Kasup Bina: Bible for John

Formatted for Translators

©2022 Wycliffe Associates
Released under a Creative Commons Attribution-ShareAlike 4.0 International License.
Bible Text: The English Unlocked Literal Bible (ULB)
©2017 Wycliffe Associates
Available at https://bibleineverylanguage.org/translations
The English Unlocked Literal Bible is based on the unfoldingWord® Literal Text, CC BY-SA 4.0. The original work of the unfoldingWord® Literal Text is available at https://unfoldingword.bible/ult/.
The ULB is licensed under the Creative Commons Attribution-ShareAlike 4.0 International License.
Notes: English ULB Translation Notes
©2017 Wycliffe Associates
Available at https://bibleineverylanguage.org/translations
The English ULB Translation Notes is based on the unfoldingWord translationNotes, under CC BY-SA 4.0. The original unfoldingWord work is available at https://unfoldingword.bible/utn.
The ULB Notes is licensed under the Creative Commons Attribution-ShareAlike 4.0 International License.
To view a copy of the CC BY-SA 4.0 license visit http://creativecommons.org/licenses/by-sa/4.0/
Below is a human-readable summary of (and not a substitute for) the license.
You are free to:
The licensor cannot revoke these freedoms as long as you follow the license terms.
Under the following conditions:
Notices:
You do not have to comply with the license for elements of the material in the public domain or where your use is permitted by an applicable exception or limitation.
No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.

John

Chapter 1

1Okeke ukami wayani wemoni, wayani weni koctin wemi wenamaci mini wayani wemoni. 2Miyin weni kukarantapa koctinamac wemoni. 3Masicden andanda wenkinkac mana ampamemoni, afo ma uwanteninuke, we iye wakenimi iyen uwantatino.4Wenkimi ayum pawan wani wemi mini wanana wantakimi kakani yimemoni. 5Kakani ayufunkin oraimi ayufumi iyen kakani dacdemi.6Mana Wainta wen awici Joni wemi kocti tankanim yenim waintan wemoni. 7Weni yenimi kakarandawan tiyimiyaci maside yindun munkoko wani yemoni.8 Jonin yenimi weni mini kakara wena onino, pa mini kakaran tiyimirani yemoni.9Puka Kakani masicden iniya waintakim darani mana makakac yemoni.10Weni mana makakac wanimi wenkinkac mana masicden andandauc ampamemoni, Afo anasi wanta mini onaic iye menoyo. 11Weni weyic anasi wantakimi yemonifo yeni wemi iyen marenoyo.12Iyeci wenkim andum munkintefe, enani temi tentikaci wanamino wici amintemino. 13Mini-i uwokina ampamenaino, aca mana wuic ayiraino, aca wantaic ayiraino, iyeino, koctinic ayinino.14Wayani wantaic uemi mayausimi wemoni. Ikeunamac aci wenic erani onecumpe, mini erani wenafompatem manaren yeniwe. Wenkimana akun andandanamac puka anda namaci untikakemino. 15Joni waduremi tiyimemoni, teni mana wainta wani tiyimec mokumpe. Iyec ten tinaem yenafi, weni temaci tirukemi wenana acnantapac wemoni.16Wenic anon erantoni awacwa anda yemana wemino. 17Ake wayani Mosesimi amemoni. Awacwac namac puka waya namaci Jisasinkinke yemino. 18Iyem mayawac koctimi onakemino. Weni weyan kocti wemi weyan Weyafon acnakac wami, wemi onaic mukeno.19Jonimpac orae andaoko wani Ju iniya wantauc namac mankin dafitayon pristiuc namac Livaitiuc namaci tiyinkayoni Jerusalemike yerereni wenoyo. Oraeni wemi andaenoyo. Eni iyec wefono? 20Weyani iyen ayofemi pacwamurem tiyimemoni, Teni Kraistiwa wekauno? 21Yewekeni andaeno, ackac eni iyec wewa? Eni Ilaijac wewa? Weni temi miyiwa wekauno. Eni profeti wewa? Miyiwa wekauno.22Yeni yewekeni tameno, afo eni iyec wewa make mayau tisimikaci maro tisinkaci yekuna waintauc maro tiyimeno. Weni, temi, eni eyani nakac tirec tintefono?23 Weni temi, wanta anawac iyewapaten tararemi temi, Iyenonic ayaci antekano, mini wani profet Asaiyan Temoni.24Manaic oyon man dafisiruc kinken tiyinkareni25 macnin tireni wemi andaenoyo. Afo eni Kraisti iye wei, Ilaija iye wei akac profetiwac iye wei eni newarec tireci man nom manyinkewawa?26Joni yewekemi tiyimemi macnintiren temi. Teni emi nomponi marankecumpo. Afo make iken yicwanapaci ikeni iyen indikekom waintan ukuckakemino.27 Tentinaemi yenim wainta su nani iyen amanka utuankanteumpe.28 Jodanic nompac Joni man nom manyinkewanimi mini andandauc Betanici ampamemoni.29Ena nuram anaempaci Jisasi yenimi Joni onademi manintemoni.Onako Koctin Akaci anasi wanta yic mumo nonoc yinkananino. 30 Mini wani teni tewacumpe. Mayan tenaemi yeni-i weni temac yesankaremi wemi wenana peyukami wemonino. 31Teni wemi iyen indikecumpo te man nom yimenunafoni Israilic iniya waintauc yukami diyinkanyeumpe.32Joni weyan temi manin tiren temi, teni onewami nunkewan Amami wenaroci kumandewaci oneko. 33Teni wemi onaic ecumpo, man nom manyinkanowani tisinkaci yekuno weni temi manin tiren tisimemi. Onewam wenaropa kumandinanin nune, miyi weyan Ayun Aunkimi man nom manyinkantemino. 34Make aci onaic mureci teko, manami Koctin Akacino.35Ena nuran anaempaci Joni wenic yokar intakandanamaci ukukakemoni.36 Yeni onayomi Jisasi ye wayopaci yewanimi Joni manin tiren temoni, onako, meyami Koctin Akaci yemino!37Wenic yokar intakanda indewayomi micnintenini yeni yerereni Jisasimi awakure wenoyo.38 Jisasi yo waecemi yonanini wen anaemi awakuro yewayomi weni macnintiren tiyimemoni. Emi newarac ayewayafono? Yeni yeweke tameno, Tisao, eni inkepakac wefono.39 Weni yemi macnin tiremi tiyimemi, yerec onako. Yeni yereni weni waninkimi onenoyo. Mini wayam wenamac wayomi maro teni kiroki memoni.40Kantani Joninamaci we ase wayonkinke mayan yereremi Jisasimi awakuremi wemoni, wen awici Endrui weni Saimo Pita afacawam wemoni. 41Okeke wen afacawan akaremi macnin tiren tamemi. Aci mayauni Kraistimi akecumpe. 42Wemi yo awikeni maro Jisasi wapac dami Jisasi onacdemi manin tiren temi,Eni Saimoni Jonin akai wanamino,Afo en awic areni Kepasinen tintenone.43Ena nuran acnaempaci Jisasi Galilic kumiraremi Pilipimi afakaremi macnin tiremi tamemoni, ten tiwakurono.44 Pilipi weni Betsaidakem wemi, Endruc, Pitan kanda yimac makusinkeno wemoni.45 Pilipi, Natanelin onacdemi tamemoni. Wenani Mosesinic ake wayasimi tikemino, profetiuc namac aci mayauni onecumpe. Jisasi Josepin akaci wemi weni Nasaretifateno wemoni.46Nataneli macnin tiren yeweken tiyimemi, Manaic eni ayokuc andanda Nasaretifac ampamintena? Pilipi yeweken tamemi, yere onano.47 Jisasi onanimi Nataneli we wanipac yewanimi wenani macnin tiren temoni, Onako mana puka Israilin wenkim mana umac andawaiyewaino!48 Nataneli yewekem macnin tiren tamemoni, Inkecnure temi tonaic ukewa? Jisasi macnin tirem yeweken tamemi,Pilipi iye ararukaci teni emi fiki ya andafin kumantanaci onecumpe.49Nataneli yeweken temi, Tisao, eni koctin Akaci wanamino! Enana Israiliucyic Kimi wanamino!50 Jisasi yeweken macnin tiren tamemi, Teni emi onekon tekunai newarafi,Teni emi onana fiki yayandafimi kumantanaci onecumpo,eni aduni munkecwewa? Manan oneona amankai ena ena iyena andandauc waci onanonamino.51 Weni temi,pukaukami emi tameko,inarun ona di-inami onewami Koctinic ensorouc kundae undae eni wanta akac wapac urewayan onanonamino.
Chapter 2

1Cana Galili makusimi kandac manawac nuram anayempaci, Jisasi wenano namaci wayic omakac wemoni. 2Wayic in omakai Jisasi wenic yokam waintauc namaci yayarenoyo.3Waini nomi kakipami Jisasin ano Jisasin tamemi, aci waini nomi kakipemino. 4 Newaraic teni wekunafac yefono thiremi Jisasin anasinkac indaem temi tentic kukakani iyen yeweminowe. 5Wen ano weyic yokar intauci tiyimemi macnin temoni, ne wayayaci weni tiyimeitanafino, ikeni mini wayani indiric mana waci okowe.6Jiuc yen yuc nonokan yamuc yeronini mana yacman afac mana umanan kawe kurafimi 20 namac 30 namac pakaric ukam umandewam non amankaci. 7 Kurafim nom wacyi rana kumanan uwikanon tiremi Jisasin tiyimemoni. 8Nonkac antewami tamemi kamore marewonon tiremi tankemoni.9Nonkac antemweni wainta weyac nonic aseyin amam macden onaremi wayic irani yeweni wantami aremi. 10Mandac ukam waini nomi nenofo, wa awokuc waini mareraya neyaunen tiren tiyimemi.11Canac makusimi Galilici Jisasi wenic yokani kukandem maranimi wenic yokam waintauci yinduni munke noyo.12Jisasi namac, wenano namac, wen afac awanam namac wenic yokam waintauc namaci Capeniamic makusimi kamore nuranic mureni wenoyo.13Jiu iniya waitauc yic anom omac yeronomi Jisasi Jerusarempac oremoni. 14Oren yonanini yeni monimakaci kaowa sipisipiwa nunuci marerukeni sarineni kumantenoyo.15Mac namumi undemi kunanamponi yirom wemi mini kinkaci yeyic andandauci anan kayinkemoni. 16Tentifo amac mandekec andadauci sarin eyonic iye oko.17Tem mandeke enamakim tinkano tikam wayani wenic yokam wantauci omare indenoyo. 18Ne andadac yotikan tefono, mana andada uwara nonawe tireni Jiu mackenuni indenoyo. 19Mana mamac anan karakaci kanda mana wac nurami kumanan ukukantecumpewen tiremi Jisasi tiyimeni.20Mana mamaci 46-orandekaci uwarenoyofo, eni kandac manawac nuran uwarararaci tetenowe? 21 Mini wayani wen owani waedemi tiyimemoni. 22Jisasi tiyimenim wayani we pucena kandac manawa nuran ukuckananinanim wayani wenic yokam waintauci tiyimini yeni omare indireni mini wayani indimam eran nenoyo.23Amucna iniya waintauci Jisasi anon omakac yewem uwrewaninuci onareni wenkac yindun munkenoyo. 24 Jisasi yen yinduntimi onaremi yenkimi indikarac iyen memoni.25 Wantayic indintin wenimi onankemi iyewac wantawac yere tamekowani indikemoni.
Chapter 3

1Nicodimasi, Ju uyi dafisini wemi, farasin wemoni. 2Wenana ayufunkanimi Jisasimpac yeraemi temi,"Tisa, eni tiyimim wainta wemi, eni Koctinkinkena kumwanaci mayauni emi indinkeko, Kocti mana namaciye wanami eni eona andandau iye mayami ampamintemi."3Jisasi yewaekem weni tamemi temi"Pukan tire, pukanteko, oyam waintawac ayufono, iye minec Kocti amac makuni iyen onanonami."4 Nicodimasi temi,"Peyam wainta amankac iyec yewaekem weyanoc arapim kandacya oc waduinam macankantemi."5Jisasi temi "Pukac pukawe,Koctic amac makusapa iye urinonami ena Acyun Aunkima, nonkima iyec marewe. 6Iye pacpa wunankim makenafi aci mini pacpa wunankimi makemi, afo iyeci Acyun Aunkim makenafi, aci mini Acyun Aunkimi makemi.7Yeweke en anon aracpim wacdono tanam anducde iye ideno.8 Tisowani we awic tirapaci wemi, tisoway ani indanamifo nafactec yeraenaci inkepakac wenafi, iyen onakanami. Mini amankaci weno, iyeuyac Acyun Aukim mackeyafo.9"Nikodimasi yewaekemi tamemi temi. Anon iyena wayayukamino." 10Jisasi yewekaekem tamemi, temi nacec eni Isreliuc tiyimim wanita we iye mana indikefono" 11 "Puka tirec puka wayani tameko, ne yeunamac indekafu, mini tameunku, ne yeunamac onekafu, mini emi yocake unku, afo eni iye mini waya pakanamino.12Inkecnurec eni inarum makusapatena andandawan tenac indinte. Afo ena mana makakakena andandaukan tena iye inde." "Iye mayawac inarmpa umwanamini, afo mayam13 weni inarumpate kumweni, Miyi Wanta Akaci wemi."14 "Mosesi acmac makafac mamani yanic onini ena Wanta Akac wakaci yanici." 15 "Wenkim yinkum munkinayouni iyakacwan yaum dukanteno. "16 "Kocti mana makawac ayikara yewanimi weni mana Intaukami danimi mana makakac kundainana, iye wekim indin dantenafi, iye pukenaci ecen iyakac war aum marantemi. 17"Mana makakac weyon iniya wainta yirinowara, Kocti wey akaci denaino, mana makakac weyon iniya wainta mana nanayinta danowani wen Akac demoni." 18 "Iyec wekim anduni iye munkintenafi, aci wani aukimi wonami, newarafi, Kocti Akac mana Intakimi anduni eni danami.19 Umac anda wantemi, mana makakaci kakani yiya wanta kakani ecemi ayufunkani pakem. Newarafi, yenyic manaf yokantani." 20 "Numoc eyouni kakani yifokeni, iye kakata yinteno, yenyi numo afotakic iye ino wano." 21"Puka awakureyouni kakantaci yinteno, afotaci yeni yokaruci Koctinkin ampamintemi."22 Judiaci, Jisasi wen awakurewayou namac weno, minifaci mana nuram maremi nomaremoni. 23 "Amucna nomi Aenonici Salimic maku anakaci wanimi Joni non manyinkemi. Amucna iniya waintauc yeraoyomi nom manyinkemoni." 24"Mini yamuci Jonin iye pakaman dumurukayono."25Yiyan nonokar anda wani, Ju mandafisiruc namac Jonin ukorewayou namaci umaric menoyo. 26Joni waninpaci oreni teno, "Iyeno o, Jodanic nonpaci mana wainta eni yocyikeona wainta weni nomi manyinkani wemana ukoreno."27 Joni temi, "Mana andandawac wanta iye marantem inarumpate amikananimi amankac wantemo. 28Nectekafu enafoni onakanami.Teni Jisasi wa wekauno, wen ontapaci temi tisinkaeke denoyo.29 Wayi ir inini, wem wayic inani waintaindan wemi, wayic inanin waintawac akanda amoyemi ukukakemi wayic inanin wainta awayay indemi. Manafoni tentic timoyini maro amankaficemi. 30We yemarem yan urinakac, te yemarec makakac kumo.31 Iyec yanke kumenafi, umacden andanda acnonkaci dafictemi, mana makainda weni, mana makakakena warananan temi, inarumpaten kumeni, weni umacden andandakac dafictemi. 32 Nec weni indiken onakenafi, mini weni tiyimemi. We tenin wayani mayawac iyen pakeno. 33Wen awaya pakeyouni teni, Koctin puka weminon tire indeno."34Koctin wen awaya tekowan tiyinkeniuni, iyen weni Acyun Aumi daindem yimemi. 35Wen afo, wen akac ayampimi umacden andandauc dukami. 36Iyec Anintakin undun munkintenafi, iyakac war aumi dukanonami, Aninta awaya iye indei, iyen iyakac war aumi dukanonami, Koctin arami wen namaci wantemi.
Chapter 4

