¹ Chitabu cha nhuga ya Yesu Kristo mwana wa Daudi, mwana wa Ibrahimu. ² Ibrahimu andi sogwe wa Isaka, na Isaka sogwe wa Yakobo, na Yakobo, na Yakobo sogwe wa Yuda na ndugu zakwe. ³ Yuda andi sogwe wa Peresi na Sera ka Tamari, Peresi sogwe wa Hezironi, na Hezeroni sogwe wa Ramu. ⁴ Ramu andi sogwe wa Aminadabu, Aminadabu sogwe wa Nashoni, na Nashino sogwe wa Salimoni. ⁵ Salimoni andi sogwe Boazi ka Rahabu, Boazi sogwe wa Obedi ka Rutu, Obedi sogwe wa Yese, ⁶ Yese andi sogwe wa mutemi Daudi. Daudi andi sogwe wa Selemani kwa muchekulu wa Uria. ⁷ Selemani andi sogwe wa Rehoboamu, Rehoboamu sogwe wa Abiya, Abiya sogwe wa Asa. ⁸ Asa andi sogwe wa Yehoshafati, Yehoshafati sogwe wa Yoramu, na Yoramu sogwe wa uzia ⁹ Uzia andi sogwe wa Yothamu, Yothamu sogwe wa Ahazi, Ahazi sogwe wa Hezekiya. ¹⁰ Hezekiya andi sogwe wa Manase, Manase sogwe wa Amoni na Amoni sogwe wa Yosea. ¹¹ Yosea andi sogwe wa Yekonia na wawaha zakwe mapango go kusokwa kubita Babeli. ¹² Na baada ya kusolwa kubita Babeli, Yekoni andi sogwe wa Shatieli, Shatieli andi kukuye na Zerubabeli. ¹³ Zerubabeli andi sogwe Abiudi, Abiudi sogwe wa Eliakimu, na Eliakimu sogwe wa Azori. ¹⁴ Azori andi sogwe Zadoki, Zadoki sogwe wa Akimu, na Akimu sogwe wa Eliudi. ¹⁵ Eliudi andi sogwe wa Elieza, Elieza sogwe wa Matani na Matani sogwe wa Yakobo. ¹⁶ Yakobo andi sogwe wa Yusufu mulume wa Mariamu, kusoko yakwe Yesu akalelwa, akuchemwa Kristo. ¹⁷ Ulelwe wose tangu Ibrahimu mpaka Daudi wandi ulelwe ikumi na vine, kulawilila Daudi paka hono wakasolwa kubita Babeli ulelwe ikumi na vine, na kulawilila kusolwa bita Babeli paka Kristo ulelwe ikumi na vine. ¹⁸ Kulelwa kwa Yesu Kristo kwandi nhai. Nyina yakwe, Mariamu akabanywa na Yusufu, ninga wandi wakali netang'anita, akejela ena mudaa kwa vilungu vya Muhe wonowelile. ¹⁹ Mulume wakwe Yusufu, andi munhu yonoena ihaki sakasaka chevu hazalani. Akalamula kwimya kubanyilo wakwe na mwenecho kwa chenyele. ²⁰ Hono andi kihwesa juu ya makani aga, Malaika wo Muwaha akamuziza muzi nhongo, akutya, "Yusufu mwana wa Daudi, lechekuogopa kumusola Mariamuhina muchekulu wako, ku soko mudaa wono enanawo ni kwa vilungu vya muhe wonowelile. ²¹ Akalela mwana wa chilume na kumuchema litajwa lyake Yesu, soko alawaokoa wanhu wakwe ne zizambi zawo." ²² Gose agano gakazangu gatimize achila chonochikalonga na Muwaha kwa nzila ya nabii. ²³ "Lanje, munyechinga alasola mudaa na kulela mwana wa chilume, na walamuchema litajwa lyake Imanueli" maana yakwe, "Mulungu hamonga nese". ²⁴ Yusufu ekenuka kulawilila muzinhongo na kunoza zono malaika wo Muwaha zonoakamulajiliza na akamusola hina muchekulu wakwe. ²⁵ Hamba baho, siakagona nayo mupaka akalela mwana we chilume na akamuchemwa litajwa lyakwe Yesu.

¹ sunga yeYesu kalelwa Betelemu yo uyahudi hagati ye zisuku zo utemi Helode wanhu wasomi kulawilila ichilima yo kutali wakafika Yelusalemu wakatya. ² yalikwihi mono yaleligwe mtemi wa Wayahudi? Chikaiona nyelezi yakwe ichilima nase chiza kumuhemba. ³ Mapango mutemi Helode yahulika gago yakagazika na Yelusalemu yose hamonga nayo. ⁴ Helode yakawakusanya wawaha wa makuhani wose na wendishi wa wanhu, nayo yakawauza Kilisito kalelwa kwihi? ⁵ Wakamulonjela mwe betelehemu yo wayahudi ku soko yali yandichigwe na muwoni. ⁶ Nagwe Betelehemu muise ya Yuda si mudodomugati mwe walongozi wa Yuda, ku soko kulawilila kwako alaza mtutemi yono yowadima wanhu wangu Isilaeli.'' ⁷ Nhayiyo Helode yakawachema wasomi chinyele na kuwauza ni mapangochi nyelezi ikejela. ⁸ Yakawatuma Betelehemu yakatya mubite kwa ulangalifu muksmsache mwa yonoyaleligwe. Mapango mulamwona mundetelaje zinghani nane mbile nimuhembe.'' ⁹ Sunga yaku wakondya muhulika mutemi wakakwendelela no muhinzo wao na nyelezi ilya yono waandi waiona ichilima ikawalongola mupaka hono ikema hachanya ha mwana yono yaleligwe baho. ¹⁰ mapango wakaino nyelenzi wakasechelela kwa nyemo mbaya muno. ¹¹ Wakenjila mukaya wakamwona mwana yono yaleligwe na Maliamu nyina yakwe. Wakamwinamila na kumuhemba. Wakawopola zihazina zawo na manemane. ¹² Mulungu yakawaonya muzi nhongo waleche uya kwa Heledo, baho wakauka kuuya kuisi yawo kwa nzila inji. ¹³ Sunga ya kuwa wauka malayika muwaha yakamuviza Yusufu muzi nhongo na kulonga winuche musole mwana na nyina yakwe mumanyile Misili. Mwikalaje kuko sunga nize niwalonjele ku soko Helode yakumusaka mwana yamwajilize. ¹⁴ Ichilo chicho Yusufu yakenuka na kumusola mwana na nyina yakwe kumanhila Misili. ¹⁵ yakekala kuko sunga Helode yakatajika ayo iktimiza chilya Muwaha chono yalonga kukolela muonaji kulawilila Misili namuchema mwangu.'' ¹⁶ kwahiyo Helode zono yakaona kuwa yabezigwe na wanhu wasomi yakasimba sana. Yakalajiliza kuulagwa ko wana wose we chilime wali Beselehemu na wose hagati lye li eneo lilya wono wali na uwaha we miyaka myejete na kwa walya kilinganga na mapango gono wakolelya zibitisha kabisa kulawilila kowalya wanhu wasomi. ¹⁷ Baho hono ukatimizwa ilya nghani lyono likalongwa kwa mulomo wa mwonaji Yelemiya. ¹⁸ Izi likahulikwa lamah chililo na maombolezo mawaha. Raheli yakawalilila wanagwe , na yakalema kubembelezwa ku soko walihasina kanji.'' ¹⁹ Helode hono yali yakondya tajika lanje Malayika wo Muwaha yakamuziza Yusufu munzinhongo kumo Misili na kulonga. ²⁰ winuche msole mwana na nyina yakwe na mubite muisi ya Izilaeli ku soko yono yalimusaka muhe wa mwana yatajika. ²¹ Yusufu yakakwinuka yakamusola mwana hamonga na nyina yakwe na wakakuza muisi ya Israeli. ²² kamba zono yakenuka Arikelau yono yali mutemi wa Yuda kusehemu y sogwe Helode yakedoda kubita kuko sunga Mulungu kumonya munzi nhongo yakauka kubita ku mkoa wa Galilaya. ²³ Na yakabita kwikala hagati yo isi yonoichemwa Nazaleti ali likatimizwa chila chono chali chokondya longwa kwa nzila ya waoni zono yachemelwa Munazaleti

¹ Hazi siku zilya Yohana mulugutizwe akaza akuganula munyika ya Yuda akutya, ² "Mutubu soko utemi wa kuulanga ulibehi". ³ Soko ayu yoyakalongwa na nabii Isaya akutya, "Izi lya munhu akuchema kulawilila kunyika, Mukondye 'wika nzila yo muwaha, mugagoloje makolo gwake"'. ⁴ Baha Yohana akavala mazoya ge ngamia no mukanda we nhingo muchiwino chakwe. Chokulya chakwe chandi nzije na uchi wa mumbago. ⁵ Kanyi Yerusalemu, Yuda yose, ne lieneo lyose yonolikupilima ikolongo lyo Yordani wakabitaa kwakwe. ⁶ Wandi wabatizwaga na mwenecho hagati ye likolongo lyo Yordani kunji walitubu masutye gao. ⁷ Lakini akawaona wenji wa mafarisayo na masadukayo wakuza kwakwe batizwa, akawalonjela, " Anye monomuleligwe ne zizoka gono gena masumu nani yono kawasugula kuimaghavigazabu yonoilikuza? ⁸ Mulele mana gonogakusachigwa toba. ⁹ Na mulechekihwesa na kulonjela gatigati yenyu, 'Chinayo Ibrahimu hina sogwe yetu'. Kwa kuwa nhuwalonjeleni Mulungu akusuma munyasulila Ibrahimu wana hamba kulawilila numabwe aga. ¹⁰ Lyakondya litemo wikwa mizizi lye miti. Kwa hiyo kila mut wonosikulela mana maswanu ukudumulwa na kutagwa mu moto. ¹¹ Niliwalugutizenyi ne malenga soko ye toba. Alu mwene yonoalikuza baada yangu ni muwaha kuliko nene nane sikusachigwa hamba kudinhula malatu gakwe. Mwene alawabatiza kwa muhe wonoelile na kwa moto. ¹² Na lipetelo lyake lili mumawoko gakwe kukwema kabisa uwanda wakwe na kuilundika ngano yakwe mwidoha. Ninga alaganyanya makapi kwa moto ambao sikosuma zima ¹³ Kanhi Yesu akaza kulawilila Galilaya mupaka likolongo lyo Yordani kubatizwa na Yohana. ¹⁴ Ninga Yohana akasaka mugoma akutya,"Nene nhusaka batizwa na gwegwe, nagwe ulikuza kwangu?" ¹⁵ Yesu akamupitula akatya, "Luhusu ye nhayi kwaha, soko zaikusachigwa timizwa haki yose", Hodu Yohana akamuluhusu. ¹⁶ Baada ya kuwa batiza, mara Yesu akauka mumalenga, na lanje, utanga ukadiguka kwakwo. Na akamuona Muhe wa Mulingu akutima hina nziwa na kutuliza kuchanya yakwe. ¹⁷ Lanje, izi likawilila kuulanga likutya, "Ayu ni mwanangu mwendeche. Yonohwendezwa sana nayo".

¹ Kanyi Yesu yakolongoza na Muhe sunga kunjila ili yajelywe ne Ibilisi. ² zono yali yafunjile zisiku makumi mane misi na chilo yakatuga nzala. ³ Mjelo gakakuza na kumulonjela hono gwegwe uli mwana wo Mulungu galajilize mabwe aga gawe mikate. ⁴ hamba yesu yamupitula na kumulonjela yandichwe munhu siyakikala kwa mukate uliyene ninga kwa kula nghani yonoikulawilila mumulomo wo Mulungu.'' ⁵ Kanyi Libilisi likamtegula mumuji wonowelile na kumuwika sehemu yo kuchanya hawaha he likuta lye hekalu, ⁶ Na kumulonjela nhono gwegwe mwana wo Mulungu wilechelaje hasi soko yandishwe ala lamulu Malayika wakwe waze wakudache na wakwinule kwa mawoko gawoili ulechekikobaza migulu yako mwibwe ⁷ Yesu akamulonjela "Kanhi yandiche, " lechevmujela muwaha mulungu wako". ⁸ Kanhi, ibilisi akamusola na kumutegula sehemu yo kuchanya zaidi akamulajila utemi wose we nzee ne zifahali zizo zose. ⁹ Akamulonjela," Mokupela vinhu vyose avi hono uujudiye na hono uhembe". ¹⁰ Kanhi Yesu akamulonjela, "Bite zako uche hono, shetani! Ku soko yandichwe, Yakusachigwa kumuhemba muwaha mulungu wako, na kumutumichila mwenecho aliyenee" ¹¹ Khani ibilisi akamuleka na ulanje, malaika wakakuza kumutumichila. ¹² Hodu Yesu zonoakahulika Yohana ebatwa, akauka mupaka Galilaya. ¹³ Akauka Nazaleti akabita kikala kapemaumu, yono ili muphelophelo na Ibahali ye Galilaya, mumimbi ye majimbo ya Zabuloni na Naftari. ¹⁴ Ayi ikalawilila kutimiza achila chonochikalongwa na muoni Isaya, ¹⁵ "Ku muji wa Zabuloni na muji wa Naftali, kubita baharini, kung'ambo ya Yorodani, Galilaya ge wa mataifa! ¹⁶ Wanhu wono we kaye kutitu waona uzlu muwaha, na wala wono wandi wa chechile mumaeneo na muzizi we mafwa, kuchanya yawo uzelu wawamulika" ¹⁷ Kulawilila mapago gago Yesu akaanza ganula na kulonga, "Mutubu, soko utemi wa kuulanga wasejelelee". ¹⁸ Hono andi akujenda muphelophelo ye bahari ye Galilaya, akawaona ndugu wajete, Simoni yono chemwaga Petelo, na Anduleaa muwaha wake, wategaga zinyavu mubahari, soko wandi wavuaji wezi somba. ¹⁹ Yesu akawalonjela, " Muze mu nowanoza mwe wavuaji wa wanhu ". ²⁰ Mara kamonga wakazileka zinyavu wakamutyatya. ²¹ Na Yesu zono andi kubitilila kulawilila baho akawaona wanyandugu wajete wanji, Yakobo mwana wa Zebedayo, na Yohana muwaha wakwe. Wandi mumutumbwi hamonga na Zebedayo sogo yawo wakuhona zinyavu zawo. Akawachema, ²² na mara kamonga wakaleka mutumbwi na sogo yawo nawo wakamutyatya. ²³ Yesu akabita kalibiya Galilaya yose, afundaga muma sinagogi gawo, akuganula ihani yo utemi, na akunoja kila aina ue mapungo ne matamwa hagati ye wanhu. ²⁴ Zinhani zakwe zikaeneya Siriya yose, na wanhu wakawaleta kwakwe awala wose wono wandi wakutamwa, wono wandi ne mapungo mbalimbali ne mausungu, wono wandi ne machisi, na wono wena chifafa na wono wa kodya palalaizi. Yesu akawanoja. ²⁵ Winji muwaha wa wanhu ukamutyatya kulawilila Galilaya na Dekapoli na Yerusalemu na Uyahudi na kulawilila kung'ambo yo Yorodani.

¹ Yesu zono akauona winji, akauka akadoma mwigongo mwitunda. Zono akakila hasa, wanafunzi wakwe wakuza kwakwe. ² Akanyasula mulomo wakwe akawafunda, akulonga, ³ "Chiba wena umaskini we muhe soko utemi wa kuulanga ni wawo. ⁴ Chiba wonowena usugu, soko walafalijiwa. ⁵ Chiba wonowena upole, soko walalisi isi. ⁶ Chiba wonowena inzala ne nhilu ye haki , soko wawo walawagutya. ⁷ Chiba wonowena winenele soko wawo walatuga winenile. ⁸ Chiba wonowena nhumbula nzelu soko walamuwona mulungu. ⁹ Chiba walumbizi, soko wawo walachemwa wana wo mulungu. ¹⁰ Chiba nyenye wono waligazwa kusoko ye haki, soko utemi wa kuulanga. ¹¹ Chiba nyenye wono wanhu walawaliga na kuwagaza, au kulonga kila aina yo ubii zidi nyenyu ko ulambi so yangu. ¹² Musechelele na mushangiliye, soko sawabu yenyu ni mbaha kuchanya kuulang. Ku soko avi vyovinha wanhu wakawagaza waonaji wono wekekala kabula yenyu. ¹³ Nyenye ni mwino we zee, lakini hono mwino wataga uzinzi wakwe, zoule kunozwa mwino kanhi? kusina sidahichwe ye swanu kwa chinu chinji chochose kanhi, isipokuwa ni kutagwa kunze na kuikanyaga ne mgulu ge wanhu. ¹⁴ Nyenye ni uzelu we nzee, muji yonozenjigwe kuchanya yeligongo siulikihundika. ¹⁵ Wala wanhu siwalikwasa itala na kuiwika hasi ye chikapu, bali muchinala, nayo ikuwamulika wose wono walimugati ye kaya. ¹⁶ Mleche uzelu wenyu umuliche hamwande ye wanhu ku soko yo hamba, wagawone matumo genyu maswanu na wamusifa sogo yenyu wa kuulanga. ¹⁷ Mleche kihwesa naza halibu isheria siyo wawonaji. sinaza ihalibu lakini kuitimiza. ¹⁸ Ukweli niliwalonjela hamba mupaka ulanga ne nzee vyose viputute kusina yodii monga hamba nukuta monga ye shelia youswa mushelia mupaka baho kila chinu chila kuwa cha kondyanozwa. ¹⁹ Vivyo yoyose yonoakubena iamule ndodo mojawapo ya ziamuli zino na kuwafunda wanje kunoza vihayiyo alachemwa mudodo muutemi wo kuulanga. ²⁰ Ku soko niliwalonjelenyi ihaki yenyu hono ileche puluta ihki ya waandishi ne mafarisayo, kwa vyovyose vila simulenjila muutemi wo kuulnga. ²¹ Mukahulika ikalongwa katali zono , " licheulaga " na 'yoyose yonoakuulaga yali muhatali yo hukumu' ²² Lakini ghuwalonjelenyi yoyose amusimbiye ndugu yakwe ala muhatali ye hukumu. Na yoyose yonoakumulonjela ndugu yakwe soko, 'Gwegwe ni munhu yonosulifaya!' Na yoyose yono akulonga ," Agwe ulimujinga!' Ala muhatali yo moto we jehanamu. ²³ Nhayiyo hono ulilavya isadaka yako mumazabahu na ukumbuchile zono nduguye enanhani yoyose kuhusu gwe, ²⁴ Ilekaje isadaka hamwanda ye mazabahu, halafu ibataje inzila yako. Mukalumbye kwanza ne nduguyo, halafu uze ilavya isadaka yako. ²⁵ Mwilumbyaje no mushitaki wako mbelambela, hono mulihamonga nayo munzila hono mudoma mumahakama, vinginevyo mushitaki wako akusuma kukueka mumawoko ga askali , nagwe ulatagwa mwigeleza. ²⁶ Mwamini niliwalonjela, kame sikuwikwa hulupaka walipa isendi yo mwish ye magobole gonoukudywa. ²⁷ Mwahulika zonoyalongwa zono, "Uleche gona?" ²⁸ Lakini nhuwalonjela yoyose yono akumulanga wechichekulu kwa kumusulumila akondya gona nayo mumutima wakwe. ²⁹ Ala kotya liso lyako kulume lilikusababishiya wekobere, likulaje na ulitaje kutali nagwe. Ku soko ni afazalii chiungo chimonga mumuwili wako chihalibiche kuliko muwili wose kutagwa mujehanmu. ³⁰ Ala kotya muwoko wo kulume ulikusababishiya wikobaz, udumilaje halafu uutaje kutali nagwe. ku soko afazali chiungo chimonga mumuwili wose kutagwa mujehanamu. ³¹ Ikalongwa kanyi, yoyose yono akumuwinga muchekulu, na amupelaje ihati yo ulechwe. ³² Lakini ane huwalonjelenji, yoyose yono alimuleka muchekulu wakwe, isipokuwa kusoko ye zinaa, akumunoza e muzinzi. Na yoyose yonoakumutola baada yo kupegwa uleche akunoza uzinzi. ³³ Kanhi, mwahulik ikalongwa ko wala wekatali, " muleche kiwaha ko ulambi, bali mutegule ulaho wenyu ko muwaha". ³⁴ Lakini huwalonjelenyi, muleche kiwaha hamba hadoda, ama kuulanga, ku soko ni enzi yo mulungu, ³⁵ wala kwa nzee, soko ni sehemu yo kuwika igoda iyo kukanyajila magulu gakwe, ama kwa Yerusalimu, soko ni muji wo mutemi muwaha. ³⁶ Wala lichekilaha mumutwe wako, soko suma nonza mvili moja ye nzelu au nhitu. ³⁷ Bali makani genyu gawe, "Heya, heya, aa, aa, ku soko gono gazidile gago gakulawilila ko yulya mubii. ³⁸ Mwahulika ikatya nhani, 'liso kwe liso, na meno kwa meno'. ³⁹ Lakini ne huwalonjelenyi, mulecheshindana na munhu mubii, lakini munhu hono akutowe munzagasa yo kulume mupitulile na inji kanhyi. ⁴⁰ Na nhono yoyose akusulumila bita na gwegwe mumahakama na akakuboka ikanzu yako, mulechelaje ne li joho lyako kanhi ⁴¹ Na yoyose yono alikulazimisha mubite nayo maili monga, bite nayo maili yejete. ⁴² Ko yoyose yono alikulomba mupelaje, na leche mukwepa yoyose yono alisaka kopa. ⁴³ Mwahulika ikulonga, 'Umwende jilani yako, na umusibile aduwi wako'. ⁴⁴ Lakini huwalonjelenyi, muwende maadui wenu, muwalombele wono wali wakomaza, ⁴⁵ Ku soko mwe wana wo sogo yenyu wa kuulanga. Soko akunoza lizuwa liwamuliche iwabii ne waswanu, na akuwa lonjela mvula wabii ne waswanu. ⁴⁶ Hono muwende wonowawendile nyenye, motuga sawabu chi? kwani walavya ushulu siwakunoza nhayiyo? ⁴⁷ Na hono muwalamuse zindugu zenyu du motuga chichi zaidi ya wanje? Alu! Wanhu we mataifa siwakunoza nhayiyo? ⁴⁸ Ku soko iyo mukusachigwa mwe muliwakamilifu zono sogo yenyu wa kuulanga zono mukamilifu.

