¹Acna yamu'i Gotin ikeuna mac yewekem birivi andafoni tivikeno. Goti wa, Jisasi Iyeno kina i manatira kaka i wano. ²Benana ikeu namac amankac i tiwikem birivic meyon barukimi vintemi. Beni nana yintimi ukukan tec u. Ikeunamac timayac i ono,Goti nic eran indini timemi mini eran indirac awac kurono. Ikeunamac Goti nic kakara i ra'inde kai da'imoko.³Iye ino mini mana waino, yenamac i ano timonec i yena mai mini umani marec umpe. Yen namac indin kei umani mare yom indira baruc ampa menimi, uman timi era rure ukuka mini yamuke. ⁴umac yamuc eni baruc erara i uckano.Puka bara indini ampa memino.Puka bara indini yenamac i ampa menim eran indira bara adada'u i ampamin temi ic nayem yamuc. ⁵Mini eran idini iyec ike'u namac uman timemi, iye ino.Newarafi,Goti ni ayini ikeu namac kimi aron dami tirapimi untikan temi, Holi Spiriti yockemi Gotin beni ike'u namac i timeno.,⁶Ike'unamac mac nukanami, iye'uyac erani dukeyafo mini yamuc i Jisin kum pukenim. Iye'uyac i Gotina iye indi keyafo. ⁷Newarafi mana wainta iyen pukemi avic man mini awokuc wainta dantemi.Beni mic nimuckami amac kac mana wainta pukene, awokuc wainta awickara nino.⁸Afo Gotim bemi ayenine ikeunama i yotika rukami.Newarafi, ikeunamac sini iniya wainta banami ikeu namac kai Jisasin kun pukemi. ⁹Micni mukami Jisasin ni narefoni ikeuna mac antekanu nibeko. Mininare foni ikeunamac Gotin arakimi yeron te umpe.¹⁰Gotin ni namuko ikeunama banami benacka pukeni toni beni yewekim ikeunama mana manakimi demi, beni yewekem awaba i Gotin timemino. Jisasin tivike mino benikum pukenim poni. ¹¹Mini mana waino, ikeunama puka wai tinoyono Gotin Iyeno ikeunama Jiasi timeni nare. Gotin kimi avoku banana bantemi.

¹O ikeni iye indikami tentiku, lo iye uyaindi keyafo yenani tekomini mewai ,lo indini laifi kai dafise wai ,mana yamu pa ayum laifi banka²Lo arafim , mareti inini bena wafun mam kucka, pa wainta ayum bane .Afo, waintapuki nane ,mini inni mareti iyon lo kina krabusi ka uckatena ino. ³Afo ,wainta pa ayum banane , benana i ena wainta mi mareti enine , mini inyani pamuki menon teno , manem ben awafu , pukenin iye mareti lo aninitikim ban temi .Iye wai pamuki ewa iniye sire aranteno .Afo beni ena wain ta mareti inaye.⁴Min imukami tentikono , ikeyabeke a,pui kano lo andun timi Kraisi ni ofine . mini benine ,icke yaba ena wainta mareti onami , iyem beni pue nai ucku kenafi minimukami ,icke unama Gotin kimi awoku ya akami iran teko. ⁵Mini yamuc ,ikeunamac i mana buic ayintai pani sini baru i lo mini ya akami iremi , ikeunama i tiruman daci pukeko.⁶Afo makewe karafusi Lo kimi, ikeunama aci tiwikeyo pukin kukusimi weko.Mini muka i wenkimi dotu sente, oyam waru i spiriti kimi marante iyem peyam waru mana duke i awaku ronte.⁷Ikeunama newetenu mini Lo sinimeno amami iyemana weni ampami temi. Iyen teni sini indiru dukante weni iyen Lo ikeni iyewa i aikirisi oko. ⁸Sini waru aci afotaki meno. Gotin ni Lo kimi tenkimi umanden sini wani pukemi.⁹Mana taimi teni ayumi wemoku mini taimi Lo iyewanikaci. Afo mini Lo taimi ye afotafimemi. Sini tici pukeko. ¹⁰Mini Lo amaka laifi mare yimemino tunami pukini maren yeno.