1Jisasi bac indikanini Farasiu teni, Joni maci yesakarem disiapolou yokam raremi, nom manyikem memi. 2(Weni iye nom manyinkemonifo, weni disaipolou nom manyinkenoyo). 3 Yudia ecemi, weni Galeli yewekem wem.4 Weni onem amankac Samaria biriukem moni. 5Weni yerere Samaria taunic wem, avicdem Sika, kipa maka acnaka Jecopi wen acka Josepim amonimi.6 Jecopi nim masi udanika, wayankokaci Jisasi kanku naonimi yec kumandem. 7Samaria inin nom uyiran yenimi, Jisasi tamem temi, "nom untimic nano." 8Weni disaipolo naruc marakowani taunifa tiyinkaninic packe oyokaci.9Samaria inin wem tamem temi, "Inkeni ure teni Samaria banac, eni Ju wec tec nom uyame?" Ju namac, Samaria namac manakim iyen wenono. 10Jisasi indiremi anasi tameni, "Ena make Koctini awarin onackake inam wena temi, non timinac nac, makema bempac inda ukake inami weni iyenkipan nomi amiti."11Anasi yewaekem tamem temi, "Inke enic kura wenac, masi nomi duruntikeno. Inke iyaka wan nomi dukewa? 12 Amanka eni iyen mayau tifo Jekopi yeankaka nonamino, weni mayauni mana masic nom timirem, wenacu nem, wen akafanda nem, weni burumakau neno?"13Jisasi anasi tamem temi, "Iyen iniyawainta mana nom namandanami yewekemi ayemana wantem, 14Iyen iniyawainta mana noma amenuna, iyewaci yewaekem mac ayintem. Mini noma amenunac, anduntimi kumemana weni nomi emi yec apandemi iyakaci wanonami."15Anasi yewaekem temi, afo mini nom timi nananac iye tiyinaka oweke yemac iye non uyono." 16 Jisasi wem tamemi, "Eyawafu omac tamirewa owabeke yeno."17Anasi wem tamem temi, "Teni wantauc iye dukeko," Jisasi yewaekem tamem temi, "Pukatec eni sec iye wanta dukewa,18 Eni puka tewa, makewe aseona waintaci enawafu wac wenac, eni mana yacman wainta dukanami."19Anasi wem tamem temi, "Emi onana Profeti wanami. 20 Mayau tifounacmi mana anunampaci man tenoc, aka eni temi Jerusalemici anasiwante man titenyo."21Jisasi wem tamem temi, "Anasi , eyandu tempade inde, kukakani yembem iyen ikenama Tifo mana anunampa kafi, Jerusalemi kafi man tinteyo. 22 Eni man teona iye onakanami. Mayauni onanke man tecu, Ju kimi tasasim wemi.23Micni mukami, kukakan yebem, puka iniyawainta pukakim man tinayomi, ekemunama Tifo spiriti kinama, puka kinamaci man tinteno.24 Kocti Spiriti wemi, anasiwanta wenkim man tinayouni spiriti kinama, puka kinamaci man tinteno."25Anasi wem tamemi temi, indikeko Mesaya yeweno, (ben awici Kraisin wenowe) wenana yemi, umacden anecne manar apotac dantemino. 26 Jisasi anasi tamemi tami, aci mini teni weci emi tameko.27Mini yafomi disaiporouc oweke yeno. Yeni yerereni anon indiric eni teni, newaraci anasi namac asem wenefit. Yeni teni, nec marem wenamac wenafi, newaraci wenamac asem wenafu?28Anasi beyi non kura ecemi taunifa maro anasiwanta tiyimem, 29"Yerec mana wainta onako, tena ekunauci manar afota deno. Amanaka Jisasi wanteno?" 30Umade taunic yerereni wempa yeno.31Kapakaci wakeni disaipolou wem awankeni, "Tisa, mande nac."32 weni yem tiyimem temi, tena yunan duke nekuna ikeni iye indikami."33 Disaipolou weyarani teni, "Iyewaci mayawac yunam mare amemi nemi, pukafi?"34Jisasi yem tiyimem temi, "Tenti yunami, ten tisinke ninic ayin manac amanice weni yokanama.35 Iyewa tewa, eriyewam ikona wami, koyin yinteno? Emi tameko, okam macman anayofa ona, nan koyini afukakeno!36 Yunan koyeni, weni ayaci maranamimi, iyakac war aunkimi ackami yuekem dantem. Nawarafi, yokeniwa, koyeniwa manakimi yeraeni anon yimon ninteno.37Mini wayasim, 'maya yokam maya koyem,' mini pukabem.38 Iye yokeonakim okoyono wani emi tankecu. Enuni yodankimi pani yeyi yokantimi owanonami.39Amuna Samaria we avaya indireni wenkim yidun ameyo, "Anasimi wenama aseni wayani pukaic mukemonini." 40Samaria nama wano wani seyomi, kan nurami yenama bami.41Amuno wec awayan indire ukore wenkim yindun denoyo. 42Anasi tamem temi, "en awayan yac indire ukore kaumpo, tenafuyuci yere indire ucnami, puka mana makaci tasasim wainta wemi."43Kan nuran anaimpac, weni yererem Galeli wem. 44Jisasi benafun temi, Profeti iye weyi makusim iyena wic dukemi. 45Galeli yeronini wemi yimukemake ureni Galeli iniyawainta awikenoyo. Yeni weni awoku yokaruci Jerusalemi omakim onimi onareni yimoyem.46Nom manam waini onim makufac Kana ke Galeli awafaci owaekem yeronimi mana ami dafisim wainta akaci Kapenaumi awiri memibam.47 Weni Jisasi indenimi Judia kem Galeli yenimi, weni orem Jisasi tamemi wen acka kuman ofacino wani, pukiranewami.48Jisasi wen tamemi, "Pani tenkim andur iye mukinonami andanda ampandana mana andum tenkim munkinonami." 49Ami dafisim wainta wem tamem temi, "Kunde ona, acitentika pukiran newako."50 Jisasi wem tamem temi, "Aci ena acka ukukeno." Mini wainta Jisasi awayan indiremi, yerere wem.51Kume wanimi, weni yikam wainta ankapa onare tamem temi, en ackaci aciukukeno. 52Weni indaem, nec yamuka mini inta ukukena. "Nurami wayankon acwana yafomi ukukem."53Wenafo indemi Jisasi ukukano wayan tenika ukamoni, "Aci encaka ukukem." Wen ankum umade wemi yindum amenoyo. 54Kantar anene Jisasi uwaremi, wena Judiake Galeli wonim.
Chapter 5

1Jiusiuc yic omackimi Jisasi Jerusarempac uremoni. 2Jerusarempac sipisipi ucyic non awarumi wemoni,mini non awici Betsaida, Ibru wayasimi wemoni. 3 Yic iniya wainta mikaci wenoyo.{1}. 4{2}.5Mana wainta 38 orandekac ackimi wemoni. 6Jisasi onanimi iyakac warukanimi temoni, eni ukukarani ayec wenafi?7Eyon tiremi temoni, ten tiyanocman nompim dam wainta iyem wacko, eno naren uyac ici wecumpe. 8Jisasi temi enic tic manare wono temoni.9Aci kipaonimi tici manaremi wemoni, Sapati kake.10Jiusiuc amic onim wainta wani tenoyo,Sapatikaci enic tici ye marewono. 11Iyec temi tofa enafi weni tentici mare weumpe.12Iyec enani tic marewono tenafi?13 Ofa onim Jisasi emanukami pakeonimi iyen onemoni newarafi amuna ini yac wainta makusimi uyoyon adakake.14Jisasi ofaonim wainta namumi onaremi tamemoni,ofaini aci maranamino yeweke manda anda iye waci ono,yeweke ewe anom manda andaukami enkai ampamintemino. 15 Mini wainta Jiusiuc wayopa oremi tiyimemi Jisasin tofa emino.16Sabatikaci Jisasi mini andauc onin namac ena ena anda onim poni Jiuc anon umarukami amenoyo. 17 Jisasin tiyimemoni, Ten tifo yokemi wemino, micnewaci Teyandowaci yokecumpe. 18Jisasi temi Teni Koctin Akaci weci wenamac manaic mukec umpewe tenimi Jiuci sabati yamuc iye oyon andauc ewaninani mini andakaci anon yiran anecnen mandeni Jisasin arirani tenoyo.19Pukaukami, wanta Akaci mana anecne weyic indintac iyen uwarantemino. Nec wen Afo uwarenafi, mini manan wen Akacwaci uwarantemino. 20 Wen Afo wen Akac ayikarac ewami, micnukami nenecneci wen Afo uwarenafi, anon anecne weyakac ino wani yocakantemi, eni anonic mure anducdinonamino.21Wen Afo pukintinke kumanan ukuka ankaremi ayum pawani amemi, mini amankaci wen Akaci iyeuyaci mini yimirani indenafi, yemi yimintemi. 22Wen Afo manawac iyewaci koc tiankan temi, afo mini mandem wen Akaci amirukemi, micnukami wen Afomi anon wici ameyonic manan wen Akacwaci aminteno.23 Afo umacden wenkaci anon wici ameyon amankaci wen Afomaci aminteno, iyeci wen Akac anom wic iye amenafi, wenafon namaci iyen amintemi.24Pukaukami, wanta ten tisinkaci yekuna waintakin wen andun munkemi, weni wanana wani marantemi. Umani iyen marantemifo, weni pukini yeyankemi wana wani maremino.25Pukapukawe, aci acdekaci mana wani yintemino, aci manamin yewemino , pukeyouni tentikakic arani indinayouni ayum panana wani maranteno.26Wanana wani wen Afon kimi wenine, mini manami wen Akac kimi amemino. 27 Wen Afo wen Akaci wanta daimin erani amemino, newarafi, wen Akaci waminowe.28Iyewaci yinducdokowe, wamasickimi weyouni mana arani inireni. 29Ukuc manan kantenone. Iyeci awokuc wani pukintinke ukukeyoun wani dukeni namac manda kimi wakeni namac dainyinkantemino.30Tenafoni mana anecne iye ontecumpe, teni indekuna foni antekenin daimiric ontecu. Tentic tiyira awakurontekaone, iyec temi tisinkac kumekafu, wenic ayini awakurontecumpe. 31 Tentic warani teni tenunawe, pukawainowe.32 Enopmi tentic warani tinanimi pukainowe.33Joni wenipac wonami pukan tikenon temi. 34 Waya marekuna wainta patewainowe. Mana wayani tekunawe, en ofaininowe.35 Kakani wenimi Jonin weminowe, afo eni wenic kakantimi wanaminowe.36Tentic ware, Jonin namac arukan wani dukec umpewe, newarafi. 37Tentifo tisinkaci kumekunowe tenani pawamuremi temino. Wen aye,iye indeni, wen ondawa iyen onanamino.38 Wen awayani enkimi iyeweno newarafi eni indini tenkimi iyen weno.39Wayasimi wanana warani afakanamino mini wayaye tenti wani afotafi enone.40 Tenpa iyeyeci awogu wani iyen maranamino.41makaga waintaupate anomyici eyenmarecumpe. 42Koctin ayikam wani ikenkimi iyem wemi.43Tentifon ayikimi yunawe iyen tiwikanamino.44 Inkecnurenai indin tewa makaga waintau yiwaya awakureci Koctini awawakani iye amoyewa?45iyewaci indeno tentifompa en umaramino wani iyen tentecupe. Emi umani aminani i Mosesi ino, wemi onowe. 46Mosesin awakurewe, temakaci tiwakurono weni tenani temonino.47 Weni afantimi weni waya iye indeci inkenurec tentiwayani indintefono?
Chapter 6

