Inoba Adam en pikit Abraham oba talarik waukwa mene inetage alukwa wene ¹Adam, Set, Enos, ²Kenan, Mahalaleel, Yared, ³Henokh, Metusalah, ⁴Nuh, Sem, Ham, ati nen Yafet.Yafet En Tagomake Nen Talarik Waukwa Wene⁵At Yafet en tagomake re, Gomer, Magog, Madai, Yawan, Tubal, Mesekh, ati nen Tiras. ⁶At Gomer en tagomake re, Askenas, Difat, ati nen Togarma. ⁷At Yawan en tagomake re, Elisa, Tarsis, apuni Kitim mene, ati nen apuni Rodanim mene welaukwa.Ham En Tagomake Nen Talarik Waukwa Wene⁸Ham en tagomake re, Kush, Misraim, Put, ati nen Kanan. ⁹At Kush en tagomake re, Seba, Hawila, Sabta, Raeman ati nen Sabtekha. ¹⁰At Kush en tagomake re, Nimrod. At ati ebe o keangma etage werek hagalaike.¹¹At Misraim en tagomake re, apuni Ludim mene, apuni Anamim mene, apuni Lehabim mene, apuni Naftuhim mene, ¹²Apuni Patrusim mene, apuni Kasluhim mene' it en hobuk apuni Filistin mene inebe esa huko aike, ati nen apuni Kaftorim mene welaukwa.¹³At Kanaan en tagomake re, Sidon, at ati ebe makusa tago, Het, ¹⁴Apuni Yebusi mene, apuni Amori mene, apuni Girgasi mene, ¹⁵Apuni Hewi mene, apuni Arki mene, apuni Sini mene, ¹⁶Apuni Arwadi mene, apuni Semari mene, ati nen apuni Hamati mene.Sem En Tagomake Mene Nen Talarik Waukwa Wene¹⁷At Sem en tagomake re, Elam, Asyur, Arpakhsad, Lud, Aram, Us, Hul, Geter, ati nen Mesekh. ¹⁸At Arpakhsad en tagomake re, Selah, nen Selah nen tagomake re, Eber. ¹⁹At Eber ageinapuri inebe pire ap enak. Omaket ake etage Peleg, at werek oba nen apuni keangma welaukwa mene inebe mogolaike. Agot opolikme atage re, Yoktan.²⁰At Yoktan nen tagomake re, Selef, Hazar, Mawet, Yerah, ²¹Hadoram, Uzal, Dikla, ²²Ebal, Abimael, Syeba, ²³Ofir, Hawila, ati nen Yobab. It inebe obogat ati re, Yoktan ageinapuri²⁴Sem, Arpakhsad, Sela, ²⁵Eber, Peleg, Rehu, ²⁶Serug, Nahor, Terah, ²⁷Abram, ati etage Abraham.Abraham Ageinapuri Inom En Tagenabik Waukwa Wene²⁸At Abraham ageinapuri re, Ishak nen Ismael. ²⁹It inebe talarik waukwa re yi. Ismael makusa mene nen tagoke re, Nebayot, opolik he Kedar, Adbeeel, Mibsam, ³⁰Misyama, Duma, Masa, Hadad, Tema, ³¹Yetur, Nafish ati nen Kedema. It ati inebe re, Ismael en tagoke mene nen talarik waukwa.³²At Abraham he hinago waganek welaike mene etage Ketura, Ketura nen tagomake mene nen talarik wagaukwa at. At en taginapike re, Zimran, Yoksan, Medan, Midian, Isybak, ati nen Susah. Yoksan ageinapuri re, Syeba ati nen Dedan, ³³At Midian ageinapuri re, Efa, Efer, Hanoh, Abida, ati nen Eldaa. It inebe obogat ati re, Ketura nen tagomake mene nen talarik waukwa.Isak En Tagomake Mene Nen Talarik Waukwa Wene³⁴At Abraham en Ishak tatike. Ishak ageinapuri re, Esau ho, Israel ho. ³⁵At Esau ageinapuri re, Elifas, Rehuel, Yeush, Yaelam, ati nen Korah. ³⁶At Elifas ageinapuri re, Teman, Omar, Zefi, Gaetam, Kkenas, Timna ati nen Amalek. ³⁷At Rehuel ageinapuri re, Nahat, Zereh, Syama, Ati Nen Miza.³⁸At Seir ageinapuri re, Lotan, Syobal, Zibeon, Ana, Disyon, Ezer, nen Disyan. ³⁹At Lotan ageinapuri re, Hori nen Homam ho. Lotan agot helekerek ati Timna. ⁴⁰At Syobal ageinapuri re, Alyan, Manahat, Ebal, Syefi, nen Onam ho. Zibeon ageinapuri re, Aya nen Ana ho.⁴¹At Ana ageinapuri re, Disyon aligat. Disyon ageinapuri re, Hamran, Esyban, Yitran, nen Keran ho. ⁴²At Ezer ageinapuri re, Bilhan, Zaawan, nen Yaakan. Disyan ageinapuri re, Us nen Aran ho.Inougi Kaintek Inetage Werek o Edom Welaukwa Wene⁴³Apuni Israel mene nen tagomake inougi kain inetage werek arik aweama hagasek logosak oba ap ake ebe oan hagalaigilek werekolek o Edom en it tak kain tek inetage werek hagalarik waukwa mene inebe yi!' Bela, Beor aput kain aike, nen o sili ati etage Dinhaba. ⁴⁴Bela ebe arat walaikomo, Yobab Zerah aput aua o Bozra mene kain etage werek logouwak iluk ugulukmo menetukwa. ⁴⁵Yobab ebe arat walaikomo, Husyam aua o Teman werekma mene ugulukmo menetukwa'ma at en aweama hagasek welaike.⁴⁶At Husyam ebe arat walaikomo, Hadad, Bedad aput en aweama hagasek logouwak iluk ugulukmo menisukwa. At en apuni Midian mene o Moab atoma nen inebe motok inoatikesik mea halogo hisasike, o sili ati etage Awit. ⁴⁷Hadad ebe arat walaikom, Samla o Masreka mene kain etage werek logouwagaluk iluk ugulukmo menetukwa. ⁴⁸Samla ebe arat walaikomo, Saul aua o Rehobot Efrat ima mene inoe kain etage werek logouwagaluk ugulukmo menetukwa⁴⁹Saul ebe arat walaikomo, Baal Hanan, Akhbork aput kain etagewerek logouwak iluk ugulukmo menetukwa. ⁵⁰Baal Hanan walaikomo, Hadad kain etage werek logouwak iluk ugulukmo menetukwa ati nen o sili etage Pahi nen agwe etage he Mehetabeel at ati Matred mene inalogo, Mezahab alogo.⁵¹Hadad ebe arat walaikomo, o Edom mene ap ukuloak lopok kain hagasek logosak oba hagalaukwa at Timna, ukuloak hagalagik, Alya, ukuloak hagalagik, Yetet, ukuloak hagalagik, ⁵²Oholibama, ukuloak hagalagik, Ela, ukuloak hagalagik, Pinon, ukuloak hagalagik, ⁵³Kenas, ukuloak hagalagik, Teman, ukuloak hagalagik, Mibzar, ukuloak hagalagik, ⁵⁴Magdiel, ukuloak hagalagik, nen Iram ukuloak hagalalaike. Ati re apuni Edom mene hesik ukuloak kaintek hagalarik waukwa mene ebe re yi' iluk isukwa.

Israel ageinapuri talarik waukwa wene ¹At Yakub ageinapuri re yi: Ruben, Simeon, Lewi, Yehuda, Isakhar,Zebulon, ²Dan, Yusuf, Benyamin, Naftali, Gad,ati nen Asyer.Yehuda Mene Nen Tagomake Talarik Waukwa Wene³At Yehuda ageinapuri re, Er, Onan, ati nen Syela, inebe henagan ati Syua alogo nen tageinapike, he ati aua o Kanaan mene. Er Yehuda aput makusa to mene re oabut weak iluk Inopase Etage pogot oba a'la ebetike, ati nen at ebe walasuagaluk halikomo walaike. ⁴At Tamar Yehuda eamal, at en hobuk Peres ati nen Zerah at hesik taginapike. Yehuda ageinapuri inebe obogat 5 nen talaukwa.⁵At Peres nen tageinapike re, Hezron ati nen Hamul. ⁶At Zerah nen tageinapike re, Zimri, Etan, Heman, Kalkol, ati nen Dara. Inebe obogat he 5 huli ba nen. ⁷At Karmi aput tatike re, Ahar, yimene timene wekelogo hisukwa mene atoma higit hogo halilek hebisikomo apuni israel mene weagarinapike. ⁸At Etan aput tatike re, Azarya.⁹At Hezron ageinapuri tageinapike inebe re, Yerahmeel, Ram, nen Khelubai. At Ram en tagomake mene nen tageinabik wagoukwa ¹⁰At Ram en tatike re Aminadab, nen Aminadab aput tatike re Nahason, ukuloak Yehuda mene hesik menaike. ¹¹At Nahason aput tatike re Salma, nen Salma aput tatike re Boas. ¹²At Boas aput tatike re Obed, nen Obed aput tatike re Isai.¹³At Isai aput he, Eliab, ati ebe makusa tago, Abinadab ebe at opolik tago, Simea ebe 3 oba nen tago. ¹⁴At Nataneel ati ebe 4 oba nen tago. Rahai ati ebe 5 oba nen tago, ¹⁵At Ozem ati ebe 6 oba nen tago, ati nen Daud ati ebe paigoak oba tago.¹⁶It inom tago mene hemi inebe re yi Zeruya nen Abigail. At Zeruya eagi inebe henagan tago, mene re inebe yi Abisai, Yoab, nen Asael. ¹⁷At Abigail en Amasa tatike, nen Amasa opase re Yeter, ebe re apuni ismael mene. Kaleb En Tagomake Mene¹⁸At Kaleb en tagomake mene aput Hezron aua o Azuba mene, agwe re he Yeriot, nen ageinapuri inebe re yi.Yesyer, Sobab, ati nen Ardon talaukwa. ¹⁹Azuba arat walaikomo, Kaleb en Efrat wanike, ati ba nen Hur talaike. ²⁰At Hur en tagomake re, Uri re Bezaleel²¹Ati ba arat hagalaikomo, Hezron waikesik he Makhir eak a'nogo hakesike, opase Gilead. At ati ebe arat aluge 60 tahun oba nen wanike. He ati nen Sagub tatike. ²²At Sagub en tagoke re, Yair,aua o halek 23 nen mene o Gilead keang oba halek welaike.²³Gesur nen Aram apuni o welaikareke lopok Hawot Yair o Kenat omakima oguluk apuni welek mene nen hagasek welaukwa ke atoma sebelukwa, o welaukwa mene ati ebe re 60 oba. Ati er Makhir en tagomake mene, opase Gilead. ²⁴At Hezron arat walaikomo re, Kaleb en Efrata eperak nogo isukwa, ati re Hezron agwe opase, ati nen Ayur tatike, at opase Tekoa mene.Yerahmeel En Tagamake Mene Nen Talarik Waukwa Wene²⁵At Yerahmeel ageinapuri, ati re aput alep mene Hezron, ati re Ram, aput alep mene, Buna, Orem, ati nen Ahia. ²⁶At Yerahmeel age ake welaike etage Atara. At ati re agosa aua o Onam mene. ²⁷At Rama ageinapuri, aput makusa mene Yerameel ati re Maas, Yamin, ati nen Eker. ²⁸At Onam ageinapuri re, Samai ati nen Yada. At Samai ageinapuri re, Nadab ati nen Abisur talaukwa.²⁹At Abisur agwe etage re, Abihail at en Ahban tatik ati nen Molid at hesik talaike. ³⁰At Nadab ageinapuri re Seled nen ake nen Apaim. Talaukwa. Seled en ugulukmo ake higilek walaike. ³¹At Apaim aput he Yesei, nen Yisei aput he Sesan. At Sesan en aput he Ahlai. ³²At Yada ageinapuri, ayak Samai re Yater nen yonatan. Yater ugulukmo aput ake higilek walaike. ³³At Yonatan ageinapuri re Pelet nen ake Zaza. it ati re at Yerahmeel en tagokeme.³⁴At Sesan ageinapuri ap ake hisigilek we alogomi helimigirugi nak hisasike.mene at he, Sesan atitigeke ap ake Mesir mene welaike, etage Yarha. ³⁵At Sesan alogo a'nogo Yarha atitigeke mene a'nogo wogotikomo agwe halaike. At en Atai at hesik tatike.³⁶At Atai aput ati re, Natan, at Natan aput ati re, Zabad tatike. ³⁷At Zabad aput ati re, Eflal, nen Eflal aput ati re, Obed tatike. ³⁸At Obed aput ati re Yehu, nen Yehu aput ati re, Azraya tatike.³⁹At Azraya aput ati re, Heles, nen Heles aput ati re, Eleasa tatike. ⁴⁰At Eleasa aput ati Sismai, nen Sismai aput ati re, Salum tatike. ⁴¹At Salum aput ati re, Yekamya, nen Yekamya aput ati re, Elisama tatike.Kaleb Lak Inebe Welaukwa Wene⁴²At Kaleb en tagoke, agot Yerahmeel, ati re, Mesa, aput makusa mene nen opase Zif, nen ageinapuri Maresa, opase aua o Hebron. ⁴³At Hebron ageinapuri re, Korah,Tapuah, Rekem, ati nen Sema taginapike. ⁴⁴At Sema aput ati re, Raham, ati opase aua o Yorkeam mene Rekem eperak Samai aput welaike.⁴⁵Samai aput he Maon, nen Maon ati opase aua o Bet-Zur. ⁴⁶At Efa,cKaleb he hinaga waganek mene nen Haran, Moza tageinapike, nen Gazes. Haran aput he Gazes. ⁴⁷At yohdai ageinapuri ati re, Regam, Yotam, Gesan, Pelet, Efa, ati nen Saaf tageinapike.⁴⁸At Kaleb He hinago waganek, Maakha, nen Seber nen Tirhana Tagenapike. ⁴⁹At en hogore Saaf tatike at, opase aua o Madmana mene, at Sewa, opase Makhbena nen opase Gibea, Kaleb alogo re, Akhas.⁵⁰Ati re Kaleb en tagomake mene. Hur ageinapuri, atire aput makusa mene Efrata re Sobal, opase o Kiryat Yearim mene.⁵¹Salma opase Betlehem, nen Haref opase Bet Gader.⁵²At Sobal, opase Kiryat Yearim, at mene inebe tago Haroe nen ebe ap palek omoke Munuhot welaukwa. ⁵³Apuni Kiryat Yearim atoma mene re ake Yetri, apuni Puti mene, apuni Sumati mene, nen apuni Misrai mene. It ati nen apuni inaua Zora nen apuni Esytaol welaukwa.⁵⁴At Salma nen tagoke re, Betlehem, at ebe Netofa mene, Atarot Bet Yoab, nen it ati apuni Manahti mene inebe ap it palek. Ati re at ebe Zori mene. ⁵⁵Ap it palek mene holal paluke o Yabes at ebeTarati mene werek'ma welaike, at ebe Simati mene, nen at ebe Sukhati mene. It ati inebe re apuni Keni mene, Hamat en tagoke mene, opase ebe Rekhab ap it palek mene, 'iluk isukwa.

Daud en tagomake mene nen talarik laukwa wene ¹Ati nen, Daud ageinapuri o Hebron en talaukwa.Ageinapuri alep mene re, Amnon Ahinom mene. He Yizreel mene. Aput opolik mene re Daniel Abigail mene, he Karmel mene. ²Aput hobuk tulem mene re, Absalom, Maakha eak he aua Talmai mene, Inoe kain etage werek Gesur mene. Aput hobuk ake 4 oba re, Adonia, Hagit eak. ³Aput hobuk ake 5 oba re, Sefaa aua Abital mene. Aput hobuk ake 6 oba re, Yitream he, Egla nen tatike.⁴Aput 6 oba ati o Hebron en talaike, at ebe o atoma welaike eki 7 tahun huliba kopokogo tugi 6 oba holokogo at aweama hagasek welaike. At en eki 33 tahun huliba kopokogo nen o Yerusalem hagasek welaike. ⁵At ageinapuri o Yerusalem en talaukwa inebe yi. Simea, Sobab, Natan, ati nen Salomo. Inebe ekaminogo atem he Batsyua eagi, Amiel alogo.⁶Ati nen, Elisama, Eliphelet, ⁷Nogah, Nefeg, Yafia, ⁸Elisama, Elyada, ati nen Elifelet. Inebe obogat 9 en. ⁹Inebe obogat at Daud ageinapuri, nen hemi hinago waganek welaike en taginapuka mene inom ineki wenatilek. Tamar ati ebe helekerek it inom tago. Daud Arat Inoe Kain Etage Werek Welaike Atiba Nen Lagakogo Yehuda Mene Inougi Kaintek Hagalarik Laukwa Wene¹⁰At Salomo aput ati re Rahabeam. Abia re at aput, ati nen at aput Asawelaike, Asa nen aput Yosafat welaike. ¹¹Yosafat en aput Yoram welaike, at Yoram en aput Ahazia, Ahazia nen aput Yoas welaike. ¹²At Yoas en aput Amazia, Amazia nen aput Azarya, Azarya nen aput Yotam welaike.¹³Yotam en aput Ahas welaike, Ahas en aput Hizkia welaike, nen Hizkia nen aput Manasye welaike. ¹⁴At Manasye nen aput Amon welaike, Amon nen aput Yosia welaike.¹⁵At Yosia ageinauri inebe re 4 en. Aput makusa mene re Yohanan, aput Yoyakim 2 oba mene, nen aput Zedekia 3 oba mene, nen aput Salum 4 oba mene. ¹⁶At Yayakim aput ati re Yekhonya, nen aput en tagomake mene ati re Zedekia.Daud Ageinapuri Inom Arat Ineki Hele Warek o Babel Welaukwasik En Halukwa Wene¹⁷At Yekhonya ageinapuri ineki hele warek hisasukwa'ma omakima motok welaukwa ati, ati re, Sealtiel, aput ap, ¹⁸Malkhiram, Pedaya, Syenasar, Yekamya, Hosama, nen Nedabya.¹⁹At Pedaya ageinapuri re, Zerubabel nen Simei. At Zerubabel ageinapuri re, Mesulam nen Hananya. Selomot ati re inom tago helekerak inopolik mene. ²⁰Ati nen, inebe 5 nen henakit, Hasuba, Ohel, Berekhya, Hasaja, nen Yusub-Hesed. ²¹At Hananya ageinapuri re, Pelaca nen Yesaya. Aput ati re Rafaya, Rafaya aput ati re Arnan, Arnan aput ati re obaja, nen Obaja aput ati re Sekhanya.²²At Sekhaya aput ati re Semaya, nen Semaya ageinapuri inebe 6 en ati re. Hatus, Yigal, Bariah, Nearya, ati nen Safat. ²³At Nearya ageinapuri inebe 3 nen ati. Elyoenai, Hizkia, nen Azrikam. ²⁴At Elyoenai ageinapuri inebe obogat 7 nen ati. Hodowya, Elyasib, Pelaya, A agub, Yohanan, Delaya, ati nen Anani; it inebe ati ba talarik waukwa 'iluk isukwa.

Yehuda nen tagomake mene ato hunigat mene inom welaukwa wene ¹At Yehuda ageinapuri ati. Peres, Hezron, Karmi, Hur, nen Syobal. ²At Syobal ageinapuri re Reaya. Reaya mene aput Yahat welaike, nen Yahat mene aput Ahumai welaike nen Lahad. Atire ap it palek mene o Zora welaukwa.³At Etam ageinapuri inebe re yi. Yizreel, Isma, nen Idbas. It inopolik mene helekerek ake etage re Hazelelponi. ⁴Ati nen, Pnuel opase ebe aua o Gedor mene, nen Ezer opase ebe aua Husa mene. Ati re Hur en tagomake mene, aput makusa Efrata, opase Betlehem⁵At Asyur opase Tekoa, augwi inebe hemi pire nen mene ati Hela, Naara eperak waganen welaike. ⁶At he Naara nen Ahuzam, Hefer, Temeni tageinapike, nen apuni Ahastari mene. Ati re Naara eagi. ⁷At Hela eagi inebe atire Zeret, Yezogar, Etnan, ⁸At Kos mene aput Anub, Hazobeba, ati nen it inebe Aharhel mene Harum aput welaike⁹At Yabes ayalak inom mene, at enak ebe esin hake welaike, "An nen at ebe ou heinet warogo tati.'' Iluk u hak. Agosa nen etage Yabes salike. ¹⁰At Yabes en Walowak Israel mene inoba oba ane igilogolik, mel isike, "Hat en o yoma huko asuak en hanorogo halogo hinan. Ai hat hekiba hanarek logoinyo nen an noba ou weak mene ake noba wesinogo nen hanarek logoinyo." Walowak An kino igi higit hogo wonesigin.¹¹At Kelub, Suha ayak, at mene aput Mehir weleike. Ati re opase Eston. ¹²At Eston mene aput Bet Rafa welaike, Paseah, ati nen Tehina, opase Ir Nahas. Ati re inebe Rekha mene.¹³At Kenas ageinapuri re Otniel nen Seraya. Otniel aput he Hatat. ¹⁴At Meonotai mene aput Ofra welaike nen Seraya mene aput Yoab welaike, opase o toke erangkwe o wurik negarek oba mene, it inebe re o wurik negarek mene. ¹⁵At Kaleb ageinapuri Yefune aput ati re Iru, Ela, nen Naam. Ela nen tagomake re Kenas. ¹⁶At Yehaleel ageinapuri re Zifa, Tireya, Nen Asareel.¹⁷At Ezra eagi re Yater, Mered, Efer, nen Yolan. Helekerek a'nogo hobuk omalik a'ma aikesik Miriam tatik, Samai tatik, nen Yisbah opase aua o Estemoa mene. ¹⁸At age he Yehuda mene ati nen Yered tatike, opase re Gedor, at Yeber, opase Sokho, nen at Yekutil opase Zanoah. It ati re at Bica ageinapuri, He Firaun alogo, Mered wanike a'nogo.¹⁹At Hodia agwe nen at eagi, agot he Naham, ati re opase Kehila, aua o Garmi mene ati nen Estemoa, at ebe Maakha mene. ²⁰At Simon ageinapuri re Amnon, Rna, Benhanan, nen Tilon. Yisei ageinapuri re Zohet nen Ben-Zohet.²¹At Sela Yehuda aput at mene Erwelaike, opase Maresa, nen inebe ati mene poksu Lenan al'warek hano mene inaua oma o Ber-Asybea logolik halilaukwa. ²²Ati nen, at Yokim, ebe aua o Kozeba mene, Yoas nen ake Saraf o Moab atoma it esewerek aukwasik nen ake Yushbi Lehem welaukwa. ²³It inebe re periuk halarek mene inebe o Netaim nen ake Gedera welaukwa. It atoma logolik inoe kain etage werek mene ayabu halilaukwa.Simeon En Tagomake Nen Talarik Laukwa Wene²⁴At Simeon ageinapuri re Nemuel, Yamin, Yarib, Zerah, nen Saul. ²⁵At Saul aput Salum, nen Salum aput Mibsam, nen Mibsam aput he Misma. ²⁶At Misma aput he Hamuel. At Hamuel aput he Zakur, nen at Zakur aput he Simei.²⁷At Simei mene ageinapuri ap enak inebe 16 en nen it helimigirugi inebe 6 en. Meneat he it inayalak inageinapuri inebe ineki wenago hamulugat enak. Ati nen it ati inebe inukuloakYehuda mene apik wialaukwak hake hagalagilek hamulugat inebe keken aike. ²⁸It inebe o Bersyeba welaukwa, Molada, Hazar Sual,²⁹Bilha, Ezem, Tolad, ³⁰Betual, Horma, Ziklag, ³¹Bet Markabot, Hazar Susim, Bet Biri, nen Saaraim. O sili awi lopok ati re it mene hesik Daud ebe inoe kain etage werek a'ikesik welaike.³²O silik hamulutek ke 5 oba nen, ati re Etam, Ain, Rimon, Tokhen, nen ake Asan welaukwa. ³³O sili obogat hamulutek ke ati ebe huli Baal oba pigit welaike. Ati re it welaukwaba nen pigit inebe talarik waukwaba.³⁴Mesobab, Yamlekh, Yosa Amazia aput, ³⁵Yoel, Yehu Yosibya aput Seraya aput Asiel aput, ³⁶Elyoenai, Yaakoba, Yesohaya, Asaya, Adiel, Yesimiel, Benaya. ³⁷Ati nen, Ziza Sefei aput Alon aput Yadaya aput Simri aput Semaya aput. ³⁸Apuni inetage ega ati re kaintek apuni it mene hesik welaukwa. Apuni it mene inebe tago apigat wialaukwa.³⁹It inebe hubuk o Gedor higit laukwa atoma o mo e'leken henalogo lia'iagarek higit o eloke erang'ma atoma it mene wam Kambing domba eka paligik nikilogosak oba werek'ma atoma laukwa. ⁴⁰It o leimo apuni lekma eka muli hanoma, o atoma oguluk wiaksek ma, apuni inane lak'ma, hanoma welaukwa. Apuni it alebat atoma welaukwa re Ham en tagoke mene. ⁴¹It inetage holal hagarek werek yi at Hizkia werek oba welaukwa, kain Yehuda welaike, nen apuni Meunim mene wereke o atoma lese poksek wurik mene motok etage lek halogo hisukwasik it inebe yogotak ya pigit werek ati. Ati nen, it welaukwa ba inoguluk'mo it werek ati, ati ba o eka mulimo it mene wam kambing domba atoma werek ati.⁴²It inebe ati mene ake re, at Simeon en tagomake, it inebe ato 500 huli oba nen o atoma harakuluk o Tom bunuh oba Seir laukwa. Pelaca, Nearya, Refaya, nen Uziel, at Yisei agenyapuri ati re inebe kaintek it hesik welaukwa. ⁴³It en apuni Amalek mene inebe henakit hamulugat welaukwa mene motok lek halogo hisasukwasik inebe o atoma yogotak pikit werek yi.' iluk isukwa.

Ruben En Tagomake Wene ¹At Ruben ageinapuri, ati aput makusa Israel nen yakub aput makusa mene. A'nogo mene at he, opase nogo ikerek oba tegelek hano mene weak hagatike ati nen, Yusuf ageinapuri makusa mene ese logowagaluk wogosasike, Yakub ageinapuri makusa mene inebe ake inetage halilek. ²At Yehuda ayalak inebe obogat mene at e'nak he ebe etage poke esin negen, inebe atem mene at ake inoe kain etage werek hagalaike, mene at he makusa togo Yusuf ese aike. ³At Ruben, ati ageinapuri makusa re Yakub Henokh, Palu, Herson, nen ake Karmi.⁴At Yoel aput ati re Semaya, at Semaya aput he Gog, nen at Gog aput he Simei. ⁵At Simei aput ati re Mikha, at Mikha aput he Reaya, nen at Reaya aput he Baal. ⁶At Baal aput ati re Beera ati ebe waganogo Tiglat Pileser werek'ma lakesukwa, o Asyur atoma inoe kain welaike. At ebe apuni Ruben mene hesik ukuloak welaike.⁷At ayalak ap it palek inebe talarik waukwa mene ake inetage halek ati re Yeiel, ebe ukuloak welaike, atiba lagakogo Zakharia, ⁸At Bela Azaz aput Shema Yoel aput, o Aroer en Nebo nen Baal Meon welaukwa. ⁹It inebe o mo eil henalogo liaiagarek higit o leimo apuni lekma, ero Efrat ima nen pikit esakoke atoma o wutigik welaukwa. Nen it inako motok O Gilead keang oba motok erok apik hagalaike.¹⁰At Saul werek oba, it apuni Hagri mene inom weim yabukwa. Arat apuni ati inekiba hagalaikomo, it inebe o lese wurik'mo ati welaukwa o mo eileken henalogo liaiagarek oba akit Gilead atoma welaukwa.Gad En Tagomake Inebe Talarik Waukwa Wene¹¹At Gad en tagomake mene o welaukwa hulisanem Basan keang en pikit Salkha huliba welaukwa. ¹²At Yoel ati re ebe kain nen Safam ati re ebe hubuk pire ba mene. Yenai nen Safat eperak o Basan werek. ¹³It inayalak en nit ninebe ato ap pelek ninobi nobalak en tagoke ninebe 7 nen tago, ati mene ake Mikael, Mesulam, Syeba, Yorai, Yakan, Ziya, nen ake Eber.¹⁴Ati re Abihail ageinapuri Huri aput, Yaroah aput, Gilead aput, Mikael aput, Yesisai aput, Yahdo aput, Bus aput. ¹⁵At Ahi aput Abdiel, Guni aput ati re kain ap it ati mene inobi inoba lak hesik welaike.¹⁶It inebe o Gilead welaukwa, Basan, o sili magatek igabi wurik wam tatarek ke obogat Saron en pikit o ilugun ilugun kwe welaukwa. ¹⁷It inebe obogat lapukogo inoe Kain etage werek Yotam werek oba welaukwa mene inetage holal hagarek welaike, Yehuda inoe kain etage werek, nen Yerobeam werek oba, Israel mene inoe kain etage werek welaike.Weim Yabusak Hesik Inanini Weak Hugi Inebe Inukasukwa Wene¹⁸Ruben en tagomake inebe ake, apuni Gad mene, nen ato mogolik inukuloak Manasye, ato re it en tagomake mene ati apuni inoabut ngalik ngaloksek, sin inogat oba laberogo nen sige sike tok waganem tasusak oba inapolok weak halilogosak oba arat yakulik arik herelek. Ati nogo mene hugi apuni inebe weim yabuagaluk 44.760 oba nen alep agik laukwa. ¹⁹It en apuni Hagri, Yetur, Nafish nen Nadob inom weim yabukwa.²⁰It apuni ati mene inom weim yapenem he apuni Hagri nen obogat inom yabilaukwa mene nit weim ninabit, 'iluk metek kamoisukwa ati ba nen it en ineki okoma lebe'risasukwa, nen it en weim halilogolik Inopase Walowaketage etage palukwa. Inetauken At oba hipiritasukwa ati nen it saban isuka mene asuk holike. ²¹It en wam inekiabusak wanukwa, ati re Unta 50.000.00 nen, kambing domba 250.000 huliba, nen Keledai obogat 20.000 huliba, nen apuni inebe hogo 100.000 huliba nen wogosek laukwa. ²²Eberogoat mene, Inopase Walowak en leberisikokolek nogo nen ati like weim halilogolik apuni inebe abigat inoatukwa. Hobuk It o atoma werekolek it inebe wogisek laukwa oba higit hagalaike.²³Inukuloak Manasye nen tagomake mene keang o atoma welaukwa ati, o Basan oba nen pikit Baal Hernon, Senir nen Tom Hermon oba. It inebe motok abigat wialaike. ²⁴yire it en tagomake mene inebe ukuloak enak hagalarik laukwa. Hefel, Yisei, Azriel, Yeremia, Hodawya, nen ake Yahdiel. Inebe lopok he weim inanini weak inoagare meteta, ap inetage werek, ukuloak inobi inoba lak en tagoke mene hesik welaukwa.²⁵Meneat he, it en Inopase Walowak ebe lek iluk inobi inoba'lak it ap ake ane hologo opolik lagalogolik apuni inukuloak lopok o atoma logolik hogoratarek mene it inoba, Inopase Walowak en lek halogo hisike. ²⁶Inopase Walowak Israel mene nen halikesik Pul a'la nen ukum oba hisike, ati re Tiglat Pileser, ebe inoe kain Asyur, ati ba nen kain Asyur en apuni Ruben mene liaksasike, apuni Gad mene, nen omoke inebe hamulugat'ke inukuloak Manasye mene a'la inom laksasukwa'ma welaukwa. At en it wogosek o Halah, Habor, Hara, nen Gozan werek'ma ima, ati ba nen pikit yogotak werek yi, 'iluk isukwa.

Lewi nen tagomake nen inebe talarik laukwa wene ¹At Lewi ageinapuri re Gerson, Kehat, nen ake Merari. ²At Kehat ageinapuri re Amram, Yizhar, Hebron, nen ake Uziel. ³At Amram ageinapuri re Harun, Musa, nen Miryam. At Harun ageinapuri re Nadab, Abihu, Eleazar, nen ake Itamar.⁴At Eleazar mene aput Pinehaswelaike, at Pineas mene aput Abisua welaike. ⁵At Abisua mene aput Buki welaike, at Buki mene aput Uzi welaike. ⁶At Uzi mene aput Serahya welaike, Zerahya mene aput Merayot welaike.⁷At Merayot mene aput Amarya welaike, at Amarya mene aput Ahitub welaike. ⁸At Ahitub mene aput Zadok welaike, at Zadok mene aput Ahimaas welaike. ⁹At Ahimaas mene aput Azarya welaike, at Azarya mene aput Yohanan welaike.¹⁰At Yohanan mene aput Azarya welaike. Ati re eyabu Walowak Esewerek o At awi Salomo nen wutike mene o yerusalem hago welaike. ¹¹At Azarya mene aput Ahitub welaike. ¹²At adok mene aput Salum welaike.¹³At Salum mene aput Hilkia welaike, at Hilkia mene aput Azarya welaike. ¹⁴At Azarya nen aput Seraya, nen at Seraya aput Yozadak. ¹⁵At Yozadak hogore inoman ebe inala laksasak iluk Inopase Etage pogot en apuni Yehuda mene Yerusalem mene Nebudkadnezar ekiba hisike.Lewi Nen Tagomake Mene Inebe Ake Hunogoat 'Iluk Isike Wene¹⁶At Lewi ageinapuri re Gerson, Kehat, nen Merari. ¹⁷At Gerson ageinapuri inetage re Libni nen Simei. ¹⁸At Kehat ageinapuri re Amram, Yizhar, Hebron nen Uziel¹⁹At Marai ageinapuri re Mahli, nen ake Musi. Yi re apuni Lewi mene it inobi inoba lak en tagomake. ²⁰At Gerson aput Libni, Libni aput Yahat, nen Yahat aput Zima. ²¹At Zima aput Yoah, Yoah aput Ido, Ido aput Zerah, nen Zerah aput Yeatrai.²²At Kehat en tagomake re Aminadab, aput he. Aminadab aput Korah, nen Korah aput Asir. ²³at Asir aput Ekana, Elkana aput Ebyasaf, nen Ebyasaf aput Asir. ²⁴At Asir aput Tahat, Tahat aput Uriel, Uriel aput Uzia, nen Uzia aput Saul.²⁵At Elkana ageinapuri re Amasai nen Ahimot. ²⁶At Ahimot ageinapuri re Elkana, Elkana aput Zofai, nen Zofai aput Nahat. ²⁷At Nahat aput Eliab, Eliab aput Yeroham, nen yeroham aput Elkana.²⁸At Samuel ageinapuri re Yoel, makusa mene nen opolik mene re Abia. ²⁹At Merari nen tagomake re Mahli, Mahli aput Libni, Libni aput Simei, nen Simei aput Uza. ³⁰At Usa aput Simei, Simei aput Hagia, nen Hagia aput Asaya.Inopase Etage Pogot Awi Wurik'mo Etawi Watuke Weteberogo Hisasukwa Wene³¹At Daud en apuni inebe at a'la nen elok akasike mene hugi weteberogo hisasike ati inebe o Inopase Etage pogot awi wurik'mo etawi watelogowagaluk inopase Walowak ane palek atiba huli atem oba ineki seralo welagat logouak iluk isike higit oba welaike. ³²Ati nen, it o wurik'mo ati yabu halilogolik inebe etai watuke logolik atiba Salomo nen o Inopase Etage pogot awi wurik'mo kilik hogorate'logosak oba o Yerusalem wutike.³³Apuni yabu halilaukwa mene inebe re yi.At Kehat en tagomake mene re Heman, etawi watuke ati, Yoel aput, Samuel aput, ³⁴At Elkana aput, Yeroham aput, Eliel aput, Toah aput, ³⁵At Zuf aput, Elkana aput, Mahat aput, Amasai aput,³⁶At Elkana aput, Yoel aput, Azarya aput, Zefanya aput.³⁷At Tahat aput, Asir aput, Ebyasaf aput, Korah aput.³⁸At Yizahar aput, Kehat aput, Lewi Israel aput.³⁹Nen,at ayalak, Asaf, eki ewoke metek welaukwa, ati ake Asaf Berekhya aput, Simei aput, ⁴⁰At Mikhael aput, Baaseya aput, Malkia aput, ⁴¹At Etni aput, Zerah aput, Adaya aput, ⁴²At Etan aput, Zima aput, Simei aput, ⁴³At Yahat aput, Gerson aput, Lewi aput.⁴⁴At Merari ageinapuri, at ayalak, inebe eki peike metek welaukwa, ati Etan Kisi aput, abdi aput, Malukh aput, ⁴⁵At Hasabya aput, Amazia, Hilkia aput, ⁴⁶At Amzi aput, Bani aput, Semer aput, ⁴⁷At Mahli aput, Musi aput, Merari aput, Lewi aput.⁴⁸It inayalak ati ati apuni Lewi mene inebe ato o lese wurik tegelek hano welagarek oba Inopase Walowak awi wurik'mo obogat hesik yabu halelogouagaluk wogosasukwa.⁴⁹Meneat he, Harun nen ageinapuri inom wam warogo wuligin halek'ma opoloba liakelik etu loletuke hisasukwa nen nen wuligin opoloba inagarok oasi hano mene kemenyam etu loletuke welaukwa, oguluk At mene halek'ma atoma nen apuni israel mene weak halenem hanorinapi'logosak oba atoma obogat yabu halelaukwa. It en yimene timene halelogosak oba ati Musa nen isike higit hogo atiba at halelaukwa, inopase Walowak atitigeke mene ati.Harun Nen Tagomake Mene Iluk Isike Wene⁵⁰Yire Harun nen tagomake. Harun mene aput Eleazerwelaike; Eleazer mene aput Pinehas welaike, Pinehas mene aput Abisua welaike, ⁵¹Abisua mene aput Uzi welaike, Uzi mene aput Zeraya welaike, ⁵²Zeraya mene aput Merayot welaike, Merayot mene aput Amarya welaike, Amarya mene aput Ahitub welaike, ⁵³Ahitub mene aput Zadok welaike, Zadok mene aput Ahimaas welaike. Lewi Mene O Oguluk Welaukwa Wene⁵⁴Yire oguluk it welaikareke higit oguluk o wurik wereke nen pikit motok hulisamen oba. Harun en tagomake apuni Kehat it mene palek oagake alep agik it tak wogosasukwa. ⁵⁵It ati Hebron o keang Yehuda mene ake keang oba wam konelogowagaluk eraluke yiling waling wogosasukwa. ⁵⁶Meneat he, keang o silike nen ake o magateke at Kaleb Yefune aput ati wogotukwa.⁵⁷At Harun en tagomake Hebron wogosasukwa, o sili tegelek welagarek oba ati, Libna ake keang oba wam konelaukwa, nen Yatir nen Estemoa ake keang oba wam konelaukwa, ⁵⁸Hilen ake keang oba wam konelaukwa, Debir ake keang oba wam konelaukwa,⁵⁹Asan ake keang oba wam konelaukwa, Bet Semes ake keang oba wam konelaukwa. ⁶⁰Nen, inukuloak Benyamin mene. Geba ake keang oba wam konelaukwa, Alemey ake keang oba wam konelaukwa, nen Anatot ake keang oba wam konelaukwa.⁶¹At Kehat en tagomake inebe ato inukuloak ati mene, ati re hamulugat ake mikilik inukuloak Menasye mene o sili lopok 10 oba nen mene asuagen iluk oageke inoba lakesukwa. ⁶²Gerson en tagomake apuni it mene, o sili 13 oba nen inukuloak Isakhar mene wogosasukwa, inukuloak Asyer, inukuloak Naftali, nen inukuloak Manasye mene o Basan welaukwa⁶³Merari nen tagomake mene o sili 12 en inukuloak Ruben, inukuloak Gad, nen inukuloak Zebulon mene logowak en iluk wogosaukwa. ⁶⁴Halukama, apuni israel mene nen apuni Lewi mene inoba o sili lopok ake keang wam konelogosak oba inekia hisukwa. ⁶⁵Nen, it en inukuloak Yehuda mene oageke inoa lakesukwa, inukuloak Simeon en tagomake mene, nen inukuloak Benyamin nen tagomake mene, Osili lopok etage ilik laukwa.⁶⁶Inukuloak Kehat en tagomake mene o sili lopok it inukuloak Efraim mene wereke aukwa. ⁶⁷It en o Sikhem wogosasukwa, o sili ati hago logolik it mene ake keang oba wam konelogousak hesik o tom Efraim en Gezer ake keang oba wam konelaukwa, ⁶⁸Yokmeam en ake keang oba wam konelaukwa, Bet Heron en ake keang oba wam konelaukwa, ⁶⁹Ayalon en ake keang oba wam konelaukwa, nen Gat Rimon en ake keang oba wam konelaukwa.⁷⁰Ati nen, Kehat en tagomake inebe apigat en he hamulugat hogo mikilogo ake inukuloak Manasye mene wogosasukwa. Aner mene ake keang oba wam konelaukwa nen Bileam mene ake keang oba wam konelaukwa. Lewi Mene Inebe Ato O Wurik Mene Arik Laukwa Wene⁷¹Inukuloak Menasye mene inebe hamulugat ke, Kerson en tagomake keang wanukwa!' Golan o Basan werekma mene ake keang oba wam konelaukwa, Asytarot mene ake keang oba wam konelaukwa. ⁷²Inukuloak Isakhar mene!' Kadesh mene aka keang oba wam konelaukwa, Daberat mene ake keang oba wam konelaukwa, ⁷³Ra mot mene ake keang oba wam konelaukwa, nen Anem mene ake keang oba wam konelaukwa.⁷⁴Inukuloak Asyer mene. Masal ake keang oba wam konelaukwa, Abdon ake keang oba wam konelaukwa, ⁷⁵Hukok ake keang oba wam konelaukwa, Rehob ake keang oba inomat wam konelaukwa. ⁷⁶Inukuloak Naftali mene. Kadesh o Kalilea werekma ake keang oba wam konelaukwa, Hamon mene ake keang oba wam konelaukwa, nen Kiryatim mene ake keang oba wam konelaukwa.⁷⁷At Merari nen tagoke mene inebe ato It inukuloak Zebulon mene nen wogeinapukwa, ati re Rimono mene ake keang oba wam konarek mene nen Tabor mene ake keang oba wam konelaukwa. ⁷⁸O awel omoke i Yordan oba horogat Yerikho, ati re o awel omoke mo e'il henalogo lia'iagarek higit hogo i Yordan oba it inukuloak Ruben mene wanukwa, ati re. Bezer o leimo apuni lekma ake keang oba wam konelaukwa,Yahas mene ake keang wam konelaukwa. ⁷⁹Kedemot mene ake keang oba wam konelaukwa, nen Mefaat mene ake keang oba wam konelaukwa.⁸⁰Inukuloak Gat mene. Ramot o Gelead mene ake Keang oba wam konelaukwa, nen Mahanaim mene ake keang oba wam konelaukwa, ⁸¹O Hesybo mene ake keang oba wam konelaukwa, Yazer mene ake keang oba inomat wam konelaukwa. 'iluk isukwa.

Isakhar en tagomake mene nen inebe talarik laukwa wene ¹At Isakhar ageinapuri inebe 4 oba nen, ati re Tola, Pua, Yasub, nenake SImron. ²At Tola ageinapuri re Uzi, Refaya, Yeriel, Yahmai, Yibsam, en ake Samue, it inebe tagomake ati mene ukuloak he Tola hagalaike, ebe oak uan oake huko weim anini weak welaike. Inebe tagomake ati mene inetage halek obogat at Daud werek oba apuni re 22.600 huliba. ³At Uzi aput he Yizrahya, nen at Yizrahya ageinapuri re Mikhael, Obaja, Yoel nen ake Yisia. Inebe obogat 5 nen mene ukuloak motok hagalaukwa.⁴Apuni it mene inebe Talarik waukwa higit hogo inetage halogo weim inayulek halelogosak mene hugi inebe abigat 36.000 oba hisasukwa, nen inaugi apigat nen inageinapuri weregat. ⁵At Isakhar oe agot ayalak he inebe ap inoake uatek inebe hukutek weim inanini weak welaukwa. Apuni ati inebe obogat 87.000 huliba nen inebe talaukwa higit hogo inetage haligik hisukwa.Benyamin Nen Tagomake Mene Nen Talarik Laukwa Wene⁶At Benyamin ageinapuri inebe 3 nen, ati re Bela, Bekher, nen akeYediael. ⁷At Bela ageinapuri re Ezbon, Uzi, Uziel, Yerimot, nen ake Iri. Inebe 5 nen ati re kaintek it mene hesik hagalarik weim inanini weak inoagare taluksera inebe hukutek welaukwa. Inebe 22.34 huliba inetage talaukwa higit hogo holal palogo hisukwa.⁸At Bekher ageinapuri re Zemira, Yoas, Eliezer, Elyoenai, Omri, Yeremot, Abia, Anatot, nen ake Alemet. Inebe obogat ati re Bekher ageinapuri. ⁹It ap inebe ati mene tago inetage holal palek werek he ap inebe ukuloak apuni it mene hesik weim inanini weak inebe inoagare uatek inoake hukutek apuni inebe obogat he 22.200 huliba. ¹⁰At Yediael aput he Bilhan, nen at Bilhan ageinapuri re Yeush, Benyamin, Ehud, Kenaana,Zetan, Tarsis, nen ake Ahisahar.¹¹Inebe obogat ati re Yediael en tagomake mene, apuni it mene hesik inebe ukuluak arik, inanini weak inoagare uatek inoake hukutek welaukwa. Wein mene inebe 17.200 huliba nen weim halukwa. ¹²At Supim nen ake Hupim ati re Ir en tagomake mene. At Husim ati re Aher en tagomake mene.Nafatali Nen Tagomake Mene Nen Talarik Laukwa Wene¹³At Naftali ageinapuri re Yahziel, Guni, Yezer, nen ake Salum. Ati re Bilha nen tagomake mene.Manasye Nen Tagomake Mene Nen Talarik Waukwa Wene¹⁴At Manasye nen tagomake re Asriel ati agosa he aua Aram mene nen tatike. He ati nen Makhir tatike,opase aua o Gilead mene. ¹⁵At Makhir agwe he agosa agoromi Hupim nen ake Supim wogeinapike, etage Maakha. Aput opolik mene re Zelafead. At Zelafead en he ageinapuri hemi nak. ¹⁶Maakha Mahir agwe nen aput ap etage Peres tatike. A Ayak ap ake etage re Seres, nen ageinapuri re Ulam nen ake Rekem.¹⁷At Ulam ageinapuri re Bedan. Ati re Gilead en tagoke mene Makhir aput Manasye aput. ¹⁸Atem oba ati, ayak hemi mene ake, Molekhet en Isyhod, Abiezer, nen ake Mahla tageinapike. ¹⁹At Simida eagi re Ahyan, Sekhem, Likhi, nen ake Aniam.Efaraim En Tagomake Mene Nen Talarik Waukwa Wene²⁰At Efraim ageinapuri re Sutelah, at Sutelah aput ati re Bered, at Bered aput he Tahat, at Tahat aput he Elada, nen at Elada aput he Tahat, ²¹At Tahat aput he Zabada, at Sabad aput he Sutelah, nen Ezer nen ake Elad. It apuni Gad mene inebe o atoma nen talaukwa mene it laukwasik inako wam inekiabusak en wanelaukwama inoatukwa. ²²It inopase Efraim ageinapuri hesik nin hup nan hup hupi wato werek'ma ayalak wirik inom inane rato welaukwa.²³Ati nen, at agwe eperak ake nogo ikenem he a'nogo omalik ama a'ikesik ebe ap tagatikomo etage Beria salike, wene huko mene nageinapuri nimom ninoba aga. ²⁴At alogo re Seera nen arat o Bet Horon i aput akit nen Bet Horon i elesi akit ake Uzen Seera halogo hisike.²⁵At Beria aput he Refah, Resef igik igilaukwa. Resef atire ebe Telah, nen Telah aput he Tahan. ²⁶At Tahan aput he Ladan, at Ladan aput he Amihud, nen at Amihud aput he Elisama. ²⁷At Elisama aput he Nun, nen at Nun aput he Yosua.²⁸Keang it mene ake inom o wurogo lagasak oba ati re Betel o sili hamulotek mene ake inomat. O mo el'eken henalogo lia'iagarek oba abel omoke Naaran, mo kikerek akit abel omoke re Gezer o sili hamulutek mene ake inomat, nen Sikhem o sili hamulutek mene nen pikit o Aya sili hamulutek mene ake inomat. ²⁹Ati nen, keang hulisanem it inukuloak manasye mene werek'ma atiba Bet Sean o sili hamulugat mene ake inom, Taanakh o sili hamulugat mene ake inomat, Megido o sili hamulugat mene ake inomat, nen Dor o sili hamulugat mene ake inom. Ati re Yusuf Yakub aput en tagomake welukwa.Asyer En Tagomaken Nen Talarik Waukwa wene³⁰At Asyer ageinapuri re Yimna, Yiswa, Yiswi, Beria, opolik Serah, it inayalak hemi. ³¹At Beria eagi inebe re Heber nen ake Malkiel. Ati opase re Birzait. ³²At Heber eagi re Yaflet, Somer, Homan, nen ake Sua, at ayalak hemi.³³At Yaflet ageinapuri re Pasakh, Bimhab, nen ake Asywat. Ati re inebe at Yaflet ageinapuri. ³⁴At Semer ageinapuri re Ahi, Rohga, Yehuba, nen ake Aram. ³⁵At Helem ageinapuri, ayalak inebe ap enak, ati re Zofah, Yimna, nen ake Amal.³⁶At Zofah ageinapuri re Suah, Harnefer, Syual, Beri, Yimra, ³⁷At Bezer, Hod, Sama, Silsa, Yitran, nen Beera. ³⁸At Yater ageinapuri re Yefune, Pispa, nen ake Ara.³⁹At Ula ageinapuri re Arah, haniel, nen ake Rizya. ⁴⁰It Inebe obogat ati re Asyer en tagomake apuni at mene hesik hagasek logolik yimene timene halelogousak oba ane igilaike, ebe anini weak oake uan metek nen ebe kain anewerek omaket atiat logowagaluk menisukwa. It ati mene inebe holal palek werek he weim halilogosak mene apuni inebe 26.000 oba. 'iluk isukwa.

