Erakor: Bible for 2 John, 3 John, Colossians, Ephesians, Philemon

Formatted for Translators

©2022 Wycliffe Associates
Released under a Creative Commons Attribution-ShareAlike 4.0 International License.
Bible Text: The English Unlocked Literal Bible (ULB)
©2017 Wycliffe Associates
Available at https://bibleineverylanguage.org/translations
The English Unlocked Literal Bible is based on the unfoldingWord® Literal Text, CC BY-SA 4.0. The original work of the unfoldingWord® Literal Text is available at https://unfoldingword.bible/ult/.
The ULB is licensed under the Creative Commons Attribution-ShareAlike 4.0 International License.
Notes: English ULB Translation Notes
©2017 Wycliffe Associates
Available at https://bibleineverylanguage.org/translations
The English ULB Translation Notes is based on the unfoldingWord translationNotes, under CC BY-SA 4.0. The original unfoldingWord work is available at https://unfoldingword.bible/utn.
The ULB Notes is licensed under the Creative Commons Attribution-ShareAlike 4.0 International License.
To view a copy of the CC BY-SA 4.0 license visit http://creativecommons.org/licenses/by-sa/4.0/
Below is a human-readable summary of (and not a substitute for) the license.
You are free to:
The licensor cannot revoke these freedoms as long as you follow the license terms.
Under the following conditions:
Notices:
You do not have to comply with the license for elements of the material in the public domain or where your use is permitted by an applicable exception or limitation.
No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.

Ephesians

Chapter 1

1Kinew Pol abi te wesews nig Yesu kristo totur nanromien nig Atua, Amurin saof mus te weswes nig Efeso, Nen u fafat Yesu Kristo. 2Nanromien nig Atua go nt'mat nig Yesu Kristo kefo skot mus.3Iwi nen Atua nag ipi apap nig Yesu Kristo nagien kefak elag,Nega i psawi ki kit ki nafsawian tab nega nag itok elagsau mai, Esan kin Yesu Kristo i tkos. 4Atua i mtalu ser natamol malen i kaimes ki emermen nen. Go imurin nag tuk tap go tuk tik ki takpar. Me tuk tok etan nanromien nig Yesu Kristo.5Tetwei perkati nega kipe mtalu kit, Imurin nag tuk mai pi tesa nega totur Yesu Kristo.Tenen ipi namroan nega go nega me i semsem nen kemai teflan. 6Nega i welu kit totur nanin Yesu Kristo nen i nromi itop.7Totur nra Yesu Kristo. Atua i preg tenen ru skot Yesu.Takpar negar, Yesu ki be metpakro totur nanromien nega. 8Me totur nanromien nega, imer tu kit ki nametmatuan go nanromien.9Atua i semsem nen ke fei ki kit ki nawesien nen tetwei ipi nawesien nen ikus, Me kipe pi namroptakien nega, Nen kefo pregi ke fakor totur Yesu Kristo. 10Me kefo preg namroan nega ke fakor mal leg knen, Nlaken imurina namroan nen kin i weswes kin ruk mai pak naor keskei. Go ser nawesien nen ruto elagsau go emermen ruk mai tok etan namermran nig Yesu Kristo.11Malen Atua ipreg namroan nen Yesu Kristo imai skoti namroan, Go imtalu mam tesa nig israel go Atua i to preg nawesien taos namroan nega. 12Go ru tli nag komam upi tepei nen upus namroan nigmam ito Yesu Kristo, go imer wi nag ko sik nagien kefak elag.13Me imer wi nen akam nen uta pi nametrau nig Israel mau, Atua me i mtalu mus nen tukfi teweswes nega, go itao naten tap nega imai, nen ke welu.14Nlaken kin naten tap nen imai skot kit, akit me tuk fo tae nawesien nen Atua imur ke nrik kit kin,go selwan kin tu tae,sermal tukfo tok sik nagien kefak elag.15Nlaken kin iteflan, sermal nalotwen neu, kafo to lot mroberkat mus, go kafo to psawi ki Atua, nlaken kin akam.Atli teflan nlaken anrogo nag akam me upo fafat Yesu Kristo,nen kin ipi naot negakit, go ipregi akam me upo nrom ser natamol.Ipregi tkal mes ato lot mroki mus. 16Kineu ata pnut nen ka fsawi ki Atua mau nlaken kin akam, go teflan kin ato tli nalotwen neu.17Ato lot nag Atua nag ipi apap ni Yesu Kristo,go nag ipi apap ni nlaun elag, ke tumus naten ni nametmatuan go teflan u tae lele go namroan wi nen nega kefo tumus kin.18Sermal ato lot nag nakp wi nega kefo seltae, nag ag kutae nag ga kipe sosok go nawian lap nag itok elag tron tap nega ke fo tu mus kin nen upi nagmer iwi nega.19Go nalotwen nig neu me apo to lot nen ag me pa tae nakerkraian nega nen itop go itop go ito weswes nagmolien sikskei nega kit nag tuk fafat wes.20Tenen ipi tete nakerkraian nen tu tli teflan ipreg Yesu imer tuleg emat go ipan skoti nlaun tap nega elag.21Go nagi Yesu ipak elag, imer tol agel go tenen kin me ru pi telekor nen nagier me ipak elag.Yesu Kristo kefo lekor, itapi mes gmas mau me naliati lap nen kefo mai.22Atua kipe pus sernale lap ru mai pak etan natu Yesu, go ipreg nega imai pi m'pau nasumtap nen kefo lekor sernale lap.23Nasumtap ipi Yesu Kristo go ipi nega gmas nen kefo to mes go itu tu kai tu mau tu.
Chapter 2

