Bible

John

Chapter 1

¹Awal mula'ya adalah Firman, Firman na basama-sama ngan Allah wan firman na adalah Allah. ²Firman na udah basama-sama ngan Allah dari dulu'ya. ³Sagala hal li'cipta lewat Ia. Tanpa Ia, sagala hal nang udah ada ntu angin mungkin bisa ada.⁴Ka dalap Ia ada idup wan idup ntu adalah Tampa'k kaleno. ⁵Tarang ntu bacahaya ka dalap utat pata'k, pata'k angin bisa nguasai'Ya.⁶Ada seurak nang li'ngutus Allah, nana'ya Yohanes. ⁷Ia atak sebage saksi ntuk mere tau kesaksian tentang tarang na lewat ia samua orak njadi pacaya. ⁸Yohanes sorak ukatlah tarang na, tapi ia atak ntuk mere tau kesaksian tentang tarang na.⁹Tarang nang sajati nang narangi samua orak, pasti atak ka dunia.¹⁰Tarang na udah ada ka dunia wan dunia ntu li'njadikan oleh Ia, tapi dunia angin nganal Ia. ¹¹Ia ampus ka punya-Ia, tapi punya-Ia na angin narima Ia.¹²Tapi, mpu'ya nang narima Ia li'mere kuasa ntuk njadi anak-anak Allah, ya na mpu'ya nang pacaya ka nama-Ya. ¹³mpu'ya lahir ukat dari darah tou keinginan daging, tou dari keinginan ngelaki-laki, melainkan dari Allah.¹⁴Firman na udah njadi daging wan diap ka ntara diri. diri udah nele kemulian-Ya, ya na kemulian anak tunggal Bapa, panuh ngan anugrah wan kebenaran. ¹⁵Yohanes mere kesaksian tentang Ia ngan ngampa'k, "Ntulah Ia nang kumaksud wa'tu aku bakata, "Udah aku, nak atak ia nang udah dului aku ka'ena Ia ada sabalum aku."¹⁶Dari kepenuhan-Ya, diri samua narima anugrah demi anugrah. ¹⁷Sabab, hukum Taurat li'mere lewat Musa; tapi anugarah wan kebenaran atak lewat Yesus kristus. ¹⁸Tapi angin seorak pun nang parnah nele Allah, tapi Anak Tunggal Allah, nang ada ka pangko Bapa, nyatakan-Ya.¹⁹Ntulah kesaksian Yohanes pas orak-orak Yahudi ngutus imam-imam wan orak-orak Lewi dari Yerusalem ntuk batanya ka Yohanes, "Sapehkah kau?" ²⁰Yohanes ngaku, wan ia angin nyangkal'ya, ia ngaku,"Aku ukat kristus na." ²¹Mpu'ya batanya ka ia, "Kalau macam na, sapehkah kau? Apehkah kau Elia?" Ia njawab,"Aku ukat elia," "Apehkan kau Nabi na?" Ia njawab,"Ukat."²²Satalah na, mpu'ya bakata ka ia, "Sapehkah kau, ka'ena orak wa'kitu harus mere jawaban ka orak nang ngutus wa'kitu? Apeh kata kau tentang diri kau sorak?" ²³Yohanes njawab ngan pekata Nabi Yesaya,"Akulah suara orak nang li'katakan Nabi Yesaya baseru-seru ka tangah padang: 'Luruskan lah jalat bagi Tuhan!"'

²⁵Lalu, mpu'ya bakata ka Yohanes, "kalau kau ukat Mesias, ukat Elia, wan ukat Nabi na, ngapeh kau mbaptis?"²⁶Yohanes njawab mpu'ya, "Aku mbaptis ngan ae, tapi li ntara kau dadek seorak nang angin kau kanal. ²⁷Ialah nang nak atak satalah aku. Mbuka tali sandal-Ya pun, aku angin pantas," ²⁸Samua na njadi ka Betania, ka sabarang Ae Yordan, tampat Yohanes mbaptis.²⁹Pas nalap ari ya, Yohanes nele Yesus atak ka ia, lalu Yohanes bakata, "Telelah, Anak domba Allah! ³⁰Ialah nang aku maksud pas aku bakata, "Pas aku nak atak ka seorak nang labih aya dari pada aku ka'ena Ia udah ada sabalum aku.' ³¹Dulu, aku angin nganal Ia, tapi supaya Ia linyatakan ka orak-orak Israel, maka aku atak mbaptis ngan ae,"³²Yohanes besaksi, kata'ya, "Aku nele Roh turut dari maramang macam buru'k merpati wan Roh na diap ka Ia. ³³Aku sorak angin nganal Ia, tapi Ia nang ngutus aku ntuk mbaptis ngan ae bakata ka aku,'Ia nang ka atas'Ya kau nele Roh turut wan diap, Ialah nang nak mbaptis ngan Roh Kudu.' ³⁴Aku sorak udah nele wan mere kesaksian bahwa Ia ntulah Anak Allah.³⁵Pas nalap'ya, Yohanes dadek agi basama dua orak murid ya, ³⁶Lalu ia nele Yesus gik bajalat. Yohanes bakata,"Telelah, Anak Domba Allah!"³⁷Kadua murid ya nangar pekata ya na lalu mpu'ya ngikut Yesus. ³⁸Yesus ngolek ka tombo'k pas nele mpu'ya gik ngikut-Ia, Ia bakata ka mpu'ya, "Apeh nang kau nagago?" Mpu'ua bakata ka Ia, "Rabi (artiya Rabi Guru), ka manekah Kau diap?" ³⁹Ia bakata ka mpu'ya,"Ayok kau akan nele ya."satalah na, mpu'ya atak nele tampat Ia diap wan mpu'ya diap basama man Ia ari na ka'ena wa'tu na kira-kira jam kesepuluh.⁴⁰Salah satu dari kadua murid nang nagar pekataan Yohanes lalu ngikut Yesus na adalah Andreas, banyadi Simon Petrus. ⁴¹Gik angin wa'tu na, Andreas batamu Simon, banyadi ya, wan mere tau,"Wa'kitu udah namu Mesias ( Mesias arti ya Kristus)." ⁴²Pas na, Andreas maba Simon ka Yesus. Yesus mandang Simon, anak Yohanes. Kau nak li nyaru Kefas ( Kepas arti ya 'Petrus' atau 'Batu')."⁴³Pas nalap ya, Yesus bamaksud ampus ka Galilea. Ia batamu ngan Filipus wan bakata ka ia, "Nunalah Aku!" ⁴⁴Filipus barasal dari Betsaida, kota tampat Andreas wan Petrus diap. ⁴⁵Filipus batamu ngan Natanael wan bakata ka ia, "Wa'kitu udah namu Ia nang li'nulis oleh Musa dalap Hukum Taurat wan oleh koba nabi, ya na Yesus dari Nazaret, anak Yususf."⁴⁶Natanael bakata ka ia, "Mungkinkah suatu nang baik atak dari Nazaret?" Filipus bakata ka ia, "Atak wan telelah." ⁴⁷Yesus nele Natanael atak ka Ia wan ngomong hal tentang Natanael, "Telelah, seorak Israel sejati, angin ada nang palsu ka dalap ia!" ⁴⁸Natanael batanya, "Bagemane Kau nganal Aku?" Yesus njawab,"Gik angin Filipus nyaru kau, Aku udah nele kau pas kau ada ka oroh kayu ara."⁴⁹Jawab Natanael, "Rabi Kau adalah Anak Allah. Kau adalah Raja orak Israel." ⁵⁰Yesus njawab wan bakata ka ia, "Ka'ena Aku bakata ka kau, 'Aku udah nele kau ka oroh kayu ara', maka kau pecaya? kau pasti nele hal-hal nang jauh labih aya dari nang ntu!" ⁵¹Lalu, Ia ngelanjut, "Sesungguh ya, Aku bakata ka kau, kau pasti nele maramang tabuka wan malekat-malekat Allah naek turut,"

Chapter 2

¹Pas hari nang ketiga, ada pesta kawin ka Kana, Galilea, wan indo Yesus ada ka sana. ²Yesus wan murid-murid Ya ugak li'ngundang ka pesta kawen na.³Pas ae anggor abis, indo Yesus bakata ka Ia,"Mpu'ya abis ae anggor." ⁴Yesus njawab, "Mbini gik angin atak." ⁵Indo Yesus bakata ka kobo pelayan, "Apeh pun nang Ia madah ka kau, gawe ja na."⁶Ka ngaan, ada enam centong dari batu, nang biasa li'makai orak Yahudi ntuk upacara penyucian. ⁷Yesus bakata ka kobo pelayan, "Isi lah centong-centong ntu ngan ae."Wan, mpu'ya ngisi centong-centong na ngan ae sampe panuh. ⁸Pas na. Yesus bakata ka mpu'ya, "Ntu nyan, tangkaplah sedamuk wan mabalah ka ketua pesta."Lalu, mpu'ya maba ya ka ketua pesta.⁹Pas ketua pesta nyicip ae nang udah li'njadi anggor na, lalu, ia angin tau dari mane na barasal ( tapi kobo pelayan nang nangkap ae na tau), maka ketua pesta na nyaru mempelai laki-laki, ¹⁰lalu bakata ka ia, "Satiap orak ngidangkan ae anggor nang baik terlabih dulu wan pas samua orak puas nyocok, barulah li'ngidang anggor nang kurang baik. Tapi, kau naroh anggor nang baik sampe ntu ari."¹¹Tanda ajaib pertama ntu Yesus muat ka Kana, Galilea, wan nyatakan kemulian-Ya pacaya ka Ia.¹²Satalah na, Yesus turut ka Kapernaum basama indo Ya, sabanyadi, wam murid-murid-Ya. Mpu'ya diap ka ngaan salama berapeh ari.¹³Hari Raya Paskah orak Yahudi udah sama'k, wan Yesus pun naek ka Yerusalem. ¹⁴Ka Bait Allah, Ia nele orak-orak nyual lembu, domba, wan merpati, satra kobo penukar duit dudk ka ngaan.¹⁵Yesus ngawe cambuk dari tali wan ngusir mpu'ya samua kaluar dari Bait Allah, temasuk samua domba wan lembu mpu'ya. Ia uga muak duit-duit koin dari kobo penukar duit wan mulak ka meja-meja mpu'ya. ¹⁶Ka kobo pedagak merpati, Yesus bakata,"Baba kaluar samua dri ntu! usah njadikan rumah Bapa-ku tampat ntuk bajual bali.¹⁷murid-murid-Ya taringat kalo ada tetulis: "Cinta akan rumah-Kau, nganguskan Aku." ¹⁸Satalah na, orak-orak Yahudi njawab wan bakata ka Ia, "Tanda ajaib apeh nang Kau nunjuk ka wa'kitu sehingga Kau berhak ngelaku hal-hal ntu?" ¹⁹Yesus njawab mpu'ya, "Hancur lah Bait Allah ntu wan dalap tiga ari Aku mbangun ya agi."²⁰Mpu'ya njawab, "Parlu 46 tahun ntuk mbangun Bait Allah ntu, lalu Kau nak mbangun ya dalap tiga ari?" ²¹Tapi, nang Yesus maksud na Bait Allah adalah tubuh-Ya sorak. ²²Ka'ena an, pas Yesus li'mbangkit dari ntara orak mati, murid-murid-Ya taringat pekata na; lalu mpu'ya pacaya ka Kitab Suci wan pekata nang Yesus madah na.²³Pas Yesus ada ka Yerusalem salama Perayaan paskah, banyak orak pecaya dalap nama-Ya ka'ena nele tanda-tanda ajaib nang li'ngawe-Ya. ²⁴Tapi, Yesus sorak angin pecaya diri-Ya ka mpu'ua ka'ena Ia nganal samua orak, ²⁵lalu angin mbutuh sapeh pun ntuk mere kesaksian tentang kaleno sabab Ia tau apeh nang ada dalap ati kaleno.

Chapter 3

¹Ada seorak Farisi banama Nikodemus. Ia na seorak ketua bangsa Yahudi. ²wa'tu malam na, ia atak ka Yesus wan bakata,"Rabi, wa'kitu tau kalo Kau na adalah Guru nang atak dari Allah ka'ena angin ada seorak pun nang bisa ngelaku tande-tande ajaib nang Kau muat, kecuali Allah ada wan kau."³Yesus njawab ka ia,"sabanar banar ya Aku bakata ka kau, kalo seorak angin li'lahir agik, ia angin bisa nele Kerajaan Allah." ⁴Nikodemus betanya,"Macam mane mungkin seorak bisa li'lahir agik kalo ia udah tua? Bisakah ia tama agi ka dalap parut indo'ya lalu lahir agi?"⁵Yesus njawab ka ia,"Sabanar'ya Aku bakata ka kau, kalo seorak angin li'lahir dari ae wan Roh, ia angin bisa tama ka dalap Kerajaan Allah. ⁶Apeh nang li'lahir dari daging.⁷Usah heran ka'eana Aku bekata ka kau,'kau arus li'lahir agi.' ⁸Angin sepoi-sepoi ka mane pun ia mao wan kau nangar bunyi'ya, tapi kau angin bisa tau dari mane asal'ya wan dari mane ia nak ampus. Macam na uga ngan satiap orak nang li'lahir dari Roh."⁹Nikodemus batanya, "Bage mane mungkin samua hal ntu tejadi?" ¹⁰Yesus njawab, "Ukatkah kau guru orak Israel, tapi kau angin ngerati samua hal ntu? ¹¹Sabanar-banar'ya, Aku madah ka kau bahwa wa'kitu ngomong tentang apeh nang wa'kitu tau wan mere kesaksian tentang apeh nang wa'kitu nele, tapi kau angin narima kesaksian wa'kitu.¹²Kalo Aku mere tau kau tentang hal-hal daniawi ja kau angin pecaya, bagemane mun gkin kau bisa pecaya kalo Aku mere tau kau tentang hal-hal duniawi? ¹³Angin seorak pun nang parnah naek ka surga, kecuali Ia nang udah turut dari surga, ya na Anak Kaleno.¹⁴Sama macam Musa, ia naekan ular tembaga ka padang belantara, sama uga Anak Kaleno arus li'tinggikan, ¹⁵Biar satiap orak nang pecaya ka-Ia namu idup nang kekal.¹⁶Ka'ena Allah banar sayang ka dunia ntu, Ia mere anak'Ya nang tunggal supaya satiap orak nang pecaya ka Ia angin binasa. ¹⁷Ka'ena Allah ngutus Anak-Ya ka dalap dunia ukat ntuk ngakim dunia, melain supaya dunia li'selamatkan lewat Anak-Ya.

¹⁹Ntulah ukum na: Tarang udah atak ka dalap dunia, tapi kaleno labih suka utat patak dari pada tarang ka'ena apeh nang mpu'ya gawe na jahat. ²⁰Ka'ena satiap orak nang babuat jahat garik nele Tarang wan angin atak uga ka Tarang na biar apeh nang li'ngawe ya angin li'ngkit-ungkit. ²¹Tapi, orak nang buat hal nang banar atak ka Tarang na biar nyata apeh nang li'gawe'ya na ka dalap Allah."²²Udah na, Yesus wan kobo murid-Ya ampus ka tanah Yudea. Ka ngaan, Ia ngabis wa'tu basama mpu'ya wan mbaptis. ²³Yohanes uga mbaptis ka Ainon samak Salim ka'ena ada manyak ae ka ngaan. Orak-orak pada atak li'mbaptis. ²⁴Wa'tu na, Yohanes gik angin tama ka dalap penjara.²⁵Lalu, timullah pekara ntara berapeh murid Yohanes wan seorak Yahudi soal penyucian. ²⁶Mpu'ya batamu wan Yohanes wan bakata,"Guru, Orak nang ngan Kau na ka sabarang Yordan, nang tentang Ia kau udah bersaksi, telelah, Ia uga mbaptis wan samua orak atak ka Ia."²⁷Yohanes njawan, "Kaleno angin bisa narima apeh pun, kecuali hal na li'mere ka ia dari surga. ²⁸Kau sorak bisa mere kesaksian bahwa aku parnah bekata,'Aku ukat Mesias,'tapi aku li'ngutus ntuk dulu dari Ia.²⁹Orak nang punya penganten mbini na adalah penganten ngelaki; tapi sahabat penganten ngelaki, nang dadek wan nangarkan'ya, banar-banar sukacita nangar suara penganten ngelaki na. Jadi, sukacita ntu udah li'njadi panuh. ³⁰Ia arus makin aya wan aku arus makin amuk."³¹"Ia nang atak dari atas adalah li'atas samua'ya, Ia nang barasal dari bumi adalah dari bumi wan ngomong tentang hal-hal nang ada ka bumi. Ia nang atak dari surga adalah li atas sagala suatu'ya. ³²Ia mere kesaksian tentang apeh nang li'nele wan li'nangar'ya, tapi orak-orak angin narima kesaksian-Ya. ³³Orak nang narima kesaksian-Ya ngako ngan banar-banar bahwa Allah na banar.³⁴Sabab, orak nang li Allah ngutus ntuk nyampaikan Allah ka'ena Allah mere Roh nang angin terbatas. ³⁵Bapa sayang Anak wan udah nyarahkan sagala suatu nang ada ka dalap langan-Ya. ³⁶Orak nang pecaya ka Anak nang punya idup nang kekal, tapi orak nang angin taat Anak na angin bisa nele kehidupan, melainkan murka Allah tatap ada ka ia."

