¹Pawla, Isu Krista i miseaung amtaw thau nai lawn ai nai palau nai, Tamiuh i satang kahawi thuipi ai nai khai tathra nai ly, ²huni satang kahawi mymy i chapo achi i Areng Isu, ³Krista i molam ly Tamiuh my jangni y mymy i cha-iu kachai y ly ni mymy i amochi i labeaung y adeu bo; ni ly mymy i tlang mang y ly Davida i kangpreng y tapen nai ne,⁴naibaly chai naira phailo mang y ly Tamiuh i chapo ne, na nai ly kadeichi theung i nai angthau bi nai deaungkho y sa thai naira y khri pa-rei pany hai bo; huni ly Isu Krista achi i Areng ne; ⁵mymy i amyn deaungkho y cheng cheaungkhang theung i khumichi ai ly ym naira patawm hai ai nai, kaichi ly mymy deaungkho y pahenra hawi amtaw thau nai keung lawn ai naira py nga bo, ⁶hunichi theung y ly nangchi ai py Isu Krista i lawn ai nai angpalau nai ne.⁷Rom avang i Tamiuh i ngai parai nai, khumi kachai lawn ai nai palau naichi bawi bawi teng y, Tamiuh achi Ampo hawi Areng Isu Krista teng i dengdairei pahenra hawi awm nem naira ly nangchi teng y awm sy. Kawn nai my chiu sa nai ⁸Nangchi i ym naira ly khaileaung prie verei y amthang nai deaungkho y kai ly nangchi i bawi bawi tlang tleaung y Isu Krista i saho y kai i Tamiuh teng y kawn nai leu kathui man me nai ne. ⁹Naibaly kai ly kai i chiu sa naira y ly anaw y naimy nangchi i amyn katabawi jo jo, ¹⁰Vai nangchi teng y kang jeu ai nai Tamiuh i kangai y ati mo ra y py neng ka-vo kanga thai ai nai kahnei, na nai mymy i Chapo i satang kahawi y kai i phailo y mymy i kalup kasa reng nai Tamiuh ly kai ai pany nai keung ne.¹¹Naibaly nangchi ly khaw pa-rei awm thai ai nai, phailo mang i ati ti pei nai ly nangchi ai phy nga hai thai ai nai , kang niu ai nai khri pa-rei ngai na; ¹²Ati mana nai mo na baly nangchi i ym naira hawi kai i ym naira my achi vanrei awm hai nem thai ai nai kangai nai ne.¹³Naibaly amjo amnauchi awi, Cheng takhra takhrachi theung y kai i athai kanga nai kamta ly, nangchi theung y py athai kanga thai ai nai kai ly nangchi teng y tlen neang neang kang jeu ai nai tau bo, na nai nangchi pany y ai nai kangai y leang, nai i py vai khrairei kai ai ang paka jo jo. ¹⁴Kai ly krikchi hawi Cheng takhrachi teng y py, khumi kachengchi hawi cheng y naichi teng y py kalai awm. ¹⁵Hunaibaly kai ly nangchi Rom avang y awm naichi teng y py satang kahawi ly pajau nai ryrei thuipi ai nai kangvei rym nai ne. Satang kahawi i sa thai naira ¹⁶Kai ly satang kahawi ai ly kakaji hai y leang, huni ly ami py ym nai ngierei i vui ly paheng ai naira lawn ai nai Tamiuh ati ti sa thai naira ne; angchei y ly Judachi i vui ne, naibaly krikchi i vui py ne teang. ¹⁷Naibaly ym naira veang ryh veang ryh ai nai, huni ra y ly Tamiuh i hawi nai sai amteng hai nai ne, "Khumi kahawi ly ym naira y heng ai," na nai tajyh nai kamta. Khumichi i kangmo ¹⁸Leu meitang ai hawi y naira y paka nai keungchi i Tamiuh ai tahm khai y naira hawi, hawi y naira bawi bawichi i tlang tleaung y py kani prie mang i dengdairei Tamiuh i kado theu naira amteng nai ne; ¹⁹Tamiuh my nichi ai pany hai chum veng nai deaungkho y Tamiuh i satang pany ai nai ly mymychi i paleung y pany hai nai awm lawh veng.²⁰Ati mana nai mo na baly mymy i ati ti niu thai y nairachi ly, khaileaung palum angchei kha i dengdairei chai pyn pa-rei my niu hai nai bo, ati ti sa naira y amteng nai ne; huni ly mymy i deaungtasarei ati ti sa thai naira hawi, mymy ly Tamiuh ne nai sai py; hunai deaungkho y nichi ly akhi ai naira ngo y leang: ²¹Nichi ly Tamiuh ai pany u iy, mymy ai ly Tamiuh kamta tahm py khai u y, kawn nai leu py thui u y, nichi ly sai py ny y nai dawn u lawh i, mymychi i pany thai naira by y nai paleung ly veng bo.²²Nichi ly kacheng apalawn u iy kamthu y lawn veng, naibaly dei thai y nai Tamiuh i nang parai naira ai ly dei thai nai khumichi hawi, ²³tavochi hawi, mawi kheu palyhrei awm naichi hawi, ava naichi i myn hawi py katheung u bo.²⁴Hunai deaungkho y Tamiuh my mymychi i tlang y angji ngailai pa-rei asa u ai nai, mymychi i paleung i ngai phi teng y nai kamta ati ti chai y naichi sa ai nai au lawh iy hi pi vui bo; ²⁵nichi ly Tamiuh i leu meitang ai ly ka-chawi hawi katheung iy, sa nai keung ai chiu nai tleaung y ly mymy i sa nai ai chiu iy huni i kalup sa u lawh. Sa nai keung ai ly deaungtasarei palo nai ne, Amen.²⁶Huni deaungkho y Tamiuh my nichi ai angji ngailai pa-rei paleaung ai nai au lawh iy hi pi vui bo; mymychi i neampachychi py mymychi i awm nai reita tapen nai ly reita kamta awm u y i, takhra sa u veng bo; ²⁷neampachochi py neampachychi ai reita kamta teaung nai ly anawn vui iy, khri pa-rei paleaung nai nichi leaung leaungrei angai leungtang iy, neampacho tengtawi hawi y parai pa-rei my asa u i, mymychi i kangmo vang nga ai nai ly mymychi y nga u bo.²⁸Naibaly nichi ly Tamiuh ai pany ai ngai u y nai deaungkho y, ati ti apu y naichi sa ai nai ly mymy ai ngai y nai paleung awm ai nai au lawh iy, Tamiuh my hi pi vui bo;²⁹Hunaibaly hawi y nairachi, kangmo nairachi, atakawi nairachi, taphra ai ngai nairachi bawi bawi my kawi u veng bo; paleung no nairachi, khumi ai padei nairachi, ajo naichi, tapawp naichi, awm nai sai hawi y naichi my kawi u veng bo; ³⁰arum paviu atyh tyh naichi, khumi ai preaung naichi, Tamiuh ai niu ngai y naichi, kamlaichi, am-e naichi apalo naichi, ati ti kangmo kangtha patheu nai keungchi,amhm ampo i leu tangai y naichi, ³¹pany thai naira by y naichi, leu adeu nai taphra nai keungchi, tapen ahawi tamen naira by y naichi, pahen nai paleung by y naichi ne;³²hunai ka-tawm ati ti sa nai keungchi ly dei ai nai ataing, na nai Tamiuh my khai rym nai ly pany u jo iy, mymychi my sa nai khyh py ny y naimy, khumi takhrachi sa reng naira y py kawn u lawh.

Tamiuh i tara chih naira ¹Hunai deaungkho y nai awi, nang ly cheh nai keung ami py ne teu i py, nang ly den py akhira ngo y leang; nang i khumi takhra ai cheh nai kyp kyp my ly nangmy naimy apasum ryp nai chy bo; nang cheng nai keung my py hunai kamta ati tichi sa ryp teang lawh, ²Naibaly hunai kamta ati ti sa reng nai keungchi i tlang tleaung y ly Tamiuh i cheh nai ly teng, na nai achi pany.³Aw, hunai kamta ati ti sa reng naichi ai cheng nai khumi awi, nang ly hunai kamta sa ryp teang lawh i Tamiuh i cheng naira ai en vui ai nai athang khai na sai a? ⁴Ti y baly Tamiuh i hawi naira my uikhei ai nai ang pahawi, na nai pany y naimy, mymy i hawi naira nawi nai sai hawi, amnym pajau nai sai hawi, kham pajau nai sai ai ly nang ly pate nai sai a?⁵Na i py nang atangai y nai hawi uikhei y nai paleung awm nai deaungkho y kado theu naira hawi, Tamuih i tara chih naira hawi parai nai amteng ai nai kani i vui ly, nang i tlang tleaung y kado theu naira pateung achu amang nai ne. ⁶mymy ly khumi leaung leaungrei ai mymy i ati ti sa nai kamta chih pi ai; ⁷ati ti kahawi sa naira y kham pajau iy, nang parai naira hawi tahm asang naira hawi, veaung thai y naira hau nai keungchi teng y ly deaungtasarei hengra pei ai;⁸na i py amy i kangai sa akhikan iy leu meitang patawm y naimy, hawi y naira patawm lawh nai hawi, paleung yh yh na naira py, ⁹patang naira hawi khri pa-rei paleung mawn naira py tym ai, ami py ati ti kangmo sa nai ngierei i tlang tleaung y tym ai i, Judachi teng y tym mame ai, naibaly krikchi teng y py tym teang ai;¹⁰na i py ati ti kahawi sa nai keung ngierei teng y ly nang parai naira py, tahm asang naira py, awm nem naira py tym ai; Judachi teng tym mame ai i, krikchi teng y py tym teang ai; ¹¹ati mana nai mo na baly Tamiuh ly khumi ai patle takhra nai by y leang. ¹²Ami py Reita by y naimy ati ti kangmo sa nai ngierei ly Reita by y naimy tama vui ai; naibaly ami py Reita anui y awm naimy ati ti kangmo sa nai ngierei ai ly Reita anui y tara chih ai.¹³Reita thai jo khyh naichi ly Tamiuh i mei ka-niu y khumi kahawi lawn y leang: Reita patawm naichi naini khumi kahawi palawn ai: ¹⁴Reita by y nai Cheng takhrachi ly mymychi i paleung tapen ahawi nai deaungkho y Reita i ati tichi sa u baly, nichi ly Reita by y nai teu i py mymychi kyp kyp ly amychi i vui Reita ne;¹⁵ati mana nai mo na baly, kai i satang kahawi thui pi nai kamta Tamiuh my Isu Krista i saho y khumi i leu kangviu tara chih nai kani y ly, nichi ly mymychi i paleung y Reita i ati ti sa nai tajyh nai ne, na nai patei reng, ¹⁶mymychi i hawi nai hawi y nai pany naira my pany hai iy mymychi i dawn naira my apasum py apasum lawh ai, ti y baly akhi py akhi hai lawh ai. Juda chengchi hawi Reita ¹⁷Na i py nang ly Juda amyn apu makho iy Reita ai ym i Tamiuh ai amlyh; ¹⁸naibaly nang ly mymy i kangai pany iy Reita leu y patiu nai awm nai deaungkho y nang ly ati ti hawi parai nai ly teng, napi; ¹⁹naibaly nang ly Reita y ly pany naira hawi leu meitang nga nai deaungkho y, ²⁰nangmy kyp kyp ly mei kamjuchi ai pahawi nai keung, kaveng theung y awm naichi ai angvang hai nai keung, khumi cheng y naichi ai cheng hai nai keung, deaungdi chymplei naichi ai patiu nai keung ne, na nai athang akhai baly;²¹tumbaly nang, khumi takhra ai patiu nai keung ly nangmy ai apatiu y lawh a? Nang, paviu y ai nai thui nai keung ly, nang ly paviu ryp lawh a? ²²Nang, pajang so y ai nai thui pi nai keung ly nang ly pajang sa ryp lawh a? Nang, mymy y niu ngai y nai keung ly, nang ly myn y chiu nai yhm i ati tichi ly paviu ryp lawh a?²³Nang, Reita ai amlyh nai keung ly, nang ly Reita ai taphra nai deaungkho y nang ly Tamiuh i amyn taphra ryp lawh a? ²⁴Tamiuh i amyn ly nangchi deaungkho y Cheng takhrachi theung y taphra nai bo he, nanai tajyh nai kamta.²⁵Nang ly Reita patawm nai keung ne baly, lengkhym takip nai ly chawn tatang nai bo; na i py nang ly Reita taphra nai keung ne lawh baly, nang i lengkhym takip nai ly lengkhym takip y nai kamta lawh bo. ²⁶Hunai deaungkho y lengkhym takip y nai khumi ly Reita i leu patawm baly, mymy i lengkhym takip y nai ly lengkhym takip nai kamta dawn y ai a? ²⁷Naibaly amymy i tapen nai sai y lengkhym takip y nai my ly Reita patawm angym baly, nang, cha-iu leu hawi lengkhym takip nai Reita awm iy py, Reita taphra nai keung ai ly ang cheh y ai a?²⁸Salo ryrei y Juda khumi ne khyh nai ly Juda tatang ny y leang; salo i tlang ryrei lengkhym takip khyh nai py lengkhym takip tatang nai ny y leang. ²⁹Na i py paleung theung y Juda khumi ne nai ly Juda tatang ne; naibaly lengkhym takip tatang nai ly paleung y takip nai ne, cha-iu leu y ny y naimy, Phailo y ne; huni ly khumi i palo naira ngo y naimy, Tamiuh i palo naira nga lawh.

¹Hunaibaly Juda ly chawn naira katlen nai ati awm mo? ²lengkhym takip nai py ati kamran awm mo? Lam cheaungkhangra y chawn parai; angchei y ly nichi teng y Tamiuh i leu sai ly kry hai nai deaungkho y chawn naira ne.³Naibaly phyreichi ly ym naira by y teu i py ati sai lawh mo? Nichi i ym naira my ly Tamiuh i ka-ym awm nai sai ai ati sai py ny y nai palawn lawh nai sai a? ⁴Ne y leang, Tamiuh ly meitang khyp ne sy ly, khumi bawi bawi ly ka-chawi ne lawh sy; "Nang ly nang i leu thui naira y eaung thai iy, Nang ly tara chih naira y awm iy py, nang ly pajau thai ai nai," na nai tajyh nai kamta.⁵Na i py achi hawi y naira ly Tamiuh i hawi y naira ai amteng hai ra baly, achi ly ati thui ai mo? Tamiuh my khumi ai pajeng nai ly hawi y nai ne a? (Kai ly khumi i thui reng nai kamta kathui nai ne). ⁶Ny y leang; huna nai ne baly Tamiuh ly khaileaung prie y mana nai tara chih ai mo?⁷Na i py kai ly ka-chawi leu kathui nai deaungkho y Tamiuh i leu meitang nai sai mymy ai tahm pasang ai nai ka-lawn pa-rei amteng hai ra baly, ati mana nai kai py khumi kangmo nai kamta sum hai naira y kawm lawh mo? ⁸(Naibaly phyreichi ly kaichi ai thui tamawn iy, kaichi ly thui y pui naimy thui, na be nai kamta) "Ati ti kahawi tym thai ai nai, ati ti hawi y nai so u sina," nanai kaichi ly ati mana nai thui lawh y a? Hunai kamta khumichi i sum naira nga nai ly kateng ne. Khumi meitang leaungrei py by y ⁹Tumbaly mana ai mo? Achi ly nichi tleaung y hawi keh lawh a? Ne y leang; Judachi hawi krikchi ly kangmo i miseaung y awm be be, na nai ly angchei kha y py kaichi kang thui pi chum veng bo. ¹⁰"Ami py khumi kahawi by y, ne, leaung py by y;¹¹Pany thai nai khumi leaung py by y, Tamiuh ai hau nai khumi leaung py by y; ¹²Nichi bawi bawi ly amhi vui i, Ati sai py kamran by y nai be be awm veng; Ami py ati ti kahawi sa nai by y, ne, leaung chy py by y;¹³Mymychi i tao ly am-eaung nai angawm ne; Mymychi i palai ly tapawp naira y teaung u, mymychi i labeaung theung y ly pavui thailai awm; ¹⁴Mymychi i labeaung ly amsawi hawi leu kho nai kawi i,¹⁵Mymychi i kheu ly thi patheu ai nai takan nai rang; ¹⁶Mymychi i lam y ly tama ai naira hawi patang ai naira awm; ¹⁷Mymychi ly awm nem nai lam py pany y; ¹⁸Nichi i mei ka-niu y ly Tamiuh ai tahm khai naira by y leang," nanai tajyh nai kamta.¹⁹Hunaibaly labeaung cheaungkhang ai amkym hai me thai ai nai hawi, Tamiuh my khaileaung prie bawi bawi tara chih thai ai nai py, Reita my ati py thui nai ngierei ly Reita i anui y awm naichi teng y thui nai ne, na nai achi pany; ²⁰hunaibaly Reita i ati ti sa nai deaungkho y khumi ami py mymy i mei ka-niu y eaung naira nga ai nai by y leang; ati mana nai mo naibaly Reita deaungkho y kangmo pany angym ai naira awm nai ne lawh veng. Tamiuh ly khumichi ai mymy hawi amkawm hai nai ²¹Na i py vai ly Reita hawi amochi my pany hai nai kamta, Reita ny y naimy Tamiuh i hawi naira ly amteng hai bo; ²²huni ly mana mo na baly Isu Krista ai ym nai deaungkho y Tamiuh i hawi naira ly ym nai ngiereichi teng y amteng hai nai ne.²³Palte takhra naira ha py by y leang; ati mana nai mo naibaly khumi bawi bawi kangmo sa be be i, Tamiuh i nang prai naira py ngo y bo; ²⁴na i py Krista Isu y atleu naira awm nai deaungkho y, mymy i pahenra my nichi ai eaung naira jawm my nga hai bo;²⁵Tamiuh i amnym pajau naira y jangni i kangmo nairachi ai ly dawn pi y nai awm nai deaungkho y, Tamiuh my mymy i hawi naira patei ai nai Krista Isu ai ly mymy i thi deaungkho y kangmo ahui nai lamseaung syn naira y amteng hai; huni ly ym nai deaungkho y nga nai ne; ²⁶mymy kyp kyp ly kahawi ne, na nai hawi Isu ai ym nai ngierei ai eaung hai nai keung ne, na nai py mymy i vai dymkhawn i hawi naira patei nai ne.²⁷Hunaibaly amlyh naira ly ma mang y awm mo? Huni ai ly angam mang y kho hai tawp veng bo. Mani Reita my sa nai mo? Ati ti sa nai Reita my a? Ny y leang, ym naira Reita y teu. ²⁸Hunaibaly Reita i ati ti sa nai ny y naimy, khumi my ym naira y eaung naira nga, na nai achi palawn.²⁹Tamiuh ly Judachi i Tamiuh harei khyh a? Mymy ly Cheng takhrachi i Tamiuh py ny y a? ³⁰Ne teang chy; lengkhym takip naichi ly ym y nai deaungkho y eaung hai ai nai keung hawi lengkhym takip y naichi ly ym u nai saho y eaung hai nai keung ly Tamiuh harei khyh baly, mymy ly Cheng takhrachi i Tamiuh py ne teang chy.³¹Hunabaly achi my Reita ly ati sai py ny y nai palawn lawh a? Ny y leang, achi ly Reita ai khaw hai nai teu.