1Jisasi mini andanda anaempaci Galili Tiberiac non ofaci wemi. 2Yickim wauni ukuka yinkemi wanini anon iniya wainta awakurec noyo. 3Anufaci Jisasi wenic yokam waintauc namaic unkumandenoyo.4Jiuc iniya wainta yic omac adekafic memoni. 5Jisasi yonanini anon iniya waintauc uroyomi minin tirem Filipimi tamemi nanayom breti ikempakac ayac onuno? 6Jisasin weni inanimi indinkemi, Filipimi amamakemoni.7200 kina monima foni amankafic iyen intemino, tirem Filipimi yewekemi tamemino. 8Saimon Pitan afac awa Endru manin tirem Jisasimi tamemi. 9Mana yacman breti namac kantan kauya namac aninta dukemifo amucna iniya waintauc kukami weno.105,000 waintauc wayomi Jisasi manintemi, atanaropatac kumandeko temi. 11Kumantami Jisasi mini yunam mandemi tusu tiremi yimemi. Kauya mandemi yimenini kowamuremi marenoyo. 12Anasi wanta namandayomi weni yokarintauc tiyimemi, umaden yunan arayuc namandeyonuc yuyoko temi.13Namandan yunan arayuc yuman dami 12 basketin uwikeno. 14Afo weni mini yokan afotafic uranini ansi wanta macninteno, puka ukami weni profeti wemino teno. 15Jisasin anasi wanta yonanini we kinic inowani inde wayomi ecemi mini anukac yere yinkaremi weyam wemoni.16Ayinkafic onimi weni yokarintauc unompac kumenoyo. 17Yeni kenukimi unkumandeni Kapeniami weno. Marokum afunkewanimi Jisasin yemoni. 18Anon sisowan ewami unomi ukarakara ewami.19Iyakac keke non amukac oremi onami Jisasin nonaropac yewani onareni pekeno. 20Macnin tiren tiyimemi, iye pekako tenumpe. 21Yeni yiyikarac ureni araman kenukin deni akofac orenoyo.22Ena nuram mi nonakofa yerayomi mana kenu nompim wanimi Jisasi mana mikac yere ankareni umaden yokarintauc wenoyo. 23Iyeno yunanan tusu tirami Tiberiasic ken kamore kenu yunanuc newayonkaci yemoni.24Anasi wanta yerere pakeoyomi Jisasin wenic yokarintauc yifakemoni. yeni Jisasin afakarani Kapeniamic wenoyo. 25Mini non akofa onareni yeni macninteno tisa, eni nakaec iyeyefono.26Jisasin yewekem macninterem tiyimemi, puka ukami teko pani tifakamino yinduni iyemunkomino, eman yokani uwarekunawe yunami nami yiwuc deninani indamino. 27Wanta akac aminanim yunami iyen kipantemi, Kotin mikaci ayofankantemi.Kipananim yunankac iyewac yoka.28Yeni macnin teno, nec uwandeka Kotini yokani maranuno? 29Jisasin yewekem manin tiren tiyimemi Kotin tisinkac yewe kunakakac andun munkono.30Yeni macnintere tameno, nec emanyokan mandanakaci tindum mukonuno? Micnin temi. 31Acmac makafaci Koti inarumpatena breti yemenini ikenama tifonami neyom minin yewekem ampamemi.32Jisasin yewekem tiyimemi, pukaukane, inarumpac tena yunami Mosesi yimemoni. Tentifon yimenimi pukan inarum yunamino. 33Kotin inarumpac tena yunami yimenimi, ayumpac wam wani mana makackac yimemino. 34Macnin teno, Iyeno,mini yunam yenamac umaden yamuc timeno teno.35Jisasi manin tiren tiyimemi, ayum pa wam yunami wecumpe, iyec tempac yintefono, arani iyem pukintemo, Tenkin andum munkewe, nonani iyen ayintemi. 36Minim mukaci tonem wanamifo, iken yinduni iye munkomi. 37Iyen iniya wainta tentifonic ayintim yintefe,mini ayintinke iyen tankantecu.38Inarumpacte kumekunai tentic tiyintac wac iyen uwarecumpe, iyec tisinkenafi wenic ayintac manac ino. 39Iyec tisinkac kumekafu,wenic ayinino, mayawac iye dompirino wanino, umacde ara nurami yeweken yiwikantemino. 40Mini tetifonic ayinino, umaden iniya wainta, wanta akac onare yindun munkinayocuni kumanan yanic uremi ayum pac wam wani yimintemino.41Teni inarumpatena bretim weci kumego tentim wayayani Jiusiuci yisieno. 42Mana Jisasi Josepinuc Marian kanda yikaci waci indinkecumpe. Inkecniurenaci make tenaci inarumpatemi kumeko tenafino?43Jisasi tiyimemi, “Ayuci tegonuc mikac pakako. 44Tempaci mayawaci iyewaci yinonaminfo, ten Tifo temi tisinkeni weni mandeken danaci arasac nurami awikantecumpe. 45Kocti wenafoni tiyimintenon tireni profetiuyic bukugimi tandukamino. Umacde ten Tifompate indireni awakureyouni tempaci yenono.46Umacde Koctimi iyewaci onenofo, inarumpateno weni koctimi onakemino. 47Pukaukane, iyeci anduni munkenafino, weni wanana wam wani maremino.48Teni wanana wam wani mareyom breti wecumpe. 49Iken yifonami acmac makafaci mana namandeni pukenoyo.50Mana mini breti inarumpate kumemifo, mandec namandekaci iyewac pukoko. 51Teni ayum pawana bretim weci inarumpate kumecumpe. Maya mini breti namandemi iyewaci pukintemino. Teni yimenuna breti, ten tumi mana makakackenu yimentecumpe.”52Jiusiuci mini wani yiram mandeni yenyirani teno, “Inkecniurec mana waintaic o nanowaraci timenatino?” 53Jisasi tiyimemi, “Wanta Akakic nare namac wen o namac iyewac namandeci, wenkimi wanana wam wani iyewaci maranakomino.54Iyeci tentic nare namac ten tu namac nantenafi, weni ayum pawam wani marantemino. Wemi arasac nurami awikantecumpe. 55Ten tui puka yunami wami tentic narei puka nomi wemino. 56Iyeci ten tu namac tentic nare namaci nantenafino, weni tenkimi wanaci tenio wenkimi wantecumpe.57Teni ayumi pani wegunai, ten Tifo temi tisinkeni weni pani ayumi waci teyandawaci ayumi pani wecumpe. Micnimukemifo, maya ten tu namac tentic nare namac namandemi weni tenkimi pani ayumi wantemino. 58Tinafu unami neyom breti waino, mana breti inarumpate kumenimino. Iyeci mini breti nantenafi weni pani ayumi wantemino.” 59Jisasi pa Kapenaumic mam mackimi wemi mini andandauc awakurokowani tiyimemoni.60Jisasinic amucna disaiporouc mini indireni teno, “Tisao, umandakam wayanifo iyeci eyosirem marantenafino?” 61Jisasi indini wenic disaiporouc miniwani amucna wayayuc tami tiyimemi, “Mini wayani ikemi umani yimec wenafino?62Wanta Akaci weni wakenipac urinami inkecni intenafino? 63Acyun Aumi yaumi yimemino; mana wui mana andanda iyen amintemino.64Kamore pani yinduni iyewac wekamino.” Iyeci anduni iyewac munkenaci pakaeken namukouc yiyampin dantenafi Jisasi wani kukarantapaci indinkamino. 65Jisasi temi, “Micnimukaci mini andankaci ikemi tiyimeci, maya amankac iyewaci tempaci yinonamifo, ten Tifo weni timintemino.”66Mini andankaci wenic disaiporouc amucno yere ankareni weni, wemi iyewac awakureno. 67Jisasi 12 disaiporouc tiyimemi, “Ikeyandawaci iyewakaci yiwakurec wintekafono?” 68Saimon Pita temi, “Iyeno, iye wananipakaci wonuno? Eni ayum pawam wayani dukanamino. 69Eni Koctin Akaci wanaci mini wani tinduni munkureci, indirani eni weonafaci yecumpe.”’70Jisasi tiyimemi, “Ikemi 12 ukakekuna kinke, mayai wan anommi wemino.” 71Jisasi Judasinani temoni, weni Saimon Iskariotin akaci wami. Weni mini 12 weyon yicwanakinke Jisasim pakaekemi namukouc yimintemi

Chapter 7

1Mini anene anayempac Jisasi Galili wemi,weni iyewaci. 2Judia makusapa wemi newarafi Juci arirani afakenoyo. Make Juci manomaci adekafiemi.3Wenc afa awaunic teno wono mana Judia makuc,enic yokani uwareona enic yokam waintauc onanteno.4 Iyem mayawac anene emankena wenau indikantemi eminic anene one enau mana makaka.5Wen afauci uwandam iyen pukac wenkimic emi. 6 Jisasi yenani temi,teni mini nurami pani yeno afo eninda tesamunkeno.7 Mana makaka iye emi asinteno temi tisinteno newarafi teni tiyimekuka yokaru mandauci.8Wono man omakim,teni iyen uronte mini man omakim newarafi tenti mini yamuci iyen afotafic ukeno.9 Mini anaempaci aneneukani tiyimiremi,weni kamaemi Galili makusapac10Afo wen awanami ureno man omapac, weyawaci mifaci uremi iyewac afotaifo emami. 11Juci mamac omakimi afakeni teni Inkepaka wenafi?12Amuna wayani yen yiwana anasi wanta wenanic teno,manaicoyon teni weni awoku wainta wemi. Eno temi iyewaino anasi wanta yiwikemi owen wayac tenafi . 13Minukami iye mayawac wenani waya afota teno Jiukanic pekeni .14Manc omaci adeka kiaranonimi Jisasi mamakim undemi kukandem wayac temi. 15 Juci yenyirani teni inkepaka ureyaci mini wainta amuna andada indikenafi? Weni iyewaci sikuruwa tikemi.16 Jisasi manintirem tiyimemi,teni tiyimekuna wayanic tentindawaino iye temi tisinkenafi.17Iye mayac ayenafi mini ayin uwararan weni indikanteno mini wayaye kotic kinke yenafi mini waya tenafuyac tekafu.18Iye waya wenafu tintenafi weni afakantem mini anom wike .Afo iye anom wic afakantenafi weni tankami yemi mini pukan wainta wanteno,mana mandawac iyen wenkim wemi.19Iyewaka Mosesi lo yimenafi? Pani ikeni dukano wayacni newaraka tiriran tifakeka temi. 20Anasi wantan tameni eni mandauci dukanano,Iye en ariran afekewaya .21Jisasi manitiren tiyimemi teni mana yokani uwareko ikecumaden yindudoko mini ware.22 Mosesi yimenim wayaye wenindawa wena,peni wakeyon waintauc yindauci ,minukami sabatika wanta waya tameno.23Wanta waya sabatika maranami mosesini awaya iye ukarantemi newarafi eni tenani umamare sabatikaci ayoku kipari kukan ure wanta uwaranano.24 Iyewaka enaci waru afurayinka,antekananim manawa uwara .25Mana eyocuni jerusarem paten teni weyaino arirani afakan. 26Ona weni wayani afotaci teno,yeni mana wayayawaci iyen teno .Iye waci enowaci Jisasike waya tintemino,Iyewaino. 27Mayuni indikeko inkepate mini wainta yenafi ,Afo iyeno kuminane iye mayac indikantem inkepate weni yenafi.28Afo Jisasi mamakim ifidemi tiyimemi ,Ikekanda temi indikano inkepate teni yekafu ,tenauya yeka iyen temi tisinkaka yekafu pukam weno enic iyen indikanano. 29 Teni wemic indikeko weni tisinkaci yeko .30Yeni wen arirani indenofo iyewaci mayawac iyen yiyan wenkawa deno newarafi mini yamuci pani yewani .31Amuna iniya wantauc wenkimic pukacureni teni iyeno kuminane manain anene yotikantenafic? 32Parasiuc indani amuna wantauc Jisasi namaci asani ,anon yokam waintauci parasisiuni tiyinkarani yencyi yokam wantauc wemi awike weno.33Jisasi yemi tiyimemi teni pani ikenamaci kipakac wakeci wontec temi tisinkeyopa.34 Temi tifakanokomifo iye tonanakono wekunafa iye amanka yinakono.35Minukani Juci yenyiwaya yenyirani indaeno.Inkepaka mini wainta wenafi ike onamac iyen amanka afakante,Galili anayo kaci owem wayac tenafic . 36Newaraci tenafi Temi tifakanonamifo iyewaci tonanonano,teni wekunafa iyen amanka yinakono.37Make arasapa iyen man omaci wami Jisasi ukukakemi ifidemic manin tirem temi iyec amen ayankenafi eanac tewekunafa yeren iyom marano . 38Iye tenani indinte wayac tikeni ayum pawam nomi yen yinduntim danteko.39Weni ayunaunani temi iyecuyaci wenan pukaci inayouni yeni maranteno,Ayunaumi iyen yimirukemi newarafi Jisasi iyen wen awic yanci urukemi.40Manaeyon iniya wantauc wen awayani indeni teni,pukac propeti wenafi? 41Enon temi amankac iyenom wantemino. Akac enuni teni Kalilickeno iyenofi. 42Wayani iyen teni Jisasi yintemi Jerusalempac Dewitin amac makusapac.43Newarafi, wenaron tireni yenyireni manda andan ampamemoni. 44Manac eyouni awike yinteno wemi iyemaya ayam dantemi wenkac.45 Dafisin waintauc yeweke anon waintauc namac parasisi iye yenani tena nakacekac wemi iye awikec yeka. 46Dafisin waintauc teni iyec enowac weni tenin tiric inteno.47Parasiuci yewekeni tameno, endawaci umactanamino. 48Wayani antekekouc manan Parasiuc mikimi iyewakaci yinduni munkeka. 49Anasi wanta mini Lo iye indike yeni pani wakockim wantenonic.50Nikodimasi mana parasi wac wemi onakin yeremi macnintiren tiyimemoni. 51Yikeunamactic lo micnintekanafi, wanta nare anawisic amire wenic umani indiremi newarec tikenafi. 52Yeni macnin tireni tameno, eni amankac Kalilic kena wanonamino.53Masicde yerereni yen yimackimpac wenoyo.
Chapter 8

