¹Sɔɔn'ě tǐ wlò tùa mǒ, Nyesoa nua jɔ klee blǒ. ²È kmɔ̌à ɛ sea ɛɛ tǔn'à blě, kwijlě sosǒ nɛ̀ jǐa lɔ kmɔ̌a mɔ̀le. È Nyesoaa sùsuu do nɛ̀ sìnsin'a mǒ keǒ něo kɛn.³È Nyesoa poa ɛ wun kɛn Ɔ je, "Nɛ bo pepě bɛ be bo." È pepě beo bo. ⁴È tà Ɔ jěaa pepěǒ, ɛ̀ nua tɛɛ klě Ɔ jǐ kɛn. Ɔ sèsaea pepě klee kwijlěo mɔ̀. ⁵Nyesoa daea pepěo "chnɛ̀," è kwijlěo nɛ̀ Ɔ daea "tǒn." È tà chnɛ̀ klee tǒn sìn'aa, dɛǒ nɛ̀ mooa chnɛ̀ jlò waee do nenɛ. ⁶È Nyesoa poa ɛ wunken Ɔ je, "Nɛ bo kpawɔn fòɛ bɛ wǒ tàmo, ɛ mǒ jɔ mǒ ně klee blǒ mɔ̀ ně mɔ̀ sèsae lè." È nɛ̀ ɛ nua teěn. ⁷Ii tè kě Ɔ nua kpawɔn fòɛ nunuɛ Ɔ sèsaea ně ɛ̈ neɔɔ jɔ bobo klee ně ɛ̈ neěe jɔ mǒ mɔ̀. È nua teɛ̌n. ⁸Nyesoa daea kpawɔn fòɛo "Jɔtùwle." È tà chnɛ̀ klee tǒn sin'aa, deǒ nɛ̌ mooa chnɛ̀ jlò wee sǒn nenɛ.⁹Ɛ̀ Nyesoa poa ɛ wun kɛn Ɔ je, "Nɛ bo ně ɛ̈ neɔɔ jɔ babo ɛ̈ kan'a blǒ wùɛ à kɛn, bɛ bee wakǎa do mɔ̀, è nɛ bo blǒ sosǒ bɛ wǒ tàmo." È nɛ̀ ɛ nua teěn. ¹⁰Nyesoa daea blǒ sosǒà blǒ mɔ̀, è ně fòɛǒ nɛ Ɔ daea jbǒ." È tà Ɔ jěa lii, ì nua tɛɛ klě Ɔ jǐ kɛn.¹¹È Nyesoa poa ɛ wun kɛn de Ɔ je, "Nɛ bo blǒà bɛ wǒ kwlǎa doědoe kɛne ï toe ii chɛ̀ɛ jɔ̌, è nɛ bo tii doědoe bi wǒ ï toe ii chɛ̀ɛ bui." È nɛ̀ ɛ nua teěn. ¹²Kě blǒà ɛ nua kwlǎa doědoe kɛne wowoɛ̌ ï toe ii chɛ̀ɛ jǒ klee tii doědoe ï toe ii chɛ̀ɛ bui. È tà Ɔ jěa lii, ì nua tɛɛ klě Ɔ jǐ Kɛn. ¹³È tà chnɛ̀ klee tǒn sìn'aa, dɛǒ nɛ̀ mooa chnɛ̀ jlò wee ton nenɛ.¹⁴È Nyesoa poa ɛ wun kɛn Ɔ je, "Nɛ bo fonfɔn noǎ bi beě jɔ kɛn, i mǒ chnɛ klee tǒn mɔ̀ sèsae lè, i mǒ ɛ tee le keǒ we plě klee ke jlě mii wlò tùtuɛ numa. ¹⁵Nɛ bi fɔn, i mǒ nɔ blǒ mɔ̀ pepě bo po." È nɛ̀ i nua teěn.¹⁶Kě Ɔ nua fonfɔn noǎ fòee sɔ̌n'o nunuɛ, ɛɛ nyuǒ kɔn pepě sìn'aǒo le nɛ̀ bɛ kɔn chnɛ̀ win kwa, è ɛɛ nyuǒ kɔn pepě dbeaǒo nɛ̀ bɛ kɔn tǒn win kwa, Ɔ̌ nua jɔtnè ke. ¹⁷Nyesoa poa lě fonfɔn noǎ jɔ mǒ, i mǒ fɔn kělɔ kmǒ mɔ̀, ¹⁸i mǒ chnɛ̀ klee tǒn win kwa kɔn, i mǒ kwijlě klee pepě mɔ̀ sèsae lè. È tà Ɔ jěa lii, i nua tɛɛ klě Ɔ jǐ kɛn. ¹⁹È tà chnɛ̀ klee tǒn sìn'aa, dɛǒ nɛ̀ mooa chnɛ̀ jlò wee hɛ̀n nenɛ.²⁰È Nyesoa poa ɛ wun kɛn Ɔ je, "Nɛ bo fefɛ noǎ bi jiě ně mɔ̀le. È nɛ bo noe bi jiě jɔ měne." ²¹Kě Ɔ nua jbǒ doa fòe nùnuɛ klee fefɛ noǎ ï neěe ně mɔ̀ plě noee doědoe wùɛ. È tà Ɔ jěa lii, ì nua tɛɛ klě Ɔ jǐ kɛn.²²Nyesoa poa ii wùɛǒ ngmna mɔ̀. Ɔ je, "A kɔn jlǔ fòfoa, a mǒ kɛne bebe le, ɛ̈ di ɛ numa ně mɔ̀ noǎ fòfoa klee noe fòfoa i mǒà aa tà ne." ²³È tà chnɛ̀ klee tǒn sìn'aa, dɛǒ nɛ̀ mooa chnɛ̀ jlǒ wěe m̀m nenɛ.²⁴È Nyesoa poa ɛ wun kɛn Ɔ je, "Nɛ blǒà bɛ jaě wnùnoa klee nekpetaǐpò ii doědoe wùɛ." È nɛ̀ ɛ nua teěn. ²⁵²⁶È kě Ɔ dɛ̌a Ɔ je, "A nɛ Bä nu tùonyugbe, ɔɔ kmɔ̌ mǒ Ä je wǒ, ɔ mǒ smì ǐ neěe ně mò klee noe ī neěe jɔ mǒ klee wnùnoa klee nekpetaǐpò wùɛ ï neɔɔ blǒ mò plě klee blǒ wùɛà ɔ mǐ i win kwa kɔn keà Äa ka nee je." ²⁷Kě Ɔ nua tùonyugbe nunuɛ, jbɛju plě klee nynɔ, ü kɔn kmɔ̌ wǒa Ɔɔ Chɛ̀ je.²⁸È Nyesoa poa u ngmna mɔ̀ Ɔ je, "A kɔn jiǔ fǒfoa, a mǒ kɛne bebe le. Ba jǐ blǒ wùɛà je le, a mǒ ɛ win kwa kɔn klee smì klee noe klee wnùnoa plě nekpetaǐpò wùɛ ï neɔɔ blǒɔ mɔ̀, a mǒ i win kwa kɔn." ²⁹È Ɔ je, "A tanàle, Ě nye a kwlǎ wùɛɛ doědoe ï toee jɔ̌ plě Ě nye a ti wùɛɛ doědoe ï toee bui. Nì bi moo aa digbaǐ.³⁰È wnùnoǎ klee nekpetaǐpò plě noe nì Ě nye kwlǎ wùɛɛ doědoe, i mǒ di." È dɛǒ nɛ̀ ɛ mooa teěn. ³¹È tà Ɔ tanaa noǎ wùɛǒ Ɔ nuaa kɛne, Ɔ̀ɔ wlò bloa chɔɔ. È tà chnɛ̀ klee tǒn sìa'aa, dɛǒ nɛ̀ mooa chnɛ̀ jlò wěe m̀mɔdo nenɛ.

¹È tà Nyesoa wɔ̀laa jɔ klee blǒ klee tùonyopo plě noǎ wùɛ ï neɔɔ kmɔ̌ mɔ̀ nùnuɛ mɔ̀, ²è keǒ wěe nyeɛta nenɛǒ mɔ̀ Ɔ fɛa le. Noǎ pɛpɛ wùɛ Ɔ niaa ì wɛ̀a mɔ̀ nò. ³Chnɛ̀ jlò wee nyeɛta nenɛǒ nɛ̀ Ɔ sàlaě dɔ̌ Ɔ tùa ngmà jè Ɔ̌ poa lɛ ngmna mɔ̀. Mè kɔɔ̌n tèǒ joo nɛ̀ moo konkwa wùɛ Ɔ nuaa ɛ wɛ̀a mɔ̀ nò plě Ɛmo waěǒ nɛ̀ kɔn mǒ Ɔ fɛa le.⁴Tà chnɛ̀ jlò waeǒ kɔn mǒ Nyesoa sàlaa blǒ klee jɔ tàmo ɛ sìn'aa, noǎ tìi kpalaa tùɔn de ï ä dìi kɛn boɔɔba nìà. ⁵È klě tǐo wlòmo kwlǎ sěɛla jè blǒ kɛne wɛ̌ keǒ jlě nunuɛ mɔ̀, ii tè wowǒ noǎ sea tà ne plě jɔ̌ sea tà ne bï wǒaa. ⁶Klě tio wlòmo ně sonwɛaě wlòmo nɛ̀ jɛpɛ̌ɛa blǒà.⁷È Jǎwɛ̀ Nyesoa dǔa blǒ mǒ Ɔ̌ mɔna jbɛju. È Ɔ flòoa lě Ɔ fònfno ngmnaduǐ mǒ Ɛ̈ nii nyu ɔ̌ nee kmɔ̌, è nɔ̀o mooa kmɔ̌ ne tùonyu. ⁸È Jǎwɛ̀ Nyesoa sàla bò fòɛ tàmo klě Idɛ̀n blǒ kɛn Ɛ̈ neěe klě wɛn'ɛ kwlǎ mǒ wǒla mǒ. Klě Ɔ poa lě jbɛjuǒ Ɔ nuaa.⁹Klě bòǒ wlòmo jǐlenmɔ tii doědoě nì Ɔ nua i kwìn'a klee tià ï toee buii doědoě nì nea lě keǒ didiɛ mɔ̀. È keǒ bòo ƐƐ slè tu tɛ̀ɛ neaǒ Ɛ̈ kɔn buo bó dii, è nee kmɔ̌ tǐ wùɛ mɔ̀. È tu tɛ̀ɛ neaǒ Ɛ̈ kɔn buo bò dii, è jii kàan klee dɛ kukǔ měne. ¹⁰Ɛ kɔna nògba nɛ̀ sìnii'aa Idɛ̀n blǒ mǒ, ɛ̈ diɛ numa ɛ mǒa bòo ně ne po. Ɛ ploa ɛɛ die dlěe hɛ̀n.¹¹Ɛɛ nyane dɛǒ nɛ̀ u dɛɛ Pisòn ɛ̈ sìnii blǒo moo Hafilà mò, tàà u sɛ̀ lěe jǐlenmɔ klò. ¹²Klee sonsnǒ noǎ plě jǐlenmɔ seɛ wùɛ.¹³È sɔ̌n něnɛǒ nɛ̀ u dɛɛ Jehɔ̀n ë sìnii blǒo moo Kusè mò. ¹⁴È tan nenɛǒ nɛ̀ u dɛɛ Tìkwlì ɛ̈ sìnii'ěe Asuù blǒ waka mǒ klě ɛɛ wɛn'ɛ̀ kwla mǒ wǒla mǒ. È hɛ̀n nenɛǒ nɛ̀ u dɛɛ Ufletì.¹⁵È Jǎwɛ̀ Nyesoa poa lě jbɛjuǒ bòo wlòmo ɛ̈ neěe Idɛ̀n blǒ kɛn ɔ mǒa ɛ jǐ mɔ̀ tù, Ɔ mǒa lě ɛɛ tè mɔ̀ kɔn. ¹⁶È Jǎwɛ̀ Nyesoa tmɔɔa nɔ Ɔ je, "Di ti wùɛ ï neɔɔ bòɔ wlòmo ii bui, ¹⁷ɛ̀ sìn'ò tuu doà ɛ̈ kɔn buo bò dii, è jii kukǔ klee kàan dɛ měne, nɛ̀ kɔn buo bòlǒ di. Bò se wɔn bò di ɛ, sɛjesɛ chnɛ̀ jlǒ waiǒ mɔ̀ kɔn bò kòa."¹⁸È kě Jǎwɛ̀ Nyesoa dɛ̀a de ë moo, "Ɛ se tɛɛ nu keǒ jbɛjuu doà bɔ na. Ii tè Ě mi tɛɛ debo mǎ nyu numa keǒ ɔ mɔ̀." ¹⁹È dɛ Ɔ nuaa nɛ̀ moo Ɔ kɛɛn'a wnùnoǎ klee nekpetaǐpò plě noe wùɛ nỳa Ɔ̌ sàlaě i blǒ mǒ. Ɔ dǔai mǒ Ɔ̌ jalaě i jbɛjuǒ mɔ̀, ɛ̈ di ɛ numa ɔ mǒa ii nynɛǎ tùe lè. È nynɛ̌ bɔ̌ daea ii dɛ, è nɛ̀ ɛ tùa. ²⁰Tà ɔ wɔ̀la ii wùɛ nynɛǎ tùea mɔ̀, ii dɛɛ doo chɛ̀ nɛ̀ sea lě wɔ̀ bɛ̈ mooa jbɛjuǒ, ɔɔ debo mǎ nyu bɛ̈ sɛ̀ɛa lɔɔ mǒ.²¹Tèǒ nì kɔn tè Jǎwɛ̀ Nyesoa poa lɔ momnɔɔ sòslo mò. Momnɔǒ nɛ̀ kɔn mǒ ɔ kɛ̀ɛn'aě bo Jǎwɛ̀ Nyesoa knana ɔɔ wakǎ je Ɔ̌ sàlaě ngmèsankae kbǎ, è nɔ̀ǒ Ɔ kana je de. ²²Kbǎo Jǎwɛ̀ Nyesoa sàlaěe jbɛjuǒ mǒ, nɛ̀ Ɔ nua nynɔ mǒ Ɔ̌ jalaě ɔ jbɛjuǒ mɔ. ²³Tà jbɛjuǒ ɔ jěa lɔɔ ɔ je, "Ɛ̀nhɛɛ̀, nyuà nɔ̀ klee mǒ ä wòwɔ lò, nɔ̀ kɔn kbǎ ɛ̈ sɔn lě ně kbě mǒ, nɔ̀ kɔn fǒ ɛ̈ sɔn lě ně fǒ mǒ. Ě mi ɔ nynɔ daeba. Mɛ kɔɔ̌n tèo joo nɛ̀ moo klě jbɛju mo Ɔ sàlaě ɔ."²⁴Tèǒ nì kɔn tè jbɛju siǒ ɔɔ naǎ klee gbeǐ bo, ɔ klee ɔɔ nynoɔ sɔn u pɛ uu tǐn koǔ bo ǔ ne dɛɛ do. ²⁵È klě tǐo wlòmo jbɛju klee ɔɔ nynɔɔ sɔ̌n u bɛ̌a wle le, kɛɛ u sea ɛɛ tǒnwe pe.

¹È smɛ kɔna dɛ kukǔu kplakplǒ ɔ̌ sìn'aǒ nekpetaǐpò wùɛ mò ï Jǎwɛ̀ Nyesoa nuaa. Chnɛ̀ jlò wae tɛ̀ɛ mɔ̀, nɔ̀ gbàla nynɔǒ wan ɔ je, "Deě Nyesoa sɛjesɛ Ɔ tmɔɔ̌ kɛ ale Ɛ̀ moo ti wùɛ ï neɔɔ bòɔ wlòmo baǎ di ii buo le?" ²È nynɔ tùa smɛǒ kɛ̀ɛn ɔ je, "Òooǒn, Ɔ tmɔɔ̌a äle ɛ̈ moo ti wùɛ ï neɔɔ bòɔ wlòmo bä di li, ³ɛ̀ sìn'ò tuà ɛ̈ neɔɔ bɛa ɛɛ slè, nɛ̀ bäǎ di plě bäǎ gbè ɛ̀ mɔ̀ɔ chɛ̀, bɛ̌ nu bä se wɔn bä gbè ɛ mɔ̀, è sɛjesɛ ä kɔn bä kǒ."⁴È smɛ tùa nynɔǒ kɛ̀ɛn ɔ je, "I se kàan tè a se kǒba mu. ⁵Tè kɔn tè ɔmo Nyesoa Ɔ dǎ bòo nɛ̀ moo Ɔ ji ɛle bǎ di ɛ, aa jǐ mi bɛ̌ba a mǒ Ɔ je wǒ a mǒ kukǔ klee kàan dɛ měne ji," ⁶È tà nynɔ jěaa tuǒ ɛɛ jǐlenmɔnmɔ plě ke ɛɛ buo nuu kàan nunuɛ keǒ didiɛ mɔ̀, ɔ sìɛn'a ɛ dlǒ mɔ̀le siɛnsiɛ, keǒ nyu bɔ̌ di ɛ wlòle kaen dɛ klee tɔ̀n ɛ mi ɔɔ nyema. Ɔ salà ɛɛ buoo do ɔ̌ dia lɛ ɔ̌ sàla ɛɛ buo tɛ̀ɛ ɔ̌ nyea lɛ ɔɔ̀ jbe ɔ̌ dia ke.⁷Tà u dia lɛɛ, è tǐi doo tǐ jlěe ɛ nua lɛ uu jǐ bɛ̌a ǔ jia lɛ ɛ̈ moo u poa gblàblò. Ii tè u chɛ̌na bueě wɔ̀nfì nì u gbàla ǔ kana uu gblàblò pòpoɛǒ kɛn. ⁸Tà flì keaa pɛ, u wɔ̌na Jǎwɛ̀ Nyesoaa nena bee chìnchìn klě bòo wlòmo, è nùǒ u wɛ̌a uu chɛ̀ klě ti slè ï neaěe bòǒ wlòmo.⁹Kɛɛ Jǎwɛ̀ Nyesoa dala jbɛjuǒ Ɔ je, "Ɛ̀dɛ̌mo, è tàa nèě kɛ?" ¹⁰È jbɛjuǒ ɔ tùa Lɔ kɛ̀ɛn ɔ je, Ě wɔ̌n nèe bee chìnchìn kělɔ bò wlòmò, Ě be mǒ fano, "Ě po gblòblò, ii tè nɛ̀ kɔn tè Ě wɛ̌ ně chɛ̀." ¹¹È Nyesoa gbàla ɔ wan Ɔ je, "Mɔ tmɔɔ̌ nǒoo kɛ mò ɛ̈ mo pò gblàblò? Deě di kɛ tuǒ ɛɛ buo loe ɛ̈ kɔn tè Ě tmɔ̌ɔa mòo bò bɔ̀aa didiɛ?"¹²È jbɛjuǒ ɔ tùa Lɔ kɛ̀ɛn ɔ je, "Nynɔà jàla mǒo nɔ̀a nyeě tu buoà Ě di ɛ." ¹³È Jǎwɛ̀ Nyesoa gbàla nynɔǒ wan Ɔ je, "Mɛ kɔɔ̌n kɛ dɛà nùǔ?" È nynɔ tùa Lɔ kɛ̀ɛn ɔ je, "Smɛ nɔ̀ pooeě pɛ̌le, Ě di tuǒ ɛɛ buo."¹⁴È kě Jǎwɛ̀ Nyesoa dɛ̌a smɛ je ke Ɔ je, "Klě bìì nekpetaǐpò klee wnùnoa wùɛ slè nè do mò kɔn chlǒà keǒ dɛà nùu mɔ̀. Sɔɔn'à tǐà jleě mǒ nè dlǒ miě fnò slè bò pɛ̀nma, nè kwlě nɛ̀ mì nùma mò le chlì ke ɛ mii jleě mǒ bo tonma mòo kmɔ̌ ne ¹⁵Ě miǒ nynɔǒ ɔ klee mòo sɔ̌n jejlaea slè bò pòba plě klee nè jlǔu jlǔ klee ɔɔ jlǔu jlǔ. Mìa uu nyuu botasùgbee nmuma, kɛɛ Ɔ miǎ nè dlǒ waba."¹⁶È kě Ɔ dɛ̌a nynɔǒ je de Ɔ je, "Ě mi nè ti jakě kɛne popooba, tǐo jleě mìi kwlě mǒ nema chnechně noǎa fòe nì mìe slè tìe bɛɛ̌ba, è bɛ̌ nu bò kmàe nè bò sɔn'ě i slè mò, è kaǒ nè jbee tǒn miǐ jèe numa, è nè jbeǒ nɔ̀ nè win neě wan."¹⁷È kě Ɔ dɛ̌a jbɛjuǒ je de Ɔ je, "Ke ɛ toon jleě mǒ bo è po nèe nynɔɔ win nɔkǔ jebo, è dii tu buoǒ ɛ̈ kɔn tè Ě tmɔɔ̌a mòo bò bɔ̀aa didiɛ, ii tè c̀hlǒ nɛ̀ Ě po blǒà kɛn keǒ dɛǒ nùu ɛɛ tè mɔ̀, kɔ̀n bò nù konkwa jakǎ plě ɛ mǒ digbaǐ fòfoa kɛne wǒ keǒò mɔ̀ ke ɛ mii jleě mɔ̌ bo tonma mòo kmɔ̌ ne. ¹⁸Ɛ mi wiǎ klee wiǎ kwlǎ kɛne wǒba, dǎgbàǒ miěe chè mò sàba nɛ̀ mì dìba. ¹⁹Mì konkwa jakǎ numa, chɛcho miěe mò blo plě mò didi dɛ jě mò di. Dɛǒ nɛ̀ mì nùma nu nu mò de mu klě blǒ slè, blǒà Ä nuua amoo, tèǒ nì kɔn tè a moo blǒ, a mi blǒ numa de."²⁰È Ɛ̀dɛ̌mo tùea ɔɔ nynɔ nynɛ̌ ɛ̈ mooa Ǐfi, mɛ kɔɔ̌n tèo joo nɛ̀ moo nɔ̀ mi tùonyopo wùe uu naǎ tùba. ²¹È Jǎwɛ̀ Nyesoa dbala nmi koɛ dale keǒ Ɛ̀dɛ̌mo klee ɔɔ nynɔ Ǐfi mɔ̀ ɔ̌ gbàla u daleǒ Ɔ nuaa.²²Tà dɛǒ ɛ sin'aa, è kě Jǎwɛ̀ Nyesoa dɛ̌a Ɔ je, "A tanàle, tùonyopo u wǒ Ä je u ji kàǎn klee dɛ kukǔ měne, ii tè Äǎ sonwɛ̀ǒ u mɔ̀ mò uǔ sɛ̀ fònfnò tuǒ ɛɛ buo uǔ di, ɛ̈ di ɛ numa uǔ se kmɔ̌ ne tǐ wùɛ mɔ̀." ²³Tèǒ ni kɔn tè Jǎwɛ̀ Nyesoa sàlaě ɔ bòǒ wlòmo ɛ̈ neěe Idɛ̀n blǒ kɛn, ɛ̈ di ɛɛ numa ɔ mǒa jlě nu keǒ blǒà kɛn ɛ̈ kɔn mǒ Ɔ sàlaěe u. ²⁴Tà Ɔ plùa uu mɔ̀le, è klě bòo wakǎo neěe wɛn'ɛ kwlǒ mǒ wǒlà mǒ klě Ɔ nynaeaě kbě mǒ ne najiǒpò bò klee napèpɛ̀lòo pan ɛ̈ pùnpǔɛn ɛɛ chɛ̀ le klě ɛɛ wakǎ wùɛ mɔ̀, i mǒ nyopo wùɛ fònfnò tùǒ fǒ měne bla.

¹È jbɛjuǒ ɔ klee ɔɔ nynɔ Ǐfi sɔ̌na pɛna mǒ, Ǐfi nea kwlě mǒ. Tà ɔ kmàeaa, ɔ kɔna jbɛjuju ɔ dɛɛa ɔɔ nynɛ̌ Kèen. Ɔ je, "Jǎwɛ̀ nɔ̀ mǎnaǒ ɔ mɔ̀ ɔ̌ kɔna jbɛjuju." ²È keǒ ɔ demǒ ɔ tùaǒ jbɛjuju tɔ̀ɔ u dɛɛa Ebò. Ɔ mooa blablɛǎ jǐmɔ̀tùɔ̌, è Kèen nɔ̀ mooa jlè nu nyu.³Chnɛ̀ jlò wae tɛ̀ɛ mɔ̀ Kèen jalaě dǎgbà ɔ sàlaěe chè mò nì mooa chɔ̀no ɔ piea Jǎwɛ̀ je. ⁴Klě tǐi doǒ wlòmo Ebò dbàla blablɛ̌ɛ nyǐsanju ɔ̌ piea ɛɛ kàan noǎ Jǎwɛ̀ je keǒ Ɔɔ chɔ̀no mɔ̀. Jǎwɛ̀ɛ plɔ blooa Ebò klee ɔɔ chɔ̀no kɛn, ⁵kɛɛ Ɔɔ plɔ sea Kèen klee ɔɔ chɔ̀no kɛn bloo lo. Dɛǒ nɛ̀ nua Kèen bea jlo měne chɔ̌ɔ ɔ̌ tutuia jle.⁶È Jǎwɛ̀ gbàla Kèen wàn Ɔ je, "Mɛ kɔɔ̌n kɛ tè pèě jlo? Plě mɛ kɔɔ̌n kɛ tè tùtuiǐ jle? ⁷Bě nu bò nu mǒ slɛɛ̌ dɛ, Ně plɔ miì kɛ̀n blooba, kɛɛ bò wlǎ tè, è dɛ kukǔ ɛ̈ wǒo je nmi kukǔ fee keǒ wànwǐne, nɛ̀ jlɛ̌ bɛ nymiì niì jǐ le, kɛɛ tù ɛ bo kɛn bo."⁸È chnɛ̀ jlò wae tɛ̀ɛ mɔ̀, kě Kèen dɛ̀a Ebò ɔɔ mamǔ je, ɔ je, "Sɔn mǒ, bä muě chè mò." È tà u nea lěe chè mò, è nɔ̀ǒ jǎla ɔɔ mamǔ Ebò mò ɔ̌ poa ɔ mnùngma. ⁹Tà ɛ kpalaa ti gbeii, è Jǎwɛ̀ gbɛ̀a Kèen wàn Ɔ je, "È tà màmu Ebò nèě kɛ?" È Kèen tùia Lɔ kɛ̀ɛn ɔ je, "Ě se tà ně mamǔ neǒo ji. Deě mǒ moo kɛ ně mamǔu jǐmɔ̀tuɔ̌?"¹⁰È kě Jǎwɛ̀ dɛ̀a ɔ je, "Mɛ kɔɔ̌n kɛ dɛà nùǔ? Ě wɔ̌n màmuu tùe ɔ̌ kǒ, ɔɔ nymɔ nɛ̀o neǒ blǒ mɔ̀. ¹¹Iì tè sɔɔn'à tǐà wlòmo chlǒ nɛ̀ neǒò kɛ̀n kěɔ blǒa mɔ̀ ɛ̈ kɔn kɛn màmùu nymɔ paeaa wlò, è poo ɔɔ mnǔngmà. ¹²Bɛ̌ nu bò jlɛ̌ bò dɔ̀ dɛ, blǒ se dɛ kɛn wǒba mu keǒò mɔ̀. Sè nana kɔnma mu, mì blě kɛne nama sosǒ."¹³È kě Kèen dɛa Jǎwɛ̀ je ɔ je, "Ně plɔ tu kɛn bo maěa ɛ kun dɔ̌ keǒ bo blě ɛ. ¹⁴Tanàle, kekɛ̀a sàǎ jlě nunuɛ kwa ke keǒ blǒà kɛn plě Ě see kɛ̀ɛ̀ lè konwaěma mu. Ě mi blě kɛn le na nyu mooma sosǒ, è nù nyu wùɛ ɔ̈ mi mǒo jěba ɔ miǐ dbǎ." ¹⁵È kě Jǎwɛ̀ dɛ̌a Ɔ je, "U seè dbǎba mu. Nyu wùɛ ɔ̈ mi mòo dbǎba, Ɛ̌ miǒ ɔɔ plɔ tu kɛn bo maěma klě wěe nyeɛtan wlòmo ɛ miǒ nènɛ mò sin." È Ɔ tùa lɔ jboo dɛ kɛn, ɛ̈ di ɛ numa nyu wùɛ bɔ̌ jěa lɔ, ɔɔ̌ dǐa ɔ dbǎ.¹⁶È Kèen sɔnaǒ Jǎwɛ̀ jemǒ ɔ̌ muaě blǒǒ u dɛɛa Nodì kɛ̀n ɛ̈ moo de tetba blǒ kɛn ɛ̈ neěe Ǐdɛ̀n blǒo wakǎǒ kɔn kɛn wɛn wěeě kwlǎ mǒ. ¹⁷È tà Kèen klee ɔɔ nynɔ sɔnaa pɛna mǒ, ɔɔ nynɔ nea kwlě mǒ. Tà kmàeaa, ɔ kɔna jbɛjuju u dɛɛa Inɔ̀. È tà Kèen poaa diě, è ɔ̀ dɛɛa lɛ ɔ̀ tùeea lɛ ɔɔ jùu nynɛ̌ ɛ̈ moo Inɔ̀.¹⁸È Inɔkè kɔna jbɛjuju u dɛɛa Iwlà. È Iwlà kɔna jbɛjuju u dɛɛa Mahujè. È Mahujè kɔna jbɛjuju u dɛɛa Matusìɛ. È Matusìɛ kɔna jbɛjuju u dɛɛa Lemà. ¹⁹È Lemà kɔna nynoo sɔ̌n. Do mooa Adà, è do mooa Sɛlà.²⁰Tà Adà kmàeaa, ɔ̀ kɔna jbɛjuju u dɛɛa Jabɔ̀. Nɔ̀ mooa gbeǐ keǒ nyopò wùɛ ü tùaa wnùnoa popoɛ wlò mɔ̀ klee nyopò ü tǐn'a lěe blea ngmɛ̀ɛ. ²¹Ɔɔ mamǔu nynɛ̌ mooa Jubɔ̀, nɔ̀ mooa gbeǐ keǒ nyopò wùɛ ü bee kanǐkài klee plèi mɔ̀. ²²Lemàa nynɔ Sɛlà kɔna jbɛjuju u dɛɛa Tubɔ̀ Kèn, ü wlɛ̌aa kànwɛi klee pně ii doědoě, (ü moo tàbapo). Ɔ kɔna mamǔ nyneju ɔ̈ mooa Namà.²³Chnɛ̀ jlò wae tɛ̀ɛ mɔ̀ Lemà pneea ɔɔ nyno je ɔ je, "Adà klee Sɛlà, a poǒ nɔkǔn jebo,Ě dbǎ jbɛju tɔ̀ɔ.Dɛ ɔ nuu ɛ kɔn tè Ě dbǎ lɔɔ,Ně nyno, a wɔn ně win.Nɛ̀ moo nyɛmò'ǒ ɔ tbaǎ dɛ, nɛ̀ kɔn tè Ě dbǎ lɔ. ²⁴È Nyesoaa kpan sèsà keǒ Kèen kɛ̀n Ɛ moo wěe nyeɛta keǒ nyu wùɛ ɔ̈ mi ɔɔ dbǎba mɔ̀, Kɛɛ ně chɛ̀ɛ kpan sèsà Ɛ moo wǎ wlèe tan tùo pù, pùtùo nyeɛta."²⁵È tà Ɛ̀dɛ̌mo blalaa bo de ɔ klee ɔɔ nynɔɔ sɔ̌n u kɔna jbɛjuju tɔ̀ɔ u dɛɛa Sɛɛ̀. ²⁶È Sɛɛ̀ kɔna jbɛjuju u dɛɛa Inosè. Klě tǐǒ wlòmo tùonyopo tùngmaeaǒ tàa do bebeɛ, ɛ̈ di ɛ numa u mǒa Jǎwɛ̀ɛ wɛ̀ sà.

¹Dɛ tɛ̀ɛ ä dìǒo kɛn nɛ̀ moo Ɛ̀dɛ̌mo klee ɔɔ jlǔujlǔ ke u nuu tèteɛ. Tà Nyesoa nuaa tùonyopo uu kmɔ̌ bɛ wǒa Lɔɔ chɛ̀ je, ²ɔ nua jbɛju klee nynɔ. Uu sɔ̌n wùɛǒ tà Ɔ wɔ̀laa uu nunuɛ mɔ̀, Ɔ poa u ngmna mɔ̀. È Ɔ tùea u nynɛ̌ ɛ̈ moo "Tùonyugbe."³È tà Ɛ̀dɛ̌mo kɔnaa jlě wlèe m̀mɔdo tùo pu (130), ɔ̀ kɔna jbɛjuju ɔ̈ kɔn kpni wǒa lɔɔ kpni je, ɔ tùea ɔ nynɛ̌ ɛ̈ moo Sɛɛ̀. ⁴Tà ɔ kɔna nɔɔ, ɔ blalaǒbo ɔ̀ kɔna jbɛjujlu klee nynejujlu tùu, ɔ̀ kɔna jlě wlèe m̀m kplěe nyɛɛ̀ tìi de (800). ⁵È jlě wùɛ ɔ sìn'aa kmɔ̌ i nua jlě wlèe m̀m kplěe siědo tùo jlěe wlò tùo pù (930), plě ɔ̌ kǒla.⁶È tà Sɛɛ kɔnaa jlě wlèe m̀m tùo m̀m (105), ɔ̀ kɔna jbɛjuju u dɛɛa Inosè. ⁷Tà ɔ kɔna nɔɔ, ɔ blalaǒbo ɔ̀ kɔna jbɛjujlu klee nynejujlu tùu, ɔ̀ kɔna jlě wlèe m̀m kplěe nyɛɛ̀ tùo jlěe nyiɛtan tìi de (807). ⁸È jlě wùɛ ɔ sìn'aa kmɔ̌ i nua jlě wlèe m̀m kplěe siědo tùo jlěe pù pù tùo sɔ̌n (912), plě ɔ̌ kǒla.⁹È tà Inosè kɔnaa jlě wlèe hɛ̀n tùo pù, ɔ̀ kɔna jbɛjuju u dɛɛa Kenɛ̀. ¹⁰Tà ɔ kɔna nɔɔ, ɔ blalaǒbo ɔ̀ kɔna jbɛjujlu klee nynejujlu tùu, ɔ̀ kɔna jlě wlèe m̀m kplěe nyɛɛ̀ tùo jlěe pù pù tùo m̀m tìi de (815). ¹¹È jlě wùɛ ɔ sìn'aa kmɔ̌ i nua jlě wlèe m̀m kplěe siědo tùo jlěe m̀m (905), ple ɔ̌ kǒla.¹²È tà Kenɛ̀ kɔnaa jlě wlèe tan tùo pù, ɔ̀ kɔna jbɛjuju u dɛɛa Mahalàli. ¹³Tà ɔ kɔna nɔɔ, ɔ blalaǒbo ɔ̀ kɔna jbɛjujlu klee nynejujlu tùu, ɔ̀ kɔna jlě wlèe m̀m kplěe nyɛɛ̀ tùo jlě wlèe sɔ̌n tìi de (840). ¹⁴Kenɛ̀ sìna kmɔ̌ jlěe wlèe m̀m kplěe siědo tùo jlěe pù (910), plě ɔ̌ kǒla.¹⁵È tà Mahalàli kɔnaa jlě wlèe tan tùo m̀m, ɔ̀ kɔna jbɛjuju u dɛɛa Jawlɛ̀. ¹⁶Tà ɔ kɔna nɔɔ, ɔ blalaǒbo ɔ̀ kɔna jbɛjujlu klee nynejujlu tùu, ɔ̀ kɔna jlě wlèe m̀m kplěe nyɛɛ̀ tùo jlěe wlò tùo pù tìi de (830). ¹⁷È jlě wùɛ ɔ sìn'aa kmɔ̌ i nua jlě wlèe m̀m kplěe nyɛɛ̀ tùo jlě wlèe hɛ̀n tùo pù pù tùo m̀m (895), plě ɔ̌ kǒla.¹⁸È tà Jawlɛ̀ kɔnaa jlě wlèe nyɛɛ̀ tùo sɔ̌n (102), ɔ̀ kɔna jbɛjuju u dɛɛa Inɔkè. ¹⁹Tà ɔ kɔna Inɔkè, ɔ blalaǒbo ɔ̀ kɔna jbɛjujlu klee nynejujlu tùu, ɔ̀ kɔna jlě wlèe m̀m kplěe nyɛɛ̀ tìi de (800). ²⁰È jlě wùɛ ɔ sìn'aa kmɔ i nua jlě wlèe m̀m kplěe siědo tùo jlě wlèe tan tùo sɔ̌n (962), plě ɔ̌ kǒla.²¹È tà Inɔkè kɔnaa jlě wlèe tan tùo m̀m, ɔ̀ kɔna jbɛjuju u dɛɛa Matuslà. ²²Tà ɔ kɔna Matuslà, ɔ blalaǒbo ɔ̀ kɔna jbɛjujlu klee nynejujlu tùu, ɔ̀ kɔna jlě wlèe m̀m kplěe tan (300) tìi kělɔ kmɔ̌ mɔ̀, ɔ mooa nyu ɔ̈ nɛaa Nyesoa de tɛɛ tɛɛ. ²³È jlě wùɛ Inɔkè sìn'aa kmɔ̀ i nua jlě wlèe m̀m kplěe tan tùo jlě wlèe tan tùo m̀m (365). ²⁴È tà ɔ nɛaa Nyesoa de tɛɛ tɛɛ, tèǒ nì kɔn tè, ɔ sea kǒ Nyesoa kpala ɔ jɔkɛn.²⁵È tà Matuslà kɔna jbɛjuju u dɛɛa Lemà. ²⁶Tà ɔ kɔna Lemà, ɔ blalaǒbo ɔ̀ kɔna jbɛjujlu klee nynejujlu tùu, ɔ̀ kɔna jlě wlèe m̀m kplěe nyeɛta tùo jlě wlèe hɛ̀n tùo sɔ̌n tìi de (782). ²⁷È jlě wùɛ ɔ sìn'aa kmɔ̌ i nua jlě wlèe m̀m kplěe siědo tùo jlě wlèe tan tùo siědo (969), plě ɔ̌ kǒla.²⁸È tà Lemà kɔnaa jlě wlèe siědo tùo sɔ̌n (182), ɔ̀ kɔna jbɛjuju. ²⁹Ɔ tùea ɔ nynɛ̌ ɛ̈ mooaa Nòwǎ. Ɔ je, "Ɔ moà nɔ̀ miě wlò wlòmo ble tùtuɛ jaba keǒ jlě nunuɛ mɔ̀ keǒ blǒà Jǎwɛ̀ cheaěaa le mɔ̀."³⁰Tà ɔ kɔna Nòwǎ, ɔ blalaǒbo ɔ̀ kɔna jbɛjujlu klee nynejujlu tùu, ɔ̀ kɔna jlěe wlèe m̀m kplee jlě wlèe hɛ̀n tùo pù, pù tùo m̀m tìi de (595). ³¹È jlě wùɛ Lemà sìn'aa kmɔ̌ i nua jlě wlèe tan tùo pù, pù tùo nyeɛta (777), plě ɔ̌ kǒla.³²Plě Nòwǎ mǒa jlě wlèe m̀m kplěe m̀m kɔn (500), ɔ kɔna jbɛjujluu tan uu nynɛǎ nìa, Sɛmɛ̀ klee Hɛmɛ̀ plě Jafɛ̀.

¹È klě těo wlòmo tà tùonyopò kèaa kɛne bebe le kělɔ kmɔ̌ mɔ̀ ù kwɛna nynejujlu, ²Nyesoaa jbɛjujlu jěa jǐlenmɔ nynejluǒ ǔ sàlaě u slè nyno u jlɛ̌aa ǔ kɔna u nyno měne. ³. È kě Jǎwɛ̀ dɛ̌a Ɔ je, "U neě blo fǒ wlòmo ɛ̌ see wlɛ̀ɛa kɔn, ii tè ně súsu se uu dɛ kukǔ tǎeǒ jebo nynama mu tǐ wùɛ mɔ̀. Tèǒ nì kɔn tè Ě nye u jlě wlèe m̀mɔdo u mǒ uu kmɔ̌ de sà."⁴Klě tǐo wlòmo plě klě tǐ tìi kɛn'aǒo wlòmo katlǐi nyo nea kmɔ̀ üà Nyesoaa jlǔ klee kmɔ̌ɔ jlǔ kɔnaa, u mooa beɛ̌pò uu nynɛǎ jɛa kle tǐo wlòmo.⁵È tà Nyesoa jěaa tùonyopò wùɛɛ dɛ kukǔ u niaa kělɔ kmɔ̌ mɔ̀ tǐ wùɛ mɔ̀ klee uu dlě le sìɛnsiɛn kukǔǒ, ⁶Ɛ poa Ɔɔ wlò wɔ̀ɔn chɔɔ keǒ Bɔ mǒa tùonyopò nù kě lɔ kmɔ̌ mɔ̀, Ɔɔ wlò maěaǒ bo dǒ.⁷Ii tè kě Ɔ dala Ɔ je, "Ě mi tùonyopò wùɛ gbè sùeba klee wnùnoǎ klee nekpɛtaǐpò plě noe ïà Ě nuu. Mɛǒo joo nɛ̀ moo ně wlò be wɔɔn keǒ bo di u nu." ⁸Kɛɛ Jǎwɛ̀ɛ plɔ blooa Nòwǎ kɛn.⁹Dɛà ä diǒo kɛn nɛ̀ moo Nòwǎ klee ɔɔ jiǔujlǔ tè. Ɔ sea tè jɛɛa kɔn, ɔɔ do nò mooa kàan nyu klě ɔɔ tǐ wlòmo. Ɔ nɛa Nyesoa de tɛɛ tɛɛ. ¹⁰Nòwǎ kɔna jbɛjujluu tan. Sɛɛ̀n klee Hɛɛ̀n plě Jafɛ̀.¹¹Kɛɛ tùonyopò wùɛ ü neaɔɔ kmɔ̌ mɔ̀ u nia dɛ kukǔ klě Nyesoa jǐ kɛn, ii tè dɛ kukǔ jǐaɔ kmɔ̌ mɔ̀le. ¹²È tà Nyesoa tanaɔɔ kmɔ̌ mɔ̀le, Ɔ jěa dɛ kukǔ sosǒ. Mɛ kɔɔ̌n tèo joo nɛ̀ moo tùonyopò wùɛ neea dɛ kukǔ kmɔ̌.¹³È kě Ɔ dǎla Nòwǎ je Ɔ je, "Kmɔ̌ wùɛà nɛ̀ tùonyopò jìe dɛ kukǔ jele, nɛ̀ kɔn tè Ě po ɛ ble keǒ Boǒ sùe u klee kmɔ̌à gbè. ¹⁴Ii tè nu blǎgbè fòɛ, nuu Ɛ jǐlenmɔ ti, nu blè klè Ɛ wlòmo, nu slii mìe ɛ wlòmine tli klee ɛɛ kɛn. ¹⁵Ke bò nuu blǎgbè fòɛ die nunuɛ nɛà. Nu ɛɛ de tmɔtmɔ bɛ nu be wee wlèe m̀m kplèe tan (300) è ɛɛ měne boaboǎ be nu be wee wlè sɔ̌n tùo pu (50) plě ee ja tmɔtmɔ bɛ nu be wee wlò wùo pù (30)¹⁶È bò tùo ɛɛ kǎtotǒ dlǒ, è bò sìo kpawɔn keǒ kǎtotǒ klee ngmnì panpe, bɛ nu bò waěe do ne bɔ̀tìe lè. Tùo chnu keǒ ɛ wakǎ mǒ, nu blǎgbeǒ bɛ kɔn dlǒ mǒ blè nenee kpee tan. ¹⁷Po nɔkǔn bo. Ě mi jiji ně foɛ̀ dbòba kělɔ kmǒ mò, Ě mǒ fefɛ dɛ wùɛ ɛ̈ pee fònfno gbè sùe ë neɔɔ jɔ bobo, ii wùɛ i mǒ kǒ.¹⁸Kɛɛ Ě mi ně kuo win wlò tùba keǒò mɔ̀. Ii tè bɛ̌ nu bò wɔ blǎgbèǒ popoɛ mɔ̀, e mò klee nè jbɛjujlu klee nè nynɔ plě klee nè jbɛjujluu nyno ba poě wlòmo. ¹⁹Dǔ fefɛ dɛ mǒ ii sɔ̌n'ɔ sɔ̌n'ɔ doědoe ii beě klee neklě paeě i klě blǎgbè wlòmo, i mǒ kmɔ̌ ne klěè mò.²⁰I mi sɔň'ɔ sɔ̌n numa i miěe mɔ̀ dì, ii doědoe noe klee wnunoa plě nekpetaǐpò wùɛ, ɛ̈ di ɛ numa i mǒ kmɔ̌ ne. ²¹Paeě digbaǐ fòfoa ii doědoe, i klee mò a mǒ di." ²²Ii tè kě Nòwǎ nu dɛ wùɛǒ ɛ̈ kɔn te Nyesoa mɔɔ̌a nɔɔ nunuɛ teěn.

¹Tà Nòwǎ wɔ̀laa blǎgbèǒ nunuɛ mɔ̀, è kě Jǎwɛ̀ dǎla ɔ je Ɔ je, "Klě tǐà wlòmo nè do tùio ně win bo ɔ̈ nee kàan dɛ kmɔ̌, nɛ̀ kɔn tè pa klě blǎgbèǒ wlòmo mò klee nè koǔ bo kwɛɛn'ɛ sɔ̌n. ²Kpa wnùnoǎa noǎà ï wɛ̀ɛ sìnɛ̀ plě ï nuu kàan keǒ chɔ̀no piea mɔ̀, ii sɔ̌n'ɔ sɔ̌n'ɔ kplěe nyeɛtaa doědoe ii beě klee neklě, è bò mào wnùnoǎ klee nekpetaǐpòo noǎà ï see sìnɛ̀ wɛ̀ plě ï see kàan nu keǒ chɔ̀no piea mɔ̀, ii sɔ̌n'ɔ sɔ̌n'ɔ doědoe ii beě klee neklě. ³Plě noee doědoe kplěe nyeɛta ii kokwɛ̌ klee neklě, ɛ̈ di ɛ numa fefɛ noǎ wùɛɛ doědoe i moǎ kmɔ̌à jele jǐ de.⁴Bɛ̌ nu bo chnɛ̀ jlò wěe nyeɛta bǐ sìn, Ě mǐ nǔ numa ɛ mǒ dba klě chnɛ̀ jlò wee wlèe sɔ̌n wlòmo. Ě mǐ kmɔ̌ ne dɛ wùɛ gbè sùe ɛ̈ neɔɔ kmɔ̀ mɔ̀ Ě nuu." ⁵È dɛǒ kɔn tè Jǎwɛ̀ tmɔɔ̌a nɔɔ nɛ̀ ɔ nua teěn.⁶Tǐo jiji ně fòɛ jǐa lɔɔ kmɔ̌ mɔ̀le, è Nòwǎ kɔna jlě wlèe m̀m kplěe m̀mɔdo (600). ⁷Kě Nòwǎ, klee ɔɔ jbɛjujluu tan'ǒ klee ɔɔ nynɔ, klee jbɛjujluu tanǒ uu nyno nuaě blǎgbèǒ wlòmo popa, ɛ̈ di ɛ numa něe dǐa u kpa.⁸Wnùnoǎà ï wɛ̀aa sìnɛ̀ klee wnùnoǎ klee nekpetaǐpò ï seaa sìnɛ̀ wɛ̀ plě noe wùɛɛ doědoe ii sɔ̌n'ɔ sɔ̌n'ɔ. ⁹Ii beě klee neklě nì palaě klě blǎgbèǒ wlòmo klě Nòwǎ mɔ̀ wòje ke Nyesoa nuaa Nòwǎ tmɔɔ̌a kě ɛ nua tùɔn kpòkpa. ¹⁰È tà chnɛ̀ jlò wee nyeɛta sìn'aa, jiji ně jǐa lɔ kmǒ mɔ̀le.¹¹Tà ɔ kɔnaa jlě wlèe m̀m kplěe m̀mɔdo (600), è klě jlǒo sòbaii sɔ̌n něnɛ ɛɛ chnɛ̀ jlò wee pù tùo nyeɛta mɔ̀, kbě kɛn ne ně tùngmaeaě wlòmo sonsɔn, è kbě kɛn ne ně tɛ̀ɛ sònwɛaě jɔ mǒ mǒ ɛ tùngmaea dbadba. ¹²È ɛmo něǒ ɛ sea jekǎ, ɛ̌ nua chnɛ̀ jlò wee wlèe sɔ̌n klee ton jlǒ wee wlèe sɔ̌n.¹³Ɛmo chnɛ̀ jlò waeǒ ɛ̈ kɔn mɔ̀ ně tùngmaea lěe blǒ wlǒmo klee jɔ mǒ sonsɔn mǒ nɛ̀ Nòwǎ klee ɔɔ jbɛjujluu tan'ǒ, Sɛɛ̀mɛ klee Hɛɛ̀mɛ klee Jafɛ̀, plě Nòwǎa nynɔ klee jlǔu taan nyno'ǒ u paea lě blǎgbèǒ wlòmo. ¹⁴U paea wnùnoǎ klee nekpetaǐpò plě noee doědoe wùɛ klee noǎ wùɛ ï chlìi blǒ kɛn le, klě uu chɛ̀ mɔ̀.¹⁵Fefɛ noǎ wùɛɛ sɔ̌n'ɔ̌ sɔ̌n nì palaě Nòwǎ mɔ̀ blǎgbè wàn. ¹⁶Ii beě klee neklěe doědoe ni pala keǒ Nyesoa nua lɔɔ tmɔɔ̌a. Tà uu wùɛ u wɛ̀ɛa lě ɛɛ wlòmo de, è ɛɛ chnu nɛ̀o Jǎwɛ̀ kana.¹⁷È klě chnɛ̀ jlò we klee ton jlǒ wee wlèe sɔ̌n wlòmo ně jǐa lɔ kmɔ̌ mɔ̀le. Ně jǎla dlǒ le ja ja ɛ̌ poa blǎgbèǒ jɔ mǒ. ¹⁸Tà něo ɛ jǎlaa ja ɛ nua blǎgbèǒ ɛ̌ fǐn'a ně kɛne tɛɛ¹⁹ɛ jǎla ja ɛ̌ kana togbei pɛ̀ti wùɛ kɛ̀n. ²⁰Ɛɛ jijiɛ̌ sìn'aǒ mǒ be wee pùtuo m̀m.²¹Tùonyopò wùɛ klee wnùnoǎ klee nekpetaǐpò plě noe ï neɔɔ kmɔ̌ mɔ̀, ii wùɛǒ i wɛ̀aǒ lo kpǎkpǎ, ²²Fefɛ dɛ wùɛ ɛ̈ nɛɛ blǒ mɔ̀ ɛ̈ pee fònfnò, nɛ̀ kǒa.²³È kě Nyesoa nua noǎ wùɛ ï nɛaa blǒ mɔ̀ gbè sùesuɛ, ja tùonyopò klee wnùnoǎ klee nekpetaǐpò plě noe ï neě jɔmǒ, ɛ sìn'o Nòwǎ klee ɔɔ koǔ bo kwɛɛn plě noǎ wùɛ ï neaè ɔɔ mɔ̀ blǎgbè wlòmo nì siaǒ. ²⁴È ně kana blǒ wùɛà kɛn klě chnɛ̀ jlò wee wlèe nyeɛta tùo pù (150) wlòmo.

¹Kɛɛ Nyesoa sea Nòwǎ klee noǎ wùɛ ï neaě ɔɔ mɔ̀ blǎgbè wlòmoo tè snù kaǒ. Nɛ̀ kɔn tè Ɔ nua fèflɛ ɛ̌ dia le, ii tè něǒ ɛ tùngmaea moma. ²Ɔ nua něǒ sonwɛa lɔɔ blǒ wlòmo klee něǒ sonwea lěe jɔ mǒ ï kana je. ³Doɛɛ doɛɛ ɛ̌ chlìa jle kělɔ kmɔ̌ mò. Tà chnɛ̀ jlò wee wlèe nyeɛta tùo pù (150) tìi sìn'aa de,⁴è klě jlǒo sòbaii nyeɛta nenɛ ɛɛ chnɛ̀ jlò wee pù tùo nyeɛta wlòmo, blǎgbèǒ ɛ̀ tèaǒ keǒ togbeeǒ ɛ̈ moo Ɛwlawlàa dlǒ ⁵Něo ɛ mana ma ɛ̌ jɛa jlǒo sǒbaii pù nenɛ ɛ waěe do mɔ̀ ǔ jěa togbeiǒ ï tbɛɛaǒo dǐ ii dlě.⁶Tà chnɛ̀ jlò wee wlèe sɔ̌n tìi sìn'aa de, Nòwǎ knana bòwɔn ë ɔ tùaǒo blǎgbèǒ fǒ mǒ. ⁷Ɔ̌ dboa mǒmaǎ. Kɛɛ ɔ sea de di klě ɔ mɔ̀, ɔ fǔn'a le fun fun něǒ kanaa blǒ kɛn ɛ̀ mana.⁸Klě tǐi doǒ wlòmo Nòwǎ dboa plabae ɛ̈ di ɛ numa ɔ mǐa ɛ ji bo něǒ bɛ̌ tèa dlǒ. ⁹Kɛɛ ně kǎna jè blǒà kɛn, ii tè plabaeǒ ɛ sea bo nynae nɔ jě. Tèǒ nì kɔn tè ɔ dia de klě blǎgbèǒ mɔ̀, Nòwǎ piea ɔɔ sɔn ɔ̌ kmea lɔ ɔ̌ paea lɔ.¹⁰

¹È Nyesoa poa Nòwǎ klee ɔɔ jbɛjujlu ngmna mɔ̀ Ɔ je, "A kɔn jlǔ fòfoa, a mɔ̌ kɛne bebee le, a jǐ kmɔ̌à jle. ²Aa fano pepeɛ miě i mǒ nema chɔ̌ɔ, nekpetaǐpò klee noe plě smì ii wùɛ i mi aa fano pe ba plě ii dɛ bɛ̌ jě aa nyu, kètekèe mi ɛ wan bo beba. Amo Ě nye ni, a mǒ i wìn kwa kɔn.³Ba di fefɛ dɛ wùɛ. Keǒ Ě nuu Ě nye amoo dǎgbà keǒ didiɛ mɔ̀, kě Ě nu Ě nyea fefɛ dɛ wùɛ klě tǐà wlòmo. ⁴Kɛɛ dɛɛ do baǎ dii nɛ̀ moo nmià kɛ̀ɛn nymɔ ji mǒ bo. Mɛoǒ joo nɛ̀ moo nymɔ nɛ̀ moo fònfno.⁵Kɛɛ nè nym ɔ, fònfnǒ neě nè nymɔ mǒ, tùonyu klee nmi wùɛ ï mii tùonyu tɔ̀ɔ mnùngma pooba Ě mi i dbǎba. ⁶È nyu wùɛ mi ɔɔ bě tùonyugbe mnùngma pooba, tùonyopò tùu mì ɔ dbǎba ke. Mɛoǒ joo nɛ̀ moo Ě nua tùonyopò keǒ uu kmɔ̌ bɛ wǒ ně chɛ̀ je. ⁷È keǒ amoà mɔ̀, ba kɔn jlǔ fòfòa ë di ɛ numa aa jlǔu jlǔ miǎ kmɔ̌à je jǐ."⁸È kě Nyesoa dǎla Nòwǎ klee ɔɔ jlǔ je, Ɔ je, ⁹È mǒà, "A po nɔkǔn bo, klě tǐà wlòmo Ě po kuo win keǒ a klee aa jlǔu jlǔ mɔ̀, ¹⁰plě klee fefɛ dɛ wùɛ ï klee amoo sɔ̌n sɔn lěe blǎgbè wlòmo, klee noe klee nekpetaǐpò, plě klee fefɛ dɛ wùɛ ɛ̈ neɔ kmɔ̌ mɔ̀, ï klee amoo sɔ̌n sɔn lěe blǎgbè wlòmo.¹¹Ě miǒ Ně kuo win bo tùba keǒ a mɔ̀. Imo win'ǒ nì moo Ě seǎ kɛ̀ ně nu kpe keǒ bɛ sùeà kmɔ̌ ne dɛ wùɛ gbè de plè ně seǎ kɛ̀ kmɔ̀à gbè sùeba mù." ¹²È kě Nyesoa dala, Ɔ je, "Dɛà nɛ̀ moo jboo dɛ keǒ Ně kmɔ̌ siee kuo win'ǒ Ě poo keǒ a klee aa jlǔu jlǔ klee fefɛ dɛ wùɛ mɔ̀, ¹³dɛǒ nɛ̀ kɔn tè Ě poě Ně pànjbò jɔ mǒ keǒ nukpǎ je, ɛ mǒ jboo dɛ tù keǒ nyopò wùɛ mɔ.¹⁴Tǐ wùɛ mɔ̀ Bo po lě nukpǎ jɔ mǒ, bo pànjbò bɛ̌ sìin'ò ɛ je, ¹⁵è Ně kuo win'à Ě poo keǒ a mɔ̀ klee kmɔ̌ ne noǎ wùɛɛ doědoe ii tè beě mǒ wlò ɛ̈ moo, Ě seǎa kɛ̀ jiji ně nu keǒ Bo sùe kmǒ ne dɛ wùɛ gbè de.¹⁶Bɛ̌ nu bo pànjbò bɛ̌ neǒ nǔ je boǒ jě ɛ, è Ně kmɔ̌ siee kuo win ï neǎǒ Mǒ klee fefɛ noǎ wùɛɛ doědoe pǎnpen kělɔ kmɔ̌ mɔ̀ ii tè bèěě Mǒ wlò." ¹⁷È kě Nyesoa dǎla Nòwǎ je Ɔ je, "Ii tè dɛǒ nɛ̀ moo kuo win'ǒ ii jboo dɛ Ě tù wlò keǒ Mǒ klee amo fefɛ noǎ wùɛ pǎnpen."¹⁸Nòwǎa jbɛjujluu tan ü sɔnaeěe blǎgbeǒ wan mǒ uu nynɛǎ nìà, Sɛɛ̀mɛ klee Hɛɛ̀mɛ plě Jafɛ̀. Hɛɛ̀mɛ nɔ̀ kɔna jbɛjuju u dɛɛa Kenɛ̀. ¹⁹Jlǔu tan'ǒ nù mooa Nòwǎa jlǔ. Nù kɔn mǒ nyopò wùɛ diiě ǔ wlɛ kmɔ̌à kɛn bo.²⁰Tà jijǐ nee dɛ sìn'àa, è Nòwǎ mooa jlě nuɔ ɔ̌ dɔɛ̌a dbǐ tìi u dɛɛ kwlepò ɔ̀ɔ̌ nanǒ. ²¹Chnɛ̀ jlò wae tɛ̀ɛ nɔ̀ ɔ nǎma kwlepò nmɔ̀ nɛ̀ nia lɔ ɔ̌ poa blǎblò ɔ̌ pɛna bo klé ɔɔ ble ngmɛ̀ɛ.²²Tà Hɛɛ̀mɛ ɔ̈ mooa Kenɛ̀ɛ gbeǐ, ɔ jěa lɔɔ gbeǐi wle le bebɛ̌, ɔ pěaǒ plomǒ ɔ̌ tmɔɔ̌a ɔɔ mamǔpòo sɔ̌n'o tè. ²³Kɛɛ Sɛɛ̀mɛ klee Jafɛ̀ dùa wlawlǒ foɛ̀ mò, nɛ̀ u poaǒ uu kpakpea kɛn bo ǔ naea kɛn ǔ palaě ble ngmɛ̀ɛ, ɛ̈ di ɛ numa uǔ dǐa uu gbeǐi blàblò popoɛ jě ǔ poa lɛ ɔ̀ kɛ̀n.²⁴Tà ɔɔ jǐ bɛ̌aa, ɔ̀ wɔ̀naa dɛ ɔɔ jbɛjuju chěnchaě nua lɔɔ mǒ, ²⁵è kě ɔ dɛ̌a ɔ je, "Chlǒ keǒ Kenɛ̀ mɔ̀, ɔ mi je bɛtɛ̌ kèǐ tùba keǒ ɔɔ manmǔpòo sɔ̌n'ǒ mɔ̀."²⁶È kě ɔ dǎla de, ɔ je, "Bìsea keǒ Jǎwɛ̀ mɔ̀, Ɔ̈ moo Sɛɛ̀mɛɛ Nyesoa. Kenɛ̀ mì ɔɔ kèǐ tùba. ²⁷Nɛ bo Nyesoa Bɔ nu Jafɛ̀ klee ɔɔ jlǔu jlǔ bu jǎ dlǒ plě ɔ klee Sɛɛ̀mɛ klee uu jlǔu jlǔ bu neǒ tàa do, è Kenɛ̀ bɔ moo Jafɛ̀ɛ kèǐ ke."²⁸Sɔɔn'a lě chnɛ̀ jlò waeǒ kɔn wlòmo jijǐ ně tǔngmaea nɔɔ blǒà mɔ̀le jìjiɛ̌ mǒ, Nòwǎ kɔna jlě wlèe sɔ̌n tùo pù tìi de (350). ²⁹Ii tè jlě wùɛ ɔ sìn'aa kmɔ̌ i nua jlě wlèe m̀m kplěe siědo tùo jlě wlèe sɔ̌n tùo pù (950), plě ɔ̌ kǒla.

¹Dɛ tɛ̀ɛ ä diǒo kɛn nɛ̀ moo Nòwǎa jlǔu jlǔ tè ü ɔɔ jbɛjujjlu Sɛɛ̀dɛ klee Hɛɛ̀mo plě Jafɛ̀ kɔnaa tà jijì ně dɛ sìn'aa.²Jafɛ̀ kɔna jbɛjujlu uu nynɛǎ nìà, Komaà klee Makajè klee Madàe klee Jafɛ̀ klee Tùbɔ̀ klee Mɛsichè plě Tiwlasè. ³È Komàa kɔnà jbɛjujlu uu nynɛǎ nìà, Asekensɛ̀ klee Wlifà plě Tokàma. ⁴È Jafɛ̀ kɔna jbɛjujlu uu nynɛǎ nìà, Elisà klee Tasesè klee Ketǐn plě Dodanimì. ⁵Klě u slè klě nyopòn sɔ̀n'è mò ǔ na jbǒ wien ǔ plooa lɛ dakwɛ̌ ǔ pea win boo do, kɛɛ i kɔna mɔ̀le bebɛ̌ chěnchaě.⁶Hɛɛ̀mɛ kɔna jbɛjujlu uu nynɛǎ nìà, Kusè klee Mɛselaìm klee Putè plě Kenɛ̀. ⁷È Kusè kɔna jbɛjujlu uu nynɛǎ nìà, Sebà klee Hafilà klee Sabetà klee Wlamà plě Satèka. È Wlamà kɔna jbɛjujluu sɔ̌n uu nynɛǎ nìà, Sibà klee Didanè.⁸Kusè kɔna jbɛjuju tɔ̀ɔ de u dɛɛa Niwlɔɔ̀ ɔ̈ mooa klekle beɔ̌ fòɛ kělɔ kmɔ̌ mɔ̀. ⁹Niwlɔɔ̀ mooa polǐ foɛ̀ è ɔ tùiaǒ Nyesoa bo, tèǒ nì kɔn tè kě nyopòn dɛ̀ kekɛà u je, "Wǒ je Niwlɔɔ̀ ɔ̈ mooa polǐ foɛ̀ ɔ̈ tùiaǒo Nyesoa bo." ¹⁰È ɔɔ nyane deě ɔ poaa nì moo Bebò klee Ɛlɛkè klee Akàa plě Kanɛ̀, ii wùɛǒ i neě blǒǒ moo Shanà blò kɛ̀n.¹¹Tà ɔ sɔnaǒo tào mǒ ɔ mua lě blǒǒ u dɛɛa Aselìa kɛ̀n klě ɔ pooa lě deě ï moo Ninìfàe klee Wlihoboiɛ̀ klee Eɛ plě klee Kala. ¹²Plě Wlisìn ɛ̈ mooaa dě fòɛ ɛ̈ neaǒo Ninìfàe klee Kalà pǎnpen. ¹³È Hɛɛ̀m'ɛ jǔ Mɛselaìm'ǐ jlǔu jlǔ nù mooa Ludìnyǒ klee Anamànyǒ klee Lɛhabìnyaǒ plě klee Nafetùnyǒ. ¹⁴Klee Patelɔsènyǒ klee Caslònyǒ plě Kafetɔ̀nyǒ. È Caslònyǒo jlǔu jlǔ nù mooa Feletìɛnyǒ.¹⁵È dakwɛ̌ wùɛ sɔn'ěe Hɛɛ̀d'ɛ jù Kenɛ̀ mò nù mooa Saedɔ̀nyǒ ü mooa ɔɔ nyǐs̀ajuu jlǔu jlǔ klee Hɛɛ̀nyoǒ. ¹⁶klee Jɛbusìnvǒ klee Amɔ̀nyǒ klee Jekasànyǒ, ¹⁷klee Hefìnyǒ klee Akatìnyǒ klee Sanàenyǒ, ¹⁸klee Alafadetìnyǒ klee Sɛmawlìnyǒ plě klee Hɛɛ̀myǒ. Umo dakwɛ̌ǒ nù gbɛ̀tɛɛa le,¹⁹ɛ kpala ɛ kpa Kenɛ̀nyǒo blǒ ɛ̌ kwɛa Saedɔ̀n diě je, ɛ̈ neěe togbea ɛ̌ tèea je ɛ̌ kwɛa Jewlà klee Kesǎa deě je ï neěe batle ɛ̌ sìn'a ɛ̌ kwɛa deěǒ moo Sedɔ̀n klee Komolà klee Adèma klee Sebowɛìn plě Lasà je ï neěe wɛn'ɛ kwlǎ mǒ wǒla mǒ. ²⁰Dakwɛ̌ klee uu blě ü sɔn lěe Hɛɛ̀mɛ bòbo mǒ u nua tàkpɛ̌ ǔ pea win boo do, kɛɛ i kɔna mɔ̀le bebɛ̌ chěnchaě.²¹Sɛɛ̀mɛ ɔ̈ mooa Jafɛ̀ɛ mamǔ fòɛ nɔ̀ mooa gbeǐ keǒ Eber nyǒ mɔ̀. ²²Sɛɛ̀mɛ kɔna jbɛjujlu uu nynɛǎ nìà. Elàmo klee Asuù klee Alepakɛ̀sa klee Ludì plě Awlamà. ²³È Awlamà kɔna jbɛjujlu uu nynɛǎ nìà. Usì klee Huò klee Kɛtɛ̀ plě Machè.²⁴Selà jǔ Alepakɛ̀sa kɔna jbɛjuju u dɛɛa selà. È Selà kɔna jbɛjuju u dɛɛa Ibà. ²⁵È Ibà kɔna jbɛjujluu sɔ̌n. U dɛɛa u nyuu doo nynɛ Pɛlɛjì nɛ̀ moo klě ɔɔ tǐ wlòmo blǒà ɛ klǎla wan le. U dɛɛa ɔɔ mamǔu nynɛ̌ Jokètàn.²⁶È Jokètàn kɔna jbɛjujlu uu nynɛǎ nìà, Amodaà klee Selɛfì klee Hasamafɛ̀ klee Jɛwlà, ²⁷klee Hadɔwanà klee Usɔ̀ klee Dɛklà, ²⁸klee Obɔ klee Abimaeà klee Sibà, ²⁹klee Ofìɔ klee Hafilà plě Jobabì, u pɛpɛ wùɛǒ nù mooa Jokètàn'a jlǔu jlǔ.³⁰Uu blǒ mua mu sɔɔn'ě Mesà diě mɔ̀ mò ɛ̌ kwɛa Sifà diě klee togbeiǒ ï neěe wɛn'ɛ kwlǎ mǒ wǒla mǒ je. ³¹È kě dakwɛ̌ klee uu blě ü sɔn něe Sɛɛ̀mɛ bòbo mǒ u nua tàkpɛ̌ ü peaa win boo do, kɛɛ i kɔna mɔ̀le bèbɛ̌ chěnchaě.³²Tà jijǐ ně dɛ sìn'aa, nyopòǒ nù mooa dakwɛ̌ ü sɔnaě Nòwǎa jbɛjujluu tan'ǒ wlòmo u wlɛa kmɔ̌ kɛn bo.

¹Klě tǐǒ wlòmo kmɔ̌ ne tùonyopò wùɛ pea win boo do ïà uu wùɛ u wonwɛ̌ɛn'a měne. ²Tà tùonyopò kèa lɔɔ wɛn'ɛ kwlǎ mǒ wǒla mǒ di, u jěa blǒ pɔ̀tie ɛ̈ boǎlaa kɛne klě Sanà blǒ kɛn keǒ u tǐn'aǒ.³È dɛà nɛ̀ u boɛa klě uu chɛ̀ slè u je, "A tanàle, a ne bä mɔ fnò kpèn a mǒ ni fɔn i mǒ jakǎ." Ii tè kě u nua fnò kpèn mòmɔ u mǒa i koǔ poo lo klee bɛ ɛ moaa fnò kpèn'ǒ kenkmeene. ⁴È u je, "Noǎ wùɛ wɛ̀ lè mɔ̀, ii tè a nɛ bä po diě klee ja tmɔ kǎ fòɛ ɛ mǒ jɔ je kwɛ, a nɛ bä nu äa chɛ̀ɛ nynɛ̌, ɛ̈ di ɛ numa äǎ dǐ kmɔ̌à kɛn bo wlɛ."⁵Tà Jǎwɛ̀ sɔnaěe jɔkɛn mǒ, Ɔ dia lɔɔ wɔ̀on keǒ Bɔ jěaa diě klee kǎ fòɛǒ u peaa, ⁶è kě Ɔ dɛ̌a Ɔ je, "A tanàle, tùonyopò u moo dakɔ̌ɔ do plě u pe win boo do. Dɛà nɛ̀ moo dɛ u mii numa ɛɛ wlò tùtuɛ. Dɛ wùɛ u mii ble poba ɛ se wan jakǎba mu keǒ bu nu ɛ. ⁷A diě bä mu klě wɔ̀ɔn Ä mǒ uu win jǐ měne saka le, ɛ̈ diɛnuma uǔ dǐ win měne wonwɔ̌ɔno."⁸Dɛǒ nɛ̀ kɔn wlòmo Ɔ gbàeaě uu wùɛǒ ja ǔ wlɛa kmɔ̌ kɛn bo ǔ bɔ̌a diěǒ popoɛ. ⁹Tàǒ keǒ Jǎwɛ̀ sakaeaǒ kmɔ̌ ne tùonyopò wùɛ uu win jǐ měne , Ɔ̌ gbàla u ja ǔ wlɛa kmɔ̌ kɛn bo. Tèǒ nì kɔn tè u dɛɛa ɛmo diěǒ Bebò.¹⁰È nyopoà tàa nù mooa Sɛɛ̀mɛɛ jlǔujlǔ. Tà jiji ně dɛ sìn'aa, ɛ kpala jlěe sɔ̌n, è Sɛɛ̀mɛ kɔna jlěe wlèe m̀m, ɔ̀ kɔna jbɛjuju ɔ̈ mooa Alepakɛ̀sa. ¹¹Tà ɔ kɔna nɔɔ, è ɔ kɔna jbɛjujlu klee nynejujlu tùu. Ɔ̀ kɔna jlě wlèe m̀m kplěe m̀m tii de (500).¹²È tà Alepakɛ̀sa kɔna jlěe wlò tùo pù pù tùo m̀m (35), ɔ̀ kɔna jbɛjuju ɔ̈ mooa Selà. ¹³Tà ɔ kɔna nɔɔ, è ɔ kɔna jbɛjujlu klee nynejujlu tùu, ɔ̀ kɔna jlě wlèe m̀m kplěe hɛ̀n tùo jlěe tan de (403).¹⁴È tà Selà kɔnaa jlěe wlò tùo pù, ɔ̀ kɔna jbɛjuju ɔ̈ mooa Ibà. ¹⁵Tà ɔ kɔna nɔɔ, è ɔ kɔna jbɛjujlu klee nynejujlu tùu, ɔ̀ kɔna jlě wlèe m̀m kplěe hɛ̀n tùo jlěe tan tìi de (403).¹⁶È tà Ibà kɔnaa jlěe wlò tùo pù pù tùo hɛ̀n (34), è ɔ kɔna jbɛjuju ɔ̈ mooa Pɛlɛjì. ¹⁷Tà ɔ kɔna nɔɔ, è ɔ kɔna jbɛjujlu klee nynejujlu tùu, ɔ̀ kɔna jlěe wlèe m̀m kplěe hɛ̀n tùo jlěe wlò tùo pù tìi de (430).¹⁸È tà Pɛlɛjì kɔnaa jlěe wlò tùo pù, ɔ̀ kɔna jbɛjuju ɔ̈ mooa Wlu. ¹⁹Tà ɔ kɔna nɔɔ, è ɔ kɔna jbɛjujlu klee nynejujlu tùu, ɔ̀ kɔna jlě wlèe pù tùo jlěe siědo tìi de (209).²⁰È tà Wlu kɔnaa jlěe wlò tùo pù pù tùo sɔ̌n (32), ɔ̀ kɔna jbɛjuju ɔ̈ mooa Sewlǔjè. ²¹Tà Wlu kɔna nɔɔ, è ɔ kɔna jbɛjujlu klee nynejujlu tùu, ɔ̀ kɔna jlě wlèe pù tùo jlěe nyeɛta tìi de (207).²²È tà Sewlǔjè kɔna jlěe wlò tùo pù (30), ɔ̀ kɔna jbɛjuju ɔ̈ mooa Nehɔ̀ fòɛ. ²³Tà ɔ kɔna nɔo, è ɔ kɔna jbɛjujlu klee nynejulu tùu, ɔ̀ kɔna jlě wlèe pù tìi de (200).²⁴È tà Nehɔ̀ fòɛ kɔnaa jlě wlò tùo sìědo (29), ɔ̀ kɔna jbɛjuju ɔ̈ mooa Tiwlà. ²⁵Tà ɔ kɔna nɔɔ, è ɔ kɔna jbɛjujlu klee nynejujlu tùu, ɔ̀ kɔnaa jlě wlèe m̀m tùo jlěe pù tùo siědo tìi de (117). ²⁶È tà Tiwlà kɔna jlěe wlèe tan tùo pù (70), ɔ̀ kɔna jbɛjujlu uu nynɛǎ nìà, Eblɛ̀n klee Nehɔ̀ plě Halàn.²⁷È nyopoà tàa nù mooa Tiwlàa jlǔu jlǔ, Tiwlà kɔna jbɛjujlu uu nynɛǎ nìà, Eblɛ̀n klee Nehɔ̀ plě Halàn. È Halàn kɔna jbɛjuju ɔ̈ mooa Lǎtè. ²⁸Halàn'a gbeǐ Tiwlà kɛ̀ɛn kmɔ̌ bo, ɔmoǒ ɔ̈ kǒa klě Chalediànyoo dìěǒ u dɛɛa Oòn kɛ̀n ɛ̈ mooa ɔɔ chɛ̀ɛ dǐa.²⁹È uu mamǔ kǒa plě Eblɛ̀n klee Nehɔ̀ kě nynɔ kɔn. Eblɛ̀ɛn nynɔ mooa Selaì, è Nehɔ̀ɔ nynɔ mooa Mekà ɔ̈ mooa Halàn'a nynejuju plě ɔ̈ mooa Esèkaa mamǔ nyněju. ³⁰Selaì kǒaě měne wlò, ɔ sea jlǔ konkɔn ji.³¹Chnɛ̀ jlò wae tɛ̀ɛ mɔ̀ Tiwlà klee ɔɔ jbɛjuju Eblɛ̀n klee Eblɛ̀ɛn nynɔ Selaì plě klee Tiwlàa duoju Lǎtè u dǔa jemǒ ǔ sɔnaě Oòn dǐa mǒ keǒ bu mua Kenɛ̀ blǒ kɛn. Kɛɛ tà u wǒaǒo diěǒ mooa Halàn kèn keǒ u tǐn'aǒ. ³²È Tiwlà kɔna jlě wlèe pù tùo jlěe m̀m (205) ɔ̌ kǒoaǒ tàǒ.

³¹È kě Jǎwɛ̀ dǎla Eblɛ̀n jè Ɔ je, "Sɔn'ɔ nè blěta mò, siǒ nè konkɔn nyo bo klě gbèii koǔ bo, mò mu klě blǒǒ Ě mi mòo teeba kɛn. ²Ě mi nè jlǔu jlǔ numa u mǒ fò, u mǒ dakɔ̌ dlǒ fòɛ nù. Ě miì ngmna mɔ̀ pò ba, Ě mǒ nè nynɛ̌ fòɛ nù ɛ mǒ jǎ plě è mò moo ngmna keǒ kmɔ̌ ne nyo mɔ̀. Nyopò mi mòo ngmna mɔ̀ pò bà Ě mi u ngmna mɔ̀ pò ba, è nyopò mi mòo le cheaěba Ě mi u le cheaěba. È klěè mò klě nyopò wùɛ ü neɔɔ kmɔ̌ɔ mɔ̀ Ě miě u ngmna mɔ̀ poo ba."⁴Tà Eblɛ̀n kɔnaa jlě wlèe tan tùo pù pù tùo m̀m (75), ɔ sɔnaě diěǒ mooa Halàn kɛ̀n mǒ wòje keǒ Jǎwɛ̀ nua ɔɔ tmɔɔ̌a. È ɔ kpaea ɔɔ mamǔu jǔ Lǎtè snù mǒ. ⁵Klee ɔɔ nynɔ Selaì klee ɔɔ konkɔn noǎ wùɛ plě ɔɔ kèiǎpò wùɛ ɔ kɔnaa klě Halàn ǔ mia lě Kenɛ̀ blǒ kɛn. Tà u nynia lěe,⁶Eblɛ̀n mua mu ɔ̌ bɛ̌a blǒǒ jǐ kɛn tìe ɔ̌ nynìaǒ Mowlɛ̀ɛ tu fòɛ bòbo, dě mooǒ ngmà je ne tùɔn kɛ̀n ɛ̈ neěe diěǒ moo Sichɛ̀ wɔ̀ɔn. Klě tǐǒ wlòmo umo dakɔǒ ü mooa Kenɛ̀nyǒ ù neěa jè le uu blǒǒ mǒ wlò, ⁷kɛɛ Jǎwɛ̀ sàla Ɔɔ chɛ̀ tàmo keǒ Eblɛ̀n mɔ̀ kě Ɔ dǎla Ɔ je, "Nè jlǔu jlǔ nù Ě mi blǒà nyema." Tèǒ nì kɔn tè Eblɛ̀n bea chɔ̀no kǒngmà keǒ ɔ sàeaǒ Jǎwɛ̀ɛ wɛ̀.⁸Tà ɛ sìn'aa, Eblɛ̀n dùa jemǒ ɔ̌ mua lě batle wakǎ kɛn klě togbeìǒ ï neěe diěǒ ɛ̈ moo Bɛtɛɛ̀ jleě mǒ ɛɛ wɛn'ɛ kwlǎ mǒ wǒla mǒ, klě ɔ poa lě ɔɔ blea, è Bɛtɛɛ̀ nɛ̀ wɛ̀ɛa lě wɛn'ɛ pala mǒ, è Eà diěǒ nɛ̀ wɛ̀ɛa lě wɛn'ɛ kwlǎ mǒ wǒla mǒ. Keǒ tàǒ Eblɛ̀n beaǒ chɔ̀no kongmà tɛ̀ɛ ɔ̌ sàla Jǎwɛ̀ɛ wɛ̀. ⁹Tà Eblɛ̀n sɔnaǒo tàǒ mǒ, è dɛ ɔ nia kɛ̀ɛ nɛ̀ moo tǐn'ǒ tà sɔ̀n'ò mò, tǐn'ǒ tà sɔ̀n'ò mò. Ɔ tèea je kaǒ ɔ̌ miia lě blǒǒ u dɛɛa Nɛkefè jleě mǒ. Klě tǐo wlòmo, dodopà nɛ̀ dìa le klě blǒǒ wlòmo. Tà ɛ sìn'aǒo le chɔɔ dɔ̌, nɛ̀ kɔn tè Eblɛ̀n mua batle klě Ǐjɛ̀tě blǒ kɛn, ɛ̈ di ɛ numa ɔ mǒa lě tǐ gbei sìn.¹⁰Klě tǐo wlòmo, dodopà nɛ̀ dìa le klě blǒǒ wlòmo. Tà ɛ sìn'aǒo le chɔɔ dɔ̌, nɛ̀ kɔn tè Eblɛ̀n mua batle klě Ǐjɛ̀tě blǒ kɛn, ɛ̈ di ɛ numa ɔ mǒa lě tǐ gbei sìn. ¹¹Plě u mǒaě blǒǒ wlòmo nyni, dɛà nɛ̀ Eblɛ̀n tmɔɔ̌a ɔɔ nynɔ Selaì ɔ je, "Tanàle, Ě ji ɛ le mòo jǐlenmɔ nynɔ chɔɔ dǒ. ¹²Bo Ǐjɛ̀těnyo bǔ jě mò, u mi ɛ jiba ɛ̈ moo mòo ně nynɔ, ii tè u miǐ dbǎba u miǒò sì. ¹³Tèǒ nì kɔn tè dɛà nɛ̀ bò tmɔ̀ɔ̌ u ɛ̈ moo mòo ně mamǔ nyneju. Dɛǒ nɛ̀ bò boɔ u je plě uǔ diǐ dɛ mǒ nu, è u miǐ kàan dɛ mǒ numa keǒ nè tè mɔ̀."¹⁴Tà u nynia lěe Ǐjɛ̀tě, è Ǐjɛ̀těnyo jěa nynɔǒ ɔɔ jǐlenmɔnmɔ kàan tè. ¹⁵È tà klɔ̀ba Fɛ̀lǒtee jbeju jlu jěa lɔɔ, u tmɔɔ̌a lɔ keǒ ke ɔ nuaa jǐlenmɔnmɔ mɔ̀. Ɛ wɔa lě Fɛ̀lǒte bɔ kɔna ɔ nynɔ mǒ. Tèǒ nì kɔn tè u dǔa ɔ mǒ ǔ kpalaě ɔ Fɛ̀lǒtee koǔ bo. ¹⁶Dɛǒ nɛ̀ kɔn tè Fɛ̀lǒte nia Eblɛ̀n kàan ka keǒ nynɔǒ ɔɔ tè mɔ, ɔ nyea lɔ blablɛǎ klee blìǎ klee jakǎsèa beě klee jakǎsèa neklě klee kèiǎ pò nyebajle klee nyejujluu kèiǎ pò plě bùkɛn sòkwe.¹⁷Kɛɛ Jǎwɛ̀ poa lě jǐlenymi jejaǐi doědoe klě Fɛ̀lǒtee koǔ bo, c klee ɔɔ nyopò ǔ kmɛa keǒ Selaì ɔ̈ mooa Eblɛ̀n'ɛ nynɔ ɔɔ tè mɔ̀. ¹⁸Tà Fɛ̀lǒte jboa ɛmoo dɛǒ le, ɔ dala Eblɛ̀n ɔ̌ gbàla ɔ wan ɔ je, "Mɛ kɔɔ̌n kɛ dɛà nù mǒoǒ mǒ è se mǒoo tmɔɔ nǒ ɛ̈ moo ɔ moo nè nynɔ? ¹⁹Mɛ kɔɔ̌n tè jè ɔ monoǒ kɛ màmǔ nyněju plě Ě kpaǎ lɔ keǒ bɔ moo něe nynɔ? Dǔ ɔ mǒ, mu!" ²⁰Ii tè Fɛ̀lǒte tmɔɔ̌a ɔɔ nyopò bǔ poa lě Eblɛ̀n klee ɔɔ nynɔ chònu klee noǎ wùɛ u kɔnaa bu sɔna lě ɔɔ blǒ wlòmo.

¹Iì tè Eblɛ̀n dǔa ɔɔ nynɔ klee Lǎtè klee noǎ wùɛ ɔ kɔnaa mǒ ɔ̌ sɔnaě Ǐjɛ̀tě mǒ ɔ̌ mùa Nɛkefè blǒ kɛn. ²Eblɛ̀n pàna chɔɔ keǒ wnùnoǎ mɔ̀ plě sěbla klee klò.³Ɔ nia sɔn'ǒ tà mò bò muò tà tɔ̀ɔ. Ɔ sɔnaǒ Nɛkefè mò ɔ̌ mua lě Bɛtɛɛ̀ klee Ea deě pǎnpe tàa doǒ ɔ tǐn'aǒo klekle, ⁴tà ɔɔ chɔ́no kǒngmà neaǒo ɔ̌ sɛ̀a Jǎwɛ̀ɛ wɛ̀ de.⁵Lǎtè kɔna wnùnoǎ fòfoà ke klee blea fòfoà keǒ ɔɔ koǔ bo kwɛɛn mɔ̀. ⁶Ii tè bɛ̌ nu ɔ klee Eblɛ̀n'ɛ sɔ̌n bǔ neǒ tàa do, u sea lě wɔ̀ bu wɔ̀aǒ blǒ tìeǒ kɛn. Wnùnoǎ fòfoà. ⁷Tèǒ nì kɔo tè nyopòǒ ü tùiaa Eblɛ̀n'ɛ wnùnoà jǐ mɔ̀, klee nyopòǒ ü tùiaa Lǎtèe wnùnoǎ jǐ mɔ̀ u pea slɛ̀ tǐ wùɛ mɔ̀ bɛ̌ nu bǔ kpa wnùnoǎ wana diba. È tǐo jleě è Kenɛ̀nyǒ klee Pɛwlesìnyǒ ù neěa jè lè ɛmo blǒǒ mǒ wlò.⁸È kě Eblɛ̀n dɛ̀a Lǎtè jè ɔ je, "Mò klee mòo sɔ̌n ä moo kmɔ̌ wǒ nyo, ii tè mǒ klee mòo sɔ̌n bäǎ pe slɛ̀ plě nè nyopò klee ně nyopò buǔ pe slɛ̀. ⁹Nɛ bä plo blǒa ɛɛ wakě. Tan blǒ wùɛà kɛne ɛɛ wakě bò ke jlɛ̌ mìe ɛ sà. Bɛ̌ nu bò jlɛ̌ bò be gbàpe kɛn, È mǒ dilǎ kɛn be, bò kedilǎ kɛn be, Ě mǒ gbàpe kɛn be."¹⁰Ii tè Lǎtè naea blǒ wùɛǒ jleě kɛne ɔ̌ jěa Jɔ̀ɔ̌dɛn nee pepeǎ blǒ jɔpěǒ ï popaa ně, mua mu ɛ̌ jɛɛa diěǒ ë mooa Sowà. Emo blǒǒ ɛ wǒa je Jǎwɛ̀ɛ bò fòɛ ë mooa Ǐdɛ̀n plě ɛ wǒa je Ǐjètě blǒ. E bi beě a wlòmo dɛǒ nɛ̀ sìn plě Jǎwɛ̀ kě Sedɔ̀n klee Komolà gbè sùe. ¹¹Ii tè Jɔ̀ɔ̌dɛn něe pepeǎ blǒǒ nɛ̀ Lǎtè sàlaǒ ɔ tǐn'aě kɛn klě ɛ wɛn'ɛ kwlǎ mǒ wòla mǒ. È kě uu sɔ̌n wùɛǒ u nuaa jle sèsae.¹²Ii tè Jɔ̀ɔ̌dɛn něe pepeǎ blǒǒ nɛ̀ Lǎtè sàlaǒ ɔ tǐn'aě kɛn klě ɛ wɛn'ɛ kwlǎ mǒ wòla mǒ. È kě uu sɔ̌n wùɛǒ u nuaa jle sèsae. ¹³Kɛɛ nyopòǒ nea lěe Sedɔ̀n wlòmo uu kpni nymia le jǐ dɔ̌ plě uǔ tùaǒ Jǎwɛ̀ bo.¹⁴Tà Lǎtè klee Eblɛ̀n sèsaeaa jle, è kě Jǎwɛ̀ děa Eblɛ̀n je Ɔ je, "Tàǒ nynàǒo bo nae blǒ wùɛà jleě kɛne, chèè togbea bo, mòe batle le tan, mòe wɛn'ɛ kwlǎ mǒ wǒla mǒ le tan klee klě wɛn'ɛ pala mǒ. ¹⁵Blǒ wùɛǒ mìi jěba nɛ̀ Ě mi mò klee nè jlǔu jlǔ nyema a mǒ kɔn tǐ wùɛ mɔ̀.¹⁶Keǒ mǐsiɔ̌ǒ neǒo blǒ mɔ̀ ɛ tìin kě nè jlǔu jlǔ miǎ tìnma üà Ě mi mòo nyema bɛ̌ nu bo nyu bɔ̌ wɔ̀le je bɔ slè mǐsiɔ̌ǒ, è ɔ wɔ̀le je bɔ slè nè jlǔu jlǔ ü a mìì kɔnma ne. ¹⁷Blǒà nɛ̀ Ě nye mò, ii tè na ɛ kɛne mì ɛɛ de tmɔtmɔ klee ɛɛ měne boaboǎ jě." Ii tè ɔ̌ nua dɛɛ teěn'ǒ Jǎwɛ̀ tmɔ̌ɔa lɔɔ. ¹⁸Eblɛ̀n nɔ̀o sɔna mò ɔ dǔo ɔɔ blea mǒ ɔ̌ mua lě Mawlii ngmà je ne tu fòɛ wɔ̀ɔn ɛ̈ konwaě něe Hiblɔ̀ diě le, keǒ ɔ beaǒ chɔ̀no kongmà ɔ̌ sàla Jǎwɛ̀ɛ wɛ̀.

¹Dɛ̀a kpalaa tùɔn nɛ̀ mooa klɔ̀bapoo hɛ̀n nù beaǒ tào do, uu nynɛǎ nìà, Amafìa ɔ̈ kɔnaa Sinɔ̀ diě klee Aliachè ɔ̈ kɔnaa Eliesà diě klee Chɛdolamà ɔ̈ kɔnaa Elàmo diě plě Tidò ɔ̈ kɔnaa Nesɔ̀n diě. ²Nù kpala to klě klɔ̀bapoo m̀m tùu mɔ̀, uu nynɛǎ nìà, Bɛwlà ɔ̈ kɔnaa Sedɔ̀n diě klee B̈isà ɔ̈ kɔnaa Komolà diě klee Sinabè ɔ̈ kɔnaa Adèma diě klee Sɛmabɔ̀ ɔ̈ kɔnaa Sebowɛìn diě plě klɔ̀ba tɛ ɔ kɔnaa Belà diě ɛ̈ u dɛɛ Sowà kekɛà ɛɛ Klɔ̀ba.³Umaǒ nù beaǒ tàa do klě pepeǎ blǒǒ u dɛɛ Sidimì kɛn ɛ̈ u dɛɛ kokǒ Jbǒ kekɛà. ⁴Tè kɔn tè u wɔ̀naa nɛ̀ moo jlěe pù tùo sɔ̌n nì u sìn'aě Chɛdolamà bò bo ǔ tùngmaeaǒ ɔɔ tè le Sàea klě jlǒǒ ɛ̈ moo pù tùo tan nenɛ wlòmo. ⁵Nɛ̀ kɔn tè klě jlěe pù tùo hɛ̀n nenèǒ wlòmo Chɛdolamà klee klòbapoo tan tùu u beaǒ tàa do ǔ dua Wlɛfànyǒ ü neaěe diěǒ ɛ̈ mooaa Asetaloò-kanamì kɛn klee Susìnyǒ ü neaěe diěǒ ɛ̈ mooaa Hɛɛ̀m kɛn klee Emìnyǒ ü neaěe diěǒ ɛ̈ mooaa Safɛ̀-kewliatabà kɛn. ⁶Plě Howinyǒ ü neaěe Siɛ̀ɛ togbei blǒǒ ɛ̈ muu mu ɛ̈ jɛaa diěǒ moo Ɛlɛ Panà ɛ̈ neaěe kpatekpa blǒ wien.⁷Keǒ ɛ kɛn keǒ u bitǐaǒ bo ǔ muaě diěǒ moo Emisepà kɛ̀n ɛ̈ u dɛɛ Kadɛsè kekɛà ǔ dua dakwɛ̌ wùɛǒ u dɛɛa Amaìekàenyǒ ǔ sìn'a ǔ dua Amɔ̀nyǒ ü neaěe Hasesetìnmà dǐa. ⁸Tèǒ nì kɔn tè klòbapoo m̀miǒ ü kɔnaa deěǒ ï moo Sedɔ̀n klee Komolà klee Adèma klee Siboɛ̀in plě klee Belà plě u dɛɛ Zoa nù beaǒ tàa do u mua lè Sidimìi u mǒa to wòn ⁹u klee klòbapoo hɛ̀niǒ, Elam, Chɛdolamà klee Tido ɔ̈ moo Koiimnyǒo Klɔ̀ba, klee Amafìa Shinenyǒo klɔ̀ba, plě klee Aliachè, Eliesànyǒo klɔ̀ba. Ii tè ɛ nua tajǐi m̀m nì klee tajǐi hɛ̀n wɔ̀na to.¹⁰Sidìmìi pepeǎ blǒǒ i jǐa jle gbɔ̀ kpǎkpǎ. Ii tè tà klɔ̀bapoǒ ü kɔnaa Sedɔ̀n klee Komolà win kwa klee uu tabɔ̀ǒ u keaa plì u beaě emo gbɔ̀o slè. È klɔ̀bapoo tan tùuǒ ü neaǒo nù klee uu tabɔ̀ kpalaě togbei ja plùplɛ. ¹¹È klɔ̀bapoǒ ü mooa uu jlaenyo dǔa uu konkɔn noǎ wùɛ klee digbaǐ mǒ ï nea lěe Sedɔ̀n klee Komolà wlòmo ǔ mua. ¹²U Kmea Lǎtè ke ɔ̈ mooa Eblɛ̀n'ɛ mamǔu jǔ, ǔ kpala ɔ̈ nea lěe Sedɔ̀n wlòmo klě Ɛmo tǐo wlòmo ǔ kpala ɔ klee ɔɔ konkɔn noǎ wùɛǔ mua.¹³Kɛɛ ɛ kɔna nyuu do ɔ̈ wana uu kwa nɔ̀ mua ɔ tmɔɔ̌a Eblɛ̀n ɔ̈ mooaa Hìblùnyǔ ɔ̈ tǐn'a lěe Mawlìi ngmà jè ne tu fòɛ bò bo. Mawlìi ɔ̈ mooaa Amɔ̀nyǔ plě ɔ̈ mooaa Ɛsèko klee Anèe mamǔ jbɛju, nù klee Eblɛ̀n'ɛ sɔ̌n u beaǒ tàa do u kpala to. ¹⁴Tà Eblɛ̀n wɔ̌na nii ɛ̈ moo, "To kme màmùu jǔò," è nɔ̀o dala ɔɔ tà wlèe m̀m kplěe tan tùo tùo pù pù tùo nyɛɛ̀ (318) ü ɔ teea to wònwɔ̀n, ü mooa ɔɔ chɛ̀ɛ koǔ bo kwɛɛn ǔ beaǒ klɔ̀bapoo hɛ̀n'ǒ demǒ klee uu tabɔ̀ ǔ mua mu ǔ nynia Danè dìa.¹⁵Klê tǒn wlòmo ɔ klee ɔɔ tabɔ̀ɔ sɔ̌n u plooa lɛ tàkpɛ̌, ǔ gbɛ̀tɛ̀ɛa le, plě ǔ tùngmaea lu klê tǒn wlòmo. U dua lu ǔ neaǒ u demǒ ne ne ǔ nyniaě diěǒ mooa Hobà kɛn ɛ̈ nea lěe Dimasèka diě ɛɛ togbea wakǎ kɛn. ¹⁶Ii tè kě ɔ nua noǎ wùɛǒ nyopòǒ u kpea de jeja klee ɔɔ mamǔu jǔ Lǎtè klee ɔɔ noǎ wùɛ klee ɔɔ nyno plě klee nyopòn tùuǒ u mǎnaǒo bo.¹⁷Tà Eblɛ̀n duaa Chɛdolamà klee ɔɔ klɔ̀bapoo ü mǎna ɔɔ debo, è Sedɔ̀n diěe klòba dia lɔ nya bɛba klě pepeǎ blǒǒ u dɛɛ Safɛ̀ɛ kɛn ɛ̈ u dɛɛ klɔ̀baa pepeǎ Blǒ kekɛà. ¹⁸È Mɛchesèdɛ̀ ɔ̈ mooaa Salamà diěe klɔ̀ba plě ɔ̈ mooaa Bodiɔ keǒ ja Tmɔ Nyesoa mɔ̀. Nɔ̀ dìa lě ɔ jala Eblɛ̀n flɔɔ̌ klee nmɔ.¹⁹È ɔ poa lɔ ngmna mò ɔ je, "Bo Kàan ja Tmɔ Nyesoa fòɛ ɔ̈ nuu blǒ klee jɔ Bɔ poò ngmna mɔ̀. ²⁰Bìsea fòɛ keǒ Ɔɔ nynɛ̌ mɔ̀ Ɔ̈ nye mòo too duduɛ keǒ nè jlaenyo mɔ̀." È Èblɛ̀n sàlaǒ ɔɔ konkɔn noǎ wùɛ ɔ kɔnaa kɛn ii pù nenè keǒ Mechesèdɛ̀ mɔ̀.²¹È kě Sedɔ̀n diěe klɔ̀ba dɛ̌a Eblɛ̀n je ɔ je, "Ně nyopòo doǒ nù bò nye mǒ, kɛɛ kpa noǎ wùɛà a sàa to kɛn." ²²Kɛɛ Eblɛ̀n tùa lɔ kɛ̀ɛn ɔ je, "Ě tè ně sɔn jɔ mǒ klě Jawɛ̀ mɔ̀ɔ Ě po ně chɛ̀ win kɛne keǒ ja Tmɔ Nyesoa ɔ̈ nuu blǒ klee jɔ. ²³Ɛ̈ moo Ě se aa nyu dɛ kwa Sàba mu Ě se ɛ kpaba mu, baǎje jeseě jɔɛ̌ɛ Chěnchaěe chɛ̀ plě baǎje nyɔkòɛběe dbǔu chɛ̀ nì Ě se kpaba mu, plě nè se wiěn mò nu mǒ Ě pàn. ²⁴Tèǒ nì kɔn tè didi noǎa doǒ ně nyopò dii nì Ě sɛ̀ǒ kɛn. Nɛ bo Anè klee Esèko plě Mawlì ü na mǒo de bu plo noǎǒ keǒ uu chɛ̀ mɔ̀."

¹Tà ɛ sìn'aa, Jawɛ̀ poaǒ Eblɛ̀n slèe jǐ kɛn Ɔ̌ boɔa lě ɔ mɔ̀ Ɔ je, "Eblɛ̀n, nè pe fano. Ě miì kɛn bo chlìba bo dɛ kukǔ bɛ̌ klěè mɔ̀ dì, plě Ě miì snǒ sàe dɛ fòɛ nyema." ²Kɛɛ kě Eblɛ̀n dɛ̀a Jǎwɛ̀ je ɔ je, "Koɔn, tà Ě see jǔ kɔn, mɛ nè snǒ sàe dɛ́ǒ ɛ miì kɛǒ mǒ bo poba? Ɛliesà ɔ̈ kɔn lěe Dimasèka dìa nɔ̀ bo kǒ nɔ̀ mi ně noǎ wùɛ jè Chilìba. ³Tanàle, sèě jlù nye boǒ kɔn keǒ ně chɛ̀ mɔ̀ tèǒ nì kɔn tè ně kèiǒ pòo nyuu do nɔ̀ mi ně noǎ wùɛ, jè Chilìba."⁴È Jǎwɛ̀ boɔa lě Eblɛ̀n mɔ de ɔ je, "Ɔ se nè konkɔn noǎǒ je chlìba mù, kɛɛ nè chɛ̀ɛ jǔ ɔ̈à mìi kɔnma nɔ̀ mi nè noǎǒ je chlìba." ⁵È Ɔ piěaǒ Eblɛ̀n plomǒ ɔ je, "Tan ně jɔ měne je jɔ̀tnèǒ neěe, bɛ nu bò wɔ̀le je bò slè lì, kě nè jlǔu jlǔu fòfoɛ miǎ tìnma."⁶Eblɛ̀n poa ɔɔ wìn kàan tè, nì kɔn tè Jǎwɛ̀ jěa lɔ ɛ̈ moo ɔ mooa jebo siǐn nyu keǒ ɔ mɔ̀. ⁷È kě Jǎwɛ̀ děa ɔ je, "Mǒà mǒ sà lěè Oòn dǐa klě Chalediànyǒo blǒ kɛn, ɛ̈ di è numa Ě mǒò blǒà nye." ⁸È Eblɛ̀n gbàla Ɔ wan ɔ je. "Ně koɔn Jǎwɛ̀, sɛjesɛ è ke Ě miǐ kɛ ɛ jijiɛ numa ɛ̈ moo i moo kàan tè mǒ mìǎ blǒà kɔnma?"⁹È Jǎwɛ̀ je, "Jaǎ blǐ neklǎ bòto klee bò klɔ̌ bòto plě bla beǒ bòto ï kɔn'ɔ jlěe tan tan plě plabae klee hùngbe ii bòte." ¹⁰Eblɛ̀n jalaě noǎ wùɛǒ ɔ̌ wulea i měne ɔ̌ klǎla i wan le, bɔ̌ poɔ bòo peǎn ɔ̀ poɔ bòo peǎn, ɛ̀ sìn'o noee doǒ nì ɔ sea wan le klǎ, ɔ chècheea ii peěn'ǒ ja le ɔ̌ siaǒ kpawɔn slè. ¹¹È kwlǎ slè noe kùkwǐ nì dia lě ____¹²È tà wɛn keaa pɛ, è Eblɛ̀n nɔ̀ǒ bea momnɔ mǒ kpnɔuu, klě jǐ kapǒ tǐ wlòmo è kwijlě kpǎ fòɛ chlìa lɔ kɛn. ¹³È kě Jǎwɛ̀ dɛ̌a lɔ je ɔ je," Ě jlɛ̌ bò kɔn nɛ̀ jijiɛ ɛ̈ moo nè jlǔu jlǔ miǎ dakpě mooma klě blǒ tɛ̀ɛ wlòmo ɛ̈ se uu chɛ̀ɛ blǒ. U mìǎ kèiapo mooma, u moǎ sònwɛ jě klě jlě wlèe m̀m kplěe hɛ̀n wlòmo (400).¹⁴Kɛɛ Ě miǎ dakɔ̌ǒ uu plɔ tu kɛn bo maěma chɔɔ üǒ miǎ uu sònwɛ tuba, dɛǒ nɛ̀ bɛ sìn'ǎa kɛ plě È miǎa kɛ lě u blǒǒ wlòmo sà, è bɛ̌ nu bǔ keǎ lě mǒ sonwɛn u miǎ noǎ fòfoa kpaba. ¹⁵Nè chɛ̀ mì wlɛ̀ɛba plě mò son bo po, ¹⁶Gbeǐpò dlěe hɛ̀n nù mi sìnma sɔɔn'a tǐà jleě mǒ nè jlǔu jlǔ mǒ de di kěà tàa doà. Mɛǒo joo nɛ̀ moo Amɔ̀nyǒ ü neà tàa uu dɛ kukǔu tè jɛɛaa tǐ sěɛɛ̌ jèǒ nyni keǒ bo maěǒ uu plɔ tu kɛn bo kělɔ blǒɔ wlòmo."¹⁷Tà wɛn palaa plě tǒn beaa, klě jǐ kapǒ tǐǒ wlòmo wnewne naa jagbee ɛ̈ nǎno so nwɛna lěe wan mǒ klee slèe napèpɛlo nì wǒa tàmo ǐ bɛɛ̌a lě soa pěen'ǒ slè tìe. ¹⁸È keǒ tàǒ kě Jǎwɛ̀ poaǒ kuo win klě Eblɛ̀n mɔ̀ ɔ je, "Nè jlǔu jlǔ nù Ě miì blǒà nyema ë sɔɔn'ěe Ǐjɛ̀tě něo wìen mǒ. ¹⁹Ɛmo blǒà ɛɛ kɛne boaboǎ jɛ Kɛìnyǒo blǒ klee Kɛnesìnyǒo blǒ klee Kadimoninyǒo blǒ. ²⁰Klee Hetìnyǒo blǒ klee Pɛwlesìnyǒo blǒ klee Wlɛfànyǒo blǒ. ²¹Klee Amɔ̀nyǒo blǒ klee Kenɛ̀nyǒo blǒ klee Jekasànyǒo blǒ plě Jɛbusǹyǒo blǒ."