Chapter 4

¹Pas Tuhan taub kalo orak-orak Farisi udah nangar bahwa Ia berasel wan mbaptis labih manyak murid dari pada Yohanes, ²(biar pun Yesus sorak angin mbaptis, tapi murid-murid-Ya), ³Ia napuk Yudea wan atak agi ka Galilea.⁴Tapi, Ia arus lewat wilayah Sa,aria. ⁵Sampelah Yesus ka Samaria, ka sabuah kota nang banama Sikhar, nang tampat ya samak tanah nang dulu li'mere Yakub ka anak'ya Yusuf.⁶Sumur Yakub ada ka ngaan. Udah na, Yesus nang udah ka'eana pejalat, duduk ka penger sumur na. wa'tu na, kira-kira ja keenam. ⁷Ataklah seorak mbini Samaria ntuk nimba ae. Yesus bekata ka ia, "Merelah Aku ae coco'k." ⁸(sabab, murid-murid-Ya udah ampus ka kota ntuk mali pemapak).⁹Mbini Samaria na bekata ka Yesus,"Macammane mungkin Kau, orak Yahudi, minta ae coco'k ka aku nang adalah mbini Samaria?" (Sabab, orak Yahudi angin betagor ngan orak Samaria). ¹⁰Yesus njawab wan bekata ka ia,"Kalo kau tau tentang karunia Allah wan tau sapeh nang bekata ka kau.'Berelah Aku ae coco'k', kau pasti mao minta ka Ia, wan Ia pun mao mere ae idup."¹¹Mbini na bekata ka Ia,"Tuan, Kau angin punya timba wan sumur ntu kuat dalap, dari mane Kau bisa namu ae idup na? ¹²Apehkan Kau labih aya daripada ntua bare wa'kitu, Yakub, nang mere sumur na ka wa'kitu wan nang udah nyoco'k sorak dari sumur na wan samua anak wan peridum ya?"¹³Yesus njawab wan bekata ka ia, "Satiap orak orak nang nyoco'k dari ae ntu bisa haus agi, ¹⁴tapi orak nang nyoco'k dari ae nang ku mere ka ia angin bisa parnah haus agi; kecuali ae nang kumere ka ia na bisa njadi mata ae ka dalap diri ya nang bisa tarus mancar ka idup nang kekal."¹⁵Mbini bekata ka Yesus, "Tuan, merelah aku ae na supaya aku angin haus agi aku angin parlu atak agi ka kitu ntuk nimba ae." ¹⁶Yesus bekata ka ia,"Ampuslah, saru laki kau wan atak ka kia."¹⁷Mbini na njawab,"Aku angin si laki."Kata Yesus ka ia, "Kau banar saat bekata,'Aku angin si laki'. ¹⁸Ka'ena kau udah parnah punya lima laki, wan ngelaki-laki nang diap ngan kau ntu ukatlah laku kau. Dalap hal ntu, kau bekata banar."¹⁹Kata mbini na ka Ia,"Tuan, ntu aku tau kalo Kau adalah seorak Nabi. ²⁰Ntua bare wa'kitu nyembah ka gonong ntu, tapi bangsa Kau madah Yerusalem tampat orak arus nyembah."²¹Yesus bekata ka ia,"Pecayalah ka Aku, hei mbini! Ada tiba saat ya pas ukat ka gonong ntu ato pun ka Yerusalem orak nyembah Bapa. ²²Kau nyembah nang angin kau kenal, tapi wa'kitu nyembah nang wa'kitu kenal ka'ena keselamatan atak dari bangsa Yahudi.²³Tapi, ada saat ya, ya na ntu nyan, penyembah-penyembah banar nak nyembah Bapa dalap roh wan kebenaran; sabab Bapa nuntut nang macam na ntuk nyembah Ia. ²⁴Allah adalah Roh wam mpu'ya nang nyembah Ia arus nyembah-Ya dalap roh wan kebenaran."²⁵Mbini na bekata ka Ia,"Aku tau kalo Mesias nak atak (Ia nang li'sabut Kristus). Pas Ia atak, Ia nak mere tau sagala suatu ka wa'kitu." ²⁶Yesus njawab ka ia,"Aku, nang gik ngomong ka kau adalah Ia."²⁷Wa'tu na, ataklah murid-murid-Ya wan mpu'ya heran nele Yesus gik bebincang ngan seorak mbini. Tapi, angin seorak pun nang betanya ka Ia, "Apeh nang Kau ngago?"atau"Ngapeh kau bebincang ngan ia?"²⁸Udah na, mbini na napuk kendi ae ya wan ampus ka kota lalu bekata ka orak-orak ka sana, ²⁹"Ayok, telelah ada seorak nang madah ka aku sagala suatu nang udah ia muat. Mungkin kah Ia na Mesias?" ³⁰Mpu'ya pun ampus ka luar kota wan namu Yesus.³¹Udah wa'tu na, murid-murid-Ya ndesak Yesus ngan bekata, "Rabi, makatlah." ³²Tapi, Yesus bekata ka mpu'ya,"Aku ada pemapak nang angin kau kanal." ³³Lalu, murid-murud betanya satu ka nang lain ya, "Apehkah angin ada orak nang maba suatu ka Ia ntuk li'mapak?"³⁴Yesus bekata, "Pemapak-Ku adalah muat apeh nang njadi kehendak Ia nang ngutus Aku wan nyelesai pegawe-Ya. ³⁵Ukatkah kau bekata,'Empat bulat agi musim panen atak'? Telelah, Aku bekata ka kau, ukatkah mata kau wan telelah uma-uma udah nguning ntuk li'manyi. ³⁶Saat ntu, ia nang nanam udah narima upah ya wan ngumpul buah ntuk idup kekal sampe nanam wan nabur namu sukacita basama-sama.³⁷Dalap hal ntu pekata ntu banar,'Nang seorak penabur nang lain manen.' ³⁸Aku ngutus kau ntuk manen suatu nang angin kau gawe; orak lain udah ngawe'ya wan kau udah tama ka dalap pegawe mpu'ya."³⁹Manyak orak Samaria dari kota na njadi pecaya ka Yesus ka'ena pekata mbini na, nang mere kesaksian,"Ia mere tau aku samua hal nang udah ku gawe." ⁴⁰Jadi, pas orak-orak Samaria na sampe ka Yesus, mpu'ya minta-Ya ntuk diap basama mpu'ya wan Yesus diap ka sana salama dua ari.⁴¹Lalu, ada labih manyak orak agi nang pecaya ka'eana pekata Yesus sorak. ⁴²Mpu'ya bekata ka mbini na,"Ukat agi ka'ena pekata kau wa'kitu njadi pecaya, melainkan wa'kitu sorak udah nangar, wa'kitu tau kalo Ia ntu banar-banar Juru Selamat dunia."⁴³Satalah 2 ari, Yesus napuk tampat na wan nuju Galilea. ⁴⁴(Sabalum ya, Yesus udah mere kesaksian kalo seorak nabi angin li'hormat ka negeri ya sorak.) ⁴⁵Pas Yesus atak ka Galilea, orak-orak Galilea nyambut-Ya ka'ena mpu'ya udah nele sagala suatu nang Yesus muat dalap perayaan Paskah ka Yerusalem ka'ena mpu'ya uga ampus ka perayaan na.⁴⁶Ka'ena na, Yesus atak agi ka Kana, Galilea, tampat Ia parnah muat ae njadi ae anggor. Ka Kapernaum ada seorak pegawai istana nang anak ngelaki ya gik sakit. ⁴⁷Pas pegawai istana na nangar kalo Yesus udah atak dari Yudea ka Galilea, ia ampus namu wan mohon ka Yesus supaya atak wan nyambuh anak ya ka'ena anak ya udah ampir mati.⁴⁸Lalu, Yesus bekata ka ia,"Kalo kau angin nele tande-tande wan hal-hal ajaib, kau angin mao pecaya." ⁴⁹Pegawai istana na bekata,"Tuan, ataklah sabalum anakku mati." ⁵⁰Yesus bekata ka ia, "Pulaklah, anak kau udah idup!" Orak na pecaya ka pekata nang li'madah Yesus ka ia lalu ampuslah orak na.⁵¹Pas pegawai istana na masih dalap pejalat, anak buah ya betamu ngan ya wan mere tau kalo anak ngelaki ya na idup. ⁵²Pegawai istana na betanya ka mpu'ya tentang jam berapeh kondisi anak ya na mulai baik. Lalu, mpu'ya njawab,"Bari kira-kira jam ketujuh tabit ya ilang."⁵³Ama anak na tau pas wa'tu na Yesus bekata ka ia,"Anak kau idup." jadi, pegawai istana na wan saluruh keluarga ya njuadi pecaya ka Yesus. ⁵⁴Na'lah tande ajaib kedua nang li'muat Yesus satalah pulak dari Yudea ka Galilea.

Chapter 5

¹Satalah samua na, ada perayaan ari raya orak Yahudi wan Yesus naek ka Yerusalem. ²Ka Yerusalem, ka samak pintu Gerbang Domba ada sabuah kolam nang dalap bahasa Ibrani nyabut ya lima serambi. ³Ka serambi-serambi na, ada manyak orak sakit gurik: orak buta, orak timpak, wan orak lumpuh (mpu'ya nunggu ae ka kolam na begarak. ⁴Sabab, pas wa'tu tetentu, malekat Tuhan nak turut ka kolam wan ngegarak ae na. Orak nang petama kali tama ka kolam satalah ae ya begarak, bisa li'samuh dari penyakit apeh pun nang li'nderita ya).⁵Ka sana, ada orak nang udah sakit salama 38 taut. ⁶Pas Yesus nele ia barik ka sana lalu tau kalo ia udah lama banar nderita sakit, Yesus betanya ka ia,"Apehkah kau mau li'samuh?"⁷Orak sakit na njawab,"Tuan, angin ada orak nang nurut aku ka dalap kolam pas ae na begarak, tapi samatara aku barusaha orak lain udah turut dulu dari aku." ⁸Yesus bekata ka ia,"Dadeklah!Angkat lemek kau na wan bejalat lah."⁹Pas wa'tu na uga, orak na li'samuhkan, ia ngangkat lemek ya, lalu bejalat. Tapi, ari na adalah ari Sabat.¹⁰Ka'ena na, orak-orak Yahudi bekata ka orak nang li'samuh n,"Ari ntu adalah ari Sabat, kau angin boleh ngangkat lemek kau," ¹¹Tapi, ia njawab,"Orak nang nyambuh aku na, Ialah nang bekata ka aku,'Angkatlah lemek kau na wan bejalatlah."¹²Mpu'ya betanya ka ia, "Sapehkah Orak nang bekata ka kau,'Angkatlah lemek kau na wan bejalat lah'?" ¹³Tapi, orak nang udah li'samuh na angin tau sapeh Ia ka'ena Yesus udah ilang dari orak manyak ka tampat na.¹⁴Udah na, Yesus batamu agi ngan orak na ka Bait Allah wan bekata ka ia,"Nangar, kau udah samuh. usah muat dosa agi supaya angin tejadi hal nang labih buruk ka kau!" ¹⁵Orak na ampus wan ncerita ka orak-orak Yahudi kalo Yesuslah nang udah nyambuh ya.¹⁶Ka'ena na, orak-orak Yahudi nyiksa Yesus ka'ena Ia muat samua na pas ari Sabat. ¹⁷Tapi, Yesus bekata ka mpu'ya,"Bapa-Ku masih begawe sampe ari ntu, maka Aku pun masih begawe." ¹⁸njawab na muat orak-orak Yahudi barusaha labih karas agi ntuk munuh Yesus, ukat ka'ena Yesus ngelanggar ari Sabat, ka'ena uga nyabut Allah sebage Bapa-Ya sorak, nang arti ya nyama dir Ia sorak ngan Allah.¹⁹Udah na, Yesus njawab mpu'ya, kata-Ya, "Sabanar'ya, sabanar-ya, Aku bekata ka kau, Anak angin namu ngawe suatu dari diri-Ya sorak, jika Ia angin nele Bapa, na uga nang li'ngawe Anak. ²⁰Sabab, Bapa sayang Anak wan nele ka Anak sagala suatu nang Ia sorak muat, wan Bapa uga nak nele ka Ia pegawe-pegawe nang labih aya agi supaya kau takjub.²¹Sabab, sama macam Bapa mbangkit orak mati wan mere mpu'ya idup, macam na uga Anak mere sapeh nang Ia mao. ²²Bapa angin ngakim sapeh pun, tapi udah mere saluruh pengakiman na ka Anak, ²³Supaya samua orak bisa hormat ka Anak sama macam mpu'ya ngehormat Bapa. Orak nang angin ngehormat Anak, angin ngehormat Bapa nang ngutus-Ya.²⁴Sabanar'ya Aku madah ka kau, orak nang nangar pekata-Ku wan pecaya ka Ia nang ngutus Aku punya idup kekal, wan angin tama ka dalap pengakiman ka'ena ia udah pindah dari kematian ka kehidupan.²⁵Sabanar'ya Aku bekata ka kau, wa'tu'ya nak atak wan udah atak ntu nyan, pas orak-orak mati nak nangar suara Anak Allah wan mpu'ya nang nangar na bisa idup agi.²⁶Ka'ena sebagemane Bapa punya idup ka dalap diri-Ya sorak, macam na uga Ia mere ka Anak idup ka dalap diri Ya sorak, ²⁷lalu Bapa mere kuasa ka Anak ntuk njalan penghakim ka'ena Ia na Anak Kaleno.²⁸Usah heran hal ntu ka'ena ada saat ya atak pas samua orak nang ada ka dalap kubur bisa nangar suara-Ya. ²⁹lalu mpu'ya nak keluar, ya na mpu'ya nang udah bebuat baik nak nuju kebangkitan idup. Sadangkan mpu'ya nang babuat jahat, nuju kebangkitan penghakiman.³⁰Aku angin bisa bebuat apeh-apeh dari diri-Ku sorak. Aku menghakimi suai nang Aku nangar wan penghakiman-Ku adel ka'ena Aku angin ngago mao'ya-Ku sorak, melainkan mao ya Ia nang ngutus AKU."

³²Tapi, ada nang lain nang besaksi tentang Aku, wan Aku tau kalo kesaksian nang li'mere Ya tentang Aku na banar.³³Kau udah ngutus ka Yohanes wan ia udah mere kesaksian tentang kebenaran. ³⁴Tapi, kesaksian nang Aku tarima ukat dari kaleno. Aku madah hal ntu supaya kau li'selamat. ³⁵Yohanes na pelita nang nyala wan becaya, wan kau mao besukacita saat dalap cahaya ya.³⁶Tapi, kesaksian nang Aku punya labih aya daripada kesaksian Yohanes. Sabab, pegawe-pegawe nang li'sarah Bapa ka Ku ntuk kusalasaikan, ya na pegawe-pegawe nang gik kumuat ntu, mere kesaksian tentang Aku kalo Bapalah nang ngutus Aku. ³⁷Lalu, bapa nang ngutus Aku na dadek udah mere kesaksian tentang Aku. Tapi, kau angin parnah nangar suara-Ya ato pun nele rupa-Ya. ³⁸Lalu, Firman-Ya angin diap dalap atu kau ka'ena kau angin pecaya ka Ia nang ngutus-Ya.³⁹Kau balajar Kitab Suci ka'ena kau nyangka kalo ka dalap Kitab Suci kau bisa namu idup nang kekal; wan Kitab suci na uga mere kesaksian tentang Aku, ⁴⁰tapi kau angin mao atak ka Aku supaya kau idup.⁴¹Aku angin narima kemuliaan dari kaleno. ⁴²Tapi, Aku nganal kau, kalo kau angin ada kasih Allah ka dalap diri kau.⁴³Aku atak atas nama Bapa-Ku, tapi kau angin narima Aku. Kalo orak lain atak atas nama mpu'ya sorak, kau bisa narima ya. ⁴⁴Macam mane kah kau bisa pecaya, kalo kau narima pujian dari seorak nang lain wan angin ngago pujian nang atak dari Allah nang Esa?⁴⁵Usah nyangka kalo Aku bisa ngadel kau ka dapan Bapa; nang ngadel na Musa, ya na orak nang ka kau beharap. ⁴⁶Sabab, kalo kau pecaya ka Musa, kau arus ya pecaya ka Aku ka'ena Musa nulis tentang Aku. ⁴⁷Tapi, kalo kau angin pecaya ka apeh pun nang Musa nulis, bagemane mungkin kau pecaya ka pekata-Ku?"

