Epang: Bible for 1 John, 1 Peter, 2 John, 3 John, Jude, Philemon, Philippians

Formatted for Translators

©2022 Wycliffe Associates
Released under a Creative Commons Attribution-ShareAlike 4.0 International License.
Bible Text: The English Unlocked Literal Bible (ULB)
©2017 Wycliffe Associates
Available at https://bibleineverylanguage.org/translations
The English Unlocked Literal Bible is based on the unfoldingWord® Literal Text, CC BY-SA 4.0. The original work of the unfoldingWord® Literal Text is available at https://unfoldingword.bible/ult/.
The ULB is licensed under the Creative Commons Attribution-ShareAlike 4.0 International License.
Notes: English ULB Translation Notes
©2017 Wycliffe Associates
Available at https://bibleineverylanguage.org/translations
The English ULB Translation Notes is based on the unfoldingWord translationNotes, under CC BY-SA 4.0. The original unfoldingWord work is available at https://unfoldingword.bible/utn.
The ULB Notes is licensed under the Creative Commons Attribution-ShareAlike 4.0 International License.
To view a copy of the CC BY-SA 4.0 license visit http://creativecommons.org/licenses/by-sa/4.0/
Below is a human-readable summary of (and not a substitute for) the license.
You are free to:
The licensor cannot revoke these freedoms as long as you follow the license terms.
Under the following conditions:
Notices:
You do not have to comply with the license for elements of the material in the public domain or where your use is permitted by an applicable exception or limitation.
No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.

Philippians

Chapter 1

1Bol go Timoti, natamol uesues ne Kristo Yesu, ratok mtir pak natamol tap lap ne Atua nag rutok Filibae, skot te nag rupi telekor go te nag rupi tikon rumaui. 2Nasauian go ntmat nag itok Atua Apap negakit go Naot Yesu kristo mai kefi te nigamus.3A psaui ki Atua sermal nen a mroperkat amus, 4senrak, seluan a nigamus kunom tafesfes preg natafesfesan nagneu skot nasemsemuen 5nlaken teflan akam ku uesues skot kineu emrom nanrognrogon ui uan naliati pei perkati pamau maes nen. 6 Atae perkat tenen, nag nega nag ipei preg nauesien ui emaloput nigamus kefo tok pregi sermal panpan kefo preg silua pan tkal naliati nig Yesu Kristo.7Ilen nen kin kineu kafo mro teplan toklos mus kunom nlaken api atlak mus napok. Akam ku nomser skot kineu nasauian ipi tkaskei seluan atok namotien go seluan a tulen nen ka kor go ka kraksoksok nanrognrogon ui uan. 8 Apes tilimori nrae Atua, kineu amro ki mus itop skot nanromien ne Yesu Kristo.9Teuan kin nalotuen nagneu iteflan: nag nanromien nig amus ke nrus top go ke top go ke fiatlak ntaaen go namrotaaen top 10teuan kin kofo tae trok nafte nag iui mesmes go teuan kin kofo tae pi lesok go kofo len tok reki naliati ne Kristo, 11 nag nalenan nag imai totur Yesu Kristo kefi atlak nuan ke top nen kin Atua kefi atlak nanrernreruen go nasmanien wes.12Malfanen amurin nen komaui tae nafet paluk ui nag nafte nag ipakor ki au, iprengi nag nanrognrogon ui uan itae nrus pan. 13Teuan kin namotien nagneu emrom Yesu imai tok enali go telap nag rutok emrom praetorium rumaui tae go imer pi tkaskei ki telap nakon. 14Ipiatlak paluk lap nang rutae lasok emrom Yesu nlaken kineu atok namotien, te wan kin rumro kasu nag ruk fes tilsei nafsan.15Tete nat ru termau tilsei Yesu skot pop sa go namaeto me tete nakon ru prengi skot pop ui. 16Tete nag ru tilsei skot pop ui rumer prengi skot nanromien, nlaken ru tae nag kineu atok esan reki nen kin api kor ne nanrognrog wi. 17 Me tepei ru tilsei Kristo skot nametmakuran, go ru tu tislei skot natilmorian mau. Teuan ru mro kin nen ruk freg kineu ka mroput seluan atok namotien esan.18Tukfo tili ke tfale? Teuan mas tu murin nen kin ifuel ru pregi skot pop sa ko skot pop ui - me ruk tilsei Kristo, go teuan kineu kafo semsem as - ore, go kineu kafo semsem, 19nlaken a tae nag nafte nen kefo pakor ipi namutien nagneu totur natafesfesan nigamus go naueluan nig naten nig Yesu Kristo.20Ipi nafte kineu atok mro kasua kin kai tok lo rakin nag kafo kano malier, me kafo lasok malfanen taos senrak, go rukfo suman Kristo kefak elang totur namolik, if pi namolien go numaten. 21Nlaken namolien nigneu ipi Kristo, go numaten kefla mai atae kafo mol.22Me ifuel afla mol ki namolik nen, teuan kin kafo lek nua nauesien nag a pregi. Me malnes, a nronror nafte kafo murin. 23Nlaken namroan nigneu itu lasok malnes mau me atok emaloput namroan nranru. Namurien nigneu ipi tenen ka tumalu kai pan skot Kristo, teuan imer ui top 24me ifuel aftok namolik nen tok, kefo mer ui ki mus.25Tenmatun iskei a tae soksokin, a tae nag kafo tok po mer skot mus ku nom reki naftomuen go nasemseman nig amus emrom naseralesokon, 26teuan kin totur namolien nigneu akam kofo piatlak namroan ui lap nen kofo tae pes pak elang emrom Yesu Kristo seluan kamer ler mai lek mus. 27Teuan mas nasiueran go nafolfolon nig amus ke fekfek ki sup nag ilen ki nanrognrogon ui ne Kristo, reki nen kin seluan amai lek mus ko aftu mai mau, me kafo tae nrogo nag akam ku nomser tulen kerkerai naten iskei, skot namroan iskei, pol kerkerai naor iskei reki naseralesokon nig nanrognrogon ui.28Go tu preg te nmatun ke freg mus ko mtak ki te nag rupi wal potae ki mus mau, nlaken nalasokuen nig amus ipi nafeifeien ne nunaten negar, go namutien nig amus - go tenen itok Atua mai. 29Nlaken ipi naftuan melmel mai pak mus nalo Kristo, itu pi nen kin ko seralesokos mas mau me nag ko nega nrogtesa nalo nagien, 30ko fiatlak nanrogtesan pi tkaskei nag ku leka itok kineu go malfanen ku nrogo nag itok kineu.
Chapter 2