¹ Zingatile kunoza matumo ge haki hamwande ye wanhu ili wilajile, vinginevyo sekotugwa sawabu kutawilila ko sogo wa yono alikuulanga. ² Soko yiyo lechetowa litalumbeta na kwisifu mwenecho hina wanajiki wono wa kunoza muma sinagogi na mumitaa, ili kwanba wanhuwawasifu, Kweli huwalonjenyi, wakondya bochela isawabu yawo. ³ Lakini gwe honokulavya, muwoko wako we nhiji uleche manya chono chikunozwa na muwoko wo kulume, ⁴ ili kwamba izawadi yako ilavye chinyele. Baho sogo yako yono akuona muchinyele alakupela isawabu yako. ⁵ Na wono wonza lomba, liche kihawana ne wanafiki, ku soko wendile kwima no kulomba mumasinagogi na muzikona ze mitaa, soko wanhu wawalanje. Ukweli huwalonjelenyi, wakondya bochela isawabu yawo. ⁶ Lakini gwe, hono kulomba, winjile kugati. Funje mulango, na ulombe ku sogo yako yono alichinyele. Baho sogo yono akuona chinyele alakupele isawabu yako. ⁷ Na hono ulimuulombe, liche uyajila makani gono ga sina mana nhina mataifa zono wakunoza, soko wakihwesa zono wakuhulikwa ku soko ye makani menji gono wa kulonga. ⁸ Soko yiyo leche kihanwa zono wenecho ku soko sogo yako amanyile mahitajigako hamba ukali na lomba kwakwe. ⁹ Nhayiyo hodu lombe nhayi: Sogo yetu wo kuulanga, litogolwelitagwa lyako. ¹⁰ Utemi wako uze, wendeche wako unozwe ahaha hanze zono kuko kuulanga. ¹¹ Uchipele lulu chokulya chetu che kila isiku. ¹² Uchinene magawa getu, zono na sese chikuwanenela wono chikuwadaya wayetu. ¹³ Na lechechileta mumajelo, lakini uchiepushe kulawilila ko yula mubii'. ¹⁴ Nono muwanenele wanhu masutya gawo, sogo yako wakuulanga nayo alawanenela yenye. ¹⁵ Lakini hono simukuwanenelamasutya gawo, wala sogo yenyu salawanenela masutya genyu. ¹⁶ Zaidi ya gose, hono weufunjile, lechelajila meso ge huzuni zono wanafiki zonowakunoza,ku soko wakunjile meso gawo ili kwamba wanhu huwalonjelenyi, bochela isawabu yawo. ¹⁷ Lakini agwe, hono weufunjile, ibakaje mafuta ku mutwe wako na wizuguze ku meso gako. ¹⁸ Baho siyokulajisa kumwande ye wanhu zono ufunjile, lakini du yo ko sogo yako akuwona uhundiche, akukupela isawabu yako. ¹⁹ Liche kiwichila ihazina yako menecho ahaha nzee, hono nondo ne kutu zikuviza, hono wahizi wakubena na kuhiza. ²⁰ Badala yakwe, iwichilaje ihazina yako mwenecho kuulanga, ambapo wala nondo wala kutu siwalisuma viza, ambapo wezi siwakusuma bena na kuhiza. ²¹ Ku soko ihazina yako hono hoili, ndipo na mutima wako ukaulibaho. ²² Liso ni tala yo muwili. Ku soko yiyo, hono liso lyako iswanu, muwili wose womema uzelu. ²³ Hono lisyolyko ibovu, muwili wako wose umemile utitutotolo. soko yiyo, hono uzelu ulimugati yako ni kutitu sana, ni kutitu hawaha chiasi chi! ²⁴ Kusina hamba mumonga hono akusuma kuwatumichila wawaha wejete, soko alamusimbila mumonga na kumwenda yunji, au hono si nhavivyo akilavya ko mumonga na kumuzalau yunji. Simudaiche kumutumuchila mulungu ne zimali. ²⁵ Ku soko yiyo hukulonjela, unze usina mashaka kuhusu maisha gako, zono kolya chi au kong'wa chi, au kuhusu muwili wako, kovala chi. Alu! Maisha si zaidi ye chokulya na muwili zaidi ye mavalo? ²⁶ Mlanje zindeje wono walikuchanya. Siwalipanha na siwalivuna na siwalikusanya na kuwika mumadonha, Lakini sogo yenyu wa kuulanga aliwalisha wawo. Alu nyenye si wa samani zaidi kuliko wawo? ²⁷ Na yo nani hagati yenyu kwa kujihangaisha akusuma konjeza zilaa monga mu muhe we maisha gakwe? ²⁸ Na ku soko chi mwamwina wasiwasi kuhusu mavalo? Ihwesaje kuhusu mauwa gono gali mumugunda, zono gakuwahapa. Sigakituma mulimo na sigasuma kivaliza. ²⁹ Nhali walonjelenyi, hamba selemani mu utukufu wakwe wose sakavalizwa zono mumonga wa awano. ³⁰ Hono mulungu aligavaliza mahampha go gali mugunda, gono galikikala siku monga na mtondo galitajwa mumoto, alu ni kwa kiasi chi akawavaliza nye, nyenye yono mwina witumbilo mudodo? ³¹ Soko yiyo muleche wasiwasi na kulonga, "Alu cholyachichi?" au "Alu chongwa chichi?" au "Je chovala mwenda chi?" ³² Ku soko mataifa wakusaka vinu avi, na sogo yenyu wo kuulanga amanyile zono mukasaka na gago. ³³ Lakini mwanze saka utemi wakwe ne ihaki yakwe na gago gokabizwa kwako. ³⁴ Ku soko, lechewona shaka soko ye mitondo ileshughulikia yenecho. Kila isiku ikikondya ne litatizo lyakwe lyenecho.

¹ Lechehukumu, nagwe uleche hukumiwa. ² Kwa ihukumu yonoukuhukumu, nagwe kuhukumiwa. Na ku chipimo cholo ulipima na gwegwe kopimilwa chicho. ³ Na kusoko chi ukulanga chibembezwa chomuti chono chili mwiliso lyo nduguyo, Lakini sulimanya libembezwa lye litinde lyonolilimumo mwiliso lyako, baho udaiche suma wona viswanu na kuchiusa chibembezwa che li bichi chono chimumo mwiliso lyo nduguyo. ⁴ Ulisuma ule longa konduguyo, wime mbuse chibembezwa lye litinde litinde lilimugati ye liso lyako? ⁵ Munafiki gwe ; longole usa litinde lyonolilimumo mwiliso lyako, baho kusuma ona viswanu na kuusa chibembezwa che muti chono chilimumo mwiliso lyo nduguyo. ⁶ Lechepela mabwa chono chelile na leche gumilila zinguluwe ilulu hamwande yawo. Vinginevyo wakuvihalibu na kuvikanyaga kwa magulu, kanhi walakupituchila gwegwe na kukudemula vipande vipande ⁷ Lombe, nagwe kopegwa. Sache, nagwe koyuga. Hodise, nagwe kodigulilwa. ⁸ Ko yoyose yono alilomba, hubochela. na ko yoyose yono akusaka, hutuga. Na ko munhu yonoalihodisa, akudigulilwa. ⁹ Au hoyuli munhu hagati yenyu yono, hono mwana wakwe alomba chipande cho mukate komupela ibwe? ¹⁰ Au hono amulombe somba, na mwenechoakumupela izoka? ¹¹ Ku soko, hono nye muliwabii mumanyile pela wana wenyu zizawadi swanu, Alu! Ni chiasi chi zaidi sogo hono alikuulanga alawapela vinu viswanu awala wono walimulomba mwenecho? ¹² Ku soko yiyo, kotuga kunozezwa chinu chochose na wanhu wanji, nagwe ikusachigwa kuwa nozeza nhayiyo. ku soko yiyo ni sheliya na manabii. ¹³ Mwinjile kwa kukolela ligeti lisisili. Ku soko ligeti ligazi na nzila ngazi yono ikulongoza kubita muubii, na kowali wanhu wenji wonowalikola nzila yiyo. ¹⁴ Ligeti ni isisili, Ligeti lisisili ni nzila yonoikulongoza muumi na niwachefu wono wakusuma yiona. ¹⁵ Wenze makini ne waonaji wo ulambi, wonowakuza wavalile hingo ye nholo, lakini kweli ni nhewe wakali. ¹⁶ Kwa maana gawo mulawamanya. Alu wanhu wakusuma dudula mana muma miya, au mutini muzibeyu ze mubaruti? ¹⁷ Kwa namna yiyo, kila mubichi muswanu huleta mana maswanu, lakini mubichi mubii huleta mana mabii. ¹⁸ Mubichi muswanu sowosuma lela mana mabii, wala mubichi mubii siwasuma leta mana maswanu. ¹⁹ Kila mubichi wonosiukulela mana maswanu uladumulya na kugumilwa mumoto. ²⁰ Soko yiyo, kowamanya kulawilila mumana gawo. ²¹ Si kila, munhu yono akunonjela nene, 'muwaha, muwaha' , alenjila muutemi wo kuulanga, ila yulya mwenecho yono akunoza uwendo wo sogo yangu yono alikuulanga. ²² Wanhu wenji walanonjela isiku ilya. 'Muwaha, Muwaha, sichikalavya nhani kwe tagwa lyako, sishikalavya machisi kwe tajwa lyako, na kwe tajwa lyako chikanoza meyumo menji mawaha?' ²³ Baho nitawalonjela kuzelu, sinhaawamanyenyi nyenye! muuche kwangu, Anye yono mukituma mabiii!' ²⁴ Ku soko, kila mumonga yonoakuhulika zinhani zangu na kunoza akihwana na munhu yonoena hekima yono akazenga kaya yakwe kuchanya ye libwe. ²⁵ Mvula ikatonya, mafuliko gakakuza, ne mbeho ikakuza na ikaitowa ikaya yiyo, lakini siikasuma gwa hasi, soko yandi zenjigwe kuchanya ye mahangha. ²⁶ Ninga kila munhu yonoalihulika nhani yangu na aleche noza, alehwana na munhu mupumbavu yono akazenga kaya yakwe kuchanya ye mahanga. ²⁷ mvula ikakuza, mafuliko gakakuza, ne mbeho ikakuza na kuitowa kaya yiyo.Na ikagwa, na uviche wakwe ukakamilika.'' ²⁸ Gakafika mapango go Yesu akamala kulonga nhani azi, makutano wakashangazwa ne mafundo gakwe. ²⁹ Ku soko akafunda hina munhu yono ena utemi, na siyo hina waandishii wawo.

¹ Mapangoo Yesu gono akatima hasi kulawilila mwigongo, umati muwaha ukamutyatya. ² Lanje mukoma akaza na akamuhemba hamwande yakwe, akatya,"Nakondya . Wenze muzelu". Baho baho akakwemwa ukoma wakwe. ³ Yesu akamulonjela, "Lanje leche longa ko munhubyoyose. Ibataje nzila yako, na wilajilaje mwenecho kwa kuhani na ulavye zawadi yono Musa akalajiza, ku soko yo ushuhuda kwawo. ⁴ Yesu akamulonjela, "Lanje leche longa ko munhu yoyose. Ibataje nzila yako na wilajilaje mwenecho kwa kuhani na ulavye zawadi yono Musa akalajiza, Ku soko yo ushuhuda kwawo" ⁵ Mapango Yesu akafika kapernaumu, Jemedali akakuza kwakwe akamuuza ⁶ akutya, " Muwaha mutumami wangu agonile kukaya atamigwe na ena mawine ga kugaza" ⁷ Yesu akamulonjela, "Nokuza na nimunoje". ⁸ Jemedali akapitumula na akamulonjela "muwaha, ane si wasamani paka uze na kwinjila ila mugati ye dali yangu, tambule nhani du na mutumami wangu akunoga. ⁹ Kusoko nane ni munhu yononina utemi, na ninanawo asikali wono wali hasi yangu,. Hono nonje kwa ayu"Bite akubita, na ko yunji" njoo na yuyo akuza, na kwa mutumami wangu, "Noze nhayi" na mwenecho akuloza nhayiyo" ¹⁰ Mapango Yesu akagahulika gano, akashangazwa na kuwalonjela wale wonowamutyatyaga, "Kweli nhuwalonjela, ghali na tuga wono munhu yono ena wihuwilo zono ayu muisraelii. ¹¹ Niliwalonjelenyi, wenji walaza kulawilila kuchilima na kumuwezi, welekala mumeza hamonga na Abrahimu, Isaka na Yakobo, muutemi wa kuulanga. ¹² Ninga iwana woutemi walatagwa hagati kutitu kunje, ambapo kolokwina chililo na kusaga meno". ¹³ Yesu akamulonjela jemedali," Bite! zono wakodya kihuwila, na inozwe nhayiyo kwako" Na mutumami akanoga mapango ge saa yiyo. ¹⁴ Mapango Yesu gono akafika mukaya ya Petelo, akamuwona mukwewe wakwe na Petelo agonile andi atamigwe mphugo. ¹⁵ Yesu akamupamya muwoko wakwe, ne mphungo yakwe ikamulechela. Hodu akakinuka kuanza kumuhudimimiya. ¹⁶ Na zono ikafika chinyamihe, wanhu wakamulete la Yesu wenji wono watemigwe ne machisi. Akagawinga machisi na wala wonowatamigwe akawawanoja. ¹⁷ Kwa namana ayi gkatimiza gala gono gali gakondya longwa na Isaya muwoni, " Agwe mweneche akasola zimphungo zetu na akadighula matamwa getu" ¹⁸ Hodu Yesu zono akaona likusanyikao lyamupilima, akalavyo maelekezo go kubita upande unji wa bahari ya Galilaya. ¹⁹ Hodu mwandishi akakuza kwakwe na akatya, "Mwalimu, nokutyatya kokose konokobita". ²⁰ Yesu akamulonjela, " Machewe gena mwamwina, na zindeje zo kuchanya vinhuli lakini mwana wa Adamu asina sehemu yo kuwika mutwe wakwe". ²¹ Mwanafunzi yunji akamulonjela, "muwaha, nduhusu kwanza hamuziche sogo yangu". ²² Lakini Yesu akamulonjela, "Nhyatyaje, na uwaleche wono wafiye wawanzike wonowafiye wayawo". ²³ Yesu zono akakwinjila mumutumbwi, wanafunzi wakwe wakamutyatya mumutumbwi. ²⁴ Lanje, ikakinuka zoluba mbaha kuchanya ye bahali, chiasi kwamba mutumbwi ukagubihizwa ne mawimbi. Lakini Yesu andi agonile. ²⁵ Wanafunzi wakakuza kwakwe na kumunusa wakutya,"Muwaha, chiokowaje se, chanzabita fya!" ²⁶ Yesu akawalonjela," ku soko chi mukogopa, nyenye yono mwina wihuwile mudodo?" Ndipo akakinuka na kuukalipia ubeho we bahali. Hodu kukawa ne utulivu muwaha, ²⁷ wechilume wekebatwa no mushangao wakatya," Ayu munhu ni wa namnachi, zono hamba mbeho na bahari vilimutii mwenecho?" ²⁸ Mapango Yesu zono andi anza kupehelo inji ye sii ya magadala, wechimule wejete wono watawaliwe ne machisi weketanhanila nayo. Wandi walawiliaga mumakabuli na wanozaga fujo sana, chiasi kwamba kusina yono alisafili yono akusuma kola inzila ilya. ²⁹ Lanje wakalavya mazii na kutya, "China chichicho kunoza kwako, mwana wo mulungu? Wazaha chitesa kabla ye mapango kufika?" ³⁰ Sasa likundi liwaha lye zingubiwe lyandi lya dimaga, handi sio kutali sana hono wandi, ³¹ Machisi gakendelela lalamika kwa Yesu na kulonga." Hono kochiamulu chiuche, chitugulaje mwikundi lye magube" ³² Yesu akagonjela, "mubite" machisi gakauka na kubita mumagube. Na ulanje, likundi lyose likatima kulawilila ila migongo kutimila mubahali na lyose likafyika mumalenga. ³³ Wechilume wonowadimanga magube wakatiga. Na wono wakabita mumujini wakaelezea kila chinhu, hususani chonochikejela kwa wechilume wono wandi watemigwe ne machisi. ³⁴ Lanje, muji wose ukukuza kitanhanila na Yesu. Zono wakamuona, wakamlazimisha auche mumukwa wawo.

¹ Yesu akakwinjila mwiboti, akavuka na akafika mumuji wono ekalaga. ² Lanje wakamuletela munhu yono apolite alazigwe mwigodoro. Azaziona wihuwilo wawo, Yesu akamulonjela munhu yono apolile, "Mwanagu, wenze wina nyemo, ubii wako walichelwa" ³ Lanje, baazi ye walimu we shenya wakakilonjela wenecho ko wenecho,"Ayu munhu akukujulu" ⁴ Yesu akamanya mahweso gawo akalonga, nhaule mukihwesa mabii mimitima yenu? ⁵ Cha hayi chono chipelu kulonga, ubii wako walechelelwa au kulonga, 'inukaje ujenda?' ⁶ Ninga mumaye ya kwamba mwana wa Adamu ena usumi we kulechela ubii...."akalonga agano kwa yulya yono andi apoleleye, "inukje, sole ligodolo lyako, na ubite kukaya kwako" ⁷ Hodu yulwa munhu akakinuka na kuuka kubita kukaya kwakwe. ⁸ Makughano wazaona gago, wakashangaa na kumusifu mulungu, yono awapela usume wuwo wanhu. ⁹ Na Yesu hono akulonga kulawilila baho, akamuona munhu yon akuchemwa kwe litagwa lye matayo, yono andi ekaye sehemu ye watoza ushulu. Nayo akamulonjela, "Nhatyaje nene" Nayo akakinuka akamutyatya. ¹⁰ Na Yesu zono akacheka ili alye ndigwa muyumba, wakakuza walavya ushulu wenji na wanhu wabii wakalya zindigwa hamonga na Yesu na wanafunzi wake. ¹¹ Hodu mafarisayo wazaona gago, wakawalonjela wanafunzi "Cho chichi mwalimu wenyu akulya hamonga ne walavya ushulu ne wanhu wabii?'' ¹² Yesu azahulika gago, nayo akalonga "wanhu wono wenu afya swanu siwakusaka muganga, isipokuwa walya wono wa tamiche. ¹³ Ikuwasaka mubite mukefunze maana yake, "Nyendile ulechelelo na siyo sadaka" ku soko nhaza, si wonowena ihaki kutubu, lakini wono wena zizambi. ¹⁴ Hodu wanafunzi wa Yohana wakakuza kwakwe na kulonga, "ku soko chi sese na mafarisayo zilifunga, lakini wanafunzi wako siwalifunga?" ¹⁵ Yesu akawalonjela , je wasindikizaji wa arusi wadayiche we wena huzuni pindi muwaha we arusi zono ali hamonga nawo? lakini zisiku zilikuza ambapo muwaha we arusi alasolwa kulawilila kwawo, na baho walafunga. ¹⁶ Hasina munhu yono aliwika chipande che mwenda mupya mu mwenda we katali, chilaka chilafumulwa kulawilila mumwenda na mudemuko muwaha ulejela. ¹⁷ Kusina wanhu wono wakuwika ujimbi mupya muchiya cho ujimbii we katali, hono wanoze nhayiyo, ihingo yo demuka, ujimbi yomwajika ne hingo yovizika. Badala yake, hutajila ujimbe mupya muhingo mya na vyose vikavilisalama. ¹⁸ Mapango Yesu hono awalonjelaga makani gago, lanje, afisa akakuza akamuhemba hamwande yakwe. Nayo akalonga, muhiza wangu afyiza punde, lakini uze uwiche muwoko wako kuchanya yakwe na mwene akikala kanhi. ¹⁹ Hodu Yesu akakinuka na kumutyatya ne wanafunzi wakwe. ²⁰ Lanje, muchekulu yono sakami yalawalaga mapango ge myaka ikumi ne nyejete, akakuza behi na Yesu akamupamya sehemu yeli pindo lyo mwenda wakwe. ²¹ Ku soko akalonga, "Hono phanye mwenda wakwe, nane notuga unoje". ²² Yesu akapiyuka na kumulaga na kumulonjela "Muhinza, ipelaje mutima, wihuwilo wako wakunoza wanoga". Na mapango gago muhinza akabochela unoje mapango gago. ²³ Na Yesu zono akafika mukaya ya afisa, nayo akawaona watowa tarumbeta na umatuwe wanhu wandi wakuzoza. ²⁴ Nayo akalonga, "muuche hano, kusoko muhinza safyiye, bali agonile. Lakini wene wakaseka na kumusanifu. ²⁵ Na wala wanhu honowakauswa kunze, nayo akakwinjila kugati na kumubata muwoko na muhinza akakinuka. ²⁶ Ne zinhani azi zikaeneya mumuji wose. ²⁷ Ndipo Yesu hono akolaga kulawilila ahala, wechilume wejete wabofu wakamutyatya. Wakakwendelela kuyowa mazi wakutya, "chikulomba uchinenele, Mwana wa Daudi". ²⁸ Chipindi Yesu hono andi afika mukaya, walya wabofu wakakuza kwakwe. Yesu akawalonjela, "Mukwamini zono nhusuma noza?" Nawo wakamulonjela "Heya, muwaha" ²⁹ Hodu Yesu akapamya meso gawo na kulonga "Na inozwe nhayiyo kwenyu zono wihuwilo wenyu ulivyo". ³⁰ Ne meso gawo gakanugula. Hodu Yesu akasisitiza akawalonjela akatya "lanjenyi munhu yoyose aleche manya kuhusu nhani ayi". ³¹ Lakini wanhu awa wejete wakauka na kutangaza nhani azi sehemu zose zo muji. ³² Hodu walya wechilume wejete hono wabitaga, lanje munhu mumonga bubu andiapagawe ne machisi akaletwa kwa Yesu. ³³ Ne machisi zono gakauka, yulya munhu bubu akakwanza longa. Umati ukashangwa na kulonga "Ai siiwahile kijela mu Israeili. ³⁴ Ninga mafarisayo walongaga"Kwa wawaha we machisi, akuwawinga machisi" ³⁵ Yesu akabita mumuji yose ne vijiji. Nayo akabitilila funda muma sinagogi, akuganula nhani yo utemi, kuponya matamwa ya kila ayina ne uzaifu wa aina zose. ³⁶ Mapango gono akalanga winji, nayo akawoonela usungu, ku soko wakugaya na kutukuwala mitima. Wandi hina nholo wono wasina mudimi. ³⁷ Nayo akawalonjela wanafunzi wakwe. "mavuno ni menji, ninga watumamilo wache. ³⁸ Hodu baho mbelambela mumulombaje muwaha we mavuno, ili kwamba awatume wetumamilimo mumavuno gakwe"