Chapter 6

¹Satalah na, Yesus nyabarang danau Galilea, ya na danau Tiberias. ²Manyak orak nuna Ia ka'ena mpu'ya nele tande-tande ajaib nang Ia muat ka orak-orak sakit. ³Udah na, Yesus naek ka atas bukit wan duduk ka sana basama murid-murid-Ya.⁴Wa'tu na, perayaan Paskah orak Yahudi udah samak. ⁵Sambel nele ka sakitar-Ya wan nele orak manyak ataki ka Ia, Yesus bekata ka Filipus, "Ka manekah wa'kitu bisa mali roti supaya orak-orak na bisa makat?" ⁶Yesus madah hal na ntuk nguji Filipus ka'ena sabanar ya Ia sorak tau nang bisa Ia muat.⁷Filipus njawab, "Roti seharga 200 dinar angin nak cukup ntuk mpu'ya, sekalipun masing-masing hanya namu sote amuk ja." ⁸Salah seorak murid-Ya, ya na Andreas, sabanyadi Simon Petrus, bekata ka Yesus, ⁹"Ka kitu ada seorak anak nang punya lima roti jelai wan dua ikat, tapi apeh arti ya na ntuk orak sabanyak ntu?"¹⁰Yesus bekata,"Suruhlah samua orak ntuk duduk." Ka tampat na nang manyak rumpun, jadi orak-orak na duduk kira-kira lima ribu ngelaki jumlah ya. ¹¹Udah na, Yesus nangkap roti-roti na satalah ngucap syukur, Ia magi roti-roti na ka mpu'ya nang duduk; udah na uga li'muatkan-Ya wan ikat-ikat na sabanyak nang mpu'ya mao. ¹²Pas samua orak udah kanyang, Yesus bekata ka murid-murid-Ya,"ngumpulah sedamuk-sedamuk nang basisa na supaya angin ada nang tebuak."¹³Ka'ena na, kobo murid ngumpulkan ya wan ngisi dua balas karanjang ngan sedamuk-sedamuk dari lima roti jalai nang li'tapuk mpuya nang udah salasi makat. ¹⁴Pas orak-orak na nele tande ajaib nang li'muat Yesusm mpu'ya bekata,"Ia ntu pasti Nabi nang li'njanji nang nak atak ka dunia." ¹⁵Ka'ena tau kalo orak manyak na barencanaatak wan maksa Ia njadi Raja atas mpu'ya, Yesus nyingkir agi ka bukit seorak diri.¹⁶Pas ari udah mulai malam, kobo murid turut nuju ka danau. ¹⁷satalah naek ka perau, mpu'ya mulai nyebarang danau nuju Kapernaum. Ari udah mulai patak, tapi Yesus gik angin uga atak batamu wan mpu'ya. ¹⁸Danau mulai bagelombang ka'ena nyaru nang mbada kuat.¹⁹Udah na, pas mpu'ya udah ngayoh perau sajuah sakitar 25 ato 30 stadia, mpu'ya nele Yesus bajalat ka atas danau wan nyamak perau sampe mpu'ya gali. ²⁰Tapi, Yesus bekata ka mpu'ya, "Ntu Aku, usah gali!" ²¹Satalah na, mpu'ya mao naekan Ia ka dalap perau wan tiba-tiba perau na udah sampe ka tampat nang mpu'ya nuju.²²Pas nalap ari ya, orak manyak nang masih dadek ka sabarang danau nele kalo angin ada parau nang lain ka sana, kecuali sote perau jak nang murid-murid udah tama ka dalap ya. tapi, Yesus angin nuna tama ka dalap perau na basama ngan kobo murid-murid-Ya nang udah baran gkat sorak. ²³Ataklah perau-perau lain dari Tiberias ka samak tampat orak-orak na makat roti, satalah Tuhan ngucap syukur.²⁴Pas orak manyak nele kalo Yesus wan kobo murid-murid-Ya angin ada agi ka sana, mpu'ya naek ka perau-perau na wan barangkat ka Kapernaum ntuk ngago Yesus. ²⁵Sewa'tu orak manyak na namu Yesus ka sabarang danau, mpu'ya betanya ka Ia, "Rabin mila Kau atak ka kia?"²⁶Yesus njawab mpuya wan bekata,"Sebanar ya, Aku bekata ka kau, kau ngago Aku ukat ka'ena kau udah nele tande-tande ajaib, melainkan ka'ena kau udah makat roti sampe kanyang. ²⁷Usah begawe ntuk ngago makat nang bisa binasa, melainkan ntuk makat nang bisa betahan sampe idup nang kekal, nang Anak Kaleno bisa mere ka kau ka'ena ka Anak Kaleno na, Bapa, ya na Allah, udah mere pengesahan-Ya."²⁸Lalu, orak manyak na batanya ka Yesus,"Apeh nang arus kau muat supaya kau ngawe pegawe nang Allah mao?" ²⁹Yesus njawab wan bekata ka mpu'ya,"Ntulah pegawe nang Allah mao: pecayalah ka Ia nang udah li'utus Allah."³⁰Mpu'ya betanya ka Ia,"Kalo magena, tande ajaib apehkah nang nak Kau muat supaya wa'kitu nele wan pecaya ka Kau? pegawe apeh nang Kua muat? ³¹Ntua bare wa'kitu makat manna."'³²Yesus bakata ka mpu'ya,"Sabanar ya, Aku bakata ka kau, ukat Musa nang mere kau roti dari surga, melainkan Bapa Akulah nang mere kau roti nang sejati dari surga. ³³Sabab, Roti dari Allah na adalah Ia nang turut dari surga dan mere idup ka dunia." ³⁴Mpu'ya bakata ka Ia,"Tuhan, berelah wa'kitu roti na seterus ya."³⁵Kata Yesus ka mpu'ya,"Akulah roti idup; orak nang atak ka Aku angin bisa lapar agi, orak nang pecaya ka Aku angin bisa haus agi. ³⁶Tapi, Aku udah madah ka kau kalo sekalipun kau udah nele Aku, kau tatap angin pecaya. ³⁷Samua nang li'mere Bapa ka Aku bisa atak ka Aku, wan nang atak ka Aku angin bisa nak nguser Aku.³⁸Sabab, Aku turut dari surga ukat ntuk muat parintah Aku sorak, melainkan parintah Ia nang ngutus Aku. ³⁹Ntulah parintah Ia nang ngutus Aku: supaya samua nang udah li'mere Ia ka Aku na angin ada nang ilang, tapi Aku lumpat pada akhir zaman. ⁴⁰Sabab, ntulah parintah Bapa-Ku, kalo setiap orak nang nele Allah wan pecaya ka Ia bisa namu idup kekal, Aku bisa lumpatkan ia pada akhir zaman."⁴¹Ka'ena na, beberpaeh orak Yahudi mule ngomong tentang Ia ka'ena Ia bakata,"Akulah roti nang udah turut dari surga na." ⁴²MPu'ya bakata,"Ukatkah Ia ntu Yesus, anak Yusuf, nang ama wan indo ya wa'kitu kanal?Macammane mungki n Ia bisa bakata,'Aku udah turut dari surga?"'⁴³Yesus njawab mpu'ya wan bakata,"Usah ngomong ka ntara orak sana sorak. ⁴⁴Tapi ada seorak nang bisa atak ka Aku, kecuali Bapa nang ngutus Aku narik ya, wan Aku bisa lumpat pada ahir zaman. ⁴⁵Ada tatulis dalap kitav kobo nabi:'wan, mpu'ya samua bisa li'ajar oleh Allah.'Satiap orak nang udah nangar wan balajar dari Bapa bisa atak ka Aku.⁴⁶Hal na ukat berati ada orak nag udah parnah nele Bapa, kecuali Ia nang atak dari Allah; Ialah nang udah nele Bapa. ⁴⁷Aku bakata ka kau, 'Sabanar ya, satiap orak nang pecaya punya idup kekal.'⁴⁸Akulah roti idup. ⁴⁹Ntua bare kau udah makat manna ka padang, tapi mpu'ya mati.⁵⁰Ntulah roti nang turut dari surga, supaya satiap orak mapak ya angin mati. ⁵¹Akulah roti idup na nang udah turut dari surga. Kalo orak mapak roti ntu, ia bisa idup salama ya; roti nang bisa ku mere demi kehidupan dunia ntu adalah tubuh-Ku."⁵²Orak-orak Yahudi mule kelai satu ngan nang lain ya, mpu'ya bakata,"Macammane bisa Orak ntu mere tubuh-Ya ntuk li'mapak?" ⁵³Yesus bakata ka mpu'ya,"Aku bakata ka kau, sabanar ya kalo kau angin mapak tubuh Anak Kaleno wan nyocok darah-Ya, kau angin bisa punya idup ka dalap diri kau.⁵⁴Satiap orak nang mapak daging-Ku wan nyocok darah-Ku punya idup kekal, wan Aku bisa lumpe ia pada ahir zaman. ⁵⁵Sabab, daging-Ku adalah pemapak nang sejati wan darah-Ku adalah ae cocok nang sejati. ⁵⁶Sapeh nang mapak daging-Ku wan nyocok darah-Ku diap ka dalap Aku wan Aku ka dalap ia.⁵⁷Kayak ya Bapa nang idup ngutus Aku, wan Aku idup oleh ka'ena Bapa, macam na uga ia nang mapak Aku, ia bisa idup ka'ena Aku. ⁵⁸Ntulah roti nang turut dari surga, ukat roti nang macam ntu bare mapak lalu mpu'ya mati, orak nang mapak roti na bisa idup selama-lama ya." ⁵⁹Yesus madah samua ya ntu ka Kapernaum saat Ia ngajar ka sinagoge.⁶⁰Pas banyak dari murid-murid nangar hal ntu, mpu'ya bekata, "Ajaran ntu telalu karas. Sapeh nang sanggup narima ya?" ⁶¹Kaena tau kalo kobo penuna-Ya ngomong tentang hal na, Yesus bakata ka mpu'ya,"Apehkah omongan Aku ntu muat kau tesinggong?⁶²Kalo bagena, macam mane kalo kau nele Anak Kaleno naek agik ka tampat asal-Ya? ⁶³Rohlah nang mere idup, sedangkan daging angin beguna sama sekali. Omongan-omongan nang Ku madah ka kau na adalah roh wan idup.⁶⁴Tapi, ada berapeh ka ntara kau nang angin pecaya." Sabab, dari awal, Yesus tau sape nang angin pecaya wan sapeh nang nak nipu Ia. ⁶⁵Yesus bakata, "Nalah sabab ya Aku madah ka kau kalo angin seorak pun bisa atak ka Aku, kecuali hal na li'karuniakan ka ia oleh Bapa."⁶⁶Sajak wa'tu na, manyak nang penuna Ia ngondor diri wan baranti nuna Ia. ⁶⁷Ka'ena na, Yesus bekata ka kedua balas murid-Ya, "Apehkah kau uga mao ampus?" ⁶⁸Simon Petrus njawab Ia, "Tuhan, ka sapehkah wa'kitu nak ampus? Kaulah nang punya pekata kehidupan kekal. ⁶⁹Wa'kitu udah pecaya wan nganal Kau, kalo Kaulah nang kudus dari Allah."v 70 Yesus njawab mpu'ya, "Ukatkah Aku sorak nang milih kau, dua balas orak ntu? kalo macam na, salah siko dari kau na setan." ⁷¹Nang Ia maksud na Yudas, anak Simon Iskariot, sabab Yudas ada lah salah seko dari kedua balas murid na, tapi ia na hianat Yesus.

Chapter 7

¹Udah na, Yesus bejalat ngelilik Galilea. Ia angin mao bajalat ka Yudea sabab orak-orak Yahudi ka sana bemaksud ntuk munuh Ia. ²Pas na, hari raya orak Yahudi, ya na hari raya Pondok Dao, udah samak.³Ka'ena na, sabanyadi Yesus bakata ka Ia,"Ampuslah agi dari ntu ka Yudea supaya murid-murid Kau uga nak nele pegawe-pegawe nang Kau muat. ⁴Sabab, angin ada orang nang muat apeh pun cara diap-diap kalo ia mao li'kanal secara umum. Kalo Kau muat hal-hal na, mpuahlah diri Kau ka dunia."⁵Sabab, sabanyadi Yesus sorak pun angin pecaya ka Ia. ⁶Yesus bakata ka mpu'ya,"Wa'tu Ku gik angin atak, tapi wa'tu kau bisa tarus ada. ⁷Dunia angin bisa banci kau, tapi dunia banci Aku ka'ena Aku mere kesaksian tentang dunia, bahwa pebuat-pebuat ya adalah jahat.⁸Ampuslah orak sana ka perayaan na. Aku gik angin ampus ka perayaan na ka'ena wa'tu Ku gik angin atak." ⁹Satalah madah na, Yesus tatap diap ka Galilea.¹⁰Tapu, satalah sabanyadi Ya ampus ka perayaan na, Yesus uga ampus ka ngaan, angin cara tarang-tarangan, tapi cara diap-diap. ¹¹Orak-orak Yahudi ngago Ia dalap perayaan na, wan bakata,"Ka mane Ia?"¹²Ada manyak nang ngomong-ngomong ka ntara orak manyak tentang Ia. ada nang bakata,"Ia orak baik." Ada ugak nang bakata,"Angin, Ia nyasat rakyat." ¹³tapi, angin seorak pun barani ngomong tarus tarang soal Ia ka'ena gali ka orak-orak Yahudi.¹⁴Pas perayaan na masih belanjut, Yesus tama ka Bait Allah wan mulai ngajar. ¹⁵Orak -orak Yahudi njadi mangap wan bakata,"Macam mane Orak ntu punya pengetahuan nang macam na, padahal angin balajar?" ¹⁶Yesus njawab mpu'ya wan bakata,"Ajaran Aku angin barasal dari diri Ku sorak, tapi dari Ia nang ngutus Aku.¹⁷Kalo seorak mao muat apeh nang Allah mao, ia bisa tau ajaran-Ku, apehkah na barasal dari Allah ato dari diri-Ku sorak. ¹⁸Orak nang ngomong dari diri ya sorak ngago martabat ntuk diri ya sorak, tapi orak nang ngago martabat ntuk Ia nang ngutus ya, ia banar angin ada kebenaran ka dalap diri ya.¹⁹Ukatkah Musa udah mere ukum Taurat ka kau, tapi angin seorak pun dari ntara kau nang patuh ukum na? ngapeh kau barusaha ntuk munuh Aku?" ²⁰Orak manyak na njawab,"Kau kerasukan roh jahat! Sapeh nang barusaha munuh Kau?"²¹Yesus bakata ka mpu'ya,"Aku ntu hanya muat satu pegawe wan kau samua mangap. ²²Musa mere kau sunat, sabanar ya na ukat dari Musa, tapi dari ntua bare, wan kau nyunat orak pas hari Sabat.²³Kalo seorak li'sunat pas hari Sabat sampe Hukum Musa angin li'langgar, ngapeh kau bila ka Aku ka'ena Aku muat seorak samuh sepanuh ya pas hari Sabat? ²⁴Usah ngakim apeh nang diri tele, melainkan ngakim ngan pengakim nang banar."²⁵Lalu, beberapeh orak nang diap ka Yerusalem bakata"Ukatkah Ia ntu orak nang nak mpu'ya munuh? ²⁶Tapi, telelah, Ia ngomong secara tarang-tarangan wan mpu'ya angin madah apeh pun ka Ia. Mungkinkah kobo pemimpin na banar-banar udah tau kalo Ia adalah Kristus? ²⁷Tapi, wa'kitu tau dari mane Orak ntu barasal. Samantara na, pas Kristus atak, padahal Yesus atak, angin seorak pun tau dari mane Ia barasal."²⁸Ka'ena na, samantara Yesus ngajar ka Bait Allah, Ia baseru," Kau mamang nganal Aku wan tau dari mane Aku barasal. Tapi, Aku angin atak dari diri-Ku sorak, tapi Ia nang ngutus Aku adalah banar, kau angin nganal Ia. ²⁹tapi Aku nganal Ia ka'ena Aku barasal dari Ia wan Ia lah nang udah ngutus Aku."³⁰Lalu, mpu'ya barusaha nangkap Ia, tapi angin seorak pun bisa nyantuh Ia ka'ena wa'tu-Ya gik angin atak. ³¹Tapi, manyak dari orak-orak na pecaya ka Yesus. Mpu'ya bakata,"Apehbila Kristus na atak, apehkah Ia bisa muat labih manyalk tande ajaib dari pada udah li'muat Orak ntu?" ³²Orak-orak Farisi nangar apeh nang di'omongkan orak manyak na tentang Yesus, maka imam-imam kapala wan orak-orak Farisi nyuruh kobo panjagga Bait Allah ntuk nangkap Ia.³³Ka'ena na, Yesus bakata,"Wa'tu-Ku basama-sama ngan kau diap sabantar agik wan udah na, Aku bisa qmpus ka Ia nang ngutuS Aku. ³⁴Kau bisa ngago Aku, tapi angin bisa namu Aku. Wan, ka mane Aku diap, kau angin bisa atak ka sana."³⁵Orak-orak Yahudi na bakata seorak ka nang lain," Ka mane Orak ntu nak ampus sampe wa'kitu angin namu Ia? Apehkah Ia nak ampus ka orak Yahudi nang tasabar li'ntara orak Yunani, wan ngajar orak-orak Yunani? ³⁶Ape maksud pekata Ya na nang bakata, 'kau bisa ngago Aku, tapi angin bisa namu Aku. Wan, ka mane Aku diap, kau angin bisa atak ka sana?"'³⁷Pas ari tarakhir, ya na puncak perayaan na, Yesus dadek wan baseru, kata-Ya," Kalo ada nang haus baiklah ia atak ka Aku wan nyocok. ³⁸Orak nang pecaya ka Aku, macam nang li'madah Kitab Suci, dari dalap diri'ya bisa ngalir aliran ae idup."³⁹Hal nang li'maksud Yesus adalah Roh, nang bisa li'tarima oleh orak nang pecaya ka Ia. Sabab, Roh na gik angin li'mere ka'ena Yesus gik angin li'muliakan.⁴⁰Pas mpu'ya nangar pekata na, beberapeh dari mpu'ya bakata,"Orak ntu banar-banar seorak Nabi." ⁴¹Orak nang lain bakata, "Ia adalah Kristus." Orak nang lain agi bakata,"Mungkinkah Kristus atak dari Galilea? ⁴²Ukatkah Kitan Suci madah Kristus na barasal dari keturun Daud wan dari Belehem, desa tampat Daud dulu diap?"⁴³Lalu, njadilah masalah ka ntara orak-orak na ka'ena Ia. ⁴⁴Beberapeh orak dari ntara mpu'ya mao nangkap Yesus tapi angin seorak pun nyantuh-Ya.⁴⁵Ka'ena na, kobo penjaga Bait Allah na atak ka imam-imam kapala wan orak-orak Farisi, nang batanya ka mpu'ya, "Ngapeh orak sana angin maba Yesus?" ⁴⁶Kobo penjaga Bait Allah na njawab,"Angin seorak pun parnah bakata-kata macam Orak ntu!"⁴⁷Orak-orak Farisi na njawab mpu'ya,"Apehkah orak sana uga udah li'sasat? ⁴⁸Adakah seorak dari ntara pemimpin ato pun orak Farisi nang udah pecaya ka Ia? ⁴⁹Tapi , orak manyak nang angin tau Hukum Taurat ntu adalah tekutuk!"⁵⁰Tapi Nikodemus, salah seorak dari mpu'ya, nang dulu udah parnah namu Yesus, bakata ka mpu'ya. ⁵¹"Apehkah Hukum Taurat diri ngakim seorak nang gik angin nangar hal nang li'madah a wan tau hal nang ia muat?" ⁵²Mpu'ya njawab,"Apehkah kau uga orak Galilea?nyelidik wan nele kalo angin ada nabi nang atak dari Galilea."⁵³Udah na, mpu'ya samua pulak ka rumah masing-masing.