Saul ageinapuri inom en halukwa wene ¹At Benyamin ageinapuri re Bela, aput makusa mene, Asybel aput pire ba mene, Ahrah aput henagen oba mene, ²Noha aput ekaminogo oba mene. Nen Rafa aput isaligik en mene. ³At Bela ageinapuri re Adar, Gera, Abihud, ⁴Abisua, Naaman, Ahoah, ⁵Gera, Sefufan nen ake Huram.⁶Yire Ehud ageinapuri. It inebe obogat he kaintek apuni it mene o Geba welaikarek mene hesik hagalaukwa mene inebe wogisek o Manahat laukwa. ⁷Naaman, Ahia, nen Gera, it inala wogisek laukwa. Nen, at mene ageinapuri Uza nen ake Ahihud.⁸At Saharaim mene aput o Moab en welaike ati arat at en Husim nen Baara,augi eperak lani iluk isike. ⁹At Hodesh en ageinapuri, agwe ho, ati re Yoab, Zibya, Mesa, Malkam, ¹⁰Yeus, Sokhya,n en ake Mirma. Ati re inebe kaintek apuni it mene hesik hagalaukwa. ¹¹At Husim en aput he Abitub nen ake Elpaal.¹²At Elpaal ageinapuri re Eber, Misam, Semed. At ati nen Ono nen Lod opolik sili hamuluke halike. ¹³At Beria nen Sama ati inebe apuni o Avalon welaikarek mene hesik kaintek hagalaukwa. Ati nen o Gat welaikarek mene tegelogo hisasukwa.¹⁴Ahyo, Sasak, Yeremot, ¹⁵Sebaja, Arad, Eder, ¹⁶Mikhael, Yispa, nen ake Yoha, ati re Beria ageinapuri. ¹⁷Zebaja, Mesulam, Hizki, Heber, ¹⁸Yismerai, Yizlia, nen ake Yobab, ati re Elpaal ageinapuri.¹⁹Yakim, Zikhri, Zabdi, ²⁰Elyoenai, Ziletai, Eliel, ²¹Adaya, Beraya, nen ake Simrat, ati re Simei ageinapuri.²²Yispan, Eber, Eliel, ²³Abdon, Zikhri, Hanan, ²⁴Yananya, Elam, Antotia, ²⁵Yifdeya, nen ake Pnuel, ati re Sasak ageinapuri.²⁶Samserai, Seharya, Atalya, ²⁷Yaaresya, Elia, nen ake Zikhri, ati re Yeroham ageinapuri. ²⁸Atire inebe kaintek apuni it en tagomake mene hesik ukuloak hagalaukwa. It inebe re o Yerusalem welaukwa.²⁹O Gibeon, welaukwa re opase aua o Gibeon mene nen age etage re Maakha. ³⁰Aput makusa mene re Abdon, inebe ake re Zur, Kish, Baal, nen ake Nadab, ³¹Gedor, Ahyo, Zekher,³²Nen Miklot mene aput Simea. It inebe ineralu horogat logolik ake inayalak it mene nen ake hunigat mene o Yerusalem inom omakima welukwa. ³³At Ner en aput Kish, at kish en aput Saul. Saul ageinapuri ati re Yonatan Malkisua, Abinadab, nen ake Esybaal. ³⁴At Yonatan aput he Meribaal. At Meribaal en aput Mikha.³⁵At Mikha ageinapuri re Piton, Melekh, Terea, nen ake Ahas. ³⁶At Ahas en aput Yoada. At Yoada ageinapuri ati. Alemet, Azmawet, nen Zimri. Ati nen, Zimri nen aput Moza. ³⁷At Moza mene aput Bina. Rafa nen aput Elasa, nen at Elasa nen aput Azel.³⁸At Azel en ageinapuri inebe 6 oba nen hisasike, nen it inetage re yi. Azrikam, Bokhru, Ismael, Searya, Obaja, nen Hanan. It inebe obogat ati re Azel ageinapuri. ³⁹At Esek ageinapuri, ayalak inebe re at alue mene hak he Ulam, Yeush he pire ba nen tago, nen Elifelet henagan oba nen togo. ⁴⁰At Ulam ageinapuri re weim inanini weak inoake hukutek inoane apik, sike ape wanarek inayulek. It en tagomake inobabi lak apuni it ati mene inebe 150 oba apigat. It ati inebe re Benyamin en tagomake mene'iluk isukwa.

¹Apuni Israel mene inebe obogat talaukwa higit hogo a'la holal palogo hisukwa. It halilaukwa mene holal a'la inetage pogot Israel mene halek werek, iluk isukwa wene.O Yerusalem Welaukwa WeneAtem oba re, apuni Yehuda mene o Babel wogisek lagilek kamoisukwa ati it en inane hologo halusak lek en. ²It alebagik at it inakeang oba welaukwa mene o sili re apuni Israel mene, esewere, apuni Lewi mene, nen walowak awi wurik'mo yabu halarek mene inomat. ³O Yerusalem, apuni inaua o Yehuda mene nen tagomake 'inau o Benyamin mene nen tagomake mene welaukwa, nen it inau o Efrahim nen Manasye nen tagomake mene inomat welaukwa.⁴At Utai aput Amihud Omri aput, Imri aput, Bani aput, Peres aput, Yehuda aput. ⁵Apuni o Syela mene re Asaya, aput makusa mene nen ageinapuri hubuk mene inomat. ⁶At Zerah nen tagomake ati re Yeuel ake ayalak inom apuni inebe obogat 690.000 huliba.⁷Benyamin mene nen tagomake re Salu aput Mesulam, Hodawya aput, Hasenua aput, ⁸At Yibnea aput Yeroham,Ela aput Uzi, Mikhri aput, nen Mesulam aput Safaca, Ruhel aput, Yibnia aput. ⁹Inayalak it en tagomake mene apuni inebe obogat 956.000 huli ba. It inebe obogat ati re inobalak en pigit ukuloak apuni it mene hesik agalaukwa.¹⁰Walowak ane yakulisuguke re Yedaya, Yoyarib, Yakhin, ¹¹At Azarya Hilkia aput, Musalam aput, Zadok aput, Merayot aput, Ahitub aput, inebe Walowak awi wurik tegelek hanoma hesik ukuloak hagalarik wene yogosikilaukwa.¹²Ati nen, Adaya aput Yeroham, Pasyur aput, Malkia aput, nen Masai aput Adiel, Yahreza aput, Mesulam aput, Mesilemit aput, Imer aput, ¹³At ayalak inomat, apuni it mene hesik kaintek o tegelak hano wurik'mo, ati apuni inebe 1.760.000 huli, it apuni ati Walowak awi wurik'mo tegelek hanoma yabu huko hamuluk halarek inetauken sekeksek logolik yakulisigi'laukwa.¹⁴Apuni Lewi mene re Semaya aput Hasub, Azrikam aput, Hasabya aput, it Merai nen tagomake mene. ¹⁵Ati nen, Bak Bakar, Heresh, Gala, nen Matanya Mikha aput, Zikhri aput, Asaf aput. ¹⁶At Obaja Semaya aput inomat, Galal aput, Yedutun aput, nen Berekhya Asa aput, Elkana aput, o sili hamuluk'mo ebe o Netofa mene.¹⁷Kwe kegarek oba hutigik yagatigik uguke re Salum, Akub, Talmon, nen Ahiman it ayalak ake inomat welaukwa. Salum he ukuloak it mene welaike. ¹⁸Yogotak ya mene re kwe ape palek kain welagarek oba apel omoke mo laiagarek higit it werek. It ati inebe re Lewi nen tagomake mene o wurik'mo kwe ape palek'ma kegarek oba jage welaikarek. ¹⁹At Salum Kore aput, Ebyasaf aput, Korah aput, ayalak it en tagomake apuni it mene, ati re apuni Korah mene, it mene yabu halelogosak oba o wurikmo kwe ape'ba yage logosak iluk' inobalak halelaukwa mene higit hogo it mene yabu o Inopase Etage pogot awi halekma kwe ape palek oba wulik kigik ikenem yage welaukwa.²⁰At Pinehas Eleazer aput ebe ukuloak oan hagalagilek werekolek at tak hagalaike. Inopase Etage pogot en serogo welaike. ²¹At Zakharia Meselemya aput he o wurikmo kegarek kwe ape palek oba yage welaike.²²Inebe obogat lapukogo kwe apeba yage logouwak iluk apuni 212,000 en wetewerogo menisasukwa. It inebe o sili magateke talaukwa ke lopok inetage haligik hisukwa. Daud nen Samuel, Pelihat ati, yabu ati mene hago logouwak en iluk it wogeinabukwa. ²³It inebe nen it inageinapuri yabu kwe apeba ke o Inopase Etage pogot awi tegelek hano wurikmo, ati yage o tegelek hano wurikmo logouwak iluk hisasukwa. ²⁴Kwe apeba yage logoukwak lluk 4 en kwe apeba ke lopok,ati re o mo laiagarek higit, Mo kopokogo kikerek higit, inelokoma ke higit, inapotke higit yage lagouwak iluk hisasukwa.²⁵At Dan, ayalak it o sili hamuluteke welaikarek mene ineki 7 atiba nen wagik igilogolik it inom omakima yabu halelaukwa. ²⁶A'nogo mene at he, 4 en ukuloak halogo hisasukwa mene yabu ati motok halelogoukwak en iluk wogosasukwa. It ati inebe apuni Lewi mene nen o Walowak awi sekeleke a'la welagarek mene yage kagalek welaukwa. ²⁷It ati inebe ohealegat mo lagei'aganem kwe hutuke mare 'o hikenem Inopase Walowak awi tegelek hano wurikmo atoma nogo igilaukwa.²⁸It atire wesa halarek oba, ati yimene timene kiagama ya wulipomo ya iluk ineki wenagaso halal palogo higilaukwa. ²⁹It yabu re a'la halek oba, ati obogat oguluk tegelek hano halek welagarek oba, halelogouwak en iluk wogosasukwa,ake re al tagalek tepung ati hano rogo halik, Anggur, amusu, Kemenyan, nen etuk hano asusak mene halelogouwak en iluk yabu wogosasukwa.³⁰Nen, apuni inebe miren hage At esewere logolik etuk hano mene alewarogo higilo'gosak hesik hisasukwa. ³¹At Matica, ebe Lewi mene ati re Salum aput makusa tago, aua o korah mene ati, yabu Roti weratuke mene hisukwa. ³²It heta re apuni it inayalak inageinapuri, Roti werago ineki o wesa usak oba aganem nikilogousak mene auak halogo higilouagaluk hisasukwa.³³Nen, yire ap etawi watuke ukuloak apuni Lewi nen tagomake mene hagalaukwa, o sekelek a'la welagat mene halok, nen likene huako yabu halo motok logosak. ³⁴It ati re ukuloak Lewi nen tagomake inebe talaukwa inetage halek higit hogo. It ukuloak ati inebe o yerusalem welaukwa. Saul Ebe Inoe Kain Etage Werek Logolik Ageinapuri Inom En Halelaukwa Wene³⁵O Gibeon, welaike opase ebe Gibeon ati Yeiel, nen age etage re Maakha. ³⁶At aput makusa mene re Abdon, ake Zur, Kish, Baal, Ner, Nadab, ³⁷Gedor, Ahyo, Zakharia, nen Miklot.³⁸At Miklot aput he Simeam nen it inebe welaukwa inayalak it mene horogat o Yerusalem inayak ake hunogoat mene inom omakima welaukwa. ³⁹At Ner en aput Kish, Kish en aput Saul, Saul en aput Yonatan, Malkisua, Abinadab, nen Esybaal. ⁴⁰At Yonatan aput he Meribaal. Hubuk lagakogo Meribaal en aput Mikha.⁴¹At Mikha ageinapuri re Piton, Melekh,Tahrea, nen ake Ahas. ⁴²At Ahas en aput Yaera, Yaera nen aput Alemet,Azmawet nen Zimri. Zimri nen aput Moza. ⁴³At Moza nen aput Bina, Bina nen aput Refaya, Refaya nen aput Elasa, nen Elasa nen aput Azel. ⁴⁴At Azel en ageinapuri inebe 6 huliba nen mene inetage yi. Azrikam, Bokhru, Ismael, Seraya, Obaja, nen Hanan. It ati re at Azel ageinapuri. 'iluk isukwa.

Inoe Kain Etage Werek Saul Ebe Walaike Wene ¹Apuni Filistin mene nen it apuni Israel mene inom weim halukwa. Apuni Israel mene weim kisukwasikmo nen filistin mene nen lagasaluk ato hese motok sak isukwa nen inebe apigat he o Gilboa tom obake watigik hisasukwa. ²Apuni Filistin mene Saul opolik musok laukwa. It en ageinapuri mugusek lilik, Yonatan watik,Abinadab watik,nen ake Malkisua watik, Saul ageinapuri inom hunugurik inoatukwa. ³Weim halugun ati Saul a'la egin negen hagalaike. It sike hago mene inom apiaukwasik sike ape waganogo inom lak-lak isukwa mene tok warek motok hagalaike.⁴Ati nen, Saul arige wolok laike mene yogotilogolik, ''Hat mene pisok abika kalek ari lisogo wilik an tanabin, apuni it ake wekelek lek mene nen wirik yuguneke halino.'' A'nogo meneat he, sike hago welaike a'gono nen nabit isikomo at ekali aike.Saul hobuk lagakogo pisok waganog eki lekasikesik pelaemake eawerek en talasike.⁵Sike sike wolok lagalogoli ineleken hasukwa re Saul warek werek'ma, at hogore sige sike oba lesakhogo warasike, atiba nen walaike. ⁶At Saul, aput, nen it mene inebe obogat lapugogo atiba inoatukwa.⁷Ati sat pauni Israel mene inebe obogat toge erang'ma logolik ineleken werek'ma ap weim inanini weak mene hese motok wulibukwa nen Saul aput eperak arat inoatukwa, it hogore inaua heraksaluk hese o huluk pugulukwa. Ati nen, apuni Filistin mene werik o atoma motok welaukwa. ⁸Atiba nen, ohealeke lagakogo apuni Filistin mene waugasik apuni walaukwa mene inaminingeke malagalogolik Saul aput eperak warek o tom Gilboa ba welaukwa.⁹It en Saul ukuloak palek nen arige, asike at mene malaukwa, wanukasik apuni filistin mene ineraluke welaukwa mene wene a'nogo wolok keang'ma mene it hogoratarek obake yogosik nen ake apuni yogosigik isukwa ¹⁰Ati nen, sue warek iluk Saul ekimo mene sige sike wanukasik it hogoratarek mene welagarek oba tugi kane awila hikisukwa, mene re helep ukuloak hareken Dagon welagarek oba hele hemagasogo hisukwa.¹¹At Saul ebe apuni Filistin en wata 'iluk abok wulipikomo apuni obogat o Yabesh mene Gilead mene a'nogo hagalaga 'iluk inasuk holukwa. ¹²Ati nen, Saul aput eberak warek werek'ma wogeinabilasak iluk apuni inebe elok inoane werek inoake hukutek hugi lasak oba halukwa. It en warek wogosek o Yabesh laukwa, nen keangma salinabugun 'iluk it inoak a'monogo wolok e huko mene werekma o Yabesh laukwa. Ati nen, supuruk nikilek, i nikilek welagat motok ineke 7 huliba nen welaukwa.¹³At Saul walaike ati at oabut he, ''Inopase Etage pogot ane hologo halilek heragik nen Inopase Etage pogot ane palek isike mene sebelogo hiluk, at en higit hogo halilek, apuni walaukwa mene nen wenekak yogosuak en iluk" wesa he oba wene hinok laike, ¹⁴At en Inopase Etage pogot oba wene yogonom iluk igilek, nen at ebe walaganem at inoe kain etage werek welaike mene uguluk'mo Daud Isai aput wogotike. 'iluk isike.

Daud Ebe Apuni Israel Mene Hesik Inoe Kain Etage Werek Hagalaike Wene ¹Apuni Israel mene inebe natogotugasik Daud o Hebron werek'ma oba halaukwa, nen igilogolik, 'hutano, nit yi hat hamem mogolik mene wago. ²Atiba, aleb agik at Saul en yogohetelogolik hat en apuni Israel mene ukuloak hagalarik wogisek lano. Ninopase Etage pogot, Walowak hat mene nen igilogolik,' An nageinapuri Israel mene Hat en hanoro hagasek logoino, nen hat hebe inoe kain hetage werek an nageinapuri Israel mene hesik hagalasigin.''' ³Ati nen, ap inalugetek Israel mene inebe obogat inoe kain etage werek oba o Hebron werek'ma laukwa. Nen Daud en ake it inom o Hebron en Inopase Etage pogot eilanem inane huli palukwa. It en hobuk Duad ebe ukuloak sebelogo inoe kain etage werek Israel mene hesik halogo hisukwa, Samuel en Inopase Etage pogot ane palek oba isike higit hogo halukwa.Daud En O Yerusalem Sebelike Wene⁴At Daud apuni israel mene obogat inom o Yerusalem laukwa. Atire Yebus, nen o atoma apuni Israel mene welaukwa. ⁵O Yebus welaukwa mene nen inane Daud ake mel yogotukwa, "Hat yoma wesusak lek." Ati nen,Daud selei mene nen inoasikinogo iluk leget paleget wurik Zion a'nogo misakogo kisike ati nen o Daud awi'sili welaike. ⁶At Daud en igilogolik, "Sa nen tak apuni Yebus mene mawen halogo hisike halok, ebe ukuloak hagalasigin nen at en hagasek logogin." Yoab, Zeruya aput, en tak inaweama tak isikesik inom weim yabukwa'sik at ebe ukuloak hagalaike.⁷Ati nen, Daud ebe leget paleget kwe hulirek wurikmo welaike ati. Atiba nen it hobuk lagakogo etage Daud awi silimo isukwa. ⁸At en o sili ati esakoke oanetesike, Milo oba nen halik-halik esakoke motok pikit laike nen o sili apik he Yoab en hago welaike. ⁹Inopase Etage pogot keang pgot elalike mene nen eki apik oba Daud oane hukoba wogotilogolik serogo welaike.Inebe Henagan Inanini Weak Iluk Isike Wene¹⁰Inebe yire ap ukuloak hugi weim inanini weak mene Daud serogo welaukwa, oane rogo inebe omakima arik lebetigilaukwa ake obogat apuni Israel mene. It en inoe kain etage werek Israel mene halogo hisukwa nen at menetukwa Inopase Etage pogot Ane palek isike higit hogo at halukwa. ¹¹Yire inetage halek ap inanini weak Daud inom welaukwa! 'Yasobam, Hakhmoni aput, Triwira Ukuloak welaike. At en sige awologotasikesik apuni inebe 300 huliba nen weim halelogolik sige nen talogo motok inoatike.¹²Arat atiba, Eleazar, Dodo aput, aua Ahoho mene. Inebe henagan weim inanini weak ati. ¹³At Daud eperak omakima o Pas Damim welaukwa. Apuni Filistin mene weim yabuogeluk atoma atogotelaukwa. Keang ake atoma jelai apik werekma ap weim mene apuni Filistin mene lagasaluk hese sakhogo eka jelai werekma a'nogo kisukwa. ¹⁴It inebe ekama a'nogo metek logolik sike ape waganogo apuni Filistin mene motok inoatukwa. Inopase Etage Pogot en inoane huko mene wogosasikomo it inoane aukwa ati.¹⁵Ati nen, apuni inebe henagan ukuloak 30 huliba mene o tom helep werekma Daud horogat Adulam omulama werekma hawaukwa atiba apuni Filistin mene o eloke erangma Refaim o wurogo welaukwa. ¹⁶At Daud eki akeba tom kopalekma welaike, atiba ap esa apuni Filistin welaikarek mene atoma o Betlehem welaukwa. ¹⁷Ati nen, Daud ane ake usak a'la agasikesik ane igilogolik, "I poge habulik o Betlehem werek a'nogo an noagaluk apuni ake nen wonesugun, kwe ape palek oba werek a'nogo."¹⁸Ati nenm. Ap ati ebe motok pikit apuni Filistin mene o wurik welaukwake nen I poge hawulik o Betlehem kwe ape palek'ma kisike, nen wanikesik wolok Daud oba waike. Mene at he, Daud i nikilek herakesike. Okawerek hesik Inopase Etage pogot kesalisigin iluk halike. ¹⁹At en igilogolik, "Legetino,ai Nopase walowak,an haligin ya apuni inamep ake higi yiba an i negen. Ati, it inebe walasugun iluk egasik en wolok waika.'' At i nikilek. Atire it ap weim Inanini weak inebe henagan mene at ake nen halike ati.Weim Anini Weak It Ake Iluk Isike Wene²⁰At Abisai, Yoab agot, a ebe ukuloak inebe henagan ati mene hasik hagalaike. At en sige awologotasikesik apuni inebe 300 huliba nen sige talogo inoatike, inebe henagan ati mene re at tak etage werek hagalaike. ²¹Inebe 2 Triwira ati mene, at tak ebe auksek welaike. Eberogoat mene, ebe ukuloak triwira hagalaike atiba it inetage lek negen hagalaike.²²Ati nen, Benaya aput Yoyada welaike, inoagare uan inoake hukutek mene inaput, aua o Kabzeel mene yabu huko mene halike. At en ap weim inanini weak inebe 2 o Moab mene inoatike. At ati hogo eki ake o moso ligiken titung nikokolek singa anini weak mene wasigeluk kiling ape palekma a'la pisike. ²³At en ap ake Mesir mene, atire oak'uan 5 hasta oba watike. Ap ati ekimo sigeba ineke hakuguke eki halek yo karek hago welaike, nen at ekimo sigeluk wolok waike ati ap Mesir mene sige ekim hago werekma telogo wanike. Ati nen ekawerek arige ba ekimo telogo watike.²⁴Atire Benaya Yoyada aput en halike. Inebe henagan ati mene at enak etage werek weim anini weak welaike. ²⁵Eberogoat mene, inebe henagan Triwira ati, nak augurinapilaukwa, meneat he triwira heta inetage lek walaike, Daud en hobuk ukuloak at wolok laguke halogo hisike.Weim Inanini Weak Mene Inebe 30 Nen Welaukwa Wene²⁶Weim anini weak ebe oagare uan oake huku ati reAsael, Yoab ayak; Elhanan, Dodo aput ebe Betlehem mene; ²⁷Samot, ebe Herod mene; Heles, ebe Peloni mene; ²⁸Ira, Ikesh aput, ebe Tekoa mene; Abiezer, ebe Anatot mene; ²⁹Sibkhai, ebe Husa mene; Ilai, ebe Ahoi mene;³⁰Maharai, ebe Netofa mene; Heled, Baana aput, ebe Netofa mene; ³¹Itai,Ribai aua o Gibea mene aput, ebe Benyamin mene; Benaya, ebe Piraton mene; ³²Hurai, o toke Gaas mene; Abiel, ebe Bet Araba mene; ³³Azmawet, ebe Bahurim mene; Elyahba, ebe Saalbon mene;³⁴Hasyem aput, ebe Gizon mene; Yonatan, Sage aput, ebe Harari mene; ³⁵Ahiam, Zakhar aput, ebe Harari mene; Elifal Ur aput; ³⁶Hefer, ebe Mekherati mene; Ahia, ebe Peloni mene; ³⁷Hezro, ebe Karmel mene; Naarai, Esbai aput;³⁸Yoel, Natan ayak; Mibhar Hagri aput; ³⁹Zelek, ebe Amon mene, Naharai, ebe Beerot mene, Yoab asike wolok waike, Zeruya aput; ⁴⁰Ira, ebe Yetri mene, ⁴¹Uria, ebe Het mene; Zabad, Ahlai aput;⁴²Adina, Siza aput, aua Ruban mene. At ebe uguloak Ruben mene inebe 30 huliba hagasek welaike. ⁴³Hanan, Maakha aput; Yosafat, ebe Mitni mene; ⁴⁴Uzia, ebe Asytarot mene; Hatam aput, ebe Aroer mene;⁴⁵Yediael, Simri aput, nen Yoha ayak, ebe Tizi mene; ⁴⁶Eliel, ebe Mahawim mene; Elnaam ageinapuri; Yitma, ebe Moab mene; ⁴⁷Nen Eliel, Obed nen Yaasiel, inebe Mezobaya mene.'' iluk isukwa.

Daud akit mene o Siklag en halukwa wene ¹Apuni yire Daud ebe Saul Kish aput en wasigeluk ikokolek at oba nen hebiluk o Zilag wirik werekma hawaukwa. Apuni ati inebe re weim inanini weak mene weim halenem lebetigilaukwa. ²It inasike ekela wurik nen helep waganogo hugurisasak oba elogat ake ineki eboke nen ake ineki peike. It inebe re inayalak omaket Saul mene inukuloak Benyamin.³At Abiezer ebe ukuloak; Yoas, Semaa aua Gibea mene ageinapuri; Yeziel nen Pelet, Azmawet ageinapuri; Berakha nen Yehu, inaua Anatot mene. ⁴At Yismaya, aua Gibeon mene, weim anini weak apuni inebe 30 ati mene hesik ati apuni inebe wetewerogo 30 huliba nen welaukwa; Yeremia, Yehaziel, Yohanan nen Yozabad, aua Gedera mene;⁵At Eluzai, Yerimot, Bealya, Semarya, nen Sefaca, inaua Hurufi mene; ⁶At Elkana, Yisia, Azareel, Yozer nen Yasobam, inaua Korah mene; ⁷Yola nen Zebaja, Yeroham agenyapuri inaua o Gedor mene.Apuni Gad Mene Iluk Isukwa Wene⁸O Gat mene inebe ake mogologo Daud wereke mene inebe o leimo apuni lekma yage lagousak oba laukwa.It ineb ere weim inanini weak inoagare uatek inoke hukutek. Apuni weim halenem inoabut elok nen sin ugu itaresik en sige wanelaukwa. It ineloken eperak higit singa anini weak atimene hake, nen o tom oba atoma sue hake purogo lekakhogo wulipilaukwa.⁹At Ezer ebe ukuloak welaike, Obaja re ebe pire oba,Eliab ebe henagan oba hagalaike. ¹⁰At Mismana ebe hobuk ekalik oba, Yeremia ebe isa likik oba, ¹¹At Atai ebe sabit oba, Eliel ebe paigoak oba. ¹²At Yohanan ebe sirek oba, Elzabad ebe Sogo oba; ¹³At Yeremia ebe ineki lapulik oba, Makhbani ebe nalokop oba.¹⁴Atire apuni Gad mene Ukuloak weim inanini weak logosak oba hagalaukwa. Apuni inebe hamulugat 1000 en mene inom weim halukwa, nen apuni inebe apigat 10000 mene inom weim halukwa. ¹⁵It atire o tugi ero-ero holelokolek i ati esakoke wesilagap laiagakolek tegek palukwa. It apuni o toke erang abel omoke mo henalogo liaiagarek akit welaukwa mene inom nen aweleken omoke mo kikereke welaukwa mene inom tegelogo hisasukwa.Ap Weim Mene Inebe Ato Daud Akit Aukwa Wene¹⁶Benyamin nen Yehuda lak en tagomake mene inebe ato mikilogo Daud wereke asugun iluk waukwa. ¹⁷At Daud en inelokoma wulipikesik en it inom wenakak isukwa. Igilogolik, ''Hat neperak wene lek hano iluk an lebenaigeluk wagan ati nen an nala hat neberak omakima hagalasugun. Meneat he, hat en an nepe waganogo selei mene inoba higeluk apeliak en egen halok yogotak ya an nen hat hoba weak mene ake haligin lek, Ninopase Walowak an noba'lak mene eileken hagilik hat ukum hoba huak.''¹⁸Ati nen, Inopase Areagun Amisai oba lugisike. Ukuloak apuni inebe 30 huliba ati. "Hai watinapi! Hat hai watapiat, Daud, Isai aput! Hat lebetaga mene nen, ebe Hopase Walowak en lebeti'ike."¹⁹Inukuloak Manasye mene ake omoke nen Daud wereke asusak oba waukwa, eki akeba apuni Filistin mene inom Saul wasusak oba laukwa. A'nogo meneat he, it inougi kaintek o sili apuni Filistin wereke welaikarek mene nen hobuk inane amusu palogo at lebetigilek lan 'iluk yogotukwa, ''Ukuloak nit mene nen legen isikesik ebe omoke nen, Saul werekma abit laike.'' ²⁰Atem oba o Ziklag lagakolek, inukuloak Manasye mene inebe hamuluke at oba waukwa, atire Adnah, Yozabad, Yediael, Mikhael, Yozabad, Elihu nan Ziletai, inebe ukuloak weim inanini weak mene hugi inebe 1000 huliba inukuloak menase mana waukwa.²¹Apuni etama mene inom weim halusak hesik it en Daud lebetasukwa, nen it inebe obagat atire weim inanini weak enak inebe inoagare uantek inebe inoake hukotek mene ap esa holek ake wogosek lauke hesik ukuloak hagalarik welaukwa. ²²Ninuke nanuke, apuni atoma Daud lebetuogeluk oba waukwa inebe ap weim mene esa huko aike, weim mene ap esa Inopase Walowak agoresa higit hogo holukwa.Auni Daud Inom O Hebron Nen Lapugutasukwa Wene²³Yire obogat esa holek weim mene Daud ebe o Hebron werekma inoe kain etage werek Saul ugulukmo hagalasuak iluk waukwa, Ninopase Etage Pogot en inoe kain asuak iluk agasike higit hogoat hagalaike. ²⁴Inukuloak Yehuda mene, weim halusak oba sin ugu tok sige wokagarek mene nen sige wanukwa apuni inebe 6.800 huliba. ²⁵Inukuloak Simeon mene, Weim inanini weak inoke hukutek inoagare uatek taluksek inebe obogat 7.100 huliba.²⁶Inukuloak Lewi mene apuni inebe 400 huliba nen welaukwa. ²⁷At Yoyada inom omakima welaukwa, ukuloak Harun inuguloak mene, apuni inebe 3.700 huliba. ²⁸Nen at Zadok, ebe elege oan weim anini weak oake huko oagare taluksek mene ukuloak apuni at mene hesik hagalarik welaike.²⁹Inukuloak Benyamin mene, atire inayak ap palek inukuloak omaket Saul, apuni inebe 3.000 huliba. Ineki ake ati, it mene inebe obogat Saul ane holek welaukwa. ³⁰Inukuloak Efrahim mene, inebe re 20.800 huliba. Inebe weim inanini weak inoake hukotek taluksera nen welaukwa, apuni it en tagomake mene inetage werek enak welaukwa. ³¹Inukuloak Manasye mene inebe omoke mikik, apuni inebe re 18.000 huliba Daud ebe inoe kain etege werek menesusak oba loagaluk inebe lopok inetage isukwa higit hogo laukwa.³²Inukuloak Isakhar mene hobuk ake hano hagalasing iluk awerugi inelu hutagaresik apuni israel mene hesik nit nikinogo halusak, inebe atem 200 en inyalak inukuloak omaket ap it palek inetage werek pemerintah werekma inaweakma welaukwa. ³³Inukuloak Zebelon mene, weim halilasak mene nen sige sike weim halarek mene atoma motok inelumo, apuni inebe 50.000 huliba nen inetuken pire lek omaket tekhogo telinabugun iluk isukwa.³⁴Inukuloak Naftali mene, ukuloak inebe 1000 oba nen ake sin ugu sige hago mene apuni inebe 37.000 huliba. ³⁵Inukuloak Dan mene, weim halusak arik herelek inelu mene apuni inebe 28.600 huliba.³⁶Inikuloak Asyer mene, weim halusak arik herelek ineleu mene hugi inebe 40,000 huliba. ³⁷O I Yorodan aik hetake mene, atire inukuloak Ruben mene, inukuloak Gat mene, nen inebe migilik omoke inukuloak Manasye mene weim haluogoluk inekimo wanarek mene obogat inom apuni inebe 120.000 huliba.³⁸Apuni inebe obat ati, atire weim halarek mene nak, inala hano baat o Hebron waukwa ati Daud ebe apuni Israel mene hesik inoe kain etage werek liakusak oba waukwa. Apuni Israel mene ato inetaiken omakeat halogo Daud ebe inoe kain etage werek liakugun iluk isukwa. ³⁹It atoma Daud ayalak inom isa'tokolek i nigik supruk nigik iko werokolek ineki henagan hagalaike. ⁴⁰At ayalak ake, it inukuloak Isakhar mene, Zebulon mene, nen Naftali mene supuruk nasak mene ake wam Keledai, Unta, eken agele inom, nen wam lembu apigat mene wolok waukwa, ati nen kue weratarek mene al tagalek, kue ara, kue kismis, anggur amusu, wam lembu sapi, nen kambing domba, ati o Israel atoma inala hai aleken akasak oba atiba hagalaike,'' iluk sikwa.

Wene warek a'nogo wanikisukwa wene ¹At Daud inom ap ukuloak esa holek 1000 nen ake 100 huliba nen, esa holek logolik alep agik inane amusu sekek hogo palukwa. ²Ati nen, Daud en apuni Israel mene obogat yogosigilogolik, ''Hit ebetep he hano, Ninopase Etage pogot, Walowak, a'la hano ba, nit en weawak yoko apuni nit ninayalak Israel mene wereke obogat yogosigik ake Walowak Esewerek apuni Lewi mene o silike wam konareke werek mene nit ninom labugutuok. ³Atiba Ninopase Walowak ane wene warek hapogo yoma hibesuak, nit en Saul werek oba halilek herakesugu a'nogo.'' ⁴Ati nen, apuni inebe obogat en igilogolik nit en haluok iluk isukwa, wenekak ati hano mene inala kagalogo laiaikomo inebe obogat inala nen ati hano isukwa.⁵Ati nen, Daud en apuni Israel mene inebe obogat agotorinapike, i Sikhor oba nen motok pikit o Mesir kwe ebel Hamat oba, Inopase Walowak ane huli warek a'nogo wolok wesugun isukwa'ma o Kiryat Yearim oba nen motok pigit hutuk hogo inelokoma lilik welaukwa. ⁶Inopase Walowak ane wene ware a'nogo o atoma nen wolok wesusak oba, Daud nen apuni obogat Israel mene inom Baal o Kiryat Yearim o Yehuda mene werek'ma kisukwasik wolok waukwa, Inopase Etage pogot etage u'an esin poksek Kerubim halek welaike.⁷It en Inopase Walowak en Wene warogo hisike mene ati esok halek inebe opoloa lagilik laikarek mene kerat oba Abinadab aua nen liakesukwa, Uza nen Ahyo eperak esok hagarek kereta atiba liakelik wolok laukwa. ⁸At Daud apuni Israel mene inom inebe obogat Inopase Walowak eilanem etawi Kecapi, gambus, Rebana, Ceracap, nafiri oba obogat inoanebahalukwa.⁹It arat laukwasik Kidon ineleken pelakasukwa, at Uza ekimo nen Wene warek ati nen wam Lembu kopgogo keangma bisike. ¹⁰Inopase Etage pogot a'mage lagelik Uza ebe motok watike. At ebe atoma nen,inopase Walowak e'lanem at walaike. ¹¹At Daud en wene palike ati Inopase Etage pogot en Uza tamukogo lakesike. Oguluk atem yogotak ya mene etage Peres Uza igilugi.¹²At Daud ineki ake atiba Inopase Walowak ayuk aike nen at en igilogolik, "An kinogo nen Ninopase Walowak Ane huli warek ati wolok an werekma hiwesigin nogo?'' ¹³At Daud en wene warek ati hobuk hapogogo o sili Daud werekma hiwesusak abit aike. At en a'nogo waganogo Obed Edom, ebe aua Gat mene aua hisike. ¹⁴Inopase Walowak ane huli warek ati Obed Edom aua hago werekolek tugi eki henagan oba holilike ati nen Inopase Etage pogot en Obed Edom agarok yimene timene obogat wogotike. 'iluk isukwa.

Daud logosak oba huko aike wene ¹At Hiram, inoe kain etage werek o Tirus mene,ap ake yoko Daud oba e aras inom lakeiaike, o wutarek mene inebe lopok helap oba wususak mene, nen eba wususak mene inom o inoe kain etage werek ebe logosak oba wutukwa. ²At Daud hutasike ati Inopase Etage pogot en arat ebe inoe kain etage werek Israel mene hesik aweama hagasek logolik etage uan halogo hisike ati apuni At ageinapuri, Israel mene hesik halike.³Atiba lagakogo, Daud hemi o Yerusalem mene inebe miren hake wogeinapike atiba nen at ageinapuri ap elegekerugi nen helimikirugi hisasike. ⁴Inetage at ageinapuri o Yerusalem en talaukwa mene re yi!' Syamua, Sobab, Natan, Salomo, ⁵Yibhar, Elisua, Elelet, ⁶Nogah, Nefeg, Yafita, ⁷Elisama, Beelyada, nen Elifelet.Daud en apuni filistin mene mawenetsasike wene⁸Apuni Filistin mene inasuk holukwa Daud ebe apuni Israel mene inoe kain etage werek logowagaluk halogo hega iluk isukwa, apuni Filistin mene inebe oboga en Daud ebe hagugun iluk waukwa. Daud atinogo ikenem asuk holikesik at it inoba laike. ⁹Apuni Filistin mene ati o toke erang'ma Refaim atoma ake kamo igilek pigit waukwa.¹⁰Ati nen, Daud en Opase Walowak oba hinok wokasike, ''An lilik apuni Filistin mene ari ninom weim halilak. An nen it inebe waganogo an nekiba hik a?" inopase Etage pogot en wene oko igilogolik, ''Lan, An nen waganogo hat hekimo higen.'' ¹¹Ati nen, Daud o Baal Perasim laike nen it inebe inaloke hatat asilaukwa. Daud en igilogolik, ''Nopase walowak en selei mene waika ari hat inoba lan 'ikokolek,' an wagi mene eperak higit i yekelak hurogo lagarek hak inoba waga, apuni nen oguluk ati etage Baal Peresim salogo hisukwa. ¹²Apuni Filistin mene nen o atoma hogoratelaukwa mene a'monogo, Daud en etu lolini iluk isikomo lolukwa.Apuni Filistin Mene Atiba Ake Inoane Aukwa Wene¹³Apuni Filistin mene nen atiba o toke erang ke weim inoba wuluk kiaukwa. ¹⁴At Daud en hobuk Opase Walowak oba hinok wagasike. Ati nen, Opase Walowak en wene oko yogotilogolik, Lagilek kamoin it kinogo halugun inopolik lano, mene hat en hawolok ilik inebe walingirogo hisilik hebe e arah kertau wereke nen inoa wulibino.¹⁵Atem oba hat hasuk holigin ane igin ati e Kartau wake ilik lagakolek, wulibiwerik hinom weim halik lagakolek hopase walowak tak alep agik lilik apuni Filistin ap weim mene inoane lek halogo higin.'' ¹⁶At Daud Ninopase Walowak ane isike higit hogo halikomo it en ap weim mene Filistin inoane lek halogo hisike,o Gibeon en pigit Gezer oba hilaike. ¹⁷Ati nen, Daud etage obogat o atoma waganogo liakesukwa nen apuni inukul etage lopok inala nen inayuk o ati inala inayuk hagalaike,' liuk isukwa.

Wene warek a'nogo o Yerusalem hilaukwa wene ¹Ati hesik o sili Daud wereke halukwa, nen at en wene warak inopase walowak en hisike mene ati logosak oba huli halogo o lese pokogo wutike. ²Ati like Daud en igilogolik, ''Wene warek inopase Walowak en hisike mene ati hit ake yugunat wanusak'lek apuni Lewi mene halok wanusak, it inopase Etage pogot en arat inebe wetewerogo hisasikesik'mo wene warek Inopase Etage pogot en hisike mene wanusak nen it en hogorasusak oba higit aganem atiba halik lagalogosak.'' ³Atiba lagakogo Daud en apuni Israel mene obogat lapukogo o yerusalem atogorinapikesik wene warek inopase Etage pogot en hiseke mene waganogo wolok oguluk logousak oba halogo hisukwa a'nogo logouwagaluk hilaukwa.⁴Ati nen, Daud nen Harun en tagomake mene inom nen apuni Lewi mene atogorinapike. ⁵Kehat en tagomake mene! 'Uriel ebe ukuloak nen ake ayalak inom, atire apuni inebe 120 huliba. ⁶Merari nen tagomake mene!' Merari ebe ukuloak nen ake ayalak inom, apuni inebe 220 huliba.⁷Gerson en tagomake mene: Yoel ebe ukuloak nen ayalak ake inom, apuni inebe obogat 130 huliba. ⁸Elsafan en tagomake mene!' Semaya ebe ukuloak nen ayalak ake inom, apuni inebe obogat 200 huliba. ⁹Hebron en tagomake mene!' Eliel ebe ukuloak nen ayalak ake inom, apuni inebe obogat 80 huliba. ¹⁰Uziel en tagomake mene: Aminadab ebe ukuloak nen ayalak ake inom, apuni inebe obogat 112 huliba.Apuni Walowak Esewerek en Lewi Mene Inoba Hesi Isike Wene¹¹At Daud en atiba lagakogo Walowak Esewerek mene wasasike, atire Zadok nen Abyatar apuni ake Lewi mene, atire Uriel, Asaya, Yol, Semaya, Eliel nen Aminadab. ¹²Atiba at en igilogolik, "Hat hebe ukuloak apuni Lewi mene. Hebe hanorogo tegelik, nen hayalak ake inomat tegelek logosak, ati re wene warek inopase Etage pogot, Inopase Walowak Israel mene, hisike a'nogo wolok oguluk an arat halogo higiba hapokogo hilasak.¹³Ninopase Etage pogot hat alep agik wagilek nen Ninopase Walowak en Tugi huko mene pagatik inoatike, nit At en yinogo hagano isike mene halilek eperak higit hogo halusak." ¹⁴Ati nen, Inopase Etage pogot, inopase Walowak, Israel en wene warek hisike a'nogo hapokogo wolok lasak oba inebe Waloak Esewerk mene nen apuni Lewi mene inebe lopok tegelek logousak. ¹⁵Lewi nen tagomake mene atiba lagakogo wene warek inopase Walowak en hisike mene ati ebe eperak higit Musa nen Inopase Etage pogot ane isike higit hogo isikomo halukwa hagat, atire inomolo oba wanusak oba halek welaike.Ap Etawi Watarek Mene Iluk Isukwa Wene¹⁶At Daud en ukuloak apuni lewi mene inebe inayalak inom melarik lani iluk isike, atire etawi wasusak mene pikon Gambus, kecapi, nen cerecap, ane watenen etawi inala hai agasak mene ane inasuk holusak oba. ¹⁷Apuni Lewi mene ati Herman Yoel aput nen at ayalak hobuk en melaukwa, Asaf Berekhya aput,ebe Merari nen tagomake mene, ati re it inyak, Etan, Kusaya aput. ¹⁸It inebe omakima mene at ayalak inebe esa ake hobuk ake lagokogo nen mene, atire Zakharia, Yaaziel, Simiramot, Yehiel, Uni, Eliab, Benaya, Maaseya, Matika, Elifele, Mikneya, Obed-Edom, ake Yiel, kwe apeba jage welaikarek oba welaukwa.¹⁹Ap etawi watarek mene, atire Heman, Asaf, nen Etan it he etai inasuk holarek mene ake ceracap tembaga mene watelaukwa. ²⁰Zakharia, Aziel, Semiramot, Yihiel, Uni, Eliab, Maaseya, nen Benaya it he Gambus inane legesogo egarek mene walitaukwa. ²¹Ake Matika, Elifele, Mikneya, Obed-Edom, Yeiel, nen Azazya it kecapi ake inane 8 en seberek mene etawi ikokolek egarek mene watilaukwa.²²At Kenaya, ukuloak apuni lewi mene at yabu halelogosak wolok laguke welaike. At atimene halo elu ati nen, yabu ati halelogouwagaluk wogotukwa. ²³Berekhya nen Elkana re wene warek welagarek oba kwe ba yage walukwa. ²⁴Sebanya, Yosafat, Netaneel, Amasai, Zakharia, Benaya, nen Eliezer, atire wene warek inopase Walowak en hisike mene werek'ma Esewerek mene ati nen pikon nafiri ene tigilaukwa. Ati nen Obed-Edom nen Yehia wene warek welagarek oba kwe ape ba yage logousak oba hagalaukwa.²⁵Ati nen, Daud, ap inalugetek Israel mene, nen ap ukuloak esa inebe 1000 huliba nen wene warek inopase Etage pogot en hisike mene a'nogo Obed-Edom aua hago werek'ma inala hai aleken oba wanuogoluk laukwa. ²⁶Apuni Lewi mene wene warek Inopase Etage pogot hisike mene ati hapokogo wanenem Inopase Walowak en leberisasike, atiba okawerek hesik wam Lembu kulok mene 7 oba nen hisukwa nen wam domba kulok mene 7 oaba at hisukwa.²⁷At Daud su pogeka Lenan al'werek hano mene itike, ati nogo obogat apuni Lewi mene ikogo wene warek ati hapokogo wanugun mene inom, etawi wasugun mene inom, hapokogo wanugun mene etawi wasung mene ati at Kenaya nen yakulisikogolek halugun. Daud su Efod ugu yo Lenan mene itike. ²⁸It apuni Israel mene inebe obogat en wene warek Inopase Etage pogot en hisike mene ati hapokogo wolok hogelilik etai terompet ane tigik, nafiri, nen caracap anen inasuk holilogolik gambus watik nen kecapi watik isukwa.²⁹Wene warek Inopase Etage pogot en hisike mene ati arat wolok o Daud awisilimo huogeluk waganem, Mikhal, Saul alogo a'nogo ot legesogo kwe ape palek oba nen eileken lakasie inoe kain etage werek Daud a'nogo hogelikilogolik pokarogo lagik pigik ikenem etaiken sebekogo nen lakasike, ''iluk isukwa.