Abraham i ym naira y amtiu naira ¹Tumbaly achi ly tlang mang y achi amsi sangum Abraham i nga nai ly mana napi ai mo? ²Abraham ly ati ti sa nai deaungkho y eaung naira nga nai baly, mymy ly amlyh ai naira awm: ne mang ly Tamiuh mang y ly by y leang. ³Naibaly Tamiuh i cha-iu leu sai mana awm mo? "Abraham ly Tamiuh ai ym, naibaly huni ly mymy i vui hawi naira y palawn nai ne," na nai tajyh nai ne.⁴Naibaly kalup sa nai keung i vang ly pahengra y palawn nai ny y i, kalai y palawn nai teu. ⁵Na i py ati ti so y iy, Tamiuh ai tahm khai y naichi ai eaung hai nai keung ai ym lawh nai khumi i vui ly, mymy i ym naira ai ly hawi naira y palawn nai ne.⁶Hunai kamta Davida my teang, "Ati ti sa nai ny y naimy Tamiuh my hawi naira y palawn nai khumi ly taham hawi," napi. ⁷Naibaly mymy ly, "mymychi i taphra nairachi pahen chum nai hawi, mymychi i kangmochi khiu hai nai awm naichi ly taham hawi. ⁸Areng my kangmo palawn y nai khumi ly taham hawi," napi.⁹Hunaibaly hini taham hawi naira ly lengkhym takip naichi i tlang tleaung y harei tym khyh a? lengkhym takip y naichi i tlang tleaung y py tym teang a? ati mana nai mo na baly achi ly, Abraham i vui y ym naira ly hawi naira palawn nai ne, napi. ¹⁰Huni ly mana nai palawn nai mo? lengkhym takip nai bo y a? lengkhym takip y rai kha y a? lengkhym takip nai bo y ny y leang, lengkhym takip y rai kha y teu.¹¹Hunaibaly mymy ly lengkhym takip y nai awm nai thym khala y ym naira deaungkho y hawi naira awm, na nai pajaw typ nai ka-ma-ra lawn ai nai, mymy ly lengkhym takip nai ka-ma-ra nga; huni sa nai ly ati mana nai mo na baly, lengkhym takip y nai, ym nai deaungkho y mymychi i vui y hawi naira palawn naichi i ampo lawn thai ai nai sa nai ne. ¹²Naibaly lengkhym takip nai harei khyh ny y naimy, achi i amsi pajo Abraham ly lengkhym takip y rai kha i ym nai kamta tako teang nai lengkhym takip naichi i ampo lawn thai ai nai py sa nai ne. Ym nai y Tamiuh i ka-deu nga nai ¹³Reita deaungkho y Abraham hawi mymy i kangprengchi teng y ly khaileaung prie amtym ai nai keung ne ai, na nai leu adeu nai ny y leang, ym naira deaungkho y nga nai hawi naira i saho y teu. ¹⁴Reita i khumichi ly amtym nai keung ne baly, ym naira ly ati sai py ny y leang, leu adeu nai py ati sai py ny y leang bo; ¹⁵Reita ly kado theu naira sa lawh, Reita by y naira y naini taphra naira py by y.¹⁶Hunaibaly kangprengchi bawi bawi ly leu adeu nai ly nga u tanga ai nai, huni adeu nai ly pahenra y ne thai ai nai ym naira deaungkho y ne chy bo; Reita y awm nai kangpreng my tlairei khyh ny y, Abraham i ym naira kamta ym naira nga nai kangpreng py nga teang ai. ¹⁷Abraham ly kadeichi ai paheng nai keung hawi, ati ti awm y naichi ai ly awm nai kamta palawn nai keung, mymy i ym nai Tamiuh i mei ka-niu y ly achi bawi bawi i ampo ne. (Cheng neang neangchi i ampo y kang palawn bo, na nai tajyh nai kamta.)¹⁸Mymy ly cheng neang neangchi i vui ampo ne thai ai nai, athang khai naira awm, na nai athang by y i py mymy ly athang khai parai nai pa-rei ym veng; "Hu jirei nang i kangprengchi ly awm ai," na nai thuipi rym nai kamta. ¹⁹Naibaly mymy ly ym naira khaw y lawh nai ny y naimy, mymy i tlang ly dei chum nai kamta awm nai ly adawn (mymy ly saneng chungvairei khumi mo ne,)²⁰Sarai i teng y nai py dawn teang: na i py ym naira avaw iy Tamiuh i leu nai ly ym thai y nai by y i, ²¹Tamiuh ai palo, mymy ly mymy i leu adeu nai ly sa hai pajau, na nai khri pa-rei ym iy, ym naira deaungkho y khaw ra khaw ra lawh. ²²Hunai deaungkho huni ly mymy i vui y hawi naira y palawn bo.²³Hunaibaly mymy i vui palawn nai ne, na nai ly mymy deaungkho y harei tajyh nai khyh ny y leang, achi deaungkho y py ne; ²⁴achi, Isu i Areng ai kadeichi theung i dengdairei pathau nai keung ai ym naichi i vui y palawn ai; ²⁵huni Isu ai ly achi i kangmo nai deaungkho y patiu hai i, achi ai eaung naira nga hai ai nai pathau bo.

Tamiuh hawi amkawm nai ¹Hunaibaly ym naira deaungkho y eaung naira nga iy achi ly achi i Areng Isu Krista i saho y Tamiuh hawi aly naira nga bo; ²mymy i saho y teang, achi i hini pahenra kahawi angdo naira y ly ym naira deaungkho y kun bo; naibaly Tamiuh i nang parai naira ai phy nga ai nai athang khai iy kawn u sina.³Naibaly huni khyh ny y naimy, achi i patang naira ai py kawn u sina, patang naira my ly kham pajau naira sa, ⁴kham pajau naira my ly awm nai sai kahawi sa, awm nai sai kahawi my ly athang khai naira sa, na nai achi pany; ⁵naibaly Phailo kachai achi teng y ang pei nai Tamiuh i Tamen naira ly achi i paleung y ang lei chum nai deaungkho y athang khai naira my ly amthang hai leaung y leang.⁶Achi ly ham y nai thym khala y ly neng khyp nai khala y Krista ly khumi kangmochi i vui y dei pi bo. ⁷Ne, ami my khumi kahawi i vui y dei ai ngai ai nai athang neang neang by y; khumi meitang i vui y naini khumi ami mo ly dei ai vam ngau na.⁸Na i py achi khumi kangmo nai thym khala y Krista ly achi i vui y deipi nai deaungkho y, Tamiuh ly mymy i achi ai ang tamen nai ly palo ai ataing nai amteng hai. ⁹Hunaibaly achi ly mymy i thi y eaung naira nga nai bo y ly, mymy i saho achi ly Tamiuh i kado theu naira i nai hengra nga takeng kei ai.¹⁰Achi ly paleung ka-e ne nai thym khala y malawm py mymy i Chapo dei nai deaungkho y Tamiuh hawi aly naimy awm chum nai ne baly, achi ly aly naimy awm nai bo y ly mymy i hengra deaungkho y pahengra nga takeng kei ai. ¹¹Huni khyh py ny y leang, vai aly naira ang nga hai nai keung achi Areng Isu Krista i saho y achi ly Tamiuh y kawn teang nai ne. Adam hawi Krista ai pata nai ¹²Hunaibaly khumi leaungrei nai deaungkho y kangmo khaileaung prie y kun i, kangmo nai deaungkho y deira py kun teang; hunai kamta khyp teang khumi bawi bawi kangmo sa nai deaungkho y deira my khumi bawi bawi ai num be bo. ¹³Naibaly Reita by y rai khala y my khaileaung prie y kangmo awm chum veng bo; na i py Reita by y baly kangmo ly kangmo y palawn nai ny y leang;¹⁴ne mang ly Adam awm nai dengdairei Mosi awm nai khala y khrairei Adam i taphra nai kamta kangmo so y naichi i tlang tleaung y py dei naira my peang bo . (Huni ly Adam ai ly ang jeu ai naira hawi pata nai ne.) ¹⁵Na i py huni ati ti jawm pei nai ly kangmo naira hawi atawm y leang teang. khumi leaungrei ly kangmo nai deaungkho y malawm py khumi neang neang dei baly, Tamiuh i pahengra hawi, pei nai khumi leaungrei Isu Krista py khumi neang neangchi i tlang tleaung y bawn nai awm khyp bo.¹⁶Naibaly huni ati ti jawm pei nai ly khumi leaungrei i nai hawi atawm y leang teang; ati mana nai mo na baly sum hai ai nai tarachih nai ly khumi leaungrei nai deaungkho y tym, na i py eaung hai ai nai ati ti jawm pei nai ly kangmo neang neang nai deaungkho y tym lawh nai teu. ¹⁷khumi leaungrei kangmo nai deaungkho y dei naira my leaungrei deaungkho y peang makho baly, khri khri pa-rei pahengra hawi, jawm pei naira hawi naira nga nai keungchi ly khumi leaungrei (Isu Krista) deaungkho y heng naira y peang takeng kei ai.¹⁸Hunaibaly kangmo nai harei deaungkho y sum hai ai nai tarachih nai ly khumi bawi bawi i tlang tleaung y tym; hunai kamta ati ti kahawi harei sa nai deaungkho y hengra nga ai nai eaung hai naira ly khumi bawi bawichi i tlang tleaung y py tym teang. ¹⁹Khumi leaungrei i leu tangai y nai sai deaungkho y khumi neang neangchi ly kangmo lawn bo; hunai kamta khyp teang khumi leaungrei i leu tangai nai sai deaungkho y khumi neang neangchi ly khumi kahawi lawn bo.²⁰Naibaly kangmo ly amny ra thai ai nai, Reita py awm bi bo; ²¹hunaibaly kangmo my ly deira y peang nai kamta, pahengra my ly hawi naira y deaungtasarei hengra nga ai nai ka-lawn pa-rei achi i Areng Isu Krista i saho y peang thai ai nai, kangmo peang naira tleirei y ly pahengra khri pa-rei peung ra veng.

Leu meitang hawi naira i miseaungchi ¹Hunaibaly achi ati thui ai mo? pahengra ly peung ra peung ra thai ai nai achi ly kangmo sa veang veang ai a? ²Ny y leang. Achi , kangmo mang naimy mana heng jo thai ai mo? ³Achi theung y Krista Isu y baptisma nga nai ngiereichi ly mymy i dei naira y baptisma nga nai ne, na nai nangchi pany y nai sai a?⁴Hunaibaly Ampo i nang parai naira my Krista ai kadeichi theung i nai pathau nai kamta, achi py heng naira kangtha y tako thai ai nai achi ly baptisma nga naira y mymy teng y up teang nai bo. ⁵Achi ly mymy i dei naira atawm hai iy, mymy hawi amtawm chum bo na baly, achi ly mymy i angthau bi nai atawm hai naira y py amtawm teang ai.⁶Hini ly achi pany, kangmo awm nai tlang ai ly tama hai thai iy, achi ly vai i dengdairei kangmo miseaung y awm y ai nai, achi i awm nai sai kang ngym y mymy teng y taheng nai awm teang bo. ⁷Ati mana nai mo na baly ami py dei chum nai ly kangmo ra i nai lawi veng bo.⁸Naibaly achi ly Krista teng y dei teang chum bo na baly, achi ly mymy teng y heng teng ai, na nai achi ym; ⁹Krista ai ly kadeichi theung i nai pathau i, dei ali bi y leang bo, na nai achi pany; deira my ly mymy i tlang tleaung y aly peang bi y leang bo.¹⁰Mymy i dei nai ly kangmo mang y ly tlenrei chy dei nai ne; mymy i heng nai naini Tamiuh mang y heng nai ne. ¹¹Hunai kamta teang nangchi py kangmo mang y ly dei chum nai kamta apalawn u ly, Tamiuh mang y naini Krista Isu y heng nai ne, na nai apalawn u.¹²Hunai deaungkho nangchi i tlang i ngai phi teng y nairachi patawm ai nai, nangchi i dei thai nai tlang ai ly kangmo my peang ai nai pei u moh: ¹³nangchi i tlang kangpreichi py hawi y naira i hai lawn ai nai kangmo teng y pei u moh; na i py kadeichi theung i dengdairei heng teang nai kamta Tamiuh teang y apei u ly, nangchi i tlang kangpreichi py hawi naira i hai lawn ai nai Tamiuh teng y phai pei u. ¹⁴Kangmo naira my ly nangchi i tlang tleaung y aly peang ai nai ny y leang bo; ati mana nai mo na baly nangchi ai ly Reita my peang nai ny y leang, pahengra my ang peang nai teu.¹⁵Tumbaly mana ai mo? Reita my achi ai peang nai ny y i, pahengra my peang nai deaungkho y achi ly kangmo sa ai nai tla a? ¹⁶Ny y leang. Ami teng y py ni i leu tangai u ai nai nangchi my miseaung y achei u baly (dei ai nai ataing pa-rei kangmo i miseaung y mo, hawi ai nai ataing pa-rei leu tangai ai nai miseaung y mo), nangchi ly mymy i leu tangai u nai miseaung ne, na nai pany u y nai sai a?¹⁷Na i py nangchi ly kangmo i miseaung ne teu iy py, ang au nai patiu nai Reita teng y ly paleung y tangai u bo; ¹⁸Naibaly nangchi ly kangmo miseaung i nai lawi u i, hawi naira i miseaungchi lawn u bo; hunai deaungkho y Tamiuh teng y kawn nai leu tym u sy;¹⁹Nangchi i tlang ham y nai sai deaungkho y khumichi i thui reng nai kamta kathui nai ne: nangchi ly nangchi i tlang kangpreichi ai ly chai y naira hawi taphra ra taphra ra ai naira teng y py au u nai kamta ly, vai nangchi i tlang kangpreichi ai ly chai thai ai nai hawi naira teng y miseaung y achei u. ²⁰Nangchi ly kangmo i miseaungchi ne u nai thym khala y, nangchi ly hawi naira molam y law nai ne. ²¹Vai nangchi i ati ti kaji hai parai nairachi y ly, hunai thym khala y ly athai ati nga u mo? Huni ati tichi i tem naira ly dei naira ne chy bo.²²Na i py vai ly kangmo ra i nai ang law hai i, Tamiuh i miseaungchi lawn u iy, nangchi ly chai naira nga nai ka-lawn pa-rei athai nga u nai chy bo, huni i tem naira ly deaungtasarei hengra ne. ²³Ati mana nai mo na baly kangmo vang ly dei naira ne; na i py Tamiuh i jawm pei nai ly achi i Areng Isu Krista i saho y deaungtasarei heng naira ne.

Apom nai hawi pata nai ¹Amjo amnauchi awi, khumi heng nai sala ryrei ly Reita ly mymy i tlang tleaung y peang na nai nangchi pany u y nai sai a? (kai ly Reita pany nai khumi teng y kathui nai he.)²Juvo awm nai neampachy ly juvo heng nai sala ryrei ly Reita deaungkho y juvo hawi kawm tabom bo; na i py juvo dei baly mymy ly juvo i molam y Reita i dengdairei patlaw bo. ³Hunaibaly mymy i juvo heng nai sala ryrei ly mymy ly neampacho takhra hawi apom baly, Pajang sa nai neampachy, na nai amyn pathi ai; na i py mymy i juvo dei baly mymy ly Reita i dengdairei patlaw bo; hunaibaly mymy ly khumi takhra hawi apom iy py, pajang sa nai neampachy ny y leang bo.⁴HUnai kamta teng amjo amnauchi awi, achi ly Tamiuh mang y athai nga thai ai nai, nangchi ly khumi takhra, kadeichi theung i nai pathau chum veng nai keung hawi amtawn thai ai nai, Krista i tlang deaungkho y nangchi ai ly Reita molam y ang dei hai bo. ⁵Achi ly tlang mang y awm nai thym khala y Reita deaungkho y kangmo sa hai nai ngai phi teng y nairachi my achi i tlang kangpreichi theung y dei ai ataing pa-rei athai ai nai sa reng.⁶Na i py cha tajyh nai kangngym kamta ny y naimy, phailo kangtha y ati ti sa thai ai nai, achi vai ly ang patawn naira i nai dei chum iy, achi ai Reita i dengdairei ang patlaw bo. Reita hawi kangmo ⁷Tumbaly achi ly ati thui ai mo? Reita ly kangmo lawh a? Ny y leang. Na i py Reita ny y nai khaly kai ly kangmo apany y leang bo; Reita my ly, "paleung no mo," tapi mo khaly kai ly paleung no ai nai kapany y leang bo: ⁸na i py leu pei nai deaungkho y kangmo my ly avo nai neng nga iy, paleung no naira cheaungkhang kai i paleung theung y ang tym hai bo; Reita ny y baly kangmo ly dei nai ne.⁹Naibaly kai ly jangni y ly Reita ny y naimy kaheng; na i py leu pei nai awm bo nabaly kangmo ly amcheng teang iy, kai ly kadei bo. ¹⁰Naibaly heng ai nai leu pei nai kyp kyp ly kaimy i vui dei naira lawn bo, na nai kapany bo;¹¹leu pei nai deaungkho y kangmo my ly avo nai neng nga iy ang tapawp i, huni ai ly teaung iy ang padei bo. ¹²Hunaibaly Reita ly kachai ne, leu pei nai py chai py chai, hawi py hawi, meitang py ne.¹³Hunaibaly ati ti meitang ly kai i vui dei naira lawn a? Ny y leang. Na i py kangmo ly leu pei nai deaungkho y khri pa-rei kangmo lawn thai ai nai hawi, kangmo ly kangmo ne, na nai amteng hai ai nai py, huni ly ati ti meitang teaung iy kai i tlang tleaung y dei naira tym hai nai teu. Khumi i paleung theung y atiu nai ¹⁴Reita ly phailo mang y asa nai ne, na nai achi pany; kai naini tlang mang y asa nai, kangmo i miseaung y ka-jo chum nai khumi ne.¹⁵Kai i sa nai sai ly dawn kapany y; kai i ati ti sa reng nai ly kai i kangai sa nai ny y leang; huni ny y naimy kai i ati ti kaniu ngai y nai kasa nai ne. ¹⁶Na i py kai i kangai ny y nai kasa mokho baly, Reita ly hawi, na nai kapany teang.¹⁷Hunaibaly kai i ati ti kasa nai ly kaimy i kasa nai ny y leang bo, kai theung y awm nai kangmo my ly sa nai teu. ¹⁸Kai theung y (huni ly kai i tlang y ly, na nai sai ne), ati ti kahawi ha py by y, na nai kapany; ngai naira ly kai theung y awm teu i py, ati ti kahawi sa ai nai ly by y leang.¹⁹Ati mana nai mo na baly, ati ti kahawi sa ai kangai nai ly kaso y; na i py kangmo sa ai kangai y nai ly kasa reng. ²⁰Hunaibaly kai ai ngai y nai kasa makho baly, sa nai keung ly kai ny y leang , kai theung y awm nai kangmo my ly sa nai teu. ²¹Hunaibaly hini Reita ly kapany bo; ati ti kahawi sa ai kangai nai thym khala y kangmo ly kai teng y awm lawh nai ne.²²Kai i paleung tatang y Tamiuh i Reita tleaung y kakawn lawh veng; ²³na i py kai i tlang kangpreichi theung y ly Reita takhra awm, na nai kapany; huni ly kai i paleung i Reita ai tiu i, kai i tlang kangpreichi theung y kangmo awm nai Reita teng y miseaung y ang hawi.²⁴Kai ly khri pa-rei patang nai khumi ne na ly! Hini dei nai tlang i nai ami my ang law hai ai mo? ²⁵Isu Krista achi i Areng i saho y Tamiuh teng y kawn nai leu tym sy! Hunaibaly kaimy tatang ly kaimy i paleung y ly Tamiuh i Reita i miseaung y kalawn, na i py kai i tlang y ly kangmo Reita i miseaung y kalawn bo.