¹¹Newarafi sini Lo anduntimi eram mandemi umaci tisinkemi. Lo anduntimi temi tiruman pukemi. ¹²Mini mukami Lo ackonda ni mukemi. Lo yewekemi Holimukemi weni anteka wemi weni awokuci wemi.¹³Nec andanda weni awoku wenafi tenkimi pukini maren yintemi. Amami iyen weni ampamin temi iyewaci no sini ec ananaci siniwa i wano. Awoku yokan anduntim andanda pukeni awic kemi.Tenkimi yeni Lo sini ampamemi mini andanda memi. ¹⁴Newarafi ikeunama indinkan teko spiriti andanda Lo wemi. Afo teni wainta yufimi weko teni sarim uraci karafusi kimi sini arafimi weko.¹⁵Nec andanda teni indikekaci uware kafu, teni iye inde kuna uwareko. Newarafi andanda teni indire uwararani unawe iyewa i mini indini uware umpe. Afo andanda teni iyewaci tiyewami uware umpe, teni mini uware umpe. ¹⁶Micni mukakem teni mini andanda uwarante tec iye tiyikami. Teni mana tiraka Lo nama weci Lo weni awokuci no.¹⁷Afo makewe iyewaci teni mini waru uwaran teko, tenkimi sini waci mini uware umpe. ¹⁸Newarafi teni indinkeko tenkimi. [' ten tufimi wako ] iyewaci awoku andanda wemi newarafi awoku andanda uwarara unane iyewaci mini uware umpe.¹⁹Awoku andanda ten tiyinta uwareke iyen teni mini uware umpe. Afo manda andanda we tenti tiyini iyen awakuron teko.Teni mini uwareko. ²⁰Make teni mini andanda uwaran tec umpo iyen tiyime. Weni manic mukemi,tena oni iyen awakureko, afo sini tenkimi waci mini awakureko. ²¹Make teni afakaman deko mini Lo anduntine. Tec anteka tiyi waru uwararare. Umaden nurami teni manda waruci duke umpe.²²Newarafi, ano timoneko Gotin ni Lo kim nama wainta kim namake. ²³Afo teni ona eckeci ten tufim mi ecna ukam Lo tenkimi wemi. Weni eran tiriri ukami ecno mini tenti indini oyan Lo namake. Mini make temi tiwikem karabusi kimi uremi Loci sini foni . Make ten tufim nukami wemi.²⁴Teni mana manda ecwana wainta weko, iye amaka temi manam payam wainta minteno karafusi kimi. Teni puci keko mana wukine. ²⁵Gotin nani tusuwe teko teni, Jisasi Iyeno ikeunama kimi wemi newarafi, tenti indinta mana teni dotu seko Gotin ni Lo kimanaci .

¹Jisasi kimi beyo daimiri, iyen yeni make kockim beyo. ²Newarafi loci spiriti nama laifi Jisasi dukenimi, mana mayuni payani meko numoci lo nama pukeyo namake.³Nec andanda lo iye uwarano wani tikenafi, newarafi beni iyen erani dukeno ben ocfimi. Beni Gotin uwareno, ben ackaci bena oni tankarami kundemi mana ukam bumi akakemino. Ikeunama numo ewana waintaci beko, beni koci numo amirami ikeunama tufimi yemi. ⁴Beni micnurami umacden andanda lo ayenicmi uwaremi, ikeunamac kimi umacdemi ampamemi. inke ikeunamac iyen awakurec kafo nama bu ic baruke. Afo spiritin ayenim barukac awakurokon teko. ⁵Iyeuyac ic mana bu ic baruc awakure yafo, yeniyic indirab yiraka se mana andanda kimi deno mana bufine. Iyeuyac ic spiritic baruc awakureyafo yenyic indira yirakase manan andanda kimi deno mana spiriti kine.⁶Waintau yic indini yen yufim benimi pukin temi, afo waintau yic indini spiriti kimi benimi awoku arac namac ic pani ayumi bantemi. ⁷Mana indin ni mana bukimi dafiteno, Gotinic namuko bemi, nevarafi Gotinic lo arafina benaino, beni iyewac manan awa kuritemi. ⁸Iyeuyac ic mini ayir ava kureyafo Gotin iyen amoyintemi mana bu ic ayiruc avakure vanane.