¹Ninopase Walowak ane warek a'nogo olese wurik Daud halikeba hobuk hapogo eken tulem higisukwa. Nen, it en inebe tegelinabuagaluk at Walowak werekma inogarok waganogo etu loletukwa. ²At Daud arat inebe tegelogo hanorinabuak en iluk inagarok waganogo etu lolelilik, apuni ati mene Inoase Etagepogot etageba hanorinabilogouwak'iluk isike. ³Ati nen, at en apuni Israel mene ap inom at hemi inomat inebe lopok supuruk Roti sekeping werago mene, sekerat wam werago, nen kue werago kismis mene omoke kurik mene suputigik wogosasike.⁴At atiba nen Inopase Etagepogot ane palek warek welaike a'nogo hapogogo wanike ati apuni Lewi mene inebe heta wesa halusak hesik a'la nen etage esinetigik, hai watik nen etawi oba Inopase Etagepogot, Walowak Israel mene hogorati'laukwa. ⁵At Asaf ebe ukuloak hagalaike nen at Zakharia ebe atiba lagakogo nen hagalaike. Ati nen ake Yeiel welaike at, Semiramot, Yehiel, Matika, Eliab, Benaya, Obed-Edom nen Yeiel he pikon gampus nen kecapi watilaike, atem'oba Asaf he caracap watilaike. ⁶At Benaya nen Yahziel, wena yakulisekerek mene ati, nanip nanhup Walowak ane wene huli warek werek'ma elokoma hit en pikon nafiri ati'ba anetigilaike.⁷Ineki ake atiba, alep agik at Daud en etawi Inopase Etage pogot hai wasuok ati it Asaf nen ayalak ap it palek.Daud en etawi watike weneYa u', ya u`, ya o o, Ya u`) ⁸Ninopase, a ya u`, Etage pogot, o ya u`, Hai watilogolik, a ya u` Etage esinetuok,o ya u`! At hale mene yi, a ya u`, yiap tiap yogosuk, o ya u`,! ⁹At hesik etai ba wasuok, a ya u`, Arat hogorasuok,o ya u'. Yinogo hale iluk, a ya u`, yogosuok, o ya u`, Aren, a ya u`, eberogat mene hale, o ya u`.<sup>10</sup>Hat hetage a'la huko esin, a ya u`, motok tegelek hano, o ya u`. Apuni, a ya u`, Ninopase herarik wesugun mene,o ya u`, hina'la nen, a ya u`, hai akigilogoni, o ya u`! <sup>11</sup>Ninopase herarik lani, a ya u` At omame werek,o ya u`, At eloken, a ya u`, herato logouwok, o ya u`.<sup>12</sup>At hele, a ya u`, elogat hale, o ya u`, hale mene, a ya u` oba ebetelogouwok, o ya u`, Elalin mene elogat hale, a ya u`, nen ukum inoba higik kotik igin mene ike, o ya u`. <sup>13</sup>At apuri, a ya u`, hit Israel en tagomake mene yi, o ya u`, hit Yakub apuri yi, a ya u`, apuni At en wetewerogo hisasike mene yi, o ya u`. <sup>14</sup>At ebe ninopase etagepogot, a ya u`, nit Ninopase walowak, o ya u`, keangma mene obogat, a ya u`, At en ukum ninoba higin, o ya u`.<sup>15</sup>At en wene wanisasike mene, a ya u`, esok motok logogin, o ya u`, Ane pelak ake isike mene, a ya u`, inebe 1000 nen aga, o ya u`, <sup>16</sup>At Ninopase nen, a ya u`, Abraham eperak hunitukwa, o ya u`, ane amus sikipogo, o ya u`, Isak oba hisike, a ya u`. <sup>17</sup>At en Yokub oba, o ya u`, yogote mene,a ya u`, Israel mene hesik, a ya u`, inage huli werek atiba, o ya u`, esok motok logouwak, a ya u`. ¹⁸Ane palek, a ya u` ''kanaan werekma, o ya u` yogosegen, a ya u`, hit mene werek'ma, o ya u`, hat hesik logouwagaluk halogo higi yi, a ya u`.<sup>19</sup>Atem oba re, a ya u` it inebe hamulugat werek'ma, o ya u`, nen apuni it inebe, a ya u`, ket huso aikasik werek, o ya u`. <sup>20</sup>It inebe,a ya u`, apuni inauake naga-nega, o ya u`, nen o ap kaintek wereke, a ya u`, ake nen akema lagik, o ya u`. <sup>21</sup>Meat he, it en, a ya u` omaket halok ake hebisigilek wik weak hogo halogo hisigilaukwa, o yau`, it inoabut en, a ya u`, inougi kaintek ukum inoba higilaukwa, o ya u`. <sup>22</sup>''Apuni an nen hano halogo hisigi mene, a ya u` inane weak yogosasak lek, o ya u`, nen an wene yogosagarek mene ati inoba, a ya u`, weak halusak lek, o ya u`.<sup>23</sup>Ninopase hesik etawi wasuok, a ya u`, hit keang'ma welagep men obogat, o ya u` Ninuke nanuke tenyabilogo iluk, a ya u`, yogosilik lani, o ya u`. <sup>24</sup>At ebe awelpoke logolik, a ya u`, it apuni ake obogat hesik, o ya u`, hano hagarilogo,o ya u`, At halilogo re elogat, a ya u` apuni inukuloak lopok hesik, o ya u`.²⁵Ati nen, Ninopase ebe etage huko, a ya u`, arat hogoratorek, o ya u`. keang'ma hogoratarek mene yoma nen, a ya u`, At ebe inayuk, o ya u`. ²⁶Ati nen, apuni inugul etage lopok obogat, a ya u`, hogoratarek mene, o ya u`, ati re ebe keangma mene hogoratarek, a ya u`,a'nogo at mene ninoase etage pogot en, o ya u`, pogot halogo hisike, a ya u`! <sup>27</sup>Agouk hogo nen apel bokeba, a ya u`, at werek'ma nen, o ya u`, ninomame nen ninala hai aleken, a ya u`, at werek'ma werek, o ya u`.<sup>28</sup>Hit hinukuloak lopok, a ya u`, ninopase etagepogot, o ya u`, uane hano ninaperek ninopase etagepogot atiar, a ya u`. ²⁹At etage ba at, o ya u`, ninopase arat wogoni, a ya u`. ninebe tegelek logolik nilalilike waganogo, o ya u`, Ninopase Etagepogot ati at hogorasuok, a ya u`.³⁰At werek'ma wasuok, a ya u`, keang'ma mene yoma obogat,o ya u`! keang'ma yoma ebe awolok igilek metek kamoike, a ya u`. <sup>31</sup>Pogot oba mene hinala hai apik akani, a ya u`, nen keang'ma mene hogeilekak ini,o ya u`! Yiap tiap en igilogolik, a ya u`, "Ninopase Etagepogot ebe Ninoe kain, o ya u`!"<sup>32</sup>I huko yekelek laut ane ake a'la nen ikenem, a ya u`, oleimo apel poke welagarek mene obagat inala hai akano,o ya u`. <sup>33</sup>Ine ake atiba e ekama mene,a ya u`Ninopase werek'ma hinala hai akano, o ya u`,nen At werik en keangma yoma ukum inoba higin, a ya u`.³⁴Ninopase Etaga pogot hoabut hano ati nen, a ya u` hai watipi, o ya u`. Nonopase Etage pogot hoabut hano nen, o ya u`, eberogoat mene wonisigilogolik motok hanonina pelagen, a ya u`. ³⁵Nen nit tenyabin, a ya u` iluk ini,o ya u`, Nonopase walowak yi, a ya u`, Nit teinapuke, a ya u`. Atogonyabilik he nen nit kopokogo yiap tiap werek'ma lanisan,o ya u`, hat hetage tegelek hano ati nit ninala hano,a ya u`, nen etai a'la hukotaugun, o ya u`''.³⁶Ninopase Etage pogot, Walowak Israel mene hogotapo. O yogotak huli nen hobuk ineluk motok logogun huli. Atiba nen, Hat hageinapuri inebe obogat en igilogolik, "Ebe asuak! Ninopase Etage pogot hogotapo!"³⁷Ati nen, Daud en Asaf ayalak inom heraksaluk omakima welaukwa mene werokolek it amisang'ma wene warek Inopase Etage pogot en hisike mene welaike'ba haligeluk waike, nen ninuke nanuke ineki elogat oba halo motok logousak oba ineki ebe lopok at welaukwa, ³⁸Atiba at Obed-Edom it ayalak ake inom inebe obogat 68 huliba nen ati. Obed-Edom Yedutan aput nen Hosa atire ebe kwe apeba serisek welaike. ³⁹A, nogo nen, Zadok, walowak Esewerek ati, nen ayalak walowak Esewerek mene ato inom o lesi wurik oba Inopase Etage pogot awi tegelak hano wurik'mo uguloba inagarok lek halogo o Gibeon welaukwa⁴⁰Okawerek hesik inagarok waganogo Inopase Etage pogot hesik etu loliti laukwa oguluk wulikin oba inagarok opoloba ohealegat homaganoke lolomotok welaukwa ati obogat Inopase Etage pogot en Wene alep warogo hisike mene holal palek werek higit hogo halelaukwa, apuni Israel mene halelogoukwa'galuk Isike. ⁴¹It inebe omakima mene Heman nen Yedutan nen ato oguluk logosak oba lek aikomo apuni ake heragigik hisasukwa, Inopase Etage pogot hesik etawi watelogousak mene ati inetaiken oba nen ninghogo inaberali agilek halelogouwagaluk Nonopase nen wonisiko motok logogin.⁴²At Heman nen Yedutan eperak nafiri nen ceracap watuke welaukwa, ake pikin watokolek inopolik lagalogolik etawi inopase walowak hesik warik lagalaukwa, ati hake halokolek at Yedutan ageinapuri kwe ape ba yage welaukwa. ⁴³Ati nen, it apuni ati mene inebe lopok obogat laukwa. At Duad laike it apuni inebe oma welaukwa mene hai warogo hanorogo logeinyo 'iluk wesa inoba hilaike," iluk isukwa.

Ninopase Walowak en Daud Wogosigeluk Abok Yogotike Wene ¹Ati nen, Daud arat aua werek'ma nen, at en igilogolik Wene yogosagarek mene Natan yogotike, "Heleken lakan, an nebe oma e aras oba wurik'mo welagi, wene warek ninopase Etage pogot en hike mene o lese halek'ma werek ati." ²At Natan en wene oko Daud yogotilogolik, "Yimene timene haligin halok atoma hat hala werek,nen Ninopase walowak en lebetoak."³A'nogo meneat he, o huako atiba, Ninopase walowak ane palek Natan oba, igilogolik: ⁴"Lan, lilik Daud yogono, nopase,' ninopase Etage pogot ane palek oba wene yinogo ike. An nebe o logousak oba ati hat en wusigin lek. ⁵Ati nen, apuni Israel mene wogosek wulibiaigi ati huli nen yogotak ya An nebe ouma lopogogo welagirek lek. An nebe o welagirek he lese wurike ati yugunat ake lagik-ake lagik nigirek. ⁶An atem oba apuni Israel mene ninom yugunat o ake lagik-ake lagik nikilagagu, athe An napeba nen wene ap Israel mene omaket halok ake ukum inoba higik kotik egarek mene yogotinogo, An nageinapuri hagasek logoino iluk igi, meneat,' nenahalok en hat An naua logosak oba e aras oba wutilek nogo?'⁷Ati nen he, Daud an naput oba oane yi. Ninopase Etage pogot yimene timene elalike mene nen yinogo ike. An nen hat o leimo werek ma wokapi, wam kambing domba kono werek'ma, apuni Israel mene hesik inoe kain hagalanok iluk. ⁸Hat hoba nen selei mene obogat lek halogo hisigilogogin nen hat hebe kake lagen halok An nen hat arat setarek logogin. An nen hat keang'ma yoma hesik, hetage werek logoinok en iluk halogo haigin.⁹An nageinapuri Israel mene logosak oba an nen igin nen An nebe inelokoma weinem a'galogogin, atiba oguluk atoma hano logogun, inamaken lagilek nen apuni inoabut weak alep welaukwa higit hogo mene nen ake yinogo tinogo halinapilek logogun, ¹⁰Atem oba an nen nageinapuri Israel mene hesik ukum inoba higik kotik egarek mene halogo hisegen. An nen inaselei mene obogat inoane lek halogo hisegen. An hogo hat yogohesigin Ninopase Etage pogot en hat en tagomake mene halogo hisegen.¹¹Hat hebe walagen halok hobalak alebat salinapukwa oba keang'ma salabugun, atiba an nen hit en tagomake mene wialasuagaluk halogo higin, hat haput omaket ake ebe inoe kain ket mene menogo higin. Nen an nen hit logosak oba oane halogo higin. ¹²Hat haput en o an naua ati wusigin nen an en hat hebe logosak oba esok motok logoukwak en oane halogo higin.¹³An nebe hat hopase hagalasigin, nen hat an naput hagalasigin. Nen An en hat hebe hano logoukwagaluk wokoti mene hobuk napoke telogo wanigin lek, An nen Saul wogotirik en wani ati hake lek, inoe kain hat hagalagilek werekolek; ¹⁴Meneat he An nageinapuri hesik inoe kain etage werekhalogo higin nen an naua inebe logouask oba atiba lek agilek motok logogin. Inebe logousak oba ati oane halogo lek agilek a'galoigin lek!''' ¹⁵At Natan en abikan oba yogotike mene ati obogat at Daud yogotike.Daud En Wesa Halike Wene¹⁶Ati nen, inoe kain etage werek Daud a'nogo kisike nen ninopase Etage pogot elokoma ane igilogolik hulaike, "An nebe sanogo, Ninopase Etage pogot Walowak a, nen apuni an mene sani nogo an wonarek wagen. ¹⁷Nen ati hat hoba hamulugat hake,ai Ninopase Walowak, hat en hano wene yi apuni an mene hesik inebe hobuk logousak oba huli uanat ati nen an nelaken hak en weinematein ai ninopase Etage pogot walowak, apuni ninebe hagalarik wesugun mene hat en yogonesin. ¹⁸O'an werek an uan huli ake an noba ri, Daud, hogorasusak oba an nebe yi? Nen, Hat en an nebe helu yi.¹⁹Ai, Ninopase Etage pogot, an haput yi nen Hala nen, yiwene tiwene huko hagalaga mene hat halen yi, nen atiba wene huko halen mene ati obogat an yogoneten. ²⁰Ai Ninopase Etage pogot, hat hinom higit lek, nen Ninopase Walowak yoma ake werek lek meneat he we hat halik halagat welagen, eperak higit nit ninasuk oba nen tukum hogo arat holo. ²¹Keang'ma yi o komanogo, apuni Israel mene eperak higit, hat hageinapuri, Ninopase Walowak lilik ageinapuri tegelogo hisalegen, nen etage halegen ati at elogat haleloigin nen hukoat mene yiap tiap tegelinapilogogin at ageinapuri o Mesir en arat tegelogo inalek'ma hisasigi?²²Apuni Israel mene hat Hageinapuri logouwagaluk hoalogo hisigin, nen Hat hebe, ai Ninoase Etage pogot, it Inopase Walowak hagalaga. ²³Nen yogotak, ai Ninopase Etage pogot, an haput haligin 'iluk nepeba nen igi mene yi nen apuni an mene, hat ha'la nen it inebe inawolok lek motok logouak en halogo hin nen atire an nen haligin igi higit hogoat halino. ²⁴Hat hetage ya metek nen huko esin motok logogin atiba apuni nen igilogolik, "Ninopase Etage pogot en yimene timene elalike, Ninopase Walowak Israel atire Ninopase Walowak it Israel mene, nen hat ha'la nen apuni Daud mene, an haput, nebe hat elokoma metek logogin.²⁵Nen hat, ya Ninopase walowak, aren nesakoba arat an aput yi noba igilogolik hat en tagomake mene hesik halogo haigin. Ati nen he, an haput yi nayuk'lek hogo at sapan halogo nane hat hoba liakewagi. ²⁶Ati nen, ai Ninopase Etage pogot, Hat hebe re Ninopase walowak yinogo haligin iluk an haput awok yogoneten wene hano mene hagalaga yi. ²⁷Ha'la nen yogotak hat akegen mene an haput apuni an mene hanorinabin, ati it inebe hat hoba motok logouak en. Ati hat en hano halen halok, ai Ninopase Etage pogot, hobuk logousak hesik hano halogo hisano. Yogotak hat ha'la nen apuni an mene yi hano halogo hiesgen halok inebe hat hoba motik logogun, ati nen hat en arat hanorinapen mene, ati nogo at hano motok at logogun." iluk isike.

Daud apuni inom weim yabilogolik omame aike wene ¹Atiba nen, arat hagalaikomo, Daud en it apuni Filistin mene inoane lek halogo hisasike. Atiba nen lagakogo apuni Filistin mene wereke Gat nen o silik ake hamuluteke at ekiba hagalaike. ²At Daud en apuni Moab mene mawen halogo hisasikomo at oba sebek isukwasik yimene timene at hesik hisukwa.³Ati nen, Daud en Hadadezer, inoe kain Zoba mene mawen halogo hisike, atilike ebe horogat o Hamat werek'ma at alimo hagalasusak oba haligeluk o i Efrat ima asiwaike. ⁴At Daud en at mene kereta a'la lagelik kalogo laikarek mene 1.000 huliba mene wanike, nen ap wein mene wam kuda 7.000 huliba, nen ap weim esa holeh 20.000 huliba nen inosok oba mene. At Daud en wam kuda hele kelik mene sikibitigik lakesikomo wam kuda kereta esok hagarek mene 100 huliba nen heraksaluk laike.⁵Apuni Adam mene o Damsyik en waugasik Hadadezer lebetasukwa, inoe kain etage werek Zoba welaike, Daud en apuni Adam mene ati inebe 20.000 huliba nen inoatike. ⁶Atiba nen, Daud en apuni Adam o Damsyik mene ati inebe at ayabu haluke halogo hisasike, nen apuni Adam mene ati nen yimene timene at hesik hisuwa.Daud ebe kuke legen halok Inopase Etage pogot o'ane mene halogo wogoti laike.⁷At Daud en sin emas mene ugu apuni Hadadezer mene a'mogo wanike, ati nen wolok Yerusalem laike. ⁸O Tibhat nen Kun, atire o sili Hadadezer welaike, Daud en tembaga abigat mene obogat lapukogo wanike. Atiba at Salomo nen halenem i ''laut'' yekelek hagalaike tembaga, atuli telik, ake yimene timene perkakas tembaga mene oba halogohisike.⁹Atiba Tou, inoe kain etage werek Hamat mene asuk holike hak Daud en Hadaezer, inoe kain etage werek Zoba mene inebe obogat arat mea halogo hisikesik inoate iluk isukwama, ¹⁰At Hadoram, at aput, Daud oba lan, 'lagen halok at en Hadaezer eperak weim arat halasik mea halogo hike ati nen at en hai watape ino iluk isike. A'nogo hagalaike ati at Hadaezer Tou eperek weim halilaukwa ati nen isike. Ekomo yimene timene ake emas,perek, nen tembaga mene wolok waike. ¹¹A'nogo meneat he, at inoe kain etage werek Daud en emas, perak it apuni Edom mene, Moab mene, Amon nen tagomake mene, Filistin mene, nen Amalek mene wolok waukwa mene a'monogo obogat lapukogo Inopase Etage pogot hesik hisike.¹²At Abisai, Zeruya aput en apuni Edom mene o eloke erang'ma Asin nen apuni inebe 18.000 huliba nen inoatike. ¹³Ati nen, ap weim nene hugi o Edok hisasukwa, atiba o Edok Daud mene eyabu haluke hagalaukwa. Oguluk yogotike hugi obogat Inopase Etage pogot en Daud o'ane wogotike.Ap Ineyabu Hukotek Daud Eki Esok Welaukwa Wene¹⁴At Daud en apuni Israel mene obagat yogosigilogolik, nen apuni obogat inane higit hogo eberogoat mene igilogousak. ¹⁵At Yoab, Zeruya ebe weim mene kain ekaragun hagalaike nen at Yosafat Ahilud aput ebe eka hago welaikarek mene hagalaike. ¹⁶At Zadok, Ahitub aput, nen Ahimelekh, Abyatar aput inebe esewerek wene yakulisagarek mene hagalaukwa, nen Sausa ebe o atoma mene inetage paluke hagalaike. ¹⁷At Benaya, Yoyada aput ebe weim mene kain ekaragun apuni Kret nen plet mene hesik hagalaike, oban werekolek atem oba at Daud egeinapuri inebe Inoe kain etage werek lebetuguke hagalaukwa.'' iluk isukwa.

Apuni Amon Mene Daud Wereke Aukwa Mene Inekali warogo hsukwa wene ¹Atiba inoe kain etage werek Amon nen tagomake mene, Nahas ati ebe arat walaikomo, hobuk uguluk'mo aput inoe kain etage werek hagalaike. ²At Daud en igilogolik, "An nen Nahas aput Hanun oba ake lagi halok neperak hano logouwok'iluk yogosigin, nen at opase hogore an neperak hano logouwok 'iluk arat halikomo." Atiba Daud en ap ake wene warogo oba higilogolik mel isike, 'hat hopase ebe walaga ati 'an hogo, nala weak aga'at o. Ati nen Daud ayubu halarek mene o apuni Amon mene werek'ma Hanun arat halaukwasik logolik wene warogo inoba hisike a'nogo nit nonomat ninala weak aga" iluk isukwa, ³It Amon en tagomake mene nen Hanun yogotilogolik, "Hat en Daud ebe hagesigin ati a'la nen hogotapesik ap ake an mene wene warogo inoba hikomo ninomat ninala weak aga 'iluk ia'iga nogo a? At a'la kinogo abetesik en yoma ninoabut sekegetagaluk laksawaga, o inel tarik, ati nen o yoma weaganinauogeluk ayubu halarek mene yoma hat hoba waikwa nogo a?''⁴Atiba lagakogo, at Hanun en Daud ayabu halarek mene a'monogo haksasikesik en, it inopore palik inanus inogat laberek inekimo nen motok pigit inesok wurep'ma palogo lakesike, ati nen inebe hikalogo laksasike. ⁵It a'nogo laukwa, ati nen laukwasik it apuni ati hesik Daud yogotukwa'ma at en it apuni ati inekali asusak hala 'iluk apuni ake it ati inom apiasuak en 'iluk laksasike." O Yerikho werokolek inopore wulibikomo, nen hobuk waukwa.''⁶Arat ineileken hasukwa it apuni Amon mene inala nen Daud inabit o'ake lak'sasikomo Hanun nen apuni Amon mene eka 1000 nen palek perak mene esok hagarek kereta a'la kalogo laikarek mene it lasak oba o Aram Mesopotamia nen Aram Maakha ake Aram Zoba ake apuni wam kuda opoloba lagelik wolok laikarek mene ineki oko hilaukwa. ⁷It en esok halek inebe a'la kalogo lasak oba 32,000 huliba nen ineki ogo hisukwa'ma inoe kain o Maakha mene agoromi weim mene nom omakima o lese halekma horogat Medeba waukwa. Apuni o sili lopok Amon mene inebe ap awi halogo weim halilasak oba halukwa.⁸At Daud asuk holikesik, Yoab agoromi ap weim mene obogat nen weim inanini weak hugi inom laksasike. ⁹It Amon nen tagomake mene weim halusak oba o silimo kwe apeba ap esa holek inebe higit hogo halokolek, it ap inogogi kaintek inetage werek waukwa mene a'monogo inalikmo salek welaukwa.¹⁰At Yoab eileken lakasi wim halusak oba ati ap esa inelokoke nen wesusak at nen inapoke nen wesusak at hagalaike, inebe wetewerogo it ake apuni Israel mene penogo apuni Aram nene inom wem halusak oba inebe eratukwa. ¹¹Ati nen, it ap esa hukoke re ukuloak Abisai inom lasak oba halukwa, agot en Amon en tagomake mene inom halusak oba inebe erasusak oba at en halike.¹²At Yoab en igilogolik, "Apuni Aram mene ati inoane motok apik mene an he noane lek, an lebeneani, nen apuni it Aram en tagomake mene ati inoane abik an ninom waletasak mea, an nen hat lebetegen. ¹³Hetaike hakogogo, nen apuni nit mene hesik nen o sili lopok ninopase walowak oba ane omame asuak en eme. Ninopase Etage pogot en nit hesik ake hano mene haligin hake hagalaga lagigi."¹⁴Ati nen, Yoab nen agoresa weim mene inom omakima apuni Aram mene inom weim halusak oba inoba wuluk lagakolek it lagasaluk hanggatilek hesi pikit laukwa. ¹⁵It Amon en tagomake mene inyeleken lakasukwa hak apuni Aram mene hese pigit lagakolek, it hogo Abisai lakaluk a'nogo halukwa, agot, nen o silimo a'la kisike. Ati nen, at Yoab o Yerusalem laike.¹⁶It apuni Aram mene ineileken lakasukwa apuni Israel, it en ake yoko laksasukwa nen apuni apuni Aram mene i Efrat aik omoke werek'ma homisek waike ukuloak Sofakh hagasek werek'ma weim mene Hadaezer welaike. ¹⁷Wene ebe yinogi 'iluk Daud yogotukwa, atiba apuni Israel mene inebe natogotukwasik i Yordan tegek palogo wulubukwa. Arat atoma laukwasik, inom weim yabugun 'iluk inebe eratukwa. At Daud en inebe esa holek mene wekelogo nen apuni Aram mene inom weim halusak oba halilaike, it hogo inom weim halusak oba waukwa.¹⁸Apuni Aram mene ati apuni Israel mene lagasaluk hese motok pigit laukwa nen Daud en wam kuda esok hagarek kereta 7.000 huliba watike nen apuni Aram mene ap esa holek inesok oba waukwa mene apuni inebe 40.000 huliba inoatike. Ap weim mene inoe kain ekaragun Sofakh ati watukwa. ¹⁹Atiba ineileken lakasukwa It apuni Hadaezer aweama welaikarek mene apuni Israel mene nen motok mawenetsasukwa, atiba it en Daud inom weim liolugun isukwasik en aweama somak isukwa. It apuni Aram mene nen atiba apuni Amon nen tagomake mene laberisasak inabit aike." iluk isukwa.

Yoab En Apuni Amon Mene Inoatike Wene ¹Ineki akeba tahun worogo nen, it inougi kain tek weim haluogoluk laganem, Yoab agoromi weim nene inom apuni Amon mene werek'ma inoasugun iluk laukwa. At laikesik o sili Raba leget wagano elokoma kelaksasike halokolek at Daud o Yerusalem welaike. Yoab en Raba mea halogo hisikesik motok lapulogo wuli tagalogo hisike.²At Daud en hobuk Kare-kare inoe kain etage werek ukuloak'ma ugu welaike mene wanike hak he ebe ekin motok apik welaike atire emas mene hagarek ake helep eileken hagarek mene oko huko oba wanarek mene halek uguluk halek mene hobuk Daud ukuloba itike. Yimene timene o sili ati mene inekimoke lopok malaukwa sik wolok waukwa mene motok erogapik. ³Apuni inebe o atoma welaukwa mene inabik agikokolek inane nen n ing nang hogo yabu halini 'iluk isukwa'ma e oake palarek meneba palukwa,ago oba hololelaukwa mene, posiemaken, nen yage posie. Atiba Daud ake halusak werek'ma o sili apuni Amon mene werek'ma. Ati nen Daud agoromi wein mene inebe obogat o Yerusalem laukwa.Ap Oake Huko Filistin Mene Watukwa Wene⁴A'nogo hagalarik oba,cwene hobuk ake o Gezer apuni Filistin mene inoba weim kagalaike. Ati like, Sibkhai, ebe Husa mene, nen, Siphai ap ebe huko mene mea halogo hisike, atiba it inaweama sewek isukwa. ⁵Ati nen, apuni Filistin mene inom weim kagalaike, nen Elhanan Yair aput en Lahmi, Goliat ayak, ebe o Gat mene, sige ogutoba yoba karek mene oba watike.⁶O Gat werek'ma weim hagalaike. Ap ake atoma mene eki sele nen esok sele aligitomok paigoak en mene obogat lapukogo 26 huliba nen welaike. ⁷At ati nen apuni Israel mene aik ane yogosigilaikomo Yonatan, Simea aput Daud oe nen, worogo hisike. ⁸Apuni atire inebe inoake hugutek mene nen tagomake mene o Gat welaukwa nen it inebe Daud ekimo nen apuni at mene nen inoarik laukwa.'' iluk isukwa.

Daud En Apuni Israel Mene Eki Wenatike Atiba Nen Weak Halike Wene ¹At ibilis a'nogo arat oane aikesik apuni Israel mene inom weim yabuagaluk Daud a'la kagalikomo apuni israel mene obogat inebe eki wenatike. ²At Daud en Yoab mel yogotike nen apuni ato inoba yogosigi logolik, "Apuni Israel mene wereke o Barsyeba nen pikit Dan oba inebe ineki wenarik lani isike, atiba nen wenagasogo an noba wolok waganem inebe huli yiba iluk obogat lapugogo an nelu asuak." ³At Yoab en wene oko igilogolik, "Ninopase Etage pogot en at ageinapuri obogat inebe 100 huliba ake lagakogo inomat en abigat hagalasuak, ai noe kain. Athe obogat lapukogo hat hageinapuri nogo? Nenahalok en noe hat an wene yi hesik kino egen? Nenahalok en apuni Israel mene wene weak halogo inoba hugun yi?"⁴A'nogo meneat he, inoe kain etage werek en ike ati Yoab lak ati higit hogo halukwa, atiba nen at Yoab we yugunat yahelang tahelang nigilaikesik hobuk o Yerusalem apoke waike. ⁵At Yoab en hobuk apuni inetage holal ekaba halogo hisukwa mene Daud yogotike. Apuni o Israel mene inebe obogat, 1.100 huliba, nen apuni Yehuda mene inebe 470 huliba, sige hago welaukwa.⁶Apuni Lewi mene nen Benyamin mene inetage halek a'la kelapilek, nen inoe kain etage werek ati a'la nen Yoab lak ati ebe weak halerek 'iluk isike. ⁷Wene atika re motok weak mene halomo 'iluk Ninopase Walowak a'la nen ebetikesik apuni israel mene inoatoke. Ninopase Walowak en apuni Israel mene ukum inoba hisike wene ⁸Ati nen, Daud en Ninopase walowak mel yogotike, "An en wene yi hali re weak mene hali. Yogotak, weak hali mene yi nebe kebu mene halarek halirikmo hat en sagalogo legetsan."⁹At Ninopase Etage pogot ane palek oba Gad yogotilogolik, atiba nen, Daud heileken lakan, ¹⁰"Lan nen lagen halok Daud mel yogosino!an nen wene oak henagan mene yogohesigin, hat en omaket halok an haligin mene ebe yi iluk in."¹¹Gad Daud oba laike, at nen igilogolik, "Ninopase Etage pogot ane palek oba yino! Hat en yi elok yi lek igik in. ¹²Athe 3 tahun oba warogo supuruk no motok lagogun, athe tugi ineki henagan holokogo haselei mene lagasaluk hesemotok nikogolek pisok ekat hoba wagaloigin, athe heki henagan oba ninopase Etage pogot apisok,atire ou ero it ake inoba nen ake inoba labok igik ati mene o hit werekma yoma ninopase Etage pogot en yogo laksawagarek mene a'nogo nen apuni Israel wereke obogat weagarinabuak. Yogotak ya an noba yogo lageiwaga a'nogo wene oko kino yosigin 'iluk ha'la ebeno."¹³At Daud en wene oko Gad yogotilogolik, "An na'la motok weakaga. Halok ninopase Etage pogot ekimo nen an nebe pigin, ati halok Hat en huko mene hetabinapen. Atiba, an nebe apuni inekiba nen pusak nabit.'' ¹⁴At Ninopase Etage pogot en ou ero wusikam abi mene apuni Israel mene inobake at ake oba nen ake oba labok igik lagarek mene inoba lakei'aike atiba nen apuni Israel mene inebe 70.000 huliba nen walaukwa. ¹⁵Ati nen Ninopase Walowak en yogo laksawagarek mene legetuak en 'iluk o Yerusalem lakeiwaike,nen arat legetsasikomo Ninopase Etage pogot eileken hasikesik nahalok weagarinapi 'iluk at atiba a'la ebetike. Ane palek atiba yogo laksawagarek mene nen weagarinapike mene a'nogo oba, "Yogotak, arat halen!" Atiba re, at yogo laksawagarek mene a'nogo ebe wabun oba gandum eken holarek oba Ornan, ebe o yabus mene werekma metek welaike.¹⁶At Daud ot lekasike hak, Ninopase Etage pogot en yogo laksawagarek mene ake keang hulisa pogot hulisa ekimo pisok awika kalek mene lisoga wanikesik o Yerusalem higit hago werekma eileken liakasike. Ati nen, at Daud ap inaluetek inom poksu eloken kut warekma logolik itarek mene inukuloak oba hele hemagasogo At oba hogoratukwa. ¹⁷At Daud en Ninopase Walowak yogotilogolik, "An nen apuni yoma inebe arat ineki wenageinabusak iginogo, nen an naligat en weak hagati nen weak mene ake halima? A,nogo meneat he, wam domba yi nen kinogo halama? ai Ninopase Etage pogot, ninopase walowak, halok he hekiba nen apuni an mene yoma inoba pelakeime, a'nogo meneat he hane heram ati apuni an mene inoba pelakeiagun.''¹⁸Ati nen, Ninopase Etage pogot en yogo laksawagarek mene etage Gad Daud yogosilan iluk isike, atiba at Daud en Ninopase Etage pogot awulikin ati o gandum eken wabun oba holarekma Oranan aua o Yebus mene werekma atoma halinok en lan isike. ¹⁹Atiba Gad en ninopase Etage pogot etage hupuk palogo ane Daud yogotike higit hogo at' laike. ²⁰Ornan pogot oba nen yogo pelaksawagarek mene eileken hasikesik yogot ekiabusak wanigeluk halogo hinalaike. It ageinapuri inebe 4 en arem nogo inomat omakima hinyalaukwa. Ati like Ornan gandum eken wabun oba holenem.²¹At Daud Ornan oba arat laikomo, Ornan hogo ot legesogo eloke wogotikesik eileken Daud oba hisike.At hogo ebe Gangum eken wabun oba ibilarekma nen wulibiaigesik Daud elokoma eloke sogom keang'ma weitek en hogoratike. ²²At Daud en Ornan Yogotilogolik, "Oguluk gamdum eken ibiletek oba yi Ninopase awulikin halik en'an wonom isike. An wonirik oko abik hogo ikenem apuni an mene homan inoba hilogo mene katok uak."²³Ornan nen wene oko Daud yogotilogolik, "Noe kain hetage werek ha'la nen hano akegen atiba halinok en wanin. Heileken lakan, an en wam Lembu ari warogo etu lolinok en wokosigin, asiok eratigik wabun oba hali wurik hisike, nen Gandum eken wogosusak oba arat wetewerogo hisike. Yoma obogat he hat wogosigin." ²⁴Inoe kain etage werek Daud en Ornan mel yogotike, "Lek u, an asigin he oko abigat mene wanirik'mo wani mene yaat asigin. An nen hat mene Ninopase Etage pogot hesik hegen mene ama ake wanigin lek, atire ake ekawerek hesik wogorik welagat oko lek etu lelesusak."²⁵At Daud en emas ekin 600 syikal oba mene nen Ornan oguluk ati hesik oko wogotike. ²⁶Ati nen, Daud en o atoma ninopase Etage pogot oguluk halogo inagarok warogo etu loletilogousak oba nen inebe telinabuagen iluk watelogousak. Ninopase Etage pogot ebe etu hagalarik pogot oba nen awulikin oba warogo opoloba liagagarek oba nen wene oko yogosigi loigin. ²⁷At Ninopase Etage pogot en pogot oba nen yogo pelaksawagarek mene a'nogo pisok ari abika a'la kelakein iluk yogotike.²⁸Ineki ake atiba re Daud eileken lakasike hak Ninopase Etage pogot en arat wene oko ike at agarok okawerek mene hesik wabun Ornan oba, apuni o Yebus mene ati. ²⁹At Musa nen o lese Ninopase awi hanomene o leimo apuni lekma halike nen wulikin oba warogo etu loletelogousak oba atiba o Gibeon uguloba welaike. ³⁰Meneat he, at Daud atoma lasak ayuk agalaike nen Ninopase walowak eperak logolik wene hubuk hagalasusak mene yogosusak oba Ninopase Etage pogot en yoko pogot oba nen pelaksawagarek mene inapisok oba ukum noba husak ati nayuk iluk kamoigilaike, iluk isukwa.

¹At Daud en igilogolik, "O yire yi Ninopase Etagepogot, walowak, awi halekma, nen yanenat apuni Israel mene hesik wuliking halago nen warogo etu lolesusak.'' ²At Daud en atiba lagakogo apuni ap pok etage mene o keang Israel mene werekma welaukwa mene a'monogo natogorinapikesik en it inebe o halusak mene hesik ake helep ako holego auak haluke nen ake o Walowak awi tegelek hano ati halini isike.³At Daud en posiemaken ake inomat oba lapuk hogo hisikesik en ake hele palek, kwe ape eka halek nen tupai-tupai hesik ake tembaga motok apik mene ekin waletigilek hisike. ⁴Ati nen e Aras huli yiba igilelek apigat nen apuni Sidon mene nen apuni Tirus mene nen e Aras motok apigat en Daud hesik wolok waukwa. ⁵At Daud en igilogolik, "Salomo an naput ebe elege oan werek nen at en halusak oba ya oan elu agilek werek. Ati nen, okawerek awi tegelek hano mene halusak he motok huko hilanghogo eloken hanorogo halenem o sili yoma etage hano lagalogouwak. An nen at hesik higi yoma.'' Daud ebe oan walagilek logolik yimene timene obogta lapugogo atogorogo kigik-kagak hogo ake inom aba lapuk hisike.⁶Ati nen, Ninopase Etagepogot, Walowak, Israel mene inopase okawerek awi tegelek hano ati haluagaluk, at aput, Salomo ayoko hisike. ⁷At Daud en Salomo yogotike, "Ai napu're, nala nen arat ebeti' yire, Nopase Etagepogot, Walowak an mene awi tegelek hano welagarek mene at hesik halinok. ⁸Atinogo mene at he, Nopase Etagepogot aneba an yogonetere yinogo,an nen arat apuni inamep apigat wulagenapi weim huko mene hat halen oba. Hat en An netage palogo nawi tegelek hano ati wusigin motok lek, hat en apuni inamem apigat mene kengma kesalogo an noba hegen o.⁹Anogo mene at he, hat mene haput ake talasigin, at ebe apuni hanorogo hagasek logosak mene hagalarik o yake take hinom weim pal mene kiaganem yage etake yiling waling logogin nen at etage re Salomo. Apuni Israel mene hobuk logousak oba hesik hanomotok logouwagaluk an nen halogo hisegen. ¹⁰At en an nawi tegelek hano welagarek mene halogo hanigin. At ati ebe 'An naput logogin nen an en at opase hagalasigin. An nen apuni Israel mene inebe hobuk logosak oba oane halogo higin atiba at motok logogun.'"¹¹''Nen ati, an naput, nopase Hetagepogot hat en serogo werekolek nen an nen nopase Etage pogot, walowak, awi tegelek hano ati halenem hano asuak, hat hesik wene egen mene ati eperak higit hogo. ¹²Eberogoat mene Nopase Hetagepogot en an nala kagalek hutasak oba wonetokolek hat en ake saat apuni Israel mene haweama hagasek werekolek hat en Ninopase Etagepogot, Walowak hat mene ane wene huli warek ati hanorogo serogo logouwak. ¹³It Apuni Israel mene hesik Musa oba Ninopase Etagepogot en yi halusak lek ti halusak lek 'iluk ene huli warogo oba hisike mene ati higit hogo halen halok hat halenem hono nak hagala'logogin. Hoanearik nen hetaiken o'anerogo logoino. Hayuk agun nen hala nen hayuk akagun.¹⁴Eberogat mene, nagarok ake lek werekolek at, an nen arat Nopase Etagepogot hesik awi tegelek hano halusak oba eka 1000 huliba mene emas1.000 talenta perak mene, nen ake tembaga mene. An nen Ninopase Etagepogot awi halusak oba yabu arat gigik kagak hogo horogotigi. An nen eka 1000 talenta emas mene, eka 1.000 talenta perak mene, nen tembaga ake posiemaken mene ekin waligilek obogat lapukogo motok abigat mene. An nen hogo e helep inomat oba labelogo higi.¹⁵Atiba lagakogo, yabu ake apigat hagalaike, helep ako holusak, helep oba halusak nen eba halusak, nen inebe yi yabu ti yabu a'la halarek mene obogat lapukogo. ¹⁶Atiba emas, perak, tembaga, nen posiemaken ake a'la apigat mene ineki wenatilek. Yabu arat ineki hagasukwasik halukwa, Ninopase Etagepogot en hat Setarek logouwak!''¹⁷At Daud en ap inogogi inetage werek Israel mene inebe obogat lapukogo aput Salomo lebetasak 'iluk isike. ¹⁸"At Ninopase Etage pogot, walowak, a'nogo nen ninebe obogat lapukogo tegelogo katokogo hano hanisek werek lek nogo? Eberogoat mene, At en apuni o yoma werek mene arat an nekiba hike yi, ati nen o yoma mene Ninopase Etagepogot aweama logolik nen at agenyapuri hagalasuak. ¹⁹Atiba nen, inetauken nen inala Ninopase Etagepogot, walowak oba herate'logouwak en. Ninopase Etagepogot, Walowak awi hano tegelek logousak oba halumonen, ninopase Etagepogot ane wene huli warek a'nogo'ba nen tembaga mene'ba tegelek hano walowak awi wurik'mo a'la kigilogousak oba Ninopase Etagepogot mene etage'ba wutukwa.'' iluk isukwa.

Ninopase Etagepogot Awi Wurik'mo yabu Helelogouagaluk Supurogo Wogosasukwa Wene ¹At Daud ebe arat yaman agakolek aput Salomo, inoe kain etage werek Israel mene hesik hagalaike. ²Atiba at en ap inetage werek israel mene inebe obogat lapukogo atogorinapike, ap Walowak esewerek mene, nen apuni Lewi mene. ³Apuni Lewi mene inebe talaukwa higit 37 tahun huliba apel poke atiba hit apuni inebe obogat ake inomat en, ineki omakitek-omakitek apuni inebe 38.000 huliba nen wenatike.⁴It ati mene henakit he apuni inebe 24.000 huliba mene yabu Ninopase Etagepogot awi tegelek hano ati halokolek ineraluke yage kalsek welaukwa, nen it apuni inebe 6.000 huliba mene ukum inoba higik kotik egarek mene halelogousak oba hagalaukwa. ⁵It apuni inebe 4.000 huliba nen mene kwe apeba yerisek logousak oba hagalaukwa, it apuni inebe 4.000 huliba nen mene etai Ninopase Etagepogot ati pikon watilogolik etaiba hogorasusak hesik hagalaukwa. ⁶At Daud en it inebe lapuksek wolowak esewerek inageinapuri mene hugi inebe mikilik hisasike, atire Gerso, Kehat, nen Merari. Inukuloak Gerson Mene Welaukwa Wene⁷Apuni Gerson mene re Ladan nen Simei. ⁸At Ladan ageinapuri inebe henagan, atire Yehiel ebe ukuloak hagalaike, Zetam, nen Yoel. ⁹At Simei ageinapuri inebe henagan, Yaiut Selomit Haziel, nen Haran. It atire inebe ukuloak Ladan en tagomake mene hesik hagalaukwa.¹⁰At Simei ageinapuri re Yahat, Ziza, Yeush, nen Beria. Inebe ekaminogo ati re Simei at ageinapuri. ¹¹At Yahat atire ebe alue mene hak, nen Ziza at opolik pireba mene, a'nogo meneat he Yeush nen Beria eperak en ap ake tageinapilek, ati nen it en tagomake mene yabu omaket enak hago welaukwa. Kohat Ageinapuri Welaukwa Wene¹²At Kehat ageinapuri inebe ekaminogo, ati Amram, Yizhar, Hebron, nen Uziel. ¹³At Amram ageinapuri re Harun nen Musa. Harun yabu Inopase Etagepogot abel poke mene ugulukmo tegelek hano welagarek oba halilogoino 'iluk wogotukwa. At en tagomake mene yabu ati motok halilogouwagaluk hisasukwama wam warogo inopase eilanem etu lolituke logolik it en at hesik yabu halilaukwa nen ake Inopase etage palogo yimene timene oba heratelaukwa. ¹⁴At Musa ageinapuri, Inopase Walowak ayubu haluke mene, inebe omakima lapulogo Inukuloak Lewi esewerek a'la kelaksasukwa.¹⁵At Musa ageinapuri re Gersom nen Eliezer. ¹⁶At Gersom aput he Sebuel ebe ukuloak hagalaike. ¹⁷At Eliazer ageinapuri re Rehabya,ebe ukuloak hagalaike. Eliazar ageinapuri inebe apik welagilek, mene at he Rehabya ageinapuri inebe motok elogat. ¹⁸At Yizhar aput ati re Selomit, ebe ukuloak hagalaike.¹⁹At Hebron Agenyapuri re Yeria, ebe uguloak hagalaike, at Amarya ebe opolik pire ba togo, Yahaziel ebe hinagan oba nen tago, nen Yekameam ebe ekamoinogo ba nen tago. ²⁰At Usiel aput he Mikha ebe uguloak hagalaiken nen Yisia, atire at opolik mene. It Inuguloak Merari Mene Welaukwa Wene²¹At Merari agenyapuri re Mahli nen Musi. At Mahli agenyapuri re Eleazer nen Kish. ²²Ati nen, Eleazer en agenyapuri ap ake hisigilek we helekerek mene nak ake hisike. At Kish agenyapuri, it inayak hobuk mene lagakogo wogeinyapike. ²³At Musi agenyapuri inebe hegangan, Mahli, Eder, nen Yeremot.Apuni Lewi Mene Yabu Hagatelaukwa Wene²⁴Yire Lewi nen tagomake mene inebe higit hogo, inougi kaintek inebe obogat welaikarek higit hogo inetage halek werek, apuni inebe lopok, yabu halilogousak he Inopase Etagepogot awi tegelek hano baleens wesa halelogousak hesik, inebe talaukwa higit hogo 20 tahun huliba mene ake abel poke mene inomat en halilogousak. ²⁵Ati nen, At Daud en igilogolik, Ninopase Etagepogot, Walowak Israel mene, at ageinapuri arat katokogo hano lalogo hinike ati nen nit o yerusalem motok logogun. ²⁶Atiba nen, apuni Lewi mene o hano tegelek halek ati nen yimene timene auak hagarek wesa haluke atoma hapokogo wolok welekma lasak oba mea hagalaike."²⁷Nen, Daud akasike higit hogo, it Lewi ageinapuri inetage holal palukwa re inebe talaukwa higit hogo 20 tahun huliba nen arat abel poke mene hugi halukwa. ²⁸It inayabu re Harun ageinapuri wesa halarek oba Inopase Etagepogot awi tegelek hano wurikmo, a'la welagarek mene yage welagik, a'la sekelek kwe yage welagik, nen tegelek hano mene hisukwaba atoma obogat yege welaukwa, ake inopase awi tegelek hano halekma yabu halilogosak oba welaukwa. ²⁹It en supuruk Roti al tagalek hano mene oba at wogosusak hesik halogo hisukwa, Supuruk Roti ati nak seram hogo werago mene, panggangan, yimene timene abel etenek mene, nen yimene timene ekin waletagarek mene walereke.³⁰It mene yabu halilauwa o healegat hup siak hogo inopase Etagepogot oba etawi'ba etage esinetigik nen huako aganem atinogo at halilaukwa. ³¹Yogo, okawerek hesik obogat lapukogo waganogo Inopase Etagepogot oba hikilik etu lolitilaukwa, atire ineki seralogo logolik, tugi ket holokogo, nen ineki inoe kain awi hagalaikeba, obogat lapukogo atoma halarek higit hogo, inopase Etage pogot hesik eneki ebe lopok halilukwa.³²It hogo o lese wurik'mo apiaigarek oba oguluk tegelek hano welakarek oba, ake Harun ageinapuri nen ayalak ake inopase Etagepogot awi wurikmo wesa igilogousak oba hesik halilaukwa.'' iluk isukwa.

