¹Tauseni inaya wainta ye manakimi ye bakuyenove. yeni amunom bani makuyuba ic untikakani yenyirani paminureni. Yeveke Jisasi benic disaiporo neren tiyimemoni, ikeyaraci avokufika ureka anteko faresiuyi sisi kake. Teni yenyi umakani teko.²Afo nec andada ic ayovakake naic afotafi intenafi mana waintakimi iyevaci mana andandava ayofantemi ³Mini mukami ne wayayaci ayufunki beci tintefono yevekem anasi wanta kakantci inditeyo yeve keni bayani ena akampem ayofakam rumukim bec taminte fonove, mini wayaya maro iyena minteno mac amusine.⁵⁴Tenti kandauko, teni ikemi tiyimeko, ikeyeve iyevakaci pekako wanta mana bun yiruman pukeni nareve, yevekem icnayemi iyevaci mana andanda dukemi beni uvaranteno. Micni mukaci teni make ikeyar anteko wayani inkemi tiyi mirukanaci iyen akara pekan tekafe. Ikeyeve Goti akana navaci pekakove, beni ikemi yiruman pudemi yevekem beni eran nama avic nama dukemi ikemi ikafimi acnitenove eyove. Teni ikemi tiyimeko ikeyeve benaka nanavaci pekakove.⁶Ikeni indikano, wantauci indeni yeni 5pi kapa nunuci tutoyakaci aya enonove. ⁷Mini mukami Gotive iyevaci beni mayami avinkeno. Ikeyeve enakukam mukami kipa numaci arunkami.⁸Jisasi yeveke mana wainta ten tivic ena daimi tiyimene, yeveke wainta akaci baci ben avci tiyiminteno Gotini ensoro upapaci. ⁹Akac yevekem mana wainta ten tivic ena waitaba ayofeye mini mukaci teyabaci Gotini ensoro bac ensoroupa baci ben avici ayopantekove. ¹⁰Iyen waintaci Iyenon Akaci asintefe , yeveken Gotive enic numomi avinka akante, yeveken iyen waintaci Holi Spiritin asintefe, Goti iyeva kukami mini wainta numoci indiakan temi.¹¹Afo waitauci ikemi yevekem yivikem i dotu mapac kavamani vac hetmaniuc yukankac bekeve, iyevakaci ikeni bekaci anon indiri ure mani teko, neve tirekaci yemi wayani bekin nantekafono, oc mayuni neve ukana ic tente kafunove. ¹²Mini nuran ukami Holi Spiritin emi wayani tamintemi enan tamino nami.¹³Mana wainta amuno iniya wainta bayon yibanapatemi Jisasi manin tiren tamemic, Tisa oc amankakaci tentifa tiva tamina naci manacin andandauc tentifon indauc temac dain timinte . ¹⁴Jisasi yevekem bempaci indaemi temi, nakac eva iyeci temi makin narukakaci teni iken kandayi jasivec ikenyic andandauc dain yinkano varakaci tekafono. ¹⁵Yevekem Jisasi anasi wainta tiyimemi temi, pekakaci yeveke ikeyaraci antekove, iyevakaic amuna andada dukarar indikano.¹⁶Jisasi yevekem anasi wainta veikam wayani tiyimen temi, mana moni wainta ic anayokimi amuna yunami beno. ¹⁷Beni anon indiric muremi beyani manin temi, teni make neukana ic uwaran tekafon,ove, teni iyevaci amankac iyena mac dukeic amanka dantekove. ¹⁸Beni yevekem manintemi, teni make kapakap maku rausin nareic iyena macyakan uwande ic masiden yunanu manac ecna ecna andandauc namac mandeka mini macyakan kimi dantecu. Yembeke teni manintecu, ¹⁹Make teni amuna orande indavani yunanuc manandeuc. Amankaic teni make taunda teuc. Teni dadake kumandeic yunane, none ic timoye banteko.