⁹Afo , iken ni iyen awakuromino mana bu ic baruke. Ikeni spiritic baruc ic awakurami, puka banane, Gotinic spiritic ayin ni iken kimi bantemi. Iyen iniya waintau kac ic Gotinic spiriti iyewac dukeyafo mini daimini ben indawa be yaune. Mini daimini beni daiwano. ¹⁰Jisasi ikekimi bemi, numo baro poni mana bumi pukemi. Ikeni pani ayumi bami, anteka spiriti dukami.¹¹Iyenic spiriti Jisasi mi ukukanke nafi, wainta pukiyon makusa beni ikeunama kimi bemi. Beni iyen Jisasi masipinke ukukan tenafi, benic mana bukaci laifin amintemi, Spiriti eran toni manda mintemi, beni iye ike umana kimi bena.¹²Micni mukami ten tinkuno, ikeun namac dinawaci bekin noko. Ikeun namac iyewaci mana buic ayini awakuro mana buic baruc. ¹³Afo, mini bara ayira mana buwaci awakurono ikeun namake. ikeni pukin nakono, afo Spiritici erantoni ikeni aruma pukomi mana buic bara ayire. Ikeni pani ayumi banakomi.¹⁴Gotin nic Spiritin anasi wainta mana eyouni yivikemi bemi. Mini daimini Gotin aka fandaic meno. ¹⁵Newarafi, iyewaci ikeni karafusic in Spiriti i marami. Akac ikeni yevekec pekan nakono. Iyeno, iken yifonic Spiriti marami, beni ikeun namac manan benakafic usin kantemi, micni mukaci ikeun namac Gotin arekaci ''Rabba o, Tentifo.''¹⁶Gotinic Spiriti foni ikeun namatic Spiriti i yokan temi, micni mukaci ikeun namac Gotin aka fandam beko. ¹⁷Yeveke ikeun namac Gotin akafanda beke amami benic andanda maran tecu. Micni mukaci Gotinic andanda benimi ikeun nama tinda waci bemi. Gotinic umacden andanda benimi Kraisti waci ikeun nama tinda bemi. Pukaino, ikeun namaci Kraistinic umarac mareke, benic kakandac baci maranteko.¹⁸

¹Teni pukan teko Jisasin awitine, teni iyen umacteko tenti indini mana afo tafimem, Holi Spiriti kimi wecu. ²Micni mukaci teni iyena tikuno wac tinawisici mare umpe ten tirapine.³Newarafi, temi tiyewaci mini umani maran teko, tentinku nuyi awoku kani teni mapaci wanteko Jisasin Kine. Iyeuyaci mana daime weyafo mana wukine. ⁴Yeye Israeli mone, yenyifoni wani mareno, yeni kakan dukeno, kotrakan dukeni mini lo yimemi, Gotin kimi lotu waru dukeni yeni mini wani ukoreno. ⁵Yenyic peyam baintauc mana bayon kimi inarun intan ye afotafic emi, weni Gotin umaden andanda kaci bemi, ben awic manawac yanic ono umaden yamuke. Pukawe.⁶Afo mini waino, Gotin aminanmi iyen ampakeno, newarafi yeni Israeli yindam benaino, Goti inda beno. ⁷Micnimu kami umaden Abrami anawasi weyane. Yeni puka wen akafanda weno, afo Aisiki ben anauci yararem yimemi.⁸Mini wani tikemi, mana wui aka fandaken Gotin akafanda ukeyone, micni mukami, pukasikan intauke, yeni puka ampameno Abramin anawasimi weno. ⁹Newarafino mini wayani beni temi sino, mini yamuci Serami ami amiteno.