1Tetwei i taosi kin tu to nmalko nlaken tu tap taus nafte kin Atua i tili mau, go tu to preg sernale nen itap leg mau. 2 Tetwei i taosi kin tuto taus sup nig emeromen, taosi kin tu to etan nakerkeraian ni naten sa nen i to ilfek emeromen, ito preg nawesien nen natamol ruk fak emae ki Atua. 3 Tetwei tu skot natamol . Tu preg namroannigmam go tu taus sup go namroan nig natamol. Atua kefo pestaf mam go kofo preg suptap nlaken sup negakit tunomser pi toskei mas.4 Atua i pur ki nanromien nlaken ipi atlak nap nen itop nen kin ito mur akit. 5 Malen tu mat to nmalko ipreg tunomser mol skot atlakekit kat nanromien top nega, ga i welu kit. 6 Atua isik kit yunom skot naten ipregi tu skoti to elagsau skot yesu kristo. 7 Malen ito mai kefo pei ki kit ki nanromienpur negaemrom nanromien naga mai kit emrom yesu kristo.8 Nanromien pur nega : ku mol kat nasralesokon negag i tap mai reki ag mau me taus naftuan nig Atua. 9 Itap pi kat nawesien nen ke freg nagtamol ruktae pes matu kin mau.10 Akit nafet natamol weswes go akit nen tu skot Yesu Kristo tu mai wel natamol wi nen tuk freg nawesien wi nen Atua kipe negakit slatlua ito nen tuk siwer skotir.11Me akam kofo metpakro na akam kofo tap tae Atua mau . Ru soso na akam utata mas namrun mau kin ru soso ki sekomsaes akit natamol tu to pregi nagmolir kin taos narur.12 Me mal nen akam uto emae ki Yesu,akam uto ektem Israel go utik ki nanriksoksokien nen kotkal nafte kin Atua itli.Malpei akam upi nafet natamol nig emeromen mas. Go akam utap tae Atua mau go utapus namroan gamus ikerkerai nanriksoksokwen mau.13malpei akam uto emae me malfane akam u skot natentap, nmaten ni naten go nran i tro iplak akam mai pak nmeltik ki Yesu.14 naten ipregi ipi atlak tmat,ga kin i preng mark nafet natagmol ni Israel skot nafet nagmer pte ru mai wel natagmol ni naor iskei mas.Ga kin i prai sup nen kin itaos fat pur nen ru lao nen i prigi tu to sikskei wel nafet natamol fserser.15 I slat lu nafet nanriksoksokien ne Atua itu Moses skot nafet mrag nega. Naten i priging nen raknru mai pak mark keskei mas.Sukp teflan ipregi tu pi atlak nafaketanwen. 16Me laken Yesu i mat elang gas Peltakot, i slatlu sukp nen tuto mai pi nagmer sa ki ait,go i slat ait mai skot Atua.17Yesu imai go itil Nafsanwi nen Nfaketanwen go akit nen uto emae, go nfaketanwen ki gar nen ruto meltig.18Malen tuto naor iskei skot naten,tu pitlak nafinatan nen tuk mai pak melting ki Apap gakit go naten iskei mgas i to slat ait tunom mai pi iskei.19Laken namrun teflan akam nafet namer ni Israel nen malpei akam uta pi namer ni Israel mau,akam upe tato tas Nasap ko magmer ni nlaun pte .Go akam upitlak nafinatan ito nfaketanwen ni Atua.20Akam u wel ngas ni esum,nafet te weswes ni Atua i mai wel ngas nen ilau to natik tkin.21Go nafet ngas karu emrom esum nen ru mai pak naur iskei skoti,go kat nenen rutuleg kerkrai taos narustap go ito wi.22Akam ko fak naor iskei skot naten nen itaos nasum iskei mgas nen Atua ite tap tkos to sernaliati skot naten nega.
Chapter 3

1Nlaken kin itefla kinew, Pol, amai to nasum malik kat nawesien nig Yesu Kristo kat akam nen kin upi Gentile. 2Au slati teflan nag akam koipe nrog tae nalekoron nig nawesien nig nawian nig atlakikit teflan kin i tok tau kin kat akam.3Atok mtir taos tenen kin Atua i tok pei ki wow kin. Tenen ipi natilmorian nen kaipe mtri tu mus kin. 4Malen pafe natus go pato mrotae nametmatuan nig natilmorian nen rusakro itok Yesu Kristo.5Natilmorian wan ipi te namutien pak nafet intag nakon. Me naten tap kipe murin pei kin tu nafet profet go teweswes tap nig Yesu Kristo.6Natilmorian wan kin nag nafet Gentile me ru mai pi tesa go ruk nfasu namolien, go nomser ptai sireu ki nauian nig Yesu Kristo, totur nafsan nega. 7Au mai pi teweswes nig Atua nlaken nauian nen a piatlaken totur Yesu Kristo, skot nakerkraian nega.8Taosi kin kinew alakor ses tol aposol nakon me nawian nega atlakikit i prigi kinew a tok sireu ki nafsan tap pak mus nafet tsentael, tilsei nawian nen itop perkati. 9Reki nen ser natamol ruk seltae namroan kpur nig Atua nen i kaimes ki senalo lap nig emeromen.10Namer nig Yesu Kristo rumai seltae namroan nig atlakekit pregi nafet telekor telesok nig elagsau ruk fo mai pamor ser nakon nig nametmatuan nig atlakekit.11Tenen i pakor totur namroan tumautu nen Atua i weswes kin totur Yesu Kristo naot negakit.12tuk fo piatlak nmarakan totur namroan kerkrai nlaken tu sralesokos.13Malfanen atok paus ki mus nag ko tap mro firfir mau, nlaken nanrogtesan nignew kefo pi nauian negamus.14Nlaken tenmatun nen iprigi atok tapetu ki temen. 15Nega kin iptu ki nagi pak ser nametrau nig elagsau go emermen nen. 16Au tafesfes nag Atua kefo tumen ptu taos nafsoklepan nig naworan nega, skot nakerkraian nig naten wi nen iskot ik.17A tok tafesfes nag Yesu Kristo i tae tok emaloput nakpom totur naseralesokon negag, go namolien kerkrai negag skot nanromien negag. 18Reki nen kin pafo tae mro tae, skot namer tap wi nig Atua , teflan i folfol teflan ipram, teflan ipak elag go teflan ipak etan. 19Go pafo tae nag nanromien nig Yesu Kristo i liuliu tol intaewen, reki nen pafo tae pur ki silu nawian nig atlakikit.20Totur Atua nen i tae preng sernale tol nafte kin tu paus kin ko nafte kin tu tok mro kin, taus nakerkraian nega nen i skot kit natamol, go nanrernrerwen,21Nega skot nasumtap nega go totur Yesu Kristo pak intag me intag kai termau tu.
Chapter 4