²⁰Yevekem Gotin mini wainta tamemi temi, eni anana wainta banano, kake eni mana ayufumi pukino nano, eni andandau ci bumini ec onave iyeukana marante nafi ac? ²¹Jisasi temi mana andandauic iyem waintauc kaic buminic eyafoni yenkimi ampamin temino, Gotin okankake mandau ic beyo.²²Jisasi beni disaiporo ic manin tirem tiyimeno, teni ikemi tiyimeko, iyevakaic ikeyi laifivar anon indiri okove, ikeni inako andanda vani iyeva indeko. ²³Ikenyi laifi yunama ic arunkeno, yeveke iken yuva, andanda vaic arunkeno.²⁴Jisasi yevekem maniteno, ikeni nunuic onebeka fonove, yeni iyeva ic yunan yodeni manakimi bumini enonove. Yeni iyeva ic yunam bumini inayom maic dukenoneve, mini mukami Gotin yemi yonaremi yimemino. Ike waintauke nunuc baic arundeic yanukami bano. ²⁵Ikenkike iyeic ena laifiva mana mikadanteva amuna indiri iyeva ocno. ²⁶Yeveke ikaya iyewac amanka mini kapa andandau uwareke ikeni nevare tireka ic ena andadaukimi anon indiri ekafono.²⁷Ikeni farawami indec bekafono, yeni inken uriri kac eyafono. Yeni iyewaci monic yokaric akac yeni iyewaci indi kenonewe yeni andandauc i andukinteno. Micni mukaci teni ikemi tiyimeko peyukami King Solomonin awokufic ukam andanda uc i manden ewanine yewekem parawnic birasiwan yen ankakemi. ²⁸Makemim Gotin uwandemi yevekem mini paravami avoku birasi ucan karemi yevekem karasi andandava danami kapa taimi kaic bakenicmi. Akac icnayemi waintauc akecya ekeni ikafimi dami ikakan temi. Minic mukami ikec waintauke Gotin okankake diaci kukam mukemi, yevekem beni ikemi paravama yeyankakam birasi muakantemi. Ike waintaic kapa birivi dukamino.³⁰²⁹Ikeni iyevakaci indi ekec nec yunanaci namande kaci akac nec nonaci nanteka funove teko. Ikeni iyevaki minic andandaukimi anon indiri okove. Masiden iniya wainta nama makakaci beyouye yeni anon indiri kukami eyove, mini andandau afakarare. minimukami iken Yifon Inarumpa benive bani indikemi, ikeni mini andanda marari manam inakonove.³¹Minic mukami ikeyeve ecanaci Gotiva ikenkimi vanaci yevekem beni ikemi masidem andandauci yimintemi. ³²Ikeni kapa sipi sipiuci vano, iyevakaci ikeni pekako nevarafino iken yifove beni tirukami, beni ikenyi kinci mikemi, yevekem beni Kingdomi ikemi yimintemino.³³Minci mukami yevekem ikenyi andandau sarinec, akac yeveke andandava , monikase sotineyom wainta ukci yimeno. Ikeyi unane iyevaci dakakan teno. Akac ikeye amankaci inarumpatena andandau bumini inakomi. Yevekem Inarumpake iyevaci andandau dopiremci, akac iyevafci umon waintau bemi yeveken inayema iyevaci andandau mandaci intemi. ³⁴Ikenyi andandau ci minic makufaci beno. Minci makusapakeve ikenyi umanden ayira indiruci banteno.³⁵Masicden taimive redicka ukekaci Gotini yokan marakove, manen anasi waintami yokan korosin ureni beyone, aka yeveken ena kakare ecananaci masiden yamuka kakano. ³⁶Ikeni tesac manafa ukako macnem yokar iniya waintauci yeni tesac mureni yeveke yenyi Iyenoka antevami icnayemi mini mareti yunakaic yintemi. Yeni onac diyin tamanan antikeno.Macnem bena ocnaka yerem ocna inkaminane.