Kiptani: Bible for Mark

Formatted for Translators

©2022 Wycliffe Associates
Released under a Creative Commons Attribution-ShareAlike 4.0 International License.
Bible Text: The English Unlocked Literal Bible (ULB)
©2017 Wycliffe Associates
Available at https://bibleineverylanguage.org/translations
The English Unlocked Literal Bible is based on the unfoldingWord® Literal Text, CC BY-SA 4.0. The original work of the unfoldingWord® Literal Text is available at https://unfoldingword.bible/ult/.
The ULB is licensed under the Creative Commons Attribution-ShareAlike 4.0 International License.
Notes: English ULB Translation Notes
©2017 Wycliffe Associates
Available at https://bibleineverylanguage.org/translations
The English ULB Translation Notes is based on the unfoldingWord translationNotes, under CC BY-SA 4.0. The original unfoldingWord work is available at https://unfoldingword.bible/utn.
The ULB Notes is licensed under the Creative Commons Attribution-ShareAlike 4.0 International License.
To view a copy of the CC BY-SA 4.0 license visit http://creativecommons.org/licenses/by-sa/4.0/
Below is a human-readable summary of (and not a substitute for) the license.
You are free to:
The licensor cannot revoke these freedoms as long as you follow the license terms.
Under the following conditions:
Notices:
You do not have to comply with the license for elements of the material in the public domain or where your use is permitted by an applicable exception or limitation.
No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.

Mark

11Taune nyo bo lokoik cho kororon chebo Jeiso Kristo Weritab Jeovah. 2Kile ye kikisir mu ng'orinde Isaiah kile ,' oro' ayoktoi kayoktoindenyu kundoitaening nye chebe areng'ung. 3Kotetab chi nye kurse mu surkwen kubere , Ochob aretab kiptaiyande, ooror woloo wetote.4Kicho Joanah kubotisenisie mu surkwen ak kuomdoi kabatisane nye bo sigune akubo nyoetab kaat nyebo tengekwog. 5Ako kiba wolo mi inyenda kore komugul nyebo Judea ako togol chebo Jerusalem, ak kiibatisan ichega mu endo nyo kukure Jordan, kumwou ng'okiswokikwak. 6Ako kiloche Johana simbab Tambis ako kirategei biriran nyobo mui ako kiame kiberer ak kumat nyobo kertinii.7Ako kiamda kule rupko inyenda nyo nyikis kusiro morogeno ang'urukso atiach anokab kweronikyi. 8Kiabatisanak mu beek ako botisonok inyenda mu Tamirmirie nyo Tilil.9Kicho kabatisenatab Jeiso anyu mu betusiechoche king'ete Nazaret nyobo Galili ak kibatisan Johana inyenda mu Jordan. 10Neityo ko kakolong'u mu beek kuro kipsengwetis kuyotogis ak kubtyi inyenda Tomiririe kilee cheptuge. 11Ak kimong'u koot mu Kipsengwet kile inyenda ku Werinyu chamanenyu abaibai kusop mu inye.12 Ak banone kichokyi Tamirmirie inyenda kuwo surkwen. 13Ak kitobo mu surkwen betusiek artam kuyome oinde. Ak kitebe ako tiong'in chobo kerti ak kiboisiechini inyenda malaikais.14Ak kinekakenam Johana kucho Jeiso Galili kuomdote logoi cho kororon chobo Jehova. 15Kubere kakusirto betusiek ak kakulegitit bounate nyobo Jehova. Osiguak ayan logoi cho kororon.16Ak kineweti kibine araraita taban nyobo Galili uro Simion ako Andrea Weritab kametab Simion kuwirjinote araraita 'neti' nyo kineme kayak amu ki remikab kayak.
18Neityo kubakakta netisiakwak ak kurup inyenda.19Ak kiba katigin kuro Jakobo worop Sebedii, ak Johana wering'wang cho moinge aga kisetenetisiekwak, 20Neityo kukuur ichega ak kibagakta abongwang Sebedii kimi moinge kuboto kibeitinek ak kurup inyenda.21Kiba anyu Kapernam ak kiwo inyenda banone Sinagoggi orii betunone bo Sabato ak kunetisio. 22Ak kkwong'io mu konetisienyi amu kiinet ichega kilee nyo ting'e kimnon kilee siriik.23Ak kimi banone mu Sinagoging'wangchi nyo kiting'e tomirmir nya ya ak kiwaach, 25Ak kigar kong Jeiso inyenda kile siis, ak imong'u mu inyenda. 26Ak bani kimondoi Tomirmirie nya ya mu inyenda kubirobirtoi inyenda, ak kuwach mu kutee nyo o.27Ak kikwong'io togol ak kotebegei ichegei kule nee nyi? kunnetisio nyo leel! ng'ate mu kimnon akob Tomirmirik cha yachen ak kese iit inyenda. 28Ak kiyomu ng'alekyi banone woldo togol agoi koree togol chobo Galili.29Ak banone ye kinemong'u mu Sinagogi kubka kebe Simion ako Andrea kumii ak Jakobo ak Andrea. 30Kiome esio kametab Jepyose nyobo Simion, kirue, kemwoji banone Jeiso agubo chepyosonone. 31Ak kicho kunam eunyi ak kung'eet inyenda ak kimeto osotionde inyenda ak kuboisiechi.32Ak keseleny , ku kang'ir asis, kumityi inyenda togol cho kimnyonsot ak cho kiting'e 'oiy'. 33Ak kiyumjigei kokwe kumugul kirgat. 35AK koron kimnye kutukutui kore kung'eet ak kimanda sang kuwo surkwen, kuwo kisa mu wolinee. 36Kirup anyuu Jeiso Simion ak cho kimi ago inyenda. 37AK kinyoru inyenda ak kileji wesing biik togol.38Ak kimwoji ichega kule angeba woldo aga korotinwek alak si neityo aamda mu wolone ambo, amu kiacho agubo nyonee. 40AKichoomji anyu inyenda chito nyo kiting'e kumwaoi kusaisai kukutung'ji ak kuleji imuje itililo. 41Ak kiriregei inyenda ak kiyogoito eunyi kitiny inyenda ak kuleji kaacham . Tililitu.42Ak banone kumwaok chichone ak kitililit.43King' at inyenda kabisa ak banone kuyokto kuwo. 44Ak kileji metimwoji chi ng'olyo aku uibandang'ung, borjigei Tisiinde ak igoito akubo tililnteng'ung togol cho king'atMusa, si kulogu baornate mu ichega.45Aku kiwo, ak kutou kumwaitata ak kubarta ng'olyondonone kutu matikumuch Jeiso kuwo kore kerotote, agu kitoboto sang mukomoswegab surkwen, kubkonji inyenda cho bunu komostaaga togol.
21 Kinesirto betusiek alak, koit kinyile kabernaum, ako kingas biich kule mi go.2 Ak kiiyumgei biich cha chaang, kutu mong'otu boroin ambo mu kurgat, ako kimwochi ng'olyo.3 Ako kibwa komutu chiito nye tinye mion nye kima bor kucho wolo mi inyende kukolobu biich ang'wan.4 Ako nematukumuch kurikyi nyende amu tuiye, kuyat kot barak kutokyi wolo mi inyende, ako kinekakobut kot, kotortoe kitoki nye kirue chito nye tinye mion nye meat bor.5 Ako kiinero Jeso kayaneng'wang', koleji chito nye tinye mionone meat bor, "Weri, kakenyoung' kaat tengekwokiguk."6 Ako kimi wolone sirik alak che kitebisot che kibkote mu muguleikwak kibere,7" Amunee sikimng'oe chiichi kile nyi? Ang' kikuleel! Ng'o nyemuche kunyooji chii gaat tengekwokikyi kibate agenge, inyende Johovah."8 Ak mu yone , kinai Jeso mu Tamirmiryenyi kile bkote kile nyone ichege, koleji, " kainee sabkaat kile nyone mu muguleikwok?9 Nee nya nyumnyum kemwachi chiichi nye meat bor , kelechi, 'kagenyoung' kaat tengekwogiguk; nde kelechi 'ng'eet ip kitoking'ung ak iwetote?"10 Ako si anai ale tinye weritap chii kimnatet mu ng'wony nye nyochini chii kaat tengekwokikyi." kilechi anyu chiichone kimeat porto,11 Amwaung' alejining', ng'eet ip kitoking'ung' ak iwo kong'ung'."12 Kingeet anyu mu banone kuib kitokinyi akuwechigei mu taitaab biiko togol, ak kuloosu Jehovah kile, "Tomo keroo nyele nyenyi!"13 Ak kiiwo kinyile tabanda nyebo araraita, ak kiipka tuyee togol kumugul yo mii inyende ak kuneet kichega.14 Ak kinesirtoi, kuuro Lawi weritaab Alphayo, kitabee mu wolo kikwae aisurusyek, ak kilechi inyenda, "Rupkaa," ak king'eet ak kurup inyenda.15 Ak kineemi baani amisye mu kotaab Lawi, ak kimii kubooto kwaikab aisurusyek cha chaang ak kiptengekin kuboto Jeso ak kasubikyi. Amu kimi chachaang ak kiirub inyenda.16 Ak kineero sirik chebo Parisaik kwaamisye nyende ako kiptengekinik ak kwaikaab asisurusyek, kileechi kasubikyi," kainee sikwamisye ak kuyeeiso inyende ako kwaikaab aisurusyek ak kiptengekinik?"17Ak kinegas Jeso, kolechi ichege, mamache che chamagei chepkirichonde kibate kibaat cho mionsoot. Kimacho akur chobo iman ago kiptengekin.18 ak kirugutgei kasubik ab Johana aK chobo Parisaik. Ak kipka anyu kileeji inyende; " Amunee sikirukutgei kasubikaab Johana ak kasubikaab Parisaik ako marugutagei kasubikuk?"19 Ak kiilechi Jeso kicheka, " Muktoi ano kurukutgei che kuguurchini katunusie netikimi sande kibooto kichega? Kutukumii sande kuboto kichega ko mamuche kurugutgei.20 Ako bwani betisyek chekiistoe sande kichega, kurugutgei anyu bet undone.21 Momi chii nye napchini yokwo nyo leel nguryo nyo yoos, si makarer nyoleel nyo yoos ak kutasak wolo kagererak.22A momi chii nyo kochini divai cha lelachen saaboi cho yoosen. Amu neai kulee nyone, kukerere divaik saabok ak kubetyo kubote saabok chelelachen.23 Ak kineebune mbarenikab beek betutaab sabato, kutou kasubikikyi kubalata masisyekaab beek.24 Ak kiileji Parisaik inyende ; " Marar kira, kainee si kwai mu betutab sabato kiy nyi mayanat mu ng'atutik?"25 Ak kileeji kichega," Tos kitomo osoman kiito nyekiyai Daudi ye kimakoting'e kiy ak kirebese inyende ak chekimi togol?"
27 Ak kilechi kichega, kigwai sabato akubo chii nde kikwai chii akubo sabato.28 Kilegu anyu weritab chii ambo nyebo sabato.