1Olivi anunafaci Jisasi uremoni. 2 Anon wanurampaci umbekem kundemi anasi waintauc mamackimic wayayuc tiyimemi.3 Way umoro noni ininic Farisiuc nama ano waintauc namaci awikemare yiwac nakimi dami ukemi.4Way umoro noni awike mare Jisasinkac deni indaeno. 5Mosesinic ake wayasimi temi way umoreyouc onacwanaci karucdekaci yiroko, wenani inken tirikac ewa.6 Jisasi amamakam wayayuc tamami micnukani iye indimi ayamponi makakaci taren wemoni.7Jisasimi inda ami macnin tiremi tiyimemi, iyec eni numo iye wac efe, enarewac onacwami karucdeci arono.8 Jisasi yewekemi kumandemi makakaci ayamponi taremi.9Jisasin namac mini ini namac yere ankareni mana mana yerere wenoyo.10 Anasi, emi umac tianke wakeyou akac weyafo, Jisasi ukukemi temi, mayawac emi koci iyen amemino.11 Anasi temi, Iyeno o, iyewake. Jisasi temi teni emi koka amekaune, yeweke orewaci numo iyewakac ono.12Teni mana makakackena kakani wecu, iye yec temi tiwakurintenafi, ayufun anda wenkimi iyen wantemi, wanana wan kakani dukantemi.13Enacuni tamanami tireni Farasiuc tamenoyo, en awayani umaci tanami.14Teni indikec inkepatec yeweci inkepakac wono, afo eni iye indikanami inkepatec yereci inkepakac wono, Jisasin temi, ne wayayaci tekafo mini wayani pukawemi. 15 Eni mana wukaci daimanamifo teni manawac iye daimecu. 16Tentifo namaci wanami tisinkaci ansi wantauc puka daimiric montecu.17En awayasimi temi kantan waintanic sitori pukac wenafi. 18Temi tisinkeni wanta indinkemino, teni nec uwarekafu.19Inkepakaci en afo wenafi, tireni indaeno, Jisasin tiyimemi ten indikanona tentifomaci indinkanami. 20Mam mackimi wemi eran wayani tiyimem wani wen pakareni iyewac indaeyo.21 Ten tifackake enic numo nampimi pukinonami tiremi yereren wemi. 22Inkepakaci teni wekafuno eni iyen yinonami tami Jiuc teni wenac oyaci arintenafi.23Eni mana makakakeno wanaci teni yankenon wecu tiremi Jisasi tiyimemi. 24Micnimikami Kocti temi tenkac andun iye munkewe pukinonami.25Acnantapaci emi newaraci tamunaci iye indenaci Jisasi temi eni ewac wewa. 26Teni amuna waya namac kotiyinkeyo, newarafi, iye temi tisinkenafi pukan waci mini wayani amucnou tiyimecu. 27 Jisasi wen afo nani tewani iyawaci amandare indenoyo.28Jisasi tem wantan akaci kumanan yanic ewe, omanar indeno tenani anami, tentifo tisimici tamecu tentic tiyiraino. 29Teni awokufuc uankewami temi iyewac yere tinkantemi, temaci wantemi. 30Amucna iniya wainta Jisasi tiyimentini yinduni munkenoyo.31 Jisasi Jiuc tiyimemi ten tiwayayac enkim wene, eni tentic yokan waintan wanami. 32Puka waya indimi emi utuc ankantem. 33Mayauni Abramin akafandauc weci kafausuka ukekaune, tire teno. Eni inken tirikac eci utuc ankantecumpe.34Pukaukami Jisasi tiyimemisi, iyec numoc intefe, numokimi dumuke wanonami. 35Dumukeni makimi iye wantemi, wen akac weya wantemi. 36Micnimukami Jisasi utuc ankayawe, puka utu firic inonami.37Abramin akafaundauc wanami ten tiwayani enkimi iyec wayani ten tirirani inda nami. 38Tentifo namaci nec onekafu afo eni neci tenti fompate indinte.39Eni Abramini aka wantewe,Abramini yokaraci marano tirem Jisasi tiyimemi. 40Wanta temi puka wayani Koctimpate tisimemi,make eni tirirani tifakanami Abramini iye minemoni. 41Mayauni manda anda kinkewa ampan kekaune,enafoni yokam ono,mayaouni mana tentifo mana dukeumpe,Koctimi.42 Kocti enafo wayawe, temi tiyinonami tiremi Jisasi tiyimemi, tenac uya yekaoune weni tisinkaci yecu. 43Eni newaraci ten tiyawani indefono, tentiwanani iye indinonami. 44Satana enafo wayami weni ayiruc awukuranami. Anantapa weni uma tirukemi, icnaemac umanan tintemino, umactenin andaukami wemi.45Teni puka wayani tewanami eni anduni iye munkonami.46 Puka tamanawe newarec tirec tenkac anduni iye munke, teni numoc iye ecumpe. 47Iyeci Koctin awayani indenafi, Koctin inda wemi Koctin awaya iye indeci Koctin inda wa wekaune.48 Yeni teni eni Samariac wainta wanami manda spiriti enkimi wenin tireni Jiuc tamenoyo. 49Teni manda spiriti wa dukekaune, Jisasin temi tentifon awici yanic ewanaci yikeni ten tiwici umanam dawacamino.50Ten tiwici iyewac yanic ecumpe, mayawani wemi, Kotiyinkantemo. 51Iyec tentiwayani dafisinte, pukaunami teci pukini iye waci onanonami.52Makeukami enic manda spiriti dukanami Jiuc tenoyo, yokam waintauc namac Abraminic pukenono, tenyiwayasac dafisewe iyewac pukini aseyintemi. 53 Abrami mayau tifo pukeni kac ukanano, yokam waintauc waci pukeyon tireni indaeno, eni iyec wewa.54 Tentiwic kumanan yanic eke, ten tiwici payanic iye oko, Jisasi temi tentifo tentiwic yanic inteno, tentic Koctin wenon tanami. 55Wemi iyen indikenaci teni indekecu, teyac teka iyewac indikeko, umacteni waintaken wantecu, newarafi, indikeci wen awayani packantecu. 56Abrami yikenamac tifo amoyemi minikac kukakani onemi.57Eni fifti orande dukeci Abraminic onewa tireni Jiuc indaeno. 58 Pukaukami tameko, Abrami iye waci tenare wako tiremi Jisasi temi. 59 Jisasimi onacwami akakaran omi mam mackinke ocmanden wemi.
Chapter 9

1Jisasi wen onanim mana wainta wen ano macdanimi aracpimpac okam poctikanin wainta wanimi onemoni. 2 Wenic yokar intauc andaeno. Iyeno o, iyeci numoic uranaci mana wainta okami poctikenafino, mana wainta wenafuyafino, aca wen ano afouyaci numoic eyafo.3Jisasi yeweken tiyimemi. Mana wainta wenafuyac numoic enafi, aca wen ano afofuyafi, afo Koctinic eran ecanan wenkin afotafic inowani micnukemino. 4Iyeci teni tisinkenafi, pa kakewanakaci yokani marano. Mana waintawac ayufunkim yokani iyen marantemino. 5Te pa mana makakac weke, teni yenyic mana makakackena onic ukantecumpe.6 Jisasi mini wayayuc tiremi, maka pakaremi akanofo yoyic uremi mini wainta okampemi demi . 7 Tamemi wewaci Siloamic nompim maro kacdano. Mini wainta yereremi maro non kacdaranimi wen okami antekemoni.8Wen acnakac wayon akandauc onacdeni macninteno. Manami kumanten inanana takenin waintafino? 9 Mayaic oyou teni weninon teyomi, enuni teni weseke wan waintainon tenoyo. Afo weni ukukaekemi macnin tiren temi, teni miyin wecumpe tiremi tiyimemoni.10Yeni macnin tire andaeno. Inkecnurananaci en okami anaenafino? 11 Weni yemi macnin tiren tiyimem, Jisasi nen teyon waintan yoni pakaremi tukampemi demi temi maro Siloamiken teyon nompim maro kacdanon tici maro kacdareci make onecumpe . 12 Yeni manintire tameno, Akac weni inkec wena? Weni temi,iyen indikeko.13Mini wainta yo awikeni man dafisiruc wayopaci wenoyo.14 Sabati yamuci mini wainta okam macankemoni.15 Yewekeni man dafisiruc andaeno, inkecnurenaci enokami macankenafino tireni andaeno. Weni yewekemi tiyimemi, weni yoni pakaremi tukampemi daci maro nonocdami antekemino.16Kamore man dafisiruc macnin tire teno, mana waintai Koctimpatewa yewenaino newarafi, weni Sabati iyen akecemino. Akac enuni teni, inkecnurenaci numoic ewananin wainta macnukenin andanda ampamintenafino? Mikimi yenyirani daimini ampamemoni.17 Yewekeni mini okam potikanin waintakaci andaeno. En okam macankarayan wenaninakac tirec tefe. Profetinon tiremi tiyimemi.18 Ju iniya wainta minikac iyen yindun mukeni wen ano afousaci yarereni yindaeno.19Mana en akac okam potikakenifno? Akac inkecnurenai make yonenafino?20 Wen ano afo yewekeni tiyimeno. Mana mayau tikaci okam potikakeninino? 21Inkecnurenai make yonenafino, mayauni iyen indikecu, iyec okami macankenafi, mayauni iyen indikecu.22Newarafi yeni Juc yikani pekenoyo. Iyec weyan tenaci kraistin weko tintenafi, wemi donan mapaci acnintenone.23 Mini wani indeni andaoko weni amankaci tiyiminteminon tire teno.24Mayauni indinkeumpe mini waintai numoic ewam wainta wemifo eni anom wikaci ameno. 25Yeweken tiyimemi temi, teni iyen indikecumpe weni numoic ewafino. Afo mana andanda indikekunai peni tukami potikemoni, afo make amankaci onantecu.26Nec emi uwarankarenaci , akac inkecnurenaci okam macankenafi?27 Yewekemi tiyimemi, aci tiyimecumpo naec iye indekafono. Newarac ikeni enayacwac indiran tindaekafono? Ikeni wenic yokar intaic irani iyen indamino? 28Yeni wemi wacduankareni tameno, Eni wenic yokar inta wanamifo, mayauni Mosesinic yokar intauci weumpe.29 Mayauni indikekunai kocti weya Mosesi namac asewami. Afo mana wainta inkepatec yewenafi iyen indikecumpe.30Weni yemi macnin tiremi tiyimemi.Mana enaic mukemino mana waintai inkepatec wenaci tukam temi tukami matinkenafino.31 Mayauni indinkecumpe kocti numoic eyouyani iyen indemino.32Afo wenic ayir awakureyou yanana indemino. Mana maka uwaranamac iyen indecumpe mana wainta ukukaekem ena wainta okam macankenine. 33Afo mana wainta we Koctimpate iye wene, iye mana andandawac uwarantemino. 34Yeni yeweke tameno, eni numo andakinukam wakeonom wemi eni mayauni tisimanaminon tireni donam mapac acneno.35Anom mam mackinkena awacman acnurayomi Jisasi wen afakaremi tamemi, eni wanta akakakaci anduni munkecwefe?36 Weni yeweken macnin tiren tamemi, iyec weni iyeno wakaci wenkac tinduni munkonuno?37 Jisasi wemi yewekemi tamemi aci onanamino mini miyin enamac asemino.38 Mini wainta temi, Iyeno o aci tinduni munkecumpen tiremi wenkaci mantiankemi.39Jisasin temi, "Mana makakac yekunai wanta mandec yaindana iye oneyou onewayaci oneyouni yemi yukam potikano." 40Manaic oyom man dafisiruc wen namac wayou miniuc indireni wemi andaenoyo, "Mayau yacwakaci tukami potikenafino?" 41Jisasi yeweken yemi tiyimemi, "En okam potikanawe, eni numo iyen dukactino, make eni temi, teni aci oneko tewe, enkimi pani numo wemino.
Chapter 10

1Puka puka, tire teni emi tameko, iye eni sipisipi ci onakim iyewa urewa, kuku dakade urintewa, mini wainta eni kuku karewa umorana waintan wanamino. 2Iye eni onafate urintewa, eni sipisipi-ic dafisin wainta wanonamino.3Kuku onaka dafitenin wainta, onandi ankanteno sipisipi wen ayindire, yewekem weyi sipisipi uci awitaci araremi awikem wintemi.4 Weni umadem sipisipi yiwike maroremi, weni anantapaci winani, sipispi uci wemi awakure winteno, wen awayani indinkeni.5Yeni iyewaci payam wainta uci yiwakuriteno yeni payam wainta winanipa maro eciranteno, mini iyen yen yiwayani indikeni.6 Jisasi amam wayani micnin tiremi tiyimini, yeni iyewaci indeno, nec miniukimi tiyimikenafi.7Jisasi micnintiremi yewekemi tiyimemi, puka puka ukami tirec tiyimeko, teni sipisipi ic onan weko. 8Iye weni tem manan anayempadem we anantapa wintenafi,mini weni umoremi, maku ukare wamwainta wemi. Micnimuka mi sipisipi iyewaci wen ayindirem awakurintemi.9Teni onan weko. Iye eni tenki urintewa tasasini maranonano. Emi awikem maro awokuc yunankimi danteno. 10Umo wainta yenine, paya yenaino. Yeren sipisipi umorem, yirumam pukem anan kayirani yemino. Afo teni yekunawe,wanana wam yaumi yimenteko.11Teni awoku dafisin wainta weko. Awoku dafisin wainta weyandun namaci manan sipisipi uci yimintemi.12 Ayataci yokenin yokan wainta, mi puka dafisin wainta wa wenaino, weni iyen sipisipi dukemi pani onewami afasan iyan yeremi sipisipi uc yiwacdani iyayewami yiruren nantemi.13 Yeren ukide iyaninteno yeni payam yokan wainta uci weni, iyen sipisipi ukac dafisinteno.14Teni awoku dafisin wainta weci, teni yemi yonan kanani yeni temi tonankeno.15 Teni tentifomi indinkanami, tentifo temi indinkemino, micni mukaci ten tinduni sipisipi ukimi dukanamino. 16Ena sipisipi uc namaci dukanamifo yeni mini kukusina weuyafo, oman yiwikec mareranani, mana kukusin yeraimi, mana dafisin waintan dafisintemi.17Micni mukami tentifon tenani ayikemi. Ten taumi danami kudaci yewekec mare umpe.18 Iyewaci eno tenkinke yemaranteno, tenafoni teyani danami kumeno.teni erani duke danami kudaici yeke mare umpe. Teni mini yimam wayani tentifon kinkena mareko.19Mini wayasimi daimini ampameno, juda iniya wainta ukine. 20Amucna iniya waintan teni macninteyo, wananomi wenkimi wami yewem mini wayayu temisifo, newarac yewekac wen awayayindecweka? 21Manacenin iniya waintan teni, mana wananomi wanta kimi wenin wayaya tenasino. Amankakaci wananomi okam potikenim wainta okam mac ankante?22Jerusalemi ci mantewayon omaci yeronini yewekeni koctimi amenoyo. Iyorewanin nurami Jisasin ma makimi, Solomonin amac onakaci nomoni. 23Juda iniya waintan wemi yeukueni yeweke24 indaeni macninteyo. Nacde yaka mayauni pakare amuna indintimec wewa? Eni Jisasi wefono, make antekukande tisimeno.25Jisasi yewekem tiyimemi manintemi, teni emi tameko, enanduni iyewaci Koctinkimi mukukeno. Ne yokarac tentifon awictimi uwarekafu, mini yewekem temakani 26 Pani eni ananace wami iyewaci eyandun tenkac munkurukanami, mini eni tentic sipisipi wa wananaio.27Tentic sipisipi tentic tayindintemi, teni wemi indikanami weni temi tiwakurintemi.28 Teni wanana wan yaumi yimiranini yeni iyewaci pukinteno, enowac iyewaci ten tiyampinkena yemanden mandac inteno.29Tentifon yemi manan temi timirukami, weni umacden yeyanken weni iyenoukami wemi, iyewaci enowac tentifon ayampinkena mandem mandai intenone. 30Tenamac tentifo namaci mayam weko.31 Judac iniya waintauci onacwami mandeni ariraneno.32Jisasin yewekem manintiren tiyememi, teni amucna awokuc yokaruci tentifonkinkena yocyikeko. Neware tirekac onacwam tirira eka? 33Juda waintauci yeweke macninteno, eni awoku yokan tafara onacwam arirarekaune, eni Koctini maku mararananaci mini anda wani emi onacwam arirareko. Eni payam wainta wemi enafoni manan eyani Koctini anano.34Jisasi yewekem macnintirem tiyimeno, Lo kimi inkepaka tenaci eni Kocti wanamino tirukaya? 35We iken yarem Koctine tinaci akac iyenara puka Koctine tinteka (Wayani iyawac manan ukaranteno). 36Ikeni tekone, iyenaci wenafoi manan danaci mana makakac kumenafi, ikeni Koctini maku mararani amino, teni teko iyeci Koctin Aka wena?37Te iyewac tentifonic yokan mararawe, iyewaka eyandun tenka munkono.38 Afo tena mini uwarana Pa iken yindun tenka iye munkurukeke, yoka I marekunakim iken yindun munkurewac onare indeno, tentifon tenkimi waci teni tentifon kimi weko.39 Yeweke wen indairanomi weni yen yiyampinke yere ukicdem wemino.40Weni yereremi Jordanic makufaci Johni nomanyinkanipaci undemi mifaci umwami. 41Amucna iniya waintan wempaci yereni wenani macninteno. Johni mana andanda wac iyen uwaremifo Johni mini wainta wani tenimi pukaic mana meno. 42Amucna iniya waintan minikimi yindun munkure indenone.
Chapter 11