³⁸³⁷Minci nuram Iyeno yerem benci yokar iniya wainta yonani pac antikami , yenci yimoya ocko. Pukca ukami tiyimeko, yenyic iyenomi dawarawe uremi belti namaci inteno. Yevekem beni temi afo tevorikac kumandi nakaci tenacu yunam manam yimeno.³⁹Ikeni miniva indeko, yeveke mac afoci beni indikeno nec taimi ci umo wainta beni mac ukarantenafino, beni iyevaci mac yererantemi. ⁴⁰Minci mukemifo ikeyabakaci tesa manava uckako.Nevara fino ikeni iyevaci indikano nec nuranaci Wainta Akac yintenafino.⁴¹Yevekem Pita Jisasimi inda ecmi, Iyeno oc amanka ecni mini baekam wayani mayauyani tecteno umadem waintau kara teteno. ⁴²Mini yokam wainta ic beni amoya inoc macnem beni iyeno yerem onam beyokam marebanine. ⁴³Minukeyom yokam waintau ic yeni yimoya ocko manem beni Iyeno ovekem yeremi pac yokevami. ⁴⁴Puka uckami teni ikemi tiyimenteko, Iyeno beni mini yokam waintani mandekem yevekem beni masiden andandauka ci antintemi.⁴⁵

¹Iyena nuram breti mareyomi, yeni iyevaci yisti mareyomi adekafimemi mini nurami yeni avideni pasovave tirukeno. ²Yec hetpristiwa lo indeynim waintavase yemana kimi minin teno, yika mancin ayu afakare Jisasim arumam pukono, nevarafino yeni anasi waintavani pekeyo.³Bananomi Judas Iskariotin kimi uremoni, 12fi disaiporo kimi beni maya bemoni. ⁴Judasimi hetprisiva, keptenivase bayopaci oremi yenama ic waya tiremi Jisasi mandan yenyiyampim darani temi.⁵Yeni anon yimoyureni mana yirakadeni mini moni ameno wec mini yokam maranovani. ⁶Judasin amanen tiremi weni manacin ayukani afakeno Jisasi manan yenyiyampim darani, manem anasi wainta icyem vanayokake.⁷Breti mareyo nirami yistiwa iyewabanyerami, micni kukakantimi anasi wainta yeuyi sipisipi aruman pasova kimi danteno. ⁸Jisasi Pitanu Joni kanda tiyinkaremi temi, ikekanda oreka ic pasova icnoyom yunam tesa uraka ic mayu omandeka nano. ⁹''Yekanda Jisasimi inda ecni teni, ecni mayuyani inkepa mini yunan tesa onovara teva?"¹⁰Jisasi yekanda yivayani bekinemi temi, indeno, ikekanda iyena taunikin oreke, mana wainta nompaketi namaci ye ikekanda bumini intemino. Ikekanda wena ic awakurekaci inkeni makinara ic tenafi, wena ic awakure mini makina ic uroko. ¹¹Mini makin undeka ic mini mac afo kakaic inda ono. Tisa enanin teno, pasinda mac ic inkepaka benafi, minikimi weni disaiporo nama pasova yunan narani.¹²Mini mac afon ikekanda yoyikanteno mana iyena rumu mendapaic wanteno, mini rumuwaic antekako ikekandave. ¹³Yekandan oreni nec Jisasi tenafi mini andandauc ukami ampameno. Yeni mini pasova yunan tesa ecno.¹⁴Pasova yunan nantaimi yeraini Jisasi weni disaiporou nama ic kumandeno. ¹⁵Weni yemi tiyimeno, teni iyena tikandani dukeic ikenamaic mana pasova yunami nanteko. Inayemi iyena tina vasi ic maranteko. ¹⁶Teni ikemi tiyimeko, manyunami iyeva ic yeveke ikenama nanteko, umaden andanda Gotin tenimi pukan ampamin teno beni kingdomi kine.