It Wene Yakulisagarek Mene Hesik Welaukwa Wene ¹It Harun ageinapuri inom inbe re yi. At Harun ageinapuri inebe re Nadab, Abihu, Eleazer, nen Itamar. ²A'nogo mene at he, Nadab nen Abihu inopase ebe oban ageinapuri ap ake hisigilek werekolek it tak alebagik walaukwa. Ati nen, yabu Walowak esewerek ati re Eleazar nen Itamar eperak welaukwa. ³At Daud Eleazar aput, Sadok eperak, nen Ahimelekh, Itamar aput, eperak yabu wene yakulisigilogousak hesik supurogo aukwa.⁴Eberogoat mene, Ukuloak Eleazar en tagomake mene inebe apik nen Itamar en tagomake mene hamulugat negen hagalaike ati nen it en yabu suputukwa mene ebe ati! Eleazar en tagomake mene inebe 16 en ukuloak hagalaukwa, meneat he Itamar en tagomake mene inebe 8 en Ukuloak hagalaukwa. ⁵Ati nen, it en oageke it it sa oba hagalasigin lakesukwa, ati nen inebe ukuloak tegelek hano welaikarek mene welaukwa at nen ukuloak Inopase Walowak mene hesik welaukwa at, ati Eleazar en tagomake mene nen ake Itamar en tagomake mene inomat welaukwa.⁶At Semaya Nataneel aput, ebe Lewi mene inetage haluke aikesik Inoe kain etage werek ebe werekolek suesika oba inetage holal haligik hisike, ap inetage werek, Walowak ese werek mene Sadok, Ahimelekh Abyatar aput, nen ap ukuloak walowak ese werek mene, ake apuni Lewi nen tagomake mene. Eki akeba halok Eleazar mene wanilogolik, hubuk Itamar mene ake wanik igilaike.⁷O'ageke sa oba asigin lakesukwa a'nogo mene alebagik Yoyarib tak oba aike, nen atiba lagakogo Yedaya oba aike. ⁸At Harim henagan nen oba aike, at Seorim ekaminogo nen oba aike. ⁹Nen Malkia isa ligik en oba aike, nen Miyamin sabit en oba aike. ¹⁰At Hakos paikoak en oba aike, nen at Abia 8 en oba aike.¹¹At Yesua 9 en aba aike, at Sekhanya 10 nen oba aike. ¹²At Elyasib 11 en oba aike nen at Yakim 12 en oba aike. ¹³At Hupa 13 en oba aike, at Yesebeab 14 en oba aike. ¹⁴At Bilga 15 en oba aike, at Imer 16 en oba aike.¹⁵At Hezir 17 en oba aike. Nen at Hapizes 18 en oba aike. ¹⁶At Petahya 19 en oba aike. Nen at Yehezkiel 20 nen oba aike. ¹⁷At Yakhin 21 nen oba aike, at Gamul 22 nen oba aike. ¹⁸At Delaya 23 nen oba aike, nen at Maazya 24 en oba aike.¹⁹Ati re yabu it wesa halarek oba Inopase Etagepogot awi tegelek hano halekma a'la kilik halelogousak mene Harun oba nen yinogo halilogousak iluk wogotike ati aperak higit hogo, it inobalak alebat aloma, Inopase Etagepogot, Walowak Israel mene nen yinogo halinyo iluk yogosikenem halelaukwa.Apuni Lewi Mene Inebe Ake Welek Hunigat Iluk Isukwa Wene²⁰Inebe apik negen Lewi nen tagomake mene ati re. At Amram aput he Subael. Subael aput he Yehdeya. ²¹At Rahabya aput he Yisia, ebe ukuloak welaike. ²²At Yizhar aput he Selomot. At Selomaot aput he Yahat.²³At Hebron ageinapuri re Yeria, Amarya hubuk pire oba talaike mene, Yahaziel henagan oba talaike mene, nen Yekamean ekaminogo oba talaike mene. ²⁴At Uziel aput he Samir. ²⁵At Mikha ayak he Yisia. At Yisia aput he Zakharia.²⁶At Merari nen tagomake mene re Mahli nen Musi, ake at Yaazia ageinapuri. ²⁷At Merari nen tagomake re Yaazia, aput' ati re Syoham, Zakur, nen Hibri. ²⁸At Mahli aput he Eleazar aput lek welaike.²⁹Kish nen, Kish aput ati re Yerahmeel. ³⁰Musi ageinapuri re Mahli, Eder, nen Yerimot. ³¹It en hogo oageke sa oba asigin 'iluk wukogo lakesukwa, inayalak inom higirat, atire Harun ageinapuri, inoe kain etage werek Daud elokoma, Zadok, Ahimelekh, ukuloak ap atimene, wene yakulisagarek mene, nen it apuni Lewi mene, ati ukuloak ap ati mene inebe higit hogo arik arik inayalak abel make magatek mene inomat welaukwa, iluk isukwa.

It inebe etawi watare mene hugi welaukwa wene ¹At Daud nen ap kaintek weim mene inogogi Asaf ageinapuri halilogoino iluk yogosasukwa, Heman ageinapuri, nen Yedutun inom wesa halelogousak hesik hisasukwa. It ati pikon Kecapi oba, Gambus, nen ceracap watenem higit enak hagalarik lagalaike. It wesa halelogousak mene hugi inetage halek ati re. ²At Asaf ageinapuri re Zakur, Yusuf, Netanya, nen Asarela. At Asaf ageinapuri inebe Asaf ukuloak akesik awama hagasek logolik hobuk hagalasigin mene inoe kain etage werek en yogosasikomo halilaukwa. ³At Yedutannen, ageinapuri Yedutan, ati. Gedalya, Zeri, Yesaya, Simei, Hasabya, nen Matica. Inebe 6 en inopase ukuloak werekma aweama logolik Yedutan en pikon kecapi watilogolik inokot mene abusak en elok hagalagalaike, atiba it etawi ba hai wati nen etawi Inopase Etage pogot hesik watelaukwa.⁴At Heman en ageinapuri re Heman ati. Heman ageinapuri re Bukia, Matanya, Uziel, Sebuell, Yerimot, Hanaya, Hanani, Eliata, Gidalti, Romamti-Ezer, Yosbekasa, Maloti, Hotir, nen Mahaziot. ⁵It inebe ati obogat lapukogo re Heman ageinapuri, Pelihat inoe kain etage werek, Ninopase Walowak en ane ikenem aik hagarek oba etage waganogo liapelogousak hesik. Ninopase Walowak en Heman wogotike apuni inebe ap elegekerugi 14 en nen inebe 3 nen alogomi helimikirugi.⁶It inebe obogat lapukogo inopase ukuloak werekma aweama logolik inopase etagepogot awi tegelek hano wurik'mo etawi ceracap oba watik, gambus oba watik, nen kecapi oba watik igilogolik inopase etage pogot awi wurik'mo wesa halelaukwa; atire ineo kain etage werek en yogosake higit hogo, Asaf, Yedutan, nen Heman a'nogo halilaukwa. ⁷Atiba nen it inebe obogat lapukogo inayalak inom omakima etawi watilogolik hogorasusak oba yakulilaukwa, ati mene obogat hutasukwa inebe re 280 huliba nen. ⁸Inalugetek mene, elege mene, yakulisagarek mene, nen inageinapuri yagulisagarek mene inomat yabu wogosasak hesik o'ageke sa oba asigin wukogo lakesukwa.⁹Alep agilk at Asaf wereke mene, Yusuf oba aike, o'ageke hobuk ineki pire ba lakesukwa mene Gedalya oba aike, atire ayalak nen ageinapuri inebe 12 huliba nen. ¹⁰O'ageke ineki henagan oba lakesukwa mene,Zakur ageinapuri inom nen ayalak inoba aike, inebe 12 huliba nen. ¹¹O'ageke ineki ekaminogo nen lakesukwa mene, Yizri ageinapuri inom nen ayalak inom inoba aike, inebe 12 huliba nen. ¹²O'ageke ineki isalikik oba nen lakesukwa mene, Natanya ageinapuri nen ayalak inoba aike, inebe 12 huliba nen.¹³O'ageke ineki huap oba nen lakesukwa mene, Bukia ageinapuri nen ayalak inoba aike, inebe 12 huliba nen. ¹⁴O'ageke ineki sabit oba nen lakesukwa mene, Yesarela ageinapuri nen ayalak inoba aike, inebe 12 huliba nen. ¹⁵O'ageke ineki paigoak oba nen lakesukwa mene, Yesaya ageinapuri nen ayalak inoba aike, inebe 12 huliba nen. ¹⁶O'ageke ineki elabo ba nen lakesukwa mene, Matanya ageinapuri nen ayalak inoba aike, inebe 12 huliba nen.¹⁷O'ageke 10 oba nen lakesukwa mene, Simei ageinapuri nen ayalak inoba aike, nen inebe 12 huliba nen. ¹⁸O'ageke ineki 11 oba nen lakesukwa mene, Azareel ageinapuri nen ayalak inoba aike, inebe 12 huliba nen. ¹⁹O'ageke ineki 12 oba nen lakesukwa mene, Hasabya ageinapuri nen ayalak inoba aike, inebe 12 huliba nen. ²⁰O'ageke ineki 13 oba nen lakesukwa mene, Subael ageinapuri nen ayalak inoba aike, inebe 12 huliba nen.²¹O'ageke ineki 14 oba nen lakesukwa mene, Matika ageinapuri nen ayalak inoba aike, inebe 12 huliba nen. ²²O'ageke ineki 15 oba nen lakesukwa mene, Yeremot ageinapuri nen ayalak inoba aike, inebe 12 huliba nen. ²³O'ageke ineki 16 oba lakesukwa mene, Hananya ageinapuri nen ayalak inoba aike, inebe 12 huliba nen. ²⁴O'ageke ineki 17 oba nen lakesukwa mene, Yosbekasa ageinapuri nen ayalak inoba aike, inebe 12 huliba nen.²⁵O'ageke ineki 18 oba nen lakesukwa mene, Hanani ageinapuri nen ayalak inoba aike, inebe 12 huliba nen. ²⁶O'ageke ineki 19 oba nen lakesukwa mene, Maloti ageinapuri nen ayalak inoba aike, inebe 12 huliba nen. ²⁷O'ageke ineki 20 oba nen lakesukwa mene, Eliata ageinapuri nen ayalak inoba aike, inebe 12 huliba nen. ²⁸O'ageke ineki 21 oba nen lakesukwa mene, Hotir ageinapuri nen ayalak inoba aike, inebe 12 huliba nen.²⁹O'ageke ineki 22 oba lakesukwa mene, Gidalti ageinapuri nen ayalak inoba aike, it inebe 12 huliba nen. ³⁰O'ageke ineki 23 oba nen lakesukwa mene, Mahaziot ageinapuri nen ayalak inoba aike, inebe 12 hliba nen. ³¹O'ageke ineki 24 oba nen lakesukwa mene, Romamti-Ezer ageinapuri inoba aike, inebe 12 huliba nen." iluk isukwa.

Kwe apeba yage logousak mene hesik hisasukwa wene ¹It inebe logolek Yire kwe ape'ba yage lagousak.O Korah meme ake Meselemya aput Kore, Ebyasaf en tagomake mene. ²At Meselemya ageinapuri re Zakharia makusa mene,Yediael aput opolik mene, Zebaja aput hegan oba mene, Yetniel aput ekomino'ba mene, ³At Elam aput isalikik'oba mene, Yahanan aput sabit oba mene, nenElyoenai aput paigoak oba mene.⁴At Obed-Edom ageinapuri re. Semaya ati makusa mene, Yozabad aput pire'ba mene, Yoah aput henagan oba mene, Sakhar aput ekaminogo oba mene, Netaneel aput isaliki oba mene, ⁵Amiel aput sabit oba mene, Isakhar aput paigoak oba mene, nen Peuletai aput sirek oba mene, Walowak en hanorinapike. ⁶At Semaya mene ageinapuri talarik waukwa, Obed-Edom aput. Ap it mene nen yabu ake pemerintah mene hesik hago welaukwa ati re inebe inanini weak inoagare uatek inoake hukotek welaukwa.⁷At Semaya ageinapuri re Otni, Refael, Obed, nen Elzabed ayalak ake inebe inoagare uatek inoake hukutek, ati inebe Elihu nen Semakhya eperak' welaukwa. ⁸It inebe obogat lapukogo re Obed-Edom en tagomake mene, ati it inaligat, it inageinapuri, nen it inayalak, inebe lopok ati re inebe inoagare uatek inoake hukotek nen yabu halusak oba inala sekeksek ''welaukwa. At Obed-Edom en tagomake mene inebe obogat lapugogo 62 huliba nen 'welaukwa. ⁹At Meselemya mene ageinapuri inebe 18 huliba nen ayalak inebe inoager uatek inoake hukutek welaukwa.¹⁰At Hosa Mereri nen tagomake mene ati ageinapuri re Simri ebe ukuloak hagalaike nen ebe makusa tago lek meneat he opase nen ukuloak logouwagaluk halogo hisike, ¹¹At Hilkia aput pire'ba mene, Tebelya aput henagan oba mene, nen Zakharia aput ekaminogo oba mene, ageinapuri obogat lapugogo'ayalak Hosa nen hisasike mene inebe obogat lapugogo 13 huliba.¹²Atire inebe logolegat kwe ape'ba serisek welaikarek oba inebe ukuloak a'la apuni yabu 'Inopase Etagepogot, 'awi tegelek hano halek'ma halelogousak oba wogosasukwa'ma, ianayala ato ake inom 'halelaukwa. ¹³It en o'ageke sa oba asigin 'iluk ap it mene hugi inoba wugogo lakesukwa, ati it inebe ilege hobuk salukwa mene nen pigit ap inelugetek oba,ati kwe ape palek higit hogo. ¹⁴O'ageke kwe ape mo el henalogo liaiagarek higit agit Selemya oba pisike. Nen, aput, Zakharia, a'la kagalek en inasuk watuke welaike, it en hogo O'ageke wugogo lakesukwa. O'ageke lakesukwa ati kwe ape ineki epoke akit pisike.¹⁵At Obed-Edom ati re kwe ineki peike akit nen at ageinapuri re yimene timene hegarek oba sekelek'ma inoba aike. ¹⁶It Supim nen Hosa ati re kwe inelokoma barat akit inoba aike nen kwe ape pelek oba, ake Syalekhet kwe ebela huko laikareke hebelogo lakuguke. Yage welaikarek mene inaraluke ake it ake nen ake ineraluke welaik igilaukwa.¹⁷Inapoke mo el liaiagarek akit apuni Lewi mene inebe 6 en welaukwa,ineki epoke akit inebe 4 en 'ninuke nanuke ati motok yage welaukwa,nen yimene timene hegarek oba a'la sekelek'ma ati inebe 2 nen at ati motok yage welaukwa. ¹⁸Imake akit, inebe 4 en kwe ebela hukoke nen inebe 2 imake akit welaukwa. ¹⁹It inebe logolegat mene kwe ape palek oba serisek welaikarek mene ati Korah nen tagomake mene nen Merari nen tagomake mene mel welaukwa.Yabu Halenem Ineki Oko Wogosuguke Nen Yabu Wogosasak Oba Ato Esin At 'Iluk Isukwa Wene²⁰Apuni Lewi mene it inayalak inukuloak omaket yabu re Walowak awi tegelek hano wurik'mo a'la welagarek mene yimene timene tegelek hano mene kagalek welaukwa. ²¹At Ladan nen tagomake mene, ati Gerso nen tagomake mene at Ladan oba nen ebe ukuloak apuni it mene hesik, apuni Yehiel en tagomake mene Ladan aput Gerson welaike. ²²At Ladan nen tagomake mene, ati Zetam nen Yoel, ayalak, yabu halelaukwa Inopase etagepogot awi tegelek hano wurik'mo a'la welagarek mene kagalek welaukwa.²³Apuni Amram mene, apuni Yizhar mene, apuni Hebron mene, nen apuni Uziel mene. ²⁴At Sebuel Gersom aput Musa aput ebe ukuloak a'la welagarek mene hesik hagalaike. ²⁵At Eliezer ayak opolik mene. Rehabya re, Eliezer aput, at meneaput Yesya, at mene aput Yoram, at mene aput Zikri, nen at mene aput Selomit.²⁶At Selomit yi ake ayalak yabu halilaukwa re a'la welagarek mene ake tegelek hano okawerek hesik at inoe kain etage werek en hiseke mene kagalek welaukwa, ap ukuloak it mene hugi, ukuloak weim mene 1000 huliba nen esa holek,nen ap weim mene inagoromi inom. ²⁷Weim halilogolik it inagarok inekiapusak en wanukwa mene arat Inopase Etagepogot awi tegelek hono halek'ma at hesik hisukwasik esage lia hago hisukwa. ²⁸Obogat lapukogo at Samuel en wesa hano halogo hisike, Pelihat ati, nen Saul aput Kish, Abner aput Ner, nen Yoab aput Zeruya. Yimene timene ogogat wesa hano halogo at Selomit ayalak inom en inekiba kagalek logouwagaluk hisukwa.²⁹At Yizhar en, ati ake Kenanya ageinapuri yabu Israel werek'ma nen atage hesik welaukwa, ati ake ukum inoba higik kotik uguke mene hesik halelaukwa. ³⁰Apuni Hebron mene re Hasabya ayalak ake inom, apuni inebe inoagare uatek inoke hukotek mene, inebe 1.700 huliba abigat, it botol magatek mene Israel welaikarek oba hesik halelogouwagaluk o inelokoma barat agit i Yordan ima inopase etagepogot hesik mel inoe kain atage werek hesik mel yabu halilogoukwagaluk hisasukwa.³¹Apuni o Hebron mene, Yeria re ukuloak welaike. Ebe tagomake nen aua ebe Hebron mene ineki 40 tahun oba warogo pemerintah Daud werek oba, it inebe hesik kino werek sekek'hogo heraginapukwa, dan inebe ati inanini weak inoagare uatek inoake hukotek o Yaezer-Gelead werek'ma hisasukwa. ³²Inayalak, ati apuni inebe inoagare uatek inoke hukotek mene it inebe 2.700 huliba ukuloak apuni mene hesik welaukwa.it ati inoe kain etage werek Daud en apuni Ruben mene hesik hagasek logouagaluk hisasike. Apuni Gad mene, nen inukuloak manasye mene mogolik ake inom wene walowak hesik mel nen inoe kain etage werek hesik wene obogat hagalaganem hagasek logoukwagaluk liaksasike, iluk isukwa.

Apuni Inebe Esa Logolegat Weim Mene Hesik welaukwa Wene ¹Yire apuni Israel mene hesik ukuloak welaukwa mene inetage halek, weim mene inebe esa logolek hesik 1000 huliba nen ap weim mene esa logolek 100 huliba, nen inoe kain werek'ma yi yabu ti yabu inebe apigat en halilogolik ake yimene halino iluk supurogo wogosikem halaresik ineki seralogo logeino,' iluk wogosagarek, tugi ebe lopok warogo tahun kopokogo halarek. It inebe logolegat ati obogat lapukogo 24,000 huliba. ²Esa logolek ati mene hesik ukuloak tugi alepagik oba re Yasobam Zabdiel aput. Inebe esa logolek ati a'la 24,000 huliba. ³At ebe Peres en tagomake menen nen weim mene hesik obogat tugi alep agik mene holokogo ukuloak hagalaike.⁴Ati nen, esa logolek ake mene hesik tugi pire holokogo re Dodai, aua Ahohi. Apuni esa logolek inebe obogat 24,000 huliba re mene hesik ukuloak Miklot hagalaike ⁵Weim mene inoek kain ineki henagan oba hesik tugi henagan oba holokogo re Benaya welaike, wene yakulisagarek mene aput Yoyada. Esa logolek a'la it inebe 24,000 huliba. ⁶At Benaya yi re ebe apuni inebe 30 huliba nen inanini weak 30 oba mene hesik ukuloak hagalaike. It esa logolek ati mene hesik ukuloak hagalaike re Amizabad, aput.⁷Apuni ineki ekaminogo oba hesik 'tugi ekaminogo oba re Asael, Yoab ayak. Atiba lagakogo, Zebaja, aput, apuni esa logolek inebe 24 huliba mene hesik ukuloak hagalaike. ⁸Apuni isalikik oba hesik, 'tugi isalikik oba re inoe kain weim mene Samhut,aua Yizrah, apuni esa logolek a'la inebe 24,000 huliba. ⁹Apuni sabit oba hesik, tugi sabit oba re Ira, Ikesh aput, auaTekoa mene. Ap esa logolek a'la inebe 24,000 huliba.¹⁰Apuni ineki paigoak oba hesik,' tugi paigoak oba re Heles, aua Peleno, Efraim en tagomake mene. Ap esa logolek a'la inebe 24,000 huliba. ¹¹Apuni sirek oba hesik,' tugi sirek oba re Sibkhai, aua Husa mene, Zerah nen tagomake mene. Ap esa logolek a'la inebe 24,000 huliba. ¹²Apuni elawo oba hesik, 'tugi elawo oba re Abiezer, aua Anatot, Benyamin nen tagomake mene. Ap esa logolek a'la inebe 24,000 huliba.¹³Apuni ineki heta heta likik kogo hesik,' tugi ineki 10 re Maharai, aua Netofa, Zerah nen tagomake mene. ap esalogolek a'la inebe 24.000 huliba. ¹⁴Apuni 11 en hesik,' tugi 11 oba re Benaya, aua Piraton, Efraim en tagomake mene. Ap esa logolek a'la inebe 24.000 huliba. ¹⁵Apuni 12 oba hesik, tugi 12 oba re Heldai, aua Netofa, Otniel en tagomake mene. Ap esa logolek a'la inebe 24.000 huliba. Inukuloak Etage Lopok Kain Ukuloak Welaukwa Wene¹⁶Inougi kaintek inukul etage lopok israel mene welaukwa re yi. Inukuloak Ruben mene re Eliazer, Zikhri aput. Inukuloak Simeon mene re Sefaca, Maakha aput. ¹⁷Inukuloak Lewi mene re Hasabya, Kemuel aput. nen Harun tagomake mene re Zadok. ¹⁸It inukuloak Yehuda mene, Elihu, Daud ayak. Inukuloak Isakhar mene re Omri Mikhael aput.¹⁹Inukuloak Zebulon mene Yismaya, Obaja aput. Inukuloak Naftali mene Yerimot, Azriel aput. ²⁰It inukuloak Efraim hesik, Hosea Azazya aput. It inukuloak Manasye mene inebe hetake mogolik ati Yol, pedaya aput. ²¹Inukuloak Manasye mene inebe hetake mogolik o Gilead mene Yido,Zakharia aput, ²²Inukuloak Dan mene Azareel Yeroham aput. Ati re Israel mene inukuloak lopok welaukwa.Daud En Apuni Israel Mene Inebe Eki Wenatike Wene²³At Daud en apuni inebe 20 tahun oba nen abel make talarik waukwa mene obogat inetage halilek herakesike,' ati at Inopase Etagepogot en ane huli warek higilogolik,' apuni israel mene inebe obogat'hesagal pogot oba mene welagarek ati hake inebe wialasun.'' iluk isikomo halal waganek werek ati. ²⁴At Yoab, Zaruya aput en arat inebe eki wenarik laike, mene re hetagit halilek herakesike. ati'ba nen apuni israel mene ukum inoba hisike. Inetage obogat lapukogo halukwa mene it en suesika oba holal palogo hikenem Daud en halike mene,'' iluk halogo higilek hebisukwa.Ap Ayubu Werek Mene Inoe Kain Etage Werek Welaike Wene²⁵Inoe kain etage werek werek'ma a'la welagarek mene hesik yabu ninghogo re Azmawet Adiel aputhalelaike. Nen yabu osili etake mene yabu ninghogo halelogoigin,' iluk o sili auake lopok, nen o leget hak waganeke eken palogo hegarek oba re Yonatan Uzia aput en halelauke. ²⁶It yabu mo atoma haluagaluk keang heragasogo hilih lalokolek yage ineraluke re Ezri Kelub aput welaike. ²⁷Ati nen yabu agur awi yogoke halelaike re Simei aua Rama mene welaike, atem oba angur awi yogo i amus hesik halilaike re Zabdi aua Syifmi mene welaike.²⁸E Zaitun nen ara tom ugul obake atoma hesik halelaike re Baal-Hanan at ebe Geder mene nen halilaike, ati'ba ake amusu minyak hesik halelaike re Yoas en halelaike. ²⁹Wam lembu sapi o Saron keang oba atoma konelaike re at Sitria ebe Saron mene nen halelaike, atiba ake wam lembu sapi tokoma sireke hesik halilaike re Safat, Adlai apun en tegelilaike.³⁰Wam Unta tegelelogousak oba hesik welaike re Obil, aua Ismael mene nen tegelilaike, ati nen wam Keledai helouk mene tegelalaike re Yehdeya at ebe Meronot mene nen halilaike. ³¹Wam kambing tomba tegelelaike re Yazis at ebe Hagri mene nen halilaike. It inebe obogat ati re inoe kain Daud mene agarok atoma hesik yage welaukwa.³²At Yonatan, Daud ayak, ati re at en elok halusak enak nen at hogore suesika hano wene palek ati motok elu'at atem oba Yehiel, Hakmoni aput ati inoe kain ageinapuri inom kalisek welaike. ³³At Ahitofel ebe ineo kain mene hesik inasuk watukwe welaike, nen Husai, at ebe Arki mene,inoe kain eperak horogat welaike. ³⁴Atiba nen opolike Ahitofel welaike'ba uguluk'mo Yoyada, Benaya aput nen Abyatar, nen weim mene inoe kain ebe re, Yoab welaike,' iluk isukwa.

Daud en Ninopase Etage pogot awi wusigin iluk isike wene ¹At Daud en ap inetage werek kaintek Israel mene obogat atogorinapike, ati ap inebe inukuloak lopok kaintek hugi, ap ukuloak inebe esa logolegat en inoe kain etage werek hesik yabu halilaukwa, ap ukuloak esa 10000 huliba nen ap ukuloak esa 1000 huliba,ukuloak obogat agarok yimene timene nen ako inoe kain etage werek mene. It inomat he inebe inoe kain welagarek oba yabu halarek mene, inayulek mene, nen inayulek inoagare ya meteta o Yerusalem welaukwa.²Ati nen,Daud ebe melaikesik mel idike, "Apuni nit mene nen nayalak hinasuk holino!an nala ebetima Inopase Etagepogot ane huli warek kamoisike oba a'nogo awi halogo husak nen Walowak esok logousak oba hesik halusak. An ya arat halusak oba welagai. ³Meneat he, wene palek oba werek, 'Hat en An netage ba o tegelek hano ati halusak lek, 'hat hebe weim haletek mene nen ekiba nen arat apuni inamem wulagasogo inoatelagatik mo mea.'⁴Mene at he Inopase Etagepogot, Walowak Israel mene nen, apuni an mene inoba nen an arat wetewerogo hanike ati it Israel mene hesik yogotak en pigit hubuk atiba huli motok logouwagaluk halogo hanike. Ati nen, at arat Yehuda wetewerogo hisike ati ebe ukuloak hagalasuagaluk, nen it eke inebe Yehuda nen tagomake mene, apuni an mene, it ake nopase ageinapuri, At a'la hano oba an nebe Israel mene obogat lapukogo hesik logouagaluk wonapikesik halogo haniko welagi. ⁵Nen,it an nageinapuri obagat nen, Inopase Etagepogot en yekerugi inebe motok apigat en wonete mene At en en arat Salomo wetewerogo hikomo werek. An naput, ebe hurek logousak oba apel poke Inopase Etagepogot mene it Israel hesik halogo hisike.⁶Inopase ane palek oba igilogolik, 'Hat haput Salomo, at en at o tegelek hano ati haliginnen latar ati an netage ba halugun, nen An en at wetewerogo higi ati an naput logouagaluk nen An nebe at opase hagalasigin. ⁷An nen hinebe logousak oba halogo higin atiba nen motok pigit logolik yogotak ya nen nit halelogousak mene eperak higirat ane ikene halilogougun.'⁸Yogotak, apuni Israel mene inoba, Inopase Etagepogot ageinapuri, nen atiba Walowak asuk hole, an nen igire, 'hanorogo hago logolik nen Inopase Etagepogot, Walowak nit mene, ane isike mene ati obogat herasuok, ati nen nit ninebe o hanoma yi nit ese arik logousak oba nen nit ninageinapuri tagomake mene ese arik yoma motok logouagen.'⁹Nen hat, Salomo, an naput, hat en Walowak ebe helu asigin, hat hopase, nen hat hetauken oba nen at oba eberogoat mene agaluk en hograti logeino. Nen, Inopase Etagepogot en eberogot mene a? lek a'iluk hetauken ebetenem elu aga'logogin nen hat hala ebesigin mene ake eberogat mene a'at he lek mene a'ake elu agaloigin. Hat en At heraeik lagen halok, At heperak apiagalogogun anga meneat he, hat en At herakegen halok he, At en hat motok-motok haga lago motok loigin. ¹⁰Yogotak yiba Inopase Etagepogot en o tegelek hano aguluk keksek welagarek oba ati wusuagaluk hat arat wetewerogo haike.¹¹Ati nen, Daud en, aput Salomo wogotike, o halusak oba a'la nen o wususak mene ebetike ati o wurik a'lake lopok tegelek hano logousak mene, ati a'la logousak mene, o sekelek abel poke, a'lake sekelek lopok a'lake, nen ake sekelek weak halenem hanorinapi logousak hesik kwe yagarogo halusak. ¹²Yogo, obogat awi tegelek hono Inopase Etage pogot awi halusak mene hesik ebetike,nen ake obogat lapukogo a'lake lopok esakoke sekelusak oba, Walowak awi tegelek hano wurik'mo, a'la logousak mene yimene timene tegelek hano mene,¹³Ap esa logolegat walowak ese werek mene nen apuni Lewi mene, yi yabu ti yabu wesa halarek oba Inopase Etagepogot awi tegelek hano welagarek oba,ake emas, perak mene auak hagarek etage ati wesa Inopase Etagepogot awi tegelek hano wurik'mo igagarek oba mene hesik welaike. ¹⁴Emas werago hano mene ati auak halogo wesa halelogousak oba mene ogulok oba lek werek'ma halogo husagat. At en hogo wesa igagarek oba hiasi halogo husak mene hesik perak ati apik hogo halusak mene lek welaike, ¹⁵Emas obogat lapulik he esok emas mene hesik nen esage emas mene halek ekin mene halusa welaike ati esok ebe lopok emas mene nen ake esage wialek logousak mene inomat. Higit, esok perak mene ebe lopok ekin hogo halusak mene hesik ebe halusa he, esage ebe lopok esok halusak, atoma halusak he, wesa igagarek oba atoma halelogousak higit hogo.¹⁶Ati nen, emas apigat mene supuruk Roti werago higilogousak oba sang ebe lopok wogotike, sang talek ebe lopok, perak ato hesik sang talek perak mene oba ke hilik laukwa. ¹⁷Yogo emas werago mene hei'lawen ekat kawelek,kuali sang talek'ma oba kesalarek,nen isoak i hinatarek ebe lopok, piala emas mene ebe lopok ekin hogo halusak hesik piala ebe lopok, piala ake perak mene ekin hogo piala ebe lopok halusak.¹⁸Wulikin oguluk halek o'asi hano mene weratarek oba,emas hano mene tegelogo nen ekin hasusak he emas hesik ake hagalaike ogolawi hagarek pire mene esok hagarek a'la kalogo lagalogousak hesik wogotike, ogolawi hukorasusak oba hesik ati Inopase Etagepogot en wene warek hisike mene sebelogo husak oba. ¹⁹Obogat lapukogo a'mare Inopase Etagepogot en holal palogo an noba hisike mene werek'ma, ati'ba halusak 'iluk isike mene higit hogoat haligin igi ati.²⁰At Daud en aput, Salomo, yogoti logolik, "Hoanetigik nen hetaiken hakogogo, nen ati mene halino. Hayuk'lek nen hala nen hayuk akagun, ati nen Inopase Etagepogot, Walowak, Walowak an mene, hat lebeteoak. At en hat heraga'igin motok ebelek nen hat hagarek motok werokolek yabu Walowak awi tegelek hone mene halusak oba hesik obogat lapulik arat haligin a'naga. ²¹Eberogoat mene, Ap walowak ese werek mene nen apuni lewi mene inebe lapukogo wesa Walowak awi tegelek hano halek'ma igilogogun. It inom inebe omakima arik it ake welek mene inelu mene inomat yabu ati leberisigilogogun, yabu halelogusak hesik, ap ukuloak nen it apuni obogat lapukogo atoma at hane omaket holek logogun.'' iluk yogotike.

Inopase Etage pogot awi halusak mene hesik wogotukwa wene ¹At inoe kain Daud apuni obogat lapokogo inom hanorinapike, "Salomo, at aput walowak en arat wetewerogo hisike, ati re at ebe elege oan nen yinogo tinogo mene halusak motok okot werek'ma, yabu yi re huko mene halusak oba hagalaike. Atiba,O tegelek hano yi apuni mene hesik lek meneat he, Inopase Etagepogot, walowak mene hesik wusigin. ²An nen halusak oba mene obogat lapukogo, Walowak awi tegelek hano ati emas hesik yimene timene emas mene, perak hesik yimene timene perak mene, tembaga hesik yimene timene tembaga mene, posie maken hesik yimene timene posie maken mene,e hesik yimene timen e mene, helep e'ileken hagarek syoham nen helep e'ileken hagarek tatahan, helep elo'oken muli mene nen helem e'ileken hagarek elo'oken ake mene ake mene weregenak, helep obogat ogo weregena, nen helep pualm ebe obogat lapukogo a'la motok erogapik.³Walowak an mene, awi tegelek hano wurik ati higit werema, an netauken en namolo higi,ati ebe an naligat mene werek, atiba emas nen perak mene an nen Walowak an mene awi tegelek hano halek werek'ma, ake oba lawelogo hilik en obogat lapulik ekawerek awi tegelek hano keksekma'halogo higi mene an nen wogosigin. ⁴Eka 3000 talenta emas, at afir mene emas nen eka 7000 talenta perak etumo werago mene o a'la sekelek'ma hogat oba lapelogo husak mene, ⁵Emas ake yimene timene emas mene nen perak hesik yimene timene perak mene nen obogat it yabu halarek mene nen haluak. At sa nen a'la agaluk yogotak yiba ekawerek hesik inopase Etagepogot wogosing nogo?''⁶Ake inala akaluk, ap ukuloak nen ap it mene ukuloak Israel mene, ap ukuloak weim mene esa holek 1000 huliba nen esa holek 100 huliba, nen it ap ukuloak inoe kain etage werek werek'ma yabu halarek mene inomat ⁷O okawerek awi tegelek hano halek'ma wesa igilogousak oba hesik eka 5000 talenta emas,10 apuni maroko mene inaeka etage dirham ati mene, eka 10 talenta perak mene, eka 18 talenta tembaga mene,eka ake 100 talenta huli posie maken mene hisukwa.⁸Helep eileken hagarek hago welaukwa mene Inopase Etagepogot awi tegelek hono halek'ma logousak oba Yehiel, at ebe Gerson mene, wogotukwa. ⁹It apuni ati mene inala hai aleken oba inagarok inala agaluk ekawerek hesik Inopase Etagepogot wogotukwa. At inoe kain Daud hogo a'la nen hai akasikesik nen aleken apik aike.Daud En Etawi Watike Wene¹⁰At Daud en Inopase Etage pogot apuni hesik obogat inelanem etawi watike. At Daud en igilogolik: wa'io "Inopase Etagepogot harat, o.Walowak Israel mene nit noba, o. Nit ninomat en hobuk motok motok logogun! o. ¹¹Inopase Etagepogot a, o. Huko esin mene at, o.ninagarok yimene ilimene at, o.yabu uatek mene halilogolik, o.hogotapo welagorek, o.esinetapo welagorek, o.augutapo welagorek, o.timene timene pogot oba werek mene, o.keang'ma werek mene, o.aroma re hat mene! o.Inopase Etagepogot, o. Hat welagatek oba uan apek poke ar, o.¹²Inagarok yimene timene nen ineyabu uatek welaikarek mene ati re harat hoba, yimene timene yoma hat heki'ba nak werek. Hat heki a'la aroma yimene timene nen oane mene werek! Hat heki a'la aroma nen huko hagaloigin nen yihake tihake oane logoigin! ¹³Yogotak, ai'Ninopase walowak, nit en hai'watapo, Hat hetage'ba hogotapik augutapik ogo!¹⁴Nen an nebe yi sa nogo nen an ap kimene palek nogo, nit en nino ane agosik nen okawerek hesik ninala akaluk wogoto yi? nen Hat hebe elogenak, nen Hat hekiba nen okawerek hesik nit en wogoto. ¹⁵Nen, nit ninebe re Hat hoba apuni etama mene negen welago, nen nit ninobalak inebe eperak higit etama mene negen welaukwa.Eperak higit apuni inaponak mene amulit yaratikerek hake we, nineki ebe lopok 'nit keang'ma welago, ake asusak oba lek.¹⁶Inopase Etagepogot ai! Walowak nit mene, o wususak obogat lapukogo elogat oba hilaro wonisen mene nit arat halogo hogo, Hekawerek hawi tegelek hano mene Hat hetage hano keksek ari re Hat hekawerek hekiba, yihake tihake atoma re Hat mene. ¹⁷An arat hutigi, Ninopase Walawak an mene ai! atiba Hat en an netauken herasigeluk egen, nen eberogot mene pak'hogo ikenem nala hano aga. Ati nen, an nala nen netawi agik nen nala nen an mene hagalalep akigirik'mo obogat laukogo ekawerek hesik higin. Nen yogotak, hageinapuri ya waiga mene yi an nala hai akigi ekawerek hesik inala akaluk wogeta.¹⁸Inopase Etagepogot a! Abraham, Isak, nen Israel mene Inopase walowak, nit ninobi nonobalak, ati mene oa hanorato motok welaukwa halelaukwa ati a'la nen Hat hageinapuri inala kolo logolik ati nen inetauken Hat hoba welaukwa'ma. ¹⁹Hat Salomo, an naput, hetauken oba nen tek'hogo wogoten halok hat hane ati hegi halogo logoino. Hne igin mene mel, halek werek mene mel, obagat lapukogo halelogousak hasik mel, nen ekawerek awi tegelek hano ati wususak mene an arat wekelogo higi.''²⁰Ati nen, Daud en apuni obogat yogosisike ati, "Yogotak Inopase Etagepogot, Walowak hat mene!'' hagarati, ati nen, it apuni obogat ati inopase etagepogot, Walowak, inoba lak it en hogoratukwa mene ati hogoratukwa, ati nen, lagakogo it ineceb awi yagasogo nen Inopase Etagepogot nen inoe kain oba hogoratukwa. Salomo ebe inoe kain etage werek hagalaike wene ²¹It en inagarok Inopase Etagepogot hesik waretukwa nen o'healeke Inopase Etagepogot hesik warogo etu loletukwa, ati'ba wam lembu 1000 huliba,wam domba kulok mene 1000 huliba, nen wam domba ogat ket mene 1000 huliba nen mene warogo amem kesalogo hisukwa. Warogo ekawerek hesik wogotukwa ati apuni Israel mene nen motok hukoat mene halukwa.²²It supuruk nigik nen i nigik Inopase Etagepogot oba ineki ake ati 'inala hai huko mene akasukwa. ²³Ati nen, at Salomo ebe Inopase Etagepogot en inebe logousak oba halogo hisike a'nogo hulaike ati,' inoe kain Daud welaike'ba, opase, uguluk'mo inoe kain etage werek hagalaike. At mene hesik hano hagalaike ati'ba apuni Israel mene inebe obogat en at ane hologo halilaukwa.²⁴Ukuloak obogat lapukogo, inayulek, Daud aput salomo inoe kain etage werek it inebe arat ekiba logouagaluk obogat higit aga,'' iluk isike. ²⁵Inopase Etagepogot en Salomo elok mene halogo hisikomo apuni Israel mene inala nen obogat ebetukwa nen at wogotike mene a'la auguratukwa ati it inougi kaintek obogat elep agik halelaukwa heke lek at en apuni Israel mene hagasek welaike ati.Daud Ebe Walaike Wene²⁶At Daud, aput Isai, nen Israel mene hagasek welaike. ²⁷Ati nen, eki 40 tahun huliba nen warogo nen apuni Israel mene hagasek welaike. O Hebron at en eki 70 tahun huliba nen warogo hagasek welaike. Nen o Yerusalem at en eki 33 tahun hulibs warogo hagasek welaike. ²⁸At hano nak halelaikesik arat ebe yaman aigesik walaike, ebe arat yaman aike, agorok yimene timene nen ebe alele hurek welaike'ba. Aput, Salomo, hobuk hesik inoe kain etage werek uguluk'mo hagalaike.²⁹Inoe kain etage werek Daud ebe talaike'ba nen motok pigit alue aikesik yabu hagilaike mene, Samuel en A'la holal palogo hisike, pelihat ati, Natan Inopase etagepogot en wene warogo hikenem yogosilaike mene halike, ake Gad halelaike mene, pelihat ati. ³⁰Atoma a'la re ebe apireke inoe kain logolik nen weim ayulek welaike, atem oba logolik oabut palike, apuni Israel mene welaukwa hagat, nen hetakit inauake logolik welaukwa ati hagat,'' iluk isukwa.

(At Salomo Nen Nala Kalek Wonom Iluk Sapan Isike Wene) ¹Salomo, Daud aput, ebe inoe kain etage werek hagalalaikesik oane werek welaike, Ninopase Etage Pogot Walowak en serogo motok welaike. At en Salomo etage werek halogo hsike.²Salomo nen agoromi Israel mene mel yogosasike. Ap ukuloak hugi inebe esa holek 1000 huliba nen 100 huliba mene at en yogosigilogolik, nen ap kintek inebe lopok obogat Israel mene nen ukuloak welaikarek higit hogo. ³Atiba lagakogo Salomo nen apuni inebe obogat lapukogo omakima o Gibeon ukuloba warogo loletarek oba laukwa. O atoma o lese apiaikarek oba Musa nen wutike, Ninopase Etage pogot ane yogosagarek mene, akeba at nen apuni Israel mene o ikebe apuni lekma welaukwa. ⁴At Daud en arat Ninopase Walowak ane wene warek o Kiryat-Yearin en apokogo wolok hilaike, nen at en o lese wene warek ati logousak oba arat wutikesik o Yerusalem hilaike, ⁵At Bezeel, Uri aput, Uri Hur apur wulikin perunggu halike. Wulikin perunggu ati ebe o Gibeon o lese tegelek hano wurik'mo soulam welaike, Salomo nen apuni ati inom Niopase Etage pogot oba wene ake higit hogo yogosoagaluk kino yogosugun 'iluk o Gibeon laukwa.⁶At Salomo ebe wulikin perunggu halek oba lagesikesik Ninopase Etage pogot elokoma o lese apiaikarek oba wurik'mo nen 1.000 huliba nen warogo opoloba etu lolitike. ⁷O huako ati like Walowak en Salomo elokoma weinem aikesik nen wene mel yogotike, "Namene ake kino egen halok nen An nen ake wogosigin o.''⁸At Salomo nen Ninopase Walowak yogoti logolik, "Hat en arat Daud oba hano mene halogo hisigin, nopase inoe kain etage werek welaike oba an nopase nen Hat en an wetewerogo inoe kain netage werek ket mene halogo hanep. ⁹Yogotak ya Ninopase Etage pogot Walowak, Hane huli hisigin mene Daud oba hisogo wela, an nopase hesik hat en arat an wetewerogo hanen mene nebe inoe kain netage werek apuni inebe apigat mene hesik nen higit apuni wulage heke motok apik. ¹⁰Yogotak nala kagalek nen wene nelu logousak oba wonom, atiba an nen apuni hano hagasek logolik kwe higit lasak mene yogosigiloigin. Apuni yi ake welek mene nen higit hogo halogo hisogon motok lek Hat en ake leberisegen lek halok he.'' ¹¹Ninopase Walowak en Salomo yogotilogolik, "Hat wene ati mene hesik kino egen nen hat hagarok, yimene timene hesik kino egen lek, hogorinaparek mene athe haselei mene walasusak nen hebe heluk motok uan at logousak, a'nogo mene at he hala kagalek logousak nen wene helu logousak hesik enak hat kino egen, hat en apuni An mene hesik wene higit hogo palelogousak oba, apuni An nen wetewerogo hisasigi mene hesik hat en hagasek logoino.¹²Atiba, An nen hat hala kagalek nen wene heluk logeinok en wokosigin, a'nogo mene at he An nen hagarok heimo walalak logeinok en wokosigin, hagarok yimene timene augutapelogousak oba inougi kaintek inetage werek mene ake welaike lek mene wokosigin.'' ¹³At Salomo o lese apiaikarek oba wurik'mo o Gibeon ukuloa warogo loletarek oba nen herakuluk o Yerusalem apuni Israel mene inoe kain etagerek hagaselok loigeluk walike.(Salomo Nen Ap Weim Mene Esa Omamerogo Halogo Hisike Wene)¹⁴At Salomo nen weim mene keretah wam kuda oba lagilik kalogo laikarek mene natogorogo hisike. Atiba at mene 1.400 kereta weim mene nen 12.000 ap esa wam kuda oba lagilik lagalogousak mene hisasike. At en o sili kereta weim halarek obake nen o Yerusalek o at welagarek oba haligik hisike. ¹⁵O Yerusalem, Salomo emas nen perak eparak higit helep apik'mo nen e cedar apik e ara oguluk sireke hugi welaike.¹⁶At Salomo wam kuda o Mesir nen o Kewe mene haluagaluk wene hisike. Oko wanuke inoe kain etage werek mene wam kuda o Kewe mene oko wanarek higit hogo. ¹⁷Oko wanuke Inoe kain etage werek mene o Mesir kereta weim yabuke oko eka 600 syikal perak nen wam kuda oko eka 150 syikal perak mene oba wanukwa. Atiba lagakogo it en wam kuda nen kereta weim yabilogosak mene ati ap inougi kaintek inetage werek obogat lapukogo o Het mene nen inougi kaintek inetage werek Aram mene inoba oko wanukwa.'' iluk isukwa.

(O okawerek Awi Tegelek Hano Welagarek Mene Wususak Hesik Halukwa Wene) ¹At Salomo o ake Ninopase Etage pogot etageba nen ake inoe kain etage werek at okawerek lagousak hesik wusugun isike. ²At en inebe yabu halusak 'iluk 70.000 huliba yogosasike nen o tom oba e ako holelogo auak halusak mene inebe 80.000 huliba. At en yabu halo kolek yage logousak mene hesik inebe 3.600 huliba wogeinapike. ³Atiba lagakogo Salomo nen ap ake inoe kain etage werek Huram mene o Tirus oba lan iluk wene warogo lakesike. Salomo nen igilogolik, "Nopase, Daud lebetigilaigin a'gono eperak higit hogo an lebeneanok. Hat en e Cedar arat lakeiagino at ebe logousak oba hesik wutike.⁴Eberogat mene, an nen o okawerek awi tegelek hano mene Ninopase Etage pogot, Walowak etage ba wusigin. O okawerek awi wurik'mo ati nit en dupa weragosogo elokoma liakigik nen ninuke nanuke supuruk Roti weragasogo higik ake okawerek hesik hai warogo ohealegat hup siak hogo nen homanoke mo korokogo kikololek etu loletilogousak, ineki oakwerek awi wetewerogo hakasikeba, tugi ket holelenem, nen ineki ato isago nikilogolik halelogousak oba horogat aganem halusak. ⁵An nen o okawerek awi hukorogo wusigin nen Walowak nit mene ebe motok huko mene at he we keang'ma yoma ake hogoratarek mene hake lek.⁶Apuni ake nen o Ninopase Walowak a'la husak oba hesik ake wusugun motok lek. Pogot oba, ake pogot abel poke Ninopase Walowak logousak oba lek hagalaga, atiba an nen o okawerek awi hesik Ninopase Walowak a'la logousak oba wusigin lek. An o wusigin he oguluk dupa weratelogousak hesik At hesik hagoratiloigin. ⁷Yogotak emas, perak, tembaga, besi, su eloken wiayuken werek hake, su Kirmizi nen su eloken kereka hake ake inetauken sekelek ake mene ake mene elok halusak inelu mene laksawesusak hesik an hat hoba kino igi. At ebe yabu o yoma haliloigin, o Yehuda, nen Yerusalem nopase nen o wutarek mene wetewetigik hisasike.⁸E cadar, e sanobar, nen cendana o Lebanon mene e atoma an hesik lakeiweno. An nelu hat hayabu halogo haegarek mene e o Libanon aroma mutenem ineki ineki hano. An hesik yabu halarek mene hat hayabu halarek mene teberisogon ⁹Ati hesik e motok apik hogo hagalogo O okawerek awi hukoro wusumo nen hogoratilougun. ¹⁰Hat hayabu halarek mene nen E musugun halok an nen 4.400.000 liter gandum al tagalek, 125.000 huliba jelai a'la kalogo, 440 liter anggur, nen 440.000 liter amusu ineki oko wogosegen.''¹¹Atiba nen lagakogo Huram en wene oko salomo yogotike nen weni yi at yogosilano: ''Ninopase Etage pogot Aginapuri hesik etabi hisasike. Nen atire, At en it hesik inoe kain etage werek wetewerogo hisike.'' ¹²Huram en igilogolik, "Ninopase Eatgepogot, walowak Israel mene hogotapi! At en keang pogot elalogo hisike nen haput ake oabut higit, atla yikagalek yikagalek welagarek nen ebeterek, Ninopase Etage pogot awi wusigin, ake okawerek logosak oba inomat wusigin.¹³Yogotak ap ake atla kagalek nen hutikerek mene etage Huram Abi an nen hat hoba lakeiwesigin, ¹⁴At hemi inukuloak Dan mene ineak, opase ebe aua o Tirus mene. Huram Abi yabu emas, perak, tembaga, besi, helep, nen e, su wiayuken werek hage,su kereka hake, nen su kirmizi halo motok eluk. At hogo yabu ilireke walagarek mene obogat halusak enak nen halasusak oba nen yabu halin 'iluk wogotenem elok wususak enak. At en yabu hat mene o wutarek mene inom nen o wutarek mene inoe kain etage werek Daud, an nopase mene inom yabu halugun.¹⁵Yogotak at en wogosegen 'iluk isike mene amonogo gandum, jelai, amusu mene nen anggur an naginapuri inoba lakewesuak. ¹⁶Nen nit e o Lebanon hat halusak egen higit hogo apik hogo musugun. Nit en hele homagasogo nen i laut yekelek o sili Yope ke wolok wesugun, atiba lagakogo hat en o yerusalem wolok lano.''¹⁷Atiba, Salomo nen apuni etake mene Israel werek welaukwa mene inebe obogat eki wenageinapike. Daud, opasenen eki wenatike higit hogo at, it en inebe 153.600 huliba nen apuni etake mene o ati welaukwama. ¹⁸It inebe ati mene, Salomo nen 70.000 huliba wetewerinapike, apuni yimene timene wolok laguke, 80.000 huliba, apuni tom oba pisok oba ake apuni-apuni halarek inelu mene, nen apuni yabu halokolek yage logousak hesik 3.600 huliba wogeinapike, "iluk isukwa.