1Ifuel ipiatlak te nafsasokuen itok Kristo, ifuel ipiatlak te nafsamosmosuen totur nanromien nega, ifuel ipiatlak te nasaiseien ning naten tap, ifuel ipiatlak te nasauian go nanromien, 2teuan ko pregi ka semsem kai piatlak namroan keskei, nanromien go naskeimielan emrom naten go ko fiatlak namurien keskei.3Kotu preg sernalo skot nametmakuruen ko namroan papal mau. Me ko tume mus paketan ki mus kai mro leplep ki natamol potae top toli kin ku tume mus mro ki mus. 4Natamol sikskei ketu tumen lolo ki namurien nega mas mau me ke lolo ki namurien nig namer potae.5Kofiatlak namroan nen kin ketok akam kefi tkaskei me namroan nag itok Kristo Yesu, 6itaos Atua, me nga itu mro ki nag kefregi teplan negar Atua rakfi tkaskei mau. 7Me itumen pregi ipak etan sel nauoran nig teuesues, go imer mai pakor taos natamol. 8Isel nauoran ne natamol tumen pregi ipak etan kai piatlak namroan nen ipak etan nrog perkat nalon pan tkal numaten, go imer pan totur numaten nig elag nakas peltakot.9Teuan kin Atua imer ske ipak elag top. Go itua ki nagi nen imer pak elag tol ser nagi potae lap. 10Ipregi iteflan teuan kin ser inlaon rukfo tapetu ki nagi Yesu, tenag rutok elagsau go tenag rutok emeromen nen go tenag rutok nanrukruk emeromen. 11Ipregi teflan teuan kin ser nafanu go namen rukfo tilsei nag Yesu Kristo ipi Naot, go nanrernreruen kefi tene Atua Apap.12Teuan kin, paluk ui nag anrom mus, teflan akam kutok takinrog sermal, ipi tkaskei seluan askot mus go imer ui top selwan atumalu kimus, natamol sikskei ketumen weswes reki namutien nega skot namtakuen go nanrurnruruen. 13Nlaken ipi Atua kin nega itok uesues emaloput nigamus go itue mus namurien go nakerkeraian nen kin ko nega preg namroan ui nega.14Ko preg sernalo lap skot pop ui me kotu pregi skot nasirsirputuen ko nafsapliluen mau 15teuan kin kofo tae mai pi tesa len go tesa mori ne Atua nag namolien nigamus ketiki tenmatun takelkel ues, go seluan kutok emaloput emeromen malk nen ko mrem pi nasul. 16Ko fuet soksok nafsan namolien go seluan naliati ne Kristo kefo mai kineu kafo tae pes pak elang nlaken nafituen ko nauesien nag apregi itu pi tepal mau.17Or rukfe lpe kineu wel naftuan reki nataumofan go reki nauesien ne naseralesokon nigamus, kineu kafo semsem go kafo laelae skot amus kunom. 18Go kefo mer ui nang akam me ko fregi kefi tkaskei nen kin ko semsem go ko laelae skot kineu.19Me afafat Naot Yesu nag kafo tpe ki Timoti kenet lek akam itu pi tuei mau nen kin kineu me kafo tae sel nafsasokuen seluan kafo nrog nafte nen akam kutok totur ues. 20Nlaken amer tiki natamol potae taosi nag nakpon iseralesok go itok mro top ki mus. 21Nlaken tete natamol nakon ru maui lolo ki namurien sikskei negar me rutu lolo ki sernalo ne Yesu Kristo mau.22Me akam kutae soksokin nag nega ipi natamol mori ne Yesu, nlaken taos tesa iskei skot temen, nega iuesues skot kineu nauesien ne nanrognrogon ui. 23Teuan kin atok lorakin nen kin kafo tpelua pelpel kenet seluan ka leka ke melmel ki kineu nag ga pregi. 24Me a seralesok Naot nag kineu me kafo mai lek mus itu pi tuei mau.25Me a mro kin nag ipi lesok nen kin ka tpelue Epafrotito kemer ler net lek mus. Nega ipi paluk go iuesues skot kineu go imer pi natamol nafkal nig Yesu Kristo skot kineu, go akam kupei tpelua imai nen kin itok raki au namituen nigneu. 26Me nega inrogtesa top go imurin itop nen kin kemer ler net lek mus kunom nlaken akam ku nrogo nag ipei msak. 27Ore itilimori nag imsak top perkati teuan kin emeltig nen inag ke mat ues. Me Atua inromi, go itu nromi iskei mas mau, me imer nrom kineu, nen kin kineu katu nrogtesa ketop go ketop mau.28Teuan kin a termau nrogtor nag ka tpelua ke net, nen kin seluan kofo mer leka kofo semsem top, go kineu me kafo tae tu nrog tesa mau. 29Ko semsem plak Epafrotito ke ler net lek mus. Natamol teflanen iui nag tuk mro ui kir ketop. 30Nlaken ipi emeltig nag ke mat reki nauesien ui nig Kristo. Kei tu mro leplep ki namolien nega mau me iptu kin tu au kin go iuesues kai preg nauesien nigamus nag itok go nega inagneu preg silua.
Chapter 3