¹Tà Eblɛ̀n kɔ̀naa jlě wlèe hɛ̀n tùo pù, pùtuosiědo (99), è Jǎwɛ̀ sàla Ɔɔ Chɛ̀ tàmo keǒ ɔ mɔ̀ Ɔ je, "Mǒà Mǒ moo kbě Mǒ Ne Nyesoa, tùo ně win bo, nu dɛà ɛ slɛɛmǒo. ²Ě mi kuo win poba keǒ mò klee mǒ sle, Ě miì nyopòn fòfoaa gbeǐ mǒ numa."³È Eblɛ̀n nɔ́o kɔa jebo keǒ blǒ mɔ̀, È Nyesoa boɔa lě ɔ mɔ̀ kě Ɔ dɛ̌a ɔ je, jè tanae lè, ⁴dɛà nɛ̀ moo ně kuo win Ě poo keǒò mɔ̀, mì, dakwɛ̌ fòfoaa gbeǐ mooma. ⁵Ɛɛ tè nè nynɛ̌ see kɛ̀ Eblɛ̀n, kɛɛ ɛ kɔn bɛ moo Èblɛ̌hɛmo. Dɛ ɛ nuu nɛ̀ moo Ě nuù mò dakwɛ̌ fòfoaa gbeǐ. ⁶Ě miì jlǔujlǔ fòfoa nyema, u miǎ dakwɛ̌ dlě klee uu klɔ̀bapo mooma.⁷Né kuo wìn'à Ě poo keǒò mɔ̀ Ě mi i kɛn bo nynama tǐ wùɛ mɔ̀ keǒò mɔ̀ Ě mi i kɛn bo nynama tǐ wùɛ mɔ̀ keǒ mò klee nè jlǔu jlǔ ü neěe nya mɔ̀. Mǒ mi mò klee nè jlǔu jluu Nyesoa tùta. ⁸Kenɛ̀ blò wùɛà kɔn kɛn neàa è monoo dakpǎi nɛ̀ Ě mi mò klee nè jlǔu jlǔ nyema. A mǐ ɛ kɔn tǐ wùɛ mɔ̀ plě è Mǒà mǒ moo aa Nyesoa."⁹È kě Nyesoa dɛ̌a Èblɛ̌hɛ̀mo je ɔ je, "Mò klee né jlǔu jlǔ ü neěe kmɔɔ nya a kɔn ba tùo Ně kuo wìn'a bo. ¹⁰Ně kuo wìn ï neǒo a klee mǒo sɔ̌n pǎnpen ìi bo tùtuɛ nɛ̀à, aa wùɛ ü momoo jbɛjlu a bɛ̌ foeǐ. ¹¹A bɛ̌ aa chɛ̀ foeǐ. Dɛǒ nɛ̀ moo Ně kuo wìn'ǒ ii jboo dɛ keǒ a kɛn.¹²Sɔɔn'à tǐà jleè mǒ jbɛjuju wùɛ mìi kɔnma, bɔ̌ kɔn chnɛ̀ jlò wee nyehɛ̀n è ba bɛ̌ lɔ foeě. Nè jbɛjujlu wùɛ'a plě nè kèiàpo uu jbɛjujlu u mìi kɔnma ü se nèe chɛ̀ɛ wlòmo sà jlù a kɔn ba bɛ̌ lu foeǐ. Ü moo dagbě plě ü neě moo mɔ̀ koǔ bo. ¹³Dɛǒ nè kɔn bɛ moo jboo dɛ keǒ u jleě mǒ ɛ mǐ ɛ tee le ɛ̈ moo ně kuo win miě bo nynama tǐ wùɛ mɔ̀, ii tè jbɛjlu wùɛǒ mìi kɔnmo klee uu nyoponǒ mìi tɔ̀nmo bu bɛ̌ foeǐ. ¹⁴È jbɛjuju wùɛ ɔ̈ see foeě bɛ̌ba mu ɔ se ně nyu. Dɛ ɛ nuu nɛ̀ moo Ně kuo win'ǒ nì ɔ seǒ tù."¹⁵È kě Nyesoa děa Èblɛ̌hɛ̀mo je Ɔ je, "Nè nynɔǒ ɔɔ nynɛ̌ see kɛ̀ Selaì sɔɔn'à tǐa jleě mǒ ɔɔ nynɛ̌ moo Selɔ̌ ɛ̈ sɛ̀n'ɛ nynɛ̌ Seliju nyne ju. ¹⁶Ě mi ɔ ngmna mɔ̀ poba ɔ klee mò a mǒ jbɛjuju kɔn plě Ě mi ɔ ngmna mɔ̀ poba, ɛ̈ di ɛ numa ɔ mǒ dakwɛ̌ klee uu klɔbapoo naǎ tù."¹⁷Kɛɛ Èblɛ̌hɛ̀mo poa jigbà wlò ɔ̌ cheɛ̌a, è dɛà nɛ̀ ɔ sìɛn'a dlǒ mɔ̀le ɔ je, "È ke nyuà ɔ̈ kɔm'ɔ jlě wlèe m̀m ɔ miǐ kɛ jǔ konkɔn numa? Plě è ke Selɔ̌ ɔ̈ kɔn'ɔ jlě wlèe hɛ̀n tùo pù ɔ miǐ kɛ jǔ konkɔn numa?" ¹⁸È kě Èblɛ̌hɛ̀mo dɛ̌a Nyesoa je ɔ je, "Nɛ bo ně ngmna bɛ kɔn'ǒ nè nyǐsaju Isèmae mɔ̀."¹⁹Kɛɛ kě Nyesoa dɛ̌a lɔ je ɔ je, "Òooǒn, nè nynɔ Selɔ̌ miì jbɛjuju le kɔnma, tùe ɔ nynɛ̌ ɛ̈ moo Aesěè ɛ̈ sɛ̀n'ɛ̀ nynɛ̌ cheacheǎ. Ě miǒ ně kuo wìn bo tùba keǒ ɔ klee ɔɔ jluǔ jlǔ mɔ̀ klě tǐ wùɛ wlòmo. ²⁰Tanae lɛ̀, Ě wɔ̌n dɛǒ gbàa wan ne keǒ Isèmaee tè mɔ̀. Dɛǒ nɛ̀ kɔn tè Ě mi ɔ ngmna mɔ̀ pòba ɔ mǒ jlǔ fòfoa kɔn ɔ mǒ jlüu jlǔ fòfoa kɔn ke. Ɔ mɨä jbɛjujluu pù tùo sɔ̀n kɔnma ü miǎa, nyopon win kwa kɔnma plě Ě mìǎ u dakɔ̌ dlǒ fòɛ mò numa. ²¹Kɛɛ ně kuo win nì Ě miaò bo tùba ï kɔn'ǒo Aesěè mò ɔ̈à Selɔ̌ mìi kɔnma klě jlǒǒ a mìi kɛn beba wlómo bǎ keǎ tǐi doà a nee kɔn jɛ?"²²Tà Nyesoa wɔ̀laě ɔɔ mɔ̀ boɔboɔ mɔ̀, è nɔ̀ǒ sɔna mǒ ɔ mua jɔkɛn. ²³Klě emo chnɛ̀ jlò waee doǒ wlòmo Èblɛ̌hɛ̀mo nua dɛɛ teěn'ǒ ɛ̈ kɔn té Nyesoa tmɔɔ̌a lɔɔ no. Ɔ bɛ̌a ɔɔ jbɛjuju Isèmae foeě klee jbɛjujlu wùɛǒ ü nea lěe ɔɔ koǔ bo jà ɔɔ kèiapò ɔ tɔ̀naa.²⁴Tǐǒ jleě Èblɛ̌hɛ̀mo kɔna jlě wlée hɛ̀n tùo pù pù tùo siědo (99) plě ɔ̌ bɛ̌a foeě. ²⁵Ɔɔ jbɛjuju Isèmae kɔna jlěe pù tùo tan plě ɔ̌ bɛ̌ɔ foeě. ²⁶Chnɛ̀ jlò waee doǒ mɔ̀ kě Isèmae klee ɔɔ gbeǐi sɔ̌n nua foeě bebɛ̌. ²⁷Jbɛjujlu wùɛ ü neaě ɔɔ mɔ̀ koǔ bo nù ɔ bɛ̌a foeǐ klee nyopòǒn ɔ tɔ̀naa ke.

¹Jǎwɛ̀ sàla Ɔɔ chɛ̀ tàmo de klě Èblɛ̌hɛ̀mo mɔ̀ klě mawlì dìěe ngmà je ne tu gbàa. Tà ɔ neaa bo keǒ ɔɔ blee wànwie klě tǐò wɛn kmɛ nee wan klě wanpno wlòmo. ²Ɔ dǔa dlǒ jemǒ, è jbɛjluu tàii tan nù Èblɛhɛ̀mo jěa ǔ nynana bo klě ɔ nya, ɔ kpalaě u plùplɛ mɔ̀, ɔ̌ pɛn'aě u jemǒ bo keǒ blǒ mɔ̀.³È kě Èblɛ̌hɛ̀mo dɛa u je c je, kɔɔn, "Bɛ̌ nu bò jelěe kàǎn dɛmǒ, Aǎ Sìinìǐ wɔ̀ɔn ne, Ba sà lè kɛn jɔmǒ boǒ pi a dɛle. ⁴A nɛ bo ja A ně a mǐ be le jla, è Ba ne bo kěà tuà bobo A mǒ fɛ, ⁵ke Ɛ toan jleě mǒ bo Ǎ diià mǒo mɔ̀ Ě mi A didi dɛ jaba Bǎ di ɛ Aa kbě miě be A mǒ Aa snǔ mǒ dǔ A mǒ mu." U tùa lɔ kɛ̀en u je, Ä peè tàto, dɛǒ bòɔ Ä wɔɔn ɛ kɛn."⁶Ii tè Èblɛ̌hɛ̀mo nu jǐ měne ɔ̌ mua lě ble ngmɛɛ̀ klě Sèlɔ̌ mɔ̀, è kě ɔ dɛ̌a lɔ je ɔ je, "Plù dɛ pipiɛ mɔ̀le, nu sǎn mà wěe taan, nù kàǎn flǎbaa pupǔu flɔ̌ɔ keǒ tàii tanǒ mɔ̀." ⁷È Èblɛ̌hɛ̀mo kpalaě wnùnoa slè plùplɛ ɔ̌ kmea biǐ bòto ɔ̈ nmɔaa jǐ le nɔ̀ ɔ nyea ɔɔ na wien po nyebajloo do ɔ kekǎla chenchɛn. ⁸Ɔ tùaǒ u blǐi nyia něe dɛà knɔ̌ɔ klee ɛɛ dɛà see knɔ̌ klee nmi ɔ piaa jemǒ bo. Tà u keaa dɛ di, è keǒ ɔ nynanaǒ u wakǎ mǒ bo keǒ tuǒ bobo.⁹È u gbàla ɔ wan u je, "È tà nè nynɔ Selɔ̌ neě kɛ?" Ɔ tùa Lu kɛ̀ɛn ɔ je, "Ɔ neě ble ngmɛ̀ɛ." ¹⁰È kě Uu nyuu do dɛ̌a Èblɛ̌hɛ̀mo je ɔ je, "Sòbaii siědo nì mi sìnma Ě mǒ de di, è nè nynɔ kɔn bɔ blěǎ jbɛjuju kwa." È Sèlɔ̌ neaǒ blee wànwie keǒ Èblɛ̌hɛ̀mo demǒ ɔ̌ wǒna ni.¹¹È klě tǐǒ wlòmo Èblɛ̌hɛ̀mo klee Sèlɔ̌ wɛ̀a kɛ̀ɛ le, è Sèlɔ̌ wɛ̀aǒ kmàea tǐ jleě le keǒ bu kɔna jlǔ. ¹²Dɛǒ nɛ̀ kɔn tè Sɛlɔ̌ cheɛ̌a, ɔɔ chɛ̀ mɔ̀, tà ɔ nɛɛa nii wlò kɛne ɔ je, "È keě miǐ kɛ wlòo bloblɛ taeǒ konkɔn numa tà Ě wɛ̀ɛ kɛ̀ leeà plě ně jbe wɛ̀ lee ke?"¹³È Jǎwɛ̀ gbɛ̀a Èblɛ̌hɛ̀mo wan ɔ je, " Mi Sèlɔ̌ cheɛ̌ɛ̌ kɛ mǒ plě ɔ̌ dɛ̌ɛ̌ bò ɛ̈ moo, 'È ke Ě miǐ kɛ jǔ konkɔn numa, tà Ë wɛ̀ɛ kɛ̀ leěà?' ¹⁴È dɛ tae kmaǎ kɛ mǒ keǒ Jǎwɛ̀ mɔ̀? Keà Ě dǎa mòo je Ɛ̈ moo sɔɔn'à tǐa jleě mǒ klě sòbaii siědo wlòmo Ě mi de diba kělɔɔ̀ mɔ̀, è Selɔ̌ miǎ jbɛjuju kwa blěba." ¹⁵È tà Selɔ̌ peaa fano, ii tè ɔ tmɔ̌a sen ɔ je, "Ě se cheǎò." Kɛɛ kě Jǎwɛ̀ Ɔ dɛ̌a Selɔ̌ je ɔ je, "Kòo, i moo kàan tè chèa le."¹⁶È tàii tan'ǒ è nùǒ sɔna mǒ u miia lě Sedɔ̀n dìě jleě mǒ. È Èblɛ̌hɛ̀mo poaǒ u dɔwun jleě. ¹⁷Tà Jǎwɛ̀ sìɛn'aa dlǒ le, è dɛà nɛ̀ bea lě ɔ mǒ ɔ je, "Ě se dɛà Ě wɛ̀ɛ mɔ̀ Bo nuu Èblɛ̌hɛ̀mo jǐ mǒ wɛ̌ɛba mu. ¹⁸Tà Èblɛ̌hɛ̀mo mii kaan kbě kɛn ne nyu tùba, plě è klě ɔ mǒ keǒ dakwɛ dlǒ fòɛ mɔ̀ ɔɔ jlǔu jlǔu nynɛ̌ mi kunma u mǒ kbě mǒ ne, u mǒ dakɔ̌ dlǒ foɛ̀ tù plě klě ɔ mǒ klě dakwɛ̌ wùɛ ǔ neɔɔ kmɔ̌à mɔ̌ u miě ngmna mɔ̀ beeba. ¹⁹Nɔ̀ Ě sà ɔ mii ɔɔ jlǔ klee ɔɔ jlǔu jlǔ tee le u miǒ ně win bo tù, u mǐ mǒ sɛɛ̌ dɛ nu ɛ̈à nuu kàan, dɛǒ nɛ̀ kɔn tè dɛ wùɛ Ě pooě ɔɔ Ě mi ɛ nu ma."²⁰Ii tè kě Jǎwɛ̀ dɛ̌a Èblɛ̌hɛ̀mo je Ɔ je, "Tè jɛɛa fòɛ nɛ̀ neǒ Sedɔ̀n klee Kòmolà nyo kɛn plě uu kpni kukwǐ nymi le jǐ dɔ̌. ²¹Nɛ̀ kɔn tèà Ě tèe je Ě mǐ ɛ jě bɛ̌ nu tèà Ě wɛ̌n'ɛ keǒ ɔ mɔ̀ bǐ tù kàan tè ɔ̀ɔ̌ bǐ tù sen."²²Tà Èblɛ̀hɛ̀mo nynaǎna jèǒ Jǎwɛ̀ gbàa bo, è tàii sɔ̀n tùuǒ neaǒo nù kɛna nya u muua lě Sedɔ̀n jleě mǒ. ²³È ɔ kèklaeoǒ Jǎwɛ̀ gbàa ɔ̌ gbàla Ɔ wan ɔ je, "Deě mì kɛ jebo siǐn nyo klee dɛ kukǔ nyo kɛne popooba Mò u gbè sùe le?²⁴Bɛ̌ nu kɛ bo jebo siǐn nyoo tà wlèe sɔ̌n tùo pù bǔ neě diěǒ wlòmo, mi kɛɛ ɛmo diěǒ gbè sùeba slè ɛ wun mɔ̀ Sàba mù keǒ tà wlèe sɔ̌n tùo pùǒ uu tè mɔ̀ le? ²⁵Plě kanfinǎa chɛ̀, Ě po i mǒ kàan tè sè jebo siǐn nyo tǐ kɛn kpaba mu wòje dɛ kuku nyo plè sè u klee dɛ kukǔ nyo kɛne popooba mu kiǒ Bò sùe u gbè. Ɛ slě ɛ wɔ̀, kmɔ̌ɔ tè tù nyu se ɛmo deǒ numa mu. Ɔ mi mǒ slɛɛ̌ dɛ̌ numa." ²⁶È kě Jǎwɛ̀ dɛ̌a lɔ je ɔ je, "Bɛ̌ nu bo tà wlèe sɔ̌n tùo pù ü moo jebo siǐn nyo bǔ neě Sedɔ̀n diě wlòmo, uu tè Ě miě ɛ wun mɔ̀ sàba."²⁷È Èblɛ̌hɛ̀mo je, "Ě bɛtèè lè, Nè kpɛn ně jele kunkuɛn'à mɔ̀ keǒ bo gbàǎ jèe wàn lè, mǒà jèeà mɛ sɛjesɛ Ě monoǒ kɛ? Ě moo pǔpu klee pòpo sòsǒ, Ě seǒ je blɛɛ le bo diì wàn lè gbà. ²⁸È bɛ̌ nu kɛ tà wlèe sɔ̌n tùo m̀m bǔ moo jebo siǐn nyo klě ɛmo diěǒ wlòmo, deě mì ɛ gbɛ̀ sùeba kaǒ tà nyo pòo m̀m'ǒ u sɔn'ǒ uu kɛn mǒ le?" È Jǎwɛ̀ je, "Bɛ̌ nu bo tà wlèe sɔ̌n tùo m̀m bǔ siǐn'ǒ jebo klě ɛmo diěǒ wlòmo, Ě se ɛ gbè sùeba mu."²⁹È Èblɛ̌hɛ̀mo gbàla Ɔ wan de ɔ je, "È bɛ̌ nu kɛ tà wlèe sɔ̌n bǔ neě le?" È Jǎwɛ̀ tùa lɔ kɛ̀ɛn ɔ je, "Ě se dìěǒ gbè sùeba mu keǒ tà wlèe sɔ̌n'ǒ uu tè mɔ̀." ³⁰È Èblɛ̌hɛ̀mo je, "Koɔn, Ě bɛtèè le, Nè pee leě jlo keǒ bo gbàǎ jèɛ̀ wan de. Bɛ̌ nu kɛ tà wlò tùo pù sosǒ bǔ neěe le?" Ɔ je, "Bɛ̌ nu Bo jɛɛě tà wlò tùo pù Ě se ɛ numa mu." ³¹È Èblɛ̌hɛ̀mo je, "Ně koɔn, Ě bɛtèè le, pòo ně tè wlò le keǒ bo diǐ jè jele kunkuɛn nu bo diěe mɔ̀ boɔ. È bɛ̌ nu kɛ tà wlò bǔ moo jebo siǐn nyo klě diěǒ wlòmo le?" È Jǎwɛ̀ je, "Ě se ɛɛ gbè sùeba mu keǒ uu tè mɔ̀."³²È Èblɛ̌hɛ̀mo je, "Ně koɔn, Nè pee leě jlo, dɛà nɛ̀ moo ně demǒ bɔ̌ɔ wan gbà dɛ. È bɛ̌ nu kɛ bo tàii pù bǔ neě kɛ lě bǔ siǐn'ǒ jebo le?" È Ɔ tùa lɔ kɛ̀ɛn ɔ je, "Bo tàii pù bǔ neě diěǒ wlòmo bǔ siǐn'ǒ jebo uu tè Ě se ɛ gbè sùeba mu Ě miě ɛ wun mɔ̀ sàba. ³³Tà ɔ wɔ̀laěe Èblɛ̌hɛ̀mo mɔ̀ boɔboɔ mɔ̀, è nɔ̀ǒ mua, è Èblɛ̌hɛ̀mo tbaea je je ke klě ɔɔ ble ngmɛ̀ɛ.

¹. Klě wìtika wlòmo najiǒpòo sɔ̌n'ǒ è nùǒ pala Sedɔ̀n dìa, è Lǎtè neaǒ keǒ wlɔ̀ dɔ̀wun jleě bo. Tà ɔ jěa luu, è nɔ̀o dǔa jemǒ ɔ̌ mua u nya bɛ̌ba ɔ̌ pɛn'aǒ u jemǒ bo. ²È kě Lǎtè dɛa ɔ je, "Selǐjlu ale, a tamàle, Ě neà tàa keǒ bo mǒ a mǒ sɛ̀ɛ lè. A diě bä muě ně tà a miě tǎn jlǒ waeà sìn, bo nye a ně bǎ jla be le, bo chnɛ̀ bɛ̌ gbà kàn nè a mǒ kàn tùɔɔn nò a mǒ kàn mu." Kɛɛ kě najiǒpòǒ u dɛ̌a lɔ je u je, "Òooǒn, kěà dě slèa kě ä mià pɛnmà klě tǒn jlǒ wǎeà wlòmo." ³Kɛɛ ɔ neaǒ u demò doo ɔ̌ sàla u sonwe Ɔ̌ palaě u koǔ bo. Ɔ pia digbaǐ keǒ u mɔ̀ ɔ̌ mǎnaǒ flɔ̌ɔà ɛ̈ɛ̌ jǎabo ǔ dia dɛ.⁴Kɛɛ plě u mǐa bo pɛn keǒ tǒn jlǒ waěǒ mɔ̀, nyengmè klee kunkunyo wùɛ ü nea lěe Sedɔ̀n diě wlòmo plě klee diě kwɛɛn wùɛ nù tbɛɛa Lǎtèe koǔ dí, ⁵u pněa le ǔ gbɛ̀a Lǎtè wàn u je, "Bä jě jbɛjluà ü pae mòo je klě wìtieà wlòmo? Ja lɔ u ä mɔ̀ pomǒ ä mǒ nu kbě kpele ä mǒ nu mɔ̀ pɛ̀n?"⁶È Lǎtè pèaǒ u mɔ̀ plomǒ ɔ̌ poaǒ chnu, ⁷è ɔ je, "Ně nyopò ale, Ě bɛtè ale, alě ni u jǐlenymi dɛ taeǒ mǒ. ⁸A tanàle, Ě kɔn nynejluu sɔ̌n üà jbɛju wùɛ sěɛ lǎa mɔ̀ gbè. Ě bɛtè alè, a nɛ bo ja lɔ u a mɔ̀ plomǒ dɛ bǎ ke jlɛ̌ a mǐ ɛ u mǒ nu. Kɛɛ nyopòa nù balě ni dɛ mǒ. Mɛoǒ joo nɛ̀ moo u moo ne dakpě." Ii tè Lǎtè pèaǒ u mɔ̀ plomǒ ɔ̌ poaǒ chnu.⁹Kɛɛ u sàle slɛ̀ ǔ pněa le u je, "Oo mɛi jǔ bɔ sɔn ä je bä sìn, mò dakpǎià tàa. Ɛɛn deě tà ä nu wiěn bɔ tǐn'à ä mɔ̀ klě tǐ gbei wlòmoǒ, tèǒ nì kɔn tè mì ä dlǒ le jǎba, è moo aa blilǐ tùɔ̌, è tee ä dɛ bä nuu. Nu kpee chɛ̀ ä miì dɛ mǒ numa ɛ mǒǒ nyopòa mǒ sìin chɛ̀?" Uu wùɛǒ u mua lě Lǎtè jì mǒ keǒ bu wala chnu.¹⁰]v 10 Kɛɛ jbɛjluu sɔ̌n'ǒ u chlìa lɔ ǔ paea ɔ koǔ bo ǔ poa nyopòǒ chnu je. ¹¹È u nua kunkunyo klee nyengmè wùɛ ü neaǒo plǒ mǒ uu jǐ ǐ kana ɛ̈ di ɛ numa uu dǐa chnuǒ jě.¹²È jbɛjluu sɔ̌n'ǒ u gbàla Lǎtè wàn u je, "Deě kɔ̀n kɛ konkɔn nyo tùu ü neɔɔ diěɔ wlòmo le? Mu da nè wetǎpò klee nè jbɛjujlu klee nynejujlu plě klee nè konkɔn nyo tùu ba sɔn'ɔ diěɔ wlòmo. ¹³Dɛ ɛ nuu nɛ̀ moo ä wɛ̀ lè mɔ̀ keǒ bä sùe diěà gbè. Tè jɛɛa kukǔà ɛ̈ neǒ ɛɛ nyopò kɛ̀n Jǎwɛ̀ wɔ̌n ɛɛ tè lè, nɛ̀ kɔn tèà Ɔ dba ä mǒ u gbè sùe."¹⁴Ii tè Lǎtè mua ɔɔ wetǎpò dàba üà kmea ɔɔ nynejujlu jele. È kě ɔ dɛ̌a u je ɔ je, "A sɔn mǒ, a nu jǐ měne, a sɔn nɔ diě ɔ wlòmo. Jǎwɛ̀ wɛ̀ mɔ̀le Bɔ sù e ɛ gbè!" Kɛɛ ɔɔ wetǎpò jěa lɛ ɛ̈ moo ɔ pea mɛ. ¹⁵Tà kènta chnɛ̀ kea lěe di, najiǒpòo sɔ̌n'ǒ è nùǒ kekɛ̌a Lǎtè u je, "Sin mu, dǔ nè nynɔ klee nè nynejujluu sɔ̀n'à mǒ ba mu, bò se ɛ nu, bɛ̌ nu bä ke diěà gbè sùe, è a mi gbè sǔeba ke."¹⁶Tà Lǎtè keěa jèe ble memɛ̌ɛ ne, jbɛjluu sɔ̌n'ǒ u kmea ɔ klee ɔɔ nynɔ klee ɔɔ nynejujluu sɔ̌n'ǒ uu sonwe ǔ sòloě u dǐa tɛɛ tɛɛ, keǒ tà ɔmo Jǎwɛ̀ Ɔ jboa uu wɔle je tè. ¹⁷Tà u sàlaě uu diěǒ wlòmo, è kě najiǒpoii do dɛ̌a u je ɔ je, "A plùu aa chɛ̀ɛ fònfno: Alě chè dè plě alě sieeà togbeià ii pepeǎ blǒ kɛn. A kpa plùplɛ klě togbeiǒ mɔ̀, bǎ se ɛ nu a mi gbè sùeba!"¹⁸Kɛɛ dɛà nɛ̀ Lǎtè tmɔ̀ɔa nu ɔ je, "Kàan nyopò ale, Ě bɛtè ale, a bɔ̌ lěe togbeiǒ mɔ̀ dbadbɛ. ¹⁹Amo nu kàan dɛ fòɛ keàǎ mɔ̀, a jěě wɔle je ǎ gblà ně fònfno. Kɛɛ Ě slě wɔ̀ bo kpa lě to gbeiǒ mɔ̀ piùplɛ. Ɛmo dɛ kukǔu doǒ ɛ miǐ kmema keǒ snǔ mɔ̀ bo keě mi Ě mǒ kǒ. ²⁰Tanàle, jě diěà ɛ konwaěàa le nɛ̀ kɔn kɛn bo kpa lě plùplɛ Ɛ̈ di ɛ numa Ě mǒ kmɔ̌ ne. Aa chɛ̀ a jě, ɛle ɛ moo ɛ blěe, diě chěnchaě."²¹È najiopòiǒ ɔ̀ tùa Lǎtè kɛ̀ɛn ɔ je, "Ɛ nu tɛɛ Ě wɔ̀ɔn ɛ kɛn, ii tè Ě se diěǒ gbè sùeba mu ɛ̈ kɔn tèǒ bòɛɛ. ²²Ě se dɛ numa mu, ɛ̀ sìn'ǒ bò nyniě plě, ii tè nu jǐ mene kpà plùplɛ." Dɛǒ nɛ̀ kɔn tè u dɛɛ diěǒ sowà, ɛ̈ sɛ̀n'ɛ nynɛ̌ chěnchaě.²³Tà wɛn keaa kwlǎ mǒ wě, è Lǎtè pala sowà dǐa. ²⁴È Jǎwɛ̀ nua wnewne seɛ̌ klee na ǐ dbɛa wòje nǔ keǒ Sedɔ̀n klee Komolà deě dlǒ. ²⁵Kě Ɔ nua deěe sɔ̌n wùɛǒ siɛnsiɛn klee nyopò pɛpɛ wùɛ klee ii pepǎ blǒ klee kwlǎ plě ti wùɛ ï neǎǒo blǒ tìeǒ kɛn.²⁶Kɛɛ Lǎtɛe nynɔ nɔ̀ chèa de ɔ ponpnɔa tmɔ̌ kpokpɛ̌ɛ. ²⁷Tà chnɛ̀ tɛ̀ɛ gbàlaa le Èblɛ̌hɛ̀mo tùɔɔn'aǒ ɔ klee Jǎwɛ̀ nynanaǒǒ bo ɔ̌ boɔaě ɔ mɔ̀. ²⁸Ɔ tana Sedɔ̀n klee Komolà deě plě klee ii pepeǎ blǒǒ kɛne ɔ jěa nǎnoo buɛɛ ɛ̌ mia jɔ mǒ wɔ̀je keà nǎno sonwɛ lěe fonfɔn chè mò.²⁹Ii tè kě Nyesoa nua deě wùɛ ï nea lěe pepeǎ blǒǒ kɛn gbè sùesuɛ. Kɛɛ Ɔ poa Èblɛ̌hɛ̀mo wlò mɔ̀ keǎ dɛǒ ɔ gbàlaa wan keǒ Lǎtèe tè mɔ̀ ɔ̌ gblàla Lǎtè tà na siɛnaa diěǒ ɔ nea lěe kɛn.³⁰È Lǎtè klee ɔɔ nynejujluu sɔ̌n'ǒ u pea fano keǒ bu tǐn'aě diěǒ monoo sowà, ii tè u sɔnaě mǒ ǔ muaě togbei ɛlè klě u tǐn'a lě klě seɔ̌ɔ bǐtìe wàn.³¹Chnɛ̀ jlò wae tɛ̀ɛ mɔ̀ ɔɔ nyne, ju fòɛǒ kě ɔ dɛ̌a ɔɔ mamǔ chěnchaěǒ je ɔ je, "Äa gbeǐ wɛ̀ɛ le, è jbɛjlu seà tàa ne ü mǒ ämoo nyno mǒ kɔn keȧ nyu wùɛ nii kělɔ kmɔ̌ɔ mɔ̀. ³²Ii tè diě bä tʋ äa gbeǐà nmɔ ɔ klee ämoo sɔ̌n ä mǒ pɛna mǒ sɔn ɛ̈ di ɛ numa bä kɔn jlǔ ä mǒ äa tùgbaa nynɛ̌ jebo tmɔɔ no. ³³Tǒn jlǒ waeǒ mɔ̀ u tùa uu gbeǐ nmɔ tù ɛ̌ nia nɔ, è nyne ju fòɛǒ nɔ̀ beeaǒ ɔ gbàa ɔ klee ɔɔ sǒn ǔ sɔna pɛ na mǒ. Kɛɛ Lǎtè seaǒ ɛ dɛ kɛn ji keǒ tà nmɔ sìn'a lɔɔ wan dɔ̌.³⁴Tà chnɛ tɛ̀ɛ gbàlaa le, nyne ju fòɛǒ ɔ tmɛɛ̌a ɔɔ mamǔ chěnchaě ɔ je. "Tanàle, tǒn'à mǒ klee äa gbeǐ ä sɔn mǒ pɛna. It tè bä tù ɔ nmɔ de wìtieà mìe ɔ mɔ̌ pɛn ke ɛ̈ di ɛ numa ɔ klee mò bǎ kɔn jǔ ɛ mǐ äa tùgbaa nynɛ̌ jebo tmɔɔ no." ³⁵Ii tè wìtìe waeǒ mɔ̀ u tùa ɔ nmɔ tù ɛ̌ nia nɔ de, è chěnchaě no nɔǒ nɔ̀ beeaǒ ɔ gbàa ɔ klee ɔɔ sɔ̌n ǔ sɔna pɛna mǒ. Kɛɛ ɔ seaǒ ɛ dɛ kɛn ji tà nmɔ sìn'a nɔɔ wan dɔ̌.³⁶Dɛǒ nɛ̀ nua nɛ Lǎtè tùa ɔɔ nynejluu sɔ̌n'ǒ kwliǎ měne. ³⁷Tà fòɛ nonɔ kmàeaa, ɔ kɔna jbɛjuju ü dɛɛaa Moà. Nɔ̀ mooa gbeǐ keǒ Moànyǒ Mɔ, Umo dakɔǒ u neě jè kmɔ̌ kekɛà. ³⁸Tà nyuǒ mooa jǔ nǒnɔ'ǒ ɔ kmàeaa, ɔ̀ kɔna jbɛjuju ü dɛɛaa Benamì. Nɔ̀ mooa gbeǐ keǒ Amònyo mɔ̀, umo Dakɔ̌ǒ u neě jè kmɔ̌ kekɛ̀a.

¹È Èblɛ̌hɛ̀mo sɔnaǒ Mawlì diě kɛ̀n mǒ ɔ̌ tèea je ɔ̌ mua lě Nɛkefè blǒ kɛn klě deěe sɔ̌n'ǒ monoo Kadɛsè klee Suɔ̀ pǎnpe ɔ̌ tǐn'a lě diěǒ mooa kewloà kɛ́n. ²Klě u nea lě ɔ̌ tmɔɔ̌a nyopòǒ ɛ̈ moo ɔɔ nynɔ Sèlɔ̌ mooa ɔɔ mamu nyneju. Ii tè Abemnè ɔ̈ mooaa Kewlaà dlěe klɔ̀ba ɔ dboa nyopò bu blala Sèlɔ̌ bu jalaě ɔɔ̀ mɔ̀, ɔ mǐa ɔ nynɔ mǒ kɔn. ³Kɛɛ klě tǒn jlò waěǒ wlòmo, Abemnì jala jajie Nyesoa boɔa lě ɔ mɔ̀ Ɔ je, tanale "Jè Bo tmɔɔ̌ mò, bè tɔ̀ɔ nynɔǒ sà ɔ kwa, ii tè mì kǒba"⁴Kɛɛ ɔ sěɛla jè ɔ mɔ̀ gbè. Ii tè ɔ je, "Koɔn, deě mì kɛ jebosiǐn dakɔ̌ là dbǎba ɛ̈ kɔn mǒ se lii měne jie? ⁵Nɛ̌ mo Èblɛ̌hɛ̀moo chɛ̀ tmɔɔ̌ mǒ ɛ̈ moo ɔ moo ɔɔ mamǔ nyneju, pĺě nynɔà ɔɔ chɛ̀ tmɔɔ̌ mǒ ɛ̈ moo Èblɛ̌hɛ̀nmo moo ɔɔ mamǔ jbeju? Ii tè dɛà ɛ se boǒ chèe ɛ jǐ mǒ bo bo nu ɛ, nɛ̀ kɔn tè Ě se tè wlǎ."⁶È Nyesoa tùa lɔ kɛ̀ɛn klě jajie wlòmo ɔ je, "Kòo, sèe ɛ jǐ mǒ bo chɛ̀ kàan tè, dɛǒ nɛ̀ kɔn tè Ě seǒò mɔ̀ mo sɔn sè tè wlǎ keǒǒ jemǒ plě sè ɔ̀ lè tǒ. ⁷Ii tè nye jbɛjuǒ ɔɔ nynɔǒ ɔ̀ de. Ɔ moo Ně wnɔsàɔ ɔ miǒ nè tà bàtèeba ɛ̈ di ɛ numa mò kmɔ̌ ne. Kɛɛ bò se lɔɔ̀ dè nyè, è bò kɔn ɛ jijiɛ mò klee nè nyopò a mi kǒba."⁸Tà chnɛ̀ gbàlaa le ɛɛ kènta gbìi, ɔ dala ɔɔ nyefòapo wùɛ lè ɔ̌ tmɔɔ̌a u keǒ dɛ ɛ̈ kpalaa tùɔn mɔ̀, uu wùɛǒ u bea mǒ fano chɔɔ. ⁹È ɔ dala Èblɛ̌hɛ̀mo ɔ̌ gbàla ɔ wan ɔ je, "Mɛ kɔɔ̌n kɛ dɛà nùǔ kɛ ä mǒ? Bo jě kɛ dɛ kukǔ tae Ě nu mòo mǒ ɛ̈ kɔn tè jàa mǒ klee ně blǒ kwɛɛn jǐlenymi dɛ taeà bobo? Dɛà nù mǒo mǒ nyu se je biɛɛ le bɔ nuɛ nyu wùɛ mò.¹⁰È mɛ sɛjesɛ sìɛɛnnèě kɛ diǒ mɔ̀le ɛ̈ kɔn tè nùǔ ɛmo dɛà?" ¹¹È Èblɛ̌hɛ̀mo tùa lɔ kɛ̀ɛn ɔ je, "Ně wlò je nyu wùɛ seà tàa ne bɔ kɔn'ɔ Nyesoaa fano, dɛǒ nɛ̀ kɔn tè Ě jě ɛ ɛ̈ moo u mii mǒ dbǎba u mǒo ně nynɔǒ kpa. ¹²Plě sɛjesɛ ɔ moo ně mamǔ nyneju. Ɔ klee mǒ ä sɔn'ě mǒ gbeǐi do wlòmo, kɛɛ äa naǎpò nè lè dɔ̌ɔdɔ̌ plě nɔ̀à Ě kɔn nynɔ mǒ.¹³Tà Nyesoa sàlaě mǒo ně gbeǐi koǔ bo mǒ Ɔ dboa mǒo bo mua lěe dakɔ̌ tùu blǒ kɛn, Ě tmɔɔ̌a lɔ Ɛ̈ moo bɔ̌ noɛɛ neě mǒ, tà wùɛ bö nynìǒ è bɔ tmɔɔ̌ nyopòǒ Ɛ̈ moo Ě moo ɔɔ mamǔ jbɛju." ¹⁴È Abemnè nyea Èblɛ̌hɛ̀mo blablɛǎ klee bliǎ klee mɔ̀le nae nynejlu klee nyebajle, è ɔ sàlaǒ ɔɔ nynɔ Sèlɔ̌ ɔ̌ nyea lɔ ɔ̀ de.¹⁵È ɔ tmɔ̌ɔa Èblɛ̌hɛ̀mo ɔ je, "Tan lě nyane, jě ně blǒǒ ɛɛ wakǎ wùɛ bò ke jlɛ̌ nɛ̀ bò tìn'o kɛn." ¹⁶È kě Abemnè ɔ dɛ̌a Sèlɔ̌ je ɔ je, "Tanàlè, Ě nye màmu jbɛ̌ju sěbla kpěn'e wlèe m̀m kplěe pù (1,000) nì Ě pae to keǒ nè nyopò mɔ̀ keǒ dɛ Ě nuu ƐƐ tè mɔ̀."¹⁷È Èblɛ̌hɛ̀mo bàtèa Nyesoa keǒ Abemnèe ɔɔ tè mɔ̀, Nyesoa peana ɔ klee ɔɔ nynɔ plě ɔɔ na wien po nynejlu, ɛ̈ di ɛ numa uu kmàea mǒa je kna, u mòa jlǔ kɔn de. ¹⁸Mɛ kɔɔ̌n tèǒ joo nɛ̀ moo Èblɛ̌hɛ̀moo nynɔ Sèlɔ̌ nɔ̀ kɔn tè Jǎwɛ̀ kana nyno wùɛ ü nea lěe Abemnèe tà uu kmàea je.

¹È Jǎwɛ̀ poa Sèlɔ̌ ngmna mɔ̀ kě ɔ nua lě ɛɛ pooa plě ɔ̌ nua dɛǒ Ɔ pooa lě ɔɔ. ²Ii tè Sèlɔ̌ nea kwlě mǒ ɔ̌ kɔna jbɛjuju keǒ Èblɛ̌hɛ̀mo mɔ̀ klě ɔɔ děwɛ̀ tì wlòmò wòje tǐǒ Nyesoa tbalaa teěn. ³Èblɛ̌hɛ̀mo tùea ɔɔ jǔǒ nynɛ̌ ɔ̈ Sèlɔ̌ kɔna keǒ ɔ mɔ̀, ɛ̈ mooa Aesěe. ⁴Tà Aesěɛ̀ kɔnaa chnɛ̀ jlò wee nyi nyihɛ̀n kělɔ kmɔ̌ mɔ̀, è Èblɛ̌hɛ̀mo bɛ̌a ɔ foeě wòje ke Nyesoa nua lɔɔ tmɔɔ̌a.⁵Tà Èblɛ̌hɛ̀mo kɔnaa Aesěè, ɔ̀ kɔna kɛ̀ jlě wlèe m̀m. ⁶È Sèlɔ̌ je, "Nyesoa nu mǒ Ě cheɛ̌. Nyu wùɛ ɔ̈ mi nii wɔ̌nma ɔ miǐ kɛn beba ǎ mǒ cheǎ. ⁷Mɔ wɔ̀le je bɔ dǎǎla kɛ bò Èblɛ̌hèmo je ɛ̈ moo Sèlɔ̌ miǎ jlǔ nyǎma? Plě nì moo kàǎn tè Ě kɔn ɔ le jbɛjuju klě ɔɔ děwɛ̀ tǐ wlòmò."⁸Aesěe kun'a ɔ̌ wɛ̀a nyia wane. Chnɛ̀ jlò waeǒ ɔ wɛ̀aa nyia wane Èblɛ̌hɛ̀mo dala de ngmnengmnɛ̌ fòɛ. ⁹Keǒ tàǒ keǒ Selɔ̌ jeěaǒ Èblɛ̌hɛ̀moo jbɛjujuà ɔ klee Ǐjɛ̀tě nyneju Hekà kɔn'aa ɔ̌ sɛ̀a Aesěè win mǒ.¹⁰Ii tè Selɔ̌ tmɔɔ̌a Èblɛ̌hɛ̀mo bɔ sàlaě nynejɔɛɛǒ ɔ klee ɔɔ jbɛjuju sɔ̌n klě koǔ bo. È kě Sèlɔ̌ dɛ̌a ɔ je, "Nynejɔɛɛà ɔɔ jǔ klee ně jǔ Aesěè se konkɔn noǎ mǒ paǎnma mu." ¹¹Kɛɛ Isèmae mooa Èblɛ̌hɛ̀moo jbɛjuju ke, ii tè Eblɛ̌hɛ̀moo wlò sea ɛ kɛn bloo lo.¹²Kɛɛ Nyessoa tmɔɔ̌a Èblɛ̌hɛ̀mo lɔ ɔ je, "Bɔ̌ diee wlò kǔ mǒ sèsa keǒ jǔǒ ɔ klee nè nynejoɛɛǒ uu tè mɔ̀. Klě Aseěè mǒ klě nè jlǔu jlǔ miě diiba üà Ě peeě mòo, ii tè nu dɛɛ teěn ɛ̈ kɔn tè Sèlɔ̌ tmɔɔ̌ mòo. ¹³Kɛɛ ke ɛ toon jleě mǒ bo nè nynejoɛɛ jbɛjujuǒ ɔ̌ moo nèe jǔ, Ě mi ɔɔ jlǔu jlǔ dakɔ̌ dlǒ fòɛ mò numa ke."¹⁴Tà chnɛ̀ tɛ̀ɛ gbàlaa le ɛɛ kèntan gbii Èblɛ̌hɛ̀mo dǔa flɔ̌ɔ klee něe kàe waě mǒ nì ɔ nyea Hekà. Noáǒ nì ɔ tùaǒ Ɔ wlèmo bo ɔ̌ tmɔɔ̌a lɔ bɔ sɔnaě, ɔɔ koǔ bo mǒ ɔ klee ɔɔ jbɛjujuu sɔ̌n. Ii tè ɔ̌ mua lě kpatekpǎ blǒǒ u dɛɛ Besìba kɛ̀ klě ɔ tetbɛaě le. ¹⁵Tà ně kàeǒ ɛ wɛ̀a lèe, ɔ dǔa jǔǒ mǒ ɔ̌ peana ɔ bo klě kwlǎ bobo, ¹⁶e ɔɔ̌ jlǎ bɔ jěa ɔɔ jǔǒ ɔɔ Kǒoa, ii tè ɔ muaǒ nya ɔ̌ nea bo Ɛ̈ wɔ̀le je bɛ nuaa patě wlèe sɔ̌n tùo Pù kě ɔ toon'a jǔǒ mɔ̀. Keǒ u kɛ̀ɛn'àǒ tàa doǒ bo ɔ klee ɔɔ jǔ u kea fìn,¹⁷è Nyesoa wɔ̌na jǔ Bɔloǒ ɔɔ fìɛn win'ǒ no, è Nyesoaa najiǒpǒi nea lěe jɔ mǒ nɔ̀ gbàla ɔ wan ɔ je, "Hekà, mɛ niǐ kɛ mò? Nyesoa wɔ̌n jǔǒ ɔɔ fìɛn wìn'ǒ no tà ɔ pɛn lěe bo, ii tè bɔ̌ fano pepeɛ. ¹⁸Ě mi ɔɔ jlǔu jlǔ kbě mǒ ne dakɔ̌ dlǒ foɛ̀ mò numa, ii tè sɔn mǒ, kmee ɔ son dǔ ɔ jemǒ."¹⁹È Nyesoa knana ɔ jǐ ɔ̌ jěa někàwulo ɔ̌ pǐn'a ně ɔ̌ jiěa lě kàe buoǒ de ɔ̌ nyea ɔɔ jubɔ̌loǒ ně ɔ̌ nǎna. ²⁰Nyesoa neaǒ jǔǒ mɔ̀. Tà ɔ kwin'aa ɔ̌ tǐn'aě kpatekpǎ blǒǒ u dɛɛ Palàn kɛ̀n ɔ̌ mooa polǐ fòɛ. ²¹Klě ɔ neaě kpatekpǎ blǒǒ kɛn ɔɔ naǎ Hekà mua Ǐjɛ̀tě klě ɔ Slòa lě ɔɔ jǔu nynɔ.²²Klě ɛmo tǐǒ wlòmo Abemnè klee Fikò ɔ̈ mooa ɔɔ tabɔ̀ɔ jǐ gbàdiɔ nù mua lě Èblɛ̌hɛ̀mo mɔ̀, kě u dɛ̌a lɔ je u je, "Nyesoa neeǒò mɔ̀ keǒ dɛ wùɛà nìi mɔ̀. ²³Ii tè nɛ Mǒ klee Mò bä po kuo kěà Nyesoa jemǒ ɛ̈ moo sè mǒ klee ně jlǔ ɔ̀ɔ̌ ně jlǔu jlǔ booba mu, kɛɛ keà Ě nìi Ě ni mòo Kàan ka kě mì mǒ klee ně blǒo nyopò wùɛ üà nèɔɔ slè nùma ke." ²⁴È Èblɛ̌hɛ̀mo tùa ɔ kɛ̀ɛn ɔ je, "Ě po kuo wìn keǒ dɛǒ kɔn tè gbàa wan mɔ̀."²⁵È Èbleɛ̌hɛ̀mo poaǒ boɔbo ɔ wìn tìi Abemnè jèmǒ bo ɛ̈ moo Abemnèe mɔ̀le nae nyebajle nua kbě ǔ sàla ɔɔ nyopò někàwùlo kwa. ²⁶È Abemnè tùa Èblɛ̌hɛ̀mo kɛ̀ɛn ɔ je, "È se nyuǒ nu ɛɛ jì plě sèɛ pnɔɔ̌ tmɛɛ̌ ně ɛ̌ jɛ tǐà plě è tùi li." ²⁷È Èblɛ̌hɛ̀mo nyea Abemnè ɔɔ blablɛǎ klee bliǎ, uu sɔ̌n'ǒ ǔ poa kuo keǒ tàǒ.²⁸È Èblɛ̌hɛ̀mo salaǒ blǎ neklě bòtee nyeɛta nì ɔ tùa dɔ̌ bo. ²⁹È Abemnè gbàla Èblɛ̌hɛ̀mo wan ɔ je, "Blǎ bòtee nyeɛtaǒ tùu kɛɛ dɔ̌ bo mɛ ɛ sɛ̀ɛ̌n nynɛ̌?" ³⁰È Èblɛ̌hɛ̀mo tùa Abemnè kɛ̀ɛn ɔ je, "Bɛ̌ nu bò kme blǎ neklě bòtee nyeɛtaǒ bò è nì moo sàse ɛ̈ moo kòo wɔ̀ɔn ɛ kɛn mǒ blǔa ně bǐtìeǒ."³¹È keǒ tàǒ keǒ uu sɔ̌n wùɛǒ u pooaǒ kuo wìn, ii tè Ɛmo tàǒ u dɛɛǒ Besìba kekɛà. ³²Tà u wɔ̀aa kuo popoɛ mɔ̀ keǒ Besìba, è Abemnè klee Fikò nùǒ sɔna mǒ ü mua Feletìɛnyǒo blě.³³È Èblɛ̌hɛ̀mo dɔ̌a tu ü moo tà ma keǒ Besìba ɔ̌ sàeaǒ Jǎwɛ̀ɛ wɛ̀ ɔ̈ monoo kmɔ̌ Siee Nyesoa. ³⁴Èblɛ̌hɛ̀mo sìn'a lě tǐ pɛ̀ti klě Feletìɛnyoo blǒ kɛn.

¹Tà dɛǒ ɛ sìn'aa è Nyesoa tɛ̀na Èblɛ̌hɛ̀moo tè wlò po poɛ mǒ Ɔ je, "Èblɛ̌hɛ̀mo." ɔ̀ wɔna Ɔno ɔ je, "Ě joo jè mǒà neò." ²È kě Nyesoa dɛ̌a lɔ je ɔ je "Dǔ nè jbɛjujuu doǒ mǒ ɔ̈ nòɛɛ nee mǒ a mu lè blǒǒ mooMowlaeà kɛn klě bò piiě ɔɔ chɔ̀no keǒ togbeiǒ neěe ii dɛɛ do dlǒ ɛ̈ǒ Ě mi mòo teeba." ³Tà chnɛ̀ gbàlaa le ɛɛ kènta gbìi ɔsana na keǒ chɔ̀no mɔ̀ ɔ̌ tèa na gbɛ̀ɛö keǒ jakǎsè kɛ̀n, è nùǒ bea snǔ mɔ̀ ɔ klee Aesěè plě klee ɔɔ mɔ̀le nae nyebajlee sɔ̀n'ǒ ǔ muaě tùɔn'ǒ kɔn tè Nyesoa tmɔɔ̌a nɔɔ kɛn.⁴U snǔ mɔ̀ naa wěe tan nenɛ mɔ̀, ɔ chèa lě nyobo ɔ̌ jěa tùɔn'ǒ klě tà pɛ̀tu. ⁵Ii tè kě ɔ dɛ̌a ɔɔ na wìen po nyebajleǒ je ɔ je, "A sieeà tàa, a tù jakǎsèà jǐ mɔ̀. Mǒ klee ně jǔà bä muě nya ä mǒ Nyesoaa wɛ̀ sà plě a mǒ de di kělɔ a mɔ̀." ⁶Ii tè ɔ̌ düa na gbɛ̀ɛǒ mǒ ɔ̌ tùaǒ ɛ Aesěè dlǒ bo, è ɔɔ chɛ̀ nɔ̀ bl__ n'amuɔ klee wonwɛ̌n faka. Tà uu sǒn'ǒ u keaa mi,⁷è Aesěè je, "Ně gbeǐ." Ɔ wɔna nɔ ɔ je, "È jě na klee nàmuɔ à le, kɛɛ bä jě kɛ tà blǎ bòto neě keǒ chɔ̀noo pipiɛ mɔ̀?" ⁸È ɔ tùa lɔ Kɛ̀ɛn ɔ je, "Ně jǔ, Nyesoaa chɛ̀ɛ kpaǎ nɔ̀ mì blǎ bɔto tàmo sàbo." Ii tè kè u nua mumuɛ.⁹Tà u nyniaǒo tùɔn'ǒ kɔn kɛn Nyesoa teeaǒ Èblɛ̌hɛ̀mo è ɔ bea sɛɛ̌ɛ kǒngmà nɛ̀ kɔn kɛn ɔ poaò naò bò. Plě ɔ̀ kmea ɔɔ jǔ Aesěè ɔ̌ pìn'a lɔ kloklo ɔ̌ poaǒ ɔ naǒ kɛ bo keǒ kǒngmà dlǒ. ¹⁰Ɔ dǔa wonwèn faka mǒ ɔ mǒa ɔɔ jǔǒ dbǎ.¹¹Kɛɛ Jǎwɛ̀ɛ najiǒpòi dala Èblɛ̌hɛ̀mo klě jo kɛn ɔ je, "Èblɛ̌hɛ̀mo, Èblɛ̌hɛ̀mo!" ɔ wɔna ɔna ɔ je, "Ě joo, jè mǒà neò." ¹²È Jǎwɛ̀ boɛɛa lě najiòpòiǒ mǒ klě Èblɛ̌hɛ̀mo mɔ̀ ɔ je, "Nèe ni nè jǔǒ dɛ mǒ. Kèke Ě jiǐ ɛ ɛ̈ moo kɔ̀n ně fano klee tùtuɛ. Mɛ kɔɔ̌n tèǒ joo nɛ̀ moo keǒ bò sè nè jbɛjujuu doà son kɛn bo mǎ bò dì ɔɔ̌ nye."¹³Tà ɔ keaa le tɛn, ɔ jèa blǎ beǒ ɔɔ ngmè fìnfìɛ̌ɛa gbàkùtua. Ii tè kě ɔ nua lɔ kmekmɛ nɔ̀ ɔ piea chɔ̀no keǒ ɔɔ ju pɛ̀nmo. ¹⁴Dɛǒ nɛ̀ kɔn tè ɛmo tùɔn'ǒ ɔ dɛɛa lɛ Jǎwɛ̀ɛ chɛ̀ Mi de tàmo sàba. Kekɛà kè u ni ɛmo tùɔn'ǒ deda Ɛ̈ moo, "Keǒ Jǎwɛ̀ɛ togbee dlǒ ɔ mi ɛɛ tɔ̀n Toba."¹⁵È Jǎwɛ̀ɛ najiǒpòi dala Èblɛ̌hɛ̀mo wěe sǒn něnɛ klě jɔkɛn. ¹⁶Ɔ je, "Ně chɛ̀ɛ kpaǎ Ě Po kuo win ke ɛ toon jleě mǒ bo è see be de le Po keǒ bo sàǒ nè jǔu doà bò nye nɔ̀ Mǒ. ¹⁷Ě miì jlǔu jlǔ fòfoa nyema, uu fòfoɛ mì jè wǒ ba keà jɔtnè ï neěe jɔ mǒ ɔ̀ɔ̌ wòje jbǒo mìsiɔ̀ ë neǒo jbǒ wien. U mi uu jlaenyo wan duba.¹⁸Tà tùiǒ Mǒo, ii tè klě nè jlǔu jlǔu nyuu dɔ mǒ klě Ě miě dakwɛ̌ pɛpɛ wùɛ ngmna mɔ̀ pooba." ¹⁹È Èblɛ̌hɛ̀mo klee Aesěè nùǒ baea je klě nyehajlǒ mɔ̀ ǔ mua de klě Besìba tà ɔ tǐn'a lěe.²⁰Tàa doǒ keǒ u tmɔɔ̌aǒ Èblɛ̌hɛ̀mo ɛ̈ moo ɔɔ mamǔ jbɛju Nehɔ̀ klee nynɔ Mekà jlǔ ke. ²¹È uu nynɛǎ nìà, Husè ɔ̈ mooa ɔɔ nyǐsaja klee busè klee kɛmùa ɔ̈ momoo Alamàa gbeǐ. ²²Plě kɛsɛdì klee Hasɔ̀ klee Pelɛdasè klee Jɛlafi plě Bɛtuà ɔ̈ mooa Wlìbɛkɔ̌ɔ gbeǐ.²³Jbɛjujluu nnyɛ à nù Mekà kɔn keǒ Nehɔ̀ mò ɔ̈ mooa Èblɛ̌hɛ̀mo mamǔ jbɛju. ²⁴Nehɔ̀ɔ nynejɔɛɛ mooa wlùmaa, nɔ̀ klee ɔ̀ kɔ̀n'a jbɛjujlu uu nynɛǎ nìà, Tebà klee Kahamà klee Tahasè plé Maka.

¹Sèlɔ̀ ne kmɔ̌ ne ne ɔ̌ kɔn jlě wlěe m̀mɔdo tùo nyeɛta (127). ²Plě ɔ̌ kǒa klě Kɛnɛ̀ blò kɛ̀n klě ɛɛ diěǒ monoo kewliatabà kɛ̀ ɛ̈ u dɛɛ kekɛɛ Hiblɔ̀n. Èblɛ̌hɛ̀mo fìn'a ɔ̌ chìn'a ɔɔ sònwe.³È ɔ sɔnaǒ tàǒ ɔɔ nynɔɔ blǒ fǒ pɛnaǒ bo mǒ ɔ̌ mua lě Hetinyǒ mɔ̀, kě ɔ dɛ̌a lu je ɔ je, ⁴Ě moo dakpǎi kělɔ a slè, Ě bɛtè ale a ploo loǒ tùɔn mɔ̀ kěà tàa Ě mǒ ně kǔ bo tù."⁵È kě u dɛ̌a lɔ je u je, ⁶Tanàle selǐju, ä ji ɛle mòo kbě mǒ ne chì kpa ämo. Mu nè kǔǒ bo tù klě jǐlenmɔ wlèaà ä kɔn'ɔ kɛn. Nyu wùɛ nɔ̀ seè kàwlò mǒ numa mu keǒ bò tù ne kǔ bo klě ɔɔ wlèa kɛ̀n."⁷È nɔ̀ǒ blala ɔɔ dlǒ je. ⁸È kě Èblɛ̌hɛ̀mo dɛ̌a u je ɔ je, "Bɛ̌ nu ale wlò bɛ̌ wɔɔn ɛ kɛn keǒ bo tù nɛ̀ nynɔ bo kěà ale blǒ kɛn, è dɛà nɛ̀ ba nu keǒǒ mɔ̀, a tmɔɔ̌ Ɛfɔ̀n ɔ̈ monoo Sohaàa jbɛjuju ⁹bɔ ploo loǒ ɔɔ sɛ klɛ bǐtìeǒ mɔ̀ Ɛ̈ǒ u dɛɛ Makěpìla ɛ̈ neǒ ɔɔ blǒo tnòa kɛn. Bɔ ploo ɛɛ̌ mɔ̀ dɛ ɛ wɔ̀le je bɛ poo nɛ̀ bɔ tba kěà a jemǒ a mǒ sàse tù, ɛ̈ di ɛ numa Ě miǒ ně nyopò blè tù."¹⁰Efɔ̀n'ɔ chɛ̀ kě ɔ neaǒ wlɔ̀ dɔ̀wun'ǒ jleě keǒ Hefìnyoǒ ü kɔnaa diěó slè, ii tè nyopò wùɛǒ u kea nɔkǔ bo pe ɔ̌ tùa Èblɛ̌hɛ̀mo kɛ̀ɛn. ¹¹ɔ je, Òooǒn kàan selǐju, tanàle, ně blǒ peǎn'ǒ Ě nye ɛɛ̀ ne, ɛ klee ně sɛklɛ bǐtìee chèǒ. Ě nye ɛɛ nè, kěà ně nyopò jèmǒ nù moo ně sàse. Mu mò nè kǔǒ bo tù."¹²Èblɛ̌hɛ̀mo blala dlǒ je de keǒ blǒ kwɛ̌ɛn'ǒ mɔ̀. ¹³È tà nyopò wùɛǒ u poaa nɔkǔ bo, kě ɔ dǎla Ɛfɔ̀n je ɔ je, "Ě dɛǒ bo, ɛ̈ di ɛ numa Ě mǒ ně nyuǒ bo tù keǒ ɛ kɛn."¹⁴Ɛfɔ̀n tùa Èblěhɛ̀mo kɛɛ̀n ɔ je, ¹⁵"Kàan selǐju, wɔ̌n ně win. Blǒǒ jèe ɛ̈ neǒo tàǒ ɛ pe Sěbla kpěn'e wlèe m̀m kplěe hɛ̀n (400), kɛɛ bo jě dɛ tae ɛ pee tǔn mǒ keǒ ä klee mòo sɔ̌n pǎnpe." Ii tè mu mò ne kǔǒ bo tù keǒ tàǒ." bɛtèè lè po ně win nɔkǔ jebo Ě miì dɛǒ blǒǒ ɛ pee nyema. Kme ɛmo ¹⁶Ii tè ɔ̌ wɔɔn'a ɛ kɛn keǒ dɛǒ Ɛfɔ̀n balaa mɔ̀ ǒ slèa Sěbla kpěn'ǒ ɔ tbalaa keǒ Hetìnyǒ jemǒ. Ɔ nyea ɔ Sěbla kpěn'e wlèe m̀m kplěe hɛ̀n ɛ̈ u dɛɛ Sɛkɛ̀ ï mooaa wlě tǐǒ wlòmo kɔseɛ̌ po nyopeea uu blěe pɛlě.¹⁷È kě Ɛfɔ̀n nùa ɔɔ blǒ peǎn'ǒ ɛ klee ɛɛ ti wùɛ plě klee ɛɛ sɛklɛ bìtie u dɛɛ Makěpila ɛ̈ nea lěe Mawlìi wɛn'ɛ kwlǎ mǒ wǒla mǒ plople ¹⁸Klě Èblɛ̌hɛ̀mo mɔ̀ keǒ wlɔ̀ dɔ̀wun jleě keǒ Hetìn yǒ wùɛ jè mǒ.¹⁹Tà dɛǒ ɛ sìn'aa, plě ɔ̌ mua ɔ̌ tùa ɔɔ nynɔ bo klě diěǒ moo Hiblɔ̀ kɛ̀n ɛ̈ neěe kenɛ̀ blǒ kenɛ̀ blǒ kɛn klě Sɛklɛ bǐtìeǒ wan. ²⁰È kě ɔ nua blǒ peǎn, ǒ ɛ klee sɛklɛ bǐtìeǒ Hetìnyǒ mɔ̀ tòntɔn nɛ̀ kɔn kɛn ɔ miaǒ ɔɔ nyopò ble tùba.

¹Jǎwɛ̀ pea Èblɛ̌hɛ̀mo ngmna Mɔ̀ keǒ dɛ wùɛ ɔ niaa mɔ̀. Chnɛ̀ jlò wae tɛ̀ɛ mɔ̀ tà ɔ wɛ̀a lěe. ²Èblɛ̌hɛ̀mo dala ɔɔ na wien po nyebajlo fòɛǒ ɔ̈ kɔna lě ɔɔ noǎ wùɛɛ tè mɔ̀ ɔ je, "Pa lɔɔ̌ sɔn ponwě mǒ ³mò dìe win kɛne po keǒ Jǎwɛ̀ mɔ̀ ɔ̈ moo Jɔkɛn Nyesoa plě ɔ̈ moo kmɔ̌a ɛɛ Nyesoa, ɔmǒ sàse tù keǒò mɔ̀ ɛ̈ moo seɔ kělɔ kenɛ̀nyǒo nynejlu slè nynɔ sàba mù keǒ ně jǔ Aesěè mɔ̀ üà kòn slèà Ětǐn'ɔɔ, ⁴Kɛɛ Ě jlɛ̌ bò mù klě ně chɛ̀ɛ blětà klě ně nyopò slè klě bò sàle nynɔ keǒ ně jǔ Aesěè mɔ̀."⁵È nyebajloǒ ɔ gbàla Èblɛ̌hɛ̀mo wan ɔ je, "È bɛ̌ nu nynɔǒ bɔ̌ seě kɛ wɔnkeǒ bɔ naǎ de bɔ diɔ blǒɔ wlòmo lee? Deě è bo dbo nè jǔǒ de ɔ miě ɔ mɔ̀ tǐn klě nè blětà?" ⁶È Èblɛ̌hɛ̀mo tùa lɔ kɛ̀ɛn ɔ je, "Tùe jǐ bo tɛɛ nè se ně jǔǒ de dbo klě ně blětà. ⁷Jǎwè ɔ̈à kɔn'ɔ jɔ, ɔ̈ sàlaě mǒo ně gbeǐi koǔ bo klě ně nyopò slè plě ɔ̈ poo kuo wìn keǒǒ mɔ̀ ɛ̈ moo blǒà ně jlǔu jlǔ nù ɔ miɛ nyema, Ɔ mǐ ɔɔ najiǒpòǐi do dboba klěè nya, ɛ̈ di ɛ numa mò ně jǔu nynɔ jě klě blǒǒ wlòmo.⁸Bɛ̌ nu bo nynɔǒ bɔ̌ je bɔ̌ seè dè na, è win'à pòo dìe kɛ̀ne keǒ ɛmo dɛǒ mɔ̀ ìi ṕèan sèni, kɛɛ ke bɛ̌ jě bɛ ne je nèe dbe ně jǔǒ de klě blǒǒ wlomò" ⁹Ii tè kě ɔ nua lě ɔɔ son ɔɔ chì kpo ämo Èblɛ̌hèmoo ponwě mǒ popa ɔ̌ poa ɔɔ chɛ̀ win kɛne keǒ ɛ mɔ̀.¹⁰Ii tè nyebajloǒ ɔ klee ɔɔ bǐì tùu ɔ dpɛaa u tèa gbèe keǒ uu chì kpa ämoo bùkɛa Sòkwee pù kɛn, jǐ lenmo noǎ ii doědoe nì ɔ tèa, è nɔ̀ǒ klee ɔɔ bǐì nyebajle bea snǔ mɔ̀ ü mìa lě Nehɔ̀ɔ dǐa, klě Mɛsepotemìa blǒ kɛn. ¹¹Klě wìtìka slòmo, tǐà nyno wlìi neǎ le, è nùǒ nyniaǒ Nehɔ̀ɔ diě wɔ̀ɔn ɔ̌ nua bùkɛn Sòkweǒ ǐ kɔa kwne bo keǒ někàwuloǒ wien.¹²È nɔǒ boɛaě Jǎwɛ̀ mɔ̀ ɔ je, "Jǎwɛ̀, Mòà ɔ moo něe chì kpa ämo Èblɛ̌hɛ̀moo Nyesoa, Ě bɛtèè le, poǒ ngmna mɔ̀ kekɛà, nu Kàan dɛ keǒ ně chì kpa ämo Èblɛ̌hɛ̀mo mɔ̀. ¹³Tanàle, kěà někàwulaà Ě nynana wien bo, diěà ɛɛ nynejlu mì ně wlùba diba, ¹⁴è nɛ bo nynejuà Ě mii tmɔoma ɛ̈ moo, 'Tètěe nè Jagbeeǒ mǒ bo nǎ,' bǒ nu'òwe, nǎ plě Ě mi nè bukɛn Sòkweǒ ně nyema ke i mǒ nǎò; nɔ̀ bɔ moo nynɔ ɔ̈à tbàa keǒ Nè nyebajlo Aesěè mɔ̀. È bɛ̌ nu dɛǒ Bò nu ɛ, è Ě ji ɛle ɛ̈ moo mòo Kàan keǒ ně chì kpa ǎmo mɔ̀."¹⁵Plě ɔ mǒa Nyesoa mɔ̀ boɔoɔ dlǒ chlà, è Wlibɛkǒ ɔ̈ mooaa Bɛtuàa nynejuju è nɔ̀ǒ nyniaǒ, ɔɔ nǔ wien jagbee neaǒ ɔ wlèmo. È p̀p̀ gbeö Bɛtuà nɔ̀ mooa Mekà klee Nehɔ̀ɔ jbɛjuju. Nehɔ̀ mooa Èblɛ̌hɛ̀moo mamǔ jbɛju. ¹⁶Ɔmo nynejuǒ ɔ nmɔa le jǐ chɔɔ, ɔ sa jbe kɔn plě nyu sùɛ sěɛlǎ ɔ mɔ̀ pɛn, nɔ̀ tèa togbee ɔ muaě někàwulo wien ɔ̌ pǐn'a ně, è nɔ̀ǒ jǎla togbee de.¹⁷È nyebajloǒ ɔ kpalaě ɔ mɔ̀ plùplɛ ɔ je, "Ě bɛtèè lè, nyeě ně gbei bo nǎ klě nè jagbeeǒ wan." ¹⁸Ɔ tùa lɔ kɛ̀ɛn ɔ je, "Kme bo nà, Kàan selǐju." È tǐi doo tǐ jleě è nɔ̀ǒ tèteea mǒ ɔ kmeaǒ ɔɔ jagbeeǒ mɔ̀ bò, nyebajloǒ ɔ̌ nǎna.¹⁹Tà ɔ wɔ̀laa nenǎ mɔ̀, è kě ɔ dɛ̌a nyegajloǒ je ɔ je, "Ě mi ně wlùba keǒ nè bùkɛn Sòkweǒ mɔ̀ ii wùe i mǒ nǎ ke." ²⁰È tǐi doo tǐ jleě ɔ chnǐa ně jagbeeǒ klě wnùnoaa mǒ naě dɛ wan ɔ̌ kpala ĺùplɛ de klě někàwulo wan ɔ̌ blala ně tɛ̀ɛ de, deǒ nɛ̀ ɔ nua nu nu ně fòa keǒ bùkɛn Sòlwe wùɛǒ ii nenǎ mɔ̀²¹Jbejuǒ ɔ nua kɛ̀ kpee keǒ wlòlekaen dɛǒ mɔ̀ ɔ̌ fea ɔ kɛn mǒ ɔ mǐa lɛ ji bɛ̀ Jǎwɛ̀ poa ɔɔ dakpǎǒ mɔ̀ ngmna. ²²Tà bùkɛn Sòkweǒ i wɔ̀aa nenǎ mɔ̀, è jbɛjuǒ ɔ sàlaǒ ngmně mǒ tù kla bɔjɔ̀ɛ̌ɛ klee sonwe le pe klo tìan fòee sɔ̌n. ²³Plě ɔ̌ gbàla nynejuǒ wan ɔ je, "Mɔ kɔɔ̌n kɛ mò? Deě klě gbèǐi koǔ bo bò ne kɛ lě keǒ ä mě tǒnjlǒ waěà sìn'e?"²⁴Ɔ tùa lɔ Kɛ̀ɛn ɔ je, "Bɛtuà kɔn mǒ ɔ̈ monoo Mekà klee Nehɔ̀ɔ jǔ. ²⁵Ä kɔn sɛfle fòfoa nè wnùnoaǒ i mǒo kɛn bo pɛn klee digbaǐ keǒ i mɔ̀ plě a kɔn aa wùɛ aa bo pɛna a miǒ tǒn jlǒ waéà sìn."²⁶È jbɛju nɔ̀ǒ kwne bo ɔ̈ sàla Jǎwɛ̀ɛ qɛ̀, ²⁷ɔ je, "Ngmna keǒ Jǎwɛ̀ mɔ̀ ɔ̈ mooně chì kpa ämo Èblɛ̌hɛ̀moo Nyesoa, ɔ̌à kɔn'ɔ wɔle klee Sèn bò mò mǎ kaǒ keǒ ně chi kpa ämo mɔ̀ keǒ Bò mìǐ naane bo mǐɔ ɔɔ konkɔn nyo mɔ̀ nynì."²⁸È nyneju nɔ̀ǒ kpala plùplɛ klě ɔɔ naǎa koǔ bo ɔ̌ tmɔɔ̌a u dɛ kpalaa tùɔn. ²⁹È Wlibɛkɔ̌ kɔna mamǔ jbɛju ɔ̈ mooa Lebìɛn nɔ̀ kpala plùplɛ ɔ mua ɔ jbɛjuǒ nya bɛ̌bo klě někàwulo wien. ³⁰Mɛǒo joo nɛ̀ moo ɔ jěa ngmně mǒ tù klo bɔjɔɛ̌ɛ klee sonwe le pe tìn'aǒ ɔɔ mamǔ nyneju peaa sonwe le plě ɔ̌ wɔ̌na tè wùɛǒ jbɛjuǒ ɔ boɔla ɔɔ je. Tà Lebìɛn nynìaǒo, è jbɛjuǒ ɔ̀ nynaana jèo někà wulo wien bo ɔ klee ɔɔ bùkɛ̀n sòkwee sɔ̌n.³¹È kě Lebìɛn dɛ̀a ɔ je, diě, M̂ò Jǎwɛ̀ poo nymna mɔ̀ mòà. Dìě bä muě ně tà. Bɔ̌à dɔwun jleě bo nynanyna, Ě Wɔ̀ blè mɔ̀le klě koǔ bo keǒ a mɔ̀ klee klě tàǒ nè bùkɛn Sòkwe miǒo bo pɛnma." ³²È Lebìɛn kpalaě u koǔ bo ɔ̌ sàlaǒ Sòkw È tà u kpalaPo uu didi dɛ jemǒ è kě jbɛjuǒ ɔ dɛ̌a ɔ je, "È se dɛ diba mu ɛ̀ sìn'ǒ boǒ sà win dwlǎ mǒ klě a mɔ̀ ĺě." Lebìɛn jɛ, M̂u dlǒ mɔ̀ sà nè win dwlǎ mǒ." e gbèa kɛne ɔ̌ nyea i Sɛflě klee digbaǐ ɔ̌ nyea jbɛjuǒ ɔ klee ɔɔ nyopò ně ǔjlala bele³³È tà u kpalaPo uu didi dɛ jemǒ è kě jbɛjuǒ ɔ dɛ̌a ɔ je, "È se dɛ diba mu ɛ̀ sìn'ǒ boǒ sà win dwlǎ mǒ klě a mɔ̀ ĺě." Lebìɛn jɛ, M̂u dlǒ mɔ̀ sà nè win dwlǎ mǒ." ³⁴Ii tè kě ɔ dɛ̌a du je ɔ je, "Mǒ moo Èblɛ̌hèmoo na wien po nyebajlo. ³⁵Jǎwɛ̀ po né chi kpa ämo Èblɛ̌hɛ̀mo ngmna mɔ̀ ɛ̌ wɔ̌n fòfo tè, ii tè ɔɔ nynɛ̌ jɛ̌. Jǎwɛ̀ nye ɔ blablɛǎ klee blìǎ klee Sěbla plě klee klò, è mɔ̀le nae jbɛjlu klee mɔ̀le nae nynejlu plě klee bùkɛn Sòkwe klee Jakǎsèa nì ɔ kɔn.³⁶Ɔ klee ɔɔ nynɔ Sèlɔ̌ kɔn jbɛjuju Ɔ̈ uwɛ̀ lěe wɛ̀ plě u kɔn'ɔ, nɔ̀ɔnye ɔɔ kɔnkɔn noǎ wùɛ ɔ kɔn'ɔ. ³⁷È ;nu mǒ Ě po ně chɛ̀ wìn kɛne kě ɔ dǎǎ je ɔ je, 'Bo ně sɛ̀e Kenɛ̀n yǒo nynejlu slè ɔ tǐn'ěe. ³⁸Kɛɛ bo diɔ̀ a mɔ̀ kělɔ ɔɔ gbeǐi blětà blò kɛ̀n kělɔ ɔɔ kpnkɔn nyo slè kělɔ boǒ sà lɔ̀ nynɔ keǒ ɔɔ jǔ mɔ̀.³⁹È plě Ě gbàla ně chì kpaa ämo wan Ě je, È bɛ̌ nu bo nynɔǒ bɔ̌ seě wɔn bɔ na mǒoǒ de lèe?' ⁴⁰È ɔ tùaǎ Kɛ̀ɛn ɔ je, 'Jǎwɛ̀ ɔ̈à kɔn win Ě tùiǒo bo Ɔ miì jafiǒpòii do de naama nɔ̀ minè dakpǎǒ kpɛ̀ɛ kmeema, ɛ̈ di ɛ numa mòe ně jǔu nynɔ sà klě ne konkɔn nyo slè klě ně gbeǐi tùgba mǒ. ⁴¹Bɛ̌ nu bò nyiě ně konkɔn nyo slè bǔ seè nynɔ nye keǒ ně jǔ mɔ̀, è win'à pòodìe kɛ̀ne keǒ ɛ mɔ̀ ìi pèan sìni, è sè jɛɛa kɔn.'⁴²È tà Ě diěe Ě nynià nǩàwulo wien Kekɛɛà, Ě keě Nyesoa mɔ̀ bòɛ keǒ wlò jleě Ě je, aa Jǎwɛ̀, Mòà moo ně chì kpa ǎmo Èblɛ̌hɛ̀moo Nyesoa, bɛ̌ nu sɛjesɛ Bò poǒ ngmna mɔ̀ keǒ ně dakpǎà Ě di mǒo ⁴³è Bò tanàle, tàa Ě nyna nàa někàwuloà wien bo, nɛ bo nynejuà ɔ̌ see jbɛju tè ji bɔ di nǔ wien, èbo soa ɔ̀ ně ɛ̈ moo, Ě bɛtèè le, nyeě ně gbei bp mǎ lě mè jagbee wlèmo bo ɔ tèe klě někàwulo wan, ɔ bo nǎ klěnè jagbee wan," ⁴⁴è bɔ tùǔ Kɛ̀ɛn Ɛ̈ moo, Ǹǎ plě Ě mi nè bukɛn Sòkweǒ ně nyema ke i mǐ nǎo,' e nɔ̀ bɔ moo nynɔ sào keǒ ně chì klě wlò jleě, è Wlibɛkɔ̌ nɔ̀ǒ nyniǒ ɔ tèe klě někàwulo wan, ɔ pǐn ně. Ě tmɔɔ̌ ɔ Ě je, 'bɛtèèlè, nye mǒ bo nǎ.'⁴⁵Plě Ě mi ně Nyesoa Mɔ̀ boɔboɔ dlǒ chlà klě wlò jleě ě Wlibɛkɔ̌ nɔ̀ǒ nynìǒ ɔ tù ɔɔ jagbee wlèmò bo ɔ tèe klě někàwulo wan, ɔ pǐn ně. Ě tmɔɔ̌ ɔ Ě je, 'Ě bɛtèè le, nye mǒ bona.' ⁴⁶Tǐi doo tǐ jleě ɛ nɔ̀ǒ ɔ tètee ɔɔ jagbee mǒ ɔ je, 'Nǎ plě Ě mi nè wnùnoaǒ ně nyema kei mǐ nǎ.' Ii tè Ě nǎna plPe Pɔ nyea ně wnùnoǎ ně ǐ nǎno ke.⁴⁷È plě Ě gbà ɔ wan Ě je, 'Mɔ kɔɔ̌n kɛ mò ' lO rùǔ kɛ̀ɛn ɔ je, 'Bɛtuà ɔ̈ moo Nehɔ̀ klee Mekàa jbɛjuju nɔ kɔn mǒ,' Ii tè kě Ě nuě ɔ klo bɔjɔɛ̌ɛ ngmně mǒ tùtǔɛ plë Ě pe ɔ klo tìa sònwe ne. ⁴⁸È moǒ kɔ kwne bo ɔ̈ sà Jǎwɛ̀ɛ wɛ̀, ɔ pe ɔɔ nynɛ̌ le. Ě je, 'Jǎwɛ̀, Mò moo ně chì kpa Èblɛ̌hɛ̀moo Nyesoa, Mò nu mǒ Ě jě ně chì kpa ämoo mamǔ jbɛjuu nyneju keǒ bo mǒ ɔɔ jǔu nynɔ tù.'⁴⁹Ii tè a tmɔɔ̌ mǒ bě nu bǎ di Kàan dɛ klee sèn bo mǎ dɛ numa keō ně cnì kpa ämo mɔ̀, ɛ̈ di ɛ numa Ě mǒ dɛà Ě mii numa ji "⁵⁰Lebìen klee Betuà tùa lɔ Kɛ̀ɛn u je, "Dɛà ɛ moo Jǎwɛ̀ɛ chɛ̀ɛ nunu dɛ, tèǒ nì kɔn tè ä se dɛ kɔn ä mǒǒ ɛɛ jleě mǒ boɔ, ⁵¹Lebìen klee Betuà tùa lɔ Kɛ̀ɛn u je, "Dɛà ɛ moo Jǎwɛ̀ɛ chɛ̀ɛ nunu dɛ, tèǒ nì kɔn tè ä se dɛ kɔn ä mǒǒ ɛɛ jleě mǒ boɔ,⁵²Tà Èblɛ̌hɛ̀moo mɔ̀le nae juǒ ɔ wɔ̌na imoo wìn'ǒ, è nɔ̀ǒ kɔa kwne bo ɔ sàla Jǎwɛ̀ɛ wɛ̀. ⁵³Ɔ hyea Wlibɛkɔ̌ kpnekpně noǎ ïà u nuu Sěbla klee klo plě klee dale. Plě ɔ̌ sàlaǒ noǎa ï pee wlě fòfoa ɔ̌ nyea ni ɔɔmamǔ jbɛju klee ɔɔ naǎ.⁵⁴Plě ɔ klee ɔɔ nyo pò ǔ kěo dɛ di ǔ nǎna, è nùǒ pɛna bo keǒ tǒn jlǒ waéó mɔ̀. Tà chnɛ̀ gbàlaa le ɔ je, "A nɛ bo mu de klɛ̌ ně chì kpa äm mɔ̀." ⁵⁵Kɛɛ kě Wlibɛkɔ̌ɔ mamǔ jbɛjuklee ɔɔ naǎ dɛ̌a u je, "Nɛ bo nynejuà bɔ Sìn'a ä mɔ̀ chnè jlò wee pù tìi ɔ̀ɔ̌ chnɛ̀ jlo wee pù ne le plě ɔ mǒ mu."⁵⁶Kɛɛ kě Nyebajloǒ ɔ dɛ̀a u je ɔ je, "A bɔ̌ lée de le kpokpa ɛ̈ kɔn Jǎwɛ̀ po něe dakpǎà ngmna mɔ̀, a nɛ bo mu de klě ně chì kpa ämo mɔ̀." ⁵⁷Ii tè u je, "Bä da nynejuǒ ä mǒ ɔ wan gbà." ⁵⁸È tà nynejuǒ ɔ dia lěe u gbàla ɔ wan u je, "Wɔ̀ nò keǒ bò nà jbɛjuà de le " ɔ je, "Uuǔ, Ě mi ɔ de nama."⁵⁹Tèǒ nì kɔn tè uu chɛ̀ u wɔɔn'a ɛ kɛn keǒ uu mamǔ nyneju Wlibɛkɔ̌ klee nynɔǎ kɔnaě ɔɔ tè mɔ̀ klee Èblɛ̌hɛ̀moo mɔ̀le nae nyɛbajloǒ plě nyopò wùɛ ɔ Jalaěe bu mua. ⁶⁰È u poa Wlibɛkɔ̌ ngmna mɔ̀ u je, "Ale mamǔ nyneju, moo naǎ keǒ jlǔu jù fòfoa mɔ̀ ü slěe slèslɛ̀ wɔ̀, u mi uu jlaenyo wan duba.⁶¹È Wlibɛkɔ̌ klee ɔo na wien po nynejlu nùǒ Jǎlaǒ bùkɛ̀n sòkwe kɛ̀ u klee Èblɛ̌hɛ̀moo nyebajlo klee ɔɔ nyopòǒ ǔ mua. ⁶²Klě tǐǒ wlòmo Aesěè tǐnà lě kenɛ̀ blǒo batle wakǎ kɛn keǒ někàwuloǒ u dɛɛ Lahawlò wien.⁶³Klě Wìtikâǒ wlÒmoÈ Aesěe mua snǔ mɔ̀ nama ɛ̈ di ɛ numa ɔ mǒa dlǒ le sìɛn, tà ɔ dǔaa dlǒ jemǒ ɔ tanaě nya le ɔ̀ jěa bùkɛn sòkwe ǐ dialě. ⁶⁴Tà Wlibɛkɔ̌ chèa lěe nyabo sosǒ ke ɔ jěaa Aesěè è nɔ̀ǒ tèaǒ bùkɛn sòko kɛ̀n. ⁶⁵Ɔ̌ gbàla nyebajloǒ wan ɔ je, 'Jbɛjuǒ nɛ kɛ lěe chèa nène ɔ̈ di ämoo nya bɛ̌ba mɔ ɔ monoǒ kɛ " Ii tè nyebajloǒ ɔ sesaea Wlibɛkǒ wlòmo ɔ je, "Ně chì kpa ämoǒ." Ii tè ɔ poa ɔɔ chɛ̀ tata dalo dlǒ.⁶⁶Tà nyebajloǒ ɔ tmɔɔ̌aa Aesěè dɛ klɛɛk pe wùɛ ɔ nuaa, ⁶⁷È Aesěè dǔa Wlibɛkɔ̂ mǒ ɔ̌ kpalaě ɔɔ naâ Selɔ̌ɔ ble ngmɛ̀ɛ ɔ̌ kɔna ɔ nynɔ mǒ. Ɔ mpèèa Wlibɛkɔ̌ mǒ chɔɔ,ii tè dɛǒ nɛ̀ tùiaě ɔ wlò wlòmo ble keǒ ɔɔ naǎa kokǔ dɛ mò.

¹È Èblɛ̌hɛ̀mo kɔna nynɔ tɔ̀ɔ ɔ̈ mooa Ketuwlà. ²Ɔ klee Èblɛ̌hɛ̀mo kɔna jbɛjujlu uu nynɛǎ nìà, Senwnà klee Jokèsan klee Medàn klee Medìɛn klee Esèba plě suà. ³È uu jbɛjuju Jakèsan kɔna jbɛjujlu uu nynɛǎ nèà, Sibà klee Didanè. È Didanèe jlǔu jlǔ nù mooa Suǔny ǒ klee Letusìnyǒ plě Lumiìnyǒ. ⁴È Amediɛ̀n jbɛjuju Medìɛn kɔna jbɛjujlu uu nynɛǎ nìà, Ɛfà klee Ɛfɛɛ̀ klee Hanochè Klee Abidà plě Edaà, uu pɛpɛ wùɛà nù mooa Ketuwlàa jlǔu jlǔ,⁵kɛɛ Èblɛ̌hɛ̀mo nyea noǎ pɛpɛ wùɛ ɔ kɔnaa Aesěè. ⁶Tà ɔ něea jèe kmɔ̌, ɔ nyea ɔɔ jbɛjujlu tùuǒ noǎ üǒ ɔɔ nyno tùu kɔnaa plě ɔ̌ sàlaǒ u Aesěè gbàa ɔ̌ dboaě u blěǒ neěe wɛn'ɛ kwlǎ mǒ wǒla mǒ kɛn.⁷Èblɛ̌hɛ̀mo sìn'a jlě wlèe nyiɛɛ tùo pù pùtùo m̀m (175) kmɔ̌. ⁸Tà ɔ sìn'aa jlě fòfoa klee Kàan tǐǒ kmɔ̌, è nɔ̀ǒ poa son bo ǔ tùa ɔ bo.⁹Ɔɔ jbɛjujlu Aesěè klee Isèmae nù tùa lɔ bo klě blǒ peǎn'ǒ neěe diěǒ mooa Mawlì wɔ̀ɔn klě ɛɛ wɛn'ɛ kwlǎ mǒ wǒla mǒ klě sɛklɛ bǐtìeǒ u dɛɛ Makěpìla wàn ɛ̈ǒ Hetìpoì sohaà jbɛjuju Ɛfɔ̀n kɔnaa. ¹⁰Blǒ peǎn'ǒ nɛ̀ Èblɛ̌hɛ̀mo tɔ̀na Hetìnyǒ mɔ̀. Keǒ u tùaǒ ɔ keǒ ɔɔ nynɔ Sèlɔ̌ gbàa. ¹¹Tà Èblɛ̌hɛ̀mo ɔ köaa, è Nyesoa Poa ɔɔ jǔ Aɛsěè ngmna mɔ̀ ɔ̌ tǐn'aǒ někàwùoǒ u dɛɛa Lahawlò gbàa.¹²È nyopòà nù mooa Isèmaee blěe jlǔu jlǔ ɔ̈ monoo Èblɛ̌hɛ̀mo klee Hekàa jbɛjuju, Hekà mooa Sɛlɔ̌ɔ na wien po nyneju ɔ sàlaa Ǐjɛ̀te blǒ kɛn.¹³Isèmaee jbɛjujluu nynɛǎ nìà ke u nuǒ mɔ̀le kenkeean tà u kɔn nuu. Klekle u kɔn Nebaɔ̀ plě Kedà klee Adebeè klee Mebesamà ¹⁴klee Mesèma klee Dunià klee Masǎ ¹⁵klee Hedaà klee Temà klee Jɛtù klee Nafisè plě Kenèma. ¹⁶Nyopòǒ nù mooa Isèmàee jbɛjujluu pù tùo sɔ̌n, uu nynɛǎ nì u tùea uu deě klee Klìgbè ke. Nǔ nɛɛa dakwɛ̌ dlěe pʋ tùo sɔ̌n.¹⁷Isèmae nè kmɔ̌ nene ɔ̌ kɔn jě wlèe m̀modo tùo pù pù tùo nyeɛtan (137), plě ɔ̌ kǒa ǔ tùa ɔ bo. ¹⁸Ɔɔ jlǔu jlǔ tǐn'aǒ deěǒ moo Hafilà klee suɔ̀ Ṕǎnpe ɛ̈ konwaěě Ijɛ̀tě blǒ le keǒ snǔǒ ɛ̈ mii Aselìa blǒ kɛn wakǎ mǒ. Tǐ wùɛ mɔ̀ u wɛ̀n'a uu konkɔn nyo mɔ̀.¹⁹È dɛà ä diǒo kɛn nɛ̀ tmɛɛ̌ ä Èblɛ̌hɛ̀mo jǔ Aesěè jlǔu jlǔ tè. Tà ɔ kɔnaa Aesěè. ²⁰Aeseěè kɔna jlě wlèe sǒn plě ɔ̌ kěa nynɔ kɔn. Ɔ kɔna Bɛtuàa nynejuju ɔ̌ moo Wlibɛkɔ̌. Wlibɛkɔ̌ kɔna mamǔ jbɛju ɔ̈ mooaa Lebìɛn. Uu gbeǐ Bɛtuà mooa Slamà nyǒ, ɔ sɔnaě mǒ diěǒ u dɛɛa padàn Alamà kɛ̀n.²¹Kɛɛ Wlìbɛkɔ̌ kǒa lě měne wlò, dɛǒ nɛ̀ kɔn tè Aesěè boɛaě Jǎwɛ mɔ̀ keǒ ɔɔ tè mɔ̀. È Jǎwɛ̀ tùa Aesěe bàtèa kɛ̀ɛn Wlibɛkɔ̌ nea slipoo kwlě mPo. ²²Kɛɛ slipooǒ ɔ miaa kɔnma u wɛ̀nɛ̀ɛn'a je klě uu naǎ wlòmo. Ii tè Wlibɛkɔ̌ gbɛ̀a Jǎwɛ̀ wan ɔ je. "Bɛ̌ nu dɛ wùɛ bɛ̌ di tɛɛ numa keǒǒ mɔ̀, è mɛ kpɛɛ̌ kɛ tùɔn de klěě wlòmo "²³Jǎwɛ̀ tùa lɔ kɛ̀ɛn Ɔ je, "Dakwɛ̌ dlěe sɔ̌n'ǒ neěè wlòmo. Mì je wònwɔɔn tù onyopoo sɔ̌n kɔnma, do mi kbě mǒ nema ɔ miǒ ɔɔ be mǒ sìn, è nyuǒ ɔ̈ moo fòɛ ɔ miě ju babo neema."²⁴Tà ɔ kmàe tǐ wǒaǒo bɔ kmaea ɔ kɔna slìpo. ²⁵uu myuǒ neaa nya ɔ flòa le ɔ̌ nua pìnpnì sǒsǒ wòje pìnpnì wlà wlǒ. Dɛǒ nɛ̀ kɔn tɛ u dɛɛa lɔ Isɔ̀. ²⁶È sɔ̌n nonɔ jǔǒ tà bloa lě ɔɔ naǎ wlòmo ɔ kmeaǒ Iɔɔ̀ɔ botasùgbee mɔ̀ bo, tèǒ nì kɔn tè u dɛɛa ɔ jèkɔ̌po. Tà Wlibɛkɔ̌ mǒaa jlǔǒ kɔn, è Aesěè kɔna jlě wlèe tan.²⁷È tà jbɛjujluu sɔ̌n'ǒ u kn'aa, Isɔ̀ mooa polǐ fòɛ, ɔ noɛɛ mǒ bɔ mua chònu tǐ wùɛ mɔ̀, è Jèkɔ̀po mooa tbotbǒ jǔ, nɔ̀ nea lě koǔ bɔ bo. ²⁸28. Aesěè noɛɛa nmi di dɛ mǒ chɔo, nɛ̀ kɔn tè ɔ noɛɛa Isɔ̀ mò. Kɛɛ Wlibɛkɔ̌ noɛɛa Jèkɔ̌po mǒ chɔɔ dɔ̌ ke.²⁹Chnɛ̀ jlò wae tɛ̀ɛ mɔ̀, tà Jɛkɔ̌po kea ɔɔ pànde kɔ̀nu pì, è Isɔ̀ sɔna kwlâ bo mǒ ɔ̌ pala koǔ bo. Sàno nia lɔ chɔɔ dɔ̌, ³⁰ii tè kě ɔ dɛ̌a Jèkɔ̌po je ɔ je, "Sànoà ni mǒ chɔɔ dɔ̌, kekǎ nè kɔ̀nuǒ flòo jǐ mǒ nyè ɛɛ tìe mǒ " Tèǒ nì kɔn tè u dɛɛ Isɔ̀ Idɔ̀n. Ɛ̈ monoo flòflɛ.³¹Kɛɛ kě Jèkɔ̌po dɛ̌a lɔ je ɔ je, "Nyane dè Ě jlɛ̌ bò nùu nɛ̀ moo nè jǔ dlǒ dɛǒ nɛ̀ bò nỳe mǒ." ³²Iaɔ̀ tùa lɔ kɛ̀ɛn ɔ je, "Tanàle, tàa Ě neà sàno jlɛ̌ bɛ dbǎ mǒ. Deě ju dlǒ dɛǒ mɛ ɛ kɔɔ̌n kɛ ɛ miǒ mǒo jleě mǒ numa " ³³È Jèkɔ̌po tùa lɔ kɛ̀ɛn ɔ je, "Klekle dɛ Ě jlo bò nùu nɛ̀ moo po dìe win kɛne ɛ̈ moo. 'Jèkɔ̌po nɔ̀ Ě nye ně jǔ dlǒ dɛǒ bɔ kɔn nɛò.'" Ii tè Isɔ̀ poa ɔɔ chɛ̀ win kɛne ɔ̌ nyea ɔɔ jǔ dlǒ dɛǒ Jèkɔ̌po. ³⁴Plě Jèkɔ̌ó nyeěa kɛ ɔ flɔ̌ɔ klee kɔ̀nuǒ ɛɛ tìe. Tà ɔ wɔ̀aa dɛ le ɔ nânaa, è nɔ̀ǒ dǔa jemǒ ɔ̈ mua. Klě Emo dɛǒ wlòmo Isɔ̀ sèa kɛ̀e ɔɔ jǔ dlǒ dɛǒ ɛɛ tè mɔ̀ kɔn.

¹Tà Aesěè wɛ̀a lěe, ɔɔ jǐ kana ne chnɛ̀ jlò wae tɛ̀ɛ mɔ̀ ɔ dala ɔɔ nyǐsaju Isɔ̀ ɔ je, "Ně jǔo." È Isɔ̀ wɔna Ɔ mp p̀ ke. "Mǒàò Ě po bo nɔkǔò." ²È Aesěè je, "Mǒà jèeà Ě wɛ̀ɛ le plě Ě se tǐ tae Ě mi mǒo kǒoba ji.³Tèǒ nì kɔn tè dǔ nè pàtǐi klee pno klee ɛɛ sɛǎ mǒ, mu kwlǎ bo mì nmi dbǎ keǒǒ mɔ̀. ⁴Mò didi dɛ pi keǒǒ mɔ̀ mòje dɛà Ě noɛɛ nee mǒ mò ɛɛ̌ ja, Ɛ̈ di ɛ numa Ě mǒò ngmna mɔ̀ pò plě Ě mǒ kǒ."⁵Kɛɛ Wlibɛkɔ̌ wɔ̌na tèǒ Aesěè tmɔɔ̌a Isɔ̀ lò. Ii tè tà Isɔ̀ muǔa bòo chònu sòsǒ, ⁶è nɔ̀ǒ tmɛɛ̌a Jèkɔ̌po ɔ je, "Kèkeà Ě wɔ̌n gbèii wìn ɔ̌ tmɔɔ̌ Isɔ̀ ⁷bɔ dbǎ nmi ɔ mǐ ɔ wan nmɔ dìdi dɛ le pi wòje ɛ̈à ɔ noɛɛ nee mǒ chɔɔ, bɔ̌ di ɛ ɔ mǐ ɔ ngmna mɔ̀ pò keǒ Jǎwɛ̀ jemǒ plě ɔ mǒ kǒ.⁸Nɛ̀ kɔnntè ně jǔo po nɔkǔ bo, dɛ̀a Ě mii boɔba mò ɛ nu. ⁹Muě wnùn oǎ slè jàa wliu bòtee sɔ̌n ï nmɔɔ jǐ le, ɛ̈ di ɛ numa Ě mǒ i pi wɔje dìdi dɛà gbèi noɛɛnee mǒ chɔɔ. ¹⁰Mì ɛ gbèi kpa ɔ mǐ di, ɔ mǐì ngmna mɔ̀ pò plě ɔ mǐ kǒ."¹¹Kɛɛ kě Jɛ̀kǒpo dɛ̌a ɔɔ naa je ɔ je, "Jì ɛle ně mamǔ Isɔ̀ nene pìnpnì, kɛɛ mǒà Ě jlɔkɔ̌ měne fǒ. ¹²È bɛ̌ nu ně gbeǐ bɔ̌ beblɛɛ̌ kɛ mǒ fǒ měne lèe? Bɔ̌ jě ɛ̈ moo Ě beeě ɔ mǒ no, ɛ mi chlǒ mooma keǒǒ mɔ̀ ɛ̀ see le ngmna tù."¹³È Wlìbɛkɔ̌ tùa lɔ kɛ̀ɛn ɔ je, "Ně jǔ, nè chlǒǒ mǒ bɛ be mɔ̀. Ii tè dɛà Ě tmɔɔ̌ mòo nɛ̀ bò pò nɔkǔ jebo sosǒ, mu bla wliaǒ ja li mǒ." ¹⁴Ii tè ɔ̌ mua ɔ̌ jalaě wliaǒ klě ɔ mɔ̀, ɔo naǎ pia wan nmɔ dìdi dɛ wòje ɛ̈à ɔɔ gbeǐ noɛɛ nee mǒ chɔɔ.¹⁵È Wlìbɛkɔ̌ dǔa Isɔ̀ɔ jǐlenmɔ wlawle mǒ ïà ɔ tù pnɔɔ bo klě koǔ bo nì ɔ poa Jèkɔ̌opo mǒ. ¹⁶È dɛ tɛ̀ɛ ɔ nuaa de nɛ̀ moo, ɔ dǔa wliaa koɛǒ mǒ mì ɔ pìin'aǒ Jekɔ̌poo sonwe kɛne klee keǒ ɔɔ pnòo tàa pìnpnì seaǒo ne. ¹⁷Plě ɔ̌ nyeěa kɛ ɔ wan nmɔ dìdi dɛǒ ɔ piaa klee flɔ̌ɔ¹⁸ɔ̌ kpalaɛ̌ i ɔɔ gbeǐ wɔna ɔlo ɔ je, "E joo, mɔǒ joo?" ¹⁹È Jekɔ̌po tùa lɔ kɛ̀ɛn ɔ je, "Mǒ nè nyǐsaju Isɔ̀à. Dɛ kɔn tè tmɔ̀ɔ̌ mǒo nɛ̀à Ě nu teěn. Sɔn mǒ, nè bò mò nmi Ě sàa kwlǎ bo di, ɛ̈ di ɛ numa mòǒ ngmna mɔ̀ pò."²⁰È ɔɔ gbeǐ gbàla ɔ wan ɔ je, "Ně jǔ sè kpɛ lě chònu wlɛ̀ è jě, nmi kèkeà?" È Jɛkɔ̌po je, "Nè Nyesoa Ɔ̈ moo Jǎwɛ̀ nɔ̀ǒ nye ɛ mǒ nɛ̀ kɔn tèǒ Ě seǒ wlɛ̀." ²¹È Aesěɛ je, "Ně jǔ diě, kèklaeàǎ mɔ̀ bo beblɛɛ̀ lè Ě mǐ ɛ ji sɛ je bò moo ně jǔ Isɔ̀ kàan tè."²²È nɔo kèklaeaǒ ɔɔ gbeǐ Aesěè dɛ̌a ɔ je, "Wò wìn mǒ Jèkɔ̌po, kɛɛ nè sonwe wǒ Isɔ̀ɔ sonwe." ²³Jèkɔ̌po sonwe nea le pìnpni wòje ɔɔ mamǔ Tsɔ̀, tèǒ nì kon tè ɔɔ gbeǐ sea ɔ jbo. Ta ɔ wɛ̀aa mɔ̀ bɔ mǒa lɔɔ ngmna mɔ̀ pò,²⁴è ɔɔ gbàla ɔ wan de ɔ je, "Sɛjesɛ jè moo kɛ ně ju Isɔ̀ le?" È Jɛkɔ̌po tùa ɔɔ gbeǐ kɛ̀ɛn ɔ je, Üuǔn, mǒ Isɔ̀à." ²⁵È kě ɔ dǎla ɔ je ɔ je, "Jaǎ digba dɛǒ bo sàe ɛ mɔ̌ bo di, ɛ̈ di ɛ numo Ě mǒò ngmna mɔ̀ pò." È nɛ̀ǒ ɔ kpalaǒ ɔɔ gbeǐ jemǒ ɔ̌ dìa dɛ. È Jèkɔ̌po nyea lɔ nmɔ ke ɔ̌ nǎna.²⁶È Aesěè je, "Ně jǔ, kèklaeàǎ mɔ̀ mɔ̀ ně wun nyǒ." ²⁷Tà Jèkɔ̌po keklaeaǒ ɔɔ gbeǐ mɔ̀ ɔ kea lɔɔ wun nyowě, è Aesěè wôna ɔɔ Wlawlǒo sonsnǒ, è nɔ̀ǒ ɔ poa ngmna mɔ̀ ɔ je, "Ně jǔ pè kwlà slè sònsnǒ, kwlǎà Jǎwɛ̀ poo ngmna mɔ̀.²⁸Bo Nyeso Bɔ nyeè chlù bë sɔn něe jɔ mǒ ɛ mǒ nè blǒ jɔ pɔ̌ɔ lo ɛ mǒ digbaǐ fòfoa kɛne wǒ. Ɔ miì nmɔ nyema ke.²⁹Nɛ bo nyopò wúɛ bu tùò mò, e dakwɛ̌ bu tùǒò bo. Nè kmɔ̌ wó nyo wǔɛ mò bɔ moo uu Jesiɔ, nɛ bo màmupò wùɛ bu tùo nè wìn bo. Nɛ bo nyu wǔɛ ɔ̈ mi môo le cheaěba chlǒ bɛ be ɔ mɔ̀ kɛɛ nyu wǔɛ mi mòo ngmna mɔ̀ pòba ngmna bɛ be ɔ mɔ̀."³⁰Tà Aesěè wɔ̀aa Jèkǒpo ngmna mɔ̀ pò poɛ mɔ̀,ɔ keěa bòě ɔɔ gbeì jemǒ sonwɛ sosǒ, è Isɔ̀ nɔ̀ǒ sɔna kwlǎ bo mǒ ɔ̈ pala dǐa. ³¹Ɔ pia san nmɔ dìdi dɛ ke ɔ̌ jalaǒ ɛ ɔɔ gbeǐ jemǒ ɔ je, "Něgbeǐ, sɔn mǒ nè bò mò nmi Ě sàa kwlà bo di, ɛ̈ di ɛ numa mòǒ ngmna mɔ̀ pò."³²È Aesěè gbàla ɔ wan ɔ je, "Mɔǒ joo?" È Isɔ̀ tùa lɔ kɛ̀ɛn ɔ je, "Mǒ nè nyPisaju Isɔ̀à." ³³Tà ɔ wɔ̌na ɔɔ wìn, ɔɔ fě sìn'a le chɔɔ dɔ̌ ɔ je, "Mɔà ɔ̈ sɔɔ̌n kɛ kwlǎ bo mǒ ja mǒo dgba dɛ Ě diǐ plě kèke è diěe? Ě po ɔ ngmna mɔ̂ no, plé ɛ slě wɔ̀ nyu bɔ sà wìn de!"³⁴Tà Isɔ̀ wɔ̌naa dɛǒ ɔɔ gbeǐ boɔlaa, ɔ poaě tùe jɔ mǒ ɔ̌ nia wɔle le, è kě ɔ dɛ̌a ɔ je, "Ně gbeî, poǒ ngmna mɔ̀, poǒ ngmna mɔ̀ ke!" ³⁵Kɛɛ Aesěè tùa lɔ kɛ̀ɛn ɔ je, "Mamǔ, nɔ̀ diě ɔ boo mǒ ɔ kpanè ngmnaà."³⁶È kě Isɔ̀ dɛ̌a ɔ je, "Ɛɛn dɛà nɛ̀ kɔn tè u dɛɛ ɔɔ nynɛ̌à Jèkɔ̌po, ɛ̈ moo Botasùgbèe kmeɔ ɔ̀ɔ́ nyu kɛn Jliɔ̌. Nynɛ̌à ɛ moo kàǎn nynɛ̌ keǒ ɔ mɔ̀. Wěe sɔ̌n něnɛà ɔ jliǒ mǒo kɛn. Nɔ̀ kpa ně jǔ dlǒ dɛ, è nɔ̀à diě de ɔ kpa ně ngmna!" È Isɔ̀ gbɛ̀a ɔɔ gbeǐ wan ɔ je, "Sè kɛǒ ngmna si keǒǒ mɔ̀ le?" ³⁷Ɔ gbeǐ tùa lɔ kɛ̀ɛn ɔ je, "Poǒ nɔkǔ jebo, nɔ̀ Ê nu nè je siɔ mǒ plě ɔɔ kmɔ̌ wǒ nyo wùɛ nú Ě nye ɔ bu moo ɔɔ na ien po nyo. Ě nye ɔ dodɔ̌ noǎa klee nmɔ fòfoa nì moo ɔɔ digbaǐ. De tɛ̀ɛ seǒ si keǒ bo nye mòně jǔ."³⁸È Isɔ̀ gbɛ̀a ɔɔ gbeǐ wan de ɔ je, "Deě sè kɛ ngmnaa doo chɛ̀ kɔn keǒǒ mɔ̀? Poǎ ngmna mɔ̀ ke, ně gbeǐ poǒ ngmna mɔ̀ È nɔ̀ǒ tùngmaea fìɛn.³⁹È ɔɔ gbeǐ tùa lɔ kɛ̀ɛn ɔ je, "Po nɔkǔ bo, tàě mìě nema ɛ mi blǒ jɔpǒà mɔ̀ tmɔo;ma, ëà chlù sonwè něe jɔ mǒ ɛ bleȧa kɛn. ⁴⁰Nè knɔ̌ wùɛ mìi nema ɛ moo to wònwɔn sòsǒ. Mie màmǔ bobo nema, kɛɛ ɛ kɔn tǐ miěe diba mɔo kbě kɔn, mìě ɔɔ bobo mǒ sɔn nè dǐi kèě ɔɔ bobo ne."⁴¹Sɔɔna'aǒ tǐǒ jleě mǒ Isɔ̀ fàen'a kɛ̀ Jèkɔ́po lo. Mɛoě joo nɛ̀ moo nɔ̀ ɔɔ gbeǐ poa ngmna mɔ̀. È dɛà nɛ̀ Isɔ̀ chlàla keǒ ɔɔ chɛ̀ wlò jleě ɔ je, "Ne mo ně gbeǐ mi kǒba kèkeà plě ä mi ɔɔ sònwɛ Chìnma, è Ě mi ně mamǔ Jèkɔ̌po dbǎba." ⁴²Kɛɛ tà u tmɔɔ̌a Wlìbɛkɔ̌ dɛ ɔɔ jǔ dlǒ Isɔ̀ boɛaa keǒ Jèkɔ̌po jleě mǒ, ɔ dola ɔɔ jǔ wɛ̀le ɔ̌ tmɔ̂ɔa nɔ ɔ je, "Tanàle, dɛà nɛ̀ màmǔ po ble bɔ nuù mò keǒ bɔ sàkpa bɔ dbǎ mǒ.⁴³Tèě nè kɔn tè ně jǔǒ, dɛà Ě mi mòo je boɔba nɛ̀ bò nù. Tǐi doo tǐ jleě sɔn mǒ muè klě né mamǔ Lebìɛn mɔ̀ ɔ̈ neěe Halàn die kɛ̀n. ⁴⁴Klě bò sìn'è tǐ gbei bo màmǔu jlo bɛ̌ tè ja plě mìe di. ⁴⁵Bɛ̌ nu bɔ̌ snù dɛǒ nù ɔ mǒo ɛɛ tè, Ě miěè wìn mɔ̀ dbòba mò de di. Ně jlǎ bo mǎ an sɔ̌n wùɛ klě chnɛ̀ jlǒwaěe do wlòmo."⁴⁶È dɛ Wlìbɛkɔ̌ bɔɔ̌a lěe demǒ ɔ boɔaa Aesěè je nɛ̀ moo, "Ně jlǎ Hetìnyǒo nynoà ü neɔɔ blǒɔ wlòmo. Bɛ̌ nu bo Jèkɔ̌po bɔ̌ kon nynoà uu nyuu da è ně wlò wùɛ kɔn bɛ wɛ̀ lɔ kmɔ̌ɔ mɔ̀le."

