i Yakubu min'ni. Yesu khatikha tə wita chok'kankha mi ɓun'ndu ta'an. Ɗin'ni nduk kə khurfarta. 7Ɓak nunef tlə Samariyawat kə kwan 'yeme, ndankə Yesu wa, "chi 'yemsə kə si." 8Ɗin'ni pəɗi kəmsichiyan kə khur wir kə khi ɗəsəmnda9Ndankə nu tlə Samariyanwadi wa, "Mə chəch chə tlə Yahudawata natu nditəwa, kə chuchi 'yemsə kə sen, nggət nu tlə Samariyawata?" Kətləm ənsə tlə wumanchə Yahudawach khaa tə Samariyawacha wa. 10Yesu nggəman kan ndankan wa, "Manwa sinin pafən i Farta, tə paɗ nafɗi ne ndutuwa, 'chi 'yam satsi, 'məno chəkhanda, paɗ mənan fəru 'yam Sising nde."11Ndankə nunafan wa, Malɗəm nggə əna kwan 'yemyosiwa, paɗ mbun'ndu ta'an khwen'nge. Nacho mbəs 'yem'nə ayi? 12Menwen mani chənən Yakubu wa, mbəren khaa tə mandawa? Mətlan təɗi fəra ənchə ɓun'ndu ta'an, mətlan tə ində'yan sitə yaman tə wanchiyan tə tlechyan?"13Nggərankə Yesu si ndankan wa, "Chəkwun sach 'yam mbun'ndu təɗiya, na kuchəm'ndə nggər kəsanda, 14Tla sach 'yamɗi nati fəranda, pa'u kuchəm'ndə nggər kəsandawa. 'Yamɗi nati fəranda, nachan nat kə raka 'yem khuryan, kən kə raka 'yam sisingndə kə fere."15Ndankə nunafan wa' "Maldəm fəri 'yemne mani kuchəmndə nggər kəsita, manənchə tlə ɓat kəmɗiya kə kwan 'yeme." 16Ndankə Yesu wa, "ɗu yo chimatwa kə ɓowun kəmɗiya."17Nggəmankə nuɗi ndankan wa, "Chəman'nəswa." Nggərankə Yesu səwa, mbuin nde ndatwa, 'chəmam'nəswa; 18Kətləm recho khəs'sə ɗərman, tla natu kanyan nakanya ngga chəmatwawa, ɗənɗi mbu'tu ndeta'an."19Ndankə nuɗiwa, "Maldəm, ə ninchi kha chə Annabi. 20Chənchə'ən mananchandə Farta ə ɗar nggwalɗiya, nggun ndakowun Urushalima ne kə məɗi na nafchə tlə manandə Farta."21Ndankə Yesu wa, nunefe fəru kit kə nanchi, farta'an ɓata nawaktəwun manandə Papa ə ɗar nggwalɗiya ndu ə Urushalima. 22Tlə mananchowun ɗənɗi sənwaktəwun. Tlə manancha'an ɗənɗi səndə'ən, kətləm kəɓikaɗi nachan məɗi Yahudawacha.23Chək kəɗu Farta'an ɓata, ɓiya, fartəɗi na fə manandə Papa yi kit'ta'an mananda ə khur semete yi ndeta'an, kətləm Papa kaa nafchəini kə nandə kə fə mananɗa. 24Farta semet nakan, nafchəɗi ne mananda, waat kə manandə khur semet yi nde'ta'an."25Ndankə nunafan wa, "Sənənchəwa, tlə tlətmənchə ɓata (tla tlə 'yafewa Kristi). Ma ɓi nan mbuamən chəkami." 26Ndankə Yesu wa, "Nggət ne kə mətlan, tla ne ndiktə tə wechya."27Chat kəɗuyu ɓak fə tlənchəyan kaɗi. Sakandach inde ɗənɗi chəch natən ndiktə tə nunefe, paɗ nefsə ndach wa, " Mə yakhtuwa?, ndu wa mə chəch natu ndiktə tə anchə wa?"28Nunafan ɗəfkan mbutə 'yemyan khaa, nggərankan in kə khur wiri ndankan nafchəwa, 29 Ɓam nam nafɗi mbaichə nat ɗənɗi tamndi chəta. Nan nə kə Kristi ya wa, nan natawa? 30Malkandə wuran khaa ndəkandə mbəs anchi.31Kəɗuyu kəmsichiyan ndandəwa, "Rabbi, səmu əna." 32Ndankə Yesu tandəwa, " Ɗəsəm'ndəs nati səm'nda tla sənwaktəwun ən kə ɗaran." 33Ndankə kəmsicha'an ra'anwa, "Ɓawu nef ən kə səmawa, ɓanfe wa?34Ndandak Yesu wa, "Ɗəsəm'ndən chi kə chə ɗənɗi tləndəfe nanchəwa kə chi, tə paɗ kə ndiɗani teryan khaa. 35Ɗawowunwa takchan ndər foɗa kən səfaktə ɓata wa? Ni mbaowun'nda, ɗəpam khaa kə nowun talaya, tapi ɓi səfakta. 36Tla ne tərandə ən kəurə ə khən'ngga tlə mbəs'san kənawan, paɗ kə nggomantə kənau khən'ngə keuri kə sisingndə kə pori, kəɗuyu na tla chekhche tə tla ne chatlandə sək mbəndəf wa'.37Kəɗuyu natən khur ndikte, ma chekh tla, samən tla ne chatlanda, nde'ta'an ni. 38Tlənchi wunchə kə chatlandə ɗənɗi chuwaktəwun tara. Fowun chəch taran, ngun paɗ 'yimkowun kə khur taran yanda."39Samariyawach kaan khur mərɓan fərndə kit kə ndi kətləm ɗənɗi mba'tə nuɗi ndatwa, 'mba'tə ɗənɗi nat tamndi chəta." 40Ɓak Samariyawacha'an kəmɗiyan, səyan kandə kə choktə tanda, chok'kan min'ni məndə chep.41Nafchə kaan paɗ fərndə kit kətləm ndiktiyan. 42Ndankandə nunafan wa, ngga fərcha'an kit kətləm ndiktəyo ndak wa, ngga'an tə indəyaƒn səkən, paɗ sənənwa mətləm ne kə tlə tlət khesi."43Kərsə min'ini chep yu malkan min'nikha pəɗakan kə Galili. 44Kətləm ndi Yesu tə indəyanwa, annabi mbəswa mandə ə khakhayanwa. 45Ɓakan kə khur Galili, Galiliyawach tləndə anchi. Nində ɗəchəɗi chətən nat ə Urushalima ə khombaɗi, kətləm ɗəndə kə khombata'an.46Nggərkan ɓat paɗ kə Kana ə Galili, məɗi təɓra ndən 'yemkhaa kə 'yam inabi yu. Nefsə tlə chəch ter ə wiri kutəre na wa'yan khaɗchan ə kafar nahum. 47Sək'kanwa ɓi Yesu ə Yahudiya kə Galili, ɗəkan mbəs Yesu ndankanwa kə ɓə kənandə wa'yan kaɗi ne nduk kha kə məra.48Ndankə Yesu wa, "Man'ngga ma niwun sakcha'an tə əna sakainchawa, nowun fər kit wa." 49Ndankə tlə tarɗiwa, "Maldəm, bo sa'a kən wa inchə mərta." 50Ndankə Yesu wa, "Ɗu wayo kənkaɗi." Nefini fərtə kit kə ɗənɗi mba'andə Yesu, paɗ pəɗakan.51Nakan pəɗata, kəmkandə tə kəmsichiyan, ndankandəwa kən wayan kaɗi. 52Chəkhandakan fartəɗi tərtən kan chət səm'ma. Nggərankandəs wa, ɓəraa wansengnan muɗ kalt ə ɓəɓiyan ndə khaa.53Sənkə chən wan'ɗiwa farti'ini ndandə Yesu wa, "Wayo kənkaɗi." Kəɗuyu mətlan tə nafchə wiryan nat fərkandə kit. 54Chepeta'an niya chətən əna sakainde ɓakan kes ə Yahudiya kə Galili.
51Kǝrsǝ ɗinni khombati Yahudawachsi, Yesu pǝɗakan kǝ Urushalima. 2Nakan ǝ Urushalima kwi 'yemsi nduk tǝ mi kǝtǝn chokhrehe tla tlǝ 'yafe tǝ me'i Ibraniyawach wa Baitasda, paɗ kǝtǝnchǝs ɗǝrman ǝ mi 'yaman. 3Khachǝs kaan, komǝncha, tǝrraɗcha, tǝfe sa fach'yandǝ kaɗi ɗuk-ɗuk minni, kǝtlǝm kǝ pǝkndǝ kǝ kurtlǝɓan fe 'yaman. 4Kǝtlǝm tlǝ ɓach tlǝ tlǝndi Farta kakha kǝ far kǝ fara, kǝ kurtlǝɓanchǝ 'yaman, nat tla lach yimndǝ kǝ khuran, nan kǝndkaɗi chǝk we'tǝ khatǝfami ne fiyan.5Nefsǝ minni nech khaɗchan khurat kumchǝt makhkan ngǝrsǝ foɗfoɗa. 6Nak Yesu anchǝ ɗuk minni, paɗ sinwa ndukwa natǝn minniwa, ndankanwa,"yekhǝn kǝ kininkaɗwa?"7Nggǝmankǝ khatǝɗi wa, "maldǝm, nefǝnchǝs kǝ mǝk nanchǝ kǝ khur kwi 'yammanwa ma kurtlǝɓan fe wa. Ma nggǝt ɗǝta lak nef mǝ nggǝta." 8Ndankǝ Yesu wa, "Tla'u, tǝru mǝtkhunat'yo kǝ pǝɗen.9Chat kuɗuyu kǝnkǝ nafɗi kaɗi. Tǝrkan mǝtkhunat'yan nakan wi'ta. fartǝ ini far sati.10Ndankǝ Yahudawach nef ini kǝnchǝ kaɗyu wa, "Far sati niya, kǝmwasǝ kǝ tirin mǝtkhunat'yo wa. 11Nggǝmkan wa, "Tla kǝnichǝkaɗ ndachwa, tǝru mǝtkhunat'yo kǝ wi'in.12Chǝkhan kandǝwa, "wun nafan nduchǝwa, tǝru mǝtkhunat'yo kǝ wi'in?" 13Khachaa, tla kǝnandǝ fe kaɗyu sǝnwa tla kǝnanchǝ kaɗwa, kǝtlǝm yir Yesu ǝ wuɓtǝkaɗi, kǝtlǝm nafchǝs kaan.14Tǝ kǝrsa mbǝsankǝ Yesu khur kǝtǝn sita ndankanwa, "No kininkaɗi! kǝ nggǝrin chǝt ɓǝɓifatawa, kǝtlǝm kǝ kǝs ǝn wech tla mbǝranchǝ tlenni khawa." 15Nafan pǝɗakan, ɗǝkan mbuandǝ Yahudawach wa Yesu kǝnanchǝ kaɗi..16Nakan kǝtlǝm ɗǝchiini, Yahudawach nakandǝ ɓakhandǝ Yesu, kǝtlǝm chǝchan ɗǝchiini far sati. 17Yesu ndandakanwa, "papa mǝtlan chǝt ter chǝk nakanya, nggǝt paɗ nggǝt chǝt tere." 18Kǝtlǝm ɗinni nakandǝ kat kǝ ɓǝlanda ngga kǝtlǝm chǝt ter far sati ndakwa, wa i tǝ Fartǝ wa chinan, tǝrkanwa mǝtlan keɗech tǝ Farta.19Nggǝmandak Yesu wa, "Kit ta'an, kit ta'an, Nǝ wanan chǝt ǝn mǝtlan tǝ ind'yanwa, mangga ɗǝnɗi natǝn chinan chǝtawa, kǝtlǝm ɗǝnɗi na chinan chǝta, nda'an na wanan chǝta. 20Chinan yakhtǝ wanan, paɗ tlǝ pǝnanchan nat ɗǝnɗi natǝn chǝta. Nan pǝnan ɗǝch kaf'yan kaan mbǝranchǝ fe'yankhaa kǝtlǝm kǝ sakowunchǝ inde.21Kǝɗ ɗǝnɗi tlǝ tla'andǝ chǝnan mǝmatacha kǝ nandǝ tǝ sisingndǝ fa, chǝka wanan nan fǝran sisingndǝ chǝkwun yakhtǝn. 22Chinan chokawa kiita nefsuwa, fǝrantǝ chak me nat wanan kǝ khar, 23kǝtlǝm chǝkwun kǝ manantǝ wanan kǝɗ ɗǝnɗi tlǝ manandǝ fe chinan. Tla manawakchǝ wanan, manawa chǝnan tla tlǝnchǝ anchǝwa.24Kit ta'an, kit ta'an, tla sǝkchǝ ndiktinchǝ fǝrtǝ kit kǝ tla tlǝnchǝ nanchi, sisingndǝ 'yansi tla kǝ fere, nan mǝrwa, lengngntǝ mǝrtǝkhaa kǝ khur sisingnde..25Kit ta'an, kit ta'an, ni mbaowunda farta'an ɓata, ɓi ya, fartǝɗi na mǝmatach sǝk ɓǝrati wa'i Farta, fe sǝkcha nandǝ mbǝs sisingde.26Kǝɗ ɗǝnɗi na sisingndǝs khuri chǝnan, kuɗuyu fǝrandǝn wanan kǝtlǝm kǝn sisingndǝs khuryan. 27Fǝran chǝnan alkǝt paɗ kǝ chakmee kǝtlǝm mǝtlan wai nefe.28Kǝ sakowunchǝ indawa, kǝtlǝm farta'an ɓata na chǝk wun ǝ khur kwiya sǝk ɓǝratǝ'yan, 29paɗ kǝ ɓǝ kes fe chǝch ǝn ndiichan kǝ tla'ndǝ kǝ sisingnde, fe chuwakchǝ ǝn ndiichan kǝ tla'ndǝ kǝ khur chak mee.30Chuwi ǝn ɗǝchǝtnawa, kǝɗ ɗǝnɗi sǝkti, tlǝ tlenchi kiita kha kuɗu, kiita ǝnchǝ paɗ i kit , kǝtlǝm nggǝt yakh ǝn i indinchǝwa, se ǝnɗi yakh tǝ tla tlǝnchǝ nanchi. 31Ma ni mba' ǝn kǝ indinchi, mba'tinchi ngga kit wa. 32Nefsǝ tlǝ mbachǝ ǝn kǝ ɗarna, sǝnǝnchǝ paɗwa ɗǝnɗi tlǝ mba'tǝn kǝ ɗarna kit'ta'an.33Tlǝnwun kǝmɗi Yohanna, mǝtlan paɗ mbaowuntǝ kit'ta'an. 34Ngǝt ngga mbǝschi ndiktǝ tǝmɗi nefawa. Mbuchi ɗǝchiɗya kǝtlǝm kǝ mbǝswun kǝɓi kaɗi. 35Yohanna tikesǝ nakan tla ne kǝsta tǝ ɗa'kǝtfa, tǝrkǝ khur'yowun wa nowun sǝk mbǝnfǝ tallǝ kǝɗa.36Chǝk kuɗu, ɗǝnɗi mbaowundi mbǝrantǝ i Yohanna khaa, tarchǝɗi fǝri tǝ papa kǝ ndiiɗani kha, tarchǝɗi nde tlǝ chǝti, tlǝ mba'chandǝ ǝn kǝ ɗarna, ndatwa Papa tlǝnchǝ nanchi. 37Papa tla tlǝnchǝ nanchi mba'tǝ ǝn kǝ ɗarna. Tamwowun sǝk ɓǝratǝ'yanwa, ndu kǝ tamwun na fat'yanwa chǝk kwetwa. 38Ndiktǝ 'yansǝ khur'yowunwa, kǝtlǝm fǝrwowun kit kǝ tla tlǝndǝnwa.39Tausawun yaracha'an kǝtlǝm dowunchanwa nowun mbǝs sisingndǝ tla kǝ fere khuran, yarachi'ini paɗ mba'chǝ ǝn kǝ ɗarna, 40Paɗ yakhwunsǝ kǝ ɓowun mbǝs nanchǝ 'ma nowun mbǝs sisingndauwa.41Tlǝwi chǝmndǝ mǝɗi nafchawa, 42chǝk tǝ kuɗu sǝnǝnchǝwa yakhti Fartǝs khur'yowunwa.43Ɓachi khur tlǝm Papa, paɗ tlǝwowun nanchǝwa. Maɓi yowun khur tlǝman nowun tlǝt ndi. 44Nachowun fǝr kitwa kǝni, nggun tǝɗi tlǝ yakh chǝ chǝmndǝ fi ra'an, ngga chǝkha chǝmndǝ mǝɗi tla ɓach mǝɗi Fartawa?45Kǝ kaɗawun wa nggǝt ni 'yara wunchǝ pangn Papa wa. Tla tlǝ 'yarach wunchi Musa, tla ɗǝftǝwun kǝfat kǝ ndi. 46Ma fǝrwun kit kǝ Musa, nowun fǝr kit kǝ nanchi, kǝtlǝm yaranchan kǝ ɗarna. 47Ma fǝrwowun kit kǝ yarat'yanwa, nachowun fǝr kit kǝ ndiktinchǝwa kǝni?"
