To view a copy of the CC BY-SA 4.0 license visit
http://creativecommons.org/licenses/by-sa/4.0/
John
11 Mu taune ku kimito ng'olyo, aku kimito ng'olyonte mu Jehovah, aku ki Jehovah ngolyonte. 2 Kimi kinyenda ako Jehovah mu taune. 3 Kiku aiy tuguk togol mu kinyenda; aku momi kiy ambo agenga nyiki biitu nyimomi kinyenda.4 Mu kinyenda ko kimi sabonda, aku sabondanone ku ki lapkeiyetab biiko. Aku kikwenye lapkeiye mu tuindo, akumamukta tuindo lapkeiyonone.6 Kicho chii nyokiyoku Jehovah nyikikugure Johana. 7 Kicho chiichone kuloku baoryande, si kubauryonji lapkeiye, si neityo kuyan biiko togol mu kinyenda. 8 Ki ma lapkeiye kinyenda , aku kicho si neityo kubaoryan akibo lapkeiyonone.9 Kimi lapkeiye nyibo ksob , nyi choni ng'wony , nyokwong'jini chii togol.10 Kimi ng'wony kinyenda, aku kikuaiy ng'wony mu kinynda, aku kimanai ng'wonyu kinyenda. 11 Kicho akubo chachii, aku kimataach kinyenda biikchi.12 Aku togol chikitaach kinyenda, ku kigoji kamuga kuloku lagokab Jehovah, kichega cho yane kainenyi, 13 che kimokisich me kereti, nde mu magetab borto, nde mu magetab chi, aku mu Jehovah.14 Aku kiloku ng'olyonde borto, aku kimong'isho kibotech. ( Ako kiguroo torornatenyi, torornate nyakargei ako nyobo nyikikisikch kiyenda kityo kubunu Aboo), kunyitat kororindo ako imanda. 15 Kibaurian Johana akibo kinyenda akuwaach, kile, " Kinyenda nyenyi amwoitoi ale, ' Kinyenda nyorupko, kuloku nyibo tai mu ane, amu kimi tai kinyenda mu ane.' "16 Amu kikitach achee togol mu kanyitenyi ako korrindo mu kororindo. 17 Amu kikugonu ng'atutye mu Musa, aku kororindo ako imanda ku kicho mu Jeso Kristo. 18 Momi chii nyikiguro Jehovah akoi, Jehova weri kityo nyiking'ong'wech nyakikisich kityo, nyami tagetab Aboo.19 Aku nyenyi ku ki baornate nyibo Johana, bani kiyoku Yahudik tisiik ako lawik wolo kimi kinyenda sikitebe kile, " Iinye ng'o?" 20 Aku king'any kinyenda, aki matai, aku king'any kile, " Moiine Kristo." 21 Aku kitebe kinyenda kile, "Ara inye ng'oo anyu? II Elijah?" Aku kile , " Mo ii kinyenda." kileji, " Ara iinye maotio?" Kuwlu kile , " Olo."22Akoi kileji anyu kinyenda, " Ara iinye ng'oo, sikemuch kewolji kichega chikiyokwech? Imwoe nee akibo kinyende?" 23 Kile, " Aii kotetab chii nyowoche mu surkwen 'Achul aretab kiptaiyande' "24 Alak anyu chekikuyoku ko ki Parisaik, 25 aku kitebe kinyenda kile, " Amune anyu sibatisanisie neme ii anyu Kristo nde ku Elijah, nde ku maotio?26 Kuwolji Johana Kichege kile, " Abotisanisie mu bei. Aku mu kwenung'wong', kuyonye chi nyimongetikwe. 27 Kinyende nyorupko, ku momuche ambo atyach borowinekab kweronikyi." 28 Kioyokisot tuguchu mu Betania mu kamasina bo Jordan, wolo kibotisanisie Johana.v 29 Mu betu nyikirupe kuro Johana Jeso kuchoni wolo kimi kinyenda kimwa kile, " Aroo, Warwab keche nyibo Cheptailel, nyoibe ng'okistab ngwony! 30 Kinyenda nyenyi nyekiomwoe kile, 'Kinyenda nyorupko ku ou kusiro, amu kimi tai mu ane.' 31 Aku kimonget kinyenda, aku sikemuch keborte kinyenda mu Israel kile kyacho abotisanisie beek."32 Kibaorian Johana kile, " Kiaroo Tamirmirye kuwolu mu kipsengwet kile cheptuge, kicho kitabe kinyenda. 33 Kimanai kinyenda, aku kinyenda nyekiyokwo abotisanisye mu bei kilejo, ' Kinyenda nyikiro Tamirmirye kuwolu akuyong'e, ku kinyenda nyibatisanisye mu Tamirmirye Nyotilil.' 34 Kiaroo aku abaoriane kile nyenyi ku Weritab Cheptailel."35 Kinyile, mu betu nyikirupe, bani kutonone Johana ako kasubikyi aeny, 36 Kuro Jeso kuwetote, kimwa kile, " Aroo, warwap keche nyibo Cheptailel!"37 Kigas kinyenda kasubikai chi aenyu kimwoe kile nyine akutou kurp Jeso. 38 Kuwechgei Jeso akuro kichega kurupe kinyenda akileji kicheg, " Amikwe awosote nee?" Kuwolu kichega kile, "Rabbi" ( nekuwech kebere "Konetin"), " Itebenye ano?" 39 Kileji kichega, " Apka aroo." Kipka anyu kuro wolo kitabee kinyenda; kitabe kiboto kinyenda betunone, amu kikakuriikta kuit sait taman.40 Agenga mu kasubichoche aeny chikikgase Johana kung'olole akurup Jeso ku ki Andrea, weritambo Simion Petero. 41 Kisip kunyoru nyabe tai wering'wng' Simion akileji, " Kikenyoruche Mesia" ( Nyinekuwech ku "Kristo"). 42 Kumutu kinyenda wolo kimito Jeso, akuro Jeso kinyenda akileji, " Iinye Simion weritab Johana. Akoi kekureing' Kepa" ( nyi nekuwech ku "Petero").43 Betu nyikirupe, bani kimache Jeso kimang'ta kuwo Galili, kunyoru Philipu akileji, "Rupka." 44 Banone nyikichone Philipu Betsaida, koroob Andrea ako Petero. 45 Kunyoru Philipu Nataniel akileji, " Kikenyoru kinyenda nyekisir Musa mu ng'atutek ako maotik: Jeso Weritab Joseph nyibo Nazaret."46 Aku kileji Nataniel kinyenda, " Muche kuchone kiy nyakararan Nazaret?" Kumwoji Philipu kinyenda kile, "Choo si roo." 47 Kinero Jeso Nataniel kichoni wolo mi kinyenda, akimwa akibo kinyenda kile, " Aroo Yahudinde kisob, nyimatinye berberye!" 48 Kileji Nataniel kinyenda, " Kenaena nee?" Kuwolji Jeso kileji, " Karoting' bani imi mogoywo kel, bani tomo kuguring' Philipu."49 Kuwolji Nataniel kile, " Rabbi, iinye Weritab Jehovah; iinye Laitoriandetab Israel!" 50 Kuwolji Jeso kinyenda kile, " Bani kolejing' ' Karoting' imi mogoywo kel, itou iyan? Tuun iroti tuguk cho echen chosire chu." 51 "Amwowok kisob kisob ale, tuun aroti kipsengwet kiyotage, ako kilonye malaikain chibo Jehovah akuchorchigei Weritab chi."
21 Mu betu nyibo somok, ku kimi katunisyo nyikimi Kana nyibo Galilaya, aku kimi woline kametab Jeso. 2 Kikakitach Jeso kiboto kasubikji mu katunisyonone.3 Kinemi bani kirarta divaik, kileji kametab Jeso kinyenda, "Makitinye kichega divaik," 4 Kileji Jeso kinyenda, "Chepyosani, Kitiyegei nee ako kinye? Tomo kuit saitinyu." 5 Kileji kame otwogik, kiy aka togol nyamwowok aaiy."6 Aku kimi woline tarenik lo cho echen chebo beek, chebo koik, kile ateptab katililetab Yahudik, u kiyame aka togol debaisiek muut nde ku lo. 7 Kileji Jeso kichega, "Anyiit beeko terenichoche." Kunyiit anyu ksob. 8 Akileji, "Asiil anyu ra akoipchi nyo ou nyebo tuumdo" Kuipchi anyu.9 Aku kinechamcham nyo ou nyibo tumdo beeko chikikuloku divai, akimanai wolo kibunu (akukinget otwogik che kasiile peek), kuguur nyo ou sande 10 akileji, "Goitoi chii togol divaik chokororeen korook, akinemi bani kikiya biiko, kugonu chima kororneen: kaigonor inyee chokororneen akoi sai."11 Taune nyenyi nyibo kaborunoikji che kiaiy Jeso mu Kana nyibo Galilaya, aku kibortoi torornatenyi, aku kiyan kinyenda alamalyenyi.12 Kinebata nyenyi kuwo Kapernaum, kiboto kamenyi ako chetupcho, ako alamalyenyi: akibeen mu woline betusiek chi matyana.13 Aku kikakiriiku pasaka nyebo Yahudik, aku kilang'ta Jeso Jerusalem . Akunyoru kitabisoot mu Hekalu chekialdoi eik, ako kechirek ako cheptugenik ako wolikab chepkondoi:15 Aku kiai siteetab anook chekisach, akuoon togol kiman'gta mu Hekalu, kiboto kechirek ako eiik, akitarta chepkondok chebo walik akugobui mesosyekwak. 16 Akileji kichega cheki aldoi cheptugenik, " Aib tuguchu kiba mu woli; Aku tumaita gotab Abonyu kuloku siro."
18 Kiwolji anyu Yahudik kileji, "Iboruech kaborune nyono, amu iyanye tuguchu?" 19 Kuwolji Jeso kile, "Abut Hekaluni aku ang'ete mu betutab somok."20 Kile anyu Yahudik, " Kikitech ache Hekaluni mu kanyisiek Artam ak lo, akiberenye ang'ete mu betusiek somok?" 21 Aku king'olole kinyenda Hekalu nyi nyone ku bortanyi. 22 Aku bani kikung'et kinyenda mu meet, kupkaat anyu alamalyenyi kile kikamwa kile nyenyi, aku kiyan kichega sirree, ako ng'olyonde nya kikamwa Jeso.23 Bani kitikimi Jerusalem mu tumdab pasaka, kuyan biiko chatya kainenyi bani kiiro kaborunoik cheki aiy. 24 Aku kimayan Jeso kichega amu kinget kichega togol, 25 aku amu kima kimage kiy chi nyabaoriane akibo chii aka; amu kinget kinyenda kiy nyami ariitab chi.31 Kimi chi nyibo Parisaik nyiki kugure Nikodemo, ki bauninde nyikibo Yahudik. 2 Kicho chichone wolo kimito Jeso kemoi, akileji, " Rabbi, kunget kele ii konetinde nyibunu Jehovah, aku momi chii nyoiye kaborunoichu iiyenye, ngiti momi Jehovah kiboto kinyenda."3 Kuwolji Jeso kile, " Amwaung' kisob ale, nemokisich chii mu sigee nyoleel, kimomuche kuro Laitornatetab Jehovah." 4 Kileji Nikodemo kinyenda, " Kisiktoi ano chii kinyile bani kikuyosiit? Muche kuwektagei moetab iyonyi sikesich kinyile?"5 Kuwolji Jeso kileji, " Amwoung' kisob ale, nemakisich chi mu beek ako Tamirmirye Nyotilil, ku momong'jini laitornatetb Jehovah. 6 Nyi kikisich mu borto ku borto, aku nyi kikisch mu Tamirmir ku Tamirmir.7 Kutumekwong' amu kamwoung' ale magaat kesichok mu sige nyolel. 8 Kuute koris wolo mache; igase tugenyi, aku memuche inai wolo chone nde ku wolo weti. Ara le nyone ambo chii nyikisiche mu Tamirmirye nyotilil."9 Kuwolu Nikodemo akileji kinyenda, " Pkondoi ano tuguchu?" 10 Kuwolji Jeso akileji, " Iinye konetindetab Israel, aku memuche inai tuguchu? 11 Amwoung' kisob ale, kiwoe kiyo kunget, akebaorian kiyo kuroti. akumoyene baornatenyo.12 Ngomwowok tuguk chibo ng'wony akumoyene ii, ara omuktoi ano ngomwowok tuguk chibo kipsengwet? 13 Momi chii nyikikulang'ta kipsengwet kibate weritab chii nyikiwolu mu kipsengwet.14 Aku kile bani kikargat Musa erene mu suurkween, ku akoi ambo kekargat weritab chii kile nyone, 15 si neityo kunyoru chii togol nyiyane kinyenda sabondab koigeny.16 Amu kicham Jehovah Ng'wony kisob, akoi kugoita werinyi nyikikisich kityo, si mabet chii aka togol nyoyene kinyenda, aku sikinyoru sabonda nyibo koigeny. 17 Amu kimoyoku Jehovah werinyi kucho kurwokji ng'wony, aku si kusoru ng'wony mu kinyenda." 18 Ma kirwogjine chii nyi yane kinyenda: aku chii nyi mayane kinyenda kerwogjine, amu mayan mu kainetab weri agenga nyibo cheptailel.19 Aku nyenyi kirwoge, amu ki chonji lapkeiye ng'wony, aku kicham biiko tuin kisiir lapkeiyo, amu kiyachen boisionikwak. 20 Amu chii aka togol nyo iiye nyangaya, ku machame lapkeiyo, aku mochoni kinyenda wolo mi lapkeiyo si motoku boisyonikji. 21 Kile nyone anyu, choni wolo mi lapkeiyo kinyenda nyo iiye imanda, si neityo keborta boisionikji kele ki aiy mu Jehovah."22 Kinebata nyone, kuwo Jeso kiboto alamalyenyi akoi koretab Judea. Aku kiben betusiek chatya mu woline kubotisanisie. 23 Aku kibotisanisye ambo Johana mu Aenon, wolo kilegite Salim, amu kimi beko chatya woline, aku kipka biiko kebatisan. 24 Amu kitomo kerat Johana mu korgore.25 Kipka anyu tebutek mu alak chibo karupikab Johana ako Yahudionde akibo katilile. 26 Kiba wolo mi Johana akileji kinyenda, " Rabbi, botisanisye kinyenda nyi kiomi tuwai mu Jordan kamasii, nyekibaoryanenye akubo kinyenda , akupkonjine kinyenda biiko togol."27 Kuwolji Johana kile, " Momuche kitaach chi kiy ne makigoji mu kipsengwet. 28 kyobaoryanji akweka bani kikamwa ale, ' mo ii Kristo', ako abere kikuyokwo andoune kinyenda.'29 Sande kinyenda nyatinye murare. Aku baibai kisob charwetab sande, nyi tonone kigase kinyenda, amu kotetab sande:suldayat anyu boiboiyenyu. 30 Magat kinyenda kitas kuyetu aku amining'ite anenda.31 Kindo kinyenda nyibunu barak kisiir togol. kinyenda nyibo ng'wony, kung'olole chibo ng'wony. Aku kinyenda nyichone kipsengwet ku kiindo kusir togol. 32 Baoryanjine kinyenda kiyo kiro ako kiyo kigas, aku momi chii nyiyane baornatenyi. 33 Kinyenda nyitoche baornatenyi ku kikugoji ng'ong'senyi kile bo iman Jehovah.34 Amu kinyenda nyiiyoku Jehovah ku ng'olole ng'alekab Jehovah. Amu mo konu kinyenda Tamirmiryenyi mu karaiwo. 35 Chame aboi weri aku kikugoji kiy aka togol eunyi. 36 Amu chi aka togol nyi yane weri kitinye sabondo nyibo koigeny, aku kinyenda nyi ma yane weri ku moroti sobon, aku tebe nerekwekab Jehovah barakunyi."