¹⁰Mini mana waino, iye ino icna yemi Rebeka amubasi emi mana inta makemi, mini baintan beni Aisakin afom bemi. ¹¹Newarifi, anuc iyewa ampa meyafo, iyewa mandauc wani uwarano, awoku ware micni mukami umac indini Gotin awitac mana bemino, iyewaci ike unamati waruc awakurin teno, mini daimi mini baita iye yemi yarenafi. ¹²Newarafi wayanI Rebeka wapai wemi wen acwa wen afakeyon yokani maremi . ¹³mini weni mi manaic mukemmi ;yeni uwandami manaic mukemi; Jeikopi temi ayimi Isomi iyeayemi .¹⁴mini mukai ikeunamac nevec tenuno iyenavokuc wani Gotin kimi wemino , weni iyewac ino iyewec. ¹⁵newarac weni Mosinmi tamemi mamemi temino, teni iyena awac bac onteka, teni wemi wawac baci teni iyena tiracpinke tikuno amenteko, teni wemi tirac pinke tikuno amenteko. ¹⁶Minukami wemi iyena ayena fino, iyena ayewam iyayem benpac benafi, Gotini ayirukac micnon beni awabaci yoyikemi.¹⁷Newarafi, manawayani tandemi Kin Feromi tamemi temi, mini indin taci teni emi maken ecu. Mini mukaci tenti erani afotac kukami emi yoakan tecu, yeyac mana maken anonkac ten tiwic afotafic intemi. ¹⁸Goti beni awaba yimemi bantauc uke benic ayinino, benic ayintaci yen yinduni eran nuyinkemi.¹⁹Ikeni tenani macnin tinakomi, beni nec indin takeci ike unamati umani afakenafi a? Amankaci iye ukana beni ayini ukorin tenafi a? ²⁰Ikeni pani bantauc bamifo, ikeni iye ukabekaci Gotin yewekec tamin teka, maka kura baitan tamemi manurewac maka kura uwarano. Teni ampan dukec onana weni neware tire fono a? ²¹Amankac beni maka kura uwarewai, maka kura anonkac iyewaci napac wemi. Beni ne andanda uwara indin tenafi, beni uwara temi a? Amanka iyen naupa dukemi make marantemi, mini kura uwarana yomi pukin tacnama iyena baruyintac yunkanayomi, umadem nuram yunkanom kuram beni uwaran temi.²²Afo Goti ben arami yocyi kemi beni erani manan afo taci demi, beni nanayin timi bemi akaka emi ben arami iyen yocyi kemi. Beni mini arami tesa ukenimi iyena uman nino a? ²³Afo beni macni memi,umaden awoku andanda beni kakan timi yeukan ankakemi, beni kuran narokaci beni tesa mukemi beni kakan taci. ²⁴Inkenikac intenafi ike unamaci, beni iyeyemi yare nafino. Judauyic banapate ike unamac kara sino. Iye ino yibana paten indaimi ukan dabaci sino.²⁵Osayan benic yokimi tikemi, teni yaran teko tentic anasi wanta temi iye uye, anani tiyikaric emoni. ²⁶Yeni bayani tiyimemi makusaci orenoyo, ikeni tenti daimiwa wanano, mini awafeke beni yaremi ikeni Gotin akafan dauci pani bano.²⁷Aisayan Israeli uci yararemi temi mifa ecako Israeli intauko, iyena nomi nampisifa bam euwe, Gotin nic daimin kipac ukami bami yiwikan temi. ²⁸Newarafi, iyeno mana makan mandac intemi, umadem kipa rami, beni iye waci antike mino iye ino. ²⁹Acnani Aisaya temoni, iyenon yeukami anakakemi temi ecaya maya eyon tinawasinuc pawako, Sodom Komora eyomi mana monteko.³⁰Ike unamac make newe tenu? Ena daimin awoku baruci iyen ukoreno, make beni awoku bani mareno, mini barukimi biliwi meno. ³¹Afo Israeli yeni lon awakureni antekam bani mareno, mini makikaci iyen ampa meno.³²Ne andwara ac, mini andaware, yeni biriwic anda iye ukoreno, afo yeni yokeyom bani mareno, yeni onawo pate yandeno. ³³Mini wayani wemino, onano, Zaiyonic anukaci teni mana oni yandeyo oni decu. Mini oni yeni mini oni yamirintem, beni iye uyaci birivic eyafo, yeni iye amanka yiyorin maranteyafo.