61Kǝrsǝ ɗǝchǝini pǝɗak Yesu kǝ khesi kufi Galili, tla tlǝ 'ya fe paɗwa kufi Tibariya. 2Ngomǝn nafchǝ kaan nakandǝ para ndi kǝtlǝm ni ndǝ ɗǝnɗi chǝtǝn kǝ ɓǝra fe ne khaɗchan. 3Yesu tǝrkan kǝ ɗar nggwele chok'kandǝ minni tǝ kǝmsichǝyan.4(Nakan fartǝ khomba chetkes i Yahudawach si nduk.) 5Ɗǝpak Yesu khaa nakan nggomǝn nafchǝ kaan ɓat mbǝs ndi, ndankan Filibus wa, "nachamǝn ɗǝt khi ɗǝsǝmndǝ ai kǝtlǝm kǝ sǝm nafchǝɗya?" 6(Mba'chǝ Yesu kǝɗuyu kǝtlǝm kǝ kaɗantǝ Filibus, kǝtlǝm mǝtlan sǝntǝ ɗǝnɗi natǝn chǝta.)7Nggǝmankǝ Filibus wa, "ɗǝsǝmndǝ in dinari kumchǝt kum chep (200) nan cha'antǝ chǝkwun kǝ mbǝs chǝk tap kǝɗa wa." 8Artǝ khur kǝmsichǝ'yan, Andrawus wanman Siman Bitrus ndankan Yesu wa, 9"Waa sǝ mǝɗya na ɓilese yat'yansǝ ɗǝrman tǝ yirfǝ chep, chǝk kǝɗu ai natǝn cha'andǝ yaka nafchǝɗya."10Ndak Yesu wa, "chokaman nafchǝ khaa," (minni usinsi). Chok'kǝ khǝssǝ khaa fe sa'chǝ kumchǝt kum kum ɗǝrman (5,000). 11Tǝrkǝ Yesu ɓilese yachǝɗi kǝrsǝ chan usoko Farta fǝrankan nafchǝɗi chokchǝ khaayu. Chǝkan kǝɗu tǝ yirfan, sǝmkandǝ kǝɗ ɗǝnɗi yakh tǝnda. 12Ngalkǝ nafchǝɗi, ndankan kǝmsichiyan wa, "nggomaman chǝchecha'an tǝdi takchǝsi kǝtlǝm kǝ sǝɓkaɗwa."13Nggoman kandǝ chǝche yachǝɗi ndiɗankan inaftǝ kum ngǝrsǝ chep ǝ ɓileseɗi ɗǝrman takandǝ nafchǝɗi sǝmchǝ yu. 14Nak nafchǝ ǝna saka ind ini chǝtǝn yu, ndakandǝ wa, "kit ta'an Annabi tǝɗa niya tlane ɓat kǝ khur khesi." 15Mbǝsankǝ Yesu wa yakh ndǝ kǝ ɓanɗǝ nggǝtlandǝ tǝ alkǝt kǝ faɗa ndǝ kǝ kutire, nggǝrkan yirtǝ kǝ ɗar nggwel tǝ ind yan.16Chǝk farwita, pǝɗak kǝmsichiyan koffa. 17Yimkandǝ kǝ khur kombawal nakandǝ talandǝ khawurta kǝ kafarnahum. Fartǝ ini chǝ mǝt simme, paɗ ɓau Yesu mbǝs tandǝ kwaɗǝnwa. 18Tla' kǝ kapa rǝnnaa, nak wanfǝnchi 'yaman tla'ta.19Wi'kandǝ khur khawurta'an kǝɗ mel kumchit chep ngǝrsǝ ɗǝrman ndu kumchit makhkan, mbǝsanchandǝ Yesu wi'tǝ ɗar 'yaman mǝtlan ɓat kǝ mbǝstanda, nakandǝ lekǝte. 20Ndan nda kanwa, "Ngǝta, mǝ lekuwun wa." 21Tlǝkan ndǝ anchǝ kǝ khur kombawal ta'an, chat sa'kandǝ kǝ khesi khawurta'an kǝ khakhi ɗi nat ndǝ ɗǝta.22Əs'sata'an mbǝsanchǝ nafchǝ kombawal sǝ samǝn man'ngga tla pǝɗa kǝmsichi Yesu khuran,paɗ Yesu yimwasǝwa, pǝɗach kǝmsicha'an ɗǝchitnanda. 23Fowun kombawal chǝs ɓach ǝ Tibariyas nduk kǝmɗi sǝmndǝndǝ ɗǝsǝmnda kǝrsǝ chǝk Yesu usoko.24Mbǝsankǝ nggomǝn nafchǝɗi Yesu tǝ kǝmsichiyan tandǝ min'ni wa, fen paɗ yimkandǝ kǝ kombawal chǝɗi pǝɗakandǝ kǝ Kafarnahum kǝ kaa Yesu. 25Kǝrsǝ mbǝsan kandǝ ǝ khesi khawurtǝɗi, ndankandǝ wa, "malɗǝm, ɓacho kǝmɗa kweti?"26Nggǝman ndak Yesu tǝ ndatwa, kit'ta'an, kit'ta'an, kiwun nanchi, ngga kǝtlǝm niwun ǝna saka inchawa, kǝtlǝm sǝmwun ndǝsǝmndǝ nggalwun. 27Kǝ chǝwun ter kǝtlǝm ɗǝsǝmndǝ tla tlǝ sǝɓchǝkaɗwa, cham ter kǝ ɗǝsǝmndǝ i sisingnde tla kǝ fere, tla na wa'i Nef furowunda, kǝtlǝm Farta tapi ɗǝftǝ kher kǝ ind'yan.28Ndankandǝwa, "Mǝ nat ǝn chǝta kǝtlǝm kǝ chǝ'ǝn teri Farta?" 29Nggǝrkǝ Yesu sǝ ndanda kanwa, "Tlaya ne kǝ teri Farta: kǝ fǝrwun kit kǝ tla tlǝndǝn."30Ndankandǝwa, "Mǝ ne kǝ sakta'an natu chǝta, kǝtlǝm kǝ na'ǝn kǝ fǝr'ǝn kit kǝ wechi? Mǝ no chǝta? 31Chinchǝ'ǝn sǝmndǝ manna ǝ khur usine, kǝɗ ɗǝnɗi yarandǝ fe khaa. "Fǝrandachan ɗǝsǝmdǝ ǝ khulafǝrta kǝ sǝmnda."32Ngǝmandak Yesu wa, "kit'ta'an, kit'ta'an, ngga Musa fǝrowunchǝ ɗǝsǝmǝnɗi ɓach khulafǝrtawa, Papa fǝrowunchǝ kakha ɗǝsǝmndǝ khulafǝrta. 33Ɗǝsǝmndi Farta tlǝ ɓachan kakh ǝ khulafǝrta kǝ fǝr sisingnde kǝɗi khesi." 34Ndankandǝwa, "Malɗǝm, tlǝ fǝra'an ndǝn ɗǝsǝmndiyo nding."35Ndan ndak Yesu wa, "Nggǝt ne kǝ ɗǝsǝmǝn sisingnde, tla ɓach kǝmɗinchi, nǝ mitǝ nǝ fiyanwa, paɗ tla fǝrchǝ kit kǝ nanchi nǝ kuchimndǝ tam kǝsanchǝwa. 36Ndowunchi yuwaa, nde niwun nanchi, paɗ fǝrwun kitwa, 37Chǝkwun fǝriti Farta nan ɓat kǝmɗinchi, paɗ nat tla ɓach kǝmɗinchi, ni mǝkanchǝ kaɗwa.38Ngga ɓachi kakh khulafǝrta kǝ chi ɗǝnɗi yakhti wa, se kǝ chi ɗǝnɗi yakhtǝ tla tlǝnchǝ nanchi. 39Ɗǝnɗiya yakhtǝ tla tlǝnchǝ nanchi, wa kǝ sakani chǝka artǝ khur fe fǝritǝn wa, nan tla'andata ǝ ndukwa khesi. 40Kǝtlǝm nda'an yakhtǝ Farta, nat nafɗi nach wanan paɗ fǝrtǝ kit kǝ anchi, nan mbǝs sisingndǝ kǝ fere, ni tla'andǝ paɗ far ndukwa khesi.41Yahudawach nakandǝ khurumnda kǝ ɗaran kǝtlǝm ndiwa, "nggǝt ne kǝ ɗǝsǝmnda tla ɓach kakh ǝ khulafǝrta." 42Ndakandǝ wa, "Yesu tǝɗya ngga Wa'i Yusufu wa, tla sǝndǝmǝn manan tǝ chinan wa? Mǝ chǝch khach ndatǝn wa, "Ɓachi kakh ǝ khulafǝrta?"43Nggǝmandak Yesu ndandakanwa, "malaman khurumndǝ ǝ pǝtlǝrwun. 44Nefsǝ ne mbakhǝn ɓat kǝmɗinchi mangga papa tla tlǝnchǝ nanchi ɓach ta'anchi, paɗ kǝ tla'ani kafǝrta far ndukwa mǝnanwa. 45Yaranfe khaa khur ndikti Anabawacha, 'chǝkwun na Fartǝ cha'andǝ khar, chǝkwun sǝkcha paɗ ǝ cha'i mǝɗi papa nan ɓat kǝmɗǝnchi.46Ngga wa chǝkwun nach chinanwa, se tla ɓach mǝɗi Farta - mǝtlan nach papa. 47Kit'ta'an, kit'ta'an, tla fǝrchǝ kit, sisingndǝ 'yansi tla kǝ fere.48Nggǝt ne kǝ ɗǝsǝmǝn sisingnde. 49Chǝnchǝwun sǝmndǝ manna khur usine, paɗ mǝmatinda.50Ɗǝsǝmǝnn iniya tla ɓach kakh khulafǝrtiya, ma sǝm nefe nan mǝrwa. 51Nggǝt ne kǝ ɗǝsǝmndǝ tla ɓach kakh ǝ khulafǝrta. Ma sǝm nef ɗǝsǝmǝn iniya, nan nat khaa kǝ fere. Ɗǝsǝmǝnɗi nati fǝrta, fatinchi kǝ sisingnde i khesi."52Sǝɓangkǝ Yahudawach khur kaɗ kafi ra'an nakandǝ ndatwa, "Nach nafɗa fǝramǝn fat'yan kǝ sǝmmǝn wa kǝni?" 53Ndandak Yesu wa, "kit'ta'an, kit'ta'an, manga tǝ sǝmwun fati wa'i Nefawa, kǝ sowun fer'yanwa, nǝ sisingndǝ nǝs fiyowunwa.54Nat tla sǝmchǝ fatinchi paɗ sitǝ ferinchi, na sisingndǝ'yan natsi tla kǝ fere. Ni tla'andǝ paɗ far ndukwa wanmǝncha'an. 55Fatinchi kit'tǝ ɗǝsǝmnda, ferinchi kit'tǝ ǝna sata. 56Tla sǝmchǝ fatinchi, paɗ sitǝ ferinchi, nachan khurna, nggǝt paɗ khur'yan57Kǝɗ ɗǝnɗi tlǝndǝ Papa tlǝ sisingndǝ nanchi, paɗ nachi kǝ tlǝ sisingnde kǝɗ papa, kǝtlǝm nda'an tla sǝmchǝ nanchi, mǝtlan paɗ nan natkhaa kǝtlǝm nanchi. 