Phailo i saho y heng nai ¹Hunaibaly vai ly Krista Isu y awm naichi i vui ly sum hai ai naira ha py by y leang bo. ²Ati mana nai mo na baly Krista Isu y heng naira Phailo i Reita my ly kangmo hawi dei naira Reita i nai ly kai ai ang lawi hai veng bo.³Naibaly tlang deaungkho y Reita ly ham y i sa pajau ai vui lam ny y nai ly, achi, tlang i Reita y tako y naimy phailo i Reita y tako lawh nai keungchi y ly Reita leu khai rym nai ly sa angym naimy awm thai ai nai, ⁴Tamiuh my mymy i Chapo kyp kyp ai ly kangmo awm nai tlang kamta apu nai, kangmo pathyp pi ai nai pato iy, tlang y ly kangmo ai psum hai veng bo. ⁵Tlang i Reita y awm naichi ly tlang mang i ati tichi ngai; Phailo i Reita y awm naichi naini Phailo mang i ati tichi ngai.⁶Tlang mang i ati tichi ngai nai ly dei naira ne, Phailo mang i ati tichi ngai nai naini heng naira hawi awm nem naira py ne; ⁷ati mana nai mo na baly tlang i ngai nai ly Tamiuh ai tiu nai ne; huni ly Tamiuh i Reita anui y akhai y leang, akhai py akhai thai y leang: ⁸naibaly tlang i Reita y awm naichi ly Tamiuh ai kawn hai thai y leang.⁹Na i py Tamiuh i Phailo ly nangmychi y awm tatang baly, nangchi ly tlang i Reita awm nai ny y i, Phailo i Reita y awm u nai teu. Na i py ami py Krista i Phailo by y nai khumi ly mymy i khumi ny y leang. ¹⁰Naibaly Krista ly nangmychi y awm baly kangmo nai deaungkho y tlang ly dei nai ne; Phailo naini hawi naira deaungkho y heng nai ne.¹¹Na i py Isu ai kadeichi theung i dengdairei pathau nai keung i Phailo ly nangmychi y awm baly, kadeichi theung i nai Krista Isu ai pathau nai keung my ly nangmychi y awm nai Phailo i saho y nangchi i tlang dei thai naichi ai ly ang paheng teang ai.¹²Hunai deaungkho y amjo amnauchi awi, achi ly kalai awm: ne mang ly tlang i Reita y awm ai nai tlang teng y ny y leang. ¹³Nangchi ly tlang i Reita y awm baly dei u takeng kei ai nai tla; na i py nangchi ly Phailo y tlang i ati ti sa naichi ai padei baly, heng u ai.¹⁴Ati mana nai mo na baly Tamiuh i Phailo my pahawi nai ngiereichi ly Tamiuh i chanauchi ne. ¹⁵Nangchi ly jei nai awm bi ai nai miseaung lawn ai nai Phailo nga u bi nai ny y leang; na i py chanau lawn ai nai Phailo nga u nai teu; achi ly huni deaungkho y Abba, jaai, ngaai na nai aeu reng.¹⁶Achi ly Tamiuh i chanauchi ne, na nai Phailo kyp kyp my ly achi i phailo hawi ang pany hai reng; ¹⁷naibaly achi ly chanauchi ne baly, achi ly yhmtheaung amtym nai keungchi ne; achi ly mymy teng y tahm asang naimy awm teang thai ai nai mymy hawi patang ahawi tatang baly, achi ly Tamiuh i kamtym Krista hawi amtym ahawi nai keungchi ne. Momang i nang naira ¹⁸Vai dymkhawn i patang nairachi ly vai mo mang y achi teng y nang parai naira amteng hai ai nai hawi pata nai lawn y, na nai kapalawn, ¹⁹Ati ti sa naichi bawi bawi ly khri khri pa-rei athang khai nai, Tamiuh i chanauchi ai amteng ai nai ly khri khri pa-rei ajeng na.²⁰Ati mana nai mo na baly ati ti sa naichi bawi bawi kyp kyp py veaung thai nai miseaung i nai law hai naira nga iy, Tamiuh i chanauchi savai ru nai nang parai naira y kun u ai nai, ²¹ati ti sa naichi bawi bawi ai ly ati sai py ny y naira i ngai ngai anui y awm hai veng bo (mymychi i kangai y ny y leang, anui y awm hai nai deaungkho y teu). ²²Ati ti sa naichi bawi bawi ly vai khrairei tangam nai hawi no patang nai awm bawi bawi, na nai ly achi my pany.²³Huni khyh ny y leang, achi kyp kyp py Phailo i amtheaung hai mang naira nga naichi ly achi i chanau lawn ai naira ajeng iy (hu ly tlang i atleu naira ne). Achi py paleung y tangam teang. ²⁴Ne, achi ly athang khai naira y hengra nga bo; na i py niu ryh ryh nai athang khai nai ly athang khai nai ny y leang: ami my mymy i niu ryh ryh nai nga nai ly mana nai athang khai nai mo? ²⁵Achi ly amychi i niu thai y nai nga ai nai athang khai baly, achi ly huni ai ajeng tanga.²⁶Hunai kamta teang Phailo my ly achi i ham y naira y ang sabawm; achi ly chiu sa ai nai avo nai sai pany y; na i py Phailo my ly tangam nai thui pajau y pa-rei chiu ang sa pi; ²⁷naibaly mymy ly Tamiuh i ngai nai kamta khumi kachai ai ly chiu ang sa pi reng nai deaungkho y, paleung y khen patawm nai keung ly Phailo i kangai pany nai ne.²⁸Naibaly Tamiuh ai tamen nai keung mymy i khai rym nai kamta palau naichi i vui ly ati py tym sy, mymychi i vui hawi ai naira theu hai reng, na nai achi pany. ²⁹Ati mana nai mo na baly mymy i Chapo ly amjo amnau neang neangchi theung y chalu lawn thai ai nai Tamiuh ly mymy i pany rym naichi ai ly mymy i Chapo kamta khyp awm teang ai nai ang khai rym nai ne; ³⁰naibaly mymy i khai rym naichi ai ly ang palau teang ; naibaly mymy i palau naichi ai ly ang eaung hai teang; naibaly mymy i eaung hai naichi ai ly ang palo teang. Krista Isu y Tamiuh i tamen naira ³¹Hunaibaly hunichi i molam y ly achi mana thui ai mo? Tamiuh my achi mang y asa baly ami my atiu pajau ai mo? ³²Mymy i Chapo kyp kyp ai malawm py khai y nai, achi bawi bawi i jeng ang pei nai keung ly, mymy hawi ati ti bawi bawi jawm naimy ang pei teang y ai a?³³Tamiuh vawi nai khumi ai ly ami my ang seu ai mo? Eaung hai nai keung ly Tamiuh ne khyp veng; ³⁴pasum ai nai keung ly ami mo? dei nai ly Krista ne, ne, mymy ai ly pathau teang veng bo; mymy ly Tamiuh i lamtang mang y awm i, achi ai chiu ang sa pi nai keung ne teang.³⁵Krista i tamen naira i dengdairei ly ami my ang taprei ai mo? Patang naira my mo, khri khri paleung mawn naira my mo, ana hai naira my mo, takang my mo, tlang ka-keu naira my mo, ka-jei awm naira my mo, haisau my mo taprei ai a? ³⁶"Nangmy deaungkho kaichi ai ly kani tlenrei ang padei; Kaichi ai ly beram tleh ai naichi kamta ang dawn nai ne,"na nai tajyh nai kamta.³⁷Ny y leang! Huni bawi bawi y ly ang tamen nai keung deaungkho y achi ly pajau nai tleaung y pajau ra nai keung ne. ³⁸Dei nairachi, heng nairachi, kani prie i amtaw thau naichi, areng nairachi, ati ti awm angchichi, ³⁹ati ti awm ai naichi, ati ti sa thai nairachi, asang nairachi, thiu nairachi, ati ti sa nai takhra lyh lyhchi my py achi i Areng Krista Isu y awm nai Tamiuh i tamen naira hawi achi ai taprei thai y leang, na nai kai pany khyp khyp.

Tamiuh hawi khumichi ¹Krista y ly leu meitang khyp khyp kathui nai ne, ka-chaw kathui y leang; ²kai i paleung y khri khri pa-rei patang naira hawi paleung mawn naira y rym pajau y nai awm, na nai Phailo kachai y ly kai i hawi nai hawi y nai pany naira my ly kai ai ang pany hai.³Kai i amjo amnauchi, tlang mang i kai i chengchi i jeng y kai ly Krista teng i nai amprei vui iy, amsawi lawi nai pa-rei py kaawm iy khaly kangai kai ly. ⁴Nichi ly Israela ne, chanau lawn ai naira py, tahm asang naira py, leu maikawm bawi bawi py, Reita pei nai py, Tamiuh ai chiu ai nai py, leu adeu nai bawi bawichi py mymychi i ne; ⁵amsi pajochi ly mymychi i ne teang, Krista ly tlang mang i molam y mymychi theung i theu nai ne teang; mymy ly ati ti bawi bawichi i tlang tleaung y peang nai ne i, deaungtasarei palo ai ataing nai Tamiuh ne. Amen.⁶Na i py Tamiuh i leu ly ati sai py ny y nai kamta awm vui nai ny y leang. Ati mana nai mo na baly Israela kangprengchi ly Israelachi ne be be y leang. ⁷Naibaly nichi ly Abraham i kangprengchi ne u nai deaungkho y nichi bawi bawi ly mymy i chanauchi ne be be y leang: "Isaka y ly nang i kangprengchi pathi ai," napi nai teu.⁸Huni ly mana nai mo na baly, tlang i chanauchi ly Tamiuh i chanauchi ny y leang; leu adeu nai chanauchi ly kangpreng y palawn nai teu. ⁹Adeu nai leu ly hini ne he, "Amlo y hini neng khala y ly kang jeu ai i, Sarai ly chapo tapen ai," napi nai he.¹⁰Huni khyh ny y leang; Rabeka py khumi leaungrei, amsi pajo Isaka hawi awm iy deaungdi aniu. ¹¹Naibaly deaungdi nini ai tapen y rai kha y, nini ly hawi nai hawi y nai so y i, ati ti sa nai deaungkho y ny y naimy, ¹²palau nai keung i kangai deaungkho y Tamiuh i leu khai rym nai ly vawi naira y khaw thai ai nai mymy teng y, "Amjo my ly amnau i anui y awm ai," napi. ¹³"Jakob ai kangtamen i, Esaw ai ly kaniu ngai y," na nai tajyh nai kamta.¹⁴Hunaibaly achi ly mana thui ai mo? Tamiuh ly hawi y naira awm a? Ny y leang. ¹⁵Mymy ly Mosi teng y, "kai kapahen nai ngierei ai ly kai my ngai ngai kapahen

¹Amjo amnauchi awi, kai i paleung i kangai hawi mymychi i vui y Tamiuh teng y chiu kasa pi nai ly, nichi ly hengra nga u thai ai nai ne. ²Nichi ly Tamiuh mang y dawn u patyp, na nai kapany hai nai ne, ne mang ly pany angym nai kamta ny y leang. ³Nichi ly Tamiuh i hawi naira pany y naimy, mymychi i hawi naira khaw hai ai nai tau iy, Tamiuh i hawi naira y apei u y lawh.⁴Krista my ym nai ngierei ai hawi naira nga hai thai ai nai Reita ai anawn hai nai keung ne. Khumi cheng cheaungkhangchi i vui atleu naira ⁵Mosi my ly, "Reita i hawi naira patawm nai keung ly huni deaungkho y heng ai," na nai tajyh bo.⁶Na i py ym naira i hawi naira ly hina nai thui: Nangchi i paleung y, "kani prie mang y ami lyn ai mo?" na nai mo (huni ly Krista ai salo mang i dengdairei pahawi kathiu ai nai, na nai sai ne); ti y baly, ⁷Angawm kalawi by y naira y ami kathiu ai mo?" na nai mo (huni ly Krista ai kadeichi theung i nai pahawi kalau bi ai nai, na nai sai ne), ti moh, na nai thui.⁸Huni ly ati thui mo? Leu my ly ang kasa, nang i labeaung y hawi nang i paleung y py awm, na nai thui; huni ly kaichi i kang thuipi reng nai ym nai leu ne: ⁹ati mana nai mo na baly Isu ly Areng ne, na nai nang ly nang i labeaung y pany hai iy, Tamiuh my mymy ai ly kadeichi theung i nai pathau, na nai paleung y ym baly nang ly hengra nga ai. ¹⁰Amichi my paleung y ym u iy hawi naira nga; naibaly labeaung y py hai u iy heng naira nga.¹¹Tamiuh i cha-iu ly, "Ami py mymy ai ym nai ngierei ly amthang leaung y ai," napi nai ne. ¹²Juda hawi Krik hawi ly ati ra y py takhra lawh y leang, leaungrei ly nichi bawi bawichi i tlang tleaung y Areng ne, naibaly mymy ai palau nai ngiereichi i tlang tleaung y mymy i neaung hawi nai sai ka-teng ny y. ¹³Ne, "Ami py Areng i amyn palau nai ngierei ly hengra nga ai," napi nai ne.¹⁴Hunaibaly nichi ly mychi i ym y nai keung ai ly mana palau u ai mo? Mymy i satang thai y naichi ly mymy ai mana ym u ai mo? Naibaly leu thuipi nai keung by y naimy mana thai u ai mo? ¹⁵Naibaly pato nai ny y baly leu ly mana thui u ai mo? Ati ti satang kahawi kawn ai awm nai tym hai nai keungchi i kheu ly khri pa-rei apu na ly, na nai tajyh nai kamta.¹⁶Na i py nichi bawi bawi ly Satang kahawi ym bawi y leang. Ati mana nai mo na baly Isaia my ly, "Areng awi, kaichi leu thui nai ly ami ym ai mo?" napi lawh. ¹⁷Hunaibaly ym naira ly thai naira deaungkho y awm, naibaly thai naira ly Krista i leu deaungkho y awm.¹⁸Na i py kai ly napi, Nichi ly thai u y nai sai a? Thai u chy y; "Nichi i katyn ly meingtym tleirei y amthang iyNichi i leu ly khuteng taki y tym pa-rei amthang bo," napi nai ne.¹⁹Tumbaly Israelachi ly pany u y nai sai a? Mosi my thui man me i, "Cheng, na nai amyn pathi y naichi ai teaung iy kaimy nangchi ai kang takho hai ai; Pany thai naira by y nai cheng ai teaung iy,Kaimy nangchi ai kado kang patheu hai ai," napi.²⁰Naibaly Isaia ly vang parai pa-rei my, "Kai ai hau y naichi my kai ai avum bo,Kai ai palau y naichi teng y kamteng hai nai awm, napi. ²¹Na i py mymy ly Israelachi i molam y ly,Leu tangai y nai hawi aawi naichi teng y,Kani tlenrei kai kiu jaha na ly," napi.