(Salomo O Okawerek Awi Tegelak Hano Welagarek Mene Wutike Wene) ¹Salomo o Ninopase Etagepogot awi o Yerusalem tom Moria oba wusigeluk halike, atire oguluk atem Salomo opase Daud Ninopase Etagepogot en okawerek en eilekan lakasike oba. Salomo o oguluk wusigin isike ati Daud en arat heragasogo hisikeba, keang'ma wabun hutagarek oba Ornan, ebe aua Yebus mene ati welaike. ²Salomo o wusigeluk hagasike ati tugi pire hollelogo, tahun ekaminogo warogo at aweama hagasek welaike atem higit hogo. ³Salomo o Ninopase Walowak awi wusigeluk ilireke ama mene alep agik walasike, uan he 30 nen nukulik he 10 ilireke oba walogo hisike.⁴Selepon o eloke ati ilireke uan he 10 o wurik nukulik mene higik ati, nen eligik mene ilireke uan he 60 huliba. Selepon talek akit atla ke elokoma emas ebe nak oba opoloake labetukwa. ⁵Atiba lagakogo at en e sabia sanobar mene halek atla huko sekelek oba hogat lebetukwa. Atiba lagakogo e sabia a'nogo bake emas enak opoloa labetukwasik ake e kurma abigit wagak halugasik nen sikan hake walinggirik mene opoloa halogo hisukwa.⁶At en Ninopase Etagepogot awi helep oko uan at mene oba oke hanorogo halogo. Emas halogo hisike re Parwaim oba. ⁷Ninopase Etagepogot awi wurik'mo a'lake akit emas oba opoloake lebeligik hisukwa. E balok pogot-pogot, e nukulik lago ke, hogat obake,nen kwe apebake emas opoloake labetigik hisukwa. Hogat oba ke pogot oba nen yogo pelaksawagarek mene Kerub apigit haligik hisukwa.⁸Atiba lagakogo at en oguluk aligat mene tegelek kek hogo halogo hisike. Ilirek uan he 10 huli nen ilireke nukulik he 10 huli at, Ninopase Etagepogot awi wurik nukulik mene obogat ati. Hogat sekelek aligat keksek mene emas enak huko 600 eka Syikal mene opoloake labetigik hisuwa. ⁹Hele papku-paku ekin emas 50 eka syikal oba hisukwa. Sekelek abel oke mene emas oba opoloake labetigik hisukwa.¹⁰At en sekelek aligat kek sek oba pogot oba nen yogo pelaksawagarek mene Kerub aliwit waganek halogo hisukwa. Yabu halarek mene nen pogot oba nen yogo pelaksawagarek mene Kerub aliwit waganek hake ati emas opolake labetigik hisukwa. ¹¹Pogot oba nen yogo pelaksawagarek mene Kerub aliwit waganek ebe lopok ogolabi ilireke uan he 2,5 huli. Ilirek uan obogat lapukogo 10 huliba. Pogot oba nen yogo pelaksawagarek mene Kerub aliwit waganek hake alep agik mene o sekelek'ma hogat oba horokogo hisukwa. Pogot oba nen yogo pelaksawagarek mene Kerub aliwit waganek hake ogolabi ake pire halek oba tip hogo hisukwa. ¹²Atiba ake pogot oba nen yogo pelaksawagarek mene Kerub aliwit waganek kahe pire oba ogolabi ilireke uan he 2'5 huliba, hetakit hunigat mene oba o sekelek ati hisukwa, nen ogolabi omoke, pogot oba nen yogo pelaksawagarek mene Kerub aliwit waganek hake alep agik hisukwa a'nogo oba tip hogo hisukwa.¹³Pogot oba nen yogo pelaksawagarek mene Kerub aliwit waganek pire ati ogolabi langsek ilireka uan he 10 huliba. Pogot oba nen yogo pelaksawagarek mene Kerub aliwit waganek halek pire ati eloke o sekelek aligat kek sek'ma lagasogo metek welaike. ¹⁴At en su eloken wiayuken warek hake ungu tua, su wiayuken warek hake ungu muda, su kirmizi kain nen su lena eil sigil hapuksek, ake pogot oba nen yogo pelaksawagarek mene Kerub aliwit waganek halek tirai kwe palek logousak mene ati halike.¹⁵At en Ninopase Etage pogot awi wurik'mo e atuli selek'ma hilik laike, ilireke uan he 17,5 huliba ukuloak e atuli pire ati ilirek uan he 2,5 huliba. ¹⁶At en untaian sikan walinggik hagarek nen e atuli abel poke ati ba haligik hisukwa. At en delima 100 mene nen sikan walinggik werek'ma ati bake hilik laike. ¹⁷Atiba lagakogo Nninopase Etage pogot awi wurik'mo e atuli ati soulam akit hilik laike, atuli ake ineki eboke akit hisike,nen e atuli ake ineki peike akit hisike. E atuli ineki eboke etage "Yakhin." Nen ineki beike peike etage "Boas." "iluk isike.

¹Salomo nen wulikin tembaga mene ba halike. Wulikin tembaga mene ati ilireke uan he 10 huli, ilireke nukulik he 10 huli, nen ilireke liawek uan he 5 huliba. ²Atiba lagakogo at en i atla hegarek mene aguk waganek hoponiken, ilireke lisu ekat tulem oba nukulik lago 5 huli, nen liawek uan he 2,5 huliba. ³I hinago huguke huko ati abel make akit wam lembu aliwit waganek asiok pire erarek yiling walaling i hinago huguke atiba ilireke 5 huliba.(Wam Lembu Atii Hinago Huguke Oba Omakima Halukwa.)⁴I hinago huguke ati oba wam lembu ebe aliwit wanaganek halek oba halogo hisukwa. Wam lembu halek henagan ekoke ineki epoke akit hisukwa, henagan eloke mo eileken kopokogo kikerek akit hisukwa, henagan eloke ineki peike akit hisukwa, nen henagan ineki mo eil hegelogo liaiagarek akit hisukwa. I hinago huguke huko ati wam lembu ati opoloba welaike.Wam lembu ati atoma obogat lapukogo metek hisuwasik aloak aukum atla ke lawek welaike. ⁵I hinago huguke huko ati apun taksek ineki hake nen eraluke eki hagarek, ebe eken hano iterek mene bakum hake halek welaike. I hinago huguke ati i hinagasogo husak he 66.000 liter huliba. ⁶Salomo nen baskom erak mene soaluke oguluk 10 nen halogo halike. Isalikik en ineki epoke hisike nen isalikik en omoke ineki peike akit oguluk soaluke hesik hisike. Bejana 10 ati yimene timene halogo etu leletarek mene soalelogousak hesik halogo hisike. Ake i hinago huguke huko perunggu mene halek ap Walowak esewerek it en okawerek hesik oba wogotilek logolik inekawerek inebe soalelogousak.⁷Arat Atiba nen at en esage esok emas mene 10 nen halike, haligin iluk akasike higit hogo, nen Ninopase Etage pogot awi wurik'mo halogo hisike, isalikik en ineki epoke hisike nen isalikik en ineki peike hisike. ⁸At en e meja 10 nen halogo Ninopase awi wurik'mo hisike, isalikik en ineki epoke hisike nen isalikik en ineki peike hisike ake at en emas 100 mene baskom halusak hesik hisike.⁹At en o silimo ap Walowak esewerek mene halike, o silimo huko halike, nen Kwe ape o silimo ati hesik he. At en tembaga mene oba kwe ape bake sepeligik husak hesik ati halike. ¹⁰Atiba lagakogo at en i hinago kalogo huguke huko ati Ninopase Eatgepogot awi wurik'mo ineki epoke isike mo eil hegelogo liaiagarek akit nen hulisanem selatan higit hogo hisike.¹¹Huran en kuali halik, sekop-sekop, nen baskom halike. Atiba re Huram en inoe kain etage werek Salomo hesik o Walowak awi wurik'mo yabu arat halike. ¹²Huaran en e atuli pire mene halike, mangkuk-mangkuk nen e atuli ukuloak pire oba logouagaluk halogo hisike ati. At en su el hapuksek ugu etage jala mangkuk pire ukuloak oba sebelogo husak hesik e atuli pire liawek werek'ma opoloba ati. ¹³Huram en delima 400 en su jala hesik pire halike. Su jala Asiok pire delima oba halike, mangkuk pire ukuloak sebelusak hesik atuli liabek ukuloak oba ati.¹⁴At en kereta opoloba lagilik mangkuk oba soaluke halike, ¹⁵Nen eki hagarek huko mene wam lembu 12 en ama halek welaike. ¹⁶Huram en temek isatarek mene kuli, sekop, isugat ekat kabelek mene garpu, nen obogat lapukogo ato Inoe kain etage werek Salomo hesik Ninopase Etage pogot awi wurikmo logousak mene halike.(Obogat Lapukogo Ati Tembaga Mene Eil Amulit Tiarogo Halike.)¹⁷Inoe kain etage werek Salomo nen obogat lapukogo ati o Yordan o sili ake Sukot nen Zereda atoma nen auak haligik lakousak iluk yogosasike.¹⁸Salomo nen yimene tineme abigat halike, ati nen tembaga ekin ineki wenatilek.¹⁹Salomo nen Walowak awi wurikmo logousak mene hesik halike. At en wulikin emas mene nen supuruk Roti werago higilogousak oba e sabia mene talogo huguke halike. ²⁰At en esage wialelogousak mene esok emas mene motok o sekelek okawerek aligat mene hesik wialelogousak oba soulam welagarek higit hogo halogo hisike. ²¹At en emas oba motok eka eken iterek mene, esage, nen hapirogo hakikerek mene halike.²²At en emas werago mene obake haligik, penjepit, mangkuk, panci, nen tangku halike. At en emas werago mene oba Ninopase Etage pogot awi wurik'mo kwe halike, a'la sekelek okawerek mene hesik welagarek oba kwe halik nen a'la sekelek alep agik mene hesik kwe halik isike. 'iluk isukwa.

¹Salomo nen yabu Ninopase Etage pogot awi hesik obogat lapukogo arat halike. Anogo nen opase Daut en at wogotike mene obogat lapukogo wolok waike, opase awi ati hesik he obogat lapukogo ake perak nen emas nen obogat welagarek mene nen waganogo Walowak awi wurik'mo logouwagaluk hisike.OKAWEREK AWI WURIK TEGELAK HANO WASIK KWE HUTUKWA (pasal 5:2-7:10)(Wene Warek Tegelek Hano Welagarek Mene Waganogo Ninopase Etage pogot Awi wurik'mo a'la Hikisukwa)²Salomo nen apuni inalugetek Isarael mene nen ukuloak hugi inebe obogat lapukogo ake ap ukuloak apuni Israel mene, wene warek hisike mene o Sion,Daud awi silimo wolok lasak hesik inebe o Yerusalem natogotukwa. ³Apuni Israel mene inebe o silimo inoe kain etage werek Salom werekma ineki tukgi paigoak oba natogotukwa.⁴Ati like Israel mene inalugetek waukwa, apuni Lewi mene nen wene warek a'nogo hapokogo wanukwa ⁵Nen hapokogo wanilogolik ato tegelek hano o wurik ati a'la welagarek mene Ninopase Etage pogot wai wurik inom obogat lapukogo wanukwa. Obogat lapukogo apuni walowak esewerek mene nen apuni Lewi mene nen wanukwa. ⁶Inoe kain etage werek Salomo nen apuni Israel mene obogat lapukogo natogotukwasik en wam kambing domba nen Lembu abigat mene ineki wenasusak mea warogo lolukwa.⁷Atiba lagakogo ap Walowak esewerek mene nen Inoase Etage pogot en wene warek hisike mene a'nogo oguluk halogo hesukwaba wolok hilaukwa. Oguluk ati okawerek aligat mene hesik Ninopase Etage pogot awi wurikmo a'la sekelek welaike. ⁸Wene warek a'nogo kerub pogot oba nen yoko pelaksawagarek mene aliwit waganek hake ati ogolabi langhogo wene warek oploba welaike, atiba wene warek ake e nukulik lago oba abel poke welaike.⁹E ama ke hago welaike ati uan nen ilugun o aligat mene sekelek oba soulam en ineileken lakekilaukwa, meneat he Ninopase Etage pogot awi wurik etama nen laksak mea welaike. Atem ebe re yogotak ya pikirat werek yi. ¹⁰Wene warek werek ati ake welek mene lek we helep pire mene oba wene palek Musa nen a'la hisikomo werek, apuni Israel mene o Mesir en arat wulubukwama, Walowak en apuni Israel mene inom o Horeb en ane huli warogo hisgaluk hisike.¹¹Walowak Esewerek welaukwa mene inebe arat soalik laukwa. It inebe inaliketek it atogorek welaikarek higit hogo inebe lopok o okawerek aligat awi sekelekma nen wulubukwa ¹²Etai watuke inukuloak Lewi mene ati Asaf, Herman, Yedutun nen inaginapuri ake apuni it mene o abel mo yegelogo liaiagarek akit metek welaukwa wulikin halekma su lenan su eil lioksek mene igigik nen ceracap, Gambus, nen kecapi hago welaukwa. Walowak Esewerek mene inebe 120 oba etai watuke Lewi mene ati inom omakima welaukwa, it en pikon trompet anetigilaukwa.¹³Trompet watarek mene nen ap etai egarek mene Ninopase Etage pogot hogoratik nen hai watik usak hesik inane inasuk hiligik apine-apine ero sialelaukwa. It en etai watilaukwa trompet, ceracap, nen pikon ato hunogoat mene oba Ninopase Etage pogot hogoratilaukwa. It etai watilaukwa,''Ninopase Etage pogot, Yia,Hoabut hano nen, Yia'wonisiko kolek, Yia'Hano inapokolek, Yia'Neneluk motok logogun, Yia'Ninesok motok logogun, Yia'Ninoe Yesus hogorasuokNinoe karisus Hogo rasuok. ¹⁴Ap Walowak Esewerek en wesa usak oba o hena ati nen igilek kamoisukwa. Wene ati hagalaike Ninopase Etage pogot en omame Ninopase Etage pogot awi wurikmo pelaiwaike. iluk isukwa.

(Ninopase Etagepogot en Jinogo Haligin Iluk Daud Wene Weretike Wene) ¹Eki ake ati oba At Salomo nen igilogolik, "Ninopase Etagepogot en anepalek oba nen igilogolik at ebe o ohena a'la mumikaksekma aloma eluk were o. ²An nen Hat hebe logousak oba hesik o wurogo haigin, ai Nopase Hetagepogot. O wurikmo ake motok hanoma, oguluk ake Hat motok lagousak oba hesik" at Salomo nen ane isike ³At Ninoe kain Etage werek Salomo eloken su oba leberogo nen apuni Israel mene inebe obogat lapukogo metek werekma hanorogo halogo hisasike.⁴At en igilogolik, "Ai Nopase Hetegapogot hoba, Ninopase Walowak Israel mene ninoba, Haligin iluk egen anogo arat halena At ane palek oba an nopase Daud yogoten. Yire Ninopase Etagepogot ane palogo hike yi, ⁵'Alebat apuni Israel mene an nen o Mesir en inebe tegelogo wogosek wulibiwaigi atiba. Nen ineke huli uan huli atiba re, An nen apuni Israel mene nen tagamake mene o sili halogo wurogo logousak oba iluk oguluk an netage oba penogo ake wanilek. ⁶An yogotak yi nen o Yerusalem wanigin igi atiba nen an netage o loma logouagak en nen Daud ebe inoe kain etage werek ageinapuri Israel mene hesik logouagaluk wetewerogo higi ati.'⁷An Nopase, Daud nen Nipase Etagepogot hesik Ninopase Etagepogot etage oba, Ninopase Walowak Israel mene inoba awi wusigin iluk a'la nen agigilaike. ⁸Ninopase Etagepogot en anepalek oba an nopase ygotigilogolik,' Daud hat hala nen An netage oba nawi wusigin igiluk hala ebetelagen, atire motok hano. ⁹Meneat he o ati hat nen wusigin lek, we hat haput ap ake tasigin halok at nen o ati an netage oba wusigin.'¹⁰Yogotak, Ninopase Etagepogot en ane palek oba ike hagat arat halik liilogo. Yogotak an nebe nopase Daud ugulukmo inoe kain netage werek hagalagi. Yogotak an nen apuni Israel mene hesik hagasek logouagaluk Ane palek oba isike higit hogo hagala. Nen an nen Ninopase Etagepogot, Ninopase Walowak Israel inopa etage oba o arat wusigin. ¹¹An nen Ninopase Etagepogot ane huli warek palek anogo Ninopase etagepogot awi o wurikmo a'la arat halogo higi. Ninopase ane palek a'la wene warek apuni Israel hesik isike mene re wene warek ati a'la welaike.''(Salomo Nen Wesa Halike Wene)¹²Atiba lagakogo at Salomo nen Ninopase Etagepogot awulikin halek elokoma melaikesik apuni Israel mene inebe atogorek werekma ati nen eki auak halike, ¹³At nen wene yogosikilogousak oba uguluk tembaga mene oba uan hogo 2,5 ilire walogo halik, nen uguluk langhogo hesik 2,5 ilire walogo halik, nen liabek mene hesik 1,5 ilireke walogo halik isikesik ebe logouagaluk etake mene eken tulek hisike. Anogo halikesi en at ebe wene yogosigilogousak hesik halike anogo oba lagesikesik ati nen apuni Israel mene inebe ogogat lapukogo atogorek werekma ati nen eitep abi yagasogo hularik eki pogot oba liakesike.¹⁴Ake nen igilogolik, "Ia Nopase, Walowak Israel mene inopa, pogot oba nen keangma yoma hogoratarek mene Hat hino higit hogo motok lek. Hat apuni hetabi nen hane huli warogo hisigin. Nen Hat en wene abok isigin mene higit aga. Hat en apuni inoba hesik hano it inetauken oba nen abireke waganogo Hat hobolik waika. ¹⁵Hat en an nopase, Daud arat wene abok yogotigin a'nogo, nen Hat isigin higit at aike. Wene palek hokawerek Hane egen oba nen Heki oane werek Hat en yogotak arat halogo hegen yi.¹⁶Yogotak, Ninopase Etagepogot Walowak Israel mene inopa, Hane huli warek haput Daud hago werek. Yire Hat en hane hane huli waten mene: Hat hane egen mene, 'Daud, hat haginapuri nen hane egen mene eberogoat hologo higit hogo hagata halok, hat en tagomake mene inebe atiba inale hurek logousak oba apuni Israel mene wogosasigi motok logogun,' ¹⁷Ake inomat lagakogo, ai Ninopase Etagepogot, Walowak Israel mene inopa, Hane haput Daud oba egen mene ati weinem selekma logouwak.¹⁸"A'nogo mene at he ai Walowak nopase, eberogoat Hat o keangma yoma ninom omakima logegin a? pogot obogat lapukogo pogot ake uanat mene oba Hat halogo a'la hagusak mea, ati hake o okawerek awi an wuti yi. ¹⁹Mene at he an haput nen wesa halilogolik hoba kino igi mene ari tak lebenean, ai Ninopase Etagepogot, Walowak an mene. Ninane ogo mene ati hasuk holik nen an haput wesa hali yi Hat hoba hekiba hibagi. ²⁰Hat en likene huako heileken hekenak motok logolik o okawerek awi wurik yi oba logolik nen oguluk Hane egen mene hesik Hetage oguluk yi oba hugun. Wesa hoba hali holik an neloke o okawerek awi wurik higit logolik hali yi.²¹Haput wesa hali hasuk holin nen haginapuri srael mene uguluk yi wesa halelogolik Hat hoba horogat wirilugi. Nen Hat hogo o pogot oba nen hasuk holen nen nit hesik Hat hasuk holen halok weak halo mene sagalogo legetsano.²²Ap ake nen weak ake welek mene haligin halok, it inokawerek en eberogoat mene homan hagik nen eberogoat iluk wirik wulikin halek oba soulam o okawerek awi wurikmo yi nen usak, ²³Atiba nen o pogot oba nen asuk holilik it weak hagata mene higit hogo halogo hisawesusak. Nen it ati re eberogoat halok, ebe yinogo iluk nit yogonisamo re it weak lek usak.²⁴Nen Hat heginapuri Israel mene Hat hoba weak hala, ati nen it inaselei mene nen mabenetsaga. Atiba it en lagakogo Hat hoba waika nen Hetage hogotapa. It en o okawerek awi wurik weak halogo hega yi, ²⁵Ati nen o pogot oba hanoma nen hasuk holino nen haginapuri Israel en weak hagata mene sagalogo legetsan. Keang it mene inopi inopalak Hat en arat wogosegen mene nen inapotke lagakogo wogosek lan.²⁶It en Hat hoba weak hala, Hat en it werekma atoma moso ake biesuak lek iluk halike. It en wesa oguluk halek yi igik nen it Hetage esinetapik isukwa ati Hat en it yiak tiak halogo hisegen, nen it en weak hagato e iluk isukwa, ²⁷Nen, it wesa ikenem o pogot oba hanoma aloma nen asuk holilik nit weak halo mene sagalogo legetsan. Nit haginapuri kwe hanoke nineluk motok logolik eberogoat mene haluke yakunisan. Nen keang Hat en haginapuri wonisegen mene moso wonisan.²⁸Ake sat supuruk no agik, ou akeba nen akeba agik, awi yago weak agik, gandum obake weak agik nen eluke pulue athe elueke magatik matek mene oba kapokogo hagalagik, athe it inaua inaselei mene nen o walinggirogo kolaksigik, at he ou ake weak mene it inoba agik, ²⁹Atiba nen omakaragun halok athe inebe obogat hat haginapuri Israel mene nen o okawerek awi wurik oba yi wesa halelouak, ³⁰Atiba nen it wesa halenem o hat hoguluk welagatek oba pogot oba hanoma atoma nen hasuk holino, nen apuni inala ebetarek mene Hat halik halagat helu, Hat en it hesik wene hano mene sikopogo palino, ³¹Atiba nen Hat haginapuri Israel mene it en keang Hat en inopi inopalak wogosegen oba atoma logolik hagotapilogolik higit hogo hagatilouwak.³²Apuni etake mene nen hat hesik inasuk hola hebe esin hoane apik. Ati nen it inebe inaua o walegat en wirik nen o okawerek awi wurikmo yi wesa halelougun, ³³Ati nen hat hoguluk o pogot oba hanoma welagatek oba nen it inane hoba liaiaiga mene ati hasuk holino, ati nen apuni keangma mene inebe obogat lapukogo ineluarik nen apuni Israel mene Hat inayuk hogo welaikarek hak inayuk logouwak. Atiba, apuni inebe obogat lapukogo Hat hetage inelu arik o okawerek awi wusigin yiba wahetelogouwak.³⁴Hat haginapuri inaselei mene inom weim yabiloagaluk lani egen a'nogo, Hat en it kake lasak segen halok, nen it en wesa hat hoba halasik o sili ake hat en wetewerogo hegen a'nogo nen okawerek awi an nen Hat hogotapelogousak oba wuti, ³⁵Ati nen it wesa halanem hat hogoluk o pogot oba hanoma nen hasuk holen, nen it leberisano.³⁶Haginapuri nen Hat hoba weak hagata halok, nen apuni ake weak halilek hano nak welaikarek lek ma, nen Hat en it inoba wene palen nen it heraksegen ma inaselei mene nen it mawenetsaga. It inaselei mene nen ineki hele warogo nen o it werekma walekma ke nen ake horogat ke wogosek laukwa, ³⁷Nen it en nahalok weak halo he iluk isukwa,nen o keang welekma laksasukwaba atoma logolik wesa hat hoba isukwa. It en igilogolik,' nit en weak arat hagato nen weak asusak oba halo' ³⁸It en inapotke inetauken oba nen inala ba nen o it ineki hele warek werekma atoma nen hat hoba inapotke waika, nen it wesa halilogolik o Hat en it inobi inopalak wogosasigin mene nen o sili Hat en wetewerogo hisigin mene ake o okawerek awi, Hat hetage oba an nen wusigin, ³⁹Ati nen o pogot oba hanoma Hat welagatek oba atoma nen hasuk holino. It en lebenisan iluk wesa hoba liaiaiga ati nen it leberisan. Haginapuri Hat hoba weak hala mene sagalogo legetsano.⁴⁰Yogotak ai Walowak an mene, an nen Hat hoba kino igi, heileken nen hesako lek nogo. Nit sapan Hetage palogo hoba liakeiago yi hasuk holik nen oko yogonitik in. ⁴¹'Yogotak, ai Ninopase Etage pogot Walowak, helugarik nen oguluk hokawerek higat mene halek oba eme re, Wene warek ati nen hoane wokosigin. Ai Nopase Etage pogot Walowak, ap walowak Esewerek Hat mene su telinaperek mene inogat laberogo werek.I nebe Hat wereke aikasik inawerali agilek hano werek mene ati wene hano oba nak werek. ⁴²Ninopase Etage pogot Walowak, inoe kain etage werek ukuloak an nen sebeli mene hat en wanin. Haput Daud aberali lek welagarek a'nogo ebe helurogo logeino. iluk yogotike.

(Etu Pogot Oba Nen Piwaikomo; Etai Oba Hogoratukwa Wene) ¹At Salomo wesa arat halikomo nen, etu pogot oba nen biwaikesik warogo oawerek hesik hisukwa mene amulok hulunghogo naasike. Ninopase Etagepogot omame huko mene Inopase Etagepogot awi wurikmo pelakeiwaike ati. ²Inopase Etagepogot awi wurikmo a'la kigilek ati re Inopase Etagepogot oane o wuriko piwaike ati nen ap wene yakulisagarek mene a'la kigilek kamosukwa. ³Atiba apuni Israel mene inebe obogat lapukogo nen etu pogot oba nen piwaga logolik nen Inopase Etagepogot oane o wurik a'la werekma ineleken hasukwa ati, it inyecep awi yagasogo nen hogoratilogolik ineloken keangma sogomogo logolik hogorati logolik nen Ninopase Etagepogot hano. Iluk isukwasik it en etai oba hogoratukwa. "Ninopase Etagepogot ati oabut hano. atiba hanisek motok logogin.''(Wam Warogo Isago Nikilogolik Eloken Soalogo Hisukwa Wene)⁴Atiba nen lagakogo, inoe kain etage werek Salomo nen apuni Israel mene inebe obogat lapukogo Inopase Etagepogot hesik wan warogo elokoma hisukwa. ⁵At inoe kain etage werek Salomo nen wam lembu 22.000 huli oba nen wam sapi 120 huli oba nen wam kambing domba okawerek hesik hisike. At inoe kain etage werek nen apuni inebe obogat lapukogo nen Ninopase Walowak awi wurikmo eloken soalukwa. ⁶It ap wene yagulisagarek mene nen it yabu halarek higit hogoat haluok en iluk melarik laukwa, ati heke at apuni Lewi mene pikon oba watilogolik Inopase Etagepogot hogorasuogeluk pikon watukwa. Pikon ati ebe inoe kain etage werek Daud en hai Inopase Etagepogot watilogolik Ninopase Walowak hogoratilaike. Ap wene yakulisagarek mene nen ake apuni Lewi mene nen etai watukwa ''Aii'Ninopase hetagepogot hoabut hano nen hanisek motok logogin.'' Ap wene yakulisagarek mene nen pikon Trompet mene oba apuni Lewi mene inyelokoa metek logolik ane tasukwa. Nen apuni Israel mene inebe obogat lapukogo melaukwa.⁷At Salomo nen Ninopase Etagepogot awi wurik oguluk tulek hulisa papak sek ma eloken tulem akit soalike. Oguluk atire at Salomo nen wam warogo etu lolitik nen inom hulirek mene liolusak iluk wam amusu lolitik, wulikin tempaga mene halek ati oba wam warogo lolesusak nen, isago mene mel amok lenek mel obogat lapukogo lolesusak husak mea.⁸Atoma Salomo nen apuni Israel mene obogat lapukogo ineki paiogak huli oba isago nasukwa. Salomo oba apuni inebe motok apigat en waukwa sik inom omakima notogotukwa, it ati inebe re o kwe ebokwe kegarekma Hamat en pigit i hamulugat lagarek oba o Mesir huli nen waukwa. ⁹Ineki 8 huli oba re, it en ap inougi kaintek inetage werek atogotilogousak hesik halogo hisukwa. It nen ineki paioak huli isago nikilogolik wulikin eloken soalogo isago nasukwa. ¹⁰Ineki 23 huli tugi paioak oba, Salomo nen it inau o lesi wurike lopok lasak iluk isike. It inala hano aike, it inala hai apik aike, ati re Ninopase Etagepogot Daud eperak hano welaike atiba, at salomo oba hanoat, nen ageinyapuri Israel mene inoba hanoat welaike.Ninopase Etagepogot Eki Pire Oba Salomo Elokoma Weinem Aike Wene)¹¹At Salomo nen o Ninopase Etagepogot awi nen inoe kain etage werek logousak oba arat halike. At en o ninopase Etagepogot awi nen inoe kain etage werek logousak oba haligin isike mene obogat arat wurogo hisike. ¹²Atiba nen lagakogo Ninopase Etagepogot o huako Salomo oba waikesik nen mel yogotike, "Salomo, wesa halen mene An arat nesako holi, nen oguluk yi An nokawerek hesih arat wetewerogo hagigi.¹³An nen ake pogot oba kwe pali halok, moso ake piwesigin lek, nen ake An nen pulue yogotenem keangma yoma weagarogo higin, nen ake ou age weak mene apuni An mene yoma hesik lakeiwesigin, ¹⁴Nen akeapuni an mene nen An netage wanesugun, hinekawerek en hinebe sebek igik, wesa halilogolik nen An heranausak, it ake nen weak mene ake halik lek logougun halok, An o pogot oba nen nasuk holilik it weak hagata mene sagalogo legetsilik o it werekma atoma hano halogo higin. ¹⁵Yogotak An neileken hinoba at welagi yoma nen hit wesa ikenem nasuk hologo at welagi.¹⁶An nen arat wetewerogo higirik nen o yi tegelek hano motok logousak hesik wusigin, atiba nen An netage atoma motok logogin. An neileken oba nen netaiken oban o atoma motok at logoigin. ¹⁷Nen Salomo, hat hesik he yi, hat hebe hobuk he hat hopase, Daud heperak higit at logogin, hat nen An nane igin mene obogat haleloigin, nen yinogo halusak lek iluk halogo hisigi mene ati oba higit hogo haleloigin. ¹⁸Atiba An nen hat hopase Daud neperak wene jinogo haligin iluk awok yogotigi hak hat hebe inoe kain hetage werek halogo haigin. An nen wene ake hat yogohesik, 'Daud nen tagomake mene nebe kaintek inetage werek Israel mene hagasek lougun.'¹⁹Atinogo mene at he hit en yinogo halusak lek iluk nane huli palogo hit wogisasigi mene ati, higit hogo hologo halik lek, nen it nen keangma mene hogoratik nen ayabu halelagep, ²⁰Ati nen An nen keang hit wogisi mene oba nen henogo woginyabigin. Nen nawi wurik ati An nokawerek netage oba eloken arat soalogo hagigi, An nen etage lek halogo higin. Nen An nen o wurik ati it apuni welek mene inukul etage lopok en eto agalouagen iluk halogo higin.²¹It apuni ake inebe lopok en Ninopase Etegepogot awi wurik kwe lagalogolik it en he igilogolik egi nayuk e! Ninopase Etagepogot nen wene ake ninayuk asusak mene keang oba halik nen Ninopase Etagepogot awi wurik mo yi nenahalok en hale?' ²²Nen atiba lagakogo it apuni ake nen wene ogo igilogolik,' hagalaga yire it apuni Israel mene nen Ninopase Etagepogot, Walowak it inabu inopalak o Mesir nen wogosek wulibiwaike mene ane isike mene higit hogo halilugi lek en halomo yi. It en we keangma mene oba lagalogolik nen ake keangma mene aweama logolik ayabu halik hogorati igilugi ati. Ati oba nen, At nen yoma obogat lapukogo inayuk asusak mene halogo hike yi re it inoabut oba nen hale yi hani.''' iluk yogosasike.

At Inoe Kain Etage Werek Salomo Nen Yabu Halelogousak Hesik Halike Wene) ( 1 Raj 9 : 10-28 ) ¹At Salomo nen Inopase Etagepogot awi wutik nen ap inoe kain etage werek logousak oba o wutik ikokolek eki wam mauge 20 huli oba kopokogo hagalaike. ²Atiba nen hobuk lagakogo at Salomo nen o sili lopok Huram nen ake wogotikomo at nen apuni Israel mene o sili atoma logoni o iluk yogosasike ati.³Atiba nen lagakogo at Salomo o Hamat-Zoba nen atoma mitlaike.⁴At en he' o sili Tadmor o leimo apuni lekma atoma nen o sili obogat lapukogo o Hamat atoma yimene time huguke wutike.⁵At en he'o sili lopok Bet-Heron abet po nen Bet Heron abel ma o sili eloke leget ninghogo wurogo hisike,nen kwe ape kwegareke temek hogo yagarogo hisike. ⁶Ati hake eperah higit hogo at o sili Baalat nen o sili obogat at mene atoma uguluk ake yabu wilik supuruk abi yagasogo nikilogous hesik hsike. At en o sili oguluk ake kereta a, la kalogo lagilik weim laikarek mene hesik logouagaluk halogo hisike nen o sili ake ap weim mene wam kuda oba lagilik weim halarek mene inaua logousak oba halike. At Salomo nen o obogat a'la wolok wusigin iluk akasike ati o re Yerusalem, Lebenon, nen o obogat lapukogo re inoe kain etage werek aua.⁷Apuni Israel mene o ati welaukwa huk at he apuni etake mene o atoma welaukwa. It ati inebe re apuni het mene mel, Amori mene mel, Feris mene mel, Hewi mene mel, nen Yebus mene mel, ⁸It mene nen tagomake o atoma welaukwa mene apuni Israel mene nen ap inukuloak ati mene inebe motok ake weagarinabilek, it ati re at Salomo nen yabu halelogousak oba hisaikomo yogotak ati at werek yi.⁹Anogo halusak mene at he, At Salomo nen apuni Israel mene inebe ake yabu haluke halogo hisigilek. It inebe weim mene hagalagik, ukuloak weim mene agik, ap weim mene esa ake wogosek lagalogousak mene agik, kain ukuloak kereta oba lagilik weim halelogousak mene agik nen weim mene wam kuda wolok lagalogousak hesik aukwa. ¹⁰Ap inyeiyabu hukotek inoe kain etage werek werekma halelogousak hesik at Salomo nen apuni at mene inebe 250 huli oba halogo hisike.¹¹At Salomo nen Firaun alogo o at logousak oba wurogo hisasikesik, o sili Daud werekma nen wolok waike. "An nege ati ebe o ap inoe kain Daud werekma atoma logousak lek, nen uguluk at welaike oba mene re, Ninopase Etagepogot ane huli warogo wonisasike mene ati husak oba re oguluk ati re tegelek hano logousak.''¹²At Salomo nen Inopase Etagepogot hesik wam warogo wulikin o okawerek awi wurikmo seleponma selekma halike oba lolitike. ¹³At Salomo nen okawerek hesik eki ebe lopok wogotilaike ati at Musa nen halilogoino iluk iske ati eperak higit hogoat, nen ake okawerek hesik ineki paioak oba ebe lopok wogosusak at, ake tugi ket mene holokogo isago nikilogolik husak at, nen ineki henagan oba wam mauge warogo isakogo nasak ati supuruk Roti serasap mene werago nasak, ineki paioak oba wesa usak ati isago nasak nen nen ineki ake isago nasak eka mene palogo o hamulugelak hogo pokhogo halukwa atiba halusak.¹⁴At Salomo opase Daud nen halelogousak iluk isike higit hogo halilaike. At mene wene yakulisigik yabu halarek mene hesik inebe esa ake welaukwa. At mene apuni lewi mene yabu it halarek he Ninopase Walowak hogoratik nen wesa halusak oba ap wene yogosagarek mene inyeilanem halik igilaukwa mene hesik welaukwa, nen wene yi re ineki ebelopok o Inopase Etagepogot awi wurikmo nen a'la kilik halelaukwa. At mene inebe kwe ape oba yage logousak hesik Daud nen yogotike higit hogo ap esa ake kwe ape oba jage welaukwa, Inopase Walowak hesik ayabu halarek ati. ¹⁵It apuni Israel mene hesik nen at Salomo ane isike mene ake kolo tigilek ap wene yogosagarek mene nen it apuni Lewi mene halusak higit hogo at helelaukwa. At nen halusak iluk isike higit hogoat ake heragigilek halelaukwa ati. Ati hake yimene timene hagarek welaike atoma motok oko hukotek mene nak welaike.¹⁶Ake, At Salomo nen yabu Inopase Etagepogot awi arat halike. Yabu ati halugun iluk isukwasik tik mabin hisukwa oba nen pikit halik motok'ake ato higilek motok Inopase Etagepogot awi arat awurek kopokogo wutukwa.¹⁷Atiba lagakogo at inoe kain etage werek Salomo ebe o Ezion-Geber laike nen o Elot i laut hoko hekelekma esakoma, o Edom atoma laike. ¹⁸At Huram nen Salomo kapal oba loagaluk lakeiwaike. At Huram agot nen wolok loagaluk kapal ati re ebe wolok lago a'la elu mene lakeiwaike. It Salomo agot ake eperak Ofir oba laukwa nen wagalogolik emas ekin 15.525 huli oba mene inoe kain etage werek Salomo oba wolok waukwa." iluk isike.

(He Inoe Kain Syeba Mene Salomo Oba Waike Wene) ¹At He inoe kain Syeba a'nogo nen Salomo halerek mene hesik asuk holike. At ebe o Yerusalem waike ati Salomo wene oko usak mea mene yogotenem elok usak a mea iluk wene oko usak mea mene hinok wokasike. At He inoe kain Syeba nen apuni inebe motok apigat mene ake wam unta oba kelapa al salagalek kalogo liakelik, emas, nen helep eilekan halek mene inom wolok waukwa. At ebe Salomo oba waikesik nen at a'la ebetike mene eberak wenekak isukwa. ²At Salomo nen wene oba hinok wanike mene ake pelagigilek obogat oko isike. Wene egen mene hesik an nen piligirogo elok usak.³At He inoe kain Syeba nen Salomo a'la kagalek eileken hasike, o ap inougi kaintek inetage werek logousak oba hano motok wutikomo, ⁴Nen e talek oba inoe kain etage werek supuruk nasak oba eileken hasike. At nen hogo ayabu halarek mene inoabuk hulasusak oba eileken hasike, yabu helarek mene nen a'la yabu halelogousak mene nen su inogat labesusak hesik mel, it i halarek mene nen su isusak mene mel ake Inopase Etagepogot awi wurikmo okawerek hesik warogo lolesusak oba obogat eileken hasike.⁵Ati oba at nen inoe kain etage werek yogotike, "Wenekak ati an naua nen hat yabu haletek oba motok huko nen hala kagalek oba haletek iluk nasuk holilagi,ati re eberogoat. ⁶Oban werekolek wenekak ati mene obogat ikenem an nala nen eberogoat iluk agilek mene an ya wagi oba neileken nen tukum hogo higi. Eberogoat mene, an noba ega mene ake hamulugat serep hogo hat hala kagalek hukoro an noba lagilek. Hat hebe huko eberogoat mene wenekak ikenem arat an nasuk holima.⁷Apuni nen hat hayubu halilugi mene nen hat halakagalek ati it inasuk holilik it hat hayabu halilugi mene inala hanorogo logonik. ⁸Aiii! Ninopase Hetagepogot, Walowak hat mene! hat hoba arat ebete nen hat hebe logousak oba o At nen Israel mene inoe kain hesik hetage werek halogo hike, at Ninopase Walowak hat hebe etabi nen apuni Israel mene inebe logousak a'la agike oba yogotak werek, ati oba hat hebe Israel mene inoe kain hetage werek hagalagen ati wene higit hogo halik nen eberogoat mene hesik igilogousak.''⁹Atiba nen He inoe kain Syeba a'nogo nen inoe kain etage werek Salomo 120 eka talenta emas mene,ake kelapa al sagalek mene motok apigat, ake helep eil eken halek mene inomat wogotike. Apuni hetakit nen kelapa al sagalek motok apigat mene a'nogo wogosasak motok lek mene He inoe kain Syeba nen Isarel mene hesik wogotike.¹⁰At Huram atitigeke mene nen at Salomo atitigeke nen emas o Ofir nen wolok waukwa nen ake e cendana ake helep eil hagarek mene wolok waukwa. ¹¹E cendana ati inoe kain etage werek en Inopase Walowak awi wurikmo inesok hakaluk halik nen inoe kain logousak oba aua halik isukwa, ake pikon kecapi halik nen Gambus ap etai watelogousak hesik halik isukwa. Apuni Yehuda mene atinogo halarek lek mene halenem ati inyeileken hasukwa. ¹²At inoe kain etage werek Salomo nen he inoe kain syeba ati yimene timene at a'la walok akasike mene nen kino isike higit hogoat wogotike, inoe kain etage werek hesik apik hogo at at wolok lilik wogosusak oba hesik hisike. Atiba nen Hemi mene inoe kain a'nogo atitigeke mene eperak o it inaua laukwa.Salomo agarok eimo wulalek welaike wene ¹³At Salomo eki wam mauge omaket huli oba warogo emas 666 oba eka talenta ekimo agalaike, ¹⁴Ati apuni emas yabu halarek mene nen wolok wagalaukwa mene inom wenatilek. Inougi kaintek inetage werek o Arab mene nen ap ukuloak o atoma mene nen emas,perak at Salomo hesik wolok wagalaukwa.¹⁵At inoe kain etage werek Salomo nen sin tok sike waganem kek wanarek mene emas oba 200 huli nen halike. Sin ugu omaket he 600 eka syikal emas werago mene wanusak oba werek. ¹⁶At nen emas werago oba sin magatek mene 300 huli nen halike,sin ebe lopok 300 huli nen eka syikal emas oba halusak, obogat lapukogo halogo oma a'la "Libanon ekama husak.''¹⁷At inoe kain etage werek Salomo nen ebe hurek logousak oba huko halikesik epenake wam gaja aik mene walingirogo emas inom hapelogo halike. ¹⁸At ebe hurek logousak oba ati inesok hakaluk he ebe huap en halike, nen ineso haguguke emas mene halike. Hulauke pire halek oba inapot heatuguke halike, singa hagarek oba pire welaike,¹⁹Ati nen inesok hakaluk huap en aleketek halek 12 nen mene singa ineki nen auak hagarekma metek welaike, inesok hagaluk halek welaike higit higit hiluk laukwa. Ati hake hagarek eperak ati higit hogo it ake welaikarek ke atoma hagarek lek welaike. ²⁰Atoma obogat inoe kain etage werek Salomo agei nasak oba emas mene halek welaike.ake o a'la welagarek mene oboga lapukogo, emas mene halek o'ekama Lebanon'atoma welaike. At Salomo ebe inoe kain etage werek welaike atem higit oba perak ati mene eken lek hake aike! ²¹At inoe kain etage werek Salomo mene kapal o sogei waganem haguguke su mene karek o Tarsis apuni Huram mene inoba lauke welaike, nen wam mauge ineki henagan oba warogo kapal ati o Tarsis nen emas, perak, ganding, kera, nen sue merek wolok wagalaike.²²At inoe kain etage werek Salomo agorok eimo wul'alak welaike nen ebe a'la kauksek welaike ati higit inougi inetage werek yiawi tiawi at inom walasak mea. ²³Ap inougi kaintek inetage werek yiawi tiawi mene inebe obogat lapukogo at Salomo hawagalaukwa ati wene at nen higit mene ane amusu sikipogo palilaike ati hesik oba wagalaukwa. It wagalaukwa ati Ninopase Walowak nen Salomo a'la kaguksek wogotike mene wene ikenem inasuk holiagalaukwa. ²⁴Wam mauge ebe lopok warogo it ap inougi kaintek inetage werek ati nen yimene timene, emas mene hagarek, su inogat laberek mene, halek, kelapa e oba sagalek mene,wam kuda, nen wam keledai, at Salomo hesik wolok wagalaukwa.²⁵At Salomo mene wam awi halek wam kuda nen Kereta a'la kalogo laikarek mene logousak oba hesik 4.000 huli oba welaike. At mene ato ap weim wam kuda oba laikarek mene nen ake kereta oba lagilik weim laikarek mene 12.000 hulioba mene hesik nebe logousak oba o sili inalikmo halogo nen o Yerusalem omakima welaukwa. ²⁶At Salomo ebe inoe kain etage werek logolik at en ap inougi kaintek inatage werek aweama hagasek welaike, ati o Efrat ima nen pikit o apuni Filistin mene werekma, nen ati huli oba nen pikit motok o Mesir hulisanem oba welaike.²⁷At inoe kain etage werek Salomo mene perek motok apik welaike, helep motok apik o Yerusalem welaike. Nen at mene e cendana uguloake eka muli hano nak yago welaike. ²⁸At Salomo hesik wam kuda o Misraim nen o apuni inauake hetakit atoma mene lakeiwaukwa.(Salomo Ebe Walaike Wene)²⁹Oban werekolek At Salomo nen tak Inopase Etagepogot nen wene oba warogo hikenem yogosigilaike mene at Natan halelaike mene alep en pikit awurep oba kopokogo holal palogo hisike nen wene Ahia aua o Silo mene, nen hagalasigin iluk holal palike nen at Ido ati nen eileken lakigilaike mene holal palike, hagalasigin mene lakigilaike ati. At Ido ebe re aponak hobuk hagalasigin mene lakigilaike anogo oba Yerobeam Nebat aput hesik hobuk hagalasigin mene hesik holal halogo hesike. ³⁰At Salomo ebe inoe kain etage werek o Yerusalem eki wam mauge 40 huli oba aweama hagasek welaike. ³¹Atiba at ebe walaikomo opalak salinabukwa oba omakima salukwa. Apuni walaganem o sili opase, Daud werekma salinabilaukwa. Atiba nen Rahabeam, aput Salomo ugulukmo inoe kain etage werek hagalaike." iluk isike.