58Ɗǝsǝmǝnɗiya tla ɓach kakh khulafǝrta, ngga kǝɗ ɗǝnɗi sǝmndǝ chǝnchǝmǝn kǝ mǝmatanda wa. Chǝkwun sǝmchǝ ɗǝsǝmǝnɗiya nan nat khaa kǝ fere." 59Mba'chǝ Yesu ɗǝchiɗya nakan cha'andǝ nafchǝ khar ǝ Kafarnahum.60Ka'an khur Kǝmsichiyan fe sǝkchǝ ɗǝchiɗya ndakandǝ wa, "Tlaya 'yang'yang tǝ cha'ata, wun ne tlǝta?" 61Yesu sǝnkan khur fat'yan wa kǝmsichǝyan khurumndǝ kǝ ɗar ɗinni, ndandakan wa, "Sǝɓan ɗǝnɗiya khurchiyowun kaɗ wa?62Nachan nat kǝni ma tǝ nowun wa'i Nef pǝɗat kafǝr kǝmɗi tamndǝn chokhi? 63Semet tlǝ fǝrchǝ sisindgnde, fata chǝwa ǝnawa. Ndikchǝɗi mba'owundiya, semete, paɗ sisingndǝ fiyanda.64'Pa'kǝ nakanya fowun khurwun fǝrwandǝ kitwa. kǝtlǝm Yesu sǝn taa tǝrkanan fe nawakchǝ fǝr kit tǝ paɗ tla ne khǝyandǝ kaɗi. 65Ndakanwa, "nda'an chǝch ndowundi wa, nefsǝ ne ɓat kǝmɗinchi mannga Papa fǝranchawa."66. Kǝtlǝm nda'an ka'an khur kǝmsichiyan pǝɗakanda, nggǝrwandǝ wi'tǝ tǝ ndǝ wa. 67Ndan kǝ Yesu fe kum nggǝrsǝ chep yuwa, "Ngun yakhwun pǝɗat paɗwa, yakhwun wa?" 68Siman Bitrus nggǝmankan wa, "Ai Farta, cha'ǝn kǝmɗi wuni? chǝne tǝ ndiktǝ sisngnde tla kǝ fere, 69Paɗ fǝr ǝn kit, ɓi'ǝn sǝndǝ paɗwa chǝne kǝ chiɗchiɗ ta'an ndak i Farta."70Ndandak Yesu wa, "Taɗwi wunchǝ nggun kum nggǝrsǝ chep, artǝ khurwun khwe'erauwa?" 71Ndikchanyu kǝ ɗar Yahuda wa'i siman Iskaryoti, kǝtlǝm mǝtlan khur fe kum nggǝrsǝ chep yu ne khiyandǝ Yesu kaɗi.
7
8Ɗam kə khombata'an nggət ni ɗə kə khomba'ini wa,kətləm fartinchə ndiiɗwa kha wa." 538
34Nggəmandak Yesu wa, "Kitta'an,kitta'an nati mbaowun nda,chək wun chəch ɓəɓi fata,mətlan mafati ɓəɓi fata. 91Nak Yesu mbərtəkhaa nakan nef tla nggət'təfe kə komnda. 2chəkhan kəmsicgiyan, "malɗəm, wun chəch ɓuɓifata, nafɗəyawaa, parcha'anwa, nggət'təfe ndə kə komnda?3Nggəma ndak Yesu wa, "chu nafɗa ndu parcha'an ɓuɓifawa, se ndakwa kə pənfe teri Farta kəmɗiyan. 4Waat kə chəmən teri tla tlənchə nanchi ə Farta, witə ɓata tla nawaktə nef bakhən chət tere. 5Ma nggət khur khesi nggət ɗakəti khesi.6Kərsə mbakə Yesfu ɗəchi'ini chəkhankan yakhtə kə khakhaa, təkh ɗan farta'an tə yakhtəyan, pətan komnan kə wenichəyan. 7Ndankan wa "Ɗu chapan kad ə kufi siloam (tla təbrandə fe khawa tlənda)." pənɗak nafan kə chapandə kaɗi. Ɓachan kaɗ mətlan naməta.8Fe ne nduk khaa tə nefini tə fe tlə nach ndə mətlan sita nakandə ndatwa, "Ngga nafɗni tlə ne ɗas sitə yuwa? 9fon ndakandə, "mətlan," fon pad ndakandə wa,"auwa, tə tlət ndi."10Ndankan ndəwa, "Chəch in kən ində wenichəyo khaa? 11Nggəmkan wa "nafɗi tlə 'yafewa Yesu yu, təkhədchə fərta pətikan kə wenichənchi, ndikan wa ndu chapan kaɗ ə siloam.ɗəki, chapankə kaɗi, naki naməta. 12Ndakan ndəwa,"mətlan ayi" nggəmkan wa sənwi min'nawa.13Ɓakandə tə nefini tamchə komnduyu kəmɗi farisiyawacha. 14Fartə'ini far sati, təkhɗa ndən fərtə kə inantə wenitə komənɗi khaa yu. 15Nggərkə farisawach chəkhandə wa, inchə wenicha'anyo khawa kəni? ndankan tandəwa tə pət fərtə kə wenichinchi, chapan ki kaɗ, nakanya nggət naməta."16Fowun Farisiyawach ndakandə wa "nafɗiya ngga ɓachan məɗi Farta wa kətləm nawa maɗi far sati wa." fon ndakandə wa, "nach tlə ɓuɓifat chət ɗəchəɗi chətən yawa kəni minni chak ində yandə khaa. 17Nggərkandə chəkhandə komənɗi wa, "ndachowa kən kə ɗar nafɗiya, nakan inantə wenichəyo khaa?" komnan ndakan wa, "Annabi nakan." 18pakə nakanya yahudawach fər wandə kit wa komndə nakan wa, kən fe inandə wenitəyan khaa se yakanndə parchə tla inandə fe wenita'an yan khaa.19Chəkhan kandə parcha'an wa,"wayoniya tla ndatwun wa nggətchəfe ndə kə komndawa? chəch in kən khach tlə natən məta?" 20Parchəɗi nggəman kandə wa,"Sənən wa waya'aniya tla nggət'tə fe kə komnda. 21Ɗənɗi chəch tlə natə məta, sənwa'an wa. Chəkhaa man, ngga waa nakanwa. Nan ndikendi fatyan si."22Mbachə parcha'an ɗinni kətləm tandə lekendə yahudawacha'an. Yahudawacha'an tapi nggəmandəwa nat tla ndach wa kristi nakan, nandə mək anchə kes kətən sita'an. 23Kətləm nda'an nda parcha'an wa "ngga waa nakan wa chəkhama ndən."24Yakandə komnan chepeta'an, ndan kandə wa,"Fəran mandə Farta. Sənən wa nafɗiya tlə ɓuɓifat nakan." 25Neffini nggərkansi wa," sənwiwa ma mətlan tlə ɓuɓifata. ən artə səndi, tamchi kə komnda, nakanya tlə nachi məta.26Ndan kandə wa, "Mə chutən? inanchan wenitəyo khaa wa kəni?" 27Nggəmkan wa, "Ba'onwun chə tang tang səkwun wa. Mə chəch natwun nggər yakh səktə paɗi? yakwun kə chokwun kə kəmsichiyan paɗ, kəɗu wa?28'yarakandə anchə ndakakndə wa, "chəne kə kəmseyan. 29Ngga'an kəmsichi Musa. sənən wa ndik Fartə tə Musa, sənwa'an məɗi ɓa tlaya wa."30Nggəmandak nafɗi ndakan wa, "Tlənni əna saka inde, wa sənwon məɗi ɓati wa, paɗ chəktə kəɗu mətlan inanchə wenitən chəkhaa.31sənmən wa səku fartə fə ɓuɓifachawa, ma nef tlə səkchan ndi paɗ kə chət ɗənɗi yakhtən, nan sək ndi.32kə tərkə fe kan khesi, tamu fe səktuwa nefsə tamchə inandə weniti nafkha tla nggət'təfe kə komndawa.33Man'nga ɓach nafɗa məɗi Farta wa, mə nan chət ənawa." 34Nggəman kandə wa, "Nggətchə fe wech khur ɓuɓifata, kano nat cha'a an'ndə khar wa? " Mik kandə anchə kes35Sək kə Yesu wa məkndə anchə kes khur kətən sita. kakan ndi ndankan wa, "fərin kit kə wa'i nefe wa?" 36Nggərkansi ndankan wa, "Wun nakan, Farta, ma ni fər kit kə ndi?" 37Ndankə Yesu wa, "Nin ndi, paɗ mətlan ne ndiktə tə wech." 38Ndak nafan wa, "Farta, fərənchə kit" paɗ manankan.39Ndak Yesu wa, "Ɓachi kə khur khesiɗiya kətləm chakmee, kətləm fe tlə nawakchə məta, kə nanda, fe paɗ tlə nacha kə komnda." 40Fowun farisawachəɗi ne tləmata'an səkndə ɗəchi'ini, paɗ chəkhan kandə wa, "Ngga'an paɗ komənchə naka'an wa?" 41Ndadak Yesu wa, "Ma komənchə nakowun, mə ɓuɓifatyon səwa nakanya ndakowun, 'Tlə nacha'an, kətləm nda'an ɓuɓifatyowun choki.