41 Kinemi bani kinai Jeso kile kikigas Parisaik kile kikwai Jeso biiko kuloku karupikji ak kubotisane chesire chibo Johana 2 (aku ki ma Jeso nyikibatisanisye, aku ki karupikji), 3 king'et mu Judea akuwo kinyile Galilaya.4 aku kimagat kubun kinyenda Samaria. 5 Kiit anyu nganasetab Samaria, nyikigure Sykar, nyilegite koore nyikigojini Jakobo werinyi Joseph.6 Aku kimi woline kebenetab bei nyibo Jakobo. Kitabe anyu Jeso wolo legite kabenetab beko amu chosindap bandanyi. Ki wolo bo sait Lo. 7 Kucho chepyoso nyibo Samaria kuram bei: kileji Jeso, "Gono bei aiya." 8 Amu kikaba karupikji nganase kwal amitwogik.9 Kileji anyu chepyosekai bo Samaria, "Katepto ano si somo bei chekiye akiinye Yahudio akoine chepyoso nyibo Samaria? (Amu kimanamagei Yahudik ako Samariek). 10 Kuwolji Jeso kileji, "Nde kenget konune nyibo Jehovah, ako kinyenda nyalejining, 'Gono bei aiya' katakakisom kinyenda aku katakakugoning' bekab sabon."11Kileji chepyosekai, " Kiptaiynde, metinye kiyo kisile beko akulou kabene. Inyorjininye ano anyu bechoche bo sabon? 12 Ii ounye kisiir aboonyache Jakobo nyikigoneche kabenoni, nyakiye kinyenda ako werikji kiboto tuukji?"13 Kuwolji Jeso kileji, "Aka togol nyaiye bechu kitikwome malal kinyile, 14 aku aka togol nyaiye beko chogojini, ki makwome malal akoi, aku loku beeko cho agojini kong'tab bei mu kinyenda, chi kuutu akoi sabondab koigeny."15 Kileji chepyosekai, " Kiptaiyande, gono bechoche si makwomo malal aku makachoni arame bei mu woli lou." 16 Kileji Jeso, "Ui akigur bondeng'ung' akapka yweyu."17 Kuwolji chepyosekai kile, "Motinye boiyo." Kileji Jeso , "Kaimwa kikaram kile metinye boiyo, 18 amu kikitabe ako boisyek muut aku kinyenda nyomi tuwai ki ma bondeng'ung'. Kiyo kaimwa kibo kisob."19 Kileji chepyosekai, " Kiptaiyandani, kikaroo ale ii maotyo. 20 Kisoe abootinakjo mu tulwoni; aku aberakwe Jerusalem ku wolo magat kisae biiko."21 Kileji Jeso kinyenda, " Yana, choni sait nyimakesoe Aboo mu tulwoni, nde ku Jerusalem. 22 Asoe akwe nyi monget, aku kisoe ache nyikunget, amu bunu yetune Yahudik.23 amu choni sait, aku kikuit ambo ra, bani soe Aboo soik chibo iman mu Tamirmirye Nyotilil ako imanda: amu wosote Aboo chi lee choche kuloku chisoe kinyenda. 24 Jehovah ku Tamirmirye, aku magat biiko chi soe kinyenda, kisa mu Tamirmirye ako imanda."25 Kileji chepyosekai, "Anget ale choni Mesia (nyikigure Kristo): necho kinyenda, kimwowech tuguuk tgol. 26 Kileji Jeso kinyenda , "Ai kinyenda nyomi ang'ololung'."27 Kipka anyu karupikji aku kikwong'io amu king'olole ako chepyoso, aki momi chi nyikimwa kile, "Wase nee?" nde "Amunee siking'alal ako kinyenda?"28 Kibakagta anyu chepyosekai tarenyi nyibo bei akuwo kokwe akimwoji biiko kile, 29 " Apka aroo chiito nyi kakimwowo tuguuk togol chi ki ai akinya. Ara Kristo nyenyi?" 30 Kimong'u anyu mu kokwe akipka wolo kimi kinyenda.31 Kinetikipkoni, kisom kasubikji kinyenda kile, "Rabbi, amisye." 32 Kileji kichega, "Atinye amitwogik cho ame chimongetikwe." 33 Kilejigei anyu karupikji, "Ara kikiipchi chii kiy nyi kaam?"34 Kileji Jeso, "Amitwogikju ku aiy magetab kinyenda nyikiyokwo, akatar boisyenyi. 35 Momwoye akwe kile, 'Tomo arawosiek ang'wanu sikiit kasisye?' Aroo, amwowok ale, amararte kira akaroo mbarenik, kikilelagitu , kikiyam kekas! 36 Kinyenda nyikase kinyoru melekto akururuch logoek chibo sabondab koigeny, si neityo kibaibaitu tuwai, kinyenda nyikole ako nyikase.37 Amu bo kisob mwayani, amu, koole aka, kikase aka. 38 Kayoktok anyu akas chimonyalilji. Kikinyalilji alak akikanam akwe togolindab boisyeng'wang'."39 Kiyan anyu kinyenda Samarinak chatya chibo kokwonone amu ng'olyondetab chepyosonone nyikibaorian kile, "Kimwowo tuguk togol chi kiaiy akinya." 40 None anyu, kinepkonji kinyenda Samariek, kisom kile kitebi kiboto kichega: akiben mu woline betusiek aeny.41 Amu kiyan alak chatyang' amu ng'olyondenyi. 42 Kileji chepyosekai, "Kiyene banienyi aku ma mu ng'olyondeng'ung' aku kikegasyigei akenget kisob kele nyenyi ku Yetindetab ng'wony.43 Aku kinebata betusychoche aenyu, king'eet mu wolone akuwo Galilaya. 44 Amu kibaorian Jeso kinyenda kile, " Matinye maotiondo tegis mu korenyi." 45 Aku kinecho anyu Galilaya, kitaach kinyenda bikab Galilaya ku kikaguro tuguk togol chi ki aiy kinyenda mu Jerusalem mu tumdo, amu kikaba kiboto kinyenda tumdo.46 Kicho anyu kinyile Kana nyio Galilaya, wolo kiwole bek kuloku divai. Aku kimi kiboityonde aka nyibo kaplaitoria nykimnyone werinyi mu Kapernaum. 47 Kinegas kile kikimong'u Jeso mu Judea kicho Galilaya, kuwo wolo mi kinyenda akusoom kuchorugei ku sobon werinyi, amu kilegit kima.48 Kileji anyu Jeso kinyenda, " Ngutu maroo kaboruneik ako kwong'utek kumoyene matiny." 49 Kileji kiboityonde, "Kiptaiya, chorugei kitomo kima lakwenyu." 50 Kileji Jeso kinyenda, "Uinye, sabe weringung'." Kuyan anyu chichone ng'olyonde nyikikamwoji Jeso akuwechigei.51 Aku bani kitikichortogei, kutuyo ako otwogik akileji, "Sabe wering'ung'." 52 Kitebe anyu kile, kakaigaitu kityana?" Kileji anyu biichoche, "Kibagakta kinyenda esse amutun sait tisab."53 Kinai anyu aboi kile ki sainone nyikimwojini Jeso kilejini , "Sabe wering'ung'." Kiyan anyu kinyenda kiboto gonyi togol. 54 Nyone kaborune nyibo aeny nyiki aiy Jeso king'ete kimong'u mu Judea kucho Galilaya.
51 Kinesiirto tuguchu , kucho tumto nyobo Yahudik, aku kiwo Jeso Jerusalem 2 Aku mi tabar Jerusalem nyokuguree Betesda mu koteetab Hebranik nyi legite kirgetaab kechirek nyi kitinye chepkaterusyek mut. 3 Kiruusot mu wolone biik chatyaang' che kimnyansot, chepkorotin, cho ng'wolsoot, ako chekimeitoi borwek, che kinoobe kebalji bei.4 Amu kicho malaikaiyatab Kiptaiyat tabarta betusiek alak, kicho kibal beek si kesobone chii togol nyosib kochute akuwashigei bei mu miondo akatogol nye kating'e.5 Aku kimi yonee chito age nyokikimnyaan kenyisyek Sosom ak Sisit., 6 Aku kineero Jeso chiichone kurwee, akinai kile kilee nyone kenyisiek chatyaang' kileji, "Imeche kesoboning'?"7 Kuwalji chichone kileji, "Kiptaiyandani , motinye chii nyotorjinoo tabarta newosugei beek, nomi achoni kusiib kuwo chiito aka. 8 Kileji Jeso anyu, "Ng'eet iib kitoking'ung' akiwo.9 Kisob chigai banone, akinam kitokinyi akiwechigei.10 Kileji anyu Yahudik inyende nyokikusobon, " Betutaab sabato nyenyi, machamaat mu ng'atutik iib kitoking'ung'." 11 Kuwolji kicheeka kileji, "Kamwowo kinyende nyokosobono kilecho iib kitoking'ung' akiwo.12 Kitebee anyu bichochee inyende kileji, "Ng'oo chichone komwoung' kile iib kitoking'ung' akiwo?" 13 Aku kimanai kinyende nyokikusobon kile ng'o amu kikakiwechigei Jeso amu kimi biiko chatya wolone.14 Kinesirto nyone, kinyorji kinyenda kapkoros ak kileji, "Ang'ii, kakesobing? Iroo mati aiy ng'oki simochoonjing' kiy aka nyosire nyone. 15 Kiwo anyu chichone, ak kimwoji Yahudik kileji Jeso nyokisobon inyenda.16 Ki iim anyu Yahudik Jesu amu ng'olyondonone amu kyai tukuchu mu betutab sabato. 17 Aku kiwolji Jesu kileji, " Boisie Aboo akoi betusiek togol, ak aboisienee ambo." 18 Kiwaas anyu Yahudik kele kebar kinyenda amu nyonee amu kimakonyit betutaab sabato aku mwoe kile Jehovah Abonyi, akwaitagei kikargeit ak Jehovah. Kimwoe Jeso kile tiyegei kinyenda Aboo.19 Kiwolji anyu Jeso kichega kileeji,"Amwowok kisob, kisob, ale, ma aiye kiy werii kityo aku nyorooti kiiye Aboo , amu tuguk togol cho iye kinyenda, kiiye ambo kinyenda werii kile nyone. 20 Amu chame Aboo werii, aku borjini tuguk togol cho iye kinyenda ak kuboorji boisiosyek cho echen chesire choche sikiloku kwong'ut21 Amu kileyo ng'eete Aboo chokikimeyo,akusobon, kusobone ambo werii kilee nyone che mache. 22 Amu marwogjini chii Aboo aka togol, ako kiikugoji kirwogee togol werinyii. 23 Si neityo kutaach togol werii kile bani toche Aboo. Chii togol nyimatooche werii kimatooche Aboo nyokiyogu kinyenda.24 Amwowok kisob ale, kinyenda nyakase ng'olyondenyu, akuyaan kinyenda nyokiyokwo, kitinye sobondab koikeny, akumaweti wolo mi kirwogee, aku kakumong'unee mei komong'ji sobon.25 Amwowok kisob ale, chonii sait, aku, ra, nyoite kugas kicheka chokikimeyo kotetaab weritaab Jehovah, aku kichega chokase, kisabsoot.26 Amu kile bani tinye Aboo sobon kityo kile nyone, kikukooji werii kutebi ako sobon. 27 Aku kikukoji Aboo kimnatee kwai kirwogee amu weritab chii kinyenda.28 Matacholye mu nyenyi, amu chonii sait nyokase chii togol nyomi kererit kotenyi 29 aku ng'etyo: cho kyai chokororneen keng'eetyini sobondab koigeny, aku togol che kiyai cha yaachen, keng;eetyini kirwogee.30 Momuche aii kiy anende kityo, amoche kile bani agase, ak bo iman kirwogenyu, amu mawase aii kilee magenyu aku kile magetaab kinyenda nyokiyokwo. 31 Ngabaoryanjigei anende kityo, kiloku kleen baornatenyu. 32 Mi age nyobaoryane akubo anee, ak anget kile baornate nyokonu kibo iman.33 Kioyokyi ng'olyonde Johana, ak kibaoryanji imanda. 34 Aku baornate nyotoje ku mobunu chii, ako amwoe tuguchu sikobiit kesorwok. 35 Ki tait Johana nyo kilae ak kokwenykwenye, aku kiacham aboiboitune lapkeiyenyi mu betusiek che matya.36 Aku baornate nyo Atinye ku ou kusiir nyobo Johana, ako boisionik togol chokigono Aboo, sacho atar, boisionik kisob cho baoryane kile anee nyokiyokwo Aboo. 37 Aku Aboo nyokiyokwo, kobaoriani iman akubo anee. Tomo agas kotenyi mu sait aka togol aku tomo aroo itondanyi. 38 Amu tebe mu akwee ng'olyondenyi amu moyane kinyenda, nyo kiyokwo Jehovah.39 Cham asyoche mu sirutik amu abwotyini ale otinye sabondab koigeny mu chochee, aku chochee che baorianjini. 40 Aku mochome abwonjo sineityo anyoru sabonda.41 Matoche kalosune mu biik, 42 aku angetook ale motinye chomnyetaab Jehovah mu oring'woong'43Kiojoo mu kainetab Abo, amataach necho aka mu kainenyi , otoche inyenda, 44Omuche mu nee anyu ayan kolosuno, amo wese kolosuno nyobunu Jehova nyomi inyenda kityo ?45Momwowok mu Aboo, mi aga nyo ngetok, Musa nyone, nyo yenakwe, 46Amu nda kiyan Musa, ndoyene, amu kikisir akubo ane. 47Amu ngumoyene surutikji, kumuktoi ano ayan ng'alekyi?"