(Inebe Logousak Oba Mogolaike Wene) ¹At Rehabeam ebe o sili Sikhem laike, oba hanorogo halogo hilik inoe kain etage werek halogo huogen iluk uguluk apuni Israel mene welaikareke inebe obogat lapukogo o atoma laukwa. ²Ineki ake atiba Yerobeam, Nebat aput inoe kain etage werek Salomo oba nen hese o Mesir laikesik welaike. Atiba nen Rehabeam ebe arat inoe kain etage werek hagala isukwama at Yerobeam asuk holike, ati nen at ebe o Mesir en hobuk waike.³Apuni inebe miren hake nen Yerobeam watukwa, watukwama Yerobeam nen apuni Israel mene inebe obogat lapukogo Rehabeam oba hawaukwasik mel isukwa, ⁴Hat hopase Salomo nen nit yabu haluagaluk ekin mene arat ninoba hike. Ninoba hisesikmo, yogotak nit yabu se mene halok wonisamo nen nit hat hayubu halapelougun.'' ⁵Lani! hineki henagen oba logopik en hinapotke weganem An elok lek igik mea igik yogohigegen." Isikomo, apuni ati inau laukwa.⁶Atoma ap inaluetek inebe miren hake logolik at Salomo ebe eluk welaike atem oba ane amusu palenem lebetigilaukwa. Halenem inoe kain etage werek Rehabeam en kimene halusak nogo iluk apuni yi hinok wogosike. Ake nen igilogolik, "an noba kinogo nasuk waten nogo it ati hesik wene oko yogosak?" ⁷Ap inaluetek ati nen wene ake igilogolik, "hat nen apuni hano halogo hisasak halok, it inebe hono hagasek welagik nen it ugun mene hasuk holilik hane higit mene igilogousak, a'nogo halenem it nen hat hano halogo haiko motok logogun."⁸A'nogo yogotukwa mene at Rehabeam wene a'nogo a'la wanilek herakesike ati. At nen apuni elegetek at ayalak inom higit salukwa mene eralue welaukwa a'monogo inoba hinala ebetep mene ake yogoni isike. ⁹At Rehabeam nen it wene ake yogosigilogoluk, "An nopase nen it yabu wogosike mene apuni nen an noba yabu se mene halok wonisasak luk kino ega. Hat nen kinogo halusak agegen? An nen it wene oko konogo yosak?"¹⁰A'nogo isikomo ap elege at ayalak inom higit mene nen wene oko mel isukwa, "It nen at yogotilogolik, 'Hat hopase nen nit nenebe logousak oba titap hogo hinigilaike hake eperak higit hogo ninoba ekin bekin hogo wolok wagalago, ati nen nit ninala walok hat nen ekin mene ati se halogo hinan.' An nopase aloak makelak mene an neki seleget huko. ¹¹An nopase nen hit ekin mene hinoba hike, mene at he an nen ekin mene ake inomat hinoba higin. An nopase nen hinogat lipik labak hogo ukum hinoba hike, mene at he an nen kalajengking oba ukum hinoba higin.'''¹²Ineki henagan oba welaugasik ake oba, Yerobeam nen apuni inebe obogat lapukogo Rehabeam oba waukwa, inoe kain etage werek Rehabeam nen it yogosasike higit hogo hagalaike. ¹³Ati oba at inoe kain etage werek Rehabeam en wene oko it yogosigilogolik ane uarek iskesik, it ap inaluetek en yinogo halusak iluk isukwa mene a'nogo halusak lek isike, ¹⁴Nen it wene oko igilogolik eperak higit yekerugilak oban mene nen yino halusak, ega ati, "An nopase nen yabu ekin mene wonete, meneat he an nen ake inoman yabu ekin noba aga ati. An nopase nen nogat lipik labak hogo ukum noba hane, mene at he an nen hat hesik kalajengking oba ukum hoba higin.''¹⁵Ati oba nen inoe kain etage werek apuni at mene nen kino ikenem asuk holilek heraksigilaike. Ninopase Etagepogot nen Yerobeam mene hesik abok isike mene higit asuagaluk wene yi halilek welaike, Nebat aput Ahia aua Silo men ati oba nen halaike.¹⁶Apuni Israel mene ineileken inoe kain etage werek Rehabeam lakasukwa mene it inane asuk holilek halelaike. Atiba nen it en inoe kain etage werek yogotilogolik, "Nit ninebe re Daud werek meneat akegen nogo a? keang Isai mene ake nit agoma werek nogo a? Lek! mare, apuni Israel mene yi sani, Daud aput nen apuni at mene hagasek logouak en nit he heraksaluk luok!"¹⁷Mene at he at Rahabeam ebe inoe kain etage werek oban hagalagilek logolik apuni Israel mene inebe miren hake mene o sili lopok o Yehuda welaukwa. ¹⁸Rehabeam nen Hadoram ebe ukuloak halogo hilik yabu inawit werekolek ninghogo halini igilaike,atiba nen apuni Israel mene nen helep oba Hadoram watukwama ebe motok lauk hogo walaike. Atiba nen Rehabeam ebe hese o Yerusalem lasak hesik esok hagarek oba lagelik weim halarek mene oba lagesike. ¹⁹Hagalaike ati oba nen pikit yogotak apuni Israel mene nen Daud wereke inom inaselei negen werek ati,'' iluk isike.

¹At Rehabeam o Yerusalem arat waikesik, inebe hobuk logousak oba weim halusak elok hugi Yehuda nen tagomake mel Nen Benyamin mene wim Israel mene inom yabusak hesik inebe 180.000 huli oba atogorinapike.²A'nogo mene at he Inopase Etagepogot ane palek at Semaya oba isike, Ninopase Walowak ageinyapuri, hesik mel ike, ³''At Rehabeam ari yogosin, Salomo aput, inoe kain etage werek Yehuda mene ati. Apuni israel mene o Yehuda nen Benyamin werek mene inebe obogat lapukogo hesik yosan, ati oba ⁴Hinayalak honom weim halup nen wagilek kamoikano! hinauake lopok pugulakani, wene hagalaga yi An noba werek.''' hagalaga kolek, inoe kain etage werek Rehabeam nen ap esa amonogo Inopase Etagepogot ane hologo kamoisukwa, atiba Yerobeam inom weim halilek inauake pugulukwa.(Rahabeam Ebe Logousak Oba Yehuda Mene Oane Aike Wene)⁵At Rehabeam ebe o Yerusalem logolik nen o sili lopok hago logousak oba wurik laike. ⁶At nen o Betlehem wutik, Etam wutik, Tekoa wutik, ⁷Bet-Zur wutik, Sokho wutik, Adulam wutik, ⁸Gat wutik, Mares wutik, Zif wutik, ⁹Adoraim wutik, Lakhis wutik, Azeka wutik, ¹⁰Zora wutik, Ayalon wutik, nen Hebron welaike Yehuda nen Benyamin ebe oane negen hago welaukwa.¹¹At Rahabeam en o sili lopok haligik hisike ati nen ap ukuloak weim mene hugi o atoma hisasike, nen ake supuruk nigilogousak oba hesik, amusu, nen anggur halogo hidsike. ¹²At nen ake sin ugu higik nen sige o sili lopok higik nen isikomo o sili lopok atoma oane welaike. Ati oba Yehuda nen Benyamin esewerek hagalaukwa.¹³Ap wene yogosagarek mene nen apuni Israel mene obogat inebe Rehabeam akit lapugutasukwa. ¹⁴Apuni Lewi mene inayabuke nen eka palarek haraksaluk o Yehuda nen Yerusalem waukwa. At Yerobeam nen ageinyapuri inom en wene yogosigilogolik yabu Inopase Etagepogot hesik halelogousak lek iluk isukwa ati nen it wene yi halukwa ati. ¹⁵O tom ukul oba warogo lelologusak hesik, ibilis nen ineki oba wam sapi eak halogo hilik hogoratik usak hesik mel at Yerobeam en yakulisigilouagaluk wete werogo hisasik.¹⁶Ati oba apuni Lewi mene Israel haraksaluk laukwa, Israel en tagomake mene inebe obogat lapukogo Inopase Etagepogot Walowak Israel mene oba hipirik logolik o kawerek hesik Inopase Etagepogot, Walowak it inabu inopalak hogorati laukwa mene wogosugun iluk o Yerusalem waukwa.¹⁷It en inebe hobuk Yehuda mene logousak hesik oane halogo higik nen pemerintah yabu Rehabeam Salomo aput eki wam mauge henagan huli warogo it inebe welaukwa Daud werek oba nen Salomo welaike eperak higit welaukwa.¹⁸At Rehabeam age he Yerimot alogo Mahalat itike. At Yerimot ebe re Daud aput nen Abihail, Abihail Eliab alogo, Elihab he Isai aput. ¹⁹At he Mahalat en Rehabeam angeinapuri ap ena tagenyapike, it inebe Yeush, Semarya, nen Zaham talaukwa.²⁰At Rahabeam en he ake Maakha itike, Absalom alogo helekerek. Maakha nen Rehabeam ageinapuri taginapike, inebe Abia, Atai, Ziza, nen Selomit. ²¹At Rehabeam nen hemi augi inebe abigat yabu halelaukwa mene at he! 'age Maakha aligat enak etabi welaike. Rehabeam augi inebe 18 huliba nen ayubu halarek mene inebe 60 huli oba welaukwa. At ageinapuri ap motok inebe 28 huli oba nen alogomi inebe 60 huli oba welaukwa.²²At Rehabeam aput Abia at ayalak inebe apigat mene aligat ebe ukuloak hagalaike, atiba at a'la nen Abia ebe inoe kain etage werek halogo higin 'iluk agasike. ²³At Rehabeam en wene higit mene halikesik nen at ageinapuri ap hugi inebe lopok o Yehuda toke nen Benyamin o sili lopok oane werek ke hugi hisasike. At Rehabeam en ageinapuri supuruk nikilogousak oba hesik hukoro halogo hisike. At en hogo it hesik hemi wogosasak oba herageinapike.' iluk isike.

(Sisak En o Yerusalem Inoasigeluk Kisike Wene) ¹Atem sat he inebe logousak hesik mel nen inebe hurek logousak oba Rehabeam ebe inoe kain etage werek hagalaikesik omame aike, meneat he at nen apuni Israel mene inebe obogat lapukogo nen Ninopase etage pogot en halilouagaluk isike mene ane hologo halik sagalogo hisukwa.²Sisak inoe kain Mesir mene nen o Yerusalek inoasigeluk kisike ati eki wam mauge huap huli oba o atoma inoe kain etage werek Rehabeam aweama hagasek welaike. It en Ninopase Etagepgot ane hologo halelaukwa lek oba nen wene ati hagalaike. ³Atiba nen 1.200 kereta oba lagelik kalogo laikarek mene.60.000 ap esa wam kuda oba kalogo laikarek mene.Ap esa holek o Mesir en inom waukwa mene inebe motok apigat mene ake ineki wenatilek, ati mene inebe hatagit obogat lapukogo Libia mene, Suki mene, nen Etiopia mene inomat. ⁴At Sisak en o sili lopok leget waganek o Yehuda nen pigit horogat o Yerusalem oba nen sebelike.⁵At wene yogosikerek mene Semaya Rehabeam nen ap kaintek ukuloak Yehuda mene inoba waike. Ap kaintek Yehuda mene Sisak inayuk en o Yerusalek lapulik welaukwa. Semaya nen Rehabeam nen ap kaintek Yehuda mene ati yogosasike, "Wene Ninopase Etage pogot nen mel ike, hat nen apuni Yehuda mene nen An arat heranapesip nen An nane palek halelogousak iluk isigi mene halilek harakegep, atiba An nen heraginapima Sisak ekiba welagep o.''' ⁶A'nogo ikokolek ap kaintek ukuloak Israel mene nen inoe kain etage werek Rehabeam inom inebe sebek hogo nen mel isukwa, "Ninopase Etage pogot eberogoat isukwa.''⁷At Ninopase Etage pogot en eileken it hisasike hak he, inekawerek en inebe arat sebek isukwa ati nen Ninopase Etage pogot ane palek at Semaya oba mel isike, "It ebe inokawerek en sebek ega, mare An nen it inebe ake weagarinabigin motok lek, meneat he An nen it weagarinabusak lek mene halogo o Yerusalek Sisak ekimo nen lek hagologo higin. ⁸Anogo mene at he apuni Israel mene inebe Sisak atitigeke hagalasugun. weni yi hagalasigin he it en yakulugun mene an halanilugi hake lek mene inougi inetage werek kain apuni hunigat mene halinapelougun."⁹At Sisak, inoe kain etage werek Mesir mene nen o Yerusalem werekma inoasigeluk kisikesik nen Yimene timene o Ninopase Etagepogot awi wurikmo welagarek oba mene nen inoe kain etage werek welagarek oba mene mel wanike. At en he sike tok wokagarek mene emas oba Salomo nen halike mene wanike.¹⁰At inoe kain etage werek Rehabeam en sike tok wokagarek mene emas oba halek perunggu ati at ap ukuloak o inoe kain etage werek welagarek oba kwe kegarek oba welaike mene wogotike.¹¹At inoe kain etage werek eki ebe lopok o Ninopase Etage pogot awi wurikmo kikilaike, ukuloak jage welagarek mene nen sike tok kowok wanarek mene peruggu halek wolok waganem hobuk o sekelek ukuloak yage welagarek mene welagarek oba hilagalaike. ¹²At Rehabeam ebe sebek ikenem, Ninopase Etage pogot en at oba amage higin mene At en lek halogo higilaike, atiba Ninopase Etage pogot en at ebe ake weagatigilek.O Yehuda atoma wene ake hano nak welaike.¹³At Rehabeam ebe omame apik o Yerusalem hesik okawerek en inoe kain etage werek hagalaikesik welaike. At ebe eki talaike oba welaike wam mauge 41 huli oba nen ebe inoe kain etage werek hagalaike. At ebe o Yerusalem hesik, inoe kain etage werek hagalaikesik eki wam mauge 17 huli oba nen kopokogo warogo welaike. O Yerusalem ati re o sili At Ninopase Etage pogot nen ''Apuni inukul etage lopok Israel mene etage o atoma wetewerogo hisasike. Rehabeam agosa etage Naama aua o Amon mene. ¹⁴At Rehabeam en Inopase Etage pogot ane halogo halilek, weak mene halike.¹⁵At Rehabeam ebe inoe kain etage werek hagalaikesik, aleb at en pikit hubuk awurep kopokogo hagarik waike, suesika oba holal eka wene yogosagarek mene Semaya nen Ido oba holal suesika a'la palek, at eilek hike ati. It en inebe welaikarek mene hesik holal eka oba palogo hisukwa. It ake Rehabeam nen Yorobeam ebe inebe inougi kaintek inetage werek enak inaweama hagasek logolik eberak weim halomotok welaukwa. ¹⁶At Rehabeam ebe walaikomo re, opalak salinabuka oba omakima salukwa. At ebe o Daud awisilimo salukwa. Ati nen hobuk Abia, Rehabeam aput opase welaike oba ugulukmo inoe kain etage werek halogo hisukwa. 'iluk isukwa.

(Inoe Kain Etage Pogot Abian Nen Hagatelaike Wene) ¹Inoe etage pogot Yerobeam en o Israel atoma aweama hagasek werekolek ineki 18 tahun huli welaukwa. Abia ebe Yehuda mene inoe etage pogot ket menisukwa. ²At Abia nen o Yerusalem aweama hagasek werekolek eki 3 tahun welaike. Age etage re Mikhaya, Uriel alogo aua o sili Gibea mene. Abia nen Yerobeam eperak weim halukwa. ³Ap esa Abia agoresa inebe 400.000 huli weim inanini weak mene hugi. Abia nen it wogosek lilik weim inom halukwa. Yerobeam agoresa ineb 800.000 huli weim inanini weak mene hugi. Yerobeam en weim abia eperak halusak oba arat halike.⁴Atiba at Abia ebe o Efraim ukuloake o Zemaraim punua metek logolik en mel isike, "Yerobeam nen apuni Israel mene hinebe obogat lapukogo an nane hinasuk holino! ⁵Ninopase Etage pogot, Walowak Israel mene nen apuni Israel mene inebe logousak oba hesik arat Daud nen ageinapuri inom ane huli elue oba warogo wogosasike anogo hit he hinokot a.⁶Meneat he at Yerobeam, Nebat aput, Daud aput, Salomo atitigeke nen, ebe hebelagalogolik opase eperak weim halukwa. ⁷Wene motok weak hagalaike, Yerobeam ayalak he inoabut meak nen weak halarek mene hugi welaukwa. At Rahabeam ebe elege oban nen etaukem oane lekma, at en Yerobeam eperak hanggasusak oba mea hagalaike nen apuni at mene inoabut weak motok welaukwa.⁸Ninopase Etage pogot logousak oba Daud aput en hagasek werek ari nen lek halogo husak hesik hit hinala ebeno. Hat mene agoromi hopolik wesugun mene inebe motok apik nen wam lembu eak emas Yerobeam en halilogo mene aroma hat en hogoratuke hegetik welagen.⁹Apuni Lewi mene Harun nen tagomake Ninopase Etage pogt ane yakulisagarek mene hat en lek halogo hegen, nen wene yogosigilogousak hesik hat en wetewerogo hisegen ati eperak higit he apuni welek mene keangma yoma welaikarek higit hogo halen. Nen yogotak, wene yogosigilogousak hesik hagalasusak oba apuni ake inebe lopok en wam lembu kulok ket mene nen wam domba kulok halok 7 nen wolok waga ati Ninopase Etage pogot mene hesik lek.¹⁰Mene re Ninopase Etage pogot Walowak nit mene, nen nit en At ebe heragugun motok lek. Ap Ninopase Etage pogot ane yogosigilougun ati re Harun aput, nen apuni Lewi mene nen ap wene yogosagarek mene At ayubu hesik leberisigilogogun. ¹¹It en warogo lolik nen Ninopase Etage pogot hesik dupa yihake tihake oheake hemaganoke loletelogogun. Ninopase Etage pogot awi wurikmo a'la it en supuruk Roti werago e sang talekma eratigik higilogogun. It en esage oak emas oba halek atuli telek oba ke wialogo hikomotok welaukwa. Ninopase Etage pogot walowak nit mene hesik nit en ayubu halo motok logogun, hit en nak he At ebe arat heraksaluk wulipep ari.¹²Ninopase Walowak en nit senisek motok logolik wonisek niko, ati nen it Walowak Esewerek ninomat en ninala aleken oba weim halusak hesik pikon trompet ene togo. Hit apuni Israel mene, Ninopase Etage pogot wenagasusak lek, Ninopase Walowak ninopalak hagoratarek mene ati nen, hit ake hano halogo hikasak lek!''¹³Meneat he at Yerobeam agoromi lagalogolik apuni Yehuda mene inebe inapotna palukwa nen hetakit it inelokoma higit en inom yabukwa. ¹⁴It Yehuda mene ineilekan lakhasukwa hak he, it Yerobeam agoromi nen inapotna palo inelokoma isukwa. Apuni Yehuda mene nen Ninopase etage pogot teinabin a! Iluk etage palukwa, atem oba ap Walowak Esewerek mene nen pikon trompet ane tasukwa, ¹⁵Atiba apuni Yehuda mene nen nawem a iluk amit suk isukwa, nen ati like apuni Yehuda mene inane isukwama, Inopase Walowak en Yerobeam agoromi inomame lek aike. Yehuda mene nen Yerobeam agoromi o Israel mene inebe obogat lapukogo mawenetsasukwa.¹⁶At Ninopase Walowak en Yehuda mene inagoromi nen Israel inagoromi inoasua'galuk herak sasikomo apuni Israel mene hese motok sak hogo laksasukwa. ¹⁷At Abia agoromi nen Israel mene inagoresa inebe motok liok lauk hogo apik huli, 500.000 en apuni israel mene hanotek hugi inoatukwa. ¹⁸Atiba it apuni Israel mene inomame lek aike, nen apuni Yehuda mene inomame aike ati it Inopase Etage pogot, Walowak it inopalak ane wanilaukwa mene oba hipiri tisukwa ati nen inomame aike.¹⁹At Abia agoromi nen Yerobeam agoromi mugisek lagalogolik nen o sili hukotek lek hamulutek lek atoma welaukwa mene,ati ebe: o Betel, Yesana, nen Efron Yerobeam werekwe mene sebelukwa ²⁰At Abia ebe eluk welaike atem oba Yerobeam en yinogo tinogo halusak motok mea arik omame lak aike. Ninopase Etage pogot en warogo hisikomo walaike, ²¹Ati nen Abia ebe omame aike. At augi inebe 14 huli nen ageinapuri ap 22 huli nen ato alogomi inebe 16 huli. ²²At Abia nen halelaike mene obogat lapukogo suesika oba a'la wene yogosikerek mene Ido oba holal palogo hsike,'' iluk isukwama werek.

¹Atiba nen at Abia ebe arat walaikomo, it en o Daud awi silomo keangma salukwa. Arat atiba nen at Asa, Abia aput inoe kain etage werek ket mene ugulokmo menogo hisukwa. At Asa nen aweakma hagasek werokolek ineki wam mauge 10 huli oba kopokogo hagagasek welaike. O ati honotok welike. At Asa, ebe o Yehuda mene inoe kain etage werek welaike wene ²At Asa nen Ninopase etage pogot, Walowak eilanem wene eberogot mene nak higit hogo hagatelaike. ³At en apuni etage mene nen tugi kaneke halogo hilik hogoratarek mene weagarogo misalogo legetisike. At en oguluk halek uatek welaike mene mesalogo lakesike,nen inelurogo iluk atuli telogo hisukwa mene mesalogo hisike at, nen at en ake inekiba apuni halogo hogoratuke tugi hareken etage Asyera welaike mene misalogo hisihe. ⁴At en igilpgplik 'apuni Yehuda mene hesik, nit ninopalak hogoratilaukwa mene Ninopase etage pogot, Walowak oba heratelogoino, nen Ninopase etage pogot en halelogousak iluk wene isike mene higit hogoat halelogousak.⁵At en hogo re bunuake ago waretelaukwake mene nen oasi hano mene oba werogasogo liagatarek mene o sili Yehuda obagat lapukogo welaike mene legetisike. Nen, at Asa ebe inoe kain etage werek hagalaike, logousak oba hano motok welaike.⁶ Hano motok werekolek,Asa nen o sili Yehuda ebe lopok ogulok halik wurik laike. At welaike ati oba higit he weim ake hagalagilek motok Ninopase Etage pogot en it hano hano mene wogosasikesik hagasek welaike.⁷At Asa nen apuni Yehuda mene yogosigilogolik" o sili ke ati leget yiling waling nit en wurik luok en weni 'iluk yogosasike. Nit en kayo apuni selei mene waganem inel tatelogousak oba wutik, kwe ape palik,nen kwe ape oba palelogousak mene halogo hugun. O yi nit mene nen nit Ninopase Etage pogot, nit Ninopase Walowak ane hologo hagatelago.At en nit welago ke yogo yiling waling nit hano rogo werokolek nit en At hesik oba hanesik logouwak en heratelouok.''Nen, it o atoma hanorogo at haluak. ⁸At Asa mene ap weim halelogousak mene inebe 300.000 huli atire Yehuda nen tagomake mene sin ugo nen sige hukotek mene wolok laguke, ake 280.000 huli apuni it Benyamin nen tagomake mene sin ugu magatek mene nen sike tok wolok lauke welaukwa. It inebe obogat lapukogo atima re weim inanini weak ekaragun tek inoane apik nen inayuk lek enak welaukwa.⁹At Zerah eki ake ba, apuni Etiopia mene nen Asa agoromi weim mene inoasuogoluk inebe ap esa 1.000.000 huli nen esok hagak weim laikarek mene, 300 en, it weim o sili Meresa pikit waukwa. ¹⁰At Asa nen Zerah eperak weim haligeluk laike, it heta-heta o Zefata toke erangma,o Maresa higit hogo atoma nen ap wim awi halukwa. ¹¹At Asa nen Ninopase Etage pogot, Walowak oba yogotilgolik, nen mel isike, "Nopase hetage pogot, Hat en apuni inoane lek mene elok leberisikenem apuni inoane werek mene inom elok weim halusak. Ninopase Etage pogot aa! Ninopase Walowak nit lebenisan, nit he Hat halagat en lebenisoak iluk hoba hogo. Nit en apuni weim mene inebe esa huko at mene ninom weim Hat hetage oba halugun. Ninopase etage pogot, Hat hebe Ninopase Walowak nit mene, apuni welek mene nen Hat hoane lek halogo hinogo iluk raksagun o!''¹²Nen at Ninopase Etage pogot en apuni Etiopa mene ati at Asa aua Yehuda mene oba nen inoatikesik mawen halogo hisasike, atinogo halogolek apuni Etiopia mene ati hese motok laukwa.¹³Ap weim mene Asa agoromi nen ap esa Etiopia mene mugusek motok o sili Gerar hisalaukwa. Apuni Etiopia mene inebe apigat inoatukwa,atiba it inebe ake ineluk heraksigilek, it en Ninopase Walowak eilanem at en nen ap esa holek mene lek halogo hisasike. At Asa agoromi ap weim mene inom en inaselei meme inagarok yimene timene inekiabusak en malaugasik wolok waukwa.¹⁴At Asa nen agoromi ap weim mene inom en o sili Gerar obake welaukwa mene inebe obogat lapukogo motok mawen halogo hisasukwa, apuni o sili ati welaukwa mene Ninopase Etage pogot inayuka aike. Ap weim mene Asa agoromi nen o sili atoma yimene timene motok apigat werekma obogat lapukogo inekiabusak en malaukwa.¹⁵Ap weim mene nen wam konelogolik pok su oba karek mene salek welaukwake weim wuluk kigilogok wam kambing domba nen unta abigat wanuwa. Nen it iapotke o Yerusalem hobuk laukwa.'iluk isike.

(At Asa Nen Hano Halogo Hisike Wene (Raj 15: 13- 15 ) ¹Ninopase Walowak areagun Azarya,Obed aput oba waike. ²At Azarya nen Asa eparak abiasusak iluk oba laikesik nen mel yogotike,' "Asa, nen hit apuni hinebe Yehuda mene nen hit apuni Benyamin mene obogat lapukogo, an nane hinasuk holino. Hat hagoromi hinom Ninopase Etage pogot en hano hagarek loigin o, hat en At heraksaluk lagen halok, At en hogo hat harakaigin at o.³Apuni Israel mene Ninopase Walowak eberogoat mene inom ineki wam mauge yikopok tikopok lagakolek inom hutik legat nen wene yogosagarek mene nen ake yogosilek nen Ane huli warek palek oba legat welaukwa. ⁴Meneat he apuni Israel mene ukum inoba aikomo,it en hobuk inapotke Ninopase Etage pogot,Walowak Israel mene oba waukwa. It en heratukwa mene nen werekma apiaukwa. ⁵Ineki atem welaukwa atiba, apuni wuli kigik usak mea welaike ati re o atoma alok iko motok logolik wene huko mene nak hagalagalarik wagalaike.⁶Apuni inukul etage omaket ake nen ake lek halogo higik nen o sili omaket ake nen o sili ake lek halogo higik lagalaukwa. Wene yi hagalaike ati re Ninopase Walowak en ukum it inoba abigat hisike. ⁷Atinogo mene at he hit, hinetauke oane tigik, hinoane lak logosak lek, arat iluk usak lek, hit en yabu hano rogo halugun oba hineki oko helogon!''⁸At wene yogosikerek mene Azarya, Obed aput nen isike mene Asa asuk holikesik at a'la hai akasike. Atiba at en tugi kaneke hogoratarek mene o Yehuda obogat nen Benyamin nen o sili lopok wanukwa ke o tom Efraim weak mene welaike amonogo waganogo wugutik lakesike. Nen at en Ninopase Etage pogot awulikin halek Ninopase awi wurik selepon oba welaike mene hanorogo auak halogo hisike. ⁹Atiba at Asa nen inebe obogat lapukogo apuni Yehuda mene nen Benyamin mene atogorinapike.At en hogo re apuni Efraim en tagomake mene, Manasye,nen Simeon mene it inom omakike o Yehuda atoma welaukwa mene atogorinapike. Apuni Israel mene inebe abigat o Yehuda waukwa ati re Ninopase Etage pogot, Walowak, en hano mene halenem ineilekan lakasukwa.¹⁰At Asa nen apuni inebe obogat lapukogo yi o Yerusalem atogosukwa tugi henagan oba warogo wam mauge 15 huli warogo at aweama hagasek welaike.¹¹ Ineki ake ati sat it en okawerek hesik wam 700 lembu sapi hisukwa nen 7.000 wam kambing domba kulok mene Ninopase Etage pogot hesik it inekiabusa en wolok waukwa mene hisukwa.¹²Atiba it en inane huli wasusak hesik Ninopase Walowak oba horogoko herarik lagik nen Ninopase Etage pogot hesik yabu halilogolik it inetauke mel nen inala mel Ninopase Walowak oba logogun iluk inane huli warogo hisukwa. ¹³It apuni inebe lopok,yekerugi ake nen apuni inalugetek, ap en a hemi nen a ake Ninopase Etage pogot, hesik yabu halusak lek halok Ninopase Walowak Israel mene nen inoasigin.¹⁴Atiba at Asa nen apuni inom en inopase Etage pogot oba inane huli hisukwa. It inane huko rogo koisukwa nen pion trompet anetigik nen wam domba oe tago mene aik wanukwa. ¹⁵It apuni Yehuda mene inane huli watukwa ati oba inala hai apik akasukwa ati. It en Ninopase Walowak opolik inetauken omaket arik, herarik lagik nen inom apiagik isukwa, atiba Ninopase Etage pogot en o atoma obogat hano halogo hisasike ati.¹⁶At inoe kain etage werek Asa hogo Maakha hesik holal palike, agosa ebe he aluge mene, at en apuni negen arat etage Asyera halogo hisike. At Asa nen apuni negen Asyerah halek ebe anogo halik halokogo liabikesik etumo o erangma Kidron atoma lolike.¹⁷ At Asa nen bunu obake warogo lolilaukwa ke ake weagatilek, mene at he at en ninopase Walowak oba awit higilek eperak hutik motok welaike.¹⁸Yimene timene opase nen okawerek hesik higin mene mel nen at higin mene Ninopase Walowak awi wurik oba hilaike, ati ebe re emas, eka perak, nen yimene timene ake wolok Ninopase Walowak awi wurik oba hilaike hilaike. ¹⁹At Asa ekiba hagasek werekolek ineki wam mauge 35 huli oba welaukwa, werekolek o atoma weim age hagalagilek hano motok welaukwa, 'iluk isike.

(Asa Adam Eperak En Inane Huli Palogo Hisukwa Wene) ( 1 Raj 15: 16- 24 ) ¹Ineki ake wam mauge 36 huli warogo nen at Asa aweama hagasek werekma, Baesa, inoe kain etage werek Israel mene nen Yehuda mene inoasigeluk isike. At ebe o sili ake Rama atoma laike nen apuni ake waganem iluk haliesik nen hobuk at inoe kain Asa aua Yehuda mene oba laike.²At Asa nen perak nen emas Ninopase Etage pogot awi wurikmo welaike mene nen ake ap inogi kaintek welagikarek oba welagarek mene inomat wanike. Ati nen at en ayabu halarek mene ake Benhadad oba lakesike, apuni Aram mene inoe kain etage pogot o sili Damsyik atoma welaike, mene wene warogo oba hisike, ³''An ho hat ho wene ninane huli palogo huok, ake an nopase ho hat hopase ho. Heileken han,an perak nen emas hat hesik higi ama. Yogotak Baesa, apuni Israel mene inoe kain etage werek heperak hinane huli palep anogo legetsan, at en an noba hesik ike mene lek asuak''⁴At inoe kain etage werek Asa nen wene warogo hisike mene anogo Benhadad asuk holike, nen ap weim mene inoe kain anogo o sili Israel werema inoasuak en 'iluk lakesike. It en o sili Iyon, Dan, nen Abel-Maim motok o larogo inoatukwa. It en hogo re o sili ato obogat lapukogo o Naftali supuruk welaike oba weim halelogolik lek halogo hisukwa. ⁵O sili Israel werekma arat inoata iluk at Baesa asuk holike, atiba at en o Rama leget wutilaike, nen yabu anogo arat harat eki kopokogo hebisike. ⁶Atiba nen at inoe kain etage werek Asa nen apuni Yehuda mene inebe obogat lapukkogo wasasike. It o sili Rama atoma laukwasik helep e Baesa leget wutilaike mene wanukwasik leget hobuk wutukwa. At Asa apuni Yehuda mene inom en helep e atoma ba o Geba nen Mizpa hesik oanero iluk halukwa.⁷Ineki ake ati sat Hanani nen Asa hagaluk waike,inoe kain etage werek Yehuda mene nen at yogotilogolik, "Asa, hat he! Ninopase Etage pogot, Walowak hat mene oba hakogo tegen nogo' we inoe kain Aram mene oba hakogo tegen agigi, ati nen hat en ap esa Aram mene inoasusak mea aga nen it arat hat heraga'aga. ⁸Apuni Etiopia nen Libia mene ap esa motok apigat nen inoane werek? esok hagarek weim halare mene nen ap wam kuda oba lagilik weim halarek mene inebe motok abik. Nen hat he Ninopase Etage pogot oba hokogo tegen, ati nen Ninopase Etage pogot en it inebe hat hekiba hike.⁹At Ninopase Etage pogot eileken o keangma yoma lanisek logolik apuni At inom hutik welaikarek mene hugi it inoane wogosikerek .Asa, hat he wene wagaten, ati nen hat yogotak weim halinok.'' ¹⁰At Asa nen Hanani ane wene weak isike ati nen Hanani eki hele warogo a'la kelakesike. Atiba nen at ebe hogo apuni o atoma mene nen tugi warogo hisukwa.¹¹At Asa nen obogat halike mene, alebat en pikit hobuk wurep oba halike mene re, holal eka oba palo hisukwa. ¹²Wam mauge 39 huli kopokogo Asa nen hagasek welaike ba, at ebe esok oa u aike. Ebe oa u weak at logoligat, at en Ninopase Etage pogot en lebenean iluk igilaike lek, meneat he we inoa hano agarek mene oba kino igilaike.¹³At Asa ebe re wam mauge 41 huli kopokogo at en hagasek werekma walaike, at ebe re opalak salinabukwa ba omakima salukwa, ¹⁴Nen apuni Asa salusak oba o keangma arat habulukwa mene re at aligat hesik he o Daud awi silimo salukwa. It en ebe warek anogo re nogo egarek oba halekma yimene timene nen ake owasi hano mene hisukwaba weinogo hisukwa, ati nen Asa hesik etu huko mene wialogo hisukwa, 'iluk isike.

(Yosafat Asa Aput Ugulukmo Inoe Kain Etage Werek Hagalaike Wene) ¹At Yosafat en Yehuda mene oane halogo hisike atiba it en apuni Israel mene inom weim halukwa. ²At opase nen, o sili Yehuda leget nen o sili Efraim sebelike ke atoma at en ap esa obogat leget haleke hisilik laike³At Yosafat ebe elege oan oba opa Daud, halelaike hake hano nak hagatelaike atiba Ninopase Etage pogot en at serogo motok welaike. At Yosafat en keangma hogoratarek mene tugi hareken ake herarik lagilek, ⁴Meneat he we Ninopase Walowak, ibi opala haga welaukwa mene nak herarik laga laike. Apuni Israel mene welaukwa hake halilagilek nen at en Ninopase Walowak ane isike mene hologo higit hogo nak hagatilaike.⁵At Ninopase Etage pogot en inoe kain etage werek Yosafat Yehuda mene oane halogo hisike. Apuni o Yehuda mene inebe obogat lapukogo okawerek hesik at wogotenem agorok eimo wulalak logolik etage werek welaike.⁶At etaiken hakogotilik Ninopase Etage pogot opolik lagalaike. At en uguluake ako waretelaukwa mene nen apuni-apuni Asyera ineki nen auak halogo hilik o Yehuda atoma hogorati laukwa mene wugutigik lakesike.⁷At Yosafat en hagasek welaike higit ineki wam mauge henagan oba hagalaikomo, at en ap inogogi ukuloak hugi o sili lopok Yehuda atoma wene yahulisoagaluk laksasike. It ati inebe re ake Benhail, Obaja, Zakharia, Nataneel, nen Mikha lauwa. ⁸At Yosafat en he apuni Lewi mene kaintek ukuloak hugi ati inebe miren hake laksasike. It ati inebe re ake Semaya, Netanya, Zebaja, Asael, Semiramot, Yonatan, Adonia, Tobia nenTob-Adonia it ake Walowak esewerek mene Elisama nen Yoram laukwa. ⁹Ap inogogi kaintek ukuloak, apuni Lewi mene, nen ap Walowak Esewerek en Ninopase Etage pogot ane tegelek hano wene warogo hisike mene anogo wolok o Yehuda mene yakulisuogoluk apuni atoma welaikarek mene inoba wolok laukwa.¹⁰It apuni inukul etage lopok Yehuda mene o eraluke welaukwa mene Ninopase Etage pogot inayuk aike, ati nen it Yosafat inom weim halusak inayugat hagalaike.¹¹It apuni Filistin mene nen okawerek hesik iluk Yosafat oko wogosuogeluk perak wolok waukwasik wogotukwa. It apuni Arab mene inebe miren hake wam Yosafat hesik wolok waukwa.It en wam kambing 7.700 huli nen wam domba kulok mene 7.700 huli nen wam kambing kulok mene at oba wolok waukwa.¹²At Yosafat ebe oane aike. At en aua o sili Yehuda atoma supuruk nikilogousak oba leget katogogo wutike. ¹³At en supuruk nigilogousak hesik o atoma abik hogo halogo hisike. Nen Yosafat en ap ake ekaragun oabut elok mene o Yerusalem yage louagaluk hisike.¹⁴Ap weim mene yi inetage halek he it inukuloak mene a'la halek welaike. Ap weim mene inatage halek yi re o Yerusalem welaukwa:Ap inougi kaintek ukuloak Yehuda nen tagomake mene inebe re yi: Ap kain ukuloak weim mene Adna nen ap weim mene esa inebe 300.00 huli nen inoabut elok hugi hagasek welaike.¹⁵At Yohanan nen ap esa weim mene 280 huli nen hagasek welaike.¹⁶At Amasia, Zikhri aput en ap esa weim mene apuni inoabut elok hugi inebe 200.000 huli nen hagasek welaike. At okawerek en Ninopase Etage pogot ayabu hagin iluk kisikesik a'la hai oba halelaike.¹⁷It Benyamin nen tagomake mene Elyada welaike, at ebe oabut elok logolik ap esa weim mene inebe 200.000 huli nen sike, tok eken, nen sin ugu at mene hesik welaukwa. ¹⁸At Yozabad he inebe 180.000 huli nen ap sike sige hago weim arat halusak oba welaukwa. ¹⁹It apuni obogat lapukogo inebe yoma re ineo kain etage werek Yosafat hesik yabu haluke welaukwa, it apuni hetakit inebe ato inoe kain etage werek en o it inaua Yehuda atoma obogat yage louagaluk hisasike. 'iluk isike.

(Ahab En Ramot Geliad Inopase Etage Pogot Ane Palek Yogosagarek Mene Ake Wene Eberogat Salek Inapeliak En Yakulisagarek Mene inoatike Wene) ( 1 Raj 22: 1-40 ) ¹At Yosafat ebe agarok eimo wulalak ebe esin hake werekma, atiba lagakogo inoe kain etage pogot Ahab hesik wene hisike mene at ebe hagalaike. ²At Yosafat en wam mauge ake kopokogo Ahab o samaria werekma oba halaike. At Ahab en Yosafat agoromi inom laukwa mene inelokoma inaganeke wam kambing Domba inaweakma warogo hisike. Atiba lagakogo at Ahab en o sili Ramot Geliad welaukwa mene inoasuagaluk ayoko hisike. ³At Ahab en Yosafat yogotelogolik, "hat neperak o Ramot Geliad inoasilamo elok a?" Yosafat en oko igilogolik, ''hano, an nagoresa hat hagoresa inom esa lapugutuok nen nit ninebe omakima arik weim haluok.''⁴At Yosafat en inoe kain etage werek Israel mene yogotilogolik, Nit en oba halilek logolik Ninopase Etage Pogot tak wene oba hinok wokuok.'' ⁵At inoe kain etage werek Ahab en ap wene yogosagarek mene inebe 400 huliba atogorinapikesi en it wene inoba hinok wogosasike, "Nit en o sili Ramot Gilead, inoasilasak elok a!' at he mea a?" Ap wene yogosagarek mene amonogo nen wene oko Ahab yogoti'logolik, Ninopase Walowak en Ramot Gilead ninoe kain hetage werek hekiba arat hike.''⁶Anogo meneat he at Yosafat en igilogolik, Ninopase Etage Pogot ageinapuri hesik wene yogosagarek mene ap ake o ati werek a?'' Wene sekek hogo yogonisoak en nit en herarik luok.'' ⁷Atiba lagakogo at inoe kain etage werek Ahab en Yosafat yogotilogolik, "Wene yogosagarek mene omaket ake hunogoat mene werek o, wene yogosagarek mene ati etage Mikha, Yimla aput. Mene re Ninopase Etage pogot en wene igin mene higit hogo ake usak lek ati nen an nen napit lagigilagi. At en an wene weak mene motok yogonerilogo, ''At Yosafat en iglogolik.'' Ahab hat en wene ari usak lek mene agen ari.'' ⁸Atiba nen at inoe kain etage werek Israel mene nen Mikha Yilma aput anogo wolok wesuagaluk ap ake ayubu halerel mene watike.⁹At Ahab, inoe kain etage werek Israel mene nen Yosafat, inoe kain etage werek Yehuda mene oguluk wabun oba eken holarekma o sili samaria kegareke kwe ape halek oba eperak inasu ap kaintek itarek mene ikogo inoguluk lopok halekma eperak erarogo hurek welaukwa, atem oba ap wene yogosagarek mene inebe obogat lapukogo nen wene hobuk hagalasigin mene hesik ikokolek, 'inougi kaintek inetage werek inebe pire ati hurek werekma ineilanem metek welaukwa. ¹⁰Ap wene yogosikerek mene etage Zedekia, Kenan aput nen posiemaken oba aik hagarek halikesik Ahab mel yogotike, "Yire ebe wene Ninopase Etage pogot ane, 'Hat en posiemaken aik hagarek ati oba ap esa Aram mene hologotigik inoatenem it inebe walasugun.''' ¹¹Ap wene yogosagarek mene ati nen wene omaket ati at yogosasukwa. It en igilogolik, "O sili Ramot Gilead lani nen hat en hoane asigin nen ninopase Etage pogot en inoe kain etage werek ekiba higin.''¹²Ati sat ap ake Mikha wasiloagaluk yoko lakesuka mene a'nogo nen Mikha mel yogotike, hasuk holin, ap wene yogosagarek mene nen wene oak omaket mene motok ega. It en he inoe etage werek elok hano asigin. Iluk egasikmore, hat en hogo it wene yogosagarek mene ega higit hogo hano asigin at iluk ino.'' ¹³Ati nen at en wene oko mel isike, "Ninopase Etage pogot eluk mene etaga oba, An nen igin e we Ninopase Walowak en ike mene higit hogo at igin o.'' ¹⁴Ati nen at Mikha inoe kain etage werek Ahab oba waike. At inoe etage werek en, Mikha mel yogotike, nit en weim o Ramot Gilead inoasilasak elok a?" elok logon mene hat hoane asigin, nen it en hat hekiba hugun."¹⁵At inoe kain etage werek Ahab en Mikha mel yogotike, "Hat en wene Ninopase Etage pogot en ike mene halok?'' Eberogoat mene sekek hogo yogo' nenok en nane ake inom at' lagakogo yogohitilagi, ¹⁶Ati nen lagakogo at Mikha nen igilogolik, "An neileken lagigi mene ap esa Israel mene tom obake lopok wuliba, eperak higit he, Kambing Domba wam konarek mene inebe lek ma yugunat lurogo lagarek ati hake hagala,atiba at Ninopase Etage pogot en wene yogonisigilogolik, 'it ati mene inoe kain ukulok lek mare,inekawerek lnebe lopok en hano tegelek inauake lopok loak.'''¹⁷At Ahab, inoe kain etage werek Israel mene nen Yosafat yogotilogolik, ''At Mikha nen wene ake hano hagalasigin 'iluk an hesik yogo neterek lek 'iluk arat yogo heti a'nogo ari, mene at he wene weak mene motok ikerek.'' ¹⁸At Mikha nen igilogolik, "Ati nen Ninopase Etage pogot ane palek ike mene yi: An neileken lagigi hak Ninopase Etage pogot ebe at mene e talekma hurek welaga higi, werekolek ap inasike werek pogot oba mene eki peike welaika nen ake eki eboke welaika.¹⁹At Ninopase Etage pogot nen ane palek oba Ninopase Walowak en yogo pelaksawagarek mene yogosigilogolik,' Hinebe ya sanen inoe kain etage werek Ahab a'la kagalumo nen at weim ap Aram mene o sili Ramot Gilead haliloak, halilaganem at ebe o aloma nen motok wasuak?' Ap Ninopase Walowak en yogo pelaksawagarek mene nen inala agasuka mene lopok wene oba liabuka.²⁰Atinogo halenem omakeat ake agoreke nen Ninopase Etage pogot oba laikesik nen mel yogotike, 'An nen erogat yogosigik!' At Ninopase Etage pogot en anema wokasike, 'Hat en ebe kino haligin?' ²¹Agorek ati nen wene oko mel isike, 'An nen ap wene yogosagarek mene inebe obogat Ahab oba laksawesigin nen ap wene yogosagarek mene atoma nen inoe kain etage werek Ahab ati wene inapeliak en yogosuak. Atinogo isikomo At Ninopase Etage pogot ane palek oba'Hanomotok. Wene ebe ati halino. Hat en hano haligin.'²²Nen, ebe ati arat hagalaike. Ninopase Etage pogot en at mene wene yogosigilauka mene amogo wenakak inapeliak en lalinaparek mene yogosuagaluk areagun inapeliak en egarek mene Ninopase Etage pogot en it inapeba hisike. At Ninopase Etage pogot en arat weagasuak iluk isikesikmo at oba arat weak hagalaike.''²³Atiba lagakogo wene yogosikerek mene Zedekia, Kenaana aput waikesik Mikha eloken lapuk hogo lakesike. At en igilogolik, Ninopase Etage pogot agoreke nen an yogonitilek he hat hoba nen yogohete ati kinogo?'' ²⁴At Mikha nen wene oko mel yogotike, Lakan, an nen igi hagalasigin ana. Nen ineki ati oba at hagalaike, hat hebe hesik lilik haua o oguluk ake a'la negen hinalasilano.''²⁵Atiba nen lagakogo at inoe kain Ahab en ap ake eyabu halerek mene nen Mikha ebe hagilik walok wesuak iluk isike, "At ebe hele warogo wolok ap o sili atoma inaweakma hagasek welaikarek mene Amon nen ake Yoas, inoe kain etage werek inoba wolok wauka. ²⁶At nen it yogosigilogolik Mikha ari ebe ineki hele warak hisagarek oba ati kelakeino. Supuruk Roti hamuluk hogo ake nen i ake inom wogono, wogorik werekma an weim halelogopik nebe tegelek hano wesigin.'' ²⁷Anogo mene at he at Mikha nen wene oko mel isike, Ninopase Etage Pogot nen wene an ake yogonete, hat hebe tegelek hano wesigin! Ai apuni obogat lapukogo, an nane igin yi hinasuk holino!'' Ahab ebe o Ramot Gilead en wasugun²⁸At inoe kain etage werek aua Israel mene nen inoe kain etage werek Yosafat aua Yehuda mene nen o sili Ramot Gilead weim halilaike. ²⁹At inoe kain etage werek Ahab en Yosafat mel yogotike, "Nit wein haluok en weni. An nen nebe inoe kain etage werek negen halilek we welakme negen haligin, iluk isike, iskesik en ap esa holek amonogo inom esa holuka, mene re hat su ap inougi kain labetarek mene labenok. "At ahab hogo lek lebegen halikesik nen ap esa holek atoma inom weim haluka. ³⁰At inoe kain etage werek Aram mene ukuloak weim kereta oba halarek inebe 32 huli. At inoe kain etage werek en igilogolik it en weim apuni hunogoat mene ake oakeba hagasogo yuguneke halusak lek. Mene at he inoe kain etage werek Israel mene ati alagat hasak.³¹Ati like Weim arat halokolek, ap ukuloak weim mene ati nen eileken inoe kain etage werek Yosafat lakasike. It inala nen at ebe apuni Israel mene inoe kain etage werek 'iluk agasukwa. It en oba horogorok waukwasik nen ebe moto wasuogoluk isukwasik en eluk hebisuka, mene at he at Yosafat ane koisike nen koisikomo Ninopase Etage pogot en lebetasike.³²It en ineileken Yosafat hasukwa hak he at ebe inoe kain Israel lek hunogoat en, it en watilek hebisukwa.³³Ap weim mene ake sike litenem eki weak mene nen tok weleke pising hogo laksasike. Togeken ati ebe Ahab at mene, su weim hagarek mene elugun oba higit halek. Atiba at Ahab en kereta oba lagelik wolok weim lagalaukwa mene mel yogosasike, "Hinaloke hebelogo nen weim halugun yiba, an noasuk hagalaga wonarek wulibini.'' ³⁴Ineiki ake atiba, wein motok huko mene halukwa. At Ahab apoke hebelaikesik kereta weim halarek mene oba nen apuni Aram mene eileken lakasike hak weim halokolek o arat homanoke mo liok isike. Atiba nen o homanoke at like at ebe walaike. iluk isike wene.