1Nafet paluk,nafsan mlap,ko semsem yofa. Ipe tu kerkerai nigneu nang kamer ler mtir nafsan pitkaskei mai pak mus mau me nen kefo tae pakor mus. 2Ko loperkat kori, ko lo perkat nagmer folfolsa, ko loperkat namger teftef. 3Nlaken kin akit kin ru tef akit- akit te nag tu suman Atua skot naten nega, tu mro kasu ki Yesu kristo, go tu tu seralesok namol kit mau.4Me ifwel kineu af murin a tae fafat namolik me ifuel te nat potae imro kin nag nega itae fafat namolien, kinew kafo tae prengi ke toli.5Ru tfei kineu naliati kalaltol, api mafis ne israel, nametrau ne Benjmen, natamol ne Hibru go amer pi farisi.6Nakasuan nagneu iprengi apolsaki nagmer nig esum tap, go nanre nig natafnauen kineu alen usrek. 7Me sernalo ne api soklep wes emrom Yesu ru pi tekpal usrek.8Te wan kin, malfanen a fea sernalo lap nag rupi tepal nlaken naftaluen ne ntaen nig Naot nigneu Yesu Kristo. Te wan a nega tau sernalo lap nlaken a leka nag rupi nasoksok- Te wan kin kafo tae pi atlak Kristo 9Go kofo tok emrom wes, Kafo tu pi atlak nalenan masok nigneu nen itok natafnauen mai mau, Me tenag api atlaken totur naseralesokon nig Kristo- nalenan nig Atua nag imai totur naseralesokon. 10Te wan kin malfanen amur ko tae nakerkraian nig natulenan nega go nasaiseiuen nig nanrongtesan nega, taos numaten nega, mai taosi numaten nega 11Te wan kin kafo lakor tae npet natulenan nig natamol mat.12Itu pi tenag kaipe piatlak sernalo nen su mau , ko kaipe masok mau, me apol kerkerai nen ka kraksok nafte nag kaipe uesi ki Naot Yesu Kristo. 13Nafet paluk, kineu a tu mro kin nen kaipe puetsokin mau me, te wan iskei aprengi, ametaphor nafte kin itok tkakuk me a siwer kerkrai nen ka freg nafte kin itu napkei. 14A siwer kerkrai pak napkei nen ka tkal mot plak nalolouen nag tuk ues nafusuen nig nafioson nig Atua totur Naot Yesu Kristo.15Akit te lao nen tu motu iwi nag tuk mro teflan; me ifuel kin ko mro ponpotae toklos sernalo, Atua me kefo fekfek kin mai pak akit. 16Toklos tete namroan potae nag tukoi pe pregi iwi nen tuk siwer napu pi tkaskei.17Nafet paluk, akam ko folfol taos kineu, iwi nag tuk siwer ko lesoksok te nag rutok siwer skot natapekien nig namolien negakit. 18Me telap rutok siwer, tenakon nag atok nrig sei mus kin sermal go malfanen atok nrig sei mus kin plak narmet, tenakon nen rutu nrom nkas peltakor nig Yesur Kristo. 19Nametpangon ipi numaten. Nlaken Atua negar ipi emaloput napler go namermeran negar itok emrom namalieruen negar. Nigar rumro ki emeromen itop.20Ngo akit tupi natamol perkati nig elangsau go akit tu tok lo reki temumu nig akit Naot Yesu Kristo. 21Kefo nre namol kit nen kin ke mai taos namolin nen i nrenrer top, pregi ki nakerkeraian nega nen kin sernalo rukfo nomser mai pi te nega.
Chapter 4

1Te wan kin, paluk wi nag a nrom mus itop ngo amurin nag kalek mus, ipi nasemsemuen go takotpkau nagneu, teflan ko lasok emrom Naot, aslak nanromien. 2Afraa Euotia go a fraa Suntuke, raki fi atlak namroan ke skei emrom Naot. 3Ore go amer pau kik aslak tilmori nen pa welu nafet nmatu nen ru weswes skot kineu reki nasiroen nig nanrognrogon wi, skot Klement go natagmol nakon nag ru weswes skot kineu go nagier ikon itok natus namolien.4Ko semsem Naot serinrak. Kafo mer ler tili ko semsem. 5Ko pregi nag nmaonmauen nig amus ke fakor ki ser natagmol. Naot itok egmelting. 6ko tu mroput ki tenmatun mau me sernalo lap totur nalotuen skot namurien kerkerai go nafsauian ko nriksei Atua ki sernalo lap nen ku murin. 7Go tmat ni Atua nag itop tolser ntaen kefo lekor nakpomus go namroan nigmus emrom Kristo Yesu.8Nafsan mlap, nafet paluk sernalo lap nag itilimori, te nag rupak elang, te nag ru wi, te nag ileg, te nag ru lowi ki, te nag ru psawi kin, te nag iwi perkati, te nag rupi tenasmanien, ko mro ki telap nen. 9Nafte nag ru tafnau akam kin, go ku usi, go ku nrongo, go ku leka, emrom kineu, ko pregi Atua ne ntmat kefo skot mus.10A semsem naot itop nlaken malfanen ku mer ler mro ki kineu. Ku pei tok mroput ki kineu mori me ku tu pamor mal nen ku welu mau. 11Kineu atu pes tili nlaken afarea mau kineu kai be tae teflan ka semsem mal wi go mal sa 12Kineu a tae nafte ipi nlaken tu mai farea, kineu me apo tae nafte kin tu mai pi soklep. Iplak napu fserser go plak sernalo fserser kineu a pamor napu takot nen kin tu tae mai pi atlak nafneng ko tu tik ki nafneng, go tefuan kin tu piatlak nafneng ilap ko itik. 13Kineu a tae pring sernalo totur Naot yesu nen kin isinger kineu.14Taos ag ku pregi iwi top nag ku tae siwer skot kineu mal nanrogtesan nigneu. 15Akam namer nig Filibai ku tae nag mal pei nanrognrogon wi ni Yesu Kristo, mal wan kineu a tau Masetonia nlaken kin itik ki nat iwel au toklos nanre ni naftuan go nanre ne naleruen me imer tik me akam mas. 16G mal nen kineu apatok Tesaloniaka. akam me kuptu ki naweluan mal lap. 17Kineu atu lo naftaun nig amus mau me kineu alo nua nawesien wi nig amus nagitok ftom.18Kineu a wes sernalo ilap ki mus, go telap nen akano tili, kineu ru tao sernalo wi lap go malfanen, a wes sernalo nen Ebafrotaio ineu prengi mai go sernalo nen inakpo taos nafunkas go ipi natamofan nen ipreng Atua isemsem slati. 19Atua nigneu kefo patlas namituen nig amus totur nafisoklepan nig Yesu Kristo. 20Namermeran kefi tene Atua Apap mes nen go itu tu kai tu mau tu, Amen.21A patlas mus ku nom totur Yesu Kristo. Nafet paluk nag tu nom tok esan ru nrom mus. 22Natamol tap wi lap ni Atua nag au tok esan, au semsem mrosok mus, nag ru tok esum ni Sisar. 23Nasauian nig Naot Yesu Kristo ke skot naten nig amus