¹Ii tè kě Aesěè nua Jèkɔ̌po deda ɔ̌ poa lɔ ngmna mɔ̀, ɔ tmɔɔ̌a lɔ ɔ je, "Kělɔ Kenɛ̀nyǒ slè nè sɛ̀ɔ nunɔ nèkwɛn. ²Kɔɔ muě diěǒ moo Padàn Alamà kɛ̀n klě Bɛtuàa koǔ bo ɔ̈ moo gbeǐ. Ɔɔ jbɛjuju Lebìɛn ɔ̈ moo nàǎa mamǔ jbeju klě ɔɔ nynejluǒ slè klě bò sà lè nynɔ nɔ̀ bò kɔ̀n.³Nɛ bo kbě kɛne Nyesoa Bɔ poò ngmna mɔ̀, ɛ̈ di ɛ numa nè jlǔu jlǔ mǒ fò, mò dakwě fòfoaa gbeǐ tu. ⁴Nɛ Bɔ nye mò klee nè jlǔu jlǔ ngmnaa doǒ ɔ nyeaa Èblɛ̌hɛ̀nmo, ɛ̌ di ɛ numa mò blǒà ɔ nyeaa Èblɛ̌hɛ̀mo mǒ dǔ mì ɛ kɔn ëà nèɔɔ wlòmo è monoo dakpǎi."⁵Dɛǒ nɛ̀ kɔn wlòmo Aesěè dbooa lě Jèkɔ̌po klee diěǒ mooa Padàn Alamà kɛ̀n klě Wlibɛkɔ̌ɔ mamǔ jbɛju Lebìɛn koǔ bo ɔ̌ mooaa Bɛtuàa jbɛjuju. Bɛtuà ɔ̈ mooaa Alamànyǔ, ɔɔ doǒ nɔ̀ kɔna Wlibɛkɔ̌ ɔ̈ mooaa Isɔ̀ klee Jèkǒpoo naǎ.⁶È Isɔ̀ jèa Aesěè ɔ̌ pea Jèkɔ̌po ngmna mɔ̀ plě ɔ̌ dbea lɔ klê Padàn Alamà bɔ mua nynɔ le pɔ̀n. È de ɔ wɔ̌na Sesěè wan ɔ̌ poa lɔ ngmna mɔ̀ ɔ tmɔɔ̌a nɔ bɔɔ̌ kwɛn'a kenɛ̀ nynɔ. ⁷Tà Esɔ̀ jèa lɛ ɛ̈ moo Jèkɔ̌po tùaǒ ɔɔ naǎa klee gbeǐì wìn bo ɔ̌ mua Padàn Alamà.⁸Tèǒ nì kɔn tè Isɔ̀ jěa lɛ ɛ̈ moo ɔɔ gbeǐi wlò sea kenɛ̀ nyno kɛn bloo lo. ⁹Ii tè ɔ mua lě Èblɛ̌hɛ̀mo jǔ Isèmae mɔ̀ klě ɔɔ nynejujlu slè klè ɔ sàlaě nynɔ u dɛɛa Mahatà ɔ̌ mooaa Nebaɔ̂ɔ mamǔ nyneju nɔ̀ ɔ kɔna ɔ poa nyno túuǒ ɔ kɔnaa kɛn.¹⁰Tà Jɛkɔ̌p[keaa snǔǒ sɔn lěe diěǒ moo Besìba mǒ ɛ̌ muu diěǒ moo Halàn kɛn mɔ̀ nɛ, ¹¹ɔ nyniaǒ tùɔn tɛ̀ɛ kɛn, è ɔ poa ɛ ble keǒ bɔ penaǒ tàǒ keǒ tǒn jlǒ waěǒ mɔ̀. Mɛoǒ joo nɛ̀ moo wɛn pala le. Ɔ pɔ̀n'a seɔ̌ le nɛ̀ ɔ nua dlǒ kɛn bo po tuklǒ mǒ, è nɔ̀ǒ pɛna bo ɔ mɛa.¹²Klě ɔɔ jajie wlòmo keà nyu kɛpǒo jǐ ɔ jěa ngmnè ii ngmɛ̂ kwɛa lɔ blǒ mɔ̀ bò, è ii ngmně nì kwɛaě jɔ mǒ. Nyesoaa najiǒpò nù nia jǎ Jakɛn tè keǒ ngmneǒ kɛn. ¹³È Jǎwɛ̀ɛ chɛ̀ Nɔ̀ nynanaě ngmnèǒ dlǒ mǒ bo ɔ boɛa ɔ je, "Mǒà Mǒ moo Jǎwɛ̀,Mǒ moo nè dǎfɔ̀ Êblɛ̌hɛ̀moo Nyesoa plě Aesěè Nyesoa. Blǒà pɛ̀n'âa kɛn bo nɛ̀ È mi mò klee nè jlǔu jlǔ nyema.¹⁴Kěǒ pǔpuǒ neǒ blǒ mɔ̀ ɛ tìin kě u miǎ tìnma u miǎ kmɔ̌ kɛn bo Wlɛba klě togbea blě kɛn klee klě batle blě kɛn klee klě wɛn'ɛ kwlǎ mǒ wǒla mǒ blě kɛn plě klě wen'ɛ pala mǒ blě kɛn. Klě nè jlǔu jlǔ mǒ klě dakwɛ̌ wùɛà ü neɔɔ kmɔ̌ Ě miǎě u ngmna mɔ̀ poob. ¹⁵Tanàle Mǒà Mǒ neeěè mɔ̌ óě Mǒ miì naama tà wùɛ mìǒo muma, è plě Mǒ Miǎà dè jaba kělɔ blǒɔ wlòmo de. Ě seǒò mɔ̀ mo sɔnma mu ɛ mǒ ɛ kpa kpa Ě mǒò dɛǒ Ě pooě mòo nye."¹⁶È Jɛkɔ̌po nɔ̀ǒ dǔa jemǒ ɔ je, Î moo kàan tè Jǎwɛ̀ neà tùɔn'à kɛn ne plě Ě se li ji." ¹⁷Ɔ bea fano mò ɔ je, "Tǔɔnà tàa ɛ moo mǒ bo kètee tùɔn:n Tàa dè wɔ̀le je bɛ meea Nyesoa koǔ bo: Nè wlò je dě bɛɛ̌ mooà Jɔkɛn'ɛ wlɔ̀ dɔwun jlee!"¹⁸Ii tè ɔ sɔna mǒ kènta gbìi ɔ̌ dǔoa Seɔ̌ǒ ɔ poaa dlǒ kɛn bo mǒ ɔ̌ kɔla ɛ bo keǒ bɔ tùa ɛmo tùɔn'ǒ jbooa ɛɛ̌ dǐo lɔ jǐ mǒ mǒe ně ɔ̌ chnǐiaǒ ɛ chnɔ̌ dlǒ keǒ bɔ tùa lě ɛ Nyesoa kwet mǒ. ¹⁹Tùɔn'ǒ ɔ daea lɛ Bɛtɛɛ̀ ɛ moo Nyesoaa koǔ. È nynɛ̌ ɛ tùa pnɔɔ nyane tà nɛ̀ mooa Lusè.²⁰È ɔ poa win tànmǎ mǒ klê Nyesoa mɔ̀ ɔ je, "Bɛ̌ nu Bò diǒǒ mɔ̀ neema, Bò diǐ naana kěà snǔà mɔ̀ è bò nyeě didi dɛ bo di. Bò sà dale tàmo keǒǒ mɔ̀ bo pe niěne, ²¹bɛ̌ kpa lɛ kpa bo tbae je kělɔ ně gbeǐi koǔ bo klě wlò bo wlɛwlɛ mɔ̌, è Mò mi ně Nyesoa tùba. ²²Seɔ̌à Ě kwɛà tàa bo nɛ̀ mi Nè koǔ tùba, kěà nyopò mià Nè wɛ̀ sàaba, è dɛ wùɛ Mì mǒo nyema, ɛɛ pù nenɛǒ nɛ̀ Ě miì nyema.

¹Kě Jèkǒpo nua ɔɔ snǔ mǒ duduɛ̌ ɔ̌ mua mu ɔ̌ nynia lě nyopòǒ neeě wɛn'ɛ kwlǎ mǒ wǒla nǒ uu blǒ kɛn. ²Tà ɔ keaa le tèn, ɔ jěa někàwulo klě fle mǒ ɔ̌ jěa blablɛǎa jǐmɔ̀tunyǒ plè klee uu blaǵbèe tanǒ i pɛnaǒ někàwlo wien bo někàwuloǒ wan klě u sɛ̀aě ně keǒ wnùnoaǒ mɔ̀ ǐ nɛ̌a. È seɔ̌ foɛ̀ nɛ̌ u kaen'a E mo něǒ je. ³E bi wbǔnoa pɛ pɛ wúɛ bǐ wɛ̀ de plě ǔ sɛ̀ò seɔ̀ǒ ǔ nye wnùnoaò ně bǐ wɔ̀ nenǎ mɔ̀ ǔ kan ɛ je de.⁴È Jèkǒpo gbàla u wan ɔ je, "Ä bǐɨ ale, è tà a sɔɔ̌n kɛ mǒ?" u tùa lɔ kɛ̀ɛn u je, "Ä sɔn mǒ Halàn." ⁵È Jèkǒpo gbàla u wan ɔ je, "Ä bǐɨ ale, è tà a sɔɔ̌n kɛ mǒ?" u tùa lɔ kɛ̀ɛn u je, "Ä sɔn mǒ Halàn." ⁶È ɔ gbàla u wan de ɔ je, "Deě ɔɔ fǒ nu kɛ tɛɛ?" u tùa kɛ̀ɛn u je, uuǔn, ɔ fǒ nu tɛɛ. Tanàle, jè ɔɔ nynejuju wèchɔ̌ nɔ̀ǒ diě ɔ jɛ lě blablɛa."⁷È kě Jèkɔ̌po dɛ̀a u je ɔ je. "A tanàle, tà wEn kmaǎ jèe wan ɛ sěɛ tǐ ne keǒ ba jaa wnùnoǎ dǐa, mɛ kɔɔ̌n tè aǎ nyeě kɛ ii ně, a kpai de i mǒ wanle di klě kwlǎ jɔpě slè?" ⁸u tùa lɔ kɛ̀ɛn u je, "Ä slě ɛ wɔ̀ keǒ äle do bä sàǒ seɔ̌à, ɛ̀ sìn'ǒ wnùnoǎ wùě bǐ wɛ̀ de plě blablɛǎ jǐmɔ̀tunyǒ sɛ̀ǒ sɛɔ̌ɔ̌ ä nye i ně."⁹Tà JèKɔ̌po klee nyopòǒ u kea lěe win wan ble pepe le, è Wlèchɔ̌ ɔ̈ mooaa blablɛǎ jǐ mɔ̀tuɔ̌ è nɔ̀ǒ wǒaǒ u mɔ̀ ɔ jalaě ɔɔ gbeǐi blablɛǎ. ¹⁰Tà Jèkɔ̌po jěaa wnùnoaǒ i klee Wlèchǒ ɔ̈ mooa ɔɔ naǎ mamǔ jbɛju Lebìɛn'ɛ nynejuju, ɔ s sàlaě seɔ̌ǒ u kaenàa něǒ je ɔ̌ nyea Lebìɛn'ɛ wnùnoaǒ ně ǐ nǎna.¹¹È ɔ nyǒa Wlèchɔ̌ɔ wun, chǒn sosǒ tè è nɔ̀ǒ me biea jǐ měne. ¹²Tà Jèkɔ̌po tmɔɔ̌ a Wlèchɔ̌ ɛ̈ moo, "Ě moo gbèǐi mamǔ nyne jù Wlibɛkɔ̌ɔ jbejujuò," è Wlèchɔ̌ nɔ̀ǒ kpala plùplɛ ɔ mua ɔɔ gbeǐ tmɔɔ̌ma.¹³Tà Lebìɛn wɔ̌na nii ɛ̈ moo, "Màmǔ nynejuu jǔ Jɛkɔ̌po diěǒ," ɔ kpala plùplɛ ɔ̌ mua ɔ nya bɛ̌ba. Ɔ wlɛɛa lě ɔ ja ɔ̌ nyǒa ɔɔ wun ɔ̌ kpalaě ɔ koǔ bo. È ɔ tmɔɔ̌a Lebìɛn tè wùɛ ï nea lě uu blětà. ¹⁴È kě Lebìɛn dǎla a je, "Kòo, i moo kàan tè mǒ klee mò ä moo kbǎa do klee fǒo do kmɔ̌ wǒ nyo." È Jèkɔ̌po sìn'a lě sòbae gblěe klě Lebìɛn mɔ̀.¹⁵Tà Jèkɔ̌po sìn'a lěe sòbae gblèe klě Lebìɛn mɔ̀, è kě Lebìɛn dɛ̌a Jèkɔ̌po je ɔ je, "I moo kàan tè ä klee mò ä moo kmɔ̌ wǒ nyo, kɛɛ sèě konkwa mɔ̀ nuuma mu putu mǒ. Tmɔɔ̌ mǒ dɛ jlɛ̀ɛ bè moo nèe snǒ sàe dɛ." ¹⁶Lebìɛn kɔna nynejujluu sɔ̌n, fòɛ ɔ nonɔ mooa Lià, è nyaǒ mooa jǔ nɔ̀ mooa Wlèchɔ̌. ¹⁷Liàa jǐ nmɔo le jě, ɔ blěa momnɔ ji, kɛɛ Wlèchɔ̌ nɔ̀ kɔ̌ɔ dɛ̌ wùɛ seaǒ jleě mǒ ne. ¹⁸Tà Jèkɔ̌poo wlò neaǒo Wlèchɔ̌ mɔ̀, ii tè ɔ je, "Bɛ̌ nu bɔ diǐ Wlèchɔ̌ nyema, Ě mi jlěe nyeɛta konkwa numa keǒò mɔ̀."¹⁹È Lebìɛn jè, "Ě wɔɔn ɛ kɛn, ně wló je ɛ mi tɛɛ numa bo nye a mò, ɛ̀ sìn'ǒ bo nye ɔ dɔ̌ nya. Kě bò neɔɔ̌ mɔ̀." ²⁰Ii tè ɔ nua jlěe nyeɛta konkwa keǒ Wlèchɔ̌ɔ tè mɔ̀. Kɛɛ tà ɔ noɛɛa Wlèchɔ̌ mǒ chɔɔ dɔ̌, ii tè jlěe nyeɛtaǒ i wǒa mòngmɛ chnɛ̀ jlò we klě ɔ jǐ mǒ.²¹Ii tè ɔ nua jlěe nyeɛta konkwa keǒ Wlèchɔ̌ɔ tè mɔ̀. Kɛɛ tà ɔ noɛɛa Wlèchɔ̌ mǒ chɔɔ dɔ̌, ii tè jlěe nyeɛtaǒ i wǒa mòngmɛ chnɛ̀ jlò we klě ɔ jǐ mǒ. ²²Kě Lebìɛn nua diě kwɛ̌ɛn wùɛ dè wòwɔ ɔ̌ pia tǐnma mu digbaî ǔ kɔn'a de ngmnengmnɛ̌.²³Kɛɛ klě wìtie waeǒ wlòmo ɔ dǎ Lià mǒ nɔ̀ ɔ nyea Jèkɔ̌po tùaǒ wlòmo ɔ dǔa Lià mǒ nɔ̀ ɔ nyea Jɛkɔ̌po ɔ tùaǒ Wlèchɔ̌ pɛ̀nmo ɔ klee Jɛkɔ̌poo sɔ̌n sɔna pɛna mǒ. ²⁴È ɔɔ mɔ̀le nae nyneju ɔ̈ mooa Sipà nɔ̀ ɔ nyea Lià bɔ naea mɔ̀le. ²⁵Kɛɛ tà chnɛ̀ gbàlaa le kènta, Jèkɔ̌po mua ɔɔ nynɔ Jěba ɔ̀ mooa Lià. Ii tè ɔ mua Lebìɛn wàn gbàba ɔ je, "Me kɔɔ̌n kɛ dɛà nù mǒo mǒ? Deě ɛ sea kɛ Wlèchɔ̌ɔ konkwa Ě sea kɛ lɛ nue? Mɛ kɔɔ̌n tè poǒ kɛ mǒ boboɛ le?"²⁶È Lebìɛn tùa lɔ kɛ̀ɛn ɔ je, "Klě äa blětà dɛ wlòmo jǔ ně siǒ fòɛ na wien ɔɔ̌ mu tǐnma. ²⁷Ii tè fo tǐ bo tǐnma de ngmnengmnɛ̌à bɛ̌ wɛ̀ò le, Ě miì Wlèchɔ̌ nyema, bɛ̌ nu bò wɔ̀le je bò nù jlěe nyeɛta tìi konkwa keǒǒ mɔ̀."²⁸È Jèkɔ̌po wɔɔn'a ɛ kɛn. Tà de ngmnengmnɛ̌ɛ chnɛ̀ jlò wee nyeɛtaǒ i wɛ̀aǒo le, Lebìɛn dǔa Wlèchɔ̌ mǒ ɔ̌ nyea ɔ Jèkɔ̌po keǒ bɔ mooa ɔɔ nynɔ ke. ²⁹È Lebìɛn nyea ɔɔ mɔ̀le nae nyneju Belìha nɔ̀ ɔ nyea Wlèchɔ̌ b;naea mɔ̀le. ³⁰Tà Jèkɔ̌po klee Wlèchɔ̌ sɔnaa pɛna mǒ, è Wlèchɔ̌ kɔna ɔ tǒn chɔ̌ɔ dɔ̌ ɛ̌ sìn'aǒ Lià mò. Ii tè ɔ nua jlěe nyeɛta tìi konkwa de keǒ Lebìɨn mɔ̌.³¹Tà Nyesoa jěa lɛɛ ɛ̌ moo Jèkɔ̌po sea Lià mò noɛɛ neò, nɛ̀ kɔn tè ɔ knana ɔɔ kmàea jè ɔ̌ kɔna jlǔ, kɛɛ wlèchɔ̌ kǒaě měne wlò. ³²È Lià nea kwlě mǒ ɔ kmàea ɔ̌ kɔna jbɛjuju ɔ̈ mooa Wlùbǐ. È ɔ je, Ně wlòle popae wùɛ Jǎwɛ̀ jělɛ le, Ii tè ně jbɛ miǐ mǒ noɛɛ ma.³³È Lià nea kwlě tɛ̀ɛ mò de ɔ̌ kɔna jbɛjuju ɔ̌ mooa Semìɔn ɛ̈ moo wɔ̌n le. Mɛ kɔɔ̌n tèǒ Joo nɛ̀ moo ɔ je, "Nyesoa wɔ̌n ini ɛ̈ moo ně jbɛ seě mǒ noɛɛ ne, tèǒ nì kɔn tè ɔ nyeě jbɛjuju tɔ̀ɔ dɛ." ³⁴Ě Lià blalaǒ bo de ɔ̌ nea kwlě mǒ ɔ̌ kɔna jbɛjuju tɔ̀ɔ ɔ je, "Ě kɔn jbɛjujluu tan keǒ ně jbe mɔ̀, ii tè kèke ɔ klee mǒo sɔ̌n ä miǐ kɛn kenkmeemaò.' Ii tè ɔ dɛɛa ɔɔ nynɛ̌ Lifàe ɛ̈ moo kenkmeea.³⁵È ɔ blalaǒ bo de ɔ̌ nea kwlě mǒ ɔ̌ kɔna jbɛjuju tɔ̀ɔ ɔ je, "Kèke Ě miǐ Jǎwɛ̀ le bìsebaò." Nɛ̀ kɔn tè ɔ dɛɛa ɔ Jùdǎ ɛ̈ moo de bìsea. È nɔ̀ǒ ɔ bɔ̌a kmàeà klě tǐ gbei wlò.

¹Tà Wlèchɔ̌ jěa lɛɛ ɛ̈ moo ɔ slě wɔ̀ bɔ kɔna jlǔ keǒ Jèkɔ̌po mɔ̀, è ɔ nia shea keǒ ɔɔ mamǔ nyneju mɔ̀, kě ɔ dɛ̌a Jèkɔ̌po je ɔ je, "Nye blěe jlǔ mǒ ke, nɛ́ bò se nu Ě mi kǒba!" ²Tàǒ ni poa Jèkɔ̌po, "Jlo mǒ ɔ je nè kɔn jǔ?"³Tèǒ nì kɔn tè kě Wlèchɔ̌ dǎla Jèkɔ̌po je ɔ je, "Nɛ mò klee ně mɔ̀le nae nyneju Belìha ba pɛn bo, ɛ̈ di ɛ numa ɔ miǒǒ jlǔ pɛ̀na mǒ, ɛ̈ di ɛ numa ɔ miǒǒ jlǔ pɛ̀n mò, ɛ̈ di ɛ numa ɔ miǒǒ jlǔ pɛ̀n mò kɔn'ɔ no; klě ɔ mǒ nyopò mìǐ jlǔ naa daa." ⁴Kě ɔ nua Jèkɔ̌po ɔɔ mɔ̀le nae nyneju nyenynɛ keǒ bɔ mooa ɔɔ nynɔ, ɔ klee ɔɔ sɔ̌n ǔ sɔna pɛna mǒ.⁵È Belìha nea kwlě mǒ, tà ɔ kmàeaa, ɔ kɔna jbɛjuju keǒ Jèkɔ̌po mɔ̀. ⁶È Wlèchǒ je, "Nyesoa nu dɛà ɛ̈ slɛɛ̌ mǒo keǒǒ mɔ̀ ɔ̌ wɔ̌n ně win ɔ̌ nyeě jbɛjuju." Tèo nì kɔn tè ɔ dɛɛa ɔɔ nynɛ̌ Danè, tèǒ nì kɔn tè ɔɔ nynɛ̌ moo, ɔ nu mǒ slɛɛ̌ dɛ.⁷È Belìha nea kwlě mǒ de ɔ̌ kɔna jbɛjujluu sɔ̌n nonɔ keǒ Jèkɔ̌po mɔ̀. ⁸È Wlèchɔ̌ je, "Ě poě le kbě keǒ gbàea mǒ klee ně mamǔ ä wɔ̀ɔn mɔ̀. Ě kɔn duduɛ." Tɛǒ nì kɔn te ɔ dɛɛa jǔǒ Nafetalè ně gbàe wònwɔn.⁹Tà Lìà jěa lɛɛ ɛ̈ moo ɔɔ kmàeà kana je ɔɔ̌ kɔna kɛ̀ jǔò, ɔ dǔa ɔɔ mɔ̀le nae nyneju Sipà mǒ nɔ̀ ɔ nyea Jèkɔ̌po keǒ bɔ mooa ɔɔ nynɔ. ¹⁰È Sipà kɔna jbɛjuju keǒ Jèkɔ̌po mɔ̀, ¹¹è Lìà je, "A jě ke Ě nuu pùeka konkɔn." Tèǒ nì kɔn tè ɔ dɛɛa jǔǒ kàa ɛ̈ Pùekà.¹²È Sipà kɔna jbɛjuju tɔ̀ɔ de keǒ Jèkɔpo mɔ̀, ¹³è kě Lìà dɛ̌a ɔ je, "Ně plɔ wɔ̌n blablo tè. Klě tǐà wlòmo nyno wùɛ mii kɛ̀ɛ̌ plɔ blo nyu daeba." Tèǒ nì kɔn tè ɔ dɛɛa jǔǒ Asɔ̀ ɛ̈ moo plɔɔ blablɛ.¹⁴Klě kou bɛ tǐ wlòmo, Wlùbǐ muaě chèa mǒ ɔ̌ jěa kwlǎ tɛ̀ɛ u dɛɛ mɛndlè, ɛmo kwlǎeǒ nɛ̌ pe nynɔ tu mǒ ɔ̌ kwɛn jlǔ. Tà ɔ jala ii dǐa kělɔ ɔɔ naǎ Lià mɔ̀, è Wlèchɔ̌ jěa ili ɔ je, "Lià, Ě bɛtèè lè, nye nè jǔu chlìdɛǒ u noǎ gbei mǒ." ¹⁵Lià tùa ɔ kɛ̀ɛn ɔ je, "Nyane dɛ Ě mi mèo tmɔɔ̌ma nɛ̀ moo sàǎ jbe kwa, è dìe le de keǒ bò kpà ně jǔu chlìdɛ. Deě ka kukǔà nì kɛ mǒo mǒ ɛ sěɛ fè le?" È Wlèchɔ̌ tùa lɔ kɛ̀ɛn ɔ je, "Bɛ nu bò nyeě nè jǔu chlìdɛǒ, è tǒn'à mǒ Jèkɔ̌po miěè mɔ̀ pɛ̀nma." È ɔ wɔɔn'a ɛ kɛn,¹⁶ii tè klě wìtika wlòmo tà Jèkɔ̌po kea lěe chè mò sonwe. Lià mua ɔ nya bɛ̌ba ɔ je, "Tǎn'à mǒ klě mìeě mɔ̀ pɛnma. Mɛ kɔɔ̌n tè mìěe pɛnma joo nɛ̌ moo Ě po pɛnaǒ ɛɛ pɛlǒ lo klě Wlèchɔ̌ mɔ̀, ě tɔ̀n'ɔ̀ jè ně jǔu chlìdɛ." Ii tè tǒn jlǒ waěǒ mɔ̀ Jèkɔ̌po pɛnaě Lià mɔ̀. ¹⁷È Nyesoa tùa Liàa bàtea kɛ̀ɛn ɔ̌ nea kwlě mǒ ɔ̌ kɔna jbɛjujluu m̀m nǒnɔ keǒ Jèkɔ̌po mɔ̀. ¹⁸È kě dɛ̌a ɔ je, "Nyesoa nye ně snǒ sàe dɛ́ mǒ no keǒ bo diǒ ně na wien po nyneju sà bo di ɔ ně jbe nye." Tèǒ nì kɔn tè ɔ dɛɛa jǔǒ Esèka ɛ̈ monoo snǒ saè dɛ̀.¹⁹È Lià nèa kwlě mǒ de ɔ̌ kɔna jbɛjujluu m̀modo nǒnɔ keǒ Jɛkɔ̌po mɔ̀. ²⁰Ɔ je, "Nyesoa nyeě kàan nyee dɛ kèke ně jbe mi mǒo ja chèba. Mɛoǒ joo nɛ̀ moo jbɛjujluu m̀mdoà Ě kɔn keǒ ɔ mɔ̀." Tèǒ nì kɔn tè ɔ dɛɛa jǔö Sɛbìlɔn ɛ̈ monoo ja chècheɛ. ²¹Tà tï tìi sìn'aa, ɔ̀ kɔna nynajuju ɔ̈ mooaa Dinà.²²È Nyesoa poa Wlèchɔ̌ wlò mɔ̀ ɔ̌ tùa ɔɔ batèa kɛ̀ɛn ɔ̌ nua nɛ keǒ bɔ kɔna jlǔ. ²³Ii tè kě ɔ nua kwlě mǒ neneɛ ɔ̌ kɔna jbɛjuju, è kě ɔ dɛ̌a ɔ je, "Nyesoa nɔ̀ sà lěě tònwe fòe slè. ²⁴Nɛ bo "Jǎwɛ̀ Bɔ nyeě jbɛjuju tɔ̀ɔ de." Tèǒ nì kɔn tè ɔ dɛɛa jǔǒ Jòsɛ̌fo ɛ̈ monoo jbɛjuju tɔ̀ɔ ɔ̀ɔ̌ bo Nyeson Bɔ poǒ ɔɔ Bě Tɔ̀ɔ.²⁵Tà Wlèchɔ̌ kɔnaa Jòsɛ̌fo,è kě jè kɔ̌po dɛ̌a Lebìɛn je ɔ je, Ŝɔn'ǒǒ mɔ̀ mò bo mu de klě ne blětà. ²⁶Nye ně nynoà mǒ ü kɔn konkwaà Ě nu mòo le klee ně jlǔ mǒ mu. Nè chɛ̀ ji ɛle ke Ě nuu konkwa jakǎ nunuɛ keǒò mɔ̀."²⁷Kɛɛ kě Lebìɛn dɛ̀a ɔ je ɔ je, "Ě bɛtèè le, nu kàan dɛ kěàǎ mɔ̀, kělɔ bò neɔ̀ɔ̌ mɔ̀ bò. Ě ji ɛle mòà mò kɔn tè Jǎwɛ̀ peě ngmna mɔ̀. ²⁸È Lebìɛn jè, tmɔɔ̌ mǒ dɛ pò ke jlɛ̌ keǒ bɛ moo nèe snǒ sàe dɛ̀ Ě mǐ ɛɛ nye."²⁹È Jèkɔ̌po tùa lɔ kɛ̀ɛn ɔ je, "Jì ɛ̀lè tà Ě kea mòo konkwa mɔ̀ nii ni dɛ kpalaa tùɔn keǒ nè wnùnoǎ jlěe mǒ no, Ě tùia ii jǐ mɔ̀ ke ɛ nuaé ɛɛ wòwɔ. ³⁰Plě Ě mǐa lɔɔ mɔ̀ dì nè wnùnoǎ kɔ̀naa i sea fò, kɛɛ klě tǐà wlòmo kɔ̀n ii fòfoa. Ě dìa kɛ̀ɔ nèe koǔ bo pa, Jǎwɛ̀ dǔaà ngmna mɔ̀ popoɛ mǒ kaǒ. Tǐà nìmootǐ keǒ bo pɔ̀n dɛ le keǒ ně koǔ bo kwɛɛn mɔ̀."³¹È Lebìɛn gbàla Jèkɔ̌po wan ɔ je, "Mɛ jlɛ̀ bo nyeě kɛ mò bɛ mo noǒ nè snǒ sàe dɛ?" È Jèkɔ̌po tùa ɔ kɛ̀ɛn ɔ je, "Nè nyeě dɛ bɛ̌ nu bò di dɛà Ě mii boɔba kɛn wɔɔnma, Ě mi wnùnoaǒ jǐ mɔ̀ tùba plě Ě mǐ ii didi noǎ nye de. ³²Kekɛà nɛ bo muě blablɛǎǒ slè bo sàe ii noǎǒ ï wae lee plɛplɛ̌i fǒ měne klee ii noǒǒ chlee klee wlia bòtee noǎǒ wae lee plɛpɛ̌i fǒ měne, nì bi moo ně snǒ sàe dɛ.³³Dɛǒ nɛ̀ bä nu nɛ̀ mì ɛ jìiba bɛ̌ nu bo moo kàan nyu ɔ̀ɔ̌ bo kɔn kplakplǒ. È chnɛ̀ jlò waee wùɛ mɔ̀ bò diǎ imo wnùnoaǒ jěba ïà sàe mǒo snǒ, bò jeǎ lě i slè wnùdɛ ɛ̈à see kwentě plě ɛ̈ see chle, nɛ̀ mì ɛ̀ jiiba ɛ̌ moo Ë jlǐ ɛle." ³⁴È Lebìɛn tùa lɔ kɛ̀ɛn ɔ je, "Dɛǒ bòɔɔ Ě wɔɔn ɛ kɛn, imoǒ nì bi moo blě snǒ sàe dɛ."³⁵Kɛɛ ɛmo chnɛ̂ jlò waee daǒ mɔ̀ Lebìɛn sàlaě fànke klee gbɛ̀ klɛ̌ wùɛ klě ii bǐì slè, ii noǎǒ ï waeaa plɛplɛ̌i fǒ měne klee ï noǎǒ tèeaa jlǐ kɛne plě klee blablɛǎǒ chleaa ɔ̌ tmɔɔ̌a ɔɔ jbɛjujlu bu kpalaě i tà pɛ̀u ³⁶u mǒa i jǐ mɔ̀ tù, ɛ mooa chnɛ̀ jlò wee tan'a mɔ̀ na sna kě bi tmɔɔa Jèkɔ̌po mɔ̀. Ii noǎǒ siaǒo nì Jɛkɔ̌po tùia jǐ mɔ̀.³⁷Tèǒ nì kɔn tè Jɛkɔ̌po mua flɛ̀ɛ klee tià u dɛɛ amɔ̀ klee pneè bɛ̌ ba nì kɔn wakě lɔeěn flea le ɛ̈ di ɛ numa ii wlòmo noǎa mǒa pepě mǒ be. ³⁸È nìǒ ɔ peanaǒ wnùnoaa mǒ naě dɛ wan bo deǒ i jemǒ. Mɛ kɔɔ̌n tèǒ joo nɛ̀ moo keǒ tàǒ keǒ i sonwɛaǒ pɛna mǒ bǐ kea nɛ̌ ǐ nea kwliǎ měne.³⁹È bɛ̌ nu bǐ sɔn pɛna mǒ keǒ tiǒ jemǒ bǐ mu kmàema, i kɔn bi kɔn jlǔ ï tèe lee jlǐ kɛne klee jlǔ ï wae lee plɛplɛ̌i fǒ měne plě klee jlǔ ï chlee. ⁴⁰È Jɛkɔ̌po sèsaea jlǔǒ i klee wnùnoa tìiǒ mɔ̀. Tà jlǔǒ i kun'aa, ɔ sonwɛaǒ ii fòeǒ mɔ̀ mo ǐ pɛna jlǔǒ mɔ́le, è jlǔu chɛ̀ǒ i penpɛɛn'a mɔ̀le. Kɛɛ ɔɔ̌ sɔnaǒ fòe sosǒ mɔ̀ mò iǐ sɔna pɛna mǒ, deǒ nɛ̀ nua ɔɔ wnùnaa ǐ fòa ɔ̌ sesaea i klee Lèbèɛn'ɛ wnunoa mɔ̀.⁴¹È wnùnoaǒ ï jakǎlaa le bǐ ke pɛna mǒ sonwɛ ɔ peanaǒ i tiǒ nyabo keǒ ii mǒ naê dɛ wan, ɛ̈ di ɛ numa bǐ keaǒ i mɔ̀le ten'è nìǒ sonwɛa pɛna mǒ. ⁴²Kɛɛ ɔɔ̌ poaǒ tiǒ keǒ wnùnoaǒ ï seaa kbě mǒ ne jemô bo. Dɛǒ nɛ̀ kɔn tè Lebìɛn'ɛ wnùnoa sea kbě mǒ ne, kɛɛ ɔɔ wnùnoa nì nea kbě mǒ.⁴³Tèǒ nì kɔn tè ɔ pàna chɔɔ. Ɔ kɔna wnùnoǎ fòfoa klee mɔ̀le nae nyebajle klee nynejlu klee bùkɛn sokwe klee jakasèa fòfoa.

¹Chnɛ̀ jlò wae tɛ̀ɛ mɔ̀ tèà nì Jèkɔ̌po kmea Lebìɛn'è jbejujlu wan kě u dɛ̌a u je, Äa gbeǐi konkɔn noǎ wùɛ ɔ kɔn pnɔɔ nìǒ Jèkɔ̌po nynaǒ jleě mǒ bo ɔ̌ pàn." ²Plě Jèkɔ̌po jěa lɛ ɛ̈ moo Lebìɛn sea kɛ̌ kàan wlò blě keǒ ɔ mɔ̀ keǒ ɔ nuaa klekle tà. ³Ê kě Jǎwɛ̀ dɛ̌a Jèkɔ̌po je ɔ je, "Mu de klě gbèii blǒ kɛn klě nè konkɔn nyo slè. Ě miǒò mɔ̀ neema."⁴Nɛ̀ kɔn tè ɔ dbɔa tuposà klě Wlɛ̀chɔ̌ klee Lià mɔ̀ u klee ɔ̀ɔ sɔ̌n mǒa lě chèa mò mɔ́ɔ no tà ɔɔ blablɛ̌a nea lěe. ⁵È tà u nyniaǒ ɔɔ mɔ̀ è kě ɔ dɛ̌a u je ɔ je, "Ě ji ɛle ɛ̈ moo klě tǐà wlòmo aa gbeǐ see kɛ̀ kàan slò blě keǒǒ mɔ̀ keà ɛ nua pnɔɔ, kɛɛ ně gbeǐi Nyesoa neeǒǒ mɔ̀. ⁶Aa sɔ̌n wùɛà a ji ɛle ɛ̈ moo Ě nu konkwa jakǎ keǒ aa gbeǐ mɔ̀ ke Ě nuě ɛɛ wɔ̀wɔ.⁷Kɛɛ kaǒ ɔ peaǎ bo boɛ le ɔ̌ sɛ̀laǒ ně snǒ sàe dɛ̀ snǔ mɔ̀, ɛɛ kpɛɛ pù nì ɔ nuu ɛ mǒ, kɛɛ Nyesoa seǒ ɔ mɔ̀ mo sɔn keǒ bɔ nuǔ dɛ kukǔ mǒ. ⁸Dɛ ɔ nia mǒo mǒnɛ̀ moo bɔ̌ tmɔɔ̌ mǒ ɛ̈ moo bo wnùnoaǒ bǐ kɔn jlǔ bi wae plɛplɛ̈i fǒ mène è mò kɔn niǒ, bǐ kɔn jlǔǒ wae lee plɛplěi fǒ měne ɔ̀ sà liǐ kwa. Ɔ̀ jè nu kpee bǐ kɔn jlǔ bǐ tèe jlǐ kɛne, è mò kɔn mò, bǐ kɔn jlǔǒ tèe lee jlǐ kɛne ɔ̀ sà liǐ kwa. ⁹Nɛ̀ kɔn tè Nyesoa sà aa gbeǐ wnùnoaǒ kwa ɔ̌ nye i mǒ.¹⁰"Klě wnùnoaa kwliǎ měne ne tǐ wlòmo, Ě jala jajie Ě jěa fànke ǐ pɛna gbɛ̀klɛ̌ ï tèeaa jlǐ kɛne mɔ̀ klee ii dɛà waea plɛplɛ̌i fǒ měne klee ii dɛà kwentěaa. ¹¹È Nyesoa najiǒpòi nɔ̀ dala mǒ klě ja jie mǒ ɔ je, 'Jèkɔ̌po,' Ě wɔna ɔno, Ě le, 'Ě joo.'¹²È kě ɔ dɛ̌a ɔ je, 'Tanàle, fànke wùɛǒ bee gbɛ̀klɛǒ kɛne i tèe kɛne jlǐ ǐ wae plɛplɛ̌i fǒ měne plě ǐ kwentě. Mɛoǒ joo nɛ̀ moo Ě jě wùɛǒ Lebìɛn nì mòo mǒ no. ¹³Mǒȧ Mǒ moo Nyesoa Jèa klě Bɛ̀tɛɛ̀, tàa doǒ pòaǒo seɔ̌ chnɔ̌ kèn è tua ɛɛ ngmà jè keǒǒ mɔ̀ plě è poaa win tànma mǒ keǒǒ mɔ̀. Ii tè tàa doǒ pooa'ǒǒ seǒ bo, bò sɔn'ɔ blǒɔ wlòmò mu de klě nè chɛ̀ɛ blǒ kɛn."¹⁶¹⁴È kě Wlèchǒ klee Lià dɛ̀a lɔ je u je, "Ä see kɛ̀ lè dɛ kɔn klě äa gbeǐi koǔ bo ɛ̈à wɔ̀le je bɛ moo äle konkɔn dɛ. ¹⁵Ɔ nu ämo ä wǒ je dakpě. Ɔ ploa äle è dɛ wùɛ ä jěe, Ɔ di ɛle kpǎkpǎ.

¹Tà Jèkɔ̌po dǔa ɔɔ dakpǎ snuǒ mǒ ɔ keaa mi, Nyesoaa najiǒpò nù klee ɔ̀ɔ sɔ̌n mɔ̀ɔa. ²È tà ɔ jěa luu ɔ je, "Nyopòà u moo Nyesoaa tabɔ̀." Tèǒ nì kɔn tè ɔ daea ɛm o tùɔn'ǒ Mahanàmì ɛ̈ monoo tabɔ̀ kplěe sɔ̌n.³È Jèkɔ̌po dbo nyopò nya klě blǒǒ moo Siɛ̀ kɛn, tà Idɔ̀n nyǒ nea lěe klě ɔɔ mamǔ jbɛju Isɔ̀ mɔ̀. ⁴Ɔ tmɔɔ̌a ɔɔ nyebajle bu tmɔɔ̌a Isɔ̀, kě bu dǎla ɔ je ɛ̈ moo, "Nè nyebajlo Jèkɔ̌po ne pnɔ lě Lebìɛn mɔ̀ klě ɔ sìn dɛ wùɛà ɛ̌ jɛ tǐà. ⁵Ɔ je ɔ kɔn bliǎ klee jakǎsèa beě kle neklě, blabɛǎ klee wlia plě na wien po nyebajle klee nynejlu. Nɔ̀ dbo ämo keǒ ba tmɔɔ̌ mò, ɛ̈ di ɛ numa mò kàan wlò blě keǒ ɔ mɔ̀."⁶Tà ɔɔ tuposà kpa nyo diaa de u je, "Ä tmɔɔ̌ màmǔ Isɔ̀ lo. Ɔ diě le ɔ klee nyopòo tà wlěe m̀m kplěe hɛ̀n, u diì nya bɛ̌ba." ⁷Wìn'ǒ nì poa Jèkɔ̌po fano mǒ plě nì niia ɔ feanfeǒ. Nɛ̀ kɔn tè ɔ ploa ɔɔ nyopòǒ uu tàkpɛ̌ɛ sɔ̌n klee ɔɔ blablɛ̌a klee wlia klee bliǎ plě klee ɔɔ bùkɛn sòkwe, ⁸ɔ me, "Bɛ̌ nu bo Isɔ̀ bɔ̌ woǒ tàkpɔ̌ɔ do je bɔ̌ tùngmae u noǎ mɔ̀le popoɛ, e tǐ tìi tà tàkpɔ̌ tùuǒ neǒo uǔ wlɛ̀ǒ uu plùu u je."⁹È kě ɔ niaě Nyesoa mɔ̀ boɔboɔ ɔ je, "Ně dǎfɔ̀ Eblɛ̌hɛ̀moo Nyesoa Aesěè Nyesoa, Jawɛ̀ Mò tmɔɔ̌ mǒ bo di de kěb ně chɛ̀ɛ blǒ kɛn plè kèlɔ ně tùgba slè, ɛ̈ di ɛ numa Mòǒ dlǒ jaě le. ¹⁰Ě seǒ je blɛɛ lee chɛ̀ keǒ wlò dbadbǎ klee kàan mǒ noɛnoɛ wùɛà tèe lee keǒǒ mɔ mǒà moo nèe na wien po nyebajlo. Tà Ě bɛ̌aa něǒ moo jɔ̀ɔ̌dɛn tìe Ě sea dɛ blě, ɛ̀ sìn'ǒ nae tuu do nɛ̀ nea leě kwete mǒ, kɛɛ jè mǒà kee de di ɔ̈ ja lěe nyopò fòfoa ǔ nuu tàkpɛ̌ɛ sɔ̌n no.¹¹Ě pe fano keǒ ně mamǔ jbɛju Isɔ̀ bɔ pa mǒ klee ně nyno klee jlǔ mɔ̀. Ii tè Ě bɛtèè lè gblà mǒ klě ɔ kwete mǒ. ¹²Mè kɔɔ̌n tèǒ joo nɛ̀ moo kě dàlaǎ je ɛ̈ moo sɛjesɛ jè mìaǎ dlǒ jaěba plě mìaǎ jlǔ fòfoa nye ü kɔn fòfoɛ mii jbǒo mǐsìɔ̌ je wǒba ɛ̈à nyu slě wɔ̀ bɔ slèe."¹³Tǒn jlǒ waěǒ nɛ̀ ɔ sìn'aǒ tàö ɔ̌ sàlaǒ ɔɔ konkɔn naǎa tìe keǒ bɔ mǒa i ɔɔ mamǔ Isɔ̀ nye. ¹⁴È noǎ ɔ sàlaǒo keǒ ɔ mɔ̀ nìà, gbɛ̀klɛ̌ɛ wlèe pù klee fànkee wlò klee blǎ nèklěe wlěe pù klee blǎ beěe wlò klee ¹⁵bùkɛn sòkwe ï u sɛ̀ɛ nyìa ně mǒ, i nèklěe wlò tùo pù klee ii jlǔ klee bliǎ nèklěe wlèe sɔ̌n klee bliǎ beěe pù klee jakǎsèa nèklěe wlò plě ɔ̌ mǎnaǒ jakǎsèa beè pù bò. ¹⁶È ɔ tmɔɔ̌a ɔɔ nyebajle bu nua wnùnoaǒ ii tàkpɛ̌ bu kpala i wòje keǒ ɔ nua nii ploplɛ kě bunua mumuɛ. Ɔ sèsaea u wlòmo ɔ je, "A kɛn neě nya a mu. È wnùnoaǒ a kpɛɛ ii tàkpɔ̌ bɛ po ɛ bě kpa debo."¹⁷È kě ɔ dɛ̌a nyebajloǒ kɛn'a lěe nya je ɔ je, "Bɛ̌ nu mò klee ně mamǔ jbɛ ju Isɔ̀ bǎ mɔ̀ɔ no, bɔ̌ gbàà wan ɛ̈ moo, M̀ɔ kɔɔ̌n kɛ na wien po nyebajlo mò noǒ? Plě tà mɨǐ? Mɔ kɔɔ̌n wnùnoa kpɛ̀ɛ̌?' ¹⁸è bò tmɔɔ̌ ɔ u je, 'Nè na wìen po nyebajlo Jɛkɔ̌poo wnùnoaà mòà ɔ kwɛ̌ i. È ɔɔ chɛ̀ neǒ ä mǒ de, ɔ diè le'."¹⁹Imo win'i doǒ nì ɔ tmɔɔ̌a sɔ̌n nonɔ nyebajloǒ kèn'aǒo klekle nyebajloǒ demǒ, ii doǒ nì ɔ tmɔɔ̌a tan nonɔ nyuǒ plě uu wùɛǒ ü miaa. È kě ɔ dɛ̌a u je ke ɔ je, "A klee Isɔ̀ bǎ mɔ̀ɔ no, ²⁰u tmɔɔ̌ ɔ ɛ̈ moo, 'Nè na wien po nyebajlo Jèkɔ̌po neǒ ä mǒ deò.'" È dɛà nɛ̀ ɔ siɛ̀n'a dlǒ mɔ̀le ɔ je, "Dɛà nɛ̀ bo nu ɛ̈ mǐ ɔɔ plɔ bloo lo, noǎà nì bo dbo nya keǒ ɔ mɔ̀ plě Ě mǐ i de na. È bɛ̌ nu bäǎ mɔ̀ɔ no, bɔ̌ jě mǒ ɛɛ̌ wlɛ̀o ɔɔ̌ poo ně tè wlò le. " ²¹Ii tè Jèkɔ̌po dboa nyee noǎǒ nya, ɔɔ chɛ̀ ɔ̌ sìn'aǒ tǒn jlǒ waěǒ tàǔ.²²È klě tǒn jlǒ waěǒ wlòmo Jɛkɔ̌po dǔa jemǒ ɔ klee ɔɔ nynoo sɔ̌n'ǒ klee ɔɔ nynejɔɔ sɔ̌n'ǒ klee ɔɔ jlǔu pù tùo doǒ ɔ̌ dbaa lu ǔ bɛ̌a ně gbàeǒ u dɛɛ Jabakà tìe. ²³È tà ɔ dboa luu, u bɛ̀aa něǒ tìe, ɔ naea u noǎ wùɛ ɔ kɔnaa de,²⁴è ɔɔ do nɔ̀ sia bo keǒ tàǒ. È jbɛju Tɔ̀ɔ Nɔ̀ dìa lě ɔ mɔ̀, Nɔ̀ klee ɔɔ sɔ̌n wɛ̀n'a gbàa. U wɔ̀na wɔ̀n wɔ̀n kènta chnɛ̀ jɛɛa lɛ u kwete mǒ. ²⁵Tà jbɛjuǒ ɔ jěa lɛɛ ɛ̈ moo ɔ sea lě ɛ wɔ̀ keo Bɔ sàla ɔ sonweǒ, ɔ pooaǒ Jèkɔ̌po dɛ poɔntǎ jleě ɛ̈ sàlaě ɔɔ poɔntǎ wlaě wan. ²⁶È kě ɔ dɛ̌a ɔ je, "Tɛɛ̌ bo Bo mu, chnɛ̀ wlawle diě le." Kɛɛ kě Jèkɔ̌po dɛ̌a ɔ je, "Ě seè bò tɛ̀ba mu, ɛ̀ sìn'ǒ Bò pòǒ ngmna mɔ̀ plě Ě mǒo Bò tɛ̀."²⁷Ii tè ɔ̌ gbàla Jèkɔ̌po wan ɔ je, "Ě ke neě kɛ nynɛ̌?" Ɔ tùa Lɔ kɛ̀ɛn ɵ je, "Ě moo Jèkɔ̌po." ²⁸È kě ɔ dɛ̌a Jèkɔ̌po je ɔ je, "Nè nynɛ̌ see kɛ̀ Jèkɔ̌po, kɛɛ ɛ moo Ǐsòwɛ̌ ɛ̈ moo ɔ Tùa Nyesoa sònwɛ. Mɛ kɔɔ̌n tèǒ joo nɛ̀ moo mò klee Nyesoa klee tùonyopoo sɔ̌n a wɔ̀n gbàa è tù u sònwɛ, e kɔn duduɛ."²⁹È Jɛkɔ̌po gbɛ̀a ɔ wan ɔ je, "Tmɔɔ̌ Nè nynɛ̌ mǒ ke." Kɛɛ ɔ gbàla Jèkɔ̌po wan ɔ je, “Mɛ kɔɔ̌n kɛ tè gbɛ̀ Něe nynɛ̌ wan?" Ɔ̌ poa Jèkɔ̌po ngmna mɔ̀, è Nɔ̀ǒ mua. ³⁰Ii tè Jèkɔ̌po dèèa ɛmo tùɔn'ǒ Pɛnulè ɛ̈ monoo Nyesoa jigbà. Mɛ kɔɔ̌n tèǒ joo nɛ̀ moo ɔ je ɔ jěa Nyesoaa jigbà plě kaǒ ɔ̌ neěa jè kmɔ̌.³¹Tà wèn keaa kwlǎ mǒ wě, è nɔ̀ǒ sɔnaǒ P̌ɛnulè mò ɔ̈ blea ponwɔ̌ mɔ̀le ɔ̈ mìa. ³²Nì kɔn tè kekɛà Ǐsowɛ̌ kwɛɛn uǔ di nmii fǒo dɛà ɛ̈ neǒ poɔntǎ jleě. Mɛoǒ joo nɛ̀ moo keǒ Jèkɔ̌po kà jleě keǒ Nyesoa pooaǒ dɛ.

¹Tà Jèkɔ̌po jɛɛa ɔɔ koǔ bo kwɛɛn ɔ dboa nya kɛn de, ɔ tanaě nya le ɔ̌ jěa Isɔ̀ klee ɔɔ tà wlěe m̀m kplěe hɛ̀n ǔ dia lě. Tèǒ nì kɔn tè ɔ plooa ɔɔ jlǔ wùɛǒ ɔɔ nyno lià klee wlèchɔ̌ klee ɔɔ nynejɔɔ sɔ̌n'ǒ měne. ²Ɔ poaě nynejɔɔ sɔ̌n'ǒ u klee uu jlǔ nya, è ɔɔ nynɔ Lià klee ɔɔ jlǔ nù kɛn'aǒ plě Wlèchɔ̌ klee ɔɔ jǔ Jòsɛ̌fa bɔɔ̌a lě u demo. ³È ɔɔ chɛ̀ nɔ̀ kɛn'a lě u nya ǔ miaě ɔɔ mamǔ Isɔ̀ mɔ̀. Tà ɔ kea lɔɔ le konweě ně, ɔ pìn'aǒ ɔ jemǒ bo klě kpɛɛ nyiɛta wlòmo.⁴Kɛɛ Isɔ̀ kpala plùplɛ ɔ̌ mua ɔ je mɔ̀ɔma. Tà ɔ nynìaǒo ɔ mɔ̀, ɔ klìia lɔ ɔ̌ nyǒa ɔɔ wun, è uu sɔ̌n wùɛ nùǒ tùngmaea fìɛn. ⁵È tà Isɔ̀ jěaa nyno klee jlǔǒ ɔ gbàla ɔ wan ɔ je, "È kě nyopòǒ u klee mòo sɔ̌n nɛ kɛ uu ka neě je?" Jɛkɔ̌po sèsaea lɔ wlòmo ɔ je, "Jlǔ Nyesoa nye mǒo klě Ɔɔ mǒ noɛnoɛ mǒ nùǒ."⁶È nynejɔǒ u klee uu jlǔu sɔ̌n è nùǒ kèklaeaǒ Isɔ̀ gbàa ǔ kɔla kwne bo keǒ ɔ jemǒ. ⁷È Lià klee ɔɔ jlǔ nua dɛɛ doǒ lo, plě Jòsɛ̌fo klee ɔɔ naà Wlèchɔ̌ bɔɔ̌aě u demǒ ǔ nua dɛɛ doǒ ke. È Isɔ̀ gbàla Jɛkɔ̌po wan ɔ je, ⁸"Deě wnùnoàa tàkpɛ̌à klee mòo sɔ̌n mɔ̀ɔ nǒo ke ii ka neě kɛ je?" Jèkɔ̌po tùa lɔ kɛ̀ɛn ɔ je, "Ně chì kpa ämo, mò Ě dbo i mɔ̀ ɛ̈ di ɛ numa nè wlò mǒ ja tè keǒò mɔ̀."⁹È Isɔ̀ tùa lɔ kɛ̀ɛn ɔ je, "Ně mamǔ, Ě kɔn wnùnoa fòfoa ke. Ii tè tù nìniǒ bo keǒ nè chɛ̀ mɔ̀." ¹⁰Kɛɛ Jèkɔ̌po je, "Òooǒn, Ě bɛtèè le, bɛ̌ nu nè wlò bɛ̌ bloo loǒ kɛn, è bò kme ně nyee noǎǎ bo. Keǒ bo mǒ nè jigbà je ɛ wǒ je keà nyu jěe Nyesoaa jigbà plě kmèě lebo tɛɛ. ¹¹Ě bɛtèè le, kmeně nyee noǎà Ě ja mòo bo. Nyesoa dǔaǎ kàan dɛ mǒ nunuɛ mǒ no, ii tè Ě kɔn dɛ wùɛ Ě jlɛ̌ɛ le." Ii tè ɔ neaǒ ɔ demǒ ne ne ɔ̌ kmea i bo¹²È Isɔ̀ jè, "A sɔ̌n mǒ bä mu, bä nae snǔ mǒ." ¹³Kɛɛ kě Jèkɔ̌po dɛ̌a ɔ je ɔ je, "Ně chì kpa ämo, nè chɛ̀ ji ɛle ně jlǔà u slě sɔ̀ bu na dɛ pɛ̀tu kɛn plě Ě blě wnùnoà fòfoa i nyɛ̌ɛ jèe jlǔ. Bɛ̌ nu bo nyopò bǔ plùu i klě chnɛ̀ jlò waee do wlòmo chɛ̀, ii wùɛ i mi kǒba. ¹⁴Ii tè ně chì kpa ämo, Ě bɛtèè lè a kɛn lě a nya Ě mǒ ně wnùnoǎ klee jlǔà uu doɛdoɛ nu keǒ i nuě ɛɛ wòwɔ ä mǐ a de na kaǒ ä miě tà nynì klě siɛ̀ blǒ kɛn."¹⁵È Isɔ̀ tùa lɔ kɛ̀ɛn ɔ je, "È nɛ bo si ně nyo pòà uu tìe bo kělɔɔ̀ mɔ̀." Kɛɛ ɔ tùa Isɔ̀ kɛ̀ɛn ɔ je, “Mɛ kɔɔ̌n tè Mòǒ kɛ ɛ nu? Dɛɛ do Ě jlɛ̌ɛ nɛ̀à nù ɛ̈ mo nè wlò bɛ diǐ kɛn bloo lo sosǒ.” ¹⁶Ii tè chnɛ̀ jlò waee doǒ nɛ̀ Isɔ̀ kpala de klě siɛ̀. ¹⁷Tà ɛmo dɛǒ ɛ sìn'aa, è Jɛkɔ̌po muaě dìěǒ u dɛɛ sakà kɛn klě ɔ poaě kou keǒ ɔɔ chɛ̀ mɔ̀ klee ɔɔ wnùnoaa blea. Ii tè ɛmo diěǒ u dɛɛa ɛ sakà ɛ̈ sɛ̀n'ɛ nynɛ̌ blea.¹⁸Tà Jèkɔ̌po tù lɔɔ snǔ wlò ɛ̈ sɔn lěe Padàn Alamà mǒ, ɔ nynia Sichɛ̀ dǐa tɛɛ tɛɛ klě blǒǒ moo kneɛ̀ kɛn. Klě ɔ tǐn'a lě diěǒ moo Sichɛ̀ ɛɛ wɛniɛ wɛn'ɛ kwlǎ mǒ wǒla mǒ. ¹⁹Klě ɔ tɔ̀naě blǒ tìe sěbla kpɛn'ɛ wlèe m̀m jleě. Ɔ tɔ̀na ɛ mɔ̀ Hamɔ̀ɔ jlǔ ɔ̈ mooaa Sichɛ̀ɛ jbɛjuju, klě klě blǒ tìeǒ kɛn klě ɔ pooa lě ɔɔ blea. ²⁰Ɔ̌ bea seɛ̌ɛ chɔ̀na kǒngmà ɔ̌ dɛɛa ɛ ɛle Eloe Ǐsòwɛ̌ Ɛ̈ sɛ̀n'ɛ nynɛ̌ kbě Mǒ Ne Nyesoa ɔ̈ Moo Ǐsòwɛ̌ Kwɛɛn'ɛ Nyesoa.

¹Chnɛ̀ jlò wae tɛ̀ɛ mɔ̀ Daena ɔ̈ mooaa Jèkɔ̌po klee Liàa nynejuju, nɔ̀ mua ɔɔ bǐì Kenɛ̀n yǒo nynejlu jele nama. ²Tà Sichɛ̀ ɔ̈ mooaa blǒǒ ɛɛ Klɔ̀ba Hamɔ̀ɔ jbɛjuju ɔ jěaa Daenà, ɔ kmea nɔ ɔ̌ kpaea ɔ kbě ɔ̌ pɛna mɔ̀. ³È Sichɛ̀ noɛɛa nynejuǒ mǒ chɔɔ plě nynejuǒ ɔ̌ wala ɔɔ wlò dɔ̌, nɛ̀ kɔn tè ɔ pea pɛɛ pɛɛ win keǒ ɔ mɔ̀.⁴Dɛǒ nɛ̀ kɔn tè ɔ tmɔɔ̌a ɔɔ gbeǐ ɔ je, "Slò nynejuà keǒǒ mɔ̀ Ě mǐ ɔ nynɔ mǒ kɔn." ⁵È Jèkɔ̌poo jbɛjujlu maea bla blɛǎ jǐ mɔ̀ tùba klě chèa mò ɔ wɔ̌na ni ɛ̈ moo, "Sichɛ̀ kpae nè nyneju Daenà kbě ɔ̌ pɛn ɔ mɔ̀," ɔ sea tè boɔ. Ii tè ɔ fea ɔɔ jlǔ ü muaa chònu bu dia dǐa ɔ mǒa u tmɔɔ̌ nǒ keǒ dɛǒ ɛɛ tè mɔ̀.⁶Plě Hamɔ̀ mǒa lě Jèkɔ̌po mɔ̀ mù ɔ mǒa ɔ tmɔɔ̌ma mu keǒ ɔɔ jǔ Sichɛ̀ bɔ kɔna Daenà nynɔ mǒ, ⁷è Jèkɔ̌poo jbɛjujlu pala dǐa. Tà u wɔ̌na ìmoo tèǒ, è feanfeǒ klee jlo nìa ulu chɔɔ. Mɛoǒ joo nɛ̀ moo Sichɛ̀ nua tònwe dɛ̀ keǒ uu gbeǐ Ǐsòwɛ mɔ̀ keǒ bɔ dìa u mamǔ nynɛju kbě kpae le bɔ dia ɔ mɔ̀ pɛn, dɛà nyu sekɔn bɔ nuu.⁸È kě Hamɔ̀ dɛ̌a Jɛkɔ̌po je ɔ je, "Ně jǔ noɛɛ nè nynɛjuà mǒ no. Ii tè Ě bɛtèè lè, nɛ bɔ kɔn nɔ nynɔ mǒ. ⁹A klee ämoo sɔ̌n bä konkɔn'ɔ jlǔ. A nye aa nynejlu ämo bä kɔn u nyno mǒ a mǐ äa nynejlu nyno mǒ kɔn ke. ¹⁰Kělɔ ba tǐn'ɔ äa blǒɔ kɛn. Tà wùɛ aa nyuu wlò miǒ nema keǒ bɔ tǐn'ǒ, bǎ ke pɛ lě pe nyu wùɛ nɔ̀ se a wan gbàba mu plě a kɔn konkɔn noǎ keǒ aa chɛ̀ mɔ̀."¹¹È kě Sìchɛ̀ dɛ̀a ɔɔ gbeǐ je ɔ je, "Ɛmo kàan dɛà bɛ̌ nu bǎ nu ɛɛ̌ mǒ, dɛ wùɛ a mii tbaba Ě mi ɛ a nyema. ¹²A tmɔɔ̌ mǒ noǎ bi moo wetǎ noǎa bǎ ke jlɛ̌ klee aa j---- kɛn plo wlě, ke bi jě bi tìn Ě mi ni a nyema. Bɛ̌ nu bǎ nye ɔ mǒ keǒ bɔ moo ně nynɔ, dɛ wùɛ a mii tbaba Ě mi ɛ a nyema. ¹³Kɛɛ ke ɛ too'aa jleě mǒ bo Sìchɛ̀ poa uu mamǔ nyneju Daena pàdǒ taeǒ kɛn, ii tè Jɛkɔ̌poo jbɛjujlu tmɔɔ̌a Sichɛ̀ klee ɔɔ gbeǐ klě mǒ boo tǔn wlòmo¹⁴kě Sìchɛ̀ gbeǐ dǎla u je ɔ je, "Ä slě wɔ̀ bä nye äa mamǔ nyneju nyuà see foeě bɛ̌ keǒ bɔ kɔn ɔ nynɔ mǒ, ɛ mi tònwɛ dɛ̀ moo ma keǒ ä mɔ̀. ¹⁵Kɛɛ bě nu bǎ nu dɛɛ doà ä nii bǎ bɛ̌ aa jbɛjujlu wùɛ foeǐ, è ä wɔɔn ɛ kɛn. ¹⁶È a klee ämo ä mi jlǔ konkɔonma, ä mìɔ a slè tǐnma, a klee ämoo sɔ̌n ä mǒ dɛɛ do nu. ¹⁷Kɛɛ bɛ̌ nu bǎ seǒ äa wìn bo tù bǎ se foeǐ bɛ̌, è ǎ wìn bo tù bǎ se foeǐ bɛ̌, è ä mi äa nynejuà mǒ dǔba ä mǒ mu."¹⁸Hamɔ klee ɔɔ jǔu wlò blooa dɛǒ u poaǒ uu jemǒ bo kɛn, ¹⁹plě Sichɛ̀ noɛɛa Jèkɔ̌poo nynejuǒ mǒ no, è nɔ̀ moo selǐju klee ɔɔ tùgba slè. Nɛ̀ kɔn tè ɔ sea kɛǒ tǐ tìi po keǒ bu nua dɛǒ u poaǒ uu jemǒ bo mɔ̀.²⁰Nɛ̀ kɔn tè Hamɔ̀ klee ɔɔ jǔ Sichɛ̀ poa lě diě kwɛɛn wùɛ dɔwun jleě klé uu snǎ tùle mǒ ǔ poaǒ ɛ u jemǒ bo u je, ²¹"Nyopòà tàa u moo äa nenawa. Tèǒ ni kɔn tè ä nɛ bä sɔn'ǒ u mɔ̀ mǒ bu tǐn'ɔ ä slè u mǒ pɛ lě po kělɔ blǒɔ kɛn. Äa blǒà ɛ boǎ le kɛn keǒ u klee ǎmoo sɔ̌n mɔ̀, ɛ̈ di ɛ numa u klee ämoo sɔ̌n ä mǒ jlǔ konkɔɔno.²²È kɛɛ plě bu mǒɔ ä slè tǐn u klee ämo ä mǒ dakɔ̌ dbǒ do nu, ɛ kɔn dɛɛ do u poǒ ämoo jemǒ bo, ɛmo dɛǒ nɛ̀ moo bä bɛ̌ äle jbɛjujlu wùɛ foeǐ keǒ u nuu ǔ bɛ̌ɛ foeǐ. ²³A nɛ bä wɔɔn ɛ kɛn ɛ̈ di ɛ numa u mǒo ä mɔ̀ tǐn, uu wnùnoà klee uu konkɔn dɛ wùɛ i mǒ ä noǎ tù."²⁴Ii tè diě kwɛɛn wùɛǒ ü bea lěe dɔwun jleě u wɔɔn'a dɛǒ Hamɔ klee Sichɛ̀ boɔlaa kɛn, nɛ̀ kɔn tè u bɛ̌a jbɛjujlu wùɛ nea lěe dìěǒ wlòmo foeǐ. ²⁵Chnɛ̀ jlò wěe tan nì sìn'a, tà jbɛjlu wùɛ uu foeǐi chìi kmeɛ̌a jèe, è Semiɔ̀n klee Lifàe ü mooaa Jèkɔ̌poo jbɛjujlu plě ü mooaa Daenàa mamǔ jbɛjlu, nù dǔa uu pen mǒu mua diě kwɛɛn'ǒ mɔ̀ wɔnma. Nyu wùɛ nɔ̀ sea u gbɛɛ le ǔ dbǎla jbɛjlu wùeǒ ü nea lěe dìěǒ wlòmo, ²⁶jà Hamɔ̀ klee ɔɔ jǔ Sichɛ̀ ù dǔa Daenà mǒ ǔ sàlaě ɔ Sìchɛ̀ɛ koǔ bo ǔ mua.²⁷È Jèkɔ̌poo jbɛjujlu nùǒ sɔn a mǒ u těn'a kokǒ nyoǒ uu noǎ wùɛ lè klee noǎǒ ï nuaa kàan nì u sàla lě diěǒ ɛ̈ kɔn wlòmo uu mamǔ nyneju Daenà beea lěe pàkɛn, è nùǒ mua. ²⁸U dǔa uu blablɛǎ klee bliǎ klee jakǎsèa wùɛ mǒ ï nea lěe diěǒ wlòmo klee ii noǎǒ ï nea lěe chèaǒ tbɛɛaǒo dǐ mǒ. ²⁹U kpal uu konkɔn noǎ wùɛ klee uu jlǔ wùɛ klee uu nyno plě noǎ wùɛ u kɔna ěe uu keǐ ble.³⁰Tà ɛ sìn'aa è kě Jèkɔ̌po dɛ̌a Semìɔn klee Lifàe jè ɔ je, “A poěě wlò le popaa slè. Klě tǐà wlòmo Kenɛ̀nyǒ klee Pɛwlesìnyǒ klee nyopò wùɛà neɔ blǒɔ wlòmo u miǐ faenma plě ä se fò, ä nu mòngmɛ nyǒ. È bɛ̌ nu bǔ beǒ tàa do bǔ di ä mɔ̀ wɔ̀nma, u miǒ mǒ klee ně tùgba wɔ̀ba." ³¹Kɛɛ u tùa lɔ kɛ̀ɛn u je, "Ä mǐ kɛǒ äa mamǔ nyneju mɔ̀ mò sɔn u mǒ bo ɔ nu wòje keà gblà nynɔ le?"

¹È kě Nyesoa dǎla Jèkɔ̌po je ɔ je, "Sɔn mǒ, jǎě je muě diěǒ moo Bɛtɛɛ̀ kɛ̀n klě bò tǐn'e, è bo nynìě be seɛ̌ɛ kǒngmà mò chɔ̀n pi keǒ Mǒ Nyesoa mɔ̀ mò Ně wɛ̀ sà, mǒà ɔ̈ wǒoa mòo je tà plìiaa mamǔ jbɛju Isɔ̀ jɛ." ²Ii tè kě Jèkɔ̌po dɛ̌a ɔɔ koǔ bo kwɛɛn klee nyopò wùɛ ɔ nɛɛa mɔ̀le je ɔ je, "A tɛ aa dɔ̌ɔdɔ̌ nyesoeà ble ï a blěe kwa le, a mǒ pnè, a mǒ daleà ï wɛ̀ɛ moǒ le mǒ po. ³Ä mǒ jemǒ dǔ ä mǒ jejae lě klě Bɛtɛɛ̀, tàa Ě miě chɔ̀no seɛ̌ɛ kǒngmà beba keǒ Nyesoa Mɔ̀ ɔ̈à tùa mǒo kɛ̀ɛn tǐǒ jleě Ě nea lěe feanfeǒ slè, plě ɔ̈a ɔ̈ neǒ mǒo mɔ̀ ta wùɛ Ě miǒo muma."⁴Ii tè kě u nua ɔ dɔ̌ɔdɔ̌ nyesoe wùɛǒ nyenyeɛ ï u blěaa kwa le klee uu nɔkǔ bɔ̌ ɔ̌ poa ii wùɛǒ wlò klě tuǒ mooa okè bobo ɛ̈ konwaěaa Sichɛ̀ dìe le. ⁵È tà u sɔnaǒo tàǒ mǒ u keaa mi, Nyesoa poa nyopò wùɛǒ ü kɔn deěǒ tbɛɛa uu dǐ mǒ fana, ɛ̈ di ɛ uǔ diaǒ u ɛ̀ demǒ tù.⁶È klě ɛɛ dlǒ chlɛɛà mo, Jèkɔ̌po klee ɔɔ nyopò nynia ne klě Lusè dìa ɛ̈ u dɛɛ kekɛɛ Bɛtɛɛ̀ klě Kenɛ̀ blǒ kɛn. ⁷Klě ɔ bea lě chɔ̀no seɛ̌ɛ kǒngmà keǒ Nyesoa mò ɔ̌ dɛɛa ɛmo tàǒ Elɛ Bɛtɛɛ̀ ɛ monoo Bɛtɛɛ̀ Nyesoa. Mɛoǒ joo nɛ̀ moo tà ɔ plìiaa ɔɔ mamǔ jbɛju Isɔ̀ jè, keǒ tàǒ keǒ Nyesoa sàeaǒ Ɔɔ chɛ̀ tàmo keǒ ɔ mɔ̀. ⁸Keǒ tàa doǒ keǒ u kɛ̀n'aǒ bo, Dibolǎ ɔ̈ kɔnaěe Wlibɛkɔ̌ɔ tè mɔ̀ ɔ̌ kǒa ǔ tùa lɔ bo keǒ okè tu bòbo ɛ̈ konwaěaa Bɛtɛɛ̀ diě le. Ii tè u dɛɛa ɛmo tuǒ Alɔ̀n Bakutɛ ɛ̈ monoo fìnfǐn tu.⁹Tà Jèkɔ̌po tbaeaa je ɔ sɔnaǒo Padàn Alamà mò, è Nyesoa sàla ɔɔ chɛ̀ tàmo de keǒ ɔ mɔ̀ ɔ̌ poa ɔ ngmna mɔ̀ ¹⁰kě ɔ dǎla Jèkɔ̌po je ɔ je, "Nè nynɛ̌ ɛ moo pnɔ Jèkɔ̌po ë monoo botǎsùgbee kmeɔ, kɛɛ u see kɛ̀ɛ Jèkɔ̌po daeba mu. Nè nynɛ̌ kɔn bɛ monoo kɛ̀ Ǐsòwɛ̌ ɛ̈ monoo ɔ tù Nyesoa sònwɛ̀." Ii tè ɔ tùia ɔ Ǐsòwɛ̌ nynɛ̌.¹¹È kě Nyesoa dɛ̌a ɔ je, "Mǒà Mǒ moo kbě Mǒ Ne Nyesoa. Kɔ̀n jlǔ fòfoa a mǒ kɛne bebe le, kòoo, dakwɛ̌ dlě fòfoa miǎěè mò sɔnma,. Mò miǎ klɔ̀bapoo gbeǐ tùba. ¹²Mò klee nè jlǔu jlǔ amo Ě nye blǒà ɛ̈ Ě nyeaa Eblɛ̌hɛ̀mo klee Aesěè." Nù Ě mii nyema. Keǒ nè jlǔu jlǔ mɔ̀, Ě mi u blǒà nyema. ¹³Tà u wɔ̀laa boɔboɔ mɔ̀, è Nyesoa Nɔ̀ǒ sɔnaǒ ɔ mɔ̀ mò ɔ mua jɔkɛn.¹⁴È Jèkɔ̌po kɔaǒ tàǒ seɔ̌ bo ɛ̈ mǒaa tùɔn'ǒ ɛɛ jboo dɛ tù ɔ̌ chnǐiaǒ nmɔ klee chnɔ̌ dlǒ deǒ bɔ tùaě ɛ Nyesoa kwete mǒ. ¹⁵Ɛmo tàǒ ɔ dɛɛaǒ Bɛtɛɛ̀ ɛ̈ monoo Nyesoa koǔ.¹⁶Tà Jɛkɔ̌po klee ɔɔ koǔ bo kwɛɛn sɔnaǒo diěǒ moo Bɛtɛɛ̀ kɛ̀n mǒ u keaa Eflà dia mi ɛ̈ poǒa jè uu kpa debo, è Wlèchɔ̌ɔ kwlěǒ nia lɔɔ ɛ̈ sàlaa kɛ̀ ɔ sonwe chɔɔ keǒ bɔ mǐa kmàe nè. ¹⁷Tà ɔɔ kwlě nunuɛ beaa kbě kɛn chɔɔ, è kě ngmàe nyně wèɔn dɛ̌a ɔ je ɔ je, "Nè pe fano, jbɛjuju tɔ̀ɔà mì kɔnma." Kɛɛ ɔ neaǒ kokǒ snǔ mɔ̀. Plě ɔ moo fònfno ngmnà, ɔ kɔna jbɛjujuǒ lo, ɔ tùea ɔ nynɛ̌ ɛ̈ mooaa Bɛnonè ɛ̈ monoa ně wɔle ju. Kɛɛ ɔɔ gbeǐ dɛɛa lɔ Bɛ̀chemɛ̌ ɛ̈ monoo dilǎ son'o jǔ. ¹⁸Tà Wlèchɔ̌ kǒaa, u tùa ɔ bo keǒ diěǒ moo Eflà ɛɛ snǔ wakǎ mǒ ɛ̈ u dɛɛ Bɛ̀tlehɛ̌ɛn kekɛà. ¹⁹Tà Wlèchɔ̌ kǒaa, u tùa ɔ bo keǒ diěǒ moo Eflà ɛɛ snǔ wakǎ mǒ ɛ̈ u dɛɛ Bɛ̀tlehɛ̌ɛn kekɛà. ²⁰Keǒ ɔɔ tnè kɛn Jèkɔ̌po kɔlaǒ seɔ̌ bo. Seɔ̌ǒ kekɛà keǒ ɛ neǒ ɔɔ tnèǒ kɛn.²¹Sɔnaǒ tàǒ mǒ Ǐsòwɛ̌ klee ɔɔ nyopò mua lě kǎ pɛ́tuǎ ü dɛɛ ɛdɛ̀ demǒ ǔ poaě uu blea. ²²Klě ɔ kɛ̀nàě blǒǒ wlòmo bo ɔɔ jbɛjuju Wlùbǐ pɛna ɔɔ nynejɔɛɛ Beliha mɔ̀. Tà i bea wɔ̀ɔn, ɔ wɔ̌na ìmo tèǒ ɔme Jèkɔ̌poǒ ɔ kɔna jbɛjujlǔu pù tùo sɔ̌n,²³ɔɔ nynɔ Liàa jbɛjujluu nynɛǎ nìà, Wlùbǐ ɔ̈ mooaa Jèkɔ̌poo nyǐsaju klee Semìɔn klee Lifàɔ klee Jùdǎ klee Esèka plě plě Sɛbìlɔn. ²⁴È ɔɔ nynɔ Wlèchɔ̌ɔ jbɛjujluu nynɛǎ nìà, Jósɛ̌fo klee Bɛ̀chemɛ̌. ²⁵È Belìha ɔ̈ mooaa Wlèchɔ̌ɔ na wien po nyneju ɔ blěe jbɛjujluu nynɛǎ nìà, Danè klee Nafealè.²⁶È Sipà ɔ̈ mooaa Liàa na wien po nyneju ɔ blěe jbɛjujluu nynèǎ nìà, kàa klee Asɔ̌. Uu wùɛǒ nù mooa Jèkɔ̌poo jlǔ ɔ kɔna klě Padàn Alamà dǐa. ²⁷È Jèkɔ̌po mua ɔɔ gbeǐ Aesěè jebo chèba, ɔ̈ nea lěe diěǒ u dɛɛa Mawlì kɛn ɛ̈ konwaěa lěe diěǒ moo Kewliatabà lè ɛ̈ u dɛɛ kekɛɛ Hiblɔ̀n, tàa doǒ Èblɛ̌hɛ̀mo tǐn'aǒo.²⁸Aesěè sìn'a kmɔ̌ jlě wlěe siědo, ²⁹ɔ wɛ̀a kɛ̀le pɛpɛ plè ɔ̌ poa son bo, ɔɔ jbɛjujlu Isɔ̀ klee Jɛkɔ̌po ǔ tùa ɔ bo.

¹È nyopòà ä dii slèba nù mooa Isɔ̀ blěe jlǔu jlǔ ɔ̈ u dɛɛa Idɔ̀n ke ɛ̈ mooa chǒ. ²Isɔ̀ kɔna dakɔ̌ǒ ü moo Kenɛ̀nyǒ uu nynejluu tan uu nynɛǎ nìà, Adà ɔ̈ mooaa Elonìà kɔna lěe Hetìnyǒ slè ɔɔ nyneju klee Oholebamà ɔ̈ mooaa Anǎa nynejuju plě ɔ̈ mooaa Sebìɛn'à kɔna lěe Hefìnyǒ slè ɔɔ duoju ³klee Basemathɛ̀ ɔ̈ mooaa Nabajatoo mamǔ nyneju plě ɔ̈ mooaa Isèmaee nynejuju.⁴Adà kɔna jbɛjujuu do ɔ̈ mooaa Elifasè, è Basematɛ̀ kɔna jbɛjujuu do ɔ̌ mooaa Wlue, ⁵è Oholebamà kɔna jbɛjujlu uu nynɛǎ nìà, Jɛusè klee Jalɛ̀n plě kowlà. Nyopòǒ nù mooa Isɔ̀ɔ jlǔ ɔ kɔna tà ɔ nea lěe Kenɛ̀ blǒ kɛn.⁶Isɔ̀ dǔa ɔɔ nyno mǒ klee ɔɔ jbèjujlu klee nynejujlu klee nyopò wùɛ ü neaěe ɔ mɔ̀ koǔ bo klee ɔɔ wnùnoaa pɛpɛ plě noǎa klɛɛkpɛ wùɛ ɔ kɔnaa klě Kenɛ̀ bloǒ kɛn ɔ̌ kpala u klě blǒ tɛ̀ɛ kɛ̀n ɛ̈ tmɔɔaa ɔɔ mamǔ jbɛju Jèkɔ̌po mɔ̀. ⁷Mɛoǒ joo nɛ̀ moo uu sɔ̌n'ǒ u kɔna konkɔn noǎ fòfoa klee wnùnoa fòfoa keǒ bu neaǒ tàa do, blǒǒ ɛ sea uu sɔn'ǒ uu wnùnoaa digbaǐ blě. ⁸Nɛ̀ kɔn tè Isɔ̀ nùaě siɛ̀ tògbei dlǒ tǐnma.⁹È nyopòà nù mooa Isɔ̀ blěe jlǔu jlǔ ɔ̈ mooaa Idɔ̀n nyoo gbeǐ ɔ̈ tǐn'a lěe siɛ̀ɛ togbei dlǒ. ¹⁰È ɔɔ jlǔu nynɛǎ nìà, Elfasè ɔ̈ mooaa Adàa jbɛjuju klee Wlue ɔ̈ mooaa Basematɛ̀ɛ jbɛjuju. ¹¹È ɔo jbɛjuju Elìfasè kɔna jbɛjujlu uu nynɛǎ nìà, te manì klee omà klee Sefò klee Katamì plě Kɛnesì. ¹²Ɛlifasè kɔna nynejɔɛɛ ke ü dɛɛa Temìna. Temìna nɔ̀ kɔn jbɛjuju u dɛɛa Amalekàe. Umoǒ nù mooa Isɔ̀ɔ nynɔ̀ Adàa blěe jlǔu jlǔ.¹³È Isɔ̀ɔ jbɛjuju Wluee jbɛjujluu nynɛǎ nìà, Nahatè klee Sɛwlà klee Samà plě Mesà. Ny__ nù mooa ɔɔ nynɔ Basematɛ̀ɛ jlǔu jlǔ. ¹⁴È Isɔ̀ɔ nynɔ Oholebamà kɔna jbɛjujlu uu nynɛǎ nìà, Jɛusè klee Jalɛ̀n plě Kowla.¹⁵Ɔɔ jbɛjujluu dɛ fòfoa mooa klɔ̀bapoo. È jlǔà ä dii slèba nù mooa ɔo nyǐsaju Elifasèe jlǔ ü mooa klɔ̀bapoo, uu nynɛǎ nìà, Temanì klee Somà klee Sefò klee Kɛnesì ¹⁶klee Kowlà klee Katamì plě Amalekàe. Uu wùɛǒ nù mooa Elfasèe jlǔ plě nù mooa Isɔ̀ɔ nynɔ Adàa blěe jlǔu jlǔ ü kɔnaa Idɔ̀n blǒ wìn kwa.¹⁷È Isɔ̀ɔ jǔ Wlue kɔna jbɛjujlu uu nynɛǎ nìà, Nàhatè klee Siwlà klee Samà plě Mesà, u mooa klɔ̀bapoo. Uu wùɛǒ nù mooa Wluee jlǔ plě nù mooa Isɔ̀ɔ nynɔ Basematɛ̀ɛ jlǔu jlǔ. U kɔna Idɔ̀n blǒ win kwa ke. ¹⁸È Isɔ̀ɔ nynɔ Ohalebamà kɔna jbɛjujlu uu nynèǎ nìà, Jeusè klee Jalɛ̀n plě Kowlà, u mooa klɔ̀bapoo. Nù mooa ɔo nynɔ Oholebamà blěe jlǔu jlǔ, Oholebamà ɔ̈ mooaa Anǎa jǔ. ¹⁹Nyopòǒ nù mooa klɔ̀bapo keǒ dakwɛ̌ wùɛ ü sɔn lěe Isɔ̀ mǒ mɔ̀ ɔ̈ u dɛɛa Idɔ̀n ke.²⁰Nyopòǒ nù moo siɛ̀ɛ jlǔu jlǔ ɔ̈ mooaaa Howìnyǔ ɔ̈ tǐn'a lěe Idɔ̀n blǒ kɛn. Ɔɔ jbèjujlu ɔ kɔnaa uu nynɛǎ nìà, Lotàn klee Sobɔ̀ klee Sebiɛn klee Anǎ ²¹klee Disɔ̀n klee Esɛ̀ plě Disàn. Uu wùɛǒ nù mooa ɔɔ jbɛjujlu plě u mooa klɔ̀bapoo. U kɔna Howìnyǒ win kwa klě Idɔ̀n blǒ wlòmo ke. ²²Siɛ̀ɛ jǔ Lotàn kɔna jbɛjujlu uu nynɛǎ nìà, Howì klee Hema. Lotàn'a mamǔ nyneju mooa Temìna.²³Siɛ̀ɛ jǔ Sobɔ̀ kɔna jbɛjujlu uu nynɛǎ nìà, Afɛ̀n klee Manahè klee Ebalɛ̀ klee Sefò plě Onamì. ²⁴Ɔɔ jǔ Sebìɛn kɔna jbɛjujlu uu nynɛǎ nìǹ. Ajaà klee Anǎ. Anǎ nɔ̀ mooa nyu ɔ̈ kpala ɔɔ gbeǐi jakǎsèa wan le diba klě kpatekpǎ blǒ kɛn ɔ̌ jěa ně smun ǔu chlolǎe ɛ̌ sonwɛaě blǒ wlò mò.²⁵Ɔɔ jǔ Anǎ kɔna jbɛjuju ɔ̈ mooaa Disɔ̀n plě nynejuju ɔ̈ mooaa Oholebamà. ²⁶Ɔɔ jǔ Disɔ̀n kɔna jbɛjujlu uu nynɛǎ m̀à, Hɛmèda klee Esèban klee Itèna ĺě Kɛlaàn. ²⁷Ɔɔ jǔ ɛsè kɔna jbɛjujlu uu nynɛǎ nìà, Behanè klee Saafàn plě Akaàn. ²⁸È ɔɔ jǔ Disàn kɔna jbɛjujlu uu nynɛǎ nìà, Usɔ̀ klee Alaàn.²⁹Siɛ̀ɛ jbɛjujlu nùà, Lotàn klee Sobɔ̀ klee Sebìɛn klee Anǎ, ³⁰klee Disɔ̀n klee Ɛsè. Plě Disàn, nù kɔn wùɛ mooa klɔ̀bapoo keǒ dakɔ̌ǒ u dɛɛa Howìnyǒ mɔ̀ ü nea lěe siɛ̂ blǒ kɛn.³¹Plě klɔ̀bàpoo mo Isówɛ̌ kwɛɛn wìn kwa konkɔn wlò tù, klɔ̀bapòoa nù kɔna Idɔ̀n blǒ wìn kwa, ke u nuǒo mɔ̀le kenkeean nɛ̀à, ³²Belà ɔ̈ mooaa Beɔɔ jbɛjuju ɔ̈ kɔna lěe diěǒ mooa Dinhabà kɛn nɔ̀ mooa nyane klɔ̀ba. ³³Tà Belà kǒoa, è Jobabì kǒaa, è Husaàn ɔ̈ kɔna lěe blǒǒ mooa Temanì kɛ̀n, è nɔ̀ beaǒ.³⁴Tà Jobabì kǒaa, è Husaàn ɔ̈ kɔna lěe blǒǒ mooa Temanì kɛn, è nɔ̀ beaǒ. ³⁵Tà Husààn kǒaa, è Hedaà ɔ̈ mooaa Bidadèe jbɛjuju ɔ̈ kɔna lěe dìěǒ mooa Afetɛ̀ kɛn, è nɔ̀ beaǒ. Hedaà nɔ̀ dua dakɔ̌ǒ mooa Mediɛ̌nyǒ ü nea lěe Moà blǒ kɛn. ³⁶Tà Hedaà kǒaa, è Samnà ɔ̈ kɔna lěe diěǒ mooa Maselika kɛn, è nɔ̀ beaǒ.³⁷Tà Samnà kǒaa, è sɔ̀ɔ ɔ̈ kɔna lěe diěǒ mooa Wlihobò kɛ̀n ɛ̈ neaěe ně fòɛǒ u dɛɛ Ufletì wien, è nɔ̀ beaǒ. ³⁸Tà Sɔ̀ɔ kǒaa, è Baahanà ɔ̈ mooa Akebɔ̀ɔ jbɛjuju, è nɔ̀ beaǒ. ³⁹Tà Baahanà kǒaa, è Hadaà ɔ̈ kɔna lěe diěǒ u dɛɛa pau kɛn, è nɔ̀ beaǒ. Ɔɔ nynɔ mooa Mahetàbɛ ɔ̈ mooaa Matlèe nynejuju plě Mɛsɛabèe duoju.⁴⁰È dakwě'a ä dii slèba u tùa uu klɔ̀bapoo nynɛǎ ü mooaa Isɔ̀ɔ jlǔu jlǔ. Uu nynɛǎ nìà, Temìna klee Afà klee Jɛtɛ̀ ⁴¹klee Oholebamà klee Elà klee Pinɔɔ̀ ⁴²klee Kɛnesì klee Temanì klee Mebèsa klee. ⁴³Madieè plě Iwnɔ̀. Klɔ̀ba wùɛ kɔna ɔ blěe blǒ wakǎ peǎn klě Idɔ̀n blǒǒ wlòmo ɛ̈ kɔn klɔ̀ba dɛ ɔ niaa. Ii tè Isɔ̀ nɔ̀ mooa Idɔ̀n nyoo gbeǐ.

¹Jèkɔ̌po tǐn'aě Kenɛ̀ blǒ kɛn, tàa doǒ ɔɔ gbeǐ tǐn'aǒo. ²È dɛà ä diǒo kɛn nɛ̀ tmɛɛ̌ ä tè wùɛ kwɛɛǒo Jekɔ̌poo klee Jòsɛ̌foo tùgba tè jleě mǒ bo. Tà Jòsɛ̌fo kɔnaa jlěe pù tùo nyiɛta, ɔ tùia ɔɔ gbeǐ wnùnoa jǐ mɔ̀ ɔ klee ɔɔ mamǔpòo sɔ̌n ü mooaa Belìha klee Sipàa jlǔ. Nù chnɛ̀ jlǒ wae tɛ̀ɛ mɔ̀ u nua jǐlenymi dɛ Jòsɛ̌fo jɛa i ɔɔ gbeǐ mɔ̀.³Ǐsòwɛ̌ wɛ̀a lě plě ɔ̌ kɔna Jòsɛ̌fo, ii tè ɔ noɛɛa ɔ mǒ chɔɔ ɛ̌ sìn'aǒ ɔɔ jlǔ wùɛ mò. Tèǒ nì kɔn tè ɔ kplǎla ɔ wlawlǒ kwentěkwèe pɛ̀tu le. ⁴Tà ɔɔ mamǔpò jěa lɛɛ ɛ̈ moo uu gbeǐ noɛɛa ɔ mǒ ɛ̌ sìn'aǒ u mǒo, ù fàen'a kɛ̀ ɔlo. Bǔ keaě ɔ mɔ̀ boɛ u nia win Jakě sosǒ. Nɛ̀ kɔn tè u fàen'a ɔ chɔɔ dɔ̌.⁵Jòsɛ̌fo jala jajie nɛ ɔ poa ɔɔ mamǔpò jè ⁶ɔ je, "A po nɔkǔ bo, jaìeà Ě jaa tǒn'à mǒ nɛ̀à.⁷Äa wùɛ ä mu kǔbɔ̀lo bɛ̌ba klě chèa mò, ä pìn ɛɛ kɔ̀sè, è ně kǔbɔ̀loo kɔ̀sà nɛ̀ nynaǒ slè bò kpauun, è a blěe kǔbɔloo kɔ̀sèǒ nì tbɛɛ ně nɛ dǐ ǐ kɔ dlě wlò lè keǒ ɛ jemǒ." ⁸È kě ɔɔ mamǔpò nia ɔ wan gbògba u je, "Sɛjesɛ nè wlò je mi kɛ äa klɔ̀ba dɛ numa mì ä win kwa kɔn le?” Emoǒ nɛ̀ wɔ̀laě ɔɔ fàean jele ɛ̌ sìn'aǒ ɛɛ nyane dɛ mǒo chɛ̀.⁹È Jòsɛ̌fo jala jajie tɛ̀ɛ ɔ̌ poa lɛ ɔɔ mamǔpo je ɔ je, “A tanàle, tǒn’à mǒ Ě ja jajie tɛ̀ɛ, klě ɛ mǒ Ě jě wèn klee sòbae jɔtnè jɔ̀ɔ pù tùo do kɔ dlě wlò lè keǒǒ jemǒ." ¹⁰Ɔ poa jajieǒ ɔɔ gbeǐ je klee ɔɔ mamǔpò, kɛɛ ɔɔ gbeǐ pnaěa ɔ jǐ mǒ ɔ je, "Sɔ̀, è jajii taeǒ jè jɛɛ̌ kɛ? Sɛjesɛ nè dlǒ le sìɛnsìn jè kɛ ɛ̈ moo mǒ klee nàa klee màmǔpoo ä m' kɛǒò kwne jemǒ bo kɔba le?" ¹¹Ɔɔ ma mǔpò blěa wlò kukǔ keǒ ɔ mɔ̀, kɛɛ ɔɔ gbeǐ sìɛ jajiiǒ ii tè dlǒ mɔ̀le kaǒ.¹²Chnɛ̀ jlò wae tɛ̀ɛ mɔ̀ Jòsɛ̌foo mamǔpò kpala uu gbeǐi wnùnoa wan le dìba klě diěò u dɛɛa Sichɛ̀ wɔ̀ɔn, ¹³ii tè kě Ǐsòwɛ̌ dɛ̌a Jòsɛ̌fo je ɔ je, "Jòsɛ̌fo, Ě jlɛ̌ bò mu màmǔpòo jèbo chè ü tùii wnùnoa jǐ mɔ̀ klě Sichɛ̀ diě wɔ̀ɔn," È Jòsɛ̌fo je, "Ě wɔn no, Ě miě muma." ¹⁴È kě Ǐsowɛ̀ dɛ̌a ɔ je, "Muě màmǔpò mɔ̀ bo chè, bɛ̌ nu u klee wnùnoaa sɔ̌n uu fě bǐ nu tɛɛ bò diě mòǒ wlòmo sèsae le." Kě ɔɔ gbeǐ nua lɔ dbo dbɛ ɔ̌ sɔnaě Hiblɔ̀n’ɔ pepeǎ blǒ kɛn mǒ tà u tǐn'a lěe. Tà ɔ nynia lěe Sichɛ̀ wɔ̀ɔn,¹⁵ɔ tetbèa le klě ɛɛ fle mǒ, è jbɛju ju tɔ̀ɔ nɔ̀ jěa lɔ, ɔ gbàla ɔ wan ɔ je, "Mɛ pɛ̀ɛ̌n kɛ le?" ¹⁶È Jòsɛ̌fo tùa ɔ kɛ̀ɛn ɔ je, "Ně mamǔpòà Ě pɛ̀n le ü tùi uu gbeǐi wnùnoa jǐ mɔ̀. Tà u neǒo wɔ̀le je bò tee kɛǒǒ loe?" ¹⁷È jbɛjuǒ ɔ̀ tùa lɔ kɛ̀ɛn ɔ je, "Nùà sonwɛà tàa mǒ, è dɛ Ě wɔ̀n nuu wan nɛ̀ moo u je u mìě diěǒ moo Dotàn kɛn." Ii tè kě ɔ nua ɔɔ mamǔpò de nena ɔ̌ jěa u klě Dotàn diě wɔ̀ɔn.¹⁸Plě ɔ mǒaǒ u gbàa nyni ɔ kɛ̀ɛn'a lě nyabo ǔ jěa lɔ, è nɔ̀ kɔn dbadbǎ snǎǒ u pɛa. ¹⁹È kě u dɛ̌a klě uu chɛ̀ slè u je, "A chèè nyabo, a jè jajii jalɔ nɔ̀ǒ diě, ²⁰ɔɔ̌ diě, a nɛ bä dbǎ lɔ, ä miě ɔ ně bǐtìeà wan po. È kě ä mi dǎba ɛ̌ moo kwlǎ slè nmi kùkǔ tɔ̀ɔǒ keklǎe ɔ wan le, Ä mǐ e jě dɛ tae miěe ɔɔ jajiiǒ wlòmo sɔnma."²¹Tà Wlùbǐ wɔ̌na uu wìn'ǒ wan, ɔ jlɛ̌ bɔ sàla u Jòsɛ̌fo kwa uǔ dǐa ɔ dbǎ, ii tè kě ɔ dɛ̌a u je ɔ je, "A nɛ bä bɔ̌ ɔ dbadbǎ. ²²Bä bɔ̌ nymɔ bo wlawlǎ. A jè dɛ bä nuu nɛ̀ moo, a nɛ bä poɔɔ ně bǐtieɔ wan kělɔ kpatekpǎ blǒɔ kɛn, kɛɛ älě ni ɔ dɛ mǒ." È dɛ Wlùbǐ kɔna lěe wlò jleě nɛ̀ moo ke ɔ mǐaa nu ɔ mǐa uu Jèsɛ̌fo kwa sà plě ɔ mǐa lɔɔ de kpa klě uu gbeǐ mɔ̀.²³Tà Jòsɛ̌fo nyniaǒ uu mɔ̀, u kmea lɔ plě ǔ sala ɔ wlawlǒ kwentěkwèeǒ mǒ ²⁴ǔ tuǔn'a lě ɔ ně bǐtìe chɛ̀chǒǒ nuaa flo wan.²⁵Plě ǔ nea bo ǔ dìa dɛ. Tà u keaa dɛ di, u jěa nyopòo tàkpɔ̌ ü mooaa Isèmaenyǒo pɛlě le plo nyo ü dia lě, u sɔna mǒ Jiliaà blǒ kɛn. U kpɛa sonsnǒ noǎà u pee didi dɛ mɔ̀ klee sonsnǒ noáa tìi u dɛɛ wlisìn klee maà klě uu bùkɛn sòkwe kɛ̀n ǔ tèea je ǔ mia batle wakǎ kɛn klě Ǐjɛ̀tě. ²⁶È Jùdǎ gbɛ̀a u wan ɔ je, "Bä dbǎ äa gbeǐi jǔ plě bä wɛ̌ imo tèǒ, mɛ sɛjesɛ ɛ miǐ kɛǒ ä bo poba?²⁷A nɛ bä plo ɔ klě Isèmaenyǒà mɔ̀, bä bɔ̌ ɔ dbadbǎ, ä chɛɛ mamǔà plě ɔ moo ä chɛ̀ɛ fǒ klee nynɔ." È ɔɔ mamǔpò wɔɔɔ'a ɛ kɛn. ²⁸Ii tè tà Medìɛnyǒo pɛlě plo nyoǒ u nyniaǒ uu mɔ̀, è u sàlaě ɔ bǐtìeǒ wan ǔ plooa ɔ nyopòǒ mɔ̀. U tɔ̀na ɔ je sěbla kpěn’e wlò. Ii tè Isèmaenyǒ nù kpala Jòsɛ̌fo batle wakǎ kɛn klě Ǐjɛ̀tě.²⁹Tà dɛ wùɛ ɛ mǒaa tùan kpà Wlùbǐ sea tùɔn kɛ̀n ne. È tà ɔ tbaeaa je ɔ mua lěe bǐtìeǒ wan bo chèba, è Jòsɛ̌fo sea lě ne. Ii tè ɔ keklǎea ɔɔ dale wan le keǒ wɔle mɔ̀ ³⁰ɔ̌ mua de klě ɔɔ mamǔpò mɔ̀ ɔ je, "Jǔǎ ɔ slě bǐtìeǒ wan neò. È ke Ě miǐ kɛɛ numa?"³¹Kě u nua wli dbadbǎ nɔ̀ kɔn nymɔ mɔ̀ klě u nynǎnaě Jòsɛ̌foo wlawlǒǒ ³²ǔ dǔa wlawlǒǒ mǒ ǔ kpalaĚ ɛ uu gbeǐ mɔ̀. È kě u dɛ̌a ɔ je u je, "Wlawlǒà nɛ̀ ä jě. Jě ɛ bɛ̌ nu bɛ̌ moo nè jǔu wlawlǒ?" ³³ǔ dǔa wlawlǒǒ mǒ ǔ kpalaĚ ɛ uu gbeǐ mɔ̀. È kě u dɛ̌a ɔ je u je, "Wlawlǒà nɛ̀ ä jě. Jě ɛ bɛ̌ nu bɛ̌ moo nè jǔu wlawlǒ?"³⁴È Jɛkɔ̌po keklǎea ɔɔ dale wan le keǒ wɔle mɔ̀ ɔ̌ pea sònwɛ chìn dale měne ɔ̌ chìn'a ɔɔ jǔu sònwɛ klě wě fòfoa wlòmo. ³⁵Ɔɔ fbèjujlu klee nynjujlu dia lě ɔ mɔ̀ keǒ bu tùa ɔ tè wlòmo ble, kɛɛ ɔ sea kèka ji ɔ je, "Òooǒn, Ě se wien mama muò. Ě chìn'à sònwɛ chìn chìn Ě miǎ ně jǔ de na klě kokǒ nyoo blě." Ii tè Jòsɛ̌foo gbeǐ fìn'a ɔɔ fìɛn. ³⁶Klě tǐo wlòmo Medìɛnyǒ dǔa Jòsɛ̌fo mǒ ǔ kpala ɔ Ǐjɛ̀tě blǒ kɛn ǔ plooa ɔ Potèfa mɔ̀ ɔ̈ mooaa tabɔ̀ǒ tùiaa Klɔ̀ba Fɛ̀lǒtee koǔu jǐ mɔ̀ uu jǐgbadìɔ.

¹È ɛ sea dè pɛ̀tu kpa Jùdǎ siaǒ ɔɔ mamùpò bo ɔ̌ mua lě jbɛju tɔ̀ɔ mɔ̀ tǐnma ɔ̈ mooa Hiwlǎ ɔ̈ nea lěe diěǒ mooa Adulàma kɛ̀n. ²Klě Jùdǎ jěa lě nynɔ tɔ̀ɔ ɔ̈ kɔn gbeǐ mooa suà ɔ̈ kɔna lěe Kenɛ̀ blǒ kɛn nɔ̀ ɔ kɔna nynɔ mǒ, ɔ klee ɔ̀ ǔ sɔna pɛn nɔ mǒ.³Nynɔǒ nɔ̀ kɔna jbɛjuju u dɛɛa Ɛà. ⁴È ɔ kɔna jbɛjuju tɔ̀ɔ de u dɛɛa Onanì. ⁵Tǐǒ jleě u nea lěe diěǒ ɛ̈ mooaa Kɛsebì kɛ̀n, ɔ̀ kɔna jlǔu tan nonɔ u dɛɛa Selà.⁶Tà ɔo nyǐ saju Ɛà nynìaǒo jbɛju tǔn jleě, Jùdǎ slòa ɔɔ nynɔ le u dɛɛa Tinmà. ⁷Kɛɛ Jǎwɛ̀ jěa lɛ ɛ̈ moo Eàa kpni nymia le jǐ, nɛ̀ kɔn tè ɔ dbǎla lɔ.⁸È Jùdǎ tmɔɔ̌a ɔɔ jǔ Onanì ɔ je, "Nu dɛǒ kɔn'ɔ nunuɛ ɛ̈ kɔn mò mo noo jbe mamǔ, mò màmǔu tògba nynɔǒ kɔn, ɛ̈ di ɛ numa mòǒ màmǔ jlǔ pɛ̀nmo kɔn'ɔ no." ⁹Kɛɛ Onanì jěa lɛ ɛ̈ moo jlǔǒ u sea ɔɔ chɛ̀ɛ jlǔ túba mu, nɛ̀ kɔn tè tǐ wùɛ ɔ pɛna ɔɔ mamǔu tògba nynɔǒ mɔ̀ jbɛju noǎ bǐ keaě di ɔ̀ chlìa je, è nìǒ wlɛa bo keǒ blǒ mɔ̀, Ɛ̈ di ɛ numa ɔɔ̌ dǐa jǔ kɔn keǒ ɔɔ mamǔ mɔ̀. ¹⁰Ɛmo dɛǒ ɔ nuaa, ɛ sea Jǎwɛ̀ɛ wlò bloo lo nɛ̀ kɔn tè ɔ dbǎla ɔ ke.¹¹Dɛǒ nɛ̀ poa Jùdǎ fa no mǒ ɔ jěa lɛ ɛ̈ moo keǒ ɔɔ jlǔ u nua kokoɛ̌ bo Selà bɔɔ̌ nua bò kòkoɛ̌ ke, tèǒ nìkɔn tè Jùdǎ tmɔɔ̌a Tinmà ɔ je, "Kě bò neě gbèǐ mɔ̀ bò mò tògba sà, ɛ mǒ ɛ kpa kpa ně jǔ Selà mò kun ɔ mǒ nynɔ tè ji."¹²Tà tǐ pɛ̀ti sìn'aa, è Jùdǎa nynɔ kǒa le. Tà ɔ wɔ̀laa sònwɛ chìnchiɛn mɔ̀, è ɔɔ nena wai Hiwlà ɔ̈ mooaa Alamànyǔ nɔ̀ klee ɔ̀ɔ sɔ̌n muaě diěǒ mooa Timinà kɛn. Ɛ̈ di ɛ numa u mǒa ɔmo Jùdǎǒ ɔɔ blablɛǎ kɛne chlě. ¹³Tà Tinmà wɔ̌na nii ɛ̈ moo ɔɔ jbe gbeǐ miě Timinà dǐa diba ɔ mǐ blablèǎ kɛne chlěò, ¹⁴è nɔ̀ǒ sàla ɔɔ tògba dale měne ɔ poa tata dalo dlǒ keǒ bɔ mǒa gblà nynɔ wǒ. È nɔ̀ǒ mua ɔ nea bo keǒ diěò mooa Inaì ɛɛ dɔ wun jleě ɛɛ snǔǒ mua lěe Timinà dǐa. Dɛ kɔn tè ɔ nua lɛɛ nɛ̀ moo ɔ jěa lɛ ɛ̈ moo Selàa ɔ feaa ɔ̈ mǒa lɔɔ kɔn ɔ kun'a ne, kɛɛ Jùdǎ sea jlǎ bɔ nyea lɔ Selà ɔ mǒa ɔ nynɔ mǒ kɔn.¹⁵Ii tè ɔ poa dalo jǐ mǒ ɔ̌ wɛ̌a ɔɔ chɛ̀ɛ jigbà, è tà Jùdǎ jěa lɔɔ klé dɔwun jleě ɔ̀ dɛɛa ɔ gbl̀à nynɔ tɔ̀ɔ. ¹⁶Nɛ̀ kɔn tè ɔ sea ɔ jbo ɛ̌ moo ɔ mǒa ɔɔ jǔu nynɔ ɔ̌ muaǒ ɔ gbàa keǒ snǔ wakǎ mǒ, è kě ɔ dɛ̌a ɔ je ɔ je, "Ě bɛtéè le, nɛ mǒ klee mò bä po chìplɔ," Ii tè nynɔǒ ɔ gbàla ɔ wan ɔ je, "Bɛ̌ nu mǒ klee mò bä po chìplɔ, mɛ miǐ kɛɛ nyema¹⁷Ɔ tùa lɔ kɛ̀ɛn ɔ je, "Bɛ̌ nu bo mu, Ě miě wli bòto klě ně wlia slé sàba Ě mǒ ɔɔ̀ mɔ̀ dbo." È nynɔǒ ɔ tùa ɔ kɛ̀ɛn ɔ je, "Ě wɔn no, bɛ̌ nu bò wɔ̀le je bò si dɛ tànma mǒ kělɔɔ̌ mɔ̀ ɛ̈à Ě wɔ̀le je bo blěe kwa plě mòo wliǒ dbo." ¹⁸È ɔ gbàla nynɔǒ wan ɔ je, "Mɛ jlɛ̀ bo poǒ kɛ tànma mǒ keǒò mɔ̀?" Ɔ tùa lɔ kɛ̀ɛn ɔ je, "Nè chìi mǒ po bɔjɔɛ̌ɛ ɛ̈ nè nynɛ̌ neǒo kɛn klee nè son pe dɛǒ ɛ blě nèe mǎkpee plě nè naa tu, nì bò sìee mǒ." Ii tè ɔ sàlaǒ ii wùɛǒ ɔ̌ nyea ni ɔ̀ plě ɔ klee ɔ̀ɔ sɔ̌n ǔ poa chìplɔ ɔ̌ nea kwlě mǒ.¹⁹È nɔ̀ǒ sɔ na mǒ ɔ mua ɔ̌ sàla tàta daloǒ mǒ ɔ̌ poa ɔɔ tògba dale měne de. ²⁰Tǐi doǒ jleě è Jùdǎ dboa wli bòtoo lo, ɔ nyea nɔ ɔɔ běǒ ɔ̈ mooa Adulàmìnǔ keǒ bɔ nyea ɔmo wliǒ nynɔǒ ɔ mǒa noǎǒ ɔ siaa tànma mǒ de ja, kɛɛ ɔɔ běǒ ɔ sea nynɔǒ jě.²¹Dɛǒ nɛ̀ kɔn tè ɔ gbɛ̌a nyopòǒ ǔ neaǒo tàǒ wan le ɔ je, "A se kɛ gblà nynɔà jě ɔ̈ nea làa Inaì diěe snǔ wakǎ mǒ bo le?" Kɛɛ u tùa ɔ kɛ̀ɛn u je, "Gblà nynɔ wùɛ nɔ̀ seɔ ä mɔ̀ diaò neò." ²²Nɛ̀ kɔn tè ɔ mua de klě Jùdǎ mɔ̀ ɔ je, "Ě se nynɔǒ jěò plě nyopòǒ neěe diěǒ wlòmo u je gblà nynɔ seě uu diěǒ wlòmo ne." ²³Ii tè kě Jùdǎ dɛ̌o ɔ je, "Bɔ kpa noǎǒ, bɛ̌ nu bò. Ä jlɛ̌ bǎ nyee ɔ wliǒ, kɛɛ tà sè ɔ jě, bɛ nu bò. Bɛ̌ nu bä nu bä mu ɔ le pɔ̀n'ò, nyopò bǔ wɔ̌n ni, u mi ä mɔ̀ cheǎba."²⁴Tà sòbaii tan sìn'aa, è wìn muaě Jùdǎ mɔ̀ ï tmɛɛ̌a lɔɔ ɛ̈ moo, "Ne jǔu nynɔ Tinmà po gblà, nɛ̀ kɔn tè ɔ ne kwlě mǒ klě tǐa wlòmo." È kě Jùdǎ dɛ̌a u je ɔ je, "A jaě ɔ a mǒ ɔ siɛn." ²⁵Tà u jalaě ɔɔ, ɔ dboa wìn klě ɔɔ jbe gbeǐ mɔ̀ ɔ je, "Jbɛjuà kɔn'ɔ noǎà nɔ̀à tùǔ kwlěà mǒ. Ě bɛtèè lè, diě di noǎà le jbo nyu bɔ kɔn imo chìi mǒ po bɔjɔɛ̌ɛà ɛ̈ nynɛ̌ neǒo kɛn klee son pe dɛà blěe mǎkpee klee nae tuà mò i le jbo." ²⁶È Jùdǎ jboa ili ɔ̌ wɔɔn'a i je ɛ̈ moo nɔ̀ kɔna ni, è kě ɔ dɛ̌a ɔ je, "Nynɔà nɔ̀ sìǐn'ǒ jebo ɛ̌ sìn'ǒǒ mǒ. Mɛoǒ joo nɛ̀ moo ně jǔ Selà nɔ̀ Ě se ɔ nye, nɛ̀ kɔn tè ɔ nuǔ dɛà mǒ." Tà dɛǒ ɛ sìn'aa, ɔ klee nynɔǒ u sea kɛ̌ pɛna mǒ sɔn de.²⁷Tà tě nynìaǒo keǒ Tinmà bɔ kmàea, slìpoo ǔ nuaa jbɛjujlu nù neaě ɔ wlòmo. ²⁸È tà ɔ keaa kmɛ̀ɛ ne, jǔu do piěa son kělɔ plomǒ ii tè ke ngmaè nyně wè ɔn nua jǔǒ tlɛě chǒ son pepeɛ ɔ je, "Nyuà nɔ̀ ɔ mi kmàema klekle."²⁹Kɛɛ ɔ bɔɔ̌a demǒ ɔ̌ paea ɔɔ son, è ɔɔ ma mǔ jbɛjuà u seaa wlò tɔɔn no nɔ̀ nynɔ̀ nea nya ɔ bea wɔ̀ɔn. È kě ngmàe nyně wèɔn dɛ̌a ɔ je ɔ je, "Ii tè kě nù bùblǔa è sìn." Nɛ̀ kɔn tè u dɛɛa lɔ Pɛwlesì ɛ̈ mo noo bublǔ sìn. ³⁰Plě ɔɔ mamǔ kěa lě de mǒ bɔɔ̌ lo ɔ̌ kěa wɔ̀ɔn be, è tlɛ̌ɛ̀ chǒǒ ɛ neaě ɔ son. U dɛɛa ɔ Sewlà.