(Pelihat Yehu nNen Inoe Kain Etage werek Yosafat Wenagatike Wene) ¹At Yosafat, ineo kain etage werek Yehuda mene a'nogo ebe tegelek hano aua o Yerusalem waike. ²At Yehu, Hanani aput pelihat mene a'nogo wulibiwaike hak inoe kain etage werek Yosafat eperak apiaukwasik en mel sisike, "Apuni inoabut weak mene leberisegen ati nenahalok? apuni Ninopase Etage pogot inom inaselei welaikarek mene hat en hetabi isegen ati nanahalok? Ati nen Ninopase Etage pogot en hat wenakate ati. ³Meneat hat wene ake hoba lek hano ma hebe heluk logogin,nen hat en o atoma mene Asyera ebe hake halek wukogo lakesasigin ati, nen hat hetauken oba nen sikipogo Ninopase Walowak opolik lasak iluk haligin."At Yosafat en Ukum inoba higik kotik egarek mene ake halogo hisasike wene⁴At Yosafat ebe o Yerusalem welaike. Atima nen apuni at mene o sili Bersyebe nen pikit o Efraim punuake werekma it inebe inapotke Ninopase Etage pogot, Inopase Walowak it inopalak hogoratilaukwa mene a'nogo oba wogosek hisawesusak hesik inobake halari lagalaike.⁵At Yosafat mene ukum inoba higik kotik igilogousak mene hesik inebe o sili Yehuda inauke welaikareke lopok hisasike,⁶Nen ap ukum inoba higik kotik egarek mene inoba yogosigilogolik, 'Hit en ake halusak halok hanorogo halelogeino, hit hinebe yi apuni keangma mene ukum inoba higik kotik uguke lek, meneat he Ninopase Etage pogot mene hesik welagep o. Wene tegetenem At en setigek motok logogin. ⁷Ati nen, hit en Ninopase Etage pogot oba hinayuk hogo logousak. Hit en yabu Ninopase Etage pogot Walowak ebe elokoma nak hisikerek ati nen hit en higit hogo lalusak, At en apuni ake nak etabi nen ake abit hisikerek motok lek. Nen At en eka ake ineki nilik en wene sikipisigin mene lek asuak en iluk halerek legat.''⁸O Yerusalem he, at Yosafat mene apuni Lewi mene inebe, Walowak esawerek, nen apuni o Yerusalem welaikarek mene ukum inoba aganem ero hitigilogousak hesik ukuloak apuni Israel mene ukum inoba higik kotik uguke hesik hagalaukwa. ⁹At Yosafat en wene yinogo halelogeino iluk it arat yogosasike, "Hit en Ninopase Etage pogot hinayuk hogo logolik yiwene tiwene hagalasigin halok hinaberali lek hinetauken oba halelogeino.¹⁰Nen ake apuni inoatenem, hit en ukum ugun halok, pemerintah, ugun mene, athe ukum ake welek mene hagalaga halok, Ninopase Etage pogot oba weak halenem At en wene palilik apuni at mene ukum inoba heinogo nen hit it inelurogo yogosano.¹¹At Amarya ebe re Walowak Esewerek welaike nen at en Ninopase Etage pogot ageinapuri inoba wene sikipitenem usak hesik welaike. Ze baja, Ismael aput ebe re ukuloak inukuloak Yehuda mene inoba wene sikipitenem inoe kain etage werek oba yogotilogousak hesik welaike. Apuni Lewi mene yabu suesika oba holal palogo huke hat hesik welaike. Hinayuk lek hogo nen eberogoat mene halenem! Ninopase Etage pogot en apuni hano halarek mene serisek motok welagarek, "iluk isike.

(Yosafat Aweama Hagasek Welaike Oba Awurep Kopokogo Moab Nen Amon Mene Inomame Aike Wene) ( 1 Raj 22: 41-51 ) ¹Atiba nen arat, apuni Moab mene, Amon mene, nen apuni Meunim mene inebe miren hake nen Yosafat inom weim yabukwa. ²Apuni inebe miren hake waukwasik Yosafat yogotukwa, "Ap esa hukoba o Edom en hat hinom weim yabugun iluk arat waika. It i laut awolok lek welagarek ke tegek palogo waika nen o Hazezon-Tamar ati halok he En-Gedi yoma jage inelokoma kagalek logouwok.³At Yosafat ayuk hagalaike, nen Ninopase Etage pogot oba hinok wokegen iluk isike. Nen at en supuruk nikilek logogun ati iluk apuni Yehuda mene inebe lopok yogosasike. ⁴Apuni Yehuda mene inebe waukwasik natogotukwasik Ninopase Etage pogot en leberisoak en iluk kino yogotukwa. It inebe o sili Yehuda mene welaikareke lopok en Ninopase Etage pogot kino yogosugun iluk waukwa.⁵At Yosafat ebe Ninopase Etage pogot awi wurikmo ket halukwa oba lelukuno soulam welaike. It ebe apuni Yehuda mene Yerusalem mene natogorek werekma inelokoma metek welaike. ⁶At en igilogolik, "Ninopase Etage pogot, Ninopase Walowak ninovi nonopalak nit mene, Ninopase Walowak pogot oba welagatek mene nen apuni inukuloak etage lopok inebe obogat lapukogo welaikarek mene o yoma hekiba hagasek welagatek. Hat mene hekiba homame werek. Apuni ake omaket halok hat heilanem hangasusak motok elok lek aga. ⁷Hat hebe Ninopase Walowak Nit mene! Hat en apuni o yoma welaika mene mugusogo wulaksegen yi. Hageinapuri Israel mene ineilanem Hat en hagaten yi. Hat en o yoma Abraham en tagomake mene logouagaluk wogosegen, Hat hayak he, keang hesik esewerek it hagalarik motok logouak.⁸Abraham en tagoma ke mene o keang oba werek yi, nen Hat hetage oba hawi wurogo hega. It en igilogolik, ⁹Ukum ake nit ninowa wesigin ati ebe re ekat kawelek, at he supuruk no asigin, ati nen nit ninebe o okawerek awi wurikmo metek logogun nen hat hoba hetageba hawi wurikmo werek yi nen nit en hat hoba ninane waheto ati nit ukum ninoba werek en, atiba Hat en hasuk holik nen nit teinaime.'¹⁰Apuni Amon mene, Moab mene nen apuni tom Seir oba mene yi, yogotak hineileken lagasani, apuni Isarel mene o it werekma atoma kusak lek it apuni Israel mene o Mesir en wulibiaukwa, atiba nen apuni Israel mene nen lagakogo it ake inoasusak motok lek. ¹¹Yogotak hineileken lagasasni it en oko nit ake ninoata lek ati. It en arat waikasik nit ninaua werekma mugusogo hinawaika ari, Hat en nit arat wonisegen mene anogo.¹²Ya Ninopase Walowak nit mene, Hat en it ukum inoba higin lek a? nit en ap esa huko holek ari ninom weim yabugun iluk ninoba waika mene ninoane lek. Nit en nikinogo haluhe at ninoake palaga! Nit hat en lebenisan iluk kino yogoheto.'' ¹³Apuni Yehuda mene inebe obogat lapukogo apuni it mene ake inom, inaugi nen iageinapuri it mene inomat Ninopase Etage pogot eilanem melaukwa.¹⁴Atiba lagakogo inebe atogorek logolik wenekak ati mene ikenem Ninopase Etage pogot agoreke Yahaziel, Zakharia aput oba waike. Zakaria, Benaya aput. Benaya, Yeiel aput. Yeiel, Matanya aput. Yahaziel ati re ebe apuni Lewi mene Asaf en tagomake mene. ¹⁵Yahaziel en igilogolik, "Ninoe kain hetage pogot Yosafat nen hit ake hinebe obogat lapukogo o Yehuda nen Yerusalem welagep mene an nane hinasuk holino. Ninopase Etage ogot ane palek oba an yogonete, 'Ap esa huko holek ati hesik hajuk agun ake hoak awolok ugun nen weim halugun ati hat hinom halugun lek,mene at he weim ati Ninopase Walowak ninom yabugun!¹⁶Huen, pierik nen it inebe o aloma loak. It ati tom Ziz obake lauak. Hit en it hinom o eloke leimo auni lekma eluguno Yeruel werekma hisogon anaga. ¹⁷Hit en weim yi hinom yabusak lek. Hinebe melasugun oba metek kamoino nen Ninopase Etage pogot en telinabigin mene hineileken lakano. Yehuda nen Yerusalem mene yi sani, hinayuk agup nen hinoak abolok ugup, huen halok it hinom yabuageip nen inaweama lagik uagep, nen Ninopase Etage pogot en setarek motok logogin.'''¹⁸At Yosafat ecep awi yagasogo elokesogom eloken keang oba hakesike. Nen apuni Yehuda mene o Yerusalem welaukwa amonogo inebe obogat lapukogo nen Ninopase Etage pogot hesik etai oba hogoratukwa. ¹⁹Apuni Lewi mene Kehat ageinapuri mel nen Korah ageinapuri inebe melarik Ninopase Etage pogot etai oba hogoratukwa, Ninopase Walowak Israel mene ninopase iluk inane hokorogo at isukwa.²⁰Ohealegat hup siak hogo, Yosafat agoromi weim mene o leimo apuni lekma Tekoa laukwa. It wulipenem, at Yosafat melaikesik nen mel yogosasike, ''Apuni Yehuda nen Yerusalem mene,an nane igin ati hinasuk holini. Ninopase Etage pogot, Walowak hit mene hinetauken oba hipiritegep halok, nen hit hinebe metek motok kamougun! Ap wene yogohisagarek mene inetauken inoba hipiritegep halok, nen hit hesik hano hagalasigin!'' ²¹Agoromi inom arat wenekak isukwasik, at Yosafat en Ninopase Etage pogot hesik etai oba hogorasusak mene it yogosasike. It inebe ake wetewerogo hisilik etai oba hogorasusak mene su inogat laberek tegelek hano mene isusak nen ap weim mene inelokoke etai Ninopase Etage pogot hogoraik lasak at. ''Ninopase Etage pogot hoabut hano nen hanisek werekolek' hogotapo motok logogun!''²²It atai oba nen Ninoase Walowak hogoratokolek, Ninopase Etage pogot en ap weim esa Amon mene, Moab nen apuni tom ukul Seir en Yehuda mene inoasugun iluk waukwa mene it mawen halogo kwe palogo hisike! ²³Apuni Amon nen Moab mene nen tom ukul obake Seir welaukwa mene inom weim halukwa, it inebe motok inoarik laukwa. Apuni Seir mene inebe arat inoatukwa, apuni Amon mene nen Moab mene inoatik nen Moab mene nen Amon mene inoatik igilaukwa.²⁴Ati nen apuni Yehuda mene o leimo apuni lekma kayoma jage logogun iluk laukwa, it en ap esa huko holek werekma herageinapukwa ati, mene at he it en ineileken lakasukwa hak he ap warek keangma liok lauk sek werek welaukwa. Omaket halok ake ineluk heraksigiklek.²⁵Atiba lagakogo, at Yosafat nen ap weim mene waukwasik ap warek amonogo mene yimene timene wanukwa ati. It mene wam, inagarok yimene timene, su inogat laperek, nen inamiminggeke ato inomat milaukwa. Obogat lapukogo it mene hesik enak agilik laukwa, atinogo hagalaikomo it ake wolok wagilek. Yimene timene atoma motok elogat nogo nen he wano kolek ineki henagan oba wanukwa. ²⁶Ineki ekaminogo atiba Yosafat nen ap weim mene inom o tokwe erangma etai silomo apiaukwa, nen it etai Ninopase Etage pogot hogoratukwa. Atiba nen oguluk ati etage etai silimo iluk' hisukwa, apuni nen oguluk ati etage ilugi, "Etai silimo erangma igilugi mene yogotak ya pikit atiat werek yi.²⁷Atiba lagakogo at Yosafat en apuni inebe obogat lapukogo hagasek o Yehuda nen Yerusalem en inapoke Yerusalem laukwa inala hai apik aike nen Ninopase Etage pogot en it arat inebe hano halo hisasike ati nen it inom inaselei mene inomame lak halogo hisike. ²⁸It o Yerusalem kikilogolik etai pikon gambus, kecapi, nen Nafiri oba watilogolik Ninopase Etage pogot awi wurikmo oba higit laukwa.²⁹O sili lopok obogat lapukogo welaikareke atoma mene it inayuk he Inopase Walowak aligat oba logolik inasuk holukwa re Inopase Etage pogot en apuni Israel mene inom inaselei mene inoasigin isike. ³⁰Ati nen he,Yosafat ebe logousak oba awolok lek hagalaike, Nen Ninopase Walowak en at ebe logousak oba Yiling waling hano hago welaike. At Yosafat en huli atiba aweama hagasek welaike³¹At Yosafat en o Yehuda tokwe obogat aweama hagasek welaike. At ebe talaike nen pikit huli 35 tahun oba at en aweama hagasek welaike, nen o Yerusalem at en aweama hagasek eki 25 tahun oba welaike. Agosa etage Azuba, Silhi aput. ³²At opase hake, Asa, Yosafat en Ninoase Etage pogot eileken ma eberogoat mene halusak. ³³We, ake waretelaike mene weak halogo legetigiklek nen apuni inebe ato wene oba higitik lek logolik! It inopa lak hogoratilaukwa mene Ninopase Walowak hesik oplik lasak mea at.³⁴At Yosafat en hagarik lagalaike mene eroma nen pikit erepul oba kopokogo,suesika oba holal palogo hisukwa.³⁵Atiba lagakogo, inoe kain etage pogot Yehuda mene Yosafat en Ahazia eperak omakima aukwa, Israel mene inoe kain etage pogot en weak motok at hagatilaike. ³⁶At Yosafat Ahazia eperak en imake so warogo lauke ogolawi halogo halelaukwa. It eperak en o sili Ezion-Geber lagalogusak oba so i make warogo lauke halukwa. ³⁷Meneat he at Eliezar,Dodawa aput o meresa mene nen Yosafat yogotilogolik, "Hat arat Ahazia heperak omakima agap atiba, Ninopase Etage pogot nen hat hagaten mene weagarogo higin.'' So ogolawi hagarek amonogo weagarik laikomo o Tarsis lak oba mea hagalaike.''iluk isike.

(Yosafat Ebe Arat Walaikomo Opalak Salinapukaba Omakima Kengma Salukwa Wene)At Yoram ebe inoe kain etage werek menhisukwa wene ( 2 Raj 8: 16-24) ¹At Yosafat ebe arat walaike nen ebe warek opalak inom omakima o Daud awi silimo salukwa. At aput Yoram opase ogulukmo inoe kain etage werek hagalaike. ²At Yoram ayalak inebe re Azarya, Yehiel, Zakharia, Azaraihu, Mikhael, nen Sefaca. it inebe etem he, Yehuda mene inoe kain etage werek at Yosafat ageinapuri welaukwa. ³At Yosafat en amiminggeke motok apigat welaike mene perak, emas, nen amiminggeke hunogoat welaike mene ageinapuri supurogo wogosasike. At en hogo o sili Yehuda leget waganek mene inomat wogosasike, atonogo mene at he at inebe hubuk hesik hagasek logousak oba Yoram wogotike, nen aput makusa tago ati nen at wogotike.Yoram ebe inoe kain etage werek Yehuda mene hesik hagalaike wene⁴At Yoram ebe inoe kain etage werek hagalarik oguluk logousak oba hesik oane hagalaike, atiba lagakogo at en ap kaintek ukuloak Israel mene nen ayalak inebe obogat pisok oba motok inoatike.⁵At Yoram ebe talaike oba eki 32 huliba logolik at en aweama hagasek welaike nen at en o Yerusalem eki 8 huliba aweama hagasek welaike.⁶At Ahab halelaike hake at Yoram ebe eluk logolik ati higirat'halelaike, Ahab alogo at waganek logolik ati nen. Nen Yoram en Ninopase Etage pogot eileken oba weak'at halelaike.⁷Atinogo meneat he Ninopase Etage pogot en Daud ageinapuri mene hugi Ninopase Etage pogot en Daud hesik eperak inane huli warek welaike atiba nen ake weagarinapilaike lek ati. At en esage oak a'la kalogo welagarek mene Daud ageinapuri inom hisogo motok logouagaluk nen wogosigin iluk awok yogotike.⁸At Yoram en eki atem oba aweama hagasek werekma, apuni Edom mene Yehuda mene inaweama hagasek welaukwa mene lek iluk isukwasik it mene inoe kain etage werek inalik'mo menisukwa. ⁹Atiba nen at Yoram agoromi kaintek weim mene obogat inom nen esok hagarek kereta weim yabarek mene oba lagilik i tegek palogo o edom laukwa. Ap Edom weim mene nen Yoram agoromi kaintek weim mene inom walingirogo hisasukwa, mene re o huako Yoram eluk aike, nen agoromi kaintek weim mene inom it inoasuogeluk laukwa. ¹⁰Atem oba nen motok pikit yogotak yaba o sili Edom en Yehuda mene ninom lapukogo logousak lek iluk heksek weim palek werek ati. Apuni o sili Libna mene nen Yoram inom omakeat logousak inabit at. Yoram en Ninopase Etage pogot Walowak it inopalak hogoratarek mene haraksasikesike ati nen wene yi hake hagalarik waike.¹¹At Yoram en o Yehuda warogo loletelogousak oba punu holik oba ke wurik laike. At en apuni Yerusalem mene inebe inetauken oane halogo hisigik nen apuni Yehuda mene Inopase Walowak it inom hekhogo walegat halogo hisasike.¹²Wene yogosikerek mene Elia nen Yoram hesik wene warogo hisike: "Ninopase Etage pogot, Walowak Daud mene, hopaselak holoat aloma mene' nen hat hebe heluk welagen he hopase, Yosafat, nen Asa, inoe kain etage werek Yehuda mene hesik welaike higit heke lek, ¹³Nen hat hebe welagen he Israel mene inougi kaintek inetege werek welaukwa hake welagen. Ahab ageinapuri inom en halelaukwa hake hat en apuni Yehuda mene nen Yerusalem mene inetauken oane halogo hisegen. Hat en hogo re hat hayalak inoaten at, hat hano halelagen mare, ¹⁴Yogotak ya, Ninopase Etage pogot en apuni hat mene inom ukum huko mene hoba higin o. At en hat hegeinapuri, haugi, nen hamiminggeke obogat homan huko mene hoba higin. ¹⁵Hat hebe halukut oba u ekin mene hoba hikenem u apigat agalogolik hal a'la mene wulibiwagaloigin.'''¹⁶Ninopase Etage pogot en apuni filistin mene nen Arab mene o Etiopia eraluke welaikarek mene nen Yoram wasuogeluk waukwa. ¹⁷It en Yehuda mene inoasuogeluk waukwasik, inoe kain etage werek welagarek oba kisukwasik en amiminggeke obogat wanukwasik wolok laukwa. It en he Yoram ageinapuri ap nen augi wogosek laukwa. We Yoahas,Yoram aput hobuk mene aligat welaike.¹⁸Obogat arat hagalaikomo, Ninopase Etage pogot en Yoram ou alukut oba lek asusak mea halogo hisike.¹⁹Eki wam mauge pire warogo welaikesik en, alukut wulibiwaike ati nen at ebe ou ekin aikesik walaike.It inopalak hesik agouk hogo hogorinapelogolik halelaukwa hake Apuni nen etu huko rogo halogo higilek herakesukwa.²⁰At Yoram 32 tahun huliba nen at ebe inoe kain etage werek hagalaikesik en o Yerusalem eki wam mauge 8 huli warogo aweama hagasek welaike. Apuni ake nen Yoram walaganem hahupi ake watilek Yoram ebe o Daud awi silimo keangma salukwa,atinogo mene re Yoram ebe inougi inetage werek salinabarek oba kengma salilek.

(At Ahazia Ebe Inoe Kain Etage Werek Menhisukwa Wene (2 Raj 8 : 25-29 ) ¹Nen apuni Yerusalem mene nen Ahazia menisukwa, Yoram aput hobuk mene at ogulukmo inoe kain etage werek ket mene halogo hesukwa. Wene yi hagalaike ati ebe re at ageinapuri inaluetek negen mene arat selei o Arab en inebe omakima wagalogolik o lese wurikmo ati werekma inoatukwa. Ati nen, Ahazia, Yoram aput ebe inoe kain etage werek Yehuda mene hesik hagalaike. ²At ebe wam mauge 42 huli nen warogo aweama hagasek logousak oba hagalaike nen at en o Yerusalem aweama hagasek welaike eki wam mauge omaket watike. Agosa etage Atalya,Omri aput. ³Ahazia ebe oabut welaike re apuni Ahab mene inoabut welaukwa eperak motok higit, nen agosa nen weak haluagaluk yogotilaike.⁴Ninopase Etage pogot en lakasi hak at Ahazia oabut he weak hagatelaike, oabut he apuni Ahab mene halelaukwa higit hogo halelaike. At opase ebe walaikomo re apuni Ahab mene nen Ahazia asuk watuke hagalaukwa hagalarik wene weak mene asuk watenem inebe walasusak oba hagalarik waike. ⁵Ahazia nen apuni Ahab mene nen asuk watukwama nen inoe kain etage werek Yoram eperak laukwa, Ahab aput inoe kain etage werek Israel mene nen inoe kain etage werek Hazael Aram mene o sili Ramot Gileag inoasuogeluk laukwa. Apuni Aram mene nen weim yapelogolik Yoram tok watukwa.⁶Hazael inoe kain Aram mene eperak weim yapilogolik watukwama. Yoram oba ou haluagaluk o sili Yizreel laike.⁷Ninopase Walowak en arat hagalasuak iluk isike oba hit Ahazia ebe walasigin higit hogo at en Yoram oba laike ati, laukwa ati, Ahazia nen Yoram eperak en Yehu Nimsi aput inom apiaukwa. Ninopase Etage pogot en apuni Ahab mene hesik inoasuagaluk Yehu wetewerogo menisike. ⁸Ineki ake atiba apuni Ahab mene inoatike. At en ap inougi kaintek Yehuda mene inom apiaukwasik nen apuni Ahazia mene nen Ahazia ayabu halelaukwa. At en it inebe obogat inoatike.⁹Atiba lagakogo Yehu nen Ahazia heratike. Yehu agot at ebe o sili Samaria hinago werekma hakesukwa. It en Ahazia wolok Yehu oba waukwa. It en Ahazia ebe watukwasik en Keangma salukwa. It en igilogolik, "Ahazia ebe re Yosafat en tagomake mene, ap ati etauken oba nen Ninopase Etage pogot ane hologo halelaike. "Apuni Ahazia mene nen ake inaweama hagasek logousak mea hagalaike ati.(Atalya He Mene Kain Welaike Wene)¹⁰At Atalya, Ahazia agosa eilekan hasike re eak arat walaikomo, nen at lagalogolik inoe kain etage werek en tagomake mene motok inoarik laike. ¹¹At Yosabat en Yoas aput Ahazia wolok laikesik en inougi kaintek inetege werek inageinapuri inoatukwa mene werekma inala hinagasogo hisike ati. Atalya agaserogo Yoas ebe wolok nogo egarek oba logouagaluk hinakesike,atiba at wasusak oba lek hagalaike. ¹²At Yoas ebe ap Walowak Esewerek mene inom o Ninopase Etage pogot Walowak awi wurikmo hinago werekolek eki wam mauge 6 tahun huli hagalaike. Ineki atem welaukwa etem oba re Atalya ebe kain he mene aikesik o atoma aweama hagasek welaike ati. ''iluk isike.

(At Yoas Ebe Inoe Kain Etage Werek Menhisukwa Wene) ( 2 Raj 12: 1-21) ¹At Yoas ebe mwam mauge 7 tahun huli warogo nen inoe kain etage werek halogo hisukwa nen at en eki wam mauge 40 tahun huli warogo aweama hagasek welaike. Agosa etage Zibya aua o sili Beryeba mene. ²At Yoas en Ninopase Etage pogot eilanem Walowak esewerek Yoyada ebe eluk welaike atem huli wene hano nak hagatelaike. ³At Yoyada nen Yoas hesik augi inebe pire nen wogotike, nen it hemi atem en Yoas ageinapuri elege tageinabik nen hemi tageinabik laukwa.⁴Anogoba Yoas en Ninopase Etage pogot awi wurik weak aike mene hanorasigin iluk a'la ebetike. ⁵At Yoas en ap Walowak esewerek mene nen apuni Lewi mene wasasike. At en it yogosigilogolik, ''O sili Yehuda nen ake etake lani nen lilik apuni Israel mene wereke atoma obogat eka atogono. Eka atiba hopase Walowak awi wurik a'lake weak aga mene wam mauge ebe lopok lagakolek wusugun.'' Mene re, apuni Lewi mene nen atiba haluem at he halilek.⁶At Yoas en ap ukuloak Walowak esewerek Yoyada watike nen at en yogotilogolik, ''Yoyada, hat en apuni lewi mene yogoselen ma apuni Yehuda mene nen Yerusalem mene inebe lopok en oko hikenem atogosusak mene yogosegen lek ati nahalok? Musa Ninopase Etage Pogot aput nen apuni Israel mene nen eka inebe lopok oko hegarek mene oba o Lese wene warisasike mene hesik halelaike.'' ⁷Alebat, he Atalya eagi, he oabut weak ati nen, Ninopase Walowak awi wurik arat mesalogo laksasikesik en yimene yimene tegelek hano mene Ninopase Etage pogot awi wurikmo welaike mene it en walowak keangma mene hogoratelaukwa.⁸Inoe kain etage werek Yoas en huong ape halogo halilik nen Ninopase Etage pogot awi wurikmo leget apel etake husak iluk isike. ⁹Anogoba apuni Lewi mene nen o Yehuda nen Yerusalem welaikarek mene it Nonopase Etage pogot hesik oko wogotilogosak iluk inelurogo yogosilik laukwa. Oko wogotelogousak iluk he a Musa, Ninopase Walowak atitigeke apuni Israel mene it o leimo apuni lekma logolik hikilogouak isike. ¹⁰Ukuloak obogat nen apuni inebe obogat inala hai agasukwa. It en oko husak oba wolok huong ape palekma hetokogo hisukwa.¹¹Atiba apuni Lewi mene nen huong esalip halek mene ati ap yabu ake hanoma inoe etage werek werekma halarek mene inoba wolok waukwama ineileken hasukwa hak he a'la eka motok apik mene kalek welaike nen inoe kain etage werek eki omoke holal suesika oba haerek mene nen ukuloak ayubu huko mene Walowak esewerek waikesik he eka ati ebe heselogo wulaiwaike. Anogoba it en ineki ebe lopok halik nen eka apigat en natogotukwa.¹²Anogo nen inoe kain etage werek Yoas nen Yoyada eperak eka ati it yabu Ninopase Etage pogot awi wurikmo halelaukwa mene wogosigilaukwa. It en yabu halusak hesik inebe hobuk ake herageinabukwa nen e mene oba Ninopase Etage pogot awi wurikmo weak hagalaike mene hobuk haluagaluk inayogo hisukwa. it en hogo re yabu posie maken oba halarek mene nen tembaga mene halarek mene ninopase Etage pogot awi wurikmo haluagaluk ineki oko hisukwa.¹³Ap yabu halarek mene ati nen yabu hano halukwa ati nen weak aike mene it ineki nen hanoratukwa. It en o Ninopase Walowak awi ati alep wurik welaike hake at wutukwa nen oane werek yagasogo halukwa.¹⁴Yabu ati arat halukwasik, it en eka titelaike mene ati inoe kain etage werek Yoas nen Yoyada inoba oba wolok laukwa. It nen eka amonogo yimene timene Ninopase awi wurikmo logousak mene hesik halogo hisukwa. Yimene timene ati ninopase awi wurikmo yabu halelogousak mene hesik nen okawerek hesik warogo loletelogousak oba halukwa. It en hogo re i keraluke nen ake hunogoat mene emas nen perak halukwa. Walowak Esawere mene nen okawerek hesik warogo Ninopase Etage pogot awi wurikmo ineki ebe lopok Yoyada eluk werekma warogo loletelaukwa.¹⁵At Yoyada ebe arat yaman aike, nen wam mauge 130 tahun huli warogo ebe walaike.¹⁶It en Yoyada ebe o Daud awi silimo inougi kaintek walaganem keangma salinaparek oba salukwa. It en Yoyada o atoma salukwa ati re at en apuni Israel mene Ninopase Walowak hesik nen Okawere awi wurikmo wene hano nak halelaike.¹⁷Yoyada ebe arat walaikomo, ap ukuloak hugi Yehuda mene nen inoe kain etage werek Yoas oba waukwasik hogoratukwa. Atiba inoe kain etage werek en it inane holike. ¹⁸Inoe kain etage werek nen ap ukuloak ati nen Ninopase Etage pogot, Walowak it inopalak hogoratarek mene awi wurik herakesukwa. It en Apuni-apuni e mene ineki nen auak halek Asyera ebe hake mene hogorati'laukwa. Ninopase Walowak en apuni Yehuda mene nen Yerusalem mene inoe kain etage werek nen ap ukuloak hugi ati nen weak halukwa oba ukum inoba hisike. ¹⁹It inapoke Ninopase Etage pogot oba lasak iluk Ninopase Walowak en ap wene yogosagarek mene it inoba laksawaike, atinogo mene at he it inasuk holusak inabit hagalaike.²⁰Ninopase Walowak areagun, Walowak esewerek Yoyada aput Zakharia oba waike. Zakharia ebe it inelanem minelokoma melaike ati nen at en igilogolik: 'Ninopase Etage pogot ane nahalok en hutegep lek, ati nen hit hinala weak welagep ati. Hit en Ninopase Etage ogot herakegep atiba nen, At en hogo hit herakeinape!''' ²¹Atinogo mene at he it en Zakharia wasung iluk inoe kain etage werek ane ike mene hologo halep, it en o Ninopase Etage pogot awi wurikmo olu nen, helep oba ineki lopok watukwama walaike. ²²At Yoas, inoe kain etage werek ati nen Yoyada, Zakharia opase, at oba hano halogo higilaike mene ake oba ebetilek.Atinogo mene at he at Yoas en Yoyada aput, Zakharia ebe motok watike. Zakharia ebe oban walagilek logolik, at en mel isike, "Hat en halenem Ninopase Etage pogot eileken haike mene nen oko huak!''²³Wam mauge age warogo, ap esa Aram mene nen Yoas wasuogeluk waukwa. It en Yehuda nen Yerusalem mene inoasuogeluk wagalogolik ap ukuloak hugi ati obogat inoatukwa. It en yimene timene inekiabusak en wanukwa mene inoe kain Damsyik mene oba lakesukwa. ²⁴Ap esa Aram en inebe hamulugat waukwa, Meneat he Ninopase Etage pogot en ap esa inebe apik Yehuda mene inoasuagaluk heraksasike. At en halike ati re apuni Yehuda mene nen Ninopase Etage pogot, Walowak it inopalak mene arat herakesukwa.Ati re nenat Yoas ebe ukum oba hisike.²⁵Apuni Aram mene laukwama, it en Yoas tok hanoma watukwa mene heraksaluk laukwa. At en Walowak esewerek Yoyada aput Zakharia watikomo at agoromi ayabu halelaukwa mene nen wasugun iluk awok palukwa. It en Yoas ebe nogo egarek oba nen watukwama at arat walaike, mene re inougi kantek inetege werek salinaparek oba salilek, we it en o Daud awi silimo keangma salukwa. ²⁶Agoromi ayubu halarek mene nen Yoas wasugun isukwa re Zabad, Simeat he aua o Amon mene eak nen Yozabad, simrit he aua o Moab mene eak en wasugun isukwa.²⁷Yoas ageinapuri nen halik lagalaukwa, wene yogosagarek mene nen at hesik inane igilaukwa, nen Ninopase Walowak awi wurik a'la suesika oba holal palek mene weak asigin halok at en nikinogo halusak. ati nen Amazia, Yoas aput ugulukmo inoe kain etage werek hagalasusak.'' iluk isike.

At Amazia Ebe Inoe Kain Etage Werek Menhisukwa Wene ( Raj 14: 1-22) ¹At Amazia ebe eki wam mauge 25 warogo nen inoe kain etage werek hagalaike. At en eki wam mauge 29 huli warogo o Yerusalem aweama hagasek welaike. Agosa re etage Yoada aua o Yerusalem. ²At Amazia nen Ninopase Etage pogot eilanem wene eberogoat enak hagatelaike, atinogo mene re we etauken oba nen halelaike motok lek.³At Amazia ebe inoe kain etage werek ya metek hagalaike. Atiba nen he opase ayabu halelogolik ebe watukwa mene at en inebe motok inoarik laike. ⁴Amazia nen Musa ane isike mene holal palek welaike mene higit hogo nen ayabu halelaukwa mene inageinapuri ake inoatilek ati. Ninopase Etage pogot ane isike mene oba re, ''Ageinapuri nen weak halugun mene ineki elugun oba opase walasusak lek. Nen opase nen weak haligin mene eki elugun oba ageinapuri walasusak lek. Apuni inebe lopok en weak halugun mene ineki oko inokawerek at walasugun.''⁵At Amazia nen apuni Yehuda mene natogorogo hisasike. Atiba at en apuni inebe obogat Yehuda mene nen Benyamin mene inebe welaikarek higit hogo ukuloak 1000 nen ap 100 en halogo hisilik laike. Amazia nen it inebe eki talaukwa mene wam mauge 20 huli warogo nen abel poke mene apuni inebe 300.000 huli oba nen yihagasusak ti hagasusak inala kagausek weim sige wilik sin ugu igilik weim elok yabusak mene hugi eki wenagainapike.⁶At Amazia nen Israel mene inebe weim halusak elok hugi 100.000 huliba nen ineki oko eka 100 perak hisikesik wogoinapike.⁷Ninopase Walowak aput ake Amazia oba waike. Wene yogosikerek mene ati nen igilogolik, ''Ninoek kain hetage werek, ap ake Israel weim mene hat hinom lasak'lek nen Ninopase Etage pogot en it Efraim en tagomake mene inebe obogat hanorinabilogo'lek. ⁸Hat hesik he arat elok nomame werek agegen nen weim haligin, elok hala mea agegen mene re, Nonopase Walowak omame oba leberisigik nen weak halogo hisigik usak ana ri!''⁹At Amazia nen Walowak aput ati yogotilogolik, "An nen eka ap Israel weim mene wogosigirik'mo ati nikinogo halusak?'' Walowak aput ati nen wene oko igilogolik, ''Ninopase Etage pogot mene agarok apik ati nen hat wokosegen mene ake inomat hokorogo wokosuak.'' ¹⁰At Amazia nen ap esa Efraim mene inom omaket holukwa mene inalik'mo tetelogo hisasike. Anogo halikomo ap esa yi nen inoe kain etage werek oba wenagatik nen apuni Yehuda mene wenagasigik isukwasik, it inaua wene palik laukwa.¹¹Atiba at Amazia nen weim halusak mene hugi inebe obogat halogo nen ap esa holok wogosek o toke erang Asin weim awi halukwa. O atoma apuni inaua Seir mene ap weim mene inebe 10.000 huliba nen inoatukwa.¹²It en hogo apuni inebe 10.000 huliba nen inelukeke kenogotigik haksasukwasik it en wogosek tom helepobake wogosek laukwa, nen it inebe ati helep en yeleken tagalogo inoasuagaluk wugutigik helep uang wereke laksasukwa.¹³Ineki ake like halukwa eberak higit hogo, ap esa Efrahim mene Amazia nen weim halusak lek iluk laksasike mene inom en, o sili Yehuda mene inoasikisukwa. It en o Samari huli nen inoarik motok o Bet-Horon laukwa nen apuni Inebe 3.000 huli nen o atoma welaukwa mene nen inagarok nekiabusak en apigat wanukwa.¹⁴At Amazia apuni edom mene arat inoatikesik at aua laike. At en tugi hareken apuni Seir mene hogoratelaukwa mene wolok waikesik he o Yehuda hisike. At nen tugi harek ineki nen auak hagarek mene ati hogoratelogolik nen oasi hano mene at hesik loletelaike. ¹⁵Ninopase Etage pogot en Amazia hesik wene palike, atiba nen wene yogosikerek mene at oba lakeiwaike. Wene yogosikerek mene ati nen at yogotilogolik, ''Amazia, tugi hareken oba nen apuni hat mene ake hat hoba nen teinapelek meneat he nenahalok hat en Tugi hareken anema wanelagen.''¹⁶Wene yogosikerek mene ati nen aneba igilogolik, Amazia nen at yogotike, ''Ninoe kain etage werek asuk watelogouagaluk nit en hat ake hoguluk halogo haigilek. Hane ikehuk, an nen hat hebe hoasigin.'' Wene yogosikerek mene anogo ane igilek kamoisike, atinogo mene at he hobuk ake igilogolik, "Hat en wene yi haletik an nen hasuk wati mene holilek atiba Ninopase Walowak en hat arat hoasigin iluk ike.''¹⁷At Amazia, ebe inoe kain etage werek Yehuda mene nen inasuk watuke oba yogotike. Anogoba at en Yoas oba wene warogo hisike, Yoahas aput, Yoahas Yehu aput, inoe kain etage werek Israel mene. Amazia nen Yoas yogotelogolik, "Neperak apiasuok isike.''¹⁸Anogo nen Yoas, inoe kain etage werek Israel mene ap ake Amazia, inoe kain etage werek Yehuda mene oba wene warogo higilogolik; "Alok werek o Lebanon mene nen wene warogo e aras o Lebanon mene oba igilogolik: 'Halogo ari an naput age asuak en wonom isike.' Mene re wam maro mene ake e alok awi yako ke lagaike ati nen esok en lilibi warogo hilik laike. ¹⁹Hat hala ebetelagen he hat en apuni Edom mene arat inoati iluk agigilagen nen ati nen hat hala hai nen ebe eligik halelagen, mene at he hat hebe haua motok welagen. Hat en ukum hunigat mene ake wanusak lek. Hat en an nane watiluk halen halok, hat nen Yehuda mene motok inoasigin.''²⁰Nen, Amazia asuk holilek. Ninopase Walowak en yi mene hagalasuak iluk at en it waganogo inekiba huak, nen apuni Yehuda mene tugi hareken apuni Edom mene halarek mene inoabut waganogo hagarik lagalaukwa.²¹Nen, Yoas, Israel mene inoe ain etage werek Amazia,Yehuda mene inoe kain etage werek o sili Bet-Semes o Yehuda eperak apiaukwa.²²Israel mene nen Yehuda mene inoatukwa'ma it hese o lese wurik ke lopok wolakasukwa.²³O Bet-Semes, Yoas, Israel mene inoe kain etage werek en Amzia, Yehuda mene inoe kain etage werek Yoas aput, Yoas Yoahas aput hakesike. Yoas en Amazia wolok o Yerusalem laike nen Leget Yerusalek leget wurik mene kwe ape palek Efraim en motok pikit kwe ape palek esakoma mesalogo hisike, uan wurik agit he 400 huliba. ²⁴Emas, eka perak, nen yimene timene ato obogat o Ninopase Walowak awi wurik'mo welaike mene atoma Obed-Edom en ekiba aike, obogat wanikesik nen ake noe kain etage werek agarok yimane timana welaike oba mene wanike. Atiba at en apuni inebe miren hake ake ineki hele warogo wogosek nen o Samaria laike.²⁵At Amazia, Yoas aput, Yehuda mene inoe kain etage werek eki wam mauge 15 huli warogo welaikesik en arat Yoas, Yoahas aput, inoe kain etage werek Israel mene ebe walaike.²⁶ Wene ake hunogoat mene Amazia nen halelaike mene, alebat en pikit awurek oba holal palogo hisukwa.²⁷At Amazia nen Ninopase Etage pogot ane hililek kamoisike, apuni Yerusalem mene nen wasugun iluk awok palokolek he at hese o sili Lakhis laike. Mene at he it en apuni inebe miren hake o sili Lakhis laksasukwa nen Amazia ebe o atoma nen watukwa. ²⁸Atiba it en ebe warek wam kuda opoloa liakelik wolok waikwasik en opalak inom omakima o sili Yehuda kweang'ma salukwa, 'iluk isukwa.

(At Uzia Ebe Inoe Kain Etage Werek Menhisukwa Wene) (2 Raj 15: 1-7) ¹Atiba apuni Yehuda mene nen Uzia ebe re wam mauge 16 huliba warogo nen inoe kain etage pogot opase Amazia ugulukmo men'hisukwa. ²At Amzia ebe arat walaikomo nen ebe warek opalak salinabukwa oba omakima salukwa. Uzia nen o sili Elot hobuk wutikesik en Yehuda mene inokawerek wogosasike. ³At Uzia ebe talaike wam mauge ineki 16 huliba warogo nen at ebe inoe kain etage pogot hagalaike nen at en o Yerusalem eki wam mauge 52 huli warogo aweama hagasek welaike. Agosa etage re Yekholya aua o Yerusalem mene.⁴Ninopase Etage pogot ei'lanem Uzia nen wene eberogoat mene halelaike, ati re at opase, Amazia halelaike eperak higit hogo halelaike. ⁵At Uzia nen Ninopase Etage pogot ane hologo halelaike ati re Zakharia ebe eluk werekma. At Zakharia nen Ninopase Walowak hogoratik nen ane hologo halik igilogousak iluk yakulisigilaike. At Uzia Ninopase Etage pogot, Walowak ane hologo halelaike atem sat, Ninopase Walowak en lebetikokolek hano nak hagalarik lagalaike.⁶At Uzia nen Filistin mene inom weim haligeluk homisek inoba laike. At en leget wurik Gat, Yabne, nen Asdod, oba leget lakulogo lakesike. At Uzia nen o sili horogat o sili Asdod nen o apuni ato welaikareke o Filistin atoma wutike. ⁷Ninopase Walowak en Uzia apuni Filistin mene inom weim halik, apuni Arab mene o sili Gur-Baal, nen apuni Meunim mene inom weim halik uagaluk lebetasike. ⁸Apuni Amon mene nen Uzia oko wogotukwa. Etage apuni nen obogat ilu motok pikit o Mesir huli welaike. At ebe inelu welaike ati re o atoma at etage esin poksek o atoma at ekiba hagasek welaike.⁹At Uzia nen kayo o Yerusalem telik laike, kwe ape palek opoloa esakoma telik, kwe ape palek oba abpel poke Lebak oba telik, nen telik oba, ake eki alip halogo hisike.¹⁰At en kayo o leimo apuni lekma halike. At ako apigat ati nen At en i poke hetak'seke hawulik tokwe erang kwe hawulik isike. At en apuni yabu wanusak oba halogo hisigik nen e anggur eken abi yago ke jage logousak hesik halogo hisigik nen bunu obakwe nen keang ake mulimo at yabu halusak elok welaike ati nen halogo hisilik laike.¹¹At Uzia mene ap weim halarek awerugi sikik sekek hogo inelu aike mene we weim arat halusak oba welaukwa. It inebe re ap esa obogat suesika wanuke Yeiel en halal halogo hisike, nen Maaseya at ayubu haluke mene, ebe ati re Hananya ukuloak weim mene inoe kain etage pogot aweama welaukwa.¹²Apuni inebe 2.600 huli nen ukuloak ap esa elok mene hugi welaukwa.¹³Ukuloak it mene hasik halelaukwa re 307.500 huli ap esa weim arat halusak oba inebe motok apigat hagalaike. Ap esa yi re inoe kain etage pogot inaselei mene wasuogoluk waganem lebetasak oba welaukwa.¹⁴At Uzia nen agoromi weim mene sin ugu inogot oba lapetik, sige inekim wanik, su inogat laberek itik, sike wanik, nen elep eken alep agik lagugun mene wanik isukwa. ¹⁵Uzia nen o Yerusalem atoma apuni ake inala kagalek mene nen weim halelogousak mene hesik haluke halukwa mene ati wolok kayo telik ugut hetake-hetake hikenem sike tok nen helop huko tek lakuguke halogo hisukwa. Apuni nen Uzia ebe inelu motok welaike nen apuni wake mene nen Etage inelu. At ebe inoe kain etage werek hagalaikomo apuni nen apigat lebetigilaukwa nen oane apigat hagalaikesik welaike.¹⁶At Uzia ebe umame hagalaike, at okawerek en hogonauak halogo wene ake hunogo mene halelogolik Ninopase Etage pogot, Walowak ane hologo halilek hebisike, at ebe Ninopase Etage pogot awi wurikmo laikesik en dupa obasi hano mene wulikin habulik oba etu loligeluk halike. ¹⁷Atinogo mene at he Ninopase Walowak Esewerek Azarya nen inebe ato 80 huliba inayuk lek elok mene hugi Ninopase Etage pogot hesik yabu halarek mene ake Uzia opolik Ninopase Etage pogot awi wurikmo a'la kisukwa, ¹⁸Atiba it en "Hae, Uzia dupa obasi hano mene Ninopase Etage pogot hesik etu loletuke hat nogo. Iluk wenagatukwa. Ati mene etu lolesusak he Ninopase walowak Esawerek mene nen Harun en tagomake mene nen dupa obasi hano mene Ninopase Etage pogot hesik etu lolesusak. Uguluk tegelek hanoma yi oba nen wulibilan, nen hat he arat ane hologo halusak lek hagalaga. Wene yi halen oba nen Ninopase Etage pogot Walowak en hat augutausak oba lek hagalaga.''¹⁹Ineki ake atiba at Uzia nen obasi hano mene dupa oba werasigeluk mangkuk ekim wanike hak he' wene huko at palike. At en Ninopase Walowak esewerek mene inoba wene apigat palike, atiba nen u henako isa ei'laken oba aike. Wene ati hagalaike re Ninopase Etage pogot awi wurikmo o wulikin oguluk halekma dupa obasi hano mene weratarek oba nen hagalaike.²⁰At Azarya, ebe Ninopase Walowak esewere mene hesik uguloak werekma, nen ap Ninopase Walowak esewerek inebe obogat en ineloke Uzia oba ine'ileken lakasukwa. It en u henako isa ei'laken oba werekma lakasukwa. Ap Ninopase Walowak esewerek mene ati nen Ninopase Etage pogot awi wurikmo nen mukogo wulaksasukwa. At Uzia aligat he Ninopase Etage pogot en ukum oba hisike ati nen mukogo wulakesukwa.²¹At inoe kain etage pogot Uzia ebe u henako isa oba aike mene lek agilek motok werekolek ebe walaike. At ebe o Ninopase Etage pogot awi wurikmo ake kusak lek iluk o ake alekma kekhogo hisukwama welaike. At aput Yotam en ukuloak inougi kain tek inetage pogot welaikarek oba nen o atoma apuni hagasek welaike ati.²²At Uzia nen wene ake hunogoat mene alep at en pikit elugun oba kopokogo halik waike mene, wene yogo sikerek mene at Yesaya, Amos aput en holal palogo hesike. ²³At Uzia ebe arat walaikomo ap inetege pogot salinaparek oba eneralu salukwa ati it apuni ake nen he, "Uzia ebe u henako isa oba agama isukwa.'' Ati nen he at Yotam Uzia aput ugulukmo inoe kain etage werek ket menisukwa. ''iluk isukwa.