¹Ten tinku no, eratikan dani tirapimi beno, tentic tukamun kini Gotin paci uremi, beni yewekem yiwikan temi. ²Newarafi, teni yenyic baruci manan afotai deko, mini mukami yeni ran ayini Gotimi ameno, iye yeyic indi baruc bantemi. ³Newara, yeni iyen indi keno Gotini antekam baruke, yenyic yiyitai mini wani ukoreno, yeni yeweke Gotini atekam barukimi iyen ameno.⁴Newarafi, Jisasin umaden lo aman kafic muyin kemi antekam baruc umadem waintau awakureno. ⁵Mosisin uwandemi tiyimemi, antekam bani lo kimi yimemi, wantauc antekam bani awakureni nec lo indai enafi, beni antekam yaum barukimi bantemi.⁶Afo awoku baruci ampamemi, biliwic barukac temi iken yirapinke iye wac teko, Iye inarumpa urin tefe a? Bemi awikemi jisasimi kumemi. ⁷Macni iyeseno, iye kumin tena waintauc puke yonikine a? Waitauc pukeyon kinken beni Jisasin awikem urintemi.⁹¹⁰⁸Afo newara teyate, bayani en acnakai beno, en ofem namac arapim namac ibeno, mini bayani biliwic bac iye umanai afotai decu. Newarafi, afo eyofenke macni tire tewe, Jisasin iyeno bemi en arapimke biliwic kac ono, Gotin pukan kinkena ukuka ankemi, pukeyom waitac memi. Amankac Goti yiwikam temi. Ten tirac namac, wanta awoku baruc biliwi emi yewekem ben ofenkana namake.¹¹Goti awayani temi, wantauc bemi biliwic meno, yeni iyen yiyorin teno. ¹²Neware tire yaci Judauc nama Grikiuc namac manac ukeyafo, Iyenom beni maya bemi umade uyic iyenoi, beni umaden waintauc awokufic uyinka remi yaraman bempaci demi. ¹³Mini mukemi, wantauci iyeno awitimi areno. Beni yem bekem yiwikan temi.¹⁴Afo benkim biliwic iyemeno, iken ararikac inteyafo? Afo yeni iyen indeno, ikeni inkenika inteyafo benkac biliwic eni a? Afo ikeni indirekaci inteyafo wantauc mini bayani iyewac tiyimini a? ¹⁵Inken nureyaci baya tiyi minteya, afo yemi iyen tiyin kenone a? Micni mukami buku kimi tanirem bemi, wantauc yeremi yimoyin bayani maren tiyimemi yen yimeni awokufic memino.¹⁶Afo yeni iyen awoku bayani indeno, Aisayan temi iyeno, iyeye namac tewanam bayasim biliwi ena a? ¹⁷Micni mukami, biliwic ampamemi wantauc indeno, Jisasin awayayac indeno.¹⁸Afo teni teko, yeni iyen indeyo a? Eyo, puka ukane, yenyimeni umaden makusumi bemino, yen yiwayani mana maka acnonkai bemi.¹⁹Teni yeweke teci, amakac Israeli iyen onakeno a? Acnani Mosesin temi, kipac daimi yen yiwici iyen bemoni, yen yiraci mandai muyin kantecu, teni emi arami amentecu iyeuyaci awoku indini iye dukeyafo.²⁰Aisayan beni tiric mentemi, iye ukaci temi iyewac tifakeka fono, yetifa kako, iye uyaci tenani iyewa indeyafo yenkaci ye afotafic eko. ²¹Afo Israeli uci beni teni, umaden nurami ten tiyami yewekec yenkaci dukecu, iyeuyaci bayani iye indeyaci, yen yirac erare nafi.

¹Teni yeweke teko, amankaci Gotin yewekem beni daimi akoyun yimenafi a? Newaraci, iyewaci ampamin teno, teyabaci mana wanita Israeli kem beko, teni Abramin anam beci , teni Bejaminini daimim becu. ²Gotin beni daimin akoyumi yimemi, iyeuyaci beni indike nafi acnante nuye, amanka ikeni iyen Gotin awayani indikami, yeweke Elaisa ne asakaci beni okamun kenafi, koci Israeli kuci yimemi Gotiwe a? Elaisan yeweken temi. ³Iyeno - o, yeni enic yokam waintauc yiru eni eni alta ukaraman dam kumeni, Teya maya ukami banani tifakare tiri ranone.⁴Afo, Gotin beni ne wayaci tiyi menafi, teni 7 tauseni waintauc uci dukanami, iyeuyaci umac Gotin kac yikor ukareyafo. ⁵Manai mukeno mana yamuke, mayac eyouni bara beyafo, yeni awoku barukim mana beno.⁶Afo beni, awabakimi bemi, amane beni eran yokam baruci iye ino. Afo beni eran yokam baruc amemi, awabake puka awaba kewa benano. ⁷Make beni ikenika intenafi a? Andandauci Israeliuci yeweke afakenoyo, yeni iyen marenoyo. Afo mayac eyouni uware noyo, ena yirakac bayouni eran neno. ⁸Mini mukami bayani pani bemi, gotin benic ayufunkan spiritin yimemi, yen yukami iyen awokufi emi iyen onan teno, yen yakan kinke iyen awoku indiric inteno, make mana yamuc kake.⁹Icna yemi Dewitin macnin temi, yenyi sia manam neti ampa memi parobam buyemi, mana onabami pafan tini yeni umani yimenoyo. ¹⁰Ec anan okanai ayufu karai untikano, micni mukami yeni iye waci onan teno, umaden yamuci yeyani yirin teno.