1Kineu taos taus natmol nig naot amurin nrik mus kin teplan na pa siwer taus nale nat nen i sos sok.2Inrik ag kina pa siwer plak nfaketan wen,sup wi,go nmaomao wen, pei ki tepotai ki namroan.3Go pa felak sokir ki naten wi ni Atua skot nmat ga.4Ipi atlak namolien iskei go naten iskei ito pios toskei nafioswen tap nag itok sosok kin. 5Ipi atlak naot iskei,nfafatwen iskei,go bataise iskei.6Atua iskei nag ipi apap nig telap, me nega ipi atlak sernalo lap go itok sernor.7Go ipak sernat nag Nanromien itoklosir skot mak nig naftuan nig kristo.8Ipi atlak tus nen itli nag, teplan itau esan kai ler pak elag,go ining tenag ru of nmot puet, nmot pir negar go ipregir ru mol.Go iptu ki naftuan tu natamol.9Nafte kin ipi mpet natulenan nega,mpten itli teflan nag nega isu mai pak etan Emeromen nen.10Go ga isu mai pak etan i mer pi ga iskei mau ni Atua11Christo imtalu tete nen rukfi tasil nega,tete rupi profet,tete rupi evanjelis,tete rupi paster go teplaksok.12I ptu ki nafet nawesien ne i tuer kin,nen ke tfakor natamol tap nig Atua raki nawesien.Raki natfagien ni nagmolin ni Yesu kristo.13Go sermal tu tau tfag namolin nag tuk fo mai pi te skei mau. nfafatwen go ntaiwen tatur nani Atua nag tuk fo tae mai kerkrai nag tuk tkal mak,nmaiwen ni Yesu kristo.14Yesu kristo itok tfag namolien gakit ipi nlaken tupe tap taos tesa mau,nag tuk tae mrotae telap nag rupi nafsirwen go nasursurwen.15Tuk til natilmorian go nanromien,nen tuk ftom kerkrai totur supwi nega.Nega ipi Christo naot itfag nagmolim imau wi.16Go ipuet ser nfaswen rumai pak naor iskei ne ruk mai pi teskei mau.Go selwan ser nfasuen rupak naur iskei ru preg namolin imai pi iskei totur nanromien.17Tewan anrik mus kin nag ko tuleng kerkrai to Yesu naot, nen ke tap siwer ur napu ni Jentail mau,taus nafiparorwen ni namroan negar.18Nlaken ru malik skot ntaewen negar,negar ru tok emae ki namolien ni Atua, nlaken ru malto tae.Nlaken nakpor i kerkrai top.19Nmalierwen kipe tik kir, go rukoi tok folfolsa go ru preg nrog ser sup nig nafolfolon sa.20Me itap teplan tu tae totur Yesu Christo mau.21Atae nag ag kupe nrog nagrogrogon nega, go atae nag ag kupe tae nag natimorian ito yesu.22Tewan ipi nlaken tuk tao namolien tue nag tu tok os tok,namolien tuei kenom.Namolim nag ipelak touotu ki kit go ipreg sa ki kit.23Tewan kin tuk nre napokit ke mai faum. 24Nag tuk mai pi natgmol faum, plak nakaimesien ni Atua totur nalenan go nalenan nega.25tuk tao nafsirwen kai tilsei natilmorian pak tepotae, nlaken tu pu asel iskei mau. 26Pa tap maet mau nlaken pafo pi takpar. Patap pusok nmaito pan al ke mtar mau.27Pa tap tu naten sa mal mau.28Tenag ku pnak pa mer ta pnak mau.Me pa fregi nag pa weswes,pa freg nawesienwi skot narum,nen pa fiatlak tenmatun ne pa tu tefarea kin.29Pa tap tao tete nafsan sa ke taf gkanrom mau.Pa tilsei nafsan wi pak tenag ru ptol go ru manreu ru nurin,ne nafsan wi gog kefo psawi kir. 30Ko tap preg naten wi ni Atua ke nrog tesa mau, totur naten tap tupi atlak mak nen tuk fo totur nagmolien faum.31Pafus sup nig nmaeto kefak egmae, go pa tao nmato go nafrapwen kerkrai, pa tap ler ki tenag i sa ki sukp sa mau, go tao sukp ni naten sa.32Tuk wi ki te potae, kai negar seraletu telap Atua totur nanin Yesu Christo inegakit seraletu.
Chapter 5