61 Kinebata tuguchu , kuwo Jeso tengeni bo araraita nyibo Galilaya, nyone kekure araraitab Tiberia. 2 Kirup kinyende tuye nya o, amu kiro koborunoik cho kiichi chokimnyonsoot. 3 Aku kilanda Jeso tulwe, kuwo kutabe ng'wony mu woline kiboto alamalyenyi.4 Aku kikakiriku paska tumdo nyibo Yahudik. 5 Kinemararta Jeso, kuro tuye nyo o kujonjini kinyenda, kileji Philipu, " Kwole ano makatinak sikwam biichu? 6 ( Kimwae kile nyenyi kutyeme Philipu, amu kiinget kinyende kiyo aiiye.)7 Kuwolji Philipu kinyenda kile, " Mayame kichega makatinak chibo dinarisiek bogol aeny, sikinyoru aka togol katigin." Kuwolu agenga nyibo alamalyenyi nyikegure Andrea, weritambo Simion Petero, kileji Jeso, " Mi yu weri aka nyotinye makatinak mut chibo sairi ako samakink aeny, aku yame nee chu anyu mu biiko chetene chu togol?"10 Kile Jeso, " Achep biiko kitebe ng'wony." Aku kimi suswek chatya woline. Kimuny anyu biiko; ki wolo bo elupusiek mut murenichoche. 11 Kinam anyu Jeso makatinak; aku bani kikugoita kongoi, kiropji kichega che kitebisot ng'wony, kile nyone ambo samakinak, cho tene cho mache. 12 Kinemi bani kikibiyongcho, kileji kasubikji, " Ayum katuganik chi king'otu, si neityo kimomi kiy nyibete."13 Kuyum anyu katuganichoche, aku kinyiit kerebotinwek taman ak aeny katuganichoche bo makatinak mut chibo sairi, chi kang'otune kichega cho kaamisye. 14 Kinemi bani kiro anyu biichoche kaborune nyikiai kile, " Nyenyi anyu maotionde nyibo kisob nyi jonjini ng'wony." 15 Kinenai Jeso kile legit si kipka kinam kinyenda mu kimnate, si kwai kinyenda kuloku laitoria, kuwo kinyile tulwe kinyenda kityo.16 Kineloku kasaleny, kuchortagei kasubikji kiba araraita. 17 Kilany moingetab beek kilang'ta araraita kiba kapernaum. Aku kikakutuit kore aku kitomo kicho Jeso wolo kimi kichega. 18 Aku kiwasegei araraita amu kiwase koristo nyo o.19 Kineba anyu mu araraita wolo bo mailisiek somok nde somok ako mutan, kuro Jeso kuwetote mu araraita barak, aku kirikji moinge : aku kiyweisyo. 20 Aku kileji kichega, " Anee, kitimaiywai. 21 Kicham anyu kitaach kinyenda mu moinge, aku nyi matyana, kiit moinge kore wolo kibeti.22 Betu nyikirupe, kuro tuiye nyikitonone mu araraita tengoni, kile momi moinge aka togol woline kibate agenga, aku kimalany jeso moingonone kiboto kasubikji, aku kikaba kasubikji akweka bungo. 23 Aku kipka moingonik alak mu Tiberia wolo legite wolo kiome makatinak bani kikakugoita kiptaiyt kongoi.24 Kinero anyu tuye kile momi Jeso woline nde ku kasubikji, kilany kichega moingonik kipka kapernaum kuwosonu Jeso. 25 Bani kinenyoru Jeso mu tengeni bo araraita, kileji kinyenda, " Rabbi, kejoninye ayu woli?"26 Kuwolji Jeso kichega kile, " Amwowok kisob ale, amikwe awoso ma mu kaborunoik cho kioro, aku amu kiam makatinak abiyongcho. 27 Kitimoboisye mu amitwogik chi bogu, aku aboisiechi amitwogik chitabisot akoi sabonda nyibo koigeny nyikonok weritab chi, amu kikung'ooch kinyenda Jehovah kwanda.28 Kileji anyu kichega kinyenda, " Keaiy nee sineityo keai boisionik chibo Cheptailel?" 29 Kuwolu Jeso akileji kichega, " Nyi boisietab Cheptailel: ale ayan nyikiyogu kinyenda."30 Kileji nyu kichega kinyenda, " Nee anyu kaborune nyi iyoe , sineityo keroche akeyaning'? 31 Iyoenye nee? Kyam abotinekchache mana mu suur kween, kile bani kikisir kele, ' Kikigoji kichega makatinak chi kibunu kipsengwet si kwam.'"32 kuwolji Jeso kichega kile, " Kisob, kisop, kimo Musa nyi kigonok makatyandanone kibunu kipsengwet, Aku gonok Aboo makatyande nyi bunu kipsengwet. 33 Amu makatyande nyi bunu Jehovah, ku nyone choni mu kipsengwet si kugoji ng'wony sabonda." 34 Aku kileji kichega, " Kiptaiyat, konech makatyandonone akoi."35 Kileji Jeso kichega, " Aii makatyande nyibo sabon; chi aka togol nyochonjino ku moome rupa akoi, aku chi aka togol nyi yono kumokwome malal akoi. 36 Aku kikomwowok ale kioroto akumoyene. 37 Chi aka togol nyigono Aboo kuchonjo, aku aka togol nyichonjino ku maone.38 Amu kiacho king'ete kipsengwet, mo si aiiy magenyu, aku mu magetab kinyenda nyiki yokwo. 39 Nyi ku magetab kinyenda nyi kiyokwo, ale, mu togol chekigono kinyenda, kitimabeteno ambo agenga, aku nemi kayain ang'eete mu betu nyibo let. 40 Amu nyi magetab Aboo, ale, chii aka togol nyiroti weri, akuyan kinyenda, kinyoru sabondab koigeny; akong'ete kinyenda mu betutab let."41 Kunyinyiyo anyu Yahudik akibo kinyenda amu kimwa kile, " Aii makatyande nyikicho ng'wony kubunu kipsengwet." 42 Kimwa kile , " Ma Jeso nyenyi weritab Josep, nyikunget abonyi ako iyonyi? Ara amune ra sikimwoe kile , 'Kiacho ng'wony abunu kipsengwet'?"43 Kuwolu Jeso akileji kichega, " Kitumonyinyiyo akwega bungo. 44 momi chi nyomuche kichonjo nemachuut Aboo nyikiyokwo, akong'ete kinyenda mu betutab let. 45 Kikisir mu maotik kile, ' Chii aka togol kenete mu Jehovah. Aka togol nyikikugas mu Aboo, aku kikunetgei, kichonjino.46 Ma kele kiguro aka togol Aboo, kibate kinyenda nyikichone Jehova, kiguro kinyenda Aboo. 47 Amwowok kisob ale, chi aka togol nyi yene kitinye sabondab koigeny.48 Aii makatyandetab sabon. 49 Kiam abotinokwok mana mu suur kween, aku kimeiyo.50 Nyi ku makatyande nyikicho kibunu kipsengwet, nyi neam chi kimamee. 51 Aii makatyande nyisabe nyichoni kubunu kipsengwet. Neam chi aka togol makatyandani, kisabe koigeny. Makatyande nyogonu ku bortanyu akubo sabeetab ng'wony."52 Kutou anyu Yahudik kinarekjo kichega bungo akibere, " Muktoi ano chichi kugonech bortanyi keam?" 53Kuwolji anyu Jeso kichega kile, " Amwowok kisob ale, nema aam bortab weritab chi akayee karetikji, kumonyoru sabon mu ariting'wong'.54 Kinyenda nyi ame bortanyu akiya karetikju kitinye sabondab koigeny, aku ang'ete kinyenda mu betu nyibo let. 55 Amu bortanyu ku amitwogikab iman, aku karetikju ku yeise nyibo iman. 56 chi aka togol nyoome bortanyu akuyaa karetikju kimenyo akamenye kinyenda.57 Kile bani kiyokwo Aboo nyisabe, akosabe mu Aboo, aku chii nyi amo, kusabe ambo mu ane. 58 Nyi makatyandanone nyikicho king'ete kipsengwet, ma nyikiam abotinak akumeiyo. Neam chi makatyandani kumenyisot koigeny." 59 Aku kimwoe Jeso tuguchu mu sinagogi bani kunetisyo mu Kapernaum.60 Bani kinegas chatya mu kasubikji, kimwa kile, " Koroom ng'olyondoni: muche ng'o kigas?" 61 Aku kinai Jeso mu arinyi kile kinyinyisot kasubikji mu ng'olyondonienyi, kileji kichega, ile ma kikuimak nyenyi?62 Ara loku nee anyu ngutu aroo weritab chi kulonye barak wolo kimi tai? 63 Tamirmirye nyi aitoi sabon; matile kiy borto. Ng'alek cho amwowok ku Tamirmirye aku sabon.64 Aku mi alak mu akwe chi moyene." Amu kinget anyu Jeso king'ete taune kile ng'oo chikimoyene aku ng'oo nyi tun kualdoi kinyenda. 65 Aku kile, " Nyone kamwowok, ale, momi chii nyichonjino kibate nyigojini Aboo."66 Amu nyenyi, kutou kuchuchujgei chatyang' mu alamalyenyi, akimatikibetata ako kinyenda. 67 Kileji anyu Jeso choche taman ak aeny, " Abeti ambo akwega?" 68 Kuwolji kinyenda Simion Petero kile, " Kiptaiyande, kibejinache ng'oo? Itinye ng'alek chibo sabondab koigeny, 69 aku kikeyan akenget kele ii Nyotilil Nyichone Jehovah."70 Kileji Jeso kichega, "Ibere kimolewenok, taman ak aeny, akichesawilye aka mu akwe?" 71 Kimwoe anyu akibo Judas nyibo kap Simion Iskaryot, amu kinyenda nyiki agenga mu taman ak aeny nyikimache kwalda Jeso.
71 Kinekakosirto tuguk togol, kurutoto Jesu mu Galili, amu kimamuch kuwetote mu Judea, amu kiwosote Yahudik kibar kinyenda. 2 Aku kikakoriiku tumwekab Yahudik chibo kapkorosu.3 Kimwoji tupchosyekji kileji, wejigei mu wolyenyi akoi Judea sikurotii mestewekuk boisyonik cho iye. 4 Amu momito chii nyi iye akuwinye kiy nyimache kubortoigei amu ngiaye tuguchu togol ibarjinigei ng'wony."5 Amu tupchosyekyi kinyile kumayaan kinyeenda. 6 Kiimwoji anyu Jesu kicheega kileji, tomo kiit betunyu aku chobot nyong'wong', 7 Masasook ng'wony ako sasoo anenda amu abaoriani ale boisionik chemi ng'wony ku yaachen.8 Aba akwe tumdo aku tomo aweti anenda tumone amu tomo kucho betunyu kosulda. 9 Aku kinga komwoji kichega tukuchoje kitabjigei mu Galili.10 Kinemi bani kikiba tupchosyekyi tumdo, kuwo mbo kinyenda akimabortagei, aku kuwinyotegei, 11 amu kiwosote Yahudik kinyenda mu tumdo kole mi ano kinyende.12 Ak kimi kanyinyiosyek chatyaang mu biik akubo kinyenda, amu kile alak kararan chichi, kile alak, makararan amu takyini tuye wolo ya, 13 ako momwoe chi ng'olyo kutoogu akobo kinyeenda amu kikiywaii Yahudik.14 Aku kineit kwenutab tumdo kuwo Jeso kapkoros ak kunetisyo. 15 Kukwong'io anyu Yahudik ak kile, " Kinaita ano chichi sirutik ako tomo kuneetgei." 16 kuwolji anyu Jeso kileji, " Konetisyoni ki manyanyu aku bo kinyenda nyokiyokwo.17 Ngimache chii aka togol kwai magetab Kamuktainde, kunai konetisye ngitibo kamuktainde, anan ang'olole chajuu kityo. 18Chi aka togol nyomwoe ng'alekyi kinyenda kowase katororenyi, ako chii aga togol nyowase katororetab nyokiyogu kinyende, kibo chichone iman, aku momii chi nyo mobo iman mu kinyenda.19 Ibere kimagonok Musa ng'atutie? Aki momi chii mu akwe nyomuche kurip ng'atutie. Amunee si awasa sabara? 20 kiwolu anyu tuiye kile, " Kinye itinye oinde. Ng'o nyowese kubaring?"21 Kuwolji Jeso kile, "kyai boisie agenga ako akwe ako kiokwong'io akwe akibe nyenyi. 22 Kigonok Musa yatisye (akimebere kibo Musa, aki kibo boisyekwok), aku ayotitoi chi betutab sabato.23 Ngeyotitoi chi mu betutab sabato si mobutok ng'atutietab Musa, ku amunee si anerekyo bani kasobon chi kitusob mu betutab sabato? 24 Amarwoch kilee bani aroti oko arwoch kirwogee nyebo iman25 Kimwa biik alak chekipkonee Jerusalem kile, " Ma chikaye nyenyi kiwosote si kebar?" 26 aku aroo kira, ng'olole kutoguu aku momi chii nyomwojine kiy. Ibere monget baunichu kile kristo nyenyi? 27 aku kingetiche wolo bunu chichi. Aki nemi bani joni Kristo, kimomi chii nyonget wolo jonee."28King'alal anyu Jeso mu kotee nyokindo mu kapkoros, akunetisyo kile, "Angetanekwe togol aki angetikwe wolo abunu, aku kimajoo anenda kityo aku kinyenda nyokiyokwo kibo imanda, aki mongetikwee kinyenda. 29 Anget kinyenda amu kiajonee kinyenda ako kiyokwo anenda."30 Kityam anyu aree aka togol wolo kinamtoi kinyenda aku momi chi nyokinamee kinyenda eunyi amu kitomo kiit saisyekyi. 31 Aku kiyan anyu tuyee kinyenda, akoi kimwa kile, " Bani joni anyu Kristo ii, ibere muche kwai kaborunoik kisiir chu aye chiichi?" 32 Kigas anyu Parisaik tuye kuchomchome tukuchu akibo Jeso, ak kuyokto anyu tisiik chokindoon ak parisaek che kiptainik, kiba kinam kinyenda.33 Kuwolji anyu Jeso kile, "Tomi kubotook mu saisyek kongering, sowechigei awo wolo mi kinyenda nye kiyokwo." 34 Tuun awoso akumonyorwo aku wolo amite kumomuchakwe anyorwo."35 kimwojigei anyu Yahudik kile "Weti ano chichi nyimakumuche kenyoru? Tos weti wolo mi kichega chekiyesyoji Yunanik si koneet Yunanik? 36 Nee anyu ng'oliondoni kamwa kile awosoo akumonyorwo, ako wolo amite kimamuche abkaa?"37 Eng betu nebo let betunone kibo tumdo, kutonon Jesu mu kapkorosu akimwa mu kotee nyokindo kile," Chii aka togol nyome malal, kijonjoo kinyenda sikinyoru kiyaa. 38 Chii aka togol nyoyonoo, kilee bani mwoitoi sirutik, kuroot ainosiekab sobon mu moenyi."39 Ako kimwoe kile nyone akubo Tamirmirye, nyi nemi choyene kinyenda kutuub kutooche; kitomo kegoji kichega Tamirmirye amu kitomo ketoror Jeso40 Ak kinegas alak chekimi tuye ng'alechoche, kile nyenyi ki Orkoiyo kusob." 41kole alake; " Nynyi ki Kristo, ako kile alak "Tos bunu Kristo Galili? 42 Tos kimamwa sirutik kile chone Kristo iyoteetab Daudi, aki chonee Beteleem kokwe nyo kibunu Daudi?"43 kibiitu anyu toyet mu kwenutab biko akibo kinyenda. 44 ak kimach alak kenam kiyenda ako kimanam chi45 kipka anyun kiptainik wolo mi tsiik chokindoni ak parisaik ak koleji, "kainee si mamutu kinyenda?" 46 Kiwolu anyu kiptainik kole, " Kitomo kong'olole chi kile nyi."47 Kowolji anyu Parisaek koleji," Kabetyook ambo akweka? 48 Kikuyaan ambo baunik ak Parisaek kinyenda? 49 Ako tuyoni che monget ambo ng'atutik ki banotin."50 Kileji Nikodemas (agenga nyibo Parisaik, nye kikakuwo wolo kimi kinyenda akinyatai), 51 Tos rwokyini chi ng'atutyenyo kitomo ambo kegsyi chi ng'alekyi ak kenai kito nyi kiai?" Kuwolji ak kumwoji kile, " Ichonee ambo kinyende Galili? Wasawas ak iroo kile momi orkoyonde nyichonee Galili.53 Kiwo anyu chii togol konyi.