¹¹Teni teko, Amankac oni yikani ankac dani yeni yami reno a? Iyewaci mini ampa memi, afo iyeno awayani iyen inde ona baruke, Gotin enuni yiwi kemi, Juda iniya wainta yirami yimemi. ¹²Makewe, Jiuci iyen indeyomi yenyic awoku andanda manan makakaci yimemi, yeyic spiritin bani yeman dekem Jentailic yimemi, Jiuci nacde iniya waintau kac banteyafo.¹³Teni maken emi tameko Jentaili, teni maken Jentaili uyic yokam waintam ban, teni yempaci tiwic mini yokataci maran teko. ¹⁴Amakac teni mandan indiric yinkan teko, tentic mana daimiwe.¹⁵Newarafi, yenyi wani inde youni yeweke mareno, mana makakaci umaden yeweken Gotin paci beno, amanka newerafi andandauc emi, amankac ye Gotin awaya awakureyo laifi yimin temi, iyeuyaci pukeyafo. ¹⁶Kipa breti Gotin ame onave, yeveckem ara yarayu baci beni damanai. Yaya kuci Gotimi ameonawe, ayama rubaci beni damana ino.¹⁷Oliwi yaya yamani ukarem bemi, afo afsam oliwi yani yeweken oliwi yasaci omun kemi koma, ben kakena awoku yunami,oliwi yasakena maremi. ¹⁸Iyewaci ike yani ampin noko afasam oliwin ayamare, ikeyan yewekec tasa seko, ikeni ayamani bami, ikeya anda erani ama naino iye ino yaya yaku manan erani amemino ikene.¹⁹Ikeni eyowa teko, mini ayamani ukarem kumenim poni tenti dumu kenin kimi beno. ²⁰Puka ukamino, newarafi yeni iyen yiru inteyom poni kikareno, afo ikeye erara ure ukuke biliwi oko, ikenyic inditac iyewaci ike yani yanioko, afo ikeni pekantina bako. ²¹Newarafi, Gotin yemi iyen akunon yimemi, oliwi yaya yamani uke, beni iyen akunon timin temi ike unamac enon banami.²²Onano yewekewe, Gotin aram baruc nama, awaba baruc namai mana saitin Gotin eran arami Judauci yimemi, iyeuyaci yande yafo. Ena saitin, Goti ike unamac yeweken tikuno siremi ike unamac yeweken ayemi. Gotinic ayintac ike paweke, Gotin awayan iye indeke beni ike unamaci tisin kantemi.²³Jiukaci kani teko, ikeyi biliwi baruci iye awakureke amamino, Gotin yiwiken maren oliwi yasac damin temi, Goti benanan yiwiken urintemi. ²⁴Afo ike unama afasam oliwi yaya yamani becu, puka Goti ike unamac oliuwi ya namac dumemi, beni ikeni ukanani usinkan tenafi, Judauc yeni iyeuyaci puka oliwi yani beyafa, Goti Judauc yewekem yiwicman oliwi yasa kukami demi.²⁵Newara tentin kuno, temi iyen tiyewako ikeni mini andanda ayofaken nimi iyen onako mino, ikeni iyewa indike awoku indini duke umpe iyewai teko, mini andanda ayofakenimi, macni mukemino picpa taimi ukami Israeliuc yen yiraci eran nitemino. Amankaci mini nampa ena iniya waintauc Gotini bani tikami yinteno.²⁶Inayen ukami Goti umaden yewekem Israeli kuci yiwikan temi. Mini wayani beni macnin tikemi, karafusu mana waintan yeyi wikemi Zaioni urintemi, Jekopinic daimi umac gotimi awakuremi bemi yoman nani dantemi. ²⁷Mini manam tentin dac memi yen kimi bantemi, umaden sini mini yamuci yoman dantemi.²⁸Gotini awoku wayani awafake Israeli namuko menone, mini awokufi minone, ikenkin namac, ena daimi namake. Ena awafabaci Goti beni Israeliuc umademi makin emi, newarafi yeni Gotin daimi weno. Goti yewekem yeyina namac bemoni. ²⁹Gotinic awabac nama aran nama waintai yaumi bemi iye ukami yoman dantemi.³⁰Newarafi Gotin awayani indemi, afo makewe ikeni mini awabaci marekomi newarafino, yeni Israeliuci Gotin awayani iyen awakureno. ³¹Mana bananawe, make mini daimi Judauci bayani iyen indeyouni make kipe nimi macni memino, Goti beni awabaci ikeni yimemino, yeyabaci Gotini awabaci maran teyo. ³²Newaraci , Goti beni umaden nakami yiwicman bayani iyen inde yonkimi demi. Micni mukami, amankaci beni umademi awabaci yimin temi.³³Iyefino, amamkac teni iye ukami onan teko, Iyeno Gotini awoku indin namac baruke, newarafi iyena nomi kumenic memino. Beni ani yoyi karani onanteno, Gotini kokimi beni baruci iye ukami akakaec onanteko. ³⁴Iye eni, Iyennoni indni onakewa, bemi iye ukanai bemi indin aminte nafi a?³⁵Gotini andandauci acnani iye yime nafoni, bemi yewekem amin nonami mini wainta andandauci ukena a? ³⁶Newara Gotin kimi benkim manawe, umaden andanda beno, yeweken iyena bikaci ameno beni maya ukami bemi, Pukaino umaden nurane pukawe.