Philemon

Chapter 1

1Pol, manmon ne Yesu Kristo, ngo tai Timothy, ratok mtir pak Filimon, asel komam wi go tenang au mau weswes, 2go imer tok pak tet nangmam Apphia, go Archippus, natamol nafkal nang iskot mam, go imer tok pak esumtap nang iskakruk emrom nang. 3Nsaawian go ntmaat ne Iofa Apap nagkit go Naot Yesu Kristo ke skot ang.4Apsawi ki Atua sernrak selwan atok nag lot 5nlaken anrog nasraleskon nen kupi atlaken toklos Yesu ngo nanromien nen kupi atlaken pak namer tap lap nga. 6Alot nen pa tae pakrau ki nasraleskon nang, nen ang pafo mrotae silu sernalo lap ui nang rutok emrom Yesu Kristo. 7Nanromien nang ipregi nang asemsem top go aplak ntmaat, nlaken napk natamol tap lap ne Atua imer mai faum, tai.8Seluan aplak ser nakerkraian totur Yesu Kristo nen atae mai kai nrik ang kin nang pa freg nafte go ang pa frengi, 9me totur nanromien kafo kano prengi ke teflan teuan kin kineu atok fraa ang nen pa frengi - Kineu, Bol , tiawi iskei, go malfanen api manmon ne Yesu Kristo.10Atok fraak nakon ne tesa nangneu Onesimus, nga nang apamori emrom namotien. 11Nrakpei nga keipe tu ui ki tenmatun mau, me maes nga imai tok welu kineu go kefo tae weluok. 12Atok tpelua iler net nag kelek ang, nga nag itok napok sermal. 13Amurin itop nang keskot kineu tok nen kefo tae tok welu kineu tete mal seluan atok namotien totur nanrognrogon ui nen.14Atu murin nang kefi namroan nagneu mas mau, me ang patau tete namroan nang. Itu pi nlaken kineu apaus kin mau me kefi namroan ui nag. 15Ilakor pi tewan nega ipak emae ki ang ues malses, me nang nega kefo mer ler net kai skot ang tok sernrak. 16Nga kefo mer tupi nafit mas mau, me kefo mer ui top tol nafit, kefo pi tai wi keskei. Nga ipi nakte tai wi iskei, me nang kefo mer pi emelting top, nlaken kefo pi tai wi keskei emeromen go emrom Naot.17Ifuel kupi atlak kineu taos aslam iskei, pa flak nga me ke taos kineu. 18Ifuel nga ipol sa kik ko i ues tete tenmatun negag, pa fusi ketok nagiok. 19Kineu , Bol, atok mtir ki naruk. Kineu kafo nag ler kin - me kafo tu tili mau, nlaken nafte nang kineu atuok kin ipreg pta ki namolien nang. 20Ore, paluk pa tau nafsawian nang emrom Naot go pa fregi nang napok kemer faum emrom Kristo.21Asralesok nang pafo takinrog, tewan kin atok nag mtir. Go atae nang pafo prengi ketoli kin atok paus kin. 22Malskeimau nen, pa nagneu kraksok namlee keskei, nlaken aloraki nang totur nalotuen nag, kafo mer ler net lek ang.23Epaphras, nga nang ranru tok namotien emrom Yesu Kristo, itok sauf ang ki nangi Yesu. 24Mak , Aristochus, Demas go Luke tenang ru uesues skot kineu nger me rutok sauf ang ki nangi Yesu. 25Nsaawian ne Naot Yesu Kristo keskot naten nang, Amen.

1 Peter

Chapter 1

1Kineu, Pita, Tetutpekien ning Kristo toklos namer ning etong nang rumtaluer me ru frafer usreki Pontus, Kalesia, Kappadosia, Eisia ngo Bitinia. 2Namtaluan uan imai totur intae-uen ning Apap Tekaimes, ngo totur nafrei-en ning Naten Tap nang imtalue mus nen kofo nrongleo ki Yesu Kristo ngo nran wi wan kefo sirsir preitao mus prengi kofi tenega. Nasawiaan nenga keskot mus ngo Ntmaat nenga kepakor mus sernrak.3Nasmanien kefi tene Tekaimes ngo Apap ning Nawot Yesu Kristo ! Totur nasawiaan nega inrom kit kai tu kit infakoron faum pakor ki nalorakien nang imai totur natulenaan ne Yesu Kristo nang imer tulen emat. 4Tenen ipi napumas iskei nen kefo mer kano puel, kefo mer kano sa , ngo kefo mer kano fanoi. Rukoi pe pus potae kin itok etik raki mus elangsau. 5Tekaimes ipakor mus ki nakerkeraian nenga totur naseralesokon negamus reki namunuen nang ikraksoksokin itok nen kin kefo fekfek kin mal mlap.6Egmrom ues, ko semsem top, itu pi tenmatun mau selwan inmalpa nen, mal ses, akam kofo nrongtesa sernalo kerkerai lap nen kofo pan totur ues. 7Tenen ipakor nen kin ke fekfek kin nang naseralesokon negamus imer nrernrer tol kolet nen itae fanoi, ifuel ku pusi pak sor ning nkap. Tenen ipakor nen kefrengi naseraleskon negamus wan kefo pi tene nasmanien, nanrernreruen, ngo tenen tukfo ske kefak elang selwan Yesu Kristo kefo mai pakor.8Akam kutu leka mau, me akam kutok nromi. Malfa nen akam kutu leka mau, me akam ku seralesokos ngo ku semsem top - nasemsemuen wan ku kano tili ki nafsan - me ipi nasemsemuen nen ipur ngo inrernrer. 9Malfanen akam kutok sel nua naseralekon nangmus wan, tewan imai pakor ki namunuen ne nakp mus. 10Nafet umkau lap nang rukoipe tok tilsei nasawiaan wan nang kefo mai pakor kimus, ru tilsei namunuen nen, ngo rupe mailum weswes kerkerai ngo ru loperkat potae kin iwi,11infaususuen emrom ues sef natamol ko mal nen naten ning Kristo nang itok emrom uer keipe tok pes tili su malpei tilsei sef naftitinuen ngo nanrogtesan nang Kristo kefo totur ues, ngo nanrernreruen nang kefo nrokosi. 12Keipe mai fekfek kin toklosir nan nengar rutu tumer preng nawesien nen rakir mau, me rutok negamus weswes, mal nen rukoi pes til sernalo nen kin malfanen tenang rutilsei nanrognrogon ui rupe nrik mus kin su totur Naten Tap nang itok elangsau mai, sernalo nen me angel ne elangsau me rupo mur ruk leka.13Tewan kin ko tumemus puetsoksok namroan nangmus. Ko mro kerkerai kin. Akam kofus nalorakien nangmus kefrofur tok nasawiaan nenga nen kefo mai tu mus kin malnen Yesu Kristo kefo mai pakor. 14Malnen kupe mai pi tesa nang kutok nrongleo, akam kotu tumemus prengi teplan kin akam kupei tok prengi nrokos namurien sikskei nengamus malwan akam ku nongnong mau.15Me taos nenga nen keipe sos mus itap, akam, me ko tap nafolfolon nengamus kemaui. 16Nlaken rukoipe mtiri itok nang "Akam komai tap nlaken kineu atap perkati". 17Go ifuel akam ku pios ki "Apap" pek nenga nen kefo putu ki nafespotuen nang ilen pek akit reki nawesien sikskei nen kin tuprengi, Ko tungmemus puetsoksok mus folfol skot namatakuen malses nang kupi atlaken taos nasap emeromen nen.18Akam kotae nang nenga keipe tu pakot lu mus nafolfolon safarfar nengamus nang keipe tupi lesok mau nen itok tiawi nengamus mai ki teflefil ko kolet nang itae fanoi mau, 19me totur nra Yesu Kristo nang ipi lesok perkati ngo ipak elang, iwel sip fsofus iskei nen imasok wi ngo itiki namsaki ko nasoksok wes.20Tekaimes keipe mtalue Kristo me ipoinrok lao ki nlak emeromen nen, me malfanen nenga keipe mai tok tumen fekfek kin tumus kin mal mlap nes. 21Akam kumai seralesok Tekaimes totur Kristo, nenga nen keipe ske itulen emat ngo nen keipe tua ki nasmanien ngo nanrernreruen, nen kin infatfatuen ngo nalorakien nengamus kefo tok Tekaimes.22Akam kuprengi napk mus ilen ngo imasok selwan akam ku nrogleo ki natilmorian. Sup nen ipakor reki nen kin nanromien nen itok tepalpolun kefi lesok ngo ketilmori; tewan kin akam kotumemus nrom mus tilmori ki napk mus kemaui go nen ketik ki tenmatun ketukoro. 23Akam koipe pakor nafakoron faum, itu totur npat nkas nen imarteu mau me npat nkas nen ikano mat temal, ngo npat nkas nen ipi Nafsan ne Atua nen imol ngo nen kefo tu mau tu.24Nlaken kin "Sernalo lap nen imol iwel namnam, ngo nanrernreruen kenen itaos nafum nkas mil ne namnam. Namnam imarteu ngo nafumkas kenen imel, 25Me Nafsan ne Yofa kefo tu tu kai tu mau tu." Nafsan nen ipi nanrongnrongon wi nen rukoi pe nriksei mus kin.