¹ Yesu akawechema wanafunzi wakwe ikumi na wejete hamob=nga na kuwapela utemi juu ye mapepo machafu, kugakaripila na kugawinga na kuwanoja aina zose ze mapungo ne aina zose ze matamwa. ² Matajwa ge wa tumami ikumi na yejete aga. Lo kwanza Saimoni ( hono akuchemwa Petelo) na Anduleya muwaha wakwe, Yakobo mwana wa zebedayo, na Yohana muwaha wakwe: ³ Filipo, na Batolomeyo, Tomaso, na Matayo mudaya ushulu, Yakobo mwana wa Alufayo, Tadeyi, ⁴ Saimoni mkananayo, na Yuda iskariyote, yono akamusaliti. ⁵ Awa ikumi na yajete Yesu akawatuma. Nayo akawaelekeza akutya"Mleche bit isehemu yono wekaye wemataiafa na muleche kwinjila mumiji ye wasamaliya. ⁶ Badala yakwe, mubite kwe zinholo zonoza jiliye ze kaya ya Israel. ⁷ Na mutabita, muganule na kulonga, utemi wo ulanga wakalibiya.' ⁸ Ponyeni watamwa, muwazukule wono wafyiye, muwatakasaje wono wena ukoma na muwinje machisi. Mwabochela bwete, mulavye bwete. ⁹ Muleche sola zahabu, almasi au shaba muzipochi zenyu. ¹⁰ Lechesola mukoba mumuhinzo wenyu, au mwenda wa ziada, vilatu au nhome, ku soko mutuma milimo akusitahili na mwikale baho mupaka muze muuche. ¹¹ Muji wowose au chijiji chonomokwinjila, musache yono akusitahili na mwikale baho mupaka muze muuche. ¹² Mutakwinjila mukaya mulamuse, ¹³ hono kaya ilistahili, amani yenyu ikalaje baho, lakini hono kaya siikusitahili, amani yenyu iuche hamonga nanye. ¹⁴ Na ka wala wono siwalibochela nyenye au kuwahulichiza zinhani zenyu, mapango go kuuka mukaya au mumuji wuwo, mwipataje manhundi ge magulu genyu sehemu yiyo. ¹⁵ Mbeka nhuwalonjelenyi, yo yina yokusitahimili zaidi muji wa Sodoma na Gomora isukuye hukumu kuliko muji wuwo. ¹⁶ Walanje, niliwatuma hina nholo hagati yemubwa mwitu, ku soko yiyo mwenze na welevu hina nzoka na wapolo hina ziwa. ¹⁷ Mwenze waangalifu ne wanhu, walawategula muma balaza, na watawatowa muma sinagogi. ¹⁸ Na mulaletwa hamwande ye wawaha na utemi ku soko yangu, hina ushuhuda kwawo na mumataifa. ¹⁹ Chipindi chonowalawashutumu, muleche kuwa na wasiwasi zono ila wule au chichi cha kulanga, soko chinu cho kulonga mulapegwa mapango gago. ²⁰ Soko siyo nyenye yono mulalonga, lakini muhewe sogo yenu alalonga mugati yenyu. ²¹ Ndugu alamwinuchila ndugu yakwe kumuulaga, na sogwe ko mwanagwe. Wana welenuka kuchanya ye walezi, na kuwasababishaya ifya. ²² Nanye mutachukiwa na kila munhu ku soko ye litajwa lyangu. Lakini yoyose yonokovumiliya mupaka kumwisho munhu yuyo alaokolewa. ²³ Mapango gono waliwatesenyi mumuji awu, mumanyile muji wono ukutyatya, ukweli niliwalonjelenyi, mukamukali na bita mumuji yose ya Israeli kabla yo mwana wa Adamu akali naza. ²⁴ Mwanafunzi siyo muwaha kuliko mwaliu wakwe, wala muwanda yono alikuchanya, yo muwaha wakwe. ²⁵ Ikondize kwa mwanafunzi zono enze ehwanile ne mwalimu wakwe, na mwitumami zono muwaha wakwe. Zono wakumuchema muwaha we kaya Belzabuli, ni kwa kiasi chi zaidi watawakashifu we kaya yakwe! ²⁶ Hodu baho mulewahofu wawo, ku soko kusina nhani yono siyogubulilwa, na kusina lyono lihundiche lyono silyojulikana. ²⁷ Chilya chono niliwalonjelenyi muchilo, muchilongaje muuzelu, na chono mulichihulika kwa ulayini mumakutu genyu muchitangazaje hono mulimuchanya ye zi kaya. ²⁸ Muliche wogopa awala wono wakuulaga muwili lakini wasina usume wo kulaga ighumbula. Badala yakwe, mumotodaje yulya yono akusuma kwangamiza muwili ne nhumbula kulya kuzimu. ²⁹ Alu kasuku wejete siwaliguzwa kwa sendi ndodo? Hamba baho kusina yono alisuma gwaa hasi bila sogo nyenyu kumanya. ³⁰ Ninga hamba idadi lye zivyili mbale. ³¹ Mwenze musina hofu, ku soko mwinasamani zaidi ye kasukuu wenji. ³² Alu kanhi kila mumonga yono alahongo hamwande ye wanhu, nane nilamulonga hamwande yo sogo yangu yona ali kuulanga. ³³ Lakini mwene yono alanhana hamwande ye wanhu, nane nilamukana hamwande yo sogo yangu wa kuulanga. ³⁴ Muleche kihwesa zono naza leta amani musiisinizize leta amani, lakini lipanga. ³⁵ Ku soko nhaza kumuwika munhu etowe no sogo yakwe na muhinza zidi yo nyina yakwe, na mukwe zidi yo myina mukwe wakwe. ³⁶ Aduwi wa munhu wala walya wo mukaya yakwe. ³⁷ Mwene yono amwendite sogwe au yina zaidi kuliko nene yuy hanisitahili. Na yuyo yonoamwendile muzelelo au muhinza zaidi kuliko nene yuyo hanistahili. ³⁸ Mwenecho yono sakudinhula musalaba na kunityatya nene hanistahili. ³⁹ Mwene yono akusaka maisha alagajiliza. Lakini mwene yono akugajiliza maisha ku soko yangu alagatya ⁴⁰ Mwene yono alawakalibisha aghalibisha nene, na mwene yono alaghalibisha nene amukalibisha mwene yono anhumile nene. Na mwene yono alamukabilisha muonaji ku soko ni muonaji alabochela sawabu yo uonaji. ⁴¹ Na mwene yono alamukalibisha yono ena ihaki ku soko yo munhu we haki alabochela isawabu yo munhu we haki. ⁴² Yoyose yono alamupela mumonga we wadodo awa, hamba chikombe che malenga go kugwa ge mbeho, ku soko mwene ni mwanafunzi, kweli niliwalonjelenyi, mwene sadaiche kosa kwa nzila yoyose sawabu yakwe.''

¹ Ikawa baada ya Yesu kumala kuwaelekeza wanafunzi wakwe ikumi na wajete akauka hala akabita kufunda na kuganula mumuji yawo. ² Na Yohana andi mwigereza akahulika kuhusu matumo ga kristo, akatuma ujumbe kukolela wanafunzi wakwe, ³ na wakamuuza,"Gwegwe yo yulya yonoakuza, au kuyuli yunji yonochikusachigwa chimulindile?" ⁴ Yesu akapiyula na kutya" Mubitenyi mukamulonjele Yohana agala mono muligawona na galamono muligahulika. ⁵ Wanhu wonosiwaliwona wakutuga wona, viwete wakujenda, wakoma walitakaswa, wanhu wono siwalihulika walihulika kanhi, wanhu wono wafyiye walizuka na kutuga umi, na wanhu wahitaji wakuganuliwa habari swanu. ⁶ Na alugutwe yulya yono saliwona shaka kuhuse ne. ⁷ Mapango wanhu awa hono wakauka, Yesu akakwanza longa na umati kuhusu Yohana, cho chichi chono mubitile langa mu jangwa tte likitikiswa na ubeho? ⁸ Ninga chichi chono mukabita langa_ munhu yono avalile mwenda mololo? Mbeka, walikikala muzikaya ze watemi. ⁹ Ninga mukauka langa chi_ Nabii? Heya, nhuwalonjela, na zaidi ya Nabii. ¹⁰ Ayu yoandichiwe, "Lanje, nhumutuma mujumbe wangu hamwande ye meso gakwe, hono akuandaa nzila yako hamwande yako. ¹¹ Nene nhuwalonjela kweli, hagati wono waleligwe na muchekulu kusina yono muwaha kuliko Yohana mubatizaji. Lakini yono mudodo mu utemi wo kuutanga ni muwaha kuliko mwene. ¹² Kulawilila zisiku za Yohana mbatizaji mupaka kwaha, utemi wa kuulanga ni wa vilungu, na wanhu wono wena vilungu, wakuusola kwa vilungu. ¹³ Ku soko manabii na zisheria, yandii tabiliwa mupaka kwa Yohana. ¹⁴ Hono mwakondya lumba, ayu yo Eliya, yulya yono alikuza. ¹⁵ Yono ena makutu go kuhulika na ahuliche. ¹⁶ Nilichilinganishe na chihi chizazi achi? Ni mufano wa wana wonowakidawala mumaeneo ge lisoko, wono wachehile na kichema. ¹⁷ na kulonga,' Chikawatowela zomali simukedawala. Chikalila na simwalila'. ¹⁸ Ku soko Yohana akaza bila kulya mukate au kugwa ujimbi, na wakawa wakutya, 'Ena ipepo". ¹⁹ Mwana wa Adamu akaza akulya na kugwa na kulonga "Tyetye, ni munhu mulaji na mukolwa, rafiki wa wasola ushulu na wono wena zizambi!' Lakini hekima ikijela kwa matumo gakwe". ²⁰ Yesu akanza kemeya miji ambamo baazi ya matumo gakwe ge ajabu gono geketumwa, ku soko wandi wakali na tubu, ²¹ Ole wako, kolazini, ole wako Bethsaida! Hono matumo mawaha andi ge tumwe Tiro na Sidoni agala gono ganozigwe ahano, wandi wewatubu katali kwa kuvala magunila na kibaka machivu. ²² Ninga yala uvumilivu kwa Tiro na Sidoni zi siku ze hukumu kuliko kwako. ²³ Agwe, Kapernaumu, unazani wakukwinula mupaka kuulanga? Siyo utatimwa mupaka hasi kuzimu. Zono kwa Sodoma kwandi kunozwe matumo mawaha, zono ganozigwe kwako, yandi ye ilibaha mupaka lulu. ²⁴ Bali nhulonga kwao zono yo hapelu musii ye Sodoma kwima muhukumu kuliko gwegwe. ²⁵ Mumapango gago Yesu akalonga, "Nhukusifu gwegwe, sogo, muwaha wa kuulanga ne sii, ku soko ukawahundika mambo aga wono wena ihekima ne mahala, na kugafunula wono wasina elimu, hina wana wadodo. ²⁶ Sogo yangu ku soko ikakwendeza vivyo mumeso gako. ²⁷ Mambo gose gakabiziwa kwangu kulawilila ko sogo yangu. Na kusina yono amumanyile mwana isipokuwa sogwe, na kusina yono amumanyele sogwe isipouwa mwana, na yoyose hono mwana ena hamu yo kumufunilia. ²⁸ Muze kwangu, nyenye wose wono mukugazika na wono mukulemelwa ne mizigo mizito, nane nowacheheza. ²⁹ Jitieni nira yangu na mwifunze kulawilila kwangu, ku soko nene ni munyenyekevu na mupole we nhumbula na motuga pumuzikolye mitima yenyu. ³⁰ Ku soko nira yangu ni ndeche na muzigo wangu ni mupelupelu.

¹ Mapango gago Yesu akabita isiku ye sabato kukolela muugunda. Wanafunzi wakwe waliwena nzala na wakakwanza bena maso na kulya. ² Ninga mafarisayo wazawona gago, wakamulonjela Yesu" lanje wanafunzi wako wakubena isheria wakituma siku gonosiga likuhusiwa isuku ye sabato" ³ Ninga Yesu akawalonjela, "Simukasoma zono Daudi gonokanoza, mapango gono andi ena nzala, hamonga ne wanhu wono andi ena nawo? ⁴ Zono akenjila mugati ye kaya yo Mulungu na kulya mikate ye wonyesho, yono yandi siyo halali kwa makuhani? ⁵ Mukali nasoma musheriya, kwamba musiku ye sabato makuhani mugati ye lihekalu huichafuwa sabato, lakini wasina ihatia? ⁶ Ninga nhulonga kwenyu yono muwaha kuliko lihekalu alii ahano. ⁷ Hono mwandi mumaye ayii ikwamanisha chichi, nhusaka rehema na siyo sadaka; mwandi muleche wahukumu wono wasina ne hatia, ⁸ Ku soko Mwana waAdamu yo muwaha we sabato". ⁹ Hodu Yesu akauka baho akabita mwisinagogi lyayo. ¹⁰ Lanje kwandi na munhu yonoapolile muwoko. Mafarisayo wakamuuza Yesu, wakutya."Alu, ni halali kumunoza isuku ye sabato?" ili kwamba wasume kushitaki kwa kunoza zambi. ¹¹ Yesu akawalonjela,"Nani hagati yenu, hono ena nholo monga, na yiyo nholo ikagwa mugati ye likombo isiku ye sabato, sakumubata na kumuusa kwa vilungu mugati ye likombo? ¹² Alu, cha hayi chochina samani, zaidi kwani, si zaidi ye nholo! kwa nhavivyo ni halali kunoza maswanu isiku ye sabato. ¹³ Kanhi Yesu akamulonjela yulya munhu,"Golose muwoko wako" Akagolosa, na ukutuga afya, zono ulya unji. ¹⁴ Ninga Mafarisayo wakalawila kumze na wakapanga zono wakumwangamiza wakabita kunze kupanga chinyume chakwe. Wandi wasakaga zono womuulaga. ¹⁵ Yesu zono akamaya lilo akauka baho. Wanhu wenji wakamutyatya, na akawanoja wose. ¹⁶ Akawalaajiza waleche munoza amanyiche kuwanji, ¹⁷ hamba itimiye ilya kweli, yono yandi yalongwa na nabii Isaya, kutya, ¹⁸ Lanje, mutumami wangu yononimuhagulile, mwendeche wangu, Mugati yakwe mutima wangu wendeche. Nowika nhumbula yangu kuchanya yakwe, alatangaza ihukumu mumataifa. ¹⁹ Salagaya wala kulila kwa vilungu; wala awaye yoyose kuhulika lizii lyakwe mumutaa. ²⁰ Sakulibena litete lyonolichubuche; sakuzima utambi wowose wonoukulavya lyosi, mupaka zono alaleta ihukumu ilashinda. ²¹ Ne mataifa wala wena ne ujasili mwitajwa lyakwe. ²² Munhu nhendu na bubu, yono apagawe ne mapepo akaletwa hamwande ya Yesu. Akamunoza, hamonga ne malawililo ya kwamba munhu bubu akalonga na kuwona. ²³ Makutano wose wakashangaa na kulonga, "Ikusumikana munhu ayu zono mwana wa Daudi?" ²⁴ Ninga chipindi Mafarisayo wakahulika muujiza au, wakalonga,"Ayu munhu sakuuza ipepo kwa vilungu vyakwe mwenecho isipokuwa kwa vilungu vya Belzebuli,muwaha wa mapepo. ²⁵ "Ninga Yesu akamanya mahweso gawo na kuwalonjela, "Kila utemi wonougawanyiche wenecho ukuvila, na kila muji au kaya yono igawanyiche yenecho siilikwima. ²⁶ Ikiwa shetani, akumusa shetani, basi akipinga mumutima wakwe mwenecho. ²⁷ Ni kwa namunachi utemi wakwe wokwima? Na hono nhulavya ipepo kwa vilungu vya beli zabuli, wafuasi wenyu wakuusa kwa nzila chi? Ku soko ya ai wala mahakimu wenyu ²⁸ Na kama nhulavya lipepo kwa vilungu vya muhewo Mulungu, hodu utemi wo ,Mulungu waza kwenyu. ²⁹ Na munhu akusuma ule kwinjila mugati ye kaya yono ena vilungu kwanza? Heya alahiza zimali zakwe kulawilila mugati ye kaya. ³⁰ Yoyose yonosialihamonga nane alichinyume changu, nayo yono salilundika hamonga nane yayo hutawanya. ³¹ Ku soko nhulonga kwenyu, kila zambi na kufulu wanhu walanenelwa, ila kumukufuru Muhewonowelile siwala nenegwa. ³² Na yoyose yonoakulonga nhani chinyume cha Mwana wa Adamu, lilo akunenegwa. Lakini yoyose yono akulonga chinyume na muhe Wonowelile, yuyo sakusamehewa, Musii ayii, na wala ulya wonoukuza. ³³ Ama unoze mutii we muswanu na mana gaye maswanu, au uuvize muti ne mana gaye, ku soko muti ukumanyika mu mana gaye. ³⁴ Nyenye chizazi che nzoka, amye ni waovu, mukusuma ule longa mambo maswanu? ku soko mulongo ukulonga gonogakulawilila mu akiba ya gonogalimumo mumutima. ³⁵ Munhu muswanu mu akiba iswanu yo mutima wakwe gakulawila muswanu, na munhu muov mu akiba ovu ya mutima wakwe, hulavya chono chiovu. ³⁶ Nhuwalonjela zono muzisiku ze hukumu wanhu walalavya mawalo ge kila ineno lyono lisina maana gono wakalonga. ³⁷ Ku soko kwa maneno gako ulawilila ihaki na kwa maneno gako ulahukumiwa". ³⁸ Kisha baadhi ya wwndishi na Mafarisayo wakamupitula Yesu wakatya "Mwalimu, chandichendile kuwona ishara kulawilila kwako". Ninga Yesu akawapitula na kuwalonjela, "Chizazi chiovu na cha zinaa chikusaka ishara. ³⁹ Ninga kusina ishara yonoilalavya kwawo isipokuwa ilya ishara ya Yona nabii ⁴⁰ Handi nabii Yona zono alimugati yenda ye somba muwaha kwa zisiku idatu chinyamisi ne chilo. ⁴¹ Wanhu wa Ninawi walema hamwande ye hukumu hamonga ne chizazi wanhu awa na walachihukumu. Ku soko wakatubu kuuganule wa Yona, na Lanje, munhu nhendu muwaha kuliko Yona ali hano. ⁴² Malikia wa kutakama alenuka muhukumu hamonga ne wanhu we chizazi achii na kuchihukumu. Akaza kulawilila miisho ye nzee kuza kuhuluziza ihekima ya Selemani, na lanje, munhu yunji muwaha kuliko Selemani alibaha hano. ⁴³ Mapango lipepo lichafu hono likuuka munhu, hukola sehemu yonoisina malenga likusaka cheheza, ninga sililiwona. ⁴⁴ Kisha hulonga,'nouya mukaya yangu yono nhauka! Alauya akwagana ilya ikaya yasfishwa na ili tayali. ⁴⁵ Kisha likubita na kuwaleta wanji muhe mubii mupughati wono wabii zaidi kuliko lyene, gakuza cheha gose baho. Ne hali yakwe yo mwisho ika mbii kuliko yo kwanza. Ai zo ikaina muchizazi ach chiovu. ⁴⁶ Mapango Yesu gonoandi akulonga ne umati lanje, nyina yakwe na wanyandugu wakakwima kunze, wakusaka kulonga naye. ⁴⁷ Munhu mumonga akamulonjela, "Lnje nyina yako na ndugu zako wemile kunze, wakuasaka nonga nagwe". ⁴⁸ Ninga Yesu akamupitula na kumulonjela yono amulonjeye, "Nyina yangu yo nani? Na ndugu zangu ni wakina nani?" ⁴⁹ Nayo akagolosa muwoko wakwe kwa wanafunzi na kuwalonjela, "Mulanje, awa ni wanyina zangu na ndugu zangu! ⁵⁰ Ku soko yoyose yonoakunoza wendeche we sogo yangu yono alikuulanga, munhu yuyo yo ndugu yangu, Lumbulyangu na nyina yangu".