31 Ak kiwo sunagogi kinyile, ak kimi chiito nye kiwitaat eu.2 Ak kiruup kichega kinyeenda kile kuro ngitumuche kusoob chichone mu betutaab sabato, si neityo kumwaita.3 Ak kileji chiito nye kiwitaat eu iyony mu kwen.4 Ak kileeji kicheega; Tos chamdoi ng'atutik keai nyakararan mu betutab sabato nde keai nya ya? kesoob chii nde kebar?" Ako kisiisyo.5 Ak ye kigakomararta komoswek togol mu nerek, kokwong' mu tokolindaab muguleikwak, ak kileji chichoone , "Chuul eung'ung'." Kichuul anyu ak kisob eunyi.6 Ak kimanda saang' Parisaik ak sainone anyu kusat ng'aleek ak Herodik ak kuto inyende, si kunai wolo bartoi7 Kitabangei Jeso kuboto kosubikyi ak kuba araraita, ak kiruup inyende tuye nyo O nye kibunu Galilaya ak nye kibunu Judea.8 Ak Jerusalem, ak Idumea, ak Tengeb Jordan, ak komoswekab Turo ak Sidon. Kibwonji kinyende tuye nyo O kinegas akubo tuguuk cho kiindoon che kiai.9 Ak kimwoji kasubikyi kuchob moinge nyo mining nyobo peek amu chang'indaab biko si matitir kinyenda.10 Amu kikakosoob che chaang' kitilegitityi kinyenda togol che kitinye korotwo che yaachen si neityo kutiiny kinyede.11 Ak mu woi aka togol nyo kiiro kinyende tamirmirik che murwoneen, kobutyi ng'wony mu taitanyi ak kuwokyo kile, "Kinyee kii weritab Jehovah."12 Ak king'at kichega si mang'aangta inyenda.13 Ak kilanda tulwee ak kuguurjigei che kimach, ak kiiba wolo mi kinyenda.14 Ak kilewen Taman ak aeny si kitebi ako kinyenda, si neityo kuyokto kichega kuba amdae.15 Ak konyoru kimnatee nyo one oi.16 Ak simion ne kikigoji kainee age Petero.17 Ak Jakobo weritab Sebedi,Ak Johana weritambo Jakobo, kikigiji kainee keguree Boanerges, nekiweech kele , weritab Ilat. 18 Ak Andrea, Pilipu,Bartolomayo, Matayo, Thomas,Jakobo nyebo kaab Alphayo, ak Tadayo ak Simion Kananinde.19 aK Judas Iskariot ne kialdoi kinyenda. Kiwo go anyu.20 Ak kiyuumgei tuyee kinyile kutumakomuuch ambo kuamisye.21 Ak kinegas charwaikyi, kiba kinam kinyenda, amu kimwoe kile kakobet met. 22 Ak kimwa sirik chekibwone Jerusalem, kile, tinye kinyenda Beelsebub, ak onei oik mu kimnatetab nyo O nyobo oi.23 ak kiguur kichega kipka olo mi a kileji mu kaleweno; "Muktoi ano chesawil kuon chesawil? 24 Ak ngutupcheak bororye kityo, ko momuche bororyonone kotonon.25 Ak ngutupchayak got kityo, ko momuche goyone kutonon.26 Ak ngutung'eet chesawil kiboriegei kinyende kityo, ak ngutupcheak kinyende kityo, komomuche kinyende kotonon ako tinye kinyende wolo kesyinigei.27 Ako momuche chii kuwo got oriit nyobo chiito nyo kim, ak koibe tukukyi ngutu marat korok chichonee kim, si kour gonyi anyu.28 Amwawok iman ale, kinyojini gaat werikab biik tengekwokikwak togol, ak ng'alek alak togol che yaachen che mwae. 29 Ako age togol nye muule Tamirmirye nyotilil, ki mokinyojini gaat kipkoi. 30 Amu kiimwa kile, tinye inyende tamirmirye nyo murwon.31 Kipka anyu ambo kaitenyi ako chetupcho ak kotononio mu sang', ak kikuyokto kegur kinyenda. 32 Ak kitebee tuiyee go komut kinyenda, ak kileji,"Iroo o, mi saang kametu ak che o tupche kuwasing."33 Ak kiwolji kichege koleji, "ng'o kamenyu ak chekitupche? 34 Ak kirototo che kiimut inyende, ak koleji, "Oro okamenyu ak chekitupche." 35 Amu chi aga togol nyo oiye magetab Jehova, ki nyone weri nyo kitupche ak chepto nye kitupche ak kamenyu.
41 Ak kutou kinyile kunetisyo mu taban nyobo araraita. Ak kiyumjigei kinyende tuye nyo o kabsa, kutulaany moingetab peek kutebo araraitab peek, ak kotebo tuiyee togol tabandap araraita.3 Ayap it, oroo, " kiwo kolinde koisto kesuyek, 4Ak kineisto kochunji alak aree taban, ak kibwa tariit kwam. 5 ak kichinji alak wolo mi koin, wolo kimatyana nyung'winyande.6 Ak kinebusu asis kibeel ak kiyomnyo amu kimatinye tigiit. 7 Ak kibutyi alak wolo mi katoi ak kibiityo katok ak kukiich si maiyo logoek.8 Ak kibutyi alak nying'winyande nyakararan ak kiiyo logoek ak kikindoitu ak kotesagis, ak kiiyo Sosom, ak tamanwogik lo, ak kenyil bogol.9 Ak kimwa kile , che tinye itiik che gastoe kugasta.10 Ak ye kimi kinyende kityo, kiteebe kinyende agobo kalewenoichoche kichege che kimuut kinyeenda koboto taman ak aeng'. 11 Ak kileji, " Kagekonok akwe anai ung'otye nyebo baunatetab Jehovah. Ako kichege chemi sang', keyaijini tuguk togol mu kalewano. 12 si mu korotee kuroti amabesot, ak mu kase kugase ama nae. Si maweigei ak konyoji gaat.13 Ak kileji kichega ,tos monget akwe kalewenoni? Ibere anaitoi ano kalewenaik togol 14 Istoi istoinde ng'olyonde.15 Ak chochee mi tabandap aree, wolo kiistoe ng'olyonde, ak ye kakogas, kucho banone chesawil ak kunamu ng'olyonde, nyekikigolji kichega.16 Aku chu kakiistoji wolo mi koik, bani kakugas ng'olyonde, kitaach mu boiboiyo. 17 Matinye choche tigit akutabee mu betusiek kongering' akinecho nyalilda nde ku kaimetabgei akibo ng'olyonde kibutsoot nyi matiny.18 Aku alak ku cho kakiistoji wolo mi katoi; choche ku chi nekakugas ng'olyonde, 19 akineitu koimutekab ng'wony, ako berberyetab mogornate, ako makutekab tuguuk alak, kutitir ng'olyonde si masich logoek. 20 Ku choche kakiistoji nyung'winyek chokorornen, ku chi gase ng'olyonde, akitaach, akiiyo logoek sosom, ako tamanwokik lo, ako bogol."21 Kileji kichega, "Makiibu tait akegoji kitonget ariit nde kuuretab kitook, aku kigojine wolo tonone. 22 Momit kiy nyaung'at nyi nemi kayain keng'onye, nde ng'olyo nyibo ung'ot nyi ma nemi kayain tooku. 23 Netinye chi itiik chi kastoe kigas."24 Kimwoji kichega kileji, "Oribegei tuguuk cho agase, karutye nyo abimane ku nemi kayain kekarunenok aketaswok. 25 Amu kinyenda nyatinye kinemi kayain kegojini, aku kinyenda nyi matinye kiy ku nemi kayain kesare ambo chatinye."26 aku kimwa kile, "Kargei laitornatetab Jehova ako chii nyaisyini kasuiyekji ng'wony, 27 akuru aking'eet, kemoi ako beet, akibiityo kasuyek akiyeetu, akimonget wolo bititoi. 28 Chute ng'wony kityo; akurutu, neityo kicho meti, neityo kuywai beek. 29 Akinemi bani kikururyo beek, kiibu kinyenda chepksei amu kait kasisyo."30 Kile, "Kiroge nee laitornatetab Jehovah nde nee kalewene nyo muche kemwaitae? 31 Krgei ako kasuyondop aradali, nyi nekakeminji ng'wony, ambo ti mining' kisiir kasui togol chami ng'wony, 32 ku ne kakemin, kubiite kiyetu kisiir ketik togol chami mbar, akisich tamoik cho echen kitimch kitekji tariit kaswenikwak urwenyi."33 Aku mu kalewenaik alak chatya chile choche, ku king'ololjini kichega ng'olyonde kile bani kimuche kigas. 34 Aku mong'ololji kichega kimoboisye kaleweno, akineet tuguuk togol kasubikji kimi taban kichega bungo.35 Akinemi bani kait kaseleny mu betunone, kileji kichega, "Ngelangte tengeni." 36 Akinebagata tuye, kumit kinyenda amu kimi maingetab beeko. Aku kimi moingonik alak kiboto kinyenda. 37 King'eet anyu kibuuge nyo korom, aku kiryebe beeko chamildogei moinge akoi kitilegitit kinyiy bei.38 Kimi kinyend moinge let kurwe mi kiy nyikitagale met; kitou king'eet kinyenda kileji, "Konetindoni, memagenech kiy aku kakibogu?" 39 Kinemi bani kang'eet, kigar kong' kibuge, aking'ololji araraita kile, "Tonon! Siis!" Kitonon anyu kibuuge akisiis araraita.40 Kileji kichega, "Kaine soiyweisyo? Akoi ra ku motinye kayana?" 41 Kiiywoisyo kisob akimwojigei kibere, "Ng'oo nyenyi nyi gase it kibuuge ako araraita?"
51 kiit kichega tenge aka nyibo araraita, akoi koretab Gerasenik. 2 Akinemi bani kakulong'u mu maingetab beeko, kutuyo ako chiito aka nyakimanye wolo kimi kererisyek, aku kitinye tamirmiraik cha yachen.3 Kimenye wolo mi kererisyek aku kimakimi chii nyikimuche kitikirat mu nyororosyek. 4 Amu kikakerate kinyenda mugurek ako nyororosyek kinyil chatya, aku king'atyine nyororsyek akitonoton mugurek; aku kimakimi chii nyikimuche kiboyu kinyenda.5 Kiwogoote betusyek togol, kemoi ako beet mu kererisyek ako tulonok akitilegei mu koin. 6 Kinero kinyende Jeso mu wolo lou, kilabat wolo mi akikutung'ji.7 Akiwaach mu kote nyo u kile, "Itinyeno nee kinyee Jeso Weritab Jehovah nyotoror kisob? Asoming mu Jehova ale kitimenyalila." 8 Amu kikaleji kinyenda, "Mong'u mu chichi, kinyee tamirmirye nyangaya!"9 Kitebee kinyenda kileji , "Ng'oo kaineng'ung'?" Kiwolji kile ,"Kainenyu ku Chong'indo amu kichang'." 10 Kisoom kinyenda kisob kile kitimaon kimang'ta mu emonone.11 Aku kimi acheikab torook tagetab tulwe kwogetsoot. 12 Aku kisoom kileji, "Yanweech kechut torook." 13 Kiyanji kichega, aku kimang'ta tamirmiryek chayachen kiba kuchut torook. Kirwai acheikab torook chi wolo bo elupusyek aeny kiroktoe ng'atwa kibe kitakjigei araraita.14 kirwoi anyu che kiyage torook kiba kimwaitata mu nganase ako mu kore togol. Kipka anyu biiko kuro kiyo kiayak. 15 Kipka wolo kimi Jeso akuro kinyenda nyi kikakinam oik, kitabe kikakilach nguraikji, aku kikaku korornitu kapkotutekji kinyenda nyi kitinye chang'indab oik; aku kicholyo biichoche.16 Kimwaita baorinak kimwoji biiko kiyo kiayak mu inyenda nyi kitinye oik, ako kiyo kichonji torook kinyile. 17 Kitou biiko kimwoji kinyenda kile kuwo mu koreng'wang'.18 Bani lonye maingetab beeko, kisaisai kinyenda nya kitinye oik kile kitabe tuwai. 19 Kimochamji Jeso aku kileji kinyenda, "Ui gaa wolo mi charwaikuk akiboorji tuguuk cho kiindon chi kakwoyung' kiptaiyande, ako kile bani kakiborung' rirane." 20 Kitou bandanyi akutou kimwaitata mu Dekapolis tuguuk cho kiindon chi ki aiji Jeso kinyenda, aki kwong'io biiko togol.21 Kinekakilang'ta Jeso kinyile mu mainge kuwo tengeni, kururukjigei tuye nyo kiindo kimi kinyenda wolo legite araraita. 22 Kicho agenga mu baunikab kanise nyi kikugure Jairo, aku kinero kinyenda kubutyi kelyekji, 23 akusoom kinyenda kileji, " Legit kima cheptonyu nyomining'. Choo kochi kinyenda eunekuk, si kisop." 24 Kiba anyu kiboto kinyenda.25 Kimi chepyosa aka nyi kikakimang'tae kareti kanyisiek taman ak aeny. 26 Kikakinyalil kinyenda kisob akibo chepkirichinek chatya amu kikakugoita tuguukji chi kitinye akumotoret kiy, aku kitasak mnyondo kiyait. 27 Kinegas akibo Jeso, kicho kurubu kinyenda ako tuye nya kimi let akutiiny nguryenyi.28 Kilejigei, "Ngotiiny ambo nguraikji, kusoobo." 29 Kinetiny, kisiis mang'taetab karatik akigas mu bortanyi kile kikisob mu koimutyenyi.30 Kinenai Jeso kile kakiistogei kimnate, kuwekjigei tue akile, "Ng'oo nyi katiny nguraikju?" 31 kileji kasubikji kinyenda, "Irooti wolo teno tuye aibere ng'oo nyi kataya?" 32 Kukus kong kitobondo kimache kinai kile ng'oo nyi katiiny?33 Aku kicho chepyosonone kunget kiyo kakeaiji, akubutyi taitanyi kichole akibotene, akimwoji kinyenda imande togol. 34 Kileji kinyenda, "Jebi, kakusoobing' kayaneng'ung', ui mu kalye akisop mu mnyondang'ung'."35 kinetiking'olole kinyenda, kipka biik chi kibunu kotaab baunindetab kanise, kile,"Kikima jeptang'ung'. Katiimji nee konetinde?"36 Aku ma mage kiy Jeso ng'olyonde nyi kakimwa, kileji baunindetab kanise, "Matiywai, yan kityo." 37 Kimatikichamji chii kurup kinyenda kibate Petero, ako Jakobo, ako Johana weritambo Jakobo. 38 Kiit kichega kotab baunindetab kanise aku kiiro biiko chi kiimagei kiboto chariirsot akuteisoot kisob.39 Kinemi bani kowo Jesogo, kileji biichoche, "Kainee saimagei akariirsot? tomo kima lakwe aku kanuch kibaat." 40 Kutou kiroorji kinyenda akumul. Kinemi bani kakuoon kinyenda biichoche kiba sang', kumit abootab lakwe ako kamenyi kibotochi kimi ako kinyenda akiwo go wolo kimi lakwe.41 Kinemi bani kanam eutab lakwe, kileji, "Talitha koum," nyi nekiwech kibere, "Jebi, amwoung' ale ng'eet!" 42 King'eet jebone akiwetote; ( kibo kanyisyek taman ako aeny). Mu yone ku kinam kichega kwong'ut nyo ou. 43 King'at kinyenda kichega kisob kile kitimanai chii ng'olyondoni, akimwaita kegoji lakwnone tuguuk choome.