Israela chengchi tlang tleaung y Tamiuh i paheng nai ¹Tumbaly Tamiuh ly mymy i khumichi ai ly aphi vui a? Ny y leang. Kai py Israela cho, Abraham i kangpreng Benjamin cheng ne. ²Tamiuh ly mymy i pany yb nai khumichi ai ly aphi y leang. Nangchi ly Tamiuh i cha-iu y Elija i molam thui nai ly pany u y nai sai a? ³Mymy ly Israelachi ai Tamiuh teng y seu i, "Areng awi, nichi ly nang i amochi ai py padei bo; nang i maichamchi py panawi pawn bo; naibaly kaimy leaungrei awm khyh iy, kai ai py ang padei ai nai tau u bo," napi.⁴Na i py Tamiuh ly mymy teng y mana pathang mo? Mymy ly, "Baala i mo y meung vai y nai khumi sang saryhreichi ai kaimy i vui kakhai nai awm rai," na nai pathang. ⁵Hunai kamta khyp teang, vai dymkhawn py pahengra deaungkho y vawi nai phyreichi awm rai.⁶Hunaibaly pahengra deaungkho y ne baly, ati ti sa naira deangkho y ny y leang; huna ny y baly pahengra ly pahengra lawn y leang bo. ⁷Tumbaly mana ai mo? Israelachi ly mymychi i hau nai ly niu y, vawi naichi naini niu, takhra bawi bawichi ly kyh chawn u veng bo. ⁸"Tamiuh my ly vaini khrairei mymychi teng y i kamhm ngam nai paleung pei iy, Niu pajau y nai mei hawi thai pajau y nai kano py pei," na nai tajyh nai kamta.⁹Naibaly Davida my ly, "mymychi i pawi ly kathang hawi deaung hawi lawn sy, Atlym naira hawi vawitheung tha naira py lawn sy; ¹⁰Niu u pajau y ai nai mymychi i mei ly veng sy, nang ly nichi i nithum anam meung hai jo jo kyh," napi.¹¹Tumbaly nichi ly atlym thai ai nai tliu charum charei nai a? Ne y leang: nichi ly tamang nai deaungkho y Cheng takhrachi teng y paheng naira tym bo; huni ly Israelachi ai takho hai ai nai tym nai ne. ¹²Hunaibaly nichi i tamang nai malawm py khaileaung prie ai nang hai naira ne i, nichi i eaung y naira malawm py Cheng takhrachi ai nang hai nai ne teang baly, nichi i angym nai ly mana tanrei ne na mo! Cheng takhrachi atleu naira nga nai ¹³Hunaibaly nangchi Cheng takhrachi teng y kang thuipi nai ne. Kai ly Cheng takhra i amtaw thau nai ne nai deaungkho y, ¹⁴Kai i chengchi ai katakho hai pajau tanga ai nai hawi, nichi theung y phyreichi ai kapaheng pajau ai nai py kai i kry nai sai tahm kapasang nai ne.¹⁵Mymychi ai aphi vui nai malawm py khaileaung prie ai aly hai teang naira ne baly, mymychi ai kawn bi naira ly deira i nai heng bi naira ny y baly ati awm ai mo? ¹⁶Katlen man nai tako kangheang phyrei ly chai nai baly, akawi bom verei ly hunai kamta ne teang; tangjyn py chai nai baly changpichi ly hunai kamta ne teang.¹⁷Na i py changpi phyreichi ai ly tleu hai iy, nang, Oliv karam ne i nichi theung y patawm iy, Oliv keung i tangjyn tuihau ahum teang chum nai ne baly, changpi takhrachi teng y ly amlyh reng moh; ¹⁸nang ly amlyh teu iy py nang ly tangjyn ai kry nai keungny y i, tangjyn ly nang ai ang kry nai keung ne lawh veng.¹⁹Naibaly nang ly, "Kai ai patawm thai ai nai changpichi ai ly ang tleu hai bo chy bo," na lawh ngaw khyh chy. ²⁰Ne khyp; nichi ly ym naira by y nai deaungkho y nichi ai tleu hai veng, nang naini ym naira awm nai deaungkho y angdo nai ne. Am-e moh ly, jei phai jei. ²¹Tamiuh ly changpi tatangchi ai khai y baly nang ai py ang khai lawh y leang.²²Hunaibaly Tamiuh i neaung hawi nai sai hawi ryh patyh pa-rei ang parip nai sai ly dawn cham, atlym naichi i vui ly ryh patyh pa-rei ang parip nai ne; naibaly nang ly mymy i neaung hawi naira y awm jo jo baly, Tamiuh i neaung hawi nai sai naini nang i vui ne; ti y baly nang ai py ang do vui teang ai.²³Naibaly nichi py ym y naira y awm jo y baly ang patawm teang ai: Tamiuh ly nichi ai patawm bi pajau veng. ²⁴Nang ai ly amy i Reita kamta awm nai Olive karam dengdairei angdo peu vui nai malawm py, Reita kamta ny y naimy olive keung kahawi y patawm naira awm baly, huni changpi tatangchi ai ly mymychi i olive keung kyp kyp y patawm nai mana tanrei ne ai mo? Khumi cheng cheaungkhangchi ai Tamiuh i pahen nai ²⁵Amjo amnauchi awi, Cheng takhrachi ai angym hai y rai khala y Israela khumi phyreichi i tlang tleaung y ly kyh chawn veng naira tym bo, na nai hini leu kathiu ly nangchi pany y ai nai kangai y leang, ti y baly nangchi ly tahm apasang u lawh na.²⁶Hunaibaly Israelachi bawi bawi ly hengra nga ai: "Paheng keung ly Zion i dengdairei theu iy, Jakob teng i dengdairei Tamiuh ai dawn y naira ang tama hai ai. ²⁷Nichi i kangmo kala pi veng nai khala y lyHuni ly nichi teng y kai ai leu maikawm ne," na nai tajyh nai kamta.²⁸Satang kahawi mang y dawn baly nichi ly nangmychi deaungkho y paleung ka-e ne; vawi nai molam y dawn nai naini nichi ly pajochi deaungkho y ngai parai naichi ne. ²⁹Tamiuh i jawm pei nai sai thai naira hawi, palau nai molam y py paleung kadawn ali ai nai by y leang.³⁰Nangchi ly jangni y ly Tamiuh i leu tangai u y, na i py vai ly nichi i leu tangai y nai deaungkho y nangchi ly paheng naira nga u chy bo; ³¹Hunai kamta teang vai ly Tamiuh my nangchi ai ang paheng nai deaungkho y nichi py paheng naira nga u thai ai nai nichi py leu tangai u y leang bo he. ³²Tamiuh my paheng be be thai ai nai khumi bawi bawichi ai ly leu tangai y naira y ang paeung be be veng. Tamiuh i pahen nai ai palo nai ³³Aw! Tamiuh i cheng naira hawi pany naira ly khri thiu na ly! mymy i cheng nairachi ly pipi pany pajau y, mymy i sa nai sai ly patawm pajau ai nai aveng! ³⁴Areng i paleung ly ami pany mo? Mymy ai ka-vo dawn hai ai nai py ami mo?³⁵Mymy teng y heung teang ai nai py ati ti ami pei mang mo? ³⁶Mymy teng i dengdairei hawi, mymy deaungkho y hawi, mymy i vui py ati ti bawi bawi awm nai ne. Mymy teng y ly deaungtasa khrairei palo naira awm jo jo sy, Amen.

Tamiuh i kalup sa ai nai molam heng ai nai sai ¹Hunaibaly amjo amnauchi awi, Tamiuh i paheng naira deaungkho y, apathyp naira kangheng hawi kachai. Tamiuh my kawn ai ataing nai lawn ai nai nangchi i tlang ai ly aau ai nai kang takeng; huni ly nangchi i sa ai avo angchi yb nai ne. ²Hini khaileaung prie i Reita kamta awm u moh ly hunai ny y naimy nangchi ly Tamiuh i kangai meitang nai hawi, kawn ai ataing nai hawi, hawi angym nai py dawn u cham thai ai nai paleung kangtha awm iy, takhra u veng jau.³Nangchi theung y ami py tahm apasang nai kawi palai nai ly tahm apasang y naimy, Tamiuh my khumi leaung leaungrei teng y ym naira hawi khyp ang pei nai kamta adawn naira y amkym lawh ai nai, kai ly mymy i ang pei nai pahengra deaungkho y leaung leaungrei teng y kang napi bawi bawi.⁴Achi ly tlang bomrei y kangprei neang neang awm iy, kangprei bawi bawi i ati ti sa nai ly atawm bawi y leang: ⁵Hunai kamta teang achi ly nawi parai iy py Krista y ly tlang bomrei awm khyh; achi leaung leaungrei ly vanrei angprei ahawi nai ne.⁶Naibaly achi ai pahengra ang pei nai kamta achi ly sa thai naira takhra takhra awm bawi bawi; leu thui ai nai tla baly achi i ym nai kamta hawi khyp nai ryrei thui u sina; ⁷kry ai nai tla baly hawi hai kry u sina; patiu nai keung py hawi hai patiu sy; ⁸pachei nai keung py hawi hai pachei sy; ati ti pei nai keung py paawh y naimy pei sy; peang nai keung py angjeng parai naimy peang sy; pahen nai keung py kawn parai naimy pahen sy.⁹Tamen naira ly tapawp naira abawi y nai ne sy. Kangmo mang y ly niu ngai u moh ly; kahawi mang y ly hawi hai patawm u. ¹⁰Amjo amnauchi ai tamen naira y ly neaung hawi parai naimy paleung abi u leungtang; leaungrei ly leaungrei ai amy tleaung tahm pasang sy;¹¹angjeng naira y ly atho si u moh ly; Phailo mang y hawi hai palai dawn u pathyp ly; ¹²Areng i kalup so u ly; athang khai naira y kawn u ly; patang naira y kham pajau u ly; chiu sa ai nai patlaw u moh; ¹³khumi kachaichi i avaw naira y ly sabawm u ly; angvynchi ai ly kawn u jo jo.¹⁴Nangchi ai ana naichi ai ly amtheaung hai u ly; amsawi ly pasawi u moh. ¹⁵Amo theu naichi ai ly amo theu hai u ly; vo naichi ai ly vo hai u ly. ¹⁶Dawn nai vanrei awm u leungtang; paleung apalen y naimy tahm anem naichi hawi amkawm u; tahm apasang u moh.¹⁷Ami i kangmo py kangmo nai vawitheung tha u moh. Khumi bawi bawichi i mei ka-niu y ati ti apu ai naira dawn u rym. ¹⁸Pajau baly nangmychi i kamjau ryrei khumi bawi bawichi hawi aly u.¹⁹Ngai parai naichi awi, vawitheung atha u moh ly; "Areng my, 'vawitheung na nai ly kaimy tha ai nai tla, kaimy kaheung ai,' napi," na nai tajyh nai ne. ²⁰Hunai deaungkho y nang i paleung ka-e ly biu anglam baly pacho, tui anghai baly nei hai: nang ly hunai kamta sa baly mymy i lu tleaung y mai-ai khai achu nai ne. ²¹Kangmo my ly nang ai pajau ai nai pei moh, hawi sa naimy naini kangmo ai pajau.

Prie peang nai keung i vui sa ai avo nai ¹Khumi leaung leaungrei mymychi ai peang nai keung i ngai ngai awm sy; Tamiuh my ka-vo sa nai ny y baly ami py peang nai keung y awm vai y leang; peang nai keung y awm naichi ly Tamiuh i khai rym nai ne. ²Hunai deaungkho y ami py peang nai keung ai ei nai ly Tamiuh i sa rym naira y paka nai ne; paka nai keungchi ly mymychi i tlang tleaung y tarachih naira avum ai.³Ati ti kahawi i vui ly peang nai keungchi ai jei ai nai by y; ati ti hawi y nai i vui naini ka-jei awm nai teu. Nang ly peang nai keung ai jei y nai awm ai nai ngai a? Tumbaly ati ti kahawi so, naibaly mymy ly ang palo ai: ⁴ni ly nang i hawi ai nai vui ly Tamiuh i kalup sa nai keung ne. Na i py nang ly ati ti hawi y nai sa baly jei phai jei; mymy i haisau syn nai ly jawm my syn atyh tyh nai ny y leang; mymy ly Tamiuh i kalup sa nai keung ne i, ati ti hawi y sa naichi i tlang tleaung y vawitheung tha ai nai keung ne. ⁵Hunai deaungkho y kado theu nai y jei nai khyh ny y naimy, nang i paleung y hawi nai hawi y nai pany naira deaungkho y mymy i ngai ngai awm ai tla nai ne.⁶Hunai deaungkho y nangchi ly akeu py pei u chy bo; hini ati ti sa jo jo ai nai nichi ly Tamiuh i kalup sa nai keung ne. ⁷Khumi bawi bawi teng y pei ai nai avo nai ngierei ly pei u; kahm pei ai nai avo naira y ly kahm pei u ly; akeu pei ai nai avo naira y ly akeu pei u ly: tahm khai ai nai avo naira y ly tahm khai u; palo ai nai avo naira y ly palo u. Amy tengtawi sa ai nai kalup ⁸Mang mang atamen u leungtang nai harei ny y baly ami py ati sai py kalai awm moh sy; amy i saleaungchi ai tamen nai keung ly Reita patawm angym nai bo. ⁹Hini leu sai ly, "Pajang so moh, khumi ai padei moh, paviu moh, paleung no moh," na naichi hawi, leu pei nai takhra py awm sy, "Nangmy ai atamen nai kamta nang i saleaungchi ai tamen ai nai tla," napi nai ly akup be veng bo. ¹⁰Tamen naira ly saleaungchi ai taphra vai y; hunai deaungkho y tamen naira ly Reita patawm angym nai ne.¹¹Vai dymkhawn i ati ti awm nai sai pany u ly, i ngym nai ly anglaw ai nai neng tatang ne, na nai deaungkho y huna nai kamta so u; vai dymkhawn ly achi ym angchei nai khala i tleaung y ly achi i heng naira ly kasa kyh veng bo. ¹²Vum ly tama vi tama vi veng bo i, khutawi ai bo; hunai deaungkho y kaveng i ati ti sa naichi ly aphi vui iy, kangvang i tavai ateaung amthyp u sina.¹³Kani thun y awm nai kamta hawi hai palai awm u sina; mhm nei khru khra nai hawi, mhm pavui y naimy, paleung nai hawi angai nai py awm y naimy, ajo nai hawi paleung ano nai py awm u moh sina. ¹⁴Areng Isu Krista ai phai amthyp u ly, nangchi i tlang i ngai phi teng y naira amcheang ai nai ati sai py so u moh.

Amjo amnauchi ai cheh moh ¹Naibaly ym naira y ham y nai khumi ai ly mymy i ym thai y nai sai cheh y naimy kawn u. ²Khumi leaungrei ly ati cheaungkhangcha pajau ai nai aym: ham y nai khumi naini amti amjangchi harei cha khyh.³Cha nai khumi my ly cho y nai khumi ai ati sai py ny y nai palawn moh sy; cho y nai khumi my py cha nai khumi ai ly cheh moh sy. Tamiuh my ni ai ly kawn veng bo chy bo. ⁴Khumi takhra i miseaung ai cheh nai keung nang ly mana nai kha? Mymy i angdo nai hawi atlym nai ly mymy i yhmkeung i vui ne. Ne, ni ai angdo hai takeng kei ai; Areng ly mymy ai angdo hai pajau.⁵Khumi leaungrei ly kani rei nai ai ly kani takhra tleaung y tahm khai keh; khumi takhra ly kani bawi bawi ai ly vanrei kamta palawn. Khumi leaung leaungrei ly amymy i paleung y chai pyn pa-rei hawi hai apany sy. ⁶Huni kani ja nai keung ly Areng ai palo ai nai ja nai ne. Naibaly cha nai keung ly Tamiuh teng y kawn nai leu thui nai deaungkho y Areng ai palo ai nai cha nai teu; cho y nai keung py Areng ai palo ai nai cho y nai teu; naibaly mymy ly Tamiuh teng y kawn nai leu py thui teang.⁷Achi ly ami ami py amy i vui y heng nai ny y leang, naibaly ami py amy i vui y dei nai ny y leang teang. ⁸Achi ly heng baly Areng i vui y heng nai ne: achi ly dei baly Areng i vui y dei nai ne; hunai deaungkho y achi ly heng iy py dei iy py achi ly Areng i ne. ⁹Huni deaungkho y khyp khyp Krista ly kadeichi hawi kanghengchi i Areng lawn thai ai nai dei py dei i, heng py heng teang bo.¹⁰Na i py nang ati mana nai ngamjo ngamnau ai cheh lawh? Mana nai y ngamjo ngamnau ai tahm khai y lawh? Achi bawi bawi ly Tamiuh i tarachih nai atehra mo y angdo ai nai tla; ¹¹Areng my ly, 'khumi cheaungkhang kai i mo y meung ai i, Palai cheaungkhang py Tamiuh teng y ahui ai, na nai Vaineng ka-beu nai ne,' napi. Na nai tajyh nai ne.¹²Hunaibaly achi bawi bawi ly Tamiuh teng y amymy i satang thuipi bawi bawi ai nai tla. Amjo amnauchi atlym hai ai nai so moh ¹³Hunai deaungkho y acheh u bi reng moh jau sina; ami py amy i amjo amnau ai paka ai nai mo, atlym hai ai nai mo so y ai nai phai tau sy.¹⁴Ati ti py ne sy, huni kyp kyp y ly chai y naira ati sai py by y leang, na na kai ly Areng Isu y khri pa-rei kapany na: ati ti chai y nai palawn nai keung i vui naini chai y nai teu. ¹⁵Nang ly ati ti cha nai deaungkho y ngamjo ngamnau ai paleung mawn hai lawh baly, nang ly tamen naira y tako nai ny y leang bo. Nang i ati ti cha nai deaungkho y Krista my ang deipi nai khumi ai ly tamo hai moh.¹⁶Hunaibaly nangchi i vui ly hawi napi naira ly kangmo tla, na nai thui nai awm moh sy: ¹⁷Tamiuh i peang naira ly cha ai nai hawi nei ai nai molam ny y leang, hawi naira hawi, aly naira hawi, Phailo kachai y kawn naira hawi teu.¹⁸Ami py huni kamta Krista i kalup sa nai khumi ai ly Tamiuh my kawn i, khumichi py palo. ¹⁹Hunaibaly achi ly aly ai naira hawi akhaw hai leungtang ai nai ati tichi ai hui u sina.²⁰Ati ti cha nai deaungkho y Tamiuh i sa nai ly taphra moh. Ati tichi bawi bawi ly chai takeng kei nai bo, na i py ati ti cha iy amichi ai atlym hai baly, huni cha nai keung i vui ly kangmo tla. ²¹Ngamjo ngamnau atlym ai nai hawi, kreip athai hang nei y ai nai hawi, ati ti sai py so y ai nai ly hawi keh nai ne.²²Nang i ym naira awm nai ly Tamiuh hawi nang i sala y awm palai sy. Ati ti avo, na naira y ly apasum y nai khumi ly taham hawi. ²³Na i py ym thai y kyh nai khumi cha baly, ym naira y cho y nai deaungkho y sum naira nga nai ne; naibaly ym naira abawi y nai ati ti sa nai ly kangmo tla.