¹ Mu siku yiyo Yesu akauka kukaya na kwikala muphelo ye bahari. ² Umati muwaha ukakusanyika kwa kumupilima, akahelela mugati yo mutumbwi na kwikala mugati yakwe. Umati wose wakakwima muphelo ye bahari. ³ Kisha Yesu akalonga nhani nyinji kwa mifano, akatya," Mulache, mupanzi akabita panha. ⁴ Hono apanhaga zinji zi ndeje zikakuza zikadobola. ⁵ Zimbeyu zinji zikagwa kuchanya ye mabwe, ambapo sizikatuga mulongo wa kukondya. Ghafula zikachipula ku soko ulongo wandi usina kina. ⁶ Ninga lizuiwa zono likatula zikanyanywa ku soko zandi zisana midela, na zikanyala. ⁷ Mbeyu zinji zikagwa hagati ye miti yonojina maminya. Miti yonoyina mamiya ikatalipha kuchanya ikaibana. ⁸ Mbeyu zinji zikagwa muulongo muswanu na zikalela mbeyu, zinji igana limonga, zinji makumi mutandatu na zinji makumi madatu. ⁹ Yono ena makutu na ahuliche. ¹⁰ Wanafunzi wakakuza na kumulonjela Yesu, " ku soko chi ukulonga ne makutano kwe mifano?" ¹¹ Yesu akapitula akawalonjela, "Mupejigwe upendelewo wa kumanya chinyele cho utemi wo kuulanga, bali kwawo siwapejigwe. ¹² Ninga yoyose yono ena nacho, kwakwe mwene akonjezwa zaidi, na akutuga faida mbaha. Ila yono asina hamba chila chono ena akubokwa. ¹³ Hodu nhulonga nawo kwa mifano ku soko waliwona, waleche wono imbeka. Na ingawa wakuhulika, waleche hulika wala kumanya. ¹⁴ Unabii wa Isaya watimiya kwawo, "Hono mulihulika muleche hulika, ninga kwa vyovyose simulamanya; mapango gono mukuwona musumewona, ninga kwa namuna yoyose ilya mulemanya. ¹⁵ Ne mitima ye wanhu awa yanza mititu, ni vikamu hulika, na wafufuniza meso gawo, ili waleche wona kwa meso gawo, au kumanya kwa mitima, nhayiyo wandi waphituchile kanhi, na nandi niwanoje'. ¹⁶ Bali meso genyu malugutizwe, ku soko gakuwona ne makutu genyu ku soko gakuhulika. ¹⁷ Mbeka niliwalonjela manabii wenji ne wanhu wono wena ihaki wandi wena hamu ya kuwona mambo gala gono muligawona, na siwakasuma gawona. Wakasulumila hulika mabo gala gono muligahulika, siwakagahulika. ¹⁸ Alu muhulichize mfano wa mupanzi. ¹⁹ Mapango gogose honoakuhulika nhani yo utemi na atechemanya, ndipo muovu akuza na kuchinyakuwa chono cha kondya panhwa mugati ye mutima wakwe. Ai ni mbeyu ilya yono ipanhigwe muphelo ye nzila. ²⁰ Mwene yono apanhigwe mumabwe ni yulya yono akuhulika nhani na kuibochela mbelambela kwa nyemo. ²¹ Akali asina midela mugati yakwe, ila akuvumiliya mapango mafupi. Mapango we matatizo au mateso hono ga kuza ku soko ye nhani akikobaza. ²² Yono apanhigwehagati ye miti ye mimiya, ayu ni yulya yono akuhulika nhani ninga magaziko ye isii na ukonji wo ugoli ulilisonga ayila inhani ileche lela mana. ²³ Yono ipanhigwe muulongo muswanu, yuyo ni yulya yonoakuhulika inhani na kumanya. Ayu ni yulya yono akulela mana na kubitilila lela monga zaidi ya magana, yinji makumi mutandatu, yinji makumi madatu." ²⁴ Yesu akawapela mfano yunji. Akutya, "Utemi wo kuulanga winhwanile na munhu yono akapanha mbeyu swanu mu ugunda wakwe. ²⁵ Ninga wanhu wakasinzila, adui wakwe akakuza akapanha mabalwe hagati ye ngano hodu akabita. ²⁶ Hanyuma ingano ikichindika na kulavya mazao yakwe, baho mabalwe gakakijela. ²⁷ Ne watumami wa munyamugunda wakaza wakamulonjela, "Muwaha, ukapanha mbeyu swanu muugunda wako? Yanza ule kanyi mogali maguyu? ²⁸ Akawalonjela, adui anozize ali.' Ku soko yiyo ulisaka chibite chikakule?" ²⁹ Munya muguda akatya," Aa, mapango gono mulikagula mabalwe mokula hamonga ne ngano. ³⁰ Mugalekaje gawahape hamonga mupaka mapango ge nhwanga. Mapango ge nhwanga nilalonga ne wavunaji, "Mulongole gakula magugu na kugawopa matita na muganyanye, ninga mulundiche ngano mwigala lyangu" ³¹ Kisha Yesu akawalavivya mfano unji. Akalonga, "Utemi wa kuulanga wihwanile ne mbeyuye haradali yono munhu akaisola na kupanha muugunda wakwe. ³² Mbeyu ayi kwa mbeka ni ndolo kuliko mbeyu zinji zose. Ninga hono ikuwahapa ikweza mbaha kuliko mimeya yose ye bustani ikweza muhichi, chiasi che zindeje cha kuchanya kuza na kuzenga vitunhuli mumanhambi gaye". ³³ Akawalonjela mufano unji kanhi." Utemi wa kuulanga hina chachu ayila yonoikadinhulwa ne wechikulu na kuihanzahanza ne vijelo vidatu vyo usaje mupaka viumuche. ³⁴ Gago gose Yesu akagalonga mumumati kwa mifano. Na kusina mifano siakalonga chochose kwawo. ³⁵ Ayi yonoyandi yina zono ilya yandi yakondya longa kukolela ukwa nabii chisume timiya, ahalya hono akatya,"Nodigula mulomo wangu kwa mfano.Nolonga mambo agale gonogandi mahundiche kwanziza ulongozi we nzee". ³⁶ Hodu Yesu akawaleka makutano na kubita kukaya. Wanafunzi wakwewakamubitila na kulonga, "Chifafanuliaje mfano we mabalwe ga kumugunda". ³⁷ Yesu akawabitula na kutya, Yono apanhile mbeyu swanu ni mwana wa Adamu. ³⁸ Muganda ni nzee; na mbeyu swanu, awa ni wana wo mutemi. Mabalwe ni wana wa yulya mubii, na adui yono apanhile ni ibilisi. ³⁹ Na nhwaga yo udumilizo we nzee, na wavunaji ni malaika. ⁴⁰ zono yinha mabalwe zonogakulundikwa na kunyanywa no moto,nhavivyo zonoikayinha muwidumilizo we nzee. ⁴¹ mwana wa aamu atatuma mataka wakwe na kulundika kutawilita mu utemi wakwe mambo gose gonogasababisha izambi na walya wonowakituma ubii. ⁴² watawataga wose mwitanulu iyo moto,kono kutakochili chililo na kusaga meno. ⁴³ ndipo wanhu wono wenaihaki walang'atata hinaizuwa mu utemi wo sogo yawo. mwene yonoena makutu na ahuliche. ⁴⁴ utemi wa kuutanga hina hazina yonoihundichwe kumugunda.munhu akaiwona na kuihundika.mu nyemo yakwe akabita guzo nyose nyono andiena navyo,na akagula mugunda. ⁴⁵ kanhi utemi wo kuutanga hina munhu yonoakunaza biashara akusaka ilulu yonoina samani. ⁴⁶ mapango akaiwona yonoyina samani,akabita guza kita chinhu chonoandi ena nacho na akaigula. ⁴⁷ utemi wa kuutanga hina nyavu yonoilimugati ye bahari,na kwamba huzola viumbe vya kila aina. ⁴⁸ zonoukamema wavuvi wakaukwega ufukweni kisha wakakikala hasi wakalundika vinhu viswanu mu viya,ninga vyono visina samani vikatagwa kutali. ⁴⁹ inkanhayi muudumilizo we sii.malaika walaza na kuwabagua wanhu wabii kulawilila hagati ya wono wena ihaki. ⁵⁰ na kuwataga mugati mwelitanulu lyomoto,ambako kutakwina vililo na kusaga meno. ⁵¹ mwamanya mambo gose gano? wanajunzi wakamupituta, "heya". ⁵² kanhi yesu akawalonjeta,"kila mwandishi yonoanza mwanafunzi wa utemi ehwanile na munyakaya yonoalilavya muhazina yakwe vinhu vipya na vye katali". ⁵³ hono yesu akamala mifano yose yiyo,akauka musehemu yiyo. ⁵⁴ kanhi yesu akajika mumkosa wakwe na akawafunda wanhu mwisinagogi.matawililo gaye wakamushangaa na kutya,"hayi munhu ayu akatuga ihekima ayi na miujiza ayi?. ⁵⁵ munhu ayu siyo mwana wa selemani? mariamu siyo nyinayakwe? na ndugu zakwe siyo yakobo,yusufu,saimon naa yuda? ⁵⁶ na walumbuze china nawo iheta? hodu munhu ayu agatuga hayi aga gose?" ⁵⁷ Akawanoza. Ninga Yesu akawalonjela, "Nabii sakosaga kuwa na heshimu isipokuwa kwawo na musii yawo. ⁵⁸ Na sakusuma noza miujizini ku soko wandi wasina wihuwilo na mwenecho.

¹ Mumapango gago, Herode akahulika nhani juu ya Yesu... ² Akawalonjela watumami wakwe, "Ayu ni Yohana mbatizaji afufuka kulawilila mono wafyiye, ku soko vilungo avi vilimuchanya yakwe" ³ Ku soko Herode andi amubata Yohana akamuwopa na kumutaga migelezaku soko ya Herodia ,muchekulo wa Filipi muwaha wakwe. ⁴ Ku soko Yohana akamulonjela, "Siyo halali kumusola mwene enze muchekulu wakwe". ⁵ Herode anda muwalaje lakini akawadoda wanhu ku soko wakamuona Yohana zono nabii. ⁶ Ninga mapango isiku yo kulelwa Herode zono ikafika muhiza wa Herodia akavina hagati ye wanhu na kumwendeza Herode. ⁷ Soko yo kupitula chilya akamwahidi kwa chiyapo zono akumupela chochose chono alalomba. ⁸ Baada ya kushauliwa no nyina yakwe, akatya, "Mhele nene ahano mwikombe mutwe wa Yohana Mubatizaji". ⁹ Mutani andi ne sikitiko kwa malombi go muhinza, lakini ku soko ye chiyapo chakwe, ku soko yo wose wono wandi muchokulya hamonga nayo akaamulu hamba ikusachigwa itumwe. ¹¹ Akatuma Yohana aletwe kulawilila mwigeleza. Ili ¹⁰ adumulwe mutwe wakwe na chikaletwa hachanya ye siniya na akapegwa muhinza na akachitengula ko nyina yakwe. ¹² Kisha wanafunzi wakwe wakakuza kuusola muwili ulya na kuuzika, baada ya ali wakubita mulonjela Yesu. ¹³ Naye Yesu zono akahulika oga, akakiwagula kulawilil sehemu ilya akapanda mugati ye mashua akabita isehemu yono itenjile. Mapango umati zono ukamanya hono alii, wakamutyatya kwa magulu kulawilila mujini. ¹⁴ Kanyi Yesu akaza hamwande yawo akauwona umati muwaha. Akawaonela lusungu na kuwanoja matamwa gawo. ¹⁵ Chinyamile chikafika wanafunzi wakakuza kwakwe na kulonga," Ai ni sehemu ye nyika, ne isiku yakondya puluta. Watawayaje makutano ili wabite kuvijiji wakagule ndigwa ku soko yawo. ¹⁶ Ninga Yesu akawalonjela," Wasina haja yo kubita. Muwapeleje nyenye zindigwa ". ¹⁷ Wakamulonjela, "Ahano china mikate mihano ne zisomba nyejete du"" ¹⁸ Yesu akatye,"Muiletaje kwangu". ¹⁹ Kisha Yesu akauamulu umati wikale hasi ye mahanza. Akasola mikate mihano ne zisomba nyejete. Alanga kuchanya kuulanga, akaulugutiza na kuubena mikate akawapela wanafunzi. Wanafunzi wakawapela umati. ²⁰ Wakalya wose na kwiguta. Kisha wakavilundika vipande vyose vye zindigwa na kumemya vitotot ikumi na nyejete. ²¹ Walya wono wakalya wakakadiliwa zono wachilume vigulu vihono kusina kuwawala wachichekulu ne wana. ²² Mara kamonga akawamulu wanafunzi wenjile mugati ye mashua, mapango gago gago mwene akawalaga umati wabite zawo. ²³ Baada ya kuwalaga umati wabite zawo, akapanda kuchanya mwigongo kulomba aliyene, Mapango ge chinyamihe andi kuko aliyene. ²⁴ Ninga kwaha mashua hono yandi hagati ye bahari ikiyumba yumba ku soko ye mawimba, kwani mbeho yandi ya mupisho. ²⁵ Ku chilo che zamu ye kane Yesu akawasejela, akujenda kuchanya ye malenga. ²⁶ Mapango wanafunzi wakwe zono wakamuwona akujenda kuchanya ye bahali, wakadoda na kutya," Ni muzuka", na kuyowa mazii ku hali yo udodi. ²⁷ Yesu akawalonjela mara kamonga, akutya," Mwipelaje mutima! yo nene muleche doda". ²⁸ Petelo akamupitula kwa kutya, "Muwaha, nhono ni gwegwe, nizimulu nize kwako kuchanya ye malenga". ²⁹ Yesu akatya, "Uzee". Hivyo Petelo akauka mugati ye mashua na akajenda muchanya ye malenga kubita kwa Yesu. ³⁰ Ninga Petelo azawona mawimbi, akadoda, no kwanza nwila, hasi, akachema lizii na kutya, "Muwaha mbokowaje!" ³¹ Mbelambela Yesu akagolosa muhoko wakwe akamwinusa Petelo, na kumulonjela," Gwegwe yonowina wihuwilo mudodo, Nhaule wandiwina mashaka?". ³² Ndipo Yesu na Petelo wakakwinjila mumashuwa, mbeho ikaleka vuma. ³³ Wanafunzi mashuani wakamuhemba Yesu na kutya, "Kweli gwegwe ni mwana wo Mulungu". ³⁴ Na honowakamala vuka, wakafika musii ya Genesareti. ³⁵ Ne wanhu mwi eneo lilya zono wakamumaya Yesu, wakatuma ujumbe kila sehemu za muphelo na kuleta kila yono andi atamichi. ³⁶ Walimusii zono wakusuma pamya lipindo lyo mwenda wakwe, na wenji wono wakapamya wakapona.

¹ Hodu mafarisayo ne waandishi wakazaga kwa Yesu kulawilila Yerusalemu. Na kutya, ² "Cho chichi wanafunzi wakugaviza mabochelo ge wakombi? Ku soko siwalikizuguza mawoko gawo wono wakulya zindigwa". ³ Yesu akawapitula na kuwalonjela, "Nanye nhaule mukuviza isheriya yo muwaha ku soko ge mabochelo genyu? ⁴ Ku soko Mulungu akatya, 'Muheshimu sogo yako na nyina yako; 'Yono akutya ubii wo sogo yakwe na nyina yakwe, halika alafya.' ⁵ Ninga anye mukutya,' kila yonoakumulonjela sogo yakwe ne nyina yakwe, "Kila musada wono andi atuje kulawilila kwangu kwaha ni zawadi kulawilila ko Mulungu''' ⁶ "Munh yuyo asina haja ya kumuheshimu sogo yakwe. Munawuna ayii mwakidumla nhani ya Mulungu ku soko ye mabochelo genyu. ⁷ Anye wanafiki, ni vswanu zono Isaya akatabili kuchanya nyenyu hono akatya, ⁸ Wanhu awa waliheshimu nene kwa milomo yawo, ninga mitima yawo ilikutali nane. ⁹ Wakuhemba bwete, ku soko wakufunda mafundo gono malajilizo ge wanadam.'' ¹⁰ Hodu akawachema makutona na kuwalonjela", muhulizize na mumanye_ ¹¹ Kusina chinhu chonochikwinjila mumulomo mwa munhu na kumonaza najisi. Bali chilya chono chikulawilila mumulomo, achindicho chikumunoza munhu ee najisi". ¹² Hodu wanafunzi wakamubitila na kutya na Yesu, "Je! umanyile mafarisayo zono weze hulika ilya inhani wakakwazika?" ¹³ Yesu akawabitula na kutya, "Kila mumea ambao sogo yangu wa kuulanga wono saupanile wokulwa. ¹⁴ Muwaleche waliyene, wawo ni viongoza wabofu. Hono munhu mubofu alamulongoza mubofu muyagwe, wose wejete walagwa mwikombo." ¹⁵ Petelo akamupitula na kumulonjela Yesu", Chielezeaje mufano au kwetu, ¹⁶ Yesu akamupitula, "Nyenye nanye mukali simulikumanya?. ¹⁷ Anye simuliona zono kila chono chikubita mumulomo chkukola mundaa na kubita kucholoni?. ¹⁸ Lkini vinu vyose vyono vikulawilila mumulomo vikulawilila mugati yo mutima. Ndivyo vinhu vikumutajila munhu unajisi. ¹⁹ Ku soko mumutima gakulawilila mahweso mabii, uulaji, izinzi, uasherati, uhizi, ushaidi wo ulambi, na maligo. ²⁰ Gago ndiyo mambo gono gakumupela munhu unajisi. Lakini kulya bila kizuguza mawoko sigakumunoza munhu e najisi". ²¹ Hodu Yesu akauka isehemu ilya na akakiwagula kubita pande za muji wa Tiro na Sidoni. ²² Lanje akaza wachichekulu mukani kulawilila pande ziz. Akayowa lizii akutya, "Hulumiaje, muwaha, mwana wa Daudi, muhinza wangu akuteswa sana ne lipepo". ²³ Ninga Yesu sakamupitula lyolyose. Wanafunzi wakwe wakakuza musihi, wakutya,"Muusaje abite, soko alichizozeza". ²⁴ Yesu akawapitula na kutya, sighatumwa ko munhu yoyose isipokuwa kwe zinholo zoo zajiliye ze kaya Israeli". ²⁵ Ninga akaza na kugundama hamwande yakwe, akutya" Muwaha unhaze". ²⁶ Akamupitula na kutya, " Siyo viswanu kusola ndigwa ye wana na kuwatajila izimbwa", ²⁷ Akatya, "Ndiyo, Muwaha, hamba nhavivyo izimbwa zikuliza ndigwa zono zigwiye mumeza yo muwaha wawo". ²⁸ Hodu Yesu akapitula na kutya "Muchekulu wihuwilo wako ni muwaha. na inozwe kwako zono ukusaka ". Na muhinza wakwe andi apaonywa mu mapango gago. ²⁹ Tesu akauka sehemu ilya na kubita behi ne bahari ya Galilaya. Kisha akabita kuchanya yeligongo na kwikala kuko. ³⁰ Likundi liwaha likakuza kwakwe. Na kumuletea viwete, wabofu, bubu vilema na wanji wenji, wono wandi watamiche. Wakawatula mumagulu ga Yesu na akawaponya. ³¹ Nao umati wakashangaa zono wakawona mabubu wakulonga, na vilema wakunozwa waponile, viwete wakajenda, na wabofu wakuchetya. Walimusifu Mulungu wa Israeli. ³² Yesu akawachema wanafunzi wakwe na kutya," Nawaonelea usungu umati, ku soko wandi nane kuisiku idatu bila kulya chinhu chochose. Sinhuwalaga wabite kwawo bila kulya, waleche zilika munzila". ³³ Wanafunzi wakwe wakamulonjela, "Hayi chosuma tuga mikate yono ikondize ahahanyika kuwagutya umati muwaha nhayi?" ³⁴ Yesu akawalonjela, "Mwina mikate milingi?" Wakatya,"Mupughati, ne zisomba ndondo nhefu". ³⁵ Yesu akawamulu umati wikale hasi. ³⁶ Wakadinhula ilya mikate mupughati ne zisomba na baada ya kulumba, akabegula na kuwapela wanafunzi. Wanafunzi wakawapela umati. ³⁷ Wanhu wose wakalya na wakakiguta. Na wakalundika wono usigaye vipande vye zindigwa vinovisigaye vipande vipande, vikamema vitoo mupughati. ³⁸ Wose wono wakalya wandi wechilume vigulu vine bila wachekulu ne wana. ³⁹ Kisha Yesu akaulaga umati wabite na akakwijila mugati ye mashua na kubita sehemu ze magadoni.