61 Kimong'u kinyenda mu woline akoi ngansetab emenyi, kibetote ako kasubikji. 2 Kineit sabato kutou kunetisyo mu kanise, aku kikwong'io chatya chi kigas kinyenda akiber, "Nyorune ano chiichi tuguuchu? Nee ng'omnatni kiki goji chiichi? Nee baisyonichu nyikisen aiyakse mu eunekji? 3 Ibere ma muswoginde nyenyi weritab Maria, nyatupcho ako Jakobo, Joses, Juda, ako Simion? Ibere momi walyenyi tibiikwak kibotech?" Aku kinyoru koromindo mu kinyenda.4 Kileji Jeso kichega, "Nyoru maotyondo konyit, kibte mu korenyi, ako bikaab arenyi ako mu gonyi." 5 Kimatukumuch kwai kwong'utyo a togol mu wolone kibate biiko kongering' cho kimnyansoot chi kigoji eunekji akusoop kichega. 6 Aku kikwong' kinyenda kisob mu bistoeng'wang'. Aku kiwetote kinyenda nganasok kunetisyote.7 Kuguur anyu taman ako aeny , akutou kuyokto kibetate aeny aeny, akugoji kichega kimnate kubel tamirmirai cha yachen. 8 Akung'at kichega kileji, "Kitimoip kiy mu banda kibate kirokwo kityo; ambo makatya nde saap, nde chepkondoi mu lol. 9 Aba aloche kweronik aku matalach sumbotik aeny.10 Bani kikaba go aka togol, atebi yone akoi kitaba mu wolone. 11 Aku woldo aka togol nyi matachaak, akimacham kigasak, bani kamang'ta mu wolone, alalakta teritek chami kelyekwok si neityo kiloku baornate mu kichega."12 Kimang'ta akwamtata kile kimiji kisugu biiko. 13 Kion oik chatya, akuile mwaita chatya chekimnyonsoot akusoop kichega.14 Kigas laitoriande Herod akibo nyone, amu kikakinayk kainetab Jeso akile alak," kiking'eet Johana kabotisaninde mu chi kikubok, nyone anyu baisye kimnatosyechu mu ariinyi." 15 Kimwa alak kile, "Elijah kinyenda." Kile alak, "Maotyo kinyenda nde kargei ako maotikab keny."16 Aku kinegas Herod kie, "Johana nyenyi nyi kiatile meti, kiking'eet." 17 Amu kikakuyokto kinyenda biiko, kiba kinam Johana akirat mu korkoree, amu Herodias chepyosop pilip wering'wang', amu kikakibgei kinyenda ako chepyosonone.18 Amu kimwoji Johana Herod kileji, " Taye ng'atutek itabe ako chepyosop wering'wong'." 19 Aku kinarekji Herodias kinyenda aki kimach kebar . Aku mamuch. 20 Amu kiiywai Herod Johana, aku kiriip, kunget kile chii nyibo imanda aki tilil. Kinegas Herod ng'alekji, kuimgei kisob; nganda kicham kibaibaijini kigas kinyenda.21 Kiit anyu beetu nyi mijini, nyi kiaiy Herod boiboiyetab betutab sigenyi, kwoichi biik cho echen, kiptainak, ako chi togunotin chibo Galilaya. 22 Kinecho go jeptab Herodias akinyal, kubaibai Herod ako kichega che kimi kitabisoot mu amisyo kiboto kinyenda, aku kileji laitoryande ebone, "Soom kiy aka togol nya imache sokoning'."23 Aku kisirbanji kile, "Kiy aka togol nyaisomo, agoning', ambonti kamas nyibo laitornatenyu." 24 Kimang'ta kiwo imwoji kame kile, "Asoom nee?" Aku kileji kamat, "Maitab Johana kabatisaninde." 25 Ki neityo kucho kuchogu akoi wolo mi laitoryande akisoom kile, "Amoche matitab Johana kabatisaninde mu kiseru."26 Kichol anyu laitoryande kisb; amu sirbanenyi, ako mu kichega che kitabisot kwomisye, ku matikitaye kinyenda. 27 Ara kiyoktolaitoryande askarinde aka mu cho kiripse, kung'at keibu matitab Johana. Kuw anyu kitil matitab Johana mu korgre. 28 Akeibu matinone mu kiseru akegoji jebone, akugoji jebone kamite. 29 Kinegas kasubikji akibo ng'olyondonone, kipka akusut bortanyi, akitub.30 Kipka anyu kayoktoik wolomi Jeso akimwoji kinyenda kiy aka togol che kiaiy ako cha kikaneet. 31 Kimwoji kichega kileji, "Apka akwega bungo taban wolo le suurkwen si neityo amung'jo katigin." Amu kichaang cha kipkoni akibeti, amu kimakitinye ambo boroin nyoomisye. 32 Aku kiba kichega bungo akoi maingetab beek kilongta suurkwen.33 Aku kirotote biiko kichega kibeti akinai chatya, akurwai kiba woline kibagenga kibunu nganasok togol akindoe kichega. 34 Akinelany Jeso kuuro tuye nyo kiindo akiriire kichega, amu kigargei ako kechir nyi kimatinye mastewo, akutou kuneet kichega tuguuk chatya.35 Kinemi bani mache kiimen kore, kipkonji kinyenda kasubikji akile, "Suurkwen koroni, akimaje kiimen sai. 36 Mate biiko kibejigei akoi nganasok cholegiten sikwoljigei tuguuk choome."37 Kiwolji kileji, "Agoji akwege amitwogik." kilji, "Keba keal makatinak chibo dinarisiek bogol enysi kegoji kwam?" 38 Kileji kichega, "Atinye makatinak ata? Aba aroo." Kinemi bani kikinai, kile, "Makatinak muut ako samakinak aeny."39 King'at kitabe iiko togol suswek cho nyalilen kururuchgei. 40 Ara kitabe ng'wony kitatgei kibae bogol akibae konom. 41 Kinam makatinachoche mut ako samakinak aeny, akimarar kipsengwet, kiberur, akibutilabutil makatinak. Kugoji kasubik sikigoji tatang'wang'; akipchaiji kichega togol samakinachoche aeny.42 Kiomisyo togol akoi kitibiyong'cho. 43 Kiyum katuganik ha kinyiy karebotinwek taman ak aeny chibo makatinak ako samakinak. 44 Kichega che kiam makatinachoche ku ki murenik elupusyek mut .45 Banone kwai Jeso kasubikji kilany maingetab beek si kindoe kinyenda kiba tengeni akoi Betsaida, satogol kitikityoktoi tuye kiba. 46 Kinekakibagakta kichega, kuwo kilany tulwe kisa. 47 Kineit kaseleny, kimi mainge kwenutab araraita, kimi kinyenda kityo kore nyi yamat.48 Kinero kichega kinyalilsoot mu boisyetab makangonik chi kikwerye maige, amu kimuitojine kibuge kichega, kicho wolo mi kichega mu ripsee nyibo ang'wan nyibo kemoi kiwetote araraita barak. Kimache kisirtoe kichega. 49 Kinemi bani kiiro kichega kinyenda kiwetote mu araraita barak, kile kichega, abere tamirmir, aku kiwokjo. 50 Amu kiiro kichega togol kinyenda, akucholyo. Kitwekji ichega kileji, "Anyiganitu! Ai kinyenda. Kitimocholyo."51 Kilany kinyenda mainge kiwo wolo mi kichega, kisiis kibuge. kikwong'io kisob biichoche, 52 amu kimanai kichega akibo makatinak amu kitogolen muguleiywekwak.53 Kinemi bani kikilang'ta, kiit koretab Genesaret akirat mainge mu ngeku. 54 Kinemong'u mu mainge, kinai biiko kinyenda mu sainone, 55 akirweiyoto mu koronone kimugul, akitou kumutu cho mnyonsoot mu kitogusyekwak , kiba wolokikakigasyi kinyenda.56 Aku woldo aka togol wolo kimong'ji nganasok cho mengechen nde cho kindon, nde eme, kigoji cho mnyonsoot wolo mi sirosyek. Kisoom kichega kinyenda kile nteme ngaap kicham kitwai ambo tabanutab nguryenyi; aku togol cha kitiiny kinyenda ku kisopcho.