Chapter 8

¹Tapi, Yesus ampus ka Bukin Zaitun. ²Alap-alap banar, Ia atak agik ka Bait Allah wan samua orak atak ka Ia. Ia duduk wan ngajar mpu'ya. ³Lalu, ahli-ahli Taurat wan orak-orak Farisi maba seorak mbini nang li'namu babuat Zina, satalah na nantu mbini na dadek ka tangah-tangah,⁴Mpu'ya bakata ka Yesus,"Guru, mbini na kana tangkap basah pas ia gik bezinah. ⁵Hukum Taurat Musa merintah wa'kitu ntuk nabak mbini na wan batu. Apeh pendapat kau tentang hal ntu?" ⁶Mpu'ya madah macam na ntuk ncoba Yesus supaya mpu'ya punya dasar ntuk nyalahkan Ia. Tapi, Yesus nunduk wan jari-Ia, Ia nulis ka tanah.⁷Ka'ena mpu'ya tarus-manarus nanya Ia, Yesus dadek wan bakata ka mpu'ya,"Orak nang angin badosa ka ntara orak sana haruslah ia njadi nang petama nabak mbini ntu ngan batu." ⁸Lalu, Yesus nunduk agik wan nulis ka tanah.⁹Pas mpu'ya nangar hal na, mpu'ya mulai ampus sote per sote, mulai dari nang labih tua, wan Yesus li'napuk seorak diri, ngan mbini tadi nang masih badiri ka tangah-tangah. ¹⁰Lalu, Yesus dadek wan bakata ka mbini na,"Hei mbini, ka mane mpuya? Angin adakah orak nang ngukum kau?" ¹¹Njawab mbini na, "Angin ada,"Aku pun angin bisa ngukum kau. Ampuslah, wan mulai ntu usah babuat dosa agik."¹²Udah na, Yesusb bakata ka orak manyak na, kata-Ya, "Akulah tarang dunia. Satiap orak nang ngikut Aku angin bisa bajalat dalap galap, tapi bisa punya tarang idup." ¹³Udah na, orak-orak Farisi bakata ka Yesus,"Kau basaksi tentang diri-Kau sorak, maka kesaksian-Kau angin banar."¹⁴Yesus njawab mpu'ya, kata-Ya,"Sakalipun Aku basaksi tentang diri-Ku adalah banar ka'ena Aku tau dari mane Aku atak wan ka mane Aku ampus, tapi kau angin tau dari mane Aku atak wan ka mane Aku ampus. ¹⁵Kau ngakim nurut cara kedagingan, sedangkan Aku angin ngakim sapeh pun. ¹⁶Tapi, seandai ya pun Aku ngakim, pengakiman-Ku na banar ka'ena Aku angin ngakim seorak diri, melainkan basama Bapa nang ngutus Aku.¹⁷Bahkan, dalap Kitab Taurat kau tatulis kalo kesaksian dua orak adalah banar. ¹⁸Aku basaksi tentang Diri-Ku sorak wan Bapa nang ngutus Aku basaksi tentang Aku."¹⁹Maka, mpu'ya batanya ka Ia, " Ka mane Bapa-Kau?" Yesus njawab, "Kau angin nganal Aku maupun Bapa-ku, kalo kau nganal Aku, kau ugak bisa nganal Bapa-Ku." ²⁰Pekata ntu Yesus madah ka samak bendahara wa'tu Ia ngajar ka Bait Allah, tapi angin ada seorak pun nang nangkap Ia ka'ena wa-tu-Ya gik angin atak.²¹Lalu, Yesus bakata agik ka mpu'ya,"Aku nak napuk kau wan kau bisa ngago Aku, tapi kau bisa mati dalap dosa kau. Ka mane Aku nak ampus, Kau angin bisa atak." ²²Udah na, orak-orak Yahudi na bakata,"Apehkah Ia mao munuh diri ka'ena Ia bakata,'Ka mane Aku nak ampus, kau angin bisa atak'?"²³Tapi, Yesus bakata ka mpu'ya,"Kau barasal dari bawah, tapi Aku barasal dari atas. Kau barasal dari dunia ntu, tapi Aku ukat dari dunia ntu. ²⁴Oleh ka'ena na, Aku madah ka kau kalo kau nak mati dalap dosa kau ka'ena kalo kau angin pecaya ka Aku, kau bisa mati dalap doas-dosa kau."²⁵Lalu, mpu'ya batanya ka Ia,"Sapehkah Kau?" Yesus njawab mpu'ya," Aku udah madah ka kau dari awal. ²⁶Ada manyak hal tentang kau nang arus Aku madah wan ngakimi, tapi Ia nang ngutus Aku adalah banar wan apeh nang Aku nangar dari Ia, nalah nang Ku madah ka dunia." ²⁷Mpu'ya angin ngerati kalo Yesus gik ngomong ka mpu'ya tentang Bapa.²⁸Oleh sabab na, Yesus bakata," Pas kau udah ninggikan Anak Kaleno, saat ntu lah kau bisa tau kalo Aku adalah Ia, wan kalo angin ada suatu pun nang Aku muat dari diri-Ku sorak, melainkan Aku madah apeh nang li'ajarkan Bapa ka Aku. ²⁹Ia nang ngutus Aku ada basama-sama ngan Aku, Ia angin napuk Aku sorak ka'ena Aku slalu muat hal-hal nang bekanan ka Ia." ³⁰Samantara Yesus madah ka samua ya na, manyak orak pecaya ka Ia.³¹Udah na, Yesus bakata ka orak-orak Yahudi nang pecaya ka Ia," Kalo kau tatap dalap firman-Ku, kau banar-banar murid-Ku, ³²wan kau bisa tau kebenaran, wan kebenaran na bisa mbebaskan kau." ³³Mpu'ya njawab,"Wa'kitu adalah keturunan Abraham wan angin parnah njadi hamba siapeh pun. Jadi, ngapeh Kau bakata' Kau bisa bebas"'³⁴Yesus njawab mpu'ya,"Sabanar ya, Aku bakata ka kau, satiap orak nang babuat dosa adalah hamba dosa. ³⁵Seorak hamba angin diap dalap sabuah keluarga ntuk slama ya, tapi seorak anak diap ntuk salama ya. ³⁶Jadi, apehbila Anak bebaskan kau, kau banar-banar bebas.³⁷Aku tau kalo kau adalah keturunan Abraham, tapi kau angin munuh Aku ka'ena ajaran-Ku angin namu tawak ka dalap kau. ³⁸Aku madah tentang hal-hal nang udah Aku nele basama Bapa-Ku, udah na ugak kau muat hal-hal nang kau nangar dari bapa kau."³⁹Mpu'ya njawab wan bakata ka Ia, "Abraham adalah bapa wa'kitu seharus ya muat apeh nang Abraham muat. ⁴⁰Tapi, kau barusaha munuh Aku, orak nang mere tau kau kebenaran, nang Aku nangar dari Allah. Abraham angin muat hal na. ⁴¹Jadi, kau hanya muat apeh nang li'muatkan bapa kau sorak." Mpu'ya bakata ka Ia, "Wa'kitu angin li'lahirkan dari hasel perzinahan. Wa'kitu punya sote Bapa, ya na Allah."⁴²Yesus bakata ka mpu'ya,"Kalo Allah adalah Bapa kau, kau bisa mengasihi Aku ka'ena Aku atak wan barasal dari Allah. Wan, Aku atak ukat atas kemao Aku sorak, melainkan Ia nang ngutus Aku. ⁴³Apeh saba ya kau angin ngerati apeh nang Aku madah? ka'ena kau angin bisa nangar firman-Ku. ⁴⁴Kau barasal dari bapa kau, ya na setan wan kau mao muat keinginan-keinginan bapa kau. Ia adalah pembunuh dari awal ya wan angin bepegak ka kebenaran ka'ena angin ada kebenaran la dalap diri ya. Kalo ia madah kebohongan, ia madah dari karakter ya sorak ka'ena ia adalah pemboong wan bapa keboongan.⁴⁵Tapi, kia'ena Aku madah kebenaran ka kau, kau angin pecaya ka Aku. ⁴⁶Sapehkah ka ntara kau nang bisa madah kalo Aku badosa? Kalo Aku madah bebenaran, ngapeh kau angin pecaya ka-Aku? ⁴⁷Sapeh pun nang barasal dari Allah, ia nangar firman Allah; na lah sabab ya kau angin nangar ka'ena kau angin barasal dari Allah."⁴⁸Orak-orak Yahudi njawab Yesus wan bakata ka Ia,"Banar ukat kalo wa'kitu madah kalo Kau adalah orak Samaria wan Kau kerasukan roh ja'at?" ⁴⁹Yesus njawab, "Aku angin kerasukan roh ja'at, tapi Aku hormat Bapa-Ku, tapi kau angin hormat Aku.⁵⁰Tapi, Aku angin ngago kemuliaan bagi diri-Ku sorak; ada sote nang ngago ya wan nang ngakim. ⁵¹Ngan sabanar ya, Aku bakata ka kau, satiap orak nang nurut firman-Ku, ia angin bisa nele kematian.⁵²Orak-orak Yahudi na bakata ka Yesus, Ntu wa'kitu tau kalo Kau memang kerasukan roh ja'at! Sabab, Abraham wan kobo nabi pun udah mati. Tapi, Kau bakata,'Satiap orak nang nurut firman-Ku, ia angin bisa merasa mati.' ⁵³Apehkah Kau labih aya dari pada Abraham, bapa kami, nang udah mati? kobo nabi ugak udah mati; ngan sapehkah Kau nak samakan diri-Kau?"⁵⁴Yesus njawab,"Kalo Aku memuliakan diri-Ku sorak, kemulian-Ku Na angin ada arti ya; Bapa-Kulah nang memuliakan Aku, nang tentang-Ya kau bakata,'Ia adalah Allah wa'kitu." ⁵⁵Tapi, kau angin nganal Ia, tapi Aku nganal Ia;kalo Aku madah kalo Aku angin nganal Ia, Aku bisa macam njadi pemboong, sama macam kau, tapi Aku nganal Ia wan Aku nurut firman-Ya. ⁵⁶Bapa kau, Abraham, besukacita ka'ena ari-Ku. Ia udah nele ya wan besukacita."⁵⁷Lalu, orak-orak Yahudi na bakata ka Ia,"Umur-Kau na gik angin genap 50 taut, tapi kau udah nele Abraham?" ⁵⁸Yesus bakata ka mpu'ya,"Sabanar ya Aku madah ka kau, sabalom Abraham ada, Aku udah ada." ⁵⁹Ka'ena na, mpu'ya nangkap batu ntuk nabak Ia, tapi Yesus mbunyi diri Ya wan napuk Bait Allah.

Chapter 9

¹Pas Yesus gik bajalat, Ia nele orak nang buta sajak laher. ²Murid-murid Yesus batanya ka Ia,"Guru, sapehkah nang badosa, orak ntu ato orak tua ya sehingga ia li'laherkan buta?"³Yesus njawab, "Ukat ia ato pun orak tua ya badosa, melainkan supaya pegawe-pegawe Allah li'nyataka ka dalap ia. ⁴Wa'kitu arus ngawe pegawe-pegawe Ia nang ngutus Aku salama ari masih siak; malam nak atak saat angin ada seorak pun bisa begawe. ⁵Salama Aku masih ka dunia Akulah tarang dunia."⁶Satalah madah macam na, Yesus meludah ka tanah wan ngaduk ludah-Ya ngan tanah, lalu ngoleskan ya ka mata orak na, ⁷wan, bakata ka ia,"Ampus, basoklah dir kau ka kolam Siloam."Siloam artinya"Li'ngutus". Lalu, orak na ampus, masok diri ya, wan ia atak agik ngan nele.⁸Kobo tetangga wan mpu'ya nang sebelum ya nele ia sebage orak buta bakata,"Ukatkah orak ntu nang biasa ya duduk wan ngemis?" ⁹Sebagian orak bakata,"Ya, ialah pengemis na." Nang lain bakata,"Ukat, orang nang tadi ya buta na bakata, "Akulah pengemis na."¹⁰Lalu, orak-orak na batanya ka ia,"Bagemane mata kau bosa baik?" ¹¹Orak nang banama Yesus na ngaduk tanah wan ngoleskan ya ka mata ku. Udah na, Ia bakata ka kau,'Ampuslah ka Siloam wan basoklah diri kau', jadi aku ampus wan masok diri, lalu aku bisa nele." ¹²Mpu'ya bakata ka ia, "Kamanejah Orak na?" Ia njawab,"Aku angin nao."¹³Udah na, mpu'ya maba orak nang tadi ya buta na ka orak-orak Farisi. ¹⁴Adapun hari pas Yesus ngaduk tanah wan muka mata orak na adalah ari Sabat. ¹⁵Maka, orak-orak Farisi sekali agik nanya ka orak na bagemane ia bisa nele.¹⁶Ka'ena na, beberapeh orak Farisi na bakata,"Orak na angin barasal dari Allah ka'ena Ia angin patuh ka ari Sabat." Nang lain bakata,"tapi, bagemane mungkin orak nang badosa bisa muat tande ajaib macam na?" Maka, timullah pemecahan li'ntara mpu'ya. ¹⁷Jadi, mpu'ya atak agik batanya ka orak buta na," Apeh pendapat kau tentang Ia ka'ena Ia udah muka matu kau?" Orak na njawab,"Ia adalah seorak Nabi." ¹⁸Orak-orak Yahudi na tatap angin pecaya ka ia, alo orak na tadi ya memang buta tapi ntu nyan bisa nele, sampe mpu'ya nyaru orak tua dari orak nang ntu nyan bisa nele na,¹⁹wan batanya ka mpu'ya, "Apehkah ntu anak kau, nang kau madah buta sajak laher? Kalo bage na, bagemane ia ntu bisa nele?" ²⁰Orak tua ya njawab mpu'ya wan bakata,"wa'kitu tau kalo ia anak wa'kitu wan kalo ia buta sajak laher, ²¹Tapi bagemane ntu ia bisa nele, wa'kitu angin nao; ato sapeh nang udah muka mata ya, wa'kitu angin nao. Tanya lah ka ia, ia udah aya; ia bisa ngomong ntuk diri ia sorak."²²Orak tua ya madah macam na ka'ena mpu'ya gali ka orak-orak Yahudi. Sabab, orak-orak Yahudi na udah sepakat, kalo satiap orak nang ngako Yesus sebage Kristus, bisa li'kucikan dari sinagoge. ²³Ntulah sabab ya orak tua ya bakata,"Ia udah aya tanya ka ia."²⁴Jadi, ntuk kedua kali ya orak-orak Yahudi nyaru orak nang tadi ya buta na, wan bakata ka ia,"Bere lah kemuliaan bagi Allah, wa'kitu tau kalo orak na badosa." ²⁵Ia njawab,"Apehkah orak na orak badosa ato angin, aku angin tau, sebelum ya aku buta, tapi ntu bisa nele."²⁶Mpu'ya bakata ka ia, "Apeh nang Ia muat ka kau? Bagemane Ia muka mata kau?" ²⁷Ia njawab mpu'ya,"Aku udah madah ka kau, tapi kau angin mao nangar ya; ngapeh kau angin nangar agik? Apehkah kau mao njadi murid-Ya ugak?" ²⁸Maka, mpu'ya ngina ia wan bakata,"Kau lah murid Orak na, tapi wa'kitu adalah murid-murid Musa. ²⁹Wa'kitu tau kalo Allah udah ngomomh ka Musa, tapi tentang Orak na, wa'kitu angin tau dari mane Ia barasal!"³⁰Orak na njawab wan bakata ka mpu'ya,"Banar-banar aneh kalo kau angin tau dari mane Ia barasal, padahal Ia udah muka mata ku. ³¹wa'kitu tau kalo Allah angin nangar orak badosa, tapi sapeh pun nang gali bisa Allah muat kemao Ya, Allah nangar ia.³²Dari dulu sampe ntu, gik angin parnah li'nangar kalo seorak muka mata orak nang buta sajak laher. ³³Kalo Orak na angin bisa babuat ape-apeh." ³⁴Orak-orak Yahudi na njawab wan bakata ka ia,"Kau laher panuh ngan dosa, wan kau mao nggurui wa'kitu" Maka, mpu'ya nguser orak na.³⁵Yesus nangar kalo orak-orak Yahudi udah ngoser orak buta na; pas Yesus batamu ngan ia, Yesus bakata,"Apehkah kau pecaya ka Anak Kaleno?" ³⁶Orak na njawab,"Sapehkah Ia na, Tuhan, supaya Aku pecaya ka Ia? ³⁷Yesus bakata ka ia, "Kau udah nele Ia. Ia adalah nang gik ngomong ngan kau." ³⁸Orak na njawab,"Tuhan, aku pecaya!" Udah na, ia sujud li dapan Ya.³⁹Yesus bakata,"Ntuk penghakiman Aku atak ka dunia ntu supaya mpu'ya nang angin nele, bisa nele wan mpu'ya nang nele, njadi buta." ⁴⁰Berapeh orak Farisi nang ada ka samak Ya nangar hal na, wan bakata ka Ia,"Apehkah wa'kitu ugak buta?" ⁴¹Yesus bakata ka mpu'ya,"Kalo kau buta, kau angin punya dosa; tapi ka'ena kau bakata,'wa'kitu nele', dosa kau tatap ada."

Chapter 10

¹Yesus bakata,"Ngan sabanar-banar ya, Aku madah ka kau, orak nang tama ka kandang domba ngan angin lewat pintu, melainkan ngan naek lewat jalat lain, orak na adalah pencuri wan perampok. ²Tapi, orak nang masok lewat pintu, ia adalah gembala domba.³Bagi ya, penjaga pintu mbuka pintu, wan domba-domba nangar suara ya, wan ia nyaru domba-domba ya sorak ngan nama mpu'ya, sarta nuntun mpu'ya ka luar. ⁴Satalah ngeluarkan samua domba ya, ia bajalat ka dapan mpu'ya wan domba-domba ya nak ngikut ia ka'ena ngenal suara ya.⁵Orak asing angin nak nuna mpu'ya, tapi mpu'ya nak lari dari ia ka'ena mpu'ya angin nganal suara orak-orak asing." ⁶Perumpamaan ntulah nang li'madah Yesus ka mpu'ya, tapi mpu'ya angin ngerati apeh nang baru Yesus madah ka mpu'ya.⁷Oleh sabab na, Yesus bakata agik ka mpu'ya,"Sabanar ya, Aku bakata ka kau, Akulah pintu ka domba-domba na. ⁸Samua orak nang atak sebelum Aku adalah pencuri wan perampok, tapi domba-domba angin nangar mpu'ya.⁹Akulah pintu. Kalo seorak tama lewat Aku, ia bisa li'selamatkan, wan bisa kaluar tama, sarta namu padang rumpun. ¹⁰Pencuri atak hanya ntuk ncuri, munuh, wan mbinasakan; Aku atak supaya mpu'ya punya idup, wan punya ya secara balimpah.¹¹Akulah gembala nang baik; gembala nang baik mere nyawa-Ya ntuk domba-domba. ¹²Seorak anak buah, ukat seorak gembala, nang ukat punya domba-domba na, nele serigala atak, ia napuk domba-domba wan lari; serigala na nak nerakam wan ngancai-ngancai domba-domba na. ¹³Ia lari ka'ena ia seorak upahan wan angin peduli ka domba-domba na.¹⁴Akulah gembala nang baik. Aku nganal domba-domba-Ku wan domba-domba-Ku nganal Aku. ¹⁵sama macam Bapa nganal Aku wan Aku nganal Bapa; wan Aku mere nyawa-Ku ntuk domba-domba na. ¹⁶Aku ugak ada domba-domba lain nang ukat dari kandang na; Aku arus maba mpu'ya ugak, wan mpu'ya nak nangar suara-Ku; wan mpu'ya nak njadi sote kawanan ngan sote gembala.¹⁷Ka'ena ntulah Bapa mengasihi Aku, sabab Aku mere nyawa-Ku supaya Aku bisa nangkap ya agik. ¹⁸Angin seorak pun udah nangkap ya dari-Ku, melainkan Akulah nang merekan ya nurut kemao-AKu sorak. Aku punya hak ntuk mere nyawa-Ku, wan Aku ugak punya hak ntuk nangkap ya agik. Ntulah perintah nang Aku tarima dari Bapa-Ku."¹⁹Sakali agik, ada pepercahan ka natara orak-orak Yahudi ka'ena pekataan Yesus na. ²⁰Banyak dari mpu'ya nang bakata,"Ia kerasukan roh ja'at wan njadi gila. Ngapeh orak sana nangar Ia?" ²¹Nang lain bakata, "Ntu ukat pekata seorak nang kerasukan roh ja'at. Bisakah roh ja'at muka mata orak buta?"²²Wa'tu na, ari raya penahbisan berlangsung ka Yerusalem. Saat na musim dingin, ²³wan Yesus gik bajalat ka Bait Allah, ya na ka Serambi Salomo. ²⁴Lalu, orak-orak Yahudi bekumpul ngelilik Ia wan bakata ka Ia,"Berapeh lama agik Kau mbiar jiwa wa'kitu bimbang? Kalo Kau Kristus, padahlah tarus tarang ka wa'kitu."²⁵Yesus njawab mpu'ya,"Aku udah madah ka kau, tapi kau angin pecaya. Pegawe-pegawe nang Aku muat dalap nama Bapa-Ku, nalah nang mere kesaksian tentang Aku. ²⁶Tapi, kau angin pecaya ka'ena kau angin temasok domba-domba-Ku.²⁷Domba-domba-Ku nangar suara-Ku, Aku nganal mpu'ya wan mpu'ya nuna Aku. ²⁸Aku mere idup kekal ka mpu'ya, wan mpu'ya angin bisa parnah binasa; wan angin seorak pun bisa ngerabut mpu'ya dari langan-Ku.²⁹Bapa-Ku, nang udah mere mpu'ya ka Aku, labih aya dari pada samua, wan angin ada seorak pun bisa ngerabut mpu'ya dari langan Bapa. ³⁰Aku wan Bapa adalah sote." ³¹Sekali agik, orak-orak Yahudi nangkam batu ntuk nabak Yesus.³²Tapi, Yesus bakata ka mpu'ya,"Aku udah nojok ka kau banyak pegawe baik dari Bapa, pegawe manekah dari ntara ya nang muat kau mao nabak Aku ngan batu?" ³³Orak-orak Yahudi na njawab Ia,"Ukat ka'ena suatu pegawe baik wa'kitu mao nabak Kau ngan batu, melainkan ka'ena hujat; wan ka'ena Kau, nang hanya seorak kaleno, njadi diri Kau Allah."³⁴Yesus njawab mpu'ya, "Ukatkah tetulis dalap Kitab Tauratmu,'Aku udah befirman, kau adalah Allah'? ³⁵Kalo Allah nyabut mpu'ya nang narima firman na'Allah', padahal Kitab Suci angin bisa li'batalkan, ³⁶Apehkah kau madah tentang Ia nang udah Bapa kuduskan wan utus ka dalap dunia,'Kau ngujat', ka'ena Aku bakata ka kau,'Aku adalah anak Allah'?³⁷Kalo Aku angin muat pegawe-pegawe Bapa-Ku, usah pecaya ka Aku. ³⁸Tapi, kalo Aku muat pegawe-pegawe na, meskipun kau angin pecaya ka Aku, pecayalah na nak pegawe-pegawe na supaya tau wan ngerati kalo Bapa ka dalap Aku." ³⁹Sekali agik, mpu'ya ncoba nangkap Yesus, tapi Ia lolos dari mpu'ya.⁴⁰Lalu, Yesus ampus agik nyebarang sunge Yordan nuju ka tampat Yohanes pertama kali mbaptis dulu wan Yesus diap ka sana. ⁴¹Manyak orak atak ka Ia wan bakata, "Meskipun Yohanes angin muat sote tande ajaib pun, tapi samua nang li'madah Yohanes tentang orak na banar."