¹ Mafarisayo na Masadukayo wakamuziza na kumujela Yesu awalajile ishara yonoikulawilila kwianga. ² Ninga Yesu akawapitula na kuwalojela zono "Hono ye chinyamile mukutya hali ye hewa ni swanu, ku soko anga iduhu. ³ Ne chimatondo mukutya 'Hali ye hewa ye lulu siyo swanu, ku soko anga iduhu na mavunde gaigubichize anga lose, mumanyile kutafsili wijele we anga, lakini simulisuma tafisili ishara ye mapango. ⁴ Chizazi chiovu na cho uzinzi chikusaka ishara, lakini kusina ishara yoyose chono chilapegwa, isipokuwa ilya ya Yona. Hodu Yesu akawaleka na akabita zakwe. ⁵ Wanafunzi wakakuza mphelo ye kejete, lakini wandi wasemwa sola mikate. ⁶ Yesu akawalonjela "Mihazali na mwenze makini ne cahu ya Mafarisayo na Masadukayo". ⁷ Wanafunzi wakakiuza hagati yawo na kutya " Ni ku soko sichikasola mikate". ⁸ Yesu akamanya hilo na kutya, "Anye yonomwina uhuwilo mudodo, ku soko chi mwehwesa na mwelonjela hagati yenyu na kutya ku soko simukasola miakate? ⁹ Alu mukali simulimanya wala simulikumbuka ilya miakate mihano kwa wanhu vigulu vihno, ne vitoto vilinga vyono mukalundika? ¹⁰ Au mikate mupugati kwa wanhu vigulu vinne, ne vitoto vilinga mukasola? ¹¹ Iliule zono hamba simulimanya zono nandi sinilonga nanye juu ye mikate? Mwitunzaje na mwihazaki ne chachu ye Mafarisayo na Masadukayo." ¹² Hodu wa kamanya zono siyakuwalonjela juu ya kujihazali ne mikate yono ina chachu, bali kwihazali ne mafundo ge mafarisayo ne masadukayo. ¹³ Mapango Yesu zono akafika sehemu ze kaisari ye filipi, akawauza mwanafunzi wakwe, akutya," wanhu wakutya zono mwana wa munhu nani? Wakatya, ¹⁴ "Wenji wakutya zono uli Yohana mbatizaji; wanji Eliya na wanji Yeremia au mumonga we manabii. ¹⁵ Akawalonjela, nanye mukutya nene nani? ¹⁶ Akamupitula, Saimoni Petelo akatya, "Gwegwe ni Kristo mwana wo Mulungu yono mumii" ¹⁷ Yesu akamupitula na kuwalonjela," Wabalikiwa gwe, Saimon Bar Yona, ku soko sakami ne nyama sivikugubuliye ali bali sogo yangu wo kuulanga. ¹⁸ Nane kanhi nhukulonjela zono agwe ni Petelo, na kuchanya ye libwe ali nilalizenga likanisa lyangu. Malango go kuzimu sigalalisuma. ¹⁹ Nokupela gwegwe zifunguo zo utemi wo kuulanga. Chochose chono uladinda munzee chila chadindwa kuunga, na chochose chono ulawopolaa munzee chilawopolwa na kuulanga." ²⁰ Kanyi Yesu akawamulu wanafunzi walechimulonjela munhu yoyose ku soko mwene andi ni Kristo. ²¹ Kulawa mapango gago Yesu akakwaza kuwalonjela wanafuunzi zono lazima abite Yerusalemu, kuteswa kwa mambo menji mumawoko ge wanzehe ne wawaha we makuhani ne waandishi, kuulagwa na kufufuka isiku ye kadatu. ²² Kanhi Petelo akamusola Yesu kumhelo na kumukalipia, wa kutya, "Lijambo ali na lyenze kutli nagwe, muwaha, ali lileche kijela kwako. ²³ Ninga Yesu akapituka na kumulonjela Petelo, "Wuye kunyuma yangu shetani! Agwe ni chizuizi kwangu, ku soko siulijali mambo go Mulungu, bali mambo ge wanadamu." ²⁴ Kanhi Yesu akawalonjela wanafunzi wakwe, "Hina munhu yoyose akusaka nhyata nene, ni lazima eleme mwenecho, ausole musalaba wakwe na anonde. ²⁵ Ku soko yono alisaka kuyawokowa maisha gako alagajiliza, na kwa yoyose yono aligajiliza maisha gakwe ku soko yangu alagawokowa. Alu! ni faida chi yonoalatuga munhu akutuga inzee yose lakini akakwajiliza maisha gakwe? ²⁶ Alu! ni chinu chi chono alalavya munhu katika kubadilishana ne maisha yakwe? ²⁷ Ku soko Mwema wa Adamu alaza muutukufu we sogo yakwe na malaika wakwe. Nayo alamulipa kila munhu kulingana ne matumo gakwe. ²⁸ Mbeka nhuwalonjelenyi kua baazi yenyu wono mwimile hano wono siwalajezaa litya wazewamuwone Mwana wa Adamu akuza mu utemi wakwe.

¹ Siku mutandatu baadaye Yesu akawasola hamnga nayo Petelo, na Yakbo, na Yohana nduguye, na akawasola mupaka kuchanya ye ligongo litali wawo wenecho. ² Akabadishwa hamwande yawo. Uso wakwe ukang'alala hina izuwa, na myenda yakwe zikejela ziling'alala hina uzelu. ³ Lanje, ahala wakatokeya Musa na Eiya wakulonga nayo. ⁴ Petelo akamupitula na kumulonjela Yesu, "Muwaha, ni viswanu kwetu sese chechilibaha ahano, Nhono usumile, nozenga ahano vibanda vidatu. Chimonga chako, na chimonga ku soko ye Musa, na chmonga ku soko ya Eliya". ⁵ Mapango akulonga, lanje livude lizelulikawagubika chibeho, na anje, ikalawila izii kulwa mu mavunde, ikuya, "Ayu ni mwanangumwendeche yonohwendezwa nayo. Mumuhulikaje mwenecho". ⁶ Wanafunzi zono wakahulika gago, wakagwa chifudifudina wakakuogopa hawanha. ⁷ Kanhi Yesu akakuza akawapanya na kutya, "Mwinukaje wala muleche kogopa". ⁸ Nawo wakakwinula nyuso zawo kuchanya ninga siwakamuwona munhu isipouwa Yesu aliyene. ⁹ Na honowatimaga mwigongo, Yesu akawalonjela, akutya, "Muleche lavya ihabari ye maono mupaka Mwana Adam atakapofufuka kulawilila mono wafyiye". ¹⁰ Wanafunzi wakwe wakamuuza, wakutya, "Nhaule waandishi wakutya zono Eliya alaza kwanza? ¹¹ Yesu akawapitula na kutya, "Eliya alaza kweli na aagomola mambo gose. ¹² Ninga nhuwalonjelenyi nyeye, Eliya akondya kuza, laini siwakamumamya. Badala yakwe, wakamunozeza mambo gono wakusaka wene. Na avi vyo vinha mwana wa Adam alateswa mumawoko gawo". ¹³ Hodu wanafunzi wakamanya zono andi longa zihabari za Yohana mbatizaji. ¹⁴ Zono wakafika mu umati we wanhu, munhu mumonga akamubitila, akafugama hamwande yawe na kumulonjela, ¹⁵ "Muwaha, umuwonelaje mwanangu usungu, maana ena chinzilisa na kugazika hawaha. Ku soko mara kenji hugwa mu moto au mu malenga. ¹⁶ Nghamuleta ku wanafunzi wako, lakini siwakasuma muponya. ¹⁷ Yesu akamupitula akutya, "Anye chizazi chono sichikwamini na chono chihalibiche, nokikala hamonga naye mupaka nile? Nowa vumiliyenyi mupaka nili? muletaje kwangu" ¹⁸ Yesu akamukemea, na lipepo likauka. Muzelelo akanoga tangu isaa ilye. ¹⁹ Kisha wanafunzi wakamuziza Yesu chinyele na kumuuza, "Ku soko chi sichasuma kumufukuza?" ²⁰ Yesu akawalonjela, "Ku soko ye wihuwilo wenye mudodo. Kweli nhuwalonjela, nhono mwina uhuwilo hamba mudodo nhina phunje ye mbegu ye haradali, mo suma lilonjela ligongo ali, hami kulawilila aha ubite kulya, nawo wohama na kulakusina chinha chochose zono chilafuta kwenyu. ²¹ (Zigatieni: Manene go muchilili wa 21 "Lkini, akina ayi ye lipepo siikusumikana kulawilila, ila kwa mawombi na kufunga" sigali kijela mu nakala swanu zekatali). ²² Mapago wakali Galilaya, Yesu akawalojela la wanafunzi wakwe, "Mwana wa Adam alawikwa mu mawoko ge wanhu. ²³ Na walamuulaga, na isiku ye kadatu alafufuka." Wanafunzi wakahuzunika nhawaha. ²⁴ Nawo wazafika kapenaumu, wanhu wono wakukusanya ikodi ya nusu shekeli wakamubitla Petelo na kutya, "Alu mwalimu wenyu akulipa ikodi ye nusu shekeli?" ²⁵ Akatya, "Heya" Lakini Petelo akawinjila mugati ye kaya, Yesu akalonga na Petelo kwanza na kutya, "ulikwihwesa chi saimon? Watemi we nzee, hubochela ikodi au ushulu kulawilila kwa nani? Ko walya wono wakuwatawala kulawilila ku wajenzi? ²⁶ Ne mapango Petelo akatya, "Kulawilila ku wajenzi" Yesu akamulonjela, hivyo wono walitawaliwa wauswa mu ulipaji. ²⁷ Ninga chileche wanoza wadaya ushuru wetume ubii, bite kubahali, taje indoano, na uisole isomba yono ika ya kwanza. Baada ya kuudigula mulumo wakwe, kokwagana mulya shekeli monga. Isolaje na uwapele wono wa kudaya ushuru ku soko yangu na gwegwe.

¹ Mapango gago wanafunzi wkaza kwa Yesu kumulonjela, 'Ni nani yono muwha mu utemi wo kuulanga?" ² Yesu akamuchema mwana mudodo, akamuwika hagati yawo, ³ na kutya, Kweli nhuwalonjelenyi, hono muleche tubu na kwahwena zono wnaa wadodo simosuma kwinjila mu utemi wo mulingu. ⁴ Hivyo vyose akitimiya hina mwana mudodo, munhu zono yu ni muwaha mu utemi wo kuulanaga. ⁵ Na yoyose yono akumubochela mwana mudodo kwe tagwa lyangu akumubochela nene. ⁶ Ninga yoyose yonoakusababisha mumonga hagati ye wadodo awa wonowakunyamini kuasi, yo viswanu kwa munhu yuyo ibwe iwaha lyo kusajili liwopwe mushingo yakwe na kuzamishwa hii kuchilindi che bahali. ⁷ Ole kwa nzee ku soko ye mapango go kukwaza! ku soko kusina budi kwe mapango gago kuza, ila ole kwake ko munhu yulya mapango gago gatakuja ku soko yakwe. ⁸ Nhono muwoko wako au magulu wako, hono ukusababishe kukwazika, udumile na uutaje kutali na gwegwe kwinjila muumi wawina usina muwaoko au chilema, kuliko kutagwa mumoto we chibitilila wewina na mawoko gose au magulu gose. ⁹ Nhono liso lyako lilikukwaza, likulaje na ulitaje kutali magwegwe. Ni viswanu zaidi kwako gwegwe winjile muumi na liso limonga, kuliko kutagwa mumoto wechibitilila we wina meso gose. ¹⁰ Mulanje kwamba muleche kuza muzalau mumonga we wadodo awa. Ku soko nhuwalonjelenyi kuulanga ko wali malaika wawo zisiku zose wakuulanga uso wo sogo yangu wa kuulanga. ¹¹ (Zingatiye: Maneno gono galikijela hina mchili wa11" Ku soko mwana wa Adamu akaza wokowa chilya chonochajiliye" Sigekejela mu nakala swanu ze katali). ¹² Mulikihwesa chichi? Nhono munhu ena nholo magana ikumi na monga, na mumonga wawo akakwinjila, Alu sakuzileka makuumi ichenda na ichenda mwi gongo na kubita musaka mumonga yono ajiliye? ¹³ Na alakondya mutuga, kweli nhuwalonjelenyi, akumusechelela kuliko walya makumi chenda ne chenda wono siwajiliye. ¹⁴ Vivyo hivyo, wendeche wa sogo yenyu wa kuulanga zono mumonga wa wadodo awa aangamiye. ¹⁵ Hono nduguyi akukosese, bite kamulaje odosali yono ilibaho hagati yako na mwenecho akiwa peke yakwe. Nhono akhulizize, ukawa wakondya mugomola nduguyo. ¹⁶ Ninga hono aleche kuhuliziza, musola je nduguyo mumonga au wejete zaidi hamonga nagwe, ku soko kwe vilom ye mashahidi wejete au wadatu kila ineno likusuma zabitishwa. ¹⁷ Na hono akupuuziye kuwasikiliza, lilonjelaje likanisa jambo lilo, hono apuuze nhavivyo kulihuliziza likanisa, hodu na anze hina munhu we mataifa na mubochela ushulu. ¹⁸ Mbeka nhuwalonjelenyi, chochose chilya chono mulachiwopa munzee na kuulanga chilawopwa, na chochose chono mulachiwopola munzee na kuulanga chilawopolwa. ¹⁹ Kanhi nhuwalonjelenyi zono hina wanhu wejete hagati yenyu wakilumbya juu ya jambo lyolyose munzee lyono wakulomba, lilo sogo yangu wa kuulanga alalinoza. ²⁰ Ku soko wejete au wadatu walakikusanya hamonga kwe litagwa lyangu, Nene nilibaho hagati yawo. ²¹ Kanyi Petelo akakuza na kumulonjela Yesu "Muwaha, ni mara kalinga ndugu yangu hono asutize nane nimunenele? Hamba mara mupughai?" ²² Yesu akamulonjela, "sinilikulonjela mara mupughati, lakini hamba makumi mupughati mara mupughati. ²³ Ku soko yiyo utemi wa kuulang ni hina na mutemi fulani yono akasaka sahihisha hesabu kulawilila ko muwanda wakwe. ²⁴ Akakwanza sahihisha hesabu, muwanda mumonga akaletwa kwakwe ambaye amudayaga talanta vigulu ikumi. ²⁵ Ku soko andi asina nzila ye kulipa, muwaha wakwe akajaliza aguzwe, muchekulu wakwe hamonga ne wana wakwe na kila chinu chono aliena nacho ne malipo ganozwe. ²⁶ Hivyo muwanda akagwa akafugama hamwande yakwe akutya muwaha wenzee na uvumilvu hamonga nane, na nokulia kila chinu. ²⁷ Hivyo muwaha wa yulya muwanda, ku soko akasukumwa hawaha na usungu akamulechela na kumunenela ligawa lilo. ²⁸ Ninga muwanda yulya akauka na akamutya mumonga kati ye wanda wayagwe, yono amudayaga dinari igana. Akamuwega, akamunyonga musingo na kumulonjela ndipaje chilya chono nhukudaya. ²⁹ Ninga muwanda muyagwe akagwaa na kumusihai hawaha, akutya wenzee na uvumilivu nane nokulipa.' ³⁰ Ninga yulya muwanda wo kwanza akaleama Badala yake akabita na kumutgaa mwigereza mupaka aze amulipe chila choo alimudaya. ³¹ Na zono wakawona waanda wayagwe chilya chono chatokeya. Wakasikitishwa hawaha. Wakakuza na kumulonjela muwaha wawo kila chinu chono chitokeye. ³² Hodu ayula muwaha wo muwanda yulya akamuchema na kumulonjela Agwe muwanda muwovu nhakumenela agwe ligawa lyangu lose ku soko ukanisihi hawaha. ³³ Alu! siukasachigwa we wina usungu kwa wawanda wayogo, zono ne nhakuonela usugu gwegwe?. ³⁴ Muwaha wakwe akakasila na kumukabiza kwa walya watesaji mupaka zono alalipa chiasi chose chono andi daigwa. ³⁵ Nhayiyo sogo yangu wo kuuulanga alawa nozeza, zono kila mumonga wenyu yono sialamunenela nduguye kulawilila mumutima weyu.''

¹ Ikejela mapango Yesu zono akamala makani gago, akauka Galilaya na akabita mupakani mwa Yudea hamwande ye likolongo lyo Yordani. ² Umati muwaha wamutyatya na akawanoja kuko. ³ Mafarisayo wakamuziza wakamujela wakamulonjela Alu ni halali kwa munhu kumuleka muchekulu wakwe ku soko yoyose? ⁴ Yesu akapitula na kutya simukasoma kwamba mwene yono awaumbile mwanzo akawaumba mulume na muchekulu? ⁵ Na kanhi akatya, ku soko yiyo wechilumu komuleka sogo yakwe na nyina yakwe na kwinamichiza na muchekulu wakwe, nawo wejete wala mwili mumonga? ⁶ Nhayiyo siyo wejte kanhi bali muwili mumonga. Basi chilya chono achiunganishe mulung munhu yoyose aleche chitunganisha.'' ⁷ Wakamulonjela, Sasa kwanini Musa akawaamulu kulavya ihati ye talaka na kumuleka? ⁸ Akawalonjela Kwa ukamu mitima yenu Musa akawamulu kuwaleka wachekulu wenu lakini tangu mwanzo siyandi nhayiyo. ⁹ Nawalonjelenyi kwamba yoyose yono alamuleka muchekulu wakwe isipokuwa ku soko yo uzinzi na kutola yunji amezini. Na mulume yono alamutola muchekulu yono alechigwe amezini.'' ¹⁰ Wanafunzi wakamulonjela Yesu hono nhayiyo ko mulume no muchekulu, siyo viswanu kutola. ¹¹ Ninga Yesu akawalonjela siyo kila munhu akasuma bochela mafundo gano bali ni ko walya du wono waruhusigwe kubochela. ¹² Ku soko walibaho matoashi wono wakalekwa kulawilila muzindaa ze wanyina zawo. Na vilevile kawali matoasi wono wazigwe ne wanhu. Na kowali matoshi wono wenozize matoashi ku soko yo utemi wo kuulanga. Yono akusuma bochela mafundo aga na agabochelaje". ¹³ Kisha akaletelwa baadhi ye wana wadodo ili awwichile mawoko kuchanya yawo na kulamba, lakini wanafunzi wakwe wakawakalipila. ¹⁴ Bali Yesu akatya Muwaruhusu wana wadodo wala mulechewagona kuza kwangu, ku soko utemi wa kuulanga ni wa wanhu zono wawo. ¹⁵ Nayo akawika mawoko gakwe kuchanya yawo, Kisha akauka baho. ¹⁶ Lanje munhu mumonga akakuza kwa Yesu na kutya, Mwalimu ni chinhu chi chiswanu chono nhusachiwa nichinoze ili nhuje umii we chibitilila? ¹⁷ Yesu akamulonjela kusoko chi ulinuza ni chinhu chi swanu? Hoyuli mumonga du yono muswanu lakini hono ukusaka kutuga umi, ibataje zisheriya zo Mulungu". ¹⁸ Yulya munhu akamuuza, Ni sheriya zahayi Yesu akatya lecheulaga lechezini lechehiza lecheshuhudiya ulambi, ¹⁹ Waheshimu sogo yako na nyina yako, na mwende jirani yako hina mutima wako". ²⁰ Munhu yulya akamulonjela Mambo gose gago nimeyeti Nhali husaka chichi? " ²¹ Yesu akamulonjela, Hono ukuaka we mukamilifu, bite, ukaguze vyono wina hazina kuulanga. Kisha unzee unhyate". ²² Ninga muzelelo yulya zono akahulika galya Yesu gono akamulonjela, akauka kwa huzuni, ku soko andi amilikia mali nyinji. ²³ Yesu akawalonjela wanafunzi wake, "Kweli nhuwalonjelenyi, ni vikamu ko munhu tajili kwinjila mu utemi wo kuulanga. ²⁴ Kanhi nhuwalonjelenyi hapelu ngamia kukoka mwitobo lye sinyani, kuliko kwa munhu tajili kwinjila mu utemi wo Mulungu" ²⁵ Wanafunzi wazahulika nhayiyo, wakashanga hawaha na kutya, Wa hayi basi yono alawokoka?. ²⁶ Yesu akawalanga na kutya, "Kwa wanadamu lilo silikuwezekana, lakini kwa Mulungu gose gakuwezekana". ²⁷ Kisha Petelo akamupitula na kumulonjela" Lanje, cha leka vyose na kukutyatya gwegwe Ni chinhu chi chotuga?" ²⁸ Yesu akawalonjela, "Kweli nhuwalonjelenyi, mwene yono anhuyatize nene, muuzao mupya mapango Mwana wa Adamu hono elekala mwigoda lye enzi lyo utukufu wakwe, nanye kahi mule kala kuchanya. He magoda ikumi na yejete vya enzi, kuwahukumu makabila ikumi na mejete ge Israeli. ²⁹ Kila mumonga wenyu yono alechile ikaya, lumbulyakwe sogo, nyina, wana, au muguda ku soko ye litajwa lyangu, akubochela mara igana na kuurisi umii wechibitilila. ³⁰ Ninga wenji wono wo kwanza kwaha, wala wo mwisho, na wono mwisho wala wokwanza.