71 Kiyumjigei kinyenda Parisaik ako alak my siriikchi kikabun Jerusalem.2 Kuuro alak mu kasubikji kwome makatinak mu eunek chi maun chii. 3 Amu nemaun eunek kikaram Parisaik ako Yahudik Ku moomisyo, kirube atabetab boisiek. 4 Bani bunu sirosiek, Ku nemaungei Ku moomisyo. Akimito atebosiek alak chatya chi kitaach si kiriip kikaram, kile kaunetab kukombosiak, tarenik ako tuguuk chibo sugunwek.5 Kitebe Parisaik ako sirik Jeso kileji, " Kaine kasubikuk simabetote kile wolo le atebosiekab boisiek, aku omisie kimoun eun?"6 Kimwoji kichega kileji," Kisip kimwa Isaiah kisob akibo akwe kiplasgeinachu, kile bani sirat kile, 'Konyito biichu mu kotiwaikwak, akilowen muguleiywekwak mu anee. 7 Loswo kilen; ng'atutekab biik konetisye cho nete.'8 Abokogtoi ng'atutekab Jehovah akanam atewbosiekab biik." 9 Kileji kichega, "Atayakwe kisob ngatutekab Jehovah, si neityo ariip atebeng'wong'! 10 Amu kile Musa, "Konyit abnoong'ung' ako kameng'ung', aku kinyenda nyi mwoe yaityo akibo aboonyi nde kame, kimee kisob '11 aku amwoe ole, neleji chii aboonyi nde kamenyi, "Kiyo kata toreteno ku korban' (nekiwech u kagojine), 12 kimakitikichamchi anyu kinyenda kutoret abonyi nde ku kamenyi. 13 Aiy anyu ng'olyondetab Jehovah kuloku kileen mu atebeng'wong' nyi kiang'at. Akoiye tuguuk alak chatya chile choche."14 Kiguur tuye kinyile kipka wolo mi kinyenda akileji, "Agase akwega togol si neityo anai. 15 Momi kiy nya mi chii sang' nyi newo aritinyi kumuche kinyere chichone. Aku tuguuk chi mong'une chiito cho muche kinyere chii. 16 Ngitinye chii itiik chi kastoi ikasta."17 Kinemi bani kikung'unda tuye kuwo go, kitebee kitebee kasubikji akib kalewenone. 18 Kileji kichega, "Ibere motinye ambo akwege kaguyo? Morotikwe kile kiy aka togol nyami sang' akiwo ariit kimomuche kinyere chii, 19 Amu mochut mugulaitanyi aku chute moe, sikmang'ta kiba karti? Kilee nyone ku kitilil jeso amitwogik togol.20 Aku kile, " Kiy nyi mong'une chii ku nymuche kinyere chii. 21 Amu mong'une ariit, mu muguleitab chii, kapkotutek cha yachen: soksee, chorso, barisye, ibetapgei, 22 Kasetab myat, yaityo, lambach, magee nya ngaya, kong' ngaya, ng'alek chayachen, menote, ako berberyo. 23 Mong'une ariit tukuchwechu togol yachen akinyere chii."24 King'eet kinyenda mu woline akuwo akoi tabanwegb Tiro ako Sidon. Kiwo goot aka akima mach kinai chii, aku kimamuch kuwinyak. 25 Mu sainone, kinegas chepyose aka nyi kitinye jeptanyi nyomining' nyi kikanam tamirmirye nyangaya, kuwo akubutyi kelyekji. 26 Kibo Yunanik hcepyosonone, nyi kibunu koretab Uropoenike. Aku kisoom kinyenda kile kuoon oinde mu jeptanyi.27 Kileji kinyenda, "Ngebai lagok kirok amu masikjini kenam amitwogikab lagok akewirji sikaiyei." 28 Aku kiwolji kinyenda kileji, Ee, kiptaiyande, akob sikaiyei kichega kwome amitwogik chibo lagok chi tirndoi mu kuriretab mese.29 Kileji anyu chepyosonone, "Ui anyu amu ng'olyondoni; kamang'une oinde jeptang'ung'. 30 Kiwo anyuchepyosonone goonyi akinyoru lakwe kurwe munkitok, kikakimong'une oinde.31 Kimang'ta kinyile mu tabanwegab Tiro akiwo kuweer Sidon akoi kiit araraita nyibo Galilaya mu tabandap Dekapolis. 32 Kemityi kinyenda chii nyile cheminy akitogol koot; kisoom kile kugonor kinyenda eunyi.33 Kumit chichone kuwo taban mu wolo mi tuye, akuchuukta morinekji itiikab chichone, neityo kung'utyi akitwai ng'alyaptanyi. 34 Kimarar kipsengwet, kumbuus akileji, "Epeta!" Nyone ku, "Yatage" 35 Mu yone anyu, kiyotegiis itiikji akutyachak ng'alyaptanyi, aking'alal kikaram.36 Aking'at kichega kile kiti mo mwoji chii, aku kinetas king'at kichega, kitas anyu biichoche kimwaitata. 37 Kikwong'io kisob kisiir kibere, "Kikwaiy tuguk togol kikaram ; kanye kigasta akob cheming'otin aking'alal chi namotin koot."
81 Mu betusiechoche, nyi kimi kinyile tuye nyo ou, akimatinye kiy nyoome. Kuguur Jeso alamalyenyi kika wolo mi kinyenda akileji, 2 Arire tuye amu kakitabi kiboto ra mu beusyek somok aki matinye kiy nyoome. 3 Aku ngitang'unda kiba woldong'wang' kimaam kiy, kumuche kimistoi mu are; akibunu alak wolo lou. 4 Kuwolji kasubikji kile, "Muche kinyorji ano chii makatin mu emoni suurkwen chi muuche kibae biichu kitibiyong'nyo?"5 Kitebe kichega kileji, "Atinye makatiak ata? Kile tisop. 6 King'at tuye kitebi ng'wony. Kinam makatinachoche tisop, kugoito kongoi, akibutil, akugoji alamalyenyi sikugoji taitang'wang' sikigoji tuye.7 Aku kitinye kinyile samakinak chomengechen kongering' aku kinekakiberur, king'at kugoji choche taing'wang'. 8 Kiomisyo anyu kitibiyong'nyo; aku kiyum katugnik aku kiyam karebotinak tisop. v 9 Ki biich chi wolo bo elupusyek ang'wan. Kitagta anyu kibejigei. 10 Kineityo anyu kilany maingetab beek kiboto alamalyenyi, kiba kamastab Dalmanuta.11 Aku kipka Parisaik akutou kugwingwiny kinyendakimache kaborune nyi bunu kipsengwet, kutyeme kinyenda. 12 Kumbus nyo nyigis mu tamirmiryenyi, akile, "Amunee sikiwese abeni kaboruno? Amwowol kisob ale, ma akoi kegoji abeni kaboruno. 13 Aku kimete kichega, akilany maingetab beek kinyile akilang'ta tenge aka.14 Aku kiyutye kichega kuib makatinak. Kimakitinye kiy mu mainge kibate makatiande agenga kityo. 15 Aku kitigon kichega kileji, " Aribegei biitekab Parisik ako biitekab Herod."16 Aku king'oljigei kichega , kibere makitinye makatinak. 17 Aku kine nai Jeso, kileji, "Kainee sonyinyisot amu motinye makatinak? Tomo anai kiy nde moguisot? Tikitogolen muguleiwekwok?18 Atinye konyek , akimomarartoi? Akotinye itiik, Mogostoi? 19 Bani kiabutilji makatinak muut biiko eluusiekmut, ku kikiim karebotinwek ata chibo katuganik?"20 Ako tisop mu biiko elupusiek ang'wan, ata karebotinwek chi kinyiy chi kiayimikwe? 21 Kileji, " Tomo aguiye?"22 Kipa akoi Betsaida. Aku kimityi biiko kinyenda chii nyile chepkorot akisom Jeso kitiny kinyenda. 23 Kinam Jeso eutab chepkorotyondononeakimit kimang'tae kokwonone; Kinemi bani kikung'utyi konyekji akugonor eunyi kinyenda, kitebe kinyenda kileji, " Keroo kiy?"24 Kinyal barak, akile, "Arotii bich chkargei ako keet chibeti. 25 Neityo kugonor eunekji kinyile konyekji, kimararta chichone, akisoop, akuro tuguuk togol kisob. 26 Kigany Jeso kuwejigeigaa, akileji, "Kitimewo kokwe aka togol nde imwitata."27 Kuwo anyu Jeso ako alamalyenyi akoi kokwotinwekab Kaisaria Pilipu; Kinemi aree kitebe alamalyenyi kile, "Mwoe biik kile aine ng'oo? 28 Kiwolji kinyenda kile, "Bere alak iinye Johana kabotisaninde. Kimwoe alak kile, 'Elijah'. Akibere alak ii agenga nyibo maotinek."29 Kitebe kichega kileji, Ang' akwe amwoiyakwe kile aine ng'oo? Kuwolji Petero kile, "iinye Kristo." 30 King;at Jeso kichega kileji motomwoji chii akibo kinyenda.31 Kitou kuneet kichega kile, michini kinyalil weritab chi mu tugun chatya; akitai kinyenda boisiek ako tisiik cho echen, ako siriik, akebar, akinemi betutab somok king'eet. 32 Aku kimwa ng'olyondonone kutoogu. Kumit Petero kinyenda taban akutou kigar kong' kinyenda.33 Akuwechgei Jeso akimarar alamalyenyi, akikar kong' petero akile, " Ui let mu ane chesawil! Amu mepkote tuguukab Jehovah, ako tuguukab biik." 34 Kuguur anyu tuye kiboto alamalyenyi kipka olo mi kinyenda akileji kichega, " Ngiti mache chii kurupkaa, Kitaigei akusut kimurtoiyondenyi, akurupka.35 Amu aka togol nyimache kusoru sabondanyi kuboote, aku kinyenda nyiboote sabondanyi akibo anee ako logoiwek chokorornen kusoru. 36 Amu nyoru keljin nee chii kinyoru ng'wony kimugul akuboot sabondanyi? 37 Koitoi nee chii kuwale sabondanyi?38 Amu aka togol nyi chistogei mu ane kiboto ng'alekju mu abeni bo sookse ako aben nyibo tengek, kutuun chistojini kinyenda weritab chii bani kachu mu torornate nyibo aboonyi kiboto malaikain chotililen."