Chapter 5

1Atok pesasok tiawi lap nang rutok skot mus, kineu nang api tiawi, ngo nang ape lek nanrongtesan wan nang Kristo isun, ngo atae perkati nang kafo skoti wes nanrernreruen nenga nang kefo mai pakor mal kenen. 2Kofi telekor wi ne tesa ne Atua nang rutok nalekoron nagmus, ngo nang ko weswes taosi kin kupi telekor - itu pi nlaken kin tenat inrikmus kin mau, me nang ipi namurien nagmus, teflan kin Atua imurin nang ko weswes, itu pi nlaken kin rukfo pakot mus wes mau, me nlaken ipi nafte nang napk mus imurin. 3Ko tu folfol taos nawot iskei pong tenang akam ku lekor wer mau. Me kofi natapeikien pak telap nang ru nrokos mus taos tesa seserik. 4Ngo selwan Nawot Telekor kefo mai pakor, akam kofo wes takotpau nang inrernrer wi ngo nang kefo mer tu fanoi mau.5Ngo imer pi tkaskei, akam nang kupi naturiai, ko tumemus pak etan kimus nakpei tenang rupi tiawi. Komaui nomser tumemus pak etan kimus kai wof nafeketanuen wel nakal keskei, ngo nen kotumemus welu mus sikskei. Nlaken Atua negakit itermau mal ki tenang ru tumer pak elang kir, me nenga isai ki nasawiaan nenga pak tenang rutumer pak etan kir. 6Ipi tewan kin ko tumemus pak etan kimus nanruknruk nalekoron wi ngo nakerkeraian ning Atua Elangsau nen kin nenga kefo sik mus pak elang mal kefo mai. 7Ko tua ki ser namroputuen negamus nlaken nenga itok lekor mus.8Ko lasok, ko loperkati. Tenang ipi wal potae ki kit mutuam itok siwer ur sernaor taos lion iskei nang itok pios top loser murin nang kefam tenat. 9Ko tulen kerkerai nakpei ues. Ko laosok kerkerai naseralesokon negamus. Ko tae soksokin nang eklesia nangkit lap nang ru frafer tok emeromen nen negar me rupo totur nanrogtesan skeimau nen.10Nafeinrokuen ne nanrongtesan negamus nang ku totur ues malses, Atua ne ser nasawiaan nang keipe pei mtalue mus nang kofo skoti nanrernreruen nenga nag itu mau tu emrom Kristo, nenga kefo prengi nang ko len usrek, kefo laosok mus, prengi ko kerkerai ngo nenga kefo prengi ko tulen. 11Namrangien, nakerkeraian ngo nafinawotaan kefi tenenga keskei ketu tu tu kai tu mau tu. Amen.12Silvanus ipi tai iskei nang kineu aseralesok ues ngo a mtir natus ses nen nenga islelati net. Atok pesasok mus ngo atok nriksei mus kin nag nafte nang kaipe nengamus mtiri ipi nasauiaan perkati ne Atua, Ko lasok ues. 13Nmatu nang itok Babylon, nenga nang rupe mtalu mus naor iskei ipsawi ki mus. Imer pi tkaskei ki Mak, tesa nagneu, itok psawi ki mus. 14Ko tumemus pesawi ki mus skot nasongien ne nanromien. Ntmat keskot mus kunomser nang kutok emrom Kristo.

1 John

Chapter 1

1Autok mtir toklos Nafsan namolien nen itok emrom nega nen kei pe tok mal pei kotkot - nen kin komam koi pe nrongo, koi pe leka ki namet mam, komam koi pe lo soksok kin, ngo koi pe tkali ki nar mam. 2Ngo namolien nenga imai pakor tok enali. ngo au leka ngo autok tilsei tok losi, ngo autok malmal kin toklos ang reki namolien nen itu mau tu