¹⁷Jisasi kapikimi waini nomi manande temi tusuwe Gotioc tiremi veni temi ''mana kapi mandekaic ikeya ic sikeri ockon temi. ¹⁸Teni ikemi tiyimeko, inayema iyewaic nanteko mana waini yowe, inayem Gotini kingdomi yinanin kaic nanteko.''¹⁹Jisasi breti mandemi temi tusuwe Gotioc tiremi beni ukararemi yemi yimiren temi, ''manawe tentu wemino ikemi yimeko. Ikeni macni kaic urekaic tenani indeko. '' ²⁰Mini breti namandemi mini anayempaic waini kapi mandeni weni manai memoni, beni temi manave, ''oyan kontaraka teni ikenamaic uwarekon tenti narefoni. Wenin naren ikeunama kimi aroreno.²¹Afo ikeya indeko; mini waita iyeci pakama namuko yiyampim dantenafi.Tenamaci weni ukuka kemi yunami neno makewe. ²²Micni ampamin teno Wainta Akakimi Gotin tenimi inteno. Afo anon tikuno teko iyen waintaci wemi manani nnnamuko yiyampim yimin tefi. ²³Yec disaiporoci weyaraniinda ecno, iye ukanaci ikeunamatibana patemini tena.²⁴Inayemi, disaiporo yeyirani yisiureni iyeci iyeno ukan tenafi. ²⁵Jisasi yemi manin tirem tiyimeno, Ecna daimikine yenyi iyeno weno. Yeni iyena erani dukeyoye, mini yen daimini avokufi acnone yenyi anasi wainta kake.²⁶Afo miniwe iyewakaic ikekimi ampamino, wainta iyeno ikeunama tibanapa wanake. Wemi ec ac ic yampara waintaka icno Maya iyena vic dukene weni yokam waintaci icnowe. ²⁷Iye weni iyena vic dukenafi, amakamini wainta kuman deminanteno. Mini yokam wainta weni yunam mare yinteno. Afo tena oni ike yibanapaci weci ikeyi yoka wainta weko.²⁸Afo tenamaci ikeni wakone, amamakani tenkimi ampame moni. ²⁹Minimukaic teni ikemi Inarum makuni ikemi yimeko. Mana makuni tentifo temi Inarum makuni timirukeno. ³⁰Ikeyaba mini tabolika kumande ic yunami nano nano, tenti Inarum makusapake.Ikeyi kin sia kaic kumande 12fi daimini Isaraeli ic weyouni yemi sikerin inakono.³¹Saimonio, Saimonio, eyaraic awoku dafisirika ono. Bananomi inda eno Gotin paic emi amam makarani. Mini mukami witin yoba yoba eyonim minteno. ³²Afo teni emi okami muku ankeko manec eni birivi yere ec ac novani. Inayen yamu ec owekeyewe, afo enava unami weyou yaic erara uyikano.³³Pita weni temino, ''Iyeno oc teni deri mukeko enama karafusifa ic bonteko, enamic pukonteko.'' ³⁴Jisasi wen avayani manin tirem bekineno, '' teni puka wani enanio tenteko, Pita, kokori iyewa badurukana eni manin tinonami, iyen sawe ukekon tire 3rifara yaci tinon nami.³⁵Afo Jisasi beni disaiporou ic manin tiren inda ecmi, ''teni ikemi makusapaci tiyinkaranaci binakomi, ikeni iyewakaci ampausiva, unana suvase marako. Amnka ikeni mana andadavani iroc macmi, yeni teni iyewake. ³⁶Jisasi manin tirem yemi tiyimeno, ''Afo makewe ikenkike monici dukakeka, mami weni mini manac maranteno. Maya ikenkike yunan nekec weni minic manam mintemi. Manem maya iyeva bainati dukene amami beni oc ananuc maketi uremi mana bainati ayac intemi.