¹È klě tǐǒ wlòmo Isèmaenyǒ kpala Jòsɛ̌fo batle wakǎ kɛn klě Ǐjɛ̀tě blǒ kɛn ǔ plooa ɔ Potèfa mɔ̀ ɔ̈ mooaa Klɔ̀ba Fɛ̀lǒtee jǐmɔ̀ tu tabɔ̀ɔ jǐgbàdìɔ, ²kɛɛ Jǎwɛ̀ neeaǒ ɔ mɔ̀ tà ɔ nea lěe Potèfa mɔ̀, ii tè noǎ wùɛ nua tɛɛ keǒ ɔ mɔ̀ klě ɔɔ mɔ̀le naa nyu Potèfaa koǔ bo.³È ɔɔ chì kpa ämo jěa lɛ ɛ̈ moo Jǎwɛ̀ neeaǒ Jòsɛ̌fo mɔ̀ plě Jǎwɛ̀ pea dɛ wùɛ ɔ nia ngmna mɔ̀. ⁴Tèǒ nì kɔn tè ɔɔ wlò blooa Jòsɛ̌fo kɛn ɔ̌ nua nɔ ɔɔ chɛ̀ɛ koǔ bo nyebajlo mǒ plě ɔ̌ poaě ɔɔ koǔ klee konkɔn noǎ wùɛ ɔ kɔnaa kwete mǒ.⁵Sɔɔn'aǒ tǐǒ jleě mǒ, Jǎwɛ̀ pea dɛ wùɛ nea lěe Ǐjɛ̀tě jbɛjuo ɔɔ koǔ bo klee klě ɔɔ chèa mo ngmna mɔ̀ keǒ Jòsɛ̌foo tè mɔ̀. ⁶Ii tè ɔɔ noǎ wùɛ ɔ kɔnaa ɔ tùaě i Jòsɛ̌fo kwetě mǒ ɔ mǒa i win kwa kɔn, ii tè ɔɔ jleě sea kɛ̀ǒ dɛ wùɛ kɛn ne klě ɔɔ koǔ bo, ɛ̀ sìn'ǒ didi dɛɛ doǒ ɔ diaa. Jòsɛ̌fo mooa nyemǒ plě ɔ̌ mooa jǐlenmɔ nyebajlo.⁷Tà tǐ gbei sìn'aa, è Potèfaa nynɔɔ wlò neaǒ Jòsɛ̌fo mɔ̀ chɔɔ, ii tè kě ɔ dǎla Jòsɛ̌fo je ɔ je, "Diě bä po chìplɔ." ⁸Kɛɛ Jòsɛ̌fo sea lɔ wɔn, kě ɔ dǎla nynɔǒ je ɔ je, "Nɛ̌ mo jì ɛle ɛ̈ moo noǎ wùɛ ně chì kpa ämo kɔn'ɔ mǒ ɔ poě i kwete mǒ, nɛ̀ kɔn tè ɔ ně noa dɛ wùɛ jǐ mɔ̀le kělɔ koǔɔ bo. ⁹Tèǒ nì kɔn tè nyu wùɛ nɔ̀ seǒǒ dlǒ mǒ ne kělɔ koǔɔ bo, ɛ̀ sìn'ǒ nè jbee do. Noǎ wùɛ nì nè jbe poěě kwete mǒ, ɛ̀ sìn'ǒ nè doà mò ɔ saò kɛn. Mɛ kɔɔn tǐǒ joo nɛ̀ mòo moo ɔɔ nynɔ, plě è ke Ě wɔ̀le je bo nuu kɛ jǐlenymi dɛ taeǒ nunu keǒ bo wlaǒ Nyesoa tè jèmǒ?"¹⁰9. Tèǒ nì kɔn tè nyu wùɛ nɔ̀ seǒǒ dlǒ mǒ ne kělɔ koǔɔ bo, ɛ̀ sìn'ǒ nè jbee do. Noǎ wùɛ nì nè jbe poěě kwete mǒ, ɛ̀ sìn'ǒ nè doà mò ɔ saò kɛn. Mɛ kɔɔn tǐǒ joo nɛ̀ mòo moo ɔɔ nynɔ, plě è ke Ě wɔ̀le je bo nuu kɛ jǐlenymi dɛ taeǒ nunu keǒ bo wlaǒ Nyesoa tè jèmǒ?" ¹¹È chnɛ̀ jlò wae tɛ̀ɛ mɔ̀ Jòsɛ̌fo mua ɔɔ konkwa numa klě koǔ bo, è kǒu bo nyebajle wùɛ u nyuu doo chɛ̀ seaě koǔ bo ne. ¹²Chnɛ̀ jlò waeǒ mɔ̀ nynɔǒ ɔ jǎla Jòsɛ̌foo wlawlǒ mǒ ɔ je, "Kɔn bò pɛ̀n'ɛ̌ mɔ̀." Kɛɛ Jòsɛ̌fo sia ɔ wlawlǒǒ kwete mǒ ɔ̌ plùua ɔ je klě plomǒ.¹³Tà ɔ jěa lɛɛ ɛ̈ moo Jòsɛ̌fo sia ɔ wlawlǒǒ mǒ kwete ɔ̌ plùaò, ¹⁴ɔ dala ɔɔ koǔ bo nyebajle wùɛ ɔ je, "A tanàle, Potèfa nɔ̀ ja lě Hìblù jǔ keǒ bo mǒ ä pà kɛn po. Jǔ nɔ̀à ɔ jlɛ̌ bɔ pɛn'ɛ̌ mɔ̀, kɛɛ Ě po tùe. ¹⁵Tà ɔ wɔɔ̌n bò něe tùe popoɛ keǒ nyopò mie di, è nɔ̀ǒ kpaě plomǒ plùplɛ ɔ si ɔɔ wlawlǒ mǒ kwete mǒ."¹⁶Nɛ̀ kɔn tè ɔ tùa ɔɔ wlawlǒǒ bo ɔ̌ fea ɔɔ jbee dǐa didiɛ. ¹⁷È tà ɔɔ jbe palaa dǐa, tèe doǒ nì ɔ tmɔɔ̌a nɔ ɔ je, "Hǐblù jǔà ɔ̈ moo mɔ̀le nae nyebajlo jà lɔɔ koǔɔ bo kělɔ ä mɔ̀, nɔ̀a diǐ mɔ̀ pɛ̀nma. ¹⁸Kɛɛ tà Ě poo tùe keǒ mǒ sɛ̀ɛà mɔ̀, è nɔ̀ǒ plǔ ɔ si ɔɔ wlawlǒ bo kělɔɔ̌ kwete mǒ."¹⁹Tà Jòsɛ̌foo chì kpa ämo wɔ̌naa tèǒ ɔɔ nynɔ boɔa lɔɔ je ɛ̈ moo, "Dɛà nɛ̀ nè nyebajlo nuǔ mǒo.” ɔ bea jlǒ měne chɔɔ. ²⁰Ii tè kě ɔ nua nyopǒ tmɔɔ̌a ǔ kmea Jòsɛ̌fo ǔ poa ɔ wùlo klě tàa klɔ̀ba Fɛ̀lǒtee nyo pòà u poaa wùlo u nea lěe. Kɛɛ tà ɔ nea lěe ɛmo wǔloǒ.²¹Jǎwɛ̀ neeaǒ Jòsɛ̌fo mɔ̀, ɔ̌ kɔna ɔɔ kuo wiin wɔle klee tèwlǒpo pɛ keǒ ɔ mɔ̀, ɔ nua nyuǒ ɔ̈ tùia luu jǐ mɔ̀ ɔɔ wlò nmɔa jǐ le keǒ Jòsɛ̌fo mɔ̀. ²²Dɛǒ nɛ̀ kɔn tè ɔ nua Jòsɛ̌fo ɔ̌ moaa ɔɔ biì wùlo po nyoo jesiɔ, nɔ̀ kɔnaě uu dɛ wùɛ u nìaa mɔ̀. ²³È Jǎwɛ̀ neeaǒ Jòsɛ̌fo mɔ̀ ɔ̌ nia noǎ wùɛ ɔ peaěe son slè ǐ bebea kɛne. Tèǒ nì kɔn tè wùlo po nyoo jǐmɔ̀tuɔ̌o ɔ jleě sea kɛ̀ɛ dɛ wùɛ mɔ̀ ne, ɔ tɛɛaě noǎ wùɛ Jòsɛ̌fo kwete mǒ bo.

¹Tà ɛmo dɛǒ ɛ sìn'aa, è klɔbaa mǒ naé kàe bleɔ̌ fòɛ klee dɛ piɔ fòɛ nù wlǎlaǒ klɔ̀ba tè jèmǒ ɔ̌ kɔnaa Ǐjɛ̀tě blǒ win kwa. ²Fɛ̀lǒte bea jlo měne chɔɔ keǒ uu sɔ̌n'ǒ mɔ̀, doǒ mooa dɛ piɔ klee ɔɔ mǒ nǎe kàe blěɔ, ³ii tè ɔ poa u wùlo klě klɔ̀boa jǐmɔ̀tunyǒo jǐgbàdiɔɔ koǔ bobo, tàa doǒ u poa lěe Jòsɛ̌fo wùlo.⁴È klɔbaa jǐmɔ̀tunyǒo jǐgbadiɔ tbala Jòsɛ̌fo keǒ bɔ tùa u jǐ mɔ̀. ⁵Tà u sìn'a lěe tǐ gbei klě wùlo, è uu sɔ̌n'ǒ u jala jajii klě tǒn jlǒ wae tɛ̀ɛ wlòmo. Imo jajiiǒ i nea le dɔ̌ɔdɔ̌ keǒ ii kɛne sèsaea mɔ̀.⁶Tà Jòsɛ̌fo dia luu jebo chèba klě kènta waeǒ wlòmo, ɔ jěa lu ǔ gbɛ̀kliia fǒ měne. ⁷Ii tè ɔ gbàla Fɛlǒtee kwawan mɔ̀ nuu nynoǒ wan, ɔ je, "Mɛ kɔɔ̌n tè a nuǔ kɛ bò fǒ měne gbɛ̀kliia kekɛ?" ⁸U tùa lɔ kɛɛn u je, "Jajiià ä ja, kɛɛ ä se nyu jě ɔ̈ mǐ ämoo wlòmo sèsaea lè dɛ moo ii kɔ̌ keǒ ä mɔ̀." È ɔ gbàla u wan ɔ je, "Jaii kɛn le sèsaea ɛ se kɛ Nyesoa Ɔlǒ nye nyu kbě plě ɔɔ̌ sèsae i kɛn lee? È bɛtè ale, a poǒ jajiiǒ je."⁹Ii tè nyuǒ mooa mǒ naě kàe blěɔ̌ fòɛǒ nɔ̀ poa ɔ blěe jajie Jòsɛ̌fo je ɔ je, "Klě ně jajie mǒ, toto abǔa u dɛɛ na ǒ nɛ neǒǒ jemǒ. ¹⁰Ɛmo tuǒ ɛ sàee le gblèe tan. Tà ɛ poo kpɛɛ, è kpɛɛǒ wlòmo klě tichɛble sonwɛě mǒ ǐ kwìn, è tichɛbleǒ nì nu nanǎ jɔ̌ɔ kplě ï flò. ¹¹È Fɛ̀lǒtee mǒ naě kàe nɛ̀ neěě kwete mǒ plě Ě chɛ̌n nano jɔ̌ǒ, Ě pnɔ̌ nɛ klě ɔɔ nmɔ mǒ naě kàe wàn, Ě nye nɛ nɔ̀."¹²È kě Jòsɛ̌fo dǎla ɔ je ɔ je, jajieǒ dɛ ɛ kwɛ lěe jìmo nɛ̀a. U gbèe kplěe tan'ǒ i nynaǒ pɛ̀nmo bo chnɛ̀ jlo wee tan. ¹³Bo chnɛ̀ jlò wee tan bǐ sìn, Fɛ̀lǒte mi nè tè wlò le pooba, ɔ mǒò wùlo sa, è konkwaa doǒ nìaa nɛ̀ ɔ miì nyèma. Mò Fɛ̀lǒtee nmɔ kàeǒ ɔ nyè de keǒ nìaa.¹⁴Kɛɛ bɛ̌ nu bo dɛ wùɛ bɛ̌ nu tɛɛ keǒò mɔ̀. Ě bɛtèè lè poǒ wlò mɔ̀, nuǔ kàan dɛ mǒ tmɔ̀ɔ̌ Fɛ̀lǒte ně tè ɔ mǒɔɔ̌ wùloɔ sà. ¹⁵u nuuaä kbě ǔ sàlaě Hiblù blǒ kɛn. È jè mǒà le de ɔ se dɛ nu u po wùlo kělɔ blǒɔ wlòmo."¹⁶Tà dɛ piɔ fòɛ jěa lɛɛ ɛ̈ moo ɔ běǒ ɔɔ jajieǒ ɔ poaa Jòsɛ̌fo je ɛ kɛne sèsaeǎ nua tɛɛò, è nɔ̀ǒ poa ɔ blěe jajieö Jòsɛ̌fo je ke ɔ je, "Ě ja jajìe ke. Klě ɛmo jajieǒ mǒ flɔ̌ɔ plɛǎa tan nì neǒǒ dlǒ. ¹⁷È ɛɛ doǒ ɛ̈ wɛ̀ěe dlǒ mǒ nɛ̀ jǐlenmɔ flɔ̌ɔ doědoe neě wan keǒ Fɛ̀lǒte mɔ̀, kɛɛ noe sɛ̀ɛǒǒ flɔ̌ɔǒ dlǒ le ǐ di ɛ."¹⁸È Jòsɛ̌fo tùa lɔ kɛ̀ɛn ɔ je, "Dɛ nè jajieǒ ɛ̈ kwɛ lěe jǐmo nɛ̀ moo plèǎa tan'ǒ jèe i nynaǒ pɛ̀nmo bo chnɛ̀ jlò wee tan. ¹⁹Chnɛ̀ jlò wee tan bǐ sìn, Fɛ̀lǒte mi nè dlǒ je bɛ̌ba u mǒò tu mǒ nymae ne u mǒ ɛ wlò kɔ̀ plě noe mǐ nè fě le kpokpae le, i mǒò dì."²⁰Tà chnɛ̀ jlò wee tan sìn'aa ɛ̀ mooa Fɛ̀lǒtee kɔn'ɔ chnɛ̀ jlò wae ɔ̌ piea ɔɔ kɔnkwa nu nyo. Klě digbaǐǒ kɛn klě ɔ saàeaǒ nmɔ mǒ naě kàe bleɔ̌ fòɛ klee dɛ pìɔ fòɛ wùlo ɔ̌ jalaě u ɔ̀ɔ nyopò wùɛ jèmǒ. ²¹Mǒ naě kàe blè ɔ̌ fòɛǒ nɔ̀ ɔ paaě ɔɔ kɔnkwa ɔ nia pnɔɔ jleě de ɔ̌ jɛa ɔ mǒ naě kàeǒ de keǒ ɔ jemǒ. ²²Kɛɛ tà u blalaa dɛ piɔ foɛ̀ǒ, u bɛ̌a ɔ dlǒ je ǔ nymaea ɔ tu mǒ wòje keǒ Jòsɛ̌fo nuaa jajiiǒ kɛne sèsaeà keǒ u mɔ̀. ²³Kɛɛ nmɔ mǒ naě kàe blěɔ fòɛǒ ɔ sea Jòsɛ̌foo tè wlò mɔ̀ pò, ɔ smùa ɔɔ tè lè.

¹Tà jlěe sɔ̌n sìn'aa, è Fɛlǒte jala jajle ɔ̌ nyna naǒ ně foɛǒ moo naè wìen bò. ²Keǒ ɔ jěaǒ jǐlenmɔ bliǎa nyiɛta ï neaa fě le, nì sɔn’aě ně mɔ̀ mò i dia wan le keǒ něǒ wìen. ³È ɔ jěa blìǎa nyiɛta tìi ï sɔn'a lěe něǒ mɔ̀ mò ke. Ii fě wɔ̌na jǐlenymi tè, i nea klaklǔ klaklǔ. Nì nyna naǒ ii bǐìǒ waka mǒ bo klě tǐ gbei wlòmo keǒ něǒ wìen,⁴è bliaǒ ï kɔn fě nymiaa jǐ le ï neaa klaklǔ klaklǔ, È keǒ i gbàa keǒ kpasǔ tàkaii nyiɛta wǒaǒ Ï fèflɛ smunu sɔna lěe wɛn'ɛ kwlǎ mǒ wǒla mǒ ɛ ko klǒaa.i dìa ii bǐìǒ nea fě le kpǎkpǎ ǐ wɔ̀la i le. È Fɛ̀lǒte nɔ̀ǒ wlěa lě momnɔ mǒ. ⁵È nɔ̀ǒ bea momnɔ mǒ de ɔ̌ jala jajie tɛ̀ɛ. Klě ɛ mo jajieǒ wlòmo ɔ jěa kpa suiì tǔu do ɛ̌ kwìn'a ɛ̌ pea kpasǔ kòngmee nyiɛta kɛn. ⁶⁷È kpasǔ tà klaiǒ nì dia kpasǔ kòngmeǒ kpǎkpǎ. È Fɛ̀lǒte nɔ̀ǒ wlěa lě mamnɔ mǒ ɔ̌ jěa lɛ ɛ̈ moo jajieǒ ɔ jɛa. ⁸Tà chnɛ̀ gbàla le ɛɛ kènta, ɔ wlè ně pɛna bo. Ii tè ɔ wɔ̀a tɔ̀n kɔn nyo klee nyopòà ü pea ěe sɛ̌bɛɛ jǐ mǒ de klě ɔ mɔ̀ koǔ bo ɔ̌ poa u jajiiǒ je, kɛɛ ɛ sea nyu kɔn klě u slè bɔ sèsaea imoo jajiiǒ kɛn le.⁹È kě mǒ naě bleɔ̌ fòɛ dɛ́a Klɔ̀ba Fɛlǒte je ɔ je, "Kekɛà i beěě mǒ wlò tà Ě wlǎlaǒ mòo tè jèmǒ. ¹⁰Bè ea nè nyebajleà jlo měle, è poa mǒ klee dɛ piɔ fòɛ wùlo klě nè jm̌ɔtunyǒo jǐgbàdìɔɔ koǔ bo. ¹¹È tǒn jlǒ wae tɛ̀ɛ mɔ̀ äa sɔ̌n'ǒ ä jala jajii ï kɔn kɛn le sèsaea seaǒo tàa do ne.¹²Ɛ kɔna Hiblù nyebajlo ɛ̈ mooaa nè jǐmɔ̀tu tabɔ̀ɔ jǐgbàdiɔɔ kèi, nɔ̀ klee ämoo sɔ̌n neaě tabɔ̀ǒ kwete mǒ wùlo. Nɔ̀ äa sɔ̌n'ǒ ä poa äa jajiiǒ je ɔ sèsaea ä wlòmo dè i kwɛa lěe dlǒ jimǒ keǒ ä mɔ̀. ¹³Ke ɔ nuaa jajiiǒ kɛn le sèsaea kě i nua tùɔn kpakpa keǒ ä mɔ̀. Mǒà è nyea ně konkwaà mǒ de, è dɛ piɔǒ nɔ̀ nymaea tù mǒ."¹⁴È Fɛ̀lǒte dboa nyopò bu blala Jòsɛ̌fo. Tǐi doo tǐ jleě ǔ sàla ɔ wùlo, è ɔ chlěa ɔɔ chɛ̀ jele ɔ̌ poa wlawlě jajle měne plě ɔ̌ muaě Fɛ̀lǒte mɔ̀. ¹⁵È kě Fɛ̀lǒte dɛ̌a Jòsɛ̌fo je ɔ je, "Ě ja jajii, kɛɛ ɛ se nyu kɔn ɔ̈ mǒ mǒo wlòmo sèsae le dɛ ï kwɛlěe dlǒ jimǒ. ¹⁶È Jòsɛ̌fo tùa Fɛ̀lǒte kɛ̀ɛn ɔ je, "Ɛ se mǒ ně sèsae jajii kɛne, kɛɛ ɛ Nyesoa Nɔ̀ kɔn Bɔ sèsae ì kɛ̀ne keǒò mɔ̀ dɛǒ jlɛ̀ bò jìi keǒ jajiiǒ jlěe mǒ¹⁷È kě Fɛ̀lǒte dɛ̌a ɔ je ɔ je, "Klě ně jajiě wlòmo Ě nynaǒ nè fòɛǒ monoo naè ɛɛ kponkpǒ bo. ¹⁸Tà Ě muǒo bo chèba, è Ě jě jilenmɔ bliǎa nyiɛta ï nee fě le nì sɔn'ě ně mɔ̀ mò ï di wan le klě bàbǐo slè keǒ něǒ wien.¹⁹È bliǎ klakiǐ ï kmɛɛ ii nyiɛta ï wɔ̌n'ɔ jǐlenymi tè ï sàno nii nì sɔn lě něe doǒ mɔ̀ mò. È sěɛlǎ jǐlenymi bliǎ taeǒ jě kělɔ Ǐjɛ̀tě blɔ̌ wlòmo. ²⁰È bliǎǒ kɔn fě nymi jǐ le nì di ii bǐìǒ ï nee fě le kpǎkpǎ. ²¹Tà i wɔ̀ lii bǐiǒ le, bò ke li jě è jè i sěɛɛ̌ jè dɛ di. Kaǒ ii fě neaa nyane tà kě i neěa jè kaǒ. È mǒo wlě lě mo mnɔ mǒ.²²Tà Ě bee momnɔ mǒ de jajie tɛ̀ɛ kɛnǒ ɛɛ demǒ, Ě jao nɛ̀ moo Ě jě kpasǔ kòngmee nyiɛta nì neǒ kpasuiǐ tǔu do kɛn ï kun. ²³È keǒ i demǒ kpasǔ tàklaii nyiɛta ï wɔ̌naa nekně tè ïà fèflɛ̀ smùnǔ sɔn'a lěe wɛn'ɛ kwlǎ mǒ wǒla mǒ nuaa ï neaa koklǒ koklǒ nì wǒa. ²⁴È kpasǔ tàklaiǒ nì dia kpasǔ kòngmeǒ kpǎkpǎ. Jajiià nì Ě po ně tɔ̀n kɔ̌n nyo klee nyopòà u peě sɛ̌ bɛɛ jǐ mǒ je kènta nà, kɛɛ ɛ se nyu kɔn ɔ mǒ nii kɛn le sèsae lè keǒǒ mɔ̀."²⁵È kě Jòsɛ̌fo dɛ̌a Fɛ̀lǒte je ɔ je, "Nè jajiiǒ i boɛɛ kɛn dɛɛ do. Nyesoa jlɛ̌ Bɔ tee ɛ mò dɛ ɔ wɛ̀ɛ mɔ̀le keǒ Bɔ nuu. ²⁶Kàan jǐlenmɔ bliǎa nyeɛta klee kàan jǐlenmɔ kpasǔ kòngmee nyeɛtaǒ nì nynaǒ kàan jlěe nyeɛta pɛ̀nmò bo. Jajii sɔ̌n'ǒ i boɛɛ kɛn dɛɛ do.²⁷Jǐlenymi bliǎ klaklǐǒ sɔn'ě ně mɔ̀ mò ï kɛn'ǒ ii bǐìǒ demǒ, i nynaǒ jlěe nyiɛta pɛ̀nmo bo klee kpasǔ tàklaiǒ ïǒ fèflɛ̀ ɛ̈ sonwɛ lěe wɛn'ɛ kwlǎ mǒ wǒla mǒ nuu i koklǒo nì nynaǒ dodopà jlěe nyiɛtaǒ pɛ̀nmo bo. ²⁸Dɛà Ě tmɛɛ̌ mòo nɛ̀ Nyesoa teè jè plě ɔ wɛ̀ mɔ̀le Bɔ nu kělɔ blǒɔ wlòmo. ²⁹Klě jlěe nyiɛta wlòmo digbaǐ fòfoa miɔ Ǐjɛ̀tě blǒ wlòmene jǐba.³⁰Kɛɛ jlěe nyiɛta tìiǒ neǎǒ ii demǒ nì moo dodopà jlě ï miǎ ɛɛ numa nyu wùɛ mià dìgbaǐ fòfoa jleěǒ ii tè mɔ̀ snù. Dodopà mìǎ blǒà flawan po ba. ³¹Ny È nè jajiiǒ dɛ kɔn tè i wɛ̀ lɛɛ sɔ̌n mǒ nɛ̀ moo Nyesoaa chɛ̀ǒ tmɔ̌ɔ mò keǒ dɛ ɔ mii numa mɔ̀ plě ɔ mi ɛ numa kèkeà.opò mìa dìgbaǐ fòfoaǒ u kwɛn'a ii tè mɔ̀ snùma. Mɛ kɔɔ̌n tèǒ joo nɛ moo dodopaǒ ɛ̈ neǎǒ ɛɛ demǒ ɛ miǎǒ le sìnma chɔɔ. ³²³³Dɛǒ nɛ̀ kɔn tè pɔ̀n nyu le ɔ̈ kɔn'ɔ tɔ̀n plě ɔ̈ jboo dɛ le tɛɛ, nɔ̀ bò tba bɔ kɔn Ǐjɛ̀tě blǒ wùɛà wìn kwa. ³⁴È plě kɔ̀n bò tbà nyefòapo tùu ü mii digbaǐǒ bo tù ba kèlɔ blǒɔ wlòmo nyu bɔ̌ nu jlǒ umoǒ tbàa u mìǒ kou kwetee wlò sàba keǒ kou kewetee wlěe m̀m wùɛ kɛn u mǒ bo tù. Dɛǒ nɛ̀ bò nu klě digbaǐ fòfoa jlěe nyiɛtaǒ wlòmo.³⁵Nù bò nye kpě klě kàan jlěe nyiɛtaǒ wlòmo bu bò digbaǐ le klě diě wùɛ kɛ̀n, bu po keǐ keǒ dìgbaǐǒ mɔ̀, u miě i bo tù. ³⁶È imo dìgbaǐǒ nì bu tù bo a miǎ di kělɔ Ǐjɛ̀tě blǒ wlòmo bo dodo pà jlě bǐ dìě, ɛ̈ di ɛ numa dodopà ɛɛ̌ se blǒà flawan po."³⁷Fɛ̀lǒte klee ɔɔ nyopòo wlò blooa Jòsɛ̌fo kɛn keǒ ɔ nuaa jajìiǒ kɛn le sèsaeà. ³⁸Ii tè Fɛ̀lǒte gbàla ɔɔ nyopòǒ wan ɔ je, "Ä wɔ̀le je bä jě kɛ nyuà ɔ̈ Nyesoaa Sùsu neě ja le keà jbɛjuà ɔ ka nee jee?" È kě ɔ dɛ̌a Jòsɛ̌fo je ɛ je,³⁹"Ke ɛ toon jleě mǒ bo Nyesoa tmɔɔ̌ mòo tèà, kělɔ ä slèɔ nyu tɔ̀ɔ sèɔ ne bɔ̈ kɔn'ɔ tɔ̀n plě bɔ̈ jii le bɔ̈ wɔ̌ mòo je. ⁴⁰Tèǒ nì kɔn tè ně blǒà mò Ě po lě ɛ kwete mǒ, è dɛ wùɛ mii boɔba nɛ̀ ně nyopò kɔn bu nu tɛěn. Ɛ̀ sìn'ǒ ně doà ɔ̈ moo klɔ̀ba, mǒ kɔn kpě neǒò dlǒ mǒ. ⁴¹È kekɛà mò Ě tba, mò Ǐjɛ̀tě blǒ wùɛà ɛɛ kpě neě kwete mǒ."⁴²Dɛǒ nɛ̀ kɔn tè Fɛ̀lǒte sàla ɔɔ klɔ̀ba bɔjɔɛ̌ɛ chìi mò ɛ̈ klɔ̀baa mǎkpee neǒ kɛn nɛ̀ ɔ poa Jòsɛ̌fo chìi mò ɔ̌ poa lɔ jǐlenmɔ wlawlǒ mǒ ɔ̌ poa lɔ klo dɔ pe dɛ dɔ ⁴³ɔ̌ tùaǒ ɔ klɔ̀baa sòkwe gbɛ̀ɛ sɔ̌n nenɛ dɛ wan bo ǔ nɛɛa ɔ dǐa le, nyopò nɛa ɔ nya ǔ pea plɔ bloo slɛ̀ lè ǔ kwɛa ɔ kwne jemǒ ble. Ii tè kě Fɛ̀lǒte nua lě ɔ Ǐjɛ̀tě blǒǒ kwete mǒ popoɛ.⁴⁴È kě Fɛ̀lǒte dǎla Jòsɛ̌fo je ɔ je, “Ke ɛ toon jleě mǒ bo Ě monoo klɔ̀ba, ɛ se nyu kɔn kělɔ Ǐjɛ̀tě blǒɔ wlòmo ɔ̈ mii dɛ numa ɔ se mòo wan gbàba mu." ⁴⁵È Fɛ̀lǒte tùea Jòsɛ̌fo nynɛ̌ jajio ɛ̈ mooaa Safenà Paneɛ̀ ɛ̈ monoo kmɔ̌ ne nyuu blǒà ɛɛ ně wan po nyu ɔ̌ nyea lɔ nynɔ u dɛɛa Asenatè ɔ̈ mooaa Potifàlàa nynejuju, Potifàlà ɔ̈ mooaa bodiɔ klě diěǒ ɛ̈ mooaa Ɔùn kɛ̀n. È Jòsɛ̌fo nɔ̀ǒ nɛa blě kɛn le klě blǒǒ wlòmo.⁴⁶Tà ɔ tùaa Fɛ̀lǒtee konkwaǒ wlò, ɔ kea lěe blǒǒ wlò mène nɛ, è tǐǒ jleě ɔ̀ kɔna jlěe wlò tùo pù. ⁴⁷Klě kàan dìgbaǐ fòfoaa jlěe nyiɛtaǒ wl̀òmo blǒ wěa dìgbaǐ fòfoa kɛne keǒ u mɔ̀.⁴⁸Klě kàan jlěe nyiɛtaǒ wlòmo Jòsɛ̌fo bòa dìgbaǐ le ï u sɛ̀a lěe chèa mène ɔ̌ tùa i ble klě chèaǒ i tbɛɛaa deeǒ dǐ kɛn ne nì kɔn wlòmo ɔ tùaǒ dìgbaǐǒ ble. ⁴⁹Dìgbaǐ fòfoa nì ɔ tùa ble woje jbǒo mǐsiɔ̌ keǒ fòfoɛ mɔ̀. Tà ɛ kpala ɛɛ kpa tà i fòa dɔ̌ è nyu slě wɔ̀ bɔ slèaa kɛ̀ lì, ii tè ɔ bɔ̌a kɛ̀ i slèslɛ le.⁵⁰Plě dodopà kěa blǒ mǒ be, Jòsɛ̌fo klee ɔɔ nynɔ Asenatè ɔ̌ mooa Potìfalàa nynejuju, kɔna jbɛjujluu sɔ̌n. ⁵¹Ɔ tùea klekle jǔǒ nynɛ̌ ɛ̈ mooa Manesɛ̀ ɛ̈ moo tè snùsnɛ. Mɛ kɔɔ̌n tèǒ joo nɛ̀ moo ɔ je, "Nyesoa nɔ̀ nu mǒ Ě snù ně sònwɛ jejeɛ̌ wùɛ klee ně gbeǐi koǔ bo kwɛɛn'ɛ tè." ⁵²È Sɔn nonɔ jǔǒ nɔ̀ ɔ tùea Iflɛ̀n ɛ̈ moo pùekà mɛ kɔɔ̌n tèo joo nɛ̀ moo ɔ je, "Nyesoa nɔ̀ nu mǒ Ě jě pùekà kělɔ blǒɔ wlòmo ɛ̈ kɔn kɛn Ě jěa lɔɔ sònwɛ."⁵³È jlěe nyiɛtaǒ ï kɔn wlòmo u kwɛn'a lěe dìgbaǐ fòfoa, è nìǒ i dia dlǒ chlɛ̀ba. ⁵⁴È dodopà jlěe nyiɛtaǒ è nìǒ nyniaǒ wòje keǒ Jòsɛ̌fo dǎlaa teěn. Dodo pȧǒ ɛ wɔ̀a dakwɛ̌ wùɛ dlǒ, kɛɛ klě Ǐjɛ̀tě blǒo doǒ kɛn klě digbaǐ nea lě.⁵⁵Tà Ǐjɛ̀tě blǒ wùɛ ɛ keaa sònwɛ jě keǒ sàno mɔ̀, u dia Fɛ̀lǒte bàteba keǒ digbaǐi tè mɔ̀, kɛɛ ɔ tmɔɔ̌a nu ɔ je, "A muě Jòsɛ̌fo mɔ̀, è dɛ wùɛ ɔ mi a moo tmɔɔ̌ma nɛ̀ ba nu." ⁵⁶Tà dodopà beaa kbě kɛn klě Ǐjɛ̀tě blǒ wùɛǒ wlòmo,è Jòsɛ̌fo knana dìgbaǐ keǐ jele ɔ̌ plea dègbaǐ klé Ǐjɛ̀tě nyǒ mɔ̀. Mɛǒǒ joo nɛ̀ moo dodopà wlɛa blǒ wùɛǒ kɛn ɛ̌ bea kbě kɛn chɔɔ. ⁵⁷Ɛ sea dɛ pɛ̀tù kpa nyopò sonwɛa blě wùɛ kɛn měne ǔ diaě Ǐjɛ̀tě klě Jòsɛ̌fo mɔ̀ ǔ dìa dìgbaǐ tɔ̀nma. Mɛoǒ joo nɛ̀ moo dodopà bea kɛn kbě kɔ̌lɔ kmɔ̌ wùɛ mɔ̀.

¹Tà Jèkɔ̌po wɔ̌naa dɛà ɛ̈ moo, "Digbaǐ neě Ǐjɛ̀těò," è kě ɔ nia ɔɔ jlǔ wan gbògba ɔ je, "Mɛ kɔɔ̌n tè a tentɛn neě kɛ jele, aǎ nuǔ dɛ ɛ̈ mǒo ä mǒ sɛ̀?" ²Kě ɔ dɛ̌a u je ɔ je, "A tanàle, Ě wɔ̌n dɛà ɛ̈ moo digbaǐ neě Ǐjɛ̀tè. Ii tè a tèe je a mǒ dìgbaǐ tɔ̀n keǒ ä mɔ̀, ɛ̈ diɛ numa sàno ně se ä dbǎ." ³Ii tè kě Jòsɛ̌foo mamupòo pùǒ u nua je tèea klě Ǐjɛ̀te u mǒa digbaǐ tɔ̀n. ⁴Kɛɛ Jèkɔ̌po pea fano keǒ dɛ kukǔ tɛ̀ɛ bɛě sea Jòsɛ̌foo mamǔ Bɛ̀chemɛ̌ jebo bee le, ii tè ɔ seaǒ ɔ mɔ̀ mǒ sɔn ɔ sea u de na.⁵Dodopà bea lě Kenɛ̀ blǒ kɛn ne ke, ii tè ɔɔ jlǔ bea uu biì kɛ̀n ǔ mua tɔ̀nma klě Ǐjɛ̀tě. ⁶È tà Jòsɛ̌fo mooa kòngmna klě blǒǒ wlòmo, ii tè nɔ̀ pleea nyopò wùɛ digbaǐ mɔ̀. Tèǒ nì kɔn tè ɔɔ mamǔpó mua lě ɔ mɔ̀ ǔ kɔla kwne bo keǒ ɔ jemǒ.⁷Tà Jòsɛ̌fo jěa ɔɔ mamǔpò, ɔ jboa ulu, kɛɛ ɔ nia dɛ wòje keà nyu seaa nyo pɔ ji, ɔ pnɛɛ̌a u jǐ mene klě win jakě wlòmo, ɔ gbɛ̀a u wan ɔ je, "È tà a sɔɔ̌n kɛ mǒ?" U tùa ɔ kɛ̀ɛn u je, "Ä sɔn mǒ Kenɛ̀ blǒ kɛn, ä di digbaǐ tɔ̀nma." ⁸Kàan tè kě Jòsɛ̌fo jboa lu kɛɛ u sea ɔ jbo.⁹È jajiiǒ ɔ jalaa ii tè bèaě ɔ mǒ wlò ï kwɛɛaǒo uu jleě mǒ bo, è kě ɔ dɛ̌a u je ɔ je, "A moo kpeen nyǒ! A diě ba mǒ ɛ ji tà äa blǒà ɛ seě jǐmɔ̀tunyǒ kɔn." ¹⁰Kɛɛ u je, "Oooǒn chì kpa ämo, nè nyebajleà u diě le sosǒ u mǒ digbaǐ tɔ̀n. ¹¹Äa wùɛà moo jbɛjuu doo jlǔ. À moo sèn bò mǎ nyo. Ii tè ämoà ä se kpeɛn nyǒ."¹²Kɛɛ kě ɔ dɛ̌a u je ɔ je, "Òooǒn! A diě keǒ ba mǒ ɛ ji tà äa blǒà ɛ seě jǐmɔ̀tùnyǒ kɔn." ¹³Kɛɛ u je, sɔnaě gbeǐi do wlòmo klě Kenɛ̀ blǒ kɛn. Nyuǒ moo chěnchaě nonɔ nɔ̀ neě äa gbeǐ mɔ̀, à dɔ tɔ̀ɔ neaǒo nɔ̀ kǒa."¹⁶¹⁴È kě Jòsɛ̌fo nia u wan gbògba ɔ je, "Deě ɛ se dɛɛ do ɛ̌ tmɛɛ̌ a moo ɛ̈ moo amoà a moo wònwɛɛ nyǒ le? ¹⁵È dɛ Ě mi ɛ jiiba ɛ̌ moo a se kpeen nyǒ nɛ̀ moo keà Ě nuu Fɛ̀lǒte kɔn'ɔ blǒà ɔɔ kpě tè kàan tè popoɛ kě Ě nu i kàan tè pòpoɛ ɛ̈ moo Ě se a bo tɛba mu, ɛ̀ sìn'ǒ jǔ wɛ̀leǒ nɔ̀ bǎ ja lě plě.v 16 A dbo nyuu do de bɔ bla aa mamǔǒ, è aa wùɛà amo Ě mi wùlo poba. Klě dɛǒ mǒ klě Ě miě a mǒ tɛ̀ɛnma bɛ̌ nu bǎ ke kàan tè lè boɛ. È bɛ̌ nu ɔmoǒ bɔ̌ se de di, ke Ě nu Fɛ̀lǒte Klɔ̀ba dɛɛ tè kàan tè popoɛ kě Ě nu ba moo kpeen nyǒo tè kàan tè popoɛ." ¹⁷È ɔ dǔa uu wùɛǒ mǒ ɔ̌ poa u wùlo klě chnɛ̂ jlò wee tan wlòmo.¹⁸Chnɛ̀ jlò wee tan nenɛ waěǒ mɔ̀, è kě ɔ dɛ̌a u je ɔ je, "Mǒà Ě kɔn Nyesoa fano, dɛ Ě mìi numa a mǒo kmɔ̌ ne nɛ̀à. ¹⁹Bɛ̌ nu bǎ moo sèn bò mà nyǒ, è nɛ aa nyuu do bɔ sibo klě wùlo, aa wùɛǒ a mǐ digbaǐ de kpa klě aa nyopò mɔ́ üǒ sàno nii. ²⁰Ba jaě aa ma mǔ chěnchaěǒ, ɛ̈ di ɛ numa ɛ mǒ ɛ tee le ɛ̈ moo a moo kàan tè lè boɔ nyo, aǎ dǐ kǒ." Ii tè dèǒ nɛ̀ u nua.²¹È dɛà nɛ̀ u boɔa klě uu chɛ̀ slè u je, "I moo kàan tè dɛ kujkǔà ä nua äa mamǔ mǒ nɛ̀ kɔn sònwɛà kèke ä jěe. Ä jěa ke ɔ niaa wɔle le nunuè ɔ̈ bɛ̀tèa ämoo keǒ bä jboa ɔ wɔle je, kɛɛ äǎ poa ɔɔ batè wìn sɔkǔ jebo. Tèà nì kɔn sònwɛà ä jě." ²²È kě Wlùbǐ dɛ̌a u je ɔ je, "Deě ɛ se tè Ě tmɔɔ̌a amoo ɛ̌ moo bǒǎ nia jǔǒ dɛ mǒ? Kɛɛ aǎ poa ně win nɔkǔ jebo, tèǒ nì kɔn tè ä jě plɔɔ tu kɛn bo maěa keǒ ɔɔ kokoɛ̌ mɔ̀.”²³È Jòsɛ̌fo bɔ keaě u mɔ̀ boɛ ɛ kɔna nyu tɔ̀ɔ nɔ̀ sèsɛɛa ɔɔ win kɛn, ii tè u sea i ji ɛ̈ moo tè wùɛǒ u boɛaa ɔ wɛ̌n'a ini. ²⁴Tà wɔle bea lěe Jòsɛ̌fo mǒ, è nɔ̀ǒ palaě ɔɔ blò mò ɔ̈ fìn'a. Tà ɔ manaa wien, ɔ dìa de klě u mɔ̀ u keaǒ le tɛn ɔ̌ sàla lě u Semìɔn slè ɔ̌ tmɔɔ̌a ɔɔ nyo pò ǔ tùa ɔ dbǐ. ²⁵Tà ɛmo dɛǒ ɛ sìn'aa, è Jòsɛ̌fo tmɔɔ̌a ɔɔ nyebajle bu jiěa uu blɛ̌ǒ digbaǐ jele. È bu poa lě uu wlě wùɛ u jalaa tɔ̀nma de klě uu blɛ̌ wan le plě bu nyea u snǔ mɔ̀ didi dɛ u mǒa di snǔ mɔ̀ bǔ kea blě mi. Tà u nuaa dɛǒ,²⁶è blɛ̌ nìǒ u tùaǒ uu jakǎsèa kɛ̀n blè ǔ mua. ²⁷Tà tǒn wɔ̀laa, u pɔ̀n'a tà lè u mǒaǒ ton jlǒ waěǒ sìn, è nyuu do nɔ̀ knana ɔɔ blɔ̌ je ɔ mǒa ɔɔ jakǎsè didi dɛ nye. Tà ɔ tanaěe blɔ̌ǒ wlòmene, è ɔɔ wlěà ɔ kpalaa tɔ̀n ma è nìǒ ɔ jěa. ²⁸È kě ɔ dɛ̌a ɔɔ ma mǔpò jè ɔ je, "Ně wlě tbae jè. I neɔ ně blɔ̌ wan!" È nù kɔn wlè wùɛǒ bea wɔ̀ɔn u pea fano, è dɛà nɛ̀ u boɛa klě uu chɛ̀ slè u je, "Mɛ Nyesoa je Ɔ kpaǎ kɛǒ ä mɔ̀?²⁹Tà u nyniaa klě uu gbeǐ Jèkɔ̌po mɔ̀ klě Kenɛ̀ blǒ kɛn, u tmɔɔ̌a ɔ noǎ wùɛ kpalaa tùɔn keǒ u mɔ̀, kě u dɛ̌a u je, ³⁰"Jbɛ juǒ kɔn'ɔ blǒǒ wìn kwa ɔ tù ä je wìn jakě plě ɔ wǒ ä le, ɔ je ä moo kpeen nyǒ keǒ uu blǒ mɔ̀. ³¹Kɛɛ ä tmɔɔ̌ ɔ ɛ̈ moo, ‘Ä moo sèn bò mǎ nyo, ä se kpeen nyǒ. ³²Ä moo mamǔpò, ä ne tài pù tùo sɔ̌n, ä moo jbɛjuu doo jlǔ, do nɔ̀ kǒ, è jǔ wɛ̀leǒ nɔ̀ neě äa gbeǐ mɔ̀ klě Kenɛ̀ blǒ kɛn.’³³È jbɛ juǒ kě ɔ dɛ̌a ɔ je, 'Dɛ ba nuu Ě mǒ ɛɛ ji ɛ̈ mooa moo sèn bò ma nyo nɛ̀ moo a si aa mamǔu do bo kělɔɔ̌ mɔ̀, è aa wùɛǒ a mu de a kpa digbaǐ klě aa koǔ bo kwɛɛn'ǒ sàno nii mɔ̀. ³⁴È ba jaě aa mamǔǒ ɔ̈ mo noo jǔ wɛ̀le kělɔɔ̌ mɔ̀, ɛ̈ di ɛ numa Ě mǐ ɛ ji ɛ̈ moo a se kpeen nyǒ, kɛɛ a moo sèn bò mǎ nyo. È aa ma mǔǒ Ě mi ɔ a nyema a mǒ pɛlǒ po nyo tù kɔ̌lɔ ně blǒɔ kɛn.'"³⁵Tà u wɔ̀aa dɛǒ boɔboɔ mɔ̀, u chnǐa uu blɛ̌ keǒ blǒ mɔ̀ è ɛ kaen'a uu wùɛ lè wlò keǒ bu mǒa uu wlě u kpalaa tɔnma jě klě uu blɛ̌ wan. Tà u klee uu gbeǐ jěaa wlěǒ, u bea mǒ fano. ³⁶È kě uu gbeǐ Jèkɔ̌po dɛ̌a u je ɔ je, "A sàà ně jlǔ kěàǎ fǒ mǒ no. Jòsɛ̌fo kǒ lo plě Semìɔn kò lo, è a jlɛ̌ ba kpa Bɛ̀chemɛ̌ de. Noǎ pɛpɛ wùɛǒ mǒ i sǐ mǒ bo!"³⁷È kě Wlùbǐ dɛ̌a ɔɔ gbeǐ je ɔ je, "Bɛ̌ nu bo se ɔ de jakělɔɔ̀ mɔ̀, è bò dbà ně jlǔu sɔ̌n wùɛǒ. Mǒ bò pòe ɔ kwete mǒ, Ě mǐ ɔ de jaba kělɔɔ̀ mɔ̀." ³⁸Kɛɛ kě Jèkɔ̌po dɛ̌a ɔ je ɔ je, "Ně jǔ Bɛ̀chemɛ̌ɛ mamǔ Jòsɛ̌fo kǒ lo, è ɔɔ doǎ nɔ̀ si kmɔ̌ plě Ě wɛ̀ɛ kɛ̀ɛ le, blěe dlǒà ɛ nu jɔpli sosǒ, nɛ̀ kɔn tè ɔ se a de na ma mu klě Ǐjɛ̀te. Bɛ̌ nu dɛ bɛ̌ nu ɔ keǒ snǔ mɔ̀, ɛle feanfeǒ a mìě mǒo slè pòba ɛ miǐ dbaba."

¹È dodopà ɛ̈ nea lěe Kenɛ̀ blǒ wlòmo ɛ̀ bèa kɛn kbě chɔɔ. ²Tà dìgbaǐ wùɛǒ u sàlaa Ǐjɛ̀tě blǒ kɛn i wɛ̀aa le, uu gbeǐ tmɔɔ̌a lu ɔ je, “A mu de a mǒ dìgbeǐ tɔ̀n."³Kɛɛ kě Jùdǎ dɛ̌a ɔɔ gbeǐ je ɔ je, "Jbɛjuǒ ɔ wala wèe ɔ̌ nyea ä konwé, ɔ je bäǎ di de klě ɔ mɔ̀, ɛ̀ sìn'ǒ äa mamǔǒ ɔ̈ moo jǔ wɛ̀le nɔ̀ bä jaeě snǔ mǒ plě ä mǒa lě ɔɔ mɔ̀ di. ⁴Ii tè bɛ̌ nu bò wɔɔn ɛ kɛn keǒ bɔ na ä de plě ä mǐ batle mu ä mi dìgbaǐ tɔ̀nma mu. ⁵Kɛɛ bɛ̌ nu bò se ɔ ä mɔ̀ tù è ä se batle mu. Mɛoǒ joo nɛ̀ moo jbɛjuǒ ɔ sèsaea ä mǒ wlò ɔ je bɛ̌ nu bä slě äa mamǔ chènchaě ja, è bäǎ di de klě ɔ mɔ̀."⁶È Ǐsòwɛ̌ gbàla u wan ɔ je, "Mɛ kɔɔ̌n feanfeǒ taeà ɔ jaǎ kɛà mǒ mɔ̀ de ǎ tmɛɛ̌ něe jbɛjuǒ ɛ moo a kɔn mamǔ tɔ̀ɔ?" ⁷È u tùa lɔ kɛ̀ɛn u je, "Ɔmo jbɛjuǒ nɔ̀ gbɛ̀a ä wan le kaǒ keǒ ä klee äa tùgba wùɛɛ tè mɔ̀, ɔ gbɛa ä wan ɔ je, 'Deě aa gbeǐ neě jè kmɔ̌? Deě a kɔn mamǔ tɔ̀ɔ?' Nɛ̀ kɔn tè ä tùa i wùɛǒ kɛ̀ɛn keǒ ɔ mɔ̀. È ke ä miǐ kɛ lɛ jijiɛ numa ɛ moo ɔ mia ä tmɔɔ̌ma keǒ bä jalaě äa mamǔǒ?"⁸È kě Jùdǎ dɛ̌a ɔɔ gbeǐ je ɔ je, "Tùǔ jǔà mɔ̀ ä mǒ mu, ɛ̈ di ɛ numa ä klee mò klee äa jlǔ ä mǒ kmɔ̌ ne sànoǒ sea dbǎ. ⁹Ně chɛ̀ɛ kpaǎ mǒ nynaǒ jǔà ɔɔ tà bò, dɛ se ɔ numa mu. Bɛ̌ nu bo dɛ bɛ̌ nu ɔ, è mǒà mǒ bò blěe ɔɔ tè kwa. Bɛ̌ nu bo se ɔ dɛ ja tɛɛ tɛɛ kělɔɔ̀ mɔ̀, è mǒ ɔɔ tè jɛɛa bɛ neǒ dlǒ tǐ wùɛ mɔ̀. ¹⁰Bɛ̌ nu bä see lě tǐ fòfoa de le kpa, è ä wɛ̀ɛ lě wěe sɔ̌n'ɔ chɛ̀ klě tǐà wlòmo."¹¹Ii tè kě uu gbeǐ Ǐsòwɛ̌ děa u je ɔ je, "Bɛ̌ nu bɛ̌ ne bò jè è bɛ nu bo, è dɛà nɛ̀ ba nu, ba pɔ̀n kàan jǐlenmɔ noǎ le ï neɔɔ blǒɔ wlòmo a mǒ i aa blɛ̌ wan le po a mǒ jbɛ juo kwɛɛ̌ lě. A kwɛɛ̌ ɔ do chnɔ klee sonsnǒ noǎa doědoe ï nmɛn ¹²A kpa wlě fòfoa ɛ̈ di ɛ numa a mǒ u wlěǒ nye ï u poa lěe aa blɛ̌ wlò mene. Tǐ tìi tà ɛɛ̌ mooa uǔ seaǒ jǐ le wɛ̀ɛ le.ee didi dɛ wan plě sɔɔ doědoe.¹³A dǔ aa mamǔǒ mǒ, a kpa lɔ a mǒ de mu klě jbɛjuǒ mɔ̀. ¹⁴È bo kbě kɛn Ne Nyesoa Bɔ̌ nu ɛ jbɛjuǒ ɔ mǐ a wɔle je jbo, ɛ̈ di ɛ numa ɔ mǐǒ mamǔ tɔ̀ɔ klee Bɛ̀chemɛ̌ǒ mɔ̀ mo sɔn a mǐ de di. Bɛ̌ nu bo kɔn bo mǎ ně jlǔ, è bo mǎ lu." ¹⁵Ii tè kě u nua kwɛɛ̌ kàeǒ kpokpa klee wlě fòfoa plě klee Bɛ̀chemɛ̌ ǔ tèea je klě Ǐjɛ̀tě klě Jòsɛ̌fo mɔ̀.¹⁶Tà Jòsɛ̌fo jěaa Bɛ̀chemɛ̌ klee ɔɔ mamǔpò tùuǒ, ɔ tmɔɔ̌a ɔo na wien po nyebajloǒ ɔ̈ ɔɔ koǔ nea lěe kwete mǒ ɔ je, "Nyopòà u klee mǒo sɔ̌n ä mimaǒ tàa do dɛ diiba klě wanpno waěà wlòmo, ii tè kpaě u ně koǔ bo, è bò dbà wnùdɛ mò dɛ pi ɛ mǒ mɔ̀le wɛ̀." ¹⁷Kě nyebajloǒ ɔ nua dɛǒ ɛ̈ kɔn tè Jòsɛ̌fo tmɔɔ̌a lɔɔ nunuɛ ɔ̌ kpalaě u koǔ bo.¹⁸Dɛǒ nɛ̀ poa ɔɔ mamǔoò fano mǒ, ii tè kě u dɛ̌a u je, "Tà ä dìa lěe nyane tà wlěà u poa lěe äa blɛ̌ wlò mene nì kɔn tèà u ja lɔ ä tàɔ, ɔ mi ä le wǒba ɔ mǒ ä kme ä klee äa jakǎsèa ä mǒ ɔɔ kèia pò tù." ¹⁹Ii tè u muaě ɔɔ koǔu wànwie u mǐaě nyebajloǒ mɔ̀ boɔ è kě u dɛ̌a u je, ²⁰"Kunkunyoò, ä bɛtèè lè ä jlɛ̌ bä sèsa lèe wlòmo ɛ̈ moo tà ä dia lěe klekle ä diaa tònma, ä kea mi,²¹tǒn wɔ̀la keǒ soǔ mɔ̀ ǎ pɔ̀n'a bo pɛ na le ä mǒaǒ tǒn jlǒ waěǒ sìn. Tà ä muaa äa blɛ̌ jele knama, ä jěa wìě wùɛ ä jalaa tɔ̀nma klě äa blɛ̌ wan. Ii tè ä ja wlě wùɛǒ de kělɔ a mɔ̀, ²²è ä jaě wlě fòfoa ä mǐ dìgbaǐ tɔ̀n. Nyuǒ poa lěe wlěǒ de klě äa blɛ̌ wan ä se ɔ ji." ²³Kɛɛ kě nyebajloǒ ɔ dɛ̌a u je ɔ je, "A sàe wlè jɔ mǒ, a bɔ̌ fa no pe pɛɛ, aa Nyesoa plě ɔ̈ moo aa gběii Nyesoa Nɔ̀ǒ nye a wlěǒ klě aa blɛ̌ wan. Aa wlěǒ a jalaa tɔ̀nma Ě blě ili." È ɔ jalaě Semìɔn plo mǒ klě u mɔ̀.²⁴È dɛ tɛ̀ɛ ɔ nuaa nɛ̀ moo ɔ paea Jòsɛ̌foo mamupòǒ koǔ bo ɔ̌ nyea u ně ǔ jlala be le plě ɔ̌ nyea uu jakǎsèa wùɛǒ didi noǎ ǐ dìa. ²⁵È u wɔ̌na dɛà ɛ̌ moo Jòsɛ̌fo mìa lò koǔ bo diba klě wanpno wlòmo u klee ɔ̀ɔ sɔ̌n mǒaǒ dɛ tàe do di. Ii tè u wɔ̀a uu kwɛɛ̌ kèe mɔ̀le keǒ ɔ mɔ̀.²⁶Tà Jòsɛ̌fo pa ba koǔ bo sosǒ, u dǔa uu kwɛ̌ɛ kàeǒ mǒ ǔ kpalaě ɛ ɔ mɔ̀ ǔ kɔa kwne ble keǒ ɔ jemǒ. ²⁷Tà ɔ wɔ̀a uu tàto pe peɛ mɔ̀, ɔ̀ gbàla u wan ɔ je, "Deě aa gbeǐ kpaklǎà kɔn tè a tmɔɔ̌a mǒo ɔ fě lèe? Ɔ neě jè kɛ kmɔ̌ le?"²⁸U tùa lɔ kɛ̀ɛn u je, “Nè nyebajlo ɔ̌ moo äa gbeǐ ɔɔ fě nu seɔn'ò plě ɔ neě jè kmɔ̌ò." U kɔa kwne ble keǒ ɔ jemǒ de. ²⁹Tà ɔ tanaǒǒ Bɛ̀chemɛ̌ mɔ̀le ɔ̈ mooa ɔɔ chɛ̀ɛ naǎa jǔ jbɛju, ɔ gbàla u wan ɔ je, "Deě jǔ wɛ̀le kɔn tè a boɔa kɛɛ nɔ̀à?" È kě ɔ dɛ̌a jǔǒ je ɔ je, "Ně jǔ, Nyesoa mǒ noɛnoɛ bɛ neeǒò mɔ̀."³¹³⁰Wɔle sosǒ nì jǐa ɔ je keǒ ɔɔ naǎa jǔ Bɛ̀chɛmɛ̌ɛ tè mɔ̀, ii tè keà nyu kɛpǒo jǐ è nɔ̀ǒ sɔna mǒ ɔ̈ mua tà lè pɔ̀nma ɔ mǐa fìn ɔ̌ palaě ɔɔ chɛ̀ɛ blò mò ɔ̌ fìn'a. v 31 Tà ɛ sìn'aa, è nɔ̀ǒ jlala jǐ měne ɔ dia de ɔ̌ blěaǒ ɔɔ chɛ̀ɛ wlò mɔ̀ kwa, è kě ɔ dǎla ɔ je, "A ja lě dìdi dɛǒ."³²Ɔɔ do neea tà bò keǒ ngma fùo kèn, è ɔɔ mamǔpòo do neeaǒ u blee tà bò keǒ ngmà fùo kɛ̀n, e Ǐjɛ̀te nyoǒ u blěe ngmà fùo nea dɔ̌ ke, mɛoǒ joo nɛ̀ moo Ǐjɛ̀těnyǒ se Hǐblùnyǒ dɛ dae le. ³³Ɔɔ mamǔpò nea ble keǒ ɔ nya ke u nuaǒo mɔ̀le kenkeean, sɔɔn'ě uu fòɛ mɔ̀ mò bò diɔ̀ jǔ wɛ̀le mɔ̀ ǔ tentɛn'aǒ mɔ̀le keǒ wlòlekaen dɛǒ mɔ̀. ³⁴tà nyebajloǒ ɔ tùngmaea mamǔpòǒ dìdi noǎǒ nyenyeɛ sɔɔn'ǒ Jòsɛ̌fo jemǒ, Bɛ̀chemɛ̌ɛ dìgbaǐ nì ɔ po poa kɛne klě wěe m̀m wlòmo ǐ sìn'aǒ uu wùɛǒ mǒ. Ii tè kě u klee Jòsɛ̌fo nua dɛ dìdiɛ ǔ nɛ̂a nmɔ ǔ kwɛn'a plɔ bloblɛ.

¹Tà tǐ gbìi sìn'aa, è Jòsɛ̌fo tmɔɔ̌a ɔɔ na wien po nyebajloo do ɔ je, "Dìgbaǐǒ uu jakǎsèe do wɔ̀le je bɛ blěe, nì ba jiè uu blɛ̌ jele. È uu wlě wùɛ poě de klě uu blɛ̌ dlǒ měne, ²è nè mǒ naě kàeǒ ɛ̈ nuu sěbla nɛ̀ bò pòe jǔ wɛ̀lee blɔ̌ wan klee ɔɔ wlě." Ii tè dɛɛ teěn'ǒ ɔ boɔla ɔɔ je nɛ̀ ɔ nua.³Tà chnɛ̀ gbàǎla bòo le, è nùǒ ɔ dboa de u klee uu jakǎseàa sɔ̌n. ⁴Kɛɛ tà u sɔɔ̌n'a bò lěe dǐa mǒ sosǒ, è Jòsɛ̌fo tmɔɔ̌a ɔɔ nyebajloǒ ɔ je, "Mu, na nyopòǒ de. Bɛ̌ nu bò jee u kɛn, è bò gbà u wan ɛ moo, 'Mɛ kɔɔ̌n tè kàan dɛà ně chì kpa ämo nuu keǒ a mɔ̀ a sɛ̀ɛ leě kɛ ɔ dɛ kukǔ snǒ? ⁵Mɛ kɔɔn kɛ tè a jɛ lěe ně chì kpa ämoo mǒ naě kàe ɔ nɛ̌ɛ mǒo plě ɛ̈ moo ɔɔ sɛ̌bɛɛ ɛ̈ tmɛɛ̌ ɔɔ tè bǐ neě nya? Ɛ moo jǐlenymi dɛ ǎnu ɛ!'"⁶Tà nyebajloǒ ɔ jɛɛa uu kɛn, è tèe doǒ nì ɔ gbàla u wan. ⁷Kɛɛ kě u dɛ̌a u je, "Mɛ kɔɔ̌n kɛ tè äa chì kpa ämo boɔɔ̌ kɛ wìn taeǒ? Ɛ moo kafìnǎ tè ämo nè nyebajle ä se dɛ taeǒ dlǒ mɔ̀le sìɛn'a wɔ̀ɔ chɛ̀ plě ɛ mǒ ɛ nunuɛ kɛn jɛɛ le.⁸Tanalè, wleǎ ä jala lěe klekle tà ïà ä jěaa klě äa blɛ̌ wlòmene nìà ä sà lě Kenɛ̀ blǒ kɛn ä ja de. Ii tè mɛ kɔɔ̌n tè ä mooǒ kɛ sěbla ɔ̀ɔ̌ klò jlǐ klě nè chì kpa ämoo koǔ bo? ⁹Bɛ̌ nu bò jě kàeǒ klě nyu wùɛɛ gbɛ̀ɛ wan, è ɔmo nyuǒ bɔ kǒ, è äa wùɛà bä moo nè chì kpa ämoo kèia po." ¹⁰È nyebajloǒ ɔ tùa u kɛ̀ɛn ɔ je, "Ě wɔɔn ɛ kɛn, kɛɛ nyuǒ ɔ̈ kɔn gbɛ̀ɛ wan ɛ miě nema, ɔɔ doǒ nɔ̀ mi ně chì kpa ämoo kèi tùba. Aa wuɛ̀ǒ a se tè jɛɛa kɔn."¹¹Ii tè tǐi doo tǐ jleě uu wùeǒ è nùǒ sɛ̀a uu gbèe ǔ knana uu blɛ̌ jele. ¹²È nyebaloǒ ɔ tùngmaea uu gbèe chechlǎla sɔɔn'ě uu fòɛ mɔ̀ mò kaǒ ɔ̌ jɛɛa jǔ wɛ̀lee blɔ̌ kɛn klě ɔ sàlaě ɛmo kàeǒ Bɛchèmɛ̌ blɔ̌ wan. ¹³Tà mamǔpòǒ u jěaa dɛǒ, è nùǒ keklǎea uu dale wan le keǒ wɔle le nunuɛ mɔ̀. È nùǒ tèa gbèe de keǒ uu jakǎseà kɛ̀n ǔ tbaea je ǔ mua dǐa.¹⁴Ii te Jùdǎ klee ɔɔ mamǔpò mua lě Jòsɛ̌foo koǔ bo, è klě ɔ neeěa jè le ǔ chlìaǒ blǒ mɔ̀ bò keǒ ɔ jemǒ. ¹⁵È Jòsɛ̌fo gbàla u wan o je, "Mɛ kɔɔ̌n kɛ dɛà a nuǔ? A se kɛ i ji nyu tae Ě mono ɛ̈ moo bɛ̌ nu aa nyu bɔ̌ nu dɛ ně sɛ̌bɛɛà Ě blěe ɛ miǐ tmɔɔ̌maò le?"¹⁶È kě Jùdǎ dɛ̌a lɔ je ɔ je, "Chì kpa ämoò, ä se wìn kɔn ä mǒ moò je boɔ. Boǒ jě dɛ tae ä wɔ̀le je bä sèsae leě kɛne keǒò mɔ̀ bɛ jle ämoo bo? Nyesoaa chɛ̀ Nɔ̀ sà äa dɛ kukǔ tàme. Äa wùɛà klee jǔǒ ɔ̈ kɔn blɔ̌ wan mǒ naě kàeǒ ɛ̈ sɔn'ěe mǒ bä moo nè kèiapo." ¹⁷Kɛɛ Jòsɛ̌fo tùa u kɛ̀ɛn ɔ je, "Ɛ se ně blepo dɛ keǒ bo nu aa wùɛ'à kèiapò mò, kɛɛ nyuu doà u kmɛ něe mǒ naě kàeà kwete mǒ, nɔ̀ mi ně kèi tùba. Aa wùɛǒ nee kɛ̀ǒ a mu de klě aa gbeǐ mɔ̀, tò jɛɛa seǒ a kɛn ne."¹⁸È Jùdǎ kèklaeaǒ Jòsɛ̌fo gbàa kě ɔ dɛ̌a ɔ je ɔ je, "Ně chì kpa ämo, sɔn'ǒ nè nyebajlo mɔ̀ mò bɔ boɔ lěè mɔ̀. Nè kpě wǒ je Fɛ̀lǒtee kpě, ii tè Ě bɛtèè lè, nè pee lěe jlo. ¹⁹Chì kpa ämo, mòà mò gbàla ä wan bä kɔna gbeǐ ɔ̀ɔ̌ mamǔ tɔ̀ɔ. Ii tè ä tùaà kɛ̀ɛn.²⁰Ɛ̈ moo, 'Ä kɔn gbeǐ kpakla klee ɔɔ jǔ wɛ̀le. Äa gbeǐ wɛ̀ lè plě ɔ̌ kɔn nɔ, è ɔmo jǔ wɛ̀leǒ ɔɔ mamǔ jbɛju ɔ̈ klee ɔɔ sɔ̌n sɔn'ě naǎa do wlòmo ɔ kǒ lo, ii tè ɔɔ do nɔ̀ si kmɔ̌ plě ɔɔ gbeǐ noɛɛ ɔ mǒ chɔɔ.’ ²¹Plě è tmɔɔ̌a ämo ɛ̈ moo bä jala lɔɔ̀ mɔ̀ batle, ɛ̈ di ɛ numa mòa lɔ jě, kɛɛ kě ä dǎlaà jè ä je, ²²'Nyemòǒ ɔ slě wɔ̀ bɔ sɔn'ǒ ɔo gbeǐ jleě mǒ, bɔ̌ nu ɛ è ɔɔ gbeǐ mi kǒba.’²³Kɛɛ mò tmɔɔ̌ ämo ɛ̈ moo bɛ̌ nu bä sea lě ɔmo jǔǒ ja, è bälě diǎ de kělɔɔ̀ mɔ̀.' ²⁴Ii tè ä mua de klě nè nyebajlo mɔ̀ ɔ̈ moo äa gbeǐ, ä tmɔɔ̌a lɔ dɛ wùɛǒ tmɔ̀ɔ̌a ämoo. ²⁵Tà tǐ gbei sìn'aa, äa gbeǐ tmɔɔ̌a ämo ɔ je, 'A mu digbaǐ gbei tìi tɔ̀n de.' ²⁶Kɛɛ ä tmɔɔ̌a lɔ ɛ̈ moo, 'Ä sea de muma mu klě batle, ɛ̀ sìn'ǒ äa mamǔ chěnchaě klee ǎmoo sɔ̌n bä kea mi plě ä mǒa de mu. Ä se de muma mu klě jbɛjuǒ m̌ɔ̀, ɛ̀ sìn'ǒ bö kpae Bɛ̀chèmɛ̌ snǔ mǒ plě.'²⁷Ii tè kě äa gbeǐ dǎla ä je ɔ je, 'A ji ɛle ɛ̈ moo ně nynɔ kɔna jbɛjujluu sɔ̌n sosǒ, ²⁸uu nyuu do nɔ̀ sɔn'ǒǒ jleě mǒ ɔ kɔn pɛple nmi kukǔ nua kpǎkpǎ plě Ě sěɛlǎa kɛ̀ɛ jě. ²⁹Ě wɛ̀ɛ le, Ě plɛ̌ le dlǒ. Bɛ̌ nu bǎ kpa jǔà dɛ kukǔ tɛ̀ɛ bɛ̌ bee ɔ jebo bɔ̌ kǒ snǔ mɔ̀, è feanfeǒǒ a miě mǒo slè pòbo ɛ miǐ dbǎba.'³⁰Ii tè Ě jlɛ̌ bo jì ɛ, bɛ̌ nu bo mu de klě ně gbeǐ mɔ̀ plě jǔà ɔ klee ämoo sɔ̌n bä se mu ɛ kɔn bɛ moo dɛ, ke ɛ toon jleě mǒ bo äa gbeǐ fònfno tee ɔɔ fònfnò jleě mǒ bo äa bgeí fònfno tee ɔɔ fònfnò kɛ̀n. ³¹Tà ä mii dǐa paba bɛ̌ nu bɔ̌ slě ä jǔǒ slè jě, ɔ mi kǒba. Ii tè nè nyebajleà u miě uu gbeǐ kpaklǎǒ wɔle le nunuɛ fòɛ slè poba ɛ̈ mǐ ɔɔ dbǎ. ³²È mǒà mǒ nynanaǒ jǔà ɔɔ tà bò ɛ̈ moo dɛ sea ɔ numa mu, è kě Ě dǎla äa gbeǐ je Ě je, 'Bɛ̌ nu boǒ se jǔà de jakělɔɔ̌ mɔ̀, è mǒ bò jɛɛ ɔɔ tè ke ɛ mìi kɛ̀ɛ jleě mǒ ba tonma tǐ wùɛ mɔ̀.'³³Tèǒ nè kɔn tè Ě bɛtèè le, mǒ bɔ si bo keǒ ɔ pɛnmò bɔ̈ moo nè kèǐ, jǔà ɔ klee ɔɔ mamǔpò bu mu de. ³⁴Bɛ̌ nu boǒ se jǔà kpa, bò jě ke tae Ě mii de mumuɛ numa klě ně gbeǐ mɔ̀? Ně jlǎ bo jě wɔleǒ ɛ miě něe gbeǐ slè pobà."

¹È Jòsɛ̌fo sea kɛ̀ ɔɔ wlò kwa bleblɛ̌ ji keǒ ɔɔ nyebajleǒ jemǒ. Ii tè ɔ pooa lě tùe jɔ mǒ ɔ je, "Aa wùɛà a mu a sɔn'àǎ jleě mǒ kèkeà!" Ii tè u nyuu doo chɛ̀ nɔ̀ seaǒ ne tà ɔ sàla ɔɔ chɛ̀ kwlǎ mǒ klě ɔɔ mamǔoò mɔ̀. ²È nɔ̀ǒ pea tùe lè ɔ fìn'a, ii tè Ǐjɛ̀tě nyo klee nyopòǒ nea lěe Fɛ̀lǒtee tà u wɔ̌na ɔɔ fìɛn wìn'ǒ no. ³È kě ɔ dɛ̌a ɔɔ mamǔpò jè ɔ je, "Mǒ Jòsɛ̌foà. Sɛjesɛ ně gbeǐ neě jè kɛ kmɔ̌ le?" Kɛɛ ɔɔ mamǔpò bea wan kaen keǒ fano sosǒ mɔ̀ ɛ̈ jǐa uu jele.⁴Ii tè kě ɔ dɛ̌a u je ɔ je, "A kèklaeàǎ mɔ̀." Ii tè ǔ kèklaeaǒ ɔ mɔ̀. È kě ɔ dǎla u je ɔ je, "Mǒ Jòsɛ̌foà ɔ̈ moo aa mamǔ a ploaa kělɔ Ǐjɛ̀těà. ⁵Kɛɛ aa wlè bi bɔ̌ a tè jɛɛa plě aǎ pee aa chɛ̀ jlo keǒ ba diaǎ plo kělɔ tàɔ, ɛ moo Nyesoaa chɛ̀ Nɔ̀ǒ dboa mǒ kělɔ a nyo keǒ bo tùonyopò bu mǒ kmɔ̌ ne. ⁶Dodopàa jlěe sɔ̌n'a be de kělɔ blǒɔ wlòmo, ɛ siǒ jlěe m̀m tìi ï kɔn mǒ nyu slě wɔ̀ bɔ dɔ̌ɔ dɛ plě bɔ chěn'e dɛ.⁷Nyesoa dboɔɔ̌ nya keǒ Ě mǐ aa fònfnò gblà, ɛmo wlòlekaen dɛà nɛ̀ kɔn wlòmo klě a klee aa jlǔu jlǔ a miǐ jèe kmɔ̌ neema. ⁸Ii tè ɛ se amo a se ɛ nu, kɛɛ Nyesoao chɛ̀ Nɔ̀ dboɔɔ̌ tàɔ. Nɔ̀ nuǔ nyefòɛ mò keǒ Fɛ̀lǒte mɔ̀. Mǒ neě ɔɔ koǔu dlǒ jleě plě mǒ moo Ǐjɛ̀tě blǒ wùɛà ɛɛ kòngmna.⁹Tèǒ nì kɔn tè a nu jǐ měne a mu de klě ně gbeǐ mɔ̀, a tmɔɔ̌ ɔ kě ba dǎ ɛ̈ moo, 'Nè, jǔ Jòsɛ̌fo je Nyesoa nu ɔ mǒ nyefòɛ, Ǐjɛ̀tě blǒ wùɛǒ nɛ̀ ɔ kɔn wìn kwa. Ii tè nu jǐ měne mò le ɔ mɔ̀ dì, nè peǒ tǐ pɛ̀ti. ¹⁰Mìe diěǒ monoo Kòsɛ̀n kèn tǐnma ɛ̈ konwaě ɔɔ le. E se nè do, kɛɛ mò klee nè jlǔ klee nè duojlu klee nè blablɛǎ klee wlia klee bliǎ plě dɛ wùɛ kɔ̀n'ɔ. ¹¹Tà lě klě bǎ pooě kɛn Ě mi dɛ tàmo sàba tǐ wùɛ mɔ̀ keǒ a mɔ̀, ɛ̈ di ɛ numa nè koǔ bo kwɛɛn klee nè konkɔn noǎ ně se bo wɛ̀. Dodopàǒ ɛɛ jlěe m̀m'ǒ sìǐ jèò.'"¹²È kě jòsɛ̌fo dɛ̌ɛ̌a jè klě ɔɔ mamǔpò mɔ́ ɔ je, "A klee ně naǎa jǔ Bɛ̀chemɛ̌ aa wùɛ a jě mǒ, mǒ Jòsɛ̌foà boɛě a mɔ̀. ¹³Tèǒ nì kɔn tè a mu ně gbeǐ tmɔɔ̌ nǒ keǒ kpěà Ě kɔn'ɔ kělɔ Ǐjɛ̀tě blǒ wlòmo klee noǎ wùɛ a jěɔ ii tè. A nu jǐ měne a bla ně gbeǐ."¹⁴É nɔ̀ǒ klee ɔɔ naǎa jǔ Bɛ̀chèmɛ̌ u wowlɛɛa lě jale uu sɔ̌n wùɛǒ ǔ fìn'a. ¹⁵È ɔ kea fìn ɔ̌ nana ɔɔ mamǔpo wùɛ jele ɔ̌ nyǒa uu wìn. Dɛǒ nɛ̀ sìn'a plě ɔɔ mamǔpò wɛ̀ɛ̌a kɛ̌ fano mǒ ǔ boɛa lě ɔ mɔ̀.¹⁶È wìn muaě Fɛ̀lǒtee koǔ bo ɛ̈ moo, "Jòsɛ̌foo mamǔpǒ dìe leò." Ɛ mo dɛǒ ɛ blooa Fɛ̀lǒte klee ɔɔ nyefòapoo wlò chɔ̌ɔ. ¹⁷Ii tè kě Fɛ̀lǒte dɛa Jòsɛ̌fo je ɔ je, "Tmɔɔ̌ màmupòǒ deà nɛ̀ bu nù bu tè gbèe keǒ uu jakǎsèa wùɛǒ kɛne bu mu de klě kɛnɛ̀ blǒ kɛn. ¹⁸Bu bla aa gbeǐ klee nè tùgba wùɛ bu dìě kě lɔɔ̌ mɔ̀. È mi u blǒo jǐlenmɔ dɛ nyema kělɔ Ǐjɛ̀tě plě u mǐ blǒo kàan dìgbaǐ di.¹⁹Bu kpa ně sòkwe gbèe ii tì e uu jlǔ klee uu nyno klee uu gbeǐ mǐ ì wan naa ne u miǎ de di. ²⁰Jìlenmɔ noǎ wùɛ ï neɔɔ Ïjɛ̀tě blǒ kɛn nù kɔn ni, ii tè uu konkɔn noǎa tè biǐ pepɛ u wlò le chɔɔ."²¹Ii tè dɛǒ ɔ tmɔɔ̌a ǐsòwɛ̌ɛ jlǔ nɛ̀ u nua. Jòsɛ̌fo nyea u sòkwe gběe klee snǔ mɔ̀ didi dɛ wòje keǒ Fɛ̀lǒťe nua lɔɔ tmɔɔ̌a. ²²Ɔ nyea uu wùɛ dale jajlee do do, è Bɛ̀chemɛ̌ nɔ̀ ɔ nyea jǐlenmɔ mǒ po dalee kplěe m̀m klee sěbla kpěn'e wlěe m̀m kplěe tan. ²³È ɔ dboa jakǎsèa beěe pù nì ɔ tèea jǐlenmɔ noǎa gbee kɛn keǒ ɔɔ gbeǐ mɔ̀ ï sɔn'a lěe Ǐjɛ̀tě mǒ klee jakǎsèa něklěe pù nì ɔ jiěa dìgbaǐi gbèe kɛne klee flɔ̌ɔ klee snǔ mɔ̀ dìdi dɛ keǒ ɔɔ gbeǐ mɔ̀.²⁴È plě ɔ̌ dboa ɔɔ mamǔpòǒ, ɔ tmɔɔ̌a nu ɔ je, "Mumuɛǒ a mìi alě chɛ̀ snǔ mɔ̀." ²⁵Ii tè kě u nua mumuɛ ǔ sɔnaě Ǐjɛ̀tě mǒ ǔ mua Kenɛ̀ blǒ kɛn klě uu gbeǐ Jèkɔ̌po mɔ̀. ²⁶È u tmɔɔ̌a Jèkɔ̌po u je, "Jòsɛ̌fo neě jè kmɔ̌ plé nɔ̀ kɔn Ǐjɛ̀tě blǒ wùɛǒ wìn kwa!" Kɛɛ tèǒ u boɔlaa ìǐ poaě Jèkɔ̌po chǒn mǒ keǒ tà ɔɔ̌ poa lii kàan tè mɔ̀.²⁷Kɛɛ tà u tmɔɔ̌a lɔɔ Jòsɛ̌foo win wùɛǒ ɔ tùa luu je klee tà ɔ jěaa sòkwe gbèeǒ Jòsɛ̌fo dboaa bi jala lě ɔɔ plě ɔɔ sùsu diǐa kě ɔɔ chɛ̀ mɔ̀ chǒn nìa lɔ. ²⁸È kě ɔmo Ǐsòwɛ̌ dɛ̌a ɔ je, "Ɛ nu seɔn: kèke Ě poǒ aa wìn kòa ɛ̈ moo ně jǔ Jòsɛ̌fo neě jè kmɔ̌. Ě mìě muma bo jě ɔ plě bo ke kwě Ě mǒ kǒ."

¹Ii tè Ǐsòwɛ̌ tùa ɔɔ snǔ wlò klee dɛ wùɛ ɔ konaa. Tà ɔ nynìaǒo dìěǒ moo Besìba kɛ̀n, ɔ pìea chɔ̀no keǒ ɔɔ gbeǐ Aesěè Nyesoa mɔ̀. ²Klě tǒn wlòmo Nyesoa poaǒ ɔ slèe jǐ kɛn ɔ̌ dala lɔ Ɔ je, "Jèkɔ̌po, Jèkɔ̌po!" È ɔ wɔna ɔno ɔ je, "Jè mǒà leò." ³È kě Nyesoa dɛ̌a lɔ je ɔ je, "Mǒà Mǒ moo Nyesoa, Mǒ moo gbeǐi Nyesoa. Ě mi nè jlǔu jlǔ dakɔ̌ dlǒ fòɛ Mò num klě ɛmo tàě, ii tè bɔ̌ fano pepeɛ keǒ bò mu batle klě Ǐjɛ̀te. ⁴Ě miì de nama klě Ǐjɛ̀tě plě sɛjejɛ Ě mi nè jlǔu jlǔ de jaba de kělɔ blǒɔ wlòmo. Bò ke kwě, Jòsɛ̌fo mi tùɔn kɛ̀n nema Ɔ mi ɔɔ chɛ̀ɛ sonwe numa ɔ mǐ nè jǐ bo mɔ."⁵Tà dɛǒ ɛ sìn'aa, è Jèkɔ̌po sɔnaě Besìba mǒ ɔɔ jlǔ kpala ɔ klee uu jlǔ klee uu nyno ǔ naea Fɛ̀lǒtee sòkwe gbèe wan ï ɔ dboaa bi jala lě uu. ⁶Ii tè kě Jèkɔ̌po klee ɔɔ jlǔu jlǔ nuaa jemo duduɛ̌ u klee uu wnùnoǎ wùɛ klee uu konkɔn noǎ u kɔnaa klě Kenɛ̀ blǒ kɛn ǔ mua Ǐjɛ̀tě. ⁷Jèkɔ̌po kpala ɔɔ jlǔu jlǔ wùɛ ǔ muaě Ǐjɛ̀tě jà ɔɔ jbɛjujlu klee nynejujlu plě ɔɔ duojlu.⁸Uu wùɛ uu nynɛǎ nìà, Wlùbǐ ɔ̈ mooa ɔɔ nyǐ saju ⁹klee Wlǔbǐi jbɛjujlu Hanochì klee Palù klee Hɛsèlòn plě kamì. ¹⁰È Jèkɔ̌poo jbɛjuju Semìɔn kpala ɔɔ jbɛjujlu uu nynɛǎ nìa, Jimìɛ̀ klee Jamǐna klee Obadì klee Jachìn klee Sohaà plě Salǔ ɔ̈ mooa Semìɔn Kenɛ nynɔɔ jbɛjuju. ¹¹È Jèkɔ̌poo jbɛjuju Lifàe kpala ɔɔ jbɛjujlu, uu nynɛǎ nìà Kesèɔ̀n klee Kòhaa plě Molawlì.¹²È ɔɔ jbɛjuju Jùdǎ kpala ɔɔ jbɛjujlu uu nynɛǎ nìà, Selà klee Pɛwlesì plě Sɛwlà. Jùdǎa jbɛjujluu sɔ̌n tùuǒ ü mooa Ɛà klee Onanì nù kǒoa lě Kenɛ̀ blǒ kɛn. È Jùdǎa jbɛjuju Pɛwlesì kpala ɔɔ jbɛjujlu uu nynɛǎ nìà, Hɛsèlɔn klee Hamù. ¹³È Jèkɔ̌poo jbɛjuju Esèka kpala ɔɔ jbɛjùjlu uu nynɛǎ nìà, Tolà klee Pufà klee Joǒbo plě Siwnà. ¹⁴È Jèkɔ̌poo jbɛjuju Sɛbìlɔn kpala ɔɔ jbɛjujlu uu nynɛǎ nìà, Sewlɛ̌ klee Elonì plě Jalěle. ¹⁵Uu wùɛǒ nù mooa Jèkɔ̌po klee ɔɔ nynɔ Lià jlǔu jlǔ u kɔɔn'a lěe Padàn Alama. U kɔna nynejuju ɔ̈ mooa Daenà ke. Uu wùɛǒ u nua tà wlò tùo pù pù tùo tan.¹⁶È Jèkɔ̌poo jbɛjuju Kàa kpala ɔɔ jbɛjujlu uu nynɛǎ nìà, Sifìɔn klee Hakì klee Sunì klee Ɛsèban klee Ɛwliì klee Awlodì plě Awlelì. ¹⁷È ɔɔ jbɛjuju Asɔ̀ kpala ɔɔ jbɛjujlu uu nynɛá nìà, Jimlnaà klee Isùfa klee Isùfi plě Bawlià. Uu mamǔ nyneju mooa Sewlǎ. È Asɔ̀ɔ jbɛjuju Bawlà kpala ɔɔ jbɛjujlu uu nynɛǎ nìà, Hebà klee Machelè. ¹⁸Nyopòǒ nù Jèkɔ̌po klee Sipà kɔn, ɔ̈ Lebìɛn nyea ɔɔ nynejuju Liǎ. Uu wùɛǒ u nua tàii pù tùo m̀mɔdo.¹⁹È Jèkɔ̌poo nynɔ Wlèchɔ̌ kɔna jbɛjujluu sɔ̌n uu nynɛǎ nìà, Jòsɛ̌fo klee Bɛ̀chèmɛ̌ ²⁰Tà Jòsɛ̌fo nea lěe Ǐjɛ̀tě, ɔ klee ɔɔ nynɔ Asenatè ɔ̈ mooa ɔùn diěe bo diɔ Potifalàa nyne ju, u kɔna jbɛjujluu sɔ̌n uu nynɛǎ nìà, Manesɛ̀ klee Iflɛ̀n. ²¹È Jèkɔ̌poo jbɛjuju Bɛ̀chɛmɛ̌ kpala ɔɔ jbɛjujlu uu nynɛǎ nìà, Belà klee Bɛkà klee Asebeà klee Kewlaà klee Naamà klee Ɛì klee Wlosì klee Mupèn klee Hupìmi plě Awladà. ²²Nyopòǒ nù mooa Jèkɔ̌po klee Wlèchɔ̌ blěe jlǔu jlǔ. Uu wùɛǒ u nua tàii pù tùo hɛ̀n.²³È Jèkɔ̌poo jbɛjuju Danè kpala ɔɔ jbɛjuju Husìmi. ²⁴È Jèkɔ̌poo jbɛjuju Nafetalè kpala ɔɔ jbɛjujlu uu nynɛǎ nìà, Jasià klee Kunì klee Jesɔ̀ plě Selimì. ²⁵Umoǒ nù mooa Jèkɔ̌po klee ɔɔ nynɔ Belà blěe jlǔu jlǔ, ɔ̈ Lebìɛn nyea ɔɔ nynejuju Wlèchɔ̌. Uu wùǒ u nua tàii nyiɛta.²⁶A se Jèkɔ̌poo jbɛjujluu nyno slè, è uu wùɛǒ ɔ̀ kɔnaa ü ɔ kpalaa Ǐjɛ̀tě u nua tà wlèe tan tùo m̀mɔdo. ²⁷È Jòsɛ̌fo klee ɔɔ jbɛjujluu sɔ̌n'ǒ u nea kɛ̀ lě Ǐjɛ̀tě le ɛ̌ wɛ̀a mɔ̀. Ii tè Jèkɔ̌poo jlǔu jlǔ wùɛ nea kɛ̀ lěe Ǐjɛ̀tě u nua tà wlèe tan tùo pù.²⁸È Jèkɔ̌po dboa Jùdǎ nya klě Jòsɛ̌fo mɔ̀ ɔ mǒa u Kosɛ̀n snǔ tee le. Tà u nynia lěe Kosɛ̀n, ²⁹è Jòsɛ̌fo dbǎla ɔɔ sòko gbɛ̀ɛ je ɔ̌ bea lɛ wan ɔ̌ mua lě Kosɛ̀n ɔ̌ mua ɔɔ gbeǐ nya bɛ̌ba. Tà ɔ klee ɔɔ sɔ̌n mɔ̀ɔa, ɔ klìia lɔ ɔ̌ ìn'a kàan wɛ̀ ɛ̌ tmɔa jleě mǒ bo. ³⁰È kě ɔɔ gbeǐ Ǐsòwɛ̌ dɛ̌a ɔ je ɔ je, "Ně jǔ Ě kpaǒò mɔ̀ jleě, Ě je mò ɛ̈ moo nèě jè kmɔ̌, ii tè kèke Ě wɛ̀ɛ̌ mɔ̀ bo kǒ."³¹È kě Jòsɛ̌fo dɛ̌a ɔɔ mamǔpò klee ɔɔ gbeǐi koǔ bo kwɛɛn wùɛǒ je ɔ je, "Ě mìě Fɛ̀lǒte mɔ̀ Ě mì ɔ tmɔɔ̌ no ɛ̈ moo, 'Ně gbeǐ klee ně mamǔpò klee ně gbeǐi tùgba wùɛ ü ne pnɔ lěe Kenɛ̀ blǒ kɛn u diě le kělɔɔ̌ mɔ̀ò? ³²Ě mi ɔ tmɔɔ̌ma ɛ̈ moo a moo blablɛǎ jǐmɔ̀tunyǒ, aa konkwa wùɛ nɛ̀ moo wnùnoǎ popoɛ. Dɛǒ nɛ̀ kɔn tè a keě di a jaeě aa blǎgbò klee bliǎgbò plě noǎ wùɛ a kɔn'ɔ snǔ mǒ.³³Ii tè bɛ̌ nu bo Fɛ̀lǒte bɔ̌ da amo bǒ gbà a wan ɛ̈ moo, 'Mɛ monoǒ aa konkwa a niǐ?’ ³⁴a tmɔɔ̌ ɔ ɛ̈ moo aa konkwa wùɛ moo wnùnoǎ popoɛ sosǒ, sɔɔn'ě aa nyemò dɛ̀ jleě mǒ bò jɛ̀ tǐà, konkwaa doǒ aa gbeǐ pò nìaa. Dɛǒ nɛ̀ bǎ boɔ plě ɛ miě ɛ wɔ̀ keǒ ba tǐn'e kosɛ̀n blǒ kɛn. Mɛoǒ joo nɛ̀ moo Ǐjɛ̀těnyo bɛtɛ̌ɛ blablɛǎ kǐmɔ̀tunyǒ je."

¹Ii tè Jòsɛ̌fo mua lě Fɛ̀lǒte mɔ̀, è kě ɔ dǎla ɔ je ɔ je, "Ně gbeǐ klee ně mamǔpò klee uu blǎgbò klee bliǎgbò plě uu noà wùɛ u kɔn'ɔ nì u ja lě u sà Kenɛ̀ blǒ kɛn u neě Kosɛ̀n wàkǎ kɛn." ²È ɔ sàla ɔɔ mamǔpòo m̀m kwlǎ mǒ klě Fɛ̀lǒte mɔ̀.³È Fɛ̀lǒte gbàla u wan ɔ je, "Mɛ monoǒ kɛ aa konkwa a jìǐ?" u tùa lɔ kɛ̀ɛn u je, "Nè nyebajleà uu konkwa moo wnǔnoǎ popoɛ, konkwaa doǒ ǎa gbeǐpò niaa nɛ̀ ä ni. ⁴Ä diě ä mǒɔ blǒɔ wlòmo ne klě tǐ gbei wlòmo. Mɛ kɔɔ̌n tèǒ joo nɛ̀ moo klě Kenɛ̀ blǒ kɛn dodopàǒ neěe ɛ sìn'ǒ le chɔɔ, nɛ̀ kɔn tè kwlǎ wɔ̀nfuu doo chɛ̀ se tà ne äa blìǎ mǒ di. Ä bɛtèè le, sɔn'ǒ ä mɔ̀ mò bä tin'ě Kosɛ̀n wàkǎ kɛn."⁵È kě Fɛ̀lǒte dɛ̌a Jòsɛ̌fo je ɔ je, "Gbèǐ klee màmǔpòǒ ü diɔ mòo mɔ̀, ⁶Ǐjɛ̀te blǒ nɛ̀à neà bo. Tmɔɔ̌ u Kosɛ̀n'ɛ jǐlenmɔ blǒo wakǎ bǔ kě jlɛ̌ nɛ̀ bu tǐn'ě kɛn. Bɛ̌ nu màmǔpòo nyu wùɛ bɔ̌ wɔ̀le ɛ nɔ̀ bò nye ně wnùnoaǒ bɔ̈ po li."⁷È Jòsɛ̌fo sàla ɔɔ gbeǐ kwlǎ mǒ klě Fɛ̀lǒte mɔ̀. È Jekɔ̌po poa Fɛ̀lǒte ngmna mɔ̀. ⁸È Fɛ̀lǒte gbɛ̀a Jèkɔ̌po wan ɔ je, "È ke nè jlě tìǐn kɛ?" ⁹È ɔ tùa lɔ kɛ̀ɛn ɔ je, "Ě bea lɔɔ kmǒ be be ně jlě wlèe m̀mɔdo tùo pùà. Ě se tǐ pɛ̀ti kmɔ̌ sìn, è tǐ wùɛ Ě sìin kmɔ̌ i moo tǐ jakě sosǒ plě kaǒ Ě se ne gbeǐpòo jlě u sìin kmɔ̌ kɛn jɛɛ le." ¹⁰È ɔ poa Fɛ̀lǒte ngmna mɔ̀ de plě ɔ̌ sɔnaǒ ɔ jemǒ.¹¹Ii tè Jòsɛ̌fo nua dɛ wùɛǒ Fɛ̀lǒte tmɔɔ̌a lɔɔ ɔ̌ nua ɔɔ gbeǐ klee ɔɔ mamǔpò ǔ tǐn'a lě Ǐjɛ̀tě blǒo kàan wakǎ kɛn ɛ̈ konwaěaa diěǒ moo Wlamàse le. ¹²Klě u nea lě ɔ̌ dbea u klee uu jlǔ klee nyno digbaǐ mɔ̀le.¹³È dodopà bea kɛn kbě chɔɔ dɔ, didi dè wùɛ nɛ̀ sea tà wùɛ ne, noǎ wùɛ nea lěe Ǐjɛ̀tě blǒ kɛn klee Kenɛ̀ blǒ kɛn i wɛ̀a bo kpǎkpa. ¹⁴È Jòsɛ̌fo bòa wlě wùɛǒ nyopò jalaa digbaǐ tɔ̀nma le klě Ǐjɛ̀tě blǒ kɛn ɔ̌ dǔa i mǒ ɔ̌ kpalaě i Fɛ̀lǒte mɔ̀ koǔ bo.¹⁵Tà wle wɛ̀a lěe Ǐjɛ̀tě blǒ kɛn klee Kenɛ̀ blǒ kɛn, Ǐjɛ̀te nyo wùɛ dia lě Jòsɛ̌fo mɔ̀ u je, "Nye ä dɨgbaǐ. Deě ä mǒ kɛ kǒ kěàà jemǒ tà äa wlě wɛ̀ lěe tè?" ¹⁶Ɔ tùa u kɛ̀ɛn ɔ je, "Tà aa wlě wɛ̀ lěe, a jaě aa wnùnoa Ě mǐ a dìgbaǐ nye." ¹⁷Ii tè u jalaě uu wnùnoa klě ɔ mɔ̀ ɔ̌ nyea u digbaǐ keǒ uu sòkwe klee blablɛǎ klee wlìa klee blìǎ plě jakǎsèa mɔ̀. Klě jlǒ gblèe wlòmo u plooa uu wnùnoǎ Jòsɛ̌fo mɔ̀ ǔ tɔ̀na digbaǐ.¹⁸Tà jlǒǒ ɛ chlɛ̂aa, è u dia lě ɔ mɔ̀ de, kě u dɛ̀a lɔ je u je, "Ä se äa chì kpa ämo je wɛ̌ɛ ba mu dèǒ monoo tèe jlě nìà ä boɛà, äa wlě klee wnùnoǎ pɛpɛ mò i wɛ̀ɛe kwete mǒ de, ä wɛ̀ kwa, ii tè dɛ se tà ne ä mǒ mòo nye, ɛ̀ sìn'ǒ äa chɛ̀ klee äa blǒ. ¹⁹Ä klee äa blǒ ä mǒ kɛ gbè sùe kěàà jèmǒ le? Tɔ̀n ä klee äa blǒ digbaǐ je, ɛ̈ di ɛ nu ma ä moo kɛ̂ Fɛ̀lǒtee na wien po nyebajle tù. Nye ä digbaǐ äǎ dǐ kǒ ä mǒ kmɔ̌ ne, blǒà ɛɛ̌ di flo nu."²⁰È dodopàǒ ɛ sìnaǒ le chɔɔ dɔ̌, nɛ̀ kɔn tè nyopò wùɛ kɔn bu ploa uu blǒ. Ii tè kě Jòsɛ̌fo nua Ǐjɛ̀tě blǒ wùɛǒ tòntɔn keǒ Fɛ̀lǒte mɔ̀. Dɛǒ nɛ̀ nua lɛ blǒ klɛɛ kpɛ wùɛ ɛ̌ mooa Fɛ̀lǒtee konkɔn dɛ. ²¹È Jòsɛ̌fo sàla nyopò wùɛǒ blǒ mǒ ü nea lěe klìgbe měne ǔ dìa lě deě fòe wlòmene, ²²kee tà Fɛ̀lǒte nyeaa bodiɔpò dìgbaǐ tǐ wùɛ mò, ii tè u sea kɔn u mǒa uu blǒ plo, nɛ̀ kɔn tè uu blǒǒ nɛ̀ Jòsɛ̌fo sea tɔ̀n.²³È kě Jòsɛ̌fo dɛ̌a u je ɔ je, "A tanàle, Ě tɔ̀n'a a klee aa blǒ wùɛǎ le keǒ Fɛ̀lǒte mɔ̀. A kme dodɔ̌ noaa bò a mǒ dɔ́ klě chèa mò. ²⁴È bɛ̌ nu bǎ bɛ́ aa dodɔ noǎa klě chèa mò, keǒ i noǎa wlèe m̀m wùɛ kɛ̀n Fɛ̀lǒte kɔn'ǒ noǎà wlò. È wlèe hɛ̀n'ǒ siǒo nì kɔn'ǒ aa koǔ bo kwɛɛn²⁵U tùa Jòsɛ̌fo kɛ̀ɛn u je, "Mò wa ämo ä se kǒ, Ä bɛtèè le, kpaa nè kàan dɛɛ doǒ nya, ä mi Fɛ̀lǒtee mɔ̀le naa jlǔ tùba." ²⁶Ii tè Jòsɛ́fo poa tetě klě Ǐjɛ̀tě blǒ wlòmo, sɔɔn'aě tǐǒ jleě mǒ bò jɛ̀ tǐà ɛmo tetěǒ ɛ neě jèě blǒǒ mǒ wlòmo. Ɛmo teteǒ ɛ jenyu wùɛ bɔ̌ dɔ̌ dɛ, bɛ̌ kun, bɔ̌ chɛ̌n lɛ bǐ nu noǎa wlèe m̀m, è Fɛ̀lǒte koŋ'ǒ noǎ wlò, è wlěe hɛ̀n'ǒ sìǒ nì nyuǒ ɔ kɔn, ɛ̀ sìn'o bodiɔpoo blǒo doǒ ɛ̌ Fɛ̀lǒte seaa lèm tɔ̀n nɛ̀ tetěǒ ɛ seaǒ kɛn ne.²⁷Tà Ǐsòwɛ̌ kwɛɛn neěa jè lěe Ǐjɛ̀tě blǒ wlòmo klě ɛɛ Kosɛ̀n wàkǎ kɛn, uu kon kɔn noǎ bebeea kɛne ǐ wɔ̌na fòfo tè plě ǔ kɔna jlǔ fòfoa. ²⁸Tà Jèkɔ̌po sìn'a lée Ǐjɛ̀tě jlěe pù tùo nyiɛta, è jlě wùɛ ɔ kɔna kɛ̀ɛ i nua jlě wlèe nyiɛta tùo nyiɛta.²⁹Tà Ǐsòwɛ̌ɛ kokǒ tǐ konwaěaa le, ɔ dala ɔɔ jǔ Jòsɛ̌fo, è kě ɔ dɛ̌a ɔ je ɔ je, "Bɛ̌ nu bò noɛɛ neě mǒ, è bò pà lɔ nè son kɔ̌lɔ ně ponwě pǎnpe è mǒ ɛ tee le ɛ̌ moo noɛɛ neě mǒ no, è plě pèeě ɛle keǒǒ mɔ̀ ɛ̈ moo sèe bo tùba mu kělɔ Ǐjɛ̀tě blǒ kɛn bo kǒ, ³⁰kɛɛ bo kǒ mòɔ Ǐjɛ̀tě sàba mìǐ kpa klě ně gbeǐpòo wlèa kɛ̀n plě mìǐ bo tù." È Jòsɛ̌fo je, "Dɛɛ teě mǒ bòɔ mǒo je nɛ̀ Ě mi numa." ³¹È Jèkɔ̌po blalaǒ bo ɔ je, "Ě jlɛ̌ bò pò dìe wiǹ kɛne kěàǎ jemǒ bò di ɛ numa." Ii tè Jòsɛ̌fo poa ɔɔ chɛ̀ wìn kɛne keǒ ɔ jemǒ. È Ǐsòwɛ̌ pea Nyesoa tàto keǒ ɔɔ kɛn bo pɛn dɛ kɛn.