Chapter 11

¹Ada seorak ngelaki nang gik sakin, nama ya Lazarus dari Betania, kampong Maria wan sayadi ya, Marta. ²Maria ntulah mbini nang parnah mere minyak ka batis Yesus ngan minyak wangi wan maso'k batis Yesus ngan bu'uk ya, nang sabanyadi ngelaki ya, Lazarus, wa'tu na sakin.³Sabab, kedua sabanyadi na ngirim kabar ka Ia, nang bakata,"Tuhan, orak nang Kau kasihi na gik sakin." ⁴Tapi, pas Yesus nangar kabar na, Ia bakata,"Penyakin ntu angin sampe mati, tapi bisa mentakan kemuliaan Allah supaya Anak Allah li'muliakan lewat Ia."⁵Yesus memang mengasihi Marta, wan sabanyadi mbini ya, wan Lazarus. ⁶Jadi, pas Yesus nangar kalo Lazarus sakin, Ia sengaja diap 2 ari agik ka tampat Ia diap. ⁷Udah na, Yesus bakata ka murid-murid-Ya, "Ayok diri ampus agik ka Yudea."⁸Kobo murid bakata ka Ia, "Guru, orak-orak Yahudi gik angin lama ntu barusaha nabak Kau ngan batu, apehkah Kau tatap ampus ka ngaan agik?" ⁹Yesus njawab,"Ukatkah asa 12 jam dalap sahari? kalo seorak bajalat wa'tu siak ari, ia angin tesandung ka'ena ia nele tarang dunia ntu.¹⁰Tapi, kalo seorak bajalat pas malam ari, ia tesandung ka'ena tarang ntu angin ada ka ia." ¹¹Udah Yesus bakata macam na, Ia bakata ka mpu'ya,"Kawan diri, Lazarus, udah tidur, tapi Aku nak ampus ntuk ngelompek ia."¹²Murid-murid bakata ka Ia,"Tuhan, kalo ia udah tidur, ia bisa baik." ¹³Yesus sabanar ya ngomong tentang kematian Lazarus, tapi murid-murid ngira Ia ngomong tentang tidur dalap arti istirahat. ¹⁴Ka'ena na, Yesus bakata ngan tarus tarang ka mpu'ya,"Lazarus udah mati,¹⁵Aku sanang demi kepentingan kau, Aku angin ada ka ngaan supaya kau bisa pecaya. Jadi, ayok diri ampus ka ia." ¹⁶Udah na, Tomas, nang dli sabut Didimus, bakata ka murid-murid nang lain,"Ayok diri ugak ampus supaya diri bisa mati wan Ia."¹⁷Pas Yesus atak, Ia namu Lazarus udah ada dalap kubur salama 4 ari. ¹⁸Adapun Betania telatak lima balas stadia jauh ya dari Yerusalem. ¹⁹Banyak orak Yahudi udah atak namu Maria wan Marta, ntuk ngibur mpu'ya bekait ngan sabanyadi ya na. ²⁰pas nangar kalo Yesus udah atak, Marta ampus wan nyambut'Ya, tapi Maria tatap diap ka rumah.²¹Marta bakata ka Yesus,"Tuhan, seandai ya wa'tu na Kau ada ka kia, sabanyadiku pasti angin bisa mati. ²²Tapi, ntu aku tau kalo apehpun nang Kau minta dari Allah, Allah bisa mere ka Kau." ²³Yesus bakata ka ia, "Sabanyadi kau nak bangkit."²⁴Marta njawab Ia, "Aku tau ia bisa bangkit pas ari kebangkitan akhir zaman." ²⁵Yesus bakata ka ia, "Akulah kebangkitan wan kehidupan; siapeh pun nang pecaya ka Aku, ia bisa idup walaupun ia udah mati, ²⁶wan satiap orak nang idup wan pecaya ka Aku angin nak parnah mati. Apehkah kau pecaya ntu hal ntu?"²⁷Marta bakata ka Ia,"Ya Tuhan, aku pecaya kalo Kau lah Kristus, Anak Allah, nang atak ka dunia." ²⁸Satalah madah hal na, Marta ampus wan nyaru Maria, sabanyadi ya, wan bakata secara pribadi, "Guru ada ka kia Ia nyaru kau." ²⁹Nangar hal na, Maria capan dadek lalu batamu wan Yesus.³⁰Saat ntu, Yesus angin sampe ka desa na, tapi masih kka tampat Marta namu Ya. ³¹Orak-orak Yahudi nang basama Maria ka rumah na, nang gik ngibur ia, nele Maria capan lumpat lalu ampus keluar; mpu'ya nuna ia ka'ena ngira ia nak ampus ka kubur ntuk nangis ka ngaan. ³²pas Maria sampe ka tampat Yesus diap, ia nele Yesus gik tersungkur ka batis Ya, sarta bakata ka Ia, "Tuhan, seandainya Kau ada ka kitu wa'tu na, sabnyadiku angin nak mati."³³Pas Yesus nele Maria nangis, orak-orak Yahudi nang basama ya uga lalu nangis, lalu Yesus dalam Roh terganggu. ³⁴Yesus batanya, "Ka mane Lazarus kau ngubur ya?" mpu'ya njawab Ia, "Tuhan, ayok nuna wan nele." ³⁵Yesus pun nangis.³⁶Maka, orak-orak Yahudi bakata,"Telelah! Betape Ia mengasihi Lazarus!" ³⁷Tapi, beberapeh orak li ntara mpu'ya bakata,"Angin bisakah Ia nang udah muka mata orak buta ntu ugak muat Lazarus angin mati?"³⁸Yesus, nang sakali agik mengerang dalap diri Ya, ampus ka kubur. Kuburan na adalah sabuag gua, wan sabuah batu li'lantak nutup ya. ³⁹Yesus bakata,"Singkir lah batu na!" Marta, sabnyadi orak nang mati na, bakata ka Ia,"Tuhan, ntu pasti bisa ada bau bonto ka'ena ia udah mati salama 4 ari." ⁴⁰Yesus njawab ia, "Ukatkah Aku udah madah ka kau kalo kau pecaya, kau bisa nele kemuliaan Allah?"⁴¹Jadi, mpu'ya ngangkat batu na. Lalu, Yesus ngkadah lalu bakata,"Bapa, Aku bersyukur ka Kau ka'ena Kau udah nangar Aku. ⁴²Aku tau kalo Kau salalu nangar Aku, tapi ka'ena orak-orak nang ddek ka sekeliling Ku, Aku madah hal ntu supaya mpu'ya pecaya kalo Kau lah nang udah ngutus Aku."⁴³Satalah madah na, Yesus ngampak ngan suara karas,"Lazarus, keluarlah!" ⁴⁴Orak nang udah mati na kaluar, langan wan tali ya masih gtekaban tali kafan, mua ya masih tatutup kain kafan. Yesus bakata ka mpu'ya," Lapaslah kain-kain na dari kau lalu mbiar ia ampus."⁴⁵Orak-orak Yahudi nang atak ngunjung Maria, nele apeh nang udah Yesus muat, njadi pecaya ka Ia.⁴⁶Tapi, beberapeh dari mpu'ya ampus ka orak-orak Farisi wan mere tau mpu'ya apeh nang udah li'muat Yesus.⁴⁷Maka, imam-imam kapala wan orak-orak Farisi ngadakan petemuan Sanhedrin bakata,"Apeh nang bisa diri muat? Sabab, Orak ntu muat banyak tande ajaib.⁴⁸kalo diri mbiar Ia tarus macam ntu, samua orak bisa pecaya ka Ia wan orak-orak Roma bisa atak ntuk ngerampas tampat ntu wan bangsa diri."⁴⁹Tapi, seorak dari mpu'ya nang banama Kayafas, nang njadi imam aya pas wa'tu taun na, bakata ka mpu'ya,"orak sana angin tau apeh-apeh, ⁵⁰atopun nak mempertimbangkan kalo labih baik sote orak mati ntuk saluruh bangsa, daripada saluruh bangsa binasa."⁵¹Ia angin madah dari diri Ya sorak, tapi sebage Imam Aya taun ntu, ia benabuat kalo Yesus nak mati ntuk bangsa ntu. ⁵²ukat hanya ntuk bangsa Yahudi, melainkan ugak ntuk ngumpulkan njadi sote anak-anak Allah nang tesabar. ⁵³Maka, sajak ari na, mpu'ya sapakat ntuk munuh Yesus.⁵⁴Ka'ena na, Yesus angin agik bajalat secara tarang-tarangan li'ntara orak Yahudi, tapi Ia ampus dari ngaan ka wilayah samak padang belantara ka sabuah kota banama Efraim; Ia diap ka ngaan basama nurid-muruid Ya. ⁵⁵Wa'tu na, Paskah orak Yahudi udah samak, banyak orak dari wilayah na ampus ka Yerusalem sabalum Paskah ntuk nyuci diri mpu'ya.⁵⁶Lalu, mpu'ya ngago Yesus wan ngomong sote ka nang lain samantara mpu'ya dadek dalap bait Allah, mpu'ya saling batanya,"Bagemane menurut kau? Apehkah Ia ngaan sama sekali angin bisa atak ka perayaan ntu?" ⁵⁷Adapun imam-imam kapala wan orak-orak Farisi udah ngeluar parintah kalo seorak tau ka mane Ia barada, orak na arus ngelaporkan ya supaya mpu'ya bisa nangkap Ya.

Chapter 12

¹Enam ari sabalum Ari Raya Paskah, Yesus ampus ka Betania, tampat diap Lazarus, nang udah Ia mbangkitkan dari kematian. ²Ka ngaan, udah li'siapkan jamuan makat malam ntuk Yesus; wan Marta gik ngelayan, tapi Lazarus na salah sote dari mpu'ya nang duduk ka meja basama Yesus. ³udah na, Maria nangkam satangah kati nang asa mahal, lalu mere minyak ka batis Yesus wan ngeringkan ya ngan buuk ya. Maka, rumah na panuh ngan bau arum minyak wangi na.⁴Tapi, Yudas Iskariot, salah seorak murid Ya, nang nak menghianati Ia, bakata, ⁵"Ngapeh minyak wangi na angin li nyual saja saharga tiga ratus dinar wan li mere ka orak-orak miskin"? ⁶Ia madah kalo macam na ukat ka'ena ia peduli ka orak miskin, melainkan ka'ena ia na seorak pencuri, ka'ena ia maba kotak duin, ia biasa nangkam duin nang li tama ka dalap kotak na.⁷Lalu, Yesus njawab,"Biarlah mbini na, ia nang muat ya sebage persiapan ntuk ngubur Ku. ⁸Sabab, orak miskin salalu ada basama wan kau, tapi Aku angin salalu ada basama kau."⁹Pas sajumlah aya orak Yahudi nangar kalo Yesus ada ka Betania, mpu'ya ampus ka ngaan, ukat hanya ka'ena Yesus, melainkan ugak ka'ena mao nele Lazarus nang udah Ia mbangkitkan dari kematian. ¹⁰Lalu, imam-imam kepala berencana ntuk munuh Lazarus ugak. ¹¹Ka'ena Lazarus, banyak orak Yahudi napuk mpu'ya wan pecaya ka Yesus.¹²Pas nalap ya, orak banyak nang atak ka pesta na, pas nangar kalo Yesus nak atak ka Yerusalem, ¹³mpu'ya nangkap dao-dao palem lalu ampus ka luar ntuk nyambut Ia lalu mulai rami-rami,"Hosana! li'berkatilah Ia nang atak dalap nama Tuhan, Raja Israel."¹⁴Satalah namu seko keledai muda, Yesus duduk ka atas ya, macam nang tetulis: ¹⁵"Usah gali, hai putri Sion! Telelah! Raja kau atak, duduk ka atas seko keledai muda."¹⁶Awal ya, murid-murid Ya angin ngerati samua hal na, tapi pas Yesus li muliakan, mpu'ya udah na lalu ngerati kalo samua na udah tetulis tentang Ia, kalo mpu'ya udah muat samua na ntuk Ia.¹⁷Jadi, orak-orak nang basama Yesus wa'tu na Ia nyaru Lazarus ka luar dari kubur wan mbangkitka ia dari kematian tarus besaksi. ¹⁸Oleh sabab na, banyak orak nyambut Yesus ka'ena mpu'ya nangar kalo Ia lah nang udah muat mujizat na. ¹⁹Maka, orak-orak Farisi bakata sote sama lain ya, "Kau nele, apeh nang diri rencanakan angin berasil. Telelah, saluruh dunia udah nuna Ia."²⁰Pas wa'tu na, ada ugak orak-orak Yunani li ntara mpu'ya nang ampus ntuk ibadah pas ari perayaan na. ²¹Mpu'ya batamu wan Filipus, nang barasal dari Betsaida li Galilea, wan bakata ka ia, "Tuan, orak kitu mao batamu ngan Yesus." ²²Filipus ampus wan mere tau Andreas; ampus lalu mere tau Yesus.²³Yesus njawab mpu'ya,"Wa'tu ya udah atak ntuk Anak Kaleno ntuk li muliakan. ²⁴Ngan sabanar ya, A ku madah ka kau, kecuali bugi gandum labuh ka tanah lalu mati, bugi na tatap sote aja; tapi kalo bugi na mati, ia ngasel banyak buah.²⁵Orak nang cinta nyawa ya, bisa ilang nyawa ya, tapi orak nang angin cinta nyawa ya li dunia ntu, bisa ntuk lihara ya ntuk idup kekal. ²⁶Kalo seorak ngelayan Aku, ia arus nuna Aku; ka mane Aku diap, ka sana lah tampat pelayan-Ku diap;tapi kalo seorak ngelayan Aku, Bapa nang ngormati ia."²⁷"Ntu nyan, jiwa-Ku galisah. Apeh nang nak Ku madah?'Bapa, selamatkanlah Aku dari ntu nyan?' Tapi, ntuk tujuan ntulah Aku atak saat ntu. ²⁸Bapa, muliakan nama-Mu!" Lalu, tedangar lah suara dari surga,"Aku udah muliakan nama-Ku wan Aku nak muliakan ya agik." ²⁹Orak banyak nang dadek ka sana wan nangar ya madah kalo na suara guntur, tapi nang lain bakata,"seorak malaikat udah ngomong ka Ia!"³⁰Yesus njawab wan bakata,"Suara na tadangar ukat ntuk kepentingan-Ku, melainkan ntuk kepentingan kau. ³¹Ntu nyan lah penghakiman ntuk dunia ntu, ntu lah penguasa dunia nak li nguser.³²Kalo Aku li ninggikan dari dunia ntu, Aku nak narik samua orak ka-Aku." ³³Yesus madah hal ntu ntuk nunjukkan ngan kematiam ,macam apeh Ia nak mati.³⁴Orak bantak na njawab Ia,"Orak kitu udah nangar dari hukum Taurat kalo Kristus nak tatap diap salama-lama ya; bagemane mungkin Kau bakata,'Anak Kaleno na arus li ninggikan?' Siapehkah Anak Kaleno na?" ³⁵Yesus njawab mpu'ya,"Diap sabantar agik tarang na ada basama kau. Bajalatlah salagi tarang na masih ada suapaya patak angin bisa nak nguasai kau; sabab orak nang bajalat ka dalap patak angin tau ka mane ia ampus. ³⁶Saat kau punya tarang na, pecayalah ka tarang na supaya kau njadi anak-anak tarang." Satalah madah na, Yesus ampus lalu sembunyi diri dari mpu'ya.³⁷Meskpun Yesus udah muat banyak tande ajaib ka dapan mpu'ya, mpu'ya tatap angin pecaya ka Ia, ³⁸Supaya ganaplah pekata nang li sampe kan na oleh Nabi Yesaya,"Tuhan, siapehkah nang pecaya ka pemberitaan orak kitu? lalu, ka sapeh kah langan Tuhan udah li nyatakan?"³⁹Na lah sabab ya, mpu'ya angin bisa pecaya ka'ena Yesaya ugak bakata, ⁴⁰"Ia udah mbuta mata mpu'ya wan ngaras ati mpu'ya, supaya mpu'ya usah nele ngan mata mpu'ya wan paham ngan ati mpu'ya, lalu bebalek sampe Aku nyambuh mpu'ya."⁴¹Yesaya madah samua ntu ka'ena ia udah nele kemuliaan Yesus wan ia ngomong soal Yesus. ⁴²Meski macam na, banyak ugak kobo pemimpin nang pecaya ka Yesus, tapi ka'ena gali ka orak-orak Farisi, mpu'ya angin madahkan ya tarus tarang ka'ena gali li jauh dari sunagoge. ⁴³Sabab, mpu'ya labih suka narima kemuliaan dari kaleno daripada kemuliaan dari Allah.⁴⁴Udah na, Yesus beseru, kata-Ya, "Satiap orak nang pecaya ka-Aku, angin pecaya ka-Aku, melainkan ka Ia nang ngutus Aku. ⁴⁵satiap orak nang udah nele Aku, udah nele Ia nang ngutus Aku.⁴⁶Aku udah atak sebage Tarang ka dunia ntu, supaya satiap orak nang pecaya ka Aku angin diap dalap utat patak. ⁴⁷Kalo seorak nangar omong Aku ntu, tapi ia angin nurut ya, Aku angin ngakim ia; sabab Aku tak ukat ntuk ngakim dunia, melainkan ntuk nyelamat dunia.⁴⁸Siapeh nang nolak Aku wan angin narima apeh kata Ku, maka firman nang Aku omongkan na ngakim ia pada akhir zaman. ⁴⁹Ka'ena Aku angin ngomong atas apeh mao ya Aku, melainkan Bapa nang ngutus Aku mere Aku parintas atas apeh nang arus Aku madah dan apeh nang Aku ngomongkan. ⁵⁰Aku tau kalo parintah-Ya na adalah idup kekal. Sabab na, hal nang Aku sampekan, Aku sampekan na macam nang li madah Bapa ka Aku."