81 Kiwo Jeso tulwetab yemitik. 2 kimusta karoon kuwo kapkoros aku kibwa biik wolo kimii kinyenda , ak kitebi ng'wony ak kunet kichega. 3Aku kimutu siriik ako parisaek chepyoso agenge nyo kikinyorji ibetabkei. Kukoji kinyende kwen.4 Akuleji," konetindoni, kakinam chepyosoni kimi mu boisyetab ibetabkei. 5 Aku mu ng'atutikab musa, ko kiking'aat kele chii nyole nyi kewire koin, ara imwoe nyee nee?" 6Kimwa kile nyenyi kityeme sikinyoru kiy nyomwoitoe kinyeenda, aku king'uruch Jeso ak kisir ng'wony mu mornenyi.7 Aku kinetikitese tai kutebtebe tebutik, kitonon ak kimwoj kichega kileji, " Ngutou chii nyonget kile motinye ng'oki ak kulegu nyibo tai kiwire mi koi. 8 Aku ng'uruch kinyile akisir ng'wony mu mornenyi.9 Kinegas kilee nyenyi, kibejigei mu agenga agenga kutounee chokindoon. Kung'etu anyu Jeso ako chepyosekai bincho kutonone mu kween. 10 Kitonon Jesu anyu akile " Chepyosani mi ano biikai che kamutung? Momi mbo agenga nyorwokung'?" 11Kuwolu kile, " Kiptayendenyu, momi chii." Kuwolji anyu Jesu kile ambo anenda kimamuche arwogung'. Wejigei aki matitiyai ng'ogi kinyile."12 Kimwoji Jeso kichega kinyile kileji, "Ai lapkeiyetab ng'wony, aku kinyenda nyorupko, kimakuwetote mu tuin aku nyoru lapkiyetab saboon." 13 Kumwoji anyu Parisaek kile, " Kinyende kityo nyoibaurianjinigei; aku mobo iman anyun baornateng'ung'."14 Kowolji anyu Jeso kile , " ambo nta abaoryanjinigei, kibo iman baornatenyu. Amu anget wolo kiachonee ak anget wolo aweti, ako akwee kimonget wolo kiachone nde wolo aweti. 15 Arwochakwee kilee magetab porto; aku marwokyinane chii. 16 Aku ntorwojanee, kibo iman kirwogenyu amu ma anenda kityo, ami kiboto Aboo nyokiyokwo.17 Ee, aku kikisir mu ng'atutyeng'wong' kele bo iman baornate nyobo biiko aeny. 18 Anenda nyo abaoryanjinigei ak Aboo nyo kiyokwo kubaoryane akubo anee."19 Kiteebe anyu kichega kinyende kile, " Mi ano Abong'ung'? Kiwolji Jeso kile, " Mongetanekwe aki monget ambo Abong'wane; Amu ntakianayanekwe, katekiganai ambo Abong'wane kinyile. 20 Kimwoe kinyenda ng'alechoje mu wolo kukonoree chepkondoi baani kunetisyo mu kapkoros, aki kimomi chii nyokinam kinyenda amu kitomo kiit saisyekyi.21 Kimwoji kichega kinyile kile, " Kawejigei bandanyu, aku awosoo akoi akoi tuun abeku mu ng'okistong'wong'. Wolo aweti komomuche abkaa." 22 Kile anyu Yaudiek, "Ara muche kibargei? Amu kamwa kile , wolo aweti kimomuche abkaa?"23 Kileji Jeso kichege, "Akwee ki abunu ng'wony; ak abunuu anenda barak. Mabunu anee ng'wanyuni. 24 Ara anyu amwowok kile, amesoot togol mu tengeketang'wong. Aki nemayan kile ANEE nyi , ki amesoot mu tengektang'wong',"25 Kiteeb anyu kichega kinyenda kile, " inye ng'oo?" Kiwolji jeso kile, ' Kikamwowok king'ete taune. 26 Atinye tuguk chatyaang' chamwae akarwoje akibo akwee. Ara anyu, kinyenda nyo kiyokwoo kibo iman, ak amwojini ng'wony tuguk che kiagas mu inyenda. 27 Ako kimanai kile mwojini kichega agibo Aboo.28 Kileji anyu Jeso bani kagekargaat weritab chii, anai anyu betunone kile ai kinyenda, amu ma aiye kiy anenda kityo. kilee bani kineeta Aboo amwowok anyu tuguchu. 29 Kinyenda nyokiyokwo, kimi kiboto, aki mabakakta anenda kityo, amu sait aka togol ayae tuguk choboiboite kinyenda." 30 Bani kinemwoe Jeso ng'alechu, kuyan biik chatyaang' kinyenda.31 Kimwoji anyu Jeso Yahudichoje kikuyan kinyenda kile, " Ngiti otebi mu ng'olyondenyu, ko alogu anyu alamalyenyu; 32 Aku onae imanda akutyachaak iman.33 Kowolji kile, " Kiiche areetab Abraham aki tomo keloguche otwokikaab chii; imuktoi ano ile kityochook?"34 Kowolji Jeso kile, " amwowok iman iman ale, chii aka togol nyo aiye tengek ki otwogindetab tengek. 35 Matabee otwoginde agoi tuun; ako tebee werii akoi tuun. 36 Ara anyun, ngitityaching werii, iloku nyatyagat ksob.37 Anget kile abakwee aretab Abraham; akawasakwe si abara amu motinye ng'olyondenyu wolo tebe mu akwee.38 Amwae che kiaroo mu Abonyu, aku akwee ambo oyae che oroti mu abong'wong'.39 Kowolji ak kimwoji kile, " Abonyoo Abraham." Kiwolji Jeso kile, " Ngiti abunukwee areetab Abraham, kitooiyakwe tuguk chekioye Abraham. 40 Aku ra, awasakwe si abara, chiito nyokimwowok imanda nyo kiagase kubunu Jehovah. Kimayai Abraham tuguchu. 41 Oiyakwe tugukab abong'wong'." Kuwolji kile, " Kimakisijeech mu soksee; ako kitinyache Abonyo: Jehovah."42 Komwoji Jeso kichega kileji," Nde ko abong'wong' Jehovah, kitachamanekwe, amu kiajonee Jehovah ako amitee yu; ako kimaajoo anenda kityo ako kiyokwoo kinyenda. 43 Amunee si maguisotikwee ng'alekyu? 44 Abakwee abong'wong' Chesawil, aki achamakwee ayai tuguukab abong'wong'. Kiruumin abong'wong kung'ete keny aki kimatonone imanda amu kimomi imanda mu kinyenda. Bani ng'olole lambach, king'olole kile wolo lee kinyenda amu kiplambachwaa , aku abootab lambach.45 Aku baani amwae iman, kimomachakwee oyana . 46 Ng'o mu akwee nyomuche kurwokwo kile atinye ng'ogi? Amunee si moyonoo bani amwowok tuguk chebo iman? 47 Chii akatogol nyobo Jehovah, kigase ng'alekab Jehovah; akwee kimogase amu akwee kimobo Jehovah."48 Kowolji yahudik akimwoji kile, " Ara kimakimwaje iman kile ichonenye Samaria aki iting'enye oin?" 49 Kimwoji anyu Jeso kile moting'otanee oin, aki akonyitanee Aboonyu, ako arenyanekwee.50 Anee kimawasanee torornatenyu, mi chiito agenga nyiwase akirwokyi. 51 Amwowok iman iman ale, chii aka togol nyiriibe ng'olyondenyu, kimatuun kurotii kimeiwa."52 kimwoji anyu Yahudik kile, " Kakenai rani kile itinye nyee oin. Kima Abraham kiboto maotik alak; akimwoenye kile, 'chii akatogol nyiriibe ng'olyondenyu, kimatuun kichamcham kimeiywa.' 53 Ara i ounye kisiir abonyache Abraham nyikima? Kimeiyo ambo maotik. Ara iyoitonyegei kilee ii ng'oo?"54 Kuwolji Jeso kile, "Ngiti atororgei anenda kityo kiloku kleen tororenyu; Abong'wane kibaat nyitororoo, kinyenda nyamwoyakwee kile Jehova nyong'wong'. 55 Akwee kutomo anai kinyenda, ako angetinee. Ako ndamwa ale monget kinyenda ,ku aloku kiplambachwa kilee akwee, aki anget kinyenda aki ariibe ng'olyondenyi. 56 Kibaibait abong'wong' baani kiro betunyu; kiiro kinyenda akuboiboiji."57 Kileji anyu Yahudiek, " Tomo iit inye kenyisyek konom ako kiironye Abraham?" 58 kuwolji Jeso kile ," Amwowok iman iman ale "Kitomo kibiit Abraham, ko kiomitee.59 Kikwai anyu koin kimeche sikiwiree ako kiwejigei Jeso mu ung'oot mu kapkorosuu.
91 kimi anyu Jeso kisirtoi mu aree, aku kiiro chii nyolee chepkorot king'etee kesich. 2 kutebe kasubikyi kinyende kile, " 'Rabbi', ibere ng'oo nyi kiai ng'oki mu chichi ako sikikyi, sikesich kinyende kukorot?"3 Kowolji Jeso kile, "Mayai chichi ng'oki aka togol akimayai ambo sikikyi, ako sikimuch kutogu boisionikab Jehovah mi kinyenda. 4 Kimeje keai boisionikab kinyende nyokiyokwo kitiki beet koree. Chonii anyu kemou nyimaumuje chii kitikuai boisye. 5 Baani kitomite ng'wony, ku ai lapkeyetab ng'wony."6 Kinekakimwa Jeso ng'alechu, kong'utyi ng'wony ak kitangwar ng'atatya kiboisye ng'ulekyi, akuilee ng'atatyandonone konyekab chiito nyo kigorot. 7 Akimwoji kile, " Wui, akiun mu tabartaab Siloam" (Nekiweech ki keyookta). kiwo anyu kuun, akuwechgei kikakutobondo.8 Kumwa anyu bikaab kokwee ako kichega chekikakuroo kinyende betuage kusoomse kile, " Ang' ii, ma chikinye nyenyi nyakai kicham kitebee sikisomse?" 9 Kimwa alak kile" Kinyenda." Kumwa alak kile, " Olo, kargei ako kinyenda." Ako kimwa kinyenda kile, " Anenda."10 Kitebe kinyende kileji, " Kiyotogiis konyegukee kile nee?" 11Kuwolji chiikai kileeji, " Mi chii nyoguree kainenyi Jeso, nyokiilee konyekyu ng'atatya, akilecho ui ak iun mu tabartab Siloam. Ang'eet anyu akowo aun akonyoru marartaenyu." 12 Kuteeb kinyende kile, " Miono kinyenda?" Kuwolu kile "Monget."13 Kumut anyu chii chone kicham kukoroot kemityi Parisaik. 14 Kibetutaab sabato betunone kitangware Jeso ng'atatek ak kuyootyi kinyenda konyekyi. 15 Kiteeb kinyile Parisaik wolo kinyorunto marartaenyi. Kuwolji kileji, "Kiile ng'atatek konyekyu ak kiawo awo aun aki sai amuche amararta."16 Kimwa anyu alak chebo Parisaik kile, " Mobunu Jehovah chichi amu maribe ng'atutikaab sabato." Kumwa alak kile, " Muktoi ano chii nyole kiptengekyo kwai kaborunoi chele chu?" Ako kicho anyu pchayate mu kwenung'wang'. 17 Kuteeb kinyile chiikai nya kilee chepkorot kile, " Kemwanye kile nee akibo chichi, kung'etee kineyat konyekuk?" Kuwolji chiikai kichepkorootya kile, " Maotio kinyenda." 18 Kimayan anyu Yahudik kile kikoroot anyu chiichone ako sai kakimararta, akoi kuguur sikikyi.19 Kuteeb anyu sikikyi kileji, " Ara wering'wong' nyi nyo amwoe kile kikisiche kukoroot? 20 Aku kuwolji anyu sikikyi kile, " Kinget kele werinyo nyenyi aku kikisich kikoroot. 21 Wolo kinyorji marartaenyi, kimakunget, aki chichoo kiyaat konyekyi kimakingatiche. Atebe kira kinyenda amu chii nyokindo. Muche kimwoitojigei ng'alekyi."22 Kimwa ng'alechu sikikji amu kiiywei Yahudik, amu kisip kichomnyeji Yahudik kile neng'any chi aka togol kile Kristu kinyenda, ku kewirtoi kuwo sang' mu kanise. 23 Kimwa anyu sikikji amu nyone kile atebe, amu kakuyetu kinyenda.24 kikuur anyu nyibo aeny biichoche cichone kikorat akileji koji Jehovah kalosune: kinget kile kiptengekjo chiichi. 25 Kuwolu anyu kinyenda kile, " Monget anyu ne kiptengekcho chichone. kiy agenga nyonget kityo: kioi chepkorot ako amarartoi banienyi."26 Kileji anyu kinyenda kichega, "Kaiiyung nee? Kayatito ano konyekuk?" 27 Kuwowlu kile, " kikamwowok aku mogase! Amune si amache agas kinyile? Amache akweka kinyile aloku alamalyenyi?"28 Kutou kumul kinyenda kileji, iinye alamalyenyi, aku ache kei alamalyetab Musa. 29 Kingetiche kele king'alal Cheptailel ako Musa, aku mokunget kele bunu ano nyi."30 Kuwolji chiikai akileji kichega, Kwong'ut nyenyi anyu, amu mongetikwe aku kikiya konyekwane. 31 Kunget kele magase Cheptailel kipng'okiin; aku nelosu chii aka togol Cheptailel, aku aiy magenyi, kugase kinyenda.32 King'ete kitougei ng'wonyu kutomo agas chii nyiyote konyep chii nyakikisich kugorot. 33 Ndama bunu chichi Kamuktainde, nde momi kiy nyi aiye. 34 Kuwolji kinyenda kileji, "Kikisikting kisob ng'oki ainetech?" Akitorta kinyenda kuwo sang'.35 Kigas Jeso kile kikutorta kinyenda kuwo sang, nyibo kanise, kinyoru kinyenda akileji, "Iyanenye weritab Cheptailel?" 36 Kuwolu kile, "Ng'oo nyone kiptaiyande, si neityo ayan kinyenda?" 37 Kuwolji Jeso kileji, "Kikironye kinyenda aku nyika nyenyi ang'ololsotikwe tuwai." 38 Kile kinyenda, "Kiptaiyande, Ayane." Kikutungji akulosu kinyenda.39 Aku kile Jeso, "Kiachoo ng'wonyuni mu kirwoge, si neityo kimararta chi mamarartoi." 40 Kigas tuguchwechu alak chebo Parisaik chekimito kiboto kinyendaakileji, "Ara makimarartoiche ambo?" 41 Kileji Jeso kichega, Nde koigwe chepkorotoi, kitamotinye ng'oki, aku amwoeakwe kile 'kimarartoi', aku ng'otu ngokistong'wong' kibotok."
101 "Amwowok kisob kisob ale,chi aka togol nyimochute kobor nyibo kibiyutab kechirek, akusire karwa nde ku ar aka, ku chorin aku sarin chichone.2 Aku kinyenda nyichute kobor, ku mastawo nyibo kechirek.