¹ Ku soko utemi wa kuulanga wihwenile na mumiliki wo mugunda, yonoekunuka nyamitondo ne mapema ili kwijili watumamililo mumuganda wakwe we zizabibu. ² Hanyuma zono wakakiluvya ne watumamimilo dinari monga kwa kutwa, akawatuma bita kumugunda we zizabibu. ³ Akabita kanhi baada ye masaa madatu hivi na akawaona wetumamilo wanji wandi wemile bila mulimo mwienewo lye soko. ⁴ Akawalonjela,' Nyenye nanye, mubite kumuwagunda wezizabibu na chochose chonochili halali nowapela ! Nhavivyo wakabita kituma mulimo. ⁵ Akabita kanhi baada ya masaa mutandatu na kanhi musaa ye chenda, akanoza nhayiyo. ⁶ Mara yinji kanhi munamo saa ikumi ne monga, akabita na kuwagana wanhu wanji wemile bila mulimo. Akawalonjela, 'Nhaule mwimile aha bila mulimo wowose mu siku nzima? ⁷ Wakamulonjela, ku soko chisina munhu yoyose yono achiajili. Akawalonjela "Nyenye nanye mupite kumugunda we zizabibu.' ⁸ Mapango ge chinyamihe gazafika, munya mugunda we zizabibu akaulonjela musimamizi wakwe,'wachemaje watumamilo na uwaopele mishahala wanza wo mwisho hadi walongozi'. ⁹ Zono wakakuza awala wono waajiliwa isaa ikumi na monga, kila mumonga wawo akabochela dihari. ¹⁰ Zono wakakuza wetuma milimo walongozi wakehwesa zono wobochela zaidi, ninga wakawabochela kila mumonga dinari monga kila munhu. ¹¹ Zono wakabochela malipo gawo, wakamulalamikiya mumiliki wo mugunda. ¹² Wakalonga, 'Awa wetumamilimo wo mwisho watumiye lisaa limonga dumu wituma milimo, ninga wawalinganisha na sese, ase chidinhuye muzigo kwa siku yose na kupye ne livuche'. ¹³ Ninga munya mugunda akapitula na kulonga kwa mumonga wawo,'Mulumbi muyangu, sinozize chinhu chibii. Je! sichiluvyize na nene kwa dinari monga? ¹⁴ Bochele achilya chono halali yako na ubite. Ni nyemo yangu kuwapela awa wetumamilo wono wajiliwe ku mwisho sawa sawa na gwegwe. ¹⁵ Alu! Si haki kwangu noze achila chono nilisaka ne mali zangu? Au liso lyako ni ubiii ku soko ane nilimuswanu? ¹⁶ Nhavi wo mwisho aka mulongozi na mulongozi yo womwisho" ¹⁷ Yesu alipokuwa akipanda kubita Yesrusalimu, akawasola wanafunzi wakwe ikumi ne wejete haphelo, na munzilaa akawalonjela, ¹⁸ "Mulanze chikubita Yerusalimu, na Mwana wa Adamu alawikwa mu mawoko ge wawaha we makuhani na waandishi. Walamuhumu ifya ¹⁹ na walamulavya mu wanhu we mataifa ili wamuzihaki, wamutowe na wamusulibisha. Ninga mu siku ye kadatu atazuka" ²⁰ Kanhi nyina ye wana we Zebedayo akaza kwa Yesu ne wana wakwe. Akafugama hamwande yakwe na kumulomba chinhu kulawilila kwakwe. ²¹ Yesu akamulonjela, "Ulisaka chichi?" Akamulonjela, "Amulu zono wano wanangu wejete wekale, mumonga muwoko wako wo kulume na mumonga wako wo kuchekulu mu utemi wako". ²² Ninga Yesu akamupitula na kulonga, "Sumayile chono ulilomba. Alu! ulisuma kunywela chikombe chono nochinywela?" Akamulonjela, "Chosuma". ²³ Akawalonjela, "Chikombe changu mbeka muchonywela. Ninga kucheka muwoko wangu wo kulume na muwoko wangu wo kuchekulu si jukumu lyangu kuwapela, ninga ni kwa wala wono wakondya andaliwa na sogo yangu". ²⁴ Wanafunzi wanji ikumi wazahulika gago, wakahuzunishwa wahawa na walya ndugu wejete. ²⁵ Ninga Yesu akawachema mwenecho na kuwalonjela, "Mumanyile zono watemi we mataifa huwaatiisha, na wawaha wawo wakutekelezwa mamulaka juu yawo. ²⁶ Ninga ileche nhayiyo kwenyu. Badala yake, yoyose yono alisaka e muwaha hagati yenyu lazima e mwitumami wenyu. ²⁷ N yono alisaka e wokwanza mugati yenyu lazima e mwitumami wenyu. ²⁸ Zono yina Mwana wa Adamu sakaza tumichilwa, bali kwituma, na kulavya umiwakwe kwa ukombozi wa wenji.'' ²⁹ Mapango wakawalawilila Yeriko, umati muwaha ukamulonda. ³⁰ Na wakawawona wabofu wejete wekaye muphelo ye barabara. Zono wakahulika Yesu alikola, wakayowa mazii na kutya, "Muwaha, Mwana wa Daudi, "chinolaje usungu". ³¹ Ninga umati wakawakaripila, na kuwalonjela munyamale. Hamba baho, wene wakayowa imazii na kutya, "Muwaha, Mwana wa Daudi, "chinolaje usungu" ³² Hodu Yesu akakwima na kuwachema na akawauza, "Mukusaka niwanozezenyi chichi?" ³³ Wakamulonjela, "Muwaha zono meso getu gadigulwe". ³⁴ Hodu Yesu, andi akwegwa ne lusungu, akagapamya meso gawo, mara yiyo wakabochela usumi wo kuwona na wakamutyatya.

¹ Yesu ne wanafunzi wakwe wakafika behi ne yerusalemu na wakabita mpaka Bethfage mwigonogo mizeituni, kanhi Yesu akawatuma wanafunzi wejete, ² akawalonjela, "Mubite mu chijiji chonochutya, na mara kamonga moyaganandogowe awopigwe halya, na inyana hamonga nayo. Muwawopolaje na kuwaleta kwangu. ³ Hono munhu yoyose hono walonjelenyi chochose kuhusu lilo, molonga, 'muwaha aliwasaka, na munhu yuyo mara kamonga alawaruhusu muze hamonga nayo" ⁴ Nhani ayi ikejela lyono likalongwa kukolela kwa nabii lazima litimiye. Akawalonjela. ⁵ Walonjela wahinza Sayuni, mulanje mutemi wako alikuza kwenyu, munyenyekezi na ala mupandile dogowe, ne nyana nume, nyana ngalika. ⁶ Hodu wanafunzi wakauka na kunoza zono Yesu awalajize. ⁷ Wakamuleta ndogowe ne nyana, na kuwika myenda zawo muchanya yawo, nayo Yesu akakala baho. ⁸ Wenji mwikusanyiko wakanzaza myenda yawo munzila, na wanji wakadumula manhambi kulawilila mumubichi na kwanzaza mubarabara. ⁹ Umati wonoukamulongola Yesu na walye wonowakamutyatya wakalavya mazii, wakutya "Hosana kwa mwana wa Daudi! Ni mubarikiwa yono alikuza kwe tajwa lyo Muwaha Hosana kuchanya zaidi!" ¹⁰ Yesu zonoakafika Yerusalimu, muji wose ukasituka na kulonga, " Ayu yo nani? ¹¹ "Umati ukapitula, "ayu ni Yesu Nabii, kulawilila Nazareti ye Galilaya.'' ¹² Hodu Yesu akakwinjila mwi hekalu lyo Mulungu. Akawawinga kunze wose wono wagulaga na kukaza mwihekalu. Kanhi akapindula zimeza ze wabadilishaji we zilobo na vigoda vya waguza zihziwa. ¹³ Akamulonjela, "Yandichwe, "Kaya yangu ilachemwa kaya ya maombi, 'kinga anye mwainoza ipango lya wanyang'anyi". ¹⁴ Hodu wabofu ne walemavu wakamuziza mwihekalu, nayo akawanoja. ¹⁵ Ninga mapango wawaha we makuhani na waandishi wazawona maajabu gonoaganozize, na zonowakahulika wana wakuzoza mwihekalu na kutya, "Hosana kwa Mwana wa Daudi", wekebatwa na hasira. ¹⁶ Wakamulonjela "Wahulika chila chonochikulomba na wa wanhu?" Yesu akawalonjela, "Heya! Ninga simuahile soma,'Kulawilila mumilomo ye wana na wagalika wonowalikonha mwina sifa kamili?" ¹⁷ Hodu Yesu akawaleka na kubita kunze ya muji mu Bethania na kugona kuko. ¹⁸ Nyamitondo hono auyuga mujini, andi adabuche. ¹⁹ Akawona mubichi haphelo ye bara bara. Akaubitila, ninga sakatuga chinhu kuchanya yakwe isipokuwa manhapha. Akaulonjela, "Kwenze kusina mana kwako chibitilila kanhi " Na mara yiyo mubichii ulya ukanyala. ²⁰ Wanafunzi wazawona, wakasitaajabu na kuulonga, "Yanzaule mubichii wanyala mara kamonga?' ²¹ Yesu akawapitula na kuwalonjela, "Mbeka nhuwalonjelenyi, hono mwemwina wihuwilo na musina wasiwasi, simonoza achilya chonochinozigwe kwa wuwo mubichi du, ninga moulenjela hamba lilo ligongo ' usolwe na ukatagwe kubahari, na yonozwa. ²² Chochose chonomolomba kwa sala, aku mwitumbila, mobochela.'' ²³ Yesu zonoakafika mwihekalu, wawaha we makuhani ne wanzehe wawanhu wakamuziza mapango gono andi akufunda na kuuiza "Ni kwa mamulaka ukunoza nhani azi? Na yo nani yonoakupeye mamulaka aga?" ²⁴ Yesu akawapitula na kuwalonjela, "Nane kanhi nowauza liswali limonga. Hono mulonjele, nane nhayiyo nowalonjelenyi ni kwa mamulaka gani nhunoza nhani ayi. ²⁵ Ubatizo wa Yohana - ukalawilila hayi, kuulanga au kwa wanadamu ?" Wakakiuza wenecho wakulonga honochilonje , ku chichi simukamwitubila? ²⁶ Ninga honochilaje, 'Ukalawilila kwa wanadamu, ' chiliwadoda makutano kusoko wose walimuwona Yohana ina nabii." ²⁷ Hodu wakamupitula Yesu na kulonga, "Wala nene siwalonjelenyi" Akawalonjela kanhi, ni kwa mumalaka gani hunoza nhani ayi. ²⁸ Ninga mukihwesa chichi? Munhu yonoena wana wejete. Akabita ko mumonga na kumulonjela, Mwanangu, bite uketume mulimo mumugunda wo muzabibu. ²⁹ Lulu. 'Mwana akapitula na kulonga, 'sinilibita, 'Ninga hanyuma akapitula mahweso gakwe na akabita. ³⁰ Na munhu yuyo akabita ko mwana wekejete na kulonga chinhu chicho. Mwana ayu akapitula na kulonga, 'nobita, muwaha, ninga sakabita. ³¹ Wahayi kati ye wana wejete yonoakanoza matakwa ga sogo yake? Wakalonga, "Mwana mulongozi". Walundika ushuru na makahaba walenjila muutemi wo mulungu kabla yenyu kwinjila. ³² kwa maana Yohana akaza yenyu kwa nzila walundika ushuru ne makahaba wakamwitumbila. N a nyenye zono mukawona lilo likunoza simukasuma tubu ili hanyuma mwitumbile. ³³ Munhulizize mufano unji. kwandi koyuli munhu, munhu welienewo liwaha lye sii.Akapanha mizabibu, akaiwachila uziwo akanoza na chiya cho kukamila idivayi, akazenga no munara we walindilizi na akodisha muwatunza zabibu. Hodu akabita musii yinji. ³⁴ Mapango ge nhwanga ye mizabibu wazakalibiya akawatuma baazi ye wetumami muwalimaji we mizabibu kusola mizabibu yakwe. ³⁵ Ninga walimaji we mizabibu wakawasola wetumami wakwe, wakamutowa mumonga, wakamuulanga yunji na wakamutowa mumonga kwa mabwe. ³⁶ Kwa mara yinji, mumiliki akawatuma watumami wanji, wenji zaidi ya walya walongozi, ninga walimaji we mizabibu wakawanozeza nhavivyo. ³⁷ Baada ya baho muwaha yulya akamutuma kwawo mwana wakwe, akulonga, 'Womuheshimu mwanangu'. ³⁸ Ninga walimaji we mizabibu wazamuwona muzelelo yulya wakakilonjela,' Ayu yo murithi, muze, chimuulaje na chimiliki urithi.' ³⁹ 'Hodu wakamusola, wakamutaga kunze ye mizabibu na kumuulaga. ⁴⁰ Alu mumiliki wo mugunda we mizabibu alakuza alawanoza chichi walamaji we mizabibu?". ⁴¹ Wakamulonjela, ' Alawaviza wawo wanhu wabii mu nzila yo ukali zaidi na kanhi alokodisha mugunda we mizabibu muwalimaji wanji we mizabibu, wanhu wonowalalipa ku soko ye mizabibu ilapya." ⁴² Yesu akawalonjela simukasoma mumaandiko libwe lyono wakalilema waashi lyanza ibwe ihawa lyo musingi. Ali likalawilila ko muwaha na ilishabgaza mumeso getu?' ⁴³ Nhavi nhuwalonjelenyi, utemi wo mulungu ulaolwa kulawilila kwenyu na kupegwa litaifa lyono likujali mana gakwe. ⁴⁴ Yoyose yonoalagwa kuchanya ye libwe lilo alabenwa vipande vipande. Ninga kwa yoyose lyonolilamugwila, lilamusaga." ⁴⁵ Wawaha we makuhani na mafarisayo wazahulika mifano yakwe, wakamuwona zono aliwalonga wenecho. ⁴⁶ Ninga hono wakuska golosa mawoko kuchanya yakw, wakadoda makutano, ku soko wanhu wakamulanga hina nabii.

¹ Yesu akalonga nawo kanhi kwa mifano, akatya, ² "Utemi wa kuulanga wihwanile na mutemi yono akaanda lugano we harusi ya mwanage. ³ Akawatuma watumami wakwe kuwakalibisha wono wandi waalichwe kuza kuugano we harusi, ninga siwakaza. ⁴ Mutemi akawatuma kanhi watumami wanji, akutya." Muwalonjelaje wose wono waalihwe ne ndama wangu wono wajinile wasichwa, na mambo gose ga kondya, muze muugano we harusi". ⁵ Ninga wanhu wawo siwakatyatyakwa zati uchemo wakwe. Wanji wakuya mumigunda yawo, na wanji wakuya muzisehemu zawo ze zibiashala. ⁶ Wanji wakwemita watumami wo mutemi na kuwazalilisha na kuwataga. ⁷ Ninga mutemi akakomala. Akatuma lijeshi lyakwe, akawaulaga walya waulaji na kuunyanya muji wawo kwa moto. ⁸ Kanhi akawalonjela watumami wakwe," iharusi yakondya, ninga wonowaalikwe siwalisachigwa. ⁹ Soko yiyo mubite mumakutano ge nzila mbaha, muwache wanhu wenji kadri zonoyosumika wanzee muugano we harusi". ¹⁰ Watumami wakabita muzinzila zimbaha na kuwakalibisha wanhu wowose wono waliwawona, waswanu ne wabii. Vivyo ukumbii we harusi ukamema wajenzi. ¹¹ Ninga mutemi azakwinjila na kuwalonga wajenzi, akamwona munhu mumonga yono savalile mwenda rasimi we harusi! ¹² Mutemi akamuuza, 'Ilumbi, akafika chenyeule mugati usina mwenda we harusi?' Na munhu yuyo sakajibu chochose. ¹³ Hodu mutemi akawalonjela watumami wakwe, "Mumuwopaji munhu ayu mawoko ne magulu, mumutaje kunje mono mutitu, kuko kono kukakochili chililo na kusaga meno. ¹⁴ Ku soko wanhu wenji wakuchemwa, ninga wono wahugulilwe wachefu". ¹⁵ Hodu mafarisayo wakauka na kupanga zono womubata Yesu muzinhani zakwe mwenecho. ¹⁶ Hodu akawatuma wanafunzi wawo hamonga ne Maherode. Na wakamulonjela Yesu, "Mwalimu, chimanyile agwe ni munhu we mbeka, na kwamba ukufunda gono galisachigwa na mulungu mu mbeka siulijali maoni ga munhu yunji na siulanjila upendeleo kwa wanhu. ¹⁷ Kwa yiyo chilonjelaje, ukihwesa chihi? Alu, ni sawa kishenya kulavya kodi kwa Kaisari siyo?" ¹⁸ Yesu akamanya ubii wawo na akatya, "Ku soko chi mukunjela, anye wanafiki? ¹⁹ Mundajilaje ilobo yono ikutumika kulip kodi". Hodu wakamuletela dinali. ²⁰ Yesu akawauza, "Isura ne litajwa ali lya nani?" ²¹ Wakamupitula, "Vya kaisari". Hodu Yesu akawalonjela, "Mumupelaje Kaisari vinhu vyono vyakwe na vya mulungu mumupelaje Mulungu". ²² "Wazahulika nhayiyo wakashangaa. Hodu wakamuleka na kuuka. ²³ Isiku yiyo wanji Mafarisayo wakakuza kwa Yesu, walya wono wakulonga zono kusina ufufuwo wono wafyiye wakamuuza, ²⁴ wakutya, "Mwalimu, Musa akalonga hono munhu afyiza bila kulela mwana, nduguye na amuhale yuyo muchekulu, amutujile mwana ku soko yo nduguye. ²⁵ Wandi walibaho ndugu mupaghati. Wo kwanza akamtola na kisha akafya bila kulela wana. Akamulecha muchekulu ndugu yakwe. ²⁶ Hodu ndugu yakwe we kejete nayoanoza nhayiyo, hodu yulya wekedatu, ikanhayiyo paka wamupugati. ²⁷ Baada ya kunona nhayiyo wose, yula muchekul nayo akafya. ²⁸ Alu mufufuo yuyo wechichekulu ala muchekulu wa nani mu ndugu wawo mupughati? Ku soko wose wakamutola.'' ²⁹ Ninga Yesu akawapitula na kuwalonjela, "Mulikoseya ku soko simumanyile maandiko wala vilungu vyo Mulungu. ³⁰ Ku soko mu ufufuo, wanhu siwalitola wala kutolwa. Badala yake wanhu wakwiza hina malaika kuko kuulanga. ³¹ Ninga kuhusu ufufuwo wono wafyiye, simuwahile soma achilya chono mulungu akalonga kwenyu, akutya, ³² nene ni Mulungu wa Ibrahimu, Mulungu wa Isaka, na Mulungu wa Yakobo? Mulungu si Mulungu wa wono wafyiye, bali ni Mulungu wono womi". ³³ Mapango likusanyiko zono wakahulika ali, wakashangaa mafundo gakwe. ³⁴ Ninga mafarisayo wazahulika zono Yesu awanyamazisha Masadukayo, wakakilundika wenecho hamonga. ³⁵ Mumonga wawo andi mwana sheriya, akamuuza liswali kwa kumujela. ³⁶ "Mwalimu, ni amuri ya hayi yono mbaha kuliko zose ku sheriya?" ³⁷ Yesu akamupitula, "Lazima umwende Muwaha kwa mutima wako wose, kwa nhumbula yako yose, na kwa akili zako zose. ³⁸ Ai yo amuri yono mbaha na yo kwanza. ³⁹ Na ye kejeti inhwanile na yiyo. Ni lazima umwende jirani yako zono wiyendile mwenecho. ⁴⁰ Zisheriya zose ne manabii zitumbiye ziamuri azi yejete.'' ⁴¹ Na mafarisayo wandi wakali welundiche hamonga, Yesu akawauza liswali. ⁴² Akutya, "Alu, mulikihwesa chichi juu ya Kristo? Mwene ni mwana wa nani?" Nawo wakamupitula," Ni mwana wa Daudi". ⁴³ Yesu akawapitula, "Ni kwa namuna chi Daudi mu Muhe akumuchema Muwaha, akalonga, ⁴⁴ Muwaha akamulonjela muwaha wangu,"Ikalaje muwoko wangu wo kulume, hadi zononilawanza maadui zako wawichwe hasi ye magulu gako"'.?" ⁴⁵ Zono Daudi akaumuchema Kristo" Muwaha", jinsi gani ala mwanagwe?" ⁴⁶ Kusina yono akasuma kumupitula nhani kanhi, na kusina yono akajela kanhi kumuuza maswali zaidi kwanziza isiku ilya na kubitilila.

¹ Hanyuma akalonga na umati we wanhu na wanafunzi wakwe. Akutya, ² "Waandishi ne Mafarisayo wekaliye igoda lya Musa. ³ Ku soko chochose chono wakuwa amulu kunoza, munoze kunji muliwachunguza. Ninga muleche kwinga matumo gawo, ku soko wene wakulonga nhani zonosiwakunoza. ⁴ Mbeka, wene wakuwopa mitegulo mizito vyono mikamu kudinhula, na kisha wakuwadinhuza wanhu mumawega gawo. Ninga wenecho siwalisogeza hamba chidole kudinhula. ⁵ Matumo gawo gose, wakituma il walanjene wanhu. Ku soko yawo waligazimyi masanduku gawo na konjeza uwaha we mapindo ge muenda yawo. ⁶ Wene wendile kikala mumaenewo ge kifahali muugalo na mumagoda ge heshima mugati ye masinagogi, ⁷ na kulamuswa kwa heshima mumaenewo ge sokoni na kuchemwa "Walimu" na wanhu. ⁸ Ninga nye simulisachigwa kuchemwa "Walimu", ku soko mwina mwalimu mumonga, na nyenye wose ni ndugu. ⁹ Muleche muchema munhu yoyose amu munzee sogoyenu, ku soko mwina sogo yenyu mumonga du, nayo ali kuulanga. ¹⁰ Wala muleche chemwa'walimu' ku soko mwina Mwalimu mumonga du, yaani Kristo. ¹¹ Bali yono muwaha mugati yenyu ala mutumami wenyu. ¹² Yoyose yonoalikiinuwa alamutyema. Na yoyose yono alikitimya alenuswa. ¹³ Ninga ole wenyu waandishi wa mafarisayo wanafiki muliwafinjila wanhu utemi wo kuulanga. Nanye simosuma kwinjila, simuliwaluhusu wonowakwinjila kunoza nhayiyo. ¹⁴ (Zingatieni: Muchili wa14 siulikejila munakala swanu ze katali. Baazi ye nakala ukonjeza muchilili wa 12 muchilili 14 "Ole wenyu waandi na mafarisayo wanafiki! ku soko muliwamela wajane). ¹⁵ Ole wenyu waandishi ne mafarisayo, wanafiki! mukuvuka kumphelo ye bahari na hakufika kumunoza munhu mumonga ehuwile galya gonomukufunda, na alikihwana nanye, mukumunoza mara kejete. ¹⁶ Ole wenyu viongozi wabofu, nyenye yono mulonga, yoyose yono alikilaha kwe hekalu si chinhu. Ninga yono alikilaha kwe zahabu ye hekalu, ewopa ne wilahe wakwe. ¹⁷ Anye wabofu wapumbavu, cha hayi zono chiwaha kuliko chinji, zahabu au hekalu lyono lyawika wakifu zahabu ko mulungu? ¹⁸ Na yoyose yonoalikilaha kwa madhahabu, si chinhu. Alu yono alikilaha kwa sadaka yono ilimuchanya yaye, ewopa ne wilaho wakwe. ¹⁹ Anye wanhu wabofu, cha hayi chono chiwaha kuliko chinji, sadaka au mazahabu yono ikuwika wakifu sadaka zono zikulavyako mulungu? ²⁰ Ku soko mwene yono akilaha kwa mazabahu akilaha kwa yiyo na kwa vinhu vyose vino vilimuchanya yaye. ²¹ Nayo yono alikilaha kwe hekalu, akilaha kwa lilo na kwa mwenecho yono ekaye mugati yaye. ²² Na mwenecho yono akilaha kuulanga, akilaha mwe goda lye enzi lyo Mulungu na kwa mwenecho yono ekaye muchanya yaye. ²³ Ole wenyu, waandishi we mafarisayo, wanafiki! ku soko mukulipa zizaka kwa bizali, mumaana na muchicha, ninga mukulela mambo mazito ge sheriya- ihaki, rehema na wihuwilo. Ninga gano mulisachigwa mwe mwaganoza, na siyo kuleka ganji bila kunoza. ²⁴ Anye viongozi wabofu, nyenye wono mulichuja manono madodo ninga mukumela ngamiya! ²⁵ Ole wenyu waandishi ne mafarisayo, wanafiki!, ku soko mukukwema kunze ye vikombe na kunze ye sahani, ninga mugati mumile zuluma na kukosa chiasi. ²⁶ Anye mafarisayo wabofu, mukweme kwanza mugati ye chikombe na ugati ye sahani, ili kuphelo ye kunze najo kwe kuswanu. ²⁷ Ole wenyu waandishi ne mafarisayo, wanafiki! ku soko mwikihwana ne makabuli gono gobachigwe ichokaa, ambayo kwa kunzee gakijela maswanu, ninga mugati gamemile mafupa ge wanhu wono wafyiye ne kila chhinhu chono chichafu. ²⁸ Nhavivyo, na nyenye kwa kunze mulikijela zono mwina haki hamwande ye wanhu, ninga kwa mugati mumemile unafiki nauzalimu. ²⁹ Ole wenyu, waandishi ne mafarisayo, wanafiki! k soko mukuzenga makabuli ya manabii kugapamba makabuli ga gono wena haki. ³⁰ Nyenye mukulona, hono chikale zisiku ze wasogo zetu, chandi chileche shiliki hamonga nawo kumwaga sakami za manabii. ³¹ Ku soko yiyo mwikilonjela wenecho zono anye ni wana wa wawo wono wakawaula ga manabii. ³² Kanhi nyenye mulimalika kumemya zi sehemu yonoilistahili zambi ze wasogo zenyu. ³³ Anye nzoka, wana we vipiribao, ku soko chi mulaikwepa ihukumu ye jehanamu? ³⁴ Kwa yiyo, mulanje, nhuwatuma kwenyu mabii, wanhu wono wena hekima, ne waandishi wanji wawo mulawatoza mugati ye masinagogi genyu na kuwawiga kulawiila mu muji hadi unji. ³⁵ Malawililo kwamba kuchanya yenyu mulawilila sakani zose za wono wena ihaki zonozikamwaga munzee, kulawilila sakami ya Habili yono ena ihaki paka sakami ye Zakaria mwana wa Barakia, yono mukuulaga hagti ye patakatifu pa mazabahu. ³⁶ Mbeka, nhuwalonjelenyi, mambo ago gose zose galawatuga chizazi achi. ³⁷ Yerusalemu, Yerusalemu, agwe yonouliwaulanga manabii na kuwatowa ne mabwewala wono walitumwa kwako! Mara kalinga nawakusanya wanawako hamonga hina nhuku zonoilikusanya vizwiya vyakwe hasi ye mabbawa gakwe, niga siukaluma!. ³⁸ Lanje, ikaya yako yekala uchiwa. ³⁹ Nane nhukulonjela, kulawilila baha na kwendela sulambona, paka uzeulonje'Alugutwe mwene yono alikuza kwe tajwa lyo Muwaha"'.