Chapter 13

¹Sabalom Ari Raya paskah, Yesus tau kalo saat-Ya udah tiba kalo Ia nak napuk dunia ntu ka Bapa, satalah mengasihi punya-Ya sorak ka dunia, Ia mengasihi mpu'ya sampe akhir. ²Salama makat malam belanjut, setan udah tama dalap ati Yudas Iskariot, anak Simon, ntuk hianat Yesus.³Yesus, pas tau kalo Bapa udah nyarahkan sagala ya ka dalap langan-Ya, kalo Ia atak dari Allah, lalu nak atak ka Allah, ⁴Ia dadek dari jamuan makat malam wan ngelapas jubah-Ya, sarta nangkap kaik linen wan ngikat ya ka pingak-Ya, ⁵Udah na, Ia nuang ae ka sabuah baskom wan mulai masok batis murid-murid-Ya sarta ngarik batis mpu'ya ngan kaik nang bekaban ka pingak-Ya.⁶Lalu, Ia sampe ka Simon Petrus wan ia bakata ka Yesus,"Tuhan, Kau masok batis ku?" ⁷Yesus njawab wan bakata ka ia, "Apeh nang Aku muat, kau angin paham, tapi nana kau pasti ngerati." ⁸Petrus bakata,"Kau angin parnah masok batis ku!"Yesus njawab,"kalo Aku angin masok kau, kau angin namu bagian ka dalap Aku. ⁹Simon Petrus bakata ka Ia,"Kalo macam na Tuhan, usah hanya batis ku aja, tapi ugak langan wan ulu ku."¹⁰Yesus bakata ka ia,"Orak nang udah mani hanya parlu nyuci batis ya, tapi udah bersih saluruh ya. Kau udah bersih, tapi angin samua dari orak sana bersih." ¹¹Ka'ena Yesus tau sapeh nang nak ngihanati Ia, na lah sabab ya Ia bakata, "Angin samua dari orak sana bersih."¹²Jadi, satalah Yesus salasai masok batis murid-murid-Ya, makai agik jubah-Ya, wan atak ka tampat-Ya, Ia bakata ka mpu'ya,"Apehkah orak sana ngerati apeh nang Aku muat ka orak sana? ¹³orak sana nyabut Aku Guru wan nyabut Aku ugak Tuhan. Na tapat ka'ena Aku memang Guru wan Tuhan orak sana. ¹⁴Kalo Aku, nang adalah Tuhan wan Guru kau, udah masok batis kau, kau pun arus saling masok batis kau. ¹⁵Sabab, Aku udah mere contoh ka kau supaya kau ugak muat bagemane nang Aku muat ka kau.¹⁶Ngan sabanar ya, Aku madah ka kau, seorak hamba angin labih aya daripada tuan ya, atopun seorak utusan angin labih aya daripada orak nang ngutus ya. ¹⁷Kalo kau udah tau samua ya ntu, kau li berkati kalo kau muat ya. ¹⁸Aku anginm bakata-kata soal orak sana samua. Aku tau sapeh aja nang udah Kupilih, tapi ntu arus liganapi,'Orak nang makat roti-Ku udah ngangkat tumit ya ngadap Aku.'¹⁹Aku meretau kau ntu, sabalom hal na tejadi supaya pas hal na tejadi, kau nak pecaya kalo Akulah Ia. ²⁰Ngan sabanar ya, Aku madah ka kau, satiap orak nang narima oraki nang Kuutus, narima Aku; wan orak nang narima Aku, narima Ia nang ngutus Aku.²¹Satalah Yesus bakata bagena, Ia galisah dalap roh wan besaksi,"sabanar-banar ya Aku madah ka kau, salah seorak dari orak sana nak ngihati Aku." ²²Murid-murid saling nele mua ka seko nang lain ya wan njadi mangap soal sapeh nang Ia omongkan.²³Salah seorak murid-Ya duduk basandar ka dada Yesus. ²⁴Udah na, Simon Petrus mere syarat ka ia ntuk batanya ka Yesus tentang sapeh nang Ia maksud. ²⁵Jadi, murid nang basandar ka dada Yesus na batanya ka Ia,"Tuhan, sapehkah orak na?"²⁶Yesus njawab, "Orak na adalah ia nang ka ia Aku mere sote potong roti na satalah Aku nyelup ya." Lalu, satalah nyelup roti na, Yesus mere ya ka Yudas, anak Simon Petrus Iskariot. ²⁷satalah Yudas narima roti na, Iblis ngerasuk ya. Ka'ena na, Yesus bakata ka ia,'Apeh nang nak kau muat, muatlah ntu nyan!"²⁸Angin seorak pun dari mpu'ya nang gik makat na ngerati ngapeh Yesus madah bagena ka Yudas. ²⁹Berapeh dari mpu'ya nyangka ka'ena Yudaslah nang migak kotak duin maka ya Yesus bakata bagena ka Yudas, "Malilah hal-hal nang diri paralu ntuk ari raya," ato supaya ia mere suatu ka orak miskin. ³⁰Jadi, satalah narima sote potong roti, Yudas ampus ka luar wa'tu na ugak; wa'tu na udah malam.³¹Udah na Yudas ampus, Yesus bakata, "Ntu nyan lah saat ya Anak Kaleno li muliakan wan Allah li muliakan lewat Ia. ³²Kalo Allah li permuliakam ka dalap Ia, Allah ugak nak ,muliakan Ia ka dalap diri-Ya, wan nak muliakan Ia ngan capan. ³³Anak-anak-Ku, Aku ada basama kau hanya diap sabantar agik. Kau nak ngago Aku, wan bagena nang udah Ku madah ka orak-orak Yahudi, ntu nyan Aku madah ugak ka kau,'ka mane Aku ampus, kau angin bisa atak.'³⁴Sote parintah baru Aku mere ka kau, ya na supaya kau saling mengasihi, sama macam Aku udah mengasihi orak sana, nagena lah kau ugak saling mengasihi. ³⁵Ngan bagena, samua orak nak tau kalo kau adalah murid-murid-Ku, ya na kau saling mengasihi."³⁶Simon Petrus batanya ka Yesus, "Tuhan, ka manekah Kau nak ampus?" Yesus njawab ia,"Ka mane Aku ampus, kau angin bisa nuna Aku, tapi nana kau bisa nuna Aku." ³⁷Petrus batanya ka Ia, "Tuhan, ngapeh aku angin bisa nuna Kau ntu nyan? Aku nak nyarahkan nyawa ku demi Kau!" ³⁸Yesus njawab, "kau nak nyarah nyawa kau ntuk Aku? ngan sabanar ya Aku madah ka kau, mandok angin bisa bekokok sabalom nyangkal Aku 3 kali."

Chapter 14

¹"Usahlah ati kau njadi galisah; pecaya lah ka Allah, pecayalah ugak ka Aku. ²Ka rumah Bapa-Ku ada banyak tampat diap; Kalo angin bagena, Aku tantu udah madah ya ka kau ka'ena Aku ampus ntuk nyiapkan sabuah tampat ntuk kau. ³kalo Aku ampus wan nyiapkan ya sabuah tampat ntuk kau, Aku nak atak agik maba kau ka Aku suapaya ka mane Aku ada, kau pasti ada.⁴Kau tau jalat Aku ampus." ⁵Lalu, Tomas bakata ka Ia,'Tuhan, orak kitu tau ka mane Kau ampus, bagemane orak kitu tau jalat na?" ⁶Yesus bakata ka ia, "Akulah jalat,wan kebanaran, wan kehidupan. Angin ada ka Bapa, kalo ukat lewat Aku. ⁷Kalo kau udah nganal Aku, kau ugak pasti udah nganal Bapa-Ku; mulai ntu nyan, kau udah nganal Bapa wan udah nele Ia."⁸Filipus bakata ka Ia, "Tuhan, bere lah orak kitu nele Bapa na ka orak kitu, na pun udah cukum ntuk orak kitu." ⁹Yesus njawab ia,"Filipus, udah lama Aku basama-sama wan kau, kau masih gik angin nganal Aku? Barangsapeh udah nele Aku, ia udah nele Bapa, bagemane kau bisa bakata,'nyuruh Aku nunjuk Bapa na ka orak kitu?'¹⁰Apehkah kau angin pecaya Aku ka dalap Bapa wan Bapa ka dalap Aku? pekata-pekata nang Aku madah na ka kau, Aku angin madah dari diri-Ku sorak, tapi Bapa nang diap ka dalap Aku lah nang muat pegawe ya. ¹¹Pecaya lah ka Aku, kalo Aku ka dalap Bapa wan Bapa ka dalap Aku; ato setidak ya, pegawe-pegawe na sorak.¹²Ngan sabanar ya, Aku madah ka kau, satiap orak nang pecaya ka Aku, pegawe-pegawe nang Aku muat, ia ugak nang nak muat ya; wan pegawe-pegawe nang labih aya daripada samua na ka'ena Aku ampus ka Bapa. ¹³Apeh pun nang kau minta dalap nama-Ku, na bisa Aku muat supaya Bapa limuliakan ka dalap Anak. ¹⁴Kalo kau narima apeh pun ka Aku dalap nama-Ku, Aku pasti muat kan ya.¹⁵"Kalo kau mengasihi Aku, kau pasti nurut samua parintah-Ku. ¹⁶Aku nak minta ka Bapa, Ia nak mere ka kau penolong nang lain, supaya Ia basama wan kau salama ya, ¹⁷Ya na Roh Kebenaran, nang angin bisa litarima dunia, ka'ena dunia angin nele Ia ato nganal Ia; tapi kau nganal Ia ka'ena Ia diap basama wan kau pasti ada dalap diri kau.¹⁸Aku angin nak napuk kau bage yatim piatu; Aku nak atak ka kau. ¹⁹Angin lama agik, dunia angin nak nele Aku agik, tapi kau nak nele Aku; ka'ena Aku idup, kau pun nak idup. ²⁰Pas ari na, kau nak tau kalo Aku ka dalap Bapa-Ku, wan kau dalap Aku, wan Aku dalap kau.²¹Siapeh pun nang migak parintah-Ku wan melakukan ya, ia mengasihi Aku; wan orak nang mengasihi Aku pasti li kasihi Bapa-Ku, wan Aku pasti mengasihi ia wan nyatakan diri-Ku ka ia." ²²Yudas, nang ukat Iskariot, bakata ka Ia,"Tuhan, bagemane Kau nak nyatakan diri Kau ka orak kitu wan ukat ka dunia?"²³Yesus njawab wan bakata ka ia, "Kalo seorak mengasihi Aku, ia nak nurut firman-Ku; wan Bapa-Ku nak mengasihi ia, wan orak kitu nak atak ka ia wan nak diap basama wan ia. ²⁴Tapi, orak nang angin mengasihi Aku, angin nurut firman-Ku. Wan, firman nang kau nangar na ukat dari-Ku, melainkan dari Bapa nang ngutus Aku.²⁵Samua hal ntu udah Aku madah ka kau salama Aku masih basama wan kau. ²⁶Tapi, penolong na, ya na Roh Kudus, nang nak Bapa utus dalap nama-Ku, Ia nak ngajar sagala suatu ka kau, wan nak ngingatkan kau ka samua nang udah ku madah ka kau. ²⁷Damai sejahtera Ku napuk basama wan kau; damai sejahtera-Ku Kumere ka kau, ukat bage nang dunia mere nang Aku mere ka kau. Usah mbiar ati kau galisah atopun gamatar.²⁸Kau udah nangar kalo Aku bakata ka kau,'Aku nak ampus, wan Aku nak atak agik ka kau.' Kalo kau mengasihi Aku, kau pasti besukacita ka'ena Aku ampus ka Bapa, sabab Bapa labih aya daripada Aku. ²⁹Aku udah mere tau kau ntu sabalom hal na tejadi supaya pas hal na tejadi, kau pasti pecaya. ³⁰Aku angin nak ngomong labih banyak agik ngan kau ka'ena penguasa dunia ntu gik nak atak. Ia angin bekuasa sedamuk pun atas -Ku. ³¹Tapi supaya dunia tau kalo Aku mengasihi Bapa, Aku muat tampat bagena nang Bapa parintah ka Aku. Lumpatlah ayok diri ampus dari utat ntu."

Chapter 15

¹Yesus bakata,"Akulah pokok anggur nang sejati wan Bapa-Kulah penguasa ya. ²Satiap daat ka Aku nang angin bebuah, li muak Ya wan satiap daat labih banyak.³Kau memang udah libersihkan ka'ena firman nang udah Kumadahkan ka kau. ⁴Tapuk lah ka dalap Aku wan Aku ka dalap kau. Sama bage daat angin bisa bebuah dari diri ya sorak,kecuali ia diap ka batak anggor, bagena ugak kau angin bisa bebuah, kecuali kau diap ka dalap Aku.⁵Akulah batak anggor wan kaulah daat-daat ya. Satiap orak nang diap ka dalap Aku, wan Aku ka dalap ia, ia pasti babuah banyak ka'ena tepisah dari-Ku, kau angin bisa bebuat apeh-apeh. ⁶Kalo seorak angin diap ka dalap Aku, ia pasti li muak bage daat wan njadi karik; orak nak ngumpulkan wan nak ngkalok ya ka dalap api, lalu tabakar. ⁷Kalo kau tatap diap ka dalap Aku wan pekata-Ku diap ka dalap kau, mintalah apeh aja nang kau mao wan na naklikabulkan ntuk kau.⁸Bapa-Ku nak limuliakan ngan hal ntu, ya na kalo kau babuah banyak wan ngan bagena, kau na adalah murid-murid-Ku," ⁹"Bage Bapa udah mengasihi Aku, bagena lah Aku udah mengasihi kau; tataplah diap dalap kasih-Ku.¹⁰Kalo kau taat samua parintah-Ku, kau nak diap dalap kasih-Ku, sama bage Aku udah taat parintah Bapa wan diap dalap kasih-Ya. ¹¹Hal-hal ntu Aku madah ka kau supaya sukacita-Ku ada ka dalap kau, maka ya sukacita kau njadi panuh.¹²Ntulah parintah-Ku: kau arus saling mengasihi, sama bage Aku udah mengtasihi kau. ¹³Angin ada kasih nang labih dari pada kasih seorak nang mere nyawa ya ntuk page-page ya.¹⁴ORak sana na page-page-Ku kalo mao ngasi apeh nang Kuparintah ka kau. ¹⁵Aku angin agik nyabut kau hamba ka'ena hamba angin tau apeh nang li gawe tuan ya. Tapi, Aku myabut kau page ka'ena samua nang Aku nangar dari Bapa, udah Aku meretau ka kau.¹⁶Ukat kau nang milih Aku, kalo ukat Aku nang udah milih wan udah natap kau supaya kau ampus wan ngasel buah, buah kau tatap biar macam mane pun nang kau minta dari Bapa dalap nama-Ku, Ia nak mere ya ka kau. ¹⁷Ntulah parintah-Ku: kau arus saling mengasihi!"v 18"Kalo dunia ntu banci ngan kau, kau tau kalo dunia udah banci ngan Aku sabalom banci ngan kau. ¹⁹Kalo kau dari dunia, tantulah dunia pasti mengasihi apeh nang ada ka ia; tapi ka'ena kau ukat dari dunia, selain Aku udah milih kau dari dunia, ka'ena hal ntulah dunia banci ka kau.²⁰Ingatlah pekata nang udah Ku madah ka kau:'Seorak hamba angin labih aya daripada tuan ya'. Kalo mpu'ya udah nyiksa Aku, mpu'ya ugak nak nyiksa kau. Kalo mpu'ya taat firman-Ku, mpu'ya ugak nak taat pekata kau. ²¹Tapi, samua ya na nak mpu'ya muat tehadap kau, oleh ka'ena nama-Ku. Sabab, mpu'ya angin nganal Ia nang ngutus Aku. ²²Kalo Aku angin atak wan madah ka samua ya na ka mpu'ya, mpu'ya angin nak punya dosa. Tapi ntu, mpu'ya angin punya dalih ntuk dosa mpu'ya.²³Satiap orak nang banci Aku, ia ugak banci Bapa-Ku. ²⁴Seandai ya Aku angin muat li ntara mpu'ya pegawe-pegawe nang angin parnah li muat orak lain, mpu'ya angin nak punya dosa. Tapi ntu, mpu'ya udah nele tapi tatap banci Aku wan Bapa-Ku. ²⁵Tapi, firman nang tatulis dalap kitab Taurat mpu'ya arus liganapi:'Mpu'ya banci Aku tampe alasan.'²⁶Pas penolong na atak, nang nak Aku utus ka kau dari Bapa, ya na Roh kebenaran nang barasal dari Bapa, Ia nak besaksi tentang Aku. ²⁷kau ugak nak basaksi ka'ena kau udah basama-Ku sajak dulu."