1Malfanen tuk folfol ki sup nig Atua taos nafet tesa nanromien nega. 2Me tuk weswes ki nanromien taosi kin Yesu inrom kit go i tok ptu ki namolien nega ipi tuotpram nen i trau napo pe napo wi.3Me nafolflon sa nig nmatu plak nanwei ko sup kokon, ko nafiparorwen, tenen ruto loto ki natap, tenen, ru tap piatlak tetenmatu emrom nlaun nig Yesu Kristo go Atua mao. 4Pa tap puetsok sup milo mao, ko nafusrekwen palpal ko nafkarwen, nafet sup nen ru tap leg mao me pa puetsok nasmanien nig nafsawian.5Me ko mro soksoki nag tenag ruputsok ntakelkelwen nig nafi puokwen, ko nafet sup takelkel ko sup nig nametpakorwen, namer teflan ru tap biatlak namle, emrom nlaun nig Yesu Kristo go Atua mao.6Pa tap tao nat ke sursruk ki nafsan nen i tap mao.sup teflan. suptap nig Atua kefo tae putsok tenen ru tok nrong sa. 7Teflan go pa tap pi wal skotir mao.8Malpei tuto nmalko, me malfanen ki pe mai pi namrem nig atlakikit. Malfanen pa fo tok folfol ki sup nig tesa nig namrem. 9Nlaken nua namrem ipi nauian,nalewian go natilmorian. 10Go pa salnrog skot natrokwen sup nen ru be pi nasemsemwen pak atlakikit. 11Pa tap folfol skot nawesien pal nig nmalko mau, me pa slatir mai pak enali me i mer wi pa fregir ruk fi natilseiwen. 12Nlaken i plak nmalierwen malen tu tilsei takpar nen ru tok pregir naur kus.13Me tuk fo tae letae tenmatun nen i mai pakor namrem. 14Nafet sup nen ru mai pak enali, namrem kia. gawan kin nafsan lesok i tili nag, "Pa tuleg te matu pa tuleg emat go Yesu Kristo kefo mrem totur wok."15Pa leperkat nafolflon nega. Ketap taos te mtafus mao me ke taos temetmatu. 16Tukmtau ki namolien nlaken te sursur me ki fai ser naliati. 17Malfanen tuk mtau ki nafiparorwen me tu mai mro tae, ko letae tenen kin ipi natrokwen nig atlakikit.18Me patap min waen raki nadrogwen mao nlaken kefo putik pak namolien nig nanrogtesan. me pa fregi nen pa fur ki naten tap.19Tuk tmokit sger kit ki nafsan ko nig nalag nasemsemwen go nasmanien, rekin nen tuk fo tae sman wi ki atlakikit . 20Go tuk fo serinrak ki te wi lap totur Yesu Kristo.21Tuk fo mai tmokit nrom kit pitoskei kin tu lotu ki Yesu.22Mtulep pa takinrog kapwer. Nega taus namurien nig atlakikit.23Nlaken kapwer kin itpau mtulep nega taosi kin Yesu Kristo itpau nasumtap. 24Pi toskei ki teflan tuk lotu ki Yesu Kristo, me nafet mtulep me ruk takinrog nafet kapwer negar.25Nafet kapwer, ko nrom mtulep negamus taosi kin Yesu i nrom sumtap go ptu ki namolien nega tuer kin. 26Teflan go ki frei ki mtulep go ki pregi mtulep ki los ki nafsawian tap nega.27Teflan go ki mai slat talpuk nig te sralesok rumai pi tenega, nlaken rukoi mai nrevnrev go nlaken rukoi piatlak namilo kor te koskos mao.Me rukoi mai tap go tartar wi.28Tepitoskei kapuer ko mur mtulep negamus taosi kin ku tumom mur uk. Tenen kin i mur mtulep nega mori kefo tumen kasuaki. 29Nat i kano folfol sa ki namolim pkaskei kanr naulin taosi kin Yesu Kristo i lekor go pi kanr esumtap nega. 30Nlaken akit talpuk nig Yesu Kristo tu nomser pi nfasu sikskei nig namol Yesu Kristo.31Taos sup leg knen, nanwei ke tiparu ki tmen go raeten go negar rakfo mai pi nafsik pitoskei. 32Natilmorian nen i top pe top me atok til Yesu go talpuk nig Yesu Kristo.33Me nauian tilmori, kapwer sikskei ko nrom soksok mtulep negamus, go nafet mtulep ko fak etan ki kapwer negamus.
Chapter 6

1Tesa ko nrog perkat tem go rait mus ipi nafsan nig Atua.2Kofak etan ki tem go rait, tenen ipi nanriksoksok wen pei.Go Naurslawen top nega.3Go pa fo piatlak namolien pram emeromen nen4Apap patap pol kerkrai ki tesa nen itae mael mau.Iwi nag pa fusosok tesa ki nafsan wi ni Atua.5Te weswes top, panrog perkat nale naot gag taus namolin go nfaketanwen go namtakwen, plak natilmorian nig napom.pa nrong perkati ke taosi pa nrog perkat Yesu Christo.6Pa tap pi lesok mas mau nlaken kin telekor itok mag wok reki nen ku nag pa fregi ke semsem.Me tuk weswes taos te weswes ni Yesu Christo taus namurien nig atlakekit ki napom ke mau.7Pa weswes skot napom kemaui taosi kin ku tok nig Atlakekit weswes.8Nlaken tu tae nag sef nauesien wi kin tu tok weswes kin tuk fo piatlak nafuswen nig Atlakekit nametpagon nig nawesien sikskei nega kit taos te nafit ko te tupal.9Nafet te lekor ko lekor ptaki tenafit pitoskei.Ko tap folfol makalkel kir mau. Ag ku tae nag telekor negar go negag i patok elangsau go nega ga i len usrek.10Nametpagon tuk fo mai kerkrai etan namermran nig Atlakekit skot nauian nega.11Pa kal ki silu nkal nafkal tlasi nen kin ka te krakpong nafet na kraksoksokien nig te wal potae.12nafkal negakit i tap pi nafkal nig nafsik go nra mau, me nafkal skot telekor skot te paklag ne ru piatlak nakerkraian ni nmaten sa nig nmalko nen ru ntok ur nsau elag.13Pa fo kal ki nakal nig nafkal ni atlakekit nen kin pafo tae patlas mal nig nanrogtesan.Tkal mal ne pafo lao potut.14Pa tuleg kerkrai go pa tumom fif ki nmalom ki naplai nig natilmorian,nlaken kaipe kal ki nakal nen ipi toskei nakal nig nafkal.15Go natuom ke fa nakraksoksokien nig nmarakan neu ke til sei nanrognrogon ni intamat.16Totur sermal nig namolien pa fo sik nafafatwen reki nen pafo tae krakpun nafet timen sor ni naten sa17Pa slat pulpou nig nafkal nig namolien faum go lof nig naten tap,kin ipi nafsan nig Atlakekit.18Go iskot ser nafausien reki nalotwen, sermal ko lot skot naten tap, nametpag nafkal negag pa tumom leperkatik sermal selwan ku tok mrosok ser namer tap nig Atua ki nalotuen19Go ko nigneu lot nag tete nafsan nig nametmatuan i tae mai pi te nigneu seluan au mag nakanrok nen ka fes.20Ipi nanrogonwi ni Yesu kristo nen kin kineu taos te weswes nig Yesu, atok klapus me ka mas tap mtak nen ka tilsei mau taus teplan nen a murin nag ka tli.21tikikas, ta te nanromien go te weswes sralesok nig Atlakekit, kefo nriksei mus ki telap teplan go kofo nomser tae natokwen nig neu.22Kai pe tpekin i net pak mus reki tenperkati nen akam kofo tae natokwen nigmam go reki ne nega me kefo tae sger mus ki nafsan soksok nig namolien.23Imtamat pak nafet tai skot nanromien nig nasralesokon nen itok Atua temen go Atlakekit Yesu Kristo. 24Nanromien nig Atlakekit skot silu tenen ru nrom Iesu Kristo nanromien tu mau tu.