1Mana wainta Lasarusic wanimi, wemi awini yepakemoni,okaw wenana Betanici Matana Meric untananu yima makusapaci wemoni.2Meri wenana Jisasin akantim amunku ewanim marasim nomponi aror ankaremi, wec anonc ayofoni nonoc ankeni ini ayofim wainta Lasarusi wanimi , wemi awini yepakemoni.3Ye untananuni Jisasi waninpaci oraeni teni, Jisasi, indeno, en ayenin waintami awini ye pakakami wemino. 4Mini waya Jisasi inderemi yewaekemi tiyimemi temi puka awira ye pakenainowe. Kocti wey awic minikin afotafic ewanam, minifo Kocti wen Akakic yokandacwac ye marem afotafic inowanino.5Lasarusima, Mata untananuyani, Jisasimi ayemoni. 6Lasarusimi awiric meno teyon indemi, ye waekem kanuranicmuren okam makusim wemoni.7Mini anaempaic weyi disapolo ukan temi,''Mareyic Judia yewaeke wono temoni.''8 Disaipolocu yewaeke tameni teni,''Tisa en oncawan arirani tayac eni yewaeke Juda wiran tanamino.9" Jisasi temi, iye waka tweri aua mana kukakanta wenafi? Mayama kukakantama wewanani, iye ofac dupandintemi newarafi, mana makaci kackani yocakanami onantem.10 Afo, wena ayufum wemi, ofaci dupanditemi, newarafi, kakani wenin iye wemi. 11"We mini wayayu tiremi, mini wayacyu anacempaci yemi tiyimen temi," ikeunamcma tikanda Lasarusi oniwakeno, tena wonucna, oncwakananic kinckena omac aorontemcumpe.12 Disaipolocu, wem tameni teni, "Jasasi, wena ondukakenani ukucikantino." 13Jisasi weyic pukirani temoni, yeni omare indeni teni, pawareyoc yum bararani tino tire indeno.14 Afotaci Jisasi tiyimemi temi, "Lasarusi pucikemino."15 Teni timoneko, ikenaron tireci minika iye wacumpe, newarafi, minuranakaci te maranuna yokantim yindun munkoko wanumpe. Afo wen dukekopa marenkei wo.'' 16Tomasi awici Didaimasic wemoni, wenana akonuyan temi mareyic oreakac mifa Jisasinama manapa pukono."17 Jisasi yeraen onanimi Lasarusi fo nurami wamasikimi marora yomi wakemoni.18 Jerusalemi acnakaci, Betanici wemoni. Titoka nenkackeke wemoni.19 Matanuc, Meri kanda wayopaci amucna Juc yenoyo, yen yiyofim waintawani indewayoni yeraeni yenkanda namaci wenoyo.20Jisasi yenon teyomi indemi Mata wen ankapac awikarani wemi, afo Meri pani naumpaci wemoni.21Mata temi, Jisasi, "ena manakac wakenimi Lasarusi iyem pukintino. 22Teni make indinckeko, newarac Koctimpac indaintefono, weni amiric manan intemino.23" Jisasi wen tamemi temi, "en ayofimwainta ukuci kanteno."24Mata temi, "Pukantanamino," mana maka arasac yamuci ukukantemino. 25"Jisasi yewaekem tamemi, teni ukukani weci aun iyakac wani weko, iye tenkim anduni munkintefe, micne puckewac pani ayumi wanonami." 26Iyec paweci tenkim andum munkefe, eni iyem pukinonami, eni mana waya sakac anduni dec wefono?"27Weni temi, "Eyo, enani Kraisi inon tirec indecumpe, mana makakac kumonon wemi, Kocti Akaci wanamino." 28We mini waya tiremi, Merin awicman demi temi, "Tisa aci yewemi emi areno." 29Mini waya indemi, akaken ukukemi, we wanipaci wemi.30Jisasi makusapac iye yewemi pani Mata namaci wemoni. 31Wenamac yewayon Juci wec acdemi mapac wonini onare omare indeni teni, wen ayofim wainta pucini deyo masipac orem maro ificdarani wemino tireni awakureni weno. 32Meri, Jisasi wanim makusac yeraemi, Jisasi onaremi wen akantimi akondonaduemi tem, "Jisasi, ena makac wa keninami mayau tiyofim wainta iyem pukintino."33 Jisasi, Merin onanimi ificdewanimi, akac wenawakure yeyon Juc waci ificidenoyo, Jisasi ano akunaremi ano indiricmemi. 34Weni temi, "Nafakac wemi dekafono?" Yeni teni, "Iyeno o, yeranakaci yocakano.35 Jisasic ificidemi.36Juc mini onareni teni, "Akac onekafono, Lasarusimi anon ayirikukamemino!" 37Mayacoyouni yeyamoci teni, " Okam puntinkanim waintan yewaekem okam macankaninic urena Lasarusimac awintinke tasasirana iye pukenai?"38Jisasi anon akunar indinamaci wam masipaci wemi, o masici wanimi masikac oni uyakemoni.39Jisasi temi, "o yomanam pasac dac." Mata pukonin Lasarusin ayofi temi, "Iyeno o, aci maken eriyewan nurami masikim mandami aci we o ampiminaken mino." 40Jisasi temi, "Iyec emi tamekafu, ena tenkin andun munkewe, Koctinic erani afotafic inan onanonami?"41Oni yo awekamam pasaci dayomi, Jisasi yan okamacdemi temi, "Tentifo, tentauma indinonawani anon tusuwen teko. 42Indinkeko, umacden yamuci ten taumi indanamino, ma temi ye ukukeyon iniya waintaukaron tireci mana teko, mana onareyaci eni tisinkanaci kumecumpe tercya tenki yindun dako."43Micnitiremi wacduren temi, "Lasarusio, acde mapac yeno!" 44Pukanim wainta mapaci acdem yemi; wen akar ayana, orucnamac ucmayoyon andandauc namaci mapac acdem yemi. Jisasi yenan temi, "Miniuc yo utuc ankarec ecam wino."45Amucna Juc Merin wanipac yeyouni Jisasi micnurani onareni yindun wenkim munkenoyo. 46Manac oyon Juc yewaeke oraeni, nec Jisasi enafi, mini maro Parasiuci tiyimenoyo.47 Pristiuyic Anon Waintauc namac Parasiuc namac manakin yeraeni wayani uyeni teni, "Mana waintan nakac ikeunamac ontekafu? Weni amucna andandaci memi. 48Wem manaic wac iye onani, amucnouni wemi awakurinteno; Romeni uyaci ikeunamac timac makuya, ikeunamatic makuni maranteno."49Mini orandekim dafictani, Kayapasi Het Prisi temi, "Iyen ikeni mana andanda indikamino. 50Ike umacde omare indeko, amankakac wenafino, mana waintama ikenunamac ticnonaroc pukinakaci, ikeuncuama umade iye pukonuno"51 Weyara mini waya tenaoni, Het prisi mini orandekim wemi, yenyic makuyani Jisasi pukiniwani mini waya temoni. 52Mini maku wanana waraifo, Kocti akafanda umacdem makusapac manamana ukeyou owaekeya manakinic okowanino. 53Mini yamucken Jisasi arumam pukirani waya uyenoyo.54Mini yamucken Jisasi kukandem Juc yukankaficwa iyen memoni, yemi yereyinkaremi awam makusapac ac naka wanim makufaci, Efremi we tewayom taunifaci weni disaiporo unamac owemoni. 55Ju uyic Pasowa omac nurami omarem adekac yewanini, amucnon mini makusinken Jerusalemic urenoyo, Pasowa omac okampa un ukukeya yeyam manar akecira noyo.56Jisasinar afakeni, temporokin ukukakeni yeyamoci aseni teni, "Newec tirec indekafono? Mana Pasowakimi iye yino warac indekafono?" 57Het Prisiuc namac, Parasiu namaci wayani tiyimeni teni, eni iye Jisasi wenipac onakantefono, owaeke mare tiyiminayac oraeyac o pakako.
Chapter 12

1Siksi nuram Pasowa inayomi pawami, Jesu Betani yemi. Lasarusi pukanim wainta ukukani wanipaci. 2Mata mikim yunam yiminami, Lasarusi Jesu namaci teworikaci kumantami. 3Meri awoku amunku ewam marasin nomi mareremi, Jesun akantimi wayiremi, weyanomponi daoyankemoni. Mini makine awokuc amunku unda yere untikemino.4Judasi wenic disaporo wemonifo, wem pakayimi nanim wemi temi. 5Newaretirenac mini marasin nomi tri andareti monikac sarinu rena mandem, andandawac iyendukeyo iniya wainta yimirickane? 6Weni micnin tenine, mandac ukeyouyara indenaino newarafi, Weni umo wainta wemi, monic unam dukemi mikim mandekem darani.7Jesun temi, ecanam mifadukano tem masianayom nurankenan dukemifo. 8Eni masiden nuram manda mana dukanonamifo, temi iyen dukanona mino.9Amuna Jiu iniya wainta, Jesunan indireni mifac mana Weni, Jesunkonara weyau, Lasarusim pukanin ukukarukani wemac onarani wewano. 10Yicnom waintauc yewarundeni, Lasarusin aruman pukirani teten. 11Newarafi wenkake amucna Jiu iniya waintauc, Jesun kaci yindun munkeno.12Ena nurami anon iniya wainta anon omakim Jerusaremi yeno. 13Anasi wanta yayanauc ukaramanareni wen awikarani yewe, wacdure teni, Hosana, Hosana. Nanayim wainta iyena awitimi Isiraili Kimi yeno.14Jesu iyewac kumantam dokimi yemandem kumandem yemi. mini wayani wani tantami. 15Iyewa pekano, Sainyoni akinta onano enic Kimi donkin awanaroc kumanten yeno.16Wenic yokan intauc acnantapa iyen mini wani indikano. Afo Jesu iyenawic marani, mikaci omare indireni teni mana andanda ampamin teno tiremi tanteno. Yeni wemi mini uwarankeno.17Anasi wantawe yikandantimi wenamac wano. Lasarusimi masikinke araremi ukukankanim wani.18 Mini andawani, Anasi wanta owaruyeno. Newarafi weni mini andanda uwarani onayonani. 19Parasiuc eyiran teni,yonako nec uwaranteka, anasi wanta wemana awakure weyo.20Kamore Kirikiwaci yeyike weno. maro mantirani mini omakine. 21Mana Piripi weni Betsaida wainta wem Kariri wanini wenkaci indaeni teni, "Jesun onarare."22 Piripi maro Andurum tamiremi, yekanda maro Jesun tameno.23Jesu yewekem macnin tiremi tiyimemi, "Aci mini nurami yeno. Yam wainta akac anomwic marananine. 24 Puka Puka tiyimeko, witi akam pafayem makakac marokum ayankemi mana ukami wantemi, Afo mini akam pukemi amuna akami irantemi.25Iye eyaunan ayikarac ukantefe, iyen aum maranona minor.Akac iyec eni mana makakakena ayani afokewantenafi, eni vokuc aum maranonam minor. 26Iye tenan indikantefe, ec anamtiwakurino, nafakac teni wekafu mikimi tenti yokam waintawa wantemino, Tenanac indikanono Tentifowaci emi anomwici amintemi.27Afo make tentimami umantimi waci newectenuno? 'Tentifo make tasaseno,' mini komi teni kum weko. 28Tentifo enanac anom wic Marano," Inarumpate arani yemi temi, Teni anoniurec anomwickukami ameko.29 Anasi wanta mikac ukukakeni teni, inarumi kuruyemisi teni, akac enuni teni, Ensoro wenamaci asemisi.30Jesu tiyimemi temi, "Mana wayani tenkona kumenasi, ikenkomi kumemisi.31 Make mana makac daimini, mana makac awikem wenimi karuci ranteko.32Tena make makake ukuke ureci, masidemi yiwic ekec tempaci danteko.33 Mini tenimi inkem pukikac intenati, mini yoyikemisi .3534Yeni macnin teno, mayauni lo wayasinkena indeko Jesu, iyaka wananam wanteno. Inkenikac tekac wanta akac yan urinteno teka?" 35Jesun tiyime, kakani panikipa yamu wanteno, eni kakantina wawan. ayufum empac yere dawacinino. Ayufunkim weni, inkepakac wenafi weni iyen onakeno. 36Afo kakandukan tewe, mikakac andunmunkono. Micnewe, eni kakan wanta akac wanonami."Jesu micnin tiremi yererem wemoni.37Amucno teni, Jesu yen yukankac amucna andanda uwarewani. Iyen yeni wekim yindun munkeno.38 Afo mini wayani yenimi, Porofet Aisayan taremi mare pukac emi. "Iyec ikeunamac tirana wayasim andun munkenafi, akac. Iyenkinac Koctin ayam afotafic intenafi?"39Mini andana wani yeni, Aisayan tenim wayasac iyen yindun munkeno. 40Weni yen yukam dadayinkaremi, yindundaci oyic muyinkemi. Newarafi yeyukampoyaac onare yinduntinke indire, yowec ika yen tasasenunaware.41Aisayan,miniucitemi temi,Newarafi Jesuni erani onaremi wenan temi. 42Amucna dafisiruc yikani pekeni yumacnise wano. Newarafi yonareya yem mamakinke tiyinkanayo nakani.43 Anasi wanta kinkec anomwic marano. Koctinkinke iye anomwic mararare.44Jesu tiyimemi, temi "Iye tenkim andun munkinte fono, temi tisinkac kumekuna wenkacwakac yindun munkoko. 45Akac iye temi tonantefono, temi tisinkac kumekuna wemakac onakano.46Temi kakani mare mana makaka kumeko, micni mukaci iye tenkim yinte, eni ayufunkim iyem wanonano. 47Iyen iniya wainta tentiwaya indec, iye awakurefe, endaimirara yeweka, mana makaka mande daimiraraune. yen manan asacdarani kumeko.48Iyec ten afokarec tentiwaya iye marantefe, miyi emi arasac nuram teni tekuna wayani emi daimintemi. 49Teya mana waya tekaku, tentifon awayani teko. weni tisinkac kumwami, weni temi miniwac tiyimenosimi tiyimeko. 50Teni indinke,mana wayani yaum maran wayaniwac nec teni tekafu tentifo tisimimi tiyimeko."
Chapter 13