³⁷Teni iyemi tiyimeko, nec andanda varaci yec profetiu tenani tire yaci tareyafo, Gotinic bukukimi minim pukan ampaminteno. yeni wemi manakaci danteyo manem wainta iyewa awicba dukenin namake. nec wayaya yeni tenani tire uwareyomi pukan ampamin teno. ³⁸Yec disaiporoci teni, ''Iyeno oc, ec onano! kantan bainatim beno. Jisasi manin tiren yenani teno, amankake''³⁹Jisasi ureno Olivi anufake, Weni umaden taimi mifaci urevano. Yec disaiporoci mifaci avakure ureyo. ⁴⁰Yec mini makufa oreye, Jisasi yemi tiyimemi, ikeyaraci, ''yukana mukoko amam makani ikenkimi iyen yinteno.''⁴²⁴¹Jisasi yemi yere yekaremi kipaka iyapa teke weno. Wainta onobami karuda weni amakake. Weni maro akondonan demi okami mukeno. Manem tentifo ecni ayin banawe, amanaci ecni mini kapi yomana dantefono. Afo iyewa tenti eran avakurono, iyewake, ec ac nanaci ecni ayira ampamino.⁴³Inarumpate mana Ensoro kundemi bemi marokun erani ameno. ⁴⁴Jisasi anon anon anavisikimi weno, beni erar okami mukeno. Weni kocnami makapaci nareke kumeno.⁴⁵Okamukenin anayempaci Jisasi ukukemi weni disaiporou wacpaci weno. Weni oren yonami yeni yuni wakayo nevarafi yeni iyena ukami dukayo. ⁴⁶Jisasi yemi inda ecno, ''nevare tirekaci ikeni yumbakeka? ike ukuke yukam mukureka, eraruman ukukako amam makani yeno.''⁴⁷Jisasi bayani tevanimi amucna daimi wainta Jidasi nama yeyo. Weni mana disaiporo 12fi vayon kikeve.Jidasi Jisasin anakaci yeremi ven amona ranino. ⁴⁸Jisasi weni temino, "'Judasi, eni Wainta Akac manan namuko yimeno tire ic eni ten timonarani yeva ac?"⁴⁹Afo weni disaiporo oneyo nec andanda ampamenafi, yeni teni, ''Iyeno oc, amanac mayuni tiru onucno bainati foye yeunamake ac?'' ⁵⁰Disaiporou kinke mayam bainatin anuremi hetprisini yokam wainta akami akeyeno wen ayan kukampake. ⁵¹Jisasi temi, ''ac ic amankake!'' Jisasi wen ayami demi kumpakeno hetprisini yokam wainta akami mandemi yewekem aka ankeno.⁵²jisasin tiyimeno, hetpristiva dotumakac kepteni ukayouya yen yinom wainta vase wem paka manareni yecyouni. Amanka ikeni mana umo wainta avikarani yeci ikeni mini bainativa yakivase mare aruintapa yanami. ⁵³Umaden taimi teni dotu makim beko, ikenyiyami iyen tenka dano. Afo makeve ikeyi taimi ino ayufun kani ikenkaci dafisemoni.⁵⁴Yeni yeman Jisasimi pakareni avike hetprisin amampaci veyo. Pita yen yinayemi veno, iyakaken oromi. ⁵⁵Banisi kimi yeni ikan tandeni mini abanaci anasi wainta kuman tami Pita yen yibanapaci oc kuman deno.⁵⁶Mini ikaci kakan taci mana yokar inini Pitami onami kuman tami. Beni erar onarci muremi temi, ''mana wainta wenamaci wano''. ⁵⁷Pita weyani ayomparen temi, ''Anasi, teni iye mini wainta onakeko.'' ⁵⁸Kipa taimi anayem paci mana wainta oneno Pitami, weni temi, ''eyabaci mana daimini banano.'' ''Teni, mayawa wekaune.''⁵⁹Inayemi mana acuwa yanka onimi ena wainta bemi onaremi eram wayani temoni. ''Puka ukane, mana wainta benama bani icno, newarafi, weni Kariri waintave.'' ⁶⁰Afo Pita temi, ''tenin iyen indikeko nec andandava ikeni teka.'' Mini waya tevanimi kokori badeno.