Amy i vui so khyh y naimy ami i vui sa pi ai nai ¹Hunaibaly achi ham naichi ly amy i kawn naira hau y naimy, Ham y naichi i ham y naira y ly achi my kham pi ai nai tla. ²Amy i saleaungchi ai khaw hai ai nai nichi i hawi naira hau iy, nichi ai kawn hai ai nai tau u bawi bawi sina;³Krista py amy i kawn ai naira hau y leang: "Nangmy ai jo nai keungchi ai jo nai ly ,Kaimy i tlang tleaung y tla bo," na nai tajyh nai kamta ne lawh veng. ⁴Achi ly Tamiuh i cha-iu deaungkho y kham pajau naira hawi awm nem naira nga iy, athang khai naira nga thai ai nai, jangni i tajyh nai ngierei ly achi ai ang patiu ai nai tajyh nai ne.⁵Hunaibaly nangchi ly achi i Areng Isu Krista i Tamiuh hawi Ampo ai ly paleung vanrei hawi leu adyh naimy palo thai ai nai, ⁶Kham hai pajau nai hawi awm hai nem nai Tamiuh ly Krista Isu i thui nai kamta ly paleung vanrei awm u leungtang ai nai nangchi teng y pei sy. Cheng takhrachi i vui Satang Kahawi ⁷Hunai deaungkho y Krista ly Tamiuh ai palo ai nai nangchi ang kawn nai kamta ly akawn u leungtang.⁸Hini ly kang thuipi ai nai ngai, Amsi pajochi teng y adeu nai leu ly khaw hai ai nai hawi, ni i paheng naira deaungkho y Cheng takhrachi ly Tamiuh ai palo u thai ai nai py, ⁹Tamiuh i leu ly teng, na nai pany hai ai nai Krista ai ly lengkhym takip naichi ai kry nai keung y palawm bo."Hunai deaungkho y Cheng takhrachi theung y ly kang palo ai i, Nang i amyn palo ai nai khulym kathui ai," na nai tajyh nai kamta.¹⁰Naibaly, "Nangchi Cheng takhrachi awi, Mymy i khumichi hawi kawn u," napi bi. ¹¹Naibaly, "Nangchi Cheng takhra bawi bawichi awi, Areng ai ly palo u, Khumi bawi bawichi py mymy ai palo u sy," napi bi.¹²Naibaly Isaia my ly, "Jesai tangjyn theu i nai, Cheng takhrachi ai peang ai nai jeu nai keung ly thui ai: Mymy ai ly Cheng takhrachi my athang khai ai," napi bi.¹³Naibaly nangchi ly Phailo kachai i ati ti sa thai naira i saho y athang khai naira nga ra nga ra thai ai nai, athang khai hai nai Tamiuh my ly nangchi ym nai deaungkho y nangchi ai kawn naira hawi awm nem naira cheaungkhang kawi hai sy. Pawla i vam parai naimy tajyh nai ¹⁴Naibaly amjo amnauchi awi, nangchi i molam ly nangmychi kyp kyp my hawi naira kawi iy, pany naira cheaungkhang awm i, nangmychi my apachei leungtang pajau, na nai kaimy kyp kyp py kapany bo.¹⁵Na i py Cheng takhrachi theung y Krista i kalup sa nai keung y kaawm thai ai nai, ¹⁶Tamiuh my ang pei nai pahengra deaungkho y nangchi ai kadawn vau hai ai nai, mani sala y mo vam kyh naimy katajyh nai ne. Cheng takhrachi ai talam nai ly Phailo kachai my chai hai iy kawn ai ataing nai lawn thai ai nai, kai ly Taamiuh i Satang Kahawi y kakry nai ne.¹⁷Hunaibaly kai ly Tamiuh i molam y Krista Isu y ly amlyh ai naira awm. ¹⁸Krista ly Cheng takhrachi ai leu tangai hai ai nai, leu thui naira y hawi ati ti sa naira y py, ¹⁹ka-ma-rachi hawi rengrangchi ati ti sa thai naira y py, Phailo kachai i ati ti sa thai naira y py, kai ai ang teaung nai ati ti sa naichi ny y baly kai ly ati sai py kathui vam y leang. Hunaibaly Jerusalem avang hawi huni tengtang i dengdairei Harikon prie y khrairei Krista i Satang kahawi ly meingtym tleirei y kathuipi angym bo.²⁰Ne, kai ly khumi takhra i lengseaung leng nai tleaung y kapadyh nai ny y ai nai, Satang kahawi ly Krista i amyn palau chum nai meingtym y thui y naimy, ²¹"Mymy i satang pany vai y naichi my ly niu u ai i,Thai vai y naichi ly pany u ai," na nai tajyh nai kamta kathuipi ai tau nai ne. Pawla Rom y chei ai tau nai ²²Hunai deaungkho y py kai i nangchi teng y kang jeu ai nai ang paka jo jo nai ne. ²³Vai naini kai ly hini prie tengtang y sa ai nai meingtym pipi by y i, saneng neang neang nangchi teng y kang jeu ai ngai nai awm iy,²⁴Spain prie y kachei nai kha y kai ly tako nai tarawi y nangchi ai kang niu ai nai athang kakhai; naibaly nangchi hawi amkawm rawm nai y kawn iy, hu mang kai i chei ai naira y ly nangchi my kai ai pavum ai nai py athang kakhai. ²⁵Na i py vai ly khumi kachaichi ai sabawm ai nai Jerusalem avang y kachei ai rai.²⁶Ati mana nai mo na baly Makedonia hawi Akaia prie i khumichi ly paleung hawi parai naimy Jerusalem avang i khumi kachaichi theung y kamawnchi i vui y acheaung pi veng bo. ²⁷Ne, nichi ly paleung hawi parai naimy sa u nai bo, nichi ly hunichi ai kalai pei ai nai awm. Cheng takhrachi ly nichi i phailo mang i ati tichi ahum u makho baly, khaileaung prie mang i ati tichi my nichi ai sabawm teang ai nai aeang nai ne.²⁸Hunai deaungkho y kai ly huni kasa iy, huni athai py mymychi i vui kapajaw hai typ iy, nangmychi ai de nai Spain prie y kachei veang veang ai. ²⁹Naibaly nangchi teng y kang jeu nai khala y ly, Krista i amtheaung naira kangym nga nai kang jeu ai, na nai kapany.³⁰Amjo amnauchi awi, kai ly Juda prie i ym y naichi teng y kachym me thai ai nai hawi, Jerusalem avang i vui sabawm naira kasyn nai ly khumi kachaichi i kawn parai naira ne thai ai nai hawi, ³¹Tamiuh my avo hai nai kamta amo theu parai naimy kang jeu iy achi amcheng ahawi thai ai nai py, ³²achi i Areng Isu hawi Phailo i tamen naira deaungkho y nangchi i Tamiuh teng y kaimy i vui chiu sa pi naira y ly sabawm tanga ai nai kang takeng.³³Naibaly aly nai Tamiuh ly nangchi bawi bawi teng y awm sy. Amen.

Pawla i kawn nai leuchi ¹Achi i tuicho amni Phawibi, Kenkria avang i palau takhra kamkawmchi ai sabawm nai keung ai ly, ²Areng i amyn y khumi kachaichi kamta kawn u ai nai hawi, mymy ai sabawm ai nai aly ngai nai ngierei sabawm u ai nai py, nangchi mymy i meimai kang pany hai ai nai ngai: mymy kyp kyp py khumi neang neangchi ai sabawm nai keung ne i, kaimy kyp kyp ai py ang sabawm bo.³Priska nini Akuila, Krista Isu y kai kalup sa ahawi nai, kai i vui y dei ai mawn y nai pa-rei sa vam nai, nini teng y ly kawn nai leu thuipi kyh; ⁴Kai khyh ny y naimy Cheng takhra palau takhra kamkawm bawi bawichi my nini teng y ly kawn nai leu thui nai ne; ⁵nini i yhm y achu nai palau takhra kamkawm teng y py kawn nai leu thuipi kyh. Kai i ngai parai nai Epainita, Asia prie i Krista ai ym man me nai teng y ly kawn nai leu thuipi kyh.⁶Mari, nangchi i vui y sa akawm nai keung teng y ly kawn nai leu thuipi kyh. ⁷Kai i miso Andronika nini Junia, kai hawi vanrei theaung tla hawi nai teng y ly kawn nai leu thuipi kyh; nini ly amtaw thau naichi theung y amyn amthang parai nai ne i, nini ly kai tleaung y Krista y awm man me nai ne. ⁸Ampliata Areng y kai i ngai parai nai teng y ly kawn nai leu thuipi kyh.⁹Krista y kaichi i kalup sa ahawi nai Urbana nini kai i ngai parai nai Stakua teng y ly kawn nai leu thuipi kyh. ¹⁰Krista y khumi meitang Apelia teng y ly kawn nai leu thuipi kyh. Aristobula i dengtheungchi teng y ly kawn nai leu thuipi kyh. ¹¹Kai i miso Herodian teng y ly kawn nai leu thuipi kyh.Narkisa i dengtheung i Areng y awm naichi teng y ly kawn nai leu thuipi kyh.¹²Truphaina nini Truphosa, Areng y sa akawm parai nai nini teng y ly kawn nai leu thuipi kyh. Persi, Areng y sa akawm parai nai teng y ly kawn nai leu thuipi kyh. ¹³Areng y vawi nai Rupha nini mymy i amhm, kai i amhm py ne teang nai nini teng y ly kawn nai leu thuipi kyh. ¹⁴Asunkrista, phlekona, Hermia, Patroba, Herma, hawi, nichi khi y amjo amnau awm naichi teng y raurei kawn nai leu thuipi kyh.¹⁵Philoloka nini Julia hawi, Neria nini mymy i tuicho hawi, Olumpa hawi, nichi khi y khumi kachai bawi bawichi teng y raurei kawn nai leu thuipi kyh. ¹⁶Apachawm nai kachai y akawn u. Krista i palau takhra kamkawmchi bawi bawi my nangchi teng y kawn nai leu ang thuipi mang. Pawla i kangkhym leu pei nai ¹⁷Naibaly amjo amnauchi awi, patiu nai leu nangchi i amtiu y nai mang y amprei naira hawi atlym naira sa nai keungchi ai ly hawi hai khen u, naibaly nichi mang i nai hi vui ai nai kang takeng. ¹⁸Hunai kamta khumichi ly achi i Areng Isu Krista i kalup so y naimy, mymychi i kajeu i kalup sa u lawh; naibaly mymychi i leu kahawi hawi leu kakawp naimy ly cheng y naichi i paleung y tapawp lawh.¹⁹Nangchi i leu tangai nai sai ly khumi bawi bawichi theung y amthang veng bo. Hunai deaungkho y kai ly nangchi i tlang tleaung y kakawn; na i py nangchi ly ati ti kahawi mang y ly cheng u iy, kangmo mang y ly cheng u y ai nai kang ngai. ²⁰Naibaly aly nai Tamiuh my ly nangchi i kheu padawi anui y Setan ai ly ang chiu hai piupa praw ai. Achi i Areng Isu Krista i pahengra ly nangchi teng y awm sy.²¹

¹Pawla , amtaw thau nai Khumi ,(Khumichi i pato nai ny y i, Khumi i saho y py ny y leang, Isu krista hawi ni ai kadeichi theung i dengdairei pathau nai keung Ampo Tamiuh i saho y ne lawh nai) hawi, Kai teng y amjo amnau awm nai bawi bawichi hawi: ²Kalatia prie i palau takhra kamkawmchi teng y pa nai.³Ampo Tamiuh hawi achi i Areng Isu krista teng i dengdairei pahenra hawi awm nem naira ly nangchi teng y awm sy; ⁴mymy ly achi i Tamiuh hawi Ampo i kangai y vai dymkhawn i khaileaung prie kangmo parai naira theung i nai achi ai alaw hai thai ai nai, achi i kangmochi i jeng y mymy ly apei bo; ⁵Ampo Tamiuh teng y ly nang parai naira deaungtasarei awm sy. Amen.Harei khyh nai satang kahawi ⁶Nangchi ly krista pahen nai saho y ang palau nai keung teng i nai satang kahawi takhra mang y abi u praw vui nai ly kai ly rengrang tlai kana nai ne ; ⁷Huni ly takhra ny y leang; Nangmychi ai khru khra hai nai ; krista i satang kahawi ai takhra hai ai ngai nai ami mo awm atyh tyh nai teu. .⁸Na i py kaichi my mo, kani mang i dengdairei satla nai kani pri i amtaw thau nai my mo Satang kahawi kaichi i kang thuipi nai ny y nai, satang kahawi takhra ang thuipi lawh baly amsawi lawi kalei sy. ⁹Jangvaini y kang thuipi nai kamta ly vai kang thuipi bi ai; Satang Kahawi Nangchi i ym nai ny y baly, ami py satang kahawi takhra ang thuipi lawh baly amsawi lawi kalei sy. ¹⁰Ti y baly vai kai ly khumi ai kaparawi nai a? Tamiuh ai a? Khumichi ai kawn hai ai nai katau nai a? vai khumichi ai kawn hai nai kaawm rai baly, kai ly krista i miseaung ny y ai bo. Pawla amtaw thau lawn nai ¹¹Hunaibaly amjo amnauchi awi, kai i satang kahawi kang thuipi nai ly khumi i leu ny y leang , na nai nangchi ai kang pany hai nai ne. ¹²khumi teng i dengdairei kanga nai ny y i, khumi my ang patiu na py ny y leang ,Isu krista my amteng hai nai deaungkho y teu.¹³Judachi i Reita y jangni i kai i awm nai sai ly nangchi ly pany u angchi yb veng nai teu bo. huna nai Tamiuh i palau takhra kamkawm ai kaimy khri pa-rei ana iy khru khra hai reng nai ly; ¹⁴naibaly kai i amsi sangumchi i leu taviu naira y kai ly khri pa-rei atho kasa keh nai deaungkho y Judachi i Reita y kai i chengchi theung y kai i tleaungri neang neangchi ai kakatlen veng bo .¹⁵Na i py nei i taku theung i dengdairei kai ai ang takhra hai nai hawi, ni i pahen nai deaungkho y kai ai ang palau nai keung Tamiuh my ly, ¹⁶Cheng Takhrachi theung y ni i satang thuipi thai ai nai, ni i Chapo ai ly paleung hawi parai naimy kai ai amteng hai nai thym khala y ly tlang hawi thi hawi adeng kang y naimy, ¹⁷Kai ly amtaw thau nai khumi ny y rai khala i amtaw thau nai ne chum veng naichi teng y, Jerusalem avang y kachei naimy Arabi prie y kachei praw lawh veng; naibaly Damaska avang y ka-li teang bo.¹⁸Naibaly saneng thomrei bo y ly kipha ai de ai nai Jerusalem avang y kachei i, mymy teng y kani holai pangrei kaawm. ¹⁹Na i py amtaw thau nai takhrachi ai naini Areng i amjo amnau Jakob ai leaungrei ny y baly ami ai py kaniu y. ²⁰Khen u cham teu, nangchi teng y kai i leu tajyh naichi ly Tamiuh i mei ka-niu y py ka-chawi ny y leang mang.²¹Huni bo y ly Suria hawi Kilikia prie y kachei bo. ²²Naibaly JUda prie i Krista y awm nai palau takhra kamkawmchi ly kai ai meimai pany u y jo jo rai ; ²³nichi ly, Jangni y achi ai ana reng nai khumi ly, jangni y ym nai leu ai taphra reng nai ly vai ly huni i leu thuipi lawh , na nai amichi i thui nai harei pany u khyh. ²⁴Naibaly kaimy deaungkho y Tamiuh ai palo u bo .

Pawla hawi takhra amtaw thauchi ¹Naibaly saneng holai palyhrei nai bo y ly Tita ai py hawi iy Barnabar hawi vanrei Jerusalem avang y kachei bi bo. ²Naibaly amteng hai naira deaungkho y kachei i, Cheng Takhrachi theung y satang kahawi ka-eu hai reng nai ly mymychi ai kathuipi; na i py khumi kalengchi ai ly mymychi my tlairei kathuipi takhra bo, ti y baly vai i nai py jangni i py jawm my kangpreng atyh tyh nai ne lawh na.³Na i py kai teng y awm nai Tita py Krik khumi ne teu i py lengkhym takip pi tanga y leang; ⁴huni ly tapawp nai amjo amnauchi ai kangviu y kun hai nai deaungkho y teu; hunichi ly kaichi ai miseaung ang palawn u thai nai kaichi i krista Isu y tlamsa naira nga nai ly khen paryp ai nai kangviu y kun u bo. ⁵Na i py satang kahawi leu meitang ly nangchi teng y awm jo jo thai ai nai, kaichi ly tanarei chy py aau iy nichi i leu patawm y leang.⁶Na i py khumi kalen y palawn naichi ( mani mo khumi ka-tawn py ne sy, kai i vui y ati sai py ny y leang; Tamiuh ly ami ai py patle takhra y), nichi khumi kalen kyh y palawm naichi teng i nai kai ati sai py panawi bi y leang, kang napi. ⁷Huna nai tleaung y ly Petera ai lengkhym takip naichi teng y Satang Kahawi thuipi ai nai au nai kamta ly, lengkhym takip y naichi teng y Satang Kahawi thuipi ai nai ly kai teng y au veng bo. ⁸(Leangkhym takip naichi i amtaw thau nai khumi lawn ai nai petera i vui sa pi nai keung my ly, Cheng takhrachi i amtaw thau nai khumi lawn ai nai kai i vui py ang sa pi:)⁹Naibaly kai ai pahenra ang pei nai ly nichi ly pany u nai khala y, yhm mawm y palawm nai jakob ,kipha Johanchi ly, kaini ly Cheng takhrachi teng y chei ai nai hawi, nichi ly lengkhym takip naichi teng y chei ai nai py Barnaba kaini ai vanrei adeu nai lamtang mang i kiu ang pei u lawh. ¹⁰Ne mang ly kaini my kamkawmchi ai pany jo ai nai harei ngai u khyh i, huni ly kai i sa ai nai tau tatang nai angchi yb nai ne. Antiokei y Pawla my Petera ai preng nai ¹¹Na i py kipha ly Antiokei avang y jeu nai thym khala y ly khri pa-rei padeng ai asa nai deaungkho y kai ly mymy i mo y my kapaka bo. ¹²Ati mana nai mo na baly khumi amichi mo Jakob teng i dengdairei jeu u y rai khala y, mymy ly Cheng takhrachi teng y biu cha reng; na i py tym u bo na baly lengkhym takip naichi ai jei nai deaungkho y mymy ly abawi ali y i awm takhra veng bo.¹³Juda takhrachi my py tapawp naira y abawi u leng leang veng, hunaibaly Barnaba malawm py nichi i tapawp naira y abang teng vi na veng. ¹⁴Na i py nichi ly Satang Kahawi leu meitang kamta hawi hai palai awm u y na nai kapany i, Kipha teng y nichi bawi bawi i mo y, "Nang ly Juda khumi ne baly Judachi i awm nai kamta awm y naimy nang ly Cheng takhrachi i awm nai kamta awm lawh nai ly, ati mana nai y Cheng takhrachi ai ly Judachi i awm nai kamta nang ly awm hai akhikan lawh mo?" kanapi. Judachi hawi Cheng takhrachi ym nai y atleura nga nai ¹⁵Achi ly Cheng takhra khumi kangmochi kamta ne y i, achi ly Juda khumi y tapen angchi yb nai ne; ¹⁶na i py Reita i ati tichi sa nai deaungkho y ami my eaung naira ngo y leang, Isu Krista ai ym nai deaungkho y harei nga khyh, na nai achi py Reita i ati tichi sa nai deaungkho y ny y i, Krista ym nai deaungkho y eaung naira nga thai ai nai, achi ly Krista Isu ai ym nai ne; khumi na nai ly Reita i ati tichi sa nai deaungkho y eaung naira ha py ngo y leang.¹⁷Na i py achi ly Krista y eaung naira nga naira y awm ai tau nai tarawi y achi kyp kyp py khumi kangmo ne vui lawh baly, Krista ly khumi kangmo i kalup sa nai keung ne lawh a? ny y leang. ¹⁸Kai i ati ti aphrei naichi ly kai kasa ali teang lawh baly, kai ly Reita taphra nai keung ne, na nai kapany hai nai ne. ¹⁹Kai ly Tamiuh mang y kaheng thai ai nai Reita deaungkho y Reita y kadei chum veng bo.²⁰Kai ly Krista teng y tahen nai awm bo; na i py kai ly heng nai ne; na i py kai ly ny y leang bo, Krista kaimy y heng nai ne; Naibaly vai kai i tlang heng nai ly ym naira y kaheng nai ne, Tamiuh i Chapo my kai ai ang tamen nai kai jeng y ang pei nai keung ai ym naira y. ²¹Tamiuh i pahengra ly kataphra y leang, Reita deaungkho y hawi naira awm lawh baly, Krista ly jawm dei atyh tyh nai tla bo.