Chapter 16

¹"Samua ntu udah Aku madah ka kau supaya kau angin goyah. ²Mpu'ya nak nguser kau dari sinagoge. Bahkan, wa'tu ya nak atak kalo satiap orak nang munuh kau nak bepikir kalo mpu'ya gik bebakti ka Allah.³Hal-hal ntulah nak mpu'ya gawe ka'ena mpu'ya angin nganal Bapa atopun Aku. ⁴Tapi, samua na udah Aku madah ka kau supaya apebila nana wa'tu ya atak, kau ingat kalo Aku udah madah kan ya ka kau. Hal-hal ntu angin Aku madah ka kau pas awal ya ka'ena Aku masih wan kau.⁵Tapi, ntu Aku nak ampus ka Ia nang ngutus Aku, tapi angin seorak pun dari kau nang nanya Aku, 'Ka mane Kau nak ampus?' ⁶Tapi, ka'ena Aku udah madah samua ntu ka kau, ati kau salalu susah. ⁷Tapi, Aku meretau kebenaranka kau: labih baik ntuk kau kalo Aku ampus ka'ena kalo Aku angin ampus, penolong na angin angin nak atak ka klau; tapi kalo Aku ampus, Aku nak ngutus-Ya ka kau.⁸Pas penolong na atak, Ia nak nyandar ka dunia ntu ka dosa, kebanaran, wan pengakiman; ⁹tentang dosa, ka'ena mpu'ya angin pecaya ka Aku; ¹⁰tentang kebenaran, ka'ena Aku ampus ka Bapa wan kau angin nak nele Aku agik, ¹¹tentang pengakiman, ka'ena penguasa dunia ntu udah li akimi.¹²Masih banyak hal nang mao Aku madah ka kau, tapi kau angin bisa nangong ya ntu nyan. ¹³Tapi, pas Ia, Roh kebenaran na atak, Ia nak mbimbing kau ka dalap samua kebenaran. Sabab, Ia angin ngomong apeh nang Ia mao sorak, kecuali samua hal nang Ia nangar na nang Ia madah; Ia nak mere tau kau hal-hal nang nak tejadi. ¹⁴Ia nak muliakan Aku ka'ena Ia nak narima nang Aku tarima, wan nak mere tau kan ya ka kau.¹⁵Sagala suatu nang ada ka Bapa na samua ntuk Aku. Oleh sabab na lah, Aku madah kalo Roh kebenaran nak meretau ka kau apeh nang li terima-Ya dari-Ku." ¹⁶"Diap sabntar ja, nana kau angin agik nak nele Aku; ntuk sakali ja agik, diap sabantar ja, kau pasti nele Aku."¹⁷ada beberapeh murid Yesus saling batanya,"Apeh maksud-Ya Ia bakata ka orak kitu,'Diap ja sabantar, kau angin nak nele Aku?' Ka'ena Aku nak ampus ka Bapa-Ku'?" ¹⁸Jadi, mpu'ya batanya, "Apeh nang Ia maksudkan ngan,'diap sabantar ja'?diri angin nao apeh nang Ia omongkan."¹⁹Yesus tau kalo murid-murid-Ya mao batanya ka Ia, maka Ia bakata ka mpu'ya,"Apehkah kau batanya ka ntara kau sorak tau hal nang Aku maksud pas Aku bakata,'Tapuk sesaat aja wan kau angin nak nele Aku agik' wan sakali agik, diap sesaat aja, wan kau pasti nele Aku? ²⁰Ngan sabanar ya, Aku madah ka kau, kau pasti nangis wan meratap, tapi dunia pasti gembira; kau nak beduka, tapi dukacita nak barubah njadi sukacita. ²¹Pas seorak mbini beranak, ia menderita ka'ena wa'tu ya ntuk beranak udah atak; tapi udah na anak ya laher, ia lupa rasa derita ya nang barat ka'ena sukacita kalo seorak kaleno udah lilaher ka dunia.²²Bage na lah kau ugak ngerasa derita saat ntu, tapi Aku nak batamu kau agik wan ati kau pasti sukacita, angin ada seorak pun nang nak nangkam sukacita kau dari kau. ²³wa'tu ari na, kau angin nak nanya apeh pun ka Aku. Ngan sabanar ya, Aku madah ka kau, apehpun nang kau minta ka Bapa-Ku dalap nama-Ku, Ia pasti mere ya ka kau. ²⁴Samp[e ntu, kau angin parnah minta apeh pun dalap nama-Ku. Mintalah, pasti kau narima ya supaya sukacita kau njadi panuh."²⁵"Aku udah madah hal-hal ntu ka kau ngan umpama;saat ya nak atak pas Aku angin agik ngomong ka kau ngan umpama, tapi nak ngomong ngan tarus tarang tentang Bapa.²⁶Pas ari na, kau nak minta dalap nama-Ku, wan Aku angin madah ka kau kalo Aku ndoakan ya ka Bapa bagi kau. ²⁷Sabab, Bapa sorak mengasihi kau ka'ena kau udah mengasihi Aku wan pecaya kalo Aku atak dari Bapa. ²⁸Aku barasal dari Bapa wan udah atak ka dunia; ntu, Aku nak napuk dunia wan atak agik ka Bapa."²⁹Murid-murid-Ya bakata,"Nah, ntu nyan Kau ngomong tarus tarang angin nguna umpama agik. ³⁰Ntu nyan lah, orak kitu tau kalo Kau tau sagala suatu wan angin parlu seorak batanya ka Kau. Ka'ena na, orak kitu pecaya kalo Kau atak dari Allah." ³¹Yesus njawab mpu'ya,"Pecayakah kau ntu?³²Telelah! saat ya nak atak, bahkan udah atak ntuk kau ntuk li acak-acak, masing-masing pulak ka tampat asal ya sorak wan nak napuk Aku sorak. Tapi, Aku angin sorak ka'ena Bapa wan Aku. ³³Samua ntu Aku madah ka kau supaya ka dalap Aku, kau ada damai sejahtera. Ka dunia, kau nak kana siksa, tapi kuat lah ati kau! Aku udah ngalahkan dunia!"

Chapter 17

¹Ntu lah apeh nang Yesus madah, lalu udah na Ia ngkadah ka ramang lalu bakata,"Bapa, ntu saat ya udah atak, muliakan lah anak Kau supaya Anak Kau ugak bisa memuliakan Kau. ²Sama bage Kau udah mere Ia kuasa atas samua kaleno, supaya ka samua nang Kau mere ka Ia, Ia bisa mere idum kekal.³Ntulah Idup kekal na, ya na kalo mpu'ya nganal Kau, sote-sote ya Allah nang banar, nganal Kristus Yesus nang udah Kau utus. ⁴Aku udah memuliakan Kau ka bumi ngan nyalasai pegawe nang Kau mere ka Aku ntuk li gawe. ⁵ntu nyan, Bapa, muliakan lah Aku basama wan Kau ngan memuliaan nang ada ka Aku basama wan Kau sabalom dunia ada.⁶Aku udah madah nama Kau ka orak-orak nang Kau mere ka Aku dari dunia ntu. Mpu'ya na ntuk Kau soal ya Kau udah mere mpu'ya ka Aku mpu'ya ugak udah taat ngan firman Kau. ⁷Ntu nyan lah, mpu'ya tau kalo samua nang Kau mere ka Aku barasal dari Kau. ⁸Sabab, Aku udah mere ka mpu'ya firman nang Kau mere ka Aku, mpu'ya udah narima ya sarta banar-banar tau kalo Aku barasal dari Kau, mpu'ya pecaya kalo Kau na lah nang ngutus Aku.⁹Aku badoa ntuk mpu'ya, Aku angin badoa ntuk dunia, tapi ntuk mpu'ya nang udah Kau mere ka Aku; saba, mpu'ya na ntuk Kau. ¹⁰Samua nang ada ka Aku na ugak punya Kau. samua nang ada ka Kau na ugak ntuk Aku; Aku udah muliakan ka dalap samua ntu. ¹¹Aku angin agik ka dunia ntu, tapi mpu'ya masih ada ka dunia ntu, Aku atak ka Kau. Bapa nang Kudus, jaga lah mpu'ya ka dalap nama Kau, nama nang udah Kau mere ka Aku, sampe mpu'ya njadi sote sama bage diri.¹²Salama Aku basama mpu'ya, Aku udah njaga mpu'ya dalap nama Kau nang udah Kau mere ka Aku. Aku udah njaga mpu'ya angin ada seko pun dari mpu'ya nang ilang kecuali si anak nang binasa, supaya Kitab Suci li ganapi. ¹³Tapi ntu, Aku nak atak ka Kau; samua ntu Aku madah ka dunia supaya mpu'ya bisa ada sukacita Ku nang panuh ka dalap diri mpu'ya. ¹⁴Aku udah mere firman-Kau ka mpu'ya, dunia banci mpu'ya ka'ena mpu'ya angin barasal dari dunia, sama bage Aku angin barasal dari dunia.¹⁵Aku angin minta Kau ntuk nagkap mpu'ya dari dunia, tapi ntuk ngelindung mpu'ya dari nang jaat. ¹⁶Mpu'ya angin barasal dari dunia, sama bage Aku angin barasal dari dunia. ¹⁷Cucilah mpu'ya dalap kebenaran; firman Kau na dala kebenaran.¹⁸Bage Kau udah ngutus Aku ka dalap dunia, bagena ugak lah Aku ngutus mpu'ya ka dunia. ¹⁹Demi mpu'ya, Aku nyuci diri-Ku supaya mpu'ya ugak li nyuci dalap kebenaran.²⁰Aku angin hanya bedoa ntuk mpu'ya, tapi ugak ntuk orak-orak nang pecaya ka Aku lewat berita mpu'ya, ²¹supaya mpu'ya samua njadi sote, sama bage Kau, ya Bapa, ka dalap Aku wan Aku ka dalap Kau;supaya mpu'ya ugak njadi sote ka dalap diri sampae dunia pecaya kalo Kua lah nang udah ngutus Aku.²²Kemuliaan nang udah Kau mere ka Aku, udah Aku mere ka mpu'ya supaya mpu'ya njadi sote, sama bage Kau wan Aku sama-sama sote. ²³Aku ka dalap mpu'ya lalu Kau ada ka dalap Aku, supaya mpu'ya njadi sote wan utuh. Ngan bagena, dunia pasti tau kalo Kau lah nang ngutus Aku, kalo Kau mengasihi mpu'ya, sama bage Kua mengasihi Aku.²⁴Ya Bapa, Aku mao supaya mpu'ya, nang udah Kau mere ka Aku, ugak ada basama wan Aku ka mane pun Aku diap, supaya mpu'ya nele kemuliaan-Ku, nang udah Kau mere ka Aku, ka'ena Kau mengasihi Aku sabalom dunia ntu.²⁵Ya Bapa nang adil, walo pun dunia angin nganal Kau, tapi Aku nganal Kau; wan mpu'ya tau kalo Kau na lah nang ngutus Aku. ²⁶Aku udah mere tau nama Kau ka mpu'ya wan nak tarus mere tau supaya kasih nang wan Kau mengasihi-Ku ada ka dalap mpu'ya, aku ada ka dalap mpu'ya."

Chapter 18

¹Udah na Yesus madah apeh-apeh nang parlu Ia madah, Ia ampus wan yuk murid-murid-Ya ka sabarang ae Kidron, tampat na ada taman lalu Yesus tama ka dalap na wan yuk murid-murid-Ya. ²Yudas na, salah seko murid nang behianat ka Yesus, Yudas ugak tau tawak taman na dari Yesus soal ya sering ngumpul basama wan murid-murid-Ya ka sana. ³Yudas, satalah narima sajumlah rombong wan hamba-hamba dari imam-imam kapala wan orak-orak Farisi, atak ka taman na ngan maba lentera, obor, wan sanjata.⁴Yesus, nag udah tau apeh nang tejadi ka diri Ya, ampus maju ka dapan batanya ka mpu'ya,"Siapeh nang kau ngago?" ⁵Mpu'ya njawab,"Yesus dari Nazaret."Yesus bakata ka mpu'ya,"Akulah Yesus."lalu Yudas, nang behianat ka Yesus dadek sama-sama ngan mpu'ya.⁶Pas Yesus bakata,"Akulah Yesus,"orak-orak na mondor lalu labuh ka tanah. ⁷Udah na, Yesus batanya agik ka mpu'ya,"Siapeh nang kau ngago?" Mpu'ya njawab,"Yesus dari Nazaret."⁸Yesus njawab, "Udah Aku madah ka kau, Akulah Yesus. Jadi, kau Ngago Aku, murid-murid Aku na ampus." ⁹Hal ntu tejadi supaya ganaplah apeh nang kata Yesus madah: " Dari samua nang Kau mere ka Aku, Aku angin kehilangan sote pun."¹⁰Simon Petrus, nang maba sebilah padang, mengunus wan menyabetkan ya ka pelayan Imam Aya, sampe mogon ka'enga kanan pelayan na; nama pelayan Imam Aya na Malkhus. ¹¹Maka ya, Yesus bakata ka Petrus," Tama padang na ka dalap sarong ya! Cawan nang udah Bapa mere ka Aku, ukat kah Aku sabanar ya arus Aku coco'k?"¹²Udah na, kobo anak buah Romawi wan pendekar-pendekar ya sarta kobo pelayan orak Yahudi nangkap Yesus wan ngaban Yesus, ¹³udah labih dulu maba Yesus ka Hanas, mertua Kayafas, nang Imam Aya wa'tu taun na. ¹⁴Kayafaslah nang nasehat orak-orak Yahudi kalo hal na beguna kalo seko orak mati demi rakyat.¹⁵Simon Petrus wan seko murid ya nang lain nuna Yesus. Murid nang lain na li kanal Imam Aya lalu ia tama basama wan yuk Yesus ka halaman istana Imam Aya na. ¹⁶Tapi, Petrus dadek ka luar, ka samak pintu. Udah na, murid nang lain na, nang nganal Imam Aya na, lalu keluar agik ngomong wan yuk mbini-mbini nang penjaga pintu na, lalu maba Petrus tama.¹⁷Maka, mbini penjaga pintu na batanya ka Petrus,"Ukat kah kau salah seko murid dari Orak na?" Petrus njawab,"UKat!" ¹⁸Udah ngawe api na, kobo pelayan wan pendekar dadek ka sana ka'ena wa'tu na udara ya terasa dingin, mpu'ya pun batinu. Petrus ugak sama-sama yuk mpu'ya dadek wan batinu.¹⁹Udah na, Imam Aya nanya Yesus tentang murid-murid-Ya wan tentang ajaran-Ya. ²⁰Yesus njawab ia,"Aku udah ngomong tarus tarang ka dunia ntu. Aku salalu ngajar ka sinagoge-sinagoge wan Bait Allah, tampat samua orak Yahudi bakumpul. Aku angin parnah ngomong secaradiam-diam. ²¹Ngapeh kau batanya ka Aku? Tanyalah ka mpu'ya nang udah nangar apeh nang Aku madah ka mpu'ya; mpu'ya tau apeh nang udah Aku madah."²²Pas Yesus bakata bagena, seko penjaga nang dadek ka sana nampar mua Ya wan bakata,"Bagenakah cara Kau njawab Imam Besar?" ²³Yesus njawab ia,"Kalo Aku madah suatu nang salah, padah lah apeh salah ya; tapi kalo nang Aku madah ntu banar, ngapeh kau nampar Aku?" ²⁴Lalu, Hanas ngirim Yesus ngan kaeadaan kana kaban ka Imam Besar Kauafas.²⁵Samatara na, Simon Petrus masih dadek wan batinu. Maka, mpu'ya batanya ka ia,"Ukatkah kau ugak salah seko murid Orak na?" Petrus nyangkal ya agik lalu njawab, "Ukat." ²⁶Salah seko pelayan Imam Besar, nang merupakan karabat dari orak nang ka'enga ya li mogon Petrus, bakata,"Ukatkah aku nele kau basama yuk Ia wa'tu ka taman na?" ²⁷Sakali agik, Petrus nyangkal ya, wa'tu na ugak, mandok lalu ngkokok.²⁸Udah na, mpu'ya maba Yesus dari tampat Kayafas ka gedung pengadilan, sampe bisa makat wa'tu Paskah. ²⁹Maka, Pilatus kaluar namu mpu'ya wan batanya,"Apehkah na kau nodoh ka Orak ntu?" ³⁰Mpu'ya njawab wan bakata ka ia, "Kalo Orak ntu ukat jaat, wa'kitu tantu angin maba Ya ka kau."³¹Pilatus bakata ka mpu'ya,"baba lah Ia lalu li hakimi menurut ukum kaku. "Orak-orak Yahudi na njawab,"Angin sesuai ukum ntuk wa'kitu ntuk ngukum mati orak." ³²Ntu tejadi ntuk ngenap apeh nang Yesus madah, nang nunjuk kan ngan mati bage na apeh Ia bisa mati.³³Maka, Pilatus tama agik ka dalap gedung pengadilan lalu nyaru Yesus, lalu batanya ka Yesus,"Apehkah Kau na Raja orak Yahudi?" ³⁴Yesus njawab,"Apehkah nang li nanya ya dari diri kau sorak, ato adakah orak lain nang mere tau kau tentang Aku?" ³⁵Pilatus bakata,"Apehkah aku orak Yahudi?Bangsa wan imam-imam kapala Kau sorak nyerahkan kau ka Aku. Apeh nang udah Kau gawe?"³⁶Yesus bakata,"Kerajaan-Ku ukat dari dunia ntu. Kalo kerajaan-Ku dari dunia ntu, pelayan-pelayan-Ku pasti ngelawan supaya Aku angin lisarah ka orak-orak Yahudi. Tapi, kerajaan-Ku ukatlah dari dunia ntu." ³⁷Pilatus bakata,"Jadi, Kau na Raja?" Yesus njawab,"Kau lah nang madah kalo Aku ntu raja. ntuk ntu lah Aku laher, wan ntuk ntu Aku atak ka dunia, ya na ntuk basaksi tentang kebenaran. satiap orak nang barasal dari kebenaran ia pasti nangar suara-Ku."³⁸Pilatus bakata ka Ia, "Apeh kah kebenaran na?" satalah bakata bage na, Piltus kaluar agik nak batamu orak-orak Yahudi, wan bakata ka mpu'ya,"Aku angin namu salah apeh pun ka Ia. ³⁹Tapi, kau punya sote kebiasaan kalo Aku arus mbebas seko tahanan pas ari Paskah. Jai, apehkah kau mao supaya Aku mbebas' Raja Orak Yahudi ntu?" ⁴⁰Mpu'ya njawab agik wan ngampak,"Usah li mbebas Orak na, kecuali Barabas!" Barabas na perampok.