¹ Yesu akauka mwihekalu na kubita zakwe. Wanafunzi wakwe wakamubitilila na kumulaji la majengo ya hekalu. ² Ninga akawapitula na kuwalonjela, "Alu, simuliwagona mambo aa zose? mbeka nhuwalonjelenyi, kusina ibwe lyono likikala kuchanya ya linji bila kukumulwa." ³ Na nhono akikikala mwi gongo lye Mizeituni, wanafunzi wakwe wakamubitila kwa faragha na kulonga, "Chilonjele, mambo aga galaza nili? chinhu chi chila dalili yo kuza kwako na mwisho we sii?" ⁴ Yesu akawapitula na kuwalonjela, "Mwenze makini kwamba munhu aleche wakonjenyi. ⁵ Ku soko wenji walaza kwe tagwa lyangu. Wakulonga, 'Nene yo Kristo', na wala wakonga wenji. ⁶ Mulahulika ulugu ne zitaaifa zo ulugu. Mulanje muleche kuwa no wasiwasi, ku soko mambo aga gasinabudu kuza; ninga ilya indumula ikaikali. ⁷ Ku soko taifa lilenuka dhidi ye taifa linji, na utemi dhidi yo utemi. kulakoyili njala na matetemeko ge sii mu sehemu mbalimbali. ⁸ Ninga mambo gose ni mwamulizo du wo usungu wo kulela. ⁹ Hodu walawausa soko ye mateso na kuwaulaga. Mulasimbilwa ne mataifa gose ku soko ye litagwa lyangu. ¹⁰ Hodu wenji welekobaza na kilema na welesimbila enecho kwa wenecho. ¹¹ Manabii wenji wo ulambi welejela na kuwakonga wenji. ¹² Ku soko uovu ulawongezeka, wendo wa wenji ulapola. ¹³ Ninga yono alavumilia mpaka mwisho, alawokolewa. ¹⁴ Anyi nhani yo utemi yoganulwa mu sii yose hina ushuhuda kwa mataifa gose Hodu ulya udumilizo ulafika. ¹⁵ Ku soko, mulawona lichukizo lyo ubii, lyono likalongwa na nabii Daniel lyema mahali patakatifu( yono alisoma na amanye). ¹⁶ Hodu hono waliyudawamanhile mumagongo. ¹⁷ Na yulya yonoalikuchanya yelihapa kye kaya aleche tima hasi kusola chinhu chochose kulawilila mugati ye kaya yakwe, ¹⁸ nayo yono alikumugunda aleche uya sola mwenda wakwe. ¹⁹ Ninga ole wawo wono ena mwana na walya wo walikosa muzisiku zizo! ²⁰ Mulombe hamba kumanha kwenyu kuleche mapango ge mbeho, wala isiku ye sabato. ²¹ Kusoko kula koyili ziki mabaha, yono ikalinaza tangu kuumbwa kwe sii hadi kwaha wala ikahasina kanhi. ²² Nhina zisiku zizo zandi zilechwe dumulwe kusina yono andiokoche. Ninga ku soko ye wono wahagulwe, zisiku zizo ziladumulwa. ²³ Kanhi hono munhu yoyose alawalonjela 'mulanje, Kristo ali kuno! au, 'Kristo ali kulya' muleche kwihuwila makanhi gago. ²⁴ Ku soko Makristo go ulambi na manabii go ulambi walaza na kulajila ishara mbaha ne maajabu, kwa kusudi lya kuwakonga, hono ikusumikana hamba wateule. ²⁵ Mulanjenyi, nawatahazalisha kabla ya mambo gago kwijela. ²⁶ Soko yiyo, hono wawalonjelenyi, "Kristo ali kwijangwa, muleche bita kuko. Au, 'Mulanjenyi, ali mugati ye kaya' muleche kihuwila nhani zizo. ²⁷ Hina limuli zono likumulika kulawilila ichilima na kumulika mpaka kumwezii, zo ikayina kuza ko Mwana wa Adamu. ²⁸ Hohose hono hochili chono chifwiye, kuko zitayi zikitang'anila. ²⁹ Ninga mara baada ye ziki imbaha ye zisiku zilya, lizuwa lilatajilwa utitu, umwezi siula lavya uzelu wakwe, nyelezi ziligwa kulawilila mwianga, na vilungu vya kuulanga vilatikisika. ³⁰ Hodu ishara ya mwana wa Adamu ilejela kuulanga, na makabila gose ge nzee walaomboleza. Walamuwona gose ge nzee kuulanga kwa vilungu vya kuulanga na utukufu muwaha. ³¹ Atawatuma malaika wakwe walinzi liwaha lye tarumbeta, awo hamonga wateule wakwe kulawilila muphelo yine kuulanha mpaka unjii. ³² Mwifunzaje lison kulawilila mutini. Mara du linhambi hono lilitula na kulavya mahapha mulimanya zono ibahu lilibehi. ³³ Nhayiyo, mulawona mambo aga gose, mulisachigwa mumanye zono alibehi, ehi no milango. ³⁴ Mbeka nhuwalonjelenyi, chizazi chino sichopitula, mpaka mambo zono alibehiaga gegaza. ³⁵ Ulange ne sii zopitula, ninga nhani yangu siyopitula kamwe. ³⁶ Ninga kuhusu isiku ilya ne saa kusina unhu yonoamanyile, hamba malaika wakuulanga, wala Mwana bali sogo yakwe. ³⁷ Zono yina muzisiku hanyuma ye ghanka wanhu wandi wakulya na kugwa, ³⁸ wakutolwa na kutolwa mpaka isiku ilya yono ³⁹ Nuhu akenjila musafina, ⁴⁰ Hodu wanhu wejete wala kumugunda mumonga alasolwa, na mumonga alalekwa munyuma. ⁴¹ Wachekulu wejete wala walisaga hamonga mumonga alasowa, na mumonga alasigala. ⁴² Kwa yiyo, mwenze meso ku soko simuanyile ni siku ya hayi yono alaza muwaha wenyu. ⁴³ Ninga mumanye zono, muwaha we kaya andi amanye ni saa ya hayi yono muhizi akuza, andi akeshe na andi aleche luhusu ikaya yakwe ivamilwe. ⁴⁴ Soko yiyo, mulisachigwa mwe mukondize, soko Mwana wa Adamu alaza musaa yono simutalajiye. ⁴⁵ Nhayiyo ni nani yono mwaminifu, uwande yono ena ziakili, yono muwaha wakwe amupelile madaraka juu ya walivyo mukaya. Ili awapele ndigwa kwa mapango gono gakusachigwa? ⁴⁶ Alugutizwe mutumami yuyo, yono muwaha wakwe alamwagana akunoza nhavivyo mapango gona alaza. ⁴⁷ Mbeka nhuwalonjelenyi zono muwaha alawawika kuchanya ya kila chinhu chono chakwe. ⁴⁸ Ninga nhono muwanda mubii akulonga mumutima wakwe.' Muwaha wangu achela', ⁴⁹ na akakwanza kuwatowa watumami wakwe, na akulya na kukolwa ujimbe, ⁵⁰ Muwaha wa muwanda yuyo alaza musiku yono siatalajiye, na musaa yono saimanyile. ⁵¹ Muwaha wakwe alamudumula vipande vyejete na kumuwika mu nafasi monga sawa na wanafiki, amabako kulakochilichililo na kusaga meno.

¹ Hono utemi wa kuulanga ulahwaniza ne wenyechinga ikui wonowakasola tala zawo na kuuka kubita kumubochela muwaha we arusi. ² Wahano mugati yawo wandi wasina muhala na wahano wanji wandi wena mahala. ³ Wenye chinga wono wasina mahala wakasola zitala zawo, siwakasola mafuta gogose. ⁴ Ninga wenye chinga wono wene mahala wakasola vilya vyono vina mafuta hamonga ne zitala zawo. ⁵ Alu mapango muwaha we arusi akachela fika, wose wekebatwa ne zinhongo wakagona. ⁶ Ninga mapango ge chilo cha manane kukakolili izozo, 'Mulanje, muwaha we harusi! Mulawale kunze mukamupochela.' ⁷ Hodu wawo wanawali wakakinuka wose na kwasa tala zawo. ⁸ Awaha wono wasina mahala wakawalonjela awala wono wena mahala, 'Muchepelaje sehamu ye mafuta genyu ku soko tala zetu zilizima.' ⁹ Ninga walya wono wena ziakili wakawapitula na kuwalonjela, ' Ku soko sigakuchikondya sese na nyenye, badala yakwe mupite konowakuguza mukagule chiasi ku soko yenyu.' ¹⁰ Mapango wazabita kuko kugula, muwaha we arusi akafika, na wose wono wandi wakondyeze wakabita nayo mugano we arusi, na muulango ukadindwa. ¹¹ Hanyuma wala wanawali wanji wakafika na kutya, ' Muwaha, muwaha, chiduguliaje. ¹² Ninga akapitula na kutya, 'Mbeha nhuwalonjelenyi, Ane siniwaluamanyile'. ¹³ Ku soko yiyo mutanjenyi ku soko simumanyile isiku wala isaa. ¹⁴ Ku soko vinhwanile na munhu yono asakaga safiri kubita sii inji. Akawachema wawanda wakwe na kuwakabizi ugoli wakwe. ¹⁵ Mumonga wawo akamupeta talanta ihano, yunji akamupelanyejete, na yulya yunji akampete talanta mong. Kila mumonga akabochela chiasi chonochinhwanile ne usumi wakwe, na yulya munhu akasafiri akapita zakwe. ¹⁶ Mapema yulya yono akabochela talanta ihano akabita zikoza, na akalezya talanta zinji ihano. ¹⁷ Nhayiyo na yulya yono akabochela talanta nyejete, akalezya zinjinyejete. ¹⁸ Ninga muwanda yono akabochela taanta monga, akabita himba likombo hasi na kuhundika ilobo ya muwaha wakwe. ¹⁹ Na baada ya mapango matali, muwaha e wanda wawo akavya na kunoza mawalo nawo. ²⁰ Yulya muwanda yono akubochela talanta ihano akuza naakaleta talanta zinji ihano akutya, 'Muwaha ukaphela talanta ihan lanje matuga faida ya talanta zinji ihano. ²¹ Muwaha wake akamulonjela, 'Hongera, muwanda muswanu na mwaminifu! Wanza uli mwaminifu kwa vinhu vinji. Winjile mu nyemo yo muwaha wako'. ²² Muwanda yonoakabochela talanta nyejete akakuza na kuulonga, ' Muwaha, ukapheta talanta nyejete. Lanje, natuga faida ya talanta zinji nyejete,' ²³ Muwaha wakwe akaulonjela, 'Hongera muswanu na mwaminifu! Wanza mwaminifu kwa vinhu vichefu. Nokupela madaraka kuchanya ye vinhu vinji. Wenjile mu nyemo yo muwaha wako.' ²⁴ Hanyuma muwanda yono akabochela talanta monga akakuza na kutya, 'Muwaha, manyile zono gwe ni munhu mukali. Ukuhepa isehemu yonosupanhile, na ulivuna sehemu yono hukusia. ²⁵ Ane nhadoda, nhabita kihundika italanta yako mumalango. Lanje wina ahano yono yako.' ²⁶ Ninga muwaha wakwe akamupitua na kulonga, Agwe muwanda ulimubii na muzembe wandi umanyile zono nhuhepa sehemu yonosiphanhile na nhuvuna sehemu yono sikusia. ²⁷ Soko yiyo ukasachigwa kuwapeta ilobo yangu wanhu we benki, na mapango go kuuya ane nandimbochele ilya yangu hamwanga ne faida. ²⁸ Soko yiyo mumubokeje yiyo italanta na mumupelaje yulya muwanda yono ena zitalanta ikumii. ²⁹ Kila munhu yono ena chochose, akonjezwa zaidi- haba kwa kuzidishwa hawha. Ninga kwa yoyose yono asina chinhu, hamba achila chono ena nacho kubokwa. ³⁰ Mumutagaje kunze kutitu yuyo muwanda yonosafayile, kono kulakochili chililo na kusaga meno. ³¹ Mapango umwana wa Adamu atakuza mu utukufu wakwe, na malaika wose hamonga nayo, hodu alekala hachanya ye chigoda cho utukufu. ³² Mataifa gose geletang'anila hamwande yakwe, nayo alawatenganishwa wanhu, hina mudini zonoaliwatenganishwa nholo na mphene. ³³ Alaziwika zinholo muwoko wakwe wo kulume, ninga zimphene alaziwika muwoko wo kuchekulu. ³⁴ Hodu mutemi alawalonjela walya wono walii uwoko wo kulume, 'Munze, wonomulugutizwe na sogo yangu, muurithi utemi wonouanzigwe ku soko yenyu kulawilila kunozwa musingi we nzee. ³⁵ Ku soko nandi nina zala mukumphela ndigwa; Nandi mujenzi mukanhalibisha; ³⁶ Nandi nilichipwi, mukanvaliza myenda. nandi nhamigwe mukanhunza. Nandi mbopigwe mukazaga'. ³⁷ Baho wono wena ihaki walmupitula na kumulonjela,'Muwaha nili chikakuwona wandi udabuche, na kukulisha? Au wina nhilu chikakupela malenga? ³⁸ Na nilichikakuwona ulimujenzi na chikakukalibisha? Au wandi ulichipwi chikakuvaliza mwenda? ³⁹ Na nili chikakuwona wandii utamiche au uwopigwe, na chikakuziza? ⁴⁰ Na mutemi alawaptula na kuwalonjela, 'Mbeka niliwalonjela, chonomwetuma ahano mumumonga we ndugu zangu wadodo, mukaninozeza nene'. ⁴¹ Hodu alawalonjela wono walimuwoko wakwe wo kuchekulu,' Muuche kwangu, wono mwakondya lijitwa, mubite mumoto wechibitilila wono unozigwe ku soko ya shetani na malaika zakwe, ⁴² Ku soko nandi ndabuche ninga simukaphela ndigwa; Nandi nina nhilu ninga simukaphela malenga; ⁴³ Nandi mujenzi ninga simukanhalibisha , nandi nilichipwi ninga simukaphela myenda; nandi nhamigwe na nandi mbopigwe, ninga simukanhunza.' ⁴⁴ Hodu wawo nawo walamupitula na kulonga, ' Muwaha, nili chikakuwona wandi udabuche, au winanhilu, au ulimujenzi, au wandi chipwi, au wandi utamiche au wandi uwopigwe, na sichikakuhudimiya? ⁴⁵ Hodu alawapitula na kuwalonjela, 'Mbeka niliwalonjela, achi chono simukanoza kwa mumonga wa wano wadodo, simukanozeza nene'. ⁴⁶ Awa walabita muazabu ye chibitilila ninga wono wna ihaki muumi we chibitilila."