⁶¹Iyeno yowe ecmi Pitami oneno, Pita yewekem mini wayani indeno Iyeno teni nane, ''eni temi, teni iyen indikeko mini waintave 3rifara taimi tirami kokori bacdin teno.'' ⁶²Pita mafaci kuman demi anon ifici reno.⁶³Iyem wainta kaci Jisasin kac dafiseyafo mini waintau ic mandai ureni wemi areno. ⁶⁴Yeni wemi manan davarave yocka ankareni Jisasin kaci manin tire inda ecno. ''Ec profeti waya tireci macyaun tasa seno.'' Iyem wainta emi aren nafi. ⁶⁵Yeni amuna wayani aneyo, Jisasi nantireni wemi mandai muc ankeyo.⁶⁸⁶⁶Afo banurani icmi anasi waintaka yinoni ukani wainta, hetpristiva, indi waintau yic kanisoro wase yec mana kini eyo. Yeni avikeni Jisasimi beyo kanisorou yic iyena wainta bacpaci. ⁶⁷Yeni inda ecnim teni, Afo ec Iyeno wanteve Amami mayuni tisimino nami. Afo Jisasi mancin tirem tiyimemino,afo tec iken tiyimiranake, ikeni iyevaci ten tivayani bilivi ina kono.⁶⁹''Afo make makac kukarano, Wainta Akac ayan kukampa kumandin teno Gotin umaden erani dukemi.'' ⁷⁰Umaden teni, mini mukaya ''eni Gotin Akaci banano ac?''Jisasin yemi tiyimem temi, ikeni onec tectene teni mini wainta beko. ⁷¹Yeni teni, ''nevare tire kaci ikeu namac waintau witnesin okovani yinteya.? Ikeu namaci indeko wen ofenkeve.''

¹Umacden ukukeni Jisasi mi awikeni Pailati wapaci weno. ²Yeni wemi amofin ureni teni, yeunamaci onare i teci mini waintan ikeunamatic maku mandac irani ayewamino, anasi wantan tiyimemi iyewakac takisi maro Sisa ameko. Beni temi, wenafoni beni Kraisi kimi bemi.³Pailatin Jisasin kaci indaemi, "mana wainta eni Juda ucyic kimi wanamino a?" Jisasin yewekem wen awayani tamemi temi nec eni tefono pukan tanano. ⁴Afo Pailatin weni Hetpristi namac anasi wanta namac i tiyimemi teni mana wainta ic umarani afakekon tiremi tiyimemi. ⁵Afo yeni mini waya iye indirani indeno, yeni anon wayani teno, mini waintan weni anasi wanta yirac i ukuka yinkaremi umacden awafa i Juda uc wankimi wayani tiyimemi, Galilic i kukandemi yewekem make mana makusa ke.⁶Pailatin minin indiremi weni indaemi afo mini wainta i weni Galili ke ino. ⁷Afo weni onaremi temi Jisasi Karirike ino, weni Jisasimi tankami Heroti wampaci wemi. Mini yamuci Heroti iyeno ukemoni Kariri ic. Heroti wenafoni Jerusaremi bemoni mini yamuci.⁸Heroti Jisasi onaremi beni anon amonemi, newarafi iyanuran nukami beni Jisasi onarani ayemi, afo iyewaci bemi onemi. Beni Jisasi stori indiremi bemi ayerukami wami Jisasi mana ecnim mirakori uware wam onarani. ⁹Heroti Jisasi kaic amuna wayani inda ecmi, afo Jisasi beni mana wayayaba yewekem iyen tamemi. ¹⁰Yeni Hetpristi wa indin wainta Lo indi kauni ukukeni ben amofinureni eram wayani teno.¹¹Heroti nama beni soldiau nama ic Jisasi mi mandam muan kareni bemi amanu ankeno. Yeni Jisasi ni korosi mandeni ama wayani tiankeno. Yeni tan karani Pailoti wapaci wemi. ¹²Mini yamuci Heroti, Pailoti kanda ecno. Pecyukam yekanda namuko wakeni manakini ecno.