¹teni eran wayani tenti wauna mi macni tiretiyi men teko, Goti ni nayayin tine, ikeyu yeweke aminteke mana ofabeni Holi ukemi Goti okaka umandem mi amakafi ino. Mini macni mukemi mana awoku yokani ikeni mara kanomi. ²Iye wakaci mana ukano mana makaka weyon daimi namake, afo senisiwac ampa mino umaden oyan indire. Micnure kaci ikeni onako ne andandaci awoku benaci amankac beni ante kantenafi Gotinic ayini awoku yintemi.³Newarafi, teni mini nanayin rani teko Gotin timeno. Mini mukami umaden iniya waintauc ike unamac tiwanami weyouni iyewakaci yenyi indini mendan kac urino, beni makin kaci bemi indini wanteno, afo micni mukami yeyan bakaci umaden awoku indira dukako Gotin benafoni mana mana yimeno yenyic biliwi amankaci.⁴Newarafi, ike unamac amuna arayaran bundu keko, mana wukimi umaden arayara wui manaic ukan yokani maran teno. ⁵Mana ukam bare, ike unamac umaden Jisasin kimi mana wun dukekoike unamac maya maya arayara wun mana wukimi duke kunawe enuyida waino.⁶Ike unamac umaden maya maya dukekuna amoyini Gotin timenine, ike unamac benic nanayin time wac bantecu, afo mana wainta amoyin dukeni, asewam profeti no, amankaci beni micnin temi, icnayemi biliwi makin dukenin kake. ⁷Afo manacin amoyini yokaruc maran tene, amankac ecana beni yokam marano, afo mana waintam amoyini dukem sikuruc tiyi memi, aman kaci beni sikuruci tiyi mintemi. ⁸Afo maya amoyini dukemi enuyabac waya tiyi memi eran nuyinkemi, amankaci beni enuyifa inanin wayani tiyi mintemi. Afo mana waintam amoyini enuyabac andandau yimemi, amankaci beni amoyin namac andandauc yimin temi, afo maya dafisin eyouni amoyini dukemi, amakai beni anasi wantau yiwikem awokukac bintemi, afo mayan amoyini dukemi nanayin waruc yoyikemi, amankaci beni yoyic kantemi nanayin banamaci yinani amoyin namaci.⁹Ec anaci puka waraci ayin nanimi ampamino, umac waruci yomanan dawaci awokuwac pakano. ¹⁰Enaya bakaci ayino, mini aman kakac ayino, yewanampate weyom tenti waunam iye uyaci mini ankunkimi weyafo, micni mukami mini waraci enawaci yocaka, yimiraci iyenakac urewaci yoyikano ena enawake.¹¹Iyewac pekano awoku waruc uwararare, amoyin nama kaci uwarano, umaden yamukaci Spiritin ayirac awakurono, eyara pinkewe, iyenon kine umaden yamukaci beni yokaric kaono. ¹²Amoyaci ono, mini eran indini ikeni dukenone icnayem yamuc, umani yewa nanim andu tine ikeni awoku yira kaka bekaci yukam munkec bako. ¹³Yofawac ono enuyabake , iyeuyaci biliwic eyoni umanduke yafo. Ayuc afakare waci yofa urewaci dafiseno yene.¹⁴Awabaka ono yeni emi umani ameyouye, micne youyaraci ayino, iyewa kaci manda wayani tiyimeno. ¹⁵Iyeuyaci yimo yeyafo yenama kaci amoyono, iyeuyaci ifideyafo yena makaci ifidano. ¹⁶Mana indinta manawaci wano enuna make. Iyewac bayani indi karayu kami ewaci ikeyarac iyewac yanic oko, afo yonarewaci mini daimi yeyani yani eyon iyewa dukeyo yawake. Iye wakac mini dukako ikeyan yanic in indire.