Reita leu pei nai a, ym nai a? ¹AW Kalatia prie i cheng y nai khumichi awi, nangchi ai ly ami my ang dawi mo? Krista Isu ai tahen nai ly nangchi i mei ka-niu y my chai pyn pa-rei amteng hai chy bo. ²Hini harei nangchi teng i dengdairei pany ai nai kangai; nangchi ly Phailo nga u nai ly Reita i ati tichi sa nai deaungkho y a, thai iy ym nai deaungkho y a? ³Nangchi ly hina tanrei pathu u a? Phailo y amteaung u cham veng nai iy, tlang y angym u pajau ai a?⁴Nangchi ly huna tanrei ati ti patang u rumram a? (Patang rumram tatang nai ne i khaly) ⁵Naibaly nangchi teng y Phailo ang pei nai keung hawi nangchi theung y ati ti rengrang sa nai keung ly, Reita i ati tichi i sa nai deaungkho y sa nai a, ym nai deaungkho y tangai naira ysa nai a?⁶Hunai kamta Abraham ly Tamiuh ai ym i, huni ym naira ly mymy i tlang tleaung y hawi naira y palawn bo. ⁷Hunaibaly pany u, ym naira y awm naichi ly, hunichi kyp kyp ly Abraham i chanauchi ne. ⁸Naibaly Tamiuh i cha-iu ly Tamiuh ly ym naira deaungkho y Cheng takhrachi ai ly eaung hai ai, na nai pany hai rym i, "Nangmy y ly cheng cheaungkhangchi ly amtheaung hai naira nga ai," na nai Abraham teng y Satang kahawi thuipi yb bo. ⁹Hunaibaly ym naira y awm naichi ly ka-ym awm nai Abraham hawi amtheaung hai naira y ly awm teang nai ne.¹⁰Reita i ati tichi sa naira y awm naichi ly amsawi lawi nai anui y awm u lawh veng; "Reita cha-iu y bawi bawi tajyh nai kamta sa ai nai awm jo y nai ngierei ly amsawi lawi reng," na nai tajyh nai ne. ¹¹Naibaly ami py Tamiuh i mei ka-niu y ly Reita deaungkho y eaung naira ngo y leang, na nai amteng angchi yb nai ne. Ati mana nai mo na baly, "khumi kahawi ly ym naira y heng ai," na nai ne. ¹²Reita ly ym naira i nai ny y leang, na i py, "Hunai kamta sa nai keung ly huni ra y ly heng ai," na nai ne.¹³Hunaibaly Abraham ai amtheaung hai naira ly Krista Isu y ly Cheng takhrachi i tlang tleaung y awm thai ai nai, Krista ly achi i jeng y amsawi lawi nai ne i, Reita i pasawi naira i dengdairei achi ai atleu bo; ¹⁴(ati mana nai mo na baly, "dengkeaung y dang nai ngierei ly amsawi lawi nai ne," na nai tajyh nai ne:) hunaibaly achi ly ym naira deaungkho y adeu nai Phailo ly nga pajau ai. Reita leu pei nai hawi adeu nai ¹⁵Amjo amnauchi awi, khumi kamta kathui nai ne; khumi i leu maikawm py ne sy, khaw hai chum nai bo y ly taprei vai y, tabi py tabi panawi vai y leang. ¹⁶Naibaly abraham teng y hawi, mymy i kangprengchi teng y py ati ti leu adeu hai nai ne. khumi bawi bawichi molam leu thui nai kamta, "Kangprengchi teng y py," tabi y; na i py leaungrei molam leu thui nai kamta, "Nang kangpreng teng y py," napi nai ne lawh veng; huni ly Krista ne.¹⁷Naibaly hina nai i khaw hai chum nai ly, Reita saneng chungvai palyh pangngo saneng phairei nai bo y tym nai ly huni leu adeu nai ai ly ati sai py so hai y naimyta tamo hai y leang. ¹⁸Amtym ai nai ly Reita deaungkho y ne baly, leu adeu nai deaungkho y ny y leang bo; na i py leu adeu nai deaungkho y Tamiuh my Abraham teng y pei nai ne.¹⁹Naibaly Reita ly ati mana nai y awm nai mo? Adeu nai nga ai nai kangpreng tym y ryrei ly taphra nairachi deaungkho y tabi panawi bo, naibaly kani prie i amtaw thau naichi ai teaung iy savai i kiu y chih nai ne. ²⁰Naibaly savai na nai ly khumi leaungrei i khyh ne vai y leang;Tamiuh naini harei khyh. Reita leu pei nai hawi patyp nai ²¹Naibaly Reita ly Tamiuh i leu adeu naichi ai ly paka nai sai a? Ny y leang; Reita y ang paheng thai nai ly ang pei chum makho baly, hawi naira ly Reita deaungkho y awm takeng kei ai nai tla. ²²Na i py Isu Krista ai ym nai deaungkho y ati ti adeu nai ly mymy ai ym nai keungchi teng y pei nai lawn thai ai nai, Tamiuh i cha-iu ly kangmo i aniu y ati cheaungkhang be be kho hai veng.²³Na i py ym naira tym y rai khala y, ym naira amteng ai nai vui ly kho hai iy, Reita i anui y achi ai ang typ nai ne chy bo. ²⁴Hunaibaly achi ly ym nai deaungkho y eaung naira nga thai ai nai, Reita ly achi ai krista teng y ang pahawi nai ne. ²⁵Na i py vai ly ym naira tym nai bo y ly, achi ly pahawi nai keung i anui y awm y leang bo. ²⁶Nangchi ly Krista Isu ai ym u nai deaungkho y Tamiuh i chanau lawn u be bo;²⁷nangchi theung y Krista y baptisma nga u nai ngierei ly Krista ai amthyp u bo. ²⁸Hunai ra y ly Juda khumi py Krik khumi py awm thai y leang, hunai ra y ly miseaung py miseaung ny y nai py awm thai y leang, hunai ra y ly neampachy py neampacho py awm thai y leang; ²⁹Krista y ly nangchi bawi bawi bomrei lawn u bo. Naibaly nangchi ly Krista i ne u baly, nangchi ly Abraham i kangpreng, leu adeu nai kamta amtym ai nai keungchi ne u bo.

¹Na i py kai ly hina kana nai ne; Ymtheaung amtym ai nai keung ly ati cheaungkhangchi i tlang tleaung ylu ne i py, deaungdi nai khala y ly miseaung hawi ati sai py takhra lawh y leang; ²ampo my pasym pi rym nai neng tym y ryrei ly mymy ly typ nai keung hawi kry nai keungchi i anui y awm lawh nai ne.³Hunai kamta ly achi py deaungdi kha y ly khaileaung prie i pakeungchi i anui y miseaung y awm. ⁴Na i py neng angym khyp khala y ly achi ly chanau lawn ai naira nga thai ai nai, ⁵Reita i anui y awm naichi ai ly atleu ai nai, Tamiuh my mymy i Chapo ai, neampachy my tapen nai, Reita i anui y tapen iy pato bo.⁶Naibaly nangchi ly chanau ne u nai deaungkho y Tamiuh my mymy i Chapo i Phailo ai ly Abba, Jaai, Ngaai na nai aeu naimy achi i paleung y ang pato bo. ⁷Hunaibaly nanh ly vai i dengdairei ly miseaung ne y leang bo, chanau ne; naibaly nang ly chanau ne baly Tamiuh i saho y nang ly yhmtheaung amtym ai nai keung ne. Kalatia palau takhrachi i vui Pawla paleung mawn nai ⁸Na i py nangchi ly huni neng khala y Tamiuh ai pany u y nai thym khala y, nangchi ly nichi i awm nai sai y py tamiuh ne y pui naichi i miseaung lawn u bo. ⁹Na i py vai ly nangchi ly Tamiuh ai pany u nai bo y ly--ny y leang, Tamiuh my nangchi ai pany nai bo y ly--nangchi ly ham y nai hawi awm atyh tyh nai pakeungchi i miseaung y awm u bi ai nai ngai u nai ly, hunichi mang y ly nangchi ly ati mana nai ali u teang nai mo?¹⁰Nangchi ly kanichi py, lochi py, nengchi py, sanengchi py ja u reng. ¹¹Kai ly nangchi i vui jawm my atho kasum lawh na mo, na nai kajei.¹²Amjo amnauchi awi, kaimy ka-tawm awm ai nai kang takeng, kai py nangmychi ka-tawm awm. nangchi ly kai i tlang tleaung y hawi y nai ati sai py so u y leang. ¹³Na i py nangchi teng y Satang kahawi kang thuipi angchei kha i nai ly, kai i tlang ham y nai deaungkho y ne, na nai nangchi pany. ¹⁴Naibaly kai i tlang y nangchi i vui parawi naira awm nai ly nangchi ly tahm py panem u y, paso py paso u y; na i py nangchi ly kai ai Tamiuh i kani prie i amtaw thau nai kamta hawi, Krista Isu ai kamta tanrei kawn u lawh nai ly.¹⁵Taham awm na u nai ly ma ma y awm veng mo? Sa thai iy khaly nangchi i mei ly takhawi u piu vui iy kai ai pei u ai bo, na nai kang pany hai chy bo. ¹⁶Hunaibaly kaimy leu meitang khyp kang thuipi nai deaungkho y nangchi i paleung ka-e ne lawh a?¹⁷Nichi ly hawi ai naira mang y ny y pui naimy nangchi ai hawi hai palai hau u lawh; ne, nangchi ly mymychi ai hau u thai ai nai nichi ly nangchi ai angam mang y ang kho hai tawp ai ngai nai ne. ¹⁸Na i py kai nangchi teng y awm nai khala y khyh ny y naimy, hawi naira mang y ly mana khala py hawi hai palai hau naimy awm jo jo ai nai hawi chy bo.¹⁹Bechi awi, Krista ly nangchi theung y angpa be y ryrei ly deaungdi tapen ai achai nai kajeu kano bi nai bo he. ²⁰Ne, vai dymkhawn ly nangchi teng y awm iy, kai i raawi takhra hai ai nai kangai; nangchi i molam y ly kai ly dawn pajau y. Hakari hawi Chara nini ai pata nai ²¹Reita i anui y awm ai ngai naichi awi, nangchi ly Reita i leu tangai u reng y a? ²²Hina nai tajyh nai ne; Abraham ly chapo leaung nyhrei sa i, leaungrei nai ly miseaung nu i tapen nai, leaungrei nai ly miseaung nu ny y nai i tapen nai ne. ²³Na i py miseaung nu i tapen nai ly tlang i reita kamta tapen nai, miseaung nu ny y nai i tapen nai ly leu adeu nai deaungkho y tapen nai ne, na nai he.²⁴Huni leu ly pata naira ne; hunini ly leu maikawm nyhrei nai ne; leaungrei nai ly Sinai Mawi i nai, miseaung lawn ai nai tapen nai keung ly; huni ly Hakari ne. ²⁵Naibaly hini Hakari ly Arabi prie i Sinai Mawi ne i, vai dymkhawn i Jerusalem awm nai hawi vanrei ne: mymy hawi mymy i chanauchi py miseaung y awm lawh veng.²⁶Na i py salo mang i Jerusalem naini miseaung ny y i, huni kyp kyp ly achi i amhm ne. ²⁷"Teng iy chanau tapen vai y nai awi, amo teung, Chanau tapen nai no vai y nai awi, aeu;Javo awm nai tleaung y ly savai tlang nai neampachy ly chanauchi nawi keh lawh,"na nai tajyh nai ne chy bo.²⁸Hunaibaly amjo amnauchi awi, achi ly Isaka kamta ly leu adeu naira i chanauchi ne. ²⁹Na i py hunai thym khala y ly tlang i reita y tapen nai ly Phailo i reita y tapen nai ai ly ana nai kamta, vai py hunai kamta ne teang.³⁰Na i py Tamiuh i cha-iu ly mana thui mo? Miseaung nu ai ly mymy i chapo hawi raurei patheu; miseaung nu i chapo ly miseaung ny y nai i chapo ai ly yhmtheaung amthym hai y ai, napi. ³¹Hunaibaly amjo amnauchi awi, achi ly miseaung nu i chanauchi ny y leang, miseaung nu ny y nai i chanauchi teu

Nangmychi i tlamsa nai ai akry u ¹Krista my ly miseaung ny y ai nai ang patheu jau chy bo; hunaibaly khaw pa-rei angdo u ly, miseaung i langvui savan y ly atang u reng moh jau. ²Khen cham, kai Pawla namgchi teng y leu thuipi nai ly, lengkhym takip hai u baly Krista ly nangchi i vui ati sai py kamran by y ai.³Ne, Reita i leu bawi bawi patawm ai naiawm nai keung ne, na nai lengkhym takip hai naingierei teng y kang pany hai bi nai he. ⁴Nangchi Reita y eaung ai nai tau nai keungchi awi, nangchi ly Krista hai amprei u bo: nangchi ly pahengra ai ly atlym pi u veng bo.⁵Achi ly Phailo i saho y ym naira deaungkho y hawi naira i athang khai naira ajeng nai ne. ⁶rista Isu ly lengkhym takip nai py, takip y nai py ati sai py kamran by y leang; ym naira y ly tamen naira deaungkho y ati ti sa naini kamran awm nai teu. ⁷Nangchi ly hawi hai palai angpreng uveng chy bo; nangchi ai ly leu meitang patawm y ai nai ami my ang paka mo? ⁸Hini parawi naira ly nangchi ai ang palau nai keung teng i dengdairei ny y leang.⁹Angbo maidenrei chy naimy tako phi verei num be veng. ¹⁰Nangchi i dawn nai ly takhra lawh y leang, na nai kai ly nangchi ai Areng y ly kang ym nai ne; na i py nangchi ai khru khra hai nai keung ly ami py ne sy, mymy i tlang tleaung y leu atlym nai ly patang ai.¹¹Na i py amjo amnauchi awi, kai ly lengkhym takip nai leu kathuipi jo jo makho baly ati mana nai kai ai ly ana jo jo mo? Hunai kamta ne baly kraws i paka nai sai tama hai bo. ¹²Nangchi ai khru khra hai nai keungchi ly ataphra u tlam tlam i khaly kangai nai ne'¹³Amjo amnauchi awi, nangchi ai ly miseaung ny y ai nai ang palau u nai ne; na i py nangchi i miseaung ny y naira ly tlang i vui ka-vo teaung u reng moh ly, tamen naira y phai asabawm u leungtang. ¹⁴Ati mana nai mo na baly, "Nangmy ai atamen nai kamta ly nang i saleaungchi ai py tamen ai nai tla," napi nai leu sairei naira y ly Reita bawi bawi ly angym be veng bo. ¹⁵Na i py nangchi ly akei u iy acha u leaungtang makho baly, atamo hai u leaungtang y ai nai amkym u. Phailo kangai hawi tlang i kangai ¹⁶Hunaibaly kai ly kang napi; Phailo y tako u, hunaibaly nangchi ly tlang i ngai phi teng y nai patawm u y ai. ¹⁷Tlang my ly Phailo ai tiu iy amymy ngai ngai sa ai nai ngai: Phailo py tlang ai tiu iy amymy ngai ngai sa ai nai ngai; hunaibaly nangchi ly nangchi i ati ti sa ai tau naichi ly so u thai y; hunini ly aawi hawi cheng vui veng. ¹⁸Na i py Phailo my nangchi ai pahawi baly, nangchi ly Reita i anui y awm u y leang mang.¹⁹Naibaly tlang i ati ti sa naichi ly hawi hai amny; huni ly hinichi ne he; ²⁰angai naichi, chai y naichi, paleaung naichi, myn y chiu naichi, dawi sa naichi, aniu ngai y naichi, ajo naichi, atakho naichi, kado theu naichi, atakai naichi, amy ngai ngai sa naichi, ym takhra naichi, akeng naichi, ²¹pavui naichi, mhm pawi y amo theu naichi, hunichi ka-tawm ly; huni sa reng naichi ly Tamiuh i peang naira amtym u y ai, na nai jangni y kang thuipi rym nai kamta vai py kang thuipi rym nai he.²²Na i py Phailo i athai ly tamen naira hawi, amo theu naira hawi, awm nem naira hawi, amnym naira hawi, neaung hawi naira hawi, hawi naira hawi, ka-ym awm naira hawi, leu anui naira hawi, amkym thai naira hawi ne; ²³hunai kamta aawi cheng y ai nai Reita leu pei nai ha py by y leang. ²⁴Naibaly Isu Krista i khumichi ly tlang hawi mymy i kangmo dawn naira hawi, ngai phi teng y naira hawi raurei tahen u veng bo.²⁵Achi ly Phailo y heng nai ne baly, Phailo y tako u teang sina. ²⁶Apacheang leaungtang iy, paleung ano nai tahm apasang u moh sina.

¹Amjo amnauchi awi, ami my kangmo ati py sa nai thym khala y theaungma nai awm khaly nangchi phailo mang y, asa naichi awi, "kai py parawi naira avum teang lawh na," na nai hawi hai atyp u nai trawi y huna nai khumi ai ly leu kanem chy y my angdo hai u. ²Nangchi i myn kaji pho nai ly alawn u, hunaibaly nagchi ly Krista i Reita patawm u nai keung lawn ai.³Khumi ly ati sai py ny y pui nai awm iy, khumi kalen alawn baly, amy ai atapawp amang atyh tyh nai teu. ⁴Na i py khumi leaung leaungrei amy i ati ti sa nai bawi bawi acham sy, huni bo y ly khumi takhra i molam ny y naimy amymy i molam y harei amlyh ai naira nga ai. ⁵Khumi leaung leaungrei ly amymy i myn pho bawi bawi ai nai tla. Myn laji alawm u ⁶Naibaly leu amtiu ai nga nai khumichi ly ati ti kahawi bawi bawi patiu nai keung teng y pei u vawitheung teang sy. ⁷Tapawp naira y awm u moh; Tamiuh ai ly khen nau ai nai vuilam ny y leang; ami my hei nai ngierei ly huni ly be be pakym ali teang ai. ⁸Amymy i tlang mang y hei nai keung ly tlang i veaung naira pakym ai i, Phailo mang y hei nai keung ly Phailo mang i deaungtasarei hengra pakym ai.⁹Hunaibaly ati ti kahawi sa ai nai palei u reng moh sina; achi ly apatlaw jo y baly neng khyp nai khala y ly pakym ai. ¹⁰Hunaibaly achi i avo nai neng tleirei ly khumi bawi bawichi i tlang tleaung y ly ati ti kahawi so u sina, naibaly ym nai dengtheungchi i tlang tleaung y so u patyp keh sina. Kangkhym i leu pei nai hawi kawn nai leu ¹¹Kaimy kiu kyp kyp y cha mawih kalen pui pui tlai katajyh nai ly khen u. ¹²Angam mang i tlang y ati ti khen nai ka-pu asa ai ngai nai ngiereichi my ly nangchi ai lengkhym takip hai akhikan reng nai ne; ati ti takhra ny y leang, nichi ly Krista i kraws deaungkho y ana naira patang u y ai nai sa nai harei khyh. ¹³Ati mana nai mo na baly lengkhym takip naichi malawm py Reita patawm u lawh y leang, nangchi i tlang y amlyh naira nga u thai ai nai nangchi ai lengkhym takip hai ai nai ngai u atyh tyh nai teu.¹⁴Na i py kai naini achi i Areng Isu Krista i kraws ai ny y baly kai i amlyh ai naira awm moh sy, huni i saho y ly khaileaung prie ly kai i vui tahen nai awm bo, kai py khaileaung prie i vui y tahen nai kaawm teang nai ne. ¹⁵Kangtha sa vui nai ny y baly lengkhym takip nai py, takip y nai py ati sai py ny y leang. ¹⁶Naibaly huni i reita kamta tako nai ngiereichi hawi Tamiuh i Israelachi i tlang tleaung y py awm nem naira hawi paheng naira py awm sy.¹⁷Vai i dengdairei ly ami py kai ai khru khra hai reng moh sy; kai i tlang tleaung y ly Isu i ka-ma-rachi ka-pu nai bo. ¹⁸Amjo amnauchi awi, Areng Isu Krista i pahengra ly nangchi i phailo teng y awm sy. Amen.