¹³Afo Pailoti umaden Hetpristi wa, gavamani wa anasi wainta wasiwe. ¹⁴Manin tirem yenani teno, ikeni mana wainta awikeci tempaci yekoni, mani mukeno. Mana wainta yoyikarani anasi wainwa manda waruci ecyone. Ikeni wayayuci wen amofim amino. Teni wenkaci inda ecko iken yukamkaci inda ec umpo weni iyen mana andawa urokeno.¹⁵Iyewa ino, Heroti waci anda wani afakaren onami iye mana andawa weno, mini mukami wemi dami makusapa ic yemi, weni iyen mana andanda urukaci ikeunama iye wemi aromam pukon teko. ¹⁶Afo wemi mandan karabusi monteko teye. Inayemi rausin urnami payan wainta memi weni wintemi. ¹⁷undefined.¹⁸Afo umaden iniya wainta waic dureni teni, ''arono mini wainta we,'' Banabasi ukidan mampa kumino!'' ¹⁹Mini yamu Banabasi karabusi ukemi weni mana wainta manda baru iyena tauni kinka uwara noni wemoni, weni ecna iniya waintau yiru ecken dewani wemoni.²⁰Pailoti yewekemanasi wainta waHetmani wase tiyime temi, newara ic wemi pac ec anaci wintena Jisasi. ²¹Afo yeni baci dureni teni, ''arono weni, arono weni.'' ²²Pailoti tari yaci inda ecno yepaci, neware tire kaci wemi aronuno, nec andaci mana waintaci ecnafino a?Inayemi wemi Teni iyen afakeko mana wainta ic roniwe.'' Iyewaci wemi aruman pukoteko. Mini mukaci wemi karabusi kimi danteko. Inayemi wemi utudanami wenteno.''²³Afo yeni eran waci dureni eran wayani Jisasi pukinowanyeni teno, yenyi baciPailoti mi indiremi weni indinisenisi ecmi. ²⁴Pailoti yenyiyini memi. ²⁵Weni mini wainta karabusi ukanimi ukidanimi wemoni, newarafi, weni yiruru ukukayin karemiyiroma wainta pukemi wemi dami payam wainta memi. Jisasimi mana yemi yimemi, Yeni nacirara ic indeyafo yeni pani inteno.²⁶Afo soldia uc ic Jisasi awikem weno, yeni mana waintami oneno wen avici Saimoni Sairini tauni kinken na wainta we,weni mapaci mini tauni kim wemini.Jisasi keka yani marem urewani mini keka yani manam Saimonimi amemi. Yeni tameni manarewa Jisasi awakurono.²⁷Amuna iniya wainta Jisasimi awakureno, mana ecyoni ininami Jisasi yikukani ecfi dankareni wemi avakureno. ²⁸Jisasi yowe ecmi yemi yonemi, mani tirem tiyimemiJerusalemi ininano ikeni iyewakaci tenani ifidako ikeyara yeweke ifidekaci ikeni yikafanda wakaci ifidayin kako.²⁹Indeno, mana nurami ampamin teno anasi wainta mani tentiyo, anasi anita iyen makenewe weni iye nami amemi bewiomi iyen dafisenimi yeni yimoneno. ³⁰Anasi wainta anuwani teno, ikeni yenama naropa ic yami dinakono, kipa anunanu mani mukemi yenamaci dakaran teno. ³¹Yeni mini andanda uwareyo, yani ayumi wemi pani anawaci weno afo nec andanda ampa mintena mini yani ayan kene.³²Yeni kantan umo wainta nama Jisasi namaci awike weno, yen yiruma pukinayon makusapaci yivike weno .³³Afo mana makusapa oreni mini maku avike, '' Yino yinyampa wapaci'' mini makusapa keka yasaci Jisasi mi icyemi. Umu wainta waci manaci muyinkeno, yeni mana umuwainta Jisasi ayan kukam paci deno ecnami patapa yaman tapaci deno. ³⁴Jisasi weni mani tirem temi,'' tentifo yenyi numo yomanadano newarafi yeni nec uwareyafo yeni iye onakeyo''. Soldia yeni Jisasi ni korosi kaci kasi tiri ureni ecyo.