1Iyena mama kimic pasowa meno Jisini kukani yewami, yewe--kem wanafompai urem. 2Manda waint indin yimini Saimonin akaci, Jisimi pakama namukouic yememic.3Iyeno-yeweke, Eranic amicmic yewekem wenafom paic uremic. 4Weniayinka unamana remi, akai yonademi weyanic ayofemi. 5Jisasi nomi mandemi weyiyokam wintu namai, akani nonodemi, yoandemi,yikni daon yinkemi.6Jisini yokm waintauic, Jisipi indaeno. 7Jisi yeweke tiyimemi, Inaiyemi onanonano tem. 8Pita temi, iyewaci tikan tesecinonano inonanote, Jisiyewekem-tamemi, akan teseuretena omare indinonanotem 9Saimon Rita yewekemi teim Iyeno--o" Iyewaic tikan teseinonano,10Jisintemi, Iye akantese intenafi, weniamaka kukamicante ickeno, aka umadewa anteke yaune.11 Jisinpaka mandana yomic Jisintemi umade iyewai anteke-yotemis Jisi wanjc yemic yonakano.12Jisasi yickan tese uremi wen okakena-andandacu manaren okumandemi, weni yewekem manintirem teno, Ienic indeweka tenicne ikemic uwanyinkekafu? 13 Eni tenani iyeno tisa tanami, Antecire tanami. Aci mini iyeno weko. 14Tenani iyenone tanaci akanteseontece umpoeniena akan ndawaka tese ucankano. 15Mana amamakani ameumpo, mini wa onare uwarano.16Pukantire emitameko, Payan yokan wainta iyewaci weni dafisin wainta ka Iyeno Intemi, ofo yokaam wainta Iyeafisiriintemi. 17E mini indike uwarewe eni tasasini maranonano. 18Teni umadenara tekakune, Teni iyen iniya wainta teni yemi ukadukekafu, miyusaci mini wyani ampamintemi Iyeci mini yunan nantenafi, wemi kumanan yanic intemic.2019Make te mana tamirananaic inyen ampamino ware. Ifo mini andanda ampaminawe, yeweke tempaka eyandun munkono TENINE TEKO. 20Pukntire emi tmeko, iye enitenitekuna marantewa, enitemi manan eynduntimi danonano Akaiyetem manan eyanduntim dante, teni tekun maranonano.21Afo Jisasi temi, tasasin waintakimi umaniweno, weni anon indintinken temi, puka ukawitire tiyimeko, iken kinke mayan temi tukanufi urem pakanteno. 22Jisasini yokan wainta uci yeyani yonareni, tipunda mureni iyenaratino teno.23Weni manayokan wainta, Jisasin ayikara ukan yokan waintmi, tevolikaci Jisasin akantimi waremoni. 24Simon Pita we yiyokam waintaukani teno Indoroko Iyenartenati. 25Afo weni Jisasin anakaci oremi manintiren tmeno iyeno-o" iyeniyiwenafino.26Jisasi yewekem maninteno, yunaminompimi de wi en-teko, afo weni mini yunam nompim dare mi Judasi wii awieno, Simon Iskariotin akake. 27Minurem miniyunan amirami, wananowi wen anduntimi ureno, afo Jisasi maninteno, Ne uwararara afo ake uwarano.3028Iyemaywa tewolika kumandemi, Jigi micwayanic teranic. 29Jisi Judasi nanitemi, mama kinkena icyemaratewe anene iyedukeyo inic yawaint yimenotem. 30Judsi weyinamanaremi mapawimic akakaukami aufumkemi.31Judasi yerere wonimi, Jisi temi Iyena akaic anowi ic maratenote; Iyeno, Iyenawe ic marateno. 32Iyenotemi yeweke iyenawi, imarantekotemi, 33Jisim temic kipa intuko, kipayamuic iken nama-wanteko cikeni tenanic tifakano kono, tenic Juda uic teyimeko.34Jisim temic, tenic mana wayanic tiyan kanlowkin ken nawayanic tamen teko, eyani one onaka urewaic enawa micnic onarika-o. 35amuno onenic Iyenonic yokam wainta wentic teyo, ey ena awokufi uanke wanic micnic ticnteyo."36Simon Pita temic, "Iyeno--o; nafaka wefono?"- Iyenotemic, "Iyeten ticwakuninakono, Inayemic tenama-yicnonanotem." 37Pita manic teno, "Iyeno--o, naic nakaic tenic enamaci iyewonuno, tonano ten ticndunic en namaci weno." 38Pita manic teno, "Iyeno--o, nacinakac tenic enamac iye wonuno, tonano ten tinduni en namaci weno."
Chapter 14

1Ecanan en arac umaric iyewac ino. Koctinkin andum munkewe, tenkimakaci andum munkono. 2Ten Tifon amackimi amucno rumum wemino, afo micni iyeukanake iyewaci tamuctino. Micnimukaci enic makuy anufarani ureko. 3Afo mini makuy uman anufareci umwaekeci kun yiwikanaci teni wanuna makusaci temaci umbanakomino.4Make wekuna ani ikeni onankamino. 5Tomasi Jisasinani macnin temino, "Iyeno eni weona ani iyen onec iyen indikeko, inkecniurekaci ani onanuno?" 6Jisasi macinin tiremi tamemi, "Teni ani weci, teni puka wayani, ayum pawam wani wecumpe. Tenkinkac manam winonamino. 7Afo ten tonaic ewe, ten tifomaci onaic minonamino makekackem wemi onaicure indanamino."8Filipi Jisasinani macnin temi, "Iyeno, mayau tifon yotikanaci amankafic ino." 9Jisasi yewekem macnin tiren tamemi, "Teni enamac makac iyakakukami wacumpe, eni temi anufare tonaic iyemonamino, Filipi? Iyeci temi tonefe, ten Tifomi onanonami.10En anduni munkec wefe, teni ten Tifonkim wanami weni tenkim wemi, wayani ikemi tiyi mekunai tentic eran takewaino, ten Tifon tenkimi wem wenic yokam maremi. 11Andurac munkono, teni ten Tifonkim wanami weni Tenkimi wemi, yokani afotafic eninkakaci andum munkono.12Puka ukami tameko, iyec tenkin andum munkintefe, eyaukami teni marekuna yokani maranonami, ten Tifo wapaci urontecumpo, eni temaci yesankare anon yokarukami maranonami. 13Newarac tenkac inda intefe, teni uranami ten Tifo tenkinkac anom wic marantemi. 14Newarac ten tiwickin inda intefe, ,teni iric manan ontecu.15Ten tiyi karac ewe, tentic ake wayayuci weninukaci awakurono. 16Ten Tifompac inantenami ena dafisim wainta danami iken namaci kumban temino. 17Puka Acyun Aune, mapatena iniya waintauc iyem marantenono, newarafi iyewaci wemi one indicukeno, ikeni wemi indeci onankamino. Weni en namac wemi enkimi wantemino.18Emi yere ankana eyagac iyem wanonamino, eni wanonafaci omwegeci yentecumpe. 19Wagac yafomi magakackena iniya waintauc iyewac tonantenofo, igeni tonanakomino. Newarafi teni ayumi pani wanaci igeyandawaci pani wanagomino. 20Mini nurami ten tifon namac wanami indic inonamino, micnugaci ikeni tenkimi waci, teni igenkimi wecumpe.21Iyeci Mosesinic Lo dukenaci awakurenafi weni temi ayemino. Temi ayewananimi ten Tifo wemi ayintemino. Teyandawaci wemi ayireci teyani wenkaci afotafic ontecumpe.” 22Judasi weni Iskariotiwa wenai, weni Jisasinan temi, “Iyeno eni naceci enuy yukankac iyewac afotafic eci mayau tukankac afotafic intefono?”23Jisasi yewekemi tamemi, “Iyeci temi ayenafino, weni ten tiwayani packarukemino. Ten Tifo wemi ayintemino. afo wende kanda wenkimi yereci wen namaci mayau timaci uwarantecumpe. 24Iyeci temi iyewac ayenafi, weni ten tiwayani iyewaci packarukemino. Wayani indeona tempatewaino, ten Tifo temi tisinkeni wempateino.25Teni iken namaci wekunakaci mana andandauc tiyimecunkumpe. 26Afo yofaini Acyun Aumi ten Tifo ten tiwitimi tankananiwe, weni awakurokowani tiyimiremi umacden andandaukani tiyimekunaukani ikenyic indiruci kumanani ukuka yinkantemino. 27Ikemi tentic nanayini yimecumpe. Makakackenuni yimeyon amankaka yimekauno. Iken yinduntimi umaric iye ekaci iyewac pekago.28Macnin teguna ikeni indekomino, ‘Teni wecumpo ikeni wangopaci owkeci yentecumpe,' tecmokunamino. Eya ten ayewanawe, eni amoninonamino, newarafi teni ten Tifo wapaci wecumpe, weni temac tiruremi anonicukemino. 29Nanayukemi ampaminanici ikemi maken tiyimecumpe, afo mini ampaminaci ikeni yinduni munkinakomino. 30Iyewaci iken namac iyakac weci tentecumpe. Mana makaic dafisini yemwemifo, weni erani iyen dukemi temi iyewaci dacdantemino. 31Afo makakackenuni ten Tifomi ayekunawani indintenono, afo teni ten tifon teninukami uwarantecumpe. Ukukec mareyic makake wono.

Chapter 15

1Teni puga waini yani wanami ten Tifoi anayo afom wemino. 2Weni tenkinke agan iye irenin ayamaruc yomanani acnemino. Weni agan irenin ayayamaruckaci titoc ayanuc afisarami amucno agami iremino.3Igemi wayani tiyimeguna andakaci ikeni aci anteckamino. 4Tenkim wanakaci teni enkim wano. Waini ayami yasac iye wemi agami iyewaci iremino, micnimugemifo, eni tenkim wewaci agami irano.5Teni waini yani wanaci ikeni ayanuci wamino. Iyeci tenkim wagaci teni wenkimi wegafu, weni amucna agami irantemifo, temi iye dukei agami iyewaci iranonamino. 6afo igeni tenkin iyewac wege, acyan yay ayanuckeken yureni igafimi karucdaci igan kanagomino. 7afo eya tenkim wanana ten tiwayani enkim wanawe, ne andandawaraci indintefono, mini andanda ampamiric manan intemino.8Eni tentic disaiporouc wamifo, agan irananaci ten Tifo anom wic marano. 9Ten Tifo temi ayewaci teni igemaci tiyecumpo, igeni tentic ayintinaci wago.10Teni ten Tifon awayani awakureci wenic ayintimi weguna amankaci igeni ten tiwayani awakureci tentic ayintimi wanagomino. 11Mana andandaukani tegunai, tentic timoyini igenkimi wemi igenyic yimoyini amankafic ugantemino.12Ten tiwayani wenimi, teni emi ayegunac urewaci ena ayeno. 13Maya weni macnuren iyena awacwac iyen dukemi, wen agonawani iyem pugintemino.14Igemi tiyimeguna andandauc uwandeci ten tigonuyuc wanagomino. 15Igenani yogar intauge tirec iyewaci yiwic dantecumpe, yogar intai wenic dafisin neci uwarenafi, iyewaci indigemino. Teni igenani tigonuyugen tireci yiwic decumpe, umacden andandauci ten Tifon tici indegunauci, igemi tiyimunaci indamino.16Igeya temi ugaganaino, igeni wega pa wanana wam agan iragowani teni igemi ugagecumpe. Micnimugami igeni ne anecnewaraci ten Tifon awitimi indaintegafe, yimiric manan intemino. 17Enawaci ayenowani mini andandaugani tiyimecumpe.18Magagackenu igen yifogeni, tenaren yifoganayonic mureni igemaci yifogantenofo, miniwaci indeko. 19Eni magagackeno wananani, magagackenuni yenyinda onaric mureni ayintenono. Eni magagackeno wano wara emi ugagegauno, micnimugani magagackenuni emi yifonkantenono. 20Wayani igemi tiyimegunawaci omarec indeko, ‘Yogar inta weni wenic dafisini iyewaci yeankagemino.’ Yeni tem mandaic usinkeni, igemaci mandaic uyinkantenono. afo ten tiwaya indire awakureni, igeni tinagom wayayawaci indireni awakurintenone.21Ten tiwitimi mini andandauc uwanyinkantenono, newarafino temi iyeci tisinkenafino yeni iyewaci indikenono. 22Iyewac tiyimiranani manda andauc iyen dukactifo, mage yenyic manda andauc ayofanayon ani iyewaci dukenono.23Iyeci temi afogenafi ten Tifomaci afokemino. 24Mayawac yenarosirem mararic iyeugananin yogani teya iye mandanani, manda andauc iyen dukactino. afo yeni mage oneni ten namac ten Tifon namaci yifogenono. 25Payanugami temi yifogeyon tireni yenyic logimi tareyomi afotaficintemino.26Yofaini ten Tifompaten tankanami yintemino, weni puga wayayic Aumi wemi ten Tifompaten yeremi tenani timani pacwan intemino. 27Igeni kugarantapate tenamaci weci igeyandawaci tenani timani pacwan inagomino.
Chapter 16