(At Ahas Ebe Inoe Kain Etage Werek Hagalaike Wene) (2 Raj 16: 1-20) ¹At Ahas ebe eki talaike huli nen wam mauge 20 huli kopokogo at ebe inoe kain etage werek menhisukwa. At en o Yerusalem eki wam mauge 16 huli kopokogo warogo aweama hagasek welaike. At he ebe re opalah alep mene 'Daud eberak higit hogo lek, ati re at en Ninopase Etage pogot ei'lanem wene eberogoat mene ake halilek, ²At Ahas ebe elik logolik he inougi kaintek inetage werek Israel mene halelaukwa hake ake halilek weak mene nak halik lagalaike. At en keangma mene apuni-apuni inekiba auak halogo hilik hagoratarek mene etage Baal ati mene halologo lakekilaukwa.³At Ahas en obasi hano mene dupa oba at aput mene okawerek hesik o toke erangma Ben-Hinom atoma nen warogo etu lolitike. At en apuni Ninopase Etage pogot weak halenem apuni Israel mene inoba nen mugusogo wulaksigilake mene atoma inom higit arat halelaike.⁴ At Ahas en okawerek hesik wogotilaike nen dupa bunuh oba, o bunuh obake nen e eka apik werekma warogo etu loletelaike.⁵At en atinogo halike ati nen, Ninopase Etage pogot Walowak en inoe kain etage werek Aram mene nen inoasuagalauk herakesike ati. Inoe kain etage werek agoresa inom en Ahas wasuagalauk halike nen apuni inebe apigat ineki hele warogo wogosek o sili Damsyik laukwa. It hetakit he'inoe kain etage werek Israel mene arat ekiba hisasikomo arat inebe hukoat ati re Israel mene inougi kaintek inetage werek mene inoatukwa.⁶At Pekah aput, Ramalya, inoe kain etage werek Israel mene nen Ahas watike. At Pekah agoromi weim mene inom inoatukwa re inebe 120.000 huli ap weim inanini weak mene hugi o Yehuda mene ineki ake like omaket oba inoatukwa. At Pekah nen apuni Yehuda mene inoatike ati re it en Ninopase Etage pogot, Walowak it inopalek mene heraksasukwa atiba nen inebe motok inoatukwa.⁷At Zikhiri, ebe wein anini weak aua o Efraim mene nen Maaseya, inoe kain etage werek Ahas aput watike. At en hogo re Azrikam nen Elkana inougi kaintek inetage werek welaikarek oba ukuloak welaukwa mene inoatike, it inebe re inopolike it inoe kain etage werek aweama hagasek welaike atem oba higit welaukwa.⁸Ap inasike werek Israel mene nen apuni it mene o Yehuda welaukwa mene inebe 200.000 huliba nen ineki hele warogo wogosek laukwa inebe re! hemi, hekerugi, nen it en he yimene timene oko huko mene o sili Samaria welaike mene inekiabusak en malaukwa.⁹Atinogo mene at he at ap ake wene Ninopase Etage pogot ane yogosikerek mene etage Obed o atoma welaike mene nen ap esa Israel mene o Samaria nen laukwa hak inom apiaukwasik at en it mel yogosasike, ''Ninopase Etage pogot,Walowak hit hinopalak mene nen arat eki kopologo herakhinapomo apuni Yehuda mene inoatep ati nen at en it wene hokoat wenagasasike. Atinogo mene at he hit en it inoatep atiba wene palike mene ane pikit pogot oba lagesike. ¹⁰Yogotak hit en hinala agigilogolik he apuni Yehuda mene nen Yerusalem mene ap lek hemi lek hinatitigeke halogo hisogon. ¹¹Atinogo mene at he hit hinokawerek en hogo re Ninopase Etage pogot Walowak ei'lanem weak hagatep.''¹²Anogo nen ap ukuloak Efraim mene ake inebe re Azarya, Yohanan aput, Berekhaya Mesilemot aput, Yehizkia Salum aput nen Amasa Hadlai aput, melaukwasik ap inasike werek Israel mene weim yapelaukwasik laganem ineileken hisasukwa, ¹³Nen it en igilogolik, ''Apuni Yehuda mene ineki hele warogo wogosek yoma wagup, hit en ake wogosek wagep halok he, wena ati nit en Ninopase Etage pogot eilanem weak halumo nen weak halugun mene ati hukoat hagalasinogo. Nit weak motok huko mene hagalasusak, nen Ninopase Etage pogot en apuni Israel mene inoba wenagasanogo!''¹⁴Nen apuni sike hisogo mene ati nen ineki hele warek wogosek waukwa mene nen yimene timene oko huko at mene nen it apuni ati inebe inomat it mene ukuloak wogotukwa ati. ¹⁵Arat atiba nen he Azarya, Berekhya, Yehizkia, nen Amasa melaukwasik apuni ineki hele warek mene leberisasukwa ati. Apuni Inebe ekaminogo ati nen inasu nokolek wanukwasik ake su nokolek waukwa mene wogosasukwa. Ap ukuloak mene su inoga lawerek wogosasukwa, inesok agot labetarek mene, supuruk, i hinago, it en amusu keralek inenenake watik nen inomo lek asuagaluk wogosasukwa. Anogoba nen he ap ukuloak Efraim mene nen ineki hele warek inoane lek aike mene wam Keledai opoloba liaksasukwasik it inebe wogosek o Yerikho sili e palem yago oba wogosek laukwa, atiba nen ap ukuloak inebe ekaminogo ati o Samaria laukwa.¹⁶Ineki ake apine, inoe kain etage werek Ahas en ap ake inoe kain etage werek Asyur mene oba ake lebetoagaluk yoko lakesike,¹⁷Nen apuni o Edom mene nen inapotke weim wagalogolik apuni Yehuda mene inomame lek halogo hisasukwasik apuni inepe haksilik laukwa mene ineki hele warogo hisasukwa.¹⁸Apuni Filistin mene ho nen o sili tom amake o Negeb, Yehuda ke mene o mugusasukwa. Apuni Filistin mene nen o sili Bet-Semes, Ayalon, Gederot, Sokho, Timna, nen Gimzo sebelukwa. It en ho re o sili atoma eraluke magatek mene sebelukwasik o atoma welaukwa.¹⁹Ninopase Etage pogot en ukum Yehuda mene wogosasike ati, inoe kain etage werek Ahas oabut oba nen Yehuda mene weak halukwa. At ebe Ninopase Etage pogot hogorasusak he abit welaike.²⁰ At Tiglat-Pileser, Asyur mene inoe kain etage werek waike re leberisagalok hama nen he ukum inoba higeluk waike.²¹At Ahas en yimene timene oko huko mene o Ninopase Etage pogot awi wurikmo welaike mene mel, o ap inougi kaintek inetage werek welaikareke mene mel, nen o ap yabu hukotek halerek mene inauake mene mel, nen wanikesik he inoe kain etage werek Asyur mene wogotike, atinogo mene at he atiba ake lebetigilek.²²Ineki ake atem oba re we horogat agakolek, Ahas en weak at hagatelogolik nen Ninopase Etage pogot oba hogorasusak he legat hagalaike. ²³At en okawerek hesik apuni inukul etage Damsyik mene hogoratarek oba okawerek hesik wogotike mene atarat mawen halogo hisukwa. Nen, at okawerek en okawerek at mel isike, ''Apuni Aram mene hogoratarek mene nen it leberisike. Nen, okawerek hesik an nen at wogosumo it en an lebenoak'at.'' Atiba nen it apuni Israel mene weak halukwa.²⁴At Ahas en Ninopase Walowak awi wurikmo welagarek mene atogorogo nen halok palok hogo lakesike. Anogoba at en kwe ape Ninopase Etage pogot aua mene nen wulukin o Yerusalek kwe laikarek oba esakoke halek mene kwe yagarogo hisike.²⁵O sili lopok Yehuda atoma, Ahas en tugi hareken ako warogo etu loletelogousak hesik oguluk halik laike. Anogoba at Ahas en, Ninopase Etage pogot, Walowak inopalak mene wene palike.²⁶At Ahas en obogat halike mene, alebat en pikit hobuk awurep oba, suesika oba holal palek werek. ²⁷At Ahas ebe walaikomo nen opalak salinabukwa oba omakima salukwa. Apuni nen o sili Yerusalem salukwa, atinogo mene at he it en inougi kaintek inetage werek Israel mene salinaparek oba omakima salilek. Hizkia, Ahas aput ebe inoe kain etage werek opase ugulukmo menisukwa.'' iluk isukwa.

(Hizkia Nen Isago Melagasasike Wene) ¹Anogoba Hizkia nen wene warogo apuni Israel, nen Yehuda mene wereke obogat lakesike, o Yerusalem Ninopase Etage pogot awi wurikmo, Ninopase Etage pogot, Walowak apuni Israel mene hesik isago nasak oba, Efraim nen Manasye it wesuagaluk suesika oba holal palogo inoba lakesike. ²Inoe kain etage werek ap kaintek inom omakima nen apuni o Yerusalem mene inebe obogat lapukogo nen tugi pire oba hagalaga halok isago nuok iluk awok palogo hisukwa. ³It en isago nogon iluk isukwa anogo oba isatilek, nen ap Walowak esewerek mene inebe ake tegelogo hagigilek mene apigat hagalaike nen apuni inebe o Yerusalem oan atogotilek welaukwa.⁴Inebe obogat lapukogo natogosukwasik inane amusuk katokogo palukwama inoe kain etage pogot Hizkia a'la nen hano ega iluk agasike ati.⁵Nen, it en inane amusu palogo hisukwasik Israel mene wereke obogat ilik logon isukwa, o sili Bersyeba nen pikit o sili Dan oba isukwama, apuni o Yerusalem Ninopase Eatge pogot hesik isago nogon iluk waukwa. Isago nasak oba apik-apik lek mene re we suesika oba palek eperak higit hogo halukwa.⁶Nen, ap ayabu halarek mene ati nen inoe kain etage werek en suesika palogo hisikomo nen hukoba o Isarel wereke obogat nen Yehuda wolok laike. Inoe kain etage werek ane iske hagat, it en mel isukwa: ''Hai apuni Israel mene, Ninopase Etage pogot, walowak Abaraham, Isak, nen Israel, mene oba hinapoke weni, nen Ninopase Walowak hat hoba hobuk werik eluk werekma nen inoe kain etage werek Asyur oba hebe tegelek hese wulibigin.⁷Hat hopalak hinom higit nen hat hayalak en Ninopase Etage pogot, Walowak it inopalak ane hologo halilek welaukwa, atiba At en it inayuk asusak mene hale hat heileken hegen eperak higit it hagalaika. ⁸Hopalak halelaukwa hake hukuloak helep agun, mene at he hokawerek en hebe abireke Ninopase Etage pogot wogono nen Awi wurikmo weno arat tegelogo hano halogo hike atoma moto logousak hesik nen Ninopase Etage pogot, Walowak hat mene esinetikenem hat weak hoba hagalasigin mene legetigiloigin. ⁹Hat hebe hubuk wirik Ninopase Etage pogot ane holigin halok, nen hat hayalak nen hat hageinapuri apuni nen it haksaga mene hetawi'lak hagalasigin, nen inebe o it inaua yi inaboke hobuk wesugun, nen Nopase Etage pogot, Walowak hat mene re hebe etawi nen etauken hutik welagarek. Hat en oba wesigin halok At en elo'oken lagalasigin lek.''¹⁰Yoko laksasukwa mene ati inebe o silike lopok o Efraim nen Manasye, ake o Zebulon pikit laukwa, mene apuni o aloma nen ap yoko lasasukwa mene ati inoato aukwasik nen inane sagan woksasukwa.¹¹Meneat he apuni o Asyur mene, manasye mene, nen zabulon mene inekawerek en inebe sebek hogo nen o Yerusalem waukwa.¹²O Yehuda Ninopase Walowak oane oba it inetauken oba hagalaikomo it en inoe kain etage werek aweama welaukwa mene nen ayubu halarek mene Ninopase Etage pogot ane higit hogo waukwa.¹³Tugi pire oba supuruk Roti serasap werago mene nasak hesik apuni inebe apik o Yerusalem waukwa.¹⁴It en o Yerusalem wulikin halek oba oasi hano mene tugi hareken hesik ako warogo loletelaukwa mene wugutigik laksasukwa. it en wugutigik o Kidron toke erangke lakesukwa.¹⁵Anogoba it en ineki 14 oba tugi pire holokogo it en wam isago nasak hesik wam domba watukwa. Walowak esewerek mene nen apuni Lewi mene inelali aluk it en inebe tegelogo hano halogo nen okawerek hesik warogo lolesuogoluk Ninopase Etage pogot awi wurikmo wolok waukwa.¹⁶It en inoguluk arat it hesik o Ninopase Etage pogot awi wurikmo Musa, Ninopase Walowak atitigeke nen halelogousak iluk halogo hisike higit hogo hisasukwa. Apuni Lewi mene nen mep ap Walowak esewerek mene wogosasukwa, nen mep ati wulikin opoloa ap Walowak esewerek mene nen kesalukwa.¹⁷Nen ageinapuri atoma apik at inebe soaligi lek, atiba nen apuni Lewi mene nen wam domba warogo ineki ake isago nak oba apuni inebe lopok tegeligilek welaukwa mene hesik warogo Ninopase Eatge pogot wogotukwa.¹⁸Apuni Efraim mene inebe apik, Manasye mene, Isakhar mene,nen Zebulon mene inekawerek en soaligik lek mene, nen it warogo isatukwa mene inom nasukwa, nen it inom isago nasukwa ati hake nasak lek iluk suesika oba palek welaike mene halukwa. Ati nen it hesik Hizkia nen sapan iske, ''Ninopase Etage pogot Walowak hoabut hano, Hat en apuni inebe lopok weak hagata mene leget sano ¹⁹Inetauken arat halgo hegen mene Ninopase Etage pogot, Walowak,it inopalak mene hesik heratelouak, A'la sekelek tegelek hano welagarek oba atoma anogo halarek lek ob mene we apuni ati inebe tegelek lek logolik halukwa" ²⁰Ninopase Etage pogot en Hizkia sapan isike mene asuk holikesik At en it weak halukwa mene anogo sagalogo leget'sasike.²¹Apuni Israel mene o Yerusalem welaikarek mene ineki paigoak atiba supuruk roti serasap werago nigilogolik inala hai aleken oba welaukwa. Apuni Lewi mene nen ap walowak esewerek mene nen ninhup nanhup Ninopase Etage pogot pikon oba hogorato motok welaukwa. ²²Inoe kain etage werek Hizkia nen apuni Lewi mene inebe obogat lapukogo Ninopase Etage pogot ayabu halelogousak mene hesik wene hano yakulisigilugi iluk augurinapilaike. Ineki paigoak oba it en isago nigik nen okawerek hesik warogo inom liolik nen Ninopase Etage pogot, Walowak it inopalak mene nen hono hanisek welagen iluk hai watik isukwa.²³Anogoba it en ineki paigoak oba isago nogon iluk apok wulagasogo hisukwa. Nen, it ineki paigoak atiba inala hai oba isago nasukwa. ²⁴Hizkia inoe kain etage werek Yehuda mene nen wam lembu kulok tek 1.000 huliba nen wam kambing domba 7.000 huliba nen ageinapuri ati alokop palogo nen isago noagaluk wogosasike. Ap kaintek uguloak en wam lembu kulok mene hugi 1.000 huliba nen wam kambing domba 10.000 huliba nen ageinapuri wogosasike. Walowak esewerek mene inebe apigat en yabu tegelek hano mene halusak hesik inebe soalogo welaukwa.²⁵Ageinapuri o Yehuda mene inebe obogat lapukogo, ap Walowak esewerek, apuni Lewi mene, ageinapuri inebe obogat Israel en waukwa mene, nen ap pok o Israel en waukwa mene nen inau heraksaluk o Yehuda waukwa mene, inebe obogat he inala hai apik agasukwa. ²⁶O Yerusalem en inala motok apik hai aike,nen Salomo, Daud aput,aweakma hagasek welaike huli atem sat wene yi eperak higit hogo ake hagalagilek. ²⁷Ap Walowak esewerek mene nen apuni Lewi mene melarik apuni hesik Ninopase Etage pogot kino yogotukwa. Ninopase Walowak oba it sapan ikenem At aua o pogot oba aloma nen asuk holike. "iluk isike.

(O Yerusalem Sanherib En O Latike Wene) ¹Wane Obogat hagalaike ati Hizkia nen hano hagatelaikeba, Sanherib, inoe kain etage werek Asyur mene o Yehuda mene werekma inoasigeluk waike. Sanherib nen ap esa holek o lese halogo o sili leget hake temetilik laukwa. It inebe motok inoarik nen o sili atoma sewelugun iluk at en isike.²At Sanherib en o Yerusalem inoasiwesigin isikomo Hizkia elu aike, ³Atiba Hizkia nen ap weim mene inoe kain nen ninghogo huko oane werek mene oba hesik igilogolik i elesi o silike wulibilogo mene obogat yagarik lano. It en Hizkia lebetasukwa. ⁴Apuni inebe motok apigat waukwasik nen o atoma i elesi ke nen i hamuke lagarek mene obogat jagarik laukwa ati. It en igiogolik, "nenahalok inoe kain etage werek Asyur mene yoma wisigin nen i apik yoma asigin?''⁵At Hizkia nen leget wurik ato obogat mesalaike mene hobuk arat wutike. At en opoloake ineileken logousak oba kayo menigik wutike, at en hogo re leget ake etage wutike at. At en Milo oanetisike, Daud awi silimo weim ekat kawolik nen sin ikogo lagigik a'la mene motok hukoat halukwa.⁶At Hizkia nen ap kain ukuloak weim mene hugi nen apuni it mene atogorinabusak hesik wetewerinapike, nen it o silimo kwe ape oba atogosusak hesik kino isike. At en it yogosigilogolik nen inetauken alik lek hogo, ⁷''Hit hinetauken hapukogo nen hinoanerogo. Inoe kain etage werek Asyur mene nen ap esa holek inebe motok apik ati nen hit hinayuk agup ake hinoak awolok ugup. Nen it inebe werek he hamulugat mene re nit ninebe motok hukoba welago! ⁸At inoe kain Asyur mene serisek werek ati re apuni inekiba,meneat he nit senisek werek ati re Ninopase Etage pogot, Walowak nit mene nen At en weim halenem nit hesik haligin!" Izkia Yehuda mene inoe kain etage werek en it inala akiluk hogo inoanerogo hisike.⁹At Sanherib, inoe kain etage werek Asyur mene nen ap weim esa holek inebe obogat o sili Lakhis oba horogat o lese halogo welaukwa, anogoba at en Hizkia,inoe kain etage werek Yehuda mene nen apuni obogat lapukogo o Yerusalem mene inoba ap ake yogo lakesike. Ap ake ati wene warek wolok Hizkia nen apuni obogat lapukogo o Yerusalem mene inoba laikesik, ¹⁰''At Sanherib, inoe kain etage werek asyur mene nen yinogo ike: 'O yerusalem yi arat o larogo hinoasuogoluk ikokolek meneat he namene oba hagogotegesip welagep?¹¹At Hizkia nen "Ninopase Etage pogot, Walowak nit mene nen inoe kain etage werek Asyur ekiba nit telenabigin ike ati hit hinebe walagik supuruk lek agik nen i nele agik uagan iluk apeliak en ike.'' ¹²Ukuloake warogogo loletarek mene nen Ninopase Etage pogot awulikin misalogo lakesike iluk ane oba apuni Yehuda mene nen Yerusalem mene yogosigilogolik hit en wulikin omaket oba nak hogoratelogoni nen oasi hano mene lolik igilogoni iluk Hizkia nenat halogo hisike anogo lek nogo?¹³At he hit hinokot nogo, an nopalak nen apuni inukulaok welek mene inebe obogat lapukogo hesik arat an haligi? Walowak keangma mene apuni weleke ne hogoratarek mene nen ageinapuri an nekiba telinabigin nogo. ¹⁴At sa nen walowak apuni inukuloak lopok keangma hogoratarek mene obogat arat an nopalak en weagarogo lakesukasik apuni hat mene an nekiba nen kopokogo laksasike? anogoba Hat mene hopase Eatge pogot en an nekiba nen kopokogo lakaigin? ¹⁵Hizkia apeliak en lahinapik nen hinetauken sebelik usak motok lek. At ane ati eberogota iluk usak lek nen walowak apuni inukuloak welak mene ake inetage werek welakma mene nen hat hageinapuri an nekiba nen an nopalak, kopologo laksasuka, ati nen an nen hat hoasinogo iluk hat hopase Walowak en legetigin iluk ha'la ebetun.'''¹⁶At Sanherib ayubu halarek mene hogo nen igilogolik Ninopase Etage pogot, Walowak nen Hizkia opase Walowak atitigeke oba wene palukwa. ¹⁷At inoe kain etage werek Asyur mene nen suesika oba Ninopase Etage pogot, Walowak Israel mene awok palike mene holal palike. Suesika oba holal palike mene ati ebe re yi: ''Waloloak apuni weleke hogorata mene nen apuni at mene an nekiba nen kopologo laksegen lek, anogo hagat Hizkia mene opase Walowak en apuni at mene an nekiba nen kopologo laksegen motok lek.''¹⁸It en ibrani inane oba apuni Yerusalem mene o sili leget obake werekma inayuk agik nen inetauken lek agik uak en iluk inane koigi'laukwa. It en agono halelaukwa yi o sili it en sebelugun iluk halelaukwa ati. ¹⁹It en Ninopase Etage pogot Yerusalem mene hesik igilaukwa heke eperak higit at it en walowak keangma mene apuni inukuloak hunogoat mene hesik igilaukwa, ati ebe re apuni inekiba auak hagarek mene.O Yerusalem Sanheri ekiba aikenen men lek hagalaike wene ²⁰Nen inoe kain etage werek Hizkia nen wene yogosikerek mene Yesaya, Amos aput eperan en sapan inane hukorogo pogot oba liakesukwa. ²¹Anogoba Ninopase Etage pogot nen pogot oba nen yogo pelaksawagarek mene nen inoasuak en iluk laksawaikomo weim inayuk lek inoagarek talukserah, ukuloak, nen weim mene inougi o lese halekma inoe kain etage werek Asyur a'la welaukwa mene inebe obogat lapuk hogo inoatike, nen inoe kain etage werek Asyur mene ekali aluk at aua apoke laike nen at ogareken hogoraterek oba a'la kisike, nen at ageinapuri weim ekat kawolek mene oba inoatike.²²Anogoba Ninopase Etage pogot en Hizkia nen apuni Yerusalem mene Sanherib, inoe kain etage werek Asyur nen apuni inebe obogat lapukogo inekiba nen inoasusak mene telinapike. Hizkia nen o Yerusalem ke welaukwa mene Ninopase Etage pogot en hagasek welaike. ²³Apuni inebe apigat en Inopase Etage pogot hesik wolok o Yerusalek waukwa. It en yimene timene oko uan at mene wolok Hizkia, inoe kain etage werek Yehuda mene oba waukwa. Huli ati nen pikit, apuni inukuloak lopk en Hizkia auguratelaukwa.Wam mauge awurep kopokogo Hizkia aweama hagasek welaike wene ²⁴Ineki ake like Hizkia oba ou akesik walalep mene, at en Ninopase Etage pogot oba sapan isike nen Ninopase Etage pogot en ane Hizkia oba hunigat mene at wogotike. ²⁵Meneat he, at Hizkia nen Opase Walowak hanotisike mene haiwatilek hesaksasike. Ati nen he, Ninopase Walowak en Hizkia, apuni Yehuda mene nen Yerusalem mene inoba hesik wene palike. ²⁶Mene at he Hizkia nen apuni Yehuda mene o Yerusalem welaukwa mene inetauke hatagata'gigilogolik inebe sebek isukwa, atiba nen Hizkia ebe eluk werekolek Ninopase Eatge pogot amage it inoba higilaike.²⁷At Hizkia ebe agouk pauk hogo hikenem, agarok eimo wulalak welaike. At en emas,perak,helep elage halek mene, al tagalek, sin ugu, nen yimene timene hano mene hugi higilogousak oba hesik oguluk halogo hesike. ²⁸At Hizkia nen supuruk nasi eken palek, e anggur eken ket mene aplek, nen amus at wogotenem huguke o ake sekelek welaike. At mene wam domba awi wurik welaike. ²⁹At Hizkia mene o sili werekma wam kambing domba nen lembu sapi awi wutike. Ninopase Walowak en at agorok yimene timene apigat wogotike.³⁰At Hizkia nen i larogo hilik o Gihon elugun oba abel omoke nen ako halogo abel ma,o mo eileken kopokogo kikerek ma o Daud awi silomo lakesike. Nen at en yimene timen halenem hanonak haga'lagalaike.³¹Ineki ake like inoe kain etage werek Babel mene nen Hizkia oba hunogoat elalin mene it apuni ati inoba hagalagalike ati nen wene hinok wokasak hesik lakewaike ati, at a'la wolok waike mene ikenem elu asuagaluk Ninopase Walowak en Hizkia alagat halogo hisike.³²Yihage tihake Hizkia nen halelaike nen Ninopase Walowak etawi tarilake mene suesika a'la holal palek nen a'la palek werek. ³³At Hizkia ebe walaikomo nen opalak salinabukwa oba omakima salukwa. Nen at ebe hetaksekma Daud en tagomake salinaparek oba salukwa. At ebe walaike ati sat, apuni Yehuda mene nen o Yerusalem welaukwa mene inebe obogat en at hesik hai worogo lakesukwa. Nen ugulukmo at Manasye Hizkia aput inoe kain etage werek ket mene hagalaike.'' iluk isike.

(Inoe Kain Etage Werek Manasye Welaike Wene) ¹At Manasye eki wam mauge 12 huliba nen at ebe inoe kain etage werek hagalaikesik eki wam mauge 55 huliba o Yerusalem aweama hagasek welaike. ²At en Ninopase Etage pogot eilanem a'la walok lek mene hagattelaike, wene weak mene apuni etake mene Ninopase Etage pogot en apuni Israel mene ineilanem enarat mogusogo wulaksasukwa. ³At Manasye nen ukul abake warogo loletarek obake mene at opase, Hizkia nen weagarogo lakesike. At en wulikin Baal hesik halik nen apuni-apuni Asyera ebe hake Ahab, inoe kain etage pogot Israel mene nen halelaike hake eperak higit hogo halike. At en hesagal pogot oba mene hogoratelaike.⁴At en walowak keangma yoma hogoratarek mene hesik Ninopase Etage pogot awi wurikmo wulikin halike, Ninopase Etage pogot ane palek oba isike mene werekolek at, "O Yerusalem, An netage esok motok logogin.'' ⁵Nen at en ap inase werek pogot oba mene hesik wulikin Ninopase Etage pogot awi wurikmo pire nen weitek halike. ⁶At aput mene warogo okawerek hesik o Ben-Hinom en etu lolike. At en we mera nen hagalasigin iluk halelaike,awerugi eluk mene,kinogo hagalasigin wene yogonisoak en iluk hatale inoba wene hinok apuni walaikarek mene wasigilaike. At en Ninopase Etage pogot a'la abit oba anogo halik motok lagalaike,halelaike onogo elugun oba weak hagalaike.⁷At Manasye nen apuni hake tugi hareken halogo Ninopase Walowak awi wurikmo a'la hisike, Ninopase Walowak ane palek oba Daud nen Salomo, aput eperak Okawerek awi wurik hesik arat isike mene at, ''An nen o Yerusalem arat wetewerogo higi ati o sili obogat Israel nen an netage Ninopase Etage pogot awi wurikmo higi atiba esok motok logogin. ⁸An nen apuni Israel mene keang an nen inopalak wogosasigi mene hewiluk welekma wulibinogo iluk an nen serisek motok logogin, meneat he it en An nane igin mene hologo halelogouak. Apuni Israel mene nen yinogo hagatelogeino iluk wene palek werek mene higit hogo halelogouak, halelogousak mene,nen yinogo halino iluk An nen Musa wogotigi mene it wogosoak.'' ⁹At Manasye nen apuni Yehuda o Yerusalem welaukwa mene weagarogo hisasike,atiba nen it en weak mene motok hagarik laukwa. It apuni Israel mene Ninopase Eatge pogot en mukogo walakesasike atoma inoabut elok hake mene re it ake ati inoabut motok weak welaukwa.¹⁰Ninopase Eatge pogot ane palek oba hat Manasye nen apuni hat mene hinom, meneat he hit hinasuk holusak mea hagalaga.¹¹Ati nen Ninopase Eatge pogot en ap ukuloak esa holarek mene inoe kain etage werek Asyur lakewesigin,Manasye hesik ebe hakelik eki hele posiemaken tembaga mene oba warogo wolok o Babel logon.¹²Wene ati at oba nen hagalaikomo, Manasye nen Ninopase Etage pogot Walowak en lebenean o iluk isike. At ebe Ninopase Walowak at opalak hagoratelaukwa mene awean oakwerek en sebek isike, ¹³Nen Sapan Ninopase Walowak oba halike.Ninopase Walowak en at sapan isike mene ane holike. Ninopase Walowak en wolok o Yerusalek, at ebe weagaike oba apoke laike. Anogoba at Manasye nen Ninopase Etage pogot Walowak eberogoat higi iluk hutasike.¹⁴Atinogo obogat arat hagalaikomo, Manasye nen leget abel hetake Daud awisilimo mo eileken kopogoko kikerek oba Gihon wutike, o toke erang, oba nen motok pikit ikan ape palek oba, tom ukul ofel yiling waling. at en leget ati esiale uang wutike nen ap kaintek weim mene hugi o Yehuda obogat leget waganek obake hisasike. ¹⁵At Manasye nen apuni etake mene hogoratarek mene nen tugi hareken Ninopase Etage pogot awi wurikmo welaike mene etage lek halogo hisike. At en tugi hareken Ninopase Etage pogot awi wurikmo welaike mene wulakesike nen wulikin Ninopase Etage pogot awi wurikmo halukwa mene ake ukuloake nen o Yerusalem welaike mene wulaksasike. At Manasye nen wulikin halek obogat welaike mene o sili Yerusalem en weleke wugutigik laksasike.¹⁶Anogoba at en Ninopase Etage pogot awulikin halike nen okawerek hesik inom liologo waritik nen hano hagalaga iluk warogo apolowa lolitik isukwa. At en apuni Yehuda mene inebe obogat lapukogo Ninopase Etage pogot, Walowak Israel mene hogoratilogousak iluk isike. ¹⁷Meneat he apuni atoma nen okawerek hesik punuh ukul obake mene wogotik nen it en okawerek hesik Ninopase Etage pogot, Walowak it mene wogetelaukwa.¹⁸At Manasye nen obogat halike, wesa halike mene Ninopase Walowak oba pikit lagesike. Nen ap ineleken lagagarek mene inane isukwa mene at oba Ninopase Eatge pogot, Walowak Israel mene etageba isukwa, obogat lapukogo suesika a'la palek werek oba halukwa. ¹⁹At Manasye nen sapan ikenem asuk holike mene suesika a'la holal palek werek. Nen at weak halike mene obogat lapukogo nen at aweak ati at ebe okawerek en aweama sebek igilek logolik, nen at ebe logousak oba wutike mene punu ukul obake warogo loletilaike mene nen apuni-apuni Asyera ebe hake hagarek mene suesika a'la palogo hisukwa. ²⁰At Manasye ebe walaikomo opalek salinabukwaba salukwa. It en Manasye ebe okawerek welaikeba salukwa. Amon, Manasye aput ogulukmo inoe kain etage werek ket mane melisukwa. Amon ebe inoe kain Yehuda mene hesik hagalaikeInoe Kain etage werek Amon welaike wene ²¹At Amon ebe eki wam mauge 22 huliba warogo nen at ebe inoe kain etage werek Yehuda mene hesik hagalaike. At ebe inoe kain etage werek o Yerusalem mene hesik hagalarik eki wam mauge pire huliba warogo welaike. ²²At Amon en Ninopase Etage pogot eilanem weak enak halelaike,at opase, Manasye halelaike eperak higit hogo at halelaike.Amon nen Manasye apuni-apuni halike mene wam warogo haogoratilaike, at opase nen apuni-apuni halek ati hogoratilaike. ²³At Amon ebe Manasye Ninopase Etage pogot aweama sebek isike hake sebek igilek, at opase okawerek en sebek isike, Amon mene aweak motok apigat hagalaike.²⁴Amon atitigeke mene nen wene palikesik nen okawere ebe welaike oba wasigin iluk a'la ebetike. ²⁵Apuni Yehuda mene nen atitigeke mene inoe kain etage werek Amon wasugun isukwa mene amonogo inebe obogat inoatukwa. Anogoba it en Yosia,Amon aput wetewerogo hilik inoe kain etage werek ket mene melilisukwa, ''iluk isukwa.

Inoe kain etage werek Yosia nen o eloken hanotisike wene ¹At Yosia ebe eki wam mauge 8 huliba nen inoe kain etage werek hagalaike. At ebe inoe kain etage werek hagalaikesik eki wam mauge 31 huliba o Yerusalem aweama hagasek welaike. ²At en Ninopase Etage pogot eilanem hano nak hagalelaike, nen opase Daud halelaike hagat higit, opalek at mene nen, Ninopase Walowak en weak mene hagatelogeinogo iluk iseke mene higit hogo at halelaike. ³Ineki wam mauge 8 huliba Yosia ebe inoe kain etage werek hagalaikesik aweama hagasek welaike, at en Ninopase Walowak ane palek higit hogo halelaike, Daud hogoratelaike mene, at opalak mene. Ineki wam mauge 12 huliba at aweam hagasek werekolek, at en tom ukul oba ke ako waretelaukwa mene legetisike, apuni-apuni Asyera ebe hake hagarek, nen tugi hareken inekiba auak haligik apuni hake halogo alake kelagigik o Yehuda nen Yerusalem atoma welaike.⁴Wulikin hagarek nen oguluk oasi hano mene hareken Baal mene hesik loletarek obake at Yosia eilanem it en weagarogo laksasukwa. At en halogotik nen e mene apuni apuni hagarek hogoratelaukwa yeleken tagalogo lakesik, apuni apuni inekiba hagarek mene mel, nen apuni apuni hagarek oba opoloake kesalarek mene apuni atoma mene hogoratilaukwasik en arat walaukwa mene salinapukake opoloa pilelogo lakesike ati. ⁵At Yosia nen hareken Baal esewerek logolik yabu halelaukwa mene inoak wulikin halek oba ke etu lolik laike.Yehuda nen Yerusalem eloken soalusak oba hesik he atinogo halukwa.⁶At Yosia nen hagatelaike mene wene eperak higit he o sili Manasye, Efraim, Simeon, den kwe ebela o sili Naftali, we ya kake arat weagarogo hilik wagalaike. ⁷At Yosia nen wulikin halek obogat nen Asyera ebe ineki nen auak hagare weagarogo laksasike. At en Tugi kaneke halogo hilik hogoratarek mene motok weagarogo laksasike, o Israel obogat en haren Baal ati hesik hogoratilogolik oasi hano mene lolletilaukwa. Anogoba nen at ebe apotke o Yerusalem laike.⁸Inoe kain etage werek Yehuda mene nen aweama hagasek werekolek ineki wam mauge 18 huliba kopokogo hagalaike, at en o atoma nen Ninopase Walowak awi wurik arat soalogo hisike, at en Safan lakesike, Azalya aput nen Maaseya, ebe o sili ati eki hago welaike ake Yoah, Yoahas aput, wene hagalaike mene holal suesika oba paluke, Ninopase Walowak awi wurik weak aike mene hanoratik nen wutik usak. ⁹Ninopase Walowak awi wurikmo nen eka wolok waukwa mene Walowak esewerek ebe yabu huko welaike mene Hilkia ekiba hisukwa. Eka ati ebe apuni Lewi mene kwe ape oba jage welaukwa mene nen atogotukwa. It en eka ati atogotukwa re apuni Menasye, Efraim, nen apuni Israel mene obogat lapukogo ake inebe hamulugat Yehuda mene obogat inom,Benyamin nen inebe ake obogat lapukogo o Yerusalem welaukwa.¹⁰Anogo nen eka ati ap Ninopase Walowak awi wususak oba yabu halenem jage logogun mene hesik inekiba hisukwa, at jage welaike mene ati nen Ninopase Etage pogot awi wurik weak aike mene halukwa mene ineki oko supurogo wogosasike.¹¹It en eka ap o eba wutarek mene nen helep inekiba auak hagarek mene oko wanarek mene nen e ake Tupai-tupai nen e nukulik lakusak oba mene o wurik inoe kain etage werek Yehuda mene nen haraksasike mene halusak hesik ineki oko hisukwa.¹²Inawerali lek yabu halarek mene. It mene hesik hagalarik jage hagasek welaikarek mene re Yahat nen Obaja Merari nen tagomake mene ebe a Lewi mene. Jage welaikarek mene inebe ake re Zakharia nen Mesulam Kehat en tagomake mene. Nen apuni Lewi mene Pikon wato inetaiken sekesek mene, ¹³Nen yabu halokolek jage welaikarek mene ake nen o wutenem inom halarek mene inebe obogat lapukogo nen ake yiyabu tiyabu inom lapukogo halelaukwa. Apuni Lewi mene inebe ake miren hake suesika holal halike halogo hsaukwa, yabu haluke woginapukwa, nen kwe ape oba jage welauke woginapukwa. (Suesika Holal Alep Palek Mene Inekimo Aike Wene)¹⁴Ineki ake apuni Lewi mene Ninopase Etage pogot awi wurikmo eka wanukwa, Walowak esewerek Hilkia Ninopase Walowak en Musa oba wogotike mene anogo wanike. ¹⁵At Hilkia nen Safan mel yogotike, suesika oba holal palerek mene ati, ''Hilkia nen suesika palek ati safan wogetelogolik," Ninopase Etage pogot awi wurikmo werekma an neperak apiago. ¹⁶At Safan en wolok inoe kain etage werek Yosia oba wolok waike nen inoe kain etage werek yogotilogolik, hat hagoromi nen it yogosegen anogo obogat lapukogo hesik arat hagata.¹⁷It en eka Ninopase Etage pogot awi wurikmo mene wanukwasik nen it yage welaikarek mene nen yabu halarek mene wagosasukwa.'' ¹⁸Anogoba Safan nen inoe kain etage werek Yosia mel yogotike, "Walowak esewerek Hilkia nen hogo re suesika holal palek yi an wonete.'' anogoba safan en suesika palek ati inoe kain etage werek eilanem en atage sala. ¹⁹Nen inoe kain etage werek Yosia nen halelogousak mene inane palek ati etage salenem asuk holike, it en asu ogat laberek mene awologotasike.²⁰Anogoba inoe kain etage werek en Hilkia, Ahikam, Safan aput, Abdon, Mikha aput, suesika haluke Safan, nen atitigeke mene etege Asaya, arat yinogo halino iluk yogosasike, ²¹An hesik mel Apuni inebe obogat lapukogo o Israel werek mene nen o Yehuda mene hesik Ninopase Etage pogot en wene ake sekek hogo yogohisoak en''lani. Wene suesika oba holal palek mene herata onogo oba werek mene ati hinok wanino. Nit nopalak en Ninopase Etage pogot ane palek oba higit hogo halilek halukwa oba Ninopase Etage pogot en nit awit lanisike. It en yinogo tinogo halelogousak iluk suesika oba a'la holal palek mene halilek harasasukwa ati.''²²Hilka nen apuni inom laukwa mene amonogo Nabiah Hulda, Salum age oba laukwa. Salum Tokhat aput, Tokhat Hasra aput, at ebe wesa halelogolik su inogat oba lebetelogousak mene hesik yabu halelaike. Hulda ebe o Yerusalem horogat eralu welaike. Hilkia nen inoe kain etage werek atitigeke mene inom en wene hagalaike mene Hulda yogotukwa.²³Anogo nen Hulda nen it mel yogosasike, "Ninopase Etage pogot, Walowak Israel mene ane palek werek higit hoho: yino yogosano apuni ake nen hat hinom apiano iluk yogoneta. ²⁴Ninopase Etage pogot ane palek he yinogo,o oguluk yi nen yoma welagep mene An nen weagatinabigin, ake re homan obogat lapukogo suesika oba holal palek werek mene inoe kain etage werek Yehuda mene nen arat etage sale, ²⁵Apuni Yehuda mene nen An harakana nen it inekiba nen ake hunigat keangma yoma hogoratarek mene oasi hano meneba loleta atiba An nanini namage laike. Atiba re An nen ukum uguluk yi weak halogo higin agigi mene legetigin lek.'²⁶At inoe kain etage werek Yosia nen igilogolik o Yehuda nen Ninopase Etage pogot en uagen iluk an lakanugun, mene hat en at mel yogono, Ninopase Etage pogot Walowak Israel mene ane palek werek higit hogo hat hasuk holen mene re yi, ²⁷Ninopase Etage pogot ane palek oba hasuk holigin he' oguluk yoma mene hesik nen yoma welaikarek mene hesik ikenem hat hala weak agik nen Ninopase Etage pogot aweama sebek igik igin, hat hebe an neilanem hat hebe sebek igik nen hat hasu hogat lawerek mene awologotigik nen ake an neilanem le agik igin. Nen, an hat hesik nasuk holigin, Ninopase Etage pogot Walowak ane palek oba anogo werek. ²⁸Eberogoat mene an nen hat hopa lak nen hat hebe hesik he wene koge inala hano oba keang a'la salaugun. Weak mene ake an nen lakeiwaganem oguluk yi nen inebe welagep mene hineileken ake motok hogon lek.'' Hilkia nen ap ake inoe kain atitigeke mene wene warek ati wolok inoe kain etage werek Yosia oba waukwa.²⁹Anogoba nen at inoe kain etage werek Yosia nen ap inaluetek hugi o Yehuda nen Yerusalem mene inebe obogat lapukogo wirik at inom weneka ake usak iluk wasasike. ³⁰At Inoe kain etage werek nen ake apuni Yehuda mene nen o Yerusalem welaikarek mene, ap Ninopase Walowak eswerek mene, apuni Lewi mene, nen apuni inebe obgat lapukogo, inaluetek en pikit yekerugi huli o Ninopase Etage pogot awi wurikmo laukwa. Yosia nen it inebe obogat lapukogo mene hesik inane suesika oba holal palek mene anogo Ninopase Etage pogot awi wurikmo werekma arat wanike.³¹At inoe kain etage werek ebe melalaikesik en Ninopase Etage pogot eilanem ane huli warogo hisike. An nen Nnopase Etage pogot opolik lagalogogin nen Nopase Etage pogot en halelogouagaluk halogo hisike mene higit hogo hagatelogogin, nen halogo hisike mene netauken oba nen na'la oba nen higit hogo hagatelogogin igirik nane huli palek suesika oba holal palogo higi ati. ³²Atiba nen lagakogo at Yosia nen apuni inebe obogat o Yerusalem welaukwa mene nen Benyamin nen inane huli palek an wanigin iluk isike ati. Nen apuni o Yerusalem welaikarek mene nen Ninopase Walowak, Ninopase Etage pogot it inovi inopalak mene ane huli warek hisike mene higit hogo hagatelaukwa.³³Apuni Israel mene nen hogoratarek mene tugi hareken o sili lopok obogat welaike nak, mene re at Yosia nen obogat lapukogo leket sasike ati. At en apuni Israel mene inebe obogat lapukogo Ninopase Etage Pogot, Walowak it mene, hogoratelogousak iluk yogosasike. Nen at Yosia ebe eluk welaike atem oba, it en Ninopase Etage pogot, Walowak it inovi inopalak hogoratarek mene nen ake herakgilek hogorato motok welaukwa. ''iluk isike.

Yoahas ebe inoe kain etage werek welaike wene ¹It apuni o atoma mene nen Yoahas Yosia aput elokoma laukwa, nen at ebe opase ugulukmo inoe kain etage werek o Yerusalem mene hesik hagalaike. ²At Yoahas ebe welaike eki 23 tahun huli ebe inoe kain etage werek Yehuda mene hesik hagalaikesik at en eki tugi henagen oba warogo hagasek welaike.³At inoe kain etage werek Mesir hagasek welaike mene o Yerusalem en lek halogo wulakesukwama o atoma mene nen wulakesukwa ati hesik oko eka 1000 talenta perak mene nen ake 1 talenta eka emas hisukwa. ⁴Anogo halukwama at inoe kain etage werek Mesir mene ati nen Elyakim menisike, Yoahas ayak,inoe kain etage werek Yehuda nen Yerusalem mene hesik hagalaike. Anogo nen Nekho etage hobuk mene Eliakim en Yoyakim hagalaike nen ake Yoahas abel make Nekho o Mesir laike. Yoyakim inoe kain etage werek Yehuda welaikeYoyakim ebe inoe kain etage werek welaike wene ⁵At Yoyakim ebe 25 tahun huli oba at ebe inoe kain etage werek hagalaike nen 11 tahun oba at en o Yerusalem aweama hagasek welaike. At en Ninopase Etage pogot, Walowak eilken oba weak hagatilaike. ⁶At Nebukadnezar, inoe kain etage werek o Babel mene nen o Yehuda mene inoatikesik en Yoyakim eki hele posiemaken tembaga mene oba hematikesik en wolok o Babel wolok lasak oba halike. ⁷At Nebukadnezar en o Ninopase Etage pogot awi wurikmo welaike mene wanikesik en wolok o Babel hogoratarek mene auak halekma hilaike.⁸At Yoyakim obogat lapukogo hagatilaike mene, nen o eloken wegagaro higilaike. Atinogo hagatilaike mene suesika Alkitab oba holal palukwa. Yoyakhin, Yoyakim aput agulukmo ebe inoe kain etage werek halogo it welaikarek oba menhisukwa.(Yoyakhin Ebe Inoe Kain Etage Werek Hagalaike Wene)⁹At Yoyakhin ebe wam mauge eki 18 huli oba inoe kain etage werek o Yehuda mene hesik hagalaike nen at en o Yerusalem aweama hagasek logolik tugi henagan watike eki o hiko weiko ikokolek 10 huli hagalaike. At Yoyakhin en Ninopase Etage pogot eileken ma wene weak mene hake nak hagatilaike. ¹⁰Ineki ake wam mauge kopokogo laikomo ake oba inoe kain etage werek Nebukadnezar en at ayabu halarek mene inebe miren hake Yoyakhin wolok o Babel wesuagaluk laksasikomo Ninopase Etage pogot awi wurikmo ake hano mene inom wolok waukwa. Nebukadnezar en Sedekia,ayak opase Yoyakhin inoe kain etage werek ket mene hesik o Yehuda nen Yerusalem halogo hisike. Sedekia ebe inoe kain etage werek Yehuda hesik hagalaikeAt Inoe Kain etage werek Sedekia werek oba Yehuda mene logousak oba arat awolok isike wene¹¹At Sedekia ebe welaike eki wam mauge 21 huli kopokogo inoe kain etage were welaike nen wam mauge 11 huli kopokogo at en o Yerusalem aweama hagasek welaike.¹²At Sedekia nen Ninopase Etage pogot eileken ma weak enak hagatilaike nen at en wene yogosikerek mene Yeremia ne arat at eilanem Ninopase Etage pogot ane palek yogosigilaike. O Yerusalek etage lek hagalaike¹³At Zedekia apot etenogo lakei waikesik inoe etage werek Nebukadnezar eperak isukwa ati arat at hesik Ninopase Etage pogot etage palogo higit hogo hagateloigin iluk hane eberogat mene in isike. Meneat he,at Zedekia ukulak helep aike, it etauken abireke aike nen oabut hebelarik ninopase Etage pogot, Walowak Israel mene oba lasak mea aike. ¹⁴It ukuloak Walowak Esewerek nen ukuloak apuni Yehuda mene apuni ake inebe obogat Ninopase Etage pogot inom heksek motok welaukwa. O Yerusalem, it en apuni etake mene inoabut waganogo nen Ninopase Etage pogot awi wurik arat Ninopase Etage pogot en tegelogo hisike mene eloken weagarogo hisukwa.¹⁵Ninopase Etage pogot, Walowak it inopalak hogoratilaukwa mene, ap ake nen apuni ati hesik inelutuagaluk lakesike ati. At en apuni nen okawerek awi wurik etabi nen halike. ¹⁶Atinogo meneat he it en ap Ninopase walowak ane yogosagarek mene ati nen wene yosikenem inasuk holusak inabit. It en Ninopase etage pogot ane inanesagan wogosigilaukwa, atiba nen Ninopase Walowak en ukum it inoba hisege nen ake hano halogo hisigilek.¹⁷Atiba, Ninopase Walowak en inoe kain etage werek Babel mene nen apuni Yehuda mene nen Yerusalem mene hesik inoasuagaluk lakeiwaike.Inoe kain etage werek ati nen ap elege hugi o Ninopase Etage pogot awi wurikmo nen sige oba inoatike. At en etabi hisigilek, at en ap elege mene inalugetek mene nen,ap hemi inoatike. Ninopase Walowak en apuni Yehuda mene Yerusalem mene Nebukadnezar en ukum inoba huagaluk heraksasike.¹⁸At Nebukadnezar en o Ninopase Walowak awi wurimo a'lake welaike mene obogat wolok o Babel waike. At en yimene timene hano mene Ninopase Etage pogot awi wurikmo, inoe etage werek mene obogat wanike, ¹⁹Nen at Nebukadnezar agoromo weim mene inom en Ninopase Etage pogot awi wurik o hali hisukwa nen o Yerusalem leget wurik mene lapukogo hisukwa.It en hogo leget wurik obogat hali halik nen yimene timene oba hano hagarek mene etage lek halogo hisukwa.²⁰At Nebukadnezar en apuni ineluk heraksasukwa mene inabotke wogisek o Babel waike nen it inebe ayabu haluke halogo hisasike. It inebe o Babel yabu halelouagaluk sisaukwama halo werekma o Persia mene inebe logousak oba oane aike. ²¹Atiba, Ninopase Etage pogot ane palek oba wene yogosikerek mene Yeremia oba isike a'nogo eberogoat hagalaike, Ineki ati oba keang puk arik abi yasusak mea agik,o atoma yabu halilek ineki saralogo welagik, ikokolek wam mauge yikopok tikopok lagakolek ineki 70 huli oba hagalaike.At Koresh en apuni o etage welaukwa mene hobuk inaua wesuak isike wene ²²Ineki wam mauge omaket warogo at Keresh welaike oba higit, inoe kain o Persia werekma, Ninopase Etage pogot en Koresh a'la kagalike, at inoe kain Persia mene ati nen Ninopase Etage pogot ene palek Yeremia isike mene ati higit asuak en iluk, inane oba yi yogosik suesika palek oba yogosigik obogat lapukogo inoe kain Koresh wereke ilik laukwa: ²³Koresh,inoe kain etage werek Persia mene a'nogo nen ane igilogolik, o keangma yoma logousak oba Nipase Etage pogot en an arat wonete, Nopase Walowak pogot oba mene eageba. At en an At aua o Yerusalem wusuagaluk yabu wonete, ebe o Yehuda atoma. At ageinapuri hit hinebe ake, Ninopase Etage pogot, Walowak, hanotinapelogouak, at ati lilik wesuak!'' iluk isike.