³⁵Afo anasi wainta ukukakeni onamo manaci ecyo Hetmani wa gavanau mani tirewemi awayayic meyo, weni ecna iniya wainta mana yofaceno. Make weni amami weyani ofaci teno.'' Afo puka we mini wainta wene, Gotin wem makin urukami umaden iniya wainta yivikan teno.''³⁶Soldia waci wemi awayayi mureni weni anakaci oreni yupiwa nomi ameyo . ³⁷Yeni teni afo ecyi Judauyi king wewe afo,'' amakaci ecyani tasasi nonami''. ³⁸Mana wayani uyanam keka yasa anonkaci denoyo, mini wayani mani tiremi teno, ''mana wainta we Judauyi king mino''.³⁹Miniumuwainta kanda kinke maya keka yasa ikemi wenani mani tiremi amareno, amaka ecye anasi wainta yivikanowa ecni wana nacino, ecyan tasase wa wendekawa tasaseno. ⁴⁰Ecna umu wainta asemi mani tiremi temi,'' Gotin Akaci wayami ecni iyen pekanano,? ikeunama umaden mana tinawisi mana mareko''. ⁴¹Endeka mini tinawisi mareku nawe endekasi umantaci no. Afo mana wainta we iye weni mana umandaba dukamino.⁴²Inayemi weni Jisasi nanimani tirem temi,'' Jisasi oc tenada bakaci indeno ec King ni ec ecni Kindomi kimi wantewe.'' ⁴³Jisasimani terim wemi tamemi, ''puka ukani teni ecmi tameko, makewe ecni tena maci Paradasici wanonano.''⁴⁴6si awasi kaci keka yasaci Jisasi ikano, iyena ayufukani dakareno umaden awafa mana makaka oracimi 3re kiroki ayinkaci oreno. ⁴⁵Iyewaci mana kakadawa abami dakakeno romuka unti kakenimi.⁴⁶Afo mini andanda ampame wani, Jisasi anon waci demi mani teno, ''tentifo tenti Spiriti ecna yampi deko. We mini waya tiremi weni pukeno.'' ⁴⁷Romi kemi soldia yic iyeno oneno mini andanda ampa mevami, weni Gotin avic yanimeno, puka ukani weni.''⁴⁸Umaden iniya wainta manakimi yereni oneyo, yeni oneyo umaden andanda ampame wami yeni anon yikuno tireni yen yimukuni inkan deni yeweke yenyi makusapa ic weno. ⁴⁹AfoJisasi akandau nama anasiu Jisasi mi awakureni Kariri fate yeyo namake. Yeni nempaci ukuka keni oneyo mini andanda ampame wanine.⁵⁰Mana wainta bemoni wen avic Josepi ic. Weni maya antekam wainta Kanisoro kinke weni maya ino. ⁵¹Mini wainta iyen ayeno mini indira baru ecna kanisoro uware wayoni. Weni Juda kecmi Arimatia Kete wake tewayon makusin kewe, weni dafiteno Gotin ni Kindomi onarano.⁵²Mini wainta Pailoti wapaci oremi wen kaci inda ecno,ec anana Jisasi omaren birani teno Pailati temi, ecyo wen temi ⁵³Afo Jisasin ocmi keka yasakena umana marokun demi mana dawarawe kaci umareni mareni maro peyan kena bamasi kimi waintau iye masefa yonkimi maro renoyo. Yeni onobami ukarareni akeyareni mini bamasic uwarenoyo.⁵⁴Mini murami andandau tesacim nurami Sabati yewanimi newarafi adekaci Sabati kukaran temi. ⁵⁵Jisasimi awakure Karirike yeyon ininami Josepi namaci oreni Josepi icken nic masika ecnafi mini ocnarani yeyo. ⁵⁶Anasi mini onareni yeni yeweke yenyi mapaci ocreni uweri wa amuku ecwanim andandau tesa ecno. Yamun dewayon kukakani Sabati yewanini iyem benoyomi newarafi, Lo tikaninoyo.