4 Aku nekakiyatita kinyenda chachi togol kiba sang', kundoi si kurup kechirek kinyenda amu nget kotenyi.5 Marupe chi nyile too, aku rwaisot amu monget kotiwaikab taek." 6 Kimwoji Jeso kichega kalewenone, aku manai kichega kile nee tuguchoche kakimwoji.7 Kimwoji anyu Jeso kichega kinyile kileji, " Amwowok kisob, kisob, ale, ai koborutab kechirek. 8 Kichega togol kindouneno, ku chorin aku sarin, aku magas iit kechirek kichega.9 Ai koboru. nechutu aka togol kubunwo, kesoru; weti ko ako sang' aku nyoru wolo agete. 10 Choni chorinde sikichor, akubar, akinyernyere kibat. Kiacho sineityo kinyoru sabon, akutepto sobonone kiyam.11 Ai mastawonde nyakararan. Koitoi mastawonde nyakararan sabondanyi akibo kechirek. 12 Aku kinyenda nyile otwogin ku ma mastawonde, aku ma machaji kechirek, kurotonu suyonde kichoni, akimete kechirek akisorugei, akinam suyonde, akusaret. 13 Labate kinyenda amu otwogin aku ma mage kiy kechirek.14 Ai mastawonde nyakararan, akonget chachu, akungoto chachu. 15 Ngoto Aboonyu, akonget Aboonyu, akokoitoi sabondanyu akibo kechirek. 16 Atinye kechirek alak chi mobo kibiyuni. Magat ayumu choche ambo, si kigas kotenyu sineityo kiloku kibiyu agenga ako mastawonde agenga.17 Nyone anyu ku amune sikichomo Aboo: amu agoitoi sabondanyu sineityo anyoru kinyile. 18 Momi chi nyisareno, aku agoitoi anenda kityo. Atinye kimnate agoito, aku atinye aib kinyile. Kianyorung'atutyoni kubunu Aboonyu."19 King'eet toiye kinyile mu kwenutab Yahudiek akibo ng'alechwechu. 20 Kimwa chatya mu kichega kila, " Tinye oin aku chebiywo. Amunee sagas it kinynda?" 21 Kimwa alak kile, " Ma ng'alek chwechu chibo chii nyatinye oin. Muche oin kiyat konyekab chepkorotyo?"22 Aku ki betutab tumdo nyikitobonegei mu Jerusalem. Ki betutab kaititye, 23 aku kiwetote Jeso mu kanise mu chepkotorutab Solomon. 24 Kitou kumuut kinyenda Yahudiek akiwoji kinyenda kile, " Ikanych kekanyisie agoi ayu ketiytiysot? Ngu ti inye Kristo imwowech kikaram."25 Kuwolji Jeso kichega kile, "Kiamwowok aku moyanakwe. Boisionik chi aiye mu kainetab Aboonyu ku choche chibauriane akibo ane. 26 Aku momucakwe ayan amu moikwe kechirekju.27 Kase kechirekju kotenyu; anget kichega, akurupko kichega. 28 Agochini kichega sabondab koigeny; aki mamesot, akumomi chi nyisareno mu eunekju.29 Ou Aboonyu nyikigono kichega, kisir togol, aki momi chi nyomuche kisar kichega mu eutab Aboo. 30 Ai agenga ako Aboo." 31 Kinam anyu Yahudiek koin kimache kuwiir kinyenda kinyile.32 Kuwolji Jeso kichega kileji, "Kikoborwok boisionik chokorornen chatya kubunu Aboo. Ara amache awiire amu kai boisio nee?" 33 Kuwolji Yahudik kinyenda kileji, "Makuwiriing' amu boisie nyakararan, aku amu chotisye, amu iinye chii, akiitogei kile ii Cheptailel."34 Kuwolji Jeso kile, " Kimakisir mu ng'otutikwok kele, 'Kiamwa ale aikwe cheptalelisiek?'" 35 Ne kigure kichega chptalelisiek, ku kichonji ng'o ng'olyondetab Cheptailel (akimamuche kebut sirutek), 36 Ara amwoe akibo kinyenda nyekitaban Aboo akuyoku kicho ng'wony, olejini, "Ichotisie" amu kiole aiy Weritab Cheptailel?37 Ngitmoiyane boisionikab Aboonyu, kitimayana. 38 Aku ngutu aiyane, ambo ngutu moyono, aku ayan sineityo anai akoguyo mi Aboo oritinyu akomi ane oritab Aboo." 39 Kutyem kinam kinyenda kinyile, aku kiwechige kichilil mu eunekwak.40 Aku kiwo kinyile kisiir kamasta aka nyibo Jordan wolo kibotisanisie Johana mu tai, akitabchigei woline. 41Kipk biiko chatya wolo mi kinyenda akileji, " Kimaii Johana kobruno aka togol, aku tuguk togol che kimwa akibo chichi kibo kisob." 42 Kuyan kinyenda biiko chatyaa mu woline.111 Kimi anyu chito aka nyekimnyone nyekikugure Lazaro. Ki chi nyebo emetab Betania, koreta Maria ako cheptang'wang' Marta. 2 Ki Maria nyenyi nyekiile kiptaiyat kuile mwaita akupuge kelyekji sumeekji, nyekitinye wering'wang' Lazaro nyekimnyone.3 Kiyokto tibichoche ng'olyo kiityi Jeso kile, "Kiptaiyandani, roo, mnyone kinyenda nye ichame." 4 Kinegas Jeso kile nyone, kile, "mobo mei mnyondonone, bo torornatetab Jehovah, ako kelosune weritab Jehovah nyone."5 Aku kichame Jeso Marta ako ceptang'wang' kiboto Lazaro. 6 Kinegas kile mnyone Lazaro, kitikitebi betuiek aeny mu wolo kimi. 7 Kinebata nyenyi anyu, kileji alamalyenyi, "Ngeba Judea kinyile."8 Kileji alamalyenyi kinyenda, "Rabbi, banienyi ku kawase Yahudik kuwiring' mu koin akiweti woline kinyile?" 9 kuwolji Jeso kileji, "Ibere momi saisiek tamanu ak aeny mu betu? Newechinotogei chi beet kumotuitogei, amu roti lapkeiyetab ng'wony.10 Kile nyone anyu, newetote chi kemoi, kutuitogei amu momi lapkeiye mu kinyenda." 11 Kimwoe tuguchu, aku kinebata kileji kichega, " Kanuch chorwenyo Lazaro, aku aweti sowo ang'eet kinyenda mu rwondo."12 Kileji anyu kasubikji kinyenda, "Kiptaiyandani, ngu tunuche, koko tukisabe." 13 Kimwoe anyu Jeso akibo meenyi, Aku kibere kichega mwoe akibo rwondo nyekinuksot. 14 Kimwoji anyu Jeso kichega kisob kileji, "Kikima Lazaro.15 Abaibai akibo akwe amu kimomi woline sineityo ayan. Ngeba woline mi kinyenda." 16 Kileji anyu Thomas, nyekikugure Didumo, alamalye chu alak, "Ngeba ambo achega sineityo kebogu kiboto Jeso."17 Bani kiitita Jeso woline, kinyoru kile koko kikitebe Lazaro kebene betusiek ang'wan. 18 Kilegite anyu Betania Jerusalem, ki wolo bo mailisiek aeny. 19 Kikapka Yahudik chatya wolo mi Marta ako Maria, sikigaigai kichega akibo wering'wang'. 20 Kinegas anyu Marta kile choni Jeso, kuw kutorokta kinyenda, ako kimito kitabe Maria mu go.21 Kileji Marta anyu Jeso, "Kiptaiyandani, nde kimi yu, kitama mee weri nyekitupcho. 22 Ambo ra, ku anget kile kiy aka togol nyoisome Jehovah, kugoning'." 23 Kileji Jeso kinyenda, "Tiking'ete wering'wong' kinyile."24 Kileji Marta kinyenda, " Anget kile tiking'ete kinyile mu ng'etye mu betutab let." 25 Kileji Jeso kinyenda, "Ai ng'etie ako sabondo; aka togol nyoyene akibo ane, ambo ngitima, ku sabe; 26 Aku aka togol nyi sabe akuyene akibo ane ki ma mee. Ayanakwe nyenyi?"27 Kileji kinyenda, "Ee, Kiptaiyandani, ayene ale iinye Kristo, Weritab Cheptailel, nyichoni ng'wony." 28 Bani kikakimwa kile nyenyi, kuwo kugur cheptang'wang' Maria mu ung'ot. Kileji, "Mito yu konetinde akuguuring." 29 Kinegas kile nyenyi, kichokji king'eet auwo wolo mi kinyenda.30 Aku kitomo kiit Jeso kokwonone, aku kitikimi wolo kituiyeji Marta kinyenda. 31 Kineero anyu Yahudik che kimi go kugoigoiye kinyenda, kile kang'eet Maria kuchokji akuwo sang', kurup kinyenda, kupkote kile kowo kebene kirire woline. 32 Kineit Maria woldo nyikimi Jeso akuro kinyenda, kubutyi kelyekji akileji, "Kiptaiyandani, nde kimi yu, katimamee werinyo nyekitupche."33 Kinero Jeso kinyenda kiriire, ako Yahudik chekipka kurupu kinyenda kiriirsot, kigas king'wan mu muguleitanyi, akuchol, 34 kileji, kiagonorji ano?" Kileji kinyenda, "Kiptaiyandani, choo roo." 35 Kiriir Jeso.36 Kimwa anyu Yahudik kile, " Aroo anyu wolo kichamtoi Lazaro!" 37 Aku kimwa alak kile, "Momuche ambo chichi nye kiyote konyekab kipkorotyo, kuro ambo si ma me chichi?"38 Kigas anyu Jeso kinyile kung'wan mu muguleitanyi, akuwo kebene. Ki kebene nye kikigare koita. 39 Kileji Jeso, "Amilde koita." Kileji Marta , cheptambo Lazaro, nyenyi kikakima, Jeso, "Kiptaiyandani, banienyi ku kikunun borto, amu king'ete bani kima ku betusiek ang'wan." 40 Kileji Jeso kinyenda, "Ibere kimomwoung' kile, ngiyan, iroti torornatetab Jehovah?"41 Kiisto anyu koita. Kimarar anyu Jeso barak akile, "Aboo, amwaung' kongoi amu kegasa it. 42 Kianai ale igoso sait aka togol, aku amu tuiyoni tonone mu yu, kamwa kile nyenyi si ma ngap kuyan kile kinye nyikeyokwo."43 Bani kikakimwa kile nyenyi, kuwach mu kote nyo ou kile, "Lazaro, choo sang'!" 44 Kimong'u sang' anyu kinyenda nyikikakima kirototin kelyekji ako eunekji mu nguraik, aku kikirate metinyi anga. Kileji Jeso kichega, "Atyach kinyenda akakany kuwechigei."45 Kiyan anyu kinyenda chatyaa chibo Yahudik che kikapka wolo mi Maria akuro tuguuk che kiaiy Jeso, auyan kinyenda. 46 Aku kiba alak wolo mi Parisaik akimwoji tuguuk che ki aiy Jeso.47 Kiguur anyu tisiik cho echen kiboto Parisaik tuiyetab kirwogik akileji, " Kyoye nee? Aiye chichi kaborunoik chatya. 48 Nekimete kinyenda kile nyenyi, kuyene kinyenda biiko togol; akipka Romanik kusut korenyo kiboto emenyo."49 Kileji aka mu kichega nyekigre kaiyapa, nyeki tisinde nyo ou kenyinone, "Mongetikwe kiy. 50 Monget kile kaigai kima chito agenga mu akwe akibo biiko kisiir ibok emenyo togol."51 Kimamwoe kinyenda kile nyenyi kityo. Aku ki tisinde nyo ou kenyinone, ku king'ore kile akoi kima Jeso kimeji koree; 52 aku ma koree kityo, aku sikisikji kiyum lagokab Jehovah chekisarat sineityo kuloku agenga. 53 King'ete anyu betunone akitas tai kitat wolo bartoi Jeso.54 MAtikiwetote Jeso anyu mu wolo togu mu Yahudik, aku kiwo mu wolone kuwo kore nyakilegite suurkwen akoi kokwe aka nyekigure Epraim. Kitapchigei woline ako alamalyenyi. 55 Kikakirigu *Paska nyibo Yahudik, aku kibeti chatya mu eme kilang'ta Jerusalem kitomo kiit paska sineityo kutililgei kichega.56 Kiwas anyu Jeso, akilejigei kutononsoot mu hekalu, "Apkotakwe nee? Ibere machoni tumdo?" 57 Kikakimwa tisiik cho echen kiboto Parisaik kile, nenai chi aka togol wolo mi kinyenda, kimwou sineityo kicheg kinyenda.
121 Aku kitukimi betusiek lo si kwe paska, kucho Jeso Betania wolo kimi Lazaro nyo kiing'et Jeso kumong'u mu cho kibok. 2 Kichapchi kichega kinyenda amitwogik chibo kaseleny kibaisiejini Marta, au kimi Lazaro kiboto chekiamisie ako Jeso. 3 Kunemu anyu Maria mwaita nyong'utoi nyaanyiny, nyibo ratili agenga, nyyibo komonute nyo ou, akuile kelyekab Jeso, akubuke sumeekji kelyekji. kinyiy anyu ng'utoiyetab mwaita nyo anyiny got togol.4 Aku kile Juda Iskariot, nyo agenga nyobo alamalyenyi nyokimache kwalda kinyenda, 5 "Amune si makualda mwayone ng'utoi nyaanyiny mu dinarisiek bogol somok akegoji kibananoi?" 6 Kimwoe kile nyenyi anyu, ma kele kirire kibananoi, aku amu kichorin. Kitinye loletab chepkondoi aku kichore kiyo kikigoji arit.7 Kile Jeso, "Amete kugonorji betutab tubenyu. 8 Amu mi kibananok kibotok betusiek togol. Aku momiane ako akwe betusiek togol."9 Kinai anyu biiko chatya chibo Yahudik kile mi Jeso woline, aku kipka ma akibo Jeso kityo aku sineityo kuuro Lazaro kinyile, nyikikakung'eet Jeso kinyenda mu chi kikubok. 10 Aku kirwoch tisiik cho echen kile kebar Lazaro kinyile, 11 amu kikakitabangei chatya mu Yahudik kiba kuyan Jeso amu kinyenda.12 Betu nye kirupe, kipka biiko chatya tumdo. Bani kigas kile choni Jeso Jerusalem, 13 kinam tamoikab sostinek, akuba kutorokta kinyenda, aku kimwoe mu kote nyo ou kile, "Hosana! Berurot kinyenda nyi choni mu kainetab kiptaiyande,nyone ku Laitoriandetab Israel."14 Kinyoru Jeso warwetab sikiryo akilany; kile bani kikisir kele, " Matiywai, ee cheptab Sion; 15 roo, choni Laitoriandeng'ung' kubunu warwap sikiryo."16 kimanai alamalyenyi mu tai tuguchoche, aku kinemi bani kikutoror Jeso, kipkat anyu kichega kile kikakesir tuguchwechu akibo kinyenda aku kikwoiji kichega kinyenda tuguchoche.17 Kibaorian anyu tuye nyo kimi kiboto kinyenda bani kugure Lazaro kimong'u mu chi kikubok. 18 kiba anyu tuye kutorokta kinyenda amu kigas kile kikakwai kaborunonienyi. 19 Kimwojigei anyu Parisak kile, "Aroo, moiyakwe kiy nyakararan; aro, kikusoop kinyenda biiko tool chibo ng'wony."20 Aku kimi Yunanik mu kichega chekilong'toi kiba kusa mu tumdo. 21 Kipka anyu wolo kimi pilipu nyibo Betsaida mu Galilaya, akutbe kinyenda kile, "Kiptaiyandani, kimache keroo Jeso." 22 Kuwo Pilipu kimwoji Andrea, kuwo Andrea kiboto Pilipu akimwoji Jeso.23 Kuwolji Jeso kichega kileji, Kikiyam sait Ketoror weritab chi. 24 Amwowok kisob kisob ale, namachinji ng'wony baiywandetab ngano, akima, kung'otu ki baiywande kityo; aku ngima, kuiyee Logoek chatya.25 Kinyenda nyo chame sabondanyi kupote; aku kinyenda nyipote sabondanyi mu ng'wonyuni ku riipe kutit sabondab koigeny. 26 Ngitibaisyewo chii aka togol, ikany kurupka; aku wolo amite, kimi kiboityondenyu ambo. Ngutubaisyewo chii, kugonyite Aboo kinyenda.27 Imagei sabondanyu banienyi aku amwoe nee anyu? Aboo, saramu sainienyi? Aku kiachonjing saini amu ng'olyondonienyi. 28 Aboo, toror kaineng'ung'." Kimong'u anyu kote nyo ou mu kipsengwet kile, "Kiatoror nyenyi aku ta torore kinyile. 29 Kimwa anyu tuiye nyo kitonone mu woline kugase kile katul, alak kibere kang'alolji malaika kinyenda."30 Kuwolji Jeso kile, " Machoneno kotoni, aku akibo akwe. 31 Kaitu anyu kirwogetab ng'wonyuni: aku kaketorta anyu nyo ou nyibo ng'wony kimng'ta.32 aku bani kakikalapta awo barak mu ng'wony, amityigei biiko togol." 33 KImwoe kile nyenyi kuboru mee wolo meitoi.34 Kuwolji anyu tuiye kinyenda kile, "Kikegas mu ng'atutek kele tabe Kristo koigeny. Tabe kile nee anyu simwa ile kikiyam keuito weritab chii?" Ng'oo werine bo chii? 35 Kileji anyu Jeso, "tikimi lapkeiye mu kwenung'wong' mu betusiek chi matyana. Abetote bani totinye lapkeiyo, si manamak tuindo: aku chi aka togol nyiwetote tuindo ku monget wolo weti. 36 Netotinye lapkeiye, ayan lapkeiye, sineityo aloku werikab lapkeiyo." Kimwa Jeso ng'alechu akiwo kuwinyegei kichega.37 Aku bani kikwai ambo kaborunoik chatya chatene cho mu taing'wang', kimayan kinyenda. 38 Ki ayak nyenyi sineityo kusulda ng'olyondetab maotionde Isaiah, nyakimwa kile, "Kiptaiyande, kiyan ng'oo ng'alekjo? Aku kikeng'ong'ji ng'oo eutab kiptaiyande?"39 Mamuch anyu kuyan amu ng'olyondonienyi, amu kimwa Isaiah kinyile kile, 40 "Kikitich kinyenda onyekwak, aku kikugoji kinynda muguleiwak kutogolitu; si moro konyekwak, nde kinai mu muguleikwak sikugotugei, akasoop kichega."41 Kimwa Isaiah tuguchu amu kiro torornatenyi; aking'alal akibo kinyenda. 42 Aku kiyan kinyenda chatya ambo mu baunik; aku mang'aany kinyenda amu Parisaik, simakuon kichega mu kanise. 43 Amu kichame kolosunetab biiko kisiir kolosunetab Jehovah.44 Kimwa Jeso mu kote nyo ou kile, "Kinyenda nyo yono, ki mayana anenda, ako kayan kinyenda nyekiyokwo. 45 Aku kinyenda nyiroto kuroti kinyenda nyekiyokwo.46 Kiachoo aloku lapkeiye mu ng'wony, si makitabe mu tuin chi aka togol nyoyeno. 47 Akinegas chii aka togol ng'alekju, akimoriip, kimorwogjini kinyenda: amu kimachoo arwogji ng'wony , aku kiachoo asoru ng'wony.48 kinyenda nyitayo, akimatooche ng'alekju, kitinye nyarwokjine: ng'olyonde nyikamwa, ku nyarwogjine kinyenda mu betutab let. 49 Amu kimamwoe anenda kityo, aku kikono Aboo nyekiyokwo, ng'atutye nyimagat amwa ak nyimagat amaata. 50 Akonget kile sabondab koigeny ng'atutyenyi: tuguuk chamwoe anyu kile bani mwowo Aboo, amwoe kile nyone."