Colossians

Chapter 1

1Pol aposol nig Yesu Kristo, totur namurien nig Atua go napal kit timoty. 2Pak nafet namer tap nig Atlakikit go napal kit nig Kolosae nen ru sralesok Yesu kristo. Nanromien sautog go intmat nig Atua, temakit ke tok skot mus. 3Tu psawi ki Atua, temen, go Yesu Kristo. nlaken au tok negamus lot serinrak.4Komam au nrog nasralesokon kerkrai negamus pak Yesu Kristo go nanromien top nag u tok tu nafet namer tap nig atlakikit. 5Akam upi atlak nanromien nen nlaken u seltae tenmatun nen ru negamus fro kin patu elagsau. Tenmatun ui nen akam uipe nrog natilmroian knen, nanrogon ui nig Yesu Kristo, 6nen ki pe mai pak mus. Nanrogon ui nen ki piatlak nuan go ki tau ftom pausrek ki emeromen. Nanrogon ui wan ki pe pes mai tok farfar ki namolien negag pes naliati wan ku mai nrogo go mro tae natilmorian nig nanromien nig atlakikit.7Nanrogon wi nig Yesu Kristo nen akam u slati ki Epafras sralesok go nega kit nig Yesu Kristo weswes ki. 8Epafras ki pe nrik sei mam ki teflan utok nrom naten tap.9Mam me kuipe tok negamus preg nalotwen sermal, nlaken kin unrog nanromien negamus toklos naten. u tok negamus lot nag ko fer ki intaewen nig natrokwen nig Atlakikit skot nametmatuan go namrotaian nig naten.10Teplan go ko fo fekfek ki namolien nen Atlakikit i semsem wes ser natokwen, totur nua nafet nawesien wi, go pa fur ki intaewen nig Atua.11Nakerkraian nig Atua ipi tegamus taus namroan kerkrai nig Atlakikit, raki nen kofo piatlak namroan kerkrai, go namroan pram, go skot nasemsemwen.12Psawi ki Atlakikit nlaken ga kin ipregi tuk fo piatlak nawian nig elagsau skot namer tap nig Yesu Kristo.13Nega ki pe slat lu kit ki naworan nig nmalko, go i mer slat kit mai pak naranre nig naworan nig tesa nanromien nega. 14Totur wes kin tu mai piatlak nafakoton turnig nanratwen nig takpar negakit.15nega kin ipi naan Atua nen tu kano leka, taos taklep nig ser sernale nen Atua i kaimes kin. 16Totur wes kin sersernale ru pakor, sernale nen rutok elangsau go emermen nen, sernale nen tu tae leker go sernale nen tu kano laker. 17nega ki pe pei tok, go nega kin i puet kruk ki sernalelap.18Eklesia kin rupi nasumtap ko namol Yesu Kristo, nen nega kin ipi npaun. nega kin ipi nakpei nig telap, taklep nig ser tenen rukoi mat su. go nega kin i piatlak namle pei ki telap. 19Atua i semsem selwan ser namolien nega ruk mai pi tenig Yesu Kristo . 20Reki nen ser sernale ruktae ler mai pi tenig Atua elag gkas peltakot. Atua ki slat ler ki telap nig elagsau go emermen nen rumai pi tenega.21Mal iskei ku tu emae ki go mpaun i kerkrai skot sup nig nmalko. 22Me nega ki pe ler slatik totur nmaten nega. i weswes ki sup teflan reki nen oafo mai pi tesa tap, go tik ki tapar, me ku mai leg pe leg prkati.23Ifuel kufla tau sralesok go fafat kerkrai go lao soksok skot namolien wi nig Yesu Kristo teflan ki kuipe nrogo. Tenen Yesu Kristo wi wan ki pe pi natilseiwen pak ser natamol nen ru kaimes kir tok etan emermen nen nanrogon wi nen kin kinew Pol a mai pi teweswes.24a semsem nanrogfaswen nignew nlaken akam go a fkafur namolik ki nanrogfaswen nen Yesu Kristo i totur wes, nlaken namol Yesu nen negar kin rupi Eklesia ko nasumtap. 25Me nlaken namer tap nig Yesu Kristo nen kin kinew a mai pi tweswes taus te namtaluan nen Atua i tau kin kat akam reki nen tuk papnot nafsan tap nega. 26Tenen ipi tenmatun nen ipi te namutien tuei me tuei mal inom, me malfanen imai pi nafeifeien pak nafet natamol tap nig Atua. 27Ipi negar kin Atua i murin fekfek ki nafisoklepwen nig tenamutien nen itok skot nafet tsentael nen kin ipi Yesu Kristo.28Tuk tilsei Yesu Kristo , ter go plaksok ser natamol skot nametmatuan, reki nen rutae mai motu wi emrom nig Yesu Kristo.29Tenen kin atok weswes kerkrai ki nakerkraian nen atok weswes skoti.
Chapter 2