^{1 2} Mapango Yesu zono akamala konga zinhani zose zino, akawa walonjela wanafunzi wakwe, "Mumanyile zono baada ya zisiku nyejete kulakoyili sikukuu ye pasaka, na umwana wa Adamu alalavya ili asulubiwe". ³ Hanyuma wawaha we makuhani ne wanzehe we wanhu waketanhanila hamonga mwikalo we kuhani muwaha, yono achemwaga kayaja. ⁴ Kwa hamonga wakapanga njema ya kumubata Yesu kwa chinyele na kumuulaga. ⁵ Ku soko wakalonga, "Inozwe mapango ge sikukuu kusudi ileche kunuka gasiya hagati ye wanhu". ⁶ Mapango Yesu gano andi Bethania mukaya ya Saimoni mukoma, ⁷ Hono andi egolose mumeza, wechikuu mumonga akabita kwakwe andiadinhuye mukebe wa alabasita yono yandi yina mafuta gono gena samani mbaha, na akaga jida muchanya yo mutwe wakwe. ⁸ Ninga wanafunzi wakwe wazawona nhani ayi wakasimba na kulonga," Chihi soko ye hasara ayi? ⁹ Aga gandi gasume guzwa kwa chiasi chiwaha na kuwapeta masikini". ¹⁰ Ninga Yesu, andi amanyile ali, akawalonjela, "Nhaule mukumugaza wechichekulu ayi? ku soko anoza chinhu chiswanu kwangu. ¹¹ Masikini mwina nawo zisiku zose, ninga simuka hamonga nane chibitilila. ¹² Ku soko zono akajida mafuta aga kuchanya yo mwili wangu, akanoza nhayiyo ku soko yiyo ye mazishi gangu. ¹³ Mbeka nhuwalonjelenyi, hohose injili ayi hono igalanulwa munzee mwose, chitendo chono anoza ayu muchekulu, pia chikalongwa ku soko yo kumukumbuchila". ¹⁴ Hodu mumonga wa walya ikumi ne wejete, yono akuchemwa Yuda isikaliote, akabita kwa wawaha we makuhani ¹⁵ na kutya, "Momphela chichi nilamusaliti?" Wakamupimila Yuda vipande makumi madatu ge zilobo. ¹⁶ Kulawilila mapango gago akasaka nzila yokumusaliti. ¹⁷ Hamba isiku inongozi ye mikate yono simitajile ichachu, wanafunzi wakamubitila Yesu na kulonga, "Hayi ulisaka chikuandaliye ulye ndigwa ze pasaka?" ¹⁸ Akawalonjela, "Mubite mumujini kwa munhu nhandu na mumulonjelaje, mwalimu akutya, "Mapango gangu galibehi. Noitimiza ipasaka hamonga ne wanafunzi wangu mukaya yako." ¹⁹ Wanafunzi wakonoza zono Yesu akawalajiza, na wakaanda ndigwa ye pasaka. ²⁰ Ikafika chinyamihe, ekekala kulyandigwa hamonga na walya wanafuzi ikumi na wejete. ²¹ Zono wandi wakulya ndiwa, akutya,"Mbeka nhuwalonjelenyi zono mumonga wenyu alasaliti". ²² Wakahuzunika hawaha, na kila mumonga akaanza muuza, "Alu! mbeka siyo nene, Muwaha?" ²³ Akawapitula, "Yulya yono akunamiza muwoko wakwe hamonga nane mubakuli yuyo alisaliti. ²⁴ Mwana wa Adamu alauka, zono aandichiwe Ninga ole wakwe munhu yono alamusaliti Mwana wa Adamu! Yandi ye viswanu munhu yuyo hina alechelelwa". ²⁵ Yuda yono andimusalite akalonga, "Alu! yo nene Rabii?" Yesu akamulonjela, "Walonga nhani yiyo gwegwe mwenecho.'' ²⁶ Zono wandi wakulya zindigwa, Yesu akaudinhula mukate, akaulugutiza, na kuubegula Akawapela wanafunzi wakwe akatya, "Musole, mulye. Au ni muwili wangu". ²⁷ Akasola chikombe na kulumba, akawapela na kutya, "Munyweze woseu achi. Ku soko ayi ni sakami ye agano lyangu, yonoikumwagwa ²⁸ ku soko ye wenji ko unenelwe ubii. ²⁹ Ninga niliwalonjeenyi, sinon'gwa kanhi manage mizabibu awu, mpaka isiku ilya yononilan'gwa mpya hamonga nanye mu uutemi wo sogo yangu". ³⁰ Zono wakamala kwimba wimbo, wakauka bita mwigongo lye Mizeituni. ³¹ Hodu Yesu akawalonjela, "Chilo chino nyenye wose mokikobaza ku soko yangu, ku soko yandichwe, momutowa mudimi ne zinha lo ze likundi zileyagala. ³² Ninga baada ya kuzuka kwangu, nowalongolenyi kubita Galilaya". ³³ Ninga Petelo akamulonjela, "Hamba hina wose walakulema ku soko ze nhani zonozilakutuga, ane sinilakulema ku soko ze nhani zonozilakutuga, ane sinilakulema". ³⁴ Yesu akamupitula, "Mbeka hukulonjela, chilo achi ikaikali zogolo nokuwika, konhana mara kadatu". ³⁵ Petelo akamulonjela, "Hamba hina yandiisache kufya na gwegwe, sinilakuema". Na wanafunzi wanji wakalonga nhayiyo. ³⁶ Hanyuma Yesu akabita nawo sehemu sehemu yonoikuchewa Gethsemane na akawalonjela wanafunzi wakwe, "Mwikalaje aha mapango gononilibita kulya na kulomba". ³⁷ Akamusola Petelo ne wana wejete wa zebedayo na akakwanza huzunika na kusononeka. ³⁸ Hodu akawalonjela, "Muhe wangu wina ihuzuni mbaha awaha, hamba chiasi cho kufya. Mwikalaje ahano mukeshe hamonga nane". ³⁹ Akabita hamwande hadodo, akagwa chigubigubi, na kulonga. Akutya, "Sogo yangu, hono ikusamikana, chikombe achi chindechele. Ileche zono ikana chikombe achi chindechele. Ileche zono nilisaka nene, ninga zono ukusaka gwegwe'. ⁴⁰ Akawabitila wanafunzi akawagana wagona nhongo na akamulonjela Petelo, "Ku soko chi mwalemwa kesha nane haba lisaa imonga? ⁴¹ Mukeshe na kulomba kusudi muleche kwinjila mumajelo. Muhe uliradhi ninga muwili ulizaifu". ⁴² Akabita mara yekejete na kulomba, akutya, 'Sogo yangu, hina lijambo alii silikusuma ndekani ni lazia nihinywele chikombe achi, wendeche wako utimile". ⁴³ Akauya kanhi na kuwagana wagonile nhongo, ku soko meso gawo gandi mazito. ⁴⁴ Hodu akawaleka kanhi akapita. Akalomba mara yekadatu akutya nhani zo zizo. ⁴⁵ Hanyuma Yesu akawabitilila wanafunzi wakwe na kuwalonjela, "Mukali mugonile du na ku cheheza? Mulanjenyi, isaa yasejelela, na mwana wa Adamu akusalitiwa mumawoko gagono wena zizambi. ⁴⁶ Mwinukaje chiuche. Mulanje, yulya yono akusaliti alibehi". ⁴⁷ Mapango andi akali akulonga, Yuda mumonga wa walya ikumi na wejete, akafika. Ikundi iwaha likafika hamonga nayo likulawilila kwa wawaha we makuhani na wanzehe wa wanhu. Wakaza ne mapanga ne zinhumbi. ⁴⁸ Kanhi munhu yonoyandi akusudiwe kumusaliti Yesu andi awapelile ishara, nqa kutya, " Yulya yonomubnonela yo mwenecho. Mumubataje" ⁴⁹ Mara yiyo akakuza kwa Yesu na kutya " salamu, Mwalimu! na akamunonela. ⁵⁰ Yesu akamulonjela, "Mulumbi muyangu, linozaje lilyo lyono likuletile" Hodu wakakuza, na kumusonhela mawoko Yesu, na kumubata. ⁵¹ Lanje munhu mumonga yonoyandi hamonga na yesu, akagolosa muwoko wakwe, akasomola lipanga lyakwe, na akamutowa mutumami wa kuhani muwaha na kumudumila likutu lyakwe. ⁵² Hodu Yesu akawalonjela, gomole lipanga na Yesu lyako hono usolile, ku soko wose wonowakitumila lipanga walaangamizwa kwe panga. ⁵³ Mukihwesa zono sinhusuma muchema sogo yangu, nayo akanhumila majeshi zaidi ye ikumi ne wejete we malaika? ⁵⁴ Ninga hodu namna chi maandiko gandi gasume timizwa, nhavi zo ikusachigwa ijele?" ⁵⁵ Mapango gago Yesu akaulonjela umati, "Alu! Mwaza ne mapango ne matumbi kumbata hina mbochile? Kila siku hekala mwihekalu nhufunda, na simukambata! ⁵⁶ Ninga gose gano ganozwa ili maandiko ge manabii gatimiye." Hodu wanafunzi wakwe wakamuleka na kumanha. ⁵⁷ Walya wono wakamubata Yesu wakamutegula kwa kayafaa, kuhani muwaha, sehemu yono waandishi ne wanzehe wetang'aniye hamonga. ⁵⁸ Ninga Petelo akamutyatyaa kunyuma kwa kutali mpaka muukumbi wa kuhani muwaha. Akakwinjila mugati na kikala hamonga ne walinzi awone chonochikijela. ⁵⁹ Hodu wawaha we makuhani ne Baraza lyose andi wakusaka uhomelele wo ulambi dhidi ya Yesu kusudi watuje kumuulaga. ⁶⁰ Hamonga wekejela wenji wokomuhomelela, ninga siwakatuga nzila yoyose. Ninga hanyuma wakakijela wejete hamwande wono womuhomelela. ⁶¹ Na kutya "Munhu ayu akalonga, "Nosuma libena lihekalu lo mulungu na kuzenga kanhi kwa siku idatu.'' ⁶² Kuhani muwaha akema na kumuuza, "siulisuma pitula? Awa walikuhomelela chichi dhidi yako?" ⁶³ Ninga Yesu akanyamala. Kuhani muwaha akamulonjela, "Hina mulungu zonoakuishi, hukuamulu uchilonjele, hono gwegwe yo Kristo, Mwana wo mulungu." ⁶⁴ Yesu akamupitula, "Gwegwe mwenecho walonga nhani mwenecho walonga nhani ayi. Ninga hukulonjela, kulawilila kwaha na chibitilial ulamuwona mwana wa Adamu ekaye, muwoko wo kulume wono wina vilungu, na akuza mumavunde go kuulanga." ⁶⁵ Hodu kuhani muwaha akademula mwenda yakwe na kulonga, "Akufulu! ⁶⁶ Alu, chilindiye uhomelele wa hayi kanhi? Mulanje, muwakondya hulika akukufulu. Alu! Mukihwesa chichi? wakamupitula na kulonga, "akusachigwa afye." ⁶⁷ Hodu wakamufunyila mate muusuu na kumutowa zingumi, na wakamuwatula makofi kwa mawoko gawo, ⁶⁸ Na kulonga, "Chitabiliaje, gwegwe Kristo. Nani yonokakutowa?" ⁶⁹ Mapango gago Petelo andi ekaye kunze yo ukumbi, na mutumami wechichekulu akamubitilila na kutya , "Gwegwe nagwe wandi hamonga na Yesu wa Galilaya". ⁷⁰ Ninga akakana hamwande yawo wose, akutya, simanyile chinhu chono ulilonga." ⁷¹ Akabita kunze yo mulango, mutumami yunji wechichekulu akamuwona na kuwalonjela wono wandi walibaho, "Munhu ayu andi hamonga na Yesu wa Nazareti". ⁷² Akakana kanhi kwa kilaha, "Ane sinimumanyile munhu ayu". ⁷³ Mapango machefu hanyuma, awalya wono wandi wemile behi, wakamubitilila na kulonga na Petelo, "Ku mbeka gwegwe piya ni monga wawo, ku soko hamba lafuzi yako ihwani. ⁷⁴ Hodu akakwanza lijita na kilaha, "Ane sinimumanyile munhu ayu," na mara yiyo zogolo ikawika. ⁷⁵ Petelo akakumbuchila zinhani zonoakalonjelwa na Yesu, "Zogolo ikaikali nawika kunhana mara kadatu".

¹ Mapango ge zinyamitondo gazafika, wawaha wose we makuhani na wanzehe we wanhu wakalya njama zidi ya Yesu watuje kumuulaga. ² Wakamuwopa, wakamulongoza, na kumufisa kwa liwali Pilato. ³ Hodu mapango Yuda yonoyandi akondya hukumiwa, akajutiya na kugomola vipande vye makumi madatu ge zingobole kwa wawaha we makuhani ne wanzehe, ⁴ na akalonga, "Nanoza vibii kwa kuisaliti sakami yonoisina masutya," Ninga wakamubitula, "Ilichihusu chi sese? Galangaje gago mwenecho? ⁵ Hodu akagumila hasa vilya vipande vyemagobole mwihekalu na akauka na akakinyonga mwenecho. ⁶ Wawaha we makuhani wakavisola vilya vipande vyemagobole na kutya, Siyo halali kuwika ilobo ayi muhazina, ku soko ni galama ye sakami." ⁷ Wakajadiliyana kwa hamonga na lobo ikatumilwa kugula mugunda wo mufinyazila kuzichila wajenzi. ⁸ Ku soko yino mugunda wuwo wanza chemwa, "Mugunda wuwo wanza chemwa, "Mugunda we sakami" mpaka lulu yiyi. ⁹ Hodu ilya nhani yonoikalongwa na nabiiYeremia ikatimiya, Kutya ,"Wakasda vipande makumi madatu, galama yonoipangawa ne wanhu wa Israel ku soko yakwe. ¹⁰ na wakaitumamila kumugunda wo mufinyazi hina muwaha zonoyandi anyelekeze". ¹¹ Baho Yesu akakwima hamwande ya liwali, na liwali akamuuza, Alu! Gwegwe yo mutemi wa wayahudi?" Yesu akamupitula, "Gwegwe yo mutemi ukolonga nhavivyo." ¹² Ninga mapango gonokushitakiwa na wawaha we makuhani ne wanzehe, sakapitula chochose. ¹³ Hodu Pilato akamulonjela, "Siukahuliche mashita gose zidi yako?" ¹⁴ Ninga sakamupitula hamba nhani monga, nhayiyo liwali akamema na mashangawo. ¹⁵ Baho musikukuu yandi desturi ye liwali kumuopola muwopwe mumonga yono akuhagulwa no umati. ¹⁶ Mapango gago wandiwena na muwopwe sugu litajwa lakwe Baraba. ¹⁷ Nhavi mapango gonowandi welundichwe hamonga , Pilato akawauza, Nani mukusaka chimudigulile ku soko yenu Baraba ya Yesu yono akuchemwa Kristo?" ¹⁸ Ku soko andi amanya zono wamubatile ku soko ye chuki. ¹⁹ Mapango akikala muchigoda chakwe che hukumu muchekulu wakwe akamutumila nhani na kutya, " Leche kituma nhani yoyose ko munhu yuyo yono asina masutya. Kwani nhesigwa hawaha mpaka lulu muzinhongo ku soko yakwe". ²⁰ Hodu wawaha wemakuhani ne wanzehe wakawashawishi makutano wamulombe Baraba, na Yesu aulajwe. ²¹ Liwali akawaiza, wa hayi kati ye wejete mulisaka ane nimulechele kwenyu?" Wakatya "Baraba". ²² Pilato akawalonjela, "Nimunozaje chichi Yesu yono akuchemwa Kristo?" Wose wakapitula "Musulubishaje". ²³ Nayo akatya, "Ku soko chi, masutya chi gonoetumile?" Ninga wakachila yawo mazii hamba kuchanya hawaha, "Musulubishaye". ²⁴ Nhani mapango Pilato zono akawona salisuma noza lyolyose ninga badala yake zifuj zandi zanza akasola malenga akakizunguka mawoko gakwe hmwande yo umati na kutya, Ane sina masutya kuchanya ye sakami ya munhu ayu yonoasina na masutya. Mugalangaje aga mwenecho." ²⁵ Wanhu wose wakatya, "Sakami yakwe yenze kuchanya yetu ne wanetu." ²⁶ Hodu akamudigula Baraba kwawo, ninga akamutowa mikotya Yesu na kumukabizi kwawo na kubita kumusulubisha. ²⁷ Hodu asikari wa liwali wakamusola Yesu mpaka Praitoria na ikundi iwaha lya maasikani wose wakumukusanyika. ²⁸ Wakamuwopola myenda zakwe na kumuvatiza inhanzu ye langi ndunhu. ²⁹ Hodu wakanoza itaji ye mamiya na kuiwika kuchanya ye mutwe wakwe, na wakamuwihila mwanzi muuwoko wakwe wo kulume. Wakafugama hamwande yakwe na kumukejeli, wakutya, "Salamu, mutani wa wayahudi?" ³⁰ Na wakamufunyila mate, na wakasola mwanzi na kumutowa mumutye. ³¹ Mapango yonowandi mukejeli, wakamuwopolailya inhanzu na kumuvaliza myenda zakwe, na kumulonga bita kumusulubisha. ³² Zonowakalawilila kunze, wakamuwona munhu akulawilila Krene litagwa lyakwe Saimoni, yono wakamutazimisha kubita nawo ili atuje kuudinhula musalaba wakwe. ³³ Zono wakafika sehemu yonoikuchemwa Galigota, maana yakwe, "Sehemu la fuvu lyo mutwe." ³⁴ Wakamupela siki yonoichanganywe ne nyongo anywee. Ninga azajeza, sakasuma ng'waa. ³⁵ Mapango gonowandi wakondya musulubisha wakagawana myenda yakwe kwa kuitowelqa kura. ³⁶ Wakakikala na kumulanga. ³⁷ Kuchanya yo mutwe wakwe wakawika mashita zidi yakwe gakusomeka, "Ayu yo Yesu, mutemi we wayahudi". ³⁸ Wanyang'anyi wejete wasulubiwa hamonga nayo, mumonga Phelo yo kulume yakwe na yunji kuchekulu. ³⁹ Awala wonowakolanga wakamuzihaki, wakupilimya mitwe yawo. ⁴⁰ Na kutya, "Gwegwe yonowasakaga viza lihekalu na kulizenga mu siku idatu, iwokowaje mwenecho, Nhina uli Mwana wo Mulungu, time hasi uuche mumusalaba.'' ⁴¹ Muhali yiyo wawaha we makuhani wandi walimukshifu, hamonga ne waandishi ne wanzehe na kutya, ⁴² "Akawokowa wanji, ninga sakusuma kiwokowa mwenecho. Mwene ni mutemi we wayahudi. Na atime hasi kulawa mumusalaba, hodu hochomwamini. ⁴³ Akamutumbila Mulungu. Leche Mulungu amuwokowe kwaha hono alisaka, ku soko akatya, ⁴⁴ Nene ni Mwana wo Mulungu" Na walya wanyang'anyi wonowandi wasulubiwa hamonga nayo pia wakalonga zinhani zo kumuzihaki. ⁴⁵ Kwaha kulawilila saa mutandatu kwandi kolili ne kutitu musii yose mpaka isaa ye chenda. ⁴⁶ Zonoikafika isaa ye chenda Yesu akalila kwaha izi iwaha, "Eloi, Eloi, lama thakabakitan?" Akumaanisha "Mulungu wangu, mulungu wangu, chochichi wandeka ⁴⁷ Mapango gago wanji wawo wonowandi wemile halye wakahulika, wakatya, "Akumuchema Eliya". ⁴⁸ Mara kamonga mumonga wawo akamanha ku sola sifongo na kuiimenya chinywaji chonochi sungu, akawika kuchanya yo mubichi na kumupela atuje ng'waa. ⁴⁹ Nawo wono wakasigala wakalonga, " Mumulekaje aliyene, mulechichiwone hono Eliya yo kuza amuwokowe". ⁵⁰ Hodu Yesu akalika kanhi kwe izi iwaha na akaiusa nhumbula yakwe. ⁵¹ Lanje lipazia lye hekalu likabahuka sehemu nyejeyte kulawilila kuchanya mpaka hasi. Ne sii ikachichina na mabwe gakabauka vipande. ⁵² Makaburi gakadigula, ne mwili ye watakatifu wenji wonowandi wagonile nhungo wakafufuliwa. ⁵³ Wakalawila mumakaburi baada ya ufufuo wakwe, wakenjila muji mutakatifu, na wakakijela na wenji. ⁵⁴ Hodu yulya akida na walya wonowandi wakumulanga Yesu wakawono litetemeko na mambo gono gandi gakijela, wakamewa na udodi muwaha na kulonga, "Mbeka ayu andi Mwana wo Mulungu." ⁵⁵ Wachichekulu wenji wono wamutyatya Yesu kulawilila Galilaya ili kumuhudumiya wandi walibaho wakumulanga kulawilila kutali. ⁵⁶ Mugati yawowandi Mriamu Magdalena, Mariamu nyina yakwe Yakobo na Yusufu, na nyina ye wana wa Zebedayo. ⁵⁷ Zono ikafika chinyamihe akaza munhu mugoli kulawilila Arimathayo, yonoakachemwa Yusufu, yono yandi kanhi mwanafunzi wa Yesu. ⁵⁸ Akamubitila Pilato na kuulomba muwili wa Yesu. Kanhi Pilato akalajiza atuje pegwa. ⁵⁹ Yusufu akausolabmuwili akauopa na mwenda wa safi nzelu, ⁶⁰ na akaugohiye mwikaburi lipya lyakwe lyono andi alaisesile mwibwe. Hodu akalivilingisha libwe liwaha likagubichiza mulango w kaburi na akabita zakwe. ⁶¹ Mariamu Magdalena na Manamu yunji wandi baho, wekaye waptuchije likaburi. ⁶² Isiku yono yakatyatya yonoyandi siku baada ye maandaliyo, wawaha we mkuhani na mafarisayo wekelundika hamonga na Pilato. ⁶³ Wakamulonjela, "Muwaha, chilikumbuchila zono mapango yule mulambi hono ali mumi, akalonga, "Baada ye siku idatu alazuka kanhi.' ⁶⁴ Soko yiyo, lajize zono likaburi lilindilizwe viswanu mpaka isiku ye kadatu. Vinginevyo, wanafunzi wakwe wakasuma kuza muhiza na kulonga kwa wanhu, "Azuka kulawilila wonowafyifye'. No ulambi womudumilizo ulamubii kuliko ulya wo kwanza". ⁶⁵ Pilato akawalonjela, "Musole walindilizi. Mubiyenyi mukanoze hali yo usalama zono mukusuma." ⁶⁶ Hodu wakabita na kunoza likaburi lye lilisalama, libwe likagongwa muhuri na kuwika walindlilizi.

¹ Hanyume chinyamihe ye isiku ye sabato lizuwa hono lyandi lyaswa kuelekeya isiku ye kwanza ye liwika, Mariamu Magdalena, na yulya Mariamu yunji wakaza wona likaburi. ² Lanje kwani kolili litetemeko liwaha, ku soko malaika wo muwaha akatima akalivilingisha lilya libwe, kisha akalikalila. ³ Hameso gakwe yandi hina umeme, ne myenda yakwe yandi mizelu hina Seluji. ⁴ Awala wemilii wakamema hofu wakakihwana na wonowafyiye. ⁵ Ayulya malaika akawafafanulia awala wachekulu akatye, "Muledoda ku soko manyile zono mukusaka Yesu, yonoakasulubiwe. ⁶ Alihasina ahano ningaazuka zono akawalonjela. Muze mulanje isehemu yono muwaha andi agonile. ⁷ Mubite mbelembela mukawalonjelenye wanafunzi wakwe, "Azuka kulawilila wono wafyiye, mulanje awalongola Galiliaya kuko komuwona mulanje nawalonjelenyi.'' ⁸ Awaha wachekulu wakauka ahala hekaburi mbelambela wandiwena hofu na nyemo baha, na wakamanha kuwalonjela wanafunzi wakwe. ⁹ Lanje Yesu akakitanhila nawo kutya, "Salamu." Awala wachekulu wakaza na kibata magulu gakwe, na kisha wakamuhemba. ¹⁰ Kisha Yesu akawalonjela, "Muleche doda, mu bite mukawalonje ndugu zangu walongole Galilaya kuko wakumbona. ¹¹ Mapango gago wachekulu hono wabitaga, lanje baazi ye walindilizi wakabita mujini na kuwalonjela la wawaha we makuhani mamo gose gono gandi gejela. ¹² Nawo makuhani honowandi watanhila ne wanzehe na kulijadili jamo lilo hamonga nawo, wakalavyachiasi chiwaha chemagobole kwa walya maasikari. ¹³ na kuwalonjela, "Muwalonjele wanji zono wanafunzi wa yesu wazize ne chilo wakauhiza muwili wa Yesu mapango ase chandi chikali chigonile.' ¹⁴ Hono itaarifa ayi yomufichila liwali, ase chomushawishi na kuwausisa nyenye mashak gose. ¹⁵ Soko yiyo awala asikali wakzisola azliya zingobole na kunoza hina zono wandiwaelekezwe nhani ayo ikazagala sana kwa wayahudi na yanza nhayiyo mpaka lulu. ¹⁶ Ninga walya mitume ikumi ne monga wakabita Galilaya, kulya kigongo lyonoadi akondya waelekeze. ¹⁷ Nawo wazamuwona, wakumuhema. Ninga wanji wakamuwona shaka. ¹⁸ Yesu akakuza kwawo akawalonjela akutya, Napegwa mamulaka gose kusii na kuulanga. ¹⁹ Soko yiyo mubitenyi mukawanoze matafa gose aga ge wanafunzi. Muwalahgutizaje kwa tajwa lya sogo, na lya Mwana na lya muhe wonowelile. ²⁰ Muwafundaje kuganiza mambo gose gononiwamulu, na mulanje, ane nilihamonga nanye chibitilila, hamba udumilizo we sii.