¹Tà tǐ gbei sìn'aa, è Jòsɛ́fo wɔ̀na i ni ɛ̈ moo ɔo gbeǐ kmɛa ne. Ii tè ɔ klee ɔɔ jbɛjujluu sɔ̌n'ǒ Manesɛ̀ klee Iflɛ̀n u mua Jèkɔ̌po jebo chèba. ²Tà Jèkɔ̌po wɔ̌na nii ɛ̈ moo ɔɔ jbɛjuju Jòsɛ̌fo diě le klě ɔ mɔ̀ò, è nɔ̀ǒ poa ɔɔ chɛ̀ kbě ja ɔ nea bo keǒ ɔɔ kɛn bo pɛn dɛ kɛn.³Tà Jòsɛ̌fo nyniaǒ ɔɔ mɔ̀, è kě ɔ dɛ̌a Jòsɛ̌fo je ɔ je, "Kbě kɛn Ne Nyesoa beeaǎ jebo klě dìěǒ moo Lusè wɔ̀ɔn klě ke nɛ̀ blǒ kɛn tàǒ keɔ̌ ɔ pooaǒǒ ngmna mɔ̀, ⁴ɔ je, Ě miì jlǔ fòfoa nyemo ɛ̈ di ɛ numa u mó dakwɛ̌ dlě fòfoa nu. Nè jlǔu jlǔ nù Ě mi blǒà nyema umǐ ɛ kɔn ke ɛ mii kɛ̀ɛ jleě mǒ bo tonma.'"⁵È kě Jèkɔ̌po dɛ̌ɛ̌a jè Jòsɛ̌fo je ɔ je, "Nè jbɛjujluu sɔ̌n'ǒ üà kɔ̀n'ɔ kělɔ Ǐjètě plě Ě diěe u moo nè jbɛjujlu. Iflɛ̀n klee Manesɛ̀ moo ně jbɛjujlu wòje keǒ Wlùbǐ klee Semìɔn'ɔ ko nee je. ⁶Jlǔ tùuǒ ü miǒ uu demǒ tbaba moo nè jlǔ, è uu konkɔn noǎ wùɛ i miě Iflɛ̀n klee Manesɛ̂ ja diiba plě u mǐ i kɔn. ⁷Tè kɔn tè Ě ni ɛ moo dɛà nɛ̀ moo Wlèchɔ̌ kɔna jbɛjejluu sɔ̌n sosǒ, è tǐǒ jleě ä sonwɛaěe diěǒ monoo Padàn Alamà kɛ̀n mǒ ä miaa Kenɛ̀ blǒ kɛn, keǒ snǔǒ mɔ̀ keǒ Wlèchɔ̌ kǒoaǒǒ jemǒ keǒ dìěǒ monoo Eflɛò wɔ̀ɔn ɛ̈ u dɛɛ kɛ̀ɛ Bɛ̀tlehɛ̌ɛn kekɛà."⁸È tà Ǐsòwɛ́ jěaa Jòsɛ̌foo jbɛjujluu sɔ̌n'ǒ, ɔ gbàla ɔ wan ɔ je, "Mɔ kɔɔ̌n kɛ jbɛjujluà?" ⁹È Jòsɛ̌fo je, "Ně jbɛjujlu Nyesoa nye mǒo tà Ě neɔɔ blǒɔ wlòmo nùà." È Ǐsòwɛ̌ je, "Kèklaea uu mɔ̀ boo po u ngmna mɔ̀." ¹⁰Klě tǐǒ wlòmo ɔɔ̌ wɛ̀ɛaǒ tà jǐ lee kɛ̀. È Jòsɛ̌fo kèklaeaǒ u ɔ jemǒ ɔ̌ klìia u plě ɔ̌ nyǒa uu wìn.¹¹È ke ɔ dɛ̌a Jòsɛ̌fo je ɔ je, "Ně dlǒ le sìɛnsìɛn moo pnɔ Ě seeǎ kɛ̀ɛ̀ jěba mu de, kɛɛ ɛ bitǐ bo, Nyesoa nu ɛ Ě jě mò plě Ě jě nè jlǔ ke." ¹²È Jòsɛ̌fo sàlaǒ jlǔo ɔɔ gbeǐi kna dlě jleě ɔ kɔa dlǒ bo keǒ ɔɔ gbeǐ jemǒ. ¹³È Jòsɛ̌fo pooaě Iflɛ̀n klě Jèkɔ̌poo gbàpe sòn mɔ̀, ɛ Manesɛ̀ nɔ̀ ɔ pooa lɔɔ dila son mɔ̀.¹⁴Kɛɛ tà Ǐsòwɛ̌ ji dɛ ɔ niaa, ii tè ɔ bɛ̌a ɔɔ sonwe pète ɔ̌ poaǒ ɔɔ dila sɔ̌n keǒ Iflɛ̀n dlǒ bo ɔ̈ mooa chěnchaě nonɔ, è ɔɔ gbàpe sòn nɛ̀ ɔ poaǒ Manesɛ̀ɛ dlǒ bo ɔ̈ mooa fòɛ̀. ¹⁵È ɔ poa Jòsɛ̌fo ngmna mɔ̀ ɔ je, "Nɛ bo Nyesoaà ɔ̈ ně gbeǐ pò Èblɛ̌hɛ̀mo klee Aesěè u nɛnaa dè plě ɔ̈ tù mǒo jǐ mɔ̀ keǒ tǐ wùɛà Ě sìin kmɔ̌ mɔ̀. ¹⁶Nɛ ɔmo najiǒpòiǒ ɔ̈ gblàlaě mǒo noǎ kukwǐ slè Bɔ po jlǔà ngmna mɔ̀. Nɛ bo ně nynɛ̌ klee ně gbeǐpòo nynɛǎ bi muu nya klé Manesɛ̀ klee Iflɛ̀n mò. Nɛ bu kɔn jlǔu jlǔ fòfoa kělɔ kmɔ̌ɔ mɔ̀."¹⁷Tà Jòsɛ̌fo jěa lɛɛ ɛ̈ moo ɔɔ gbeǐ poaǒ ɔɔ dìla sǒn keǒ Iflɛ̀n dlǒ bo, ɔɔ wlò sea blo, ii tè ɔ kmea ɔɔ gbeǐi son bo ɔ mǐaǒ ɛ Iflɛ̀n dlǒ sà ɔ mǐaǒ ɛ Manesɛɛ dlǒ bo po. ¹⁸È kě ɔ dɛ̌a ɔɔ gbeǐ je ɔ je, "Ně gbeǐ, bɔ̌ bò lɛ̌ nùnuɛ. Nyuà nɔ̀ moo nyǐsaju, nɔ̀ bò poà nè dilǎ son dlǒ bo."¹⁹Kɛɛ ɔɔ gbeǐ sea ɛ kɛn wɔɔn no, ii tè kě ɔ dɛ̌a ɔmo Jòsɛ̌foǒ je ɔ je, "Ě ji ɛle ně jǔ, Ě ji ɛle. Manesɛ̀ɛ jlǔu jlǔ mi dakɔ̌ dlǒ foɛ̌ nùma ke, kɛɛ ɔɔ mamǔ chěnchaěà nɔ̀ kɔn jlǔu jlǔ miǒ ɔ mǒ sìnmà, u mi dakwɛ̌ dlě fòe nùma." ²⁰Ii tè chnɛ̂ jlò waeǒ mɔ̀ Jèkɔ̌po poa u ngmna mɔ̀ ɔ je, "Ǐsòwɛ̌ kwɛɛn mi aa nynɛǎ numa bǔ ke ngmna ble pe, kě u mi dǎba, 'Bo Nyesoa Bɔ poò ngmna mɔ̀ wòje Iflɛ̀n klee Manesɛ̀.'" Klě ɛmo dɛǒ ɛ nunuɛ wlòmo Ǐsòwɛ̌ nua Iflɛ̀n ɔ̌ neaǒ Manesɛ̀ dlǒ mǒ.²¹È kě ǐsòwɛ̌ dɛ̌a Jòsɛ̌fo je ɔ je, "Tanàle, mǒà Ě nee kɛ̌o kokǒ snǔ mɔ̀, kɛɛ Nyesoa miǒò mɔ̀ nee ma ɔ mǒò dè kpa klě nè gbeǐi blǒ kɛn. ²²Klě màmu pò slè nè doà mò Ě nye kàan blǒǒ monoo Sichɛ̀ ɛ̈ǒ Ě sàlaa Amɔ̀nyo kwa tà Ě kpala luu to mɔ̀."

¹È chnɛ̀ jlò wae tɛ̀ɛ mɔ̀ Jèkɔ̌po dala ɔɔ jbɛjujlu kě ɔ dɛ̌a u je ɔ je, "A diě, a bò le, ɛ̈ di ɛ numa Ě mǒ a tmɔɔ̌ nǒ dɛǒ neě nya ɛ̈ miǎa tùɔn kpàba keǒ a mɔ̀. ²A diě ně jlǔ a beǒ tàa do a mǒ nɔkǔ bo po. A po aa gbeǐ Ǐsòwɛ̌ nɔkǔ jebo.³Wlùbǐ, ně nyǐsaju, mò Ě tee kɛn. Ě siǐ nyemò dɛ̀ mò Ě kɔn mò, bo tùtuɛ foɛ̀ nɛ̀ kɔn plě nè mò kbě. ⁴Kɛɛ nè blěǒ dìe mɔ̌ kwà wòje ně ɛ̈ see je kenkan ji, nè konkɔn gbeǐ nɔ̀ beeě demǒ bo è pɛn ɔɔ chèen kɛn bo è sàeò ɔɔ tè lè. Kàan tè mò blɛɛ je bɔ moo noo tè kma ju kělɔ bìi slè, kɛɛ nè tè se kmama nu.⁵Semìɔn klee Lìfàe moo naǎa doo jlǔ, uu sɔ̌n'ǒ u ni uu wɔ̀ɔn noǎ ǔ pe toe ble. ⁶Ě slě uu je wɛ̌ noǎǒ u pee ble wakǎ slè kɔn klee uu snǎ u kwɛɛn. Mɛoǒ joo nɛ̀ moo tà u keaa jlo pe u pooa nyopò mnùngmà è bǔ ke wan le tbɛ u bɛ̌ bliǎa be de tèni.⁷Chlǒ keǒ uu jǐlenymì gbòbblɛǒ mɔ̀. Chlǒ keǒ uu jǐlenymi chnɛ̂ wlògbaeǒ mɔ̀. Ě mi u le gbɛ̀tɛɛba klě Ǐsǒwɛ̌ blǒ kɛn umǐ Ǐsòwɛ̌ kɔn kɛn bo wlɛ.⁸Jùdǎ, mòà mò kɔn nynɛ̌ màmǔpòo mì lè poba. Mì nè jlaenyo nè kweta gblà nomɔ̀ tbaba mò u wìn kwa kɔn. Màmǔpò miǒò kwne jemǒ bo kɔba.⁹Jùdǎ wòje sà bòto bɔ̈ dbǎa dɛ ɔ̈ tbɛɛ lee je klě ɔɔ wɔn wan ɔ̈ slee ɔɔ chɛ̀ ɔ̈ pɛɛn bo keǒ blǒ mɔ̀. Nyu wùɛ nɔ̀ se kponkpe kɔn bɔ popa ɔ wlò le.¹⁰Jùdǎ nɔ̀ mi klɔ̀ba dɛɛ tnǒǒ kwa blěba, ɔo jlǔu jlǔ nù miǎ a wìn kwa kɔnma ɛ mǒ ɛ kpa kpa sialò miǎě di ɛ̈ manoo jbɛju miěe fɛfɛ jaba keǒ nyu wùɛ mɔ̀ ɔ̈ dakwɛ̌ wùɛ miǎǒ bo tùba.¹¹Jùdǎ mi ɔɔ jakǎsè bo moàma keǒ dbǔ jleě, è jakǎsèe jǔǒ nɔ̀ ɔ mi bo moama keǒ jǐlenmɔ dbǔ jleě. Ɔ mi ɔɔ dale nmɔ cho jlaeba. ¹²Ɔ mi nmɔ fòfoa kɔnma, ii te ɔɔ jǐ mǐ jbójbo nema klee bliǎa nyìa ně fòfoa nì mi ɔɔ nyě plɛɛ̌ba popo.¹³È Sɛbìlɔn mò miǒ jbǒ wien tǐnma. Blè blǒ wakǎ mìi kpaba ɛ kɔn bɛ mu mu ɛ mǒ diěǒ monoo Saedɔ̂n jè kwɛ, nɛ̀ mi tɛɛ numa keǒ nè kɛn měa bǐ beeǒ kpǒ je.¹⁴È Esèka moo kbě mǒ ne nyu wòje jakǎsè ɔ̈ neǒo gbèe sɔ̌n pǎnpe. ¹⁵Ɔ jě ke ɔɔ jǐlenmò fɛla tùɔn nèe ně plě ke ɔɔ wlò nu ɔɔ blǒ kɛn blooa, kɛɛ ɔ sonwɛ mǒ ɔ̌ kpɛ gbèeǒ ɔ̌ ni konkw wòje kèi.¹⁶È Danèe dakɔ̌ dlǒ nɛ̀ mi Ǐsòwɛ̌ kwɛɛn dakwɛ̌ dlě tìiǒ tè mɔ̀ tùba. ¹⁷Danè mi le wǒba smɛ ɔ̈ neǒo snǔ wakǎ mǒ ɔ̈ wǒo je chì nyee ngmɛ̀ɛ smɛ ɔ̈ jlo ɔɔ chɛ̀ keǒ snǔ mɔ̀ ɔ̈ nmii sòkwee kloklosògbai, ɛ̈ di ɛ numa ii kɛn nae nyo mǐě ii kɛne blo u mǐi kɛn bee le. ¹⁸Jǎwɛ̀, Mòà Ě fe kɛn mǒ Mòo gblà.¹⁹È kàa nɔ̀ jlǐ nyo mi mɔ̀ pabà, kɛɛ ɔ mi u wan duba klě ɛle dlǒ chlɛ̀ɛa mò. ²⁰Asɔ̀ blǒ mi nmɔnmɔ blǒ tùba ɛmǒ jǐlenmɔ digbaǐ fòfoa kɛne wǒ ï nuu kàan keǒ klɔ̀bapoo mɔ̀. ²¹È Nafetalè wǒ je dlě ɔ̈ plìi chɔɔ. Ɔ boɛɛě tɔn wlomo.²²È Jòsɛ̌fo wǒ je toto tu ɛ̈ nynaǒo ně wien bo. Ɔɔ ti baě pɛn ngmnì dlǒ ble. ²³Ɔɔ jlaa nyo pɛ ɔ mɔ̀ klě faen tǔn wlòmo ǔ pe ɔ pno seǎ mɔ̀le.²⁴Kɛɛ ɔ blě ɔɔ pno kwa kpo kpo plě kbě kɛn Ne Nyesoa Ɔ̈ moo Jèkǒpoo Nyesoa Ɔ̈ kɔn lěe Ǐsòwɛ̌ kwɛɛn tè mɔ̀ plě Ɔ̈ tùi uu jǐ mɔ̀ ɔɔ son nu Jòsɛ̌foo son ɛ̌ ne kbě mǒ.²⁵Nɛ bo gbèipoo Nyesoa Ɔ̈ moo kbě mǒ Ne Nyesoa Bɔ poò nùu ngmna mɔ̀ Ɛ̈ sonwɛ lěe jò mǒ klee neǎ ï sonwɛ lěe wlòmo. Bɔ nyeè pùeka mò jlǔ fòfoa kɔn.²⁶

¹È Jòsɛ̌fo pɛnaǒ ɔɔ gbeǐ kɛn bo ɔ̌ fìn'a ɔ̌ nyǒa ɔɔ jigbà. ²Ɛ sìn'a plě ɔ̌ dala ɔɔ dɛ jɛjǐɔpò keǒ bu poa ɔɔ gbeǐ tu mǒ. ³Ɛ kpala chnɛ̀ jlo wěe wlèe sɔ̌n'ɔ doǒ ɛ kpɛ pnɔɔ le keǒ bu poa nyu tu mǒ, è Ǐjɛ̀tě nyo nua chnɛ̀ jlǒ wěe wlèe tan tùo pù ǔ nua ɔɔ kpǎn ǔ chìn'a ɔɔ sònwɛ.⁴Tà ɔɔ sònwɛ chìn chnɛ̀ jlǒ wě wɛ̀aǒo le, è Jòsɛ̌fo tmɔɔ̌a nyopòǒ ü nea lěe Fɛ̀lǒtee klɔ̀ba koǔ bo ɔ jè, "Ě bɛtè ale, a tmɔɔ̌ Fɛ̀lǒte keǒǒ mɔ̀, ⁵kě ba dǎ lɔ je u je, jò ɛ̌fo je tà ɔɔ gbeǐ keaa kǒba mi, ɔ nua nɔ ɔ̌ poa ɔɔ chɛ̀ wìn kɛne. Ɔ je bɔ tùa ɔ bo klě sɛklɛ bǐtìeǒ nea lěe Kenɛ̀ blǒ kɛn ɛ̈ u wɔ̀laa mɔ̀le. Tèǒ nì kɔn tè, ɔ bɛtèè le, bò sɔn’ǒ ɔ mɔ̀ mò bɔ mu ɔɔ gbeǐ bo tù klě togbea klě Kenɛ̀ blǒ kɛn, bɔ̌ tù ɔ bo ɔ mi de diba." ⁶Tèǒ nì u kpalaě Klɔ̀ba Fɛ̀lǒte mɔ̀, è ɔ tùa u kɛ̀ɛn ɔ je, "A tmɔɔ̌ ɔ kě ɛ toon jleě mǒ bo ɔɔ gbeǐ nua nɔɔ ɔ̌ poa ɔɔ chɛ̀ wìn kɛne keǒ ɛmoo mɔ̀ bɔ mu ɔ bo tù klě Kenɛ̀."⁷Ii tè Jòsɛ̌fo mua togbea klě Kenɛ̀ blǒ kɛn, ɛ̈ di ɛ numa ɔ mǒa ɔɔ gbeǐ bo tù. Fɛ̀lǒtee mɔ̀le nae nyebajle wùɛ klee ɔɔ bòlìbo wùɛ klee Ǐjɛ̀tě nyǒo bòlìbo wùɛ8 ⁸plě Jòsɛ̌foo koǔ bo kwɛɛn wùɛ klee ɔɔ mamǔpò klee ɔɔ gbeǐi koǔ bo kwɛɛn wùɛ nù mua. Uu jlǔ klee wnùnoaa do nì u sìa bo klě Kosɛ̀n wakǎ kɛn. ⁹Sòkwe gbèe klee ii nae nyo plě diblɛ̌ fòfoa nù nana Jòsɛ̌fo de u jaěa je.¹⁰Tà u nynìaǒo Atadɛ̀ɛ wǐti du tùɔn kɛn ɛ̈ konwaě neě Jɔ̀ɔ̌dɛn ně le keǒ u sìn'oǒ wěe nyiɛta ǔ chìn'a ɔɔ gbeǐi sònwɛ de keǒ tàǒ. ¹¹Tà Kenɛ̀nyǒǒ ǔ tǐn'aǒo tàǒ u jěa uu sònwɛ chìnchiɛn, è kě u dɛ̌a u je, "Ǐjɛ̀těnyo chìn tè kma nyuu sònwɛ chɔɔ." Teǒ nì kɔn tè, u dɛɛ ɛ mo tùɔn'ǒ Abò Mesèlan ɛ̈ sɛ̀n'ɛ nynɛ̌ Ǐjɛ̀tènyoo sònwɛ chìnchiɛn. Kekɛà bò bɛ̌ɛ̌ bo něǒ moo Jɔ̀ɔdɛn tìe keǒ ɛmo tùɔn'ǒ ɛ neǒ.¹²Ii tè Jèkɔ̌poo jbɛjujluǒ u nua dɛɛ teěn'ǒ ɔ tmɔɔ̌a nuu. ¹³U kpala ɔ Kenɛ̀ blǒ kɛn ǔ tùa lɔ bo klě blǒ peǎn'ǒ u dɛɛ Makěpìla kɛ̀ keǒ Mawlì Wɔ̀ɔn klě bǐtìeǒ ɛ̈ neǒo blǒ tìeǒ Èblɛ̌hɛ̀mo tɔ̀n'aa Efɔ̀n kwete mǒ ɔ̈ moo Hetìnyu keǒ uu wlèa mɔ̀. ¹⁴Tà ɔ tùa lɔɔ gbeǐ bo, è Jòsɛ̌fo klee ɔɔ mamǔpò plě nyopò wùɛ u nana ɔɔ de, è nùǒ tbaea je klě Ǐjɛ̀tě.¹⁵Tà Jòsɛ̌foo mamǔpò jěa lɛɛ ɛ̈ moo uu gbeǐ kǒ loò, è kě u dɛ̌a u je, "Tǐ tìi tà Jòsɛ̌fo mi ä faenma klě tǐà wlòmo, ɔ mi ä kpa mǒ sàaba keǒ noǎ kukwǐ wùɛ ä nua lɔɔ mǒ mɔ̀." ¹⁶Ii tè u dboa nyuu do klě ɔ mɔ̀, è wìn'à nì u poa ɔ wan u je, “Plě gbèi mǒ kǒ win'à nì ɔ je bä tmɔɔ̌a mò, ¹⁷ɔ je ɔ bɛtèè lè, poo màmupòo tè wlawlǎ klee dè kukǔ u nua mòo mǒ ii tè wlò le. Tèǒ nì kɔn tè ä bɛtèè lè, ä moo gbèii Nyesoaaa na wìn po nyebajle, poo äa tè wlò le keǒ aö tè wlawlǎǒ mɔ̀." Tà ɔ wɔ̌na imoo wìn'ǒ, è nɔ̀ǒ fìn'a.¹⁸È ɔɔ mamǔpò nùǒ dìa lě u chlìaǒ blǒ mɔ̀ blě keǒ ɔ jemǒ, è kě u dɛ̌a lɔ je u je, "Tanàle, ä moo nè kèia." ¹⁹Kɛɛ kě Jòsɛ̌fo dɛ̌a u je ɔ je, "A bɔ̌ fano pepeɛ. Ě moo kɛ Nyesoa Ě mǏǒ aa plɔ tu kɛn bo maě ně keǒ aa dɛ kukǔu tè mɔ̀ le? tù kɛn bo maě ně keǒ aa dɛ kukǔu tè mɔ̀ le? ²⁰A kɔnaě ɛ wlò jleě keǒ bɛ mooa dɛ kukǔ keǒǒ mɔ̀, kɛɛ Nyesoa pnɔɔa ɛ mǒ kàan dɛ, ɛ̈ di ɛ numa klě ɛ mǒ nyopò fòfoa mǒa kmɔ̌ wǒ kleě tǐà ä nee kɛn wlòmo. ²¹Tèǒ nì kɔn tè a bɔ̌ fano pepeɛ. Ě mi a klee aa jlǔ jǐ mɔ̀ tùba." Klě ɛmo dèǒ mǒ ɔ tùaǒ ɔɔ mamǔpò wlò wlòmo ble ɔ̌ boɛa wan nmɔ wìn klě u mɔ̀.²²Tà dɛǒ ɛ sìn'aa, Jòsɛ̌fo klee ɔɔ gbeǐi tùgba wùɛ tǐn'a lě Ǐjɛ̀tě. Klě ɔ siiě ɔ̌ kɔn jlě wlèe m̀m tùo pù. ²³Ɔ kɛ̀ɛn kmɔ̌ bo ɔ̌ jě ɔɔ duojlu klee ɔɔ duople wùɛ ü Iflɛ̀n kɔnaa plě ɔ̌ jě ɔɔ jbɛjuju Manesɛ̀ɛ jlǔ klee ɔɔ dua ju Makìi jlǔ ke.²⁴È ě Jòsɛ̌fo dǎla ɔɔ mamǔpò je ɔ je, "Ě neǒ kokǒ snǔ mɔ̀à, kɛɛ kɛɛ Nyesoa miě dìba ɔ mǐɔ a blǒɔ wlòmo sà, ɔ miě a blǒǒ ɛ̈ kɔn wìn ɔ poaa tànmǎ mǒ suɔkɔ̌ suɔkɔ̌ keǒ Èblɛ̌hɛ̀mo klee Aesěè plě Jèkɔ̌po mɔ̀ kɛn kpa." ²⁵Ii tè ɔ nua ɔɔ mamùpò ǔ poa uu chɛ̀ wìn kɛne ɛ̈ moo bo Nyesoa Bɔ̌ dìa lě Bɔ̌ keaě u blǒǒ wlòmo sɛ̀, è bǔ sàlae ɔɔ blǒ fǒ klě blǒǒ wlòmo bü kpaea ɛ snǔ mǒ klě uu blětà. ²⁶Ii tè Jòsɛ̌fo nua jlě wlèe m̀m tùo pù ɔ̌ kǒa. Tà ɔ kǒaa, u poa ɔɔ blǒ fǒǒ tu mǒ ǔ poaǒ ɛ kǔ gbàti kɛ̀n bò klě Ǐjɛ̀tě.

¹Ǐsòwɛ̌ɛ jbɛjujlu ü klee ɔ̀ mua lěe Ǐjɛ̀tě nù kɔn nyneǎà ä di slèba. Ɔɔ jbɛjuju wùɛ kpala ɔ blěe koǔ bo kwɛɛn, è uu nyneǎ nìa, ²Wlùbǐ klee Semiɔ̀ klee Lifàe klee Jùdǎ klee ³Asekà klee Sɛ̀bɔlɔn kle Bɛ̀chemɛ̌ klee ⁴Nafetalè klee Kɛɛ̀ plě klee Asià. ⁵Ii tè Jèkɔ̌poo jlǔu jlǔ wùɛ ɔ kpala lěe Ǐjɛ̀te u nua tàii wlèe tan tùo pù, bo Jòsɛ̌fo klee ɔɔ jlǔ bǔ be u kèn.⁶È tà ɛ sìɛn'aa jlě fòfoa, è Jòsɛ̌fo klee ɔɔ mamǔpo klee uu sònkpǎ wùɛǒ ù kǒa le, ⁷kɛɛ uu jlǔu jlǔ ü mooa Ǐsòwɛ̌ kwɛɛn nù kɔna jlǔ fòfoa ǔ wǒa fòfo tè plě u nea kbě mǒ ǔ jǐa Ǐjɛ̀tě blǒ jele⁸È klɔ̀ba jǎjlo ɔ̈ kɔnaa Ǐjɛ̀tě blǒ wìn kwa nɔ̀ sea Jòsɛ̌fo ji. ⁹È kě klɔ̀baǒ ɔ dɛ̌a ɔɔ nyopò jè ɔ je, "Ǐsòwɛ̌ kwɛɛn'à u fò dɔ̌ plě ǔ ne kbě mǒ. Ɛ nu ɛ ǔ moo u blěe wǔ klě ä fǒ mɔ̀. ¹⁰Ii tè a diě bä nuě uu kɛn le bebeeaà dɛ jleě mǒ. Nɛ̌ bɛ̌ se nu bo dakɔ̌ tùu ü moo äa jlae nyo bǔke ä to mɔ̀ jɛ, u mi u kɛn beba u mǐ ä mɔ̀ wɔ̀n, è nùǒ plù ü sɔn'ɔ blǒɔ wlòmo."¹¹Dɛǒ nɛ̀ kɔn tè Ǐjɛ̀tě nyǒ tbala chìkpaämopò ü Ǐsòwɛ̌ kwɛɛn bu nea lěe bobo u mǐaa kɛ̀ konkwa jakǎ nu. Klě emoǒ wlòmo Ǐsòwɛ̌ kwɛɛn poa deěǒ moo Pɛtuù klee Wlemasì keǒ Fɛ̀lǒte mɔ̀ ï kɔn kɛn Fɛ̀lǒtee noǎ wùɛ i miaě mǒo sɔnma. ¹²Kɛɛ kě Ǐjɛ̀tě nyo nia nuu tǐ jakě kɛ̀n kpokpa kě u nia kɛn le bebeea ǔ wlɛa blǒǒ kɛn bo. Dɛǒ nɛ̀ poa umo Ǐjɛ̀tě nyo fano mǒ keǒ Ǐsòwɛ̌ kwɛɛn mɔ̀.¹³Ii tè u kpɛɛa u klɔ̀ba kbě ǔ nia konkwa jakě ǔ tùia u sònwɛ̀. ¹⁴U nua uu kmɔ̌ nenɛ wùɛ ɛ̌ nymìa wan. U kpɛɛa u kbě ǔ nìa blèke (fnò kpáni) klee ɛɛ fnò plě ǔ nia uu jlě. U sea u wɔle je jbojbɛ kɔn wùɛ.¹⁵È Ǐjɛ̀tě nyoo klɔ̀ba nyea Sifawlà klee Piwlà snǒ ü sɛ̀aa Hiblù nynɔ kmàea měne, kě ɔ dǎla u je ɔ je, ¹⁶"Bɛ̌ nu bǎ ke Hǐblù nynɔ kmàea mò sɛ̀, bo ɔɔ jǔǒ ɔ mii kɔnma bɔ̌ moo jbɛju è ba dbǎ lɔ, kɛɛ bɔ̌ moo nyneju, è ba sàò ɔ wun mɔ̀ bɔ ne kmɔ̌." ¹⁷Kɛɛ ngmàe nyně wèonpòǒ u kɔnaǒ Nyesoa bo tùtuɛ, ii tè u sea dɛǒ nu ɛ̈ǒ klɔ̀ba tmɔɔ̌a nuu. È dɛ u nuaa nɛ̀ moo u sɔnaǒ jbɛjujluǒ mɔ̀ mò u nea kmɔ̌.¹⁸Tèǒ nì kɔn tè klɔ̀ba dala umo nynoǒ ɔ̌ gbàla u wan ɔ je, "Mɛ kɔ̌ɔn tè a niǐ kɛ jbɛjujluǒ u neě kmɔ̌?" ¹⁹È u tùa Fɛ̀lǒte kɛ̀ɛn u je, "Dɛ ɛ nuu nɛ̀ moo Hǐblù nynǒà u se je wǒ kea Ǐjɛ̀tě nynoo ka nee je. Uu nyu ni kàan doɛɛ ɔ̌ kmɛ̀ɛ nè. Kwlě bɛ̌ ke uu nyu ni, ɔ kwɛn ɔɔ jǔo plě aa nyuǔ nyniǒo chɛ̀."²⁰Tèǒ nì kɔn tè Nyesoa nua kàan keǒ umo ngmàe nyně wènonpòǒ mɔ̀. Ǐsòwɛ̌ kwɛɛn bebeea kɛn le ǔ nea kbě kɛn klě blǒǒ wl̀òmò. ²¹Ɔ nyea nynoo sɔ̌n'ǒ kou bo kwɛɛn fòfoà, mɛ̌oǒ joo nɛ̀ moo u tùaǒ ɔ bo. ²²Demǒ bɔɔ̌ dɛ Fɛ̀lǒte nua kɛ̀ɛ nɛ̀ moo ɔ dala ɔɔ nyopò ɔ̌ nyea u snǒ ɔ je, "Bɛ̌ nu bo Hǐblù nynɔ bɔ̌ kɔn jbɛjuju, a dǔ ɔmo jǔǒ mǒ a poě ɔ něǒ moo naè mɔ̀, kɛɛ bo uu nyu bɔ̌ kɔn nynejuju, a sɔn'ǒ ɔmo nynejujuǒ mɔ̀ mò bɔ ne kmɔ."

¹È jbɛju tɔ̀ɔ ɔ̈ kɔn lěe Ïsòwɛ̌ kwɛɛn dakɔ̌ dlǒǒ u dɛɛ Lifàe slè nɔ̀ kɔna Lifàe nyneju nynɔ mǒ. ²Nynɔǒ nɔ̀ kɔna ɔ jbɛjuju le. Tà ɔ jea ɔɔ jbɛjujuǒ ɔɔ jǐ le nmɔnmɔ, ii tè ɔ wɛ̀a lɔ klě sòbaii tan wlòmo.³Kɛɛ tà ɔ slě wɔ̀ bɔ wɛ̌a kɛ̀ɛ jǔǒ, è ɔ dbala kànfìfìi plɛ̌ nɛ̀ ɔ tlia ɛ̈ di ɛɛ numa ně ɛɛ̌ diaě ɛ wlòmo be, plɛ̌ǒ nɛ̀ kɔn wlòmo ɔ peanaě jǔǒ bo ɔ̌ kpala ɔ ɔ̌ tùaě ɔ kwlǎ slè bo keǒ ně wìen. ⁴Jǔǒ ɔɔ mamǔ nyneju nɔ̀ tùia piɛ̌ǒ jǐ mɔ̌, ɔ poa ɛ kpa debo ɔ mǐa ɛ jě dɛ tae miaa tùɔn kpàba keǒ ɔɔ mamǔǒ mɔ̀.⁵Chnɛ̀ jlò wae tɛ̀ɛ mɔ̀ Fɛ̀lǒtee nyneju diaě ně wien ɔ mǎ pnè. È ɔɔ jǐ mɔ̀ tù nyǒ nù mɛa něǒ wien. U kea něǒ wìnen nɛ ɔ̀ jěa ɛmo plɛ̌ǒ le ɛ̌ neaě bàbǐ/kwlǎ slè, è ɔ dboa nyuu do bɔ blala ɛ. ⁶Klòbaa nynejuǒ ɔ knana plɛ̌ǒ je ɔ̌ jěa jǔǒ ɔ̌ fìn'a, è ɔɔ wɔle beaě ɔ mɔ̌ no. ɛ̀ kě ɔ dɛ̌a ɔ je, "Boǒ bla kè Hǐblù nynɔ̌ ɔ miě jǔǒ sà keǒò mɔle?"⁷Ě jijlǎeǒ ɔɔ mamǔ nyneju nɔ̀ǒ nyniaǒ ɔ̌ gbàla wan ɔ je, "Boǒ bla kɛ Hǐblù nynɔ̌ ɔ miě jǔǒ sà keǒò mɔ̀le?" ⁸Fɛ̀lǒte nynejuǒ ɔ tùa ɔ kɛ̀ɛn ɔ je, "Uuǔn, nu." Ii tè nynejuǒ ɔ̌ mua ɔ̌ jalaě jijlǎeǒ ɔ chɛ̀ɛ naa.⁹È kě Fɛ̀lǒtee nynejuǒ ɔ dɛ̌a nynɔǒ je ɔ je, "Sàe jǔa keǒo mɔ̀ Ě miì snǒ sàba." Ii tè nynɔǒ ɔ̌ dǔa jǔǒ mǒ ɔ̌ sɛ̀aě ɔ. ¹⁰Tà jǔǒ ɔ kun'aa, nynɔǒ ɔ dǔa ɔ mǒ ɔ̌ kpalaě ɔ Fɛ̀lǒtee nyne juǒ mɔ̀ ɔ̈ nuaa jǔo ɔɔ chɛ̀ɛ jǔ mǒ. È ɔ tùea jǔǒ nynɛ̌ ɛ̈ mooa Mɔ̀sě, ɛ̈ monoo Ě sàè ɔ ně kɛn. Mɛoǒ joo nɛ̀ moo ɔ je, "Jǔà Ě sàè ɔ ně kɛn."¹¹Tà Mɔ̀sě kun'aa, ɔ mua ɔɔ nyopò jèbo chèba ɔ̌ jěa ke u niaa sònwɛ̀ jejeɛ̌ ǔ kpɛɛa u kbě keǒ bu nuaa konkwa jakǎ. Ɔ jěo Ǐjɛ̀tě jbɛju tɔ̀ɔ ɔ̌ dbǎla Hǐblù jbɛju ɔ̈ mooa ɔɔ chɛ̀ɛ nyopòo nyu. ¹²Ii tè tà ɔ poaa jǐ le ɔ seaa nyu jPe, è ɔ kmea Ǐjɛ̀tě pà ɔ̌ dbala ɔ̌ dǔa ɔ mǒ ɔ̌ tùa ɔ bo klě mǐsiɔ̌n slè.¹³Tà chnɛ̀ tɛ̀ɛ gbàlaa le ɔ mua de klě u mɔ̀ ɔ̌ jěa Hǐblù jbɛjlu sɔ̌n ǔ wɛ̀a'a. Ii tè ɔ gbàla nyuǒ tòalaa slɛ̀ǒ wan ɔ je, "Mɛ kɔɔ̌n kɛ tè mò klee màmǔ a wɛ̀ɛ̌n?" ¹⁴Ě jbɛjuǒ ɔ tùa ɔ kɛ̀ɛn ɔ je, "Mɔ nuǔ kɛ mò äa je siɔ klee tè tùɔ̌ mǒ? Deě mì kɛɛ̌ dbǎba le wòje dɛɛ doà nuaa Ǐjɛ̀tě poi tɔ̀ɔ mò le?" Tà Mɔ̀sě wɔ̌na ɛmo dɛǒ, è nɔ̀ǒ pea fano, ɔ̀ jia ɛle ɛ moo dɛǒ ɔ nuaa nyopò jia ili.¹⁵Tà Klɔ̀ba Fɛ̀lǒte wɔ̌naa tèǒ, è ɔ pɛ̀n'a Mɔ̀sě le ɔ miǎ ɔ dbǎ, kɛɛ Mɔ̀sě plùa ɔ̌ muaě Midìà nyǒo blǒ kɛn ɔ̌ neaǒ někàwùlo wien bo. ¹⁶Midià nyǒo bodìɔ kɔna nynejujluu nyiɛta. Chnɛ̀ jlò wae tɛɛ mɔ̀ nynejuǒ u dia nǔ wien ǔ jiěa uu gbeǐi wnùnoǎa mǒ naě dɛǒ ně jele jeǒ wnùnoǎǒ mɔ̀. ¹⁷Kɛɛ blableǎ jì mɔ̀ tù nyo plùa u mɔ̀le keǒ něǒ winen. È Mɔ̀sě nɔ̀ mǎnaǒ u mɔ̀ ɔ̈ nyea uu wnùnoǎǒ ně.¹⁸Tà u muaa dǐa klě uu gbeǐ Wluà mɔ̀, è ɔ gbàla u wan ɔ je, "Mɛ kɔɔ̌n tè a diǐ dǐa pase kekɛɛ?" ¹⁹U tùa ɔ kɛ̀ɛn u je, "Ǐjɛ̀tě jbɛju tɔ̀ɔ nɔ̀ wa ämo nɔ̀ sàe ä blableǎ jǐ mɔ̀ tù nyoǒ kwete mǒ plě ɔ̌ pǐn ně keǒ äa wnùnoǎǒ mɔ̀ ɔ̌ nye i ně." ²⁰È Wluà gbàla u wan ɔ je, "È tà a siǐ kɛ ɔmo jbɛjuǒ? Mɛ kɔɔ̌n tè a seě kɛ̌ě ɔ ja? A mu de a bla lɔ bɔ diě ɔ klee ä mo ä mǒ dɛ di."²¹Tà ɛmo dɛǒ ɛ sìn'aa è Mɔ̀sě wɔɔn'a ɛ kɛn keǒ bɔ neaě Wluà mɔ̀. Ii tè Wluà sàlaǒ ɔɔ nynejujuu do u dɛɛ Sipòwlà ɔ̈ nyea ɔ Mɔ̀sě bɔ kɔna ɔ nynɔ mǒ. ²²È ɔ klee Mɔ̀sě kɔna jbɛjuju. Mɔ̀sě tùea jǔǒ nynɛ̌ ɛ̈ moo Kasòmme, ɛ̈ monoo dakpǎi. Mɛoǒ joo nɛ̀ moo kě ɔ dɛ̌a ɔ je, "Ě moo dakpai kɔ̌lɔ nyopòà uu blǒɔ kɛn."²³Tà jlě fòfoa sìnàa Ǐjɛ̀tě nyoo klɔ̀ba kǒa le, kɛɛ Ǐsòwɛ̌ kwɛɛn jěea jè sònwɛ̀ u nia kè dɛ̌ ǔ fiin'a Nyesoa je ǔ gbɛ̀a ɔ wan Bɔ gblàla u. ²⁴Nyesoa wɔ̌na uu fìɛn wìn i beaě Ɔ wlòmo keǒ kuo wìn ɔ poaa keǒ Èblɛ̌hɛ̀mo klee Aisěe klee Jèkɔ̌po mɔ̀. ²⁵Ɔ jěa Ǐsòwɛ̌ kwɛɛn ǔ neaě kè dɛ̌ slè, ii tè Ɔ jlɛ̌ Bɔ nuaě ɛ dɛ jlěe mǒ keǒ u mɔ̀.

¹Tà ɛ kpala ɛ kpa è Mɔ̀sě tùia ɔɔ wetǎǐi Jɛtlòò blablea chònu klě tà pɛtù klě togbee wnùnoa jǐ mɔ̀ ɔ̈ mooa Midìa nyoo bodiɔ̀. Ɔ kpala blableaǒ chònu klě togbee fòɛǒ moo Hɔ wlè dlǒ ɛ̈ moo Nyesoaa togbee foɛ̀. ²Klě Nyesoaa najiǒpòii do wǒoaǒ ɔ je klě na slè ɛ̈ nea lěe wiǎ tuu gbàku dlǒ. Mɔ̀sě jěa ɛmo gbàkuǒ napèpɛlo wɔ̀a ɛ dlǒ, kɛɛ ɛɛ̌ sin'a. ³È kě ɔ dɛ̌a ɔ je, "È sěɛlǎ dɛ taeà jěò. Mɛ kɔɔ̌n tè kwlǎǒ ɛ keě kɛ wne plě ɛɛ̌ siǐn? Ě miě ɛ mɔ̀ kèklaeba ɛ̌ mǐ dɛǒ kpɛɛ tùɔn jě."⁴Tà Jǎwɛ̀ jěa lɛɛ ɛ̈ moo ɔ diaě le ɔ̌ konwɛɛ̌a kwlǎǒ leò, è Ɔ dala ɔlo klě naǒ slè Ɔ je, "Mɔ̀sě, Mɔ̀sě!" È Mɔ̀sě wɔna Ɔ No ɔ je, "Ě joo, jè mǒà neò." ⁵È kě Jǎwɛ̀ dɛ̌a ɔ je Ɔ je, "Nè kèklɛɛà tùɔn'à kɛn. Sà nè nyɔkoɛběǒ be měne. Mɛ̌oǒ joo nɛ̀ moo blǒà nynàa kɛn bo ɛ ne je ngmà. ⁶È Mǒà Mǒ moo gbèipòo Nyesoa, Mó moo Nyesoa keǒ Èblɛ̌hɛ̀mo mɔ̀ klee keǒ Aisěè mɔ̀ plě keǒ Jèkɔ̌po mɔ̀." È Mɔ̀sě pea fano keǒ bɔ jěa Nyesoa, dɛǒ nɛ̀ kɔn tè ɔ wɛ̀a ɔɔ jigbà.⁷È kě Jǎwɛ̀ dɛ̌a Ɔ je, "Ě jě ke ně nyopò nìi sònwɛ jejeɛ̌ le klě Ǐjɛ̀tě blǒ kɛn. Ě wɛ̌n uu fìɛn u fìiǐn ni keǒ Boǒ gblà lu klě kè dɛǒ slɛ̀. ⁸Tèǒ nì kɔn tè Ě dìɔ wɔ̀ɔn Ě mǐ u gblà Ě mǐě u Ǐjɛ̀tě nyǒo blǒǒ kɛn sà Ě miě u kàan blǒ kɛn kpa ɛ̈ blěe pòn pan noǎ plě ɛ̈ nuu bòkuo blò. Blǒǒ nɛ̀ kɔn kɛn klě dakwɛ̌à moo Kenɛ̀ nyǒ klee Hitàe nyǒ klee Amɔ̀ nyǒ klee Pɛwlèsaì nyǒ klee Hefì nyǒ plě klee Jibisàe nyǒ u neěe.⁹Ě wɔ̌n ně nyopò Ǐsòwɛ̌ kwɛɛn fìɛn'ǒ u fìin ni klee uu sòwɛǒ u jěe klě Ǐjɛ̀tě nyǒ kwete mǒ. ¹⁰Klě tǐà wlòmo Ě dbeè lè klě Fɛ̀lǒte mɔ̀ ɛ̈ di ɛɛ numa mìe ně nyopò Ǐsòwɛ̌ kwɛɛn Ǐjɛ̀tě blǒ kɛn sà."¹¹Kɛɛ kě Mɔ̀sě dǎla Nyesoa je ɔ je, "Mɔ̀ Ě monoǒ kɛ Ě miěe Fɛ̀lǒte mɔ̀ Ě blɛɛ̌ Ǐsòwɛ̌ kwɛɛn Ě miěe u Ǐjɛ̀tě blǒ kɛn sà?" ¹²È Nyesoa tùa ɔ kɛ̀ɛn Ɔ je, "Ě miǒò mɔ̀ neema. Bɛ̌ nu bò sàe nyopòǒ klě Ǐjɛ̀tě blǒ kɛn, è kěa togbeeà dlǒ kěà a mià Ně wɛ̀ sàeba.¹³Kɛɛ Mɔ̀sě gbàla Ɔ wan ɔ je, "Bɛ̌ nu bo mu kɛ lě Ǐsòwɛ̌ kwɛɛn mɔ̀ bo tmɔɔ̌ u ɛ̈ moo. Nyesoaà ɔ̈ moo aa gbeǐpòo Nyesoa Nɔ̀à dbo mǒ kělɔ a mɔ̀, plě bǔ gbàǎ wan ɛ̈ moo, 'È' ke tàe ɔ neě kɛ nynɛ̌? È mɛ boǒ tùu luǔ kɛ u kɛ̀ɛn?" ¹⁴È Nyesoa tùa ɔ kɛ̀ɛn Ɔ je, "Ně nyně moo Mǒà Mǒ Ɛ Tù. Tèǒ nì kɔn tè dɛà nɛ̀ bò tùu u kɛ̀ɛn ɛ̈ moo, 'M'ǒà Mǒ Ɛ Tù Mǒ dbo mò klě u mɔ̀. ¹⁵Tmɔɔ̌ Ǐsòwɛ̌ kwɛɛn ɛ̈ moo Mǒ Jǎwɛ̀ Ɔ̈ moo uu gbeǐpòo Nyesoa Ɔ̈ moo Èblɛ̌hɛ̀nmoo Nyesoa klee Aisěè Nyesoa plě Jèkɔ̌poo Nyesoa Mǒ dbo mò klě u mɔ̀. Dɛǒ nɛ̀ moo Ně nynɛ̌ tǐ wùɛ mɔ̀. Sonkpǎǒ neěe nya nynɛ̌ɛ doǒ nɛ̀ u miǐ daeba.¹⁶Mu bò Ǐsòwɛ̌ kwɛɛn bòlìbo le, è kě bò dà u je u je, Jǎwɛ̀ Ɔ̈ moo aa gbeǐpòo Nyesoa Ɔ̈ moo Èblɛ̌hɛ̀nmoo Nyesoa klee Aisěè Nyesoa plě Jèkɔ̌poo Nyesoa Nɔ̀ sà Ɔɔ chɛ̀ kwla mǒ keǒǒ mɔ̀ Ɔ̌ tmɔɔ̌ mǒ bo tmɔɔ̌ amo ɛ̈ moo Ɔ jě dɛǒ Ǐjɛ̀tě nyǒni amoo mǒ no, tèǒ nì kɔn tèa Ɔ dìɔ a mɔ̀. ¹⁷Ɔ mìě a sònwɛ̀ je jeɛ̌ǒ slè saba klě Ǐjɛ̀tě blǒ kɛn Ɔ miě a blǒà kɛn kpa ɛ̈à Kenɛ̀ nyǒ klee Hitàe nyǒ klee Amɔ̀ nyǒ klee Pɛwlèsae nyǒ klee Hefì nyǒ klee Jibìsai nyǒ neěe kɛn, blǒǒ blěe pònpan noǎ klee ɛ̈ moo bòkuo blò, ɛ̈ kɔn kɛn bliǎa nyia ně klee dochnɔ chlìěe le. ¹⁸Bɛ̌ nu bò dǎ bò u jè u mi nè wìn nɔkǔ jebo poba. È mò klee bòlibo ba muě Ǐjɛ̀tě nyǒo klɔ̀ba mɔ̀ ba tmɔɔ̌ ɔ ɛ̈ moo, Jǎwɛ̀ Ɔ̈ moo Hiblu nyǒo Nyesoa Nɔ̀ sà Ɔɔ chɛ̀ tàmo keǒ ä mɔ̀, tèǒ nì kɔn tè ä bɛ̀teè le sɔn'ǒ ä mɔ̀ mò klě chnɛ̀ jlo wee tan wlòmo bä muě kpatekpa blǒ kɛn ä mǒ äa Nyesoa Jǎwɛ̀ chɔ̀no je pìe.¹⁹Ě jì ɛ le Ǐjɛtě nyoo klɔ̀ba slě wɔ̀ bɔ sɔn'ǒ a mɔ̀ mò ba mu, ɛ̀ sìn'ǒ nyu bɔ̌ kpae ɔ kpě plě. ²⁰Tèǒ nì kɔn tè Ě mi ně kpě numa Ě mǐ Ǐjɛ̀tě blǒ gbè sùe. Ke Ě mi ɛɛ nunuɛ numa nɛ̀ moo Ě mi wlòlekaen noǎ numa klě ɛmo blǒǒ wlòmo. Dɛǒ nɛ̀ bɛ sìn, plě Fɛ̀lǒte mǐ a bo tɛ a mǐ mu. ²¹Sɔ̌noka Ě mi ɛ numa Ǐjɛ̀tě nyǒ mǐ Ǐsòwɛ̌ kwɛɛn mǒ noɛɛ ne ɛ̈ di ɛɛ numa bǎ klě blǒǒ wlòmo sonwɛ aǎ dǐ kwete fle kpa. ²²Bɛ̌ nu bǎ ke mi, Ǐsòwɛ̌ kɔn nynɔ wùɛ bɔ sòa ɔɔ bě Ǐjɛ̀tě nynɔà klee ɔ̀ɔ sɔ̌n tǐn'ǒǒ tàa do dɛ klee Ǐjɛ̀tě nynɔ wùɛ ɔ̈ neě ɔɔ mɔ̀ koǔ bo, bɔ̌ sòa ɔ klo klee sěbla ɛɛ sonwɛ̀ le pe noǎ klee dale, nì u mi uu jlǔ měne peba u mǐ Ǐjɛ̀tě nyǒo pònpan wùɛ kpa."

¹È Mɔ̀sě gbàla Ɔ wan ɔ je, "Bɛ̌ nu bo Ǐsòwɛ̌ kwɛɛn bǔ seě kɛ ně wìn kàan tè pò ɛ̈ moo ɛ se Mò sèě je wǒo lǒel? Mɛ bo nuǔ?" ²È Jawɛ̀ gbàla ɔ wan Ɔ je, "Mɛ neě kɛě mò kwete mǒ?" Mɔ̀sě tùa Ɔ kɛ̀ɛn ɔ je, "Nae tuà." ³È Jǎwɛ̀ je, "Tuǔn'ǒ ɛ blǒ mɔ̀." Tà ɔ tuǔn'aě ɛɛ blǒ mɔ̀, è nɛ̀ǒ ponpnɔɔa smɛ,è nɛ̀ǒ plùua je.⁴È Jǎwɛ̀ tmɔɔ̌a Mɔ̀sě Ɔ je, "Nyniǒ ɛ mɔ̀ kmèe ɛ gbee." Tà ɔ nyniaǒ ɛɛ mɔ̀ ɔ kmea nɛɛ, è nɛ̀ǒ nua tu de. ⁵È Jǎwɛ̀ kpɛɛa Ɔɔ wìn nya Ɔ je, "Dɛǒ nɛ̀ bò nu ɛ mǐ ɛ Ǐsòwɛ̌ kwɛɛn tee je ɛ̈ moo Jǎwɛ̀ Ɔ̈ moo uu gbeǐpoo Nyesoa Ɔ̌ moo Èblɛ̌hɛ̀moo Nyesoa klee Aisěè Nyesoa plě Jèkɔ̌poo Nyesoa Nɔ̀ sà Ɔɔ chɛ̀ tàmo keǒò mɔ̀."⁶È kě Jǎwɛ̀ dǎla ɔ je Ɔ je, "Paě nè sɔn klě nè wlawlǒ fòɛǒ wlòmo de." Ii tè ɔ̌ palaě ɔɔ sɔn. Tà ɔ sàlaě ɛɛ de, ɛ̀ nea pɔpɔ wɔje pɔ̀toɛɛ. Mɛ̌oǒ joo nɛ̀ moo bale sosǒ wlɛ̀a ɛ dlǒ. ⁷è kě Jǎwɛ̀ dǎla ɔ je, "Paě nè son'ǒ nè tà ɔ sàlaě ɛɛ, è nɛ̀ǒ bɔ̌a dɛ, è keǒ ɔɔ fǒ wùɛ ɛ neaa, è kě ɛ nea de.⁸È kě Jǎwɛ̀ děa dɛ Ɔ je, "Bɛ̌ nu bǔ se nyane je te dɛǒ kàan tè pò ɔ̀ɔ̌ bɛ̌ se uu dlě bo bitǐ, è sɔ̌n nenɛǒ u mi ɛɛ tè kàan tè pò ba. ⁹È bɛ̌ nu imo je te noǎa sɔ̌n'ǒ bǔ se ii tè kàan tè pò kaǒ plě bǔ je bǔ se nè wìn nɔ̀kǔ je bo po, è bò pìn ně klě něǒ moo naè wàn mòò ɛ blǒ chechɔ̌ kèn chnǐi nǐ, ɛmo něo ɛ mi nymɔ numa."¹⁰Kɛɛ kě Mɔ̀sě dɛ̌a Jǎwɛ̀ je ɔ je, "Ě bɛ̀teè lè Jǎwɛ̀, bɔ̌ lěě dbo dbɛ. Ě se wìen boɔboɔ ji sɔɔn'ě dɛ pɛ̀tu jlěe mǒ bò jɛ́ tǐi chɛ̀à tùngmaeaě mǒo mɔ̀ boɔboɔ. Ě pe wìn ngmè Ě memɛ." ¹¹È Jǎwɛ̀ tùa ɔ kɛ̀ɛn Ɔ je, "Mɔ nuǔ kɛ tùonyuu wun? Mɔ nuǔ kɛ tùonyu ɔ̌ sǔn'u? Plě mɔ nuǔ kɛ lɔ ɔ̌ seě wìen boɔboɔ ji? Mɔ nuǔ kɛ lɔ ɔ̌ jěe le plě ɔɔ jǐ dɔɔ̌? Ɛ se kɛ Mǒ Jawɛ̀ lee? ¹²Tèǒ nì kɔn tè klě tǐà wlòmo mu! Ě miǒǒ mɔ̀ mǎma mò boɔ plě dɛǒ mìi boɔba Ě mǐ ɛɛ tee le." ¹³Kɛɛ Mɔ̀sě tùa Ɔ kɛ̀ɛn ɔ je, "Òooǒn Jǎwɛ̀, Ě bɛteè le dbo nyu tɔ̀ɔ."¹⁴Wìn'ǒ nì poa Jǎwɛ̀ jlo mǒ, ii tè ké Ɔ dɛ̌a Mɔ̀sě je Ɔ je, "Ewnɔ̀ ɔ̈ moo Lifàe nyu ɔ se kɛ̌ màmǔ le? Ě ji ɛle ɔ ji wìen boɔboɔ tɛɛ. Klě tǐà wlòmo ɔ diě le chɛ̀ ɔ diì nya bɛ̌ba, bɛ̌ nu bɔ́ jě mò ɔɔ plɔ mi bloba chɔɔ. ¹⁵Boɔě ɔ mɔ̀, tmɔɔ̌ ɔ dɛ bɔ boɔɔ, Ě miǒ aa sɔ̌n wǔɛǒ mɔ̀ mǎma a mǐ boɔ plě Ě mi a teeba dɛ ba nuu. ¹⁶Èwnɔ̀ nɔ̀ mi nè wluɔ tùba ɔ miě nyopòǒ mɔ̀ boɔba keǒò mɔ̀. È mò mi Nyesoa je wǒba Ɔ̈ mi ɔ dɛ bɔ boɔɔ tmɔɔ̌ma. ¹⁷Kpa nè nae tuǒ, nɛ̀ mì nùma mò wlòlekaen neǎ nu."¹⁸È Mɔ̀sě mua de klě ɔɔ wetǎi Jɛ̀tlò mɔ̀ ɔ je, "Sɔn'ǒǒ mɔ̀ mò boǒ mu ně mamǔpò jèbo chè klě Ǐjɛ̀tě blǒ kɛn Ě mǐ ɛ jě bǔ neě jè kmɔ̌." Jɛ̀tlò wɔɔn à ɛ kèn ɔ̌ kpala ɔ wlu. ¹⁹Tà Mɔ̀sě neěa jè lěe Midìa nyǒo blǒ kɛn, kě Jǎwɛ̀ dɛ̌a ɔ je Ɔ je, "Nyopò wùɛǒ ü pèn pnɔ nèe dbadbǎ le u kǒ lo, ii tè mu de klě Ǐjètě blǒ kɛn." ²⁰Tèǒ nì kɔn tè Mɔ̀sě dǔa ɔɔ nynɔ klee jlǔ mǒ ɔ̌ tùaǒ u jakǎsè kɛ̀n bò ǔ bea snǔ mɔ̀ ǔ mia Ǐjɛ̀tě. Ɔ kpaea nae tuǒ mǒ snǔ ɛ̈ǒ Nyesoa tmɔɔ̌a nɔɔ bɔ kpalaa.²¹Tà u keaa mi, è kě Jǎwɛ̀ děa Mɔ̀sě je Ɔ je, "Ɛ̈ kɔn mò mii Ǐjɛ̀tě, bò nyniě blǒǒ wlòmo, nyniě Fɛ̀lǒte mɔ̀ mò wlòlekaen noǎà Ë nye mòo kpě bò nuu nu. Ě mi ɔɔ dlǒ jakǎaba ɛ̈ di ɛɛ numa ɔɔ̌ diǒ Ǐsòwɛ̌ kwɛɛn mɔ̀ mo sɔn uǔ dǐ mu. ²²È bò tmɔɔ Fɛ̀lǒte ɛ̈ moo Jǎwɛ̀ je, "Ǐsòwɛ̌ nɔ̀ moo Ně nyǐsa ju. ²³È plě Ě tmɔɔ̌ mò keǒ bò tɛ̀ Ně jǔǒ bo bɔ mu ɔ mǐ Ně wɛ̀ sà, kɛɛ jè sè wɔ̀n. Tèǒ nì kɔn tè Ě wɛ̀ lè mɔ̀ keǒ Bo dbǎ nè nyǐsaju ɔ̈ moo jbɛjuju."²⁴Kɛɛ tà ɛmo dèǒ ɛ sìn'aa, è Jǎwɛ̀ jɛɛa Mɔ̀sě kɛn keǒ tàǒ u sìn'aǒ tǒn jlǒ wae ɔ̌ tɛ̀n'a ɛ mǒ keǒ Bɔ dbǎla ɔ. ²⁵Kɛɛ Sipawlà ɔ̈ mooa Mɔ̀sěe nynɔ nɔ̀ dǔa faka mǒ ɔ̌ bɛ̌a ɔɔ jbɛjujuǒ foeě, è foeě koɔǒ ɔ sàlaǒo chleeǒ dlǒ nɛ̀ ɔ nua ɔ̌ gbèa Mɔ̀sěe be mɔ̀, è kě ɔ dɛ̌a ɔ je, "Mòo jbeà ɔ̈ nii nymɔ ɛ̌ wlɛɛ ble keǒǒ mɔ̀. Mɛ̌ǒǒ joo nɛ̀ moo keǒ foeě bebɛ̌ɛ tè mɔ̀." ²⁶Tèǒ nì kɔn tè Nyesoa sàlaǒ Mɔ̀sě wun mɔ̀ Ɔ sea ɔ dbǎ.²⁷Klě tǐi doǒ wlòmo kě Jǎwɛ̀ dɛ̌a Ěwnɔ̀ je Ɔ je, "Mu Mɔ̀sě nya bɛ̌ klě kpatekpǎ blǒ kɛn." Ii tè ɔ̌ mua ɔ nya bɛ̌ba klě Nyesoaa togbee fòɛ dlǒ. Tà u Mɔɔ̀aa, ɔ̀ nyǒa ɔɔ wun. ²⁸È Mɔ̀sě tmɔɔ̌a Ewnɔ̀ dɛ wùɛ ɛ̈ Jǎwɛ̀ tmɔɔ̌a nɔo, ke Jǎwɛ̀ nua nɔɔ de dbodbɛ klě Ǐjɛ̀tě klee wlòlekaen noǎ Ɔ tmɔɔ̌a nɔɔ bɔ nua lěe.²⁹Ii tè Mɔ̀sě klee Ewnɔ̀ naea snǔ mǒ ǔ mua Ǐjɛ̀tě ǔ bòa Ǐsòwɛ̌ kwɛɛn bòlibo wùɨ lè. ³⁰È Mɔ̀sě nua wlòlekaen noǎ wùɛǒ lo kěo u jemǒ. ³¹È bòlibo poa li tè kàan tè ǔ jboa ɛ le ɛ̈ moo Jǎwɛ̀ Nɔ̀ dia u jebo chèba plě Ɔ jěa uu sònwɛ̌ jejeɛ̌ǒ. Dɛǒ nɛ̀ kɔn tè u blala dlě je u sàla Jǎwɛ̀ɛ wɛ̀.

¹Tà Mɔ̀sě klee Ewnɔ̀ nyniǒo Fɛ̀lǒte jemǒ kě u dɛ̌a u je, "Jǎwɛ̀ Ɔ̈ moo Ǐsòwɛ̌ kwɛɛn Nyesoa Ɔ je bò tɛ Ɔɔ nyopò bò bu mu ɛ̈ di ɛɛ numa u mǐ Ɔɔ wɛ̀ sà klě kpatekpa blǒ kɛn." ²Kɛɛ kě Fɛ̀lǒte nìa u wan gbògba ɔ je, "Mɔ monoǒ kɛ Jǎwɛ̀ ɔ̈ kɔn win boǒ poǒ nɔkǔ jebo Ě mǒo Ǐsòwɛ̀ kwɛɛn bo te? Ě se Jawɛ̀ǒ ji plě Ě se Ǐsòwɛ̌ kwɛɛn bo tɛba mu u se muma mu."³U tùa ɔ kɛ̀ɛn u je, "Hiblǔ nyoo Nyesoa Nɔ̀ sà Ɔɔ chɛ̀ tàmo keǒ ä mɔ̀, tèǒ nì kɔn tè sɔn'ǒ ä mɔ̀ mo bǎ mu klě chnɛ̀ jlò wee tan wlòmo klě kwlǎ slè ɛ̈ di ɛɛ numa ä mǒ chɔ̀no pi keǒ Jǎwɛ̀ Nyesoa Mɔ̀. Bɛ̌ nu bǎ se ɛ nu. Ɔ mi to klee kweǎ numa Ɔ mǐ ä dbǎ." ⁴È kě Ǐjɛ̀tè nyoo klɔ̀ba dɛ̌a Mɔ̀sě klee Èwnɔ̀ je ɔ je, "Mɛ kɔɔ̌n tè a sàà kɛǒ nyopoà keǒ uu konkwa je? A nu kèia poǒ bu mu de bu mu konkwa mɔ̀. ⁵A wɔ̌n fòfo tè ǎ sìn'ǒ Ǐjɛ̀tě nyǒ mǒ, è klě tǐà wlòmo amo jlɛ bu bɔ̌ konkwa nunuɛ."⁶Klě chnɛ̀ jlò waěe doǒ wlòmo Fɛ̀lǒte nyea ɔɔ nynimaipò klee kɔsě blipoo snǒ ü ɔɔ kèiǎpo nea lěe kwete mǒ ɔ je, ⁷"Sɔɔn'ě kɛ̀à tǐà jleě mǒ a bɔ̌ nyopòà dlǒpìnpni nyenyeɛ keǒ bleka nunuɛ mɔ̀, a nu uu chɛ̀ bu mu dlǒpìnpniǒ le pɔǹ. ⁸È blekeaa doǒ u ni pnɔɔ ke i tìn pnɔɔ teěn kě bi tìn, uu nyu ɔɔ̌ slě ɛ je wɔ̀, u se konkwa fòfoa jɔn keǒ bu nu. Tèǒ nì kɔn tè u tmɛɛ̌ mǒ tǐ wùɛ mɔ̀ boǒ sɔn'ǒ u mɔ̀ mò bu mu u mǒ uu Nyesoa chɔ̀no je pìe. ⁹A nye u wan kma konkwa fòfoà bu nu ɛ̈ di ɛɛ numa uǔ dǐ tǐ kɔn keǒ bu po sen'ǒ u jɛ lěe ii tè kàan tè."¹⁰Ii tè kèiapoo nynimaipò klee kɔsěblìpoo muaě Ǐsòwɛ̌ kɛɛn mɔ̀ kě u dɛ̌a u je, "Fɛ̀lǒte je ɔ see kɛ̀ a dlǒpìnpnì nyema mù. ¹¹Tèǒ nì kɔn tè a pɔ̀n a chɛ̀ɛ dlǒpìnpni lè tà wùɛ aa nyu niě ii jěeba. Kɛɛ bleka tìɛn taeǒ a ni pnɔɔ kě bi tìn teěn."¹²Ii tè nyopò wùɛ ǔ bea Ǐjɛ̀tě blǒǒ kɛn ǔ bɛ̀n'a dlǒìnpni lè. ¹³Nynimaipòǒ u kpɛɛa u kbě kě u dɛ̌a u je, "Bleka tìɛn taeǒ a ni pnɔɔ bä nye a moo dlǒpìnpni ii doǒ nì ba nu." ¹⁴U bea Ǐsòwɛ̌ kwɛɛn nynimaipòǒ ü umo Fɛ̀lǒtee nynimaipò poaě uu bǐì Ǐsòwɛ̌ kwɛɛn kwete mǒ bu tùaa jǐ mɔ̀. È kěu dɛ̌a u je u je, "Mɛ kɔɔ̌n tè a setěe kɛ lě bleka tìɛn taeǒ a blɛɛ je ba nuu je wɔ̀ tmɔtě klee kekɛɛà?"¹⁵Tèǒ ni kɔn tè Ǐsòwɛ̌ kwɛɛn nynimaìpòǒ mooa uu chɛ̀ɛ nyopò u muaě Fɛ̀lǒte mɔ̀ ǔ gbàla ɔ wan u je, "Mɛ kɔɔ̌n tè ä moǎ moo nèe nawìe po nyebajle nìǐ kɛ bò ämo? ¹⁶Nè nyopòà uǔ nyee kɛ̀ ä dlǒpìnpni, kɛɛ u jlɛ̌ bä nu blèka tìɛn taee doǒ ä ni pnɔɔ, u wlèe ä bebeɛ, nè nyopòǒ u wlǎǒ loò?" ¹⁷Kɛɛ Fɛ̀lǒte tùa u kɛ̀ɛn ɔ je, "A fnà nè, 'a fnà dɔ̌ nɛ̀ kɔn tèǒ a gbɛ̀ɛ̌ wan bo sɔn'ǒ a mɔ̀ mò ba mu a mǐ Jǎwɛ̀ Jǎɛ̀ chɔ̀no je pìe.' ¹⁸Kèkeà a mu deae a mu konkwa nu, dlǒpìnpni se a nyeema mu, kɛɛ bleka tìɛn taeǒ a ni pnɔɔ ni kɔn do a mi numa teěn chnɛ̀ jlò wae wùɛ mɔ̀."¹⁹Tà Ǐsòwɛ̌ kwɛɛn nynimapò wɔ̌naa tèǒ ɛ̈ moo blekaa doǒ u nì pnɔɔ nì bu nu, ù jia ɛle ɛ̈moo u beaě tǐ jakě slè. ²⁰Tà u sɔn'a lěe Fɛ̀lǒte mɔ̀ mò, è u klee Mɔ̀sě klee Ewnɔ̀ nùǒ mɔɔa ù fea luu. ²¹È kě u dɛ̌a Mɔ̀sě klee Ewnɔ̀ je u je, "Jǎwɛ̀ jě dèa a nuu nu, è Ɔ miě aa plɔ tu kɛn bo maěma keǒ ba mǐ ɛ nu Fɛ̀lǒte klee ɔɔ nyefòapò bu mǒ ä faen ne. A nye ɔ fɔ̌ keǒ bɔ̌ kɔn tè kɔn tè bɔ dbǎ ä moo."²²Tà ɛmoǒ ɛ sìn'aa, Mɔ̀sě muaě Jǎwɛ̀ mɔ̀ kě ɔ dɛ̌a Ɔ je ɔ je, "Koɔn, mɛ kɔɔ̌n tè nùǔ kɛ bò Nè nyopò ka kukǔ nunuɛ? Mɛ kɔɔ̌n tè dbòǒ kɛ Mǒì? ²³Seela tà è muaě Klɔ̀ba Fɛ̀lǒte mɔ̀ Ě boɔɔaǒò pèn mo, kɛɛ ɔ ni Nè nyopòà ka kukǔ. Kaǒ jè se Nè nyopòà gblà."

¹È Jǎwɛ̀ tùa Mɔ̀sě kɛ̀ɛn Ɔ je, "Tanàle, dɛǒ Ě mii Fɛ̀lǒte mǒ numa mì ɛ jěba. Ě mi ɔ kpě kpaeba ɔ mǒ Ně nyopò bò tɛ̀ u mǒ mu. Ě mi ɔ kpě kpaeba ɛ̈ di ɛɛ numa ɔ mǒ a mɔ̀le plùu chɛ̀ kělɔ ɔɔ blǒ wlòmo."²È kě Nyesoa dɛ̌a Mɔ̀sě je Ɔ je, "Mǒà Mǒ moo Jǎwɛ̀. ³Ě sà ně chɛ̀ tà mo keǒ Èblɛ̌hɛ̀nmo mɔ̀ klee keǒ Aisěe mɔ̀ plě keǒ Jèkɔ̌po mɔ̀ wòje kpě kɛne Nyesoa, kɛɛ Ě se u ně ngmà jè ne nynɛ tɛɛ le ɛ̈ moo Jǎwɛ̀. ⁴Ě tùa Ně kuo wìn wlò keǒ u mɔ̀ Ě Pooaě u Kenɛ̀ blǒ ɛ̈ moo Ě mia nɛ ù nyema, blǒà kɔn kɛn u nea lěe ǔ mooa dakpě. ⁵Klě tǐà wlòmo Ě jě Ǐsòwɛ̌ kwɛɛn sònwɛ̀ jejeɛ̌ǒ lo ü Ǐjɛ̀tě nyǒ nuu kèiapò mò. È Ně kuo wìn'ǒ ii tè bèěě mǒ wlò.6.Tèǒ nìekɔn tè tmɔɔ̌ Ǐsòwɛ̌ kwɛɛn ɛ̈ moo, 'M'ǒà Mǒ moo Jǎwɛ̀, Ě mi u gblàba klě kèdɛ̌ǒ slè klee sònwèǒ⁶Klě tǐà wlòmo Ě jě Ǐsòwɛ̌ kwɛɛn sònwɛ̀ jejeɛ̌ǒ lo ü Ǐjɛ̀tě nyǒ nuu kèiapò mò. È Ně kuo wìn'ǒ ii tè bèěě mǒ wlò. u jěe klě Ǐjɛ̀tě blǒ kɛn. Ě miě u Ǐjɛ̀tě blǒ kɛn sàba plě Ě mǐ u de kpa klě Ně kpě kɛne son bo bo plě Ě mǒo kɛǒ Ǐjɛ̀tě nyoo plɔ tu kɛn bo maě ně chɔɔ. ⁷Ě mi a numa a mǒ Ně nyopò tù plě Ě mǐ aa Nyesoa tù. Bɛ nu Bo gblà amo klě kèdɛ̌ slè klě Ǐjɛ̀tě, a mi ɛ jiba ɛ̈ moo Mǒà Mǒ moo Jǎwɛ̀.⁸Ě mìě a blǒǒ kɛn kpaba ɛ̈ Ě pooa lěe Èblɛ̌hɛ̀nmo klee Aisěè klee Jèkɔ̌po Ě mǒ nɛ a nye ɛ mǐ aa chɛ̀ɛ blǒ tù. Mǒà Mǒ moo Jáwɛ̀.'" ⁹Dɛǒ nɛ̀ Mɔ̀sě tmɔɔ̌a Ǐsòwɛ̌ kwɛɛn, kɛɛ u sea ɔɔ win nɔkǔ jebo po. Mɛ̌oǒ joo nɛ̀ moo uu wlè bea wɔ̀ɔn keǒ sònwɛ u jěaa klě kèdɛ̌ mǒ ɛɛ tè mɔ̀.¹⁰È kě Jǎwɛ̀ dɛ̌a Mɔ̀sě je Ɔ je, ¹¹"Mu, tmɔɔ̌ Ǐjɛ̀tě nyǒo klɔ̀ba bɔ tɛ Ǐsòwɛ̌ kwɛɛn bo bu mu bu sɔn nɔ ɔɔ blǒ wlòmo." ¹²Kɛɛ Mɔ̀sě tùa Ɔ kɛ̀ɛn ɔ je, "Ǐsòwɛ̌ kwɛɛn chɛ̀ se ně wìn nɔkǔ jebo paba mu. È kě Fɛ̀lǒte miǐ kɛ ně win nɔkǔ jebo popoɛ numa? Mǒà Ě memɛmne Ě se wien boɔboɔ ji." ¹³È Jǎwɛ̀ tmɔɔ̌a Mɔ̀sě klee Ewnɔ̀ Ɔ je, "A tmɔɔ̌ Ǐsòwɛ̌ kwɛɛn klee Ǐjɛ̀tě nyǒo klɔ̀ba ɛ̈ moo Mǒà Mǒ nye a snǒ keǒ ba sàe Ǐsòwɛ̌ kwɛɛn klě Ïjɛ̀tě blǒ wlòmo."¹⁴Nyopòà nuu Ǐsòwɛ̌ kwɛɛn dakɔ̌ dlěe jele si nyo, Ǐsòwɛ̌ɛ nyǐsaju Wlùbǐi jluu nyneǎ nìà, Anù klee Palù klee Hesàwla klee Kawlàmi. Ɔɔ jlǔ wùɛǒ u kɔna tùgba dlǒ fòɛ. ¹⁵È Ǐsèwɛ̌ɛ jǔ Senmìɔɔ jlǔu nyneǎ nìa, Jimia, Jimanì klee Ohadè klee Jachè klee Sohawlì plě Suwàa ɔ̈ mooa Kenɛ̀ nynɔɔ jǔ. Ɔmo Senmìɔǒ ɔɔ jlǔ wùɛ u kɔn tùgba dlǒ foɛ̀.¹⁶Ǐsòwɛ̌ɛ jǔ Lifàe blěe jbɛjujluu nyneǎ nìà, Keson klee Kohatà klee Mawlawlì. Ɔɔ jlǔ wùɛǒ u kɔna tùgba dlǒ foɛ̀. Lifàe kɔna jlě wlèe m̀mɔdo tùo pù pù tùo nyiɛta. ¹⁷Lifàe jǔ Keson kɔna jbɛjujlu, uu nyneǎ nìa, Lebenì klee Simì. Ɔɔ jbɛjujluu sɔ̌n'ǒ u kɔna tùgba dlǒ foɛ̀. ¹⁸Lifàee jbɛjuju Kohatà kɔna jbɛjujlu, uu nyneǎ nìa, Awlami klee Asihawlì klee Hìblon klee Usià. Ɔɔ jlǔ uu wùɛo u kɔna tùgba dlǒ foɛ̌. Kohatà kɔna jlě wlèe m̀mɔdo tùo pù pù tùo tan. ¹⁹Lifàee jbɛjuju Mawlawlì kɔna jbɛjujluu sɔ̌n, uu nyneǎ nìa, Mahawlì klee Moɛsì. Uu sɔ̌n wùɛǒ uu jlǔ kɔna tùgba dlǒ foɛ́.²⁰È Kohatàa jǔ Awlamì kɔna nynɔ u dɛɛa Jochenbɛ̀ ɔ̈ mooa ɔɔ gbeěi naǎa jǔu nyneju, ɔ klee ɔɔ sɔ̌n kɔna Ewnɔ̀ klee Mòsě. Awlamì kɔna jlě wlèe m̀mɔdo tùo pù pù tùo nyiɛta. ²¹Kohatàa jbɛjuju Asɛàa kɔna jbɛjujlu, uu nyneǎ nìà, Kuwlàa klee Nafe kɛɛ klee Sichɛwlì. ²²Kohatàa jbɛjuju Usai kɔna jbɛjujlu, uu nyneǎ nìà, Misaì klee Elasapèn klee Siìwlì.²³È Awlàmìì jbɛjuju Ewnɔ̀ kɔna nynɔ ɔ̈ mooa Eliseba ɔ̈ mooa Aminadàa nynejuju plě Nihasan'a naǎ jǔu nyneju. Ɔ klee ɔɔ sɔ̌n kɔna jbɛjujlu, uu nyneǎ nìà, Nadabì klee Abiù klee Ǐleasà klee Itìmàa. ²⁴Asìhaa jbɛjuju Kowlà kɔna jbɛjujlu, uu nyneǎ nìà, Asiwlì klee Elkanà klee Abiàsefà, u moǒ nù mooa umo dàkɔ̌ dlǒǒ uu je si nyo. ²⁵Ewnɔ̀ɔ jbɛjuju Iliesà kɔna Putiɛa nynejuju. Ɔ klee nynɔǒ u kɔna jbɛjuju u dɛɛa Finihɛ̀. È nyopò wùɛǒ nù moo Ǐsòwɛ̌ɛ jǔ Lifàee tùgba.²⁶Ewnɔ̀ klee Mɔ̀sě nù mooa nyopò ü Jǎwɛ̀ tmɔɔ̌aa keǒ bu sàlaě ɔɔ nyopò Ǐsòwɛ̌ kwɛɛn klě Ǐjɛ̀tě blǒ kɛn. ²⁷Uu doǒ nù muaě Fɛ̀lǒte mɔ̀ ü tmɔɔ̌a nɔ keǒ bɔ tɛa Ǐsòwɛ̌ kwɛɛn bo bu mua bu sɔnaě Ǐjɛ̀tě mǒ.²⁸Chnɛ̀ jlò wae tɛɛ̀ mɔ̀ tà Mòsě nea lěe Ǐjɛ̀tě blǒ wlòmo kě Jǎwɛ̀ dǎla ɔ je, ²⁹Ɔ je, "Mǒà Mǒ moo Jǎwɛ̀, tmɔɔ̌ Ǐjɛ̀tě nyǒo Klɔ̀ba Fɛ̀lǒte dɛ wùɛ Ě tmɔɔ̌ mòo." ³⁰Kɛɛ Mɔ̀sě tùa Ɔ kɛ̀ɛn ɔ je, "Jǎwɛ̀, ji ɛle Ě sewien boɔboɔ ji, è ke Fɛ̀lǒte miǐ kɛ ně win nɔkǔ jebo po poɛ numa?"

¹Jǎwɛ̀ tùa ɔ kɛ̀ɛn Ɔ je, "Tanàle, Ě miì nùma wòje keà Nyesoa keǒ Fɛ̀lǒte mɔ̀, è nè mamǔ Ewnɔ̀ nɔ̀ mi nè wìn siɛ̀nma wòje wnɔsàɔ keǒò mɔ̀. ²Kɔn bò tmɔɔ̌ Ewnɔ̀ noǎ wùɛà Ě mi mòo tmɔɔ̌ma. È Ewnɔ̀ nɔ̀ mi Fɛ̀lǒte tmɔɔ̌ma ɔ mǒ Ǐsòwɛ̌ kwɛɛn bo tɛ u mǒɔ ɔɔ blǒ wlòmo sɔn.³Kɛɛ Ě mi Fɛ̀lǒtèe wlò numa ɛ mǒ jakǎ ɛ̈ di ɛ numa Ě mǒ kpě kɛne fano mǒ be noǎ fòe le nu kěɔ Ǐjɛ̀tě blǒ wlòmo. ⁴Kɛɛ Fɛ̀lǒte se aa wìn nɔkǔ jebo po ba mu, è klě demǒ bɔɔ̌ tǐ wlòmo Ě miě Ǐjɛ̀tě nyoo plɔ tu kɛn bo maěma chɔɔ plě Ě mǒ Né nyopò mò dǔ ü moo Ǐsòwɛ̌ kwɛɛn Ě mǒ nɔ u Ǐjɛ̀tě blǒ wlòmo sà. ⁵Bɛ̌ nu Boǒ maeě Ǐjɛ̀tě nyǒo plɔ tu kɛn bo plě Boǒ sàe Ǐsòwɛ̌ kwɛɛn kělɔ uu blǒɔ wlòmo è Ǐjɛ̀tě nyǒ Ǐsòwɛ̌ kwɛɛn mi ɛ jiba ɛ̈ moo Mǒà Mǒ moo Jǎwɛ̀."⁶È Mɔ̀sě klee Ewnɔ̀ nua dɛɛ teěnǒ kɔn tè Jǎwɛ̀ tmɔɔ̌a nuu. ⁷Tiǒ jleě u mua lěe Fɛ̀lǒte mɔ̀ bòɔba è Mɔ̀sě kɔna jlě wlèe hɛ̀n, è Ewnɔ̀ kɔna jlě wlèe hɛ̀n tùo tan.⁸È kě Jǎwɛ̀ dɛ̌a Mɔ̀sě klee Ewnɔ̀ jè Ɔ je, ⁹"Bɛ̌ nu bo Fɛ̀lǒte bɔ̌ gbà a wan ɛ̈ moo a nu wlòlekaen dɛ ɛ̈ moo aa kpě bɛ tee ɛɛ, è tmɔɔ̀ Ewnɔ̀ bɔ tǔunǒ ɔɔ nae tuǒ keǒ Fɛ̀lǒte jemǒ è ɛ mi smɛ numa." ¹⁰Ii tè kě Mɔ̀sě klee Ewnɔ̀ nuaě Fɛ̀lǒte mɔ̀mùmuɛ ǔ nua dɛɛ teěnǒ Jǎwɛ̀ tmɔɔ̌a nuu, Ewnɔ̀ tǔun'aǒ ɔɔ nae tu keǒ Fɛ̀lǒte klee ɔɔ nyopò jèmǒ è nɛ̀o nua smɛ.¹¹È Fɛ̀lǒte dala ɔɔ tɔ̀n kɔ̌n nyo klee sàlisa nu nyo wùɛ ü nea lěe Ǐjɛ̀tě blǒ kɛn ǔ nua dɛɛ doǒ klě uu sàlisa kpě wlòmo. ¹²U tǔǔn'aǒ uu nae ti blǒ mɔ̀le è ii wùɛ i nua smɛa, kɛɛ Ewnɔ̀ɔ nae tuu smɛ ngmnana ii wùɛǒ lo. ¹³Kaǒ kě ɛ nea je Fɛ̀lǒte nìa dlǒ jakǎ ɔɔ̌ jlǎ bɔ poa uu wìn nɔkǔ jebo wòje dɛɛ teěnǒ Jǎwɛ̀ tmɔɔ̌a nuu.¹⁴È kě Jǎwɛ̀ dɛ̌a Mɔ̀sě je Ɔ je, "Fɛ̀lǒtee dlǒ jakǎ le chɔɔ dɛǒ nɛ̀ kɔn tè ɔɔ̌ jlǎ bɔ tɛ nyopòǒ bo bu mua. ¹⁵Tèǒ nì kɔn tè kàan kèntan bò jě kàn nɔ̀ bɔ̌ ke kàne něǒ moo nae winè mì bɔ̌ ke kàn pnèma mì è bò kèkla kàno ɔ gbàa keǒ ně kponkpǒn nè nae tuǒ nua ɛ̈ ponpnɔaa smɛ bɛ ne kàn lěe kwete mǒ.¹⁶È kě bò da ɔ je u je, "Jǎwɛ̀ Ɔ̈ moo Hǐblù nyǒo Nyesoa nɔ̀ dbo mǒ kělɔɔ̀ mɔ̀ bo tmɔɔ̌ mò bò tɛ̀ Ɔɔ nyopò bò bu mu ɛ̈ di ɛ numa u mǒ Ɔɔ wɛ̀sa klě kpatekpa blǒ kɛn kɛɛ nè jlǎ bò pò Ɔɔ win nɔkǔ jebo. ¹⁷li tè kě Jǎwɛ̀ dɛ̌ ɛ̈ moo, 'Mì ɛ jiba ɛ̈ moo Ɔ moà Nɔ̀ moo Jǎwɛ̀ keǒ wlòlekaen dɛà Ɔ mii numa Ɔɔ nae tùa Bɔ̌ feěɛn neǒ moo nae kɛ̀n blè è ně wùɛ ɛ mi nymɔ numa. ¹⁸Smi wùɛǒ neě ně mɔ̀ i mi kǒba, è i mi nǒ peba plě Ǐjɛ̀tě nyǒ see kɛ̀ èmo něǒ nǎma mu de.'"¹⁹Jǎwɛ̀ kpɛɛa Ɔɔ wìn nya kě Ɔ dɛ̌a ɔ je, "Tmɔ̌ɔ Ewnɔ̀ bɔ dǔ ɔɔ nae tuǒ mǒ bɔ feěɛn něǎ wùɛ ï neɔɔ Ǐjɛ̀tě blǒ kɛn ble, sìnsìn nèa klee něǎ gbài klee wulowli dlě klee wlǔgbè klee tà u gbèeǒo ně ɛ̈ di ɛ numa uu neǎ wùɛ i mǒ nymɔ nu kělɔ Ǐjɛ̀tě blǒ wùɛ wlòmo jà něǎ ï neě uu jagbèa wan lee chɛ̀."²⁰Ii tè Mɔ̀sě klee Ewnɔ̀ nua dɛǒ Nyesoa tmɔ̌ɔa nuu. Tà Fɛ̀lǒte klee ɔɔ nyebajle keaǒ le tɛ̀n Ewnɔ̀ dǔa ɔɔ nae tu mǒ ɔ̌ feěɛ'aǒ ɛ ně kɛn ble è tii doo tǐ jleě è nae nɛ̀ǒ ponpnɔa nymɔ. ²¹È smi pɛpɛ wùɛ ï nea lěe ně mɔ̀ ì kǒa le ǐ pea nǒ. Ii tè klě Ǐjɛ̀tě blǒ wlòmo nenǎ ně seaě ne, neǎ wùɛ ï nea lée blǒǒ wòmo i nua nymɔ. ²²È Ǐjɛ̀tě nyoo sàlisà nyǒ nua něǎ ke ǐ nua nymɔ klě uu sàlisà wlòmo. Dɛǒ nɛ̀ kɔn tè Fɛ̀lǒte dlǒ Jakǎa jè ɔ je ɔ sea Jǎwɛ̀ɛ win nɔkǔ je bo po.²³Tà Fɛ̀lǒte bitǐaa bo è nɔ̀ǒ muaě ɔɔ klɔ̀ba kǎ fòɛ ja ɔɔ̌ jlǎ bɔ poa dèǒ kpalaa tùɔn nɔkǔ jebo. ²⁴È klě tǐo wlòmo Ǐjɛ̀tě nyǒǒ bliǎ ně bǐtìi neǒ keǒ neǒ waka mǒ. U slě wɔ̀ bu nǎna ně ɛ̈ sɔn'a lěe nae wàn mǒ. Mɛoǒ joo nɛ̀ moo něǒ ɛ seaě nenǎ wɔ̀. ²⁵Chnɛ̀ jlò wee nyeɛta nì sìn'a tà Jǎwɛ̀ nuaa něǎ wùɛ i ponpnɔaa nymɔ.

¹È kě Jǎwɛ̀ dɛ̌a Mɔ̀sě je Ɔ je, "Mu tmɔɔ̌ Fɛ̀lǒte u je, 'Jǎwɛ̀ je bò tɛ̀ Ɔɔ nyopò bò bu mu ɛ̈ di ɛ numa u mǒ Ɔɔ wɛ̀sa. ²Bɛ̌ nu bò se wɔn de, Ě mìǒ nè blǒà ɛɛ plɔ tu kèn bo maěma Boǒ jaé tlàlě bǐ jǐɔ ɛɛ kɛn le. ³Něǒ moo nae ɛ mi tlàle wan le jǐba. Tlàlěǒ i miě něǒ mɔ̀ mo sɔnma i mǒě nè chɛ̀ɛ koǔ bo mu klě nè pɛna blò mò klee klě nè kɛn bo pɛn dɛ kɛn. Nè nyopò klee nyebajle uu keǐ klee keǒ tàa u piiǒo didi dɛ plě noǎà u pii didi noǎ wan le i mi tlàlě wan le jǐba. ⁴I miě a ja le ngmnae nè mò klee nè nyopò klee nyebajle sɔ̌n.'"⁵È kě Jàwɛ̌ dɛ̌a Mɔ̀sě je Ɔ je, "Tmɔ̌ɔ Èwnɔ̀ mu i 'pnɛ̌ nè nae tuǒ mǒ teě ɛ sìnsìn něa kɛ̀n klee neǎa wulowli u poo klee wlǔgbè ɛ di ɛ numa tlàlě mǒo Ǐjɛ̀tě blǒ wlòmo di.'" ⁶Ii tè Èwnɔ̀ pnɛ̌a ɔɔ nae tu mǒ klě ně kɛn, è tlàlě jǐa Ǐjɛ̀tě blǒ wlò mène. ⁷Ǐjɛ̀tě nyǒo bo dìɔpò ǔ moo sàlesà nu nyo ù nùa dɛɛ doǒ lo tlàlěe diaě blǒ wlòmò Fɛ̀lǒte dala Mɔ̀sě klee Ewnɔ̀ kě ɔ dɛ̌a u je ɔ je, "A boɔě Jǎwɛ̀ mɔ̀ a tmɔɔ̌ Ɔ Bɔ sàɔ tlàlěà kělɔɔ̌ mɔ̀ klee ně nyopò ɛ̈ diɛ numa Ě mǒ Ǐsòwɛ̌ kwɛɛn bo tɛ u mǒ mu u mǒ Ɔ chɔ̀no je piele."⁸. Kɛɛ klě tǐo wlòmo Fɛ̀lǒte dala Mɔ̀sě klee Èwnɔ̀ kě ɔ dɛ̌a u je ɔ je, "A boɔě Jǎwɛ̀ mɔ̀ a tmɔɔ̌ Ɔ Bɔ saɔ̀ tlalěà kělɔɔ̌ mɔ̀ klee nè nyopò ɛ̌ di ɛ numa Ě mǒ Ǐsǒwɛ̌ kwɛɛn bo tɛ u mǒ mu u mǒ Ɔ chɔ̀no je pie le." ⁹Mɔ̀sě tùa ɔ kɛ̀ɛn ɔ je, "Ně plɔ mi ɛ kɛn blooba keǒ boǒ boɔ lě Nyesoa mɔ̀ tlàlě mǒɔ blǒɔ wlòmo sɔn klee mɔ̀ klee nè nyopò ɛ̌ di ɛ numa tlàlě mǒě něǒ moo nae ɛɛ do mɔ̀ ne. Ii tè tmɔɔ̌ mǒ tǐ tae jlɛ̌ boǒ boɔɔěe Nyesoa mɔ̀?"¹⁰Fɛ̀lǒte tùa ɔ kɛ̀ɛn ɔ je, "Boɔě Ɔ mɔ̀ klě kàn wlòmo." È Mɔ̀sě tùa ɔ kɛ̀ɛn ɔ je, "Ě wɔɔn ɛ kɛn Ě mi dɛǒ boɔɔ numa Ě di ɛ numa mò ɛ ji ɛ̌ moo Nyesoa tɔ̀ɔ nɔ̀ se äa Nyesoa Ɔ̈ moo Jǎwɛ̀ je wǒ. ¹¹Tlàlě miěè mɔ̀ mǒ sɔn ma klee klě nè koǔ bo klee klě nè nyebajle mɔ̀ klee klě nè nyopò wùɛ uu keǐ bo ble. I miě klě nae něe do mɔ̀ ne." ¹²Ii tè Mɔ̀sě klee Ewnɔ̀ sɔnaě Fɛ̀lǒte mɔ̀ mò. È Mɔ̀sě boɔlaě Jǎwɛ̀ Nyesoa mɔ̀ Bɔ sàlaě tlàleǒ klě Fɛ̀lǒtee blǒ kɛn.¹³Jǎwɛ̀ nua dɛɛ teěnǒ kɔn tè Mòsě gbàla ɔɔ wan tlàlě wùɛ ǐ sɔnaě keǐ bo ble měne ǐ sɔnaǒ pànto mène plě klee klě chèa mò ǐ kǒa. ¹⁴È Ǐjɛ̀tě nyǒ bòa tlàlěǒ le ǔ nua ii kleà ii nǒ jǐaě blǒ wùɛǒ měne wlò. ¹⁵Tà Fɛ̀lǒte jěa lɛɛ ɛ moo tlàlě ka leò è nɔ̀ǒ poaě dlǒ jakǎ de ɔ̌ chlala ɛ ɛ̈ moo ɔ sea u bo tɛ ba mu u sea muma mu wòje keǒ Jǎwɛ̀ je ɔ miaa numa.¹⁶Tèǒ nì kɔn tè Jǎwɛ̀ tmɔ̌ɔa Mɔ̀sě Ɔ je, "Tmɔ̌ɔ Ewnɔ̀ bɔ dǔ ɔɔ nae tu mǒ bɔ feěɛnǒ ɛ pǔpu slè blè keǒ blǒ kɛn ɛ̈ di ɛ numa noǎà i wǒo gmui i mǒɔ Ǐjɛ̀tě blǒ wlòmène jǐ." ¹⁷Ii tè Ewnɔ̀ dua ɔɔ nae tu mǒ ɔ̌ feèɛn'aě ɛ pǔpu slè blè è de fǔn noǎà jǎla tùonyopò klee soa mǒ, pǔpu wùɛǒ nea lěe blǒǒ wlòmo ɛ nua de fǔn noǎà sosǒ.¹⁸Ǐ kpnǔa tùonyopò klee soa wùɛ. Ǐjɛ̀tě nyǒo sàlisà tɛn'a ɛ mǒ keǒ bu nua dɛɛ doǒ klě uu sàlisà kpě wlòmo, kɛɛ u seaě ɛ nunuɛ wɔ̀. ¹⁹È ɔɔ bodiɔpò muaě Fɛ̀lǒte mɔ̀ kě u dɛ̌a ɔ je u je, "Dɛà tae ɛ moo Nyesoaa nunu dɛ." Kɛɛ Fɛ̀lǒte poaě dlǒ jaká ɔ sea u wìn nɔkǔ jebo po plě ɔ sea dɛǒ kɔn tè Jǎwɛ̀ bɔlaa nu.²⁰Dɛǒ nɛ̀ kɔn tè kě Jǎwɛ̀ dɛ̌a Mɔ̀sě je Ɔ je, "Dǔ kàn jèmǒ kèntan gbìi mu kàn Fɛ̀lǒte nyabɛ̌ bɔ̌ ke kàne ně wìen mi bɔ̀ ke kàn pnemà mì. Tmɔ̌ɔ kàn nɔ̀ ɛ̈ moo, Jǎwɛ̀ je, 'Tɛ Ɔɔ nyopò bò bu mu u mǒ Ně wɛ̀sa. ²¹Bɛ̌ nu bò se ɛ nu, E mi tànfne dboba klě mò klee nè nyebajle klee nè nyopò mɔ̀ i mǒ aa keǐ jele jǐ i mǒ blǒ wùɛ'a kɛn kan.²²Kɛɛ tànfneǒ i slě Kosen wàkǎ kɛn muuma mu tà Ně nyopò neěe ɛ̈ di ɛ numa mò ɛmo dɛǒ ji ɛ̈ moo ɛmo dɛǒ Jǎwɛ̀à ni ɛ. ²³Kàn nǒ wlòlekaen plɔ tukèn bo maě dɛǎ ɛ mi kàně tà à nè nyopò slèbe ba, kɛɛ ɛ se kàne Ně nyopò slè ne ma mu.'" ²⁴È Jǎwɛ̀ nua dɛǒ kɔn tè Ɔ boɔlaa le, tànfně fòfoa jǐa lě Fɛ̀lǒte klee ɔɔ nyebajlee keǐ boble le ǐ kana Ǐjɛ̀tě blǒ wùɛ kɛn è i sùea noǎ fòfoa gbè.²⁵È Fɛ̀lǒte dala Mɔ̀sě klee Ewnɔ̀ kě ɔ dɛ̌a u je ɔ je, "A pie Nyesoa chɔ̀no je kěɔ äa blǒ wlòmo." ²⁶Kɛɛ Mòsě tùa ɔ kɛ̀ɛn ɔ je, "Ä se ɛ nu mu. Mɛoǒ joo nɛ̀ moo Ǐjɛ̀tě nyǒ faen ɛ ne keǒ bä pie chɔ̀no keǒ äa Nyesoa Jǎwɛ̀ mɔ̀. È bɛ̌ nu bǔ jě ämo bä ke chɔ̀noǒ i u mi ä seɛ̌ beeba. ²⁷Teǒ nì kɔn tè ä kɔn bä mu bä naa chnɛ̀ jlò wee tan'a nena mǒ klě kpatekpǎ blǒ kɛn ä mǒ äa Nyesoa Jǎwɛ̀ chɔ̀no je pie wòje ke Ɔ dǎ ämoo je."²⁸Fɛ̀lǒte tùa ɔ kɛ̀ɛn ɔ je, "Ě mi a bo tɛba ë di ɛ numa a Mǒ mu a Mó aa Nyesoa Jǎwɛ̀ chɔ̀no je pie klě kpatekpǎ blǒ kɛn bɛ̌ nu bǎ se mɔ̀ tmɔma mu è plě bɛ̌ nu bǎ diě Ɔmo Jǎwɛ̀ǒ mɔ̀ bòɔba Bɔ̌ diɔ tànfneɔ blǒɔ kɛn sàba." ²⁹È Mɔ̀sě tùa ɔ kɛ̀ɛn ɔ je, "Mǒà mi, Ě mi Jǎwɛ̀ bàtèba ɔ mǒ tànfneà blǒ mǒ sà keǒ nè nyebajle klee nè nyopò mɔ̀, kɛɛ nè se nyopòà bo tɛ uǔ se mu u mǒ Jǎwɛ̀ chɔ̀no je pie le."³⁰È Mɔ̀sě nɔ̀ǒ sɔnaǒ Fɛ̀lǒte mɔ̀ mo ɔ̌ mua ɔ̌ bàtea Jǎwɛ̀. ³¹È Jǎwɛ̀ nua dɛǒ kɔn tè Mɔ̀sě bàtea ɔɔ lo ɔ̌ sàlaě tànfneǒ klé Fɛ̀lǒte klee ɔɔnyebajle klee ɔɔ nyopòo blǒ kɛn I dɛɛ doǒ chɛ̀ nɛ̀ seaě si. ³²Kɛɛ Fɛ̀lǒte bɔɔ̌a demǒ de ɔ̌ poaě dlǒ jakǎ ɔ̌ je ɔ sea nyopòǒ bo tɛ bu mua

¹Tèǒ nì kɔn tè kě Jǎwɛ̀ dɛ̌a Mɔ̀sě je Ɔ je, "Muě Fɛ̀lǒte mɔ̀ tmɔɔ̌ ɔ ɛ̈ moo, Jǎwɛ̀ Ɔ̈ moo Hiblù nyǒo Nyesoa Ɔ je Bò sɔnǒ Ɔɔ nyopò mɔ̀ mò bu mu ɛ̈ di ɛ numa u mǒ Ɔɔ wɛ̀sa. ²Bɛ̀ nu bò seɛ kɛn wɔɔn no bò tùǔ jè ù bo bǔ se mu, ³Jǎwɛ̀ mie jǐlenymi kwɛ jaba Ɔ mǒ nè wnùnoǎ dbǎ nè sòkwe klee jakǎsea klee bùkɛn sòkwe klee blablɛǎ plě wlia i mǒ kǒ. ⁴Ɔ mi ɛ mɔ̀le bɛ̌ ba keǒ Ǐsòwɛ̌ kwɛɛn soa klee Ǐjɛ̀tě nyoo soa slè Ɛ̈ di ɛ̈ numa Ǐsòwɛ̌ kwɛɛn uu wnùnoǎ ně dǐ kǒ.⁵Jǎwɛ̀ je kàn kě Ɔ mi ɛmo dɛǒ numa." ⁶Ii tè tà chnɛ̀ tɛ̀ɛ gbàlaa le Jǎwɛ̀ nua dɛǒ ɛ̈ kɔn tè Ɔ boɔlaa Ǐjɛ̀tě nyǒo wnùnoǎa dɛ fòfoa kǒa, kɛɛ wnùdɛɛ doo chɛ̀ nɛ̀ sea kǒ klě Ǐsòwɛ̌ kwɛɛn wakǎ kɛn. ⁷Fɛ̀lǒte dboa nyopò klě Kosen wàkǎ kɛn u mǒa ɛ jě bo Ǐsòwɛ̌ kwɛɛn wnùnoǎ bǐ sea kǒ. È ii dɛɛ doo chɛ̀ nɛ̀ sea kǒ, kɛɛ Fɛ̀lǒte poaě dlǒ jakǎ ɔ je sea nyopòǒ bo tɛ bu mua.⁸Tèǒ nì kɔn tèkě Jǎwɛ̀ dɛ̌a Mɔ̀sě klee Ewɔ̀n jè ɔ je, "A kme pòpo knǎ keǒ kǒngma mò a moě jɔ měne blà keǒ Fɛ̀lǒte jemǒ. ⁹Ɛ mi le gbɛ̀tɛɛba kělɔ Ǐjɛ̀tě blǒ kɛn è bɛ̌ beǒ tùonyugbe klee wnùdɛ fò mǒ bubǔ noǎa sosǒ nì mi ɔ bǔba." ¹⁰Ii tè ǔ dǔa pòpo mò ɛ̈ u sàlaǒo kǒngma mò ǔ muaǒ Fɛ̀lǒte jemǒ Mòsě blàlaě ɛ jɔ měne è bubǔ noǎa klee chii è nìǒ beaǒ tùo nyopo klee wnùnoǎ fǒ měne.¹¹Uu bodiɔpò ü mooa uu sàlesà nyǒ u slě wɔ̀ bu nynanaa kɛ̀ Mɔ̀sě jebo. Mɛoǒ joo nɛ̀ moo u chɛ̀ǒ bubǔ noǎa sosǒ wɔ̀a ɔ dlǒ klee nyopò wùɛ ü nea lěe Ǐjɛ̀tě blǒ wlòmo. ¹²Kɛɛ Jǎwɛ̀ nua Fɛ̀lǒte dlǒ ɛ̌ jakala ɛ̈ di ɛ numa ɔɔ̌ dǐa Mɔ̀sě wìn nɔkǔ jebo po wòje keǒ Jǎwɛ̀ dǎlaa ɛ̈ moo kě ɔ mi numa.¹³Tèǒ nì kɔn tè kě Jǎwɛ̀ dɛ̌a Mɔ̀sě je Ɔ je, "Sɔn mǒ kèntan gbii mò Fɛ̀lǒte tmɔɔ̌nǒ ɛ̈ moo, Jǎwɛ̀ Ɔ̈ moo Hiblù nyǒo Nyesoa Ɔ je bò tɛ̀ Ɔɔ nyopò bò u mǒ mu u mǒ Ɔɔ wɛsà. ¹⁴Ɛɛ dɛà Ě mii kɛ̀ lěe jaba ɛ se bɛ maěě nè nyopòo plɔɔ tu kɛn boo do, nè chɛ̀ɛ kpǎà ɛ miǒò bò maěma chɔɔ klě dìe wlò jleě klee nè nyebajle klee nè nyopò ɛ̈ di ɛ numa a mǒ ɛ ji ɛ̈ moo Nyesoa tɔ̀ɔ nɔ̀ seè jè wǒ.¹⁵Bɛ̌ nu Boǒ ke ɛ jlɛ̌ Ě mi mò klee nè nyopò gbèsueba kělɔ kmɔ̌ɔ mɔ̀. ¹⁶Kɛɛ dɛ kɔn tè Ě sàǎ jèě mòo wun mɔ̀ nɛ̀ moo Ě jlɛ̌ nè nyopò u mǒ Ně kpě jě ɛ̈ di ɛ numa nyopò wùɛà neɔɔ kmɔ̌ɔ mɔ̀ u mǒ Ně nynɛ̌ wɔ̌n. ¹⁷Mɛ kɔɔ̌n tèǒ joo nɛ̀ moo dejaǎ sùsu nɛ̀ neě jè lěè mò nɛ̀ kɔn tè jè se ɛ kɛn wɔɔn no bò sɔ̀ne Ně nyopò mɔ̀ mò bu mu.¹⁸Ě mi chèn kwle fòee nǔ numa ɛ mǒ dba bo tǐ bǐ ke kàn bo je blɛɛle è chèn kwle ii fòe ï a seělaa jě kɛ̌lɔ Ǐjɛ̀tě blǒ wlòmo i mǐ kàn jɔ měne bloba. ¹⁹Tèǒ nì kɔn tè nè wnùnoǎ pɛpɛ klee nè nyebajle ǔ neěe chèa mène ja u dǐa le u mǒě koǔ bo bo ne. Chènǒ mii jɔ měne bloba nyu wùɛ ɔ̈ seě koǔ bo nema mu ɛ mi ɔ dbǎba ɛ mǒ wnùnoǎ dbǎ."²⁰Tà Fɛ̀lǒtee nyopòo tìe wɔ̌naa tuposà sɔnaěe Nyesoa mɔ̀ mò ù bea mǒ fano ǔ jala uu nyebajle klee wnùnoǎ dǐa ǔ paea i keǐ bo ble le. ²¹Kɛɛ tìe tùu sea ɛ nɔkǔ jebo po ǔ sàlae uu nyebajle klee wnùnoǎ wun mɔ̀ ï siaě chèa mò.²²È kě Jǎwɛ̀ dǎla Mɔ̀sě je Ɔ je, "Tè nè sonwɛ jɔ mǒ klě feflɛ slè chen kwle mǒ Ǐjɛ̀tě blǒ kɛn be." ²³Ii tè Mɔ̀sě dǔa ɔɔ sonwɛ jemǒ klě fèflɛ slè. È Jǎwɛ̀ nua tɛ̀n klee pipia ǐ pnɛ̌a le è chen kwle fòe nì blea Ǐjɛ̀tě blǒ kɛn le. ²⁴Chen kwleǒ blea lěe jɔ měne u seɛ̌lǎ ii chen kwle jě u bea lěe Ǐjɛ̀tě blǒǒ wlòmo bebe keǒ bu moo dakɔ̌. Tɛ̀n nɛ̀ bleeaě ɛ jɔ měne.²⁵v 25 Blǒ pɛpɛ wùɛ nɛ̀ ɛ wɔ̀a dlǒ ɛ̌ dedbɛ̌ɛa tùonyopò klee wnùnoǎ le ɛ̈ bea kwlǎ dlǒ le ɛ̈ nea lěe chèa mène plě ɛ̈ chechlɛ̀ɛa ti wùɛ wàn le. ²⁶Blǒ wakǎa do ɛ̌ kɔn kɛn chèn sea lěe bloolo nɛ̀ mooě Kosen wàkǎ kɛn tàa Ǐsòwɛ̌ kwɛɛn nea lěe.²⁷È Fɛ̀lǒte dala Mɔ̀sě klee Ewnɔ̀ kě ɔ dɛ̌a u je ɔ je "Dɛà ɛ moo kpni kukwǐ Ě nu ni mǒ klee ně nyopòo sɔ̌n keǒ Jǎwɛ̀ jemǒ. ²⁸Ii tè boɔě Jǎwɛ̀ mɔ̀ bàte Ɔ Bɔ kan tɛ̀n klee chen kwleǒ je le Ě miǒ a mɔ̀ mo sɔnma a mǒ mu a see kɛ̀ɔ nema mu."²⁹Mɔ̀sě tùa ɔ kɛɛn ɔ je, "Tǐi doo tǐ jlěe boǒ sɔn'ɔ dǐaɔ mǒ Ě mǐ ně sonwɛ jemǒ dùba klě Jǎwɛ̀ mɔ̀ è Ɔ mi pipìa klee chen kwleǒ je kanma ɛ̌ di ɛ numa a mǒ ɛ ji ɛ̌ moo ɔmo Jẃɛ Nɔ̀ kɔn noǎ wùɛ ï neɔo kmɔ̌ɔ mɔ̀ win kɛn. ³⁰Ě ji ɛle mò klee nè nyebajle kaǒ a se Jǎwɛ̀ fano pe keǒ ba tùo Ɔ bo."³¹Chen kwleǒ i nymiia kwlǎǒ u dɛɛ flà jǐle klee didi noǎ tii u dɛɛ bala. Mɛoǒ joo nɛ̀ moo baleǒ i kun'a kɛ̀ lè i neaǒ bebɛ̌ snǔ mɔ̀ è flàǒ nɛ̀ kèke ɛ wěea. ³²Kɛɛ dɛǒ u dɛɛ witi klee sepɛɛ nì sea gbèsue. Mɛoǒ joo nɛ̀ moo i seěa jè wě. ³³È Mɔ̀sě nɔ̀ǒ sɔnaě Fɛ̀lǒte mɔ̀ mò ɔ beaě dɔwun jleě ɔ̌ dǔa sonwɛ jemǒ klě feflɛ̌ slè klě Jǎwɛ̀ mɔ̀. È tii doo tǐ jleě è tɛ̀n klee chɛn kwleǒ è nìo bɔa dɛ.³⁴Kɛɛ tǎ Fɛ̀lǒte jěea bòo ɛɛ ɛ̈ moo chen kwleǒ i kana jeò è nɔ̀ǒ nua kpni kukwǐ de ɔ klee ɔɔ ny efòapoo sɔ̌n ǔ poaě dlǒ jakǎ de. ³⁵È ɔ sea ɛ kɛn wɔɔn no de keǒ bɔ sɔnaě Ǐsòwɛ̌ kwɛɛn mɔ̀ mò u klee Mɔ̀sě bu mua. Wòje keǒ Jǎwɛ̀ je ɔ miaa numa nɛ̀ ɔ neaǒ kɛn kaǒ.