101Kitta'an,kitta'an nati ndowun nda,tla 'yimwakchə tə mi kənndə kə khur chokhreche,tərkan kakh tə mbandə samən,yerə nakan,tə paɗ tlə fasa fat nakan. 2Tla 'yimchə tə mi kənnda,mətlan tlə chokhrecha'an.3Tlə ndi mi kətənan khar nan inandə si.Chokhrecha'an nandə sək ɓəratə'yan,paɗ nan 'ya chokhrech'yan tə tləmchə nanda kə pəɗ tə tandə kes. 4Ma ɓi tə tandə kes nat nan 'yimndə kə pangngən nanda.Chokhrecha'an paɗ kə parandə ndi kətləm sən ndə ɓəratə'yan.5Nandə para rema wa,nandə kar anchə fa kətləm nandə sən ɓərati ramcha wa." 6Saktə ndiktə'ini ndiktə Yesu.Sənwandə wa saktə ndiktə'ini mba'andatən yu wa.7Nggərkə Yesu ndndat wa, "kit ta'an,kit ta'an nati ndowun nda,nggət ne kə mi kətən chokhrecha'an. 8Nat tla lach ɓat məni nggəta,yeere,paɗ fasaɓe nakan.Chokhrecha'an paɗ nandə sək tanda wa.9Nggət ne kə mi kətənan.Ma 'yim nefsə təmɗənchi,nan mbəs kəɓi kaɗi;nan 'yimndəs kə chə kes,tə paɗ nan mbəs mət parata. 10Nə yerə ɓa wa ma ngga kə yarka,kə ɓəl fata tə paɗ kə səɓanchə kaɗ wa.11Nggət ne kə kaa tlə parata.Kaa tlə parat tlə fərchan səsingndə'yan kətləm chokhrech'yan. 12Tla ne kə wan tləndə ngga tlə parata wa,paɗ ngga chokhrech'yan wa.Ma nitə ɗə yakhtə ɓata nan mal chokhrecha'an khaa kə raka,ɗə yakhtan paɗ nan rək tandə kə welendech khaa. 13Nachan rakat kətləm mətlan wan tlənda,paɗ nan ɗəpsə chokhrecha'an wa.14Nggət ne kə ka tlə parata,səninchə yina,yən paɗ sən ndə nanchi. 15Sən papa nanchi,paɗ səninchə papa,paɗ tlə fərchi səsingndənchə kətləm kət chokhrecha'an. 16Fowun chokhrechinchəs fe nawakchə khur chaaɓ ɗəya.Ni ɓat tə tanda,paɗ nandə sək ɓəratinchi,kətləm kən kə cheɓə arta,tlə parat arta.17Nda'an chəch yakhtə papa nanchi.Fərchi səsingndəchə kətləm kə nggəri mbəstə kaɗi. 18Nefsə ne tlət kaɗ kharinchə wa,fərchi kətləm fatinchi.Alkətənchəs kə fəri,paɗ kə təri kaɗi.Tləchi maanini məɗi papa."19Tla'kə asində paɗ pətlər Yahudawach kətləm ndikchə'ini. 20Kaan khurnandə ndakandə wa, "Khwa'archə'yansi tə paɗ ində'yan arta wa.Mə chəch natwun kan tləmata?" 21Ndak fowun wa,ndiktəɗəya ngga i tlə khwa'archa wa.Na tlə khwa'archə inandə weniti komndə kha wa?"22Sa'kə fartə khomba chaptə kaɗ ə Urushalima. 23Fartə'ini ə fekte.Yesu wi'tə kha ə khur kətən siti Suleimanu. 24Taurankə Yahudawach kha ndakandə wa,"Kə kwet natu mal nga'an kha khur kumi sənda? Ma chə Kristi mba'aənndən ə ɗa'kəta."25Nggərankə Yesu tandəs wa,"mba'awunchi,chəka kəɗu fərwowun kit.Tarchəɗ chəti khur tləm papa mbu'ndə ən kafinchi. 26Chəka kəɗu fərwowun kit wa kətləm ngga nggun chokhrechinchə wa.27Chokhrechinchə tlə səkchandə ɓəratənchi paɗ tlə səkchandə nanchi. 28Tlə fərandachi səsingndə tla kə pori,nandə tam mər wa,paɗ nefsə na tləna tandə kherinchə wa.29Papa tlə fərichə tanda,mbərantə chəkawun kha nat,tə paɗ nefsə na tlənandə papa khar wa. 30Nggət tə Papa nacha'an arta." 31Kharkə Yahudawach ɗakwanchə paɗ wa nandə məmakandə fa.32Nggəmandak Yesu wa, "pənowunchi kwastə tarchə kaan məɗi Papa.Kətləm tarchə'ini natwun məmakitə fa wa?" 33Nggəmankə Yahudawacha'an wa, "ngga nacaha'an məmakutəf kətləm tarchə ndi'chan wa,sai kətləm 'yara Farta,kətləm chə nefe,nako chandə fat'yo kə Farta."34Nggəmandak Yesu wa,"Ngga yaran fe khaa khur doka wa,"Ndachi wa nggun ɗəkhacha wa?" 35Ma 'yitə tandə wa ɗəkhacha,fe ɓa ndikti Fartə kəmɗanda(paɗ nə fe ɓakhən chendə ndikti Fartə kaɗ wa), 36No ndandə tla takhsandə Fartə kha tləndən kə khur khesi,'Chə 'yara Farta,kətləm ndinchə wa nggət wai Farta wa'?37Ma nggət chət tarchi Papa wa,kə fərwun kit kə nanchə wa. 38Ma tlə chəchi, chək fərwowun kit kə nanchə wa, fəram kit kə tarcha'an, ma' nowun sənda kə mbəsawun paɗ wa Papa khurinchi nggət paɗ khuri Pa pa." 39Yakhkandə kə nggərndə nggətlanda,khəra'kan kes khur kher'yandə pəɗakan.40Pəɗachan ɓəranchə kufi Urdun khaa kəmɗi tərtə Yohanna kan chət Baptisma yu,chokkan minni. 41Ɓak nafchə kaan mbəs ndə ndankandə wa,"pənwə Yohanna saktə ɗəcha wa,chəka kəɗu nat ɗəchəɗi mbu'tə Yohanna kə ɗar nafɗəya kit ta'an." 42Nafchə kaan fərndə kit kə ndə ə minni.
111Nakan nefsə tləman wa Liazarus ne khaɗchan. Tlə bantanyaɗ nakan ə wan mərɓi ndə maryamu tə wan manan marta. 2Maryamu tə'ini pətanchə Yesu fiɗet kə sarchəyan tə waas indəyan nak wan manan Liazarus khaɗchan.3Tlənkə wan mancha'an tə'ini kəmɗi Yesu tə ndatwa, "Farta no tla yakhtu yu khaɗchan. 4Sək kə Yesu ndakan wa, "khatəfa ini ngga 'yi mərta wa. Nən nat kə 'yi manandə Farta, kətləm nggət wa'i farta kə manan fe təmɗiyan.5Yesu yakhtə marta tə wanmancha'an maryamu tə liazarus. 6Chəka kəɗu səkkan wa liazarus khaɗchan,Yesu chəkan məndə chep məɗi natən. 7Ndankan kəmsichiyan wa, "tamə kaɗ kə yahudiya."8ndankə kəmsichiyan wa, "Malɗəm, ngga chatchatya yakhtə yahudawach məmakutə fawa, nako yakh ndət kəmni paɗ wa? 9Nggəmankə yesu wa, "Ngga tlə nach ɗakətsi tla'tə walwurta kə farwitawuwa khur məndə arta ngga kəɗuyu wa? nef ə farta nan chət wansartə khawa, kətləm nan naməta tə ɗakəti khesi.10Ma ə wita, nan chət wansartə khaa kətləm ɗakətsə wa. 11Kərsə mbu ɗəchi'ini, ndandakan wa, 'wan manmən liazarus satə 'yene, nachi ndit kətləm kə tla'ani ə 'yene."12Ndankə kəmsicha'an wa,"Farta ma tə khəmkha kə 'yene, nan kəndə kaɗi nakhəna. 13Nən Yesu ndikti kə ɓəra, mərtə Liazarus, chanchan kəmsichiyanfawa nən ndik 'yenɗi tlə satə fe kə yipfe 14Ndandak Yesu ə ɗakət wa, "Liazarus miri ."15Səkənchə mbəndəfa kətləm wunchi nawak i minni, ma'a nowun fər kit kəmɗinchə nakanya tamə kəmɗiyan." 16Toma tla tlə yafewa wan moɗata ndankan kəmsicha'an wa, "tama kətləm mərtə tə Yesu.17Sakə Yesu kə Baitanya mbəsanda tapi mər Liazarus mənchan khur kwi foɗa. 18Baitanya paɗ nachan nduk tə urshalima witəs ndək bətl pətlər nanda. 19yahudawach kaan ɓində kəmɗi maryamu tə marta kətləm kə ndandə ən tanda kətləm mərti wanmananda. 20Sək kə marta wa Yesu ɓata, ɗəkan kak anchə fa, Maryamu mətlan ɗas khur wire.21Marta ndakan Yesu wa, "Tlə manda mamwa chə məɗya, mə muru wanmana wa. 22Chək nakanya sənənchə wa ɗənɗi chəkhatu məɗi Farta, nan furuta." 23Yesu ndankan wa, "wanmu nan tlata."24Ndankə marta wa, "Səninchə wa nan tla'ta fartə tla'ti məmatacha far tla'ti khesi." 25Ndankə Yesu wa, "Nggət ne kə tla'ti məmatacha tə sisingnde tla fərchə kit kə nanchi, chək mərchan, nan nat tə sisingndə fa. 26Tla paɗ ne tə sisingndə fa, ma fərtə kit kə nanchi, nan tam mərwa. Firin kit səwa?"27Ndankan wa, "Nggəmani Farta, fərənchə kit chə ne kə Kristi, wa'i Farta, tla ne ɓat kə khur khesi." 28Mba'kan kəɗu pəɗakan 'ya wanmanan maryamu kə mət wuɓta. Ndankan wa, "Malɗəm məɗya, paɗ mətlan 'ya wechi." 29Sək kan ɗənni tla'kan tə wesetfa ɗəkan mbəs ndi.30Fartə'ini Yesu sa'awa kə khur wan mərɓan wa pe'chan məɗi ɗət Marta mbəs ndə yu. 31Nak Yahudawachəɗi ne tləmata'an khur wir fəran kərəstəyu, tle' tə weset fə chi kes, parakandə anchi, ndandachanwa tən kə mi kwiya kə təta. 32Ɓak Maryamu kəmɗi na Yesu, nakan ndi chamkan kurumchə khaa kə pangənan ndankan wa, "tlə manda mamwa chə məɗya mə məru wanmanawa."33Nak Yesu anchə təta, yahudawachəɗi ɓach kanan yu paɗ təta, tlakə wan'ndə kaɗatyan nakan səktə khur semete. 34Ndankan wa, "khunanchowun khaa ə ayi?" ndankandə wa, "Tləmannda ɓo no." 35Tək Yesu.36Ndak yahudawachəɗi wa, "Nam yakhtəɗi yakhtən liazarus." 37Chəka kəɗu chakhakandawa "Ngga nafɗi inanchə weniti komndə khaya, mə nan yatan mərtə nafɗiya wa?"38Pachə Yesu səktə fi fatyan pəɗakan kə mi kuyan. Nach kuya ɓete, nggəlan fe məyan tləwete. 39Ndak Yesu nafchəɗi nach minni "Təraman tləweɗi kaɗi karko marta "Tlə manda nakanya nachan nat fatyan mətl kaɗi kətləm mərchan mənndəfoɗa kə ɓukuya." 40Ndankə Yesu wa, "Nduwiwa, ma firin kit, nona mandi Farta tə əna chətyanwuwa?41Təran kəfe tləweɗi kaɗi. Tla'ankə Yesu wenitə kafərta, ndakanwa, "papa chuchi usoko sək ko nenchi." 42Sənənchə wa tlə səkcho nenchi ɗing, ndikchə ɗənni kətləm nggomən nafchəɗi taurichə khaya, ma'anandə sək wa chə tlənchə nenchi kə fər kit kəmɗiyo kə nggəmandəwa chə tlənchə nenchi43Kərsə mbakan nɗinni, tla'ankan ɓərata, "liazaru ɓo kes!" 44Ɓak mərta'an kes, kharchəyan tə sarchəyan kə kənan tə kukwata, chəmendiyan paɗ kə fata'an tə kapata. Ndak Yesu wa, "Kwasaman khaa kə pəɗa."