91 Kileji kichega, "Amwowok kisob ale, mite yu alak chi tononsoot chi machamchame kimeiywa akoi kuturo laitornatetab Jehovah kichoni mu kamuktae." 2 Kinebata betusyek lo, kumit Jeso Petero, Jakobo ako Johana kilang'ta tulwe nyo goi. Kiwalak Jeso mu taitang'wang', 3 akilelakitu ngureikji kisob kile teluji, nyimomi uninde ng'wony nyimuche kuun kile nyone.4 Kitoogu mu taitang'wang' Elijah ako Musa, king'ololsoot ako Jeso. 5 Kileji Petero Jeso, " Konetindoni, kararan kemi yweyu, ngetech koryosyek somok, nyong'ung' aka, kibo aka Musa, kibinji Elijah aka." 6 (Kimonget kiyo mwoe amu kikochol kisob.)7 Kucho bolde Kutuch kichega akumong'une boldanone ng'alale kile, "Nyi ku Werinyu, chamanenyu; agas it kinyenda!" 8 Kinemi bani kamararta mu yone kuro kamaswek togol, kimatuguro chii kimii kiboto kichega kibate Jeso kityo.9 Kinetikirogu mu tulwe barak, king'at kichega kileji kitimomwoji choo tuguk chi karo akoi kiting'eet weritab chi mu chi kikubok. 10 Ki riip ng'olyondonone akitebegei akibo kaguyetab ng'etye.11 Kitebe kichega kinyenda kile, "Amu nee sikimwoe siik kile choni Elijah kirok?" 12 Kileji kichega, "Kisb, sibe kichoni Elijah kirok si kiwech tuguk togol kile akinya. Kitapto ano anyu si kesir akibo weritab chi kele bine nyalilda nyo ou akeit kinyenda kuloku kleen? 13 Aku amwowok kile, kikicho Elicha aku kikwoiji kinyenda kiy aka togol nyi kimache kichega kile bani kikisir akibo kinyenda."14 Kinepka wolo mi alamalye, kuro tuye nyo ou kumuut kichega, aku kitepsee kinyenda alak mu siriik. 15 Kinero tuye togol kinyenda, kikwong'io kisob, kirweiyo kiba kugat kinyenda. 16 Kitebe kichega kile, " Ami atebegei nee ako kichega?"17 King'et chi aka mu tuye aiwolji kinyenda kile, " Konetindoni, kamutung' werinyu. Tinge tamirmir nyoiye kinyenda kitimong'olole. 18 Tembele kinyenda akiwirjine ng'wony, akipkone bugs kot, akinyiye kelat, akitogolit. Kiamwoji kasubikuk kuon kimong'u mu kinyenda aku mamuch." 19 Kiwolji kichega kile, " We, abeni moyene, atabe ako akwe akoi ayu? Mutwa kinyenda."20 Kumutu anyu werikai wolo mi kinyenda. Kinero oinde Jeso, kuwirta kinyenda banone kimisto. Kuwirjigei werone ng'wony akipkane buga kot. 21 Kitebe Jeso aboonyi kile, " Kitou kitabe kinyenda kile nyenyi king'ete ayu?" 22 Kiwolji kile, "Kicham kiwirtoi kinyenda kitiwirjini ambo ma' nde kuwirji mbo bei kityeme kung'om kinyenda. Nemuche iyai kiy aka togol, iriirenech akitoretech."23 Kileji Jeso, " Kele ngitimuche? Muchage kiy aka togol mu chi aka togol nyo yene." 24 Kiwach abootab werone banone kile, Ee, ayene! Toreto samuch ayan." 25 Kinero Jeso tuye kirwou wolo mi kinyenda, kikar kong' oinde kile, " Tomirmiryoni bo kimnam kot ako ming'at, kang'ating' ale, mong'u mu kinyenda, akiti maichut aritinyi kinyile."26 Kuwach oindekai akibakach kisob aku neityo kimong'u sang'. Kitabe werikai kile chi nyikima, kitile chatya,"Kikima kinyenda." 27 Kinam Jeso eunyi akikalab barak, king'eet werigai.28 Kinecho Jeso kot, kitebe kasubukji mu ung'ot kile, " Kikaine si makimuchiche Leon?" 29 Kileji kichega, "Kiy nyile nyenyi kimokumuche keon kibate mu saet."30 Kimang'ta mu woline kuweer Galilaya. Kimo mache kinai chi wolo mito, 31amu kimi kinete kasubikji. Kileji kichega, "Kigoitoi weritab chi mu eunekab biik akebar kinyenda. Bani kikebar, king'eet kinyile mu betuab somok." 32 Aku kinanai ng'olyondonienyi aku kiywei kiteeb kinyenda.33 Kipka agoi Kapernaum. Bani kakuchut ko kiteeb kichega kile, "Nee kiyi amikwe ang'olole mu are?" 34 Aku kisiisyo. Amu kitebegei kichega mu are kibere ng'o nyo ou. 35 Kitabe ng'wony akiguur taman ak aeny togol akileji, "Ngiti mache chi si kiloku nyibo tai, kiloku nyibo let mu togol akibaisyeji togol."36 Kinam lakwa kamining' akigoji taing'wang'. Kikalap mu eunekji akileji kichega, 37 "Aka togol nyitooje aka mu lokochu mengechen mu kainenyu, ku kataacha; aku aka togol nyi toocho ku mataachane aku kataach kinyenda nyikiyokwo."38 Kileji Johana kinyenda, "Konetindoni, kaguroo chii kuone oik mu kaineng'ung' ketaye, amu kimarubech." 39Aku kileji Jeso, " Kitimataye; amu momi chii nyo iye boisio nyimobo kimnate mu kainenyu, akumuch kikwarkwar kimng'a kiy nyangaya akibo anee.40 amu kinyenda nyimakartech kinyonyoo. 41 Amu aka togol nyi konok beek mu kukomba aiyee amu abakwe Kristo, amwowok kisob ale, mabatyini melekatanyi.42 Amu aka togol nyi nyere aka mu chwechu mengechen chi yono, ku kaikai mu kinyenda keratyi gatinyi koiba bai nyo ou akewirji araraita. 43 Aku ne nyerening' eung'ung' itil. Kaikai mu kinyee imon'ji sabonda ii chemugung', kisiir itinye eunek aeny akiwo aretab maat, maat nyi ma nuchage. 44wolo mo boku kotikwak akimanuchege maat.45 Akinenyerening' keldong'ung', itil. Amu kaikai mu kinyee imong'ji sabondo ibo kel agenga, kisiir kewirjing' Geena ibo kelyek aeny. 46 wolo mo bogu kuikwak akima nuchage.47 Akinenyerening' kong'tang'ung', ibolu. Kaikai mu kinye iit laitornatetab Jehovah ibo kong' agenga, kisiir kewirjing' Geena itinye konyek aeny. 48 wolo mobogu kutikwak, akimonuchage maat.49 Amu chii aka togol kegojine chumbiik mu maat. 50 kororneen chumbiik, akune kakubet anyinyindab chumbiik, kwoitoi nee sikuchomu chumbi kinyile? Ngitabe chumbiik mugulitang'wong' akotabe mu kalya akwega mu akwega."
101 King'eet anyu Jeso mu woline akiwo akoi tabanwekab Judea ako tengetab Jordan. Kiyumjige kinyenda tuyosyek kinyile. Aku kineet kichega kinyile kile bani kicham kwoiye. 2 Kipkonji kinyenda Parisaik kutyeme kile, " Ibere chamtayat mu ngatutek kuon chii chepyosenyi?" 3 Kiwolji Jeso kileji, " King'atak musa kile nee?" 4 Kuwolu kile, "Kicham Musa kesir sire nyibo besyot si kuon kuwo."5 Aku kileji Jeso kichega, "amu togolindab Muguleiywekwok ku kisirwak Musa ng'atutyonone. 6 Aku king'ete taune nya kikwai ng'wony, ku kiaiy Jehova kichega muren ako chepyoso.7 Amu ngolyondonienyi, kibagoktoi chii aboonyi ako kamenyi akinamgei ako chepyosenyi; 8 akuloku choche aeny borto agenga. Si maku aeny akuloku borto agenga. 9 Choch anyu kikutuyo Jehova, kiti mabesyo chii."10 Bani kimi go kitebe alamalyenyi akibo ng'olyodonienyi. 11 Kileji kichega, " Chii aka togol nyione chepyosenyi akuip aka, ku kibaigeya. 12 Ambo chepyosa kinyile neon bondenyi akuipgei ako boonde aka, ku chebaigeiya."13 Aku neityo kemityi kinyenda lakoi chomengechen, si neityo kitiiny kichega, aku kigar kong' alamalyenyi kichega. 14 Aku bani kinai Jwso, kinarech akileji kichega, "Achamji lakok cho mengechen kipkonjo; kitimatye kichega, amu bo baunatetab kipsengwet cho le chu.15 Amwowok kisob ale, chi aka togol nyi motoche baunatetab Jehovah kile lakwa nyo mining' kimochute woline matiny. 16 Kikalab lagok mu eunekji akuberur akukonor eunekji kichega.17 Bani katou bandanyi, kilobotyi chito aka kinyenda akugutung'ji, akitebee kile, " Konetindoni kararan, aiyane nee sonyoru sabondab koigeny? 18 Kileji Jeso, "Amu nee sikureno nyakararan? Momi chii nyakararan kibate Jehovah kityo. 19 Inget ng'atutek, Matirumisye, amoipkei, kitimechorso, kitimmwaitaye chii lambach, kitimeng'olse, konyit aboong'ung' ako kameng'ung'."20 Kileji chikai, "Konetindoni, kioriip tuguchwechu king'ete kitomining'." 21 Kimarar Jeso kinyenda akicham. Akileji kinyenda, "Kong'otung' kiy agenga kityo mu kinye. Ui alde tuguuk togol chaitinye akigoji kibananok, si nyoru mogornate mu kipsengwet, akichoo irupka. 22 aku kigarer met mu ng'olyondonone akuwechigei kuimatogei amu kitinye kinyenda tuguuk chatya.23 Kuro Jeso kamaswek togol akileji alamalyenyi, " Koroom nyatyana mu biich chole mogoro kimong'ji baunatetab Jehovah!" 24 Kukwong'io alamalyenyi mu ng'alekji. Aku kileji Jeso kinyile, "Lagochu, korom nyatyana kemong'ji baunatetab Kauktainde! 25 Kaigai ambo mu tambus kuchut kong'tab sindanu kisiir kumong'ji mogoryo baunatetab Jehovah."26 Kukwong'io kichega kisob akilejigei, "Ara ng'oo nyikisoru?" 27 Kimarar Jeso kichega akile, " Mu biich ku momuchage, aku mo mu Jehovah. Amu muchage kiy aka togol mu Jehovah." 28 Kutou Petero king'ololji kinyenda kile, " Roo kira, kikematache kiy ak togol akerupung'."29 Kileji Jeso, "Amwowok kisob ale, momi chii nyikikimete got nde werikwak nde ku tibikwak nde ku yonyi nde abonyi nde lagokyi nde mbarenyi akibo ane ako logoi chokorornen 30 nyi monyoru kinyil bogol ra mu kenyisyechu: Goriik, ako weriik, ako tibiik, ako yootinek, ako lagook, ako mbaretinak, kiboto nyalilwogik, ako mu betusyek chi pkoni, sabonda nyibo koigeny. 31 Amu chatya chibo tai kiloku chibo let, aku chibo let kuloku chibo tai."32 Kimi ichega are kibeti kilong'toi Jerusalem, aku kindoiye Jeso kichega. Kikwong'io alamalyenyi, akuyweisyo chikirupu mu let. Aku neityo kumit Jeso taman ak aeny taban kinyile akitou kimwoji kiyo aiyege mu kinyenda kilegit. 33 "Aroo, kibeti kelong'toi Jerusalem, aku kigojini weritab chii eunekab tisiik cho echen ako siriik. Akerwogji kirogee nyibo mei akegoji eunekab bororyosiek. 34 Sikimuul kinyenda, akeng'utyi, akebir kinyenda, akegeet kinyenda. Aku nemi betutab somok king'eet."35 Kiriikji kinyenda Jakobo ako johana werikab Zebedi akileji, " Konetindoni, kimaching iaiywech kiy aka togol nyakisoming,." 36 kileji , "Amache aiiwak nee?" 37 Kilji, "Koneech ketebi aka eung'ung' nyibo tai ako aka eung'ung' nyibo katam."38 Kuwolji Jeso kichega kile, " Mongetikwe kiyo asome. Amuchakwe ayaee kukombe nyo aiyeene nde kebatisanak mu kabatisane nyiki botisaneno?" 39 Kileji, "Kumuche." 40 Aku ketebi eunyu nyibo tai nde nyibo let ku ma anee nyigoitoi, aku bo kichega chi kikechapji."41 Aku kinegas alamalaik chu tamanu, kitou kinerekji Jakobo ako Johana. 42 Kuguur Jeso kichega kipka wolo mi kinyenda akileji, " Onget so ole kichega chi kiite kele boyu bororyosiek, kiboyu kichega, aku kichega chile kiptainak kityame kundiji kichega.43 Aku ma le yone mu akwe. Chi aka togol nyi makjinigei kuloku nyo ou mu akwe, ku akoi kiloku kiboityondeng'wong'. 44 Aku chii aka togol nyimakjinigei kiloku nyibo tai mu akwe ku akoi kiloku kiboityondo chitogol. 45 Amu kimocho weritab chii sikebaisyeji, aku kicho sikiboisyo, akugoita sabondanyi kiloku kiy nyikitiyegei chatya."46 Kipka akoi Jeriko. Bani kimang'tae Jeriko ako alamalyenyi kiboto tuye nyo ou, ku itabe mu aree taban Bartimayo weritab Timayo, kipkarotyo nyokisoomse. 47 aku kinegas kile Jeso nyibo nasaret, kitou kiwaach akile, "Jeso, Weritab Daudi, rirena!" 48 Kugar kong biko chatya kileji kisiis. Aku kitas tai kuwach akoi kile , "Jeso weritab Daudi, rirena!"49 Kitonoon Jeso aking'at kegur kinyenda. kuguur anyu kipkorotyonde akileji, "Nyikanitu! Aking'eet kakuguring' kinyenda." 50 Kuwirji taban nguryenyi akuchulgei akuwo wolo mi jeso.51 Kuwolji Jeso kinyenda akile, "imeche aiyung' nee?" Kile, "Raboni, amache amararta." 52 Kileji Jeso kinyenda, " Ui bandang'ung', kikusobing' kayaneng'ung'." Kimararta anyu banone akitou kirip kinyenda mu aree.