1Teni mini andanda wani tamego, micnimukemifo iyemana yandinonami.2 Yeni anom mamackinke acnuraya enafaci winonamino. Micni mugemifo mini yamu yinane umaden arirani tenone,weni indem Kotini yokani maecumpe temino.3Weni tentifonama ten nama iyen indikeni mini andanda minenone. 4Teni mini andanda tamego, mini yamu yinawe, teni tame kunawani indinonano. Teni enamaci weci, kukarantapate iyewaci mini andanda wani tamecumpe.5Mage iyec tisinkenafi, wewapaci wego, ekeni tenani nafaka wefonon tireci indaem wamino. 6minic mukemifo teni mini andanda yani tameko teni mini andanda wani tamekunawe en anduntinke waci akunaruankano.7 pukan tenitameko, eni ayukukani teni wonawe, micni mukaci te iye wonane, iyen en enofa inani iyen yintemino, mini mukaci teweci tankanami weni empaci yintemino.8We yinani yamuke, yofacinanin weni mana magagakenuni numo anda eyoni yocyikantemino, ayoku yamunamac koticn yamunama. 9Iyen yenyi numonamaci tenka yindun munkin tenone.10 Iyakaga teni tenti ayokukan tentifo wapa wonaka iye tonanakonaino. 11Afo kotin nanine, mana magagaci antenin wanta weni kokimi dacdenone.12Teni amuna andandan duke tamenteumpo iyen umademi ayokuficure indinonami. 13Afo pukantenin amami yeremi iyen ani tintemifo weni pukagaci dafi ankan temino. Necnene indenafi weni tintemino, afo necnene icnacemi yintenafi, weni tamintemino. 14 Weni eran timiremi newarafi, weni ne tentinda mandenafi,weni tiyimemino.15Umaden anene tentifo dukeni tentindam wemino. Micni mukaci maninteko, neci tentinda wenafi , timami mandemi weni mini wani tamintemino. 16 Kipa nurami iyewa tonanonamino, afo ena kipa nurami tonanonamino.17Manaci ocyon yokam wantauci yen yirani teno, ne waya yaci weni ikenama tiyime nafino, kipa nurami iyewa tona nonamino, afo ecna kipa nurami tona nonamino, afo micni mukaci ten tifo wapaci wego. 18 Micni mukani teno newaraci weni minic wani kipa nurane tenafino? newara weni tenafi iyen indego.19Jisasin andaciranami yonademi weni manintemi, ikeni miniwarakaci ikeyani inda ekafono, newara indire tegafu, kipa nuranama iyewa tonanonano, afo ecna kipa nurami tona nonami. 20 Pukaugami tiyimego igeni ifideci yigunkan ifici danagomino micni mukami magaga kenuni yimonin teno. Eni umantin nugami winonami, mini mukemifo enicakun anene yowecekemi amoyini maranonami. 21 Anasin amakan nurami yewami umarukami maremi, micnim murami weni amacdemi iyen ancawisikani indemino. Wanta macna magaga ampameninani weni amoye mino.22Eni make umani dukanai yeweke onanami anduni ayokufi intemi. Iyec mana wanta minic amoyini marem wintemi. 23Minic nurami iyen tenkaci mana andanda wani indacinonamino. Pugaukami tiyimeko ten tiwikim tentifonka andandawan indacinami weni amintemino. 24Mage gake ten tiwickim iyewa andanda indacewe, eni amoyin ampamino wani, acnda urewaci marano.25Teni minic anecneci amam wayayimure tamego, micni mukemifo minic yamuci aci yemino, minic wani tentifomi tamentego.26Minic nurami tentiwikimi indacinonamino, afo teni iye micni tiretentego, teni tentifo wapaci inanteko. 27Tentifo weni emi ayemino,newarafi, Temi ayiremi andun munkuremi tenani wen afon paten yeminon tanamino. 28Teni tentifonkinke yereci tenamac makakaci wecumpe. Yewekec teni mana makakaci yerereci Tentifo wapaci yewekec wontecu.29Weni yokam wantauc teno onano eni mage pugan tanano afo igeni iyen amam wayayicure tano. 30Mage mayuni indego umaden andandan indiganano, afo iyen eno emi andacinowani indanamino. Newarafi mayauni tindun munkureci koctinpaten yanamino tecumpe. 31 Jisasi yewegen tiyimemi make igeni yindun munkeka?32Onako, aci mini yamuci yemino, eyo afo peganowan yamuci yeremino umaden yen yimakim wayan ecni temi yere tinkanonamino. teni iyen teyakaci wecumpe, tentifo tenawaci wemino. 33Teni waya tamenawe ecni tenkinkena nanayini dukanonamino. Mana magagaci umani dukanamino eraracugano teni mana magagakena erani oyacego.
Chapter 17

1Jisasi waya tiremi mini anayempa wen okami inarumpaden temi Tentifo, aci mini yamuci yeno enaka anomcwi amina I enakawa anomcwi emac amic. 2Wemic amecona nampac anasi wantawaci yeankakemi mini wanana wani wemi amenami.3Mini wanana wani mana wemi,yeni enindireni mini kocti puka jisasi dan kumemi.4 Teni anom wi amec makaka eni marano wani time ona yokani. 5Make tentifo anom wi time, mini wi nama enama dukako mana macka iye wakenim.6Teni enawi tiyimeko wantau mana mackaka timecona. yeni eninda wacya timenami ayoku awackurieno. 7Make yeni indikeno aneneuc time ona empate yemi. 8Newarafi yeni teni eni time nami yemi yimunani manareni puka indeni emi yerereni maninteno,eni tisinkanaci yeko.9Yemi inantiyinke, iye mana makaka weyon inantiyinke temi time onau mana inante, newarafi eyindau weno .10 Umadec iyecuya tentinda wenafi enindaweno yenkake anomcwi mareko.11 Makewa iye mana makaka wanteko miyuni pani makakaci waci enkomi yente,Tentifo encawitake dafiyinka temi timecona waintau mana ukako.12Mana makaka yenama wakekuna encawitimic dukako. Enic timecona iniyac waintauc dafiyinkananic iyen dompireno mini intaka umadem mandac inani weni dompireno weni amankafi inteno kotinic ayoku. 13Teni make eni weconafa yeko teni tiyime anasi wantau mana makaka yimosim teni uwikayinkante yenyinduntim.14 Enawayani aci yimeko anasi wanta iyen yiyeno yene, newarafi mana maka indawa weya teyawa iye mana maka indacwe.15Teni inantekuna yen iye tiyinka mana makaka teni inante eyaci dafiyinkanaci iyewakaci mandacoko mandacandakim.16 Yeni mana maka indacwa weya teyawa iye mana maka indacwe .17 Enic puka wayasa yenda enawayani pukacweno .18Mana makaka eni tisinkanaci yekuna mini amankaci yemac tiyinkananic yeyawaic weno anasi wantauc mana makaka weyo.19 Teni ukakeko tenau yen yofairare yeyewa antekako puka wayasac.20Teni yenanawara inanteka teni inantekuna wanta waya indirenaci yeyawac yindum tenkin dako.21 Umade manaci ukako tentifoke,tenkim wanam tec enkim wanam yeyawaci ikeunama mana ukante,Anasi wanta mana makaka yeyacwa puka oko eni tisinkana yeko.22Mini anomcwi temi timecona yemi yimeko yeyawa manacukako ikeunama wekuna.23 Tec enkim wana ec tenkim wanam yeyawaci puka mana wanteno anasi wanta indinteno eni tisinkanaci yeko yemi yiyikara onano temi tiyeconacure.24Tentifo temi tiyeno umadem wainta enic temic timecona yeyawa teni wekuna makusa weyaci onako mini erar temi timecona, newarafi eni temi tiyikarayanano, onic mana makaka iye ampamoniya.25Tentifo antekanano anasi wanta mana makaka iyen emic indikaya teni emic indikako mini iniyac waintauc emi indikaya temi tisinkanano.26 Enawic yenkimi deko minuranani enayir anda temi tiyecona mini yenkim wantemino.
Chapter 18

1Mini waya anayempaci, Jesu weyi yokan intauc namac Kironi awafac beno,mikimi anayo waninkimi wenoyo. 2Judasi we,bem pakayimi nani bemoni, beni mini anayo onankemoni,Jesu masiden nuram yokan intauc namac mikimi mana wemoni. 3Afo Judasi ,Parasiuc yokam waintau namac,Iyena waintauc namac sodia waintauc yiwikem wemi ari andandawa, onunamaci wenoyo.4Afo Jesu,wemimini andanda uwarana nimi, weni indinkemoni. Yenyanakaci oremi yemi yinda emi. Iyenara afakeka fono ? 5Yeni teni, Nasareti Jesunare," Beni tiyimemi ,"manami teni weko. Judasi, bem pakayiminani, sodiauc namaci ukukakemi.6Afowe yewekem tiyimemi,mana teni weko, "tini yeni yinayempaten makakac yande weno. 7Yewekem enayawaci yindaemi,Ikeni Iyenara afakeka fono tini.? Nasareti Jesunaren teno."9Saimon Pita Jesun awakurem, ena yokan intauc eyoni memi. Afo Aiprisi mini yokan inta onankami. Jesun awakurem komakim uremi. 16Akac Pita onarasac ukuukukakac.ena yokam wainta maro onakac dafitan inini tamiremi, Pitan awikem naumpa uremi.10Afo Saimon Pita, musuka dukakemi, acnuremi ai prisinic yokam wainta ayam kukampatena akami akecyemi. Mini wainta awici, Marakusin wemi. 11Jesu Pitan tamemi, yeweke mini musuka wen anamuntin dano. Manai tentifo timenim kapikinkena non iye nano warac indefono?12 Afo mini dafisira, iyenonuc namac Jiuc Yesun pakareni nan dumueke deno. 13Yeni awike Ananasi wapac weno, Kayapasin anda mini orandekim iyeno ukanim wemoni. 14Kayapasi indin yimemi temi, mana wainta wac masicden iniya waintauc kakac pukino.15Saimon Pita Jesun awakurem, ena yokan intauc eyoni memi. Afo Aiprisi mini yokan inta onankami. Jesun awakurem komakim uremi. 16Akac Pita onarasac ukuukukakac.ena yokam wainta maro onakac dafitan inini tamiremi, Pitan awikem naumpa uremi.17Afo mini ini Pitan onarem emi, eni mana waintaci yokam waintan wanamino? "timi teyaune. 18 Afo mini dafisin namac,yeyic yokan waintauc, iyorewani mapac ikasande weni kokomarewano. Pita yenamac mikim wemi ikakanem wami.19Aiprisi, Jesuni yokan intauc namac wetiyimewanim wayayani indaemoni. 20Jesu tamemi, temi mana maka arani kakipakenipaci maro Jisasi temi Koctinic makuni mana makakaci weninuc wac arunden acyunkaci wemino. Mana anon anecne masicde uyinda wenimi, masicde wac Koctinic makusim wako.i murec tiyimeko. teni masiden nuram Sinakoki mam makim Jiu yewarundoci tiyimeko, manawac iyen ayofeko. 21Newaretirec temi indaewa? Mana iniya waintaukac yindaure indeno. nec teni tekafu, yonano anasi wanta teni tekunawe indinkeyo.22Jesu mini tewami, mana dafisini, Jesun araremi weni temi ai prisin indairac tamewa? Jesu wen tamemi, afo te umac tanami 23umackakaci amankafic ono. Akac te pukatanawe, newarec tirec temi tirewa? 24Afo Ananasi tankami Kayapasi wapaci uremi, karafusic inowani.25Pita ikakac ukukakem ika kanewami, anasi wanta macninteno, eni wenic yokan waintan wanami? Weni umac temi iyewake teyaune. 26Akami akecyenin wen afac awa Pitan onaremi temi, eyac mini wainta namac anayokim wanac onekafu?27 Pita umac tewami, akakaukamemi kokora wacdemi.28Afo mikacken yeni Jesun awike Kaiyapasi wapac iyena mackin ureno. Wanurankimi wanini yeni mini makin iyewaci urenoyo. Wake yeni Pasowa yunakim iyewac okumandinayonano. 29Pailati mapac kundemi temi, ne andakac urakac mana wainta awikec yeka? 30Yeni macnin tire teno, mana wainta manda uwarewanake, iyen awikec en ayampim danteko.31Pailati macnin tiren tiyimemi, mifac ike awicdekac ikeyic indintac daimoko, Jiuc macnin tire tameno, mayausic andai iyen wanta aruman pukonteko.32 Macnin tire teno, Jesu weni inken pukirikac intenafi, weni indinkami mini mare pukaic memi.33Pailati yewekem mini makim undemi, Jesun araeken demi temi, Jiucyic kinac wewa? 34Jesu indaemi, enafuyac tewa, enoc tamiyac tenan tewa. 35Pailati temi, mana teni Ju wa wekaune? Enic anasi wanta namac enic iyena waintauci emi timeno. Nec uwarante?36Tentic kindomi makuni, mana makakaka wenaino. Afo tentic kindomi maku makakac wanami, afo tentic yokan waintauc Jiuc namac yiruici teni Jiuc yiyampimi iyen danteko. Micnimukaci tentic kindomi mana makakac iyen weno.37 Pailatin temi eni kinac wewa? Mini andawani teni makeyo. Mini andawani temi mana makakac kumeko. Micnimukaci teni mare puka akami ireko. Iyen iniya waintac pukakim wante, tentiwayayac indeno.38Pailatin temi, nec puka wenafi? Micnin tiremi weni yeweken mapac kundemi, Jiuc tiyimemi teni mana wainta kinke iyen mana umandac afakeko.39 Micnimukemifo teni mana wainta ukicdananac mini Pasowa yunankim kumino. Afo teni Jiucyic kin ukicdananac kuminowarakac indeka?40 Anasi wanta wakunteni mini wainta warakune, Barawasinare, weni umo wainta wemoni.