¹Tèǒ nì kɔn tè kě Jǎwɛ̀ dɛ̌a Mɔ̀sě je Ɔ je, "Muě Fɛ̀lǒte mɔ̀. Mɛoǒ joo nɛ̀ moo Ě nu ɔ klee nyopòo sɔ̌n u dlě jakǎ ɛ̈ di ɛ̈ numa Ě mǒ ně wlòlekaen noǎ nu keǒ ɔ jemǒ. ²Ɛ̈ di ɛ numa a mǒ ɛ aa jlǔu jlǔ klee duojlu tmɔɔ̌nǒ keǒ noǎ jakě Ě nuu klě Ǐjɛ̀tě. Noǎǒ nì mi ɛ a teeba ɛ̈ moo Mǒà Mǒ moo Jǎwɛ̀."³Ii tè Mɔ̀sě klee Ewnɔ̀ mua lě Fɛ̀lǒte mɔ̀ kě u dǎla ɔ je u je, "Jǎwɛ̀ ɔ̈ moo Hǐblù nyǒo Nyesoa Ɔ gbɛ̀ɛ̀ wan Ɔ je, È ke ɛ miǐ kɛ jleě mǒ bo tonma plě mǒǒ Ɔɔ wìn sèsa bɔ̌ keǒ bò sɔnǒ Ɔɔ nyopò mɔ̀ mo bu mu ɛ di e numa u mǒ Ɔɔ wɛ̀sà? ⁴Bɛ̌ nu bò se ɛ kɛn wɔɔn no de kàn nǒ ɔ mi kàn tànynakpaǐn kělɔ nè blǒ wlòmo dboba.⁵I mi fòba chɔɔ slè wɔ̀ bò jě blǒo dɛɛ chɛ̀ i mi kwlǎ wùɛ dìba, dìdi noǎ wùɛà chèn kwle see jǐlenymini ii wùɛǒ i mǐ i jǐlenymiima i mǒ ti wùɛ di. ⁶I mìě nè koǔ ble jǐba i mìě nè konkwa nu koǔ bo ble jǐ plě i mìě Ǐjɛ̀tě nyǒo keǐ wùɛ bò blè lè jǐ. Ii dɛ mi jǐlenymi dɛ tùba chɔɔ ɛà nè gbeǐpòo chɛ̀ seɛ̌laa jě." Kɛɛ Fɛ̀lǒte sɔnaě u jemǒ ɔ̌ mua.⁷È kě ɔɔ kòngmnaa nyefòapo dɛ̌a ɔ je u je, "Tǐ wùɛ mɔ̀ kě jbɛjuà ɔ mǒ kɛ ä sònwɛ̀ tù le? sɔnǒ nyopòà mɔ̀ mǒ bu mu ɛ̈ di ɛ numa u mǒ uu Nyesoa Jǎwɛ̀ɛ wɛ̀sa. Se kɛ i ji ɛ̈ moo ǐjɛ̀tě blǒà ɛ sùegbe le?" ⁸Ii tè ǔ kpala Mɔ̀sě klee Ewnɔ̀ de klě Fɛ̀lǒte mɔ̀ è kě ɔ dǎla u je ɔ je, "A mu a mǒ Jǎwɛ̀ Nyesoaa wɛ̀sa. Kɛɛ aa tɛ̀n tae miǐ kɛ?"⁹Mɔ̀sě tùa ɔ kɛ̀ɛn ɔ je, "Äa pɛpɛ wùɛ, nyngmeǒ, bolìbo, äa jlǔ klee wnunoǎ. Mɛoǒ joo nɛ̀ moo Jǎwɛ̀ tmɔɔ̌ mǒ Ɔ je bǎ mu è bä pi wlèwle dìgbaǐ ɛ moo Ɔɔ bo tùtuɛ." ¹⁰È Fɛ̀lǒte tùa ɔ kɛ̀ɛn ɔ je, Ě slě ɛ wɔ̀, bɛ̌ nu Jǎwɛ̀ɛ chɛ̀ Ɔ klee amoo sɔ̌n bǎ ke mi Ě slě wɔ̀ boǒ sɔnǒ a mɔ̀ mò a klee aa jlǔ ba mu. Bɛ̌ nu boǒ nu ɛ a se de diba mu. ¹¹Tèǒ nì kɔn tè a se nyopò wùɛ kpàba mù kɛɛ jbɛjluu do sosǒ nù bu mu u mǒ Jǎwɛ̀ɛ wɛ̀sa wòje ke a ni ɛɛ jlajlǎ." È Mɔ̀sě klee Ewnɔ̀ɔ sɔ̌n nùǒ u plùa mɔ̀le keǒ ɔ jemǒ.¹²Tèǒ nì kɔn tè kě Jǎwɛ̀ dǎla Mɔ̀sě je Ɔ je, "Nɛ̌ nè sonwɛ mǒ klě jɔ mǒ klě fèflɛ slè, teǒ i klě Ǐjɛ̀tě blǒ dlǒ ɛ̈ di ɛ numa tànynakpaǐn mǒ Ǐjɛ̀tě blǒ kɛn bo wlɛ i mǒ ti wùɛà chen kwle siǒo dbǎ pɛpɛ." ¹³Ii tè Mɔ̀sě dǔa ɔɔ nae tu jemǒ ɔ̌ tèaě sonwɛ jɔmǒ klě Ǐjɛ̀tě blǒ kɛn è Jǎwɛ̀ nua wɛn'ɛ kwlǎ mǒ wǒla mǒo fèflɛ ɛ̌ dìa le chnɛ̀ jlò wae kplèe klee tǒn jlǒ waě kplěe mɔ̀. Ii tè tà chnè gbàlaa le kèntan ɛ jalaě tànynakpaǐn fòfoa klě blǒǒ wlòmo.¹⁴È tànynakpaǐn nìǒ jǐa Ǐjɛ̀tě blǒ je. I nea tà wùɛ plě i wɔ̀naǒ le sìnsìn tè, nyopòà moo tɔn nyo u seɛ̌lǎ ii tànynakpain jě plě ii tànynakpáin seǎa kɛ̀ blǒ kɛn di de klě nya. ¹⁵I kana blǒ wùɛ kɛ̀n plě ǐ poaě kwijlě jɔmǒ, i dia ti wùɛ klee tìà toee bui iǒ che kwle seaa jǐlenymiini i siaǒo. Ii tè klě Ǐjɛ̀tě blǒ kɛn tuu doo chɛ̀ nɛ̀ seaě ne ɛ sea wɔ̀nfu ja nè,¹⁶e tǔ doo tǐì Fɛ̀lǒte dala Mɔ̀sě klee Ewnɔ̀ kě ɔ dɛ̌a u je ɔ je, Ě wlǎ tè keǒ a jemǒ klee aa Jǎwɛ̀ Nyesoa jèmǒ. ¹⁷È bɛ̀te a le a poo ně tè wlò le klě tǐà wlòmo, a boɔě aa Jǎwɛ̀ Nyesoa mɔ̀ plɔɔ tu kɛn bo maě jakǎà ɔ poɔ blǒɔ wlòmo ɔ mǒɔ ɛ sà." ¹⁸Kě Mɔ̀sě nuaé Fɛ̀lǒte mɔ̀ mǒ sonsɔn ɔ̌ mua ɔ̌ boɔlaě Jǎwɛ̀ mɔ̀ Bɔ sàlaě tànynakpaǐnǒ blǒǒ wlòmo.¹⁹Ii tè Jǎwɛ̀ nua wɛn'ɛ pala mǒ ɛɛ feflɛ̀ ɛ̌ dia le di ɛ̌ tɛ̌na tanynakpaǐn wùɛǒ blǒǒ kɛn le ɛ̌ poaě i jbǒ chǒ mɔ̀. Tànynakpaǔn doo chɛ̀ nɔ̀ seaě Ǐjɛ̀tě blǒ wlòmo si. ²⁰Kɛɛ Jǎwɛ̀ nua Fɛ̀lǒtee dlǒ ɛ̌ jakǎla, nì kɔn tè ɔ slě wɔ̀ bɔ sɔnaě Ǐsòwɛ̌ kwɛɛn mɔ̀ moò bu mua.²¹Tèǒ nì kɔn tè kě Jǎwɛ̀ dǎla Mɔ̀sě je Ɔ je, "Nɛ nè nae tuǒ mǒ klě jɔ mǒ ɛ̌ di ɛ numa kwijlě blɔ̀ mǒ bo be kělɔ Ǐjɛ̀tě blǒ wlòmo." ²²Ii tè Mɔ̀sě dǔa ɔɔ nae tu jemǒ ɔ̌ teaě ɛ jɔ mǒ, è kwijlěe dɛà ä dɛɛ tǒn dbǎ doɛ è nɛ̀ǒ bea blǒ mǒ klě Ǐjɛ̀tě blǒ wlòmo, ɛ sìnaě blǒǒ wlòmo chnɛ̀ jlò wee tan. ²³Kwijlěǒ ɛ jònaě wlò mène chli tè chɔɔ, ii tè bɛ̌ nu bo bè bɔ̌ nynaǒǒ nya bo sè ɔ̀ jěba mu. Kɛɛ klě Ǐsòwɛ̌ kwɛɛn wakǎ kɛn pepɛ̌ nea lě.²⁴È Fɛ̀lǒte dala Mɔ̀sě kě ɔ dǎla ɔ je ɔ je, "A mu a mǒ Jǎwɛ̀ɛ wɛ̀sa a klee aa jlǔ, kɛɛ aa wnunoǎǒ nì ba sin bo," ²⁵kɛɛ Mɔ̀sě tùa ɔ kɛ̀ɛn ɔ je, Ǎ kɔn bä kpa äa wnùnoǎ ke ä mǒ Jǎwɛ̀ Nyesoa chɔno je pie le. ²⁶È ä se wnunoǎ tìɛn tae ä mii chɔno ìeba ji ɛ̈ sìnǒ bä nynìě plě, tèǒ nì kɔn tè ä mi äa wnùnoǎ wùɛ kpàba ä se i dɛɛ doo chɛ̀ bo siba mu."²⁷Kɛɛ Jǎwɛ̀ nua Fɛ̀lǒte dlǒ ɛ̌ jakǎla, ii tè ɔ je ɔ sea ɛ ble po keǒ bɔ tɛa u bo de bu mua. ²⁸È winà nì Fɛ̀lǒte tù poa Mɔ̀sě kě ɔ dǎla ɔ je, "Sɔnàǎ jemǒ, mu ně jěǎa kɛ̀ mò de, bò se ɛ nu chnɛ̀ jlò waeǒ kɔn mǒ Ě mìǎ kɛ̀ mòo jěba è mòoǎ kokǒ nyu." ²⁹È Mɔ̀sě tùa ɔ kɛ̀ɛn ɔ je, "Ii te niǒ boɔ, Ě seǎ kɛ̀ɛ jè de."

¹Demǒ bɔɔ̌ dɛ̌ kě Jǎwɛ̀ dɛ̌a Mɔ̀sě je Ɔ je, "Ɛ siě kɛ̀o dɛɛ do Ě mii numa keǒ bo maěǒ Fɛ̀lǒte klee Ǐjɛ̀tě nyoo uu plɔ tu kɛn bo. Dɛǒ nɛ̀ bɛɛ̌ sìn è Fɛ̀lǒte miě a mɔ̀ mo sonma a mǒ mu, ɔɔ chɛ̀ǒ ɔ mǐ a mɔ̀le plùba ɛ̈ moo a sìn a sìn a sɔn'ɔ blǒɔ wlòmo. ²Tèǒ nì kɔn tè mu tmɔɔ̌ Ǐsòwɛ̌ kwɛɛn uu nyno bu mu bu sòa u bǐì Ǐjɛ̀tě nyno ü klee uu sɔ̌n tìntǐin je sěbla klee klò ɛɛ sonwè le pe noǎ klee dɔ le pe noǎ plě ě mǒ Fɛ̀lǒte klee ɔɔ nyopò uu plɔ tu kɛn bo maě ně klě demǒ bɔɔ̌ tǐ wlòmo." ³È Jǎwɛ̀ nua Ǐjɛ̀tě nyǒ ǔ nua kàan keǒ Ǐsòwɛ̌ kwɛɛn mɔ̀. È sǒnoka Ǐjɛ̀tě nyǒ kɔnaǒ Mɔ̀sě tùtuɛ chɔɔ klě u slè.⁴È kě Mɔ̀sě dɛ̌a Fɛ̀lǒte je ɔ je Jǎwɛ̀ je, Klě tòtoo kɛn mǒ weleea mǒ Ɔ mìɔ Ǐjɛ̀tě blǒɔ wlòmo tìe bɛ̌ɛba ⁵.ɔ mǒ Ǐjɛ̀tě nyǒ uu nyane jlǔ wùɛ dbǎ, sɔɔnǒ Fɛ̀lǒtee chɛ̀ɛ nyane jǔà bɔ̌ sonǒ sɔnǒ moo ɔ mii klɔ̀ba dɛ numa mɔ̀ mò bò jɛɛ uu kèi nynǒ ü dui uu kou uu jlǔ u mi kǒba, u wnùnoǎa chɛ̀ɛ nyane jlǔ mi kǒba.⁶È fìɛn blɔ̀ klee wɔle le nunuɛ fòɛ nɛ̀ mi Ǐjɛ̀tě blǒ wùɛ dlǒ beba ɛ̈à u seɛ̌lǎ jě plě u seǎa kɛ̀ jě de ke kmɔ̌ mǐi jlee mǒ bo tonma. ⁷Kɛɛ̀ gbèe chɛ̀ nɔ́ se tùe pòba mù klě Ǐsɔ̀wɛ̌ kwɛɛn wakǎ kɛn. Uu wnùdɛɛ doo chɛ̀ nɛ̀ se u je bloba mu mò ɛ ji ɛ̈ moo Jǎwɛ̀ bɛ̌ ɛ le mɔ̀ keǒ Ǐjɛ̀tě nyǒ klee Ǐsòwɛ̌ kwɛɛn slè. ⁸È nè kòngmnaa nyefòa po miěè mɔ̀ dìba u mǒò kwne jebo kɔ u mǒo tmɔɔ̌nǒ ɛ̈ moo, Mò klee Ǐsowě kwɛɛn sǒn a mu, plě ä mǒo kɛě mǒ sɔn.'" Tà Mɔ̀sě wɔ̀laa dɛǒ boɔboɔ mɔ̀ è nɔ̀ǒ bea jlo měne ɔ sònaǒ Fɛ̀lǒte jemǒ.⁹È kě Jaẃɛ̀ děa Mɔ̀sě je Ɔ je, "Fɛ̀lǒte se Ně win nɔkǔ jebo poba mu ɛ̈ di ɛ numa Ě mǒ wlòlekaen noǎ jakě nu kělɔ Ǐjɛ̀tě blǒ wlòmo." ¹⁰Mɔ̀sě klee Ewǹɔ nua noǎ wùɛǒ keǒ Fɛ̀lǒte jemǒ, kɛɛ Jǎwɛ̀ nua Fɛ̀lǒtee dlǒ ɛ̌ jakǎla, ii tè ɔɔ̌ sɔnaǒ Ǐsòwɛ̌ kwɛɛn mɔ̀ mò uǔ sɔnaě ɔɔ blǒǒ wlòmo ǔu mua.

¹È kě Jǎwɛ̀ dɛ̌a Mɔ̀sě klee Ewnɔ̀ jè Ɔ je, ²"Sòbǎeà a nu ɛ bɛ moo sòbae ɛ̈ kɔn tè kmaa keǒ a mɔ̀. Tèǒ nì kɔn tè a nu ɛ bɛ moo jlǒo nyane sòbae.³Tmɔ̌ɔ̌ Ǐsòwɛ̌ kwɛɛn wùɛ, sòbǎe bɛ̌ nynìǒ ɛɛ wěe pù mɔ̀ koǔ bo kwɛɛn bǔ neǒ bu sà blǎ jǔu do u mǒo di. ⁴Bɛ̌ nu bo koǔ bo kwɛɛn bǔ se fò keǒ uu do bu di blablɛ̌, è uu je tìntǐin nyoǒ klee uu sɔ̌n tentɛɛněe wan le bu da lu u klee ùu sɔ̌n mǒ kɛn bebee le u mǒ blablɛ̌ǒ plo u mǒ ɔ di.⁵A sà blǎ jǔu do ɔ̀ɔ̌ faǹka bòto, kɛɛ kɔɔ dɛ ɛɛ̌ neǒ ɔ jlěe mǒ, bɔ kɔn jlǒ gblee bɛ wɛ̀e je le. ⁶Imo wnùnoǎǒ bǎ jaě i a tù i bo ɛ mǒ ɛ kpa kpa ɛ mǒ sòbaeǒ ɛɛ wěe pù tùo hɛǹ kɛ̀n jɛɛle plě aa wùɛ klě witie waeǒ wlòmo a mǒo kɛ̀ imo wnùnoǎǒ dbǎ. ⁷Imoǒ nì ba tli wanwùn'u sanyěkèe sɔ̌n klee chnupaě ɛ̈ neě chnu dlǒ mǒ ni ba tli nymoǒ je le klě keǐǒ kɔn bobo a miě imoo soaǒ diiba. ⁸Imo soaǒ bu fɔn nɛ u mǒ ɛ di, è bǔ ke ɛ di bu dii ɛ wanonǎ tu klee ně jǎ flɔɔ̌.⁹Aǎ di emǒ soaǒ ɛɛ jajle plě aǎ pe ɛ ně kɛn aǎ pi ɛ, kɛɛ a fɔn nɛ wùɛǒ jà ɛɛ dlǒ klee be klee ɛɛ wlòmo noǎ a fɔn i wùɛǒ a mǒ i di keǒ tàa do. ¹⁰Aǎ siɛ ɛɛ dɛ chnɛ̀ ně gbɛɛ ɛ kɛ̀n le. Bǎ di ɛɛ dɛǒ a seě didiɛ wɔ̀ a sea lee è ba fɔn nɛ bɛ sin. ¹¹Bǎ ke ɛmo didi dɛǒ di, è nyu wùɛ bɔ neǒ bo ɔ blěe wlawlwě bi neě ɔ mǒ, ɔ blěe nyɔkoɛ̌be bi neě ɔ mǒ bɔ blě ɔɔ nae tu kwa. Ba nu jǐ měne a mǒ ɛ di, ɛmo dlǒ mǒ sìin didi dɛ̀ǒ ɛ mooǒ Jǎwɛ̀ɛ bo tùtuɛ.¹²Klě ɛmo tǒn jlǒ waěo wlòmo Ě miě Ǐjɛ̀tě blǒ wlòmo tìe bɛ̌ɛba Ě mǒ uu nyane jbɛjujlu dbǎ klee uu wnùnoaǎ ii nyane jluu chɛ̀. Ě miě Ǐjɛ̀tě nyǒ uu nyesoepòo plɔ tu kɛn bo maěma. ¹³Nymɔǒ nɛ̀ mi jboo dɛ tùba keǒ Ǐsòwɛ̌ kwɛɛn keǐ kɛn. Bɛ̌ nu boǒ jě ɛmo nymɔǒ è Ě kɔn boǒ sìn ɛmo koǔǒ le, dɛǒ nɛ̀ miě amo Ǐsòwɛ̌ kwɛɛn kɛn siba bɛ̌ nu boǒ ke Ǐjɛ̀tě nyǒ dbɛ̌. ¹⁴A po chnɛ̀ jlò waeǒ wlò mɔ̀ a mǒ ɛ Jǎwɛɛ̀ bo tù tuɛ chnɛ̀ jlò wae mǒ nu. A klee aa sɔ̀nkpɛǒ neěe kmɔ̌ɔ nya a tuǒ ɛmo chnɛ̀ jlò waeǒ bo ke ɛ mii jleě mǒ bo tonma.¹⁵Ba di flɔ̌ɔ ɛɛ̌ jǎa klě chnɛ̀ jlò wee nyeɛta wlòmo. Ɛɛ chɛ̀ǒ ke nyane chnɛ̀ jlò waeǒ flɔ̌ɔà jɛ̌ɛ ba sàe ɛ keì pɛpɛ wùɛà bo ble le. Mɛoǒ joo nɛ̀ moo bɛ̌ nu bo nyu bɔ̌ di jejǎ flɔɔǒ klě ɛmo chnɛ̀ jlò weǒ wlomò ɔ see kɛ Ǐsòwɛ̌ kwɛɛn'i tùba mu. ¹⁶Klě nyane chnɛ̀ jlò wae klee klě chnɛ̀ jlò wee nyeɛta wùɛǒ wlòmo a bòle a mǒ ně wɛ̀sa. Nyu wùɛ nɔ̀ bɔɔ̌ i konkwa klě ìmo chnɛ̀ jlò weǒ wlòmo ɛ̀ sìno didi dɛ pipiɛɛ do.¹⁷Bo jlǒ bɛ̌ nynìǒ imo chnɛ̀ jlò weǒ nì ba tuǒ bo ba pi wlewle digbaǐ a mǒ imo chnɛ̀ jlǒ weǒ jě. Nyopòǒ moo sɔnkpɛ̌ u neěe nya bu tùě imo chnɛ̌ jlò weǒ bo ke ɛ mii jleě mǒ bo tonma. ¹⁸Tà a miǒ ně jǎ flɔ̌ɔǒ ɛɛ didiɛ sàeba nɛ̀ moo jlǒo nyane sòbae ɛɛ wěe pù tùo hɛ̀n nenɛǒ mɔ̀ ɛɛ wìtie keǒ ba sàaè ně jǎ flɔ̌ɔǒ ɛɛ dìdiɛ ɛ mǒ ɛ kpa kpa tà a miě ɛɛ dlǒ chlɛ̀ɛba nɛ̀ moo ɛmo sòbaeǒ ɛɛ wǎ wlò tùo do mɔ̀ ɛɛ wìtie.¹⁹Klě chnɛ̀ jlò wěe nyeɛtaǒ wlòmo jejǎ flɔ̌ɔ ně ne a keǐ bo ble le. Nyu wùɛ ɔ̈ mii jejǎ flɔ̌ɔ diba ɔ see kɛ Ǐsòwɛ̌ kwɛɛn'i tùba mu, kɛɛ ɔ mi dakpǎi tùba ɔ̀ɔ̌ Ǐjɛ̀tě nyǒ. ²⁰Tèǒ nì kɔn tè aǎ di jejǎ flɔ̌ɔ. Dɛɛ do ba dii nɛ̀ moo ně jǎ flɔ̌ɔ."²¹È Mɔ̀sě dala Ǐsòwɛ̌ kwɛɛn bòlìbò kě ɔ dǎla u je ɔ je, "A mu klě aa wnùnoǎ slè a sàe blǎ jǔu do keǒ amo koǔ bo kwɛɛn mɔ̀ a mó ɔ dbǎ. ²²È ɔmo blablɛ̌ǒ bǎ dbǎ lɔ ɔɔ nymɔǒ bò tete ɛ klě fuo wan, è nymoǒ nɛ̀ ba dǔ mǒ ba nynǎ dlǒpìnpnì mò a mǒ ɛ kǎ nyěkèe sɔ̌n wùɛǒ tlì klee keǒ chnupaě jleě mǒ. È aa nyu bɔɔ̌ peě plomǒ klě tǒn jlǒ waeǒ wlòmo ɛ mǒ kan kàn'a kèntan kɛ̀n jɛɛle.²³Tà Jǎwè diaa sìnma keǒ Bɔ dbalaa Ǐjɛ̀tě nyǒ Ɔ jěa keǐǒ ï kɔn kǎ nyěkee sɔ̌n klee wànwǔn togbea nymɔ neaa jleě, ɔ seaě noǎ gbèsue nyuǒ mɔ̀ mo sɔn ɔ seaě keǐǒ ii dɛ bobo pa.²⁴Mò klee nè koǔ a tùo ìmo tetěà bo ke ɛ mii jleě mǒ bo tonma. ²⁵Bɛ̌ nu bǎ muě blǒǒ Jǎwɛ̀ pooěe wlòmo ɔ mi amoo nyema è imoà noǎ ba tùe i bo klě blǒǒ wlòmo.²⁶Bɛ̌ nu aa jlǔ bǔ gbà a wan ɛ̌ moo, 'Mi, noǎà ä ni kɛɛ mɛ i sɛ̀n'ɛ̀ nynɛ̌?' ²⁷A tmɔ̌ɔ u ɛ̈ moo, "Pean sìin ä dlǒ ɛɛ chɔnoà ɛ̈ mooǒo Jǎwɛ̀ɛ bo tù tuɛ ɔ̈à sìin'a ämoo dlǒ klě Ǐjɛ̀tě blǒ kɛn tǐǒ jleě ɔ dbɛ̌aa Ǐjɛ̀tě nyǒ, kɛɛ ɔ sàlaě ä mɔ̀ wun. È Ǐsòwɛ̌ kwɛɛn bòlìbò nùǒ kɔla jebo u sàla Jǎwɛ̀ɛ wɛ̀.'" ²⁸È nùǒ mua ǔ nua dɛɛ teěnǒ Jǎwɛ̀ tmɔ̌ɔ Mɔ̀sě klee Èwnɔ̀.²⁹Klě tòtoo kɛn mǒ weleea mǒ Jǎwɛ̀ dbǎla Ǐjɛ̀tě nyǒo nyane jlu kpǎkpǎ sɔɔně Fɛlǒtee jǔ mɔ̀ mò ɔ̈à miaǒ ɔɔ pɛ̀nmò beba ɔ miaa klòba dɛ numa bò jɛ̀ɛ uu kèiapoo jbɛjujlu. È uu wnùnoǎ ii bòtee beě wùɛ ǐ kǒa. ³⁰Fɛlǒte klee ɔɔ kòngmna nyefòe klě Ǐjɛ̀tě blǒ wùɛǒ kɛn klě tǒn wlòmo fìntùgba nɛ̀ kwlia, u wɛ̌n'a fìɛn fòɛ. Mɛoǒ joo nɛ̀ moo klě koǔ wùɛ bò klě kokǒ jǔ nea lě.³¹Tà kwijlě silǐia jè blǒ mɔ̀ Fɛlǒte dala Mɔ̀sě klee Ewnɔ̀ kě ɔ dǎla u je ɔ je, "Amo klee Ǐsòwɛ̌ kwɛɛn a mu a sɔn nɔ ně nyopòà slè mò. A mu a mǒ Jǎwɛ̀ɛ wɛ̀sa wòje ke a dǎa. ³²A kpa aa wnunoǎa pɛpɛ wùɛ ke, a mu a poǒ ngmna mɔ̀ ke." ³³È Ǐjɛ̀tě nyǒ neaǒ Ǐsòwɛ̌ kwɛɛn demǒ bu nua jǐ měne bu sɔnaě uu blǒ wlòmo. Mɛǒ joo nɛ̀ moo u pea fano uu wlò je u mìa kǒba ke.³⁴Ii tè Ǐsòwɛ̌ kwɛɛn dbǎeaě ně jǎ flɔ̌ɔ ɛɛ kpěn klě uu dale wlòmo je le, è nùǒ mia. ³⁵Wòje ke Mɔ̀sě dǎla uu je nɛ̀ u nua ǔ sòala Ǐjɛ̀tě nyǒ sěbla klee klò ii sonwɛ le pe noǎ klee dale. ³⁶Jǎwɛ̀ nua Ǐjɛ̀tě nyǒ uu wlè nmɔajǐle keǒ Ǐwòwɛ̌ kwɛɛn mɔ̀, ii tè ǔ nyea noǎ wùɛ u sòala uu. Dɛǒ nɛ̀ kɔn wlòmo Ǐsòwɛ̌ kwɛɛn kpaea lě Ǐjɛ̀tě nyǒo pònpan noǎ wùɛ.³⁷È Ǐsòwɛ̌ kwɛɛn jbɛjlu sosǒ nua taslěwɛɛ hòndlo wɛɛ mmɔ̀do u sea jlǔ klɔkwlě slè. U sɔnaě dìěǒ moo wlemàsi kɛ̀n mǒ ǔ muaě diěǒ moo sakà kɛ̀n. ³⁸È nyopo fòfoa tùu ü mǎna uu debo klee blablɛǎ klee bliǎ klee wlìa klee bùkɛn sòkwe nì klee uu sɔ̌n mua tàa do. ³⁹Ně jǎ flɔ̌ɔǒ nɛ̀ u dla. Mɛǒo joo nɛ̀ moo tà Ǐjɛ̀tě nyǒ plìa uu mɔ̀le, ii tè u sea kɛ̀ tǐ kɔn keǒ bu nua flɔ̌ɔǒ bɛ jǎla. È u sea tǐ kɔn'ɔ chɛ̀ keǒ bu wɔ̀la dìdi noǎ tìì mɔ̀le keǒ uu snǔ mɔ̀ nae dɛ mɔ̀. ⁴⁰È jlě wùɛ Ǐsòwɛ̌ kwɛɛn sìněe Ǐjɛ̀tě blǒ wlòmo i nua hondlo wɛɛ hɛ̀n tùo wlò tùo pù.⁴¹Chnɛ̀ jlò waeǒ kɔn wlòmo jlě hondlo wɛɛ hɛ̀n tùo wlò tùo pù i wɛ̀ea lěe je keǒ Ǐsòwɛ̌ kwɛɛn dakɔ̌ dlě wùɛ i sɔnaě Ǐjɛ̀tě blǒ wlòmo. ⁴²Ɛmo tǒn jlǒ waě doǒ wlòmo Ǐsòwɛ̌ kwɛɛn u kɔna dengmnengmnɛ̌ ɛ̈ moo Jǎwɛ̀ nɔ̀ sàlaě u Ǐjɛ̀tě blǒ kɛn nɛ̀ kɔn dengmnengmnɛ̌ u tùaǒ bo plě nɛ̀ u tùě kɛɛ bo keǒ Ǐsòwɛ̌ kwɛɛn ü neěe nya u mìǎ lěe diba mɔ̀.⁴³È kě Jǎwɛ̀ dɛ̌a Mɔ̀sě je Ɔ je, "Je pean sìin dlǒ mǒ dìdi noǎ ii tetě nɛ̀à, dakpǎi wùɛ nɔ̀ bɔɔ̌ di lii dɛ ⁴⁴Ɛ̀ sìnǒ keǐ jlǔu do üà a tɔ̀n'ɔ plě a bɛ̌ɛ foeǐ.⁴⁵Nyu bɔ̌ ke a konkwa mɔ̀ niini bɔɔ̌ di ɛ. ⁴⁶Ɔmo blǎ bòtoǒ bǎ ke ɔ di klě ba diiě ɔ koǔǒ kɔn bobo u piiě ɔɔ aǎ piě ɛɛ dɛ plomǒ. Nyu wùɛ nɔ̀ bɔɔ̌ wɛ blǎ jlǔo ɔɔ kbǎ.⁴⁷Ǐsòwɛ̌ kwɛɛn uu koǔ bo kwɛɛn wùɛ bǔ neǒ bo bu wɔ̀ blǎ jǔ mɔ̀le. ⁴⁸Bɛ̌ nu bo dakpaǐ bɔ̌ neě a slè bɔ̌ jlɛ̌ bɔ be a kɛn ba jě pean sìin dlǒ mǒ dìdi dɛǒ ɛɛ degmnengmnɛ̌ è ba bɛ̌ ɔ foeě klekle bɔ̌ wǒ a je plě ɔ klee amoo sɔ̌n a mǒ ɛ di. Nyu wùɛa see foěe bɛ̌ bɔɔ̌ di ɛmo didi dɛǒ.⁴⁹Ɛmo tetěà ɛ kɔnǒ a mɔ̀ klee dakpě ü neɔ amo slè mɔ̀." ⁵⁰È Ǐsòwɛ̌ kwɛɛn nua dɛɛ teěn ɛ̈ kɔn tè Jǎwɛ̀ tmɔɔ̌aa Mɔ̀sě klee Ewnɔ̀. ⁵¹Ii tè è ke ɛ neaa jeǒ, chnɛ̀ jlò waeǒ mɔ̀ Jǎwɛ̀ Ɔ sàlaě Ǐsòwɛ̌ kwɛɛn dakɔ̌ dlě wùɛ klě Ǐjɛ̀tě blǒ wlòmo.

¹È kě Jǎwɛ̀ dɛ̌a Mɔ̀sě Je Ɔ Je. ²"A sàe nyo ne jbɛjuju wùɛ dɔ̌ a poo Ɔ dɔ̌ keǒǒ mɔ̀, nya ne jbejuju wùɛ ɔ neɔɔ Ǐsòwɛ kwɛɛn slè, ja tùo nyugbe klee wnùnǎ. Nya ne jbɛjujuǒ Móo kɔn nɔ."³È kě Mɔ̀sě dɛa nyopòo je ɔ je, "Chne jlò wae à baǎ snì ɛɛ tè, ɛ moo chnɛ jlò wae à nɛ a sàlaě Ǐjɛ̀tě nyoo blǒ wlòmo. Klě kèǐ koǔ bobo. Jǎsɛ̀ nua Ɔɔ chɛ̀ɛ kɛn ne son ɔ̌ sàlaɔ a tùn'o à kɛn. Flɔ̌ɔ ȧ nee ǐsì mɔ̀ baǎ dìɛ. ⁴Chnɛ̀ jlò wae à mɔ̀ nɛ̀ a mìɔ blǒɔ wlòmo sɔɔn ma. Klě sòbaeǒ u dɛɛ Avivi Ɛ̌moo uu blěe klekle sòbe, u bɛ̌ɛ kou, a dɛɛ chɛnkpě Ɛ̌moo aa blěe klekle sòbae ä cheeɔchèa. ⁵Bɛ̌ nu bo Jǎwɛ̀ Bɔ̌ ja tèè Kɛne nyo, klee Hitites nyǒ, klee Amɔ̀ nyǒ , klee Hifǎtes nyǒ, plě klee Jubisài, nyǒ, u neě kɛn kpa. Blǒǒ nɛ̀ kɔn tè Ɔ poa Ɔɔ chɛ̀wìn kɛn le Ɔ je Ɔ mìa aa gbeǐpò nyema. Ɛmo blǒǒ ɛ pàn nè ɛ̌ nu blǒ jɔpǒ doo chnɔ̌chlìě le, klě bǎ muě ɛmo jlǒo nya ne sòbaeà è ba kɔn ɛmo dengmnegmnɛ̌à.⁶Klě chnɛ̀ jlò wee nyeɛta wlòmo ba dɛ ně jǎ flɔɔ̌ è chnɛ̀ jlò waeǒ moo nyeɛta nenɛ nɛ̀ kɔn wlòmo ba diiě wlewle digbaǐǒ ï tùiǒo Jǎwɛ̀ bo. ⁷Ba jě ɛ bɛ moo ně jǎ flɔɔ̌ doǒ nɛ̀ ba di klě chnɛ̀ jlò wee nyeɛtaǒ wlòmo. Jejǎ flɔ̌ɔ dɛɛ doo chɛ̀ nɛ̀ aǎ pe jleě kɛn.⁸A tee aa jlǔ keǒ ɛmo pean sìin dlǒ mǒ didi dɛǒ ɛɛ dengmnengmnɛ̀ɛ tè mɔ̀. Dɛǒ nɛ̀ peeě ɛ a wlò jlee dɛ Jǎwɛ nuaa tà ɔ laě amoo klě Ïjɛ̀tè blǒ wlomo. ⁹Dɛǒ nɛ̀ aa jǐ bi kneeò kɛn le i miě i a wlò jleě poolo ɛ̈ di ɛ numa aǎ dǐ Jǎwɛ̀ɛ tè snù ke ɔ nuaǒo Ǐjɛ̀te nyǒo plɔ tu kɛn bo ma ěa klě ɔɔ kpě kɛn son wlòmo ɔ̌ sàlaě a moo. ¹⁰Ɛmo dengmnengmnɛ̌ǒ nɛ̀ kɔn teteǎ ba tùo bo aǎ dǐ ɛɛ te snù klě jlǒ wùɛ wlòmo.¹¹Bɛ̌ nu bo Jǎwɛ̀ Bɔ̌ jal amo kělɔ kɛnae nyǒo blǒ kɛn, ke ɔ nua lěe amo klee aa gbeǐpò poooě ba nuu, è plě Bɔ̌ nyea ɛmo blǒǒ ¹²è bǎ poo aa nya ne jbɛjuju dɔ̌ keǒ Jǎwɛ̀ Mɔ, klee aa wnùnoǎ wùɛɛ nya ne jbɛjuju wùɛ keǒ Jǎwɛ̀ Mɔ̀. ¹³Jakǎwee nya ne jbɛjuju wùɛ ba tɔ̀n nɛ̀ de keǒ bla jǔ mɔ̀. Bɛ̌ nu bǎ seɛ de tɔ̀n, è ba chèla ɛɛ pnò. Kɛɛ aa nya ne jbɛjuju wùɛ klě aa jbɛjujlu wùɛ slè a kon ba tɔ̀n nù de.¹⁴Bɛ̌ nu bɛ̌ sìn plě nè jlǔ bǔ gbaa wan, ɛmoo 'Mɛ dɛà ɛ kwɛɛ kɛlě Jimǒ?' è kě ba dǎ u je u je, 'Ɛ moo klě kpe kɛn ne son mǒ klě Jǎwɛ̀ sàalaě a Ǐjɛ̀tě blǒ wlòmo, klě kèǐ kou bo. ¹⁵Tà Fɛ̀lǒtee wlò jakǎa keǒ bɔ tɛa ämo bo bä mua, Jǎwɛ̀ dba la nyane jbɛjuju wùɛ ü nea lěe Ǐjɛ̀tě blǒ wlomo, jà nyane jbɛjuju keǒ tùonyugbe klee wnunoǎ mɔ̀. Tèǒ nì kon kè Ě piee Jǎwɛ̀ nyane jbɛjuju wùɛ keǒ wnùnoǎ wùɛ, klee nì kon te Ě tɔ̀n ně nya ne jbɛjujlu de. ¹⁶Dɛà nɛ̀ mi nii wlò mɔ poo ba keǒ nè sonwe kɛn plě klee nɛ̀ mi niî wlò mɔ poo ba keo nè jigbà mò, ɛmoo ɛ mooa kwa jakǎ Jǎwɛ̀ nuɛ Ɔ̌ sàlaě ä Ǐjɛ̀tě blǒ wlomò."¹⁷Bɛ̌ nu Fɛ̀lǒte bɔ̌ tɛ nyopoǒ bo bǔ mu, Nyesoa slě u Felesèn nyǒo blǒ wlòmo sinɛ̀ɛ mamù, kàan tè blǒǒ ɛ kowaan la ɛ le. Kɛɛ kě Nyesoa dɛ̌a Ɔ je, "Bò se jǐ tù, wɛ̀ ù tbae je de klě Ïjɛ̀tě blǒ wlòmo." ¹⁸Tèǒ nì kon tè Nyesoa kpaeaě u de plee snǔ mɔ̀ ɛ̈ muu ěe kpatekpa blǒ kɛn ɛ̈ muu ěe jbo chǒ wìne. É Ǐsòwɛ̌ kɛɛn sonaě Ǐjɛ̀tě blǒ wlomò ǔ wɛ̀a mɔ̀le keǒ to mɔ̀.¹⁹Mɔ̀sě kpɛɛa Jòsɛ̌foo kbě snu mǒ, mɛ koon tèo joo, nɛ̀ moo Jòsěfo wala wèe ɔ̌ nyea kwě, ɔ je, "Nyesoa miǒ a mɔ̀ nee ma, Ɔ mia gbla ba, è bä kpae ně kbě snǔ mǒ." ²⁰È Ǐsòwɛ̌ kɛɛn nùǒ bloa diě u mia u sɔnaě diěo moo Sucotè kɛ̀n mǒ ǔ wǒaǒ diěo moo Etàma kɛ̀n ɛ̈ neǒo kpatekpa blǒ wine keǒ u pooaǒ uu blea. ²¹È Jǎwɛ̀ neaě u nya klě chnɛ̀ wlòmo klě nukpǎ wlòmo ɔ̌ nɛɛa u. Klě tǒn wlòmo ɔ miě u nya klě na kpa wlòmo keǒ Bɔ nye u pepě. Ɛ̈ diɛ numa klě chnɛ̀ wlòmo klee klě tǒn wlò mò u mǒ na. ²²Jǎwɛ̀ sea nyopoǒ chnɛ̀ nu kpaǒ demǒ sà, plě Ɔ sea U tǒn na kpaǒ nya sà.

¹È kě Jǎwɛ̀ dɛ̌a Mɔ̀sě Je Ɔ Je. ²"Tmɔɔ̌ Ǐsòwɛ̌ kwɛɛn bu muě togbeeǒ ɛ̈ moo Pi Hahìwlotè, dlǒ keǒ bu pooǒ uu blea Ɛ̈ nee ěe Mikadole klee jbǒ pǎnpen. ³Kě Hɛ̀ wlǒ mi dǎba keǒ Ǐsòwɛ̌ kɔn jluǒ mɔ̀, 'Ɛmo u tetbɛɛ kèa blǒɔ wlò mene. Kpatekpa blǒ kekane nue jele.'⁴Ě mi Fɛ̀lǒtee wlò numa mǐ jakǎ, ɔ mǐ u de na. Nyòpo mìǒǒ tùtuɛ nyema keǒ Fɛ̀lǒte klee ɔɔ ta bɔɔ tè mɔ̀. Ǐjɛ̀tě nyǒ mǐ ni ji Ɛmoo Mǒ Monoo Jǎwɛ̀." Ii tè kě Ǐsòwɛ̌ kwɛɛn nuuaǒ keǒ tào blei pooa ke Jǎwɛ̀ nua Mɔ̀sě tmɔɔa. ⁵Tà Ǐjɛ̀te nyǒo klɔ̀ba wɔ̌n na nii ɛmo Ǐsòwɛ̌ kwɛɛn plù lu u mu nuò, È Fɛ̀lǒte klee ɔɔ konkwa mɔ̀ nuu hyo suɛǒ è uu wlè biǐa bo keǒ nyopon wùɛǒ mɔ̀. "U je, mɛ koɔɔn kɛ dɛà ü nuǔ? Äǎ tɛɛ̌ Ǐsòwɛ̌ kwɛɛn la bo bu bɔɔ̌ äa konkwa nunuɛ?"⁶Ii tè Fɛ̀lǒte dǔa ɔɔ sako gbè mò klee ɔɔ ta gbɔ̀ ǔ mua. ⁷Ɔ dǔa sòko gbèe wlèe m̀m kplee m̀mɔdo mò ï ɔ sà laǒo, klee ǐjɛtě nyǒo soko gbe tìi ï ɔɔ nye fòapo wùɛ nɛɛ kɛn. ⁸È Jǎwɛ̀ jakǎa la jè Fɛ̀lǒtee wlò kɛn mǒ, Ǐjɛ̀tě nyǒo klɔba, è klɔ̀ba die nɔǒ beaǒ Ǐsòwɛ̌ kwɛɛn demǒ. È Ǐsòwɛ̌ kwɛɛn nùǒ mia ǔ kpɛa to duduɛ. ⁹Kɛɛ Ǐjɛ̀tě nyǒ beaǒ u demǒ, u klee uu sòkwe klee sòkwegbe, ɔɔ sòkwè nae nyo, klee ɔɔ tabɔ̀. Ǔ jɛɛa Ǐsòwɛ̌ kwɛɛnǒ kɛn tà u pooaǒo uu blei keǒ jbo wakǎ mǒ keǒ Hahiwlotì, keǒ Baalì Sefòn jèmǒ.¹⁰Tà Fɛ̀lǒte konwaeaǒ le, à Ǐsòwɛ̌ kwɛɛn tanaě jɔměne ǐ kɛɛa u le wlò. È Ǐjɛ̀tě nyǒ neaě u demo ǔ mìa lě u mɔ̀. È fano jǐa Ǐsòwɛ̌ kwɛɛn jele. È Ǐsòwɛ̌ kwɛɛn nùǒ fiina Jǎwɛ̀ je. ¹¹È kě u dɛ̌a Mɔ̀sě je u je, "Deě tà tnè se kɛ lě Ǐjɛ̀tě blǒ kɛn, n kɔn tè ni kɛǒ ämo lee? È sale ä Ǐjɛ̀tě blǒ kɛn è ja tèa tàa ä mǐ kǒ kěte kpate kpa blǒ kɛn lee? ¹²Deě ɛ se kɛ tè ä tmɔɔ̌a mòo klě Ǐjɛ̀tě blǒ kɛn lee? Ä tmɔɔ̌ae lè, ɛmo, 'Sɔnǒ ä mɔ̀ mo, ä mǐ Ǐjɛ̀tě nyǒo konkwan nu.' Ɛ mii tɛɛ numa keǒ bä uu konkwan, ɛsìo bä ko kělɔ kpate kpa blǒɔ kɛn!"¹³È kě Mɔ̀sě dɛ̌a Ǐsòwɛ̌ kwɛɛnǒ je ɔ je, "a bɔ̌ fano pepeɛ, ba ne wɔmǒ bo a mǐ mǒ sɛ̀ɛa'ǒ Jǎwɛ̀ miěe jaba kekɛà keǒ a mɔ̀. ¹⁴Jǎwɛ̀ mi wɔ̀ma keǒ a mɔ̀, dɛɛ do a mii numa nɛ̀ moo ba ne wɔ̀ mǒ bo."¹⁵È kě Jǎwɛ dɛ̌a Mɔ̀sě je Ɔ je, "Mɛ kɔɔn'ɔ̌ kɛ tè, Mɔ̀sě, nǐ Mǒo dadaa pluluu? Tmɔɔ̌ Ǐsòwɛ̌ kwɛɛnǒ bu muu nya. ¹⁶Dǔ nè tuǒ jemǒ, teǒ nè son keǒ jbǒǒ kɛn mìɛ wakěe sɔ̌n ploo lo, ɛdì ɛ numa Ǐsòwɛ̌ kwɛɛn'ǒ u mìě jbǒǒ wlomo tìe bɛ̌ɛ le u mǐ blo chɛchǒ kɛn na. ¹⁷Kɔn nɛ jijiɛ ɛmo Ǐ mi Ǐjɛ̀tě nyoǒ ua wlè numa i mǒ jakǎ u miǒ demǒ be u mǐ u de na. Ě miǒ tùtuɛ kɔn ma keǒ hɛ̀wlǒ klee ɔɔ tabɔ wùɛǒ klee ɔɔ sòkogbe plě klee ii nae nyo wùɛǒ uu tè mɔ. ¹⁸Plě Ǐjɛ̀tě nyo u mǐ ni ji ɛmo Mǒ Moonoo Jǎwɛ̀ bɛ̌ nu bǔ nyeoǒ tùtuɛ keǒ Fɛ̀lǒte, klee ɔo sòkogbe, plě klee ii nae nyo."¹⁹È Nyesoaa najiǒpo, ü muaěe Ǐsòwɛ̌ kwɛɛnǒ nya, nù mua u beeaě u demǒ. Ě nukpǎǒ neeaěe uu nya, è nɛ̀ǒ muuaě udemǒ bo nyenaa bo keǒ u demo. ²⁰Nukpaǒ ɛ beeaě Ǐjɛ̀tě nyoo keǎpo klee Ǐsòwɛ̌ kɛɛn keǎpo pǎnpe gbàgbe. Klě Ǐjɛ̀tě nyoo wakǎ kɛn nukpǎǒ ɛ nuaa kwijlě soso, kɛɛ klě Ǐsòwɛ̌ kwɛɛn wakǎ kèn è nua chnɛ̀ klě tǒn wlòmo. Ii tè wakǎa do slě wɔ̀ bɛ unuě ɛɛ bě wakaǒ mɔ̀.²¹È Mɔ̀sě sloa son keǒ jbo kɛn. Jǎwɛ̀ nua kbě kɛn ne fèflɛ ɛ̈ sonwɛněe wɛɛn kla mǒ wǒola mǒ ɛ̌ dìa le klě ton jlǒ wae wùǒ wlomo ɛ̌ nua jbǒǒ ɛ̌ ma na ɛ̌ nua blǒ chɛchǒ. Klě ɛmoǒ wlòmo è Ně nɛǒplooa ɛ wakěe sɔ̌n. ²²È Ǐsòwɛ̌ kwɛɛn nùo muě jbǒo slè keǒ blǒ chɛchǒ kɛn. Něo ɛ nua ngmìne klě uu diilǎ wakǎ kɛn klee klě uu gbàpe wàkǎ kɛn.²³Ii tè kě Ǐjɛ̀tě nyoǒ u nuaǒ u demǒ bebɛ. U nana u de na na u beaě jbǒo slè Fɛ̀lǒtee sòkwe wùɛ, klee sòkogbe, plě klee ii nae nyo. ²⁴Kɛɛ klě kentan gbii wlòmo, È Jǎwɛ̀ tana Ǐjɛ̀tě nyǒo tà bɔǒ kɛn ne klě nǔkpěe naa pepɛlo slè. Ɔ peeǎě Ǐjɛ̀tě nyoǒ fano měne. ²⁵Uu sòkogbee nae be gbala le, è ii nae nyoǒ u jěa tijakě keǒ bu nae na ii. Ii tè kě Ǐjɛ̀tě nyoǒ u dɛ̌a u je, "Ä nɛ bä plùu Ǐsòwě kwɛɛnà je, mɛoǒjoo nɛ̀ moo, Jáwɛ̀ wɛ̀ɛno u pènmo keǒ ä mɔ̀."²⁶È kě Jǎwɛ̀ dɛ̌a Mɔ̀sě je Ɔ je, "Pnɛ̌ nè son mǒ keǒ jbǒ kɛn ɛ di ɛ numa něo ɛ mǐ de di keǒ Ǐjɛ̀tě nyoǒ kɛn, uu sòkogbè, klee ii nae nyo." ²⁷Ii tè kě Mɔ̀sě nua ɔɔ son keǒ jbǒ kɛn tètèɛ, è tà chnɛ̀ kea le gbɛ̀ è jbǒ nùo dia de ke u nua pnɔo ii tè Ǐjɛ̀tě nyoǒ u wɛɛ̀aě jbǒo slè mɔ̀ dè. ²⁸Ii tè něǒ ɛ̌ dia de, ɛ̌ kan na Fɛ̀lǒtèe sòkogbe, ii nae nyo, klee ɔɔ tabɔ wùɛǒ ü nana ɔ de, uu nyuu doo chɛ̀ nɔ̀ sea kmɔ̌ ne.²⁹Ii tè Ǐsòwɛ̌ kwɛɛnǒ u nana blǒ chɛchǒ kɛn keǒ jbǒo slè. Něo ɛ nua ngm̀ne kpèe sɔ̌n keǒ u mɔ̀ do neaɔ dii lɔ sǒn mɔ̀ è do neeaɔ uu gbàpe son mɔ̀ bò. ³⁰Ii tè kě Jǎwɛ nua Ǐsòwɛ̌ kɔn jlu glàgblǎ keǒ chnɛ jlò waeǒ mɔ̀ klě Ǐjɛ̀tě nuǒ kwete mǒ, è Ǐsòwɛ̌ kwɛɛn jěa Ǐjɛ̀tě nyǒo kokǒ kuǒ jbǒo mi sinɔ kɛn. ³¹Tà Ǐsòwɛ̌ kwɛɛn jěa kbě kɛn ne kpeǒ ï Jǎwɛ̀ nua keǒ Ǐjɛ̀tè nyoǒ mǒ, ii tè nyopòǒ u nyeaǒ Jǎwɛ̀ tùtuɛ, ǔ poa Jǎwɛ̀ tè kèǎn tɛ klee ɔɔ kɔnkwa nuɔ Mɔ̀sě.

¹È wlɛ̌à nɛ̀ Mɔ̀sě klee Ïsòwɛ̌ kwɛɛn blea keǒ Jǎwɛ̀ Mɔ̀. Uu wlɛ̌ u blea nɛ̀à. "Ě mi Jǎwɛ̀ mɔ̀le blee ba, keǒ ɔɔ kbě kɛn ne to duduɛ klee ɔɔ tèjǐ boaboɛ̌ɛ tè mɔ̀, sòkwè klee ii nae nyo nì Ɔ nu jbǒ ngmna jle.²Jǎwɛ̀ Nɔ̀ moo ně kbě klee ně wlɛ̌, è plě Nɔ̀ moo ně gblàgblǎ nyu. Nyu nà Nɔ̀ moo ně Nyesoa, è plě Ě kɔn bo po Ɔɔ nynɛ̌ le, Né gbeǐ Nyesoa, plě Ě mi Ɔɔ nynɛ̌ tèjǐboaboɛ̌ nye. ³Jǎwɛ̀ Nɔ̀ moo Tabeɔ̌; Jǎwɛ̀ nɛ moo Ɔɔ nynɛ̌.⁴Ɔ tuuně Fɛ̀lǒtee sòkwegbe klee ɔɔ tabɔ klě jbǒ mɔ̀. Fɛ̀lǒtee nyefòapo ü ɔ tbaa, nù Babǐ Jbo ngmna na jle. ⁵Mǒ tmɔ bìtìe kàn na uu dlě jle;u mua le ně slò wàle seɔ̌.⁶Nè dii lǎ son, Jǎwɛ, Nè kbě kɛn ne kpe;Nè dii lǎ son Jǎwɛ̀, Ɛ poě jlae nyo blòwan. ⁷Klě nè kbě kɛn ne kpe wlòmo, nyopòà ü faen moo, dù lu wan. Gblɛɛ Nè jlo le;ě suè u gbè wòje titìi. ⁸Fònfnoà sɔn'aě Nèe ngmnaduǐ mǒ nɛ̀ gbèa neǎ le, è sìnsìn nèa nynana na bo klě bětìe wàn; è ně fòeǒ nɛ̀ɛ̌ wɛɛaě jbǒ wlòmo mɔ̀ dè⁹È kě jlae nyo dɛ̌a, u je, 'Ě miǒ U demǒ beba E mǐ u kɛn jɛɛ le, noǎ wùɛ u kpɛɛ Ě mǐ i nyopò mene plo; ně jlajǎ dɛ̌ ɛ mooně plɔɔ bloo dɛ keǒ u mɔ̀; Ě miě ně pn sà; ně kwete mǐ u gbè sùe.' ¹⁰Kɛɛ Nè feflɛ̌ nɛ̀ nù ɛ dile,è jbǒ kan na u jele; Ǔ pala ně wlò kea pnee pɛlěe kpe kɛn ne ně wlà. ¹¹Mɔ wǒ kɛɛ je, Jǎwɛ̀, klě nyesoepò slè? Mɔ̀ wǒ kɛɛ̀ jè, klě Nè Ngmàle ne kpela wlòmo, klě Nɛ̀ botùtuɛɛ nyenɛ le popoɛ wlòmo È Nii wlò le kaen noǎ?¹²Nì nè dii la sǒn È miě noǎ mɔ̀le, è blǒ ngmna nie jele.Nì nè dii la sǒn È miě noǎ mɔ̀le, è blǒ ngmna nie jele. ¹³Klě Nè kuo wiin tèwla pòpoɛ mǒ sàle nyopo'a gblaǎ. Klě Nɛ̀ kbě wlòmo, kpale u tunɔa kon kɛn Nèěe.¹⁴Nyopò mì i wɔ̌n ma, u mǐ fano mǒ bei fano sosǒ miě Falesèn nyǒ mǒ be. ¹⁵È Edom nyǒo kloɔbapo mì fano mǒ beba; è i mǐ Moabì nyǒo tabɔ̀ wlòle kaen ma; nyopò wùɛo neěe Kena blǒ kɛn, u mi jla ba keǒ fano mɔ̀.¹⁶Fano klee wlòle papaea foè nɛ̀ ɛ miɔ numa me koɔɔn tèǒ joo; nɛ̀ moo Nè nonween kbě/kpe, nì mi u numa u mǐ tùkpɔnuu nu keà seɔ̌ ɛ mi ɛ kpakpa, Nè nynopo mì sìn, Jǎwɛ̀, plě nyopoà uà gblàǎ u mǐ sìn.¹⁷Mìe u jaba, mìe u togbee kòdlǒ dɔ̌ tàa Nè nyopò nèě, tàa, Jǎwɛ̀,tàa wɔ̀lěe mɔ̀le keǒ Bò nèě, klě Nè wɛ̀ saea mǒ äle kɔon, ïà Nè kwete poo. ¹⁸Jǎwɛ̀ mi kmɔa nae ma ti wɛ̀ tì wɛ̀."¹⁹Fɛ̀lǒtee sòkwe klee sòkwegbe klee ii mea nyo mì beaě jbǒ mɔ̀. È Jǎwɛ̀ jaaea jbo něǒ de keǒ u kɛn. Kɛɛ Ǐsòwɛ kwɛɛn na na blǒ chɛchǒ kɛn keǒ jbǒo slè. ²⁰Mawlìa ɔ̈ mooa Nyesoa wnɔsaɔ, Ewnɔɔ mamǔnyeneju, nù dua tɛnmɛwnee mo, è nyo wùɛǒ u kpa la uu tɛnmɛn, u klee ɔɔ sɔ̌n u jea. ²¹È Mawlia blea le: "Ɔ je, a ble keǒ Jǎwɛ̀, mɛǒ joo nɛ̀ moo ɔɔ tèjǐboɔboǎ kɔn duduɛ. Sòkò klee ɔɔ nae nyu nù Ɔ tuuě jbǒ mɔ̀."²²È Mɔ̀sě kpea Ǐsòwɛ̌ kwɛɛn nya ǔ mia, ǔ sonwɛn aě bòbǐ jbo mɔ̀mò. È nuo muaě kpatekpa blǒ kɛn, ǔ muaě blǒǒ u dɛɛ sɔɔ kɛn. U nana na, klě kpatekpa blǒ kɛn klě chnɛ̀ jlò wee tan wlòmo ǔ sea ně je. ²³Ii tè kě u nuaě něo moo Mawlà wiea nynenynɛ, kɛɛ u slě wɔ̀ bu nǎ na něo mɛǒ joo nɛ̀ moo ɛ nonɔ̌a wan. Tèǒ joo nɛ̀ moo ɛ nonɔ̌a wan. Tèǒ nì kon te u dɛɛ ɛmo tào Mawlà.²⁴Ii tè nyopòǒ u boboɛɛ wan ne klě Mɔ̀sě mɔ̀ u je, "È mɛ a miǐ kɛ nǎma?" ²⁵È Mɔ̀sě fiina Jǎwɛ̀ je, È Jǎwɛ̀ teea Mɔ̀sě tu tɛ̀ɛ, È Mɔ̀sě tǔuna ě tuǒ ně mɔ̀, È ně něo nmɔɔ wan keǒ nenǎ mɔ̀. Keǒ tào keǒ Jǎwɛ nyeeaǒ u mǒ slɛɛ̌ ngmà, keǒ tàa doǒ keǒ Ɔ tɛɛn aǒ u mǐne. ²⁶È kě Ɔ dɛ̌a Ɔ je, B̂ɛ̌nu bò tùe jǐbo tɛɛ bò po ɔɔ wìnǒ nɔkǔn jebo tɛɛ tɛɛ ɔ moo nèe, Nyesoa, plě bo nu dɛǒ ɛ̌ wɛɛnǒ Ɔɔ jǐ kɛn ne, plě bò po ɔɔ win nɔkǔn jebo klee ɔɔ ngmè bò tùo ble le, Ë see kmakma noǎ wùɛǒ ïa poa Ǐjɛ̀tě nyǒ kɛn, Mò Nà Mǒ Moo Jǎwɛ̀ Ɔ peɛ moo."²⁷È nyopòǒ dia lɔ blǒǒ moo Elimà kɛn, tàa ně gbaii pùtuo sɔ̌n nea lěe klee sèe wlèe tan tùo pu. Ii tè keǒ u pooaǒ uu blea.

¹Tà u sɔna lěe Ǐjɛ̀tě mǒ, sɔn něnɛ sòbaeǒ ɛɛ wěe pù tùo mm̀ mɔ̀ Ǐsòwɛ̌ kwɛɛn wùɛ sɔnaě diěǒ moo Ila kɛn mǒ ǔ muaě kpni kukwǐi kpatekpǎ blǒ kɛn ɛ̈ nea lěe Ila klee Sanà togbe pǎnpe. ²Tà u nea lěe kpatekpǎ blǒǒ kɛn è u boboɛa wan le keǒ Mɔ̀sě klee Ewnɔ̀ mɔ̀. ³È kě u dɛ̌a u je u je, "Ɛ mii tɛɛ numa bo Jǎwɛ̀ Bǒ dbǎa ämo klě Ǐjɛ̀tě blǒ kɛn tà ä nea lěe bo ä jěaa didì dè ä diaa, soa klee dɔɔdɔ̌ digbaǐ wùɛ ä jlɛ̌ɛ. Kɛɛ mò jalaɔ ä taɔ̀ kělɔ kpatekpǎ blǒɔ kɛn sano sɔ̌ ä dbǎ."⁴È kě Jǎwɛ̀ dɛ̌a Mɔ̀sě je ɔ je, "Ě mi digbaǐ numa i miě jɔ měne blo, è nyopò bǔ mu i le tɛ̌nma dɛ u wɔ̀ lěe didiɛ keǒ chnɛ̀ jlò wae mɔ̀ nɛ̀ bu tɛ̌n le. Dɛǒ nɛ̀ moo dbeaǎ Ě po u mɔ̀ bɛ̌ nu bǔ wɔ̀le bu tùo ně win bo. ⁵Tmɔɔ̌ u klě jlǒkpɛ wlòmo ɛɛ wěe mmɔ̀do nenɛ waěǒ mɔ̀ bu tɛ̀n digbaǐ fòfoa le keǒ chnɛ̀ jlò wee sǒn mɔ̀ ke u ni pnɔɔ chnɛ̀ jlò wee didi dɛ le tentɛ̌n."⁶È kě Mɔ̀sě klee Ewnɔ̀ dɛ̀a Ǐsòwɛ̌ kween je u je, "Witikaà keǒ a mi ɛ jiba ɛ̌ moo Jǎwɛ̀ Nɔ̀ sàe a Ǐjɛ̀tě blǒ kɛn. ⁷Klě kèntan wlòmo a mi ɛ jěba ke ɔmo Jáwɛ̀ a nuu mǒ bo kètěe Jǎwɛ̀ nunuɛ keǒ Bɔ sà didi dɛ tàmo keǒ a mɔ̀ baǎjě ba ke ɔ win fǒ měne boɛ. ⁸Jǎwɛ̀ mi a soa fòfoa nyema klě wìtikà wlòmo ɛ̈ aa plɔ mii kɛn blooba. È klě kèntan wlòmo ɔ mia flɔɔ̌ fòfoa nyema ɛ̈ aa plɔ mii kɛ blooba. A jěa lɔ ɛ̈ moo ämoà ämo a boɛa win fǒ měne, kɛɛ ɛ mooa Jǎwɛ̀ Nɔ̀ a boɛa winǒ fǒ měne. Klě tǐà wlòmo Nɔ̀ mi didi dɛ tàmo sàba keǒ a mɔ̀.⁹È kě Mɔ̀sě dɛ̌a Ewnɔ̀ jè, "Tmɔɔ̌ Ǐsòwɛ̌ kwɛɛn bu dìě u mǒǒ Jǎwè jemǒ bo nyna. Mɛoǒ joo nɛ̀ moo ɔ wɔ̌n uu wan le boboɔaǒ le." ¹⁰Tà Ewnɔ̀ kea luu tèǒ tmɛɛ̌ně tà u mua lěe nya bo chèba è tǐi doo tǐ jleě ù jěa Jǎwɛ̀ Ɔ̌ wǒa tàmo klě pepě kpǎ ɛ̈ fefnɛ̌ɛ jǐ slè klě nǔ kpěn kɛn. ¹¹È kě Jǎwɛ̀ dɛ̌a Mɔ̀sě je ɔ je, ¹²"E wɛ̌n Ǐsòwɛ̌ kwɛɛn uu wan le boboɔaǒ lo. Tmɔɔ̌ u wìtika mɔ̀ u mi soa fòfoa diba ï uu plɔ mii kɛn blooba. È klě kèntan wlòmo u mi flɔɔ̌ fòfoa dìba ɛ̈ uu plɔ mii kɛn blooba u mǒ ɛ ji ɛ̈ moo Mǒà Mó moo Jáwɛ̀ ɔ moo uu Nyesoa."¹³Klě wìtie waeǒ wlomo kwlǎko kwɛ̌ɛ sìklàgba nì bea blǒ měne klě uu blea ngmɛɛ. Tà chnɛ̀ tɛ̀ɛ gbàlaa le è chlù fòfoa nɛ̀ blea klě uu blea ngmɛɛ. ¹⁴Tà chlù wɛ̀aa blǒ kɛn è u jěa noǎ blugbliǐ gbei i nea pɔpɔ nì wlɛa blǒ kɛn bo, bò kea i jě è jè jǐlenmɔ chèn kpenǒ. ¹⁵Tà Ǐsòwɛ̌ kwɛɛn jǎ imoo noǎǒ è u gbògbɛɛǎ wan le u je, "È ke dɛǎ ɛ neě kɛ nynɛ̌?" Mɛoǒ joo nɛ̀ moo u sea dɛ imoǒ i sɛ̀n'aa nynɛ̌ ji. È kě Mɔ̀sě nia u tmɔɔ̌a ɔ je, "Flɔɔ̌ Jǎwɛ̀ nye amoo nɛ̀ǒ keǒ aa didiɛ mɔ̀."¹⁶Jǎwɛ̀ tmɔɔ̌a nu kě ɔ dǎla ɔ je, "Bǎ ke ɛ le tɛ̌n dɛǒ koǔ bo kwɛɛn wɔ̀lěe dìdiɛ nɛ bu tɛ̌n le." Ii tè sǒnma wěe hɛ̀n keó nyuu do mɔ̀. ¹⁷È Ǐsòwɛ̌ kwɛɛn tùngm ea ɛmo flɔɔ̌ǒ le tentɛ̀n. Uu tìe tɛ̌n'a ɛ dɛ fòfoa è tìe tùu tɛ̀n'a le noǎ chěnchoǐ. ¹⁸Ǔ dbɛa sǎnma wěe hɛ̀n hɛ̀n keǒ nyuu do mɔ̀, nɛ̀ kɔn tè uu wùɛ u jěoo dɛ u jlɛ̌ɛ.¹⁹È kě mɔ̀sě dɛ̌a ɔ je, "Aa nyu ně siě flɔɔ̌ǒ keǒ kàn mɔ̀." ²⁰Kɛɛ u sea Mɔ̀sě win nɔkǔ jebo po, tìe tùu tùa ɛ bo keǒ kèntan kòko mɔ̀. È nɛ̀ǒ sòn'a ɛ pala chen ɛ pea nǒ. Dèǒ nɛ̀ poa Mɔ̀sě jlo mǒ chɔɔ keǒ u mɔ̀. ²¹Tèǒ nì kɔn tè klě kèntan we wùɛ wlòmo bǔ tɛ̀n emo flɔɔ̌ǒ le dɛǒ nyuu do wɔ̀ lěe dìdiɛ nɛ̀ u tɛ̌n, è klě wìtikà wlòmo wɛn bɛ̌ fɔɔn ɛɛ dɛǒ siǒ kɛn è nɛ̀ǒ jla.²²Klě jlǒkpɛ̌ wlòmo ɛɛ wěe mmɔ̀do nenɛ mɔ̀ u kɔn bu tɛ̌n ɛɛ sǎnmo wěe nyiɛ nyiɛ keǒ nyuu do mɔ̀. È Ǐsòwɛ̌ kwɛɛn bòlìbo diaě Mɔ̀sě mɔ̀ ǔ tmɔɔ̌a nɔ ɛɛ tè. ²³Kɛɛ Mɔ̀sě tùa u kɛ̀ɛn ɔ je, "Dɛ Jǎwɛ̀ boɔ ɔ je ba nuu nèǒ. Mɛoǒ joo nɛ̀ moo chnɛ̀ jlò wae keǒ ba tùu ngmaje keǒ ɔ mo Jǎwɛ̀ mɔ̀. Tèǒ nì kon tè a fɔn aa flɔɔ̌ klee dɛ a kon'ɔ pìpiɛ a pie keǒ ke kɛɛ klee kanmɔ."²⁴Ii tè nyopòǒ u tùaǒ Mɔ̀sěe win bo dɛ ɔ tmɔɔ̌a nuu ǔ siaě kàn nenɛ. Tà chnɛ̀ tɛ̀ɛ gbàlaa le dɛǒ u sìa lěe ɛ sea sòn plě ɛ sea chen pa. ²⁵È kě Mɔ̀sě dɛ̌a u je ɔ je, "A di ɛɛ dɛǒ a sitěě di kekɛɛa. Mɛoǒ joo nɛ̀ moo chnɛ̀ jlò waěe nyeɛta nonɛà ɛ moo chnɛ̀ jlò wae klě jlǒkpɛ̌ wlòmo ä sàǒǒ keǒ Jǎwɛ̀ mɔ̀, klě ɛ slòmo a se flɔɔ̌ kpen jěba mu kekɛɛà.²⁶Klě jlǒkpɛ̀ɛ chnɛ̀ jlò wee mmɔ̀do wlòmo a mi ɛmo flɔɔǒ le tɛ̌nma, kɛɛ chnɛ̀ jlò wae nyeɛta nenɛǒ a se ɛ dɛɛ doo chɛ̀ jěba mu klě blò kɛn." ²⁷Uu tìe jia lɛ ɛ̈ moo chnɛ̀ jlò waěà ɛ moo waě nyeɛta nenɛǒ ǔ dǔa jemǒ ǔ beaě plomǒ ǔ mua digbaǐ le pɔ̀nma, kɛɛ u sea ii dɛɛ doo chɛ̀ jě.²⁸È kě Jǎwɛ̀ dɛ̌a Mɔ̀sě je ɔ je, "È ti tae ɛ miǐ kɛ kpalaa keǎ nyopòa bu tùo ně dɛà Ě boɛɛ bo tù? ²⁹A po nɔkǔ bo, Ě nye a chnɛ̀ jlò wee nyeɛta nenɛ nɛ̀ moo depɛ chnɛ̀ jlò wae, tèǒ nì kɔn tè klě jlǒkpɛ̌ wlòmo chnɛ̀ jlò waee mmɔ̀do nenɛǒ Ě nye a sǎnmo wěe nyhɛn nynɛ keǒ nyuu do mɔ̀, è bo nyeɛta nenɛǒ bɛ̌ wǒǒ nyu wùɛ se kɔn bɔ beě plomǒ ɔ blɛɛ je bɔ neě ɔɔ koǔ bo." ³⁰Ii tè nyopo fɛ̀a le keǒ chnɛ̌ jò wee nyeɛta nenɛǒ mɔ̀.³¹Isòwɛ̌ kwɛɛn dɛɛa imo flɔɔ̌ kpenǒ manà ɛ monoo ke ɛ neě kɛ nynɛ̌. I cheɛn'a mǒno ǐ wǒa ti jɔ pleplěi gbei. Bò tɛ̀n ɛɛ dɛ wan è jè flɔɔ̌ǒ u nuu ɛ do chnɔ̌. ³²È kě Mɔ̀sě dɛ̌a u je ɔ je, Ĵǎwè je ba dǔ manàǒ ɛ nokpǎen bɔ̀bìe mǒ nɛ̀ bu tù bo keǒ aa jlǔu jlǔ ü neěe nya mɔ̀ u mǒǎ ɛ jě, dìdi dè ɛ̈ ɔ nyea amoo a dìaa tǐǒ jleě a nea lěe kpatekpǎ blǒ kɛ̀n tà ɔ sàlaě amoo Ïjɛ̀tě blǒ wlòmo."³³È kě Mɔ̀sě dɛ̌a Ewnɔ̀ jè ɔ je, "Jaě nokpǎnen ɛ̈ dbeeǒo ɛ̈à manàa sǎnma wěe nnyɛ wɔ̀le je bɛ po lěe wlòmo, mòe ɛ Jǎwɛ̀ jemǒ ja, tùo ɛ tà bà keǒ nè jlǔu jlǔ mɔ̀ u mǒǎ ɛ jě." ³⁴Ii tè Ewnɔ̀ nuà dɛǒ Jǎwɛ̀ tmɔɔ̌a Mɔ̀sě keǒ bɔ nuaa ɔ̌ dǔa manà mǒ ɔ̌ poaě ɛ klě kuo win'i blɔ̀ kun wàn keǒ Jǎwɛ̀ jemǒ. ³⁵Isòwɛ̌ kwɛɛn di manà klě jlě wlèe sɔ̌n wlòmo, ɛ kpa ɛ kpa ǔ nyniaǒ keǒ Kɛnɛ̀ blǒ ɛɛ tnòa kɛn. ³⁶Oma ba wlomo sǎnma wěe sǒn. Ii tè ofà pɛ wlòmo sǎnma wěe nnyɛ.

¹È Ǐsòwɛ̌ kwɛɛn sɔnaě kpni kukwǐi kpatekǎa blǒ kɛn mǒ ǔ muaě diěǒ moo Wlafewlama kɛ̀n wòje keǒ Jǎwɛ̀ nia nuu kpakpa ǔ pooaǒ blea ǔ Sìn'aǒ tǐ, kɛɛ nenǎ ně seaǒ tàǒ ne. ²È u boɛaě Mɔ̀sě mɔ̀ kě u dɛ̌a u je, "Nye ä ně ä mǒ nǎ." Kɛɛ kě Mɔ̀sě dɛ̌a u je ɔ je, "Mɛ kɔɔ̌n tè a boɛɛ̌ kɛ mǒ a tɛ̀n leě Jǎwɛ̀ měne?" ³Nyopòǒ uu plɔɔ mɛa je lè chɔɔ keǒ nenǎ to mɔ̀, ii tè u boboɛɛa wan le keǒ Mɔ̀sě mɔ̀ kě dɛ̌a u je, "Mɛ kɔɔ̌n tè sàǎ kɛě ämo Ǐjɛ̀tě blǒ kɛn jàǎ lɔ ämo tàɔ? Mò kɛ ä klee äa jlǔ klee wnùnoǎ dbǎ keǒ nenǎ to mɔ̀le?"⁴È Mɔ̀sě gbàla Jǎwɛ̀ wan ke ɔ dǎla ɔ je, "Mɛ jlɛ̀ bòo nuǔ kɛ keǒ nyopòà mɔ̀? U wɛ̀ le mɔ̀ u mǒo seɛ̌ bee le u mǒo dbǎ." ⁵È kě Jǎwɛ̀ dɛ̌a Mɔ̀sě je ɔ je, "Mu peeě nyopòǒ nya mò klee Ǐsòwě kwɛɛn bòlìbo, bò ke mi kpa nè na e tuǒ ɛ̈ǒ feɛn'a lěe něǒ moo nae kɛn ble. ⁶Ně chɛ̀ Ě mìěè gbàa bo nynama keǒ togbeeǒ u dɛɛ wowle dlǒ keǒ ɛɛ seɔ̌ wakǎ mǒ. È ɛmo togbeeǒ ɛɛ seɔ̌ǒ tba ɛ tuǒ neě mòo kwete mǒ è ně mìě mǒ sɔnma nyopò wùɛ mǒ nǎ." Ii tè Mɔ̀sě nua dɛǒ Jǎwɛ̀ tmɔɔ̌a nɔɔ keǒ Ǐsòwě kwɛɛn bòlìbo jemǒ. ⁷Ɛmo tùɔnǒ u dɛɛa lɛ Masà klee Mawlìba ɛ̈ sɛ̀n'ɛ nynɛ̌ měne tentɛ̀n. Mɛoǒ joo nɛ̀ moo Ǐsòwě kwɛɛn boboɛɛa wan le keǒ ɛmo tàǒ ǔ tɛ̀n'aě Jǎwɛ̀ měne kě u dɛ̌a u je, "Jǎwɛ̀ ɔ ne kɛɔ ä slè lee deě ɔ seɔ ne?"⁸È Amelae nyǒ diaě diěǒ moo Wlefedamì kɛ̀n keǒ bu wɔ̀na Ǐsòwě kwɛɛn mɔ̀. ⁹È kě Mɔ̀sě dɛ̌a Jàsuě je ɔ je, "Tba nyopò kělɔ ä slè u mǒ kàn Amelae nyǒ mɔ̀ wɔ̀n. Ě mi kàno togbeeǒ dlǒ bo nynama Nyesoa nae tu mǒ kàn lěe kwete mǒ ne." ¹⁰Ii tè Jàsuě nua dɛǒ Mɔ̀sě tmɔɔ̌a nɔɔ ɔ̌ wɛ̀a mɔ̀le keǒ bɔ wɔ̀na Amelae nyǒ mɔ̀. È M̀ɔ̀sě klee Ewnɔ̀ klee Hɔɔ nù jǎlaě togbee dlǒ.¹¹Tà chnɛ̀ tɛ̀ɛ gbàlaa le è to nɛ̀ǒ u toala. È klě toǒ ɛɛ wònwɔn wlòmo Mɔ̀sě poaě ɔɔ sonwɛ jɔ mǒ è Ǐsòwɛ̌ kwɛɛn mɛ̌ɛaě nyopòǒ bo, kɛɛ bɛ̌ nu bɔ̌ sàe ɔɔ sonwɛ jɔ mǒ bɔ̌ ke fɛ ě Amelae nyǒ mɛ̌ɛě u bo. ¹²Tii doo ti dleě tà Mɔ̀sěe so nwɛ keaa dle, ii tè Ewnɔ̀ klee Hɔɔ jalaě seɔ̌ nɛ̀ ɔ nea kɛn bo, è uu sɔ̌n wùɛ do nynana nɔ ɔɔ wakǎɔ mɔ̀ bò do nynana nɔ ɔɔ wakǎɔ mɔ̀ ǔ dǔa ɔɔ sonwɛǒ jemǒ ǔ poa i jɔ mǒ. Klě i kɛ̀n'aě jɔ mǒ bo kaǒ wɛnɛ̀ pala. ¹³Dɛǒ nɛ̀ Jàsuě nua ɔ̌ dua Amelàe nyǒ kpǎkpǎ.¹⁴È Jǎwɛ̀ tmɔɔ̌a Mɔ̀sě kě ɔ dǎla ɔ je, "Chlě tèà ɛ̈ di ɛ numa i mǒě a wlò jleě be, sɔ̌noka tmɔɔ̌ Jàsuě Ě mi Amelàe nyǒ wùɛ gbèsusba kělɔ kmɔ̌ɔ mɔ̀. ¹⁵Ii è Mɔ̀sě bea chɔno tògbee kǒngmà ɔ̌ dɛɛa lɛ Jǎwɛ̀ Misìn ɛ̈ monoo koɔn Nɔ̀ moo ně kɔ̌lɔ. ¹⁶Mɛ kɔɔ̌n tèǒ joo nɛ̀ moo kě Mɔ̀sě dɛ̌o ɔ je, "Jawɛ̀ po ɔɔ chɛ̀ wìn kɛn le ɛ̈ moo tǐ wùɛ mɔ̀ ɔ mi Amelàe nyǒ mó wɔ̀nma ke ɛ mii jlee mǒ bo tonma."

¹Mɔ̀sěe wetái Jɛ̀tlò ɔ̈ monoo Media nyǒo bodiɔ ɔ wɔ̌na dɛ wùɛ Jǎwɛ̀ nuaa keǒ Mɔ̀sě klee ɔɔ nyopò Ǐsòwɛ̌ kwɛɛn mɔ̀ keǒ Bɔ sàlaě u Ǐjɛ̀tě blǒ wlòmo. ²Ii tè tà Mɔ̀sě dboa lɔɔ nynɔ Sepɔ̀wlà klě ɔɔ wetǎi Jɛ̀tlo mɔ̀ è Jɛ̀tlo kmea ɔ bo je ɔ̌ paea ɔ koǔ bo. ³Plě klee ɔɔ jbɛjujluu sɔ̌nǒ. Doo nynɛ̌ mooa Kasòn. Mɛoǒ joo nɛ̀ Mɔ̀sě je ɔ mooa dakpǎi klě nyopò tùu blǒ kɛn. ⁴È do tɔ̀ɔǒ ɔɔ nynɛ̌ mooa Ilìesà. Mɛoǒ joo nɛ̀ moo Mɔ̀sě je ɔ gbeǐ Nyesoa Nɔ̀ sɛ̀ɛa ɔ mǒ ɔ gblàla lɔ klě Fɛ̀lǒtèe pantian slè.⁵Jɛ̀tlo klee seplà klee ɔɔ jbɛjujluu sɔ̌nǒ u muaě klě kpatekpǎ blǒǒ kɛn tàǒ Nyesoaa togbee neea lěe tàě Mɔsě tǐn'a lěe. ⁶È Jɛ̀tlo dboa wìn nya klě Mɔ̀sě mɔ̀ kě ɔ dɛ̌a ɔ je, "Mǒ ɔ̈ moo nèe wetǎi Jɛ̀tlo plě nè nynɔ Sepɔ̀wla klee ɔɔ jbɛjejluu sɔ̌nǒ ä diě le ä dii jèbo chèba."⁷Ii tè Mɔ̀sě mua ɔɔ wetǎi nyabɛ̌ba ɔ̌ blala dlǒ je keǒ ɔ mɔ̀ ɔ̌ nyǒa ɔɔ wun uu wùɛ ǔ pepeea tàto le è nùǒ dǔa jemǒ u muaě Mɔ̀sěe blee ngmɛ̀ɛ. ⁸È Mɔ̀sě tmɔɔ̌a noǎ wùɛ Jǎwɛ̀ nuaa keǒ Fɛ̀lǒte klee Ǐjɛ̀tě nyǒ jleě mǒ keǒ Bɔ gblàla Ǐsòwɛ̌ kwɛɛn plě ɔ̌ tmɔɔ̌a nɔ ke tǐ Jakě u jěaa tà u keaa snǔ mɔ̀ nɛ plě ke Jǎwɛ̀ nua nuu wowa.⁹Jɛ̀tlo pea Jǎwɛ̀ tàto tà ɔ wɔ̌naa kàan noǎ wùɛ Jǎwɛ̀ nuaa Ǐsòwɛ̌ kwɛɛn mǒ. ¹⁰Kě ɔ dɛ̌a ɔ je, "Bìsea keǒ Jǎwɛ̀ɛ nynɛ̌ mɔ̀ ɔ̈ gblà amoo klě Ǐjɛ̀tě nyǒ klee Fɛlǒtè kwete mǒ. Bisea keǒ Jǎwɛ̀ɛ nynɛ̌ mɔ̀ ɔ̈ jaě Ɔɔ nyopò ɔ̈ sà luu kèǐ dɛ mǒ klě Ǐjɛtě blǒ kɛn. ¹¹Kèke Ě jiǐ ɛ ɛ̈ moo Jǎwɛ̀ Nɔ̀ kun ɔ sìno Nyesoe wùɛ mǒ. Sɛ̌jesɛ tà ɔ wɔ̌naa dɛ Ǐjɛ̀tě nyǒ u niaa Ǐsòwɛ̌ kwɛɛn mǒ."¹²È Jɛ̀tlo klee Mɔ̀sě piea Jǎwɛ̀ chɔno je. È Ewnɔ̀ klee Ǐsòwɛ̀ kwɛɛn bòlibo dìa lě u klee Mɔ̀sěe wetǎi ǔ dìiaǒ tàa do dɛ keǒ Nyesoa jemǒ.¹³Tà chnɛ̀ tɛ̀ɛ gbalaa le Mɔ̀sě nea bo ɔ̌ tùia nyopòo blilǐ. U tbɛɛa ɔ dǐ sɔɔně kèntan jleě mǒ bò jɛ̀ wìtie. ¹⁴Tà Jɛ̀tla jěaa dɛǒ è ɔ gbàla ɔ wan ɔ je, "Mɛ kɔɔ̌n kɛ dɛǒ nìi è neě ba nyopò tbɛɛ lèe mò di sɔɔně kɛ̀ntan jleě mǒ bò jɛ́ wìtìe?" ¹⁵Mɔ̀sě tùa ɔ kɛ̀ɛn ɔ je, "Nyopòà u diɔɔ̌ mɔ̀ keǒ boǒ sèsae ù slòmo dɛ Nyesoa tmɔɔ̌ uu. ¹⁶Bo nyopòo sɔ̌n bǔ kɔn slɛ̀ è u diěě mɔ̀ Ě tùi li Ě chlɛ̀ lì Ě tmɛɛ nyuǒ ɔ kpaǒo kɛ̀ɛn. È plě Ě tmɛɛ̌ u dɛ Nyesoa tmɛɛ̌ uu bu nuu klee dɛ moo ɔo tetě."¹⁷Mɔ̀sě wetǎǐ tmɔɔ̌a nɔ ɔ je, "Dɛǒ keǒ nì ɛ nunuɛ ɛ seǒ le wɛɛn ne. ¹⁸Sejese dɛǒ nìi mì seaba plě mìě nyopòǒ uu kbě wɔ̀ba ke. Mɛoǒ joo nɛ̀ moo u fòlo, nè do slě wɔ̀ bò nu ɛmo dɛǒ. ¹⁹Tèǒ nì kɔn tè tèà Ě tmɛɛ̌ mòo nì bò nu è Nyesoa miì ngmna mɔ̀ poba. Dɛ̌ mǒ klě tǐà wlòmo nì do mò miě Nyesoa jemǒ ɔ kpɛǒ dɛǒ monoo nyopò uu feanfeǒ. ²⁰È plě nè do sosǒ mò tmɛɛ̌ nyopò dɛ Nyesoa tmɔɔ̌ uu klee ɔɔ tetě bu nuu ɛ̈ di ɛ numa u mǒ ɛ nu.²¹Tèǒ nì kɔn tè klě tǐà wlòmo taně nyopòà slè le mòě nyoṕòà wɔ̀ lěe dɛ u moo kàan nyo mòě u le sà ü kɔn'ɔ Nyesoaa fano üà wɔ̀le je bò kun nuu wlò je plě üà nyu slě wɔ̀ bɔ kaen nee dɛɛ jǐ nu bò nu tè tù nyǒ mǒ keǒ nyopò pɛpɛ wùɛà mɔ̀ tǐ wùɛ mɔ̀. Nyopòo tìe nye u nyuu do nyopòo taslě wae bɔ tù uu blilǐ. Nye tìe wllèe mm̀ mm̀ bu tù uu blilǐ, è bò nye tìe wlèe sɔ̌n tùo pù bu tù uu blilǐ, è bò nye tìe nyopòo pù pù bu tù uu blilǐ. ²²Tèǒ nì kɔn tè klě tǐà wlòmo taně nyopòà slè le mòě nyoṕòà wɔ̀ lěe dɛ u moo kàan nyo mòě u le sà ü kɔn'ɔ Nyesoaa fano üà wɔ̀le je bò kun nuu wlò je plě üà nyu slě wɔ̀ bɔ kaen nee dɛɛ jǐ nu bò nu tè tù nyǒ mǒ keǒ nyopò pɛpɛ wùɛà mɔ̀ tǐ wùɛ mɔ̀. Nyopòo tìe nye u nyuu do nyopòo taslě wae bɔ tù uu blilǐ. Nye tìe wllèe mm̀ mm̀ bu tù uu blilǐ, è bò nye tìe wlèe sɔ̌n tùo pù bu tù uu blilǐ, è bò nye tìe nyopòo pù pù bu tù uu blilǐ. ²³Bɛ̌ nu bò nu dɛǒ Nyesoa tmɔɔ̌ mòo è slè dlee kcě wɔ̀, è nyopòo chɛ̀ǒ u nyuu blilǐ bǐ bɛ̌ je è nɔ̀ǒ muě ɔ chɛ̀ɛtà ɔ ne bo."²⁴Mɔ̀sě wɔɔn'a dɛǒ ɔɔ wetǎi pooa ɔɔ tɔ̀n mò kɛn ɔ̌ nua noǎ wùɛ ɔ tmɔ̌ɔa nɔɔ bɔ nuaa. ²⁵Ɔ sàla nyopò ü wɔ̀laě ɛɛ nunuɛ ɔ poa nyopòǒ uu klɛ̀ jleě le u mǒa uu blilǐ tù. Tie kɔna nyopòo taslě wae wìn kwa, è tìe kɔna nyopòo wlèe m̀m wìn kwa, è tìe kɔna nyopòo wlèe sɔ̌n tùo pù wìn kwa piě tìe kɔna nyop hyopòopù wìn kwa. ²⁶U tùa nyopòǒ uu blilǐ chěnchaǐ, è blilǐǒ mooa blilǐ fòe nì u jɛaě Mɔ̀sě mɔ̀. ²⁷Tà ɛmo dɛǒ ɛ sìn'aa è Mɔ̀sě nɔ̀ǒ kpala ɔɔ wetǎi wlu. È Jɛ̀tlo nɔ̀ǒ mua de klě ɔɔ chɛ̀ɛ tȧ.

¹È u sɔnaě Wlafemì mò bu sɔně Ǐjɛ̀tě blǒ wlòmo ɛɛ sòbaii tan nenɛ ɛɛ nyane nɛ chnɛ̀ jlò waeǒ mɔ̀ keǒ u nyniiaǒ togbeeǒ moo sanaè ɛɛ kpatekpǎ blǒ kɛn. ²Keǒ togbee fòɛǒ moo sanàe wlòmo keǒ u pooaǒ blea.³È Mòsě jǎlaě togbee dlǒ klě Nyesoa mɔ̀. È Jǎwɛ̀ dala ɔlo klě togbee dlǒ kě ɔ dǎla ɔ je, "Tmɔɔ̌ Jekɔ̌poo jlǔu jlǔ ü moo Ǐsòwɛ̌ kwɛɛn." ⁴È kě Jǎwɛ̀ dɛ̌a ɔ je, "A jě dɛ Ě nuu Ǐjɛ̀tě nyo mǒno plě ke Ě nuě a moo Ǐjɛ̀tě blǒ wlòmo sesà Ě muɔ a moo. Něe chɛ̀ mò jeja, Ě nu kàan jǐ něne wòje keà wɛɛn ɔɔ jǔ ɔ plìi ɔɔ. ⁵Klě tǐè wlòmo bɛ̌ nu bǎ tùo Ně wìn bo plě klee Ně chɛ̀ mɔ̀ ü kɔn tè kmaa ɛ mǒǒ dakɔ̌ wùɛ mǒ sìn. È dɛ kɔn tè Ě ni ɛmoo dɛà nɛ̀ moo kmɔ̌ wùɛà Mǒ kɔn nɛ. ⁶Bɛ̌ nu bǎ ke ɛmo dɛǒ ni è amo mi Ně bodiɔpò tù ba plě ngma jene dakɔ̌ keǒǒ mɔ̀."⁷Ii tè Mɔ̀sě dala Ǐsòwɛ̌ kwɛɛn bòlìbo wùɛ ɔ̌ tmɔɔ̌a u dɛǒ Jǎwɛ̀ tmɔɔ̌a nɔɔ. ⁸ɛ̀ bòlìbo wùɛǒ u poaǒ wìn tàa do kě dǎla Mɔ̀sě je u je, "Ä mi noǎ wùɛǒ kɔn tè Jǎwɛ̀ boɔ mòo je numa." È Mɔ̀sě nɔ̀ǒ tbaea je ɔ muaě Jǎwɛ̀ mɔ̀ ɔ mǒa ɔ tmɔɔ̌nǒ dɛ nyopòǒ u tmɔɔ̌a nɔɔ. ⁹È kě Jǎwɛ̀ dɛ̌a Mɔ̀sě je ɔ je, "Po nɔkǔ bo,tà Ě klě mòo mɔ̀ boɛ̀ klě kwijlě nǔkpěn slè ɛ̈ di ɛ numa nyopòǎ u mǒ Ně wìn wɔ̌n Boǒ keěè mɔ̀ bòɛ ɛ̈ di ɛ numa u mǒ tèǒ boɛɛ kàan le po ɛ̈ moo Mǒ boɔ lii je." È Mɔ̀sě tmɔɔ̌a Jǎwɛ̀ ke dɛ nyopòǒ u boɔla ɔɔ je.¹⁰È Jǎwɛ̀ tùa Mɔ̀sě kɛ̀ɛn ɔ je, "Nu nyopòǒ bu snǎě mɔ̀le, tmɔɔ̌ u bu jla kàn uu dale. ¹¹È chnɛ̂ jlò ae tɛ̀ɛǒ neě ɛɛ demǒ nɛ̀ bu wɔ̀ mɔ̀le. Mɛoǒ joo nɛ̀ moo ɛmo chnɛ̀ jlò waeǒ nɛ̀ Mǒ Jǎwɛ̀ Ě miaě togbeeǒ moo sanae dlǒ keǒ uu wùɛ jemǒ.¹²Po tnòa bɛ dbɛɛ togbee fòɛà dǐ. Tmɔɔ̌ nyopòǒ bu gbɛ̀ɛ le ɛ̈ di ɛ numa uǔ di tnòoǒ kɛn tàen ne uǔ dǐě togbeeǒ dlǒ mu.Nyu wùɛ ɔ̀ɔ̌ wnùdɛ ɔ̈ mi ɛ moo togbeeǒ mɔ̀ gbèba ɔ mi dbǎeba. ¹³Nyu wùɛ nɔ bɔɔ̌ gbè ɔmo nyuǒ mɔ̀ ɔ̀ɔ̌ wnùdɛǒ mɔ̀. Kɛɛ bu bee ɛ seɛ̌ ɔ̀ɔ̌ bu nu pno sɛ u mǒ ɔ dbǎ. Bɛ̌ nu bǎ wɔ̌n blablɛǎa kànmu bǔ ke ɛ be è nyopò wùɛ bu diě bu keklaeě togbeeǒ gbàa."¹⁴Ii tè Mɔ̀sě teea je ɔ̌ sɔnaě togbeeǒ dlǒ mǒ ɔ̌ mnaě nyopòǒ mɔ̀ ɔ̌ snǎnaě u mɔ̀le. È tà chnɛ̀ tɛ̀ɛ gbàlaa le ǔ jlala uu dale. ¹⁵È Mɔ̀sě tmɔɔ̌a nu kě ɔ dɛ̌a ɛ je, "Ba wɛ̌ mɔ̀le keǒ chnɛ̀ jlò wee tan nenɛǒ mɔ̀, aa nyu klee nynɔ buǔ sonwɛn pɛna mǒ.¹⁶Chnɛ̀ jlò wee tan nenɛǒ ɛɛ kèntan è tɛ̀n ngmněa ne ɛ̌ pnǎna dɛ jleě, è wiflě kpǎ fòɛ nɛ̀ beaǒ togbee fòɛǒ dlǒ. È biǐ kànmu nɛ̀ u bea nyopò wùɛ fano jǐa u je uu fě sèn'a le. ¹⁷È Mɔ̀sě sàlaě nyopòǒ blea ngmɛɛ ɔ̌ jalaě u klě togbeeǒ ɛɛ wɔ̀ɔn ɛ̈ di ɛ numa u klee Nyesoa mǒa jebo bebeele. ¹⁸Nǎno dia togbee fòɛǒ moo sanae dlǒ wòje keǎ ɛ sonwɛn lěe bǐtle fòɛ wan mǒ. Mɛoǒ joo nɛ̀ moo Jǎwɛ̀ Nɔ̀ tèa klě ɛmo togbeeǒ dlǒ klě na slè. È togbee wùɛǒ ɛ̀ sèn'a le chɔɔ.¹⁹Tà blǐ kànmuǒ ɛɛ wìn kea lěe jɛ̌ chɔɔ è Mɔ̀sě boɔla wìɛn è Jǎwɛ̀ tùa ɔɔ wìn kɛ̀ɛn. ²⁰Klě togbee dlǒ klě ɔ pooaě kɛn ɔ̌ tmɔɔ̌a Mɔ̀sě bɔ dìa jǎ klě ɔ mɔ̀ togbee dlǒ. Ii tè Mɔ̀sě jǎla togbee. ²¹È kě jǎ dɛ̀a Mɔ̀sě je ɔ je, "Muě batle mò nyopòǒ tmɔɔ̌nǒ buǔ konweněe lenɛ̀ bɛ̌ se nu uu nyopò fòfoa mi kǒba. ²²Klekle tmɔɔ̌ bòdiɔpò üà kan weě Mǒo le bu snǎě uu chɛ̀ mòle nɛ̀ bɛ̌ se nu Ě mi u pɛpɛ wùɛ gbèsueeba."²³È Mɔ̀sě tùa Jǎwɛ̀ kɛ̀ɛn ɔ je, "Nyopòà u slè wɔ̀ bu diɔ̀ togbeea moo sanae dlǒ. Mɛ o joo nɛ̀ moo tmɔɔ̌ ä ne keǒ bä po tnòa bɛ tbɛɛ togbeeà di,è bä snǎě ɛ mɔ̀le." ²⁴È kě Jǎwɛ̀ dɛ̌a ɔ je ɔ je, "Tèe je mu bla Ewnɔ̀ ɔ klee mòo sɔ̌n ba dìě. Kɛɛ bodiɔpò tùuǒ u klee nyopoǒ nù buǔ diɔɔ̌ mɔ̀ kělɔ togbeeɔ dlǒ, nɛ̀ bǔ se nu Ě mi u wùɛǒ gbèsueba." ²⁵Ii tè Mɔ̀sě tèa togbee ɔ̌ mua ɔ̌ boɔla boɔlaě nyopòǒ mɔ̀.

¹È kě Nyesoa dǎla ɔ je, ²Mǒà Mǒ moo Jǎwɛ̀ Ɔ moo aa Nyesoa Ɔ sàě a kèi dɛ mǒ klě Ǐjɛ̀tě blǒ wlòmo. ³Nyu wùɛ nɔ̀ bɔɔ̌ kwɛn Nyesoa tɔ̀ɔ ɔɔ̌ mɛ̌ nɔɔ̌ debo.⁴Nyu bɔɔ̌ ni noǎǒ neě jɔ mǒ ii nǔgbuǐ klee noǎ neɔɔ blǒ mɔ̀ ii nǔgbuǐ klee noǎ neɔɔ blǒ bobo ii nǔbuǐ, ii wùɛǒ nyu ně ni ii nǔ gbuǐ mǒ. ⁵Nyu bɔɔ̌ keɛn kwne bo keǒ nǔgbuǐǒ jemǒ ɔɔ̌ sɛ̀ ii wɛ̀. Mɛoǒ joo nɛ̀ moo Mǒà Ɔ̈ moo Jǎwɛ̀ ɔ mo aa Nyesoa Ě moo chea Nyesoa. È mɛɛǒ nyopòà faen Mǒo uu plɔ tu kɛn bo u klee uu jlǔu jlǔ ɛ̌ kpɛ ɛ kpɛ ɛ̌ jɛɛ sònwɛn kplěe tan klee sònwɛn kplěe hɛ̀n. ⁶Kɛɛ Ě kɔn wɔle je jbajbɛ keǒ nyopòo taslě wɛ mɔ̀ üà nɔɛɛ Mǒo mǒ ü tùǒ Něe tetěǎ ble.⁷Nyu wùɛ ně bɛtɛ̌ɛ Jǎwɛ̀ je ɔ̌ moo aa Nyesoa. Mɛoǒ joo nɛ̀ moo nyuǒ mi ɛ numa ɔ mi ɔ tè jɛɛba.⁸Bi beě a wlò jleě chnɛ̀ jlo wee nyeɛta nenɛǒ ɛ ne je ng̀ma, blabɔ waeǒ ɛ ne je ngma. ⁹Klě jlǒkpɛ̌ wlòmo chnɛ̀ jlo wee mmɔ̀do wùɛǒ nì ba nuu konkwa mǒ. ¹⁰Kɛɛ nyeɛta nenɛǒ ɛ̈ moo blàbɔ Mǒ Jǎwɛ̀ Ɔ̈ moo aa Nyesoa Mǒ kɔn nɛ. Tèǒ nì kɔn tè ɛmo chnɛ̀ jlò waeǒ mò klee nè jlǔ klee nè kèǐapò aǎ ni konkwa. ¹¹Mɛ kɔɔ̌n tèǒ joo nɛ̀ moo Jǎwɛ̀ sàla jɔ mǒ klee blǒà tàmo klee jbǒ klee noǎ wùɛ ï neɔ ɛɛ mɔ̀ klě chnɛ̀ jlò wee mmɔ̀do wlòmo è nyeɛta waěǒ nɛ̀ Ɔ fɛɛa le, tèǒ nì kɔn tè ɔ poa ɛmo nyeɛta waeǒ ngmna mɔ̀ ɔ̌ sàlaě ɛ dɔ̌.¹²Tùo nùǎ klee gbèǐ ɛ̈ di ɛ numa mò wlɛ̌ɛ le klě blǒǒ Ě nye amoo kɛn wlòmo. ¹³Nè pe mnungma. ¹⁴Nè ni wlawle.¹⁵Nè jlǐi nyu de. ¹⁶Nè pe be sen kɛn le. ¹⁷Nè pɛ bèe koǔu wne keǒ bò sà lɛ̀ ɔ kwa. Nè pe ɛ ble keǒ bò sà bè nynɔ kwa ɔ̀ɔ̌ keǒ bò sà ɔɔ nyebajle ɔ kwa ɔ̀ɔ̌ ɔɔ wnùnoǎ ɔ kwa.Dɛ wùɛ bè mii kɔnma nè ni ɛɛ chea keǒ bò sà lɛ ɔ kwa."¹⁸Tà nyopòǒ u jěaa tɛ̀n'ɛ ngmnengmnɛ̀ǒ klee nǎnoǒ nea lěe togbeeǒ dlǒ plě u wɔ́naa tɛ̀n'ɛ lè pǹapnǎ klee blǐ kànmu u beaa ɛɛ wìn è fano beaě u mǒ uu fě sèn'a le. U nynanaɛ̌ nya bo ǔ poa togbeeǒ kpa debo. ¹⁹È kě nyopò dɛ̌a Mɔ̀sě je u je, "Mòa mò bɔ boɔě ä mɔ̀ è ä po bo nɔkǔ, kɛɛ bɔɔ̌ Nyesoa mɔ̀ mò sonsɔn ɔ bɔ́e ä mɔ̀ boɔboɔ, nɛ̀ bɛ̌ se nu è ä kǒlo." ²⁰È Mɔ̀sě tùa u kɛ̀ɛn ɔ je, "A bɔ̌ fano pepeɛ. Mɛoǒ joo nɛ̀ moo Nyesoa diě le ɔ mǒ a mǒ tɛn. Ɔ diě ɛ̈ di ɛ numa amǒ ɔ dɛ mǒ a mǒ tɛn. Ɔ diě ë di ɛ numa a mǒ ɔ dɛ mǒ jě plě a mǒǒ ɔɔ wìn bo tù aǎ di kpni kukwǐ nu. ²¹Ii tè nyopòǒ ǔ nynanaě nya bo ǔ poa togbeeǒ kpa debo ǔ tɛ̀n'n Mɔ̀sě kɛn le ɔ̌ pɛaě kwìjllěǒ kɔn slè Nyesoa nea lěe.²²È kě Jǎwɛ̀ dɛ̌a Mɔ̀sě je ɔ je, "Tmɔɔ̌ Ǐsòwɛ̌ kwɛɛn ɛ̈ moo, Jǎwɛ̀ je aa chɛ̀ a wɔ̌n ɔɔ wìn ɔ̌ tmɔɔ̌a amo klě jɔ mǒ. ²³Ɛ̈ moo aǎ ni sěbla klee klòo nyesoe aǎ mɛ̌ i ɔ debo aǎ sɛ̀ ii wɛ̀.²⁴Ɛ̀ sìnǒ dɛɛ do ba nuu nɛ̀ moo a nu fnò a be chɔne tògbee kǒngma nɛ̀ kɔn kɛn klě ba pieěě chɔno je aa blablɛǎ klee bliǎ klee chɔno wùɛ ɛ̈ kɔn'ɔ siɛnsiɛn keǒǒ mɔ̀ klee nena tùmoo nyee noǎ. Tà wùɛ Ě miǒ a moo tmɔɔ̌ma keǒ ba beeǒ ɛmo kǒngmàǒ keǒǒ mɔ̀ Ě miě diba klě a mɔ̀ Ě mǒ a ngmna mɔ̀ po. ²⁵Bɛ̌ nu bǎ ke seɛ̌ɛ chɔno togbee kǒngma bè imo seɛ̌ǒ aǎ bɛ̌ i je le. Mɛoǒ joo nɛ́ moo seɛ̌à a bɛ̌ɛ je le i slě ɛ wɔ̀ bi moo chɔno togbee kǒngma keǒǒ mɔ̀. ²⁶Aǎ ni be kɛn ble tù noǎa kɛn jǎe noǎ keǒ chɔno tògbeǒ mɔ̀ ɛ̈ di ɛ numa hyopòǒ nee amoo bobo uǔ se a wle le bɛ̌ɛa jě."