131 Aku kinemi bani tomo kuit tumdab Paska, kinai Jeso kile tomo kuit sainyi nyiweti mu ng'wony kuwo wolo mi Aboo, bani kikicham chachii chimi ng'weny, kicham anyuakoi betutab let. 2 Aku mu saitab amitwogikap kasaleny, ku kakugoji chesawil aldoisyo muguleitab Judas Iskariot, nyibo kap Simion.3 Ku kakinai Jeso kile kakugoji Aboo tuguuk togol eunekji, akile kibunu Jehovah, akuweti wolo mi Jehovah, 4 king'eet mu amitwogik akugoji taban ngureikji, akinam angee nyekibuchegei akitichegei. 5 Akirongji beeko sani akutou kuun kelyekab kasubikji, akupuge anganone katichegei.6 Kicho anyu wolo mi Simion Petero. Neityo kileji Petero, "Kiptaiyandani, ara iunenye kelyekju?" 7 Kuwolji Jeso akileji kinyenda, " Kito nyomache aiiy sai, ku menget banienyi, aku tukuite tuun inai. 8 Kileji Petero, Meunenye kelyekju. Kuwolji Jeso kileji, "Ngitimaunung, ku maketing'ekei kiy. 9 Kileji Simion Petero kinyenda, "Kiptaiyande, ma kelyekju kityo, ak eunekju kinyile ak metinyu.10 Kileji Jeso kinyenda, " Kinyenda nyi kikuungei kimakimache kuungei kinyile, kibate kelyekji, amu unot kinyenda: aku aunotinikwe, aku ma akwe togol. 11 A(mu kinget nyimache sikwaalda kinyenda, kimwa amu nyone kile, " Ma unotin togol.")12 Kinemi bani kikuun anyu kelyekwak, akinomu nguroikji, akitebi ng'wony kinyile, kileji, "Ara onget kiyo kaiwak? 13 Ogureno Konetinde, ako kiptaiyande: akomwoe kikaram, amu ai kinyenda. 14 Ne ane anyu nyo ai Kiptiyande ako konetinde, nyikaun kelyekwok, ku magat anyu mu akwe aunjigei kelyekwok. 15 Amu kaborwok sineityo aiy ambo akweka kile bani kaiiwak.16 Amwowok kisob, kisob, ale, Ma ou otwogindo kusiir Kiptaiyandenyi, aku ma ou kinyenda nyi kikiyogu kisiir kinyenda nyi yoktoi. 17 Nganai tugchu ku abaibaitu nga aiy. 18 "Momwoe akibo akwe togol: anget chi kyolewen, aku si kusulda sirutye nyi kile, ' kinyenda nyi ame makatyandenyu, ku kaking'eet kwaryandenyi akuaiwo nya ngaya.19 Masip amwowok kirook kitomo kusulda, sineityo nesulda, ayan ole aii kinyenda. 20 Amwowok kisob, kisob, ale, kinyenda nyitooche aka togol nyo oyogu ku kataacha, aku kinyenda nyitoocho, ku kataach kinyenda nyi kiyokwo."21 Kinemi bani kakimwa Jeso kile nyone, kuimgei mu muguleitanyi, akibaurian kile, "Amwowok kisob, kisob, ale, aldo aka mu akwe." 22 Kimarargei anyu kasubik, akimanai kile ngu mwoe akibo ng'oo.23 Aku kimi mse agenga nyibo kasubikji ya kitiyegei tagetab Jeso, nyakichamat mu Jeso. 24 Kutwai anyu Simion Petero kinyenda kileji, Mwowech, ara mwoe kinynda akibo ng'oo?" 25 Kileji anyu nyakitiegei tagetab Jeso, "Kiptaiyande, ng'oo nyine?"26 Kuwolu anyu Jeso kile, "Kinyenda nyi anoktoi makatyande akogoji kinyenda." Aku kinekakunokto anyu makatyande, kugoji Judas nyibo kap Simion Iskariot. 27 Kinebata makatyande, kuchut chesawil kinyenda. Kileji Jeso kinyenda anyu, "Aiy chokji kiyo imache i aiy."28 Momi chi nyikinai mu chikimi mese kwomisye kile kamwoji kinyenda kile nyenyi amu nee. 29 Kibere alk mu kichega kileji Jeso, "Ui aal tuguk chikimache mu tumdo", amu kiting'ote Juda loletab chepkondoi, nde kileji kugoji kiy kibananok. 30 Kinekakitaach anyu Judas makatyande, kuwechigei sang' banone. Ki saitab kemoi.31 Kinewechigei Judas, kimwa Jeso kile, "Kaketoror anyu banienyi weritab chi, aku kaketoror Jehova mu kinyenda. 32 Aku tuun torore Jehovah kinyenda mu oritinyi, akutorore kinyenda mu sainone. 33 Lagochu mengechen, totebe kibotok nyi matyana. Tuun awoso: aku kile bani kiamwoji Yahudik kile, 'Wolo aweti kimomuche apka', amwowok banienyi akwega kile nyone.34 Akonok ng'atutye nyoleel, ale, achomnye ; kile bani kiachamak, achomnye akwega. 35 Naye biiko togol kile aikwe kasubikju ngochomsoot."36 Kileji anyu Simion Petero, "Kiptaiyandani, iweti ano?" Kuwolji Jeso kile, " Wolo aweti, kimemuche irupka sai; aku tuun irupko." 37 Kileji Petero, "Kiptaiyandani, kainee smamuche arupung' ambo sai? Agoitoi sabondanyu akibo kinye. 38 Kuwolji Jeso kileji, "Igoitoi sabondang'ung' akibo anee? Amwaung' kisob, kisob, ale, kitomo kichai kipsoiywo, itayo kinyil somok."
141 "Kitimogoji muguleiywekwok kuimgei: ayan Jehovah; aku ayana ambo anenda. Mito goriik chatya mu kotab Aboo; nde kima lee nyone, ndakikamwowok; aweti achopkok koree. 3 Aku bani kikachopkok koree, achoni kinyile amutok; si wolo ami amite ambo awega.4 Aku wolo aweti, onget aree. 5 Kileji Tomas, "Kiptaiyandani, makunget wolo iweti, kinaitoi ano anyu aree?" 6 Kileji Jeso, "Ai aree ako iman, ako sabondo; machonjini chii Aboo akima mu anee 7 Nde kianaya, nde kikanai Aboo kinyile: aku anai kinyenda anyu king'ete ra, aku kioroo kinyenda.8 Kileji Pilipu, "Kiptaiyande, borwech Aboo, sikiyamech. 9 Kileji Jeso, "Kiketobo togol ako akwee betusyek chatya, akutomo inaya Pilipu? Kinyenda nyikikuroota, ku kikuro Aboo. Ara imwoe kile borwech Aboo amune anyu?10 Ibere meyene ile ami mu Aboo ak Aboo mu ane? Ng'alek chamwowok ku mamwoe anenda kityo: aku Aboo nyimenyo nyi aye boisionikji. 11 Yana amu ami mu Aboo, ak Aboo mu anee: nde ayana akibo boisionik kichega.12 Amwowok kisob, kisob , ale, "Kinyenda nyi yono, ku aiye kinyenda boisionik cho aiye, ak kwai boisionik cho echen mu chwechu: amu aweti wolo mi Aboo. 13 kiy aka togol nyo asome mu kainenyu, aiye , si kekonyit Aboo mu werii. 14 Ngosom kiy aka togol mu kainenyu, aiye kiyone.15 Ngachama, oriibe ng'atutekju. 16 Aku asome Aboo, akugonok kagaigainde aka, sikitebi kibotok koigeny. 17 Nyone ku Tamirmirye Nyotilil nyibo iman, nyimomuche ng'wonyu kitaach; amu morooti kinyenda, akima nae kinyenda, aku onget kinyenda; amu tabee kibotok , aku tuun tabee mu oring'wong'.18 Mabakagtook kile bonoon, achonjinok. 19 Tikimi katigin smakuroto ng'wonyu, aku arooto amu asbe asopsoot akwega. 20 Mu betunone anaye kile ami mu Aboo, ako akwee mu anee, ako anee mu akwee.21 Kinyenda nyetinye ng'atutekju, akiriibe, ki nyone nyi chomoo, aku kinyenda nyi chamoo, ku chamat mu Aboo, akochame kinyenda akong'ong'jigei kinyenda." 22 Kileji Judas (Ma Iskariot), "Kiptaiyandani, kainee sing'ong'wechgei kimeng'ong'jigei ng'wony?"23 Kuwolji Jeso kileji, "Ngichama chii akiriip ng'olyondenyu, akicham Aboo kinyenda akepkonji kinyenda, akemeny kiboto kinyenda. 24 Kinyenda nyi machamo ki maribe ng'alekju, akimanyanyu ng'olyonde nyi agase aku bo Aboo nyikiyokwo.25 Kamwowok tuguchu kitomi kibotok. 26 Aku netok tuguuk togol kagaigainde, Tamirmirye Nyotilil, nyi yogu Aboo mu kainenyu, akupkotwok tuguuk togol chi kiamwowok. 27 Abogokwok kalye, agonok kalyenyu: magonook kile bani gonu ng'wonyu. Matakany kuimgei muguleikwok, nde kuiywoisyo.28 kikagas kile bani kamwowok ale, aweti, akochoni wolo omite. Nitachama, ku abaibaitu amu aweti wolo mi Aboo, amu ou Aboo mu anee. 29 Kamwowok ra kitomo kayak sine kakwayak, ayan.30 Mong'ololwok kiya, amu choni nyo ou nyibo ng'wony, akimatinye kiy mu anee; 31 aku sikinai ng'wonyu kile achame Aboo aku kile bani kigono Aboo ng'atutye, aiye kile nyone. Ang'etye keba."
151 "Ai keti nyibo kisob nyibo sabibuk, aku semberinde ku Aboo. 2 Tile tame aka togol nyimi mu anee nyi maye logoek, akitiliil tame aka togol nyi ye logoek si kiyi logoek alak.3 Atililien banienyi amu ng'alek chi kikamwowok. Amenyo si omenyok. Kile bani momuche tame kiyi logoek kinyenda kityo, ngiti mamenye keti, kumomuche ambo akwega ngitimomenyo.5 Ai ketitab sabibuk, aku akwe tamoik: kinyenda nyimenyo, akomeny kinyend, ki nyone nya iyee logoek chatya: amu momuche aiy kiy akwege bungo nemomi kibotok. 6 Ngitima menyo chii, kewirtoi kinyenda kile tametab keti, si kiyam, sikiyum biiko akiwirchi ma' sikiloyo. 7 Ngitomenyo, akimenyok ng'alekju, asom anyu kiy aka togol nyomeche, sikeaiwok.8 Kigonyite Aboo mu nyenyi, bani aiyee logoek chatya; sineityo oloku kasubikju. 9 Kile bani kichama Aboo, ku kiachamak anenda ambo. Atebee mu chomnyenyu.10 Ngutoriibe ng'atutekju, akotebee anyu mu chomnyenyu, kile bani kiorip ng'atutek chibo Aboo, akotebi mu chamnyenyi. 11 Kamwowok tuguchu sikitebi mu akwe boiboiyenyu, sineityo kusulda boiboiyeng'wong'.12 Ng'atutyenyu nyi, ale, achomnye kile bani kiachamak. 13 Matinye chii chomnye nyasire nyi, ale, kugoitochii sabondanyi akibo charwaikji.14 Aikwe charwaikju, ngutai tuguuk chi ang'atok. 15 Mogurenok otwog, amu ma naiye otwokindo kiy nyoiye kiptayandenyi; aku kagurenok charwai amu kang'ang'wok tuguuk togol che kiagase Aboo.16 Ki moleweno, aku kiolewenok akagonok ale aba akoiiyo logoek ; sineityo kitebi logoekwok; sineityo kugonok Aboo kiy aka togol nyo osome mu kainenyu. 17 Ang'atwok tuguchu ale , achomnye.18 Nesasak ng'wonyu, anai kile kikisasa kitomo kisasak. Nda koikwe chibo ng'wony, nda chame ng'wonyu chachii: aku amu mo bakwe ng'wony, aku kiolewenok mu ng'wony, kisasook anyu amu nyenyi.20 Apkaat ng'olyonde nyi kiamwowok, 'Masiire otwogindo kiptaiyandenyi.' Ngutikiuso anenda, kuusakwe ambo, ngutukinam ng'olyondenyu, kiname nyong'wong' ambo. 21 Aku aiywook tuguchu togol akibo kainenyu, amu mnai kinyenda nyikiyokwo. Ndakimachoo ang'ololji kichega, kitamatinye tangek, aku banienyi, ku atinye kiyo tyokegei akibo tangektang'wang'.23 Kinyenda nyi sasoo ku kasaas Aboo. 24 Ndakima aiy mu kwenung'wang' voodoo nilkima aiy chitaka, nde katimatinye tangek: aku ra ku kakigarech aku kakisaseech anenda ako Aboo. 25 Au si kusulda ng'olyonde nyekikisir mu ng'atutikwak, kele, 'Kisasa kileen.'26 Nemi bani kikucho kagaigainde, nyi nemi tuun ayokwok kibunu Aboo, Tamirmirye Nyotilil nyibo iman, nyibunu Aboo kicho kibaoryanjo. 27 Akabaoriene ambo akwega amu kiomii kibotoo king'ete tai.