1Amurin nag pa tae nag ato kerkrai nen ka welu mus plak Tepotae nen rutap lek nakok mau.2Nawesien neu nen kin napor ketae kerkrai, nanromien ni nafisoklepan go namrotaean.Plak ntaewen,natilwian toklos Atua totur Yesu Krito.3Go nega sernalo wi lap rupatokos Gold,Silver, Ntaewen go nametmatuan rupi tenega.4Anrik mus ki tenen, nenkin tenat ketap mai tu mus nafsan Kakas mau.5Malfanen atap skot mus ki namolik mau,me askot mus ki Naten.Asemsem lek mus nlaken ukerkrai nafafatwen gamus skot Yesu Kristo.6Selwan uslat Yesu Kristo nag ipi naot go ko siwer skoti. 7ko lau tkos,kai ftom wes,ko kerkrai ki nfafatwen gamus teplan anrik mus kin.Go sermal kotok psawi kin.8Go kolekor Tenat ketamai psir ki mus mau tilnafsan kakas,nen kin ipi namroan ni natamol, ipi sup nig naten ni emerom,itap til Yesu Kristo mau. 9Namolin imai taos kit natamol,me ser sup nega rupi toskei Atua.10Tuepei kin tok,nega ipi naot ni ser naot totur nakerkraian nega.11Go nlaken Yesu Kris kipe makir mus ki nran,itapi teplan emeromen itok makir natamol mau,me teplan Atua i weswes kin,nmakirwen nag Yesu Kristo i weswes kin.12Tukoi pan tut nai skoti, go totur wes pafo mer tuleg,nfafatwen negag skot Atua,nlaten i preg Yesu i tuleg emat.13Taosi kin tu mat kat sup sa negagit nlaken tu tik ki mak nagmol kit.Me nega ipreg kit tu mgol go inegakit sel tao ser sup sa lap. 14Go inegakit seraletu telap nag tu pregi i sa totur nakerkraian nega, inegakit tursoki elag Kros.15Nega ipreg sa ki natilwen go nakerkraian, go itil sei pak ser nat, sup nig namer sa kai turus elag Kros.16Iwi pa taptao tenat kegag til usus nafsan go nafnag go nanwen gag mau . ko sup ni naliati nig moon faum, ko naliati nen ku tok lot wes aliat tap. 17 Ipi atlak nan telap nag ruk fo mai me tiaui ipi tenag rutok Yesu Kristo.18I mer tili nag pa tap tao tepaktan nen ru loto ki agel ruk slalu nauian mau. Namer teplan ru slif sil nafte kin ki leka kai mai paru ki namroan nig namolin mas. 19I tap puet soksok nametmatuan nig paun mau. Napau kit kin , namol kit i maui plak nfasu go strig ru tok weswes go putsok ser nfasu tok naor iskei; go ru tok ftom skot nauian nig Atua.20Go selwan tu tae nag tukoi pe mat su skot Yesu Kristo taos nmaten nig emermen, nlaken iku kin tu mer tok taus sup nig emeromen: 21 " Pa tap tkali, go kat nrogo, ko tkali mau ?" 22Ser nafolflon nen ruk fo puel skot nafarfaruen gar, taus nanriksosokin go ntafnauen nig natamol. 23Natiluen nen rumai taus ntaeuen, go ipi teni namroan go sup nig namol kit mas, me itik ki nakerkeraian go nawian wes.
Chapter 3

1Akam Atua i preg akam umer gmol nmaten nrakeskei skot Yesu Kristo.Akam ko lekor nafet sernale nen ru to elag, naor nen Yesu Kristo i tok toktan nanre matu nig Atua.2Akam ko mro ki sernale nen ru to elang ngo nafet sernale nen ruto emermen nen. 3Laken i taos akam upe matsu, akam upe skot Yesu Kristo.4Malen Yesu Kristo kemai, go akam me kofo mai skot namolien nega, akam me kofo mai pakor elagsau.5Akam komai pak naor keskei go ko fregi nen ko tpog nafolflonsa ni emermen nen, tenen nafet sup nen natamol rutok pregi isa skot nafet nmatu go nafet nmatu rutok pregi ki nafet nanwei, ruto preg nafet sernale nen itok pregi tuto malier. Nafet nanwei ru to mur nafet nmatu, go nafet nmatu ru to mur nafet nanwei, go gar ru to preg tapar, go rumur silu sernale taos ruto lot ki nafet Atua potae. 6Nlaken nafet sup teflan, Atua kefo pestaf natamol nen rukano takinrog kin, go kefo tuer suptap. Tetwei 7nafet sernale nen rupi telekor akam. Akam uto preg nafet sup nen. 8Me malfane akam ko fregi nen ko tpog lu nafet sernale nen rukfak emae ki namolien.9Akam kofo mer ta Sursur tepotae mau laken akam u pe mal ki namolien twei gamus su.10Ngo akam kofus Namolien faum nen akam ku mer wi taos ngal gamus,Atua gmas ipi nlaken. 11Namrun nen tete runa kinew api mak ni Israel,go tete runa kineu atapi mark ni Israel mau.Tete ru Sekomsaes go tete ru ta sekomsaes mau,tete ru Faitau go tete ruta feitao wi mau,tete rupi natamol ni namlas go tete rutap bi natamol weswes top go tete rupi natamol nen ru pi atlak Namolien faum nen Yesu Kristo iprig silu sernale emrom namolien negakit su.12Atua kipe Mtalu mus su,akam u tap,akam upi natamol ni Atua.Nga imur akam, akam ko tpog pilak nanromien gamus.Akam ko tpong prig wi ki natamol tmat.Namroan ga mus ke tpog pram. 13Akam ko tpog welu akam go ifuel nat ipilak namroan takelkel toklos natamol karu,gar rak tpog sraletu gar taosi kin telekor gakit ito seraletu takpar negakit. 14Go sernale nen,akam ko tpog mur natamol laken i tae preg silu sernale rumai pi iskei.15Akam ko tpog tao tmat nen Yesu Kristo ito tu putsok nakp mus, go Atua i sos akam, go ito pus akam taos namolien ni namol natamol iskei mas,go sermal akam ko tpog psawi ki Atua.16Akam ko tpog tao nafsan nen ni Yesu Kristo nen i pakor wi ki nafet sernale wi lap ru to sermal to namroan gamus ,sermal akam ko tpog tafnao akam ki nafsan nen i metmatu nen ke te pei ki napu ki akam,go akam uto lag pak Atua go totur nap mus i tok psawi ki Atua. 17Silu sernale nen akam u pregi go nen nafsan ne akam u tli,me akam ko tpog prigi nagi Yesu Telekor gakit go ko Psawi ki Atua nen ipi Apap gait .18Akam nafet nmatu akam ko tpog takinrog ki nafet nanwei gamus,ileg mas nen ko mtir lu akam ko takinrog telekor.19Go akam nafet nanwei nen upe lak,akam ko tpog mur nafet nmatu gamus,akam ko ta prig kekerkrai kirt mao,sermal akam ko tpog prig wi kir.20nafet tesa akam ko tpog takinrog nafet tem mus go rait mus,sup teflan i prig telekor gakit i semsem akam.21Nafet Apap ko Yak,akam ta prig nafet sernale nen i prig nafet tesa gamus ru met Ifuel akam u prig teflan namroan gar ke mgel.22Namer wewes top sermal ko tpog nakinrog akam nen gar nen ru pi telekor gamus,namolien ni emermen.Go akam ko ta prig ke takinrog akam mao,malen ruto mag akam, tena i taosi kin akam uto prig natamol nen ru semsem akam,akam ko tpog weswes skot nap wi go ko Mtak ki Telekor. 23Sef nawesien nen akam u prigi,me akam ko tpon ki nap wi gamus taosi kin uto ni Telekor weswes,akam ko ta prig nawesien ni natamol mas mao. 24Iwi akam ko tae na telekor gakit kefo to pakot akam kin,tenen nafet sarnale ne ipe psi ito reki nafet natamol ga.Telekor wi nen uto ga weswes ipi Yesu kristo mas.25Me natamol nen ito prigi ita leg mao ga kefo kraksok Nfakotwen leg mao,laken Atua ito prigi Iwi ki nafet natmol.
Chapter 4