111 Bani kipka akoi Jerusalem, kiriigu Petpage ako Betany mu tulwetab yemitek, kuyokto Jeso kasubikji aeny, 2 akileji kichega, "Aba akoi kokwe nyami tabanunyo. Bani kait woline, anyoru warwap sigiryo nyi tomo kilany chii. Atyach akamutwa.3 Netebak chii kile kainee sa aiiy kile nyenyi? oleji mache kiptaiyande akeweku akoi yweyu kinyile.4 Kiba anyu akinyoru warwetab sigirye kiratat mu sang' nyibo kobor, mu wolo besyot aree, kityaach. 5 Kitebe biko alak che kitononsoot mu yune kileji, "Omi oiye nee, ngotyoche warwetab sigiryo?" 6 Kimwoji kichega kile bani kimwoji Jeso; aku king'unda bichoche kichega kibejigei.7 Kirong'u anyu warwetab sigirye kicho wolo mi Jeso, akiitoji ngureikwak sigirye; akitabe Jeso sigiryonone. 8 Akiito biko chatya nguraikwak mu aree; akugoji alak tamenikab ketik chekitile mu mbaren. 9 Akimwoyote mu koote nyo ou chokindoe ako chekirupe kibere, "Hosana! Berurot kinyenda nyi joni mu kainetab Kiptaiyande. 10 Berurot laitornate nyi joni nyibo kwandanyo Daudi. Hosana mu wolo toror kisob!"11 Aku kimongji Jerusalem, akuwo hekalu ariit, aku kinemi bani kakurototo tuguuk togol, aku kikakuloku kasaleny, kuwo anyu Betania kiboto taman ak aeny. 12 Akinemong'u kichega karon mu Betania, kwam ruba kinyenda.13 Aku kinero mogoiywo muwolo lou nyakitinye sageek, kucho, kibere nteme ngaap kinyorji kiy. Akineit yone mi ketone, kimonyorji kiy kibate sageek kibat, amu kitomo kiit betu nyo rursoot logoekab mogoiyonik. 14 Kileji ketone, "King'ete rani ku makwomening' chii logoi akoi koigeny". Aku kigase kasubikji.15 Kipka akoi Jerusalem: akiwo Hekalu ariit, akitou kuoon cho kialdoisye ako chokiolisye mu Hekalu, akikobui mesosyek chibo wlikab chepkondokako ng'achorosyek chibo chekioldoi cheptugenik. 16 akimachamji chii aka togol kibun Hekalu kiibe kiy.17 Aku kineet kichega kile, "Kikisir kele, 'Konyu ku gotab saet nyibo korotinwek togol!' Aku kikaiykwe kuloku kabenetab sarik. 18 aku kigas tisiik cho echen ako siriik , akiwas wolo bartoi kinyenda, amu kika kukwong' tuiye kimugul akibo konetisyenyi. 19 Aku kineloku kasaleny kimang'ta mu nganase.20 Aku kinemibani siirtoi kichega karon, kuro mogoiywekai ku kakiyaam akoi tikitakji. 21 Kipkaat anyu Petero, kileji, "Konetindoni, kairoo, kikiyam mogoiywekai kebane."22 Kiwolji jeso kileji, Ayan Kamuktainde. 23 Amwowok kisob ale, chii aka togol nyi lejini tulwoni, 'kany keng'usung' akewirjing araraita,' kimasajage mumuguleitanyi, akuyan kile suldoi tuguuk chi kamwa, kunyoru tuguchoche.24 Nyone ayu amwowok ale, kiy aka togol nyo osome mu saet, ayan ole kaatach, akonyoru. 25 Aku ngitinye chii ng'olyo, bani atononsot asoe, anyoiji gaat, sikinyoiywok gaat lelutekwok Aboong'wong' nyami kipsengwet." 26 Aku ngitimonyoiji gaat akwega, kimanyoiwook gaat lelutakwok Aboong'wong' nyami kipsengwet.27 Aku kipka kinyile Jerusalem; aku kinemi bani kitikuweti mu Hekalu, kipkonji kinyenda tisiik cho echen, ako siriik, ako boisiek. 28 akitebee kinyenda kile, "Nee kimnatoni nyi iiye tuguchu? Nde ng'oo nyigoning' kimnatoni iiye tuguuchu?"29 Kileji Jeso kichega, "atebenok ambo anenda ng'olyo agenga, akowolwo, somwowok kimnate nyo aiiye tuguchwechu. 30 Ibere kibunu kabatisanetab Johana kipsangwet nde kibunu biich? Awolwo."31 Aku kitebegei kichega bungo kile, "Ngele kibunu kipsengwet, kile kinyenda, 'kwai nee anyu simayan?' 32 Aku ngele kibunu biiko, amu kiywai kichega biiko, amu kikakuyan biiko togol kile ki maotyo Johana kisob. 33 Kuwolji Jeso kileji , "Makunget." Kileji Jeso anyu, 'Mamwowok ambo anenda kimnate nyo aiye tuguchoche."
121 Aku kitou kuneet kichega mu kalewenaik kile, " kimiinji chito aka sabibu mbare, aku ng'oot, akibal kabene wolo kinyabire sabibuk, akiteech got nyagoi, akimotoji meeik , akiwo koree aka. 2 Akineit betusyekab kasisyo, kuyokto otwoginde kuwo wolo mi meik, si neityo kunyorji meichoche logoekab mbare nyibo sabibu. 3 Kenam kinyenda akebir akeon kinyenda kuwo kileen.4 Kuyokto kinyile otwoginde aka, kebir kinyile metinyi, akitawer. 5 Akuyokto aka kinyile, kibar kinyenda, kuyokto alak chatya; kebir alak, kebar alak.6 Kitikitinye anyu agenga, nyone ku werinyi nyakichamat. Kiyokto kinyenda mu let kuwo wolo mi kichega kile, "konyite werinyu." 7 King'ololjigei meichoche kile, 'Nyenyi nyi name tuguuk, apka kebar kinyenda si kendiiy tuguuk.'8 Kinam kinyenda akibar, akiwirta kimang'ta mu mbaretab sabibuk. 9 Aye nee anyu chito nyibo mbaretab sabibu? choni anyu kibare meichohe akimatyi meik alak mbaranone bo sabibu.10 Na asoman sirutichu, "Koita nyakitai teekik, ku kikwai nyone kuloku matitab luuita*. 11 Kibunu ng'olyondoni Kiptaiyande, aku kwong'ut mu konyekjo?" 12 Aku kiwase wolo namtoi kinyenda, aku kiywai tuye, amu kinai kile kamwa kalewenoni akibo kichega; aku kibagakta kinyenda akibejigei.13 Aku kikiyokji parisaik alak chibo Herodik, sikitekane ng'alekji. 14 Ku kinepka kileji kinyenda, "Konetindoni, kuunget kele ibo iman, akimeite chii aka togol, amu meroti itoon nyibo chii, aku ineete kisob areetab Jehovah. Ibere chamtoi ng'atutek kegoji kodi Kaisari nde machamtoi? 15 Kigoita nde olo? Aku kinai kinyenda chombilenywa.Akileji kichega, " Amunee satyama? Akono kira dinariande saroo."16 Aku kiipchi. Kileji kichega, "Bo ng'oo itoondoni ako siraani?" Kileji "Bo Kaisari". 17 Kileji Jeso kichega, "Ogoji Kaisari tuguuk chibo Kaisari, akogoji Cheptailel Chibo Cheptailel". Aku kikwong'io kisob akubo kinyenda.18 Aku kipkonji kinyenda Sadukaik, chimwoe kile, momi ng'etye, akitebe kinyenda kile, 19 Konetindoni, kisirwech Musa kile, "Ngitima weritambo chii akimete chepyosenyi, akimosich lakwa, kundiy wering'wang' chepyosonone, sineityo kuloiji ma' wering'wang'.20 Kimi werik tisabu chekitupcho: akuobisyo weri nyo ou, kima akimosich lakwa; 21 Aku kindiiy weri nyibo aeny, akima kimosich lakwa; aku kiaiy kile nyone ambo mu nyibo somok. 22 Aku kimachone lakwa kichega togol ki tisab. Nyibo let kima ambo chepyosekai. 23 Nemi kayain betutab ng'etye kubinjini ng'oo chepyosekai? Amu kikibinji choche tisap."24 Aku kileji Jeso kichega, "Ma nyone nyikigonk aleel, amu monget sirutek nde ku kimnatetab cheptailel? 25Amu nemi tuun neng'etyo kichega kimong'u mu che kikubok, kimakutunisyo akimaketune, amu tabisoot kile malaikain mu kipsengwet.26 Aku akibo biiko chekikubok kebere tuun ng'etsoot ku tomo asoman mu kitabutab Musa, mu wolo kimi keti nyakilaye, kile bani kimwoji cheptailel kinyenda kileji, Ai Ceptailelitab Abraham, aku aii Cheptailelitam Isak, aku aii Cheptailel nyibo Jakobo?" 27 Kinyenda ku ma Cheptailelitab chekikubok, aku bo chi sapsoot. Kialelikwe kisob."28 Aku kicho aka mu siriik, akigas kitebegei, aku kinenai kile kiwolji kichega kikaram, kitebe kinyenda kile, "Nyono ng'atutye nyibo tai mu togol?" 29 Kiwolji Jeso kileji, Nyibo tai ku nyi; "Agas ee Israel, Kiptaiyat Cheptaile nyitoror ku kiptaiyande agenga. 30 Cham Cheptaileling'ung' mu muguleitang'ung' togol, ako mu sabondang'ung' togol, ako mu ng'omnateng'ung' togol, ako mu kimnateng'ung' togol. 31 Nyibo aeny ku nyi, 'Cham chiitab kokweng'ung' kile wolo ichamtogei. Momito ng'atutye aka nyo ou kisiir chu."32 Aku kileji siriinde, Man konetindoni, kikimwa kikaram kile kinyenda ku agenga; akimomi aka kibate kinyenda. 33 aku ngacham kinyenda mu muguleitang'wong' togol, ako mu nae togol, ako mu kimnate togol, aku acham chitab kokwe kile bani achamtogei, kusiire choche kagojinaik chikibele ako tisaiwek. 34 aku kinero Jeso kile kakuwolu mu ng'omnate, kileji, "Makilou mu laitornatetab Cheptailel." Aku matikikany chii kitebe ng'olyo aka togol.35 Aku kinemi bani kinetisyo mu Hekalu, kimwa kile, "Kaine sikimwoe siriik kibere Kristo ku Weritab Daudi? 36 Kimwa Daudi kinyenda mu tamirmirye nyotilil kile, Kimwaji Kiptaiyat kiptaiyandenyu kile, "Tabe eunyu nyibo tai, akoi agoji bunikuk keldebesaikab kelyekju.'" 37 "Kuree anyu Daudi kinyenda kiptaiyat; kulagundoi ano anyu Werinyi? Aku kigas it anyu kinyenda tuye nyo ou.38 Aku mu konetisyenyi, kileji Jeso kichega, Aribegei siriik chi chame kibetote kuloche nguraik cho koen ako torokse mu wolo kyoldoisye, 39 ako ng'achorosyek chibo tai mu kanisosyek ako kamaswek chibo tai mu tumwek. 40 akisare mosogik gorikwak, usoe sautek chokoenkung'olse; nyoru biichu kirwoge nyo ou kisiir.41 Aku kitabe kitakjinigei wolokiyumjini tuguuk chakigotoi, kuuro wolo koitoi tuye sendeisyek wolo kiyumjini; aku kigoji mogorek alak sendeisyek chatya. Aku kicho mosoge aka nye ki kibanania, akugoita sendeisyek aeny chi aechinyo ako chepkonda agenga.43 Kugur kasubikji anyu kipka wolo mi kinyenda akileji, "amwowok Kisob ale, kkugoita mosogoni le kibanania chi sire chi kakugoita biiko togol chigojini tugukwak wolo kiyumjini. 44 Amu kakugoita kichega tuguuk chibo chang'indab tugukwak; aku kakugoita mosogani chebo banandanyi togol chekitinye, ambo cha kasabe."