161 "Kamwowok tuguchu si ma kartak. 2 Kuonook mu kanisosik. Choni sait nyipkote chi togol nyi barok kile aichini Jehovah boisie.3 Aku aiye tuguchu amu manai Aboo nde ku anee. 4 Aku kamwowok tuguchu si necho saing'wang', amuche apkaat ole, kiomwowok akibo chwechu. Aku kimomwowok tuguchu king'ete tai , amu kiomi kibotok.5 Aku ra kowo wolo mi kinyenda nyikiyokwo, aku momi chi makwe nyitebeno kile, 'Iweti ano?' 6 Amu kamwowok tuguchu, ku kanyiy muguleiwekwok cholotyo. 7 Aku amwowok nyibo kisob; kararan mu akwee ngowo: amu ngiti ma wo kimachonjinok kagaigainde; aku nowo, ayokwok kinyenda.8 Nemi bani kakucho kagaigainde, kuborji ng'wony akibo tangekto ako imanda, ako kirwoge, 9 akibo tangekto amu mayana; 10 akibo imanda, amu aweti wolo mi Aboo, akimakoroto kinyile, 11 akibo kirwoge, amu kikirwogji nyo ou nyibo ng'wonyuni.12 " Totinye tuguuk chatya chi kata tamwowok, amu mokomuchakwe amuita banienyi.13 Aku nemi bani kocho kinyenda , Tamirmirye Nyotilil nyibo imanda, kindoiwok akoi amang'ta togol: amu mamwoe chachi kityo, aku mwoe tuguuk togol chigase, akung'ong'wok tuguuk chipkoni. 14 Tororoo, amu name chachu akung'ong'wok.15 Chachu tuguuk togol chatinye Aboo, nyone kamwa ale, name chachu akuborwok." 16 "Tomo katigin simakoroto kinyile, akimi katigin kityo saroto. "17 King'ololjigei anyu alak mu kasubikji kile, "Neenyi kamwowech kile 'Mi katigin simakoroto, akimi katigin sarota, amu aweti wolo mi Aboo?' 18 Kile anyu, "Nee nyi kamwa kile, 'Mi katigin?' Makunget kiyo mwoe."19 Kinai cheso kile mache biichoche kitebee kinyenda, aku kileji, "Ibere atebegei akwege akibo ng'olyondoni kikamwa ale, 'Mi katigin si makoroto, akimi katigin kinyile sarota? 20 Amwowok kisob, kisob, ale, ariirsot akawoksot akubaibai ng'wonyu. Acholsoot, aku kuweche cholotyeng'wong' kuloku boiboiyo. 21 kile chepyoso nyating'e tomono bani mache kisigisyo, bani kait sainyi, aku bani kikisich lakwe, kimakipkote ng'wonin kinyile, aku loku boiboiye amu kakesiku chii kicho ng'wony.22 Nyone anyu, otinye cholotye banienyi: aku tarotook kinyile, amu baibai muguleiwekwok, akima sarenok chii boiboiyeng'wong'. 23 Akimatebeno kiy betunone. Amwowok kisob, kisob, ale, 'Ngitosom Aboo kiy aka togol kugonok mu kainenyu. 24 Tomo asoom kiy mu kainenyu: asoom si anyoru, sineityo kusulda boiboiyeng'wong'."25 Kamwowok tuguchu mu kalewene: aku choni sait, nymakang'ololwok mu kalewene, aku aborwok kikaram akibo Aboo.26 Asome betunone mu kainenyu: amwowok ale, atebee Aboo kiy akibo akwe; 27 amu chamok Aboo kinyenda amu kiachama, aku kiayan ole kiabunu Aboo. 28 Kiabunu Aboo, akachonji ng'wony; abakagtooi ng'wony kinyile, akakatitagei wolo mi Aboo.29 Kileji kasubikji, " Aroo, ing'olole banienyi kikaram kutoogu, akima imwoe kalewene." 30 Kunget ra kele inget tuguuk togol, aki ma magat chi kutebening' kiy: Kuyene mu nyenyi kele kibunu Jehovah. 31 Kiwolji Jeso kileji, " Ayeno ra?32 "Aroo, choni sait, ee, kikicho ambo sai, bani kiistok, kuwo chi togol bandanyi, akabagakta anenda kityo, amu mi Aboo kiboto. 33 Kamwowok tuguchu sineityo anyoruneno kalye. Otinye nyalilda mu ng'wony! Aku oloku nyogon amu kikobel ng'wony.
171 Bani kikakimwa Jeso ng'alehu, kimarar barak kipsengwet, akile, "Aboo, kikuit sait itoror Wering'ung'; sineityo kutororing' wering'ung'. 2 Kile bani kigochi kinyenda kimnate kiboyu biiko togol, sikiyam kugoji sabon nyibo akoi mu chi togol nyikigochi kinyenda.3 Oronyi sabon nyibo koigeny: ale kinaing' Jehovah nya kinyenda nyibo kisob, ako Jeso Kristo, nyikiyogu. 4 Kiotororing' mu ng'wony amu kiatar boisie nyikigono aiy. 5 Ak ra anyu, ee, Aboo, tororo mu kinyende kityo mu torornate nyikiotinye akinye kemi yuwai kitomo kiitu ng'wonyu.6 Kioborji kaineng'ung' biiko chekigono mu ng'wony. Ki choguuk akigono aku kikiriip ng'olyondeng'ung'. 7 Kikinai ra kile bunung' tuguuk togol che kigono. 8 Amu kogoji kichega ng'alek che kigono aku kitaach, aku kikinai kisob kile kiobunu wolo imi, aku kikiyan kile kiyokwo.9 Asoe akibo kichega: mosoe akibo ng'wony, aku asoe akibo kichega chekigono: amu chachu. 10 Aku tuguuk togol chachu ku chokuk, aku chokuk ku chachu, aketororoo mu kichega. 11 Aku mokomite ng'wony, aku mi ng'wony chu, akochoni wolo imi. Aboo Nyotilil, riip mu kaineng'ung' kichega chekigono, sineityo kuloku agenga., kile ache.12 Kioriip mu kaineng'ung' kichega che kigono, bani kitikemi ako kichega: Kioriip kichega akimobet ambo agenga mu kichega, kibate weritab botot; si kusulda surutye. 13 Kachonjing' banienyi, akomwoe tuguchu mu ng'wony, sineiyto kusulda boisyenyu mu kichega. 14 Kiogoji ng'olyondeng'ung'; aku kiwech ng'wonyu kichega, amu mo bo ng'wony, kile bani mobo ng'wony anenda.15 Mosoe ale mut kichega mu ng'wony, aku ale iriip kichega mu kinyenda nya ngaya. 16 Mapo ng'wony kichega kile bani mopo ng'wony anenda. 17 Tilil kichega mu imanda: imanda ng'olyondeng'ung'.18 Kile bani kiyokwo acho ng'wony, kile nyone kayokto kichega kiba ng'wony. 19 Au atobonegei akibo kichega si neityo ketaban kichega mu imanda.20 Akimosoe akibo chu kityo, aku asoe akibo kichega che nemi tuun kiyono amu ng'olyondeng'wang'; 21 sineityo kuloku kichega togol agenga. Kile bani iminye Aboo, mu anee, ako anee mu kinye, sineityo kitebi kichega mu achee: sineityo kuyan ng'wonyu kile kiyokwo .22 Akogoji kichega torornate nyikigono; sineityo kulogu agenga kile bani kii agenga achega; 23 anee mu kichega, ako kinyee mu anee, sikiloku kichega choiititotin mu agenga, si neityo kinai ng'wonyu kile kiyokwo, aki chame kichega kile bani ichomo.24 Aboo, amache ale kitebi kibotoo mu wolo ami, kichega che kigono, si neityo kuuro torornatenyu nyikigono; amu kichama kitomo kelumta ng'wony.25 "Ee, Aboo nyibo imanda, kimongeting' ng'wonyu, aku kiongeting', aku kikinai chu kile kiyokwo.
181 Kinemi bani kikimwa Jeso ng'alechu, kiba ako alamalyenyi kilang'ta tengoni nyibo aine, nyikugure Kedron, wolo kimi mbare, wolo kiwo kinyenda, kiboto alamalyenyi. 2 Aku kinget koronine Judas, nyakichomtoi kinyenda, amu kicham kuweti Jeso woline kiboto alamalyenyi. 3 Aku kinemi bani kikunyoru Judas lugetab kiplogotinek, ako kiptainak chebunu tisiik choechen ako Parisaik, kipka kitinye taisyek ako ramertinek ako karigab luge.4 Kiwo anyu Jeso ku kakinai tuguuk togol chipkonjine kinyenda akileji, " Awese ng'oo?" 5 Kuwolji kile, "Jeso niybo Nasaret." Kileji Jeso ai kinyenda."Kitonone Judas kinyenda, nyekichomtoi kichega.6 Bani kimwoji anyu kile, "Ai kinyenda", Kibae batai akutirindoi. 7 Kitebee anyu kichega kinyil kile, "Awese ng'oo?" Akile, "Jeso nyio Nasaret."8 Kiwolji Jeso kile, "Kikomwowok kile ai kinyenda: nyone anyu, chi wosoo ang'unde chu kiba." 9 Si kusulda ng'olyonde nyikimwa kile, "Mabeteno ambo agenga mu choche kigonoo."10 Kung'usu anyu Simion petero rotwetab chok nye kitinye, akiyap kioityondetab tisiinde nyo ou, kiyap itinyi nyibo tai. Kikugure otogindonone Malko. 11 Kileji Jeso anyu Petero, "wekji rotwee choke: ibere mo aiyee kugombe agenga nyikigono aboo?"12 Kinam anyu lugee ako kiptaiyande nyo ou, ako kiptainak chibo Yahudik Jeso akirat kinyenda. 13 Akumityi Anas kirook; amu ki kabigoi nyibo kaiapa, nyi kitisinde nyo ou kanyinone. 14 Kaiapa nyone nyekiborjine Yahudik kile, michini kimeji chito agenga biiko.15 Kurup anyu Simion Petero Jeso, ako aka nyibo alamalye, kiba goot ariit kiboto Jeso akoi kapkirwogetab tisinde nyoou. 16 Kitonone Petero mu sang' wolo legite kirge. Kimang'ta anyu chichone agenga mu alamalye nye ki kinyenda kityo ako tisinde nyo ou, akung'ololji chepto nyekiriibe kirge, kemutu Petero kicho go.17 Kileji anyu chepto nyekiriibe kirge Petero, "Meinye agenga mu alamalyetab chichi?" Kile , "Ma anee." 18 Aku kitononsoot mu yone otwogikab kiptainak, che kikakilai maat nyibo nasen, amu kikaitit, akuywe maat: aku kitonone Petero kinyenda kiboto kichega kuywee maat.19 Kitebe anyu tisinde nyo ou Jeso akibo alamalyenyi ako konetisyenyi. 20 Kiwolji Jeso kileji, "Kiong'ololji ng'wony , akimauny ng'olyo; kionetisyo betu aka togol mu kanisosiek ako kapkorosusiek, wolo tusoot Yahudik togol, akimamwa kiy mu ung'oot. 21 amunee si tebena? Tebee kichega che kigas kiyo kamwoji. Roo, nget chucho tuuk chi kiamwa."22 nemi bani kikimwa Jeso kile nyenyi, kurabach aka mu kiptainak che kitononsot mu yone kile, " Iwoljini tisiinde no ou kile nyone?" 23 Kuwolji Jeso kile, "Ngitikamwa nya ngaya, ibaoryan akibo nyone ngaya: aku ne kararan, ku amunee rabacha?" 24 Kuyokto anyu Anas kinyenda kuratat kuwo kap Kaiapa, tisinde nyo ou.25 Aku kitonone Simion Petero kuywee maat. Kileji anyu kichega kinyenda, "meinye agenga ambo nyibo alamalyenyi?" Kitai kile, "Ma ane." 26 Kile otwoginde aka nyibo tisinde nyi tilya ako chikai kiyebe Petero itinyi, "Ibere kimaroting imi mbar ako kinyenda?" 27 Kitai Petero kinyile ; aku mu sainone, kichai kipsoiwo.Kikimut anyu Jeso king'ete kap Kaiapa kuwo praitoria: aku kiti ki karoon kiya; aku maba kichega praitoria ariit, sima ng'onitu, aku sineityo kwam Paska. 29 Kimang'ta Pilato anyu kuwo wolo mi kichega, akile, "Nee ng'olyo nyi arwogjinoe chichi?" 30 Kuwolji kileji, " Nda ka ma cholwogin chichi, katimakimutu kinyenda kucho taing'ung'."31 Kileji Pilato kichega anyu, " Anam kinyenda akwega akorwogji kile ng'atutyeng'wong'." Kileji anyu Yahudik , "Machamat mu achee kegeet chii aka togol. 32 Kimwoe kile nyenyi sineityo kusulda ng'olyondetab Jeso nyiimwa kiboru mee wolo meitoi.33 Kuwo anyu Pilato kinyile praitoria ariit, akuguur Jeso kileji, "Ibere iinnye laitoriandetab Yahudik?" 34 Kuwolji Jeso kile, "Kemwa ng'olyondoni kinyende kityo nde kakimwoung' akibo anee?" 35 Kuwolji Pilato kile, " Aine Yahudio? Kakumutung' tainyu biikuk ako tisiik cho echen. Kiaiy nye nee?"Kuwolu Jeso kile, " Mobo laitornatenyu ng'wonyuni. Nde bo ng'wonyuni laitornatenyu, ku kata aiye borye alamalyenyu si ma kugocho eunekab Yahudik: Ara anyu banienyi ku mo bo laitornatenyu woli." 37 Kileji anyu Pilato kinyenda, ara ii laitoria so?" Kuwolji Jeso kile , "Kaimwa ile ai laitoria. Kikisichu amu nyenyi, aku kiachoo ng'wony amu nyenyi, sineityo abaorianji imanda. Chii aka toogl nyibo imanda kugase kotenyu."38 Kileji Pilato, "Nee imanda?" Kinemi bani kikimwa kile nyenyi, kimang'ta kinyile wolo mi yahudik, akileji, "Manyorjane lelut kinyenda. 39 Aku otinyakwe atabe , ole atyokwok aka mu paska: ara omeche atyokwok laitoriandetab Yahudik?" kibolyo anyu kinyile , kile, Ma chichi, aku Barabba!" Aku anyu ki choriin Barabba.