1Tulekor,tuk weswes, nafte kin i leg go iwi.Iwi nag tuk tae nag akit telekor me tuk tae nag telekor gakit me ito Elagsau.2sermal tuk to lot nen namroan gakit ke tap tarup mau,me tuk le pak elag go tuk to psawi kin.3Tuk to lot naor keskei sermal, nen Atua kefo pelgat nmet raki nafsan nen tu fes til nawesien nig Yesu Kristo.Atil nafsan nen nlaken malfanen kineu ato nasum malik. 4Me amurin nag ko lot nen kinew me kafo tae til nafsan nen ke Malmal.5Ko siwer skot Nametmatuan nen ko pestaf tenen ru to nmalko negar me ruk sel tae. 6Nafsan gag sermal ke fi nafsan nen i pur ki Nanromien,go i maomao,selwan natagmol ruk nrogo go ipi atlak nfauswen, me ku pi atlak nafsan wi pa tua kin nen nega me kefo nrog wi kin.7Tenmatun nen ku mur pa faus ki kinew kin,Natamol nen nagien Tikikas,kefo tae pregi ke malmal pak mus.Ga me ipo bi paluk wi nen ito welu kineu Nawesien nig Yesu Kristo. 8Ito welu kineu ipi nlaken a tpolua inet nen ke welu mus nen kin akam me ko tae nawesien nen komam ra to weswes kin ,nen ke tae welu nap mus. 9Me a tpolua skot Onesimas nen ga me ipo pi paluk wi go ga me ipo skot mus. Go negar kin rukfo nrik mus ki nafte,nen kin i pakor ki mam10Aristakas ga me ipo tok nasum malik skot kinew.Ga me ipo skot mus go mak nen ipi pal Barnapas amur ka tli teflan ifuel imai pakor kik a frak pa fatlasi.11Me amer murin til Yesu nen nagien karu ipi Jastas nega me imurin patlas mus go komam utol kin uto siwer naor iskei,nen ko til usus Nlaun nig Atua,Apap elag.12Epafras me ipo mur. Nega iskot mus go ga me ibo pi te weswes nig Yesu Kristo. 13Kinew a tae nag ga me ipo weswes top raki mus nen kin uto Lautosia go tenen ruto Hierapolis. 14Luk nen kin ku nromi itop go Demas, ngar me ra po murin patlas mus.15Ramurin patlas mus pal mam nen uto Laotosia go nmatu nen Nimfa, go nasumtap nen itok emrom nasum nega.16Malen ufe natus nen su ato paus ki nen ko mer tu nasumtap nig Laotosia nen ruk mer fea, go ser natamol nig Laotosia.17Go pa nrik Akipas ki nen ke fan papnot nawesien nen Atua i nrikin ki nag ke fan weswes kin tkal nametpagon.18Nafsan nen kin atli, i skot kinew, go ito naruk. Ko mro perkat wow ato nasum malik , go nmarit kerkrai nen ru mot wow kin, go amurin tli iteflan nag nafsawian, ke skot mus.

Philemon

Chapter 1

1Pol natamol weswes nig Yesu Kristo, go palun Timothy. Nafsan negar ipak Filimon nen ipi asel wi, go teweswes iskei. 2Go korer nen nagien Apia, go ibak Akibas nen ipi natamol nafkal, go pak nasumtap nen ruto saisei emrom nasum negag. 3Iwi nanromien go nt'mat nig Atua nen ipi apap go Yesu Kristo kefo skot mus.4Sermal ato psawi ki Atua , malen a til sei mus nalotwen neu. 5Nlaken anrog nfafatwen nen akam upiatlaken toklos Yesu Kristo, go nanromien nen upiatlaken toklos ser natamol. 6A lot nag naweluan nig nfafatwen gamus, me kefo piatlak nakerkraian, go kafo pi atlak nametmatuan pur nig sernale wi totur Yesu Kristo. 7Go kinew api atlak nasemsemwen pur, go nt'mat, nlaken kin akam, go nanromien nlaken kin nap Atua, pak natamol nen rupi namer nega go namroan negar i m'alm'al.8Nlaken nalekoron ito etan namermran nen Atua itao ito naruk, kinew me api atlak nafsan nen ka nrik mus kin, ko nafte kin ko fregi. 9Go nlaken nanromien, amur ka tli teflan kinew Pol nen ato nasum malik kaipe pi tiawi.10Amur ka nrik sei mus ki nagi tesa neu nen. Nagien ipi Onesimas, nen ga me ito nra nen kin atkos mai. Nega me apo lekoros selwan atok nasum malik. 11Ga ipi natamol nen malpei ito emae ki nawesien, nig Atua, me malfanen imai pak meltig ki namer weswes, nen ipi ag go kinew. 12kinew kin atpolua inet nlaken i weswes meltig ki kinew, go ipi nakpok.13Go aleka nag if mer skot wow tok, nega kefo tae welu wow, malfanen kis ato nasumalik, kat nawesien nig Yesu Kristo.14Me atap mur kafrig tenmatun mau, ifuel kin akam utato mao. A tap mus nafolflon wi negamus go ke fi nawesien nen ke fregi, me ke fi nafolflon skot nasemsemwen. 15Nlaken malfanen ga ita to mao. Ito tete naor me tetemal ke fo mer ler mai skot mus, go kefo skot mus sermal. 16Ita pi tetwei mao kefo mai pi natamol weswes, me kefo mai tol ser natamol nen ruto weswes. Ga me imer pi paluk nen anromi i top. Me imer top pak mus u tol totur nra go totur atlakikit.17Go ifwel ku mur kinew taos aslam, iwi nag nega me pa fatlasi taos kinew.18Ifwel kin ipreg tenmatun nen itap leg mau, ko if wes tenmatun negag, pa fnaus nen kinew me kafo to wi wes. 19Kinew Pol kin a makir natus nen, go kinew kin me kafo mer paktofi ke ler. Ata na katli nag pa tau kin keler mau, me raki ag nen pa tmom pueti ke ler. 20Iwi paluk. iwi nag kafiatlak tete nmatun nen ku pi atlaken totur Yesu Kristo amur pa freng nap wow ke mer ler faum totur Yesu Kristo.21Pa fiatlak namroan kerkrai toklos nfafatwen negag. Ato tli teflan, me atae nag ag pafo pregi ketol nafte, kin a nrik ag kin. 22Me apo paus kin nen pa fring ptaki namle keskei raki fei kin kefo mai pakor. Nlaken totur nalotwen kinew kafo tae ler mai lek mus.23Paluk nen nagien ipi Epafras, nega me ipo to nasum malik skot kinew, nga me ipo murin patlas mus ki nagi Yesu Kristo. 24ipi toskei ki Mak, aristakas, Dimas go Luk ngar me rubo pi teweswes nig Yesu Kristo, nen ru taos kinew. 25nanromien go ntpat nig Yesu Kristo kefo skot mus, skot nakerkraian nig naten tap Amen.