45Terchan khur yahudawachəɗi ɓach kəmɗi Maryamu nach ɗənɗi chət Yesu yu fər ndə kit kə ndi. 46Fon paɗ pəɗakandə kəmɗi farisiyawacha nakandə mbu'anda ɗəchəɗi chət Yesu.47Paktə pastocha tə farisiyawach nggoman kandə paktə nafcha kə mət arta, ndakandə wa, "Mə nat chəta? Nafɗiya chət ɗə sa inchə kaan. 48Ma malamən kəɗaya, nat nafcha nandə fər kit kə ndi. Na fe tla'andə Romachəfa kə fəfokhandə mət sitiyamən kaɗi kə welendə khakhiyamən kaɗi.49Artə khur nanda kayafa kapa pasto khure ini. Ndankan tandawa "Səwuwon əna! 50Sənwonwa kwech nef artə mərcha məɗyowun kətləm nafcha, mani nafchi khakha nat kə təkndə kaɗi?"51Ndikchan ɗənni ngga fatyanwa. chokkan mətlan kapa pastocha khur khure'ini, mbuchan ɗənɗi ne səbtə kə pangnga ndatwa na Yesu mərtə kətləm Nafchi khakha nat. 52Ngga kətləm wanchi khakhi inni ndak wa, kətləm wanchi Farta fe welchə khaa, kə nggomandach fe kə mət arta. 53Tlatə fartə'ini kə pangnga, nakandə kaa mbanɗi natndə ɓəlanda.54Tlatə fartə'ini malankə Yesu witə ə khur yahudawacha. Malkan minni khaa pəɗakan kə tle khakha nduk tə khur chanjaya ə mərəbɗi tlə yafewa Ifra'imu. Chok kandə minni tə kəmsichiyan. 55Ɗinni khoɓa chet kes i yahudawach ɓi nduk, nafchə kaan ə tle khakhi ini pəɗində kə urshalima taa ɓa'u farta'an wa kətləm kə ɗəndə chapandə ɓuɓi fachyandə kaɗi kəɗ ɗənɗi na ɗəna chəti yahudawacha ma nafe nggomandə kə chəndə khoɓata.56Nakandə kaa Yesu, nakandə ndandə ra'an nakandə kit kit khur kətən sita, "Kaɗachon wa kəni ?" 57Kutər pastocha tə farisiyawacha tapi fərndə mee ndatwa nat məɗi na fe Yesu, kə mbufe kətləm kə nggətlan fe.121Məndə miche kə fartə khomba chet kes, ɓak Yesu kə Baitanya məɗi na Liazarus tla tla'andən khur məmatacha. 2Takhsankə fe ndəsəmndəsi min'ni, marta ne fər ndəsəmanan, Liazaru paɗ a mət səməniyan. 3Tərkə Maryamu kuruɓtə fiɗet tla takhəstəfe tə nard ndak pətankan Yesu kə sarchəyan, nakan pa'andə sarcha'anyan kaɗ tə waas indəyan. Ndiiɗ kə wuran kaɗ tə kwastə satə fiɗeta'an.4Yaguza Iskariyoti, artə khur kəmsichiyan, tla ne khiyandə kaɗ, ndakan wa, 5"Kətləm mə nawk təfe khiyandə fiɗəɗiya kaɗ denari kumchət kum makhkan (300) kə fəran fe fə ɓakhcha?" 6Mbuchan ɗənni nggawa kətləm tə khaɗan fə ɓakhchəfawa, kətləm yerə nakan, mətlan ne tə yakwa wandəɓətlan khar, paɗ ma'anan yarkit khar khur ɗənɗi ndəftə fe khaa.7Ndak Yesu wa, "Malaman kə kəs ndənɗiyan nesə khar kətləm fartə tlokhtə chi. 8Nggunsə ɗing tə fe ɓakh cha. Nggət ninə tlə matwun kə ferawa."9Sək kə yaka nggo mən nafchəwa Yesu minni, ɓakanda, ngga kətləm Yesu ndak wa, kətləm kə nandə Liazaru tla tla'andə Yesu khur məmatacha. 10Kutər Pastocha takhsan kanə khaa kətləm kə ɓəlandə Liazaru: 11Wa kətləm mətlan pəɗa Yahudawach kaan, paɗ fərwa ndə kit kə ɗənɗi na kapa Pastochi chaadəkadi kətləm da'an tandə fər kit kəmdi Yesu.12Əssata'an nggom nafchə kaan kə khombata'an. Sək kandə wa na Yesu ɓat kə Urushalima, 13Tlətlakha kandə sa teperuchə kə khar pəɗakandə kes kə kak ndəf ə kərsə wiri nakandə khwat wa, "Hosanna! tlə mbəsən khar tla ne ɓat khur tləm Farta, kutəri Israila."14Mbəskə Yesu wan kwari pərkan si kə diiɗ ɗənɗi yarandəfe khaa. 15"Kə lekinwa nggun tədi ne khur Urushalima no kutəryo ɓata, ndas ə ɗar wan kwari."16Kəmsichiyan mbəsawandə ndəchəini tərkanan wa, se nakəfe manandə Yesu, kunduk kandə wa ndəchəiniya yaran fe khaa kə ɗaran, tə paɗ chəndə ndəchəini kəmɗan.17Nafchidi ne para Yesu nakandə mba ɗənɗi natda ndatwa tla anfe Liazaru kes bukuya tə sisingdəfa. 18Kətləm dinni pəɗa nafchə kes kə mbəs ndi, kətləm sək ndəwa chət paktə ɗəcha kətləm kə pananda alketyan. 19Farisiyawachəɗi nakandə ndandə ra'an wa, "Namma nowun ɓakhən chət ənawa; no, pəɗi nafchə kaan kanan."20Heleniyawachsə khur fe pəɗach kə manandə fartə ə khur khombata'an. 21Fen ndəkandə mbəs Filibus tla ɓach ə Baitasda ə Galili ndan kandəwa "Maldəm, no numaandə tə Yesu wa?" 22Filibus ndəkan mba'andə Andrawus. Ndək ndə Andrawus tə Filibus mba'andə Yesu.23Nggəmankə Yesu Filibus tə Andrawus sa Farta ansi na Fartə pənandə nafchawa Wai Fartə naki, chəchi tə p̌aɗ kə mbaani tandə nat dəchədi chiti. 24Kit'ta'an Kit'ta'an nati ɗowun 'nda, manga tə khəm wetə kakh kə mərawa, na chan nat kə mətlan ndəchəta'an. ma ə miri, nan nggət'tə kaan.25Tla yakhchə sisigndəyan, nən saka nda; tla karchə sisingndəyan khur khesiɗya nən kəstəkhar kə sisingndə kə fere. 26Ma tlə chəch nef ən kətləm nggəta, kə para nenchi; məɗi nati, nach mafatənchi nat minni paɗ. Ma tlə chəch nef ən kə nggəta, na Papa mananda.27Nakanya sisingndənchə khur ɓakhta, mə nati ndata? 'Papa fəri kəɓi kaɗi nakanya, kətləm ndinniya ɓati nakanya. 28Papa, manan tləmwa. "Nat khur dechedi mbatu, khur dechedi chətu nat tə khur nat yokha." Bak dikti khulafarta "tapi peninchə indinchi, ndikinchi, tə tə tarchənchi, paɗ nina chəta. 29Nafchədi ne kit minni səknda, ndakandə wa yandə ''yere. Fon ndakandə wa, "Tlə tləndi Farta ndikchə tə ndi."30Nggəmkə Yesu ndakanwa,"Ɓach ɓəratəɗya ngga kə nggətawa, kətləm nggun. 31Nakanya na fe chan kiita khesəsi. Nakanya na fe rək kutəri khesiɗiya.32Ma tlaichəfe ə khakhaa, ni ɓat tə chəkwuni kəmndənchi." 33Mba'achan ɗinni kətləm kə pən weta mərtəɗi natən mərta.34Nggəmankə nggomnan wa, "Sək cha'an khur doka wa nach Kristi nat kə fere. Kətləm mə natu ndatwa, na Wai nef mərta? Wunne kə Wai nef Inni?" 35Ndandak Yesu wa, "Na ɗakət nat tləmat wun talləkəɗa. Wiyama pakə ɗakət tləmatwun ya, kə wulowunchə mətawa. Tla wichə khur wutla, sənwa mədi natən ɗətawa! 36Ma nggun khur ɗakəta, fəram kit kə ɗakəta'an, kətləm kə nowun kə wanchi ɗakəta." Mbakə Yesu ndəchəini pəɗakan, wuɓandakan khar.37Chəka chək Yesu əna sakainchə kaan, pakə nakanya fərwandə kit kə ndəwa, 38Kətləm kə ndiiɗ ndiktə annabi Ishaya khaa, kəɗ ɗənɗi ndatənwa, "Farta wun fərchə kit kə ndənɗi səktanda pənamənchə Fartə alkətyan tla natən khəra amənda?39Kətləm ndinni fərwandə kit wa, kətləm nggər Ishaya ndat wa, 40"Komantə wenitə yanda, tə paɗ chantə wan'ndə kandach yandə kwakwa. Man'ngga kəɗuwa, mə nandə nat tə wenichə yanda, kə sən'ndə tə wan'ndə kaɗach yanda kə tərdəkha khaa kə kənandachi kaɗi."41Mbach Ishaya ndəchi'ini kətləm nitə mandiyan khaa, paɗ ndik kə ɓərata'an. 42Chək kəɗu kaan khur kutərcha fərndə kit kə Yesu. Nakan kətləm Farisiyawacha, pənwandə a ɗakətawa, mani fe rək tandə ə kətən sita. 43Yakh ndə chəmndə məɗi Farta.44Tla'ankə Yesu ɓəratə ndakanwa, "Tla fərchə kit kə nenchi, ngga fərchan kit kə nggət ndakwa, nat tə tla tlənchə nenchi. 45Tla nach nechə paɗ, nitə tla tlənchə nenchi.46Ɓachi kəɗ ɗakit kə khur khesi, kətləm chəkwun fərchə kit kə nenchi pawa nat khur wutla wa. 47Ma sək nef ndiktənchi kəswa kharwa, ni chakan meewa, kətləm ngga ɓachi chakan mee khesəswa, se kə khər a'ani.48Tla karchə nenchi, paɗ tləwa ndiktənchiwa, nefsi ne chakan mee. Ndiktəɗi mbati nan chakan mee far tlati khesi. 49Kətləm ngga tlə ndikchi kə ndinchəwa, kətləm Papa tla tlənchə nenchi, mətlan tlə fərichə alkət kə dar ɗənɗi tlə ndati tə tla tlə mbati. 50Sənən chəwa, alkətyan sisingndə kə fere nda'an paɗ tlə mbati, kəɗ ɗənɗi tlə ndiktə Papa kəmdənchi, kəɗu yu tlə ndikti."
13
26Nggəmankə Yesu wa, "Mətlan ne kə tla nati chət yat khar kə fərani. 27Kərsə səm yata'an,'yimkə khwe'rə kaf'yan,ndankə Yesu wa, "Ɗənɗi natu chəta ,chu leɗ-leɗ."28Nakan nowunsə nduk ɗar tebur tə'ini sənchə ɗənɗi ndandən kəɗu wa. 29Fowun kaɗakandə wa,nak Yahuza tə yakwa wanɗəɓətl khar yu,ndankə Yesu wa, "khəyu ɗənɗi yakhtəmən kətləm kət khombata'an,ma ngga kəɗu wa,kə fəra'ən fe ɓakhcha. 30Tlək Yahuza kwasaɗi wesekan kes.Ɗinni wiita.31Pəɗak Yahuza,ndak Yesu wa, "Nakanya manan fe wai nefe,Fartə paɗ mbəstə mandə khur'yan. 32Na Fartə manadə khur fat'yan,paɗ nachan manandə chatchat ya. 33Wanwancha nachi nat ke'ke' tə wunchə kə wan mənchə tap kəɗa..Nowun ka nanchi,paɗ kəɗ ɗənɗi mba'andi Yahudawach tə ndat wa,"Məɗi nati pəɗata,nowun mbakhən ɓa wa.Nakanya mba'owunchi paɗ.34Ni fərowun yuwa doka,yakham ra'an kəɗ ɗənɗi yakhti wunchi,kəɗuyu paɗ waat kə yakhwun ra'an. 35Tə kəɗuyu na chəkawun səndə wa nggun kəmsichənchə ma nggun yakh ra'an.36Ndankə siman Bitrus wa, "Farta, no kayi?" Nggəmankə Yesu ndakanwa, "mədi nati ɗəta, no ɓakhən para nenchə nakanyawa, nacho para nenchə tə kərsa." 37Ndankə Bitrus wa, "Farta, kətləm mi nawakti para wech nakanya? Ni fər sisingdənchə kətləm wech." 38Nggəmankə Yesu ndakanwa, "No fər sisingndəyo kətləm nggətawa? kitta'an, kitta'an nati mbu'uta nə chetkertə kwar kəno as'in nenchi khar makhkan wa."141Kǝ sǝɓ wandǝkaɗach 'yowun kaɗwa, fǝram kit kǝ Farta, fǝram kit kǝ nanchǝ paɗ. 2Khur wiri papa kǝtǝnchǝs ka'an. Mangga kuɗu wa mǝ mba'owunchi. Kǝtlǝm ni pǝɗat kǝ takhsowun mǝt si. 3Ma pǝɗinchi kǝ takhsowun mǝt si, ni ɓat paɗ kǝ ɓi tlǝt wunchǝ kǝmɗinchi, kǝtlǝm mǝɗi nati, kǝ nowun sǝ paɗ.4" Sǝnwun mban mǝɗi nati pǝɗata." 5Ndankǝ Toma Yesu wa, "Farta, sǝnwa'ǝn mǝɗi natu ɗǝtawa, nacha'an sǝn mbananwa kǝni? 6Ndankǝ Yesu wa, "Nggǝt ne kǝ mbanda, ngət ne tǝ sisingndǝ paɗ; nefsǝ ne ɓat kǝmɗi papa wa, mangga tǝmɗǝnchǝwa. 7Ma sǝnwun nanchi, mǝ sǝnwun Papa paɗ. Tla' tǝ nakanya kǝ pangnga sǝnwun ndi, paɗ niwun ndi."8Filibus ndankan Yesu wa, "Farta, pǝna'ǝ, ndǝn Chǝnan, paɗ tlen'ni cha'a'ǝnchi." 9Ndankǝ Yesu wa, "Nggǝt tǝ wunchi ndukwa, pa' kǝ nakanya sǝnwowun nanchǝwa, Filibus? Nat tla nach nanchi, ni tǝ chǝnan, kǝtlǝm mǝ natu ndatwa, pǝna'ǝndǝn Chǝnan?10Fǝrwun kit wa nachi khuri Papa, Papa paɗ nachan khurinchǝwa? Ndikchǝɗi tlǝ mba'owundi, ngga tlǝ mba'owunchi khur alkǝtǝnchǝwa, Papa tla ne khurinchǝ ne chǝt ter'yan. 11Fǝram kit kǝ nanchǝwa nachi khuri Papa, Papa paɗ khurinchi, mangga kǝɗu wa fǝram kit kǝ tarcha'an tǝ indǝ'yanda.12Kit'ta'an, kit'ta'an, nati ndowunda, tla fǝrchǝ kit kǝ nanchi, nan chǝt tarchǝɗi chǝti, paɗ nan chǝt paktǝ tarchǝ mani feya kǝtlǝm ni pǝɗat kǝmɗi Papa. 13Nat ɗǝnɗi chǝkhatwun khur tlǝmna, ni chǝta, kǝtlǝm Papa kǝ mbǝs mandǝ ǝ khur wanan. 14Chǝk mǝ chǝkhitǝwun khur tlǝmna ni chǝta.15Ma tlǝ yakhchowun nanchi, nowun kǝs doka chǝnchǝ khar, 16Paɗ ni siyandǝ Papa, paɗ nan fǝrowun tla ne tlǝmandǝ khur'yowun kǝtlǝm kǝn 'ke'ke tǝ wunchǝ kǝ fere- 17Semet i kit. Nǝ khesǝ mbakhǝn tlǝt anchǝwa kǝtlǝm nawa ndǝwa ndu kǝ sǝnindi. Nggun sǝnwun ndi, kǝtlǝm mǝtlan 'ke'ke tǝ wunchi, paɗ nan nat khurwun.18Ni malwunchǝ ɗǝchitwunwa, ni ɓat kaɗ kǝ mbǝswunchi. 19Pe' chǝ wan mǝnchǝ tapkǝɗa nǝ khesi nggǝr na nanchǝwa, nggun nowun na nanchi. Kǝtlǝm nggǝt khaa, nggun paɗ nowun nat khaa. 20Fartǝ'ini nowun sǝnd wa nggǝt khuri Papa, paɗ nggun khurinchi, paɗ nggǝt khur'yowun.21Tla ne tǝ doka chǝnchǝ khar paɗ tlǝ parachan khar, mǝtlan yakhchǝ nanchi, tla paɗ yakhchǝ nanchi na Papa yakh ndi. Ni yakh ndǝ paɗ, ni pǝnan fatinchǝ paɗ." 22Yahuza (ngga Iskaryoti wa) ndankan Yesu wa, "Farta mǝ chǝch natu pǝna'ǝn fata ngga kǝmɗi khesǝwa?"23Nggǝmankǝ Yesu ndankanwa, "Ma yakh nef nanchi, nan kǝs ndiktǝnchǝ khar. Na Papa yakh ndi, paɗ na'an ɓat kǝmɗiyan, na'an chǝt wir kǝ chok ǝn tǝ ndi. 24Tla yakhwakchǝ nanchi, kǝswa ndiktinchǝ kharwa. Ndiktǝɗi tlǝ sǝktǝwun ngga ɓachan mǝɗinchǝwa, ɓachan mǝɗi Papa tla tlǝnchǝ nanchi.25Mbaowunchi ɗǝchiɗya, pe'ki choktǝ tǝ wunchiya. 26Chǝk kǝɗu, tlǝ tlǝmandǝ wan'ndǝkaɗacha'an 'yowun semet tla chiɗchiɗ, tla na Papa tlǝnda khur tlǝmna, nan cha'owun chǝkmǝ khar paɗ kǝ kuɗukwun nat ɗǝchiɗi mba'owundi. 27Malchi wunchǝ tǝ kǝɓikaɗi. Nggǝt fǝrowun kǝɓi kaɗi inchi. Ngga kǝɗ ɗǝnɗi tlǝ fǝrtǝ khesǝ nati fǝrtawa. Kǝ sǝɓ wan'ndǝ kaɗach yowun kaɗwa, tǝ paɗ mǝ lekǝwunwa.28Sǝkwun ndowunchi wa, "Ni pǝɗata, paɗ ni nggǝrandǝ in kǝmɗiyowun. ma tlǝ yakhchowun nanchi, nowun sǝk mbǝndfa, kǝtlǝm ni kǝmɗi Papa, Papa paɗ manchan mani nggǝta. 29Nakanya mba'owunchi ta sǝɓwawa, kǝtlǝm ma ǝ sǝɓi, nowun fǝr kit.30Ni ndiktǝ wunchǝ ka'an paɗwa, kǝtlǝm kutǝri khesi mǝtlan ɓata. Alkǝt'yansǝ ǝ ɗarnawa, 31chokkan kǝtlǝm wa khesǝ kǝ sǝnwa yakhǝnchǝ Papa, ni chǝt kǝɗ ɗǝnɗi yakhtǝ Papa. Tla'ama kǝ pǝɗamǝn mǝɗya."