191 Kinam anyu Pilato Jeso, akibire kipchoriti. 2 Aku kitaiy kiplugotinek ng'atye nyibo katoi akugoji meti, akulokji nguryee nyo arus nyobirir. 3Akipka wolo mi kinyenda akile, " Kitororing', Laitoriandetab yahudik!" Akirabach kinyenda.4 Aku kimang'ta Pilato kinyile, akileji kichega, "Aroo, kamutwak kinyenda kucho taing'wong' sineityo anai kile manyorchane kinyenda lelut. 5 Kung'etu anyu Jeso sang', ku karat metinyi mu ngatietab katoi, kulogonu ngurionone nyorus nyobirir. Kileji anyu Pilato, " Aroo, chichi anyu!" 6 Kinero anyu kinyenda tisiik cho echen ako kiptainak, kibolyo kile, " Agargat! Agargat! Kileji Pilato, "Amut akwega kinyenda akagargat, amu manyorji lelut."7 Kuwolj Yahudik kileji, "Kitinye ng'atutye, aku kamichi kima amu ng'atutyonone, amu kaitagei kile weritab Jehovah. 8 Bani kinegas anyu Pilao mwayanone, kuiyweisyo kiya. 9 Kuwo kinyile Praitoria ariit, akileji Jeso, "Ichonenye ano?" Mawolji Jeso kiy kinyenda.10 Kileji anyu Pilato kinyena, "Meng'ololwo? Menget ile atinye kimnate atyaching' akotinye kimnate agargating'?" 11 Kuwolji Jeso kileji, "Katametinye kimnate iiywa kiy ndekamakugoning' mu barak; nyone anyu, tinye kinyenda nyikigocho euneguk tangekto kusiir."12 King'ete yone kuwas Pilato kutyach kinyenda: aku kibolyo Yahudik kile, " Ngutitach chichi, ku maki ii charwetab Kaisari: renye Kaisari chi aka togol nyoitogei kuloku laitoria. 13 Kinegas anyu Pilaro ng'alechu, Kumutu Jeso kimong'u sang' akutabe ng'wonymu ng'acharetab kirwoge mu wolo kugure "Tatetab koik," aku kikugure mu kotetab Hebranik ,"Gabbata."14 Ki chabetab Paska betunone: aku ki wolo bo sait lo. Kileji Pilato Yahudik, "Aroo, Laitoriandeng'wong'!" 15 Kibolyo bichoche kile, "Iste kinyenda! Iste kinyenda! Gargat kinyenda!" Kilji Pilato kichega, "Agargat laitorianden'wong'?" Kuwolu tisiik cho echen kile, "Makitinye laitoria kibate Kaisari. 16 Kugoito anyu Pilato kinyenda kegargat. Kinam anyu kichega Jeso akumut.17 Kumut anyu Jeso kimang'ta, kuibe kimurtoyondenyi kinyenda kityo, akoi wolo kigure "Koretab Terta." Nyikigure mu kotetab Hebranik, "Golgota: 18 wolo kikigargat kinyenda kiboto biiko alak aeny, aka kamasi, ako aka kamasi aku kimi Jeso kwen.19 Kisir anyu Pilato sire akugoji kimurtoyonde: kikisir anyu kile, JESO NYIBO NASARET, LAITORIANDE NYIBO YAHUDIK. 20 Kusoman anyu Yahudik chatya sirutyonienyi: amu kilegite kokwe wolo kikigargate Jeso: aku kikisir mu kotetab Hebranik, ako Romanik , ako Yunanik.21 Kileji anyu tisiik cho echen chibo Yahudik Pilato, "Kitimesir kile Laitoriandetab Yahudik, aku kimwa kinyende kityo kile, 'Ai laitoriandetab Yahudik.'" 22 Kuwolu Pilato kile, "Kiyo kikasir ku kikasir.23 Bani kikugargat anyu kiplugotinek Jeso, kinam anyu nguroikji, akupchai kipkane kamoswek ang'wan, kuib kiplugotyo aka togol kamasta aka; aku ile nyone ambo sumbe, aku kimatinye sumbe wolo kikituye,kikinap kuloku agenga king'ete barak akoi kapklien. 24 Kilejigei anyu kichega bungo, "Kitimagany kebaal, aku akany ketil mang'an , sikenai chito nyabunjine: si kusulda sirutye nyimwoe kile, "Kipchaichigei nguroikju, akilotyigei ngurienyukiai anyu kiplugotinek tuguchwechu."25 aku kiyong'sot mu wolo legite kimurtoyondetab Jeso kamenyi, cheptambo kamenyi, Mary chepyosop Klopa ako Maria makdalena. 26 Bani kiiro Jeso kamenyi, kiboto alamalye nyi kichame, kuyong'sot mu yone, kileji kamenyi, "Chepyosoni, roo, wering'ung'!" 27 Kieji anyu almalye, "Roo, kameng'ung'!" King'ete sainone kumut alamalyekai chepyosonone kuwo gonyi.28 Kinebta nyenyi, kinai Jeso kile kakuwong'ugei tuguuk togol, sineityo kusulda sirutye, kimwa Jeso kile, "Ka ama malal." 29 kikakegoji yone tare nyo kinyitat siki: kunyiit anyu sipongi akuyokoijine sosyo, kugoji kotenyi. 30 Bani kakitaach Jeso siki, kimwa kile , "Kikubok". Kuabuch metinyi akugoita Tamirmiryenyi kuwo.31 Amu kichabee aku kima kimakjine borwek kitabee kimurtoiyo mu sabato,(amu ki ou betunone bo sabato), kusoom Yahudik Pilato kile keriy kelyekwak akechoru. 32 Kipka anyu kiplugotinek, akuriy kelyegab nyibo tai, ako nyibo aeny nyi kikigargat kiboto Jeso. 33 Aku kinepka wolo mi Jeso, akuro kile kikima, kimatikiriy kelyekji.34 Aku kitore ng'oti karastanyi aka nyibo kilugotinek, aku nyi matyana, kimong'u karetik ako bei. 35 Aku kibaoryan kinyenda nyekiiro, aku bo kisob baornatenyi : aku kinget kinyenda kile mwoe iman si neityo ayan akwega.36 Kiayogis tuguchu sineityo kusulda sirutye nyi kile, "Makiriye kowenyi." 37 akimwoe sirutye aka kile, "Tuun rotii kichega kinyenda nyakitore."38 Kinebata tuguchu, kuwo Joseph nyibo Arimatea, nyi ki agenga nyibo karupikab Jeso mu ung'ot, amu kiywai Yahudik, kusoom Pilato kile kusut bortab Jeso. Kichamji Pilato. Kucho anyu kuip bortanyi. 39 akucho kinyile Nikodemo, nyakichonjini Jeso kemoi akinya tai. Kuibu tuguuk chakargei ako igomoi chekikiware nyamdutek alak, che kibo wolo bo ratilisiek bogol.40 Kusut anyu bortab Jeso, akitai mu ngureik chibo katanik kiboto nyamdutik, kile ateptab Yahudik bani tubisyo. 41 Kimi mbare wolo kikigargate kinyenda, aku kimi mbaranone tose nyoleel nyakitomo ketupchi chii. 42 Kikugoji anyu Jeso wolone amu ki betutab chabetab Yahudik, amu kilegit tose.
201 Kucho tose Maria Makdalena karoon kikorir kore mu betu nyibo tai nyibo wiki, kuro koita kikemilda mu tose. 2 Kilabat kitiit wolo mi Simion Petero ako aka nyibo alamalye nyekichame Jeso, akileji kichega, " Kikeib Kiptaiyande mu tose akimokunget wolo kikugoji kinyenda."3 Kiwo anyu Petero ako alamalyekai kitakjigei tose. 4 Kirwoi tuwai kitosotogei, kilabat nyi aka nyibo alamalye kindoe Petero akisip kiit tose. 5 Akineng'urukso kuuro ariit, kuuro nguroikab katanik kiitoyotin.6 Kicho anyu Simion Petero kurubu kinyenda akiwo kuchut tose akuuro nguraik chibo katanik kuitoyotin. 7 Ako ange nyikimito metinyi, ku kimomi kiboto nguroik chibo katanik, aku kikutugur kityo mu ariinyi.8 Kuwo ariit kinyenda nyibo alamalye nyekisip kiit tose, aku kiro akuyan. 9 Amu kitomo kinai sirutye nyekile, "Ng'ete kinyile nyi matiny mu chi kikubok. 10 Kiba gaa anyu choche chibo karupik.11 Aku kitonone Maria mu tose sang' , kiriire: akinemi bani kitikiriire, kung'uruch akukoito tose, 12 aku kiiro malaikainak aeny chakilelechen nguroik kitabee ng'wony, aka mu wolo bo meti ku aka ku wolo bo kelyeek, mu wolo kimi bortab Jeso. 13 Akileji, "Chepyosai kainee siriir?" Kileji kichega, "Amu kakeib Kiptaiyandenyu akimonget wolo kakugoji kinyenda."14 Kinemi bani kakimwa kile nyone, kuwechgei, kuuro Jeso, akimanai kile Jeso nyone. 15 Kileji Jeso, "Chepyosoni, kainee siriir? Iwase ng'oo?" Kipkote kile kinyenda ku ribindetab mbare, akileji, "Kiptaiyandani, ngikeib kinyenda, mwowo wolo kakugoji soib kinyenda."16 Kung'ololji Jeso kinyenda kileji, "Maria!" Kokus kong akileji mu kotetab Yahudik "Rabboni!" Nekiwech ku, "Konetindoni." 17 Kileji Jeso kinyenda, "Kitimetinyo amu tomo alang'ta wolo mi Aboo, aku ui wolo mi tupchosyekju ,akileji 'Along'toi kap Aboo, aku Aboong'wong' , Jehovenyu aku Jehoveng'wong'.' " 18 Kucho Maria Makdalena kileji karupikji, "Kioroo Kiptaiyande," akimwoji tuguchu kinyenda.19 Kinemi kasalong'utab betunone nyibo tai mu wiki, bani kikakigar kirgotik, mu wolo kimi karupik, amu ki ywei Yahudik, kicho Jeso kitonone kwenung'wang', akileji, "Ngitobo kalye mu akwe." 20 Kinemi bani kakimwa kile nyone, kuborji eunekji ako karastanyi. Kiboiboitu anyu karupik bani kiro Jeso.21 Kileji Jeso kinyile, "Ngitobo kalye mu akwe: kile bani kiyokwo Aboo, ayoktook ambo akwega kile nyone." 22 Akinemi bani kikimwa kile nyone, kumbusyi akileji, "ataach Tamirmirye Nyotilil. 23 Chi aka togol nyonyoijini gaat ng'okistanyi, kenyoijini gaat, aku aka togol chi ataye anyoji gaat, ketaye kenyoji gaat."24 Aku kimomi Tomas nyi kikugure Didumo, nyi ki aka nyibo taman ak aeny kiboto kichega bani kichoni Jeso. 25 Kileji anyu chu alak chibo alamalye, "Kikeroo Kiptaiyande." Kileji Tomas kichega, "Ngiti maroo mu eunekji birutek chibo kipchumerinak, akachukta mornenyu berutikab kipchumerinak akogoji eunyu karastanyi, ku moyene."26 Aku kinebata betusyek sisiitu, ku kimi alamalyenyu got, aku kimi Tomas kiboto kichega. Kucho anyu Jeso kukorotin kurgotik, akutonon mu kwenung'wang', akimwa kile, "Ngutebi kalye mu akwee." 27 Kileji tomas, "Yogoyu morneng'ung', akiroo morneng'ung' akigoji karastanyu, si meloku ny matinye kayane, aku yan."28 Kiwolji Toma kileji, "Kiptaiyandeyu, ak Jehovenyu!" 29 Kileji Jeso kinyenda, "Kikiyan amu kairoto: berurotin kichega chiyane ki maro."30 Ki aiy anyu Jeso kaborunoik alak chatya, mu taitab karupikji chi ma sirtin mu bukuini. 31 Aku kikisir chu, si neityo ayan ale Jeso ku Kristo Weritab Jehovah; sineityo bani ayene anyoru sabonda mu kainenyi.
211 Kinebata tukuchwechu kiborjigei Jeso alamalye mu araraita nyibo Tiberia; kiborjigei kile nyi; 2 Kimito kichega togol, Simion Peteroako Thomas nyikigure Didumo, ako Nathaniel nyiboKana nyibo Galilaya, ako werikab Zebedayo, ako aeny alak chibo alamalyenyi. 3 Kilei Simion Petero, kowo awaram samakinak. Kileji chuu alak kibeti ambo achega kiboto kinyende. Kiba anyu akilaany maingetab beek: manam anyu kiy kemounone.4 Aku kinemi bani mache kiyeech koree, kitonon Jeso mu taban: ku kimanai alamalye kile Jeso . 5 Kileji anyu Jeso, Lagochu, otinye kiy nyi ome? Kiwolji kileji Olo. 6 Kileji kichega awirji regeiwondeng'ong' nyakiname samakinak kamastab tai nyibo mainge sineityo anyoru. Kuwirji anyu aku matikumuch kuchuut amu kichang'it samakinak.7 Kimwoji agenga mu alamalye nyone nyakichame Jeso, Petero, kileji, "Kiptayande Nyenyi!" Kinegas Simion Petero kile Kiptaiyande, kilach kotinyi (amu kimatinye nguryo) akucho araraita. 8 Aku kipka chu alak chibo alamalye kibunu mainge nyomining' (amu kimalowen mu ngegut, amu ki wolo bo kwautik chebo eu pogol aeny), Kuchuut regeiwondonone mi samakinak. 9 Nyone anyu kineit ngegut, kuuro mu yone maat nyebo nasenik akuwatanat samakya mu yone ako makatya.10 Kileji Jeso, aibu samakinak chi karame sai. 11 Kilany Simion Petero mainge, akuchuut regeiwonde Kucho taban, aki nyiitat samakinak chokindon, bogol agenga ak konom ak somok: aku ambo ntakichang samakinak ku kimagerer regeiwondonone.12 Kileji Jeso kichega, "Apka aamishe ." Makany aka togol mu alamalye kitebe kile , "Ii ng'oo?" Amu kinget kile kiptaiyande. 13 Kicho anyu Jeso akinam akinam makatyande akugooji, kiboto samakinak kinyile. 14 Nyenyi ku nyibo somok kuborjinigei Jeso alamalye, king'ete bani king'eet mu che kikubok.15 Bani kikwomisho anyu, kileji Jeso Simion Petero, "Simion Weritab Johana, ibere ichomo ksiir chu?" Kileji kinyenda, "Ee, Kiptaiyande, inget ile achaming'." Kileji, Bai warekju." 16 Kileji kinyile nyibo aeny, "Simion weritab Johana, ichomo?" Kileji, "Ee, Kiptaiyande inget ile achaming'." Kileji, Yage Kechirekju."Kileji nyebo somok, Simion weritab Johana, Ichomo?" Kuyweisyo Petero amu kateb kinyil somok kibere 'ichomo?' Aku kileji , "Kiptaiyande, inget tuguuk togol: inget ile achaming'." Kileji Jeso kinyenda, "Bai kechirekju." 18 Amwaung' ksob ale, bani kitoi mining' ku kiilochagei, akiweti wolo imache, aku nemi kayain iyoositu, ku iitoi eunek sukuloogung' chitage, akumiting' wolo memache."19 Kimwa kile nyenyi kiboru wolo taptoi meet nye tororee Jehovah. aku bani kikakimwa kile nyone, kileji, "Arupka."20 Kuwechgei Petero akuuro alamalye nyekichame Jeso Kurupe; kutiyegei tagetab Jeso mu amisyetab kasaleny, akileji, "Kiptaiyande, ng'oo nyenyi aldoing'?" 21 Kinero Petero kinyenda, kileji Jeso, Aiye nee chiichi?"22 Kileji Jeso, ngutomache kitabiagoi tuun achoo , image nee? Rupkanye. 23 Kiyom anyu ng'olyondonienyi tupchosiek, kile ma mee chiichone agenga mu alamalye: aku kimamwoji Jeso kinyenda, kileji mamee." Aku kileji, "Ngutamach kitabe agoi tuun achoo image nee?"24 Nyi anyu ku alamalye nyi baorinjini tuguuchu aku nyakisire tuguchwechu akinget kile bo kisob Baornatenyi. 25Aku kimi kinyile tuguk alak chatya che kiaiy Jeso che ndakisire aka togol, abere kitamayame ngwony kitabusiek che kitakisirchini.