¹Tetěǎà nì bò nyè Ǐsòwɛ̌ kwɛɛn.²Bɛ̌ nu aa nyu bɔ̌ tɔ̀n Hb̌lù jǔ kèǐ mǒ, è ɔɔ kèǐǒ bɔ nuu ɔ konkwa mɔ̀ klě jlěe mmɔ̀do wlòmo. Klě jleě nyeɛta nenɛǒ wlòmò tɛ ɔ bo bɔ mu putu mǒ bɔ bɔ̌ dɛ sèsa. ³È bɛ̌ nu ɔmo kèǐǒ bò tɔ̀n'a ɔ do è bò tɛ̀ ɔɔ doǒ bo bɔ mu. Bɛ̌ nu bò tɔ̀n'a ɔ klee ɔɔ nynɔɔ sɔ̌n è bò tɛ̀ ɔ klee ɔɔ nynɔ bo bu mu. ⁴Bɛ̌ nu bò slò ɔ nynɔ le plě ɔ klee nynɔǒ bǔ kɔn jlǔ è ɔɔ nynɔ klee jlúǒ mò kɔn nu, è ɔɔ do nɔ̀ bò tɛ̀ bo bɔ mu.⁵Kɛɛ bɛ̌ nu ɔmo kèǐǒ bɔ̌ nu ɔ nɔɛɛ ɔɔ nynɔǒ mǒno plě klee ɔɔ jlu, ii tè bɔ̌ nuɔ se mu, ⁶è bǒ kpaǒ ɔ tè tùɔ̌ jemǒ, è bò dù ɔ mǒ bò kpaǒ ɔ pae wanwun jleě mó ɔɔ nukǔ flǒ keǒ sǎ nyěka ɛɛ pae wanwun jleě. È bò wɔ̀ ɛ mɔ̀ è bɔ nuu kɛ̀ɛ konkwa mɔ̀ ke ɛ mii kɛ̀ɛ jleě mǒ bo tonma ɔ mǒo kmɔ̌ ne.⁷Bɛ̌ nu bo nyu bɔ̌ ploo ɔɔ nynejuju mò mɔ̀ bɔ̌ ɔ̌ nu ɔ kèǐ mǒ, è ɔmo nynejuǒ sle wɔ̀ bò tɛɛ kɛ̀ ɔ bò wòje keǒ a nii jlɛjujluu kɛ̀ǐapo. ⁸Bɛ̌ nu nyuǒ mi ɔmoo nynejuǒ tɔ̀nma keǒ bɔ kɔn nɔɔ nynɔ mǒ, kɛɛ ɔɔ wlò bɛ̌ se ɔ kɛn bloo lo bɔ bɔɔ̌ demǒ bɔ plo ɔ klě ɔɔ gbeǐ mɔ̀. Kɛɛ ɔɔ̌ nye ɔ dakpǎi. Mɛ kɔɔ̌n tèǒ joo nɛ̀ moo dɛǒ ɔ nu ɔ mǒo ɛ seǒ le wɛɛn ne.⁹È bɛ̌ nu bɔ̌ sàǒ ɔ bɔ̌ nye ɔ ɔɔ jbɛjuju bɔ̌ kɔn ɔ nynɔ mǒ, è ɔmo jǔu nynɔǒ bɔ nu ɔ wòje keà ɔɔ chɛ̀ɛ wlòmo sà nyneju. ¹⁰Bɛ̌ nu aa nyu bɔ̌ slò sɔn nonɔ nynɔ, è ɔɔ klekle nynɔǒ bɔ nyeě jè ɔ dìgbaǐ, bɔ pɔǹ ɔɔ dale je, è ɔ klee ɔɔ sɔ̌n bu sɔɔ̌n jè pɛna mǒ wɔ̀je ke u nia pnɔɔ. ¹¹È bɛ̌ nu noǎ kplěe tna'ǒ ɔmo jbeǒ bɔ̌ se i nu keǒ nyane nynɔǒ mɔ̀, è ɔmo nyane nynɔǒ bɔ mu bɔ sɔně ɔ mɔ̀ koǔ bo mǒ. Ɔ slě wɔ̀ bɔ nye ɔ dɛɛ̌dɛɛ chɛ̀.¹²Bɛ̌ nu nyu bɔ̌ tba ɔɔ bě dɛ bɔ̌ kǒ, ɔmo nyuǒ bu dbǎ lɔ. ¹³Kɛɛ ɛmo dɛǒ bɔ̌ seě ɛ jǐ mǒbo chè plě Nyesoa Bɔ̌ sɔn'ǒ nyuǒ mɔ̀ mò bɔ̌ kǒ, ɛ kɔn tùɔn Ě mii tbaba nɛ̀ kɔn kɛn ɔ miě muma klě ɔ mɨě plùplɛ kpaba ɔ mǒ gbàba. ¹⁴Kɛɛ bɛ̌ nu bo nyu bǒ be jlo měne bɔ̌ chèě ɛ jǐ mǒ bo bɔ̌ blǎ ɔɔ bě è bɔ kǒ, bàǎjě nɔ̀ bɔ̀ plù bǒ muě Ně chɔ̀no togbee gbaà u mìě ɔ wun mɔ̀ sà bǔ dbǎ lɔ.¹⁵Nyu wùɛ ɔ̌ mi ɔɔ gbeǐ dɛ tbaba ɔ̀ɔ̌ ɔɔ naǎ bu dbǎ lɔ. ¹⁶Nyu wùɛ bɔ̌ jlǐ tuonyu bɔ̌ plo ɔ ɔ̀ɔ̌ bɔ̌ nu kèǐ mǒ ba dbǎ lɔ. ¹⁷Nyu wùɛ bɔ̌ cheaě ɔɔ gbeǐ le ɔ̀ɔ̌ ɔɔ naǎ le ba dbǎ lɔ.¹⁸Bɛ̌ nu bo nyopò bǔ wɔ̀n bo do bɔ̌ tba ɔɔ bě seɔ̌ ɔ̀ɔ̌ kponɔ ii tè ɔɔ běǒ bǒ kɔ̌ɔ ɔ bɔ̌ kɔn bɔ neǒ tàa do bo. ¹⁹Bɛ̌ nu bɛ̌ sìn ɔɔ běǒ bɔ̌ dǔ jemǒ bɔ̌ keti mǒ nɛɛ ne, è ɔmo nyuǒ tba lɔɔ běǒ dɛaǎ mɛɛǒ ɔɔ plɔ tu kɛn. Dɛɛ do ba nuu nɛ̀ moo tǐǒ ɔɔ běǒ dɛ tba ɔɔ mǒ ɔ see konkwa nu nɛ̀ kɔn wlejɔɛ̌ɛ bɔ sà. È konkwaǒ dɛjǐɔpò nuǒ ɔɔ běǒ jleě mǒ ɛɛ wùɛǒ plě ɔɔ dɛ keě dɛ bɔ̌ bɔ sà lɛɛ wlejɔɛ̌ɛǒ.²⁰Bɛ̌ nu bo nyu bɔ̌ be ɔɔ kèǐ ɔ̀ɔ̌ ɔɔ mɔ̀lě nae kèǐ nyneju bǒ kǒ è ɔmo nyuǒ ba maěǒ ɔɔ plɔ̀ tu kɛn bo. ²¹Kɛɛ bɛ̌ nu kèǐǒ bɔ̌ se kǒ bɛ̌ kpa lɛ kpa bɛ̌ sìɛn chnɛ̀ jlò wee sɔ̌n keǒ bebeɛǒ mɔ è bo bɔ̌ǒ ɔɔ plɔ tu kɛn bo maě. Mɛǒo joo nɛ̀ moo ɔ mǎǎ sɔ̌n keǒ ɔmo keǐǒ kɛn.²²Bɛ̌ nu bo nyu bɔ̌ be kwlě mǒ ne nynɔ bo kwlěǒ bɛ̌ bloǒ nynɔǒ wìen, è nynɔǒ bo dɛ jakǎ bɛ̌ se ɔ tba, è wlěǒ nynɔǒ ɔɔ jbe mii gbaba è nì bɔ sà ïǎ nyuǒ moo tè tùɔ ɔ mii kòo kɛ̀n pooba. ²³Kɛɛ bɛ̌ nu bo nynɔǒ bo dɛ bɛ̌ tba lɔ, è dɛɛ doǒ ɛ̈ tbaa nynɔǒ nɛ̀ bu tba ɔmo nyuǒ ke fònfno pe fonfno. ²⁴Jleě kpɛ jleě, è nyeě kpɛ nyeě, è son kpɛ son plě bo kpɛ bo, ²⁵è naa sìɛnsìɛn kpɛ naa sìɛnsìɛn, dɛ tbatba kpɛ dɛɛ tbatba, è kponkpnii fǒ mǒ bo wlɛwlɛ kpɛ kponkpnii fǒ mǒ bo wlɛwlɛ.²⁶Bɛ̌ nu bo nyu bɔ̌ pooě ɔɔ kèǐ nyegajlo dɛ jǐ mǒ ɔ̀ɔ̌ kèǐ nynejuju dɛ jǐ mǒ ɔɔ jleěǒ bɛ̌ wa è bɔ tɛ ɔ bo bɔ mu keǒ ɔɔ jleěǒ ɛɛ tè mɔ̀. ²⁷Bɛ̌ nu bo nyu bɔ̌ chlà ɔɔ kèǐ nyeě wan. È bɔ tɛ ɔ bo bɔ mu keǒ ɔɔ nyeeǒ ɛɛ tè mɔ̀.²⁸Bɛ̌ nu bo blǐ beǒ bɔ̌ kpnu jbɛju ɔ̀ɔ̌ nynɔ bɔ̌ kǒ, É ɔmo blǐǒ bu bee ɔ seɛ̌ bu dbǎ lɔ ɔɔ fǒǒ nyu ně di ɛ. È nyuǒ kɔn ɔmoo blǐ beǒ ɔ se tèjɛɛa kɔn. ²⁹Ɛ̀ sìn'ǒ blǐ beǒ bɔ̌ ke pnɔ nyopò lè kpnii nǐ plě ɔɔ konkɔn nyuǒ bɔ̌ ji pnɔě ɛ dɛ fǒ mǒ plě bɔ̌ se ɔ bo moa ɔmo blǐǒ bɔ̌ dbǎ tùonyu è bu bee ɔmo blǐǒ seě bɔ kǒ. È ɔɔ konkɔn nyuǒ bǔ dbǎ lɔ, ɛ̀ sìn'ǒ ³⁰Ɔmo konkɔn nyuǒ bǔ sɔnǒ ɔ mɔ̀ mò bɔ sà slě fòfoa keǒ ɔ chɛ̀ɛ fònfnò mɔ̀ è dɛ wùɛǒ u mii tbabaa nɛ̀ bɔ sà.³¹Ɛmo tetěe doǒ bɛ̌ nu bo blǐ beǒ bɔ̌ dbǎ jbɛju bòtae klee nyneju bòtae ɛɛ doǒ nɛ̀ ba nu.32. Bɛ̌ nu bo blǐ beǒ bɔ̌ dbǎ jbɛju ɔ̀ɔ̌ nyneju kèǐpòi, è ɔmo blǐǒ ɔɔ konkɔn nyu bɔ̌ sà keǐǒ ɔɔ ³²Bɛ̌ nu bo blǐ beǒ bɔ̌ dbǎ jbɛju ɔ̀ɔ̌ nyneju kèǐpòi, è ɔmo blǐǒ ɔɔ konkɔn nyu bɔ̌ sà keǐǒ ɔɔ wlě ɔ pee klě ɔɔ konkɔn nyu mɔ̀. Bɛ̌ moo sěbla kpěn'e wlò tùo pù. È ɔmo blǐǒ bu bee ɔ seɛ̌ bu dbǎ lɔ.³³Bɛ̌ nu bo nyu bɔ̌ blǔ bǐtìe bo blǐ bɔ̌ beě ɛ wan ɔ̀ɔ̌ jakǎse bɔ̌ kǒ, ³⁴è nyuǒ kɔn ɛmoo bǐtìeǒ bɔ̌ sà dɛǒ wnùdɛ̀ǒ ɛ pee klě ɛɛ konkɔn nyu mɔ̀.³⁵Bɛ̌ nu bo nyuu blǐ bɔ̌ dbǎ ɔ beě blǐ, è uu sɔ̌n'ǒ bu plo blǐǒ nee kmɔ̌ ɔɔ wlejɔɛ̌ɛǒ u mǒ ɛ plo u mǒ ɛ kɛn mǒ boaa le. È kokǒ blǐǒ bu chen nɔ bu plo ɔ bu boaa ɔ kɛn mǒ. ³⁶Ɛ̀ sìn'ǒ ɔmo blǐǒ bɔ̌ ke pnɔ ɔɔ bǐì lè kpnìi nǐ plě ɔɔ konkɔn nyu bɔ̌ se ɔ bo moa ɔ̀ɔ̌ bo se dɛ nu keǒ ɛ jlěe mǒ, è nyuǒ kɔn'ɔ blǐǒ è bɔ nye ɔ blǐ bɔ̌ ne kmɔ̌, è ko blǐǒ nɔ̀ ɔɔ chɛ̀ bɔ chli jè.

¹Bɛ̌ nu bo nyu bɔ̌ jlǐ blǐ ɔ̀ɔ̌ blablɛ̌ bɔ̌ dba lɛ ɔ̀ɔ̌ bɔ̌ plo ɛ, è blǐi dǒ ɛɛ tè bɔ sà blìǎa m̀m, è blablɛ̌ɛ doǒ ɔ jlǐi ɛɛ tè bɔ sà blablɛ ǎa hɛ̀n. ²Bɛ̀ nu ny bɔ̌ ke jlǐ bǔ jě ɔ nyu bɔ̌ tba ɔ dɛ bɔ̌ kǒ, è nyuǒ tba lɔɔ dɛ ɔ se tèjɛɛa kɔn keǒ nymɔ bo wlawlǎ mɔ̀. ³Kɛɛ bɛ̌ nu bo wɛn bɛ̌ sàe jleě plě ɔmoǒ bɔ̌ tbǎ ɔ dɛ, è ɔ kɔn tèjɛɛa keǒ nymɔǒ ɛɛ bo wlawlǎ mɔ̀. È dɛǒ ɔ jlǐi bɔ tùo ɛ pɛ̀n mo. Kɛɛ bɔ̌ se dɛ kɔn ɔ mìě ɛɛ pɛ̀nmo tù è ba plo ɔ keǒ dɛ ɔ jlǐi ɛɛ tè mɔ̀. ⁴Bè mi wnùdɛ̀ǒ ɔ jlǐi bɛ̌ neě jè kmɔ̌ bu kmeě e ɔ kwete mǒ bɛ̀ ɛ moo blǐò bɛ́ ɛ moo jakǎseó ɔ̀ɔ̌ blablɛ̌ǒ, ɛ mo wnùdɛ taeǒ ɔ mii jlǐba nì kɔn sɔ̌n bɔ sà.⁵Bɛ̌ nu bo nyu bɔ̌ kpa ɛɛ wnunoǎ wan le dìba klě chè mò ɔ̀ɔ̌ klě ɔɔ bò mò plě bǒ po i kenka snǔ wan bǐ muě ɔɔ bǐì chèa mò bǐ di digbaǐ ɔ̀ɔ̌ klě ɔɔ bǐì bò mò è bɔ tùo i pɛ̀nmo imo digbaǐǒ jǐlenmɔ digbaǐ bɔ sàe i ɔ chɛ̀ɛ bò mò ɔ̀ɔ̌ chè mò bɔ tùo i pɛ̀nmo.⁶Bɛ̌ nu bo nyu bɔ̌ tiɛ̀n na klě ɔɔ chè mò plě ɛmo naǒ bɛ̌ mumuu mɔ̀le bɛ̌ kme kwlǎ jleě bɛ̌ peeě ɔɔ běe chè mò bɛ̌ siɛn ɔɔ kpasǔ ɔ dɔ̌ɔ ɛ̈ u chlàa u bòo le, È nyuǒ tiɛ̀n naǒ kpasǔǒ siin bɔ̀ sà dɛ ɛ pee keǒ ɛɛ dɛ ɔ nymiijǐle mɔ̀.⁷Bɛ̌ nu bo nyu ɔɔ bě tɔ̌ nye ɔ wlajɔɛ̌ɛ ɔ̀ɔ̌ konkɔn dɛ ɛ̈ kɛn bɔ̌ tù ɛ bo plě jlǐ nyu bɔ̌ diě ɔɔ koǔ bo bɔ̌ sà dɛǒ ɔ jlǐi ɛɛ kpěe sɔ̌n. ⁸Kɛɛ bɛ̌ nu jlǐ nyuǒ bǔ se ɔ jě, è nyuǒ tùi pnɔɔ ɛmo dɛǒ bo ba kpa lɔ klě wɛ̀ɛsala mò ɔ mǒ ɔɔ chɛ̀ wìn kɛn le po ɛ̈ moo ɛ se lɔ ɔ se dɛǒ kpa. ⁹Blilǐà ï kweǒo konkɔn noǎa slɛ kɛn pooa jlěe mǒ bo, bɛ̌ moo bliǎò, jakǎseò, blablɛǎò ɔ̀ɔ̌ daleò ɔ̀ɔ̌ bɛ̌ moo momǎ dɛ tɛ̀ɛ, è tàii sɔ̌n'ǒ pee imoo konkɔn dɛǒ slɛ̀ kɛn ba kpaě u wɛ̀ɛsàla mò. È nyuǒ Nyesoa mi wien nɔ̀ seǒ kɛ̀ɛn kpaò è nɔ̀ bɔ sà dɛǒ ɛɛ kplěe sɔ̌n.¹⁰Bɛ̌ nu bo nyu bɔ̌ nye ɔɔ bě jakǎse ɔ̀ɔ̌ blablɛ̌ ɔ̀ɔ̌ wnùdɛ wùɛ keǒ bɔ po ɛ mɔ̀, è ɛmo wnùdɛǒ bɛ̌ se sàse kɔn, ¹¹è nyuǒ pe pnɔɔ wnudɛǒ ba kpaě ɔ wɛ̀ɛsala ɔ mǒ ɔɔ chɛ̀ wìn kɛn le po. È bɛ̌ nu bɔ̌ se ɛmo wnùdɛǒ jlǐ, è nyuǒ kɔn ɛmoo wnùdɛǒ bɔ̀ sàǒ ɛ wun mɔ̀ bɛ mǎ. Ɔɔ běǒ pe pnɔ nɛɛ ɔ slě wɔ̀ bɔ tùǒ ɛ pɛnmò. ¹²Kɛɛ bɛ̌ nu bɛ̌ moo nɔ bɔ̌ jlǐ wnùdɛǒ, è bɔ tùo ɛ pɛ̀nmo. ¹³Bɛ̌ nu bɛ̌ moo kwlǎ slè nmi bɔ̌ dbǎ wnùdɛǒ, ɛ dɛǒ ɛ dii ɛ siǒo bɔ jaě ɛ, nɛ̀ mi sàse tùba keǒ ɔ mɔ̀, è ɔ se kɔn bɔ tùo ɛmo wnùdɛǒ.¹⁴Bɛ̌ nu bo nyu bɔ̌ sòa ɔ běe wnùdɛ plě bo dɛ bɛ̌ tba ɛmo wnùdɛǒ bɛ̀ kǒ plě ɔɔ běǒ ɔ sòa lɛɛ bɔ̌ se tùɔn kɛ̀n ne, è ɔmoǒ sòa lɛɛ bǒ se tùɔn kɛ̀n ne, è ɔ moǒ sòa lɛɛ bɔ tùo ɛ pɛ̀nmo. ¹⁵Kɛɛ bɛ̌ nu ɔɔ běo bɔ̌ ne tùɔn kɛn, è ɔ se kɔn ɔ miǒ ɛ pɛ̀nmo tù. Kɛɛ bɛ̌ moo wnùdɛ ɔ kpaa ɔ mǒo konkwa nunu plě ɛ mǒ kǒ, è dɛǒ bɔ̀ nuuaa wnùdɛ̀ǒ konkwa /o miiaa sàba ɛɛ doǒ nɛ̀ bɔ sà bɔ nye ɔɔ beǒ.¹⁶Bɛ̌ nu bo nya bɔ̌ pɛn nyneju mɔ̀ ɔ̈à u see je kme, è bɔ plo ɔ wlě kɛn ɔ mi ɔ koǔ bo pae le. ¹⁷Kɛɛ bɛ̌ nu nynejuǒ ɔɔ gbeǐ bɔ̌ se ɛ kɛn wɔɔn no keǒ nyu bɔ kɔn nɔ, è nyuǒ bɔ sà wlě klě ɔɔ gbeǐ mɔ̌ lǒ tìnma nynɔ pee keǒ ɔɔ nynejuǒ seě jbɛju tè ji mɔ̀.¹⁸Bo nynɔ bɔ̌ ke sàwlò sɛ̀ a dbǎ lɔ. ¹⁹Bo nyu bɔ̌ pɛn wnùdɛ mɔ̀ ba dbǎ lɔ.²⁰A bɛ̌ nyuǒ kokǒ wun kɛn ɔ̈ǒ mii chɔ̀no pìeba keǒ nyesoe tìi mɔ̀ ɛ̈ se Mǒo koɔn. ²¹A bɔ̌ dakpě wɔle ka nunuɛ a bɔ̌ u kɛn le jejǎ bi beě a wlò jleě a mooa dakpě klě Ǐjɛ̀tě blǒ kɛn.²²A bɔ̌ kotia nyno wɔ̀le ka nunuɛ ɔ̀ɔ̌ kwiěju. ²³Bɛ̀ nu bǎ ke ɛ ni bǔ fìin niǐ je Ě mi nuu wìn wɔ̌nma Ě mǒ sɛ̀. ²⁴È Ě mi a jlò měne beeba Ě mǒ a dbǎ klě to kɛn. È aa nyno mi togba sàba, aa jlǔ mǒ kwiějlu dɛ nu.²⁵Bɛ̌ nu bǎ nye nyopòà moo sònwɛ nyo wlě, aǎ ni dɛà nyopòà bü nyee nyopò wlě ü pe lii dlǒ měne uu dɛ. ²⁶Bɛ̌ nu bo nyu bɔ̌ po ɔɔ wlawlǒ tànma mǒ keǒ wlejɔɛ̌ɛǒ nye ɔ ɛɛ tè mɔ̀ ɛ̈ ɔ mi mòo de nye ma, ɛmo wlawlǒǒ nye ɔ de plě wɛn mǒ pa. ²⁷Mɛ kɔɔ̌n tèǒ joo nɛ̀ moo wlawlǒo do ɔ kɔn'ɔ kɛ̀ bɛ sà lɔɔ chen mǒ nɛ̀ǒ. È mɛ ɔ kɔɔ̌n kɛ̀ kɛ ɔ miǐ mǒ pɛɛn ma. Bɛ̌ nu bɔ sìin nii je keǒ Boò sà lɔ mǒ Ě mi ɔo wìn wɔ̌nma, Mɛǒo joo nɛ̀ Ě moo wɔle kɔn Nyesoa.²⁸Aa, nyu ně boɛ wìn kukwǐ keǒ Nyesoa jleě mǒ plě ɔɔ̌ cheɛ̌ aa nyopà u moo aa je sinyo le.²⁹A nyeě noǎ a sà lee kpasǔ chè mò plě a sà lee da kwlepò nmɔ̀ wlòmo plě klee a sà lěe ɔlè chnɔ̀ wlòmo bǐ nu ii ti bǐ nynìǒ A nye aa nyane jbɛjujlu mǒ. ³⁰A nyeě aa blìàa nyane jlǔ mǒ klee blablɛǎa nyane jlu. Aa nyane jbɛjuju ɔɔ noa bɔ̌ kɔn nɔ bɔ sìn'ě ɔɔ naǎ kwete mǒ chnɛ̀ jlò wee nyeɛta è chnɛ̀ jlò wae nyeɛ nenɛǒ mɔ̀ è ba nye ɔ mǒ. ³¹A moo ně nyopò, ii tè aǎ di nmià kwlǎ sle nmì dbǎa, kɛɛ ɔɔ feǒ ba nye i gbè bɔ di li.

¹A bɔ̌ son'e wun le sɛ̀blɛɛa plě a bɔ̌ sen sàse dɛ nunuɛ keǒ nyuà wlǎ tè mɔ̀. ²Bɔ̌ klɔ̀ kɛn bebeɛ ü nii jilenymi dɛ bɛ̌ nu bǔ ke sen sàse dɛ ni keǒ bu kwlǐǒ kàan tùtu tè snǔ mɔ̀ bò. ³Sònwɛ nyuu blilǐ neǒò jemǒ nè sɛ̀ ɔ kàan tà sònwɛ ni ɔɔ tè.⁴Bɛ̌ nu bǒ jě ne jlae nyuu blǐ ɔɔ̌ jakase bɔ̌ jle bo bɔ̌ ke plì kme ɔ mò ɔɔ de nye. ⁵Bɛ̀ nu bò gbɛ̀ɛ bɛ mǎ ɔɔ jakǎe keǒ blǒ mɔ̀ bɔ se mǒ sonson ji, maǒ ɔ mɔ̀ dǔ ɔ jemǒ ɔ mǒ ɔɔ bě jleě bo nyna, nè wěǒ ɔ mɔ̀ sosǒ nè sìn.⁶Bo sònwɛ nyu bɔ̌ muě kɔ̌le bo bɔ̌ kpaǒ kɛɛn bɔ̌ɔ̌ kɛɛn sèsa. ⁷A bɔ̌ sen tè nyu maea plě a bǒ nyuà see tè mene ji dbadbǎ. Nyuǒ mi ɛ moo dɛǒ numa Ě mi ɔ tèjɛɛba. ⁸Nè kme dɛǒ nyu jɛ lěe bɔ kaen nèe jǐ, ɛmo dɛǒ ɛ ni kàan tùtu tè ï lɛɛ mǒo è sɛ̀o i snǔ mɔ̀ nyuǒ see dɛ nu è mɛ̌ɛě ɔ bo. ⁹Aǎ ni nyu dakpaǐ ka, aa chɛ̀ a ji dɛ dakpai dɛ sɛ̀n'ɛ̌ nynɛ̌ ne. Mɛoǒ joo nɛ̀ mooa dakpě klě Ǐjɛ̀tě blǒ wlòmo.¹⁰Jlěe m̀mɔdo nì ba kpa ba dɔ̌ aa blǒ kɛn le a miě ɛ digbaǐ fòfoa wlòmo sà. ¹¹Kɛɛ jlěe nyeɛta nenɛǒ bo blǒ bɛ fɛ le a bɔ̌ jlě nunuɛ. È dìgbaǐǒ miě ɛɛ kɛn wǒba aǎ miě aǎ blɛ li, nyopòǒ moo sònwɛ nyǒ ü see dɛɛ sàla kɔn nù kɔn imo digbaǐǒ nù mi i wlùba, è dɛǒ sònwɛ nyo u miě siba nɛ̀ kwlǎ slè sòa kɔn. Dɛɛ doǒ nɛ̀ ba nu aa toto dbǐa a dɔ̌ lěe bò le klee ɔlè tì.¹²Klě jlǒ kpɛ̌ wlòmo chnɛ̀ jlò wee m̀mɔdo nì ba nuu konkwa mǒ, nyeɛta nenɛǒ aǎ ni kon kwa. È aa kèiǎpoò klee dakpě klee aa wnùnoǎa chɛ́ bi fɛ le biǐ ni konkwa. ¹³Tè wùɛà Ě boɛ amoo je ba po i nɔkǔ jebo. Mǒ koɔn ke Ě dɛ̌ aǎ sɛ̀ nyesoa ɔ̀ɔ wɛ̀ plě aa nyu ně neǒ tà bo ɔɔ̌ dɛ uu nynɛ̌ɛ chɛ̀.¹⁴Ba nu jalǎ kplěe tan klě jlǒ wlòmo ɛ̈ mooǒ něe bo tùtǔɛ. ¹⁵Klě sòbaeǒ moo chlùsokpòn wlòmo ɛ̈ a sàeaa Ǐjɛ̀tě a kɔn le ngmnengmnɛ̌, ɛɛ jalǎ ɛ̈ monoo ně jǎ flɔ̌ɔ didiɛɛ tǐ ɛ̈ Ě tmɔɔ̌a amoo ba nuaa. Aǎ di flɔ̌ɔa nekalii sně neěe mɔ̀ klě chnɛ̀ jlò wee nyeɛta wlòmo keǒ ɛmo jalǒǒ mɔ̀. Nyu wùɛ nɔ̀ bɔɔ̌ ke ně wɛ̀saba dì bɔɔ̌ jɛ lě kwete fle.¹⁶Bǎ pae aa nyane kou jlae dǐa ba bɔn jala a mǒ le ngmne keǒ dɛ a jěe keǒ aa chèa kɛn ɛ̈ a dɔ̌ɔ, e bɛ̌ nu bǎ wɔ̀ kou fle mǒ bǎ sɔ̀e digbaǐ wùɛ chèa mò è ba kɔn jalǎ a mǒ le ngmně keǒ dɛ sɔn'ě aa konkwa wlòmo ɛ sɔn lěe chè ngmně keǒ dɛ sɔn'ě aa konkwa wlòmo ɛ sɔn lěe chè wlòmo. ¹⁷Aa jbejlu wùɛ bu wɛ̀o Nyesoa jemǒ wěe tan klě jlǒ wlòmo.¹⁸Aa nye nye Nyesoa flɔ̌ɔà ɛ jǎa. Bɛ̌ nu bǎ ke ɔ sòaa chɔno je pie i Nyesoa je imo digbaǐǒ aǎ seɛ i ìǐ jɛɛ chnɛ̀ jlò wae tɛ̀ɛ kɛ̀n. ¹⁹Digbaǐ wùɛ a mii chěnma klě jlo wlòmo ii nyane dɛǒ ba ja lě ɛ Nyesoa mɔ̀. Bǎ ke blǎ bòto ɔ̀ɔ̌ wii bòto pi aǎ pii ɛ ɔ naǎa nyìa ne.²⁰Ě mi najiǒpoì dbaba klě a nya ɔ̈ mi amoo jǐ mɔ̀ tùba ɔ̈ mii amoo naema snuǒ a mii kpaba ɔ miě a tùɔn'ǒ Ě wɔ̀ɔ mɔ̀le kɛn kpa. ²¹Nɔ̀ ba tamǒ mɔ̀le ba tùo ɔ bo, nyu wùɛ ne È nyuǒ miǒ ɔo tè le sàeba ɔ slě ɔ wun mɔ̀ sàba mù. ²²Kɛɛ bɛ̌ nu bǎ tùo ɔ bo, noǎ wùɛ Ě tmɔɔ̌ amoo è Ě miě a pɛ̀nmo wɔ̀ɔ nma klě aa jiae nyo nyo mɔ̀.²³Né najiǒpoì nɔ̀ Ě miě a nya dboba ɔ mi a kpa klě Amɔ̀nae nyǒo blǒ wlòmo klee Hetae nyo klee Pewllesàe nyǒ klee Kenae nyǒ klee Hefae nyǒ plě klee Jibisàe nyǒo blǒ wlòmo. Ě mi uu wùɛǒ gbèsueba. ²⁴Aǎ chlìǒ uu nyesoe jemǒ bo aǎ sɛ̀ ii wɛ̀ plě uu wɛ̀sesa taeǒ aǎ chěn ɛ ù mɔ̀. A nymii uu nyesoeǒ jǐle, è uu ngmajène seɛ sìsi ti wùɛǒ a wae i le. ²⁵Bɛ̌ nu bǎ ke ně wɛ̀sè Mǒà moo aa Nyesoa Ě mi a ngmna nɔ̀ boba Ě mǐ a digbaǐ klee ně nye, Ě miě a kwɛǎ pɛɛ́ wùɛ slè sà.²⁶Klě aa blǒ wlòmo kelě pìnɛɛ slè wɔ bɛ bloǒ nynɔ wien ɔ̀ɔ̌ fofǒ nynɔ slè wɔ̀ bɔ neě aa blǒ kɛn. Nyesòà sɛ̀ɛǒ aa tè le Ě mi u muma u mǐ ně fano pe. ²⁷Nyopòà klee amoo sɔ̌n wɛ̀n'ɛ̀ Ě miě u jakjejaěa slè bò pòba, è aa jlae nyo mi bo dawlǎ ba u mǐ a je plùu lù. ²⁸Ě miě aa jlae nyo fano měne pooba kètekee mǒ u wan bo be. Ě mi Hefi nyǒ klee Kenɛ nyǒ klee Hetae nyǒ mɔ̀le plùba ke a mii nya muua numa. ²⁹Ě mi dɔɛdɔɛ numa Ě mǒ u blǒ mǒ sà klě klě jlǒ gblèe wlòmo, Ě se fulǎ numa mu Ě se u bo wɔ̀ba mu, Bo nu ɛ è blǒǒ ɛ mi flo poba sòa kukwǐ miě fò keǒ a mò.³⁰Ɛ sìn'ò bò nu fulǎ bò sàa lě u Ě se ɛ numo mu, Ě mi dɔɛdɔɛ numa kaǒ amoà a mǒ fò keǒ ba wɔ̀le je ba kɔn ɛmo blǒ wùɛǒ wìn kwa. ³¹Ě mi aa blǒ tnòa le poba, ɛ miě tàě jbǒ chǒ kpaeěe kotoe mǒ sɔɔnma u dɛɛ Akaba mɔ̀ ɛ mǒ sìnsin nèǒ moo Ufleti je kwɛ ɛ mǒ sìn ɛ mǒ jbǒ fòɛǒ u dɛɛ Mɛnetawlenìa je kwɛ, è bɛ̌ sìn ɛ mi kpatekpǎ blǒ jɛɛba. Ě mi a kpě nye ma a mǒ nyopòǒ neěe blǒǒ wlòmo wan du, è a mi u je tùnma kaǒ ke a mii dlǒ jejǎ numa. ³²U klee amoo ɔ̌n aǎ pe kuo ɔ̀ɔ̌ uu nyesoe. ³³Aǎ sonwɛě nyopòǒ mɔ̀ mò uǔ neeě a mɔ̀ blǒ wlòmo. Bɛ̌ nu bǎ nu ɛ u mi a numa a mǒ tè wlǎ keǒǒ jemǒ. Bɛ̌ nu bǎ ke uu nyesoee wɛ̀sɛ è mi jǐlenymi wlòtutu mooma keǒ a mɔ̀.

¹È kě Koɔn dɛ̌a Mɔ̀sě je Ɔ je, "Diě kělɔɔ̌ mɔ̀ togbee dlǒ mǒ klee Ewnɔ̀ klee Nadaba klee Abiɔ klee Isòwɛ̌ kwɛɛn bòliboo wlèe tan tùo pù. Bɛ̌ nu bǎ klě di bǎ kɛn nya bo è ba bla dlǒ je ba sà ně wɛ̀. ²È kě Koɔn dɛ̌a Mɔ̀sě je Ɔ je, "Diě kělɔɔ̌ mɔ̀ togbee dlǒ mǒ klee Ewnɔ̀ klee Nadaba klee Abiɔ klee Isòwɛ̌ kwɛɛn bòliboo wlèe tan tùo pù. Bɛ̌ nu bǎ klě di bǎ kɛn nya bo è ba bla dlǒ je ba sà ně wɛ̀.³Mɔ̀sě mua ɔ̌ tmɔɔ̌a nyopòǒ dɛ wùɛ Koɔn tmɔɔ̌a nɔɔ klee tetea wùɛ. È u tùa ɔ kɛ̀ɛn u je, "Ä wɔɔn ɛ kɛn dɛ wùɛ bo koɔn Bǒ boɔɔ̀ je ä mi ɛ numa." ⁴Mɔ̀sě chlěa dɛ wùɛǒ Koɔn Nyesoa tmɔɔ̌a nɔɔ. È tà chnɛ̀ tɛ̀ɛ gbàlaa le ɛɛ kènta gbii ɔ bea chɔ̀no togbee kǒngma keǒ togbee kòǒ ɛɛ bo kɛn. È ɔ kɔla seɛ̌ɛ pù tùo sɔ̌n bo i nynanaǒo Ǐsòwɛ̌ kɔn dakɔ̌ dlěe pù tùo sɔ̌n pɛ̀nmo bo.⁵Ɔ̌ dboa nyengmè bu piea Koɔn Nyesoa chɔ̀no je. U piia bliǎa tìe chɔ̀no keǒ nena tùmoo nyee dɛ mɔ̀. ⁶Mɔ̀sě dǔa soaǒ ɛɛ nymɔɔ tìe mǒ ɔ poaě fuo wan, è ɛɛ tìeǒ nɛ̀ ɔ gblàla chɔ̀no tògbe jale.⁷È Mɔ̀sě dǔa juo wìn ii chněedɛ mǒ ï dɛ̌ wùɛ Nyesoa tmɔɔ̌a nuu i chlěea lěe wlòmo. È ɔ poa wìn nya ɔ̌ slèea ɛ nyopòǒ je, è kě u dɛ̌a u je, "Ä miǒ koɔn Nyesoaa dɛ wùɛ ɔ boɔ bo tùba ä mi i nu." ⁸È Mɔ̀sě dǔa nymɔǒ nea kěe fuo wan mǒ ɔ̌ gblala ɛ nyopòǒ dlǒ le kě ɔ dɛa ɔ je, "Dɛà nɛ̀ mono nymɔ ɛ̈ poo kuo wìn'à Koɔn Nyesoa pooa klě a mɔ̀ koǒ kɛn tà ɔ boɛoo neǎ wùɛǒ klě a mɔ̀."⁹Mɔ̀sě klee Ewɔn klee Nadaba klee Abiɔ klee Ǐsòwɛ̌ kwɛɛn bòlǐboo tà wlee tan tùo pù nuǒ jalaě togbee kòǒ dlǒ. ¹⁰È u jěa Ǐsòwɛ̌ kween Nyesoa, seɔ̌ patǒà ɔɔ be nynanaa kɛn bo bò kea ɛ jě è dè wlù jlee nè jleě mii mǒ nymaaema, ɛ nua papɔ̌ ɛ klee jɔtùwle wowɔɔa. ¹¹Nyesoa sea Ǐsòwɛ̌ kwɛɛn nae nyoǒ dɛ mǒ nu. U jěa Nyesoa ǔ dìa dɛ ǔ nǎna keǒ tàa do.¹²È kě koɔn Nyesoa dɛ̌a Mɔ̀sě je ɔ je, a lɔɔ̌ mɔ̀ togbee kò dlǒ. È dɛà mɨaa sìnma Ě miì seɛ̌ paǐi sɔ̌n nyema ï kɔn kɛn ně teteǎ wùɛ mìǒ nema ï Ě chlěe mòo hyopò wùɛ tee le. ¹³Mɔ̀sě klee ɔɔ mǒ sɛ̀ɛ nyu Jàsǔě ǔ wɛ̀a mɔ̀le è nùǒ tùngmaeaě ngmajene togbeeǒ dlǒ mumuɛ.¹⁴È kě Mɔ̀sě dɛ̌a Ǐsòwɛ̌ kwɛɛn bòlibo je ɔ je, "Kěà ba neà bleaà ngmɛ̀ɛ bò ba fooà ämo ɛ mǒ ɛ kpa kpa ä mǒ de di, Ewnɔ̀ klee Hɔɔ nù ä si àǎ mɔ̀. È aa nyu bɔ̌ kɔn blilǐ ï ɔ jlɛ̌ bi tùe ba muɛ̌ u mɔ̀ u mǒ i tù. ¹⁵Mɔ̀sě muaě togbee kòǒ dlǒ ɛ̈ chlùkpa jǐa lěe dlǒ le.¹⁶Koɔn Nyesoaa tèjiboaboǎ jǐaě togbeeǒ moo Saena dlǒ le. Chlùkpaǒ ɛ sìn'aě togbeeǒ dlǒ chnɛ̀ jlò wee m̀mɔdo, è chnɛ̀ jlò wee nyeɛta nenɛǒ mɔ̀ è ɔ dala Mɔ̀sě klě chlukpa wlòmo. ¹⁷Koɔn Nyesoa tɛ̀jǐboabǒa klě Ǐsòwɛ̌ kwɛɛn mǒ ɛ wǒa naà ɛ sùe noǎ gbè nɛ̀ neaě togbee kòǒ dlǒ. ¹⁸Mɔ̀sě palaě chlùkpaǒ slè ɔ̌ muaě togbee kò dlǒ. Ɔ sìn'aě togbeeǒ dlǒ chnɛ̀ jlò wee wlèe sɔ̌n.

¹È kě Koɔn dɛ̌a Mɔ̀sě je. ²Ɔ je, "Tmɔɔ̌ Ǐsòwɛ̌ kwɛɛn bu jaǎ nyee dɛ, è nyee dɛ wùɛ uu nyu miě jaba è bo kme ɛ bo.³Nyee noǎǒ bi moo klò klee sěbla klee kanwai, ⁴jǐlenmɔ dalo ɛ̈ nii gbàgba klee wlǔ plě wlù jlee, è tu chǒ klee daleà u nunuu wliaa pìnpni, ⁵blǎ beěe koɛ bu kp i wɔ̀ mò i mǒ flò, jǐlenmɔ koɛ plě tuà monoo akasìa, ⁶chnɔ̌ keǒ nǎpea mɔ̀, è sonsnǒ noǎa keǒ de pne chnɔ mɔ̀, è sonsnǒ noǎà i monoo papi, ⁷klee jǐlenmɔ seɛ̌ klɔkwlě klee ii biì bà kee jě è jè wlùǒ è je jleě mi i mǒ bymaema, nì bu jalě keǒ bodiɔ fòɛɛ jǐgbɛ dalo u miě i ɛ wlòmene po u mǐ ɛ kpněe ně klee da peǎn'ǒ ɔ mɛ̌ǒo wlee bo.⁸klee jǐlenmɔ seɛ̌ klɔkwlě klee ii biì bà kee jě è jè wlùǒ è je jleě mi i mǒ bymaema, nì bu jalě keǒ bodiɔ fòɛɛ jǐgbɛ dalo u miě i ɛ wlòmene po u mǐ ɛ kpněe ně klee da peǎn'ǒ ɔ mɛ̌ǒo wlee bo. ⁹Bǔ po ɛ klee ɛɛ tǔnwnii sɔ̌n wùɛ wòje ke Ě nu ɛ mòo jǐ kɛn le popoɛ klě togbee kòǒ dlǒ.¹⁰Akasìa tu nɛ̀ ba nuu ɛmo blɔ̀kun'ǒ, ɛɛ de tmɔ dɛ bɛ nu be wěe tan ne chìajɔɔ tànmajɔɔ siědo dlǒ mǒ, è ɛɛ měne boa dɛ bɛ nu be wee sɔ̌n ne chìajɔɔ tanmajɔɔ tan dlǒ mǒ. Ɛɛ jotmɔ dɛ bɛ nu be wee sɔ̌n ne chìajɔɔ tànmajɔɔ tan dlǒ mǒ. ¹¹Ii wùɛǒ ba kaen i klò dlǒ. A tliě ɛ wlòmo klo le klee klě ɛɛ kɛn. È ɛɛ nɔkwǐǒ ba naa i klo wìene kaǒ i mǒ ɛ di tbɛɛ le.¹²A wlǎ klòo wenaii hɛ̀n keǒ ɛ mɔ̀, è klě ɛɛ kotoee batle de mǒ klě ba tùe wenaiǒ. È wenali sɔ̌n kělɔ wakǎa de, è wenaii sɔ̌n tii kělɔ wakǎa do tɛ̀ɛ mɔ̀. ¹³Akasìa tu nɛ̀ kɔn tiblǐ ba nu, a wɔ̀ɔ i klò dlǒ. ¹⁴Akasìa tuu sin'aǒ nì a miě wenaiǒ wan le nymaena a mi blɔ̀kun'ǒ bleě le.¹⁵Imo sinàǒ bǎ Nynaě i klě wenaiǒ wan klě bì nee kɛ̀ě bo aà sɛ̀ě de. ¹⁶Klě blɔ̀kun'ǒ wan klě bò pòe ně sàse win'à Ě nye mòo. ¹⁷Ɛɛ chuǒ nɛ̀ moo tèwlo le poo chu, nuu ɛ klǒ sosǎ, ɛɛ de tmɔ dɛ bɛ nu be wee tan ne chìajɔɔ tànmajɔɔ siědo le. È ɛɛ měne boa dɛ bɛ nu be wee sɔ̌n ne chìajɔɔ tànmajɔ̀ɔ tan le. ¹⁸Wlawlǐpò bu wlǎ najiǒpòo sɔ̌n keǒ chuǒ kɛn ü bu nunuu klò sosǒ. A nu nuu sɔ̌n'ǒ do bɔ nynaɔɔ dlǒo doɔ mɔ̀ bò do tɔ̀ɔ mòo dlǒo doɔ mɔ̀ bo nyna ne klě ɛmo wɔle je jbo chuǒ kɛn.¹⁹A nu najiǒpoii do bɔ nynaeɔ dlǒɔ jlěe bo, ɔɔ bě tɔ̀ɔ mie dlǒǒ jleě bo nynae ne. Najiǒpòo sɔ̌n'ǒ klee wɔle je jboo chuǒ bi paen'ǒ tà jleě. ²⁰Najiǒpòo sɔ̌n'ǒ bu jlee uu kpakpeaǒ mǒ keǒ wɔle je jbo chuǒ dlǒ ɛ me ɛ poplǎi dlǒ po. Umo najǐopòo sɔ̌n wuɛǒ bu chè chèe ja keǒ chuǒ kɛn. ²¹Wɔle je jbo chuǒ nɛ̀ ba tù blɔ̀kun'ǒ je è klě blɔkùn'ǒ wlòmo klě ba poě Ně sàse wìn Ě nye mòo.²²Keǒ wɔle je jbo chuǒ kɛn klě Ě miě nema Ě miěè mɔ̀ bòɔ keǒ najiǒ pòo sɔ̌nǒ slè. Chuǒ neǒo blɔ̀kun'ǒ je tà Ně sàse wìn Ě nyea mòo i neěe, è dɛ wùɛ Ě mi mòo tmɔ̌ɔma nɛ̀ bò mu nɛ̀ bo tee Ǐsòwɛ̌ kwɛɛn.²³Akasìs tu nɛ̀ bò nuu ngma fùo, ɛɛ de tmɔ bɛ nu be wee tan, è ɛɛ měne boa dɛ bɛ nu bo waě do ne chìajɔɔ tànmajɔɔ m̀mɔo le. Ɛɛ jatmɔ dɛ bɛ nu be wěe sɔ̌n ne chìajɔo tànmajɔɔ tan le. ²⁴Ɛɛ wùɛǒ ba tlì ɛ klò kɛn le, è ba naa ɛɛ nɔkwǐǒ klò wien kaǒ ɛ miě ɛ gbàe mò po.²⁵Ɛɛ pleě a mi ɛɛ wien poba ɛ klee kwete mǒ bi boa měne ɛ mi ɛ dǐ tbɛɛ le. ²⁶A wlǎ klòo wenaii hɛ̀n nɛ̀ ba kmee ngma fuòǒ ɛɛ be klě ɛɛ batle. ²⁷Ɛɛ wena'ǒ bi konwaě ɛɛ kɔkwǐ le, nì kɔn wlò mo ba nymaeě sìn'aǒ ï a mi ɛmoo di fuoǒ blěeba.²⁸Akasìo tuu sin'aǒ ba mɔɔ i klò sasǒ dlǒ, nì a mi numa a mǒ di fuǒo blě. ²⁹A nu chchei keǒ ɛ mɔ̀, a mǒ mǎ nae kaǐ nu keǒ ɛ mɔ̀, a mǒ fui nu keǒ ɛ mɔ̀, a mǒ mo nae jagbìa nu keǒ ɛ mɔ̀, ii wùɛǒ ba nuu i klò sodzó. ³⁰Flɔɔ̌à u mi Mǒo jaba tǐ wùɛ mɔ̀, keo di fuoǒ kɛn keǒ ba tù ɛ bo.³¹Wlawlǐpò bu wlǎ nǎpee dlǒ bo ne dɛǒ bu nuu ɛ klò sǒso, nɛ̀ bɛ moo ɛɛ kɛn bo nyna dɛ, è ɛɛ kpantuǒ bu nuu ɛ klò ke. Bu kpně ɛ wòje keǎ tìcheble klee mǒ nae kae plě keà ticheble nuu jèe kponpnǒ ɛ seɛ̌ mǒo jlee le plě wòje keà ticheble jlee mǒo ɛ tùe ɛɛ chikwete le kě bu nu ɛ kpekpně ɛ mǒ ɛɛ naǎ wùɛǒ dlǒ wɔ̀. ³²Kɛn bo ne tukwlii m̀mɔdo nì bu naě ɛɛ wakěe sɔ̌n mǒ, tan kělɔ wakǎa da mɔ̀, è tan tìi kělɔ wakǎa do mɔ̀.³³Imo tukwlii m̀mɔdoǒ i kɛɛ do ɛ̈ son wɛǒo keǒ nǎ pee dlǒ bo ne dɛǒ jleě mǒ bi ne tichɛblee tan'a tan jleě le. Do bɛ wǒ mǒ nae kàe, è do bɛ wǒ amɔ ɛ̈ fna ticheble mǒ. È ticheblaa do bɛ wǒ tichebla ɛ̈ seɛ̌ mǒo jlee le, è do tɛ̀ɛ bɛ neǒ bɛ wǒ tichebla jlee lee mǒ ɛ tuǒ ɛɛ chikwete le. ³⁴Nǎpe jaa kɛn bo ne dɛɛ chɛ̀ǒ bɛ kɔn ticheblee hɛ̀n, do bɛ wǒ mǒ nae kae, è do bɛ wǒ amɔ̀ ɛ̈ fna nɛɛ ticheble mǒ.È ticheblaa do bɛ wǒ tichebla ɛ̈ nuu jèe kponkpnǒ ɛ seɛ̌ mǒo jlee le, è do tɛ̀ɛ bɛ beǒ bɛ wǒ tichebla ɛ̈ fna nɛɛ chɛ̀ mǒ ɛ tùǒo chìkwete le.³⁵Tichebla kponknǐǒ nì bi wɛɛ̀e tukwlii tan nenɛǒ ɛɛ bobo. Ɛ sɔɔn'ě mǒ kaǒ ɛ̌ jae nǎpe jaa kpantuǒ mǒ. ³⁶Ii ticheble kponkpniǒ keǒ tu kwlǐǒ mɔ̀ bi klee ii sɔ̌n bi paěn'ǒ to jlěe nɛ̀ nyopòǒ moo wlawlǐ bu nuu klò sosǒ.³⁷Nǎpeaa nyeɛta nì ba nu keǒ ɛ mɔ̀ nì ba nynae bo klě ɛ nya ɛ di ɛ numa ɛ mǒ ɛɛ nya dɛǒ pepě nye. ³⁸Nǎpee wnewne dbǐ klee ɛɛ dɛǒ na neěe wan bu nuu i klò sosǒ. ³⁹Klòo sankpni sosǒo blɔ̌ waě nɛ̀ ba nuu noǎ wùɛǒ kpǎkpǎ. ⁴⁰Jě ɛ mò noǎ wùɛǒ nu ni wòje ke Ě nu i mòo jǐ kɛn ble popoɛ klě togbee kò dlǒ.

¹Da kpetee pù nì ba nu a mǒ ɛmo bleǒ nu. Bǎ paě wlù à poè wlù jlee klee da cho, è ba kpněe da chěǒ na nu ba mǎ i kɛn ble, è ɛmoǒ bɛ moo dìee nunu konkwa, ii tè diěe slɛ̌ nyu nù bu nu ɛ. ²Da kpotoo do bɛ nu be wee wlèe sɔ̌n tùo sɔ̌n keǒ de tmɔtmɔ mɔ̀. È be wee m̀mɔdo keǒ ii měne boaboǎ mɔ̀, ìi wùɛǒ bì boboaa kɛn. ³Da kpetee m̀mǒ nì moo ble bǎ dale, bi kwekwɛɛě jǐměne. È da kpetee m̀m tiiǒ be kwekwɛɛě jǐměne i mǒ ɛɛ wùɛǒ dǐ tbɛɛ le.⁴Wlù nɛ kɔn poɛǐ ba nae ɛ wine keǒ ìmoo daleǒ mɔ̀ klě wakǎa do kɛn. Dɛɛ doǒ nɛ̀ ba nu klě wakǎ tɛ̀ɛǒ kɛn, ɛɛ daleǒ ba nae i wlùu poɛǐ wine. ⁵Ble bǎ daleǒ a nu nii poɛǐi wlèe sɔ̌n tùo pù, è poɛǐi wlèe sɔ̀n tùo pù nì ba na e imo daleǒ wine. Dɛɛ doǒ nɛ̀ ba nu i bǐiǒ mǒ imǒ poɛǐǒ a mǒ i ja le chèchee lè. ⁶Klo wenaii wlèe sɔ̌n tùo pù nì ba nu a mǐ i dale kpeteǒ jleě mǒ ble ba klě wakǎa tɛ̀ɛǒ mɔ̀ ɛɛ wùɛǒ ɛ mǒ ngmajène bleǒ po.⁷Wlii pinpni nì bu dba ii pù tùo do keǒ bleǒ mɔ̀ ɛ mǒ ɛ kɛn kan. ⁸Da kpotoo do bɛ nu be wěe wlèe sɔ̌n tùo m̀m keǒ de tmɔtmɔ mɔ̀, è be wěe m̀mɔdo keǒ ɛɛ měne boaboǎ mɔ̀. Ii pù tùo do wùɛǒ bi boboaa kɛn mǒ. ⁹Da kpetee m̀m nì ba kɔkɔɔě jǐ mǒ, è da kpetee m̀mɔdo nì ba kɔkɔɔě jǐ mǒ, è da kpetee m̀mɔdo nì ba kɔkɔɔě jǐ mǒ, è da kpetee m̀mɔdo nì ba kɔkɔɔě jǐ mǒ ke. È ba po po da kpetee m̀mɔdo kɛn le nì ba bǎeɔ bleɔɛɛ nya ba.¹⁰A nu poɛǐi wlèe sɔ̌n tùo pù keǒ ɛ ngmnê mǒ keǒ da kpotoo do mɔ̀ ï neɔɔ wakǎa do mɔ̀, è poɛǐi wlèe sɔ̌n tùo pù ba nu i ngmnǎ mǒ keǒ da kpotoo do mɔ̀ ï neɔɔ wakǎ tɛ̀ɛǒ mɔ̀. ¹¹A wlǎ kanwaii wenai nì ba bǎ poɛǐǒ jlěe mǒ ble i miě jǐ měne kwekwɛɛ le kaǒ i mǒ blee do nu.¹²Da kpetee tìeǒ u mii ble bǎ ba keǒ ɛ dlǒ mǒ, ii tìeǒ mii ble siba nì bu ble klě ɛɛ demǒ dɛ jlěe mǒ. ¹³Bu bǎ imo da kpeteǒ ble, è bo waě ne le chìajɔɔ tànmajɔɔ m̀mɔdo nì mi ble siba. ¹⁴Dɛ ba kan ɛmoo bleǒ dlǒ mǒ nɛ̀ moo blǎ beěe koɛ̌ ïà bǔ bii i flee, è keǒ i kɛn'ǒ de bu po ě kokowàa koɛ̌ ï u nuu bò kee jě è jè daloǒ nì bu wɛ̀ɛě ɛ dlǒ mǒ.¹⁵È bleǒ ɛɛ tiǒ mii ble nynama bi moo akasìa tù. ¹⁶Ɛɛ tuu doo de tmɔtmɔ be nu be wěe pù tùo m̀m, è ɛɛ měne boa dɛ bɛ nu be wěe sɔ̌n ne chìajɔɔ tàn majɔɔ tan le. ¹⁷Bu blǔ wɛɛ'ɛ sɔ̌n klě ɛ tuu doo ngmnè mò, do kělɔ dlǒ mɔ̀ è do kělɔ dlǒ mɔ̀, ɛ̈ di ɛ numa ɛ be tu tɛ̀ɛ bɛ̌ diě ɛ mìě wan pa i mie wan pa i mìě wɔ̀ teěn i mǐ le jakǎ kpokpo. I wùɛǒ mìě ɛmoo dɛǒ jleě mǒ nema kě ba nuě i jǐ mene kɔkɔɔa i mǒě ì mɔ̀ ble kekmee ne kpankpan. ¹⁸Ke lɔ batle wakǎ mɔ̀ tii wlò nì bi nynaeɔ bo¹⁹a nu sěblaa plěgbeii wlèe sɔ̌n nì bo tii wlòǒ bi nyna kɛn bo, plěgbeii sɔ̌n keǒ tuu do mɔ̀ keǒ wɛɛn sɔ̌n'ǒ mɔ̀. ²⁰È tii wlò tii klě ɛɛ togbea wakaǒ mɔ̀. ²¹Klě ii plěgeii wlèe sɔ̌n ï ɛ mii kɛn bo nynama. È plěgeii sɔ̌n keǒ ɛɛ tuu do mɔ̀.²²Tii m̀mɔdo nì bi nynaeɔ ɛ demǒ bo kělɔ tàɔ wɛn sonwɛɔ mǒo. ²³Tii sɔ̌n nì bi nynaɔ kělɔ ɛɛ demǒ kotoeee sɔ̌n'ǒ jleě mǒ bo. ²⁴Imo tìǒ ii sɔ̌n'ò sɔ̌n kělɔ batle nì bi paěn'ǒ to jleě i mǒ mǒ gblàsa i moě togbea mu ii do do mǒ weanaiǒ wan le pa i neěe dlǒ mǒ. Ii sɔ̌n'ǒ kě u kɔn bu nu i nunuɛ, imoǒ nì kɔn bi moo kotoee sǒn'ǒ klě ɛ demǒ. ²⁵A nu bo nynae tii nnyeɛ klee ii sěbla plěgbeii i nynɛ kɛn ii pù tùo m̀mɔdo. Plěgbeii sɔ̌n keǒ tuu do mɔ̀.²⁶Akasìa tùu doǒ nɛ̀ ba santee i. Ii m̀m nì bì chnìmaeǒ tii wakǎa do ken bo. ²⁷Tii m̀m tìi nì bu santee ɛɛ wakǎa tɛ̀ɛǒ. È tii dɛǒ wɛ̀ɛě de bu nu tii m̀m tìi nì bu santee i. ²⁸Ɛɛ sante teǒ neěe slè bǐ keě togbea wě è bu sie i bɔ̀tìe mò sɔn'ɔ dlǒɔ jleě mǒ mòě dlǒǒ jleě nyni.²⁹Imo tiǒ ba mɔɔ i klò kɛn, è ba nu klòo wenaii i mǒ santee tiǒ kwa blě. È santee tiǒ ba mɔɔ i klò kɛn ke. ³⁰A po ɛmo ngmajene bleǒ wòje ke Ě nu ɛ mòo jǐ kɛn ble popoɛ keǒ togbee kòǒ wòje ke Ě nu ɛ mòo jǐ kɛn ble popoɛ keǒ togbee kòǒ dlǒ.³¹Da kpeteǒ ba nuu i wlù klee da jlee kpokpo klee da chǒ, noǎǒ bi moo jǐlenmɔ dale ï nyopòà nii dlěe konkwa kɔn konkwa bu nuu. È bu kpněe ì najiǒpò, dɛǒ nɛ̀ moo slɛ̌ nyoo nunu noǎ. ³²Daleǒ nì ba nuu klò wean'ǒ neǒo akasìa tii hɛ̀n'ǒ neě ɛmoo dɛǒ wlòmo, ba wɔ̀ɔ i klò sosǒ dlǒ. Bi nynaǒ sěblaa plěgbee kɛn bo. ³³A bǎ da kpeteǒ ble wean'ǒ jleě a moě ngmajene blɔ̀kun'ǒ kɔn wlòmo Ně sàse wɨn neěe demǒ bo tù, è da kpotoǒ nɛ̀ plo ɛ keǒ ngmajene tùɔn kɛn.³⁴Tèwlo le poo chuǒ nɛ̀ ba kaan blɔ̀kun'ǒ je ɛ kɔn wlòmo Ně sàse wìn neěe, Nì bi neě ngmajene tùɔn fòɛǒ kɛn bo. ³⁵Di fuoǒ nɛ̀ bɛ sieǒ plomǒ, kělɔ bɛ nynaeɔ ɛɛ togbea wakǎ kɛn ba, è sieǒ plomǒ, kělɔ bɛ nynaeɔ ɛɛ togbea wakǎ kɛn bo, è nǎpe tuǒ ɛ klee ɛɛ sɔ̌n bi tùtǔu jǐ, è nǎ pe tu nɛ bɛ neeɔ̌ batles wakǎ kɛn.³⁶Ɛmo bleǒ ɛɛ wa nwu chunu ba nuu ɛ da fòɛà u kpněe wlù klee da jlee klee da cho. nɛ̀ bu kpněe ɛmo daloǒ, è bu kpnee ɛ jeseě kwentekwee. ³⁷Ɛɛ chuǒ akasìa tii m̀m nì ba nu ɛ mo ɛ nu. È tìǒ ba mɔɔ i klò dlǒ, è klòo wean nì ba nu klee kanwaii doědoe nì tiǒ bi nyna kɛn bo.

¹Akasìa tu nè ba nuu chɔ̀no tògbeǒ. Ɛɛ de tmɔ dɛ bɛ nu be wee nyeɛta ne bɔ̀tìe le ɛɛ měne boaboǎ bɛ nu be wee nyeɛta ne tɔ̀tìe le, è ɛɛ jatmɔ dɛ bɛ moo be wee hɛ̀n ne bɔ̀tìe le. ²Klě ɛɛ kotoee hɛ̀n wùeǒ mɔ̀ nu ngme bi nynaǒ ɛɛ dlǒ ble, ii wùɛ bi paěn'ǒ to jleě, è ba kaan ii wùɛ kanwai a wlǎa kɛn.³A nu jagbia ï kɔn wan pòpo miě bòdoa a mǒ ɛɛ kwa po, a mǒ wɔ̀te makuɔn nu a mǒ fui nu a mǒ minaě ɛ sàeěe nyefně le nu, a mǒ na wan tiɛn dɛ nu keǒ ɛ mɔ̀. Ɛe tǔnwni wùɛǒ a mii numa a nuu i kanwai. ⁴Keǒ ɛ kɛn a nuě pně a bɛ̌ɛ pete nì kɔn kɛn keǒ a miě na tiɛ̌nma. È a nu pněe wenai keǒ ɛɛ kotoee hɛ̀nǒ mɔ̀.⁵Pněǒ i a mii santeba nì ba poǒ kǒngmaǒ dlǒ bo. Ba poě i bo iǐ sìn'ǒ togbeǒ dlǒ měne. ⁶Akasìa tuu sin'aǒ a kaan i kanwai kɛn nì kɔn'ǒ ɛɛ bleblě mɔ̀.⁷Nì ba nymaeǒ wenaiǒ i neě chɔ̀no togbee wakě mɔ̀le wan ɛ̈ a mi ɛ moo chɔ̀no togbee blěeba. ⁸A nuu chɔ̀no togbeǒ tuǒ ɛɛ peěn a miě wɔn slè si. A nu ɛ wàle ke Ě nu mòo jǐ kɛn ble popoɛ keǒ togbee kòǒ dlǒ.⁹Nyesoaa ngmalene ble fòɛǒ bɛ kɔn pàn to fòɛ kělɔ ɛɛ batle wakǎ kɛn da fòe nì ba sà ɛ jè ï u kpněe tɛɛ. È ii de tmɔ dɛ bɛ moo be wěe hondlo waě nene wlèe sɔ̌n tùo pù keǒ wakǎa do mɔ̀. ¹⁰Ɛɛ tiblǐi wlò klee kanwae plěgbei nynaa kɛn bo u mǒ wean nu ï bǎě imoo ti bǔǒ jlěe mǒ ble klee ti kplakplai gbei u nuu sěbla.¹¹Ɛɛ togbea wakǎa doǒ kě be ton le ke, da kpetee hondlo waěe do ne le wlèe sɔ̌n tùo pù keǒ ii de tmɔtmɔ mɔ̀. I klee ii tiblǐi wlò ï kanwai plěgbei nyna kɛn bo, è klee ii wean i bǎě imoo tiblǐǒ jleě mǒ ble klee ti jɔ u nunuu sěbla. ¹²Ɛɛ pàntoǒ tàɔ wɛn pɛɛɔ ɛɛ měne boǎ dɛ ɛɛ dale be kwekwɛɛ je le kwekwɛ bɛ nu be wěe wlèe tan tùo pù pù tùo m̀m klee ii tiblǐi klee tiblǐi kɛn bo nyna ba. ¹³È ɛɛ pàntoǒ ɛɛ wakǎǒ tàɔ wɛn wěeɔɔ kwlǎ mǒ ɛɛ měne boǎ dɛ bɛ nu be wěe wlèe tan tùo pù pù tùo m̀m.¹⁴`4 Da kpetee pù tùo m̀m de tmɔ de bɛ moo be wee pù tùo do ne bɔ̀tie le klee ii tiblǐi tan klee tìblǐi kɛn bo nyna noǎa tan. ¹⁵Klě ɛɛ wakǎ tɛ̀ɛ mɔ̀ da kpetee pù tùo m̀m ii de tmɔ dɛ moo be wěe pù tùo do ne bɔ̀tie lè i klee ii tiblǐi tan klee tiblǐi tan'ǒ ii kɛn bo nyna noǎa tan. ¹⁶Ɛmo pae wanwu ɛɛ bachuu měne boǎ dɛ bɛ nu be wěe wlò tùo pù. Ɛmo daloǒ bu nuu ɛ wlù klee manǐwlù klee da cho nì bu kpněe ɛ wùɛ ɛ̈ moo slɛ nyoo nunu dɛ u dbɛɛ lee jeseii kwentěkwe.¹⁷Ti wùɛ u mi ɛmoo pànto fòɛǒ je sàba bu nuu i sěbla ti klee ii wean klee kanwae plěgbei i mii kɛn bo nynama. ¹⁸Ɛmo pànto wùɛǒ ɛɛ de tmɔ dɛ bɛ nu be wěe hòndlo waěe do nene wlèe sɔ̌n tùo pù le, è ɛɛ měne boǎ dɛ bɛ nu be wee wlèe tan tùo pù pù tùo m̀m. È ɛɛ jatmɔ dɛ bɛ nu be wee nyeɛta ne bɔ̀tie le. Bu dbae ɛ jǐlenmɔ dale, è ɛɛ kɛn bo nyna plěgbeǐ bu nuu i kanwai. ¹⁹Ɛɛ tǔnwnì wùɛ u mi ɛɛ konkwa mǒ nuuma klě ɛ bobo klee ɛɛ ti ï nynaě ɛɛ wlòmo klee tiǒ neěe ɛɛ pànto wlòmo bu nuu i kanwai.²⁰Tmɔɔ̌ Ǐsòwɛ̌ kɔn jlu bu jaě ɔle chnɔ u pnɔɔ ɛ̈ di ɛ numa nǎpea iǐ dǐ chle ²¹Klě bleǒ Ɛɛ jalě fòɛɛ pànto mo kělɔ da kpeteǒ neɔɔ nya demǒ tàǒ sàse blɔ̀ken neěe bo Ewnɔ klee ɔɔ jlǔ kɔn bu nu nǎpeaǒ bu wne tǐi pɛpɛ mɔ̀ keǒ koɔn jemǒ sɔɔn'ě wìtikà jlěe mǒ bo jɛɛ kènta. Dɛà nɛ̀ moo tetě ɛ nye ne keǒ Ǐsòwɛ̌ kɔn jlǔ mɔ̀ klee uu sònkpkpɛǒ neěe nya ü miěe dibà.

¹Da màmǔ Ewnɔ klee ɔɔ jbɛjujlu Nadaa klee Abaɔ klee Iliesà klee Atanmà. Sà le u Ǐsòwɛ̌ kwɛɛn slè bu bɛ̌ mɔ̀le ɛ̈ di ɛ numa u mǒ ně bodiɔ konkwaà nu. ²A nu bodìɔ wlawlě keǒ màmǔ Ewnɔ mɔ̀ i mǒ ɔ kǔ kɛn po i mǒ ɔ jǐlenmɔɔ no. ³Da slɛ̌ kɔn nyo wùɛ üà Ě nuu u wɔ̀le ɛɛ mò u tmɔ̌ɔnǒ bu nu Ewnɔɔ daleǒ ɛ̈ di ɛ numa i miě ɔ tǔn wlòmo po wòje bodiɔ ɔ mǒ ně konkwa nu.⁴Ɔɔ fǒ měne po noǎ ba nuu nìà, a nu da papɔ̌ ɔ mǒ wlee bo mǒ a mǒ jǐgbà dàlo nù ɔ mii jemǒ gbàba plě a mǒ wlawlǒ fòɛ nù ɛ̈ nee sonwɛ je le plě wlawlǒ pɛ̀tu fòɛ ɛ̈ miěe kɛn wɛ̀ɛba klee dale papɛ pɛ̀ti ï mi ɔɔ wlawlǒǒo ɛɛ nya slɔɔba i mǐ ɔɔ fǒ měne pɛslɛɛba. È bu nu ɔɔ dlǒ kmee dalo ɔ mǒ dlǒ tù. Bu nu ngmajene wlawlǒ keǒ màmu Ewnɔ mɔ̀ ɔ klee ɔɔ jbɛjujlu u mǒ ně bodìɔ konkwa nu. ⁵È slɛ̌ nyoǒ noǎ bu nuu imoo konkwa wùɛǒ nì moo bu nu kǔwlù klee manǐwlù, è tu chǒ klee sěɛɛà wǒo blǒ klee jǐlenmɔ dale.⁶Jǐgbɛ daloǒ bu nuu ɛ kǔwlù wlù klee manǐwlù klee tu cho. Jeseěe dɛa wǒo klò klee jǐlenma dale nì bu kpněe ɛ. ⁷Bu nu noǎ papɛ̌ɛ sɔ̌n nì u mi ɔɔ kpakpea kɛn bo mǎma u mǒ ɔ kmee ne. È bu nu ii bǐì u mi i wakě mǒ ble mǎ. ⁸Jǐlenmɔ noǎa doǒ nì bu nu u mǒ ɛɛ dalo papɔ̌ dba u mi ɛɛ kɛn kmee ma ɛ moo wlo. È ɛmo daloǒ bu tùe ɛ jǐgbɛ daloǒ wakǎ mǒ ɛ̈ di ɛ numa ii sɔ̌n'ǒ i mǒ do nu. ⁹Ba dǔ jǐlenmɔ seɛ̌ɛ sɔ̌n mǒ nì ba kpněeǒ wlawlǒǒ jleě mǒ, nì kɔn kɛn Jekɔ̌poo jlǔu pù tùo sɔ̌n'ɔ̌ nynɛǎa mìě nema.¹⁰Ke u nuǒ mɔ̀le kènkɛɛn'a klě kmɔ̌ wowoɛ̌ wlòmo, nynɛǎa m̀mɔdo bì neǒ seɔ̌ɔ do kɛn, è nynɛǎa m̀mɔdo tìi nèo ɛɛ běǒ kɛn. ¹¹Da nyuà kɔn'ɔ slɛ̌ ɔ jii sàkwǐ nunuɛ nɔ̀ bɔ kpněeǒ seɛ̌ǒ keǒ wlawlǒǒ jleě mǒ, ɔ mìě Jèkɔ̌poo jlǔu pù tùo sɔ̌n'ɔ nynɛǎǒ po, seɛ̌ǒ ɔ mǒ ì klò jlwě mǒ ble mǎ. ¹²Noǎǒ nì ba maǒ ɛɛ noǎ papɛ̌ǒ neǒ ɔɔ kpakpea kɛn jleě mǒ bo, jǐgbɛ̌ dalo nɛ̀ nynaǒ Ǐsòwɛ̌ kwɛɛn dakɔ̌ dlěe pù tùo sɔ̌n pɛ̀nmo bo. Deǒ nɛ̀ bǎ nu è uu nynɛǎ nìǒ Ewnɔ̀ blè keǒ ɔ wlèmo ɛ̈ di ɛ numa Mǒ Koɔn Nyesoa Ně nyopòo tè mɨěě wlò jleě be kaǒ.¹³Bu kpněe ɛ klò wɛ̌ɛ ii sɔ̌n. ¹⁴Bu nu chěnmne ii dbǐi sɔ̌n bu po poěi měne i mǒ pǎtìe wǒ nɛ̀ bu moaě i fǒ mǒ bo.¹⁵Ba nu wlee bo mǎ dɛ keǒ Nyesoaa bodìɔ fòɛ mɔ̀ nɛ̀ ɔ mi numa ɛ mǐ ɔ tmɔɔnǒ dɛ monoo Nyesoaa kɛn wɔɔn dɛ . Noǎa doà Ě gble je ble nì ba nuu ɛmo dɛǒ wòje jigbɛ̀ dalo. Ke a nuu noǎǒ kpnekpnɛ̌ kě ba nu ɛ kpnekpnɛ̌. ¹⁶Ba popoo ɛmo dɛǒ mǒ i mǒ sɔ̌n ne i mǒ wlòmo ble nenee. È ɛɛ jatnɔ dɛ bɛ moo chìabɔ tànmajɔ̀ɔ tànmajɔ̀ɔ siědo, è ɛɛ de tmɔ dɛ bɛ nu chìajɔ̀ɔ tànmajɔ̀ɔ siědo i mǒ kɛn mǒ bobooa le.¹⁷Bǎ ke ɛ ni seɛ̌ɛ tenmee hɛ̀n nì ba peě ɛ kɛn. Nyane tònmoǒ seɔ̌à nuu chǒ nɛ̀ ba sonwa le ba kpněeǒ ɛ jleě, è seɔ̌à ɛ̈ nuu seɔ̌ bò kee jě nè jleě nymae nee mǒ nɛ̀ ba poě ɛ nya. È seɔ̌ tɛ̀ɛ ɛ̈ neǒ bò ke ɛ jě è jè kǔwlùǒ nɛ̀ ba poě, kě ba nu nii tenmeǒ ii hɛ̀n wùɛn i mǒ tba, ¹⁸sɔ̀n něnɛ tonmoǒ ba poě seɔ̌ chǒ è ba poě seɔǒ wǒo wlù jleě, èba poě seɔ̌ tɛ̀ɛ nmɔɔjǐle bò ke ɛ jě è jè nymɔ chǒǒ tìi tà bò ke ɛ jě è è jè klòǒ ɔ̀ɔ̌ ɛ wǒ gbɛ̀po. ¹⁹Tan nenɛ tonmoǒ ba poě seɔ̌ ɛ̈ kɔn'ɔ doědoe, tǐ tìi tà bò ke ɛɛ tìe wǒ pukà ɔ̀ɔ̌ keà u nu wien bǎsa, è ɛɛ tìe nu kwijle seɛ̌ nì ba poě i moo tan nenɛ tanmo. ²⁰È tonmoǒ moo hɛ̀n nenɛ tonmo ba poě seɛ̌à bò kee jě è jè kwlǎ jajleǒ bò ke ii tìe dě è jè bǎsàǒ, è ii tìe nu seɔ̌ plǎgbogbae, nì ba kpněe ɛmo dɛǒ ɛ̈ a miěe klò wan ble kɔba.²¹Ɛ kɔn bɛ moo seɛ̌ɛ tù tùo sɔ̌n ï klee Ǐsòwɛ̌ kwɛɛn jlǔu nynɛǎ mii boaba nì bu kpněeǒ wòje keà u nu wien sliiǒò bu mǎ ɛ kɛn bo, è ii dɛɛ do uu nynɛ̌ nɛ̀ neě ɛ kɛn ɛ mìě i kɛn ne. ²²A nu klòo chěnmne keǒ wlee bo mǎ dɛǒ mɔ̀, a dba chěnmne be wǒ pǎtìe nɛ̀ ba mǎǒ ɛ kɛn bo. ²³Wlee bo mǎ dɛǒ bɛ nu klòo wenaii sɔ̌n, do bɛ neɔɔ wakǎɔ mɔ̀ do tɛ̀ɛ miɔ wakǎɔ mɔ̀ nee ne. ²⁴Klò wenaii sɔ̌n nì chěnmneǒ kɔn pǎtìe jɔɛ̌ɛ u nuu nì bu moa ii sɔ̌n'ǒ mǒ bo.²⁵Chěen pǎtìe jɔ̌ɔ sɔ̌n'ǒ ɔ moaa wenaii sɔ̌n'ǒ mǒ bo nì ba mu noǎ tìiǒ a kɔɔ ble nì ba moa ii sɔ̌n'ǒ mǒ bo de keǒ noǎ papɛǒ ï mǎǒ kpakpea kɛn ble ï neɔɔ nya jleě mǒ keǒ jǐgbɛ̀ daloǒ jleě mǒ. ²⁶Ba be klò wenaii sɔ̌n de nì ba pooɔ wlee bo mǎ dɛǒ ɛɛ wakǎ tɛ̀ɛ mɔ̀ ba moa i mǒ bo klě ɛɛ wlomo ɛɛ dɛǒ ɛ wɛ̀ɛ lee jǐgbɛ̀ dalo je.²⁷A be klò wenaii sɔ̌n de nì kpa moa bo kělɔ Jígbɛ̀ daloǒ ɛɛ batle dɛ jemǒ ɛ̈ǒ kwɛɛ noǎǒ neǒo kpakpea jleě mǒ je kèlɔ tà u plaě ɛ lɔɔ je. ²⁸Wlee bo mǎ dɛɛ wenaiǒ nì ba moaǒ jǐgbɛ daloo wenai jleě mǒ. Ba nu wlu jlee dǎtìe nɛ̀ ba moa i bo ɛ̈ di ɛ numa wlee ma dɛǒ ɛ neǒo togbea ɛ miě wlò kɛn sie le ɛɛ̌ di je jle.²⁹Bɛ̌ nu bo Ewnɔ bɔ̌ paě ngmajene tà lě plě bo wlee bo mǎ dɛǒ kɔn kɛn Ǐsòwɛ̌ kɔn dakɔ̌ dlěe pù tùo dɔ̌n nu nynɛǎ neǒo bɛ neǒ ɔ wlee è Mǒ Koɔn Nyesoa Ně nyo pòo tè tè kɔn bi beěě wlò jlěe tǐ wùɛ mɔ̀. ³⁰Noǎ kplěe sɔ̌n nì mìě wlee bo mǎ dɛǒ wlòmo nema i mi a tmɔɔ̌ma dɛǒ monoo Nyesoaa kɛn wɔɔn dɛ ɛ̈ di ɛ numa bɛ nu bo Ewɔn bɔ̌ mǎ ɛ wlee bo ɔ mìě ɛ Nyesoa jemǒ kpa klě ngmajene tàǒ. Ti wùɛ mɔ̀ bɔ̌ ke jlɛ̌ bɔ ji dɛ Nyesoa poo ble keǒ Ǐsòwɛ̌ kwɛɛn mɔ̀ è nɛ̀ bɔ gbà wlee bo.³¹Wlawlǒ fòɛǒ miěe jǐgbɛ̀ dalo bobo nema bu kpněe ɛ tuǒ wǒo wlù. ³²Keě ɛɛ slè bo wɔn bɛ neě ɛ̈ kɔn wan u miěe dlǒ nymaeme. È ɛɛ pnoǒ bu dba lɛ kpǎkpǎ bɛ kaan'ě ɛɛ wɔn wǔɛǒ ɛ̈ di ɛ numa ɛɛ dǐ klǎ.³³A kpněe ɛ ti bui u dɛɛ pomaknamatǐ ï wǒo wlù klee wlù jlee plě chǒ nɛ̀ ba tbɛɛ ɛɛ wlawlǒ wùɛǒ ɛɛ batle dɛǒ dǐ, è klòo gbèklei nì bɛ ne imo tu buìǒ slɛ̀ lɛ. ³⁴Klò gbèklei klee tu buìǒ imoo ponaknamati nì bi bebee slè le kaǒ ɛ mǒ ɛɛ wlawlǒ fòɛǒ ɛɛ batle dɛ wùɛ di tbɛɛ le. ³⁵Wlawlǒ fòɛǒ nɛ̀ Ewnɔ bɔ po mǒ bɔ̌ klě Ně bodiɔ conkwaǒ ni. Bɛ̌ nu bɔ̌ keǒǒ jemǒ di klě ngmajene tùɔn'ǒ kɛn ɔ̀ɔ̌ bɔ̌ klě mǒ sonwɛ ɛmo klò gbèkleiǒ nì kɔn win a mi wɔ̌nma ɛ mǒ ɛ tee le ɛ̈ moo ɔ se kǒ.³⁶Ba kpněe ɛ klò sosǒ keǒ mǒ koɔn Nyesoa mɔ̀. ³⁷Daloǒ ɔ mii dlǒ piinma Ɛɛ nya dɛǒ ba nuu Ɛ wlù jlee ɛɛ pǎtìe nɛ̀ ba kmeeɔ ɛ nya. ³⁸Dɛǒ nɛ̀ bo Ewnɔ bɔ tu dlǒ bɛ pɛslɛɛǒ ɔ je, è mǒ Koɔn Nyesoa Ě kɔn Bo kme nyee noǎ wùɛ Ïsòwɛ̌ kɔn jlu miěe jaba u mi Mǒo nyema bo bàǎje uu nyu bɔ̌ nu kenka dɛ keǒ ɛɛ nyenyeɛ mɔ̀.³⁹Ewnɔ̀ mǒ bo wlawlǒ ba dba lɛ a nu jǐlenmɔ dalo, è ɔɔ dlǒ pń dalo b dba lɛ bɛ nu jǐlenmɔ dalo. Sɔ̌noka, da peěnǒ ɔ mii wlee tùba i mìě ɔɔ jleě mǒ pɛslɛɛba ba kpně nì bi nmɔjǐle.⁴⁰A nu wlawlě fòfoa klee da peěn ï miě ɔɔ jleě mǒ le pɛ̀slɛɛba kělɔ ɔ nya klee dlǒ tù gbàkle keǒ Ewnɔɔ jbɛjujuǒ mɔ̀ ɛ̈ di ɛ numa ɛ mǒ u kǔ kɛn po u mǒ jǐlenmɔ. ⁴¹Daleǒ nì bò po màmǔ Ewnɔ̀ klee ɔɔ jlǔ fǒ mǒ a mǒ u chnɔ̌ dlǒ po a mǒ nuu kwete mǒ tù, chnɔ̌à monoo ɔlè chnɔ̀ nɛ̀ ba po u dlǒ Ɛ̈ di ɛ numa u mǒ Ně bodɔ konkwaǒ nu.⁴²A nu wlawlě be tìi, sɔɔn'ě uu wlo mɔ̀ pela mǒ i mǒ uu ponwě jɛ ɛ̈ di ɛ numa uǔ di wle le bɛ. ⁴³Ewnɔ̀ klee ɔɔ jbejujlu tǐ wùɛ noǎǒ nì u pɛ fǒ měne bǔ klě ɛmo bleǒ bobo pɛ bǔ keěě jemǒ di ɔ̀ɔ̌ bǔ ke chɔ̀no kǒngma tògbeǒ ii konkwa nima mi umo bodiɔpò klě ngmajene tùɔn'ǒ kɛn ɛ̈ di ɛ numa Né dǐ u dbǎ bɛ̌ nu bǔ bɛ̌ wle le, dɛǒ nɛ̀ moo tetě Ě nye amo keǒ Ewnɔ̀ mɔ̀ klee ɔɔ jlǔ.

¹Dɛà nɛ̀ bo nu Ewnɔ klee jbɛjujlu mǒ ɛ̈ mǒ u ngmaje tù wòje bodiɔpò keǒ ně konkwa mɔ̀. Dǔ blǐ beě bòto klee blǎ beěe sɔ̌n ïà kɔɔ dɛ̌ seǒ jleě mǒ ne. ²Nu wǐtii flɔ̌ɔ pǔpp ɛ̈ jebleě nmɔ kalǐi sně slě mɔ̀, nuu ɛ slè chnɔ̌ è ɛɛ tìe nè nii ɛ chnɔ̌, è ɛɛ tìeǒ neěe nu ɛ papǎi gbei mò i chnɔ̌ le pne.³Imoǒ nì bò poe plɛ̌ wan bò ke blǐ beǒ klee blǎ beěe sɔ̌n'ǒ ii chɔ̀no pì keǒǒ mɔ̀. ⁴Ja lě Ewnɔ klee ɔɔ jbɛjujluǒ keǒ bleǒ ɛɛ wanwìe keǒǒ jemǒ mò u ngmajene ne pnì.⁵Mò Ewnɔ kpně mò ɔ wlawlě fòeǒ mǒ po, wlawlǒǒ neěe sonwe je le plě wlawlǒ pɛ̀tu ɛ̈ wɛ̀ɛěe jǐgbɛ dalo bobo, è jǐgbɛ daloǒ plě dɛ papɔ̌ǒ ɔ mɛ̌ɛ wlee bo plě klee wlo mi i ɔ mɔ̀ pe. ⁶Mò ɔ dlǒ tù dɛǒ dlǒ tù ɛ̈ kɔn kɛn u moaǒo ngmajene jboo dɛ u kpněe ɛɛ keǒ koɔn Nyesoa mɔ̀. ⁷È bò dù dlǒ po chnɔ̌ǒ mǒ mòɛ Ewnɔ dlǒ po ɛ moo ɔɔ chnɔ̌ dlǒ popoɛ.⁸Jaě ɔɔ jbɛjujluǒ mò u wlawlě měne po ⁹Bò po u wlawlěǒ měne è bò kmee i da peěn pɛ̀ti kɛn mò uu dlǒ tù dɛǒ mò ɛ u dlǒ kmee ne, kě bo nu Ewnɔ klee ɔɔ jbɛjujluǒ chnɔ̌ dlǒ popoɛ. U klee uu jlǔu jlǔ nù miǐ konkwa mɔ̀ nuuma wòje bodɔpò ke ɛ mii jleě mǒ bo tonma.¹⁰Mɨe blǐ beǒǒ ja keǒ bleǒ ɛ wànwie keǒǒ jemǒ. È bò tmɔɔ̀ Ewnɔ klee ɔɔ jbejujluǒ bu po ɛ sonwe dlǒ bo. ¹¹Ngmajene tùɔn'ǒ kɛn keǒ bò dbàeǒ blǐ beǒǒ keǒǒ jemǒ keǒ bleǒ ɛɛ wanwie.¹²Blǐi nymɔǒ nɛ̀ bò dù mò, nu nè chɛ̀ɛ chìjɔɛɛ mò ɛɛ ngmeǒ nynaa chɔ̀no tògbee kǒngmaǒ jleě mǒ bo mò ii nymɔǒ dlǒ le po, è nymɔǒ miě siba nɛ̀ bò chnìie kǒngmaǒ ɛɛ wɔ̀ɔn. ¹³È dɛ tɛ̀ɛ bò nuu nɛ̀ moo noane wùɛǒ kan'a wlòmo noǎǒ kɛn dǔ i mǒ i klee plɔɔ jǐlenmɔ dɛ klee ten jɔɔ sɔ̌n ï neě ɔɔ wlomo klee noane wùɛǒ neǒ ɛɛ jleě mǒ nì bò siɛn keǒ chɔ̀no tògbeǒ kɛn wòje nyee dɛ keǒǒ mɔ̀. ¹⁴Kɛɛ blǐǒ ɔɔ fǒ wùɛ siɛn nɛ mǎ ɛ koɔ kɛn bo klee ɛɛ wlòmo noǎ wùɛ, kpaě i klě dɔ wun jleě, dɛǒ nɛ̀ moo nye dɛ keǒǒ mɔ̀ bɛ sàe bodiɔpòo kpni kukiwǐ le.¹⁵Blǎ beěǒ dǔ i dɛɛ do mó, tmɔɔ̌ Ewnɔ klee ɔɔ jbɛjujlu bu po ɛ sonwe dlǒ bo. ¹⁶Bò dbǎ lɛ ɛɛ nymɔǒ nɛ̀ bò dù mò, chɔ̀no togbee wakěe hɛ̀n wùɛǒ nì bò wlà ɛ kɛn ble. ¹⁷Blà beěǒ bɛ̌ ɔ je le nu ɔɔ ch ble mò ɔ le jla klee ɔɔ wlòmo noǎ wùɛ klee ɔɔ ponwě nì bò po dlǒ klee soa fe tiiǒ neǒo. ¹⁸Blǎbeǒ wùɛǒ siɛn nɔ keǒ chɔ̀no togbe kɛn nɛ̀ moo dìdi dɛ nyee dɛ keǒǒ mɔ̀, ɛɛ sonsnǒǒ Ně plɔ bloo ɛ kɛn chɔɔ.¹⁹Dǔ blǎ beǒ tɔ̀ɔǒ neěe mǒ ɔ̈ǒ a ja lěe keǒ chnɔ̌ dlǒ pooa mɔ̀, tmɔɔ̌ Ewnɔ̀ ɔ klee ɔɔ jbɛjujlu bupo ɛ sonwe dlǒ bo. ²⁰Dbǎ blǎ beǒo dǔ ɔɔ nymɔɔ tìe mǒ mòe ɛ Ewnɔɔ dilǎ nɔkǔu batle dɛǒ le tlì, è ɛɛ nymɔɔ tìe tlì ɛ Ewnɔɔ jbɛjujluu dilǎ nɔkwǐi batle noǎǒ jleě le. È bò tlì ɛ dilǎ son chìjɔɛɛ fòɛ kɛn le, è bò tlì ɛ dilǎ boo bajɔɛɛ fòɛ kɛ̀n le. Nymɔɔ tieǒ siǒo nɛ̀ bò wlà chnɔ̌ tǒgbeǒ ja le mò ɛɛ dǐ tbɛɛ le.²¹Nymɔɔ tìeǒ miě chɔ̀no togbe kɛn sàba ɛ klee de pne chnɔ̌ǒ nì bò gblà Ewnɔ jà lè klee ɔɔ wlawlǒ ja le. È sɔ̌noka gblà lɛ̀ ɔɔ jbɛjujlu klee uu wlawlě ja le. È Ewnɔ klee ɔɔ wlawlě klee ɔɔ jlǔ klee uu wlawěǒ i mi ngmaje nema.²²Dǔ blǎ beǒo noane mǒ, ɔɔ won'o noane klee noane kan nɔɔ wlòmo noǎa wùɛ kɛ̀n è ɔɔ plɔɔ batle dɛ klee ten'e sɔ̌n, è noane ï neǒ ii jleě mǒ,è ɔɔ dilǎ ponwǒ. Blablɛ̌ǒ nɔ̀ mooě uu blǎ mǒ popoɛ. ²³Klě flɔ̌ɔ plɛ̌à u ja Mǒo wan sà le flɔ̌ɔ buii do do. Flɔ̌ɔǒ u nunuu ɔlè chnɔ̀ klee flɔ̌ɔ u see ɔlè chnɔ̌ nuu nu plě klee flɔ̌ɔ paɛ̌ ï nmɔɔwan nì bò sò lè.²⁴Ɛmo didi dɛǒ nɛ̀ bò pòe Ewnɔ klee ɔɔ jbɛjujlu kwete mǒ, nɛ̀ bu tù ngmaje keǒǒ mɔ̀ wòje ɛ monoo kàan nyee dɛ. ²⁵Imoǒ nì bò sàe ɔ kwete mǒ mò siɛn keǒ chɔ̀no togbe dlǒ bò po siɛnsiɛn nyee dɛǒ kɛn, nɛ̀ moo dìdi dɛ nyee dɛ keǒǒ mɔ̀. Ɛɛ sonsnǒǒ Ně Plɔ bloo ɛ kɛn chɔɔ.²⁶Ɔmo blǎ beǒǒ ɔɔ kleeǒ nɛ̀ ba tù ngmaje keǒǒ mɔ̀ wòje ɛ moo tɛɛ nyee dɛ, è nmi wùɛǒ sìǒo nɛ̀ moo aa nenɛ. ²⁷Bɛ̌ nu bǔ tǎn bodiɔ, blablěé klee klee ɔɔ ponwǒ nì moo tǎn'ɔ dɛ, è ba tù ɛ ngmaje keǒǒ mɔ̀ nɛ̀ moo sɛje nyee dɛ ba tùu dɔ̌ bokeǒ bodiɔ pòǒ mɔ̀. ²⁸Dɛà nɛ̀ moo Ně ble po dɛ ɛ se de sèsa kɔn. Bɛ̌ nu bo nyopò bǔ ja lě nena tùmoo nyee noǎ, è nmiǒ ɔɔ kle eǒ klee ɔɔ ponwǒ i kɔn'ǒ bodiɔpò mɔ̀. Dɛǒ nɛ̀ moo nyopòo nyee dɛ u nye mǒo Koɔn Nyesoa.²⁹Ewnɔɔ bodiɔ wlawlěǒ a kɔn ba sàe i ba nye i ɔɔ jbɛjujlu bɛ̌ nu bɔ̌ kǒ. È nì uu nyu bɔ̌ pe mǒ plě a mǒ tǎn. ³⁰Ewnɔɔ jbɛjujluǒ miě ɔɔ pɛ̀nmo beba ɔ mii bodiɔ̀ dɛ numa bɔ̌ klěě jemǒ mi klě bleǒ bobo ɔ mǒ konkwa nu klě ngmajene tùɔn'ǒ kɛn è wlawlěǒ nì bɔ pe klě chnɛ̀ jlò wěe nyeɛta wlòmo.³¹Blǎ beǒǒ a dbǎa keǒ Ewnɔ klee ɔɔ jǔu tentǎn mɔ̀ ba bɛ̌ ɔ je le ba pi ɔ klě ngmajene tùɔn'ǒ kɛn. ³²Keǒ ble jimǒ keǒǒ jemǒ keǒ bu diiě ɛmo dɛǒ klee flɔɔǒ ɛ siěe plě wan. ³³Ngmajene flɔ̌ɔ doǒ a nuaa keǒ aa tè wlo le pooa mɔ̀ tà u pea amoo chnɔ̌ dlǒ nɛ̀ ba di, bodiɔpòo do nù bu di ɛmo didi dɛǒ. Mɛoǒ joo nɛ̀ moo ɛ ne je ngma. ³⁴Bɛ̌ nu ɛmo soaǒ ɛ klee flɔ̌ɔǒ bǔ seae ɛ bɛ jɛɛ kènta kɛn, è bu siɛn nɛ. Ɛmo dɛǒ nyu ně dii kɛ̀ le ɛ ne je ngma.³⁵Ewnɔ klee ɔɔ jlu tentǎn ɛɛ dengmnengmneǒ a nu ɛ klě chnɛ̀ jlò wěe nyeɛta wlòmo wòje keǒ Ě nua amoo tmɔɔ̌a. ³⁶Klě chnɛ̀ jlò waě wùɛ wlòmo ba nyeě blǐ be ǒ nɔ̀ kɔn chɔ̀no ba pi keǒ kpni kukwǐi tèwlo le pooa mɔ̀ ɛ mǒ chɔ̀no togbee kǒngmàǒ mɔ̀le snǎ. È ba dǔ ɔlè chnɔ̌ mǒ nɛ̀ ba pne ɛ le ɛ mǒ ngmajene. ³⁷Chnɛ̀ jlò wae wùɛ mɔ̀ dɛǒ nɛ̀ ba nu keǒ chnɛ̀ jlo wee nyeɛtaǒ ǐ miě je wɛ̀. È chɔ̀no tògbe i mi ngmaje nema kpǎkpǎ, è nyu wùɛ ɔɔ̌ dɛ wùɛ ɛ̈ mìě ɛmoo chɔ̀no togbeǒ mɔ̀ mùma dɛ mi ɔ numa keǒ ɛɛ ngmajene kpěǒ mɔ̀.³⁸Chnɛ̀ jlò we wùɛ mɔ̀ tǐǒ miě diba ba pie chɔno keǒ chɔ̀no togbee kǒngma kɛn, blǎ jlǔu sɔ̌n ï sìin jlǒo do kmɔ̌. ³⁹Ba pi bla jǔu doo chɔ̀no klě kènta wlomo, è ba pi do tɔ̀ɔ chɔno klě wìtie wlòmo.⁴⁰Nyane blǎ jǔǒ a mǎ ɔ wěti flǎba kɛn bo ɛ̈ bu chìsee ɔlè chnɔ̌ɔ sɔ̀nma wěe sɔ̌n ne bɔ̀tie lè ni bu pii nyee dɛǒ.⁴¹Sɔ̀n něnɛ blǎ jǔǒ a mii piba klě wìtika wlòmo noǎa doǒ nì ba mǎ ɔ kɛn bo, flǎba klee ɔlè pii ɛmo nyee dɛǒ de keǒ Mǒ Koɔn Nyesoa Mɔ̀. È ɛɛ sonsnǒǒ mii jɔ mǒ jǎba ɛ blee Né plɔ lo chɔɔ. ⁴²Tǐ wùɛ ï neěe nya i kɔn lěe didiɛ, siɛnsiɛn chɔ̂noǒ nɛ̀ ba nye Mǒ ba jaǒ keǒǒ jemǒ keǒ bleǒ ɛɛ wanwie tà Ě neǒ. È keǒ Né nyopò klee Mǒo sɔ̌n ä miě je le mɔ̀mɔ̌ɔma Ě miě a mɔ̀ boɔ.⁴³Keǒ Mɔ̀ klee Né nyopò Ǐsòwɛ̌ kwɛɛn ä miě kɛn le jejɛɛba. È pepěà ɛ̈ fne nyu jǐ mǒ ɛ mi fonma ɛ̈ moo Něe tùɔn kɛn ne dɛ. È ɛ mi tùɔn'ǒ numa ɛ mǒ ngmajene. ⁴⁴Ě mi ɛ numa bleǒ ɛ klee ɛɛ chɔ̀no togbee kǒngma mi ngmajene. Ě miě Ewnɔ klee ɔɔ jlǔ dɔ̌ sàba u mǐ Ně konkwa nu wòje bodiɔpò.⁴⁵Ě miě Né nyopò Ǐsòwɛ̌ kwɛɛn slè ne Ě mǒ uu Nyesoa tù. ⁴⁶U mǐ ɛ ji ɛ̌ moo Mǒà Mǒ moo Koɔn Ɔ moo uu Nyesoa ɔ sàe u Ǐjɛ̀tě blǒ wlòmo ɛ̌ di ɛ numa Ě mìɔ uu slè ne. Mǒà Mǒ moo Koɔn Ɔ moo uu Nyesoa.

¹"Akasìa tuu chɔ̀no togbe ni ba nu a mǒ pàpi tǎn le poolo. ²Ɛɛ de tmɔ dɛ klee měne boǎ dɛ bi boboaa kɛn mǒ bi nu chìajɔ̀ɔ tànmajɔɔ pù tùo nyihɛ̀n È ɛɛ ja tmɔ dɛ bɛ nu patǒ batiè. Ɛɛ ngmeǒ mi ɛɛ dlǒ ble nynama bi paen'ǒ to jleě keǒ ɛ mɔ̀.³Ɛɛ tògbea dɛ klee wakě wùɛǒ klee ɛɛ ngmèǒ ne ɛɛ dlǒ le a tlì i klò le kpǎkpǎ. È ɛɛ batle dɛǒ ba nae ɛ klò wien kaǒ ɛ mǒ ɛ dǐ tbɛɛ le. ⁴A be klo wenaii sɔ̌n nì ba tùo ɛɛ wakěe sɔ̌n'ǒ kělɔ ɛɛ batle ɛ̈ kɔn wlòmo sin'a miě nymaema u mi ɛɛ blě.⁵Akasìa tùǒ nɛ̀ kɔn sin'ǎ ba nu a mǒ i klò kɛn le tli. ⁶Chɔ̀no tògbeǒ ba piě i plomǒ klě daloǒ bǎa kuo win blɔ̀kun'ǒ jebo kělɔ ɛɛ nya. Kěo tàǒ keǒ a klee Mǒo sɔ̌n ä miě mɔ̀ɔma.⁷Chnɛ̀ wùɛ mii le gbàba ɛɛ kènta plě bo Ewnɔ̀ bɔ̌ ke nǎpeaǒ mɔ̀le wɔ̀ba mɨ ɔ kɔn bɔ siɛn sonsnǒ pàpi keǒ ɛ kɛn. ⁸Dɛɛ doǒ nɛ̀ ɔ mi numa bɛ̌ nu bɔ̌ bɛɛ̌ nǎpeaǒ klě wìtie wlòmo. Ɛmo sonsnǒ pàpii nyee dɛǒ nɛ̀ a mi numa tǐ wùɛ mɔ̀, aǎ sɛkɛɛ ɛ jǐ měne klě tiǒ neěe nya ï diěe mɔ̀. ⁹Pàpià Ě see jlǎ kěà kǒngmaà kɛn nyu ně siɛn'à nì. Bɛ̌ moo wnùdɛ bǔ nyee ɔ̀ɔ̌ bɛ̌ moo ti jɔ bǔ nyee ɛ, è aǎ peà nmɔɔ nyee dɛ kěà kɛn bo.¹⁰Klě jlǒ wùɛ wlòmo Ně wɛ̀sae dɛǒ nɛ̀ bo Ewnɔ bɔ nu ɛ miě chɔ̀no togbeà mɔ̀le snǎ, nɛ̀ moo ɛɛ ngmeǒ wnùdɛǒ u mii dbǎba ɛɛ nymɔǒ nɛ̀ bɔ po i jleě le keǒ kpni kukwǐ mɔ̀. Dɛǒ nɛ̀ bɔ nu klě jlǒ wùɛ mò klee tǐ wùɛ ï neěo nya ï miěe diba. Chnɔ̀no togbeà i kɔn bi ne ngmaje kpǎkpǎ, a sàě i dɔ̌ keǒ Mǒ Koɔn Nyesoa Mɔ̀."¹¹È kě Koɔn Nyesoa dɛ̌a Mɔ̀sě je ¹²Ɔ je, "Bɛ̌ nu bò ke Ǐsòwɛ̌ kwɛɛn slè, u nyuu do bɔ sà dɛ kělɔɔ̌ mɔ̀, dɛǒ uu fonfno pee ɛ̈ di ɛ numa jľenymi dɛ kukǔ ɛɛ̌ dǐ uu nyu jebo bee le tǐǒ jleě mì nuu slèba. ¹³Nyopò wùɛǒ a mii slèba bu sà wlěǒ aa blǒ nyǒ tbaa moo blǒ wlěe sèsa nì bu sà bu ja Mǒ keǒ Ně nyee dɛ mɔ̀. ¹⁴Bǎ ke u slè nyu wùɛ a mii slèba ɛ̈ sɛ̀n nynɛ̌ jbɛju wùɛ ɔ kɔn'ɔ jlěe wlo ɔ̀ɔ̌ ɔ sìn nii dlǒ mǒ bɔ sà wlěǒ a mii tbaba keǒǒ mɔ̀.¹⁵Pònpan nyuu wlě biǐ sìn'ǒ le, sònwɛ̀ nyuu wlě iǐ chɛɛ̌n mǒ, ii wùɛǒ bi boboaa kɛn mǒ aa fònfnoo tè mɔ̀. ¹⁶Wlěǒ nì bò tɛn Ǐsòwɛ̌ kwɛɛn kwete měne. Imo wlǐǒ nì bò nù i mǒ ngmajène blea ɛɛ konkwa nya kpa ɛ̈ kɔn bobo Ě tǐn'ěe. Imo dlǒ wlěǒ nì bu sà keǒ u chɛ̌ɛ fònfno mɔ̀ ɛ di ɛ numa uu tè miǐ wlò jleé be Ě mǒ u jǐ mɔ̀ tù.¹⁷È kě Koɔn Nyesoa dɛ̌a Mɔ̀sě je ¹⁸Ɔ je, "Wlǎ kanwɛɛn jěsòn mò ɛɛ mɔ̀ nu, è bò dǔ ɛ mǒ tùǒ ɛ bleà ɛ klee chɔ̀no togbe kǒngma pǎnpe bo mò ɛ ně wan po.¹⁹Jěǒ nɛ̀ Ewnɔ klee ɔɔ jbɛjujlu u mi numa u mǒ sonwe klee be le jla. ²⁰Plě u mǐě bleǒ bobo pa ɔ̀ɔ̌ plě u mǒǒ chɔ̀no togbeǒ jleě mǒ nyni u mǒ digbaǐi nyee dɛ nyee ne plě uǔ di kǒ. ²¹NěO nɛ̀ bu jlae uu sonwe klee be le ɛ̈ di ɛ numa uǔ dǐ kǒ, dɛǒ nɛ̀ moo tetě Ě nye nu u klee uu jlǔu jlǔ bu tùǒ bo tǐi pɛpɛ mɔ̀."²²È kě Koɔn Nyesoa dǎla Mɔ̀sě je ²³Ɔ je, "Jaě sonsnǒ noǎa ïà u dɛɛ moo ɛɛ nokpǎa wěe sɔ̌n klee sonsnǒ dɛ tɛ̀ɛǒ u dɛɛ sene moo ɛɛ nokpǎa waěe do klee sonsnǒ dɛ tɛ̀ɛ u dɛɛ kanma ɛɛ nokpǎa waěe do. ²⁴È bò nu sonsnǒ dɛ tɛ̀ɛ u dɛɛ kasià ɛɛ nokpǎa wěe sɔ̌n ke a ni pnɔɔ a blěe dè bo dbedbɛ nɛ̀ bè monoo a mǒ ɛ ɔlè chnɔ̌ kɛn chnǐi ni. ²⁵Noaǒ nì bò nu ngmajene le pne chnɔ̌ mǒ ǐ pee sonsnǒ. Bò poě i tàa do nì kɔn bi moo de pne chnɔ̌.²⁶È ɛmo chnɔ̌ɔ̌ nɛ̀ bò pnè bleǒ le ɛɛ tùɔ'ǒ kɔn kɛ a klee Mǒ a miě jalǎ kɔɔnma tà kuo win blɔ̀kun'ǒ moo Něe sàse ɛ neěe. ²⁷Di fuo klee ɛɛ noǎ wùɛ kɔn'ǒ ɛɛ jleě mǒ plě nǎpee kɛn bo ne dɛ klee noǎ wùɛ kɔn'ǒ ɛɛ jleě mǒ klee pàpii tǎn le pookǒngma. ²⁸Plě fonfɔn chɔ̀no klee ɛ kǒngma chɔ̀no togbe klee noǎ wùɛ kwèǒ ɛɛ jleě mǒ, è chìa mǒ jle jěson klee ɛɛ dlǒ bo nyna de.²⁹Ba po i chlò mò ɛ̈ di ɛ numa i mǐ nymajene, dɛ wùe mi nii mɔ̀ gbèba ɛ mi ngmaje nema. ³⁰Ba tǎn Ewnɔ̀ klee ɔɔ jbɛjujlu, è ba po u chlò mòɛ̈ di ɛ numa u mǐ Né bodiɔ konkwa nu. ³¹Kě bò dà Ǐsòwɛ̌ kwɛɛn je ɛ̈ moo, "Mɛ'à nɛ̀ moo Né ngmajene tentǎn chnɔ̌ keǒ sonkpa ü neěe nya ü miě diba mɔ̀.³²Bɛɛ̌ toě nyuu fPo le piě aǎ ni noǎa doǒ ii chnɔ̌ keǒ aa chɛ̀ mɔ̀. Ɛ ne je ngmà, nɛ̀ kɔn tè ba ji ɛ ɛ̈ moo ɛ kɔn ngma. ³³Nyu wùɛ ɔ̈ mii sonsnǒ chnɔ̌ɔ doǒ numa ɛ mǒ ɛɛ je wǒ plě ɔ̌ miě ɛɛ nyu fǒ mǒ poba ɛ̀ sìn'ǒ bodiɔɔ do, ɔmo nyuǒ a sà lɔɔ aa chɛ̀ slè bɔ kǒ."³⁴È kě Koɔn Nyesoa děa Mɔ̀sě je Ɔ je, "Sonsnǒ noǎa tìià nì bò nù de, kumò klee Wlesèn klee onikà klee kabonìa plě klee mɔ̀le snǎ fnekense. Bò ke i bo dbe bi boboaa kɛn mǒ. ³⁵Sonsnǒ noǎǒ ba poě i tàa do nì kɔn pàpi ba nu. Nyopòa nii sonsnǒ chnɔ̌ nù bu nu ɛmo chnɔ̌ǒ. È ba po ɛ tmɔ̌ mɔ̀ ɛ miě mɔ̀le snǎ ɛ mǒ ngmajène. ³⁶A sun nii tìe bi nu pǔpu nì ba kpaǒ keǒ Nǐ sàse wìn'i blɔ̀kùn'ǒ ɛ neěe bleǒ bobo keǒ jaja tùɔn kɛ tà a klee Mǒo sɔ̌n ä miǒ kɛn le jejɛ̀ɛ ba. Bɛ̌ ne ngm̀aje chɔɔ keǒ a mɔ̀.³⁷Aǎ ni pàpǐ tìi iǐ sě ɛ je keǒ aa chɛ̀ mɔ̀. Ba jě ɛ ɛ̈ moo ɛ ne je ngma keǒ Koɔn mɔ̀. ³⁸Nyu wùɛ ɔ̈ mii dɛ numa ɛ mǒ ɛɛ je wǒ ɔ mǒ ɛɛ sonsnǒo plɔ bloblɛ kɔn, ɔmoǒ ba sà lɔɔ aa chɛ̀ slè bɔ kǒ."