151Nggǝt ne kǝ kaa ɗǝftǝ innabi, Papa paɗ mǝtlan ne kǝ tlǝ khuɗata'an. 2Tlǝ chatlanchan chǝk yen njarta'an kaɗ fǝnchi tla tlǝ nggǝtwakcha, tla tlǝ nggǝtchǝ paɗ kǝ takhsanchi kǝtlǝm kǝ chekentǝ nggǝtta.3Tapi chapwun kaɗi, kǝtlǝm ndiktǝɗi mba'owundi. 4Nam khurinchi, nggǝt paɗ khuryowun. Kǝɗ ɗǝnɗi nawaktǝ njartǝ ndǝftǝ nggǝt'ta man'nga nachan fi man ɗǝfta'anwa, kuɗuyu nggun paɗ, man'nga tǝnowun khurinchǝwa.5Nggǝt ne kǝman ɗǝfta'an, nggun njarcha'an. Tla ne khurinchi, nggǝt paɗ ǝ khur'yan, nan nggǝt'tǝ ka'an, kǝtlǝm man'nga tǝ nggǝtawa, nowun chǝt ǝnawa. 6Nat tla chokwakchǝ khurinchi, nafe mǝkandǝ kaɗ kǝɗ nartǝ ɗǝfta, kǝ khwarkaɗi, kǝ nggomanfe njarcha'an kǝ chamfe kǝ wata, kǝ indǝkaɗi. 7Ma nggun khurǝnchi, ma ndiktinchǝ paɗ khur'yowun chǝkham chǝka mǝ yakhtǝwun, nafe chowunda.8Tlǝ fǝranchǝ fe mandǝ Papa khur ɗin'niya, wa kǝ chǝwun wancha kǝtlǝm kǝ nowun kǝ mafachinchi. 9Kǝɗ ɗǝnɗi yakhtǝ Papa nanchi, kǝɗu paɗ yakhti wunchi. Chokam khur yakhtǝnchi.10Ma kǝswun doka chinchǝ khar, nowun nat khur yakhtǝnchi, kǝɗ ɗǝnɗi kǝsti doka chi papa khar, chok'ki khur yakhtǝ'yan. 11Mba'owunchi ɗǝchiɗya kǝtlǝm mbǝnfatǝnchi kǝn ǝ khur'yowun, kǝtlǝm mbǝnfat'yowun kǝn kǝ ndi'ita'an.12Tlaya ne kǝ doka ǝnchi, ndatwa kǝ yakhwun ra'an, kǝɗ ɗǝnɗi yakhti wunchi. 13Nefsǝ na yakhtǝ 'yansǝ mbǝranchǝ tlakhayawa, wa fǝrtǝ sinsingndǝ'yan kǝtlǝm tlawurcha'an.14Nggun tlawurchǝna ma chǝwun ɗǝchiɗi mba'owundi. 15Pa'wi 'ya wunchǝwa mafachawa, kǝtlǝm mafat sǝnwa ɗǝnɗi tlǝ chǝt tlǝwir'yanwa. "yachi wunchǝwa tlawurchǝna, kǝtlǝm nat ɗǝnɗi sǝkti mǝɗi Papa, sǝnowunchi.16Ngga ngun taɗchǝ nanchǝwa, nggǝt taɗchǝ wunchi paɗ tlǝnki wunchi kǝ ɗuwun chǝt wancha, wancha'an paɗ kǝ nandǝsi, Chok chan kǝɗu kǝtlǝm nat ɗǝnɗi chǝkhanduwun Papa khur tlǝmna, naan fǝrowun'nda. 17Kwe'owunchi ɗǝchi'ini fa kǝtlǝm kǝ yakhwun ra'an.18Ma kar khesǝ wunchǝfa, kǝ sǝnwunwa kartǝ nanchǝ kanan kar wunchi. 19Ma nggun i khesi, na khesǝ yakhwunchǝ kǝɗ ya'an. kǝtlǝm ngga nggun i khesǝwa, paɗ kǝtlǝm taɗinchǝwunchi kes khur khesi, kǝtlǝm nda'an kartǝ khesǝ wunchi.20Kaɗam khar tǝ ndiktǝɗi mba'owundi, mafat manwa mani tlǝwir'yanwa, ma ǝ ɓakhi chǝnda, nandǝ ɓakhowundǝ paɗ. ma ǝ kǝsndǝ ndiktǝnchǝkhar, nandǝ kǝs yuwun khar paɗ. 21Nachandǝ chowun ɗǝchǝ'ini kǝtlǝm tlǝmna, ketlǝm sǝnwandǝ tla tlǝnchǝ nanchǝwa. 22mamwa ɓawi kǝ ndiki tǝ tandawa, mǝ ɓǝɓifat'yandǝswa. Nakan ɗǝna mbutǝ'yandǝs kǝ ɗar ɓuɓifat'yandawa.23Nat tla karch nanchi, kartǝ Papa. 24Mamwa chǝwi tarchǝɗi chǝwaktǝ nef khur nandawa, mǝ ɓuɓifat 'yandǝs wa, nakanya nindǝ paɗ kar ndǝ ngga'an nggǝt wa'a tǝ papa. 25Ɗin'ni kǝtlǝm kǝ ndi'iɗ ndiktǝɗi khaa yarandǝ fe khaa khur doka wa, karchandǝ nanchǝ ǝnsǝ chǝchawa.26Ma ɓi tlǝ tlǝmandǝ khuran tla nati tlǝnowundǝ ǝ mǝɗi papa, tla ne kǝ semet i kit, tla tlǝ ɓach kes mǝɗi Papa ǝ ɓi, nan mba ǝn kǝ ɗarna. 27Nachowun mba'ǝn paɗya kǝtlǝm nggun 'ke'ke tǝ nanchǝ tla' tǝ ǝ tǝrkanan.
161Mba'owunchi ɗəchəɗya kətləm kə chəwun wan sartə khawa. 2Nandə rəkowundə kes khur kətən sita. Farta'an ɓata tla na chəkwun bəlowunchə tertəwa nən manandə Farta.3Nachandə chet kəɗu kətləm sənwandə papa ndu nggətawa. 4Mba'owunchi ɗəchəɗya kətləm ma ɓi farta'an yanda, nowun kuɗuktəwa mbu'owunchi. Mba'owunwi ɗəchəɗya tər kanan wa kətləm nggət ke'ke tə wunchi.5Nakanya ni pəɗat kəmɗi tla tlənchi nenchi, chək kəɗu nowunsə chəkhəchi wa, "No kayi wa?' 6Nakan tapi mba'owunchi ɗəchəɗya, səɓtə khur ndiiɗantə wanndə kaɗachyowun. 7Kitta'an nati mba'owun'nda, kwechchan məɗyowun kə pəɗi. kətləm ma pəɗawi wa tlə tləmandə khuran nan ɓə kəmɗowunwa, ma pəɗənchi, ni tlənowun anchi.8Ma ɓi tlə tləmandə khuran nan pəndəwa khesə chəwa ən ndichan kətləm ɓuɓifata, kə ɗar kaakəta tə paɗ kə ɗar chakmee, 9Kə ɗar ɓuɓifata kətləm fərwandə kit kə nanchəwa. 10Kə ɗar kakəta kətləm ni pəɗat kəmɗi papa, pawon na nenchəwa. 11Paɗ kə ɗar chakmee, kətləm kutəri khesiɗiya tapi chakan fe mee.12ndichsə kaan nati mba'owun'nda nakan nowun səntandə nakanyawa. 13Nakan ma ɓi tla ne kə seme kit nan pənowun mbandə kə khur kit, kətləm ngga nachan ndiktə indəyan wa. Nat ɗənɗi səktən, nda'an natən mbata. Nan mba'onwun'ndə paɗ ɗənɗi ne səbta. 14Nan manita kətləm nan tər ɗənɗi ne kə yina kə mba'owunchi.15Nat ɗənɗi papa nesi, yina. Kətləm nda'an ndatiwa, semeta'an nan tər ɗənɗi ne kə yina paɗ nan mba'owun nda. 16Ma chə talləkəɗa nowun nggər na nenchəwa, kərsə nda'an talləkəɗa paɗ nowun na nenchi."17Se kəmsichəyan ndakandə ra'an wa, "Mə neni mba'amən ndən ya, wa macha tal'ləkəɗa nowun nggər na nenchəwa kərsə nda'an tal'ləkəɗa paɗ nowun na nenchi, tə paɗ wa, 'Kətləm ni pəɗat kəmɗi papa,'?" 18Kətləm nda'an ndakanndə wa, "məneni ndatən wa 'wachə tal'ləɗa'? sənwa'ən ɗənɗi natən ndiktə kə ɗaran wa."19Ɗəpankə Yesu wa yakhɗə chəkhan mee ndankan tandəwa, ɗənni natwun chəkhan mee ra'an wa, saktə ɗənɗi ndatiwa, 'tal'ləkəɗa non nggər na nenchuwa, paɗ tal'ləkəɗa non na nenchi? 20Kitta'an, kitta'an nati mba'owunnda nowun təta tə fatla mee, khesə nan sək mbəndəfa. Nowun ɗiit tə səbtə khure, səɓtə khuranyowun na fe chandə kə əna sək mbəndəfa. 21Ma nunef nggətta, tlə səkcha khata'an kaan,ma tapi ɓi wanan kakha,nggərwa kuɗuk khata'an wa kətləm mbənfat wa ɓi nef kə khur khesi.22Nakanya səɓtə khur yowunsi, nakan ni nggər nawunchi, na wanɗə kaɗach yowun nat bənchan, paɗ nefsə ne mbakhən tərandə mbənfat yowun kaɗ wa. 23Fartə'ini nowun chəkhi ənawa. kita'an kita'an nati mba'owunda, "Chəkhawun ən papa khur tləmna nan furowunda.24Pa kə nakanya chəkhawon ən ə khur tləm nawa. chəkhama, nowun mbəsta, mana kheɗɗətə khuryowun ndiiɗ khaa.25Mba'owunchi ɗəchəɗya khur saktə ndikte, farta'an ɓata, nawakti mba ndiktə khur saktə ndikte, nachi ndiktə ə ɗakəta kə ɓəra papa.26Fartə'ini nowun sətə khur tləmna, paɗ ɗowunwi wa nisiyandə papa kətləm wunchə wa. 27Kətləm papa tə indəyan yakhtə wunchə kətləm yakhwun nenchi, tə paɗ fərwun kit wa ɓachi məɗi papa. 28Ɓachi məɗi papa, paɗ ɓachi kə khur khesi. Ni mal khesiyan khaa paɗ kə pəɗi kəmɗi papa."29Ndak kəmsichiyan wa, "No, nakanya chə ndiktə ə ɗakəta, chə chet ter tə saktə ndiktawa. 30Nakanya sənən wa sənən ɗəch nat, paɗ yakhwen nef kə chəkhu meechawa. kətləm nda'an fər ən kit wa ɓacho məɗi Farta." 31Nggəma ndak Yesu wa, fərwun kit nakanya wa?32Nama ɓi Farta'an, ə ɓi nde fartəɗi nowun wetləkhaa, chəkwun keuriyan, paɗ nachowun malnenchi ɗəchna. chək kəɗu ngga nggət ɗəchət nawa, kətləm papa ke'ke tə nenchi. 33Mba'onwunchi ɗəchətya kətləm kə nowun khaskhas tə nenchi. Khur khesi ɓakhtəsi, cham alkəta: mbərani khesi khaa."