Chapter 2

7Tenromnrom lap, atok mtir nafsan nen tue mus kin. Itu pi nanriksoksokien faum mau, me ipi nanriksoksokien nen ku pe piatlaken mal pei nen itok. 8Me amer tok mtir nanriksoksokien faum nen tuokin nag ipi natilmorian nag i tok kristo, ngo itok ang nlaken kin nmalko, itok tutur pan ngo namrem natilmorian kei pe tok mermer9Tenen itili kin nag nga itok nmrem ngo itok maloki kpalun, nga itok nmalko. 10naten inrom kpalun,ngo i knak tok namrem nga itik ki mal iskei nen kin nga imermer emrom nega. 11me kano nen kin i malo ki kpalun itok nmalko, ngo i siwer ur nmalko kefo supneki esuan kin itok pakes nlaken nmalko nag i prengi nga i pare i kano lolo namten i kpon.12kineu atok mtir mai pak mus nafet tesa; nlaken , kupe sraletu tapar nega mus- nlaken tutur nagien. 13Kineu atok mtir mai pak mus nafet apap nalken kin akam ku tae tenen kin itok mal pei kot kot.Kineu atok mtir mai pek mus nafet tefsofus nlaken kin akam koipe kpogi tenag ipi tenag ipi tene nasursuruen amtir mai pak mus tesa nlaken akam ku tae fei kin ipi apap. 14Kai pe mtir mai pak mus nafet apap; nlaken akam ku tae fei kin ipi fei nen itok mal pei kotkot; kai pe mtir mai pek ang naturiai nlaken kin ang ku kerkerai; ngo nafsan nig atua itok skot ik sermal ; ngo kuipe kpog tenag i tok sur sur kit.15Patu nrom emeromen mau, ngo sernalo nang itok emrom emeromen mau; ifuel kin nat iskei inrom emeromen, nanromien ne apap i tu skoti mau. 16Sernalo nen rutok emrom emeromen nafolflon sa nig namol kit; nafolflon sa nig namet kit; nafolflon sa ne nafakelanguen namol kit, nga itu pak apap elang mau me ipi tene emeromen mas. 17Emeromen skot namurien nega nga ruk fo mai fanoi pan me fei nat ipreng namurien nig atua kefo knak soksok ketu kai tu mau tu.18Tesa seserik , ipi mal mlap, teflan kin akam ku tok nrongo nag ( nagmer nag rutu mur Kristo mau ) rutok mai, me malnes ipiatlak telap nang rutu tilsei Kristo mau ruskot akit, tewan kin akit tu tae nag ipi mal mlap. 19Ru taf emrom nagkit, me rutu skot akit mau. Negar ruk mer pi wal skot akit me rukfo tok skot akit tok. Me selwan negar rutaf pan pak emae, ru fekfek kin nag ru tu skot akit mau.20Me akam kupi atlak nafreien nig Naten Tap ngo akam kunomser tae. 21Kineu atu nangmus mtir nlaken kin akam kutu tae natilmorian mau, me nlaken akam ku tae ngo nlaken itiki nafsirwen emrom natilmorian.22Fei kin ipi kano psir me nat wan itu tilsei nang Yesu ipi Kristo mau? Natamol wan ipi wal potae ki Yesu tewan kin nga itu tilsei Apap ngo Nanin mau. 23Tenat nang itu tilsei Nanin mau itu piatlak Apap mau. Tenat nang itilsei Nanin ipi nat wan ipiatlak Apap emaloput napon.24Me akam ko tao nafte nang kunrogo malpei kotkot keskot mus tok. Ifuel nafte nang kunrogo malpei kotkot itok emaloput nagmus, kofo tae laosok emrom Nanin ngo emrom Apap. 25Tenen ipi nawatlakien nang Nenga itu akit kin- Nangmolien wi nang itu mau tu. 26Kaipe nangmus mtir tilsei su nang ipiatlak tenang rukfo mai plak talgoling ki akam pak emae.27Me akam nafreien nang nenga itu akam kin , iskot akam, ngo akam kumer tu murin nang nat kemai tafnau mus mau. Me teflan Nafreien wan itafnau akam ki sernalo lap, ngo itilmori go itu pi nafsirwen mau, ngo teflan nenga itafnau mus, ko lasok emrom Yesu. 28Malfanen tesa nagneu ko lasok emrom Yesu ngo selwan nega kefo mai pakor, tukfo tu mtak ngo malier nmaiwen nenga mau. 29Ifuel kin ku tae nang nenga i len usrek, kutae nang telap nang rupreng nalenaan rupakor wes.
Chapter 3

1Leka teplan sef nanromien kin Apap keipe nrom akit kin , nang rusos akit ki tesa ne Atua, go tewan kin tu pi tesa nenga. Ipi nlaken emeromen itu tae akit mau nlaken itu tae Atua mau. 2Nakte, akit malfanen tu pi tesa ne Atua, ngo tu tu tae nafte kefo pakor ki akit mal kefo mai mau. Me tu tae soksokin nang selwan Kristo kefo mai, tukfo mai taosi, nlaken tukfo leka teplan nenga itok. 3Tenat nang ipiatlak nalorakien toklos nmaiuen ne Yesu, itumen preitao rekin taosi kin nenga ilen usrek.4Tenat nag itok preg tapar, itok preg pir nanrisoksokien, nlaken tapar itu len toklos nafsan nanriksoksokien mau. 5Akam kutae nang Kristo ipakor nang ke preitao silu tapar negakit, go nenga itik ser ki tapar. 6Itiki tenat nang itok emrom Yesu me kefo tok preg tapar. Itiki tenat nang itok preg tapar ilek Yesu ko itae Yesu.7Tesa, kotu tao tenat keflak talngoling kimus mau. Nat nang ipreg nalenaan, nenga ilen, taosi kin Kristo ilen. 8Tenat nang itok preg tapar ipi tene Setan, nlaken Setan nenga ipreg tapar nrakpei perkati. Ipi nlaken Nan Atua itmen fekfek kin imai nen kin kekrakpun nawesien ne Setan.9Tenat nang keipe pakor tok Atua mai, nenga itu sgnoni nag kefreng tapar mau, nlaken nafsan ne Atua itok emrom ues. 10Nenga kefo tu sngoni nang kefreng tapar mau nlaken nenga ipakor tok Atua mai.