131 Aku kinemi bani mang'toi Jesu mu Hekalu, kileji agenga mu kasubikji, "konetindoni, roo, kororindab koichu, ako kororindab goriichu!" 2 Kiwolji Jeso kinyenda kileji, "Irooti goriichu koen? Mo tuun ng'otu koita agenga mu baragutab aa, nyi matuun kewirjini ng'wony."3 Aku bani kitikitabe ng'wony mu tulwetab yemitek wolo takjinigei ako Hekalu, kitebe Petero, ako Jakobo,ako Johana, ako Andrea kimi kichega bungo kile, 4 "Mwowech, ayakisoot tugchu ayu? Aku nee kaborune nyiboru kile kakiriiku kusulda tuguuchu togol?"5 Kutou Jeso kileji, "Aripgei si mabotok chii. 6 Pkoni kayain chatya mu kainenyu, kibere aii kinyenda! Akubot chatya.7 Aku ngagas akubo lugosiek ako ng'alek akibo boryosiek, kutumocholyo; amu kasikji kwoiyagis kile nyone aku tomo kuit kabogune. 8 Amu setyine kore aka kore aka, aku setyine laitrnate akalaitornate aka. Akucho kiprong'rong mu kamaswek alak; akucho rubosyek . Tuguchwechu ku taune nyibo ng'wonin.9 "Aku ariipgei akwega amu tuun kimitok kapkirwok, akebirok mu kanisosiek, akatononye mu taitab bunik ako laitorinak akibo anee, sikiloku baornat mu kichega. 10 Aku kasikji si keamta logoi chokororoneen kuityi korotinwek togol.11 Aku bani kakiratak akugochik eunekab biiko, itimagarer met akubo kiyo amwoe, aku kiy aka togol nyikigonok sainone, ku nyone nya amwoe amu ma akwe cho ang'olole aku tamirmirye nyotilil. 12 Akwalda chii wering'wang' kebar, akwalda aboi lakwenyi, akung'eetyi lagok sigikwak akugoita kebar. 13 Akusasak biiko togol akubo kainenyu. Aku kichega cho muitoi akoi let kesoruu.14 Aku tuun ngaroo kiy nyakuweche nyibo ng'emisyo ketonone wolomatonone ( kany kinai chii nyasomane), ngurwoichi anyu chami Judea tulonik: 15 Aku kitima roku chii nyami goot barak nde kunemu kiy nyami go, 16 Akutu mawechgei chii nyami mbar kuwo kuip nguryenyi.17 Aku Pwo mu kichega chi tomono ako kichega chetinye lagok chirersoot mu betusyechoche! 18 Aku asai si ma nemi kayain kwoyagis mu betutab kaitityo. 19 Amu loku nyalilda mu betusyechoche, che kitomo kuloku kile nyone, king'ete taunetab ayetab ng'wony, nyaki aiy cheptailel, akoi rani, akumaku ayekisye kile nyone kinyile akoi. 20 Aku nda kimatil kiptaiyande betusyek kunwogitu kitamakisaru chii, aku kitil betusyek amu cho lewenotin cha kikelewen.21 Aku ngulechok chii mu betusyochoche, aroo, onyi Kristu mi woli, nde, roo mi wolii, ku kitimayan. 22 Amu pkoni kristoik chibo lambach, ako maotik cibo lambach, akubortoi kaborunoik ako kwong'utek si kubeet, ambo cho lewenotin nemuchage. 23 Ariipse anyu. Kasip amwowok tuguuk togol.24 Aku mu betusyechoche ne kakibata nyalildanone, kuimen asista, akima kukwenye arawa. 25 Chunu kogelik mu barak, akutumtumekisyo kimnatosyek che mi kipsengwet. 26 Aku neityo kuuro weritab chii kuchoni mu bolik mu kimnate nyo ou kiboto tililindo. 27 Aku neityo kuyogu malaikanakji, akuyum togol chi lewenotin kubunu usonik ang'wan, king'ete tabandab ng'wony akoi tabndab kipsengwet.28 Anetegei kalewenetab mogoiywo, bani kaking'arng'aritu tamenik, akung'etyo sageek, anai kile kakiriigu kasisye. 29 Lee nyone ambo mu akwe, ngaroo tuguchu kwoiyekisoot, anai kile kakuriigu kinyenda, mi kirgotik.30 Amwowok kisob kile, masirtoi abendani kitomo kusulda tuguuchwechu togol. 31 Sirtoi kipsengwet ako ng'wony, aku masirtoi ng'alekju. 32 Aku momi chii nyo nget akibo betunone nde ku sait, akob ambo malaikain mu kipsengwet, nde ku Weri, aku kibate Aboo kibat.33 Ariipse anyu, akany akosoe amu monget kile loku nee. 34 Kargei ako chii nyakimete gonyi akuwo koree aka, akigoji otwogikji kimnate, chii aka togol ako boisienyi, akung'at ribinde kuriipso.35 Ara anyu ariipse amu monget sait nyaitu chiitab kibo goot; muche ku kasaleny, nde ku kemoi kwen, nde ku saikai kachai kipsoiywo, nde ku karoon. 36 Si necho kinyachak, ki manyowok arusoot. 37 Kiyo ami amwowok ku amwochini chii togol ale, ariipse.
141 Aku kinebata betusyek aenyu, kuitu tumdab Paska ako makatinak chi magoji chii biita: aku kiwase tisiik cho echen kiboto siriik wolo meche kinam mu ng'olsee, si neityo kibar kinyenda. 2 Amu kile kichega "Kitimakany kenam kinyenda mu tumdo si ma bolyo biiko."3 Aku bani kimi jeso Betania mu gotab Simion nyakitinye mogondoi, kitikitabe mu mese, kucho chepyose aka nye kitinye chupo nyakimi mwaita nyaanyiny nyibo kamonutye nyo ou, akutui chupoinone akurongji mwaita metinyi. 4 Aku kimi alak che kinereksoot kibere, "Amu nee si kenyernyere mwaitani? 5 Amu kata yame mwaitani kealdae che sire dinarisiek bogol somok, akegoji kibananok." Aku kinyinyiiji kinyenda.6 Aku kileji Jeso, "Amete; kainee saim kinyenda? Kaiiwa boisie nyakararan. 7 Amu atinyakwe betusiek togol kibananok, aku mi woi aka togol ngamach, amuche aiji nyakararan: amu momiane sait aka togol kibotakwe. 8 Kikwai nyimuche, kasip kuil bortanyu kitomo ketupo. 9 Aku mwowok kisob ale, wolo togol wolo kiamji logoi chokororneen mu ngwony kimugul kemwoitoi ambo kiyi kaiy chepyosoni, aku loku nyenyi nyakipkote kinyenda."10 Aku kiwo Judas Iskariot, nyi aka mu taman ak aeny, wlo mi tisiik cho echen, sineityo kwoldoji kichega. 11 Aku bani kigas kichega, kibaibaitu akikasinio kegoji chepkondoi. Aku kiwas sait nyi yame kealda kinyenda.12 Aku mu betu nyibo tai nyibo makatinak chi mogoji chii biita, bani kiyenye warwetab pasaka, kitebe alamalyenyi kileji, " Imeche keba ano sikechapung' wolo iame pasaka?" 13 Aku kiyokto alamalaikji aeny kileji, " Aba akoi kokwe aku ngotuye chii nyikolopu ter nyibo bei, arup kinyenda; 14 aku wolo togol wolo mong'jini kinyenda, aleji chitap kaita, ' kele konetinde mi ano gonyu nyibo taek, wolo achoni aame tumdab pasaka kiboto alamalyenyu?15 Aku borwok kinyenda goot nyo ou nyibo barak nyi chobot akitataat, achapkech wolone " 16 Kiba anyu alamalaik, akoi kiti iit kokwe kinyoru kile bani kikakimwoji kichega, kiba anyu kichep igortab paska.17 Aku kinei kasaleny, kicho kiboto alamalaikji taman ako any. 18 Aku bani kitikimi amisyo, kile Jeso, " Amwowok kisob ale, aldoo agenga mu akwe, kinyenda nyikwomisot tuwai. 19Kutou anyu kicholyo akiteb chitokol agenga agenga kile, "Ara anee?"20 kuwolji Jeso kileji, Nyone ku agenga mu akwe taman ako aeny, kinyenda nyikinoktoi tuwai makatyande mu bokili. 21 Amu weti weritab chii kile bani sirat akibo kinyenda. Aku pwo! mu chichone nyi aldoi weritab chii. Kitakaikai ambo nde kimokisich."22 Bani kitikimi kwomisyo, kinam Jeso makatyande, akiberur, akibutul. Akugoji kichega akileji, "Anam nyi. Nyenyi ku bortanyu." 23 Kinam kigombe akimwaita kongoi, akugoji kichega, akitou kiya togol.24 kileji kichega, " Chwechu ku karatikju chibo arorutye, karatiik chi tartogei akibo chachaang'. 25 Amwowok kisob ale, mokoiyee kinyile chibo logoekab zabibuk agoi kiit betu nyo aiyee chalelachen mu baunatetab Cheptailel."26 Bani kikakukwor tyendo, kibejigei akoi tulwetab Yemitek. 27 Kileji Jeso kichega, "Kisaretok akwe togol amu kikisir kele, " Abire mastewonde sikisarat kechirek."28 Aku bani kikeng'eta, awo tai andoenak akoi Galilaya." 29 Kileji Petero kinyenda, "Ambo ntasarat togol ku ma anee nyone."30 Kileji Jeso kinyenda, "Amwaung' kisob ale, "rani kemoi ku machaye kipsoiywo nyibo aeny kimetaya kinyil somok." 31 Kimwa Petero mu kotee nyo ou kile, "Nemichini ambo kemeyo tuwai kisiir ataying'." Kimwa ambo kichega togol kile nyone.32 Kiba kitiit wolo kikure Getsemane, akileji alamalye, atab mu yu awo asa." 33 Kumit Petero ako Jakobo ako Joana. kutou kicholyo akuimgei. 34 Kileji kichega, "Imagei sabondayu nyibo mei kisob. Ang'otu mu yweyu akoriipso."35 Kuwo tai katigin, akubutyi ng'wony akisa, kile, "Ntomuchage ntasirtoeno sainyenyi. Kile, "Aboo, kwanda, Muchakisoot tuguuk togol mu kinye. Istoeno kigombani, aku ma mu chamenyu akou mu chameng'ung'."37 Kuwechgei akunyoru kichega kurusoot, akileji Petero, " Momuche ambo amarartoi mu sait agenga? 38 Aripse akasoe simonyoru tyamisye. Chame muguleito kisob aku nyalnyal borto." 39 Kuwo kinyile taban akisa, kiboisie ng'alek chakae.40 Bani kawechgei kinyile, kunyoru kchega kurusoot, amu kikakinyakisituu konyekwak. Mamuch kinai kiyo woljine kinyenda. 41 Kicho kinyile nyibo somok akileji kichega, "Aruye anyu sai amuung'nye; Kikiyam ; kikiit sait; Aroo, kagealdoji weritab chi eunekab kiptangakinek. 42 Ang'etye keba, amu kikiriigu kinyenda nyi aldoo."43 Bani kitikimi king'olole, kucho Juda, agenga mu taman ako aeny, kiboto tuye cho kitinye rotonikab chok ako kirokon, kibunu wolo mi tisiik cho echen kiboto siriik ako boisiek. 44 Aku kikakuororji aldoinde kichega kileji, "Kinyenda nyowire asak ku kinyenda nyone. Anam akamut kinyenda akoriibote." 45 Kineitu Juda, kitakjigei Jeso, akileji, "Konetondoni," Akutou kuwire asak. 46 Kenam anyu kinyenda akimit.47 Kungusu rotwenyi nyebo chok agenga mu chakitononsot mu wolo legit, akitil ititab otwogindetab tisinde nyo ou. 48 Kiwolji Jeso kileji, "Komong'u ako rotoon chibo chok ako kirokon kile biich chisetyine choriin, abka anama? 49 Kiomite kibotok betusiekije togol anetisye mu kanissiek akima anama. Aku kayak kile nyenyi sikusulda sirutye." 50 Kibakakta kichega togol kinyenda akirwei.51 King'otu mureno kibaat nyakirup Jeso nyakitinye anga nyebo katania nyakilooche. Bani kikinam Jeso, 52 kimeto angekai kiloche akilabat kileen kimetinye nguryo.53 Kumit anyu Jeso kuwo wolo kimi tisinde nyo ou; Kururukjigei kinyenda tisiik cho echen kiboto boisiek ako siriik. 54 Kirip Petero kinyenda mu wolo lou, akoi kuit chepkaterutab kootab tisinde nyo ou, akitabjigei kiboto kiplugotinek kuywe ma'.55 Kiwaas anyu tisiik cho echen kiboto kirwogik togol baornate akibo Jeso sineityo kibar. Aku manyorji kiy aka togol. 56 Amu king'et chatya kibaorian lambach akibo kinyenda aku manamgei baornateng'wang'.57 Kitou kitononyo alak akibaorian lambach kile, " 58 Kikigas kimwoe kinyenda kibere abute kanisani nyakikiteche eunek mu betu agenga akatech mu betusiek somok nyimakiteche eun." 59 Ku ambo nyone kinyile ku manamgei baornateng'wang'.60 Kitonon anyu tisiinde nyo ou mu kwenung'wang' akitebe Jeso kile, "Mewolu kiy? Nee nyi baoryanjini biichu?" 61 Aku kisiis kimowolu kiy. Kitebe kinyile tisinde nyo ou kile, " Iinye Kristu weritab nyaberurot?" 62 Kileji Jeso aii; aku tuun kayain arooti weritab chii kitabee eutab tai nyibo kamuktae kichooni mu boolik chebo kipsengwet."63 Kikareer nguraikji tisiinde nyo ou kibere, tikemage nee baorinak alak? 64 kikagas ngalek cha yachen chi mwoye: apkotakwe nee?" Kurwokji togol kile nyoljine mee. 65 Kitou alak kung'utyi kinyenda akutuch togenyi, akuluch, akileji, "Ngoorse" Kinam kinyenda ribiik akirabach.66 Aku bani kiti kimi petero wolibo chepkater ngwony, kicho aka mu tibiik chi otwogikab tisiinde nyo ou wolo mi kinyenda. 67 Aku kinero Petero kuywee ma', Kimisyi kong' akileji, "Kimi ambo kinyende ako Nazaretindoni, Jeso?" 68 Kitai Petero kile, "Monget akumomuche ambo anai kiyo imwoe." Aki mang'ta kuwo chepkater; Aku kichai anyu kipsoiywe.69 Kimarar anyu cheptonone kinyenda akutou kimwoji cho kitononsot kileji, "Agenga nyenyi mu kichega." 70 Kitai kinyile. Aku nyi matyana, kileji biikai kitononsoot mu wolo kilegite petero, "nyibo kisob, ku ii agenga nyebo kichega amu ii Galilainde."71 Kutou kibanishe akisirben kile, "moget chichi amwoyakwe." 72 Aku nyi matyana kichai kipsoiywo nyibo aeny. Kupkaat anyu Petero ngolyondonone, kile bani kikakimwoji Jeso kinyenda kile, "Kitomo kichai kipsoiywo kinyil aeny, ku itayo kinyil somok." Aku bani kiipkaat ng'olyondonone, kiriir.