¹Pawla nini Timothei Krista Isu i miseaung nini my ly, Krista Isu y khumi kachai philipi avang i awm nai bawi bawichi teng y hawi, palau takhra kamkawm peang naichi hawi, dikonchi teng y py pa nai; ²Tamiuh achi i Ampo hawi Areng Isu Krista teng i dengdairei pahengra hawi awm nem naira ly nangchi teng y awm sy. Philipi palau takhrachi i vui Pawla chiu sa nai ³Angchei i kani dengdairei vai khrairei Satang Kahawi ahei naira y nangchi ly abawi teang nai deaungkho y, ⁴kai i nangchi ai dawn vau nai tleirei y kai i Tamiuh teng y ly kawn nai leu kathui reng, ⁵nangchi bawi bawi ai chiu kang sa pi naira tleirei y amo theu parai naimy kahnei pi jo jo. ⁶Ati mana nai mo na baly nangmychi i paleung theung y ati ti kahawi sa amteaung hai nai keung ly Isu Krista i kani tym pa-rei sa angym hai jo joai na nai, kai ly huni kyp kyp ly ym cheng cheng veng.⁷Naibaly nangchi ai ly kai i paleung y kang khai nai deaungkho y, nangchi bawi bawi mang y kai hunai kamta paleung awm nai kai i vui avo nai ne; ati mana nai mo na baly kai ai kawn naira y py Satang Kahawi ai eaung hai nai leu kathui naira y hawi, khaw hai naira y py nangchi bawi bawi ly kai hawi vanrei paleung nga ahawi naichi ne. ⁸Naibaly Isu Krista i paleung verei y paheng nai kamta nangchi bawi bawi ai khri pa-rei kang ngai nai sai ly, Tamiuh ly kai ai ang pany hai nai keung ne.⁹Naibaly kai ly nangchi i tamen naira my pany angym naira hawi dawn pata kawp naira cheaungkhang ra y awm nai tleaung y awm ra ai nai chiu kasa reng; ¹⁰hunaibaly nangchi ly ati ti hawi keh naichi ai ly hawi, napi u thai ai nai hawi, Krista i kani i vui ly meitang hawi cheh ai nai by y nai py lawn u thai ai nai , ¹¹Tamiuh ai tahm pasang ai nai hawi palo ai nai py, Isu Krista i saho y hawi naira athai nai ly kawi nai awm u. Heng nai ly Krista i vui ¹²Naibaly amjo amnauchi awi, kai i tlang tleaung y ati ti tym naichi ly Satang Kahawi ahei naira ne lawh, na nai nangchi pany ai nai kangai; ¹³hunaibaly kai ai kawn nairachi ly Krista y ne, na nai Praitorion tavai mi kamkawm bawi bawichi theung y hawi khumi takhra bawi bawichi teng y py amteng bo. ¹⁴Naibaly Areng y amjo amnau nawi keh naichi py kai ai kawn nairachi deaungkho y ym cheng iy, jei y naimy Tamiuh i leu thuipi naira y ly khri pa-rei vam nai tleaung y vam ra nai ne.¹⁵Phyreichi ly paleung ano nai hawi aei nai deaungkho y py Krista i satang thuipi u lawh veng; phyreichi ly kawn nai deaungkho y thuipi u lawh teang; ¹⁶kamkawm harei ly kai ai ly Satang Kahawi eaung hai nai leu thui ai nai ang khai rym nai ne, na nai pany iy, tamen nai deaungkho y thuipi: ¹⁷na i py kakawm takhra ly kai ai kawn naira y paleung mawn naira ang panawi ai tau nai, sa tatang nai paleung ny y naimy aei nai deaungkho y Krista i satang thuipi lawh teang.¹⁸Hawi mana. Ati py ne sy ati cheaungkhang ra y, tapawp ai tau nai mo, meitang nai mo, Krista i satang thuipi nai ne; ¹⁹huni ra y ly kai kawn, ne, kakawn jo jo ai. Huni ly kai ai nangchi my chiu sa pi nai deaungkho y hawi, Isu Krista my Phailo ang pei rawm nai deaungkho y py, kai i vui heng naira lawn ai, na nai kapany;²⁰kai i athang khai naira hawi kai i ngai parai nai kamta ly, ati ra y py amthang hai leaung nai kaawm y ai i, vam parai naimy kawn reng nai kamta vai py hengra deaungkho y mo, dei ra deaungkho y, kai i tlang y ly Krista ai palo naira lawn lawh ai. ²¹Ati mana nai mo na baly kai i vui heng nai ly Krista ne, naibaly dei nai ly kamrang ne.²²Na i py tlang y heng nai ly kai i phy nga ai nai ne iy, huni ly kai i sa nai athai ne iy khaly, hunaibaly mani nai kavawi ai mo,na nai kapany y leang. ²³Na i py kai ly sala khaw y lawkhang naira y dawn nai pany y naimy kaawm jo jau nai teu, katako vui iyKrista teng y awm ai nai kangai parai naira awm nai deaungkho y; huni ly khri pa-rei hawi keh veng. ²⁴Na i py nangmychi deaungkho y kai ly tlang ai awm jo jo ai nai ly khri pa-rei aly aeang keh nai ne.²⁵Naibaly huni ly kai ly ym cheng nai deaungkho y kaawm jo jo ai, na nai kapany; hunaibaly kai ly nangchi teng y kang awm bi ai nai deaungkho y nangchi i kaimy deaungkho y amlyh naira ly Krista Isu y khri pa-rei ty ra ty ra thai ai nai, ²⁶nangchi ym naira y veang ai nai hawi kawn ai nai pykai ly nangchi bawi bawi teng y kang awm jo jo ai, na nai kapany. ²⁷Ati py ne sy nangchi i amhi amtlau nai sai ly Krista i Satang Kahawi hawi amlau sy; hunaibaly kai ly nangchi ai kang de iy py, nangchi teng y kaawm y teu i py, nangchi ly phailo y vanrei kakhaw angdo u iy, paleung vanrei my Satang Kahawi ym nai leu y sa ahawi nai tiu nai keungchi ai ly ati ra y py jei y naimy awm u, na nai nangchi i satang kapany pajau ai;²⁸huni ly mymychi i vuitama ai naira ne, na nai hawi, nangchi i vui naini heng ai naira ne, na nai py pany hai naira chai pyn nai ne lawh veng, huni py Tamiuh teng i nai ne. ²⁹Ati mana nai mo na baly nangchi ly Krista deaungkho y mymy ai ym nai harei khyh ny y naimy, mymy deaungkho y nangchi ai ly patang u ai nai py ang pei nai ne; ³⁰nangchi ly kai i atiu ra awm nai ly niu u reng bo, vai py awm bi bo, na nai nangchi ly thai; nangchi ly huni kyp kyp nga u teang nai bo.

Krista i tahm apanem nai hawi nang parai nai ¹HUnaibaly Krista y pachei naira hawi, tamen naira i sa hai nai ra hawi, phailo hawi amkawm naira hawi, paleung verei y tamen naira hawi paheng naira awm baly, ²nangchi ly dawn nai vanrei atlyh u nai, tamen naira varei awm u nai, leu adyh naimy paleung vanrei awm u iy kai i kawn nai angym hai u.³Apreaung nai hawi tahm apasang nai deaungkho y ati sai py so u y naimy, khumi leaung leaungrei ly tahm apanem parai naimy amy tleaung y khumi takhra ly hawi kyh, na nai palawn bawi bawi sy; ⁴leaung leaungrei ly amy i khen khyh y naimy, leaung leaungrei ly khumi takhrachi i py khen u bawi bawi sy.⁵Hini paleung ly Krista Isu py awm nai ly nangmychi py awm sy. ⁶Mymy ly Tamiuh kamta awm iy, Tamiuh tangrei awm nai ly patlaw vui thai y nai palawn y i, ⁷apakeu lawh iy, khumi kamta tapen i miseaung kamta amlawn bo. ⁸Naibaly khumi kamta awm iy tahm apanem i, dei ai nai pa-rei leu tangai bo, ne, kraws kyp kyp tleaung y dei ai nai.⁹Hunai deaungkho y Isu i amyn y ati cheaungkhang --kani mang i py, khaileaung mang i py, khaileaung anui mang i py-- kheukhu di ai nai hawi, ¹⁰Ampo Tamiuh ai palo ai nai Isu Krista ly Areng ne, na nai palai cheaungkhang my amthang hai ai nai py, ¹¹Tamiuh my ni ai ly khri pa-rei palo i, amyn bawi bawi y amyn asang keh nai ly pei bo. Khaileaung prie y kangvang kamta angvang nai ¹²Hunaibaly kai i ngai parai naichi awi, nangchi ly leu patawm u jo jo nai kamta, kai awm nai khala y so khyh y naimy vai kai by y nai sala y py sa u keh lawh iy, jei nai hawi kaso theu nai tarawi y nangmychi i paheng naira ai ly pacheang u; ¹³Ati mana nai mo na baly nangmychi ai mymy i kawn ai naira vui y ngai ai nai hawi sa ai nai, nangmychi ai sa hai nai keung ly Tamiuh ne.¹⁴Padeng ai by y nai hawi, avo y naira abawi y nai py, vai kangthau paleung akawi nai hawi taphra naichi theung y Tamiuh i chanau cheh naira by y naichi lawn u thai ai nai, ¹⁵jo sei naira hawi aei naira by y naimyati cheaungkhang so u; hunichi theung y ly heng nai leu amteng hai nai, khaileaung prie y angvang hai nai keungchi kamta amteng u reng; ¹⁶hunaibaly jawm my kangpreng atyh tyh nai ny y nai hawi, jawm my kasa akawm atyh tyh nai py ny y nai deaungkho y, Krista i kani y ly amlyh ai naira kanga thai ai.¹⁷Ne, nangchi i ym naira apathyp naira y hawi ati ti sa naira tleaung y ly kai ai lei vui nai awm teu iy py kakawn nai ne, nangchi bawi bawi ai py kang kawn hai mang. ¹⁸Hunai kamta nangchi py kawn u ly, kai ai py kawn hai u teang. Tamiuh hawi Epaphrodita ¹⁹Na i py nangchi i satang kapany iy, kaawm nem teang thai ai nai, kra y nai sala chy y Timothei ai ly nangchi teng y pato ai nai Areng Isu y athang kakhai. ²⁰Hinai kamta paleung apu nai nangchi i awm nai sai meitang khyp dawn pi ai nai keung ami ai py kango y. ²¹Nichi bawi bawi ly Isu Krista i vui hau y naimy amy i vui hau u lawh veng.²²Na i py mymy i cham pajau chum veng nai awm nai sai ly nangchi pany, chanau my ampo i kalup sa nai kamta Satang Kahawi ahei hai naira y kai hawi sa ahawi reng nai bo. ²³Hunaibaly kaimy i vui mana awm ai mo, na nai kapany bo na baly, mymy ai ly pato praw ai nai athang kakhai. ²⁴Na i py kaimy kyp kyp py kra y nai sala chy y kang jeu ai nai Areng y ly ka ym cheng cheng nai ne.²⁵Na i py Epaphrodita, kai i amjo amnau, kai i kalup sa ahawi nai hawi, kai hawi tavai mi lawn ahawi nai hawi, nangchi i amtaw thau nai hawi, kai ati ti avaw nai khala y kai ai sabawm nai keung ai ly nangchi teng pato ai aeang nai kapany. ²⁶Mymy ly nangchi bawi bawi ai khri pa-rei kadawn na: mymy ly no, na nai nangchi ly pany u nai deaungkho y mymy ly khri pa-rei paleung mawn na teang. ²⁷Ne, mymy ly dei ai nai no ly ne khyp; na i py Tamiuh ly mymy ai paheng; na i py mymy ai khyh ny y leang, kai ly paleung mawn nai tleaung y mawn ra naira by y ai nai kai ai py ang paheng rau nai ne teang.²⁸Hunaibaly nangchi ly mymy ai niu u ali nai khala y ly kawn u thai ai nai hawi, kai i paleung mawn naira rym kyh thai ai nai py mymy ai ly kang pato praw nai ne. ²⁹Hunaibaly nangchi ly mymy ai amo theu parai naimy kawn u ly, hinai kamta khumi ai ly tahm pasang u; ³⁰ati mana nai no na baly nangchi i kai ai sabawm nai kamchawn patawm u bi ai nai, dei ai dawn y naimy sa iy, Krista i kalup sa nai deaungkho y dei vi nai awm veng bo.

Hawi naira tatang ¹Kangkhym i naira y ly amjo amnauchi awi, Areng y kawn u. Nangchi teng y huni ati ti tajyh anawi bi nai ly kai i vui palei ai awm nai ny y leang, nangchi i vui chawn lawh veng. ²Uichi teng y ly amkym u, ati ti kahawi so y naichi teng y ly amkym u, mymychi i ngan taphra naichi teng y py amkym u. ³Achi, Tamiuh i Phailo i saho y Tamiuh ai chiu nai hawi Krista Isu ai amlyh nai, achi tlang y ym naira den py by y naichi ly lengkhym takip naichi tatangchi ne lawh veng.⁴Ngai iy khaly kai py tlang y ym naira amtei pajau nai ne chy bo. khumi takhra na nai ly tlang y ym naira amtei nai awm, na nai dawn baly, kai ly dawn nai tleaung y dawn ra nai ne: ⁵Kai ly kani tajarei kani y lengkhym takip nai py ne, Israela i kangpreng Benjamin cheng i khumi py ne, Herbraichi theung y Herbrai y tapen nai py ne; Reita mang y ly Pharisai py ne;⁶atho sa naira mang y ly palau takhra kamkawm ai ana nai keung py ne; Reita leu y hawi naira y ly cheh ai by y nai py ne. ⁷Na i py kai i vui amran ai naira ngierei ly, hunichi ly Krista deaungkho y chau naira y kapalawn bo.⁸Ne khyp, kai i Areng, krista Isu ai pany naira ly ati ti bawi bawi tleaung y hawi keh nai deaungkho y ati cheaungkhang py chau naira y kapalawn nai ne. ⁹Krista ai kanga thai ai nai hawi, amy i hawi naira ly (huni ly Reita i hawi naira by y naimy, Krista ai ym nai deaungkho y Tamiuh teng i hawi naira) nga lawh iy, mymy ai kaawm lawh thai ai nai hawi, ¹⁰mymy i dei nai ka-tawm dei iy, mymy ai hawi mymy i angthau bi naira i ati ti sa thai naira hawi, mymy i patang nairachi amtawm hai nai py kapany thai ai nai hawi, ¹¹kadeichi theung i dengdairei angthau bi naira ly kango tanga thai teu na mo, na nai py kai ly mymy deaungkho y ati ti bawi bawi kachau be i, hunichi ai ly sai py aly by y nai kadawn. Katem y khrairei katapai tanga nai ¹²Kanga chum veng bo kana nai ny y leang, angym chum veng bo, kana nai py ny y leang; na i py Krista Isu my ang patiu naira ai ly kango pajau lawh teu na mo, na nai kathui veang veang nai ne. ¹³Amjo amnauchi awi, kanga bo na nai kadawn y leang. Na i py hini harei ly kasa reng: nithun mang i ati ti awm naichi ai ly dawn y iy, mo mang i ati ti awm naichi ai ly katapo tanga nai, ¹⁴Krista Isu i saho y Tamiuh i salo mang y ang palau nai kawn nai vang nga ai nai katem y tym pa-rei katapai tanga nai ne.¹⁵Hunaibaly cheang nai ngiereichi ly hunai kamta paleung takhra apu nai awm u sina; naibaly ati ra y py paleung takhra apu u nai ne baly, huni py Tamiuh my ang pany hai ai mang. ¹⁶Ati py ne sy, achi tym nai ryrei nai huni kamta phai tako u sina.¹⁷Amjo amnauchi awi, nangchi ly kai i amtiu nai keung y lawn u, naibaly nangchi ly kaichi ai khen pata ai nai awm i, huni kamta tako naichi ai ly hawi hai khen u. ¹⁸ati mana nai mo na baly khumi neang neangchi ly tako i, hunichi ly Krista i kraws paleung ke-echi ne, na nai kaimy nichi i satang ly kang thuipi jo jo chy bo, vai py vo nai tarawi y kang thuipi chy bo he; ¹⁹hunichi i tem naira ly tama naira ne, mymychi i tamiuh ly mymychi i kajeu ne, mymychi i tahm apasang naira py mymychi i amthang leaung naira ne, nichi ly khaileaung prie i ati tichi ngai lawh.²⁰Na i py achi i khuteng sa nai ly kani prir mang y ne; achi ly paheng keung, Areng Isu Krista ai ly hu i dengdairei satlang ai nai ajeng jo jo nai ne. ²¹mymy ly mymy i sa nai kamta sa iy, ati cheaungkhang ai py mymy ngai ngai anui y khai pajau, achi i tahm anem nai thym kha i tlang ai ly mymy i nang parai nai tlang kamta awm ai nai sa palai bi ai.