2 John

Chapter 1

1Kinew api telekor nig nasumtap. Amur kafatlas mus nmatu go tesa. Anrom mus ki natilmorian me itapi kinew mas mau, me tenen ru tae natilmorian. 2Nlaken kin natilmorian iskot kit natilmorian nen kefo skot kit tu mau tu. 3Nanromien ngo nt'mat kefo skot kit totur Atua nen ipi apap go Yesu Kristo nen Atua, me ipi natilmorian go nanromien.4Kinew a semsem top nlaken alek tesa gamus rutok siwer skot natilmorian, teflan kin Atua i nrik kit kina tuk fregi. 5Korek amer murin tli teflan, ata na ka mtir nafsan faum mao, me ana ka mer ler nafsan nen kai pe pei nrogo malpei nen iwi nag tuk tmokit nrom kit. 6Ipi nanromien wan, tuk folfol kin teflan kin nafsan tap nega inrik kit kin. Imer tik ki napu potae. Nafet kin nafsan tap nega itli ipi napu wan gmas tu ures kia.7Nlaken kin telap ru mer pak sernaor nig emeromen, go ruta ta tilsei nag Yesu Kristo tetwei imai taos natamol mau, me ru til nafsirwen. 8Pa tmom lekor, nag pata krak puel ki tenmatun wi nen ku weswes rakin mau.9Tenen kin it'mous nawesien nen itap taus Yesu Kristo mau, ru tap pi teni Atua mao, me tenen i taus ntafnawen nen ileg, ipi teni Atua go nanin Yesu Kristo.10Ifuel tete nat ke mai lemsik me ke tap taus nafsan nen ileg mau, pa tap nrogo mau go pa tap tao ke sil pak emrom nasum negag mao. 11Me ifuel kin ku tao isil mai pak emrom nasum negag, itaosi kin ku tao naten sa isil.12Kinew api atlak nafsan lap nen ka makri net pak mus. Me atap mur nag ka makri ke fak natus ko namtirwen mau, me amur kat'mok net pak esum negag nen ka fes me tato t'mok lek kit nen kin nasemsemwen negakit kefo tae mai pak nametpagon. 13Tesa nig korem nen kai pe mtaluer me ru po murin patlasik.

3 John

Chapter 1

1Gais, kinew taos elder nig nafsan tap , anromik itop .2te nanromien ato gag preg nalotuen nen napu gag kewi ,go pa ur selawi napu gag ,nanrog teawian keskot natam .3A semsem selwan paluk rumai tilsei nafsan natilmorian ,tli nag ag me lao kerkerai tu nfafatwen gag. 4Akano semsem top ,me selwan nanrogon imai nag tesa ruto preg nawesien wi asemsem top wes .5
6rukoipe til nafsan wi nrik mus kin esum tap ,go selwan rukoitok nagruk ler ,kofreg pota ki napu negar ,go Atua atlak nawesien kefo psawi kimus.7Nlaken nagiwi go ru plake kai pan, nafsan potae itik nag ru tilsei nrik jentail kin. 8Go tuk mtauwi ki tenen gar me rute preg nawesien ni mpakruk wen ni nafsan natilmorian nega.9Kaipe mtir nafsan tu te ponpon kin,me tenat,nen rutap mur ruk nrog mau,rumal to pelak sokit.10Go selwan ka net,kafo pios ptu kimal nafte nag ato pregi,go ruk lel napu nen rukfreg nafsan toklos kit.Nen tuktap semsem wes mau,go rutap semsem nag ruk sosok mau,go i tukor tenag ru mur ruk nrog nafsan wi kai preg rutmalu tuek ki sup tap.11Ko tap taus nafte nag itakel mau,me ko traus sup nag iwi,tenat nag i siwer len kai folfol wi nega ipi teni Atua.12Pa slat nafsan nag ruwi go ruleg ki teseralesok,go natilmorian.Kai tilsei nafsan wi nega go ag pa tae nag nafsan gakit ipi natilmorian.13Api atlak sernale lap nag ka mtiri nrikikin,atap murin nag ka mtir natus tumus kin mau. 14Me atae nag ipi nen kefo merler lek mus,go tukfo psas naur keskei. 15Tmat nigneu keskotik,aselam ru psawi kik,sawi ki aslel kit totur nagier.