151 Aku neityo bani kakiyech kitat ng'alek tisiik cho echen kiboto boisiek ako siriik, ako kapkirwoge togol akirat jeso, akumut kuwo kugoji Pilato. 2 Aku kitebe Pilato kile, "Ara ii nye Laitoriandetab Yahudik?" Kuwolji kileji, "Kikimwanye." 3 Kutou kutaam kinyenda tisiik cho echen mu tuguuk chatya.4 Kitebe kinyile Pilato kile, "Mewolu kiy? Rokee tuguuk chatya chakamwaitanening' biichu." Kisiisyigei Jeso matukuwolu ng'olio kitikwong' Pilato.6 Aku kicham kutyokyini biich pilato kimonjororyonde agenga mu betutab tumdo, aka togol nyakasom kichega. 7 Aku kimi chiitake nyakikure Baraba nyakiratat kiboto kichega chekikimwaitae chomso, kichega chekikakubarisho mu chamsonone. 8 Kilangta biiko kiba wolo mito Pilato kiba kisoom kile wolo kicham kwoye tai.9 Kuwolji Pilato kileji, "Ara amache atyokwok Laitoriandetab Yahudi?" 10 Amu kikakinai kile kigoita kinyenda tisiik cho echen amu ng'atkong'. 11 Aku kicheer tisiik cho echen biiko kileji ketyokji Baraba.12 kiteebe kinyile Pilato kileji, "Aitoi nee nyu chiichi aguure Laitoriandetab Yahudik?" 13 Kibolyo kichega kinyile kile, "Agargaat!"14 Kileji Pilato kichega, "Kainee chichi nyangaya?" Aku kibolyo kichega kiya kibere, "Agargaat kinyenda mu kimurtoiyo." 15 Amu kimache Pilato kibaibai tuiye, kutyokji kichega Baraba, akigoita Jeso ku kakebire kipchoriti sikegargaat.16 Aku kimut kinyenda kiplugotinek kuwo kapkirwok ariit, nyakigure Praitoriam, akegur kiplugotinek togol kipka. 17 Akulogji ngure nyo arus nyo birir, ako ngatietab katoi, akugoji metinyi; 18 akurou kitoroch kinyenda kile, "Kitoroching' Laitoriandetab Yahudik!"19 Kukwer metinyi mu kirokwo, akung'utyi, akugutungji kulosu kinyenda. 20 Aku bani kikumulmul kinyenda, kunguste nguryekai nyo aru nyo birir, akulokji ngureikji. akemutu kuwo sang' kugargaat mu kimurtoyonde. 21 Kibirji chitake nyakisirtoi nyakigure Simion nyebo Kirene, (abotab Aleksanda ako rupo), nyakichone kore aka, kuip kimurtoiyondetab Jeso.22 Akemut kinyenda kiwo wolo kiguree Golgota, ( mu kote aka keguree emetab Terta). 23 akegoji divaik chakikiwar ako tuguuk alak chakargei ako ikomoi, aki mataach. 24 Kigargaat kinyenda akipchaijigei nguraikji akiseer barbarek sikenai nyiteno nyaibe chii aka togol.25 Ki saitab somok bani kikigargote kinyenda. 26 Kesir ng'alek chebo kataamse mu barakunyi kele, "Laitoriandetab Yahudik." 27 Aku kikikargaat kinyenda kiboto chorik aeny, aka mu eunyi nyebo tai, ako aka mu eunyi nyebo katam. 28 (Aku kisulda siret nyakikisir kele, kikiit kinyenda kiboto kiptengekinek).29 Chi aka togol nyakisirtoi ku kimule kinyenda kibere, "Aah! Inye nyaibute hekalu akitech mu betutab somok, 30 sarugei akiwolu mu kimurtoyonde ."31 Kumuul kile nyone ambo tisiik cho echen, kiboto siriik kibere, " Kisoru alak, ko momuche kusarugei. 32 Nguwolu anyu banienyi Kristo, Laitoriandetab Israel mu kimurtoyonde, si neiyo keroo akeyan. " Akob chekikikargaat kiboto kinyenda ku kimuul kinyile.33 Kineit sait lo, kutou kutuit koree akoi sait sogol. 34 Aku kineit sait sogol, kuwaach Jeso kile, "Eloi, Eloi, Lama sabaktani?" Mu kote aka kibere, "Kamuktaindenyu, Kamuktaindenyu, amu nee sibakakta?" 35 Kinegas alak chekitononsot mu wolo kilegit, kie, "Aroo anyu mi kugure Elijah."36 Kilabat chitaka kunyiit siki sponji akiyokoitoe kirokwo akigoji kiya, akile ngutebi kile nyone. Kile chikai, "kany keroo nechoni Elijah kuchoru kucho ng'wony." 37 Kuwaach anyu Jeso mu kote nyo ou, akima. 38 Kitou kibalak ange nyekimi hekalu kipkane aeny king'ete barak akoi ng'wony.39 Aku kinero chemogetab kiplugotinek pogol, nyakitonone mu wolo legite kinyenda, kile kikima kile nyone, kile, " Ko ki weritab Kamuktainde chichi." 40 Aku kimi chepyosok chekiroti mu wolo lou: kimi kiboto kichega Maria Magdalena, Maria kametab Jakobo nyomining' ako nyebo Joses, ako Salome; 41 chekirupe akibaisyejini kinyenda bani kimito Galilaya; kiboto chepyosok alak chatya chekilong'u Jerusalemkiboto Jeso.42 Aku kineloku kaaleny, amu kibetutab chabee, amu nyone ku ki betu nyakindoune Sabato, 43 kucho Joseph nyebo Arimatea Chito nyakigonyitot nyebo kapkirwog nyakikanye ambo kinyenda Laitornatetab Kamuktainde, Akuwo kap Pilato mu nyikanate kisoom bortab Jeso. 44 Kukwong Pilato amu kikakima Jeso; kuguur kiplugotyondetab bogol, kitebe ne kikakima kuloit.45 Aku bani kikakinai pilato king'ete kiplugotyondonone, kugoji anyu Joseph borone. 46 Kuwo anyu kwal ange nyebo katani, kichoru kinyenda akitae anganonen bo katani, akugonorji kereri nyeki kakebal mu koita nyo ou; akimilji koi nyo ou kigare kirgetab kereri. 47 Aku kiroti Maria Magdalena ako Maria Kametab Joses wolo kakigoji kinyenda.
161 Aku kinesirto sabato, kwaal Maria Magdalena ako Maria Kametab Jakobo, kiboto salome, nyamtutek sikipka kiile bortab Jeso. 2 Aku kineit karoon betu nyibo tai nyibo wiki, kiitu kereri ku kakubusu asis .3 Aking'ololjinigei kibere, "Sikimildawech ng'oo koita mu kirgetab kereri?" 4 Aku kinero, ku kikakemilda koyone amu ki ou kisob.5 Bani kichut Kereri, kuro muen nyakitabe kamastab tai nyakiloche nguryo nyo leel, aku kikwong'io. 6 Kileji kichega, "Kitimokwong'io. Ami awase Jeso Nazaretinde, nyakikikargat; Kiking'eet! Makimi yu. Amararge wolo kikakugonorji kinyenda. 7 Aku aba akomwoji kasubikji ako Petero; aleji kikundoenak kuwo Galilaya, arooti kinyenda mu woline, kile bani kikakimwowok."8 Kimang'ta sang' mu kereri, akurwei amu kibotonsot akukwong'io, aku mamwoji chii kiy amu kicholyo.9 Aku kineng'eet anyu Jeso mu betutab tai nyibo wiki, kiborjigei kurook Maria Magdlena, kinyenda nyakichorune Jeso oik tisap . 10 Kiwo kimwoji kichega chekimi kiboto kinyenda bani kitikimi kichalsot akiriirsot. 11 Aku bani kigas kichega kile tikisabe, aku kiroo chepyosonone, ku kimayan.12 Kinekakibata ayu tuguchu, kiborjiei aeny mu kichega kibeti mu aree mu koree aka. Kiba anyu kimwoji chuu alak, aku mayan chuche kinyile.14 Kinebata nyone, kiborjigei taman ak aeny kitabisot mu amisye; akikar kong' mu pistoeng'wang' ako togolindab muguleiywekwak, amu kimayan kichega chekiro kinyenda king'ete bani king'eet. 15 Kileji kichega, " Aba ng'wony togol amchinote logoiwek chokororonen biiko togol. 16 Kinyenda nyoyene akebatisan kesaru, aku kinyenda nyimayane, u nemi kayain kerwogjini.17 Aku rupe kaborunoichu kichega cho yene: one oik mu kainenyu; akung'olole ngalale nyoleel; 18 name erenoi, akuneya tuguuk chokete biich ku manyoru ng'wonin nyi matiny. Konore eunekwak biich chi mnyansoot akusopcho."19 Kinemi bani kikung'alal ako kichega kiptaiyande Jeso, kemut anyu kinyenda kuwo kipsengwet, akitabe eutab tai nyibo Cheptailel. 20 Aku kiba anyu kwamta mu wolo togol, kibaisie Kiptaiyande kiboto kichega, akukimit ng'olyonde mu kaborunoik che kirube.