17
181Kərsə ndik'kə Yesu ndikchə'ini, cheken kes tə kəmsichiyan kə kərsə khukhongn kidiron məɗi na khəngga, yimkandəs tə kəmsichəyan. 2Yahuza paɗ tla ne khəyandə kaɗ, səntə minni kətləm sən Yesu khaa tə ɗət kəmni tə kəmsichiyan. 3yahuza nakan pənan mbandə gomən sotacha tə paktə pastocha tə farisawacha tə kutərcha, ɓakandə kəmni tə fitillacha, tochicha tə əna ya'anchə khar yanda.4Yesu səkan ɗənɗi ne səbtə təndi ɗəkan kə pangnga, ndandakan wa, "wun nowun kata?" 5Nggəman kandu wa, "Nggəta." yahuza paɗ tla khiyanchə kaɗi mətlan kit tləma sotacha'an.6Ndandakan wa, "Nggəta" ɓəkhankadə kərsən khəkha takandə khaa kə khakha. 7Nggəkan chəkha ndatwa, "wun nowun kata?" nggərakandə ndatwa, Yesu tlə nazarata."8Nggəmkə Yesu wa, "Ndowunchi wa nggət. Ma nggət nowun kata, kə pəɗ feya." 9Ɗinni kətləm kə ɗiiɗ ndiktəɗi khaa ndatənwa, "khur fe fəritu, sakawi chək artawa."10Saminu Bitrus tla na chogom yansi, kətankan kes chatlkan mafati kutər11 pastocha'an tərakanan tləmatyan kaɗ 'yi kharsəm. tləm mafata'an malkus. Ndankə Yesu Bitrus wa, "Nggəran chogom yo kaɗ kə pamatyan. Ni sa ɓakhtəɗi fəritə papa wa?"12Sotacha'an tə paktachayana tə yahudawacha'an nggətlan kandə yesu kənan kanda. 13Tərkanan ɗəkandə tə anchə kəmɗi Hanana kətləm mətlan tlabərtə kayafa, tla ne kə kutər pastocha ə khure'ini. 14Kayafa mətlan fəranchə yahudawach ndiktə wa, kwechan kə mər nef arta kətləm nafcha.15Saminu Bitrus parakan Yesu, chək nowun khur kəmsicha'an kəɗu paɗ. Kəmsi ini sən kutər pastocha'an ndi, yimkan kə khur wiri kutər pastocha'an tə Yesu. 16Bitrus tlarkan khaa mi kəndə tə khesi. Kəmsiɗi artəyu tla səndə kutər pastorchəɗi ndəyu chekan kes, ɗəkan ndiktə tə nuɗi tlə pəkchə mikətənan khar, yimankan Bitrus kə khuran.17Ndankə nuɗi tlə pəkchə mikətənan khar yuwa, "Ngga chə paɗ artə khur kəmsichi nafɗiyawa? ndakan wa, "Ngga nggətawa." 18Mafacha'an tə fə tarcha'an kətən sita tandə minni kit kit, nja'andə wata kətləm mbitsi, nakandə təkta. Bitrus paɗ mətlan kit tləman nanda tək waɗi.19Kutər pastocha'an chəkhankan Yesu kə ɓəra kəmsichiyan tə cha'antyan. 20Nggəmankə Yesu ndikchə tə khesə ɗakəta. Tlə nachi cha'andə kaɗ kətən sita məɗi tlə nggomndə yahudawach nat. Mbawi ən mət wuɓtawa. 21mə chəch chəkhitu? chəkhan fe səkchə nanchi kə ɓəra ɗənɗi mbati. No, nafchəɗya sənndə ɗənɗi mbati."22Mbakə Yesu ɗən'ini artə khur fə tarchan'an fe ne kit minni tləfkan Yesu, paɗ ndakan wa, "kəɗuyu natu nggəmandə kutur pastocha'an?" 23Nggəmankə Yesu wa, "Ma ɗənɗi mbati ndəɗwawa, mba'u ɗənɗi nawakchə ndichan. Ma ənɗi mbati ke'ke kətləm mə tləftu nanchi." 24Se hanana tlənkan Yesu ə kənda kəmɗi kayafa, kutər pastocha.25Nakan Saminu Bitrus mətlan kit tək wata. Nndankə nafcha'an wa, "Ngga chə paɗ artə khur kəmsichiyanwa? askan ində ndakan wa, "Ngga nggətawa." 26Artə khur mafachi kutər pastocha'an wanman tla chatlandə Bitrus tləmatyan kaɗyu ndakan wa, "Nawi wech khur khənggaɗi tə ndəwa? 27Nggərkə Bitrus as ində chat kəɗuyu kwarke chetkerte.28Tlakandə minni ɗəkandə tə Yesu kəmɗi nggomna. Ɗinni walwurta, fen tə indəyanda yimwandə kə khur wiri nggomna ta'an wa kətləm wa manində səɓandə fatyandə kaɗ kə yatanda sa jibi yi khooba chetkes. 29Chək Bilatus kes kə mbəs tanda, ndakan wa, "Mə ne kə səɓtə ɗənɗi chət nafɗiya? 30Nggəm kandə ndakandə ndakandə wa, "man'nga tən nafɗiya kə səbtə nefewa, mə ɓuwa'ən ndiwa.31Ndankə Bilatus tandəwa, "Təran ndi ɗəchətwun kə chakawun mee kəɗ ɗənɗi nda doka yowun. Ndankə yahudawacha'an wa, "Ngga'ən mandəya'ansə nat ən chakmi ɓəlandə nefawa." 32Mbachandə ɗinni kətləm kə ɗiid ndikti Yesu khaa tla mbatən kə pən wetə mərtəɗi natən mərta.33Yimkə Bilatus kə khur wiri nggomna yakan Yesu ndankan wa, "Chə ne kə kutər yahudawachawa? 34Nggəmkə Yesu wa, "Tleni butəyo wa nafchə mbachə kəɗu kafənchə məɗowa? 35Nggəmankə Bilatus wa "Ngga nggət tlə yahudawatawa, kəɗu wa? nafchəyon tə kutər pastocha fərchə wech kəmɗənchi. Mə chətu?36Nggəmkə Yesu, "mandənchi ngga yi khesiɗa wa. Ma mandənchi ɓəntə yi khesəfa, mə kəmsichənchi nandə yanda kətləm manife fəran nenchi yahudawacha. Nakan mandənchə ngga nachan məɗya wa." 37Ndankə Bilatus wa, "Nachoya kə kutərawa?" nggəmkə Yesu wa, "Ndacho wa nggət kutəre. kətləm nda'an nggət fe nanchə, kətləm nda'an paɗ ɓati kə khur khesi mani mba ɗənɗi ne kit. Chəkwun tlə mbu kitta'an paɗ tlə kanchan tləmat ɓəratənchi."38Ndankə Bilatus wa, "Mə ne kə kit?" mbukan ɗənni chekan kes kə mbəs yahudawachəɗi ndankan tandəwa, "Mbəsawi nefɗiya tə səbtə ən fawa. 39Nakan ndəna chətyowunsi tlə kalo wunchə nef khaa arta ə khoba chetkes. Yakhwunsi, kə kalowunchi kutər yahudawach khawa?" 40Nggərkandə tla'andə ɓəratə ndakandəwa, "Barnabas tə'ini fasaɓe nakan.
191Tərkə Bilatus Yesu thəfankan. 2Tak həs kə sotachəɗi əɓokər takha. Pankandə Yesu kə ində məkan kandə kapa kutrakta. 3Ɓakandə mbəs anchi ndankandə wa, "Kutər Yahudawacha!" kuk'kandə anchi.4Nggərkə Bilatus chet kes paɗ ndankan tandəwa, "Nama, ni ɓat ta'anchə kes kəmɗowun manawun sən'ndəwa mbəsawi tə səɓtə ənawa." 5Ɓak Yesu kes tə ləɓokər takhɗi in tə kapa kutraktəɗi fiyan. Ndandak Bilatus wa, "Nama, nafɗaya. 6Nak kutər Pastochəɗ tə fə tarcha'an Yesu, tla'ankandə ɓərata ndakandə wa, "Kukaman, kukaman." ndak Bilatuswa, "Təram ndə nggun ndəchətwun kə kukawun, kətləm mɓəsawi tə səɓtə ənawa."7Nggəmankə Yahudawach wa, "Doka ya'ansi, dokata'an nggəmanchə kə məra kətləm ndachanwa Wai Fartə nakan." 8Sək'kə Bilatus ndiktə ini lekəkan kaɗ kaan. 9Nggərkan yimndə kə khur wiri, ndankan Yesu wa, "Ɓacho ayi?" Yesu fərawa nggəmnanwa.10Ndankə Bilatus wa, "No ndik tə nanchəuwa? Sənwen wa alkətənchəs kə kaliwech khaawa ndu kə kukuchəfe wa?" 11Nggəmankə Yesu wa, "Alkətyo sə kə ndar nawa, se ma furunchəfe ə fərta. Kətləm nda'an tla fərchə nenchə kəmndəyo mətlan na ɓuɓi fatyan kaan.12Kətləm nggəminin. yakhkə Bilatus kə kalndə khaa, chək kəndu tla'ankə Yahudawach ɓəratə ndakandəwa, "Ma kelin nafɗi khaya, ngga chə tlawur kaisar wa. Nat tla chanchə indəyan kə kutəre yakhwa kaisar wa. 13Sək'kə Bilatus ndikchəini ɓakan tə Yesu kes, chok'kan khaa kə mət choktəyan tla tlə yafewa, "Ɗakwan kutrakta" tə Yahudawat wa, "Gabbata."14Fartəini fartə takhəstəf kə khomba chet kes, ə khurfarta ndankə Bilatus Yahudawach wa, "Kutər yonya." 15Tla'ankandə ɓərata, "Pəɗam ta'anchi, pəɗam ta'anchi, kukaman!" Ndandak Bilatus wa, "Kə kukani kutər yonwa?" Kutər Pastocha nggəmkan wa, "Kutər ya'an suwa se kaisar." 16Fərkə Bilatus Yesu kətləm kə kukawanda.17Pədakandə tə Yesu, paɗ ɓakan kes, mətlan səf paləngnan tə indəyan kəmɗi tlə yafewa, "Mət təɓ incha," tla tlə yafe tə mi Yahudawat wa "Golgota." 18Kukwankandə Yesu min'ni tə nafchə chep, artə tə mət tla, artə paɗ tə mət tla, Yesu khurndəfi.19Yarak Bilatus ndiktə kə ɗar paləngnan wa, "YESU THLƏ NAZARAT'TA, KUTIRI YAHUDAWACHA." 20Yahudawach kaan chan'nggandə ndiktəini kətləm məɗi kukwandəƒe Yesu nduk tə wiri. Yareini yaranchəfe tə mi Yahudawat, tə Romawata, tə Heleniyawata.21Nkankə kutər Pastochə Bilatus wa, "Mə yaren wa kutər Yahudawacha wa, yarowa, ndachanwa, nggət kutər Yahudawacha. 22Nggəmkə Bilatus wa, "Ɗənɗi yarati, ɗa'an yarati."23Kukwankə sotachəɗi Yesu, tlətlakhan kandə kapatya khaa foda khuran, chəkwun soja tə ya'an, tə paɗ ɗəna fatəyan. Ɗəna fata'anyan yoəmndəs fəyanwa, takhəs chəfe kəɗu tla'tə daran ta kə khakhaa. 24Ndankandə ra'anwa, "Mə tlakhamən ɗəna chəpta'an khawa, ɓama kə chəmən kuriya kə sənmən tla ne səmanda. "Chəchandə kəɗu kətləm kə ɗiiɗ mbata'an khawa, "Chakandə kapa chyan khaa pətlərnanda, chəkandə kuriya kə ɗar ɗəna fatənchi. "Ɗin'ni chət sotacha'an.25Man Yesu tə wanman manan, tə Maryamu nu kilofas tə Maryamu Magadaliya tandə kit kit tləma paləngdi Yesu. 26Nak Yesu manan tə kəmsiɗi yakhtən kit kit tləma ra'an, ndankan mananwa, "Nunefe no wayo!" 27Nkankan kəɗuyu kəmsiyan tərkan ndə kaɗ keuriyan.28Kərsə min'ni təɓak chək mi, kətləm kə ɗiiɗ ɗənɗi kha mbatəfe, ndak Yesu wa, "Kuchəmndə fənchi!" 29Nduk tləman'nanda kurub təs tə mbangmbangn 'yem khuran, kənkandə soso kə fang da, chopkandə kə khur 'yamɗi tla'ankandə kafərtə kə meeyan. 30Təkankə Yesu mbangmbangn 'yem ini ndakanwa, "Təɓi." Nguɗan kan indəkhaa, kalkan semetyan khaa.31Kətləm fartə takhəstəfa, paɗ kətləm məmatacha'an kə nandə ɗar paləngndə far sati wa, (Kətləm sati kapa Farta). ndankə Yahudawach Bilatus kə chəchenfe sarchəyanda ɓətanchfe kakhaa. 32Ɓak sotach chichendə sarchə tla tərkanan tə chepeta'an fe kukwandafe tə Yesu. 33Ɓakandə kə ɗar Yesu, mbəsanchandə miri, kətləm ɗa'an chichewandə sarchiyanwa.34Chək kəɗu artə khur sotacha'an chukhankan kileriyan tə suktə, ɓak fer kes tə 'yeme. 35Tla nach ɗin'ni mətlan mbacha, mbatiyan paɗ kit. Sənwa ɗənɗi mbatən kit'ta'an, kətləm nggun paɗ kə ferwun kit.36Səɓchə ɗichəini kətləm kə ɗiiɗ ndəchəɗi khaa mbatəfe, "Nesə chək artə khur alchəyan nafe chəndawa." 37Nakan mba tla paɗ wa, "Nandə ndəpandə tla tlakhərtənda."38Kərsə ndəchi'ini Yusufu tlə Arimatiyata nakan kə kəmsəi Yesu chəkhankan Bilatus kə tər mərtə Yesu (ə mət wuɓta kətləm lekendə Yahudawacha). 39Nicodimus tla chokh tərkanan ɓach kəmɗi Yesu witəyu, ɓakan tə wumən kwastə fiɗə mur tə alul tla sətə ləklək kətyaʋn dəna kaɗat kumchət makh kan kum nggərsə makhkan.40Tərkandə mərtə Yesu faɗankandə tə kapa tlokhta, kətləm kə ɗənɗi tlokhanda kəɗ ɗənɗi tlə chət Yahudawacha. 41Min'ni kukwandəfe yu khənggəsi, khur khənggata'an paɗ yuwa kwisi tla tamwaktəfe tlokh nefsi. 42Nakan kə fartə takhəstəf i Yahudawacha, kwiyan paɗ nduk, khunan kandə Yesu khaa khuran.