Chapter 19

1Pailetin tentini Jisasimi awikem maroreni yami arenoyone. 2Soldia uci amuc wankam po uwantan ataci uwandeni, maro Jisasin acnon kaci koran dawarare namaci uankenoyone. 3yeni we wapaci yereni micninteyo,mini juda iniya wainta ucyi iyeno wenon tireni arenoyone.4Pailatin yererem mapaci kundemi yewekem macnintirem tiyimeno, onako weni mana uman dacwac iyen dukaci teni wemi manan mapaci deko. 5Afo Jisasi yereremi mapac kumemi, amuc wankan atac namac koran dawarare namac pa anonkac ukami. yewekem pailatin macninteno, onako manami waintawe. 6Ma mackim dafiteyon iyeno uc namac yeyic yokan wainta uc namaci Jisasimi onare wacirureni teni, arure iyeno, arure iyeno! teyomi pailatin temi, ye awikec marorekaci ike aroko, te onanami mana andawac iyen dukeno.7Juda iniya wainta uci teni macninteno, mayauni Lo ducikanami, weni temi Koctin akaci wekon tenin anda wani pukiric manan mintemino.8 Pailati mini wayayindirene, weni anon pekarikukam memi. 9Pailatin yewekem iyena wainta uc yimakin undemi Jisasin kac idaemi temi, eni nafatec yewefono? tentimi. Afo Jiasin iyewaci mana wayayacwac tameno.10Afo Pailatin temi, nakace iyewac tisimefono? eni temi indikewa, teni utuc ankan eranamac arumar iyinayon eranamaci dukeko.11 Jisasin tamemi, endacwac iyewaci mana eran dacwac dukanano yankena erani endacwac dukanamino. Iye temi pakaekenaci enayampin denafi, mini wainta ic numowe, iyena ukami, enic numo kipaci weno.12Mini wayani tirami indiremi, Pailati ukicdan wino wani temifo. Akac Judac iniya uci wacdureni teni, ukicdan winawe, eni Sisan akandawa wanonanaino. Iyec weni iyenon weko tintenafi, mini Sisanani iyeno wa wenainon tintemino. 13Afo Pailati mini waya tin indemi, Jisasin yo awikem marokun mapac demi yewekem wenic sia kaci unkumandemi. Hiwuru wayasapaten teni Gawata, wen teno.14Pasowa kukakan yeronini tesac enoyo, ayinkafic ewanini. Pailati yewekem Juda iniya wainta uci tiyimemi temi, onako,mini ikenyic iyenowe! 15Yeni wacdureni teni, arono, arono, arumar iyeno! Pailatin yenani temi, te ikenyic iyenon arumar iyeno warateka? Afo ma mackinkena prisin temi, mayauni iyenom mac iyen dukeko Sisa manan weno.16 Micnuremi Pailatin Jisasin manan yimini arumar iyirani awike weno.17Afo yeni Jisasin awicmareni mapaci weno, wenafon kac dami weyic kekayac manaremi, mana makufac wanta yicnom wam makusapake tapaci weno. Mini makuni Hiwuru wayasapaten teni Golgota wen teno. 18Minikaci maron jisasin arumar iyenone, kantan wainta kanda namac, maya ayan kukampake, maya ayan opake ureni, Jisasimi acwanakimi arumar kekac yasa iyenone.19Pailatin mana wayani tandemi maron kekac yasaci demi. Micnintemi, NASARETIC JISASIMI JUDA UCYI IYENOM WENO. 20Amucna Juda iniya wainta uci mini waya yandare oneno, Jisasimi arumar iyeyomi anon tauni akofaci. Mini wayani tarenimi Hiwuru waya sapate namac, Latini waya sapate namac, Kriki waya sapate namaci taremi.21Juda ucyi iyena prisi wainta uci pailatin nani teni, iyewac Juda ucyi iyeno weno teno. Weni temi teni Juda ucyi iyenom wecumpen temino. 22Pailatin yewekem tiyimemi temi, nec teni tarekafu, aci mini afareko.23Soldia uci Jisasin aruman kekac yasac ireni, weni korosin mandeni eriyewankimi daindeni minikaci iyaranenoyo. Mini korosi ena arayacwac iyen ocwikami mana ukami antekemoni.24 Yeyirani micninteyo, yeranac iyewac dakakano, pacmamandec karucdec onano iyec mini pakantenafi. Micnura yomponi maro wayani tikenimi amankafic emi pukaci memi, afo yeni wenic korosi mandeni acnureni pakenoyo. Soldia uci micnenoyo.25Jisasini kekac yayarafimi wen anonamac, wen anon onanan namac, Maria Klopasin anac namac Magdalac kena Maria namaci ukukakano. 26Jisasin yewekem wenanon onanimi wen ayikanin disaiporo ucnamaci ukukakanimi, weni yewekem macnin tirem wen anon nantemi, "Anasio onano, en akake." 27 Yewekem weni disaiporo mi tamemi, onano enanowe, disaiporo mini kaken yo awikem weyamapaci wemoni.28mini acnaempac onayomi umacden andada kakipa onimi koctin awaya manan amankafic emi, Jisasi macnintemoni,nonani tiyewako. 29Non anakimi eran nomi anon yucpewanimi wacdo arasaci deni maron ofemi wacyirayomi nemoni.30 Afo Jisasi mini eran non namandemi, aci kipenon tiremi, wen akac ukarem kumonimi pukemi, wen amami inarumpa uremi.31Tesacin nurami, teni iyewaci kekac yasa pa wanteno, aci sabati kukakani yereno (mini kukakare, mini iyena kukakaru kami weno), Pailatin kac indaureka yikaruc ukararec manan dako. 32Afo soldia uc yereni acnantapatena wainta akan naren ukarare manande, akac ena wainta akaruc ukareno.33 Jisasi waninkac ore onayomi, weni wayukami pukanini wemi iyewaci akaruc ukareno.34Micnonimi mana soldia Jisasin akayankimi pakoyami ankac danimi nare namac non namaci kumemoni. 35Mana waintan mikinken onaremi anon indiric uremi temi, weni tenimi pukaic meno.36Afo mini andanda uc ampamenine, bukukin tikan wayani manan pukaic iranino, iyen wemi mana ayampa wac ukaranteno.37 Akac ena wayani bukukin temi, iyeuyacwemi areyafo yeni wemi one wanteyo38Mini acnaempa ci Arimatac kena Josepi weni Jisasinic disaiporon (Juda ucyi kani peken emami) Pailatin kaci indaemi, amankakaci Jisasin awikec wonunon tentimi Pailatin eyon tirami, Josepi mi Jisasin on yomarem wemoni.39 Nikodimasi waci Jisasi wanipac ayufumi yemoni, awokuc amukuc ewanin pauran namaci manaren yemoni. Mini pauran onayomi wenic umani andareti kaci umwami.40Afo yeni Jisasin awike maroreni awokuc dawarare kac deni awokuc amukuc ewanin pauran acankareni , mini dawarare yere yako ankenoyo. Juda ucyi awuc awaci pukananin wainta micni mureni masiceno.41 Wemi maro arureni kekac yasac iyeyonkaci anayom wami, mini anayokimi oyan wamasici wami, wanta wac iye masifarukan wamasici wami.42 Juda iniya wainta ucyi tesacin nurami wami akac wamasic wac adekaci wani, yeni awikeni wam masikimi maro masifeno.
Chapter 20

1Sandec wanurampaci pa munkukanimi Mackdalac kena Maria wam masicpac oren onanimi, masickac uyackanin onacwami iyewaci wemoni. 2 Weni iyayemi Saimon Pitan namac Jisasi ayikarac ewanin disaiporo kanda wayonkaci oremi tiyimemoni, "Iyenomi aci masicpinkena aci awikeni wenono. Wemi deyopaci mayauni iyewaci indikecumpe."3Pita namac ena disaiporo kanda wam masicpac orenoyo. 4Yekanda manakac iyaye wayomi, ena disaiporo Pitan yeankemi wenaremi wam masickac oremoni. 5 Mackamemi masicpin onanimi Jisasinkac yako ankayom wacdoyuc manam wemonifo, weni mikimi iyewaci umpekemoni.6Saimon Pita icnaimi oremi, yankakemi masicpin umpecemi onanimi wacdoyuc manam wemoni. 7Wen acnonkac yako ankayom wacdoni, iyewaci ena wacdoyuc namac wemoni, wenafoni dacdaemi acyunkaci wemoni.8Icnaimi ena disaiporo wenaremi wam masicpac oremi, weyandowaci masicpin umpecemi onacdemi pukawen temoni.9 Puceci ukuckantekon tikenim wayani, mini nurami ampamini akakae iyewaci indenoyo.10 Micnureni mini disaiporouc yewekeni yen yimapaci wenoyo.11Maria wam masickac wemi ificdemi mini masicpin onemoni. 12Yonanini kantan ensoro kanda Jisasin dayonkaci maya acnonkac kumandenimi eno akantapaci kumantemoni. 13Yekanda tameno, "anasio eni newaraci ificdefono?" Weni yenkanda tiyimemi, "Tentic Iyenomi awikeni owaci iyen indikeci miniwani ificdecumpe.14Micni tiremi yowecemi onanimi, Jisasi mikaci ukukakemoni. Weni Jisasim wemino indiric iyen emoni.15 Jisasi tamemi, "Iyenarac afakarec ificefono?" Weni mikinkena yokam waintam weminon tiren indiremi tamemi, "Awike maro dukantewe, deonafac tisiminakaci awikec wono."16Jisasi wenan temi, "Mariaon," tirami hibru wayasapaten temi, "Rabonion," tiren aremoni. (Mini wayay andai Tisao tikemi.) 17Jisasi tamemi, "Ten Tifo wenipaci iyewaci umecumpo iyewakaci tiyokacono. Ten tifaconam weyopac orewa tiyimeno, ten Tifo namac iken Yifo namac tentic Kocti namac ikenyic Kocti wenipaci urontecumpe. 18Maria oremi disaiporouc tiyimemi, "Teni Iyenomi onecumpe," tiremi Jisasi teninuc tamemi.19Mini Sandec ayinkac manami disaiporouc yikani pecdeni ona munkureni ona munkureni wayomi Jisasi yen yicwanaci ye ukuckemi tiyimemi, "Nanayini iken namackaci wano."20 Micni tiremi wen ayan namac akayan namac yocyikemi. Disaiporouc Iyenomi onareni yimoneno.22Jisasi yewekemi tiyimemi, "Ten Tifon temi tisinkaci make ikemi tiyinkecumpo nanayin namakaci wako. 21Mini tiyimiremi, wen aumi yempac puctiremi tiyimemi, "Acyun Aunaci marako. Ikeni iyeuyic manda utucyinkatekafono, yenyic manda daoyintemino. 23Iyeuyic manda packa yinkantekafono, yenyic manda pani packakantemino."2512 disaiporouc kinke Tomasi, ena awici Didimusine tewayo weni mana disaiporo wemi yenamac iye waninkaci Jisasi yemoni. 24Jisasin onayon disaiporouci Tomasimi tameno, "Mayauni Iyenomi onecumpen," tirayomi weni tiyimemi, "Ayankin namac akayankin namaci areyonkin tiyan dec onareci tinduni munkontecumpe."26Afac kandac manawac nuran yankacomi disaiporouc naumpac wayomi, Tomasi waci yen namac wemoni. Ona munkureni naumpac wayomi Jisasi yen yicanac yeremi temi, "Nanayini iken namac wano." 27Afo Jisasi Tomasinani temi, "Eni anduni iyem munkonamifo, en ayan tikayankin deci anduni munkono."28Tomasi temi, "Tentic Iyeno namac tentic Iyeno namaci wanamino." 29Jisasi tamemi, "Eni temi tonaremi anduni munkanaminfo, iyeci temi iyewac tonacdenaci anduni munkenafi, weni amoyac ino.30Jisasi wenic disiporouc yukankaci mirakoliuwaci uwandani iyewaci kamore yokimi tarenoyo. 31Manauci tantenimi onarewaci Jisasi Koctin Akaci wemino wen awictin andum munkure ayum pawam wam maranonami.

Chapter 21

1Inaemi Jisasi Taberiasi nompac wenic disaiporouc wayonkaci enayac afotafic emoni. 2Saimon Pita namac Tomasi ena awici Didmusi namac Natanieli Galili awafac Kana makusinke namac Sepedin akac kanda namac Jisasinic disaiporo kanda namac wayomi, 3Saimon Pita tiyimemi, teni kauya amarirani wecumpe, tenini yeni teni mayauyawac enamac yeakaranumpe tireni botikim kumande oreni mini ayufun iyen kauya arenoyo.4Kukaconimi wanurampac Jisasi non akofac ukukakanimi wenic disaiporouc enom weminon tire indenoyo. 5Jisasi yindaemi, "Pumarauko, nanakonuc afackekafono?" tenini "Iyewaken," teno. 6Afo Jisasi tiyimemi, "Yiyan kukampac neti acnurekaci kauya pakako," tenini acnurayomi amucno kauya akaconini neti dirifarani aniyokenoyo.7Jisasi ayic karac ewanin disaiporo Pitami tamemi, "Iyenom wemino," temoni. Inaemi Pita indiremi, wayapo wakemi ananuc uyacdemi, nompimi acdemoni. 8Ena disaiporouc non awafac adekac wakeni, botikin indoceni, amucno kauya netikim wanini diripenoyo. 9Apac undeni onayomi ikakac kauya namac breti namaci wemino.11Jisasi tiyimemi, "Kauyauc pakekonuc kamore timeko." 10Saimon Pita oremi netikimi iyena kauyauci 153 wanimi dirifaeken apaci demoni. Amucnoukami wemonifo, neti iyewaci dackakemoni.12Jisasi tiyimemi, "Yunan yemandec nako." Iyenom wani wenic disaiporouc indinkeni wenani iyec wefonowac tire iyen indaenoyo.14 Jisasi yeremi breti nare yimiremi kauyawac yimemoni. 13Jisasi masickinke ukuckemi kamore yakicuremi afotafic onini wenic disaiporouc onenoyo.15Disaiporouc yunan namandami Jisasi Saimon Pitami tamemi, "Saimon Jonin akako, eni temi ayec wefono?" Pita tamemi, "Eyo, Iyeno. Enan tiyenimi Eni indem wanamino. Yunami tentic sipipiukaci yimeno. 16Kandayakic muremi yeweken tamemi, "Pita Jonin akako, tenani ayec wenafino? Eyo Iyeno, eni indem wanamino enani tiyem wanamino tenimi, Jisasi tamemi, tentic sipisipiu kakaci dafiseno temoni.17Kamore yakic muremi Jisasi temi, "Saimon Jonin akako, tenani ayec wenafino?" Kamore yakic muremi micni tirami Pita umani maremi. Pita tamemi, "Enani tiyenimi eni umacden andandauc indinkanamino." Jisasi tamemi, "Yunanaci tentic sipisipiuc yimeno.18 Pukan emi tameko, pumaram wemi enafoni wacdoni ufekemi, eni wirani indeonafaci wanaminfo, ayokun kaei ayan yanicurani enon emi wacdoni ufec ankaren awikemi iyewac wirani indeonafaci wintenono."19Pita inkem pukirikac enaci Koctin awic yanicintenafi, mini wani Jisasi temoni. Micni tiremi Pitanan temi, "Tenac tiwakurono."20Pita yowaecemi onanimi Jisasin ayewanin disaiporo yiwakuremoni. Wenanan yunan newayomi Jisasinkac indaemi, "Iyeno, iyec emi mandeken namukouc yiyankin dantenafinon," temoni. 21Pitan wen onaremi Jisasin temi, "Iyeno, mana waintai nec uwarantenafino?"22Jisasi tamemi, "Pa wanakaci owekec yeno tiranai eni inken indirikaci intefono? Afo eni tiwakurono." 23Mini wayani wen afac awanampac orani, mana disaiporo iyewaci pukinteminon tenoyo. Jisasi Pitami tamenimi, mini disaiporo iyewaci pukintenowa tenaoni, mini disaiporo pawanakaci owekec yeno tenai eni inken indirikaci intefonon temoni.24Mini disaiporo weni mini andandaukani tiremi tandukaci, ikeunamac mini wayayuc indunami pukam wemino. 25Jisasi ena ena andandauc waci uwaremoni, umacdem wayayuc tandukakeoyomi, mini buku dam makuni iyewaci amankafic onictino.