Leu pei naichi ¹Hunai deaungkho y amjo amnau ngai parai nai hawi adawn parai naichi, kai i kawn nai hawi kai i areng lukhymchi awi; kai i ngai parai naichi awi, hunai kamta Areng y khaw pa-rei angdo u. ²Areng y ly paleung vanrei awm ai nai Euodia ai kang takeng i, Suntuki ai py kang takeng teang. ³Ne, nang, kai i paleung savan apatli ahawi tatang nai ai py kang takeng, tuni neampachy nini ai ly sabawm ba; nini ly Satang Kahawi y kai hawi sa ahawi reng, Klementa hawi, kai i sa ahawi nai takhra, hengra cha-iu y amyn awm naichi py.⁴Areng y ly kawn u jo jo; kang napi bi ai kawn u. ⁵Nangchi i kham pajau nai sai ly khumi bawi bawichi my pany u sy. Areng ly kasa bo. ⁶Ati sai py paleung bi u moh; ati cheaungkhang ra y chiu sa nai hawi hnei nai ly kawn nai leu thui nai abawi iy, nangchi i ngai nairachi ly Tamiuh teng y pany hai nai awm sy. ⁷Hunaibaly Tamiuh teng i awm nem naira, den py pany bawi pajau y nai my ly, nangchi i paleung hawi dawn nairachi py Isu Krista y ang typ pi ai mang.⁸Kangkhym i naira y ly amjo amnauchi awi, meitang naira ngierei hawi, tahm khai naira ngierei hawi, hawi naira ngierei hawi, chai naira ngierei hawi, apu nai ngierei hawi, hawi sa nai amthang nai ngierei hawi,hawi naira awm iy palo naira awm baly hunichi ai dawn u. ⁹kaimy y nangchi i ati ti amtiu nai hawi, tangai nai hawi, thai nai hawi niu nai py hunichi kamta so u; hunaibaly awm nem nai Tamiuh my ly nangchi ai ang awm hai ai mang. Ati tichi kanga nai deaungkho y kawn nai ¹⁰Na i py nangchi i kai ai dawn pi nai ly vai ly dawn u ali teang nai deaungkho y kai ly Areng y khri pa-rei kakawn nai ne; nangchi ly huna nai kamta dawn u naira y ly dawn u tatang nai bo, avo naira naini ngo u y nai teu. ¹¹Kai ly avaw nai leu kathui nai ny y leang; ati mana nai mo na baly kai ly mana mo awm iy py paleung hawi jo jo nai awm ai nai amtiu bo. ¹²Tahm anem parai nai awm nai Reita py kakawp, nang nai awm nai Reita py kakawp teang; ati cheaungkhang ra y hawi, ati ti bawi bawi ra y py kajeu kawi nai hawi, kajeu alam nai awm nai reita py, nang nai hawi avaw nai awm nai reita awm nai sai kathiu py amtiu bo. ¹³Kai ly kai ai ham hai nai keung i saho y ati cheaungkhang kasa thai nai ne.¹⁴Na i py kai i patang naira y ly nangchi ly patang hai u teang nai ly nangchi i sa nai ly hawi. ¹⁵Naibaly nangchi philipi avang i khumichi awi, Satang Kahawi tym angchei nai thym khala y kai Makedonia prie i dengdairei theu nai khala y ly, nangchi ny y baly palau takhra kamkawm ha py ati ti pei nai hawi nga naira y ly kai hawi sa ahum nai by y, na nai nangchi kyp kyp py pany teang mang. ¹⁶Thesalonika avang y kaawm nai thym khala y py kai i avaw nai sabawm ai nai tlenrei khyh ny y i, nangchi ly tlen nyhrei pa u bo. ¹⁷Kai ly ati ti pei sy, na nai kahau nai ny y leang; nangmychi mang y athai peung ai nai kahau nai teu.¹⁸Na i py kai ly ati cheaungkhang awm i, awm mamang bo; Epaphrodita i kiu y kai ai nangchi i ati ti pa naichi ly kanga i, angym bo. Huni ly ati ti mui katui, apathyp naira kawn ai ataing nai, Tamiuh i Ka-kawn ne. ¹⁹Naibaly kai i Tamiuh ly Krista Isu y mymy i nang parai naira i nang nai sai kamta nangchi i avaw naira cheaungkhang ra y py ang nga hai ai mang. ²⁰Naibaly achi i Tamiuh hawi Ampo teeng y ly deaungtasa khrairei nang parai naira awm sy. Amen.²¹Krista Isu y khumi kachai bawi bawichi teng y kai i kawn nai leu thuipi kyh. kai teng y awm nai amjo amnauchi my ly nangchi ai kawn nai leu ang thuipi mang. ²²Khumi kachai bawi bawichi my nangchi ai kawn nai leu ang thuipi mang, Kaisara dengtheungchi theung i my ang thuipi nai ty keh. ²³Areng Isu Krista i pahengra ly nangchi i phailo teng y awm sy.

¹Pawla,Tamiuh i miseaung hawi Tamiuh i vawi nai chi i ym naira hawi ,nichi i ym nai ra dawn ryry nai leu meingtang pany nai saipy angym hai ai nai Isu khrista i amtaw thau nai ne. ²Naibabaly deaungtasa hengra nga ai nai athang khai nai ly huni i sangum ne ne. kachawi thui vai y nai Tamiuh my ly kani khaileaung palum y rai kha y my huni ai adeu y veng bo ; ³Naibabaly neng angym khyp nai kha y achie ai paheng nai keung Tamiuh leu pei nai kamta ly kai teng y ang au nai saho y mymy i leu amteng hai bo .⁴Ym sangum naira y kai i chanau kypkyp Tita teng y ly ampo Tamiuh hawi achie ai paheng keung Khrista Isu teng i nai pahenra hawi awmnem naira py awm ⁵Kai i leu pei nai kamta ly nang ly vai khrairei nichi i angym parei so y naichi sahai thai ai naihawi,avang tleirei vawi ai nai miteaungkehchi ai vawi thai ai nai krip tlawng y dawpi bo.⁶Cheh ai naira by y nai aju leaungrei awm khyh nai mymy i chanauchi ly ymnai chi ne iy saw vai y nai hawi leu tangai y nai awm vai y nai ne baly khai ai nai tla. ⁷Ati mananai mo naby Palau takhra kamkawn peang nai keung my ly Tamiuh i yhmtheaung krynai keung ne nai deaungkho y cheh naira by y nai parei awm ai tla ni ly mymy i ngaai nai dawn khyh nai hawi kado theupraw nai hawi khre atha hang pavui nai hawi khumi ai tameu nai hawi kangmrang hau reng nai khumi ne ai nai tlo y.⁸Na i py avyhmchi ai kawn reng nai, meingtang khyp nai tamen nai akym naira ,hawi paleung kahawi ne ai tla, ⁹patiu nai ra lang kateng y pacheang nai hawi a-ei keung chi ai sun nai ra nga thai ai nai py reita kamta leu kaym awm nai patawn tleng nai khumi neteang ai nai tla ,¹⁰Leu tangai y nai my atiti thui rumrang nai hawi tapawp nai khumi neang neang awm leikhym takie naichi awm keh ¹¹nichi ly kammrang hau reng i patiu ngau y nai hau iy deaungtheang veirei chi ai atlyhm hai .¹²Nichi theaung i nai amo leaungrei my thui i, Krip tlawn khumi chi ly kachawi chi mawi kasi chi biu hai nai deaungkho atho kasichi ne ¹³.Huni leu thui pi nai ly kateng ne huna judachi i leuchi hawi leu meingtang mang i naihie vui naichi ileu pei nai chi i dawn dang y my ,¹⁴.Khumi kachai vui ly ati cheaungkhang chai jo ,na i py chai y nai hawi ym nai chi i vui ly ati ra y py chai nai ra awm vai y leang nichi i dawn nai ra py hawi nai hawi y nai py chai y bo.¹⁵Khumi kachai chi vui ly ati cheaungkhang chai jo,na i py chai nai hawi ym y nai chi i vui ly ati ra y py chai nai ra awm vai y leang. ¹⁶Nichi ly kaichi ly kaichi Tamiuh ai py nanai my asa u bo,na i py amso awm nai hawi leu tangai y nai hawi atiti kahawi sa nai ra y pipi chawm y nai khumi nei nai deaungkho y nichi i ati sa nai ly mymychi ai apha hai u lawh.

¹Nangmy ly patiu kateng atlyh leu thui ba. ²neamchocho miteangchi ly amkym ai nai hawi ym nai ra y hawi tamen nai ra y hawi, kham pajau naira y hawi kateng awm ai nai py pachei,³Hunai kamta neamchy chi py amhi amtlau nai sai Tamiuh khai ai nai hawi seu rumram iy krep athai ham hai nai miseung lawm y nai my atiti kahawi patiu nai keung lawn ai nai pachieng teang.

¹Prei peangnai chi hawi aly peang keungchi i kangai awm ai nai hawi leu tangai nai hawi atiti kahawi sa ai nai ngai nai paleaung awm ai nai hawi ²Ami ai tamau y ai nai hawi josei y ai nai hawi neu kahawi awm ai nai hawi khumi bawibawi chi teng y leu anui naira ka-ym amteng hai ai nai py nichi ai dawn hai³Ati mana nai mo nabaly achi py jangneng y ly cheng y nai hawi leu tangai y nai hawi tapawp naira y awm nai hawi tlang i ngaiphi teng y nai ra hawi amo nai ra takhra takhra i miseaung y lawn nai hawi thui tamau nai hawi paleung no nai ra y awm iy amso awm nai hawi amychi teng tawi aniu ngai y naichi py ne teang .⁴Na i py achi ai paheng ai nai keung Tamiuh i neu hawi nai sai khumi chi i tlang tleaung y my i tamen nai sai py amteng hai nai khala y ly ⁵achi i atiti kahawi sa nai deaungkho y ny y nai my ,kangtha sa palai bi nai ra pajau nai hawi phailo kachai i kangtha sapalai bi veang veang nai deaungkho y mymym i pahen nai kamta khyp naimy angpaheng nai bo.⁶Mymy ly achi ai pahengkeung Isu khrista i saho y huni phailo kachai ly achi i tlang tleaung y khri khri parei anglei nai bo ⁷hunai baly achi ly mymy i pahen ra deaungkho y eaung nai ra ngaiy deaungtasarei hengra nga ai nai athang khai nai kamta ly yhmtheaung amtyp ai nai keung y lawn thai nai.⁸Hini leu ka-ym awm nai ne ,naibaly Tamiuh ai ym chum nai chi ly atiti kahawi sa ai nai dawn u jojo thai ai nai nang ly huni satang vam p,rai naimy thui ai kangai⁹na i py deng patum pati atyh tyh nai nai hawi deung kamtawn satang chi hawi a-ei nai hawi reita leu y ajo nai py aprieng veng hunichily chawn nai ra by y i ati sai py ny y nai ne; ¹⁰mymy ai tlenrietlennyhnrie pripnai bo yymtakhra ai ngai nai khumi hawi akawm moh . ¹¹hunai nai khumi ly tako takhra nai bo¹²kai ly artema ai mo , tukika ai mo nang teng y kang pato nai khalay ly nikopoli avang y kai teng y jeu tanga bakai ly kaseih khala yhu yawm ai nai tau bo ¹³reita pany nai keung zina nini apolo ly ati sai py avaw y ai nai khuleaung chei ai naira hawihai palai sabawn ba .¹⁴naibaly achi i khumi chi ly athai y nai my awm y ai nai avaw iy aeang nai kavaw takhra takhra i vui y atiti kahawi sa jo ai nai amtiu u sy¹⁵kai teng y awm nai ngiereichi ly nang teng y kawm nai leu angthui pi .ym nai ra y kaichi ai tamennai ngiereichi teng y kawm nai leu thui pi kyh nangchi bawibawichi teng ypahenra awm sy .

¹hawi, Areng Isu khrista i miseaung Jakob, prie takhra takhra ahei nai cheng hoilainyhrei chi teng y hini cha tajyh, taham hawi sy. ²Awi, kai i amjo amnau chi, nangchi cham ani ra avum nai khala amo theu nai my awm u ³ly, ati mana nai mo nabaly, nangchi cham nairaham pajau nai sai ly ym atho nga nai ra ne.⁴Naibaly ati sai py avau y nai,nangchi bom rei angyhm thai ai nai kham pajau nai ra my ly so angyhm sy, ⁵ami py cheng nai ra avau baly, Tamiuh teng y hnei u sy, ni ly pasai y nai hawi pa-awh vai y nai Tamiuh my ly bawi bawichi ai ang pei ai.⁶Na i py yn y nai ny y nai my, ym nai nai ra hawi my hnei sy ati mana nai mo na baly ym y nai ly panglie tui sangpyh ali my hmu pachaw nai kamta atawn. ⁷Hunai kamta khumi ly Areng teng y ati sai py nga ai nai athang khai mo sy, ⁸Ni ly paleaung kangphie awm nai khumi ne;amy i kalop bawi bawi ly so tangecheh y nai chi ne.⁹Khumi ngari i py Tamiuh my pasang nai deaungkho y taham hawi nanai paleaung y dawn u sy ¹⁰Nang nai khumi py nngari nai chi i kavui amlyh u mo sy, ati mananai mo nabaly acha pau kamta ly rawnteang ai, ¹¹Kani bi ango asang lieng nai kha la y deaung keung nga ly jei iy pau py rawi i , apu p,ra nai mo chi py aphra bo¹²Taham hawi- huni khumi ly, cham nai ra kham tangam nai chi ly pajau nai keung ai ly Heng nai Areng lukhym, ang pei ai. ¹³Cham nai khala ami py thui mo sy, Tamiuh my ly kai ai cham nai ne,hawi y naira y Tamiuh ly ly cham vai y leang , mymy ly ami ai py cham vai y.¹⁴Na i py khumi leaung leaungrei ly amy i ngai phi teng y nai tapawp naira y parawi nai teu. ¹⁵Ngaiphi teng y nai ly pawn ai i kamngo tapen ai; naibaly kamngo ly cheang iy dei naira tapen. ¹⁶Ngai p,rai nai amjo amnauchi awi , tamang reung moh.¹⁷Atiti pei nai kahawi vang,hawi kachai kawn vang bawibawi chi ly kani prei kavang ampo teng i nai ang jeu nai teu,kakhui ly hi i nai huni meingtym asyh reng, na i py mymy ly asyh vai y leang, ¹⁸Tamiuh ly mymy i kangai leu meingtang hawi achi ai ang paheng bo,naibaly achi ly theng thai bawi bawi tleaung y athai kamang athai ne.¹⁹Kai i ngai nai amjo amnauchi aw,hini ly nangchi pany u, ati mana nai mo nabaly nangchi leu tangai ai nai avengryhm nai my awm u, ly leu katheu u ala mo ly,kado theu nai py theu u kali ki mo ba. ²⁰Ati mana nai mo nabaly ami py kado theu baly Tamiuh i kangai py, kalop kahawi py so thai y leang. ²¹Nangchi i chai y nai hawi, hawi y nai chi ly khai su paleung apanem iy mymy i leu ly nang chi teng y awm bo, huni leuly nangchi i hengra ampei pajau.²²Na i py amy chi ai atapawp iy ieu tangai u jo khyh ny y i leu tapawp nai keung lawn u. ²³Ati mana nai mo nabaly ieu tangai kamta kalup so u y law baly lakhapapui adeu iy tanari chy niu nai kamta atawn, ²⁴mymy ly lakhapapui adeu iy tako vui,naibaly mymy i awm i awm saily tami veng ry bo. ²⁵Ami py paleung verie reita kahawi khem u baly, tangai iy tami nai kamta ny y nai my, leu thai nai kamta kalup sa u nai chi taham hawi.²⁶Ami py amy ly kahawi nanai apalawn iy amy i palai ai atyp y pasi lawh baly, mymy i kahawi nanai ly ati sai py vang teng y leang. ²⁷Hawi y nai kani y nurocho hawi lumaichi ai khem kry iy khaileaung prie awm nai kha tamang y parei amy awm pajau nai ly ampo Tamiuh teng y ly -kachai hawi kahawi ne.

¹Kai i ngaiprai nai amjo amnau chi awi,Nang chi ly achi i Areng isu khrista y ym nai tarawi y, bawi bawi chi ai patle takhra nai awm u moh. ²khumi leaungrie ly baichu kahawi hawi amchoiu iy nangchi i muku kiu sabyh py amchiu i, Nangchi achura yhm y angjeu bo. Naibaly baichu kamaw hawi ngari nai khumi py jeu teaung, ³Naibaly nangchi my huni baichu kahawi akhiu nai khumi mihmai y khken i thupi i,Nangly huni mitang kahawi ra y ateh ba napi, Naibaly huni khumi kamaw ai ly thupi i,Nangly huni ra y ateh ti y baly kai i kheu anu y ateh napi. ⁴tunaly nangchi ly nangmy chi theung y patle taqkhra ry nai ne sai a?hawi y nai ra hawi tara chie ry nai ne a?⁵Ngaiprai nai amjo mamnau chi awi tangai u cham khaileaung prie y khumi ngarie chi ai Tamiuh my vawi y nai sai a?Tamiuh i peaung nai ra y amtym ai nai tamiuh i adeu nai ra huni khumi chi i kavui y ly abawi y nai sai a? ⁶Na i py huni khumi ngarie chi a tahm khai y nai sai law ly. khumi kanang chi my nang chi ai ana y nai sai a?Nichi my nangchi ai tara chih nai yhm y syn hai y nai sai a? ⁷Nangchi palau nai tahm tahm asang nai amyn areng chi my Isu khrista thu tamaw y nai sai a?⁸Atipy ne sy, nang i saleaung amy kamta tamen baly nangchi angchie metang khyp my kani pri i kangai pasum baly hawi nai ne, ⁹na i py nangchi ly khumi bawi bawi chi a mema pajyh patle law baly nangchi ly kamngo sa u nai ne,¹⁰Nai baly khumi leaungrie ly reita bawi bawi chi teaung iy, reita harie teaung y veng law baly, huni ly reita y teaung y nai ne, ¹¹Tamiuh my thupi nai ly pajang so moh napi,naibaly khumi ai py padei moh napi, na i py khumi ai padei baly reita teaung angyhn y i taphra nai keung ne a?¹²Reita my misaeunvg i nai alaw hai nai khumi chi, khumi chi i kamta ly huni reta my tara chih hai ry ai,nichi i kamta leu katheu ly tako py tako u. ¹³tamen nai ra by y nai keaung ly chi ly tara chie nai thym kha tamen nai ra nga ai ne y, tamen naira ly eaung nai ra ne.
Ym nai ra hawi sa nai ra¹⁴Ngaiprai nai amjo amnau chi aw, ami py kai ly ym nai ra awm na iy sa nai ra by y baly ati kamrang awm moh?Ym naira my kamngo i nai lawi hai pajau na a? ¹⁵Amipy amjo amnau tucho chi baichu,techa aly ngai nai thym kha y, ¹⁶Nang chi theung y khumi leaung rie ly huni chi teaung y thupi, awmni naimy bi um iy kajeu kawi nai my tako ba napi, na i py nangchi ly nichi i vui y tlang i ngai nai ati saipy pe y baly ati kamrang awm moh? ¹⁷Hunai kamtaly ym nai ra sanaira by y baly deih nai ra teu.¹⁸Na i py ami py thu teu sy,nang ly ym nai ra awm, kai kahawi sa nai ra awm,nang sanai ra by y naimy ym nai nai ra kai ai pate,naibaly kai ly nang ai kai i ym nai ra hawi sa nai ra py pate a. ¹⁹Nang i ym nai Tamiuh ly harie khy na nai ym, vawinam chi py ym iy jieh kaso theu teaung, ²⁰Na i py athai kawp y nai khumi chi awi,nang ly pany y nai sai a?sa nai ra by y nai ym nai ra ly ati sai py ne y.²¹Achi i ampo abraham ly sa nai ra deaungdairie my i chapo isika ai mai cham y talang nai ra hawi deaungdairie khumi kahawi napi nai angteung nai ne y ai? ²²Nang chi niu nai kamta ym nai hawi my i sa nai ra abawi nai deaung kho y sanai ra y ym nai ra py angyhn nai ne. ²³Hunai y Tamiuh i leu py angyhn nai ne. Abraham ly Tamiuh ai ym i mymy ly khumi kahawi na nai amteng hai bo. ²⁴Naibaly mymy ly Tamiuh i ahawi na nai py amyn nga bo.²⁵Bima Rahabi mymy py sa nai ra i nai khumi kahawi na nai amteaung nai ne y a? mymy ly amtauthau chi kry iy lang takhra mang angam mang y pato vevg nai ne. ²⁶Hunai y phai lo ne y baly tlang ly dei nai ra teu.hunai kamta sa nai ra by y baly ym nai ra py deih ra teu.