201Pung walwurta tərkan məɗi lumu, taa pe simsim Maryamu Magadaliya ɓakan kə mi kuyan, mbəsanchan tləweta'an təranfe kaɗ ə mi kuyan. 2Rakakan kə mbəs Saminu Bitrus tə kəmsiɗi yakhtə Yesu yu ndanda kanwa, "Təra ndə chənmən kes khur kuyan, paɗ sənwa'an məɗi khunandəndə khawa."3Bitrus tə kəmsiɗi cheka ndə kes ndəkandə kə mi kuyan. 4Ndəɗachandə wa'a, chək kəɗu kəmsitlayu ɓərankan Bitrus khaa lakan satə kə mi kuyan. 5Ɓirkan khaa nggəɗinkan kə khuran nakan kapa tlokhtəɗi chukop min'ni ɗuwa kə khuran wa.6Sakə Saminu Bitrus kərsa'an yimkan kə khur kuyan, mbəsan chan kapa tlokhtəɗi chukop, 7Tə kapaɗi faɗandəfe indəyansuyu. Kappaɗi faɗa ndə fe indəyansuyu ngga nachan tləma kapa tlokhta'an wa, dekrenfe ta ə mət samən.8Kəmsitla lach kə mi kuyan yu, yimkansə paɗ nakan, fərkan kit. 9Pakə fartəini, sənwandə ndiktəɗi wa, nan tlatə khur məmatach yuwa. 10Kəmsicha'an nggəran kandə in kaɗ keuri.11Maryamu mətlan tət kit ə mi kuyan khesi. Nakan təta nggəɗin kan kə khur kuyan. 12Nakan fə tlənchi fartə chep ndəndas tə khəɗiɗi kapachfa, artə tə indəyan, artə paɗ təmɗi na sarchəyan məɗi khunandə ndə Yesu khaa. 13Ndankandə wa, "Nunefe, kətləm mə natu təta? Ndankan tandə wa, "Kətləm tərandə Fartənchi, paɗ sənwi məɗi ndəftəndə anchəwa."14Mbakan ɗin'ni, təɓərkan khaa, mbəsan chan Yesu kit min'ni. Sənwa wa Yesu ni wa. 15Ndankə Yesu wa, "Nunefe, kətləm'ma natu təta? Paɗ wun no kata?" Kaɗacha wa mətlan tlə ɗiwe khəggəɗ khar, ndan kanwa, "Maldəm ma chə tərancha, mbaitən məɗi ndəftu ndi, nggət paɗ kə təri ndi."16Ndankə Yesu wa, "Maryamu." Təɓər kankhaa, ndankan tə mi Armaniy awat wa, "Rabboni" (tla na sakta'an wa, "Maldəm"). 17Ndankə Yesu wa, "Tikichən kherfawa, kətləm pakə nakanya tərwi kafərtə kəmɗi Papa kwaɗənwa. Ɗu kəmsichənchi kə ndendechənwa, chi kəmɗi Papa, paɗ chənwun, Farənchi, paɗ Fartəyowun." 18Ndək Maryamu Magdaliya mba'andə kəmsichəɗi wa, "Ninchə Farta," Ndakanwa mətlan mba'anchə ndəchəini.19Chək far wita fartəini, tərkan məɗi lemu, mi kətənchəɗi na kəmsichəɗi khuranyu nggəlanfe kətləm lekendə Yahudawacha, ɓak Yesu kə tlartəkhaa khurdəfi tənanda, ndankan tandə wa, "Kəɓi kaɗi kəmɗowun." 20Ndakan ɗən'ni penanda kan kharchəyan tə kileriyan. Kəmsicha'an sək kandə mbəndəfa nakandə Yesu.21Ndandak Yesu paɗ wa, "Kəɓi kaɗi kəmɗowun. Kəɗ ɗənɗi tləndə Papa nenchi, kəɗu nati tlən wunchi." 22Ndak Yesu kəɗuyu, səpendakan yiptə kafa, ndandakan wa, "Tlam Semet tla Ne Chiɗchiɗ. 23Chək wun kalanduwun ɓuɓifatyan khaa, kalandach fe khaa, chəkwun kəstəwun ɓuɓi fatyan khar, kəs fe tandə khar.24Toma, artə, kəs fe kum nggərsə chep yu tla tlə yafewa Wan Moɗacha, mətlan sə tləmat nandə far təɗi ɓa Yesu mbəstanda wa. 25Kwaan kəmsicha'an ndankandə wa, "Ni ən Yesu." Ndankan tandə wa. "Ma ngga tə ni khar chəyan tə kwar kusachəɗi, kə ndəfi kher kə kwar kusacha'an, kə ndəfi kher paɗ kə kileriyan wa, ni fər kit wa."26Kərsə məndə foɗfoɗa, kəmsichiyan pakə nakanya khur kən nda, Toma paɗ mətlan tləmat nanda. Pachə mi kətənan tləp, ɓak Yesu tlartə khur ndəfi tə nanda, ndakan wa, "Kəɓi kaɗi kəmɗowun." 27Ndankan Toma wa, "Panan wan kheryokhaa kə nen kharchənchi. Panan kheryokhaa paɗ kə ndəfin kə kilerinchi. Kə nen kə tlə kumi fər kit wa, se kə tlə fər kit."28Nggəmkə Toma ndankan wa, "Farta, Fartənchi." 29Ndankə Yesu wa, " Kətləm nin nenchi, firin kit. Fə mbəs ən khar fe nawakcha, fərndə kit.30Nakan, chə Yesu saktə əna saka inchə samən samən kaan pangn kəmsichiyan fe yarawaktəfe khur ndəlewer təɗya. 31Yaranchəfe feya kətləm kə fərwun kit wa Yesu mətlan ne kə Almasihu Wai Farta, təmɗi fər kit paɗ kə mbəswun sisingndə khur tləman.
211Kǝrsǝ ɗǝchi'ini nggǝrkǝ Yesu pǝnan fat kǝmsichiyan ǝ mi khawurtǝ Tibariya. Pǝnchan indǝ'yan kǝɗaya. 2Saminu Bitrus tlǝmara'an tǝ Toma tla tlǝ 'yafewa wan moɗata, tǝ Nathanailu tla ɓach ǝ kana khakhi Galili, tǝ wanchi Zabadi tǝ fowun kǝmsichi Yesu chep. 3Ndankǝ Saminu Bitrus tandǝ wa, "chi tǝmnɗa." Ndankandǝ wa, "Ngga'ǝn paɗ cha'ǝn tǝ wechi." Pǝɗakandǝ yimndǝ kǝ kombawal, witi'ini ngǝtl wandǝ ǝnawa.4Nak mǝt wende, ɓak Yesu kit kǝ mi 'yaman, kǝmsicha'an sǝnwandǝwa Yesu wa. 5Ndan ndak Yesu wa, "Tlawurchina, Yirfǝyowunsǝwa?" Nggǝmankandǝwa, "auwa," 6Ndan ndakanwa, "Mǝkam mapat 'yowun tǝ kharsǝm i kombawal ta'an nowun mbǝsta. Mǝkkandǝ mapat'yanda, wullandak kakhandǝ kes kǝtlǝm tertǝ yirǝfɗi ngǝtl tǝnda.b7Yohanna kǝmsiɗi yakhtǝ Yesu yu ndankan Bitrus wa, "Yesu nǝya." Sǝk'kǝ Saminu Bitrus wa Yesu ni, kǝnankan khur tǝ kapat'yan (kǝtlǝm nachan cha'khaa); khǝmkan kǝ khur khawurta'an. 8Taktǝ kǝmsicha'an ɓakandǝ khur kombawal (Kǝtlǝm langn wandǝ kǝmi khawurta'anwa. kǝɗ seng sartǝ kumchit kum fenɗǝrman nakandǝ kakhandǝ mapaɗi kes ndi'iɗchǝ tǝ yirǝfɗi. 9Mbǝkhakandǝ kǝ ɗar khakha'a nakandǝ chalwata tǝ yirfe ɗaran tǝ kwasata.10Ndankǝ Yesu tandǝ wa, "Ɓamatǝn fowun khur yirǝfɗi ngǝtltǝwun nakanya." 11Tǝrkǝ saminu Bitrus si, kakhankan mapata'an kes khur 'yaman kǝ ɗar talaya tippe tǝ paktǝ yirǝfcha tla sa'chǝ kumchǝt kum tǝ kumchǝt ɗǝrman nggǝrsǝ makhkan (153). Yirfǝ ka'an chǝk kǝɗu tlakh wu mapata'an kaɗwa.12Ndankǝ Yesu tandǝ wa," Ɓam sǝmam ǝna." Nowunsǝ khur kǝmsicha'an mbakhǝnchǝ chǝkhandǝ wa, "Wun nako ya?" sǝndǝ wa Yesu ni. 13Ɓak Yesu tǝr kwasata'an fǝrandakan, tǝ yirfan kuɗu paɗ. 14Makhkananniya pǝnandǝ Yesu fat kǝmsichiyan kǝrsǝ tlatǝ khur mǝmatacha.15Sǝmkandǝ ǝna, ndankǝ Yesu Saminu Bitrus wa, "Saminu wa'i Yohanna, Yekhǝn nanchǝ mani feyawa?" Ndankǝ Bitrus wa, "Aa Farta, sininwa yakhǝnchǝ wechi," Ndankǝ Yesu wa, "paro chokhrechǝnchi. 16Ndankan chepeta'an Saminu wa'i Yohanna yekhǝn nanchǝwa? Ndankanwa Aa sininwa yakhǝnchǝwechi. chu kǝ tlǝ para chokhrechinchi.17Ndankan makhkananwa Saminu wa'i Yohanna, yekhǝn nanchǝwa? sǝɓkǝ khuri Bitrus kaɗi kǝtlǝm ndan Yesu makhkanan wa, "yekhǝnnanchǝwa?" Ndankan wa, "Farta sinin chǝkamǝ nat, sinin wa yakhǝnchǝwechi." Ndankǝ Yesu wa, "Paro chokhrechinchi." 18Kit'ta'an, kit'ta'an, ni mba'owunda, "fartǝɗi natwun kǝ wancha, tlǝ mǝkchowun kapat ɗichwun, kǝ pǝɗowun kǝmɗi yakhtǝwun, ma serwun kaɗi, nowun panandǝ kharchǝyowunkhaa, nef samǝn kǝ mǝkowun kapata, kǝ ɗǝ tǝ wunchǝ kǝmɗi yakhwaktǝwun ɗǝta.19Mba'chǝ Yesu kuɗuyu kǝtlǝm wa kǝ pǝn we'tǝ mǝrtǝɗi na Bitrus chǝta kǝtlǝm mandi Farta. Kǝrsǝ ndat'yan kuɗuyu, Ndankan Bitrus wa, "Paro nanchi."20Tǝɓǝrkǝ Bitrus khaa mbǝsanchan kǝmsiɗi yakhtǝ Yesu yu para tanda, tla tǝngsanchǝ Yesu kaf fartǝɗi nat ndǝ sa jibi ndach wa, "Farta wunne khiyutǝ kaɗi?" 21Nak Bitrus anchi ndankan Yesu wa, "Farta, mǝne sǝɓta tǝ nafɗiya?"22Ndankǝ Yesu wa, "Ma yakhǝnchisi kǝn tǝ sisngndǝfa kǝ fartǝɗi nati nggǝrta puwawa. Paro nanchi."23Ndikti'ini welkhaa kǝmɗi wanmancha ndatwa kǝmsi ini nan mǝrwa. Chǝk kuɗu ndawu Yesu Bitrus wa kǝmsi ini nan mǝrawawa, ndachanwa, "Ma yakhǝnchǝsi kǝn tǝ sisingndǝ fa fartǝɗi nati nggǝrta puwawa."24Kǝmsi iniya mba'chǝ ɗichi'iniya, tla paɗ yarach ɗichi'iniya, paɗ sǝnmǝnwa ɗǝchiɗi mba'tǝn kit. 25Ɗǝchǝs paɗ ka'an chǝt Yesu. Ma yaranchǝ fe nat, chichan fǝ khesi nan tǝr ɗelwer chǝɗi mǝ yarandǝ fe wa.