Chapter 19

¹Pilatus nangkak Yesus lalu merintah supaya Yesus li sah kan. ²Kobo anak buah gajah ngayam mahkota na dari daat-daat nang kobo unak lalu li pasang ka ulu Yesus, lalu mere jubah warna ungu ka Yesus. ³Mpu'ya samak Yesus lalu bakata,"Salam, hai Raja orak Yahudi!" Lalu, mpu'ya nampar mua Ya.⁴Pilatus kaluar agik lalu bakata ka mpu'ya,"Telelah! Aku pasti maba Yesus kaluar ka kau supaya kau tau kalo aku angin namu salah apeh pun ngan diri Yesus." ⁵Lalu, Yesus kaluar sambel makai mahkota nang beunak nawan jubah warna ungu. Pilatus bakata ka mpu'ya, "Telelah Ia!" ⁶Pas imam-imam kapala wan kobo pendekar nele Yesus, mpu'ya ngampak,"Salib Ia na, salib Ia na!"Tapi, Pilatus bakata ka yuk mpu'ya,"Baba Ia ntu lalu li salib Ia na sorak ka'ena aku angin namu apeh salah ka diri Ia na."⁷Orak-orak Yahudi na njawab Pilatus, "Wa'kitu ntu ada hukum, kalo menurut ukum na, Ia arus mati ka'ena Ia ngangap diri Ya na Anak Allah." ⁸Pas Pilatus nangar pekata na, ia lalu makin gali. ⁹lalu tama agik ka dalap gedung pengadilan na, lalu batanya ka Yesus,"Dari mane asal Kau na?" Tapi, Yesus angin njawab ya.¹⁰Pilatus bakata ka Ia,"Kau angin mao ngomong ngan aku? Apehkah Kau angin nao kalo aku ntu punya kuasa ntuk mbebas Kau na wan punya kuasa ntuk nyalib Kau na?" ¹¹Yesus njawab,"Kau angin punya kuasa apeh pun atas diri Aku, kecuali kuasa na li mere ka kau dari atas. Na lah sabab ya, orak nang nyarah Aku ka kau labih aya dosa ya."¹²Udah ia nangar hal na, Pilatus lalu barusaha nak mbebas Yesus, tapi orak-orak Yahudi na ngampak,"Kalo kau mbebas Orak ntu, kau na ukat sahabat Kaisar; satiap orak nang ngangap diri ya na raja berati ia melawan Kaisar." ¹³Pas Pilatus nangar kata bagena, ia maba Yesus kaluar, lalu duduk ka bangku pengadilan, ada sabuah tampat nama ya Litostrotos, tapi dalap bahasa Ibrani na li sabut Gabata.¹⁴Ari na ari tuk siap-siap. PIlatus bakata ka orak-orak Yahudi,"Ntu lah Raja kau!" ¹⁵Maka, mpu'ya lalu ngampak,"Habislah Kau! Habislah Kau! Salib Ia na!" Pilatus bakata ka mpu'ya," Arus kah aku nyalib Raja kau na?" Imam-imam kapala na njawab,"Wa'kitu angin si raja kecuali Kaisar raja orak kitu!" ¹⁶Akhir ya, Pilatus nyarah Yesus ka mpu'ya ntuk li salib.¹⁷Yesus kaluar sambel mikol salib Ya sorak nuju ka tampat nang banama "Tampat Tengkorak", nang dalap ya bahasa Ibrani li sabut"Golgota". ¹⁸Ka sana lah, mpu'ya nyalib Yesus wan dua orak nang lain ya, nang li salib sabalah kanan wan sabalah kiri Yesus, samantara Yesus ka tangah.¹⁹Pilatus ugak nulis tulisan na ntuk li naroh ka atas kayu salib Yesus. Tulisan ya na bage ntu,"YESUS ORAK NAZARET RAJA ORAK YAHUDI."

²¹Maka, imam-imam kapala orak Yahudi bakata ka Pilatus,"Usah nulis,'Raja orak Yahudi,'tapi tulis, Orak na bakata,'Akulah Raja orak Yahudi."' ²²Pilatus njawab,"Apeh nang udah aku tulis, pasti tatap tetulis!"²³Kobo anak buah, pas mpu'ya udah nyalib Yesus, lalu nangkap baju Ya wan magi ya jadi empat, sote na ntik masing-masing anak buah, wan jubag Ya; jubah na angin ada kelim ya, hanya li tenun dari atas sampe ka koroh angin si jaitan. ²⁴Kobo anak buah na bakata ka seko orak nang lain ya, "Usah lah diri ngojen ya, mending diri muak undi ka atas ya ntuk nele sapeh nang bisa namu ya." Hal ntu tejadi supaya ganaplah nang udah tetulis ka dalap Kitab Suci: " Mpu'ya magi-magi baju Ia ka ntara mpu'ya wan ntuk jubah Ku, mpu'ya ntuk muak undi." Bagena lah kobo anak buah ,uat samua gawe na.²⁵Samantara na, indo Yesus, sabanyadi indo Ya nang mbini na, Maria istri Klopas, wan Maria Magdalena, dadek samak wan salib Ya. ²⁶Pa Yesus nele indo Ya wan murid nanh Ia kasihi dadek ka sana, Ia bakata ka indo Ya, "Mbini, telelah, ntu anak kau!" ²⁷Lalu, Yesus bakata ka murid nang Ia sayang na, "Ntulah indo kau!" Sajak na, murid na narima indo Yesus diap ka rumah ya.²⁸Satalah na, Yesus, nang udah tau kalo samua ya udah telaksana, ntuk ngenap Kitab Suci, Ia bakata,"Aku haus!" ²⁹Ka sana ada sabuah bejana panuh anggor macem. Ka'ena na, mpu'ya namcap bunga karang wan ngunjuk ya ka dalap molon Yesus. ³⁰Satalah nyecem anggor macem na, Yesus bakata,"Udah salasai." Udah na, Ia nunduk ulu Ya wan nyarah nyawa Ya.³¹Ka'ena ari na memang ari tuk persiapan, supaya bangke-bangke na angin tatap ka kayu salib pas ari Sabat, sabab ari Sabat na ari aya, orak-orak Yahudi minta ka Pilatus supaya batis orak-orak nang li salib na li patah lalu bangke-bangke na li turut dari salib na. ³²Lalu, kobo anak buah atak wam matah batis orak nang petama wan orang nang lain ya, nang li salib wan yuk Yesus. ³³Tapi, pas mpu'ya sampe ka Yesus lalu nele ka Yesus wan nele kalo Ia udah mati, mpu'ya angin matah batis Ya.³⁴Tapi, salah seko anak nuah na nusuk tombak ka lambong Yesus, pas wa'tu na ugak, darah wan ae ngaler kaluar. ³⁵Orak nang nyaksi hal na nang na lah mere kesaksian, kesaksian ia banar ia pun tau kalo ia madah na sabanar ya, supaya kau ugak pecaya.³⁶Sabab, samua ntu tejadi supaya ganaplah apeh nang udah tetulis ka Kitab Suci: "Angin seko pun dari tulak Ya nang nak li patah." ³⁷Trus ada agik, ka dalap Kitab Suci nang bagian lain ya bakata,"Mpu'ya pasti mandang Yesus nang udah mpu'ya tikam."³⁸Udah samua na, Yusuf dari Arimatea, nang ugak njadi murid Yesus tapi secara diap-diap ka'ena gali ka orak-orak Yahudi, minta ka Pilatus supaya ia boleh nangkap bangke Yesus; lalu Pilatus mao lah nyuruh ia nangka bangke Yesus na. Jadi, Yusuf dari Arimatea atak lalu nangkap bangke Yesus. ³⁹Nikodemus, orak nang dulu batamu Yesus pas malam ari na, ugak atak wan maba minyak mur wan garu, nang barat ya sakitar lima puluh kati.⁴⁰Maka ya, mpu'ya nangkap bangke Yesus lalu mungkus ya ngan kaik linen nang li mere rampah-rampah, sesuai adat orak Yahudi. ⁴¹Ka samak tampat Yesus li salib na, ada sabuah taman ka dalap taman na ada sabuah tawak kubur baru nang angin seko pun bangke ka sana li taroh. ⁴²Ka'ena ari nna memang ari tuk pesiapan orak Yahudi, lalu tawak kubur na angin jauh, mpu'ya naroh bangke Yesus ka sana.

Chapter 20

¹Wa'tu ari minggu petama na, Maria Magdalena ampus ka kubur Yesus ala-alap ari banar, wa'tu ari gik masih patak meyagam, lalu ia nele batu nang ntuk nutup kubur na udah tegeser dari kubur na. ²Maka ya, ia kelama ia pun ampus batamu ka Simon Petrus wan murid nang lain ya nang li kasihi Yesus, wan bakata ka mpu'ya, "Mpu'ya udah nangkam Tuhan dari kubur, lalu wa'kitu angin nao ka mane mpu'ya na naroh Ia."³Maka ya, Petrus wan murid nang lain ya ampus ka kubur na. ⁴Kedua ya kelama sama-sama, tapi murid nang lain na kelama labih capan dari Petrus sampe dulu atak ka kubur na. ⁵Ia mangap nele ka dalap, nele kaik linen ntuk mbungkus bangke Yesus ada ka sana, tapi ia angin tama ka dalap.⁶Udah na, Simon Petrus atak, nyusul ia, lalu tama ka kubur na ia nele kaik linen ntuk mbungkus ada ka sana. ⁷Lalu, kaik ntuk nutup mua nang ntuk muntal ulu Yesus na angin agik ka sana wan kaik linen na nang tebungkus tadi, tapi udah tegolok ka tampat nang lain.⁸Udah na, murid nang lain tadi, nang labih dulu sampe ka kubur, ugak tama, Ia nele lalu pecaya. ⁹Sabab, sabolom wa'tu na tejadi, mpu'ya angin ngerati Kitab Suci, kalo Yesus arus bangkit agik dari kematian. ¹⁰Jadi, kedua murid na pulak ka rumah.¹¹Tapi, Maria dadek ka luar kubur wan nangis. Sambel nangis, ia diap ka dalap kubur na, ¹²lalu ia nele dua malekat nang benaju putih agik duduk ka tampat bangke Yesus nang li naroh sabalom ya. Nang seko duduk ka ulu lalu nang seko duduk ka samak batis Ya. ¹³Kedua malekat na batanya ka Maria, "Mbini na, ngapeh kau nangis?" Maria njawab malekat na, " Mpu'ya udah nangkam bangke Tuhan ku aku angin nao ka mane mpu'ya naroh Ya."¹⁴Udah madah bagena, Maria ngolek ka tombok lalu nele Yesus dadek ka sana, tapi angin nao kalo na Yesus. ¹⁵Yesus batanya ka ia, "Mbini na, ngapeh kau nangis? Sapehkah nang kau ngago?" Ka'ena ngira Ia na tukang njaga taman, Maria bakata ka Ia,'Tuan, kalo Tuan udah mindah kan Ya, bere tau lah ka aku ka mane Tuan udah naroh-Ya, aku pasti nagkam-Ya."¹⁶Yesus bakata ka ia, "Maria."Maria pun lalu ngolek wan bakata ka-Ia dalap bahasa Ibrani,"Rabuni", nang arti ya"Guru". ¹⁷Yesus njawab ka ia, "Usahlah kau nak megak Aku ka'ena Aku gik angin ampus ka Bapa. Tapi, ampuslah ka sabanyadi-sabanyadi-Ku lalu padah ka mpu'ya,'Aku nak ampus ka Bapa-Ku wan Bapa-Kau, ka Allah-Ku wan Allah kau ugak."' ¹⁸Maria Magdalena ampus mere tau ka murid-murid,"Aku udah nele Tuhan," wan maba Yesus lah nang udah madah hal-hal na ka ia.¹⁹Pas wa'tu ari na udah malam, ya na ari petama dalap minggu na, lalu pintu-pintu tampat kobo murid ntuk ngumpul na tetutup ka'ena mpu'ya gali ka orak-orak Yahudi, Yesus atak lalu dadek ka tangah-tangah mpu'ya sarta bakata,"Damai sejahtera bagi kau!" ²⁰Udah madah na, Yesus nonjok langan wan lambong Ya ka yuk mpu'ya. Kobo murid sangat sukacita pas mpu'ya nele Tuhan.²¹Udah na, Yesus bakata ka mpu'ya agik, "Damai sejahtera ntuk kau. Sama bage Bapa udah ngutus Aku, bagena ugak ntu Aku ngutus kau." ²²Satalah Ia madah bagena, Yesus ngabos ka mpu'ya wan bakata,"Tarimalah Roh Kudus! ²³Kalo kau mao ngampun dosa orak, maka doa orak na liampuni. Kalo ada orak nang dosa-dosa ya angin kau ampuni, maka dosa mpu'ya angin liampuni."²⁴Tomas, salah seorak dari ke-12 murid, nang lisabun Didimus, angin ada sama-sama yuk mpu'ya pas Yesus atak. ²⁵Maka ya, murid-murid nang lain mere tau ia,"Wa'kitu udah nele Tuhan." Tapi, Tomas bakata ka mpu'ya,"Kecuali aku nele bakas paku ka langan-Ya wan nama kokon ku ka dalap bakas paku na, sarta nama langanku kadalap lambong-Ya, aku angin nak pecaya."²⁶Delapan ari udah na, murid-murid atak agik ngumpul ka rumah na, wan Tomas ada yuk mpu'ya ugak. Walo pun pintu-pintu na tetutup, Yesus atak wan dadek ka tangah-tangah mpu'ya, sarta bakata,"Damai sejahtera ntuk kau!" ²⁷Udah na, Ia bakata ka Tomas, wan nele langan-Ku; lalu ngolor langan kau ka kia wan naroh ka lambong-Ku. Usah angin pecaya, tapi pecaya lah!"²⁸Tomas njawab Yesus,"Ya, Tuhanku wan Allahku!" ²⁹Yesus bakata ka ia, "Apehkah kau ntu pecaya ka'ena kau udah nele Aku? Liberkatilah mpu'ya nang angin nele, tapi pecaya."³⁰Masih banyak tande ajaib nang lain nang udah li gawe Yesus ka dapan murid-murid-Ya, nang angin tetulis ka dalap kitab ntu. ³¹Tapi, samua nang li nulis ntu supaya kau pecaya kalo Yesus na Kristus, Anak Allah, wan supaya lewat kau pecaya na, kau punya idup ka dalap Ia.

Chapter 21

¹Udah na, Yesus mpuah diri Ia agik ka murid-murid-Ya ka samak danau Tiberias. Ia mpuah diri-Ya ngan cara bage ntu: ²Simon Petrus, Tomas nang lisabun Didimus, Natanael dari kana ka Galilea, anak-anak Zebedeus, wan 2 murid nang lain gik ngumpul. ³Simon Petrus bakata ka mpu'ya,"Aku nak ampus nangkak ikat." Mpu'ya nak ampus ugan wan kau." Mpu'ya samua ampus kaluar wan naek ka perau, tapi malam na, mpu'ya angin nagkap apeh-apeh.⁴pas wa'tu nak diri ari, Yesus dadek ka pantai, tapi murid-murid angin nao kalo Ia na Yesus. ⁵Ia bakata ka mpu'ya, "Anak-anak, apehkah kau ada ikat?" mpu'ya njawab, "Angin." ⁶Ia bekata ka mpu'ya, "Buak lah jala kau na ka sabalah kanan perau, kau pasti ada namu ya. "Maka ya, mpu'ya muak jala na, tapi angin bisa narik jala na ka dalap perau ka'ena banyak ikat.⁷Oleh sabab na, murid nang Yesus kasihi bakata ka Petrus, "Na Tuhan!" Pas Simon Petrus nangar kalo na Tuhan, ia make baju ya na soal ya ia ngelapas naju ya wa'tu begawe, lalu terajut ka dalap dano na. ⁸Murid-murid nang lain atak ngan perau wan narik jala nang panuh ngan ikat. Sabab, mpu'ya angin jauh dari daran, jarak ya kira-kira 200 hasta. ⁹Pas mpu'ya sampe ka daran na, mpu'ya nele bara api ngan ikat nang udah ada ka atas ya wan ada roti ugak.¹⁰Yesus bakata, "Babalah ngago berape eko ikat nang baru kau ngulis na." ¹¹Simon Petrus naek ka perau wan narik jala ya nang panuh ikat aya-aya na ka daran, jumlah ya 153 eko. walaupun ikat na banyak, jala ya angin rusak.¹²Yesus bakata ka mpu'ya, "Ayok diri makat." tapi angin seko pun nang berani nak batanya ka Yesus, "Sapehkah Kau na?" soalnya mpu'ya tau kalo Ia na Tuhan. ¹³Yesus atak lalu nangkam roti na sarta mere ka mpu'ya. Bagena ugak limuat ya ngan ikat na. ¹⁴Ntulah ketiga kali ya Yesus mpuah diri Ya ka murid-Ya udah Ia bangkit dari ntara orak mati.¹⁵Udah na mpu'ya udah salesai makat, Yesus bakata ka Simon Petrus, "apehkah kau mengasihi Aku labih dari samua ntu?" Petrus njawab,"Banar Tuhan, Kau tau kalo aku mengasihi Kau." Udah na, Yesus bakata ka ia, "Gembalakanlah domba-domba-Ku!" ¹⁶Yesus bakata agik ntuk ke dua kali ya ka Simon,"Simon, anak Yohanes, apehkah kau mengasihi aku?" Petrus njawab, "Banar Tuhan, Kau tau kalo aku mengasihi Kau." Yesus bakata ka ia, "Gembalakanlah domba-domba-Ku!"¹⁷Yesus bakata ka ia ntuk ka tiga kaliya, "Simon, anak Yohanes, apehkaha kau mengasihi Aku?" Hati Petrus lalu sedih nangar petanya Yesus nang ke tiga kaliya na, "Apehkah kau mengasihi Aku?" Lalu, Petrus bakata ka Ia, "Tuhan, Kau nao segala ya. Kau tau kalo mengasihi Kau!" Yesus bakata ka ia, "Gembalakanlah domba-domba-Ku! ¹⁸Aku madah nang sabanarya ka kau, wa'tu kau masih muda, kau sorak nang ngaban pingak kau wan bajalat ka mane kau mao; tapi ntu kau udah tua, kau na nyolor langan kau wan orak lain nang ngaban pingak kau, wan maba kau ka tampat nang angin kau mao."¹⁹Yesus madah hal na biar nyuruh nele ngan kematian bage apehkah Petrus nak muliakan Allah. lalu satalah madah hal na, Ia bakata ka Petrus, "Nunalah Aku!"²⁰Petrus ngolek wan nele murid nang banar likasihi Yesus na gik nuna mpu'ya. Ia na murid nang duduk samak dada Yesus pas wa'tu perjamuan malam wan batanya, "Tuhan, siapehkah orak nang nak behianat Kau na?" ²¹Pas nele ia, Petrus batanya ka Yesus, "Tuhan, bagemane ngan ia?"²²Yesus njawab, "Umpamaya Aku mao ia tatap idup sampe Aku atak agik, apeh urusan kau? kau, nunalah Aku!" ²³Maka ya, pekata Yesus na tesebar ka ntara yuk sabanyadi-sabanyadi na kalo murid na angin nakl mati, padahal Yesus angin madah ka ia kalo ia angin mati, kecuali hanya bakata, "Umpamaya Aku mao ia tatap idup sampe Aku atak agik, apeh urusan kau?"²⁴Ialah murid nang basaksi soal samuaya ntu, wan udah nulis samuaya ntu, diri tau kalo kesaksianya na banar. ²⁵Masih ada banyak hal lain agik ang udah Yesus gawe, nang kalo linulis sote-sote, aku rasa saluruh dunia ntu pun angin nak cukum ntuk samua kitab nang arus linulis na.

Dayak Balangin: Bible for John

Formatted for Translators

John