Chapter 5

1Fei nat nag ipi atlak Nasraleskon mori nag Yesu ipi Kristo ngo i pakor tok Tekaimes mai, ngo fei nat nang itok mur Apap iskei, nega me itok mur Tesa nenga. 2Tenen kin ipi teplan kin akit tu tae nag akit tu nrom nafet tesa nig Tekaimes .mal nen tu nrom Tekaimes ngo tu tok nrog leo ki Nanriksoksok-ien nega. 3Nlaken tenen kin ipi nanromien ning Tekaimes: nang tu puet soksok nafsan narisoksokien ngo nafsan nanriksosokien nenga nen ru tu mten mau.4Nlaken ser nat nang ipakor engmrom Tekaimes nenga il'kau pong emeromen. 5Fei kin ipi nat nang il'kau pong emeromen? Te nat nang ipi atlak naseraleskon nang Yesu ipi Nan Tekaimes.6Nat wan kin kei pe mai totur nai ngo nra: Yesu Kristo. Nenga kei pe mai, ngo itu mai totur nai mas mau, me imai totur nai ngo nra. Naten kin ipi tenen kin itungmen preng tae nlaken Naten ipi natilmorian. 7Ipi atlak tenmatun itol nang ru ptu ki nafeifei-ien knen. 8Naten, nai, ngo nra. Tenmatun nran itol nen rumai pakor tok weswes naor iskei.9Ifuel kin akit tu murin pi atlak nafsan nanriksoksokien nen natamol iprengi itok, nafsan nanriksoksokien ne Tekaimes imer wi top toli, nlaken ipi nafsan nanriksoksokien ning Tekaimes nang nenga keipe tumen prengtae toklos Nanin. 10Fei nat nang isralesok Nan Tekaimes, nenga ipiatlak nanrisoksokien nen emrom ues. Fei nat nang itu seralesok Tekaimes mau nenga kei pe tungmen prengi itaf nen ipsir nlaken itu seralesok nafsan nanrisoksokien nang Tekaimes kei ptu kin toklos Nanin mau.11Ngo nafsan nanriksoksokien nen iteflan: Tekaimes iptu ki namolien tu mautu, ngo namolien nen itok engmrom nanin. 12Te nat nag ipi atlak nanin ipi atlak namolien. Te nat nag itu pi atlak nan tekaimes mau,nega itiki namolien.13Kineu kai pe naag mtir nafet tenmatun nega nen kin ang pafo tae perkati nag ang ku pi atlak namolien tumautu - tok lod ang fei nag ku seralesok engmrom nagi tenig nan tekaimes. 14Ngo tenen ipi infafat-uen nen tupi atlaken itok napkei ues, nag ifuel kin akit to paus ki tenmatun toklos namurien nega, nega i nrog akit. 15Ngo ifuel kin tu tae nag nega inrog akit nafte nen tu paus kin- akit tu tae nag tu pi atlak nafte nen tu koi pe paus kin.16ifuel kin nat iskei i lek balun i preg tapar iskei nag itu mai pek namet-pangon nig numaten mau, nega ke freng nrongo nen ke nega lot, ngo tekaimes kefo tae tua ki namolien. Kineu atok pes nrea pek tenag tapar negar itu mai pek namet-pagon nig numaten mau. Ipi atlak tapar iskei nen namet-pangon ipi numaten; kineu atu tili nag nega ke freng nalotuen toklosi mau. 17Telap nen itu leng mau ipi tapar, me ipi atlak tapar iskei nen itu mai pek namet-pangon nig numaten mau.18Akit tu tae nag fei nat nag kei pe pakor tok engmrom tekaimes mai, nega itu preng tapar mau, me nat nag kei pe pakor engmrom tekaimes, nega i tugmen puetsokin i mol ngo tepu pop sa i kano polsaki. 19Akit tu tae nag akit tu pi tenig tekaimes, ngo tu tae nag emeromen nen i matur engmrom nakerkrai-an nig te pu pop sa.20Meh akit tu tae nag nan tekaimas kei pe mai su, ngo kei pe tue akit namrotae-uen nen kin akit tu tae iwi ki nega nen ipi natilmorian. Te iski , akit tu tok engmrom nanin yesu kristo. Tenen ipi tekaimas nen ipi natilmorian ngo namolien tumautu. 21Nafet tesa ko tugme mus puet sok sok mus ko fek engmae ki nafet napea psir, ngo nafet sernalo nen kefo mai nag ke tok engmrom nakpom nen kin iprengi tekaimes itok ektem nakpom.

2 John

Chapter 1

1Itok tiawi pak nmatu nang ru mtalua plak tesa nenga, nang anromir mori, me itu pi kineu mas mau me telap nang rutae natilmorian, 2nlaken natilmorian itok emaloput sikskei nagkit go kefo tok skot kit ketu mautu. 3Nasawian, nanromien go ntmat nang itok Atua Apap go Yesu Kristo tesa ne Apap mai keskot mus, emrom natilmorian go nanromien.4Atrau semsem pe semsem top nang apamor tete tesa nang rutok siwer natilmorian, teflan itok nariksosokien nang itok Apap mai. 5Malfanen atok fraa ang, Nmatu, itu pi nlaken atok nang kanang mtir nanriksoksokien faum keskei mau, me iskei nang akit tupei piatlaken malpei perkati, nang akit tuk tumekit nrom kit sikskei. 6Tenen ipi nanromien nang akit tukfo siwer teflan nanriksoksokien nga itili.7Ipiatlak namer psir lap nen rupe pak ektem emermen , ngo rutu tilsei nang Yesu Kristo imai totur namol natamol mau, tenen rupi nafet namer psir go [namer nag rutu tilsei Kristo mau] (antichrist). 8Pa tumom loperkat ang nang pa tu preng puel ki nafte nang tu nomser pei weswes rekin mau, me pa lasok nang pafo tae piatlak nafakoton kemaui.9Fei nat nang ipei pan kai tutok emrom ntafnaumen ne Kristo mau, nga itiki Atua. Te nat nang itok emrom ntafnauen wan , nega ipiatlak Apap go Nanin ranru. 10Ifuel nat imai pak ang me itu sel ntafnauen ne Kristo wan mau, patu tao kesil emrom nang mau ngo patu psawi kin mau. 11Nat wan nang ipsawi kin ipi nat wan iskoti preng nafolflon sa nenga.12Apiatlak sernalo lap nang ka nang mtiri, me atu murin nang ka mtiri skot natus ngo ink mau. Me alorakin nang kafo mai lek mus, go tukfo pusrek selwan tu tumekit lek nak akit, tewan kin tufo semsem kemaui. 13Nafet Tesa ne tet ui nang nang rumtalua ru psawi ki ang.

3 John

Chapter 1

1Natus nen itok kineu Ioan, Tiawi atok mtir pak ang nakte Gaius, natamol nang anromi tilmori. 2Nakte, atok nang lot nang sernalo lap kewi tok, go ang pa mol go pa kerkrai ke taosi kin napom ikerkrai tok. 3Nlaken kineu a semsem top selwan nafet tai rumai tili nang ang ku tulen kerkrai go ku siwer natilmorian. 4Kineu amer tiki tete nasemsemuen potae me a semsem selwan anrogo nang tesa nagneu ru siwer natilmorian.5Nakte, ku fekfek ki nawesien ui selwan ku lekor ui ki nafet tai go nasap kai pol ui kir, 6tewan rumai tilsei nanromien nag nakpei nasumtap, go teflan ku psapusir, ifekfek ki sukp ui ne Atua, 7nlaken totur nalo nangi Yesu rutumalu me rutu sel tete tenmatun ki nafet Gentiles mau. 8Me akit tuk sos natamol teflanen rukmai skot akit fekfek kin teplan tupi teweswes ne natilmorian.9A mtir natus iskei imai pak congregation, me Diotrephes, nga nag imur kefi tepei sernalo lap emaloput kir, imal tok tao komam au sil. 10Ipi nlaken selwan kamai, kafo lousus nafte nang itok pregi, go nafsan sa lap nang itili toklos komam. Nega ipe tu semsem nafte nang ipregi isa mas mau, me imer mal tok sos nafet tai lap nen rukmai, go ipo tpokor tenang rumur ruk sosor rukmai nag rutu pregi mau go ikpasir rupak ektem esumtap.11Nakte, patu taus nafte nang isa mau me pa taus nafte nang iwi. Tenang rupreng sernalo wi rupi tene Atua: me tenang rupreng sernalo sa rutu lek Atua mau. 12Telap rupes wi ki Demetrius go rutilmori. Komam me aupo tilsei go nafte nang au tili itilmori.13Selwan atok nang mtir, atrau plak sernalo lap nang ka mtiri, me malfanen atu mur ka mtiri ki pen go ink mau. 14Me kafo lek mus itu pi tuei mau, go tukfo pusrek selwan tu tumekit lek nak akit. 15Ntmaat keskot ang. Nafet asel nang ruskot kineu ru til aliat ui go pongui ki mus. Pa nangmam til aliat ui go pongui ki asel ui lap sikskei nang ru skot ang esango.