¹⁷Iyewaka yemi manda waruc uwan yinkano, iyeuyaci yeni emi mandac waru uwaran keyafo umaden yukan kaci awoku barukaci uwarano. ¹⁸Afo ike amankac uwaran teke, beni amanka ike unamac wantemi, amamacde nanayiti naci umaden iniya waintauc namakawano.¹⁹Ikeni yeweke enuyic umani iyewaka marako, ikeni tenti awoku daimim wami, afo ec anaci Gotinic aram manawaci ampa mino. Newarafi wayanare beni temi, manda waruci bekin neyone tentin dawaci tenafuni yemi manda ayaci yimentecu, beni Iyeno tiru temi. ²⁰Afo ikenyi namuko aram pukewaya, amankaci yunami amino nami afo wen amendac wac ayan kewana amankaci bemi nomi amino nami. Afo ike micneke yemi anon yiyorini yemi yimin nakomi. ²¹Ec anam ikemi iye wakaci manda waru ikemi dakarano, afo manda waruc dankumi nakaci ikenyic awoku warukaci urino.

²¹Ec anayac i umacden iniya wainta Gawana awaya nana wac i awakuroko, newarafi, Gotin benafonic Gawanam yimemi, Newarac Gawanauc beyafo, Gotin bena uni makin emi. mini kemifo iyec ben awaya iye indinte, beni iyen eyo tirukami Gotinic Lo wani iye uyac micne yafo, benafoni koc i maren yintemi.³Newarafi, kamani iyen namuno inteno awokuc waruc uwarewa nane, afo mandawa ruc uwaram iniya wainta mandac uyinkeno. iyena pekani ikeni iyen dukamino iyec i kamani wenafi. Afo avokuc waruc uwande kac i wenic awokuc indin marako. ⁴Newarafi, yiyenonic yokam wainta wemi. Mini mukac i ikeni mandaic mano, pekarac wano, newarafi, pa yukami beni iyem bainati pakeno, newarafi, Gotinic yokam wainta wemi, wenic arami bekin inteno, iye uyac i manda waruc uwareyafo. ⁵Micni mukemifo umacde wayayac indeko, indirec Gotinic aramac iyeye ankano, newarac awa kurinte, mini i awokuc andanda ino.⁶Mini andakake, kawa manimi ikeni monic i amano,newarafi kawam mani i Gotinic yokam wainta wani umacden yamuc i ameno. ⁷iye nac i yewekec amin tefono,iye nac i mini takisi amini tefono, amirac ameno, ne ayac yimi rarac indekafono yimirac yimeko.⁸Ena ic andanda uc i iye wac i payukam marako,ike ye ena yiyeni waruc wakac i dukako. Newarafi, iyec i ena i laikin intefono,mini i Lo ukami awa kurenone. ⁹Loi macni tikeno,'' iye waca pamukic ono, enawa iyewa i arono, iyewacka i umorono, iywa kac i eno lotu sewaya imanda indiric ono, umac de i mini wayayic aniniti kimi weyo '' ena ona ekewe eyani one ona onarikac ono,'' ¹⁰laikim meyom wani, iyen ena anduni areno, micni mukami, Loic anda wenimi wawa kureno.¹¹mini fonana, ikeni inke pakac wanteka indin nakono, mini wenimi oni rukakemi ukuke ona kac i indin nonano, newarafi, ike unamac yetivi kantac i ac i acde kafic meno, mi i anatapac i bilivic ewa ona kewa wenai noc. ¹²A yufumi ac i vimi, wanorami yeno, micni muke mifo, a yu fum kakenim yoka ru i, manan nekaka dano, kawe wan tu ana kac i manan deko.¹⁴¹³Eke unamac era rurec, yocdekac i