¹È kě Koɔn Nyesoa dɛ̌a Mɔ̀sě je ²Ɔ je, "Tanàle, Ně chɛ̀ Mǒ tba Bɛsìla ɔ̈ moo Hɔɔ klee Jiwlii jbɛjuju ɔ̈ kɔn lěe dakɔ̌ǒ monoo Jùda slè.³Plě Ě jěě ɔ Nyesoa sùsu je ɔ kɔn slɛ̌ ɔ̌ wɔ̀le ɛ plě ɔ̌ ji slɛ̌ noǎa doědoe wùɛ. ⁴Ɔ wlɛ̌ klǒ klee sěbla klee pně ɔ̌ ni nii sakwǐi doědoe wùɛ. ⁵Ɔ bɛ̌ seɛ̌ je le ɔ̌ kwekwɛɛ i je le. Ɔ je chanmǔdɛ konkwa keǒ ti mɔ̀ ɔ̌ ni slɛ̌ noǎa doědoe wùɛ nì ɔ kwɛ sonwe je le.⁶Sɔ̌noka Ě tba Ohalìa ɔ̈ monoo Ahesemachìi jǔ ɔ̈ kɔn lěe dakɔ̌ǒ monoo Den'e slè bɔ sɛ̀ɛ ɔ mǒ plě Ê nye slɛ̌ nyo wùɛ tɔ̀n keǒ bu noǎa teěn'ǒ kɔn tè Ě tmɔɔ̌ mòo. ⁷Bleǒ ä tùǐěe jalǎ bobo, kuo win'i blɔ̀kun ɛ̈ moo Něe sàse plě ɛɛ chuǒ ɛ̈ moo nyo pò tè wlò mɔ̀le poo chu plë klee noǎ wùɛ ï kɔn'ɔ kɛǒ ɛmoo bleǒ jlěe mǒ. ⁸Di fuo klee ɛɛ noǎ ï kɔn'ǒ ɛɛ jleě, è nǎpee dlǒ bo nyna bo u nunuu klò sosǒ klee ɛɛ noǎ wùɛ kɔn'ǒ ɛɛ jleě mǒ, èpàpi ii chɔ̀no tògbee kǒngma. ⁹È chɔ̀no tògbe kǒngma ɛ̌ kɔn kɛn u siɛn'ǒo nyee noǎ klee ɛɛ noǎ wùɛn kwɛǒ ɛɛ jleě mǒ bo, è chìa mǒ jlae jěson klee ɛɛ dɛ ɛ nyna dlǒ bo.¹⁰È klee dbadba wlawlǒ foɛ̀ plě klee ntmajene wlawlě keǒ Ewnɔ̀ mɔ̀ ɔ̈ monoo bodiɔ plě wlawlě fòe keǒ ɔɔ jbɛjujlu mɔ̀ ï bu po mǒo bǔ ke bodiɔ konkwa ni. ¹¹Plě kàan chnɔ̌ klee sonsnǒ pàpi keǒ ngmajene tùɔn'ǒ mɔ̀ nì bu nu teěn ke Ě nu moo tmɔɔ̌a.¹²È Koɔn Nyesoa tmɔɔ̌a Mɔ̀sě ¹³bɔ tmɔɔ̌a Ǐsòwɛ̌ kwɛɛn bu tùa Ɔɔ defɛ chnɛ̀ jlò mɔ̀. Mɛ kɔɔ̌n tèǒ joo nɛ̀moo ɛmoǒ nɛ̀ moo jboo dɛ keǒ a klee Mǒo sɔ̌n pǎnpe tǐ wùɛ mɔ̀ ɛ̈ mi ɛ teeba ɛ̈ moo Mǒ Koɔn Nyesoa Mǒ nu amo ǎ moo Ně nyopò. ¹⁴A kɔn ba tùǒ depɛ chnɛ̀ jlò bo. Mɛoǒ joo nɛ̀ moo ɛ ne je ngma. Nyu wùɛ ɔ̈ seě ɛɛ bo tùba mu ɔ mii konkwa num keǒ ɛmo waěǒ mɔ̀ ba dbǎ lɔ. ¹⁵A kɔn chnɛ̀ jlò wee m̀mɔdo ï kɔn mǒ ba nu aa konkwa, kɛɛ nyeɛta waěǒ ɛ moo ngmajene chnɛ̀ jlò keǒ defefɛ mɔ̀, ba po ɛ chlomò keǒǒ mɔ̀. Nyu wùɛ ɔ̈ moo konkwa numa klě ɛmo waěǒ wlòmo ba dbǎ lɔ.¹⁶Ǐwòwɛ̌ kwɛɛn bu tù ɛmo chnɛ̀ jlò waeǒ ji mɔ̀ wòje jboo dɛ keǒ kuo win mɔ̀. ¹⁷Ɛ mooě kɛ̀ ke ɛ mii jleě mǒ bo tonma ɛɛ jboo dɛ ɛ̌ neǒ Mǒ klee Ǐsòwɛ̌ kwɛɛn mɛ kɔɔ̌n tèǒ nɛ̀ moo Mǒà Mǒ Koɔn Nyesoa Mǒ nu jakɛn klee kmɔ̌à chnɛ̀ jlo wee m̀mɔdo wlòmo, è nyeɛta waěǒ miè bɔ̌a dɛ dɛ è fèa le.¹⁸Tà Nyesoa wɔ̀loě Mɔ̀sě mɔ̀ boɔboɔ mɔ̀ kěo togbee kòǒ moo saena dlǒ, è ɔ nyea ɔ seɛ̌ paǐi sɔ̌n ï kɔn kɛn Nyesoaa chɛ̀ chlěaǒo teteǎ keǒ u mɔ̀.

¹Tà nyopòǒ u jěa lɛɛ ɛ̈ moo Mɔ̀sě bɔ sɔn'ě togbee kòǒ dlǒ mǒ bɔ diɔ u mɔ̀ wɔ̀ɔn ɛ wlɛ̀aǒ bo è nùǒ bòa le u tbɛɛa Ewnɔ̀ dǐ kě u dɛ̌a u je, "Diě, nu ä Nyesoa le ɔ̈à miě ämoo nya kɛnma. Mɔ̀sěà sàlaě ämoo Ǐjɛ̀te blǒ kɛn ä se dɛ tae kpaa tùɔn ji keǒ ɔ jleě mǒ." ²È Ewnɔ tùa u kɛ̀ɛn ɔ je, "A mu a sà aa nyno nɔkǔ mǒ tù bɔjɔ̌ klee jbɛjujluu nɔkǔ mǒ tù bɔ jɔ̌ plě klee aa nynejujluu nɔkwǐ mǒ tù bɔjɔ̌ plě klee aa nynejujluu nɔkwǐ mǒ tù bɔjɔ̌ a ja i mǒ."³Ii tè nyopò wùɛ ǔ bòa bɔjɔ̌ le ǔ jala i ɔ. ⁴Bɔjɔ̌ u nyea nɔɔ nì kɔn nǔkpuɔ ɔ nua. Ɔ wlǎla lɛ ɔ̌ nua tùn ɔ̌ bea lɛ, è kě u dɛ̌a u je, "Ooo, Ǐsòwɛ̌ kwɛɛn, aa nyesoe nìàò ï sà lě amoo klě Ǐjɛ̀tě blǒ kɛn."⁵Tà Ewnɔ jěa ɛmoo dɛǒ, è ɔ bea chɔ̀no tògbee kǒngma keǒ ɛmo klè blǐ bòtoǒ jemǒ, è ɔ poa sae keǒ ɔ dɛ̌a ɔ je, "Kàn'ǒ di kàn lěe ä mi kàn de ngmnengmně kɔnma keǒ Koɔn mɔ̀." ⁶Ii tè tà chnɛ̀ tɛ̀ɛ gbàlaa lee ɛɛ kènta gbìi è nyopò nùǒ dǔa jemǒ u piea nyee noǎa chɔ̀no ǔ jalaě nena tùmoo nyee noǎa. È tà dɛǒ ɛ sìn'aa è nùǒ nea bo ǔ dìa dɛ ǔ nǎna. Tà u dǔaa jemǒ è nùǒ bea nyno kɛn le u sonwɛa pɛna měne.⁷Ii tè kě Koɔn Nyesoa dɛ̌a Mɔ̀sě je Ɔ je, "Mu tèe je, mɛoǒ joo nɛ̀ moo nè nyopòà sà lěe Ǐjɛ̀tě blǒ kɛn u nu kpni kukwǐ. ⁸U seǒ wlɛ̀ wùɛ ǔ sɔn'ǒ dɛà Ě tmɔɔ̌ uu demǒ ǔ nu kɛkɛ keǒ uu chɛ̀ mɔ̌ ɛ̈ wǒo blǐ bòto ǔ kwɛ dlǒ bo keǒ ɛ jemǒ ǔpie ɛɛ chɔ̀no je, è kě u dɛ̌a u je, 'Mo, Ǐsòwɛ̌ kwɛɛn ale, aa nyesoe nìàò ï sàě amoo Ǐjɛ̀tě blǒ kɛn.'⁹È kě Koɔn Nyesoa dɛ̌a Mɔ̀sě je Ɔ je, "Ě jě nyopòà tàa le, u moo dlǒ jakě nyo. ¹⁰Klě tǐà wlòmo Ě jlɛ̌ bo sɔn'ǒǒ mɔ̀ mǒ ɛ̈ di ɛ numa Né jlo ɛ mǒ u ja chè plě Ě mǒ gbèsae plě Ě mǒò dakɔ̌ dlǒ foɛ̀ mò nu." ¹¹Kɛɛ Mɔ̀sě bɛ̀tea Nyesoa Bɔ jboa wɔle kě ɔ dɛ̌a ɔ je, "Oo, Koɔn Nyesoa, mɛ kɔɔ̌n tè Nè jlo ɛ moǒ kɛ Nè nyopò ja chè üà sà lěe Ǐjɛ̀tě blǒ kɛn klě Nè kbe fòɛ wlòmo klee Nè kbě kɛn ne son.¹²Mɛ kɔɔ̌n kɛ tè mɨǐ kɛn Ǐjɛ̀tě boɔɔ wun nye u mìi bo dǎ ɛ̈ moo, M̀ɛ kukǔǒ nɛ̀ ɔ miǎ u mǒnuma nɛ̀kɔn tè ɔ sàlaɔ u ä slè ɔ mǐa u dbǎ klě togbei kò dlǒ ɔ mia u bo wɔ̀ kpǎkpǎ kělɔ kmɔ̌ɔ mɔ̀.' Sà Nè jǐlenymi jloǒ je, sà wlò de Nè jɛǒ dɛ kukǔ taeǒ keǒ Ně nyopò dlǒ. ¹³Kpa Ne nyebajle Eblɛ̌hɛ̀mo klee Aesěe klee Ǐsòwɛ̌ wlòmo üà kɔn jemǒ pooaǒo Nè chɛ̀ wìn kɛn le ɛ̈ moo aa jlǔu jlǔ nù Ě mi numa u mi fòba wòje jɔtnè plě Ě mi aa jlǔu jlǔ blǒà Ě peeě uu nye. Nè mi uu konkɔn dɛ tùba ke ɛ mii jleě mǒ ¹⁴È Koɔn Nyesoa jaea Ɔɔ wlò de ɔ̌ seaě dɛ kukǔǒ keǒ nyopòǒ dlǒ kpa ɛ̈ ɔ po aa ble.¹⁵Ě Mɔ̀sě nɔ̀ǒ dawlǎla bo ɔ̌ sɔnaě togbee kòǒ dlǒ mǒ ɔ̌ tèea je. Seɛ̌ paǐi sɔ̌n nì ɔ blěa kiɔa ï kɔn kɛn Nyesoaa chɛ̀ chiěaǒo ɔɔ sàse wìn. ¹⁶. Seɛ̌ paǐi sɔ̌n'o i mooa Nyesoaa chɛ̀ɛ nunu konkwa ï chlěaǒo ɔɔ chɛ̀ chlechlě kwete kɛn keǒ i kɛn keǒ ɔ nuuaě i.¹⁷Tà Jasùě wɔ̌naa slɛ̌ nyopòǒ u keaa dɛ pnɛ̌, è kě ɔ dɛ̌a Mɔ̀sě je ɔ je, "Too slɛ̌ǒ neě blea ngmɛ̀ɛ." ¹⁸Mɔ̀sě tùa ɔ kɛ̌ɛn ɔ je, "Slɛ̀ǒ ɛ se to du slɛ̀ lè wǒ plě ɛ se to bɛ sàǒ u ɛɛ fìɛn le wǒ. Ɛ moo wlɛ̌ bleblɛɛ slɛ̀ Ě wɛ̌n nɛ."¹⁹Tà Mɔ̀sě kea lěe bleaǒ ngmɛ̀ɛ nynì, è ɔ jěa klò blǐ bòtoǒ lo klee uu jejeɛǒ, è nɔ̀ǒ bea jlo měne chɔɔ ɔ̌ tuǔn'aǒ seɛ̌ paǐǒ neaě ɔɔ kwete mǒ ǐ saea le i nua cheble keǒ togbeeǒ ɛɛ boǒ kɛn. ²⁰Ɔ̌ dǔa blǐ bòtoǒ u nuaa mǒ ɔ̌ poa ɛ tǎn ɔ̌ siɛna nɛ ɔ̌ suna nɛ ɛ̌ nua pǔú, è nɛ̀ ɔ gblàla něǒ kɛn le ɔ̌ nua Ǐsòwɛ̌ kwɛɛn ǔ ňana něǒ.²¹Kě ɔ dɛ̌a Ewnɔ jè ɔ je, "Mɛ nyopòà u nuǔ kɛ mò mò ɛ̈ kɔn tè poěe u kpnikukwǐ fòe taeà slè?" ²²Ewnɔ tùa ɔ kɛ̀ɛn kě ɔ dɛ̌a ɔ je, "Bɔɔ̌ jlo měne beea ně koɔn, ne chɛ̀ ji nyopòà uu dɛ kukǔu ble po dɛ le. ²³U diɔɔ̌ mɔ̀ u je, 'MU''N' ǎ nyesoe le ü miě ämoo nyakɛn. Nyuǒ monoo Mɔ̀sě ɔ̈ sàlaě ämoo Ïjɛ̀tě ɔ̌ jala ɔ ämoo togbea dɛ bɛ dii tùɔn kpà keǒ ɔ jleě mǒ ä se ɛ ji. ²⁴Ii tè Ě tmɔɔ̌ u Ě je, "Nyu wùɛ bɔ kɔn kpněe dɛ bɔ sà ɛ fǒ mene, Ě ǔ bě klòǒ Ě tuun'ě ɛ tǎn, è bli bòto sɔn'ě mǒ.²⁵Mɔ̀sě jěa lɛ ɛ̌ moo Ewnɔ̀ nɔ̀ nua nyopòǒ sea kɛ̀ bo kmekmɛ ji, nɔ̀ nua u bobo nyo keǒ uu jlee nyo jemǒ. ²⁶Ii tè ɔ nynanaě dɔwun jleě bo kě ɔ dɛ̌a ɔ je, "Nyuwùɛ bɔ neeě Koɔn'ɔ wakǎ kɛn bɔ diɔǒ mɔ̀." È lifae tùgba wɛ̀ɛa ɔ gbàa de. ²⁷È kě ɔ dɛ̌a u je ɔ je, "Dɛ Koɔn Ɔ̈ moo Ǐsòwɛ̌ kwɛɛn Nyesoa Ɔ boɔɔ nɛ̀à, Ɔ je, "Nyu wùɛ bɔ̌ neǒ bo bɔ du ɔ blěe pan mǒ bɔ ngmɛ̀ɛ ɛ mò keǒ ɔɔ chɛɛ̀ wakǎ mǒ, ba plù bleaà ngmɛ̀ɛ le sɔɔn'ɔ wakǎ tɛ̀ɛɔ mɔ̀ mǒ bò muuɔ wakǎ tɛ̀ɛɔ mɔ̀, ba dbǎ aa mamǔpò klee aa mɔ̀niapo klee aa je tintǐin nyo.²⁸Lifae tùgba nua dɛǒ Mɔ̀sě tmɔɔ̌a nuu. Chnɛ̀ jlò waeǒ mɔ̀ u dbǎla nyopòo taslěwɛɛ tan. ²⁹È kě Mɔ̀sě dɛ̌a u je ɔ je, "Koɔn Nyesoa sàě a dɔ̌ kekɛɛà amo u wɔ̀n aa chɛ̀ɛ jbɛjujlu klee mamǔpò je plě ɔ̌ po a ngmna mɔ̀ kekɛɛa."³⁰Tà chnɛ̀ tɛ̀ɛ gbalaa leě kě Mɔ̀sě dɛ̌a nyopòǒ je ɔ je, "A wlǎ tè fòe ï moo kpni kukwǐ. Kɛɛ Ě mi de muma klě Koɔn mɔ̀, tǐ tìi tà ně wlɛò ně poě noǎ snǔ mɔ̀le keǒ aa dɛ kukǔǒ ɛɛ tè mɔ̀." ³¹Ii tè Mɔ̀sě mua de klě Koɔn mɔ̀ ɛ kě ɔ dɛ̌a ɔ je, "Oo, jě ke kpni kukwÏ fòe bòaa le nyopòà ǔ nu nii, u nu klòo nyesoe. ³²Kɛɛ klě tǐà wlòmo Ě bɛ̀tee lè poo uu dɛ knǎa tè wlò le, kɛɛ bɛ̌ nu Bò se wɔn, è Bò sàe ně nynɛ̌ kle Nè chněedɛǒ chlěe wlòmo."³³Koɔn Nyesoa tùa Mɔ̀sě kɛ̀ɛn kě ɔ dɛ̌a Ɔ je, "Nyu wùɛ ɔ̈ mii dɛ kukǔ numa keǒǒ jleě mǒ nɔ̀ kɔn nynɛ̌ Ě miě chnee dɛ wlòmo sàba. ³⁴Klě tǐà wlòmo mu mìe nyopòǒ tùɔn'ǒ kɔn tè Ě boɔɔ kɛn kpa. Ně najiǒpoii do miě a nya kɛnma. Bɛ̌ nu bo tǐo bǐ wǒǒ plě Ě miě uu plɔ tu kɛn bo mǎe ne bǐ wǒǒ Ě miě uu plɔn tu kɛn bo mǎema keǒ uu dɛ knǎa tè mɔ̀." ³⁵È Nyesoa poaě nyopòǒ kwɛ̌ slè bo. Mɛoǒ joo nɛ̀ moo u nua Ewnɔ̀ ɔ̌ nua klòo blǐ bòto.

¹È kě Ɔ dǎla Mɔ̀sě je Ɔ je, "A sɔn'à tùɔn'à kɛn mǒ, mò klee nyopòà sà lěe batle klě Ǐjɛ̀te. A muè klě togbea blěǒ ï kɔn te Ě poaa win tànma mǒ Ě pooa lěe Èblɛ̌hɛ̀mo klee Aesěe klee Jèkɔ̌po, è kě Ě dǎla u je Ě je, 'Ě mi ɛ a nyema a klee aa jlǔu jlǔ.' ²Ě mi najiǒpo i dboba klě a nya nɔ̀ mi Kenae nyǒ klee Amɔ̀nae nyǒ klee Getae nyǒ klee Pɛwlesàe nyǒ klee Hifàe nyǒ klee Jibìsaè nyǒ blǒ mǒ sàba. ³A jaě je a muě blǒǒ kɔn kɛn blǐi nyia ne klee do chnɔ̌ chlìěe le. Kɛɛ a klee Mǒo sɔ̌n ä se muma mu. Me kɔɔ̌n tèǒ joo nɛ̀ moo a kunle dlǒ, è bǎ seě jǐ bo tùè Ě sùe a gbè keǒ snǔ mɔ̀."⁴Tà nyopòǒ u wɔ̌naa wlò wɔɔn po win'ǒ, è nùǒ tùngmaea sònwɛ chìnchiɛn. Uu nyu wùɛ nɔ̀ sea kpnekpně dɛ le tù. ⁵È kě Koɔn děa Mɔ̀sě je Ɔ je, "Tmɔɔ̌ Ǐsòwɛ̌ kɔn jlu u kun le dlǒ, bɛ̌ nu u klee Mó bä noa dɛ konwakonwǎe kɛn'ɛ chɛ̀ Ě mii u gbèsueba. Klě tǐà wlòmo tmɔɔ̌ nè nyopòǒ bu sà kpnekpně noǎà u poo fǒ měne plě dɛ Ě mii numa keǒ u m ⁶Ii tè Ǐsòwɛ̌ kɔn jlu sàla kpnekpně noǎ wùɛ fǒ měne keǒ togbeeǒ monoo po wledì dlǒ.⁷È dɛ Mɔ̀sě niaa kaǒ nɛ̀ moo ɔ duǐ bleǒ mǒ ɔ̌ kpɛě ɛ nya ɛ̌ pe uu blea kpa debo, è ɔ dɛɛa lɛ nyopòo de bòla mǒo ble. Nyu wùɛ ɔ jlɛ̌ bɔ boɔ lěe Koɔn mɔ̀ ɔ kɔn bɔ muě ɛmo bleǒ ngmɛ̀ɛ tà u gbèeě le. ⁸È bɛ̌ nu bo Mɔ̀sě bɔ̌ klě bleǒ mɔ̀ mì, è nyopò wùɛ u duǐ jemǒ ǔ nynɛǒ uu bleaa wànwie ble ǔ tɛn ɔ kɛn le ɔ̌ mi ɔ̌ mi mimi ɔ̌ pɛě ɛmo bleǒ ngmɛ̀ɛ. ⁹Mɔ̀sě bɔ̌ paè chlùkpa nɛ̀ tè keǒ bleǒ ɛɛ wànwie, è Nyesoa boɛě Mɔ̀sě mɔ̀.¹⁰Bɛ̌ nu bo nyopò wùɛ bǔ jě chlùkpaǒ bɛ̌ nynaǒ bleǒ ɛɛ wànwie bo, è uu pɛpɛ wùɛ nùǒ nyna bo u sɛ̀ Koɔn Nyesoaa wɛ keǒ u chɛ̀ɛ bleaa wànwie. ¹¹Koɔn klee Mɔ̀sě chèchee jà Ɔ̌ boɛě ɔ mɔ̀ wòje keà nyu boɛě ɔɔ nenawai mɔ̀. È Mɔ̀sě nɔ̀ǒ tbaea je kělɔ blea ngmɛ̀ɛ. Kɛɛ nyemòǒ sɛ̀ɛa ɔɔ mǒ ɔ̌ mooa Jàsuě ɔ̈ moo Naa jǔ ɔɔ̌ sɔn'ǒ bleǒ gbàa mò.¹²È kě Mɔ̀sě dɛ̌a Koɔn je ɔ je, "Tmɛ̀ɛ̌ nèě ne kaǒ ɛ̈ moo boǒ tɛ nyopòà bo, kɛɛ sè ɛɛ̌ tmɛɛ̌ně nyu tae klee uu sɔ̌n mii mua. Kě dǎǎ jè ɛ̈ moo, ì Ně nynɛ ne plě è jě kàan de klěě mò. ¹³Bɛ̌ nu bo Nè wlò bɛ̌ blooloǒ kɛnè Bò tee Nè snǔ mǒɛ̈ di ɛ numa Ě mǒ ɛ ji, è kàan dɛǒ jèě mǒo mǒ ɛ mǒ nya muu nu. Bi beěè wlò jleě dakɔ̌à u moo Ně nyopò."¹⁴Koɔn tùa ɔ kɛ̀ɛn kě Ɔ dǎla Ɔ je, "Ě mii de nama Ě miì fefɛ nye." ¹⁵È kě Mɔ̀sě dɛ̌a ɔ je, "Bɛ̌ nu Bò se ä de nama mu è Nè sɛ̀la ä tùɔn'à kɛn. ¹⁶È kě nyopò miǐ kɛ ɛ jijiɛ numa ɛ̈ moo Nè plɔ blooloǒ kɛn klee Nɛ́ nyopò? È se kɛ ö klee Mòo sɔ̌n bä muu snǔ mǒ jlǎ lee?"¹⁷È kě Koɔn dɛ̌a Mɔ̀sě je Ɔ je, "Dɛɛ teěn'ǒ kɔn tè bòɔɔ nɛ̀ Ě mi numa. Mɛoǒ joo nɛ̀ moo Né plɔ blooloò kɛn plě Ě ji nè nynɛ̌." ¹⁸È kě Mɔ̀sě dɛ̌a ɔ je, "Klě tǐà wlòmo Ě jlɛ̌ Bò tee Nè tèjǐboaboǎ mǒ."¹⁹È kě Jǎwɛ̀ dɛ̌a ɔ je Ɔ je, "Ě mi Ně tèjǐboaboǎ wùɛ numa ɛ miěè jemǒsìin nì. È keǒò jemǒ keǒ Ě miě Ně chɛ̀ɛ ngmajene nynɛ̌ ɛ̈ moo Mǒà Mǒ moo Jǎwɛ̀. Ě mi wɔle jbojbɛ kɔnma keǒ nyopò Ě mii wɔle je jboba Mɔ̀. Ě mi wɔle kɔnma keǒ nyopò kɔn wɔle ni Mǒo mɔ̀." ²⁰È kě koɔn dala Mɔ̀sě je Ɔ je, "Kɛɛ slè wɔ̀ mò Ně ji gbà jě, nyu ně jě Ně jigbà plě ɔɔ̌ ne kmɔ̌."²¹È kě Jǎwè dɛ̌a ɔ je, "Ɛ kɔn seɔ̌ ɛ̈ konwaě Mǒo le nɛ̀ bo nynaǒ kɛn bo. ²²Bɛ̌ nu Ně tèjǐboaboǎ bɛ̌ keǒò gbàa sìin nɨ, Ě mi seɔ̌ǒ wan klǎba Ě miěè nynǎ Ě mǒ Ně son nu Ě mǒò jè kan ɛ mǒ ɛ kpakpa Ě mǒò le sìn. ²³È Bo sào Né son mi Né kɛn jěba, kɛɛ ɛ̀ sè Něe jigba."

¹È kě Jǎwɛ̀ dɛ̌a Mɔ̀sě je Ɔ je, "Nu seɛ̌ paǐi sɔ̌n keǒ ii bǐìǒ neaa nya i neaa teěn. Ě miǒ wìn'i doǒ neaǒo nyane seɛ̌ paǐǒ kɛn chlě ïà waeaa le. ²Wɛ̀ mɔ̀le keǒ kènta ɛ̈ di kan lěe wlòmo mò kòn'ě saena togbee dlǒ di keǒǒ jemǒ kělɔ togbee dlǒ.³Nye wùɛ nɔ̀ bɔɔ̌ nɛɛ̀ de plě Ně jě nyu wùɛ kěà togbeeà jleě, , wnùnoa klee blablɛǎ klee bliǎa chɛ̀ nì iǐ dià togbeeà jleě mǒ wan le diba." ⁴Ii tè Mɔ̀sě nua seɛ̌ paǐi sɔ̌n'ǒ ke ii nyane noǎǒ i neaa. È kènta gbìi è Mɔ̀sě nɔ̀ dǔa jemǒ ɔ jǎlaě togbeeǒ moo saena dlǒ. È seɛ̌ paǐi sɔ̌n'ǒ nì ɔ blěa kwa ɔ̌ mua.⁵È Jǎwɛ̀ beaě chlùkpa wlòmo ɔ̌ diaɔ wɔ̀ɔn ɔ̌ nynonaǒ ɔ jemǒ bo ɔ̌ sàlaě Ɔɔ chɛ̀ɛ nynɛ̌ ɛ̈ moo Mǒà Mǒ moo Jǎwɛ̀. ⁶È Ɔ sìi'aǒ Mɔ̀sě jemǒ Ɔ̌ sɛ̀aě ɔ chɛ̀ɛ nynɛ̌ kě Ɔ děa Ɔ je, "Mǒ Jǎwɛ̀, Mǒ Jǎwɛ̀, Ɔ̈ kɔnɔ̀ wɔle je jbojbɛ plě Ɔ̈ moo mǒ nɔɛ Nyesoa, Ɔ̈ kɔn jle tmɔ lěe mɔ̀ plě Ɔ̈ kɔn mǒ nɔè plě sènbòmomǎ jǐi je, ⁷Kɛɛ Ně dɛà Ě peeěe Ě tù ɛ bo keǒ uu sònwɛ kpɛ̌ sònwɛ kpɛ̌ mɔ̀ Ě pee uu dɛ dɛ kukǔ klee kpni kukwǐi tè wlò le, kɛɛ Né kplɛɛǒ keǒ Bo maěǒ uu jlǔ klee uu duojlu uu piɔ tu kɛn bo uu sònwɛ kpɛ̌ɛ tan klee hɛ̀n uu jlǔu jlǔ keǒ uu gbeǐpòo dɛ kukǔ u nuaa ɛɛ tè mɔ̀.⁸Tǐi doo tǐ jleě Mɔ̀sě kɔa dlǒ bo keǒ blǒ mɔ̀ ɔ̌ sàla Koɔn Nyesoa wɛ̀. ⁹Kě ɔ dǎla Koɔn je ɔ je, "Bɛ̌ nu sɛjesɛ Ně wlò bɛ̌ blooloò kɛ̀n È gbɛ̀ɛ wan keǒ Bò na ǎ de. Nyopoà u moo dlǒ le kun nyo. Kɛɛpoo äa dɛ kukǔ klee kpni kukuǐi tè wlò le Mɔ̀ ä kwa blě wòje Nè¹⁰È kě Koɔn dɛ̌a Mɔ̀sě je Ɔ je, "Klě tǐa wlòmo Ě pe kuo win klě Ǐsòwɛ̌ kɔn jlu nɔ̀ keǒ u jemǒ Ě mǐ noǎ fòe nùma ïà seɛ̌ laa nii ni kělɔ kmɔ̌ɔ mɔ̀ klě dakɔ̌ tùu slè. Nyopò wùɛ mò i jě imo noǎ fòeǒ Ě mii numa: Mɛ kɔɔ̌n tèǒ joo nɛ̀ moo dɛǒ Ě mii numa keǒò mɔ̀ nyu wùɛ bɔ̌ jě Ɛ Ɛ mìě ɔ mǒ bo kèteeba. ¹¹Tetěà Ě nye mòo kekɛɛà nɛ̀ ba tùo bo. È mi Amɔ̀wlae nyǒ mɔ̀le plùba klee Kenae nyǒ klee Hetàe nyǒ klee Pewlesae nyǒ klee Hefae nyǒ plě klee Jibisàe nyǒ ke a mii nyo muua numa.¹²Dakɔ̌ǒ kɔn blǒǒ kɔn wlòmo a miěe u klee amoo sɔ̌n aǎ pe kuo. Mɛoǒ joo nɛ̀ moo ɛ kɔn bɛ moo jilenymi tutu keǒ a mɔ̀. ¹³È sìn'ǒ dɛɛdo ba nuu nɛ̀ moo a wlǎ uu chɔ̀no togbe blǒ měne. A nymii uu ngmajene sùsu ti u kɔɔ ble jǐle. A dba uu tiǒ u nynae nee ble ï nynaǒ uu nynɔ nyesoa Asawla pɛ̀nmo bo. ¹⁴Aǎ sɛ̀ dɔ̌ nyesoa tɔ̀ɔ wɛ̀. Mɛ kɔɔ̌n tèǒ jo nɛ̀ moo Mǒà moo Jǎwɛ̀ Mǒ klee nyesoa tɔ̀ɔ äǎ po kplɛ.¹⁵Nyopòǒ kɔn'ɔ blǒǒ u klee amoo sɔ̌n aǎ pe kuo. Mɛoǒ joo nɛ̀ moobǔ ke uu se nyesoa ji nyesoeǒ ii wɛ̀lɛ bǔ pie i chɔ̀no je u mi a daba a mǒ u kɛn be, è ɛ mi ɛ numa a miě dɛ kukǔ slè be u klee amoo sɔ̌n a mǒ chɔ̀no digbaǐǒ u pìe uu nyesoe je di. ¹⁶Bǒ se gbɛ̀ɛ lè aa jlǔ mi kua dakɔ̌ nyno kɔnma ü mi nuu numa uǔ dǐi tèwlo popoɛ kɔn keǒǒ mɔ̀ plě u mǒ nuu blětà nyesoee wɛ̀sà. ¹⁷Aǒ ni pně nyesoe aǎ sɛ̀ lii wɛ̀.¹⁸Ně jǎ flɔ̌ɔ jalǎǒ a tùǒ ɛ bo ɛɛ tǐ bǐ nyniǒ wòje ke Ě ni Ɛ amoo tmɔɔ̌a, aǎ di jejǎ flɔ̌ɔ klě chnɛ̀ jlò wee nyeɛta wlòmo klě sòbaeǒ moo fòfɔ wlòmo. Mɛ kɔɔ̌n tèǒ joo nɛ̀ moo sòbaeǒnɛ̀ a sàlaě Ǐjɛ̀tě blǒ kɛn.¹⁹Dɛ wùɛɛ nyǐsaju Mǒ kɔn nɛ, bɛ̌ nu neklǎ klě aa wnùnoǎ slè ii nyǐsajluǒ Mǒ kɔn ni, bliǎ klee blablɛǎa chɛ̀ beě je. ²⁰Bɛ̌ nu jakǎsee nyǐsaju, è ba tùo ɛ blǎ bòto pɛ̀nmo. Kɛɛ bɛ̌ nu bǎ seě ɛ dɛ pɛ̀nmo tù è ba chlà ɛɛ pnò. Ba gblà a chɛ̀ɛ nyǐsa jbɛjujlu. Nyu wùɛ ɔ̈ mi Nèe wɛ̀sa ba dìba ɔɔ̌ jɛě kwete fle.²¹Chnɛ̀ jlò wee m̀mɔdo nì ba nuu konkwa mǒ, kɛɛ nyeɛta waěǒ ba fɛ le. Baǎje bɛ̌ moo kou dɔ̌ tǐ klee kou bɛ̌ tǐi chɛ̀ a kɔn ba fɛ le. ²²Kpɛ jlěe wlèwle digbaǐi dɛ ngmnengmnɛ̌ bɛ̌ wǒǒ ba jěe ɛ wìtiǒ a sàa chèa mène. È bo digbaǐi dǐa ja le tǐ bǐ wǒǒ è ba pi wlèwle digbaǐklě jlǒ wlòmo.²³Jbɛju wùɛ bo diě win kwa kɔn nɔ jemǒ klě wěe tan wlòmo klě jlǒ wùɛ wlòmo ɔ̈ moo ǐsowɛ̌ kwɛɛn Nyesoa. ²⁴Ě mi dakwɛ̌ mɔ̀le plùba Ě mǒ aa blǒ kɛn po, nyu wùɛ nɔ̀ slě wɔ̀ bɔ nu aa blǒǒ ɛɛ chea. Klě jlǒ wlòmo bǎ keǒǒ jemǒ di klě wěe tan wlòmo Mǒà moo aa Koɔn Nyesoa,²⁵dɛà nee nymɔ jǐ mǒ bǎ ke ɛɛ chɔ̀no mǒ je pie le aǎ pe ɛ dɛà nee nekalǐ slè mɔ̀ plě chɔ̀noà monoo dlǒ mǒ sìin dìdi dɛ bǎ di li iǐ siě ɛɛ jɛɛ chnɛ̀ jlò wae tɛ̀ɛǒ ɛɛ kèntan kɛ̀n. ²⁶Digbaǐi dɛà nuu kàan nì ba ja lɔ kělɔ Né koǔ bo Móà moo Koɔn Nyesoa. Bǎ ke wli bòto pi aǎ pii ɔɔ naǎa nyia ne.²⁷È kě Koɔn dɛ̌a Mɔ̀sě je Ɔ je, "Chlě wìn'à, nì moo wìn ï kɔn wlòmo Ě pooě kuo keǒ amo Ǐsòwɛ̌ kwɛɛn mɔ̀." ²⁸Mɔ̀sě sìn'aě Koɔn Nyesoa mɔ̀ chnɛ̀ jlò wee sɔ̌n klee tǒn jlǒ wěe wlèe sɔ̌n ɔ sea flɔ̌ɔ di ɔ̌ sea ně nǎ ɔ̌ chlěa seɛ̌ paǐi sɔ̌n wùɛǒ kɛn le win'ǒ ï mooa kuo win ï monoo teteǎǒ.²⁹Tà Mɔ̀sě tèa lěe togbeeǒ moo saenà dlǒ ɔ blěaa seɛ̌ paǐi sɔ̌n'ǒ kɔn kɛn Nyesoaa sàse sìn neǒo kwa, è ɔ sea ɛ ji ɛ̈ moo ɔɔ jigbà fen'a ne. Mɛoǒ joo nɛ̀ moo ɔɔ klee Koɔn Nyesoa nù boɔla. ³⁰Tà Ɛwnɔ̀ klee, Ǐsòwɛ̌ kwɛɛn wùɛ u jěaa Mɔ̀sěe jigbà ɛ keaa fen, è uu wùɛ nùǒ bea fano mǒ keǒ bu konwaěa ɔ le. ³¹Kɛɛ Mɔ̀sě dala ulu. Ii tè Ewnɔ̀ klee Ǐsòwɛ̌ kwɛɛn bòlibo wùɛ tbaea je ǔ diaě Mɔ̀sě mɔ̀ ǔ boɛa.³²Tà ǐsòwě kwɛɛn wùɛ u nyniaǒ ɔɔ mɔ̀, è ɔ nyea u tetěǒ Koɔn Nyesoa nyea nɔɔ keǒ saenà togbee dlǒ. ³³Tà Mòsě wàlaě uu mɔ̀ boɔboɔ mɔ̀ è nɔ̀ǒ piin'aǒ ɔɔ chɛ̀ tata dalo je.³⁴Kɛɛn bɛ̌ nu bɔ̌ keǒ Koɔn Nyesoa je mǒ mi keǒ ɔ klee Ɔɔ sɔ̌n bu boɔ è ɔ kɔn bɔ sà daloǒ dlǒ, dɛ wùɛǒ ɔ miě sìnma daloǒ tmɛɛ̌ Ǐsòwɛ̌ kwɛɛn dɛ Nyesoa tmɔɔ̌ ɔɔ keǒ u mɔ̀. ³⁵È bǔ jě ɔɔ jigbàǒ bɛ ke wne, e Mɔ̀sě piin tata daloǒ je de dɛ wùɛǒ miě uu slè sìnma plě ɔ mǒo de mu ɔ klee Koɔn Nyesoa mǒo boɔ de.

¹È Mɔ̀sě wɔ̀a Ǐsòwɛ̌ kwɛɛn pɛpɛ wùɛ de kě ɔ dɛ̌a u je ɔ je, "Noǎà nì koɔn Nyesoa tmɔɔ̌ amo ba nu. ²Chnɛ̀ jlò wee m̀mɔdo nì ba nuu konkwa mǒ, kɛɛ nyeɛta waěǒ ɛ moo ngmajene chnɛ̀ jlo wae keǒ a mɔ̀, nɛ̀ moo Nyesoaa defɛ chnɛ̀ jlò Ɔ fɛɛa měne. Nyu wùɛ ɔ̈ mii kankwa numa deǒ ɛmo waěǒ nɔ̀ ba dbǎ lɔ. ³Nyu wùɛ nɔ̀ bɔɔ̌ tìɛ̌n na klě ɔɔ koǔ bo keǒ ɛmo defɛ chnɛ̀ jlò waěǒ mɔ̀.Noǎ Kɔnaǒo Nyesoaa⁴Kě Mɔ̀sě dala Ǐsòwɛ̌ kɔn jlǔ wùɛ je Ɔ je, "Dɛ Koɔn Nyesoa tmɔɔ̌ amoo nɛ̀à. ⁵'Mɛǒ aa nyu kɔn'ɔ nɛ̀ kɔn kɛn bɔ sàǒ nyee dɛ keǒ Koɔn mɔ̀, Nyu wùɛ bɔ wɔɔn kɛn bɔ jaě nyee dɛ kělɔ Koɔn mɔ̀ klò klee sěbla klee pně. ⁶A dba jǐlenmɔ dale bi wǒ wlù klee manǐwlù, è jeseě chǒ nɛ̀ kɔn jǐlenmɔ dale ba dba. Be moo wlii pìn pni. ⁷Blǎ beěe koɛ̌ bu nu ni bi flò, jǐlenmɔ klee tuà u dɛɛ akàsa. ⁸Chnɔ̌ keǒ nǎpea mɔ̀, è sonsnǒ noǎa keǒ de pne chnɔ̌ mɔ̀ plě klee pàpii noǎa i pee sonsnǒ chɔɔ. ⁹Jǐlenmɔ wnewne seɛ̌ɛ doědoe nì u poa lě Èwnɔɔ jǐgbɛ̀ dalo wlòmo plě klee do peǎn papɔ̌ ɛ̈ ɔ mɛ̌ɛ wlee bo.¹⁰Nyopò wùɛǒ neě amoo slè ü kɔn'ɔ slɛ̌ nù bu diě u mǒ noǎ wùɛǒ Koɔn tmɔɔ̂ amoo nu. ¹¹Ngmajene tùɔn klee ɛɛ ble klee noǎǒ u kaen ɛɛ kɛn klee wean gbei plě ɛɛ kǎ totǒ wùɛ klee ti u sà lɛɛ kɛn plě tiǒ nynaě ɛɛ wlòmo ble klee ii kɛn bo nyn dɛ, ¹²è kuo wìn blɔ̀kun klee ɛɛ sìn'ǎ u blěe ɛɛ klee ɛɛ chu plě dalo u kɛɛn ɛɛ kɛn,¹³è ngmà fuo klee ɛɛ chu paě klee tu blěe ɛɛ plě noǎ wùɛ ǐ kɔn'ǒ ɔhɔh jleě mǒ, flɔ̌ɔ ɛ̈ u jaa Nyesoa. ¹⁴È nǎpee kɛn bo tù dɛ ɛ̈ mǒo pepě nye klee noǎ wùɛ kɔn'ǒ ɛɛ jleě mǒ, è nǎpee chɛ̀ǒ klee ɛɛ chnɔ̌, ¹⁵è chɔ̀no kǒngma ɛ̈ kɔn kɛn u fɛɛn'ǒo pàpi ɛ klee sìn'ǎ u blěe ɛɛ. È de pne chnɔ̌ klee sonsnǒ pàpi klee dalo u bɛ̌ǒo bleǒ ɛɛ wanwie, ¹⁶chɔ̀no kǒngma ɛ̈ kɔn kɛn u fɛɛn'ǒo Nyesoaa nyee dɛ klee ɛɛ pněe gbàgbɔ u peǒo nmiǒ kɛn bo ɛ̌ kwɛǒ ii jleě mǒ ble klee ɛɛ sìn'ǎ u blěe ɛɛ. È klee noǎ wùɛ ï kon'ǒ ɛmoǒ jleě mǒ klee chìa mò jlae jěson klee ɛɛ kɛn bo ne dɛ.¹⁷È da fòeǎ u sà ɛmoo tùɔn'ǒ je klee ɛɛ tìblǐ kɛn bo nyna dɛ, è dalo ɛ̈ u bǎǒo ɛɛ pae wanwun jleě mǒ ]ɛ kan nɛɛ je. ¹⁸Diěe ï u kekmeeě imoo daloǒ mɔ̀ blè klee bleǒ ɛɛ dbǐ plě daloǒ u sɛ̀ lɛ̀ɛ je, ¹⁹è jǐlenmɔ wlawlě fòe keǒ bodiɔpò mɔ̀ ïà bǔ poo mǒ plě u mìě ngmajène tùɔn'ǒ kɛn kon kwa nu. Ngmajène dale keǒ Èwnɔ̀ mɔ̀ ɔ̈ mo noo bodiɔ klee ɔɔ jlǔ.²⁰È Ǐsòwɛ̌ kwɛɛn wùɛ nùǒ mua. ²¹È nyu wuɛ̀ jlɛ̌a emoo konkwaǒ bɛ nuua ɔ jalaě nyee noǎ keǒ Koɔn Nyesoa mɔ̀ ɛ̈ di ɛ numa ɛmo bleǒ u mǒa ɛ nu Nyesoa miě ɛ bobo ne. È u jalaě noǎ wùɛ ï jlɛ̌ɛa u miaa nu keǒ bleǒ jleě keǒ wɛ̀sesa mɔ̀ plě klee bodìɔpòo dale. ²²Nyopò wùɛ ü wɔɔn'a ɛɛ kɛn, è jbɛjlu klee nyno u jalaě jǐlenmɔ du seǎ klee nɔkwi měne tù bɔjɔ̌ klee chìa mène po bɔjɔ̌ klee dɔ pe chěnmne plě klee klòo kpnekně noǎ wùɛ nì u jɛaě u nyeea Koɔn Nyesoa.²³Nyopò wùɛ ü kɔnaa jǐlenmɔ dale, wlù klee manǐwlù klee tuà monoo keseè tù plě dalo u nunuu wlìi pìnpnì klee blǎ beǒo koɔ ɛ̈ u nuu ɛ floo klee jǐlenmɔ koɛ tìi nì u jɛaě le. ²⁴Nyopòà wɔ̀laě je bu jalaěe sěbla klee pně u jɛaě i u nyea i Koɔn. È nyopòà kɔnaa akasìa tù ɛ̈ u kɔn bu nuua ɛmoo konkwaǒ ǔ jɛaě i le ke.²⁵Nyno wùɛ ü konaa slɛ̌ u jɛaě jǐlenmɔ jeseě u tlǎa klee jeseě dɛà wǒo wlù klee ɛ dɛ tɛɛǒ wǒo manǐwlù klee ɛɛ dɛǒ nuu chǒ nì u jalaě u niia konwaǒ. ²⁶U tlea wlii pìnpnì ke.²⁷Nyefòapo jɛaě jǐlenmɔ seɔ̌ ɛ̈ floo klee seɛ̌ɛ doědoe ï nmɔɔjǐle u mìa i jǐgbɛ dalo kpněe ně klee da peǎn papɔ̌ ɛ̈ bodiɔ mɛ̌ɛ wlee bo. ²⁸U jalaě sonsnǒ noǎa klee chnɔ̌ keǒ nǎpea mɔ̀ klee de pne chnɔ̌ klee sonsnǒ pàpi. ²⁹Ǐsòwɛ̌ kwɛɛn wùɛ ü jlɛ̌aa bu jalaěe nyee dɛ keǒ Koɔn mɔ̀ keǒ konkwaǒ kɔn tè Ɔ tmɔɔ̌a Mɔ̀sě bu nuaa ǔ jalaě i. Slɛ̌ kɔn nyo keǒ Slɛ̌ Kɔn Nyo³⁰È kě Mɔ̀sě dɛ̌a Ǐsòwɛ̌ kɔn jlu je ɔ je, "Koɔn Nyesoa Nɔ̀ tba Bɛsìla ɔ̈ monoo jiwlii jǔ plě ɔ monoo duaju keǒ Hɔɔ mɔ̀ ɔ̈ kɔn lěe kadɔ̌ǒ monoo Jùda slè. ³¹Nyesoa jiě ɔ je kpě plě ɔ̌ nye ɔ slɛ̌ klee nyu bɔ wɔ̀le dɛ klee bɔ jbo dɛ le, è keǒ noǎa doědoe wùɛ ï kɔn'ǒ ɛɛ konkwaǒ jleě mǒo nunuɛ mɔ̀. ³²Keǒ bɔ po slɛ̌ dɛ ble ɔ mǒ ɛ klò sosǒ klee sěbla klee pně nunu. ³³Keǒ kpnekpně noǎa je le bebɛ̌ mɔ̀ ï u mii noǎǒ jleě mǒ ble kɔba klee ii wlòmo totɔ plě ti klee slɛ̌ noǎ wùɛ ii konkwa.³⁴Koɔn Nyesoa nye ɔ nyuǒ monoo Ohalìà ɔ̈ monoo Ahesemachìi jǔ ɔ̈ kɔn lěe dakɔ̌ǒ monoo Den'e slè keǒ bu sɔ̀le ɛ u mǐ uu bǐì slɛ̌ nyǒ tee le. ³⁵Ɔ̌ nyea u slɛ̌ɛ doědoe keǒ konkwa nunuɛ mɔ̀ keǒ bu nu sakwǐ bu kpně ni plě bu dbǎ jǐlenmɔ dalo, kǔ wlù klee manǐwlù klee tlɛ̌ɛ chǒ nì bu nuu dale wùɛǒ. ǔ wɔ̀laě ɛ keǒ bu nua konkwaa doědoe klě uu slɛ̌ ble po dɛ mǒ.

¹Bɛsìla klee Ohalìa klee slɛ̌ nyǒ wùɛ ü koɔn nyeaa slɛ̌ klee tè le jbojbɛ deǒ bu nuaa noǎa wùɛ u mǒaa ngmajene bleǒ po u mǒa noǎ wùɛǒ nu wòje keǒ Koɔn nua uu tmɔ̌ɔa.²Mɔ̀sě dala Baɛs̀la klee Ohalià klee uu bǐì tùuǒ Nyesoa nyeaa slɛ̌ plě Ɔ nua nɛɛ u wɔ̀laě ɛɛ u wɔɔn'a ɛɛ kɛn bu nua ɛmoo konkwaǒ nunuɛ. ³Ǔ kmea nyee noǎ wùɛǒ Ǐsòwɛ̌ kwɛɛn jala leě keǒ ngmajene bleǒ ɛɛ popɛ mɔ̀. Kɛɛ Ǐsòwɛ̌ kwɛɛn jɛɛ̌o jèě nuǎǒ klě Mɔ̀sě mɔ̀ kènta wuɛ. ⁴È slɛ̌ kɔn nyoǒ ü nìa ɛmoo konkwaǒ ù muaě Mɔ̀sě mò.⁵È kě u dɛ̌a Mɔ̀sě je u je, "Noǎà nyopò jɛɛ̌ jè kěe i sìn[ǒ le dɔ̌ keǒ ɛmo konkwaà konɔ Nyesoa tmɔ̌ɔ ämoo bä nuu mɔ̀." ⁶Ii tè Mɔ̀sě nana dia le ɔ poa sae ɔ̌ wmɔɔ̌a nyopò lè bu bɔ̌aě nyee noǎ tìi jeja keǒ nhmajène bleǒ mɔ̀. Ii tè nyopò bɔ̌aě noǎ jeja. ⁷Noǎ wùɛǒ u jalo lěe i wɔaě je bi nua konkwaǒ bï wɔ̀a ɛ mɔ̀ bi sisiïa ble.⁸Slɛ̌ kɔn nyo sùɛǒ nia ɛmoo konkwaǒ ü poaa Nyesoa ngmajène bleǒ u nuua ɛ da kpetee pù. Jǐlenmɔ dole u dbalaa u dbaea i jesěe dɛà wǒo wlù plě klee ɛɛ dɛǒ wǒo manǐwlù plě klee jeseě chǒ nì u kpněea i ǔ poa ï scikwǐ kɛn le ǔ kpněea ɛɛ kɛn noǎ ï wǒaa najiǒpòǒ nee kpakpea kɛn le. ⁹Da kpete wùɛǒ u boboaea m. I dɛɛ doo de tmɔ dɛ moo be wěe wlèe sɔ̌n tùo sɔ̌n, è ɛɛ měne boa dɛ moo be wee m̀mɔdo. ¹⁰Da kpetee m̀m nì u kokɔɔ je le keǒ wakǎa do mɔ̀, è dɛɛ doǒ nɛ̀ u nu ii m̀m tìiǒ mǒ ke keǒ wakǎa do mɔ̀.¹¹U nua kǔwlù nɛ̀ u pooa ɛɛ plee wien keǒ ɛɛ dalee wakǎa dɛǒ wɛ̀ɛn lɔɔ plomo. ¹²Ɛɛ wakǎ peǎn do poɛǐi wlèe sɔ̌ntùo pù nì neǒ ɛɛ nyane dalo je, è sɔ̌n nenɛ poɛǐǒ ii wlèe sɔ̌n tùo pù i klee ii bǐɨ sɔ̌n'ǒ ǐ tùtuu tǐ. ¹³Ǔ nua klòo wean wlèe sɔ̌n tùo pù nì u nua ǔ kokɔɔa ii wakěe peěn jǐ mǒ.¹⁴Ɛmo bleǒ daleà u kaen'a ɛɛ kɛn i nua da kpetee pù tùo do ï u dbaea wlii pinpni. ¹⁵U nua ii dale wùɛ ǐ bo boaea kɛn. Ii de tmɔ dɛ mooa be wěe wlèe sɔ̌n tùo m̀m, è ii něne boa dɛ mooa be wěe m̀m, è ii měne boa dɛ mooa be wěe m̀mɔdo. ¹⁶Klě blee wakǎa do mɔ̀ u kokɔɔaě da kpetee m̀m jǐmǒ nì wɛ̀ɛaɔ wakǎa do mɔ̀, è wakǎa do tɛ̀ɛǒ da kpetee m̀mɔdo nì u kokɔɔaě jǐ mǒ i wɛ̀ɛaɔ wakǎa do tɛ̀ɛ mɔ̀. ¹⁷Poɛǐi wlèe sɔ̌n tùo pù nì u poa daloǒ bɔɔ̌a lěe demǒ je keǒ ɛɛ wakǎa do mɔ̀.¹⁸U nua pněe wean wlèe sɔ̌n tùo pù nì u nua ǔ kakɔɔaě wakěe sɔ̌n'ǒ ii daleǒ jǐ mǒ ǐ mooa ɛɛ kɛn kaen daloo do. ¹⁹Bleǒ ɛɛ kɛn kaen dɛ ɛ wɛ̀ɛa kè bɔ plomǒ ɛ mooa blablɛ̌ɛ koɛ̌ ï floo klee jǐlenmɔ koɛ tìi nì u nua ǔ kana ɛɛ plomǒ dɛǒ kɛn.²⁰Ɛɛ kǎ totǒ u nynaea bo u nuua ɛ akasìa tù keǒ bleǒ mɔ̀. ²¹Ɛɛ kɛn sà ti wùɛǒ ii de tmo dɛ mooa be wěe pù tùo m̀m. È ii mǒ kpoklǒ dɛ mooa chìajɔɔ tànmajɔ̀ɔ wlò tùo nyeɛta. ²²Ɛɛ kɛn sà ti wùɛǒ u nua nì ii dlě kekwɛɛě jǐ měne. ²³Ɛɛ batle wakǎa ti wùɛ u sàla ɛɛ kɛn i nua tii wlò.²⁴U nua sěbla ɛɛ noǎ ti bi nynanaa kɛn bo, imoǒ i nua wlèe sɔ̌n, è keǒ ɛɛ tuu do bobo ii sěbla papɛ̌ɛ kɛn bo nyna noǎa sɔ̌n nì neǒ keǒ ɛɛ wŋɛ sɔ̌n'ǒ blěǒ ɛɛ mɔ̀ kwa. ²⁵Ɛɛ kɛn sà tià nea nɔɔ togbeea wakǎ kɛn i nea wlò. ²⁶Togbea wakǎ tiǒ i kɔn kɛn bo nyna noǎa wlèe sɔ̌n. È sɔ̌n deǒ tuu do bobo ɛ̌ kmeǒo wɛn'ɛ sɔ̌n'ǒ mɔ̀ bo.²⁷È klě bleǒ ɛɛ demǒ klě tà wɛn sonwɛě mǒo u kɔaě tìi m̀mɔdo. ²⁸È tii sɔ̌n nì u nynaně ɛɛ katoe mǒ bo.²⁹Ii tiǒ nea lěe kotoe mǒ ii ngmɛ̀ beaǒ tàa do ǐ kekwɛɛaě jǐ měne kaǒ ǐ nyniaě dlǒ mǒ. È ɛɛ ken sàe tió i nua kotoei sɔ̌n kě U nua imooǒ nunuɛ. ³⁰Ii tè ɛɛ kɛn sà ti nua tii nnyeɛ klee ii kɛn bo nyna noǎa pù tùo m̀mɔdo, sɔ̌n keǒ tuu do bobo.³¹È ti u bɛ̌ɛa ii pepe chnìmaea ii kɛn ble i moo akasìa tù. Tii m̀m nì u santeea ɛɛ wakǎa do. ³²Tii m̀m tìi nì u nuua wakǎ tɛ̀ɛǒ, è tii m̀m tii nì u nuua wakǎǒ wɛn sonwɛa lɔɔ mɔ̀ mò klě ɛɛ demǒ dɛmɔ̀. ³³Ɛɛ kɛn santee ti u bɛɛ̌a ɛɛ bǐìǒ jǐ kɛn tìe u siea i bɔ̀tìe mò keǒ ɛɛ tiǒ i moo ble nyna tiǒ mɔ̀ keǒ slè. ³⁴Sɔɔn'ɔ ɛɛ dlǒ tɛ̀ɛà mɔ̀ mò bò nynɨe ɛɛ dlǒ tɛ̀ɛǒ mɔ̀ kě u nua ni. Ɛɛ kǎ totǒ wùɛ u nuua ɛ klò sosǒ ǔ nua klò wenaii ï blěaa tiǒ u sìɛnaǒo kɛn mɔ̀ kwa kpankpa ii chɛ̀ǒ ǔ nua klò sosǒ ǔ mɔɔa ii kɛn.³⁵Ɛɛ dale wùɛ u dbaea i jǐlenmɔ jeseǐ ï u dbalaa i nuaa jeseě wlù klee manïwlù jeseě klee jeseě chǒ ǔ kpněa ni ǔ mǎna i kpnekpně noǎa kɛn ble, bò keà i jě è jè najiǒpò u ne kpakpea je le. ³⁶U nua tiblǐia hɛ̀n ï mooa akasìa tù nì kmeaǒ daleǒ u sàla ɛɛ je mɔ̀ bò. È imo tiblǐǒ u nuua i klo sosǒ, è klò wean'ǒ nì u nua i blěaǒ tiblǐǒ mɔ̀ kwà ü nua sěblaa kɛn bo nyna dɛ keǒ tiǒ mɔ̀.³⁷Ɛmo bleǒ ɛɛ pae wanwun jleě daloǒ u bǎlaě bo u dbaea jɛ kǔ wlùu jeseě klee maniwlùu jeseě plě jeseě chǒ nɛ̀ u kpněa u tùa ɛ sakwǐ kɛn le. ³⁸Ɛmo da kpotoǒ u nua tiblǐi m̀m ï kɔn jleě mǒ wean'ǒ i nea lěe i blěaǒ ɛmoo daloǒ mɔ̀ kwà sɔɔn'ě ɛɛ togbea mǒ ɛɛ tì jɔ wùɛ i nua klò, è pněe plěgbee nì tiǒ ɛ nynana kɛn bo.

¹Besìla nɔ̀ nua kuo win'i blɔ̀kun. Ɔ nua akasìa tù ɔ̌ nua ne. È ɛɛ de tmɔ dɛ nua be wěe tan ne le chìajɔɔ tànmajɔɔ siědo, è ɛɛ měne boo dɛ nua be wěe sɔ̌n ne chìajɔɔ taǹmajɔ̀ɔ tan le, è ɛɛ ja tmɔdɛ nua be wěe sɔ̌n ne chìajɔ̀ɔ tànmajɔɔ tan le. ²Ɛɛ wlòmo dɛ klee kɛn dɛ wùɛ ɔ nuua ɛ klò sosǒ, è ɛɛ batle dɛǒ nɛ̀ ɔ naea klòo poɛɛ̌ wien kaǒ ɛ̌ tbɛɛa ɛ dǐ. ³Ɔ̌ nua klò wenaii hɛ̀n keǒ ɛ mɔ̀ nì ɔ kmeea ɛɛ be wùɛǒ. È wenaii sɔ̌n kělɔ wakǎa do mɔ̀.⁴Ɔ̌ nua ɛɛ sìn'a u mia lɛɛ blěeba ɔ̌ kaen'a klò sosǒ kɛn. ⁵Sinǎǒ nì ɔ nymaeaě wenaiǒ wan le keǒ ɛɛ wakǎa sɔ̌n'ǒ mɔ̀. ⁶Ɔ nua blɔ̀kun'ǒ ɛɛ chu, klò sosǒ nɛ̀ ɔ mɔɔa ɛ kɛn Blɔ̀kun'u chuǒ ɛɛ de tmɔtmɔ mooa be wěe tan ne chìajɔɔ tànmajɔ̀ɔ siědo le, è ɛɛ měne boa dɛ ɛ nua be wěe sɔ̌n ne chìajɔɔ tànmajɔɔ tan le.⁷Ɔ̌ nua klò nɛ̀ ɔ bea nɛ̀ kɔn najiǒpòo sɔ̌n nù ɔ nuuaǒ blòkun'ǒ kɛn, ɔ nua pɛpɛɛ ɔ bea li. ⁸Ɔ nynaea i dɛɛ do kělɔ blɔ̀kun'ǒ ɛɛ chuu wakǎa do mɔ̀ è da ɛ̀ɛ nɛ ɔ nynaeaɔ wakǎ tɛ̀ɛɔ mɔ̀ bo. Ii sɔ̌n wùɛǒ kě ɔ nuaě i chuǒ kɛn i klee chuu doǒ ǐ paěn'aǒ to jleě. ⁹Najiǒpòo sɔ̌n'ǒ neaa kpakpea je le ǐ chècheea ja keǒ chuǒ ja ǐ tentɛɛn'aǒ mɔ̀le. ɛ̀ i jleea ii kpakpea mǒ keǒ bi kana chuǒ kɛn.¹⁰Ngma fùeǒ a nuua ɛ akasìa tù. Ɛɛ de tmɔ dɛ nua be wěe tan, è ɛɛ měne boa dɛ mooa bo waěe do ne le chìajɔɔ tànmajɔɔ m̀mɔdo. È ɛɛ jatmɔ dɛ mooa be wěe sɔ̌n ne le chìajɔɔ tànmajɔ̀ɔ tan. ¹¹Ɔ̌ nuua ɛ klò sosǒ plě ɔ̌ nua klòo poɛ̌ɛ nɛ̀ ɔ naea ɛ wien kaǎ ɛ̌ tbɛɛa ɛ dǐ. ¹²È poɛɛ̌à ɔ tbɛɛa ɛɛ dǐ ɛ klee kwete mǒ boaeaě le. È ɛmo poɛɛ̌ǒ ɔ naea ɛ klò wan kaǒ ɔ̌ kaenà ɛ klò sosǒ kɛn. ¹³È ɔ wlǎla klò wenaii hɛ̀n nì ɛ kmeea ɛɛ kataeii hɛ̀n wùɛǒ keǒ ɛɛ beǒ ɛ nyna naa jleě mǒ bo.¹⁴Wenaii hɛ̀n'ǒ i konwaěa ɛɛ po ɛɛ̌ǒ le nì u mia sin'ǎǒ u mia lɛɛ blěeba nymaeě wan. ¹⁵Ɛɛ sin'ǎǒ ɔ nuua akasìa tù ɔ̌ wlǎ la akasìa tùǒ klò dlǒ nì u nìa ǔ blěa ɛmo ngma fùo. ¹⁶Noǎ wùɛǒ kɔnaěe ngma fùoǒ jleě mǒ ɔ nuua i klò sosǒ, chechei klee mǒ nae kài klee fuo plě klee kpɔ̌ kea ï u pee nmɔ mǒ nyee noǎ wan.¹⁷Ɔ nua nǎpe kɛn bǒ tù dɛ, pɛpɛɛ̌ nɛ̀ ɔ nua ɔ̌ bea klò ɔ̌ nua ɛɛ kpantuǒ. È ɔ nua ɛɛ dɛ ɛ nynanaa kɛn bo plě ɔ̌ nua ɛɛ ticheble ɔ kpněea lɛɛ. Bò keo ɛ jě è Jè mǒ nae kaiǒ plě ii kpɔ̌ɔ gbeiklee ii noǎ fnona mǒo ii wùɛǒ nì neaǒ dɛɛdo jleě. ¹⁸Ɛmo nǎpe tuu kpantu naǎ foɛǒ ɛ sàeně gblèe m̀mɔdo, tan kělɔ wakǎa do mɔ̀, è tan tìi kělɔ wakǎa do mɔ̀. ¹⁹Ii tìcheblee tanǒ wǒaa amɔ̀ tuu tìcheble ï klee ii kpɛ̌ɛ gbei klee ii tìeǒ fna mǒo nì neǒ ɛɛ baěe do jleě, è tan nì neǒ ɛɛ bě tɛ̀ɛǒ ɛɛ baě jleě, ii wùɛ i wòwɔɔa le, ï nea tì baěe m̀mɔdo ǐ sɔɔn'aě tu kpantu fòɛǒ jleě mǒ.²⁰Nǎpɛ tu kpantu naǎǒ noǎ kpɛ̌ɛ gbeǐ i wǒo kpɔ̌pe nì kɔn hɛ̀n neaǒ ɛ jleě mǒ ï wǒo amɔ̀ tù ticheble, ii kpɛ̌ɛ gbeiǒ ii tìe fnana měne. ²¹Kpɔ̌ɔ do nɛ̀ neaǒ nyane kpɛ̌ɛ sɔ̌n'ǒ jleě mǒi sɔɔnaě mǒ i muaë kpantu fɛɛ ǒ jleě mǒ. È sɔ̌n nenɛ kpɔ̌ɔ nɛ̀ neaǒ ii sɔ̌n nenɛ kpɛ̌ɛ sɔ̌n'ǒ jleě mɔ̀, è tan nenɛ kpɔ̌ɔ nɛ̀ neaǒ tan nenɛ kpɛ̌ɛ sɔ̌n tiiǒ jleě mǒ,ii m̀mɔdo keǒ ii kpɛ̌ɛ m̀mɔdo wùɛǒ mɔ̀. ²²Ii kpɛ̌ɛǒ klee gblè i sàeǒo le ii wùɛ i paǎn'aǒ to jleě imoà i neaǒ nǎpe kpantuǒ jleě mǒ pɛpɛɛ nɛ̀ɔ nua klò sosǒ ɔ bea.²³Ɔ nua nǎpeaa nyeeta klee ii daloǒ neě ii wan u bɛɛ̌ lee ɛ wnee plě ɛɛ pòpoo wan po dɛ, klò sosǒ nè a nuua ii wùɛö. ²⁴Ɔ nua nǎpe tuǒ ɛɛ kɛn bo nyna de klee noǎ wùɛ kɔnǒ ɛɛ jleě mǒ. Ɔ nuua ɛ klò sǎnmo wěe slèe tan tùo pù pù tùo m̀m.²⁵U nua pàii chɔ̀ne kǒnma, u nuua ɛ akasìa tu. È ɛ boboaca kɛn mǒ, ɛɛ de tmɔ dɛ nua bo waěe do ne chìajɔɔ tànmjɔɔ m̀mɔdo, è ɛɛ jatmɔ dɛ mooa be wěe tan, è ɛɛ ngmeǒ neaǒ ɛɛ dlǒ i klee ɛɛ sɔ̌n neaǒ dɛɛ do jleě. ²⁶klò sosǒ nɛ̀ u wɔ̀ɔa ɛ slǒ sɔɔn'ɔ ɛɛ togbea mǒ klee ɛɛ wakě wùɛǒ klee nyme klò sosǒ nɛ̀ u nuua ni. È ɔ nua klòo poɛɛ̌ nɛ̀ ɔ sìɛna nɔ ɛɛ batle kaǒ ɛ tbɛɛa dǐ.²⁷U nua klò wenaii sɔ̌n keǒ poɛɛ̌ǒ bobo ii sɔ̌n'ǒ ǐ chècheea ja nì kɔn wan u nymaeě sìn'ǎ ï u blěe ɛɛ. ²⁸Ɛɛ sinǎǒ u nuua akasà tù ǔ mɔɔa i klò kɛn. ²⁹U nua ngmajene de phe chnɔ̌ ɛ̌ snǎ lěe mɔ̀le klee sonsnǒ pàpi. Noǎ wùɛǒ i mooa sonsnǒ neǎ ǔ nuua nii.

¹U beo chɔ̀no tògbee kǒngma ï kɔn kɛn u miě chòno piiba. Akasìa tù nɛ̀ u nuua nɛ. Ɛɛ de tmɔ de klee měne boa dɛ boboaea kɛn, i nua be wěe nyeɛta ne le bɔ̀tìe. È ɛɛ jatmɔ tmɔ nua be wěe hɛ̀n ne le bɔ̀tiɛ. ²Ɛɛ kotoeii hɛ̌n'ǒ ɔ nua ngmee hɛ̀n nì nynana ɛ jleě mǒ bo i klee ɛɛ sɔ̌n paěn'aǒ to jleě ɔ̌ wlǎla pně nì ɔ kaen'a i kɛn. ³Ʋ̌ nua tÚnwni wùɛ ï kɔnaě ɛmoo kǒngmaǒ jleě mǒ. U nu ɛɛ kwij'ɛ̌ klee dɔ papɔ̌ foɛ̀ tɔ̀ɔ bò kě ɔ jě è je mìnaěǒ ɔ̈ kɔn'ɔ do pɛ̀tu plě klee minaě dɔ̌ tɔ̀ɔ ɔ nee nyě wan le klee na wan tiɛ̌n dɛ keǒ ɛ mɔ̀. Ii wùɛǒ u wǎla pne nè u nuua ni.⁴U wlǎla pně gbàgbɔ nɛ̀ u nuuaě ɛ kɛn ɛ̌ kɔn nɛn u peě soa ble keǒ ɛɛ bobo sɔn'ě mǒ kaǒ ǐ siea bɔ̀tie nò i sea lɔ togbea nyni. ⁵Pně gbàgbɔǒ u pee soa kɛn ble ɛɛ kotoeii hɛ̀n'ǒ ɔ nuo wenaii hɛ̀n nì ɔ tùa ɛ jleě le ï kɔn wan u miě sinǎǒ nymaemo u mi ɛɛ blě.⁶Ɔ nuua sǐnaǒ akasìa tù ɔ̌ wlǎla pně nɛ̀ ɔ kaen'a i kɛn. ⁷Sinaǒ nì ɔ nymaeaě wenaǐǒ wan le ɛ̌ di ɛ numa chɔ̀no kòngmaa wakě wùɛǒ u mia ɛ bleblɛ̌ ji. U nua tu peěn ǔ sàla wɛn.⁸U wlǎla pně ii chìa mǒ jlae jěson ɛɛ kpontu nynɛ jleě mǒ bo. U nuua nɛ jělai ï u sàlaa nynoǒ kwa ü diao konkwa numa keǒ bleǒ ɛɛ pae wanwun jleě tà u gbèeǒ.⁹Dɛ tɛ̀ɛ neaǒo u nuaa de nɛ̀ moo bleǒ ɛɛ pàno o batle wakǎ dale u bǎea lɔɔ ble ii de tmɔ dɛ nua be wěe wlèe nyeɛta tùo pù ï u dbaea jǐlenmɔ jeseǐ. ¹⁰Ɛɛ tì nua tii wlò è ii kɛn bo nyna noǎ wlò. U wlǎea i paě sosǒ klee ii wean klee imo tɨǒ klee ii de u kekmeeaě ii mɔ̀ blè u nuua i sěbla.¹¹È ɛɛ togbea wakǎa dalee de tmɔ dɛ nua wlèe nyeɛta tùo pù, è ɛɛ ti nua wlò klee ɛɛ kɛn bo nyna noǎ, u nuua i pně sosǒ nì u wlǎìa klee ɛɛ wean ï kmeǒo tiǒ mɔ̀ blè klee ii dɛ u kwekwɛɛě ii jǐ mǒ u nuua ɛ sěbla sosǒ. ¹²È ɛɛ wakǎ wɛn pɛɛ ɔɔ mɔ̀ ɛɛ daleà bǎea lɔɔ bo ii de tmɔ dɛ nua be wěe wlèe tan tùo pù pù tuo m̀m. È ii tiǒ i nea pù klee ii kɛnbo nyna noǎ neo pù. Èwean ï kměee tìǒ mɔ̀ ble klee noǎǒ nuu daleǒ ǐ kwekwɛɛěe jǐ mǒ u nuua i sěbla sosǒ.¹³È ɛɛ wakǎ wɛn pɛɛ ɔɔ mɔ̀ ɛɛ daleà bǎea lɔɔ bo ii de tmɔ dɛ nua be wěe wlèe tan tùo pù pù tuo m̀m. È ii tiǒ i nea pù klee ii kɛnbo nyna noǎ neo pù. Èwean ï kměee tìǒ mɔ̀ ble klee noǎǒ nuu daleǒ ǐ kwekwɛɛěe jǐ mǒ u nuua i sěbla sosǒ. ¹⁴Klě ɛɛ pae wanwun jleě daleǒ nea lěe i de tmɔ̀ dɛ nua be wěe wlò tùo sɔ̌n ne bɔtie le klee ɛɛ tibl{tan klee ii kɛn bo nyna dɛ. ¹⁵È kělɔ wakǎ tɛ̀ɛ mɔ̀ daleǒ neaě ɛɛ pala mǒ i nua be wěe wlò tʋo sɔ̌n ne bɔ̀tìe lè keǒ ii de tmɔtmɔ mɔ̀, nì neaǒ bleǒ ɛɛ pànto fòɛǒ je keǒ ɛɛ pala mǒ ɛ klee ɛɛ tiblǐi tan keǒ pàntoǒ mǒ ¹⁶ï u dbaeaa jǐlenmɔ dale.¹⁷Tiblǐǒ ii kɛn bo nyna noǎ u wǎla pně nì u nuua ni, è wean ï neaǒ ɛmoo tiblǐǒ jleě mǒ klee noǎ i kwekwɛɛaě daleǒ dǐ mǒ nì u nuua sěbla sɔɔn ě togbea mǒ nì u kaen'a sěbla sosǒ kɛn. Imo tiǒ u kaen'a i kɛn sěbla sosǒ klee noǎǒ kwekwɛɛěe tiǒ jǐ mǒ ïǒ nɛaǒo keǒ ànto fòɛǒ mǒ u nuua i sěbla. ¹⁸È daloǒ bǎlaǒ ɛɛ paɛ wànwǔn jleě be klě pàntoǒ mǒ u dbaea ɛ jeseě wlù klee manǐwlù jeseě plě jeseě chǒ nì u kpněea nì ǔ tùa i sakwǐ kɛn le. Daloǒ ɛɛ de tmɔ dɛ nua be wěe wlò tùo pù, è ɛɛ jatmɔ dɛ nua be wěe nyeɛta ne bɔ̀tie le. ¹⁹Ɛe tiblǐ nea hɛ̀n, u nuua i pně i nì u wlǎla klee ɛɛ kɛn bo nyna bo, è ii wean klee neǎǒ kwekwɛɛě ii jǐ mo u nuua i sěbla, è ii dlǒ mǒ dɛ u wɔ̀ɔa ɛ sébla sosǒ dlǒ. ²⁰È diǎ gbei u nuao keǒ ngmajène bleǒ mɔ̀, dale wùɛǒ tbɛɛa ɛɛ pànto wùɛǒ dǐ u nuua i paě gbei.²¹È noǎ sùɛ upooa ngmajene bleà nìa, ɛmo ngmajene ble ɔ mooa Nyesoaa sàse ɛ̈ nynanaǒ pɛnmo bo ɛ kɔn tè Mɔ̀sě tmɔɔ̌a nyopòǒmooa kpatoapoo. Nyeǒ mooa Atòmma ɔ mooa Ewnɔ jǔ ɔ mooa bodiɔ nɔ̀ peaě u snǔ mɔ̀le. ²²Bɛsìla ɔ̌ mooa jiwliijǔ pl{ɔ mooa Hɔɔ duoju ɔ kɔn lě dakɔ̌ǒ monoo Jùdǎ slè nɔ̀ nua noǎ wùɛ ke Nyesoa nuaa Mɔ̀sě tmɔ̌ɔa. ²³Nyu mǎna ɔɔ debo ɔ mooa Ohalià nɔ̀ mooa Ahesemachìi jǔ ɔ kɔn lěe dakɔ̌ǒ monoo Den'e slè nɔ̀ mooa slɛ̌ kɔn nyu ɔpea dɛ ble plě ǔ nia sàkwǏ ï u dbɛɛa jeseě dɛà wǒo wlù klee ɛɛ dɛà wǒo maniwlùklee jeseě chǒ nìkɔn jǐlenmɔ dale u dbɛ.²⁴È klò pɛpɛ wùɛ u nuua ɛmoo konkwaǒ ɛ̈à nyopò nyeea u nuua ɛmo ngmajene tùɔn'ǒ ɛ nua klòo sanpni blɛ̌ɛ wlò tùo siědo wòje keǒ ngmajene tùɔn nyopò moa noǎ ble dbedbɛ. ²⁵È sěbaà nyopò wùɛ jala lě le u dbeaa ble klě uu wan dbee dɛ wan ɛ nua sěbla sanpnii blěe wlèe m̀m kplěe m̀m wòje ke ngmajeje tùɔn kɛn nyopò nia uu noǎ ble dbedbɛ. ²⁶Wlě wùɛǒ nyopòa kɔn nynɛǒ u poaa bu nuaa konwaǒ i wɔ̀laě i snǒ sèsa le ke u niaa konkwa nyoo snǒ sàe dɛ ble dbedbɛ klě tiǒ wlòmo. È nyopò wùɛ nua ɛmoo konkwaǒ tùo tan tùo wlèe kplee m̀m tùo wlee sɔ̌n tùo pù. Sɔɔn'ě nyopòà kɔn'ɔ jlěe wlò wlò bò die togbea nù kɔn nynɛǎ u poa bu nua konkwaǒ.²⁷Sěbl kpěn'e wlèe m̀m kplee m̀m nì u nua ǔ nua ii kɛn bo nyna noǎ wùɛǒ ɛ mooa ngmajeje tùɔn'ǒ ɛɛ noǎ. È daleà u bǎlaa ble i nua wlèe m̀m kplee m̀m keǒ ii kɛn bo nyna noǎǒ mɔ̀. ²⁸È ɛɛ sǎnma wě ï siaa bo inua taslěwae ne le wlèe m̀m kplee nyeɛta tùo wlèe tan tùo pù pù tuo m̀m nì u nuua wean klee ii tiblǐ, sɔɔn'ě togbea mǒ bo kan ǐi wùɛǒ kɛn klee noǎǒ kwekwɛɛaě imoo daleǒ jǐ mǒ ke. ²⁹È pně u wlǎlaa keǒ konkwaǒ mɔ̀ i nuatoslěwɛɛ sɔ̌n ne le wlèe m̀m nè wlèe m̀m klěe hɛ̀n.³⁰Nù u nua ii kɛn bo nyna noǎǒ mǒ klee bieǒ ɛɛ pae wanwun chu tà Nyesoa klee uu sɔ̌n ngmɛ̀ɛǒo. Pně nì kɔn kɛn u peě nmi bo ǔsiɛn nɔɔ klee noǎ wùɛ, ï kwɛǒ ɛmoo chɔ̀no kǒngmaǒ jleě mǒ. ³¹Ɛɛ pànto fòɛɛ kɛn bo ne dɛ ɛ tbɛɛa lɛɛ wùɛǒ dǐ klee ɛɛ pae wanwun kɛn bo nyna dɛ klee pně jɔ̌ gbei ï palaa jleě mene keǒ ngmajene bleǒ mɔ̀. Imoǒ nì u nua ǔ tbɛɛa ɛɛ daɛ wùɛǒ ukwekwɛɛaě jǐ mene ě tbɛɛa ɛ dǐ.

¹Ɛmo kǔwlù dàloǒ, klee manǐwlù daloǒ plě klee jeseeě chǒo daloǒ ï wɔ̌na jǐlenmɔ tè, nì u dbalaa ǔ pee měne ǔ miě ngmajene tùɔn'ǒ kɛn ǔ niě konkwa. Ǔ dbala Èwnɔ̀ɔ wlawlě fòe keǒ ngmajene tùɔn'ǒ mɔ̀.²Ɔ nua jǐgbɛ̀ daloo klò sosǒ ɔ̌ dbaea ɛ wlù klee manǐ wlù ɛɛ je seě chǒ nì Ɔ nua kpněa nɛ ɔ̌ dbala ɛ ɛ̌ wɔ̌na jǐlenmɔ tè. ³Ɔ nua pɛpɛɛ ɔ̌ bea klò dɛ papɔ̌ ɔ̌ bɛ̌a ɛ je le kě ɛ wɔ̀mo klě ɔ kpněeaě ɛ jeseě wlù, è jeseě manǐwlù, è jeseě chǒ ni ɔ memeea kɛn le ɔ̌ nua nɛ. Ɛ mooa slɛ̌ konkwa ɔ̌ nia nɛ keǒ amo slě nyo mɔ̀, ɛ wɔ̌na jǐlenmɔ tè.⁴U nua noǎ papɛ̌ɛ sɔ̌n umǎnaa kpakpea kɛn bo keǒ ɛmo jǐgbɛ daloǒ mɔ̀ nì neě ɛɛ kotoeii sɔ̌n'ǒ jleě iklee ɛɛ sɔ̌n i kmeaě ɛ mɔ̀ bo kpankpan. ⁵Ɔ dbala jǐlenmɔ mɔ̀ pe wlo. Noǎa doǒ nì ɔ nuua ɛmo wloǒ ɔ̌ kmeeaě ɛ jǐgbɛ̀ daloǒ jleě mǒ ɛ klee ɛɛ sɔ̌n ǐ paěn'aǒ to jleé wàje keǒ koɔn nuaa Mɔ̀sě tmɔɔ̌a.⁶U wɔ̀la jělenmɔ seɛ̌ mɔ̀ nì u wlǎea imo noǎǎ wan ble. Ɛ mooa slɛ̌ nɛ̀ u nia ǔ wlǎea imo noǎǒ ǔ kwekwɛɛa i je le ìn kɔn wlòmo Jèkɔ̌poo jlǔu pù tùo sɔ̌n uu nynɛǎ nea lě. ⁷Noǎ papɛ̌ɛ sɔ̌nò ï pɛ̀na nɔɔ kpakpea kɛn ble ï kwɛ lěe jǐgbɛ̀ daloǒ lǐ mǒ nì kɔn kɛn imo seěǒ i nea lě ï nynanaǒ u moo Ǐsòwɛ̌ kwɛɛn dakɔ̌ dlěe pù tùo sɔ̌n'ǒ pɛ̀nmo bo wòje keǒ koɔn nuaa Mɔ̀sě tmɔɔ̌a.⁸Noǎa doǒ nì u nuaa wlee bo mǎ dɛ papɔ̌ǒ keǒ ɛmo jǐgbɛ̀ daloǒ jleě mǒ, dɛɛ do ǒ ke u nua ɛɛ kpnekpnPe kě u nua ii wùɛǒ kpnekpne. ⁹È nua ɛmo dɛ papɔ̌ǒ ɛ̌ boboaea kɛn mǒ ǔ pòpooa ɛ mǒ bo,è ɛɛ wùɛǒ ɛɛ kɛ̌n le bòboaea nua chìiajɔ̀ɔ tànmajɔɔ siědo.¹⁰Keǒ ɛ kɛn u nuaě seɛ̌ɛ tènmee nɛ̀n, è nyane tònmoǒ seɛ̌ neaǒ ɛɛ kɛn nìà, jǐlenmɔ seɔ̌ klee kbɛɛ seɔ̌ ɛ̈ wɔ̌ɔn jǐlenmɔ tèɛ̈ floo fǒ měne u dɛɛ kalinìa klee jǐlenmɔ seɔ̌ tɛ̀ɛ u tɛ̀ɛ u dɛɛ imawla bò ke ɛ jě è je kwlǎ jajleǒ, nì neaě nyane tonmoǒ wlòmo u popooa slè le, ¹¹sɔ̌n nenɛ tonmo neaě ɛɛ demǒ nɛ̀ moo seɔ̌ǒ u dɛɛ wlekamì bò ke ɛ jě è je popoo ɛ flo měne fǒ plě ɛɛ tìe chle plě seɔ̌ tɛ̀ɛ u dɛɛ la solì bo ke ɛ jě è jè wlùǒ plě seɔ tɛ̀ɛ neǒ u dɛɛ sàdonisì bò ke ɛ jě ɛ blě popoo fǒ ë wǒ klò, è ɛɛ floflɛ wǒ nymɔ. Imo seɛ̌ɛ tanǒ nì u popooa slè i neaě sɔ̌n něnɛ tonmoǒ jleě. ¹²È tan nenɛ tonmo jǐlenmɔ seǒ tɛ̀ɛ udɛɛ tokwasi bò ke ɛ jě è jè kǔwlùǒ plě tìe wǒ kwlǎ jajle keà pǔka soǒn. E seɔ̌ tɛ̀ɛ u dɛɛ akatì ɛ plɛ̌ le bò ke ɛɛ tìe jě è jè pǔkaǒ, è seɔ̌ tɛɛ u dɛɛ amatasii bò ke ɛ jě è jè ɛ flo la, imo seɛ̌ɛ tanǒ nì u popooa slě le kaǒ keǒ tonmɛɛ tan nenɛǒ kɛn. ¹³Hɛ̀n nenɛ tonmo seɔ̌ǒ u dɛɛ kwieseleti ëǒ bò kee jě ɛ wǒo kwlǎ jajle klee seɔ̌ tɛ̀ɛǒ u dɛɛ onisi ɛ nu seɔ̌ plǔ, è seɔ̌ tɛ̀ɛ neǒ u dɛɛ jasepà bò kɛ ɛlě è jè kwla jajleǒ imo seɛ̌ɛ tan ǒ nì u popoa slè nì neě ɛɛ hɛ̀n nenɛ tonmòǒ wlòmo.¹⁴Keǒ seɛ̌ǒ i dɛɛ do kɛn keǒ u peě JekPɔpoo jbɛjuju oɔ doo nynɛ̌ ü ii wùɛǒ y ne uu do doo nynɛǎ kɛn le ɛ̈ di ɛ numa Ǐsòwě kwɛɛn dakɔ̌ dlěe pù tùo sɔ̌n'ǒ ii nynɛ̌a miǎ tùɔn kɛn ne keǒ ɔ jlěě mǒ ¹⁵Dɛ papɔǒ ɔ mɛ̌ɛ wlee bo u taa ɛ jlěe mǒ chěnmne u nunuu blǒ ǔ dbala ɛ keà nyu tlě dleě. ¹⁶Ǔ nua klòo kpnekpné sɔ̌n nì u kmeea ɛɛ koto eii sɔ̌n[ǒ nea lěe togbea ɛmo dɛ papɔ̌ǒ ɔ mɛ̌aa wlee bo.¹⁷Klòo chěnmnee sɔ̌n'ǒ nì u moana kòo wenaiǒ mǒ bo. ¹⁸Imo chěnmne kɔn'ǒ ii dlěe sɔ̌n tiiǒ nì u moana klòo kpnekpně noǎǒ neaa lɔɔ nya mǒ bo ɛ̌ di ɛ numa noǎǒ neaě kpakpea kɛn iklee jǐgbɛ̀ daloǒ i mǒaě jǐ mǒ kwekwɛɛ le i mǒaě ɔ wlee bo mǎ i mǒa pɛ̀slɛɛ lè.¹⁹Ɔ nua klò wenaii sɔ̌n ï ɔ moana kělɔ batle kotoeiǒ mǒbo, ɛmo dɛ papɔ̌ǒ ɔ mɛ̌ɛ wlèe bo klě ɛɛ wlòmo klě ɛ ngmne mǒ ɛ̈ konwaě něe jǐgbɛ̀ daloǒ le. ²⁰Ɔ̌ nua klòo wenaii sɔ̌n tìi nì ɔ tùa lɔ kělɔ batle dɛ jleě mǒ bo kělɔ ɛɛ nya ɛ̈ di ɛ numa noǎǒ sɔɔn kpakpea mɔ̀ mò i tee lee je i mǒ ɛmo jǐgbɛ̀ daloǒ mɔ̀ kwa blě. È imo wenai i konwaea kělɔ ɛɛ batle dɛ tà ɛɛ poɛɛ̌ neɔɔ kě u tùu lɔ imo wenaiǒ ïà miaě dalo koɔ̌ u dbalaa mɔ̀ kwa blěba tɛɛ.²¹Kě Koɔn nuaa mɔ̀sě tmɔɔ̌ nɛ̀ u nua teěn ǔ dbǎla wenaiǒ je ï neǒ keǒ dɛ papɔ̌ǒ neǒ ɔɔ wlee, wenaǐǒ nì u nua ǐ kwɛa jǐgbɛ̀ daloǒ je. I mo jǐgbɛ daloo wenalǒ u nuaǐ kwɛa jěgbɛ̀ daloǒ je. Imo jǐgbɛ̀ daloo wenaiǒ u nuua jeseě dɛà wǒo wlù u tla nɛ̀ u kekmeeaě i mɔ̀ u nuua jeseě dɛà wǒo wlù u tla nɛ̀ u kekemeeaě i mɔ̀ blè ɛ̈ di ɛ numa dɛ papɔ̌ǒ ɛ miě mɔ̀ pe koɔ̌ǒ kɛn sie le ɛɛ̌ dǐ je jle.²²Wlawlǒ ɛ̈ u peě ɛmo jǐgbɛ̀ daloǒ bobo u nuua ɛ slù ɛɛ jeseě nɛ̀ u dbaeale. ²³Tà u dbala lɛɛ klě ɛɛ slè u siaǒ wɔn, è ɛɛ wɔn'ǒ ɛ wǒa wòje keà u nu wien ɛ pnoǒ, è ɛ̌mo wɔnǒ u naea poɛɛ̌ wien kaǒ ɛ̌ tbɛɛa ɛ dǐ ɛ̈ di ɛ numa ɛɛ̌ di klǎ. ²⁴Kǔwlùu jeseě klee manǐwlùu jeseě plě jeseě chǒ nì u dbɛɛa le, è u kpněea nɛ tuǒ u dɛɛ pomakwlamì. Ɛ wɔ̌na jǐlenmɔ tè, nɛ̀ u nua kaǒ ǔ tbɛɛa ɛmo wlawlǒ fòɛǒ dǐ.²⁵Ɔ nua kpekleii, klò sosǒ nì ɔ nuua nɛ nì ɔ moana keǒ wlawlǒ fòɛ sɛ batle dɛǒ nɛ̀ ɔ moana i mǒ ble ɔ̌ poaě tuǒ u dɛɛ pomakwlamì nɛ̀ ɔ poa i slè le kaǒ ɔ́ moana i ble. ²⁶Kpeklei klee tuǒ u dɛɛ pomakwlamì nì u popooa slè lè kaǒ ǔ naea ɛmo wlawlǒ fòɛǒ ɛ wien, nɛ̀ bodiɔ pe mǒ ɔ ni Nyesoa koǔ bo konkwa wòje keó kan nuua Mɔ̀sě tmɔɔ̌a.²⁷Ǔ nua mǒ po wlawlě keǒ Ewnɔ klee ɔɔ jlǔ mɔ̀, u nuua i jǐlenmɔ dale. ²⁸Plě ɔɔ dlǒ kme dalo klee gbà kle klee jǐlenmɔ bogbɛ̌ tìi u mia lěe wlawlěǒ bobo poba. ²⁹U nua dolo papɔ̌ ɔ miaa mǒ ngmɛ̀ɛmo wòje klipae, u dbaea ɛ jeseě dɛà wǒo wlù plě klee ɛɛ dɛà wǒo manǐwlù klee jeseě chǒ ǔ kpněa nɛ ɛ̌ nmɔjǐle wɔ̀je keǒ koɔn nuaa Mɔ̀sě tmɔɔa.³⁰U nua kpnekpně noǎa ï neaa ngmajè ï mooa jboo dɛ, klò sosǒ nì u nuua ni ǔ tùa i sakwǐ kɛn le nì u tùa ngmajè keǒ koɔn mɔ̀. ³¹Nì u moanaǒ dlǒ kmee daloǒ ɛɛ nyane jleě mǒ bo. Ɛmo kǔwlù ɛɛ dɛ utlǎlaa wòje keò dlee keǒ koɔn nua Mɔ̀sě tmɔ̌ɔa teěn.³²Konkwa wùɛ ɛ̈ neaǒo bleǒ Koɔn jlɛ̌ bu nuaa jleě mǒ ɛ wɛ̀a mò kpǎkpǎ, è Ǐsòwɛ̌ kwɛɛn nùa noǎ wùɛ wòje keǒ Koɔn dǎlaa Mɔ̀sě je. ³³U jalaě bleǒ klě Mɔ̀sě mɔ̀ klee ɛɛ noǎ wùɛ neaǒ ɛɛ jleě mǒ, ɛɛ wean klee kǎ totǒ wùɛ klee ti u siɛnaa kǎ kɛn le klee ti blǐ klee ɛɛ kɛn bo nyna dɛ. ³⁴Blǎ beǒo koě ï u nua i floaa u kaen'a ɛmoo bleǒ kɛn klee jǐlenmɔ koɛ tìi u kaen'a nɛɛ kɛn plě da kpete ǐ u bǎlaa ble. ³⁵kuo win'i blɔ̀kun ï kɔn wlòmo teteǎa seɛ̌ paě nea lěe plě klee ɛɛ sinǎ u blěe ɛ plě klee ɛɛ chu.³⁶Ngmà fùo klee ɛɛ noǎ wùɛ kɔn'ǒ ɛɛ jleě mǒ klee flɔ̌ɔ unyee Koɔn Nyesoa. ³⁷Plě nǎpee tu u nuua klò sosǒ klee ɛɛ noǎ wùɛ kɔn'ǒ ɛɛ jleě mǒ plě chnɔ̌ keǒ nǎpeǒ mɔ̀. ³⁸Klòo chɔ̀no kǒngma klee de pne chnɔ klee sonsnǒ pàpi kklee pae waǹwun dalo u bɛ̌ lɛɛ je keǒ bleǒ mɔ̀. ³⁹Plě ii chɔ̀no kǒngma klee ii pně jɔ̌ɔ gbàgbɔ ɛ kɔn kɛn u peǒ soa ble plě sinǎ u blěe ɛɛ klee nooǎ wùɛ kwɛǒ ɛɛ jleě mǒ ble plě chìa mò jlae jěsoa ɛ klee ɛɛ kɛn bo nyna dɛ.⁴⁰È da kpete u sà ɛmoo tùɔn wùɛǒ je klee ɛɛ tiblǐ klee tiblǐi kɛn bo nyna dɛ plě da kpotooǒ u bǎǒo tùɔn'ǒ ɛɛ pae wanwun jleě mǒ bo plě klee ɛɛ dbí plě pně jɔ̌ u paa jleě mǒ ble ï u kmee nee daleǒ ǐ kekmee: mɔ̀ blè klee noǎ wùɛ ï kon'ǒ ɛɛ jleě mǒ u nuua keǒ bleǒ mɔ̀. ⁴¹Plě klee jǐlenmɔ wlawlě fòe keǒ bodiɔpò mɔ̀ ï u pee měne ǔ miě ngmajene tùɔn'ǒ kɛn ǔ nìě konkwa plě klee ngmajene dale keǒ Ewnɔ̀ klee ɔɔ jlǔ mɔ̀.⁴²Ǐsòwɛ̌ kɔn jlu nua konkwa pɛpɛ wùɛ wòje keǒ Koɔn nuaa Mɔ̀sě tmɔɔ̌a. ⁴³Mòsě nana konkwaǒ méne ɔ̌ jěa noǎ wùɛ ï u nuaa woje keǒ Koɔn nua nuu tmɔɔ̌a. Ii tè Mɔ̀sě poa u ngmna mɔ̀.

¹È kě Koɔn dǎla Mɔ̀sě je Ɔ je, ²"Nyane Sòbaeǒ ɛɛ nyone chnɛ̀ jlò wae keǒ ba kɔ bleǒ bo keǒ Koɔn Nyesoa mɔ̀.³È klě ɛ wlòmo klě ba tùiě kuo wìn'ǐ blɔ̀kun'ǒ bo ɛ̈ kɔn wlòmo Ně teteaǎ pù neěe. Ě ba nu dalo nɛ̀ ba bǎ ɛ je bo bɛ kan ɛ je. ⁴Jaě ngmà fùoǒ mòe ɛɛ tuɔn ɛ kɔn'oǒ kɛn bo tù klee ɛɛ noǎ wùe kon'ǒ ɛɛ kɛn. Sɔ̌noka, jaě nǎpe tuǒ mòě ɛɛ tùɔn ɛ kɔn'ǒ kɛn bo tù, mòě nǎpeaǒ ja mòě i ɛ kɛn bo tù.⁵Klòo chɔ̀no kòngmaǒ kɔn kɛn a sìɛn'ǒ pàpi nɛ̀ bò wùo kuo wìn blɔ̀ken'ǒ nya bo, mò dalo bo bǎ klě ɛɛ pae wanwun jleě. ⁶Keǒ bleǒ jemǒ keǒ bò beǒ chɔ̀no tògbee kǒngma ɛ̈ kɔn kɛn a miě chɔ̀no pieba. ⁷Keǒ bleǒ ɛ klee chɔ̀no togbeǒ pǎnpe keǒ bò tùo chìa mǒ jlae jěson bo ɛ̈ kɔn wan bò pòě ně.⁸Ngmiǒ a sà emoo tùɔn'ǒ je a nynae i bo a mǒ ɛ daleǒ je ble bǎ. ⁹Bò wɔ̀ɔ̌ kɛ li mɔ̀ plě mòǒ kɛ̀ le bleǒ Nyesoa kwete mǒ tù ɛ klee ɛɛ tǔnwni wùɛ ï neǒ ɛɛ jleě mǒ. Po i ngmajene chǹɔ̌, è ii pɛpɛ wùɛǒ i kɔn bi ne ngmaje. ¹⁰Dɛ tɛ̀ɛ kɛn'ǒ ɛɛ demǒ bò nuu nɛ̀ moo ngmojène chɔ̀no togbe kǒngmoǒ tù i ngmaje klee ɛɛ noǎ wùɛ kɔn'ǒ ɛɛ jleě mǒ. Phe i chnɔ̌ le è ii wùɛǒ i kɔn bi ne ngmaje. ¹¹È bò tù chìa mǒ jlae mǒ jěson'ǒ ngmajè klee ɛɛ kɛn bo nyna dɛǒ, dɛɛ doǒ nɛ̀ bò nu ɛ mò.¹²Jaě Ewnɔ klee ɔɔ jbɛjujlu keǒ bleǒ ɛɛ wanwìe nò u tmɔ̌nǒ u mǒ ngmajene ne pne. ¹³Mǒ Èwnɔ̀ wlawlǒ mǒpa ɛ̈ monoo bodìɔ wlawlǒ mò chnɔ̌ le pne. Dɛǒ nɛ̀ bò nu nɛ̀ moo ɔɔ dɔ̌ bo tùua klee ɔɔ ngmaje tùtuɛ ɛ̈ di ɛ numa ɔ mǒ Ně bodìɔ konkwaǒ nu.¹⁴Jaě ɔɔ jbɛjujluǒ mò u wlawlě měne po. ¹⁵È bò pne u chnɔ̌ le wòje dɛɛ doǒ nù nuu gbeǐ mǒ è pne ɔ chnɔ̌ le ɛ̈ di ɛ numa u mǒ Ně bodìɔ konkwa nu. Ɛmo chnɔ̌ǒ nɛ̀ mi u bodiɔpò mo numa ke ɛ mii kɛɛ jleě mǒ botonmo." ¹⁶Mɔ̀sě nua neǎ wùɛǒ wòje ke Koɔn nua nɔɔ tmɔɔ̌a.¹⁷Ii tè uu sɔ̌n nenɛ jlǒ bǔ sɔn'ě Ǐjɛ̀tě mǒ ɛɛ nyane sàbae ɛɛ klekle chnɛ̀ jlòǒ nɛ̀ u pooa Nyesoaa ngmajene bleǒ jɔ mǒ. ¹⁸Mɔ̀sě poa noǎǒ ɛɛ kǎ totǒǒ ɛ miaa kɛn bo nynama ble ɔ̌ dǔa kǎ totoǒ mǒ ɔ̌ nynaea ɛ bo ɔ̌ dǔa tiǒ u chnimae ɛɛ kɛn ble ɔ̌ bǎla i ble ɔ̌ nynaea ɛɛ tiblǐǒ ble. ¹⁹Ɔ jleea dale u kɔn bu pooa ɛmoo bleǒ kɛn le plě klee naǎǒ kɔn bi wɛ̀ɛa lɔɔ kɛn ɔ̌ poaě ii wùɛǒ jòje ke Koɔn nua lɔɔ tmɔɔ̌a teěn. ²⁰Mɔ̀sě dǔo teteǎa seɛ̌ paǐi sɔ̌n'ǒ mǒ ɔ̌ poaě i klě kuǒ wìn blɔ̀kun wan ɔ̌ dǔa ɛɛ sìnǎǒ mǒ ɔ̌ nynǎnaě i ɛɛ wwnai wan le ɔ̌ kaen'a nɛ ɛɛ chu je.²¹Ɔ̌ paeaě blɔ̀kùn'ǒ klě ble bobo ɔ̌ bǎla ɛ dale je ble, è daloǒ nɛ̀ ɔ kaen'a kuo wìn blɔ̀kun'ǒ je wòje keǒ Koɔn nua lɔɔ tmɔɔ̌a. ²²Ɔ̌ dǔa ɛɛ ngma fuǒo mǒ ɔ̌ paea lɛ klě pànto fòɛǒ mǒ ɔ̌ siea lɔ ɛ plomǒ. Ɔ tùua lɔ ɛ togbea wakǎ kɛ klě daleǒ demǒ, ²³ɔ̌ poaě ɛ flɔ̌ɔǒ u nyeaa Koɔn kɛn bo jòje keǒ Koɔn nua lɔɔ tmɔɔ̌a teěn kě ɔ nua ɛ nunuɛ.²⁴Ɔ̌ paea nǎpe tuǒ klě bleǒ ɛɛ pànto mǒ, ɔ tùua lɔ ɛɛ batle wakǎ kɛn ɛ klee di fuo chècheea ja. ²⁵È keǒ Koɔn jemǒ keǒ ɔ bɛɛ̌aǒ nǎpeaǒ wòje keǒ Koɔn nua lɔɔ tmɔɔ̌a teěn.²⁶Ɔ̌ paea klòo kǒngma klě bleǒ ɛɛ pànto mǒ ɔ̌ siea lɔ ɛ dale demǒ. ²⁷Ɔ̌ siɛna sonsnǒ pàpi wòje keǒ Koɔn nua lɔɔ tmɔɔ̌a teěn.²⁸Ɔ bǎlaǒ bleǒ Ɛɛ poe wanwun jleě bo dalo. ²⁹Keǒ daloǒ balaǒo blee wanwìe bo ɛɛ nya klě ɔ kɔaě chɔ̀no togbee kǒngma bo, keǒ ɔ piiaě wnunoǎa Nyesoa chɔ̀no je u jala ³⁰Ɔ koa jěsòn'ǒ bo klě ngmajene ble klee chɔ̀no kǒngmaǒ pǎnpe ɔ̌ jiěa ɛ ně wan.³¹Mɔ̀sě klee Ewnɔ̀ plě klee Ewnɔ̀ɔ jlǔ ǔ jlala uu sonwe klee be le. ³²Bǔ wɛ̀ mɔ̀ bǔ paě bldǒ bobo plě bǔ keǒ chɔ̀noo kǒngmaǒ kɛn mi, è keǒ Koɔn nunuu tmɔɔ̌a teěn è nɛ̀ u nu. ³³Mɔ̀sě sàla ɛɛ tùɔn wùɛǒ ngmi je ɔ̌ tbɛɛa bleǒ di klee chɔ̀no togbee kǒngma ɔ̌ bǎla i dale jemǒ ble ɛ tbɛɛa ɛɛ pɛpɛ wùɛǒ dǐ ɔ̌ babě ɛɛ pae wanwun jleě dale bo. Ii tè kě Mɔ̀sě nua konkwa wùɛǒ mɔ̀ wòwɔ.³⁴Nyesoaa tèjǐboaboaa chlùkpa chlìa bleǒ kɛ ɛɛ fonfɔn keklɛ̌a uu wùɛǒ uu jǐ ɛ̈ jǐaǒo bleǒ kɛ le. ³⁵Ɛmo dɛǒ nɛ̀ kɔn tè Mɔ̀sě seaě wɔ̀ bɔ palaě blěǒ ngmɛ̀ɛ.³⁶Ǐsòwɛ̌ kɔn jlǔ bo chlùkpaǒ bɛ̌ dǔ jemǒ u kɔn bu dǔ uu bleaǒ mǒ bu muě tà tɔ̀ɔ. ³⁷Kɛɛ ke ɛ mii jleě mǒ bo tonma chlùkpaó ɛ mǒo Jèě bleǒ kɛn ne tàa doǒ keǒ uu blea kɔn bì neě jèǒ bo. ³⁸Dɛ wùɛ u sìn'a lěe ǔ tebɛɛa le u jěa ɛmo chlùkpaǒ kɔn wlu sìn'a lěe ǔ tetbɛɛa le u jěa ɛmo chlùkpaǒ kɔn.