Jude

Chapter 1

1Kineu Yuda, teweswes ne Yesu Kristo ngo bal Yemis toklos tenang ru koi pi eklesia totur Tekaimes nen kin ipi Apap, ngo ku prengi potakin itok emrom Yesu Kristo reki nafioson: 2Nafsauiaan, ntmaat ngo nanromien ketok skot ang sernrak.3Nakte, malnen kineu kaipe tuoki ser namrotaeuen wi nen kaipe mtiri mai pek ang toklos namutien nen keipe tok, ngo itermau pi tewan kineu amurin top, nen ka mtiri mai pek mus, ngo apesasok mus reki nafte ku mro kerkrai kin nen pa fregi toklos nasraleskon nen kin mal iskei nen kin ilingi lua imai pak nafet eklesia. 4Ipi atlak tete namer nang ru mailum tu folfol5kafo pus mus reki namroperkatien teplan kin ang koipe tae teplan kin Nawot, ipelak lue natamol taf emrom ntan ning Ijip (Egypt), ngo imer kraksaki tenang rutu seralesokos mau. 6Ngo angel nen kin rukano puetsok esan rutokos mal pei mau, me rutao esan rutokos mai. Tenang ru koipe tao naor perkati nengar, nenga kepe pus potakin ipi n'likp nen itu mautu, nanruknruk nmalko reki nafespotae- en ning naliati pur melap.7Kefo wel Sodom ngo Komora pelak tete elolman nen rutok emeltig kir, kefo pi toskei mau, ru tungmer folfol sa kir, ngo rutok tauso ngo rutok pei kir ki nafte pitekaskei nen itok, nanrongtesan, naftinuen ngo supetap ning namen n'kap nen itu mau tu. 8Imer pi toskei napre milo nen ipolsaki namolir ngo iprengi rutungmer lo pak elang kir, ngo ru pes ki nafsan sa, teplan kin nengar rutok p'sakin.9Me Maikel (Michael) n'pau angel iple skot naten sa, nengar ra pesapil toklos namol Moses, nenga itungmen fafat ues nang itu m'tak mau ngo kei pes tili nang Nawot itok bas ang. 10Me tenen itilsaki sernalo nen nengar rutu tae mau nenkin nengar rutae, tenen kin nengar ru tae perkati mau, ipi toskei ki namuroan ning temol mil, pelak sernalo sa nen itok polsakir. 11Nakrakpel- uen itokor nen rukoipe tok siwer nrokos napu ning Ken , ngo rutok fitfit toklos namroan sa ne Balaam nang imro ki nafisoklepan tol namolien. Ngo namaetigo toklos nafte sa nen Kora itok prengi.12Tenmatun nen rupi nalolo uen emrom nafamien nig nanroguen wi; Malnen ru fam skot ag, go ru tok fam go rutu metak mau: Negar ru taos ntenlag nen ru tiki nai ues. Taosi kin n'lang i silua; I'lfeki, nafet n'kas nen i marteu go itiki nuan; ngo i mat nrek inru, nen i nri lue n'laken. 13Nao nen i m'leng mai, tenig intas; ngo ilu ki namalier-uen. Negar, masei per, toklos fei kin i kraksoksokin itok, nagot-uen nig inmalko nen i mauotui.14Go Inok-(Enoch) nega me ipi kalaru skot Adam mai peski namen, til nafte nen kefo mai, nawok kefo mai skot bon(1,000) iskei ngo ralim iskei, tenig Eklesia nega. 15Nen nega ke putu ki supetap, toklos namer lap, go ke frengi ruk mai reki tenag rutok folfol sa, skot nafte neu isa nag ru tok pregi, go nafsan kerkerai negar ru koi pesakin-ues. 16Tenen ru tok tafusfus, go ru pes top reki na siueran negar toklos, nafolfolon sa negar, go inkanr-ror i tok pes til nafsan sa nen i kerkerai, ngo ipi atlak natamol nen ru tok tugmer loui kir, nafte nen negar ru mer sak pek elag top.17Me te nromnrom lap, akam ko murosok nafsan nag ru tok pes tili, tenag ru nrokos yesu kristo. 18Itu pale kin ru nrik ag kin nag kefo p'lak tautou ki ang, "rukfo siuer, mal m'lap, nen ruk fo siuer nasiueran. Nig namolien negar." 19Tenmatun nen rupi namer nen ru tugmer pregir ru m'sal. Teplan kin negar ru tok muroa kin, ru tiki naten.20Me ag, kakte, pa tugmom kraksoksok ag, totur nasera lesokon tap ngo nalotuen emrom naten tap. 21Ang pa tugmom puetsok ag emrom nanromien nig tekaimes; loraki nanromien, go nasauian nig nawot Yesu Kristo, toklos namolien tumautu.22Ngo ipi atlak tete nag ru pi atlak nanromien, ngo ipi atlak nafonpotae-uen knen: 23Go tete nag ru pelak luer skot namtakuen puet luer mai pek ektem sor nig nakap, namaetigo, ko n'kal nen namolir itok leka go ru murin.24Inmalpa nen itok los tenag, itae piesok ag reki namelmel-uen nega; go i preg. Ag ku masok wi. Napkei nega, tenig naworan nega skot nasemsem-uen nsag itu mantu. 25Toklos tekaimes iskei nega kit, nag i metmatu, temumu. Nigakit, naworan, mantapan, nawotan, nakerkeraian, ran nru, inmalpa nen go itumautu,